\id REV - Dawro
\ide UTF-8
\h Saxaa
\toc3 Sax
\toc2 Saxaa
\toc1 Saxaa
\mt2 Yohaannisaw
\mt1 Yeedda Saxaa
\imt Geluwaa
\ip Yohaannisaw yeedda saxay xaafetteeddawe, ammaniyaa asatuu Yesuusi Kiristtoosa barenttu Godaa udiide, geeshshatethan de7eedda diraw, unttuntta metuunne waayyii gakkeedda wodiyaana. Xaafiyaa huuphe qofay, nabbabiyaawanttu hidootay kumentha gidanaadan, unttuntta menthethanaassanne barentta gakkeedda yedesaanne metuwaa giddon barenttu ammanuwan minnanaadan, unttuntta minissanaassa.
\ip Maxaafaa giddon dariya baggay daranne kaalli kaalliide qoncceedda saxatuwaa oyqqeeddawaa. Saxatuu he laythan de7iyaa ammaniyaa asaassi geliyaawantta. Shin haratuwaassi xuura gidiide qonccenna haasayan shiiqeeddino. Mazimuriyaa azimaachchi zaarethettiyaawaadan, ha maxaafaa giddon de7iya huuphe yewatuwaa dumma dumma saxatuu bagganna dumma dumma malaaninne dumma dumma misiliyaa paydatuwan zaari zaariide shiiqeeddino. Ha maxaafaa xeelliyaawaan dumma dumma qofay de7ooppenne aw giddo qofay qonccee. Hewenne, “Xoossay Godaa gideedda Kiristtoosa bagganna laa7ethenna hanotaan, bare morkketuwaa, Seexaanaannakka ittippe, itti gede wurssethaa xoonuwaa xoonana. Poleeddawaappe guyyiyan barew ammanettiide de7eedda, bare baggatuwaa ooratha saluwaanne ooratha sa7aa anjjuwaa laatissana” yaagiyaawaa.
\iot Shemppatuwaa Ubbatuwaassi Imetteedda Qantha Qofatuwaa
\io1 Geluwaa (1:1-8)
\io1 Saxaa doyaanne Laappu Woosa Golletoo kiitetteedda kiitaa (1:9-3:22)
\io1 Maxaafaanne Laappu Maatafatuwaa (4:1-8:1)
\io1 Laappu Malkkatatuwaa (8:2-11:19)
\io1 Dawiyaanne Laa77u Mehetuwaa (12:1-13:18)
\io1 Dumma dumma saxatuwaa (14:1-15:8)
\io1 Xoossaa hanqquwaa laappu xuu7atuwaa (16:1-21)
\io1 Baabiloone Bashshaa, Du7aa, Worddo nabiyaanne Seexaanay xoonettiyaawaa (17:1-20:10)
\io1 Wurssethaa pirddaa (20:11-15)
\io1 Ooratha saluwaa, ooratha sa7aanne ooratha Yeerusalaamo (21:1-22:5)
\io1 Wurssethaa qutiyaa (22:6-21)
\c 1
\p
\v 1 Elleelli hananaw bessiyaawaa bare oosanchchatuwaa bessana mala, Xoossay Yesuusi Kiristtoosaw immeedda saxay hawaa; Yesuusi bare kiitanchchaa kiittiide, ha saxaa bare oosanchchaa Yohaannisa erisseedda. 
\v 2 Yohaannisi be77iide tumatethaan odeedda ubbaby, Xoossaa qaalaanne Yesuusi Kiristtoosa markkatethaa. 
\v 3 Ha maxaafaa nabbabiyaa uray \f + \fr 1:3 \fr*\fq nabbabiyaa uray: \fq*\ft Hawaa guussay ubba asay ittippe Xoossaa goshetiyaa woden hewanttussi qaalaa nabbabiyaa uray anjjetteeddawaa guussaa.\ft*\f* anjjetteeddawaa; qassi ha timbbitiyaa maxaafaa sisiiyaawanttunne ha maxaafan xaafetteeddawaa naagiyaawanttu anjjetteeddawantta; ayissi gooppe, ha yewuu polettanaw wodii matatteedda.
\s Iisiyan De7iya Laappu Woosa Golletuwassi Kiitetteedda Sarotaa
\p
\v 4 Taani Yohaannisi, Iisiyaa gadiyan \f + \fr 1:4 \fr*\fq Iisiya gadiyaa, \fq*\ft 1:4-3:22 de7iyaawe dabidaabbiyaa gidiide xaafetteedda. Iisiyaa gadii awayifii doliyaa bagganna de7iyaa Roome kawutethaa gidiide ha77i ha wodiyaan Turiike gadiyaa giide xeesettiyaawaa.\ft*\f* de7iyaa laappu woosa golletoo yaagay;
\q1 kase de7iyaa Xoossaappe,
\q2 ha77ikka de7iyaa Xoossaappe,
\q1 sinthappekka yaana Xoossaappe,
\q2 qassi A kawutethaa oydiyaa sinthan
\q1 de7iya laappu ayyaanatuwaappe,
\q2 aadho keekatethaynne sarotethay
\q2 hinttenttussi gido. \x - \xo 1:4 \xo*\xt Kes 3:14; Sax 4:5\xt*\x*
\q1
\v 5 Qassi ammanetteedda markkaa,
\q1 hayquwaappe koyro denddeedda
\q2 Na7aappe,
\q1 sa7aa kaatatuwaa mooddiyaa
\q2 Yesuusi Kiristtoosappe
\q1 aadho keekatethaynne sarotethay
\q2 hinttenttussi gido.
\q1 I nuuna siiqeenne
\q2 qassi nu nagaraa aylletethaappekka
\q1 bare suuthan
\q2 nuuna kesseedda. \x - \xo 1:5 \xo*\xt Isa 55:4; Maz 89:27\xt*\x*
\q1
\v 6 Nuuni bare Xoossawunne Aawoo
\q1 oothana mala,
\q2 I nuuna kaatatuwaanne
\q1 qeesatuwaa ootheedda;
\q2 aw medhinaappe medhinaa gakkanaw
\q1 bonchchuunne
\q2 mooddiyaa wolqqay gido. Amen77i. \x - \xo 1:6 \xo*\xt Kes 19:6; Sax 5:10\xt*\x*
\q1
\v 7 Be7ite,
\q1 Yesuusi shaaryaani yee.
\q2 Asay ubbay, haray atto,
\q1 A caddeeddawanttukka
\q2 A be7ana;
\q1 sa7an de7iya asay ubbay
\q2 A gaasuwan yeekkanawantta.
\q1 Hawe tumuppe hananawaa. Amen77i. \x - \xo 1:7 \xo*\xt Dan 7:13; Mat 24:30; Mar 13:26; Luq 21:27; 1Te 4:17; Zak 12:10; Yoh 19:34,37\xt*\x*
\p
\v 8 Kase de7iyaawe, ha77ikka de7iyaawe, sinthappekka yaana Goday, Ubbaappe Wolqqaama Xoossay, “Ubbabbaw Alfaynne Omeegay, koyruunne wursethay Taana” \f + \fr 1:8 \fr*\fq Alfaynne Omeegay: \fq*\ft Hawaa guussay Ooratha Caaquu koyro Griike Qaalaan xaafetteedda diraw, koyruunne wurssethay gaanaw koyyiide, Alfaa giyaa Griike koyro pidoliyaa akkiide wurssethaw qay Omeegaa giyaa wurssethaan de7iyaa pidoliyaa akkeeddino. Hawantta guussay leemisuwan Dawuroothuwaa pidolatuwaa akkintto [A, Z] yaagiyaawaa mala guussa.\ft*\f* yaagee. \x - \xo 1:8 \xo*\xt Sax 22:13; Kes 3:14\xt*\x*
\s Kiristtoosi Saxaan Qoncceeddawaa
\p
\v 9 Taani Yohaannisi, hinttenttu ishay, hinttenaana Yesuusi Kiristtoosa waayyiyaanne A kawutethaa qassi A danddayaa ittippe shaakettiyaawe, Xoossaa qaalaa odeedda dirawunne Yesuusawaa markkatteedda diraw, Piiximo giyaa haathay dooddo biittaan de7aaddi. 
\v 10 Godaa gallassan taani Ayyaanan de7ay; taani taappe guyyenna malakataa waasuwaa mala wolqqaama kooshshaa sisaaddi. 
\v 11 He kooshshay taana, “Neeni be7iyaawaa maxaafan xaafa; Iisiyan de7iya laappu woosa golletoo, Efesoona, Samirineesa, Pherggaamoona, Tiyaaxiroona, Sarddeesa, Pilaadelifiyaa, Lodooqiyaa woosa golletoo yeedda” yaageedda.
\p
\v 12 Taani taw odiyaa kooshshaa be7anaw guyye simmaaddi; xomppiyaa wothiyaa laappu worqqaa ballatuwaa be7aaddi. 
\v 13 He ballatuwaa giddon Asaa Na7aa malatiyaawaa be7aaddi; adussa afilaa bare gediya gathi mayyiide, worqqaa danccuwaa bare tiraan yuushshi aatheedda. \x - \xo 1:13 \xo*\xt Dan 7:13; 10:5\xt*\x* 
\v 14 A huuphiinne A huuphiya binnanay bootha dorssaa isikiyaanne hewaappekka aadhdhiide shachchaa malatee; A ayfiikka tamaa lacuwaa malatee. \x - \xo 1:14-15 \xo*\xt Dan 7:9; 10:6\xt*\x* 
\v 15 A gediikka coociyaa tamaan teeriide phooliyaa nahaasiyaa giyaa birataa malatee; A kooshshaykka wolqqaama shaafaa gunthaa mala. \x - \xo 1:15 \xo*\xt Hiz 1:24; 43:2\xt*\x* 
\v 16 I bare ushechcha kushiyan laappu xoolinttatuwaa oyqqeedda. A doonaappe laa77u bagganna qaaretteedda mashshay keseedda. A deemuukka loythi poo7iyaa awayfiyaa malatee.
\p
\v 17 Taani A be7eedda wode hayqqeeddawaadan hanaade, A gediyaa matan kunddaaddi. Bare ushechcha kushiyaa ta bolla wothiide, taana hawaadan yaageedda; “Yayyoppa; koyruukka wurssethaykka taana. \x - \xo 1:17 \xo*\xt Isa 44:6; 48:12; Sax 2:8; 22:13\xt*\x* 
\v 18 Taani de7uwan de7iyaawaa. Taani hayqqaaddi; shin be7a, medhi medhinawukka de7uwan de7ay. Hayquwaa qulppiinne Si7ooliyaa qulppii ta kushiyan de7ee. 
\v 19 Simmi neeni be7eeddabaanne ha77i de7iyaawaa, qassi sinthappe hananabaa xaafa. 
\v 20 Neeni ta ushechcha kushiyan be7eedda laappu xoolinttatuwaa bilethaynne qassi xomppatuwaa wothiyaa laappu worqqaa ballatuwaa bilethay hawaa; laappu xoolinttatuu laappu Woosa Golletuwaa kiitanchchatuwaa; \f + \fr 1:20 \fr*\fq kiitanchchatuwaa: \fq*\ft Hawantta guussay ammaniyaawantta kaalethiyaa cimatuwaa woy ammaniyaawanttoo kiitetteeddawantta.\ft*\f* woosa golliyaa laappu worqqaa ballatuu laappu woosa golliyaa.
\c 2
\s (1) Yesuusi Efesoonen De7iya Woosa Gollew Goowaa
\p
\v 1 “Efesoonen de7iya woosa golle kiitanchchaw hawaadan yaagaade xaafa:
\b
\pi ‘Bare ushechcha kushiyan laappu xoolinttiyaa oyqqeeddawe, xomppatuwaa wothiyaa laappu worqqaa ballatuwaa gidduwaanna hamettiyaawe hawaadan yaagee. 
\v 2 Taani ne kiitaa, ne daaburaanne ne genccuwaa eray. Qassi neeni iita asatuwaa genccanaw danddayabeennawaakka taani eray; Yesuusi kiitteeddawantta gidennaan de7iidde barentta, ‘Nuuni Yesuusi kiitteeddawantta’ giyaawantta neeni xomoosaade, unttunttu worddo gidiyaawaa demmeeddawaakka eray. 
\v 3 Neeni genccaadda; qassi ta sunthaa dirawukka metuwaa danddayaadda; daaburabeykka. 
\v 4 Shin taani neena kadhiyaabay de7ee; ayissi gooppe, neeni kase ne siiquwaa aggaadda. 
\v 5 Simmi neeni haqappe kunddaaddinttonne akeeka. Ne nagaraappe simma; neeni kase oothiyaa oosuwaa ootha. Hewe dhayooppe, taani neekko yaana; yaade neeni ne nagaraappe simmana dhayooppe, neeni xomppiyaa wothiyaa ne ballaa A sa7aappe akkadiggana. 
\v 6 Shin ittibaa loythaadda; Niiqoolaawatuwaa oosuwaa, taani ixxiyaawaa neenikka ixxaadda.
\pi
\v 7 ‘Sisanaw haythay de7iyaa uray Geeshsha Ayyaanay woosa golletoo giyawaa siso; taani xooniyaa uraw Xoossaa gennetiyan mokkiyaa de7uwa mithaa ayfiya maanaw immana’ yaagee”
\m yaagaade xaafa. \x - \xo 2:7 \xo*\xt Dom 2:9; Sax 22:2; Hiz 28:13; 31:8\xt*\x*
\s (2) Yesuusi Samirineesan De7iya Woosa Gollew Goowaa
\p
\v 8 “Samirineesan de7iyaa woosa golle kiitanchchaw hawaadan yaagaade xaafa:
\b
\pi ‘Hayqqeeddawe, hayquwaappekka denddeeddawe, koyruunne wurssethay hawaadan yaagee. \x - \xo 2:8 \xo*\xt Isa 44:6; 48:12; Sax 1:17; 22:13\xt*\x*
\pi
\v 9 ‘Taani ne waayyiyaanne ne hiyyeesatethaa eray; shin neeni dure. Ayihuda gidennaan de7iidde barentta, ‘Nuuni Ayihuda’ giyaawanttu boriyaawaa taani eray; shin unttunttu Seexaanaa maabaran de7iino. 
\v 10 Neeni waayyettana waayyew yayyoppa. Be7a, xalahiyaa kaappuu hintteppe amareeddawantta xomoosanaw qasho gollen yeggana; tammu gallassa gakkanaw hinttenttu waayyettana. Hayqqana gakkanaassikka ammanetteeddawaa gida; taani new de7uwa akililiyaa \f + \fr 2:10 \fr*\fq de7uwaa akililiyaa: \fq*\ft Bonchchetteedda de7uwaa.\ft*\f* immana.
\pi
\v 11 ‘Haythay de7iyaa uray Geeshsha Ayyaanay woosa golletoo giyawaa siso; xooniyaa uray laa7ethuwa hayquwan \f + \fr 2:11 \fr*\fq laa7ethuwaa hayquwaa: \fq*\ft Koyro hayquu ashuu shemppuwaappe shaakettiyaawaa gidoode, laa7etho hayquu shemppuu medhinaw metootiidde de7iyaa hayquwaa.\ft*\f* qohettenna’ yaagee”
\m yaagaade xaafa.
\s (3) Yesuusi Pherggaamoonan De7iya Woosa Gollew Goowaa
\p
\v 12 “Pherggaamoonan de7iya woosa golle kiitanchchaw hawaadan yaagaade xaafa:
\b
\pi ‘Laa77u bagganna leefetteedda mashshay de7iyaawe hawaadan yaagee.
\pi
\v 13 ‘Taani neeni de7iyaa sa7aa eray. Neeni Seexaanaa kawutethaa oydii de7iyaa sa7an \f + \fr 2:13 \fr*\fq Seexaanaa kawutethaa oydii: \fq*\ft Hawaa bilethay loythiide qoncce gidenna, shin hawe bessiyaawe Xoossaa erennaan ixxeeddawanttu goyinniyaa goynaa sa7aa gaana danddayettee.\ft*\f* de7aasa; ta sunthaa minissa naagaasa. Haray atto, Seexaanay de7iyaa sa7an hinttenttu matan asay wodheedda taani ammaniyaa markkay Anttiphaasi de7iyaa wodekka taana ammaniyaawaa aggabeykka. 
\v 14 Shin taani neena boriyaa guuthabay de7ee; Israa7eliyaa asay eeqaw yarshsheedda qumaa maanaadaaninne woshummanaadan unttuntta nagaraa oosisseedda Baalaaqa tamaarisseedda Balaama timirttiyaa tamaariyaa amareedda asatuu neenanna de7iino. \x - \xo 2:14 \xo*\xt Pay 25:5,7; 31:16; Zar 23:4; Pay 25:1-3\xt*\x* 
\v 15 Hewaadankka, qassi Niiqoolaawatuwaa timirttiyaa tamaariyaa asatuu neenanna de7iino. 
\v 16 Hewaa diraw, neeni ne nagaraappe simma; hewe dhayooppe, taani neekko ellekka yaana; yaade he asatuwaanna ta doonaappe kesiyaa mashshaan olettana.
