\id ZEP - Dawuro Full Bible Ethiopic Version
\ide UTF-8
\h ሶፎናሳ
\toc1 ሶፎናሳ ትምቢትያ
\toc2 ሶፎናሳ
\toc3 ሶፎ.
\mt1 ሶፎናሳ ትምቢትያ
\imt ገሉዋ
\ip ትምቢትያ ኦድያ ሶፎናስ ባረ ኪታ አዳዌ ክርስቶሳ የለታፐ ካሰ ላፑን ጼቱ ላይዉ ላኤን ሻኩዋና ግድሽን፥ ሄዌ እዮስያስ ክርስቶሳ የለታፐ ካሰ፥ ኡሱፑን ጼታነ ላታማነ እት ላይን፥ አማኑዋ ዎጋ ኦራናፐ ታሙ ላይ ካሰቲደ ግደናን አገና። ማጻፋይ ካሴደፐ አሳይ ስስ ሜዘቴዳ ትምቢትያ ሃሳዩሳ ኦይቄዳ። ሄዋንቱካ ሀቃዋንቴ ጎፐ፥ ይሁዳይ አላጋ ጾሳቶ ጎይኔዳ ጋሱዋን ሙረትያ ዎደ፥ እ ባያናዋነ ዶማናዋ በስያዋንታ። ቃይ ጾሳይ ሄ ዎደ ሀራ አሳካ ጉጂደ ሙራና። የሩሳላመ ላልያ ዳባን ጋከቶፐነ፥ ዎድያፐ ካታማይ ኦራጺድ፥ በን ባረ ሳኣ ስማና፤ አሽከቱነ ጽሎተ ካልያ አሳቱ አን ደአና።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ይሁዳ ቦላ አያ ፕርዳ \ior 1:1-18\ior*
\io1 2. ናጋራ ፓጹሳ \ior 2:1-3\ior*
\io1 3. እስራኤልያ ዩሹዋን ደእያ ካዉተቱዋ ኩንደ \ior 2:4-15\ior*
\io1 4. ይሁዳይነ ሀራ አሳቱ ጎዳኮ ስሙሳ \ior 3:1-20\ior*
\c 1
\s1 ይሁዳ ቦላ አያ ፕርዳ
\r (1:1-18)
\p
\v 1 አሞና ናአይ እዮስያስ ይሁዳን ካተቴዳ ዎደ ሶፎናሳኮ ዬዳ መና ጎዳ ቃላይ ሀዋ። ሶፎናስ ኩሻ ናኣ፤ ኩሽ ጋዳልያ ናኣ፤ ጋዳሊ አማርያ ናኣ፤ አማር ካትያ ህዝቂያሳ ናኣ።\x - \xo 1:1 \xo*\xt 2 ካታ. 22:1—23:30፤ 2 ኦዱዋ 34:1—35:27\xt*\x*
\p
\v 2 መና ጎዳይ ሀዋዳን ያጌ፤ “ታን ጋድያ ቦላን ደእያዋ ኡባ ሙልጹ ኦደ ይሳና። 
\v 3 ታን አሳነ መህያ፥ ሳሉዋ ካፎቱዋነ አባ ሞለቱዋካ ይሳና። ቃይ ታን ኢታ አሳቱዋ አ የጋና፤ አሳ ዛርያካ ቢታ ቦላፐ ይሳና” ያጌ መና ጎዳይ።
\p
\v 4 ቃይካ ጾሳይ ሀዋዳን ያጌ፤ “ታን ይሁዳንነ የሩሳላመን ደእያ ኡባ ሙራናዉ ታ ኩሽያ ደንና፤ ባኣላ ግያ ኤቃዉ ጎይንያ አቴዳዋንታነ አዉ ኦያ ቄሳቱ ዋ ሄ ሳኣፐ ሙልጹ ኦደ ይሳና። 
