\id PRO - Dawuro Full Bible Ethiopic Version
\ide UTF-8
\h ሌምሱዋ
\toc1 ሌምሱዋ ማጻፋ
\toc2 ሌምሱዋ
\toc3 ሌም.
\mt1 ሌምሱዋ ማጻፋ
\imt ገሉዋ
\ip ሌምሱዋ ማጻፋይ ሂላ ሃሳያንነ ሌምሱዋ ሃሳያን ጊጌዳ ኦሱዋነ አማኑዋ ትምርትያ። እ ዳሮ ባጋ አሳ ደኡዋን ሀች ሀች ጋከትያ ሀኖቱዋባ ኦዴ። ኮይሮ ዶሚደካ፥ “አዳ ኤራተዉ ዶመይ ጾሳዉ ያይያዋ” ያግ ሀሳይሲደ ዶሜ። እ ታማርስያዌ አማኑዋ ዎጋን አሳይ ኦናባ ጻላላ ግደናን፥ አሳይ ባረ ሀች ሀች ደኡዋን ሀናናዉ በስያ ሎኦ ኤሻነ ኦናዉ በስያ ሎኦ ኦሱዋ ጉጂደ ታማርሴ። ሀ ማጻፋ ግዶን አሽከተባን፥ አሳዉ ቃረትያዋንነ አማነትያዋን ዳሮ ትምርቲ ሌምሱዋን እመቴዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሌምሳቱዋ ዎቲደ ጎኤታነንቶ \ior 1:1-7\ior*
\io1 አዳ ኤራተ ኮያናዳን እመቴዳ ማቁዋ \ior 1:8—7:27\ior*
\io1 አዳ ኤራተ ሳቢደ ኦደቴዳ ማዝሙርያ \ior 8:1—9:18\ior*
\io1 ሶሎሞና ሌምሳቱዋ \ior 10:1—29:27\ior*
\io1 አጉራ ሃሳያ \ior 30:1-33\ior*
\io1 ሊሙኤላ ዳያ ባረ ናኣ ታማርሴዳ ትምርትያ \ior 31:1-31\ior*
\c 1
\s1 ሌምሳቱዋ ዎት ጎኤታነንቶ
\r (1:1-7)
\p
\v 1 ሀዋንቱ እስራኤልያ ካትያ ዳዊታ ናኣ ሶሎሞና ሌምሳቱዋ።\x - \xo 1:1 \xo*\xt 1 ካታ. 4:32\xt*\x* 
\v 2 ሌምሶቱ አሳይ አዳ ኤራተ፥ ሴራነ ኤራ ሃሳያ አኬካናዉ ማዲኖ። 
\v 3 ኡንቱንቱ አዳ ኤራተን፥ ደአና ደኡዋ፥ ጽሎተ፥ ሱረ ፕርዳነ ሱረተ ታማርስያዋንታ፥ 
\v 4 ቦዛቶ አኬካ፥ ዎዳላቶ ኤራተነ ዎዛናማተ እምያዋንታ። 
\v 5 አዳ ኤራንቻቱ ሀ ሌምሳቱዋ ስሲደ፥ ኤራ ጉጂኖ፤ አኬካንቻ አሳቱካ ሎኦ ዞርያ አኪኖ። 
\v 6 ሄዋዳን ሌምሳቱዋነ ኡንቱንቱ ብለ፥ አዳ ኤራንቻቱዋ ሃሳያነ ኡንቱንቱ ቃንእሸቱዋ አኬካናዉ ዳንዳየቴ።
\p
\v 7 አዳ ኤራተዉ ዶመይ መና ጎዳዉ ያይያዋ፤ ሽን ቦዛቱ አዳ ኤራተነ ሴራ ካኖ።\x - \xo 1:7 \xo*\xt ኢዮባ 28:28፤ ማዝ. 111:10፤ ሌም. 9:10\xt*\x*
\s1 አዳ ኤራተ ኮያናዳን እመቴዳ ዞርያ
\r (ሌም. 1:1—7:27)
\p
\v 8 ታ ናአዉ፥ ነ አቡ ዞርያ ስሳ፤ ነ ዳያ ታማርስያዋካ ዶጎፓ። 
\v 9 ሄዌ ነ ሁጲያዉ ቦንቾ ካላቻ፤ ነ ቆያዉካ ሀብልያ ግዳናዋ።
\p
\v 10 ታ ናአዉ፥ ኔና ናጋራንቻቱ ባለፐ፥ ኤኖ ጎፓ። 
\v 11 ኡንቱንቱ ኔና፥ “ኑናና ደንዳ፤ አሳ ዎናዉ ቆሰቲደ ናጎይተ፤ ጋሱ ዮፐነ ጽሎቱዋ ዎናዉ ቆሰት ኡቶይተ፤ 
\v 12 ስኦሊ ምትያዋዳን፥ ኑንካ ኡንቱንታ ፓጻ ደእሺና ምቶይተ፤ ኑን ኡንቱንታ ጪሞ ኦላን ኦልያ አሳቱዋዳን ኦና። 
\v 13 ኑን አልኦ ሚሻ ኡባ ደማና፤ ኑ ጎልያካ ኦሞዱዋን ኩንና፤ 
\v 14 ኑናና ዙፐቱዋን፤ ደሜዳዋካ እትፐ ግሸታና” ያጋና።
\p
\v 15 ታ ናአዉ፥ ኡንቱንቱና ኦግያ ሀመቶፓ፤ ነ ገድያ ኡንቱንቱ ሎሱዋ የሶፓ። 
\v 16 አያዉ ጎፐ፥ ኡንቱንቱ ኢታባ ኦናዉ ዎጺኖ፤ አሳ ሱ ጉሳናዉ ኤሌሊኖ። 
\v 17 ካፉ ጼልሽን፥ አ ኦይቃናዉ ዳባ የግያዌ አይነ ማደና። 
\v 18 ሽን ኡንቱንቱ ባረንቱ ሱ ጉሳናዉ ባረንቶ ዎጽማድያ ምጪኖ፤ ባረንቱ ሸምፑዋ ዎናዉ ቆሰት ኡቲኖ። 
\v 19 ቦንቂያን ጎኣ ደምያ ኡባቱዋ ዉርሰይ ሄዋ ማላ፤ ሄዌ እዛዉ ሸምፑዋ አኬ።
\s1 አዳ ኤራተ እጾፐ ኔና ኤራ!
\p
\v 20 አዳ ኤራተታ ኦግያን ጼሳዉ፤ ጉታራን ባረ ቃላ ቁ ኦደ ስሳዉ።\x - \xo 1:20-21 \xo*\xt ሌም. 8:1-3\xt*\x* 
\v 21 አዳ ኤራተታ አሳይ ሺቅያ ሳኣን ኤቃደ ጼሳዉ፤ ካታማ ገልያ ፐንግያን ኤቃደ፥
\p
\v 22 “ህንተኖ፥ አኬካይ ፓጬዳዋንቶ፥ ህንተ አኬካ ፓጫ አዉደ ጋካናዉ ዶሲቴ? ቅሊጭያዋንቶ፥ ቅሊጭያዋን አዉደ ጋካናዉ ናሸቲቴ? ቦዛቶ፥ ኤራተ አዉደ ጋካናዉ እጺቴ? 
\v 23 ታ ሴራኮ ስሞፐ፤ ታን ታ ኤራ ህንተ ቦላ ጉሳና፤ ታ ቃላካ ህንተና ታማርሳና። 
\v 24 ታን ጼሴዳ ዎደ፥ ህንተ ኮየናን እጼድታ፤ ታን ኩሽያ ምጭናካ፥ ኦንነ አኬክቤና። 
\v 25 ታ ዞርያ ኡባ ካድታ፤ ታ ሴራካ አክበይክታ። 
\v 26 ሄዋ ድራዉ፥ ህንተና መቱ ጋክያ ዎደ፥ ታን ህንተ ቦላ ሚጫና፤ ህንተና ባሻይ ጋክያ ዎደ፥ ታን ቅሊጫና። 
\v 27 ዳጋማይ ኡሹዋዳን ህንተ ቦላ ይያ ዎደ፥ መቱ ጎትያዳን ህንተ ቦላ ይያ ዎደ፥ ቱጋይነ ዋዪ ህንተ ቦላ ጋክያ ዎደ፥ ታን ህንተና ቅሊጫና።
\p
\v 28 “ሄ ዎደ ኡንቱንቱ ታና ጼሳና፤ ሽን ታን ኮይከ፤ ኡንቱንቱ ታና ምንሲደ ኮያና፤ ሽን ደምክኖ። 
\v 29 አያዉ ጎፐ፥ ኡንቱንቱ ኤራተ እጼድኖ፤ መና ጎዳዉ ያይያዋ ዶርበይክኖ። 
\v 30 ታ ዞርያ አክበይክኖ፤ ታ ሴራ ኡባካ ካድኖ። 
\v 31 ሄዋ ድራዉ፥ ኡንቱንቱ ባረንቱ ኦዳ ኦሱዋ አይፍያ ማና፤ ባረንቱ ቆፔዳ ቆፋ አይፍያካ ካላና። 
\v 32 አኬካይ ፓጬዳዋንታ አዳ ኤራተፐ ሃክያዌ ዎ፤ ቦዛቱዋ ሸነኮ ግያዌ ይሴ። 
\v 33 ሽን ታን ኦድያዋ ስስያዋንቱ ኡባይ ዎፑ ጊደ፥ ሳሮ ደአና፤ መቱዋ ህርጋፐካ ሸምፓና” ያጋዉ።
\c 2
\s1 አዳ ኤራተፐ ቤትያ አንጁዋ
\p
\v 1 ታ ናአዉ፥ ኔን ታ ግያዋ አኮፐ፥ ታ አዛዙዋካ ነ ግዶን ምንጆፐ፥ 
\v 2 አዳ ኤራተ ሀይዞፐ፥ ነ ዎዛናፐ አኬኮፐ፥ 
\v 3 ኤራተ ጼሶፐ፥ አኬካካ ቁ ኦደ ጼሳ። 
\v 4 አሳይ ብራ ዎይ ቆሴዳ ሚሻ ኮይያዋዳን፥ ኔን ኤራተ ኮያ። 
\v 5 ሄ ዎደ ኔን መና ጎዳዉ ያዬ ግያዌ አየንቶ አኬካና፤ ጾሳካ ሎይደ ኤራና። 
\v 6 አያዉ ጎፐ፥ መና ጎዳይ አዳ ኤራተ እሜ፤ አፐ ኤራተይነ አኬካይ ቤቴ። 
\v 7 እ ሱረቶ ማድያ ዞርያ ምንጄ፤ ቶሺ ባይናን ሀመትያዋንቶካ እ ጎንዳልያ። 
\v 8 ቱሙዋ ፕርዳ ኦግያ ናጌ፤ ባረዉ አማነትያዋንቱ ኦግያካ ናጌ።
\p
\v 9 ሄ ዎደ ኔን ጽሎተ፥ ሱረ ፕርዳ፥ ሱረተነ ሎኦ ኦሱዋ ኡባ ኤራና። 
\v 10 አያዉ ጎፐ፥ አዳ ኤራተይ ነ ዎዛና ገላና፤ ኤራተይካ ነ ሸምፖ ናሸቻ ግዳና። 
\v 11 ኔና አዱስ ቆፕያዌ ናጋና፤ አኬካይካ ኔና ናጋና። 
\v 12 አዳ ኤራተይ ኔና ኢታ አሳቱዋ ኦግያፐ ናጋና፤ ጌላባ ሃሳይያዋንቱፐ አሻና። 
\v 13 ኡንቱንቱ ናጋራ ማን ደአናዉ፥ ጽሎተ ኦግያ አጊኖ። 
\v 14 ኢታ ኦያዋን ናሸቲኖ፤ ጌላባን ሀሹ ጊኖ። 
\v 15 ኡንቱንቱ ኦያዌ ምርቀ፤ ኡንቱንቱ ደኡካ ጌላ።
\p
\v 16 አዳ ኤራተይ ዎሹምያ ምሽራትፐነ ሸሌሽያ ቃላን ሃሳይያ ላገትፐ ኔና አሻና። 
\v 17 እዛ ባረ ናአተ አስና አጋዉ፤ ባረ ጾሳ ስንን ጫቀቴዳ ጫቁዋካ ዶጋዉ። 
\v 18 እዝ ጎለ ብያዌ ሀይቃናዉ ብያዋ፤ እዝ ኦጊ ሀይቆ ካለ። 
\v 19 ኢኮ ብያ ኦንካ ጉየ ስመና፤ ደኡዋ ኦግያካ ደመና። 
\v 20 ሄዋ አጋደ፥ ኔን ሎኦ አሳቱዋ ሌምሱዋ ካላ፤ ጽሎ አሳቱዋ ደኡዋካ ቁላ። 
\v 21 አያዉ ጎፐ፥ ሱረ አሳቱነ ቶሺ ባይና አሳቱ ቢታን ጋምኢደ ደአና። 
\v 22 ሽን ኢታቱ ቢታፐ ቆለታና፤ አማንተናዋንቱካ ሾደቲደ ያና።
\c 3
\s1 ጾሳን አማነትያዋ
\p
\v 1 ታ ናአዉ፥ ታን ኔና ታማርስያዋ ዶጎፓ፤ ታ አዛዞቱዋካ ነ ዎዛናን ዎ። 
\v 2 አያዉ ጎፐ፥ ኡንቱንቱ ነ ላይ አዱሳና፤ እሻሎ ደኡዋነ ሳሮተ ነዉ ጉጃና። 
\v 3 አገና ሲቁነ ቱማተይ ኔፐ ሃኮፕኖ፤ ኡንቱንታ ነ ቆያን ቃቻ፤ ነ ዎዛናንካ ኡንቱንታ ጻፋ። 
\v 4 ያቶፐ፥ ኔን ጾሳነ አሳ ስንን ሳበታናነ ናሸታና።\x - \xo 3:4 \xo*\xt ሉቃሳ 2:52\xt*\x*
\p
\v 5 ነ ፖሎ ዎዛናን መና ጎዳ አማነታ፤ ነ አኬካን ዘምፖፓ። 
\v 6 ኔን ኦያ ኦሱዋ ኡባን አ ስንያ፤ እ ኔና ሱረ ኦግያ ካለና። 
\v 7 ኔና ነ ሁጲያን አዳ ኤራንቻ ከሶፓ፤ መና ጎዳዉ ያያ፤ ኢታፐካ ሃካ።\x - \xo 3:7 \xo*\xt ሮመ 12:16\xt*\x* 
\v 8 ሄዌ ነ ቦላ ፓጻ ዎና፤ ነ መቀካ ምንሳና። 
\v 9 መና ጎዳ ነ ዱረተን ቦንቻ፤ ኮይሮ አይፌዳ ካ ኡባፐካ ጼራ አዉ እምያዋን አ ቦንቻ። 
\v 10 ያቶፐ፥ ነ ዬሰቱዋን ካይ ኩማና፤ ነ ባካ አይፈ ዎይንያ ኤሳይ ኩሚደ ፓላሀና።
\p
\v 11 ታ ናአዉ፥ መና ጎዳ ሴራ ካፓ፤ እ ኔና ሴርያ ዎደካ ላንጮፓ።\x - \xo 3:11 \xo*\xt ኢዮባ 5:11\xt*\x*\x - \xo 3:11-12 \xo*\xt እብራ. 12:5-6\xt*\x* 
\v 12 አያዉ ጎፐ፥ አዉ ባረ ሲቅያ ናኣ ሴርያዋዳን፥ መና ጎዳይ ባረ ዶስያ ኡራ ሴሬ።\x - \xo 3:12 \xo*\xt ሳፃ 3:19\xt*\x* 
\v 13 አዳ ኤራተ ደምያ ኡራይ፥ አኬካካ ባረዋ ኦያ ኡራይ አንጀቴዳዋ። 
\v 14 አያዉ ጎፐ፥ አፐ ደምያ ጎአይ ዎርቃፐነ ብራፐ ደምያ ጎኣፐ አነ ኬኬ። 
\v 15 አዳ ኤራተይ እንቁዋፐ ሎይ አልኤ፤ ኔን ደማናዉ አሞትያ ኡባይ አዳ ኤራተና ልከተና። 
\v 16 አዳ ኤራተይ ነ ላይ አዱሴ፤ እ ነዉ ዱረተነ ቦንቹዋ ጉጄ። 
\v 17 አ ኦገቱ ናሸችያ ኦገቱዋ፤ አ ሎሱዋ ኡባይካ ሳሩዋ። 
\v 18 እ ባረና ኦይቂያዋንቶ ደኡዋ ም፤ አ ምንስ ኦይቂያ ኡባቱካ አንጀቴዳዋንታ።
\p
\v 19 መና ጎዳይ ባረ አዳ ኤራተን ሳኣ መዳ፤ ባረ አኬካንካ ሳሎቱዋ ምንሴዳ። 
\v 20 አ ኤራተን ሻፋቱ ጎጊኖ፤ ሻራቱዋፐካ እራይ ቡኬ።
\p
\v 21 ታ ናአዉ፥ ሎኦ አዳ ኤራተነ አዱስ ቆፕያዋ ናጋ፤ ኡንቱንቱ ኔፐ ሻከቶፕኖ። 
\v 22 ኡንቱንቱ ነዉ ደኡዋ ግዳና፤ ኡንቱንቱ ነዉ እሻሉዋነ ናሸቻ ደኡዋ እማና። 
\v 23 ሄ ዎደ ኔን ነ ኦግያን ህርግ ባይናን ሀመታና፤ ነ ገዲካ በተና። 
\v 24 ኔን ግሴዳ ዎደ፥ ያያካ፤ ግሳደካ ማልኦ ገምእሹዋ ገምእሻና። 
\v 25 አኬከናን ጋክያ ባሻዉ፥ ዎይ ኢታቱ ይያ ዮ ያያካ። 
\v 26 አያዉ ጎፐ፥ መና ጎዳይ ነዉ አማነትያዋ ግዳና፤ ነ ገዲካ ጲርያን ኦይቀተናዳን፥ እ ኔና ናጋና።
\p
\v 27 ነዉ ዎልቃይ ደእሺና፥ መቶቴዳዎ ሎኦባ ኦያዋ አጎፓ። 
\v 28 ሀእ ነዉ ደእሺና፥ ነ ሾሮ፥ “ስማደ ያ፤ ታን ነዉ ዎንት እማና” ያጎፓ። 
\v 29 ኔናን አማነቲደ፥ ነ ማታን ደእሺና፥ ነ ሾሩዋ ቦላ ኢታባ ኦናዉ ቆፖፓ። 
\v 30 ኔና ናቂቤና አሳ፥ ጮ ሞቶፓ። 
\v 31 ሱገ ኦያ አሳቱዋ ቁሎፓ፤ ኡንቱንቱ ኢታ ኦሱዋካ ካሎፓ። 
\v 32 አያዉ ጎፐ፥ መና ጎዳይ ኢታ ኦያዋንታ እጼ፤ ሽን ሱረቱዋ እ ኡሎፐ ሲቄ። 
\v 33 መና ጎዳ ሸቃይ ኢታ ኦያዋንቱ ሶይና፤ ሽን አ አንጁ ሱረባ ሀንያዋንቱ ሶይና። 
\v 34 ኦቶረቲደ ቅሊጭያዋንታ ጾሳይካ ቅሊጬ፤ ሽን ባረንታ ካዉሽያዋንታ ናሼ።\x - \xo 3:34 \xo*\xt ያቆባ 4:6፤ 1 ጰጽ. 5:5\xt*\x* 
\v 35 አዳ ኤራንቻቱ ቦንቹዋ ደማና፤ ሽን ቦዛቱ ካዉሻና።
\c 4
\s1 ጭንጫተፐ ቤትያ ጎኣ
\p
\v 1 ታ ናቶ፥ ህንተ አቡ ዞርያ ስስተ፤ ሎይ ሀይዝተ፤ ያቶፐ፥ ህንተ አኬካና። 
\v 2 ታን ህንተዉ ሎኦ ትምርትያ እምያ ድራዉ፥ ታ ትምርትያ አጎፕተ። 
\v 3 ታን ታ ሁጲያንካ ታ አቦ ናኣ፤ ታ አትዉካ አ ሲቅያ መጽ እት ናኣ። 
\v 4 ታ አቡ ታና ታማርሲደ፥ ሀዋዳን ያጌዳ፤ “ታን ኦድያዌ ነዉ ገሎ፤ ታ አዛዙዋ ናጋ፤ ያቶፐ፥ ኔን ፓጻ ደአና። 
\v 5 አዳ ኤራተነ አኬካ ደማ፤ ታን ነዉ ኦዴዳዋ ዶጎፓ፤ ታ ቃላፐ ከሶፓ። 
\v 6 አዳ ኤራተዉ ዞክያ ዛሮፓ፤ አያዉ ጎፐ፥ እ ኔና አሻና፤ አ ሲቃ፤ እ ኔና ናጋና። 
\v 7 አዳ ኤራተይ ኡባፐ አያ ድራዉ፥ አዳ ኤራተ ደማ። አኬካይ ነ ደእያዋ ኡባ ዉርስ አኮፐካ አ ደማ። 
\v 8 ኔን አ ቦንቻ፤ እካ ኔና ቁ ቁ ኦና፤ ኔን አ ኦይቆፐ፥ እ ኔና ቦንቻና። 
\v 9 እ ነ ሁጲያን ሳባ ካላቻ ዎና፤ ቦንቾ ካላቻ እማና” ያጌዳ።
\p
\v 10 ታ ናአዉ፥ ስሳ፤ ታን ግያዋካ አካ፤ ነ ደኡዋ ላይይካ አዱቃና። 
\v 11 ታን ኔና አዳ ኤራተ ኦግያ ካለና፤ ሱረ ሎሱዋናካ አፋና። 
\v 12 ኔን ሀመትያ ዎደ፥ ነ ሀመትያሳን ቢያዌ ደኤና፤ ዎጾፐካ በታካ። 
\v 13 ታማሬዳዋ ሀሳያ፥ የዶፓ፤ ትምርቲ ነዉ ደኡዋ ግዴዳ ድራዉ፥ ሎይ ናጋ። 
\v 14 ናጋራንቻቱዋ ኦግያ የፓ፤ ኢታ አሳቱዋ ኦግያንካ ሀመቶፓ፤ 
\v 15 አፐ ሃካ፤ አን ሀመቶፓ፤ አፐ ጉየ ስማ፤ ያታደ ነ ኦግያን ባ። 
\v 16 አያዉ ጎፐ፥ ኡንቱንቱ ኢታባ ኦና ጋካናዉ፥ ገምእሻናዉ ዳንዳይክኖ፤ ኡንቱንቱ አሳ በናን ኡንቱንታ ገምእሹ አፈና። 
\v 17 ኡንቱንቱ ናጋራ ኡክዳን ሚኖ፤ ሱገ ኦሱዋካ ኡሻዳን ኡሺኖ።
\p
\v 18 ጽሎቱዋ ኦጊ ሴታ ጋላሳይ ጋካናዉ፥ ጉጅ ጉጅ ፖእያ ዎንታ ጻልቂያ ማላ። 
\v 19 ሽን ናጋራንቻቱዋ ኦጊ ጵ ጎ ማ ማላ፤ ኡንቱንቱ ዎት በትንቶካ ኤርክኖ።
\p
\v 20 ታ ናአዉ፥ ታን ኦድያዋ ስሳ፤ ታን ኦድያዋካ ሎይደ ሀይዛ። 
\v 21 ታን ኦዴዳባቱ ነ አይፍያፐ ጌሞፕኖ፤ ኡንቱንታ ነ ዎዛናን ዎ። 
\v 22 አያዉ ጎፐ፥ ኡንቱንታ ደምያ አሳዉ ኡባዉ ደኡዋ እሚኖ፤ ኡንቱንቱ ቦላዉካ ፓጻተ እሚኖ። 
\v 23 ኡባባፐካ ነ ዎዛና ምንሳደ ናጋ፤ አያዉ ጎፐ፥ ደኡ አፐ ፑልቴ። 
\v 24 ነ ዶናፐ ገነ ሃሳያ ድጋ፤ ዎርዶ ሃሳያ ነ ዶናፐ ድጋ። 
\v 25 ስት ጋደ ስንዉ ጼላ፤ ነ አይፊ ነ ስንን ደእያዋ ትሽ ኦደ ጼሎ። 
\v 26 ነ ገድያዉ ሀመትያ ኦግያ ሱርሳ፤ ሱረ ኦግያ ጻላላን ሀመታ።\x - \xo 4:26 \xo*\xt እብራ. 12:13\xt*\x* 
\v 27 ሱረ ኦግያፐ ኡሸቻ ሀድርሳ ጎፓ፤ ነ ገዲ ኢታሳ ቤናዳን ናጋ።
\c 5
\s1 ዎሹማፐ ሃካ
\p
\v 1 ታ ናአዉ፥ ታ አዳ ኤራተ ሀይዛ፤ ነ ሀይ ታ አኬካኮ የጋ። 
\v 2 ያቶፐ፥ አዱሳ ቆፋይ ነዉ ደአና፤ ነ ሃሳያይካ ነ ኤራተ ቆንጭሳና።
\p
\v 3 ዎሹምያ ማጫ ምሽራት እንጻርሳፐ ኤሳ እልሉ ጾኬ፤ እ ሃሳያይ ኦይሳፐካ አ ሹጌ። 
\v 4 ሽን እዛ ዉርሰን ጎዳረ ኡዳን ጫማዉ፤ ላኡ ባጋን ቃንጽያ ማሻዳን ቃንጽያኖ፤ 
\v 5 እ ገደቱ ሀይቁዋኮ ዱገ ቢኖ፤ እ ሀመታይ ስት ኦደ፥ ዱፉዋ አፌ። 
\v 6 እዛ ደኡዋ ኦግያ ቆፑኩ፤ እ ኦገቱ ጌላ፤ ሽን ጌላ ግድያዋካ አ ኤሩኩ።
\p
\v 7 ታ ናቶ፥ ሀእካ ታን ኦድያዋ ስስተ፤ ታን ግያዋፐ ከሶፕተ። 
\v 8 ዎሹምያ ማጫ ምሽራት ሄራ ቦፕተ፤ እ ጎልያ ፐንግያኮ ሺቆፕተ። 
\v 9 ሄዌ ዮፐ፥ ህንተ ህንተንቱ ቦንቹዋ ሀራቶ አደ እማና። ህንተንቱ ህንተንቱ ያላጋተን መቀ ባይና አሳቱዋ ኩሽያን ሀይቃና። 
\v 10 ህንተንቱ ማጹዋ አላጋ አሳቱ አካና። ህንተ ዳቡሪደ ሺሼዳዌ ሀራ አሳዉ ግዳናዋ። 
\v 11 ዉርሰን ህንተ አሹነ ህንተ አሳተይ ግልቂና፥ ህንተ ኦላና። 
\v 12 ቃይ ሀዋዳን ያጋንታ፤ “ታን ትምርትያ አያዉ እጻድታሻ! ታ ዎዛናይካ ሴራ አያዉ ካዴሻ! 