\pi
\v 17 ‘Haythay de7iyaa uray Geeshsha Ayyaanay woosa golletoo giyawaa siso. Xooniyaa uraw taani geeman de7iya mannaappe amareeddawaa immana. Qassi taani bootha shuchchaakka aw immana; akkiya uraappe attin, ooninne erenna ooratha sunthay he shuchchaa bolla xaafetti utteedda’ yaagee”
\m yaagaade xaafa. \x - \xo 2:17 \xo*\xt Kes 16:14-15; 16:33-34; Yoh 6:48-50; Isa 62:2; 65:15\xt*\x*
\s (4) Yesuusi Tiyaaxiroonen De7iya Woosa Gollew Goowaa
\p
\v 18 “Tiyaaxiroonen de7iya woosa golliya kiitanchchaw hawaadan yaagaade xaafa:
\b
\pi ‘Xoossaa Na7ay, tamaa lacuwaa malatiyaa ayfi de7iyaawe, qassi coociyaa tamaan teeriide phooliyaa nahaasiyaa geetettiyaa birataa malatiyaa gedi de7iyaawe, hawaadan yaagee.
\pi
\v 19 ‘Taani ne oosuwaa, ne siiquwaa, ne ammanuwaa, ne maaduwaanne ne genccuwaa eray; neeni koyro oothiyaawappe ha77i darissaade oothiyaawaa taani eray. 
\v 20 Shin taani neena kadhiyaabay de7ee; barena, ‘Taani nabatto’ yaagiyaa mishiratto Elzzaabeelo sheneko gaadda; he mishiratta ta oosanchchatuu woshummanaadaaninne eeqaw yarshsheedda qumaa maanaadan, tamaarissawunne balethaw. \x - \xo 2:20 \xo*\xt 1Ka 16:31; 2Ka 9:22,30\xt*\x* 
\v 21 Iza bare nagaraappe simmana mala, taani iziw wodiyaa immaaddi; shin woshummanaw kajjeeliyaawaappe iza simmanaw koyyabeykku. 
\v 22 Be7ite, taani izo gisuwan kundissina; sakuwan iza waayyettana. Izinna woshummiyaawanttu he izinna oothiyaa nagaraappe simmana dhayooppe, unttunttakka wolqqaama waayyiyan yeggana. 
\v 23 Taani izi naanaakka wodhana; qassi woosa golliyaa ubbaykka taani asaa qofaanne amuwaa eriyaawaa gidiyaawaa erana; taani hinttenttussi hinttenttu kiitaa malaa immana. \x - \xo 2:23 \xo*\xt Maz 7:9; Erm 17:10; Maz 62:12\xt*\x*
\pi
\v 24 ‘Tiyaaxiroonen de7iya haratoo, ha iita timirttiyaa tamaaribeennawantoo, haratuu, “Seexaanaa ciimmo yewuwaa” giyaawaa hinttenttu tamaaribeeyikkita; taani hinttentta hara deexuwaa toossikke gay. 
\v 25 Shin taani yaana gakkanaw hinttenttussi de7iyaawaa loythi naagite.
\pi
\v 26-27 ‘Xooneeddawoonne wurssethay gakkanaw ta kiitaa naageeddawoo, asaa zariyaa ubbaa mooddana mala, taani ta Aawuwaappe akkeedda maataa malaa aw immana;
\q1 “I asaa zariyaa ubbaa birataa xam77aan mooddananne urqqaappe
\q2 medhetta miishshaa menthiyaawaadan menthana.” \x - \xo 2:26-27 \xo*\xt Maz 2:8-9\xt*\x*
\mi
\v 28 Qassi taani aw bakkaaliyaa xoolinttiyaa immana. 
\v 29 Sisanaw haythay de7iyaa uray Geeshsha Ayyaanay woosa golletoo giyawaa siso’ yaagee”
\m yaagaade xaafa.
\c 3
\s (5) Yesuusi Sarddeesan De7iyaa Woosa Gollew Goowaa
\p
\v 1 “Sarddeesan de7iya woosa golliya kiitanchchaw hawaadan yaagaade xaafa:
\b
\pi ‘Xoossaa ayyaana laappunatuunne laappu xoolinttatuu de7iyaawe hawaadan yaagee.
\pi ‘Taani ne kiitaa eray; asay neena shemppuwaanna de7aasa ginttokka, neeni hayqqaadda. 
\v 2 Beegotta! Atteeddawaanne hayqqanaw mateeddawaa menthetha. Ayissi gooppe, ne kiitay ta Xoossaa sinthan polo gidennawaa taani demmadi. 
\v 3 Simmi neeni akkeeddawaanne siseeddawaa akeeka; naaga; ne nagaraappekka simma. Neeni beegottennawaa gidooppe, taani neekko kayisuwaadan yaana; taani woysaade yaanentto neeni erakka. 
\v 4 Shin barenttu mayuwaa qitissibeenna amareedda asatuu Sarddeesan neenanna de7iino. Unttunttu bootha mayuwaa mayyiide taananna hamettana; ayissi gooppe, unttunttu bootha mayuwaa mayyanaw bessiyaawantta. 
\v 5 Xooniyaawe hewaaddankka bootha mayuwaa mayyana. Taani A sunthaa de7uwa maxaafaappe \f + \fr 3:5 \fr*\fq de7uwaa maxaafaa: \fq*\ft Xoossaa asatuwaa sunthay xaafettiyaa maxaafaa.\ft*\f* quccikke; taani ta Aabbu sinthaaninne A kiitanchchatuwaa sinthan I tawaa gidiyaawaa markkattana. \x - \xo 3:5 \xo*\xt Kes 32:32-33; Maz 69:28; Sax 20:12; Mat 10:32; Luq 12:8\xt*\x*
\pi
\v 6 ‘Sisanaw haythay de7iyaa uray Geeshsha Ayyaanay woosa golletoo giyawaa siso’ yaagee”
\m yaagaade xaafa.
\s (6) Yesuusi Pilaadelifiyan De7iya Woosa Gollew Goowaa
\p
\v 7 “Pilaadelifiyan de7iya woosa golliya kiitanchchaw hawaadan yaagaade xaafa:
\b
\pi ‘Daawite qulppiyaa \f + \fr 3:7 \fr*\fq Daawite qulppiyaa: \fq*\ft Hawaa guussay Daawite kawutethaa ayissuwaa maataa odiyaawaa.\ft*\f* oyqqeeddawe, ooninne gorddanaw danddayennaadan dooyyiyaawee, qassi ooninne dooyyanaw danddayennaadan gorddiyaawe geeshshaynne, tumanchchay hawaadan yaagee. \x - \xo 3:7 \xo*\xt Isa 22:22; Yob 12:14\xt*\x*
\pi
\v 8 ‘Taani ne kiitaa eray. Be7a, taani ne sinthan ooninne gorddanaw danddayenna penggiyaa wothaaddi; ayissi gooppe, ne wolqqay guutha gidooppenne, ta qaalaa naagaaddanne ta sunthaakka erikke gabeykka. 
\v 9 Be7a, Ayihuda gidikkino shin barena, ‘Nuuni Ayihuda’ giide worddotiyaa Seexaana Ayihuda woosa golliyaa taani ahaadde, ne sinthan goynissananne neena siiqiyaawaakka unttuntta erissana. \x - \xo 3:9 \xo*\xt Isa 49:23; 60:14; 43:4\xt*\x* 
\v 10 Neeni genccuwan ta azazuwaa naageedda diraw, sa7an de7iya asaa paaccanaw kumentha sa7aa bolla yiyaa waayyiyaa wodiyaappe taanikka neena naagana. 
\v 11 Taani ellekka yaana; ooninne ne akililiyaa akkenna mala, new de7iyaawaa minissa oyqqa. 
\v 12 Taani xooniyaa uraa ta Aawuwaa Geeshsha Golliyan tuussaa oothana; I hewaappe ubbaakka kessenna. Taani ta Xoossaa sunthaa, ta Xoossaa katamaa sunthaanne ta Xoossaa mataappe wodhdhana ooratha Yeerusalaame sunthaa A bolla xaafana. Qassi taani ta ooratha sunthaakka A bolla xaafana.
\pi
\v 13 ‘Sisanaw haythay de7iyaa uray Geeshsha Ayyaanay woosa golletoo giyawaa siso’ yaagee”
\m yaagaade xaafa.
\s (7) Yesuusi Lodooqiyaan De7iya Woosa Gollew Goowaa
\p
\v 14 “Lodooqiyaan de7iya woosa golliya kiitanchchaw hawaadan yaagaade xaafa:
\b
\pi ‘Ammanetteedda tumanchcha markkay, Xoossay medhdheeddawaa koyruu, “Amen77i” giyaawe’ hawaadan yaagee.
\pi
\v 15 ‘Taani ne kiitaa eray. Neeni irxxa gidakka; woy seelliyaawaa gidakka; irxxa woy seelliyaawaa gidaarikkii. 
\v 16 Neeni irxxa woy seelliyaawaa gidennaan, dombboloola gidiyaa diraw, taani neena ta doonaappe cuchchana hanay. 
\v 17 Ayissi gooppe neeni, “Taani dure; miishshaanna de7ay; taana aynne koshshenna” yaagaasa. Shin neeni metootiyaa asa, qarethiyaa asa, hiyyeesaa, qooqanne kallotteedda asa gidiyaawaa erakka. 
\v 18 Hewaa diraw, neeni durettana mala, tamaan geeyyeedda worqqaa, neena yeellayiyaa ne kalluwaa kammanaw bootha mayuwanne qassi loytha xeellanaw ne ayfiyaa okkiyaa dhaliyaa taappe shammanaadan, taani neena zoray. 
\v 19 Taani siiqiyaa ubbaa seeraynne muray; simmi loytha seeletta; ne nagaraappekka simma. \x - \xo 3:19 \xo*\xt Lem 3:12; Ibr 12:6\xt*\x*
\pi
\v 20 ‘Be7a, taani karen eqqaade xeesay. Ooninne taani xeesiyaawaa sisiide, kariyaa dooyyooppe, taani aakko gelaade aananna ittippe kawuwaa maana; ikka taananna ittippe maana. 
\v 21 Qassi taani xoonaade ta Aawuwaanna A kawutethaa oydiyan utteeddawaadan, xooniyaa uraw taananna ta kawutethaa oydiyan uttiyaa maataa immana.
\pi
\v 22 ‘Sisiyaa haythay de7iyaa uray Geeshsha Ayyaanay woosa golletoo giyawaa siso yaagee’ yaagaade xaafa”
\m yaageedda.
\c 4
\s Xoossay Yohaannisa Bare Kawutethaa Oydiyaa Sintha Aheedda
\p
\v 1 Hewaappe guyyiyan, taani saluwan dooya penggiyaa be7aaddi; qassi taw malakataadan odishshin, taani siseedda koyro kooshshay taana; “Hawaappe guyyiyan, hananaw bessiyaawaa taani neena bessana; haa kesa” yaageedda. 
\v 2 Ellekka taani Geeshsha Ayyaanaa mooduwaa giddo gelaa aggaaddi. Be7ite, saluwan kawutethaa oydii de7ee; he oydiyan ittu utteedda. \x - \xo 4:2-3 \xo*\xt Hiz 1:26-28; 10:1\xt*\x* 
\v 3 He utteeddawaa malay al77o Iyaasiphphiidiyaa shuchchaadaaninne al77o Serddinoone shuchchaadaani phoolee. Kawutaa oydii zuluwaan yuuyyi aadhdhiide ubba bagganna al77o marggidiyaa shuchchaadan phoolee. 
\v 4 He kawutethaa oydiyaa yuuyyi aadhdhiide, hara laatamanne oyddu kawutethaa oydatuu de7iino; unttunttun bootha mayuwaa mayyiide, huuphiyaan worqqaa akililiyaa wotheedda laatamanne oyddu cimatuu utteeddino. 
\v 5 Kawutethaa oydiyaappe walqqanthay, kooshunchchaynne guugunthaa gunthay keseedda; qassi kawutethaa oydiyaa sinthan laappu xomppatuu poo7iino. Hewanttu Xoossaa laappu ayyaanatuwa. \x - \xo 4:5 \xo*\xt Kes 19:16; Sax 8:5; 11:19; 16:18; Hiz 1:13; Sax 1:4; Zak 4:2\xt*\x* 
\v 6 Kawutethaa oydiyaa sinthan birilliya malatiyaa burccukkuwaa abbay de7ee. \x - \xo 4:6-7 \xo*\xt Hiz 1:5-10,22; 10:14\xt*\x*
\p He kawutethaa oydiyaappe sinthannanne guyyenna A matan yuuyyi aadhdhiide, ayfi kumeedda oyddu de7uwan de7iyaa medhetatuu de7iino. 
\v 7 Koyro de7uwan de7iya medhetay gaammuwaa malatee; laa7enthuu miizzaa maraa malatee; heezzenthuwaa som77i asaa deemuwaa malatee; qassi oyddenthuu paalliyaa argganthaa malatee. 
\v 8 Oyddu de7uwan de7iya medhetatoo huuphiyaan huuphiyaan usuppun qefii de7ee; unttunttoo bollan garssankka ubbasan ayfi kumeedda. Unttunttu qammanne gallassi,
\q1 “Geeshshaw, geeshshaw, geeshshaw,
\q2 kase de7iyaawoo, ha77ikka de7iyaawoo,
\q1 qassi sinthappe yaanawoo,
\q2 Godaw, Ubbaappe Wolqqaama Xoossaw”
\m giyaawaa aggikkino. \x - \xo 4:8 \xo*\xt Hiz 1:18; 10:12; Isa 6:2-3\xt*\x* 
\v 9 He medhetatuu kawutethaa oydiyan utteedda medhi medhinaw de7uwan de7iyaawaa mazimuriyan sabbeedda wode, bonchcheedda wodenne galateedda wode, 
\v 10 laatamanne oyddu cimatuu kawutethaa oydiyan utteedda medhi medhinaw de7iyaawaa sinthan guufanniide, aw goyinniino; barenttu akililiyaa kawutethaa oydiyaa sinthan wothiide hawaadan yaagiino.
\q1
\v 11 “Nu Godaw Xoossaw,
\q1 neeni bonchchuwaa,
\q2 sabaanne wolqqaa
\q1 akkanaw bessaasa.
\q2 Ayissi gooppe,
\q1 ubbabaa neeni medhdhaadda;
\q2 qassi ubbabaykka
\q1 neeni koyyeeddawaadan
\q2 haneeddanne de7eedda”
\m yaagiino.
\c 5
\s Maxaafaanne Dorssaa
\p
\v 1 Itti xaaxetto maxaafay \f + \fr 5:1 \fr*\fq xaaxetto maxaafaa: \fq*\ft Hawaa guussay waraqatan woy galbbaan xaafetteedda xaaxettiyaa maxaafaa gidiide, daro kare bagganna itti woy laa77u bolla bagga galbbaan maatafay attamettee.\ft*\f* kawutethaa oydiyan utteeddawaa ushechcha kushiyan de7iyaawaa be7aaddi; he xaaxetto maxaafay laa77u baggannakka xaafetti utteedda; qassi laappu maatafay A bolla attametteedda. \x - \xo 5:1 \xo*\xt Hiz 2:9-10; Isa 29:11\xt*\x* 
\v 2 Taani itti wolqqaama kiitanchchay bare qaalaa dhoqqu udiide, “Maatafaa dooyyiide, xaaxetto maxaafaa billanaw bessiyaa uray oonee?” yaagiide, awaajjiyaawaa be7aaddi. 
\v 3 Saluwan gidina woy sa7an gidina, woy sa7aappe garssan \f + \fr 5:3 \fr*\fq sa7aappe garssan: \fq*\ft Hayqqeeddawantta guussaa.\ft*\f* gidina, he xaaxetto maxaafaa billanaw woy A gidduwaa xeellanaw ooninne bessiyaawe baawa.
\p
\v 4 Xaatha maxaafaa billanaw woy A gidduwaa xeellanaw bessiyaa uray baynna diraw, taani daro yeekkaaddi. 
\v 5 Cimatuwaappe ittu taana, “Yeekkoppa; be7a, Yihudaa zariyaa gideedda Gaammuu, Daawite zarii xooneedda. I maatafaa dooyyanawunne xaaxetto maxaafaa billanaw bessee” yaageedda. \x - \xo 5:5 \xo*\xt Dom 49:9; Isa 11:1,10\xt*\x*
\p
\v 6 Taani kawutethaa oydiyaappe, de7uwan de7iya oyddu medhetatuwaappenne qassi cimatuwappe gidduwan, shuketteedda Dorssaa malatiide eqqeeddaawaa be7aaddi; aw laappu kacetuunne laappu ayfetuu de7iino. Hewanttu alamiyaa ubbaa kiitetteedda Xoossaa laappu ayyaanatuwa. \x - \xo 5:6 \xo*\xt Isa 53:7; Zak 4:10\xt*\x* 
\v 7 He Dorssay biide, kawutethaa oydiyaa bolla utteeddaawaa ushechcha kushiyaappe xaaxetto maxaafaa akeedda. 
\v 8 I he xaaxetto maxaafaa akeedda wode, de7uwan de7iyaa oyddu medhetatuunne laatamanne oyddu cimatuu A sinthan kunddeeddino. Unttunttu huuphiyaan huuphiyaan diithaanne ixaanay kumeedda worqqaa miishshaa oyqqeeddino. He ixaanay geeshshatuu Xoossaa woossiyaawaa. \x - \xo 5:8 \xo*\xt Maz 141:2\xt*\x* 
\v 9 Unttunttu,
\q1 “Xaatha maxaafaa
\q2 akkanawunne
\q1 maatafaa dooyyaade
\q2 xeellanaw new bessee.
