\id NEH - Dawuro Full Bible Ethiopic Version
\ide UTF-8
\h ናህምያ
\toc1 ናህምያ ማጻፋ
\toc2 ናህምያ
\toc3 ናህ.
\mt1 ናህምያ ማጻፋ
\imt ገሉዋ
\ip “ናህምያ” ግያ ሱን ብለይ እብራዌዋን “ጾሳይ ምን” ግያዋ ግዶደ፥ ጾሳይ ባረ አሳ ባረ ህዶታ ቃላዳን ኦሞዱዋፐ ዛሪደ ምንያዋ በሴ። ናህምያ ማጻፋ ሄዙሳን ሻክ በአናዉ ዳንዳየቴ:
\ili 1. ይሁዳ ቢታ አይሳና ማላ፥ ፓርሰ ካቲ ኪቴዳ ናህሚ ካለና፥ የሩሳላመ ድርሳ ግምቢ ኦራጼዳዋ ኦድያ ታርክያ። ሄዋፐካ ቃይ ናህሚ አሳ እትፐተነ አማኑዋ ዎጋ ኦራስጽሴዳዋ።
\ili 2. ጾሳ ህግያ ማጻፋ እዝር ናባቤዳዋነ አሳይካ ባረ ናጋራ ፓጼዳዋ ኦድያ ግሹዋ።
\ili 3. ናህሚ ይሁዳ ጋድያ ሞድያዋ ግዲደ ኦዳ ሀራ ሀራባቱዋ ኦድያ ግሹዋ።
\ip ሀ ማጻፋን ዳሪደ ቤትያ ታርኪ ናህሚ ጾሳ ሎይ አማኔዳዋነ እ ጾሳ ዎሴዳ ዎሳቱዋባ ኦድያ ታርክያ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ናህሚ የሩሳላመ ስሙሳ \ior 1:1—2:20\ior*
\io1 የሩሳላመ ድርሳ አሳይ ዛረ ግምቤዳ \ior 3:1—7:73\ior*
\io1 ሙሴ ህጊ ዛረ ናባበቱሳነ ቃላ ጫቁዋ ኦራጽሱዋ \ior 8:1—10:39\ior*
\io1 ናህሚ የሩሳላመን ኦዳ ላምያ \ior 11:1—13:31\ior*
\c 1
\ms ናህሚ የሩሳላመ ስሙሳ
\mr (1:1—2:20)
\s1 ናህሚ የሩሳላመ ድራዉ ኡንኤት ዎሴዳ
\p
\v 1 ሀካልያ ናኣ ናህምያ ቃላይ ሀዋ። አርጸክስስ ፓርሰ ቢታን ካዉቶደፐ ላታማን ላይን፥ ክስሌዋ ጌተትያ አግናን፥ ታን ናህሚ ዋና ካታማ ግዴዳ ሱሳን ደአይ። 
\v 2 ታ እሻቱዋፐ እቱ፥ ሀናና ጎሳይ ሀራ አሳቱዋና እትፐ ግዲደ፥ ይሁዳፐ ታኮ ዬዳ፤ ታን ኦሞዱዋ ብቤናዋንቱባነ የሩሳላመባ ኡንቱንታ ኦቻድ። 
\v 3 ኡንቱንቱ ዛሪደ፥ “ኦሞዱዋን ብቤናዋንቱነ ደኡዋን ደእያዋንቱ ዎልቃማ መቱዋንነ ዬላ ግዶን ደኢኖ። የሩሳላመ ግምቢያ ድርሳይ ኮለቴዳ፤ ቃይ ግምቢያ ድርሳ ፐንገቱካ ታማን ጹገቴድኖ” ያጌድኖ።
\p
\v 4 ታን ሀዋ ኡባ ስሴዳ ዎደ ኡታደ ዬካድ። ዳሮ ጋላሳ ካዮታ ጾማደ፥ ሳሉዋ ጾሳ፥ ሀዋዳን ያጋደ ዎሳድ፤ 
\v 5 “መና ጎዳዉ፥ ሳሉዋ ጾሳዉ፥ ዎልቃማዉነ ቦንቼቴዳ ጾሳዉ፥ ዶስያዋንቶነ ነ አዛዙዋ ናግያዋንቶ ነ አገና ሲቁዋ ጫቁዋ ናግያ ጾሳዉ፥ 
\v 6 ታን ነ ቆማይ ቃይ ነ ቆማቱዋ ግዴዳ እስራኤልያ አሳ ድራዉ ቃማነ ጋላስ ኔና ዎስያ ዎሳ ነ ሀይይ ስሶ፤ ነ አይፊካ ዱገ ታኮ ጼሎ። ኑን እስራኤልያ አሳይ ኦዳ ናጋራ ኡባ ነዉ ፓጻይ፤ ቱሙካ ታንነ ታ ማይዛ አዎቱ ኔና ናቄዶ። 
\v 7 ኑን ነ ቦላን ሎይ ኢታ ናጋራ ኦዶ፤ ኔን ነ ቆማ ሙሴ ባጋና ኑ እሜዳ አዛዙዋ፥ ዎጋነ ህግያ ናግበይኮ። 
\v 8 ነ ቆማ ሙሴዉ ኔን ሀዋዳን ያጋደ ኦዴዳ ቃላ ሀያና ቆፓ፤ ‘ህንተኖ፥ እስራኤልያ አሳቶ፥ ህንተንቱ ታዉ አማነተናን እጾፐ፥ ታን ህንተንታ አይሁዳ ግደና ቢታቱዋን ላላና።\x - \xo 1:8 \xo*\xt ዎጋ 26:33\xt*\x* 
\v 9 ሽን ህንተንቱ ታኮ ስሚደ፥ ታ አዛዙዋ ናጎፐ፥ ህንተንቱ ሀራይ አቶ ሳኣ ጋጻ ጋካናዉ ላለትንቶካ፥ ታን ህንተንቱ ታዉ ጎይናና ማላ፥ ታን ታ ሱንዉ ዶሬዳ ሳአዉ ዛራደ ሺሻና’ ጌዳዋ ቆፓ።\x - \xo 1:9 \xo*\xt ዛረ. 30:1-5\xt*\x*
\p
\v 10 “ሀዋንቱ ኔን ነ ዎልቃማ ዎልቃንነ ነ ምኖ ቀስያን ዎዛ አኬዳ ነ ቆማቱዋነ ነ አሳቱዋ። 
\v 11 አቤት መታ ጎዳዉ፥ ታን ነ ቆማይ ዎስያ ዎሳነ ኔና ቦንቻናዉ ዶስያ፥ ነ ቆማቱዋ ዎሳ ነ ሀይይ ስሶ። ታን ነ ቆማይ ሀቼ ኦናዉ ኮዬዳባይ ታዉ ኡሸቻናዳን፥ ካትያ ዎዛና ሹግሳደ ታና ማዳ” ያጋድ።
\p ታን ሄ ዎደ ካትያዉ ኤሳ ትግያዋ።
\c 2
\s1 ናህሚነ አርጸክሲሰ የሩሳላመባ ሃሳዬድኖ
\p
\v 1 አርጸክስስ ካተቴዳ ላታማን ላይን፥ ኒሳና ግያ አግናን፥ እት ጋላስ ካትያ ስንን ዎይንያ ኤሳይ ደእያዋ አካደ፥ ታን አዉ እማድ። ሄ ጋላሳፐ አትና፥ ካሰ ኡባካ ካትያ ስንን ካዮታ ኤርከ። 
\v 2 ሄዋ ድራዉ፥ ካቲ ታና፥ “ኔና ሳክያባይ ባዋ፤ ሽን ሀዋ ኬሻ አያዉ ካዮታዲ? ሀዌ ነ ዎዛና ካዮዬዳባይ እት አየንቶ ደእያዋ በሰ” ያጌዳ።
\p ሄዋፐ ጉየ ታን ሎይ ያያ ዛራደ፥ 
\v 3 “ካቲ መናዉ ደኦ! ታ ማይዛ አዎቱ ሞገቴዳ ካታማይ ኮለቲደ ይና፥ ቃይ ሄ ካታማ ግምቢያ ድርሳ ፐንገቱካ ታማን ጹገትክችና፥ ታን አያዉ ካዮትክታ?” ያጋድ።\x - \xo 2:3 \xo*\xt 2 ካታ. 25:8-10፤ 2 ኦዱዋ 36:19፤ ኤር. 52:12-14\xt*\x*
\p
\v 4 ካቲካ ዛሪደ፥ “ያትና፥ ሀእ ታን ነዉ አያ ኦናዳን ኮያይ?” ያጌዳ።
\p ታን ሳሉዋ ጾሳ ዎሳ ስማደ፥ 
\v 5 ካትያ ሀዋዳን ያጋድ፤ “ካትያዉ፥ ታን ኔና ናሸችያዋ ግዶፐ፥ ቃይ ታ ኦችያዋ ኔን እማናዉ ዶሶፐ፥ ይሁዳ ቢታ፥ ታ ማይዛ አዎቱ ሞገቴዳ ካታማ ባደ፥ ሄ ካታማ ዛራደ ኬጻና ማላ፥ ታና የዳርኪ”።
\p
\v 6 ሄ ዎደ፥ ካታታ ካትያ አርጸክሲሳ ኤለካ ኡት ደእሽን፥ ካቲ፥ “ነ ብያ ኦጊ ዎይሳ ዎድያ አካናዌ? ቃይ ኔን አዉደ ስማኒ?” ያጊደ ታና ኦቼዳ። ታንካ ታ ስማና ዎድያ አዉ ኦዳድ፤ ካቲ ናሸቲደ፥ ታና የዴዳ።
\p
\v 7 ቃይካ ካትያ ታን ሀዋዳን ያጋድ፤ “ካትያዉ፥ ኔና ናሸችያዋ ግዶፐ፥ ታን ይሁዳ ጋካናዉ፥ ሄ ቢታና አደ ባና ማላ፥ ኤፍራጺሳ ሻፋፐ አዋይ ዉልያ ባጋ ቢታ ሞድያዋንቶ ዳብዳቢ ጻፈቶ። 
\v 8 ቃይ ጌሻ ጎልያ ግምቢያ ድርሳ ፐንግያ ጊግሳናዉ፥ ካታማ ግምቢያ ድርሳ ድራናዉነ ታን ደእያ ጎልያ ኬጻናዉ ታዉ ም እማና ማላ፥ ካትያ ዎራ ናግያ አሳፋዉካ ዳብዳቢ ጻፈቶ” ያጋድ። ጾሳ ሎኦ ኩሺ ታናና ደእያ ድራዉ፥ ካቲ ታን ኦቼዳዋ ኡባ እሜዳ።
\p
\v 9 ካቲ ታናና አማሬዳ ኦላ ጋዳዋቱዋነ ፓራ አሳቱዋ የዴዳ፤ ኡንቱንቱና እትፐ ኤፍራጺሳ ሻፋፐ አዋይ ዉልያ ባጋ ቢታ ባደ ጋካደ፥ ካቲ የዴዳ ዳብዳቢያ ሄ ጋድያ ሞድያዋንቶ እማድ። 
\v 10 ሽን ቤት-ሆሮና ጋደ አሳ ግዴዳ ሳንባላጽነ አሞና ጋድያ ካፑዋ ግዴዳ ጾቢ፥ “እስራኤልያ አሳዉ ሎኦባ ኦያ አሳይ ዬዳ” ግያዋ ስሴዳ ዎደ፥ ሎይ ሀንቀቴድኖ።
\s1 ናህሚ የሩሳላመ ግምቢያ ድርሳባ ጼሌዳ
\p
\v 11 ታን የሩሳላመ ያደ ሄዙ ጋላሳ ያን ጋምኣድ። 
\v 12 ግዶ ሽን፥ የሩሳላመዉ ታን ኦናዳን ታ ጾሳይ ታ ዎዛናን ዎዳ ቆፋ ኦነ ኦዳበይከ። ሄዋፐ ጉይያን፥ ታናና ደእያ አሳፐ አማሬዳዋንታ አካደ፥ ቃማን ደንዳደ ባድ። ሄ ዎደ ታን ቶጌዳዋፐ ሀራ ቶጋ መሂ ኑዉ ባዋ። 
\v 13 ታን ብላህያን ደንዳደ፥ ዛንጋራ ግምቢያ ድርሳ ፐንግያና ከሳደ፥ ዳዊያ ፑልቱዋ ጌተትያ ሳኣና አደ፥ ፕቱዋ ኦልያ ግምቢያ ድርሳ ፐንግያ ጌተትያ ፐንግያ ጋካናዉ ባድ። ሄዋን ኮለቴዳ የሩሳላመ ግምቢያ ድርሳነ ቃይ ታማን ጹገቴዳ ግምቢያ ድርሳ ፐንገቱዋ አኬካደ ጼላድ። 
\v 14 ሄዋፐ ስማደ፥ ፑልቱዋ ግምቢያ ድርሳ ፐንግያኮነ ዳጋቴዳ ካትያ ሃይ ደእያ ሳኣ ባድ። ግዶ ሽን፥ ታን ቶጌዳ ቶጋ መሂ አያ ኦግያ ደማበይከ። 
\v 15 ሄዋ ድራዉ፥ ቃማን ሃይ ጎግያ ካካ ግዱዋና አ ግምቢያ ጼላድ። ሄዋፐ ጉይያን፥ ጉየ ስማደ ዛንጋራ ፐንግያና ካታማ ገላድ።
\p
\v 16 ሄዋን ደእያ ካፓቱዋፐ ኦንነ ታን ሀቃ ባድታንቶ፥ ዎይ ቃይ አያ ኦድታንቶነ ኤርቤና። አያዉ ጎፐ፥ ታን አይሁዳቶ፥ ቄሳቶ፥ ቦንቼቴዳ አሳቶ፥ ካፓቶነ ኪታ ኪተታናዉ ደእያ አሳፐ ኦነ ታ ቆፋ ብሮ ኦዳበይከ። 
\v 17 ሄዋፐ ጉይያን፥ ታን ኡንቱንቶ ሀዋዳን ያጋድ፤ “ኑን አይ ማላ መቱዋ ግዱዋን ደእንቶ በኢታ፤ አያዉ ጎፐ፥ የሩሳላመ ካታማይ ኮለቴዳ፤ ቃይ ግምቢያ ድርሳ ፐንገቱካ ታማን ጹገቴድኖ። ሽን ሀዋፐ ስንዉ ኑን ሀዋዳን ካዉሺደ ደኤናዳን፥ አነ ደንዲደ፥ የሩሳላመ ግምቢያ ድርሳ ዛረደ ግምቦይተ” ያጋድ። 
\v 18 ቃይ ታ ጾሳ ሎኦ ኩሺ ታናና ደእያዋነ ካቲ ታዉ ኦዴዳዋ ኡባ ኡንቱንቶ ኦዳድ።
\p ኡንቱንቱካ፥ “አነ ደንዶይተነ ዛረደ ግምቦይተ” ያጌድኖ። ባረንቱ ኩሽያ ሎኦ ኦሶ ምንሴድኖ።
\p
\v 19 ሽን ቤት-ሆሮና ጋድያ አሳ ግዴዳ ሳንባላጽ፥ አሞና ጋድያ ኦሳንቻ ግዴዳ ጾቢነ አራባ ጋድያ አሳ ግዴዳ ጌሼም ሀዋ ስሴዳ ዎደ፥ ኑ ቦላን ቅሊጪደ ሚጬድኖ። ቃይ፥ “ሀዌ ህንተንቱ ኦያባይ አዬ? ዎይ ቃይ ካትያ ቦላን ማካላናዉ ኮዪቴ?” ያጊደ ኦቼድኖ።
\p
\v 20 ታን ዛራደ፥ “ሳሉዋ ጾሳይ ኑዉ እንጀያና፤ ኑን አ ቆማቱ ግምቢያ ዶማና። ሽን የሩሳላመን ደእያባፐ ህንተንታ ጋክያ ግሹዋ ግድና፥ ማታ ግድና፥ ዎይ ህንተንቱ ዶገተናዳን ቆፍስያባይ ህንተንቶ ባዋ” ያጋድ።
\c 3
\s1 የሩሳላመ ድርሳ አሳይ ዛረ ግምቤዳ
\r (3:1—7:73)
\p