\v 5 ጎልያ ሁጲያ ደምባዪደ ኦድኖ፤ ሄዋ ቦላ ከሲደ፥ አዋዉ፥ አግናስነ ጾልንተቶ ጎይንያዋንታ ታን ይሳና። መና ጎዳዉ ጎይኒድነ አ ሱንን ጫቂደ፥ ቃይ ሞሎካ ግያ ኤቃ ሱንን ጫቂያዋንታ ታን ይሳና። 
\v 6 መና ጎዳ ካልያዋ አጊደ ጉየ ስሜዳዋንታ፥ መና ጎዳ ኮይቤናዋንታነ ኡንቱንታ ካለናዳን ኦችቤናዋንታካ ታን ይሳና” ያጌ።
\p
\v 7 መና ጎዳ ጋላሳይ ማቴዳ ድራዉ፥ ኡባ ሞድያ መና ጎዳ ስንን ጮኡ ጊተ! መና ጎዳይ ባረ አሳ ያርሾ ጊጌዳ መህያዳን አ እማናዉ ጊግሴዳ፤ ቃይ ይሁዳ ቦንቂያ ሞርከቱዋካ ዱማዪደ ጊግሴዳ።
\p
\v 8 መና ጎዳይ ሀዋዳን ያጌ፤ “ታ አሳ አ እምያ ጋላስ ካፓቱዋ፥ ካትያ ናናቱዋነ አላጋ ቢታ ዎጋ ካልያዋንታ ኡባቱዋ ታን ሙራና። 
\v 9 ሄ ጋላስ አላጋ ቢታ አሳቱዋዳን፥ ኤቃዉ ጎይንያዋንታነ ባረንቱ ጎዳ ጎልያ ማካላንነ ጭሙዋን ኩንያዋንታ ታን ሙራና” ያጌ።
\p
\v 10 መና ጎዳይ ሀዋዳን ያጌ፤ “ሄ ጋላስ የሩሳላመ ድርሳን ሞልያ ፐንግያ ማታን ደእያ ኦራ ካታማ ሻኩዋን ዋሱነ ዬኩ ስሰታና፥ ዞዘቱዋ ቦላንካ ቁ ጌዳ ዶምኤ ኮሻይ ጊሩማና። 
\v 11 ህንተኖ፥ ካታማዉ ህርክ ባጋና ደእያዋንቶ፥ ዬክተ፤ አያዉ ጎፐ፥ ሄዋን ዛልእያ ኡባቱ ዬድኖ፤ አሌቆ ሀንያ ብራ ዛልእያዋንቱካ ሀይቂ ዉሬድኖ። 
\v 12 ሄ ጋላስ ታን የሩሳላመ ግዱዋ ጾምፕያን ኮያና፤ ህርግ ባይናን ዎፑ ግ ኡቲደ፥ ባረንቱ ዎዛናን፥ ‘መና ጎዳይ ሎኦባነ ኦና፤ ኢታባነ ኦና’ ያግያዋንታ ታን ሙራና። 
\v 13 ኡንቱንቱ ማጹ ቦንቀታናዋ፤ ኡንቱንቱ ጎሊካ ኮለታና። ኡንቱንቱ ጎልያ ኬጻና፥ ሽን ሄ ጎልያን ደእክኖ፤ ቃይ ዎይንያ ቱራቱዋካ ቶካና፥ ሽን ሄ ዎይንያ ኤሳ ኡሽክኖ” ያጌ።
\p
\v 14 መና ጎዳ ዎልቃማ ጋላሳይ ማቴዳ፤ ቃይ ሎይ ኤሌሊደ ዬ። መና ጎዳ ጋላሳይ ጫሞ ጋላሳ። ሄ ጋላስ ምኖ ኦላንቻቱካ ዋሱዋ ጹልሳና። 
\v 15 ሄ ጋላሳይ ሀንቁዋ ጋላሳ፥ መቶነ ኡንኦ ጋላሳ፥ ባሻነ ኮለ ጋላሳ፥ ማነ ሻኖቻ ጋላሳነ ሻርያነ ባራ ማ ጋላሳ ግዳናዋ። 
\v 16 ሄ ጋላሳይ ዩሹዋ ድረቴዳ ካታማቱዋ ቦላነ አዱሳ ግምበቱዋ ቦላ ኦላ ማላካታይ ፑነትያ ጋላሳነ ኦላንቻቱ ኦላ ኮሻይ ስሰትያ ጋላሳ ግዳናዋ።
