\id ZEC - Dawuro Full Bible Ethiopic Version
\ide UTF-8
\h ዛካራሳ
\toc1 ዛካራሳ ትምቢትያ
\toc2 ዛካራሳ
\toc3 ዛካ.
\mt1 ዛካራሳ ትምቢትያ
\imt ገሉዋ
\ip ትምቢትያ ኦድያ ዛካራሳ ማጻፋይ ላኡዋዉ ሻከቴ።
\ipi 1. ሸምፑዋ 1ፐ ቢደ 8 ጋካናዉ ደእያ ሳአይ ክርስቶሳ የለታፐ ካሰ እቼሹ ጼታነ ላታሙ ላይፐ ዪደ እቼሹ ጼታነ ታማነ እቼሹ ላይ ጋካናዉ ደእያ ላይቱዋ ግዶን፥ ዱማ ዱማ ዎደቱዋን ትምቢትያ ኦድያ ዛካራስ ኦዴዳ ትምቢትያ ቃላቱዋ ኦይቄዳ ክፍልያ። ሄዋ ጉሳይ አሳይ ኦሞዱዋፐ ስሜዳዋፐ ጉይያና ጉሳ። ሀ ትምቢትያ ኦዴዳ ቃላቱ ሳፃ ማላን ሺቄዳዋንታ ግድሽን፥ የሩሳላመ ኦራጻናዋ፥ ጌሻ ጎልያ ስሚደ ግምበታናዋ፥ ጾሳ አሳይ ጌያናዋነ ስንፐ ያና ማስያ ላይባ ኦድያዋንታ።
\ipi 2. ሸምፑዋ 9ፐ ቢደ 14 ጋካናዉ ደእያ ክፍሊ ጉ ታክሺን ኦደቴዳ ትምቢትያ ቃላቱዋ ኦይቄዳዋ። ሀ ትምቢትያ ኦዴዳ ቃላቱ ስንፐ ያና ማስያባነ ዉርሰ ፕርዳባ ኦዲኖ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ገሉዋ 1:1-6
\io1 2. ቃማ ቤቴዳ ሆስፑን ሳጻቱዋ 1:7—6:8
\io1 3. ቄስያ ኡባ ካፑዋ ኢያሱ ቦላ ጫነቴዳ ሀሳይሱዋ ካላቻ 6:9-15
\io1 4. ልከ ግደና ጾማነ ስንዉ እመቴዳ ህዶታ 7:1—8:23
\io1 5. ማስህያ ዩሳነ ጾሳ ካዉተይ በስያዋዳን ኤረቱሳ 9:1—14:21
\c 1
\s1 ገሉዋ
\r (1:1-6)
\p
\v 1 ዳርዮሰ ካተቴዳ ላኤን ላይን፥ ሆስፑን አግናን መና ጎዳ ቃላይ እዶ ናኣ በረክያ ናኣ ትምቢትያ ኦድያ ዛካራሳኮ ዬዳ።\x - \xo 1:1 \xo*\xt እዝራ 4:24—5:1፤ 6:14\xt*\x*
\p
\v 2 “መና ጎዳይ ህንተ ማይዛ አዎቱዋ ቦላን ሎይ ሀንቀቴዳ። 
\v 3 ሽን ሀእ አሳዉ ሀዋዳን ያጋደ ኦዳ፤ ‘ታኮ ስምተ፤ ቃይ ታንካ ህንተኮ ስማና።’ ታን ኡባፐ ዎልቃማ መና ጎዳይ ሀዋ ኦዳይ። 
\v 4 ካሰ ትምቢትያ ኦድያዋንቱ፥ ‘ኡባፐ ዎልቃማ መና ጎዳይ፥ ህንተ ኢታ ኦግያፐነ ኢታ ኦሱዋፐ ስምተ’ ያጌ” ያጊደ ኦድና ስሰናን እጼድኖነ ታናካ ስሰናን እጼዳ ህንተ ማይዛ አዎቱዋዳን ሀኖፕተ። ታን መና ጎዳይ ሀዋ ኦዳይ። 
\v 5 ህንተ ማይዛ አዎቱ ሀእ ሀቃን ደኢኖ? ሄ ትምቢትያ ኦዴዳዋንቱ መናዉ ፓጻ ደኢኖ? 
\v 6 ግዶ ሽን፥ ትምቢትያ ኦድያ ታ ቆማቱ ባጋና ታን ኦዴዳ ቃላቱነ ህገቱ ኡባይ ህንተ ማይዛ አዎቱዋ ቦላን ጋክበይክኖ? ያትና፥ ኡንቱንቱካ ካዮቲደ፥ ኡባፐ ዎልቃማ መና ጎዳይ ኑ ኦግያዳንነ ኑ ኦሱዋዳን ኑዉ እማና ጌዳዋዳን፥ ባረ ጌዳዋ ኦዳ ያጌድኖ ያጋ ያጌዳ።
\s1 ቃማ በኤቴዳ ሆስፑን ሳጻቱዋ
\r (1:7—6:8)
\p
\v 7 ዳርዮሰ ካተቴዳ ላኤን ላይን፥ ሻባጻ ግያ ታማነ እተን አግናን፥ ላታማነ ኦይደን ጋላስ መና ጎዳይ ቃላይ እዶ ናኣ በረክያ ናኣ ትምቢትያ ኦድያ ዛካራሳኮ ዬዳ። 
\v 8 ታን ቃማ ሳጻን ዞኦ ፓራ ቶጌዳ እት ብታንያ በኣድ፤ እካ ዛንጋራን ደእያ ባርሴነትያ ግያ ምቱዋ ጋርሳን ኤቄዳ፤ ቃይ አፐ ጉየ ባጋና ዳማ፥ ዞኦነ ቦ ፓራቱ ደኢኖ።\x - \xo 1:8 \xo*\xt ሳፃ 6:2-8\xt*\x* 
\v 9 ያትና፥ ታን፥ ታ ጎዳዉ፥ ሀዋንቱ አዬ? ያጋድ።
\p ታናና ሃሳይያ ኪታንቻይ ዛሪደ ታና፥ “ሀዋንቱ አየንቶ ታን ኔና በሳና ያጌዳ።
\p
\v 10 “ያትና፥ ባርሴነትያ ጋርሳን ኤቄዳ ብታኒ፥ ሀዋንቱ ሳኣ ኡባ ዩይ ዩዪደ ጾሞሳና ማላ፥ መና ጎዳይ ኪቴዳዋንታ ያጌዳ።
\p
\v 11 “ኡንቱንቱ ባርሴነትያ ጋርሳን ኤቄዳ መና ጎዳ ኪታንቻዉ ሀዋዳን ያጌድኖ፤ ‘ኑን ሳኣ ኡባ ዩይ ዩዪደ ጾሞሲደ፤ ቢታይ ሳአይ ዎፑ ጊደ፥ ሳሮ ደኤ’ ያጌድኖ።
\p
\v 12 “ሄዋፐ ጉይያን፥ መና ጎዳ ኪታንቻይ ሀዋዳን ያጌዳ፤ ‘አቤት ኡባፐ ዎልቃማ መና ጎዳዉ፥ ኔን ሀንቀቶደፐ ላፑን ታሙ ላይ ግዴዳ ሀ የሩሳላመነ ይሁዳ ካታማቱዋ ማረናን አዉደ ጋካናዉ ጋምአይ?’ ያጌዳ።” 
\v 13 መና ጎዳይ ታናና ሃሳይያ ኪታንቻዉ ሎኦነ ምንያ ቃላን ዛሩዋ እሜዳ።
\p
\v 14 ሄዋ ድራዉ፥ ታናና ሃሳይያ ኪታንቻይ ታና፥ “ሀ ቃላ አዋያ፤ ኡባፐ ዎልቃማ መና ጎዳይ ሀዋዳን ያጌ፤ ‘ታን የሩሳላመዉነ ጽዮንዉ ዳሮ ምሸታይ። 
\v 15 ኑን ሳሮ ደኤቶ ግያ ካዉተቱዋ ቦላ ታን ዳሮ ሀንቀታድ፥ ታን ታ አሳ ቦላ ጉ ሀንቀታድ ሽን ኡንቱንቱ ታ አሳ ቦላ ዳሮ ቱጋ ጋድኖ። 
\v 16 ሄዋ ድራዉ፥ ታን መና ጎዳይ ሀዋ ኦዳይ፤ ታን የሩሳላመ ማሮታን ስማድ። ታ ጌሻ ጎሊ ያን ኬጸታና፤ የሩሳላመ ካታማይካ ዎዶሩዋን ልከታና። ታን ኡባፐ ዎልቃማ መና ጎዳይ ሀዋ ኦዳይ’ ያጌ” ያጋደ አዋያ።
\p
\v 17 “ዛረደካ ሀዋዳን ያጋደ አዋያ፤ ‘ኡባፐ ዎልቃማ መና ጎዳይ ታ ካታማቱዋ ዱረተይ ኩም ጎጋና ቃይ ታን መና ጎዳይ ጽዮነ ዛረደ ምንና፤ የሩሳላመካ ዛረደ ዶራና ያጌ’ ያጋደ አዋያ” ያጌዳ።
\s1 ዛካራስ ሳጻን ኦይዱ ካጨቱዋ በኤዳ
\p
\v 18 ቃይካ ታን ሳጻን ኦይዱ ካጨቱዋ በኣድ። 
\v 19 ታናና ሃሳይያ ኪታንቻ፥ “ሀዋንቱ አዬ?” ያጋደ ኦቻድ።
\p እካ ታዉ ዛሪደ፥ “ሀ ካጨቱ ይሁዳ፥ እስራኤላነ የሩሳላመ ላሌዳ ካዉተቱዋ” ካዉተቱዋ ሌምሳቱዋ ያጌዳ።
\p
\v 20 ሄዋፐ ጉይያን፥ መና ጎዳይ ታና ብራታ ቆጽያ ኦይዱ ሂላቱዋ በሴዳ። 
\v 21 ታን፥ “ሀዋንቱ አያ ኦናዉ ዬድኖ?” ያጋደ ኦቻድ።
\p እ ዛሪደ፥ “ሀዋንቱ ኦንነ ቁ ጊደ ጼለናዳን፥ ይሁዳ ቢታ ላሌዳ ካጨቱዋ ያሽሳናዉ ዬድኖ፤ ቃይ ይሁዳ ቢታ ላላናዉ ባረንቱ ካጭያ ደንዳ አይሁዳ ግደና ካዉተቱዋ ካጭያ ቆጺደ፥ ሳኣን የጋናዉ ዬድኖ” ያጌዳ።
\c 2
