\id OBA - Dawuro Full Bible Ethiopic Version
\ide UTF-8
\h አብድዩ
\toc1 አብድዩ ትምቢትያ
\toc2 አብድዩ
\toc3 አብድ.
\mt1 አብድዩ ትምቢትያ
\imt ገሉዋ
\ip አብድዩ ግያ ሱን ብለይ፥ “ጾሳ ቆማ” ግያዋ። ሀ ቃን ማጻፋይ የሩሳላመ ኦላ ጋሱዋን ላለታናፐ ካሰ፥ ዳሪ ኤረተና ዎድያን ጻፈቴዳ። ሄ ዎደ ገድሳዉ ባቂያ አዋይ ዉልያ ባጋ ባጋን ደእያነ ይሁዳና አዱሳ ዎድያ ሞርከቲደ ደኤዳ ኤዶም የሩሳላመ ላለን ናሸቲደ፥ አ ቦላን ኦላዉ ከሴዳ ሞርከቱዋ ማዲድነ ካታማ ዱረታካ ቦንቂደ ደኤ። አብድዩ፥ ኤዶም እስራኤልያ ሞርከቱዋ ሀራቱዋካ ጾነታናዉነ ኢታ ሙሩዋ አካናዉ ደእያዋ ኦዴዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ኤዶማ ኦቶሩዋነ ሙሩዋ \ior 1-9\ior*
\io1 2. ኤዶማ ጻላተ \ior 10-14 \ior*
\io1 3. እስራኤልያ ጾኑዋ \ior 15-21\ior*
\c 1
\s1 ኤዶማ ኦቶሩዋነ ሙሩዋ
\r (1-9)
\p
\v 1 ኡባ ሞድያ መና ጎዳይ ኤዶማ አሳባ አብድዩስ ቆንጭሴዳ ሳጻይ ሀዋ።\x - \xo 1-14 \xo*\xt ኢሳ. 34:5-17፤ 63:1-6፤ ኤር. 49:7-22፤ ህዝ. 25:12-14፤ 35:1-15፤ አሞጻ 1:11-12፤ ሚልክ. 1:2-5\xt*\x*
\p ኤዶማባ መና ጎዳይ ሀዋዳን ያጊደ፥ ባረ ኪትያ ኡራ ቦላን ካዉተቱዋኮ ኪቴዳዋ ኑን ስሴዶ፤ “ደንድተ! ኤዶማ ቢታ ኦሌቶ” ያጊደ ኪቴዳ። 
\v 2 መና ጎዳይ ኤዶማ ሀዋዳን ያጌ፤ “በአ፥ ካዉተቱዋ ግዶን ታን ኔና ላፋ ከሳና፤ ኔን ሎይ ካታና። 
\v 3 ኔኖ፥ ምኖ ዛላን ጌሱ ኬጸቴዳ ካታማ ግዶን ደእያዎ፥ ነ ጎልያ ቃ ደረቱዋ ቦላን ኬጼዳዎ፥ ቃይ ነ ዎዛናን፥ ‘ታና ሀዋፐ ዱገ ኦን ዎ?’ ያግያዎ፥ ኔና ነ ዎዛና ኦቶሩ ጭሜዳ። 
\v 4 ኔን አርጋን ጎልያዳን፥ ነ ጎልያ ቃሳን ኬጾፐካ፥ ነ ደኢያሳ ጾልንተቱዋ ግዶን ኦፐካ፥ ታን ኔና ሄዋፐ ዱገ ዎና” ያጌ መና ጎዳይ።
\p
\v 5 “ካይሳቱ ዎይ ቦንቂያዋንቱ ቃማ ዮፐ፥ ባረንቶ ኮሽያዋ ኬሻ ጻላላ ዉኢኖ፤ ዎይንያ ቴራ ማጽያዋንቱካ ማጺደ፥ ቃርምያ አሺኖ፤ ሽን ኔኮ ይያ ባይዛንቻቱ ኔና ኡባና ይሳና። 
\v 6 ህንተን ኤዶማ አሳቶ ኤሳ ዘረቶ፥ ዋን ቦንቀታንድቴሻ! ቆሱዋን ደእያ ህንተንቱ አቁካ ዋን ቆጭረታንዴሻ! 
