\id MRK - Dawuro Full Bible Ethiopic Version
\ide UTF-8
\h ማርቆሳ ምሽራቹዋ
\toc1 ማርቆስ ጻፌዳ ምሽራቹዋ ቃላ
\toc2 ማርቆሳ ምሽራቹዋ
\toc3 ማር.
\mt1 ማርቆስ ጻፌዳ
\mt2 ምሽራቹዋ ቃላ
\imt ገሉዋ
\ip ማርቆስ ጻፌዳ ምሽራቹ ኮይሮ ዶሚድካ፥ “ሀዌ ጾሳ ናኣ የሱስ ክርስቶሳ ምሽራቹዋ ቃላዉ ዶመ” ያጌ። ሀ ምሽራቹዋ ቃላ ግዶን የሱስ ኦሱዋ አሳነ ማታይ ደእያ አሳ ግዲደ ሺቄዳ። የሱሳ ማታይ አ ትምርትያን፥ ጻላህያ ጭታ ቦላ አዉ ደእያ ዎልቃንነ አሳ ናጋራ አቶ ግያዋን በኤቴዳ። የሱስ፥ “ታን አሳ ናአይ ዬዳዌ፥ አሳ፥ ናጋራ አይለተፐ ላአ ከሳናዉ ታ ደኡዋ አደ እማናሳ” ያጊደ እ ባረ ሁጰዉ ሃሳዬዳ።
\ip ማርቆስ የሱሳ ታርክያ ሱረነ ዎልቃ ኩሜዳ ኦግያን ኦዴዳ። እ ጋናዉ ኮዮ ቆፋይካ የሱሳ ቃላነ ትምርትያ ግደናን እ ኦዳ ማላልስያ ኦሳቱዋ ቦላና። ጻማቅያ ዮሃንሳ ታርክያ፥ የሱሳ ጽንቃታነ ፓጭያ ቃንን ኤርስ ስሚደ፥ የሱሳ ትምርትያነ ፓዋባ አሲደ ኦዴዳ። ዎድያፐ ጉይያን የሱሳ ካልያዋንቱ አ ሎይ ኤር ቤዳዋ ኬና አናና ኤቀትያዋንቱ አ ሎይ እጼድኖ። ዉርሰ ሸምፓቱ የሱሳ ደኡዋን ዉርሰ ሳምንታ ግዶን ፖለቴዳ ኦሳቱዋ፤ ሄዋንቱካ አ ካቀባነ አ ደንዱዋባ ኦድያዋንታ።
\ip ማርቆሳ ምሽራቹዋ ዉርሰን ቅንፍያ ግዶን ደእያ 16:9-20 ፓይዳቱ ጌሻ ቃላ እት እት ብለ ጻላላን ደእያዋንታ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ምሽራቹዋ ዶመ \ior 1:1-13\ior*
\io1 የሱስ ኦሱዋ ጋሊላን ዶሜዳዋ \ior 1:14—9:50\ior*
\io1 የሱስ የሩሳላመን ኦዋ \ior 10:1-52\ior*
\io1 የሩሳላመንነ እዝ ዩሹዋን የሱሳ ዉርሰ ሳምንታ \ior 11:1—15:47\ior*
\io1 ጎዳ የሱሳ ደንዱዋ \ior 16:1-8\ior*
\io1 ሀይቁዋፐ ደንዴዳ ጎዳ ቆንጨነ ሳሉዋ ቡሳ \ior 16:9-20\ior*
\c 1
\s1 ጻማቅያ ዮሃንሳ አዋዩዋ
\r (ማቶሳ 3:1-12፤ ሉቃሳ 3:1-18፤ ዮሃ. 1:19-28)
\p
\v 1 ጾሳ ናኣ\f + \fr 1:1 \fr*\fq ጾሳ ናኣ፦ \fq*\ft በን ጻፈቴዳ እት እት ብለን ሀዌ ባዋ።\ft*\f* የሱስ ክርስቶሳ ዎንጋላ ምሽራቹዋ ዶመ።
\p
\v 2 ናብያ እስያስ ጻፌዳ ማጻፋን ጾሳይ፥
\q1 “በአ፤ ታ ኪትያዋ ታን ኔፐ ስንዉ የዳና።
\q2 እ ነዉ ኦግያ ከሳናዋ።\x - \xo 1:2 \xo*\xt ሚልክ. 3:1\xt*\x*
\q1
\v 3 እት ብታኒ ቢታ ባዙዋን ባረ ኮሻ ቁ ኦደ፥
\q2 ‘ጎዳ ኦግያ ጊግስተ።
\q1 እ ሀመታና ሎሱዋካ፥
\q2 አዉ ሱርስተ’ ጌዳዋዳን”
\m ሀኔዳ።
\p
\v 4 ጻማቅያ ዮሃንስ አሳ ጻማቂድነ፥ “ጾሳይ ህንተ ናጋራ አቶ ጋና ማላ፥ ህንተንቱ ናጋራፐ ስሚደ ጻማቀትተ” ያግ ቃላ ኦዲደ ቢታ ባዙዋን ከስ ዎዳ። 
\v 5 ይሁዳ ጋድያን ደእያ አሳይ ኡባይነ የሩሳላመ ካታማ አሳይ ኡባይ ዮሃንሳኮ ዬድኖ። ባረንቱ ናጋራካ ፓጽና፥ ዮሃንስ ሄ አሳ ዮርዳኖሳ ሻፋን ጻማቄዳ።
\p
\v 6 ዮሃንስ ጋሉዋ እስክያፐ ዳደቴዳ ማዩዋ ማዪደ፥ ባረ ጼሳን ዳፉዋ ዳንጬዳ፤ ቃይ ቦልያነ ዎራ ኤሳ ሜዳ።\x - \xo 1:6 \xo*\xt 2 ካታ. 1:8\xt*\x* 
\v 7 ዮሃንስ ቃላ ኦዲደ፥ “ታፐ ጉየና ዳሮ ምንያዌ ዬ፤ ሀራይ አቶ፥ አ ጫማካ ገድያፐ ከሳ ቶካናዉ ታን በስከ። 
\v 8 ታን ህንተንታ ሃን ጻማቃይ፤ ሽን እ ህንተንታ ጌሻ አያናን ጻማቃናዋ” ያጌዳ።
\s1 የሱስ ጻማቀቴዳዋነ ፓጨቴዳዋ
\r (ማቶሳ 3:13-17፤ 4:1-11፤ ሉቃሳ 3:21-22፤ 4:1-13)
\p
\v 9 የሱስ ሄ ዎደ ጋሊላ ጋድያን ደእያ ናዝሬተ ካታማፐ ዪና፥ ዮሃንስ ዮርዳኖሳ ሻፋን አ ጻማቄዳ። 
\v 10 የሱስ ሃፐ ከሶሳና ሳሉ ዶየትሺናነ ጌሻ አያናይ ባረ ቦላ ሀራጵያዳን ዎሽን በኤዳ። 
\v 11 ቃይ ሳሉዋፐ፥ “ታን ሲቅያ ታ ናአይ ኔና፤ ታና ነባይ ናሸቼ” ያግያ ቃላይ ስሰቴዳ።\x - \xo 1:11 \xo*\xt ዶመ 22:2፤ ማዝ. 2:7፤ ኢሳ. 42:1፤ ማቶሳ 3:17፤ 12:18፤ ማር. 9:7፤ ሉቃሳ 3:22\xt*\x*
\p
\v 12 ኤለካ ጌሻ አያናይ አሳይ ባይና መላ ሳ አ የዴዳ። 
\v 13 የሱስ አሳይ ባይና ሳን ባረና ሴጻናይ ፓጭሽን፥ ኦይታሙ ጋላሳ ጋዳ፤ ዱኣናካ ደኤዳ፤ ኪታንቻቱካ ዪደ፥ አዉ ኦድኖ።
\s1 የሱስ ሞልያ ኦይቂያ ኦይዱ አሳቱዋ ጼሴዳ
\r (ማቶሳ 4:12-22፤ ሉቃሳ 4:14-15፤ 5:1-11)
\p
\v 14 ዮሃንስ ቃሸቶዋፐ ጉይያን፥ የሱስ ጾሳ ካዉተ ዎንጋላ ምሽራቹዋ ኦዲደ፥ ጋሊላ ጋድያ ቢደ፥ 
\v 15 “ዎዲ ጋኬዳ፤ ጾሳ ካዉተይካ ማታቴዳ። ህንተንቱ ናጋራፐ ስሚደ፥ ዎንጋላ ምሽራቹዋ አማንተ” ያጌዳ።
\p
\v 16 የሱስ ጋሊላ አባ ላንቂያና አደ፥ ሞልያ ኦይቂያዋንታ፥ ስሞናነ አ እሻ እንድራሳ፥ ባረንቱ ዳባ አባን የግያዋንታ በኤዳ። 
\v 17 ያቲደ ኡንቱንታ፥ “ታና ካልተ፤ ታን ህንተንታ ሞልያ ኦይቂያዋዳን አሳ ታኮ አህያ ኦግያ ታማርሳና” ያጌዳ። 
\v 18 ሄዋፐ ጉይያን ኡንቱንቱ ኤለካ ባረንቱ ዳባ አጊደ፥ የሱሳ ካሌድኖ።
\p
\v 19 የሱስ ጉ ስንዉኮ ቢደ፥ ዛብድዮሳ ናና ላኡ እሻቱዋ፥ ያቆባነ ዮሃንሳ ዎንግርያ ግዶን ባረንቱ ዳባ ጊግስያዋንታ በኤዳ። 
\v 20 እ በኦሳንካ ኡንቱንታ ጼስና፥ ባረንቱ አዉዋ፥ ዛብድዮሳ፥ አ ኦሳንቻቱዋና ዎንግርያ ግዶን አጊደ፥ የሱሳ ካሊደ ቤድኖ።
\s1 ኢታ አያናይ ኦይቄዳ ብታኒ ፓጼዳ
\r (ሉቃሳ 4:31-37)
\p
\v 21 ኡንቱንቱ ቅፍርናሆማ ጌተትያ ካታማ ዪደ ገሌድኖ፤ የሱስ ሳምባታ ጋላሳይ ጋኮ ዎደ፥ አይሁዳ ዎሳ ጎለ ገሊደ፥ ታማርሱዋ ዶም አጌዳ። 
\v 22 ባረዉ ማታይ ደእያ አሳዳን፥ አሳ እ ታማርስያዋፐ አትን፥ ህግያ ታማርስያዋንቱዳን ታማርሰና ድራዉ፥ አሳይ አ ትምርትያን ማላለቴዳ።
\p
\v 23 ሄ ዎደ ኢታ አያናይ ደእያ እት ብታኒ አይሁዳ ዎሳ ጎለ ገሎሳናካ ባረ ኮሻ ቁ ኦደ፥ 
\v 24 “ናዝሬትያ የሱሳ፥ ኔን ኑፐ አያ ኮያይ? ኑና ይሳናዉ ያድ? ኔን ኦነንቶ ኤራይ፤ ኔን ጾሳፐ ኪተቴዳ ጌሻ ግድኪ!” ያጌዳ።
\p
\v 25 የሱስ ሄ ኢታ አያና፥ “ሀይዛ፤ ብታንያፐ ከሳ” ያጊደ አዛዜዳ።
\p
\v 26 ኢታ አያናይ ብታንያ ቡጨሬ፥ ዳሪ ዋስሲደ፥ አፐ ከስ አጌዳ። 
\v 27 አሳይ ኡባይ ማላለቲደ፥ “ሀዌ አዬ? ሀ ብታኒ ባረ ማታን ሀራይ አቶ፥ ኢታ አያናቱዋካ አዛዜዳ፤ ኡንቱንቱካ ቃይ አዉ አዛዘቲኖ፤ ሀዌ አይበ ኦራ ትምርቴ?” ያጊደ፥ ባረ ግዶን እቱ እቱዋ ኦቼዳ።
\p
\v 28 ጋሊላ ጋድያን ደእያ ሄራይ ኡባይ ኤለካ የሱሳ ዋርያ ሲሴድኖ።
\s1 የሱስ ዳሮ ሀርጋንቻቱዋ ፓዳ
\r (ማቶሳ 8:14-17፤ ሉቃሳ 4:38-41)
\p
\v 29 የሱስ አይሁዳ ዎሳ ጎልያፐ ከሶሳን፥ ያቆባናነ ዮሃንሳና እትፐ ስሞናነ እንድራሳ ሶይ ብ አጌዳ። 
\v 30 ስሞና ቦሎታታ ቆጹዋ ሀርጋደ ግሴዳዉንባ እ ያ ጋኮሳናካ አዉ ኦድ አጌድኖ። 
\v 31 እ እዝኮ ሺቂደ፥ እዝ ኩሽያ ኦይቂደ፥ እዞ ደን ኤሴዳ፤ ቆጹ እዞ አግና፥ እዛ ኡንቱንቶ ኦዱ።
\p
\v 32 ሀርጌዳ አሳ ኡባነ ኢታ አያናቱ ኦይቄዳ አሳ ኡባ ኦማርስ አዋይ ዉሌዳዋፐ ጉይያን፥ አሳይ አኮ አሄድኖ። 
\v 33 ካታማን ደእያ አሳይ ኡባይ ሄ ካርያ ሺቄዳ። 
\v 34 የሱስ ዱማ ዱማ ሀርግያን ኦይቀቴዳ ጮራ አሳ ፓደ፥ ጮራ ጻላሀቱዋካ ከሴዳ። እ ክርስቶሳ ግድያዋ ኢታ አያናቱ ኤሬዳ ድራዉ፥ ኡንቱንታ ሃሳይሰናን ድጌዳ።
\s1 የሱስ ጋሊላን ታማርሴዳ
\r (ሉቃሳ 4:42-44)
\p
\v 35 የሱስ ጉራ ዎንቱማን ደንዲደ፥ ሶይፐ ከሲደ፥ አሳይ ባይናሳ ቢደ ያን ጾሳ ዎሴዳ። 
\v 36 ስሞንነ አናና ደእያዋንቱ አ ኮዪደ ቤድኖ። 
\v 37 ኡንቱንቱ አ ደሚደ፥ “አሳይ ኡባይ ኔና ኮዬ” ያጌድኖ።
\p
\v 38 ሄዋፐ ጉየ የሱስ ቃይ ኡንቱንታ፥ “ሄዋ ሄራን ደእያ ሀራ ካታማቱዋ ቦይተ፤ ታን ሄዋን ቃላ ኦዳናዉ በሴ፤ አያዉ ጎፐ፥ ታን ዬዳዌ ሄዋሳ” ያጌዳ። 
\v 39 አይሁዳ ዎሳ ጎለቱዋን ቃላ ኦዲድነ ኢታ አያናቱዋ ከሲደ፥ ጋሊላ ጋድያ ኡባ ዩዬዳ።
\s1 የሱስ ኦሉ ኦይቄዳ ብታንያ ፓዳ
\r (ማቶሳ 8:1-4፤ ሉቃሳ 5:12-17)
\p
\v 40 ኦሉ ኦይቄዳ እት ብታኒ የሱሳኮ ዪደ፥ አ ስንን ጉልባቲደ፥ “ኔን ኮዮፐ፥ ታና ጌሻ ፓናዉ\f + \fr 1:40 \fr*\fk ታና ጌሻ ፓ፦ \fk*\ft ሀዋ ጉሳይ፥ ሀ ሀርጊ ቆፈቴዳዌ ላመታናዉ ዳንዳየና ኤረቴዳ ጋደ ዎጋነ ማራን፥ ሀራ አሳ ቆፋን እት አሳይ ጌሻ ግደና ጋና ማላ ኦድያዋ።\ft*\f* ዳንዳያ” ያጊደ ዎሴዳ።
\p
\v 41 የሱስ አዉ ቃረቴዳ፤ ባረ ኩሽያ የድ፥ አ ቦቺደ፥ “ታን ኮያይ፤ ጌያ፤ ፓጻ!” ያጌዳ። 
\v 42 ኤለካ ኦሉ ብታንያ የድ አግና፥ ብታኒ ጌይ ፓጽ አጌዳ። 
\v 43 የሱስ ዳሪ ሀንቀቲደ፥ ኤለካ አ ከስ የዴዳ። 
\v 44 እ ብታንያ፥ “ኔና ኤራ! ሀዋ ኦስነ ኦዶፓ፤ ሽን ባደ ነ ቦላ ቄሳ በሳ፤ ቃይ ኔን ሀእ ጌሻ ግዴዳዋ አሳ ኤርሳናዉ፥ ሙሴ አዛዜዳ ያርሹዋ ያርሻ” ያጌዳ።
\p
\v 45 ሽን ብታኒ ቢደ፥ የዉዋ ኡባ ሳን አሳ ኡባዉ ኦዱዋነ ላለ ዶሜዳ፤ ሄዋ ድራዉ፥ የሱስ ቆንጭያ ከሲደ፥ ካታማ ገላናዉ ዳንዳይቤና፤ ሽን አሳይ ባይናሳ ጋጻን ደኤዳ፤ ቃይ አሳይ ኡባ ሳፐ አኮ ዬድኖ።
\c 2
\s1 የሱስ ቦላይ ስሌዳ ብታንያ ፓዳ
\r (ማቶሳ 9:1-8፤ ሉቃሳ 5:17-26)
\p
\v 1 አማሬዳ ጋላሳፐ ጉይያን፥ “የሱስ ቅፍርናሆማ ጉየ ስሚደ፥ ሶይን ደኤ” ግያ ሃሳያይ ስሰቴዳ። 
\v 2 ጎሊ አከናን እጽና፥ ሀራይ አቶ፥ ካሪካ ኡንአና ጋካናዉ ጮራ አሳይ ሺቄዳ፤ ሄዋንቶ የሱስ ቃላ ኦዴ። 
\v 3 ኦይዱ አሳቱ ቦላይ ስሌዳ እት ብታንያ ቶኪደ፥ አኮ አሄድኖ። 
\v 4 አሳይ ጮሬዳ ድራዉ፥ ብታንያ የሱሳኮ አፋናዉ ኡንቱንቶ ዳንዳየተናን እጽና፥ የሱስ ደእያ ባጋና ጎልያ ቃሪደ፥ ካራ ሉኬድኖ፤ ሄ ሉኬዳሳና ብታንያ እ ግሴዳ ሻንቻማና ዱገ ዎድኖ። 
\v 5 የሱስ ኡንቱንቱ አማኑዋ በኢደ፥ ሄ ቦላይ ስሌዳ ብታንያ፥ “ታ ናአዉ፥ ነ ናጋራይ አቶ ጌተቴዳ” ያጌዳ።
\p
\v 6 ህግያ ታማርስያዋንቱፐ ሄዋን ኡቴዳ እቱ እቱ ባረንቱ ዎዛናን፥ 
\v 7 “ላ ሀ ብታኒ ሀዋ ማላ ኢታባ ጾሳ ቦላ አያዉ ሃሳዪ? ጾሳ ጻላላፐ አትን፥ ሀራይ ኦኔ ናጋራ አቶ ጋናዉ ዳንዳይያዌ?” ያጊደ ቆፔድኖ።
\p
\v 8 ኡንቱንቱ ባረንቱ ዎዛናን ሄዋዳን ቆፖዋ የሱስ ኤለካ ባረ አያናን ኤሪደ፥ ኡንቱንታ “ህንተንቱ ህንተ ዎዛናን አያዉ ሄዋዳን ቆፒቴ? 
\v 9 ቦላይ ስሌዳ ብታንያ፥ ‘ነ ናጋራይ አቶ ጌተቴዳ’ ግያዌ ማቴዬ? ዎይ፥ ‘ደንዳ ኤቃደ ነ ሻንቻማ ቶካደ ሀመታ’ ግያዌ ማቴ? 
\v 10 ሽን ታን፥ አሳ ናአዉ፥ ሳኣ ቦላን ናጋራ አቶ ጋናዉ ማታይ ደእያዋ ታን ህንተንታ ኤርሳና” ያጊደ ሄ ቦላይ ስሌዳ ብታንያ፥ 
\v 11 “ኔና ጋይ፤ ደንዳ ኤቃ፤ ያታደ ነ ሻንቻማ ቶካደ ነ ሶይ ባ” ያጌዳ።
\p
\v 12 ብታኒ ኤለካ ደንድ ኤቂደ፥ ባረ ሻንቻማ ቶኪደ፥ አሳይ ኡባይ ጼልሽን ቢና አሳይ ኡባይ ማላለቲደ፥ “ኑን ሀዋ ማላባ ኡባካ በእ ኤሮኮ” ያጊደ ጾሳ ጋላቴድኖ።
\s1 የሱስ ሌዊያ ጼሴዳ
\r (ማቶሳ 9:9-13፤ ሉቃሳ 5:27-32)
\p
\v 13 የሱስ ጉጅካ ጋሊላ አባ ዶና ቤዳ፤ አሳይ ኡባይ አኮ ዬዳዋንታ ታማርሴዳ። 
\v 14 ሄዋና አደ፥ እልፕዮሳ ናኣ ሌዊያ፥ ግያዌ ቃራጻ ቃንጽያ ሳን ኡቴዳዋ ደሚደ፥ “ታና ካላ” ያጌዳ። ሄዋፐ ጉየ ሌዊ ደንድ ኤቂደ፥ አ ካሌዳ።
\p
\v 15 የሱስ ቁማ ማናዉ ሌዊያ ሶይን ኡቴዳ ዎደ፥ ቃራጻ አክያ ጮራ አሳይነ ናጋራንቻቱ አናናነ አ ካልያዋንቱና እትፐ ኡቴድኖ። አ ካልያዋንቱ ግዶን ሄዋንቱ ማላ አሳቱ ዳሬድኖ። 
\v 16 ህግያ ታማርስያ እት እት ፓርሳዋቱ የሱስ ናጋራንቻቱዋናነ ቃራጻ አክያዋንቱና ቁማ ሚሽን በኢደ፥ “እ አያዉ ናጋራንቻቱዋናነ ቃራጻ አክያዋንቱና ቁማ ሚ?” ያጊደ፥ አ ካልያዋንታ ኦቼድኖ።
\p
\v 17 የሱስ ኡንቱንቱ ግያዋ ስሲደ፥ “ሀርጋንቻቱዋፐ አትን፥ ፓጻ አሳዉ አክሚ ኮሸና፤ ታን ናጋራንቻቱዋ ጼሳናዉ ዬዳዋፐ አትን፥ ጽላቱዋ ጼሳናዉ ያበይከ” ያጊደ ኡንቱንቶ ዛሬዳ።
\s1 ጾማባ ኤራናዉ ሺቄዳ ኦሻ
\r (ማቶሳ 9:14-17፤ ሉቃሳ 5:33-39)
\p
\v 18 ጻማቂያ ዮሃንሳ ካልያዋንቱነ ፓርሳዋቱ ጾሚኖ፤ አማሬዳ አሳቱ የሱሳኮ ዪደ፥ “ዮሃንሳ ካልያዋንቱነ ፓርሳዋቱዋ ካልያዋንቱ ጾሚኖ፤ ሽን ኔና ካልያዋንቱ አያዉ ጾምክኖ?” ያጌድኖ።
\p
\v 19 የሱስ ኡንቱንታ “ቡላቻ ዬዳ አሳቱ ማቻቶ አክያዌ ባረንቱና ደእሽን፥ ጾማናዉ ዳንዳዪኖ? ማቻቶ አክያዌ ኡንቱንቱና ደእሽን፥ ጾማናዉ ዳንዳይክኖ። 
\v 20 ሽን ማቻቶ አክያዋ ኡንቱንቱ ማታፐ አፋና ዎዲ ያናዋ፤ ኡንቱንቱ ሄ ዎደ ጾማናዋንታ።
\p
\v 21 “ኤጫ ማዩዋ ቦላ ኦራ ፍያ ዎ ስክያ አሳይ ባዋ፤ ኤጫ ዎ ስኮፐ፥ ኦራ ፊ ኤጫ ማዩዋ ፔሬ፤ ፔይካ ኮይሮዋፐ ዳራና። 
\v 22 ቃይ ሆኦ ዎይንያ ኤሳ ኤጫ ኦጎሩዋን ናእያ አሳይ ባዋ፤ ሽን ናኦፐ፥ ሄ ዎይንያ ኤሳይ ኦጎሩዋ ዳኬ፤ ባረዉካ ዎፈቴ፤ ኦጎሩካ ባዬ፤ ሽን ሆኦ ዎይንያ ኤሳ ኦራ ኦጎሩዋን ናኤቴ” ያጌዳ።
\s1 ሳምባታባ ኤራናዉ ሺቄዳ ኦሻ
\r (ማቶሳ 12:1-8፤ ሉቃሳ 6:1-5)
\p
\v 23 የሱስ እት ሳምባታ ጋላስ ትሻ ባንጋ ግዶና አሽን፥ አ ካልያዋንቱና አናና ቢደ፥ ባንጋ ትሻፐ ዱሳ ዶሜድኖ።\x - \xo 2:23 \xo*\xt ዛረ. 23:25\xt*\x* 
\v 24 ፓርሳዋቱ የሱሳ፥ “በአ፤ ኔና ካልያዋንቱ ሳምባታ ጋላስ ህገ ግደናባ አያዉ ኦኖ?” ያጌድኖ።
\p
\v 25 የሱስ ኡንቱንታ፥ “ዳዊተ ኮሻቲደ፥ ምያባ ኮዬዳ ዎደ፥ ባረናና ደእያዋንቱና ኦዳዋ ኡባካ ናባብ በይክቴ?\x - \xo 2:25 \xo*\xt 1 ሳሜላ 21:1-6\xt*\x* 
\v 26 አብያታር ቄሳቶ ኡባቶ ካፖ ግዴዳ ዎደ፥ ዳዊተ ጾሳ ጎልያ ገሊደ፥ ቄሳቱዋ ጻላላይ ማናፐ አትን፥ ኦንነ ማናዉ ህገ ግደናዋ ጎዳ ስንን ዎዳ ቁማ ሚደ፥ ባረናና ደእያዋንቶካ እሜዳ” ያጌዳ።\x - \xo 2:26 \xo*\xt ዎጋ 24:9\xt*\x*
\p
\v 27 ቃይካ የሱስ ኡንቱንታ፥ “ሳምባታይ አሳዉ መቴዳዋፐ አትን፥ አሳይ ሳምባታዉ መትቤና። 
\v 28 ሄዋ ድራዉ፥ ታን፥ አሳ ናአይ፥ ሀራይ አቶ፥ ሳምባታዉካ ጎዳ” ያጌዳ።
\c 3
\s1 ኩሺ ስሌዳ ብታንያ
\r (ማቶሳ 12:9-14፤ ሉቃሳ 6:6-11)
\p
\v 1 የሱስ አይሁዳ ዎሳ ጎልያ ሽረትካ ገሌዳ፤ ሄዋን ኩሺ ስሌዳ እት ብታኒ ደኤ። 
\v 2 እት እት አሳይ የሱሳ ሞታናዉ ኮዪደ፥ ኩሺ ስሌዳ ብታንያ ሳምባታን እ ፓፐ በአናዉ ናጌ። 
\v 3 የሱስ ሄ ኩሺ ስሌዳ ብታንያ፥ “ደንዳ ኤቃደ ስንዉ ሃያ” ያጌዳ። 
\v 4 ሄዋፐ ጉይያን አሳ፥ “ሳምባታን ሎኦባ ኦያዌ ዎጌየ ኢታባ ኦያዌ ዎጌ? አሳ ሸምፑዋ አሽያዌ ዎጌየ ዎያዌ ዎጌ?” ያጊደ ኦቼዳ።
\p ሽን አሳይ ጮኡ ጌዳ። 
\v 5 የሱስ ሀንቀቲደ፥ ኡንቱንታ ዩሽ አ ጼሊደ፥ ኡንቱንቱ ኦድና ስሰናዋንታ ግድያ ድራዉ፥ ኡንቱንቶ ዳሪ ካዮቴዳ፤ ሄ ብታንያ፥ “ነ ኩሽያ ፕድ ኦ” ያጌዳ፤ ብታኒ ፕድ ኦና፥ አ ኩሺ ፓጽ አጌዳ። 
\v 6 ፓርሳዋቱ አይሁዳ ዎሳ ጎልያፐ ካረ ከሲደ፥ የሱሳ ዎት ዎነንቶ ሄሮድሳና ደእያዋንቱና ማቀቴድኖ።
\s1 አሳይ አባ ላንቂያን የሱሳኮ ሺቄድኖ
\p
\v 7 የሱስ ባረና ካልያዋንቱና ጋሊላ አባ ቤዳ፤ ጋሊላፐ ጮራ አሳይ አ ካሌዳ። 
\v 8 ቃይካ ጮራ አሳይ ይሁዳፐ፥ የሩሳላመፐ፥ ኤዶምያሳፐ፥ ዮርዳኖሳ ሻፋፐ ሄፍን ባጋፐ፥ ጺሮሳ ካታማፐነ ሲዶና ካታማፐ የሱስ ኦዳዋ ስሲደ፥ አኮ ዬዳ። 
\v 9 የሱስ ጮራ አሳይ ባረና ሱግ ኡንኤና ማላ፥ ባረና ካልያዋንታ ዎንግርያ ባረዉ ጋምኤና ማላ አዛዜዳ። 
\v 10 ዳሮ አሳ እ ፓዳ ድራዉ፥ ሀርግያ አሳይ ኡባይ አ ቦቻናዉ ሱገረቴ። 
\v 11 ኢታ አያናይ ደእያ አሳቱካ አ በኤዳ ዎደ ኡባን አ ስንን ጉፋኒደ፥ ባረንቱ ቃላ ቁ ኦደ፥ “ኔን ጾሳ ናኣ ግድኪ!” ያጌድኖ።
\p
\v 12 የሱስ ሄ ኢታ አያናቱ ባረባ አሳዉ ኦዲደ፥ ባረና ቆንጭያ ከሰና ማላ፥ ኡንቱንታ ምንሲደ አዛዜዳ።
\s1 የሱስ ባረ ኪትያዋንታ ዶሬዳ
\r (ማቶሳ 10:1-4፤ ሉቃሳ 6:12-16)
\p
\v 13 የሱስ ደርያ ቦላ ከሲደ፥ ባረ ኮዬዳ አሳቱዋ ባረኮ ጼሴዳ፤ ሄዋፐ ጉየ አኮ ቤድኖ። 
\v 14-15 ኡንቱንቱ ባረናና ደአና ማላነ ቃላ ኦዳናዉ ኡንቱንታ ኪታና ማላ፥ ኢታ አያናቱዋ አሳፐ ከሳናዉ ኡንቱንቶ ማታይ ደአና ማላ፥ ታማነ ላኡ አሳቱዋ ዶሬዳ።
\p
\v 16 እ ዶሬዳ ታማነ ላአቱ ሀዋንታ: ጰጽሮሳ ያጊደ ሱንዳ ስሞና፥ 
\v 17 ቦኣነርጌሳ ያጊደ ሱንዳ ዛብድዮሳ ናና ያቆባነ ያቆባ እሻ ዮሃንሳ። “ቦኣነርጌሳ” ግያዌ “ዎልቃማ አሳቱዋ” ግያዋ። 
\v 18 እንድራሳነ ፕልጶሳ፥ ባርታላሞሳነ ማቶሳ፥ ቶማሳነ እልፕዮሳ ናኣ ያቆባ፥ ታዶሳነ ባረ ቢታዉ ሴለትያ ስሞና፥ 
\v 19 የሱሳ አ እሜዳ ይሁዳ አስቆሮታ።\x - \xo 3:19 \xo*\xt 14:10\xt*\x*
\s1 የሱሳነ ብኤል-ዘቡላ
\r (ማቶሳ 12:22-32፤ ሉቃሳ 11:14-23፤ 12:10)
\p
\v 20 የሱስ ሶይ ቤዳ፤ ላኤንዋካ ቃይ ጮራ አሳይ ሺቅና፥ እነ አ ካልያዋንቱና ሀራይ አቶ፥ ቁማ ማናዉካ ዳንዳይበይክኖ፤ 
\v 21 አሳይ አ፥ “ጎዬ” ግያ ድራዉ፥ አ ዳባቱ ሄዋ ስሲደ፥ አ አካናዉ ቤድኖ።
\p
\v 22 ህግያ ታማርስያ እት እት አሳቱ የሩሳላመፐ ዪደ፥ “የሱሳ ቦላ ብኤል-ዘቡል ደኤ” ያጌድኖ፤ ቃይ፥ “ጻላሀቱዋ ካፑ ባረዉ ዎልቃ እምና፥ ኢታ አያናቱዋ ከሴ” ያጊደ ሃሳዬድኖ።\x - \xo 3:22 \xo*\xt ማቶሳ 9:34፤ 10:25\xt*\x*
\p
\v 23 የሱስ አሳ ባረኮ ጼሲደ፥ ሌምሱዋ ኦዲደ፥ “ሴጻናይ ሴጻና ዎት ከሳናዉ ዳንዳይ? 