\v 1 ሄዋፐ ጉይያን፥ ቄሰ ኡባቱዋ ካፑ ኤልያሽብነ ሀራ ቄሳቱ ዶርሳ ፐንግያ ግምቢያ ድርሳ ዛረ ግምቢደ፥ ጾሳዉ ዱማዬድኖ፤ ሳንቃካ አድኖ። ኡንቱንቱ ጼቱ አዱሳ ማማነ ሀናንኤላ አዱሳ ማማ ጋካናዉ ግምቤዳ ግምቢያ ጾሳዉ ዱማዬድኖ።
\p
\v 2 ኡንቱንቱ ጋጻን ደእያ ሳኣ እያርኮ አሳይ ግምቤዳ።
\p ኡንቱንቱ ጋጻን ደእያ ሳኣ እምራ ናአይ ዛኩር ግምቤዳ።
\p
\v 3 ሀስናአ ናናይ ሞልያ ፐንግያ ግምቢያ ድርሳ ግምቤድኖ። ኡንቱንቱ ፐንገ ም ኤሲደ፥ ሳንቃካ አድኖ፤ ቃይ ሳንቃዉ ጎርድያ ምነ ም ገልስያ ኩልቡዋ ጊግሴድኖ።
\p
\v 4 ኡንቱንቱ ጋጻን ደእያ ሳኣ ሀቆጻ ናኣ ግዴዳ ኦርዮና ናአይ ማረሞት ግምቤዳ።
\p አ ጋጻን ደእያ ሳኣ ማሸዛቤላ ናኣ በረክያ ናአይ ማሹላም ግምቤዳ።
\p አ ጋጻን ደእያ ሳኣ ባኣና ናአይ ጻዶቀ ግምቤዳ።
\p
\v 5 አ ጋጻን ደእያ ሳኣ ታቆአ ካታማ አሳቱ ግምቤድኖ፤ ግዶ ሽን፥ ሄ ካታማ ካፓቱ ባረንቶ እመቴዳ ኪታ እጼድኖ።
\p
\v 6 ፓሴሀ ናአይ ዮዳሄነ ባሶድያ ናአይ ማሹላም ኤጫ ፐንግያ ግምቢያ ድርሳ ግምቤድኖ። ኡንቱንቱ ፐንገ ም ኤሲደ፥ ሳንቃካ አድኖ፤ ቃይ ሳንቃዉ ጎርድያ ምነ ም ገልስያ ኩልቡዋ ጊግሴድኖ።
\p
\v 7 ኡንቱንቱ ጋጻን ደእያ ሳኣ ጋባኦና ካታማ አሳ ግድያ ማላጼነ መሮኖታ ካታማ አሳ ግዴዳ ያዶን ግምቤድኖ። ቃይ ጋባኦናነ ምጽጳ ካታማቱዋ አሳቱካ ኡንቱንቱና እትፐ ግዲደ፥ ኤፍራጺሳ ሻፋፐ አዋይ ዉልያ ባጋ ቢታ ሞድያዌ ደእያ ጎልያ ጋካናዉ ደእያ ሳኣ ግምቤድኖ።
\p
\v 8 ዎርቃ ትግያ ሀርሃያ ናአይ ኡዝኤል ኡንቱንቱ ጋጻን ደእያ ሳኣ ግምቤዳ። ቃይ አ ጋጻን ደእያ ሳኣ ሽቱዋ መያ ሀናኒ ግምቤዳ። ኡንቱንቱ ላኡ እትፐ አኮ ግምቢያ ጌተትያ ሳኣ ጋካናዉ፥ የሩሳላመ ግምቢያ ግምቤድኖ።
\p
\v 9 ኡንቱንቱ ጋጻን ደእያ ሳኣ ሁራ ናአይ፥ የሩሳላመ ዎራዳ ሻኩዋ ሞድያ ራፋይ ግምቤዳ።
\p
\v 10 ሀሩማፋ ናአይ ያዳይ ባረ ጎልያፐ ስን ባጋና ደእያ ሳኣ ግምቤዳ።
\p አ ጋጻን ደእያ ሳኣ ሀሻባንያ ናአይ ሀጹኡሽ ግምቤዳ።
\p
\v 11 ሀሪማ ናአይ ማልኬነ ፓሀት-ሞኣባ ናአይ ሀሹብ አ ጋጻን ደእያ ሳኣነ እቶነ አዱሳ ግምቢያ ግምቤድኖ።
\p
\v 12 ኡንቱንቱ ጋጻን ደእያ ሳኣ ሀሎሄሻ ናአይ፥ የሩሳላመ ዎራዳ ላኤን ሻኩዋ ሞድያ ሻሉምነ አ ማጫ ናናይ ግምቤድኖ።
\p
\v 13 ሀኑንነ ዛኖሀ ካታማን ደእያ አሳቱ እትፐ ዛንጋራ ፐንግያ ግምቢያ ድርሳ ግምቤድኖ። ኡንቱንቱ ፐንግያን ሳንቃ አደ፥ ሳንቃዉ ጎርድያ ምነ ም ገልስያ ኩልቡዋ ጊግሴድኖ። ቃይ ፕቱዋ ኦልያ ፐንግያ ግምቢያ ድርሳ ጋካናዉ፥ ሻአ ዋ አዱሳ ግምቢያ ጉጂደ ግምቤድኖ።
\p
\v 14 ረካባ ናአይ፥ ቤት-ሀካሬማ ዎራዳ ሞድያ ማልኪ ፕቱዋ ኦልያ ፐንግያ ግምቢያ ድርሳ ግምቤዳ። ፐንግያን ሳንቃ አደ፥ ሳንቃዉ ጎርድያ ምነ ም ገልስያ ኩልቡዋ ጊግሴዳ።
\p
\v 15 ኮልሆዛ ናአይ፥ ምጽጳ ዎራዳ ሞድያ ሻሉም ፑልቱዋ ፐንግያ ግምቢያ ድርሳ ዛረደ ግምቤዳ። እ ፐንግያዉ ጼራ ጊግሴዳዋፐ ጉይያን፥ ሳንቃ አዳ፤ ሳንቃዉ ጎርድያ ምነ ም ገልስያ ኩልቡዋ ጊግሴዳ። ሄዋ ቦላካ ቃይ፥ ሸላሀ ጌተትያ ዳጋቴዳ ሃይ ደእያ ባጋና ካትያ አታክልትያ ሳኣፐ ዶሚደ፥ ዳዊታ ካታማፐ ዬዳ አታክልትያ ጋካናዉ ደእያ ግምቢያ ግምቤዳ።
\p
\v 16 ሄዋፐ ካልያዋ አዝቡቃ ናአይ፥ ቤትጹራ ዎራዳ ሻኩዋ ሞድያ ናህሚ ግምቤዳ፤ እ ዳዊታ ዱፉዋፐ ስን ባጋና ደእያ ሳኣ ጋካናዉ፥ ዳጋቴዳ ሃይ ደእያ ሳኣ ጋካናዉነ ዎልቃማቱዋ ጎልያ ጋካናዉ ደእያ ሳኣ ግምቤዳ።
\s1 ሌዋቱ ግምቢያ ድርሳ ድሬድኖ
\p
\v 17 ሄዋፐ ካልያዋ ባና ናኣ ረሁማ አዎተ ግዶን ደእያ፥ ሌዋቱ ግምቤድኖ።
\p ኡንቱንቱ ጋጻን ደእያ ሳኣ ቃኢላ ዎራዳ ሻኩዋ ሞድያ ሀሻቢ ባረ ዎራዳ ሱንን ግምቤዳ።
\p
\v 18 አፐ ካልያዋ ሄናዳዳ ናአይ፥ ቃኢላ ዎራዳ ላኤን ሻኩዋ ሞድያ ባዋይነ አ እሻቱ ግምቤድኖ።
\p
\v 19 ኡንቱንቱ ጋጻን ደእያ ሳኣ ኢያሱ ናአይ፥ ምጽጳ ዎራዳ ሞድያ ኤጼር ግምቤዳ፤ እ ኦላ ሚሻ ዎያ ጎልያፐ ስን ባጋና ደእያ ሳኣ ጋካናዉነ ግምቢያዉ ዞዝያ ጋካናዉ ደእያ ሳኣ ግምቤዳ።
\p
\v 20 አፐ ካልያዋ ዛባያ ናአይ ባሩክ ግምቢያ ጋጻፐ ዶም፥ ቢደ ቄስያ ኡባቱዋ ካፑዋ ኤልያሽባ ጎልያ ፐንግያ ጋካናዉ፥ ምኖተን ግምቤዳ።
\p
\v 21 አፐ ካልያዋ ሀቆጻ ናኣ ግዴዳ ኦርዮና ናአይ ማረሞት ኤልያሽባ ጎልያ ፐንግያፐ ዶም፥ ቢደ ጎልያ ዉርሰ ጋካናዉ ግምቤዳ።
\s1 ቄሳቱ ግምቢያ ድርሳ ድሬድኖ
\p
\v 22 አፐ ካልያ ሄራ ጋድያን ደእያ ቄሳቱ ግምቤድኖ።
\p
\v 23 ኡንቱንቱፐ ካልያዋ ቢንያመነ ሀሹብ ባረንቱ ጎልያ ስንን ደእያ ሳኣ ግምቤድኖ።
\p ኡንቱንቱፐ ካልያዋ አናንያ ናኣ ግዴዳ ማእሴያ ናአይ አዛረ ባረ ጎልያ ምይያን ደእያ ሳኣ ግምቤዳ።
\p
\v 24 አፐ ካልያዋ አዛርያ ጎልያፐ ዶም፥ ቢደ ግምቢ ዙቀት ስሞ ሳኣ ጋካናዉ ደእያ ሳኣ ሄናዳዳ ናአይ ቢኑይ ግምቤዳ።
\p
\v 25 ኡዛያ ናአይ ፓላል ግምቢያ ዙቀት ስሞ ሳፐ ዶም፥ ቢደ ናግያዋንቱ ዎችያ ማማፐ ቆሞ ባጋና ኦይቀት ኬጸቴዳ ካትያ ጎልያ ቃ ግምቢያ ስን ጋካናዉ ደእያ ሳኣ ግምቤዳ።
\p አፐ ካልያዋ ፓርኦሻ ናአይ ፓዳይነ 
\v 26 ጌሻ ጎልያ ቆማቱ፥ ኦፌላን ደእያዋንቱ ግምቤድኖ፤ ኡንቱንቱ ሃ ፐንግያ ግምቢያ ድርሳ ስንና አዋይ ዶልያ ባጋና ደእያ ሳኣነ ማማ ግምቢያ ጋካናዉ ደእያ ሳኣ ግምቤድኖ።
\s1 ግምቢያ ድርሳ ድሬዳ ሀራ አሳቱዋ
\p
\v 27 ኡንቱንቱፐ ካልያዋ ታቆአ ካታማ አሳይ ግምቢያፐ ስንን ሀራ ባጋና ደኢያሳፐ ቢደ፥ ኦፌላ ግምቢያ ድርሳፐ ሃክ ደእያ ዎልቃማ ማማ ግምቢያ ጋካናዉ ደእያ ሳኣ ግምቤድኖ።
\p
\v 28 እት እት ቄሳቱ ካ ፓራ ፐንግያ ግምቢያ ድርሳፐ ቆሞና ደእያ ባረንቱ ጎልያ ስንና፥ ሁጲሳ ባጋና ደእያ ሳኣ ግምቤድኖ።
\p
\v 29 ኡንቱንቱፐ ካልያዋ እሜራ ናአይ ጻዶቀ ባረ ጎልያ ስንን ደእያ ሳኣ ግምቤዳ።
\p አፐ ካልያዋ አዋይ ዶልያ ፐንግያ ናግያ ሻካንያ ናአይ ሻማኤ ግምቤዳ።
\p
\v 30 አፐ ካልያዋ ሸሌምያ ናአይ ሀናኒነ ጻላፋዉ ኡሱፑን ናኣ ግዴዳ ሀኑን ግምቤድኖ።
\p ኡንቱንቱፐ ካልያዋ በረክያ ናአይ ማሹላም ባረ ደእያ ክፍለቱዋ ስንን ደእያ ሳኣ ግምቤዳ።
\p
\v 31 አፐ ካልያዋ ጾሞስያ ግምቢያ ድርሳ ፐንግያ ስንን ደእያ ጌሻ ጎልያ ቆማቱነ ዛልአንቻቱ ጎልያ ጋካናዉ ደእያ ሳኣ ዎርቃ ትግያ ማልክ ግምቤዳ። ቃይካ እ ግምቢያ ጋጻን ቦላ ባጋና ደእያ ክፍልያ ጋካናዉ ደእያ ሳኣካ ግምቤዳ።
\p
\v 32 ዎርቃ ትግያዋንቱነ ዛልአንቻቱ ሄ ክፍልያፐ ዶሚደ፥ ዶርሳ ፐንግያ ግምቢያ ድርሳ ጋካናዉ ደእያ ሳኣ ግምቤድኖ።
\c 4
\s1 ግምቢ ሽረት ግምበተናዳን ድጋናዉ ደንዴዳ ቆፋ
\p
\v 1 ኑን ግምቢያ ድርሳ ኪታ ዶሜዳዋ ሳንባላጽ ስሴዳ ዎደ ሀንቁዋ ኤጽ ከሴዳ፤ ቃይ ሎይ ይሎቲደ፥ ኑና ቅሊጬዳ። 
\v 2 ባረ ላገቱዋነ ሳማርያ ኦላንቻቱ ስንን እ ሀዋዳን ያጌዳ፤ “ሀዋንቱ፥ ሀ ፓና አይሁዳቱ አያ ኦኖ? ካታማ ዛረደ ግምባናዉ ኮዪኖየ? ያርሹዋካ ያርሻናዉ ኮዪኖ? ኦሱዋ እት ጋላስ ዉርሳናዋ ኡንቱንቶ ማላቲየ? ግምቢያዉ ሹቻ ዛር ደኡዋን ዎናዉ ዳንዳየት?”
\p
\v 3 አ ምይያን ኤቄዳ አሞና ጋድያ አሳ ግዴዳ ጾቢካ ቃይ ሀዋዳን ያጌዳ፤ “ኡንቱንቱ ቃይ አያነ ግምቢያ ግምባናዉ ዳንዳዪዬ? ኡንቱንቱ ግምቢያ ድርሳ ግምቢያ ቦላን ዎራካናይ ከስንቶነ ኩንድ አጋና”።
\p
\v 4 ሄዋፐ ጉይያን፥ ታን ሀዋዳን ያጋደ ዎሳድ፤ “ኑ ጾሳዉ፥ ኡንቱንቱ ኑና ዎት ዎት ቅሊጭንቶ ሀዋ ስሳ! ኡንቱንቱ ኑና ሸቂያ ሸቃይ ኡንቱንቱ ሁጲያን ስሞ። ባረንቶ ደእያ አቁዋ ቦንቀት ክቺደ፥ አላጋ ጋድያን ኦሞደቴዳ አሳ ግድኖ። 
\v 5 ኡንቱንቱ ናቁዋ ገንፓ፤ ኡንቱንቱ ናጋራካ ነ ስንፐ ሙለ ቁጮፓ። አያዉ ጎፐ፥ ግምቢያ ግምቢያዋንታ ኑና ሸቃን ካዉሼድኖ”።
\p
\v 6 ኑን ግምቢያ ድርሳ ኦሱዋ አገናን ኦዳ። ቃይ አሳይካ ኦሱዋ ምኖተን ኦያ ድራዉ፥ ግምቢያ ድርሳ ቃተይ ኤለካ ባካ ኬሻ ግድ አጌዳ።
\p
\v 7 ሳንባላጽ፥ ጾቢ፥ አራባ ጋድያ አሳይ፥ አሞና ጋድያ አሳይነ አሽዶዳ ካታማ አሳይ የሩሳላመ ግምቢያ ድርሳ ኪታይ ሎኦ ሀኖተን ኦሰቲደ ደእያዋነ ኮለቴዳ ሳአቱካ ባረቴዳ ዎደ ሎይ ሀንቀቴድኖ። 
\v 8 ሄዋፐ ደንዴዳዋን እትፐ የሩሳላመ ዪደ ኑና ኦላናዉነ ሻቢርሳናዉ ማቀቴድኖ። 
\v 9 ሽን ኑን ኑ ጾሳኮ ዎሴዶ፤ ኡንቱቱፐ ደንዴዳዋን ቃማነ ጋላስ ናግያ ናጋንቻቱዋካ ዎዶ።
\p
\v 10 ሄ ዎድያን ይሁዳ አሳይ ሀዋዳን ያጌድኖ፤ “ቶኩዋ ቶክያዌ ካሰዋፐ ኑና ላባን፤ ቃይ ደንናዉ ኮሽያ ግምቢያፐ ኮለቴዳ ዳሮ ሹቻይካ ብሮ ደኤ። ያትና፥ ኑን ሀቼ ሀ ግምቢያ ዋቲደ ግምባናዉ ዳንዳዬቶ?”