\p
\v 17 መና ጎዳይ ሀዋዳን ያጌ፤ “ኡንቱንቱ ጾሳ ናቄዳ ድራዉ፥ ቆቅያዳን ታታፋና ጋካናዉ፥ አሳቱዋ ቦላን ታን መቱዋ አሀና። ኡንቱንቱ ሱይ ድኡዋዳን ጎጋና፤ ኡንቱንቱ አሃይ ፕቱዋዳን ኦለታና። 
\v 18 መና ጎዳ ሀንቁዋ ጋላስ ኡንቱንቱ ብራ ግድና፥ ኡንቱንቱ ዎርቃይካ ኡንቱንታ አሻናዉ ዳንዳየና። እ ሳኣን ደእያ ኡባ አኬከናን ደእሽን፥ ዉርስ ይሳና፤ ቢታ ኡባይካ አ ሀንቁዋ ታማን ሜተታና” ያጌ።
\c 2
\s1 ናጋራ ፓጹሳ
\r (2:1-3)
\p
\v 1 ህንተኖ፥ ዬላይ ባይና አሳቶ፥ አነ እትፐ ሺቅተ፤ 
\v 2 ጫርኩ ፑኒደ አፍያ ሱላዳን ቤናን ደኢደ፥ ያሽያ መና ጎዳ ሀንቁ ህንተ ቦላ ዎናን ደእሽን፥ መና ጎዳ ሀንቁዋ ሱሉዋ ጋላሳይካ ህንተ ቦላን ጋከናን ደእሽን፥ መና ጎዳኮ ስምተ። 
\v 3 ህንተኖ፥ ጋድያን ደእያ አሽከቶነ አ አዛዙዋ ኦያ ኡባ ገደ፥ መና ጎዳ ኮይተ፤ ጽሎተ ኮይተ፤ ቃይ አሽከተካ ኮይተ። ያቶፐ፥ ኦን ኤሪ፥ መና ጎዳ ሀንቁዋ ጋላስ ህንተና ቆሲደ አሻነንቶነ።
\s1 እስራኤልያ ዩሹዋን ደእያ ካዉተቱዋ ኩንደ
\r (2:4-15)
\p
\v 4 ጋዛ ካታማይ ኦናና፤ አስቃሎና ካታማይካ መላ ግዳናዋ፤ አሽዶዳ ካታማ አሳይ ሴታ ጋላስ ጎደታና፤ ኤቅሮና ካታማይካ ቆለታናዋ።\x - \xo 2:4 \xo*\xt ኢሳ. 14:29-31፤ ኤር. 47:1-7፤ ህዝ. 25:15-17፤ ኢዩ. 3:4-8፤ አሞጻ 1:6-8፤ ዛካ. 9:5-7\xt*\x* 
\v 5 ህንተኖ፥ አባ ዶናን ደእያ ፕልስጼማ አሳቶ፥ ህንተንቶ አየ አና! ኔኖ፥ ፕልስጼማቱ ደእያ ካናነ ቢታዉ፥ መና ጎዳ ፕርዳይ ነ ቦላን ዬ። ታን ኔና ይሳና፤ ኔናን እት አሳይነ አተና። 
\v 6 አባ ዶናን ደእያ ህንተ ቢታይ መህያ ሄምያ ሳ፥ ሄንንቻቱ ደኢያሳነ መህያ ዉድያ ባሉዋ ግዳናዋ። 
\v 7 አባ ዶናይ ይሁዳ አሳፐ አቴዳዋንቶ ላታ ግዳናዋ፤ ሄዋን ኡንቱንቱ ሄመታና። ሳአይ ቃምያ ዎደ ኡንቱንቱ አስቃሎና ካታማን ደእያ ጎለቱዋን አቃና፤ አያዉ ጎፐ፥ መና ጎዳይ ኡንቱንቱ ጾሳይ ኡንቱንቱዋ ቆፓና፤ እ ኡንቱንታ ዛሪደ እሻልሳና።
\p
