\id 1JN  
\h 1 Yuhanna 
\toc1 Ɓataaki Yuhanna arano 
\toc2 1 Yuhanna 
\toc3 1Yn. 
\mt1 Ɓataaki Yuhanna arano 
\c 1  
\s1 Haala Konngol dokkoowol yimɓe nguurndam 
\p  
\v 1 Miɗen mbinndana on haala neɗɗo gooduɗo gila puɗɗooɗe.\f + \fr 1:1 \fk Gooduɗo gila puɗɗooɗe oo \ft yo Iisaa. (Ƴeew Linjiila ngeɗu Yuhanna 1.1-18 duu.)\f* Min nanii haala makko, min njiirii mo gite amen, min taykike mo, min memirii mo juuɗe amen. Kanko woni Konngol dokkoowol yimɓe nguurndam.  
\v 2 Nguurndam ɗam ɓannginaama min njii ɗam, ɗum saabii so miɗen kaalana on haala majjam. Ɗam nguurndam nduumiiɗam ngonɗam ɗo \w Baabiraaɗo\w* ɗam min ɓannginanaa, ɗam min kaalanta on haala mum jooni.  
\v 3 Ndennoo, ko min njii e ko min nani min kaalanta on onon duu, yalla oɗon ndeentira e amen hono no min ndeentiri e Baabiraaɗo e \w Ɓiyum\w* Iisaa \w Almasiihu\w* nii.  
\v 4 Ɗum min mbinndanta on, yalla seyo men ana hiɓɓa. 
\s1 No Laamɗo holliri yo fooyre 
\p  
\v 5 Kabaaru mo min narri \w Almasiihu\w*, mo min kaalanta on haala mum oo, annii: Laamɗo yo fooyre, nimre fuu walaa e mum.  
\v 6 So en mbii eɗen ndeentii e makko, kaa tawee e nimre ngon-ɗen, en penii, goonga walaa e golle men.  
\v 7 Kaa so e fooyre nguur-ɗen no o worri e fooyre kanko e hoore makko nii, nden en ndeentii enen e ko'e men, kasen duu ƴiiƴam \w Ɓiyiiko\w* Iisaa laɓɓinan en e tuundi fuu. 
\p  
\v 8 So en mbii en luuttaali, en njaayrii ko'e men, en ngalaa e goonga.  
\v 9 Kaa so en njaadiranii Laamɗo luutti men, o yaafoto en, o laɓɓina en e tuundi fuu. Sabi kanko, o koolniiɗo, o pooccitiiɗo.  
\v 10 So en mbii en luuttaali, en njogorike Laamɗo yo penoowo, konngol makko naataali e men. 
\c 2  
\s1 No Almasiihu laatorii ballo men 
\p  
\v 1 Sukaaɓe am, mi winndanii on ɗum, pati on luuttu. Kaa so won luuttuɗo, eɗen njogii balloowo ɗo \w Baabiraaɗo\w*, oo woni Iisaa \w Almasiihu\w* pooccitiiɗo oo.  
\v 2 Kanko hokkitiri yonki makko yalla luutti men ana njaafee, wanaa luutti men enen tan, luutti aduna oo fuu. 
\s1 Haala yiɗondirde 
\p  
\v 3 Ko anndinta en eɗen anndi Laamɗo dee, haybude jamirooje mum.  
\v 4 Biiɗo «miɗo anndi mo», tawa haybataa jamirooje makko, joomum yo penoowo, walaa e goonga.  
\v 5 Kaa kaybuɗo konngol Laamɗo ngol, jilli Laamɗo ana kiɓɓi e mum jaati. Nii anndirten eɗen ɲiiɓi e makko.  
\v 6 Biiɗo ana ɲiiɓi e makko, ana haani wuurda no \w Almasiihu\w* wuurdunoo nii. 
