\id MIC - Dawuro Full Bible Ethiopic Version
\ide UTF-8
\h ሚክያሳ
\toc1 ሚክያሳ ትምቢትያ
\toc2 ሚክያሳ
\toc3 ሚክ.
\mt1 ሚክያሳ ትምቢትያ
\imt ገሉዋ
\ip ትምቢትያ ኦድያ ሚክያስ ኢስያሳ ዎደ ደኤዳ አሳ። እ የለቴዳዌ ገድሳ ባጋ ይሁዳ ካዉተ ግዶን ደእያ እት ጉ ጋጻረ ካታማና። አሞጽ ሁጲሳ ካዉተ ቦላ ባሻይ ያናዋ ኦዴዳዋዳን፥ ሚክያስካ ሄ ጋሶቱዋን ይሁዳ ካዉተ ቦላ ባሻይ ጋካናዋ ኦዴዳ። አሳይ ፕርዳ ጌላይያ፥ ሄ ሸነይያ ኦሱዋ ቦላ ጾሳይ ፕርዳ አሀናዋ ምንሲደ ኤርሴዳ። ግዶፐነ ሚክያሳ ትምቢትያ ቃላይ ስንፐ ሎኦባቱ ያናዉ ደእያዋ በስያ ዳሮ ማላታቱዋካ ጉጂደ ኦይቄዳ።
\ip ዱማዪደ ምንስ ጼላናዉ በስያ ክፍላቱ ጾሳ ሞዱዋ ጋርሳን ኩመን ሳአይ ሳሩዋ ደማናዋ (4:1-4)፤ ዳዊታ ካዉተ ቱራፐ ዎልቃማ ካቲ ደንዲደ፥ አሳዉ ሳሩዋ እማናዋ (5:2-4)፤ ሄዋዳንካ ቃይ እስራኤልያን ትምቢትያ ኦዴዳዋንቱ ቃላይ መጽ እት ጽቅስያን ኩሸትያዋ ኦድያዋንታ። ሄ ጽቅሲ ኦዲደ፥ “እ ኑፐ ኮይያዌ: ኑን ልከባ ኦናዋ፥ ኬካተይ ኩሜዳ ሲቁዋ በሳናዋነ ኑ ጾሳና ኩመን አሽከተን ሀመታናዋ” (6:8)።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ጎዳይ ባረ አሳ ሙራና \ior 1:1—2:11\ior*
\io1 2. ስን ህዶታ \ior 2:12-13\ior*
\io1 3. ጾሳይ ኢታ ካለያዋንታነ ዎርዶ ናባቱዋ ሙራና \ior 3:1-12\ior*
\io1 4. ኦራ እስራኤላትን ኦራ ጌሻ ጎልያ \ior 4:1—5:15\ior*
\io1 5. እስራኤልያ ናቁ ቆንጩሳ \ior 6:1—7:7\ior*
\io1 6. አሳይ ጾሳኮ ስሙሳ \ior 7:8-20\ior*
\c 1
\s1 ጎዳይ ባረ አሳ ሙራና
\r (1:1—2:11)
\p
\v 1 እዮኣታም፥ አካዝነ ህዝቂያስ ካል ካሊደ ይሁዳን ካተቴዳ ዎደ፥ ሞረሸታ ካታማ አሳ ግድያ ሚክያሳኮ ዬዳ መና ጎዳ ቃላይ ሀዋ፤ እ በኤዳ ሳጻይ ሳማርያዋነ የሩሳላመባ።\x - \xo 1:1 \xo*\xt 2 ካታ. 15:32—16:20፤ 18:1—20:21፤ 2 ኦዱዋ 27:1-7፤ 28:1—32:33\xt*\x*
\p
\v 2 ህንተኖ፥ አሳዉ ኡባዉ፥ ስስተ! ቃይ ሳአዉነ ሳኣን ደእያ ኡባ ገደ፥ ሀዋ ስስተ! ኡባ ሞድያ መና ጎዳይ ህንተ ቦላ ማርካቴ፤ እ ባረ ጌሻ ጌሻ ጎልያን ህንተዋ ሃሳየ። 
\v 3 በእተ፥ መና ጎዳይ ባረ ደእያ ጌሻ ሳኣፐ ዬ፤ ዱገ ዪደ፥ ደረቱዋ ሁጲያን ሀመቴ። 
\v 4 ኤሳ ሙቃዳይ ታማን ሴርያዋዳን፥ ደረቱ አ ገድያፐ ጋርሳና ሲላና፤ ኡንቱንቱ ደርያፐ ዛንጋራይ ዱገ ጎግያ ሃዳን ጎጋና።
\p
\v 5 ሀዌ ኡባይ ሀንያዌ ያቆባ ዛራቱዋ ባይዙዋ ግሻሳነ እስራኤልያ አሳ ናጋራ ግሻሳ። ያቆባ ዛራቱዋ ባይዞ ጋሱዋ ግዴዳዌ ኦኔ? ኡንቱንቱ ካታማ ሳማርያ ግደኔ? ይሁዳ አሳይ ጎይንያ ቃ ሳአይ ሀቄ? የሩሳላመ ግደኔየ? 