\q1 Ayissi gooppe,
\q2 neeni shukettaadda.
\q1 Neeni qommuwaa ubbaappe,
\q2 dumma dumma
\q1 gadiyaa qaalaa ubbaappe,
\q2 yaraa ubbaappenne
\q1 zariyaa ubbaappe
\q2 ne suuthan
\q1 Xoossaw asaa wozaadda. \x - \xo 5:9 \xo*\xt Maz 33:3; 98:1; Isa 42:10\xt*\x*
\q1
\v 10 Nu Xoossaw oothana mala,
\q1 unttuntta neeni
\q2 kaatatuwaanne
\q1 qeesatuwaa oothaadda.
\q2 Qassi unttunttu sa7an mooddana”
\q1 yaagiide ooratha mazimuriyaa
\m yexxiino. \x - \xo 5:10 \xo*\xt Kes 19:6; Sax 1:6\xt*\x*
\p
\v 11 Hewaappe guyyiyan, taani xeellaade, kawutethaa oydiyaa, de7uwan de7iya oyddu medhetatuwaanne cimatuwaa yuuyyi aadhdhiide eqqeedda daro kiitanchchatuwaa kooshshaa sisaaddi; unttunttu sha77aaninne miilooniyan paydetteeddino. \x - \xo 5:11 \xo*\xt Dan 7:10\xt*\x* 
\v 12 He kiitanchchatuu barenttu qaalaa dhoqqu udiide,
\q1 “Shuketteedda Dorssay
\q2 wolqqaa, duretethaa,
\q1 aadhdheedda eraa,
\q2 minotethaa,
\q1 bonchchuwaa, sabaa,
\q2 galataa akkanaw bessee!”
\m yaageeddino.
\p
\v 13 Hewaappe guyyiyan, sa7an, saluwan, sa7aappe garssaaninne abbaa gidduwan de7iya medhetaa ubbaynne qassi hewaanttun de7iya medhetaa ubbay,
\q1 “Kawutethaa oydiyaa bolla
\q2 utteeddawoonne Dorssaw
\q1 galatay, bonchchuu,
\q2 sabaynne wolqqay
\q1 medhi medhinaw gido!”
\m yaagiide yexxishshin sisaaddi.
\p
\v 14 De7uwan de7iya oyddu medhetatuu, “Amen77i” yaagina, cimatuu guufanniide goyinneeddino.
\c 6
\s He Xaaxetta Maxaafaa Maatafaa Dooyaa
\p
\v 1 Dorssay laappu maatafatuwaappe ittuwa dooyyishshin be7aaddi; qassi shemppuwaanna de7iya oyddu medhetatuwaappe ittuu guugunthaa gunthaa malatiyaa kooshshaan, “Haa ya!” yaagiyaawaa, taani sisaaddi. 
\v 2 Taani itti bootha paraa be7aaddi. He paraa toggeeddawe wonddaafiyaa oyiqqeedda; qassi aw akililii imetteedda. Olaa I xooniiddinne qassikka xoonanaw keseedda. \x - \xo 6:2 \xo*\xt Zak 1:8; 6:3,6\xt*\x*
\p
\v 3 Dorssay laa7entho maatafaa dooyyeedda wode, shemppuwanna de7iya medhetatuwaa laa7enthuu, “Haa ya!” yaagiyaawaa, taani sisaaddi. 
\v 4 Qassi hara daama paray keseedda. Asay ittu ittuwanna shukettana mala, he paraa toggeeddaawoo sa7an sarotethaa diggiyaa wolqqay imetteedda. Wogga mashshay aw imetteedda. \x - \xo 6:4 \xo*\xt Zak 1:8; 6:2\xt*\x*
\p
\v 5 Dorssay heezzentho maatafaa dooyyeedda wode, de7uwan de7iya medhetatuwaa heezzenthuu, “Haa ya!” yaagiyaawaa, taani sisaaddi. Yaataade karethaa paray keseeddawaa be7aaddi; qassi he paraa toggeeddawe bare kushiyan miizaniyaa oyiqqeedda. \x - \xo 6:5 \xo*\xt Zak 6:2,6\xt*\x* 
\v 6 Taani de7uwan de7iya oyddu medhetatuwaa giddoppe kooshshaa malatiyaabaa sisaaddi. He kooshshay, “Itti gallassaa oosoo dirgguu bagga kiiluwaa zarggaa; qassi itti gallassaa oosoo dirgguu itti kiiluwaa bagga banggaa. Shin zaytiyaanne woyiniyaa eessaa qohoppa” yaagiyaawaa sisaaddi.
\p
\v 7 Dorssay oydentho maatafaa dooyyeedda wode, de7uwan de7iya medhetatuwaa oydenthuu, “Haa ya!” yaagiyaawaa, taani sisaaddi. 
\v 8 Taani giraace paray keseeddawaa be7aaddi. He paraa toggeeddaawaa sunthay Hayquwaa; A geeduwaa Si7oolii kaalleedda. Hayquunne Si7oolii sa7aappe oydentho kushiyaa olaan, koshaan, harggiyaan, do7aan wodhissana mala, unttunttussi maatay imetteedda. \x - \xo 6:8 \xo*\xt Hiz 14:21\xt*\x*
\p
\v 9 Dorssay ichcheshentho maatafaa dooyyeedda wode, unttunttu Xoossaa qaalaa odeedda dirawunne barenttu markkatethan ammanetteedda diraw, shukkeedda asaa shemppuwaa yarshshuwaa yarshshiyaasaappe garssan be7aaddi. 
\v 10 Unttunttu barenttu qaalaa dhoqqu udiide, “Ubbaa Mooddiyaa Godaw, geeshshaw, tumanchchaw, sa7an de7iya asaa bolla awude pirdday? Qassi nu suuthaa awude cigettay?” yaageeddino. 
\v 11 Unttunttoo huuphiyaan huuphiyaan bootha mayuu imetteedda. Unttunttuwaadan hayqqanaw bessiyaa unttunttu laggethaa oosanchchatuwaa payduunne unttunttu ishatuwaa payduu kumana gakkanaw, unttunttu amareedda wodiyaa takkishshana mala, unttunttussi odetteedda.
\p
\v 12 Dorssay usuppuntha maatafaa dooyyeedda wode, taani be7aaddi; biittay loythi qaaxxeedda. Awayfi karethaa mayuwaadan karexxeedda; agenaykka mule suuthaa malateedda. 
\v 13 Balasiyaa giyaa mithatti gami77e ayfi, wolqqaama carkkuu qaathina, sa7an qoqqofettiyaawaadan, xoolinttatuu saluwaappe sa7an qoqqofetteeddino. \x - \xo 6:13-14 \xo*\xt Isa 34:4\xt*\x* 
\v 14 Saluu xaaxetto maxaafay xaaxettiyaawaadan, xaaxettiide dhayi ageedda; deri ubbatuunne haathaan doodetteedda sa7ay ubbay barenttu de7iyaasaappe kichchii aggeeddino. 
\v 15 Hewaappe guyyiyan, sa7aa kaatatuu, deriyaa mooddiyaawanttu, shaalaqatuu, duratuu, wolqqaamatuu, qassi hara asay ubbay, aylletuu, womaanatuu, deriyaa kessiide, gonggoluwaa giddoninne deriyan de7iyaa zaallaa guyye baggan qosetteeddino. \x - \xo 6:15 \xo*\xt Isa 2:19,21\xt*\x* 
\v 16 Yaatiide deretuwaanne shuchchaa, “Kawutethaa oydiyan utteeddawa ayfiyaappenne Dorssaa hanqquwaappe nu bolla kunddiide, nuuna gentherkkiteeshsha! \x - \xo 6:16 \xo*\xt Hos 10:8; Luq 23:30\xt*\x* 
\v 17 Ayissi gooppe, unttunttoo wolqqaama hanqquwaa gallassay gakkikichcheedda; he hanqquwaa danddayanawe oonee?” yaageeddino. \x - \xo 6:17 \xo*\xt Iyu 2:11; Mil 3:2\xt*\x*
\c 7
\s Israa7eeliyaa Asaappe 144000 Asatuwa Som77iyaan Maatafay Wodhdheedda
\p
\v 1 Hewaappe guyyiyan, taani oyddu kiitanchchatuu oyddu bagga sa7aa gaxaan eqqeeddaawantta be7aaddi. He kiitanchchatuu sa7aa bollan, woy abbaa bollan, woy ay mithaa bollan, carkkuu carkkennaadan te77eeddino. \x - \xo 7:1 \xo*\xt Erm 49:36; Dan 7:2; Zak 6:5\xt*\x* 
\v 2 Qassikka de7uwa Xoossaa maatafaa oyqqiide hara kiitanchchay away mokkiyaasaappe kesiyaawaa taani be7aaddi. He kiitanchchay bare kooshshaa dhoqqu udiide, sa7aanne abbaa qohanaw wolqqay imetteedda oyddu kiitanchchatuwa 
\v 3 xeesiide, “Nu Xoossaa oosanchchatuwaa deemuwan nuuni maatafaa wothana gakkanaw, sa7aa gidina woy abbaa gidina, woy mithaa gidinakka qohoppite” yaageedda. \x - \xo 7:3 \xo*\xt Hiz 9:4,6\xt*\x*
\p
\v 4 Taani Xoossaa maatafaa deemuwan wotheeddawanttu payduwaa sisaaddi. Israa7eeliyaa zariyaa ubbaappe itti xeetanne oytamanne oyddu sha77a asatuwaa deemuwan maatafay wodhdheedda.
\q1
\v 5 Yihudaa zariyaappe
\q2 tammanne laa77u sha77aa
\q1 deemuwan maatafay
\m wodhdheedda.
\q1 Roobeela zariyaappe
\q2 tammanne laa77u sha77aa.
\q1 Gaade zariyaappe
\q2 tammanne laa77u sha77aa.
\q1
\v 6 Aaseera zariyaappe
\q2 tammanne laa77u sha77aa.
\q1 Niftaaleeme zariyaappe
\q2 tammanne laa77u sha77aa.
\q1 Minaase zariyaappe
\q2 tammanne laa77u sha77aa.
\q1
\v 7 Simoona zariyaappe
\q2 tammanne laa77u sha77aa.
\q1 Leewiyaa zariyaappe
\q2 tammanne laa77u sha77aa.
\q1 Yisaakoora zariyaappe
\q2 tammanne laa77u sha77aa.
\q1
\v 8 Zaabiloona zariyaappe
\q2 tammanne laa77u sha77aa.
\q1 Yooseefo zariyaappe
\q2 tammanne laa77u sha77aa.
\q1 Biiniyaama zariyaappe
\q2 tammanne laa77u sha77aa
\q1 deemuwan maatafay
\m wodhdheedda.
\s Bootha Mayuwaa Mayyeedda Cora Asatuwaa
\p
\v 9 Hewaappe guyyiyan, zariyaa ubbaappe, qommuwaa ubbaappe, yaraa ubbaappenne dumma dumma gadiyaa qaalaa ubbaappe ooninne paydanaw danddayenna zaway baynna cora asaa taani be7aaddi. He asay bootha mayuwaa mayyiide, zambbaa haythaa barenttu kushiyan oyqqiide, kawutethaa oydiyaa sinthaninne Dorssaa sinthan eqqeedda. 
\v 10 Unttunttu barenttu qaalaa dhoqqu udiide,
\q1 “Nu atotethaykka
\q2 kawutethaa oydiyan
\q2 utteedda
\q1 nu Xoossaappenne
\q1 Dorssaappe yee”
\m yaageeddino.
\p
\v 11 Kiitanchchatuu ubbay kawutethaa oydiyaa, cimatuwanne de7uwan de7iya oyddu medhetaa yuuyyi aadhdhiide eqqeeddino. Unttunttu kawutethaa oydiyaa sinthan barenttu deemuwan guufanniide Xoossaw goyinniidde,
\q1
\v 12 “Amen77i!
\q1 Anjjuu, bonchchuu,
\q2 aadhdheedda eratethay,
\q1 galatay, sabay,
\q2 wolqqay, minotethay
\q1 medhinaappe medhinaa gakkanaw
\q2 nu Xoossaw gido.
\q1 Amen77i!”
\m yaageeddino.
\p
\v 13 Cimatuwaappe ittu taana, “Ha bootha mayuwaa mayyeedda asatuu oonee? Unttunttu haqappe yeeddinoo?” yaagiide oochcheedda.
\p
\v 14 Taani, “Ta Godaw, neeni eraasa” yaagaaddi. I taana hawaadan yaageedda;
\b
\q1 “Hawanttu daro waayyiyaa
\q2 waayyettiide yeeddawantta.
\q1 Unttunttu barenttu mayuwaa
\q2 Dorssaa suuthan meecciide
\q1 booxxeeddawantta. \x - \xo 7:14 \xo*\xt Dan 12:1; Mat 24:21; Mar 13:19\xt*\x*
\q1
\v 15 Hewaa diraw,
\q1 unttunttu Xoossaa kawutethaa oydiyaa
\q2 sinthan eqqiide,
\q1 qammanne gallassi
\q2 A Geeshsha Golliyan
\q1 aw oothiino.
\q2 Qassi I bare kawutethaa oydiyan
\q1 utteeddawe
\q2 unttunttu gidduwan de7ana.
\q1
\v 16 Hawaappe sinthanaw ubbakka
\q1 unttunttu koshattikkino
\q2 woy saamettikkino.
\q1 Away unttuntta meenna;
\q2 qassi ay seelaykka unttuntta guuddenna. \x - \xo 7:16 \xo*\xt Isa 49:10\xt*\x*
\q1
\v 17 Ayissi gooppe,
\q1 kawutethaa oydew
\q2 gidduwan utteedda Dorssay
\q1 unttuntta heemmana.
\q2 De7uwa haathaa pulttuwaakkokka
\q1 unttuntta kaalethana.
\q2 Xoossaykka
\q1 unttunttu ayfiya afothaa ubbaa quccidiggana”
\m yaageedda. \x - \xo 7:17 \xo*\xt Maz 23:1,2; Hiz 34:23; Isa 49:10; 25:8\xt*\x*
\c 8
\s Xaaxetha Maxaafaa Laappuntha Maatafay Dooyetteedda
\p
\v 1 Dorssay laappuntha maatafaa dooyyeedda wode, bakka saatiyaa gidiyaawaa keenaa saluu co77u geedda.
\p
\v 2 Hewaappe guyyiyan, taani laappu kiitanchchatuwa Xoossaa sinthan eqqiyaawantta be7aaddi; unttunttussi laappu malakatay imetteedda.
\p
\v 3 Ixaanaa cuwayiyaa worqqaa miishshaa oyqqeedda hara kiitanchchay yiide, yarshshiyaasaa matan eqqeedda. Worqqaappe medhetteedda yarshshiyaasay kawutethaa oydiyaa sinthan de7ee; he yarshshiyaasaa bolla geeshsha ubbatuwaa woosaa gujjana mala, kiitanchchaw daro ixaanay imetteedda. \x - \xo 8:3 \xo*\xt Amo 9:1; Kes 30:1,3\xt*\x* 
\v 4 Ixaanaa cuway geeshshatuwaa woosaanna ittippe he kiitanchchaa kushiyaappe pude Xoossaakko beedda. 
\v 5 Hewaappe guyyiyan, kiitanchchay ixaanaa cuwayiyaawaa akkiide, yarshshiyaasaappe tamaa bonqquwaa akkiide, aani kuntheedda. He ixaanaa cuwayiyaawaa duge sa7aa olina, guugunthay guummeedda. Walqqanthay wolqqaameedda; qassi biittaykka qaaxxeedda. \x - \xo 8:5 \xo*\xt 11:19; 16:12,18; Hiz 10:2; Kes 19:16\xt*\x*
\s Malakatatuu Punetteeddino
\p
\v 6 Qassi laappu malakataa oyqqiide laappu kiitanchchatuu malakataa punnanaw giigeeddino.
\p
\v 7 Koyro kiitanchchay bare malakataa punnina suuthaanna walaketteedda shachchaynne tamay sa7an bukkeedda. Sa7aappe heezzentho kushii guudetteedda; mithaappekka heezzentho kushii guudetteedda; maataa ubbaykka guudetteedda. \x - \xo 8:7 \xo*\xt Kes 9:23-25; Hiz 38:22\xt*\x*
\p
\v 8 Laa7entho kiitanchchaykka bare malakataa punneedda. Wolqqaama deriyaa malatiyaabay taman eexxiidde, abbaan yegetteedda; yaatina, abbaappe heezzentho kushii suuthaa gideedda. 
\v 9 Abbaan de7uwan de7iya medhetatuwaa heezzentho kushii hayqqeedda; markkabetuwaappekka heezzentho kushii dhayeedda.
