\id REV - Dawuro Full Bible Ethiopic Version
\ide UTF-8
\h ዮሃንሳ ሳፃ
\toc1 ዮናንሳዉ ዬዳ ሳፃ
\toc2 ዮሃንሳ ሳፃ
\toc3 ሳፃ
\mt2 ዮሃንሳዉ
\mt1 ዬዳ ሳፃ
\imt ገሉዋ
\ip ዮሃንሳዉ ዬዳ ሳጻይ ጻፈቴዳዌ፥ አማንያ አሳቱ የሱስ ክርስቶሳ ባረንቱ ጎዳ ኦደ፥ ጌሻተን ደኤዳ ድራዉ፥ ኡንቱንታ መቱነ ዋዪ ጋኬዳ ዎድያና። ጻፍያ ሁጰ ቆፋይ፥ ናባብያዋንቱ ህዶታይ ኩመን ግዳናዳን፥ ኡንቱንታ መንናሳነ ባረንታ ጋኬዳ የደሳነ መቱዋ ግዶን ባረንቱ አማኑዋን ምናናዳን፥ ኡንቱንታ ምንሳናሳ።
\ip ማጻፋ ግዶን ዳርያ ባጋይ ዳራነ ካል ካሊደ ቆንጬዳ ሳጻቱዋ ኦይቄዳዋ። ሳጻቱ ሄ ላይን ደእያ አማንያ አሳዉ ገልያዋንታ። ሽን ሀራቶ ጹራ ግዲደ ቆንጨና ሃሳያን ሺቄድኖ። ማዝሙርያ አዝማች ዛረትያዋዳን፥ ሀ ማጻፋ ግዶን ደእያ ሁጰ የዋቱዋ ዱማ ዱማ ሳጻቱ ባጋና ዱማ ዱማ ማላንነ ዱማ ዱማ ምስልያ ፓይዳቱዋን ዛር ዛሪደ ሺቄድኖ። ሀ ማጻፋ ጼልያዋን ዱማ ዱማ ቆፋይ ደኦፐነ አዉ ግዶ ቆፋይ ቆንጬ። ሄዌነ፥ “ጾሳይ ጎዳ ግዴዳ ክርስቶሳ ባጋና ላኤና ሀኖታን፥ ባረ ሞርከቱዋ፥ ሴጻናናካ እትፐ፥ እት ገደ ዉርሰ ጾኑዋ ጾናና። ፖሌዳዋፐ ጉይያን ባረዉ አማነቲደ ደኤዳ፥ ባረ ባጋቱዋ ኦራ ሳሉዋነ ኦራ ሳኣ አንጁዋ ላትሳና” ያግያዋ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-8\ior*
\io1 ሳፃ ዶያነ ላፑ ዎሳ ጎለቶ ኪተቴዳ ኪታ \ior 1:9—3:22\ior*
\io1 ማጻፋነ ላፑ ማታፋቱዋ \ior 4:1—8:1\ior*
\io1 ላፑ ማላካታቱዋ \ior 8:2—11:19\ior*
\io1 ዳዊያነ ላኡ መሄቱዋ \ior 12:1—13:18\ior*
\io1 ዱማ ዱማ ሳጻቱዋ \ior 14:1—15:8\ior*
\io1 ጾሳ ሀንቁዋ ላፑ ጹአቱዋ \ior 16:1-21\ior*
\io1 ባብሎነ ባሻ፥ ዱኣ፥ ዎርዶ ናብያነ ሴጻናይ ጾነትያዋ \ior 17:1—20:10\ior*
\io1 ዉርሰ ፕርዳ \ior 20:11-15\ior*
\io1 ኦራ ሳሉዋ፥ ኦራ ሳኣነ ኦራ የሩሳላሞ \ior 21:1—22:5\ior*
\io1 ዉርሰ ቁትያ \ior 22:6-21\ior*
\c 1
\p
\v 1 ኤሌል ሀናናዉ በስያዋ ባረ ኦሳንቻቱዋ በሳና ማላ፥ ጾሳይ የሱስ ክርስቶሳዉ እሜዳ ሳጻይ ሀዋ፤ የሱስ ባረ ኪታንቻ ኪቲደ፥ ሀ ሳፃ ባረ ኦሳንቻ ዮሃንሳ ኤርሴዳ። 
\v 2 ዮሃንስ በኢደ ቱማተን ኦዴዳ ኡባባይ፥ ጾሳ ቃላነ የሱስ ክርስቶሳ ማርካተ። 
\v 3 ሀ ማጻፋ ናባብያ ኡራይ\f + \fr 1:3 \fr*\fk ናባብያ ኡራይ፦ \fk*\ft ሀዋ ጉሳይ ኡባ አሳይ እትፐ ጾሳ ጎሸትያ ዎደን ሄዋንቶ ቃላ ናባብያ ኡራይ አንጀቴዳዋ ጉሳ።\ft*\f* አንጀቴዳዋ፤ ቃይ ሀ ትምቢትያ ማጻፋ ስስያዋንቱነ ሀ ማጻፋን ጻፈቴዳዋ ናግያዋንቱ አንጀቴዳዋንታ፤ አያዉ ጎፐ፥ ሀ የዉ ፖለታናዉ ዎዲ ማታቴዳ።
\s1 ኢስያን ደእያ ላፑ ዎሳ ጎለቶ ኪተቴዳ ሳሮታ
\q1
\v 4 ታን ዮሃንስ፥ ኢስያ ጋድያን\f + \fr 1:4 \fr*\fk ኢስያ ጋድያ፦ \fk*\ft 1:4—3:22 ደእያዌ ዳብዳቢያ ግዲደ ጻፈቴዳ። ኢስያ ጋዲ አዋይፊ ዶልያ ባጋና ደእያ ሮመ ካዉተ ግዲደ ሀእ ሀ ዎድያን ቱርከ ጋድያ ጊደ ጼሰትያዋ።\ft*\f* ደእያ ላፑ ዎሳ ጎለቶ ያጋይ፤
\q2 ካሰ ደእያ ጾሳፐ፥
\q2 ሀእካ ደእያ ጾሳፐ፥
\q2 ስንፐካ ያና ጾሳፐ፥
\q2 ቃይ አ ካዉተ ኦይድያ ስንን ደእያ ላፑ አያናቱዋፐ፥
\q2 አ ኬካተይነ ሳሮተይ፥
\q2 ህንተንቶ ግዶ።\x - \xo 1:4 \xo*\xt ከሳ 3:14፤ ሳፃ 4:5\xt*\x*
\q1
\v 5 ቃይ አማነቴዳ ማርካ፥
\q2 ሀይቁዋፐ ኮይሮ ደንዴዳ ናኣፐ፥
\q2 ሳኣ ካታቱዋ ሞድያ የሱስ ክርስቶሳፐ፥
\q2 አ ኬካተይነ ሳሮተይ፥
\q2 ህንተንቶ ግዶ።
\q1 እ ኑና ሲቄነ፥
\q2 ቃይ ኑ ናጋራ አይለተፐካ፥
\q2 ባረ ሱን ኑና ከሴዳ።\x - \xo 1:5 \xo*\xt ኢሳ. 55:4፤ ማዝ. 89:27\xt*\x*
\q1
\v 6 ኑና ባረ ጾሳዉነ አዎ ኦና ማላ፥
\q2 እ ኑና ካታቱዋነ፥
\q2 ቄሳቱዋ ኦዳ፤
\q2 አዉ መናፐ መና ጋካናዉ፥ ቦንቹነ
\q2 ሞድያ ዎልቃይ ግዶ። አመንእ።\x - \xo 1:6 \xo*\xt ከሳ 19:6፤ ሳፃ 5:10\xt*\x*
\q1
\v 7 በእተ፥
\q2 የሱስ ሻርያን ዬ።
\q1 አሳይ ኡባይ፥ ሀራይ አቶ፥
\q2 አ ጫዴዳዋንቱካ፥ አ በአና፤
\q2 ሳኣን ደእያ አሳይ ኡባይ፥
\q2 አ ጋሱዋን ዬካናዋንታ።
\q1 ሀዌ ቱሙፐ ሀናናዋ። አመንእ።\x - \xo 1:7 \xo*\xt ዳኔላ 7:13፤ ማቶሳ 24:30፤ ማር. 13:26፤ ሉቃሳ 21:27፤ 1 ተስ. 4:17፤ ዛካ. 12:10፤ ዮሃ. 19:34፣ 37\xt*\x*
\p
\v 8 ካሰ ደእያዌ፥ ሀእካ ደእያዌ፥ ስንፐካ ያና ጎዳይ፥ ኡባፐ ዎልቃማ ጾሳይ፥ “ኡባባዉ አልፋይነ ኦሜጋይ፥ ኮይሩነ ዉርሰይ ታና”\f + \fr 1:8 \fr*\fq አልፋይነ ኦሜጋይ፦ \fq*\ft ሀዋ ጉሳይ ኦራ ጫቁ ኮይሮ ግሪከ ቃላን ጻፈቴዳ ድራዉ፥ ኮይሩነ ዉርሰይ ጋናዉ ኮዪደ፥ አልፋ ግያ ግሪከ ኮይሮ ፕዶልያ አኪደ ዉርሰዉ ቃይ ኦሜጋ ግያ ዉርሰን ደእያ ፕዶልያ አኬድኖ። ሀዋንታ ጉሳይ ሌምሱዋን ዳዉሮዋ ፕዶላቱዋ አክንቶ [አ - ዝ] ያግያዋ ማላ ጉሳ።\ft*\f* ያጌ።\x - \xo 1:8 \xo*\xt ሳፃ 22:13፤ ከሳ 3:14\xt*\x*
\s1 ክርስቶስ ሳጻን ቆንጬዳዋ
\p
\v 9 ታን ዮሃንስ፥ ህንተንቱ እሻይ፥ ህንተናና የሱስ ክርስቶሳ ዋይያነ አ ካዉተ ቃይ አ ዳንዳያ እትፐ ሻከትያዌ፥ ጾሳ ቃላ ኦዴዳ ድራዉነ የሱሳዋ ማርካቴዳ ድራዉ፥ ፒጽሞ ግያ ሃይ ዶዶ ቢታን ደኣድ። 
\v 10 ጎዳ ጋላሳን ታን አያናን ደአይ፤ ታን ታፐ ጉየና ማላካታ ዋሱዋ ማላ ዎልቃማ ኮሻ ስሳድ። 
\v 11 ሄ ኮሻይ ታና፥ “ኔን በእያዋ ማጻፋን ጻፋ፤ ኢስያን ደእያ ላፑ ዎሳ ጎለቶ፥ ኤፈሶና፥ ሳምርኔሳ፥ ጰርጋሞና፥ ትያጽሮና፥ ሳርዴሳ፥ ፕላደልፍያ፥ ሎዶቅያ ዎሳ ጎለቶ ዬዳ” ያጌዳ።
\p
\v 12 ታን ታዉ ኦድያ ኮሻ በአናዉ ጉየ ስማድ፤ ጾምፕያ ዎያ ላፑ ዎርቃ ባላቱዋ በኣድ። 
\v 13 ሄ ባላቱዋ ግዶን አሳ ናኣ ማላትያዋ በኣድ፤ አዱሳ አፍላ ባረ ገድያ ጋ ማዪደ፥ ዎርቃ ዳንጩዋ ባረ ትራን ዩሽ አዳ።\x - \xo 1:13 \xo*\xt ዳኔላ 7:13፤ 10:5\xt*\x* 
\v 14 አ ሁጲነ አ ሁጲያ ብናናይ ቦ ዶርሳ እስክያነ ሄዋፐካ አደ ሻቻ ማላቴ፤ አ አይፊካ ታማ ላጩዋ ማላቴ።\x - \xo 1:14-15 \xo*\xt ዳኔላ 7:9፤ 10:6\xt*\x* 
\v 15 አ ገዲካ ጮጭያ ታማን ቴሪደ ጶልያ ናሃስያ ግያ ብራታ ማላቴ፤ አ ኮሻይካ ዎልቃማ ሻፋ ጉን ማላ።\x - \xo 1:15 \xo*\xt ህዝ. 1:24፤ 43:2\xt*\x* 
\v 16 እ ባረ ኡሸቻ ኩሽያን ላፑ ጾልንታቱዋ ኦይቄዳ። አ ዶናፐ ላኡ ባጋና ቃረቴዳ ማሻይ ከሴዳ። አ ዴሙካ ሎይ ፖእያ አዋይፍያ ማላቴ።
\p
\v 17 ታን አ በኤዳ ዎደ ሀይቄዳዋዳን ሀናደ፥ አ ገድያ ማታን ኩንዳድ። ባረ ኡሸቻ ኩሽያ ታ ቦላ ዎደ፥ ታና ሀዋዳን ያጌዳ፤ “ያዮፓ፤ ኮይሩካ ዉርሰይካ ታና።\x - \xo 1:17 \xo*\xt ኢሳ. 44:6፤ 48:12፤ ሳፃ 2:8፤ 22:13\xt*\x* 
\v 18 ታን ደኡዋን ደእያዋ። ታን ሀይቃድ፤ ሽን በአ፥ መ መናዉካ ደኡዋን ደአይ። ሀይቁዋ ቁልፒነ ስኦልያ ቁልፒ ታ ኩሽያን ደኤ። 
\v 19 ስም ኔን በኤዳባነ ሀእ ደእያዋ፥ ቃይ ስንፐ ሀናናባ ጻፋ። 
\v 20 ኔን ታ ኡሸቻ ኩሽያን በኤዳ ላፑ ጾልንታቱዋ ብለይነ ቃይ ጾምፓቱዋ ዎያ ላፑ ዎርቃ ባላቱዋ ብለይ ሀዋ፤ ላፑ ጾልንታቱ ላፑ ዎሳ ጎለቱዋ ኪታንቻቱዋ፤\f + \fr 1:20 \fr*\fk ኪታንቻቱዋ፦ \fk*\ft ሀዋንታ ጉሳይ አማንያዋንታ ካለያ ጭማቱዋ ዎይ አማንያዋንቶ ኪተቴዳዋንታ።\ft*\f* ዎሳ ጎልያ ላፑ ዎርቃ ባላቱ ላፑ ዎሳ ጎልያ።”
\c 2
\s1 (1) የሱስ ኤፈሶነን ደእያ ዎሳ ጎለዉ ጎዋ
\p
\v 1 ኤፈሶነን ደእያ ዎሳ ጎለ ኪታንቻዉ ሀዋዳን ያጋደ ጻፋ:
\b
\p “ባረ ኡሸቻ ኩሽያን ላፑ ጾልንትያ ኦይቄዳዌ፥ ጾምፓቱዋ ዎያ ላፑ ዎርቃ ባላቱዋ ግዱዋና ሀመትያዌ ሀዋዳን ያጌ። 
\v 2 ታን ነ ኪታ፥ ነ ዳቡራነ ነ ገንጩዋ ኤራይ። ቃይ ኔን ኢታ አሳቱዋ ገንጫናዉ ዳንዳያቤናዋካ ታን ኤራይ፤ የሱስ ኪቴዳዋንታ ግደናን ደኢደ ባረንታ፥ ‘ኑን የሱስ ኪቴዳዋንታ’ ግያዋንታ ኔን ጾሞሳደ፥ ኡንቱንቱ ዎርዶ ግድያዋ ደሜዳዋካ ኤራይ። 
\v 3 ኔን ገንጫዳ፤ ቃይ ታ ሱን ድራዉካ መቱዋ ዳንዳያዳ፤ ዳቡራበይካ። 
\v 4 ሽን ታን ኔና ካያባይ ደኤ፤ አያዉ ጎፐ፥ ኔን ካሰ ነ ሲቁዋ አጋዳ። 
\v 5 ስም ኔን ሀቃፐ ኩንዳድንቶ አኬካ። ነ ናጋራፐ ስማ፤ ኔን ካሰ ኦያ ኦሱዋ ኦ። ሄዌ ዮፐ፥ ታን ኔኮ ያና፤ ያደ ኔን ነ ናጋራፐ ስማና ዮፐ፥ ኔን ጾምፕያ ዎያ ነ ባላ አ ሳኣፐ አካ ድጋና። 
\v 6 ሽን እትባ ሎይዳ፤ ኒቆላዋቱዋ ኦሱዋ፥ ታን እጽያዋ ኔንካ እጻዳ።
\p
\v 7 “ስሳናዉ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ፤ ታን ጾንያ ኡራዉ ጾሳ ገነትያን ሞክያ ደኡዋ ም አይፍያ ማናዉ እማና ያጌ”
\m ያጋደ ጻፋ።\x - \xo 2:7 \xo*\xt ዶመ 2:9፤ ሳፃ 22:2፤ ህዝ. 28:13፤ 31:8\xt*\x*
\s1 (2) የሱስ ሳምርኔሳን ደእያ ዎሳ ጎለዉ ጎዋ
\p
\v 8 ሳምርኔሳን ደእያ ዎሳ ጎለ ኪታንቻዉ ሀዋዳን ያጋደ ጻፋ:
\b
\p “ሀይቄዳዌ፥ ሀይቁዋፐካ ደንዴዳዌ፥ ኮይሩነ ዉርሰይ ሀዋዳን ያጌ።\x - \xo 2:8 \xo*\xt ኢሳ. 44:6፤ 48:12፤ ሳፃ 1:17፤ 22:13\xt*\x* 
\v 9 ታን ነ ዋይያነ ነ ህዬሳተ ኤራይ፤ ሽን ኔን ዱረ። አይሁዳ ግደናን ደኢደ ባረንታ፥ ኑን አይሁዳ ግያዋንቱ ቦርያዋ ታን ኤራይ፤ ሽን ኡንቱንቱ ሴጻና ማባራን ደኢኖ። 
\v 10 ኔን ዋየታና ዋየዉ ያዮፓ። በአ፥ ጻላህያ ካፑ ህንተፐ አማሬዳዋንታ ጾሞሳናዉ ቃሾ ጎለን የጋና፤ ታሙ ጋላሳ ጋካናዉ ህንተንቱ ዋየታና። ሀይቃና ጋካናስካ አማነቴዳዋ ግዳ፤ ታን ነዉ ደኡዋ ካላቻ\f + \fr 2:10 \fr*\fk ደኡዋ ካላቻ፦ \fk*\ft ቦንቼቴዳ ደኡዋ።\ft*\f* እማና።
\p
\v 11 “ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ!