\v 6 ሄዋ ድራዉ፥ ጾሳይ ሀዋዳን ያጌ፤ “ታን ሳማርያ፥ ደምባን ኬለቴዳ ቡርጨ ሹቻነ ዎይንያ ቱራ ቶክያ ሳ ኦና። ቃይ ታን አ ሹቻ ቡርጭያ ዱገ ዛንጋራዉ ኦላና፤ አ ባሱዋካ ካሎያና። 
\v 7 አ ኤቃ ምስለቱ ኡባይ ክንቼታና፤ አ ኤቃ ጎልያን ኦያ ሻርሙጻቶ እመቴዳ ሻርሙጻ የዉ ኡባይ ታማን ጹገታናዋ፤ ታን አ ኤቃቱዋ ኡባ ይሳና። አያዉ ጎፐ፥ ሄ የዉ ኡባይካ ሻርሙጺደ ደሜዳዋ ግድያ ድራዉ፥ እካ ቃይ ስሚደ፥ ሀራ ሻርሙጻዉ እመታና” ያጌ።
\s1 ዬኩዋነ ዋሱዋ
\p
\v 8 ሄዋ ድራዉ፥ ታን ዬካናነ ዋሳና፤ ካሎ ጺራነ መላ ገድያን ሀመታና፤ ዎራካናዳን ዋሳና፤ ቃይ ሶጎንያዳንካ አየ ጋና። 
\v 9 አያዉ ጎፐ፥ ሳማርያ ማዱይ ፓጻናዉ ዳንዳየናዋ። ሄ ቱጋይ ይሁዳ ጋድያ ጋኬዳ፤ ቃይ ታ አሳይ ደእያ የሩሳላመ ካታማ ፐንግያካ ማቴዳ።
\p
\v 10 ጋተ ካታማን ደእያ ኑ ሞርከቶ ሄዋ ኦዶፕተ፤ ኡንቱንቱ ስንን ሙለ ዬኮፕተ። ቤት-ኦፍራ ካታማን ባናን ጎንዶረትተ። 
\v 11 ህንተኖ፥ ሻፊራ ካታማን ደእያዋንቶ፥ ካሎቲደ ዬላቲደ፥ ኦሞዶ ቢተ። ጻእናና ካታማን ደእያዋንቱ ያፐ ከሳናዉ ጻልክኖ። ቤት-ኤጼላ ካታማይ ዬኩ ደኢያሳ ግድያ ድራዉ፥ እ ህንተንቶ አትያሳ ግዳናዉ ዳንዳየና። 
\v 12 መቱ መና ጎዳፐ የሩሳላመ ፐንገ ጋካናዉ ዬዳ ድራዉ፥ ማሮታን ደእያ አሳይ፥ “ሎኦባይ ያንዴሻ!” ጊደ ናጊደ ዳቡሬዳ።
\p
\v 13 ህንተኖ፥ ላክሻ ካታማን ደእያዋንቶ፥ ጋርያ ጎችያ ፓራቱዋ ዋጽተ። የሩሳላመ አሳይ ናጋራ ኦናዳን ጋሱዋ ግዴዳዌ ህንተና፤ አያዉ ጎፐ፥ ጽዮነ አሳ ናጋራይ ኮይሮ ህንተ ቦላ ቤቴዳ። 
\v 14 ሄዋ ድራዉ፥ ህንተኖ ይሁዳ አሳቶ፥ ህንተ ቢደ፥ ሞረሸታ-ጋተ ካታማ አሳዉ እሞታ እማና። አክዚባ ካታማ አሳይካ እስራኤልያ ካተቱዋ ጭምያዋንታ ግዳና።
\p
\v 15 ህንተኖ፥ ማሬሻ ካታማን ደእያዋንቶ፥ መና ጎዳይ ህንተና ጾንያዋ ህንተ ቦላ አሀና፤ ቦንቼቴዳ እስራኤልያ ካለያዋንቱ አዱላማ ጎንጎሉዋን ቆሰታና። 
\v 16 ህንተኖ፥ ይሁዳ አሳቶ፥ ህንተ ሲቅያ ናናይ ህንተፐ ኦሞደቲደ ባናዉ ደእያ ድራዉ፥ ህንተ ሁጲያ ሜደትተ፤ ህንተ ሁጲያካ አንኩዋ ሁጲያዳን ቦአይተ።
\c 2
\s1 ህዬሳቱዋ ኡቁንያዋንቱ ቦላን ጋካናዉ ደእያ ኢታ ካጫ
\p
\v 1 ኢታባ ሀልችያዋንቶ፥ ቃይ ባረንቱ ሂጻን ደኢደ፥ ኢታባ ዎት ኦነንቶ ቆፕያዋንቶ አየ አና! ዎልቃይ ኡንቱንቱ ኩሽያን ደእያ ድራዉ፥ ሳአይ ዎንትያ ዎደ፥ ባረንቱ ሀልቹዋ ፖሊኖ። 
\v 2 ኡንቱንቱ ጎሻ ጋድያ አሞቶፐ፥ አሳዋ ዎልቃን አክ አጊኖ፤ ጎለቱዋ ኮዮፐካ አክ አጊኖ። አሳ ማታ የደ፥ አ ላታ ጮ ቦንቂኖ።
\p
\v 3 ሄዋ ድራዉ፥ መና ጎዳይ ሀዋዳን ያጌ፤ “በእተ፥ ታን ህንተ ቦላን ኢታባ አሀናዉ ሀልቻይ፤ ሄዋፐ ህንተ ከስ አካናዉ ዳንዳይክታ። ሄዌ ኢታ ዎደ ግድያ ድራዉ፥ ህንተ ኦቶረቲደ ስመረታናዉ ዳንዳይክታ። 
\v 4 ሄ ጋላስ ኡንቱንቱ ህንተ ቦላን ሌምስ ሌምሲደ ቅሊጫና፤ ቃይ ሀዋዳን ያግ ዝላሊደ፥ ህንተና ህዶታ ቃንጽሳና፤
\q1 “ኑን ኡባይካ ኡባና ዬዶ።
\q2 መና ጎዳይ ኑ ጋድያ አኪደ፥
\q2 ማካላንቻቶ ግሽ ግሺደ፥
\q2 እም ድጌዳ ያጋና” ያጌ።
\p
\v 5 ሄዋ ድራዉ፥ ጋድያ ኤጻን ግሽያ ዎደ፥ መና ጎዳ ሺቁዋ ግዶን ነ ሳማ ከስያ እት አሳይነ ደኤና።
\p
\v 6 አሳይ ታና ሀዋዳን ያጌ፤ “ኑ ቦላ ትምቢትያ ኦዶፓ። ‘ሀዌ ሀዌ ህንተ ቦላ ሀናና’ ጊደ ኦንነ ሃሳያናዉ ኮሸና። ሄዋ ማላ ካዉሻይ ኑ ቦላ ሙለካ ዬና” ያጊኖ።
\p
\v 7 ታን ኡንቱንታ፥ “ህንተኖ ያቆባ ዛረቶ፥ ‘መና ጎዳ አያናይ ዳንዳያንቻ ግደኔየ? እ ሄዋ ማላባ ኦየ?’ ያጊደ ህንተ ኦቻናዉ በሲ?” ያጋድ።
\p ጾሳይ ሀዋዳን ያጌ፤ “ሱረ ኦግያን ብያዋንቶ ታ ቃላይ ሎኦባ ኦ ግደኔ? 
