\id SNG - Dawuro Full Bible Ethiopic Version
\ide UTF-8
\h ሲቁዋ ሳባ
\toc1 ሲቁዋ ሳቢያ ማጻፋ
\toc2 ሲቁዋ ሳባ
\toc3 ስቁዋ
\mt1 ሲቁዋ ሳቢያ ማጻፋ
\imt ገሉዋ
\ip “ሲቁዋ ሳቢያ ማጻፋይ” ሲቁዋ ግንጹዋ ቆሪደ ሺሼዳዋ። ሀ ግንጻቱዋፐ ዳርያ ባጋቱ ማዝሙርያ ማላን ጻፈቴድኖ፤ ኡንቱንቱ አቱማዌ ማጫንዉ፥ ማጫውና ቃይ አቱማዎ ጻፌዳዋንታ። ሀ ማጻፋይ እት እት ብለቱዋን “ሲቁዋ ሳባ” ዎይ “ማዛሙርያ ኡባፐ አያ ማዝሙርያ” ጌተቲደ ኤረቴ። ሀራ ብለቱዋን ቃይ “ሶሎሞና ማዝሙርያ” ጌተቲደ ኤረቴ። አያዉ ጎፐ፥ እብራይስጸ ቃላን ጻፈቴዳ ማጻፋይ ሶሎሞን ጻፌዳ ጊደ ኦድያ ድራሳ።
\ip ሀ ማዛሙሪ ክርስቶሳፐነ ዎሳ ጎልያፐነ ግዱዋን ደእያ ጋከቱሳ በስያ ሌምሳቱዋ ኦይቄዳዋ። ሽን አይሁዳቱ፥ “ጾሳፐነ እስራኤልያ አሳፐ ግዱዋን ደእያ ጋከቱሳ በስያ ሌምሳቱዋ ኦይቂያ ማጻፋ” ጊኖ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሲቁ ዎይንያ ኤሳፐ አ \ior 1:1—2:7\ior*
\io1 ሲቁ ኡባ የዉዋ ሎይ \ior 2:8—3:5\ior*
\io1 ሶይዙዋባ \ior 3:6—4:5\ior*
\io1 ሶይዙዋ እትፐተ \ior 4:6—5:16\ior*
\io1 ሲቁ ኡባፐ ዶረቴ \ior 6:1—7:6\ior*
\io1 ታንነ ኔንነ ጻላላይ \ior 7:7—8:4\ior*
\io1 ሲቁዋ ሳባ \ior 8:5-14\ior*
\c 1
\s1 ሲቁ ዎይንያ ኤሳፐ አ
\r (1:1—2:7)
\p
\v 1 ማዛሙርያ ኡባፐ አያ ሶሎሞና ማዛሙሪ ሀዋ።
\sp ወዶራታ:
\q1
\v 2 “ነ ሲቁ ዎይንያ ኤሳፐ አ ናሸችያ ድራዉ፥
\q2 ነ መተርሻን ዛራ ዛራደካ ታና የራ።
\q1
\v 3 ነ ኦከትያ ሽቱ ዎት ሳዊ!
\q2 ነ ሱንይ ጼሰትያ ዎደካ አያ ናሸቺ!
\q2 ጌላዮቱ ኔና ሲቅያዌ ሄዋሳ።
\q1
\v 4 ታና ኔናና አካደ ባ። ሃያ፥ አነ ላኡ እትፐ ዎጾይተ!
\q2 ታ ካትያዉ፥ ታና ነ ሲርጻ ገልሳ” ያጋዱ።
\sp የሩሳላመ ማጫ አሳቱ:
\q1 አባን ኑን አይ ኬሻ ናሸቴዶ!
\q2 ኑን አ ሲቁዋ ዎይንያ ኤሳፐካ አደ ናሸቶ።
\q2 ቱሙካ ማጫ አሳይ ኡባይ ኔና ሲቃናዉ በሴ ያጌድኖ።
\sp ወዶራታ:
\q1
\v 5 ህንተኖ፥ የሩሳላመ ማጫ አሳቶ፥ ስስተ፥
\q2 ታን ካረ፤ ግዶፐነ፥ ማላንቻ።
\q2 ታ ካረተይ ቄዳረ ዱንካንያ ማላ፤
\q2 ሽን ታ ማላይ ሶሎሞና ካትያ ጎልያ ጋርዳቱዋ ማላ።
\q1
\v 6 ታ ማላ ካረጽሴዳዌ ጹግያ አዋ፤
\q2 ታን ካረ ግዴዳ ድራዉ፥ ታና ካፓ።
\q2 ታ እሻቱ፥ ታ አት ናናቱ ታናና ዋላቀቲደ፥
\q2 ታና ዎይንያ ቱራ ናጋንቻ ኦድኖ፤
\q2 ያትና፥ ታን ታና ናጋበይከ።
\q1
\v 7 ታ ሲቆዉ፥ አነ ታዉ ኦዳ፤
\q2 ነ ዶርሳ ዉድያ ኔን ሄምያዌ ሀቃኔ?
\q2 ጋላስ አዋፐ ነ ኡንቱንታ ሸምፕስያዌ ሀቃኔ?
\q2 ኔና ደማናዉ ነ ላገቱዋ ዉድያ ካላደ፥
\q2 አያዉ ዩሻንቻ ማጫ አሳ ግዶ? ያጋዱ።
\sp የሩሳላመ ማጫ አሳቱ:
\q1
\v 8 ሀነ፥ ማጫ አሳ ኡባፐ አ ሎእያ ማላንቻቴ!