\v 13 ታን ታና ታማርስያዋንቱ ኦዴዳዋ አካበይከ፤ ታና ዞርያዋንቱ ዞርያካ ሀይዛበይከ። 
\v 14 ሄዋ ድራዉ፥ ታን አሳይ ሺቄዳ ሺቁዋን፥ አኬከናን ካዉሻናዉ ደአይ” ያጋና።
\p
\v 15 ነ ማቻትዉ አማነቴዳዋ ግዳ፤ እዝ ጻላላ ሲቃ። 
\v 16 ሀራ ማጫንፐ የለቴዳ ነ ናናቱ፥ ነዉ ሎኦባ ኦክኖ። 
\v 17 ኡንቱንቱ ኔና ማዳናዉ ድጭኖ፤ አላጋ ግዶፕኖ።
\p
\v 18 ሄዋ ድራዉ ነ ማቻትና ናሸታ፤ ያላጋተን ኔን አኬዳ ነ ማቻትፐ ናሸቻ ኮያ። 
\v 19 ሎእያ ጋራትዳንነ ናሸችያ ገንአቲዳን፥ እ ንይ ኡባ ዎደካ ኔና አሎ፤ ኡባ ዎደ እ ሲቁ ኔና ኦሞዶ። 
\v 20 ታ ናአዉ፥ ዎሹምያ ምሽራታ ኔና አያዉ ኦሞዳይ? ሀራ አሳ ማቻቶ አያዉ ቆማይ?
\p
\v 21 አያዉ ጎፐ፥ አሳይ ኦያዋ ኡባ መና ጎዳይ በኤ፤ እ ሀመትያ ሎሱዋ ኡባ ጼሌ። 
\v 22 ናጋራንቻ እ ኦዳ ናጋራይ ኦይቄ። አ ናጋራ ግቲ አ ቃቼ። 
\v 23 እ ባረ ቦዛተን ሀሌዳ፤ ባረ ሁጲያ ናግቤና ድራዉ ሀይቄዳ።
\c 6
\s1 ሀች ሀች ደኦ ማድያ ትምርትያ
\p
\v 1 ታ ናአዉ፥ ኔን ሚሻ ታልኤዳ ነ ሾሮ ዋሰ ገሌዳዋ ግዶፐ፥ ኔን ኤረና ኡራዉ ነ ኩሽያ ባቃደ ገፔዳዋ ግዶፐ፥ 
\v 2 ኔን ገፔዳ ገፋ ግትያን ገሌዳዋ ግዶፐ፥ ነ ዶናፐ ከሴዳ ቃላን ኦይቀቴዳዋ ግዶፐ፥ 
\v 3 ስም ኔን ነ ሾሩዋ ኩሽያን ገላዳ። ሄዋ ድራዉ፥ ታ ናአዉ፥ ሄዋፐ ከሳናዉ ኮዮፐ፥ ኤለ ነ ሾሩዋ ጎለ ባ፤ ዋሰተ እ ነ ቦላፐ ዎና ማላ፥ አዉዳሻደ አ ዎሳ። 
\v 4 ሀዋ ኦናን ደኣደ ገምእሾፓ፤ ሸምፑዋካ ሸምፖፓ። 
\v 5 ሻንካንቻቱዋፐ ገንአታ ከሳ አክያዋዳን፥ ዳባፐ ካፋታ አትያዋዳን፥ ነ ሁጲያ አሻ።
\p
\v 6 ኔኖ አዛላዉ፥ ቃጮቱዋኮ ባ፤ ኡንቱንቱፐ ታማራ። ያቲደ አዳ ኤራንቻ ግዳ። 
\v 7 ቃጮቱዋ ኦስሳናዉ፥ ካፑ ዎይ ኡንቱንታ ሞድያዌ ባዋ፤ 
\v 8 ሽን ባረንቶ ማናባ ቦንያን ምንጂኖ፤ ካ ጫክያ ዎደካ ባረንቶ ኮሽያ ቁማ ሺሺኖ። 
\v 9 ኔኖ አዛላዉ፥ ኔን አዉደ ጋካናዉ ገምእሻይ? ነ ገምእሹዋፐካ አዉደ ደንዳይ? 
\v 10 ኔን ቃይካ ጉ ግሳሳ፤ ጉ ገምእሻሳ፤ ኩሽያ ሺሻ አካደ፥ ጉ ሸምፓሳ።\x - \xo 6:10-11 \xo*\xt ሌም. 24:33-34\xt*\x* 
\v 11 ያትያ ዎደ ህዬሳተይ ፓንጋዳን፥ ፓጫይ ኦላ ሚሻ ኦይቄዳ አሳዳን፥ ነ ቦላ ያና።
\p
\v 12 ኢታ አሳይነ ባላ አሳይ፥ ዩይ ዩዪደ ዎርዱዋ ኦዴ፤ 
\v 13 እ ባረ አይፍያን ስምኤ፤ ባረ ገድያን በሴ፤ ባረ ብራያን ጾርሴ። 
\v 14 አ ዎዛናን ጌላተይ ደኤ፤ እ ኢታባ ቆፔ፤ ኡባ ገደካ እ ዋላሳ መ። 
\v 15 ሄዋ ጋሱዋን ባሻይ አኬከናን አ ቦላ ያና፤ እ ሀሳየናን መአና፤ መኢደካ ፓጸና።
\p
\v 16 መና ጎዳይ እጽያ ኡሱፑን የዎቱ ደኢኖ፤ እ ላፑንያዋ ኢስ እጼ:
\q1
\v 17 ካደ ጼልያ አይፍያ፥
\q2 ዎርዶትያ እንጻርሳ፥
\q2 ጌሻ አሳቱዋ ሱ ጉስያ ኩሽያ፥
\q1
\v 18 ኢታባ ማቂያ ዎዛና፥
\q2 ኢታባኮ ኤሌሊደ ዎጽያ ገድያ፥
\q1
\v 19 ዎርዱዋ ቦላ ዎርዱዋ ጉጅ ጉጂደ ኦድያ ዎርዶ ማርካ፥
\q2 እሻቱዋ ግዶን ዋላሳ መያ አሳ።
\s1 ዎሹምያ አሳይ ሙረተናን አተና
\p
\v 20 ታ ናአዉ፥ ነ አቡ አዛዙዋ ፖላ፤ ነ አታ ኔና ታማርሴዳዋካ አጎፓ፤ 
\v 21 ኡንቱንታ ኡባ ገደ ነ ዎዛናን ኦይቃ፤ ነ ቆያንካ ቃቻ። 
\v 22 ኔን ሀመትያ ዎደ፥ ኡንቱንቱ ኔና ካለና፤ ኔን ግስያ ዎደ፥ ኡንቱንቱ ኔና ናጋና፤ ኔን ቤጎትያ ዎደካ፥ ኡንቱንቱ ኔና ዞራና። 
\v 23 አያዉ ጎፐ፥ ሀ አዛዞቱ ጾምፕያ፤ ትምርተቱካ ፖኡዋ፤ ቃይ ሴራይካ ደኡዋኮ አፍያ ኦግያ። 
\v 24 ሀ አዛዞቱነ ሀ ትምርተቱ ኢታ ማጫንፐነ ሀራ ምሽራት ሸሌሽያ እንጻርሳፐ ኔና ናጋና። 
\v 25 እ ማላ ነ ዎዛናን አሞቶፓ፤ እ አይፍያ ሎኦተን ኦሞደቶፓ። 
\v 26 እት አቱማ አሳይ ጫራቶ እት ኡክ ጋትያን ደማናዉ ዳንዳዬ፤ ሽን አስናይ ደእያ ምሽራትና ዎሹሙሳይ ሸምፑዋ ዎሴ። 
\v 27 እት አሳይ ታማ እድምና፥ አ ማዩ ሜተተናን አታናዉ ዳንዳዪ? 
\v 28 እት አሳይ ታማ ቦንቁዋ የ ሀመትና፥ አ ገዲ ጹገተናን አታኔ? 
\v 29 አሳ ማቻትኮ ገልያ ኡራይ ሄዋካ ማላ፤ እዞ ቦችያ ኡባይ ሙረተናን አተና። 
\v 30 ካይሱ ኮሻቲደ፥ ባረዉ ማናዉ ዉኦፐ፥ አሳይ አ ካና። 
\v 31 ሽን እ ኦይቀቴዳዋ ግዶፐ፥ ላፑን ዳኩዋ ጭጋና፤ ባረ ሶ ሚሻ ኡባካ እማና። 
\v 32 ሽን ዎሹምያ አሳይ ዎዛና ፓጫ፤ ሄ ኡራይ ባረ ሸምፑዋ ባይዜ። 
\v 33 ማዱጻናነ ቶሸታና። ኡባ ዎደካ እ ቦረቲደ ደአና። 
\v 34 አያዉ ጎፐ፥ ማጫ ምሽራት አስናይ ምሸቲደ፥ ሀንቁዋ ሱላና፤ ባረ ሀሉዋ ከስያ ዎደ፥ አዉ ቃረተና። 
\v 35 እ አያ አጫካ አከና፤ አይ ኬሻ እሙካ አ ሀንቁዋ ዶሽሰና።
\c 7
\s1 ዎሹምያ ምሽራት ጭሙዋ
\p
\v 1 ታ ናአዉ፥ ታ ቃላ ናጋ፤ ታ አዛዙዋካ ነ ጋርሳን ቆሳ። 
\v 2 ነዉ ፓጻ ደአናዉ ታ አዛዝያዋ ኦ፤ ታ ትምርትያካ ነ አይፍያ ቡሉዋዳን ናጋ። 
\v 3 ሀሳይስያዋዳን ኡንቱንታ ነ ብራቱዋን ቃቻ፤ ነ ዎዛናንካ ጻፋ። 
\v 4 አዳ ኤራተ ነ ምቻትዳን፥ አኬካካ ነ ማታ ዳቡዋዳን ጼላ። 
\v 5 ኡንቱንቱ ኔና ጫራትያ ምሽራትፐነ ባረ ቃላን ሸሌሽያ ሀራ ምሽራትፐ ናጋና።
\p
\v 6 እት ጋላስ ታን ታ ጎልያ ማስኮትያና ካረ ጼላድ፤ 
\v 7 ዎዛና ኩንቤና ዎዳላ ናናቱዋ በኣድ። ኡንቱንቱ ግዶፐ እቱ ሎይ ቦዛ። 
\v 8 ሄ ዎዳላይ ኦግያና ቢደ፥ እት ዎሹምያ ማጫ ምሽራት ጎልያ ማታና አዳ፤ እ ጎለ አፍያ ኦግያኮ ፕኒደ፥ እ ጎልያ ሄራን ሀመቴ። 
\v 9 ሄ ዎደ ሳአይ ቃማናዉ ለምእለምኤ። 
\v 10 ሄዋፐ ጉይያን፥ ምሽራታ አ ደማዱ። እዛ ጫራቶ ግድያዋ እዝ ማዩ ኤርሴ። እዛ አሳ ጭማናዉ ቆፓደ ከሳዱ። 
\v 11 እዛ ጻላነ ዬላይ ባይና ማጫ አሳ፤ ሶን ዎፑ ጋደ ኡቱኩ። 
\v 12 እዛ እት ገደ ኦግያን፥ እት ገደ ገያን፥ ዳባባ ኡባን ኤቃደ ናጋዉ።
\p
\v 13 አ ሄ ናኣ ቆማደ የራዱ፤ እዛ አ አይፍያ ዬል ባይናን ትሽ ኦ ጼላደ ሀዋዳን ያጋዱ፤ 
\v 14 “ታን ታ ያርሹዋ ያርሻደ፥ ታ ቃንገ ሀእ ጋ ስማይ። 
\v 15 ያታደ ኔና ጾሞሳናዉ ከሳድ፤ ኔና ሎይ ኮያድ፤ ሀእ ስም ደማድ። 
\v 16 ታን ግብጼፐ ዬዳ፥ አሌቄዳ አንሶላ ታ ሂጻን የጋድ። 
\v 17 ታን ካዋራ፥ አልሙንያነ ቃራፋ ጌተትያ ቅማማቱዋፐ ከሴዳ ሽቱዋ ታ ሂጻን ጫጫፋድ። 
\v 18 ሃያ፤ አነ ዎንታና ጋካናዉ ሲቁዋ አሎይተ፤ ቆመቲደካ ናሸቶይተ፤ 
\v 19 አያዉ ጎፐ፥ ታ አስናይ ሶን ግደና፤ ሃኮ ሳ ቤዳ። 
\v 20 ሚሻ ቃርጪታ ኩን አኪደ ቤዳ ድራዉ፥ አገናይ ዶይሳና ጋካናዉ ጎለ ስመና” ያጋዱ።
\p
\v 21 ባረ ማልኦ ሃሳያን አ ሸሌሻዱ፤ ባረ ሊቆ እንጻርሳን ጭማዱ። 
\v 22 ያትና፥ ኤለካ እ እዞ ካሊደ፥ ብ አጌዳ። ቦራይ ሹክያሳ ላገትያዋዳን፥ ጋራይ ኤሌሊደ ጲርያን ገልያዋዳን፥ 
\v 23 ቶራይ አ ዎዛና ጫድያዋዳን ሀኔዳ። ዳባ ግዶ ገሌዳ ካፉዋ ማላቴዳ። ሀዌ ኡባይ አ ሸምፑዋ ባይዛናዉ ሀንያዋ ኤርቤና።
\p
\v 24 ታ ናናዉ፥ አነ ሀእ ስስተ፤ ታ ዶናፐ ከስያ ቃላካ ሀይዝተ። 
\v 25 ነ ቆፋይ ሄ ማጫ ምሽራትና ቦፖ፤ እ ኦግያን ገላደ ባለቶፓ። 
\v 26 አ ጫዳደ ኦሌዳዋንቱ ኡንደኔዳዋንታ፤ አ ዎዳዋንቱካ ሎይ ዳራ። 
\v 27 እ ሶያይ ዱፉዋኮ አፍያ ኦግያ፤ ሄ ኦጊ ዱገ ሀይቁዋ ጌሱዋ ካለ።
\c 8
\s1 አዳ ኤራተ ሳቢደ ኦዴዳ ማዝሙርያ
\r (8:1—9:18)
\p
\v 1 ቱሙ አዳ ኤራተታ ጼሰኬ?\x - \xo 8:1-3 \xo*\xt ሌም. 1:20-21\xt*\x* አኬካይካ ባረ ቃላ ቁ ኦኔ? 
\v 2 ኦግያ ዶናን ደእያ ዞዘቱዋ ቦላነ ኦገቱ ዳንትያሳን እዛ ኤቃዉ፤ 
\v 3 ድርሳ ፐንግያ ማታን፥ ካታማ ገልያ ፐንግያን ኤቃደ፥ ባረ ቃላ ቁ ኦደ፥ ሀዋዳን ያጋዉ፤ 
\v 4 “ህንተኖ አሳቶ፥ ታን ህንተና ጼሳይ፤ ታን አሳ ኡባ ጼሳይ። 
\v 5 ህንተኖ አኬካይ ፓጬዳዋንቶ፥ ሂላ ደማናዉ ታማርተ። ህንተኖ ቦዛቶ፥ አኬካ ደምተ። 
\v 6 ታን ዳሮ ሎኦባ ኦድያ ድራዉ ስስተ፤ ታን ሱረባ ኦዳናዉ ታ መተርሻ ዶያይ። 
\v 7 ታ ዶናይ ቱሙዋ ሃሳዬ፤ ታ መተርሻይ ዎርዶባ እጼ። 
\v 8 ታ ዶናይ ሃሳይያዌ ኡባይ ቱማ፤ ጌላ ዎይ ምርቀ ግደና። 
\v 9 አኬካይ ደእያ ኡራዉ ታ ሃሳያይ ልከ፤ ኤራይ ደእያዋንቶ ታ ሃሳያይ ቆንጨ።
\p
\v 10 “ብራ አጊደ፥ ታ ዞርያ ዶርተ፤ በርተ ዎርቃካ አጊደ፥ ኤራተ ዶርተ። 
\v 11 አያዉ ጎፐ ታን፥ አዳ ኤራተታ፥ እንቁዋ ግያ ዳሮ አልኦ ሹቻፐካ አይ፤ ኔን አሞትያዌ ኡባይካ ታናና ላገታናዉ ዳንዳየና።
\p
\v 12 “ታዉ፥ አዳ ኤራተትዉ አኬካይ ደኤ፤ ኤራተይካ አዱሳ ቆፋይካ ታናና እትፐ ደኢኖ። 
\v 13 መና ጎዳዉ ያይያዌ ኢታተ እጽያዋ፤ ታን ኦቶሩዋነ አዩዋ እጻይ፤ ኢታሳ አፍያ ኦግያነ ዎርዱዋ ሃሳያ ዶስከ። 
\v 14 ዞሪነ ሎኦ ኤራይ ታዋንታ፤ አኬካይነ ዎልቃይነ ታዉ ደኢኖ። 
\v 15 ካተቱ ታናን ካዉቲኖ፤ ቃይ ሞድያዋንቱ ሱረ ህግያ ታናን ከሲኖ። 
\v 16 ካፓቱ ታን ማድና፥ አሳ ሞድኖ፤ ሳኣን ጋድያ ሞድያ ዎልቃማ አሳቱዋ ኡባካ ታን ማዳይ።
\p
\v 17 “ታን ታና ሲቅያዋንታ ሲቃይ፤ ታና ምንሲደ ኮይያዋንቱካ ደማና። 
\v 18 ዱረተይነ ቦንቹ ታናና ደኢኖ፤ ዉረና አቁነ እንጂ ታ ማታና። 
\v 19 ህንተ ታፐ ደምያ አይፊ በርተ ዎርቃፐነ ታ ጫርሻይ ሙሽስ ከሴዳ ብራፐ አ። 
\v 20 ታን ጽሎተ ኦግያን ሀመታይ፤ ሱረ ፕርዳ ሎሱዋና አይ። 
\v 21 ታና ሲቅያዋንቶ ታን ማጹዋ እማና፤ ኡንቱንቱ ጎልያካ ታን ሚሻን ኩንና።
\p
\v 22 “መና ጎዳይ ታና ባረ ኦሱዋ ኡባፐ ኮይሮ መዳ፤\x - \xo 8:22 \xo*\xt ሳፃ 3:14\xt*\x* በንፐካ አ ኦሶ ዶመይ ታና። 
\v 23 በን ዎደ፥ ቢታይ ሳአይ መታናፐ ካሰ ታን ሱንታድ። 
\v 24 ዎልቃማ አባቱ ባይና ዎደ፥ ሃ ፑልቶቱ እቤና ዎደ፥ ሄ ዎደ ታን የለታድ። 
\v 25 ደረቱነ ደቱ መታናፐ ካሰ ታን የለታድ። 
\v 26 መና ጎዳይ ሳኣነ ሳኣን ደእያ ጋደቱዋ ኡባ መናፐ ካሰ፥ ዎይ እት ኮጰ ግድያ ባናይ አላምያን ኦሰታናፐ ካሰ ታን የለታድ።
\p
\v 27 “መና ጎዳይ ሳሎቱዋ ምጬዳ ዎደነ ዎልቃማ አባቱዋፐ ቦላና ደእያ ሳሉዋ ጊግሴዳ ዎደ፥ ታን ያን ደአይ። 
\v 28 መና ጎዳይ ሻረቱዋ ቦላን ዎዳ ዎደ፥ ዎልቃማ አባ ፑልቶቱዋ ሴዳ ዎደ፥ 
\v 29 አባ ሃቱ ባረንቶ እመቴዳ ዛዋፐ ፕኒደ፥ ቦላዉ አናዳን፥ እ ኡንቱንታ አዛዜዳ ዎደ፥ ሳኣ ባሱዋ እ ባሴዳ ዎደ፥ ታን ያን ደአይ። 
\v 30 ሄ ዎደ ታን አ ማታን ኤረቴዳ ኦሳንቻ፤ ኡባ ጋላስ ታን ናሸቻን ኩማይ፤ ታዉካ አ ስንን ናሸታይ። 
\v 31 እ መዳዌ ኡባይ፥ ሳአይካ አሳ ናናቱካ ታና ናሸቺኖ።
\p
\v 32 “ሀእካ ስም ታ ናቶ፥ ስስተ፤ ታን ኦድያዋዳን ኦያዋንቱ አንጀቴዳዋንታ። 
\v 33 ታ ትምርትያ ስስተ፤ አዳ ኤራንቻ ግድተ፤ ስሴዳዋ ሸነኮ ጎፕተ። 
\v 34 ታና ስስያ ኡራይ፥ ሀች ሀች ታ ፐንገን ቤትያ ኡራይ፥ ታ ጎለ ገልያሳንካ ናግያ ኡራይ አንጀቴዳዋ። 
\v 35 ታና ደምያዌ ደኡዋ ደሜ፤ መና ጎዳፐ እ ሳባ ደሜ። 
\v 36 ሽን ታና ደመናን አግያ ኡራይ ባረና ቆሄ፤ ታና እጽያ ኡባቱ፥ ሀይቁዋ ሲቂኖ” ያጋዉ።
\c 9
\s1 አዳ ኤራተነ ቦዛተ
\p
\v 1 አዳ ኤራተታ ባረ ጎልያ ኬጻዱ፤ ሄ ጎልያዉ ላፑን ቱሳቱዋ ኤሳዱ። 
\v 2 እዛ ባረ ጊግስያ ሾብያዉ ሞ መህያ ሹካዱ፤ ዎይንያ ኤሳካ አጋደ ጊግሳዱ። ማዳ ስንዉ አዱ። 
\v 3 ያታደ አሳ ጼሳናዉ ባረ ቆማቱዋ ኪታዱ። ቆማቱ ካታማዉ ቃ ሳኣን ኤቂደ፥ 
\v 4 “ህንተኖ፥ ኤራይ ፓጬዳዋንቶ ሀዋ ገልተ!” ያጌድኖ። ቦዛቱዋካ እዛ ሀዋዳን ያጋዱ፤ 
\v 5 “ሃ ዪተ፤ ታ ቁማ ሚተ፤ ታን አጌዳ ዎይንያ ኤሳካ ኡሽተ! 
