\id HEB - Dawro
\ide UTF-8
\h Ibraawe
\toc3 Ibr
\toc2 Ibraawe
\toc1 Ibraawe
\mt1 Ibraawe Asaw
\mt2 Xaafetteedda Kiitaa
\imt Geluwaa
\ip Hawe Phawuloosinne Phexiroosi xaafeeddawaadan kiitaa gidennaan timirtte gidiide xaafetteeddawe, wolqqaama tuggay gakkina, ammanuwaa agganaw mateedda ammaniyaa asatuwaassa (10:32-39). Ha maxaafaa xaafeeddawe oonentto erettenna. Ha Xaafiyaa huuphe qofay koyrottiide unttunttun de7iyaa siquwakko simmanaadan Yesuusa dhoqqatethaa bessiidde unttuntta zoree. He xaafii Ibrawe ammaniyaawanttussi minissi odiyaawe Yesuusi Kiristtoosi tumanne Xoossaa polo qonccethaa gidiyaawaana. Ha ammaniyaawanttu barenttu ammanuwan minnana mala, unttuntta menthethee. I hewaa oothiidde heezzu tumatuwaa qonccissiide bessee:
\io 1@ I akkeedda metuwaa bagganna bare Aawuwaassi tumu azazetteedda Yesuusi Xoossaw medhinaa Na7aa. I Xoossaa Na7aa gideedda diraw, Eca Qaalaa Caaquwaa wodiyaan timbbitiyaa odiyaawanttuppe, kiitanchchatuwaappenne, haray attin, Museppekka loythi aadhdhiyaawaa.
\io 2@ Yesuusi Eca Qaalaa Caaquwaa qeesatuwaappe loythi aadhdhiyaa, medhinaa qeesa gidiyaawaa Xoossay bare huuphew odeedda.
\io 3@ Yesuusa bagganna ammaniyaawe nagaraappe, yashshatethaappenne hayquwaappe attee. Yesuusi qeesatuwaa ubbatuwaa kaappuwaa gidiyaa diraw, kase Ibraawatuwaa ammanuwaa wogatuwaaninne mehetuwaa yarshshuwan kuwaadan beettiyaa atotethaa ha77i tuma gidanaadan udeedda.
\ip Xaafii Isra7eeliyaa asaa taarikiyaan daro eretteedda asaa ammanuwaa leemisuwaadan go77ettiide (Shemppuwaa 11), ha maxaafaa nabbabiyaa asatuu barenttu ammanuwan minnanaadan qofissee. Hewaadankka (Shemppuwaa 12) nabbabiyaawanttu barenttu ayfiyaa Yesuusa bollan tishshi udi wothiide, barenttu ammanuwan minnanaadaaninne ay mala metuunne waayyii gakkooppekka, unttunttu genccanaadan zoree. Wurssethaan qassi zoriyaanne akeekissuwaa qaalaa immiyaawan wurssee.
\iot Shemppatuwaa Ubbatuwassi Imetteedda Qantha Qofatuwaa
\io1 Geluwaa: Xoossay Yesuusan qoncceeddawaa (1:1-3)
\io1 Kiristtoosi kiitanchchatuwaappe bolla gidiyaawaa (1:4-2:18)
\io1 Kiristtoosi Museppenne Iyaasuppe bolla gidiyaawaa (3:1-4:13)
\io1 Kiristtoosa qeesatethaa dhoqqatethaa (4:14-7:28)
\io1 Kiristtoosa qalaa caaquwaa dhoqqatethaa (8:1-9:23)
\io1 Kiristtoosi yarshshetteeddawe oowaappenne dariyaawaa (9:23-10:39)
\io1 Ammanuwaa darotethaa (11:1-12:29)
\io1 Xoossaa nashechchussaa (13:1-19)
\c 1
\s Xoossay Bare Na7aa Bagganna Haasayeedda
\p
\v 1 Xoossay beni wode, nu aawotuu nabatuwaa bagganna dumma dumma ogiyaaninne daro wodiyaan haasayeedda. 
\v 2 Shin ha wurssetha wodiyaan, ubbabaa A laatissiide, yeletaa A bagganna medhdheedda bare Na7aa bagganna nuussi haasayeedda. 
\v 3 Na7ay Xoossaa bonchcho poo7uwaa phoolee; qassi kumentha Xoossaa eeshshaa akkiide, bare wolqqaama qaalaan ha sa7aa naagee; yaatiide asaa nagaraappe geeshshiide, Ubbaappe Bolla Xoossaappe ushechcha bagganna \f + \fr 1:3 \fr*\fq ushechcha bagganna: \fq*\ft Bonchchuwaanne wolqqaasa gidiyaawaa bessee.\ft*\f* saluwan utteedda.
\s Xoossaa Na7ay Kiitanchchatuwaappe Bolla
\p
\v 4 Xoossay aw immeedda sunthatethay kiitanchchatuwaappe dhoqqa gidiyaawadankka, unttunttuppe A loythi dhoqqu ootheedda. 
\v 5 Ayissi gooppe, Xoossay bare kiitanchchatuwappe oona,
\q1 “Neeni ta Na7aa;
\q2 taani hachche new aawuwaa gidaaddi”
\m geeddee? Woy qassi oona,
\q1 “Taani aw aawuwaa gidana;
\q2 ikka taw na7a gidana”
\m geeddee? \x - \xo 1:5 \xo*\xt Maz 2:7; 2Sa 7:14; 1Od 17:13\xt*\x* 
\v 6 Qassi Xoossay bare bayra Na7aa ha sa7aa yeddana haniidde,
\q1 “Ta kiitanchchatuwaa ubbatuukka aw goyinnino”
\m yaageedda. \x - \xo 1:6 \xo*\xt Zar 32:43\xt*\x* 
\v 7 Xoossay kiitanchchatuwaabaa haasayiidde,
\q1 “Taani ta kiitanchchatuwaa carkkuwaa kessay;
\q2 qassi ta oosanchchatuwaakka tamaa lacuwaa kessay”
\m yaagee. \x - \xo 1:7 \xo*\xt Maz 104:4\xt*\x* 
\v 8 Shin bare Na7aawaa haasayiidde,
\q1 “Xoossaw, ne kawutethaa oydii
\q2 medhi medhinaw de7ee.
\q2 Ne kawutethaa xillotethaan ahasaa. \x - \xo 1:8-9 \xo*\xt Maz 45:6-7\xt*\x*
\q1
\v 9 Neeni xillotethaa siiqaade;
\q1 naaquwaa ixxaadda.
\q2 Xoossay, ne Xoossay neena
\q2 ne laggetuwaappe aathiide,
\q2 nashechchaan ililissiyaa zaytiyaa okkeeddawe hawaassa”
\m yaagee. 
\v 10 Xoossay hawaadan yaagee;
\q1 “Godaw, koyro neeni sa7aa medhdhaadda;
\q2 saluwaakka ne kushiyan medhdhaadda. \x - \xo 1:10 \xo*\xt Maz 102:25-27\xt*\x*
\q1
\v 11 Hewanttu ubbay dhayana;
\q1 shin neeni de7ana.
\q2 Unttunttu ubbaykka afilaadan wurana.
\q1
\v 12 Neeni unttuntta gaabiyaadan dakkoyana;
\q1 qassi unttunttu afilaadan laamettanawantta.
\q2 Shin neeni neenakka;
\q2 ne laythay ubbaakka wurenna”
\m yaagee. 
\v 13 Shin Xoossay bare kiitanchchatuwappe ittuwaanne,
\q1 “Taani ne morkketuwaa neeni
\q2 gediyan yedhdhiyaawaa oothana gakkanaw,
\q2 hawaan taappe ushechcha baggan utta”
\m gibeenna. \x - \xo 1:13 \xo*\xt Maz 110:1\xt*\x* 
\v 14 Kiitanchchatuu ubbay Xoossaw oothanawunne atotethaa demmana asatuwaa maaddanaw Xoossay kiitteedda ayyaanatuwa gidikkinooyee?
\c 2
\s Wolqqaama Anjjuwaa
\p
\v 1 Hewaa diraw, nuuni siseedda tumu yewuwaappe sugetti wora beenna mala, he yewuwaa loythi oyqqanaw bessee. 
\v 2 Ayissi gooppe, kiitanchchatuu odeedda qaalay tuma gidiyaa diraw, naaqqiyaa woy azazettenna asay ubbay muretteeddawaa gidooppe, 
\v 3 Yaatina, nuuni ha wolqqaama atotethaa sheneko gooppe, waaniide attanee? Goday koyro bare huuphew ha atotethaa odeedda; qassi I odeeddawaa siseeddawanttu nuussi geeshshiide odeeddino. 
\v 4 He siseeddawanttu markkatteeddawe bolla Xoossaykka mallaa, oorathabaanne dumma dumma malaata kiitettiyaawan gujji markkatteedda; qassi Geeshsha Ayyaanaa imuwaakka bare koyyeeddawaadan, gishi gatheedda.
\s Atotethaw Kaalethiyaawaa
\p
\v 5 Ayissi gooppe, Xoossay nuuni haasayiyaa sinthaappe yaana alamiyaa, kiitanchchatuwa moodissibeenna. 
\v 6 Shin Xoossaa Maxaafay itti saan hawaadan yaagee;
\q1 “Xoossaw, neeni asaawaa qoppanaw asay aye?
\q2 Woy neeni aw hirgganaw I ayee? \x - \xo 2:6-8 \xo*\xt Maz 8:4-6\xt*\x*
\q1
\v 7 Neeni kiitanchchatuwappe
\q2 amareedda wodiyaa A guuthaadda.
\q1 A huuphiyankka bonchchuwaanne
\q2 sabaa akililiyaa wothaadda.
\q1
\v 8 Qassi ubbabaa A gediyaappe garssanna
\q2 wothaade moodissaadda”
\m yaagee. Ayissi gooppe, Xoossay ubbabaakka A moodisseeddawaadan aani moodettibeennawe ayaynne baawa; shin ha77i ubbabay aw moodettiyaawe nuussi beettenna. 
\v 9 Shin nuuni Yesuusa be7eetto; Yesuusi Xoossaa aadho keekatethaa bagganna asa ubbaw hayqqana mala, amareedda wodiyaa kiitanchchatuwappe garssa gideedda. Qassi hayquwaa waayyiyaa I waayyetteedda diraw, poo7iya bonchchuwaanne sabaa akililiyaa wotheeddawaa ha77i nuuni be7eetto. 
