\id ROM - Dawuro Full Bible Ethiopic Version
\ide UTF-8
\h ሮመ
\toc1 ጳዉሎስ ሮመ አሳዉ ጻፌዳ ኪታ
\toc2 ሮመ
\toc3 ሮመ
\mt2 ጳዉሎስ
\mt1 ሮመ አሳዉ
\mt2 ጻፌዳ ኪታ
\imt ገሉዋ
\ip የሱስ ኪቴዳ ጳዉሎስ ሮመ አሳዉ ጻፌዳ ኪታይ፥ ጳዉሎስ ሮመን ደእያ ዎሳ ጎልያ ጾሞሳናዉ ቆፔዳ ድራዉ፥ እ ባናዉ ኡንቱንቱ ጊጊደ ናጋናዳን ኦናሳ። ጳዉሎሳ ቆፋይ ሮመን ደእያ አማንያዋንቱና ጉ ዎድያ ኦዳዋፐ ጉይያን፥ ኡንቱንቱ ማድና እስፔነ ባናሳ። ክርስትና አማኑዋባ ባረ ኤሬዳዋነ ሄዋ ቃይ አማንያ አሳይ ኦሱዋን ፔሻና ሀኖታ ቆንጭሲደ ጻፌዳ። ጳዉሎሳ ቆፋይ ኩመን ሀኖታን ቤትያዌ ሀ ኪታና።
\ip ጳዉሎስ ሮመን ደእያ አማንያዋንቶ ሳሮታ አዋፐነ ኡንቱንቶ ዎሳናዋካ ህዶታ እሞዋፐ ጉይያን፥ ኪታዉ ግዶ ቆፋይ “ምሽራቹዋ ቃላይ ጾሳይ አሳ ጽልስያዌ፥ ኮይሩዋፐ ዉርሰ ጋካናዉ አማኑዋና ግድያዋ ኦዴ” (1:17)
\ip ሄዋፐ ጉይያን ጳዉሎስ ሀ ቆፋ አሲደ ጻፌ። አይሁዳቱዋ ግድናካ አይሁዳ ግደና አሳ ግድናካ ኡባይ ናጋራዉ ሞደትያዋንታ ግድያ ድራዉ፥ ኡንቱንቱ ጾሳና ስገታናዉ ኮሼ። አሳይ ጾሳና ስገታናዉ ዳንዳይያዌ የሱስ ክርስቶሳን አማንያዋና። ጾሳና መያ ኦራ እትፐተ አይፊ ኦራ ደኡዋ ግድያዋ ጳዉሎስ አሲደ ኦዴዳ። አማንያ አሳይ ጾሳና ሳሮ ደኤ። ቃይ ጾሳ አያና ባጋና ናጋራነ ሀይቁዋ ዎልቃፐ ብለቴ። ጳዉሎስ ጾሳ ቆፋይነ አማንያ አሳ ደኡዋ ግዶን ኦያ ጾሳ አያና ዎልቃ ቆፋይ አየንቶ ኦዴ (5-8)። ሄዋፐ ካሊደ ቃይ ጳዉሎስ፥ “ጾሳይ አሳ ናናዉ ቆፔዳ ቆፋ ግዶን አይሁዳቱነ አይሁዳ ግደና አሳቱ ዋኒደ እትፐ ዋጸታናዉ ዳንዳያናዋንቴሻ?” ያግያ ኦሻ ዛራናዉ ባጸቲደ ደኤ።
\ip ቃይካ ጳዉሎስ፥ አይሁዳቱ የሱሳ አከናን አጌዳዌ ጾሳ ቆፋ ግድያዋ ኦዴ። አያዉ ጎፐ፥ ሀዋ ማላ ሀኖታን አሳ ዘረይ ኡባይ ጾሳይ የሱሳ ባጋና ቆንጭሴዳ አ ኬካተን እትፐተ ኦናሳ። ግዶ ሽን፥ አይሁዳቱ የሱሳ አካናዉ ዎዲ ያናዋ ጳዉሎስ አማኔ። ዉርሰን ጳዉሎስ ክርስትና ደኡዋ ዋኒደ ደአናዉ በስንቶ ኦዴ። ጾሳዉ ኦናባ፥ አማንያ አሳቱ ባረንቱ ጋድያስነ ባረንቱ ግዶን እቱ እቶ ሲቁዋንነ ማታን ኦናባነ ቆፋ ጋሱዋን ደንድያ ኦሻቱዋባ ቆንጭሲደ ኦዴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሮመ ኪታ ሁጰ ቆፋ ገሉዋ \ior 1:1-17\ior*
\io1 አቶተይ አሳዉ ኮሽያዋ ግድያዋ \ior 1:18—3:20\ior*
\io1 ጾሳ አሹዋ ኦግያ \ior 3:21—4:25\ior*
\io1 የሱሳን ቤትያ ኦራ ደኡዋ \ior 5:1—8:39\ior*
\io1 እስራኤልያ አሳዉ ደእያ ጾሳ ቆፋ \ior 9:1—11:36\ior*
\io1 ክርስትናዉ በስያ ኦሱዋ \ior 12:1—15:13\ior*
\io1 ዉርሰ ቆፋነ ሳሮታ \ior 15:14—16:27\ior*
\c 1
\p
\v 1 ባረ ምሽራቹዋ ቃላ ኦዳናዉ ጾሳይ ዶሪደ ጼሴዳ ክርስቶሳ የሱሳ ቆማይ፥ የሱስ ክርስቶስ ኪቴዳ ጳዉሎስ፥ ታን ሀ ዳብዳቢያ ጻፋይ።
\p
\v 2 ጾሳይ ዳሮ ዎደፐ ካሰ ባረ ናባቱዋ ባጋና ምሽራቹዋ ቃላ እማና ያጌዳዌ ጾሳ ጌሻ ማጻፋቱዋን ጻፈቴዳ፤ 
\v 3 ሄ ምሽራቹዋ ቃላይ አሳ ግዲደ ዳዊተ ዛርያፐ የለቴዳ ጾሳ ናኣ፥ ኑ ጎዳ የሱስ ክርስቶሳባ። 
\v 4 ቃይ እ ባረ ጌሻ አያናን\f + \fr 1:4 \fr*\fk ባረ ጌሻ አያናን፦ \fk*\ft ዎይ “አን ደእያ ጌሻ አያና”\ft*\f* ሀይቁዋፐ ደንዴዳዋን፥ ጾሳ ናኣ ግድያዋ ዎልቃማ ዎልቃን በሴዳ። 
\v 5 አይሁዳ ግደና አሳይ ኡባይ አማናናዳንነ አዛዘታናዳን፥ ኑን ኡንቱንታ ካለና ማላ፥ ጾሳይ ክርስቶሳ ሱን ድራዉ፥ ክርስቶሳ ባጋና አ ኬካተነ የሱስ ኪቴዳዋንታ ግድያ ማታ ኑዉ እሜዳ። 
\v 6 የሱስ ክርስቶሳዋ ግዳናዳን፥ ጾሳይ ጼሴዳ ህንተንቱካ ሄዋንቱ ግዶን ደኢታ።
\p
\v 7 ጾሳይ ሲቅያዋንቶነ ጌሻባ ኦናዉ ጼሴዳ ሮመ ጋድያን ደእያ ኡባቶ ጾሳ ኑ አዉዋፐነ ጎዳ የሱስ ክርስቶሳፐ አ ኬካተይነ ሳሮተይ ህንተንቶ ግዶ።
\s1 ጋላታ ዎሳ
\p
\v 8 ካሰታደ ታን ህንተንቱ አማኑ ሳኣ ኡባን ስሰቴዳ ድራዉ፥ የሱስ ክርስቶሳ ባጋና ህንተንቶ ታን ጾሳ ጋላታይ። 
\v 9-10 አያዉ ጎፐ፥ ታን ኡባ ዎደ ታ ዎሳን ህንተንታ ሀሳይስያዎ፥ ጾሳይ፥ ታን አ ናኣ ምሽራቹዋ ቃላ ኦድያዋን ታ አያናን አዉ ኦያዌ ማርካ። ጾሳይ፥ ባረ ሸንያን፥ ታን ሀእ ህንተንቱኮ ባናዉ ታ ኦግያ ሚኮያናዳን፥ ኡባ ዎደ ዎሳይ። 
\v 11 አያዉ ጎፐ፥ ታን ህንተንታ ምንሳናዉ፥ ህንተንቱና እትፐ አያና እሞታ ሻካና ማላ፥ ህንተንታ በአናዉ ላሞታይ። 
\v 12 ታን ግያዌ፥ ህንተንቱካ ታካ እት ዎደ ምነታና። ህንተንቱ ታ አማኑዋን፥ ቃይ ታንካ ህንተ አማኑዋን ምነታና።
\p
\v 13 ታናዳን አማንያዋንቶ፥ ታን ኡባ ዎደ ህንተንቱኮ ባናዉ ቆፓድ። ሽን ታና ድግያባይ ደእያዋ ህንተ ኤራናዉ በሴ፤ ታን ሀራይ አቶ አይሁዳ ግደና ሀራ አሳፐካ አይፍያ ደሜዳዋዳን፥ ህንተንቱፐካ አይፍያ ደማናዉ ኮያይ። 
\v 14 ታን አሳ ኡባዉ፥ ግሪከ አሳዉነ ታማርቤና አሳዉ ቃይ አ ኤራንቻቶነ ኤያቶ ቃንጻና አጩ ደኤ።
\p
\v 15 ሄዋ ድራዉ፥ ታዉ ዳንዳየቴዳ ኬናን ሮመን ደእያ ህንተንቶካ ምሽራቹዋ ቃላ ኦዳናዉ አሞታይ።
\s1 ምሽራቹዋ ቃላይ ጾሳ ዎልቃ
\p
\v 16 ምሽራቹዋ ቃላይ ታና ዬላየና፤ እ አማንያ ኡባ፥ ካሰቲደ አይሁዳ አሳ ቃይ አይሁዳ ግደና አሳ አሻናዉ ጾሳፐ ይያ ዎልቃ። 
\v 17 አያዉ ጎፐ፥ ጾሳ ማጻፋይ፥ “ጽሉ ጾሳን አማነቲደ ደአና” ያግያዋዳን፥ ጾሳይ አሳ ኮይሮፐ ዉርሰ ጋካናዉ፥ አማኑዋን ጽልስያዋ ምሽራቹዋ ቃላይ ቆንጭሴ።\x - \xo 1:17 \xo*\xt እምባ. 2:4\xt*\x*
\s1 አሳ ኢታ ኦሱዋ
\p
\v 18 ቱማተይ ኤረታናዋ ባረንቱ ኢታ ሀኖታን ድግያ ናጋራ ኦሱዋ ኡባ ቦላንነ አሳ ኢታ ኦሱዋ ኡባ ቦላን፥ ጾሳ ሀንቁ ሳሉዋፐ ዎደ ቆንጫና። 
\v 19 ኡንቱንቱ ጾሳባ ኤራና ዳንዳይያዌ ኡንቱንቶ ቆንጬ፤ አያዉ ጎፐ፥ ጾሳይ ኡንቱንቶ ቆንጭሴዳ። 
\v 20 ቤተና አ ሀኖታይ፥ ሄዌካ አ መና ዎልቃይነ አ ጾሳተይ እትፐ ጾሳይ ሀ አላምያ መዳዋፐ ዶሚደ፥ ኡንቱንቶ ቆንጪደ ቤቴዳ፤ ኡንቱንቱ ሄዋ ጾሳይ መዳባፐ በአናዉ ዳንዳይያ ድራዉ፥ ኡንቱንቶ ጋሶይያባይ ባዋ።
\p
\v 21 አያዉ ጎፐ፥ ኡንቱንቱ ጾሳ ኤሮፐካ፥ አዉ በስያ ቦንቹዋ እምበይክኖ፤ ቃይ አ ጋላትክኖ። ሽን ኡንቱንቱ አላለ ከሰናባ ቆፒኖ፤ ቃይ ኡንቱንቱ አኬከና ዎዛናይ ሜዳ። 
\v 22 ኡንቱንቱ ባረንታ አዳ ኤራንቻ ጊኖ፤ ሽን ኡንቱንቱ ኤያ። 
\v 23 ኡንቱንቱ ሀይቀና ጾሳዉ ጎይንያዋ እጺደ፥ ሀይቂያ አሳ መታ፥ ካፋቱዋ መታ፥ ዶአቱዋ መታነ ትራን ጎሸትያዋንቱ መታ መቴዳዋንቶ ጎይኔድኖ።\x - \xo 1:23 \xo*\xt ዛረ. 4:16-18\xt*\x*
\p
\v 24 ሄዋ ድራዉ፥ ኡንቱንቱ እቱ እቱዋና ፖኮባ ኦና ማላ፥ ጾሳይ ኡንቱንቱ ዎዛናይ አሞትያ ቱናባ ኦናዳን ኡንቱንታ አጌዳ። 
\v 25 አያዉ ጎፐ፥ ኡንቱንቱ ጾሳ ቱማተ ዎርዱዋን ላሜድኖ፤ ቃይ መዳ ጾሳ አጊደ፥ እ መዳባዉ ጎይኔድኖነ ኦድኖ። ጾሳይ መናዉ ጋላተቴዳዋ። አመንእ።
\p
\v 26 ሄዋ ድራዉ፥ ጾሳይ ኡንቱንቱ ፖኮባ አሞታና ማላ፥ ኡንቱንታ አጌዳ፤ ሀራይ አቶ ኡንቱንቱ ማጫዋንቱ ባረንቶ በስያዋ አጊደ፥ በሰናዋ ሀኔድኖ። 
\v 27 ሀዋዳንካ፥ አቱማ አሳይ ቃይ ባረንቶ በስያዋዳን ማጫዋንቱና ጋከትያዋ አጊደ፥ እቱ እቱዋና ጋከታናዉ ኮዬድኖ፤ አቱማ አሳይ እቱ እቱዋና ፖኮባ ኦደ፥ ባረንቱ ኦዳ ባላን ባረንቶ በስያ ፕርዳ አኬድኖ።
\p
\v 28 ኡንቱንቱ ጾሳ ኤራናዉ ዶሰናን እጼዳዋ ኬና ጾሳይ ኡንቱንቱ በሰናዋ ኦና ማላ፥ ኡንቱንቶ ፓና ቆፋ እሜዳ። 
\v 29 ኡንቱንቱን ቱናተይ፥ ኢታተይ፥ ዮራተይነ ኢታ ሀኖታይ ኩሜዳ፤ ቃይ ኡንቱንቱን ቃናቲ፥ ሸምፑዋ ዎያ ቆፋይ፥ ፓሉማይ፥ ጭሙሳይነ ኢታ ቆፋይ ኩሜዳ፤ ቃይ ኡንቱንቱ ሶቅያዋንታ፥ 
\v 30 ዝግርያዋንታ፥ ጾሳ እጽያዋንታ፥ ቦርያዋንታ፥ ኦቶረትያዋንታ፥ ጬቀትያዋንታ፥ ኢታባ ኦናዉ ኮይያዋንታነ ባረንቱ አዎነ አትዉ አዛዘተናዋንታ፥ 
\v 31 ቆፋይ ባይናዋንታ፥ አማኑ ባይናዋንታ፥ ሀራንቶ ቃረተናዋንታነ ማረናዋንታ። 
\v 32 ኡንቱንቱ ሀዋንቱ ማላ ኦያዋንቶ ሀይቁ በሴ ግያ ጾሳ ህግያ ኤሪደ፥ ሀዋንታ ኦኖ፤ ሄዋ ጻላላ ግደናን፥ ሀዋንታ ኦያዋንታካ ኦተ ጊደ ምንሲኖ።
\c 2
\s1 ጾሳ ፕርዳ
\p
\v 1 ሄዋ ድራዉ፥ ኔኖ ሀራንቱ ቦላ ፕርድያዎ፥ ነዉ ጋሶይያባይ ባዋ፤ አያዉ ጎፐ፥ ኔን ሀራንቱ ቦላ ፕርዳደ፥ ሄ ኔን ኡንቱንቱ ቦላ ፕርድያዋ ማላ ኦፐ፥ ነ ቦላ ፕርዳሳ። 
\v 2 ኑን ሀዋ ማላ ኦሱዋ ኦያዋንቱ ቦላ ጾሳይ ጽሎ ፕርዳ ፕርድያዋ ኤሬቶ። 
\v 3 ኔኖ፥ ሀዋ ማላ ኦሱዋ ኦያዋንቱ ቦላ ፕርድያዎ፥ ቃይ ሄ ኔን ፕርድያዋ ማላ ኦያዎ፥ ኔን ጾሳ ፕርዳፐ አትያዋ ማላቲ? 
