\id TIT - Dawuro Full Bible Ethiopic Version
\ide UTF-8
\h ቲቶ
\toc1 ጳዉሎስ ቲቶ ጻፌዳ ኪታ
\toc2 ቲቶ
\toc3 ቲቶ
\mt2 ጳዉሎስ
\mt1 ቲቶ
\mt2 ጻፌዳ ኪታ
\imt ገሉዋ
\ip ቲቶ አይሁዳ ግደና አሳ ግዲደ፥ ጉየፐ ክርስትና አማኑዋን ላመቲደ ጳዉሎስ ምሽራቹዋ ቃላ ኪታ ኦያ ዎደ፥ ማታን ደኢደ፥ ሄ ኦሱዋ ማዴዳ አሳ። ጳዉሎስ ሀ ኪታ ጻፌዳዌ፥ ላይን አፐ ጉጽያ ሀ ባረናና ኦያ ቲቶ ግድሽን፥ ሄ ዎደ ቲቶ አማንያዋንታ ጼላናዉነ ናጋናዉ፥ ቃርጼሰ ግያ ሃን ዶደቴዳ ሳኣን አቴዳ። አ ኪታ ቆፋይ ሄዙ ሁጰ የዋቱዋ ቦላና።
\ip ኮይሩ ዎሳ ጎልያ ካለያዋንቱ ቃርጼሰ አሳቱዋ ኢታ ኦሱዋ ጼልያዋን አይ ማላ ኤሻይ ደእያዋንታ ግዳናዉ ኮሽንቶ ቲታ አኬክሳናሳ። ላኤን አማንያዋንቱ ግዶን ደእያ ዱማ ዱማ ጭታ፥ ጭማ አቱማዋንታነ ማጫዋንታ፥ ያላጋ አቱማ አሳቱዋነ ጎዳዉ ኦያ ዱማ ዱማ አሳ ዎት ታማርሳናዉ በስንቶ ቲታ ዞሬዳ። ዉርሰይ ቃይ አማንያ አሳ ኤሻባ፥ ሳሮተንነ ሲቁዋን ደአና ደኡዋባ፥ አማንያ አሳ ግዶፐ ዋላሳ፥ ፓሉምያነ ሻኮተ ይሳናባ ቲቶ ዞርያ እሜዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-4\ior*
\io1 አማንያ አሳቱዋ ካለያዋንታ \ior 1:5-16\ior*
\io1 አማንያ አሳቱዋ ዱማ ዱማ ኦሱዋ ጭታ \ior 2:1-15\ior*
\io1 ማቁዋነ ናገታና ማላ እመቴዳ ማራ \ior 3:1-11\ior*
\io1 ዉርሰ ቁትያ \ior 3:12-15\ior*
\c 1
\p
\v 1 የሱስ ክርስቶስ ኪቴዳ ታን ጳዉሎስ፥ ጾሳ አይል፥ ሀ ዳብዳቢያ ጻፋይ። ጾሳይ ዶሬዳ አሳዉ አማኑ ደአናዳንነ ጾሳ ቱማተ ኤራኮ ኡንቱንታ ካለናዳን ታን ዶረታደ ኪተታድ። 
\v 2 ዎርዶተና ጾሳይ ኑዉ ሀ መና ደኡዋ ዳሮ ዎድያፐ ካሰ እማና ጌዳ። 
\v 3 ጾሳይ ኑና አሽያዌ ልከ ዎድያን ባረ ቃላን ሀዋ ቆንጭሴዳ፤ እ ሀዳሪደ ታና አዛዜዳዋዳን፥ ታን አ ቃላ ኦዳይ።
\p
\v 4 አማኑዋ እትፐተን ታ ቱሙ ናኣ ነዉ ቲቶ፥ ጾሳ አዉዋፐነ ኑና አሽያ የሱስ ክርስቶሳፐ፥ አ ኬካተይ፥ ማሮተይነ ሳሮተይ ግዶ።
\s1 ቲቶ ቃርጼሳን ኦያ ኦሱዋ