\v 10 Xoossay ubbabaa medhdheeddawe, ubbabaakka naagiyawe, Yesuusi daro naanaa ahiide, barenanna bonchchissana mala, waayyiyaa bagganna Yesuusa balay baynnawaa ootheeddawaa bessee; ayissi gooppe, he naanaa atotethaw kaalethiyaawe Yesuusa.
\p
\v 11 Ayissi gooppe, asaa geeshshiyaa Yesuusawukka qassi he geeyyeedda asaa ubbawukka Aawuu ittuwa. Yesuusi unttuntta, “Ta ishatuwaa” giide yeellatennaan xeesiyaawe hawaassa. 
\v 12 Yesuusi,
\q “Taani ne sunthaa ta ishatoo awaajjana.
\q2 Maabaraa shiiquwankka neena galatana”
\m yaagee. \x - \xo 2:12 \xo*\xt Maz 22:22\xt*\x* 
\v 13 Qassi I, “Taani ta ammanuwaa Xoossaan wothana” qassikka, “Xoossay taw immeedda naanatuwaanna taani hawaan de7ay” yaagee. \x - \xo 2:13 \xo*\xt Isa 8:17,18\xt*\x*
\p
\v 14 Naanaa giide I xeesiyaawanttu, ashuwaappenne suuthaappe medhetteedda asatuwaa gidiyaa diraw, Yesuusi bare huuphew unttuntta malatiide, unttunttu medhetaa akkeedda; qassi I hewaa ootheeddawe, xalahiyaa kaappuwaa hayquwaa bolla maatay de7iyaawaa bare hayquwan dhayissanaassa. 
\v 15 Qassi barenttu de7uwaa ubbaan hayqoo yayyiide, hayqoo aylletiide de7iyaawantta ubbatuwaa aylletethaappe kesseedda.
\p
\v 16 Ayissi gooppe, Abraahaama zariyaa I maaddiyawaappe attin, kiitanchchatuwa maaddennawe eretteedda. \x - \xo 2:16 \xo*\xt Isa 41:8-9\xt*\x* 
\v 17 Hewaa diraw, asaa nagaray atto geetettana mala, Xoossaa kiitaan ammanetteedda maariyaa qeesatuwaa ubbatuwaa kaappuwaa gidana mala, ubbabaani I bare ishatuwaa malatanaw bessee. 
\v 18 Ayissi gooppe, I bare huuphew paacetteedda dirawunne waayyetteedda diraw, paacettiyaawantta maaddanaw danddayee.
\c 3
\s Yesuusi Museppe Bolla
\p
\v 1 Hewaa diraw, Xoossay xeeseedda geeshsha ishatoo, nu markkatethaa Xoossay kiitteeddawaa qeesatuwaa ubbatuwaa kaappuwaa, Yesuusi Kiristtoosa qoppite. 
\v 2 Muse bare kiitaan Xoossaa golliyaa ubbaan ammanetteeddawaa gideeddawaadan, Yesuusikka barena dooriide, ha oosoo yeddeedda Xoossaw ammanetteeddawaa. \x - \xo 3:2 \xo*\xt Pay 12:7\xt*\x* 
\v 3 Ayissi gooppe, keexettiya golliyaappe keexxiyaa bitani bonchchettiyaawaadan, Musewaappe aadhdhiyaa bonchchuwaa I akkanaw bessiyaawe eretteeddawaa. 
\v 4 Ayissi gooppe, golliyaa ubbaa keexxeeddawe itti asaa; shin ubbabaa keexxeeddawe Xoossaa. 
\v 5 Muse Xoossaa golliyaa ubbaan ammanetteedda oosanchchaa gidiide, Xoossay sinthaappe gaanawaa markkatteedda. 
\v 6 Shin Kiristtoosi Xoossaa gollen na7adan ammanetteeddawaa; nuuni akkana giide nashechchaan naagiyaawaa xalatethaaninne ammanuwan naagooppe, Xoossaw golliyaa gideetto.
\s Xoossaa Asay Shemppuwaa Demmana
\p
\v 7 Hewaa diraw, Geeshsha Ayyaanay hawaadan yaagee;
\q1 “Xoossaa qaalaa hinttenttu hachche sisiyaabaa gidooppe, \x - \xo 3:7-11 \xo*\xt Maz 95:7-11\xt*\x*
\q2
\v 8-9 hinttenttu aawotuu taw ixxi makkaliide,
\q1 oytamu laythaa ta oosuwaa be7eedda bazzuwaa paaciyaa gallassaadan,
\q2 hinttentukka zoriyaa akkennaan ixxoppite.
\q1
\v 10 Hewaa diraw, taani
\q2 he asaa hanqqettaade,
\q1 ‘Unttunttu ubba wode barenttu wozanaan baliino.
\q2 Ta ogiyaakka eribeykkino’ yaagaaddi.
\q1
\v 11 Hewaadankka qassi,
\q2 taani hanqqetta caaqqaade,
\q1 ‘Taani shemppiyaasaa unttunttu
\q2 ubbakka gelikkino’ yaagaaddi”
\m yaagee.
\p
\v 12 Taanaadan ammaniyaawanttoo, de7uwa Xoossaappe hinttentta shaakkiyaa iita ammanenna wozanay hinttenan oonaninne de7enna mala naagettite. 
\v 13 Shin Xoossay hinttentta ubba gallassi hachche giide xeesishin, hintteppe oonanne nagaray balethina, zoriyaa akkennaan ixxenna mala, ittu ittuwa zorite. 
\v 14 Ayissi gooppe, nuuni koyro nuussi de7iya ammanuwaa wurssethay gakkanaw loythi naagooppe, Kiristtoosanna ittippe shaakkana. 
\v 15 Xoossaa Maxaafay,
\q1 “Xoossaa qaalaa hinttenttu
\q2 hachche sisiyaawaa gidooppe,
\q1 he wode unttunttu ixxi makkaleeddawaadan,
\q2 zoriyaa akkennaan ixxoppite”
\m yaageedda. \x - \xo 3:15 \xo*\xt Maz 95:7-8\xt*\x*
\p
\v 16 Xoossay giyaawaa sisiide, aw makkaleedda asatuu oonee? Muse Gibxeppe kaalethina keseedda ubbatuwaa gidikkinooyee? \x - \xo 3:16-18 \xo*\xt Pay 14:1-35\xt*\x* 
\v 17 Xoossay oytamu laythaa oonan hanqqetteeddee? Anhay woraan atteedda asatuwaa, nagaraa ootheeddawantta gidikkinooyee? 
\v 18 Qassi Xoossay barew azazettennan ixxeeddawanttu I shemppiyaa sa7aa ubbaakka gelenna mala, unttunttussi caaqqeeddawaappe attin, oossi caaqqeeddee? 
\v 19 Unttunttu ammanibeenna diraw, shemppiyaasaa gelanaw danddayibeennawaa nuuni be7eetto.
\c 4
\p
\v 1 Simmi Xoossay nuuna bare shemppiyaasaa, “Gelissana” geeddawe bira gidooppe, hintteppe ooninne he shemppiyaasaa gelennaan attenna mala naagetto. 
\v 2 Ayissi gooppe, unttunttu wonggalaa mishiraachchuwaa siseeddawaadan, nuunikka siseeddo; unttunttu siseeddino, shin ammaniide akkibeenna diraw, aynne unttuntta go77ibeenna. 
\v 3 Gidooppekka, Xoossaa kiitay sa7ay medhettoodeppe doommina poletteeddawaa gidooppenne, Xoossay,
\q “Taani hanqqetta caaqqaade,
\q2 ‘Unttunttu taani shemppiyaasaa
\q ubbaakka gelikkino’ yaagaaddi”
\m geeddawaadan, nuuni ammaneeddawanttu I shemppiyaasaa gelana. \x - \xo 4:3 \xo*\xt Maz 95:11\xt*\x* 
\v 4 Ayissi gooppe, laappuntha gallassaabaa ittisa7an Xoossaa Maxaafay, “Xoossay laappuntha gallassan bare oosuwaa ubbaappe shemppeedda” yaageedda. \x - \xo 4:4 \xo*\xt Dom 2:2\xt*\x* 
\v 5 Qassi he sa7an, “Unttunttu taani shemppiyaasaa ubbakka gelikkino” yaageedda. \x - \xo 4:5 \xo*\xt Maz 95:11\xt*\x* 
\v 6 Wonggalaa mishiraachchuwaa koyro siseeddawanttu azazettibeenna diraw, shemppuwaa sa7aa gelibeeykkino; itti itti asatuu yaa gelanawanttu de7iino. 
\v 7 Xoossay daro wodiyaappe guyyiyan, Daawita bagganna laa7enthuwa itti gallassaa, “Hachche” giya qaalaan keeriide,
\q2 “Xoossaa qaalaa hinttenttu hachche sisiyaawaa gidooppe,
\q2 zoriyaa akkennaan ixxoppite”
\m yaageedda. \x - \xo 4:7 \xo*\xt Maz 95:7-8\xt*\x* 
\v 8 Xoossay shemppiyaasaa asaa afiide Iyaasu shemppisseeddawaa gidintto, Xoossay hara gallassaawaa guyye keerenna. \x - \xo 4:8 \xo*\xt Zar 31:7; Iya 22:4\xt*\x* 
\v 9 Hewaa diraw, Xoossaa asaw Sambbataa shemppuu naagetti utteedda. 
\v 10 Ayissi gooppe, Xoossay shemppiyaasaa geliyaa ooninne, Xoossay bare oosuwaappe shemppeeddawaadan, ikka bare oosuwaappe shemppana. \x - \xo 4:10 \xo*\xt Dom 2:2\xt*\x* 
\v 11 Simmi Israa7eeliyaa asay azazettennan ixxiide, Xoossaanna ittippe shemppiyaasaa gelennaan atteeddawaadan, nuuppe ooninne hewaa mala ixuwan yaa gelennaan attenna mala minnoytte.
\p
\v 12 Ayissi gooppe, Xoossaa qaalay midhinaw de7iyaawaannee oothiyaawaa; laa77u bagganna leefetteedda mashshaappekka aadhdhiide kuusee. He qaalay shemppuunne ayyaanay, kuriinne kolzzii ittippe gakettiyaasaa shaakkana gakkanaw caddee. Qassi asaa wozanaan de7iyaa koshshaanne qofaa I shaakkee. 
\v 13 Nuuni oothiyaawaa wochchiyaa Xoossaa sinthan ubbabaykka beettiyaawaappenne qoncciyaan de7iyaawappe attin, A ayfiyan geemmiya medhetay ayaynne baawa.