\v 4 ዎይ ጾሳ ዎልቃማ ኬካተ፥ ገንጩዋነ ዳንዳያ ካይሻ? ጾሳይ ኔና ናጋራፐ ዛራናዉ ኮይያ ድራዉ፥ እ ኬካ ግድያዋ ኔን ኤራሳ።
\p
\v 5 ሽን ህንተንቶ ጉዙማ ዎዛናይነ ናጋራፐ ስመና ዎዛናይ ደኤ፤ ሄዋ ድራዉ፥ ጾሳ ሀንቁነ ጽሎ ፕርዳይ ቆንጭያ ጋላስ፥ ኔን ነ ቦላ ሀንቁዋ ካሰዋፐ ዳርሳሳ። 
\v 6 ጾሳይ አሳ ኡባዉ አ ኦሱዋ ማላ እማናዋ።\x - \xo 2:6 \xo*\xt ማዝ. 62:12፤ ሌም. 24:12\xt*\x* 
\v 7 እት እት አሳቱ ሎኦባ ዳንዳያን ኦኖ፤ ቃይ ጋላታ፥ ቦንቹዋነ ባየና ደኡዋ ኮዪኖ፤ ኡንቱንቶ ጾሳይ መና ደኡዋ እማና። 
\v 8 ሽን ሀራንቱ ኢታባ ኦናዉ ያረቲኖነ ቱማተ እጺኖ፤ ጾሳይ ኡንቱንቱ ቦላ ባሻነ ሀንቁዋ የዳና። 
\v 9 ኢታባ ኦያ አሳይ ኡባይ መቶታናነ ዋየታና፤ ሄዌ ካሰቲደ፥ አይሁዳ አሳ ጋካና፤ ሄዋፐ ቃይ አይሁዳ ግደና አሳ ጋካና። 
\v 10 ሽን ጾሳይ ሎኦ ኦሱዋ ኦያ ኡባቶ ጋላታ፥ ቦንቹዋነ ሳሮተ እማና። ካሰቲደ አይሁዳቶ እማና፤ ሄዋፐ ቃይ አይሁዳ ግደናዋንቶ እማና። 
\v 11 አያዉ ጎፐ፥ ጾሳ አይፍያን አሳይ ኡባይ እት ማላ።\x - \xo 2:11 \xo*\xt ዛረ. 10:17\xt*\x*
\p
\v 12 ሙሴ ህጊ ባይናን ናጋራ ኦዳ ኡባይ ህጊ ባይናን ያና። ሙሴ ህጊ ደእሽን፥ ናጋራ ኦዳ ኡባይ ህግያን ፕርደታና። 
\v 13 አያዉ ጎፐ፥ ጾሳ ስንን ህግያ ናግያዋንቱ ጽሊኖፐ አትን፥ ህግያ ስስያዋንቱ ጽልክኖ። 
\v 14 አይሁዳ ግደና አሳዉ ህጊ ባዋ፤ ሽን ባረንቱ ትላ ቆፋን ህጊ አዛዝያዋ ኦኖ፤ ኡንቱንቶ ህጊ ዮፐካ፥ ኡንቱንቱ ባረንቱ ሁጰዉ ህገ። 
\v 15 ህጊ አዛዝያዌ ኡንቱንቱ ዎዛና ግዶን ጻፈቴዳዋ ኡንቱንቱ ሀኖታይ በሴ፤ እት እት ካላ ኡንቱንቱ ትላ ቆፋይ ኡንቱንቶ ማርካትያ ድራዉነ ቃይ እት እት ካላ ኡንቱንቱ ቆፋይ ኡንቱንታ ሞትያ ድራዉ፥ ዎይ ቃይ ኡንቱንቱና ጋዳትያ ድራዉ፥ ሄዌ ቱማ ግድያዋ ኤርሴ። 
\v 16 ታን ታማርሴዳ ምሽራቹዋ ቃላዳን፥ አሳ ዎዛናን ጌሜዳ ቆፋ ጾሳይ የሱስ ክርስቶሳ ባጋና ሀዋዳን ፕርዳና።
\s1 አይሁዳቱዋነ ሙሴ ህግያ
\p
\v 17 ሽን ኔን ኔና አይሁዳ ጋሳ፤ ህግያን ዘምፓደ ጾሳን ጬቀታሳ። 
\v 18 ኔን ኦና ማላ፥ ጾሳይ ኮይያዌ አየንቶ ኤራ፤ ቃይ ቱማ ግድያዋ ዶራናዉ ህግያፐ ታማራዳ። 
\v 19-20 ኔን ቆቃቱዋ ካለያዋ፥ ቃይ ማን ደእያዋንቶካ ፖእስያዋ፥ ኤረናዋንታ ኤርስያዋነ ናናቱዋ ታማርስያዋ ግድያዋ ኤራድ፤ ህግያፐ ኔን ኩመን ኤራተነ ቱማተ ደምያዋ ኤራሳ። 
\v 21 ያትና፥ ኔን ሀራቱዋ ታማርስያዌ ኔና ነ ሁጰዉ አያዉ ታማርስኪ? ኔን፥ “ዉኦፓ” ያጋደ ቃላ ኦዳሳ። ሽን ኔን ነ ሁጰዉ ዉአይየ? 
\v 22 ኔን፥ “ዎሹሞፓ” ያጋ። ሽን ኔን ነ ሁጰዉ ዎሹማይ? ኔን ኤቃ ሸነታ። ሽን ኤቃይ ደእያ ጎልያ ቦንቃይ? 
\v 23 ጾሳ ህጊ ነዉ ደእያ ድራዉ፥ ኔን ጬቀታሳ፤ ሽን ሄ ህግያ መንደ ጾሳ ዬላያይ? 
\v 24 አያዉ ጎፐ፥ ጾሳ ማጻፋይ፥ “አይሁዳ አሳቶ፥ ህንተ ጋሱዋን አይሁዳ ግደና አሳቱዋ ግዶን ጾሳ ሱንይ ባዬ” ያጌ።\x - \xo 2:24 \xo*\xt ኢሳ. 52:5\xt*\x*
\p
\v 25 ኔን ህገዉ አዛዘቶፐ፥ ነ ቃጻራይ ማዱዋና ደኤ፤ ሽን ኔን ህግያ መንፐ፥ ኔን ቃጻረቴዳዌ ቃጻረትቤናዋዳን ፓይደቴ። 
\v 26 አይሁዳ ግደና አሳይ ቃጻረተናን ህጊ አዛዝያዋ ናጎፐ፥ ጾሳይ አ ቃጻረቴዳዋዳን ፓይደኔ? 
\v 27 ህንተንቱ፥ አይሁዳ አሳቱ፥ ህንተንቶ ጻፈቴዳ ህጊ ደኦፐካ ቃይ ህንተ ቃጻረቶፐካ፥ ህግያ ህንተ መንያ ድራዉ፥ አይሁዳ ግደና አሳይ ቦላ ቃጻረታና ዮፐካ፥ ህገዉ አዛዘቲደ፥ ህንተ ቦላ ፕርዳና።
\p
\v 28 አያዉ ጎፐ፥ አይሁዳ አሳ ማላትያ ኡባይ ቱሙ አይሁዳ አሳ ግደና፤ ቃይ አሳይ ባረ አሹዋ አሳተ ቃጻረቴዳ ድራዉ፥ ቱሙ አይሁዳ አሳ ግደና። 
\v 29 ሽን ቱሙ አይሁዳ አሳ ግያ ኡራይ ጋርሳ ባጋና አይሁዳ አሳ\f + \fr 2:29 \fr*\ft አይሁዳ ጉሳይ ጋላተትያዋ ግዲደ ሱንይ ይሁዳፐ ዬዳ።\ft*\f* ግዴዳዋ፤ ቃጻረትያዋ ጾሳ አያናን ኦሰትያ ዎዛና ቃጻራፐ አትን፥ ጻፈቴዳ ህግያና ግደና፤ ሄ ኡራይ ባረ ጋላታ ጾሳፐ አክያዋፐ አትን፥ አሳፐ አክቤና።\x - \xo 2:29 \xo*\xt ዛረ. 30:6\xt*\x*
\c 3
\s1 አይሁዳቱ አማነናን አጉሳን ባይዜድኖ
\p
\v 1 ያትና፥ አይሁዳ አሳቱ አያን አይሁዳ ግደና አሳፐ አኖ? ዎይ ቃጻረትያዋን አይ ማዱ ደኢ? 
\v 2 ሀዌ አይሁዳቱዋ ኡባባን ሎይ ማዴ፤ ኡባባፐ ካሰ ጾሳይ ባረ ኪታ ሀዳራ አይሁዳቶ እሜዳ።
\p
\v 3 ያትና ኡንቱንቱፐ እቱ እቱ አማነተናዋ ግዶፐ፥ ዋኒ? ሄዋ ድራዉ፥ ጾሳይ አማነተና ያግያዌ? 
\v 4 ሄዋ ግደና፤ አሳይ ኡባይ ዎርዳንቻ ግዶፐካ፥ ጾሳይ ግያዌ ቱማ ግዳናዉ በሴ። ጾሳ ማጻፋይ፥ “ኔን ሃሳይያ ዎደ፥ ኔን ጽሎ ግድያዋ ኤርሳናዉ ኮሼ፤ ኔን ሞተትያ ዎደ፥ ሻትማናዉ በሴ” ያጌ።\x - \xo 3:4 \xo*\xt ማዝ. 51:4\xt*\x*
\p
\v 5 ሽን ኑ ባይዙ ጾሳ ጽሎ ኦሱዋ ኤርስንቶ፥ ኑን ዋጋኔ? ኑ ቦላ ሀንቁዋ አህያ ጾሳይ ባይዛንቼ? ታን አሳይ ግያዋዳን ጋይ። 
\v 6 ሄዌ ዋዪ ሀናና። አያዉ ጎፐ፥ ሄዋዳን ግዶፐ፥ ጾሳይ ሀ አላምያ ቦላ ዎት ፕርዳኔ?
\p
\v 7 ሽን ታ ዎርዱዋን ጾሳ ቱማተይ አ ቦንቾ ዳሮፐ፥ ያትና፥ ሀዋ ጋካናዉ አያዉ ታ ቦላ ናጋራንቻዳን ፕርዲ? 
\v 8 ያትና ኑን፥ “ሎኡ ያናዳን፥ አነ ኢታባ ኦይተ” አያዉ ጎኮ? እት እት አሳይ ሀዋ ታና ሞቲደ ቦሬድኖ፤ ኡንቱንቱ ጾሳፐ በስያ ፕርዳ አካና።
\s1 አሳይ ኡባይ ናጋራንቻ
\p
\v 9 ሄዋ ድራዉ፥ ኑን ዋጋኔ? ኑን አይሁዳቱ፥ አይሁዳ ግደና አሳፐ ዳሬቶ? ሄዋ ግደና፤ አያዉ ጎፐ፥ አይሁዳቱካ አይሁዳ ግደና አሳቱካ ኡባይ እትፐ ናጋራፐ ጋርሳን ደእያዋ ታን ካሰ ህንተንቶ ኦዳድ።
\p
\v 10 ጾሳ ማጻፋይ ሀዋዳን ያጌ፤\x - \xo 3:10-12 \xo*\xt ማዝ. 14:1-3\xt*\x*
\q1 “ጽሎ አሳይ እቱነ ባዋ።
\q1
\v 11 አኬክያ አሳይካ ባዋ፤
\q2 ዎይ ጾሳ ኮይያዌካ ባዋ።
\q1
\v 12 አሳይ ኡባይ ኦግያፐ ካረ ከሴድኖ፤
\q2 ኡባይ ሙለካ ማደናዋ ግዴዳ።
\q1 ሎኦባ ኦያ ኦንነ ባዋ፤
\q2 ሀራይ አቶ እቱነ ባዋ።
\q1
\v 13 ኡንቱንቱ ዶናይ ዶያ ደእያ ዱፉዋ ማላ።
\q2 ባረንቱ እንጻርሳን ዎርዶቴድኖ።
\q1 ኡንቱንቱ ዶናፐ አሳ ዎያ ሾሻ
\q2 ይሻ ማላ ሃሳያይ ከሴ።\x - \xo 3:13 \xo*\xt ማዝ. 5:9\xt*\x*
\q1
\v 14 ኡንቱንቱ ዶናን ሸቃይነ ጫሞባይ ኩሜዳ።\x - \xo 3:14 \xo*\xt ማዝ. 10:7\xt*\x*
\q1
\v 15 ኡንቱንቱ ሱ ጉሳናዉ፥
\q2 ዳሪ ኤሌሊኖ።\x - \xo 3:15-17 \xo*\xt ኢሳ. 59:7-8\xt*\x*
\q1
\v 16 ባይዙነ ኮለይ፥
\q2 ኡንቱንቱ ቤዳሳን ሀቃንነ የና።
\q1
\v 17 ኡንቱንቱ ሳሮተ ኦግያካ ኤርክኖ።
\q1
\v 18 ቃይ ጾሳዉ ያይያባይ፥
\q2 ኡንቱንቱ ቆፋን ባዋ”
\m ያጌ።\x - \xo 3:18 \xo*\xt ማዝ. 36:1\xt*\x*
\p
\v 19 አሳ ኡባ ሃሳያ ድጋና ማላነ ኩመን ሳኣ ጾሳ ፕርዳፐ ጋርሳዉ አና ማላ፥ ህግያ ግዶን ኦደቴዳ ኡባባይ ህግያፐ ጋርሳን ደእያ አሳዉ ሃሳይያዋ ኑን ኤሬቶ። 
\v 20 ጾሳ ስንን ኦንነ ህጊ አዛዝያዋ ኦያዋን ጽለና፤ ህጊ እት አሳይ ናጋራ ኦዳዋ ኤራናዳን ኦ።\x - \xo 3:20 \xo*\xt ማዝ. 143:2፤ ጋላ. 2:16\xt*\x*
\s1 አሳይ ጽልያዌ አማኑዋና
\p
\v 21 ሽን ጾሳይ አሳ ጽልስያ ኦጊ ህጊ ባይናን ሀእ ቆንጬዳ፤ ህጊነ ናባቱ ሄ ጽሎተባ ማርካቴድኖ። 
\v 22 ጾሳይ አሳ የሱስ ክርስቶሳ አማንያዋን ጽልሴ፤ ጾሳይ ሄዋ አ አማንያ ኡባዉ ኦ፤ አይ ሻኮተይነ ባዋ።
\p
\v 23 አያዉ ጎፐ፥ አሳይ ኡባይ ናጋራ ኦዳ፤ ጾሳ ቦንቹካ ኡንቱንቶ ጉጼዳ። 
\v 24 ሽን ኡንቱንቱ ጾሳይ እምያ አ አ ኬካተን፥ ባረንታ ዎዝያ ክርስቶስ የሱሳ ባጋና ጮ ጽሌድኖ። 
\v 25 የሱሳ ሱን አሳይ አ አማኒደ፥ ባረ ናጋራዉ ማሮተ ደማናዉ፥ ጾሳይ አ እሜዳ፤ ጾሳይ ሄዋ ባረ ጽሎተ በሳናዉ ኦዳ፤ እ በን ዎድያን አሳ ናጋራ ዳንዳዪደ፥ ካ ባሽ አጌዳ፤ ሽን 
\v 26 ሀ ዎድያን ባረ ጽሎተ በሳናዉ አሳ ናጋራ አገና፤ ጾሳይ ሄዋ ኦያዋን እ ባረ ሁጰዉ ጽሎ ግድያዋነ የሱሳ አማንያ ኡባ ጽልስያዋ በሴ።
\p
\v 27 ያትና፥ ኑን አያዉ ጬቀታኔ? አይነ ባዋ። አያ ጋሱዋኔ? ኑን ህገዉ ኤኖ ግያዋኔ? ግደና፤ አማኑዋ ህግያናፐ አትን። 
\v 28 አያዉ ጎፐ፥ አሳይ አማኑዋን ጽላናፐ አትን፥ ህጊ አዛዝያዋ ኦያዋና ግደና ያጊደ ቆፔቶ።
\p
\v 29 ዎይ ጾሳይ አይሁዳቱዋ ጻላላዉ ጾሴ? አይሁዳ ግደና አሳዉ ጾሳ ግደኔ? ቱማ፥ አይሁዳ ግደናዋንቶካ እ ቃይ ጾሳ። 
\v 30 እት ጾሳ ጻላላይ ደኤ፤ አይሁዳቱዋ ኡንቱንቱ አማኑዋን እ ጽልሳና፤ ቃይ አይሁዳ ግደናዋንታካ ኡንቱንቱ አማኑዋን ጽልሳና።\x - \xo 3:30 \xo*\xt ዛረ. 6:4፤ ጋላ. 3:20\xt*\x* 
\v 31 ያትና፥ ኑን ህግያ አማኑዋን ጋጻ ሱጋኔ? ግደና፤ ህግያ ምንሶይተፐ አትን።
\c 4
\s1 አብራሃሞ አማኑዋን ጽሌዳ
\p
\v 1 ያትና፥ ኑን ኑዉ አሹዋን ዛረ ግድያ አብራሃሞ አያ ደሜዳ ጋኔ? 