\v 7 ኔናና ጫቁዋን ደእያዋንቱ ኡባይ ኔና ነ ቢታፐ ጋጻ የደርሳና፤ ቃይ ነ ላገቱካ ጭሚደ ኔና ጾናና። ኔናና ምያዋንቱካ ነዉ ጲርያ ጲራና፤ ሽን ኔን ሄዋ አኬካካ” ያጌ።
\p
\v 8 መና ጎዳይ ቃይካ ሀዋዳን ያጌ፤ “ኤዶምያሰ ሙረትያ ሄ ጋላስ ታን ኤዶማፐ አዳ ኤራንቻቱዋነ ኤሳ ደርያፐካ ኤራ ይሳና። 
\v 9 ህንተኖ፥ ተማና አሳቶ፥ ህንተ ኦላንቻቱ ዳጋማና፤ ኤሳ አሳ ቦላ ደእያ አሳይ ኡባይካ ሹከታና።
\s1 ኤዶማ ጻላተ
\r (10-14)
\p
\v 10 “ያቆባ ዛረ ግድያ ነ እሻቱዋ ኔን ዎዳነ ቦንቄዳ ድራዉ፥ ኔን ዬላ ማያና፤ ኔን መናዉ ያና። 
\v 11 ሞርከቱ ዪደ ኡንቱንቱ አቁዋ ቦንቂያ ዎደ፥ ሄ ጋላስ ኔን ጋጻ ሺቃደ ኤቃ ጼላዳ። ቃይ ፐንግያና ገሊደ፥ የሩሳላመ ካታማ ሳማ የጊደ ሻኬዳ አላጋቱዋፐ ኔን እቱዋ ማላታሳ። 
\v 12 ኔን ነ እሻይ መቶትያ ጋላስ አ መቱዋን ናሸታናዉ በሰና፤ ቃይ ይሁዳ ጋድያን ደእያ ነ እሻቱዋ ቦላ ባሻይ ጋክያ ጋላስ ሀሹ ጋናዉ በሰና። ኤ፥ ኡንቱንቱ ኡንኣ ጋላስ ኡንቱንቱ ቦላ ሚጫናዉነ ኦቶረታናዉ በሰና! 
\v 13 ኡንቱንቱ ቱጋ ጋላስ ታ አሳይ ደእያ ካታማ ገላናዉነ ኡንቱንቱ ዋይያ ጋላስ ኔን ናሸታናዉ በሰና ሽን! ቃይ ኡንቱንቱ ባሻ ጋላስ ኔን ኡንቱንቱ ዱረታ ቦንቃናዉ በሰና፤ 
\v 14 ኡንቱንቱፐ ባቃትያዋንታ ዎናዉ ኔን ባላ ኦግያን ቆሰታ ኡታደ ናጋናዉነ አቴዳዋንታካ ኡንቱንቱ ኡንኣ ጋላስ ሞርከቶ አደ እማናዉ በሰና ሽን!
\s1 እስራኤልያ ጾኑዋ
\r (15-21)
\p
\v 15 “አይሁዳ ግደና አሳቱዋ ኡባ ቦላ መና ጎዳ ጋላሳይ ጋኬዳ። ኔኖ ኤዶማ፥ ኔን ሀራቱ ቦላ ኦዳዌ ነ ቦላ ኦሰታና፤ ነ ኮባይካ ነ ሁጲያን ስማና። 
\v 16 ታ ጌሻ ደርያ ቦላን ኡሼዳዋዳን፥ ሄዋዳንካ ኡንቱንቱ ዩሹዋን ካዉተቱ ዛር ዛሪደካ መቱዋ ጹኣ ኡሻና፤ ኡሺደ ኡንቱንቱ ኡባይካ ካሰ ሀን ኤረናዋ ሀናና።
\p
\v 17 “ሽን ጽዮነ ደርያን ባሻፐ ከስ አክያዋንቱ ደአና፤ ጽዮኒካ ጌሻ ግዳናዋ፤ ያቆባ ዛራቱካ ባረንቱ ቢታ ላታና። 
\v 18 ያቆባ ዘረይ ታማ ግዳና፤ ዮሴፎ ዛራቱካ ላጮ ግዳና፤ ኤሳ ዛራቱ ኡቱላ ግዳናዋንታ። ታማይ ኡቱላ ምያዋዳን፥ ያቆባ ዛራቱነ ዮሴፎ ዛራቱ ኤሳ ዛራቱዋ ሚደ ኡባናካ ይሳና” ያጌ መና ጎዳይ።
\p
\v 19 ይሁዳፐ ገድሳ ባጋን ደእያ አሳይ ኤሳ አሳ ላታና፤ ጋትያ ቢታን ደእያ አሳይ ፕልስጼማቱዋ ቢታ ላታና። ኡንቱንቱ ኤፍሬማ ቢታነ ሳማርያ ቢታ ላታና። ቃይ ቢንያማ ዛራቱካ ጋላኣደ ቢታ ላታና። 
\v 20 ኦሞደቲደ ደኤዳ እስራኤልያ አሳይ ስሚደ፥ ካናነ ቢታ ስራፍታ ግያ ካታማ ጋካናዉ ላታና፤ ቃይ የሩሳላመፐ ኦሞደቲደ፥ ሳፋራዳ ግያ ሳኣን ደእያ አሳቱ ይሁዳፐ ገድሳ ባጋን ደእያ ካታማቱዋ ላታናዋንታ። 
\v 21 አሽያ እስራኤልያ አሳቱ ኤሳ ቢታ ሞዳናዉ ጽዮነ ቢታ ቦላ ከሳና፤ ካዉተይካ መና ጎዳዋ ግዳናዋ።