\p
\v 11 ኑ ሞርከቱ፥ “ኑን ቢደ ኡንቱንቱ ግዶ ጋካናዉ፥ ኡንቱንቱ ኦሱዋ ኦናዳን ተአናዉነ ኡንቱንታ ዎና ጋካናዉ፥ ኡንቱንቱ ኤርክኖ” ያጌድኖ።
\p
\v 12 ግዶ ሽን፥ አይሁዳቱ ዛር ዛር ኑኮ ዪደ፥ “ኡንቱንቱ ሙለ ባጋና ዪደ፥ ኑና ኦላናዋንታ” ያጊደ ኑዉ ኦዴድኖ።
\p
\v 13 ሄዋ ድራዉ፥ ኑ አሳፐ ማሻ፥ ቶራነ ዎንዳፍያ ኦይቂደ አሳ ኡንቱንቱ ዛርያን ዛርያን ማራደ፥ ኪታይ ዉርቤና ሄራን ግምቢያፐ ዞኮ ባጋና ናጋናዳን ዎድ። 
\v 14 አሳይ ሻቢረቴዳዋ ታን በኤዳ ዎደ፥ ደንዳ ኤቃደ፥ ኡንቱንታ፥ ኡንቱንቱ ካለያዋንታነ ሀራ ካፓቱዋ ኡባ ሀዋዳን ያጋድ፤ “ኑ ሞርከቶ ያዮፕተ! ጎዳይ ዎልቃማነ ሆላ ጌተትያዋ ግድያዋ ሀሳይተ። ሄዋ ድራዉ፥ ህንተንቱ ዛረቶ፥ ህንተንቱ አቱማ ናናቶ፥ ህንተንቱ ማጫ ናናቶ፥ ህንተንቱ ማችያዉነ ህንተንቱ ጎልያዉ ኦለትተ” ያጋድ።
\p
\v 15 ኑ ሞርከቱ ኑና ቆሀናዉ ማቀቴዳዋ ኑን ኤሬዳዋ ኡንቱንቱ ስሴድኖ። ቃይ ጾሳይካ ኡንቱንቱ ማቁዋ ሀዳ ከሴዳዋ አኬኬድኖ።
\p ሄዋፐ ጉይያን፥ ኑን ኡባይካ ስሚደ፥ ኑ ግምቢያ ድርሳ ኦሱዋ ዶሜዶ። 
\v 16 ሄ ዎድያፐ ዶሚደ፥ ታ ቆማቱዋፐ ባካይ ኦሱዋ ኦያ ዎደ፥ ባካይ ትራን ዎያ ኦላ ሚሻ ማዪደ፥ ቶራ፥ ጎንዳልያነ ዎንዳፍያ ኦይቂደ ናጋናዳን ኦድ። ቃይ ካፓቱካ ይሁዳ አሳ ኡባፐ ጉየና ኤቂደ ምንኖ። 
\v 17 ግምቢያ ድርሳ ግምቢያዋንቱነ ኮሽያዋ ቶክያዋንቱ ኡባይ እት ኩሽያን ኦላ ሚሻ ኦይቂደ፥ እት ኩሽያን ኦሱዋ ኦኖ። 
\v 18 ግምቢያ ኦሱዋ ኦያ ኡባይ ማሻ ባረ ጼሳን ዳንጭ ዳንጭ ኡቴዳ። ማላካታ ፑንያዌካ ኡባ ዎደ ታፐ ሻከት ኤረና።
\p
\v 19 አሳ ካለያዋንታ፥ ካፓቱዋነ አሳ ኡባ ታን ሀዋዳን ያጋድ፤ “ግምቢያ ድርሳ ኪታይ ዎልቃማነ ሎይ አካ ግድያዋፐ ደንዴዳዋን፥ ኑን እቱ እቱዋፐ ሻከቲደ ሃኬዶ። 
\v 20 ሄዋ ድራዉ፥ ህንተንቱ ማላካታ ፑና ስስያ ዎደ፥ እ ፑነትያ ሳኣ ታኮ ሃ ሺቅተ። ኑ ጾሳይካ ኑ ድራዉ ኦለታናዋ”። 
\v 21 ኦሱዋ ዎንቱማ ሳሉ ዞእያ ዎድያፐ ዶሚደ፥ ኦማርስ ጾልንቲ ከሳና ጋካናዉ ኦያ ዎደ ኡባን፥ ባጋይ ኦያ ዎደ፥ ባጋይ ቶራ ኦይቂደ ናጊኖ።
\p
\v 22 ሄ ዎደ ታን አሳዉ ሀዋዳን ያጋድ፤ “ቃማን ኑና ናጋናዉነ ጋላስ ቃይ ኪታ ኦናዉ ህንተንቱ ኡባይካ ህንተንቱ ቆማቱካ የሩሳላመን አቅተ”። 
\v 23 ሄዋ ድራዉ፥ ታና ግድና፥ ታ እሻቱዋ ግድና፥ ታ ቆማቱዋ ግድና፥ ዎይ ቃይ ታና ናግያዋንታ ግድናካ፥ ኑን ኡባይካ ኑ ማዩዋ ከሰናን አቄቶ፤ ቃይ ኑ ኦላ ሚሻይካ፥ ኑፐ ኡባካ ሻከተና።
\c 5
\s1 ህዬሳቱ ናቀቴናዳን ናህም ኦዳ
\p
\v 1 አቱማዌነ ማጫዌ ባረንቱ ዛርያ ግዴዳ አይሁዳቱ ቦላን ዎልቃማ ጫቡዋ ከሴድኖ። 
\v 2 ኡንቱንቱ ሀዋዳን ያጌድኖ፤ “ኑን፥ ኑ አቱማ ናናይነ ኑ ማጫ ናናይ ጮራ፤ ሄዋ ድራዉ፥ ኑን ሚደ ፓጻ ደአና ማላ፥ ኑዉ ካይ ኮሼ”።
\p
\v 3 ሀራቱ ቃይ፥ “ኑና ጋኬዳ ኢታ ኮሻፐ ኑና አሽያ ቁማ ደማና ጊደ፥ ኑ ጎሻይ፥ ኑ ዎይንያ ቱራ ሳአይነ ኑ ኬይ አተናን አሳዉ ኦይዶ” ያጌድኖ።
\p
\v 4 ሀራቱካ ቃይ ሀዋዳን ያጌድኖ፤ “ኑ ጎሻዉነ ኑ ዎይንያ ቱራ ሳቶ ካቲ ኦቼዳ ጊራ ጭጋናዉ ሚሻ ታልእያ አኬዶ። 
\v 5 አይሁዳ ዛራቱዋና ኑን እት አሹዋ፤ ኑ ናናይካ ኡንቱንቱ ናና ማላ። ሽን ኑን ኑ የሌዳ ናና አይለተዉ አደ እማናዉ ግደቴዶ፤ ኡባ ቃይ ኑ ማጫ ናናቱዋፐ እቱ እቱ አይለተዉ ዛልኤቴድኖ። ግዶፐነ፥ ኑ ጎሻይነ ኑ ዎይንያ ቱራ ሳአቱ ኑፐ አከት ድጎ ድራዉ፥ ኑን አይነ ኦናዉ ዳንዳዮኮ”።
\p
\v 6 ኡንቱንቱ ጫቡዋነ ሀ ቃላ ታን ስሴዳ ዎደ፥ ሎይ ሀንቀታድ። 
\v 7 ኦናዋ ታ ዎዛናን ቆፓደ፥ አሳ ካለያዋንታነ ካፓቱዋ ጼሳደ፦ “ህንተንቱ ህንተንቱ ዛራቱዋ የሉዋ ጭግስያዋን ኡቁኒታ” ያጋደ ኡንቱንታ ሞታድ።\x - \xo 5:7 \xo*\xt ከሳ 22:25፤ ዎጋ 25:35-37፤ ዛረ. 23:19-20\xt*\x*
\p ሄ መቱዋባ ሃሳዪደ ብላናዉ ዎልቃማ ሺቁዋ ኡንቱንቱና ኡዳድ። 
\v 8 ሀዋዳን ያጋድ፤ “አይሁዳ ግደናዋንቶ ዛልኤቴዳ አይሁዳ ዛርያ ግዴዳ ኑ እሻቱዋ ዎዛናዉ ኑን ኑ ዎልቃይ ዳንዳዬዳዋ ኡባ ኦዶ። ሽን ህንተንቱ ቃይ፥ ህንተንቱ እሻቱዋ ግዴዳ ህንተንቱ ዛርያ ህንተንቶ ባረንታ ዛልአና ማላ ኦደ ደኢታ”። ካለያዋንቶ ዛርያ ቃላይ ይና፥ ጮኡ ያጌድኖ።
\p
\v 9 ታን ቃይካ ሀዋዳን ያጋድ፤ “ህንተንቱ ኦያባይ ልከ ግደና፤ ኑ ሞርከቱ፥ አይሁዳ ግደናዋንቱ ኑ ቦላን ቅሊጨና ማላ፥ ኑ ጾሳዉ ያያናዉነ ልከ ግድያባ ኦናዉ ህንተንቶ በሰኔ? 
\v 10 ታን ታ ሁጲያዉ፥ ታ እሻቱዋነ ታ ቆማቱካ ኡንቱንቶ ሚሻነ ካ ታልኤዶ፤ ግዶ ሽን፥ አነ ኡንቱንቱፐ የሉዋ አክያዋ አጎይተ። 
\v 11 ኡንቱንቱ ጎሻቱዋ፥ ዎይንያ ቱራ ሳአቱዋ፥ ዛይትያ ዎጋራቱዋነ ጎለቱዋ ኡባካ ኡንቱንቶ ሀቼ ዛርተ። ቃይ ሚሻን፥ ካን፥ ዎይንያ ኤሳን ግድና ዛይትያን፥ ህንተንቱ ኡንቱንቱፔ አኬዳ ጼቱዋፐ እት ኩሽያ የሉዋ ኡባ ኡንቱንቶ ኤለካ ዛርተ”።
\p
\v 12 ኡንቱንቱካ ዛሪደ፥ ሀዋዳን ያጌድኖ፤ “ኑን ኡባባካ ኡንቱንቱዋ ዛሪደ፥ ኡንቱንቶ እማና፤ ኡንቱንታ አያነ ኦቾኮ። ኔን ጋደ ደእያዋዳን፥ ኑን ኦና”።
\p ሄዋፐ ጉየ ቄሳቱ ዋ ሃ ታኮ ጼጋደ፥ ባረንቱ ጌዳ ቃላ ፖላና ማላ፥ ጫቀናዳን ኦድ። 
\v 13 ሄዋፐ ጉይያን፥ ታ ማዩዋ ቆቆፋደ ሀዋዳን ያጋድ፤ “ኦንነ ህንተፐ ባረ ጌዳ ቃላ ፖለናን ዮፐ፥ ጾሳይ አ ሀዋዳን አ ጎልያፐነ አ አቁዋፐ ቆቆፎ፤ እካ ቆቆፈቲደ መላ አቶ”።
\p ሺቄዳ አሳይ ኡባይ እት ቃላን፥ “አመንእ” ያጊደ መና ጎዳ ጋላቴድኖ። አሳይ ኡባይ ባረ ጫቄዳዋዳን ኦዳ።
\s1 ናህምያ ጋራተ
\p
\v 14 አርጸክስስ ካተቴዳ ላታማን ላይፐ ቢደ፥ ሀታማነ ላኤን ላይ ጋካናዉ፥ ታን ይሁዳ ሞድያዋ ግዳደ ሱንታድ። ሄ ታማነ ላኡ ላይን፥ ታና ግድና ዎይ ታ እሻቱ ሞድያዎ በስያ ቁማ ድርጉዋ አክበይኮ። 
\v 15 ሽን ታፐ ካሰና ሞድያዋንቱ አሳዉ ዴጾ ቶኮ ግዲደ፥ ሀቼ ሀቼ ካውነ ዎይንያ ኡሻው ኦይታሙ ጻጋራ ብራ ጭግሴድኖ። ሀራይ አቶ አይስያዋንቶ ቆማቱካ ባረንቱ አሳ ቦላን ጎዳ ማላትሲደ ጋምኤድኖ። ግዶፐነ፥ ታን ጾሳዉ ያዬዳ ድራዉ፥ ሄዋዳን ኦበይከ። 
\v 16 ታናተ ኡባ የሩሳላመ ግምቢያ ድርሳ ኦሶ እማድፐ አትን፥ ታ ሁጰው አይ ጋድያነ ሻማበይከ። ታ ቆማቱካ ኡባይ ታናና ሄ ኪታን እትፐ ጋምኤድኖ። 
\v 17 ኑ ሄራን ደእያ አይሁዳ ግደናዋንቱፐ ኑኮ ዬዳ አሳይ ባይናን ደእሽን፥ ሀቼ ሀቼ ታናና ታ ማሶፍያን ምያ አይሁዳቱነ ኡንቱንታ ካለያዋንቱ ፓይዱ ጼታነ እሻታማ። 
\v 18 ሀቼ ሀቼ እት ቦራ፥ ኡሱፑን ዶረቴዳ ዶርሳቱዋነ ዳሮ ኩቶቱዋ ሹክ ሹኪደ፥ አሳዉ ሺሽኖ፤ ቃይ ታሙ ጋላሳን እት ገደ ዳሮ ባ ዎይንያ ኤሳ ኡንቱንቶ አጊኖ። ሽን አሳ ቦላን ደእያ ቶኩ ዴጹዋ ግድያዋ ታን ኤርያ ድራዉ፥ ጋድያ ሞድያዎ በስያ ቁማ ድርጉዋ ኦቻበይከ።
\p
\v 19 “ታ ጾሳዉ፥ ታን ሀ አሳዉ ኦዳ ሎኦተ ኡባ ቆፓደ፥ ታዉካ ሎኦተ ኦ” ያጋድ።
\c 6
\s1 ኦሱ ኦሰት ፖለተናዳን ደንዴዳ የዉዋ ጾኑዋ
\p
\v 1 ሳምባላጽ፥ ጾቢ፥ አራባ ጋድያ አሳ ግድያ ገሼምነ ሀራ ኑ ሞርከቱ ኑን ግምቢያ ድርሳ ኦደ ፖሌዳዋነ ቃይ ኦሰትቤና ፓጫ ሳአይካ እቱነ አትቤናዋ ስሴድኖ። ግዶ ሽን፥ ኑን ግምቢያ ድርሳ ፐንገቱዋን ብሮ ሳንቃ ገልስበይኮ። 
\v 2 ሄዋ ኡንቱንቱ ስሴዳ ዎደ፥ ሳንባላጽነ ገሼም ሀዋዳን ያጊደ፥ ታኮ ኪቴድኖ፤ “ኦና ጌተትያ ደምባን ደእያ ቄር ካታማቱዋፐ እቱዋን ያደ ኑናና ጋከታ”። ሽን ኡንቱንቱ ታ ቦላ ኢታ ኦናዉ ማቀቴድኖ።
\p
\v 3 ሄዋ ድራዉ፥ ታን ኡንቱንቶ ሀዋዳን ያጋደ ዛራ ኪታንቻቱዋ ኪታድ፤ “ታዉ ዳሮ ኪታይ ደኤ፤ ሄዋ ድራዉ፥ ታን ህንተንቱ ግያ ሳኣ ባናዉ ዳንዳይከ። ታን ዱገ ህንተንቱኮ ቢና፥ ኪታይ አያዉ በቲ?” 
\v 4 ሄ ኪታ ዛር ዛር ኦይዱ ገደ ታኮ ኪቴድኖ፤ ሽን ታን እት ማላ ዛሩዋ ኡንቱንቶ እማድ።
\p
\v 5 እቼሸንዋን ሳምባላጽ ባረ ቆማ ቦላ ዶያ ደእያ ዳብዳቢያ ታኮ ኪቴዳ። 
\v 6 ዳብዳቢካ ሀዋዳን ያጌ፤ “ኔንነ ነ ዛርያ ግዴዳ አይሁዳቱ ማካላናዉ ቆፔዳዋነ ሄዋፐ ደንዴዳዋን ግምቢያ ድርሳ ግምቢያዋ ሾሮ ጋድያን ደእያ አሳይ ኡባይ ሃሳይያዋ ገሼም ታዉ ኦዴዳ። ቃይ ኔን ኔና ካትያ ከሳናዉ ኮይያዋነ፤ 
\v 7 ኔን ይሁዳ ካትያ ግድያዋ የሩሳላመን አዋያና ማላ፥ ትምቢትያ ኦድያዋንታ ነ ዎዳዋካ እ ታዉ ኦዴዳ። ሀ ዋርያ ካቲ ስሱሳይ አተና። ሄዋ ድራዉ፥ ታናና ጋከታደ ዞረታናዉ ሃያ”።
\p
\v 8 ታንካ፥ “ሀ ኔን ግያ የዉዋ ኡባይ ኡባካ ቱማ ግደናዋነ ኔን ጮ መዳዋ” ያጋደ ዛራድ።
\p
\v 9 ኑ ኦያ ኪታይ ፖለተና ማላ፥ “ኡንቱንቱ ኩሺ ኦሶ ዳቡር ክቼዳ” ያጊደ ኡንቱንቱ ኑና ያሽሲደ ጋምኤድኖ።
\p ሄዋ ድራዉ፥ “ኑ ጾሳዉ ሀእ ታና ምንርኪ” ያጋደ ታን ዎሳድ።
\p
\v 10 ሄዋፐ ጉይያን፥ ሶፐ ከሰናዳን ጎርድ ዎዳ ማሄጻብኤላ ናኣ ናኣ ዳላያ ናኣ ሻማእያኮ ባድ። እ ታዉ ሀዋዳን ያጌዳ፤ “እት ቃማ አዉደንቶ ኡንቱንቱ ኔና ዎናዉ ያና ደእያ ድራዉ፥ ኔንነ ታን ጾሳ ጎልያ ግዶ ገሊደ፥ ጾሳ ጌሻ ጎልያ ግዶን ጾሳ ጌሻ ጎልያ ፐንገቱዋ ጎርዲደ ጋከቶይተ”።
\p
\v 11 ታን ሀዋዳን ያጋደ ዛራድ፤ “ታና ማላትያ አሳይ ባቃቲ? ዎይ ቃይ ታና ማላትያ አሳይ ጌሻ ጎልያ ግዶ ገሊደ፥ ባረ ሸምፑዋ አሺ? ታን ሄዋ ኡባካ ኦከ”። 
\v 12 ታ የዉዋ ቆፕያ ዎደ፥ ቱሙካ አ ጾሳይ ኪቴዳ ትምቢትያ ኦድያዋ ግደናዋነ ጾቢነ ሳንባላጽ አ ሚሻን ሻሜዳ ድራዉ፥ ታ ቦላ ዎርዶ ትምቢትያ ኦድያዋ ግድያዋ አኬካድ። 
\v 13 እ ሚሻን ሻመቴዳ ጋሱ ታን ያያደ፥ እ ግያዋዳን ኦደ ታን ናጋራን ገላናዳና። ያትና፥ ኡንቱንቱ ኡባይ ሄዋ ስሴዳ ዎደ፥ ታና ካስያባ ታ ቦላን ደማናሳ።
\p
\v 14 “ታ ጾሳዉ፥ ጾቢነ ሳንባላጽ ኦዳዋ ቆፓ። ኖኣዶ ጌተትያ ማጫ ትምቢትያ ኦድያናነ ሀራ ትምቢትያ ኦድያዋንቱ ኡባይ ታና ያሽሳናዉ ኡንቱንቱ ኦዳዋ ኡባካ ቆፓ” ያጋድ።
\s1 ግምቢያ ድርሳ ኦሱ ፖለቴዳ
\p
\v 15 ግምቢያ ድርሳ ኪታይ እሻታማነ ላኡ ጋላሳን፥ ኤሉላ ጌተትያ አግናን ላታማነ እቼሻን ጋላሳን ፖለቴዳ። 
\v 16 ኑ ዩሹዋን ደእያ ካዉተቱዋ ግዶን ደእያ ኑ ሞርከቱ ሄዋ ስሴዳ ዎደ ያዬድኖነ ዬላቴድኖ። አያዉ ጎፐ፥ ሀዌ ኪታይ ኑ ጾሳይ ማድና ኦሰቴዳዋ አኬኬድኖ።
\p
\v 17 ሄ ዎድያን አይሁዳቱዋ ካለያዋንቱ ጾቢያዉ ጮራ ዳብዳበቱዋ ጻፌድኖ፤ ጾቢ ዛሪደ፥ ኡንቱንቶ ጻፌዳ። 
\v 18 አያዉ ጎፐ፥ እ አራሀ ናኣ ሻካንያ ናቶ አኬዳ ድራዉነ አ ናአይ ያሆሀናን በረክያ ናኣ ማሹላማ ናቶ አኬዳ ድራዉ፥ ይሁዳፐ ዳራቱ አናና ጫቀት ኡቴድኖ። 
\v 19 ኡንቱንቱ ጾቢ ኦዳ ሎኦባ ኡባ ታ ስንን ሃሳይኖ፤ ቃይ ታን ግያዋካ አዉ ኦዲኖ። ጾቢካ ታና ያሽሳናዉ ዳብዳበቱዋ ጻፍ የዴ።
\c 7
\p
\v 1 ግምቢያ ኪታይ ዉርና፥ ፐንገቱዋንካ ሳንቃይ ገሌዳ። ቃይ ፐንግያ ናግያዋንቱ፥ ማዝሙርያ የጽያዋንቱነ ሌዋቱ ባረንቱ ኪታን ኪታን ገሌድኖ። 
\v 2 ሄዋፐ ጉይያን፥ የሩሳላመ ካታማ አይስያ ማታ ታ እሻ ሀናናዉነ ጌሱዋ ጋዳዋ ሀናንያዉ እማድ። ሀናኒ ሀራ ኡባፐ አዳ ቱማንቻነ ጾሳዉ ያይያ አሳ። 
\v 3 ታን ኡንቱንታ ሀዋዳን ያጋደ አዛዛድ፤ “ዎንታ አዋይ ከሲደ ሆአና ጋካናዉ፥ የሩሳላመ ግምቢያ ፐንገቱዋ ዶዮፕተ። ቃይ ኦማርስ ናግያዋንቱ ባረንቱ ኦሱዋ ዉርሲደ ባናፐ ካሰቲደ፥ ፐንገቱዋ ሎይ ጎርዳናዳን ኦተ። ሄዋ ቦላካ የሩሳላመን ደእያ አሳፐ ዶሪደ፥ እቱ እቱ ካላን ካላን ናጋናዳንነ ቃይ ሀራቱ ባረንቱ ሄራን ደኢደ፥ ባረንቱ ጎልያ ኬሻ ኬሻ ናጋናዳን ኦተ” ያጋድ።
\s1 ኦሞዱዋፐ ስሜዳ አሳ ሱን
\r (እዝራ 2:1-70)
\p
\v 4 ሄ ዎደ የሩሳላመ ካታማይ ሎይ አኮነ ዎልቃማ፤ ሽን አ ግዶን ደእያ አሳ ፓይዱ ሎይ ጉ። ቃይ ዳሮ ጎሊካ ብሮ ኬጸትቤና። 
\v 5 ሄዋፐ ጉይያን፥ አሳ ካለያዋንታ፥ ካፓቱዋነ አሳ ኡባ ሺሻደ ኡንቱንቱ የለታ ማራን ማራን ማዝጋባና ማላ፥ ጾሳይ ታና ቆፍሴዳ። ኦሞዱዋፐ ካሰቲደ ስሜዳ አሳ የለታ ማራ ማጻፋካ ደማድ፤ ሄ ማጻፋን ጻፈቴዳዌ ሀዋ።
\p
\v 6 ባብሎነ ካቲ ናቡካዳናጾረ ኦሞዲደ፥ ባረ ጋድያ አፌዳ አሳፐ ጉየ ባረንቱ ካታማ ካታማ የሩሳላመነ ይሁዳ ስሜዳ አሳቱ ሀዋፐ ካልያዋንታ። 
\v 7 ኡንቱንቱ ካፓቱ ዛሩባቤላ፥ ኢያሳ፥ ናህምያ፥ አዛርያ፥ ራኣምያ፥ ናሀማና፥ ማርድክዮሳ፥ ብልሻና፥ ምስፐሬታ፥ ብግዋያ፥ ናሁማነ ባኣና።
\p ኦሞዱዋፐ ስሜዳ እስራኤልያ አሳ ፓይዱ ሀዋ።
\b
\m
\v 8 ፓርኦሻ ያራቱ 2,172.