\v 2 አያዉ ጎፐ፥ አብራሃሞ ኦሱዋን ጽሌዳዋ ግዶፐ፥ አዉ ጬቀትያባይ ደኤ፤ ሽን ጾሳ ስንን ጬቀታና ዳንዳየና። 
\v 3 አያዉ ጎፐ፥ ጾሳ ማጻፋይ ዋጊ? “አብራሃሞ ጾሳ አማኔዳ፤ ጾሳይ ሄዋ አዉ ጽሎተን ፓይዴዳ” ያጌ።\x - \xo 4:3 \xo*\xt ዶመ 15:6፤ ጋላ. 3:6\xt*\x*
\p
\v 4 ኦያ ኡራይ አክያ ሚሻ ባረዉ በስና አኬፐ አትን፥ አዉ ጮ እመትያዋዳን ፓይደተና። 
\v 5 ሽን ኦሱዋ ኦናን፥ ናጋራንቻ ጽልስያ ጾሳ አማንያ ኡራ፥ ጾሳይ አ አማኑዋን አ ጽልሴ። 
\v 6 ሀዋዳንካ፥ አይ ኦሱነ ባይናን፥ ጾሳይ ጽሉዋዳን ፓይዴዳ አሳ ናሸችያባ ዳዊተ ሃሳዬዳ ዎደ ጌዳዌ ሀዋ።
\q1
\v 7 “ጾሳይ ኡንቱንቱ ባይዙዋ
\q2 አቶ ጌዳዋንቱነ
\q2 ኡንቱንቱ ናጋራ ካሜዳዋንቱ
\q2 አንጀቴዳዋንታ።\x - \xo 4:7-8 \xo*\xt ማዝ. 32:1-2\xt*\x*
\q1
\v 8 ጎዳይ አ ናጋራ ፓይደና አሳይ
\q2 አንጀቴዳዋ”
\m ያጌ።
\p
\v 9 ያትና፥ ሀ ዳዊተ ሃሳዬዳ አንጁ ቃጻረቴዳ አሳ ጻላላሴየ? ዎይ ቃይ ቃጻረትቤና አሳቱዋሴ? አያዉ ጎፐ ኑን፥ “ጾሳ ማጻፋይ፥ ‘አብራሃሞ ጾሳ አማኔዳ፤ ጾሳይ ሄዋ አዉ ጽሎተን ፓይዴዳ’ ያጌ” ጎይተ። 
\v 10 ያትና፥ ሀዌ አዉደ ሀኔዴ? አብራሃሞ ቃጻረት ስምነየ? ዎይ ቃጻረታናፐ ካሰኔ? ቃጻረታናፐ ካሰናፐ አትን፥ ቃጻረትና ግደና።
\p
\v 11 ጉየፐ እ ቃጻረቴዳ፤ ጾሳይ አ አማኑዋ ድራዉ፥ እ ቃጻረታናፐ ካሰ አ ጽሎ ኦዳዋ ኤርሳናዉ፥ አ ቃጻራይ ማላ ግዴዳ። ሄዌካ ቃይ ቃጻረተናን ጾሳ አማንያ ኡባቱዋ ጾሳይ ጽሎ ኦደ ፓይዳናዳን፥ ኡንቱንቶ አብራሃሞ አዉዋ ግዳናሳ።\x - \xo 4:11 \xo*\xt ዶመ 17:10\xt*\x* 
\v 12 እ ቃጻረቴዳዋንቶካ አዉዋ፤ ግዶፐካ፥ ኡንቱንቱ ቃጻረቴዳ ድራሳ ግደና፤ ሽን ኑ አዉዋ አብራሃሞ ቃጻረታናፐ ካሰ አማንያ አማኑዋ ማላ ካልያዋንቶካ አዉዋ።
\s1 ጾሳይ እማና ጌዳባይ አማኑዋን አከቴ
\p
\v 13 አብራሃሞስነ አ ዘረዉ ጾሳይ፥ “ሀ ሳኣ ታን ህንተንቶ እማና” ያጌዳዌ፥ አብራሃሞ ጾሳ አማኒደ ጽሌዳ ድራሳፐ አትን፥ ህገዉ እ አዛዘቴዳ ድራሳ ግደና።\x - \xo 4:13 \xo*\xt ዶመ 17:4-6፤ 22:17-18፤ ጋላ. 3:29\xt*\x* 
\v 14 አያዉ ጎፐ፥ ህገዉ አዛዘትያዋንቱ ጾሳይ እማና ጌዳዋ ላትያዋንታ ግዶፐ፥ አሳ አማኑ ማደናባ ግዴዳ፤ ጾሳይ ጌዳዌካ መላ ግዴዳ፤ 
\v 15 ህጊ ጾሳ ቦሻ አሄ፤ ሽን ህጊ ባይናሳን ህግያ መንያባይ ባዋ።
\p
\v 16-17 ሄዋ ድራዉ፥ ህግያ ናግያዋንቱ ጻላላዉ ግደናን፥ ቃይ አብራሃሞ አማኔዳዋዳን፥ አማንያ አብራሃመ ዘረ ኡባዉ ጾሳይ እማና ጌዳዌ፥ ዎይታዳን ቱማታናዌ አማኑዋና። አብራሃሞ ኑዉ ኡባዉ አዉዋ። ጾሳ ማጻፋይ፥ “ታን ኔና ጮራ ካዉተቶ አዎ ኦድ” ግያዋዳን፥ ሀይቄዳዋንቶ ደኡዋ እምያ፥ ባረ አዛዙዋን ባይናባ ደእያባዳን ኦደ ጼስያ፥ እ አማኔዳ ጾሳ ስንን አብራሃሞ ኑዉ ኡባዉ አዉዋ።\x - \xo 4:16-17 \xo*\xt ዶመ 17:5\xt*\x*
\p
\v 18 ጾሳ ማጻፋይ አብራሃሞ፥ “ነ ዘረይ ሀዋ ኬና ግዳና” ያጌዳዋዳን፥ ሀዋ ኬና ግዳና ጊደ፥ ናሸቻን ናጋናዉ ዳንዳየና ዎደ፥ አብራሃሞ አማኒደነ ስንፐ ደማና ጊደ፥ ናሸቻን ናጊደ፥ ጮራ ዘረዉ አዉዋ ግዴዳ።\x - \xo 4:18 \xo*\xt ዶመ 15:5\xt*\x* 
\v 19 ሄ ዎደ፥ አብራሃሞ የለቶደፐ ጼቱ ላይ ኩማና ሀንያ ጭማ፤ ሽን ባረ ዳቡራንቻ አሳተነ ሳራ ናኣ የላናዉ ዳንዳየናዋ ቆፔዳ ዎደ፥ እ ባረ አማኑዋን ዳቡርቤና።\x - \xo 4:19 \xo*\xt ዶመ 17:17\xt*\x*
\p
\v 20-21 ጾሳ እ ቦንቺደ፥ አዉ እማና ጌዳ ጾሳይ ቃይ ፖላናዉ ዳንዳይያዋ ሎይ ኤሪደ ባረ አማኑዋን ምኔዳዋፐ አትን፥ አማነናን እጺደ፥ ጾሳይ እማና ጌዳዋ ስቤና። 
\v 22 ሄዋ ድራዉ፥ ጾሳይ ቃይ አ አማኑዋ ጽሎተን ፓይዴዳ።
\p
\v 23 “አዉ ጽሎተን ፓይዴዳ” ግያ ቃላይ አ ጻላላዉ ጻፈትቤና። 
\v 24 ሄ ቃላይ ኑ ጎዳ የሱሳ ሀይቁዋፐ ደንዳ ጾሳ አማንያ ኑዉካ ጽሎተን ፓይደታና ማላ ጻፈቴዳ። 
\v 25 ጾሳይ አ ኑ ናጋራ ድራዉ፥ ሀይቆ አደ እምና፥ እ ኑና ጽልሳናዉ ሀይቁዋፐ ደንዴዳ።\x - \xo 4:25 \xo*\xt ኢሳ. 53:4-5\xt*\x*
\c 5
\s1 አማኑዋን ቤትያ ሳሮተነ ስጋተ
\p
\v 1 ሄዋ ድራዉ፥ ኑን አማኑዋን ጽሌዳዋን፥ ኑ ጎዳ የሱስ ክርስቶሳ ባጋና ኑዉ ጾሳና ሳሮተይ ደኤ፤ 
\v 2 ቃይ እ ኑና ሀእ ኑን ደእያ ጾሳ አ ኬካተ ግዶ አማኑዋን አሄዳ፤ ያትና፥ ኑን ጾሳ ቦንቹዋ ሻካናዉ ኑዉ ደእያ ህዶታን ጬቀቴቶ።
\p
\v 3-4 ሄዋ ጻላላ ግደና፤ ኑን ኑ ዋይያንካ ናሸቴቶ፤ አያዉ ጎፐ፥ ዋይያፐ ዳንዳያይ፥ ቃይ ዳንዳያፐ ፓጭያን ምንያዌ፥ ፓጭያን ምኖታፐ ህዶታይ ይያዋ ኑን ኤሬቶ። 
\v 5 ጾሳይ ኑዉ እሜዳ ጌሻ አያና ባጋና ባረ ሲቁዋ ኑ ዎዛናን ጉሴዳ ድራዉ፥ ሄ ኑን ደማናዉ ናሸቻን ናግ ኡቴዳዌ ኑና ዬላየና።
\p
\v 6 አያዉ ጎፐ፥ ኑን ብሮ ዎልቃይ ባይናዋንታ ግዲደ ደእሽን፥ ጾሳይ ዶሬዳ ዎዲ ጋክና፥ ክርስቶስ ናጋራንቻቱዋ ድራዉ ሀይቄዳ። 
\v 7 ጽሎ ኡራ ድራዉ፥ እት ኡራይ ሀይቃናዌ ዳሮ መቶባ፤ ሽን ሎኦ አሳ ድራዉ ሀይቃናዉ፥ “ኤኖ” ግያ ኡራይ ኦን ኤር ቤተናን አገና። 
\v 8 ሽን ኑን ብሮ ናጋራንቻ ግዲደ ደእሽን፥ ክርስቶስ ኑ ድራዉ ሀይቄዳ፤ ሄዌ ጾሳይ ኑና አይ ኬና ሲቅንቶነ አ ሲቁዋ ኤርሴ። 
\v 9 ስም ኑን ሀእ አ ሱን ጽሌዳዋ ግዶፐ፥ አ ባጋና ጾሳ ሀንቁዋፐ አታና። 
\v 10 አያዉ ጎፐ፥ ኑን ጾሳና ካሰ ሞርከ፤ ሽን አ ናኣ ሀይቁዋን አናና ስገቴዶ። ሄዋፐ አደ፥ ሀእ ኑን ጾሳና ስገቴዳዋፐ ጉይያን፥ እ ፓጻ ግድያ ድራዉ ኑና አሻና። 
\v 11 ሽን ሄዋ ጻላላ ግደና፤ ሀእ ኑና ጾሳና ስገዳ ኑ ጎዳ የሱስ ክርስቶሳ ባጋና ኑና ጾሳባይ ናሸቼ።
\s1 ሀይቁ አዳማን ዪና፥ ደኡ ክርስቶሳን ዬዳ
\p
\v 12 ሄዋ ድራዉ፥ ናጋራይ ሀ ሳኣ እት አሳ ባጋና ገሌዳ፤ ሄ ናጋራይ ባረናና ሀይቁዋ አሄዳ፤ ሄዋ ጋሱዋን፥ አሳይ ኡባይ አዳማ ባጋና ናጋራ ኦዳ ድራዉ፥ ሀይቁ አሳ ዛርያ ኡባ ጋኬዳ።\x - \xo 5:12 \xo*\xt ዶመ 3:6\xt*\x* 
\v 13 ህጊ እመታናፐ ካሰ፥ ሀ አላምያን ናጋራይ ደኤ፤ ሽን ህጊ ባይና ዎደ ናጋራይ ፓይደተና። 
\v 14 ሽን አዳማ ዎድያፐ፥ ሙሴ ዎድያ ጋካናዉ፥ ሀይቁ አሳ ኡባ ሞዴዳ፤ ሀራይ አቶ አዳም ጾሳ ህገዉ አዛዘተናን እጼዳዋዳን፥ ናጋራ ኦቤናዋንታካ ሀይቁ ሞዴዳ።
\p አያዉ ጎፐ፥ አዳም ያናዎ ሌምሱዋ። 
\v 15 ሽን ጾሳ እሞታይ አዳማ ናጋራ ኬና ግደና ድራዉ፥ ኡንቱንቱ እት ማላ ግድክኖ፤ እት ብታንያ ናጋራ ድራዉ፥ ጮራ አሳይ ሀይቄዳዌ ቱማ፤ ሽን ጾሳ አ ኬካተይነ አ እሞታይ እት አሳ አ ኬካተ ባጋና፥ የሱስ ክርስቶሳ አ ኬካተ ባጋና ጮራ አሳዉ ዳሬዳ። 
\v 16 ጾሳ እሞታይ ናጋራ ኦዳ ብታንያ ባጋና ዬዳዋ ማላ ግደና፤ አያዉ ጎፐ፥ አዳም እት ናጋራ ኦዳዋፐ ጉይያን፥ ጾሳይ አ ባይዜዳዋዳን ፕርዴዳ፤ ሽን አሳይ ዳሮ ናጋራ ኦዳዋፐ ጉይያን ጾሳይ፥ “ህንተንቱ ባይዝበይክታ” ጊደ፥ ባረ አ ኬካተ ኡንቱንታ በሴ። 
\v 17 አያዉ ጎፐ፥ እት ብታንያ ናጋራ ጋሱዋን፥ አ ናጋራ ባጋና፥ ሀይቁ ካዉቴዳዌ ቱማ፤ ሽን እት ኡራይ፥ የሱስ ክርስቶስ ኦዳባይ አይ ኬና ዳሬ፤ ጾሳ ዳሮ አ ኬካተነ ጽሎተ እሞታ አክያ ኡባይ ክርስቶሳ ባጋና ጾኒደ ደአና።
\p
\v 18 ስም እት ኡራይ ናጋራ ኦዳ ጋሱዋን አሳ ኡባ ቦላ ባይዜዳዋዳን ፕርዳይ ዬዳ። ሄዋዳንካ እት ኡራይ ጽሎባ ኦዳ ጋሱዋን፥ ጾሳይ አሳ ኡባ፥ “ባይዝበይክታ” ጊደ ኡንቱንቶ ደኡዋ እሜዳ። 
\v 19 አያዉ ጎፐ፥ እት ኡራይ አዛዘተናን እጼዳ ጋሱዋን፥ ዳሮ አሳይ ናጋራንቻ ግዴዳ፥ ሀዋዳንካ ቃይ እቱ ኤኖ ጌዳዋን ጮራ አሳይ ጽላና።
\p
\v 20 ናጋራ ዳርሳናዉ፥ ህጊ ዬዳ፤ ሽን ናጋራይ ዳርያ ዎደ ጾሳ አ ኬካተይ ሎይ ዳሬዳ። 
\v 21 ናጋራይ ሀይቁዋ ዎልቃን ካዉቴዳዋዳን፥ ሀዋዳንካ ቃይ ጾሳ አ ኬካተይ ጽሎተ ዎልቃን ካዉቲደ፥ ኑ ጎዳ የሱስ ክርስቶሳ ባጋና፥ ኑና መና ደኦ ካለ።
\c 6
\s1 ናጋራፐ ሻከቲደ ክርስቶሳን ደኡሳ
\p
\v 1 ያትና፥ ኑን ዋጋኔ? ጾሳ አ ኬካተይ ዳራናዳን፥ ናጋራን ምኒደ ደአኔ? 
\v 2 ግደና፤ ኑን ናጋራ ኦና ማላ ሀይቂድጌዶ። ያትና፥ ኑን ሀዋፐ ስንዉ ዎት አ ግዶን ደአኔ? 
\v 3 ዎይ ኑን ኡባቱ ክርስቶሳ የሱሳና እትፐ ግዳናዉ፥ ጻማቀቴዳ ዎደ፥ አ ሀይቁዋንካ አናና እትፐ ግዳናዉ ጻማቀቴዳዋ ኤርክቴ? 
