\id NAM - Dawuro Full Bible Ethiopic Version
\ide UTF-8
\h ናሆማ
\toc1 ናሆማ ትምቢትያ
\toc2 ናሆማ
\toc3 ናሆማ
\mt1 ናሆማ ትምቢትያ
\imt ገሉዋ
\ip ናሆማ ግያ ሱን ብለይ፥ “ጾሳይ ምንያዋ ግያዋ።” ናሆማ ማጻፋይ በንፐ ዶሚደ እስራኤልያዉ ሞርከ ግዲደ ደኤዳ አሶረ ካዉተ ዋና ካታማ ነነዌ ኩንደ ናሸቻ ግጽምያን ኦዴ። መቀ ኢታነ ኦቶራንቻ ግዴዳ ነነዌ ካታማይ፥ የሱሳ የለታፐ ካሰ ላፑን ጼቱ ላይ ዉርሰን ኦላን ባዬዳ። ሄዌካ መቀ ኢታነ ኦቶራንቻ አሳ ቦላ ጾሳይ ዎት ፕርድንቶ በሴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ያሽያ ጾሳ ሀንቁዋ \ior 1:1-6\ior*
\io1 2. አሶራ ቦላ አዳ ፕርዳይ እስራኤልያ አሳዉ ህዶታ ቤትሴዳ \ior 1:7-15\ior*
\io1 3. አሶራ ሁጰ ካታማ ናናዌ ባየ \ior 2:1—3:19\ior*
\c 1
\s1 ያሽያ ጾሳ ሀንቁዋ
\r (1:1-6)
\p
\v 1 ኤልቆሻ ጌተትያ ሳን ደእያ ናሆመ ነነዌ ቦላ ጾሳፐ አኬዳ ኪታይነ በኤዳ ሳፃ ማጻፋይ ሀዋ።\x - \xo 1:1—3:19\xo*\xt ኢሳ. 10:5-34፤ 14:24-27፤ ሶፎ. 2:13-15\xt*\x*
\s1 ነነዌ ቦላን ጾሳይ ሀንቀቴዳ ሀንቁዋ
\p
\v 2 መና ጎዳይ ቃናትያነ ሀሉዋ ከስያ ጾሳ፤ መና ጎዳይ ሀሉዋ ከስያዋነ ሀንቁዋን ኩሜዳዋ፤ መና ጎዳይ ባረናና ኤቀትያዋንቶ ሀሉዋ ከሴ፤ ቃይ ባረ ሞርከቱዋ ሙራናዉ ባረ ሀንቁዋ ጊግስ ዎዳ። 
\v 3 መና ጎዳይ ሀንቀታናዉ ኤሌለና፤ ዎልቃይካ አዌ ዎልቃማ፤ እ ባይዛንቻ አያ ግዶፐነ፥ ሙረናን አገና።
\p መና ጎዳዉ ጎቱዋንነ ቤታ ግዶን ኦጊ ደኤ፤ ሻሪካ አ ገዲ የና ደንድያ ባና። 
\v 4 እ አባ ሴሪደ መልሴ፤ ሻፋቱዋ ኡባካ ቶይሴ። ባሳነንነ ቃርመሎሳን ደእያ ምቱነ ማታቱ ሹሊኖ። ሊባኖሳ ጪሻይካ ቆቆፈቴ። 
\v 5 አ ስንን ደረቱ ቃጺኖ፤ ዞዘቱካ ሲሊኖ። እ ቆንጭያ ዎደ ቢታይ ሳአይ ቃጻና፤ ሳኣን ደእያባይ ኡባይካ ኮኮራና። 
\v 6 አ ሀንቁዋ ስንን ኤቃናዌ ኦኔ? አ ሀንቁዋ ሱሉዋካ ዳንዳያናዌ ኦኔ? አ ሀንቁ ታማዳን ቡክያ ዎደ፥ ዛላቱ ዛኢደ ጳልቀቲኖ።
\s1 አሶረ ቦላ አዳ ፕርዳይ እስራኤልያ አሳዉ ህዶታ ቤትሴዳ
\r (1:7-15)
\p
\v 7 መና ጎዳይ ኬካ፤ መቱዋ ጋላስካ ባቃት አትያሳ፤ እ ባረኮ ባቃት አታናዉ ኮይያዋንታ ኤሬ። 
\v 8 ሽን እ ባረ ሞርከቱዋ ድኡዋን ሙክሲደ ይሳና፤ ባረናና ኤቀትያዋንታካ ማዉ የደርሳና።
\p
\v 9 ህንተ መና ጎዳ ቦላ ማቀትያዌ እ አዬ? እ ህንተና ኡባና ይሳና፤ ላኤንዋ ይሳናዉ ደንደና። 