\s Yesuusi Qeesatuwaa Ubbatoo Wolqqaama Kaappuwaa
\p
\v 14 Simmi saluwaa beedda, qeesatuwaa ubbatuwaa wolqqaama kaappuu, Xoossaa Na7ay Yesuusi, nuussi de7iyaa diraw, nu ammanuwaa loythi naageetto. 
\v 15 Ayissi gooppe, nu qeesatuwaa ubbatuwaa kaappuu nuuni daaburiyaa wode nuussi qarettanaw danddayee; nagaraa I oothibeennaawaappe attin, nuunaadan ubbabankka paacetteedda. 
\v 16 Simmi nuuna koshshiyaa wode maaddiyaa maarotethaa akkanawunne aadho keekatethaa demmanaw, aadho keekatethay de7iya sa7aa Xoossaa araataakko, yayyennaan shiiqoytte.
\c 5
\p
\v 1 Qeesatuwaa ubbatuwaa kaappatuu huuphiyaan huuphiyaan bare asaa giddoppe doorettiide, he asaa gishshataw Xoossaw oothanaw, imuwaa immanawunne nagaraa yarshshuwaa yarshshanaw sunthetteeddino. 
\v 2 I bare huuphew daaburanchcha gidiyaa diraw, tamaaribeennawanttoonne baliyaawanttoo qarettanaw danddayee. 
\v 3 Hewaa diraw, he qeesatuwaa ubbatuwaa kaappuu asaa diraw yarshshuwaa yarshshiyaawaadan, bare huuphe nagaraa dirawukka yarshshanaw bessee. \x - \xo 5:3 \xo*\xt Wog 9:7\xt*\x*
\p
\v 4 Xoossay Aaroona qeesatuwaa ubbatuwaa kaappuwaa giddana mala xeeseeddawaadan, Xoossay xeesanaappe attin, ooninne qeesatuwaa ubbatuwaa kaappuwaa gidiyaa bonchchuwaa barew akkanaw danddayenna. \x - \xo 5:4 \xo*\xt Kes 28:1\xt*\x* 
\v 5 Hewaadankka, Kiristtoosi qeesatuwaa ubbatuwaa kaappuwaa gidiyaa bonchchuwaa barew akkibeenna; shin Xoossay A,
\q “Neeni ta Na7aa.
\q2 Taani hachche new Aawuwaa gidaaddi”
\m yaageedda. \x - \xo 5:5 \xo*\xt Maz 2:7\xt*\x* 
\v 6 Hewaadankka qassi harasaan,
\q “Malkki-Xedeqi \f + \fr 5:6 \fr*\fq Malkki-Xedeqi: \fq*\ft Ha sunthay Eca Caaquwaan xeesetteeddawe, I Qeesaa Aaroneppe kasenna de7eeddawe eretto diraassa. A guyye zariyaabaassinne A hayquwaabaassi aynne geetettowe baawa. 7:3; Dom 14:17-20 xeellite.\ft*\f* qeesa gideeddawaadan,
\q2 neenikka medhinaw qeesa gidana”
\m yaageedda. \x - \xo 5:6 \xo*\xt Maz 110:4\xt*\x*
\p
\v 7 Yesuusi sa7an de7iyaa wode, barena hayquwaappe ashshanaw danddayiyaa Xoossaa loythi yeekkiiddenne afoxxiidde woosseeddanne oochcheedda; Xoossay A woosaa siseeddawe, I barena toochcheeddawaassanne aw yayyeeddawaassa. 
\v 8 Yesuusi Xoossaa Na7aa gidooppenne, bare waayyetteedda waayyiyaan azazettiyaawaa tamaareedda. 
\v 9 Yesuusi bare oosuwaa poleedda wode, barew azazettiya ubbaw medhinaa atotethaa demmanaw gaaso gideedda. 
\v 10 Qassi Xoossay Malkki-Xedeqa sunthatethaadan, qeesatuwaa ubbatuwaa kaappuwaa gidana mala, A suntheedda.
\s Asay Balennaadan Odetteedda Mino Oduwaa
\p
\v 11 Nuuni ha yewuwaan haasayanabay darobay de7ee; shin hinttenttu akeekanaw azalla gidiyaa diraw, hinttenttussi odi gelissanaw waayisse. 
\v 12 Ayissi gooppe, hinttenttu ha wodiyaan tamaarissiyaawantta giddanaw bessooppekka, Xoossaa qaalaa koyro timirttiyaa hinttentta zaari tamaarissiyaa itti uraa koshshee; hinttentta ushiyaa maathaa koshsheeppe attin, coommiyaa qumaa koshshenna. 
\v 13 Maathaa pakettiide de7iyaa ooninne gacino na7aa gidiyaa diraw, xillotethaa timirttiyaawaa erenna. 
\v 14 Shin mino qumay iitanne keeka de7uwa daruwan shaakki ereedda wozanaama asaassa.
\c 6
\p
\v 1-2 Hewaa diraw, Kiristtoosa timirttiyaa biro doommiyaawa aggiide, wozanaama asaa timirttew sinthaw boytte; koyro nuuni tamaaranaw koshshiyaa timirttiyaa wodhdhii eqqiide tamaaranaw nuussi bessenna; he timirttii aye gooppe, maaddenna oosuwaappe simmiyaawaa, Xoossaa ammaniyaawaa, xinqqatatuwaabaa, \f + \fr 6:1-2 \fr*\fq Xinqqatatuwaabaa: \fq*\ft Meechchatuwabaa giyaawaa gidiide geeshshatethaabaa Griiken dumma dumma wogaa gidiyaawaa bessee.\ft*\f* kushiyaa wothuwaabaa, hayquwaappe dendduwaabaanne medhinaa pirddaabaa. 
\v 3 Xoossay oothite gooppe, hewaa nuuni oothana.
\p
\v 4-5 Ayissi gooppe, ittoodekka poo7uu poo7eeddawanttanne saluwaa imuwaa baari be7eeddawantta, qassi Geeshsha Ayyaanaakka shaakki akkeeddawanttanne Xoossaa qaalay lo77a gideeddawaa sisi ereeddawantta, sinthaappe yaana sa7aa wolqqaakka bochchi xeelleeddawantta, 
\v 6 hewaappe guyye simmiide kaddeeddawaantta nagaraappe laa7enthuwa zaaranawe danddayettenna. Ayissi gooppe, hewanttu Xoossaa Na7aa masqqaliyaa bolla misimaariyan dhishiide kaqqiyaawanttanne asa sinthan kawushshiyaawanttu mala.
\p
\v 7 Ubba wode bukkiyaa iraa ushina, gosheedda uraa go77iyaa kathaa mokkiyaa biittaa Xoossay anjjee. 
\v 8 Shin buluwaanne buuzzuwaa mokkooppe, aynne go77enna; sheqaw shiiqi utteedda. Qassi wurssethaan guudettana. \x - \xo 6:8 \xo*\xt Dom 3:17-18\xt*\x*
\p
\v 9 Shin nu siiqatoo, nuuni hawaadan haasayiyaawaa gidooppenne, hinttenttu atotethaw gidiyaa lo77obay hinttenttussi de7iyaawaa ereetto. 
\v 10 Ayissi gooppe, hinttenttu ootheedda oosuwaanne qassi ammaniyaawantta maaddeeddawaaninne ha77ikka maaddiyaawan Xoossaa siiqeedda siiquwaa Xoossay doganaw makkala gidenna. 
\v 11 Hinttenttu huuphiyaan huuphiyaan demmana giide, hidootaan naagi utteedda kumentha tumatethaa wurssethay gakkanaw, kasewaadan minissiide oothana mala amotteetto. 
\v 12 Xoossay immana geeddawa ammanuwaaninne genccan laattiyawanttu mala hinttenttu gidanawaa nuuni koyyiyaawaappe attin, azalla gidanawaa koyyokko.
\s Xoossay Immeedda Hidootay Sidhissennawaa
\p
\v 13 Xoossay Abraahaamoo immana giide caaqqeedda wode, bareppe aadhdhiyaa wolqqaamay baynna diraw, bare huuphiyan caaqqeedda. 
\v 14 Xoossay A,
\q “Taani neena anjjana;
\q2 ne zerethaakka corissana”
\m yaagiide caaqqeedda. \x - \xo 6:14 \xo*\xt Dom 22:16-17\xt*\x* 
\v 15 Hewaadankka, Abraahaamo gencci naagiide, Xoossay immana geeddawa akeedda.
\p
\v 16 Ayissi gooppe, asay bareppe dhoqqiyaa uraan caaqqee; qassi he caaquu palumiyaa ubbaakka te77ee. 
\v 17 Hewaa diraw, Xoossay bare immana geeddawa laattanawanttoo bare qofaa ubbaakka laammennawaa geeshshi odanaw loythi koyyiide, hewe tuma gideeddawoo caaqqeedda. 
\v 18 Xoossay worddotanaw danddayenna ha laa77u laamettenna yewatuwan, I immana geedda nu sinthan de7iyaawaa oyqqanaw aakko baqateedda nuussi wolqqaama menthethu de7ee.
\p
\v 19 Ha nuuni demmana giide nashechchaan naagi utteeddawe, nu shemppoo markkabiyaa oyqqiyaa qaaxxenna birataa mala; he nuuni demmana giide, nashechchaan naagi utteeddawe eretteedda mino gidiide, gaariiduwaa \f + \fr 6:19 \fr*\fq gaariduwaa: \fq*\ft Hawe dunkkaaniyaa gidduwan goynaw maaddiyaawaa. Hewekka “Geeshshasaa” geetetteeddawaappe “Geeshshaappe Geeshshasaa” shaakkanaw go77iyaawaa gidiide qeesatuwaa kaappo xalalay gelanaw danddayiyaasaa.\ft*\f* giddo geeshshasaa gelee. \x - \xo 6:19 \xo*\xt Wog 16:2\xt*\x* 
\v 20 Qassi Yesuusi Malkki-Xedeqa sunthatethaadan, medhinaw qeesatuwaa ubbatuwaa kaappuwaa gidiide, nu gishshataw nuuppe kasetiide, he sa7aa geleedda. \x - \xo 6:20 \xo*\xt Maz 110:4\xt*\x*
\c 7
\s Qeesaa Malkki-Xedeqa
\p
\v 1 Ha Malkki-Xedeqi, Saleema kaatii, Ubbaappe Bolla Xoossaa qeesay, Abraahaamo kaatetuwa wodhiide olaappe simmishshin, aananna gakettiide, A anjjeedda. \x - \xo 7:1-2 \xo*\xt Dom 14:17-20\xt*\x* 
\v 2 Abraahaamo bare omoddeedda ubbaappe asirataa kessiide, aw immeedda; Malkki-Xedeqa sunthaw koyro bilethay xillotetha kaatiyaa giyaawaa; qassi Saleema kaatiyaa I gidiyaa diraw, laa7etho bilethay sarotethaa kaatiyaa giyaawaa. 