\v 4 ሄዋ ድራዉ፥ ክርስቶስ ባረ አዉዋ ቦንቾ ዎልቃን ሀይቁዋፐ ደንዶዋዳን፥ ኑንካ ኦራ ደኡዋ ደአናዉ፥ አ ሀይቁዋ አናና ሻካናዉ ጽንቃታን አናና እትፐ ሞገቴዶ።
\p
\v 5 አያዉ ጎፐ፥ ኑን እ ሀይቄዳዋዳን ሀይቂደ፥ አናና እቱዋ ግዶፐ፥ ሀዋዳንካ፥ ሀይቁዋፐ እ ደንዶዋዳን ኑንካ ደንዲደ፥ አናና እቱዋ ግዳና። 
\v 6 ኑን ሀዋፐ ስንዉ ናጋራዉ አይለ ግደና ማላ፥ ቃይ ኑ ናጋራንቻ አሳተ ዎልቃይ ያና ማላ፥ ኑ ኤጫ አሳተ ክርስቶሳና ማስቃልያ ቦላ ምስማርያን ሸት ካቀቴዳዋ ኤሬቶ። 
\v 7 አያዉ ጎፐ፥ እት ኡራይ ሀይቂያ ዎደ ናጋራ ዎልቃይ አ ሞደና፤ ሽን 
\v 8 ኑን ክርስቶሳና ሀይቄዳዋ ግዶፐ፥ አናና ቃይ ደአናዋ አማኔቶ። 
\v 9 አያዉ ጎፐ፥ ክርስቶስ ሀይቁዋፐ ደንዴዳዋ፥ ቃይ ላኤንዋ እ ሀይቀናዋነ ሀይቁ ስንፐ አ ሞደናዋ ኑን ኤሬቶ። 
\v 10 እ እት ካላካ ሀይቄዳ፤ ናጋራዉ አ ቦላ ዎልቃይ ባዋ፤ ሽን እ ሀ ደእያ ደኡዋ ጾሳዉ ደኤ። 
\v 11 ሀዋዳን ቃይ ህንተ ናጋራ ኦናዳን፥ ህንተንታ ሀይቄዳዋዳን ቆፕተ፤ ሽን ጎዳ ክርስቶሳ የሱሳ ባጋና ጾሳዉ ህንተ ፓጻ ደእያዋዳን፥ ህንተንታ ቆፕተ።
\p
\v 12 ሄዋ ድራዉ፥ ህንተ ህንተንቱ አሳተ አሞ አዛዘታና ማላ፥ ናጋራይ ሀይቂያ ህንተ አሳተ ሞዶፖ። 
\v 13 ቃይ ህንተ አሳተፐ እት ሳነ ኢታ ኦሱዋ ኦናዉ ናጋራዉ እሞፕተ፤ ሽን ሀይቁዋፐ ደንዴዳ አሳዳን ህንተንታ ጾሳዉ እምተ፤ ቃይ ህንተ ኩመን አሳተካ ጽሎ ኦሱዋ ኦናዉ ጾሳዉ እምተ፤ 
\v 14 አያዉ ጎፐ፥ ናጋራይ ህንተንታ ሞዳናዉ ዳንዳየና፤ ህንተ ጾሳ አ ኬካተ ጋርሳና ደኢታፐ አትን፥ ህግያፐ ጋርሳና ደእክታ።
\s1 ጽሎተዉ አይለ ግድያዋ
\p
\v 15 ያትና፥ ዋናኔ? ጾሳ አ ኬካተ ጋርሳና ደኢኖፐ አትን፥ ህግያፐ ጋርሳና ደኤና ድራዉ፥ ናጋራ ኦኔ? ግደና፤ 
\v 16 ህንተ ህንተንታ እት ኡራዉ አዛዘታናዉ፥ አይልያዳን ኦደ እምያ ዎደ፥ ሄ ህንተንታ አዛዝያዎ አይለቱዋ ግድያዋ ኤሪታ፤ ዎይ ህንተ ህንተንቶ ሀይቁዋ አህያ ናጋራዉ ኤኖ ጊታ፤ ዎይ ህንተ ህንተንታ ጽሎ ኦያ አዛዞ ኤኖ ጊታ። 
\v 17 ሽን ጾሳዉ ጋላታይ ግዶ፤ አያዉ ጎፐ፥ ናጋራዉ ካሰ ህንተ አይለ፤ ሽን ጉየፐ ህንተ አኬዳ ትምርትያ ግዶን ደእያ ቱማተዉ ህንተ ኩመን ዎዛናፐ አዛዘቴድታ። 
\v 18 ህንተንቱ ናጋራ አይለተፐ ከሲደ፥ ጽሎተዉ አይለ ግዴድታ።
\p
\v 19 ህንተንቱ መታን ዳቡራንቻ ግድያ ድራዉ፥ ታን ኦስካ ገልያ ሃሳያ ሃሳያይ፤ ህንተ ካሰ ህንተ ኩመን አሳተ ናቁዋ ኦናዉ፥ ቱናተዉነ ናቆ አይለ ኦደ እሜድታ፤ ሀእ ሄዋዳንካ ህንተ ኩመን አሳተ ጌሻባ ኦናዉ፥ ጽሎተዉ አይለ ኦደ እምተ።
\p
\v 20 ህንተንቱ ናጋራዉ አይለቲደ ደእያ ዎደ፥ ጽሎተይ ህንተንቶ ጎዳ ግደና። 
\v 21 ህንተንታ ሀእ ዬላይያ የዋቱዋ ሄ ዎደ ኦዳዋፐ አይ ማዱዋ ደሜድቴ? አያዉ ጎፐ፥ ሄ የዋቱዋ ዉርሰይ ሀይቁዋ። 
\v 22 ሽን ናጋራ አይለተፐ ህንተ ከሲደ፥ ጾሳዉ ኤኖ ጌድታ፤ ቃይ ህንተ ኦያ ኡባባን ህንተንታ ኡባካ አዉ አደ እሜድታ። ሄዌ ህንተንቶ ዎረ፤ ሄዋ ዉርሰይ መና ደኡዋ። 
\v 23 አያዉ ጎፐ፥ ናጋራ ጋቲ ሀይቁዋ። ሽን ጾሳይ ኑ ጎዳ ክርስቶሳ የሱሳ ባጋና እምያ እሞታይ መና ደኡዋ።
\c 7
\s1 ሙሴ ህግያ ቃሹዋፐ ብለትያዋ
\p
\v 1 ታናዳን አማንያዋንቶ፥ ህንተንቱ ኡባይ ህግያ ኤርያ ድራዉ፥ ታን ግያዋ ሎይ ኤሪታ፤ ህጊ እት አሳይ ፓጻ ደኤዳ ዎደ ጻላላን አ ሞዴ። 
\v 2 አያዉ ጎፐ፥ አስና ገሌዳ ምሽራታ እዝ አስናይ ፓጻ ደኤዳ ኬናን፥ ህግያን አናና ቃሸታ ኡታዱ፤ ሽን እዝ አስናይ ሀይቆፐ፥ አናና ጫቄዳ ህጊ እዞ ሞደና። 
\v 3 ሄዋ ድራዉ፥ እዛ ባረ አስናይ ፓጻ ደእሽን፥ ሀራ አቱማዋ ገሎፐ፥ አሳይ እዞ፥ “ዎሹመዉኖ” ጋና። ሽን እዝ አስናይ ሀይቆፐ፥ ህጊ እዞ ሞደና፤ እዛ ሀራ አስና ገሎፐነ እዞ ኦንነ፥ “ዎሹመዉኖ” ጌና።
\p
\v 4 ታናዳን አማንያዋንቶ፥ ሄዋዳን ህንተንቱ ቃይ ክርስቶሳ አሳተፐ እት ባጋ ግድያ ድራዉ፥ ህንተንቱ አ ባጋና ሀይቄድታ። ቃይ ኑን ጾሳ ማድያ ኦሱዋ ኦና ማላ፥ ህንተንቱ ጾሳይ ሀይቁዋፐ ደንዳ ክርስቶሳዋንታ። 
\v 5 አያዉ ጎፐ፥ ኑን ኑ አሳተይ ኮዬዳዋዳን ደእያ ዎደ፥ ህጊ ኑን ናጋራ ኦናዳን፥ ኑና ደን፤ ኑ አሳተ ግዶን ኢታ አሙ ደእያ ድራዉ፥ ኑን ሀይቆ አይፍያ አይፌዶ። 
\v 6 ሽን ሀእ ኑን ኑና ቃቼዳዎ ሀይቄዳ ድራዉ፥ ጾሳይ ኑና ህግያ ቃሹዋፐ ብሌዳ። ሄዋ ድራዉ፥ ኑን ጌሻ አያናይ ጊግሴዳ ኦራ ኦግያን ጾሳዉ ኤኖ ጋናዋፐ አትን፥ ጻፈቴዳ ህጊ ኑዉ ጊግሴዳ ኤጫ ኦግያን ኤኖ ጎኮ።
\s1 ህግያነ ናጋራ
\p
\v 7 ያትና፥ ኑን ዋጋኔ? ህጊ ባረ ሁጰዉ ናጋሬ? ሄዋ ግደና፤ ሽን ህጊ ናጋራይ አየንቶ ታና ኤርሴዳ። አያዉ ጎፐ፥ ታን ህጊ፥ “አሳባ አሞቶፓ” ግቤነንቶ፥ አሳባ አሞትያዌ አየንቶ ኤርከ።\x - \xo 7:7 \xo*\xt ከሳ 20:17\xt*\x* 
\v 8 ሽን ናጋራይ ታን ኡባባ አሞታና ማላ፥ አዛዙዋ ባጋና ታ ቦላ ኦግያ ደሜዳ፤ አያዉ ጎፐ፥ ህጊ ባዌንቶ፥ ናጋራዉ ዎልቃይ ባዋ።
\p
\v 9 ካሰ ህጊ ባይና ዎደ ታን ፓጻ፤ ሽን አዛዙ ዬዳ ዎደ ናጋራይ ደኦ ስምና፥ 
\v 10 ታን ቃይ ሀይቃድ፤ ታና ፓጻ ዎናዉ ጾሳይ ቆፔዳ አዛዙ፥ ታዉ ሀይቁዋ አሄዳ። 
\v 11 አያዉ ጎፐ፥ ናጋራይ አዛዙዋ ባጋና ታና ጭምያ ኦግያ ደሚደ፥ ሄ አዛዙዋን ታና ዎዳ።\x - \xo 7:11 \xo*\xt ዶመ 3:13\xt*\x*
\p
\v 12 ሄዋ ድራዉ፥ ህጊ ጌሻ፤ አዛዙካ ጌሻ፥ ጽላነ ሎአ።
\p
\v 13 ያትና፥ ሎኦባይ ታዉ ሀይቁዋ አሄዴ? ሄዋ ግደና፤ ሽን ታዉ ሄዋ ናጋራይ አሄዳ፤ አሳይ ናጋራይ አየንቶ ሻኪደ ኤራና ማላ፥ ናጋራይ ሎኦባ ባጋና፥ ታዉ ሀይቁዋ አሄዳ። ቃይ አዛዙ፥ “ኦንነ ናጋራ ኦናዉ በሰና” ያግያ ድራዉ፥ ናጋራይ ካሰዋፐ አ ኢቴዳ።
\s1 አሳ ደኡዋ ጋርሳን ደእያ ባጽያ
\p
\v 14 ኑን ህጊ ጾሳዋ ግድያዋ ኤሬቶ፤ ሽን ታን ታና ናጋራዉ ዛልኤዳ ሀይቂያ አሳ፤ 
\v 15 ታን ኦያዋ ዎዛና አከ፤ አያዉ ጎፐ፥ ታን እጽያዋ ኦይፐ አትን፥ ታን ኦናዉ ዶስያዋ ኦከ።\x - \xo 7:15 \xo*\xt ጋላ. 5:17\xt*\x* 
\v 16 ታን እጽያዋ ኦያዋ ግዶፐ፥ ህጊ ሎአ ግድያዋ ማርካታይ። 
\v 17 ሄዋ ግዶፐ፥ ሄ የዉዋ ታ ቦላ ደእያ ናጋራይ ኦያዋፐ አትን፥ ሀእ ታን ኦከ።
\p
\v 18 ታናን፥ ሄዌነ ታ አሳተን ሎኦባይ ደኤናዋ ታን ኤራይ፤ አያዉ ጎፐ፥ ሎኦባ ኦያ አሙ ታ ቦላ ደኦፐካ፥ ታን ሄ ሎኦባ ኦናዉ ዳንዳይከ። 
\v 19 ታን እጽያ ኢታባ ኦይፐ አትን፥ ታን ዶስያ ሎኦባ ኦከ። 
\v 20 ሽን ታን እጽያዋ ኦያዋ ግዶፐ፥ ሄዋ ታ ቦላ ደእያ ናጋራይ ኦያዋፐ አትን፥ ሀእ ሄዋ ኦያዌ ታና ግድከ።
\p
\v 21 ስም ታን ሎኦባ ኦናዉ ዶስሽን፥ ኢታባ ኦያዌ ታዉ ህገ ግድያዋ ደማድ። 
\v 22 አያዉ ጎፐ፥ ታን ታ ዎዛና ግዶን ጾሳ ህግያን ናሸታይ፤ 
\v 23 ሽን ታ ቦላ ግዶን ደእያ ታ ዎዛና ቆፋ ህግያና ዋትያ ዱማ ህግያ በአይ። ሄ ህጊ ታ ቦላ ግዶን ደእያ ናጋራ ኦስስያ ህግያን ታና ቃሽሴ። 
\v 24 ታን አይባ ናሸች ባይና አሴ! ታና ሀይቆ አፍያ ሀ አሳተፐ አሻናዌ ኦኔ? 
\v 25 ኑ ጎዳ የሱስ ክርስቶሳ ባጋና ጾሳዉ ጋላታይ ግዶ።
\p ስም ታን ታ ዎዛና ቆፋን ጾሳ ህገዉ ኤኖ ጋይ። ሽን ታ አሳተን ታና ናጋራ ኦስስያ ህገዉ ኤኖ ጋይ።
\c 8
\s1 ጌሻ አያናይ ኮይያዋዳን ደኡሳ
\p
\v 1 ሄዋ ድራዉ፥ ክርስቶሳ የሱሳና ደእያዋንቱ ቦላን ፕርዳይ ሀእ ባዋ፤ 
\v 2 አያዉ ጎፐ፥ ክርስቶሳ የሱሳ ባጋና ኑዉ ደኡዋ እምያ ጌሻ አያና ህጊ ታና\f + \fr 8:2 \fr*\fk ታና፦ \fk*\ft እት እት ጌሻ ቃላ ብለይ፥ ኔና ዎይ ህንተንታ ያጌ፤ ሀራይ ቃይ ኑና ያጌ።\ft*\f* ናጋራ ህግያ አይለተፐነ ሀይቁዋ ህግያ አይለተፐ ከሴዳ። 
\v 3 አሳ አሳተይ ዳቡራንቻ ግድያ ድራዉ፥ ህጊ ኦናዉ ዳንዳይቤናዋ ጾሳይ ኦዳ፤ ናጋራንቻቱዋ አሳተ ማላ አሳተና ደእያ ባረ ናኣ፥ አሳይ ኦዳ ናጋራዉ ያርሹዋ ግዳናዉ ጾሳይ ኪቲደ፥ አሳ አሳተ ግዶን ደእያ ናጋራ ፕርዴዳ። 
\v 4 ጌሻ አያናይ ኮይያዋዳን ደእያዋንቱፐ አትን፥ ኑ አሳተይ ኮይያዋዳን ደአናዋንቱ ቦላ፥ ኑ ቦላ፥ ህግያ ጽሎ አዛዙ ፖለታና ማላ፥ ጾሳይ ሀዋ ኦዳ።
\p
\v 5 ባረንቱ አሳተይ ኮይያዋዳን ደእያዋንቱ ባረንቱ አሳተባ ቆፒኖ፤ ሽን ጌሻ አያናይ ኮይያዋዳን ደእያዋንቱ ጌሻ አያናባ ቆፒኖ። 
\v 6 አሳተባ ቆፉሳይ ሀይቁዋ አሄ፤ ሽን ጌሻ አያናባ ቆፉሳይ ደኡዋነ ሳሮተ አሄ። 
\v 7 አሳተባ ቆፉሳይ ጾሳዉ እጾ፤ አያዉ ጎፐ፥ አሳተይ ጾሳ ህገዉ ኤኖ ጌና፤ ቃይ ኤኖ ጋናዉካ አዉ ዳንዳየተና። 
\v 8 ባረንቱ አሳተዉ ኤኖ ግያዋንቱ ጾሳ ናሸቻናዉ ዳንዳይክኖ።
\p
\v 9 ሽን ጾሳ አያናይ ህንተንቱን ደኦፐ፥ ጌሻ አያናይ ግያዋዳን ደኢታፐ አትን፥ ህንተ አሳተይ ኮይያዋዳን ደእክታ። ሽን ኦንነ ክርስቶሳ አያናይ ባይናዋ ግዶፐ፥ ሄ ኡራይ ክርስቶሳዋ ግደና። 
\v 10 ሽን ክርስቶስ ህንተንቱን ደኦፐ፥ ህንተ አሳተይ ናጋራ ጋሱዋን ሀይቄዳዋ፤ ሽን ህንተ አያናይ ጽሎተ ጋሱዋን ህንተንቱን ፓጻ ደኤ። 
\v 11 ሽን የሱሳ ሀይቁዋፐ ደንዳ ጾሳ አያናይ ህንተ ግዶን ደኦፐ፥ ሀይቁዋፐ ክርስቶሳ ደንዳ ጾሳይ ቃይ ህንተንቱን ደእያ ባረ ጌሻ አያናን፥ ሀይቂያ ህንተ አሳተዉካ ደኡዋ እማና።
\p
\v 12 ስም ታናዳን አማንያዋንቶ፥ ኑን አጩዋና ደኤቶ፤ ኑ አሳተይ ኮይያዋዳን ደአናዉ ኑዉ በሰና። 
\v 13 አያዉ ጎፐ፥ ህንተ ህንተ አሳተይ ግያዋዳን ደኦፐ፥ ህንተ ሀይቃና፤ ሽን ህንተ ህንተ ናጋራ ኦሱዋ ጌሻ አያናን ዎፐ፥ ፓጻ ደአና። 
\v 14 ጾሳ አያናይ ካለያ ኡባቱ ጾሳ ናና። 
\v 15 አያዉ ጎፐ፥ ኑን ኑ ኮሻ ቁ ኦደ፥ “አባ! ታ አቦ” ያጊደ ጼስያ፥ ኑና ጾሳ ናና ከስያ ጌሻ አያና ጾሳፐ አኬዶፐ አትን፥ ላኤንዋ ያያናዉ አይለ ከስያ አያና አክበይኮ። 
\v 16 ጾሳ አያናይ ባረ ሁጰዉ ኑ አያናና ግዲደ፥ ኑን ጾሳ ናና ግድያዋ ማርካቴ። 
\v 17 ኑን አ ናና ግዶፐ፥ እ ባረ አሳዉ ምንጄዳ አንጁዋ ላታና፤ ቃይ ኑን ጾሳይ ክርስቶሳዉ ምንጄዳዋካ አናና ላታና፤ ኑን ክርስቶሳ ዋይያ አናና ሻኮፐ፥ አ ቦንቹዋካ አናና ሻካና።
\s1 ጾሳ ናናዉ ቆንጫናዉ ደእያ ቦንቹዋ
\p
\v 18 አያዉ ጎፐ፥ ኑን ሀእ ዋየትያ ዋይያ ኑዉ ስንፐ ቆንጫና ቦንቹዋና ጋናዉ፥ ኡባካ ዳንዳየተና ጋደ ታን ቆፓይ። 
\v 19 ጾሳይ መዳ መታ ኡባይ ጾሳ ናናይ ቆንጫናዋ ሎይ ላሞት ኡቴዳ። 
\v 20 አያዉ ጎፐ፥ መታ ኡባይ ማዱ ባይናባ ግዳናዳን፥ ጾሳይ አ ቦላ ፕርዴዳ፤ ስንፐ ደማና ጊደ ናሸቻን ናግ ኡታናዳን ኦዳ ጾሳይ ኮዬዳ ድራዉ ሀኔዳፐ አትን፥ መታ ኡባይ ባረ ሁጰዉ ኮዬዳዋን ግደና። 
\v 21 መታ ኡባይ ባረ ሁጰዉ ባሻ አይለተፐ እት ጋላስ ከሳናዋ፤ ቃይ ሄ መታቱ ጾሳ ናናይ አይለተፐ ከሴዳ ቦንቾ ከሳ ሻካና። 
\v 22 አያዉ ጎፐ፥ መታ ኡባይ እትፐ ሀዋ ጋካናዉ፥ ማጫ አሳ የሉ ኦይቂና ኦልያዋዳን፥ ሳኩዋን ኦልያዋ ኑን ኤሬቶ። 
\v 23 ቃይ ሄዋ ጻላላ ግደና፤ ኑን፥ ጌሻ አያና ጾሳ ባይራ እሞታዳን ኦደ አኬዳዋንቱ፥ ኑ ሁጰዉ ጾሳይ ኑና ባረ ናና ኦናዳንነ ኑ ኩመን አሳተ ዎዛናዳን ናጊደ፥ ኑ ግዶን ኦሌቶ። 
\v 24 አያዉ ጎፐ፥ ኑን ጾሳይ እማና ጌዳዋን አቴዶ። ሽን ኑን ጾሳይ እማና ጌዳዋ በኦፐ፥ ያትና፥ ሄዌ ናሸቻን ናግያዋ ግደና፤ አያዉ ጎፐ፥ ባረ በእያዋ ደማና ጊደ፥ ናሸቻን ናግያዌ ኦኔ? 