\p
\v 5 ታን ኔና ቃርጼሳን አጋደ ዬዳዌ፥ ኔን አቶዋ ጊግሳናሳነ፥ ታን አዛዜዳዋዳን፥ ካታማ ኡባን ዎሳ ጎልያ ጭማቱዋ ዶራናሳ። 
\v 6 ጭማይ ቦረተናዋነ እት ማቻት ጻላላይ ደእያዋነ አማንያ ናናይ ደእያዋ ግዳናዉ በሴ፤ አ ናናይ ሻሉዋ ባይዝያባንነ ዎይ አዛዘተናን እጽያባን አሳይ አማሳለናዋንታ ግዳናዉ በሴ።\x - \xo 1:6-9 \xo*\xt 1 ጽሞ. 3:2-7\xt*\x* 
\v 7 አያዉ ጎፐ፥ ሄ ጭማይ ጾሳ ኦሱዋ አዛዝያ ካፑዋ ግዲደ፥ ፖክሰናዋ፥ ኦቶረተናዋነ ኤለ ሀንቀተናዋ ግዳናዉ በሴ፤ ቃይ ማተናዋ፥ ሱገናዋነ ዮራተናዋ ግዳናዉ በሴ። 
\v 8 ሽን እማ ሞክያዋነ ሎኦባ ዶስያዋ ግዳናዉ በሴ፤ ቃይ አኬካንቻ፥ ጽሉዋ፥ ጌሻነ ባረና ናግያዋ ግዳናዉ በሴ። 
\v 9 አማነትያ ደኡ ቤትያ ትምርትያና ጊግያ ቃላ እ ሎይ ኦይቆ። ያቶፐ ሀራቱዋ ቱሙ አማኑዋ ታማርስያዋን መንናዉነ ቃይ ሄዋ እጽያዋንታካ ዞራናዉ ዳንዳያናዋ።
\p
\v 10 አያዉ ጎፐ፥ አዛዘተናዋንቱ፥ ማደናዋ ሃሳይያዋንቱ፥ ሀራቱዋ ጭምያዋንቱነ ቃጻረቴዳ አይሁዳ አማንያዋንቱ ባጋ ግዴዳ ዳሮ አሳቱ ደኢኖ። 
\v 11 ኡንቱንቱ ታማርሳናዉ በሰና ፖክያ ኦግያን ሚሻ ደማናዉ ታማርስያዋን ጎልያ ኡባ ባይዝያ ድራዉ፥ ኡንቱንቱ ሃሳያ ተአና በሴ። 
\v 12 ኡንቱንቱ ግዶፐ እቱ፥ ትምቢትያ ኦድያዌ ኡንቱንቶ፥ “ቃርጼሰ አሳይ ኡባ ዎደ፥ ዎርዳቱዋ፥ ኢታ ዱአቱዋነ ዮራንቻ፤ ቃይ አዛላ አሳ” ያጌዳ። 
\v 13-14 እ ማርካቶዌ ቱማ፤ ሄዋ ድራዉ፥ ኔን ኡንቱንቶ ምኖ አማኑ ደአናዳንነ ቃይ አይሁዳቱዋ ቶሳነ ቱሙዋ እጼዳ አሳቱዋ አዛዙዋ ኡንቱንቱ ስሰናዳን፥ ኡንቱንታ ምንሳደ ሴራናዉ በሴ። 
\v 15 ባረንቱ ሁጰዉ ጌሻ ግዴዳዋንቶ ኡባባይካ ጌሻ፤ ሽን ቱናቶነ አማነናዋንቶ ኡንቱንቱ ዎዛና ቆፋይነ ኡንቱንታ ሱረ ዎዛናይ ቱኔዳ ድራዉ፥ ኡንቱንቶ አያይነ ጌሻ ግደና። 
\v 16 ኡንቱንቱ ባረንቱ ጾሳ ኤርያዋ ቆንጭያን ኦዲኖ፤ ሽን ኡንቱንቱ ሸነይያዋንታ፥ አዛዘተናዋንታነ ኦሱዋ ኡባዉካ ጊገናዋንታ ግድያ ድራዉ፥ ባረንቱ ኪታን አ ኤሮኮ ጊኖ።
\c 2
\s1 ጌሻ ትምርትያባ
\p
\v 1 ሽን ኔን ደኡዋ ደማናዉ ጊግያ ትምርትያ ታማርሳናዉ በሴ። 