\v 8 ሽን ማታ ዎድያፐ ዶሚደ፥ ታ አሳይ እቱ እቱዋ ቦላ ሞርክያዳን ደንዴዳ። ህንተ ሳሮ አሳቱዋ ማዩዋ፥ ኦላ ቆፋይ ሙለካ ባይናን አማነቲደ አያ አሳቱዋ ማዩዋ ቃር አኪታ፤ 
\v 9 ታ አሳ ግዶን ደእያ ማጫ አሳቱዋ ኡንቱንቱ ሎኦ ጎልያፐ ላግ ከሲታ፤ ታ አንጁዋካ ኡንቱንቱ ናናቱ ቦላፐ መናዉ አክ ድጊታ። 
\v 10 ደንዲደ ቢተ! ሀዌ ህንተንቶ ሸምፕያ ሳ ግደና። አያዉ ጎፐ፥ ሀ ሳአይ ቱናተፐ ደንዴዳዋን ዳሮ ባዬዳ።
\p
\v 11 “እት ጭምያ ዎርዳንቻይ ዪደ፥ ‘ህንተዉ ስንፐ ዎይንያ ኤሳይነ ማይያ ኡሻይ ጉፈታና’ ያጊደ ዎርዱዋ ትምቢትያ ኦድንቶ፥ እ ህንተንቶ ትምቢትያ ኦድያዋ ግዳና።
\s1 ስን ህዶታ
\r (2:12-13)
\p
\v 12 “ህንተኖ፥ ያቆባ ዛረቶ፥ ታን ህንተና ኡባካ ሺሻና፤ ታን እስራኤልያ አሳፐ አቴዳዋንታ ቱሙዋፐ ኡባካ ሺሻና። ዶርሳቱ ካሉዋን ሺቅያዋዳንነ ዶርሳ ዉዲ ሄን ጋደን ሺቅያዋዳን፥ ታን ኡንቱንታ እትፐ ሺሻደ ዎና። ሄ ሳአይ ዳሮ አሳ ሻባረቱሳን ኩማና። 
\v 13 ኡንቱንታ ከስያዌ ኡንቱንቱፐ ስንቲደ ከሳና፤ ኡንቱንቱካ ፐንግያ መንደ፥ ሄዋና ከሲደ ባና። መና ጎዳይ ባረ ሁጲያን ኡንቱንቶ ካትያ ግዲደ፥ ኡንቱንታ ስንዉ አደ፥ ኡንቱንታ ካለና” ያጌ።
\c 3
\s1 ጾሳይ ኢታ ካለያዋንታነ ዎርዶ ናባቱዋ ሙራና
\r (3:1-12)
\p
\v 1 ታን ሀዋዳን ያጋድ፤ “ህንተኖ፥ ያቆባ ዛራቱዋ ካፓቶነ እስራኤልያ አሳ ካለያዋንቶ፥ ስስተ! ህንተ ሱረ ፕርዳ ኤራናዉ ህንተንቶ በሰኔየ? 