\p “ጾንያ ኡራይ ላኤንዋ ሀይቁዋን\f + \fr 2:11 \fr*\fk ላኤንዋ ሀይቁዋ፦ \fk*\ft ኮይሮ ሀይቁ አሹ ሸምፑዋፐ ሻከትያዋ ግዶደ፥ ላኤን ሀይቁ ሸምፑ መናዉ መቶቲደ ደእያ ሀይቁዋ።\ft*\f* ቆሄተና ያጌ”
\m ያጋደ ጻፋ።
\s1 (3) የሱስ ጰርጋሞናን ደእያ ዎሳ ጎለዉ ጎዋ
\p
\v 12 ጰርጋሞናን ደእያ ዎሳ ጎለ ኪታንቻዉ ሀዋዳን ያጋደ ጻፋ:
\b
\p “ላኡ ባጋና ሌፈቴዳ ማሻይ ደእያዌ ሀዋዳን ያጌ። 
\v 13 ‘ታን ኔን ደእያ ሳኣ ኤራይ። ኔን ሴጻና ካዉተ ኦይዲ ደእያ ሳኣን\f + \fr 2:13 \fr*\fq ሴጻና ካዉተ ኦይዲ፦ \fq*\ft ሀዋ ብለይ ሎይደ ቆንጨ ግደና፥ ሽን ሀዌ በስያዌ ጾሳ ኤረናን እጼዳዋንቱ ጎይንያ ጎይና ሳኣ ጋና ዳንዳየቴ።\ft*\f* ደኣሳ፤ ታ ሱን ምንሳ ናጋሳ። ሀራይ አቶ፥ ሴጻናይ ደእያ ሳኣን ህንተንቱ ማታን አሳይ ዎዳ ታን አማንያ ማርካይ አንትጳስ ደእያ ዎደካ ታና አማንያዋ አጋ በይካ። 
\v 14 ሽን ታን ኔና ቦርያ ጉባይ ደኤ፤ እስራኤልያ አሳይ ኤቃዉ ያርሼዳ ቁማ ማናዳንነ ዎሹማናዳን ኡንቱንታ ናጋራ ኦስሴዳ ባላቃ ታማርሴዳ ባላማ ትምርትያ ታማርያ አማሬዳ አሳቱ ኔናና ደኢኖ።\x - \xo 2:14 \xo*\xt ፓይ. 25:5፣ 7፤ 31:16፤ ዛረ. 23:4፤ ፓይ. 25:1-3\xt*\x* 
\v 15 ሄዋዳንካ፥ ቃይ ኒቆላዋቱዋ ትምርትያ ታማርያ አሳቱ ኔናና ደኢኖ። 
\v 16 ሄዋ ድራዉ፥ ኔን ነ ናጋራፐ ስማ፤ ሄዌ ዮፐ፥ ታን ኔኮ ኤለካ ያና፤ ሄ አሳቱዋና ታ ዶናፐ ከስያ ማሻን ኦለታና።
\p
\v 17 “ ‘ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ። ጾንያ ኡራዉ ታን ጌማን ደእያ ማናፐ አማሬዳዋ እማና። ቃይ ታን ቦ ሹቻካ አዉ እማና፤ አክያ ኡራፐ አትን፥ ኦንነ ኤረና ኦራ ሱንይ ሄ ሹቻ ቦላ ጻፈት ኡቴዳ’ ያጌ”
\m ያጋደ ጻፋ።\x - \xo 2:17 \xo*\xt ከሳ 16:14-15፤ 16:33-34፤ ዮሃ. 6:48-50፤ ኢሳ. 62:2፤ 65:15\xt*\x*
\s1 (4) የሱስ ትያጽሮነን ደእያ ዎሳ ጎለዉ ጎዋ
\p
\v 18 ትያጽሮነን ደእያ ዎሳ ጎልያ ኪታንቻዉ ሀዋዳን ያጋደ ጻፋ:
\p “ጾሳ ናአይ፥ ታማ ላጩዋ ማላትያ አይፊ ደእያዌ፥ ቃይ ጮጭያ ታማን ቴሪደ ጶልያ ናሃስያ ጌተትያ ብራታ ማላትያ ገዲ ደእያዌ፥ ሀዋዳን ያጌ። 
\v 19 ታን ነ ኦሱዋ፥ ነ ሲቁዋ፥ ነ አማኑዋ፥ ነ ማዱዋነ ነ ገንጩዋ ኤራይ፤ ኔን ኮይሮ ኦያዋፐ ሀእ ዳርሳደ ኦያዋ ታን ኤራይ። 
\v 20 ሽን ታን ኔና ካያባይ ደኤ፤ ባረና፥ ታን ናባቶ ያግያ ምሽራቶ ኤልዛቤሎ ሸነኮ ጋዳ፤ ሄ ምሽራታ ታ ኦሳንቻቱ ዎሹማናዳንነ ኤቃዉ ያርሼዳ ቁማ ማናዳን፥ ታማርሳዉነ ባለዉ።\x - \xo 2:20 \xo*\xt 1 ካታ. 16:31፤ 2 ካታ. 9:22፣ 30\xt*\x* 
\v 21 እዛ ባረ ናጋራፐ ስማና ማላ፥ ታን እዝዉ ዎድያ እማድ፤ ሽን ዎሹማናዉ ካጄልያዋፐ እዛ ስማናዉ ኮያበይኩ። 
\v 22 በእተ፥ ታን እዞ ግሱዋን ኩንድስና፤ ሳኩዋን እዛ ዋየታና። እዝና ዎሹምያዋንቱ ሄ እዝና ኦያ ናጋራፐ ስማና ዮፐ፥ ኡንቱንታካ ዎልቃማ ዋይያን የጋና። 
\v 23 ታን እዝ ናናካ ዎና፤ ቃይ ዎሳ ጎልያ ኡባይካ ታን አሳ ቆፋነ አሙዋ ኤርያዋ ግድያዋ ኤራና፤ ታን ህንተንቶ ህንተንቱ ኪታ ማላ እማና።\x - \xo 2:23 \xo*\xt ማዝ. 7:9፤ ኤር. 17:10፤ ማዝ. 62:12\xt*\x*
\p
\v 24 “ትያጽሮነን ደእያ ሀራቶ፥ ሀ ኢታ ትምርትያ ታማርቤናዋንቶ፥ ሀራቱ፥ ሴጻና ጪሞ የዉዋ ግያዋ ህንተንቱ ታማርቤይክታ፤ ታን ህንተንታ ሀራ ዴጹዋ ቶስከ ጋይ። 
\v 25 ሽን ታን ያና ጋካናዉ ህንተንቶ ደእያዋ ሎይ ናግተ።
\p
\v 26 “ጾኔዳዎነ ዉርሰይ ጋካናዉ፥ ታ ኪታ ናጌዳዎ፥ አሳ ዛርያ ኡባ ሞዳና ማላ፥ ታን ታ አዉዋፐ አኬዳ ማታ ማላ አዉ እማና፤
\q1
\v 27 “እ አሳ ዛርያ ኡባ ብራታ ጻምኣን ሞዳናነ፥
\q2 ኡርቃፐ መታ ሚሻ መንያዋዳን መንና።\x - \xo 2:27 \xo*\xt ማዝ. 2:8-9\xt*\x*
\mi
\v 28 ቃይ ታን አዉ ባካልያ ጾልንትያ እማና። 
\v 29 ስሳናዉ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ”
\m ያጋደ ጻፋ።
\c 3
\s1 (5) የሱስ ሳርዴሳን ደእያ ዎሳ ጎለዉ ጎዋ
\p
\v 1 ሳርዴሳን ደእያ ዎሳ ጎልያ ኪታንቻዉ ሀዋዳን ያጋደ ጻፋ:
\b
\p “ጾሳ አያና ላፑናቱነ ላፑ ጾልንታቱ ደእያዌ ሀዋዳን ያጌ። ታን ነ ኪታ ኤራይ፤ አሳይ ኔና ሸምፑዋና ደኣሳ ግንቶካ፥ ኔን ሀይቃዳ። 
\v 2 ቤጎታ! አቴዳዋነ ሀይቃናዉ ማቴዳዋ መን። አያዉ ጎፐ፥ ነ ኪታይ ታ ጾሳ ስንን ፖሎ ግደናዋ ታን ደማድ። 
\v 3 ስም ኔን አኬዳዋነ ስሴዳዋ አኬካ፤ ናጋ፤ ነ ናጋራፐካ ስማ። ኔን ቤጎተናዋ ግዶፐ፥ ታን ኔኮ ካይሱዋዳን ያና፤ ታን ዎይሳደ ያነንቶ ኔን ኤራካ። 
\v 4 ሽን ባረንቱ ማዩዋ ቅትስቤና አማሬዳ አሳቱ ሳርዴሳን ኔናና ደኢኖ። ኡንቱንቱ ቦ ማዩዋ ማዪደ ታናና ሀመታና፤ አያዉ ጎፐ፥ ኡንቱንቱ ቦ ማዩዋ ማያናዉ በስያዋንታ። 
\v 5 ጾንያዌ ሄዋዳንካ ቦ ማዩዋ ማያና። ታን አ ሱን ደኡዋ ማጻፋፐ\f + \fr 3:5 \fr*\fk ደኡዋ ማጻፋ፦ \fk*\ft ጾሳ አሳቱዋ ሱንይ ጻፈትያ ማጻፋ።\ft*\f* ቁጭከ፤ ታን ታ አቡ ስንንነ አ ኪታንቻቱዋ ስንን እ ታዋ ግድያዋ ማርካታና።\x - \xo 3:5 \xo*\xt ከሳ 32:32-33፤ ማዝ. 69:28፤ ሳፃ 20:12፤ ማቶሳ 10:32፤ ሉቃሳ 12:8\xt*\x*
\p
\v 6 “ስሳናዉ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ”
\m ያጋደ ጻፋ።
\s1 (6) የሱስ ፕላደልፍያን ደእያ ዎሳ ጎለዉ ጎዋ
\p
\v 7 ፕላደልፍያን ደእያ ዎሳ ጎልያ ኪታንቻዉ ሀዋዳን ያጋደ ጻፋ:
\b
\pi “ዳዊተ ቁልፕያ\f + \fr 3:7 \fr*\fq ዳዊተ ቁልፕያ፦ \fq*\ft ሀዋ ጉሳይ ዳዊተ ካዉተ አይሱዋ ማታ ኦድያዋ።\ft*\f* ኦይቄዳዌ፥ ኦንነ ጎርዳናዉ ዳንዳየናዳን ዶይያዌ፥ ቃይ ኦንነ ዶያናዉ ዳንዳየናዳን ጎርድያዌ ጌሻይነ፥ ቱማንቻይ ሀዋዳን ያጌ።\x - \xo 3:7 \xo*\xt ኢሳ. 22:22፤ ኢዮባ 12:14\xt*\x* 
\v 8 ታን ነ ኪታ ኤራይ። በአ፥ ታን ነ ስንን ኦንነ ጎርዳናዉ ዳንዳየና ፐንግያ ዎድ፤ አያዉ ጎፐ፥ ነ ዎልቃይ ጉ ግዶፐነ፥ ታ ቃላ ናጋዳነ ታ ሱንካ ኤርከ ጋበይካ። 
\v 9 በአ፥ አይሁዳ ግድክኖ ሽን ባረና፥ ‘ኑን አይሁዳ’ ጊደ ዎርዶትያ ሴጻና አይሁዳ ዎሳ ጎልያ ታን አሃደ፥ ነ ስንን ጎይንሳናነ ኔና ሲቅያዋካ ኡንቱንታ ኤርሳና።\x - \xo 3:9 \xo*\xt ኢሳ. 49:23፤ 60:14፤ 43:4\xt*\x* 
\v 10 ኔን ገንጩዋን ታ አዛዙዋ ናጌዳ ድራዉ፥ ሳኣን ደእያ አሳ ፓጫናዉ ኩመን ሳኣ ቦላ ይያ ዋይያ ዎድያፐ ታንካ ኔና ናጋና። 
\v 11 ታን ኤለካ ያና፤ ኦንነ ነ ካላቻ አከና ማላ፥ ነዉ ደእያዋ ምንሳ ኦይቃ። 
\v 12 ታን ጾንያ ኡራ ታ አዉዋ ጌሻ ጎልያን ቱሳ ኦና፤ እ ሄዋፐ ኡባካ ከሰና። ታን ታ ጾሳ ሱን፥ ታ ጾሳ ካታማ ሱንነ ታ ጾሳ ማታፐ ዎና ኦራ የሩሳላመ ሱን አ ቦላ ጻፋና። ቃይ ታን ታ ኦራ ሱንካ አ ቦላ ጻፋና። 
\v 13 ስሳናዉ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ”
\m ያጋደ ጻፋ።
\s1 (7) የሱስ ሎዶቅያን ደእያ ዎሳ ጎለዉ ጎዋ
\p
\v 14 ሎዶቅያን ደእያ ዎሳ ጎልያ ኪታንቻዉ ሀዋዳን ያጋደ ጻፋ:
\b
\p “አማነቴዳ ቱማንቻ ማርካይ፥ ጾሳይ መዳዋ ኮይሩ፥ አመንእ ግያዌ ሀዋዳን ያጌ። 
\v 15 ታን ነ ኪታ ኤራይ። ኔን እርጻ ግዳካ፤ ዎይ ሴልያዋ ግዳካ፤ እርጻ ዎይ ሴልያዋ ግዳርኪ። 
\v 16 ኔን እርጻ ዎይ ሴልያዋ ግደናን፥ ዶምቦሎላ ግድያ ድራዉ፥ ታን ኔና ታ ዶናፐ ጩቻና ሀናይ። 
\v 17 አያዉ ጎፐ ኔን፥ ‘ታን ዱረ፤ ሚሻና ደአይ፤ ታና አይነ ኮሸና’ ያጋሳ። ሽን ኔን መቶትያ አሳ፥ ቃረያ አሳ፥ ህዬሳ፥ ቆቃነ ካሎቴዳ አሳ ግድያዋ ኤራካ። 
\v 18 ሄዋ ድራዉ፥ ኔን ዱረታና ማላ፥ ታማን ጌዬዳ ዎርቃ፥ ኔና ዬላይያ ነ ካሉዋ ካማናዉ ቦ ማዩዋነ ቃይ ሎይ ጼላናዉ ነ አይፍያ ኦክያ ልያ ታፐ ሻማናዳን፥ ታን ኔና ዞራይ። 
\v 19 ታን ሲቅያ ኡባ ሴራይነ ሙራይ፤ ስም ሎይ ሴለታ፤ ነ ናጋራፐካ ስማ።\x - \xo 3:19 \xo*\xt ሌም. 3:12፤ እብራ. 12:6\xt*\x* 
\v 20 በአ፥ ታን ካረን ኤቃደ ጼሳይ። ኦንነ ታን ጼስያዋ ስሲደ፥ ካርያ ዶዮፐ፥ ታን አኮ ገላደ አናና እትፐ ካዉዋ ማና፤ እካ ታናና እትፐ ማና። 
\v 21 ቃይ ታን ጾናደ ታ አዉዋና አ ካዉተ ኦይድያን ኡቴዳዋዳን፥ ጾንያ ኡራዉ ታናና ታ ካዉተ ኦይድያን ኡትያ ማታ እማና።
\p
\v 22 “ስስያ ሀይይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ ያጋደ ጻፋ”
\m ያጌዳ።
\c 4
\s1 ጾሳይ ዮሃንሳ ባረ ካዉተ ኦይድያ ስን አሄዳ
\p
\v 1 ሄዋፐ ጉይያን፥ ታን ሳሉዋን ዶያ ፐንግያ በኣድ፤ ቃይ ታዉ ማላካታዳን ኦድሽን፥ ታን ስሴዳ ኮይሮ ኮሻይ ታና፤ “ሀዋፐ ጉይያን፥ ሀናናዉ በስያዋ ታን ኔና በሳና፤ ሃ ከሳ” ያጌዳ። 
\v 2 ኤለካ ታን ጌሻ አያና ሞዱዋ ግዶ ገላ አጋድ። በእተ፥ ሳሉዋን ካዉተ ኦይዲ ደኤ፤ ሄ ኦይድያን እቱ ኡቴዳ።\x - \xo 4:2-3 \xo*\xt ህዝ. 1:26-28፤ 10:1\xt*\x* 
\v 3 ሄ ኡቴዳዋ ማላይ አልኦ እያስጲድያ ሹቻዳንነ አልኦ ሰርድኖነ ሹቻዳን ጶሌ። ካዉታ ኦይዲ ዙሉዋን ዩይ አደ ኡባ ባጋና አልኦ ማርግድያ ሹቻዳን ጶሌ። 
\v 4 ሄ ካዉተ ኦይድያ ዩይ አደ፥ ሀራ ላታማነ ኦይዱ ካዉተ ኦይደቱ ደኢኖ፤ ኡንቱንቱን ቦ ማዩዋ ማዪደ፥ ሁጲያን ዎርቃ ካላቻ ዎዳ ላታማነ ኦይዱ ጭማቱ ኡቴድኖ። 
\v 5 ካዉተ ኦይድያፐ ዋልቃንይ፥ ኮሹንቻይነ ጉጉን ጉንይ ከሴዳ፤ ቃይ ካዉተ ኦይድያ ስንን ላፑ ጾምፓቱ ፖኢኖ። ሄዋንቱ ጾሳ ላፑ አያናቱዋ።\x - \xo 4:5 \xo*\xt ከሳ 19:16፤ ሳፃ 8:5፤ 11:19፤ 16:18፤ ህዝ. 1:13፤ ሳፃ 1:4፤ ዛካ. 4:2\xt*\x* 
\v 6 ካዉተ ኦይድያ ስንን ብርልያ ማላትያ ቡርጩኩዋ አባይ ደኤ።\x - \xo 4:6-7 \xo*\xt ህዝ. 1:5-10፤ 10:14\xt*\x*
\p ሄ ካዉተ ኦይድያፐ ስንናነ ጉየና አ ማታን ዩይ አደ፥ አይፊ ኩሜዳ ኦይዱ ደኡዋን ደእያ መታቱ ደኢኖ። 
\v 7 ኮይሮ ደኡዋን ደእያ መታይ ጋሙዋ ማላቴ፤ ላኤን ሚዛ ማራ ማላቴ፤ ሄዘንዋ ሶምእ አሳ ዴሙዋ ማላቴ፤ ቃይ ኦይደን ፓልያ አርጋን ማላቴ። 
\v 8 ኦይዱ ደኡዋን ደእያ መታቶ ሁጲያን ሁጲያን ኡሱፑን ቀፊ ደኤ፤ ኡንቱንቶ ቦላን ጋርሳንካ ኡባ ሳን አይፊ ኩሜዳ። ኡንቱንቱ ቃማነ ጋላስ፥
\q1 “ጌሻዉ፥ ጌሻዉ፥ ጌሻዉ፥
\q2 ካሰ ደእያዎ፥ ሀእካ ደእያዎ፥
\q2 ቃይ ስንፐ ያናዎ፥
\q2 ጎዳዉ፥ ኡባፐ ዎልቃማ ጾሳዉ”
\m ግያዋ አግክኖ።\x - \xo 4:8 \xo*\xt ህዝ. 1:18፤ 10:12፤ ኢሳ. 6:2-3\xt*\x* 
\v 9 ሄ መታቱ ካዉተ ኦይድያን ኡቴዳ መ መናዉ ደኡዋን ደእያዋ ማዝሙርያን ሳቤዳ ዎደ፥ ቦንቼዳ ዎደነ ጋላቴዳ ዎደ፥ 
\v 10 ላታማነ ኦይዱ ጭማቱ ካዉተ ኦይድያን ኡቴዳ መ መናዉ ደእያዋ ስንን ጉፋኒደ፥ አዉ ጎይኒኖ፤ ባረንቱ ካላቻ ካዉተ ኦይድያ ስንን ዎደ ሀዋዳን ያጊኖ።
\q1
\v 11 “ኑ ጎዳዉ ጾሳዉ፥
\q2 ኔን ቦንቹዋ፥
\q2 ሳባነ ዎልቃ አካናዉ በሳሳ።
\q2 አያዉ ጎፐ፥ ኡባባ ኔን መዳ፤
\q2 ቃይ ኡባባይካ፥ ኔን ኮዬዳዋዳን ሀኔዳነ ደኤዳ”
\m ያጊኖ።
\c 5
\s1 ማጻፋነ ዶርሳ
\p
\v 1 እት ጻጸቶ ማጻፋይ\f + \fr 5:1 \fr*\fqa ጻጸቶ ማጻፋ፦ \fqa*\ft ሀዋ ጉሳይ ዋራቃታን ዎይ ጋልባን ጻፈቴዳ ጻጸትያ ማጻፋ ግዲደ፥ ዳሮ ካረ ባጋና እት ዎይ ላኡ ቦላ ባጋ ጋልባን ማታፋይ አታመቴ።\ft*\f* ካዉተ ኦይድያን ኡቴዳዋ ኡሸቻ ኩሽያን ደእያዋ በኣድ፤ ሄ ጻጸቶ ማጻፋይ ላኡ ባጋናካ ጻፈት ኡቴዳ፤ ቃይ ላፑ ማታፋይ አ ቦላ አታመቴዳ።\x - \xo 5:1 \xo*\xt ህዝ. 2:9-10፤ ኢሳ. 29:11\xt*\x* 
\v 2 ታን እት ዎልቃማ ኪታንቻይ ባረ ቃላ ቁ ኦደ፥ “ማታፋ ዶዪደ፥ ጻጸቶ ማጻፋ ብላናዉ በስያ ኡራይ ኦኔ?” ያጊደ፥ አዋይያዋ በኣድ። 
\v 3 ሳሉዋን ግድና ዎይ ሳኣን ግድና፥ ዎይ ሳኣፐ ጋርሳን\f + \fr 5:3 \fr*\fk ሳኣፐ ጋርሳን፦ \fk*\ft ሀይቄዳዋንታ ጉሳ።\ft*\f* ግድና፥ ሄ ጻጸቶ ማጻፋ ብላናዉ ዎይ አ ግዱዋ ጼላናዉ ኦንነ በስያዌ ባዋ።
\p
\v 4 ጻ ማጻፋ ብላናዉ ዎይ አ ግዱዋ ጼላናዉ በስያ ኡራይ ባይና ድራዉ፥ ታን ዳሮ ዬካድ። 
\v 5 ጭማቱዋፐ እቱ ታና፥ “ዬኮፓ፤ በአ፥ ይሁዳ ዛርያ ግዴዳ ጋሙ፥ ዳዊተ ዛሪ ጾኔዳ። እ ማታፋ ዶያናዉነ ጻጸቶ ማጻፋ ብላናዉ በሴ” ያጌዳ።\x - \xo 5:5 \xo*\xt ዶመ 49:9፤ ኢሳ. 11:1፣ 10\xt*\x*
\p
\v 6 ታን ካዉተ ኦይድያፐ፥ ደኡዋን ደእያ ኦይዱ መታቱዋፐነ ቃይ ጭማቱዋፐ ግዱዋን፥ ሹከቴዳ ዶርሳ ማላቲደ ኤቄዳዋ በኣድ፤ አዉ ላፑ ካጨቱነ ላፑ አይፈቱ ደኢኖ። ሄዋንቱ አላምያ ኡባ ኪተቴዳ ጾሳ ላፑ አያናቱዋ።\x - \xo 5:6 \xo*\xt ኢሳ. 53:7፤ ዛካ. 4:10\xt*\x* 
\v 7 ሄ ዶርሳይ ቢደ፥ ካዉተ ኦይድያ ቦላ ኡቴዳዋ ኡሸቻ ኩሽያፐ ጻጸቶ ማጻፋ አኬዳ። 
\v 8 እ ሄ ጻጸቶ ማጻፋ አኬዳ ዎደ፥ ደኡዋን ደእያ ኦይዱ መታቱነ ላታማነ ኦይዱ ጭማቱ አ ስንን ኩንዴድኖ። ኡንቱንቱ ሁጲያን ሁጲያን ዲነ እጻናይ ኩሜዳ ዎርቃ ሚሻ ኦይቄድኖ። ሄ እጻናይ ጌሻቱ ጾሳ ዎስያዋ።\x - \xo 5:8 \xo*\xt ማዝ. 141:2\xt*\x* 
\v 9 ኡንቱንቱ፥
\q1 “ጻ ማጻፋ አካናዉነ፥
\q2 ማታፋ ዶያደ፥
\q2 ጼላናዉ ነዉ በሴ።
\q2 አያዉ ጎፐ፥ ኔን ሹከታዳ።
\q1 ኔን ቆሙዋ ኡባፐ፥
\q2 ዱማ ዱማ ጋድያ ቃላ ኡባፐ፥
\q2 ያራ ኡባፐነ፥ ዛርያ ኡባፐ፥
\q2 ነ ሱን፥ ጾሳዉ አሳ ዎዛዳ።\x - \xo 5:9 \xo*\xt ማዝ. 33:3፤ 98:1፤ ኢሳ. 42:10\xt*\x*
\q1
\v 10 ኑ ጾሳዉ ኦና ማላ፥
\q2 ኡንቱንታ ኔን፥ ካታቱዋነ፥
\q2 ቄሳቱዋ ኦዳ።
\q2 ቃይ ኡንቱንቱ ሳአንካ ሞዳና”
\q2 ያጊደ ኦራ ማዝሙርያ የጺኖ።\x - \xo 5:10 \xo*\xt ከሳ 19:6፤ ሳፃ 1:6\xt*\x*
\p
\v 11 ሄዋፐ ጉይያን፥ ታን ጼላደ፥ ካዉተ ኦይድያ፥ ደኡዋን ደእያ ኦይዱ መታቱዋነ ጭማቱዋ ዩይ አደ ኤቄዳ ዳሮ ኪታንቻቱዋ ኮሻ ስሳድ፤ ኡንቱንቱ ሻኣንነ ሚሎንያን ፓይደቴድኖ።\x - \xo 5:11 \xo*\xt ዳኔላ 7:10\xt*\x* 
\v 12 ሄ ኪታንቻቱ ባረንቱ ቃላ ቁ ኦደ፥
\q1 “ሹከቴዳ ዶርሳይ
\q2 ዎልቃ፥ ዱረተ፥
\q2 አዳ ኤራ፥
\q2 ምኖተ፥
\q2 ቦንቹዋ፥ ሳባ፥
\q2 ጋላታ አካናዉ በሴ!”