\v 24 እት ካዉተይ ባረ ግዶን ሻከቶፐ፥ ሄ ካዉተይ ኤቃናዉ ዳንዳየና፤ 
\v 25 ቃይ እት ጎለ አሳይካ ባረ ግዶን ሻከቶፐ፥ ሄ ጎለ አሳይካ ኤቃናዉ ዳንዳየና። 
\v 26 ሴጻናይ ባረናና ዋላቀቲደ ሻከቶፐ፥ ባያናፐ አትን፥ ደአና ዳንዳየና።
\p
\v 27 “ሽን ዎልቃማ አሳ ጎለ ገሊደ ካሰቲደ አ ቃቼናን ደኢደ፥ አ ሚሻ ቦንቃናዉ ዳንዳይያ አሳይ ባዋ፤ ቃቼዳዋፐ ጉይያን፥ አ ጎልያ ቦንቃናዉ ዳንዳዬ።
\p
\v 28 “ታን ህንተንቶ ቱሙዋ ጋይ፤ ጾሳይ አሳ ናናዉ ናጋራ ኡባነ ኡንቱንቱ ቦርያ ቦርያ\f + \fr 3:28 \fr*\fq ቦርያ ቦርያ፦ \fq*\ft ጉሳይ ጾሳ ቦላን አሳይ ሃሳይያ ኢታ፥ ባላነ ጌላ ሃሳያ።\ft*\f* ኡባ አቶ ጋና፤ 
\v 29 ሽን ጌሻ አያና ቦላ ኢታ ቦርያ ሃሳይያ ኦስነ መናዉ ናጋራ ግዳናፐ አትን፥ ጾሳይ ኡባካ አቶ ጌና” ያጌዳ።\x - \xo 3:29 \xo*\xt ሉቃሳ 12:10\xt*\x* 
\v 30 የሱስ ሄዋ ጌዳዌ፥ እት እት አሳቱ፥ “የሱሳ ቦላ ኢታ አያናይ ደኤ” ያጌዳ ድራሳ።
\s1 የሱሳ ዳዮነ እሻቱዋ
\r (ማቶሳ 12:46-50፤ ሉቃሳ 8:19-21)
\p
\v 31 የሱሳ ዳያነ አ እሻቱ ዪደ፥ ካረን ኤቂ አኮ አሳ ኪቲደ፥ አ ጼስሴድኖ። 
\v 32 ጮራ አሳይ አ ማታን ኡቴድኖ፤ ሄ ኪተቴዳዌ አ፥ “በአ፤ ነ ዳያነ ነ እሻቱ ካረን ኤቂደ፥ ኔናና ጋከታናዉ ኮዪኖ” ያጌዳ።
\p
\v 33 የሱስ ዛሪደ፥ “ታ ዳያ ኦኔ? ቃይ ታ እሻቱ ኦኔ?” ያጌዳ። 
\v 34 ባረ ማታን ኡቴዳ አሳ ዩሽ አ ጼሊደ፥ “በእተ፤ ታ ዳያነ ታ እሻቱ ሀዋንቱሽ። 
\v 35 ጾሳይ ኮይያዋ ኦያ ኡባይ ታ እሻ፥ ታ ምቻቶነ ታ ዳዮ” ያጌዳ።
\c 4
\s1 ዘረ ዘርያዋ ሌምሱዋ
\r (ማቶሳ 13:1-9፤ ሉቃሳ 8:4-8)
\p
\v 1 የሱስ ሽረትካ ጋሊላ አባ ማታን ታማርሱዋ ዶሜዳ፤ ጮራ አሳይ ባረ ምይያን ዩይ አደ ሺቅ ኡትና፥ አባን ደእያ ዎንግርያ ግዶ ገሊደ፥ አን ኡቴድኖ፤ ቃይ ሄ አሳይ ኡባይ አባ ምይያን ደኤ።\x - \xo 4:1 \xo*\xt ሉቃሳ 5:1-3\xt*\x* 
\v 2 እ ኡንቱንታ ዳሮባ ሌምሱዋን ታማርሲደ፥
\p
\v 3 “ስስተ፤ እት ብታኒ ዘረ ዘራናዉ ከሴዳ። 
\v 4 እ ዘርሽን፥ እት እት ዘረይ ኦግያ ዶናን ዎዳ፤ ሄዋ ካፉ ዪደ ሜዳ። 
\v 5 እት እት ዘረይ አንጮ ቢታ ቦላ ዎዳ፤ ዳሮ ቢታይ ባይና ድራዉ፥ ሄ ዘረይ ኤለካ ሞኬዳ። 
\v 6 አዋይ ከሴዳ ዎደ ሹሌዳ፤ አዱሳ ጻጱዋ የድቤና ድራዉ፥ መል አጌዳ። 
\v 7 እት እት ዘረይ አጉን ግዶን ዎዳ፤ ሄዋን ሞኬዳዋ አጉንይ ድጪደ ጩልና፥ አይፈናን አቴዳ። 
\v 8 እት እት ዘረይ ቱኤ ቢታን ዘረቲደ ሞኬዳ፤ ድጪደ እቱ ሀታሙዋ፥ እቱ ኡሱፑን ታሙዋ አይፍና፥ እቱ ጼቱዋ አይፌዳ።” 
\v 9 ቃይካ የሱስ፥ “ስሳናዉ ሀይይ ደእያ ኡራይ ስሶ” ያጌዳ።
\s1 የሱስ ሌምሱዋን ኦዴዳ ጋሱዋ
\r (ማቶሳ 13:10-17፤ ሉቃሳ 8:9-10)
\p
\v 10 ታማነ ላኡ የሱሳ ካልያዋንቱነ እ ኦዴዳዋ ስሴዳ ሀራ አሳቱ እ ባረካ ደእሽን አኮ ሺቂደ፥ ሄ ሌምሱዋ ብለ አ ኦቼድኖ። 
\v 11-12 የሱስ ኡንቱንቶ፥ “ህንተንቶ ጾሳ ካዉተ ጹራ የዉዋ ኤራይ እመቴዳ፤ ሽን ሀራቱ ካዉተፐ ካረና ደእያዋንቱ፥ ጼላ ጼሊደ በኤና ማላ፥ ቃይ ስሳ ስሲድካ አኬከና ማላ፥ ኡንቱንቱ ሽረቲደ ጾሳኮ ስምና፥ እ ኡንቱንቱ ናጋራ አቶ ጌና ማላ፥ ኡንቱንቶ ኡባባይ ሌምሱዋን ኦደቴ” ያጌዳ።\x - \xo 4:11-12 \xo*\xt ኢሳ. 6:9-10\xt*\x*
\s1 ዘርያዋ ሌምሱዋ ብለ
\r (ማቶሳ 13:18-23፤ ሉቃሳ 8:11-15)
\p
\v 13 የሱስ ኡንቱንታ፥ “ሀ ሌምሱዋ ኤርክቴ? ያትና፥ ሌምሱዋ ኡባ ዎት ኤራንቴ? 
\v 14 ዘርያዌ ጾሳ ቃላ ዘሬ። 
\v 15 ቃላይ ዘረትያ ኦግያ ዶናን ደእያዋንቱ ሀዋንታ፤ ኡንቱንቱ ቃላ ስስያ ዎደ፥ ሴጻናይ ኤለካ ዪደ፥ ኡንቱንቱ ዎዛናን ዘረቴዳ ቃላ አፍ ድጌዳ። 
\v 16 ሀዋዳንካ ቃይ አንጮትያ ቢታን ዘረቴዳዋንቱ ሀዋንታ፤ ኡንቱንቱ ቃላ ስሲደ፥ ኤለካ ናሸቻን አኪኖ። 
\v 17 ኡንቱንቱ ሀእዉ ደኢኖፐ አትን፥ ኡንቱንቶ ምኖ ጻጱ ባዋ፤ ጉየፐ ቃላ ጋሱዋን ዋዪ ዎይ የደርሱ ይያ ዎደ፥ ኡንቱንቱ ኤለካ በት አጊኖ። 
\v 18 ቃይ አጉን ግዶን ዘረቴዳዋንቱ ሀዋንታ፤ ኡንቱንቱ ቃላ ስስያዋንታ። 
\v 19 ሽን ሀ ሳኣ ደኦ ህርግያዌ ዱረተ ዶስያዌነ ሀራባ አሞትያዌ ኡንቱንቱ ዎዛናን ገሊደ፥ ቃላ ጩልና አይፈናን አት አጌዳ። 
\v 20 ሽን ቱኤ ቢታን ዘረቴዳዋንቱ ቃላ ስሲደ አክያዋንታ፤ እቱ ሀታሙዋ፥ እቱ ኡሱፑን ታሙዋ አይፍና፥ እቱ ጼቱዋ አይፌዳ” ያጌዳ።
\s1 ጾምፕያ ሌምሱዋ
\r (ሉቃሳ 8:16-18)
\p
\v 21 የሱስ ጉጂደ፥ “ጾምፕያ አሂደ፥ ግላፐ ዎይ አርሳፐ ጋርሳና ዎያ አሳይ ደኢ? ቃሳን ዎኔ? 
\v 22 አያዉ ጎፐ፥ ቆሴዳባይ ኡባይ ቆንጭያ ከሳናዋ፤ ቃይ ጌማን ዎዳባይ ኡባይ ቤተናን አተና። 
\v 23 ስሳናዉ ሀይይ ደእያ ኡራይ ደኦፐ ስሶ” ያጌዳ።
\p
\v 24 ቃይካ ኡንቱንታ፥ “ህንተንቱ ስስያዋ አኬኪደ ስስተ፤ ጾሳይ ህንተ ማኬዳ ቁንኣን ህንተንቶ ማካናዋ። እ ህንተንቶ ዳርሲደ እማና፤ 
\v 25 ደእያ ኡራዉ ጉጅ እማና፤ ባይናዋፐ ሀራይ አቶ፥ አዉ ደእያ ሄ ጉቶካ አክ ድጋና” ያጌዳ።
\s1 ድጭያ ዘረ ሌምሱዋ
\p
\v 26 የሱስ ቃይካ፥ “ጾሳ ካዉተይ ጋደን ካ ዘርያ አሳ ማላ። 
\v 27 ሄ ብታኒ ቃማ ገምእሼ፤ ጉራ ደንዴ፤ እ ባረ ሁጰዉ ዋንንቶ ኤረናን፥ ሄ ዘረይ ሞኬነ ድጬ። 
\v 28 ቢታይ ካ ባረካ ሞኬነ አይፌ፤ ኮይሮ ጫርሻይ ጫሬ፤ ጉየፐ አይፋናዉ ኩኩሜ፤ ቃይ ዉርሰን ኩመን አይፍያ አይፌ። 
\v 29 ሽን ካይ ጋክያ ዎደ፥ ካ ሺሽያ ዎዲ ጋኬዳ ድራዉ፥ ብታኒ ኤለካ ባጫን ጫኩዋ ገል አጌዳ” ያጌዳ።\x - \xo 4:29 \xo*\xt ኢዩ. 3:13\xt*\x*
\s1 ሳናፍጭያ ዘረ ሌምሱዋ
\r (ማቶሳ 13:31-34፤ ሉቃሳ 13:18-19)
\p
\v 30 የሱስ፥ “ኑን ጾሳ ካዉተ አያ ማላቴ ጋኔ? ዎይ አያና ሌምሳኔ? 
\v 31 ጾሳ ካዉተይ ሳናፍጭያ አይፋቶ ማላቴ። ሄ አይፋታ ዘርያ ዎደ፥ ሳኣን ደእያ ም አይፊያ ኡባፐካ ጉጻዉ፤ 
\v 32 ሄኖ ዘርና ሞካደ ሀራ አታክልትያ ኡባፐ ዳራዉ፤ ዳሮ ዳሻ ዳሻዉ። ካፉ እዝ ቃንካ ኩዋን ጎልያ ኬጻና ዳንዳዬ” ያጌዳ።
\p
\v 33 የሱስ ሀዋ ማላ ዳሮ ሌምሱዋን አሳይ ስሳናዉ ዳንዳይያዋ ኬና፥ ባረ ቃላ ኦዴዳ። 
\v 34 አሳዉ ሌምሱ ባይናን ኦደና፤ ሽን የሱስ ባረና ካልያዋንቱ ጻላላና ደእያ ዎደ፥ ኡንቱንቶ ኡባባ ብሊደ ኦዴ።
\s1 የሱስ ቤታ ጮኡ ኦዳ
\r (ማቶሳ 8:23-27፤ ሉቃሳ 8:22-25)
\p
\v 35 ሄ ጋላስ ሳአይ ኦማርስና፥ የሱስ ባረና ካልያዋንታ “አባፐ ሄፍን ፕኖይተ” ያጌዳ። 
\v 36 አ ካልያዋንቱ አሳ አጊደ፥ የሱስ ካሰ ገል ኡቴዳ ዎንግርያን ገሊደ፥ የሱሳ ባረንቱና አፌድኖ፤ ሀራ ዎንግራቱካ ሄዋን ደኢኖ። 
\v 37 ዎልቃማ ጎቱ ደንድና፥ ቤታይ ዎንግርያ ሾጭና፥ ሃይ ኩማና ጋካናዉ ዎንግርያ ግዶ ገሌዳ። 
\v 38 ሄ ዎደ የሱስ ዎንግርያን ጉየ ባጋና ቦርኮ ቦርኮቲደ ገምእሼዳ። የሱሳ ካልያዋንቱ አ ደንደ፥ “ታማርስያዎ፥ ኑን ይያ ዎደ ጮኡ ጋደ ጼላይ?” ያጌድኖ።
\p
\v 39 እ ቤጎቲደ ጎቱዋ፥ “ጮኡ ጋ” ጊደ፥ አባካ፥ “ዎፑ ጋ” ጌዳ፤ ጎቱካ ጮኡ ጊና፥ ኡባባይካ ዎፑ ጌዳ። 
\v 40 የሱስ ባረና ካልያዋንታ “አያዉ ሀዋዳን ያዪቴ? ህንተንቱ ዋን አማንክቴ?” ያጌዳ።
\p
\v 41 ኡንቱንቱ ዳሮ ያዪደ ባረንቱ ግዶን፥ “ሀዌ ላ ሀራይ አቶ፥ ጎቱነ አባይ አዛዘትያዌ ኦኔ?” ያጌድኖ።
\c 5
\s1 የሱስ ኢታ አያናይ ኦይቄዳ ብታንያ ፓዳ
\r (ማቶሳ 8:28-34፤ ሉቃሳ 8:26-39)
\p
\v 1 የሱስነ አ ካልያዋንቱ አባፐ ሄፍንዉ ፕኒደ፥ ገርገሰኖና ጌተትያ ጋድያ ጋኬድኖ። 
\v 2 አሳ ሞግያ ዱፉ ደኢያሳፐ ኢታ አያናይ ደእያ እት ብታኒ ከሲደ፥ የሱስ ዎንግርያፐ ከሴዳ ዎደ፥ የሱሳና ጋከቴዳ። 
\v 3 ብታኒ ሄ ዱፉ ደእያ ሳን አቅ ፔሺደ፥ ያን ደኤ፤ አ ኦንነ ሀራይ አቶ፥ ሳንላታን ቃቻናዉካ ዳንዳይቤና። 
\v 4 አያዉ ጎፐ፥ እ ዳሮ ዎደ ኡቁናንነ ሳንላታን ቃሸቲደ ደኤ፤ ሽን ሳንላታ ዱሰረዳ፤ ኡቁናካ መንሬዳ፤ አ ጾናናዉ ዳንዳዬዳዌ ኦንነ ባዋ። 
\v 5 እ ኡባ ዎደ ጋላስነ ቃማ፥ ሄ ዱፉ ደኢያሳንነ ደርያ ቦላ ዋሴ፤ ባረ ቦላካ ሹቻን ጋሬ።
\p
\v 6 የሱሳ ሃኩዋን በኤዳ ዎደ፥ አኮ ዎጽ ዪደ አዉ ጎይኔዳ። 
\v 7 ሄ ብታኒ ባረ ኮሻ ቁ ኦደ፥ “ኡባፐ ቦላ ጾሳ ናአዉ፥ የሱሳ፥ ኔናነ ታና አዬ ጋ? ታና ሙረና ማላ፥ ታን ኔና ጾሳ ሱንን ዎሳይ” ያጌዳ። 
\v 8 እ ሄዋ አያዉ ጌዴ ጎፐ፥ የሱስ አ፥ “ላ ሀ ኢታ አያናዉ፥ ሀ ብታንያፐ ከሳ” ያጌዳዋሳ።
\p
\v 9 የሱስ አ፥ “ነ ሱንይ ኦኔ?” ያጊደ ኦቼዳ።
\p እ፥ “ኑን ጮራ ግድያ ድራዉ፥ ታ ሱንይ ሌግዮና” ያጌዳ። 
\v 10 ኢታ አያናቱዋ ሄ ጋድያፐ ከስ የደና ማላ፥ የሱሳ ምንሲደ ዎሴዳ።
\p
\v 11 ሄ ደርያ ቦላን ጮራ ጉዱን ዉዲ ሄመቴ፤ 
\v 12 ኢታ አያናቱ የሱሳ፥ “ኑና ህን ጉዱን ዉድያኮ የዳርኪ፤ ኡንቱንቱን ቢደ ገላና” ያጊደ ዎስና፥ 
\v 13 የሱስ፥ “ቢተ” ያጌዳ። ኢታ አያናቱ ብታንያፐ ከሲደ፥ ጉዱንቱዋን ገሌድኖ፤ ላኡ ሻአ ግድያ ጉዱን ዉዲ ካካ ሁጲያና ካጆቲደ፥ አባን ገሊደ፥ ምተት አጌዳ።
\p
\v 14 ጉዱን ዉድያ ሄምያዋንቱ ባቃቲደ፥ ሀኔዳዋ ካታማንነ ካታማፐ ጋጻ ጋድያን ኦዴድኖ፤ ሄዋ በአናዉ አሳይ ዬዳ። 
\v 15 አሳይ የሱሳኮ ዪደ፥ ጮራ ኢታ አያናቱ በን ኦይቄዳ ብታኒ ባረ ዎዛናይ ስምና፥ ማዩዋ ማዪደ፥ ሄዋን ኡቴዳዋ በኢደ፥ ኡባይ ያዬዳ። 
\v 16 ሄዋ በኤዳ አሳቱ ኢታ አያናቱ ኦይቄዳ ብታኒ ሀኔዳዋነ ቃይ ጉዱን ዉድያባ ሄ አሳዉ ኦዴድኖ። 
\v 17 ሄዋ ድራዉ፥ አሳይ ባረንቱ ጋድያፐ የሱስ ባና ማላ፥ ዎሳ ዶሜዳ።
\p
\v 18 የሱስ ዎንግርያን ገልሽን፥ ኢታ አያናቱ ኦይቄዳ ብታኒ የሱሳና ደአና ማላ፥ የሱሳ ዎሴዳ። 
\v 19 ሽን የሱስ እጺደ አ፥ “ነ ሶይ ስማደ፥ ጎዳይ ነዉ አይ ማላ ዎልቃማባ ኦደንቶነ ቃይ እ ነዉ አይ ማላ ኬከንቶ ነ ሶይ አሳዉ ኦዳ” ያጌዳ። 
\v 20 ብታኒ ቢደ፥ ታሙ ካታማ\f + \fr 5:20 \fr*\fq ታሙ ካታማ፦ \fq*\ft ሀዋንቱ እት ጭታ ግዴዳ ካታማቱ ሳማርያፐነ ጋሊላ ጋድያ አዋይ ዶልያ ባጋና ደእያዋንታ ግዲደ፥ ሄዋንቱን ደእያ አሳቱዋ ኤሻይካ ግሪከ አሳቱዋ ደኡዋ ኦግያ ካልያዋ በሴ።\ft*\f* ግያ ሳን ዩዪደ፥ የሱስ ባረዉ አይ ማላ ዎልቃማባ ኦደንቶ፥ ኦዱዋ ዶሜዳ፤ እ ኦዴዳዋ ስሴዳ አሳይ ኡባይ ማላለቴዳ።
\s1 ያእሮሳ ናቶነ የሱሳ ማዩዋ ቦቼዳ ምሽራቶ
\r (ማቶሳ 9:18-26፤ ሉቃሳ 8:40-56)
\p
\v 21 የሱስ ስሚደ፥ ዎንግርያን ገሊደ፥ አባ ፕኔዳዋፐ ጉይያን፥ ጮራ አሳይ አባ ማታን አኮ ዩይ አደ ሺቄድኖ። 
\v 22 ያእሮሳ ግያዌ፥ አይሁዳ ዎሳ ጎልያ ካፓቱዋፐ እቱ፥ የሱሳ በኤዳ ዎደ አኮ ይ አ ገድያን ኩንዲደ፥ 
\v 23 “ታ ናታ ሀርጋደ ሀይቃናዉ፤ እዛ ፓጺደ ሎኦ ደአና ማላ፥ ያደ ነ ኩሽያ እዝ ቦላ ዎርኪ” ያጊደ የሱሳ ምንሲደ ዎሴዳ።
\p
\v 24 የሱስ ያእሮሳና ቤዳ፤ እ ቢሽን ጮራ አሳይ አ ካሊደ መቶድኖ።
\p
\v 25 ታማነ ላኡ ላይ ኡባ እዝ ቦላፐ ሱይ ጎግያ እት ምሽራታ ደአዉ። 
\v 26 ጮራ አክማቱ እዞ አክምሽንካ፥ እዛ ፓጻ ካኤታዱ፤ ባረ ሚሻ ኡባ ዉርስናካ እዝዉ ሃ ኢቴዳዋፐ አትን፥ አይነ እዞ ማድቤና። 
\v 27 ሄ ምሽራታ የሱሳባ ስሳደ፥ አሳ ግዶና የሱሳፐ ጉየና ያደ፥ አ ማዩዋ ቦቻዱ። 
\v 28 አያዉ ጎፐ እዛ፥ “ታን ሀራይ አቶ፥ አ ማዩዋ ቦቾፐካ ፓጻና” ያጋደ ቆፓዱ።
\p
\v 29 ኢፐ ጎግያ ሱይ ኤለካ ኤቂ አጌዳ፤ እዛ ባረ ዋይያፐ ፓጼዳዋ ባረ ቦላን ኤራ አጋዱ። 
\v 30 የሱስ ባረፐ ዎልቃይ ከሴዳዋ ባረ ሁጰዉ ኤሪደ፥ ኤለካ ጮራ አሳ ግዶን ጉየ ስሚደ፥ “ታ ማዩዋ ቦቼዳዌ ኦኔ?” ያጌዳ።
\p
\v 31 የሱሳ ካልያዋንቱ አ፥ “አሳይ ኔና ሱግያ ዎደ በኣደ፥ ‘ታና ኦኔ ቦቼዳዌ?’ ያጋይ?” ጌድኖ።
\p
\v 32 የሱስ ሄዋ ኦኔ ኦደንቶነ በአናዉ ዩሽ አደ ጼሌዳ፤ 
\v 33 ሽን ምሽራታ ባረዉ ሀኔዳዋ ኤራደ፥ ያሻ ኮኮራደ ያደ የሱሳ ስንን ጉፋናዱ፤ ቃይ ቱማተን ሀኔዳዋ ኡባ አዉ ኦዳዱ። 
\v 34 የሱስ እዞ፥ “ታ ናቴ፥ ኔና ነ አማኑ ፓዳ፤ ሳሩዋን ባ፤ ነ ዋይያፐነ ፓጻ” ያጌዳ።
\p
\v 35 የሱስ ብሮ ሄዋ ጊሽን፥ አይሁዳ ዎሳ ጎልያ ካፑዋ ሶይፐ ኪተቴዳ አሳቱ ዪደ፥ “ነ ናታ ሀይቃድጋዱ፤ ስም ታማርስያዋ አያዉ ዳቡርሳይ?” ያጌድኖ።
\p
\v 36 ሽን የሱስ ኡንቱንቱ ግያዋ ስሲደ፥ አይሁዳ ዎሳ ጎልያ ካፑዋ፥ “አማኖ ጻላላ አማናፐ አትን፥ ያዮፓ” ያጌዳ። 
\v 37 የሱስ ጰጽሮሳፐ፥ ያቆባፐነ ያቆባ እሻ ዮሃንሳፐ ሀራይ ኦንነ ባረና ካለና ማላ ድጌዳ። 
\v 38 ኡንቱንቱ አይሁዳ ዎሳ ጎልያ ካፑዋ ሶይ ጋኬዳ ዎደ፥ የሱስ አሳይ ሎይ ዬክያዋነ ዝላልያዋ በኤዳ። 
\v 39 ገሊደ አሳ፥ “አያዉ ሎይ ዬኪቴ? ናታ ገምእሻዱፐ አትን፥ ሀይቃበይኩ” ያጌዳ።
\p
\v 40 ሄዋፐ ጉየ አሳይ አ ቦላ ሚጬዳ፤ ሽን አሳ ኡባ ካረ ከሲደ፥ ናት አዉዋነ አቶ ሄዋን ባረናና ደእያ አ ካልያዋንታነ አኪደ፥ ናታ ደኢያሳ ገሌዳ። 