\v 2 ህንተ ሎኡዋ እጺደ፥ ኢታ ዶሲታ። ታ አሳፐ ኡንቱንቱ ጋልባ ቃሪታ፤ ኡንቱንቱ አሹዋካ ኡንቱንቱ መቀፐ ሻኪታ። 
\v 3 ህንተ ታ አሳ አሹዋ ሚታ፤ ኡንቱንቱ ጋልባካ ኡንቱንቱፐ ቃሪታ፤ ኡንቱንቱ መቀ መንሬደ፥ ኡንቱንቱ አሹዋካ ጻሩዋን የጋናዉ ሙጽያዋዳን ሙጸረቲታ” ያጋድ።
\p
\v 4 ሄ ዎደ ኡንቱንቱ መና ጎዳኮ ዋሳና፥ ሽን እ ኡንቱንቶ ዛረና፤ እ ባረ ዴሙዋ ሄ ዎደ ኡንቱንቱፐ ቆሳና፤ አያዉ ጎፐ፥ ኡንቱንቱ ኢታ ኦሱዋ ኦድኖ።
\p
\v 5 ባረ አሳ ዎራ ካለያ ትምቢትያ ኦድያዋንቱባ መና ጎዳይ ሀዋዳን ያጌ፤ “ህንተዉ ምያዋ እምያ ዎደ፥ ‘ነዉ ሳአይ ሳራ’ ያጊታ፤ ሽን ህንተና ቁማ ምዘናዋ ቦላ ኦላ አዋዪታ። 
\v 6 ሄዋ ድራዉ፥ ህንተንቶ ጋላሳይ ቃማ ግዳናፐ አትና፥ ሳፃ በእክታ፤ ሳአይካ ማናፐ አትና፥ ላኤን ሙሩንክታ። ትምቢትያ ኦድያዋንቶ አዋይ ዉልና፥ ጋላሳይ ማና። 
\v 7 ሳፃ በእያዋንቱ ዬላታና፤ ሙሩንያዋንቱካ ካዉሻና። ጾሳ ማታፐ ኡንቱንቶ ዛሩ ባይና ድራዉ፥ ኡንቱንቱ ዬላቲደ፥ ኡባይካ ባረንቱ ዶና ኦይቃና” ያጌ።
\p
\v 8 ሽን ታና ግዶፐ፥ ታን ያቆባ ዛረቶ ኡንቱንታ ባይዙዋ፥ እስራኤልያ አሳስካ ኡንቱንቱ ናጋራ ኦዳና ማላ፥ ዎልቃን፥ መና ጎዳ አያናን፥ ሱረ ፕርዳንነ ምኖተን ኩማድ። 
\v 9 ህንተኖ፥ ሱረ ፕርዳ እጽያነ ስታ የዉዋካ ዶቂያዋንቶ ያቆባ ዛራቱዋ ካፓቶነ እስራኤልያ አሳ ሞድያዋንቶ፥ ሀዋ ስስተ። 
\v 10 ህንተ ጽዮነ ካታማ ሱ ጉሲደ ኬጺታ፤ የሩሳላመ ካታማካ ማካላን ኬጺታ። 
\v 11 አ ካፓቱ ማታይያን ፕርዲኖ፤ አ ቄሳቱ ድርጉዋን ታማርሲኖ፤ ቃይ አ ትምቢትያ ኦድያዋንቱካ ሚሻ ቃንጽና ሙሩኒኖ። ሽን ያቲደካ፥ “መና ጎዳይ ኑ ግዶን ደኤ ግደኔ? ኑ ቦላ አያ ኢታባይካ ዬና” ያጊደ መና ጎዳን አማነቲኖ። 
\v 12 ሄዋ ድራዉ፥ ህንተ ጋሱዋን ጽዮነ ደርያ ሾይቃዳን ጎሸታና፤ የሩሳላመ ካታማይካ ኮለቲደ እትሳን ዶረቴዳ ሱፓ ሹቻ ግዳናዋ። ጌሻ ጎልያ ኬጸቴዳ ሳአይካ ዎራ ግዳናዋ።\x - \xo 3:12 \xo*\xt ኤር. 26:18\xt*\x*
\c 4
\s1 ኦራ እስራኤላትን ኦራ ጌሻ ጎልያ
\r (ሆሰ 4:1—5:15)
\p
\v 1 ዉርሰ ጋላሳቱዋን መና ጎዳ ጌሻ ጎልያ ኬጸቴዳ ደሪ ደረቱዋ ኡባፐ ቂደ ቤታና፤ ከራ ኡባቱዋፐካ ቦላና ቁ ቁ ጋና። ጋድያ አሳይ አኮ ዛታና። 
\v 2 ዳሮ ካዉተቱዋ አሳይ ዪደ፥ “ሃይተ፤ መና ጎዳ ደርያ፥ ያቆባ ጾሳ ጌሻ ጎልያ አነ ፑደ ከሶይተ። እ ኮይያዋዳን ኑን ባና ማላ፥ እ ኑና ባረ ኦግያ ታማርሳና” ያጋና። አያዉ ጎፐ፥ ህጊ ጽዮነፐ፥ መና ጎዳ ቃላይካ የሩሳላመፐ ከሳና። 
\v 3 እ ዳሮ አሳቱ ግዱዋን ፕርዳና፤\x - \xo 4:3 \xo*\xt ኢዩ. 3:10\xt*\x* ሃኩዋን ደእያ ምኖ ካዉተቱዋ ፓሉምያካ ሻካና። ኡንቱንቱ ባረንቱ ማሻ ማራሻ፥ ባረንቱ ቶራካ ባጫ ከሳናዉ ቆጻና፤ ካተተይ ካዉተ ቦላ ማሻ ደንና። ሀዋፐ ጉይያን፥ ኡንቱንቱ ኡባና ኦላ ትምርትያ ታማርክኖ። 
\v 4 ሽን አሳይ ኡባይ ባረ ዎይንያ ቱራ ኩዋንነ ባላስያ ኩዋን ዎፑ ጊደ ኡታና፤\x - \xo 4:4 \xo*\xt ሶፎ. 3:10\xt*\x* አይ አሳይነ ኡንቱንታ ያሽሰና። አያዉ ጎፐ፥ ኡባፐ ዎልቃማ መና ጎዳይ ሀዋ ሃሳዬዳ።
\p
\v 5 አሳይ ኡባይ ባረ መና ጎዳ ጾሳ ሱንን ሀመታና፤ ሽን ኑን መና ጎዳ ኑ ጾሳ ሱንን መፐ መናዉ ሀመታና።
\s1 እስራኤልያ አሳይ ኦሞዱዋፐ ስማና
\p
\v 6 መና ጎዳይ ሀዋዳን ያጌ፤ “ሄ ጋላስ ታን ዎባቱዋ ሺሻና፤ ቃይ ኦሞዱዋን ሃኮ ሳኣ ቤዳዋንታነ ታን ቱጋዬዳዋንታካ ሺሻና። 
\v 7 ታን ዎባቱዋ ዉሪደ አቴዳ አቶዋንታ ኦና፤ ቃይ ኦሞዱዋን ሃኮ ሳኣ ቤዳዋንታካ ምኖ ካዉተ ከሳና። ሄ ዎድያፐ ዶማደ መና ጋካናዉ፥ ታን መና ጎዳይ ጽዮነ ደርያን ኡንቱንቱ ቦላ ካተታና” ያጌ።
\p
\v 8 ኔኖ፥ መና ጎዳ አሳ ዎችያ የሩሳላመ ቃ ግምቢያዉ፥ ነዉ ካሰ ነ ሞድያ ማታይ፥ ቃይ የሩሳላመ ካዉተ ዛዋይ ኡባይካ ስማና።
\p
\v 9 ሀእ ኔን ኮሻ ቁ ኦደ ዋስያዌነ የሉ ኦይቄዳ ምሽራቲዳን ኡንኤያዌ አያሴ? ነዉ ካቲ ባይና ግሻሴየ? ዎይ ኔና ዞርያዌ ዬዳ ድራሴ? 