\m
\v 9 ሻፋጽያ ያራቱ 372.
\m
\v 10 አራሀ ያራቱ 652. 
\v 11 ኢያሱነ እዮኣባ ናና ግዴዳ ፓሀት-ሞኣባ ያራቱ 2,818.
\m
\v 12 ኤላማ ያራቱ 1,254.
\m
\v 13 ዛቱ ያራቱ 845.
\m
\v 14 ዛካያ ያራቱ 760.
\m
\v 15 ቢኑያ ያራቱ 648.
\m
\v 16 በባያ ያራቱ 628.
\m
\v 17 አዝጋዳ ያራቱ 2,322.
\m
\v 18 አዶንቃማ ያራቱ 667.
\m
\v 19 ብግዋያ ያራቱ 2,067.
\m
\v 20 አዲና ያራቱ 655.
\q3
\v 21 ህዝቂያሳ ያራ ግዴዳ አጼራ ያራቱ 98.
\m
\v 22 ሀሹማ ያራቱ 328.
\m
\v 23 በጻያ ያራቱ 324.
\m
\v 24 ሀሪፋ ያራቱ 112.
\m
\v 25 ጋባኦና ያራቱ 95.
\q3
\v 26 ቤተሌመነ ናጾፋ ካታማቱዋ አሳይ 188.
\m
\v 27 አናቶታ ካታማ አሳይ 128.
\q3
\v 28 ቤት-አዝማዌቱዋ ካታማ አሳይ ኦይታማነ ላኡዋ።
\q3
\v 29 ቅርያት-ይኣሪማ፥ ካፊራነ ባኤሮታ ካታማቱዋ አሳይ 743.
\m
\v 30 ራማነ ገባአ ካታማቱዋ አሳይ 621.
\m
\v 31 ምክማሳ ካታማ አሳይ 122.
\m
\v 32 ቤቴለነ አታ ካታማቱዋ አሳይ 123.
\m
\v 33 ላኤን ናቦ ጌተትያ ካታማ አሳይ 52.
\m
\v 34 ላኤን ኤላማ ያራቱ 1,254.
\m
\v 35 ሀሪማ ካታማ አሳይ 320.
\m
\v 36 ያርኮ ካታማ አሳይ 345.
\q3
\v 37 ሎዳ፥ ሀዲዳነ ኦኖ ካታማቱዋ አሳይ 721.
\m
\v 38 ሳናአ ካታማ አሳይ 3,930.
\p
\v 39 ሀዋፐ ካልያዋንቱ ኦሞዱዋፐ ስሜዳ ቄሳቱ ዋ:
\m ኢያሱ ያራ ግዴዳ ያዳያ ያራቱ 973፤
\m
\v 40 እሜራ ያራቱ 1,052፤
\m
\v 41 ፓሽሁራ ያራቱ 1,247፤
\m
\v 42 ሀሪማ ያራቱ 1,017.
\b
\m
\v 43 ሀዋፐ ካልያዋንቱ ኦሞዱዋፐ ስሜዳ ሌዋቱዋ:
\m ሆዳዊያ ያራ ግዴዳ ኢያሱነ ቃድምኤላ ያራቱ 74፤ 
\v 44 አሳፋ ያራ ግዴዳ ማዝሙርያ የጽያዋንቱ 148፤ 
\v 45 ጌሻ ጎልያ ፐንግያ ናግያ
\q2 ሻሉማ፥ አጼራ፥ ጻልሞና፥ አቁባ፥ ሀጺጻነ ሾባያ ያራቱ 138.
\q1
\v 46 ሀዋንቱ ኦሞዱዋፐ ስሚደ፥
\q2 ጌሻ ጎልያን ኦያ ቆማቱዋ ያራቱዋ:
\m ጺሀ ያራቱዋ፥ ሀሱፋ ያራቱዋ፥ ጻባኦታ ያራቱዋ፥ 
\v 47 ቄሮሳ ያራቱዋ፥ ሲአ ያራቱዋ፥ ፓዶና ያራቱዋ፥ 
\v 48 ላባና ያራቱዋ፥ ሀጋባ ያራቱዋ፥ ሻልማያ ያራቱዋ፥ 
\v 49 ሀናና ያራቱዋ፥ ግዴላ ያራቱዋ፥ ጋሃራ ያራቱዋ፥ 
\v 50 ራኣያ ያራቱዋ፥ ራጺና ያራቱዋ፥ ናቆዳ ያራቱዋ፥ 
\v 51 ጋዛማ ያራቱዋ፥ ኡዛ ያራቱዋ፥ ፓሴሀ ያራቱዋ፥ 
\v 52 በሳያ ያራቱዋ፥ መኡኒማ ያራቱዋ፥ ናፉሸሲማ ያራቱዋ፥ 
\v 53 ባቅቡቃ ያራቱዋ፥ ሀቁፋ ያራቱዋ፥ ሀርሁራ ያራቱዋ፥ 
\v 54 ባጽሊታ ያራቱዋ፥ ማሂዳ ያራቱዋ፥ ሀርሻ ያራቱዋ፥ 
\v 55 ባርቆሳ ያራቱዋ፥ ስሳራ ያራቱዋ፥ ተማሀ ያራቱዋ፥ 
\v 56 ናጺሀ ያራቱዋነ ሀጺፋ ያራቱዋ።
\p
\v 57 ሀዋፐ ካልያዋንቱ ኦሞዱዋፐ ስሜዳ ሶሎሞነ ቆማቱዋ ያራቱዋ:
\m ሶጻያ ያራቱዋ፥ ሶፈሬታ ያራቱዋ፥ ፓሪዳ ያራቱዋ፥ 
\v 58 ያእላ ያራቱዋ፥ ዳርቆና ያራቱዋ፥ ግዴላ ያራቱዋ፥ 
\v 59 ሻፋጽያ ያራቱዋ፥ ሀጺላ ያራቱዋ፥ ፖከረት-ሀጻባይማ ያራቱዋነ አሞና ያራቱዋ።
\p
\v 60 ኦሞዱዋፐ ስሚደ፥ ጌሻ ጎልያን ኦያ ቆማቱዋ ያራቱነ ሶሎሞነ ቆማቱዋ ያራቱ ፓይዱ ኡባና 392.
\p
\v 61 ሀራቱካ ቃይ፥ ተልመላሀ፥ ተልሀርሻ፥ ካሩባ፥ አዶናነ እሜራ ጌተትያ ካታማቱዋፐ የሩሳላመ ስሜድኖ። ሽን ኡንቱንቱ ዎይ ኡንቱንቱ አዎቱ እስራኤልያ ሼሻ ግድያዋ ኤርሳናዉ ዳንዳይበይክኖ። 
\v 62 ሄዋንቱ ዳላያ፥ ጾቢያነ ናቆዳ ያራቱዋ፤ ኡንቱንቱ ፓይዱካ ኡባና 642.
\p
\v 63 ቄሳቱ ዋፐ ቃይ ሆባያ ያራቱ፥ ሀቆጻ ያራቱነ ባርዝላያ ያራቱ የሩሳላመ ስሜድኖ። ሀዌ ባርዝላያ ግያዌ ጋላኣደ ቢታ አሳ ግዴዳ ባርዝላያ ናቶ አኪደ፥ ባረ ቦሉዋ ሱን አኬዳ። 
\v 64 ሀዋንቱ ባረንቱ የለታ ጻጱዋ ኤራናዉ የለታ ማጻፋን ኮዬድኖ፥ ሽን ደምቤይክኖ። ሄዋ ድራዉ፥ ኡንቱንቱ ቱናዳን ፓይደቲደ፥ ቄሰተን ኦናዳን ድገቴድኖ። 
\v 65 ቃይ ጌሻ ሳማቱዋን ሻክ ፕርድያ ቄሲ ደንዳና ጋካናዉ፥ ኡንቱንቱ ጌሻ ቁማፐ ማናዉ ዳንዳየናዋ አይሁዳቱዋ ሞድያዌ ኡንቱንቶ ኦዴዳ።\x - \xo 7:65 \xo*\xt ከሳ 28:30፤ ዛረ. 33:8\xt*\x*
\p
\v 66 ኦሞዱዋፐ ይሁዳ ቢታ ስሜዳ አሳ ፓይዱ ኡባና 42,360. 
\v 67 ሄዋ ቦላካ ቃይ 7,337 አቱማ ቆማቱነ ማጫ ቆማቱ ማዝሙርያ የጽያ 245 አቱማዋነ ማጫ አሳቱ ስሜድኖ። 
\v 68 ኦሞዱዋፐ ኡባና ስሜዳ አሳ ፓራቱዋ ፓይዱ 736፤ ባቁሎቱ 245፤ 
\v 69 ጋሎቱ 435፤ ሀረቱ ቃይ 6,720.
\p
\v 70 ያራቱዋ ካፓቱዋፐ አማሬዳዋንቱ ኦሶ እሞታ እሜድኖ። ቢታ ሞድያዌ ሆስፑን ኪሎ ግራመ ዎርቃ፥ 50 ድስተቱዋነ 530 ቄሳቱዋ ማዮቱዋ እሜዳ። 
\v 71 ያራቱዋ ካፓቱ 168 ኪሎ ግራመ ዎርቃነ 1,250 ኪሎ ግራመ ብራ እሜድኖ። 
\v 72 አቴዳ አሳይ ኡባና 168 ኪሎ ግራመ ዎርቃ፥ 1,100 ኪሎ ግራመ ብራነ 67 ቄሳቱዋ ማዮቱዋ እሜድኖ።
\p
\v 73 ሄዋፐ ጉይያን ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ አሳፐ ዳሮቱነ ጌሻ ጎልያ ቆማቱ፥ ኡባና እስራኤልያ ኡባይ ባረንቱ ካታማን ካታማን ኡቴድኖ።\x - \xo 7:73 \xo*\xt 1 ኦዱዋ 9:2፤ ናህ. 11:3\xt*\x*
\c 8
\s1 ሙሴ ህጊ ዛረ ናባበቱሳነ ቃላ ጫቁዋ ኦራጹሳ
\r (8:1—10:39)
\p
\v 1 ላፑን አግናይ ጋኮ ዎደ፥ እስራኤልያ አሳይ ኡባይካ ባረንቱ ካታማን ካታማን ኡቴድኖ። ሄ አግናን ኡንቱንቱ ኡባይካ እትፐ ሃ ፐንግያ ስንን ደእያ ዳባባን ሺቄድኖ። መና ጎዳይ ሙሴ ባጋና እስራኤልያ አሳዉ እሜዳ ህግያ ማጻፋ አሀና ማላ፥ ጻፍያ እዝራ ኦቼድኖ። 
\v 2 ያትና፥ ላፑን አግናን ኮይሮ ጋላሳን፥ አቱማዌ ማጫዌ፥ አኬካናዉ ዳንዳይያ አሳይ ኡባይ ሺቄዳ ሳኣን እዝር ህግያ ማጻፋ አሄዳ። 
\v 3 ሃ ፐንግያ ስንን ደእያ ዳባባን ኤቂደ፥ አቱማዎ ማጫዎ፥ አኬካናዉ ዳንዳይያ አሳ ኡባዉ ህግያ ማጻፋ ዎንታፐ ጋላሳ ሴታይ ጋካናዉ ናባቤዳ፤ አሳይካ ሎይ ሀይዚደ ስሴዳ።
\p
\v 4 እዝር ኤቂደ ናባባናዉ ምፐ ጊግሴዳ ጉታራ ቦላን ኤቄዳ። አፐ ኡሸቻ ባጋና ማቲትያ፥ ሻማእያ፥ አናያ፥ ኦርዮና፥ ህልቂያነ ማእሴያ ጌተትያ አሳቱ ኤቄድኖ። ሀድርሳ ባጋና ቃይ ፓዳያ፥ ምሻኤላ፥ ማልክያ፥ ሀሹማ፥ ሀሽባዳናሀ፥ ዛካራሳነ ማሹላማ ጌተትያ አሳቱ ኤቄድኖ።
\p
\v 5 እዝር አሳ ኡባፐ ቂያ ሳኣን ኤቄዳ ድራዉ፥ ኡባይካ አ ሎይደ ጼልሽን፥ ኡንቱንቱ ስንን ህግያ ማጻፋ ዶዬዳ። ሄ ዎደ ኡንቱንቱ ኡባይ ኡቴዳ ሳፐ ደንድ ኤቄድኖ። 
\v 6 እዝር መና ጎዳ፥ ዎልቃማ ጾሳ ጋላቴዳ። አሳይ ኡባይ ባረንቱ ኩሽያ ፑደ ደንደ፥ “አመንእ፥ አመንእ” ያጌድኖ። ቃይ ኡንቱንቱ ሶምእ ሳኣ ቦቻና ጋካናዉ ጉፋኒደ፥ መና ጎዳዉ ጎይኔድኖ።
\p
\v 7 ሄዋፐ ጉይያን ደንዲደ፥ ባረንቱ ደእያ ሳኣን ኤቄድኖ። ኢያሳ፥ ባና፥ ሸረብያ፥ ያሚና፥ አቁባ፥ ሻባታያ፥ ሆድያ፥ ማእሴያ፥ ቃሊጻ፥ አዛርያ፥ ዮዛባዳ፥ ሀናናነ ፓላያ ጌተትያ ሌዋቱ ህግያ አሳይ አኬካናዳን ኦድኖ። 
\v 8 ኡንቱንቱ ጾሳ ህግያ ማጻፋፐ ናባቢደ፥ ቃይ ናባበቴዳዌ ዋግንቶ፥ አሳይ ኤራና ማላ፥ ብል ቆንጭሴድኖ።
\p
\v 9 አሳይ ህግያ ቃላ ስሴዳ ዎደ፥ ባረንቱ ዎዛናን ምሸቲደ ዬኬድኖ። ሄዋ ድራዉ፥ ቢታ ሞድያ ናህሚ፥ ቄሰነ ጻፍያ ግዴዳ እዝርነ አሳዉ ማጻፋ ብልያ ሌዋቱ አሳ ሀዋዳን ያጌድኖ፤ “ሀ ጋላሳይ መና ጎዳዉ፥ ህንተንቱ ጾሳዉ፥ ጌሻ ጋላሳ ግድያ ድራዉ፥ እቱነ ካዮቶፕተነ ዬኮፕተ” ያጌድኖ።
\p
\v 10 ቃይ ናህሚ ጉጂደካ ሀዋዳን ያጌዳ፤ “ቢተ፥ ሞዋ ሚተ፤ ማልእያዋካ ኡሽተ፤ ቃይ ባይናዋንቶካ ህንተዋፐ ሻክ እምተ። አያዉ ጎፐ፥ ሀቼ ጋላሳይ ኑ ጾሳዉ ጌሻ ጋላሳ። መና ጎዳ ናሸቻይ ህንተንቶ ዎልቃ ግድያ ድራዉ ካዮቶፕተ” ያጌዳ።
\p
\v 11 ሌዋቱካ ቃይ፥ “ሀዌ ጌሻ ጋላሳ ግድያ ድራዉ፥ ካዮቶፕተ፤ ሀይዝተ” ያጊደ አሳ ጮኡ ኦድኖ። 
\v 12 ሄዋፐ ጉይያን፥ አሳይ ናሸቻን ማናዉነ ኡሻናዉ ቃይ ባይናዋንቶካ ዴእያዋፐ ሻክ እማናዉ ቤድኖ። አያዉ ጎፐ፥ ኡንቱንቱ ኦዴዳ ቃላ ስሴድኖነ አኬኬድኖ።
\p
\v 13 አግናዉ ላኤን ጋላስ ዛራቱዋ ካፓቱ፥ ቄሳቱ ነ ሌዋቱ ህግያ ቃላ ኡንቱንቶ ብርሻና ማላ፥ እዝራኮ ዬድኖ። 
\v 14 ሄዋን ታማሪደ፥ ላፑን አግናን ዳስያ ባላ ቦንችያ ዎደ፥ እስራኤልያ አሳይ ኡባይ ዳስያ ግዶን ኡታናዳን መና ጎዳይ ሙሴ ባጋና አዛዜዳዋ አኬኬድኖ።\x - \xo 8:14-15 \xo*\xt ዎጋ 23:33-36፣ 39-43፤ ዛረ. 16:13-15\xt*\x* 
\v 15 ሄዋ ድራዉ፥ ካታማቱዋ ኡባንነ የሩሳላመን ሀዋዳን ያጊደ አዋዬድኖ፤ “ደርያ ሁጲያ ከስተ፤ ዛይትያ ዎጋራፐ፥ ዎራን ዶልያ ዎጋራፐ፥ ባርሴነትያ ምፐ፥ ዛምባ ምፐነ ሀይይ ደእያ ም ኡባፐ ህግያን ጻፈቴዳዋዳን፥ ዳስያ ዳሳናዉ ታሽያ አህተ” ያጌድኖ።
\p
\v 16 ሄዋ ድራዉ፥ አሳይ ቢደ ም ታሽያ አሄድኖ፤ ባረንቱ ጎልያ ቦላን ደእያ ደምባ ሳኣን፥ ባረንቱ ግቢያን፥ ጾሳ ጌሻ ጎልያ ዳባባን፥ ሃ ፐንግያ ዳባባንነ ኤፍሬማ ፐንግያ ዳባባን ዳስያ ዳሴድኖ። 
\v 17 ኦሞዱዋፐ ስሜዳ አሳይ ኡባይ ዳስያ ዳሴዳ፥ አ ግዶን ኡቴድኖ። ነዌ ናኣ ኢያሱ ዎድያፐ ዶሚደ፥ ሄ ጋላሳይ ጋካናዉ፥ ኡንቱንቱ ሀዋ ማላ ባላ ቦንች ኤርክኖ። ሄዋ ድራዉ፥ ኡባይካ ሎይ ናሸቴድኖ። 