\v 6 ቦዛተ አጊደ፥ ደኡዋን ደእተ፤ አኬካ ኦግያን ሀመትተ” ያጋዉ።
\p
\v 7 ቅሊጭያ ኡራ ሴርያ አሳይ ባረዉ ቦርያ አኬ፤ ኢታ ኡራ ዞርያዌካ ባረዉ ቆሄቴ። 
\v 8 ቅሊጭያ ኡራ ዞሮፓ፤ እ ኔና እጻና። አዳ ኤራንቻ ኡራ ዞራ፤ እ ኔና ዶሳና። 
\v 9 አዳ ኤራንቻ ኡራ ታማርሳ፤ ያቶፐ፥ እ ካሰዋፐካ አዳ ኤራንቻ ግዳናዋ። ጽሎ ኡራካ ታማርሳ፤ ያቶፐ እ ኤራ ጉጃና።
\p
\v 10 አዳ ኤራተዉ ዶመይ መና ጎዳዉ ያይያዋ፤ ጌሻ ጾሳ ኤርያዌ አኬክያዋ።\x - \xo 9:10 \xo*\xt ኢዮባ 28:28፤ ማዝ. 111:10፤ ሌም. 1:7\xt*\x* 
\v 11 ታናን ነ ላይይ ዳራና፤ ነ ደኡዋ ላይይካ አዱቃና። 
\v 12 ኔን አዳ ኤራንቻ ግዶፐ፥ ነ ሁጲያዉ ጎኤታሳ። ኔን ቅሊጭያዋ ግዶፐካ፥ ነ ሁጲያዉ ቆሄታሳ።
\p
\v 13 ቦዛ ምሽራታ ዋላሳ ዳራዉ፤ እዛ ባረና ናገናዉኖ። እዛ አይነ ኤሩኩ። 
\v 14 እዛ ባረ ካረን፥ ዎይ ካታማዉ ቃ ሳኣን ኦይድያን ኡታዉ። 
\v 15 ሱረ ባረንቱ ኦግያ ኦይቂደ ብያ አሳ ጼሳደ፥ 
\v 16 “ህንተኖ፥ ኤራይ ፓጬዳዋንቶ፥ ታኮ ሃ ዪተ” ያጋዉ። አኬካይ ባይናዋካ፥ 
\v 17 “ዉኢደ ኡሽያ ሃይ ማልኤ፤ ጌማን ምያ ቁማይካ ናሸቼ” ያጋዉ። 
\v 18 ሽን እ ሀይቄዳ አሳይ ያን ደእያዋ፥ እዝ እማቱካ ዱፉዋ ጪሞ ግዶን ደእያዋ ኤረና።
\c 10
\s1 ሶሎሞና ሌምሳቱዋ
\r (10:1—29:27)
\p
\v 1 ሀዋንቱ ሶሎሞና ሌምሳቱዋ። አዳ ኤራንቻ ናአይ ባረ አዉዋ ናሸቼ፤ ሽን ቦዛ ናአይ ባረ አቶ ካዮዬ።
\p
\v 2 ናጋራን ደሜዳ ሚሻይ ጎኤና፤ ሽን ጽሎተይ ሀይቁዋፐ አሼ።
\p
\v 3 መና ጎዳይ ጽሎቱዋ ኮሻይሰና፤ ሽን ናጋራንቻቱዋ አሙዋ ፖልሰና።
\p
\v 4 አዛላተይ ማንቂሴ፤ ሽን ምኒደ ኦያዌ ዱረዬ።
\p
\v 5 አዳ ኤራንቻ ኡራይ ካ ቦንያን ሺሼ፤ ሽን ካ ጫክያ ዎደ ገምእሽያ ኡራይ ካዉሼ።
\p
\v 6 ጽሎ አሳይ አንጀቴ፤ ሽን ናጋራንቻ ዶና ማካላይ ካሜ።
\p
\v 7 ጽሉዋ ሱንይ አንጁዋን ጼሰቲደ ደኤ፤ ሽን ናጋራንቻቱዋ ሱንይ ዶገቴ።
\p
\v 8 አዳ ኤራንቻቱ አዛዜዳዋ ኦኖ፤ ሽን ቦዛተን ጮ ዶናትያዋንቱ ባሻዉ ቢኖ።
\p
\v 9 ሱረ አሳይ ሳሮ ደኤ፤ ሽን ጌላ ኡራይ ባረ ባይዙዋን ኦይቀቴ።
\p
\v 10 አሳ ቦላ ስምእያ ኡራይ መቱዋ አዬ።
\p ቦዛተን ጮ ዶናትያዋንቱ ባሻዉ ቢኖ።
\p
\v 11 ጽሉዋ ሃሳያይ ደኡዋ ፑልትያ፤ ሽን ናጋራንቻ ሃሳያይ ማካላተ ገን።
\p
\v 12 እጹ ፓሉምያ ደን፤ ሽን ሲቁ ባይዙዋ ኡባ ፓይደና።\x - \xo 10:12 \xo*\xt ያቆባ 5:20፤ 1 ጰጽ. 4:8\xt*\x*
\p
\v 13 ዎዛናማ አሳይ አዳ ኤራን ሃሳዬ፤ ሽን ቦዛ ኡራይ ጻምአን ሾጨቴ።
\p
\v 14 አዳ ኤራንቻቱ ኤራ ዳጋዪኖ፤ ሽን ቦዛ ሃሳያ ሃሳይያ ኡራይ ባረና ባይዜ።
\p
\v 15 ዱርያ ሚሻይ ድረቴዳ ካታማ ማላ፥ ባረ ጎዳ ናጌ፤ ሽን ህዬሳተይ ህዬሳ ይሴ።
\p
\v 16 ጽሎ ኡራ አ ሎኦ ኦሱ ደኦ ካለ፤ ሽን ኢታ ኡራ ዉርሰይ ሙሩዋ አሄ።
\p
\v 17 ሴርና ኤኖ ግያ ኡራይ ደኡዋ ኦግያን ሀመቴ፤ ሽን ሴርና እጽያ ኡራይ ባሌ።
\p
\v 18 እጺደ ባረ እጽያዋ ኤርሰና ኡራይ ዎርዳንቻ፤ ዝግርሳ ላልያ ኡራይካ ቦዛ።
\p
\v 19 ዳሮ ሃሳያ ግዶን ናጋራይ የና፤ ሽን ባረ ዶና ሺሽ አክያ ኡራይ አዳ ኤራንቻ።
\p
\v 20 ጽሉዋ እንጻርሳይ ትገቴዳ ጌሻ ብራ ማላ፤ ሽን ኢታ ኡራ ቆፋዉ ጋቲ ጉ።
\p
\v 21 ጽሎ ኡራ ሃሳያይ ዳሮ አሳ ጎኤ፤ ሽን ቦዛቱ ባረንቱ ዎዛና ፓጫን ሀይቂኖ።
\p
\v 22 መና ጎዳ አንጁ ዱረ ከሴ፤ እ ሄ ዱረተን መቱዋ ዋላከና።
\p
\v 23 ቦዛ ኡራዉ ኢታባ ኦያዌ ካሳ ማላ፤ ሽን ዎዛናማ ኡራይ አዳ ኤራተን ናሸቴ።
\p
\v 24 ኢታ ኡራይ ህርጌዳባይ አ ቦላ ጋካናዋ፤ ሽን ጽሉ አሞቴዳዌ እመታናዋ።
\p
\v 25 ጎቱ ደንዲደ አደ፥ ናጋራንቻቱ ፕተት ይኖ፤ ሽን ጽሎቱ መናዉ ምኒደ ደአና።
\p
\v 26 ጫላይ አቻ ዝልእስያዋዳንነ ጩዋይ አይፍያ ፖግያዋዳን፥ አዛላ ኡራ ኪትያዌ ይሎዬ።
\p
\v 27 መና ጎዳዉ ያይያዌ ላይ አዱሴ፤ ሽን ናጋራንቻ ኡራ ላይይ ቃሜ።
\p
\v 28 ጽሎ ኡራይ ስንና ናሸቻይ ያና ጊደ ናጌ፤ ሽን ኢታ ኡራይ ስንና ያና ጊደ ናግያዌ አያይነ ባዋ።
\p
\v 29 መና ጎዳ ኦጊ ጽሎቶ ባቃት አትያ ሳኣ፤ ሽን ኢታ ኦያዋንቶ ባሻ።
\p
\v 30 ጽሎቱ ደኢያሳፐ ሾደትክኖ፤ ሽን ኢታቱ ቢታ ቦላ ደእክኖ።
\p
\v 31 ጽሎ አሳይ አዳ ኤራተ ሃሳዬ፤ ሽን ጌላባ ሃሳይያ እንጻርሳይ ቃንጸታና።
\p
\v 32 ጽሎ አሳይ በስያ ሃሳያ ኤሬ፤ ሽን ኢታ አሳይ ጌላ ሃሳዬ።
\c 11
\p
\v 1 መና ጎዳይ ዎርዱዋ ሚዛናን ልክያዋንታ እጼ፤ ሽን ልከ ሚዛናን ልክያዋንቱን ናሸቴ።
\p
\v 2 ኦቶሩ ይያ ዎደ ካዉሻተይ ዬ፤ ሽን አሽከተና አዳ ኤራተይ ዬ።
\p
\v 3 ጽሎቱዋ ኡንቱንቱ ሱረተይ ካለ፤ ሽን አማነተናዋንታ ኡንቱንቱ ጌላተይ ይሴ።
\p
\v 4 ሀንቁዋ ጋላስ ዱረተይ ጎኤና፤ ሽን ጽሎተይ ሀይቁዋፐ አሼ።
\p
\v 5 ቦሪ ባይና ኡራ ኦግያ አ ጽሎተይ ሱርሴ፤ ሽን ኢታ ኡራይ ባረ ኢታተን ኩንዴ።
\p
\v 6 ሱረቱዋ ኡንቱንቱ ጽሎተይ አሼ፤ ሽን አማነተናዋንታ ኡንቱንቱ አሙ ጲረ ግዲደ ኦይቃና።
\p
\v 7 ኢታ አሳይ ሀይቂያ ዎደ፥ እ ናግያ ህዶታይካ አናና እትፐ ሀይቄ፤ እ ባረ ዎልቃን ጬቀትያዌ ኡባይካ ዬ።
\p
\v 8 ጽሉ መቱዋፐ አቴ፤ አ ድራዉ ኢታ ቦላ መቱ ዬ።
\p
\v 9 ጾሳ ኤረና ብታኒ ባረ ዶናን አሳ ይሴ፤ ሽን ጽሎቱ ኤራን አቲኖ።
\p
\v 10 ጽሎቱ ቦንቼትያ ዎደ፥ ካታማይ ናሸቴ፤ ቃይ ኢታቱ ሀይቂያ ዎደ፥ ሀሹ ጌ።
\p
\v 11 ጽሎቱዋ አንጁዋ ጋሱዋን ካታማይ ድጬ፤ ሽን ኢታ ኡራ ሃሳያይ ካታማ ይሴ።
\p
\v 12 ባረ ሾሩዋ ካያ ኡራዉ ዎዛናይ ባዋ፤ ሽን አኬካንቻ ኡራይ ጮኡ ጌ።
\p
\v 13 ዝግርያ አሳይ ጹራ ላሌ፤ ሽን አማነትያ አሳይ ጹራ ገን።
\p
\v 14 ካለያዌ ዮፐ፥ ካዉተይ ኩንዴ፤ ሽን ዳሮ ዞርያዋንቱ ደኦፐ፥ ሳሩ ደኤ።
\p
\v 15 ኤረና ኡራዉ ዋሰ ግድያ አሳይ ቱሙዋፐ መቶታና፤ ሄዋፐ ዋሰ ግደናን እጽያዌ ሎአ።
\p
\v 16 ኡሉ ኬካ ምሽራታ ቦንቼታዉ፤ ሽን መቀ ኢታ አሳይ ዱረተ ጻላላ ዱረቴ።
\p
\v 17 ኬካ አሳይ ባረዉ ሎኦባ ኦ፤ ሽን መቀ ኢታ አሳይ ባረና ቆሄ።
\p
\v 18 ኢታ አሳይ ደምያ ሚሻይ ጭምያ ሚሻ፤ ሽን ጽሎተ ዘርያ ኡራይ ቱሙ ዎይቱዋ ጫካና።
\p
\v 19 ጽሎተን ምኒደ ደእያ ኡራይ ፓጻ ደአና፤ ሽን ኢታተ ካልያ ኡራይ ሀይቃና።
\p
\v 20 መና ጎዳይ ኢታ ቆፋይ ደእያ አሳቱዋ እጼ፤ ሽን ሱረ ሀመትያዋንቱን ናሸቴ።
\p
\v 21 ኢታ አሳይ ሙረተናን አተና፤ ሽን ጽሎቱ አታናዋንታ።
\p
\v 22 አዱሳ ቆፍ ባይና ፑላንቻ ማጫ ምሽራት ፑላይ ጉዱን ሲያን አዳ ዎርቃ አሌቁዋ ማላ።
\p
\v 23 ጽሎቱዋ አሙዋ ፖሉ ሎኦ ጻላላ፤ ሽን ኢታቱዋ አሙዋ ፖሉ ሀንቁዋ ጻላላ።
\p
\v 24 እት እት አሳቱ ባረንቱ ሚሻ አሳዉ ጮ ላሊኖ፤ ሽን ኡንቱንቱ አቁ ያ ዳሬ። ሀራ አሳቱ ቃይ ባረንቱ ሚሻዉ ሎይ ኡዘቲኖ፤ ሽን ኡንቱንቱ አቁ ሃ ፓጬ።
\p
\v 25 ኬካ አሳይ ዱረታና፤ ሀራቱዋ ማድያ አሳይ ማደታና።
\p
\v 26 ካይ አልእና ዛልአናዉ ምንጅያ ኡራ አሳይ ሸቄ። ሽን ባረ ካ አሳይ ኮይያ ዎደ ዝልእያ አሳ አንጄ።
\p
\v 27 ሎኦባ ምንሲደ ኮይያ ኡራይ ናሸቻ ደሜ፤ ሽን ኢታባ ኮይያ ኡራ ኢታባይ ደሜ።
\p
\v 28 ባረ ዱረተን አማነትያ አሳይ ኩንዳና፤ ሽን ጽሎቱ ባልጉዋ ምዳን ዳሻና።
\p
\v 29 ባረ ሶ አሳ ቦላ ጫቡዋ ደንያ ኡራይ ጎኤታናባይ አያይነ ባዋ። ቦዛቱካ አዳ ኤራንቻቶ ቆማ ግዳና።
\p
\v 30 ጽሎ አሳይ ደኡዋ አይፍያ አይፍያ ም ማላ፤ ሸምፑዋ አሽያዋንቱ አዳ ኤራንቻቱዋ።
\p
\v 31 ጽሎቱ ሳኣን ባረንቱ ኦሱዋ ጋትያ አክያዋ ግዶፐ፥ ኢታቱነ ናጋራንቻቱ ባረንቱ ኦሶ አካና ጋቲ ዋን ዳራንዴሻ!\x - \xo 11:31 \xo*\xt 1 ጰጽ. 4:18\xt*\x*
\c 12
\p
\v 1 ሴርያዋ ዶስያ ኡራይ ኤራተ ዶሴ፤ ሽን ሴራ እጽያ ኡራይ ዶንጭሎዋ።
\p
\v 2 ሎኦ አሳይ መና ጎዳፐ ሳባ ደሜ፤ ሽን መና ጎዳይ ኢታቱዋ ፕርዴ።
\p
\v 3 አሳ ኢታተይ ምንሲደ ኤሰና፤ ሽን ጽሎቱዋ ጻጱ ቃጸና።
\p
\v 4 ዎዛናማ ምሽራታ ባረ አስናዉ ካላቻ ማላ፤ ሽን ባረ አስና ካዉሽያ ምሽራታ አ መቀ ምያ አጃጅያ ማላ።
\p
\v 5 ጽሎቱዋ ቆፋይ ሱረ፤ ሽን ኢታቱዋ ዞሪ ጭሙዋ።
\p
\v 6 ኢታቱዋ ሃሳያይ አሳ ዎናሳ፤ ሽን ጽሎቱዋ ሃሳያይ ኡንቱንታ አሼ።
\p
\v 7 ኢታ አሳቱ ኩንዳና፤ ኡንቱንቶ ዘረይካ ደኤና፤ ሽን ጽሎቱዋ ዘረይ ምኒደ ደአና።
\p
\v 8 አሳይ ባረ አዳ ኤራተ ኬሻ ጋላተቴ፤ ሽን ጌላ ቆፋይ ደእያ አሳይ ካቴ።
\p
\v 9 ዱረ አሳ ማላቲደ፥ መቱዋን ደእያ አሳፐ ጮ አሳ ማላቲደ፥ ኦደ ባረ ደኡዋ ሱግያ አሳይ ኬካ።
\p
\v 10 ጽሎ አሳይ ባረ መህያዉ ቃረቴ፤ ሽን ኢታ አሳ ኬካተዉ መቀ ባዋ።
\p
\v 11 ባረ ቢታ ምንስ ኦያ ኡራይ ካ ካሌ፤ ሽን ፓናባ የደርስያ ኡራዉ አኬካይ ፓጬዳዋ።
\p
\v 12 ኢታቱ ናጋራንቻ አሳቱዋ ኦሞዱዋ አካናዉ አሞቲኖ፤ ሽን ጽሎቱዋ ጻጱ ዳሺደ ደአና።
\p
\v 13 ኢታ አሳ አ ዶናፐ ከሴዳ ሃሳያይ ጲረ ግዲደ ኦይቄ፤ ሽን ጽሉ መቱዋፐ ከስ አኬ።
\p
\v 14 አሳይ ባረ ዶናፐ ከስያ ቃላን ሎኦባ ካሌ፤ ባረ ኦዳ ኦሱዋ ጋትያካ አኬ።
\p
\v 15 ቦዛ አሳይ ብያ ቡሳይ አዉ አ ሁጲያን ልከ ማላቴ፤ ሽን አዳ ኤራንቻ አሳይ ዞርያ ስሴ።
\p
\v 16 ቦዛ ኡራ ሀንቁ ኤለካ ኤረቴ፤ ሽን ጭንጫ አሳይ ቦርያ ካደ አ።
\p
\v 17 ቱሙዋ ሃሳይያ አሳይ ሱረባ ኦዴ፤ ሽን ዎርዱዋ ማርካይ ዎርዱዋን ኦዴ።
\p