\v 41 የሱስ ናት ኩሽያ ኦይቂደ፥ “ጻልታ፥ ቁሚ”\f + \fr 5:41 \fr*\fq ጻልታ፥ ቁሚ፦ \fq*\ft ሀ ቃላቱ አራማይከ ጌተትያ ቃላን የሱሳ ዎድያን ፓላስቲነ ጋደን ሃሳየትያዋ። ጻልታ ግያዌነ ቁም ግያዌ አማራዋ ቃላ ግደና። ሽን ግሪክያ ቃላ።\ft*\f* ያጌዳ፤ ሄዋ ብለይ፥ “ጉ ናቴ፥ ታን ኔና ደንዳ ጋይ” ግያዋ።
\p
\v 42 ናታ ኤለካ ደንዳ ኤቃደ ሀመታዱ፤ እዛ ታማነ ላኡ ላይ ናቶ፤ ሄዌ ሀንያዋን አሳይ ዳሮ ማላለቴዳ። 
\v 43 የሱስ ሄዋ ኡንቱንቱ ኦስነ ኦደና ማላ፥ ኡንቱንታ ምንስ አዛዚደ፥ “እዝዉ ምያባ እምተ” ያጌዳ።
\c 6
\s1 የሱሳ ናዝሬተን አከናን እጼድኖ
\r (ማቶሳ 13:53-58፤ ሉቃሳ 4:16-30)
\p
\v 1 የሱስ ሄዋፐ ከሲደ፥ ባረ ጋድያ ናዝሬተ ካታማ ቤዳ፤ አ ካልያዋንቱካ አ ካሊደ ቤድኖ። 
\v 2 ሳምባታ ጋላስ አይሁዳ ዎሳ ጎልያን ታማርሱዋ ዶሜዳ፤ እ ታማርስያዋ ስሴዳ ጮራ አሳይ ማላለቲደ፥ “ሀዌ ሀ ኡባባ ሀቃፐ ደሜዴ? ሀ አዉ እመቴዳ አ ኤራተይ አዬ? ጾሳይ ኦያ ማላታ እ ዎት ኦ?\fig አይሁዳቱዋ ዎሳ ጎለን ናባብያ ብታንያ|alt="Man reading inside synagogue" src="LB00244B.TIF" size="col" ref="6:2"\fig* 
\v 3 ሀዌ አናጽያ\f + \fr 6:3 \fr*\fk አናጽያ፦ \fk*\ft ግሪከ ብለን ሹቻ ዎይ ኡርቃ መልሲደ መያ አሳ ጊደ ጎኤቴ።\ft*\f* ግደኔ? ማይራም ናኣ፥ ያቆባ እሻ፥ ዮሳ እሻ፥ ይሁዳ እሻ፥ ስሞና እሻ ግደኔ? አ ምቻቱ ኑናና ሀዋን ደእያዋንታ ግድክኖ?” ያጊደ፥ እ ግያዋ አከናን እጼድኖ።
\p
\v 4 የሱስ ሄ አሳዉ፥ “ናቢ ባረ ጋድያን፥ ባረ ዳባቱዋንነ ባረንቱ ሶይ አሳን ቦንቼተናዋፐ አትን፥ ኡባ ሳን ቦንቼቴ” ያጌዳ። 
\v 5 እ ሄዋን ባረ ኩሽያ አማሬዳ አሳቱዋ ቦላ ዎደ፥ ኡንቱንታ ፓዳዋፐ አትን፥ ጮራ ማላታ ኦናዉ አይነ ዳንዳይቤና። 
\v 6 አሳይ አማንቤና ድራዉ ማላለቴዳ።
\s1 የሱስ ታማነ ላኡ ባረና ካልያዋንቱ ታማርሳናዳን ኪቴዳ
\r (ማቶሳ 10:5-15፤ ሉቃሳ 9:1-6)
\p ሄዋፐ ጉይያን፥ የሱስ ሄዋ ሄራን ደእያ ቄር ካታማቱዋን ዩይ ዩዪደ፥ አሳ ታማርሴዳ። 
\v 7 የሱስ ታማነ ላኡ ባረና ካልያዋንታ ባረኮ ጼሲደ፥ ላኡዋ ላኡዋ ኪቴዳ፤ ቃይ ኡንቱንቶ ኢታ አያናቱዋ ከስያ ማታ እሜዳ። 
\v 8 ኡንቱንታ፥ “ኦግያ ጻምኣፐ አትን፥ ቁማ፥ ቃርጪትያ፥ ህንተዉ ሚሻ አያኔካ ኦይቆፕተ። 
\v 9 ህንተንቱ ገድያን ጫማካ ዎተ፤ ሽን ላኡ ማዩዋ ማዮፕተ” ያጌዳ። 
\v 10 ቃይካ ኡንቱንታ፥ “ህንተንታ አሳይ ሀቃን ሞኮፐነ፥ ሄዋፐ ከሳና ጋካናዉ፥ ሄ ጎልያን ኡት አግተ። 
\v 11 ህንተንታ አሳይ ሞከናሳ ዎይ ህንተ ኦድያባ ስሰናሳ ሀቃ ግዶፐካ፥ ሄ ጋድያን ደእያ አሳዉ ሄዌ ማርካ ግዳና ማላ፥ ሄዋፐ ከሲደ፥ ህንተ ገድያፐ ባና ሾጭተ”\f + \fr 6:11 \fr*\fk ህንተ ገድያፐ ባና ሾጭተ፦ \fk*\ft ሀዌ አሳይ እጼዳዋ በስያዋ።\ft*\f* ያጌዳ።
\p
\v 12 ታማነ ላኡ አ ካልያዋንቱ ቢደ፥ አሳይ ባረንቱ ናጋራፐ ስማናዳን፥ ቃላ ኦዴድኖ። 
\v 13 ኡንቱንቱ አሳፐ ዳሮ ኢታ አያናቱዋ ከሲደ፥ ሀርግያ አሳ ጮራ ዛይትያ ኦኪደ ፓድኖ።\x - \xo 6:13 \xo*\xt ያቆባ 5:14\xt*\x*
\s1 ጻማቅያ ዮሃንሳ ሀይቁዋ
\r (ማቶሳ 14:1-12፤ ሉቃሳ 9:7-9)
\p
\v 14 አሳይ የሱሳ ሱን ደንያ ድራዉ፥ ካትያ ሄሮድሰ ሄዋ ኡባ ስሴዳ፤ እት እት አሳይ፥ “ጻማቅያ ዮሃንስ ሀይቁዋፐ ደንዴዳ፤ ሄዎ አዉ ዎልቃማ ማላታ ኦያ ዎልቃይ ደኤ” ያጌዳ።
\p
\v 15 ሽን ሀራንቱ አ፥ “ሀዌ ኤላሳ” ያጌድኖ።
\p ሀራንቱ ቃይ፥ “ሀዌ በን ዎደ ናባቱዋ ማላትያ ናብያ” ያጌድኖ።
\p
\v 16 ሽን ሄሮድሰ ሄዋ ስሴዳ ዎደ፥ “ሄዌ ታን ቆያ ሙጭሴዳ ጻማቅያ ዮሃንሳ። እ ሀይቁዋፐ ፓጼዳ” ያጌዳ።
\p
\v 17 አያዉ ጎፐ፥ ሄሮድሰ ባረ እሻ ፕልጶሳ ማቻቶ ሄሮድያዶ አክ ዎዳ፤ ሄሮድሰ እዝ ድራዉ፥ ባረ ሁጰዉ አሳ ኪቲደ፥ ዮሃንሳ ኦይደ፥ ቃሽስ ዎዳ። 
\v 18 አያዉ ጎፐ፥ ዮሃንስ ሄሮድሳ፥ “ኔን ነ እሻ ማቻቶ አካናዉ በሰና” ያግ ዎዳ።
\p
\v 19 ሄሮድያዳ ዮሃንሳዉ ኡሉዋን ሞርክያ ኦይቃደ አ ዎሳናዉ ኮያዱ፤ ሽን ዳንዳያበይኩ። 
\v 20 ዮሃንስ ጽሎ አሳነ ጌሻ አሳ ግዴዳዋ ሄሮድሰ ኤሬዳ ድራዉ፥ አዉ ያዪደ፥ ሎይ ናግ ዎዳ፤ ዮሃንስ ግያዋ ስሲደ፥ ባረ ዎዛናን ዳርስ መቶቲደካ አባ ናሸቻን ስሴዳ።
\p
\v 21 ሄሮድሰ ባረ የለቴዳ ጋላስ፥ ጋድያ አይስያዋንቶ፥ ሻላቃቶነ ጋሊላን ደእያ ዎልቃማ አሳዉ ሾብያ ጊግሴዳ ዎደ፥ ዉርሰን ሄሮድያዳ እንጀ ጋላሳ ደማዱ። 
\v 22 ሄሮድያድ ናታ እማ ሞክያሳ ገላ ዱራደ፥ ሄሮድሳነ አ እማቱዋ ናሸቻዱ፤ ሄዋፐ ጉየ ካቲ ናትዉ፥ “ኔና ሎኤዳዋ አያ ግዶፐነ ታና ኦቻ፤ ታን ነዉ እማና” ያጌዳ። 
\v 23 ቃይ እዝዉ ዳሪ ጫቂደ፥ “ኔን ኦቼዳዋ አያ ግዶፐካ፥ ታን ነዉ እማና፤ ሀራይ አቶ፥ ታ ካዉተፐ ባጋ ግዶፐካ፥ ታን ነዉ እማና” ያጌዳ።
\p
\v 24 ናታ ካረ ከሳደ ባረ ዳዮ፥ “አያ እማ ጎ?” ያጋደ ኦቻዱ።
\p እ ዳያ፥ “ጻማቅያ ዮሃንሳ ሁጲያ እማ ጋ” ያጋዱ።
\p
\v 25 ናታ ኤለካ ካትያኮ ባደ አ፥ “ጻማቅያ ዮሃንሳ ሁጲያ ዎጪትያን ዎደ፥ ኔን ሀእ ታዉ እማናዳን ኮያይ” ያጋዱ።
\p
\v 26 ሄዋፐ ጉየ ካቲ ዳሪ ቃረቴዳ፤ ሽን ባረ ጫቁዋ ድራዉነ ባረ እማቱዋ ድራዉ እዝዉ ጫቄዳ ጫቁዋ ኮላናዉ ኮይቤና። 
\v 27 ሄዋ ድራዉ፥ ኤለካ ናግያዋ ኪቲደ፥ ዮሃንሳ ሁጲያ አሀና ማላ አዛዜዳ፤ ናግያዌ ቃሾ ጎለ ቢደ፥ ዮሃንሳ ቆያ ሙጬዳ። 
\v 28 ሄ ሙጬዳዋ ዎጪትያን ዎ አሂደ፥ ናትዉ እሜዳ፤ ናታ ቃይ ባረ አትዉ እማዱ። 
\v 29 ዮሃንሳ ካልያዋንቱ ሄዋ ስሴዳ ዎደ ዪደ፥ አ አሃ አፊደ ሞጌድኖ።
\s1 የሱስ እቼሹ ሻአ አሳ ምዚደ ካልሴዳ ታርክያ
\r (ማቶሳ 14:13-21፤ ሉቃሳ 9:10-17፤ ዮሃ. 6:1-14)
\p
\v 30 የሱስ ኪቴዳዋንቱ ስሚደ፥ የሱሳና ጋከቲደ፥ ባረንቱ ኦዳባነ ባረንቱ ታማርሴዳባ ኡባ የሱሳዉ ኦዴድኖ። 
\v 31 ብያ አሳይነ ይያ አሳይ ዳርና፥ ሀራይ አቶ ቁማ ማናዉካ ኡንቱንታ ጋናን እጼዳ ድራዉ፥ የሱስ ኡንቱንታ፥ “ኑረካ ጉ ሸምፕ አካናዉ አሳይ ባይናሳ ቦይተ”\f + \fr 6:31 \fr*\fk አሳይ ባይናሳ፦ \fk*\ft ሀዌ ጋሊላ ጌተትያ ዎምባፐ ፑደሃ ዶላ ባጋና ደኤ። 6:45 ጼልተ።\ft*\f* ያጌዳ። 
\v 32 የሱስነ ኡንቱንቱ ባረንቱ ጻላላ ዎንግርያን ኡቲደ፥ አሳይ ባይናሳ ቤድኖ።
\p
\v 33 ኡንቱንቱ ቢሽን፥ ጮራ አሳይ ኡንቱንታ በኢደ ኤሬዳ፤ ካታማ ኡባፐ ገድያን ዎጺደ፥ ኡንቱንቱ ብያሳ ኡንቱንቱፐ ካሰቲደ ጋኬድኖ። 
\v 34 የሱስ ዎንግርያፐ ከሲደ፥ ጮራ አሳ በኤዳ፤ አሳይ ሄምያ አሳይ ባይና ዶርሳ ማላ ግዴዳ ድራዉ፥ ቃረቲደ አሳ ዳሮባ ታማርሱዋ ዶሜዳ።\x - \xo 6:34 \xo*\xt ፓይ. 27:17፤ 1 ካታ. 22:17፤ 2 ኦዱዋ 18:16፤ ህዝ. 34:5፤ ማቶሳ 9:36\xt*\x*
\p
\v 35 ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ “ሀዌ ሳአይ አሳይ ባይና ሳኣ፤ ሀእ ሳአይካ ቃም ድጌዳ፤ 
\v 36 አሳይ ሄራነ ቄር ካታማቱዋ ግዶ ቢደ፥ ባረንቶ ምያባ ሻማና ማላ፥ አሳ ሞይዛ” ያጌድኖ።
\p
\v 37 ሽን የሱስ ዛሪደ ኡንቱንታ፥ “አሳዉ ምያባ ህንተ እምተ” ያጌዳ።
\p ሄዋፐ ጉየ ኡንቱንቱ፥ “ኑን ቢደ፥ ላኡ ጼቱ ብራ ሳንትምያ\f + \fr 6:37 \fr*\fk ብራ ሳንትምያ፦ \fk*\ft በን ዎድያን አሳ ጋድያን እት ጋላሳ ኡንያ ኦ ፔሼዳ አሳዉ እት ብራ ሳንትሚ እመቴ። ማት። 20:2 ጼልተ።\ft*\f* ቁማ ሻሚደ፥ አሳይ ማናዉ እማኔ?” ያጊደ አ ኦቼድኖ።
\p
\v 38 የሱስ ኡንቱንታ፥ “ህንተንቶ አፑን ዳቡ ደኢ? ቢደ በእተ” ያጌዳ።
\p ኡንቱንቱ በኢደ፥ “እቼሹ ዳቡዋነ ላኡ ሞልያ” ያጌድኖ።
\p
\v 39 የሱስ ባረና ካልያዋንታ አሳ ኡባ ጭታን ጭታን ሻክ ሻኪደ፥ ማታን ኡትሳና ማላ አዛዜዳ። 
\v 40 አሳይ ጼቱ ጼቱነ እሻታሙ እሻታሙ ጭታን ጭታን ኡቴድኖ። 
\v 41 የሱስ እቼሹ ዳቡዋነ ላኡ ሞልያ ኦይቂደ፥ ፑደ ሳሉዋ ጼሊደ፥ ጾሳ ጋላቴዳ፤ ዳቦቱዋ መንደ አሳዉ ግሻና ማላ፥ ባረና ካልያዋንቶ እሜዳ፤ ቃይ ላኡ ሞልያካ ኡንቱንቱ ኡባዉ ሻኬዳ። 
\v 42 አሳይ ኡባይ ሚደ ካሌድኖ። 
\v 43 ሄዋፐ ጉየ አቴዳ ዳቦቱዋ ዶካይነ ሞልያ ዶካይ ታማነ ላኡ ዛምቤልያ ኩሜዳዋ የሱሳ ካልያዋንቱ ደንድኖ። 
\v 44 ዳቡዋ ሜዳ አቱማ አሳይ እቼሹ ሻአ።
\s1 የሱስ አባ ቦላን ሀመቲደ ቤዳ
\r (ማቶሳ 14:22-33፤ ዮሃ. 6:15-21)
\p
\v 45 ኤለካ የሱስ ሄ ጮራ አሳ ሞይዚደ፥ ባረና ካልያዋንቱ ዎንግርያን ገሊደ፥ አባፐ ሄፍንን ደእያ ቤተሳይዳ ግያ ካታማ ባረፐ ስንቲደ ባናዳን አዛዜዳ። 
\v 46 ኡንቱንታ ሞይዜዳዋፐ ጉይያን፥ ጾሳ ዎሳናዉ ዞዝያ ከሴዳ።
\p
\v 47 ሳአይ ቃምያ ዎደ ዎንግሪ ዎምባ ግዱዋን ደእሽን፥ የሱስ ዎምባፐ ጋጻን ባረካ ደኤ። 
\v 48 ጫርኩ አ ካልያዋንቱኮ ጫርክያ ድራዉ፥ ባረና ካልያዋንታ ዎምባ ቤታይ መቶያዋ የሱስ በኢደ፥ ኩቱ ዋሳና ሀንያ ዎደ ዎምባ ቦላን ሀመቲደ፥ ኡንቱንቱኮ ዬዳ፤ ኡንቱንታ የግ አናዉ ኮዬዳ። 
\v 49 ሽን ዎምባ ቦላን እ ሀመትሽን፥ ኡንቱንቱ አ በኢደ፥ ባረንቶ ሞይትልያ ማላትና ዋሴድኖ። 
\v 50 አያዉ ጎፐ፥ ኡንቱንቱ ኡባይ አ በኢደ፥ ያሻ ኮኮሬድኖ፤ ሽን ኤለካ የሱስ ኡንቱንታ፥ “አይነ ባዋ፤ ታናተኔ ያዮፕተ” ያጌዳ። 
\v 51 የሱስ ኡንቱንቱና እትፐ ዎንግርያን ገልና፥ ጫርኩ ዎፑ ጌዳ፤ ኡንቱንቱ ዳሮ ማላለቴድኖ። 
\v 52 አያዉ ጎፐ፥ ኡንቱንቱ ዎዛናይ ጆሌዳ ድራዉ፥ ኡንቱንቱ ኡክባ አኬክበይክኖ።
\s1 የሱስ ገንሳሬጸን ሀርጋንቻቱዋ ፓዳ
\r (ማቶሳ 14:34-36)
\p
\v 53 ኡንቱንቱ አባ ፕኒደ፥ ገንሳሬጻ ግያ ቢታ ጋኬድኖ፤ ያን ዎንግርያ ጋጻ ሺሽ ቃቼድኖ። 
\v 54 ኡንቱንቱ ዎንግርያፐ ዎያዋን፥ አሳይ ኤለካ የሱሳ ኤርነ 
\v 55 ሄዋ ሄራን ደእያ ጋድያ ኡባን ዎጸረቲደ፥ ሀርጋንቻቱዋ ሻንቻማን ቶኪደ፥ “የሱስ ደኤ” ጊና ስሴዳሳ አሁዋ ዶሜዳ። 
\v 56 የሱስ ቤዳ ሳ ኡባን ቄር ካታማን ግድና፥ ዎልቃማ ካታማን ግድና፥ ሄራ ግዶን ግድናካ፥ ገያ ደንባን አሳይ ሀርጋንቻቱዋ አኮ አፌ። የሱስ ባረ ማዩዋ ማጫራ ግዶፐነ ሀርጋንቻቱዋ ቦሽሳና ማላ፥ አሳይ አ ዎሴዳ፤ ቦቼዳ ኡባይ ፓጼዳ።
\c 7
\s1 የሱስ አሳ ዎጋፐ ኮሸናዋ ጳልቄዳ
\r (ማቶሳ 15:1-9)
\p
\v 1 ፓርሳዋቱነ የሩሳላመፐ ዪደ፥ ሙሴ ህግያ ታማርስያ አማሬዳ አሳቱ የሱሳኮ ሺቄድኖ። 
\v 2 የሱሳ ካልያዋንቱፐ እቱ እቱ ቱና ኩሽያን፥ ሄዋ ግያዌ ሜጨተናን ቁማ ምያዋንታ\f + \fr 7:2 \fr*\fk ሜጨተናን ቁማ ምያዋንታ፦ \fk*\ft አይሁደ አሳቱዋ ዎጋን ሜጨተና ኩሽያን ቁማ ሙሳይ ቱናዳን ፓይደቴ። ሄዎ ቁማ ማናፐ ካሰና ኩሽያ ሜቻ ሎይ ምንሲኖ።\ft*\f* በኤድኖ።
\p
\v 3 አያዉ ጎፐ፥ ፓርሳዋቱነ አይሁዳ አሳይ ኡባይ ባረንቱ አዎቱዋ ዎጋ ናጊደ፥ ባረንቱ ኩሽያ ሎይ ሜጨተናን ሚክኖ። 
\v 4 ቃይ ገያፐ ዪደካ ሜጨተናን ደኢደ ሚክኖ። ቃይ ኡንቱንቱ ባረንቱ አዎቱዋፐ አኬዳ ሀራ ጮራ ዎጋይ ደኤ፤ ሄዌካ ዋንጫ፥ ከርያ፥ ብራታፐ መዳ ሚሻነ አርሳ ሜጭያ ዎጋ።
\p
\v 5 ፓርሳዋቱነ ሙሴ ህግያ ታማርስያዋንቱ የሱሳ፥ “ኔና ካልያዋንቱ አያዉ ኑ አዎቱዋ ዎጋ ካለናን እጺደ፥ ባረንቱ ኩሽያ ሜጨተናን ቁማ ሚኖ?” ያጊደ ኦቼድኖ።
\p
\v 6-7 የሱስ ኡንቱንታ ሀዋዳን ያጌዳ፤ “እስያስ ትምቢትያ ኦዴዳ ዎደ፥ ህንተንቱባ፥ ሎአ ማላትያ ኢታቱባ ጻፌዳዋዳንካ፥
\q1 “ ‘ጾሳይ፥ “ሀዌ አሳይ ታና፥
\q2 ባረ ቦላ ዶናን ቦንቼ።
\q1 ሽን ኡንቱንቱ ዎዛናይ ታፐ ሃኩዋን ደኤ፤
\q2 አሳይ ታዉ መላ ጎይኔ።
\q1 አያዉ ጎፐ፥ አሳይ ኦዳ አዛዙዋ፥
\q2 ጾሳ ህግያ ማላትሲደ ታማርሴ” ጌዳ’
\m ያጊደ ትምቢትያ ቱሙዋ ኦዴዳ።\x - \xo 7:6-7 \xo*\xt ኢሳ. 29:13\xt*\x*
\p
\v 8 “ጾሳ አዛዙዋ ህንተ አጊደ፥ አሳ ዎጋ ምንሲደ ናጊታ” ያጌዳ።
\p
\v 9 ቃይካ የሱስ፥ “ህንተንቱ ህንተ ዎጋ ናጋናዉ ጾሳ አዛዙዋ አጊታ። 
\v 10 አያዉ ጎፐ ሙሴ፥ ‘ነ አባነ ነ ዳዮ ቦንቻ’ ቃይ፥ ‘ባረ አባነ ባረ አቶ ቦርያዌ ሀይቁዋን ሙረቶ’ ያጌዳ።\x - \xo 7:10 \xo*\xt ከሳ 20:12፤ 21:17፤ ዎጋ 20:9፤ ዛረ. 5:16\xt*\x* 
\v 11 ሽን እት ኡራዉ ባረ አዉዋ ዎይ ባረ አቶ ማድያባይ ደእሽን እ፥ ‘ሀዌ ቁርባንያ፤ ሀዋ ጉሳይ ጾሳባ ግያዋ’ ጎፐ፥ 
\v 12 እ ባረ አዉዋ ዎይ ባረ አቶ ዎደፐ ማዳናዋ አይነ ኮይክታ። 
\v 13 ሀ ሀኖታን ህንተ ህንተንቱ ዎጋ ናጋናዉ፥ ጾሳ ቃላ ኮሊደ፥ ሄዋ ማላ ዳሮባ ኦታ” ያጌዳ።
\s1 አሳ ቱንስያዋንታ
\r (ማቶሳ 15:10-20)
\p
\v 14 የሱስ ጮራ አሳ ቃይካ ባረኮ ጼሲደ፥ “ኡባይ ታን ግያዋ ስስተነ አኬክተ። 
\v 15 አሳፐ ከስያዌ አሳ ቱንስያዋፐ አትን፥ ካረፐ አሳ ግዶ ገሊደ፥ አሳ ቱንስያባይ አይነ ባዋ፤ 
\v 16 ስሳናዉ ሀይይ ደእያ ኡራይ ኦንነ ስሶ” ያጌዳ።
\p
\v 17 የሱስ ጮራ አሳ አጊደ ሶይ ገሌዳ ዎደ፥ አ ካልያዋንቱ ሄ ሌምሱዋባ አ ኦቼድኖ። 
\v 18 እ ኡንቱንታ፥ “ህንተንቶካ ቃይ ገልቤኔ? ካረፐ አሳ ዎዛናን ገልያባይ አይነ አሳ ቱንሳናዉ ዳንዳየናዋ አኬኪቴ? 