\p  
\v 7 Sakiraaɓe am horsuɓe, ko mbinndan-mi on koo wanaa yamiroore heyre, yo yamiroore ɓooynde nde keɓ-ɗon gila arannde. Nden yamiroore ɓooynde woni konngol ngol nan-ɗon ngol.\f + \fr 2:7 \fk Yamiroore ndee \ft yo yiɗondirde.\f* 
\v 8 Ɗum e taweede, yamiroore ɓooynde nde mbinndan-mi on ndee, nde heyre duu, goonga mayre ana ɓannga e Almasiihu, ana ɓannga e mon, onon duu. Sabi nimre ana timma, fooyre jaati ndee tawi fuɗɗii yaaynude.  
\v 9 Biiɗo e fooyre woni, tawi ana waɲi sakiike mum, oo kaa e nimre woni faa hannde.  
\v 10 Jiɗɗo sakiike mum e fooyre woni, walaa ko fergitata ɗum.  
\v 11 Baɲuɗo sakiike mum e nimre woni ana wummbiloo, anndaa to yahata sabi nimre wumnii ɗum. 
\s1 Haala waasude yiɗude aduna 
\q1  
\v 12 Sukaaɓe, miɗo winndana on 
\q2 sabi luutti mon njaaforaama saabe \w Almasiihu\w*. 
\q1  
\v 13 Baabiraaɓe, miɗo winndana on 
\q2 sabi oɗon anndi gooduɗo gila e puɗɗooɗe oo. 
\q1 Jokolɓe, miɗo winndana on 
\q2 sabi on njaalike \w Ibiliisa\w* Bonɗo oo. 
\q1  
\v 14 Sukaaɓe, ko mbinndiran-mi on dee, 
\q2 saabe oɗon anndi \w Baabiraaɗo\w*. 
\q1 Baabiraaɓe, ko mbinndiran-mi on dee, 
\q2 saabe oɗon anndi gooduɗo gila e puɗɗooɗe oo. 
\q1 Jokolɓe, ko mbinndiran-mi on dee, 
\q2 saabe oɗon njogii semmbe, 
\q2 konngol Laamɗo ngol ɲiiɓii e mon, 
\q2 kasen duu on njaalike Bonɗo oo. 
\p  
\v 15 Pati njiɗee aduna, kaɲum e ko woni e mum fuu. Sabi jiɗɗo aduna waawaa yiɗude Baabiraaɗo.  
\v 16 Sabi huunde fuu ko woni e aduna banngal giɗaaɗe yonki e ko darii e yitere e haawtaade banngal jawdi, jeyaaka e Baabiraaɗo, ɗum fuu e aduna jeyaa.  
\v 17 Aduna e muuyooji mum fuu timman, kaa gaɗoowo sago Laamɗo duumoto faa abada. 
\s1 Jeertaango dow konnee'en Almasiihu 
\p  
\v 18 Sukaaɓe am, timmooɗe aduna oo ɓadike. On nanii konnee-Almasiihu waran. Haya, jooni konnee'en-Almasiihu heewɓe annii. Ɗum anndir-ɗen timmooɗe ɗee.  
\v 19 E men jaati ɓe iwata, kaa ɓe njeyanooka e men. Sabi kamɓe, sinndo e men ɓe njeyanoo, ɓe keddodotono e men. Kaa ɗum hollata kamɓe ɓe fuu ɓe njeyanooka e men.  
\v 20 Kaa onon, \w Almasiihu\w* hokkii on \w Ruuhu Ceniiɗo\w*, on fuu oɗon anndi goonga.  
\v 21 Mi winndiranaali on saabe on anndaa goonga. Ko mbinndiran-mi on dee, saabe oɗon anndi goonga. Kasen duu oɗon anndi fenaande fuu walaa e goonga.  
\v 22 Ndennoo, homo woni penoowo? Jedduɗo Iisaa yo Almasiihu, kaɲum woni penoowo.\f + \fr 2:22 \ft So neɗɗo yeddii Iisaa yo Almasiihu, yeddii o kaananke, yeddii o kisinoowo duu.\f* Jedduɗo \w Baabiraaɗo\w* e \w Bajjo\w* oo fuu yo konnee-Almasiihu.  