\v 18 አኬከናን ሃሳይያ ሃሳያይ ጩብያዳን ጫዴ፤ ሽን አዳ ኤራንቻ እንጻርሳይ ፓ።
\p
\v 19 ዎርዶ ሃሳያይ ጉ ዎድያሳ፤ ሽን ቱሞ ሃሳያይ መናዉ ደአና።
\p
\v 20 ኢታ ቆፕያዋንቱ ዎዛናን ጭሙ ደኤ፤ ሽን ሳሮባ ዞረትያዋንቱ ዎዛናን ናሸቻይ ኩሜ።
\p
\v 21 ጽሎቱዋ መቱ ጋከና፤ ሽን ኢታቶ መቶፐ አትና፥ ሀራባይ ደኤና።
\p
\v 22 መና ጎዳይ ዎርዳንቻቱዋ እጼ፤ ሽን ቱማንቻ አሳቱዋን እ ናሸቴ።
\p
\v 23 ጭንጫ አሳይ ባረ ኤራ ቆሴ፤ ሽን ቦዛቱ ባረንቱ ቦዛተ ኦዲኖ።
\p
\v 24 ምኒደ ኦያ ኡራይ ደርያ ሞዴ፤ ሽን አዛላይ ሞደቴ።
\p
\v 25 ህርግያዌ አሳ ናሸቻ ድጌ፤ ሽን ሎኦተና ደእያ ሃሳያይ አ ናሸቼ።
\p
\v 26 ጽሎ አሳይ ባረ ሾሩዋ ዞሪደ፥ ሱረ ኦግያ ካለ፤ ሽን ኢታቱዋ ኦጊ ቱሙዋፐ ሃሴ።
\p
\v 27 አዛላ አሳይ ሻንካቲደ አሄዳ አሹዋ ካና፤ ሽን ምን ኦደ ደሜዳ ኡራይ ባረ ዱረታዉ ቦንቹዋ እሜ።
\p
\v 28 ጽሎተ ኦግያን ደኡ ደኤ፤ ሄ ኦግያን ሀይቁ ባዋ።
\c 13
\p
\v 1 ኤራንቻ ናአይ ባረ አዉዋ ሴራ ስሴ፤ ሽን ቅሊጭያዌ ሴራ ስሰና።
\p
\v 2 አሳይ ባረ ዶናፐ ከስያ ቃላን ሎኦባ አኬ፤ ሽን አማንተናዋንቱ ማካላባ አሞቲኖ።
\p
\v 3 ባረ ዶና ናግያ ኡራይ ባረ ሸምፑዋ ናጌ፤ ሽን ኤለካ ሃሳይያ ኡራይ ባረና ይሴ።
\p
\v 4 አዛላይ አሞቴ፤ ሽን አያነ ደመና፤ ሽን ምኒደ ኦያዋንቱ ካላና።
\p
\v 5 ጽሎ አሳቱ ዎርዱዋ ሃሳያ እጺኖ። ሽን ኢታ አሳቱዋ ሃሳያይ ዬላዬነ ካዉሼ።
\p
\v 6 ሱረ ደኡዋ ደእያ ኡራ አ ጽሎተይ ናጌ፤ ሽን ናጋራንቻ አ ናጋራይ ኩንድሴ።
\p
\v 7 ባረና ዱረ ማላትስያ አሳይ ደኤ፤ ሽን አዉ አያይነ ባዋ፤ ሀራይ ቃይ ባረና ህዬሳ ማላትስያዌ ደኤ፤ ሽን አዉ ዳሮ ዱረታይ ደኤ።
\p
\v 8 አሳይ ባረ ሻሉዋን ባረ ሸምፑዋ ዎዛናዉ ዳንዳዬ፤ ሽን ህዬሳ ያሽስያዌ ባዋ።
\p
\v 9 ጽሎቱዋ ጾምፒ ፖጩም ፖኤ፤ ሽን ኢታቱዋ ጾምፒ ቶአና።
\p
\v 10 ኦቶሩ ዋላሳ የሌ፤ ሽን ዞርያ አክያዋንቱ አዳ ኤራንቻ።
\p
\v 11 ዳቡር ባይናን ደሜዳ ሚሻይ ኤለካ ዬ፤ ሽን ምን ኦደ ደሜዳ ዱረታይ፥ ዳር ዳሪደ ቤ።
\p
\v 12 ኮይያዌ ፖለተናን ጋምእያዌ ካዮዬ፤ ሽን አሞቴዳዌ ፖለትያዌ ናሸቼ።
\p
\v 13 ዞርያ ካያ ኡራይ መቱዋን ገሌ፤ ሽን አዛዙዋ ቦንችያ ኡራይ ሳሩዋን ደአና።
\p
\v 14 አዳ ኤራንቻይ እምያ ትምርቲ ደኡዋ ፑልቶ፤ ሄዌ አሳይ ሀይቁዋ ጲርያፐ ከስ አካናዉ ማዴ።
\p
\v 15 አኬካይ ደእያ ኡራይ ቦንቼቴ፤ ሽን አማነተናን አግያዌ ባሻዉ አፌ።
\p
\v 16 ጭንጫ አሳይ ኡባይ ኤራን ኦ፤ ሽን ቦዛይ ባረ ቦዛተ ቆንጭሴ።
\p
\v 17 አሳይ ኪቴዳ ኢታ ኪታንቻይ፥ መቱዋን ገሊኖ፤ ሽን አማንያ አሳቱ ኪቴዳዌ፥ ሳሮተ አሂኖ።
\p
\v 18 ሴራ እጽያ አሳይ ህዬሴነ ዬላቴ፤ ሽን ሴርና ስስያ ኡራይ ቦንቼቴ።
\p
\v 19 አሞቴዳዋ ደምያዌ ሎይ ናሸቼ፤ ሽን ኢታቱ ኢታፐ ሃካናዉ ኮይክኖ።
\p
\v 20 አዳ ኤራንቻ አሳቱዋና ሀመትያ አሳይ አዳ ኤራንቻ ግዴ፤ ሽን ቦዛ አሳቱዋና ሀመትያ አሳይ መቱዋን ገሌ።
\p
\v 21 ናጋራንቻቱዋ ኢታ ካጫይ ካሌ፤ ሽን ጽሎቱ ሎኦ ኦሱዋ ዎይቱዋ አካና።
\p
\v 22 ሎኦ አሳይ ባረ ናናቱዋ ናናቱዋ ላትሴ፤ ሽን ናጋራንቻ ዱረታይ ጽሎ ዳጋቴ።
\p
\v 23 ህዬሳ ጎሻይ ዳሮ ካ አይፋናዉ ዳንዳዬ፤ ሽን ሱረ ፕርዳይ ፓጬዳዋ ጋሱዋን ዬ።
\p
\v 24 ቃይጼርያን ዋናዉ ቃረትያ ኡራይ ባረ ናኣ እጼ፤ ሽን ባረ ናኣ ሲቅያ ኡራይ ምኒደ ሴሬ።
\p
\v 25 ጽሉ አ ኡሉ ካላና ጋካናዉ ሜ፤ ሽን ናጋራንቻይ ኮሻቴ።
\c 14
\p
\v 1 አዳ ኤራንቻ ምሽራታ ባረ ጎልያ ኬጻዉ፤ ሽን ቦዛታ ባረ ጎልያ ባረ ኩሽያን ኮላዉ።
\p
\v 2 ሱረ ሀመትያ አሳይ መና ጎዳዉ ያዬ፤ ሽን ባረ ኦግያ ጌላይያ አሳይ መና ጎዳ ካ።
\p
\v 3 ቦዛ ሃሳያይ አ ዞክያዉ ጻምኣ አዬ፤ ሽን አዳ ኤራንቻቱዋ እንጻርሳይ ኡንቱንታ ናጌ።
\p
\v 4 ቦራቱ ባይና ሳን ዬሲ መላ ደኤ፤ ሽን ነዉ ጎሽያ ዎልቃማ ቦራቱ ደኦፐ፥ ነ ዬስያን ካይ ኩሜ።
\p
\v 5 አማነትያ ማርካይ ኡባ ገደ ቱሙዋ ኦዴ፤ ሽን ዎርዱዋ ማርካይ ዎርዱዋ ጻላላ ሃሳዬ።
\p
\v 6 ቅሊጭያዌ አዳ ኤራተ ኮዬ፤ ሽን ደመና፤ አኬካይ ደእያ አሳይ ኤራተ ደማናዌ አ ዋይሰና።
\p
\v 7 ቦዛ አሳፐ ሃካ፤ አያዉ ጎፐ፥ ኔን አ ሃሳያፐ ኤራ ደማካ።
\p
\v 8 ጭንጫ አሳይ ባረ ኦያዋ ኤርያ ድራዉ፥ አዳ ኤራንቻ፤ ሽን ቦዛ አሳይ አይነ ኤረናንካ ኤርያዋ ማላትያ ድራዉ ጭሜ።
\p
\v 9 ቦዛቱ ናጋራ ኦደ፥ ካዮትያዋ አጊደ ቅሊጪኖ፤ ሽን ሱረቱ ባረንቱ ናጋራይ አቶ ጌተታናዋ ኮዪኖ።
\p
\v 10 ባረ ዎዛና ካዩዋ እዛዉ ኤሬ፤ አ ናሸቻካ ኦንነ አናና ኮጸና።
\p
\v 11 ኢታቱዋ ጎሊ ኮለተና፤ ሽን ሱረቱዋ ጎሊ ምኒደ ደአና።
\p
\v 12 አሳዉ ልከ ማላትያ ኦጊ ደኤ፤ ሽን ቢና፥ አ ዉርሰይ ሀይቁዋን ከስ የጌ።\x - \xo 14:12 \xo*\xt ሌም. 16:25\xt*\x*
\p
\v 13 ሚቻንካ ዎዛናይ ካዮት ኤሬ፤ ናሸቻ ዉርሰይካ ካዩዋ ግዳናዉ ዳንዳዬ።
\p
\v 14 ኢታ አሳይ ባረ ኢታ ኦሱዋ ጋትያ አካና፤ ሎኦ አሳይካ ባረ ሎኦ ኦሱዋ ጋትያ አካና።
\p
\v 15 ቦዛ አሳይ ኡባ አማኔ፤ ሽን ጭንጫይ አኬኪደ ታንጌ።
\p
\v 16 አዳ ኤራንቻ አሳይ መና ጎዳ ያዬ፤ ኢታፐካ ሃኬ፤ ሽን ቦዛይ አላለ ጌናነ ኤሌሌ።
\p
\v 17 ኤለ ሀንቀትያ አሳቱ ቦዛ ኦሱዋ ኦኖ። ሽን ጭንጫቱ ዳንዳያንቻ።
\p
\v 18 ቦዛቱ ባረንቱ ቦዛተ ጋትያ አኪኖ፤ ሽን ጭንጫቱ ኤራተ ካላቻዳን ዎናዋንታ።
\p
\v 19 ኢታ አሳቱ ሎኦ አሳቱዋ ስንን ሆኪደ፥ ማሮታ ዎሳና። ናጋራንቻቱካ ጽሎቱዋ ፐንግያን ሆካና።
\p
\v 20 ህዬሳይ ባረ ሾሩዋንካ ዶሰተና፤ ሽን ዱረቶ ዳሮ ላገቱ ደኢኖ።
\p
\v 21 ባረ ሾሩዋ ካያ አሳይ ናጋራ ኦ፤ ሽን ህዬሳ ማድያዌ አንጀቴዳዋ።
\p
\v 22 ኢታባ ማቀትያዋንቱ ባሊኖ ግድክኖ? ሽን ሎኦባ ኦናዉ ሀልችያዋንቱ ቱማተነ አገና ሲቁዋ ደሚኖ።
\p
\v 23 ምኒደ ኦያዋን ኡባን ጎአይ ደኤ፤ ሽን ጮ መላ ሃሳያይ ህዬሳተ ጻላላ አዬ።
\p
\v 24 አዳ ኤራንቻቶ ኡንቱንቱ ዱረተይ ካላቻ፤ ሽን ቦዛቱ ባረንቱ ቦዛተ ጉጅ ጉጂደ ቦዚኖ።
\p
\v 25 ቱሙ ማርካይ ሸምፑዋ አሼ፤ ሽን ዎርዱዋ ማርካይ ባለ።
\p
\v 26 መና ጎዳዉ ያይያ ኡራዉ ምኖ ጌሱ ደኤ። እ አ ናናቶካ ባቃቲደ አትያ ሳኣ ግዳናዋ።
\p
\v 27 መና ጎዳዉ ያይያዌ ደኡዋ ፑልቶ፤ ሄዋ ድራዉ፥ መና ጎዳዉ ያይያዌ ሀይቁዋ ጲርያፐ አሼ።
\p
\v 28 ካትያ ግታተይ እ ሞድያ አሳ ጮራተና፤ ሽን እ ሞድያ አሳይ ዮፐ፥ እካ ፓና።
\p
\v 29 ዳንዳያንቻ አሳዉ ዎልቃማ አኬካይ ደኤ፤ ሽን ኤለ ሀንቀትያ አሳይ ባረ ቦዛተ ቆንጭሴ።
\p
\v 30 ዎፑ ጌዳ ዎዛናይ ቦላ ፓጻ ዎ፤ ሽን ቃናቲ ቦላዉ አጃጅያ ሀርግያ ማላ።
\p
\v 31 ህዬሳቱዋ ናቂያ አሳይ ኡንቱንታ መዳዋ ጫሼ፤ ሽን መቶታንቻቶ ኬክያ አሳይ ጾሳ ቦንቼ።
\p
\v 32 ኢታቱ ባረንቱ ኢታ ኦሱዋን ኩንዳና፤ ሽን ጽሎቱ ባረንቱ ሱረተን ሀይቁዋፐ ናገታና።
\p
\v 33 አኬካንቻ አሳ ዎዛናን አዳ ኤራተይ ኩሜዳ፤ ሽን ቦዛቱ አዳ ኤራተ አያነ ኤርክኖ።
\p
\v 34 ጽሎተይ እት ካዉተ አሳ ቁ ቁ ኦ፤ ሽን ናጋራይ አይ አሳነ ካዉሼ።
\p
\v 35 ካቲ ኤራንቻ ቆማን ናሸቴ፤ ሽን ዬላይያ ኦሱዋ ኦያ ቆማ ሀንቀቴ።
\c 15
\p
\v 1 ሊቆ ዛሩ ሀንቁዋ ዛርቢሴ፤ ሽን ፖዶላ ቃላይ ሀንቁዋ ደን።
\p
\v 2 አዳ ኤራንቻ እንጻርሳይ ኤራ ሎይ፤ ሽን ቦዛቱዋ ዶናይ ቦዛተ ፑልቴ።
\p
\v 3 መና ጎዳ አይፈቱ ኡባሳ ጼሊኖ፤ ኢታ ኦያዋንታካ ሎኡዋ ኦያዋንታካ በኢኖ።
\p
\v 4 ሊቆ ሃሳያይ ደኡዋ ም ማላ፤ ሽን ጭምያ ሃሳያይ አያና መን።
\p
\v 5 ቦዛ አሳይ ባረ አዉዋ ሴራ ካ፤ ሽን ባረ አዉዋ ሴራ አክያ አሳይ ጭንጫ።
\p
\v 6 ጽሎ ኡራ ጎልያን ዳሮ ሚሻይ ደኤ፤ ሽን ኢታዉ ገልያ ሚሻይ መቱዋ አዬ።
\p
\v 7 አዳ ኤራንቻቱዋ ዶናይ ኤራ ዘሬ፤ ሽን ቦዛቱዋ ዎዛናይ ሄዋ ማላ ግደና።
\p
\v 8 መና ጎዳይ ኢታቱዋ ያርሹዋ ሸነቴ፤ ሽን ሱረቱዋ ዎሳይ አ ናሸቼ።
\p
\v 9 መና ጎዳይ ኢታ አሳቱዋ ሄመታ ሸነቴ፤ ሽን ጽሎተ ካልያዋንታ እ ሲቄ።
\p
\v 10 ሱረ ኦግያ አጌዳ አሳ ኢታ ሙሩ ናጌ፤ ሴራ እጽያ አሳይ ሀይቄ።
\p
\v 11 ዱፉነ ባሻይ መና ጎዳ ስንን ቆንጭያን ቤቲኖ። ያትና፥ አሳ ዎዛና ቆፋይ ዋን አፐ ጌማኔ?
\p
\v 12 ቅሊጭያ አሳይ ሴርያዋ ዶሰና፤ አዳ ኤራንቻቱዋፐካ ዞርያ ኦቼና።
\p
\v 13 ዎዛናይ ናሸትና፥ ሶምኢ ፖኤ፤ ሽን ዎዛናይ ካዮቶፐ፥ ሄ አያናይ መኤ።
\p
\v 14 አኬክያ ዎዛናይ ደእያ አሳይ ኤራተ ኮዬ፤ ሽን ቦዛቱ ባረንቱ ቦዛተን ናሸቲኖ።
\p
\v 15 ህዬሳቱዋ ደኡ ኡባ ጋላስካ ባጸ። ሽን ናሸትያ አሳቱ ኡባ ገደካ ባረንቱ ደኡዋን አሊኖ።
\p
\v 16 ዋላሳይ ደእያ ዎልቃማ አቁዋፐ መና ጎዳ ያሻተይ ደእያ ጉባይ ኬካ።
\p
\v 17 ዋላሳይ ደእያ ሳን ሞ አሹዋ ማናፐ ሲቁ ደእያ ሳን ሳን ምያዌ ኬካ።
\p
\v 18 ሀንቀትያ አሳይ ዋላሳ ከሴ፤ ሽን ሀንቀታናዉ ኤሌለና አሳይ ዋላሳ እርጽሴ።
\p
\v 19 አዛላ ኡራ መቱ አ ኦግያ ኡባን አጉን ድርሳ ማላ፤ ሽን ሱረ ኡራ ኦጊ ደምባ።
\p
\v 20 ጭንጫ ናአይ ባረ አዉዋ ናሸቼ፤ ሽን ቦዛ ናአይ ባረ አቶ ካ።
\p
\v 21 ዎዛን ባይና አሳይ ባረ ቦዛተን ናሸቴ፤ ሽን ዎዛናማ አሳይ ልከባ ኦ።
\p
\v 22 ዞረታይ ዮፐ፥ ሀልቼዳዌ ፖለተና፤ ዳሮ ዞርያዋንቱ ደእያ ሳን ሀልቼዳዌ ፖለቴ።
\p
\v 23 ኦሸቴዳዎ ልከ ዛሩዋ ዛርያዌ ሄ ኡራ ናሸቼ፤ ሃሳያ ልከ ዎድያን ሃሳይያዌ አይባ ሎኦቤ!