\v 18 ባላይ ዶመቶደፐ ቢደ ዉራና ጋካናዉ፥ ሀቼ ሀቼ እዝር ጾሳ ህግያ ማጻፋፐ አሳዉ ናባቤዳ። ባላ ላፑን ጋላሳ ቦንቾዋፐ ጉይያን፥ ሆስፑን ጋላሳን ህጊ አዛዝያዋዳን ጌሻ ሽቁዋ ኦድኖ።
\c 9
\s1 እስራኤልያ አሳይ ባረንቱ ናጋራ ፓጼድኖ
\p
\v 1 ሄ አግናን ላታማነ ኦይደን ጋላሳን እስራኤልያ አሳይ ጾሚደ፥ ማቃ ማዪደነ ባረንቱ ሁጲያን ባና ቆሊደ፥ እት ሳኣ ሺቄድኖ። 
\v 2 ባረንታ አላጋ ጋደ አሳ ኡባፐ ሻኬድኖ። ሄዋፐ ጉይያን ደንድ ኤቂደ፥ ኡንቱንቱነ ካሰ ኡንቱንቱ አዎቱ ኦዳ ናጋራ ኡባ ፓጼድኖ። 
\v 3 ሄዋን ኡንቱንቱ ኤቂደእሽን፥ ሄዙ ሳትያ ግድያዋ መና ጎዳ ኡንቱንቱ ጾሳ ህግያ ማጻፋይ ኡንቱንቶ ናባበቴዳ። ቃይ ሀራ ሄዙ ሳትያ ግድያዋ ባረንቱ ናጋራ ፓጺድነ መና ጎዳዉ፥ ባረንቱ ጾሳዉ፥ ጎይኒደ ጋምኤድኖ።
\p
\v 4 ሌዋቱዋፐ አማሬዳዋንቱ ሽቁዋ ቦላን ከሲደ፥ ኮሻ ቁ ኦደ መና ጎዳኮ፥ ባረንቱ ጾሳኮ፥ ዋሴድኖ። ሄዋንቱካ ኢያሳ፥ ባና፥ ቃድምኤላ፥ ሻባንያ፥ ቡና፥ ሸረብያ፥ ባናነ ካናና።
\p
\v 5 ሌዋቱዋፐ ኢያሱ፥ ቃድምኤል፥ ባን፥ ሀሻባኔ፥ ሸረቤ ሆዴ፥ ሻባነነ ፓታሄ እስራኤልያ አሳ ሀዋዳን ያጌድኖ፤ “ደንድ ኤቂደ፥ መናፐ መናዉ ደእያ መና ጎዳ ህንተንቱ ጾሳ ጋላትተ! ኡባፐነ ሳባ ኡባ ቦላና ቁ ቁ ጌዳነ ቦንቼቴዳ ጾሳ ሱን ሳቢተ” ያጌድኖ።
\s1 ናጋራ ፓጽያ ዎሳ
\p
\v 6 ሄዋፐ ጉይያን፥ እስራኤልያ አሳይ ሀዋዳን ያጊደ ዎሴድኖ፤ “መና ጎዳዉ፥ ነ ጻላላይ ጾሳ! ኔን ሳሎቱዋነ ሳሎቱዋን ደእያ መታ ኡባ፥ ሳኣነ አ ቦላን ደእያ መታ ኡባነ አባቱዋነ ኡንቱንቱ ግዶን ደእያ መታ ኡባ መዳ፤ ኡባዉ ሸምፑዋ እማዳ። ሳሉዋ መታቱ ኡባይ ነዉ ጎይኒኖ።
\p
\v 7 “ኔን መታ ኡባ ጎዳ! ኔን አብራማ ኡራ ጌተትያ ካላዳዋቱ ካታማፐ ዶራደ ከሳዳ፤ አ ሱንካ ላማደ፥ አብራሃማ ያጋደ ሱንዳ።\x - \xo 9:7 \xo*\xt ዶመ 11:31፤ 12:1፤ 17:5\xt*\x* 
\v 8 እ ነዉ አማነትያ አሳ ግድያዋ በኣደ፥\x - \xo 9:8 \xo*\xt ዶመ 15:18-21\xt*\x* ካናነቱ፥ ሂተቱዋ፥ አሞራዋናቱዋ፥ ፓርዛዋናቱዋ፥ ያቡሳቱዋነ ገርጌሳቱዋ ጋድያ አ ዛረቶ ላታ ጋድያ ኦደ እማናዉ አዉ ቃላ ጫቁዋ ገላዳ። ኔን ጽሎ ግድያ ድራዉ፥ ነ ጌዳ ቃላካ ፖላዳ።
\p
\v 9 “ኔን ካሰ ኑ ማይዛ አዎቱዋ ግብጼ ጋድያን ጋኬዳ ቱጋ በኣዳ፤\x - \xo 9:9 \xo*\xt ከሳ 3:7፤ 14:10-12\xt*\x* ቃይ ዞኦ አባ ጌተትያ አባ ማታን ደኢደ ኡንቱንቱ፥ ‘ኑና ማዳርኪ!’ ያጊደ ዋሴዳ ዋሱዋካ ስሳዳ። 
\v 10 ግብጼ ካቲ፥ አ ጋድያ ካፓቱነ ሄ ጋድያ አሳይ ኡባይ እስራኤልያ አሳ ቦላን ኦቶረቴዳ ድራዉ፥ ኡንቱንቱ ቦላን ማላታነ ማላልስያባ ኦዳ።\x - \xo 9:10 \xo*\xt ከሳ 7:8—12:32\xt*\x* ሄዋፐ ደንዴዳዋን፥ ሀቼ ጋካናዉ፥ ነ ሱንይ ቦንቹዋን ጼገታናዳን ኦዳ። 
\v 11 አባ ያነ ሃነ ሻካደ፥ ግዱዋና ነ አሳ መላ ቢታና ፕንዳ። ሽን ሹቻይ ጪሞ ሃን ኦልና፥ ጪሙዋ ዱገ ዎያዋዳን፥ ኡንቱንቱ የደርስያ ሞርከቱዋ አባን ምትሳደ ይሳዳ።\x - \xo 9:11 \xo*\xt ከሳ 14:21-29፤ 15:4-5\xt*\x* 
\v 12 እስራኤልያ አሳ ጋላስ ሻርያ ቱሳን ካለደ፥ ቃማ ቃይ ኡንቱንቱ ሀመትያ ኦግያን ፖአና ማላ፥ ታማ ቱሳ ኡንቱንቱ ስንን ኤሳደ ካለዳ።\x - \xo 9:12 \xo*\xt ከሳ 13:21-22\xt*\x*
\p
\v 13 “ኔን ሳሉዋፐ ዎደ፥ ነ አሳ ሲና ደርያ ቦላን ሃሳይሳዳ። ሱረ ፕርዳነ ቱማ ግዴዳ ህግያ ቃይ ሎኦ ዎጋነ አዛዙዋ ኡንቱንቶ እማዳ።\x - \xo 9:13-14 \xo*\xt ከሳ 19:18—23:33\xt*\x* 
\v 14 ጌሻ ነ ሳምባታ ኡንቱንቱ ቦንቻና ማላ፥ ኡንቱንታ ታማርሳዳ። ነ ቆማ ሙሴ ባጋና ኡንቱንቶ አዛዙዋ፥ ዎጋነ ህግያ እማዳ። 
\v 15 ኡንቱንቱ ኮሻቴዳ ዎደ ሳሉዋፐ ቁማ እማዳ፤ ቃይ ኡንቱንቱ ሳመቴዳ ዎደ ዛላፐ ሃ ፑልትሳዳ። ኔን ኡንቱንቶ እማናዉ ጫቄዳ ጋድያ ገሊደ ላታና ማላ አዛዛዳ።\x - \xo 9:15 \xo*\xt ከሳ 16:4-15፤ 17:1-7፤ ዛረ. 1:21\xt*\x*
\p
\v 16 “ሽን ኑ ማይዛ አዎቱ ኦቶረቴድኖ። ኦድና ስሰና ሞርግያ ኦርዶ ግዲደ፥ ነዉ አዛዘትበይክኖ።\x - \xo 9:16-17 \xo*\xt ፓይ. 14:1-4፤ ዛረ. 1:26-33\xt*\x* 
\v 17 አዛዘተናን እጼድኖ፤ ቃይ ኔን ኡንቱንቶ ኦዳ ማላልስያባ ኡባ ሀሳይበይክኖ።\x - \xo 9:17 \xo*\xt ከሳ 34:6፤ ፓይ. 14:18\xt*\x* ኡንቱንቱ ሞርግያ ኦርዶ ግዴድኖ፤ ቃይ ባረንቱ ማካላፐ ደንዴዳዋን፥ ግብጼ ጋድያ ጉየ አይለተዉ ዛሪደ ካለና ማላ፥ ካፑዋ ባረንቶ ዶሬድኖ። ግዶ ሽን፥ ኔን አቶ ግያ ጾሳ፤ ኬካነ ማርያዋ። ሲቁዋን ኩሜዳዋነ ሀንቆ ኤሌለናዋ። ሄዋ ድራዉ፥ ነ ሲቁ መናሳ፤ ኔን ኡንቱንታ አጋ በይካ።
\p
\v 18 “ኡንቱንቱ ማራ ማላትያ ኤቃ መደ፥ ‘ህንተና ግብጼ ጋድያፐ ከሴዳ ህንተንቱ ጾሳይ ሀዋ’ ያጊደ ኔና ዎልቃማ ሸቃ ሸቆፐካ፥\x - \xo 9:18 \xo*\xt ከሳ 32:1-4\xt*\x* 
\v 19 ነ ዳሮ ማሮተ ድራዉ፥ ኔን ኡንቱንታ ሄ ጋድያ ዎራን አጋ በይካ። ኡንቱንቱ ብያ ኦግያ ካለና ማላ፥ ጋላስ ሻርያ ቱሳይ፥ ቃይ ኡንቱንቱ ኦግያ ፖእሳና ማላ፥ ቃማ ታማ ቱሳይ ኡንቱንቱፐ ሃክቤና።\x - \xo 9:19-21 \xo*\xt ዛረ. 8:2-4\xt*\x* 
\v 20 ኡንቱንታ ታማርሳና ማላ፥ ነ ሎኦ አያና ኡንቱንቶ እማዳ። ማናዉ ማና ኡንቱንቱ ዶናፐ ፓጭሳበይካ፤ ቃይ ኡንቱንቱ ሳሞካ ሃ እማዳ። 
\v 21 ኦይታሙ ላይ ኡባ ኡንቱንቱ ዎራን ሀመትያ ዎደ፥ ኡንቱንቶ ኮሽያባፐ እትባነ ይሳባካ። ኡንቱንቱ ማዩ ዉርቤና፤ ኡንቱንቱ ገዲካ ጋፍቤና።
\p
\v 22 “ባረንቱ ዛዋን ደእያ ጋጻ ቢታቱዋነ ካዉተቱዋ ኡንቱንቱ ጾኒደ ኦይቃናዳን ኦዳ።\x - \xo 9:22 \xo*\xt ፓይ. 21:21-35\xt*\x* ስሆና ጌተትያ ካቲ ሞድያ ሀሰቦና ጋድያነ ኦጋ ጌተትያ ካቲ ሞድያ ባሳነ ጋድያ ኡንቱንቱ ላቴድኖ። 
\v 23 ኡንቱንቱ ዘረቱዋ ፓይዱዋ ሳሉዋ ጾልንትያዳን ዳርሳዳ።\x - \xo 9:23 \xo*\xt ዶመ 15:5፤ 22:17፤ ኢያሳ 3:14-17\xt*\x* ካሰ ኡንቱንቱ አዋቶ ገልሳናነ ላትሳና ጋደ ኔን ኦዴዳ ጋድያ ኡንቱንታ ገልሳዳ። 
\v 24 ኡንቱንቱ ካናነ ጋድያ ላቴድኖ፤\x - \xo 9:24 \xo*\xt ኢያሳ 11:23\xt*\x* ሄ ጋድያን ደእያ ካናነ አሳ ኡባ ኡንቱንቱ ስንን ኔን ካዉሻዳ። ኡንቱንቱ ካናነ አሳ ቦላን፥ ኡንቱንቱ ካተቱዋ ቦላንነ ሄ ጋድያን ደእያ አሳ ኡባ ቦላን ባረንቱ ዶሴዳዋ ኦና ማላ፥ ኡንቱንቱ ኩሽያን አ እማዳ። 
\v 25 ቃይ ኡንቱንቱ ዩሹ ግምበቴዳ ካታማቱዋነ አራዳ ቢታ ጾኒደ አኬድኖ፤\x - \xo 9:25 \xo*\xt ዛረ. 6:10-11\xt*\x* ቃይካ ሎኦባይ ኡባይ ኩሜዳ ጎልያ፥ ቦከቴዳ ሃ ኦላቱዋ፥ ዎይንያ ቱራ ሳኣ፥ ዎጋራቱዋነ ሀራ አይፍያ እምያ ዳሮ ምቱዋ ላቴድኖ። ሄዋፐ ም ካሊደ ኦርዴድኖ፤ ነ ዎልቃማ ኬካተን ኡንቱንቱ ናሸቴድኖ።
\p
\v 26 “ግዶፐካ፥ ነ አሳቱ አዛዘተናን እጺደ፥ ነ ቦላን ማካሌድኖ፤\x - \xo 9:26-28 \xo*\xt ዳና. 2:11-16\xt*\x* ነ ህግያዉካ ዞኪያ ዛሬድኖ። ኔኮ ኡንቱንቱ ስማናዳን ኡንቱንቶ ምንሲደ ኦዴዳ ትምቢትያ ኦድያዋንታ ዎድኖ። ሎይ ዎልቃማ ሸቃ ኔና ሸቄድኖ። 
\v 27 ሄዋፐ ደንዴዳዋን ኡንቱንታ ኡንኤያ ሞርከቱዋ ኩሽያን አ እማዳ፤ ሞርከቱ ኡንቱንታ ኡንኤዳ ዎደ ኔኮ ዋሴድኖ። ኡንቱንቱ ዋሱዋ ሳሉዋን ግዳ ስሳደ ነ ማሮተ ዳሩዋዳን፥ ኡንቱንታ ኡንቱንቱ ሞርከቱዋ ኩሽያፐ አሽያዋንታ ኪታዳ።
\p
\v 28 “ሽን ኡንቱንቱ ሸምፑዋ ደሚደ ዛረደ፥ ነ ስንን ናጋራ ኦድኖ። ኔንካ ዛራደ ኡንቱንቱ ሞርከቱዋ ኩሽያን አደ እምና፥ ኡንቱንቱ ሞርከቱ ኡንቱንታ ሞደድኖ። ሽን ሀእካ ኡንቱንቱ ኔኮ ዋስና፥ ኡንቱንቱ ዋሱዋ ሳሉዋን ግዳደ ስሳዳ። ነ ማሮተን ኡንቱንታ ዛራ ዛራደካ አሻ አካዳ።
\p
\v 29 “ነ ህግያኮ ኡንቱንቱ ስማና ማላ፥ ኔን ኡንቱንቶ ምንሳደ ኦዳዳ፤\x - \xo 9:29 \xo*\xt ዎጋ 18:5\xt*\x* ሽን ኡንቱንቱ ኦቶረቴድኖ፤ ነ አዛዙዋካ እጼዶ ያጌድኖ። አሳይ አዛዘቶፐ ደኡዋ ደምያ ነ ህግያ አድኖ፤ ቃይ ሞርግያ ኦርዶ ግድ፥ ነዉ ዞኪያ ዛሪደ፥ አዛዘተናን እጼድኖ። 
\v 30 ግዶፐነ፥ ዳሮ ላይ ኡንቱንታ ዳንዳያዳ፤\x - \xo 9:30 \xo*\xt 2 ካታ. 17:13-18፤ 2 ኦዱዋ 36:15-16\xt*\x* ትምቢትያ ኦድያዋንቱ ባጋና ነ አያናን ኡንቱንቶ ምንሳደ ኦዳዳ፤ ሽን ኡንቱንቱ ስስበይክኖ። ሄዋፐ ደንዴዳዋን አይሁዳ ግደና ካዉተቱ ኡንቱንታ ሞዳና ማላ፥ ኡንቱንቱ ኩሽያን አ እማዳ። 
\v 31 ሽን ኔን ኬካነ ማርያ ጾሳ ግድያ ድራዉ፥ ነ ዎልቃማ ማሮተን ኡንቱንታ ኡባና አጋበይካነ ይሳባካ።
\p
\v 32 “ኑ ጾሳዉ፥ ዎልቃማዉ፥ ዎልቃማነ ያየቴዳ ጾሳዉ፥\x - \xo 9:32 \xo*\xt 2 ካታ. 15:19፣ 29፤ 17:3-6፤ እዝራ 4:2፣ 10\xt*\x* ነ አገና ሲቁዋ ቃላ ጫቁዋ ናግያዋ፥ ኑ ቦላን ጋኬዳ መቱ ነ ስንን ላፋባ ማላቶፖ። በን አሶረ ካተቱዋ ዎድያፐ ዶሚደ፥ ሀቼ ጋካናዉ፥ ኑ ቦላን፥ ኑ ካተቱዋ ቦላን፥ ኑ ካፓቱ ቦላን፥ ኑ ቄሳቱዋ ቦላን፥ ኑ ትምቢትያ ኦድያዋንቱ ቦላን፥ ኑ ማይዛ አዎቱዋ ቦላንነ ነ አሳ ኡባ ቦላን ዎልቃማ መቱ ጋኬዳ። 
\v 33 ኑና ጋኬዳዋን ኡባን ኔን ጽሉዋ። አያዉ ጎፐ፥ ኑን ኔና ናቆፐካ ኔን አማነትያዋ አጋ በይካ። 