\v 10 ህንተንቱ፥ ባጽባለቴዳ አጉን ማላቱ፥ ቃይ ኡሺደ ማቴዳዋዳን ጋንድጋርያዋንቱ፥ መላ ኡቱላዳን ታማን ጹገት ያና። 
\v 11 ነነዌ፥ መና ጎዳ ቦላ ኢታባ ቆፕያዌ፥ ኢታ ዞርያ ዞርያዌ ነ ግዶፐ ከሴዳ።
\p
\v 12 መና ጎዳይ ሀዋዳን ያጌ፤ “ናናዌቱ ምኖነ ጮራ ግዶፐካ፥ ቆለቲደ ያና። ይሁዳ አሳዉ፥ ታን ህንተና ካሰ ቱጋያድ፤ ሽን ሀዋፐ ስንናዉ ቱጋይከ። 
\v 13 ሀእ ታን አሶረቱዋ ሞርገ ም ህንተ ሞርግያፐ መንና፤ ህንተ ኡቁና ቃሹዋካ ታን ዱሰረና” ያጌ።
\p
\v 14 ነነዌ፥ መና ጎዳይ ነ ቦላ ፕርዴዳ ፕርዳይ ሀዋዳን ያግያዋ፤ “ሀዋፐ ስንናዉ ነ ሱን ጼስስያ ዘረይ ነዉ ደኤና። ነ ጾሳቱዋ ጎልያን ደእያ ምስለቱዋነ ኤቃቱዋ ታን ይሳና። ኔን ዳምበናዋ ግዴዳ ድራዉ፥ ታን ነ ዱፉዋ ቦካና” ያግያዋ።
\p
\v 15 በእተ፥ እት ኪተቴዳዌ ሎኦ ምሽራቹዋ ኦዲድነ ሳሮተ አዋዪደ፥ ቃ ደረቱዋ ቦላና ጋኬዳ። ህንተኖ፥ ይሁዳ አሳቶ፥ ህንተና ይስያ ሞርከቱ ኡባና ዬድኖ፤ ኡንቱንቱ ላኤን ህንተ ቢታ ዎራጅክኖ። ሄዋ ድራዉ፥ ህንተ ባላቱዋ ቦንችተ፤ ህንተ ሺቄዳዋካ ጋተ።\x - \xo 1:15 \xo*\xt ኢሳ. 52:7\xt*\x*
\c 2
\s1 አሶራ ሁጰ ካታማ ናናዌ ባየ
\r (2:1—3:19)
\p
\v 1 ኔኖ ናናዌ ካታማዉ፥ ይስያባይ ዬዳ! ሄዋ ድራዉ፥ ነ ጌሱዋ ናጋ፤ ነ ኦግያካ ዎቻ፤ ነ ዳንጩዋ ምንሳ፤ ነ ዎልቃካ ሎይ ምንሳ።
\p
\v 2 ይስያዋንቱ፥ እስራኤልያ አሳነ ዎይንያ ቱራ ይሶፐካ፥ መና ጎዳይ እስራኤልያ ቦንቹዋነ ያቆባ ቦንቹዋ ዛራና።
\p
\v 3 ኦላንቻቱዋ ጎንዳላቱ ዞኦ፤ ኦላንቻቱካ ዞኦ ማዩዋ ማዬድኖ። ኡንቱንቱ ኦላዉ ጊግያ ዎደ፥ ፓራ ጋረቱዋ ብራታይ ታማ ላጩዋዳን ጶልቁ ጊኖ፤ ኡንቱንቱ ባረንቱ ቶራ ቶማካ ጊግሴድኖ። 
\v 4 ፓራ ጋረቱ ኦግያን አንዳራሱዋ ክንቺኖ፤ ኡንቱንቱ ያነ ሃነ ጃሚደ፥ ካታማ ኦግያን ዩዪኖ። ቃይ ኡንቱንቱ ላጩ ፖዱ ግያ ጾምፕያ ማላቲኖ፤ ዋልቃንዳንካ ኤሌሊኖ። 
\v 5 እ ባረ ኦላ ካፓቱዋ ጼሲደ ሺሼ፤ ሽን አ ካፓቱ ሀመቲደ በቲኖ። ኡንቱንቱ ካታማ ግምቢያ ድርሳኮ ኤሌሊኖ፤ ኡንቱንታ ሞርከቱዋ ቆሁዋፐ ናግያ ዎልቃማ ጎንዳሊ ጊጌዳ። 
\v 6 ሻፋ ባጋና ደእያ ካታማ ድርሳ ፐንገቱ ዶየቴድኖ፤ ካትያ ጎሊካ ሻቢረቴዳ። 
\v 7 ካታማታ ኦሞደታደ ባዱ፤ እዝ ማጫ ቆማቱካ ካዮቲደ፥ ሀራጰቱዋዳን ዋሲኖ፤ ባረንቱ ትራካ ባቂኖ።
\p
\v 8 ዳጋት ኡቴዳ ሃይ ፖክ በስና ጎግያዋዳን፥ ነነዌ አሳይ ካታማፐ ባቃታና። አሳይ ኡንቱንቱ ባረ ቃላ ቁ ኦደ፥ “ኤቂተ፤ ኤቂተ!” ያጊደ ጼሳና፤ ሽን ኦንነ ጉየ ጼለና። 
\v 9 ሄ ካታማ አቆ፥ አን ምንጀቴዳ ቦንቾ ሚሻስካ ፓይዱ ባዋ። ሄዋ ድራዉ፥ ሄ ብራ ቦንቂተ! ሄ ዎርቃካ ቃይ ቦንቂተ!