\s1 ዛካራስ ሳጻን ልክያ ዎዶሩዋ በኤዳ
\p
\v 1 ቃይካ ሀራ ሳጻን ባረ ኩሽያን ልክያ ዎዶሩዋ ኦይቄዳ እት ብታንያ በኣድ። 
\v 2 ታን፥ “ኔን ሀቃ ባይ?” ያጋደ አ ኦቻድ።
\p እ፥ “ታን የሩሳላመ ጎምፓይነ ጌሳይ አይ ኬሸንቶ በአናዉ፥ ልካናዉ ባይ” ያጌዳ።
\p
\v 3 ሄዋፐ ጉይያን፥ ታናና ሃሳይያ ኪታንቻይ ከሲደ ቤዳ፤ ቃይ አናና ጋከታናዉ ሀራ ኪታንቻይካ ዬዳ። 
\v 4 አ ሀዋዳን ያጌዳ፤ “ዎጻ፤ ባደ ሄ ያላጋ ብታንያ፥ መና ጎዳይ ሀዋዳን ያጌ፤ ‘አሳነ መህያ ዳሮተፐ ደንዴዳዋን የሩሳላመ ካታማ ዩሹ ድርሳ ግምቢ ባይና ካታማዳን ደአና። 
\v 5 ታን አ ዩሹዋን ታማ ድርሳ ግዳና፤ ታን አ ግዶን ቦንቹዋ ግዳና ያጌ’ ያጋ” ያጌዳ መና ጎዳይ።
\s1 መና ጎዳይ ባረ አሳ ባረንቱ ቢታ ስማናዳን ጼሴዳ
\p
\v 6 መና ጎዳይ ባረ አሳ ሀዋዳን ያጌ፤ “ታን ህንተና ኡባ ሳን ላላድ። ሽን ሀእ ሁጲሳ ባጋ ጋድያፐ ባቃቲደ ክችተ!” ያጌ መና ጎዳይ።
\p
\v 7 ቃይካ ጾሳይ፥ “ኔኖ፥ ጽዮኔ፥ ባብሎነ ማጫ ናናቱዋና ደእያነ ከሳ አካደ ሃያ!” ያጌ። 
\v 8 አያዉ ጎፐ፥ ኡባፐ ዎልቃማ መና ጎዳይ ባረ ቦንቹዋ ቆንጭሳና ማላ፥ ባረ አሳ ቦንቄዳ ካዉተቱዋኮ ታና ኪቲደ፥ ሀዋዳን ያጌዳ፤ “ህንተና ቦችያዌ ታ አይፍያ ቡሉዋ ቦቼ። 
\v 9 በእተ፥ ታን ታ ኩሽያ ኡንቱንቱ ቦላን ደንና፤ ቃይ ኡንቱንቱካ ካሰ ባረንቱ ቆማቱዋን ኦሞደታና” ያጌዳ።
\p ሄ ዎደ ህንተ ኡባፐ ዎልቃማ መና ጎዳይ ታና ኪቴዳዋ ኤራና።
\p
\v 10 መና ጎዳይ ሀዋዳን ያጌ፤ “ጽዮነ አሳዉ፥ የጽተነ ናሸትተ! አያዉ ጎፐ፥ ታን ያደ ህንተ ግዶን ደአና” ያጌ።
\p
\v 11 ሄ ዎደ ዳሮ አይሁዳ ግደና ካዉተቱ መና ጎዳና ጋከቲደ፥ አ አሳ ግዳና፤ እካ ኡንቱንቱ ግዶን ደአና። ቃይ ህንተካ ኡባፐ ዎልቃማ መና ጎዳይ ታና ህንተኮ ኪቴዳዋ ሄ ዎደ ኤራና። 
\v 12 ጌሻ ቢታን መና ጎዳይ ይሁዳ ባረና ጋኬዳ ግሹዋ ኦደ ላታና፤ የሩሳላመካ እ ዛረደ ዶራና።
\p
\v 13 መና ጎዳይ ባረ ደእያ ጌሻ ሳኣን ደንዴዳ፤ ሄዋ ድራዉ፥ አሹዋ ማዬዳ ኡባይ አ ስንን ጮኡ ጎ!
\c 3
\s1 ዛካራስ ሳጻን ቄስያ ኡባቱዋ ካፑዋ በኤዳ
\p
\v 1 ሄዋፐ ጉይያን፥ ቄስያ ኡባቱ ካፑ ኢያሱ መና ጎዳ ኪታንቻ ስንን ኤቄዳዋነ ሴጻናይካ ኢያሳ ሞታናዉ አፐ ኡሸቻ ባጋና ኤቄዳዋ መና ጎዳይ ሳጻን ታና በሴዳ።\x - \xo 3:1 \xo*\xt እዝራ 5:2፤ ሳፃ 12:10\xt*\x* 
\v 2 መና ጎዳይ ሴጻና፥ “ሴጻናዉ፥ መና ጎዳይ ኔና ሴሮ፤ የሩሳላመ ዶሬዳ መና ጎዳይ ኔና ሴሮ! ሀ ብታኒ ታማፐ ከሲደ አቴዳ ጺፋ ማላ ግደኔ?” ያጌዳ።\x - \xo 3:2 \xo*\xt ዳና. 9\xt*\x*
\p
\v 3 ኢያሱ ኪታንቻ ስንን ኤቄዳ ዎደ፥ ቅታ ማዩዋ ማይ ኡቴዳ። 
\v 4 ኪታንቻይ ባረ ስንን ኤቄዳዋንታ፥ “አፐ ሀ ቅታ ማዩዋ ቃርተ” ያጌዳ። ቃይ እ ኢያሳ፥ “በአ፥ ታን ነ ባይዙዋ ኔፐ ድጋድ፤ ቦንቹዋ ማዩዋካ ኔና ማይዛና” ያጌዳ። 
\v 5 ቃይካ ታን፥ “ጌሻ ሻሽያ አ ሁጲያን ጻጽተ” ያጋድ። ኡንቱንቱካ እ አዛዜዳዋዳን ኦድኖ፤ ማዩዋካ አ ማይዜድኖ። መና ጎዳ ኪታንቻይ ሄ ዎደ አ ምይያን ኤቄዳ።
\p
\v 6 ሄዋፐ ጉይያን፥ መና ጎዳ ኪታንቻይ ኢያሱዉ ሀዋዳን ያጊደ ሽሴዳ፤ 
\v 7 “ኡባፐ ዎልቃማ መና ጎዳይ ሀዋዳን ያጌ፤ ‘ኔን ታ ኦግያን ሀመቶፐነ ታ አዛዙዋ ናጎፐ፥ ኔን ታ ጌሻ ጎልያ አይሳና፤ ታ ዳባባንካ አዎታና። ቃይ ሀዋን ኤቄዳዋንቱና እትፐ ኔን ገልያ ማታ ታን ነዉ እማና።
\p
\v 8 “ ‘ነኖ ቄስያ ኡባቱዋ ካፑዋ ኢያሱ፥ ሀዋ ስሳ! ስንና ያና ኬካባዉ ማላታ ግድያ ኔናና ኦያዋንቱካ ሀዋ ስስኖ! ታን ታሽያ ጌተትያ ታ ቆማ አሀና።\x - \xo 3:8 \xo*\xt ኤር. 23:5፤ 33:15፤ ዛካ. 6:12\xt*\x* 
\v 9 በአ፥ ታን ኢያሱ ስንን ሹቻ ዎና፤ ሄ ሹቻ ቦላ ላፑን አይፈቱ ደኢኖ፤ ታን አ ቦላን ዎጫደ ጹፍያ ጻፋና። ታን ኡባፐ ዎልቃማ መና ጎዳይ ሀዋ ኦዳይ። ሄ ጋድያ ናጋራካ ታን እት ጋላስ ድጋና’ ያጌ።
\p
\v 10 “ኡባፐ ዎልቃማ መና ጎዳይ ሀዋዳን ያጌ፤ ‘ሄ ጋላስ ህንተ ኡባይካ ህንተ ዎይንያ ቱራነ ህንተ ባላስያ ም ጋርሳን ኡቲደ፥ ህንተ ሾሮቱዋ ሾባና’ ያጌ” ያጌዳ።\x - \xo 3:10 \xo*\xt ሚክ. 4:4\xt*\x*
\c 4
\s1 ዛካራስ ሳጻን ጾምፕያ ዎያ ባላነ ዎጋራ ም በኤዳ
\p
\v 1 ሄዋፐ ጉይያን፥ ታናና ሃሳዬዳ ኪታንቻይ ስም ዪደ፥ ገምእሼዳ አሳ ቤጎያዋዳን፥ ታና ቤጎዳ። 
\v 2 እ ታና፥ “ኔን በእያዌ አዬ?” ያጌዳ።
\p ታን፥ “ታን ዎርቃ ጻላላፐ ኦሰቴዳ ጾምፕያ ዎያ ባላ በአይ፤ አ ጼራን ዛይትያ ጻሩ ደኤ፤ ቃይ አ ቦላን ላፑን ጾምፐቱ ደኢኖ፤ ሄ ላፑን ጾምፐቶካ ላፑን ላፑን ሉኮቱ ደኢኖ። 
\v 3 ሄ ጾምፕያ ዎያ ባላ ማታን ላኡ ዎጋራቱ ደኢኖ፤ ኡንቱንቱ ዛይትያ ጻሩዋፐ ኡሸቻ ባጋናነ ሀድርሳ ባጋና ደኢኖ” ያጋድ።\x - \xo 4:3 \xo*\xt ሳፃ 11:4\xt*\x*
\p
\v 4 ታን ታናና ሃሳይያ ኪታንቻ ቃይካ፥ “ታ ጎዳዉ፥ ሀዋንቱ አዬ?” ያጋደ ኦቻድ።
\p
\v 5 ታናና ሃሳይያ ኪታንቻይ ዛሪደ፥ “ሀዋንቱ አየንቶ ኤርኪ?” ያጌዳ።
\p ታን፥ “ታ ጎዳዉ፥ ታን ኤርከ” ያጋድ።
\s1 ጾሳይ ዛሩባቤላዉ ኦዴዳ ቃላ
\p
\v 6 ቃይካ እ፥ “ዛሩባቤላዉ መና ጎዳይ ኦዴዳ ቃላይ ሀዋ፤ ‘ታ አያናናፐ አትና፥ ዎልቃን ዎይ ምኖተን ግደና። ታን ኡባፐ ዎልቃማ መና ጎዳይ ሀዋ ኦዳይ።\x - \xo 4:6 \xo*\xt እዝራ 5:2\xt*\x* 