\p
\v 10 Heezzentho kiitanchchay bare malakataa punnina shaafaappenne pulttuwaa haathaappe heezzentho kushiyaa bolla saluwaappe xomppiyaadan eexxiyaa wolqqaama xoolinttii wodhdheedda. \x - \xo 8:10 \xo*\xt Isa 14:12\xt*\x* 
\v 11 He xoolinttiyaa sunthay Camuwaa geetettee. Haathaappe heezzentho kushii cammeedda; qassi haathay cammeedda diraw, daro asay he haathaa ushiidde hayqqeedda. \x - \xo 8:11 \xo*\xt Erm 9:15\xt*\x*
\p
\v 12 Oyddentho kiitanchchay bare malakataa punneedda. Awaappe, agenaappenne xoolinttiyaappe heezzentho kushii deshetteedda; unttunttu poo7uwaappekka heezzentho kushii dhumeedda. Hewaa diraw, gallassaappe heezzentho kushii, qammaappekka heezzentho kushii dhumeedda. \x - \xo 8:12 \xo*\xt Isa 13:10; Hiz 32:7; Iyu 2:10,31; 3:15\xt*\x*
\p
\v 13 Itti argganthay saluwan paalliyaawaa taani be7aaddi. He argganthay bare qaalaa dhoqqu udiide, “Heezzu kiitanchchatuu punnana bessiyaa yokko malakatay punettiyaa wode, sa7an de7iya asaw aayyeero! Aayyeero! Aayyeero!” yaagiyaawaa sisaaddi.
\c 9
\p
\v 1 Hewaappe guyyiyan, ichcheshentho kiitanchchay bare malakataa punnina saluwaappe duge sa7aa kunddeedda xoolinttiyaa be7aaddi. He xoolinttew ciimmo ollaa \f + \fr 9:1 \fr*\fq ciimma ollaa: \fq*\ft Hawaa guussay garssa bagga biittaan darissi ciimmatiide de7iyaa iita ayyaanatuu barenttu wurssethaa muraa gallassay gakkanaw qashettiide de7iyaasaa.\ft*\f* qulppii imetteedda. 
\v 2 Xoolinttii ciimmo ollaa dooyyeedda; aako coociyaappe kesiyaa cuwaa mala cuway he ciimmo ollaappe kesseedda. Qassi awaynne sa7ay he ciimmo ollaappe keseedda cuwan dhumeeddino. \x - \xo 9:2 \xo*\xt Dom 19:28\xt*\x*
\p
\v 3 Cuwaappe boolii duge sa7aa yeedda. Sa7an de7iya soggatoo de7iya wolqqaa mala wolqqay boolewukka imetteedda. \x - \xo 9:3 \xo*\xt Kes 10:12-15\xt*\x* 
\v 4 Xoossaa maatafay deemuwan baynna asaa xalalaa qohanaappe attin, sa7an de7iya maataa woy aaciya mithaa gidina woy ay mithaa gidinakka qohenna mala, boolew odetteedda. \x - \xo 9:4 \xo*\xt Hiz 9:4\xt*\x* 
\v 5 Boolii he asaa ichcheshu agenaa gidiyaawa paxa kaa7ana mala, maatay imetteeddawaappe attin, aw asaa wodhanaw maatay imettibeenna. Sogguu asaa dukkiide seelissiyaawaa keenaa boolii seelissee. 
\v 6 He gallassatuwan asay hayquwaa koyyana; shin demmenna. Qassi hayqqanawukka amottana; shin hayquu asaappe baqatana. \x - \xo 9:6 \xo*\xt Yob 3:21; Erm 8:3\xt*\x*
\p
\v 7 Boolii olaw giigi utteedda paraa malatee. Booliyaa huuphiyaan worqqaa malatiyaa akililii de7ee; A deemuuka asaa deemuwaa malatee. \x - \xo 9:7 \xo*\xt Iyu 2:4\xt*\x* 
\v 8 A binnaanaykka macca asaa binnaanaydaa aduqqee; A achchaykka gaammuwaa achchaa malatee. \x - \xo 9:8 \xo*\xt Iyu 1:6\xt*\x* 
\v 9 A tiray birataan ootheedda gonddalliyaa malatiyaawan goozetti utteedda; qassi A qefiyaa kooshshay olaa baanaw piriixiyaa paratuu goochchiyaa gaariyaa kooshshaa mala. \x - \xo 9:9 \xo*\xt Iyu 2:5\xt*\x* 
\v 10 Aw sogguwaa dufiyaa malatiyaa dufii de7ee; A dufiiyan dukkiyaabay de7ee. He dufiiyan ichcheshu agenaa gidiyaawa asaa qohanaadan, aw maatay imetteedda. 
\v 11 A mooddiyaa kaatii de7ee. He kaatii ciimmo ollaa kiitanchchaa. A sunthaykka Ibraayisxxe qaalaan Abiddoona; qassi Giriike qaalaan Apholiyoona geetettee. Apholiyoona giyaawoo bilethay, dhayissiyaawaa giyaawaa.
\p
\v 12 Koyro aayyeero giyawe aadhdheedda; be7a, biro hara laa77u aayyeero giyawe yaanawaa.
\p
\v 13 Usuppuntha kiitanchchay bare malakataa punneedda. Xoossaa sinthan eqqeedda worqqaappe medhdheedda yarshshiyaasaan de7iyaa oyddu gaxaa kacetuwaappe itti kooshshaa sisaaddi. \x - \xo 9:13 \xo*\xt Kes 30:1-3\xt*\x* 
\v 14 He kooshshay malakatay de7iyaa usuppuntha kiitanchchaa, “Efiraaxeesa giya wogga shaafan qashetteedda oyddu kiitanchchatuwa billa” yaageedda. 
\v 15 Asaa zariyaappe heezzentho kushiyaa wodhanaw, ha saatiyaassi, gallassaassi, agenaassinne laythaassi giigissi wotheedda, oyddu kiitanchchatuu biletteeddino. 
\v 16 Olaa paraa toggiyaa asaa payduu laa77u xeetu miiloone gidiyaawaa taani sisaaddi.
\p
\v 17 Qassikka taani saxaan paratuwaanne he paratuwaa toggeedda asaa be7aaddi. Asaw tiraan wothiyaa birataa gonddalliyaa malay de7ee. He tiraan wothiyaa birataa gonddalliyaa malay tamaadan zo7o; samaayiyaa; qassi eexxiyaa diiniyaa mala. Paratuwaa huuphii gaammuwaa huuphiyaa mala. Unttunttu doonaappe tamay, cuwaynne adilliyaa ciishshaa malatiyaa eexxiyaa diiniyaa tamay keseedda. 
\v 18 Paratuwaa doonaappe keseedda taman, cuwaaninne eexxiyaa diiniyan ha heezzu boshatuwan asaa zariyaappe heezzentho kushii hayqqeedda. 
\v 19 Ayissi gooppe, paratoo wolqqay doonaaninne dufiiyan de7ee. Unttunttu dufiikka huuphiyaanna de7iyaa shooshshaa malatee; hewan unttunttu asaa qohiino.
\p
\v 20 Ha boshatuwan hayqqennan atteedda asay bare kushiyan oothiyaawaa aggibeenna. Qassi worqqaappe, biraappe, nahaasiyaa geetettiyaa birataappe shuchchaappenne mithaappe oosetteedda, xeellanaw woy sisanaw woy hamettanaw danddayenna eeqaassinne xalahiyaassi goyinniyawaakka aggibeenna. \x - \xo 9:20 \xo*\xt Maz 115:4-7; 135:15-17; Dan 5:23\xt*\x* 
\v 21 Asay eriiddi wodheeddawaa, woy bare biteeddawaa, woy bare woshummeeddawaa, woy bare wuu77eeddawaa aggiide, bare nagaraappe simmibeenna.
\c 10
\s Kiitanchchaanne Guutha Maxaafaa
\p
\v 1 Qassikka taani hara wolqqaama kiitanchchay saluwaappe kesiide, duge wodhdhiyaawaa be7aaddi. Shaariyaa I mayyi utteedda; qassi zuluu A huuphiyaa yuuyyi aadhdhi utteedda. A deemuuka awaa mala; A gediikka tamaa tuussaa mala. 
\v 2 He kiitanchchay dooya de7iya itti guutha xaaxetto maxaafaa bare kushiyan oyqqeedda. Bare ushechcha gediya abbaa bolla essiide, bare haddirssa gediya biittaa bolla esseedda. 
\v 3 Gudiyaa gaammuwaadan, wolqqaappe gudeedda. I gudeeddawaappe guyyiyan, laappu dadatuu aananna gunthan haasayeeddino.
\p
\v 4 Unttunttu guummeedda wode taani xaafanaw qoppaaddi. Shin saluwaappe, “Laappu dadatuu haasayeeddawaa asaw qaattoppanne xaafoppa” yaagiyaa kooshshay taw sisettedda.
\p
\v 5 Hewaappe guyye, abbaa bollaaninne biittaa bollan eqqide7ishshin taani be7eedda kiitanchchay, bare ushechcha kushiyaa saluwaa pude micceedda. \x - \xo 10:5-7 \xo*\xt Kes 20:11; Zar 32:40; Dan 12:7; Amo 3:7\xt*\x* 
\v 6 Saluwaanne saluwan de7iya ubbabaa, sa7aanne sa7an de7iya ubbabaa, abbaanne abbaan de7iya ubbabaa, medhdheedda medhi medhinaw de7iya Xoossaa sunthan caaqqeedda. Yaatiide, “Wodii wuranaw gami77enna. 
\v 7 Shin laappuntha kiitanchchay bare malakataa punniyaa wode, Xoossay nabatuwaa gideedda bare ashikkaretoo qaalaa odi wotheeddawaadankka, I xuureedda qofay polettana” yaageedda.
\p
\v 8 Hewaappe guyyiyan, saluwaappe haasayishshin taani siseedda kooshshay laa7enthuwa zaariide taana, “Abbaa bollaaninne biittaa bollan eqqeedda kiitanchchaa kushiyan dooya de7iya xaaxetto maxaafaa baade akka” yaagiyaawaa sisaaddi. \x - \xo 10:8-10 \xo*\xt Hiz 2:8–3:3\xt*\x*
\p
\v 9 Taani he kiitanchchaakko baade, guutha xaaxetto maxaafaa taw immana mala, A oochchaaddi. I taana, “Akkaade ma; maxaafay ne uluwaa camissanawaa; shin ne doonan eessaadan, I mal77anawaa” yaageedda.
\p
\v 10 Hewaappe guyye, taani kiitanchchaa kushiyaappe he guutha xaaxetto maxaafaa akkaade maaddi; ta doonan maxaafay eessaadan mal77eedda. Shin taani meeddawaappe guyyiyan, ta ulo gidduu cammeedda. 
\v 11 Qassikka taana, “Yaraa ubbaa, zariyaa ubbaa, dumma dumma biittaa qaalaanne kaatatuwaabaa neeni timbbitiyaa qanxxennaan haasayanaw bessee” yaageedda.
\c 11
\s Laa77u Markkatuwaa
\p
\v 1 Hewaappe guyye, maqqaa malatiyaa likkiyaa xam77ay taw imetteedda; taana geeddawe hawaa; “Baade Xoossaa Geeshsha Golliyaanne yarshshiyaasaa likka. Hewan goyinniyaawaantakka payda. \x - \xo 11:1 \xo*\xt Hiz 40:3; Zak 2:1-2\xt*\x* 
\v 2 Shin Geeshsha Gollew kare baggaa agga basha; hewaa likkoppa. Ayissi gooppe, he sa7ay Ayihuda gidenna asaw imetteedda. Ayihuda gidenna asay geeshsha katamaa oytamanne laa77u agenaw yedhdhana. \x - \xo 11:2 \xo*\xt Luq 21:24\xt*\x* 
\v 3 Taani gaabiyaa mayyeedda ta laa77u markkatuwaa kiittana; unttunttu itti sha77anne laa77u xeetanne usuppun tammu gallassan Xoossaa kiitaa odana” yaageedda.
\p
\v 4 He laa77u markkatuu ha sa7aa Godaa sinthan eqqiyaa xomppiyaa wothiyaa laa77u ballatuwaa. \x - \xo 11:4 \xo*\xt Zak 4:3,11-14\xt*\x* 
\v 5 Ooninne unttuntta qohanaw koyyooppe, unttunttu doonaappe tamay kesiide unttunttu morkketuwaakka dhayissee. Qassi ooninne unttuntta qohanaw koyyooppe, hewaaddankka hayqqana. 
\v 6 Unttunttu Xoossaa kiitaa odiyaa wodiyaan iray bukkennaadan, saluwaa gorddanaw unttunttussi maatay de7ee. Unttunttussi haathaa suuthaa kessiyaa maataykka de7ee; qassi unttunttu barena koshshiyaa wode, sa7aa dumma dumma boshaan shocanaw unttunttussi maatay de7ee. \x - \xo 11:6 \xo*\xt 1Ka 17:1; Kes 7:17-19; 1Sa 4:8\xt*\x*
\p
\v 7 Unttunttu barenttu markkatethaa wursseeddawaappe guyyiyan, ciimmo ollaappe pude kesiyaa do7ay unttunttunna olettana. He do7ay unttuntta xooniide wodhana. \x - \xo 11:7 \xo*\xt Dan 7:7,21; Sax 13:5-7; 17:8\xt*\x* 
\v 8 Unttunttu Goday masqqaliyaa bollan misimaariyan dhishettiide suletteedda katamaa wogga ogiyaan unttunttu anhay gisanawaa. He katamay leemisuwan Sodoomaa woy Gibxe geetettiide xeesettee. \x - \xo 11:8 \xo*\xt Isa 1:9-10\xt*\x* 
\v 9 Qassi yaraa ubbaappe, qommuwaa ubbaappe, dumma dumma biittaa qaalaappenne zariyaa ubbaappe yeedda asay unttunttu anhaa heezzu gallassanne baggaa be7ana. Anhay moogettenna mala, he asay diggana. 
\v 10 Sa7an de7iya asay ha timbitiyaa odiyaa laa77u asatuwa hayquwan nashettana. Asay unttunttu hayquwaa ittuu ittuwaanna imotaa laamettiidde bonchchanawaa; Ayissi gooppe, sa7an de7iya asaa unttunttu darissi metootheeddino.
\p
\v 11 Heezzu gallassaanne baggappe guyyiyan, de7uwa shemppuwaa Xoossay unttunttun shemppina, unttunttu denddi eqqeeddino. Unttuntta be7eedda ubbay iita yashshaa yayyeedda. \x - \xo 11:11 \xo*\xt Hiz 37:10\xt*\x* 
\v 12 Hewaappe guyyiyan, he timbitiyaa odiyaa laa77u asatuu saluwaappe, “Haa pude kesite” giya wolqqaama kooshshaa siseeddino. Barenttu morkketuu barentta xeellishshin, unttunttu shaariyaan geliide, pude saluwaa beeddino. \x - \xo 11:12 \xo*\xt 2Ka 2:11\xt*\x*
\p
\v 13 He saatiyaan biittay loythi qaaxxina katamaappe tammuntha kushii dhayeedda. Qassi biittaa qaathaan laappu sha77a asay hayqqeedda. Atteedda asay loythi kokkori yayyiide, saluwaa Xoossaa gitatethaa sabbeedda.
\p
\v 14 Laa7entho aayyeero giyawe aadhdheedda. Shin akeekite; heezzentho aayyeero giyawe ellekka yaanawaa.
\s Laappuntha Malakataa
\p
\v 15 Hewaappe guyyiyan, laappuntha kiitanchchaykka bare malakataa punneedda. Saluwan,
\q1 “Alamiyaa kawutethay
\q2 ha77i nu Godaassanne
\q1 A Kiristtoosassa;
\q2 qassi medhinaappe medhinaa gakkanaw
\q1 I mooddana”
\m yaagiyaa wolqqaama kooshshay sisettedda. \x - \xo 11:15 \xo*\xt Kes 15:18; Dan 2:44; 7:14,27\xt*\x*
\p
\v 16 Barenttu oydiyan utteedda laatamanne oyddu cimatuu Xoossaa sinthan duge guufanniide, Xoossaw goyinniidde hawaadan yaageeddino;
\q1
\v 17 “Ha77i de7iyaawoo,
\q1 kaseppekka de7iyaawoo,
\q2 Godaw,
\q1 Ubbaappe Wolqqaama Xoossaw,
\q2 new wolqqaama wolqqay
\q1 de7iyaa dirawunne
\q2 neeni mooddanaw
\q1 doommeedda diraw,
\q2 nuuni neena galateetto.
\q1
\v 18 Ayihuda gidenna asay hanqqetteedda;
\q1 ne hanqquukka yeedda.
\q2 Hayqqeeddawanttu
\q1 pirddettiyaa wodii ha77a;
\q2 qassi neeni ne oosanchchatoo,
\q1 nabatoo,
\q2 geeshshatoo,
\q1 ne sunthaw yayyiyaawanttoo,
\q2 dhoqqatoonne laafatoo
\q1 unttunttu oosuwaadan
\q2 immiyaa wodiikka ha77a.
\q1 Sa7aa dhayissiyaawanttakka
\q2 neeni dhayissiyaa wodii ha77a”
\m yaageeddino. \x - \xo 11:18 \xo*\xt Maz 2:5; 110:5; 115:13\xt*\x*
\p
\v 19 Saluwan de7iya Xoossaa Geeshsha Golli dooyetteedda; A Geeshsha Golliyan Xoossaa Qaalaa caaquwaa Taabootay beetteedda. Qassi walqqanthay wolqqaameedda; gunthay sisettedda; guugunthay guummeedda; biittay qaaxxeedda; wolqqaama shachchaykka shacceedda.