\p
\v 10 ነነዌ ካታማይ መላ ግዴዳ፤ ቃይ ኦኒደ ባዬዳ! አሳ ዎዛናይ ያሻን ሲሌዳ፤ ጋዱካ ኮኮሬዳ፤ አሳ ኡባ ጼሳይ ጋጅ ጋጄዳ፤ ሶምኢካ ቡላቴዳ! 
\v 11 ጋማቱዋ ጌሱዋ ማላ፥ ዎዳላ ጋማቱ ደኢያሳ ማላነ አቱማነ ማጫ ጋማቱ ባረንቱ ማራቱዋና ኡንቱንቱ ያሽስያዌ ባይናን፥ ዩይያ ዎራ ማላ ግዴዳ ናናዌ ካታማይ ሀእ ሀቃን ደኢ? 
\v 12 ጋሙ ባረ ማራቶ ግድያባ ኦይቄዳ፤ ማጫ ጋማትስካ መንሬደ እሜዳ። ባረ ጌሱዋ ሃስ ኦይቄዳዋን፥ ባረ ጎንጎሉዋካ ሃስ አሄዳ አሹዋን ኩንዳ።
\p
\v 13 ኡባፐ ዎልቃማ መና ጎዳይ ሀዋዳን ያጌ፤ “በአ፥ ታን ነ ቦላን ደንዳድ! ታን ነ ፓራ ጋረቱዋ ታማን ጹጋና፤ ነ ዎዳላ ጋማቱዋካ ማሻይ ማና። ኔን ሃሳይያዋ ታን ቢታ ኡባፐ ይሳና፤ ነዉ ኪተትያዋንቱ ቃላይካ ላኤን ሙለካ ስሰተና” ያጌ።
\c 3
\s1 ናናዌ ካታማትዉ አየ አና!
\p
\v 1 ዳሮ አሳ ሱ ጉሴዳ ነነዌ ካታማትዉ አዬሮ! ዎርዱ እዝን ኩም ኡቴዳ። እዛ ዎልቃን አኬዳነ ቦንቄዳ ዱረታዉ ፓይዱ ባዋ። 
\v 2 ናናዌ ካታማትን ልሱዋ አርፔሉ፥ ፓራ ጋርያ ገድያ ጉንይ፥ ፓራቱዋ አንዳራሱነ ፓራ ጋረቱዋ ጉፋይ ስሰቴ። 
\v 3 ፓራ አሳቱ ነ ቦላ ዬድኖ፤ ማሻይ ጶሉጶሌ፤ ቶራቱካ ጶሊኖ። ዳሮ አሳይ ሀይቄዳ! አሃይ አሃ ቦላ ዶረቴዳ! ሀይቄዳባዉ ፓይዱ ባዋ! ሄዋና አደ ብያ አሳይካ አሃን በቴ። 
\v 4 ሀዌ ኡባይ ሀኔዳዌ ዛዋይ ባይና ነነዌ ጫራተ ጋሱዋና። እዛ ጮራ ሙሩኖ አቶ፤ ካዉተቱዋ ባረ ጫራተን፥ አሳካ ባረ ሙሩኑዋን አይለያዱ።
\p
\v 5 ኡባፐ ዎልቃማ መና ጎዳይ፥ “በአ፥ ታን ነ ቦላን ደንዳድ! ታን ነ ማዩዋ ነ ቦላፐ ቃራና፤ ነ ካሉዋ ጋደ አሳ፥ ነ ፖኩዋካ ካዉተቱዋ በሳና። 
\v 6 ታን ኔና ፕቱዋ ኦልያ ሳ ከሳና፤ ታን ኔና ካና፤ ቃይ አሳይ ኡባይ ኔናን ቅሊጭያዋ ኦና። 
\v 7 ኔና በእያ ኡባይ ኔፐ ሸልእ ጊደ፥ ‘በእተ፥ ናናዌ ካታማታ መላ ግዳዱ። እዝዉ ካዮትያዌ ኦኔ? እዞ ምንያዌካ ሀቃፐ ቤታንዴሻ!’ ያጋና” ያጌ።