\m ያጌድኖ።
\p
\v 13 ሄዋፐ ጉይያን፥ ሳኣን፥ ሳሉዋን፥ ሳኣፐ ጋርሳንነ አባ ግዱዋን ደእያ መታ ኡባይነ ቃይ ሄዋንቱን ደእያ መታ ኡባይ፥
\q1 “ካዉተ ኦይድያ ቦላ፥
\q2 ኡቴዳዎነ ዶርሳዉ፥
\q2 ጋላታይ፥ ቦንቹ፥
\q2 ሳባይነ ዎልቃይ፥
\q2 መ መናዉ ግዶ!”
\m ያጊደ የጽሽን ስሳድ።
\p
\v 14 ደኡዋን ደእያ ኦይዱ መታቱ፥ “አመንእ” ያግና፥ ጭማቱ ጉፋኒደ ጎይኔድኖ።
\c 6
\s1 ሄ ጻጸ ማጻፋ ማታፋ ዶያ
\p
\v 1 ዶርሳይ ላፑ ማታፋቱዋፐ እቱዋ ዶይሽን በኣድ፤ ቃይ ሸምፑዋና ደእያ ኦይዱ መታቱዋፐ እቱ ጉጉን ጉን ማላትያ ኮሻን፥ “ሃያ!” ያግያዋ፥ ታን ስሳድ። 
\v 2 ታን እት ቦ ፓራ በኣድ። ሄ ፓራ ቶጌዳዌ ዎንዳፍያ ኦይቄዳ፤ ቃይ አዉ ካላቻይ እመቴዳ። ኦላ እ ጾኒድነ ቃይካ ጾናናዉ ከሴዳ።\x - \xo 6:2 \xo*\xt ዛካ. 1:8፤ 6:3፣ 6\xt*\x*
\p
\v 3 ዶርሳይ ላኤን ማታፋ ዶዬዳ ዎደ፥ ሸምፑዋና ደእያ መታቱዋ ላኤን፥ “ሃያ!” ያግያዋ፥ ታን ስሳድ። 
\v 4 ቃይ ሀራ ዳማ ፓራይ ከሴዳ። አሳይ እቱ እቱዋና ሹከታና ማላ፥ ሄ ፓራ ቶጌዳዎ ሳኣን ሳሮተ ድግያ ዎልቃይ እመቴዳ። ዎጋ ማሻይ አዉ እመቴዳ።\x - \xo 6:4 \xo*\xt ዛካ. 1:8፤ 6:2\xt*\x*
\p
\v 5 ዶርሳይ ሄዘን ማታፋ ዶዬዳ ዎደ፥ ደኡዋን ደእያ መታቱዋ ሄዘን፥ “ሃያ!” ያግያዋ፥ ታን ስሳድ። ያታደ ካረ ፓራይ ከሴዳዋ በኣድ፤ ቃይ ሄ ፓራ ቶጌዳዌ ባረ ኩሽያን ሚዛንያ ኦይቄዳ።\x - \xo 6:5 \xo*\xt ዛካ. 6:2፣ 6\xt*\x* 
\v 6 ታን ደኡዋን ደእያ ኦይዱ መታቱዋ ግዶፐ ኮሻ ማላትያባ ስሳድ። ሄ ኮሻይ፥ “እት ጋላሳ ኦሶ ድርጉ ባጋ ኪሉዋ ዛርጋ፤ ቃይ እት ጋላሳ ኦሶ ድርጉ እት ኪሉዋ ባጋ ባንጋ። ሽን ዛይትያነ ዎይንያ ኤሳ ቆሆፓ” ያግያዋ ስሳድ።
\p
\v 7 ዶርሳይ ኦይደን ማታፋ ዶዬዳ ዎደ፥ ደኡዋን ደእያ መታቱዋ ኦይደን፥ “ሃያ!” ያግያዋ፥ ታን ስሳድ። 
\v 8 ታን ግራጨ ፓራይ ከሴዳዋ በኣድ። ሄ ፓራ ቶጌዳዋ ሱንይ ሀይቁዋ፤ አ ጌዱዋ ስኦሊ ካሌዳ። ሀይቁነ ስኦሊ ሳኣፐ ኦይደን ኩሽያ ኦላን፥ ኮሻን፥ ሀርግያን፥ ዶኣን ዎሳና ማላ፥ ኡንቱንቶ ማታይ እመቴዳ።\x - \xo 6:8 \xo*\xt ህዝ. 14:21\xt*\x*
\p
\v 9 ዶርሳይ እቼሸን ማታፋ ዶዬዳ ዎደ፥ ኡንቱንቱ ጾሳ ቃላ ኦዴዳ ድራዉነ ባረንቱ ማርካተን አማነቴዳ ድራዉ፥ ሹኬዳ አሳ ሸምፑዋ ያርሹዋ ያርሽያ ሳፐ ጋርሳን በኣድ። 
\v 10 ኡንቱንቱ ባረንቱ ቃላ ቁ ኦደ፥ “ኡባ ሞድያ ጎዳዉ፥ ጌሻዉ፥ ቱማንቻዉ፥ ሳኣን ደእያ አሳ ቦላ አዉደ ፕርዳይ? ቃይ ኑ ሱ አዉደ ጭገታይ?” ያጌድኖ። 
\v 11 ኡንቱንቶ ሁጲያን ሁጲያን ቦ ማዩ እመቴዳ። ኡንቱንቱዋዳን ሀይቃናዉ በስያ ኡንቱንቱ ላገ ኦሳንቻቱዋ ፓይዱነ ኡንቱንቱ እሻቱዋ ፓይዱ ኩማና ጋካናዉ፥ ኡንቱንቱ አማሬዳ ዎድያ ታክሻና ማላ፥ ኡንቱንቶ ኦደቴዳ።
\p
\v 12 ዶርሳይ ኡሱፑን ማታፋ ዶዬዳ ዎደ፥ ታን በኣድ፤ ቢታይ ሎይ ቃጼዳ። አዋይፊ ካረ ማዩዋዳን ካረጼዳ፤ አገናይካ ሙለ ሱ ማላቴዳ። 
\v 13 ባላስያ ግያ ምት ጋምኤ አይፊ፥ ዎልቃማ ጫርኩ ቃና፥ ሳኣን ቆቆፈትያዋዳን፥ ጾልንታቱ ሳሉዋፐ ሳኣን ቆቆፈቴድኖ።\x - \xo 6:13-14 \xo*\xt ኢሳ. 34:4\xt*\x* 
\v 14 ሳሉ ጻጸቶ ማጻፋይ ጻጸትያዋዳን፥ ጻጸቲደ ይ አጌዳ፤ ደር ኡባቱነ ሃን ዶደቴዳ ሳአይ ኡባይ ባረንቱ ደኢያሳፐ ክች አጌድኖ። 
\v 15 ሄዋፐ ጉይያን፥ ሳኣ ካታቱ፥ ደርያ ሞድያዋንቱ፥ ሻላቃቱ፥ ዱራቱ፥ ዎልቃማቱ፥ ቃይ ሀራ አሳይ ኡባይ፥ አይለቱ፥ ዎማናቱ፥ ደርያ ከሲደ፥ ጎንጎሉዋ ግዶንነ ደርያን ደእያ ዛላ ጉየ ባጋን ቆሰቴድኖ።\x - \xo 6:15 \xo*\xt ኢሳ. 2:19፣ 21\xt*\x* 
\v 16 ያቲደ ደረቱዋነ ሹቻ፥ “ካዉተ ኦይድያን ኡቴዳዋ አይፍያፐነ ዶርሳ ሀንቁዋፐ ኑ ቦላ ኩንዲደ፥ ኑና ገንርክቴሻ!\x - \xo 6:16 \xo*\xt ሆሰ 10:8፤ ሉቃሳ 23:30\xt*\x* 
\v 17 አያዉ ጎፐ፥ ኡንቱንቶ ዎልቃማ ሀንቁዋ ጋላሳይ ጋክ ክቼዳ፤ ሄ ሀንቁዋ ዳንዳያናዌ ኦኔ?” ያጌድኖ።\x - \xo 6:17 \xo*\xt ኢዩ. 2:11፤ ሚልክ. 3:2\xt*\x*
\c 7
\s1 እስራኤልያ አሳፐ 144,000 አሳቱዋ ሶምእያን ማታፋይ ዎዳ
\p
\v 1 ሄዋፐ ጉይያን፥ ታን ኦይዱ ኪታንቻቱ ኦይዱ ባጋ ሳኣ ጋጻን ኤቄዳዋንታ በኣድ። ሄ ኪታንቻቱ ሳኣ ቦላን፥ ዎይ አባ ቦላን፥ ዎይ አይ ም ቦላን፥ ጫርኩ ጫርከናዳን ተኤድኖ።\x - \xo 7:1 \xo*\xt ኤር. 49:36፤ ዳኔላ 7:2፤ ዛካ. 6:5\xt*\x* 
\v 2 ቃይካ ደኡዋ ጾሳ ማታፋ ኦይቂደ ሀራ ኪታንቻይ አዋይ ሞክያሳፐ ከስያዋ ታን በኣድ። ሄ ኪታንቻይ ባረ ኮሻ ቁ ኦደ፥ ሳኣነ አባ ቆሀናዉ ዎልቃይ እመቴዳ ኦይዱ ኪታንቻቱዋ 
\v 3 ጼሲደ፥ “ኑ ጾሳ ኦሳንቻቱዋ ዴሙዋን ኑን ማታፋ ዎና ጋካናዉ፥ ሳኣ ግድና ዎይ አባ ግድና፥ ዎይ ም ግድናካ ቆሆፕተ” ያጌዳ።\x - \xo 7:3 \xo*\xt ህዝ. 9:4፣ 6\xt*\x*
\p
\v 4 ታን ጾሳ ማታፋ ዴሙዋን ዎዳዋንቱ ፓይዱዋ ስሳድ። እስራኤልያ ዛርያ ኡባፐ እት ጼታነ ኦይታማነ ኦይዱ ሻአ አሳቱዋ ዴሙዋን ማታፋይ ዎዳ።
\q1
\v 5 ይሁዳ ዛርያፐ፥
\q2 ታማነ ላኡ ሻኣ ዴሙዋን ማታፋይ፥
\m ዎዳ።
\q1 ሮቤላ ዛርያፐ፥
\q2 ታማነ ላኡ ሻኣ።
\q1 ጋደ ዛርያፐ፥
\q2 ታማነ ላኡ ሻኣ።
\q1
\v 6 አሴራ ዛርያፐ፥
\q2 ታማነ ላኡ ሻኣ።
\q1 ንፍታሌመ ዛርያፐ፥
\q2 ታማነ ላኡ ሻኣ።
\q1 ምናሰ ዛርያፐ፥
\q2 ታማነ ላኡ ሻኣ።
\q1
\v 7 ስሞና ዛርያፐ
\q2 ታማነ ላኡ ሻኣ።
\q1 ሌዊያ ዛርያፐ
\q2 ታማነ ላኡ ሻኣ።
\q1 ይሳኮራ ዛርያፐ
\q2 ታማነ ላኡ ሻኣ።
\q1
\v 8 ዛብሎና ዛርያፐ፥
\q2 ታማነ ላኡ ሻኣ።
\q1 ዮሴፎ ዛርያፐ፥
\q2 ታማነ ላኡ ሻኣ።
\q1 ቢንያማ ዛርያፐ፥
\q2 ታማነ ላኡ ሻኣ
\q2 ዴሙዋን ማታፋይ፥
\m ዎዳ።
\s1 ቦ ማዩዋ ማዬዳ ጮራ አሳቱዋ
\p
\v 9 ሄዋፐ ጉይያን፥ ዛርያ ኡባፐ፥ ቆሙዋ ኡባፐ፥ ያራ ኡባፐነ ዱማ ዱማ ጋድያ ቃላ ኡባፐ ኦንነ ፓይዳናዉ ዳንዳየና ዛዋይ ባይና ጮራ አሳ ታን በኣድ። ሄ አሳይ ቦ ማዩዋ ማዪደ፥ ዛምባ ሀይ ባረንቱ ኩሽያን ኦይቂደ፥ ካዉተ ኦይድያ ስንንነ ዶርሳ ስንን ኤቄዳ። 
\v 10 ኡንቱንቱ ባረንቱ ቃላ ቁ ኦደ፥
\q1 “ኑ አቶተይካ፥
\q2 ካዉተ ኦይድያን ኡቴዳ፥
\q2 ኑ ጾሳፐነ ዶርሳፐ ዬ”
\m ያጌድኖ።
\p
\v 11 ኪታንቻቱ ኡባይ ካዉተ ኦይድያ፥ ጭማቱዋነ ደኡዋን ደእያ ኦይዱ መታ ዩይ አደ ኤቄድኖ። ኡንቱንቱ ካዉተ ኦይድያ ስንን ባረንቱ ዴሙዋን ጉፋኒደ ጾሳዉ ጎይኒደ፥
\q1
\v 12 “አመንእ!
\q2 አንጁ፥ ቦንቹ፥
\q2 አዳ ኤራተይ፥
\q2 ጋላታይ፥ ሳባይ፥
\q2 ዎልቃይ፥ ምኖተይ፥
\q2 መናፐ መና ጋካናዉ ኑ ጾሳዉ ግዶ።
\q1 አመንእ!”
\m ያጌድኖ።
\p
\v 13 ጭማቱዋፐ እቱ ታና፥ “ሀ ቦ ማዩዋ ማዬዳ አሳቱ ኦኔ? ኡንቱንቱ ሀቃፐ ዬድኖ?” ያጊደ ኦቼዳ።
\p
\v 14 ታን፥ “ታ ጎዳዉ፥ ኔን ኤራሳ” ያጋድ። እ ታና ሀዋዳን ያጌዳ፦
\b
\q1 “ሀዋንቱ ዳሮ ዋይያ ዋየቲደ ዬዳዋንታ።
\q2 ኡንቱንቱ ባረንቱ ማዩዋ ዶርሳ ሱን ሜጪደ፥
\q2 ቦጼዳዋንታ።\x - \xo 7:14 \xo*\xt ዳኔላ 12:1፤ ማቶሳ 24:21፤ ማር. 13:19\xt*\x*
\q1
\v 15 ሄዋ ድራዉ፥
\q2 ኡንቱንቱ ጾሳ ካዉተ ኦይድያ ስንን ኤቂደ፥
\q2 ቃማነ ጋላስ፥ አ ጌሻ ጎልያን፥
\q2 አዉ ኦኖ።
\q1 ቃይ እ ባረ ካዉተ ኦይድያን ኡቴዳዌ፥
\q2 ኡንቱንቱ ግዱዋን ደአና።
\q1
\v 16 ሀዋፐ ስንናዉ ኡባካ፥
\q2 ኡንቱንቱ ኮሻትክኖ፤
\q2 ዎይ ሳመትክኖ።
\q2 አዋይ ኡንቱንታ ሜና፤
\q2 ቃይ አይ ሴላይካ ኡንቱንታ ጉደና።\x - \xo 7:16 \xo*\xt ኢሳ. 49:10\xt*\x*
\q1
\v 17 አያዉ ጎፐ፥ ካዉተ ኦይደዉ፥
\q2 ግዱዋን ኡቴዳ ዶርሳይ፥
\q2 ኡንቱንታ ሄማና።
\q2 ደኡዋ ሃ ፑልቱዋኮካ፥
\q2 ኡንቱንታ ካለና።
\q2 ጾሳይካ ኡንቱንቱ አይፍያ አፎ ኡባ ቁጭ ድጋና”
\m ያጌዳ።\x - \xo 7:17 \xo*\xt ማዝ. 23:1፣ 2፤ ህዝ. 34:23፤ ኢሳ. 49:10፤ 25:8\xt*\x*
\c 8
\s1 ጻጸ ማጻፋ ላፑን ማታፋይ ዶየቴዳ
\p
\v 1 ዶርሳይ ላፑን ማታፋ ዶዬዳ ዎደ፥ ባካ ሳትያ ግድያዋ ኬና ሳሉ ጮኡ ጌዳ።
\p
\v 2 ሄዋፐ ጉይያን፥ ታን ላፑ ኪታንቻቱዋ ጾሳ ስንን ኤቂያዋንታ በኣድ፤ ኡንቱንቶ ላፑ ማላካታይ እመቴዳ።
\p
\v 3 እጻና ጩዋይያ ዎርቃ ሚሻ ኦይቄዳ ሀራ ኪታንቻይ ዪደ፥ ያርሽያ ሳ ማታን ኤቄዳ። ዎርቃፐ መቴዳ ያርሽያሳይ ካዉተ ኦይድያ ስንን ደኤ፤ ሄ ያርሽያ ሳ ቦላ ጌሻ ኡባቱዋ ዎሳ ጉጃና ማላ፥ ኪታንቻዉ ዳሮ እጻናይ እመቴዳ።\x - \xo 8:3 \xo*\xt አሞጻ 9:1፤ ከሳ 30:1፣ 3\xt*\x* 
\v 4 እጻና ጩዋይ ጌሻቱዋ ዎሳና እትፐ ሄ ኪታንቻ ኩሽያፐ ፑደ ጾሳኮ ቤዳ። 
\v 5 ሄዋፐ ጉይያን፥ ኪታንቻይ እጻና ጩዋይያዋ አኪደ፥ ያርሽያ ሳፐ ታማ ቦንቁዋ አኪደ፥ አን ኩንዳ። ሄ እጻና ጩዋይያዋ ዱገ ሳኣ ኦልና፥ ጉጉንይ ጉሜዳ። ዋልቃንይ ዎልቃሜዳ፤ ቃይ ቢታይካ ቃጼዳ።\x - \xo 8:5 \xo*\xt ሳፃ 11:19፤ 16:18፤ ዎጋ 16:12፣ 18፤ ህዝ. 10:2፤ ከሳ 19:16\xt*\x*
\s1 ማላካታቱ ፑነቴድኖ
\p
\v 6 ቃይ ላፑ ማላካታ ኦይቂደ ላፑ ኪታንቻቱ ማላካታ ፑናናዉ ጊጌድኖ።
\p
\v 7 ኮይሮ ኪታንቻይ ባረ ማላካታ ፑንና ሱና ዋላከቴዳ ሻቻይነ ታማይ ሳኣን ቡኬዳ። ሳኣፐ ሄዘን ኩሺ ጉደቴዳ፤ ምፐካ ሄዘን ኩሺ ጉደቴዳ፤ ማታ ኡባይካ ጉደቴዳ።\x - \xo 8:7 \xo*\xt ከሳ 9:23-25፤ ህዝ. 38:22\xt*\x*
\p
\v 8 ላኤን ኪታንቻይካ ባረ ማላካታ ፑኔዳ። ዎልቃማ ደርያ ማላትያባይ ታማን ኤጺደ፥ አባን የገቴዳ፤ ያትና፥ አባፐ ሄዘን ኩሺ ሱ ግዴዳ። 
\v 9 አባን ደኡዋን ደእያ መታቱዋ ሄዘን ኩሺ ሀይቄዳ፤ ማርካበቱዋፐካ ሄዘን ኩሺ ዬዳ።
\p
\v 10 ሄዘን ኪታንቻይ ባረ ማላካታ ፑንና ሻፋፐነ ፑልቱዋ ሃፐ ሄዘን ኩሽያ ቦላ ሳሉዋፐ ጾምፕያዳን ኤጽያ ዎልቃማ ጾልንቲ ዎዳ።\x - \xo 8:10 \xo*\xt ኢሳ. 14:12\xt*\x* 
\v 11 ሄ ጾልንትያ ሱንይ ጫሙዋ ጌተቴ። ሃፐ ሄዘን ኩሺ ጫሜዳ፤ ቃይ ሃይ ጫሜዳ ድራዉ፥ ዳሮ አሳይ ሄ ሃ ኡሺደ ሀይቄዳ።\x - \xo 8:11 \xo*\xt ኤር. 9:15\xt*\x*
\p
\v 12 ኦይደን ኪታንቻይ ባረ ማላካታ ፑኔዳ። አዋፐ፥ አገናፐነ ጾልንትያፐ ሄዘን ኩሺ ደሸቴዳ፤ ኡንቱንቱ ፖኡዋፐካ ሄዘን ኩሺ ሜዳ። ሄዋ ድራዉ፥ ጋላሳፐ ሄዘን ኩሺ፥ ቃማፐካ ሄዘን ኩሺ ሜዳ።\x - \xo 8:12 \xo*\xt ኢሳ. 13:10፤ ህዝ. 32:7፤ ኢዩ. 2:10፣ 31፤ 3:15\xt*\x*
\p
\v 13 እት አርጋንይ ሳሉዋን ፓልያዋ ታን በኣድ። ሄ አርጋንይ ባረ ቃላ ቁ ኦደ፥ “ሄዙ ኪታንቻቱ ፑናና በስያ የኮ ማላካታይ ፑነትያ ዎደ፥ ሳኣን ደእያ አሳዉ አዬሮ! አዬሮ! አዬሮ!” ያግያዋ ስሳድ።
\c 9
\p
\v 1 ሄዋፐ ጉይያን፥ እቼሸን ኪታንቻይ ባረ ማላካታ ፑንና ሳሉዋፐ ዱገ ሳኣ ኩንዴዳ ጾልንትያ በኣድ። ሄ ጾልንተዉ ጪሞ ኦላ\f + \fr 9:1 \fr*\fk ጪሞ ኦላ፦ \fk*\ft ሀዋ ጉሳይ ጋርሳ ባጋ ቢታን ዳርስ ጪማቲደ ደእያ ኢታ አያናቱ ባረንቱ ዉርሰ ሙራ ጋላሳይ ጋካናዉ ቃሸቲደ ደኢያሳ።\ft*\f* ቁልፒ እመቴዳ። 
\v 2 ጾልንቲ ጪሞ ኦላ ዶዬዳ፤ አኮ ጮጭያፐ ከስያ ጩዋ ማላ ጩዋይ ሄ ጪሞ ኦላፐ ከሴዳ። ቃይ አዋይነ ሳአይ ሄ ጪሞ ኦላፐ ከሴዳ ጩዋን ሜድኖ።\x - \xo 9:2 \xo*\xt ዶመ 19:28\xt*\x*
\p
\v 3 ጩዋፐ ቦሊ ዱገ ሳኣ ዬዳ። ሳኣን ደእያ ሶጋቶ ደእያ ዎልቃ ማላ ዎልቃይ ቦለዉካ እመቴዳ።\x - \xo 9:3 \xo*\xt ከሳ 10:12-15\xt*\x* 
\v 4 ጾሳ ማታፋይ ዴሙዋን ባይና አሳ ጻላላ ቆሀናፐ አትን፥ ሳኣን ደእያ ማታ ዎይ አጭያ ም ግድና ዎይ አይ ም ግድናካ ቆሄና ማላ፥ ቦለዉ ኦደቴዳ።\x - \xo 9:4 \xo*\xt ህዝ. 9:4\xt*\x* 
\v 5 ቦሊ ሄ አሳ እቼሹ አገና ግድያዋ ፓጻ ካአና ማላ፥ ማታይ እመቴዳዋፐ አትን፥ አዉ አሳ ዎናዉ ማታይ እመትቤና። ሶጉ አሳ ዱኪደ ሴልስያዋ ኬና ቦሊ ሴልሴ። 