\q2 ሳኣ ኤራና ዮፐ፥ ዶርሳይ ቤዳ ሳ ካላደ ባ፤
\q2 ነ ዴሻ ማራቱዋካ ሄንንቻቱዋ ዱንካንያ ማታን ሄማ።
\sp ዎዳላይ
\q1
\v 9 ታ ሲቃቴ!
\q2 ግብጼ ካትያ ፓራ ጋርያ ጎችያ ፓራቱዋ ግዶን ደእያ ማጋያቲዳን ሎኣሳ።
\q1
\v 10 አቤት፥ ነ ሀይን ጎላካትያ አሌቁዋና ሺቂደ፥
\q2 ነ ጋጩ አያ ሎኢ! ነ ዚዚካ እንቁዋን አሌቀቴዳዋ።
\q1
\v 11 ኑን ነዉ ብራን አሌቀቴዳ፥
\q2 ዎርቃ አሌቁዋ ኦስሳና ያጌድኖ።
\sp ወዶራታ:
\q1
\v 12 ካቲ ማዳን ኡት ደእሽን፥
\q2 ታ ሽቱዋ ሳዉ ጎልያ ግዶ ኡባን ቶሹኩ ጌዳ።
\q1
\v 13 ታ ሲቁ ታ ንቱዋፐ ግዱዋን ሸምፕያ ዎደ፥
\q2 አ ፔኑ ቃርጪትያና ደእያ ካዋራዳን ሳዌ።
\q1
\v 14 ታ ሲቁ ኤንጋደ ጌተትያ ዎይንያ ሳኣን ዶሌዳ፥
\q2 ባዙዋ ጪሻ ማላ ያጋዱ።
\sp ዎዳላይ:
\q1
\v 15 ታ ሲቃቴ፥ ኔን ዋታ ሎአይ! ኔን ዋታ ሎአይ!
\q2 ነ አይፈቱ ሀራጵያ አይፍያዳን ሎኢኖ ያጌዳ።
\sp ወዶራታ:
\q1
\v 16 ታ ሲቆዉ፥ ኔን አያ ሎአይ! አያ ናሸቻይ፤
\q2 ኑ አርሳይካ አጬዳ ማታዳን ናሸችያዋ።
\q1
\v 17 ኑ ጎልያ ዛሩ ዝጋ፤ ካራይካ ጺዳን ዳደቴዳዋ ያጋዱ።
\c 2
\sp ወዶራታ:
\q1
\v 1 ታን፥ “ሳሮና ግያ ሳኣን ዶልያ ጪሻነ፥
\q2 ዎምባን ዶልያ ሎኦ ጪሻ ማላ” ያጋዱ።
\sp ዎዳላይ:
\q1
\v 2 ኤ ታ ሲቃታ ማጫ አሳ ግዶን ጼልያ ዎደ፥
\q2 አጉን ግዶን ቤትያ ሎኦ ጪሻ ማላታዉ ያጌዳ።
\sp ወዶራታ:
\q1
\v 3 ታ ሲቁ ሀራ ዎዳላቱዋ ግዶን ጼልያ ዎደ፥
\q2 ዎራን ደእያ አፕልያ ግያ ም ማላቴ፤
\q2 ታና ሎይ ናሸችና፥ አ ኩዋ ግዶን ኡታድ፤
\q2 አ አይፊ ሚና፥ ታና ሎይ ማልኤ።
\q1
\v 4 እ ታና ቁማ ምያ አኮ ዉይግያ ገልሴዳ፤
\q2 ባረ ሲቁዋ ባንድራዳን ታ ቦላ ቁ ቁ ኦዳ።
\q1
\v 5 ታን አ ሲቁዋን ኦከታደ ሀርጌዳ ድራዉ፥
\q2 ዛቢብያ አይፍያ ታና ምዚደ ምንስተ፤
\q2 አፕልያ ታና ምዚደ፥ ታ ዎልቃ ኩንተ።
\q1
\v 6 ባረ ሀድርሳ ኩሽያ ታና ቦርኮትሴዳ፤
\q2 ባረ ኡሸቻ ኩሽያን ታና ቆሜዳ።
\q1
\v 7 ህንተኖ የሩሳላመ ያላጋ ማጫ አሳዉ፥
\q2 ሲቁ ባረዉ ዶሲደ ደንዳና ጋካናዉ፥
\q2 አ ህንተ ቤጎና ማላ፥
\q2 ታን ህንተና ገንኤቱዋንነ ባዙዋ ዶገቱዋን ጫላይ።
\s1 ሲቁ ኡባ የዉዋ ሎይ
\r (ስቁዋ 2:8—3:5)
\q1
\v 8 ስስተ፥ ሄዌ ታ ሲቁዋ ኮሻ! በእተ ደርያና ፕሪደ፥
\q2 ዞዘቱዋ ቦላና ጾንገቲደ ጋኬዳ!
\q1
\v 9 ታ ሲቁ ዉሻ ማላ፤ ዎይ ገንእያ ማራ ማላቴ።
\q2 በእተ፥ እ ኑ ጎልያ ድርሳ ማታን ኤቄዳ፤
\q2 ማስኮትያና ጎለ ጼሌ፤
\q2 ጋርዱዋ ጋርሳናካ ሉጻይ ጼሌ።
\q1
\v 10 ታ ሲቁ ታና ሀዋዳን ያጌ፤ ታ ሲቃቴ፥ ደንዳ!