\v 34 ኑ ካተቱ፥ ኑ ካፓቱ፥ ኑ ቄሳቱ ነ ኑ ማይዛ አዎቱ ነ ህግያ ናግበይክኖ፤ ቃይ ኔን ኡንቱንቶ እሜዳ አዛዙዋነ ነ ምንሳ ኦዴዳዋካ ስስበይክኖ። 
\v 35 ኔን ኡንቱንቱ ካዉተን ኡንቱንቶ ዎልቃማ አንጁዋ እማዳ፤ ቃይ አኮነ ሞክያ ቢታካ ኡንቱንቶ እማዳ፤ ሽን ኡንቱንቱ ነዉ ጎይንበይክኖነ ባረንቱ ኢታ ኦሱዋፐ ስምበይክኖ።
\p
\v 36 “ሄዋፐ ደንዴዳዋን፥ ኑን ሀቼ አይልያ ግድያዋ በአ። ቃይ ሄዌካ ኡንቱንቱ አ አይፍያነ እ እምያ አንጁዋ ኡባ ማና ማላ፥ ኑ ማይዛ አዋቶ ኔን እሜዳ ሄ ጋድያን፥ ኑን አይልያ ግዴዶ። 
\v 37 ኑ ናጋራ ድራዉ፥ ኔን ኑ ቦላን ደንዳ ካተቱ ጋድያ አንጁዋ ኡባ ኡንቱንቱ ጎኤቲኖ። ቃይ ኑ ቦላንነ ኑ መህያ ቦላን ባረንቱ ኮዬዳዋ ኦኖ፤ ኑንካ ዎልቃማ መቱዋ ግዶን ደኤቶ” ያጌድኖ።
\s1 አሳይ ባረንቱ ማየቴዳ ቃላ ጫቁዋ ፓራሜዳ
\p
\v 38 ሀኔዳ የዉዋ ኡባ ድራዉ፥ ኑን ሃሳዪደ ጫቄዳ ጫቁዋ ጻፌዶ፤ ሄ ኑን ጻፌዳ ጫቁዋ ዋራቃታ ቦላን ኑ ካፓቱ፥ ኑ ሌዋቱነ ኑ ቄሳቱ ባረንቱ ማታፋ ዎድኖ።
\c 10
\p
\v 1 ሀዋፐ ካልያ አሳቱ ሄ ማታፋይ ዎዳ ዋራቃታ ቦላን ፓራሜድኖ። ሄዋንቱካ ሀካልያ ናኣ ጋድያ ሞድያ ናህምያ፤ ቄሳቱ ዋፐ: ሰደቅያሳ፥ 
\v 2 ሳራያ፥ አዛርያ፥ ኤርማሳ፥ 
\v 3 ፓሽሁራ፥ አማርያ፥ ማልክያ፥ 
\v 4 ሀጹኡሻ፥ ሻባንያ፥ ማሉካ፥ 
\v 5 ሀሪማ፥ ማረሞታ፥ ኦባድያ፥ 
\v 6 ዳኔላ፥ ግነቶና፥ ባሩካ፥ 
\v 7 ማሹላማ፥ አቢያ፥ ምያሚና፥ 
\v 8 ማኣዝያ፥ ብልጋያነ ሻማእያ።
\p
\v 9 ሌዋቱዋፐ: አዛንያ ናኣ ኢያሳ፥ ሄናዳዳ ያራ ግዴዳ ቢኑያ፥ ቃድምኤላነ 
\v 10 ኡንቱንቱ እሻቱዋ ሻባንያ፥ ሆድያ፥ ቃሊጻ፥ ፓላያ፥ ሀናና፥ 
\v 11 ሚካ፥ ራሆባ፥ ሀሻብያ፥ 
\v 12 ዛኩራ፥ ሸረብያ፥ ሻባንያ፥ 
\v 13 ሆድያ፥ ባናነ ባኒና።
\p
\v 14 ቃይ አሳ ካለያዋንቱፐ: ፓርኦሻ፥ ፓሀት-ሞኣባ፥ ኤላማ፥ ዛታ፥ ባና፥ 
\v 15 ቡና፥ አዝጋዳ፥ በባያ፥ 
\v 16 አዶንያ፥ ብግዋያ፥ አዲና፥ 
\v 17 አጼራ፥ ህዝቂያሳ፥ አዙራ፥ 
\v 18 ሆድያ፥ ሀሹማ፥ በጻያ፥ 
\v 19 ሀሪፋ፥ አናቶታ፥ ነባያ፥ 
\v 20 ማግፕኣሻ፥ ማሹላማ፥ ሄዚራ፥ 
\v 21 ማሸዛቤላ፥ ጻዶቃ፥ ያዱአ፥ 
\v 22 ፓላጽያ፥ ሀናና፥ አናያ፥ 
\v 23 ሆሼአ፥ ሀናንያ፥ ሀሹባ፥ 
\v 24 ሀሎሄሻ፥ ፒልሀ፥ ሾቤቃ፥ 
\v 25 ረሁማ፥ ሀሻብና፥ ማእሴያ፥ 
\v 26 አኪያ፥ ሀናና፥ አናና፥ 
\v 27 ማሉካ፥ ሀሪማነ ባኣና።
\s1 እስራኤልያ አሳይ ጫቀቴዳ ቃላ ጫቁዋ
\p
\v 28 ቃይ አቴዳ አሳይካ ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ ጌሻ ጎልያ ቆማቱነ ጾሳ ህግያዉ አዛዘታናዉ አይሁዳ ግደናዋንቱፐ ባረና ሻኬዳ ኡባይ፥ ቃይ ኡንቱንቱ ማቻቱ፥ ኡንቱንቱ አቱማ ናናይ፥ ኡንቱንቱ ማጫ ናናይነ የዉዋ አኬካናዉ አሳ ጋማ ጋኬዳ ኡባይ፥ 
\v 29 ባረና ካለያዋና ሀ ጫቁዋን ማየቴድኖ። ሄዌካ ባረ ቆማ ሙሴ ባጋና ጾሳይ ኡንቱንቶ እሜዳ ህግያዳን ባናዉ፥ መና ጎዳ ኑ ጾሳ አዛዙዋ፥ ፕርዳነ ዎጋ ናጋናሳነ ኦናሳ። ሄዌ ዮፐ፥ ጾሳይ የድያ ሸቃይ ባረንቱ ቦላ ያናዳን ማየቴድኖ።
\p
\v 30 ኡንቱንቱ ሀዋዳን ያጊደ ጫቄድኖ፤ “ኑ ማጫ ናና አይሁዳ ግደና ጋድያ አቱማ ናናቶ እሞኮ፤ ቃይ ኡንቱንቱ ማጫ ናናካ ኑ አቱማ ናናቶ ማቻቶ ኦደ አኮኮ።\x - \xo 10:30 \xo*\xt ከሳ 34:16፤ ዛረ. 7:3\xt*\x*
\p
\v 31 “አይሁዳ ግደና ጋድያ አሳቱ ካ ግድና ዎይ ሀራባ አያነ ሳምባታ ጋላስ ዎይ ሀራ ባላ ጋላስ ዛልአናዉ አሆፐ፥ ኡንቱንቱፐ ሻሞኮ።
\p “ላፑን ላይይ ጋክያ ዎደ፥ ኑ ጋድያ ጎሾኮ፤ ኑን ታልኤዳ አጩዋ ኦቾኮ።\x - \xo 10:31 \xo*\xt ከሳ 23:10-11፤ ዎጋ 25:1-7፤ ዛረ. 15:1-2\xt*\x*
\p
\v 32 “ጌሻ ጎልያ ኦሶ እቼሹ ግራመ ዴጽያ ብራ ላይን ላይን አገናን እማና።\x - \xo 10:32 \xo*\xt ከሳ 30:11-16\xt*\x* 
\v 33 ሄዌ አያዉ ጎፐ፥ ጾሳ ስንን ዎያ ኡክሳ፥ ሀቼ ሀቼ ያርሽያ ካ ያርሹዋ ሳኣ፥ ጹግያ ያርሾ ሹክያ መህያዉ፥ ሳምባታ ጋላሳን፥ አግናይ ጼርያ ዎደነ ላይን ደእያ ሀራ ባላቱዋን ያርሽያ ያርሾነ ሀራ ጌሻ ሚሻ ኡባሳ፤ ቃይ እስራኤልያ አሳ ናጋራ አቶ ጊሳናዉ ያርሽያ ያርሾነ ኑ ጾሳ ጌሻ ጎልያ ኦሶ ኮሽያ ኡባባሳ።
\p
\v 34 “ኑን ቄሳቶ፥ ሌዋቶነ ሀራ አሳ ኡባዉ ሳማ የጌዶ። አያዉ ጎፐ፥ ህግያን ጻፈቴዳዋዳን መና ጎዳዉ፥ ኑ ጾሳዉ፥ ያርሽያ ሳኣን ያርሹዋ ጹግያ ም ኑ ጾሳ ጌሻ ጎልያዉ ኦ ያራይ አሀናዉ በስንቶ ኤራናሳ።
\p
\v 35 “ላይን ላይን ኑ ጋድያ አይፍያ ኮይሮ ጋክያዋነ አይፍያ እምያ ዱማ ዱማ ምቱዋፐ ኑን ኮይሮ ማጼዳ አይፍያ ኡባ መና ጎዳ ጌሻ ጎልያ አገናን አሂደ እማና።\x - \xo 10:35 \xo*\xt ከሳ 23:19፤ 34:26፤ ዛረ. 26:2\xt*\x*
\p
\v 36 “ህግያን ጻፈቴዳዋዳን ኑን ኡባይካ ኮይሮ የለትያ ኑ አቱማ ናና ኑ ጾሳ ጌሻ ጎልያን ኦያ ቄሳቱ ዋኮ አሂደ፥ ጾሳዉ ዱማያና፤ ቃይ ኑ ሚዛቱ፥ ኑ ዶርሳቱነ ኑ ዴሻቱ የልያ ኮይሮ ማራ ኡባካ ያ አሂደ፥ ቄሳቶ እማና።\x - \xo 10:36 \xo*\xt ከሳ 13:2\xt*\x*
\p
\v 37 “ኑን ኑ ጋድያን ዶልያ ካ አይፍያ ኮይሩዋ፥ ቃይ ኑ ም ኡባ አይፍያ፥ ዎይንያነ ዛይትያ እሞታ ኦደ፥ ኑ ጾሳ ጌሻ ጎልያ ሃ ቄሳቱ ዋኮ አሀና። ቃይ ሌዋቱ ኑ ካታማቱዋን ደእያ ቢታ ኡባ አይፍያ አስራታ አክያዋንታ ግድያ ድራዉ፥ ኑ ቢታይ አይፌዳዋፐ ኡባፐ አስራታ ኡንቱንቶ እማና።\x - \xo 10:37 \xo*\xt ፓይ. 18:21\xt*\x* 
\v 38 ሌዋቱ አስራታ ሺሽያ ዎደ፥ አሮና ያራ ግዴዳ ቄሳቱ ኡንቱንቱና እትፐ ደአናዉ በሰ። ሌዋቱካ አስራታ ሺሾዋፐ ጉይያን፥ አስራታፐ ከሴዳ አስራታ ኑ ጾሳ ጌሻ ጎልያ አሂደ፥ ሻሉዋ ዎያ ክፍልያን ዎኖ።\x - \xo 10:38 \xo*\xt ፓይ. 18:26\xt*\x* 
\v 39 እስራኤልያ አሳይነ ሌዋቱ ካ፥ ዎይንያነ ዎጋራ ዛይትያ እሞታ፥ ጌሻ ጎልያ ሚሻቱነ ጌሻ ጎልያን ኦያ ቄሳቱ፥ ፐንግያ ናግያዋንቱነ ማዝሙርያ የጽያዋንቱ ደእያ ክፍለቱዋ አሂኖ።
\p “ኑን ኑ ጾሳ ጌሻ ጎልያ ኦሱዋ ኡባካ ሸነኮ ጎኮ” ያጊደ ጫቄድኖ።
\c 11
\ms ናህሚ የሩሳላመን ኦዳ ላምያ
\mr (11:1—13:31)
\s1 የሩሳላመን ደእያ አሳ
\p
\v 1 አሳ ካለያዋንቱ የሩሳላመን ደኤድኖ። ቃይ ህንኮ አሳፐካ ታሙዋፐ እቱ እቱ ጌሻ ካታማን የሩሳላመን ደአና ማላ፥ ሳማ የጊደ ዶሬድኖ። ሽን ሀራ ኡዱፑን ኩሽያ አሳይ ባረንቱ ካታማቱዋን ደኤድኖ። 
\v 2 የሩሳላመን ደአናዉ ባረንቱ ሸንያን ማዬዳ አሳ ኡባ አሳይ አንጄዳ።
\p
\v 3 ሀራ ካታማቱዋን ደእያ እስራኤልያ አሳይ፥ ቄሳቱ፥ ሌዋቱ፥ ጌሻ ጎልያ ቆማቱነ ሶሎሞነ ቆማቱዋ ያራቱ ኡባይ ባረንቱ ካታማን ካታማን ደእያ ጋድያ ኦይቂደ ደኤድኖ። ሽን ሀዋፐ ካሊደ ጻፈቴዳዋንቱ፥ የሩሳላመን ደአናዉ ዬዳ ጋድያ ካለያዋንታ።\x - \xo 11:3 \xo*\xt ናህ. 7:73\xt*\x*
\p
\v 4 ይሁዳ ዛርያፐ ዬዳ ካለያዋንቱ ፓሬሳ ያራ ግዴዳ አታያነ ሼላ ያራ ግዴዳ ማእሴያ። አታይ ኦዝያና ናኣ፤ ኦዝያነ ዛካራሳ ናኣ፤ ዛካራስ አማርያ ናኣ፤ አማር ሻፋጽያ ናኣ፤ ሻፋጽ ማላልኤላ ናኣ። 
\v 5 ማእሴይ ባሩካ ናኣ፤ ባሩክ ኮልሆዛ ናኣ፤ ኮልሆዝ ሀዛያ ናኣ፤ ሀዛይ አዳያ ናኣ፤ አዳይ ዮያሪባ ናኣ፤ ዮያሪብ ዛካራሳ ናኣ። 
\v 6 ፓሬሳ ያራፐ ዎልቃማ ግዴዳ 468 አሳቱ የሩሳላመን ደኤድኖ።
\p
\v 7-8 ቢንያማ ዛርያፐ ዬዳ ካለያዋንቱ ሳላ፥ ጋባያነ ሳላያ። ሳሉ ማሹላማ ናኣ፤ ማሹላም ዮኤዳ ናኣ፤ ዮኤድ ፓዳያ ናኣ፤ ፓዳይ ቆላያ ናኣ፤ ቆላይ ማእሴያ ናኣ፤ ማእሴይ እትኤላ ናኣ፤ እትኤል ይሻእያ ናኣ። ሙለና 928 ቢንያማ ዛራቱ የሩሳላመን ደኤድኖ። 
\v 9 ዚክራ ናአይ ዩኤል ኡንቱንቱ ካፑዋ፤ ቃይ ሀሳኑአ ናአይ ይሁዳይ ካታማን ላኤን ማራጊ ደእያ ካፑዋ።
\p
\v 10-11 ቄሳቱ ዋፐ ዬዳ ካለያዋንቱ ዮያሪባ ናኣ ያዳያ፥ ያኪናነ ሳራያ። ሳራይ ህልቂያ ናኣ፤ ህልቂ ማሹላማ ናኣ፤ ማሹላም ጻዶቃ ናኣ፤ ጻዶቀ ማራዮታ ናኣ፤ ማራዮት ጾሳ ጌሻ ጎልያ ካፑዋ ግዴዳ አህጹባ ያራ። 
\v 12 ኡንቱንቱና እትፐ ጾሳ ጌሻ ጎልያ ኦሱዋ ኦዳዋንቱ ኡባና 822. ቃይ ሀራ ካለያዌ አዳያ፤ አዳይ ይሮሃማ ናኣ፤ ይሮሃም ፓላልያ ናኣ፥ ፓላሊ አሞጻ ናኣ፤ አሞጽ ዛካራሳ ናኣ፤ ዛካራስ ፓሽሁራ ናኣ፤ ፓሽሁር ማልክያ ናኣ። 
\v 13 አዳያና እትፐ ደእያ አሳይ ኡባና 242. ቃይካ ሀራ ካለያዌ አማሻሳያ፤ አማሻሳይ አዛርኤላ ናኣ፤ አዛርኤል አህዛያ ናኣ፤ አህዛይ ማሽለሞታ ናኣ፤ ማሽለሞት እሜራ ናኣ። 
\v 14 አማሻሳያና እትፐ ደእያ ኦላንቻቱ ኡባና 128. ኡንቱንቱ ካፑ ሀግዶልማ ናኣ ዛብድኤላ።
\p
\v 15 ሌዋቱዋፐ ዬዳ ካለያዋንቱፐ እቱ ሻማእያ፤ ሻማኤ ሀሹባ ናኣ፤ ሀሹብ አዝርቃማ ናኣ፤ አዝርቃም ሀሻብያ ናኣ፤ ሀሻቢ ቡና ናኣ። 
\v 16 ቃይ ሀራቱ ሻባታያነ ዮዛባዳ፤ ኡንቱንቱ ጾሳ ጌሻ ጎልያፐ ካረና ኦሰትያ ኦሶቶ አዎትያ ሌዋቱ ካፓቱዋ። 
\v 17 ቃይካ ሀራይ ማታንያ፤ እ ጋላታ ዎሳ ዎስያ ዎደ ጋላታ ማዝሙርያ የጽያዋንቶ ካፑዋ፤ እ አሳፋ ያራፐ የለቴዳ ዛብዳ ናኣ ናኣ፥ ሚካ ናኣ። ባረናና እትፐ የጽያዋንቱ ግዶን ባቅቡቀ ላኤን። ቃይ ሀራይካ አብዳ፤ እ ሻሙአ ናኣ፤ ሻሙእ ጋላላ ናኣ፤ ጋላል ይዱቱና ናኣ። 
\v 18 ኡባና 284 ሌዋቱ ጌሻ ካታማን የሩሳላመን ደኤድኖ።
\p
\v 19 ፐንግያ ናግያዋንቱፐ አቁባ፥ ጻልሞናነ ኡንቱንቱና እትፐ ኦያ ሀራ 172.