\c 12
\s Taani Mishiratto, Na7aanne Dawiyaa Be7aaddi
\p
\v 1 Hewaappe guyyiyan, saluwan wolqqaama mallay beetteedda. Awaa mayyeedda itti mishiratta, agenaa bolla eqqeeddawunna, tammanne laa77u xoolinttiyaa akililiyaa bare huuphiyan wotheeddawunna hewaan de7aw. 
\v 2 He mishiratta shahaara; izo yeluwaa oythay, un77ethina waassaaddu.
\p
\v 3 Hara itti wolqqaama mallay saluwan beetteedda. Tammu kaciyaanna de7iyaa laappu huuphiyan akililiyaa wotheedda itti wolqqaama zo7o dawi de7ee. \x - \xo 12:3 \xo*\xt Dan 7:7\xt*\x* 
\v 4 He dawi bare dufiiyan heezzentho kushe xoolinttiyaa saluwaappe dafiide, sa7an oleedda. He dawi yeletti wodhdhosaannakka na7aa maanaw yelana haniyaa mishiratti sinthan eqqeedda. \x - \xo 12:4 \xo*\xt Dan 8:10\xt*\x*
\p
\v 5 Mishiratta attuma na7aa, Ayihuda gidenna asaa ubbaa birataa xam77aan mooddanawaa yelaaddu. Shin na7ay Xoossaakkonne A araataakko, pude ellekka aketteedda. \x - \xo 12:5 \xo*\xt Isa 66:7; Maz 2:9\xt*\x* 
\v 6 Mishiratta itti sha77anne laa77u xeetanne usuppun tammu gallassaw miziiddenne ushshiidde wothanaw Xoossay giigissi wotheedda sa7aa bazzuwaa baqataaddu.
\p
\v 7 Hewaappe guyyiyan, saluwan olay denddeedda. Mikaa7eeli bare kiitanchchatuwaanna ittippe dawiyaa oletteedda; dawiikka bare kiitanchchatuwanna gidiide, zaari oletteedda. \x - \xo 12:7 \xo*\xt Dan 10:13,21; 12:1; Daa 9\xt*\x* 
\v 8 Shin dawi xoonettina dawiyaasinne A kiitanchchatuwaassi saluwan sa7ay dhayeedda. 
\v 9 Woliqqaama dawi, xalahiyaa kaappuwaa woy Seexaanaa giyaawe, beni shooshshay, alamiyaa ubbaa balethiyaawe oletteedda; I bare kiitanchchatuwanna ittippe duge sa7aw oletteedda.
\p
\v 10 Hewaappe guyyiyan, taani saluwaappe hawaadan yaagiyaa kooshshaa sisaaddi;
\q1 “Xoossaa atotethay ha77i yeedda.
\q2 Xoossay barew
\q1 Kaate gidiyaawadankka
\q2 bare wolqqaa besseedda;
\q1 A Kiristtoosi bare maataa besseedda.
\q2 Ayissi gooppe,
\q1 qammanne gallassi
\q2 Xoossaa sinthan eqqiide,
\q1 nu ishatuwaa mootiyaawe
\q2 saluwaappe duge oletteedda. \x - \xo 12:10 \xo*\xt Yob 1:9-11; Zak 3:1\xt*\x*
\q1
\v 11 Nu ishatuu Dorssaa suuthaaninne
\q1 barenttu tumu markkatethan
\q2 dawiya olettiide xooneeddino.
\q1 Qassi unttunttu
\q2 barenttu shemppuwaa aathi immiyaawoo
\q1 qarettibeykkino.
\q1
\v 12 Hewaa diraw,
\q1 saluunne saluwaa giddon de7iyaawanttu,
\q2 nashettite.
\q1 Shin sa7awunne
\q2 abbaw aayyeero!
\q1 Ayissi gooppe,
\q2 xalahiyaa kaappuu
\q1 barew guutha wodii
\q2 atteeddawaa eriyaa diraw,
\q1 wolqqaama hanqquwan
\q2 duge hinttenttukko
\q1 wodhdheedda”
\m yaageedda.
\p
\v 13 Qassi dawi barena duge sa7aa oleeddawaa be7eeddawaappe guyyiyan, he attuma na7aa yeleedda mishiratto yederssuwaa doommeedda. 
\v 14 Mishiratto shooshshay qohenna mala, heezzu laythaanne baggaa maadenne ushaadde iza naagettiyasaa bazzuwaa paallaade baana mala, laa77u wolqqaama argganthaa qefii iziw imetteedda. \x - \xo 12:14 \xo*\xt Dan 7:25; 12:7\xt*\x*
\p
\v 15 Hewaappe guyyiyan, mishiratto di7uu di77iide afana mala, shooshshay shaafaa haathaa keena haathaa bare doonaappe mishiratti geeduwan gusseedda. 
\v 16 Shin biittay mishiratto maaddeedda; biittay bare doonaa dooyyiide, dawiyaa doonaappe keseedda haathaa mitti aggeedda. 
\v 17 Dawi mishirattiw darissi hanqqettiide, izi zerethaa Xoossaa azazuwaa naagiyaa ubbatuwaanne Yesuusi qonccisseedda tumu ammanettiyaawantta olanaw, 
\v 18 biide abbaa doonan de7iyaa shafiyaan eqqeedda.
\c 13
\s Taani Abbaappe Kesiyaa Laa77u Do7atuwaa Be7aaddi
\p
\v 1 Hewaappe guyyiyan, itti do7ay abbaappe kesishshin, taani be7aaddi. Aw tammu kaciinne laappu huuphii de7ee; A tammu kaciyaa bollan tammu akililii de7ee. A huuphiyankka boriyaa sunthay xaafetti utteedda. \x - \xo 13:1 \xo*\xt Dan 7:3; Sax 17:3,7-12\xt*\x* 
\v 2 Taani be7eedda do7ay maahiyaa malatee; A gedi babbanthaa geetettiyaa iita du7aa gediya malatee; A doonay gaammuwaa doona malatee. Dawi bare wolqqaa, bare kawutethaa oydiyaanne bare wolqqaama maataa he do7aw immeedda. \x - \xo 13:2 \xo*\xt Dan 7:4-6\xt*\x*
\p
\v 3 He do7aa huuphetuwaappe ittuu hayqqeeddawaa malaatiyaawaa taani be7aaddi; shin wodhiyaa maythay paxeedda. Sa7aa asay ubbay maalalettiide, he du7aa geeduwaa kaalleedda. 
\v 4 Dawi bare maataa do7aw immeedda diraw, asay ubbay dawew goyinneedda. Qassi he asay, “Do7aa malay oonee? Aananna olettanaw ooni danddayii?” yaagiidde, do7aw goyinneedda.
\p
\v 5 He do7aw pala yewuwaanne boriyaa haasayiyaa doonay imetteedda. Oytamanne laa77u agenaassi oothana mala, aw maatay imetteedda. \x - \xo 13:5-6 \xo*\xt Dan 7:8,25; 11:36\xt*\x* 
\v 6 He do7ay Xoossaa, A sunthaa, I de7iyaasaanne saluwan de7iya ubbatuwaa boriyaa doommeedda. 
\v 7 He do7ay Xoossaa asatuwaanna olettiide, unttuntta xoonana mala, aw maatay imetteedda. Qommuwaa ubbaa, yaraa ubbaa, dumma dumma biittaa qaalaa ubbaanne zariyaa ubbaa modiyaa maatay aw imetteedda. \x - \xo 13:7 \xo*\xt Dan 7:21\xt*\x* 
\v 8 Sa7ay medhettanaappe kase shuketteedda Dorssaa de7uwa maxaafan sunthay xaafettibeenna asay, sa7an de7iyaawe ubbay, he do7aw goyinnana. \x - \xo 13:8 \xo*\xt Maz 69:28\xt*\x*
\q1
\v 9 Sisiyaa haythay
\q2 de7iyaa uray siso.
\q1
\v 10 Omoddettana asay de7ooppe,
\q1 ooninne omoddettanawaa.
\q2 Mashshaan shukettaana asay de7ooppe,
\q1 ooninne mashshaan shukettanawaa.
\q2 Geeshshatuwaa danddayaynne
\q1 ammanuu hawaan erettanawaa. \x - \xo 13:10 \xo*\xt Erm 15:2; 43:11\xt*\x*
\s Taani Sa7aappe Kesiyaa Do7aa Be7aaddi
\p
\v 11 Hewaappe guyyiyan, hara do7ay sa7aappe kesiyaawaa taani be7aaddi. Dorssa kaciyaa malatiyaa laa77u kacii aw de7ee; shin he do7ay dawiyaadan haasayeedda. 
\v 12 He do7ay koyro do7aa wolqqaama maataa ubbaa A sinthan ootheedda. Sa7aynne sa7an de7iya asay ubbay A wodhiyaa maythay paxeedda koyro do7aw goyinnana mala, he do7ay godatteedda. 
\v 13 He laa7entho do7ay wolqqaama malaatatuwaa ootheedda; haray atto tamaa saluwaappe asaa ubbaa sintha sa7aa wothana gakkanaw malaatatuwaa ootheedda. 
\v 14 Koyro do7aa sinthan oothanaw, aw imetteedda malaatatuwaan sa7an de7iya asaa ubbaa I baletheedda. Mashshaan maythattooppenne paxa de7iyaa koyro do7aa bonchchoo misiliyaa giigissanaadan, sa7aa asaa ubbaw laa7entho do7ay odeedda. 
\v 15 Qassi koyro do7aa misilii haasayanaadaaninne barew goyinnenna ubbaa wodhanaadan, laa7entho do7ay bare shemppuwaa koyro do7aa misiliyan shemppuwaa gelissanaw azazetteedda.
\p
\v 16 Asay ubbay woggaynne qeeray, manqqunne durii, womaannuunne ayllii bare ushechcha kushiyan woy bare deemuwan mallaa wothanaadan, he laa7entho do7ay godatteedda. 
\v 17 He do7aa sunthay woy A sunthaa payduu de7iyaa mallay baynna asay ooninne zali77aanawunne shammanaw danddayenna.
\p
\v 18 Aadhdheedda eratethay hawaan de7ee. Eray de7iyaa ooninne he do7aa payduwaa bilethaa ero; ayissi gooppe, he payduu itti asaa sunthaa. A payduu usuppun xeetanne usuppun tammanne usuppuna.
\c 14
\s Taani Dorssaanne 144000 Asatuwaa Be7aaddi
\p
\v 1 Hewaappe guyyiyan, taani be7aaddi. Be7ite, Dorssay Xiyoone Deriyaa bolla eqqeedda. A sunthaynne A Aabbu sunthay deemuwan xaafetteedda, itti xeetanne oytamanne oyddu sha77a asatuu aananna ittippe de7iino. \x - \xo 14:1 \xo*\xt Hiz 9:4; Sax 7:3\xt*\x* 
\v 2 Saluwaappe kuntho haathaa gunthaanne dadaa gunthaa malatiyaa wolqqaama kooshshaa taani sisaaddi. Qassi taani siseedda kooshshay diithaa diixxiyaawanttu barenttu diithaa diixxina siseetiyaa kooshshaa malatee. 
\v 3 Itti xeetanne oytamanne oyddu sha77a asatuu kawutethaa oydiyaa sinthan, oyddu paxa de7iya medhetatuwaa sinthaaninne cimatuwaa sinthan eqqeeddino. Sa7aappe wozetteedda unttunttuppe attin, haray ooninne tamaaranaw danddayenna ooratha mazimuriyaa yexxeeddino. 
\v 4 Hawanttu geeshsha asatuwaa gidiyaa diraw, maccawanttunna gakettiide barena tunissibeykkino. Dorssay \f + \fr 14:4 \fr*\fq Dorssaa: \fq*\ft Yesuusaw imetteedda sunthaa.\ft*\f* biyaasaa ubbaa unttunttu kaalliino. Unttunttu Xoossaassinne Dorssaassi bayra giddanaw, sa7aa asaa giddoppe wozetteeddawantta. 
\v 5 Unttunttu ubbaakka worddoti erikkino; unttunttun bayizzuu baawa. \x - \xo 14:5 \xo*\xt Sof 3:13\xt*\x*
\s Taani Xoossaa Kiitanchchaa Be7aaddi
\p
\v 6 Sa7an de7iya asaa ubbaw, zariyaa ubbaw, qommuwaa ubbaw, dumma dumma biittaa qaalaa ubbaawunne yaraa ubbaw medhinaa wonggalaa mishiraachchuwaa awaajjanaw, bolla saluwan paalliyaa hara kiitanchchaa taani be7aaddi. 
\v 7 He kiitanchchay bare qaalaa dhoqqu udiide, “Xoossaw yayyite; A bonchchite. Ayissi gooppe, sa7aa asaa I pirddiyaa saati gakkeedda. Saluwaa, sa7aa, abbaanne haathaa pulttuwaa medhdheedda Xoossaw goyinnite” yaageedda.
\p
\v 8 Hara laa7entho kiitanchchay, “Wolqqaama Baabiloona kunddaaddu; iza kunddeedda gaasuunneekka asaa zariyaa ubbaa iita oosuwaa oosissiyaa diraassa” yaagiidde, koyro kiitanchchaa kaalleedda. \x - \xo 14:8 \xo*\xt Isa 21:9; Erm 51:8; Sax 18:2\xt*\x*
\p
\v 9 Heezzentho kiitanchchay bare kooshshaa dhoqqu udiide, hawaadan yaagiidde, koyro laa77u kiitanchchatuwa kaalleedda; “Do7awunne A misilew goyinniyaa ooninne qassi A mallaa bare deemuwan woy bare kushiyan wothiyaa ooninne de7ooppe, 
\v 10 Xoossay bare wolqqaama hanqquwaa burccukkuwan kuntheeddaa hanqquwaa woyiniyaa eessaa I ushana. Hewaa ootheedda ubbay geeshsha kiitanchchatuwaa sinthaaninne Dorssaa sinthan, tamaaninne eexxiyaa diiniyan paxa kaa7ettana. \x - \xo 14:10 \xo*\xt Isa 51:17; Dom 19:24; Hiz 38:22\xt*\x* 
\v 11 Unttuntta paxa kaa7iyaa tamaa cuway medhi medhinaw cuwattana. Do7awunne he do7aa misilew goyinniyaa oossinne qassi he do7aa sunthaa malaataanna de7iya oossinne qammanne gallassi shemppuu baawa” yaageedda. \x - \xo 14:11 \xo*\xt Isa 34:10\xt*\x*
\p
\v 12 Xoossaw azazettiyaanne Yesuusaw ammanettiya geeshshatuu danddayiyaa danddayay hawaana.
\p
\v 13 Hewaappe guyyiyan saluwaappe, “Hawaa xaafa; hawaappe sinthaw Godan hayqqiyaawanttu anjjetteeddawantta” yaagiyaa kooshshaa taani sisaaddi.
\p Ayyaanay, “Tuma; unttunttu barenttu daaburaappe shemppana; ayissi gooppe, unttunttu lo77o kiittaw, Xoossay lo77uwan zaarana” yaagee.
\s Taani Qoychchaa Wodiyaa Be7aaddi
\p
\v 14 Qassikka taani be7aaddi. Be7ite, bootha shaarii de7ee. Shaariyaa bollan Asaa Na7aa malatiyaawe utteedda; A huuphiyaan worqqaa akililii, qassi A kushiyan qara baacay de7ee. \x - \xo 14:14 \xo*\xt Dan 7:13\xt*\x* 
\v 15 Hara kiitanchchay Geeshsha Golliyaappe kesiide, shaariyaa bollan utteeddawoo bare qaalaa dhoqqu udiide, “Qoychchaa saati gakkeedda diraw, ne baacaa yeddaade kathaa qoycaa; ayissi gooppe, sa7aa kathay meleedda” yaageedda. \x - \xo 14:15 \xo*\xt Iyu 3:13\xt*\x* 
\v 16 Shaariyaa bollan utteeddawe, bare baacaa sa7aa yeddiide, sa7aa kathaa cakkeedda.
\p
\v 17 Qassikka saluwan de7iya Geeshsha Golliyaappe hara kiitanchchay kesseedda; awukka kuussa baacay de7ee.
\p
\v 18 Tamaw kaappo gideedda hara kiitanchchay yarshshiyaasaappe kesiide, kuussa baacay de7iyaa kiitanchchaw bare qaalaa dhoqqu udiide, “Woyiniyaa ayfi teereedda diraw, ne kuussa baacaa yeddaade, sa7an de7iya woyiniyaa turaappe honddodda ayfiyaa qanxxa!” yaageedda. 
\v 19 He kiitanchchay bare baacaa sa7aa yeddiide, sa7an de7iya woyiniyaappe honddodda ayfiyaa qanxxeedda; Xoossaa wolqqaama hanqquwaa he woyiniyaa gumi77iyaa ollaan yeggeedda. 