\q2 ታ ማላንቻቴ፥ ሃያ! እትፐ አነ ቦይተ።
\q1
\v 11 በአ፥ ባልጉ አዳ፤ እራይካ ኤቄዳ።
\q1
\v 12 ቢታን ጪሻይ ጪሼዳ፤ የ የጽያ አግናይካ ጋኬዳ፤
\q2 ሀራጵያ የይ ኑ ቢታን ስሰቴ።
\q1
\v 13 ባላሲ አይፍያ ዶሜዳ፤ ዎይኒ ጪሼዳ፤
\q2 አ ጪሻ ሳዉ ቢታን ቶሹኩ ጌ።
\q2 ሄዋ ድራዉ፥ ታ ሲቃቴ፥ ደንዳ፤ ታ ማላንቻቴ፥ ሃያ፤
\q2 አነ እትፐ ቦይተ ያጌ ያጋዱ።
\sp ዎዳላይ:
\q1
\v 14 ኔን አፉዋ ዶና ዛላ ዛአን ቆሰቴዳ ሀራጳት ማላ፤
\q2 አነ እት ገደ ታና ነ ሶምኡዋ በሳ፤ ነ ኮሻካ ስሳ።
\q2 አያዉ ጎፐ፥ ነ ኮሻይ ታና ቃረ፤
\q2 ነ ሶምኡካ ዳሮ ሎኤ ያጌዳ።
\sp የሩሳላመ ዎዶሮቱ:
\q1
\v 15 ኑ ዎይኒ ጪሼዳ፤ ሄዋ ድራዉ፥
\q2 ኑ ዎይንያ ግዱዋ ባይዝያ ዎራካናቱዋ፥
\q2 ሄ ቄር ዎራካናቱዋ ጲርያ ዎደ ኦይቂተ ያጌድኖ።
\sp ወዶራታ:
\q1
\v 16 ታ ሲቁ ታዋ፤ ታንካ አኖ፤
\q2 ጪሻ ግዶን እ ባረ ዉድያ ሄሜ።
\q1
\v 17 ቃማ ማይ ቃረታናዉ፥ ዎንታ ጫርኩ ጫርካናዉ፥
\q2 ታ ሲቆዉ፥ ገንእያዳን ዎይ ያላጋ ዶግያዳን፥
\q2 አፎትያ ደርያና ዎጻደ ሃ ስማ ያጋዱ።
\c 3
\sp ወዶራታ:
\q1
\v 1 ቃማ ኩመን ታ ሂጻን ግሳደ፥
\q2 ታ ሲቁዋ ደማናዉ አሞታድ፤ ምንሳደ ኮያድ፤
\q2 ሽን ደማናዉ ዳንዳያበይከ።
\q1
\v 2 ካታማ ግዶን ደእያ አኮነ ጹን ኦገቱዋ ኡባን ዩያድ፤
\q2 ታ ሲቁዋ ደማናዉ ኮያድ፤ ምንሳደ ኮያድ፤
\q2 ሽን ደማናዉ ዳንዳያበይከ።
\q1
\v 3 ካታማ ዩይ ናግያዋንቱ ታና ደሜድኖ፤
\q2 ታንካ፥ ታ ሲቁዋ በኤድቴ? ያጋደ ኡንቱንታ ኦቻድ።
\q1
\v 4 ኡንቱንቱፐ ያ አነ ታ ሲቁዋ ደማ አጋድ።
\q2 እ ታፐ ከስ አከናዳን፥ ምንሳደ ኦይቃድ፤
\q2 ታ ዳይ ጎለ አካ አፋድ፤ ታ የለቴዳ ክፍልያ ገልሳድ።
\q1
\v 5 ህንተኖ የሩሳላመ ያላጋ ማጫ አሳዉ፥
\q2 ሲቁ ባረዉ ዶሲደ ደንዳና ጋካናዉ፥
\q2 አ ህንተ ቤጎና ማላ፥
\q2 ታን ህንተና ገንኤቱዋንነ ባዙዋ ዶገቱዋን ጫላይ ያጋዱ።
\s1 ሶይዙዋባ
\r (3:6—4:5)
\sp የሩሳላመ ዎዶሮቱ:
\q1
\v 6 ሀዌ ባዙዋና ይያዌ፥ ጩዋ ቱሳ ማላትያዌ፥
\q2 ፔኑካ ዛልአንቻ እጻናዳንነ ካዋራዳን፥
\q2 ሳዊያዌ እ ኦኔ?