\v 6 ሄ ጋላሳቱዋን አሳይ ሀይቁዋ ኮያና፤ ሽን ደመና። ቃይ ሀይቃናዉካ አሞታና፤ ሽን ሀይቁ አሳፐ ባቃታና።\x - \xo 9:6 \xo*\xt ኢዮባ 3:21፤ ኤር. 8:3\xt*\x*
\p
\v 7 ቦሊ ኦላዉ ጊግ ኡቴዳ ፓራ ማላቴ። ቦልያ ሁጲያን ዎርቃ ማላትያ ካላቻይ ደኤ፤ አ ዴሙካ አሳ ዴሙዋ ማላቴ።\x - \xo 9:7 \xo*\xt ኢዩ. 2:4\xt*\x* 
\v 8 አ ብናናይካ ማጫ አሳ ብናናይዳ አዱቄ፤ አ አቻይካ ጋሙዋ አቻ ማላቴ።\x - \xo 9:8 \xo*\xt ኢዩ. 1:6\xt*\x* 
\v 9 አ ትራይ ብራታን ኦዳ ጎንዳልያ ማላትያዋን ጎዘት ኡቴዳ፤ ቃይ አ ቀፍያ ኮሻይ ኦላ ባናዉ ፕሪጽያ ፓራቱ ጎችያ ጋርያ ኮሻ ማላ።\x - \xo 9:9 \xo*\xt ኢዩ. 2:5\xt*\x* 
\v 10 አዉ ሶጉዋ ዱፍያ ማላትያ ዱፊ ደኤ፤ አ ዱፍያን ዱክያባይ ደኤ። ሄ ዱፍያን እቼሹ አገና ግድያዋ አሳ ቆሀናዳን፥ አዉ ማታይ እመቴዳ። 
\v 11 አ ሞድያ ካቲ ደኤ። ሄ ካቲ ጪሞ ኦላ ኪታንቻ። አ ሱንይካ እብራይስጸ ቃላን አብዶና፤ ቃይ ግሪከ ቃላን አጶልዮና ጌተቴ። አጶልዮና ግያዎ ብለይ፥ ይስያዋ ግያዋ።
\p
\v 12 ኮይሮ አዬሮ ግያዌ አዳ፤ በአ፥ ብሮ ሀራ ላኡ አዬሮ ግያዌ ያናዋ።
\p
\v 13 ኡሱፑን ኪታንቻይ ባረ ማላካታ ፑኔዳ። ጾሳ ስንን ኤቄዳ ዎርቃፐ መዳ ያርሽያሳን ደእያ ኦይዱ ጋጻ ካጨቱዋፐ እት ኮሻ ስሳድ።\x - \xo 9:13 \xo*\xt ከሳ 30:1-3\xt*\x* 
\v 14 ሄ ኮሻይ ማላካታይ ደእያ ኡሱፑን ኪታንቻ፥ “ኤፍራጺሳ ግያ ዎጋ ሻፋን ቃሸቴዳ ኦይዱ ኪታንቻቱዋ ብላ” ያጌዳ። 
\v 15 አሳ ዛርያፐ ሄዘን ኩሽያ ዎናዉ፥ ሀ ሳትያዉ፥ ጋላሳዉ፥ አገናዉነ ላይዉ ጊግስ ዎዳ፥ ኦይዱ ኪታንቻቱ ብለቴድኖ። 
\v 16 ኦላ ፓራ ቶግያ አሳ ፓይዱ ላኡ ጼቱ ሚሎነ ግድያዋ ታን ስሳድ።
\p
\v 17 ቃይካ ታን ሳጻን ፓራቱዋነ ሄ ፓራቱዋ ቶጌዳ አሳ በኣድ። አሳዉ ትራን ዎያ ብራታ ጎንዳልያ ማላይ ደኤ። ሄ ትራን ዎያ ብራታ ጎንዳልያ ማላይ ታማዳን ዞኦ፤ ሳማይያ፤ ቃይ ኤጽያ ዲንያ ማላ። ፓራቱዋ ሁጲ ጋሙዋ ሁጲያ ማላ። ኡንቱንቱ ዶናፐ ታማይ፥ ጩዋይነ አድልያ ጪሻ ማላትያ ኤጽያ ዲንያ ታማይ ከሴዳ። 
\v 18 ፓራቱዋ ዶናፐ ከሴዳ ታማን፥ ጩዋንነ ኤጽያ ዲንያን ሀ ሄዙ ቦሻቱዋን አሳ ዛርያፐ ሄዘን ኩሺ ሀይቄዳ። 
\v 19 አያዉ ጎፐ፥ ፓራቶ ዎልቃይ ዶናንነ ዱፍያን ደኤ። ኡንቱንቱ ዱፊካ ሁጲያና ደእያ ሾሻ ማላቴ፤ ሄዋን ኡንቱንቱ አሳ ቆሂኖ።
\p
\v 20 ሀ ቦሻቱዋን ሀይቀናን አቴዳ አሳይ ባረ ኩሽያን ኦያዋ አግቤና። ቃይ ዎርቃፐ፥ ብራፐ፥ ናሃስያ ጌተትያ ብራታፐ ሹቻፐነ ምፐ ኦሰቴዳ፥ ጼላናዉ ዎይ ስሳናዉ ዎይ ሀመታናዉ ዳንዳየና ኤቃዉነ ጻላህያዉ ጎይንያዋካ አግቤና።\x - \xo 9:20 \xo*\xt ማዝ. 115:4-7፤ 135:15-17፤ ዳኔላ 5:23\xt*\x* 
\v 21 አሳይ ኤሪድ ዎዳዋ፥ ዎይ ባረ ብቴዳዋ፥ ዎይ ባረ ዎሹሜዳዋ፥ ዎይ ባረ ዉኤዳዋ አጊደ፥ ባረ ናጋራፐ ስምቤና።
\c 10
\s1 ኪታንቻነ ጉ ማጻፋ
\p
\v 1 ቃይካ ታን ሀራ ዎልቃማ ኪታንቻይ ሳሉዋፐ ከሲደ፥ ዱገ ዎያዋ በኣድ። ሻርያ እ ማይ ኡቴዳ፤ ቃይ ዙሉ አ ሁጲያ ዩይ አ ኡቴዳ። አ ዴሙካ አዋ ማላ፤ አ ገዲካ ታማ ቱሳ ማላ። 
\v 2 ሄ ኪታንቻይ ዶያ ደእያ እት ጉ ጻጸቶ ማጻፋ ባረ ኩሽያን ኦይቄዳ። ባረ ኡሸቻ ገድያ አባ ቦላ ኤሲደ፥ ባረ ሀድርሳ ገድያ ቢታ ቦላ ኤሴዳ። 
\v 3 ጉድያ ጋሙዋዳን፥ ዎልቃፐ ጉዴዳ። እ ጉዴዳዋፐ ጉይያን፥ ላፑ ጉጉንቱ አናና ጉንን ሃሳዬድኖ።
\p
\v 4 ኡንቱንቱ ጉሜዳ ዎደ ታን ጻፋናዉ ቆፓድ። ሽን ሳሉዋፐ፥ “ላፑ ጉጉንቱ ሃሳዬዳዋ አሳዉ ቃቶፓነ ጻፎፓ” ያግያ ኮሻይ ታዉ ስሰቴዳ።
\p
\v 5 ሄዋፐ ጉየ፥ አባ ቦላንነ ቢታ ቦላን ኤቂደእሽን ታን በኤዳ ኪታንቻይ፥ ባረ ኡሸቻ ኩሽያ ሳሉዋ ፑደ ምጬዳ።\x - \xo 10:5-7 \xo*\xt ከሳ 20:11፤ ዛረ. 32:40፤ ዳኔላ 12:7፤ አሞጻ 3:7\xt*\x* 
\v 6 ሳሉዋነ ሳሉዋን ደእያ ኡባባ፥ ሳኣነ ሳኣን ደእያ ኡባባ፥ አባነ አባን ደእያ ኡባባ፥ መዳ መ መናዉ ደእያ ጾሳ ሱንን ጫቄዳ። ያቲደ፥ “ዎዲ ዉራናዉ ጋምኤና። 
\v 7 ሽን ላፑን ኪታንቻይ ባረ ማላካታ ፑንያ ዎደ፥ ጾሳይ ናባቱዋ ግዴዳ ባረ ቆማቶ ቃላ ኦድ ዎዳዋዳንካ፥ እ ጹሬዳ ቆፋይ ፖለታና” ያጌዳ።
\p
\v 8 ሄዋፐ ጉይያን፥ ሳሉዋፐ ሃሳይሽን ታን ስሴዳ ኮሻይ ላኤንዋ ዛሪደ ታና፥ “አባ ቦላንነ ቢታ ቦላን ኤቄዳ ኪታንቻ ኩሽያን ዶያ ደእያ ጻጸቶ ማጻፋ ባደ አካ” ያግያዋ ስሳድ።\x - \xo 10:8-10 \xo*\xt ህዝ. 2:8—3:3\xt*\x*
\p
\v 9 ታን ሄ ኪታንቻኮ ባደ፥ ጉ ጻጸቶ ማጻፋ ታዉ እማና ማላ፥ አ ኦቻድ። እ ታና፥ “አካደ ማ፤ ማጻፋይ ነ ኡሉዋ ጫምሳናዋ፤ ሽን ነ ዶናን ኤሳዳን፥ እ ማልአናዋ” ያጌዳ።
\p
\v 10 ሄዋፐ ጉየ፥ ታን ኪታንቻ ኩሽያፐ ሄ ጉ ጻጸቶ ማጻፋ አካደ ማድ፤ ታ ዶናን ማጻፋይ ኤሳዳን ማልኤዳ። ሽን ታን ሜዳዋፐ ጉይያን፥ ታ ኡሎ ግዱ ጫሜዳ። 
\v 11 ቃይካ ታና፥ “ያራ ኡባ፥ ዛርያ ኡባ፥ ዱማ ዱማ ቢታ ቃላነ ካታቱዋባ ኔን ትምቢትያ ቃንጸናን ሃሳያናዉ በሴ” ያጌዳ።
\c 11
\s1 ላኡ ማርካቱዋ
\p
\v 1 ሄዋፐ ጉየ፥ ማቃ ማላትያ ልክያ ጻምአይ ታዉ እመቴዳ፤ ታና ጌዳዌ ሀዋ፤ “ባደ ጾሳ ጌሻ ጎልያነ ያርሽያ ሳ ልካ። ሄዋን ጎይንያዋንታካ ፓይዳ።\x - \xo 11:1 \xo*\xt ህዝ. 40:3፤ ዛካ. 2:1-2\xt*\x* 
\v 2 ሽን ጌሻ ጎለዉ ካረ ባጋ አጋ ባሻ፤ ሄዋ ልኮፓ። አያዉ ጎፐ፥ ሄ ሳአይ አይሁዳ ግደና አሳዉ እመቴዳ። አይሁዳ ግደና አሳይ ጌሻ ካታማ ኦይታማነ ላኡ አገናዉ የና።\x - \xo 11:2 \xo*\xt ሉቃሳ 21:24\xt*\x* 
\v 3 ታን ጋብያ ማዬዳ ታ ላኡ ማርካቱዋ ኪታና፤ ኡንቱንቱ እት ሻአነ ላኡ ጼታነ ኡሱፑን ታሙ ጋላሳን ጾሳ ኪታ ኦዳና” ያጌዳ።
\p
\v 4 ሄ ላኡ ማርካቱ ሀ ሳኣ ጎዳ ስንን ኤቂያ ጾምፕያ ዎያ ላኡ ባላቱዋ።\x - \xo 11:4 \xo*\xt ዛካ. 4:3፣ 11-14\xt*\x* 
\v 5 ኦንነ ኡንቱንታ ቆሀናዉ ኮዮፐ፥ ኡንቱንቱ ዶናፐ ታማይ ከሲደ ኡንቱንቱ ሞርከቱዋካ ይሴ። ቃይ ኦንነ ኡንቱንታ ቆሀናዉ ኮዮፐ፥ ሄዋዳንካ ሀይቃና። 
\v 6 ኡንቱንቱ ጾሳ ኪታ ኦድያ ዎድያን እራይ ቡከናዳን፥ ሳሉዋ ጎርዳናዉ ኡንቱንቶ ማታይ ደኤ። ኡንቱንቶ ሃ ሱ ከስያ ማታይካ ደኤ፤ ቃይ ኡንቱንቱ ባረና ኮሽያ ዎደ፥ ሳኣ ዱማ ዱማ ቦሻን ሾጫናዉ ኡንቱንቶ ማታይ ደኤ።\x - \xo 11:6 \xo*\xt 1 ካታ. 17:1፤ ከሳ 7:17-19፤ 1 ሳሜላ 4:8\xt*\x*
\p
\v 7 ኡንቱንቱ ባረንቱ ማርካተ ዉርሴዳዋፐ ጉይያን፥ ጪሞ ኦላፐ ፑደ ከስያ ዶአይ ኡንቱንቱና ኦለታና። ሄ ዶአይ ኡንቱንታ ጾኒደ ዎና።\x - \xo 11:7 \xo*\xt ዳኔላ 7:7፣ 21፤ ሳፃ 13:5-7፤ 17:8\xt*\x* 
\v 8 ኡንቱንቱ ጎዳይ ማስቃልያ ቦላን ምስማርያን ሸቲደ ሱለቴዳ ካታማ ዎጋ ኦግያን ኡንቱንቱ አሃይ ግሳናዋ። ሄ ካታማይ ሌምሱዋን ሶዶማ ዎይ ግብጼ ጌተቲደ ጼሰቴ።\x - \xo 11:8 \xo*\xt ኢሳ. 1:9-10\xt*\x* 
\v 9 ቃይ ያራ ኡባፐ፥ ቆሙዋ ኡባፐ፥ ዱማ ዱማ ቢታ ቃላፐነ ዛርያ ኡባፐ ዬዳ አሳይ ኡንቱንቱ አሃ ሄዙ ጋላሳነ ባጋ በአና። አሃይ ሞገተና ማላ፥ ሄ አሳይ ድጋና። 
\v 10 ሳኣን ደእያ አሳይ ሀ ትምቢትያ ኦድያ ላኡ አሳቱዋ ሀይቁዋን ናሸታና። አሳይ ኡንቱንቱ ሀይቁዋ እቱ እቱዋና እሞታ ላመቲደ ቦንቻናዋ፤ አያዉ ጎፐ፥ ሳኣን ደእያ አሳ ኡንቱንቱ ዳርስ መቶድኖ።
\p
\v 11 ሄዙ ጋላሳነ ባጋፐ ጉይያን፥ ደኡዋ ሸምፑዋ ጾሳይ ኡንቱንቱን ሸምፕና፥ ኡንቱንቱ ደንድ ኤቄድኖ። ኡንቱንታ በኤዳ ኡባይ ኢታ ያሻ ያዬዳ።\x - \xo 11:11 \xo*\xt ህዝ. 37:10\xt*\x* 
\v 12 ሄዋፐ ጉይያን፥ ሄ ትምቢትያ ኦድያ ላኡ አሳቱ ሳሉዋፐ፥ “ሃ ፑደ ከስተ” ግያ ዎልቃማ ኮሻ ስሴድኖ። ባረንቱ ሞርከቱ ባረንታ ጼልሽን፥ ኡንቱንቱ ሻርያን ገሊደ፥ ፑደ ሳሉዋ ቤድኖ።\x - \xo 11:12 \xo*\xt 2 ካታ. 2:11\xt*\x*
\p
\v 13 ሄ ሳትያን ቢታይ ሎይ ቃጽና ካታማፐ ታሙን ኩሺ ዬዳ። ቃይ ቢታ ቃን ላፑ ሻአ አሳይ ሀይቄዳ። አቴዳ አሳይ ሎይ ኮኮር ያዪደ፥ ሳሉዋ ጾሳ ግታተ ሳቤዳ።
\p
\v 14 ላኤን አዬሮ ግያዌ አዳ። ሽን አኬክተ፤ ሄዘን አዬሮ ግያዌ ኤለካ ያናዋ።
\s1 ላፑን ማላካታ
\p
\v 15 ሄዋፐ ጉይያን፥ ላፑን ኪታንቻይካ ባረ ማላካታ ፑኔዳ። ሳሉዋን፥
\q1 “አላምያ ካዉተይ
\q2 ሀእ ኑ ጎዳሳነ
\q1 ክርስቶሳሳ፤
\q2 ቃይ መናፐ መና ጋካናዉ
\q1 እ ሞዳና”
\m ያግያ ዎልቃማ ኮሻይ ስሰቴዳ።\x - \xo 11:15 \xo*\xt ከሳ 15:18፤ ዳኔላ 2:44፤ 7:14፣ 27\xt*\x*
\p
\v 16 ባረንቱ ኦይድያን ኡቴዳ ላታማነ ኦይዱ ጭማቱ ጾሳ ስንን ዱገ ጉፋኒደ፥ ጾሳዉ ጎይኒደ ሀዋዳን ያጌድኖ፤
\q1
\v 17 “ሀእ ደእያዎ፥
\q2 ካሰፐካ ደእያዎ፥ ጎዳዉ፥
\q1 ኡባፐ ዎልቃማ ጾሳዉ፥
\q2 ነዉ ዎልቃማ ዎልቃይ ደእያ ድራዉነ፥
\q2 ኔን ሞዳናዉ ዶሜዳ ድራዉ፥
\q2 ኑን ኔና ጋላቴቶ።
\q1
\v 18 አይሁዳ ግደና አሳይ ሀንቀቴዳ፤
\q2 ነ ሀንቁካ ዬዳ።
\q1 ሀይቄዳዋንቱ ፕርደትያ ዎዲ ሀአ፤
\q2 ቃይ ኔን ነ ኦሳንቻቶ፥ ናባቶ፥
\q2 ጌሻቶ፥ ነ ሱንዉ ያይያዋንቶ፥
\q2 ቃቶነ ላፋቶ ኡንቱንቱ ኦሱዋዳን፥
\q2 እምያ ዎዲካ ሀአ።
\q2 ሳኣ ይስያዋንታካ ኔን ይስያ ዎዲ ሀአ”
\m ያጌድኖ።\x - \xo 11:18 \xo*\xt ማዝ. 2:5፤ 110:5፤ 115:13\xt*\x*
\p
\v 19 ሳሉዋን ደእያ ጾሳ ጌሻ ጎሊ ዶየቴዳ፤ አ ጌሻ ጎልያን ጾሳ ቃላ ጫቁዋ ታቦታይ ቤቴዳ። ቃይ ዋልቃንይ ዎልቃሜዳ፤ ጉንይ ስሰቴዳ፤ ጉጉንይ ጉሜዳ፤ ቢታይ ቃጼዳ፤ ዎልቃማ ሻቻይካ ሻጬዳ።
\c 12
\s1 ታን ምሽራቶ፥ ናኣነ ዳዊያ በኣድ
\p
\v 1 ሄዋፐ ጉይያን፥ ሳሉዋን ዎልቃማ ማላይ ቤቴዳ። አዋ ማዬዳ እት ምሽራታ፥ አገና ቦላ ኤቄዳዉና፥ ታማነ ላኡ ጾልንትያ ካላቻ ባረ ሁጲያን ዎዳዉና ሄዋን ደአዉ። 
\v 2 ሄ ምሽራታ ሻሃራ፤ እዞ የሉዋ ኦይይ፥ ኡንኤና ዋሳዱ።
\p
\v 3 ሀራ እት ዎልቃማ ማላይ ሳሉዋን ቤቴዳ። ታሙ ካጭያና ደእያ ላፑ ሁጲያን ካላቻ ዎዳ እት ዎልቃማ ዞኦ ዳዊ ደኤ።\x - \xo 12:3 \xo*\xt ዳኔላ 7:7\xt*\x* 
\v 4 ሄ ዳዊ ባረ ዱፍያን ሄዘን ኩሸ ጾልንትያ ሳሉዋፐ ዳፊደ፥ ሳኣን ኦሌዳ። ሄ ዳዊ የለት ዎሳናካ ናኣ ማናዉ የላና ሀንያ ምሽራት ስንን ኤቄዳ።\x - \xo 12:4 \xo*\xt ዳኔላ 8:10\xt*\x*
\p
\v 5 ምሽራታ አቱማ ናኣ፥ አይሁዳ ግደና አሳ ኡባ ብራታ ጻምኣን ሞዳናዋ የላዱ። ሽን ናአይ ጾሳኮነ አ አራታኮ፥ ፑደ ኤለካ አከቴዳ።\x - \xo 12:5 \xo*\xt ኢሳ. 66:7፤ ማዝ. 2:9\xt*\x* 
\v 6 ምሽራታ እት ሻአነ ላኡ ጼታነ ኡሱፑን ታሙ ጋላሳዉ ምዚደነ ኡሺደ ዎናዉ ጾሳይ ጊግስ ዎዳ ሳኣ ባዙዋ ባቃታዱ።
\p
\v 7 ሄዋፐ ጉይያን፥ ሳሉዋን ኦላይ ደንዴዳ። ምካኤል ባረ ኪታንቻቱዋና እትፐ ዳዊያ ኦለቴዳ፤ ዳዊካ ባረ ኪታንቻቱዋና ግዲደ፥ ዛር ኦለቴዳ።\x - \xo 12:7 \xo*\xt ዳኔላ 10:13፣ 21፤ 12:1፤ ዳኔላ 9\xt*\x* 
\v 8 ሽን ዳዊ ጾነትና ዳዊያስነ አ ኪታንቻቶ ሳሉዋን ሳአይ ዬዳ። 
\v 9 ዎልቃማ ዳዊ፥ ጻላህያ ካፑዋ ዎይ ሴጻና ግያዌ፥ በን ሾሻይ፥ አላምያ ኡባ ባለያዌ ኦለቴዳ፤ እ ባረ ኪታንቻቱዋና እትፐ ዱገ ሳአዉ ኦለቴዳ።
\p
\v 10 ሄዋፐ ጉይያን፥ ታን ሳሉዋፐ ሀዋዳን ያግያ ኮሻ ስሳድ፤
\q1 “ጾሳ አቶተይ ሀእ ዬዳ።
\q2 ጾሳይ ባረዉ ካተ ግድያዋዳንካ፥
\q2 ባረ ዎልቃ በሴዳ፤
\q2 አ ክርስቶስ ባረ ማታ በሴዳ።
\q1 አያዉ ጎፐ፥
\q2 ቃማነ ጋላስ ጾሳ ስንን ኤቂደ፥
\q2 ኑ እሻቱዋ ሞትያዌ፥
\q2 ሳሉዋፐ ዱገ ኦለቴዳ።\x - \xo 12:10 \xo*\xt ኢዮባ 1:9-11፤ ዛካ. 3:1\xt*\x*
\q1
\v 11 ኑ እሻቱ ዶርሳ ሱንነ፥
\q2 ባረንቱ ቱሙ ማርካተን
\q2 ዳዊያ ኦለቲደ ጾኔድኖ።
\q2 ቃይ ኡንቱንቱ ባረንቱ ሸምፑዋ አ እምያዎ፥
\q2 ቃረትበይክኖ።
\q1
\v 12 ሄዋ ድራዉ፥
\q2 ሳሉነ ሳሉዋ ግዶን ደእያዋንቱ፥
\q2 ናሸትተ።
\q2 ሽን ሳአዉነ አባዉ አዬሮ!