\v 20 Katamaappe gaxaan de7iya woyiniyaa ayfiyaa gumi77iyaa ollaan woyiniyaa ayfi gumi77ettee. Suuthay kesiide, he woyiniyaa gumi77iyaa ollaappe heezzu xeetu kiilo miitiriyaa keenaa haakkiide, paraw puuluwaa gakkiyawaa keenaa dhoqqu giide eelleedda. \x - \xo 14:20 \xo*\xt Isa 63:3; Sel 1:15; Sax 19:15\xt*\x*
\c 15
\s Taani Burccukkuwaa Abbaa Bee7aaddi
\p
\v 1 Taani saluwan hara wolqqaamanne maalalissiyaa mallaa be7aaddi. Xoossaa hanqquu unttunttu bollan polettiyaa diraw, wurssetha laappu boshaanna de7iya laappu kiitanchchatuu de7iino.
\p
\v 2 Qassikka taani burccukkuwaa abbaa malatiyaawaa tamaanna walaketteeddawaa be7aaddi. Qassi do7aa, A misiliyaanne A sunthaa payduwaa xooneeddaawantta be7aaddi. Xoossay untuntussi immeedda diithatuwaa oyqqiide, burccukkuwaa malatiyaa abbaa matan unttunttu eqqeeddino. 
\v 3 Unttunttu, Xoossaa oosanchchaa Muse mazimuriyaanne Dorssaa mazimuriyaa hawaadan yexxeeddino.
\q1 “Godaw,
\q1 Ubbaappe Wolqqaama Xoossaw,
\q2 ne kiitay gitanne maalalissiyaawaa.
\q1 Asa zariyaa ubbaa Kaatew,
\q2 ne ogii xilluwaanne tumuwaa. \x - \xo 15:3 \xo*\xt Kes 15:1\xt*\x*
\q1
\v 4 Godaw, new yayyennawenne
\q ne sunthaa bonchchennawe oonee?
\q1 Ayissi gooppe, geeshshay ne xalalaa.
\q1 Asa zariyaa ubbay yiide,
\q2 ne sinthan goyinnana;
\q1 ayissi gooppe, ne xillo kiitay
\q2 ubbaw qoncceedda”
\m yaagiide yexxiino. \x - \xo 15:4 \xo*\xt Erm 10:7; Maz 86:9\xt*\x*
\s Laappu Boshaanna De7iyaa Laappu Kiitanchchatuwaa
\p
\v 5 Hewaappe guyyiyan, taani saluwan de7iya Geeshsha Golli dooyettowaa hewekka markkatethaa dunkkaaniyaa be7aaddi. \x - \xo 15:5 \xo*\xt Kes 38:21\xt*\x* 
\v 6 Laappu boshaanna de7iya laappu kiitanchchatuu Geeshsha Golliyaappe keseeddino. Unttunttu phooliide booxxiya laynuwaa mayuwaa mayyeeddino; barenttu tiraa worqqaa danccuwan yuushshi aathiide qachcheeddino. 
\v 7 De7uuwan de7iya oyddu medhetatuwaappe ittuu, medhi medhinaw gakkanaw de7iyaa Xoossaa hanqquu kumeedda laappu worqqaa keretuwaa laappu kiitanchchatoo immeedda. 
\v 8 Xoossaa bonchchuwaappenne A wolqqaappe yeedda cuway Geeshsha Golliyaa kumeedda. Laappu kiitanchchatuu aheedda laappu boshatuu polettana gakkanaw, Geeshsha Golliyaa ooninne gelanaw danddayibeenna. \x - \xo 15:8 \xo*\xt Kes 40:34; 1Ka 8:10-11; 2Od 5:13-14; Isa 6:4\xt*\x*
\c 16
\s Xoossaa Hanqquu Kumeedda Keretuwaa
\p
\v 1 Hewaappe guyyiyan, laappu kiitanchchatoo, “Biide Xoossaa hanqquwaa laappu keriyaappe sa7an gussite” yaagiide, Geeshsha Golliyaappe haasayiyaa wolqqaama kooshshaa taani sisaaddi.
\p
\v 2 Koyro kiitanchchay biide, bare keriyan de7iyaawaa sa7an gussina, do7aa mallay de7iyaawanttu bollanne he do7aa misilew goyinniyaawantu bolla loythi sakkiyaa maythaa keseedda. \x - \xo 16:2 \xo*\xt Kes 9:10\xt*\x*
\p
\v 3 Laa7entho kiitanchchay bare keriyan de7iyaawaa abbaan gussina abbaa haathay hayqqeedda asaa suuthaa malateedda. Qassi abbaan de7iya medhetaa ubbaykka hayqqi aggeedda.
\p
\v 4 Heezzentho kiitanchchay bare keriyan de7iyaawaa shaafatuuwaaninne pulttatuwan gussina unttunttu suuthaa gideeddino. \x - \xo 16:4 \xo*\xt Kes 7:17-21; Maz 78:44\xt*\x* 
\v 5 Haathaw aawottiya kiitanchchay hawaadan yaagiyaawaa, taani sisaaddi;
\q1 “Kasekka ha77ikka
\q2 de7iyaa Godaw,
\q1 Geeshshaw,
\q2 ha pirddaa pirddeedda diraw,
\m neeni xilluwaa.
\q1
\v 6 Unttunttu geeshshatuwaa suuthaanne
\q1 nabatuwaa suuthaa
\q2 gusseedda diraw,
\q1 neeni unttuntta ushshanaw
\q2 suuthaa unttunttoo immaadda.
\q1 Unttunttu barenttoo
\q1 bessiyaawaa akkeeddino”
\m yaageedda.
\q1
\v 7 Yarshshuwaa yarshshiyaasaappe,
\q1 “Godaw,
\q1 Ubbaappe Wolqqaama Xoossaw,
\q2 ne pirdday tumuwaanne xilluwaa!”
\m yaagiyaa kooshshaa taani sissaadi.
\p
\v 8 Oyddentho kiitanchchay bare keriyan de7iyaawaa awayfiyaa bollan gussina bare tamaa seelaan asaa guuddanaw, awayfew maatay imetteedda. 
\v 9 Asay wolqqaama seelaan guudettiide ha boshatuwaa bollan maatay de7iyaa Xoossaa sunthaa boreedda. Shin bare nagaraappe simmibeennanne Xoossaa gitatethaakka bonchchibeenna.
\p
\v 10 Ichcheshentho kiitanchchay bare keriyan de7iyaawaa do7aa kawutethaa oydiyaa bolla gussina, he do7aa kawutethay dhumeedda. Asay bare seelaa diraw, bare inxxarssaa sa77eedda. \x - \xo 16:10 \xo*\xt Kes 10:21\xt*\x* 
\v 11 Qassi asay bare seelaa dirawunne bare maythaa diraw saluwaa Xoossaa sheqqeedda. Shin bare ootheedda nagaraappe simmibeenna.
\p
\v 12 Usuppuntha kiitanchchay bare keriyan de7iyaawaa wogga Efiraaxeesa geetettiyaa shaafan gussina away doliyaa baggappe yaana kaatatuwassi ogii giiganaadan, haathay meleedda. \x - \xo 16:12 \xo*\xt Isa 11:15\xt*\x* 
\v 13 Hewaappe guyyiyan, taani sheedhdhiyaa malatiyaa heezzu tuna ayyaanatu dawiyaa doonaappe, du7aa doonaappenne wordduwaa timbitiyaa odiyaawaa doonaappe kesishshin be7aaddi. 
\v 14 Unttunttu mallatuwaa oothiyaa xalahatuwaa ayyaanatuwa. He heezzu iita ayyaanatuu Ubbaappe Wolqqaama Xoossaa wolqqaama gallassan, sa7aa kaatatuwaa ubbaa olaw shiishshanaw baana.
\p
\v 15 “Be7a, taani kayisuwaadan yaana. Asaa sinthan kallo hamettiidde yeellatenna mala, gemi77ishennan bare mayuwaa mayyiide naagiyaa uray anjjetteeddawaa!” yaageedda.
\p
\v 16 He iita ayyaanatuu kaatetuwaa Ibraayisxxe qaalaan Arimaagedoona \f + \fr 16:16 \fr*\fq Arimaagedoona: \fq*\ft Ha qaalaw koyrotti de7iyaa Ibraayisxxiyaa medhetay, “Har-Maagido” yaagiyaawaa gidiide, “Har-Maagido” giyaawoo de7iyaa bilethay, “Meegido-Zooziyaa” yaagiyaawaa. Hawaa guussay beni wodiyaan asay cora olaa oletteedda sa7aa guussaa.\ft*\f* geetettiyaa sa7aa shiishsheeddino. \x - \xo 16:16 \xo*\xt 2Ka 23:29; Zak 12:11\xt*\x*
\p
\v 17 Laappuntha kiitanchchay bare keriyan de7iyaawaa carkkuwan gussina, Geeshsha Golliyan de7iya araataappe, “Poletteedda” yaagiyaa wolqqaama kooshshay yeedda. 
\v 18 Hewaappe guyyiyan, walqqanthay wolqqaameedda; gunthay sisetteedda; guugunthaykka guummeedda. Qassi biittay pala qaathaa qaaxxeedda. Asay sa7an medhettoodeppekka biittay hewaa mala qaathaa qaaxxi erenna; hewe ubbaappe aadhdheedda qaathaa. 
\v 19 Woliqqaama katamay heezzu kesiide za77eedda. Biittaa ubbaan de7iya katamatuu dhayeeddino. Xoossay wolqqaama Baabiloono qoppiide, bare iita hanqquwaa woyiniyaa eessay kumeedda burccukkuwaappe woyiniyaa eessaa Baabiloono ushsheedda. \x - \xo 16:19 \xo*\xt Isa 51:17\xt*\x* 
\v 20 Abbaan doodetteedda biittay ubbay dhayeedda; deriikka beettibeenna. 
\v 21 Asaa bolla oytamu kiilo keenaa deexiya wolqqaama shachchay saluwaappe wodhdheedda. Asay he shachchaa boshaa diraw, Xoossaa boreedda; ayissi gooppe, boshay daro wolqqaama. \x - \xo 16:21 \xo*\xt Kes 9:23; Sax 11:19\xt*\x*
\c 17
\s Baabiloone Bolla Yaana Muraa
\p
\v 1 Hewaappe guyyiyan, laappu keretuu de7iyaa laappu kiitanchchatuwappe ittuu taakko yiide, taana hawaadan yaageedda; “Haa ya; daro shaafatuwaa gaxaan de7iya woshummiyaa, wolqqaama katamatta, waana murettanentto, taani neena bessana. 
\v 2 Sa7an de7iya kaatatuu izinna woshummeeddino; sa7an de7iya asaykka izi woyiniyaa eessaa ushi mathottiide izinna woshummeedda” yaageedda. \x - \xo 17:2 \xo*\xt Isa 23:17; Erm 51:7\xt*\x*
\p
\v 3 He kiitanchchay taana Ayyaanan bazzuwaa afeedda. Hewan taani itti mishiratto boriyaa sunthay bollaa ubbaan xaafetti utteedda zo7o do7aa toggeeddawunno be7aaddi; he do7aw laappu huuphiiyan tammu kacii de7ee. 
\v 4 He mishiratta teera ochchaa malatiyaa mayuwanne zo7o mayuwaa mayyaaddu; iza qassi worqqaan, bonchcho shuchchaaninne inqquwaa geetettiyaa al77o shuchchan alleeqqaaddu. Iza woshummiyaa tunabaynne sheneyiyaabay kumeedda worqqaa burccukkuwaa bare kushiyan oyqqaaddu. \x - \xo 17:4 \xo*\xt Erm 51:7\xt*\x* 
\v 5 Izi deemuwan xuura yewuwaa bilethay de7iyaa sunthay,
\b
\pc “Woliqqaama Baabiloono;
\pc Sa7aan De7iyaa
\pc Woshummiyaawanttoonne
\pc Sa7aan De7iyaa
\pc Sheneyiyaabaw Aatto”
\m yaagiyaawe xaafetti utteedda.
\b
\m
\v 6 Qassi he mishiratta geeshshatuwaa suuthaanne Yesuusaw markkattishshin wodheeddawanttu suuthaa ushaade mathotteeddawunno taani be7aade malalettaaddi.
\p
\v 7 Kiitanchchay taana, “Neeni ayissi hawaadan maalalettaaddii? Taani new mishiratti xuura yewuwaanne iza tookkeedda laappu huuphiiyan tammu kacii de7iyaa du7aa xuura yewuwaa odana. 
\v 8 Neeni be7eedda do7ay kase de7ee; shin ha77i baawa. He do7ay ciimmo ollaappe elle kesiide, bashshaw baanawaa. Alamii medhettoodeppe doommiide, de7uwa maxaafan unttunttu sunthay xaafettibeenna sa7an de7iya asay do7aa be7iide malalettana. Ayissi gooppe, I kase de7ee; ha77i baawa; shin sinthappe yaanawaa. \x - \xo 17:8 \xo*\xt Dan 7:7; Sax 11:7; Maz 69:28\xt*\x*
\p
\v 9 “Hawe aadhdheedda eratethanne akeeka koyyee. Laappu huuphii mishiratta uttiyaa laappu deretuwaa; hewanttu qassi laappu kaatatuwaa. 
\v 10 Unttunttuppe ichcheshu kaatatuu kunddeeddino. Ittuu ha77i gakkanaassikka mooddee; yokko kaatii yibeenna. I yiide, guutha wodiyaa takkanaw bessee. 
\v 11 Kase de7eedda do7ay, ha77i baynnawe, I bare huuphew hosppuntha du7aa. I laappu do7atuwaappe ittuwaa; I dhayanaw bee.
\p
\v 12 “Neeni be7eedda tammu kacetuu mooddanaw doommibeenna tammu kaatetuwa. Shin unttunttu do7anna ittippe itti saatew kaatetuwadan mooddanaw unttunttussi maatay imettana. \x - \xo 17:12 \xo*\xt Dan 7:24\xt*\x* 
\v 13 Unttunttussi ubbaw itti qofay de7ee; unttunttu barenttu wolqqaanne barenttu maataa do7aw immana. 
\v 14 Unttunttu Dorssaanna olettana; shin dorssaynne dorssaanna de7iyaawanttu, I xeegeeddawanttunne dooreeddawanttu, A kaalliyaa ammanetteeddawanttu, he kaatetuwaa xoonana; ayissi gooppe, I godatuwaa Godaanne kaatetuwaa Kaatiyaa” yaageedda.
\p
\v 15 Kiitanchchay qassikka taana hawaadan yaageedda; “Caaratta utteedda he neeni be7eedda haathay yaratuwaa, cora asaa, asaa zaretuwaanne dumma dumma biittaa qaalaa. 
\v 16 Qassi neeni be7eedda tammu kaciinne do7ay woshummewunno ixxanawantta. Unttunttu iziw de7iya ubbabaa akkidiggana. Qassi izo kallo ashshananne izi ashuwaa midiggana; yaatiide unttunttu izo taman guuddana. 
\v 17 Ayissi gooppe, Xoossaa qaalay tumattana gakkanaw, unttunttu qofay ittuwa gidanaadan, unttunttu barenttu mooddiyaa wolqqaa do7aw immanaadaaninne Xoossay qoppeeddaawaa unttunttu oothanaadan, unttunttu wozanaan Xoossay amuwaa wotheedda.
\p
\v 18 “He neeni be7eedda mishiratta sa7aa kaatetuwa mooddiyaa wolqqaama katamatto” yaageedda.
\c 18
\s Baabilooni Kunddethaa
\p
\v 1 Hewaappe guyyiyan, wolqqaama maatay de7iyaa hara kiitanchchay saluwaappe wodhdhishiina, taani be7aaddi. He kiitanchchaa bonchchuu sa7aa poo7isseedda.
\p
\v 2 He kiitanchchay bare kooshshaa dhoqqu udiide,
\q1 “Iza kunddaaddu!
\q2 Wolqqaama Baabiloona kunddaaddu!
\q1 Baabiloona xalahatuu aqiyaasaa gidaaddu;
\q2 iita ayyaanatuu ubbatuunne
\q1 ixettiyaa iita kafatuu ubbatuu
\q2 iini de7iino. \x - \xo 18:2 \xo*\xt Isa 13:21; 21:9; Erm 50:39; 51:8; Sax 14:8\xt*\x*
\q1
\v 3 Ayissi gooppe,
\q1 asaa zariyaa ubbaa
\q2 bare mathoyiyaa woyiniyaa eessaa
\q1 ushshina
\q2 izinna woshummeeddino.
\q1 Qaykka sa7aa kaatatuu
\q2 izinna woshummeeddino.
\q1 Izi ishalo wolqqaa gaasuwan
\q2 sa7an de7iya
\q1 zali77anchchatuu duretteeddino”
\m yaageedda. \x - \xo 18:3 \xo*\xt Isa 23:17; Erm 51:7\xt*\x*
\q1
\v 4 Hewaappe guyyiyan,
\q1 taani saluwaappe
\q2 hawaadan yaagiyaa
\q1 hara kooshshaa sisaaddi;
\q2 “Ta asaw, iippe kesite!
\q1 Izi nagaraa izinna koxxoppite!
\q2 Izi muraa gishettoppite.
\q1
\v 5 Ayissi gooppe,
\q1 izi nagaray
\q2 saluwaa gakkanaw dooretti utteedda.