\p
\v 20 አቴዳ ቄሳቱ፥ ሌዋቱነ እስራኤልያ አሳይ ኡባይ ባረንቱ ጋዲ ደእያ ሳኣን ደእያ ሳኣን ዱማ ዱማ ይሁዳ ካታማቱዋን ደኤድኖ። 
\v 21 ሽን ጌሻ ጎልያ ቆማቱ የሩሳላመ ካታማን እት ባጋና ደእያ ኦፌላ ጌተትያ ሄራን ደኤድኖ። ጺህነ ግሽፕነ ላኡ ኡንቱንታ ካለያዋንታ።
\p
\v 22 የሩሳላመን ደእያ ሌዋቶ ካፑ ኡዛ። እ ባና ናኣ፤ ባን ሀሻብያ ናኣ፤ ሀሻቢ ማታንያ ናኣ፤ ማታኒ ሚካ ናኣ። ኡዝ ጌሻ ጎልያን የጽያዋንቶ ካፑዋ ግዴዳ አሳፋ ያራ። 
\v 23 ኡንቱንቱ ሀቼ ሀቼ ኦናባዉ ካትያፐ ኡንቱንቶ እመቴዳ አዛዙ ደኤ።
\p
\v 24 ይሁዳ ናኣ ዛራሀ ያራፐ የለቴዳ ማሸዛቤላ ናኣ ፓታሄ እስራኤልያ አሳ ጼልያ ኡባባዉ ኡንቱንቱ ዶና ግዲደ፥ ካትያ ማታን ደኤ።
\s1 ሀራ ቄር ካታማቱዋን ደኤዳ አሳ
\p
\v 25 አሳፐ ዳራቱ ባረንቱ ጎሻ ጎሻ ማታን ደእያ ቄር ካታማቱዋን ደኤድኖ። ሄዋ ድራዉ፥ ይሁዳ ዛራቱ ቅርያት-አርባአን፥ ድቦናን፥ ያቃብጽኤላንነ ሄዋ ሄራን ደእያ ቄር ካታማቱዋን ደኤድኖ። 
\v 26 ኡንቱንቱ ቃይ የሹአን፥ ሞላዳን፥ ቤት-ጳሌጻን፥ 
\v 27 ሀጻር-ሹኣላን፥ በርሳቤሀንነ ሄዋ ሄራን ደእያ ቄር ካታማቱዋን፥ 
\v 28 ጽቅላጋን፥ ማኮናንነ ሄዋ ሄራን ደእያ ቄር ካታማቱዋን ደኤድኖ። 
\v 29 ቃይካ ኤንርሞናን፥ ጾርኣንነ ያርሙታንካ ደኤድኖ። 
\v 30 ሄዋ ጻላላ ግደናን ዛኖሀን፥ አዱላማንነ ሄዋ ሄራን ደእያ ቄር ካታማቱዋንነ ላክሻንነ ሄዋ ሄራን ደእያ ጎሻን፥ ቃይ አዜቃንነ ሄዋ ሄራን ደእያ ቄር ካታማቱዋንካ ደኤድኖ። ሄዋ ድራዉ፥ ይሁዳ አሳይ ኡባና በርሳበሄፐ ቢደ፥ ህኖማ ዛንጋራ ጋካናዉ ደእያ ሳኣን ደኤድኖ።
\p
\v 31 ቢንያማ ዛራቱ ቤቴለንነ ሄዋ ሄራን ደእያ ቄር ካታማቱዋንነ ገባአን፥ ምክማሳን፥ አያን፥ 
\v 32 አናቶታን፥ ኖባን፥ አናንያን፥ 
\v 33 ሀጾራን፥ ራማን፥ ግታይማን፥ 
\v 34 ሀዲዳን፥ ጻቦኢማን፥ ናባላጻን 
\v 35 ሎዳን፥ ኦኖንነ ኩሽያ ሂላቱ ዛንጋራ ግያ ሳንካ ደኤድኖ። 
\v 36 ይሁዳን ደኤዳ ሌዋቱዋፐ ዳራቱ ቢንያማ አሳና እትፐ ደአናዳን ኦሰቴድኖ።
\c 12
\s1 ኦሞዱዋፐ ስሜዳ ቄሳቱዋነ ሌዋቱዋ ሱን
\p
\v 1 ሳላትያላ ናኣ ዛሩባቤላናነ ቄሰ ኡባቱዋ ካፑዋ ኢያሱና ኦሞዱዋፐ ስሜዳ ቄሳቱ ሀዋንታ: ሳራያ፥ ኤርማሳ፥ እዝራ፥ 
\v 2 አማርያ፥ ማሉካ፥ ሀጹኡሻ፥ 
\v 3 ሻካንያ፥ ረሁማ፥ ማረሞታ፥ 
\v 4 እዳ፥ ግነቶና፥ አቢያ፥ 
\v 5 ምያሚና፥ ማኣድያ፥ ብልጋ፥ 
\v 6 ሻማእያ፥ ዮያሪባ፥ ያዳያ፥ 
\v 7 ሳላ፥ አሞካ፥ ህልቂያነ ያዳያ። ሀዋንቱ ኢያሱ ላይን ቄሳቶነ ቄሳቱዋ ያራቶ ካፑዋ ግዴዳዋንታ።
\p
\v 8 ኡንቱንቱና እትፐ ስሜዳ ሌዋቱ ኢያሳ፥ ቢኑያ፥ ቃድምኤላ፥ ሸረብያ፥ ይሁዳነ ማታንያ። ማታኒ ሀራ ባረናና ኦያዋንቱና እትፐ ጋላታ ማዝሙርያ የጽያዋንቶ ካፑዋ። 
\v 9 ኡንቱንቱና እትፐ የጽያ ባቅቡቀነ ኡኖን ኡንቱንቱፐ ስንና ሃ ስም ኤቂደ የጺኖ።
\p
\v 10 ኢያሱ ዮያቂማ የሌዳ፤ ዮያቂም ኤልያሽባ የሌዳ፤ ኤልያሽብ ዮያዳአ የሌዳ፤ 
\v 11 ዮያዳእ ዮናታና የሌዳ፤ ዮናታን ያዱአ የሌዳ። 
\v 12 ዮያቂም ቄሰ ኡባቱዋ ካፑዋ ግዴዳ ላይ፥ ሀዋፐ ካሊደ ጻፈቴዳዋንቱ፥ ቄሳቱዋ ያራቱ ካፑዋ ግዴድኖ።
\p ሳራያ ያራ ካፑ ማራያ።
\p ኤርማሳ ያራ ካፑ ሀናንያ።
\p
\v 13 እዝራ ያራ ካፑ ማሹላማ።
\p አማርያ ያራ ካፑ ያሆሀናና።
\p
\v 14 ማሉካ ያራ ካፑ ዮናታና።
\p ሻባንያ ያራ ካፑ ዮሴፎ።
\p
\v 15 ሀሪማ ያራ ካፑ አዲና።
\p ማራዮታ ያራ ካፑ ህልቃያ።
\p
\v 16 እዶ ያራ ካፑ ዛካራሳ።
\p ግነቶና ያራ ካፑ ማሹላማ።
\p
\v 17 አቢያ ያራ ካፑ ዚክራ።
\p ምንያምናነ ማኣድያ ያራ ካፑ ፕልጻያ።
\p
\v 18 ብልጋ ያራ ካፑ ሻሙአ።
\p ሻማእያ ያራ ካፑ ዮናታና።
\p
\v 19 ዮያሪባ ያራ ካፑ ማታናያ።
\p ያዳያ ያራ ካፑ ኡዛ።
\p
\v 20 ሳላያ ያራ ካፑ ቃላያ።
\p አሞካ ያራ ካፑ ኤቤራ።
\p
\v 21 ህልቂያ ያራ ካፑ ሀሻብያ።
\p ያዳያ ያራ ካፑ ናታንኤላ።
\p
\v 22 ሌዋቱ ካፓቱ ኤልያሽብ፥ ዮያዳእ፥ ዮሀናንነ ያዱእ ቄሰ ካፑዋ ግዴዳ ዱማ ዱማ ላይን ጻፈቴድኖ። ቃይ ቄሳቱ ፓርሰ ጋድያ አሳ ግዴዳ ዳርዮስ ካተቴዳ ላይን ጻፈቴድኖ። 
\v 23 ግዶ ሽን፥ ሌዋቱ ያራቱ ካፓቱ ማዝጎብያን ጻፈቴዳዌ ኤልያሽባ ናኣ ናኣ ዮሀናን ሀይቃና ጋካናዉ ደእያ ዎድያ ጻላላና።
\p
\v 24 ሌዋቱዋ ካለያዋንቱ ሀሻብያ፥ ሸረብያነ ቃድምኤላ ናኣ ኢያሳ። ኡንቱንቱ ጾሳ አሳ ግዴዳ ካቲ ዳዊተ አዛዜዳዋዳን፥ ላኡዋን ሻከት ኤቂደ፥ ካላን ካላን ጾሳ ቦንቺኖነ አዉ ጋላታ ማዝሙርያ የጺኖ።
\p
\v 25 ጌሻ ጎልያ ግምቢያ ፐንግያ ማታን ኬጸቴዳ ዱማ ዱማ ሻሉዋ ዎያ ጎልያ ናግያዋንቱ ማታንያ፥ ባቅቡቅያ፥ ኦባድያ፥ ማሹላማ፥ ጻልሞናነ አቁባ ግያዋንታ። 
\v 26 ሀዋንቱ ዮጸዴቃ ናኣ ናኣ፥ ኢያሱ ናኣ ዮያቂም፥ ጋድያ ሞድያ ናህሚነ ቄሰነ ጻፍያ ግዴዳ እዝር ደኤዳ ላይን ኦድኖ።
\s1 ናህሚ የሩሳላመ ካታማ ግምቢያ አንጅስያ ባላ ኦዳ
\p
\v 27 የሩሳላመ ግምቢ ግምበቲደ ዉሬዳ ባላ ቦንችያ ዎደ፥ ሌዋቱ ባረንቱ ደኢያሳፐ ሳፐ ኮየቲደ፥ የሩሳላመ ዬድኖ፤ ዳላን፥ ዲንነ ማስንቁዋን ጋላታ ማዝሙርያ ናሸቻን የጺደ፥ ባላ ቦንቼድኖ። 
\v 28 ሀ ባላ ቦንቻናዉ ሌዋቱዋ ዛራቱ፥ ማዝሙርያ የጽያዋንቱ ኡባይ ባረንቱ ኬጺደ ኡቴዳ የሩሳላመ ዩሹዋፐነ ናጾፋቱ ጋድያን ደእያ ቄር ካታማቱዋፐ፥ 
\v 29 ቤት-ገልጋላፐ፥ ገባአፐነ አዝማዌታፐ ሺቂደ ዬድኖ። 
\v 30 ሄዋፐ ጉይያን፥ ቄሳቱ ነ ሌዋቱ ባረንቱ ሁጲያዉ ጌዬድኖ፤ ቃይ አሳይ ኡባይ፥ ግምቢያ ፐንገቱነ ግምቢ ጾሳዉ ጌያናዳን ኦያ ዎጋ ፖሌድኖ።
\p
\v 31 ታን ይሁዳ ካለያዋንታ ግምቢያ ቦላን ሺሻይ፤ ቃይ ማዝሙርያ የጽያዋንታካ ላኡ ጩጉዋን ሻካደ ጾሳ ጋላታና ማላ ኦድ። እት ጩጉ ግምቢያ ሁጲያና ኡሸቻ ስሚደ፥ ፕቱዋ ኦልያ ፐንግያ ባጋ ቤዳ። 
\v 32 ሆሻይነ ይሁዳ ካለያዋንቱፐ ባጋቱ ኡንቱቱፐ ጉየና ካሊኖ። 
\v 33 ሀራቱ ቃይ ኡንቱንቱና ደእያዋንቱ አዛርያ፥ እዝራ፥ ማሹላማ፥ 
\v 34 ይሁዳ፥ ቢንያማ፥ ሻማእያ፥ ኤርማሳነ 
\v 35 ጹሩምባ ኦይቂደ ቄሳቱ ዋ። ቃይ ኡንቱንቱፐ ጉየና ዬዳዌ ዛካራሳ፤ ዛካራስ ዮናታና ናኣ፤ ዮናታን ሻማእያ ናኣ፤ ሻማኤ ማታንያ ናኣ፤ ማታኒ ምካያ ናኣ፤ ምካይ ዛኩራ ናኣ፤ ዛኩር አሳፋ ናኣ። 
\v 36 ዛካራሳ ያራ ግዴዳ ሻማኤ፥ አዛርኤል፥ ምላላይ፥ ግላላይ፥ ማኣይ፥ ናታንኤል፥ ይሁዳይነ ሀናን ጾሳ አሳ ግዴዳ ዳዊተ ጾሳዉ የጽያ ዎደ ጎኤትያ የ ሚሻ ኡባ አኪደ፥ ዛካራሳፐ ጉየና ካሌድኖ። ኡንቱንቱ ጩጉዋ ካለያዌነ ጻፍያዌ እዝራ። 
\v 37 ፑልቱዋ ፐንግያኮ ጋኮዋፐ ጉይያን፥ ዳዊታ ካታማኮ ስሚደ፥ ግምቢያ ቦላን ደእያ ጸካ ከሴድኖ፤ ዳዊታ ጎለ አደ፥ ካታማፐ አዋይ ዶልያ ባጋና ደእያ ሃ ፐንግያኮ ቤድኖ።
\p
\v 38 ላኤን ማዝሙርያ የጽያዋንቱ ጩጉ ግምቢያ ሁጲያ ኦይቂደ፥ ሀድርሳ ስሚደ ቤዳ። ታን አሳፐ ባጋና እትፐ ግዳደ ኡንቱንቱፐ ጉየና ካላድ። እቶንያ አዱሳ ግምቢያፐ አደ፥ አኮ ግምቢያ ጌተትያ ሳኣ ጋኬዳ። 
\v 39 ቃይ ሄዋፐካ ስሚደ፥ ኤፍሬማ ፐንግያ፥ ኤጫ ፐንግያ፥ ሞልያ ፐንግያ፥ ሀናንኤላ አዱሳ ግምቢያነ ጼቱ አዱሳ ግምቢያ ጋካናስካ ቤዳ። ዉርሰን ዶርሳ ፐንግያ ማታና ቢደ፥ ናግያዋንቱ ፐንግያ ጋኪደ ኤቄዳ።
\p
\v 40 ማዝሙርያን ጾሳ ጋላትያ ላኡ ጩጉካ ጾሳ ጌሻ ጎልያኮ ጋኬድኖ፤ ቃይ ታንካ ታናና እትፐ ደእያ ካለያዋና ጋካድ። 
\v 41 ኑፐ ሀራቱ ሀዋፐ ካሊደ ጻፈቴዳ፥ ጹሩምባ ፑንያ ቄሳቱ ካ ጋኬድኖ። ሄዋንቱካ ኤልያቂማ፥ ማእሴያ፥ ምንያምና፥ ምካያ፥ ኤልዮኤናያ፥ ዛካራሳነ ሀናንያ። 
\v 42 ኡንቱንቱ ካሊደ ጋኬዳዋንቱ ማእሴያ፥ ሻማእያ፥ ኤልኣዛራ፥ ኡዛ፥ ያሆሀናና፥ ማልክያ፥ ኤላማነ ኤጼራ። ኑን ኡባይ ደንድ ኤቆዋፐ ጉይያን፥ ማዝሙርያ የጽያዋንቱ ይዝራሄ ኡንቱንታ ካለና፥ ባረንቱ ኮሻ ቁ ኦደ የጼድኖ።
\p
\v 43 ሄ ጋላስ ዳሮ ያርሹዋ አሳይ ጾሳዉ ያርሼዳ፤ አያዉ ጎፐ፥ ጾሳይ ኡንቱንቱ ዎልቃማ ናሸቻን ናሸቼዳ፤ ማጫ አሳይካ ናናይካ ናሸቴድኖ። ሄዋ ድራዉ፥ የሩሳላመ አሳይ ናሸትያ ናሸቻይ ሃኩዋን ስሰቴዳ።
\p