\p
\v 24 አዳ ኤራንቻይ ቦላዉ ካለያ ደኡዋ ኦግያን ሀመቴፐ አትና፥ ዱገ ዱፉዋ ዎያ ኦግያን ሀመተና።
\p
\v 25 መና ጎዳይ ኦቶራንቻቱዋ ጎልያ ኮላና፤ ሽን አምአቲ ዛዋ ናጌ።
\p
\v 26 መና ጎዳይ ኢታቱዋ ቆፋ ሸነቴ፤ ሽን ጌሻ ቃላይ አ ናሸቼ።
\p
\v 27 ዎርዱዋን ዎያ ደማናዉ ጃምያ አሳይ ባረ ሶ አሳ ቦላ መቱዋ አዬ፤ ሽን ማታይያ እጽያ አሳይ ፓጻ ደአና።
\p
\v 28 ጽሎ አሳይ ሃሳያናፐ ካሰቲደ ቆፔ፤ ሽን ኢታቱዋ እንጻርሳይ ፓላባ ፑልቴ።
\p
\v 29 መና ጎዳይ ኢታቱዋፐ ሃኬ፤ ሽን ጽሎቱዋ ዎሳ ስሴ።
\p
\v 30 ፓሽኪደ ጼልያ ጼላይ ዎዛና ናሸቼ፤ ምሽራቹዋ ኦዱካ ቦላ ፓ።
\p
\v 31 ደኡዋ እምያ ዞርያ ስስያ አሳይ አዳ ኤራንቻቱዋና እትፐ ደአና።
\p
\v 32 ሴራ እጽያ አሳይ ባረና ቆሄ፤ ሽን ሴራ አክያ አሳይ አኬካ ደሜ።
\p
\v 33 መና ጎዳዉ ያይያዌ አሳ አዳ ኤራተ ታማርሴ፤ ቦንቼታና ኮዬዳ አሳይ ኮይሮ ባረና ካዉሻናዉ ኮሼ።
\c 16
\p
\v 1 አሳይ ባረ ዎዛናን ሀልቼ፤ ሽን ልከ ዛሩ መና ጎዳፐ ቤቴ።
\p
\v 2 አሳይ ኦያ ኦሱዋ ኡባይ አዉ ልከ ማላቴ፤ ሽን መና ጎዳይ ኮይሮ ደንዱዋ ቆፋ ይግ ጼሌ።
\p
\v 3 ነ ኦያዋ ኡባ ሀዳራ መና ጎዳዉ እማ፤ ያቶፐ፥ ኔን ሀልቼዳዌ ፖለታና።
\p
\v 4 መና ጎዳይ መዳዋ ኡባ ባረ ሀልቾ መዳ፤ ሀንንቶካ ማካላንቻቱዋ ዉርሰይ ባየ።
\p
\v 5 መና ጎዳይ ኦቶረትያ ኡባ ሸነቴ፤ ኡንቱንቱ ሙረተናን አትክኖ።
\p
\v 6 አገና ሲቁዋንነ አማነትያዋን ናጋራይ አቶ ጌተቴ፤ አሳይ መና ጎዳዉ ያይያዋን ኢታባ ኦናን ናገቴ።
\p
\v 7 አሳ ሀመታይ መና ጎዳ ናሸችያዋ ግዶፐ፥ ሄ ኡራዉ ባረ ሞርከቱዋናካ ሳሮ ደአናዳን፥ ጾሳይ ኦ።
\p
\v 8 ጽሎተን ቤትያ ጉባይ ዎርዱዋን ደምያ ዳሮ ዎያፐ ኬካ።
\p
\v 9 አሳይ ባረ ዎዛናን ባረ ኦናባ ሀልቼ፤ ሽን ሀልቹ መና ጎዳይ ማድና ፖለቴ።
\p
\v 10 ካቲ ጾሳፐ አኬዳ ማታን ፕርዴ፤ ፕርዲደ እ ባለና።
\p
\v 11 ሚዛናቱነ ማክያ ሚሻቱ አማንያዋንታ ግዳናዳን፥ መና ጎዳይ ኮዬ፤ ዛልእያዋ ኡባን ጭሙ ደኤናዳን ኮዬ።
\p
\v 12 ካተቱ ባይዙዋ ኦሱዋ ሸነቲኖ፤ አያዉ ጎፐ፥ ኡንቱንቱ ካዉተ አራታይ ጽሎተን ኤቄ።
\p
\v 13 ካተቱ ጽሎ እንጻርሳን ናሸቲኖ፤ ቱሙዋ ሃሳይያዋንታካ ዶሲኖ።
\p
\v 14 ካትያ ሀንቁ ሀይቁዋ ኪታንቻ ማላ፤ ሽን አዳ ኤራንቻ አሳይ ሀንቁዋ እርጽሳናዉ አዉዳሼ።
\p
\v 15 ካትያ ሶምኢ ፓሽኮፐ፥ ሄዌ ስም ደኡዋ። እ ናሽያዌ ባሳ እራ አህያ ሻርያ ማላ።
\p
\v 16 አዳ ኤራተ ደምያዌ ዎርቃ ደምያዋፐ ኬካ፤ አኬካ ደምያዌ ብራ ደምያዋፐካ አ።
\p
\v 17 ሱረቱ ብያ ኦጊ ኢታይ ደኢያሳፐ ሃኩዋና አ፤ ባረ ሄመታ ናግያ ኡራይ ባረ ሸምፑዋ ናጌ።
\p
\v 18 ኦቶሩዋ ጌዱዋ ባሻይ ካሌ፤ አዩዋ ጌዱዋካ ኩንደይ ካሌ።
\p
\v 19 አይያዋንቱና ዙፐቲደ፥ ኦሞዱዋ ሻክ አካናፐ አሽከ ግዲደ፥ ህዬሲደ ደእያዌ ኬካ።
\p
\v 20 መና ጎዳ ቃላ ሎይደ ሀይዝያ ኡራዉ እ ኦያዌ ኡባይ እንጀታና፤ ጾሳን አማነትያ ኡራይ አንጀቴዳዋ።
\p
\v 21 ባረ ቆፋን አዳ ኤራንቻ ግዴዳ አሳይ አኬካንቻ ጌተቴ፤ ሎኦ ቃላይ ኤራተ ጉጄ።
\p
\v 22 ጭንጫ ኡራዉ ኤራተይ ደኡዋ ፑልቱዋ ማላ፤ ሽን ቦዛቱዋ ሴርያዌ ጮ ዎድያ ዉርስያዋ።
\p
\v 23 አዳ ኤራንቻ አሳይ ሃሳያናፐ ካሰቲደ ቆፔ፤ አሳይ አክያ ሃሳያ ሃሳዬ።
\p
\v 24 ሎኦ ቃላይ ኤሳ እልሉዋዳን ማልኤ፤ ቦላካ ማዴነ ፓ።
\p
\v 25 አሳዉ ሱረ ማላትያ ኦጊ ደኤ፤ ሽን ዉርሰን ሀይቆ ጋ።\x - \xo 16:25 \xo*\xt ሌም. 14:12\xt*\x*
\p
\v 26 ኮሻይ አሳይ ምኒደ ኦናዳን ደን።
\p
\v 27 ኢታ አሳይ ኢታባ ሀልቼ፤ አ ሃሳያይካ ጹግያ ታማ ማላ።
\p
\v 28 ጌላ አሳይ ዋላሳ ደን፤ ዝግርያ አሳይ አማነትያ ላገቱዋ ሻኬ።
\p
\v 29 ማካላ አሳይ ባረ ሾሩዋ ጭሜ፤ ሎኦ ግደና ኦግያዉ እ አ ካለ።
\p
\v 30 ባረ አይፍያ ስምእያ አሳይ ጌላባ ቆፔ፤ ባረ መተርሻ ሳኢደ ማንድያ አሳይ ኢታባ ፖሌ።
\p
\v 31 ፑሉሜዳ ሁጲ ቦንቾ ካላቻ፤ ሄዌካ ቤትያዌ ጽሎ ደኡዋ ደእና።
\p
\v 32 ዎልቃማ አሳ ግድያዋፐ፥ ሀንቀታናዉ ኤሌለና አሳ ግድያዌ ሎአ፤ ዳሮ ካታማቱዋ ኦሊደ ኦይቂያዋፐ፥ አሳይ ባረ ሁጲያ ሞድያዌ አ።
\p
\v 33 አሳይ ሳማ የጌ፤ ሽን መና ጎዳይ ኡባባ ዉርሰ ቃቼ።
\c 17
\p
\v 1 ዋላሳይ ደእያ ሳን ደእያ ዎልቃማ ግብራፐ ሳሩነ ዎፓይ ደእያ ሳን መላ ኡክ ፖቁዋ ምያዌ ኬካ።
\p
\v 2 ጭንጫ ቆማይ ባረ ጎዳ ናኣ ፓና ላፋ ሞዴ፤ ያቲደ እሻቱዋና እትፐ ላቴ።
\p
\v 3 ዎርቃይነ ብራይ ታማን ፓጨትያዋዳን፥ መና ጎዳይ አሳ ዎዛና ፓጬ።
\p
\v 4 ኢታ አሳይ ኢታ ኡራ ሃሳያ ስሴ፤ ዎርዳንቻይካ ማካላ ኦዱዋ ሀይዜ።
\p
\v 5 ህዬሳቱዋ ቦላ ቅሊጭያ አሳይ ኡንቱንታ መዳ ጾሳ ቦሬ፤ ሀራ አሳ ጋክያ መቱዋን ናሸትያ አሳይ ሙረተናን አተና።
\p
\v 6 ናናቱዋ ናናቱ ጭሜዳ አሳቶ ካላቻ፤ አዎቱነ አየቱ ባረንቱ ናናቶ ቦንቾ።
\p
\v 7 ዳሮ ሎኦ ሃሳያይ ቦዛ ኡራዉ ጊገና፤ ሄዋፐካ አዋ ዎርዱዋ ሃሳያይ አሳ ሞድያዎ ጊገና።
\p
\v 8 ማታይያ እምያዎ ማታዪ ብታ ማላ፤ እ ስሜዳ ሳኣ ኡባይ አዉ እንጀቴ።
\p
\v 9 ናቀቲደ ባረ ናቁዋ ገንያ ኡራይ ሲቁዋ ኮዬ፤ ሽን የዉዋ ዛር ዛሪደ ዎጭያ ኡራይ፥ አማነትያ ላገቱዋ ሻኬ።
\p
\v 10 ቦዛይ ጼቱ ገደ ልሱዋን ሾጭና ኤርያዋፐ አኬካይ ደእያ አሳይ ጮ ሴርና ኤራይ አ።
\p
\v 11 ኢታ አሳይ ማካላባ ጻላላ ኮዬ፤ ሄዋ ድራዉ፥ መቀ ባይና ካፑ አ ቦላ ኪተታና።
\p
\v 12 ቦዛተይ ኦይቄዳ ኡራና ጋከትያዋፐ ማራቱዋ ቦንቂ አክ ድጌዳ ማሀትና ጋከትያዌ ኬካ።
\p
\v 13 ሎኡዋ ኦዳዋ ኩሽያ ኢታ ዛርያ ኡራዉ ኢታይ አ ሶፐ ኡባካ ክቼና።
\p
\v 14 ዋላሳይ ዶሚደ፥ ዜሩዋ ስያ ሃ ማላ፤ ሄዋ ድራዉ፥ ዋላሳፐ ካሰታደ ፓሉምያ አጋ።
\p
\v 15 ናጋራንቻ ጽልስያዌነ ጽሉዋ ቦላ ፕርድያዌ ኡንቱንቱ ላኡካ መና ጎዳ ሸነይያ ኦሱዋ።
\p
\v 16 አኬካካ ደማናዉ አሙ አዉ ባይናን ደእሽን፥ ቦዛ ኩሽያን ደእያ ሚሻይ አ አያ ማዳነ?
\p
\v 17 ላጊ ኡባ ዎደካ ሲቄ፤ እሻይካ መቱዋ ዎደ ማዳናዉ የለቴ።
\p
\v 18 አኬካይ ፓጬዳ አሳይ ኤረና ኡራ አጩዋ ጭጋናዉ ዋስያ ገሌ።
\p
\v 19 ዋላሳ ዶስያ አሳይ ናጋራ ዶሴ፤ ኡባ ገደ ጬቀትያ አሳይ ባየ ባረ ቦላ ጼሴ።
\p
\v 20 ጌላ ቆፋይ ደእያ አሳይ ሎኦባ ደመና፤ ጭምያዋ ሃሳይያ አሳይካ መቱዋን ገሌ።
\p
\v 21 ቦዛ ናኣ የሌዳ አዉ ካዮቴ፤ ቦዛ ናኣ አዎ ናሸቻይ ባዋ።
\p
\v 22 ዎዛናይ ናሸትያዌ አሳዉ ሎኦ ለ፤ ሽን ካዮትያ አያናይ አሳዉ ዎልቃ ይሴ።
\p
\v 23 ኢታ አሳይ ፕርዳ ጌላያናዉ ጌማን ማታይያ አኬ።
\p
\v 24 አኬካይ ደእያ ኡራይ አዳ ኤራተ ስንን ዎደ ቤ፤ ሽን ቦዛ አይፊ ቢታ ሳኣ ዩሹዋ ዩዪደ ጼሌ።
\p
\v 25 ቦዛ ናአይ ባረ አዉዋ ካዮዬ፤ ባረና የሌዳ አቶካ ዝልእሴ።
\p
\v 26 ጽሎ አሳ ሙርያዌ፥ ሱረ አሳካ ደችያዌ ሎአ ግደና።
\p
\v 27 አማሬኤዳ ቃላ ሃሳይያ አሳይ ኤራንቻ፤ ዎፓ አያናይ ደእያ አሳይካ አኬካንቻ።
\p
\v 28 ቦዛ ኡራይ ጮኡ ጎፐነ ባረ ዶና ባሮፐ፥ ኤራንቻ ማላቴ።
\c 18
\p
\v 1 ሻከታናዉ ኮይያ አሳይ ባረ አሙዋ ካሌ፤ ሎኦ ኤራ ኡባካ ጳልቄ።
\p
\v 2 ቦዛይ ባረ ቆፋ ቆንጭሳናዋ ጻላላ ዶስያዋፐ አትና፥ ሀራ አሳፐ ኤራ አካናዉ ዶሰና።
\p
\v 3 ኢታተይ ይያ ዎደ፥ ካ፥ ካዉሻይነ ዬላይ አ ካሊደ ይ አጊኖ።
\p
\v 4 አሳ ዶናፐ ከስያ ሃሳያይ ጪሞ ሃ ማላ፤ አዳ ኤራተ ፑልቱካ ጎግያ ሃ ማላ።
\p
\v 5 ባይዛንቻ ማዲደ፥ ጽሉዋ ፕርዳ ጌላይያዌ ሎአ ግደና።
\p
\v 6 ቦዛ አሳይ ባረ ሃሳያን ዋላሳ ደን፤ አ ዶናፐ ከስያ ቃላይ አ ቦላ ጻምኣ ጼሴ።
\p
\v 7 ቦዛ አሳይ፥ ሃሳዪደ ባረና ቆሄ፤ አ ሃሳያይ ግትያ ግዲደ፥ አ ኦይቄ።
\p
\v 8 ዝግርሳ ቃላይ ማልኦ ቁማ ማላ፤ ናሸቺደ ዱገ ጋንጅያ ጋኬ።
\p
\v 9 ባረ ኦያ ኦሱዋን አዛልያ አሳይ ባይዝያ ኡራፐ አይነ ዱማተና።
\p
\v 10 መና ጎዳ ሱንይ ምኖ ግምቢያ ማላ፤ ጽሎ አሳይ ያ ዎጺደ ሳሮ አታና።
\p
\v 11 ሽን ዱረ አሳቶ ኡንቱንቱ ዱረተይ ዩሹ ግምበቴዳ ካታማ ማላ፤ ኡንቱንቱ ቆፋን ኡንቱንቱ ዱረተይ ምኖ ድርሳዳን ኡንቱንታ ናግያዋ ማላቴ።
\p
\v 12 አሳይ ኩንዳናፐ ካሰ አ ዎዛናይ ኦቶረቴ፤ ቦንቼትያዋፐካ ባረ ሁጲያ ዝቂ ኦያዌ ስንቴ።
\p
\v 13 ስሰናን ደኢድ ዛርያዌ፥ ሄዌ ሄ ኡራዉ ቦዛተነ ዬላ።
\p
\v 14 አሳ አያናይ ሀርግያ ዳንዳያናዳን ማዴ፤ ሽን አያናይ መኤረት ክቾፐ፥ አ ኦን ዳንዳያኔ?
\p
\v 15 አኬካንቻ አሳቱ ታማራናዉ ሎይ ኮዪኖ፤ አዳ ኤራይ ደእያዋካ ሀይዚኖ።
\p
\v 16 እምያዌ እምያዎ ኦግያ ዶዬ፤ ዎልቃማ አሳናካ ኤርሴ።
\p
\v 17 ካሰቲደ ዳናን ሞትያ ኡራይ ባልጋራይ ዪደ አ ኦቻና ጋካናዉ፥ ኡባ ገደካ ሄ ኡራይ ጽሉዋ ማላቴ።
\p
\v 18 ሳማ የግያዌ ፓሉምያ ተኤ፤ ላኡ ዎልቃማ ባልጋራቱዋካ ሻኬ።
\p
\v 19 ናቀቴዳ እሻይ ግምበቴዳ ካታማፐ አደ ምኔ፤ አ ፓሉሚካ ብራታ ጎርዱዋ ማላ።
\p
\v 20 ባረ ዶናን ሃሳዬዳዋፐ አሳይ ባረ ጋንጅያ ኩን፤ ባረ እንጻርሳፐ ከሴዳዋን ካሌ።
\p
\v 21 ኔን ሃሳዬዳዌ ኔና ዎ ዎይ ዎ፤ ሄዋ ድራዉ፥ ኔን ነ ሃሳያ ጋሱዋን ይያዋ አካናዉ ደኣሳ።
\p
\v 22 ማቻቶ ደሜዳ አሳይ ሎኦባ ደሜዳ፤ ሄ ኡራይ መና ጎዳንካ ናሸቴ።
\p
\v 23 ህዬሳ አሳይ አዉዳሺደ ሃሳዬ፤ ሽን ዱሪ ፔኑቄቲደ ዛሬ።
\p
\v 24 ዳሮ ላጊ ደእያ አሳይ ያና፤ ሽን እሻፐ አደ አማንያ ላጊ ደኤ።
\c 19
\p
\v 1 ዎርዶ ሃሳያ ሃሳይያ ቦዛፐ ባረ ደኡዋን ቶሺ ባይና ህዬሳ አሳይ ኬካ።
\p
\v 2 ኤር ባይና ሴላይ ሎአ ግደና፤ ሀመቲደ ኤሌልያ ኡራይካ ዎራ ቤ።
\p
\v 3 እት እት አሳይ ባረ ቦዛተን ባረ ደኡዋ ባይዜ፤ ያቲደ ቃይ መና ጎዳ ቦላ ይሎቴ።
\p
\v 4 ዱረተይ ዳሮ ላገቱዋ ጉጄ፤ ሽን ህዬሳተይ ደእያ ላገቱዋካ ዱ።
\p
\v 5 ዎርዶ ማርካይ ሙረተናን ቤና፤ ዎርዱዋ ሃሳይያዋንቱካ ከስ አክክኖ።
\p
\v 6 ዳሮ አሳይ ሞድያ አሳ ስን ኮዬ፤ ጮ እምያ ኡራና አሳይ ኡባይ ዳቦቴ።
\p
\v 7 ህዬሳ አሳ አ እሻቱ ኡባይ እጺኖ፤ ሄዋፐካ አዋ አ ላገቱ አፐ ሃኪኖ፤ እ ኡንቱንታ አዉዳሺደ ካልናካ፥ ኡንቱንቱ አ ጋ ኦይክኖ።
\p
\v 8 አዳ ኤራተ ደምያዌ ባረና ሲቄ፤ አኬካ ካርህ ኦ ኦይቂያዌ ሎኦባ ደሜ።
\p
\v 9 ዎርዶ ማርካይ ሙረተናን አተና፤ ዎርዱዋ ሃሳይያዌካ ያና።
\p
\v 10 ቦዛ ኡራዉ እሻሎ ደኡ በሰና፤ ሄዋፐካ አይሊ ካፖቱዋ ሞድያዌ ኢታ ዳሬ።
\p
\v 11 አዳ ኤራተይ አሳዉ ዳንዳያ እሜ፤ ባይዜዳ ኡራዉ አቶ ግያዌካ ቦንችሴ።
\p
\v 12 ካትያ ሀንቁ ጋሙዋ ጉዱዋ ማላ፤ ሽን አ ሳባይ ማታ አጭስያ ከተርሳ ማላ።
\p
\v 13 ቦዛ ናአይ ባረ አዉዋ ይሴ፤ ዋላሳንቻ ማቻታካ ጎሊ ኡባ ገደ ጾክያ ጾኩዋ ማላ።
\p
\v 14 እት አሳይ ጎልያነ ማጹዋ ባረ አዉዋፐ ላታናዉ ዳንዳዬ፤ ሽን አኬካንቻ ማቻቶ መና ጎዳይ እሜ።
\p
\v 15 ጮ ዞልፓካትያ ኡራዉ ገምእሹ ዬ፤ ኦሱዋ ኦና አሳይ ኮሻቴ።
\p
\v 16 አዛዙዋ ናጊደ ኦያ አሳይ፥ ባረ ሸምፑዋ ናጌ፤ ሽን ሸነኮ ግያ አሳይ ሀይቄ።
\p
\v 17 ህዬሳዉ ኬክያ አሳይ መና ጎዳዉ ታልኤ፤ እ ሄ ሎኦ ኦሱዋ አጩዋ ጭጌ።
\p
\v 18 ስምያ ህዶታይ ደእሺና፥ ነ ናናቱዋ ሴራ፤ ሴራና ዮፐ፥ ኔን ኡንቱንታ ባይዛዳ።
\p
\v 19 ሀንቁዋ ሱልያ አሳይ ባረ ጋትያ አኮ፤ አ አጋ፤ ኔን አ አሽያዋ ግዶፐ፥ ሀራቱዋካ ኔን አ ሄዋዳን ኦናዌ አተና።
\p
\v 20 ዞርያ ስሳ፤ ትምርትያካ አካ። ያቶፐ፥ ኔን ዉርሰን አዳ ኤራንቻ ግዳናሳ።
\p
\v 21 አሳይ ዳሮባ ሀልቼ፤ ሽን መና ጎዳይ ጌዳዌ ፖለቴ።
\p
\v 22 አሳፐ ኮየትያዌ አገና ሲቁዋ፤ ዎርዳንቻ ግዳናፐ ህዬሳ ግድያዌ ኬካ።
\p
\v 23 መና ጎዳዉ ያይያዌ ደኦ ካለ፤ አዉ ያይያ አሳይ ካሊደ ደኤ፤ ኢታባይካ አ ቦቼና።
\p
\v 24 እት እት አሳይ ዳሮ አዛላ፤ ዎጽያን ቱሼዳ ሶሉዋካ ፑደ ባራናዉ ዋየቴ።
\p
\v 25 ኔን ቅሊጭያዋ ሾጮፐ፥ አኬካይ ፓጬዳዌ ጭንጫተ ታማራና፤ አኬካንቻ አሳ ኔን ሴሮፐ፥ እ ኤራተ ደማና።
\p
\v 26 ባረ አዉዋ ቦንቂያ ናአይ፥ ባረ አቶካ ሶፐ ከሲደ የደርስያ ናአይ፥ ሄ ናአይ ዬላነ ካዉሻ አህያ ናኣ።
\p
\v 27 ታ ናአዉ፥ ኔን ዞርያ ስስያዋ አጌዳዋ ግዶፐ፥ ኤራዉ ዞክያ ዛራዳ።
\p
\v 28 ዎርዶ ማርካይ ሱረ ፕርዳ ቦላ ቅሊጬ፤ ኢታ አሳ ዶናይ ኢታተ ጉጂደ ምቴ።
\p
\v 29 ቅሊጭያዋንቶ ፕርዳይ፥ ቦዛቶካ ዋይ ኮሼ።
\c 20
\p
\v 1 ዳሮ ማይያ ኡሻ ኡሽያዌ ዳሮ ብድሴነ ዋላሴ፤ ማትያ አሳይ ዎዛናይ ፓጬዳ አሳ።
\p
\v 2 ካትያ ሀንቁ ጋሙዋ ጉደ ማላ፤ አ ይሎይያ አሳይ ባረ ሸምፑዋ ቦላ ፕርዴ።
\p
\v 3 ፓሉምያፐ ጋጻን ደእያዌ አዎ ቦንቾ፤ ሽን ቦዛ አሳይ ኡባይ ዋላቀታናዉ ኤሌሌ።
\p
\v 4 አዛላ ጎሻንቻይ ዎድያ ናጊደ ጎሸና፤ ሄዋ ድራዉ፥ ካ ጫክያ ዎደ እ ዎሴ፤ ሽን አያካ ደመና።
\p
\v 5 አሳ ዎዛና ሀልቹ ጪሞ ኦላ ግዶን ደእያ ሃ ማላ፤ ሽን ዎዛናማ አሳይ ሄዋ ዱቂደ ከሴ።
\p
\v 6 ዳሮ አሳቱ ባረንቱ ኬካተ ኦዲኖ፤ ሽን ቱሙ አማነትያ አሳ ደማናዌ ኦኔ?
\p
\v 7 ጽሎ አሳይ ቶሺ ባይና ደኡዋ ደኤ፤ አ ካሊደ፥ አ ናናቱካ አንጀቴዳዋንታ።
\p
\v 8 ካቲ ፕርዳናዉ ባረ ካዉተ አራታን ኡቴዳ ዎደ፥ ኢታ ኡባ ባረ አይፍያን ሀርቂደ ከሴ።
\p
\v 9 “ታ ዎዛና ጌሻድ፤ ታናን ናጋርካ ባዋ” ያጋናዉ ዳንዳይያ አሳይ ደአኔሻ?
\p
\v 10 መና ጎዳይ ዎርዱዋ ሚዛናን ይግያዋንታነ ልከ ግደናባን ማክያዋንታ እጼ።
\p
\v 11 ናአይ ጌሻነ ሱረ ግድያዌ እ ኦያ ኦሱዋን ኤረቴ።
\p
\v 12 ስስያ ሀይነ ጼልያ አይፍያነ፥ ኡንቱንታ ላኡዋካ መና ጎዳይ መዳ።
\p
\v 13 ገምእሹዋን ነ ዎድያ ዉርሶፓ፤ ኔን ህዬሳና። ቤጎታ፤ ያቶፐ፥ ኔን ካ ካላና።
\p
\v 14 ሻምያ አሳይ፥ “ቆሄ! ቆሄ!” ያጌ፤ ሽን ቤዳዋፐ ጉይያን፥ “ገሉዋን ሻማድ” ያጊደ ጬቀቴ።
\p
\v 15 ኤራይ ኩሜዳ ሃሳያይ ዎርቃፐካ እንቁዋ ግያ ዳሮ አልኦ ሹቻፐካ አዳ አልኦባ።
\p
\v 16 ኤረና አሳዉ ዋስያ ገልያ ኡራ ማዩዋ ቃር አክተ፤ እማ አሳዉ ዋስያ ገልያ ኡራ ማዩዋ ኦይቂተ።
\p
\v 17 ዎርዱዋን ደሜዳ ካይ አሳ ማልኤ፤ ሽን አቅ ከሲደ፥ ዶና ግዶን ሻፍያዳን ሀኔ።
\p
\v 18 ዞርያ አካደ ነ ሀልችያዋ ሀልቻ፤ ዞርያ አከናን ደኣደ ኦላዉ ቦፓ።
\p
\v 19 ዝግርያ አሳይ ጹራ ገንና፤ ሄዋ ድራዉ፥ ኦዳንቻ ኡራና ጋከቶፓ።
\p
\v 20 አሳይ ባረ አዉዋ ዎይ ባረ አቶ ሸቆፐ፥ አ ደኡዋ ጾምፕያ ጵ ጎ ማን ቶአና።
\p
\v 21 ኮይሩዋን ኤለካ ሺቄዳ አቁ ዉርሰን አንጀተና።
\p
\v 22 ነዉ ኢታ ኦዳ ኡራዉ፥ “ታንካ አዉ ኢታ ኦና” ጎፓ፤ መና ጎዳን አማነታደ ናጋ፤ እ ኔና አሻና።
\p
\v 23 መና ጎዳይ ላኡ ቆሞ ሚዛናቱዋ ሸነቴ፤ ዎርዱዋ ሚዛናቱካ አ ናሸችክኖ።
\p
\v 24 አሳይ ባናዉ በስያ ኦግያ መና ጎዳይ ካለ፤ ያትና፥ አሳይ ባረ ደኡዋን ባና ኦግያ ዎቲደ አኬካናዉ ዳንዳዪ?