\v 10 ህንተኖ፥ ጽዮነ አሳቶ፥ የሉ ኦይቄዳ ምሽራቲዳን ኦሊደ ጎንዶረትተ። አያዉ ጎፐ፥ ህንተ ካታማፐ ከስያዌ አተና፤ ከሲደ ደምባን ደአና፤ ሄዋፐካ ባብሎነ ባና። ግዶፐነ፥ ያን ህንተ አታና፤ መና ጎዳይ ህንተና ህንተ ሞርከቱዋ ኩሽያፐ ዎዛና።
\p
\v 11 ሽን ሀእ ዳሮ ካዉተቱ ነ ቦላ ሺቄድኖ፤ ሺቂደ፥ “የሩሳላመ ቱኖ፤ ኑ አይፊካ ጽዮነ ደረቆ” ያጊኖ። 
\v 12 ሽን ኡንቱንቱ መና ጎዳ ቆፋ ኤርክኖ፤ አ ሀልቹዋካ አኬክክኖ። ካ ቡክያ ኡዱማዉ ሺሼዳ ምርቂያዳን፥ መና ጎዳይ ኡንቱንታ ሙራናዉ ሺሼዳ።
\p
\v 13 ህንተኖ፥ የሩሳላመ አሳቶ፥ ደንድተ፤ ደንዲደ፥ ህንተ ሞርከቱዋ ቆጽተ። ታን ህንተ ካጭያ ብራታ፥ ህንተ ቅንጫፍልያካ ናሃሰ ኦና። ህንተ ዳሮ ካዉተቱዋ ክንቼሬና፤ ኡንቱንቱ ሱገን ሺሼዳባ ኡባ ህንተ መና ጎዳዉ ዱማያና፤ ህንተ፥ ኡንቱንቱ አቁዋካ ሳኣ ኡባ ጎዳዉ እማና ያጌ።
\c 5
\p
\v 1 ህንተኖ፥ የሩሳላመ አሳቶ፥ ህንተ ኦላንቻቱዋ ሺሽተ! አያዉ ጎፐ፥ ኑን ሞርከቱዋን ዳደቴዳ፤ ኡንቱንቱካ እስራኤልያ ካለያዋ ጋፓታ ጋትማን ሾጫናዉ ሀኒኖ።
\s1 ቤተሌመፐ ካለያዌ ከሳናዌ ትምቢትያን ኦደቴዳ
\p
\v 2 መና ጎዳይ ሀዋዳን ያጌ፤ “ኔኖ ኤፍራታ፥ ቤተሌመ ካታማዉ፥ ኔን ይሁዳ ካታማቱዋ ግዶን ጉ፤ ሽን አዉ ደንዱ በንፐ ዶሚደ፥ መናፐ ግዴዳዌ፥ እስራኤልያ አሳ ሞድያዌ ታዉ ኔፐ ከሳና” ያጌ።\x - \xo 5:2 \xo*\xt ማቶሳ 2:6፤ ዮሃ. 7:42\xt*\x*
\p
\v 3 ሄዋ ድራዉ፥ የሉዋ ኦይቀትያ ምሽራታ ሄ ናኣ የላና ጋካናዉ፥ መና ጎዳይ እስራኤልያ አሳ ሞርከቱዋ ኩሽያን አደ እማና። ሄዋፐ ጉይያን፥ ኦሞዱዋን ደእያ አ እሻቱ ስሚደ፥ ባረንቱ አሳና ዋላከታና። 
\v 4 እ ያና፤ መና ጎዳ ምኖተን፥ መና ጎዳ ባረ ጾሳ ሱን ግታተን ባረ አሳ ሄማና። እ ሳኣ ጋጻ ጋካናዉ ዎልቃማ ግድያ ድራዉ፥ ኡንቱንቱ ሳሮተን ደአና። 
\v 5 እ ኡንቱንቶ ሳሮተ ግዳናዋ።
\s1 መና ጎዳይ እስራኤልያ አሳ አሻናነ ኡንቱንቱ ሞርከቱዋካ ይሳና
\p አሶረ ጋድያ አሳቱ ኑ ጋድያ ዎራጅያ ዎደነ ኑ ጌሱዋካ የደርሲደ ገልያ ዎደ፥ ኑን አሳ ሄማናዉነ ካለናዉ ግድያነ ግዲደ ፓላህያ አሳ ደንደ፥ ኡንቱንቱና ኦላ ጋከታና። 
\v 6 ኡንቱንቱ አሶረ ጋድያ ኦላን ጾናና፤ ቃይ ሄ ጋድያን ደእያ ናምሩድ ኬጼዳ ጋድያ ሞዳና። አሶረ ጋድያ አሳቱ ኑ ጋድያ ዎራጅያ ዎደነ ኑ ዛዋካ የያ ዎደ፥ ኑ ጋድያ ሞድያዌ ኑና ኡንቱንቱፐ አሻና።\x - \xo 5:6 \xo*\xt ዶመ 10:8-11\xt*\x*
\p