\v 19 አያዉ ጎፐ፥ ቁማይ አሳ ኡሉዋ ግዶ ገሊደ፥ ካረዉ ከስያዋፐ አትን፥ አሳ ዎዛና ግዶ ገለና” ያጌዳ። ሀዋዳንካ የሱስ ቁማ ኡባይ ቱና ግደናዋ ኤርሴዳ።
\p
\v 20 ቃይካ የሱስ ሀዋዳን ያጌዳ፤ “አሳ ቱንስያባይ አሳ ዎዛና ግዶፐ ከስያባ። 
\v 21 አያዉ ጎፐ፥ አሳ ዎዛና ግዶፐ ከስያዌ ኢታ ቆፋ፤ ዎሹምያዋ፤ ዉእያዋ፤ ዎያዋ፤ ጫራተ፤ 
\v 22 ዮራተ፤ ኡዝያ ዎይ ባረና ዶስያዋ፤ ኢታተ ዎይ ጭምያዋ፤ ገንያ፤ ማጫዋ አሞትያዋ፤ ቃናትያዋ፤ ቦርያዋ ዎይ ዝግርያዋ፤ አዩዋ፤ ኤያተ። 
\v 23 ሀ ኢታባይ ኡባይ አሳ ዎዛና ግዶፐ ከሲደ፥ አሳ ቱንሴ” ያጌዳ።
\s1 እት ግሪከ ምሽራት አማኑዋ
\r (ማቶሳ 15:21-28)
\p
\v 24 የሱስ ሄዋፐ አጊደ፥ ጺሮሳነ ሲዶና ግያ ካታማቱዋ ማታን ደእያ ጋድያ ቢደ፥ እት ጎልያ ገሌዳ፤ ቃይ እ ያን ደእያዋ ኦንነ ኤራናዋ ኮይቤና፤ ሽን ቆሰቲደ ጋምአናዉ ዳንዳይቤና። 
\v 25 ሽን ባረ ጉ ናት ቦላ ኢታ አያናይ ደእያ እት ምሽራታ የሱሳባ ስሳደ፥ ኤለካ አኮ ያነ አ ገድያን ጉፋና አጋዱ። 
\v 26 ሄ ምሽራታ አይሁዳ አሳ ግዱኩ፤ አ የለቴዳዌካ ሶርያ ግያ ጋድያና፤ አ ባረ ናትፐ ጻላህያ ከሳና ማላ፥ የሱሳ ዎሳዱ።
\p
\v 27 ሽን የሱስ ዛሪደ፥ “ናናይ ካሰቲደ ቁማ ካልኖ፤ አያዉ ጎፐ፥ ናና ቁማ አኪደ፥ ካናቶ\f + \fr 7:27 \fr*\fk ካናቶ፦ \fk*\ft ሀ ቃላ እት እት አይሁደ አሳይ፥ አይሁደ ግደና አሳቶ ጎኤትያዋ።\ft*\f* ኦልያዌ ሎአ ግደና” ያጌዳ።
\p
\v 28 ምሽራታ ዛራደ፥ “ቱማካ ታ ጎዳዉ፥ ሀራይ አቶ ሳምፓ ምይያን ደእያ ካናቱካ ናናቱዋፐ አቴዳ ሱፓ ሚኖ” ያጋዱ።
\p
\v 29 የሱስ ቃይ እዞ፥ “ሀ ኔን ሃሳዬዳ ቃላ ድራዉ፥ ጻላሂ ነ ናትፐ ከሴዳ፤ ስም ነ ሶይ ባ” ያጌዳ።
\p
\v 30 ምሽራታ ባረ ሶይ ብያ ዎደ፥ እዝ ናትፐ ጻላሂ ከስና፥ ሂጻን ግሴዳዉኖ ደማዱ።
\s1 የሱስ ቱለነ ዱደ ግዴዳ እት ብታንያ ፓዳ
\p
\v 31 የሱስ ጺሮሳ ጋድያፐ ከሲደ፥ ሲዶናናነ ታሙ ካታማ ግያ ጋድያና ካንደ፥ ጋሊላ አባኮ ቤዳ። 
\v 32 አሳይ ቱለነ ዱደ ግዴዳ ብታንያ የሱሳኮ አሂደ፥ ባረ ኩሽያ አ ቦላን ዎና ማላ፥ የሱሳ ዎሴድኖ። 
\v 33 የሱስ ባረካ ሄ ብታንያ ጮራ አሳፐ ጋጻ ከሲደ፥ ባረ ብራያ አ ሀይን የዴዳ፤ ቃይ ጩቻ ጩቺደ፥ አ እንጻርሳ ቦቼዳ። 
\v 34 ሳሉዋ ፑደ ጼሊደ፥ ቶክ ሸምፒደ፥ “ኤፍታህ”\f + \fr 7:34 \fr*\fqa ኤፍታህ፦ \fqa*\ft ሀ ቃላይ የሱስ ሀ አላምያን ደኢደ ታማርስያ ዎደ፥ ጎኤትያ አራማይከ ያገትያ ቃላን ሃሳዬዳዋ።\ft*\f* ያጌዳ፤ ሄዋ ግያዌ ዶየታ ግያዋ። 
\v 35 ብታንያ ሀይይ ኤለካ ዶየት አጌዳ፤ ቃይ አ ሃሳየና እንጻርሳይካ ብለት አጌዳ፤ ብታኒ አይነ ዋየተናን ሃሳዪ አጌዳ።
\p
\v 36 የሱስ አሳዉ፥ “ሀዋ ኦስነ ኦዶፕተ” ያጊደ ኦዴዳ፤ ሽን እ ዳርስ ምንስ ኦድና፥ አሳይ ቃይ ኦዱዋ ያ ዳርሴዳ። 
\v 37 ሄዋ ስሴዳ አሳይ ኡባይ ዳሮ ማላለቲደ፥ “ኡባባካ እ ሎይ ኦ። ሀራይ አቶ ቱልያካ ስሴ፤ ቃይ ዱድያካ ሃሳይሴ” ያጌድኖ።
\c 8
\s1 የሱስ ኦይዱ ሻአ አሳ ምዜዳ
\r (ማቶሳ 15:32-39)
\p
\v 1 ሄ ዎደ፥ ጮራ አሳይ ቃይ የሱሳኮ ሺቄዳ፤ አሳዉ ምያባይ ይና፥ የሱስ ባረና ካልያዋንታ ባረኮ ጼሲደ፥ 
\v 2 “ሀ ጮራ አሳይ ታናና ሄዙ ጋላሳይ ጋካናዉ ጋምኢደ፥ ምያባ አይነ ደምቤና ድራዉ፥ ታን ኡንቱንቶ ቃረታይ። 
\v 3 ታን ኡንቱንታ ኮሻና ሶይ የዶፐ፥ ቢደ ኦግያን ዳቡሪደ ኩንዳና፤ አያዉ ጎፐ፥ እቱ እቱ ሃኮ ሳፐ ዬዳ” ያጌዳ።
\p
\v 4 አ ካልያዋንቱ ዛሪደ፥ “ሀ አሳይ ባይና ሳን ሀ አሳ ኡባ ምዛናዉ ግድያ ቁማ ደማናዉ ዳንዳይያዌ ኦኔ?” ያጌድኖ።
\p
\v 5 የሱስ ኡንቱንታ፥ “ህንተንቶ አፑን ዳቡ ደኢ?” ያጊደ ኦቼዳ።
\p ኡንቱንቱ፥ “ላፑ ዳቡ ደኤ” ያጌድኖ።
\p
\v 6 የሱስ አሳ፥ “ሳኣን ኡትተ” ያጊደ አዛዜዳ፤ ቃይ ላፑ ዳቡዋ አኪደ፥ ጾሳ ጋላቴዳ፤ ሄ ዳቡዋ መንደ፥ አሳዉ ግሻና ማላ፥ ባረና ካልያዋንቶ እሜዳ። የሱሳ ካልያዋንቱ ሄ ጮራ አሳዉ ግሼድኖ። 
\v 7 ኡንቱንቶ ቃይካ አማሬዳ ሱፓ ሞለቱ ደኢኖ፤ የሱስ ሄዋንቶካ ጾሳ ጋላቲደ፥ አሳዉ ግሻና ማላ፥ ባረና ካልያዋንታ አዛዜዳ። 
\v 8 አሳይ ኡባይ ሚደ ካልና አቴዳ ዶካይ ላፑ ዛምቤልያ ኩሜዳዋ አ ካልያዋንቱ ደንድኖ። 
\v 9 ቁማ ሜዳ አሳይ ኦይዱ ሻአ ግዳና፤ ሄዋፐ ጉይያን፥ የሱስ አሳ የዴዳ። 
\v 10 እ ቃይ ባረና ካልያዋንቱና ኤለካ ዎንግርያን ገሊደ፥ ዳልማኑታ\f + \fr 8:10 \fr*\fq ዳልማኑታ፦ \fq*\ft ሀዌ ኤረተና ሳኣ።\ft*\f* ግያ ጋድያ ቤዳ።
\s1 ፓርሳዋቱ ባረንቶ ማላታይ ኦሰታና ማላ ኦቼድኖ
\r (ማቶሳ 16:1-4)
\p
\v 11 ፓርሳዋቱ ዪደ፥ የሱሳና ፓሉማ ዶሜድኖ።
\p የሱሳ ፓጫናዉ ኮዪደ፥ ሳሉዋፐ ማላታ ባረንታ በሳና ማላ ኦቼድኖ። 
\v 12 የሱስ ዳርስ ቶክ ሸምፒደ፥ “ሀ ዎድያ አሳይ አያዉ ማላታ ኮዪ? ታን ህንተንቶ ቱሙዋ ኦዳይ፤ ሀ ዎድያ አሳዉ ማላታይ ኡባካ እመተና” ያጌዳ። 
\v 13 ቃይ ኡንቱንታ ሄዋን አጊደ፥ ዛር ዎንግርያን ገሊደ፥ አባፐ ሄፍን ፕኔዳ።
\s1 ፓርሳዋቱዋ እርሹዋነ ሄሮድሳ እርሹዋ
\r (ማቶሳ 16:5-12)
\p
\v 14 የሱሳ ካልያዋንቱ ቁማ አፋናዋ ዶጌድኖ፤ ኡንቱንቶ ዎንግርያ ግዶን እት ኡክፐ ሀራይ ባዋ። 
\v 15 የሱስ ኡንቱንታ፥ “ህንተንታ ኤርተ፤ ፓርሳዋቱዋ እርሹዋፐነ ሄሮድሳ\f + \fr 8:15 \fr*\fq ሄሮድሳ፦ \fq*\ft ሀዌ ሄሮድሰ አንትጳሳ ጌተትያ ዎጋ ሄሮድሳ ጌተትያዋ ናኣ።\ft*\f* እርሹዋፐ ናገትተ” ያጊደ አዛዜዳ።
\p
\v 16 ኡንቱንቱ ባረንቱ ግዶን፥ “እ ሀዋ ግያዌ ኑዉ ቁማይ ባይና ድራሳ” ያጊደ ሃሳያ ዶሜድኖ።
\p
\v 17 የሱስ ኡንቱንቱ ግያዋ ኤሪደ፥ “ህንተንቶ ዳቡ ባይናዋ አያዉ ሃሳዪቴ? ሀእ ጋካናዉ ህንተዉ ገለኔ? ዎይ አኬክክቴ? ህንተ ዎዛናይ ጆሌዴ? 
\v 18 ህንተንቶ አይፊ ደኤ፤ በእክቴ? ቃይ ሀይይ ደኤ፤ ስስክቴ? ህንተንቶ ሀሳየተኔ?\x - \xo 8:18 \xo*\xt ኤር. 5:21፤ ህዝ. 12:2፤ ማር. 4:12\xt*\x* 
\v 19 ታን እቼሹ ዳቡዋ እቼሹ ሻአ አሳዉ መን እሜዳ ዎደ፥ አፑን ዛምቤልያ ኩሜዳ ዶካ ደንድቴ?” ያጌዳ።
\p ኡንቱንቱ፥ “ታማነ ላኡ ዛምቤልያ ኩሜዳ ዶካ ደንዶ” ያጌድኖ።
\p
\v 20 “ታን ቃይካ ላፑ ዳቡዋ ኦይዱ ሻአ አሳዉ መንደ እሜዳ ዎደ፥ አፑን ዛምቤልያ ኩሜዳ ዶካ ደንድቴ?” ያጌዳ።
\p ኡንቱንቱ፥ “ላፑ ዛምቤልያ ኩሜዳ ዶካ ደንዶ” ያጌድኖ።
\p
\v 21 እ ቃይ፥ “ሀእካ አኬክበይክቴ?” ያጌዳ።
\s1 የሱስ ቤተሳይዳን እት ቆቃ ፓዳ
\p
\v 22 የሱስነ አ ካልያዋንቱ ቤተሳይዳ ግያ ካታማ ቤድኖ፤ አሳቱ ቆቃ ብታንያ የሱሳኮ አሂደ፥ ሄ ብታንያ ቦቻና ማላ፥ አ ዎሴድኖ። 
\v 23 የሱስ ቆቃ ብታንያ ኩሽያ ኦይቂደ፥ ሄራፐ ጋጻ ከሴዳ፤ አ አይፍያን ጩቺደ፥ ባረ ኩሽያ አ ቦላ ዎደ፥ “ነዉ አየንቶ ቤቲ?” ያጊደ ኦቼዳ።
\p
\v 24 ብታኒ ቂደ፥ “ታን አሳ በአይ፤ ሽን አሳይ ሀመቲደ፥ ም ማላቴ” ያጌዳ።
\p
\v 25 ሄዋፐ ጉይያን፥ የሱስ ሽረቲደ ብታንያ አይፍያን ባረ ኩሽያ ዎዳ። አ አይፊ ፓጼዳ፤ ብታኒካ ሎይ ጼሌዳ፤ ቃይ ኡባባካ ጌሺደ በኤዳ። 
\v 26 የሱስ ብታንያ፥ “ሄራ ገሎፓ” ያግ አ ሶይ የዴዳ።
\s1 ጰጽሮሳ አማኑዋነ አ ማርካተ
\r (ማቶሳ 16:13-20፤ ሉቃሳ 9:18-21)
\p
\v 27 የሱስ ባረና ካልያዋንቱና ቂሳርያ ፕሊጶሳ ደእያ ቄር ሄራቱዋ ቤዳ፤ እ ቢሽን ኦግያን የሱስ፥ “ታና አሳይ ኦና ጊ?” ያጊደ ባረና ካልያዋንታ ኦቼዳ።
\p
\v 28 አ ካልያዋንቱ፥ “እት እት አሳይ ኔና፥ ‘ጻማቅያ ዮሃንሳ’ ጌ፤ ሀራንቱ፥ ‘ኤላሳ’ ጊኖ፤ ቃይ ሀራንቱ፥ ‘ናባቱዋፐ እቱዋ’ ጊኖ” ያጌድኖ።
\p
\v 29 የሱስ ኡንቱንታ፥ “ህንተሽ ታና ኦና ጊቴ?” ያጊደ ኦቼዳ።
\p ጰጽሮስ፥ “ኔን ዶረቴዳ ክርስቶሳ” ያጊደ ዛሬዳ።
\p
\v 30 የሱስ፥ “ታባ ኦስነ ኦዶፕተ” ያጊደ ኡንቱንታ አዛዜዳ።
\s1 የሱስ ባረና ጋካና መቱዋባነ ዋይያባ ኮይሩዋ ሃሳዬ
\r (ማቶሳ 16:21-28፤ ሉቃሳ 9:22-27)
\p
\v 31 የሱስ ባረና ካልያዋንታ፥ “ታን፥ አሳ ናአይ፥ ዳሪ ዋየታናዉ በሴ፤ ጭማቱ፥ ቄሳቱዋ ካፓቱነ ህግያ ታማርስያዋንቱ ታና እጻናዉ በሴ፤ ኡንቱንቱ ታና ዎናዉነ ታን ሄዘንያ ጋላሳፐ ጉይያን፥ ሀይቁዋፐ ደንዳናዉ በሴ” ያጊደ ታማርሱዋ ዶሜዳ። 
\v 32 ሄዋ እ ኡንቱንቶ ጌሺደ ኦዴዳ፤ ጰጽሮስ አ እት ባጋ ዛሪደ፥ ዞረታ ዶሜዳ።
\p
\v 33 ሽን የሱስ ጉየ ስሚደ፥ ባረና ካልያዋንታ ጼሊደ ጰጽሮሳ፥ “ሀ ሴጻናዉ፥ ክቻ ታ ማታፐ! ኔን አሳይ ቆፕያዋ ቆፓሳፐ አትን፥ ጾሳይ ቆፕያዋ ግደና” ያጌዳ።
\s1 የሱሳ ካሉሳይ ኦችያ ጋትያ
\r (ማቶሳ 10:38-39፤ 16:24-28፤ ሉቃሳ 9:23-27፤ 14:26-27)
\p
\v 34 የሱስ ጮራ አሳነ ባረና ካልያዋንታ ባረኮ ጼሲደ፥ “ታና ካላና ኮይያ ኡራይ ደኦፐ፥ ባረና ካዶ፤ ያቲደ ባረ ማስቃልያ ቶኪደ፥ ታና ካሎ። 
\v 35 አያዉ ጎፐ፥ ባረ ሸምፑዋ\f + \fr 8:35 \fr*\fk ሸምፑዋ፦ \fk*\ft ግሪክያ ቃላን እዛዋ ዎይ አሳ ሸምፑዋ ጌተት ብለቴዳ።\ft*\f* አሻና ኮይያ ኡራይ ባይዛናዋ፤ ሽን ታ ድራዉነ ዎንጋላ ምሽራቹዋ ድራዉ ባረ ሸምፑዋ ባይዝያ ኡራይ አሻናዋ። 
\v 36 እት ኡራይ ሳኣን ደእያ ኡባባ ባረዉ ሺሺደ፥ ባረ ሸምፑዋ ባይዞፐ፥ አ አያ ማዳኔ? 
\v 37 እት ኡራይ ባረ ሸምፑዋ ዎዛናዉ አያ እማና ዳንዳይ? 
\v 38 ጾሳ አማነና ሀ ናጋራንቻ የለታ ዎድያን፥ እት ኡራይ ታናንነ ታ ቃላን ዬላቶፐ፥ ታንካ፥ አሳ ናአይ፥ ቃይ ታ አዉዋ ቦንቹዋን ጌሻ ኪታንቻቱዋና ይያ ዎደካ፥ አን ዬላታና” ያጌዳ።
\c 9
\s1 የሱሳ ማላይ ላመቴዳዋ ኦድያ ታርክያ
\r (ማቶሳ 17:1-13፤ ሉቃሳ 9:28-36)
\p
\v 1 የሱስ ኡንቱንታ፥ “ታን ህንተንቶ ቱሙዋ ጋይ፤ አማሬዳ አሳቱ ጾሳ ካዉተይ ዎልቃና ይያዋ በኤናን ሀይቀናዋንቱ ሀዋን ደኢኖ” ያጌዳ።
\p
\v 2 የሱስ ኡሱፑን ጋላሳፐ ጉይያን፥ ባረናና ጰጽሮሳ፥ ያቆባነ ዮሃንሳ አኪደ፥ ኡንቱንቱ ጻላላ ዎልቃማ ደርያ ቦላ ከሴዳ፤ ኡንቱንቱ ስንን ላመቴዳ፤\x - \xo 9:2-7 \xo*\xt 2 ጰጽ. 1:17-18\xt*\x* 
\v 3 አ ማዩካ ጶሌዳ፤ ሳኣን ማዩዋ ሜጭያ ኦንነ ጌሻናዉ ዳንዳየናዋ ኬና ዳሪ ቦጼዳ። 
\v 4 ሄ ሄዙ የሱሳ ካልያዋንቱ፥ ኤላስነ ሙሴ የሱሳና ሃሳይያዋንታ በኤድኖ።
\p
\v 5 ጰጽሮስ የሱሳ፥ “ታማርስያዎ፥ ኑን ሀዋን ደእያዌ ኑዉ ሎአ፤ ኑን ሄዙ ዳሳቱዋ እቱዋ ነዉ፥ እቱዋ ሙሴዉ፥ ቃይ እቱዋ ኤላሳዉ ኬጻና” ያጌዳ። 
\v 6 እ ዋጋነንቶነ ኤርቤና፤ አያዉ ጎፐ፥ እካ የኮንቱካ ዳሪ ያዬድኖ።
\p
\v 7 ሄዋፐ ጉይያን፥ ሻሪ ዪደ ኡንቱንታ ካምና ሻርያፐ፥ “ሀዌ ታን ሲቅያ ታ ናኣ፤ እ ግያዋ ስስተ” ግያ ቃላይ ዬዳ። 
\v 8 ኤለካ ኡንቱንቱ ዩሽ አ ጼልያ ዎደ፥ የሱሳፐ አትን፥ ሀራ ኦናነ ባረንቱ ማታን በእበይክኖ።
\p
\v 9 ኡንቱንቱ ደርያፐ ዎሽን፥ የሱስ ኡንቱንታ፥ “ታን፥ አሳ ናአይ፥ ሀይቁዋፐ ደንዳና ጋካናዉ፥ ህንተ በኤዳባ ኦስነ ኦዶፕተ” ያጊደ አዛዜዳ።
\p
\v 10 እ አዛዜዳዋ ኡንቱንቱ፥ “ ‘ኤኖ’ ጊደ፥ ሀ ሀይቁዋፐ ደንድያዋ ግያዌ ዋግያዌ” ያጊደ፥ ባረንቱ ግዶን ሃሳየቴድኖ።
\p
\v 11 ኡንቱንቱ የሱሳ፥ “ህግያ ታማርስያዋንቱ አያዉ፥ ‘ኤላስ ካሰቲደ ያናዉ በሴ’ ጊኖ?” ያጊደ ኦቼድኖ።
\p
\v 12 እ ዛሪደ ያጌዳ፤ “ቱማካ፥ ኤላስ ካሰት ዪደ፥ ኡባባ ጊግሴ፤ ያትና፥ አያዉ ጾሳ ማጻፋይ፥ ‘አሳ ናአይ ዳሪ ዋየታናነ እጸታና’ ያጊ? 
\v 13 ሽን ታን ህንተንቶ ኦዳይ፤ ኤላስ ዬዳ፤ ቃይ አባይ ጾሳ ማጻፋን ጻፈቴዳዋዳንካ፥ አሳይ አ ባረ ኮዬዳባ ኦዳ” ያጌዳ።
\s1 የሱስ ኢታ አያናይ ኦይቄዳ ናኣ ፓዳ
\r (ማቶሳ 17:14-21፤ ሉቃሳ 9:37-43)
\p
\v 14 የሱስ፥ ጰጽሮስ፥ ያቆብነ ዮሃንስ የኮ የሱሳ ካልያዋንቱኮ ስሚደ ይያ ዎደ፥ ጮራ አሳይ ሄ ካልያዋንቱ ዩሹዋን ኤቄዳዋነ ህግያ ታማርስያ አማሬዳ አሳቱ ኡንቱንቱና ፓሉመትያዋንታ በኤድኖ። 
\v 15 ሄ ጮራ አሳይ የሱሳ በኤዳ ዎደ ማላለት ዳጋሚደ፥ ኤለካ አኮ ዎጽ ዪደ፥ አ ሳሮቴዳ። 
\v 16 የሱስ ባረና ካልያዋንታ “ኡንቱንቱና አያ ፓሉመቲቴ?” ያጊደ ኦቼዳ።
\p
\v 17 ሄ ጮራ አሳ ግዶፐ እት ብታኒ ዛሪደ፥ “ታማርስያዎ፥ ታ ናኣ ቦላን ሃሳያ ድግያ ኢታ አያናይ ደእያ ድራዉ፥ አ ኔኮ አካደ ያድ። 
\v 18 ሀ ኢታ አያናይ አ ኦይቂያ ዎደ ኡባን፥ አ ኦሌ፤ አ ዶናናካ ሆሙ ፓሮቴ፤ ቃይ አቻ ጋርጭሴ፤ ቦላካ ዞልሴ። አፐ ሀ ኢታ አያና ከሳና ማላ፥ ኔና ካልያዋንቶ ኦዳድ፥ ሽን ከሳናዉ ዳንዳይበይክኖ” ያጌዳ።
\p
\v 19 የሱስ ዛሪደ ኡንቱንታ፥ “አማነና ሀ ዎድያ አሳዉ! ታን ህንተንቱና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ናኣ ታኮ ሃ አክ ዪተ” ያጌዳ። 
\v 20 ኡንቱንቱ ናኣ አኮ አሄድኖ፤ ሄ ኢታ አያናይ የሱሳ በኢዴ ኤለካ ናኣ ኮኮርሲ አጌዳ፤ ናአይ ሳኣን ኩንዲደ፥ ዶናና ሆሙ ጎፑ ጊሽን ጎንዶረቴዳ። 
\v 21 የሱስ ሄ ናኣ አዉዋ፥ “ሀዌ ነ ናኣ ኦይቆደፐ ዎይሳ ዎደ ግዳኔ?” ያጊደ ኦቼዳ።
\p ናኣ አቡ፥ “እ ናአተን ደእያ ዎድያፐ ዶሜዳ። 
\v 22 አ ዎናዉ ዳሮ ዎደ ታማንነ ሃን ኦሌዳ፤ ሽን ኔን ዳንዳዮፐ፥ ኑዉ ቃረታደ ኑና ማዳርኪ” ያጌዳ።
\p
\v 23 የሱስ አ፥ “ኔን ዳንዳዮፐ ጋይ? አማንያ አሳዉ ኡባባይ ዳንዳየቴ” ያጌዳ።
\p
\v 24 ኤለካ ናኣ አቡ ባረ ኮሻ ቁ ኦደ፥ “ታን አማናይ፤ ሽን ጉጃ አማናናዳን፥ ታና ማዳርኪ” ያጌዳ።
\p
\v 25 የሱስ አሳይ ዳር ዳር ብያዋ በኢደ፥ ኢታ አያና፥ “ናኣ ቱለነ ዱደ ኦዳ አያናዉ፥ ሀ ናኣፐ ከሳ ጋደ ኔና ታ አዛዛይ፤ ቃይ ዛረደ አን ገሎፓ” ያጌዳ።
\p
\v 26 ሄ ኢታ አያናይ ዋሲደ፥ ናኣ ዳርስ ኮኮርሲደ፥ አፐ ከሴዳ። ናአይ ሀይቄዳዋ ማላትና፥ ዳሮ አሳይ፥ “ናአይ ሀይቄዳ” ያጌዳ። 
\v 27 ሽን የሱስ ናኣ ኩሽያ ኦይቂደ ደንና፥ ናአይ ደንድ ኤቄዳ።
\p
\v 28 የሱስ ሶይ ገሌዳዋፐ ጉይያን፥ አ ካልያዋንቱ የሱሳ ዱማ፥ “ኑን ሄ ኢታ አያና ከሳናዉ አያዉ ዳንዳይበይኮ?” ያጊደ ኦቼድኖ።
\p
\v 29 የሱስ ዛሪደ፥ “ሄዋ ማላይ ዎሳፐነ ጾማፐ አትን፥ ሀራባን ከሳናዉ ዳንዳየና” ያጌዳ።
\s1 የሱስ ባረና ጋካና መቱዋባነ ሀይቁዋባ ላኤንዋ ኦዴዳ
\r (ማቶሳ 17:22-23፤ ሉቃሳ 9:43-45)
\p
\v 30 ኡንቱንቱ ሄዋፐ ደንዲደ፥ ጋሊላና አደ ቤድኖ፤ የሱስ ባረ ደኢያሳ ኦንነ ኤራና ማላ ኮይቤና። 
\v 31 አያዉ ጎፐ፥ እ ባረና ካልያዋንታ “ታና፥ አሳ ናኣ፥ አሳይ አሳዉ አደ እማናነ ዎና፤ ታን ቃይ ሄዙ ጋላሳፐ ጉይያን፥ ሀይቁዋፐ ደንዳና” ያጊደ ታማርሴ።
\p
\v 32 ሽን ኡንቱንቶ እ ግያዌ ገልቤና፤ ቃይ አ ኦቻናዉካ ያዬድኖ።
\s1 ኡባፐ አያዌ ኦኔ?