\v 8 ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ “ታን ሞኣባ አሳ ቅሊጩዋነ አሞና አሳ ቦርያ ስሳድ። ኡንቱንቱ ታ አሳ ቅሊጬድኖ፤ ኡንቱንቱ ቢታ ቦላንካ ኦቶረቴድኖ።\x - \xo 2:8-11 \xo*\xt ኢሳ. 15:1—16:14፤ 25:10-12፤ ኤር. 48:1—49:6፤ ህዝ. 21:28-32፤ 25:1-11፤ አሞጻ 1:13-15\xt*\x* 
\v 9 ሄዋ ድራዉ፥ ታ ደኡዋ ሱንን ጫቃይ፥ ሞኣበ ሶዶማዳን ሀናና፤ አሞና አሳይካ ጋሞራ አሳዳን ሀናና። ኡንቱንቱ መናዉ ማጽንያ ቦክያ ኦላነ አጉንይ ማዬዳ ባዙዋ ግዳናዋ። ታ አሳፐ አቴዳዋንቱ ኡንቱንቱ ዱሬታ ቦንቃናዋንታ፤ ኡንቱንቱ ቢታካ ላታናዋንታ” ያጌ።\x - \xo 2:9 \xo*\xt ዶመ 19:24\xt*\x*
\p
\v 10 አሞናነ ሞኣበ አሳይ ኡባፐ ዎልቃማ መና ጎዳ አሳ ቦላ ቅሊጪድነ ኦቶረቲደ ሃሳዬዳ ድራዉ፥ ኡንቱንቱ ቦላ ሀ መቱ ጋካናዋ። 
\v 11 መና ጎዳይ ኡንቱንቱን ያየቴዳዋ ግዳናዋ፤ ቢታን ደእያ ጾሳቱዋ ኡባ እ ይሳና፤ ቃይ ሳኣን ደእያ ካዉተቱዋን ደእያ አሳይ ኡባይ ባረ ደእያ ሳን ደእያ ሳን አዉ ጎይናና።
\p
\v 12 ህንተኖ፥ ቶጵያ አሳቶ፥ ህንተካ ታ ማሻን ሀይቃና።\x - \xo 2:12 \xo*\xt ኢሳ. 18:1-7\xt*\x*
\p
\v 13 መና ጎዳይ ባረ ኩሽያ ሁጲሳ ባጋ ዛሪደ የዳና፤ አሶረ ቢታ ይሳና። ቃይ ናናዌ ካታማካ መላ ባዙዋዳን፥ መላ ሳኣ ኦና።\x - \xo 2:13-15 \xo*\xt ኢሳ. 10:5-34፤ 14:24-27፤ ናህ. 1:1—3:19\xt*\x* 
\v 14 ዉዲነ ዶአቱ ኡባይ አ ግዶን አላጻና፤ ጉቱነ ቁጻርሳይ አ ኮለቴዳ ግምበቱዋ ግዶን ደአና፤ ኡንቱንቱ ኮሻይ ማስኮትያናነ ፐንግያና ስሰታና። ጎለቱ ኬጸቴዳ ዝጋይ ካሎታና። 
\v 15 ሀ ካታማይ፥ “ታና! ታፐ አትና፥ ሀራይ ባዋ” ያጊደ ኦቶረቲደ ደኤዳዋ፤ ሽን እ ሀእ ዶአቱ ጌሱ መላ ሳኣ ግዴዳ። አ ምይያና አያ ኡባይ ዳሮፐ ማላለቲደ፥ ባረንቱ ኩሽያ ጾርሲደ፥ “ባርቼ!” ጋና።
\c 3
\s1 ይሁዳይነ ሀራ አሳቱ ጎዳኮ ስሙሳ
\r (3:1-20)
\p
\v 1 ማካላንቻትዉ፥ ቱኔዳንዉነ ባረ አሳ ቱጋዬዳ የሩሳላመ ካታማትዉ አየ አና! 