\q1 አያዉ ጎፐ፥
\q2 ጻላህያ ካፑ፥
\q2 ባረዉ ጉ ዎዲ አቴዳዋ ኤርያ ድራዉ፥
\q2 ዎልቃማ ሀንቁዋን፥
\q2 ዱገ ህንተንቱኮ ዎዳ”
\m ያጌዳ።
\p
\v 13 ቃይ ዳዊ ባረና ዱገ ሳኣ ኦሌዳዋ በኤዳዋፐ ጉይያን፥ ሄ አቱማ ናኣ የሌዳ ምሽራቶ የደርሱዋ ዶሜዳ። 
\v 14 ምሽራቶ ሾሻይ ቆሄና ማላ፥ ሄዙ ላይነ ባጋ ማደነ ኡሻደ እዛ ናገትያሳ ባዙዋ ፓላደ ባና ማላ፥ ላኡ ዎልቃማ አርጋን ቀፊ እዝዉ እመቴዳ።\x - \xo 12:14 \xo*\xt ዳኔላ 7:25፤ 12:7\xt*\x*
\p
\v 15 ሄዋፐ ጉይያን፥ ምሽራቶ ድኡ ድኢደ አፋና ማላ፥ ሾሻይ ሻፋ ሃ ኬና ሃ ባረ ዶናፐ ምሽራት ጌዱዋን ጉሴዳ። 
\v 16 ሽን ቢታይ ምሽራቶ ማዴዳ፤ ቢታይ ባረ ዶና ዶዪደ፥ ዳዊያ ዶናፐ ከሴዳ ሃ ምት አጌዳ። 
\v 17 ዳዊ ምሽራትዉ ዳርስ ሀንቀቲደ፥ እዝ ዘረ ጾሳ አዛዙዋ ናግያ ኡባቱዋነ የሱስ ቆንጭሴዳ ቱሙ አማነትያዋንታ ኦላናዉ፥ 
\v 18 ቢደ አባ ዶናን ደእያ ሻፍያን ኤቄዳ።
\c 13
\s1 ታን አባፐ ከስያ ላኡ ዶአቱዋ በኣድ
\p
\v 1 ሄዋፐ ጉይያን፥ እት ዶአይ አባፐ ከስሽን፥ ታን በኣድ። አዉ ታሙ ካጪነ ላፑ ሁጲ ደኤ፤ አ ታሙ ካጭያ ቦላን ታሙ ካላቻይ ደኤ። አ ሁጲያንካ ቦርያ ሱንይ ጻፈት ኡቴዳ።\x - \xo 13:1 \xo*\xt ዳኔላ 7:3፤ ሳፃ 17:3፣ 7-12\xt*\x* 
\v 2 ታን በኤዳ ዶአይ ማህያ ማላቴ፤ አ ገዲ ባባን ጌተትያ ኢታ ዱኣ ገድያ ማላቴ፤ አ ዶናይ ጋሙዋ ዶና ማላቴ። ዳዊ ባረ ዎልቃ፥ ባረ ካዉተ ኦይድያነ ባረ ዎልቃማ ማታ ሄ ዶአዉ እሜዳ።\x - \xo 13:2 \xo*\xt ዳኔላ 7:4-6\xt*\x*
\p
\v 3 ሄ ዶኣ ሁጰቱዋፐ እቱ ሀይቄዳዋ ማላትያዋ ታን በኣድ፤ ሽን ዎያ ማይይ ፓጼዳ። ሳኣ አሳይ ኡባይ ማላለቲደ፥ ሄ ዱኣ ጌዱዋ ካሌዳ። 
\v 4 ዳዊ ባረ ማታ ዶአዉ እሜዳ ድራዉ፥ አሳይ ኡባይ ዳዊያዉ ጎይኔዳ። ቃይ ሄ አሳይ፥ “ዶኣ ማላይ ኦኔ? አናና ኦለታናዉ ኦን ዳንዳዪ?” ያጊደ፥ ዶአዉ ጎይኔዳ።
\p
\v 5 ሄ ዶአዉ ፓላ የዉዋነ ቦርያ ሃሳይያ ዶናይ እመቴዳ። ኦይታማነ ላኡ አገናዉ ኦና ማላ፥ አዉ ማታይ እመቴዳ።\x - \xo 13:5-6 \xo*\xt ዳኔላ 7:8፣ 25፤ 11:36\xt*\x* 
\v 6 ሄ ዶአይ ጾሳ፥ አ ሱን፥ እ ደኢያሳነ ሳሉዋን ደእያ ኡባቱዋ ቦርያ ዶሜዳ። 
\v 7 ሄ ዶአይ ጾሳ አሳቱዋና ኦለቲደ፥ ኡንቱንታ ጾናና ማላ፥ አዉ ማታይ እመቴዳ። ቆሙዋ ኡባ፥ ያራ ኡባ፥ ዱማ ዱማ ቢታ ቃላ ኡባነ ዛርያ ኡባ ሞድያ ማታይ አዉ እመቴዳ።\x - \xo 13:7 \xo*\xt ዳኔላ 7:21\xt*\x* 
\v 8 ሳአይ መታናፐ ካሰ ሹከቴዳ ዶርሳ ደኡዋ ማጻፋን ሱንይ ጻፈትቤና አሳይ፥ ሳኣን ደእያዌ ኡባይ፥ ሄ ዶአዉ ጎይናና።\x - \xo 13:8 \xo*\xt ማዝ. 69:28\xt*\x*
\q1
\v 9 ስስያ ሀይይ ደእያ ኡራይ ስሶ።
\q1
\v 10 ኦሞደታና አሳይ ደኦፐ፥
\q2 ኦንነ ኦሞደታናዋ።
\q1 ማሻን ሹከታና አሳይ ደኦፐ፥
\q2 ኦንነ ማሻን ሹከታናዋ።
\q1 ጌሻቱዋ ዳንዳያይነ፥
\q2 አማኑ ሀዋን ኤረታናዋ።\x - \xo 13:10 \xo*\xt ኤር. 15:2፤ 43:11\xt*\x*
\s1 ታን ሳኣፐ ከስያ ዶኣ በኣድ
\p
\v 11 ሄዋፐ ጉይያን፥ ሀራ ዶአይ ሳኣፐ ከስያዋ ታን በኣድ። ዶርሳ ካጭያ ማላትያ ላኡ ካጪ አዉ ደኤ፤ ሽን ሄ ዶአይ ዳዊያዳን ሃሳዬዳ። 
\v 12 ሄ ዶአይ ኮይሮ ዶኣ ዎልቃማ ማታ ኡባ አ ስንን ኦዳ። ሳአይነ ሳኣን ደእያ አሳይ ኡባይ አ ዎያ ማይይ ፓጼዳ ኮይሮ ዶአዉ ጎይናና ማላ፥ ሄ ዶአይ ጎዳቴዳ። 
\v 13 ሄ ላኤን ዶአይ ዎልቃማ ማላታቱዋ ኦዳ፤ ሀራይ አቶ ታማ ሳሉዋፐ አሳ ኡባ ስን ሳኣ ዎና ጋካናዉ ማላታቱዋ ኦዳ። 
\v 14 ኮይሮ ዶኣ ስንን ኦናዉ፥ አዉ እመቴዳ ማላታቱዋን ሳኣን ደእያ አሳ ኡባ እ ባለዳ። ማሻን ማይቶፐነ ፓጻ ደእያ ኮይሮ ዶኣ ቦንቾ ምስልያ ጊግሳናዳን፥ ሳኣ አሳ ኡባዉ ላኤን ዶአይ ኦዴዳ። 
\v 15 ቃይ ኮይሮ ዶኣ ምስሊ ሃሳያናዳንነ ባረዉ ጎይነና ኡባ ዎናዳን፥ ላኤን ዶአይ ባረ ሸምፑዋ ኮይሮ ዶኣ ምስልያን ሸምፑዋ ገልሳናዉ አዛዘቴዳ።
\p
\v 16 አሳይ ኡባይ ዎጋይነ ቄራይ፥ ማንቁነ ዱሪ፥ ዎማኑነ አይሊ ባረ ኡሸቻ ኩሽያን ዎይ ባረ ዴሙዋን ማላ ዎናዳን፥ ሄ ላኤን ዶአይ ጎዳቴዳ። 
\v 17 ሄ ዶኣ ሱንይ ዎይ አ ሱን ፓይዱ ደእያ ማላይ ባይና አሳይ ኦንነ ዛልአናዉነ ሻማናዉ ዳንዳየና።
\p
\v 18 አዳ ኤራተይ ሀዋን ደኤ። ኤራይ ደእያ ኦንነ ሄ ዶኣ ፓይዱዋ ብለ ኤሮ፤ አያዉ ጎፐ፥ ሄ ፓይዱ እት አሳ ሱን። አ ፓይዱ ኡሱፑን ጼታነ ኡሱፑን ታማነ ኡሱፑና።
\c 14
\s1 ታን ዶርሳነ 144,000 አሳቱዋ በኣድ
\p
\v 1 ሄዋፐ ጉይያን፥ ታን በኣድ። በእተ፥ ዶርሳይ ጽዮነ ደርያ ቦላ ኤቄዳ። አ ሱንይነ አ አቡ ሱንይ ዴሙዋን ጻፈቴዳ፥ እት ጼታነ ኦይታማነ ኦይዱ ሻአ አሳቱ አናና እትፐ ደኢኖ።\x - \xo 14:1 \xo*\xt ህዝ. 9:4፤ ሳፃ 7:3\xt*\x* 
\v 2 ሳሉዋፐ ኩን ሃ ጉንነ ዳዳ ጉን ማላትያ ዎልቃማ ኮሻ ታን ስሳድ። ቃይ ታን ስሴዳ ኮሻይ ዲ ዲጽያዋንቱ ባረንቱ ዲ ዲጽና ስሰትያ ኮሻ ማላቴ። 
\v 3 እት ጼታነ ኦይታማነ ኦይዱ ሻአ አሳቱ ካዉተ ኦይድያ ስንን፥ ኦይዱ ፓጻ ደእያ መታቱዋ ስንንነ ጭማቱዋ ስንን ኤቄድኖ። ሳኣፐ ዎዘቴዳ ኡንቱንቱፐ አትን፥ ሀራይ ኦንነ ታማራናዉ ዳንዳየና ኦራ ማዝሙርያ የጼድኖ። 
\v 4 ሀዋንቱ ጌሻ አሳቱዋ ግድያ ድራዉ፥ ማጫዋንቱና ጋከቲደ ባረና ቱንስበይክኖ። ዶርሳይ\f + \fr 14:4 \fr*\fq ዶርሳ፦ \fq*\ft የሱሳዉ እመቴዳ ሱን።\ft*\f* ብያሳ ኡባ ኡንቱንቱ ካሊኖ። ኡንቱንቱ ጾሳዉነ ዶርሳዉ ባይራ ግዳናዉ፥ ሳኣ አሳ ግዶፐ ዎዘቴዳዋንታ። 
\v 5 ኡንቱንቱ ኡባካ ዎርዶት ኤርክኖ፤ ኡንቱንቱን ባይዙ ባዋ።\x - \xo 14:5 \xo*\xt ሶፎ. 3:13\xt*\x*
\s1 ታን ጾሳ ኪታንቻ በኣድ
\p
\v 6 ሳኣን ደእያ አሳ ኡባዉ፥ ዛርያ ኡባዉ፥ ቆሙዋ ኡባዉ፥ ዱማ ዱማ ቢታ ቃላ ኡባዉነ ያራ ኡባዉ መና ዎንጋላ ምሽራቹዋ አዋያናዉ፥ ቦላ ሳሉዋን ፓልያ ሀራ ኪታንቻ ታን በኣድ። 
\v 7 ሄ ኪታንቻይ ባረ ቃላ ቁ ኦደ፥ “ጾሳዉ ያይተ፤ አ ቦንችተ። አያዉ ጎፐ፥ ሳኣ አሳ እ ፕርድያ ሳቲ ጋኬዳ። ሳሉዋ፥ ሳኣ፥ አባነ ሃ ፑልቱዋ መዳ ጾሳዉ ጎይንተ” ያጌዳ።
\p
\v 8 ሀራ ላኤን ኪታንቻይ፥ “ዎልቃማ ባብሎና ኩንዳዱ፤ እዛ ኩንዴዳ ጋሱነካ አሳ ዛርያ ኡባ ኢታ ኦሱዋ ኦስስያ ድራሳ” ያጊደ፥ ኮይሮ ኪታንቻ ካሌዳ።\x - \xo 14:8 \xo*\xt ኢሳ. 21:9፤ ኤር. 51:8፤ ሳፃ 18:2\xt*\x*
\p
\v 9 ሄዘን ኪታንቻይ ባረ ኮሻ ቁ ኦደ፥ ሀዋዳን ያጊደ፥ ኮይሮ ላኡ ኪታንቻቱዋ ካሌዳ፤ “ዶአዉነ አ ምስለዉ ጎይንያ ኦንነ ቃይ አ ማላ ባረ ዴሙዋን ዎይ ባረ ኩሽያን ዎያ ኦንነ ደኦፐ፥ 
\v 10 ጾሳይ ባረ ዎልቃማ ሀንቁዋ ቡርጩኩዋን ኩንዳ ሀንቁዋ ዎይንያ ኤሳ እ ኡሻና። ሄዋ ኦዳ ኡባይ ጌሻ ኪታንቻቱዋ ስንንነ ዶርሳ ስንን፥ ታማንነ ኤጽያ ዲንያን ፓጻ ካኤታና።\x - \xo 14:10 \xo*\xt ኢሳ. 51:17፤ ዶመ 19:24፤ ህዝ. 38:22\xt*\x* 
\v 11 ኡንቱንታ ፓጻ ካእያ ታማ ጩዋይ መ መናዉ ጩዋታና። ዶአዉነ ሄ ዶኣ ምስለዉ ጎይንያ ኦስነ ቃይ ሄ ዶኣ ሱን ማላታና ደእያ ኦስነ ቃማነ ጋላስ ሸምፑ ባዋ” ያጌዳ።\x - \xo 14:11 \xo*\xt ኢሳ. 34:10\xt*\x*
\p
\v 12 ጾሳዉ አዛዘትያነ የሱሳዉ አማነትያ ጌሻቱ ዳንዳይያ ዳንዳያይ ሀዋና።
\p
\v 13 ሄዋፐ ጉይያን ሳሉዋፐ፥ “ሀዋ ጻፋ፤ ሀዋፐ ስንዉ ጎዳን ሀይቂያዋንቱ አንጀቴዳዋንታ” ያግያ ኮሻ ታን ስሳድ።
\p አያናይ፥ “ቱማ፤ ኡንቱንቱ ባረንቱ ዳቡራፐ ሸምፓና፤ አያዉ ጎፐ፥ ኡንቱንቱ ሎኦ ኪታዉ፥ ጾሳይ ሎኡዋን ዛራና” ያጌ።
\s1 ታን ቆይቻ ዎድያ በኣድ
\p
\v 14 ቃይካ ታን በኣድ። በእተ፥ ቦ ሻሪ ደኤ። ሻርያ ቦላን አሳ ናኣ ማላትያዌ ኡቴዳ፤ አ ሁጲያን ዎርቃ ካላቻይ፥ ቃይ አ ኩሽያን ቃራ ባጫይ ደኤ።\x - \xo 14:14 \xo*\xt ዳኔላ 7:13\xt*\x* 
\v 15 ሀራ ኪታንቻይ ጌሻ ጎልያፐ ከሲደ፥ ሻርያ ቦላን ኡቴዳዎ ባረ ቃላ ቁ ኦደ፥ “ቆይቻ ሳቲ ጋኬዳ ድራዉ፥ ነ ባጫ የዳደ ካ ቆይጫ፤ አያዉ ጎፐ፥ ሳኣ ካይ መሌዳ” ያጌዳ።\x - \xo 14:15 \xo*\xt ኢዩ. 3:13\xt*\x* 
\v 16 ሻርያ ቦላን ኡቴዳዌ፥ ባረ ባጫ ሳኣ የዲደ፥ ሳኣ ካ ጫኬዳ።
\p
\v 17 ቃይካ ሳሉዋን ደእያ ጌሻ ጎልያፐ ሀራ ኪታንቻይ ከሴዳ፤ አዉካ ኩሳ ባጫይ ደኤ።
\p
\v 18 ታማዉ ካፖ ግዴዳ ሀራ ኪታንቻይ ያርሽያ ሳፐ ከሲደ፥ ኩሳ ባጫይ ደእያ ኪታንቻዉ ባረ ቃላ ቁ ኦደ፥ “ዎይንያ አይፊ ቴሬዳ ድራዉ፥ ነ ኩሳ ባጫ የዳደ፥ ሳኣን ደእያ ዎይንያ ቱራፐ ሆንዶዳ አይፍያ ቃንጻ!” ያጌዳ። 
\v 19 ሄ ኪታንቻይ ባረ ባጫ ሳኣ የዲደ፥ ሳኣን ደእያ ዎይንያፐ ሆንዶዳ አይፍያ ቃንጼዳ፤ ጾሳ ዎልቃማ ሀንቁዋ ሄ ዎይንያ ጉምእያ ኦላን የጌዳ። 
\v 20 ካታማፐ ጋጻን ደእያ ዎይንያ አይፍያ ጉምእያ ኦላን ዎይንያ አይፊ ጉምኤቴ። ሱይ ከሲደ፥ ሄ ዎይንያ ጉምእያ ኦላፐ ሄዙ ጼቱ ኪሎ ሚትርያ ኬና ሃኪደ፥ ፓራዉ ፑሉዋ ጋክያዋ ኬና ቁ ጊደ ኤሌዳ።\x - \xo 14:20 \xo*\xt ኢሳ. 63:3፤ ሴላ 1:15፤ ሳፃ 19:15\xt*\x*
\c 15
\s1 ታን ቡርጩኩዋ አባ ቤኣድ
\p
\v 1 ታን ሳሉዋን ሀራ ዎልቃማነ ማላልስያ ማላ በኣድ። ጾሳ ሀንቁ ኡንቱንቱ ቦላን ፖለትያ ድራዉ፥ ዉርሰ ላፑ ቦሻና ደእያ ላፑ ኪታንቻቱ ደኢኖ።
\p
\v 2 ቃይካ ታን ቡርጩኩዋ አባ ማላትያዋ ታማና ዋላከቴዳዋ በኣድ። ቃይ ዶኣ፥ አ ምስልያነ አ ሱን ፓይዱዋ ጾኔዳዋንታ በኣድ። ጾሳይ ኡንቱንቶ እሜዳ ዲቱዋ ኦይቂደ፥ ቡርጩኩዋ ማላትያ አባ ማታን ኡንቱንቱ ኤቄድኖ። 
\v 3 ኡንቱንቱ፥ ጾሳ ኦሳንቻ ሙሴ ማዝሙርያነ ዶርሳ ማዝሙርያ ሀዋዳን የጼድኖ።
\q1 “ጎዳዉ፥ ኡባፐ ዎልቃማ ጾሳዉ፥
\q2 ነ ኪታይ ግታነ ማላልስያዋ።
\q1 አሳ ዛርያ ኡባ ካተዉ፥
\q2 ነ ኦጊ ጽሉዋነ ቱሙዋ።\x - \xo 15:3 \xo*\xt ከሳ 15:1\xt*\x*
\q1
\v 4 ጎዳዉ፥ ነዉ ያየናዌነ
\q2 ነ ሱን ቦንቼናዌ ኦኔ?
