\id PHM - Dawuro Full Bible Ethiopic Version
\ide UTF-8
\h ፕልሞና
\toc1 ጳዉሎስ ፕልሞናዉ ጻፌዳ ኪታ
\toc2 ፕልሞና
\toc3 ፕል.
\mt2 ጳዉሎስ
\mt1 ፕልሞናዉ
\mt2 ጻፌዳ ኪታ
\imt ገሉዋ
\ip ፕልሞን ኤረቴዳ አማንያ አሳ፤ እ ቆላስያሳ ዎሳ ጎልያ አሳ ግደናን ዋዪ አጋና። ፕልሞናዉ አናስሞሳ ግያ አይሊ ደኤ። ሄ አይሊ ባረ ጎዳፐ በቲደ ቤዳ ዎደ፥ ቃሾ ጎለን ደእያ ጳዉሎሳና ጋከቴዳ። አናስሞስ ጳዉሎሳ ባጋና የሱሳ አማኔዳ። ጳዉሎስ ፕልሞናዉ ጻፌዳ ኪታይ ፕልሞን ጉየ ስም ቢደ ደእያ ባረ ቆማና ስገታናዳን፥ ሄዋ ሀሳይስያዋ። ሄዋ ቦላካ ሀእ አናስሞስ አማንያ አሳ ግዴዳ ድራዉ፥ ሀዋፐ ስንዉ አማንያ እሻዳን አ ሞክ አካናፐ አትን፥ ቆማዳን አ ጼለናዳን አዉ ኦዴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1-3\ior*
\io1 ፕልሞናዉ ጳዉሎሳ ጋላታ \ior 4-7\ior*
\io1 ጳዉሎስ አናስሞሳ ድራዉ ሺሼዳ ምኖ ኦሻ \ior 8-22\ior*
\io1 ዉርሰ ቁትያ \ior 23-25 \ior*
\c 1
\p
\v 1 ታን ጳዉሎስ፥ የሱስ ክርስቶሳ ድራዉ ቃሹዋን ደእያዌነ ኑ እሻ ጽሞቶስ፥ ኑናና ኦያ ኑን ሲቅያ ፕልሞናዉ፥ 
\v 2 ነ ጎለን ሺቅያ አማንያዋንቶ፥ ኑ ምቻት አፍብስነ ኑናና እትፐ ደእያ ክርስቶሳ ዎታዳራ አርክፖሳዉ ሀ ዳብዳቢያ ጻፌቶ።\x - \xo 2 \xo*\xt ቆል. 4:17\xt*\x*
\p
\v 3 ጾሳ ኑ አዉዋፐነ ኑ ጎዳ የሱስ ክርስቶሳፐ አ ኬካተይነ ሳሮተይ ህንተንቶ ግዶ።
\s1 ፕልሞና ሲቁዋነ አማኑዋ
\p
\v 4-5 ኔን ጾሳ አሳቱዋ ሲቅያዋነ ጎዳ የሱሳ አማንያዋ ታን ስስያ ድራዉ፥ ጾሳ ዎሳደ ኔና ሀሳይያ ዎደ ኡባን፥ ታ ጾሳ ጋላታይ። 
\v 6 ኔን ነ አማኑዋ ሀራቱዋና ሻክያዌ ኑዉ ክርስቶስ የሱሳ ባጋና ይያ ሎኦባ ኡባ ኤርሳና ማላ፥ ታን ጾሳ ዎሳይ። 
\v 7 አያዉ ጎፐ፥ ጾሳ አሳቱዋ ዎዛናይ ነ ኪታን ምኔዳ ድራዉ፥ ታ እሻዉ፥ ታን ነ ሲቁዋን ዳሮ ናሸቻነ መንዋ ደማድ።
\s1 አናስሞስ ፕልሞናኮ ስሜዳ ስሙዋ
\p
\v 8 ሄዋ ድራዉ፥ ኔን ኦናዉ በስያዋ ኦና ማላ፥ ታን ኔና አዛዛናዉ ክርስቶሳ ባጋና ጻሎፐካ፥ 