\v 25 ሽን ኑን በኤናዋ ደማና ጊደ፥ ናሸቻን ናጎፐ፥ ሄዋ ዳንዳዪደ ናጌቶ።
\p
\v 26 ሀዋዳን ቃይ ጌሻ አያናይ ኑ ዳቡራ ማዳናዉ ዬ፤ አያዉ ጎፐ፥ ኑን ጾሳ ዎት ዎሳናዉ በስንቶ ኤሮኮ፤ ሽን ጌሻ አያናይ ባረ ሁጰዉ ቃላን ቆንጭሳናዉ ዳንዳየተና ኦልያን ኑዉ ጋናቴ። 
\v 27 ቃይ አሳ ዎዛና ብድያ ጾሳይ፥ ጌሻ አያናይ እ ኮይያዋዳን፥ ጾሳ ናቶ ጋናትያ ድራዉ፥ ጌሻ አያና ቆፋይ አየንቶ ኤሬ።
\p
\v 28 ጾሳይ ባረና ሲቅያዋንቶ፥ ባረ ቆፋዳን ጼሴዳዋንቶ፥ ኡባ የዉዋ ሎኦተዉ ኦያዋ ኑን ኤሬቶ። 
\v 29 ጾሳይ ባረ ናአይ ጮራ እሻቱዋ ግዶን ባይራ ግዳናዳን፥ እ ካሰ ኤሬዳዋንታ ቃይ ባረ ናኣ ማላታናዳን፥ ካሰቲደ ቆፋ ቃቼዳ። 
\v 30 ጾሳይ ካሰቲደ ቆፔዳዋንታ፥ ኡንቱንታ ቃይ ጼሴዳ፤ ሄ ጼሴዳዋንታካ ጌሼዳ፤ ሄ ጌሼዳዋንታካ ቃይ ቦንቼዳ።
\s1 ጾሳ ሲቁዋ
\p
\v 31 ያትና፥ ኑን ሀዋ ኡባ ዋጋኔ? ጾሳይ ኑ ባጋ ግዶፐ፥ ኑና ኦን ኤቀታናዌ? 
\v 32 እ ሀራይ አቶ ባረ ናኣካ ዋይያፐ ጉየ አሽቤና፤ ሽን አ ኑዉ ኡባዉ አደ እም አጌዳ። እ ባረ ናኣ እሜዳዌ ቃይ ኑዉ ኡባባ ጮ እመኔ?
\p
\v 33 ጾሳይ ዶሬዳዋንታ ኦኔ ሞታናዌ? ጾሳይ ባረ ሁጰዉ ኡንቱንታ ጽልሴዳ። 
\v 34 ያትና፥ ኡንቱንቱ ቦላ ፕርዳናዉ ዳንዳይያዌ ኦኔ? ሄዋ ጎፐ፥ ሀይቁዋፐ ደንዲደ፥ ጾሳፐ ኡሸቻ ባጋና ኡቴዳ፥ ክርስቶስ የሱሳ፤ እ ቃይ ኑዉ ጋናቴ።
\p
\v 35 ስም ኑና ክርስቶሳ ሲቁዋፐ ሻካናዌ ኦኔ? ዋዪ ዎይ መቱ ዎይ የደርሱ ዎይ ኮሻይ ዎይ ካሉ ዎይ ያሻይ ዎይ ኦላይ ኑና ሻካኔ? 
\v 36 ጾሳ ማጻፋይ፥ “ኑን ነ ድራዉ፥ ኡባ ጋላስ ሀይቄቶ፤ ሹካዉ አፍያ ዶርሳዳን ፓይደቴቶ” ያጌ።\x - \xo 8:36 \xo*\xt ማዝ. 44:22\xt*\x* 
\v 37 ሽን ኑን ኑና ሲቄዳ አን ሀ የዉዋ ኡባን ኑና ጾንያዋንቱፐ አቶ።
\p
\v 38-39 አያዉ ጎፐ፥ ሀይቁዋ ግድና፥ ደኡዋ፥ ኪታንቻቱዋ ግድና፥ ሞድያዋንታ፥ ሀእ ደእያዋንታ ግድና፥ ስንፐ ያናዋ፥ ዎልቃማቱዋ ግድና፥ ቦላ ሳሉዋ ግድና፥ ጋርሳ ሳኣ፥ አይ መታ ግድናካ፥ ኑ ጎዳ ክርስቶሳ የሱሳን ደእያ ጾሳ ሲቁዋፐ ኑና ሻካናዉ ዳንዳየናዋ ታን ኤራድ።
\c 9
\s1 ጾሳይ ካሰ ዶሬዳ እስራኤልያ አሳ
\p
\v 1 ታን ቱሙዋ ሃሳያይ፤ ታን ክርስቶሳሳ፤ ቃይ ዎርዶትከ። ጌሻ አያናይ ሞድያ ታ ትላ ዎዛናይ ታን ዎርዶተናዋ ታዉ ማርካቴ። 
\v 2-3 ታዉ አሹዋን ዛረ ግድያ ታናዳን አማንያዋንቶ፥ ታ ዎዛናን ዳሮ ቃረታይነ አገና ቆፋይ ደኤ። አያዉ ጎፐ፥ ታን ታ ሁጰዉ ኡንቱንቱ ድራዉ፥ ጾሳ ሸቃፐ ጋርሳና ደኣርክታሻ! ቃይ ክርስቶሳፐካ ሻከታርክታሻ! 
\v 4 ኡንቱንቱ እስራኤልያ አሳቱዋ፤ ጾሳይ ኡንቱንታ ባረ ናና ኦደ፥ ባረ ቦንቹዋ ኡንቱንቱና ሻኬዳ። ኡንቱንቱና ቃላ ገሊደ፥ ህግያ ኡንቱንቶ እሜዳ። ኡንቱንቱ ጾሳዉ በስያ ኦግያን ጎይኒኖ፤ ቃይ ጾሳይ እማና ጌዳዋካ አኬድኖ።\x - \xo 9:4 \xo*\xt ከሳ 4:22\xt*\x* 
\v 5 ኡንቱንቱ ዘረን ካሰ አዎቱዋ ዛረ፤ ቃይ ክርስቶስካ አሹዋን ኡንቱንቱ ዛረ። እ፥ ኡባፐ ቦላ ግዲደ ሞድያ፥ መናዉ ጋላተቴዳዌ ጾሳ። አመንእ።
\p
\v 6 ሽን ታን፥ “ጾሳይ እማና ጌዳዌ አታና” ያግከ። አያዉ ጎፐ፥ እስራኤልያ አሳ ኡባቱ ጾሳይ ዶሬዳዋንታ ግድክኖ። 
\v 7 ቃይ አብራሃመ ዘረቱ ኡባቱ ጾሳ ናና ግድክኖ። ጾሳይ አብራሃሞ፥ “ነ ዘረይ ይሳቃ ባጋና ጼሰታናዋ” ያጌዳ።\x - \xo 9:7 \xo*\xt ዶመ 21:12\xt*\x* 
\v 8 ሄዋ ጉሳይ ኡንቱንቱ ጾሳይ እማና ጌዳ ኦግያን የለቴዳ ናናይ ዛርያዳን ፓይደታና፤ ሽን አሳ ቆፋዳን የለቴዳዋንቱ ጾሳ ናና ግድክኖ ጉሳ። 
\v 9 አያዉ ጎፐ፥ ጾሳይ እማና ጊደ ሃሳዬዳዌ ሀዋ፤ “ታን ሀ ጌተቴዳዋዳን ሄ ዎደ ያና፤ ሳራካ አቱማ ናኣ የላና” ያጌዳ።\x - \xo 9:9 \xo*\xt ዶመ 18:10\xt*\x*
\p
\v 10 ሄዋ ጻላላካ ግደና፤ እርቢቃ የሌዳ ማንተ ናና አዉ እቱዋ፤ እካ ኑ አዉዋ ይሳቃ። 
\v 11-12 ሽን እት ናኣ ዶሬዳ ጾሳይ ባረ ሁጰዉ ቆፔዳዋ ግዳናዳን፥ ጾሳይ እርቢቅዉ፥ “ባይራይ ቴፋዉ አዛዘታና” ያጌዳ፤ እ ሄዋ ኡንቱንቱ የለታናፐነ ኢታባ ዎይ ሎኦባ አይነ ኦናፐ ካሰና ጌዳ። ሄዋ ድራዉ፥ ጾሳ ዶሩ አ ጼሴዳዋዳንፐ አትን፥ ኡንቱንቱ ኦዳዋና ግደና።\x - \xo 9:11-12 \xo*\xt ዶመ 25:33\xt*\x* 
\v 13 ጾሳ ማጻፋይ፥ “ያቆባ ሲቃድ፤ ሽን ኤሳ እጻድ” ያጌ።
\p
\v 14 ያትና፥ ኑን ዋጋኔ? ጾሳይ ደሽሲደ ፕርዲ? ሄዋ ግደና። 
\v 15 አያዉ ጎፐ፥ ሙሴዉ እ፥
\q1 “ታን ማራናዉ ኮይያዋንታ ማራና፤
\q2 ቃይ ቃረታናዉ ኮይያዋንቶካ ቃረታና”
\m ያጌዳ።\x - \xo 9:15 \xo*\xt ከሳ 33:19\xt*\x* 
\v 16 ስም ጾሳይ አሳ ማርያዌ እ ማራናዉ ኮይያ ድራሳፐ አትን፥ አሳይ ኮይያ ዎይ ኦያ ድራሳ ግደና።
\p
\v 17 አያዉ ጎፐ፥ ጾሳ ማጻፋይ ግብጼ ካትያዉ፥ “ታን ታ ዎልቃ ኔናን በሳናዉነ ታ ሱንይ አላምያ ኡባን ኦደታናዉ፥ ሄዎ ታን ኔና ካዉድ” ያጌ።\x - \xo 9:17 \xo*\xt ከሳ 9:16\xt*\x* 
\v 18 ስም ጾሳይ ማራና ኮይያዋ ማሬ፤ ቃይ ዎዛና ጎርዳና ኮይያዋ ዎዛና ጎርዴ።
\s1 ጾሳ ሀንቁዋነ ማሮታ
\p
\v 19 ስም ህንተ ታና፥ “ሄዌ ቱማ ግዶፐ፥ ጾሳይ አሳ ባይዞ አያዉ ቶሺ? ጾሳይ ጌዳዋ እጻድ ጋናዌ ኦኔ?” ያጋናዉ ዳንዳዪታ።
\p
\v 20 ሽን ታ ላገዉ፥ ጾሳዉ ዛራናዉ ኔን ኦኔ? ኡርቃፐ መቴዳ ሚሻይ ጉየ ዛሪደ ባረና መዳዋ፥ “ታና ሀዋዳን አያዉ መዲ?” ጊደ ኦቻናዉ ዳንዳዪ?\x - \xo 9:20 \xo*\xt ኢሳ. 29:16፤ 45:9\xt*\x* 
\v 21 ዎይ ኡርቃ መያዌ ባረ መያ ኡርቃ ባረ ኮይያዋዳን ኦናዉነ እት ማላ ኡርቃፐ እቱዋ ቦንቾ ሚሻ ኦደ፥ ቃይ እቱዋ ቶሸቴዳ ኦሱዋ ኦያ ሚሻ ኦደ መናዉ አዉ ማት ባዌ?
\p
\v 22 ጾሳይ ኦዳዌ ሀዋና እቱዋ። እ ባረ ሀንቁዋ በሳናዉነ ባረ ዎልቃ ኤርሳናዉ ኮዬዳ፤ እ ባረ ሀንቁዋን ፕርዳናዋንታ፥ ባይዛናዉ ጊግ ኡቴዳዋንታ፥ ዳሮ ገንጩዋን ዳንዳዬዳ። 
\v 23 ቃይ እ ማሬዳዋንቶ፥ ባረ ቦንቹዋ አካናዉ ጊግስ ዎዳዋንቶ እ አይ ኬና ቦንቼትንቶነ በሳናዉ ኮዬዳ። 
\v 24 ኑን እ ጼሴዳዋንታ፤ ሽን አይሁዳ አሳ ጻላላፐ ግደናን፥ አይሁዳ ግደና አሳ ግዶፐካ ጼሴዳ።
\p
\v 25 ሆሰአ ማጻፋን እ ግያዌ ሀዋ፤
\q1 “ታ አሳ ግደናዋንታ፥
\q2 ‘ታ አሳ’ ጋደ ጼሳና።
\q1 ታን ሲቃቤና ዛርያካ፥
\q2 ‘ታ ሲቃቶ’ ጋደ ጼሳና።\x - \xo 9:25 \xo*\xt ሆሰ 2:23\xt*\x*
\q1
\v 26 ‘ህንተንቱ ታ አሳ ግድክታ’ ግያዋ፥
\q2 ኡንቱንቱ ስሴዳ ሄ ሳኣን፥
\q2 ኡንቱንቱ፥ ‘ደኡዋ ጾሳ ናና’ ጌተቲደ ጼሰታናዋንታ”
\m ያጌ።\x - \xo 9:26 \xo*\xt ሆሰ 1:10\xt*\x* 
\v 27 እስያስ እስራኤልያ አሳባ ያጊደ ሃሳዬዳ፤
\q1 “እስራኤልያ አሳይ አባ ማታን
\q2 ደእያ ሻፍያ ኬና ግዶፐካ፥
\q2 ኡንቱንቱፐ አማሬዳዋንቱ ጻላላይ አታና።\x - \xo 9:27-28 \xo*\xt ኢሳ. 10:22-23\xt*\x*
\q1
\v 28 አያዉ ጎፐ፥
\q2 ጎዳይ ሳኣ ቦላን ደእያ አሳ ኡባ ቦላ፥
\q2 ኤለካ ፕርዳና”
\m ያጌዳ። 
\v 29 እስያስ ካሰቲደ፥
\q1 “ኡባፐ ዎልቃማ ጎዳይ፥
\q2 ኑዉ አማሬዳ ዘረ አሸነንቶ፥
\q2 ኑን፥ ሶዶማ ካታማዳንነ፥
\q2 ጋሞራ ካታማዳን ሀኔዶሽን”
\m ያግ ሃሳዬዳ።\x - \xo 9:29 \xo*\xt ኢሳ. 1:9\xt*\x*
\p
\v 30 ያትና፥ ኑን ዋጋኔ? ጽሎተ ኮይቤና አይሁዳ ግደና አሳይ አማኑዋን ጽሌዳ፤ 
\v 31 ሽን እስራኤልያ አሳይ ባረንታ ጽልስያ ህግያ ኮዬዳዋንቱ ሄ ህግያ ደምበይክኖ። 
\v 32-33 አያዉ ደምበይክኖ? ኡንቱንቱ ኦሱዋናፐ አትን፥ አማኑዋን ጽሎተ ኮይቤና ድራሳ። ኡንቱንቱ ጾሳ ማጻፋይ፥
\q1 “አኬክተ፤ ታን ጽዮነን አሳ ቢያ ሹቻ፥
\q2 ኡንቱንቱ ኦግያን ዛላ ዎና።
\q1 ሽን አን አማንያ ኦንነ ዬላተና”
\m ያጊደ ጻፈቶዋዳን ቢያ ሹቻን በቴድኖ።\x - \xo 9:32-33 \xo*\xt ኢሳ. 28:16\xt*\x*
\c 10
\s1 እስራኤልያ አሳይ ጾሳ ኦግያ ካልቤና
\p
\v 1 ታናዳን አማንያዋንቶ፥ ታን እስራኤልያ አሳዉ ታ ኩመን ዎዛናፐ አሞትያዌነ ጾሳ ዎስያዌ ኡንቱንቱ አታናሳ፤ 
\v 2 አያዉ ጎፐ፥ ኡንቱንቱ ጾሳዉ ኦናዉ ሎይ ኮይያዋ ታን ማርካታይ፤ ሽን ኡንቱንቱ ጾሳዉ ኦናዉ ሎይ ኮይያ ኮሻይ ቱሙ ኤራተፐ ግደና። 
\v 3 አያዉ ጎፐ፥ ጾሳይ አሳ ጽልስያ ኦግያ ኡንቱንቱ ኤረናን፥ ባረንቱ ሁጰ ጽሎተ ኤሳናዉ ኮዬድኖ፤ ቃይ ባረንቱ ሁጰዉ ጾሳይ አሳ ጽልስያ ኦገዉ ኤኖ ግበይክኖ። 
\v 4 አያዉ ጎፐ፥ አማኔዳ ኡባይ ጽላናዳን፥ ክርስቶስ ህግያ ቆፋ ፖሌዳ።
\s1 አቶተይ ኡባሳ
\p
\v 5 አሳይ ህገዉ አዛዘቲደ ጽልያባዉ ሙሴ፥ “ህጊ አዛዝያዋ ኦያ ኦንነ ሄ ህግያን ፓጻ ደአና” ያግ ጻፌዳ፤\x - \xo 10:5 \xo*\xt ዎጋ 18:5\xt*\x* 
\v 6 ሽን አማኑዋን ጽልያባዉ ጌተቴዳዌ ሀዋ፤ “ነ ዎዛናን፥ ‘ኦን ሳሉዋ ፑደ ባኔ?’ ጎፓ። ሄዌ ክርስቶሳ ዱገ ዎናሳ፤\x - \xo 10:6 \xo*\xt ዛረ. 30:12-14\xt*\x* 
\v 7 ዎይ ‘ዱገ ሳኣ ጋርሳ ዎናዌ ኦኔ?’ ጎፓ። ሄዌ ክርስቶሳ ሀይቁዋፐ ደንናሳ። 
\v 8 ሽን እ ግያዌ ሀዋ፤ ‘ጾሳ ቃላይ ነ ማታና፤ ነ ዶናንነ ነ ዎዛናን ደኤ’ ጌተቴዳ” ያጌ። ሄዌካ ኑን ህንተንቶ ኦድያ አማኑዋ ቃላ።
\p
\v 9 ኔን፥ “የሱስ ጎዳ” ጋደ ነ ዶናን ማርካቶፐ፥ ቃይ ጾሳይ ሀይቁዋፐ አ ደንዳዋ ነ ዎዛናን አማኖፐ፥ ኔን አታና። 
\v 10 አያዉ ጎፐ፥ አሳይ ባረ ዎዛናን አማኒደ ጽሌ፤ ባረ ዶናንካ ማርካቲደ አቴ። 
\v 11 ጾሳ ማጻፋይ፥ “አን አማንያ ኦንነ ዬላተና” ያጌ።\x - \xo 10:11 \xo*\xt ኢሳ. 28:16\xt*\x* 
\v 12 አይሁዳ አሳነ አይሁዳ ግደና አሳ ግዶን ዱማተይ ባዋ። እት ጾሳይ ኡባ ጎዳ፤ እ ባረና ጼስያ ኡባቶ ዳሮ ኬካ። 
\v 13 አያዉ ጎፐ፥ ጾሳ ማጻፋይ፥ “ጎዳ ሱን ጼስያ ኦንነ አታና” ያጌ።\x - \xo 10:13 \xo*\xt ኢዩ. 2:32\xt*\x*
\p
\v 14 ያትና፥ ኡንቱንቱ አ አማንቤናዋንታ ግዶፐ፥ ዎት አ ጼሳናዉ ዳንዳዪኖ? ቃይ ቃላ ስስቤናዋንቱ ዋን አማናናዉ ዳንዳዪኖ? ቃላ ኦድያዌ ዮፐ፥ ኡንቱንቱ ዋን ስሳናዉ ዳንዳዪኖ? 