\v 44 ሄ ጋላስ አሳይ እምያ እሞታቱዋ፥ አስራታነ ላይን ካእያ ካ አይፍያ ኮይሩዋ ሺሺደ፥ ሚሻቱዋ ዎያ ጎለን ዎደ፥ ናግያ ካፓቱዋ ዶሬድኖ። ሀ ዶሬዳ አሳቱ ዱማ ዱማ ካታማቱዋን ደእያ ሾይቃቱዋፐ ህጊ አዛዝያዋዳን፥ ቄሳቶነ ሌዋቶ በስያ ቆሙዋ ሺሽኖ። አያዉ ጎፐ፥ ይሁዳ አሳይ ኡባይ ቄሳቱ ዋንነ ሌዋቱዋን ሎይ ናሸቴድኖ። 
\v 45 ኡንቱንቱ ጾሳይ አዛዜዳዋ ኦድኖ፤ ቃይ ጌይያ ዎጋካ ፖሌድኖ። ኡንቱንቱ ጻላላ ግደናን፥ ማዝሙርያ የጽያዋንቱነ ፐንግያ ናግያዋንቱ ዳዊተነ አ ናኣ ሶሎሞነ አዛዜዳ ኦሱዋ ፖሌድኖ።\x - \xo 12:45 \xo*\xt 1 ኦዱዋ 25:1-8፤ 26:12\xt*\x* 
\v 46 ካሰ ዳዊታነ አሳፋ ዎድያፐ ዶሚደካ ማዝሙርያ የጽያዋንቱ ጩጉዋ ካለያዋንቱ ጾሳ የን ጋላታናዉነ ቦንቻናዉ ደእያዌ ኤረቲደ ደእያዋ። 
\v 47 ዛሩባቤላ ላይንነ ናህምያ ላይን እስራኤልያ ኡባይ ማዝሙርያ የጽያዋንቶነ ፐንግያ ናግያዋንቶ በስያ ቆሙዋ ሀቼ ሀቼ እሜድኖ፤ ቃይ ሌዋቶካ ኡንቱንቶ ዱማዬዳ ቆሙዋ እሜድኖ። ሌዋቱካ ቃይ አሮና ያራቱዋ ግዴዳ ቄሳቶ ኡንቱንቶ ዱማዬዳ ቆሙዋ እሜድኖ።
\c 13
\s1 እስራኤልያ አሳይ አላጋ አሳፐ ሻከቴዳ
\p
\v 1 ሄ ጋላስ አሳይ ኡባይ ስስሽን፥ ሙሴ ማጻፋይ ናባበቴዳ፤ ሄ ዎደ ኡንቱንቱ፥ “ሞኣበ ጋድያ አሳይነ አሞና ጋድያ አሳይ ጾሳ ማባራን ጋከታናዉ በሰና” ግያ ሳኣ ማጻፋ ግዶን ደሜድኖ።\x - \xo 13:1-2 \xo*\xt ዛረ. 23:3-5\xt*\x* 
\v 2 አያዉ ጎፐ፥ እስራኤልያ አሳይ ግብጼፐ ከሲደ፥ ካናነ ብያ ዎደ፥ ሞኣባነ አሞና ጋድያ አሳይ ኡንቱንቶ ካነ ሃ እመናን እጼድኖ። ሄዋ ቦላካ ቃይ እስራኤልያ አሳ ሸቃና ማላ፥ ባላማዉ ሻሉዋ እሚደ ሻሜድኖ። ግዶ ሽን፥ ኑ ጾሳይ ሸቃ አንጆ ላሜዳ።\x - \xo 13:2 \xo*\xt ፓይ. 22:1-6\xt*\x* 
\v 3 ሀ ህግያ እስራኤልያ አሳይ ስሴዳ ዎደ፥ አላጋ ዛርያ ዋላካይ ደእያ ኡባ እስራኤልያፐ ሻኬዳ።
\s1 ናህሚ ባዬዳ ዎጋ ኦራጽሴዳ
\p
\v 4 ሄዋፐ ካሰቲደ፥ ጌሻ ጎልያን ሚሻቱዋ ዎያ ክፍለቶ ካፑዋ ግዴዳ ኤልያሽብ ጾቢያና ዳቦታ መ ዎዳ። 
\v 5 ሄዋፐ ደንደዳዋን ካ እሞታ፥ እጻና፥ ጌሻ ጎልያን ደእያ ዱማ ዱማ ሚሻቱዋ፥ ካፐ ዎይንያፐነ ዛይትያፐ ሌዋቶ፥ ማዝሙርያ የጽያዋንቶነ ፐንግያ ናግያዋንቶ እምያ አስራታነ ቄሳቶ እምያ ቆሙዋ ዎያ ዎጋ ክፍልያ ኤልያሽብ ጾቢ አቃና ማላ፥ አዉ ጊግሴዳ።
\p
\v 6 ሀ ኡባባይ ሀንያ ዎደ ታን የሩሳላመን ደእከ። አያዉ ጎፐ፥ አርጸክሲስ ባብሎነ ጋድያን ካተቴዳ ሀታማነ ላኤን ላይን ታን ስማደ ባብሎነ ጋድያ ካትያኮ ባ ክቻድ። ግዶ ሽን፥ ጉ ዎድያፐ ጉይያን፥ ካትያ ኦቻደ፥ 
\v 7 የሩሳላመ ስማደ ያድ። ጾሳ ጌሻ ጎሊ ደእያ ሳኣን ኤልያሽብ ጾቢያዉ አቅያ ክፍልያ ጊግሲደ፥ እ ኦዳ ኢታባ አኬካድ። 
\v 8 ሎይ ሀንቀታደ፥ ጾቢያ ሶይ ሻሉዋ ኡባ ክፍልያፐ ከሳደ፥ ካረ ኦላድ። 
\v 9 ክፍልያካ ቃይ ዎጋዳን ጌሻና ማላ አዛዛድ። ጾሳ ጌሻ ጎልያ ሚሻቱዋ፥ ካ፥ እሞታነ እጻና ዛራደ ሄ ሳኣ ገልሳድ።
\p
\v 10 ቃይ አሳይ ሌዋቶነ ማዝሙርያ የጽያዋንቶ በስያ ቁማዉ እምቤና ድራዉ፥ ሌዋቱነ ማዝሙርያ የጽያዋንቱ ኡባይ ባረንቱ ኪታ አጊደ፥ ጎሻዉ ጉየ ቤዳዋ በኣድ።\x - \xo 13:10 \xo*\xt ዛረ. 12:19\xt*\x* 
\v 11 ሄዋ ድራዉ፥ ታን ካፓቱዋ፥ “ጾሳ ጌሻ ጎልያ ኦሱዋ አያዉ ኦል አጌድቴ?” ያጋደ ሀንቀታድ። ሄዋፐ ጉይያን፥ ኡንቱንታ ጼጋደ ኡባካ ኡንቱንቱ ኦሶ ኦሱዋ ዛራድ። 
\v 12 ያትና፥ ይሁዳ አሳይ ኡባይ ካፐ፥ ዎይንያፐነ ዛይትያፐ እምያ አስራታ ጌሻ ጎልያ ሚሻቱዋ ዎያ ጎልያ ዛሪደ፥ አሁዋ ዶሜዳ።\x - \xo 13:12 \xo*\xt ሚልክ. 3:10\xt*\x* 
\v 13 ታን ቄስያ ሸሌምያ፥ ጻፍያ ጻዶቃነ ሌዊያ ፓዳያ ሚሻ ዎያ ጎልያዉ ካፑዋ ኦደ ሱንድ። ቃይ ማታንያ ናኣ ናኣ ዛኩራ ናአይ ሀናን ኡንቱንታ ማድያዋ። ሀዋንቱ ኡባይካ ኮሽያዋ ኡባ ባረንቱ እሻቶ ሻክ ሻክ እምያዋን አማነትያዋንታ ግዴድኖ።
\p
\v 14 “ታ ጾሳዉ ታና ቆፓ፤ ቃይ ነ ጌሻ ጎልያ ኪታይ ጊጋና ማላ፥ ታን ኦዳ ሎኦ ኦሱዋካ ዶጎፓ” ያጋደ ታን ዎሳድ።
\p
\v 15 ሄ ዎድያን ታን ይሁዳን ደእያ አሳይ ሳምባታ ጋላስ ዎይንያ ጉምእሽን በኣድ፤ ሀራቱካ ቃይ ካ፥ ዎይንያ ኤሳ፥ ዎይንያ አይፍያ፥ ባላስያ አይፍያነ ሄዋንታ ማላትያባቱዋ ባረንቱ ሀርያን ጫኒደ፥ ሳምባታ ጋላሳን የሩሳላመ አህያዋ በኣድ። ሄዋ ድራዉ፥ ኡንቱንቱ ሳምባታ ጋላሳን ዛልኤናዳን ታን ኡንቱንቶ ምንሳደ ኦዳድ።\x - \xo 13:15 \xo*\xt ከሳ 20:8-10፤ ዛረ. 5:12-14፤ ኤር. 17:21-22\xt*\x* 
\v 16 ሄዋ ቦላካ ቃይ የሩሳላመን ደእያ ጺሮሳ ጋድያ አሳቱ ሞልያነ ሀራ እት እት ዛልኤ ሚሻቱዋ አሂደ፥ ሳምባታን የሩሳላመን ይሁዳ አሳዉ ዛልኢኖ። 
\v 17 ሄዋ ድራዉ፥ ታን ይሁዳ ካለያዋና ሀዋዳን ያጋ ዋላቀታድ፤ “ሀዋ ማላ ኢታ ኦሱዋ ኦደ፥ ሳምባታ አያዉ ቱንሲቴ? 
\v 18 ጾሳይ ሀዋ ማላ መቱዋ ኑ ቦላንነ ኑ ካታማ ቦላን አሄዳዌ፥ ካሰ ህንተንቱ አዎቱ ሄዋ ማላ ኢታባ ኦና ግደኔየ? ሀእ ህንተንቱ ቃይ ሳምባታ ቱንሲደ፥ እስራኤልያ ቦላን ሀራ ሀንቁዋ አሀናዉ ሀኒታ” ያጋድ።
\p
\v 19 ሄዋፐ ጉይያን፥ ሳምባታ ጋላሳፐ ካሰቲደ ደእያ ጋላሳን ሳአይ ለለምእያ ዎደ፥ የሩሳላመ ግምቢያ ፐንገቱ ጎርደታናዳንነ ሳምባታይ አናዉ ዶየተናዳን ታን አዛዛድ። ቃይ ሳምባታ ጋላሳን አይ ዛልእያነ አኪደ ገለናዳን ናጋና ማላ፥ ታ ቆማቱዋፐ እቱዋ እቱዋ ግምቢያ ፐንግያን ኤሳድ። 
\v 20 ሄዋ ድራዉ፥ ዱማ ዱማ ዛልኤ ሚሻቱዋ አህያ ዛልአንቻቱ እቱዋፐ ቢደ ላኡዋ ጋካናዉ፥ የሩሳላመ ግምቢያፐ ጋጻ ባጋና አቄድኖ። 
\v 21 ሽን ታን ኡንቱንታ ሀዋዳን ያጋደ ሴራድ፤ “ግምቢያፐ ጋጻና ዋናናዉ አቂቴ? ህንተንቱ ላኤን ሄዋዳን ኦፐ፥ ታን ዎልቃንካ ህንተንታ ተአና” ያጋድ። ሄ ጋላሳፐ ጉይያን፥ ላኤን ሳምባታ ጋላስ ሙለ ይበይክኖ። 
\v 22 ሌዋቱ ባረንቱ ሁጲያ ጌሻናዳንነ ሳምባታ ጋላሳይካ ጌሻ ግዳና ማላ፥ ግምቢያ ፐንገቱዋ ናጋናዳን ታን አዛዛድ።
\p “ታ ጾሳዉ፥ ሀ ኡባባ ድራዉ፥ ኔን ታና ቆፓ፤ ቃይ ነ አገና ሲቁዋ ድራዉ፥ ኔን ታዉ ቃረታ” ያጋደ ዎሳድ።
\p
\v 23 ሄ ዎደ ቃይካ ታን ይሁዳ አቱማ አሳፐ እቱ እቱ ማችያ አሽዶዳ፥ አሞናነ ሞኣበ ጋደቱዋፐ አኬዳዋ በኣድ።\x - \xo 13:23-25 \xo*\xt ከሳ 34:11-16፤ ዛረ. 7:1-5\xt*\x* 
\v 24 ኡባ ቃይ ኢታባይ ኡንቱንቱ ናናቱዋፐ ባጋይ አሽዶዳ ጋድያ ዎይ እት እት ሀራ ጋድያ ቃላን ሃሳዪኖፐ አትና፥ ባረንቱ ጋድያ፥ ይሁዳ ቃላን ሃሳያናዉ ዳንዳይክኖ። 
\v 25 ታን ኡንቱንቱና ኦሸታድነ ኡንቱንታ ሸቃድ፤ ቃይ ኡንቱንቱፐ እቱዋ እቱዋ ደቻደ፥ ኡንቱንቱ ሁጲያ ብናና ሾዳድ። ሄዋ ጻላላ ግደናን ኡንቱንቱ ላኤን ባረንቱ ማጫ ናና ኡንቱንቱ አቱማ ናናቶ እመናዳንነ ኡንቱንቱ ማጫ ናናካ ባረንቶነ ባረንቱ አቱማ ናናቶ አከናዳን ጾሳ ሱንን ጫቀታድ። 
\v 26 ቃይካ ኡንቱንታ ሀዋዳን ያጋድ፤ “ካትያ ሶሎሞነ ናጋራ ኦዳዌ አላጋ ጋድያ ማጫ አሳቱዋፐ ደንዴዳዋና ግደኔየ? ሶሎሞነ ማላ ካቲ ሀራ ዳሮ ጋድያ ካተቱዋ ግዶንካ ባዋ፤ ጾሳይካ አ ዶሴዳ ድራዉ፥ እስራኤልያ አሳ ኡባ ቦላን ካተዬዳ። ግዶ ሽን፥ ሀራይ አቶ አካ አላጋ ጋድያ ማጫ አሳቱ ሀዋ ማላ ናጋራ ኦስሴድኖ።\x - \xo 13:26 \xo*\xt 2 ሳሜላ 12:24-25፤ 1 ካታ. 11:1-8\xt*\x* 
\v 27 ያትና፥ ኑንካ ቃይ ህንተንቱ ዞርያ ስሲደ፥ አላጋ ማጫ አሳ አኪደነ ሄዋ ማላ ኢታባ ኦደ፥ ጾሳ ናቃኔየ?” ያጋድ።
\p
\v 28 ቄስያ ኡባቱዋ ካፑዋ ኤልያሽባ ናናቱዋፐ እቱ ዮያዳአ፤ ሽን አ ናናቱዋፐ እቱ ቤት-ሆሮና ካታማ አሳ ግድያ ሳንባላጻ ናቶ አኬዳ። ያትና፥ ታን አ ታ ደእያ ሳኣፐ የደርሳድ።\x - \xo 13:28 \xo*\xt ናህ. 4:1\xt*\x*
\p
\v 29 “ታ ጾሳዉ፥ ሀዋንቱ ቄሰተ ዎጋ ቱንሴዳዋነ ኔን ቄሳቱ ዋናነ ሌዋቱዋና ዎዳ ቃላ ጫቁዋ ኮሌዳዋ በአ” ያጋደ ታን ዎሳድ።
\p
\v 30 ኡንቱንታ አላጋ ግዴዳ የዉዋ ኡባፐ ጌሾዋፐ ጉይያን፥ ቄሳቶነ ሌዋቶ ኡንቱንቱ ኦሱዋ ኦሱዋ እማድ። 
\v 31 ቃይ ያርሹዋ ጹግያ ምይካ ዎድያን ዎድያን ያና ማላነ አሳይካ ባረዉ አይፌዳዋፐ ኮይሮ አይፍያ እሞታ ኦደ አሀና ማላ፥ ዎጋ ዎድ።
\p “ታ ጾሳዉ፥ ነ ሎኦተን ታና ቆፓ” ያጋደ ታን ዎሳድ።