\q1 Xoossay izi iita bayizzuwa
\q2 hassayeedda. \x - \xo 18:5 \xo*\xt Dom 18:20-21; Erm 51:9\xt*\x*
\q1
\v 6 Iza immeeddawaa keenaa zaariide,
\q1 iziw immite.
\q2 Iza ootheeddawoo
\q1 laa77u kushiyaa
\q2 iziw qanxxite.
\q1 Iza hinttenttussi giigisseedda ushshaappe
\q2 laa77u kushiyaa ushshaa
\q1 izi burccukkuwaa kunthite. \x - \xo 18:6 \xo*\xt Maz 137:8; Erm 50:29\xt*\x*
\q1
\v 7 Iza bonchchetteeddawaanne
\q1 ishaleeddawaa keenaa
\q2 izo tuggayitenne kayyoyite.
\q1 Iza bare wozanaan,
\q2 ‘Taani kaatattiidan uttay;
\q1 taani asinay baynna maccawunno gidikke;
\q2 qassi ubbaakka kayyottikke’
\q1 yaagaw. \x - \xo 18:7 \xo*\xt Isa 47:7-9\xt*\x*
\q1
\v 8 Hewaa diraw,
\q1 izi boshaa ubbay
\q2 harggii, kayyuunne koshay
\q1 izo itti gallassi oyqqana.
\q2 Qassi iza taman guudettana;
\q1 ayissi gooppe,
\q2 izi bolla pirddiyaa
\q1 Godaa Xoossay Wolqqaama”
\m yaageedda.
\p
\v 9 Sa7aa kaatatuu, izina woshummiidde ishaleeddawanttu he katamatta guudettina, kesiyaa cuwaa be7eedda wode, katamattiw unttunttu waassananne yeekkana. \x - \xo 18:9-10 \xo*\xt Hiz 26:16-17\xt*\x* 
\v 10 Unttunttu he katamatti ugaw yayyeedda diraw, haakki eqqiide, “Ha wolqqaama katamattee! Wolqqaama katamattee! Baabiloonee, new aayyeero! Neeni ay mala tuggattaniishsha. Neeni itti saatiyaa giddon ne pirddaa akkaadda” yaagana.
\p
\v 11 Unttunttu markkabiyaa caanaa hawaappe sinthanaw shammiyaabay baynna diraw, sa7an de7iya zali77anchchatuu he katamattiw waassananne kayyottana. \x - \xo 18:11 \xo*\xt Hiz 27:31,36\xt*\x* 
\v 12 Unttunttu worqqaa, biraa, bonchcho shuchchaa, inqquwaa geetettiyaa al77o shuchchaa, teera oochcha malatiyaa mayuwaa, suufiyaa mala mayuwaa, hariya geetettiyaa mayuwaa, zo7o mayuwaa, ubba qommo sawiyaa mithaa, ubba qommuwan ootheedda danggarssaa achchaa, al77o mithaappe medhetteeddabaa, nahaasiyaa, birataa, ibineberediyaa geetettiyaa shuchchaa, \x - \xo 18:12-13 \xo*\xt Hiz 27:12,13,22\xt*\x* 
\v 13 qarafaa, qimaamiyaa, ixaanaa, shittuwaa, sawiyaa ixaanaa dhiilliyaa, woyiniyaa eessaa, wogaraa zaytiyaa, liiqeedda dhiilliyaa, zarggaa, miizzaa, dorssaa, paraanne paray goochchiyaa gaariyaa, unttunttu aylletuwanne haray atto asaa shemppuunne shammiyaabaykka baawa.
\q1
\v 14 Zali77anchchatuu mishirattiw,
\q1 “Neeni amotteedda
\q2 lo77obay ubbay neeppe halidiggeedda.
\q1 Ne de7uunne
\q2 alleeqqettiyaabay ubbay dhayidiggeedda.
\q1 Neeni laa7entho
\q2 unttuntta ubbaakka demmakka”
\m yaageeddino.
\p
\v 15 He katamattin zali77iide duretteedda zali77anchchatuu izi ugaw yayyiide, iippe haakkiide eqqana. Unttunttu yeekkananne kayyottana. \x - \xo 18:15 \xo*\xt Hiz 27:31,36\xt*\x* 
\v 16 Qassi,
\q1 “Suufiyaa geetettiyaa
\q2 kiriyan dadetteedda mayuwaa,
\q1 teera ochchaa malatiyaa
\q2 mayuwanne zo7o mayuwaa mayyaade,
\q1 worqqaa alleeqquwan,
\q2 bonchcho shuchchaaninne
\q1 inqquwaa geetettiyaa
\q2 al77o shuchchan alleeqqeedda,
\q1 he wolqqaama katamattiw aayyeero! 
\v 17 Hawaa keena
\q1 wolqqaama maxuu ubbay
\q2 itti saatiyaa giddon
\q1 dippi gi dhayi aggeedda”
\m yaageeddino.
\p Markkabiyaa laaggiyaa ubbatuu, markkabiyan biya ubbatuu, markkabiyan oothiyaa ubbatuunne abbaan oothi go77ettiyaa ubbatuu haakki eqqeeddino. \x - \xo 18:17 \xo*\xt Isa 23:14; Hiz 27:26-30\xt*\x* 
\v 18 He katamatta guudettina kesiyaa cuwaa be7eedda wode barenttu kooshshaa dhoqqu udiide, “Ha wolqqaama katamatto malatiyaa katamay ubbaakka baawa” yaageeddino. \x - \xo 18:18 \xo*\xt Hiz 27:32\xt*\x*
\p
\v 19 Unttunttu barenttu huuphiyaan baana qoliide, waasseeddinonne kayyotteeddino;
\q1 “Abbaan markkabetuu de7iyaa ubbaa
\q2 bare maxuwan dureyeedda
\q1 wolqqaama katamattiw aayyeero!
\q1 Qassi iziw de7iyaabay ubbay
\q2 itti saatiyaa giddon
\q2 dhayi ageedda. \x - \xo 18:19 \xo*\xt Hiz 27:30-34\xt*\x*
\q1
\v 20 He katamatta dhayeedda diraw,
\q1 saloo, nashetta!
\q2 Geeshshatoo, Yesuusi kiitteeddawanttoo,
\q1 nabatoo, nashettite!
\q2 Ayissi gooppe,
\q1 iza hinttentta ootheeddawaa
\q2 diraw Xoossay izo pirddeedda” yaageedda. \x - \xo 18:20 \xo*\xt Zar 32:43; Erm 51:48\xt*\x*
\p
\v 21 Hewaappe guyyiyan,
\q2 wolqqaama kiitanchchay
\q1 woxaa malatiyaa wolqqaama shuchchaa
\q2 denthi abbaan oliide hawaadan yaageedda;
\q1 “Wolqqaama katamatta
\q2 Baabiloona sugina,
\q1 hawaadan kunddana;
\q2 iza hachcheppe sinthaw
\q1 ubbaakka beettukku. \x - \xo 18:21 \xo*\xt Erm 51:63-64; Hiz 26:21\xt*\x*
\q1
\v 22 Diithaa diixxiyaawanttunne
\q1 mazimuriyaa yexxiyaawanttu,
\q2 suusulliyaanne malakataa punniyaawanttu
\q1 kooshshay hawaappe hini baggan
\q2 ne giddon ubbakka siseettenna.
\q1 Kushiyaa hiilla eriyaa ooninne
\q2 laa7etho ubbakka de7enna.
\q1 Woxaa kooshshaykka
\q2 hawaappe sinthaw ne giddon sisettenna. \x - \xo 18:22 \xo*\xt Hiz 26:13; Isa 24:8\xt*\x* \x - \xo 18:22-23 \xo*\xt Erm 7:34; 25:10\xt*\x*
\q1
\v 23 Xomppiyaa poo7uukka
\q1 laa7ethuwa ne giddon poo7enna.
\q2 Akkiyawaa kooshshaynne
\q1 gelewunni kooshshay
\q2 sinthaw ne giddon siseettenna.
\q1 Ne zali77anchchatuu sa7aa
\q2 ubbaan eretteedda wolqqaamatuwaa.
\q1 Ne bitiyaawan asaa zariyaa ubbay
\q2 cimetteedda.
\q1
\v 24 Nabatuwaa suuthay,
\q1 geeshshatuwaa suuthaynne
\q2 sa7an hayqqeedda ubbatuwaa suuthay
\q1 izin beetteedda diraw,
\q2 Baabiloona
\q1 murettaaddu”
\m yaageedda. \x - \xo 18:24 \xo*\xt Erm 51:49\xt*\x*
\c 19
\p
\v 1 Hewaappe guyyiyan, saluwan cora asaa kooshshaadan kooshummiyaa wolqqaama kooshshay hawaadan yaagiyaawaa taani sisaaddi;
\q1 “Xoossaa galatay gakko.
\q2 Atotethay,
\q1 bonchchuunne wolqqay
\q2 nu Xoossaassa.
\q1
\v 2 A pirdday
\q1 tumuwaanne xilluwaa.
\q2 Caarataade sa7aa tunisseedda
\q1 wolqqaama caaratto
\q2 Xoossay pirddeedda;
\q1 Xoossaa oosanchchatuwaa
\q2 iza wodheedda diraw,
\q1 Xoossay izo mureedda”
\m yaageedda. \x - \xo 19:2 \xo*\xt Zar 32:43; 2Ka 9:7\xt*\x*
\p
\v 3 Asay laa7enthuwa bare koshshaa dhoqqu udiide,
\q1 “Xoossaa galatay gakko.
\q2 He katamatta medhi medhinaw cuwattana”
\m yaageeddino. \x - \xo 19:3 \xo*\xt Isa 34:10\xt*\x*
\p
\v 4 Laatamanne oyddu cimatuunne shemppuwaanna de7iya oyddu medhetatuu kawutethaa oydiyan utteedda Xoossaw guufanniide, “Amen77i. Xoossaa galatay gakko” yaagiide goyinneeddino.
\s Dorssaa Bullachchaw Xeesiyaa Xeessaa
\p
\v 5 Hewaappe guyyiyan,
\q1 “Xoossaa ayllatuu ubbay,
\q2 Xoossaw yayyiya guuthay,
\q1 daruu ubbay nu Xoossaa
\q2 galatite”
\m yaagiyaa kooshshay kawutethaa oydiyaappe keseedda. \x - \xo 19:5 \xo*\xt Maz 115:13\xt*\x*
\p
\v 6 Hewaappe guyyiyan, cora asaadan kooshummiyaa, wolqqaama shaafaadan guummiyaa, wolqqaama guugunthaadan guugummiyaa kooshshaa taani sisaaddi. He kooshshay,
\q1 “Xoossaa galatay gakko.
\q2 Ayissi gooppe,
\q1 nu Goday,
\q2 Ubbaappe Wolqqaama Xoossay
\q1 kawuteedda. \x - \xo 19:6 \xo*\xt Hiz 1:24; Maz 93:1; 97:1; 99:1\xt*\x*
\q1
\v 7 Dorssaa bullachchaa
\q1 gallassay gakkeedda dirawunne
\q2 gelewunnakka bullachchaw
\q1 barena giigisseedda diraw,
\q2 nuuni pashikkoyttenne nashettoytte;
\q1 qassi Dorssaa bonchchoytte.
\q1
\v 8 Gelewunniw mayyanaw
\q1 suufiyaa geetettiyaa
\q2 kiriyan dadetteedda
\q1 phooliyaa bootha mayuu imetteedda.
\q1 Suufiyaa geetettiyaa
\q2 kiriyan dadetteedda mayuu
\q1 geeshshatuwaa
\q2 xillo oosuwaa”
\m yaagiyaawaa, taani sisaaddi.
\p
\v 9 Hewaappe guyyiyan, kiitanchchay taana, “ ‘Dorssaa bullachchaw xeesetteeddawanttu anjjetteeddawantta’ yaagaade xaafa” yaageedda. He kiitanchchay qassikka taana, “Hawe Xoossaa tumu qaalaa” yaageedda.
\p
\v 10 Hewaappe guyye taani aw goyinnanaw A gediyan kunddaaddi. Shin I taana, “Hewaa oothoppa. Taani ne malanne Yesuusi unttunttussi qonccisseedda tumatethaa oyqqeedda ne ishatuwaa ubbaa mala aylliyaa. Xoossaw goyinna. Ayissi gooppe, Yesuusi qonccisseedda tumatethay timbitiyaa odiyaawoo denthethiyaawaa” yaageedda.
\s Bootha Paraa Toggeeddawaa
\p
\v 11 Yaatina, saluu dooyetteeddaawaa taani be7aaddi. Hewan bootha paray de7ee; he paraa toggeeddaawe ammanettiyaawaanne tumanchchaa giide xeesettee. Toggeeddawe xillotethaan pirddeenne bare olaakka olettee. \x - \xo 19:11 \xo*\xt Hiz 1:1; Maz 96:13; Isa 11:4\xt*\x* 
\v 12 A ayfi tamaa lacuwaa malatee; qassi I bare huuphiyaan daro akililiyaa wotheedda. A bolla xaafetti utteedda sunthay de7ee; shin he sunthay ayenttonne aappe attin, ooninne erenna. \x - \xo 19:12 \xo*\xt Dan 10:6\xt*\x* 
\v 13 I mayyeedda mayuu suuthan naaqqi kesseeddawaa. A sunthaykka Xoossaa Qaalaa. 
\v 14 Saluwaa wottaaddaratuu bootha geeshsha suufiyaa geetettiyaa kiriyan dadetteedda mayuwaa mayyiide, bootha paratuwaa toggiide, A geeduwaa kaalliino. 
\v 15 Asaa zerethaa I dhayissiyaa kuussa mashshay A doonaappe kesee. Birataa xam77aan asaa I mooddana. Ubbaappe Wolqqaama Xoossay bare hanqquwaa woyiniyaa eessay gumi77ettiyaasan, gumi77iide bessana. \x - \xo 19:15 \xo*\xt Maz 2:9; Isa 63:3; Iyu 3:13; Sax 14:20\xt*\x* 
\v 16 A mayuwaa bollanne A wodiriyaa bolla, “Kaatatuwaa Kaatiyaanne godatuwaa Godaa” yaagiyaa sunthay xaafetti utteedda.
\p
\v 17 Hewaappe guyyiyan, taani itti kiitanchchay awaan eqqeeddaawa be7aaddi. He kiitanchchay saluwan dhoqqiide paalliyaa kafuwaa ubbatoo bare kooshshaa dhoqqu udiide, “Haa yiite. Xoossaa kawuwaassi ittisa7a shiiqite. \x - \xo 19:17-18 \xo*\xt Hiz 39:17-20\xt*\x* 
\v 18 Yiide kaatatuwaa ashuwaa, shaalaqatuwaa ashuwaakka wottaaddaratuwaa ashuwaa miite; paratuwaa ashuwaakka paratuwaa toggeeddawanttu ashuwaakka miite; qassi asaa ubbaa ashuwaa aylliyaawaanne womaannuwaa, dhoqqaawaanne hokaawaa miite” yaageedda.
\p
\v 19 Paraa toggeeddaawaannanne A wotaaddaratuuwanna olettanaw, do7aynne sa7aa kaatatu qassi unttunttu wottaaddaratuu itti sa7aa shiiqi utteeddawantta taani be7aaddi. 
\v 20 He do7ay A sinthaan malaataa ootheedda worddo nabiyaanna ittippe oyqetteedda. Do7aa mallay de7iyaawanttanne do7aa misilew goyinneeddawaantta I baletheeddawe he oothiyaa malaatatuwaana. Do7aynne wordduwaa timbbitiyaa odiyaawe laa77atuukka diiniyaan eexxiyaa tamaa abbaan paxa yegetteeddino. 
\v 21 Unttunttu wottaaddaratuu paraa toggeeddaawaa doonaappe kesiyaa mashshaan hayqqeeddino. Kafatuu ubbatuu unttunttu ashuwaappe barenttoo danddayeeddawaa keenaa meeddino.
\c 20
\s Sha77a Laythaa Kawutethaa
\p
\v 1 Ciimmo ollaa qulppiyaanne wolqqaama santhalataa bare kushiyan oyqqeedda itti kiitanchchay saluwaappe yiyaawaa taani be7aaddi. 
\v 2 Kiitanchchay dawiyaa, he beni shooshshaa, xalahiyaa kaappuwaa woy Seexaanaa giyaawaa oyqedda; yaatiide sha77a laythaw qachcheedda. \x - \xo 20:2 \xo*\xt Dom 3:1\xt*\x* 
\v 3 Kiitanchchay ciimmo ollaan A yeggiide, sha77a laythay wuranaw, asaa zerethaa laa7ethuwa balettenna mala, he ciimmo ollaa qulppi gorddiide attameedda. Hewaappe guyyiyan, dawi amareedda wodiyaa bilettanaw bessee.
\p
\v 4 Hewaappe guyyiyan, taani araatatuwaanne unttunttun utteeddawantta be7aaddi; unttunttussi pirddiyaa maatay imetteedda. Yesuusi qonccisseedda tumaanne Xoossaa qaalaa awaajjeedda diraw, barenttu qoodhiyaa qanxxetteedda asaa shemppuwaakka taani be7aaddi. Unttunttu do7aw woy do7aa misilew goyinnibeykkino. Unttunttu do7aa mallaa barenttu deemuwaan woy barenttu kushiyan wothibeeykkino. Unttunttu hayquwaappe denddiide, Kiristtoosaanna ittippe kaatetuwadan sha77a laythaw mooddeeddino. \x - \xo 20:4 \xo*\xt Dan 7:9,22\xt*\x* 
\v 5 Hayqqeeddawanttuppe coratuu sha77a laythay wurana gakkanaw, hayquwaappe denddibeykkino. Hewe koyro dendduwaa. 