\q1
\v 7 ሄዋ በእተ፥ ሶሎሞና ፓራ ጋሪ ዬ፤
\q2 ሄ ፓራ ጋሪ እስራኤልያፐ ዶረቴዳ ዎልቃማቱ፥
\q2 ኡሱፑን ታሙ ቶራንቻቱ አጃቤድኖ።
\q1
\v 8 ኡንቱንቱ ኡባይካ ማሻ ኦይቀ ሜዘቴዳዋንታነ፥
\q2 ኦላንካ ፓጨቴዳዋንታ።
\q2 ቃማን ጋካና መቱዋ ኤቀታናዉ፥
\q2 ኡንቱንቱ እቱ እቱ ማሻ ግጺደ ጊጌዳዋንታ።
\q1
\v 9 ካትያ ሶሎሞን ፓራ ጋርያ ግዶን፥
\q2 ባረዉ ኡትያ ካዉተ አራታ ጊግሴዳ።
\q2 እ አራታ ሊባኖሳ አሳፐ አሄዳ ምፐ ኦስሴዳ።
\q1
\v 10 አራታ ቱሳቱ ብራን ሼሸቴድኖ፤
\q2 ገዲ ዎርቃን አሌቀቴዳ፤
\q2 ኡትያሳይ የሩሳላመ ዎዶራቱ ኦቻ ቴራ ማላትያ ቃጭናን፥
\q2 ሲቁዋን ዳዴዳ አፍላን ካመቴዳ ያጌድኖ።
\sp ወዶራታ:
\q1
\v 11 ህንተኖ፥ ጽዮነ ዎዶራቶ፥ ካትያ ሶሎሞና በአናዉ ሃይተ!
\q2 እ ሎይ ናሸቴዳ፥ አ ቡላቻ ጋላስ አ አታ አ ሁጲያን፥
\q2 ዎዳ ካላቻ ዎደ ኡቴዳ ያጋዱ።
\c 4
\sp ዎዳላይ:
\q1
\v 1 ታ ሲቃቴ፥ ኔን አያ ማላንቻቲ! ኔን ዎታ ሎአይ!
\q2 ነ አይፈቱ ነ ሶምኡዋ ካምያ ሻርበ ግዱዋና በእያ ዎደ፥
\q2 ሀራጵያዳን ሎኢኖ።
\q2 ነ ብናናይ ጋላኣደ ደርያፐ ዎያ ዴሻ ዉድያ ማላ።
\q1
\v 2 ነ አቻይ ሜደቲደ፥ ሃን ሜጨቴዳ ኡባይካ ማንትያ የልያ፥
\q2 ኡንቱንቱ ግዶን ማይኒ ባይና ዶርሳ ዉድያ ማላ።
\q1
\v 3 ነ መተርሻቱ ዞኦ ቃጭና ማላ፤
\q2 ነ ሃሳይያ ዎደ ዳሮ ናሸቺኖ።
\q2 ነ ላኡ ጋጮቱዋ ሻርቢያ ግዱዋና ጼልያ ዎደ፥
\q2 እት ሮማንያ ላኡ ከስ ጳልቄዳዋ ማላቲኖ።
\q1
\v 4 ነ ቆ ኦላ ሚሻ ካቃናዉ ግምቤዳ፥
\q2 ዳዊታ አዱሳ ግምቢያ ማላቴ፤
\q2 ሄ ግምቢ ሻኡ ምኖ ኦላንቻቱዋ ጎንዳሊ ካቀትና፥
\q2 አሌቀት ኡቴዳ።
\q1
\v 5 ነ ንቱ ማንትያ የለቴዳ፥
\q2 ዎራ ጪሻ ግዶን ምያ ገንእያ ማራቱዋ ማላቲኖ።
\s1 ሶይዙዋ እትፐተ
\r (ስቁዋ 4:6—5:16)
\q1
\v 6 ቃማይ ዎንታናዉ፥ ኩዋይ ክቻናዉ፥
\q2 ካርቢያ ደርያነ እጻና ዞዝያ ባደ ሸምፓሻና።
\q1
\v 7 ታ ሲቃቴ፥ ነ አሳተይ ኡባይካ ማላንቻ፤
\q2 ኔናን ዎያዌ አያይነ ባዋ።
\b
\q1
\v 8 ታ ሙሹራቴ፥ ሊባኖሳ ደርያፐ ዎ።
\q2 ጋሙነ ማሂ ጌሱ አማና ደርያፐ፥
\q2 ሳኒራ ደርያፐነ ሄርሞነ ኪክያፐ ዎ።
\q1
\v 9 ታ ሲቁዋ ምቻቶ ግድያ ታ ሲቃቴ!
\q2 ነ አይፍያ ጼሉነ ነ ቆያ አሌቁ፥
\q2 ታ ዎዛና ናሸቻን ጎሼዳ።
\q1
\v 10 ታ ሲቁዋ ምቻቶ ግድያ ታ ሙሹራተ!
\q2 ነ ሲቁ ታና አያ ናሸቺ!