\v 7 ዎልቃማ ደርያዉ፥ ኔን አዬ? ኔን ዛሩባቤላ ስንን ልጲ ጌዳ ደምባ ግዳና። ቃይ ዛሩባቤል ጌሻ ጎልያ ኬጽ ፖሊደ፥ ዉርሰ ሹቻ ፑደ ከስያ ዎደ አሳይ፥ “ሀሹ! ሀሹ ፖለቴ!” ያጋና’ ያጌዳ።”
\p
\v 8 ቃይካ መና ጎዳ ቃላይ ዛካራሳኮ ዬዳ። 
\v 9 ዛካራስ ሀዋዳን ያጌዳ፤ “ሀ ጌሻ ጎልያ ባሱዋ ዛሩባቤላ ኩሸቱ ባሴድኖ፤ ቃይ ፖሉዋካ አ ኩሸቱ ኬጺደ ፖላና። ሄዋፐ ጉይያን፥ ኡባፐ ዎልቃማ መና ጎዳይ ታና ህንተኮ ኪቴዳዋ ህንተ ኤራና። 
\v 10 ሀ ጉ ዶመ ካያ ኦናነ ግዶፐ ዛሩባቤላ ኩሽያን ቱምቢያ በኤዳ ዎደ ናሸታና፤ ሀዋንቱ ላፑን ጾምፐቱ ቢታ ኡባ ዩዪደ ጼልያ መና ጎዳ አይፈቱዋ” ያጌዳ።\x - \xo 4:10 \xo*\xt ሳፃ 5:6\xt*\x*
\p
\v 11 ታን ኪታንቻ ዛራደ፥ “ሀ ጾምፕያ ዎያ ባላፐ ኡሸቻ ባጋናነ ሀድርሳ ባጋና ደእያ ሀ ላኡ ዎጋራቱ አዬ?” ያጋደ ኦቻድ።\x - \xo 4:11 \xo*\xt ሳፃ 11:4\xt*\x* 
\v 12 ታን ላኤንዋካ፥ “ሀ ዛይቲ ኡንቱንቱፐ ጎግያ ላኡ ዎርቃ ቦምባቱዋ ማታን ደእያ ላኡ ዎጋራ ታሸቱካ አዬ?” ያጋደ ኦቻድ።
\p
\v 13 እካ ዛሪደ፥ “ሀዋንቱ አየንቶ ኔን ኤርኪ?” ያጌዳ።
\p ታንካ፥ “ታ ጎዳዉ፥ ታን ኤርከ” ያጋድ።
\p
\v 14 እ ዛሪደ፥ “ሀዋንቱ ሳኣ ኡባ ጎዳዉ ኦያ፥ ላኡ ኦከቴዳ አሳቱዋ” ያጌዳ።
\c 5
\s1 ዛካራስ ሳጻን ጻጸት ኡቴዳ ማጻፋይ ፓልያዋ በኤዳ
\p
\v 1 ቃይካ ታን ቁ ጋደ ጼልያ ዎደ፥ እት ጻጸት ኡቴዳ ማጻፋይ ቦላና ፓልያዋ በኣድ።
\p
\v 2 ኪታንቻይ ታና፥ “ሀ ኔን በእያዌ አዬ?” ያጊደ ኦቼዳ።
\p ታን፥ “ታን እት ጻጸት ኡቴዳ ፓልያ ማጻፋ በአይ፤ አዉ ጌሳይ ላታሙ ዋ፤ ጎምፓይካ ታሙ ዋ” ያጋድ።
\p
\v 3 እ ታና ሀዋዳን ያጌዳ፤ “ሀ ጻ ማጻፋ ግዶን ደእያዌ ቢታ ኡባ ቦላን ይያ ሸቃ። ሄ ማጻፋን እት ባጋና፥ ‘ዉእያ ኡባይ ጋድያፐ ያና’ ያግያዌ ጻፈቴዳ፤ ቃይ የንኮ ባጋና፥ ‘ዎርዱዋን ጫቂያ ኡባይ ያና’ ያግያዌ ጻፈቴዳ። 
\v 4 ኡባፐ ዎልቃማ መና ጎዳይ ሀዋዳን ያጌ፤ ‘ታን ሄ ሸቃ ኪታና፤ እ ቢደ፥ ካይሱዋ ሶነ ታ ሱንን ዎርዱዋን ጫቂያዋ ጎለ ገላና፤ ያን ደኢደ፥ ሄ ጎልያ እ ኬጸቴዳ ምናነ ሹቻና ጋደ፥ ም ይሳና’ ያጌ” ያጌዳ።
\s1 ዛካራስ ሳጻን ቁንኣ ግዶን ኡቴዳ ምሽራቶ በኤዳ
\p
\v 5 ሄዋፐ ጉይያን፥ ሄ ታናና ሃሳይያ ኪታንቻይ ታኮ ዪደ፥ “አነ ቁ ጋደ፥ ሀ ይያዌ አየንቶ በአ” ያጌዳ።
\p
\v 6 ታን፥ “እ አዬ?” ያጋደ ኦቻድ።
\p እ ዛሪደ፥ “ሀዌ ማክያ ቁንኣ” ያጌዳ። ቃይካ ጉጂደ፥ “ሀዌ አሳይ ሀ ቢታ ኡባን ኦዳ ናቁዋ ማላታ” ያጌዳ።
\p
\v 7 እርሳስያ ግያ ብራታፐ ኦሰቴዳ ቁንኣ ቁምኢ ፖከቴዳ ዎደ እት ምሽራታ ቁንኣ ግዶን ኡቴዳኖ በኣድ። 
\v 8 ኪታንቻይ ታዉ ኦዲደ፥ “ሀና ኢታተቶ ጌተታዉ” ያጌዳ። እዞ ጉየ ቁንኣ ግዶ ሱግ ገልሲደ፥ እርሳስያ ቁምእያካ ዱገ ናቂደ፥ ቁንኣ ቁምኤዳ።
\p
\v 9 ሄዋፐ ጉይያን፥ ታን ቁ ጋደ ጼልያ ዎደ፥ ኡንቱንቱ ቀፍያን ጫርኩ ደእያ ላኡ ማጫ አሳቱ ይያዋንታ በኣድ፤ ኡንቱንቱ ቀፊ ሾርትያ ቀፍያ ማላ። ኡንቱንቱ ሄ ኬሻ ሳኣፐነ ሳሉዋፐ ግዶ ፑደ ደንድኖ።
\p
\v 10 ያትና፥ ታን ታናና ሃሳይያ ኪታንቻ፥ “ሀዋንቱ ቁንኣ ሀቃ አፊኖ?” ያጋደ ኦቻድ።
\p
\v 11 እ፥ “ኡንቱንቱ ቁንኣ ጎልያ ኬጻናዉ ባብሎነ ቢታ አፊኖ፤ ጎሊ ኬጸቴዳ ዎደ፥ ኡንቱንቱ ሄ ቁንኣ አዉ ጊጌዳ ሳኣን ዎና” ያጌዳ።
\c 6
\s1 ዛካራስ ሳጻን ኦይዱ ፓራ ጋረቱዋ በኤዳ
\p
\v 1 ቃይካ ታን ቁ ጋደ ጼላድ፤ ጼልያ ዎደ ኦይዱ ፓራ ጋረቱ ላኡ ደረቱዋፐ ግዱዋና ይያዋንታ በኣድ፤ ደረቱካ ቃይ ናሃሰ ግያ ብራታ ደረቱዋ። 
\v 2 ኮይሮ ፓራ ጋርያ ዞኦ ፓራቱ ጎቺኖ፤ ላኤን ፓራ ጋርያ ካረ ፓራቱ ጎቺኖ፤\x - \xo 6:2 \xo*\xt ሳፃ 6:4፣ 5\xt*\x* 
\v 3 ሄዘን ፓራ ጋርያ ቦ ፓራቱ ጎቺኖ፤ ኦይደን ፓራ ጋርያ ዋንጮ ፓራቱ ጎቺኖ፤ ኡንቱንቱ ኡባቱካ ዎልቃማ።\x - \xo 6:3 \xo*\xt ሳፃ 6:2\xt*\x* 
\v 4 ታን ታናና ሃሳይያ ኪታንቻ፥ “ታ ጎዳዉ፥ ሀዋንቱ አዬ?” ያጋደ ኦቻድ።
\p
\v 5 ኪታንቻይ፥ “ሀዋንቱ ሳኣ ኡባ ጎዳ ስንን ባረና ሺሺደ ከስያ ኦይዱ ሳሉዋ ጫርኮቱዋ።\x - \xo 6:5 \xo*\xt ሳፃ 7:1\xt*\x* 
\v 6 ካረ ፓራቱ ጎችያ ጋሪ ሁጲሳ ባጋ ቢታ ቤ፤ ቦ ፓራቱ ጎችያ ጋሪ አዋይ ዶልያ ባጋ ቤ፤ ዋንጮ ፓራቱ ጎችያ ጋሪ ቃይ ገድሳ ባጋ ቤ” ያጊደ ዛሬዳ። 
\v 7 ሄ ፓራቱ ከሴዳ ዎደ፥ ቢታ ኡባ ዩዪደ ጾሞሳናዉ ፓቹሪኖ። ኪታንቻይ ኡንቱንታ፥ “ቢተ፥ ቢታ ኡባ ዩዪደ ጾሞስተ” ያጌዳ። ኡንቱንቱ ቢታ ኡባ ዩዪደ ዎቼድኖ። 
\v 8 ሄዋፐ ጉይያን፥ ኪታንቻይ ባረ ቃላ ቁ ኦ ታኮ ዋሲደ፥ “በአ፥ ሁጲሳ ባጋ ቢታ ቤዳ ፓራቱ ባረንቱ ቤዳ ሁጲሳ ባጋ ጋድያን ጾሳ አያና ሸምፕሴድኖ” ያጌዳ።
\s1 ቄስያ ኡባ ካፑዋ ኢያሱ ቦላ ጫነቴዳ ሀሳይሱዋ ካላቻ
\r (6:9-15)
\p
\v 9 መና ጎዳ ቃላይ ታኮ፥ ቃይካ ሀዋዳን ያጊድ ዬዳ፤ 
\v 10 “ባብሎነ ኦሞዱዋፐ ስሜዳ ሄልዳይ፥ ጾቢነ ያዳይ እምያ እሞታ አካ፤ ሄ ጋላስካ ጻፋንያ ናኣ እዮስያሳ ጎለ ባ። 
\v 11 ኡንቱንቱፐ አኬዳ ብራፐነ ዎርቃፐ ካላቻ መ፤ እዮጸዴቃ ናኣ፥ ቄስያ ኡባቱ ካፑዋ ኢያሱ ሁጲያን ዎ። 
\v 12 አዉ፥ ‘ኡባፐ ዎልቃማ መና ጎዳይ ሀዋዳን ያጌ፤ “በአ፥ አ ሱንይ ታሽያ ጌተትያ እት ብታኒ ባረ ደእያ ሳን ድጫና፤ እ መና ጎዳ ጌሻ ጎልያ ዛር ኬጻና።\x - \xo 6:12 \xo*\xt ኤር. 23:5፤ 33:15፤ ዛካ. 3:8\xt*\x* 