\v 3 Malkki-Xedeqaw daaya woy aawuu, woy aw zariyaa payduu baawa; qassi A yeletaw doomethay woy A hayqoo wurssethay baawa; shin Xoossaa Na7aa malatiide, medhinaw qeesa gideedda.
\p
\v 4 Nu aawotuwa kaappuu Abraahaamo olaan omoddiide, aheeddawaappe asirataa immeedda Malkki-Xedeqi ay keena dhoqqu giyaawentto be7ite. 
\v 5 Qeesaa gidiyaa Leewiyaa zaratuu Isra7eeliya asaappe, hewenne barenttu gade asaappe haray atto unttunttu Abraahaamo zare gidooppenne, asirataa akkana mala, higgiyan azazetteeddino. \x - \xo 7:5 \xo*\xt Pay 18:21\xt*\x* 
\v 6 Malkki-Xedeqi Leewiyaa zare gidenna; shin Abraahaamoppe asirataa akkiide, Xoossay immana geeddawaa naagiyaa Abraahaama anjjeedda. 
\v 7 Qassi anjjiyaawe anjjettiyaawaappe dhoqqu giyaawe palunthenna.
\p
\v 8 Itti bagganna, hayqqiyaa asay asirataa kessee; shin hara bagganna qassi, hayqqenna giide markkattiyaa uray asirataa kessee. 
\v 9 Hawaadan haasayanaw haray atto, asirataa kessiyaa Leewiikka Abraahaamo bagganna asirataa immeedda. 
\v 10 Ayissi gooppe, Malkki-Xedeqi Abraahaamonna gakettiyaa wode, Leewii biro yelettibeenna; shin bare zariyaa Abraahaama gulbbatan de7ee.
\p
\v 11 Isra7eeliyaa asaw higgii Leewiyaa \f + \fr 7:11 \fr*\fq Leewiyaa: \fq*\ft Ha sunthaa xeesettiyaawanttu qeesatuwaappenne unttuntta maaddiyaawanttuppe dooretteeddawantta.\ft*\f* zerethatuwaa qeesetethaa bagganna imetteedda. He qeesetethaa kiitay balay baynnawaa gidooppe, Aaroonawaa mala gidennaan Malkki-Xedeqa mala hara qeesay sunthettanaw ayissi koshshii? 
\v 12 Ayissi gooppe, qeesetethay laamettiyaa wode, higgiikka qassi laamettanaw koshshee. 
\v 13 Ha yewuu haasayetteedda uray hara zarii; A zariyaappe ooninne yarshshiyaasaan qeesaadan oothibeenna. 
\v 14 Nu Goday Yihudaa zariyaappe yeeddawe eretteeddawaa gidiyaa diraw, Muse qeesatuwaabaa haasayiidde, he zariyaabaa aynne haasayibeenna.
\s Kiristtoosi Malkki-Xedeqa Mala Qeesaa
\p
\v 15 Malkki-Xedeqa mala hara qeesay yeeddawaa gidintto, hawe aadhdhiide erettanawaa. 
\v 16 I asaa higgiyaaninne wogaan qeesa gidibeenna; shin wurenna de7uwa wolqqaan qeesa gideedda. 
\v 17 Ayissi gooppe, Xoossaa Maxaafay,
\q “Malkki-Xedeqi qeesa gideeddawaadan,
\q2 neenikka medhinaw qeesa gidanawa”
\m yaagiide markkattee. \x - \xo 7:17 \xo*\xt Maz 110:4\xt*\x* 
\v 18 Beni de7iyaa higgii laafanne maaddennawaa gidiyaa diraw atteedda. 
\v 19 Ayissi gooppe, Muse higgii ayanne balay baynnawaa oothanaw danddayenna; qassi nuuni A bagganna Xoossaakko shiiqana giide nashechchaan naagi utteedda ubbaappe aadhdhiyaawe yeedda.
\p
\v 20 Hewaa bollan qassi Xoossaa caaquukka de7ee; haratuu qeesa gideedda wode, hewaa mala caaquu baawa. 
\v 21 Shin Yesuusi caaquwaan qeesa gideedda; Xoossay A,
\q “Goday caaqqeedda; I bare qofaa laammenna.
\q2 ‘Neeni medhinaw qeesa gidana’ geedda”
\m yaageedda. \x - \xo 7:21 \xo*\xt Maz 110:4\xt*\x* 
\v 22 Hewaa diraw, Yesuusi ubbaappe aadhdhiyaa caaqoo waase gideedda.
\p
\v 23 Kase qeesatuwaa payduu cora; ayissi gooppe, unttunttu oothana oosuwaa hayquu diggeedda. 
\v 24 Shin Yesuusi medhinaw de7iyaa diraw, A qeesetethay laamettenna. 
\v 25 Hewaa diraw, I unttunttu gishshataw gaannatanaw medhinaw de7iyaa diraw, Xoossaakko bare bagganna yiyaawantta ubbatuwaa ashshanaw danddayee.
\p
\v 26 Nuussi giigiyaa hawaa mala, qeesatuwaa ubbatuwaa kaappuu de7anaw koshshee; I geeshsha; aani geniinne kadhethiyaabay baawa; nagaranchchatuwaanna I gakettenna; qassi dhoqqa saluwankka I bonchchetteedda. 
\v 27 Hara qeesatuwaa ubbatuwaa kaappatuwaadan, I koyro bare huuphe nagaraassi yarshshiide, qassi guyyeppe asaa nagaraassi hachche hachche yarshshanaw koshshenna; I barena yarshsheedda wode, laa7enthennaan itti gede yarshsheedda. \x - \xo 7:27 \xo*\xt Wog 9:7\xt*\x* 
\v 28 Ayissi gooppe, Muse higgii daaburanchcha asaa qeesatuwaa ubbatuwaa kaappuwaa udiide sunthee; shin Xoossay immana giide caaqqeedda higgiyaappe guyye yeedda qaalay medhinaw balay baynnawaa, Xoossaa Na7aa sunthee.
\c 8
\s Yesuusi Ooratha Qaalaa Caaquwaa Qeesatuwaa Ubbatuwaa Kaappuwaa
\p
\v 1 Nuuni haasayiyaa wolqqaamabay hawaa; saluwan Ubbaappe Bolla Xoossay uttiyaa kawutethaa oydiyaappe ushechcha bagganna utteedda qeesatuwaa ubbatuwaa kaappuu, hawaa malay nuussi de7ee. \x - \xo 8:1 \xo*\xt Maz 110:1\xt*\x* 
\v 2 Geeshsha Sa7aaninne tumu Dunkkaaniyan I oothee; he Dunkkaanii asay esseeddawaa gidennaan, Xoossay esseedawaa.
\p
\v 3 Qeesatuwaa ubbatuwaa kaappuu ubbay imuwaanne yarshshuwaa Xoossaw immanaw sunthetteedda diraw, ha qeesatuwaa ubbatuwaa kaappookka yarshshanaw ittibay de7anaw koshshee. 
\v 4 Simmi sa7an I de7iyaawaa gidooppe, ubbakka qeesa gidenna; ayissi gooppe, higgii azaziyaawaadan, imuwaa immiya qeesatuu de7iino. 
\v 5 Unttunttu qeesatuwaadan oothiyaa kiitay saluwan de7iyaa oosoo tumu leemisuwanne eeshuwaa; ayissi gooppe, Muse Dunkkaaniyaa essana hanishshin, Xoossay A, “Akeeka; ubbabaakka taani neena deriyaa huuphiyaan besseedda leemisuwaa kaallaade ootha” yaageedda. \x - \xo 8:5 \xo*\xt Kes 25:40\xt*\x* 
\v 6 Shin Yesuusi gaannatiyaa caaquu kasewaappe aadhdhiyaawaadankka, aw imetteedda oosuukka unttunttuwappe aadhdhee; ayissi gooppe, he caaquu Xoossay immana geedda ubbaappe aadhdhiyaa kiitaan oosetteedda.
\p
\v 7 Ayissi gooppe, koyro caaquwaan balay baynnawaa gidintto, laa7entho caaquwaa koshshenna. 
\v 8 Shin unttuntta boriidde, Goday hawaadan yaagee;
\q1 “Taani Israa7eeliyaa asaannanne Yihudaa asaanna
\q2 ooratha caaquwaa caaqettiyaa gallassatuu yaanawaa. \x - \xo 8:8 \xo*\xt Erm 31:31-34\xt*\x*
\q1
\v 9 He caaquu taani Gibxe gadiyaappe
\q2 unttunttu aawatuwaa kushiyaa oyiqqaade, goochcha kesseedda wode,
\q1 unttunttunna caaqetteedda caaquwaa mala gidenna.
\q2 Unttunttu ta caaquwaan ammanettibeenna diraw,
\q2 taanikka unttuntta aggaaddi.
\q2 Taani, Goday, hawaa oday.
\q1
\v 10 Ayissi gooppe, he gallassatuwaappe guyyiyan,
\q2 taani Israa7eeliyaa asaanna caaqettana caaquu hawaa:
\q1 Taani ta higgiyaa unttunttu qofaan wothana;
\q2 qassi unttunttu wozanankka xaafana.
\q1 Taani unttunttu Xoossaa gidana; unttunttukka ta asaa gidana. 
\v 11 Unttunttuppe ooninne bare shooruwaa
\q2 woy bare ishaa,
\q2 ‘Godaa era’ yaagiide tamaarissenna.
\q1 Ayissi gooppe, unttunttu naa7aappe cimaa gakkanaw ubbay taana eriino. 
\v 12 Taani unttunttu naaquwaa maarana;
\q2 unttunttu nagaraakka laa7entho hassayikke”
\m yaagee. 
\v 13 Xoossay ooratha caaquwaa giide haasayiyaawan koyrowaa eciseedda; qassi eciyaabayinne wuriyaabay ellekka dhayana.
\c 9
\s Saluwan Oosettiyaa Ayyaanaa Oosuu Sa7an Oosettiyaa Ayyaanaa Oosuwaappe Aadhdhee
\p
\v 1 Koyro caaqoo Xoossaw goyinniyaa wogaynne asay ootheedda Geeshsha Gollii de7ee. 