\v 23 Sabi jedduɗo Bajjo oo walanaa Baabiraaɗo oo, ceedaniiɗo Bajjo oo fuu ana woodani Baabiraaɗo oo duu.  
\v 24 Onon, tiiɗee e ko nan-ɗon gila arannde koo. Haala ka nan-ɗon gila arannde kaa, so ɲiiɓii e mon, onon duu on ɲiiɓan e Bajjo oo, on ɲiiɓan e Baabiraaɗo oo.  
\v 25 Kasen duu, ko Almasiihu fodani en dee, nguurndam nduumiiɗam. 
\p  
\v 26 Mi winndanii on ɗum banngal yimɓe majjinooɓe on.  
\v 27 Kaa onon, Ruuhu Ceniiɗo mo o hokki on oo, ana ɲiiɓi e mon, fotaa ko njanngine-ɗon. Sabi Ruuhu makko oo jannginta on huunde fuu, kanko Ruuhu oo goonga o jannginta on, wanaa fenaande. Ndennoo, ɲiiɓee e Almasiihu no Ruuhu mum oo jannginiri on nii. 
\s1 No laatori-ɗen ɓiɓɓe Laamɗo 
\p  
\v 28 Jooni sukaaɓe am, ɲiiɓee e \w Almasiihu\w*, yalla eɗen ndardoo yeeso makko rafi kulol, pati kersen ɲannde gartol makko.  
\v 29 So on anndii Laamɗo yo pooccitiiɗo, taƴoree mo golleeji mum pooccitii fuu yo ɓiyiiko. 
\c 3  
\nb  
\v 1 Ƴeewee no \w Baabiraaɗo\w* foti yiɗirde en, faa noddire-ɗen ɓiɓɓe Laamɗo. En ɓiɓɓe mum jaati. Ko haɗi aduna oo anndude en dee, o anndaa Baabiraaɗo.  
\v 2 Sakiraaɓe am horsuɓe, jooni en ɓiɓɓe Laamɗo. Ko laatoto-ɗen koo, ɓannginaaka tafon. Kaa eɗen anndi nde \w Almasiihu\w* ɓanngii, en nanndan e mum, sabi en njiyan mo kanko e hoore makko no o worri nii jaati.  
\v 3 Joonndoriiɗo ɗum e makko fuu, laɓɓiniran hoore mum no Almasiihu laaɓiri nii. 
\p  
\v 4 Golluɗo ko boni fuu, luuttii Sariya Laamɗo. Sabi gollude ko boni yo luuttude Sariya.  
\v 5 Oɗon anndi Almasiihu ɓanngirii faa roondanoo en luutti men. Kaɲum, luutti ngalaa e mum.  
\v 6 Ɲiiɓuɗo e makko fuu, heddataako e luutti. Luuttoowo fuu, yiyaali mo, anndaa mo. 
\p  
\v 7 Sukaaɓe am, pati fay gooto majjina on! Golloowo ko fooccitii yo pooccitiiɗo, hono no Almasiihu worri yo pooccitiiɗo nii.  
\v 8 Kaa luuttoowo yo neɗɗo \w Ibiliisa\w*, sabi Ibiliisa ana luutta gila e puɗɗooɗe. Saabe majjum \w Ɓii Laamɗo\w* oo wardi faa halka golleeji Ibiliisa.  
\v 9 Laatiiɗo ɓii Laamɗo fuu heddataako luuttude, sabi \w Ruuhu\w* Laamɗo ana ɲiiɓi e mum. Joomum waawaa heddaade luuttude, sabi yo ɓii Laamɗo.  
\v 10 Ko seenndata ɓiɓɓe Laamɗo e ɓiɓɓe Ibiliisa dee, mo gollataa ko fooccitii fuu, wanaa neɗɗo Laamɗo. Mo yiɗaa sakiraaɓe mum duu, hono non worri. 
\s1 Haala jilli 
\p  
\v 11 Oo woni kabaaru mo nan-ɗon gila arannde oo: njiɗondiren.  