\r (ማቶሳ 18:1-5፤ ሉቃሳ 9:46-48)
\p
\v 33 ኡንቱንቱ ቅፍርናሆማ ግያ ካታማ ቤድኖ፤ ሶይ ገሌዳዋፐ ጉይያን፥ የሱስ ኡንቱንታ፥ “ኦግያን አያ ፓሉመቲቴ?” ያጊደ ኦቼዳ። 
\v 34 ሽን ኡንቱንቱ ቢደ ኦግያን፥ “ኑ ግዶን ኑ ኡባፐ አያዌ ኦኔ?” ያጊደ ፓሉመቴዳ ድራዉ፥ ጮኡ ጌድኖ። 
\v 35 የሱስ ኡቲደ፥ ታማነ ላኡ ባረና ካልያዋንታ ጼሲደ ኡንቱንታ፥ “ኦንነ ስንዉ አና ኮዮፐ፥ ኡባፐ ጉየ አደ፥ ሄ ኡባዉ ቆማ ግዳናዉ በሴ” ያጌዳ።
\p
\v 36 እት ጉ ናኣ ኦይቂደ፥ ኡንቱንቱ ግዶን ኤሴዳ፤ ሄ ጉ ናኣ እድሚደ ኡንቱንታ፥ 
\v 37 “ሀዋንቱ ማላ ጉ ናናፐ እቱዋ ታ ሱንን ሞክያ ኦንነ ታና ሞኬ፤ ቃይ ታና ሞክያ ኦንነ ታና ኪቴዳዋ ሞክያዋፐ አትን፥ ታ ጻላላ ሞከና” ያጌዳ።
\s1 የሱስ፥ “ኑባ ኤቀተና ኡራይ ኑ ባጋ” ያጌዳ
\r (ሉቃሳ 9:49-50)
\p
\v 38 ዮሃንስ አ፥ “ታማርስያዎ፥ እት አሳይ ነ ሱንን ኢታ አያናቱዋ ከስያዋ ኑን በኢደ፥ ኑ ባጋ ግደና ድራዉ፥ አ ድጌዶ” ያጌዳ።
\p
\v 39 ሽን የሱስ ያጌዳ፤ “ኦንነ ታ ሱንን ማላታ ኦደ፥ ኤለካ ታ ቦላ ኢታባ ሃሳያናዉ ዳንዳይያዌ ባይና ድራዉ ድጎፕተ፤ 
\v 40 አያዉ ጎፐ፥ ኑባ ኤቀተና ኡራይ ኑ ባጋ። 
\v 41 ታን ህንተንቶ ቱሙዋ ኦዳይ፤ ህንተ ታዋንታ ክርስቶሳዋንታ ግድያ ድራዉ፥ ኦንነ ህንተንቶ ታ ሱንን ቡልያ ሃ ኡሻናዉ እሞፐካ፥ ባረ ጋትያ አካናዋ።
\s1 ናጋራ ጋሱዋ
\r (ማቶሳ 18:6-9፤ ሉቃሳ 17:1-2)
\p
\v 42 “ታና አማንያ ሀ ጉቱዋፐ እቱዋ ባለያ ኦናነ፥ ጋጭያ ዎጋ ዎጻ አ ቆያን ቃቺደ፥ አባን አ ኦልያዌ አዉ ሎአ። 
\v 43-44 ነ ኩሺ ኔና ባለፐ፥ ቃንጻ ኦላ፤ ኔን ላኡ ኩሽያና\f + \fr 9:43-44 \fr*\ft ሀራ ጌሻ ማጻፋ ብለቱ፥ ጉጹኒ ሙለ ሀይቀናሳነ ቃይ ሙለካ ቶኤና ጋናምያ ታማን፥ ያጌ። 9:45፣ 47 ጼልተ።\ft*\f* ቃይ ኡባካ ቶኤና ጋናምያ ታማን ገልያዋፐ፥ ዱጻ ኩሽያና ደኡዋ ገልያዌ ነዉ ሎአ። 
\v 45-46 ነ ገዲ ኔና ባለፐ፥ ቃንጻ ኦላ፤ ኔን ላኡ ገድያና ኡባካ ቶኤና ጋናምያ ታማን የገትያዋፐ፥ ዶማ ግዳደ ደኡዋ ገልያዌ ነዉ ሎአ። 
\v 47-48 ነ አይፊ ኔና ባለፐ፥ ዎጫ ኦላ፤ ኔን ላኡ አይፍያና ኡባካ ቶኤና ጋናምያ ታማን የገትያዋፐ፥ እት አይፍያና ጾሳ ካዉተ ገልያዌ ነዉ ሎአ።
\p
\v 49 “ቁማን ማጽንያ የግያዋዳን፥ ታማይ አሳ ኡባ ቦላ የገታና። 
\v 50 ማጽኒ ሎአ፤ ሽን እ ማልአና ዮፐ፥ ዛሪደ አ ዎት ማልኤንቴ? ህንተንቱን ማጽኒ ደኦ፤\f + \fr 9:50 \fr*\fq ህንተንቱን ማጽኒ ደኦ፦ \fq*\ft ሀዋ ጉሳይ የሱሳን አማንያዋንቱ ባረንቱ አማኑዋፐ ደንዶ ጋሱዋን ኡንቱንቱ ቦላ መቱ ጋክንቶካ እቱ እቱዋና ሳሮተን ደአናዉ በሴ።\ft*\f* ያቲደ እቱ እቱዋና ሳሮተን ደእተ” ያጌዳ።
\c 10
\s1 ማቻቶ የዳናዉ በሰና
\r (ማቶሳ 19:1-2፤ ሉቃሳ 16:18)
\p
\v 1 የሱስ ሄዋፐ ደንዲደ፥ ዮርዳኖሳ ሻፋፐ ሄፍን ባጋና ይሁዳ ጋድያ ቤዳ። ጮራ አሳይ ሽረቲደ አኮ ሺቅና፥ ካሰ እ ኦያዋዳንካ ሄ አሳ ታማርሱዋ ዶሜዳ።
\p
\v 2 እት እት ፓርሳዋቱ ፓጫናዉ የሱሳኮ ዪደ፥ “እት አሳይ ባረ ማቻቶ የዳናዉ ኑዉ ህጊ አዛዚ?” ያጊደ አ ኦቼድኖ።
\p
\v 3 እ ዛሪደ፥ “ሙሴ ህንተንታ ዋግ አዛዜዴ?” ያጌዳ።
\p
\v 4 ኡንቱንቱ፥ “ሙሴ፥ ‘እት አሳይ ባረ ማቻቶ ፓራማ እሚደ የዶ’ ጌዳ” ያጌድኖ።\x - \xo 10:4 \xo*\xt ዛረ. 24:1-4፤ ማቶሳ 5:13\xt*\x*
\p
\v 5 የሱስ ዛሪደ ኡንቱንታ፥ “ህንተንቱ ኦድና ስሰናዋንታ ግድያ ድራዉ፥ ሙሴ ሀ አዛዙዋ ህንተንቶ ጻፌዳ። 
\v 6 ሽን ጾሳይ ኮይሮ መያ ዎደ፥ አቱማ አሳነ ማጫ አሳ ኦደ፥ ኡንቱንታ መዳ።\x - \xo 10:6 \xo*\xt ዶመ 1:27፤ 5:2\xt*\x* 
\v 7 ሄዋ ድራዉ፥ እት አሳይ ባረ አባነ ባረ ዳዮ አጊደ፥ ባረ ማቻትና እቱዋ ግዴ፤ 
\v 8 ኡንቱንቱ ላአቱ እት አሾ ግዲኖ፤ ሄዋ ድራዉ፥ ኡንቱንቱ እት አሳ ግድያዋፐ አትን፥ ላኡ አሳ ግድክኖ።\x - \xo 10:8 \xo*\xt ዶመ 2:24\xt*\x* 
\v 9 ሄዋ ድራዉ፥ ጾሳይ እትፐ ጋዳዋ አሳይ ሻኮፖ” ያጌዳ።
\p
\v 10 ኡንቱንቱ ሶይ ስሜዳ ዎደ፥ የሱሳ ካልያዋንቱ ሀ የዉዋባ የሱሳ ዛር ኦቼድኖ። 
\v 11 የሱስ ኡንቱንታ፥ “ባረ ማቻቶ የዲደ፥ ሀራሮ አክያ ኡራይ ኦንነ እዝና ዎሹሜ። 
\v 12 ቃይ ማጫዉናካ ባረ አስናፐ ከሳደ ሀራ አስና ገሎፐ ዎሹማዉ” ያጌዳ።
\s1 የሱስ ጉ ናና አንጄዳ
\r (ማቶሳ 19:13-15፤ ሉቃሳ 18:15-17)
\p
\v 13 የሱስ ጉ ናና ቦቻና ማላ፥ እት እት አሳይ ናና አኮ አሄዳ፤ ሽን የሱሳ ካልያዋንቱ ሄ አሳ ሴሬድኖ። 
\v 14 የሱስ ሄዋ በኢደ፥ ባረና ካልያዋንታ ሀንቀቴዳ፤ ኡንቱንታ፥ “ጉ ናናይ ታኮ ይያዋንታ ድጎፕተ፤ አያዉ ጎፐ፥ ጾሳ ካዉተይ ሀዋንቱ ማላሳ። 
\v 15 ታን ህንተንቶ ቱሙዋ ጋይ፤ ጾሳ ካዉተ ጉ ናኣዳን አከና ኡራይ ኦንነ ሄ ካዉተ ኡባካ ገለና” ያጌዳ። 
\v 16 ጉ ናና እድሚደ፥ ባረ ኩሽያ ኡንቱንቱ ቦላ ሁጲያን ሁጲያን ዎደ፥ ኡንቱንታ አንጄዳ።
\s1 ሚሻ ሲቁሳይ አህያ መቱዋ
\r (ማቶሳ 19:16-30፤ ሉቃሳ 18:18-30)
\p
\v 17 የሱስ ባናዉ ከሴዳ ዎደ፥ እት ብታኒ ዎጺደ ይ አ ስንን ጉልባቲደ፥ “ሎኦ ታማርስያዎ፥ መና ደኡዋ ላታናዉ ታን አያ ኦ?” ያጊደ አ ኦቼዳ።
\p
\v 18 የሱስ፥ “አያዉ ታና ሎኦ ጋይ? ጾሳ ጻላላፐ አትን፥ ሀራ ሎኡ ኦንነ ባዋ። 
\v 19 ጾሳ አዛዙዋ፥ ‘ዎፓ፤ ዎሹሞፓ፤ ዉኦፓ፤ ዎርዱዋ ማርካቶፓ፤ ጭሞፓ፤ ነ አባነ ነ ዳዮ ቦንቻ’ ያግያዋ ኤራሳ” ያጌዳ።\x - \xo 10:19 \xo*\xt ከሳ 20:12-16፤ ዛረ. 5:16-20\xt*\x*
\p
\v 20 ብታኒ የሱሳ፥ “ታማርስያዎ፥ ታን ሄዋ ኡባ ናአተፐ ዶማደ ሀእ ጋካናዉካ ናጋይ” ያጌዳ።
\p
\v 21 የሱስ ብታንያ ዶሴዳ፤ አ ጫድ ጼሊደ፥ “ነዉ እትባይ ፓጬዳ፤ ባደ ነዉ ደእያባ ኡባ ዛልኣደ፥ ሄ ሚሻ ህዬሳዉ እማ፤ ኔን ሳሉዋን ዱረታና። ያቶዋፐ ጉይያን ያደ ታና ካላ” ያጌዳ። 
\v 22 ሽን ብታኒ ሄዋ ስሲደ፥ እ ዳሮ ዱረ ግድያ ድራዉ፥ ባረ ሶምእያ ምሲደ፥ ናሸተናን አጊደ ቤዳ።
\p
\v 23 የሱስ ባረና ካልያዋንታ ዩሽ አ ጼሊደ፥ “ዳሮ ዱረ አሳይ ጾሳ ካዉተ ገላናዉ ዋን መታንዴሻ!” ያጌዳ።
\p
\v 24 አ ካልያዋንቱ አ ሃሳያ ስሲደ ማላለቴድኖ፤ ሽን የሱስ ቃይካ ኡንቱንታ፥ “ናቶ፥ ጾሳ ካዉተ ገላናዉ ዎት መታንዴሻ!\f + \fr 10:24 \fr*\fk ዎት መታንዴሻ፦ \fk*\ft ሀዋ እት እት ብለይ ባረዉ ደእያባን አማነትያ አሳ ያጌ።\ft*\f* 
\v 25 ዱረ አሳይ ጾሳ ካዉተ ገላናዋፐ፥ ጋሉ ማርፕያ ጾእያና አናዌ ማታቴ” ያጌዳ።
\p
\v 26 የሱሳ ካልያዋንቱ ማላለቲደ፥ “ያትና፥ ኦኔ አታናዉ ዳንዳይያዌ?” ያጊደ እቱ እቱዋ ኦቼድኖ።
\p
\v 27 የሱስ ኡንቱንታ ጫድ ጼሊደ፥ “ሀዌ ጾሳዉ ዳንዳየትያዋፐ አትን፥ አሳዉ ዳንዳየተና፤ አያዉ ጎፐ፥ ጾሳዉ ኡባባይካ ዳንዳየቴ” ያጌዳ።
\p
\v 28 ጰጽሮስ የሱሳ፥ “በአ፤ ኑን ኑባ ኡባ አጊደ፥ ኔና ካሌዶ” ያጌዳ።
\p
\v 29 የሱስ፥ “ታን ህንተንቶ ቱሙዋ ጋይ፤ ታ ድራዉነ ዎንጋላ ምሽራቹዋ ድራዉ፥ ጎልያ ዎይ እሻቱዋ ዎይ ምቻቱዋ፥ ዎይ አዉዋ ዎይ አቶ ዎይ ማቻቶ፥ ዎይ ናና ዎይ ጋድያ አጌዳ አሳይ ኦንነ፥ 
\v 30 ሀእ ሀ ዎድያን ጼቱ ዳኩዋፐ ዳርያ ጎለቱዋ፥ እሻቱዋ፥ ምቻቱዋ፥ አቶ፥ ናና፥ ጋድያ፥ ቃይ መቱዋካ አካናዋ። ስንፐ ያና ዎድያንካ መና ደኡዋ አካናዋ። 
\v 31 ሽን ጮራቱ ሀእ ስንን ደእያዋንቱ ጉየ አና፤ ቃይ ጮራቱ ሀእ ጉየን ደእያዋንቱ ስንዉ አና” ያጌዳ።
\s1 የሱስ ባረና ጋካና መቱዋባነ ሀይቁዋባ ሄዘንዋ ኦዴዳ
\r (ማቶሳ 20:17-19፤ ሉቃሳ 18:31-34)
\p
\v 32 ኡንቱንቱ የሩሳላመ ቢደ፥ ኦግያን ደኢኖ፤ የሱስ ባረና ካልያዋንቱፐ ስንና ሀመቴ። ኡንቱንቱ ማላለቴድኖ፤ አ ካልያዋንቱ ያዬድኖ። ዛሪደ ታማነ ላኡ ባረና ካልያዋንታ ጋጻ ከሲደ፥ ባረና ጋካናባ ዱማዪደ ኡንቱንቶ ሀዋዳን ያጊደ ኦዴዳ፤ 
\v 33 “በእተ፤ ኑን የሩሳላመ ሀእ ከሶይተ፤ ያን ታና፥ አሳ ናኣ፥ ቄሳቱዋ ካፓቶነ ሙሴ ህግያ ታማርስያዋንቶ አደ እማና። ኡንቱንቱ ታ ቦላን ሀይቁዋ ፕርዳ ፕርዳና፤ ቃይ አይሁዳ ግደና አሳዉካ ታና አደ እማና። 
\v 34 ሄ አይሁዳ ግደና አሳይ ታ ቦላ ቅሊጫናነ ጩቻና፤ ታና ልሱዋን ሾጫናነ ዎና፤ ታን ቃይ ሄዙ ጋላሳፐ ጉይያን፥ ሀይቁዋፐ ደንዳና።”
\s1 ያቆብነ ዮሃንስ ዎሴዳ ዎሳ
\r (ማቶሳ 20:20-28)
\p
\v 35 ዛብድዮሳ ናናይ ያቆብነ ዮሃንስ የሱሳኮ ዪደ፥ “ታማርስያዎ፥ ኑን ኔና ዎስያባ ኡባባ ኑዉ ኦርኪ” ያጌድኖ።
\p
\v 36 የሱስ ኡንቱንታ፥ “ታን ህንተንቶ አያ ኦ?” ያጌዳ።
\p
\v 37 ኡንቱንቱ አ፥ “ነ ቦንቾ ካዉተን ኔን ኡትያ ዎደ፥ ኑፐ እቱዋ ኔፐ ኡሸቻ ባጋና ቃይ እቱዋ ሀድርሳ ባጋና ኡትሳርኪ” ያጌድኖ።
\p
\v 38 ሽን የሱስ ኡንቱንታ፥ “ህንተንቱ አያ ዎሳናዉ በስንቶካ ኤርክታ፤ ታን ኡሻናዉ በስያ መቱዋ ጹኣ ኡሻናዉ ዳንዳዪቴ? ቃይ ታን ጻማቀታናዉ በስያ ጽንቃታ\f + \fr 10:38 \fr*\fk ጽንቃታ፦ \fk*\ft ሀዋ ጉሳይ የሱሳ ጋኬዳ መቱዋ ጹኣ ጉሳ።\ft*\f* ጻማቀታናዉ ዳንዳዪቴ?” ያጌዳ።
\p
\v 39 ሄዋፐ ጉየ ኡንቱንቱ ዛሪደ፥ “ኤ ዳንዳዬቶ” ያጌድኖ።
\p የሱስ ቃይ፥ “ታን ኡሻናዉ በስያ መቱዋ ጹኣ ህንተ ኡሻና፤ ታን ጻማቀታናዉ በስያ ጽንቃታካ ህንተ ጻማቀታና። 
\v 40 ሽን ታፐ ኡሸቻ ባጋናነ ሀድርሳ ባጋና ኡታናዋንታ ዶርያዌ ታና ግድከ፤ ሽን ሄ ሳአይ ጾሳይ እማናዉ ጊግስ ዎዳዋንቱሳ” ያጌዳ።
\p
\v 41 የኮ ታሙ የሱሳ ካልያዋንቱ ሄዋ ስሴዳ ዎደ፥ ያቆባነ ዮሃንሳ ሀንቀቴድኖ። 
\v 42 የሱስ ኡንቱንታ ኡባ ባረኮ ጼሲደ፥ ሀዋዳን ያጌዳ፤ “ ‘አይሁዳ ግደናዋንታ ሞድያዋንታ’ ጊደ ቆፕያዋንቱነ ሄዋንታ ካለያ አሳቱ ባረንቱ አሳ ሞድያዋ ኤሪታ። 
\v 43 ሽን ህንተ ግዶን ሄዋ ማላ ግደና፤ ህንተ ግዶን ዎጋታና ኮይያ ኦንነ ህንተንቶ ቆማ ግዳናዉ በሴ። 
\v 44 ቃይ ህንተ ግዶን ኡባፐ ቦላ ግዳና ኮይያ ኦንነ ህንተ ኡባዉ አይለ ግዳናዉ በሴ። 
\v 45 አያዉ ጎፐ፥ ሀራይ አቶ ታን፥ አሳ ናአይካ፥ አሳዉ ኦናዉነ ጮራቱዋ ዎዛናዉ ዬዳዋፐ አትን፥ አሳይ ታዉ ኦና ማላ ያበይከ” ያጌዳ።
\s1 የሱስ ቆቃ ባርጻሞሳ አይፍያ ፓዳ
\r (ማቶሳ 20:29-34፤ ሉቃሳ 18:35-43)
\p
\v 46 ኡንቱንቱ እያርኮ ግያ ካታማ ቤድኖ፤ የሱስ ባረና ካልያዋንቱናነ ጮራ አሳና እያርኮፐ ከስሽን፥ ጽሞሳ ናአይ ቆቃይ፥ ባርጻሞሳ ግያዌ፥ ኦግያ ዶናን ዎሲደ ኡቴዳ። 
\v 47 ባርጻሞስ ናዝሬትያ የሱሳ ግዴዳዋ ስሲደ፥ ባረ ኮሻ ቁ ኦደ፥ “ዳዊተ ናኣ\f + \fr 10:47 \fr*\fq ዳዊተ ናኣ፦ \fq*\ft አይሁደ አሳቱ ጾሳን ኦከቶዌ ዳዊተ ዘረፐ የለታናዋ ያጊደ ቆፕያ ድራዉ፥ ጾሳን ኦከቶዌ “ዳዊተ ናኣ” ያገት ጼሰቴ።\ft*\f* የሱሳ፥ ታና ማራርኪ!” ያጉሳ ዶሜዳ።
\p
\v 48 ጮራ አሳይ አ፥ “ሀይዛ!” ጊደ ሀንቀቴዳ።
\p ሽን፥ እ ባረ ኮሻ ካሰዋፐካ ዳርስ ቁ ኦደ፥ “ዳዊተ ናአዉ፥ ታና ማራርኪ!” ያጌዳ።
\p
\v 49 የሱስ ኦግያን ኤቂደ፥ “አ ሃ ጼስተ” ያጌዳ።
\p ኡንቱንቱ ቆቃ፥ “አይነ ባዋ፤ ደንዳ ኤቃ፤ ኔና ጼሴ” ያጊደ ጼሴድኖ። 
\v 50 ቆቃይ ባረ ማዩዋ ኦል አጊደ፥ ጉፕ ደንድ ኤቂደ፥ የሱሳኮ ቤዳ።
\p
\v 51 የሱስ አ፥ “ታን ነዉ አያ ኦናዉ ኮያይ?” ያጌዳ።
\p ቆቃይ፥ “ታማርስያዎ፥ ታን ጼላናዋ ኮያይ” ያጌዳ።
\p
\v 52 የሱስ አ፥ “ባ፤ ነ አማኑ ኔና ፓዳ” ያጌዳ። ኤለካ አ አይፊ ጼል አግና፥ ኦግያን የሱሳ ካል አጌዳ።
\c 11
\s1 የሱስ ዎልቃማ ቦንቹዋን የሩሳላመ ገሌዳ
\r (ማቶሳ 21:1-11፤ ሉቃሳ 19:28-40፤ ዮሃ. 12:12-19)
\p
\v 1 ኡንቱንቱ የሩሳላመ ማቲደ፥ ደብረ ዛይተ ደርያ ማታን ደእያ ቤተፋገነ ቢታንያ ጋኬድኖ፤ የሱስ ባረና ካልያዋንቱፐ ላኡዋ ስንዉ ኪቲደ፥ 
\v 2 “ህንተንቱፐ ስንን ደእያ ሄራ ቢተ፤ ያ ገሎሳና ኦንነ ኡባ ቶግቤና ቃሹዋን ደእያ ሀረ ማራ ህንተ ደማና፤ አ ብል ሃ አኪደ ዪተ። 
\v 3 ኦንነ ህንተንታ፥ ‘ሄዋ አያዉ ኦተ?’ ያጊደ ኦቾፐ፥ ‘ጎዳዉ\f + \fr 11:3 \fr*\fq ጎዳ፦ \fq*\ft ሀዋ ጉሳይ ሀርያ ጎዳ።\ft*\f* ሀዌ ኮሼ፤ ኤለካ ዛር ሃ የዳናዋ’ ያግተ” ያጌዳ።
\p
\v 4 ኡንቱንቱ ቢደ፥ ሀረ ማራ ፐንግያ ማታን ኦግያን ቃች ዎዳዋ ደሚደ ብሌድኖ። 
\v 5 ሄዋን ኤቄዳ እት እት አሳቱ ኡንቱንታ፥ “ሀረ ማራ ዎታናዉ ብሊቴ?” ያጌድኖ። 
\v 6 የሱሳ ካልያዋንቱ የሱስ ባረንታ አዛዜዳዋ ኦድና፥ አሳቱ የድ አጌድኖ። 
\v 7 ኡንቱንቱ ሀረ ማራ የሱሳኮ አሂደ፥ ባረንቱ ማዩዋ አ ዞክያን ዎድኖ፤ የሱስ ሄ ሀረ ማራ ቶጌዳ። 
\v 8 ጮራ አሳይ ባረንቱ ማዩዋ ኦግያን ሂጼዳ፤ ቃይ ሀራንቱ ም ሀይ ካር ካሪደ፥ ኦግያን ሂጼድኖ። 
\v 9 የሱሳፐ ስንና ሀመትያ አሳይነ አ ጌዱዋ ካልያ አሳይ ባረንቱ ኮሻ ቁ ኦደ፥
\q1 “ጾሳይ ጋላተቶ!