\q1 አያዉ ጎፐ፥ ጌሻይ ነ ጻላላ።
\q2 አሳ ዛርያ ኡባይ ዪደ፥
\q2 ነ ስንን ጎይናና፤
\q2 አያዉ ጎፐ፥ ነ ጽሎ ኪታይ
\q2 ኡባዉ ቆንጬዳ”
\m ያጊደ የጺኖ።\x - \xo 15:4 \xo*\xt ኤር. 10:7፤ ማዝ. 86:9\xt*\x*
\s1 ላፑ ቦሻና ደእያ ላፑ ኪታንቻቱዋ
\p
\v 5 ሄዋፐ ጉይያን፥ ታን ሳሉዋን ደእያ ጌሻ ጎሊ ዶየቶዋ ሄዌካ ማርካተ ዱንካንያ በኣድ።\x - \xo 15:5 \xo*\xt ከሳ 38:21\xt*\x* 
\v 6 ላፑ ቦሻና ደእያ ላፑ ኪታንቻቱ ጌሻ ጎልያፐ ከሴድኖ። ኡንቱንቱ ጶሊደ ቦጽያ ላይኑዋ ማዩዋ ማዬድኖ፤ ባረንቱ ትራ ዎርቃ ዳንጩዋን ዩሽ አደ ቃቼድኖ። 
\v 7 ደኡዋን ደእያ ኦይዱ መታቱዋፐ እቱ፥ መ መናዉ ጋካናዉ ደእያ ጾሳ ሀንቁ ኩሜዳ ላፑ ዎርቃ ከረቱዋ ላፑ ኪታንቻቶ እሜዳ። 
\v 8 ጾሳ ቦንቹዋፐነ አ ዎልቃፐ ዬዳ ጩዋይ ጌሻ ጎልያ ኩሜዳ። ላፑ ኪታንቻቱ አሄዳ ላፑ ቦሻቱ ፖለታና ጋካናዉ፥ ጌሻ ጎልያ ኦንነ ገላናዉ ዳንዳይቤና።\x - \xo 15:8 \xo*\xt ከሳ 40:34፤ 1 ካታ. 8:10-11፤ 2 ኦዱዋ 5:13-14፤ ኢሳ. 6:4\xt*\x*
\c 16
\s1 ጾሳ ሀንቁ ኩሜዳ ከረቱዋ
\p
\v 1 ሄዋፐ ጉይያን፥ ላፑ ኪታንቻቶ፥ “ቢደ ጾሳ ሀንቁዋ ላፑ ከርያፐ ሳኣን ጉስተ” ያጊደ፥ ጌሻ ጎልያፐ ሃሳይያ ዎልቃማ ኮሻ ታን ስሳድ።
\p
\v 2 ኮይሮ ኪታንቻይ ቢደ፥ ባረ ከርያን ደእያዋ ሳኣን ጉስና፥ ዶኣ ማላይ ደእያዋንቱ ቦላነ ሄ ዶኣ ምስለዉ ጎይንያዋንቱ ቦላ ሎይ ሳክያ ማይ ከሴዳ።\x - \xo 16:2 \xo*\xt ከሳ 9:10\xt*\x*
\p
\v 3 ላኤን ኪታንቻይ ባረ ከርያን ደእያዋ አባን ጉስና አባ ሃይ ሀይቄዳ አሳ ሱ ማላቴዳ። ቃይ አባን ደእያ መታ ኡባይካ ሀይቂ አጌዳ።
\p
\v 4 ሄዘን ኪታንቻይ ባረ ከርያን ደእያዋ ሻፋቱዋንነ ፑልታቱዋን ጉስና ኡንቱንቱ ሱ ግዴድኖ።\x - \xo 16:4 \xo*\xt ከሳ 7:17-21፤ ማዝ. 78:44\xt*\x* 
\v 5 ሃዉ አዎትያ ኪታንቻይ ሀዋዳን ያግያዋ፥ ታን ስሳድ፤
\q1 “ካሰካ ሀእካ ደእያ ጎዳዉ፥
\q2 ጌሻዉ፥ ሀ ፕርዳ ፕርዴዳ ድራዉ፥
\q2 ኔን ጽሉዋ።
\q1
\v 6 ኡንቱንቱ ጌሻቱዋ ሱነ፥
\q2 ናባቱዋ ሱ ጉሴዳ ድራዉ፥
\q2 ኔን ኡንቱንታ ኡሻናዉ፥
\q2 ሱ ኡንቱንቶ እማዳ።
\q1 ኡንቱንቱ ባረንቶ፥
\q2 በስያዋ አኬድኖ”
\m ያጌዳ።
\q1
\v 7 ያርሹዋ ያርሽያ ሳፐ፥
\q2 “ጎዳዉ፥ ኡባፐ ዎልቃማ ጾሳዉ፥
\q2 ነ ፕርዳይ ቱሙዋነ ጽሉዋ!”
\m ያግያ ኮሻ ታን ስሳድ።
\p
\v 8 ኦይደን ኪታንቻይ ባረ ከርያን ደእያዋ አዋይፍያ ቦላን ጉስና ባረ ታማ ሴላን አሳ ጉዳናዉ፥ አዋይፈዉ ማታይ እመቴዳ። 
\v 9 አሳይ ዎልቃማ ሴላን ጉደቲደ ሀ ቦሻቱዋ ቦላን ማታይ ደእያ ጾሳ ሱን ቦሬዳ። ሽን ባረ ናጋራፐ ስምቤናነ ጾሳ ግታተካ ቦንችቤና።
\p
\v 10 እቼሸን ኪታንቻይ ባረ ከርያን ደእያዋ ዶኣ ካዉተ ኦይድያ ቦላ ጉስና፥ ሄ ዶኣ ካዉተይ ሜዳ። አሳይ ባረ ሴላ ድራዉ፥ ባረ እንጻርሳ ሳኤዳ።\x - \xo 16:10 \xo*\xt ከሳ 10:21\xt*\x* 
\v 11 ቃይ አሳይ ባረ ሴላ ድራዉነ ባረ ማይ ድራዉ ሳሉዋ ጾሳ ሸቄዳ። ሽን ባረ ኦዳ ናጋራፐ ስምቤና።
\p
\v 12 ኡሱፑን ኪታንቻይ ባረ ከርያን ደእያዋ ዎጋ ኤፍራጺሳ ጌተትያ ሻፋን ጉስና አዋይ ዶልያ ባጋፐ ያና ካታቶ ኦጊ ጊጋናዳን፥ ሃይ መሌዳ።\x - \xo 16:12 \xo*\xt ኢሳ. 11:15\xt*\x* 
\v 13 ሄዋፐ ጉይያን፥ ታን ሼያ ማላትያ ሄዙ ቱና አያናቱ ዳዊያ ዶናፐ፥ ዱኣ ዶናፐነ ዎርዱዋ ትምቢትያ ኦድያዋ ዶናፐ ከስሽን በኣድ። 
\v 14 ኡንቱንቱ ማላቱዋ ኦያ ጻላሀቱዋ አያናቱዋ። ሄ ሄዙ ኢታ አያናቱ ኡባፐ ዎልቃማ ጾሳ ዎልቃማ ጋላሳን፥ ሳኣ ካታቱዋ ኡባ ኦላዉ ሺሻናዉ ባና።
\p
\v 15 “በአ፥ ታን ካይሱዋዳን ያና። አሳ ስንን ካሎ ሀመቲደ ዬላተና ማላ፥ ገምእሸናን ባረ ማዩዋ ማዪደ ናግያ ኡራይ አንጀቴዳዋ!” ያጌዳ።
\p
\v 16 ሄ ኢታ አያናቱ ካተቱዋ እብራይስጸ ቃላን አርማገዶና\f + \fr 16:16 \fr*\fq አርማገዶና፦ \fq*\ft ሀ ቃላዉ ኮይሮት ደእያ እብራይስጽያ መታይ፥ “ሀር-ማግዶ” ያግያዋ ግዲደ፥ “ሀር-ማግዶ” ግያዎ ደእያ ብለይ፥ “ሜግዶ-ዞዝያ” ያግያዋ። ሀዋ ጉሳይ በን ዎድያን አሳይ ጮራ ኦላ ኦለቴዳ ሳኣ ጉሳ።\ft*\f* ጌተትያ ሳኣ ሺሼድኖ።\x - \xo 16:16 \xo*\xt 2 ካታ. 23:29፤ ዛካ. 12:11\xt*\x*
\p
\v 17 ላፑን ኪታንቻይ ባረ ከርያን ደእያዋ ጫርኩዋን ጉስና፥ ጌሻ ጎልያን ደእያ አራታፐ፥ “ፖለቴዳ” ያግያ ዎልቃማ ኮሻይ ዬዳ። 
\v 18 ሄዋፐ ጉይያን፥ ዋልቃንይ ዎልቃሜዳ፤ ጉንይ ስሰቴዳ፤ ጉጉንይካ ጉሜዳ። ቃይ ቢታይ ፓላ ቃ ቃጼዳ። አሳይ ሳኣን መቶደፐካ ቢታይ ሄዋ ማላ ቃ ቃጽ ኤረና፤ ሄዌ ኡባፐ አዳ ቃ። 
\v 19 ዎልቃማ ካታማይ ሄዙ ከሲደ ዛኤዳ። ቢታ ኡባን ደእያ ካታማቱ ዬድኖ። ጾሳይ ዎልቃማ ባብሎኖ ቆፒደ፥ ባረ ኢታ ሀንቁዋ ዎይንያ ኤሳይ ኩሜዳ ቡርጩኩዋፐ ዎይንያ ኤሳ ባብሎኖ ኡሼዳ።\x - \xo 16:19 \xo*\xt ኢሳ. 51:17\xt*\x* 
\v 20 አባን ዶደቴዳ ቢታይ ኡባይ ዬዳ፤ ደሪካ ቤትቤና። 
\v 21 አሳ ቦላ ኦይታሙ ኪሎ ኬና ዴጽያ ዎልቃማ ሻቻይ ሳሉዋፐ ዎዳ። አሳይ ሄ ሻቻ ቦሻ ድራዉ፥ ጾሳ ቦሬዳ፤ አያዉ ጎፐ፥ ቦሻይ ዳሮ ዎልቃማ።\x - \xo 16:21 \xo*\xt ከሳ 9:23፤ ሳፃ 11:19\xt*\x*
\c 17
\s1 ባብሎነ ቦላ ያና ሙራ
\p
\v 1 ሄዋፐ ጉይያን፥ ላፑ ከረቱ ደእያ ላፑ ኪታንቻቱዋፐ እቱ ታኮ ዪደ፥ ታና ሀዋዳን ያጌዳ፤ “ሃያ፤ ዳሮ ሻፋቱዋ ጋጻን ደእያ ዎሹምያ፥ ዎልቃማ ካታማታ፥ ዋና ሙረታነንቶ፥ ታን ኔና በሳና። 
\v 2 ሳኣን ደእያ ካታቱ እዝና ዎሹሜድኖ፤ ሳኣን ደእያ አሳይካ እዝ ዎይንያ ኤሳ ኡሽ ማቲደ እዝና ዎሹሜዳ” ያጌዳ።\x - \xo 17:2 \xo*\xt ኢሳ. 23:17፤ ኤር. 51:7\xt*\x*
\p
\v 3 ሄ ኪታንቻይ ታና አያናን ባዙዋ አፌዳ። ሄዋን ታን እት ምሽራቶ ቦርያ ሱንይ ቦላ ኡባን ጻፈት ኡቴዳ ዞኦ ዶኣ ቶጌዳዉኖ በኣድ፤ ሄ ዶአዉ ላፑ ሁጲያን ታሙ ካጪ ደኤ። 
\v 4 ሄ ምሽራታ ቴራ ኦቻ ማላትያ ማዩዋነ ዞኦ ማዩዋ ማያዱ፤ እዛ ቃይ ዎርቃን፥ ቦንቾ ሹቻንነ እንቁዋ ጌተትያ አልኦ ሹቻን አሌቃዱ። እዛ ዎሹምያ ቱናባይነ ሸነይያባይ ኩሜዳ ዎርቃ ቡርጩኩዋ ባረ ኩሽያን ኦይቃዱ።\x - \xo 17:4 \xo*\xt ኤር. 51:7\xt*\x* 
\v 5 እዝ ዴሙዋን ጹራ የዉዋ ብለይ ደእያ ሱንይ፥
\b
\pc “ዎልቃማ ባብሎኖ፤
\pc ሳኣን ደእያ
\pc ዎሹምያዋንቶነ
\pc ሳኣን ደእያ
\pc ሸነይያባዉ አቶ”
\m ያግያዌ ጻፈት ኡቴዳ።
\b
\m
\v 6 ቃይ ሄ ምሽራታ ጌሻቱዋ ሱነ የሱሳዉ ማርካትሽን ዎዳዋንቱ ሱ ኡሻደ ማቴዳዉኖ ታን በኣደ ማላለታድ።
\p
\v 7 ኪታንቻይ ታና፥ “ኔን አያዉ ሀዋዳን ማላለታዲ? ታን ነዉ ምሽራት ጹራ የዉዋነ እዛ ቶኬዳ ላፑ ሁጲያን ታሙ ካጪ ደእያ ዱኣ ጹራ የዉዋ ኦዳና። 
\v 8 ኔን በኤዳ ዶአይ ካሰ ደኤ፤ ሽን ሀእ ባዋ። ሄ ዶአይ ጪሞ ኦላፐ ኤለ ከሲደ፥ ባሻዉ ባናዋ። አላሚ መቶደፐ ዶሚደ፥ ደኡዋ ማጻፋን ኡንቱንቱ ሱንይ ጻፈትቤና ሳኣን ደእያ አሳይ ዶኣ በኢደ ማላለታና። አያዉ ጎፐ፥ እ ካሰ ደኤ፤ ሀእ ባዋ፤ ሽን ስንፐ ያናዋ።\x - \xo 17:8 \xo*\xt ዳኔላ 7:7፤ ሳፃ 11:7፤ ማዝ. 69:28\xt*\x*
\p
\v 9 “ሀዌ አዳ ኤራተነ አኬካ ኮዬ። ላፑ ሁጲ ምሽራታ ኡትያ ላፑ ደረቱዋ፤ ሄዋንቱ ቃይ ላፑ ካታቱዋ። 
\v 10 ኡንቱንቱፐ እቼሹ ካታቱ ኩንዴድኖ። እቱ ሀእ ጋካናስካ ሞዴ፤ የኮ ካቲ ይቤና። እ ዪደ፥ ጉ ዎድያ ታካናዉ በሴ። 
\v 11 ካሰ ደኤዳ ዶአይ፥ ሀእ ባይናዌ፥ እ ባረ ሁጰዉ ሆስፑን ዱኣ። እ ላፑ ዶአቱዋፐ እቱዋ፤ እ ያናዉ ቤ።
\p
\v 12 “ኔን በኤዳ ታሙ ካጨቱ ሞዳናዉ ዶምቤና ታሙ ካተቱዋ። ሽን ኡንቱንቱ ዶኣና እትፐ እት ሳተዉ ካተቱዋዳን ሞዳናዉ ኡንቱንቶ ማታይ እመታና።\x - \xo 17:12 \xo*\xt ዳኔላ 7:24\xt*\x* 
\v 13 ኡንቱንቶ ኡባዉ እት ቆፋይ ደኤ፤ ኡንቱንቱ ባረንቱ ዎልቃነ ባረንቱ ማታ ዶአዉ እማና። 
\v 14 ኡንቱንቱ ዶርሳና ኦለታና፤ ሽን ዶርሳይነ ዶርሳና ደእያዋንቱ፥ እ ጼጌዳዋንቱነ ዶሬዳዋንቱ፥ አ ካልያ አማነቴዳዋንቱ፥ ሄ ካተቱዋ ጾናና፤ አያዉ ጎፐ፥ እ ጎዳቱዋ ጎዳነ ካተቱዋ ካትያ” ያጌዳ።
\p
\v 15 ኪታንቻይ ቃይካ ታና ሀዋዳን ያጌዳ፤ “ጫራታ ኡቴዳ ሄ ኔን በኤዳ ሃይ ያራቱዋ፥ ጮራ አሳ፥ አሳ ዛራቱዋነ ዱማ ዱማ ቢታ ቃላ። 
\v 16 ቃይ ኔን በኤዳ ታሙ ካጪነ ዶአይ ዎሹመዉኖ እጻናዋንታ። ኡንቱንቱ እዝዉ ደእያ ኡባባ አክ ድጋና። ቃይ እዞ ካሎ አሻናነ እዝ አሹዋ ም ድጋና፤ ያቲደ ኡንቱንቱ እዞ ታማን ጉዳና። 
\v 17 አያዉ ጎፐ፥ ጾሳ ቃላይ ቱማታና ጋካናዉ፥ ኡንቱንቱ ቆፋይ እቱዋ ግዳናዳን፥ ኡንቱንቱ ባረንቱ ሞድያ ዎልቃ ዶአዉ እማናዳንነ ጾሳይ ቆፔዳዋ ኡንቱንቱ ኦናዳን፥ ኡንቱንቱ ዎዛናን ጾሳይ አሙዋ ዎዳ።
\p
\v 18 “ሄ ኔን በኤዳ ምሽራታ ሳኣ ካተቱዋ ሞድያ ዎልቃማ ካታማቶ” ያጌዳ።
\c 18
\s1 ባብሎን ኩንደ
\p
\v 1 ሄዋፐ ጉይያን፥ ዎልቃማ ማታይ ደእያ ሀራ ኪታንቻይ ሳሉዋፐ ዎሽን፥ ታን በኣድ። ሄ ኪታንቻ ቦንቹ ሳኣ ፖእሴዳ።
\p
\v 2 ሄ ኪታንቻይ ባረ ኮሻ ቁ ኦደ፥
\q1 “እዛ ኩንዳዱ!
\q2 ዎልቃማ ባብሎና ኩንዳዱ!
\q1 ባብሎና ጻላሀቱ አቅያሳ ግዳዱ፤
\q2 ኢታ አያናቱ ኡባቱነ፥
\q2 እጸትያ ኢታ ካፋቱ ኡባቱ ኢን ደኢኖ።\x - \xo 18:2 \xo*\xt ኢሳ. 13:21፤ 21:9፤ ኤር. 50:39፤ 51:8፤ ሳፃ 14:8\xt*\x*
\q1
\v 3 አያዉ ጎፐ፥ አሳ ዛርያ ኡባ፥
\q2 ባረ ማይያ ዎይንያ ኤሳ ኡሽና፥
\q2 እዝና ዎሹሜድኖ።
\q2 ቃይካ ሳኣ ካታቱ፥
\q2 እዝና ዎሹሜድኖ።
\q2 እዝ እሻሎ ዎልቃ ጋሱዋን፥
\q2 ሳኣን ደእያ ዛልአንቻቱ ዱረቴድኖ”
\m ያጌዳ።\x - \xo 18:3 \xo*\xt ኢሳ. 23:17፤ ኤር. 51:7\xt*\x*
\q1
\v 4 ሄዋፐ ጉይያን፥
\q2 ታን ሳሉዋፐ፥
\q2 ሀዋዳን ያግያ ሀራ ኮሻ ስሳድ፤
\q2 “ታ አሳዉ፥ ኢፐ ከስተ!
\q1 እዝ ናጋራ እዝና ኮጾፕተ!