\q2 ነ ሲቁ ዎይንያ ኤሳፐ አ ናሸቼ፤
\q2 ነ ሽቱ ኡባባፐካ አደ ሳዌ።
\q1
\v 11 ታ ሙሹራቴ፥ ነ መተርሻና ኤሳ እልሉ ጾኬ።
\q2 ነ ዶናፐ ኤሳይነ ማይ ፑልቴ፤
\q2 ነ ማዩ ሊባኖሳ ጺዳይ ሳዊያዋዳን ሳዌ።
\q1
\v 12 ታ ሲቁዋ ምቻቶ ግድያ ታ ሙሹራት ዩሹ፥
\q2 ድረቲደ ናገትያ አታክልትያ ሳኣ ማላ።
\q2 ዩሹ ግምበቴዳ ፑልቱዋ፥
\q2 ማታፋይ አታመቴዳ ጎግያ ሃ ማላ።
\q1
\v 13 ነ አታክልተቱዋ ግዶን: ሮማኒ፥
\q2 ዶረቴዳ አታክልትያ አይፈቱ፥
\q2 ሄናይነ ናርዶስያ ግያዋንቱ ደኢኖ።
\q1
\v 14 ሄዋዳንካ ቃይ ናርዶሲ፥
\q2 ላዲ፥ ሳዉዋ ማታይነ ቃራፋይ፥
\q2 ሄዋዳንካ እጻናዳን ሳዊያባቱ ደኢኖ፤
\q2 ሄዋዳንካ ቃይ ካርቢ፥
\q2 ጎዳረ ኡ ጪሻይነ ዱማ ዱማ ቅማምያ አታክልተቱ ሞኪኖ።
\q1
\v 15 ኔን አታክልትያ ሳኣ አልያ ፑልቱዋ ማላ፤
\q2 ደኡዋ ሃይ ቤትያ ኦላ ማላ፤
\q2 ሊባኖሳ ደርያፐ ጎግያ ሻፋ ማላ ያጌዳ።
\sp ወዶራታ:
\q1
\v 16 ሁጲሳ ባጋ ጫርኮ፥ ደንዳ!
\q2 ገድሳ ባጋ ጫርኮ፥ ሃያ!
\q2 ታ አታክልትያ ቦላ ጫርካ! አ ሳዉ ሄዋን ቶሹኩ ጎ።
\q2 ታ ሲቁ ባረ አታክልትያ ግዶ ዮ።
\q2 ዳሮ ማልእያ ቴራቱዋ ሞ ያጋዱ።
\c 5
\sp ዎዳላይ:
\q1
\v 1 ታ ሲቆ ምቻቶ ግድያ ታ ምሽራተ፥
\q2 በአ፤ ታን ታ አታክልትያ ግዶ ገላድ።
\q2 ታ ካርቢያነ ታ ሽቱዋ ጪሻ ቆራይ።
\q2 ኤሳ ኡክ ዮልታያደ ማይ።
\q2 ታ ዎይንያ ኤሳነ ታ ማ ኡሻይ ያጌዳ።
\sp የሩሳላመ ዎዶራቱ:
\q1 ህንተኖ፥ አ ላገቶ፥ ሲቁዋ አላና ጋካናዉ ኡሽተ ያጌድኖ።
\sp ወዶራታ:
\q1
\v 2 ታን ቃማ ገምእሻድ፤ ሽን ታ ዎዛናይ ቤጎት ኡቴዳ።
\q2 ታ አኩሙዋን ታ ሲቁ ሀዋዳን ያጊደ፥
\q2 ፐንግያ ቆጺና ስሳድ፤ ታ ሙሹራቴ፥ ታ ሲቃቴ፥
\q2 ኔናን ዎያዌ ባይና ታ ሀራጳተ፥ ታዉ ካርያ ዶያ፤
\q2 ታ ሁጲ ከተርሳን ካኤዳ።
\q2 ታ ብናናይካ ቃማ ፑስያን ናርካኬዳ ያጌ።
\q1
\v 3 ታን፥ ታ ማዩዋ ቃራ ድጋድ፤ ዛራ ማዮየ?
\q2 ታ ገድያ ሜጨታ ክቻድ፤ ዛራደ ኡርቃዮየ? ያጋድ።
\q1
\v 4 ታ ሲቁ እፍ ጾእያና ባረ ኩሽያ ጎለ የዴዳ፤
\q2 ታ ዎዛናይ አ ድራዉ ፖድ ፖዴ።
\q1
\v 5 ያትና፥ ታ ሲቆ ካርያ ዶያናዉ ደንዳድ።
\q2 ካርያ ዶይያ ኩልቡዋ ታን ኦይቂያ ዎደ፥
\q2 ታ ኩሽያፐ ካርቢ፥ ታ ብራያፐ ሽቱ ጾኬ።
\q1
\v 6 ታ ሲቆ ካርያ ዶያድ፤ ሽን ዶይያ ዎደ እ ባዋ ብ ክቼዳ።
\q2 አ ኮሻ ስሳናዉ ሎይ አሞታድ።
\q2 ምንደ አ ኮያድ፤ ሽን ደማናዉ ዳንዳያበይከ።
\q2 ጼጋድ፤ ሽን ታዉ ኮይቤና።
\q1
\v 7 ዩዪደ ካታማ ናግያዋንቱ ታና ደሚደ፥
\q2 ዋድኖነ ማዱድኖ፤
\q2 ካታማ ድርሳ ናግያዋንቱ ታ ቁማዩዋ ቃር አኬድኖ።
\q1
\v 8 ህንተኖ የሩሳላመ ጌላዮቶ፥ ታ ሲቁዋ ደሞፐ፥
\q2 ታን አ ሲቁዋፐ ደንዴዳዋን ሀርግያዋ፥
\q2 ሀዳራ፥ አዉ ኦድተ ያጋዱ።
\sp የሩሳላመ ዎዶራቱ:
\q1
\v 9 ኔኖ፥ ማጫ አሳ ኡባፐ አዳ ማላንቻቴ!
\q2 ነ ሲቁ ቱሙ ሀራቱዋፐ ዋን ዱማቲ?
