\id MAT - Dawuro Full Bible Ethiopic Version
\ide UTF-8
\h ማቶሳ ምሽራቹዋ
\toc1 ማቶስ ጻፌዳ ምሽራቹዋ ቃላ
\toc2 ማቶሳ ምሽራቹዋ
\toc3 ማቶሳ
\mt1 ማቶስ ጻፌዳ
\mt2 ምሽራቹዋ ቃላ
\imt ገሉዋ
\ip ማቶስ ጻፌዳ ምሽራቹ፥ የሱስ ያና ጌተትያ ህዶታይ ካሰ ኦደት ኡቴዳ ልያ ግድያዋነ ጾሳይ ካሰ ኤጫ ጫቁዋን ባረ አሳዉ እሜዳ ህዶታ ቃላ ፖሌዳዌ የሱሳ ባጋና ግድያዋ ኦድያ ምሽራቹዋ ቃላ ኦይቄዳዋ። ሀ ምሽራቹዋ ቃላይ የሱስ ኡንቱንቱ ግዶን የለቲደ ድጬዳዌ አይሁዳቱ ጻላላሳ ግደናን፥ አላምያ ኡባን ደእያ አሳሳ።
\ip ማቶስ ጻፌዳ ምሽራቹዋ ቃላይ ዳሮ አኬካን ጻፈቴዳ ማጻፋ። የሱሳ የለታን ዶሚደ፥ እ ጻማቀቴዳዋነ እ ፓጨቴዳዋ ኦድ ስሚደ፥ ጋሊላን እ ቃላ ኦዴዳዋ፥ ታማርሴዳዋነ ሀርጋንቻቱዋ ፓዳዋ ኦዴ። ሄዋፐ ካሊደ የሱስ ጋሊላፐ የሩሳላመ ቤዳዋነ እ ሀ አላምያን ጋምኤዳ ዉርሰ ሳምንታን ሀኔዳ የዋቱዋ ቆንጭሴ። ሄዋንቱካ እ ካቀቶዋ፥ ሀይቄዳዋነ ደንዴዳዋ ኦዲኖ።
\ip ሀ ምሽራቹዋ ቃላይ የሱሳ፥ ጾሳ ህግያ ብለ እማናዉ ማታይ ደእያዋነ ጾሳ ካዉተባ ኤርስያ ዎልቃማ ታማርስያዋ ኦደ ሺሼዳ። አ ትምርትያፐ ዳርያ ባጋይ፥ ዱማ ዱማ ኦግያን ጊገቴዳ እቼሹ ሳን ሻከቴ።
\ili 1. ጾሳ ካዉተን ደአና አሳ ኤሻ፥ ኦሱዋ፥ ማታነ ዉርሰ ካጫ ኦድያ ደርያ ቦላ ትምርትያ (ማቶሳ 5:1—7:28)።
\ili 2. ታማነ ላኡ የሱሳ ካልያዋንቱ ምሽራቹዋ ቃላ ታማርሳናዉ ቤዳ ዎደ ኡንቱንቶ እመቴዳ ካለዋ (ማቶሳ 10)።
\ili 3. ጾሳ ካዉተባ ታማርስሽን ሺቄዳ ዱማ ዱማ ሌምሳቱዋ (ማቶሳ 13)።
\ili 4. የሱሳ ካልያዋንቱባ ብል ኦድያ ትምርትያ (ማቶሳ 18)።
\ili 5. ሀእ ዎድያ ዉርሰነ ጾሳ ካዉተ ዩሳ ጼልያዋን እመቴዳ ትምርትያ (ማቶሳ 24-25)።
\iot ሸምፓቱዋ ኡባቶ እመቴዳ ቃን ቆፋቱዋ
\io1 የሱስ ክርስቶሳ ጉየ ዘረነ የለታ \ior 1:1—2:23\ior*
\io1 ጻማቅያ ዮሃንሳ ኦሱዋ \ior 3:1-12\ior*
\io1 የሱስ ጻማቀቶዋነ ፓጨቶዋ \ior 3:13—4:11\ior*
\io1 የሱስ ኦሱዋ ጋሊላን ዶሞዋ \ior 4:12—18:35\ior*
\io1 የሱስ ጋሊላፐ የሩሳላመ ቦዋ \ior 19:1—20:34\ior*
\io1 የሩሳላመንነ እዝ ዩሹዋን የሱሳ ዉርሰ ሳምንታ \ior 21:1—27:66\ior*
\io1 ኑ ጎዳ የሱሳ ደንዱዋነ ቆንጨ \ior 28:1-20\ior*
\c 1
\s1 የሱስ ክርስቶሳ የለታ ማራ
\r (ሉቃሳ 3:23-38)
\p
\v 1 ሀዌ ዳዊታ ዛርያነ አብራሃመ ዛረ ግዴዳ የሱስ ክርስቶሳ የለታ ኦድያ ማጻፋ።
\p
\v 2 አብራሃመ፥ ይሳቃ የሌዳ፤ ይሳቅ፥ ያቆባ የሌዳ፤ ያቆብ፥ ይሁዳነ አ እሻቱዋ የሌዳ። 
\v 3 ይሁዳይ ትእማርፐ ፓሬሳነ ዛራሀ የሌዳ፤ ፓሬሰ፥ ሄጽሮና የሌዳ፤ ሄጽሮነ፥ ራማ የሌዳ። 
\v 4 ራመ አምናዳባ የሌዳ፤ አምናዳበ፥ ናአሶና የሌዳ፤ ናአሶነ፥ ሰልሞና የሌዳ። 
\v 5 ሰልሞነ፥ ራኣቦ ጌተትያ ምሽራትፐ ቦኤዛ የሌዳ፤ ቦኤዝ፥ ኡሩቶ\x - \xo 1:5 \xo*\xt ኡሩቶ 4:18-22፤ 1 ኦዱዋ 2:13-15\xt*\x* ጌተትያ ምሽራትፐ እዮቤዳ የሌዳ፤ እዮቤደ፥ እሰይ የሌዳ። 
\v 6 እሰይ ካትያ ዳዊታ የሌዳ።
\p ካትያ ዳዊተ፥ ኦርያ ማቻትፐ ሶሎሞና የሌዳ። 
\v 7 ሶሎሞነ፥ ሮብኣማ የሌዳ፤ ሮብኣመ፥ አብያ የሌዳ፤ አቢ፥ አሳፋ የሌዳ። 
\v 8 አሳፈ፥ ዮሳፌጻ የሌዳ፤ ዮሳፌጸ፥ እዮራማ የሌዳ፤ እዮራመ፥ ኦዝያና የሌዳ። 
\v 9 ኦዝያነ፥ እዮኣታማ የሌዳ፤ እዮኣታመ፥ አካዛ የሌዳ፤ አካዝ፥ ህዝቂያሳ የሌዳ። 
\v 10 ህዝቂያሰ ምናሳ የሌዳ፤ ምናሰ፥ አሞጻ የሌዳ፤ አሞጸ፥ እዮስያሳ የሌዳ። 
\v 11 እስራኤልያ አሳይ ኦሞደቲደ፥ ባብሎነ ጋድያ ቤዳ ዎደ፥ እዮስያሰ እኮንያናነ\f + \fr 1:11 \fr*\ft ሄዋ ጉሳይ፥ ዮኣክና ግያዋ፤ ቃይ ፓይዱዋ 12 ደእያዎካ ብለይ እቱዋ።\ft*\f* አ እሻቱዋ የሌዳ።\x - \xo 1:11 \xo*\xt 2 ካታ. 24:14-15፤ 2 ኦዱዋ 36:10፤ ኤር. 27:20\xt*\x*
\p
\v 12 ባብሎነ ኦሞዱዋፐ ጉይያን፥ እኮንያናነ ሳላትያላ የሌዳ፤ ሳላትያለ፥ ዘሩባቤላ የሌዳ። 
\v 13 ዘሩባቤል፥ አብዩዳ የሌዳ፤ አብዩደ፥ ኤልያቄማ የሌዳ፤ ኤልያቄም፥ አዞራ የሌዳ። 
\v 14 አዞረ ሳዶቃ የሌዳ፤ ሳዶቀ፥ አኪማ የሌዳ፤ አኪመ ኤልዩዳ የሌዳ። 
\v 15 ኤልዩደ፥ አልኣዛራ የሌዳ፤ አልኣዛረ፥ ማታና የሌዳ፤ ማታነ፥ ያቆባ የሌዳ። 
\v 16 ያቆብ፥ ክርስቶሳ ጌተትያ የሱሳ የሌዳ ማይራሞ ኦቼዳ ዮሴፋ የሌዳ።
\p
\v 17 ስም የለታይ ኡባይ አብራሃሞፐ ዳዊታ ጋካናዉ ታማነ ኦይዱ የለታ፤ ዳዊተፐ ዶሚደ፥ አሳይ ባብሎነ ጋድያ ኦሞደቲደ ቤዳ ዎድያ ጋካናዉ ታማነ ኦይዱ የለታ፤ አሳይ ባብሎነ ጋድያ ኦሞደቲደ ቤዳ ዎድያፐ ክርስቶስ\f + \fr 1:17 \fr*\ft ክርስቶሳ፥ ግያዌ ግሪከ ቃላና ግዶደ፥ መስህ ጉሳይ እብራይስጸ ቃላና ግዲደ ላኡዋ ብለይካ “ኦከቴዳዋ” ጉሳ።\ft*\f* የለቴዳ ዎድያ ጋካናዉ ታማነ ኦይዱ የለታ።
\s1 የሱስ ክርስቶሳ የለታ
\r (ሉቃሳ 2:1-7)
\p