\v 2 Ayissi gooppe, koyro Dunkkaanii eqqeedda; A gidduwan muqaaddaa wothiyaawe, xaraphpheezaynne Godaa sinthan wothiyaa ukithay de7ee; he sa7ay Geeshshasaa giide xeeseettee. \x - \xo 9:2 \xo*\xt Kes 26:1-30; 25:31-40; 25:23-30\xt*\x* 
\v 3 Laa7entho gaariduwaa guyye bagganna Ubbaappe Aadhdhiyaa Geeshsha Sa7aa geetettiyaa Dunkkaanii de7ee. \x - \xo 9:3 \xo*\xt Kes 26:31-33\xt*\x* 
\v 4 A gidduwan ixaanaa cuwayanaw worqqaappe ootheedda saaxiniinne ubbasaanna worqqaan sheeshsheedda Qaalaa caaquwaa Taabootay de7ee. He Qaalaa caaquwaa Taabootan mannay de7iyaa worqqaa xaaruu, Aaroona xam77ay aaceeddawenne qassi Muse higgii xaafetteedda laa77u masetteedda shuchchatuu de7iino. \x - \xo 9:4 \xo*\xt Kes 30:1-6; 25:10-16; 16:33; Pay 17:8-10; Zar 10:3-5\xt*\x* 
\v 5 He Qaalaa caaquwaa Taabootaappe bolla bagganna atto giya sa7aa qum77iyaa barenttu qefiyan genthiyaa bonchcho kiruubetuu de7iino; shin ha ubbabaa ha77i wurssi odanaw danddayokko. \x - \xo 9:5 \xo*\xt Kes 25:18-22\xt*\x*
\p
\v 6 Hewe hewaadan giigi de7ishshin, qeesatuu ubba wode, barenttu oosuwaa oothanaw koyro Dunkkaaniyaa geliino. \x - \xo 9:6 \xo*\xt Pay 18:2-6\xt*\x* 
\v 7 Shin qeesatuwaa ubbatuwaa kaappuwaa xalalay laa7entho Dunkkaaniyaa laythaappe itti gede geliidde bare dirawunne erennaan asay ootheedda nagaraa diraw, Xoossaw yarshshiyaa suuthaa akkiide gelee. \x - \xo 9:7 \xo*\xt Wog 16:2-34\xt*\x* 
\v 8 Koyro Dunkkaanii eqqi de7ishshin, ubbaappe aadhdhiyaa geeshsha sa7aa afiyaa ogii biro dooyettibeennawaa Geeshsha Ayyaanay hewan erissee.
\p
\v 9 He Dunkkaanii ha wodew leemisuwaa; hewaa giyawe Xoossaw immiya imuunne yarshshuu goyinniyaawaa sure wozanaa balay baynnawaa oothanaw danddayikkino. 
\v 10 Hewanttu muussaabaa, ushshaabaanne dumma dumma meechchaabaa odiyaa kare bagga wogatuwaa; unttunttu ooraxxiyaa wodii gakkanaw oosettiyaa wogatuwaa.
\p
\v 11 Shin Kiristtoosi hawaan de7iyaa lo77obaw qeesatuwaa ubbatuwaa kaappuwaa gidiide yidiggeedda. I geliide oothiyaa Dunkkaanii ubbaappe aadhdhiyaawaanne balay baynnawaa; qassi he Dunkkaaniyaa asay oothibeenna; ha medhetteedda sa7aabaakka gidenna. 
\v 12 Kiristtoosi Ubbaappe Aadhdhiyaa Geeshsha sa7aa geliyaa wode, deeshshaa suuthaanne galo maraa suuthaa oyqqiide gelibeenna; shin bare suuthaa oyqqiide, nuussi medhinaa atotethaa immiide, laa7ethennaan itti gede gelleedda. 
\v 13 Tuneedda asaa bolla korumaa suuthaanne deeshshaa suuthaa caccafiide, guudetteedda ussatti bidinthaa qolina, he uraa tunatethaappe geeshshanaw danddayooppe, \x - \xo 9:13 \xo*\xt Wog 16:15-16; Pay 19:9,17-19\xt*\x* 
\v 14 Medhinaa Geeshsha Ayyaanaa bagganna balay baynna yarshshuwaadan, Xoossaw barena immeedda Kiristtoosa suuthay, nuuni de7uwaa Xoossaw oothana mala, kase nu hayqqeedda oosuwaappe nu suure wozanaa wooti geeshshanddeeshsha!
\p
\v 15 Hewaa diraw, Xoossay xeeseeddawanttu I immana geedda medhinaa anjjuwaa laattana mala, Kiristtoosi ooratha caaqoo gaannateedda; hewe hanana danddayiyaawe, asay koyro caaquwaappe garssan de7iidde ootheedda balaa aylletethaappe kessiyaa hayquu de7iyaa diraassa.
\p
\v 16 Ayissi gooppe, hayqqiyaa uray woyteeddawe de7ooppe, he uray hayqqowe erettanaw koshshee. 
\v 17 Ayissi gooppe, woyteedda uray hayqqeedda wode, I woyteeddawe poletteedda; he woyteeddawe paxa de7ishshin, aynne polettenna.
\p
\v 18 Haray atto, koyro caaquukka suuthay baynnaan injjetibeennawe hawaassa. 
\v 19-20 Ayissi gooppe, higgiyan de7iyaa azazuwa ubbaa Muse asaa ubbaw odeedda; hewaappe guyyiyan, galo maraa suuthaanne deeshshaa suuthaa, haathaanna, zo7o dorssaa isikiyaannanne hisoophiyaa giya mithaa boncciyaanna ittippe akkiide, “Hawe hinttentta Xoossay azazeedda caaquwaa suuthaa” yaagiide, higgiyaa maxaafaa bollanne asaa ubbaa bolla caccafeedda. \x - \xo 9:19-20 \xo*\xt Kes 24:6-8\xt*\x* 
\v 21 Hewaadankka, Dunkkaaniyaa bollanne oothiyaa miishshaa ubbaa bolla suuthaa Muse caccafeedda. \x - \xo 9:21 \xo*\xt Wog 8:15\xt*\x* 
\v 22 Higgii giyawaadan, tumukka amareeddawaappe attin, ubbabaykka suuthan geeyyee; suuthay gukkana dhayooppe, atotethay baawa.
\s Kiristtoosi Yarshshetteeddawe Nagaraa Qucci Dhayissee
\p
\v 23 Hewaa diraw, saluwan de7iyaawantta malatiyaawanttu he yarshshuwan geeyyanaw koshshee; shin saluwan de7iyaawaanttukka barenttu huuphew geeyyanaw aadhdhiyaa yarshshuwaa unttuntta koshshee.
\p
\v 24 Ayissi gooppe, Kiristtoosi tumu geeshshasan leemisettiyaa asay ootheedda geeshshasaa gelibeenna; shin I ha77i nu gishshataw Xoossaa sinthan beettanaw yaa saluwaa geleedda. 
\v 25 Qeesatuwaa ubbatuwaa kaappuu laythaan laythaan bare suuthaa gidennawaa oyqqiide, Geeshsha sa7aa geliyaawadan, Kiristtoosi barena ubbaade yarshshanaw gelibeenna. 
\v 26 Hewaa gidintto, Kiristtoosi sa7ay medhettoodeppe doommiide daro gede waayyettanaw koshshee; shin ha77i wodiyaa wurssethaan nagaraa dhayissanaw barena yarshshiide, laa7ethennaan ittigede beetteedda.
\p
\v 27 Asay ubbay itti gede hayqqanaw bessee; hewaappe guyyiyan Xoossay asaa pirddana. 
\v 28 Hewaadankka, qassi Kiristtoosi daro asaa nagaraa dhayissanaw itti gede yarshshetteedda; qassi I barena loythi naagiyaawantta ashshanaw beettanaappe attin, laa7entho nagaraa tookkanaw beettenna. \x - \xo 9:28 \xo*\xt Isa 53:12\xt*\x*
\c 10
\p
\v 1 Ayissi gooppe, higgew yaana lo77obaa eeshuwaa xalalay de7ee; aw tumu leemisuu baawa. Ubba wode laythan laythan itti mala yarshshuu yarshshettee; hewaa diraw, higgii Xoossaakko shiiqiyaa asaa he yarshshuwan balay baynna asa oothanaw aynne danddayenna. 
\v 2 Xoossaw goyinniyaa asay bare nagaraappe ubbanna geeyyeeddabaa gidintto, sure wozanaan laa7ethuwaa nagaraa qoppenna; qassi yarshshiyaawaakka aggana. 
\v 3 Shin asay laythan laythan he yarshshuwan bare nagaraa hassayee. 
\v 4 Ayissi gooppe, korumaa suuthaynne deeshshaa suuthay nagaraa dhayissanaw ubbaakka danddayenna.
\p
\v 5 Hewaa diraw, Kiristtoosi ha alamiyaa yaana haniidde, hawaadan yaageedda;
\q1 “Neeni yarshshuwanne imuwaa koyyabeykka;
\q2 shin taw bollaa giigissaadda. \x - \xo 10:5 \xo*\xt Maz 40:6-8\xt*\x*
\q1
\v 6 Neeni xuuggiyaa yarshshuwaaninne
\q2 nagaraa yarshshuwan ubbaakka nashetakka.
\q1
\v 7 Taani he wode, ‘Xaatha maxaafan tabay xaafetteeddawaadankka,
\q2 Xoossaw, taani neeni koyiyaawaa oothanaw yaaddi’ yaagaaddi”
\m yaageedda. 
\v 8 Yarshshuu yarshshettana mala, higgii azaziyaawaa gidooppenne, Kiristtoosi koyro, “Neeni yarshshuwaa, imotaa, xuuggiyaa yarshshuwanne nagaraa yarshshuwaa ubbaakka koyyabeykka; hewaanttun nashettakka” yaageedda. 
\v 9 Hewaappe guyyiyan Kiristtoosi, “Xoossaw, taani neeni koyiyaawaa oothanaw yaaddi” yaageedda. Hewaa diraw, Kiristtoosi laa7enthuwa essanaw koyrowaa dhayissee. 
\v 10 Yesuusi Kiristtoosi Xoossay koyyeeddawaa ootheedda diraw, bare ashuwaa laa7enthennaan itti gede yarshsheeddawan nuuni nu nagaraappe geeyyi aggeeddo.
\p
\v 11 Qeesatuwaa ubbatuu hachche hachche eqqiide, bare oosuwaa oothiino; qassi nagaraa dhayissanaw ubbaakka danddayenna itti mala yarshshuwaa zaari zaariide yarshshiino. \x - \xo 10:11 \xo*\xt Kes 29:38\xt*\x* 
\v 12 Shin Kiristtoosi nagaraa diraw, ubba wodew gideedda itti yarshshuwaa yarshshiide, Xoossaappe ushechcha bagganna utti aggeedda. \x - \xo 10:12 \xo*\xt Maz 110:1\xt*\x* 
\v 13 Xoossay sinthappe Kiristtoosa morkketuwaa Kiristtoosaw gediyan yedhdhiyaawaa oothana gakkanaw, yaani naagee. 