\v 12 En kaanaa wa'ude no Kaabiila jokkuɗo \w Ibiliisa\w* Bonɗo oo so wari miɲum nii. Koɗum waɗi so o wari ɗum? O wardii ɗum kammari golle makko yo bonɗo, mo miɲiiko oo kaa yo lobbo.  
\v 13 Ndennoo sakiraaɓe, pati kaayne-ɗon so aduna oo waɲii on.  
\v 14 Ko njiɗ-ɗen sakiraaɓe men koo, ɓannginani en en njaalike maayde, en naatii e nguurndam. Mo yiɗaa sakiike mum fuu, heddike yo maayɗo.  
\v 15 Neɗɗo fuu baɲuɗo sakiike mum, ɲaaɗii hoore. Oɗon anndi ɲaaɗuɗo hoore, nguurndam nduumiiɗam walanaa ɗum. 
\p  
\v 16 No anndirten ko woni jilli dee, \w Almasiihu\w* hokkitirii yonki mum kammari men. Ndennoo enen duu, eɗen kaani hokkitirde yonkiiji men kammari sakiraaɓe men.  
\v 17 So jogiiɗo nguure hitaande yii sakiike mum yo kasindinɗo, yurmaaki ɗum, hono jilli Laamɗo mbaawiri ɲiiɓirde e mum?  
\v 18 Sukaaɓe am, pati jilli men laato haala ɓola tan, njiɗiren golle e goonga.  
\v 19-20 Nii anndirten e goonga ngon-ɗen. Kasen duu so ɓerɗe men pelii en, en mbaaltinan ɗe yeeso Laamɗo, sabi Laamɗo ɓuri ɗe manngu, kanko woni annduɗo huunde fuu. 
\p  
\v 21 Ndennoo sakiraaɓe am horsuɓe, so nii ɓerɗe men pelaali en, en tawdataake e kulol yeeso Laamɗo,  
\v 22 o hokkan en ko ɲaagi-ɗen mo fuu, sabi en kaybii jamirooje makko, eɗen ngaɗa ko weli mo.  
\v 23 Yamiroore makko yo goonɗinde Iisaa Almasiihu \w Ɓiyiiko\w* oo, kaɲum e yiɗondirde hono no o yamiri en nii.  
\v 24 Kayboowo jamirooje Laamɗo fuu, ana ɲiiɓi e Laamɗo, Laamɗo duu ana ɲiiɓi e mum. \w Ruuhu\w* mo o hokki en oo, kaɲum anndinta en omo ɲiiɓi e men. 
\c 4  
\s1 Haala Ruuhu goonga e ruuhu majjere 
\p  
\v 1 Sakiraaɓe am horsuɓe, baajotooɗo fuu biiɗo \w Ruuhu\w* Laamɗo ana e mum, pati ngoonɗinee ɗum faa koron yalla Ruuhu Laamɗo jaati woni e mum naa wanaa. Sabi annabaaɓe peneeɓe heewɓe caakike e aduna oo.  
\v 2 Annii no anndirton Ruuhu Laamɗo ana e neɗɗo: jaɓuɗo Iisaa \w Almasiihu\w* warii laatike neɗɗo fuu, oon, Ruuhu Laamɗo ana e mum.  
\v 3 Kaa mo jaɓanaali Iisaa fuu, Ruuhu Laamɗo walaa e mum. E konnee-Almasiihu iwi. On nanii haala garol konnee-Almasiihu oo. Oon, ana ley aduna oo gila jooni.  
\v 4 Sukaaɓe am, onon, on yimɓe Laamɗo, on njaalike annabaaɓe peneeɓe ɓee. Sabi Ruuhu gonɗo e mon oo ɓuri semmbe diina gonɗo e aduna oo.  
\v 5 Ɓeen annabaaɓe peneeɓe, ɓe adunankooɓe. Saabe majjum, haala mbonka ɓe kaalata, aduna oo ana hettinanoo ɓe.  