\v 7 ያቆባ ዛራቱ አትያዋንቱ ዳሮ ጋደ አሳ ግዶን መና ጎዳይ ኪቴዳ ጮኩዋ ማላነ ማታ ቦላን ዎያ ፑስያ ማላ ግዳናዋ። ጮኩነ ፑስ ያናዉ አሳ አዛዙዋ ናገናዋዳን፥ እስራኤልያ አሳይካ መና ጎዳፐ አትና፥ አሳ ናገና። 
\v 8 ያቆባ ዛራቱ አትያዋንቱ ካዉተቱዋ ግዶን፥ ዳሮ አሳ ግዶን፥ ባዙዋ ዶአቱዋ ግዶን ደእያ ጋሙዋ ማላነ ዶርሳ ዉድያ ግዶን ደእያ ዎዳላ ጋሙዋ ማላ ግዳናዋ። እ ሄዋና ካንያ ዎደ የረረቴነ መንሬ፤ ኦንነ አሻናዉ ዳንዳየና። 
\v 9 ነ ኩሺ ኔናና ኤቀትያዋንቱ ቦላ ደንዳና፤ ነ ሞርከቱ ኡባይካ ያና።
\p
\v 10 መና ጎዳይ ሀዋዳን ያጌ፤ “ሄ ጋላስ ታን ነ ፓራቱዋ ነ ግዶፐ ይሳና፤ ነ ፓራ ጋረቱዋካ መንሬና። 
\v 11 ታን ነ ጋድያ ካታማቱዋ ይሳና፤ ነ ጌሱዋካ ኡባ ላላና። 
\v 12 ቃይ ነ ካዩዋ ታን ይሳና፤ ሙሩንያዋንቱካ ሀዋፐ ስንናዉ ነ ግዶን ደእክኖ። 
\v 13 ታን ነ ኤቃ ምስለቱዋነ ነ ጎይናናዉ ኤሴዳ ሹቻቱዋ ነ ግዶፐ ይሳና፤ ሀዋፐ ስንናዉ ኔን ነ ኩሽያን መዳባዉ ጎይናካ። 
\v 14 ታን አሼሮ ግያ ጾሳት ምስልያ ነ ግዶፐ ቆላና፤ ነ ካታማቱዋካ ይሳና። 
\v 15 ታዉ አዛዘትቤና ካዉተቱዋ ቦላ ይሉዋንነ ሀንቁዋን ታን ሀሉዋ ከሳና” ያጌ።
\c 6
\s1 እስራኤልያ ናቁ ቆንጩሳ
\r (6:1—7:7)
\p
\v 1 መና ጎዳይ እስራኤልያ አሳና ሞተትያዋ ስስተ።
\p “ደንዳ! ደንዳደ ቃ ደረቱዋ ስንን ፕርደታ፤ ኔን ግያዋ ደረቱካ ስስኖ። 
\v 2 ህንተኖ ደረቶ፥ ህንተኖ፥ ሳአይ ኤቄዳ ምኖ ባሶቶ፥ መና ጎዳይ ሞትያ ሞቱዋ ስስተ። መና ጎዳይ ባረ አሳና ሞተቴ፤ እስራኤልያ አሳና እ ፓሉመቴ።”
\p
\v 3 መና ጎዳይ ኡንቱንታ ሀዋዳን ያጌ፤ “ታ አሳዉ፥ ታን ህንተና ዋታድታ? ታን ህንተንቶ ዋናደ ቶኩዋ ግዳድታ? አነ ታዉ ኦድተ! 
\v 4 ታን ህንተና ግብጼ ጋድያፐ ከሳድ፤ ቃይ ህንተና አይለተፐ ዎዛድ። ህንተና ካለና ማላ ሙሳ፥ አሮናነ ሚርያሞ ህንተዉ ኪታድ።\x - \xo 6:4 \xo*\xt ከሳ 4:10-16፤ 12:50-51፤ 15:20\xt*\x* 
\v 5 ታ አሳዉ፥ ሞኣባ ካትያ ባላቅ ሀልቼዳዋነ ብኦራ ናአይ ባላም አዉ ዛሬዳዋ ሀሳያ። ሺጽማ ግያ ሳፐ ገልጋል ኔን ብያ ዎደ፥ ኦግያን ሀኔዳዋ አነ ሀሳያ። ሄዋ ሀሳዮፐ፥ ታን መና ጎዳይ ኔና አሻናዉ ኦዳ ኦሱዋ ኔን አኬካና” ያጌ።\x - \xo 6:5 \xo*\xt ፓይ. 22:2—24:25፤ ኢያሳ 3:1—4:19\xt*\x*
\s1 መና ጎዳይ ባረ አሳፐ ኮይያዋ
\p
\v 6 መና ጎዳ፥ ቃ ሳኣን ደእያ ጾሳ ስንን ጎይናናዉ ያደ ታን አያ አካደ ሺቆ? አዉ ጹገትያ ያርሹዋ ግዳና ማላ፥ እት ላይ ግዴዳ ኮሩማቱዋ አካደ፥ አ ስን ዮሻ? 