\v 13 መና ጎዳ ጌሻ ጎልያ ኬጻናዌ አ፤ እ ካትያዳን ቦንቹዋ ማዪደ፥ ባረ ካተቱዋ አራታን ኡታናነ ሞዳና። ቃይ እ ባረ አራታን ኡቲደ ቄሰተን ኦና፤ ኡንቱንቱ ላኡ ባረንቱ ቆፋን እቱዋ ግዳና” ያጌ’ ያጋ። 
\v 14 ሄ ካላቻይ ሄልዳያ፥ ጾቢያ፥ ያዳያነ ጻፋንያ ናኣ እዮስያሳ ሀሳይስያዋ ግዲደ፥ መና ጎዳ ጌሻ ጎልያን ደአና” ያጌዳ።
\p
\v 15 ሄ ዎደ ሃኮ ሳን ደእያዋንቱ መና ጎዳ ጌሻ ጎልያ ኬጺደ ማዳናዉ ያና። ኡባፐ ዎልቃማ መና ጎዳይካ ታና ህንተኮ ኪቴዳዋ ህንተ ሄዋን ኤራና። መና ጎዳዉ፥ ህንተ ጾሳዉ፥ ህንተ ፖሎ አዛዘቶፐ፥ ሄዌ ሀናና።
\c 7
\s1 ልከ ግደና ጾማነ ስንዉ እመቴዳ ህዶታ
\p
\v 1 ዳርዮሰ ካተቴዳ ኦይደን ላይን፥ ክስሌዋ ግያ ኡዱፑን አግናን፥ ኦይደን ጋላሳን መና ጎዳ ቃላይ ዛካራሳኮ ዬዳ። 
\v 2 ቤቴለ ካታማ አሳይ ሳርጼጸና፥ ረጌም-መለካነ ኡንቱንቱና እትፐ ደእያ አሳቱዋ መና ጎዳፐ አንጁ ያና ማላ ዎሳናዉ ኪቴድኖ። 
\v 3 ቃይ ኡባፐ ዎልቃማ መና ጎዳ ጌሻ ጎልያን ኦያ ቄሳቱ ዋነ ትምቢትያ ኦድያዋንታ፥ “ዳሮ ላይፐ ኦደ ጋምኤዳዋዳን፥ ታን ሀእካ አገናን እቼሸን አግናን ዬካናዉነ ጾማናዉ በሲ?” ያጊደ ኦቻናዳን ኪቴድኖ።
\p
\v 4 ሄዋፐ ጉይያን፥ ኡባፐ ዎልቃማ መና ጎዳ ቃላይ ሀዋዳን ያጊድ ታኮ ዬዳ፤ 
\v 5 “ቢታን ደእያ አሳ ኡባነ ቄሳቱ ዋ ሀዋዳን ያጋደ ኦቻ፤ ‘ህንተ ሄ አዳ ላፑን ታሙ ላይ ግዶን እቼሸን አግናንነ ላፑን አግናን ጾሜዳዋነ ዬኬዳዋ ታዉ ጾሜድቴ? 
\v 6 ህንተ ምያ ዎደነ ኡሽያ ዎደ፥ ህንተንቶ ሚታነ ኡሺታ ግደኔ። 
\v 7 የሩሳላመ ካታማንነ አ ዩሹዋን ደእያ ካታማቱዋን አሳይ ደኤዳ ዎደ፥ ኡንቱንቱ እሻሊደ ደኤዳ ዎደነ ኔጌበንነ አዋይ ዶልያ ባጋ ዝቃ ጋድያን አሳይ ደኤዳ ዎደ፥ መና ጎዳይ ባረ ትምቢትያ ኦድያዋንቱ ባጋና ኦዴዳ ቃላይ ሀዋ ግደኔ?’ ያጋ” ያጌዳ።
\s1 አዛዘተናን እጼዳዌ ኦሞደታናዉ ጋሶ ግዴዳ
\p
\v 8 መና ጎዳ ቃላይ ቃይካ ዛካራሳኮ ሀዋዳን ያጊድ ዬዳ፤ 
\v 9 “ኡባፐ ዎልቃማ መና ጎዳይ ካሰ ሀዋዳን ያጌዳ፤ ‘ቱሙ ፕርዳ ፕርድተ። ህንተ ግዶን እቱ እቶ ኬካተነ ማሮተ ኦተ። 
\v 10 አምኤቱዋ፥ አታ አዉ ባይና ናናቱዋ፥ በተቱዋነ ህዬሳቱዋ ናቆፕተ። ቃይ ህንተፐ ኦንነ ባረ እሻ ቦላን ኢታባ ኦናዉ ባረ ዎዛናን ቆፖፖ’ ያጌዳ” ያጊድ ዬዳ።
\p
\v 11 ሽን ኡንቱንቱ ስሰናን እጼድኖ፤ ቃይ ዞክያ ዛሬድኖነ ስሰናዳን፥ ባረንቱ ሀይካ ቱጬድኖ። 
\v 12 ኡባፐ ዎልቃማ መና ጎዳይ ባረ አያናን ካሰ ባረ ትምቢትያ ኦድያዋንቱ ባጋና ኪቴዳ ህግያነ ቃላ ስሰና ማላ፥ ኡንቱንቱ ባረንቱ ዎዛና ዛላዳን ምንሴድኖ። ሄዋ ድራዉ፥ ኡባፐ ዎልቃማ መና ጎዳ ማታፐ ዎልቃማ ሀንቁ ኡንቱንቱ ቦላ ዬዳ።
\p
\v 13 ኡባፐ ዎልቃማ መና ጎዳይ ሀዋዳን ያጌ፤ “ታን ጼሴዳ ዎደ፥ ኡንቱንቱ ስሰናን እጼዳዋዳን፥ ኡንቱንቱ ጼሴዳ ዎደ፥ ታንካ ስስከ። 
\v 14 ታን ጎትያ አሃደ፥ ኡንቱንታ ኡንቱንቱ ኤርቤና ካዉተቱዋ ግዶን ላላድ፤ ቢታይ አሳይ ያነ ሃነ ስመረተና መላ ቢታ ግዴዳ፤ ሄዋዳን ሀኒደ፥ ሀ ሎኦ ቢታይ መላ ግዴዳ” ያጌ።
\c 8
\s1 የሩሳላመ ኦራጻና
\p
\v 1 ኡባፐ ዎልቃማ መና ጎዳ ቃላይ ቃይካ ታኮ፥ ሀዋዳን ያጊድ ዬዳ፤ 
\v 2 “ኡባፐ ዎልቃማ መና ጎዳይ፥ ‘ታን ጽዮንዉ ሎይ ምሸታይ፤ ታና እ ምሹ ጹጌ’ ያጌ። 
\v 3 መና ጎዳይ ሀዋዳን ያጌ፤ ‘ታን ጽዮነ ስማና፤ የሩሳላመ ግዶን ደአና። ቃይ የሩሳላመካ አማነትያ ካታማ ጌተታና፤ ኡባፐ ዎልቃማ መና ጎዳ ደሪ ቃይ ጌሻ ደርያ ጌተቲደ ጼሰታና’ ያጌ።
\p
\v 4 “ኡባፐ ዎልቃማ መና ጎዳይ ሀዋዳን ያጌ፤ ‘ጭሚደ ጉፍያን ብያ አቱማ አሳይነ ማጫ አሳይ ካሰዋንቱዋዳን ቃይካ የሩሳላመ ዳባባን ኡታና። 
\v 5 የሩሳላመ ካታማ ኦገቱ ካሳ ካእያ አቱማ ናናቱዋንነ ማጫ ናናቱዋን ኩማና’ ያጌ። 
\v 6 ኡባፐ ዎልቃማይ መና ጎዳይ፥ ‘ሀዌ ሀቃ አሳፐ አቴዳዋንቶ ማላልስያባ ግዶፐነ፥ ታዉ ማላልስያባ ግደና’ ያጌ ኡባፐ ዎልቃማይ መና ጎዳይ። 
\v 7 ኡባፐ ዎልቃማይ መና ጎዳይ ሀዋዳን ያጌ፤ ‘በእተ፥ ታን ታ አሳ አዋይ ዉልያ ባጋ ቢታፐነ አዋይ ዶልያ ባጋ ጋድያፐ አሻና። 
\v 8 ኡንቱንቱ የሩሳላመ ግዶን ደአናዳን አሀና። ኡንቱንቱ ታ አሳ ግዳና፤ ታንካ ኡንቱንቱ ጾሳ፥ አማነትያነ ጽሎ ጾሳ ግዳና’ ያጌ” ያጊድ ዬዳ።
\p
\v 9 ኡባፐ ዎልቃማ መና ጎዳይ ሀዋዳን ያጌ፤ “ህንተኖ፥ ኡባፐ ዎልቃማ መና ጎዳ ጌሻ ጎልያ ባሱዋ ባስያ ጋላሳፐ ዶሚደ፥ ትምቢትያ ኦድያዋንቱ ኦዴዳ ቃላ ስሴዳዋንቶ፥ ህንተ ኩሽያ ምንሲደ ፖልተ። 
\v 10 አያዉ ጎፐ፥ ሄ ጋላሳቱዋፐ ካሰ ባጋን አሳዉ ድርጉ ባዋ፤ መህያዉካ ከራ ጭጋይ ባዋ፤ ቃይ ታን አሳ ኡባ እቱዋ እቱዋ ቦላ ሞርከተን ደን ዎዳ ድራዉ፥ ገልያዋዉነ ከስያዎ ሳሩ ባዋ። 
\v 11 ሽን ሀእ ታን ሀ አሳፐ አቴዳዋንታ ካሰ ኦዳዋዳን ኦከ። ታን ኡባፐ ዎልቃማ መና ጎዳይ ሀዋ ኦዳይ።
\p
\v 12 “ኡንቱንቱ ባረንቱ ዘረ ሳሩዋን ዘራና፤ ኡንቱንቱ ዎይንያ ቱራይካ ባረ አይፍያ አይፋና፤ ቢታይካ ካ ዳርሲደ ሞካና፤ ሳሎቱካ እራ ቡካና። ሀ አሳፐ አቴዳዋንቶ ታን ሀ ኡባ አንጁዋ እማና። 
\v 13 ህንተኖ ይሁዳ አሳቶ፥ ህንተኖ እስራኤልያ አሳቶ፥ ካዉተቱዋ ግዶን ህንተ ሸቀቴዳዋንታ ግዲደ ደኤድታ፤ ሽን ሀእ ታን ህንተና አሻና፤ ህንተካ አንጀቴዳዋንታ ግዳና። ያዮፕተ! ህንተ ኩሽያካ ምንስተ!” ያጌ።
\p
\v 14 ኡባፐ ዎልቃማ መና ጎዳይ ሀዋዳን ያጌ፤ “ህንተ ማይዛ አዎቱ ታና ሀንቀዳ ዎደ፥ ኡንቱንቱ ቦላን ኢታባ አሀና ጋደ ቃቼዳ ቆፋ ላመናን ኦዳዋዳን፥ 
\v 15 ሄዋዳንካ ሀእ ታን የሩሳላመዉነ ይሁዳዉ ሎኦባ ኦናዉ ቆፋ ቃቻድ። ስም ያዮፕተ! 