\v 9 ታን ጳዉሎስ ጭሜዳዌ፥ ክርስቶስ የሱሳዉ ሀእካ ቃሹዋን ደእያዌ፥ ሲቁዋ ድራዉ፥ ኔና ዎሳይ። 
\v 10 ታን ቃሹዋን ደኣደ አዉ አዉዋ ግዴዳ ታ ናኣ አናስሞሳ\f + \fr 10 \fr*\fq አናስሞሳ፦ \fq*\ft ግያ ሱን ብለይ፥ ግሪክያ ቃላን ጎእያዋ ዎይ ማድያዋ ጉሳ።\ft*\f* ድራዉ፥ ኔና ዎሳይ።\x - \xo 10 \xo*\xt ቆል. 4:9\xt*\x* 
\v 11 እ ካሰ ኔና ጎኤና፤ ሽን ሀእ ኔናካ ታናካ ቱሙ ጎኤ።
\p
\v 12-13 ታን ዎዛናፐ ዶስያ አናስሞሳ ኔኮ የዶዌ ታ ዎዛና የዶዋ። ታን ዎንጋላ ድራዉ ቃሸታ ኡታ ደእሽን፥ ኔና ኮቺደ፥ ታና ማዳና ማላ፥ ታ ማታን አ አሻናዉ ኮያይ። 
\v 14 ሽን ኔን ነ ሸንያዳን ኦናዋ ኮያይፐ አትን፥ ኔናና ዞረተናን ዎልቃን አይነ ኦናዉ ኮይከ።
\p
\v 15 አናስሞስ ጉ ዎድያ ኔፐ ሻከቴዳዌ፥ ኦን ኤር ስሚደ፥ ኡባ ዎደካ ኔናና ደአናሰንቶነ። 
\v 16 ስም ሀዋፐ ስንዉ አናስሞስ አይልያ ግደና፤ ሽን አይልያፐ እ ሎይ አ፤ እ ታዉ አይ ኬና ሲቆ እሼ! ቃይ እ ነዉ አሳ ባጋናካ ጎዳ ባጋናካ አይ ኬና አዳ እሻ ግዳንዴሻ!
\p
\v 17 ስም ኔን ታና ነ ላገ ግያዋ ግዶፐ፥ ታና ሞክያዋዳን፥ አ ሞካ። 
\v 18 እ ነዉ ባይዜዳባይ ዎይ አ ቦላ ነዉ አጩ ደኦፐ፥ ታፐ ጭጋ አካ። 
\v 19 ሄ አጩዋ ታን ጭጋና ጋደ፥ ታን ጳዉሎስ ታ ኩሽያን ጻፋይ። ኔን ታዉ ነ ሸምፑዋ አጮታ ኡቴዳዋ ታን ኔና ሀሳይሳናዉ ኮሸና።
\p
\v 20 ኤ፥ ታ እሻዉ፥ ጎዳ ባጋና ኔፐ ማዱዋ ደማናዉ ኮያይ። ክርስቶሳ ባጋና ታና መን። 
\v 21 ታን ጌዳዋፐ ዳሩዋ ኔን ኦናዋ ኤራደ፥ ቃይ ነ ታዉ አዛዘታናዋካ አማናደ፥ ሀዋ ነዉ ጻፋይ።
\p
\v 22 ቃይ ህንተንቱ ኤለካ ታዉ እማይ ሸምፕያ ጎልያ ጊግስተ። አያዉ ጎፐ፥ ጾሳይ ህንተንቱ ዎሳን ታና ህንተንቶ ጉየ ዛሪደ እማና ጋደ ቆፓይ።
\s1 ዉርሰ ሳሮታ
\p
\v 23 ክርስቶስ የሱሳ ድራዉ፥ ታናና ቃሹዋን ደእያ ኤፓፍር ኔና ሳሮ ሳሮ ጌ። 
\v 24 ቃይ ታናና እትፐ ኦያ ማርቆስ፥ አርስጽሮኮስ፥ ዴማስነ ሉቃስ ኔና ሳሮ ሳሮ ጊኖ።
\p
\v 25 ጎዳ የሱስ ክርስቶሳ አ ኬካተይ ህንተንቱ አያናና ግዶ።