\v 14 Ayissi gooppe, I itti gede yarshsheeddawan, nagaraappe geeyyeeddawantta medhinaw balay baynnawantta ootheedda.
\p
\v 15 Qassi Geeshsha Ayyaanay nuussi markkattiidde, hawaadan yaagee;
\q1
\v 16 “Taani he gallassatuwaappe guyyiyan,
\q2 unttunttunna caaqettiya caaquu hawaa:
\q1 Taani ta higgiyaa unttunttu qofaan wothana;
\q2 qassi unttunttu wozanankka xaafana”
\m yaagee. \x - \xo 10:16 \xo*\xt Erm 31:33\xt*\x* 
\v 17 Qassi hewaappe guyyenna,
\q2 “Taani unttunttu nagaraanne
\q2 unttunttu makkala oosuwaa laa7entho hassayikke”
\m yaagee. \x - \xo 10:17 \xo*\xt Erm 31:34\xt*\x* 
\v 18 Xoossay he nagaraa atto geedda wode, nagaraa dhayissanaw hawaappe sinthaw yarshshuwaa koshshenna.
\s Xoossaakko Shiiqanaw Koshshee
\p
\v 19 Simmi taanaadan ammaniyaawanttoo, nuuni Yesuusa suuthaa bagganna Ubbaappe Aadhdhiyaa Geeshsha sa7aa gelanaw nuussi xalatethay de7ee. 
\v 20 Kiristtoosi nuussi ooratha ogiyaanne de7uwa ogiyaa gaariduwaa bagganna, hewaa guussay bare bollaa bagganna dooyyeedda. 
\v 21 Nuussi Xoossaa gollen sunthetteedda wolqqaama qeesay de7iyaa diraw, 
\v 22 Nuuni suure wozanaanna, tumu ammanuwaanna, iita wozanaappe geeyyeedda wozanaannanne qassi xillo haathaan meecetteedda bollaanna Xoossaakko shiiqoytte. \x - \xo 10:22 \xo*\xt Wog 8:30; Hiz 36:25\xt*\x*
\p
\v 23 Nuussi immana geedda Xoossay ammanthiya diraw, nuuni demmana giide nashechchaan naagi utteeddawaa loythi oyqqoytte. 
\v 24 Ittu ittuwanna waani siiqettanenttonne qassi lo77o oosuwaa wooti oothanentto, ittu ittuwassi qoppeetto. 
\v 25 Ittu ittuu shiiquwaa dooya udiide shiiqiyaawaadan, nuunikka ittippe shiiqiyaawaa aggokko; shin Godaa gallassay matattiyaawaa hinttenttu be7iyaa diraw, ittu ittuwaa menthetheetto.
\p
\v 26 Nuuni tumatethaa era akkidiggiide, eriidde nagaraa oothiyaawaa gidooppe, hawaappe sinthaw nagaraa dhayissiyaa yarshshuu ittibaynne baawa. 
\v 27 Shin yashshiyaa pirddaa naagiyaawenne Xoossaa ixxiyaa ubbaa maanaw wolqqaama tamay de7ee. \x - \xo 10:27 \xo*\xt Isa 26:11\xt*\x* 
\v 28 Muse higgew azazettenna uray, laa77u uray woy heezzu uray A bolla markkattooppe, qareti baynnaan hayqqee. \x - \xo 10:28 \xo*\xt Zar 17:6; 19:15\xt*\x* 
\v 29 Xoossaa Na7aa kadheedda uray, barena nagaraappe geeshsheedda Xoossaa caaquwaa suuthaa tunabaadan qoppeedda uray, qassi aadho keekatethaa Geeshsha Ayyaanaa boriyaa uray, ay keena iita pirddaa akkanaw bessinttonne ane qoppite. \x - \xo 10:29 \xo*\xt Kes 24:8\xt*\x*
\p
\v 30 Ayissi gooppe, “Taani haluwaa kesananne kushiyaa zaarana” geeddawaa nuuni ereetto; qassikka, “Goday bare asaa pirddana” yaageedda. \x - \xo 10:30 \xo*\xt Zar 32:35,36\xt*\x* 
\v 31 De7uwa Xoossaa kushiyan kunddanawe daro yashshiyaawaa.
\p
\v 32 Hinttenttussi Xoossaa poo7uu poo7eeddawaappe guyyiyan, hinttenttu daroban waayyettiide, wolqqaama wadhetaan gencceedda beni wodiyaa hassayite. 
\v 33 Itti itti gede hinttentta asaa sinthan boreeddinonne paxa kaa7eeddino; qassi hara wode hewaadan ootheeddawanttunnanne ittippe de7eeddita. 
\v 34 Ayissi gooppe, qashuwan de7iyaa asatuwaassi hinttenttu qaretteeddita; yaatiide hinttenttussi medhinaw wurenna ubbaappe aadhdhiyaa shaluu saluwan de7iyaawaa hinttenttu huuphew ereedda diraw, hinttebaa ubbaa akkidigooppe hidootaan gencceeddita.
\p
\v 35 Hewaa diraw, wolqqaama woyitaanna de7iyaa hinttenttu xalatethaa oloppite. 
\v 36 Xoossay koyyiyaawaa udiide, I hinttenttussi immana geeddawa akkanaw genccana koshshee. 
\v 37 Ayissi gooppe, Xoossaa Maxaafay,
\q “Amareedda wodii atteedda.
\q2 Yiyaawe yaanawaa; gami77enna. \x - \xo 10:37 \xo*\xt Ibr 2:3-4\xt*\x* 
\v 38 Ta xilluu ammanettiide de7anawaa.
\q Shin ooninne guyye simmooppe,
\q2 taana nashechchenna”
\m yaagee. 
\v 39 Nuuni ammanettiide atteeddawanttu bagga gidiyaawaappe attin, guyye simmiide dhayeeddawanttu bagga gidokko.
\c 11
\s Ammanuwaa
\p
\v 1 Ammanuwaa giyawe, demmana giide nashechchaan naagi utteeddabay ammanthiyaawaanne be7anaw danddayennabaa erissiyaawaa. 
\v 2 Xoossay beni cima asaw markkattawe, unttunttu ammaneeddawaana.
\p
\v 3 Saluunne sa7aynne Xoossaa qaalaan medhetteeddawaa ammanuwan nuuni ereetto; hewaa diraw, beettiyaabay beettennabaappe medhetteedda. \x - \xo 11:3 \xo*\xt Dom 1:1; Maz 33:6,9; Yoh 1:3\xt*\x*
\p
\v 4 Aabeel Qaa7eelawaappe aadhdhiyaa yarshshuwaa Xoossaw yarshsheeddawe ammanuwaana. Xoossay A imuwaabaa markkattiidde, I xilluwaa gideeddawaakka markkatteedda; Aabeel haray atto hayiqqeeddashshinkka, bare ammanuwan ha77i gakkanaw haasayee. \x - \xo 11:4 \xo*\xt Dom 4:3-10\xt*\x*
\p
\v 5 Heenooki hayqqennan saluwaa beeddawe ammanuwaana; Xoossay afeedda diraw, ooninne A be7anaw danddayibeenna. Xoossaa Maxaafay, “Heenooki saluwaa baanaappe kase Xoossaa nashechcheedda” yaagee. \x - \xo 11:5 \xo*\xt Dom 5:21-24\xt*\x* 
\v 6 Ammanuu baynnaan ooninne Xoossaa nashechchanaw danddayenna; ayissi gooppe, Xoossaakko yiyaa ooninne Xoossay de7iyaawaanne barena koyyiyaawanttoo woytaa immiyaawaa ammananaw koshshee.
\p
\v 7 Nohe be7anaw danddayenna sinthaappe hananabaw Xoossay, “Neena naaga” giina, Xoossaw yayyiide, barenanne bare soy asaa ashshanaw markkabiyaa medhdheeddawe ammanuwana; yaatiide hewaan ha sa7aa bolla pirddiide, ammanuwan beettiyaa xillotethaakka Xoossaappe akeedda. \x - \xo 11:7 \xo*\xt Dom 6:13-22\xt*\x*
\p
\v 8 Abraahaamo laattanaadan, Xoossay barew immana geedda gadiya baana mala, Xoossay barena xeeseedda wode, azazetteeddawe ammanuwaana; I bare gadiyaappe kesiide biya wode, haqa binttonne erennaan kesseedda. \x - \xo 11:8 \xo*\xt Dom 12:1-5\xt*\x* 
\v 9 Abraahaamo Xoossay barew immana geedda gadiyan hara biittaa asaadan de7eeddawe ammanuwaana; Xoossay he immana geeddawaa barenanna ittippe laattana Yisaaqannanne Yayiqoobanna Dunkkaaniyan de7eedda. \x - \xo 11:9 \xo*\xt Dom 35:27\xt*\x* 
\v 10 Ayissi gooppe, Abraahaamo Xoossay lo77o baasuwan qoppiide keexxeedda katamaa naagee.
\p
\v 11 Saara bare huuphew haray atto ecaadekka, immana geedda Xoossay ammanetteeddawaa gideeddawaa ereedda diraw, na7aa shahaaranaw wolqqaa demmeeddawe ammanuwaana. \x - \xo 11:11 \xo*\xt Dom 18:11-14; 21:2\xt*\x* 
\v 12 Hewaa diraw, hayqqeedda asaa malatiyaa itti bitaniyaappe saluwan de7iyaa xoolinttiyaa keena, abbaa gaxaan de7iyaa payduu baynna shafiyaa keena zaretuu yeletteeddino. \x - \xo 11:12 \xo*\xt Dom 18:11-14; 21:2\xt*\x*
\p
\v 13 He asatuu ubbatuu ammanuwan hayqqeeddino; barenttoo Xoossay immana geeddawaakka akkibeykkino; shin haakuwan hewaa be7iide, saroteeddino. Qassi unttunttu sa7an imathanne yederissettiide keseedda asatuwaa gideeddawaa ereeddino. \x - \xo 11:13 \xo*\xt Dom 23:4; 1Od 29:15; Maz 39:12\xt*\x* 
\v 14 Ayissi gooppe, hewaadan giya asatuu barenttu huuphe gadiya koyiyaawaa erissiino. 