\v 16 ህንተ ኦናዉ ኮሽያዌ ሀዋንታ: እቱ እቱዋና ቱሙዋ ሃሳይተ፤ ህንተ ፕርዳ ጎልያንካ ቱሙዋነ ሳሩዋ አህያ ፕርዳ ፕርድተ፤\x - \xo 8:16 \xo*\xt ኤፈ. 4:25\xt*\x* 
\v 17 እቱ እቱዋ ቆሀናዉ ኢታባ ህንተ ዎዛናን ማቀቶፕተ፤ ዎርዱዋን ጫቂያዋ ዶሶፕተ። ሄዋንታ ኡባ ታን መና ጎዳይ እጻይ” ያጌ።
\p
\v 18 ኡባፐ ዎልቃማ መና ጎዳ ቃላይ ቃይካ ታኮ፥ ሀዋዳን ያጊድ ዬዳ፤ 
\v 19 “ኡባፐ ዎልቃማ መና ጎዳይ ሀዋዳን ያጌ፤ ‘ኦይደን፥ እቼሸን፥ ላፑንነ ታማን አግናቱዋን ህንተ ጾሜዳ ጾማቱ ይሁዳ አሳዉ ፓሽክስያ ዎደነ ናሸችያ ግብራ ግዳናዋ። ሄዋ ድራዉ፥ ህንተ ቱማተነ ሳሮተ ዶስተ’ ያጌ።
\p
\v 20 “ኡባፐ ዎልቃማ መና ጎዳይ ሀዋዳን ያጌ፤ ‘አሳይ፥ ኡባ ቃይ ዳሮ ካታማቱዋን ደእያ አሳይ ብሮ የሩሳላመ ያና። 
\v 21 እት ካታማን ደእያ አሳይ ሀራ ካታማን ደእያ አሳኮ ቢደ፥ “መና ጎዳ አንጁ ያና ማላ ዎሳናዉነ ኡባፐ ዎልቃማ መና ጎዳ ኮያናዉ አነ ቤቶ፤ ታንካ ባይ” ያጋና። 
\v 22 ቃይ ዳሮ አሳይነ ዎልቃማ ካዉተቱ ኡባፐ ዎልቃማ መና ጎዳ ኮያናዉነ ዎሳናዉ የሩሳላመ ያና’ ያጌ።
\p
\v 23 “ኡባፐ ዎልቃማ መና ጎዳይ ሀዋዳን ያጌ፤ ‘ሄ ጋላሳቱዋን ዱማ ዱማ ቃላን ሃሳይያ ካዉተቱዋ ኡባፐ ታሙ አሳቱ ዪደ፥ እት አይሁዳ ብታንያ ማዩዋ ማጫራ ኦይቂደ፥ “ጾሳይ ህንተናና ደእያዋ ኑን ስሴዳ ድራዉ፥ አነ ኑንካ ኔናና ቤቶ” ያጋና’ ያጌ” ያጊድ ዬዳ።
\c 9
\s1 ማስህያ ዩሳነ ጾሳ ካዉተይ በስያዋዳን ኤረቱሳ
\p
\v 1 ሀድራካ ግያ ቢታይነ ዳማስቆ ካታማይ ሙረታናዋ ጾሳይ ኦዴዳ ፕርዳ ቃላይ ሀዋ።\x - \xo 9:1 \xo*\xt ኢሳ. 17:1-3፤ ኤር. 49:23-27፤ አሞጻ 1:3-5\xt*\x*\x - \xo 9:1-4 \xo*\xt ኢሳ. 23:1-18፤ ህዝ. 26:1—28:26፤ ኢዩ. 3:4-8፤ አሞጻ 1:9-10፤ ማቶሳ 11:21-22፤ ሉቃሳ 10:13-14\xt*\x* ሶርያ ዋና ካታማይ ዳማስቁካ መና ጎዳሳ ግድያ ድራዉ፥ እስራኤልያ ዛራቱዋ ጻላላ ግደናን አሳ ኡባ አይፊ ፑደ መና ጎዳኮ ጼሌ። 
\v 2 ቃይ ሄ ፕርዳይ ሀድራካና ዛዋትያ ሀማታ ካታማ ቦላካ ጋካና፤ ኡንቱንቱ አዳ ኤራንቻ ግዶፐነ፥ ጺሮሳነ ሲዶና ካታማቱዋካ ሀ ፕርዳይ ጋካና። 
\v 3 ጺሮሳ ካታማይ ዳሮ ምኖ ጌሱዋ ግምቤዳ። ቃይ ብራ ቢታዳን ዶሬዳ፤ ዎርቃካ ኦግያ ኡርቃዳን ጉፔዳ። 
\v 4 ሽን እዛ ሺሼዳዋ ኡባ ጎዳይ ዉርስ አካና፤ እዝ አባ ዎልቃ ይሳና፤ ካታማይካ ታማን ሜተታና።
\p
\v 5 አስቃሎና ካታማይ ሄዋ በኢደ ያያና፤ ጋዛ ካታማይካ በኢደ ኡንኤና፤ ቃይ ኤቅሮና ካታማይካ ህዶታ ያና። ጋዛ ባረ ካትያ ያና፤ አስቃሎና ካታማይካ መላ ግዳናዋ።\x - \xo 9:5-7 \xo*\xt ኢሳ. 14:29-31፤ ኤር. 47:1-7፤ ህዝ. 25:15-17፤ ኢዩ. 3:4-8፤ አሞጻ 1:6-8፤ ሶፎ. 2:4-7\xt*\x* 
\v 6 አሽዶዳ ካታማን ዋላካ አሳይ ደአና።
\p ታን፥ “ፕልስጼማቱዋ ኦቶሩዋካ ይሳና። 
\v 7 ታን ሱ ኡንቱንቱ ዶናፐ፥ ድገቴዳ ቁማ ኡንቱንቱ አቻፐ ድጋና። ኡንቱንቱፐ አቴዳዋንቱ ኑ ጾሳ አሳ ግዳና። ቃይ ይሁዳ ያራ ማላ ግዳና። ኤቅሮና አሳይ ያቡሳ አሳዳን፥ ታ አሳ ግዳና። 
\v 8 ሄዋፐ ጉይያን፥ ኦላንቻቱ ካንናዳን፥ ታን ታ ጋድያ ናጋና። ታን ታ ሁጲያን ናግያ ድራዉ፥ ላኤን ኦንነ ታ አሳ ኡቁነና” ያጌ።
\s1 ይያ ካትያ
\p
\v 9 ኔኖ ጽዮነ ካታማቴነ የሩሳላመ ካታማቴ፥ እልላ!\x - \xo 9:9 \xo*\xt ማቶሳ 21:5፤ ዮሃ. 12:15\xt*\x* በአ፥ ጾኔዳ ነ ጽሎ ካቲ ኔኮ ዬ። ነ ካቲ አሽከ ግዲደ፥ ሀርያ ቦላ፥ ሀርያ ማራ ቦላ ኡቲደ፥ ኔኮ ዬ።
\p
\v 10 ታን፥ “ፓራ ጋረቱዋ እስራኤልያፐ፥ ኦላ ፓራቱዋካ የሩሳላመፐ ይሳና፤ ኦላ ዎንዳፊካ መኤረታና። ቃይ ነ ካቲ ካዉተቶ ሳሩዋ አዋያና፤ እ ሀ አባ ጋጻፐ ህን አባ ጋጻ ጋካናዉነ ኤፍራጺሳ ሻፋፐ ሳኣ ጋጻ ጋካናዉ ሞዳና ያጌ።\x - \xo 9:10 \xo*\xt ማዝ. 72:8\xt*\x*