\v 15 ቃይ ቃላ ኦድያዋንቱ ኪተተናን አጎፐ፥ ኦሱ ዎት ኦደታናዉ ዳንዳዪ? አያዉ ጎፐ፥ ጾሳ ማጻፋይ፥ “ናሸችያ ምሽራቹዋ ኦድያዋንቱ ዩሳይ ዎት ሎኢ!” ያጌ።\x - \xo 10:15 \xo*\xt ኢሳ. 52:7\xt*\x*
\p
\v 16 ሽን ኡንቱንቱ ኡባይ ዎንጋላዉ አዛዘትበይክኖ፤ አያዉ ጎፐ እስያስ፥ “ታ ጎዳዉ፥ ኑን ማርካቴዳዋ ኦን አማኔዴ?” ያጌዳ።\x - \xo 10:16 \xo*\xt ኢሳ. 53:1\xt*\x* 
\v 17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።
\p
\v 18 ሽን ኡንቱንቱ ቃላ ስስቤናዌ ቱሜ ጋደ ታን ኦቻይ። ቱማ ኡንቱንቱ ስሴድኖ፤ ጾሳ ማጻፋይ፥
\q1 “ኡንቱንቱ ሃሳያ ኮሻይ
\q2 ሳኣ ኡባን ላለቴዳ፤
\q2 ኡንቱንቱ ቃላይካ ሳኣ ጋጻ ጋኬዳ”
\m ያጌዳ።\x - \xo 10:18 \xo*\xt ማዝ. 19:4\xt*\x* 
\v 19 ሽን እስራኤልያ አሳቱ ኤርበይክኖዬ ጋደ ታን ኦቻይ። ሙሴ ካሰ፥
\q1 “ታን ህንተንታ አሳ ግደና አሳቱዋን ሴልሳና፤
\q2 ቃይ ኤያ አሳቱዋን ታን ህንተንታ ሀንቀሳና”
\m ያጌዳ።\x - \xo 10:19 \xo*\xt ዛረ. 32:21\xt*\x* 
\v 20 ቃይ እስያስ ዳሮ ጻሊደ፥
\q1 “ታና ኮይቤናዋንቶ ቤታድ፤
\q2 ታና ኦችቤናዋንቶካ ቆንጫድ”
\m ያጌ።\x - \xo 10:20 \xo*\xt ኢሳ. 65:1\xt*\x* 
\v 21 ሽን እስራኤላቱዋባ እ ሃሳዪደ፥
\q1 “ጋላሳ ኡባ አዛዘተናዋንቶነ
\q2 ታዋ እጽያዋንቶ ታ ኩሽያ ምጫድ”
\m ያጌ።\x - \xo 10:21 \xo*\xt ኢሳ. 65:2\xt*\x*
\c 11
\s1 ጾሳይ እስራኤልያ አሳ ዉርስ ኦልቤና
\p
\v 1 ያትና፥ ጾሳይ ባረ አሳ እጼደ ጋደ ኦቾ? ሄዋ ግደና፤ አያዉ ጎፐ፥ ታን ታ ሁጰዉ እስራኤልያ አሳ፤ አብራሃመ ዛረ፤ ቢንያማ ያራ። 
\v 2 ጾሳይ ኮይሮ ዶሬዳ ባረ አሳቱዋ እጸና፤ ጾሳ ማጻፋይ፥ ኤላሳ ታርክያ ግዶን፥ ኤላስ እስራኤላቱዋ ጾሳ ስንን ዎት ሞትንቶ፥ ህንተ ኤሪታ። 
\v 3 “ጎዳዉ፥ ኡንቱንቱ ሄ ሱንን ናባቱዋ ዎድኖ፤ ነ ያርሽያ ሳካ ኮሌድኖ። ያትና፥ ታን ታ ጻላላይ አታድ። ቃይ ኡንቱንቱ ታናካ ዎናዉ ኮዪኖ” ያጌዳ።\x - \xo 11:3 \xo*\xt 1 ካታ. 19:10፣ 14\xt*\x*
\p
\v 4 ጾሳይ አዉ ዋግ ዛሬዴ? “ታን ኤቃ ባኣላዉ ጉልባትቤና ላፑ ሻአ አሳ ታዉ አሻድ” ያጌዳ።\x - \xo 11:4 \xo*\xt 1 ካታ. 19:18\xt*\x*
\p
\v 5 ሀዋዳንካ ቃይ ሀ ዎድያን፥ ጾሳይ ባረ አ ኬካተን ዶሬዳ አማሬዳ አሳቱ ደኢኖ። 
\v 6 ሽን እ ባረ አ ኬካተን ዶሬዳፐ አትን፥ ኡንቱንቱ ኦሱዋን ኡንቱንታ ዶርቤና፤ ሄዌ ዮፐ፥ አ አ ኬካተይ ቱሙ አ ኬካተ ግደና።
\p
\v 7 ያትና፥ አዬ? እስራኤልያ አሳቱ ባረንቱ ኮይያዋ ደምበይክኖ፤ ሽን ጾሳይ ዶሬዳ አማሬዳዋንቱ ደሜድኖ። የኮንቱ ዎዛናይ ምኔዳ። 
\v 8 ሀዋዳንካ፥ ጾሳ ማጻፋይ፥
\q1 “ጾሳይ ኡንቱንቱ ባረንቱ አይፍያን በኤናዳንነ
\q2 ባረንቱ ሀይን ስሰናዳን፥
\q2 ሀዋ ጋካናዉ ኡንቱንቶ፥
\q2 አዛላ አያና እሜዳ”
\m ያጌዳ።\x - \xo 11:8 \xo*\xt ዛረ. 29:4፤ ኢሳ. 29:10\xt*\x* 
\v 9 ቃይ ዳዊተ ያጌዳ፤
\q1 “ኡንቱንቱ ምያ ጋይታይ ኡንቱንታ ጲርያዳን ኦይቆ፤
\q2 ኡንቱንታ ጉፋን፤ ኡንቱንቶ ኩሽያ ሽር ጭጎ።\x - \xo 11:9 \xo*\xt ማዝ. 69:22-23\xt*\x*
\q1
\v 10 ኡንቱንቱ ጼለናዳን፥ ኡንቱንቱ አይፊ ጎዘቶ፤
\q2 ኡባ ዎደ ባረንቱ መቱዋን ቁኒደ ደኢኖ”
\m ያጌዳ።
\p
\v 11 ያትና፥ አይሁዳቱ በቴዳ ዎደ፥ ደንደናዳን ኩንዴድኖ? ሄዋ ግደና፤ ኡንቱንቱ ናጋራ ኦዳ ድራዉ፥ አቶተይ ኡንቱንቱ አይሁዳ ግደና አሳቱዋ ቃናታናዳን፥ አይሁዳ ግደና አሳዉ ዬዳ። 
\v 12 ሽን አይሁዳቱ ናጋራ ኦዳ ድራዉ፥ አላመዉ ዳሮ አንጁ ዬዳ፤ ቃይ ኡንቱንቱ ኩንደይካ አይሁዳ ግደና አሳዉ ዳሮ አንጁዋ አሄዳ። ያትና፥ አይሁዳቱ ኡባይ ጉጀትያ ዎደ፥ አንጁ ዎይሳ ኬና ዳራንዴሻ!
\s1 አይሁዳ ግደና አሳይ አታና አቶተ
\p
\v 13 ሽን ታን ሀእ ህንተንቶ፥ አይሁዳ ግደና አሳዉ ሃሳያይ፤ ታን አይሁዳ ግደና አሳዉ የሱስ ኪቴዳዋ ግድያ ድራዉ፥ ታ ኦሱዋ ቦንቻና። 
\v 14 ታን ታ ዛረ ግድያ አሳቱዋ ቃናታንቻቱዋ ኦፐ፥ ኦን ኤር ኡንቱንቱፐ አማሬዳዋንታ አሸናን አግከ። 
\v 15 አያዉ ጎፐ፥ ጾሳይ ኡንቱንታ እጼዳ ዎደ፥ ሀ አላሚ ጾሳና ስገቴዳ። ያትና ጾሳይ ኡንቱንታ ሺሽ አክያ ዎደ፥ ሀይቄዳዌ ደኡዋ ደማናፐ አትን፥ አዬ ሀናኔ?
\p
\v 16 ኮይሮ አይፈ ባጋ ሙናቃይ አንጀቴዳዋ ግዶፐ፥ ሙመ ሙናቃይካ ቃይ አንጀቴዳዋ ግዳና፤ እት ም ጻጱ አንጀቴዳዋ ግዶፐ፥ ሀይይ ኡባይካ ቃይ አንጀቴዳዋ ግዳና። 
\v 17 ሽን ዎራን ዶሌዳ ዎጋራ ም ቃንካፐ እቱዋ እቱዋ ካሬዳሳን፥ ኔና ዎራን ዶሌዳ ዎጋራ ም ማላ ሄ ዎጋራና ጋ ቃቼዶ፤ ኔን ቃይ ዛይቲ ከስያ ዎጋራ ም ጻጱዋና እትፐ ደኣ። 
\v 18 ስም ኔን ሄ ካረት ዎዳ ቃንካቱዋ ቦላን ኦቶረታናዉ በሰና፤ ሽን ኔን ኦቶረትያዋ ግዶፐካ፥ ጻጱ ኔና ቶኬፐ አትን፥ ኔን ጻጱዋ ቶከናዋ አኬካ።
\p
\v 19 ሄዋ ድራዉ ኔን፥ “ኤ፤ ሽን ቃንካቱ ታን ኡንቱንቱ ሳኣን ገላናዳን ካረቴድኖ” ያጋና። 
\v 20 ሄዌ ቱማ፤ ኡንቱንቱ አማንቤና ድራዉ፥ ካረቴድኖ፤ ኔን አማኔዳ ድራዉ፥ ሄ ሳኣን ኤቃዳ። ሽን ያያፐ አትን፥ ኦቶሮ ቆፋ ቆፖፓ። 
\v 21 አያዉ ጎፐ፥ ጾሳይ መታ ቃንካ ማላትያዋንቶ፥ አይሁዳቶ ቃረትቤናዋ ግዶፐ፥ ነዉ ቃረትያዋ ማላቲ?
\p
\v 22 ስም ጾሳ ኬካተነ ጻላተ በአ። ኩንዴዳዋንቶ እ ጻላ፤ ሽን ኔን አ ኬካተን ምናደ ደኦፐ፥ እ ነዉ ኬካ፤ ሄዌ ዮፐ፥ ኔንካ ቃይ ቃንጸታና። 
\v 23 አይሁዳቱካ ቃይ አማነናን እጽያዋ አጎፐ፥ ጾሳይ ካሰ ኡንቱንቱ ደእያ ሳን ዛሪደ ዎና፤ አያዉ ጎፐ፥ እ ኡንቱንታ ዛሪደ ዎናዉ ዳንዳዬ። 
\v 24 አያዉ ጎፐ፥ ጾሳይ ህንተንታ ዎራን ደእያ ኮይሮ መታ ዎጋራ ምፐ ቃንጺደ፥ ህንተንቱ መታን ዎራን ዶሎዋንቱዳን ግደናን ጋደን ቶኬዳ ዎጋራ ምና ጋ ኦይዳዋ ግዶፐ፥ ያትና፥ ሄ ካረት ዎዳ ኮይሮ መታ ቃንካቱዋ ዛረደ፥ ኡንቱንታ ኮይሮ መታን ዶሌዳ ባረንቱ ዎጋራ ምና ጋ ቃቻናዉ፥ አ አዬ ጾናናዌ? \fig ዎጋራ ምታ ባረ አይፍያና|alt="Olive tree with its fruits" src="BK00119B.TIF" size="span" ref="11:24"\fig*
\s1 ጾሳ ማሮታይ ኡባሳ
\p
\v 25 ታናዳን አማንያዋንቶ፥ ታን ህንተ ኤራናዳን ኮይያ ቱሙ ጹራ የዉ ደኤ፤ ሄዌ ህንተ ህንተንታ ህንተረካ፥ ኑን አዳ ኤራንቻ ያጊደ ቆፕያዋ ድጌ፤ እስራኤልያ አሳፐ ባጋይ ስሰናን እጼዳ፤ ሽን ሄ ስሰናን እጽያዌ አይሁዳ ግደና አሳ ኩመን ፓይዱ ጾሳኮ ጋካናዉ ጋምአና። 
\v 26 ሀዋዳንካ፥ እስራኤልያ አሳይ ኡባይ አታና፤ ጾሳ ማጻፋይ ሀዋዳን ያጌ፤
\q1 “አሽያዌ ጽዮነ ጌተትያ ካታማፐ ዪደ፥
\q2 ናጋራ ኦሱዋ ኡባ ያቆባ ዛርያፐ ድጋና።\x - \xo 11:26 \xo*\xt ኢሳ. 59:20\xt*\x*
\q1
\v 27 ታን ኡንቱንቱ ናጋራ አቶ ያግያ ዎደ፥
\q2 ኡንቱንቱና ገላና ቃላ ጫቁ ሀዋ”
\m ያጌ።\x - \xo 11:27 \xo*\xt ኤር. 31:33-34\xt*\x*
\p
\v 28 አይሁዳ ግደና አሳቶ፥ አይሁዳቱ ዎንጋላ ምሽራቹዋ ባጋና ህንተ ድራዉ፥ ጾሳና ሞርከ፤ ሽን ጾሳ ዶሩዋ ባጋና አዎቱዋ ድራዉ፥ ኡንቱንቱ እ ሲቅያዋንታ። 
\v 29 አያዉ ጎፐ፥ ጾሳይ ባረ እሜዳዋ ጉየ አከና፤ ቃይ ባረ ጼሴዳዋ እጻድ ጌና። 
\v 30 አይሁዳ ግደናዋንቶ፥ ጾሳዉ ህንተ ካሰና አዛዘትበይክታ፤ ሽን አይሁዳቱ አዛዘተናን እጼዳ ድራዉ፥ ጾሳ ማሮተ ሀእ ህንተ አኬድታ። 
\v 31 ሀዋዳን፥ ህንተ አኬዳ ማሮተ ድራዉ፥ አይሁዳቱ ቃይ ጾሳ ማሮተ ሀእ አካናዳን፥ ጾሳዉ አዛዘተናን እጼድኖ። 
\v 32 አያዉ ጎፐ፥ ጾሳይ አሳ ኡባ ማራና ማላ፥ አሳይ ኡባይ አዉ አዛዘተናን እጽያ ሀኖታን ቃቼዳ።
\p
\v 33 ጾሳ ዱረተይ ዎይሳ ኬና ዳሬ? አ አ ኤራተይነ አ ኤራተይ ዎይሳ ኬና ጪሜ? አ ፕርዳ ኦዳናዌ ኦኔ? እ ባረ ኦያዋ አያዉ ኦንቶ፥ ኦኔ አኬክያዌ?\x - \xo 11:33 \xo*\xt ኢሳ. 55:8\xt*\x* 
\v 34 ሄዋ ጾሳ ማጻፋይ፥ “ጎዳ ዎዛና ኤርያዌ ኦኔ? አ ዞራናዉ ዳንዳይያዌ ኦኔ?\x - \xo 11:34 \xo*\xt ኢሳ. 40:13\xt*\x* 
\v 35 ዎይ ባረ ኩሽያ ዛራና ማላ፥ አዉ እትባ እሜዳዌ ደኢ?” ያጌ።\x - \xo 11:35 \xo*\xt ኢዮባ 41:11\xt*\x*
\p
\v 36 አያዉ ጎፐ፥ ኡባባ እ መዳ፤ ቃይ ኡባባይካ አ ማታንነ አዉነ ደኤ፤ ጾሳዉ መናዉ ቦንቹ ግዶ። አመንእ።\x - \xo 11:36 \xo*\xt 1 ቆሮ. 8:6\xt*\x*
\c 12
\s1 ጾሳዉ ኦናዳን ኑን ዋኒደ ደአናዉ በሲ?