\p
\v 25 እትባ ኤሌሊደ፥ “ሀዋ ታን ጾሳዉ እማድ” ግ ድግያዌነ ጉየፐ ዝንቆትያዌ፥ ሄዌ አሳ ኦይቂያ ጲረ።
\p
\v 26 አዳ ኤራንቻ ካቲ ማካላንቻቱዋ ሻኪደ ኤሬ፤ እ ኡንቱንታ ቃረተናን ሙሬ።
\p
\v 27 አሳ አያናይ መና ጎዳዉ ጾምፕያ፤ ሄዋ ድራዉ፥ እ ኑ ግዶ አሳተ ኡባ ፕልግ ጼሌ።
\p
\v 28 አገና ሲቁነ አማነትያዌ ካትያ ናጊኖ፤ አ ካዉተ አራታይ አገና ሲቁዋን ምኔ።
\p
\v 29 ያላጋቱዋ ቦንቹ ኡንቱንቱ ዎልቃ፤ ጭማቶካ ኡንቱንቱ ፑሉንይ ኡንቱንቶ ቦንቹዋ።
\p
\v 30 ምኖ ሙሩ ኢታተ ሾዴ፤ ዋያዌ ኢታ ዎዛና ላማናዉ ዳንዳዬ።
\c 21
\p
\v 1 ካትያ ዎዛናይ መና ጎዳ ኩሽያና፤ እ አ ዎዛና ጎግያ ሃ ዛርያዋዳን፥ ባረ ኮዬዳሳ ዛሬ።
\p
\v 2 አሳይ ኦያዌ ኡባይ እዛዎ ልከ ማላቴ፤ ሽን መና ጎዳይ አ ዎዛና ቆፋ ፓጬ።
\p
\v 3 ያርሹዋ ያርሽያዋፐካ አደ፥ ጽሎባነ ሱረባ ኦያዋ መና ጎዳይ ዶሴ።
\p
\v 4 ኢታቱ ኦቶረትያዋንነ አይያዋን ኤረቲኖ፤ ሄዌካ ናጋራ።
\p
\v 5 ምኖ ኦሳንቻ ሀልቹ ዱረዬ፤ ሽን ኤሌልያ ኡባይ ህዬሳና።
\p
\v 6 ዎርዶቲደ ዳጋዬዳ ዱረታይ ፐንቱዋ ሱሉዋዳን ዬ፤ ሄዋ ኮይያዋንቱ ሀይቁዋ ኮዪኖ።
\p
\v 7 ኢታቱ ሱረባ ኦናዉ እጽያ ድራዉ፥ ኡንቱንቱ ማካላ ኦሱ ኡንቱንታ አኪደ ቤ።
\p
\v 8 ባይዛንቻቱ ጌላ ኦግያን ሀመቲኖ፤ ሽን ጌሻቱ ሱረባ ኦኖ።
\p
\v 9 ዋላቀትያ ማቻትና እት ጎልያን ደእያዋፐ ሄ ጎልያ ካሻን ደእያዌ ኬካ።
\p
\v 10 ኢታቱ ኢታባ ኦናዉ አሞቲኖ፤ ባረንቱ ሾሮቶ ቃረትክኖ።
\p
\v 11 ቅሊጭያዌ ሙረቴዳ ዎደ፥ ዎዛናይ ፓጬዳ ኡራይ አዳ ኤራ ታማሬ፤ ቃይ ዎዛናማ ኡራይ ታማሪደ፥ ኤራ ደሜ።
\p
\v 12 ጽሎ ጾሳይ ኢታቱዋ ሶን ኦሰትያዋ ኡባ በኤ፤ ኡንቱንታ አ የጊደ ይሴ።
\p
\v 13 ህዬሳ ዋሱዋ ስሳናፐ ጊደ፥ ባረ ሀይ ቱጭያ ኡራይ፥ እካ ዋሳና፤ አልያዌ ያና።
\p
\v 14 ጌማን እምያ እሙ ሀንቁዋ ዶሽሴ። አፍላ ግዱዋና እሜዳ ማታዪ ሱሎ ሀንቁዋ እርጽሴ።
\p
\v 15 ሱረ ፕርዳይ ፕርደቴዳ ዎደ፥ ሄዌ ጽሎ ናሸቻ፤ ሽን ኢታ ኦያዋንቶ ዳጋማ።
\p
\v 16 አኬካ ኦግያፐ ሀድሬዳ ኡራ ሀይቁ ናጌ።
\p
\v 17 አ እንጅያን ደአና ግያ ኡራይ ማንቄ፤ ዎይንያ ኤሳነ ዛይትያ ዶስያ አሳይ ዱረተና።
\p
\v 18 እት እት ገደነ ጾሳ አሳቱዋ አሻናዉ ኢታ አሳቱ ሙረቲኖ፤ አማነተና አሳቱካ ሱረ አሳቱዋ ድራዉ ሙረቲኖ።
\p
\v 19 ዋላቀትያነ ይሎትያ ማቻትና ደአናፐ ባዙዋን ደእያዌ ኬካ።
\p
\v 20 ዎዛናማ ኡራ ሶን ማልኦ ቁማይነ ኦይሳይ ምንጀቴ፤ ሽን ቦዛ አሳይ ባረዉ ደእያዋ ኡባ ም ድጌ።
\p
\v 21 ጽሎተነ አገና ሲቁዋ ኮይያ ኡራ ላይይ አዱቄ፤ ቃይ ሄ ኡራይ ጽሎተነ ቦንቹዋ ደሜ።
\p
\v 22 ዎዛናማ አሳይ ዎልቃማ ኦላንቻቱ ደእያ ካታማ ኦሊደ ኦይቄ፤ ኡንቱንቱ አማነቴዳ ምኖ ጌሱዋካ ላሌ።
\p
\v 23 ባረ ዶናነ ባረ እንጻርሳ ናግያ አሳይ ባረና መቱዋፐ ናጌ።
\p
\v 24 ኦቶረትያነ አይያ አሳይ ቅሊጭያዋ ጌተቴ፤ እ ኦቶራንቻ ግዴዳ ድራዉ፥ አሳዉ ቆፐና።
\p
\v 25 አዛላ አሙ ዎ፤ አያዉ ጎፐ፥ እ ኦናዉ ኮየና።
\p
\v 26 አዛላይ ጋላሳ ኩመን ዳሮባ ደማናዉ አሞቴ፤ ሽን ጽሉ ባረዉ አሸናን እሜ።
\p
\v 27 ጾሳይ ኢታቱዋ ያርሹዋ ሸነቴ፤ ሄዋፐካ ኡንቱንቱ አዉ ኢታ ቆፋን ሺሽያ ያርሹዋ አ ሸነቴ።
\p
\v 28 ዎርዶ ማርካይ ያና፤ ሽን ቆፒደ አኬካን ሃሳይያ ኡራ ሃሳያይ አከታና።
\p
\v 29 ኢታ አሳይ ታዋ ጻላላይ ልከ ጌ፤ ሽን ሱረ አሳይ ዩሽ ቆፔ።
\p
\v 30 አሳይ ባረ አዳ ኤራተን፥ አኬካንነ ዞርያን መና ጎዳና ኤቀታናዉ ዳንዳየና።
\p
\v 31 ኦላዉ ፓራ ኮራናዉ ዳንዳየቴ፤ ሽን ኦላ ጾንስያዌ መና ጎዳ።
\c 22
\p
\v 1 ሎኦ ሱንይ ዳሮ ዱረተፐ አ፤ ሳበትያዌካ ብራፐነ ዎርቃፐ አ።
\p
\v 2 ዱርያነ ማንቁዋ ኡባካ መና ጎዳይ መዳ፤ ሄዋን ኡንቱንቱ ላኡካ ቃራ።
\p
\v 3 ጭንጫ አሳይ ኢታ በኢደ፥ ቆሰት አ፤ ሽን አኬካይ ፓጬዳ አሳይ መቱዋን ገሊደ ቆሄቴ።
\p
\v 4 ኔን አሽከ ግዶፐነ መና ጎዳዉ ያዮፐ፥ ዱረተ፥ ቦንቹዋነ ደኡዋ ደማና።
\p
\v 5 ኢታ ኡራ ኦግያን አጉንይነ ጲሪ ደኤ፤ ሽን ባረና ናግያ አሳይ ኡንቱንቱፐ ሃኬ።
\p
\v 6 ናአይ ዋኒደ ደአና በስንቶ ታማርሳ፤ ያቶፐ፥ እ ጭሚደካ ሄዋ አገና።
\p
\v 7 ዱሪ ህዬሳ ሞዴ፤ ታልእ አኬዳዌ ታልእያ እሜዳዎ አይለ ግዴ።
\p
\v 8 ናጋራ ዘርያ ኡራይ ዋይያ ጫኬ፤ ሀራቱዋ እ ቱጋይያ ቱጋ ጻምአይ መኤና።
\p
\v 9 ኬካ አሳይ ባረ ቁማፐ ህዬሳዉ ጮ እምያ ድራዉ አንጀታና።
\p
\v 10 ቅሊጭያ አሳ ከሳ ድጎፐ፥ ፓሉሚ፥ ዋላሳይነ ቦሪ ክቻና።
\p
\v 11 ኔን ዎዛና ጌሻተነ ኬካ ሃሳያ ዶሶፐ፥ ካቲ ኔናና ዳቦቴ።
\p
\v 12 መና ጎዳይ ኤረተ ናጌ፤ ሽን ዎርዳንቻቱዋ ቃላ እ አ የጌ።
\p
\v 13 ቦዛ አሳይ፥ “ታን ካረ ከሶፐ፥ ጋሙ ታና ማና፤ ታና ኦግያን አሳይ ዎና” ያጌ።
\p
\v 14 ዎሹምያ ማጫ ምሽራት ዶናይ ጪሞ ኦላ ማላ፤ መና ጎዳይ ሀንቀቴዳ ኡራይ አ ግዶን ኩንዴ።
\p
\v 15 ናኣ ዎዛና አዛላተይ ባቂ ኦይቄ፤ ሽን ቃይጼርያን ሙርያዌ አፐ ሃሴ።
\p
\v 16 ባረዉ ማጹዋ ጉጃና ጊደ፥ ህዬሳ ናቂያዌ ዱርያዉ እሙዋ እምያዌ ላኡካ ህዬሳና።
\s1 ሀታሙ አዳ ኤራ ሃሳያቱዋ
\p
\v 17 ነ ሀይ ሃ የጋደ፥ አዳ ኤራንቻይ ኦድያዋ ስሳ፤ ነ ዎዛናካ ታ ኤራኮ ዛራ። 
\v 18 አያዉ ጎፐ፥ ኡንቱንታ ነ ዎዛናን ዎፐነ ነ ዶናንካ ኡንቱንቱ ኡባ ሀሳዮፐ፥ ኔን ናሸታና። 
\v 19 ነ አማኑ መና ጎዳን ግዳና ማላ፥ ታን ኔና ሀች ታማርሳድ። 
\v 20 ታን ነዉ ዞሪነ ኤራተይ ደእያ ሀታሙ ሌምሳቱዋ ጻፎዌሽ! 
\v 21 ኔና ኪቴዳዎ ኔን ልከ ዛሩዋ ዛራና ማላ፥ ታን ኔና ቱማተ ታማርሳድ።
\p
\v 22 ህዬሳቶ አያይነ ባይና ድራዉ፥ ኡንቱንቱዋ ቦንቆፓ፤ ችሎታንካ መቶታንቻቱዋ ማታ ይሶፓ።
\p
\v 23 አያዉ ጎፐ፥ መና ጎዳይ ኡንቱንቱ ድራዉ ሞተታና፤ ኡንቱንታ ቦንቄዳዋንታካ እ ቦንቃና።
\p
\v 24 ሀንቀትያ ኡራና ላገቶፓ፤ ሀንቀታናዉ ኤሌልያ ኡራናካ ዙፐቶፓ።
\p
\v 25 ኔን አ ሀኑዋ ሜዘቶፐ፥ ጉየፐ አጋናዉ ዳንዳያካ።
\p
\v 26 አሳዉ አጩዋ ታ ቃንጻና ጋደ ዋስያ ገሎፓ።
\p
\v 27 ኔን ቃንጽያዌ ዮፐ፥ ነ ግስያ ሂጻይ አተናን፥ ነዉ ደእያባይ ኡባይ አከታና።
\p
\v 28 ነ ማይዛ አዎቱ ቶኬዳ በን ዛዋ ሾዶፓ።
\p
\v 29 ባረ ኦሱዋ ሎሀተን ኦያ አሳ በኣድ? እ ካተቶ ኦፐ አትና፥ ጮ አሳቶ ኦና።
\c 23
\p
\v 1 ኔን አሳ ሞድያዋና እትፐ ቁማ ማናዉ ኡቴዳ ዎደ፥ ነ ስንን ደእያዋ ሎይደ አኬካ። 
\v 2 ኔን ዳሮ ዮራ አሳ ግዶፐ፥ ናገታ። 
\v 3 እ ኔና ፓጫናዉ ዳንዳይያ ድራዉ፥ አዳ ማልኦ ቁማዉ ያዉነቶፓ።
\p
\v 4 ዱረታናዉ ዳቡሮፓ፤ ሄዋ ማላ ኬስያ አጋናዉ ጭንጫ ግዳ። 
\v 5 ሄዋ ማላ ዱረተይ ኔን ጼልሽን ያና፤ ቀፍያ ከሲደ አርጋንዋዳን፥ ሳሉዋ ፓላና።
\p
\v 6 ኡዝያ ቁማ ሞፓ፤ አ ማልኦ ቁማካ ማናዉ አሞቶፓ። 
\v 7 ማላትሳናዉ እ ኔና፥ “ማ፤ ኡሻ” ያጌፐ አትና፥ አ ዎዛናይ ኔናና ደኤና። 
\v 8 ኔን ሜዳ ላፋ ቁማ ጮሻና፤ ነ ጋላታይካ መላ ግዳና።
\p
\v 9 ቦዛዉ ሎኦባ ሃሳዮፓ፤ አያዉ ጎፐ፥ ነ አዳ ኤራ ሃሳያ እ ካና።
\p
\v 10 በን ዛዋ ሾዶፓ፤ ቃይ አዉ ባይና ናናቱዋ ጋድያ ዛዋ ሱጎፓ፤ 
\v 11 አያዉ ጎፐ፥ ኡንቱንታ አሽያ ጾሳይ ምኖ፤ እ ኡንቱንቱ ድራዉ ኔናና ሞተታና።
\p
\v 12 ነ አስታማሪ ነዉ ኦድያዋ ሀይዛ፤ ነ ሀይካ ኤራ ቃላኮ ዛራ።
\p
\v 13 ናኣ ሴረናን አጎፓ፤ ኔን አ ቃይጼርያን ዋፐ፥ እ ሀይቀና። 
\v 14 ኔን አ ቃይጼርያን ዋፐ፥ አ ሸምፑዋ ሀይቁዋፐ አሻሳ።
\p
\v 15 ታ ናአዉ፥ ኔን ነ ዎዛናን አዳ ኤራንቻ ግዶፐ፥ ታ ዎዛናይካ ናሸታና፤ 
\v 16 ነ እንጻርሳይ ሱረባ ሃሳዮፐ፥ ታ ዎዛናይ ናሸቴ።
\p
\v 17 ናጋራንቻቱዋ ቃናቶፓ፤ ሽን ኡባ ገደ መና ጎዳዉ ያይያዋ አጎፓ። 
\v 18 ያቶፐ ነዉ ስንናዉ ሳአይ ኬካና፤ ነ ህዶታይካ የና።
\p
\v 19 ታ ናአዉ፥ ስሳ፤ ዎዛናማ ግዳ፤ ነ ዎዛና ሱረ ኦግያን ዎ። 
\v 20 ዳሮ ዎይንያ ኤሳ ኡሽያዋንቱናነ አሹዋ ሙሳዉ ያረትያዋንቱና ዙፐቶፓ፤ 
\v 21 አያዉ ጎፐ፥ ማትያዋንቱነ ዮራንቻቱ ማንቃና፤ ገምእሹዋ ዳሩ አሳ ዉሬዳ ጩርቃ ማይዝሴ።
\p
\v 22 ኔና የሌዳ ነ አቡ ኦድያዋ ስሳ፤ ነ አታካ ኤጬዳ ዎደ ካፓ። 
\v 23 ቱሙዋ፥ አዳ ኤራተ፥ ትምርትያነ አኬካ ሻማፐ አትና፥ ኡባካ ዛልኦፓ። 
\v 24 ጽሎ ናኣ አቡ ሎይ ናሸታና፤ ዎዛናማ ናኣ የሌዳ ኡራይካ አን ሀሹ ጋና። 
\v 25 ነ አቡነ ነ አታ ናሸትኖ፤ ኔና የሌዳናካ ሀሹ ጉ።
\p
\v 26 ታ ናአዉ፥ ታ ዞርያ ሀይዛ፤ ታን ሀንያዋዳን ሀና። 
\v 27 አያዉ ጎፐ፥ ዎሹምያ ምሽራታ ጪሞ ኦላ ማላ፤ ጫራቱዋ ኦይቂያ ማቻታካ ኡንአ ኦላ ማላ። 
\v 28 አ ፓኑዋዳን ቆሰታ ኡታደ ናጋዉ፤ አማነተና አቱማ አሳ አሳ ግዶን ዳርሳዉ።
\p
\v 29 “ዎ!” ግያ ዋሱ ኦሴ? ካዩ ኦሴ? ዋላሳይ ኦሴ? ዙዙንይ ኦሴ? ጋሱ ባይናን ማዱጽያዌ ኦሴ? አይፊ ዞእያዌ ኦሴ? 
\v 30 ዎይንያ ኤሳ ኡሺደ ጋምእያዋንቱሳ ግደኔ? ዋላከቴዳ ዎይንያ ኤሳ ኡሽ ኡሽ በእያዋንቱሳ ግደኔ? 
\v 31 ዎይንያ ኤሳይ ዞኤዳ ዎደ፥ አ ማላይ ብርልያ ግዶን ጶልያ ዎደ፥ ኡሽሽን ዋላላቲደ ገልያ ዎደ፥ አ ጼሎፓ። 
\v 32 ዉርሰን እ ሾሻዳን ዱኬ፤ ሙሉሙቀ ሾሻዳንካ ባረ ይሻ ፑኬ። 
\v 33 ነ አይፊ በእ ኤረናዋ በአና፤ ነ ዎዛናይካ ሱረ ቆፓናዉነ ሃሳያናዉ ዳንዳየና። 
\v 34 ኔን አባ ግዶን ሆቢ ቃያ ማርካብያ ጼራን ግሴዳ ኡራ ማላ ግዳና። 
\v 35 ኔን፥ “ኡንቱንቱ ታና ደቼድኖ፤ ሽን ታን ቆሄታበይከ። ኡንቱንቱ ታና ዋድኖ፤ ሽን ታዉ ኤረትቤና። ሀራ ኡሻ ኡሻናዉ ታን አዉደ ደንዳንድታሻ?” ያጋና።
\c 24
\p
\v 1 ታ ናአዉ፥ ኢታ አሳቱዋ ማላ ግዳርክታሻ ጎፓ፤ ኡንቱንቱና ዳቦታናዉካ አሞቶፓ፤ 
\v 2 አያዉ ጎፐ፥ ኡንቱንቱ ኡባ ገደ ማካላባ ማቀቲኖ፤ ባረንቱ እንጻርሳን ገንያባ ሃሳዪኖ።
\p
\v 3 ጎሊ አዳ ኤራተን ኬጸቴ፤ አኬካንካ ምኔ። 
\v 4 ኤራይ ደኦፐ፥ ቆልኡ አልኦባንነ ሎኦባን ኡባን ኩሜ።
\p
\v 5 ዎዛናማ ኡራዉ ዎልቃማ ዎልቃይ ደኤ፤ ኤራንቻ አሳይካ ምኖተ ጉጄ። 
\v 6 ኔን ኦላዉ ከሳናፐ ካሰታደ ሀልቹዋ ሀልቻናዉ ኮሼ፤ ዳሮ ዞርያዋንቱ ዞርያን ጾኑ ቤቴ።
\p
\v 7 ቦዛይ አዳ ኤራተ አኬካናዉ ዳንዳየና፤ ሀቃ ያአንካ ኦድያዌ አይነ ባዋ።
\p
\v 8 ኢታ ኦናዉ ሀልችያ ኡራይ ገናንቻ ጌተታና። 
\v 9 ቦዛተ ቆፋይ ናጋራ፤ አሳይ ቅሊጭያዋ እጼ።
\p
\v 10 ኔን መቱዋ ጋላስ ላፎፐ፥ ነ ዎልቃይ ጉ ግያዋ።
\p
\v 11 ሀይቃናዉ በሰናን፥ ሀይቆ ፕርዲደ አፍያዋንታ አሻ፤ ዎና ሀንያ ዎደ ጮኡ ጋደ ጼሎፓ። 
\v 12 ኔን፥ “ኑን ሀዋ ኤርበይኮ” ያጎፐ፥ ዎዛና ኤርያዌ እ በኤኔ? ነ ደኡዋ ናግያዌ ኤረኔ? አሳ ኡባዉ አ ኦሱዋ ኦሱዋዳን ዛረኔ?
\p
\v 13 ታ ናአዉ፥ ኤሳ ማ፤ ኤሳይ ሎአ። ኤሳ እልሉ ጎጎጩዋን ማልኤ። 
\v 14 አዳ ኤራተይካ ሄዋ ማላ፤ እ ነ ሸምፖ ማልኦ ግድያዋ ኤራ። ኔን አ ደምያዋ ግዶፐ፥ ስንና ያና ህዶታይ ነዋ፤ ኔን አካና ጋደ ህዶታን ናግያዌካ የና።
\p
\v 15 ጽሉዋ ጎልያነ ማጹዋ ቦንቃናዉ ቆፕያ ኢታ አሳዳን ሀኖፓ። 
\v 16 ጽሎ አሳይ ላፑን ገደ ኩንዶፐካ ደንዴ፤ ሽን ኢታቱ መቱዋን ያና።
\p
\v 17 ነ ሞርኪ ኩንድያ ዎደ ናሸቶፓ፤ እ በትያ ዎደካ፥ “ሀሹ!” ጎፓ። 
\v 18 ኔን ናሸቶፐ፥ መና ጎዳይ ሄዋ በኢደ ናሸተና፤ አ ሀንቀትያዋካ አግ አጋና።
\p
\v 19 ኢታ ኦያዋንቱ ድራዉ ህርጎፓ፤ ኡንቱንቱ ማላ ግዳርክታሻ ጎፓ። 
\v 20 አያዉ ጎፐ፥ ኢታ ኡራዉ ስንና ያና ህዶታይ ባዋ፤ ኢታቱዋ ጾምፒካ ቶአና።
\p
\v 21 ታ ናአዉ፥ መና ጎዳዉነ ካትያዉ ያያ፤ ኡንቱንቶ ማካልያዋንቱናካ ዙፐቶፓ። 
\v 22 አያዉ ጎፐ፥ ሄዋ ማላ አሳቱዋ ቆፐና መቱ ጋኬ፤ ካትያፐነ ጾሳፐ ያና መቱዋ ኦኔ ኤርያዌ?