\v 18 የሱስ ክርስቶሳ የለታይ ሀዋ ማላ፤ አ ዳያ ማይራማ ዮሴፎ ኦሸታ ቃሸታ ኡታዱ። ሄ ዎደ ዮሴፎና ጋከተናን ደኣደ፥ ጌሻ አያናን ሻሃራዱ። 
\v 19 እዞ ጊግስ ዎዳ ዮሴፎ ጽሎ አሳ\f + \fr 1:19 \fr*\ft ዮሴፎ ጽሎ አሳ ግያ ቆፋዉ ሄዙ ኦግያን ብለይ እመታና ዳንዳዬ: 1. ጾሳባዉ ኡባዉ ኤኖ ጊደ አዛዘትያ አሳ፤ አማልያ ሎኦ አሳ። 2. ጋራ (ቃረታንቻ)። 3. ሎኡዋ። ሄዋ ጉሳይ፥ ኡባ ካላ ሎኦባ ኦያ አሳ ጉሳ።\ft*\f* ግዴዳ ድራዉ፥ እዞ ካዉሻናዉ ኮይቤና፤ ኢባ ቆንጭሰናን እዞ አጋናዉ ቆፔዳ። 
\v 20 ሽን እ ሄዋ ቆፕሽን፥ ጎዳ ኪታንቻይ አኩሙዋን\f + \fr 1:20 \fr*\ft አኩሙዋን ጉሳይ፥ ጮካ ጎኤና አኩሙዋ ግደናዳን አይሁዳቱዋ አኩሙዋ ጉሳይ፥ ጾሳይ ልከ ቆንጭያ ኦግያ።\ft*\f* አናና ጋከቲደ፥ “ዳዊተ ናኣ ዮሴፎ፥ ማይራማ ጌሻ አያናን ሻሃሬዳ ድራዉ\f + \fr 1:20 \fr*\ft ጌሻ አያናን ሻሃሬዳ ድራዉ፥ ጉሳይ እዛ ሀዋ ጋካናሽን የለታናዳን ናግያ ናአይ፥ ጾሳ ጌሻ አያናፐ ዬ ጉሳ።\ft*\f* እዞ አካናዉ ያዮፓ። 
\v 21 እዛ አቱማ ናኣ የላናዉኑ፤ ኔንካ፥ እ አሳ ናጋራፐ አሽያ ድራዉ አ ሱን የሱሳ ጋደ ጼሳናሳ” ያጌዳ።\x - \xo 1:21 \xo*\xt ሉቃሳ 1:31\xt*\x*
\p
\v 22-23 ቃይ ጎዳይ ናብያ ባጋና፥ “ወዶራታ ሻሃራናዉኑ፤ ናኣካ የላናዉኑ፤ አ ሱንይካ አማኔላ ጌተታናዋ” ያጌዳዌ ፖለታና ማላ፥ ሀዌ ኡባይ ሃኔዳ፤ “አማኔላ” ያግያዌ፥ “ጾሳይ ኑናና ደኤ” ያግያዋ።\x - \xo 1:22-23 \xo*\xt ኢሳ. 7:14\xt*\x*
\p
\v 24 ዮሴፎ ገምእሹዋፐ ቤጎቲደ፥ ጎዳ ኪታንቻይ ባረና አዛዞዋዳን፥ ማይራሞ ባረ ጎለ አፌዳ። 
\v 25 ሽን ናአይ የለታና ጋካናዉ ዮሴፎ እዝኮ ሺቅቤና፤ ቃይ ናኣካ የሱሳ ጊደ ሱንዳ።\x - \xo 1:25 \xo*\xt ሉቃሳ 2:21\xt*\x*
\c 2
\s1 ዶላሃ ባጋፐ ዬዳ ጾልንትያ ፓይድያ አሳቱዋ
\p
\v 1 የሱስ ይሁዳ ጋድያን ቤተሌመ ጌተትያ ካታማን ሄሮድሰ ካዉቲደ ደእያ ዎደ የለቴዳ፤ ሄዋፐ ጉይያን፥ ጾልንትያ ፓይድያ አሳይ\f + \fr 2:1 \fr*\ft ጾልንትያ ፓይድያ አሳ ጉሳይ፥ ኤረቴዳ ማራ ብለን ኤራንቻ አሳቱዋ ጉሳ።\ft*\f* አዋይፊ ዶልያ ባጋፐ የሩሳላመ ዪደ፥ 
\v 2 “አይሁዳ ካትያ ግዳናዉ የለቴዳ ናአይ ሀቃን ደኢ? ኑን አዋይፊ ዶልያ ባጋና ከሴዳ አ ጾልንትያ በኢደ፥ አዉ ጎይናናዉ ዬዶ” ያጊደ ኦቼድኖ።
\p
\v 3 ካትያ ሄሮድሰ፥ ሄዋ ስሲደ ዳጋሜዳ፤ የሩሳላመን ደእያ አሳይ ኡባይካ ዎዛና ባዬድኖ። 
\v 4 ሄሮድሰ ቄሳቱዋ ካፓቱዋ ኡባቱዋነ ሙሴ ህግያ ታማርስያዋንታ ጼሲደ፥ “ክርስቶስ ሀቃን የለታንዴሻ?” ያጊደ ኦቼዳ።
\p
\v 5-6 ኡንቱንቱ ዛሪደ፥ “ይሁዳ ጋድያን ቤተሌመ ካታማን የለታናዋ። ናቢ፥
\q1 “ ‘ይሁዳ ጋድያን ደእያ ቤተሌመ፥
\q2 ኔን ይሁዳ ጋድያን ደእያ ዎልቃማ ካታማቱዋፐ ላፋካ።
\q1 እስራኤልያ ሞድያዌ ኔፐ ከሳናዋ’
\m ጊደ ጻፌዳ” ያጌድኖ።\x - \xo 2:5-6 \xo*\xt ሚክ. 5:2\xt*\x*
\p
\v 7 ሄዋፐ ካላ፥ ሄሮድሰ አዋይፊ ዶልያ ባጋፐ ዬዳ አሳቱዋ ጌማን ጼሲደ፥ ጾልንቲ ኡንቱንቶ ቤቴዳ ዎድያ ኡንቱንቱፐ ጌሺደ ኤሬዳ። 
\v 8 ያቲደ ቤተሌመ ኡንቱንታ የዲደ፥ “ቢደ ናኣ ሎይ ኮይተ፤ አ ደሜዳ ዎደ ታንካ ባደ አዉ ጎይናናዳን፥ ታናካ ኤርስተ” ያጌዳ።
\p
\v 9 ኡንቱንቱ ካቲ ጌዳዋ ስስ ቢደ ኦግያን አዋይፊ ዶልያ ባጋና ኡንቱንቱ ካሰ በኤዳ ጾልንትያ በኤድኖ፤ ናአይ ደኢያሳ ጋኪደ ኤቃና ጋካናዉ፥ ጾልንቲ ኡንቱንታ ካለዳ። 
\v 10 ኡንቱንቱ ሄ ጾልንትያ በኤዳ ዎደ፥ ዛዋይ ባይና ዳሮ ናሸቻ ናሸቴድኖ። 
\v 11 ጎለ ገሊደ፥ ናአይ ባረ ዳይ ማይራምና ደእያዋ በኤድኖ፤ ጉልባቲደ አዉ ጎይኔድኖ፤ ሄዋፐ ካላ፥ ባረንቱ ሳጽንያ ዶዪደ፥ ዎርቃ፥ እጻናነ ካዋራ\f + \fr 2:11 \fr*\fq እጻናነ ካዋራ፦ \fq*\ft እጻናይ፥ ማድያ ልያ ግዲደ፥ ታማን የግያ ዎደ ሳዋናሳ፤ ካዋራይካ ሳዎ ማድያ ልያ ግዲደ ሽቱዋዳን ማዴ።\ft*\f* አዉ እሞታ ሺሼድኖ።
\p
\v 12 ኡንቱንቱ ሄሮድሳኮ ስመና ማላ፥ ጾሳይ አኩሙዋን ኡንቱንታ፥ “ህንተና ኤርተ” ጊና ሀራ ኦግያና ባረንቱ ጋደ ስሜድኖ።
\s1 ግብጼ በቱሳ
\p
\v 13 ኡንቱንቱ ቤዳዋፐ ጉይያን፥ ጎዳ ኪታንቻይ አኩሙዋን ዮሴፎ ቤቲደ፥ “ሄሮድሰ ናኣ ዎናዉ ኮይያ ድራዉ፥ ደንዳደ ናኣነ አ ዳዮ አካደ ግብጼ ጋድያ በታ፤ ታን ነዉ ኦዳና ጋካናዉ፥ ያን ደአሻ” ያጌዳ።
\p
\v 14-15 ዮሴፎ ቃማ ደንዲደ፥ ናኣነ አ ዳዮ አኪደ፥ ግብጼ ጋድያ ቤዳ፤ ጎዳይ ናብያ ባጋና፥ “ታን ታ ናኣ ግብጼ ጋድያፐ ጼሳድ” ያጌዳዌ ፖለታና ማላ፥ ሄሮድሰ ሀይቃና ጋካናዉ እ ያን ደኤዳ።\x - \xo 2:14-15 \xo*\xt ሆሰ 11:1\xt*\x*
\s1 ሄሮድሰ ቄር ናና ዎሴዳ
\p
\v 16 ሄዋፐ ጉይያን፥ ሄሮድሰ አዋይፊ ዶልያ ባጋፐ ዬዳዋንቱ ባረና ጭሜዳዋ ኤሬዳ ዎደ፥ ዳሮ ሀንቀቲደ፥ ጾልንቲ ካሰ ቤቴዳ ዎድያ ኡንቱንቱፐ ስሴዳዋዳን፥ ዎታዳራቱዋ የዲደ፥ ቤተሌመንነ ዩሹዋን ደእያ ላኡ ላይ አቱማ ናናነ ላኡ ላይፐ ጋርሳና ደእያ አቱማ ናና ኡባ ዎሴዳ።