\v 2 እዛ ኦናነ ስሱኩ፤ ሴርና ስሙኩ፤ መና ጎዳን አማነቱኩ፤ ባረ ጾሳኮካ ሺቁኩ። 
\v 3 እዝ ግዶን ደእያ ካፓቱ ጉድያ ጋሞቱዋ ማላ፤ ዳናቱካ ዎንትዉ አሸናን ደሜዳዋ ኡባ ዉርስ ም ድግያ ኦማርሳ ዋንግሬሎቱዋ ማላ። 
\v 4 እዝን ናባቱ ኦቶራንቻነ ገናንቻ። እዝ ቄሳቱ ካ ጌሻባ ቱንስያዋንታ፤ ቃይ ኡንቱንቱ ጾሳ ህግያ ባረንቶ እንጀትያዋዳን፥ ምርቂደ ብሊኖ። 
\v 5 ሽን እዝ ግዶን ደእያ መና ጎዳይ ጽሉዋ፤ እ ባላባ ኦና፤ ዎንትና ዎንትናካ እ ባረ ጽሎ ፕርዳ ፕርዴ፤ አይ ዎንታንካ አግ ኤረና። ግዶፐነ፥ እዝን ደእያ ማካላንቻይ አይነ ዬላ ኤረና።
\p
\v 6 ጾሳይ ሀዋዳን ያጌ፤ “ታን ካዉተቱዋ ይሳድ፤ ኡንቱንቱ ግምበቴዳ ሳአቱካ ኮለት ክቼድኖ። ኡንቱንቱ ካታማቱዋ እት አሳይነ ደኤና ኦና ቢታ ኦድ፤ ኦገቱካ ኦንነ ሄዋና አናዋ ግዴድኖ። 
\v 7 ታን ሀዋ ኡባ የሩሳላመዉ ኦደ፥ ‘ስም ታ አሳይ ታና ቦንቻና፤ ታን ሴርያ ሴራካ አካና፤ ታን አዛዜዳዋካ ዶገና’ ያጋድ። ሽን ኡንቱንቱ ካሰዋፐካ ያ ያ ባረንቱ ኦሱዋን ቱኒደ ቤድኖ” ያጌ።
\p
\v 8 መና ጎዳይ ሀዋዳን ያጌ፥ “አነ ታን ፕርድያ ጋላሳይ ጋካናዉ፥ ታክ ጊተ። አያዉ ጎፐ፥ ታን አሳቱዋነ ካዉተቱዋ ሺሻናዉ ቃቻድ፤ ሺሻደ ታ ሀንቁዋ ሱሉዋ ኡንቱንቱ ቦላ ጉሳና። ሳአይ ሙለናካ ታ ሀንቁዋ ታማን ጹገታና።
\p
\v 9 “ሄ ዎደ ታን አሳ ኡባይ ጌሻ ሃሳያ ሃሳያና ማላ ኦና፤ ያትና፥ ኡንቱንቱ ኡባይካ መና ጎዳ ሱን ጼጋናነ እትፐ አዉ ኦና። 
\v 10 ላለቴዳ ታ አሳቱ፥ ታዉ ቱሙ ጎይንያዋንቱ ቶጵያ ሻፋቱዋፐ ሄፍን ባጋፐ ታዉ እሞታ አሀና። 
\v 11 ሄ ዎደ ህንተ ታ ቦላ ማካሊደ ኦዳ ኦሶቱዋ ጋሱዋን ዬላትክታ፤ አያዉ ጎፐ፥ ኦቶረትያነ አይያዋንታ ታን ህንተ ግዶፐ ድጋ ድጋና። ቃይ ህንተካ ሀዋፐ ስንን ታ ጌሻ ደርያን ኦቶረትክታ። 