\p
\v 1 ስም ታናዳን አማንያዋንቶ፥ ህንተ ህንተ ኦናተ ጾሳ ናሸችያ ደኦነ ጌሻ ያርሹዋ ኦደ፥ ጾሳዉ ሺሻናዳን፥ ታን ህንተንታ ጾሳ ማሮተን ዎሳይ፤ ጾሳዉ ህንተ ጎይናናዉ በስያ ቱሙ ኦጊ ሄዋ። 
\v 2 ጾሳይ ህንተ ቆፋ ኡባና ዱማዪደ፥ ህንተንታ ላሞፐ አትን፥ ሀ አላምያ አሳ ማላቶፕተ። ሄ ዎደ ህንተ፥ ጾሳ ሸኒ፥ ሎኦባይ፥ አ ናሸችያባይነ ቃይ ፖሎ ግዴዳባይ አየንቶ ኤራንታ።
\p
\v 3 ጾሳይ ታዉ እሜዳ አ ኬካተን ታን ህንተንቶ ኦዳይ። ህንተንቱ ቆፓናዉ በስያዋፐ አደ፥ ኦቶሩዋን ቆፖፕተ፤ ሄዋ አጊደ፥ ዎዛናማ አሳዳን ቆፕተ፤ ጾሳይ ህንተንቶ ሁጲያን ሁጲያን እሜዳ አማኑዋ ኬናን ህንተ ቦላ ፕርድተ። 
\v 4 ኑ እት ቦላ ግዶን፥ ጮራ ቦላ ቆሞቱ ደኢኖ፤ ሄ ቆሞቱዋ ኡባዉካ ዱማ ዱማ ኦሱ ደኤ። 
\v 5 ሀዋዳን፥ ኑን ጮራ አሳ ግዶፐካ፥ ክርስቶሳ ባጋና እት አሳ። ቃይ ኑን እት አሳተ ቆሞቱዋዳን፥ እቱ እቱዋና ኦይቀት ኡቴዶ። 
\v 6 ጾሳይ ኑዉ እሜዳ አ ኬካተን ዱማ ዱማ እሞታይ ደኤ። ኑ እሞታይ ናበተ ግዶፐ፥ ኑዉ ደእያ አማኑዋ ኬና ኦዳናዉ በሴ። 
\v 7 ሀራቱዋ ማዱሳ ግዶፐ፥ ሄ ኦሱዋን ምናናዉ በሴ፤ ታማርሱሳ ግዶፐ፥ ሄ ታማርሱዋን ምናናዉ በሴ። 
\v 8 ሀራ አሳቱዋ ምንሱሳ ግዶፐ፥ ሄ ኦሱዋን ምናናዉ በሴ። ባረ ሁጰዉ ደእያባፐ ሀራቶ እምያ ኦንነ ዎዛናፐ እሞ። ማታይ ደእያ ኡራይ ምንስ ኦናዉ በሴ፤ ሀራቶ ኬክያ ኡራይ ናሸቻን ኬካናዉ በሴ።
\p
\v 9 ህንተንቱ ሲቁ አሳ በሳናዉ ሲቀትያዋ ግዳናዉ በሰና። ኢታባ እጽተ፤ ሎኦባ ምንሲደ ኦይቂተ። 
\v 10 እቱ እቱዋና እሻቱዋዳን ሲቀትተ፤ እቱ እቱዋ ቦንችያዋን ናሸትተ። 
\v 11 ምኒደ ኦተ፤ አዛሎፕተ፤ ህንተ ኩመን ዎዛናፐ ጎዳዉ ኦተ።\f + \fr 12:11 \fr*\fk ኩመን ዎዛናፐ ጎዳዉ ኦተ፦ \fk*\ft ጌሻ አያናን ካለሰቲደ ኪተትያዋንታ ግድተ።\ft*\f* 
\v 12 ጾሳይ ህንተንቶ እማና ጌዳዋን ናሸትተ፤ ዋይያን ገንጭተ። ኡባ ዎደ ጾሳ ዎስተ፤ 
\v 13 ጾሳ አሳቱዋ ኮሽያባን ማድተ፤ እማ ሞክተ።
\p
\v 14 ህንተንታ የደርስያዋንታ አንጅተ፤ ኡንቱንታ አንጅተፐ አትን፥ ሸቆፕተ። 
\v 15 ናሸትያዋንቱና ናሸትተ፤ ዬክያዋንቱናካ ዬክተ። 
\v 16 አሳ ኡባዉ እት ማላ ቆፋ ቆፕተ፤ ኦያባን ኡባን ህንተንታ ቶቺደ ደእተፐ\f + \fr 12:16 \fr*\fk ህንተንታ ቶቺደ ደእተ፦ \fk*\ft አሽከ ግድተ ጉሳ።\ft*\f* አትን፥ ኦቶረቶፕተ፤ ህንተንታ ህንተረካ አ ኤራንቻ ጊደ ቆፖፕተ።\x - \xo 12:16 \xo*\xt ሌም. 3:7\xt*\x*
\p
\v 17 ኦንነ ህንተንቶ ኢታባ ኦፐ፥ ሄ ኡራዉ ኢታባ ኦ ዛሮፕተ፤ አሳ ኡባዉ ሎኦባ ኦናዉ ቆፕተ። 
\v 18 አሳ ኡባና ሳሮተን ደአናዉ፥ ህንተ ባጋና፥ ህንተንቶ ዳንዳየቴዳባ ኡባ ኦተ። 
\v 19 ታናዳን አማንያዋንቶ፥ ህንተ ህንተ ሁጰዉ አሳዉ ሀሉዋ ከሶፕተ። ጾሳይ ሀሉዋ ከሳናዳን፥ አ ቦላ ኦልተ። አያዉ ጎፐ፥ ጾሳ ማጻፋይ፥
\q1 “ጎዳይ፥ ‘ታን ሀሉዋ ከሳና፤
\q2 ታን ኩሽያ ጭጋና’ ጌ”
\m ያጌ።\x - \xo 12:19 \xo*\xt ዛረ. 32:35\xt*\x*
\p
\v 20 ሽን ጾሳ ማጻፋይ፥
\q1 “ነ ሞርኪ ኮሻቶፐ፥ ምዛ።
\q2 ሳመቶፐ፥ ኡሻ።
\q1 አያዉ ጎፐ፥ ኔን ሄዋ ኦያዋን፥
\q2 አ ዳርሳ ዬላያሳ”
\m ያጌ።\x - \xo 12:20 \xo*\xt ሌም. 25:21-22\xt*\x*
\p
\v 21 ኢታባ ሎኦባን ጾናፐ አትን፥ ኢታባይ ኔና ጾኖፖ።
\c 13
\s1 ጋድያ አይስያዋንቶ ኤኖ ጋናዉ በሴ
\p
\v 1 አሳይ ኡባይ ጋድያ አይስያዋንቶ ኤኖ ጋናዉ በሴ፤ አያዉ ጎፐ፥ ጾሳይ ጌናን ደእሽን፥ ጋድያ አይስያዌ ደአናዉ ዳንዳየና። ሀእ ደእያ አይስያዋንቱካ ጾሳይ ዎዳዋንታ። 
\v 2 ሄዋ ድራዉ፥ ሀእ ደእያ አይስያዋንታ እጽያ ኦንነ ጾሳ አዛዙዋ እጼ፤ ባረ ቦላ ፕርዳ አሄ። 
\v 3 አያዉ ጎፐ፥ አይስያዋንቱ ኢታባ ኦያዋንታ ያሻናዋፐ አትን፥ ሎኦባ ኦያዋንታ ያሽክኖ። አይስያዎ ያየናን አጋናዉ ኮያይ? ያቶፐ ሎኦባ ኦ፤ እ ኔና ጋላታና። 
\v 4 አያዉ ጎፐ፥ እ ነዉ ሎኦባ ኦናዉ፥ ጾሳዉ ቆማ። ሽን ኔን ኢታባ ኦፐ፥ ኢታባ ኦዳዋ እ ሴርያ ድራዉ፥ አዉ ያያ፤ እ ጾሳ ቆማ። ቃይ ኢታባ ኦያዋንቱ ቦላ ጾሳ ሀንቁዋ እ አሄ። 
\v 5 ሄዋ ድራዉ፥ ጋድያ አይስያዋንቶ ኤኖ ግያዌ ጾሳ ሙራ ጻላላሳ ግደናን፥ ህንተንቱ ዎዛና ቆፋ ድራዉካ ኤኖ ጋናዉ በሴ።
\p
\v 6 አያዉ ጎፐ፥ ጋድያ አይስያዋንቱ ባረንቱ ኦሱዋ ኦያ ዎደ፥ ጾሳዉ ኦያ ድራዉ፥ ህንተ ቃራጻ ቃንጽያዌ ሄዋሳ። 
\v 7 ኡባ አሳዉካ በስያዋ እምተ። ጊራ ጊራናዉ በስያዎ ጊርተ፤ ቃራጻ ቃንጻናዉ በስያዎ ቃንጽተ፤ ያያናዉ በስያዎ ያይተ፤ ቦንቹ በስያዋ ቦንችተ።
\s1 እቱ እቱዋና ሲቀትተ
\p
\v 8 ህንተንቱ እቱ እቱዋና ሲቀታናፐ አትን፥ ሀራ አጩ ኦ ቦላንነ ደኦፖ። አያዉ ጎፐ፥ ሀራ ሲቅያ ኦንነ ህጊ ግያዋ ፖሌዳ። 
\v 9 “ዎሹሞፓ፤ ዎፓ፤ ዉኦፓ፤ አሳባ አሞቶፓ” ግያ አዛዛቱነ ሀራ አዛዛቱ ኡባቱ፥ “ነ ሾሩዋ ነ ሁጲያዳን ሲቃ” ግያ አዛዙዋን ኩሚኖ።\x - \xo 13:9 \xo*\xt ከሳ 20:13-15፣ 17፤ ዛረ. 5:17-19፣ 21፤ ዎጋ 19:18\xt*\x* 
\v 10 ባረ ሾሩዋ ሲቅያ ኦንነ አዉ ኢታባ ኦና፤ ሄዋ ድራዉ፥ ሾሩዋ ሲቅያዌ ህግያ ኡባዉ ኤኖ ግያዋ።
\p
\v 11 ገምእሹዋፐ ህንተ ቤጎትያ ሳቲ ሀእ ጋኬዳ ድራዉ፥ ሀ ዎድያ አኬክተ። አያዉ ጎፐ፥ ኑን ኮይሮ አማኔዳ ዎድያፐ፥ ኑን አትያ ዎዲ ሀእ ኑኮ ማታቴዳ። 
\v 12 ቃማይ አናዉ ሀኔ፤ ጋላሳይ ማታቴዳ። ስም ኑን ማ ኦሱዋ አጊደ፥ ፖኡዋን ኦለታናዉ፥ ኦላ ሚሻ ማዮይተ፤ 
\v 13 ጋላስ ፖኡዋን ደእያ አሳዳን፥ አነ ማራ ደኦይተ። የንነ ማዋን ግዶፖ፤ ዎሹሙሳንነ ዎሹማናዉ ካጄሉሳና ግዶፖ፤ ፓሉማንነ ቃናትያን ግዶፖ። 
\v 14 ሽን ጎዳ የሱስ ክርስቶሳ፥ ኦላ ሚሻ አ ማይተ፤ ህንተ ናጋራንቻ አሳተይ ባረ ዎዛና አሙዋ ፖላናዳን፥ አዉ ቆፖፕተ።
\c 14
\s1 አሳ ቦላ ፕርደናን አጉሳ
\p
\v 1 አማኑዋን አዛልያ ኡራ ሺሽ አክተ። ሽን እ ባረ ሁጰዉ ቆፕያባን አናና ፓሉመቶፕተ። 
\v 2 እት ኡራ አማኑ እ አያ ሚናነ ድገና። ሽን አማኑዋን አዛልያ ኡራይ ጋደን ሞኬዳባ ጻላላ ሜ። 
\v 3 ኡባባ ምያ ኡራይ ኡባባ ሜና ኡራ ካፖ፤ ኡባባ ሜና ኡራይካ ኡባባ ምያ ኡራ ቦላ ፕርዶፖ። አያዉ ጎፐ፥ ጾሳይ አ ሺሽ አኬዳ። 
\v 4 ሀራ አሳ ቆማ ቦላ ፕርድያዌ ኔን ኦኔ? እ ኩንድና ዎይ ደንድና ባረ ጎዳሳ፤ ሽን ጎዳይ አ ደንናዉ ዳንዳይያ ድራዉ፥ እ ኤቃና።
\p
\v 5 እት ኡራይ፥ “ህቃ ጋላሳይ ሀራ ጋላሳቱዋፐ አ” ያጊደ ቆፕያ ዎደ፥ ሀራይ፥ “ኡባ ጋላሳቱካ እት ማላ” ጊደ ቆፔ። አሳይ ኡባይ ሁጲያን ሁጲያን ሄዋዳን አያዉ ቆፕንቶ አኬኮ። 
\v 6 እት ጋላሳ ሀራ ጋላሳቱዋፐ አደ ቦንችያ ኡራይ ጎዳ ቦንቾ ቦንቼ፤ ቁማ ምያ ኡራይካ ጎዳ ቦንቾ ሜ። አያዉ ጎፐ፥ እ ሄ ቁማ ድራዉ፥ ጾሳ ጋላቴ። ቁማ ሜናዌካ ጎዳ ቦንቾ ሜናን አጌዳ፤ ቃይ ጾሳ ጋላቴ። 
\v 7 አያዉ ጎፐ፥ ኑፐ ኦንነ ባረ ሁጰ ጻላላዉ ደኤና፤ ቃይ ኦንነ ባረ ሁጰ ጻላላዉ ሀይቀና። 
\v 8 ኑን ፓጻ ደኦፐ፥ ጎዳዉ ደኤቶ፤ ቃይ ሀይቆፐካ፥ ጎዳዉ ሀይቄቶ። ስም ኑን ፓጻ ደኦፐ ዎይ ሀይቆፐካ ጎዳሳ።
\p
\v 9 ሄዋ ድራዉ፥ ክርስቶስ ፓጻ ደእያዋንቶነ ሀይቄዳዋንቶ ጎዳ ግዳናዉ ሀይቂደ፥ ሀይቁዋፐ ደንዴዳ። 
\v 10 ያትና፥ ኔን ነ እሻ ቦላ አያዉ ፕርዳይ? ዎይ ኔን ነ እሻ አያዉ ካይ? ኑን ኡባይካ ጾሳ ፕርዳ ኦይድያ ስንን ኤቃና። 
\v 11 አያዉ ጎፐ፥ ጾሳ ማጻፋይ፥
\q1 “ ‘ታን ጎዳይ ታ ደኡዋን ጫቃይ፤
\q2 አሳይ ኡባይ ታ ስንን ጉልባታና።
\q1 ቃይ ታን ጾሳ ግድያዋ፥
\q2 አሳይ ኡባይ ማርካታና’ ያጋይ”
\m ያጌ።\x - \xo 14:11 \xo*\xt ኢሳ. 45:23\xt*\x* 
\v 12 ስም ኑን ሁጲያን ሁጲያን ኑባ ጾሳዉ ኦዳና።
\s1 ናጋራ ኦሶ ጋሱዋ ግዶፓ
\p
\v 13 ሄዋ ድራዉ፥ ኑን እቱ እቱዋ ቦላ ፕርድያዋ ሀዋፐ ስንዉ አነ አጎይተ። ሽን ኡባፐ አደ፥ ህንተ እሻ ቢያባ ዎይ ናጋራን ኦልያባ ኦናዳን ቆፋ ቃችተ። 
\v 14 ታን ጎዳ የሱስ ክርስቶሳና ደእያዋን፥ ባረ ሁጰዉ ቱና ግድያባይ ባይናዋ ኤራይነ አኬካይ። ሽን እት ኡራይ እትባ ቱና ጊደ ቆፖፐ፥ ሄዌ አዉ ቱና ግዴ። 
\v 15 ኔን ምያባ ድራዉ፥ ነ እሻ ቆሆፐ፥ ስም ኔን ሲቁዋን ደአካ። ክርስቶስ አ ድራዉ ሀይቄዳ አሳ ነ ምያ ቁማን ባይዞፓ። 
\v 16 ስም ኔን ሎኦባ ግያዋ አሳይ ካፖ። 
\v 17 አያዉ ጎፐ፥ ጾሳ ካዉተይ ጌሻ አያናይ እምያ ጽሎተ፥ ሳሮተነ ናሸቻ ግድያዋፐ አትን፥ ሙሳነ ኡሻ ግደና። 
\v 18 አያዉ ጎፐ፥ ክርስቶሳዉ ሀዋዳን ኦያ ኡራይ ኦንነ ጾሳ ናሸቼ፤ አሳይካ አ ጋላቴ።
\p
\v 19 ያቶፐ፥ አነ ኑን ሳሮተ አህያባነ ኑና እቱዋ እቱዋና ምንስያባ ኡባ ኮዬቶ። 
\v 20 ጾሳ ኦሱዋ ቁማ ድራዉ ባይዞፓ። ቁማይ ኡባይ ጌሻ፤ ሽን ሀራ ኡራ ናጋራን የግያዋ ሙሳይ ኢታ። 
\v 21 ሄዎ አሹዋ ሜናን ዎይ ኡሻ ኡሸናን አግያዌ ዎይ ነ እሻ ቢያባ አያነ ኦናን አግያዌ ሎአ።
\p
\v 22 ሀ የዉዋን ነ አማኑዋ ኔፐነ ጾሳፐ ግዱዋን ናጋ። እት ኡራይ ሎአ ጊደ እ አማነቴዳዋ ኦያ ዎደ፥ “ታን ሎኡዋ ኦድ” ጊደ ባረ ዎዛናን አማነቶፐ፥ ሄ ኡራይ ቱሙ አንጀቴዳዋ። 
\v 23 ሽን እ ሄ ምያባን ስኦፐ፥ አ ሙሳይ አማኑዋና ግደና ድራዉ፥ ጾሳይ አ ቦላ ፕርዴ፤ ቃይ አማኑ ባይናን ኦዳዌ አያይኔካ ናጋራ።
\c 15
\s1 አሳ ናሸቻናዉ በስያ ኦግያ
\p
\v 1 ኑን አማኑዋን ምኔዳዋንቱ ዳቡራንቻቱዋ ቶኩዋ ቶካናዉ በሴ፤ ኑን ኑ ጻላላ ናሸቻናዉ በሰና። 
\v 2 ኑን ሁጲያን ሁጲያን ኑ እሻ ማዳናዉ፥ አማኑዋን አ ምንሳናዉነ ናሸቻናዉ በሴ። 