\q2 እዝ ሙራ ግሸቶፕተ።
\q1
\v 5 አያዉ ጎፐ፥ እዝ ናጋራይ፥
\q2 ሳሉዋ ጋካናዉ ዶረት ኡቴዳ።
\q1 ጾሳይ እዝ ኢታ ባይዙዋ፥ ሀሳዬዳ።\x - \xo 18:5 \xo*\xt ዶመ 18:20-21፤ ኤር. 51:9\xt*\x*
\q1
\v 6 እዛ እሜዳዋ ኬና ዛሪደ፥
\q2 እዝዉ እምተ። እዛ ኦዳዎ፥
\q2 ላኡ ኩሽያ እዝዉ ቃንጽተ።
\q2 እዛ ህንተንቶ ጊግሴዳ ኡሻፐ፥
\q2 ላኡ ኩሽያ ኡሻ፥
\q2 እዝ ቡርጩኩዋ ኩንተ።\x - \xo 18:6 \xo*\xt ማዝ. 137:8፤ ኤር. 50:29\xt*\x*
\q1
\v 7 እዛ ቦንቼቴዳዋነ፥
\q2 እሻሌዳዋ ኬና፥
\q2 እዞ ቱጋይተነ ካዮይተ።
\q2 እዛ ባረ ዎዛናን፥
\q1 ‘ታን ካታቲዳን ኡታይ፤
\q2 ታን አስናይ ባይና ማጫዉኖ ግድከ፤
\q2 ቃይ ኡባካ ካዮትከ’ ያጋዉ።\x - \xo 18:7 \xo*\xt ኢሳ. 47:7-9\xt*\x*
\q1
\v 8 ሄዋ ድራዉ፥ እዝ ቦሻ ኡባይ፥
\q2 ሀርጊ፥ ካዩነ ኮሻይ፥
\q2 እዞ እት ጋላስ ኦይቃና።
\q2 ቃይ እዛ ታማን ጉደታና፤
\q2 አያዉ ጎፐ፥
\q2 እዝ ቦላ ፕርድያ ጎዳ ጾሳይ፥ ዎልቃማ”
\m ያጌዳ።
\p
\v 9 ሳኣ ካታቱ፥ እዝና ዎሹሚደ እሻሌዳዋንቱ ሄ ካታማታ ጉደትና፥ ከስያ ጩዋ በኤዳ ዎደ፥ ካታማትዉ ኡንቱንቱ ዋሳናነ ዬካና።\x - \xo 18:9-10 \xo*\xt ህዝ. 26:16-17\xt*\x* 
\v 10 ኡንቱንቱ ሄ ካታማት ኡጋዉ ያዬዳ ድራዉ፥ ሃክ ኤቂደ፥ “ሀ ዎልቃማ ካታማቴ! ዎልቃማ ካታማቴ! ባብሎኔ፥ ነዉ አዬሮ! ኔን አይ ማላ ቱጋታኒሻ። ኔን እት ሳትያ ግዶን ነ ፕርዳ አካዳ” ያጋና።
\p
\v 11 ኡንቱንቱ ማርካብያ ጫና ሀዋፐ ስንናዉ ሻምያባይ ባይና ድራዉ፥ ሳኣን ደእያ ዛልአንቻቱ ሄ ካታማትዉ ዋሳናነ ካዮታና።\x - \xo 18:11 \xo*\xt ህዝ. 27:31፣ 36\xt*\x* 
\v 12 ኡንቱንቱ ዎርቃ፥ ብራ፥ ቦንቾ ሹቻ፥ እንቁዋ ጌተትያ አልኦ ሹቻ፥ ቴራ ኦቻ ማላትያ ማዩዋ፥ ሱፍያ ማላ ማዩዋ፥ ሀርያ ጌተትያ ማዩዋ፥ ዞኦ ማዩዋ፥ ኡባ ቆሞ ሳዊያ ም፥ ኡባ ቆሙዋን ኦዳ ዳንጋርሳ አቻ፥ አልኦ ምፐ መቴዳባ፥ ናሃስያ፥ ብራታ፥ እብነበረድያ ጌተትያ ሹቻ፥\x - \xo 18:12-13 \xo*\xt ህዝ. 27:12፣ 13፣ 22\xt*\x* 
\v 13 ቃራፋ፥ ቅማምያ፥ እጻና፥ ሽቱዋ፥ ሳዊያ እጻና ልያ፥ ዎይንያ ኤሳ፥ ዎጋራ ዛይትያ፥ ሊቄዳ ልያ፥ ዛርጋ፥ ሚዛ፥ ዶርሳ፥ ፓራነ ፓራይ ጎችያ ጋርያ፥ ኡንቱንቱ አይለቱዋነ ሀራይ አቶ አሳ ሸምፑነ ሻምያባይካ ባዋ።
\q1
\v 14 ዛልአንቻቱ ምሽራትዉ፥
\q2 “ኔን አሞቴዳ፥
\q2 ሎኦባይ ኡባይ ኔፐ ሀል ድጌዳ።
\q2 ነ ደኡነ፥
\q2 አሌቀትያባይ ኡባይ ይድጌዳ።
\q2 ኔን ላኤን ኡንቱንታ ኡባካ ደማካ”
\m ያጌድኖ።
\p
\v 15 ሄ ካታማትን ዛልኢደ ዱረቴዳ ዛልአንቻቱ እዝ ኡጋዉ ያዪደ፥ ኢፐ ሃኪደ ኤቃና። ኡንቱንቱ ዬካናነ ካዮታና።\x - \xo 18:15 \xo*\xt ህዝ. 27:31፣ 36\xt*\x* 
\v 16 ቃይ፥
\q1 “ሱፍያ ጌተትያ፥
\q2 ክርያን ዳደቴዳ ማዩዋ፥
\q2 ቴራ ኦቻ ማላትያ፥
\q2 ማዩዋነ ዞኦ ማዩዋ ማያደ፥
\q2 ዎርቃ አሌቁዋን፥
\q2 ቦንቾ ሹቻንነ፥
\q2 እንቁዋ ጌተትያ አልኦ ሹቻን አሌቄዳ፥
\q2 ሄ ዎልቃማ ካታማትዉ አዬሮ!
\q1
\v 17 ሀዋ ኬና ዎልቃማ ማጹ ኡባይ፥
\q2 እት ሳትያ ግዶን፥ ድፕ ግ ይ አጌዳ”
\m ያጌድኖ።
\p ማርካብያ ላግያ ኡባቱ፥ ማርካብያን ብያ ኡባቱ፥ ማርካብያን ኦያ ኡባቱነ አባን ኦ ጎኤትያ ኡባቱ ሃክ ኤቄድኖ።\x - \xo 18:17 \xo*\xt ኢሳ. 23:14፤ ህዝ. 27:26-30\xt*\x* 
\v 18 ሄ ካታማታ ጉደትና ከስያ ጩዋ በኤዳ ዎደ ባረንቱ ኮሻ ቁ ኦደ፥ “ሀ ዎልቃማ ካታማቶ ማላትያ ካታማይ ኡባካ ባዋ” ያጌድኖ።\x - \xo 18:18 \xo*\xt ህዝ. 27:32\xt*\x*
\p
\v 19 ኡንቱንቱ ባረንቱ ሁጲያን ባና ቆሊደ፥ ዋሴድኖነ ካዮቴድኖ፤
\q1 “አባን ማርካባቱ ደእያ ኡባ፥
\q2 ባረ ማቁዋን ዱረዬዳ፥
\q2 ዎልቃማ ካታማትዉ አዬሮ!
\q2 ቃይ እዝዉ ደእያባይ ኡባይ
\q2 እት ሳትያ ግዶን ይ አጌዳ።\x - \xo 18:19 \xo*\xt ህዝ. 27:30-34\xt*\x*
\q1
\v 20 ሄ ካታማታ ዬዳ ድራዉ፥
\q2 ሳሎ፥ ናሸታ!
\q1 ጌሻቶ፥ የሱስ ኪቴዳዋንቶ፥
\q2 ናባቶ፥ ናሸትተ!
\q2 አያዉ ጎፐ፥
\q2 እዛ ህንተንታ ኦዳዋ ድራዉ፥
\q2 ጾሳይ እዞ ፕርዴዳ” ያጌዳ።\x - \xo 18:20 \xo*\xt ዛረ. 32:43፤ ኤር. 51:48\xt*\x*
\q1
\v 21 ሄዋፐ ጉይያን፥
\q2 ዎልቃማ ኪታንቻይ፥
\q2 ዎጻ ማላትያ ዎልቃማ ሹቻ፥
\q2 ደን አባን ኦሊደ ሀዋዳን ያጌዳ፤
\q1 “ዎልቃማ ካታማታ፥
\q2 ባብሎና፥ ሱግና ሀዋዳን ኩንዳና፤
\q2 እዛ ሀቼፐ ስንዉ፥ ኡባካ ቤቱኩ።\x - \xo 18:21 \xo*\xt ኤር. 51:63-64፤ ህዝ. 26:21\xt*\x*
\q1
\v 22 ዲ ዲጽያዋንቱነ፥
\q2 ማዝሙርያ የጽያዋንቱ፥
\q2 ሱሱልያነ ማላካታ ፑንያዋንቱ፥
\q2 ኮሻይ ሀዋፐ ህን ባጋን፥
\q2 ነ ግዶን ኡባካ ስሰተና።
\q1 ኩሽያ ሂላ ኤርያ ኦንነ፥
\q2 ላኤን ኡባካ ደኤና።
\q1 ዎጻ ኮሻይካ
\q2 ሀዋፐ ስንዉ ነ ግዶን ስሰተና።\x - \xo 18:22 \xo*\xt ህዝ. 26:13፤ ኢሳ. 24:8\xt*\x*\x - \xo 18:22-23 \xo*\xt ኤር. 7:34፤ 25:10\xt*\x*
\q1
\v 23 ጾምፕያ ፖኡካ ላኤንዋ ነ ግዶን ፖኤና።
\q2 አክያዋ ኮሻይነ ገለዉን ኮሻይ፥
\q2 ስንዉ ነ ግዶን ስሰተና።
\q2 ነ ዛልአንቻቱ ሳኣ ኡባን፥
\q2 ኤረቴዳ ዎልቃማቱዋ።
\q2 ነ ብትያዋን አሳ ዛርያ ኡባይ ጭመቴዳ።
\q1
\v 24 ናባቱዋ ሱይ፥
\q2 ጌሻቱዋ ሱይነ፥
\q2 ሳኣን ሀይቄዳ ኡባቱዋ ሱይ፥
\q2 እዝን ቤቴዳ ድራዉ፥
\q1 ባብሎና፥ ሙረታዱ”
\m ያጌዳ።\x - \xo 18:24 \xo*\xt ኤር. 51:49\xt*\x*
\c 19
\p
\v 1 ሄዋፐ ጉይያን፥ ሳሉዋን ጮራ አሳ ኮሻዳን ኮሹምያ ዎልቃማ ኮሻይ ሀዋዳን ያግያዋ ታን ስሳድ፤
\q1 “ጾሳ ጋላታይ ጋኮ።
\q2 አቶተይ፥ ቦንቹነ ዎልቃይ፥
\q2 ኑ ጾሳሳ።
\q1
\v 2 አ ፕርዳይ ቱሙዋነ ጽሉዋ።
\q2 ጫራታደ ሳኣ ቱንሴዳ፥
\q2 ዎልቃማ ጫራቶ ጾሳይ ፕርዴዳ፤
\q2 ጾሳ ኦሳንቻቱዋ እዛ ዎዳ ድራዉ፥
\q1 ጾሳይ እዞ ሙሬዳ”
\m ያጌዳ።\x - \xo 19:2 \xo*\xt ዛረ. 32:43፤ 2 ካታ. 9:7\xt*\x*
\q1
\v 3 አሳይ ላኤንዋ ባረ ኮሻ ቁ ኦደ፥
\q2 “ጾሳ ጋላታይ ጋኮ።
\q1 ሄ ካታማታ መ መናዉ ጩዋታና”
\m ያጌድኖ።\x - \xo 19:3 \xo*\xt ኢሳ. 34:10\xt*\x*
\p
\v 4 ላታማነ ኦይዱ ጭማቱነ ሸምፑዋና ደእያ ኦይዱ መታቱ ካዉተ ኦይድያን ኡቴዳ ጾሳዉ ጉፋኒደ፥ “አመንእ። ጾሳ ጋላታይ ጋኮ” ያጊደ ጎይኔድኖ።
\s1 ዶርሳ ቡላቻዉ ጼስያ ጼሳ
\q1
\v 5 ሄዋፐ ጉይያን፥
\q2 “ጾሳ አይላቱ ኡባይ፥
\q1 ጾሳዉ ያይያ ጉይ፥
\q2 ዳሩ ኡባይ ኑ ጾሳ ጋላትተ”
\m ያግያ ኮሻይ ካዉተ ኦይድያፐ ከሴዳ።\x - \xo 19:5 \xo*\xt ማዝ. 115:13\xt*\x*
\p
\v 6 ሄዋፐ ጉይያን፥ ጮራ አሳዳን ኮሹምያ፥ ዎልቃማ ሻፋዳን ጉምያ፥ ዎልቃማ ጉጉንዳን ጉጉምያ ኮሻ ታን ስሳድ። ሄ ኮሻይ፥
\q1 “ጾሳ ጋላታይ ጋኮ።
\q2 አያዉ ጎፐ፥ ኑ ጎዳይ፥
\q1 ኡባፐ ዎልቃማ ጾሳይ ካዉቴዳ።\x - \xo 19:6 \xo*\xt ህዝ. 1:24፤ ማዝ. 93:1፤ 97:1፤ 99:1\xt*\x*
\q1
\v 7 ዶርሳ ቡላቻ ጋላሳይ ጋኬዳ ድራዉነ፥
\q2 ገለዉናካ ቡላቻዉ ባረና ጊግሴዳ ድራዉ፥
\q2 ኑን ፓሽኮይተነ ናሸቶይተ፤
\q2 ቃይ ዶርሳ ቦንቾይተ።
\q1
\v 8 ገለዉንዉ ማያናዉ፥
\q2 ሱፍያ ጌተትያ ክርያን ዳደቴዳ፥
\q2 ጶልያ ቦ ማዩ እመቴዳ።
\q2 ሱፍያ ጌተትያ ክርያን ዳደቴዳ ማዩ፥
\q2 ጌሻቱዋ ጽሎ ኦሱዋ”
\m ያግያዋ፥ ታን ስሳድ።
\p
\v 9 ሄዋፐ ጉይያን፥ ኪታንቻይ ታና፥ “ ‘ዶርሳ ቡላቻዉ ጼሰቴዳዋንቱ አንጀቴዳዋንታ’ ያጋደ ጻፋ” ያጌዳ። ሄ ኪታንቻይ ቃይካ ታና፥ “ሀዌ ጾሳ ቱሙ ቃላ” ያጌዳ።
\p
\v 10 ሄዋፐ ጉየ ታን አዉ ጎይናናዉ አ ገድያን ኩንዳድ። ሽን እ ታና፥ “ሄዋ ኦፓ። ታን ነ ማላነ የሱስ ኡንቱንቶ ቆንጭሴዳ ቱማተ ኦይቄዳ ነ እሻቱዋ ኡባ ማላ አይልያ። ጾሳዉ ጎይና። አያዉ ጎፐ፥ የሱስ ቆንጭሴዳ ቱማተይ ትምቢትያ ኦድያዎ ደንያዋ” ያጌዳ።
\s1 ቦ ፓራ ቶጌዳዋ
\p
\v 11 ያትና፥ ሳሉ ዶየቴዳዋ ታን በኣድ። ሄዋን ቦ ፓራይ ደኤ፤ ሄ ፓራ ቶጌዳዌ አማነትያዋነ ቱማንቻ ጊደ ጼሰቴ። ቶጌዳዌ ጽሎተን ፕርዴነ ባረ ኦላካ ኦለቴ።\x - \xo 19:11 \xo*\xt ህዝ. 1:1፤ ማዝ. 96:13፤ ኢሳ. 11:4\xt*\x* 
\v 12 አ አይፊ ታማ ላጩዋ ማላቴ፤ ቃይ እ ባረ ሁጲያን ዳሮ ካላቻ ዎዳ። አ ቦላ ጻፈት ኡቴዳ ሱንይ ደኤ፤ ሽን ሄ ሱንይ አየንቶነ አፐ አትን፥ ኦንነ ኤረና።\x - \xo 19:12 \xo*\xt ዳኔላ 10:6\xt*\x* 
\v 13 እ ማዬዳ ማዩ ሱን ናቂ ከሴዳዋ። አ ሱንይካ ጾሳ ቃላ። 
\v 14 ሳሉዋ ዎታዳራቱ ቦ ጌሻ ሱፍያ ጌተትያ ክርያን ዳደቴዳ ማዩዋ ማዪደ፥ ቦ ፓራቱዋ ቶጊደ፥ አ ጌዱዋ ካሊኖ። 
\v 15 አሳ ዘረ እ ይስያ ኩሳ ማሻይ አ ዶናፐ ከሴ። ብራታ ጻምኣን አሳ እ ሞዳና። ኡባፐ ዎልቃማ ጾሳይ ባረ ሀንቁዋ ዎይንያ ኤሳይ ጉምኤትያሳን፥ ጉምኢደ በሳና።\x - \xo 19:15 \xo*\xt ማዝ. 2:9፤ ኢሳ. 63:3፤ ኢዩ. 3:13፤ ሳፃ 14:20\xt*\x* 
\v 16 አ ማዩዋ ቦላነ አ ዎድርያ ቦላ፥ “ካታቱዋ ካትያነ ጎዳቱዋ ጎዳ” ያግያ ሱንይ ጻፈት ኡቴዳ።
\p
\v 17 ሄዋፐ ጉይያን፥ ታን እት ኪታንቻይ አዋን ኤቄዳዋ በኣድ። ሄ ኪታንቻይ ሳሉዋን ቂደ ፓልያ ካፉዋ ኡባቶ ባረ ኮሻ ቁ ኦደ፥ “ሃ ዪተ። ጾሳ ካዎ እትሳ ሺቅተ።\x - \xo 19:17-18 \xo*\xt ህዝ. 39:17-20\xt*\x* 
\v 18 ዪደ ካታቱዋ አሹዋ፥ ሻላቃቱዋ አሹዋካ ዎታዳራቱዋ አሹዋ ሚተ፤ ፓራቱዋ አሹዋካ ፓራቱዋ ቶጌዳዋንቱ አሹዋካ ሚተ፤ ቃይ አሳ ኡባ አሹዋ አይልያዋነ ዎማኑዋ፥ ቃዋነ ሆካዋ ሚተ” ያጌዳ።
\p
\v 19 ፓራ ቶጌዳዋናነ አ ዎታዳራቱዋና ኦለታናዉ፥ ዶአይነ ሳኣ ካታቱ ቃይ ኡንቱንቱ ዎታዳራቱ እት ሳኣ ሺቅ ኡቴዳዋንታ ታን በኣድ። 
\v 20 ሄ ዶአይ አ ስንን ማላታ ኦዳ ዎርዶ ናብያና እትፐ ኦይቀቴዳ። ዶኣ ማላይ ደእያዋንታነ ዶኣ ምስለዉ ጎይኔዳዋንታ እ ባለዳዌ ሄ ኦያ ማላታቱዋና። ዶአይነ ዎርዱዋ ትምቢትያ ኦድያዌ ላአቱካ ዲንያን ኤጽያ ታማ አባን ፓጻ የገቴድኖ። 
\v 21 ኡንቱንቱ ዎታዳራቱ ፓራ ቶጌዳዋ ዶናፐ ከስያ ማሻን ሀይቄድኖ። ካፋቱ ኡባቱ ኡንቱንቱ አሹዋፐ ባረንቶ ዳንዳዬዳዋ ኬና ሜድኖ።
\c 20
\s1 ሻአ ላይ ካዉተ
\p
\v 1 ጪሞ ኦላ ቁልፕያነ ዎልቃማ ሳንላታ ባረ ኩሽያን ኦይቄዳ እት ኪታንቻይ ሳሉዋፐ ይያዋ ታን በኣድ። 
\v 2 ኪታንቻይ ዳዊያ፥ ሄ በን ሾሻ፥ ጻላህያ ካፑዋ ዎይ ሴጻና ግያዋ ኦይቄዳ፤ ያቲደ ሻአ ላይዉ ቃቼዳ።\x - \xo 20:2 \xo*\xt ዶመ 3:1\xt*\x* 
\v 3 ኪታንቻይ ጪሞ ኦላን አ የጊደ፥ ሻአ ላይይ ዉራናዉ፥ አሳ ዘረ ላኤንዋ ባለተና ማላ፥ ሄ ጪሞ ኦላ ቁልፕ ጎርዲደ አታሜዳ። ሄዋፐ ጉይያን፥ ዳዊ አማሬዳ ዎድያ ብለታናዉ በሴ።
\p
\v 4 ሄዋፐ ጉይያን፥ ታን አራታቱዋነ ኡንቱንቱን ኡቴዳዋንታ በኣድ፤ ኡንቱንቶ ፕርድያ ማታይ እመቴዳ። የሱስ ቆንጭሴዳ ቱሙዋነ ጾሳ ቃላ አዋዬዳ ድራዉ፥ ባረንቱ ቆያ ቃንጸቴዳ አሳ ሸምፑዋካ ታን በኣድ። ኡንቱንቱ ዶአዉ ዎይ ዶኣ ምስለዉ ጎይንበይክኖ። ኡንቱንቱ ዶኣ ማላ ባረንቱ ዴሙዋን ዎይ ባረንቱ ኩሽያን ዎቤይክኖ። ኡንቱንቱ ሀይቁዋፐ ደንዲደ፥ ክርስቶሳና እትፐ ካተቱዋዳን ሻአ ላይዉ ሞዴድኖ።\x - \xo 20:4 \xo*\xt ዳኔላ 7:9፣ 22\xt*\x* 