\s1 ጾሳይ ባረ አሳ አሻና
\p
\v 11 “ኔና ግዶፐ፥ ቃይ ታን ኔናና ጫቀቴዳ ጫቁዋ ሱ ድራዉ፥ ነ አሳቱዋ ኡንቱንቱ ቃሸቴዳ ሃይ ባይና ኦላፐ ታን ከሳደ የዳና።\x - \xo 9:11 \xo*\xt ከሳ 24:8\xt*\x* 
\v 12 ህንተኖ ህዶታን ደእያ ቃሸቶ አሳቶ፥ ህንተ ጌሱዋኮ ስምተ፤ ካሰዋ ድራዉ ዳኩዋ አቁዋ ህንተንቶ እማናዋ ሀች ታን ህንተንቶ አዋያይ። 
\v 13 አያዉ ጎፐ፥ ታን ይሁዳ ዎንዳፍያዳን፥ እስራኤልያካ ዎንዳፍያ ፖዳን ጎኤታና። ጽዮኔ፥ ታን ነ ናናቱዋ ግሪከ ጋድያ ናናቱ ቦላ ደንና፤ ኔናካ ዎልቃማ ኦላንቻ ማሻ ማላ ኦና” ያጌ።
\p
\v 14 ሄ ዎደ መና ጎዳይ ኡንቱንቱ ቦላ ቆንጫና፤ አ ዎንዳፊካ ዋልቃንዳን ዋልቃማና። ኡባ ማርያ መና ጎዳይ ማላካታ ፑናና፤ ገድሳ ባጋ ጎቲ አያዋዳንካ አና። 
\v 15 ኡባፐ ዎልቃማ መና ጎዳይ ኡንቱንታ ናጋና። ኡንቱንቱካ ባረንቱ ሞርከቱዋ ዉርሳና፤ ያምባርሻን ኦልያዋንታካ የና። ኡንቱንቱ ባረንቱ ሞርከቱዋ ሱ ዎይንያ ኤሳዳን ኡሻና፤ ሱይ ከርያን ኩምያዋዳን ኩማና፤ ቃይ ያርሽያ ሳኣን ጉክያዋዳን ጉካና።
\p
\v 16 ሄ ጋላስ መና ጎዳይ ኡንቱንቱ ጾሳይ ኡንቱንታ አሻና፤ አያዉ ጎፐ፥ ኡንቱንቱ አ አሳ ዉደቱዋ። ካላቻ ቦላ ደእያ አሌቁዋዳን፥ ጾሳ ጋድያ ቦላን ኡንቱንቱ ጶላና። 
\v 17 ኡንቱንቱ ዋኒደ ሎአነ ማላ ፑላ ግዳንድኖሻ! ዎዳላ ናናቱዋ ካይ፥ ዎዶሮ ናናቱዋካ ዎይንያ ኤሳይ አጭሳና።
\c 10
\s1 መና ጎዳይ ባረ አሳ አንጃና
\p
\v 1 ባልጉ ጋክያ ዎደ፥ መና ጎዳይ እራ እማናዳን ዎስተ። መና ጎዳይ እራ ቶኬዳ ሻርያ ኪቴ፤ ቃይ እ አሳዉ እራ እሜ፤ አታክልትያካ ሾይቃን ሞክሴ። 
\v 2 ሶ ኤቃ ምስለቱ ኦድያዌ ሀዳ፤ ካይያዋንቱ ዎርዶ ሳፃ በኢኖ፤ አኩመትያዋንቱካ ዎርዶ አኩሙዋ ኦዲኖ፤ ሀዳ ምንዋካ ምንኖ። ሄዋ ድራዉ፥ አሳይ ዱጼዳ ዶርሳዳን ቶይላካቴ፤ ኡንቱንታ ሄምያዌ ባይና ድራዉ፥ ኡንቱንቱ ቆሄቲኖ።
\p
\v 3 ታ ሀንቁ ሄንንቻቱዋ ቦላ ኤጽ ከሴዳ፤ ሄ ካለያዋንታ ታን ሙራና። አያዉ ጎፐ፥ ኡባፐ ዎልቃማ መና ጎዳይ ባረ ዶርሳ ዉደ ግድያ ይሁዳ አሳ እ ሄሜ፤ እ ኡንቱንታ ኦላዉ ሳልፔዳ ባረ ዎልቃማ ፓራ ማላ ኦና። 
\v 4 ይሁዳ አሳ ግዶፐ ካለያዋንቱ ከሳና፤ ኡንቱንቱ ጎልያዉ ጎዳ ጻጱዋ ምንስያ ሹቻዳን፥ ዱንካንያ ጌዳዋዳንነ ኦላ ሚሻዳን ምኖ ግዳናዋ። 
\v 5 ኡንቱንቱ ኦግያ ኡርቃ የያ ምኖ ኦላንቻቱዋ ማላ ግዳናዋንታ፤ መና ጎዳይ ኡንቱንቱና ደእያ ድራዉ፥ ኡንቱንቱ ኦለታና፤ ፓራ አሳቱዋካ ጾናና።
\p
\v 6 “ታን ይሁዳ አሳ ምንና፤ ዮሴፎ አሳካ አሻና፤ ታን ኡንቱንቶ ቃረትያ ድራዉ፥ ኡንቱንቱ ዛራደ አሀና፤ ቃይ ኡንቱንቱካ ታን ኡንቱንታ ካሰካ አጋቤናባ ማላ ግዳናዋ። ታን መና ጎዳ ኡንቱንቱ ጾሳ ግድያ ድራዉ፥ ኡንቱንቱ ዎሳ ስሳና። 
\v 7 ኤፍሬማ አሳይ ምኖ ኦላንቻ ማላ ግዳናዋ፤ ዎይንያ ኤሳ ኡሼዳ አሳዳን፥ ኡንቱንቱ ዎዛናይ ናሸታና። ኡንቱንቱ ናናይካ ሄዋ በኢደ፥ ሀሹ ጋና፤ ኡንቱንቱ ዎዛናይ መና ጎዳን ናሸታና።
\p
\v 8 “ታን ታ አሳ ሱይቃደ ጼሳና፤ ያታደ፥ ኡንቱንታ እትፐ ሺሻና። አያዉ ጎፐ፥ ታን ኡንቱንታ ዎዛድ፤ ኡንቱንቱ ካሰዋዳንካ ጮራ ግዳናዋንታ። 
\v 9 ታን ኡንቱንታ አይሁዳ ግደና ካዉተቱዋ ግዶን ላልንቶካ፥ ኡንቱንቱ ባረንቱ ደእያ ሃኮ ጋድያን ታና ሀሳያና፤ ቃይ ኡንቱንቱካ ኡንቱንቱ ናናይካ ፓጻ አታናነ ባረንቱ ቢታ ስማና። 
\v 10 ታን ኡንቱንታ ግብጼ ጋድያፐ ዛራና፤ አሶረ ቢታፐካ ታን ኡንቱንታ ሺሻና። ኡንቱንቶ ኡትያ ሳአይ ያና ጋካናዉ፥ ታን ኡንቱንታ ጋላኣደ ቢታንነ ሊባኖሳ ጋድያን ኩንና። 
\v 11 ኡንቱንቱ መቶ አባ ግዶና አሽን፥ ታን ጾሳይ አባ ቤታ ሾጫና፤ ጪማ ግዴዳ ናይለ ሻፋይካ መላና። አሶረ ቢታ ኦቶሩ ጊያና፤ ግብጼ ካተቱዋ ጻምአይካ መአና። 
\v 12 ታን ኡንቱንታ መና ጎዳን ምንሳና፤ ኡንቱንቱካ አ ሱንን ሀመታና። ታን መና ጎዳይ ሀዋ ኦዳይ” ያጌ።
\c 11
\s1 ፕርዳ ሌምሱዋ
\p
\v 1 ኔኖ፥ ልባኖሳ፥ ታማይ ነ ዝጋቱዋ ማና ማላ፥ ነ ፐንገቱዋ ዶያ! 