\p
\v 17-18 ናብያ ኤርማስ፥
\q1 “ዬኩነ ዝላሳይ ራማ ጌተትያ ካታማን ስሰቴዳ፤
\q2 ራሄላ ባረ ናናዉ ዬካዉ።
\q1 ኡንቱንቱ ሀይቂድጎ ድራዉ፥
\q2 አጋ ጊና፥ አገናን እጻዱ”
\m ጊደ ኦዴዳዌ ፖለቴዳ።\x - \xo 2:17-18 \xo*\xt ኤር. 31:15\xt*\x*
\s1 ግብጼፐ ስማ
\p
\v 19 ሄሮድሰ ሀይቄዳዋፐ ጉይያን፥ ጎዳ ኪታንቻይ ግብጼን ዮሴፎ አኩሙዋን ቤቲደ 
\v 20 አ፥ “ደንዳ፤ ናኣነ አ ዳዮ አካደ፥ እስራኤልያ ጋድያ ስማ። ናኣ ዎናዉ ኮይያዋንቱ ሀይቂ ድጌድኖ” ያጌዳ። 
\v 21 ዮሴፎ ደንዲደ፥ ናኣነ አ ዳዮ አኪደ፥ እስራኤልያ ስሜዳ።
\p
\v 22 ሽን ዮሴፎ አርከላዎስ ባረ አዉዋ ሄሮድሳ ኦይድያን ይሁዳ ጋድያን ካዉቴዳዋ ስሴዳ ዎደ፥ ያ ባናዉ ያዬዳ፤ ጾሳይ አዉ አኩሙዋን ህንተና ኤርተ ጊና፥ ጋሊላ ጋድያ ቤዳ። 
\v 23 ናባቱ፥ “አሳይ አ፥ ‘ናዝሬትያ አሳ’\f + \fr 2:23 \fr*\ft ሀዋ ጌዳዌ ኦነንቶ ኤረተና።\ft*\f* ጊደ ጼሳና” ያጌዳዌ ፖለታና ማላ፥ ናዝሬተ ጌተትያ ካታማ ቢደ ደኤዳ።\x - \xo 2:23 \xo*\xt ማር. 1:24፤ ሉቃሳ 2:39፤ ዮሃ. 1:45\xt*\x*
\c 3
\s1 ጻማቅያ ዮሃንስ ቃላ ኦዴዳ
\r (ማር. 1:1-8፤ ሉቃሳ 3:1-18፤ ዮሃ. 1:19-28)
\p
\v 1-2 ሄ ዎደ ጻማቅያ ዮሃንስ አሳ፥ “ሳሉዋ ካዉተይ ማታቴዳ ድራዉ፥ ህንተ ናጋራፐ ስምተ” ያጊደ፥ ይሁዳ መላ ቢታን ኦዲደ ዬዳ።\x - \xo 3:1-2 \xo*\xt ማቶሳ 4:17፤ ማር. 1:15\xt*\x* 
\v 3 አያዉ ጎፐ፥ ናብያ ኢስያሰ፥ ዮሃንሳባ ኦዲደ፥
\q1 “እቱ መላ ቢታን ባረ ቃላ ቁ ኦደ፥
\q2 ‘ጎዳ ኦግያ ጊግስተ።
\q1 እ ሄመታና ሎሱዋካ
\q2 አዉ ስት ኦተ’ ጌዳ”
\m ያጌዳ።\x - \xo 3:3 \xo*\xt ኢሳ. 40:3\xt*\x*
\p
\v 4 ዮሃንሳዉ ጋሉዋ እስክያ ዳደቴዳ ማዩ ደኤ፤ ቃይ ባረ ጼሳን ዳፉዋ ዳንጬዳ፤ እ ምያ ቁማይካ ቦልያነ ባዙዋ ኤሳ።\x - \xo 3:4 \xo*\xt 1 ካታ. 1:8\xt*\x* 
\v 5 አሳይ ሄ ዎደ የሩሳላመፐ፥ ይሁዳ ጋድያ ኡባ ሳፐነ ዮርዳኖሳ ሻፋ ሄራን ደእያ ጋድያ ኡባፐ አኮ ዪኖ። 
\v 6 ባረንቱ ናጋራ ፓጽና፥ ዮርዳኖሳ ሻፋን አሳ ጻማቄዳ።
\p
\v 7 ሽን ዮሃንስ ዳሮ ፓርሳዋቱነ\f + \fr 3:7 \fr*\fqa ፓርሳዋቱዋ፦ \fqa*\ft ጉሳይ አይሁዳ አሳቱዋ ካለያ አሳቱዋ ግዶፐ ግዲደ ጌሻ ቃላን ካሰ ኤጫ ጫቁዋ ግዶን ደእያ ቃላ ዎጋ ኡባን አማንያዋንታ።\ft*\f* ሳዱቃዋናቱ\f + \fr 3:7 \fr*\fqa ሳዱቃዋናቱዋ፦ \fqa*\ft ጉሳይ አይሁዳ አሳቱዋ ካለያ አሳቱዋ ግዶፐ ግዲደ ጌሻ ቃላን ካሰ ኤጫ ጫቁዋ ግዶን ደእያ ቃላ ዎጋፐ ሙሴ ጻፌዳ ኮይሮ እቼሹ ማጻፋቱዋ ግዶን ደእያ ዎጋቱዋ ጻላላን አማንያዋንታ።\ft*\f* ጻማቀታናዉ ባረኮ ይያዋንታ በኢደ፥ “ሀ ሾሻቶ፥ ጾሳ ሀንቁ ያና ሀንያዋፐ አታና ማላ፥ ህንተዉ ኦኔ ኦዴዳዌ? 
\v 8 ስም ህንተ፥ ህንተንቱ ናጋራፐ ስሜዳዋ ኤርስያ ኦሱዋ፥ ኦተ። 
\v 9 ህንተ ህንተንቱ ዎዛናን፥ ‘አብራሃመ ኑ አባ’ ጊደ ቆፕያዋ ህንተዉ ማላቶፖ። አያዉ ጎፐ፥ ታን ህንተንቶ ኦዳይ፤ ጾሳይ ሀ ሹቻቱዋፐ አብራሃሞ ናና ኦ ደንናዉ ዳንዳዬ። 
\v 10 ቤጽ ም ጻጱዋን ቃንጻናዉ ጊግ ኡቴዳ፤ ሎኦ አይፍያ አይፈና ም ኡባይ ቃንጸቲደ፥ ታማን የገታና።
\p
\v 11 “ህንተ ህንተንቱ ናጋራፐ ስምያዋ በሳናዉ፥ ታን ህንተና ሃን ጻማቃይ፤ ሽን ታፐ ጉየና ይያዌ፥ ህንተንታ ጌሻ አያናንነ ታማን ጻማቃና።\f + \fr 3:11 \fr*\fq ጌሻ አያናንነ ታማን ጻማቃና፥ \fq*\ft ጉሳይ የሱስ ዪደ አሳ ጋርሳ አያና አሳተ ላምያዋ ታማርስያዋ።\ft*\f* እ ታፐ ዳሮ ምኔ፤ አ ጫማ ቶካናዉካ ታን በስያ አሳ ግድከ። 
\v 12 አ ኩሽያን ካ ሰጽያ ላይዳይ ደኤ። ኡዱማን ደእያ ካ ሎይ ጌሼ፤ ባረ ዛርጋ ድይያን ቆላና፤ ሽን ዳላ ቶኤና ታማን ጉዳና” ያጌዳ።
\s1 የሱስ ጻማቀቴዳ
\r (ማር. 1:9-11፤ ሉቃሳ 3:21-22)
\p
\v 13 የሱስ ሄ ዎደ ዮሃንሳን ጻማቀታናዉ፥ ጋሊላፐ ዮርዳኖሳ ጌተትያ ሻፋ አኮ ቤዳ። 
\v 14 ሽን ዮሃንስ፥ “ታን ኔናን ጻማቀታናዉ በስያ ዎደ፥ ኔን ታኮ ያይ?” ያጊደ፥ አ ድጋናዉ ኮዬዳ።
\p
\v 15 ሽን የሱስ ዛሪደ አ፥ “ኑን ጽሎተ ኦሱዋ ኡባ ሀዋዳን ፖላናዉ በስያ ድራዉ፥ ሀእ ታዉ ኤኖ ጋ” ያጌዳ። ዮሃንስካ አዉ ኤኖ ጌዳ።
\p
\v 16 የሱስ ጻማቀቶዋፐ ጉይያን፥ ኤለካ ሃፐ ከሴዳ፤ ሳሉ ዶየትና፥ ጾሳ አያናይ ሀራጵያዳን ሳሉዋፐ ዎደ ባረ ቦላ ይያ ዎደ በኤዳ፤ 
\v 17 ቃይ ሳሉዋፐ፥ “ታን ሲቅያ፥ ታና ናሸችያ፥ ታ ናአይ ሀዋ” ያግያ ቃላይ ዬዳ።\x - \xo 3:17 \xo*\xt ዶመ 22:2፤ ማዝ. 2:7፤ ኢሳ. 42:1፤ ማቶሳ 12:18፤ 17:5፤ ማር. 1:11፤ ሉቃሳ 9:35\xt*\x*
\c 4
\s1 የሱስ ፓጨቴዳ
\r (ማር. 1:12-13፤ ሉቃሳ 4:1-13)
\p
\v 1 ሄዋፐ ጉይያን፥ ጻላህያን ፓጨታና ማላ፥ ጌሻ አያናይ አሳይ ደኤና ሳኣ የሱሳ አፌዳ። 