\s1 ሀራ አዳ ኤራ ሃሳያቱዋ
\m
\v 23 አዳ ኤራንቻቱ ጉጂደካ ሀዋዳን ያጌድኖ፦
\p ፕርዲደ ማድያዌ ሎአ ግደና። 
\v 24 ባይዛንቻ፥ “ኔን ባይዛባካ” ያግያ ዳና አሳይ ሸቃና፤ ካዉተቱካ አ እጻና። 
\v 25 ባይዛንቻ ሙርያዋንቱ ሎይ ናሸታናነ አንጀታና።
\p
\v 26 ሱረ ዛሩዋ ዛርያዌ ዳቦቶ ማላታ ማላ።
\p
\v 27 ካሰታደ ነ ጋድያ ኦ፤ ካካ ዘራ፤ ሄዋፐ ጉይያን፥ ነ ጎልያ ኬጻ።
\p
\v 28 ነ ሾሩዋ ቦላ ጋሱ ባይናን ማርካቶፓ፤ ነ ዶናንካ ጭሞፓ። 
\v 29 “እ ታዉ ኦዳዋዳን፥ ታን አዉ ኦና፤ ታን አዉ አ ኦሱዋ ኩሽያ ዛራና” ያጎፓ።
\p
\v 30 ታን እት ጋላስ፥ እት አዛላነ አኬካይ ፓጬዳ ብታንያ ጋደን ደእያ ዎይንያ ቱራ ግዱዋና አድ። 
\v 31 አያ ዎደ፥ አጉንይነ ሻራፋይ ጎዝ ዎዳ፤ ዩሹዋን ሹቻ ግምቢካ ኮለት ክቼዳ። 
\v 32 ታን አ በኤዳ ዎደ፥ ቆፓድ፤ ታን በኤዳዋፐ ትምርትያ ታማራድ። 
\v 33 ኔን ጉ ልጵ ጋ፤ ጉ ገምእሻ፤ ነ ኩሽያካ ሺሻደ ጉ ሸምፓ አካ።\x - \xo 24:33-34 \xo*\xt ሌም. 6:10-11\xt*\x* 
\v 34 ሄዋፐ ጉይያን፥ ህዬሳተይ ፓኑዋዳን ያና፤ ፓጫይካ ኦላ ሚሻ ኦይቄዳ አሳዳን ፑቱ ጋና።
\c 25
\s1 ሶሎሞን ጻፌዳ ሀራ ሌምሳቱዋ
\p
\v 1 ሀዋንቱካ ቃይ፥ ይሁዳ ካትያ ህዝቂያሳ አሳቱ ዱቂደ ጻፌዳ ሶሎሞና ሌምሳቱዋ።
\p
\v 2 ጹራ ገንያዌ ጾሳዉ ቦንቾ፤ ጹራ ፕልጊደ ከስያዌ ቃይ ካተቶ ቦንቾ።
\p
\v 3 ሳሎቱዋ ቃተነ ሳኣ ጪማተ አሳይ ጋከናዋዳን፥ ካተቱዋ ቆፋካ አሳይ ኤራናዉ ዳንዳየና።
\p
\v 4 ብራፐ ቅታ ድጋ፤ ሄዋፐ ጉይያን፥ ዎጋጪ ቆጺደ፥ ሎኦባ ከሳና።
\p
\v 5 ካትያ ስንፐ ኢታቱዋ ድጋ፤ ያቶፐ፥ አ ካዉተ አራታይ ጽሎተን ምን ኤቃና።
\p
\v 6 ካትያ ስን አያ ዎደ ጬቀቶፓ፤ ዎልቃማ አሳቱዋፐ ግዱዋን ሳኣ ኮዮፓ።\x - \xo 25:6-7 \xo*\xt ሉቃሳ 14:8-10\xt*\x* 
\v 7 ኔፐ ግታትያ አሳዉ ሳኣ እማናዉ ካፑ ኔና ደንና ካዉሽያዋፐ፥ ካፑ ኔና፥ “ሀዋኮ ቁ ጋ” ግያዌ ነዉ ኬካ።
\p
\v 8 ነ አይፍያን በኤዳዋ ማርካታናዉ ዳባባ ባናዉ ኤሌሎፓ፤ አያዉ ጎፐ፥ ኔን ማርካታ ስምና፥ ሀራ አሳይ ነ ማርካተይ ባላ ግድያዋ ቆንጭሶፐ፥ ኔን ዬላታና። 
\v 9 ኔፐነ ነ ሾሩዋፐ ግዱዋን ፓሉሚ መቶፐ፥ አናና ሃሳያደ ነ ፓሉምያ ዉርሳ። ሀራ አሳ ጹራ ቆንጭሶፓ። 
\v 10 ሄዌ ዮፐ፥ ኔን ኦድያዋ ስሴዳ አሳይ ኔና ካዉሻና፤ ሄዋን ነ ሱንይ ላኤን ስመናዳን ባያና።
\p
\v 11 ኮሽያ ዎድያን ሃሳየቴዳ ልከ ቃላይ ብራ ቦላ ትጌዳ ዎርቃ አሌቁዋ ማላ።
\p
\v 12 ሀይዝያ ኡራ ኤራንቻ አሳይ ዞርያ ዞሪ ሀይን ዎዳ ዎርቃ ዎይ ጌሻ ዎርቃፐ ኦዳ አሌቁዋ ማላ።
\p
\v 13 ካ ጫክያ ቦንያን እርጻ ሃይ ኡሽና አልያዋዳን፥ ኪትና አማነትያ አሳይ ባረና ኪትያዋንታ ናሸቼ።
\p
\v 14 እመናባ “እማና” ያጊደ ጬቀትያ አሳይ እራይ ባይና ሻርያነ ጫርኩዋ ማላ።
\p
\v 15 ዳንዳያንቻ አሳይ ደርያ ሞድያዎ ኦዲደ አማን፤ ሊቆ ቃላይ መቀ አደ ገሌ።
\p
\v 16 ኤሳ ደሞፐ፥ ካላና ጋካናዉ ማ፤ ሽን ዳርሶፐ፥ ኔን ጮሻና። 
\v 17 ኔና ኡፊደ እጸናዳን፥ ነ ሾሩዋ ጎለ ኡባ ገደ ቦፓ።
\p
\v 18 ባረ ሾሩዋ ቦላ ዎርዱዋን ማርካትያ አሳይ ጋትማይ፥ ማሻይነ ቃራ አዳይ አሳ ቆህያዋ ኬሻ ቆሄ።
\p
\v 19 መቱዋ ዎደ አማነተና ኡራን ዘምፕያዌ ቃጽያ ማታን ጮምያዋነ ስሌዳ ገድያን ሀመትያዋ ማላ።
\p
\v 20 ካዮት ኡቴዳ አሳዉ የ የጽያዌ ሜጉዋ ጋላስ ማዩዋ ቃርያዋነ ማዱ ቦላ ጫላባ ትግያዋ ማላ።
\p
\v 21 ነ ሞርኪ ኮሻቶፐ፥ ምዛ፤ ሳመቶፐ፥ ኡሻ።\x - \xo 25:21-22 \xo*\xt ሮመ 12:20\xt*\x* 
\v 22 አያዉ ጎፐ፥ ኔን ሄዋ ኦያዌ አ ሁጲያን ታማ ቦንቁዋ ካሺደ ቆልያዋ ማላ። መና ጎዳይካ ነዉ ዎይታና።
\p
\v 23 ዶላሃ ባጋ ጫርኩ እራ አህያዋዳን፥ ዝግርሳይ ሀንቁዋ አዬ።
\p
\v 24 ዋላቀትያ ማቻትና እት ጎልያን ደአናፐ ጎልያ ካሻን ደእያዌ ኬካ።
\p
\v 25 ዳቡሬዳ ኡራይ እርጻ ሃ ኡሺደ አልያዋዳን፥ ሃኮ ቢታፐ ይያ ሎኦ ኦዱ ናሸቼ።
\p
\v 26 ኢታ አሳ ስንን ኩንድያ ጽሎ አሳይ ቡሉቀቴዳ ፑልቱዋነ ባዬዳ ኦላ ሃ ማላ።
\p
\v 27 ዳሮ ኤሳ ምያዌ ሎአ ግደና፤ ሄዋዳንካ፥ ባረ ቦንቹዋ ኮይያዌ ቦንችሰና።
\p
\v 28 ባረ ሁጲያ ናገና አሳይ ድርሳይ መኤዳ ካታማ ማላ።
\c 26
\p
\v 1 ቦንያን ሻቻይ፥ ካ ጫክያ ዎድያንካ እራይ ኮሸናዋዳን፥ ቦዛዉ ቦንቹ ኮሸና።
\p
\v 2 ካፎቱ ያነ ሃነ ፓሊደ፥ አሳ ቆሄናዋዳን፥ ጋሱ ባይናን ሸቂያ ሸቃይ አሳ ጋከና።
\p
\v 3 ፓራዉ ልሱዋ፥ ሀርያዉ ፓጾሩዋ ኮሽያዋዳን፥ ቦዛ ዞክያዉ ዋ ኮሼ።
\p
\v 4 ቦዛ ኡራዉ አ ቦዛተዳን ዛሮፓ፤ ዛሮፐ ኔንካ አ ማላ ግዳና።
\p
\v 5 ቦዛ ኡራዉ አ ቦዛተዳን ዛራ፤ ሄዌ ዮፐ፥ እ ባረና ኤራንቻዳን ፓይዳና።
\p
\v 6 ቦዛ አሳ ቦላ ኪታ ኪትያዌ ባረ ገድያ ቃንጽያዋነ ዎያዋ ኡሽያዋ ማላ።
\p
\v 7 ቦዛ ኡራ ሌምሱ ዎባ ኡራ ገድያ ማላ ማደና።
\p
\v 8 ቦዛ ኡራ ቦንችያ አሳይ ሹቻ ያምባርሻ ቦላ ቃች ዎደ ዩሽያ አሳ ማላ።
\p
\v 9 ቦዛ ኡራ ሌምሱ ማቴዳ አሳይ ባረ ኩሽያ ጫዴዳ አጉን ከሳናዉ ባጸትያዋ ማላ።
\p
\v 10 ቦዛ አሳ ዎይ ባረዉ ኦግያና አያ አሳ ኦሶ ቃጻርያ አሳይ ደሜዳ አሳ ኡባ ጫዳናዳን ዎንዳፍያ ዱክያ አሳ ማላ።
\p
\v 11 ካናይ ባረ ጮሻ ጉየ ስሚደ ምያዋዳን፥ ቦዛይ ባረ ቦዛተ ኦሱዋ ዛር ዛር ኦ።
\p
\v 12 ባረካ ባረና፥ “ታን አዳ ኤራንቻ” ግያ አሳ በኣድ? አፐ ቦዛ ኡራዉ ስንፐ ሎኦ ህዶታይ ደኤ።
\p
\v 13 አዛላይ፥ “ኦግያን ጋሙ ደኤ፤ ያሽያ ጋሙ አኮ ኦግያን ዩዬ” ያጌ።
\p
\v 14 ፐንጊ ባረ ማጻፍያን ያነ ሃነ ቃጽያዋዳን፥ አዛላይካ ባረ ሂጻን ያነ ሃነ አ ዎ።
\p
\v 15 እት እት አሳቱ ዳሮ አዛላ፤ ኡንቱንቱ ሀራይ አትና፥ ዎጽያን ቱሼዳ ሶሉዋካ ፑደ ባራናዉ ዳቡሪኖ።
\p
\v 16 አዛላ አሳይ ማርካና ኦድያ ላፑን ኤራንቻቱዋፐካ ባረና አዳ ኤራንቻ ጊደ ቆፔ።
\p
\v 17 ባረና ጋያዌ ባይና ሳን ፓላማዉ አያ አሳይ ኦግያና ብያ ካና ሀይ ኦይቂያ አሳ ማላ።
\p
\v 18-19 ባረ ሾሩዋ፥ “ታን ካሳዉ ኦድ” ያጊደ ጭምያ አሳይ፥ ጎዪደ ታማ ጺፋ ኦልያ፥ ዎይ ዎያ ጩብያ ደንያ አሳ ማላ።
\p
\v 20 ምይ ዉሮፐ፥ ታማይ ቶኤ፤ ዝግርያዌ ዮፐ፥ ዋላሳይ አቴ።
\p
\v 21 ጺጹንይ ቦንቁዋ ዳርስያዋዳንነ ምይ ታማ ዳርስያዋዳን፥ ፓሉማንቻ አሳይ ዋላሳ ዳርሴ።
\p
\v 22 ዝግርሳ ቃላይ ማልኦ ቁማ ማላ፤ ናሸቺደ ዱገ ጋንጅያ ጋኬ።
\p
\v 23 ዎዛናን ኢታባይ ደእሺና፥ ባረ እንጻርሳን ጭሙዋ ቃላ ሃሳይያ አሳይ ብራን ሼሼዳ ኡርቃ ሚሻ ማላ።
\p
\v 24 ሎኦ ማላትያ ኢታ አሳይ ባረ ዎዛናን ደእያ ኢታተ ባረ ናሾ ሃሳያን ገን። 
\v 25 አ ዎዛናን ላፑን ቱናተይ ኩም ኡቴዳ ድራዉ፥ እ ሎኦ ቃላ ሃሳዮፐካ አ አማኖፓ። 
\v 26 ባረ ሞርከተ እ ገንፐካ፥ እ ኦያ ኢታተይ ሺቁዋን ቆንጫና።
\p
\v 27 ሀራቶ ኦላ ቦክያ ኡራይ ሄ ኦላን ባረዉ ኩንዳና፤ ሀራቱ ቦላ ሹቻ ጎንዶርስያ ኡራ ቦላ ሄ ሹቻይ ስሚደ ጎንዶረታና።
\p
\v 28 ዎርዶትያ እንጻርሳይ ባረ ቆሄዳ አሳቱዋ እጼ፤ ጭምያ ሃሳያይ ባየ አሄፐ አትን፥ ሀራባ አሄና።
\c 27
\p
\v 1 ዎንት ሀናናባን ጬቀቶፓ፤ ዎንት አሀናባ ኔን ኤራካ።\x - \xo 27:1 \xo*\xt ያቆባ 4:13-16\xt*\x*
\p
\v 2 ኔና ሀራ አሳይ ጋላቶፐ አትና፥ ኔን ኔና ኔረካ ጋላቶፓ፤ አሳይ ነ ድራዉ ማርካቶፐ አትና፥ ኔን ነ ኬካተ ኦዶፓ።
\p
\v 3 ሹቻይ ዎልቃማ ቶኩዋ፤ ሻፈቱዋ ቶክያዌካ ዴጼ፤ ሽን ቦዛ ኡራይ ደንያ ዋላሳይ ኡንቱንቱ ላኡዋፐካ ዴጼ።
\p
\v 4 ሀንቆ ቃረት ባዋ፤ ይሉካ ባይዝያ ድኡዋ ማላ፤ ሽን ቃናትያን ኡባ ጋፖ።
\p
\v 5 ጌሜዳ ሲቁዋፐ ባልያ ዎደ ቆንጭያን ሴርያዌ ኬካ።
\p
\v 6 ሞርኪ ኔና ዳሮ ገደ የርያዋፐ ሲቁ ኔና ደችያዌ ኬካ።
\p
\v 7 ካሌዳ ኡራ ኤሳ እልሉ ኢቴ፤ ሽን ኮሻቴዳ ኡራ ጫምያባይካ ማልኤ።
\p
\v 8 ባረ ጎልያ አጊደ ዩይያ አሳይ፥ ባረ ጎልያፐ ሃካደ ፓልያ ካፋት ማላ።
\p
\v 9 ሽቱነ ሳዊያ እጻናይ አሳ ናሸችያዋዳን፥ ሲቁዋ ላግያ ዞሪካ ናሸቼ።
\p
\v 10 ነ ሲቆ ላግያነ ነ አዉዋ ሲቆ ላግያ አጎፓ፤ ኔና መቴዳ ዎደ ነ እሻ ጎለ ቦፓ። ሃኩዋን ደእያ እሻፐ ማታን ደእያ ሾሩ ኬካ።
\p
\v 11 ታ ናአዉ፥ ኔን አዳ ኤራንቻ ግዳ። ያትንቶ ታን ናሸታናነ ታና ቦርያዋንቱ ኦሻካ ዛራና።
\p
\v 12 ጭንጫ አሳይ መቱ ይያ ዎደ በኢደ ቆሰቴ፤ ሽን አኬካይ ፓጬዳ አሳይ ስት ግ ቢደ፥ መቱዋን ገሌ፤ ያቲደ ጉየፐ አዬ አና ያጌ።
\p
\v 13 ኤረና አሳዉ ዋስያ ገልያ ኡራ ማዩዋ ቃር አክተ፤ እማ አሳዉ፥ ዋስያ ገሌዳ ኡራ ማዩዋ ኦይቂተ።
\p
\v 14 ዎንታ ጉራን ባረ ቃላ ቁ ኦደ፥ ባረ ሾሩዋ ሳሮትያዌ አ ሸቂያዋ ማላ።
\p
\v 15 ዋላቀታደ ዱጸና ማቻታነ እራይ ቡክያ ዎደ ጾኪደ አገና ጎሊ እት ማላ። 
\v 16 ጫርኩዋ ተአናዉ ዎይ ዛይትያ ጩጩሚደ ኦይቃናዉ ዳንዳየተናዋዳን፥ እዞ ጮኡ ኦናዉ ዳንዳየተና።
\p
\v 17 ብራታይ ብራታ ፖሽያዋዳን፥ አሳይ እቱ እቱዋፐ ታማሬ።
\p
\v 18 ባላስያ ግያ ምቶ እሻልሲደ ናጌዳ ኡራይ እ አይፍያ ማና፤ ባረና አይሴዳዋ ካቦይያ ቆማይ ቦንቼታና።
\p
\v 19 ሃይ ማስቶትያዳን ሶምኡዋ በስያዋዳን፥ አሳ ዎዛናይ እዛዉ ኤሻ በሴ።
\p
\v 20 ሀይቁነ ባሻይ ካል ኤርክኖ፤ ሄዋዳንካ፥ አሳ አይፊ ካለና።
\p
\v 21 ብራይነ ዎርቃይ ታማን ፓጨቲደ ጌይያዋዳን፥ አሳይካ ባረ አክያ ጋላታን ፓጨቴ።
\p
\v 22 ቦዛ አሳ ካና ኡዱላን የጋደ፥ ኡዱላ ምን ጫድንቶ፥ አፐ ቦዛተይ ክቼና።
\p
\v 23 ነ ዶርሳቱ ደእያ ሀኖታ ሎይደ ኤራ፤ ነ መህያ ዉድያካ ዎዛናፐ ሄማ። 
\v 24 አያዉ ጎፐ፥ ዱረተይ መናዉ ደኤና፤ ካላቻይካ የለታፐ የለታዉ አናን አጋናዉ ዳንዳዬ። 
\v 25 መላ ማታይ ቡጨቴዳዋፐ፥ አጫ ማታይ ከሴዳዋፐነ ደርያ ቦላን ደእያ ማታይ ሺቄዳዋፐ ጉይያን፥ 
\v 26 ዶርሳቱዋ እስክያፐ ኔን ነዉ ማይያዋ ከሳና፤ አማሬዳ ዴሻቱዋ ዛልኤዳ ብራንካ ነዉ ጋድያ ሻማና። 
\v 27 አትያ ዴሻቱዋ ማይ ነዉ፥ ነ ሶ አሳዉነ ነ ማጫ ቆማቶ ቁማ ግዳናዋ።
\c 28
\p
\v 1 ኢታቱ ኦንነ የደርሰናን ባቃቲኖ፤ ሽን ጽሎቱ ጋሙዋ ማላ ጻላ።
\p
\v 2 እት ካዉተይ ማካላንቻ ግዶፐ፥ አ ሞድያዋንቱ ላመት ላመት ሞድኖ። ሽን ካለያዋንቱ አዳ ኤራንቻነ አኬካንቻ ግድያ ዎደ፥ ምኖ ግዲደ፥ ዳሮ ዎድያ ታኬ።
\p
\v 3 ህዬሳቱዋ ኡቁንያ ዳናይ ካ ይስያ ዎልቃማ እራ ማላ።
\p
\v 4 ህግያ ቦንቼና ኡራይ ባይዛንቻ ሳቤ፤ ሽን ህግያ ቦንችያዌ ባይዛንቻቱዋ ቆፋ ጳልቄ።
\p
\v 5 ኢታ አሳቶ ሱረ ፕርዳባይ ገለና፤ ሽን መና ጎዳዉ ጎይንያዋንቶ ኡባባይካ ገሌ።
\p
\v 6 ጌላ አሳ ግዲደ፥ ዱረ ግድያዋፐ ሱረ አሳ ግዲደ፥ ህዬሳ ግድያዌ ኬካ።
\p
\v 7 ህግያ ናግያ ዎዳላይ አኬካንቻ። ሽን ፓና ሹፉሮቱዋና ዙፐትያዌ ባረ አዉዋ ዬላዬ።
\p
\v 8 ሚሻ ድቻዉ እምያዋንነ የሉዋን ዱረትያ አሳይ ሄ ማጹዋ ህዬሳቶ ኬክያ አሳዉ ሺሼ።
\p
\v 9 ህግያ ስሳናፐ ጊደ፥ ባረ ሀይ ዎራ ዛርያ ኡራ ዎሳይ ጾሳ ሸነይያዋ።
\p
\v 10 ሱረቱዋ ኢታ ኦግያ ካለያ ኡራይ ባረ ቦኬዳ ኦላን ባረዉ ኩንዳና፤ ሽን ጌሻ አሳይ ሎኦባ ላታና።
\p
\v 11 ዱረ አሳይ ባረና አዳ ኤራንቻ ጊደ ቆፔ፤ ሽን አኬካይ ደእያ ህዬሳይ አ ፓጬ።
\p
\v 12 ጽሎቱ ጾኔዳ ዎደ፥ አሳይ ኡባይ ናሸቴ፤ ሽን ኢታቱ ማታ ኦይቄዳ ዎደ፥ አሳይ ቆሰቴ።
\p
\v 13 ባረ ናጋራ ገንያ ኡራይ አጨና፤ ሽን ፓጽያዌነ ናጋራ አግያዌ ማረታናዋ።
\p