\v 2 ጭማ አቱማ አሳይ አማኑዋን፥ ሲቁዋንነ ዳንዳያን ምኖ ግዳናዳን፥ ቃይ ማተናዋ፥ ቦንቼትያዋነ ባረናካ ናግያዋ ግዳናዳን ዞራ። 
\v 3 ሄዋዳንካ ጭማ ማጫ አሳይ ጌሻ ደኡዋ ደእያዋንታ፥ ዝግረናዋንታ፥ ዎይንያ ኤሳዉ ሞደተናዋንታነ ሎኦባ ታማርስያዋንታ ግዳናዉ በሴ። 
\v 4-5 ኡንቱንቱ ጾሳ ቃላይ ቦረተና ማላ፥ ባረንቱ አስናቱዋነ ባረንቱ ናና ሲቅያዋንታ፥ ባረንታካ ናግያዋንታ፥ ጌሻቱዋ፥ ባረንቱ ጎለን ኦያዋንታ፥ ኬካቱዋነ ባረንቱ አስናቶካ አዛዘትያዋንታ ግዳና ማላ፥ ያላጋ ማጫዋንታ ታማርሳ።
\p
\v 6 ሄዋዳንካ ያላጋ አቱማ አሳቱ ባረንታ ናጋና ማላ ዞራ። 
\v 7 ኔን ነ ሁጰዉካ ሎኦ ኦሱዋ ኡባን ኡንቱንቶ ሌምሶ ግዳ፤ ኔን ታማርስያዋንካ አማነትያዋነ ቦንቼትያዋ ግዳ። 
\v 8 ነ ሞርከቱ ኑና ዝግርያባይ ኡንቱንቶ ይያ ዎደ ኡንቱንቱ ዬላታና ማላ፥ ኔን ቦረተና ሎኦ ሃሳያ ሃሳያ።
\p
\v 9 አይለቱ ባረንቱ ጎዳቶ አዛዘታና ማላነ፥ ኡንቱንቱና ፓሉመተናን ኡባባን ኡንቱንታ ናሸቻና ማላ ዞራ። 
\v 10 ኡንቱንቱ ባረንቱ ጎዳቱዋፐ ዉኤና ማላ፥ ቃይ ኑና አሽያ ጾሳዋ ታማርስያዋ ኡባባን ጋላትሳናዉ፥ ባረንቱ ኦያ ኪታን ኡባ ዎደ ሎአነ አማነትያዋንታ ግድያዋ በሳና ማላ፥ ኡንቱንታ ዞራ።
\p
\v 11 አያዉ ጎፐ፥ ጾሳይ አሳ ኡባ አሽያ ባረ አ ኬካተ ቆንጭሴዳ። 
\v 12 ሄ አ ኬካተይ ናጋራ ኦሱዋነ ሀ አላምያ አሙዋ ኑን አጋናዳንነ ኑ ሁጲያ ናጊደ፥ ጾሳ ማላቲደ፥ ጽሎተን ደአናዳን፥ ኑና ታማርሴ። 
\v 13 ኑን ኑ ዎልቃማ ጾሳይ፥ ኑና አሽያ የሱስ ክርስቶስ ቤታና ጌዳ አንጀቴዳ ቦንቾ ጋላሳ ናጌቶ። 
\v 14 ኢታ ኦሱዋ ኡባፐ እ ኑና ዎዛናዉነ ሎኦባ ኦናዉ አሞትያ ባረ ጌሻ አሳ ከሳናዉ፥ ኑ ድራዉ፥ ባረ ሁጲያ እሜዳ።\x - \xo 2:14 \xo*\xt ማዝ. 130:8፤ ከሳ 19:5፤ ዛረ. 4:20፤ 7:6፤ 14:2፤ 1 ጰጽ. 2:9\xt*\x*
\p
\v 15 ኔን ሀዋ ታማርሳ፥ ነ ኩመን ማታን ዞራነ ሴራ፤ ኦንነ ኔና ካፖ።
\c 3
\s1 ጾሳ አሳይ ኦያ ኦሱዋ
\p