\v 15 Unttunttu he yeggiide kesseedda gadiyaa simmanaw qoppeeddawaa gidintto, guyye simmiyaa kaacaa demmennaan aggikkino; shin 
\v 16 unttunttu hewaa aggiide, lo77iyaa gadiya laamotiino; hewe saluwaa gadiya. Hewaa diraw, Xoossay unttunttu Xoossaa geetettanaw yeellatenna. Ayissi gooppe, I unttunttoo katamaa giigissi wotheedda.
\p
\v 17-18 Abraahaamo Yisaaqa yarshshanentto woy yarshshennentto, Xoossay eranaw xomooseedda wode, Abraahaamo ammanuwan A yarshsheedda. Xoossay Abraahaama, “Ne zarii Yisaaqa bagganna xeesettanawaa” geeddashshinkka, Abraahaamo bare na7aa Yisaaqa yarshshanaw giigeedda. \x - \xo 11:17-18 \xo*\xt Dom 22:1-14\xt*\x* 
\v 19 Abraahaamo Xoossay Yisaaqa haray atto, hayquwaappekka pathanaw danddayiyaawaa ereedda; hewaa diraw, hayquwaappe guyye A zaariide akeedda.
\p
\v 20 Yisaaqi sinthappe hananabaw Yayiqoobanne Eesaa anjjeeddawe ammanuwaana. \x - \xo 11:20 \xo*\xt Dom 27:27-29,39-40\xt*\x*
\p
\v 21 Yayiqoobi hayqqana haniidde, Yooseefo naanaa huuphiyaan huuphiyaan anjjeeddawenne gatiman guufetiide, Xoossaw goyinneeddawe ammanuwaana. \x - \xo 11:21 \xo*\xt Dom 47:31\xt*\x*
\p
\v 22 Yooseefo hayqqanaw matiidde, Israa7eeliyaa asay Gibxeppe kesanawaa haasayeeddawenne bare meqethaa oothanabaa unttuntta azazeeddawe ammanuwaana. \x - \xo 11:22 \xo*\xt Dom 50:24-25; Kes 13:19\xt*\x*
\p
\v 23 Muse yeletteeddawaappe guyyiyan, aawuunne aatta malaa lo77o na7a gideeddawaa be7iide, heezzu agenaa qoseeddawe ammanuwaana; unttunttu kaatiyaa awaajjookka yayyibeykkino. \x - \xo 11:23 \xo*\xt Kes 2:2; 1:22\xt*\x*
\p
\v 24 Muse dicceeddawaappe guyyiyan, Gibxe kaatiyaa naatti na7aa geetettanawaa ixxeeddawe ammanuwaana. \x - \xo 11:24 \xo*\xt Kes 2:10-12\xt*\x* 
\v 25 Nagaraan Muse guutha wodiyaa nashettanawaappe, Xoossaa asaanna waayyettanawaa dooreedda. 
\v 26 Wodeppe demmana woytaa I tishshi udiide xeello diraw, Gibxe gadiyaa shaluwaa ubbaappe Kiristtoosa diraw borettiyaawe daro aadhdhiyaa duretethaa gideeddawaa qoppeedda.
\p
\v 27 Kaatiyaa hanqqoo Muse yayyennaan, Gibxe gadiyaappe keseeddawe ammanuwaana; ayissi gooppe, beettenna Xoossaa be7eeddawaadan, gencciide sinthaw beedda. 
\v 28 Hayquwaa kiitanchchay Israa7eeliyaa asaw bayra naanaa bochchennaadan, Muse Paasigaa bonchcheeddawenne gubaniyan suuthaa caccafisseeddawe ammanuwaana. \x - \xo 11:28 \xo*\xt Kes 12:21-30\xt*\x*
\p
\v 29 Israa7eeliyaa asay mela biittan hamettiyaawaadan, Zo7o Abbaa pinneeddawe ammanuwaana; shin Gibxe asatuu paacew gelishshin, haathay unttuntta mitti aggeedda.
\p
\v 30 Israa7eeliyaa asay Iyyarkko giyaa katamaa shuchchaa dirssaa laappu gallassaa yuuyyi yuuyyi aadhdhowaappe guyyiyan, he shuchchaa dirssay kunddeeddawe ammanuwaana. \x - \xo 11:30 \xo*\xt Iya 2:1-21; 6:22-25\xt*\x* 
\v 31 Caaratta Ra7aaba yewuwaa qoriyaawantta loytha mokkeedda diraw, Xoossaw azazettennan ixxeedda asaanna hayqqennan atteeddawe ammanuwaana.
\p
\v 32 Simmi harabaa gujjaade ayaa odoo? Geedoonabaa, Baaraaqabaa, Samisoonabaa, Yoftaahebaa, Daawitebaanne Saameelabaa, qassi nabatuwaabaa odanaw taw wodii gidenna. \x - \xo 11:32 \xo*\xt Daa 6:11–8:32; 4:6–5:31; 13:2–16:31; 11:1–12:7; 1Sa 16:1–1Ka 2:11; 1Sa 1:1–25:1\xt*\x* 
\v 33 Unttunttu kaatiyaa ubbaanna olettiide xooneeddawenne xillobaa ootheeddawe ammanuwaana; yaatiide Xoossay immana geeddawa akkeeddino; gaammotuwaa doonaakka gorddeeddino. \x - \xo 11:33 \xo*\xt Dan 6:1-27\xt*\x* 
\v 34 Wolqqaama tamaa toyisseeddino; kuussa mashshaappe atteeddino; unttunttu daaburanchcha; shin minneeddino; qassi olaan minniide, hara gadiyaa olaa asaa yedersseeddino. \x - \xo 11:34 \xo*\xt Dan 3:1-30\xt*\x* 
\v 35 Maccawanttu barenttu hayqqeeddaawantta hayquwaappe denddina akkeeddino.
\p Qassi haranttu qashuwaappe bilettanawaa ixxiide, keekkiyaa de7oo hayquwaappe denddanaw, ugatiide hayqqeeddino. \x - \xo 11:35 \xo*\xt 1Ka 17:17-24; 2Ka 4:25-37\xt*\x* 
\v 36 Haratuwaa bolla asay qilliicci kaa7eedda; lissuwan shocetteeddinonne santhalataan qashettiide, qasho golliya geleeddino. \x - \xo 11:36 \xo*\xt 1Ka 22:26-27; 2Od 18:25-26; Erm 20:2; 37:15; 38:6\xt*\x* 
\v 37 Shuchchan cadetteeddino; magaaziyan laa77u kesiide phalqqetteedino; paacetteeddino; mashshaan hayqqeeddino; unttunttoo ubbabaykka dhayina, waayyettiide tuggattiide, dorssaa calaanne deeshshaa calaa mayyiide yuuyyeeddino. \x - \xo 11:37 \xo*\xt 2Od 24:21\xt*\x* 
\v 38 Unttunttussi ha alamii giigennaan ixxina, woraan, deriyaan, gonggoluwaa giddoninne ollaa gidduwan yuuyyeeddino.
\p
\v 39 Xoossay unttunttu ammanuwaa markkattooppekka, hewanttu ubbatuu I, immana geeddawa akkibeykkino. 
\v 40 Xoossay nuussi itti lo77o qofaa qoppi wotheedda diraw, unttunttu nuuni baynnaan balay baynnawantta gidikkino.
\c 12
\s Xoossay Nuussi Aawuwaa
\p
\v 1 Simmi nuussi hawaa keena daro asay, shaariyaadan nu matan yuuyyi aadhdhiide markkattiyaawe de7ishshin, nuuna dhubbiyaa ubbabaanne baqqi oyqqiyaa nagaraa diggiide nu sinthan de7iyaa nuuni woxxana wothaa gencciide woxxoytte. 
\v 2 Nuuni nu ammanoo ogiyaa dooyyeeddawaanne polissiyaawaa gideedda Yesuusa xeelloyte. Yesuusi yeellaa kadhiide, sinthappe aw de7iyaa nashechchaa diraw, masqqaliyaa bolla misimaariyan dhishettiide hayqqanaawaa gencciide, Xoossaa kawutethaa oydiyaappe ushechcha bagganna utteedda.
\p
\v 3 Hinttenttu hinttenttu wozanaa bayizziide daaburenna mala, nagaranchchatuu barena daro ixxinakka gencceedda Yesuusa qoppite. 
\v 4 Nagaraanna hinttenttu baaxetiidde, suuthaa gussana gakkanaw biro oletti diggibeykkita. 
\v 5 Xoossay bare naanaadan, hinttentta zoriyaawaa dogeedditee? Xoossay hinttentta,
\q1 “Ta na7aw, Xoossay neena muriyaa wode, laafabaadan qoppoppa.
\q2 I neena seeriyaa wodekka yayyoppa. \x - \xo 12:5-6 \xo*\xt Yob 5:17; Lem 3:11-12\xt*\x*
\q1
\v 6 Ayissi gooppe, I bare siiqiyaa uraa muree;
\q2 qassi bare na7adan akkiya ubbaakka lissuwan shocee”
\m yaageedda. 
\v 7 Xoossay hinttentta muriyaa wode genccite. Ayissi gooppe, I hinttentta naanaadan oothee. Aawuu seerenna na7ay de7ii? 
\v 8 Naanaa ubbaa seeriyaawaadan, hinttentta murennaan aggooppe, karen yeletteeddaawaantta gidiitappe attin, tumu naanaa gidikkita. 
\v 9 Hewaa bollan qassi, nuuna yeleedda nu aawotuu nuuna mureedda wode, nuuni unttuntta bonchcheeddo. Yaatina, nuuni waaniide ayyaanaa Aabboo loythi darissi moodettiide de7okkoo? 
\v 10 Ayissi gooppe, nuuna yeleedda nu aawotuu barentta lo77owaadan, amareedda wodiyaa nuuna mureeddino; shin Xoossay nuuni A geeshshatethaa akkana mala, nuuna maaddanaw muree. 
\v 11 Nuuni murettiyaa wode, ha77iw yiloyee; nashechchenna. Shin mureeddawanttoo guyyeppe he muray xillotethaa de7uwaa sarotethaa woytaa immana.
\s Zoriyaanne Seeraa
\p
\v 12 Hewaa diraw, hinttenttu arggaaceedda kushiyaanne hinttenttu daabureedda gulbbataa menthethite. \x - \xo 12:12 \xo*\xt Isa 35:3\xt*\x* 
\v 13 Wobbiyaa gedi paxanaappe attin, burqqenna mala, suure ogiyaan hamettite. \x - \xo 12:13 \xo*\xt Lem 4:26\xt*\x*
\p
\v 14 Asaa ubbaanna saro de7anaw minnite; qassi geeshsha de7uwaa de7ite. Ayissi gooppe, geeshshatethay baynnaan ooninne Godaa be7anaw danddayenna. 