\v 14 መና ጎዳዉ ኡባ ገደ ያይያ አሳይ አንጀቴዳዋ፤ ሽን ባረ ዎዛና ጉዙንያ አሳይ መቱዋን ገላና።
\p
\v 15 ህዬሳ አሳ ሞድያ ኢታ ዳናይ ጉድያ ጋሙዋነ ኮሻቴዳ ባባርቂያ ማላ።
\p
\v 16 ዎዛን ፓጬዳ ዳናይ ባረ አሳ ናቄ፤ ሽን አሳ ናቂያዋ እጽያዌ ዳሮ ላይ ሞዳና።
\p
\v 17 አሳ ዎዳ አሳይ ሀይቃና ጋካናዉ ባቃቲደ ደኤ፤ አ ኦንነ ሺሽ አከና።
\p
\v 18 ቦሪ ባይናን ሀመትያ ኡራይ ቆሄተናን አታናዋ፤ ሽን ጌላ አሳይ እት ኩን ኩንዳና።
\p
\v 19 ባረ ጋድያ ኦያ ኡራይ ካ ካሌ። ሽን ሹፉሮቱዋ ካልያ ኡራይ ኡባ ገደ ህዬሲደ ደኤ።
\p
\v 20 አማነቴዳ ኡራይ ዳሮ አንጀታና፤ ሽን ዱረታናዉ ጃምያዌ ሙረተናን አተና።
\p
\v 21 ሻኪደ ማድያዌ ሎኤና፤ ሽን አሳይ ጉ ኡክ ድራዉ ጊደካ፥ ባላባ ኦኖ።
\p
\v 22 ኡዘትያ ኡራይ ዱረታናዉ ጃሜ፤ ባረና ህዬሳተይ ኦይቃናዋካ ኤረና።
\p
\v 23 አሳ ጮ ሳቢያ ኡራፐ ሴርያ ኡራይ ጉየፐ ጋላተቴ።
\p
\v 24 ባረ አዉዋፐነ ባረ አትፐ ዉኢደ፥ “ታን አይነ ናጋራ ኦበይከ” ያግያ ኡራይነ ባይዝያ ኡራይ እት ማላ።
\p
\v 25 ኡዘትያ ኡራይ ዋላሳ ደን፤ ሽን መና ጎዳን አማነትያዌ ካሌ።
\p
\v 26 ባረናን አማነትያ አሳይ ቦዛ፤ ሽን አዳ ኤራተን ሀመትያዌ ሳሮ ደኤ።
\p
\v 27 ህዬሳዉ እምያ ኡራዉ ፓጨና፤ ሽን ኡንቱንታ በአናፐ ጊደ ጪልምያዌ ሸቃ አካና።
\p
\v 28 ኢታ አሳቱ ሱንትያ ዎደ፥ አሳይ ቆሰቴ፤ ሽን ኡንቱንቱ ይያ ዎደ፥ ጽሎቱ ጮራቲኖ።
\c 29
\p
\v 1 ዳሮ ገደ ሴርና እጺደ፥ ሞርጊ ሌዳ ኡራይ ሀሳየናን መአና፤ ሄ ኡራዉ ፓጹካ ባዋ።
\p
\v 2 ጽሎ አሳቱ ሱንትያ ዎደ አሳይ ናሸቴ፤ ሽን ኢታቱ ቢታ ሞድያ ዎደ አሳይ ኦሌ።
\p
\v 3 አዳ ኤራ ዶስያ አሳይ ባረ አዉዋ ናሸቼ፤ ሽን ዎሹምያ ማጫ አሳቱዋ ሄራን ዩይያ አሳይ ባረ ሚሻ ዉርሴ።
\p
\v 4 ቱሙዋ ፕርድያ ካቲ ባረ ካዉተ ዎፑ ኦ፤ ሽን ማታይያ ማናዉ ዮራትያዌ ባረ ካዉተ ባይዜ።
\p
\v 5 ባረ ሾሩዋ ሳቢደ ሃሳይያ ኡራይ፥ አ ገድያዉ ግትያ የጌ።
\p
\v 6 ኢታ አሳይ ግቲ ኦይቂያዋዳን፥ ባረ ናጋራን ኦይቀቴ፤ ሽን ጽሎ አሳይ ናሸታናዉነ የጻናዉ ዳንዳዬ።
\p
\v 7 ጽሎ አሳይ ህዬሳ ማታ ቦንቼ፤ ሽን ኢታ አሳይ ሄዋ ማላ ኤራ ኡባካ ኤረና።
\p
\v 8 ቅሊጭያዋንቱ ካታማን ዋላሳ ደንኖ፤ ሽን አዳ ኤራንቻ አሳቱ ሀንቁዋ እርጽሲኖ።
\p
\v 9 አዳ ኤራንቻ አሳይ ቦዛ አሳ ፕርዳ ጎለ አፎፐ፥ ቦዛይ ሀንቀቴነ ቅ፤ አዉ ያቶፐ ሳሩ ዬ።
\p
\v 10 ሱ ጉሳናዉ ጃምያ አሳቱ ሱረ አሳ እጺኖ፤ ቃይ ጽሎ አሳካ ዎናዉ ኮዪኖ።
\p
\v 11 ቦዛ አሳይ ባረ ሀንቁዋ የድ በሴ፤ ሽን አዳ ኤራ አሳይ ባረ ሀንቁዋ ምቴ።
\p
\v 12 እት ሱንቴዳ ኡራይ ዎርዱዋ ኦዱዋ አኮፐ፥ አ ኦሳንቻቱ ኡባይ ኢታ ከሲኖ።
\p
\v 13 ህዬሳይነ አሳ ናቂያ አሳይ እትባ ኮጺኖ፤ ኡንቱንቱ ላኦካ አይፍያ መና ጎዳይ ጼልሴ።
\p
\v 14 እት ካቲ ህዬሳዉ ሱረ ፕርዶፐ፥ እ ባረ ካዉተን ጋምአና።
\p
\v 15 ቃይጼሪነ ሴራይ ናናቶ አዳ ኤራ እሜ፤ ሽን የዳን ድጬዳ ናአይ ባረ አቶ ካዉሼ።
\p
\v 16 ኢታ አሳቱ ዳርያ ዎደ፥ ናጋራይ ዳሬ፤ ሽን ጽሎቱ ኡንቱንቱ ኩንደ በአና።
\p
\v 17 ነ ናኣ ሴራ፤ ያቶፐ፥ እ ነዉ ሳሩዋ እማና፤ እ ኔና ናሸቻና።
\p
\v 18 ጾሳይ ካለያ ካለሱዋ አከና ደሪ የዳ፤ ሽን ህግያ ናግያ ኡራይ አንጀቴዳዋ።
\p
\v 19 ቆማይ ጮ ኦዶ ጻላን ሴረት ኤረና፤ ኦዱ አዉ ገልንቶካ እ አዛዘተና።
\p
\v 20 ኤሌሌ ኤሌሌ ሃሳይያ ኡራ በአ ኤራይሻ? አፐ ቦዛ ኡራዉ ስንናዉ ዳሮ ህዶታይ ደኤ።
\p
\v 21 ነ ቆማዉ ናአተፔ ዶምና፥ እ ኮይያዋ ኡባ አዉ እማ ሜዘዮፐ፥ እት ጋላስ ነዉ ደእያዋ ኡባ አካናዉ እ ካጄላናዌ አተና።
\p
\v 22 ሀንቀትያ አሳይ ዋላሳ ደን፤ ኤለ ይሎትያ አሳይ ዳሮ ናጋራ ኦ።
\p
\v 23 ኦቶሩ አሳ ካዉሼ፤ ሽን ሆክያ አያናይ ደእያ አሳይ ቦንቼቴ።
\p
\v 24 ካይሱዋና ሻክያ ኡራይ ባረና እጽያ አሳ፤ እ ዳባባን ቱሙዋ ኦዶፐካ ሙረቴ፤ ቱሙዋ ኦዳና ዮፐ ቃይ፥ ጾሳይ አ ሙራና።
\p
\v 25 አሳዉ ያይያዌ ሄ ኡራዉ ጲረ ግዴ፤ ሽን መና ጎዳን አማነትያ አሳይ ሳሮ ደኤ።
\p
\v 26 ዳሮቱ ሱንተይ ደእያ አሳቱዋ አዉዳሺኖ፤ ሽን ሱረ ፕርዳይ መና ጎዳ ማታፐ ቤቴ።
\p
\v 27 ጽሎቱ ናጋራንቻቱዋ ሸነቲኖ፤ ናጋራንቻቱካ ሱረ ኡራ ሸነቲኖ።
\c 30
\s1 አጉር ሃሳያ
\r (30:1-33)
\p
\v 1 ሀዋፐ ካሊደ ጻፈቴዳዌ ያቃ ናአይ አጉር ሃሳዬዳ ሃሳያ። ሄ ብታኒ እቴላስነ ኡካላዉ ሀዋ ሃሳዬዳ። 
\v 2 ቱሙ ታን አይ አሳፐካ ቦዛ ዳራይ፤ አሳዉ ደእያ አኬካይ ታዉ ባዋ። 
\v 3 ታን አዳ ኤራ ታማራበይከ፤ ጌሻ ጾሳባካ አያነ ኤርከ። 
\v 4 ሳሉዋ ፑደ ከሲደ፥ ዱገ ዎዳዌ ኦኔ? ጫርኩዋ ባረ ኩሽያን ኦይቄዳዌ፥ ሃ ባረ አፍላን ዪጬዳዌ፥ ሳኣ ጋጻ አ ሳኣን ሳኣን ዎዳዌ ኦኔ? አነ ኤሮፐ አ ሱን ታዉ ኦዳ። አ ናኣ ኦና ጋይ?
\p
\v 5 ጾሳይ ኦድያ ቃላይ ኡባይ ቱማ፤ ባረኮ ባቃቲደ ብያ ኡባዉ እ ጎንዳለ። 
\v 6 አ ቃላ ቦላ አያነ ጉጆፓ፤ ጉጆፐ እ ኔና ሴራና፤ ኔን ዎርዳንቻ ግድያዋካ እ ቆንጭሳና።
\p
\v 7 አቤት መና ጎዳዉ፥ ታን ኔና ላኡባቱዋ ኦቻይ፤ ታን ሀይቃና ጋካናዉ፥ ኡንቱንታ ታና ድጎፓ። 
\v 8 ኮይሩዋን፥ ታን አሳ ጭመናዳንነ ዎርዱዋ ሃሳየናዳን ታና ናጋ፤ ላኤንዋን፥ ታዉ ኮሽያ ኬሻ ቁማ እማፐ አትና፥ ታና ዱረ ዎይ ማንቆ ከሶፓ። 
\v 9 ሄዌ ዮፐ፥ ዱረ ግዳደ፥ “መና ጎዳይ ኦኔ?” ጋደ ኔና ካዳና፤ ዎይ ማንቆ ግዳደ፥ ዉአና፤ ያታደ ታ ጾሳ ሱን ቦርሳና።
\p
\v 10 ኔና ሸቀና ማላነ እ ሸቂና ነዉ ጎመተና ማላ፥ ቆማ አ ጎዳን ሞቶፓ።
\p
\v 11 ባረንቱ አዎቱዋ ሸቂያነ ባረንቱ አየቱዋ አንጀና አሳቱ ደኢኖ። 
\v 12 ዳሮ ቱና ቱን ኡቲደ፥ ባረንታ ጌሻዳን ፓይድያ አሳቱ ደኢኖ። 
\v 13 ኦቶሩዋ ኩሜዳ አሳቱነ አሳ ካደ ጼልያ አሳቱ ደኢኖ። 
\v 14 ኡንቱንቱ አቻይ ማሻ ማላ ግድና፥ ኡንቱንቱ ጎጎጩካ ጎሎዱዋ ማላ ግድና፥ ህዬሳቱዋነ መቶታንቻቱዋ ናቂደ፥ ኡንቱንቱዋ ቦንቂያ አሳቱ ደኢኖ።
\p
\v 15 ኡላትዉ ላኡ ማጫ ናናቱ ደኢኖ። ኡንቱንቱ፥ “ሀማ! ሀማ!” ያጊደ ዋሲኖ። ኡባካ ካል ኤረና ሄዙባቱ ደኢኖ፤ ኦይደን ቃይ ኡባ፥ “ግዳና” ግ ኤረና።
\q1
\v 16 ሄዋንቱካ:
\q2 ዱፉዋ፥
\q2 ማይነ ማጫ አሳ፥
\q2 ሃ ካልስ ኤረና መላ ቢታነ፥
\q1 “ታዉ ግዳና!” ግ ኤረና ታማ።
\p
\v 17 ባረ አዉዋ ቅሊጭያ ናኣ አይፍያ፥ ባረ አታ ጭምና ካያ ናኣ አይፍያ፥ ዛንጋራን ደእያ ቁሮቱ ዎጫና፤ አ አሹዋ አንኮቱ ማና።
\p
\v 18 ታና ሄዙባቱ ማላልሲኖ፤ ኦይደን ኡባ ታዉ ገለና።
\q1
\v 19 ሄዋንቱካ:
\q2 አርጋንይ ሳሉዋና ፓልያ ፓሉዋ፥
\q2 ሾሻይ ሹቻ ቦላና ሶሎልያ ሶሎለ፥
\q2 ማርካቢ አባ ቦላን ሶልድያ ሶልዱዋነ
\q2 ዎዳላይነ ወዶራታ ሲቁዋ ዶምያ ዶመ።
\p
\v 20 ዎሹምያ ምሽራታ ሀንያ ሀኑካ ሄዋ ማላ። አ ሙሳ ማዉ፤ ሽን ሜዳዋፐ ጉይያን፥ ባረ ዶና ቁጫ ድጋደ፥ “ታን አይነ ባይዛበይከ” ያጋዉ።
\p
\v 21 ሄዙ የዎቱዋን ቢታይ ቃጼ፤ ኦይደንዋ ኡባ ቶካናዉካ ዳንዳይቤና።
\q1
\v 22 ሄዋንቱካ:
\q2 አይሊ ካተቴዳ ዎደ፥
\q2 ቦዛይ ካ ካሌዳ ዎደ፥
\q1
\v 23 አሳይ እጼዳ ምሽራታ አስና ገሌዳ ዎደነ፥
\q2 ማጫ ቆማታ ባረ ጎዳቶ ላቴዳ ዎደ መትያ ሀኖታ።
\p
\v 24 ሳኣ ቦላ ኦይዱ ጉ መታቱ ደኢኖ፤ ሽን ኡንቱንቱ ሎይ አዳ ኤራንቻ።
\q1
\v 25 ሄዋንቱካ:
\q2 ጩንጫለቱዋ፥ ጩንጫለቱ ዎልቃይ ባይና መታ፤
\q2 ሽን ባረንቶ ምያዋ ቦንያን ሺሺደ፥ ምንጂኖ።
\q1
\v 26 ጉፓለቱዋ፥ ጉፓለቱ ጉ ዎልቃይ ደእያዋንታ፤
\q2 ሽን ባረንቱ ጎልያ ሹቻ ጎንጎሉዋን ኬጺኖ።
\q1
\v 27 ቦለቱዋ፥ ቦለቶ ካቲ ባዋ፤
\q2 ሽን ኡንቱንቱ ኡባይካ ማራን ዛቲኖ።
\q1
\v 28 ዛራቱዋ፥ ዛራቱ ኩሽያን ኦይቂናካ ኦይቀቲኖ፤
\q2 ሽን ኡንቱንቱ ሀራይ አትና፥ ካትያ ጎለንካ ደኢኖ።
\p
\v 29 ባረንቱ ማታ በሲደ ሀመትያ ሄዙ መታቱ ደኢኖ፤ ኦይደንካ ሎኦ ሄመታ ሀመቴ።
\q1
\v 30 ሄዋንቱካ:
\q2 ዶኣ ኡባፐ ምንያነ ያዪደ ባቃት ኤረና ጋሙዋ፤
\q1
\v 31 አየቱዋ ግዶን አዪደ ሀመትያ አዉረ ኩቱዋ፥
\q2 ዴሻ ኦርግያነ፥
\q2 ባረ ኦላንቻቱዋ ግዶን ኤቂያ ካትያ።
\p
\v 32 ኔን ቦዛደ ኦቶረቴዳዋ ግዶፐነ፥ ኢታባ ኦናዉ ሀልቼዳዋ ግዶፐ፥ አነ ታክ ጋደ ቆፓ።
\p
\v 33 ማ ቡክያዌ ኦይሳ ከስያዋዳን፥ ሲያ ይምፕያዌካ ሱ አህያዋዳን፥ ሄዋዳን ሀንቁዋ ደንያዌ ዋላሳ አዬ።
\c 31
\s1 ልሙኤላ ዳያ ባረ ናኣ ታማርሴዳ ትምትትያ
\r (31:1-31)
\p
\v 1 ሀዋፐ ካሊደ ጻፈቴዳ ሃሳያይ፥ ካትያ ልሙኤላ አታ ካትያ ልሙኤላ ታማርሴዳዋ።
\p
\v 2 “ላ ታ ናአዉ፥ ታ ኡሉዋፐ ዎዳዎ፥ ታን ሺቀታደ የሌዳዎ፥ 
\v 3 ማጫ አሳን ነ ዎልቃ ዉርሶፓ፤ ሄ ካተቱዋ ባይዝያ ማጫ አሳቱዋን ነ አካታ ይሶፓ።
\p
\v 4 “ልሙኤላ፥ ሀዌ ካተቶ በሰና፤ ዎይንያ ኤሳ ኡሽያዌ ካተቶ በሰና፤ ማይያ ኡሻ ኡሽያዌ አሳ ቦላ ሱንቴዳዋንቶ በሰና። 
\v 5 ኡንቱንቱ ኡሽያ ዎደ ህግያ ባሊኖ፤ ናቀቴዳ አሳ ማታ ሸነኮ ጊኖ። 
\v 6 ማይያ ኡሻ ሀይቃና ሀንያ ኡራዉነ ሳአይ ኢቴዳ ኡራዉ እምተ። 
\v 7 ኡንቱንቱ ባረንቱ ማንቆተነ ባረንቱ ቱጋ ደኡዋ ዶጋና ማላ ኡሽኖ።
\p
\v 8 “ባረንቱ መቱዋ ኦዳናዉ ዳንዳየናዋንቱ ድራዉ ኔን ኦዳ፤ ማድያዌ ባይናዋንቱ ማታ ድራዉ ኔን ደንዳ። 
\v 9 ኡንቱንቶ ሱረ ፕርዳ ፕርዳ፤ ህዬሳቱዋነ መቶታንቻቱዋ ማታ ናጋ” ያጋደ ታማርሳዱ።
\s1 ዎዛናማ ማቻቶ
\p
\v 10 ዎዛናማ ማቻቶ ኦን ደማናዉ ዳንዳዪ? እንቁዋ ግያ አልኦ ሹቻፐካ እዛ አልአዉ። 
\v 11 እ አስናይ እዞ ኡባባንካ አማኔ፤ አዉ ደአናዉ በስያዋፐ አያይነ ፓጨና። 
\v 12 አ ባረ ደኡዋ ላይ ኡባን አዉ ሎኦባፐ አትና፥ ኢታባ ኦኩ።
\p
\v 13 ሱፍያነ ላይኑዋ አ ኮያደ፥ ናሸታደ ባረ ኩሽያን ኦዉ። 
\v 14 አ ዛልአንቻቱዋ ማርካባቱዋ ማላ፤ ባረ ቁማ ሃኮ ቢታፐ አያዉ። 
\v 15 አ ባረ ሶ አሳዉ ቁማ ካናዉነ ባረ ማጫ ቆማቶ ኦሱዋ ግሻናዉ፥ ሳአይ ብሮ ቃማ ደእሺና ደንዳዉ። 
\v 16 ጋድያ አ ኮያደ ሻማዉ፤ ባረ ኩሽያን ኦደ ደሜዳ ሻሉዋን ዎይንያ ቱራ ቶካዉ።
\p
\v 17 አ ጎባ ኦሳንቻ ግድያዋ ጻላላ ግደናን፥ ምኖነ ጭንጫ አሳ። 
\v 18 አ ባረ ዎያ ደማናዉ ምናደ ዛልአዉ፤ አ ኦደ ቃምስያ ድራዉ፥ ባረ ጾምፕያ ኤለ ቶይሱኩ። 
\v 19 አ ባረ ስንድሪታን ሱቃደ፥ ባረ አፍላ ዳዳዉ።
\p
\v 20 አ ህዬሳቶነ መቶታንቻቶ ባረዋፐ ጮ እማዉ።
\p
\v 21 እ ሶ አሳይ ኡባይ ሆእያ ማዩዋ ማዬዳ ድራዉ፥ ሻቻይ ቡክንቶ፥ አ ህርጉኩ። 
\v 22 አርሳ ቦላን ሂጽያ ማዩዋ ስካዉ፤ ሊኑዋፐ ዳደቴዳ ኦቻ ቴራ ማላትያ ማዩዋካ ባረዉ ማያዉ።
\p
\v 23 ጋድያ ጭማቱ ሺቅያ ዱቡሻን እ አስናይ ቦንቼቴዳ አሳ።
\p
\v 24 ሊኑዋፐ ማዩዋነ ሳቂያ ኦ ኦደ፥ ዛልአንቻቶ ዛልአዉ።
\p
\v 25 እዛ ምኖነ ቦንቾ አሳ፤ ይያ ላይቶ እዛ ኡባካ ህርጉኩ። 
\v 26 አዳ ኤራን አ ሃሳያዉ፤ አማንያ ዞሪ እ እንጻርሳፐ ከሴ። 
\v 27 አ ባረ ሶ አሳ ደኡዋ እንጀያናዉ ኡባ ገደ ኦሱዋ ኦደ ደአዉ፤ አዛላ ሀኑ እ ቦላን ቤት ኤረና።
\p
\v 28 እዝ ናናቱ ደንድ ኤቂደ፥ እዞ ናሺኖ፤ እዝ አስናይካ እዞ ጋላቲደ፥ 
\v 29 “ሎኦባ ኦዳ ዳሮ ማጫ አሳቱ ደኢኖ፤ ሽን ኔን ኡንቱንቱ ኡባፐ አሳ” ያጌ።
\p
\v 30 ማላ ሎኦተይ አላለ ከሰና፤ ፑልካ ያና፤ ሽን መና ጎዳዉ ያይያ ምሽራታ፥ እዛ ጋላተታናዉ በሳዉ። 
\v 31 አ ኦዳባዉ ኡባዉ እዉ እዝ ኩሽያ ዛርተ፤ እዛ ኦዳ ኦሱ ኡባይ ዳባባን እዞ ጋላትሶ።