\v 12 ታን ህንተ ግዶፐ ባረንቱ ሁጲያ ካዉሽያዋንታነ ዝቂ ኦያ አሳቱዋ አሻና፤ ኡንቱንቱካ መና ጎዳ ሱንን አማነትያዋንታነ ታፐ ማዱዋ ኮይያዋንታ ግዳና። 
\v 13 እስራኤልያ አሳፐ አቴዳዋንቱ ኦ ቦላነ ኢታባ ኦክኖ፤ ዎርዱዋ ሃሳይክኖ፤ ኡንቱንቱ እንጻርሳንካ ጭሙ ቤተና። ሄዋ ግሻዉ፥ ኡንቱንቱ ሄመታናነ አላጻና፤ ኡንቱንታ ያሽስያባይካ ደኤና” ያጌ።\x - \xo 3:13 \xo*\xt ሳፃ 14:5\xt*\x*
\s1 ናሸቻ የ
\p
\v 14 ጽዮነ ናቴ፥ ማዛሙርያ የጻ! እስራኤልያ አሳዉ፥ እልልተ! የሩሳላመ ናቴ፥ ነ ፖሎ ዎዛናፐ ናሸታ፤ ሀሹካ ጋ! 
\v 15 መና ጎዳይ ህንተ ቦላ ፕርዴዳ ፕርዳ አጌዳ፤ ህንተ ሞርከቱዋካ ድጌዳ። መና ጎዳይ፥ እስራኤልያ ካቲ፥ ህንተ ግዶን ደኤ፤ ሀዋፐ ስንናዉ ህንተና ያሽስያዌ ባዋ። 
\v 16 ሄ ጋላስ የሩሳላመባይ ሀዋዳን ያገታና፤ “ጽዮኔ፥ ያዮፓ! ነ ኩሸቱካ አርጋጮፕኖ። 
\v 17 መና ጎዳይ ነ ጾሳይ ነ ግዶን ደኤ፤ እ ነዉ ጾኑዋ እምያ ኦላንቻ። እ ኔናን ናሸታና፤ እ ባረ ሲቁዋን ኔና ኦራጽሳና፤ አሳይ ባላ ጋላስ የጽያዋዳን፥ እ ኔናን ናሸቴዳዋ ማዛሙርያ የጺደ በሳና” ያጋና።
\p
\v 18 ጾሳይ ሀዋዳን ያጌ፤ “ሀዋፐ ስንናዉ ነ ቦላ ባሻይ ጋከናዳን ታን ኦና፤ ነ ዬላካ ቁጫና። 
\v 19 በአ፥ ሄ ዎደ ታን ኔና ኡቁኔዳዋንታ ኡባ ሙራና። ታን ዎባቱዋ አሻና፤ ላለቴዳዋንታካ ሺሻና። ታን ኡንቱንቱ ካዉሻ ቦንቾ ላማና፤ ያቶፐ ሳኣን ደእያ አሳ ኡባ ማታን ኡንቱንቱ ሱንይ ኤረቴዳዋ ግዳናዋ። 
\v 20 ሄ ዎደ ታን ህንተና ሺሻና፤ ታን ህንተና እትፐ ሺሻደ ዛራና፤ ያታደ ታን ህንተ አይፊ በእሽን ህንተና እሻልስያ ዎደ፥ ህንተ ሀ ሳኣን ደእያ አሳ ኡባ ማታን ቦንቼቴዳዋንታነ ኤረቴዳዋንታ ግዳንታ” ያጌ መና ጎዳይ።