\v 6 Koyro dendduwan denddeeddawanttu anjjetteeddawanttanne Xoossaa asatuwaa. Unttunttu bolla laa7entho hayqoo wolqqay baawa. Unttunttu Xoossaassinne Kiristtoosassi qeesatuwaa gidana; unttunttu aananna ittippe sha77a laythaw mooddana.
\s Seexaanay Xoonetteedda
\p
\v 7 Sha77a laythay wureeddawaappe guyyiyan, Seexaanay qashuwaappe bilettana. 
\v 8 I Sa7an ubbasan de7iya asaa zerethaa balethanaw kessana; hewe Googanne Maagooga geetettiyaawaa. Seexaanay abbaa shafiyaa keena zerethaa olaw shiishshana. \x - \xo 20:8 \xo*\xt Hiz 7:2; 38:2,9,15\xt*\x* 
\v 9 He zaretuu biittaa ubbaa mayyiide geeshshatuwaa heeraanne Xoossay siiqiyaa katamatto yuuyyi aadhdhi eqqeeddino. Shin tamay saluwaappe wodhdhiide, unttuntta meedda.
\p
\v 10 Do7aynne worddo nabii yegetteedda eexxiyaa diiniyaa tamaa abbaan xalahiyaa kaappuu, asaa zerethaa baletheeddawe, yegetteedda. Unttunttu qammanne gallassi medhi medhinaw paxa kaa7ettana.
\s Wurssetha Pirddaa
\p
\v 11 Hewaappe guyyiyan, taani wolqqaama bootha araataanne he araataan utteeddawaa be7aaddi. Sa7aynne saluu A sinthappe baqateeddino; laa7entho beettibeykkino. \x - \xo 20:11-12 \xo*\xt Dan 7:9-10\xt*\x* 
\v 12 Hayqqeeddawanttu, dhoqqu giyaawanttunne guuthatuu araataa sinthan eqqeeddaawantta taani be7aaddi. Maxaafatuu dooyetteeddino; hara maxaafay, de7uwa maxaafaykka dooyetteedda. Hayqqeeddawanttu barenttu oosuwaadan, maxaafatuwan xaafetti utteeddawaadankka pirddetteeddino. 
\v 13 Abbay bare giddon de7iya hayqqeeddaawantta immeedda; hayquunne Si7oolii barenttu giddon de7iya hayqqeeddawantta immeeddino. Ubbaykka barenttu oosuwaadan pirddetteeddino. 
\v 14 Hewaappe guyyiyan, hayquunne Si7oolii tamaa abbaan yegetteeddino. He tamaa abbay laa7etho hayquwaa. 
\v 15 De7uwa maxaafan bare sunthay xaafettibeenna asay ooninne tamaa abban yegetteedda.
\c 21
\s Ooratha Saluwaanne Ooratha Sa7aa
\p
\v 1 Hewaappe guyyiyan, taani ooratha saluwaanne ooratha sa7aa be7aaddi. Koyro saluunne koyro sa7ay dhayeedda. Abbaykka dhayeedda. \x - \xo 21:1 \xo*\xt Isa 65:17; 66:22; 2Ph 3:13\xt*\x* 
\v 2 Geeshsha katamatta ooratha Yeerusalaame, bare asinaw mayyaade giigeedda geliyaa wodoro naattiidan, giiga utteeddawunna saluwaappe Xoossaa matappe duge wodhdhewunno taani be7aaddi. \x - \xo 21:2 \xo*\xt Isa 52:1; 61:10; Sax 3:12\xt*\x*
\p
\v 3 Woliqqaama kooshshay araataappe hawaadan yaagiidde, haasayishshin, taani sisaaddi; “Xoossaa gollii asaanna de7ee; Xoossay asaanna ittippe de7ana. Unttunttu A asaa gidana; Xoossay bare huuphew unttunttunna de7ana. I unttunttu Xoossaa gidana. \x - \xo 21:3 \xo*\xt Hiz 37:27; Wog 26:11,12\xt*\x* 
\v 4 Xoossay unttunttu ayfiya afutha ubbaa quccana. Hawaappe sinthanaw hayquunne kayyuu woy waasunne sakuu baawa. Ayissi gooppe, eccabay dhayeedda” yaageedda. \x - \xo 21:4 \xo*\xt Isa 25:8; 35:10; 65:19\xt*\x*
\p
\v 5 Araatan utteeddawe, “Taani ubbabaa ooraxxissay” yaageedda. Qassikka gujjiide taana, “Taani haasayiyaawe ammanettiyaawaanne tuma gidiyaa diraw xaafa” yaageedda. 
\v 6 Qassikka taana hawaadan yaageedda; “Poletteedda. Taani Alfaanne Omeegaa; Doomethaanne Poluwaa. Saametteedda oonanne Taani de7uwaa haathaa pulttuwaappe coo ushshana. 
\v 7 Xooniyaa uray ooninne hawaa ubbaa laattana. Taani aw Xoossaa gidana; ikka ta na7aa gidana. \x - \xo 21:7 \xo*\xt 2Sa 7:14; Maz 89:26-27\xt*\x* 
\v 8 Shin yayyiyaawanttu, ammanennawanttu, tunatuu, shemppuwaa wodhiyaawanttu, woshummiyaawanttu, bitiyaawanttu, eeqaassi goyinniyaawanttunne worddotiyaawanttu ubbay de7iyaa sa7ay tamaynne eexxiyaa diinii eexxiyaa abbaa gidanawaa. Hewe laa7entho hayquwaa” yaageedda.
\s Ooratha Yeerusalaamo
\p
\v 9 Laappu wurssetha boshatuu kumeedda laappu keretuwaa oyqqeedda laappu kiitanchchatuwappe ittuu taakko yiide taana, “Haa ya. Taani neena gelewunno Dorssaa machchatto bessana” yaageedda. 
\v 10 Kiitanchchay taana daro dhoqqa deriyaa huuphiya Ayyaanan kessiide geeshsha katamatta, Yerusaalaama saluwaappe Xoossaa matappe duge wodhdhewunno taana besseedda. \x - \xo 21:10 \xo*\xt Hiz 40:2\xt*\x* 
\v 11 He katamatta Xoossaa bonchchuwan poo7aw. He katamatti poo7uu yasphphiidiyaa geetettiyaa al77o shuchchaa mala; birilliiyadan phoolaw. 
\v 12 He katamattiw tammanne laa77u penggetuunne he penggetuwaan tammanne laa77u kiitanchchatuu naagiyaa wolqqaama adussa dirssay de7ee. Penggetuwaan tammanne laa77u Israa7eeliyaa zaretuwaa sunthay xaafetti utteedda. \x - \xo 21:12-13 \xo*\xt Hiz 48:30-35\xt*\x* 
\v 13 Away doliyaa bagganna heezzu penggetuu de7iino. Qassi hirkki bagganna heezzu penggetuunne huuphissa bagganna heezzu penggetuu de7iino. Away wulliyaa baggaannakka heezzu penggetuu de7iino. 
\v 14 Katamatti dirssay Dorssay kiitteedda tammanne laa77atuwaa sunthay xaafetteedda tammanne laa77u shuchchatuwaa bolla gimbbetteedda.
\p
\v 15 Taananna haasayeedda kiitanchchaw katamatto, izi penggetuwaanne izi dirssaa likkiyaa worqqaa gatimay de7ee. \x - \xo 21:15 \xo*\xt Hiz 40:3\xt*\x* 
\v 16 Katamattiw oyddu gaxay de7ee; katamati geesaynne gomppay itti mala. Kiitanchchay katamatto bare gatiman likkeedda. Katamatta laa77u sha77anne laa77u xeetu kiilo miitiriyaa gidaaddu; katamatti geesay, gomppaynne dhoqqatethay itti mala. 
\v 17 Kiitanchchay qassi dirssaakka likkeedda. Asaa kushiyan itti xeetanne oytamanne oyddu wadha gideedda. Hewe ooninne likkiyaa ogiyaan kiitanchchay likkinaada.
\p
\v 18 Katamatti dirssay yasphphiidiyaa geetettiyaa shuchchan diretteedda. Katamatta birilliiyadan phooliyaa geeshsha worqqaan medhettaaddu. \x - \xo 21:18-21 \xo*\xt Isa 54:11-12\xt*\x* 
\v 19 Katamatti dirssaw hiixetteedda shuchchay bonchchetteedda shuchchaa ubbaan alleeqqetteedda; koyro hiixetteedda shuchchay yasphphiidiyaa; laa7enthuu sampperiyaa; heezzenthuu kelqqedooniyaa; oyddenthuu baluuriyaa; 
\v 20 ichcheshenthuu sarddonkkisa; usuppunthuu sarddiyoona; laappunthuu kiristtilooba; hosppunthuu biralli; uddupunthuu toophaaziyooniyaa; tammunthuu kirisphphiraasiisa; tammanne ittenthuu yaakinttiyaa; tammanne laa7enthuu ametesxxinoosiyaa.
\p
\v 21 Tammanne laa77u penggetuu tammanne laa77u inqquwaa geetettiyaa al77o shuchchaa; itti itti penggi itti inqquwan oosetteedda. Katamatti ogii birilliya mala geeshsha worqqaa.
\p
\v 22 Goday, Ubbaappe Wolqqaama Xoossaynne Dorssay katamatti Geeshsha Golliyaa gidiyaa diraw, taani he katamattin Geeshsha Golliyaa be7abeykke. 
\v 23 Katamattiw poo7iya away woy agenay koshshenna. Ayissi gooppe, Xoossaa bonchchuu he katamattin poo7ee; Dorssaykka he katamattiw xomppiyaa. \x - \xo 21:23 \xo*\xt Isa 60:19-20\xt*\x* 
\v 24 Asaa zerethay katamatti poo7uwan hamettana. Sa7aa katatuukka barenttu bonchchuwaa he katamattikko ahana. \x - \xo 21:24 \xo*\xt Isa 60:3\xt*\x* 
\v 25 Katamatti penggetuu ubba gallassikka dooya de7ana; ubbakka gorddettikkinno. Ayissi gooppe, hewan qammay baawa. 
\v 26 Asaa zerethaa gitatethaynne bonchchuu he katamattikko shiiqana. 
\v 27 Shin tunabay woy kawushshabaa oothiyaawe, woy worddotiyaawe ooninne he katamatto gelenna. Qassi Dorssaa de7uwa maxaafan sunthay xaafetteeddawanttu xalalay he katamatto gelana. \x - \xo 21:27 \xo*\xt Isa 52:1; Hiz 44:9\xt*\x*
\c 22
\p
\v 1 Hewaappe guyyiyan, kiitanchchay taana Xoossaa kawutethaa oydiyaappenne Dorssaa kawutethaa oydiyaappe goggiyaa birilliiyadan phooliyaa de7uwa haathaa shaafaa besseedda. \x - \xo 22:1 \xo*\xt Hiz 47:1; Zak 14:8\xt*\x* 
\v 2 He shaafay katamaa ogiyaa gidduwaanna duge goggee. Shaafaappe hefintha baggannanne hafintha bagganna agenaan itti gedenne laythan tammanne laa77u gede ayfiyaa de7uwa mithay de7ee. He mithaa bonchchuu de7iyaawe, zariyaa ubbaa harggiyaappe pathanaassa. \x - \xo 22:2 \xo*\xt Dom 2:9; Hiz 47:12\xt*\x*
\p
\v 3 He katamaan Xoossaa sheqay aynne baawa. Xoossaa kawutethaa oydiinne Dorssaa kawutethaa oydii he katamaan de7ana. Xoossaa oosanchchatuu Xoossaw goyinnana. \x - \xo 22:3 \xo*\xt Zak 14:11\xt*\x* 
\v 4 Unttunttu A deemuwa be7ana; A sunthay unttunttu deemuwaan xaafettana. 
\v 5 Hewaappe sinthaw hara qammay baawa. Unttunttoo xomppiyaa woy awaa poo7uwaa koshshenna; ayissi gooppe, Goday Xoossay unttunttussi xomppiyaa gidanawa. Unttunttu medhi medhinaw kawutana. \x - \xo 22:5 \xo*\xt Isa 60:19; Dan 7:18\xt*\x*
\s Yesuusa Yuussaa
\p
\v 6 Hewaappe guyyiyan, kiitanchchay taana hawaadan yaageedda; “Ha taani haasayiyaawe tumuwaanne ammanettiyaawaa. Nabatoo bare Geeshsha Ayyaanaa immiya Goday Xoossay, matan hananaw bessiyaawaa bare oosanchchatuwaa bessanaw bare kiitanchchaa kiitteedda” yaageedda.
\p
\v 7 Yesuusi, “Be7a! Taani ellekka yaana. Ha maxaafan de7iya timbbitiyaa naagiyaawanttu anjjetteeddawantta” yaageedda.
\p
\v 8 Taani Yohaannisi, ha ubbabaa sisaaddinne be7aaddi. Taani hawaa siseedda wodenne be7eedda wode, hewaa taana besseedda kiitanchchaw goyinnanaw, A gediyan kunddaaddi. 
\v 9 Shin kiitanchchay taana, “Hewaa oothoppa. Taani nenaadaaninne nabe gideedda ne ishatuwadan, qassi maxaafan de7iyaabaw azazettiyaa ubbatuwaadan aylliyaa. Xoossaw goyinna” yaageedda.
\p
\v 10 Hewaappe guyyiyan, kiitanchchay taana, “Hanana geedda ha maxaafaa qaalaa maatafan gorddoppa. Ayissi gooppe, ha ubbabay polettiyaa wodii matatteedda. 
\v 11 Iitabaa oothiyaawe gujjiidekka iitabaa ootho; tunay gujjiidekka tuno. Lo77obaa oothiyaawe gujjiidekka lo77obaa ootho; geeshshaynne gujjiidekka geeshsha gido” yaageedda. \x - \xo 22:11 \xo*\xt Dan 12:10\xt*\x*
\p
\v 12 Yesuusi, “Be7a! Taani ellekka yaana. Asaa ubbaw A oosuwaadan immanaw, ta woytaa akkaa yaana. \x - \xo 22:12 \xo*\xt Isa 40:10; 62:11; Maz 28:4; Erm 17:10\xt*\x* 
\v 13 Taani Alfaanne Omeegaa; Koyruwaanne Wurssethaa; Doomethaanne Poluwaa” yaageedda. \x - \xo 22:13 \xo*\xt Sax 1:8,17; 2:8; Isa 44:6; 48:12\xt*\x*
\p
\v 14 Barenttu mayuwaa geeshshi meecciyaawaanttu anjjetteeddawantta. De7uwa mithaa ayfiyaa maanawunne katamaa penggiyaanna gelanaw unttunttussi maatay imetteedda. \x - \xo 22:14 \xo*\xt Dom 2:9; 3:22\xt*\x* 
\v 15 Shin kanatuu, bitiyaawanttu, woshummiyaawanttu, shemppuwaa wodhiyaawanttu, eeqaassi goyinniyaawanttunne barenttu haasayaaninne barenttu kiitaan worddotiyaawanttu karenna de7iino.
\p
\v 16 “Taani Yesuusi, ha yewuwaa hinttenttussi woosa golletuwan markkattana mala, ta kiitanchchaa kiittaaddi. Taani Daawita Golliyaa Yeletaa. Taani poo7issiyaa Wonttaa Bakkaaliyaa” yaageedda. \x - \xo 22:16 \xo*\xt Isa 11:1,10\xt*\x*
\p
\v 17 Geeshsha Ayyaanaynne gelewunna, “Haa ya” yaagiino. Qassi hawaa sisiyawe ooninne, “Haa ya” yaago. Saametteedda asay ooninne haa yo. De7uwa haathaa koyyiyaa asay ooninne coo akko. \x - \xo 22:17 \xo*\xt Isa 55:1\xt*\x*
\p
\v 18 Taani ha maxaafan xaafetteedda hanana geedda qaalaa sisiyaa oonanne zoray. Ooninne ha qaalaa bolla ittibaa gujjooppe, Xoossay ha maxaafan xaafetteedda boshaa A bolla gujjana. 
\v 19 Ooninne maxaafan de7iya timbbitiyaa qaalaappe ayanne pacissooppe, ha maxaafaa giddon qonccisseedda de7uwa mithaa ayfiyaappenne geeshsha katamaappe A gakkiya gishuwaa Xoossay pacissana. \x - \xo 22:18-19 \xo*\xt Zar 4:2; 12:32\xt*\x*
\p
\v 20 Ha ubbabaw markkattiyaawe, “Tuma! Taani ellekka yaana” yaagee.
\p Amen77i. Godaa Yesuusaa, neeni haaya.
\p
\v 21 Godaa Yesuusi Kiristtoosa aadho keekatethay hinttenaanna \f + \fr 22:21 \fr*\fq hinttenanna: \fq*\ft cora hara bilethatuwan, Xoossaa asaa ubbaanna yaagee.\ft*\f* ubbaanna gido. Amen77i.