\v 15 Xoossaa aadho keekatethaa ooninne akkennaan attenna mala naagettite; qassi dolaade, bare marzziyaan asaa waayissiyaa camo mithaadan haniide, ooninne daro asaa tunissenna mala naagettite. \x - \xo 12:15 \xo*\xt Zar 29:18\xt*\x* 
\v 16 Woshummanaw kajjeeliyaa asay ooninne de7enna mala, woy qassi itti gede miyaabaw bare bayratethaa zali77eedda, ayyaanaabaa kawushissiyaa Eesaa mala asaykka de7enna mala naagettite. \x - \xo 12:16 \xo*\xt Dom 25:29-34\xt*\x* 
\v 17 Hewaappe guyyiyan, Eesay bare aabbu anjjuwaa akkanaw koyyeeddawaa eriita; shin A aabbu A anjjennan ixxeedda; ayissi gooppe, nagaraappe simmiyaa ogiyaa I haray atto, afoxxi koyyiidekka demmanaw danddayibeenna. \x - \xo 12:17 \xo*\xt Dom 27:30-40\xt*\x*
\p
\v 18 Hinttenttu bochchanaw danddayiyaa deriyaakkonne eexxiyaa tamaakko, dhumaakko, shaariyaakkonne gotuwaakko, \x - \xo 12:18-19 \xo*\xt Kes 19:16-22; 20:18-21; Zar 4:11-12; 5:22-27\xt*\x* 
\v 19 qassi malakataa waasuwakkonne qaalaa kooshshaakko yibeykkita. Asay he kooshshaa siseedda wode, haraa gujji sisenna mala woosseedda. 
\v 20 Ayissi gooppe, Xoossay unttuntta, “Haray atto, do7aykka he deriyaa bochchooppe, shuchchan cadettiide hayqqo” yaageedda azazuwaa unttunttu genccanaw danddayibeyikkino. \x - \xo 12:20 \xo*\xt Kes 19:12-13\xt*\x* 
\v 21 Ayfiyan beettiyaawe daro daganthiyaawaa gidiyaa diraw Muse, “Taani yashshaan kokkoray” yaageedda. \x - \xo 12:21 \xo*\xt Zar 9:19\xt*\x*
\p
\v 22 Shin hinttenttu Xiyoone Deriyaa, de7o Xoossay de7iyaa katamaa, ittippe shiiqiide nashettiyaa daro sha77a kiitanchchatuwaakko saluwaa Yeerusalaame yeeddita. 
\v 23 Xoossaa bayra naanatuwaakko, ittippe shiiqeeddawanttukko, unttunttu sunthay saluwan xaafetteeddawanttukko yeeddita; qassi asaa ubbaa pirddiyaa Xoossaakkonne, balay baynnawantta ootheedda xillo asatuwaa ayyaanatuwaakko yeeddita. 
\v 24 Ooratha caaqoo gaannatiyaa Yesuusanne Aabeela suuthaappe aadhdhiyaawaa odiyaa gukkeedda suuthaakko yeeddita. \x - \xo 12:24 \xo*\xt Dom 4:10\xt*\x*
\p
\v 25 Hinttenttussi odiyaa uraa yewuwaa sisiyaawaa hinttenttu ixxenna mala, hinttentta naagite. Xoossaa kiitaa sa7an barenttoo odiyaawe odiyaawaa sisenna ixxeeddawanttu attana dhayooppe, saluwan, “Hinttena naagite” giya Xoossaappe nuuni waaniide attanee? \x - \xo 12:25 \xo*\xt Kes 20:22\xt*\x* 
\v 26 He wode A kooshshay sa7aa qaatheedda; shin I ha77i, “Taani sa7aa xalalaa gidennaan, itti gede gujjaade saluwaakka qaathana” yaageedda. \x - \xo 12:26 \xo*\xt Hag 2:6\xt*\x* 
\v 27 “Itti gede gujjaade” giyaa qaalay qaaxxennabay minniide de7ana mala, medhetteeddabay qaaxxanawaanne kichchanawaa geeshshiide bessee.
\p
\v 28 Nuuni qaaxxanaw danddayenna kawutethaa akkiya diraw, ane Xoossaa galatoyttenne A nashechchoytte; aw bessiyaawaadan bonchchuwaaninne yashshatethaan aw goyinnoytte. 
\v 29 Ayissi gooppe, nu Xoossay tumu bayizziyaa tamaa. \x - \xo 12:29 \xo*\xt Zar 4:24\xt*\x*
\c 13
\s Xoossaa Nuuni Wooti Nashechchanaw Bessintto
\p
\v 1 Hinttenttu ishatuwaa siiqiyaawaa aggoppite. 
\v 2 Imathaa mokkiyaawaakka dogoppite. Ayissi gooppe, yaatiyaawan itti itti asay erennaan kiitanchchatuwa mokkeedda. \x - \xo 13:2 \xo*\xt Dom 18:1-8; 19:1-3\xt*\x* 
\v 3 Qasho gollen de7iyaawanttubaa hinttentukka unttunttunna ittippe qasho gollen de7iyaawaadan qoppite; qassi hinttenttu hinttenttu huuphew waayyettiyaawaadan, waayyettiyaawanttubaa qoppite.
\p
\v 4 Akkiyawaanne geliyaawaa asay ubbay bonchchanaw bessee; qassi asinaynne machchatta ittu ittuwassi ammanettanaw bessee; ayissi gooppe, Xoossay woshummanaw kajjeeliyaawanttanne woshummiyaawantta pirddana.
\p
\v 5 Miishshaa siiquwaappe hinttentta naagite; hinttenttussi de7iyaawe hinttenttussi gido. Ayissi gooppe, Xoossay bare huuphew,
\q “Taani neena ubbaakka yeggikke
\q2 woy aggikke”
\m yaageedda. \x - \xo 13:5 \xo*\xt Zar 31:6,8; Iya 1:5\xt*\x* 
\v 6 Hewaa diraw, nuuni xaliide,
\q “Goday taana maaddiyaawaa;
\q2 taani yayyikke.
\q Asay taana ay oothii?”
\m yaageetto. \x - \xo 13:6 \xo*\xt Maz 118:6\xt*\x*
\p
\v 7 Xoossaa qaalaa hinttenttussi odeedda hinttentta kaaletheeddaawantta hassayite; unttunttu waani de7eeddinonttonne hassayite; qassi unttunttuwaadan ammanite.
\p
\v 8 Yesuusi Kiristtoosi zinokka hachchekka medhinawukka laamettenna. 
\v 9 Dumma dumma ooratha timirttiyaan wora booppite. Nu wozanay Xoossaa aadho keekatethan minnooppe lo77o gidiyaawappe attin, qumaa wogatoo azazettiyaawaa gidenna; hewoo azazetteeddawanttukka maadettibeykkino.
\p
\v 10 Nuussi yarshshiyaasay de7ee; Dunkkaaniyaa giddon oothiyaawanttu he yarshshiyaasaappe maanaw unttunttoo maatay baawa. 
\v 11 Qeesatuwaa ubbatuwaa kaappuu nagaraa diraw, mehiyaa suuthaa yarshshanaw Ubbaappe Aadhdhiyaa Geeshsha sa7aa afee; shin he mehiyaa ashuwaa qassi dirssaappe karenna guuddee. \x - \xo 13:11 \xo*\xt Wog 16:27\xt*\x* 
\v 12 Hewaa diraw, Yesuusikka qassi nagaraappe asaa bare suuthan geeshshanaw, katamaa penggiyaappe karenna waayyetteedda. 
\v 13 Simmi nuuni I boretteedda boriyaa akkiide, dirssaappe kare aakko kesoytte. 
\v 14 Ayissi gooppe, nuussi hawaan medhinaw de7iyaa katamay baawa; shin nuuni yaana katamaa naageetto.
\p
\v 15 Simmi Xoossaw Yesuusa bagganna ubba wode galataa yarshshuwaa immoytte; hewaa giyawe mettershshay A sunthaw immiya galataa giyaawaa. 
\v 16 Lo77obaa oothiyaawaanne ittu ittuwa maaddiyaawaa dogoppite. Ayissi gooppe, Xoossaa nashechchiyaawe hewaa mala yarshshuwaa.
\p
\v 17 Hinttena kaalethiyaawanttoo azazettite; qassi unttunttu azaziyaawaakka oothite. Unttunttu barenttu ootheeddawaa Xoossaw odana diraw, hinttenttu shemppuwaa loythi naagiino; hinttenttu unttunttoo azazettooppe, barenttu oosuwaa nashettiidde oothana; hewe dhayooppe, unttunttu yilotiidde oothana; hewe hinttentta aynne maaddenna.
\p
\v 18 Nuussi Xoossaa woossite. Nuuni ubba wode lo77obaa oothanaw koyyiyaa diraw, nuuna zoriyaa lo77o wozanay nuussi de7ee. 
\v 19 Xoossay taana hinttentukko ellekka zaarana mala, Xoossaa hinttenttu loythi woossanaadan, taani hinttentta loytha woossay.
\s Woosaa
\p
\v 20 Sarotethaa Xoossay, nu Godaa Yesuusa, dorssatuwaa henthanchchaa wolqqaamaa, medhinaa caaquwaa suuthan hayquwaappe dentheedda. 
\v 21 Xoossay Yesuusi Kiristtoosa bagganna bare sinthan barena nashechchiyaawaa hinttentta oosissiidde, hinttentukka I koyyeeddawaa oothana mala, lo77o oosuwaa ubbaan hinttentta I giigisso; Xoossay medhi medhinaw bonchchetto. Amen77i.
\s Qutethaa Qaalaa
\p
\v 22 Taanaadan ammaniyaawanttoo, taani ha dabidaabbiyaa hinttenttussi qanthaan xaafeedda diraw, hinttenttu ha zoriyaa salettennaan sisana mala, taani hinttentta woossay.
\p
\v 23 Nu ishay, Ximootoosi qashuwaappe biletteeddawaa erite. Elleli I haa yooppe, taani aananna baade hinttentta be7ana.
\p
\v 24 Hinttena kaalethiyaa ubbatuwaanne Xoossaa asatuwaa ubbaa saro saro giite. Xaaliyappe yeedda ammaniyaawanttu hinttentta saro saro giino.
\p
\v 25 Aadho keekatethay hinttenanna ubbaanna ittippe gido. Amen77i.