\v 6 Enen, en yimɓe Laamɗo, annduɗo Laamɗo fuu hettinanto en. Mo wanaa neɗɗo Laamɗo hettinantaako en. Nii ceenndirten Ruuhu goonga e ruuhu majjere. 
\s1 Haala jilli Laamɗo 
\p  
\v 7 Sakiraaɓe am horsuɓe, njiɗondiren, sabi jilli e Laamɗo iwi. Mo jilli ngoni e mum fuu yo ɓii Laamɗo, ana anndi Laamɗo.  
\v 8 Mo jilli ngalaa e mum oo anndaa Laamɗo, sabi Laamɗo e hoore mum jaati anndini en ko woni jilli.  
\v 9 Ko Laamɗo ɓannginirani en jilli mum dee, ko o neli \w Ɓiyiiko\w*\w Bajjo\w* ley aduna oo koo, yalla eɗen keɓira nguurndam saabe mum. 
\p  
\v 10 Ko njiɗu-ɗen Laamɗo koo anndintaa en jilli. Ko anndinta en jilli dee, Laamɗo yiɗi en. E ley jilli makko ɗii o nelii Ɓiyiiko faa hokkitira yonki mum yalla luutti men ana njaafee.  
\v 11 Sakiraaɓe am horsuɓe, ko Laamɗo yiɗiri en nii koo, enen duu, eɗen kaani yiɗondirde.  
\v 12 Fay gooto yiyaali Laamɗo abada. So en njiɗondirii, Laamɗo ɲiiɓan e men, kasen duu jilli mum kiɓɓii e men. 
\p  
\v 13 Hono anndirten eɗen ɲiiɓi e makko, kanko duu omo ɲiiɓi e men? Ko o hokki en \w Ruuhu\w* makko oo koo.  
\v 14 Minen e ko'e amen, min njii Bajjo oo, miɗen kaalana on \w Baabiraaɗo\w* oo neli mo faa o hisina aduna oo.  
\v 15 Jaɓuɗo Iisaa yo \w Ɓii Laamɗo\w* fuu, Laamɗo ɲiiɓan e mum, kaɲum duu ɲiiɓan e Laamɗo.  
\v 16 Enen, en anndii jilli ɗi Laamɗo yiɗi en ɗii, en koolike ɗi. Laamɗo e hoore mum jaati anndini en ko woni jilli. Ɲiiɓuɗo e jilli fuu, e Laamɗo ɲiiɓi. Laamɗo duu ɲiiɓan e mum.  
\v 17 No \w Almasiihu\w* wa'i nii, hono non enen duu kaan-ɗen wa'ude e oo ɗoo aduna. Nii woni no jilli ɗii kiɓɓiri e men, pati kulen ɲannde darngal.  
\v 18 Kulol walaa ley jilli, jilli kiɓɓuɗi ittan kulol. Sabi kulol yo jukkungo doomi, kasen duu gonduɗo e kulol fuu, jilli Laamɗo kiɓɓaali e mum.  
\v 19 Enen, ko o adii yiɗude en koo, waɗi so njiɗondir-ɗen.  
\v 20 Biiɗo «miɗo yiɗi Laamɗo», so tawi ana waɲi sakiike mum, yo penoowo. Sabi mo yiɗaali sakiike mum mo yiyata, waawaa yiɗude Laamɗo mo yiyaali.  
\v 21 Jiɗɗo Laamɗo fuu, yo yiɗu sakiike mum duu. Ndee ɗoo yamiroore, Almasiihu waddani en ɗum. 
\c 5  
\s1 Haala goonɗinde Ɓii Laamɗo 
\p  
\v 1 Goonɗinɗo Iisaa woni \w Almasiihu\w* fuu laatike ɓii Laamɗo. Jiɗɗo saaraa fuu, yiɗan ɓiyiiko duu.  
\v 2 No anndirten eɗen njiɗi ɓiɓɓe Laamɗo dee, ko njiɗ-ɗen Laamɗo so njokku-ɗen jamirooje mum koo.  