\v 2 የሱስ ኦይታሙ ጋላሳነ ኦይታሙ ቃማ ጾሞዋፐ ጉይያን ኮሻቴዳ። 
\v 3 ጻላሂ ዪደ አ፥ “ኔን ጾሳ ናኣ ግዶፐ፥ አነ ሀ ሹቻቱዋ ኡክ ግዳና ማላ ጋ” ያጌዳ።
\p
\v 4 ሽን የሱስ ዛሪደ፥ “ጾሳ ማጻፋን፥ ‘አሳይ ጾሳይ ሃሳይያ ቃላ ኡባን ደአናፐ አትን፥ ኡክ ጻላላን ደኤና’ ያገት ጻፈቴዳ” ያጌዳ።\x - \xo 4:4 \xo*\xt ዛረ. 8:3\xt*\x*
\p
\v 5 ሄዋፐ ጉይያን፥ ጻላሂ የሱሳ ጌሻ ካታማ አፍ ጌሻ ጎልያ ጼራን ኤሲደ፥ 
\v 6 “ኔን ጾሳ ናኣ ግዶፐ፥ አነ ዱገ ኩንዳ። አያዉ ጎፐ፥ ጾሳ ማጻፋን፥
\q1 “ ‘ጾሳይ ባረ ኪታንቻቱዋ
\q2 ነዉ አዛዛናዋ’
\q2 ቃይ ‘ኡንቱንቱ ነ ገዲ ሹቻን በተና ማላ፥
\q2 ባረንቱ ኩሽያን ኔና ደንናዋንታ’
\m ያገት ጻፈቴዳ” ያጌዳ።\x - \xo 4:6 \xo*\xt ማዝ. 91:11-12\xt*\x*
\p
\v 7 የሱስ ዛሪደ አ፥ “ቃይካ ጾሳ ማጻፋን፥ ‘ጎዳ ነ ጾሳ ፓጮፓ’ ያገት ጻፈቴዳ” ያጌዳ።\x - \xo 4:7 \xo*\xt ዛረ. 6:16\xt*\x*
\p
\v 8 ቃይ ጻላሂ የሱሳ እት ዳሮ ዎልቃማ ደርያ ጼራ ከሲደ፥ ሀ አላምያን ደእያ ካዉተ ኡባነ ኡንቱንቱ ቦንቹዋ 
\v 9 በሲደ አ፥ “ኔን ታዉ ጉልባታደ ጎይኖፐ፥ ታን ሀዋ ኡባ ነዉ እማና” ያጌዳ።
\p
\v 10 ሄ ዎደ የሱስ ዛሪደ አ፥ “ላ ሀ ሴጻናዉ ሃካ፤ አያዉ ጎፐ፥ ጾሳ ማጻፋን፥ ‘ጎዳዉ፥ ነ ጾሳዉ ጎይና፤ አ ጻላላ ጎሸታ’ ጌተት ጻፈቴዳ” ያጌዳ።\x - \xo 4:10 \xo*\xt ዛረ. 6:13\xt*\x*
\p
\v 11 ሄዋፐ ጉይያን፥ ጻላሂ የሱሳ አግና፥ ኪታንቻቱ ዪደ፥ አዉ ኦድኖ።
\s1 የሱስ ባረ ታማርስያ ኦሱዋ ጋሊላን ዶሜዳ
\r (ማር. 1:14-15፤ ሉቃሳ 4:14-15)
\p
\v 12 ዮሃንስ ቃሸቴዳዋ የሱስ ስሴዳ ዎደ፥ ጋሊላ ጌተትያ ጋድያ ቤዳ። 
\v 13 ናዝሬተፐ ከሲደ፥ ቅፍርናሆማ ካታማ ቢደ፥ ያን ደኤዳ፤ ቅፍርናሆም ዛብሎናንነ ንፍታሌመ ጋድያን ደእያ ጋሊላ አባ ማታን ደኤ። 
\v 14 ሀዌ ሀኔዳዌ ናብያ ኢስያስ፥
\q1
\v 15 “ዛብሎነ ጋድያንነ ንፍታሌመ ጋድያን፥
\q2 አባ ኦግያን ዮርዳኖሳ ሻፋፐ ሄፍን ባጋን፥
\q1 አይሁዳ ግደና አሳይ ደእያ ጋሊላን፥
\q1
\v 16 ማን ደእያ አሳይ፥
\q2 ዎልቃማ ፖኡዋ በኤዳ።
\q1 ቃይ ሀይቁዋ ኩዋይ ደእያ ጋድያን ኡቴዳዋንቶ
\q2 ፖኡ ከሴዳ”
\m ያጌዳዌ ፖለታና ማላሳ።\x - \xo 4:16 \xo*\xt ኢሳ. 9:1-2\xt*\x*
\q1
\v 17 ሄ ዎድያፐ ዶሚደ የሱስ፥
\q2 “ህንተ ናጋራ ፓጽተ፤ አያዉ ጎፐ፥
\q2 ሳሉዋ ካዉተይ ማታቴዳ ድራሳ”
\m ጊደ ቃላ ኦዱዋ ዶሜዳ።
\s1 የሱስ ባረና ካልያ ኦይዳቱዋ ጼጌዳ
\r (ማር. 1:16-20፤ ሉቃሳ 5:1-11)
\p
\v 18 የሱስ ጋሊላ አባ ማታና አደ፥ ላኡ እሻቱ ጰጽሮሳ ጌተትያ ስሞንነ አ እሻ እንድራስ፥ ሞልያ ኦይቂያዋንታ ግዶ ድራዉ፥ ዳባ\f + \fr 4:18 \fr*\fk ዳባ፦ \fk*\ft ሀዋ ጉሳይ ሞልያ ጲራናዉ ዎይ ኦይቃናዉ ሃን የግያ አማራዋን ማራብያ ግያዋ።\ft*\f* አባን የግያዋንታ በኤዳ። 
\v 19 ኡንቱንታ፥ “ታና ካልተ፤ ታን ህንተና ሞልያ ኦይቂያዋዳን አሳ ታኮ አህያ ኦግያ ታማርሳና” ያጌዳ። 
\v 20 ኡንቱንቱ ኤለካ ባረንቱ ዳባ አጊደ፥ የሱሳ ካሌድኖ።
\p
\v 21 የሱስ ሄዋፐ ስንኮ ቢደ፥ ሀራ ላኡ እሻቱዋ፥ ዛብድዮሳ ናና ያቆባነ አ እሻ ዮሃንሳ በኤዳ፤ ኡንቱንቱ ባረንቱ አዉዋ ዛብድዮሳና ሃ ቦላን ብያ ዎንግርያ ግዶን ባረንቱ ዳባ ጊግስያዋንታ በኢደ፥ ጼሴዳ። 
\v 22 ኡንቱንቱ ኤለካ ሃን ብያ ዎንግርያነ ባረንቱ አዉዋ አጊደ፥ የሱሳ ካሌድኖ።
\s1 የሱስ ጮራ አሳ ታማርሴዳነ ፓዳ
\r (ሉቃሳ 6:17-19)
\p
\v 23 የሱስ አይሁዳ ዎሳ ጎለቱዋን ታማርሲደ፥ ካዉተ ምሽራቹዋ ቃላ ኦዲድነ ቃይ ሀርግያ ኡባፐነ ሳኩዋ ኡባፐ አሳ ፓደ፥ ጋሊላ ጋድያ ኡባን ዩዬዳ። 
\v 24 አ ዋሪ ሶርያ ጋድያ ኡባ ጋኬዳ፤ ዱማ ዱማ ሀርግያን ኦይቀቲደ ሀርጌዳ አሳ ኡባ፥ ጻላሀቱዋን ኦይቀቴዳዋንታ፥ ዪጩዋ ሳኩ ደእያዋንታ፥ ቃይ ጉንዴዳዋንታ አሳይ የሱሳኮ አሄዳ፤ እ ኡንቱንታ ፓዳ። 
\v 25 ጮራ አሳይ ጋሊላፐ፥ ታሙ ካታማቱዋፐ፥ የሩሳላመፐ፥ ይሁዳፐነ ዮርዳኖሳፐ ሄፍንን ደእያ ጋድያፐ የሱሳ ካሌድኖ።
\c 5
\s1 የሱስ ደርያ ቦላን ግዲደ ታማርሴዳ ትምርትያ
\r (5:1—7:29)
\p
\v 1 የሱስ ጮራ አሳ በኢደ፥ ፑደ ደርያ ከሲደ ኡቴዳ። አ ካልያዋንቱ አኮ ሺቄድኖ። 
\v 2 ኡንቱንታ ሀዋዳን ያግ ታማርሱዋ ዶሜዳ።
\s1 ቱሙ አንጁዋ አክያ አሳቱዋ
\r (ሉቃሳ 6:20-23)
\q1
\v 3 “ባረንቱ አያና ደኡዋን፥
\q2 ህዬሳ ግዴዳዋ ኤርያዋንቱ አንጀቴዳዋንታ፤
\q2 አያዉ ጎፐ፥ ሳሉዋ ካዉተይ ኡንቱንቱሳ።
\q1
\v 4 ካዮትያዋንቱ አንጀቴዳዋንታ፤
\q2 አያዉ ጎፐ፥ ጾሳይ ኡንቱንታ ምንሳና።\x - \xo 5:4 \xo*\xt ኢሳ. 61:2\xt*\x*
\q1
\v 5 አሽከ ግዴዳዋንቱ አንጀቴዳዋንታ፤
\q2 አያዉ ጎፐ፥
\q2 ኡንቱንቱ ሳኣ ላታና።\x - \xo 5:5 \xo*\xt ማዝ. 37:11\xt*\x*