\v 2 ኔኖ ጽድያዉ፥ ዝጋይ ኩንድ ክቼዳ ድራዉ፥ ቃይ ሄ ቦንቹዋ ምቱካ ይክቼዳ ድራዉ፥ አየ ጋደ ዬካ! ህንተኖ ባሳነ ጋድያ ዎላቶ፥ ሄ ኮንሶሴዳ ዎራይ ቃንጸት ክቼዳ ድራዉ፥ አየ ጊደ ዬክተ። 
\v 3 ሄንንቻቱ ዝላሳ ስስተ፤ አያዉ ጎፐ፥ ኡንቱንቱ ቦንቹ ዬዳ! ጋሞቱ ጉድያዋካ ስስተ፤ አያዉ ጎፐ፥ ዮርዳኖሳ ዎራይ ይክቼዳ።
\s1 ኬካነ ኢታ ሄንንቻቱዋ
\p
\v 4 መና ጎዳይ ታ ጾሳይ ታና ሀዋዳን ያጌዳ፤ “ሄ ሹከታናዉ ደእያ ዶርሳቱዋ ዉድያ ሄማ። 
\v 5 ኡንቱንታ ሻምያዋንቱ ሹክኖ፤ ሙረተናን አትኖ። ቃይ ዛልእያዋንቱካ፥ ‘ኑን ዱረቴዶ፤ መና ጎዳይ ጋላተቶ’ ያጊኖ፤ ሀራይ አትና፥ ኡንቱንቱ ሄንንቻቱካ ኡንቱንቶ ቃረትክኖ” ያጌዳ።
\p
\v 6 መና ጎዳይ ሀዋዳን ያጌ፤ “ታንካ ሀዋፐ ስንናዉ ሀ ጋድያን ደእያ አሳዉ ቃረትከ፤ ታን አሳ ኡባ እቱዋ እቱዋ ኩሽያንነ ካትያ ኩሽያን አደ እማና። ኡንቱንቱ ጋድያ ባይዛና፤ ታንካ እት አሳነ ኡንቱንቱ ኩሽያፐ አሽከ” ያጌ።
\p
\v 7 ሄዋ ድራዉ፥ ታን ሹከታናዉ ደእያ ዶርሳቱዋ፥ ኡባ ቃይ ዉድያ ግዶን ቱጋቴዳዋንታ ሄምያዋ ግዳድ። ቃይ ላኡ ጋትማቱዋ አካደ ኡንቱንቱፐ እቱዋ ኬካተ ጋደ ሱንድ፤ ላኤንዋካ እትፐተ ጋደ ሱንድ። ያታደ ዶርሳ ዉድያ ሄማድ። 
\v 8 ሄዋፐ ጉይያን፥ ታን እት አግና ግዶን ሄዙ ሄንንቻቱዋ ድጋድ። አያዉ ጎፐ፥ ኡንቱንቱ ሀኖተይ ታዉ ዳንዳየትቤና፤ ያትና፥ ኡንቱንቱካ ታና እጼድኖ። 
\v 9 ያታ ስማደ ታን ዶርሳቱዋ፥ “ታን ህንተና ላኤን ሄምከ፤ ሀይቂያዌ ሀይቆ፤ ባይያዌ ባዮ፤ አትያዌካ እቱ እቱዋና ሜተቲደ ዉሮ” ያጋድ።
\p
\v 10 ስማደ ታን ካዉተቱዋ ኡባና ጫቀቴዳ ጫቁዋ መንዳዋ በሳናዉ ኬካተ ግያ ታ ጋትማ አካደ መንድ። 
\v 11 ሄዋ ድራዉ፥ ሄ ጋላስካ ጫቁዋ መን አጌዳ፤ ያትና፥ ሄ ዎደ ኡንኤት ኡቴዳ ታና ጼልያ ዶርሳቱ በኢደ፥ ሀዌ መና ጎዳ ቃላ ግድያዋ ኤሬድኖ። 
\v 12 ታን ኡንቱንቱ፥ “እማናዉ በሰ ጎፐ፥ ታ ድርጉዋ ሀምተ፤ ኮሸና ጎፐካ፥ አግ ባሽተ” ያጋድ። ኡንቱንቱ ታ ድርጉዋ ሀታሙ ጻጋራ ብራ ታዉ እሜድኖ።\x - \xo 11:12 \xo*\xt ማቶሳ 26:15\xt*\x*\x - \xo 11:12-13 \xo*\xt ማቶሳ 27:9-10\xt*\x*
\p
\v 13 ያትና፥ መና ጎዳይ ታና፥ “ኡንቱንቱ ሄዋ ከሳና ግ ማየቲደ እሜዳ ሄ ካቴዳ ብራ መና ጎዳ ጎልያ ሻሉዋ ምንጅያ ጎልያ ግዱዋ ኦላ” ያጌዳ። ታን ሄ ሀታሙ ጻጋራ ብራ አፋደ፥ መና ጎዳ ጎልያ ሻሉዋ ምንጅያ ጎልያ ግዶ ኦላድ። 
\v 14 ሄዋፐ ጉይያን፥ ታን ይሁዳፐነ እስራኤልያፐ ግዱዋን ደእያ እሻተይ መኤዳዋ በሳናዉ እትፐተ ግያ ታ ላኤን ጻምኣ መንድ።
\p
\v 15 ቃይካ መና ጎዳይ ታና፥ “ላኤንዋካ አዛላ ሄንንቻ ሚሻቱዋ አካ። 
\v 16 አያዉ ጎፐ፥ ታን ሀ ጋድያን እት ሄንንቻ ደንና። ሽን እ ዋየትያ ዶርሳቱዋ ማደና፤ ላለቴዳዋንታ ሺሸና፤ ዎቢያዋ ኮለና፤ ፓጻካ ምዘና። እ ሄዋ አጊደ፥ ሞዳዋንታ ሹክ ሹኪደ ሜ፤ ኡንቱንቱ ሹቁልያካ ቃንጼ። 
\v 17 ዶርሳ ዉድያ የግ ባሼዳ ሄ ላፋ ፓና ሄንንቻዉ አየ አና! አ ቀስያነ አ ኡሸቻ አይፍያ ቦላን ማሻይ ዎ። አ ቀሲ ስሎ፤ አ ኡሸቻ አይፊካ ትፕ ጊደ ቶኦ” ያጌዳ።
\c 12
\s1 የሩሳላመ ጾኑዋ
\p
\v 1 ሀዌ እስራኤልያባ ኦድያ መና ጎዳ ቃላ። ሳሎቱዋ ምጬዳዌ፥ ሳኣካ መዳዌ፥ አሳ ግዶንካ አያና መዳ መና ጎዳይ ሀዋዳን ያጌ፤ 
\v 2 “በአ፥ ታን የሩሳላመ ካታማ አ ዩሹዋን ደእያ አሳ ኡባ ኡሽና ጋንድጋርስያ ዎይንያ ኤሳ ትግያ ዋንጫ ማላ ኦና፤ የሩሳላመ ዶደትያ ዎደ፥ ይሁዳ ካታማቱካ ዶደታና። 
\v 3 ሄ ጋላስ ታን የሩሳላመ ካታማ አሳ ኡባዉ ዴጾ ሹቻ ማላ ኦና፤ አ ደንያ ኡባይ ባረዉ ደሸታና። ቃይ ሳኣ ካዉተቱ ኡባይ አ ኦለታናዉ እትፐ ሺቃና። 
\v 4 ሄ ጋላስ ታን ፓራ ኡባ ዳጋንና፤ ፓራ ቶግያዋንታካ ጎሻና። ሄዋ ታን መና ጎዳይ ኦዳይ። ይሁዳ አሳ ታን ታ ኬካ አይፍያን ጼላና፤ ሽን ሞርከቱዋ ፓራቱዋ ኡባካ ቆቅሳና። 
\v 5 ሄ ዎደ ይሁዳን ካለያዋንቱ ባረንቱ ዎዛናን፥ ‘የሩሳላመ አሳይ ኡባፐ ዎልቃማ መና ጎዳን፥ ባረንቱ ጾሳን፥ ምኖተ ደሜድኖ’ ያጋና።
\p
\v 6 “ሄ ጋላስ ታን ይሁዳን ካለያዋንታ ም ዶርያ ግዶን ደእያ ጺፋነ ምርቀቱዋ ግዶን ላጮትያ ጾምፕያ ኦና። ኡንቱንቱ ባረንቱ ኡሸቻን ሀድርሳንነ ባረንቱ ዩሹዋን ደእያ አሳ ኡባ ማና፤ ሽን የሩሳላመ ካታማይ አሳይ ሳሮ ደኢያሳ ግዳናዋ።
\p
\v 7 “ዳዊታ ጎልያ ቦንቹነ የሩሳላመን ደእያዋንቱ ቦንቹ ይሁዳ አሳ ቦንቹዋፐ አና ማላ፥ ታን መና ጎዳይ ካሰታደ ይሁዳ አሳዉ ጾኑዋ እማና። 
\v 8 ሄ ጋላስ ኡንቱንቱ ግዶን ዳሮ ላፋ ግያ አስካ ዳዊታ ማላ ምኖ ግዳናዳን፥ ታን መና ጎዳይ የሩሳላመን ደእያዋንቶ ጎንዳለ ግዳና። ዳዊታ ጎለቱካ ጾሳ ማላ፥ ኡንቱንታ ካለያ መና ጎዳ ኪታንቻ ማላ ግዳና። 
\v 9 ሄ ጋላስ ታን የሩሳላመ ኦላናዉ ደንድያ ካዉተቱዋ ኡባ ይሳናዉ ደንዳና።
\s1 ባረንቱ ጫዴዳዎ ዬኬዳ ዬኩዋ
\p
\v 10 “ታን ዳዊታ ጎለቱዋ ቦላነ የሩሳላመን ደእያ አሳ ቦላ አ ኬካተነ ዎሳ አያና ጉሳና፤ ሄዋ ድራዉ፥ ኡንቱንቱ ባረንቱ ጫዴዳዋ በእያ ዎደ፥ አሳይ ባረ መጽ እት ናአዉ ዬክያዋዳን ዬካና፤ ቃይ ባረ ባይራ ናአዉካ ካዮትያ አሳዳን ካዮታና።\x - \xo 12:10 \xo*\xt ዮሃ. 19:37፤ ሳፃ 1:7\xt*\x*\x - \xo 12:10-14 \xo*\xt ማቶሳ 24:30፤ ሳፃ 1:7\xt*\x* 
\v 11 ሄ ጋላስ የሩሳላመን ዬከትያ ዬኩ ማግዶ ደምባን ሀዳድ-ርሞናስ ዬከቴዳ ዬኩዋ ኬሻ ዎልቃማ ግዳናዋ። 
\v 12 ቢታን ደእያ እት እት ዛሪ ባረዉ ባረዉ ዬካና፤ ዳዊታ ዛራቱ ባረዉ፥ ኡንቱንቱ ማቼቱካ ባረዉ፥ ናታና ዛራቱ ባረዉ፥ ኡንቱንቱ ማቼቱካ ቃይ ባረዉ ዬካና። 
\v 13 ቃይካ ሌዊያ ዛራቱ ባረዉ፥ ኡንቱንቱ ማቼቱካ ባረዉ፥ ሽምአ ዛራቱ ባረዉ፥ ኡንቱንቱ ማቼቱካ ባረዉ ዬካና። 
\v 14 ቃይ አቴዳ ዛሪ ኡባይካ ባረዉ ባረዉ ዬካና፤ ኡንቱንቱ ማቼቱካ ባረዉ ባረዉ ዬካና” ያጌ።
\c 13
\s1 ናጋራፐ ጌዩሳ
\p