\q2 ጎዳ ሱንን ይያዌ አንጀቴዳዋ።\x - \xo 11:9 \xo*\xt ማዝ. 118:25-26\xt*\x*
\q1
\v 10 ጎዳ ሱንን ይያ ኑ አዉዋ
\q2 ዳዊተ ካዉተይ አንጀቴዳዋ።
\q1 ሳሉዋ ኡባፐ ቦላ ሳሉዋን
\q2 ደእያ ጾሳይ ጋላተቶ”
\m ያጌድኖ።
\p
\v 11 የሱስ የሩሳላመ ቢደ፥ ጌሻ ጎልያ ገሌዳ፤ ቃይ ኡባባ ዩይ ዩይ ጼሌዳዋፐ ጉይያን፥ ሳአይ ቃምያ ድራዉ፥ ታማነ ላኡ የሱሳ ካልያዋንቱና ቢታንያ ቤዳ።
\s1 የሱስ ሸቄዳ ባላስያ ምቶ
\r (ማቶሳ 21:18-19)
\p
\v 12 ዎንተ ጋላስ ኡንቱንቱ ቢታንያፐ ከሲደ ቢሽን፥ የሱስ ኮሻቴዳ። 
\v 13 ሃኩዋን እት ባላስያ ግያ ምቶ ሀይ ማያ ኡቴዳዉኖ በኢደ፥ ኦን ኤር እ ቦላ አይፊ ቤቶፐነ ጊደ፥ በአናዉ እዝኮ ቤዳ፤ ሽን እዝኮ እ ብያ ዎደ፥ ሀይ ጻላላፐ አትን፥ አይነ አይፍያ ደምቤና፤ አያዉ ጎፐ፥ ባላሲ አይፍያ ዎዲ ጋክቤና። 
\v 14 የሱስ ሄ ባላሳቶ፥ “ኔፐ ሽረቲደ መናዉ ኦንነ አይፍያ ሞፖ” ያጌዳ። የሱሳ ካልያዋንቱ እ ግያዋ ስሴድኖ።
\s1 የሱስ ጌሻ ጎልያን ዛልእያዋንታ ከሴዳ
\r (ማቶሳ 21:12-17፤ ሉቃሳ 19:45-48፤ ዮሃ. 2:13-22)
\p
\v 15 ኡንቱንቱ የሩሳላመ ቤድኖ፤ የሱስ ጌሻ ጎልያ ገሊደ፥ ሄዋን ዛልእያዋንታነ ሻምያዋንታ ካረ የደርሱዋ ዶሜዳ፤ ቃይ ሚሻ ላምያዋንቱ ጻራጴዛነ ዶጎሙዋ ዛልእያዋንቱ ኦይድያ አ የጊደ፥ 
\v 16 ኦንነ አየንቶ ቶኪደ፥ ጌሻ ጎልያ ግቢያ ግዶና አናዋ ድጌዳ። 
\v 17 የሱስ አሳ ሀዋዳን ያጊደ ታማርሴዳ: “ጾሳ ማጻፋን፥ ‘ታ ጎሊ አይሁዳ ግደና አሳይ ኡባይ ጾሳ ዎስያ ጎለ ጌተታና’ ያገቲደ ጻፌት ኡቴዳ፤ ሽን ህንተ አ ቦንቃንቻቱ ቆሰትያ ጎንጎሉዋ ከሴድታ።”\x - \xo 11:17 \xo*\xt ኢሳ. 56:7፤ ኤር. 7:11\xt*\x*
\p
\v 18 ቄሳቱዋ ካፓቱነ ሙሴ ህግያ ታማርስያዋንቱ ሄዋ ስሲደ፥ አ ዎና ኦግያ ኮሻ ዶሜድኖ፤ ሽን ጮራ አሳይ እ ታማርስያዋን ማላለትያ ድራዉ፥ አዉ ያዬድኖ።
\p
\v 19 ሳአይ ኦማርሴዳ ዎደ፥ የሱስነ አ ካልያዋንቱ ካታማፐ ጋጻ ከሴድኖ።
\s1 ባላስያ ግያ ምታ መላዱ
\r (ማቶሳ 21:20-22)
\p
\v 20 ኡንቱንቱ ዎንተ ጋላስ ጉራ ኦግያና አደ፥ ሄ ባላሳታ ጻጱዋና መላ ድጌዳዉኖ በኤድኖ። 
\v 21 ጰጽሮስ ሀሳዪደ፥ “ታማርስያዎ፥ በአ፤ ኔን ሸቄዳ ባላሳታ መላ ድጋዱ” ያጌዳ።
\p
\v 22 የሱስ ዛሪደ፥ ኡንቱንታ ሀዋዳን ያጌዳ፤ “ጾሳ አማንተ። 
\v 23 ታን ህንተንቶ ቱሙዋ ጋይ፤ ኦንነ ባረ ዎዛናን ስናን ባረ ጌዳባይ ሀናናዋ አማኒደ፥ ሀ ደርያ፥ ‘ደንዳደ አባን ኩንዳ’ ጎፐ ሀናና። 
\v 24 ሄዋ ድራዉ፥ ጾሳ ህንተ ዎስያባነ ኦችያባ ኡባ አክ ድጎዋዳን አማንተ፤ ህንተ አካና። 
\v 25 ጾሳ ዎሳናዉ ህንተ ኤቂያ ዎደ፥ ሳሉዋን ደእያ ህንተ አዉ ህንተ ናጋራ አቶ ጋና ማላ፥ ኦንነ ህንተንታ ናቄዳባይ ደኦፐ፥ አዉ አቶ ጊተ። 
\v 26 ሽን አሳ ናጋራ ህንተ አቶ ጋና ዮፐ፥ ሳሉዋን ደእያ ህንተ አዉካ ህንተ ናጋራ ህንተንቶ አቶ ጌና።”
\s1 የሱስ አያ ማታን ኦ ግያ ኦሻ
\r (ማቶሳ 21:23-27፤ ሉቃሳ 20:1-8)
\p
\v 27 ኡንቱንቱ ቃይካ የሩሳላመ ቤድኖ፤ የሱስ ጌሻ ጎልያን ሀመትሽን፥ ቄሳቱዋ ካፓቱ፥ ሙሴ ህግያ ታማርስያዋንቱነ ጭማቱ የሱሳኮ ዬድኖ። 
\v 28 አ፥ “ኔን ሀዋ ኦናዉ ነዉ አይ ማታይ ደኢ? ዎይ ነዉ ሀ ማታ እሜዳዌ ኦኔ?” ያጌድኖ።
\p
\v 29 የሱስ ዛሪደ ኡንቱንታ፥ “ታንካ ህንተንታ እትባ ኦቻና፤ ታዉ ኦድተ፤ ታን ቃይ ሀዋ አይ ማታን ኦይታንቶ፥ ህንተንቶ ኦዳና። 
\v 30 ዮሃንስ ጻማቅያ ማታ አኬዳዌ ጾሳፔየ ዎይ አሳፔ? ታዉ ኦድተ” ያጌዳ።
\p
\v 31 ኡንቱንቱ ባረንቱ ግዶን ፓሉማ ዶሚደ፥ “ኑን፥ ‘ጾሳፐ ዬዳ’ ያጎፐ፥ እ ኑና፥ ‘ያትና፥ ዮሃንስ ኦዴዳዋ አያዉ አማንበይክቴ?’ ያጋና። 
\v 32 ሽን፥ ‘አሳፐ ዬዳ ጋኔ?’ ” ያጌድኖ፤ ቃይ አሳይ ኡባይ ዮሃንስ ናብያ ግዴዳዋ ኤርያ ድራዉ፥ አሳዉ ያዬድኖ። 
\v 33 ሄዋ ድራዉ፥ ኡንቱንቱ የሱሳዉ፥ “ኑን ኤሮኮ” ያጊደ ዛሬድኖ።
\p የሱስ፥ “ታንካ ሀዋ አይ ማታን ኦይታንቶ፥ ህንተንቶ ኦድከ” ያጌዳ።
\c 12
\s1 ዎይንያ ቱራ ቶክያ ኦሳንቻቱዋ ሌምሱዋ
\r (ማቶሳ 21:33-46፤ ሉቃሳ 20:9-19)
\p
\v 1 የሱስ ኡንቱንቶ ኦዱዋ ሌምሱዋን ያጊደ ዶሜዳ፤ “እት ብታኒ ዎይንያ ግያ ቱራ ቶኪደ፥ ድርሳ ዩሽ አደ ድሬዳ፤ ቃይ ሄ ዎይንያ ጉምእያ ኦላካ ቦኬዳ፤ ሄዋ ናግያ አሳዉ ናግያሳ ኬጼዳ፤ ሄዋፐ ጉይያን፥ ኮ ኦያ አሳዉ እሚደ፥ ሀራ ጋደ ቤዳ።\x - \xo 12:1 \xo*\xt ኢሳ. 5:1-2\xt*\x* 
\v 2 ዎይንያ አይፍያ ማጽያ ዎዲ ጋክና፥ ባረና ጋክያዋ አኪደ ያና ማላ፥ እት ቆማ ባረ ኮዋቱዋኮ ኪቴዳ። 
\v 3 ኮ ኦያዋንቱ አ ቆማ ኦይቂ ዋደ፥ ኩሸ መላ የዴድኖ። 
\v 4 ላኤንዋ ሀራ ቆማ ኡንቱንቱኮ ኪቴዳ፤ ኡንቱንቱ ሄ ቆማ ሁጲያ ጳልቂደ ፖክስ የዴድኖ። 
\v 5 ዎይንያ ቱራ ጎዳይ ቃይካ ሀራ ቆማ ኪቴዳ፤ ሄ ቆማ ዎድኖ፤ ቃይ ሀራ ጮራቱዋካ ሄዋዳን ኦድኖ፤ እቱዋ እቱዋ ዋደ፥ ሀራቱዋ ዎድኖ።
\p
\v 6 “ዎይንያ ቱራ ጎዳዉ ኪታናዉ ኡባፐ ዉርሰን እ ዳሪ ሲቅያ አ ናኣ ጻላላይ አቴዳ፤ እ፥ ‘ኡንቱንቱ ታ ናኣ ቦንቼናን አግክኖ’ ጊደ፥ ባረ ናኣ ኡንቱንቱኮ ኪቴዳ።
\p
\v 7 “ሽን ኮ ኦያዋንቱ ባረንቱ ግዶን፥ ‘ላታናዌ ሀዋ፤ ቢደ አ ዎይተ፤ አዉ ደእያዌ ኑዋ ግዳና!’ ያጌድኖ። 
\v 8 ናኣ ኦይቂ ዎደ፥ አ አሃ ዎይንያ ቱራ ግዶፐ ጋጻ ከስ ኦሌድኖ።
\p
\v 9 “ስም ዎይንያ ቱራ ጎዳይ ዎታኔ? ዪደ ሄ ኮዋቱዋ ዎ ዉርሲደ፥ ዎይንያ ቱራ ኮ ኦያ ሀራ አሳዉ እማናዋ።
\q1
\v 10-11 “ ‘ግምቢያዋንቱ ካ እጼዳ ሹቻይ
\q2 ጎዳ ጻጱዋ ምንስያ፥
\q2 ኡባፐ አያ ሹቻ ግዴዳ።
\q2 ሀዌ ጎዳይ ኦዳዋ፤
\q2 ቃይ ኑናካ ማላልስያዋ’
\q2 ያግያዋ ጾሳ ማጻፋፐ ናባብ በይክቴ?”
\m ያጌዳ።\x - \xo 12:10-11 \xo*\xt ማዝ. 118:22-23\xt*\x*
\p
\v 12 ቄሳቱዋ ካፓቱ፥ ህግያ ታማርስያዋንቱነ ጭማቱ የሱስ ሄ ሌምሱዋ ባረንቱን ሌምሴዳዋ ኤሬዳ ድራዉ፥ አ ኦይቃናዉ ኮዬድኖ፤ ሽን አሳዉ ያዪደ፥ ባሽ ቤድኖ።
\s1 ጊራ ጊራኔ አጋኔ ግያ ኦሻ
\r (ማቶሳ 22:15-22፤ ሉቃሳ 20:20-26)
\p
\v 13 ቃይ አ ሃሳያፐ ባላ ደማና ማላ፥ ፓርሳዋቱዋፐነ ሄሮድሳ ባጋቱዋፐ\f + \fr 12:13 \fr*\fq ሄሮድሳ ባጋቱዋ፦ \fq*\ft ሀዋንታ ጉሳይ ሄ ዎደ ደእያ ካዉተ ፖሎትካ ባጋና ካሰ ዎጋ ሄሮድሳነ አ ናኣ ሄሮድ አንትጳሳ ባጋቱዋነ ኡንቱንታ ካልያ አሳቱዋ።\ft*\f* አማሬዳዋንቱ አኮ ኪትና ዪደ፥ 
\v 14 “ታማርስያዎ፥ ኔን ቱሙዋ ሃሳይያዋነ አሳፐ አሳ ሻከናዋ ኑን ኤሬቶ፤ አያዉ ጎፐ፥ ኔን አሳ ዱማያካ፤ ቃይ ጾሳ ኦግያ ቱማተን ታማርሳ። ኑን ሮማ ካትያ ቄሳረዉ ጊራ ጊርያዌ ዎጌየ ዎጋ ግደኔ? ጊራ ጊራኔዬ ድጋኔ?” ያጌድኖ።
\p
\v 15 ሽን ኡንቱንቱ ሎአ ማላትያ ኢታ አሳ ግዴዳዋ የሱስ ኤሪደ፥ “ታና አያዉ ፓጪቴ? እት ሳንትምያ ሃ ታኮ አህተ፤ ታን አነ በአና” ያጌዳ። 
\v 16 ኡንቱንቱ አዉ አሄድኖ፤ “ሀ ማላይነ ሱንይ ኦዌ?” ያጊደ ኡንቱንታ ኦቼዳ።
\p ኡንቱንቱ፥ “ቄሳረዋ” ያጌድኖ።
\p
\v 17 የሱስ ዛሪደ ኡንቱንታ፥ “ያቶፐ፥ ቄሳረዋ ቄሳረዉ፥ ጾሳዋ ጾሳዉ እምተ” ያግና ኡንቱንቱ አባ ማላለቴድኖ።
\s1 ሀይቁዋፐ ደንዱዋ ኦሻ
\r (ማቶሳ 22:23-33፤ ሉቃሳ 20:27-40)
\p
\v 18 ሀይቄዳ አሳይ ደንደና ግያ ሳዱቃዋናቱዋፐ እት እት አሳቱ የሱሳኮ ዪደ፥ ሀዋዳን ያጊደ፥ አ ኦቼድኖ፤ 
\v 19 “ታማርስያዎ፥ ሙሴ ኑዉ ህግያ ጻፊደ፥ ‘ማቻቶ አኬዳ አሳይ ናኣ የለናን ሀይቆፐ፥ ሄ ሀይቄዳዋ እሻይ አ ማቻቶ ላቲደ፥ ባረ እሻዉ ናኣ የላናዉ በሴ’ ያግያዋ ጻፌዳ።\x - \xo 12:19 \xo*\xt ዛረ. 25:5\xt*\x* 
\v 20 እት ዎደ ላፑ እሻቱ ደእያዋንቱፐ ባይራይ ማቻቶ አኪደ፥ ናኣ የለናን ሀይቄዳ። 
\v 21 ላኤንያ እሻይ እዞ አኬዳ፤ እካ ናኣ የለናን ሀይቄዳ፤ ሄዘንያዌካ ሄዋዳን ሀኔዳ። 
\v 22 ላፑናቱካ እዞ አኪደ፥ ናኣ የለናን ሀይቄድኖ፤ ኡባፐ ጉይያን፥ ቃይ ሄ ምሽራታ ሀይቃዱ። 
\v 23 ያትና፥ ሀይቄዳ አሳይ ሀይቁዋፐ ደንድያ ዎደ፥ እዛ ኡንቱንቱፐ ሀቃዎ ማቼ ግዳኔ? አያዉ ጎፐ፥ ላፑናቱካ እዞ አኬድኖ”።
\p
\v 24 የሱስ ዛሪደ ኡንቱንታ፥ “ህንተንቱ ባለትያዌ፥ ጾሳ ማጻፋቱዋነ አ ዎልቃ ኤረና ድራሳ! 
\v 25 አያዉ ጎፐ፥ ሀይቄዳ አሳይ ሀይቁዋፐ ደንድያ ዎደ፥ ሳሉዋን ደእያ ኪታንቻቱዋ ማላ ግዳናፐ አትን፥ አቱማ አሳይነ አከና፤ ማጫ አሳይነ ገለና። 
\v 26 ሽን ሀይቄዳዋንቱ ደንዱዋባ ግዶፐ፥ ሙሴ ማጻፋን ጻፈቴዳ ጻራጋይ ምያ ቡራባ ኦድያ ሳኣን፥ ጾሳይ ሙሳ፥ ‘ታን አብራሃመ ጾሳ፥ ይሳቃ ጾሳ፥ ያቆባ ጾሳ’ ግድያዋ ኡባካ ናባብ በይክቴ?\x - \xo 12:26 \xo*\xt ከሳ 3:6\xt*\x* 
\v 27 እ ፓጻ ደእያዋንቱ ጾሳ ግድያዋፐ አትን፥ ሀይቄዳዋንቱ ጾሳ ግደና፤ ህንተ ዳርስ ባሌድታ” ያጌዳ።
\s1 ኡባፐ አያ አዛዙዋ
\r (ማቶሳ 22:34-40፤ ሉቃሳ 10:25-28)
\p
\v 28 ህግያ ታማርስያዋንቱፐ እቱ ኡንቱንቱ ፓሉመትያዋ ሺቂደ ስሴዳ፤ ቃይ የሱስ ኡንቱንቶ ሎኦ ዛሬዳዋ ስሲደ፥ “አዛዙዋ ኡባፐ አያ አዛዙ ሀቃዌ?” ያጊደ የሱሳ ኦቼዳ።
\p
\v 29 የሱስ ዛሪደ፥ አ “አዛዙዋ ኡባፐ አያ አዛዙዋ፥ ‘እስራኤልያ አሳይ ስስተ፥ ጎዳይ ኑ ጾሳይ እት ጎዳ።\x - \xo 12:29 \xo*\xt ዛረ. 6:4-5\xt*\x* 
\v 30 ህንተንቱ ጎዳ ህንተ ጾሳ ህንተ ኩመን ዎዛናፐ፥ ህንተ ኩመን ሸምፑዋፐ፥ ህንተ ኩመን ቆፋፐ፥ ህንተ ኩመን ዎልቃፐ ሲቅተ’ ያጌ። 
\v 31 ቃይ አዛዙዋ ኡባፐ አያ ላኤን አዛዙ ሀዋ፤ ‘ኔን ነ ሾሩዋ ነ ሁጲያዳን ሲቃ’ ግያዋ፤ ሀዋንቱፐ አያ ሀራ አዛዙ ባዋ” ያጌዳ።\x - \xo 12:31 \xo*\xt ዎጋ 19:18\xt*\x*
\p
\v 32 ህግያ ታማርስያዌ የሱሳ ያጌዳ፤ “ታማርስያዎ፥ ቱሙዋ ጋዳ፤ ኔን ‘ጾሳይ እት ጾሳ ጻላላ። አፐ አትን፥ ሀራይ ባዋ’ ጌዳዌ ቱማ።\x - \xo 12:32 \xo*\xt ዛረ. 4:35\xt*\x* 
\v 33 ጾሳ ኩመን ዎዛናፐ፥ ኩመን ቆፋፐነ ኩመን ዎልቃፐ ዶስያዌነ ቃይ ባረ ሾሩዋካ ባረ ሁጲያዳን ሲቅያዌ፥ ጉድያ ያርሹዋፐነ ሀራ ያርሹዋ ኡባፐ አ” ያጌዳ።\x - \xo 12:33 \xo*\xt ሆሰ 6:6\xt*\x*
\p
\v 34 የሱስ ህግያ ታማርስያዋ ዛሩ አ ኤራንቻ አሳ ዛሩዋ ግዴዳዋ በኢደ፥ “ኔን ጾሳ ካዉተፐ ሃካበይካ” ያጌዳ፤ ሄዋፐ ጉይያን፥ የሱሳ ሀራባ ኦቻናዉ ኦንነ ጻልቤና።
\s1 “የሱስ ኦ ናኤ” ያግያ ኦሻ
\r (ማቶሳ 22:41-46፤ ሉቃሳ 20:41-46)
\p
\v 35 የሱስ ጌሻ ጎልያን ታማርሲደ፥ “ህግያ ታማርስያዋንቱ ክርስቶሳ ዎት ዳዊተ ናኣ ጊኖ? 