\q1
\v 6 ጽሎተ ኮሻትያዋንቱነ ሳመትያዋንቱ፥\f + \fr 5:6 \fr*\ft ሀዋ ብለይ ጾሳዉ ኤኖ ግያዋንታ ዎይ ሎኦባ ዎይ ቱሞባ ኦያዋንታ ጉሳ።\ft*\f*
\q2 አንጀቴዳዋንታ፤
\q2 አያዉ ጎፐ፥ ጾሳይ ኡንቱንታ ካልሳና።
\q1
\v 7 ማርያዋንቱ አንጀቴዳዋንታ፤
\q2 አያዉ ጎፐ፥
\q1 ጾሳይ ኡንቱንታ ማራና።
\q1
\v 8 ዎዛና ጌሻቱ አንጀቴዳዋንታ፤
\q2 አያዉ ጎፐ፥
\q2 ኡንቱንቱ ጾሳ በአና።
\q1
\v 9 አሳ ስገያዋንቱ አንጀቴዳዋንታ፤
\q2 አያዉ ጎፐ፥ ጾሳይ ኡንቱንታ፥
\q2 ባረ ናና ጊደ ጼሳና።
\q1
\v 10 ጽሎተ ድራዉ፥
\q2 የደርሰትያዋንቱ አንጀቴዳዋንታ፤
\q2 አያዉ ጎፐ፥ ሳሉዋ ካዉተይ ኡንቱንቱሳ።\f + \fr 5:10\fr*\fk ሳሉዋ ካዉተይ ኡንቱንቱሳ፦ \fk*\ft ጉሳይ ሄ አሳቱ ሳሉዋ ካዉተ ላታናዉ ዳንዳይያዋንታ ግድያዋ በሴ።\ft*\f*
\p
\v 11 “ህንተ ታና ካልያ ድራዉ፥ አሳይ ህንተና ቦርያ ዎደነ ዋይስያ ዎደ፥ ቃይ ህንተ ቦላ ኢታባ ኡባ ዎርዱዋን ሃሳይያ ዎደ፥ ህንተ አንጀቴዳዋንታ። 
\v 12 ህንተዉ ሳሉዋን ዎልቃማ ዎይታይ ደእያ ድራዉ፥ ናሸትተ፤ ሀሹ ጊተ፤ አያዉ ጎፐ፥ አሳይ ህንተፐ ካሰ ደኤዳ ናባቱዋ ሄዋዳን የደርሴድኖ።
\s1 ማጽንያነ ፖኡዋ ሌምሱዋ
\r (ማር. 9:50፤ ሉቃሳ 14:34-35)
\p
\v 13 “አሳ ኡባዉ ህንተ ማጽነ ማላ፤ ሽን ማጽኒ ማልአና ዮፐ፥ ዛሪደ አ ዎት ማልኤኔ? ካረ ኦልና፥ አሳይ አ የ ሀመታናፐ አትን፥ ስንዉ አይነ ማደና።
\p
\v 14 “ሀ አላመዉ ህንተ ፖኦ፤ ደርያ ሁጲያን ኬጸቴዳ ካታማይ ጌማና ዳንዳየና። 
\v 15 ጾምፕያ ጾምፒደ፥ ሶይን ደእያ አሳ ኡባዉ ፖአና ማላ፥ ቂያ ሳን ዎፐ አትን፥ ካምያ ሚሻ ግዶን ቁምእ ዎያ አሳይ ኦንነ ባዋ። 
\v 16 ሄዋዳንካ፥ አሳይ ህንተ ኦያ ሎኦ ኦሱዋ በኢደ፥ ሳሉዋን ደእያ ህንተ አዉዋ ቦንቻና ማላ፥ ህንተ ፖኡ አሳ ስንን ፖኦ።
\s1 ሙሴ ህግያባ
\p
\v 17 “ታን ሙሴ ህግያነ ናባቱ ታማርስያዋ\f + \fr 5:17 \fr*\fq ሙሴ ህግያነ ናባቱ ታማርስያዋ፦ \fq*\ft ጉሳይ አይሁድያ ጌሻ ማጻፋ፤ ሄዌኔካ ኤጫ ጫቁዋ።\ft*\f* ይሳናዉ ዬዳዋ ህንተዉ ማላቶፖ፤ ታን ፖላናዉ ዬዳዋፐ አትን፥ ይሳናዉ ያበይከ። 
\v 18 አያዉ ጎፐ፥ ታን ህንተዉ ቱሙዋ ኦዳይ፤ ሳሉነ ሳአይ አና ጋካናዉ፥ ቃይ ኡባባይካ ፖለታና ጋካናዉ፥\f + \fr 5:18 \fr*\fk ኡባባይካ ፖለታና ጋካናዉ፦ \fk*\ft ጉሳይ ቃላይ ታማርስያ ኡባይ ቱማተን ቆንጫና ጋካናዉ።\ft*\f* ህግያፐ እት ጫቻይካ ዎይ ቄር ፕዶሊካ አና። 
\v 19 ሄዋ ድራዉ፥ ሀ አዛዙዋ ኡባፐ ጉጽያ እት አዛዙዋ መንያ ኡራይ ኦንነ፥ ቃይ ሀራቱካ ባረዋዳን ሀናናዳን ታማርስያ ኡራይ ኦንነ፥ ሳሉዋ ካዉተን ኡባፐ ጉ ግዳና፤ ሽን አዛዙዋ ኦያዌነ ሀራንቱካ ኦናዳን ታማርስያዌ ኦንነ ሳሉዋ ካዉተን ቃ ግዳና። 
\v 20 አያዉ ጎፐ፥ ህንተ ጽሎተይ ሙሴ ህግያ ታማርስያዋንቱ ጽሎተፐነ ፓርሳዋቱዋ ጽሎተፐ ዳራና ዮፐ፥ ሳሉዋ ካዉተ ህንተ ሙለ ገለናዋ ታን ኦዳይ።
\p
\v 21 “በን አሳዉ፥ ‘አሳ ዎፓ፤ አሳ ዎዳ ኦንነ ፕርደታና’ ጌዳዋ ስሴድታ።\x - \xo 5:21 \xo*\xt ከሳ 20:13፤ ዛረ. 5:17\xt*\x* 
\v 22 ሽን ታን ህንተዉ ኦዳይ፤ ባረ እሻ ሀንቀትያ ኡባይ ፕርደታና፤ ባረ እሻ ቦርያ ኡባይ ሻንጉዋ ፕርዳዉ ሺቃና፤ ቃይ ባረ እሻ፥ ‘ሎዌ’ ግያ ኡባይ ጋናምያ ታማ ፕርዳዉ ሺቃና። 
\v 23 ሄዋ ድራዉ፥ ኔን ያርሽያሳን ያርሽሽን፥ ነ እሻ ናቄዳባይ ነዉ ሄዋን ሀሳየቶፐ፥ 
\v 24 ነ ያርሹዋ ሄዋን አጋደ ባ፤ ካሰታደ ነ እሻና ስገታ ድጋ፤ ሄዋፐ ካላ ያደ፥ ነ ያርሹዋ ያርሻ።
\p
\v 25 “ኔና ሞትያዋና ዎዲ ደእሽን ኤለ አናና ስገታ ድጋ፤ ሄዌ ዮፐ፥ እ ኔና ዳና ስን አና፤ ቃይ ዳናይ ኔና ፖልሰዉ አ እምና፥ ፖልሲ ኔና ቃሾ ጎለን የጋና። 
\v 26 ታን ነዉ ቱሙዋ ኦዳይ፤ ኔን እት ሳንትሚ አተናን፥ ነ ማጋጩዋ ዉርሳደ ጭጋና ጋካናዉ፥ ሙለካ ቃሾ ጎለፐ ከሳካ።
\s1 ዎሹማባዉ እመቶ ትምርትያ
\p
\v 27 “ ‘ዎሹሞፓ’ ጌዳዋ ስሴድታ።\x - \xo 5:27 \xo*\xt ከሳ 20:14፤ ዛረ. 5:18\xt*\x* 
\v 28 ሽን ታን ህንተዉ ያጋይ፤ ‘ማጫዉኖ ጼሊደ አሞትያ ኡባይ፥ ባረ ዎዛና ግዶን ሄ ዎደ ኢናና ዎሹሜዳ።’ 
\v 29 ነ ኡሸቻ አይፊ ኔና ናጋራ ኦስሶፐ፥ ኔፐ ዎጫደ ኦላ አጋ፤ አያዉ ጎፐ፥ ነ ቦላይ ሙለካ ጋናምያ ታማን ኦለትያዋፐ፥ አፐ እቱ ፓጭንቶ ነዉ ሎአ።\x - \xo 5:29 \xo*\xt ማቶሳ 18:9፤ ማር. 9:47\xt*\x* 
\v 30 ቃይ ነ ኡሸቻ ኩሺ ኔና ናጋራ ኦስሶፐ፥ ኔፐ ቃንጻደ ኦላ አጋ፤ አያዉ ጎፐ፥ ነ ቦላይ ሙለካ ጋናምያ ታማን ኦለትያዋፐ፥ አፐ እቱ ፓጭንቶ ነዉ ሎአ።
\s1 ማችያ የደናዳን እመቶ ትምርትያ
\r (ማቶሳ 19:9፤ ማር. 10:11-12፤ ሉቃሳ 16:18)
\p
\v 31 “ ‘ቃይ ባረ ማቻቶ የድያ ኦንነ እዞ የድያ ፓራማ እሞ’ ጌተቴዳ።\x - \xo 5:31 \xo*\xt ዛረ. 24:1-4፤ ማቶሳ 19:7፤ ማር. 10:4\xt*\x* 