\q2 ኔን ሀዋ ኬሻ ኑና ጫልያዌ፥
\q2 እ ሀራቱዋፐ ዱማትያዌ አያኔ? ያጌድኖ።
\sp ወዶራታ:
\q1
\v 10 ታ ሲቁ ዳሮ ሎእያዋነ ምና፤
\q2 ታሙ ሻኡ አቱማ አሳ ግዶን አ ማል ባዋ።
\q1
\v 11 አ ሁጲ ዎርቃ ሉልያ ማላቴ፤
\q2 አ ብናናይካ ሎአነ ቁሩዋ ማላ ካረ።
\q1
\v 12 አ አይፊ ሻፋ ላንቂያን ኤቄዳነ፥
\q2 ማን ሜጨቴዳዋ ማላትያ ሀራጰቱዋ ማላቴ።
\q1
\v 13 አ ጋጮቱካ ሳዉዋ ማታይነ፥
\q2 ቅማሚ ቶከቴዳ አታክልትያዳን ሎኢኖ፤
\q2 አ መተርሻቱ ካርቢያ ሽቱ ጾክያ ዎራ ጪሻዳን ሎኢኖ።
\q1
\v 14 አ ኩሸቱ እንቁዋን አሌቀቴዳ ዎርቃ ጻምኣዳን ሎኢኖ፤
\q2 አ አሳተይ ሳምፔርያ ግያ እንቁዋን አሌቀቴዳ፥
\q2 ዳንጋርሳ አቻ ማላ።
\q1
\v 15 አ ገደቱ ዎርቃ ባሱዋን ቶከቴዳ፥
\q2 እብናባራድያ ቱሳ ማላቲኖ፤
\q2 አ ማላይ ዝጋን አሌቀቴዳ ሊባኖሳ አሳ ማላ።
\q1
\v 16 አ ዶናይ ኤሳዳን ማልኤ። እ ኡባናካ ሎእያዋ።
\q2 ህንተኖ የሩሳላመ ዎዶራቶ፥
\q2 ታ ሲቁነ ታ ላጊ ሀዋ ማላቴ ያጋዱ።
\c 6
\s1 ሲቁ ኡባፐ ዶረቴ
\r (6:1—7:6)
\sp የሩሳላመ ዎዶሮቱዋ:
\q1
\v 1 ማጫ አሳ ኡባፐ ማላንቻቴ!
\q2 ነ ላጊ ሀቃ ቤዴ? ኑንካ ኔናና እትፐ ኮያናዉ፥
\q2 እ ቤዳ ሳ ኑዉ ኦዳ ያጌድኖ።
\sp ወዶራታ:
\q1
\v 2 ታ ሲቁ ዶርሳ ዉድያ ሄማናዉነ፥
\q2 ሎእያ ጪሻ ሺሻናዉ፥
\q2 ሽቱዋ ሳዉዋ ማታይ ደእያ አታክልትያ ግዶ ዎዳ።
\q1
\v 3 ታን ታ ሲቁዋኖ፤ ታ ሲቁካ ታዋ።
\q2 እ ጪሻ ግዶን ዉድያ ሄሜ ያጋዱ።
\sp ዎዳላይ:
\q1
\v 4 ታ ሲቃቴ! ኔን ትርጻ ካታማይ ሎእያዋዳን ሎኣሳ፤
\q2 የሩሳላመዳን ዳሮ ሎኣሳ፤ ባንድራ ኦይቂደ፥
\q2 ሳልፕያን ብያ ኦላንቻይ ያሽያዋዳን ያሻሳ።
\q1
\v 5 ሀያና ነ አይፍያ ታፐ ዎራ ዛራርኪ፥
\q2 አያዉ ጎፐ፥ ኡንቱንቱ ታና ዋይሲኖ።
\q2 ነ ብናናይ ጋላኣደ ደርያፐ ዎያ ዴሻ ዉድያ ማላቴ።
\q1
\v 6 ነ አቻይ ሜጨቲደ ከስያ፥ ኡባይካ ማንትያ የልያ፥
\q2 ኡንቱንቱ ግዶን ማይኒ ባይና ዶርሳ ዉድያ ማላ።
\q1
\v 7 ነ ላኡ ጋጮቱዋ ሻርቢያ ግዱዋና ጼልያ ዎደ፥
\q2 ላኡ ከሴዳ ሮማንያ ቴራ ማላቲኖ።
\q1
\v 8 ኡሱፑን ታሙ ማጫ ካተቱነ ኡሱፑን ታሙ ባኮቱ፥
\q2 ቃይ ፓይዱ ባይና ዎዶሮቱ ታዉ ደኢኖ።
\q1
\v 9 ሽን ታ ሀራጳታ፥ ታ ቶሺ ባይናና፥ አ ታዉ ዱማ።
\q2 አ ባረ አትስካ መጽ እትኖ፤
\q2 እዞ የሌዳ አታካ አያፐነ አደ እዞ ሲቃዉ።
\q2 ዎዶሮቱካ እዞ ጼሊደ፥ ሀና አንጀቴዳኖ ያጊኖ።
\q2 ማጫ ካተቱካ ባኮቱካ እዞ ሳቢኖ።
\sp የሩሳላመ ዎዶራቱዋ:
\q1
\v 10 ሀና ዎንታ ጻልቂያዳን ዶልያና፥ አግናዳን ፖእያና፥
\q2 አዋዳን ጫድያና፥ ባንድራ ኦይቂደ ሳልፕያን ብያ ኦላንቻዳን፥
\q2 ያሽያና እዛ ኦኔ? ያጊኖ።
\sp ዎዳላይ:
\q1
\v 11 ታን ዎምባን ቶከቴዳ ምቱ ልጩዋ በአናዉ፥
\q2 ዎይንያ ቱራይ አጬደንቶነ ቃይ ሮማኒካ ጪሼደንቶነ ጼላናዉ፥
\q2 ዱገ አታክልትያ ሳኣ ዎይ።
\q1
\v 12 ታን አኬከናን ደእሺና፥ ታ አሙ ታና አፊደ፥
\q2 ታ ካትያ ማታን፥ ፓራ ጋርያን ታና ኡትሴዳ ያጌዳ።
\sp የሩሳላመ ዎዶሮቱዋ:
\q1
\v 13 ኔኖ ሹላመ ቢታፐ ዬዳዉነ፥ ሃያ፤
\q2 ሃ ስማ! ኔና ኑ ሎይደ ጼላና፤ ሃ ስማ! ያጌድኖ።
\sp ወዶራታ:
\q1 ዳሮ አሳ ስንን የጽያ አሳዳን፥ ታኮ አያዉ ጼሊቴ? ያጋዱ።
\c 7
\sp ዎዳላይ:
\q1
\v 1 ካትያ ናትዳን ሎእያኔ!