\v 1 ኡባፐ ዎልቃማ መና ጎዳይ ሀዋዳን ያጌ፤ “ሄ ጋላስ ዳዊታ ጎለቱዋነ የሩሳላመን ደእያዋንታ ናጋራፐነ ቱናተፐ ጌሻናዉ ፑልቱ ፑልታና። 
\v 2 ሄ ጋላስ ታን ኡንቱንቱ ላኤን ሀሳየተናዳን፥ ኤቃቱዋ ሱን ጋድያፐ ይሳና። ቃይ ትምቢትያ ኦድያዋንታነ ቱና አያና ጋድያፐ ይሳና። ታን ኡባፐ ዎልቃማ መና ጎዳይ ሀዋ ኦዳይ። 
\v 3 ቃይካ ኦንነ፥ ታን ትምቢትያ ኦድያዋ ጎፐ፥ አ የሌዳ አዉነ አታ አ፥ ‘ኔን መና ጎዳ ሱንን ዎርዱዋ ኦድያ ድራዉ፥ ፓጻ ደአካ’ ያጋና፤ ያጊደ እ ትምቢትያ ኦድሽን፥ አ የሌዳ አዉነ አታ አ ጫዲደ ዎና። 
\v 4 ሄ ጋላስ ዎርዶ ትምቢትያ ኦድያ ዎደ፥ ባረ በኤዳ ሳፃ ጋሱዋን ዬላታና፤ ቃይ ጭማናዉ እስክያና ደእያ ዋሩዋካ ማየና። 
\v 5 ሽን እ፥ ‘ታን ናአተደፐካ ዶማደ ቢታ ኦያ ጎሻንቻፐ አትና፥ ትምቢትያ ኦድያዋ ግድከ’ ያጋና። 
\v 6 እት አሳይ አ፥ ‘ያትና፥ ሀ ነ ቦላን ደእያ ማዱይ አዬ?’ ያጊደ ኦቾፐ፥ እ፥ ‘ሀዌ ታን ታ ላገቱዋ ሶን ማዱጼዳዋ’ ያጋና” ያጌ።
\s1 ሄንንቻይ ሾጨቴዳ
\p
\v 7 ኡባፐ ዎልቃማ ጎዳይ ሀዋዳን ያጌ፤ “ማሻዉ፥ ታዉ ማታ ግድያ ታ ዶርሳ ሄምያዋ ቦላ ቤጎታ! ዶርሳቱ ላለታናዳን፥ ዶርሳ ሄምያዋ ሾጫ። ታንካ ሄ ጉ ዶርሳቱዋ ቦላን ታ ኩሽያ ደንና።\x - \xo 13:7 \xo*\xt ማቶሳ 26:31፤ ማር. 14:27\xt*\x* 
\v 8 ቢታ ኡባን ደእያ ሄዙ ኩሸ አሳፐ ላኡ ኩሺ ሾጨቲደ ሀይቃና፤ እት ኩሸ ጻላላይ ፓጻ አታና። ታን መና ጎዳይ ሀዋ ኦዳይ። 
\v 9 ሀ አቴዳ ሄዘን ኩሸ አሳ ታን ታማን የጋና፤ ብራይ ታማን ጌይያዋዳን፥ ኡንቱንታ ጌሻና፤ ቃይ ዎርቃይ ፓጨትያዋዳንካ ፓጫና። ሄዋፐ ጉይያን፥ ኡንቱንቱ ታ ሱንን ዎሳና፤ ታንካ ኡንቱንታ ስሳና። ታን፥ ‘ሀዋንቱ ታ አሳቱዋ’ ያጋና። ኡንቱንቱካ፥ ‘መና ጎዳይ ኑ ጾሳ’ ያጋና” ያጌ።
\c 14
\s1 የሩሳላሞነ ካዉተቱዋ
\p
\v 1 በእተ፥ መና ጎዳ ጋላሳይ ዬ፤ ሄ ዎደ ህንተፐ ቦንቄዳዋ ህንተ ጼልሽን፥ ኡንቱንቱ ሻክ አካና። 
\v 2 ጾሳይ ካዉተቱዋ ኡባ የሩሳላመ ቦላን ኦላዉ ሺሻና፤ ካታማይ ኦይቀታና፤ ጎለቱካ ቦንቀታናዋ፤ ማጫ አሳናካ አሳይ ዎልቃን ጋከታና። ካታማ አሳፐ ባጋይ ኦሞደቲደ ባና፤ ሽን አቴዳ አሳይ ካታማፐ ከሰና። 
\v 3 ሄዋፐ ጉይያን መና ጎዳይ ከሲደ፥ ካሰካ ኦላ ጋላስ ኦለትያዋዳን፥ ሄ ካዉተቱዋና ኦለታና። 
\v 4 ሄ ጋላስ አ ገደቱ የሩሳላመፐ አዋይ ዉልያ ባጋና ደእያ ዳብረ ዛይተ ደርያ ቦላ ኤቃና። ዳብረ ዛይተ ደሪካ አዋይ ዉልያ ባጋፐ አዋይ ዶልያ ባጋ ጋካናዉ፥ ላኡ ከሲደ ጳልቀታና፤ ሎይ አኮ ዎምባይ መታና፤ ያቶፐ ደርያዉ ባጋይ ሁጲሳ ባጋ፥ ቃይ ባጋይካ ገድሳ ባጋ ሸርእ ጋና። 
\v 5 ሄ ዎምባይ ቢደ አጼላ ጋካና፤ ህንተ ሄ ዎምባና አደ ባቃታና። በን ይሁዳ ካትያ ኦዝያና ላይ ቢታይ ቃጽና፥ ህንተ ማይዛ አዎቱ ባቃቴዳዋዳን፥ ህንተካ ባቃታና። ሄዋፐ ጉይያን፥ መና ጎዳይ ታ ጾሳይ ያና፤ ቃይ ጌሻቱ ኡባይካ አናና እትፐ ያና።
\p
\v 6 ሄ ጋላስ ሜጉ፥ ሻቻይነ ማይ ደኤና፤ 
\v 7 ሄ ጋላሳይ ቃምነ ጋላስ ባይና፥ መና ጎዳይ ኤርያ ዱማ ጋላሳ ግዳናዋ፤ ሄ ጋላስ ቃማይካ ፖኦ ግዳናዋ።
\p
\v 8 ሄ ጋላስ ደኡዋ ሃይ የሩሳላመፐ ጎጋና፤ አፐ ባጋይ ማጽንያ አባን ገላና፤ ቃይ ባጋይ ሜድተራነ አባን ገላና። ሄ ሃይ ባልጉዋን ቦንያን ጎጊደ ደአና።\x - \xo 14:8 \xo*\xt ህዝ. 47:1፤ ዮሃ. 7:38፤ ሳፃ 22:1\xt*\x* 
\v 9 ቃይ መና ጎዳይ ሳኣ ኡባ ቦላ ካተታና፤ ሄ ጋላስ እት መና ጎዳ ጻላላይ ደአና፤ አ ሱንይካ መጽ እቱዋ ግዳናዋ።
\p
\v 10 ገባአፐ ዶሚደ፥ የሩሳላመፐ ገድሳ ባጋና ደእያ ርሞና ግያ ካታማ ጋካናዉ ደእያ ቢታይ ኡባይ ደምባታና። ሽን የሩሳላመ ቢንያማ ፐንግያፐ ቢደ፥ በን ፐንግያ ባጋና ዞዝያ ፐንግያ ጋካናዉነ፥ ቃይ ሀናንኤላ አዱሳ ግምቢያፐ ቢደ፥ ካትያ ዎይንያ ጉምኢያሳ ጋካናዉ፥ ባረ ሳኣን ቁ ጊደ ደአና። 
\v 11 የሩሳላመ፥ አሳይ ደኢያሳ ግዳና፤ ሄዋፐ ጉይያን እዛ ዩኩ፤ እዝን ደእያ አሳይካ ህርግ ባይናን ሳሮ ደአና።\x - \xo 14:11 \xo*\xt ሳፃ 22:3\xt*\x*
\p
\v 12 መና ጎዳይ የሩሳላመና ኦለቴዳ አሳ ኡባ ሾጫና ቦሻይ ሀዋ: ኡንቱንቱ ኤቁዋን ደእሽን፥ ኡንቱንቱ አሹ ዎቃና፤ ኡንቱንቱ አይፊ ጮጭያን፥ ኡንቱንቱ እንጻርሳይካ ኡንቱንቱ ኮክያን ዎቃና። 
\v 13 ሄ ጋላስ መና ጎዳይ ኡንቱንቱ ዎልቃማ ዳጋማ ዳጋንና፤ አሳይ ኡባይ እቱ እቱዋ ኩሽያ ኦይቂደ፥ እቱ እቱዋና ኦለታና። 
\v 14 ይሁዳ አሳይ የሩሳላመ ባጋ ግዲደ ኦለታና። ቃይ ዩሹዋን ደእያ ካዉተቱዋ ኡባቱዋ አቁዋ፥ ዎርቃ፥ ብራነ ማዩዋ ፓይዱ ባይናዋ ኦሞዲደ ሺሻና። 
\v 15 ሀ ቦሻ ማላ ቦሻይ ፓራቱዋ ቦላ፥ ባቁሎቱዋ ቦላ፥ ጋሎቱዋ ቦላ፥ ሀረቱዋ ቦላነ ሞርከቱ ዱንካኔዳሳን ደእያ መህያ ኡባ ቦላ ያና።
\p
\v 16 ሄዋፐ ጉይያን፥ የሩሳላመና ኦለቴዳ ካዉተቱዋ ኡባፐ ፓጻ አቴዳ ኡባይ ካትያዉ፥ ኡባፐ ዎልቃማ መና ጎዳዉ ጎይናናዉነ ዳስያ ባኣላ ቦንቻናዉ ላይን ላይን የሩሳላመ ባና።\x - \xo 14:16 \xo*\xt ዎጋ 23:39-43\xt*\x* 
\v 17 ቃይ ሀ ሳኣን ደእያ አሳፐ ኦንነ ካትያዉ፥ ኡባፐ ዎልቃማ መና ጎዳዉ ጎይናናዉ የሩሳላመ ቤናን ዮፐ፥ ሄ አሳዉ እራይ ቡከና። 
\v 18 ግብጼ ቢታ አሳይካ ቢደ ጎይነናን እጾፐ እራይ ቡከና፥ ዳስያ ባላ ቦንቻናዉ ቤናን እጽያ አሳ መና ጎዳይ ሾጭያ ቦሻይ ኡንቱንቱ ቦላንካ ያና። 
\v 19 ዳስያ ባላ ቦንቻናዉ ቤናን እጽያ ግብጼነ ሀራ ካዉተቱ ኡባይ ሙረታና ሙሩ ሀዋ ግዳናዋ።
\p
\v 20 ሄ ጋላስ ፓራቱዋ ቆያን አያ ዳላቱዋ ቦላንካ፥ “መና ጎዳዉ ጌዬዳዋ” ጌተቲደ ጻፈታና። መና ጎዳ ጌሻ ጎልያን ደእያ ካያ ኦቶቱካ ያርሽያ ሳኣ ስንን ደእያ ጌሻ ከረቱዋ ማላ ግዳናዋ። 
\v 21 የሩሳላመንነ ይሁዳን ደእያ ኦቶ ኡባይ ኡባፐ ዎልቃማ መና ጎዳዉ ጌሻ ግዳናዋ፤ ያቶፐ ያርሹዋ ያርሽያ አሳይ ኡባይ ዪደ፥ ሄ ኦቶቱዋ አኪደ፥ ያርሹዋ አሹዋ ኡንቱንቱን ካና። ሄ ጋላስ ኡባፐ ዎልቃማ መና ጎዳ ጌሻ ጎልያ ግዶን አይ ዛልአንቻይነ ደኤና።