\v 32 ሽን ታን ህንተዉ ያጋይ፤ ‘ባረ ማቻታ ዎሹመናን ደእሽን የድያ ኦንነ እዞ ዎሹማ ከሴ፤ ቃይ አስናይ የዴዳ ምሽራቶ አክያዌ ኦንነ ዎሹሜ።’\x - \xo 5:32 \xo*\xt ማቶሳ 19:9፤ ማር. 10:11-12፤ ሉቃሳ 16:18፤ 1 ቆሮ. 7:10-11\xt*\x*
\s1 ጫቀናዳን እመቶ ትምርትያ
\p
\v 33 “ቃይ በን አሳዉ፥ ‘ዎርዱዋን ጫቆፓ፤ ሽን ነ ጎዳዉ ጫቄዳዋ ፖላ’ ጌዳዋ ስሴድታ።\x - \xo 5:33 \xo*\xt ዎጋ 19:12፤ ፓይ. 30:2፤ ዛረ. 23:21\xt*\x* 
\v 34 ሽን ታን ህንተዉ ያጋይ፤ ‘ኡባካ ጫቆፕተ’፤ ሳሉ ጾሳ ካዉተ ኦይድያ ግድያ ድራዉ፥ ‘ሳሉዋን ጫቆፕተ’ 
\v 35 ቃይ ሳአይ አ ገዲ የያ ሳ ግድያ ድራዉ፥ ‘ሳኣን ጫቆፕተ’፤ ቃይካ፥ የሩሳላመ ዎልቃማ ካትያ ካታማ ግድያ ድራዉ፥ ‘የሩሳላመንካ ጫቆፕተ’\x - \xo 5:35 \xo*\xt ኢሳ. 66:1፤ ማዝ. 48:2\xt*\x* 
\v 36 ኔን እት ብናናካ ቦ ዎይ ካረ ከሳናዉ ዳንዳየና ድራዉ፥ ‘ነ ሁጲያንካ ጫቆፓ።’ 
\v 37 ሽን ህንተ፥ ‘ኤ’ ዎይ፥ ‘ግደና’ ጊተ፤ ሀዋንቱፐ ሀራይ ሴጻናፐ ዬ።
\s1 ኢታ ኢታን ዛረናዳን እመቶ ትምርትያ
\r (ሉቃሳ 6:29-30)
\p
\v 38 “ ‘አይፍያ ድራዉ አይፍያ፤ አቻ ድራዉ አቻ’ ጌዳዋ ስሴድታ።\x - \xo 5:38 \xo*\xt ከሳ 21:24፤ ዎጋ 24:20፤ ዛረ. 19:21\xt*\x* 
\v 39 ሽን ታን ህንተዉ ያጋይ፤ ‘ህንተዉ ኢታባ ኦያ ኡራዉ ኢታን ዛሮፕተ፤ ኦንነ ነ ኡሸቻ ባጋ ሻይያ ባቆፐ፥ ነ ሀድርሳ ባጋ ሻይያካ አ በሳ፤ 
\v 40 ነ ሻምጭያ አካናዉ እት ኡራይ ኔና ሞቶፐ፥ ሄ ኡራዉ ነ ኮትያካ ጉጃ እማ። 
\v 41 ኦንነ ኔና እት ሳትያ ኦግያ ባረናና ባናዳን ዎልቃንፐ፥ አናና ላኡ ሳትያ ኦግያ ባ። 
\v 42 ኔና ዎስያ ኡራዉ እማ፤ ቃይ ኔፐ ታልአና ኮይያ ኡራዉካ ድጎፓ።’
\s1 ሞርክያ ሲቃና ማላ እመቶ ትምርትያ
\r (ሉቃሳ 6:27-36)
\p
\v 43 “ ‘ነ ላገቱዋ ሲቃ፤ ነ ሞርክያ ሞርካ’ ጌዳዋ ስሴድታ።\x - \xo 5:43 \xo*\xt ከሳ 19:18\xt*\x* 
\v 44-45 ሽን ታን ህንተዉ ያጋይ፤ ሳሉዋን ደእያ ህንተ አዎ ናና ግዳና ማላ፥ ህንተ ሞርከቱዋ ሲቅተ፤ ህንተና ሸቂያዋንታ አንጅተ፤ ህንተና እጽያዋንቶ ሎኦባ ኦተ፤ ህንተና የደርስያዋንቶ፥ ጾሳ ዎስተ፤ አያዉ ጎፐ፥ ኢታ አሳዉካ ሎኦ አሳዉካ ጾሳይ ባረ አዋ አዋጽሴ፤ ቃይ ጽላቶካ ናጋራንቻቶካ ባረ እራ ቡክሴ። 
\v 46 ህንተ ህንተና ሲቅያዋንቱ ጻላላ ሲቆፐ፥ ህንተዉ አይ ዎይታይ ደኢ? ሀራይ አቶ፥ ናጋራንቻቱካ ሄዋዳን ኦኖ። 
\v 47 ህንተ ህንተንቱ እሻቱዋ ጻላላ ሳሮቶፐ፥ ሀራቱ ኦያዋፐ አያባ አያ ኦድቴ? ሀራይ አቶ፥ አይሁደ ግደና አሳይካ ሄዋዳን ኦ። 
\v 48 ሄዋ ድራዉ፥ ሳሉዋን ደእያ ህንተ አዉ ፖሎ ግዶዋዳን፥ ህንተካ ፖሎ ግድተ።\x - \xo 5:48 \xo*\xt ከሳ 19:2፤ ዛረ. 18:13\xt*\x*
\c 6
\s1 ህዬሳዉ እምያ ማራ ታማርሱዋ
\p
\v 1 “ህንተ ሎኦ ኦሱዋ አሳ በሳናዉ አሳ ስንን ኦና ማላ ናገትተ፤ ሄዌ ዮፐ፥ ሳሉዋን ደእያ ህንተ አዉ ህንተዉ ጋትያ እመና።
\p
\v 2 “ሄዋ ድራዉ፥ ህንተ አዉደነ ህዬሳዉ እምያ ዎደ፥ ሎአ ማላትያ ኢታቱ ባረንታ ቦንችሳናዉ፥ አይሁዳ ዎሳ ጎለንነ ኦግያን ሀራን በኤታናዉ ኦያዋዳን ኦፕተ፤ ታን ህንተዉ ቱሙዋ ኦዳይ፤ ኡንቱንቱ ባረንቱ ጋትያ አክ ድጌድኖ። 
\v 3-4 ሽን ኔን ህዬሳዉ እምያ ዎደ፥ ጌማን እማናዳን፥ ነ ኡሸቻ ኩሺ ኦያዋ ሀድርሳ ኩሺ ኤሮፖ።\f + \fr 6:3-4 \fr*\fqa ኡሸቻ ኩሺ ኦዳዋ ሀድርሳ ኩሺካ ኤሮፖ፥ \fqa*\ft ጉሳይ ጾሳፐ አትን፥ ኦንነ ኤሮፖ ጉሳ።\ft*\f* ጌማን ኦዳዋ በእያ ነ አቡ፥ ነ ሎኦ ኦሱዋ ጋትያ ዛራናዋ።
\s1 ዎሳባ
\r (ሉቃሳ 11:2-4)
\p
\v 5 “ጾሳ ዎሲደ፥ ሎአ ማላትያ ኢታቱዋዳን ሀኖፕተ፤ አያዉ ጎፐ፥ ባረንታ አሳይ በአና ማላ፥ አይሁዳ ዎሳ ጎለንነ ኦግያ ዶናን ኤቂደ፥ ጾሳ ዎስያዋ ዶሲኖ፤ ታን ህንተዉ ቱሙዋ ኦዳይ፤ ኡንቱንቱ ባረንቱ ጋትያ ኡባካ አኬድኖ። 
\v 6 ሽን ኔን ጾሳ ዎስያ ዎደ፥ ነ ጎለ ገላ፤ እፍ ቃቻደ፥ ቤተና ነ አዉዋ ዎሳ፤ ጌማን ኦሰቶዋ በእያ ነ አቡ ነዉ እማናዋ።
\p
\v 7 “ጾሳ ህንተ ዎስያ ዎደ፥ ጾሳ አማነና አሳዳን፥ ጮ መላ ዛረዋ ዳርሶፕተ፤ ኡንቱንቱ ሃሳያ ዳሩዋን ስሰቴ ጊደ ቆፒኖ። 
\v 8 ሄዋ ድራዉ፥ ሄ አሳዳን ሀኖፕተ፤ አያዉ ጎፐ፥ ህንተ አቡ ህንተና ኮሽያዋ ህንተንቱ ዎሳናፐ ካሰቲደ ኤሬ።
\p
\v 9 “ስም ህንተንቱ ሀዋ ማላ ዎሳ ዎስተ፤
\q1 “ ‘ሳሉዋን ደእያ ኑ አቦ፥
\q2 ነ ጌሻ ሱንይ አንጀቶ።
\q1
\v 10 ነ ካዉተይ ዮ፤
\q2 ነ ሸኒ ሳሉዋን ሀኔዳዋዳን፥
\q2 ሳንካ ሀኖ።
\q1
\v 11 ጋላሳን ጋላሳን ኮሽያ ቁማ
\q2 ኑዉ ሀቼ እማ።
\q1
\v 12 ኑን ኑና ናቆዋንቶ
\q2 አቶ ያግያዋዳን፥
\q2 ኔንካ ኑ ናቁዋ አቶ ጋ።
\q1
\v 13 ኑና ኢታባፐ አሻፐ አትን፥
\q2 ፓጭያን ገልሶፓ።
\q1 ካዉተይ፥ ዎልቃይነ ቦንቹ
\q2 መናዉካ ኔሳ።
\m አመንእ።’
\p