\v 3 አያዉ ጎፐ፥ ሀራይ አቶ ክርስቶስካ ባረና ናሸችቤና። ሽን ጾሳ ማጻፋይ፥ “ኔና ቦሬዳዋንቱ ቦሬዳ ቦሪ ታ ቦላ ዎዳ” ጌዳዋዳን ሀኔዳ።\x - \xo 15:3 \xo*\xt ማዝ. 69:9\xt*\x* 
\v 4 ጾሳ ማጻፋይ ኑዉ እምያ ገንጫንነ ምኖታን ኑን ደማና ጊደ ናሸቻን ናግ ኡቴዳዌ ደአና ማላ፥ ጾሳ ማጻፋን ጻፈቴዳ ኡባባይ ኑና ታማርሳናዉ ጻፈቴዳ።
\p
\v 5-6 ህንተንቱ ኡባይ እት ዎዛና ግዲደ፥ እት ቃላን ጾሳ፥ ኑ ጎዳ የሱስ ክርስቶሳ አዉዋ፥ ቦንቻና ማላ፥ ገንጩዋነ ምኖተ እምያ ጾሳይ፥ ህንተንቶ ክርስቶስ የሱስ ኦዳዋዳን፥ እቱ እቱዋና እትፐ ደእያ እት ቆፋ እሞ።
\s1 ጳዉሎሳ ኦሱዋነ አማነና አሳዉ ጋኬዳ ምሽራቹዋ ቃላ
\p
\v 7 ሄዋ ድራዉ፥ ክርስቶስ ህንተንታ ሞኬዳዋዳን፥ ጾሳ ቦንቾ እቱ እቱዋ ሞክተ። 
\v 8-9 አያዉ ጎፐ፥ ጾሳይ አማነቴዳዋ ግድያዋ ኤርሳናዉ፥ ጾሳይ አዋቶ እማና ጌዳዋ ቱማያናዉነ አይሁዳ ግደና አሳይ ጾሳ አ ማሮተ ድራዉ ቦንቻናዉ ክርስቶስ አይሁዳቶ ቆማ ግዴዳዋ ህንተንቶ ኦዳይ። ሄዋ ጾሳ ማጻፋይ፥
\q1 “ሄዋ ድራዉ፥ ታን ኔና፥
\q2 አይሁዳ ግደና አሳ ግዶን ጋላታና፤
\q2 ነ ሱንካ ሳባና”
\m ያጌ።\x - \xo 15:8-9 \xo*\xt 2 ሳሜላ 22:50፤ ማዝ. 18:49\xt*\x*
\q1
\v 10 ቃይካ፥
\q2 “አይሁዳ ግደና አሳቶ፥
\q1 ጾሳ አሳቱዋና ናሸትተ”
\m ያጌ።\x - \xo 15:10 \xo*\xt ዛረ. 32:43\xt*\x*
\q1
\v 11 ቃይካ ጉጂደ፥
\q2 “ህንተንቶ፥ አይሁዳ ግደና አሳቶ ኡባቶ፥
\q1 ጎዳ ጋላትተ፤ አሳዉ ኡባዉ፥ አ ጋላትተ”
\m ያጌ።\x - \xo 15:11 \xo*\xt ማዝ. 117:1\xt*\x*
\q1
\v 12 ቃይካ እስያስ፥
\q2 “እሰይ ዘረይ ዪደ፥
\q1 አይሁዳ ግደና አሳ ሞዳናዉ ደንዳና።
\q2 ቃይ ኡንቱንቱ አ ባጋና ደማና ጊደ፥
\q2 ናሸቻን ናጋና”
\m ያጌ።\x - \xo 15:12 \xo*\xt ኢሳ. 11:10\xt*\x*
\p
\v 13 ህንተንቱ አካና ጊደ ናሸቻን ናግያዌ ጌሻ አያና ዎልቃን ድጫናዳን፥ ህንተንቶ እማና ጌዳ ጾሳይ፥ ህንተ አ አማንያ ድራዉ፥ ህንተንቶ ናሸቻነ ሳሮተ ኩንደ እሞ።
\s1 ጳዉሎስ ጻሊደ ጻፌዳ ጋሱዋ
\p
\v 14 ታናዳን አማንያዋንቶ፥ ህንተንቱን ሎኦተይነ ኤራተይ ኡባይ ኩሜዳዋነ ቃይ እቱ እቱዋ ዞራናዉ ዳንዳይያዋ ታን ታ ሁጰዉ ኤራድ። 
\v 15-16 ሽን ታን ህንተንታ እትባ እትባ ጉጃ ቆፍሳናዉ፥ ሀ ዳብዳቢያ ግዶን አይነ ያየናን ህንተንቶ ጻፋድ። ታን ክርስቶሳ የሱሳ ቆማ ግዳደ፥ አይሁዳ ግደና አሳዉ ኦናዳን፥ ጾሳይ ታዉ አ ኬካተ እሜዳ ድራዉ፥ ታን አይነ ያያበይከ፤ አይሁዳ ግደና አሳይ ጌሻ አያና ባጋና ጾሳዉ ጌሻ ግዲደ፥ አ ናሸችያ ያርሹዋ ግዳናዳን፥ ጾሳ ዎንጋላ ምሽራቹዋ ኦድያዋን ጌሻተን ኦይ።
\p
\v 17 ሄዋ ድራዉ፥ ታን ክርስቶሳ የሱሳን ግዳደ ጾሳዉ ኦያባን ጬቀታናዉ ዳንዳያይ። 
\v 18-19 አይሁዳ ግደና አሳይ ጾሳዉ አዛዘታናዳን፥ ክርስቶስ ታ ባጋና ቃላን፥ ኦሱዋን፥ ማላን፥ ማላታ ዎልቃንነ ጌሻ አያና ዎልቃን ኦዳዋ ጻላላ ታን ኦዳናፐ አትን፥ ሀራባ ኦዳናዉ ጻልከ። ሄዋ ድራዉ፥ የሩሳላመፐ ዶማደ፥ እልዋርቆና ጌተትያ ጋድያ ጋካናዉ ዩያደ፥ ክርስቶሳ ዎንጋላ ምሽራቹዋ ዉርሳ ኦዳድ። 
\v 20 ሀዋዳንካ፥ ታን ሀራ አሳይ ዶሜዳዋ ቦላን ዶመናዳን፥ ክርስቶሳ ሱንይ ጼሰትቤናሳን ዎንጋላ ምሽራቹዋ ኦዳናዉ አሞታድ። 
\v 21 ሽን ጾሳ ማጻፋይ፥
\q1 “አባይ ሀዋ ጋካናዉ ኦደትቤናዋንቱ አ በአናዋንታ፤
\q2 ቃይ አባ ስስቤናዋንቱ አኬካናዋንታ”
\m ያጌ።\x - \xo 15:21 \xo*\xt ኢሳ. 52:15\xt*\x*
\s1 ጳዉሎስ ሮመ ባናዉ ቆፔዳ
\p
\v 22 ሄዋ ድራዉ፥ ታን ጮራ ዎደ ህንተንቱኮ ያናዉ ኮያይ፤ ሽን ያናዉ ዳንዳያበይከ። 
\v 23 ሽን ታን ሀእ ሀ ሄራን ታ ኦሱዋ ዉርሴዳ ድራዉነ ጮራ ላይፐ ዶማደ ህንተንታ ባደ በአናዉ ላሞቴዳ ድራዉ 
\v 24 ሀእካ ህንተንቱኮ ባና ጋደ ቆፓይ፤ ታን እስፔነ ጌተትያ ጋድያ ባደ ህንተንታ በአናዉ ኮያይ፤ ቃይ አማሬዳ ዎድያ ህንተንታ በኣደ ናሸቶዋፐ ጉይያን፥ እስፔነ ቢሽን፥ ህንተ ታና ማዳና ማላ ኮያይ።
\p
\v 25 ሽን ሀእ ታን ጾሳ አሳቱዋ ማዳናዉ፥ የሩሳላመባይ። 
\v 26 አያዉ ጎፐ፥ ማቅዶንያነ አካይያ ጌተትያ ጋድያን ደእያ ዎሳ ጎለ አሳቱ የሩሳላመን ደእያ ህዬሳቶ ሚሻ እማናዉ ኮዬድኖ። 
\v 27 ኡንቱንቱ ባረንቱ ሁጰዉ ሀዋ ኦናዉ ቆፋ ቃቼድኖ። ኡንቱንቱ ሄ ህዬሳቱዋ ማዳናዌ ኡንቱንቶ አጩ ደኤ፤ አያዉ ጎፐ፥ አይሁዳቱ ባረንቱ አያና አንጁዋ አይሁዳ ግደና አሳቱዋና ሻኬዳዋ ግዶፐ፥ አይሁዳ ግደና አሳቱካ ቃይ ባረንቶ ደኤዳባን አይሁዳቱዋ ማዳናዉ በሴ። 
\v 28 ሄዋ ድራዉ፥ ታን ሀ ኦሱዋ ዉርሴዳዋፐ ጉይያንነ ኡንቱንቶ ሺቄዳ ሚሻ ኡባ እሜዳዋፐ ጉይያን፥ እስፔነ ባደ ህንተ ማታና አና። 
\v 29 ታን ህንተንቱኮ ብያ ዎደ፥ ክርስቶሳ አንጁ ታናን ኩምና ባናዋ ኤራይ።
\p
\v 30 ታናዳን አማንያዋንቶ፥ ታዉ ጾሳ ህንተ ዎሲደ፥ ዎሳን ህንተ ታናና ምናናዳን፥ ጎዳ የሱስ ክርስቶሳ ባጋናነ ጌሻ አያናይ እምያ ሲቆተን ታን ህንተንታ ዎሳይ። 
\v 31 ታን ይሁዳን ደእያ አማነናዋንቱፐ አታናዳንነ ቃይ ታን የሩሳላመን ኦያ ኦሱ ያን ደእያ ጾሳ አሳቱዋ ናሸችያዋ ግዳናዳን፥ ጾሳ ዎስተ። 
\v 32 ቃይ ጾሳይ ጎፐ፥ ታን ህንተንቱኮ ናሸቻን ባደ፥ ህንተ ማታን ሸምፓና። 
\v 33 ሳሮተ ጾሳይ ህንተንቱና ኡባና ግዶ። አመንእ።
\c 16
\s1 ሳሮታ
\p
\v 1 ክንክርያ ጌተትያ ካታማን ደእያ አማንያ አሳና ኦያ ኑ ምቻታ ፔባ ሎኦ ማጫ አሳ ግድያዋ ታን ህንተንታ ኤርሳይ። 
\v 2 ህንተንቱ እዞ ጌሻቱ ጎዳ ሱንን ሞክያዋዳን ሞክተ፤ ቃይ እዛ ህንተንቱፐ ኮይያዌ አያ ግዶፐካ፥ እዞ ማድተ፤ አያዉ ጎፐ፥ እዛ ባረ ሁጰዉ ጮራ አሳ ማዳዉ፤ ቃይ ታና ታ ሁጰዉካ ዳርሳ ማዳዉ።
\p
\v 3 ክርስቶሳ የሱሳ ኦሱዋ ታናና እትፐ ኦያ ጵርስቂልዉነ እዝ አስና አቂላስ ታ ሳሮቶዋ ኦድተ። 
\v 4 ኡንቱንቱ ታ ሸምፑዋ ድራዉ፥ ባረንቱ ሸምፑዋ አ እሜድኖ። ኡንቱንታ ታ ጻላላ ግደናን፥ አይሁዳ ግደና አሳ አማንያ አሳይ ኡባይካ ጋላቴ። 
\v 5 ቃይ ኡንቱንቱ ጎልያ አማንያ አሳይ ሺቅያሳ ኦደ ጋከትያ አሳ ኡባ ሳሮ ጊተ። ኢስያ ጋድያን ክርስቶሳ ኮይሮ አማኔዳ ታ ሲቅያ ኤፓነቶሳዉ፥ ታ ሳሮቶዋ ኦድተ። 
\v 6 ህንተንቶ ሎይ ዳቡሬዳ ማይራሞ ሳሮትተ። 
\v 7 ታናና ቃሾ ጎለን ደኤዳ ታ ዳቦ ግዴዳ አይሁዳቱዋ፥ አንድሮንቆሳነ ዩንያሳ ሳሮትተ። የሱስ ኪቴዳዋንቱ ግዶን ኡንቱንቱ ሎይ ኤረቴዳዋንታ። ቃይ ኡንቱንቱ ክርስቶሳ ታፐ ካሰና አማኔድኖ።
\p
\v 8 ጎዳና እትፐተን ደእያ ታ ሲቆ ላግያ አምፕልያቶሳዉ ታ ሳሮቶዋ ኦድተ። 
\v 9 ክርስቶሳ ኦሱዋ ኑናና እትፐ ኦያ ኡርባኖሳነ ታን ሲቅያ እስጻኩሳ ሳሮትተ። 
\v 10 ክርስቶሳና እ ደእያዌ ኤረትና ፓጭያ ጾኔዳ አጰሊሳዉ ታ ሳሮቶዋ ኦድተ፤ አርስጾብሎሳ ሶይ አሳዉካ ታ ሳሮቶዋ ኦድተ። 
\v 11 ታ ዳቦ ግዴዳ አይሁዳዊያ ሄሮድዮናነ ክርስቶሳ አማንያ ናርሲሰሳ ሶይ አሳ ሳሮትተ።
\p
\v 12 ጎዳ ኦሱዋን ዳቡርያ ትሩፋይናነ ትሩፎሶ ጌተትያ ማጫዋንታ ሳሮትተ፤ ቃይ ጎዳዉ ዳሮ ዳቡራደ ኦያ ሲቅያ ፐርሲሶ ሳሮትተ። 
\v 13 ጎዳ ኦሱዋን ሎይ ኤረቴዳ ሩፎሳየዉነ ታና ባረ ናኣዳን ማዴዳ አ ዳይዉ ታ ሳሮቶዋ ኦድተ። 
\v 14 ታ ሳሮቶዋ አስንክሪቶሳዉ፥ ፕሌጎናዉ፥ ሄርሜሳዉ፥ ፓትሮባሳዉነ ኡንቱንቱና ደእያ አማንያ እሻቱዋ ኡባዉ ኦድተ። 
\v 15 ፕሌጎና፥ ዩሎ፥ ኔርያ፥ አ ምቻቶ፥ ኦሉምፖሳነ ኡንቱንቱና ደእያ ጾሳ አሳቱዋ ኡባ ሳሮትተ።
\p
\v 16 ጌሻ አሳዉ በስያ የረታ የረቲደ፥ እቱ እቱዋ ሳሮትተ፤ ክርስቶሳን አማንያዋንቱ ኡባቱ ህንተንታ ሳሮ ያጌድኖ።
\s1 ዉርሰ ዞርያ
\p
\v 17 ታናዳን አማንያዋንቶ፥ አሳ ግዶን ሻኮተ መያዋንታ፥ አሳ አማኖ ቦ ግድያዋንታነ ህንተ ታማሬዳ ትምርትያና ጋከተናዋ ታማርስያዋንታ አኬካናዳን፥ ታን ህንተንታ ዎሳይ። ኡንቱንቱኮ ሺቆፕተ። 
\v 18 አያዉ ጎፐ፥ ሄዋ ማላባ ኦያዋንቱ ባረንቱ ኡሎ ኦኖፐ አትን፥ ኑ ጎዳ የሱስ ክርስቶሳዉ ኦክኖ፤ ባረንቱ ላብያ ሃሳያንነ ቅያን ኢታባ ቆፐና አሳ ዎዛና ባለኖ። 
\v 19 ዎንጋላዉ ህንተ አዛዘቴዳዋ አሳይ ኡባይ ስሴዳ። ሄዋ ድራዉ፥ ታን ህንተባን ናሸታይ፤ ሽን ሎኦተዉ ህንተ አዳ ኤራንቻ ግዳናዳንነ ቃይ ኢታባዉ አሽከ ግዳናዳን ኮያይ። 
\v 20 ሳሮተ ጾሳይ ሴጻና ህንተ ገድያፐ ጋርሳና ሃከና ማታ ዎደ ጋጫና።
\p ኑ ጎዳ የሱስ ክርስቶሳ አ ኬካተይ ህንተንቱና ግዶ።
\p
\v 21 ታናና ኦያ ጽሞቶሰ ህንተንታ ሳሮ ያጌ፤ ቃይ ሀዋዳንካ፥ ታ ዳባቱ ሉቅዮስ፥ ያሶንነ ሶሲጳጽሮስ ህንተንታ ሳሮ ያጊኖ።
\p
\v 22 ታን፥ ጻርጽዮስ፥ ሀ ዳብዳቢያ ጻፌዳዌ፥ ህንተንቶ ጎዳ ሱንን ሳሮታ ኪታይ።
\p
\v 23 አማንያ አሳይ ኡባይ አ ሶይን ሺቅያ ታ ሲራ ጋዮስ ህንተንታ ሳሮ ያጌ፤ ካታማ ሚሻ ኦይቂያ ኤራስጾስነ ኑ እሻይ ቁዋርጾስ ህንተንታ ሳሮ ያጊኖ። 
\v 24 ኑ ጎዳ የሱስ ክርስቶሳ አ ኬካተይ ህንተንቱና ኡባና ግዶ። አመንእ።
\p
\v 25 ኑን ጾሳ ጋላቴቶ። ታን ዎንጋላ ባጋና የሱስ ክርስቶሳባ ኦዴዳዋዳንነ ዳሮ ዎድያፐ ጌሚደ፥ ሀእ ቆንጬዳ ቱማተዳን፥ ህንተ አማኑዋን ህንተንታ ጾሳይ ምንሳናዉ ዳንዳዬ። 
\v 26 ሽን ሀእ ናባቱ ጻፌዳዋ ባጋና ቱማተይ ቆንጭያን ኤረታናዳን ኦዳ፤ ቃይ አሳ ኡባይ ጾሳ አማኒደ አዛዘታናዳን፥ መና ጾሳ አዛዙዋን፥ ሀ አላምያን ደእያ አሳ ዘረ ኡባዉ ቆንጬዳ።
\p
\v 27 አዳ ኤራተይ አ ጻላላዉ ደእያ እት ጾሳዉ የሱስ ክርስቶሳ ባጋና መናዉ ቦንቹ ግዶ። አመንእ።