\q2 ነ ገደቱ ኔን ናጻላ ጫማ ዎ ደእሽን በእያ ዎደ፥
\q2 አያ ሎኢኖ! ነ ሼቺ ኤራንቻ ዎጋጪ ቆጺደ፥
\q2 ሎይ አሌቂሴዳ እንቁዋ ማላቴ።
\q1
\v 2 ነ ጉልአይ ዎይንያ ኤሳይ ኩሜዳ ብርልያ ማላቴ፤
\q2 ነ ጼሳ ዩሹ ጪሻን ቃሸቴዳ ዛርጋ ምርቂያ ማላቴ።
\q1
\v 3 ነ ንቱ ማንትያ የለቴዳ፥ ገንአት ማራቱዋ ማላቲኖ።
\q1
\v 4 ነ ቆ ዳንጋርሳ ዛልያን አሌቀቴዳ አዱሳ ግምቢያ ማላ።
\q2 ነ አይፊ ዎልቃማ ሀሰቦና ካታማ ፐንግያ ማታን ደእያ፥
\q2 ዜሩዋ ሃ ማላቴ።
\q2 ነ ሲ ዳማስቆ ጼልሲደ ግምቤዳ ሊባኖሳ ግምቢያ ማላቴ።
\q1
\v 5 ነ ሁጲ ቃርመሎሳ አሳ ማላቴ፤
\q2 ነ ኦላሳ ብናናይ ቃጭና ጻ ማላቴ፤
\q2 ካትያካ ነ ሁጲያ ዳይ ናሸቼዳ።
\q1
\v 6 ታ ሲቃቴ፥ ነ አያ ሎአይ! ነ አያ ማላንቻቲ!
\q2 ነ ሲቁ ታና አያ ናሸቺ!
\s1 ታንነ ኔንነ ጻላላይ
\r (7:7—8:4)
\q1
\v 7 ነ ጌሳይ ዛምባ ጌሳ ማላቴ።
\q2 ነ ንይ ዛምባ አይፍያ ዉርጩዋ ማላቴ።
\q1
\v 8 ታን፥ ሀ ዛምባ ግአና፤ አ ማራቱዋ ኦይቃና ያጋድ።
\q2 ነ ንይ ዎይንያ ቴራ ዉርጩዋ ማላ፤
\q2 ቃይ ነ ሲያና ከስያ ፔኑ አፕልያ አይፍያዳን ሳዌ።
\q1
\v 9 ነ የሩ መተርሻቱዋፐነ አቻፐ ግዱዋና፥
\q2 ዋላላቲደ ገልያ ዎይንያ ማላ፥
\sp ወዶራታ:
\q1 ኡባፐ አደ ማልእያ
\q2 ዎይንያ ኤሳ ማላ ያጌዳ።
\q1
\v 10 ታን ታ አልኦ ሲቁዋኖ፤ እካ ታና አሞቴ።
\q2
\v 11 ታ ሲቆዉ፥ ሃያ፤ ላኡ ካታማፐ ከሲደ ቢደ፥
\q2 ጋጻርያን አቆይተ፤ ቃማ ላኡ ሄዋን አና።
\q1
\v 12 ዎንታ ጉራን አነ ዎይንያ ቱራ ግዶ ቦይተ፤
\q2 ዎይንያ ቱራይ ጪሼደንቶ፥ ጪሺደ አይፍያ ዶርጾጼደንቶነ፥
\q2 ቃይ ሮማኒካ አይፌደንቶ አነ በኦይተ።
\q2 ታን ታ ሲቁዋ ኔና ሄዋን በሳና።
\q1
\v 13 እንኮይያ አይፍያ ሳዉነ ሀራ ናሸችያ አታክልትያ አይፊ፥
\q2 ኑ ካረን በሴዳ፤ ታ ሲቆ!
\q2 ሀ አይፈቱዋፐ ቴሬዳዋንታነ ኦራ ማጼዳዋንታ፥
\q2 ነዉ አሻ ዎድ።
\c 8
\q1
\v 1 ነ ታዉ አላጋ ግደናን ታ ዳይ ን ሜዳ ታ እሻ ግዳርኪሻ!