\v 14 “ህንተንቱ ህንተና ናቄዳ ሀራ አሳ ናቁዋ አቶ ጎፐ፥ ሳሉዋን ደእያ ህንተንቱ አዉካ ህንተዉ አቶ ጋና።
\p
\v 15 “ሽን ህንተንቱ ህንተና ናቄዳ ሀራ አሳ ናቁዋ አቶ ጋና ዮፐ፥ ህንተንቱ አዉካ ህንተ ናቁዋ አቶ ጌና።\x - \xo 6:15 \xo*\xt ማር. 11:25-26\xt*\x*
\s1 ጾማባ
\p
\v 16 “ቃይ ህንተንቱ ጾምያ ዎደ፥ ሎአ ማላትያ ኢታቱዋዳን፥ ካዮትያዋ ማላቶፕተ፤ አያዉ ጎፐ፥ ኡንቱንቱ ጾምያዋ አሳይ በአና ማላ፥ ባረንቱ ሶምእያ ቡላልሲኖ፤ ታን ህንተንቶ ቱሙዋ ኦዳይ፤ ኡንቱንቱ ባረንቱ ጋትያ አኬድኖ።
\p
\v 17-18 “ሽን ህንተንቱ ጾምያ ዎደ፥ ህንተንቱ አቡ ህንተ ጾምያዋ ኤሮፐ አትን፥ አሳይ ኤረና ማላ፥ ህንተ ሶምእያ ሜጨትተ፤ ህንተ ሁጲያካ ኦከትተ፤ ያቶፐ፥ ቤተና ህንተ አዉ ህንተንቱ ኦያዋ ጌማን በኢደ፥ ህንተ ጋትያ እማናዋ።
\s1 ሳሉዋን ደእያ ሚሻባ
\r (ሉቃሳ 12:33-34)
\p
\v 19 “ሚሻ ብልአይ ምያሳንነ ብራታይ ሽኢደ ባይዝያሳን፥ ካይሱካ ቦኪደ ዉኢያሳን፥ ሀ ሳኣን ህንተንቱ ሁጲያዉ ዳጋዮፕተ።\x - \xo 6:19 \xo*\xt ኢያሳ 5:2-3\xt*\x* 
\v 20 ሽን ብልአይ ሜናሳንነ ሽኤና ሳን፥ ካይሱካ ቦኪደ ዉኤና ሳን ህንተንቱ ሁጲያዉ ሳሉዋን ሚሻ ዳጋይተ። 
\v 21 አያዉ ጎፐ፥ ነ ዎዛናይ ነ ሚሻይ ደእያ ሳን ደአና።
\s1 ቦላ ፖኡዋባ
\r (ሉቃሳ 11:34-36)
\p
\v 22 “ቦላ ፖኡ አይፍያ፤ ሄዋ ድራዉ፥ ነ አይፊ ፓጻ ግዶፐ፥ ነ ቦላ ኡባይ ፖኦ ግዳና። 
\v 23 ሽን ነ አይፊ ፓጻ ግዳና ዮፐ፥ ነ ቦላ ኡባይ ማና፤ ስም ኔናን ደእያ ፖኡ ሞፐ፥ ማይ አይ ኬና ዳራኔ!
\s1 ደኦ ህርጋናዉ በሰና
\r (ሉቃሳ 16:13፤ 12:22-31)
\p
\v 24 “ላኡ ጎዳቶ ሞደታናዉ ዳንዳይያዌ ኦንነ ባዋ፤ አያዉ ጎፐ፥ እቱዋ እጺደ፥ የኩዋ ሲቄ፤ ዎይ እቱዋ ቦንቺደ፥ የኩዋ ካ፤ እት አሳይ ጾሳዉነ ሻሎ ሞደታናዉ ዳንዳየና።
\p
\v 25 “ሄዋ ድራዉ፥ ታን ህንተንቶ ኦዳይ፤ ህንተ ደኦ ማናባዉነ ኡሻናባዉ፥ ዎይ ህንተ ቦላዉ ማያናባዉ ህርጎፕተ፤ ሸምፑ ቁማፐ አኔ? ቃይ ቦላይ ማዩዋፐ አኔ? 
\v 26 ፓልያ ካፋቱዋ ጼልተ፤ ኡንቱንቱ ዘርክኖ፤ ጫክክኖ፤ ድይያንካ ቆልክኖ፤ ሽን ሳሉዋን ደእያ ህንተንቱ አዉ ኡንቱንታ ምዜ፤ ህንተንቱ ኡንቱንቱፐ ሎይ ዳርክቴ? 
\v 27 ህንተንቱ ግዶን ዳርስ ህርጊደ፥ ባረ ጌሳ ቦላ እት ዋ ጉጃናዉ ዳንዳይያዌ ኦኔ?
\p
\v 28 “አያዉ ማዮ ህርጊቴ? ደምባን ደእያ ጪሻቱ ዎት ድጪኖንቶ፥ አኬክ ጼልተ፤ ኡንቱንቱ ዳቡርክኖ ዎይ ፑቱዋ ሱቂክኖ።\x - \xo 6:28 \xo*\xt 1 ካታ. 10:4-7፤ 2 ኦዱዋ 9:3-6\xt*\x* 
\v 29 ሽን ታን ህንተንቶ ኦዳይ፤ ሀራይ አቶ፥ ሶሎሞነ ሄዋ ኬና ቦንቼቴዳዋ ግዲደ፥ ሄ ጪሻቱዋፐ እቱዋ ማላካ ማይቤና። 
\v 30 ሽን ላፋ አማኑ ደእያዋንቶ፥ ጾሳይ፥ ሀቼ ደኢደ፥ ዎንት ታማን ኤጽያ ደምባ ማታ ማይዝያዌ፥ ህንተና ኡንቱዋፐ አደ ዎት ማይዘኔ? 
\v 31 ስም፥ ‘ኑን አያ ማኔ? ዎይ አያ ኡሻኔ? ዎይ አያ ማያኔ?’ ያጊደ ህርጎፕተ። 
\v 32 አያዉ ጎፐ፥ ሄ ኡባባ ጾሳ አማነናዋንቱ ዳርሲደ ኮዪኖ፤ ሄ ኡባይ ህንተና ኮሽያዋ ሳሉዋን ደእያ ህንተንቱ አዉ ኤሬ። 
\v 33 ሽን ካሰቲደ፥ ጾሳ ካዉተነ አ ጽሎተ ኮይተ፤ እ ህንተንቶ ሄ ኡባባ እማና። 
\v 34 ሄዋ ድራዉ፥ ዎንትባዉ ህርጎፕተ፤ አያዉ ጎፐ፥ ዎንት ጋላሳይ ባረዉ ህርጋና፤ ጋላሳ ኡባዉካ አ ሁጰዉ ግድያ ዋዪ ደኤ።
\c 7
\s1 ሀራ አሳ ቦላ ፕርዳናዉ ኮሸና
\r (ሉቃሳ 6:37-42)
\p
\v 1 “ጾሳይ ህንተንቱ ቦላ ፕርደና ማላ፥ ህንተካ ሀራቱዋ ቦላ ፕርዶፕተ። 
\v 2 አያዉ ጎፐ፥ ህንተንቱ ሀራቱዋ ቦላ ፕርድያዋዳን፥ ጾሳይ ህንተንቱ ቦላ ፕርዳና፤ ቃይ ህንተንቱ ሀራቶ እማናዉ ማክያባን እ ህንተዉ ማካና። 
\v 3 ነ አይፍያን ደእያ ቱሳ በአካ፤ ሽን ነ እሻ አይፍያን ደእያ ሱላ አያዉ ጼላይ? 
\v 4 ዎይ ነ አይፍያን ቱሳይ ደእሽን፥ ኔን ነ እሻ፥ ‘ታን ነ አይፍያፐ ሱላ ከሶ’ ዋናደ ጋናዉ ዳንዳያይ? 
\v 5 ላ ሀ ሎኡዋ ማላትያ ኢታዉ! ካሰታደ ነ አይፍያፐ ቱሳ ከሳ ድጋ፤ ሄዋፐ ጉይያን፥ ነ እሻ አይፍያፐ ሱላ ከሳናዉ ጌሻደ ጼላናዉ ዳንዳያ።
\p
\v 6 “ጌሻባ ካናቶ እሞፕተ፤ ኡንቱንቱ ጉየ ስሚደ፥ ህንተና ሳአና። ቃይ እንቁዋ ጌተትያ ህንተንቱ አልኦ ሹቻ ጉዱንቱዋ ስንን ኦሎፕተ፤ ኡንቱንቱ ባረንቱ ገድያን የና።
\s1 ዎስተ፥ ኮይተ፥ ካርያኮ ዪደ ጼስተ
\r (ሉቃሳ 11:9-13)
\p
\v 7 “ዎስተ፤ ህንተ አካና። ኮይተ፤ ህንተ ደማና። ካርያኮ ዪደ ጼስተ፤ ህንተዉ ፐንጊ ዶየታና። 
\v 8 አያዉ ጎፐ፥ ዎስያ ኡባይ አካና፤ ኮይያ ኡራይ ደማና፤ ቃይ ካርያኮ ዪደ ጼስያ ኡራዉ ፐንጊ ዶየታና። 
\v 9 ዎይ ህንተንቱ ግዶን ባረ ናአይ፥ ‘ኡክ እማ’ ጎፐ፥ ሹቻ እምያ አዉ ደኢ? 
\v 10 ቃይ፥ ‘ሞልያ እማ’ ጎፐ፥ አዉ ሾሻ እማናዌ? 
\v 11 ህንተንቱ ኢታ ግዲደ፥ ህንተንቱ ናናቶ ሎኦባ እምያዋ ኤሮፐ፥ ያትና፥ ሳሉዋን ደእያ ህንተንቱ አዉ ባረና ዎስያዋንቶ ሎኦባ ዎት ዳርስ እመኔ!