\v 7 መና ጎዳይ ሻአ ዶርሳ ኦርገቱዋን ዎይ ታሙ ሻአ ሻፋቱዋን ደእያ ሃ ኬሻ ዎጋራ ዛይትያን ናሸታንዴ? ታ ናቁዋ ድራዉ፥ ታ ባይራ ናኣ፥ ታ ሸምፑዋ ናጋራ ግሻዉካ ታ የሉዋ እሞሻ?
\p
\v 8 ሀይ አሳዉ፥ መና ጎዳይ ነዉ ሎኦባ ኦድ ዎዳቴ። መና ጎዳይ ኔፐ ኮይያዌ አዬ ጎፐ፥ ኔን ሱረባ ኦናዋ፥ አገና ሲቁዋ በሳናዋነ አሽከተን ነ ጾሳና ሀመታናዋ።
\p
\v 9 መና ጎዳዉ ያይያዌ አዳ ኤራተ። የሩሳላመ ካታማ አሳ ጾሳይ ሀዋዳን ያጌ፤ “ሙራና ጋትማነ ሄ ጋትማ ጊግሴዳዌካ ኦነንቶ አኬክተ። 
\v 10 ናጋራንቻ ጎልያን ደእያ ናጋራን ሺሼዳ ሻሉዋነ ታ እጽያ ዎርዶ ማክያ ሚሻቱዋ ታን ዶጋኔየ? 
\v 11 ያትና፥ ሀ ዎርዶ ሚዛናን ልክያዋነ ዎርዶ ሚሻን ማክያ አሳ ናጋራ ታን ዋታደ አቶ ጋናዉ ዳንዳያይታ? 
\v 12 ሄ ካታማ ዱረቱ ማካላን ኩሜዳዋንታ፤ አን ደእያ አሳይ ኡባይ ዎርዱዋ። ኡንቱንቱ ዶና ግዶን ደእያ ኡንቱንቱ እንጻርሳይካ ባረ ሁጲያዉ ጌላ።
\p
\v 13 “ሄዋ ድራዉ፥ ታን ህንተ ናጋራ ጋሱዋን ህንተና ይሳናዉነ ድጋናዉ ደንዳድ። 
\v 14 ህንተ ማና፥ ሽን ካልክታ፤ ናፍሳይካ ህንተፐ ዱጸና። ህንተ ቡሪደ ሺሻና፥ ሽን ህንተንቶ ዳጋተና፤ ህንተ ዳጋዬዳዋካ ታን ኦላ የዳደ ይሳና። 
\v 15 ህንተ ካ ዘራና፥ ሽን ጋክና ጫክክታ፤ ዎጋራ ቴራ ጉምአና፥ ሽን ሄ ዛይትያ ኦከትክታ፤ ዎይንያ ቴራካ ህንተ ጉምአና፥ ሽን አ ኤሳ ኡሽክታ። 
\v 16 ህንተ ካትያ ኦምራ ዎጋ፥ አ ናኣ ካትያ አካባ ጎለ ኢታ ኦሱዋነ ኡንቱንቱ ዞርያ ካሌዳ ድራዉ፥ ታን ህንተና ይሳና፤ ታን ህንተና አሳይ ኡባይ ቦርያባ ኦና። አሳይ ኡባይ ህንተና ሸቂያ ሸቃካ ህንተ ቶካና” ያጌ።\x - \xo 6:16 \xo*\xt 1 ካታ. 16:23-34፤ 21:25-26\xt*\x*
\c 7
\s1 እስራኤልያ አሳ ቱናተ
\p
\v 1 አየ አና ታኖ! ታን ቴራይ ማጸት ዉር ክችና ዪደ፥ ዎይንያ ቱራፐነ ባላስያ ምፐ ባረ አሞቴዳዋ ደማናዉ ዳንዳይቤና ኮሻቴዳ ብታንያ ማላ ግዳ ክቻድ። 
\v 2 ጾሳ ዶስያ ኬካ አሳይ ጋድያን ሙለካ ባዋ፤ አሳ ጋርሳን ሱረ አሳይ ዬዳ። አሳይ ኡባይ አሳ ሱ ጉሳናዉ ዙጊድ ናጌ፤ ቃይ ኡባይካ ባረ እሻ ግትያን ኦይቃናዉ ካሌ። 
\v 3 ኡንቱንቱ ኩሸቱ ላኡካ ኢታባ ኦናዉ ሎህ ኡቴድኖ። ካፑነ ዳናይ ማታይያ ኦቺኖ፤ ዎልቃማ አሳቱ ባረንቱ አሞቴዳዋ ኦዲኖ፤ ኡንቱንቱ ኡባይካ እትፐ ኢታ ኦኖ። 
\v 4 ኡንቱንቱ ጋርሳን ኤበሎ ኬካ ግያዌ አጉን ማላ፤ ቃይ ኤበሎ ሱረ ግያዌ ጎምኦርያ ማላ። ጾሳይ ትምቢትያ ኦድያዋንቱ ባጋና ኦዴዳዋዳን፥ እ ባረ አሳ ሙሪያ ጋላሳይ ጋኬዳ፤ ኡንቱንቱ ሻቢረትያ ዎዲካ ሀአ።
\p
\v 5 ነ ሾሩዋ አማኖፓ፤ ነ ላግያካ አማነቶፓ። ኔን ቆማደ አቅያ ነ ማቻትዉካ ኦድያዋካ አኬካደ ኦዳ። 