\v 36 ዳዊተ ባረና ጌሻ አያናይ ሃሳይስና፥
\q1 “ ‘ጎዳይ ታ ጎዳ፥ “ታን ነ ሞርከቱዋ፥
\q2 ኔን የ ኤቂያባ ኦና ጋካናዉ፥
\q2 ሀዋን ታፐ ኡሸቻ ባጋና፥ ቦንቼታደ ኡታ” ጌዳ’
\m ያጌዳ።\x - \xo 12:36 \xo*\xt ማዝ. 110:1\xt*\x* 
\v 37 ዳዊተ ባረ ሁጰዉ ክርስቶሳ፥ ‘ጎዳ’ ጊደ ጼሶፐ፥ ያትና፥ ክርስቶስ ዋኒደ፥ ዳዊተ ናኣ ግዲ?” ያጌዳ።
\p ጮራ አሳይ የሱስ ግያዋ ናሸቻን ስሴዳ።
\s1 የሱስ፥ “ሙሴ ህግያ ታማርስያዋንቱፐ ናገትተ” ያጌዳ
\r (ማቶሳ 23:1-36፤ ሉቃሳ 20:45-47)
\p
\v 38 የሱስ ታማርሲደ፥ “ህግያ ታማርስያዋንቱፐ ናገትተ፤ ኡንቱንቱ አዱሳ ማዩዋ ማዪደ ዩይያዋነ ገያ ሄራንካ አሳይ ኡንቱንታ ቦንቺደ ሳሮትያዋ ዶሲኖ። 
\v 39 ኡንቱንቱ አይሁዳ ዎሳ ጎለቱዋን ዳሪ ሎእያ ኦይድያ ዶሲኖ፤ ቃይ አሳይ ባረንታ እማተን ሞክያሳንካ ቦንቾ ሳኣ ዶሲኖ። 
\v 40 ኡንቱንቱ አምኤቱ ጎልያ ቦንቂደ፥ ባረንቶ ሎአ ማላታናዉ ጾሳ ዎሳ አዱሲኖ፤ ኡንቱንቱ ኡባፐ አያ ሙራ አካናዋንታ” ያጌዳ።
\s1 አምአት ምጹዋታ
\r (ሉቃሳ 21:1-4)
\p
\v 41 የሱስ ጌሻ ጎልያን እሞታ የግያ ሳጽንያ ማታን ኡቲደ፥ አሳይ ባረ ሚሻ ሄ ሳጽንያን የግያዋ በኤዳ፤ ጮራ ዱረ አሳይ ዳሮ ሚሻ ሄ ሳጽንያን የጌድኖ። 
\v 42 እት ህዬሳ አምአታ ያደ፥ እት ሳንትምያን ላመትያ ላኡ ሰምበራቱዋ ሄ ሳጽንያን የጋዱ። 
\v 43 የሱስ ባረና ካልያዋንታ ጼሲደ፥ “ታን ህንተንቶ ቱሙዋ ጋይ፤ እሞታ ሳጽንያን የጌዳ አሳ ኡባፐ ሀ ህዬሳ አምአታ ዳርሳደ የጋዱ። 
\v 44 አያዉ ጎፐ፥ ሀራቱ ኡባይ ባረንቶ ፓላሄዳ ሚሻፐ የጌድኖ፤ ሽን እዛ ባረ ፓጫፐ፥ ባረዉ ደእያ ደኡዋ ሙለካ እማ አጋዱ” ያጌዳ።
\c 13
\s1 የሱስ ጌሻ ጎሊ ኮለታናዋ ካሰቲደ ኦዴዳ
\r (ማቶሳ 24:1-2፤ ሉቃሳ 21:5-6)
\p
\v 1 የሱስ ጌሻ ጎልያፐ ከስሽን፥ አ ካልያዋንቱፐ እቱ አ፥ “ታማርስያዎ፥ ሀዌ አይበ ሎኦ ሹቻተንቶነ ቃይ አይበ ሎኦ ሹቻ ጎላቱዋ በአይ!” ያጌዳ።
\p
\v 2 የሱስ ዛሪደ፥ “ሀ ዎልቃማ ሹቻ ጎላቱዋ በአይ? ሀ ጎላቱዋን ደእያ እት ሹቻይነ አተናን ኡባይ ኮለታና” ያጌዳ።
\s1 ጎዳይ ያናፐ ካሰቲደ ጋካና የደርሱዋነ ዋይያ
\r (ማቶሳ 24:3-14፤ ሉቃሳ 21:7-19)
\p
\v 3 የሱስ ጌሻ ጎልያፐ ህን ባጋና ደብረ ዛይተ ደርያ ቦላን ኡቴዳ ዎደ፥ ጰጽሮስ፥ ያቆብ፥ ዮሃንስነ እንድራስ ባረንቱ ጻላላ አኮ ዪደ አ፥ 
\v 4 “ሄዌ አዉደ ሀናነንቶ፥ ኑዉ ኦዳርኪ፤ ቃይ ሄዌ ኡባይ ፖለታና ዎድያ ኤርስያ ማላቱ አያ ግዳኔ?” ያጊደ ኦቼድኖ።
\p
\v 5 የሱስ ቃይ ኡንቱንቶ ሀዋዳን ያጊደ፥ ኦዱዋ ዶሜዳ፤ ህንተንታ ኦንነ ባለና ማላ ናገትተ። 
\v 6 ጮራ አሳቱ ታ ሱንን፥ “ታን ክርስቶሳ” ያጊደ ያናዋ፤ ጮራ አሳ ባለና። 
\v 7 ማታን ደእያ ኦላ ኮሻነ ሃኩዋን ደእያ ኦላ ኦዱዋ ህንተ ስስያ ዎደ፥ ህርጎፕተ፤ ሄዋ ማላባይ ሀናናዉ በሴ፤ ሽን ዉርሰይ ብራ። 
\v 8 አያዉ ጎፐ፥ እት ጋደ አሳይ ሀራ ጋደ አሳና ኦለታና፤ ቃይ እት ካዉተይ ሀራ ካዉተና ኦለታና፤ ቢታ ቃይ ኡባ ሳን ደአና፤ ኮሻይካ ደአና፤ ሽን ሄዌ ኮይሮ የሉዋ ኦይ ማላ።
\p
\v 9 ሽን ህንተ ህንተንቱ ሁጰዉ ናገትተ፤ አያዉ ጎፐ፥ አሳይ ህንተንታ ኦይቂደ፥ ፕርዳ ጎለዉ አደ እማና፤ ቃይ ባረ አይሁዳ ዎሳ ጎለቱዋንካ ህንተንታ ልሱዋን ሾጫና፤ ጋድያ ሞድያዋንቱ ስንንነ ካታቱዋ ስንን ታ ድራዉ ህንተ ማርካታናዉ ኤቃና። 
\v 10 ምሽራቹዋ ቃላይ ኮይሮና አሳዉ ኡባዉ ኦደት ድጋናዉ በሴ። 
\v 11 ኡንቱንቱ ህንተንታ ፕርዳ ጎለ አህያ ዎደነ አደ እምያ ዎደ፥ ዎት ሃሳያንተንቶ ኮይሮና ህርጎፕተ፤ ሄ ሳትያን ጾሳይ ህንተንቶ እምያባ ሃሳይተ። አያዉ ጎፐ፥ ጌሻ አያናይ ሃሳያናፐ አትን፥ ሃሳይያዋንቱ ህንተንታ ግድክታ።
\p
\v 12 እሻይ ባረ እሻ፥ አዉ ባረ ናኣ ዎሳና፤ ቃይ ናናይ ባረንቱ አዎቱዋ ቦላንነ ባረንቱ አየቱዋ ቦላ ደንዲደ፥ ኡንቱንታ ዎሳና። 
\v 13 አሳይ ኡባይ ህንተንታ ታ ሱን ድራዉ እጻና፤ ሽን ዉርሰይ ጋካናዉ ገንጭያዌ አታና።
\s1 የሩሳላመ ጋካና ዎልቃማ ኢታ መቱዋ
\r (ማቶሳ 24:15-28፤ ሉቃሳ 21:20-24)
\p
\v 14 ሽን ናብያ ዳኔል ኦዴዳ ባሻ ቱናተይ ኤቃናዉ በሰናሳን ኤቂሽን ህንተ በእያ ዎደ፥ ሄዌ ዋግያዌንቶ፥ ናባብያዌ አኬኮ፤ ይሁዳ ጋድያን ሄ ዎደ ደእያዋንቱ ደርያኮ በትኖ።\x - \xo 13:14 \xo*\xt ዳኔላ 9:27፤ 11:31፤ 12:11\xt*\x* 
\v 15 ጎልያ ሁጲያን ደእያ ኡራይካ እትባ አካናዉ ዱገ ዎደ፥ ባረ ሶይ ገሎፖ። 
\v 16 ጋደን ደእያዌካ ባረ ማዩዋ አካናዉ ጉየ ስሞፖ። 
\v 17 ሄ ዎደ ሻሃራ ማጫዋንቶነ ንያ ማጫዋንቶ አዬሮ። 
\v 18 ሽን ሀዌ ኡባይ ሀንያ ዎዲ ባልጉዋ ግደና ማላ፥ ጾሳ ዎስተ፤ 
\v 19 አያዉ ጎፐ፥ ጾሳይ ሳኣ ኮይሮ መዳዋፐ ዶሚደ፥ ሀእ ጋካናዉ፥ ኡባካ ደእቤና መቱ፥ ቃይ ሀዋፐ ስንዉካ ኡባ ደኤና መቱ አሳ ቦላ ሄ ዎደ ደአና።\x - \xo 13:19 \xo*\xt ዳኔላ 12:1፤ ሳፃ 7:14\xt*\x* 
\v 20 ጎዳይ ሄ ጋላሳቱዋ ፓይዱዋ ጉያዌ ባዌንቶ፥ አሳ ግዴዳ ኦንነ አተና፤ ሽን እ ባረ ዶሬዳ አሳቱዋ ድራዉ፥ ሄ ጋላሳቱዋ ፓይዱዋ ጉዳ።
\p
\v 21 ሄ ዎደ ኦንነ ህንተንታ፥ “በእተ፤ ክርስቶስ ሀዋን ደኤ” ዎይ፥ “በእተ፤ ክርስቶስ፥ ሄዋን ደኤ” ያጎፐ፥ ሄዋ አማኖፕተ። 
\v 22 አያዉ ጎፐ፥ ዎርዳንቻ ክርስቶሳቱነ ዎርዶ ናባቱ ደንዲደ ባረንቶ ዳንዳየቶፐ፥ ሀራይ አቶ ጾሳይ ዶሬዳዋንታካ ባለናዉ ማላታነ ማላልስያባ በሳና። 
\v 23 ሽን ህንተ ናገትተ፤ ታን ህንተንቶ ኡባባ ካሰታደ ኦዳድ።
\s1 ክርስቶሳ ላኤን ዩሳ
\r (ማቶሳ 24:29-31፤ ሉቃሳ 21:25-28)
\q1
\v 24 ሽን ሄ ዎደ ሄ ዋይያፐ ጉይያን፥
\q2 አዋይ ማና፤
\q2 አገናይ ፖእያዋ አጋና፤\x - \xo 13:24 \xo*\xt ኢሳ. 13:10፤ ህዝ. 32:7፤ ኢዩ. 2:10፣ 31፤ 3:15፤ ሳፃ 6:12\xt*\x*
\q1
\v 25 ጾልንታቱ ሳሉዋፐ ኩንዳና።
\q2 ቃይ ሳሉዋን ደእያ ዎልቃቱካ ቃጸታና።\x - \xo 13:25 \xo*\xt ኢሳ. 34:4፤ ኢዩ. 2:10፤ ሳፃ 6:13\xt*\x*
\p
\v 26 ሄ ዎደ ታን፥ አሳ ናአይ፥ ዎልቃማ ዎልቃናነ ቦንቹዋና ሻርያ ግዶና ዪሽን፥ ኡንቱንቱ በአና።\x - \xo 13:26 \xo*\xt ዳኔላ 7:13፤ ሳፃ 1:7\xt*\x* 
\v 27 ሄ ዎደ ታን ኪታንቻቱዋ ሳኣ ኦይዱ ባጋ ኪታና፤ ሳኣ ጋጻፐ ሳሉዋ ጋጻ ጋካናዉ፥ ጾሳይ ዶሬዳ አሳ ሺሻና።
\s1 ዎድያ ዉርሰይ ጋኬዳዋ ማላታ በስያ ባላስያ ምቶ
\r (ማቶሳ 24:32-35፤ ሉቃሳ 21:29-33)
\p
\v 28 ሌምሱዋ ባላሳቶ ግያ ምትፐ ታማርተ፤ ባላሳታ አጭያ ዎደነ እዝ ሀይይ ሀይትያ ዎደ፥ ቦኒ ማቴዳዋ ህንተ ኤሪታ። 
\v 29 ሀዋዳንካ ህንተ ሄ ኡባባይ ሀንያዋ በእያ ዎደ፥ እ\f + \fr 13:29 \fr*\fq እ፦ \fq*\ft የሱሳ ጉሳ።\ft*\f* ማታቲደ ፐንግያ ሺቄዳዋ\f + \fr 13:29 \fr*\fq ማታቲደ ፐንግያ ሺቄዳዋ፦ \fq*\ft ጉሳይ፥ የሱሳ ዩሳይ ማቴዳ ጉሳ።\ft*\f* ኤርተ። 
\v 30 ታን ህንተንቶ ቱሙዋ ኦዳይ፤ ሀ ኡባባይ ሀናና ጋካናዉ፥ ሀ ዎድያ የለታይ ሀይቂድገና። 
\v 31 ሳሉነ ሳአይ አና፤ ሽን ታ ቃላይ ኡባካ አና።
\s1 ዉርሰ ጋላሳነ ሳትያ ኦንነ ኤረና
\r (ማቶሳ 24:36-44)
\p
\v 32 ሽን ሄ ጋላሳነ ሄ ሳትያ አዉዋ ጻላላፐ አትን፥ ሀራይ አቶ ሳሉዋን ደእያ ኪታንቻቱዋ ግድና፥ ዎይ ታና ናኣ ግድናካ ኦንነ ኤርያባይ ባዋ። 
\v 33 ሄ ዎዲ አዉደ ግዳነንቶ፥ ህንተ ኤረና ድራዉ፥ ናገትተ፤ ምንተ፤ ጾሳ ዎስተ። 
\v 34 ታ ዩሳይ ባረ ጎልያ አጊደ፥ ኦግያ ብያ ብታንያ ማላ፤ ብታኒ ባረ ቆማቶ ሁጲያን ሁጲያን ኦሱዋ እሚደ፥ ኡንቱንታ ባረ ኦሶ ካፖ ኦዳ፤ ቃይ ካርያ ናግያዌካ ምንሲደ ናጋና ማላ አዛዜዳ።
\p
\v 35 ሄዋ ድራዉ፥ ምንተ፤ አያዉ ጎፐ፥ ጎልያዉ ኦማርሳ ግድና፥ ዎይ ቃማ ብላሄ ግድና፥ ዎይ ኩቱ ዋስያ ዎደ ግድና፥ ዎይ ጉራ ዎንቱማን ግድና አዉደ ያነንቶ፥ ህንተ ኤርክታ። 
\v 36 ህንተንቱ አኬከናን እ ዮፐ፥ ህንተንታ ገምእሼዳዋንታ ደመና ማላ ምንተ። 
\v 37 ታን ህንተንቶ ኦድያዋ አሳ ኡባዉ ኦዳይ፤ ምንተ።
\c 14
\s1 ክርስቶሳ ቦላ ማቀቴድኖ
\r (ማቶሳ 26:1-5፤ ሉቃሳ 22:1-2፤ ዮሃ. 11:45-53)
\p
\v 1 ፓስጋ ባላ ግያዋ ቦንችያ ጋላሳይነ ጫልቤና ኡክ ሙሳ ቦንችያ ባላ ጋላሳይ ጋካናዉ ላኡ ጋላሳይ አቴዳ፤ ቄሳቱዋ ካፓቱነ ህግያ ታማርስያዋንቱ አሳይ ኤረናን የሱሳ ኦይቂደ ዎና ኦግያ ኮዪኖ።\x - \xo 14:1 \xo*\xt ከሳ 12:1-27\xt*\x* 
\v 2 “አሳይ ዋላሳ ከሰና ማላ፥ ፓስጋ ቦንችያ ጋላስ ሄዋ ኦኮ” ያጌድኖ።
\s1 የሱሳ ሽቱዋ ኦኬዳ ምሽራቶ
\r (ማቶሳ 26:6-13፤ ዮሃ. 12:1-8)
\p
\v 3 የሱስ ቢታንያ ጋድያን ኦሉዋ ሀርግያ ስሞና ሶይን ቁማ ማናዉ ኡቴዳ ዎደ፥ እት ምሽራታ አልባስጽሮሳ ባሬታ ኩሜዳ ናርዶሳ ግያ ዳሪ አልኦ ሽቱዋ\f + \fr 14:3 \fr*\fk ዳሪ አልኦ ሽቱዋ፦ \fk*\ft ጉሳይ ሎይ ሳዊያዋ ጉሳ።\ft*\f* አካደ ያዱ፤ ሄ አልባስጽሮሳ ባሬታ መንደ ሽቱዋ የሱሳ ሁጲያን ትጋዱ። 
\v 4-5 ሄዋን ደእያ አሳፐ እቱ እቱ ሀንቀቲደ፥ “ሀ ሽቱዋ ጮ አያዉ ባይዛይ? ሀ ሽቱዋ ሄዙ ጼቱ ብራ ሳንትምያን\f + \fr 14:4-5 \fr*\fk ብራ ሳንትምያ፦ \fk*\ft 6:37 ጼልተ።\ft*\f* ዛልኢደ፥ ሚሻ ህዬሳዉ እማናዉ ዳንዳየቴ” ያጊደ ባረንቱ ግዶን ሃሳዪኖ፤ ያቲደ ሄ ምሽራቶ ዳርስ ሀንቀቴድኖ። \fig አልባስሲሮሳ ባሬታ|alt="Alabaster jars" src="HK00142B.TIF" size="col" ref="14:3-5"\fig*
\p
\v 6 ሽን የሱስ ሀዋዳን ያጌዳ፤ “ሀ ምሽራቶ አይነ ጎፕተ፤ እዞ አያዉ መቶቴ? እዛ ታዉ ሎኦባ ኦዱ። 
\v 7 ህዬሳቱ ኡባ ዎደ ህንተንቱና ደኢኖ፤ ህንተ ኮዬዳ ዎደ አዉደነ ኡንቱንታ ማዳናዉ ዳንዳዪታ፤ ሽን ታን ኡባ ዎደ ህንተንቱና ደእከ።\x - \xo 14:7 \xo*\xt ዛረ. 15:11\xt*\x* 
\v 8 እዛ ባረዉ ዳንዳየቴዳዋ ኦዱ፤ ቃይ ታ አሳተይ ሞገታናፐ ካሰታደ ሞጎ ጊግሳናዉ ሽቱዋ ኦካዱ። 
\v 9 ታን ህንተንቶ ቱሙዋ ኦዳይ፤ ሳኣ ኡባን ዎንጋላ ምሽራቹዋ ኦድያሳን ሀቃንኔካ፥ አሳይ እዞ ቆፓና ማላ፥ ሀ እዛ ኦዳዌ ኦደታና” ያጌዳ።
\s1 ይሁዳ አስቆሮቱ የሱሳ አደ እማናዉ ዞረታ ኤኖ ጌዳ
\r (ማቶሳ 26:14-16፤ ሉቃሳ 22:3-6)
\p
\v 10 ታማነ ላኡ የሱሳ ካልያዋንቱፐ እቱ ይሁዳ አስቆሮቱ\f + \fr 14:10 \fr*\fq ይሁዳ አስቆሮቱ፦ \fq*\ft 3:19 ጼልተ።\ft*\f* ግያዌ፥ የሱሳ ቄሳቱዋ ካፓቶ አደ እማናዉ ኡንቱንቱኮ ቤዳ። 
\v 11 ኡንቱንቱ ሄዋ ስሴዳ ዎደ ናሸቲደ፥ “ኑን ነዉ ሚሻ እማና” ያጌድኖ፤ ይሁዳ አስቆሮቱ የሱሳ አደ እማናዉ እንጀትያ ዎድያ ዎቼ።
\s1 የሱስ ባረና ካልያዋንቱና ፓስጋ ቁማ ሜዳ
\r (ማቶሳ 26:17-25፤ ሉቃሳ 22:7-14፣ 21-23፤ ዮሃ. 13:21-30)
\p
\v 12 ጫልቤና ኡክ ምያ ባላ ጋላሳ ቦንችያ ኮይሮ ጋላስ፥ ፓስጋ ቁማ ማናዉ ዶርሳ ሹክያ ዎደ፥ የሱሳ ካልያዋንቱ አ፥ “ፓስጋ ቦንችያ ጋላስ ኔን ማና ቁማ ኑን ሀቃ ቢደ ጊግሳኔ?” ያጊደ ኦቼድኖ።
\p
\v 13 የሱስ ባረና ካልያዋንቱፐ ላአቱዋ ሀዋዳን ያጊደ ኪቴዳ፤ “ካታማ ቢተ፤ ህንተ ቢሽን፥ ኦቱዋን ሃ ቶኬዳ እት ብታኒ ህንተንቱና ጋከታናዋ፤ አ ካልተ። 
\v 14 እ ቢደ ገልያ ጎልያዉዋ፥ ‘ታማርስያዌ ኔና፥ “ታን ታና ካልያዋንቱና ፓስጋ ቁማ ማናዉ ታ እማ ክፍሊ ሀቃኔ?” ያጌ’ ያግተ። 
\v 15 ጎልያዉ ህንተንታ ፖቅያ ቦላን ደእያ ጊግ ኡቴዳ አኮ ክፍልያ በሳና፤ ሄዋን ኑዉ ጊግስተ” ያጌዳ። \fig ፖቂያ ጎሊያነ ክፍላቱዋኮ ከሲያ ደ|alt="Two-story house with steps toroof" src="LB00235B.TIF" size="col" ref="14:15"\fig*
\p
\v 16 ሄ ላኡ የሱሳ ካልያዋንቱ ከሲደ፥ ካታማ ቤድኖ፤ የሱስ ባረንቶ ኦዴዳዋዳንካ ኡባባ ደሚደ፥ ፓስጋ ቁማ ጊግሴድኖ።
\p
\v 17 ሳአይ ኦማርስያ ዎደ የሱስ ታማነ ላኡ ባረና ካልያዋንቱና ያ ቤዳ። 
\v 18 ኡንቱንቱ ኡቲደ ሳምፓፐ ቁማ ሚሽን፥ የሱስ ኡንቱንታ፥ “ታን ህንተንቶ ቱሙዋ ኦዳይ፤ ህንተንቱፐ እቱ ታናና ምያዌ፥ ታና አደ እማናዋ” ያጌዳ።\x - \xo 14:18 \xo*\xt ማዝ. 41:9\xt*\x*
\p
\v 19 አ ካልያዋንቱ ሎይ ስሰትና፥ ሁጲያን ሁጲያን አ፥ “ቱሙ ታኔሻ?” ግያዋ ዶሜድኖ።
\p
\v 20 የሱስ ዛሪደ፥ “እ ሀ ህንተንቱ ታማነ ላአቱዋፐ እቱዋ፤ እ ታናና እትፐ ቱሻናዉ ባረ ዳቡዋ ሻታን የድያዋ። 
\v 21 ታን፥ አሳ ናአይ፥ ጾሳ ማጻፋይ ሀይቃና ጌዳዋዳን ሀይቃና፤ ሽን ታና፥ አሳ ናኣ፥ አደ እምያ ኡራዉ አዬሮ፤ ሄ ኡራይ የለተናን አቴደንቶ፥ አዉ ሎአ ሽን” ያጌዳ።
\s1 ጎዳ ካዉዋ አክያ ዎጋ
\r (ማቶሳ 26:26-30፤ ሉቃሳ 22:14-20፤ 1 ቆሮ. 11:23-25)
\p
\v 22 ኡንቱንቱ ሚሽን፥ የሱስ ዳቡዋ አኪደ፥ ጾሳ ጋላቴዳ፤ ሄ ዳቡዋ መንደ፥ ባረና ካልያዋንቶ እሚደ፥ “ሄይተ፤ ሀዌ ታ አሹዋ” ያጌዳ።
\p
\v 23 ጹኣ አኪደ፥ ጾሳ ጋላቲደ፥ ኡንቱንቶ እሜዳ፤ ኡባይ ሄ ጹኣፐ ኡሼድኖ። 
\v 24 የሱስ፥ “ሀዌ ኦራ ጫቁዋን\f + \fr 14:24 \fr*\fq ኦራ ጫቁዋ፦ \fq*\ft ጾሳይ ባረ አሳዉ የሱሳ ሀይቁዋ ባጋና ቃላ ገሌዳ ኦራ ቃላ ጫቁዋ። ሄዌኔካ አ ጋክያ ጹኣ፥ እ ባረ ሱ ጉሲደ አ እሜዳ አ ደኡዋ። ሄዌኔካ፥ ኑ ኤጫ አሳተይ ኡባይ ላመትና፥ ኦራጼዳ ጾሳ ህጊ ኑ ዎዛናን ጻፈቴዳዋ ኦዴ።\ft*\f* ጮራ አሳ ድራዉ ጉክያ ታ ሱ።\x - \xo 14:24 \xo*\xt ከሳ 24:8፤ ኤር. 31:31-34\xt*\x* 
\v 25 ታን ህንተንቶ ቱሙዋ ኦዳይ፤ ታን ጾሳ ካዉተን ኦራ ዎይንያ ኤሳ ኡሻና ጋላሳይ ጋካናዉ፥ ላኤንዋ ሀ ዎይንያ ኤሳ ኡባካ ኡሽከ” ያጌዳ።
\p
\v 26 ማዝሙርያ የጼዳዋፐ ጉይያን፥ ደብረ ዛይተ ደርያ ቤድኖ።
\s1 ጰጽሮስ ካዳናዋ የሱስ ካሰቲደ ኦዴዳ
\r (ማቶሳ 26:31-35፤ ሉቃሳ 22:31-34፤ ዮሃ. 13:36-38)
\p
\v 27 የሱስ ባረና ካልያዋንቶ፥
\q1 “ህንተንቱ ኡባይ ታና የጊደ ዎጻንታ፤ አያዉ ጎፐ፥
\q2 ጾሳ ማጻፋይ፥ ‘ጾሳይ ዶርሳ ሄምያዋ ዎና፤
\q2 ሄዋፐ ጉይያን ዶርሳይ ኡባይ ላለታና ጌ’
\m ያጌዳ።\x - \xo 14:27 \xo*\xt ዛካ. 13:7\xt*\x* 
\v 28 ሽን ታን ሀይቁዋፐ ደንዴዳዋፐ ጉይያን፥ ህንተንቱፐ ካሰታደ ጋሊላ ባና” ያጌዳ።
\p
\v 29 ጰጽሮስ ዛሪደ፥ “ኡንቱንቱ ኡባቱ ኔና የጊደ ቦፐካ፥ ታን ኔና ሙለካ የግከ” ያጌዳ።
\p
\v 30 የሱስ ጰጽሮሳ፥ “ታን ነዉ ቱሙዋ ኦዳይ፤ ሀቼ ቃማ ኩቱ ላኤንዋ ዋሳናፐ ካሰ፥ ኔን ታና ሄዙ ገደ ካዳናሳ” ያጌዳ።
\p
\v 31 ሽን ጰጽሮስ ካሰዋፐካ ምንሲደ፥ “ታን ሀራይ አቶ፥ ኔናና እትፐ ሀይቂንቶካ፥ ኔና ሙለካ ካድከ” ያጌዳ። ቃይ ሀራቱ ኡባቱካ ሄዋዳን ጌድኖ።
\s1 የሱስ ጌተሰማንያን ዎሴዳ
\r (ማቶሳ 26:36-46፤ ሉቃሳ 22:39-46)
\p
\v 32 ጌተሰማነ ግያ ሳኣ ቤድኖ፤ የሱስ ባረና ካልያዋንታ “ታን ጾሳ ዎሳናዉ፥ ህንተንቱ ሀዋን ኡትሽተ” ያጌዳ።
\p
\v 33 የሱስ ጰጽሮሳ፥ ያቆባነ ዮሃንሳ ባረናና አፌዳ፤ ዳሪ ካዮቴዳነ መቶቴዳ። 
\v 34 ቃይ ኡንቱንታ፥ “ታን ሀይቃና ጋካናዉካ ካዮታይ፤ ሀዋን ታክሽተ፤ ገምእሾፕተ” ያጌዳ።
\p
\v 35 ጉ ስንኮ ሺቂደ፥ ሳኣን ጉፋኒደ፥ ዳንዳየትያዋ ግዶፐ፥ ሄ ዎዲ ባረፐ አና ማላ፥ ጾሳ ዎሴዳ። 
\v 36 ቃይካ፥ “አባቦ፥\f + \fr 14:36 \fr*\fq አባ፦ \fq*\ft ጉሳይ ግሪከ ቃላንካ “አባ” ግድያ ዎደ፥ አራማይከ ቃላን “አባ” ግያዋ።\ft*\f* ታ አቦ፥ ኡባባይ ነዉ ዳንዳየቴ፤ ሀ ጹኣ ታፐ ድጋ፤ ሽን ነ ሸንያዳን ሀኖፐ አትን፥ ታ ሸንያዳን ሀኖፖ” ያጌዳ።
\p
\v 37 የሱስ ባረና ካልያዋንቱኮ ስም ዪደ፥ ገምእሼዳዋንታ ደሚደ ጰጽሮሳ፥ “ስሞና፥ ገምእሻዲ? ኔን እት ሳተንቶነ ናጋናዉ ዳንዳያበይኪ? 
\v 38 ፓጭያን ህንተ ገለና ማላ፥ ናገትተነ ጾሳ ዎስተ፤ አያናይ ጊግ ኡቴዳ፤ ሽን አሹ ዳቡራንቻ” ያጌዳ።
\p
\v 39 ቃይካ ቢደ ካሰዋዳንካ ጾሳ ዎሴዳ። 
\v 40 አ ካልያዋንቱኮ ጉየ ስሚደ እ ይያ ዎደ፥ ገምእሼዳዋንታ ደሜዳ፤ ኡንቱንቱ አይፍያ ገምእሹ ጎዝ ዎዳ ድራዉ፥ አዉ አያ ሃሳዪኖንቶካ ኤርበይክኖ።
\p
\v 41 ሄዘንዋ ኡንቱንቱኮ ዪደ፥ “ሀእ ጋካናዉካ ገምእሺቴነ ሸምፒቴ? ግዳና፤ ዎዲ ጋኬዳ፤ በእተ፥ ታና፥ አሳ ናኣ፥ ናጋራንቻ አሳቱዋ ኩሽያን አደ እምያ ዎዲ ጋኬዳ። 
\v 42 ደንድና ቦይተ፤ በእተ፥ ታና አደ እምያዌ ሀዌኩ ጋኬዳ” ያጌዳ።
\s1 የሱስ ባረ ሞርከቱዋ ኩሽያን ኦይቀቴዳ
\r (ማቶሳ 26:47-56፤ ሉቃሳ 22:47-53፤ ዮሃ. 18:3-12)
\p
\v 43 የሱስ ሄዋ ብሮ ሃሳይሽን፥ ታማነ ላኡ አ ካልያዋንቱፐ እቱ፥ ይሁዳ አስቆሮቱ፥ ኤለካ ጋክ ዎዳ፤ ቃይ ቄሳቱዋ ካፓቱ ህግያ ታማርስያዋንቱነ ጭማቱ ኪትና፥ ማሻነ ጻምኣ ኦይቄዳ ጮራ አሳይ አናና እትፐ ዬዳ። 
\v 44 የሱሳ አ እምያዌ ሄ ጮራ አሳዉ፥ “ታን የርያዌ አ፤ አ ኦይቂደ ሎይ ናጊደ፥ አፍተ” ያጊደ ማላ ኦድ ዎዳ።
\p
\v 45 ይሁዳ አስቆሮቱ ጋኮሳናካ የሱሳኮ ሺቂደ፥ “ታማርስያዎ” ያጊደ የሱሳ የር አኬዳ። 
\v 46 ሄ ጮራ አሳይ የሱሳ ምንስ ኦይቄዳ። 
\v 47 ሽን ማታን ኤቄዳዋንቱፐ እቱ ባረ ጩብያ ሾድነ ቄሳቱዋ ኡባቱዋ ካፑዋ ቆማ ሾጪደ፥ አ ሀይ ቃንጽ ኦሌዳ።
\p
\v 48 የሱስ ዛሪደ፥ ሄ ሺቄዳ ጮራ አሳ፥ “ታና ቦንቃንቻ ከሲደ፥ ቦንቃንቻ ኦይቂያዋዳን ኦይቃናዉ ጩብያነ ጻምኣ ኦይቂደ ዬድቴ? 
\v 49 ታን ጌሻ ጎልያን ታማርሳደ፥ ጋላሳን ጋላሳን ህንተንቱና ደእያ ዎደ ታና ኦይቂበይክታ፤ ሽን ጾሳ ማጻፋቱ ጌዳዌ ፖለታናዉ በሴ” ያጌዳ።
\p
\v 50 የሱሳ ካልያዋንቱ ኡባቱ አ የጊደ ብ አጌድኖ።
\p
\v 51 ናጻላ ጻላላ ማዬዳ እት ያላጋ ብታኒ የሱሳ ካልያዋ አሳይ ኦይቄዳ። 
\v 52 ሽን ሄ ብታኒ ናጻላ ኦሊደ፥ ካሎ ጺራ ዎጼዳ።
\s1 የሱሳ ፕርድያ ሻንጋቱዋኮ አፌድኖ
\r (ማቶሳ 26:57-68፤ ሉቃሳ 22:54-55፣ 63-71፤ ዮሃ. 18:13-14፣ 19-24)
\p
\v 53 አሳይ የሱሳ ቄሳቱዋ ኡባቱዋ ካፑዋ ሶይ፥ ቄሳቱዋ ካፓቱዋ ኡባቱ፥ ጭማቱነ ህግያ ታማርስያዋንቱ ሺቄዳሳ አፌድኖ። 
\v 54 ጰጽሮስ ቄሳቱዋ ኡባቱዋ ካፑዋ ድርሳ ግዱዋ ጋካናዉ ሃኩዋን አ ካሌዳ፤ ያን ናግያዋና ታማ ካሺደ፥ ኡት አጌዳ።
\p
\v 55 ቄሳቱዋ ካፓቱነ ሄዋን ሺቄዳ አሳይ ኡባይ የሱሳ ዎናዉ አ ቦላ ማርካ ኮዬድኖ፤ ሽን አይነ ደምበይክኖ። 
\v 56 አያዉ ጎፐ፥ ጮራ አሳቱ አ ቦላን ዎርዱዋ ማርካቴድኖ፤ ሽን ኡንቱንቱ ማርካተይ እት ማላ ግደና።
\p
\v 57-58 እት እት አሳቱ ደንድ ኤቂደ የሱሳ ቦላ፥ “እ፥ ‘ታን አሳይ ኬጼዳ ሀ ጌሻ ጎልያ ኮላደ፥ አሳይ ኬጽቤና ሀራ ጌሻ ጎልያ ሄዙ ጋላሳ ግዶን ኬጻና’ ጊሽን፥ ኑን ስሴዶ” ያጊደ ዎርዱዋ ማርካቴድኖ። 
\v 59 ሽን ሀራይ አቶ ኡንቱንቱ ማርካተይ ሄዋን እት ማላ ግድቤና።
\p
\v 60 ቄሳቱዋ ኡባቱዋ ካፑ አሳ ኡባ ስንን ደንድ ኤቂደ የሱሳ፥ “ሀዋንቱ ኔና ሞትያ ሞቶ ነዉ ዛርያባይ ባዌ?” ያጊደ ኦቼዳ። 
\v 61 ሽን የሱስ ጮኡ ጊደ፥ አይነ ዛርቤና፤ ቄሳቱዋ ኡባቱዋ ካፑ አ፥ “አንጀቴዳ ጾሳ ናአይ ክርስቶስ ኔኔ?” ያጊደ ላኤንዋ ኦቼዳ።
\p
\v 62 የሱስ ዛሪደ፥ “ኤ፥ ታና፤ ህንተ ታና፥ አሳ ናኣ፥ ዎልቃማ ጾሳፐ ኡሸቻ ባጋና ኡትደእሽናነ ሳሉዋ ሻርያና ዪሽን በአና” ያጌዳ።\x - \xo 14:62 \xo*\xt ዳኔላ 7:13\xt*\x*
\p
\v 63 ቄሳቱዋ ኡባቱዋ ካፑ ባረ ማዩዋ ፔ ኦሊደ፥ “ኑና ሀዋፐ ስንን አያዉ ሀራ ማርካ ኮሺ? 