\q2 ያትንቶ ታን ኔና ኦግያን ደማደ ሺሻ አካ የርና፥
\q2 ታና ኦንነ ቦረናሽን።
\q1
\v 2 ታና ታማርሴዳ ታ ዳይ ጎለ ታን ኔና ካለደ፥
\q2 ታ ዳይ ቆልኦ ገልሳ አግና፥
\q2 ሄዋን ታና ነ ሲቁዋባ ታማርሴዳዋ ግዳርኪ፤
\q2 ሮማንያ ጉምኤዳ ማልእያዋ፥
\q2 ሎእያ ዎይንያ ኤሳ ታን ኔና ሄዋን ኡሻርክታ።
\q1
\v 3 ታና ሄዋን ነ ሀድርሳ ቄስያ ቦርኮትሳደ፥
\q2 ነ ኡሸቻ ኩሽያን ታና ቆሜዳዋ ግዳርኪ።
\q1
\v 4 ህንተኖ የሩሳላመ ዎዶራቶ፥
\q2 ሲቁ ባረ ዎድያን ደንዳናዉ፥ ቃሰ ደንናዳን፥
\q2 ታ ህንተዉ ሀዳራ ጋይ ያጋዱ።
\s1 ሲቁዋ ሳባ
\r (8:5-14)
\sp የሩሳላመ ዎዶሮቱ:
\q1
\v 5 ባረ ሲቁዋ ሀሽያን ዘምፓደ፥
\q2 ባዙዋፐ ይያና ሀና ኦኔ? ያጌድኖ።
\sp ወዶራታ:
\q1 በን ነ አታ ኔና ባንካ የሌዳ፥
\q2 አፕልያ ላንቂያን ነ ግሳ ደእሽን፥
\q2 ኔና ታ ቃሰረደ ደንድ።
\q1
\v 6 መና ሲቁዋን ታና ነ ዎዛና ቦላ አታማ፤
\q2 ነ ቀስያንካ ማታፋዳን፥ ታ ጻላላ ኦይቃ።
\q2 አያዉ ጎፐ፥ ሲቁ ሀይቁዋ ማላ ምና፤
\q2 ምሹካ ዱፉዋ ማላ መቀ ኢታ፤
\q2 አ ላጩካ ጾሳ ታማ ላጩዋ ማላ።
\q1
\v 7 ሃ ዳሩ ሲቁዋ ታማ ቶይሳናዉ ዳንዳየና፤
\q2 ድኡካ ሜጪደ አፋናዉ ዳንዳየና።
\q2 አሳይ ሲቁዋ ሻማናዉ ባረዉ ደእያ አቁዋ ኡባ እሞፐካ፥
\q2 ሲቁ ሻሉዋን ሻመተና ድራዉ፥
\q2 አሳይ ሄዋ ካ ያጋዱ።
\sp ዎዶራት እሻቱ:
\q1
\v 8 ኑዉ ትራን ንይ ኡትቤና ምቻታ ደአዉ፤
\q2 አስናይ እዞ ኦቾፐ፥ ኑን እዉ ኦናዌ አዬ?
\q1
\v 9 እዛ ግምቢያ ድርሳ ግድንቶ፥ ኑን እ ቦላ ዎችያ አዱሳ፥
\q2 ብራ ግምቢያ ግምባና፤ አ ድርሳ ፐንገ ግድንቶ፥
\q2 ዝጋ ሳንቃን እዞ ዶድሳና ያጌድኖ።
\sp ወዶራታ:
\q1
\v 10 ሄኮ ታን ድርሳ ግምቢያ፤
\q2 ታ ንይካ ግምቢያ ቦላ ግምበቴዳ ዎችያ ሳ፤
\q2 ሄዋ ድራዉ፥ ታን ታ ሲቁዋና ደእያ ዎደ፥ እ ታናን ናሸቴ።
\q1
\v 11 ሶሎሞነዉ ባኣል-ሀሞናን ዎይኒ ቶከቴዳ ሾይቃይ ደኤ፤
\q2 ሄ ዎይንያ ግዱዋ ኦያዋንቶ ከራ እሜዳ።
\q2 ከራ አኬዳዋንቱ ቴራን ጎኤቴዳዋ ድራዉ፥
\q2 ሁጲያን ሁጲያን ሻኡ ብራ አዉ አሂኖ።
\q1
\v 12 ሽን ታዉ ታ ቡዞ ዎይኒ ቶከቴዳ ሾይቃይ ደኤ፤
\q2 ሶሎሞና፥ ኔን ሻኡ ብራ አካ፤
\q2 አታክልትያ ኦያዋንቱ ላኡ ጼቱ ብራ አክኖ ያጋዱ።
\sp ዎዳላይ:
\q1
\v 13 ኔኖ፥ አታክልትያ ግዶን ደእያ ታ ሲቃቴ፥
\q2 ነ ኮሻ ላገቱዋ ስሳናዉ ኮዪኖ፤
\q2 ነ ኮሻ ታና ስሳ ያጌዳ።
\sp ወዶራታ:
\q1
\v 14 ታ ሲቆዉ፥ ታኮ ኤለካ ሃያ!
\q2 ሳዊያ ማታይ ሞክያ ደረቱዋ ቦላና፥
\q2 ጉፕያ ገንእያ ዎይ ዶግያ ማራቱዋ ማላታደ ያጋዱ።