\v 6 አያዉ ጎፐ፥ ናአይ ባረ አዉዋ ካ፤ ናታ ባረ ዳይ ቦላ፥ ናኣ ማቻታካ ባረ ቦሎታት ቦላ ደንድኖ፤ አዎ አዉ ሶ አሳይ ሞርከ ግዴ።\x - \xo 7:6 \xo*\xt ማቶሳ 10:35-36፤ ሉቃሳ 12:53\xt*\x*
\p
\v 7 ሽን ታና ግዶፐ፥ ታን ህዶታን መና ጎዳ ጼላሻና፤ ታና አሽያ ጾሳ ታን ናጋሻና፤ ታ ጾሳይ ታዋ ስሳና።
\s1 አሳይ ጾሳኮ ስሙሳ
\r (7:8-20)
\p
\v 8 ታ ሞርክያዉ፥ ታ መቱዋን ናሸቶፓ። ታን ኩንዶፐካ ደንዳና፤ ታን ማን ኡቶፐካ፥ መና ጎዳይ ታዉ ፖአና። 
\v 9 ታን ጾሳ ናቃድ፤ ሄዋ ድራዉ፥ እ ታዉ ሞተቲደ፥ ታ ፕርዳ ከሳና ጋካናዉ፥ ታን አ ሀንቁዋ ዳንዳያና። እ ታና ፖኡዋ ከሳና፤ ታንካ እ አሽያ አሹዋ በአና። 
\v 10 ሄ ዎደ ታ ሞርኪካ በአና፤ ቃይ ታና፥ “መና ጎዳይ ነ ጾሳይ ሀቃን ደኢ?” ያግ ያግ ቅሊጭያዌ ዬላ ማያና፤ እ ኦግያን ደእያ ኡርቃዳን የትሽንካ ታን ታ አይፍያን በአና።
\p
\v 11 ህንተኖ፥ እስራኤልያ አሳቶ፥ ህንተ ካታማ ግምቢያ ድርሳቱ ድረትያ ጋላሳይ ያና፤ ሄ ጋላስ ህንተ ዛዋይካ አካና። 
\v 12 ሄ ጋላስ ህንተ አሳይ ህንተኮ ስማና። ኡንቱንቱ አሶረ ጋድያፐ፥ ግብጼ ካታማቱዋፐ፥ ኤፍራጺሳ ሻፋ ሄራን ደእያ ሳአቱዋፐነ ቃይ ሃኮ ሳን ደእያ አባቱዋ ዶናፐነ ቃ ደረቱዋፐ ህንተኮ ስማና። 
\v 13 ሽን ቢታይ አን ደእያ አሳ ኢታተ ጋሱዋን አሳይ ባይና መላ ግዳና።
\s1 መና ጎዳይ እስራኤልያዉ ቃረቴዳ ቃረታ
\p
\v 14 ኔን ነ አሳ፥ አራዳ ቢታይ ዩሹዋን ደእያ ባዙዋን ባረካ ደእያ ነ ቡዞ ዶርሳ ዉድያ ነ ጋትማን ሄማ። ኡንቱንቱ ካሰዋዳንካ ባሳነንነ ጋላኣደን ሄመትኖ።
\p
\v 15 መና ጎዳይ፥ “ህንተ ግብጼ ጋድያፐ ከሴዳ ዎድያዳን፥ ታን ህንተና ማላልስያባ በሳና” ያጌ።
\p
\v 16 ካዉተቱ ኡባይ ሄዋ በኢደ ዬላታና፤ ኡንቱንቱ ዎልቃይካ ሀዳ ግድያ ድራዉ፥ ኡንቱንቱ ዬላቲደ፥ ባረንቱ ዶና ኦይቃና፤ ኡንቱንቱ ሀይይካ ቱላና። 
\v 17 ኡንቱንቱ ሾሻዳን፥ ቢታ ላጫና፤ ሳኣና ትራን ጎሸትያ መታቱዋዳን ኮኮሪደ፥ ባረንቱ ጌሱዋፐ ከሳና። ዎልቃማ ዳጋማን መና ጎዳኮ፥ ኑ ጾሳኮ፥ ስማና፤ ኡንቱንቱ ኔና ያዪደ ደአና።
\p
\v 18 ናቁዋ አቶ ያግያዌ፥ ባረ አሳ አቴዳዋንቱ ማካላ ፓይደናዌ ነ ማላ ጾሳይ ኦኔ? ኔን ሀንቁ ሀንቆሽን፥ መናዉ ደአ አጋካ፤ አያዉ ጎፐ፥ ኔን ነ አሳዉ ነ አገና ሲቁዋ በስያዋን ናሸታሳ። 
\v 19 ኔን ኑዉ ቃይካ ቃረታና፤ ኑ ናቁዋ ነ ገድያን የና፤ ኤ ኑ ናጋራካ አባ ጪሙዋን ኦላና። 
\v 20 ኔን በንፐካ ዶማደ ኑ ማይዛ አዋቶ ገፓደ ጫቄዳዋዳን፥ አብራሃማነ ያቆባ ዛረ ግዴዳ ነ አሳዉ ነ አማነትያዋነ ነ አገና ሲቁዋ በሳና።