\v 64 ህንተንቱ አ ቦርያ ስሴድታ፤ ህንተ ቆፋይ አዬ?” ያጌዳ፤ ኡንቱንቱ ኡባይ፥ “እ ሀይቃና በሴ” ያጊደ አ ቦላ ፕርዴድኖ።\x - \xo 14:64 \xo*\xt ዎጋ 24:16\xt*\x*
\p
\v 65 ኡንቱንቱፐ እቱ እቱ አ ቦላ ጩሸ ዶሜድኖ፤ አ አይፍያ ካም ደቺደ፥ “ኔና ደቼዳዌ ኦኔ? አነ ትምቢትያ ኦዳ!” ያጌድኖ፤ ቃይ ናግያዋንቱካ አ ቅንጻልያ ባቂደ አፌድኖ።
\s1 ጰጽሮስ የሱሳ ካዴዳ
\r (ማቶሳ 26:69-75፤ ሉቃሳ 22:56-62፤ ዮሃ. 18:15-18፣ 25-27)
\p
\v 66 ጰጽሮስ ድርሳ ግዶን ህርክና ደእሽን፥ ቄሳቱዋ ኡባቱዋ ካፑዋ ማጫ ቆማቱዋፐ እትና ያዱ። 
\v 67 ጰጽሮስ ታማ ካሽያዋ በኣደ፥ ጫዳ ጼላደ፥ “ኔንካ ናዝሬትያ የሱሳና እትፐ ደኣ” ያጋዱ።
\p
\v 68 ሽን ጰጽሮስ፥ “ኔን ግያዌ አየንቶ ታን ኤርከ፤ ታዉ አኬከተና” ያጊደ ካዴዳ፤ ያቲደ ድርሳ ፐንግያኮ ከሴዳ፤ ኩቱካ ዋሴዳ።\f + \fr 14:68 \fr*\fk ኩቱካ ዋሴዳ፦ \fk*\ft ሀ ቃላይ በን ብለቴዳ እት እት ብለን ባዋ።\ft*\f*
\p
\v 69 ሄ ቆማታ ጰጽሮሳ በኣደ፥ አ ማታን ኤቄዳ አሳቱዋ፥ “ሀ ብታኒካ ኡንቱንቱና ደኤ” ጋደ ጉጃደ ኦዱዋ ዶማዱ። 
\v 70 ሽን ጰጽሮስ ቃይካ ካዴዳ።
\p ጉ ጋምእሽን፥ ማታን ኤቄዳ አሳቱ ላኤንዋ ጰጽሮሳ፥ “ኔን ቱማ ኡንቱንቱና እትፐ ደኣ፤ አያዉ ጎፐ፥ ኔን ጋሊላ ጋድያ አሳ” ያጌድኖ።
\p
\v 71 ሽን ጰጽሮስ፥ “ታን ሄዋ ህንተ ግያ ብታንያ ኤርከ!” ያጊደ ባረና ሸቃነ ጫቁዋ ዶሜዳ።
\p
\v 72 ኤለካ ኩቱ ላኤንዋ ዋስ አጌዳ፤ ጰጽሮስ ባረና የሱስ፥ “ኔን ኩቱ ላኤንዋ ዋሳናፐ ካሰ ሄዙ ገደ ታና ካዳናሳ” ጌዳዋ ሀሳዪደ፥ ዳሪ ዬኬዳ።
\c 15
\s1 የሱሳ ጵላጾሳኮ አፌድኖ
\r (ማቶሳ 27:1-2፣ 11-14፤ ሉቃሳ 23:1-5፤ ዮሃ. 18:28-38)
\p
\v 1 ዎንታ ጉራን ኤለካ ቄሳቱዋ ካፓቱ ጭማቱዋናኔ ሙሴ ህግያ ታማርስያዋንቱና ሄዋን ሺቄዳ አይሁዳ ሻንጋቱዋ ኡባና ማቀቲደ፥ የሱሳ ቃች አፊደ፥ ጵላጾሳዉ አደ እሜድኖ።
\p
\v 2 ጵላጾስ አ፥ “ኔን አይሁዳቱዋ ካቴ?” ያጊደ ኦቼዳ።
\p የሱስ ዛሪደ አ፥ “ነ ግያዋዳና” ያጌዳ።
\p
\v 3 ቄሳቱዋ ካፓቱ የሱሳ ዳሮባን ሞቴድኖ። 
\v 4 ጵላጾስ ሽረቲደ የሱሳ፥ “ነዉ ዛርያባይ ባዌ? ኡንቱንቱ ነ ቦላ ዎይሳ ሞቱዋ አህንቶ በእኪ?” ያጊደ ኦቼዳ።
\p
\v 5 ሽን የሱስ ሀራባ ዛረናን እጽና፥ ጵላጾስ ማላለቴዳ።
\s1 የሱሳ ቦላ ሀይቁዋ ፕርዴድኖ
\r (ማቶሳ 27:15-26፤ ሉቃሳ 23:13-25፤ ዮሃ. 18:39-40፤ 19:1-16)
\p
\v 6 ጵላጾሳዉ ፓስጋ ባላ ቦንችያ ጋላሳን አሳይ ኮይያ እት ኡራ ቃሹዋፐ ብልያ ዎጋይ ደኤ። 
\v 7 ሄ ዎደ እት ባርባና ግያ ብታኒ ዋላሳ ከሲደ ሸምፑዋ ዎዳ አሳቱዋና እትፐ ቃሾ ጎልያን ደኤ። 
\v 8 ሺቄዳ ጮራ አሳይ ጵላጾስ ካሰ ኤረቶዋዳንካ ባረንቶ ማሮታ ኦና ማላ፥ አ ኦቼድኖ። 
\v 9 ጵላጾስ አሳ ዛሪደ፥ “ታን ህንተንቶ አይሁዳቱዋ ካትያ ብልያዋ ኮዪቴ?” ያጊደ ኦቼዳ። 
\v 10 አያዉ ጎፐ፥ ቄሳቱዋ ካፓቱ የሱሳ ቃናቲደ አ እሜዳዋ ጵላጾስ ኤሬዳ።
\p
\v 11 ሽን ቄሳቱዋ ካፓቱ የሱሳ ኮታ ባርባና ብላናዳን፥ ሄ ሺቄዳ አሳይ ጵላጾሳ ዎሳና ማላ፥ አሳ ማቄድኖ። 
\v 12 ጵላጾስ ላኤንዋ ዛሪደ፥ “ያትና፥ ሀ አይሁዳ ካትያ ህንተንቱ ግያዋ ዎቶ?” ያጌዳ።
\p
\v 13 አሳይ ጵላጾሳዉ ዛር ዛር ባረንቱ ኮሻ ቁ ኦደ፥ “አ ካቃ” ያጌድኖ።
\p
\v 14 ጵላጾስ አሳ፥ “አያዉ? እ አይ ኢታባ ኦዴ?” ያጌዳ።
\p ሽን አሳይ ካሰዋፐካ ባረ ኮሻ ቁ ኦደ፥ “አ ካቃ” ያጌድኖ።
\p
\v 15 ጵላጾስ አሳ ናሸቻናዉ ኮዪደ፥ ባርባና አሳዉ ብሌዳ፤ ያቲደ ልሱዋን የሱሳ ዎታዳራቱዋን ሾጭሲደ፥ ካቃና ማላ ኡንቱንቶ አ እሜዳ።
\s1 ዎታዳራቱ የሱሳ ቅሊጬድኖ
\r (ማቶሳ 27:27-31፤ ዮሃ. 19:2-3)
\p
\v 16 ሄዋፐ ጉይያን፥ ዎታዳራቱ የሱሳ ጋድያ ሞድያዋ ግቢያ አፊደ፥ ሀራ ዎታዳራቱዋ ኡባ እትፐ ጼሴድኖ። 
\v 17 ቃይ ዞኦ ማዩዋ አ ማይዜድኖ፤ አጉን ካላቻ ጊግሲደ፥ አ ሁጲያን ዎድኖ። 
\v 18 ሄዋፐ ጉይያን አ፥ “አይሁዳቱዋ ካተዉ፥ ሳሮታይ ነዉ ግዶ” ያግ ሳሮቲደ፥ አ ቅሊጩዋ ዶሜድኖ። 
\v 19 የሱሳ ሁጲያ ማቃ ጻምኣን ሾጬድኖ፤ ቃይ አ ቦላን ጩቼድኖ፤ ጉልባቲደ አዉ ጎይኔድኖ። 
\v 20 አ ቦላ ቅሊጬዳዋፐ ጉይያን፥ ዞኦ ማዩዋ አፐ ቃር አኪደ፥ አ ማዩዋ አ ማይዜድኖ፤ ያቲደ ማስቃልያ ቦላን ምስማርያን ሺደ፥ አ ካቃናዉ አፌድኖ።
\s1 የሱሳ ካቄድኖ
\r (ማቶሳ 27:32-44፤ ሉቃሳ 23:26-43፤ ዮሃ. 19:17-27)
\p
\v 21 ኡንቱንቱ ቢደ፥ እስክንድራነ ሩፎሳ የሌዳ አዉዋ፥ እት ስሞና ግያ ቀሬና ጋድያ አሳይ፥ ጋጻፐ ካታማ ይያዋና ጋከቲደ፥ የሱሳ ማስቃልያ ዎልቃን ቶሴድኖ።\x - \xo 15:21 \xo*\xt ሮመ 16:13\xt*\x* 
\v 22 ያቲደ ጎልጎታ ጌተትያሳ የሱሳ አፌድኖ። “ጎልጎታ” ግያዌ “ሁጲያ ጎስያሳ”\f + \fr 15:22 \fr*\fq “ሁጲያ ጎስያሳ” \fq*\ft ጌተትያዌ፥ አሳ ሁጲያ ማላትያ ሹቻይ ሄዋን ደእያ ድራዉ፥ ሁጲያ ጎስያሳ ጌተቴዳ።\ft*\f* ግያዋ። 
\v 23 ካዋራ ግያ ሊ ዋላከቴዳ ዎይንያ ኤሳ የሱሳዉ ኡሻናዉ እሜድኖ፤ ሽን እ ኡሸናን እጼዳ። 
\v 24 ኡንቱንቱ አ ካቄድኖ፤ ቃይ ኦና ኦና ጋካነንቶ ኤራናዉ አ ማዩዋ ሻኪደ፥ ሳማ የጌድኖ።\x - \xo 15:24 \xo*\xt ማዝ. 22:18\xt*\x*
\p
\v 25 ኡንቱንቱ አ ካቂያ ዎደ፥ ዎንታፐ ሄዙ ሳተ። 
\v 26 “አይሁዳቱዋ ካትያ” ያግ አ ሞትያ ጻፉ ጻፌት ኡቴዳ። 
\v 27 የሱሳና ላኡ ካይሳቱዋ እቱዋ አፐ ኡሸቻ ባጋና፥ ቃይ እቱዋ አፐ ሀድርሳ ባጋና ማስቃልያ ቦላ ምስማርያን ሺደ ካቄድኖ። 
\v 28 ጾሳ ማጻፋይ፥ “ኢታባ ኦዳ አሳቱዋና እ ፓይደቴዳ” ያግያዌ ፖለቴዳ።\x - \xo 15:28 \xo*\xt ኢሳ. 53:12\xt*\x*
\p
\v 29 ኦግያና አያ አሳይ የሱሳ ካደ፥ ባረንቱ ሁጲያ ቃደ ቦሬድኖ፤ “ስም፥ ጌሻ ጎልያ ኮላደ ሄዙ ጋላሳ ግዶን ኬጽያዎ፥\x - \xo 15:29 \xo*\xt ማዝ. 22:7፤ 109:25፤ ማር. 14:58፤ ዮሃ. 2:19\xt*\x* 
\v 30 አነ ማስቃልያ ቦላፐ ዎደ፥ ነ ሁጲያ አሻ” ያጌድኖ።
\p
\v 31 ሀዋዳንካ ቄሳቱዋ ካፓቱ ሙሴ ህግያ ታማርስያዋንቱና እትፐ የሱሳ ቦላ፥ “ሀራ አሳቱዋ አሼዳ፤ ሽን ባረና አሻናዉ ዳንዳየና፤ 
\v 32 ኑን በኢደ አማናና ማላ፥ ክርስቶስ እስራኤልያ ካቲ፥ አነ ማስቃልያ ቦላፐ ሀእ ዎ” ጊደ ቅሊጬድኖ። ቃይ ሀራይ አቶ፥ አናና ማስቃልያ ቦላ ምስማርያን ሸቲደ ካቀቴዳዋንቱካ አ ቦላ ቅሊጬድኖ።
\s1 የሱሳ ሀይቁዋባ
\r (ማቶሳ 27:45-56፤ ሉቃሳ 23:44-49፤ ዮሃ. 19:28-30)
\p
\v 33 ኡሱፑን ሳትያፐ ዶሚደ፥ ኡዱፑ ሳትያ ጋካናዉ፥ ጋድያ ኡባይ ሜዳ። 
\v 34 ኡዱፑ ሳትያን የሱስ ባረ ቃላ ቁ ኦደ፥ “ኤሎሄ፥ ኤሎሄ፥ ላማ ሳባቅታኒ?”\f + \fr 15:34 \fr*\fqa ኤሎሄ፥ ኤሎሄ፥ ላማ ሳባቅታኒ፦ \fqa*\ft ሀ ቃላቱ የሱስ ሀ አላምያን አሹዋ ማዪደ ስመረትያ ዎደ ሃሳየትያ አራማይከ ጌተትያ ቃላን ሃሳየቶዋ።\ft*\f* ያጌዳ። ሄዋ ግያዌ፥ “ታ ጾሳዉ፥ ታ ጾሳዉ፥ ታና አያዉ አጋዲ?” ግያዋ።\x - \xo 15:34 \xo*\xt ማዝ. 22:1\xt*\x*
\p
\v 35 ሄዋን ኤቄዳ አሳፐ እቱ እቱ ሄዋ ስሲደ፥ “በእተ፤ ኤላሳ ጼሴ” ያጌዳ። 
\v 36 ሄ አሳፐ እቱ ዎጽ ዪደ፥ ዛንዛ ማላትያዋን ጫላ ዎይንያ ኤሳ ኩንዳ፤ ሄዋ ማቃ ጋትማ ጼራን ዎደ፥ “ደእሽተ አነ፤ ኤላስ ማስቃልያፐ አ ዎናዉ ያነንቶነ አነ በኦይተ” ያጊደ የሱሳ ዶናኮ ኡሻናዉ ሺሼዳ።\x - \xo 15:36 \xo*\xt ማዝ. 69:21\xt*\x*
\p
\v 37 የሱስ ቃላ ቁ ኦ ዋሲደ፥ ሀይቂ አጌዳ።
\p
\v 38 ጌሻ ጎልያን ቃሸቴዳ ጋርዱ ቆሞፐ ዱገ ጋካናዉ፥ ላኡ ከሲደ ፖሸት ዎዳ።\x - \xo 15:38 \xo*\xt ከሳ 26:31-36\xt*\x* 
\v 39 ማስቃልያፐ ስን ባጋና ሄዋን ኤቄዳ እት ጼቱዋ ካፑ፥ ሄዋ ኬና የሱስ ዋሲደ ሀይቄዳዋ በኤዳ ዎደ፥ “ሀ ብታኒ ቱሙ ጾሳ ናኣ” ያጌዳ።
\p
\v 40 ሄዋን ሃኩዋን ኤቂደ ጼልያ አማሬዳ ማጫዋንቱ ደኢኖ፤ ኡንቱንቱ ግዶን ማግዳላ ግያ ካታማፐ ዬዳ ማይራማ፥ ቴፋ ያቆባነ ዮሳ ዳያ ማይራማነ ሳሎማ ደኢኖ። 
\v 41 ሄ ማጫ አሳቱ የሱስ ጋሊላን ደእያ ዎደ፥ አ ካሌዳዋንታነ አ ማዴዳዋንታ፤ ቃይ የሱሳና እትፐ የሩሳላመ ቤዳ ሀራ ጮራ ማጫ አሳቱ ሄዋን ደኢኖ።
\s1 የሱሳ ሞጉዋባ
\r (ማቶሳ 27:57-61፤ ሉቃሳ 23:50-56፤ ዮሃ. 19:38-42)
\p
\v 42-43 ሳአይ ኦማርሴዳ ዎደ፥ ሄዋን ሺቄዳ አሳን ቦንቼቴዳ እት ዮሴፎ ግያ ብታኒ፥ ጾሳ ካዉተይ ያናዋ ናግ ኡቴዳዌ፥ አርማትያሳ ግያ ካታማ አሳይ ዬዳ፤ ሄ ጋላሳይ ዎንተ ሳምባታዉ ጊገትያ ጋላሳ ግዴዳ ድራዉ፥ ዮሴፎ ጻሊደ ጵላጾሳኮ ቢደ፥ የሱሳ አሃ አካናዉ ዎሴዳ። 
\v 44 ጵላጾስ፥ የሱስ ኤለካ ሀይቂ ድጌዳዋ ስሴዳ ዎደ ማላለቴዳ፤ ጼቱዋ ካፑዋ ጼሲደ፥ “እ ሀይቆደፐ ጋምኤዴ?” ያጊደ ኦቼዳ። 
\v 45 ጵላጾስ የሱስ ሀይቄዳዋ ጼቱዋ ካፑዋፐ ስሲደ፥ አ አሃ ዮሴፎ አካናዳን ኦዳ። 
\v 46 ዮሴፎ ሞጉዋ ማዩዋ ሻሜዳ፤ የሱሳ አሃ ማስቃልያፐ ዎ ማዩዋን ጻጺደ፥ ሹቻ ዎጬዳ አሳ ሞግያ ጎንጎሉዋ ግዶን አ አሃ ዎዳ፤ ቃይ ሄ ጎንጎሉዋ ዶናን ዎልቃማ ሹቻ ጎንዶርሲደ ዎዳ። 
\v 47 ማግዳላ ካታማፐ ዬዳ ማይራማነ ዮሳ ዳያ ማይራማ የሱሳ አሃ ኡንቱንቱ ሀቃን ዎንቶ በኢኖ።
\c 16
\s1 የሱስ ሀይቁዋፐ ደንዴዳ
\r (ማቶሳ 28:1-8፤ ሉቃሳ 24:1-12፤ ዮሃ. 20:1-10)
\p
\v 1 ሳምባታይ አዳዋፐ ጉይያን፥ ማግዳላ ካታማፐ ዬዳ ማይራማ፥ ያቆባ ዳያ ማይራማነ ሳሎማ ቢደ፥ የሱሳ አሃ ኦካናዉ ሽቱዋ ሻሜድኖ። 
\v 2 ዎጋ ጋላስ ዎንቱማ ዳሮ ጉራን ጻልቂ ከስሽን፥ ሄ ጎንጎሉዋ ቤድኖ። 
\v 3 ኡንቱንቱ ባረንቱ ግዶን እቱ እቱዋና፥ “ጎንጎሉዋ ዶናፐ ኑዉ ሹቻ ኦኔ ጎንዶርሲደ ድጋናዌሻ?” ያጊደ ሃሳዪኖ።
\p
\v 4 ኡንቱንቱ ጼልያ ዎደ፥ ሄ ዳሮ ዎልቃማ ሹቻ ጎንዶርስድጌዳዋ በኤድኖ። 
\v 5 የሱስ ሞገቴዳ ጎንጎሉዋ ግዶ ገልያ ዎደ፥ እት ዎዳላ ብታኒ ቦ ማዩዋ ማዪደ፥ ኡሸቻ ባጋና ኡቴዳዋ በኢደ ዳጋሜድኖ።
\p
\v 6 ሽን እ ኡንቱንታ፥ “ዳጋሞፕተ። ማስቃልያ ቦላ ካቀቴዳ ናዝሬትያ የሱሳ ህንተንቱ ኮይያዋ ኤራይ። እ ሀዋን ባዋ፤ ደንድ ድጌዳ። ኡንቱንቱ አ ዎዳሳ ሀዋ በእተ። 
\v 7 ሽን ቢደ የሱስ ባረና ካልያዋንቶነ ጰጽሮሳዉ፥ ‘የሱስ ህንተንቱፐ ካሰቲደ ጋሊላ ቤ፤ እ ህንተንቶ ኦዴዳዋዳንካ ህንተንቱ አ ያን በአና’ ያጊደ ሀዋ ኦድተ” ያጌዳ።
\p
\v 8 ማጫ አሳቱ ያሻን ኮኮሪደ፥ የሱስ ሞገቴዳ ጎንጎሉዋፐ ከሲደ ባቃት አጌድኖ፤ ቃይ ኡንቱንቱ ያዬዳ ድራዉ፥ አሳዉ ሄዋ ኦስነ አይነ ኦድበይክኖ።
\p ማጫ አሳቱ ቢደ፥ ባረንቶ ኦደቴዳባ ኡባ ጰጽሮሳዉነ አናና ደእያዋንቶ ቃንን ኦዴድኖ፤ ሄዋፐ ጉይያን፥ የሱስ ባረ ሁጰዉ ባረና ካልያዋንቱ ቦላ፥ መናዉ አሽያ ላመተና ጌሻ ምሽራቹዋ ቃላ፥ አዋይ ሞክያሳፐ ዉልያሳ ጋካናዉ ኪቴዳ።
\s1 የሱስ ማግዳላ ማይራምዉ ቤቴዳ
\r (ማቶሳ 28:9-10፤ ዮሃ. 20:11-18)
\p
\v 9 የሱስ ሀይቁዋፐ ደንዴዳዋፐ ጉይያን፥ ዎጋ ጋላስ ጉራ፥ ላፑ ኢታ አያናቱዋ ከሴዳ ማግዳላ ካታማፐ ዬዳ ማይራምዉ ካሰቲደ ቤቴዳ። 
\v 10 እዛ ባደ ካሰ አናና ደእያዋንቶ፥ ቃረቲድነ ዬኪደ ኡቴዳዋንቶ ኦዳዱ፤ 
\v 11 ሽን የሱስ ፓጻ ደእያዋነ እዝዉ ቤቴዳዋ ኡንቱንቱ ስሴዳ ዎደ፥ እዝ ኦዱዋ ቱማ ግበይክኖ።
\s1 የሱስ ላኡ ባረና ካልያዋንቶ ቤቴዳ
\r (ሉቃሳ 24:13-35)
\p
\v 12 ሄዋፐ ጉይያን፥ ኡንቱንቱፐ ላአቱ ካታማፐ ከሲደ ቢሽን፥ ኦግያን የሱስ ኮይሮዋፐ ዱማቲደ፥ ኡንቱንቶ ቤቴዳ። 
\v 13 ኡንቱንቱ ጉየ ስሚደ፥ ሀራቶ ኦዴድኖ፤ ሽን ሄዋንቱ ኡንቱንቱ ኦዱዋ ቱማ ግበይክኖ።
\s1 የሱስ ታማነ እት ባረና ካልያዋንቶ ቤቴዳ
\r (ማቶሳ 28:16-20፤ ሉቃሳ 24:36-49፤ ዮሃ. 20:19-23፤ ኪታ 1:6-8)
\p
\v 14 ጉየፐ ታማነ እት የሱሳ ካልያዋንቱ ቁማ ሚሽን፥ የሱስ ኡንቱንቶ ቤቴዳ። ኡንቱንቶ አማኑ ባይና ድራዉ፥ እ ኡንቱንታ ሴሬዳ፤ ቃይ ሀይቁዋፐ እ ደንዴዳዋ በኤዳዋንቱ ኡንቱንቶ ኦድና፥ ኡንቱንቱ አማነናን እጼዳ ድራዉነ ኦድና ስሰናዋንታ ግድያ ድራዉ፥ እ ኡንቱንታ ሴሬዳ።
\p
\v 15 እ ኡንቱንታ ሀዋዳን ያጌዳ፤ “አላምያ ኡባ ቢደ፥ አሳ ኡባዉ ዎንጋላ ምሽራቹዋ ቃላ ኦድተ። 
\v 16 አማኖዌነ ጻማቀቶዌ አታና፤ ሽን አማነናዋ ቦላ ጾሳይ ፕርዳና። 
\v 17 ታናን አማንያዋንቱ ሀ ማላታቱዋ ኦናዋንታ: ኡንቱንቱ ታ ሱንን ኢታ አያናቱዋ ከሳናዋንታ፤ ቃይ ኡንቱንቱ ዱማ ዱማ ኦራ ቃላን ሃሳያናዋንታ። 
\v 18 ኡንቱንቱ ሾሻ ኦይቆፐካ፥ ዎይ አያነ ዎያ ማርዝያ ኡሽንቶካ ኡንቱንታ ቆሄና። ቃይ ኡንቱንቱ ባረንቱ ኩሽያ ሀርጋንቻቱዋ ቦላ ዎና፤ ሄ ሀርጋንቻቱ ፓጻና” ያጌዳ።
\s1 የሱስ ሳሉዋ ፑደ ከሴዳ
\r (ሉቃሳ 24:50-53፤ ኪታ 1:9-11)
\p
\v 19 ጎዳ የሱስ ባረና ካልያዋንቱና ሃሳዬዳዋፐ ጉይያን፥ ጾሳይ አ ፑደ ሳሉዋ አፍና፥ ጾሳፐ ኡሸቻ ባጋና ኡቴዳ። 
\v 20 አ ካልያዋንቱ ቢደ፥ ኡባ ሳን ዎንጋላ ምሽራቹዋ ኦዴድኖ። ጎዳይካ ኡንቱንቱና እትፐ ኦ፤ ኡንቱንቱ ኦድያ ቃላይካ ቱማ ግዴዳዋ ኡንቱንቱ ኦያ ማላታቱዋን ኤርሴዳ።\f + \fr 16:20 \fr*\ft እት እት በን ጌሻ ማጻፋቱዋን ሀ ፓይዳቱ ባዋ።\ft*\f*