\v 5 ሀይቄዳዋንቱፐ ጮራቱ ሻአ ላይይ ዉራና ጋካናዉ፥ ሀይቁዋፐ ደንድበይክኖ። ሄዌ ኮይሮ ደንዱዋ። 
\v 6 ኮይሮ ደንዱዋን ደንዴዳዋንቱ አንጀቴዳዋንታነ ጾሳ አሳቱዋ። ኡንቱንቱ ቦላ ላኤን ሀይቆ ዎልቃይ ባዋ። ኡንቱንቱ ጾሳዉነ ክርስቶሳዉ ቄሳቱዋ ግዳና፤ ኡንቱንቱ አናና እትፐ ሻአ ላይዉ ሞዳና።
\s1 ሴጻናይ ጾነቴዳ
\p
\v 7 ሻአ ላይይ ዉሬዳዋፐ ጉይያን፥ ሴጻናይ ቃሹዋፐ ብለታና። 
\v 8 እ ሳኣን ኡባ ሳን ደእያ አሳ ዘረ ባለናዉ ከሳና፤ ሄዌ ጎጋነ ማጎጋ ጌተትያዋ። ሴጻናይ አባ ሻፍያ ኬና ዘረ ኦላዉ ሺሻና።\x - \xo 20:8 \xo*\xt ህዝ. 7:2፤ 38:2፣ 9፣ 15\xt*\x* 
\v 9 ሄ ዛራቱ ቢታ ኡባ ማዪደ ጌሻቱዋ ሄራነ ጾሳይ ሲቅያ ካታማቶ ዩይ አ ኤቄድኖ። ሽን ታማይ ሳሉዋፐ ዎደ፥ ኡንቱንታ ሜዳ።
\p
\v 10 ዶአይነ ዎርዶ ናቢ የገቴዳ ኤጽያ ዲንያ ታማ አባን ጻላህያ ካፑ፥ አሳ ዘረ ባለዳዌ፥ የገቴዳ። ኡንቱንቱ ቃማነ ጋላስ መ መናዉ ፓጻ ካኤታና።
\s1 ዉርሰ ፕርዳ
\p
\v 11 ሄዋፐ ጉይያን፥ ታን ዎልቃማ ቦ አራታነ ሄ አራታን ኡቴዳዋ በኣድ። ሳአይነ ሳሉ አ ስንፐ ባቃቴድኖ፤ ላኤን ቤትበይክኖ።\x - \xo 20:11-12 \xo*\xt ዳኔላ 7:9-10\xt*\x* 
\v 12 ሀይቄዳዋንቱ፥ ቁ ግያዋንቱነ ጉቱ አራታ ስንን ኤቄዳዋንታ ታን በኣድ። ማጻፋቱ ዶየቴድኖ፤ ሀራ ማጻፋይ፥ ደኡዋ ማጻፋይካ ዶየቴዳ። ሀይቄዳዋንቱ ባረንቱ ኦሱዋዳን፥ ማጻፋቱዋን ጻፈት ኡቴዳዋዳንካ ፕርደቴድኖ። 
\v 13 አባይ ባረ ግዶን ደእያ ሀይቄዳዋንታ እሜዳ፤ ሀይቁነ ስኦሊ ባረንቱ ግዶን ደእያ ሀይቄዳዋንታ እሜድኖ። ኡባይካ ባረንቱ ኦሱዋዳን ፕርደቴድኖ። 
\v 14 ሄዋፐ ጉይያን፥ ሀዩነ ስኦሊ ታማ አባን የገቴድኖ። ሄ ታማ አባይ ላኤን ሀይቁዋ። 
\v 15 ደኡዋ ማጻፋን ባረ ሱንይ ጻፈትቤና አሳይ ኦንነ ታማ አባን የገቴዳ።
\c 21
\s1 ኦራ ሳሉዋነ ኦራ ሳኣ
\p
\v 1 ሄዋፐ ጉይያን፥ ታን ኦራ ሳሉዋነ ኦራ ሳኣ በኣድ። ኮይሮ ሳሉነ ኮይሮ ሳአይ ዬዳ። አባይካ ዬዳ።\x - \xo 21:1 \xo*\xt ኢሳ. 65:17፤ 66:22፤ 2 ጰጽ. 3:13\xt*\x* 
\v 2 ጌሻ ካታማታ ኦራ የሩሳላመ፥ ባረ አስናዉ ማያደ ጊጌዳ ገልያ ዎዶሮ ናቲዳን፥ ጊጋ ኡቴዳዉና ሳሉዋፐ ጾሳ ማታፐ ዱገ ዎዉኖ ታን በኣድ።\x - \xo 21:2 \xo*\xt ኢሳ. 52:1፤ 61:10፤ ሳፃ 3:12\xt*\x*
\p
\v 3 ዎልቃማ ኮሻይ አራታፐ ሀዋዳን ያጊደ፥ ሃሳይሽን፥ ታን ስሳድ፤ “ጾሳ ጎሊ አሳና ደኤ፤ ጾሳይ አሳና እትፐ ደአና። ኡንቱንቱ አ አሳ ግዳና፤ ጾሳይ ባረ ሁጰዉ ኡንቱንቱና ደአና። እ ኡንቱንቱ ጾሳ ግዳና።\x - \xo 21:3 \xo*\xt ህዝ. 37:27፤ ዎጋ 26:11፣ 12\xt*\x* 
\v 4 ጾሳይ ኡንቱንቱ አይፍያ አፎ ኡባ ቁጫና። ሀዋፐ ስንናዉ ሀይቁነ ካዩ ዎይ ዋሱነ ሳኩ ባዋ። አያዉ ጎፐ፥ ኤጫባይ ዬዳ” ያጌዳ።\x - \xo 21:4 \xo*\xt ኢሳ. 25:8፤ 35:10፤ 65:19\xt*\x*
\p
\v 5 አራታን ኡቴዳዌ፥ “ታን ኡባባ ኦራጽሳይ” ያጌዳ። ቃይካ ጉጂደ ታና፥ “ታን ሃሳይያዌ አማነትያዋነ ቱማ ግድያ ድራዉ ጻፋ” ያጌዳ። 
\v 6 ቃይካ ታና ሀዋዳን ያጌዳ፤ “ፖለቴዳ። ታን አልፋነ ኦሜጋ፤ ዶመነ ፖሉዋ። ሳመቴዳ ኦናነ ታን ደኡዋ ሃ ፑልቱዋፐ ጮ ኡሻና። 
\v 7 ጾንያ ኡራይ ኦንነ ሀዋ ኡባ ላታና። ታን አዉ ጾሳ ግዳና፤ እካ ታ ናኣ ግዳና።\x - \xo 21:7 \xo*\xt 2 ሳሜላ 7:14፤ ማዝ. 89:26-27\xt*\x* 
\v 8 ሽን ያይያዋንቱ፥ አማነናዋንቱ፥ ቱናቱ፥ ሸምፑዋ ዎያዋንቱ፥ ዎሹምያዋንቱ፥ ብትያዋንቱ፥ ኤቃዉ ጎይንያዋንቱነ ዎርዶትያዋንቱ ኡባይ ደእያ ሳአይ ታማይነ ኤጽያ ዲኒ ኤጽያ አባ ግዳናዋ። ሄዌ ላኤን ሀይቁዋ” ያጌዳ።
\s1 ኦራ የሩሳላሞ
\p
\v 9 ላፑ ዉርሰ ቦሻቱ ኩሜዳ ላፑ ከረቱዋ ኦይቄዳ ላፑ ኪታንቻቱዋፐ እቱ ታኮ ዪደ ታና፥ “ሃያ። ታን ኔና ገለዉኖ ዶርሳ ማቻቶ በሳና” ያጌዳ። 
\v 10 ኪታንቻይ ታና ዳሮ ቃ ደርያ ሁጲያ አያናን ከሲደ ጌሻ ካታማታ፥ የሩሳላማ ሳሉዋፐ ጾሳ ማታፐ ዱገ ዎዉኖ ታና በሴዳ።\x - \xo 21:10 \xo*\xt ህዝ. 40:2\xt*\x* 
\v 11 ሄ ካታማታ ጾሳ ቦንቹዋን ፖአዉ። ሄ ካታማት ፖኡ ያስጲድያ ጌተትያ አልኦ ሹቻ ማላ፤ ብርሊያዳን ጶላዉ። 
\v 12 ሄ ካታማትዉ ታማነ ላኡ ፐንገቱነ ሄ ፐንገቱዋን ታማነ ላኡ ኪታንቻቱ ናግያ ዎልቃማ አዱሳ ድርሳይ ደኤ። ፐንገቱዋን ታማነ ላኡ እስራኤልያ ዛራቱዋ ሱንይ ጻፈት ኡቴዳ።\x - \xo 21:12-13 \xo*\xt ህዝ. 48:30-35\xt*\x* 
\v 13 አዋይ ዶልያ ባጋና ሄዙ ፐንገቱ ደኢኖ። ቃይ ህርክ ባጋና ሄዙ ፐንገቱነ ሁጲሳ ባጋና ሄዙ ፐንገቱ ደኢኖ። አዋይ ዉልያ ባጋናካ ሄዙ ፐንገቱ ደኢኖ። 
\v 14 ካታማት ድርሳይ ዶርሳይ ኪቴዳ ታማነ ላአቱዋ ሱንይ ጻፈቴዳ ታማነ ላኡ ሹቻቱዋ ቦላ ግምበቴዳ።
\p
\v 15 ታናና ሃሳዬዳ ኪታንቻዉ ካታማቶ፥ እዝ ፐንገቱዋነ እዝ ድርሳ ልክያ ዎርቃ ጋትማይ ደኤ።\x - \xo 21:15 \xo*\xt ህዝ. 40:3\xt*\x* 
\v 16 ካታማትዉ ኦይዱ ጋጻይ ደኤ፤ ካታማት ጌሳይነ ጎምፓይ እት ማላ። ኪታንቻይ ካታማቶ ባረ ጋትማን ልኬዳ። ካታማታ ላኡ ሻአነ ላኡ ጼቱ ኪሎ ሚትርያ ግዳዱ፤ ካታማት ጌሳይ፥ ጎምፓይነ ቃተይ እት ማላ። 
\v 17 ኪታንቻይ ቃይ ድርሳካ ልኬዳ። አሳ ኩሽያን እት ጼታነ ኦይታማነ ኦይዱ ዋ ግዴዳ። ሄዌ ኦንነ ልክያ ኦግያን ኪታንቻይ ልክናዳ።
\p
\v 18 ካታማት ድርሳይ ያስጲድያ ጌተትያ ሹቻን ድረቴዳ። ካታማታ ብርሊያዳን ጶልያ ጌሻ ዎርቃን መታዱ።\x - \xo 21:18-21 \xo*\xt ኢሳ. 54:11-12\xt*\x* 
\v 19 ካታማት ድርሳዉ ሂጸቴዳ ሹቻይ ቦንቼቴዳ ሹቻ ኡባን አሌቀቴዳ፤ ኮይሮ ሂጸቴዳ ሹቻይ ያስጲድያ፤ ላኤን ሳምፔርያ፤ ሄዘን ከልቀዶንያ፤ ኦይደን ባሉርያ፤ 
\v 20 እቼሸን ሳርዶንክሳ፤ ኡሱፑን ሳርድዮና፤ ላፑን ክርስትሎባ፤ ሆስፑን ብራል፤ ኡዱፑን ቶጳዝዮንያ፤ ታሙን ክርስጵራሲሳ፤ ታማነ እተን ያክንትያ፤ ታማነ ላኤን አመተስጽኖስያ።
\p
\v 21 ታማነ ላኡ ፐንገቱ ታማነ ላኡ እንቁዋ ጌተትያ አልኦ ሹቻ፤ እት እት ፐንጊ እት እንቁዋን ኦሰቴዳ። ካታማት ኦጊ ብርልያ ማላ ጌሻ ዎርቃ።
\p
\v 22 ጎዳይ፥ ኡባፐ ዎልቃማ ጾሳይነ ዶርሳይ ካታማት ጌሻ ጎልያ ግድያ ድራዉ፥ ታን ሄ ካታማትን ጌሻ ጎልያ በአበይከ። 
\v 23 ካታማትዉ ፖእያ አዋይ ዎይ አገናይ ኮሸና። አያዉ ጎፐ፥ ጾሳ ቦንቹ ሄ ካታማትን ፖኤ፤ ዶርሳይካ ሄ ካታማትዉ ጾምፕያ።\x - \xo 21:23 \xo*\xt ኢሳ. 60:19-20\xt*\x* 
\v 24 አሳ ዘረይ ካታማት ፖኡዋን ሀመታና። ሳኣ ካታቱካ ባረንቱ ቦንቹዋ ሄ ካታማትኮ አሀና።\x - \xo 21:24 \xo*\xt ኢሳ. 60:3\xt*\x* 
\v 25 ካታማት ፐንገቱ ኡባ ጋላስካ ዶያ ደአና፤ ኡባካ ጎርደትክኖ። አያዉ ጎፐ፥ ሄዋን ቃማይ ባዋ። 
\v 26 አሳ ዘረ ግታተይነ ቦንቹ ሄ ካታማትኮ ሺቃና። 
\v 27 ሽን ቱናባይ ዎይ ካዉሻባ ኦያዌ፥ ዎይ ዎርዶትያዌ ኦንነ ሄ ካታማቶ ገለና። ቃይ ዶርሳ ደኡዋ ማጻፋን ሱንይ ጻፈቴዳዋንቱ ጻላላይ ሄ ካታማቶ ገላና።\x - \xo 21:27 \xo*\xt ኢሳ. 52:1፤ ህዝ. 44:9\xt*\x*
\c 22
\p
\v 1 ሄዋፐ ጉይያን፥ ኪታንቻይ ታና ጾሳ ካዉተ ኦይድያፐነ ዶርሳ ካዉተ ኦይድያፐ ጎግያ ብርሊያዳን ጶልያ ደኡዋ ሃ ሻፋ በሴዳ።\x - \xo 22:1 \xo*\xt ህዝ. 47:1፤ ዛካ. 14:8\xt*\x* 
\v 2 ሄ ሻፋይ ካታማ ኦግያ ግዱዋና ዱገ ጎጌ። ሻፋፐ ሄፍን ባጋናነ ሀፍን ባጋና አገናን እት ገደነ ላይን ታማነ ላኡ ገደ አይፍያ ደኡዋ ምይ ደኤ። ሄ ም ቦንቹ ደእያዌ፥ ዛርያ ኡባ ሀርግያፐ ፓናሳ።\x - \xo 22:2 \xo*\xt ዶመ 2:9፤ ህዝ. 47:12\xt*\x*
\p
\v 3 ሄ ካታማን ጾሳ ሸቃይ አይነ ባዋ። ጾሳ ካዉተ ኦይዲነ ዶርሳ ካዉተ ኦይዲ ሄ ካታማን ደአና። ጾሳ ኦሳንቻቱ ጾሳዉ ጎይናና።\x - \xo 22:3 \xo*\xt ዛካ. 14:11\xt*\x* 
\v 4 ኡንቱንቱ አ ዴሙዋ በአና፤ አ ሱንይ ኡንቱንቱ ዴሙዋን ጻፈታና። 
\v 5 ሄዋፐ ስንዉ ሀራ ቃማይ ባዋ። ኡንቱንቶ ጾምፕያ ዎይ አዋ ፖኡዋ ኮሸና፤ አያዉ ጎፐ፥ ጎዳይ ጾሳይ ኡንቱንቶ ጾምፕያ ግዳናዋ። ኡንቱንቱ መ መናዉ ካተታና።\x - \xo 22:5 \xo*\xt ኢሳ. 60:19፤ ዳኔላ 7:18\xt*\x*
\s1 የሱሳ ዩሳ
\p
\v 6 ሄዋፐ ጉይያን፥ ኪታንቻይ ታና ሀዋዳን ያጌዳ፤ “ሀ ታን ሃሳይያዌ ቱሙዋነ አማነትያዋ። ናባቶ ባረ ጌሻ አያና እምያ ጎዳይ ጾሳይ፥ ማታን ሀናናዉ በስያዋ ባረ ኦሳንቻቱዋ በሳናዉ ባረ ኪታንቻ ኪቴዳ” ያጌዳ።
\p
\v 7 የሱስ፥ “በአ! ታን ኤለካ ያና። ሀ ማጻፋን ደእያ ትምቢትያ ናግያዋንቱ አንጀቴዳዋንታ” ያጌዳ።
\p
\v 8 ታን ዮሃንስ፥ ሀ ኡባባ ስሳድነ በኣድ። ታን ሀዋ ስሴዳ ዎደነ በኤዳ ዎደ፥ ሄዋ ታና በሴዳ ኪታንቻዉ ጎይናናዉ፥ አ ገድያን ኩንዳድ። 
\v 9 ሽን ኪታንቻይ ታና፥ “ሄዋ ኦፓ። ታን ኔናዳንነ ናበ ግዴዳ ነ እሻቱዋዳን፥ ቃይ ማጻፋን ደእያባዉ አዛዘትያ ኡባቱዋዳን አይልያ። ጾሳዉ ጎይና” ያጌዳ።
\p
\v 10 ሄዋፐ ጉይያን፥ ኪታንቻይ ታና፥ “ሀናና ጌዳ ሀ ማጻፋ ቃላ ማታፋን ጎርዶፓ። አያዉ ጎፐ፥ ሀ ኡባባይ ፖለትያ ዎዲ ማታቴዳ። 
\v 11 ኢታባ ኦያዌ ጉጂደካ ኢታባ ኦ፤ ቱናይ ጉጂደካ ቱኖ። ሎኦባ ኦያዌ ጉጂደካ ሎኦባ ኦ፤ ጌሻይነ ጉጂደካ ጌሻ ግዶ” ያጌዳ።\x - \xo 22:11 \xo*\xt ዳኔላ 12:10\xt*\x*
\p
\v 12 የሱስ፥ “በአ! ታን ኤለካ ያና። አሳ ኡባዉ አ ኦሱዋዳን እማናዉ፥ ታ ዎይታ አካ ያና።\x - \xo 22:12 \xo*\xt ኢሳ. 40:10፤ 62:11፤ ማዝ. 28:4፤ ኤር. 17:10\xt*\x* 
\v 13 ታን አልፋነ ኦሜጋ፤ ኮይሩዋነ ዉርሰ፤ ዶመነ ፖሉዋ” ያጌዳ።\x - \xo 22:13 \xo*\xt ሳፃ 1:8፣ 17፤ 2:8፤ ኢሳ. 44:6፤ 48:12\xt*\x*
\p
\v 14 ባረንቱ ማዩዋ ጌሽ ሜጭያዋንቱ አንጀቴዳዋንታ። ደኡዋ ም አይፍያ ማናዉነ ካታማ ፐንግያና ገላናዉ ኡንቱንቶ ማታይ እመቴዳ።\x - \xo 22:14 \xo*\xt ዶመ 2:9፤ 3:22\xt*\x* 
\v 15 ሽን ካናቱ፥ ብትያዋንቱ፥ ዎሹምያዋንቱ፥ ሸምፑዋ ዎያዋንቱ፥ ኤቃዉ ጎይንያዋንቱነ ባረንቱ ሃሳያንነ ባረንቱ ኪታን ዎርዶትያዋንቱ ካረና ደኢኖ።
\p
\v 16 “ታን የሱስ፥ ሀ የዉዋ ህንተንቶ ዎሳ ጎለቱዋን ማርካታና ማላ፥ ታ ኪታንቻ ኪታድ። ታን ዳዊታ ጎልያ የለታ። ታን ፖእስያ ዎንታ ባካልያ” ያጌዳ።\x - \xo 22:16 \xo*\xt ኢሳ. 11:1፣ 10\xt*\x*
\p
\v 17 ጌሻ አያናይነ ገለዉና፥ “ሃያ” ያጊኖ። ቃይ ሀዋ ስስያዌ ኦንነ፥ “ሃያ” ያጎ። ሳመቴዳ አሳይ ኦንነ ሃ ዮ። ደኡዋ ሃ ኮይያ አሳይ ኦንነ ጮ አኮ።\x - \xo 22:17 \xo*\xt ኢሳ. 55:1\xt*\x*
\p
\v 18 ታን ሀ ማጻፋን ጻፈቴዳ ሀናና ጌዳ ቃላ ስስያ ኦናነ ዞራይ። ኦንነ ሀ ቃላ ቦላ እትባ ጉጆፐ፥ ጾሳይ ሀ ማጻፋን ጻፈቴዳ ቦሻ አ ቦላ ጉጃና። 
\v 19 ኦንነ ማጻፋን ደእያ ትምቢትያ ቃላፐ አያነ ፓጭሶፐ፥ ሀ ማጻፋ ግዶን ቆንጭሴዳ ደኡዋ ም አይፍያፐነ ጌሻ ካታማፐ አ ጋክያ ግሹዋ ጾሳይ ፓጭሳና።\x - \xo 22:19 \xo*\xt ዛረ. 4:2፤ 12:32\xt*\x*
\p
\v 20 ሀ ኡባባዉ ማርካትያዌ፥ “ቱማ! ታን ኤለካ ያና” ያጌ።
\p አመንእ። ጎዳ የሱሳ፥ ኔን ሃያ።
\p
\v 21 ጎዳ የሱስ ክርስቶሳ አ ኬካተይ ህንተናና\f + \fr 22:21 \fr*\fk ህንተናና፦ \fk*\ft ጮራ ሀራ ብለቱዋን፥ ጾሳ አሳ ኡባና ያጌ።\ft*\f* ኡባና ግዶ። አመንእ።