\p
\v 8 ኔኖ ነነዌ ካታማቴ፥ ኔን ቴብሶ ግያ ግብጼ ካታማትፐ ዳራይ? እዞ ናይለ ሻፋይ ዶድ ዎዳ። ሻፋይ እዝዉ ተእያ ግምቢያ፤ ሃቱካ እዝዉ ድርሳ። 
\v 9 ቶጲነ ግብጼ እዝዉ ዛዋይ ባይና ዎልቃ፤ ፑጸነ ሊቢ እዞ ማድያዋንታ። 
\v 10 ግዶፐነ፥ እዛ ኦሞደታደ ባዱ፤ እዝን ደእያ ጉ ናናይካ ዳራጸቲደ፥ ኦግያ ጋጻን ኡባን ኩንዴድኖ። እዝ ቦንቼቴዳ አሳቱዋ ቦላን ሳማይ የገቴዳ፤ እዝ ዎልቃማ አሳቱ ኡባይካ ሳንላታን ቃሸቴድኖ።
\p
\v 11 ኔኖ ነነዌ ካታማቴ፥ ኔን ቃይ ማቲደ ጋንድጋርያ አሳዳን ሀናና። ነ ሞርከቱዋ ስንፐ ቆሰታደ አትያሳ ኔን ኮያና። 
\v 12 ነ ጌሳቱ ኡባይ ኮይሮ ቴሬዳ ቴራይ ጋዉጨቴዳ ባላስያ ምቱዋ ማላ፤ ሄ ባላስያ ም ቃያ ዎደ፥ ቴራይ ምያዎ ዶናን ዎ። 
\v 13 በአ፥ ነ ኦላንቻቱ ኡባይ ማጫ አሳ ማላ። ነ ዛዋ ፐንገቱካ ነ ሞርከቶ አኪደ ዶየቴድኖ፤ ጎርድያ ምካ ታማይ ም ድጌዳ።
\p
\v 14 ነ ሞርከቱ ኔና ዶዲደ ኡንኤያ ዎደ ኡሻናዉ ሃ ትካ። ነ ጌሱዋካ ምንሳ፤ ኡርቃ የ፤ አፐ ጹብያ መያ ሚሻን ጹብያ ጊግሳ። 
\v 15 ኔና ያን ታማይ ማና፤ ቦሊ ካ ምያዋዳን፥ ኔና ማሻን ቃንጸሬና።
\p ኔን ቦልያዳን ዳራ፤ ቦልያዋዳንካ ጮራታ። 
\v 16 ኔን ነ ዛልአንቻቱዋ ሳሉዋ ጾልንተቱዋፐ አደ ጮራያዳ። ሽን ሄዋንቱ ኡባይ ቦልያዳን ኡባባ ም ድጊደ፥ ፓል ያና። 
\v 17 ነ ካፓቱነ ማታይ ደእያዋንቱ፥ ሜጎ ጋላስ ድርሳ ቦላን ኡቲደ፥ አዋይ ከስያ ዎደ ፓል ይያ ቦለቱዋ ማላ፤ ኡንቱንቱ ቤዳ ሳካ ኤርያዌ ባዋ።
\p
\v 18 ኔኖ አሶረ ካተዉ፥ ነ ሄንንቻቱ ገምእሼድኖ፤ ነ ቦንቼቴዳ አሳቱካ ጌሮቴድኖ። ነ አሳይ ደረቱዋ ቦላን ላለቴዳ፤ ኡንቱንታ ሺሽያዌካ ባዋ። 
\v 19 ነ መኡ ኮለተና፤ ነ ማዱይካ ፓጸና። ነባ ስሴዳ ኡባይ ናሸቲደ፥ ኩሽያ ባቃና። አያዉ ጎፐ፥ ነ ዛዋይ ባይና ኢታተፐ ከስ አኬዳ አሳይ ሙለካ ባዋ።