\v 1-2 ኡንቱንቱ ሞድያዋንቶነ ማታይ ደእያዋንቶ ሞደታናዉ፥ አዛዘታናዉነ ሎኦ ኦሱዋ ኡባ ኦናዉ ጊገታናዳን ኡንቱንታ ሀሳይሳ፤ ቃይ ኡንቱንቱ ኦ ቦላንነ ኢታ ቃላ ሃሳየና ማላ፥ ኦናናነ ዋላቀተና ማላ፥ አሳ ኡባ አሽከተነ ስጋተ በስያዋንታ ግዳናዳን ዞራ። 
\v 3 አያዉ ጎፐ፥ ኑን ካሰ ኑ ሁጰዉካ ኤያቱዋ፥ አዛዘተናዋንታ፥ ባልያዋንታነ አሞነ ዱማ ዱማ ናሸቻዉ አይልያዳን ሞደትያዋንታ፤ ቃይ ኢታተንነ ቃናትያን ደእያዋንታ፤ አሳን እጸትያዋንታነ እቱ እቱዋካ እጽያዋንታ። 
\v 4 ሽን ኑና አሽያ ጾሳ ኬካተይነ አሳ እ ሲቅያ ሲቁ ቆንጬዳ ዎደ፥ 
\v 5 እ ባረ ማሮተዳንካ፥ ኦራ የለቱሳን ሀኔዳ ጌዩሳንነ ጌሻ አያናን ኦራጼዳዋን ኑና አሼዳዋፐ አትን፥ ኑን ጽሎ ኦሱዋ ኦዳዋና ግደና። 
\v 6-7 ጾሳይ ባረ አ ኬካተን ኑን ጽላናዳንነ፥ እ እማና ጌዳ መና ደኡዋ ላታናዳን፥ ኑና አሽያ የሱስ ክርስቶሳ ባጋና ጌሻ አያና ኑ ቦላ ዳርሲደ ትጌዳ። 
\v 8 ሀ ሃሳያይ አማነቴዳዋ፤ ጾሳ አሳቱ ሎኦ ኦሱዋ ኦናዉ ጊጋናዳን፥ ሀ የዉዋ ኡንቱንቶ ኔን ምንሳደ ኦዳናዉ ኮያይ፤ ሀዋንቱ አሳዉ ሎአነ ጎእያዋንታ። 
\v 9 ሽን ኤያተ ፓሉማፐ፥ ዛርያ ፓይድያዋፐ፥ ዋላሳፐነ ህግያባን ዋላቀትያዋፐ ናገታ። አያዉ ጎፐ፥ ሄዋንቱ ጎኤናዋንታነ ማደናዋንታ። 
\v 10-11 ሻኮተ መያ ኡራይ ጌላ አሳ ግድያዋነ ባረ ሁጲያን ፕርዲደ ናጋራ ኦያዋ ኤራደ፥ እት ገደ ዎይ ላኡ ገደ አ ሴሬዳዋፐ ጉይያን፥ ሄዋ ማላትያ አሳፐ ሻከታ።
\s1 ዉርሰ ዞርያ
\p
\v 12 ታን አርጸማሳ ዎይ ትክቆሳ ኔኮ ኪትያ ዎደ፥ ኔን ታኮ ንቆጲልዮና ያናዉ ምና። አያዉ ጎፐ፥ ታን ባልጉዋ\f + \fr 3:12 \fr*\fk ባልጉዋ፦ \fk*\ft ግሪከ ቃላንካ እራይ ቡክያ ዎድያ ግድያዋ ኦዴ። እንግልዜዋን ዊንተር ግያዋ።\ft*\f* ያን ሻጫናዉ ቆፋ ቃቻድ። 
\v 13 ህግያ ኤርያ ዜናስነ አጲሎስ ኦግያ ብያ ዎደ፥ ኡንቱንቶ አያይነ ፓጨና ማላ፥ ኡንቱንታ ሎይ ማዳ። 
\v 14 ኑ አሳይካ ማደና አሳ ግዲደ አተና ማላ፥ ባረንታ ሎይ ኮሽያዋ ደማናዉ፥ ሎኦ ኦሱዋ ምኒደ ኦያዋ ታማርኖ።
\p
\v 15 ታናና ደእያ ኡባቱ ኔና ሳሮ ሳሮ ጌድኖ። ኑና አማኑዋን ሲቅያዋንታ ሳሮ ሳሮ ጋ። ጾሳ አ ኬካተይ ህንተናና ኡባና እትፐ ግዶ። አመንእ።