\v 3 Sabi haybude jamirooje makko woni yiɗude mo. Jamirooje makko nganaa donngal,  
\v 4 sabi ko iwi e Laamɗo fuu, jaaloto giɗaaɗe yonki. Goonɗinal men njaalorto-ɗen ɗe. 
\p  
\v 5 Homo jaalotoo giɗaaɗe yonki? Walaa fuu jaalotooɗo giɗaaɗe yonki so wanaa goonɗinɗo Iisaa woni \w Ɓii Laamɗo\w*.  
\v 6 Oon woni Iisaa Almasiihu garduɗo e ndiyam e ƴiiƴam.\f + \fr 5:6 \fk Ndiyam ɗam \ft woni ndiyam lootogal batisima. Ƴiiƴam ɗam ana hollita maayde Iisaa.\f* Wanaa e ndiyam tan o wardi, o wardii e ndiyam e ƴiiƴam fuu. \w Ruuhu\w* oo duu hollata ɗum, sabi Ruuhu oo woni goonga.  
\v 7 Sabi kulle tati ana kolla Iisaa woni Almasiihu,  
\v 8 ɗum woni Ruuhu e ndiyam e ƴiiƴam, seedaaku majje oo duu yo gooto.  
\v 9 Eɗen njaɓa seedaaku yimɓe, kaa seedaaku Laamɗo oo ɓuri semmbe. Sabi kanko woni mo Laamɗo haali haala \w Ɓiyum\w*.  
\v 10 Goonɗinɗo Ɓii Laamɗo, heɓii oon seedaaku e ley ɓernde mum. Mo goonɗinaali Laamɗo, kaɲum jogorike Laamɗo yo penoowo, sabi jaɓaali seedaaku mo Laamɗo haali haala Ɓiyum oo.  
\v 11 Ɗum woni seedaaku oo: Laamɗo hokkii en nguurndam nduumiiɗam, ɗam nguurndam ana e Ɓiyiiko oo.  
\v 12 Goodanɗo Ɓii Laamɗo oo fuu, heɓii nguurndam ɗam. Mo walanaa ɗum, heɓaali ɗam. 
\s1 Baynondiral 
\p  
\v 13 Onon goonɗinɓe \w Ɓii Laamɗo\w* oo ɓee, mi winndanii on ɗum, yalla oɗon taƴora on keɓii nguurndam nduumiiɗam.  
\v 14 Eɗen njogii ndee hoolaare ɗo makko: so en \w nduworike\w* huunde hakke muuyɗe makko, o jaabanto en.  
\v 15 Eɗen anndi en keɓii ko nduwi-ɗen koo, nde wonnoo eɗen anndi omo jaabanoo en \w duwaawu\w* men. 
\p  
\v 16 Ndennoo, so won jiiɗo sakiike mum ana luutta luuttal ngal waddantaa neɗɗo maayde, o ɲaaganoo ɗum Laamɗo, Laamɗo duu hokkan ɗum nguurndam. Kaa won luuttal gaddoowal maayde. Mi wiyaali ɲaagoro-ɗon saabe ngal luuttal.  
\v 17 Ooɲaare fuu yo luuttal, kaa wanaa luuttal fuu waddata maayde. 
\p  
\v 18 Eɗen anndi ɓii Laamɗo fuu heddataako e luutti, sabi Ɓii Laamɗo oo ana hayba neɗɗo oo, \w Ibiliisa\w* Bonɗo oo memataa mo. 
\p  
\v 19 Eɗen anndi en yimɓe Laamɗo, aduna oo fuu annii e maral Bonɗo oo. 
\p  
\v 20 Eɗen anndi Ɓii Laamɗo warii, hokkii en hakkille mo anndiren deweteeɗo goongaraajo oo. Jooni eɗen njeyaa e goongaraajo oo, sabi eɗen ɲiiɓi e Ɓiyiiko Iisaa \w Almasiihu\w*. Kanko woni Laamɗo goongaraajo oo, kanko woni nguurndam nduumiiɗam.  
\v 21 Sukaaɓe am, ndeenee ko'e mon e deweteeɗo goɗɗo.