\p
\v 12 “ሄዋ ድራዉ፥ ሀራ አሳይ ህንተዉ ኦናዉ ኮይያ ኡባባ ህንተካ አሳዉ ኦተ፤ አያዉ ጎፐ፥ ሙሴ ህግያ ብለይነ ናባቱ ታማርስያዌ ሀዋ።
\s1 ኡንአ ፐንግያባ
\r (ሉቃሳ 13:24)
\p
\v 13 “ኡንአ ፐንግያና ገልተ። አያዉ ጎፐ፥ ባየዉ አፍያ ፐንጊ አኩዋ፤ ኦጊካ ዎጋ። ሄዋና ገልያ አሳይካ ጮራ።
\p
\v 14 “ሽን፥ ደኦ አፍያ ፐንጊ ኡንአ፤ ኦጊካ ጹን። ቃይ ሄዋ ደምያዋንቱካ ጉ።
\s1 ምይ ባረ አይፍያን ኤረቴ
\r (ሉቃሳ 6:43-44)
\p
\v 15 “ቦላ ባጋና ዶርሳ ማላቲደ፥ ህንተኮ ይያ ዎርዶ ናባቱዋፐ ናገትተ፤ ሽን ኡንቱንቱ ጋርሳ ባጋና ዋላቱዋ ማላ። 
\v 16 ኡንቱንቱ አይፍያ አይፍያዋን ህንተ ኡንቱንታ ኤራና፤ አጉንይ ዎደን አይፍያ አይፈና፤ ጎምኦሪካ ኮክያ አይፍያ አይፈና። 
\v 17 ሄዋዳንካ፥ ሎኦ ም ኡባይ ሎኦ አይፍያ አይፌ፤ ሽን ኢታ ምይ ኢታ አይፍያ አይፌ። 
\v 18 ሎኦ ምይ ኢታ አይፍያ አይፋናዉ ዳንዳየና፤ ቃይ ኢታ ምይካ ሎኦ አይፍያ አይፋናዉ ዳንዳየና። 
\v 19 ሎኦ አይፍያ አይፈና ም ኡባይ ቃንጸቲደ፥ ታማን የገታና። 
\v 20 ሄዋ ድራዉ፥ ህንተ ኡንቱንቱ አይፍያ አይፍያዋን ኡንቱንታ ኤራንታ።
\p
\v 21 “ሳሉዋን ደእያ ታ አቡ ጌዳዋ ኦያ ኡራይ ሳሉዋ ካዉተ ገላናፐ አትን፥ ‘ጎዳዉ፥ ጎዳዉ’ ግያ ኡባይ ገለና። 
\v 22 ፕርዳ ጋላስ ዳሮ አሳይ ታና፥ ‘ጎዳዉ፥ ጎዳዉ፥ ኑን ነ ሱንን ጾሳይ ኪቶዋ ኦድበይኮ? ነ ሱንን ጻላሀቱዋ ከስበይኮ? ቃይ ኑን ጾሳይ ኦያ ማላልስያባ ነ ሱንን ኦበይኮ?’ ያጋናዋንታ። 
\v 23 ታን ሄ ዎደ ኡንቱንታ፥ ‘ታን ህንተና ኡባካ ኤርከ፤ ኢታባ ኦያዋንቱ ህንተ ታ ማታፐ ሃክተ’ ያጋና።\x - \xo 7:23 \xo*\xt ማዝ. 6:8\xt*\x*
\s1 ላኡ ማላ ጎላቱዋ
\r (ሉቃሳ 6:47-49)
\p
\v 24 “ሄዋ ድራዉ፥ ሀዋ ታ ቃላ ስሲደ ኦያ ኡባይ ምኖ ዛላ ቦላ ባረ ጎልያ ኬጼዳ ዎዛናማ አሳ ማላ። 
\v 25 እራይ ቡኪደ፥ ድኡ ድኤዳ፤ ጫርኩካ ጫርኪደ፥ ሄ ጎልያ ሱጌዳ። ሽን ጎሊ ምኖ ዛላ ቦላ ኬጸቴዳ ድራዉ፥ ኩንድቤና።
\p
\v 26 “ሀዋ ታ ቃላ ስሲደ ኦና አሳይ ኡባይ፥ ባረ ጎልያ ሻፍያ ቦላ ኬጼዳ ቦዛ አሳ ማላ። 
\v 27 እራይ ቡኪደ፥ ድኡ ድኤዳ፤ ጫርኩካ ጫርኪደ፥ ሄ ጎልያ ሱግና፥ ጎሊ ኤለካ ኩንዴዳ። ሄ ጎሊ ዎልቃማ ኩንደ ኩንዴዳ።”
\p
\v 28 የሱስ ባረ ሃሳይያዋ ዉርሴዳ ዎደ፥ አሳይ እ ታማርስያዋን ማላለቴድኖ። 
\v 29 አያዉ ጎፐ፥ እ ኡንቱንታ ታማርሲደ፥ ሙሴ ህግያ ታማርስያዋንቱዳን ግደናን፥ ማታይ ደእያ አሳዳን ታማርሶ ድራሳ።
\c 8
\s1 የሱስ ኦሉ ኦይቄዳ ብታንያ ፓዳ
\r (ማር. 1:40-45፤ ሉቃሳ 5:12-16)
\p
\v 1 የሱስ ደርያፐ ዎዳ ዎደ፥ ጮራ አሳይ አ ካሌዳ። 
\v 2 ሄ ዎደ ኦሉ\f + \fr 8:2 \fr*\ft ኦሉ ኦይቄዳ አሳ ቦላይ ቦጼ። ሀዌ ሳክያ አሳይ ሄ ዎደ ደኡዋን አሳና ደእያ ዎጋ ኡባፐ ሻከቲደ ደኤ። ቃይካ ጌሻ ግደና ጌተቲደ ሀራ አሳን ጼሰቴ።\ft*\f* ኦይቄዳ እት ብታኒ የሱሳኮ ይ አ ስንን ጉልባቲደ፥ “ጎዳዉ፥ ነ ሸነ ግዶፐ፥ ታና ፓደ ጌሻናዉ ዳንዳያ” ያጌዳ።
\p
\v 3 የሱስ ባረ ኩሽያ የድ አ ቦቺደ፥ “ታን ኮያይ፤ ፓጻደ ጌያ!” ያጌዳ። ኤለካ ኦሉ ብታንያ የድ አጌዳ። 
\v 4 የሱስ አ፥ “ስም ሀዋ ኦስነ ኦዶፓ፤ ሽን ቄሳኮ ባደ ነ ፓጻደ ጌዬዳዋ አ በሳ፤ ነ ፓጻደ ጌዬዳዋ አሳ ኤርሳናዉ ሙሴ አዛዜዳ ያርሹዋ ጾሳዉ ያርሻ” ያጌዳ።\x - \xo 8:4 \xo*\xt ዎጋ 14:1-32\xt*\x*
\s1 የሱስ ጼቱዋ ካፑዋ ቆማ ፓዳ
\r (ሉቃሳ 7:1-10)
\p
\v 5-6 የሱስ ቅፍርናሆማ ካታማ ገሌዳ ዎደ፥ እት ሮማ ጋደ ጼቱዋ ካፑ አኮ ዪደ፥ “ታ ጎዳዉ፥ ታ ቆማ ቦላይ ጉንድና፥ ዳሮ ሳከቲደ፥ ሶይን ግሴዳ፤ ሀያ ጎዶ ታዉ ፓርኪ” ያግ ዎሴዳ።
\p
\v 7 የሱስ፥ “ታን ባደ አ ፓና” ያጌዳ።
\p
\v 8 ሽን ጼቱዋ ካፑ ዛሪደ፥ “ታ ጎዳዉ፥ ኔና ታ ሶይ ገልሳናዉ ታዉ በሰና፤ ሽን ኔን ቃላ ጻላላ ሃሳያ፤ ታ ቆማይ ፓጻናዋ። 
\v 9 አያዉ ጎፐ፥ ታን ታፐ ቦላና ደእያዋንቶ ኤኖ ግያ አሳ፤ ቃይ ታፐ ጋርሳና ዎታዳራቱ ደኢኖ። ታን እቱዋ፥ ‘ባ!’ ጎፐ ቤ፤ ቃይ የኩዋ፥ ‘ሃያ!’ ጎፐ ዬ፤ ታ ቆማ፥ ‘ሀዋ ኦ!’ ጎፐ ኦ” ያጌዳ።
\p
\v 10 የሱስ ሄዋ ስሴዳ ዎደ ማላለቲደ፥ ባረና ካልያ አሳ፥ “ታን ህንተዉ ቱሙዋ ኦዳይ፤ ታን ሀዋ ማላ አማኑዋ ሀራይ አቶ፥ እስራኤልያ ጋድያንካ በአበይከ። 
\v 11 ጮራ አሳይ አዋይፊ ዶልያ ባጋፐነ ዉልያ ባጋፐ ዪደ፥ አብራሃሞና፥ ይሳቃናነ ያቆባና ሳሉዋ ካዉተ ጋይታን እትፐ ኡታናዋንታ ያጋይ። 
\v 12 ሽን ካዉተን ደአናዉ በስያ አሳይ ዎልቃማ ማ ጋርሳ ካረ ኦለታና፤ ሄዋን ኡንቱንቱ ዬካናነ ባረንቱ አቻ ቃናዋንታ” ያጌዳ።
\p
\v 13 ሄዋፐ ካላ የሱስ ጼቱዋ ካፑዋ፥ “ነ ሶይ ባ፤ ኔን አማኔዳዋዳን ነዉ ሀኖ” ያጌዳ፤ ጼቱዋ ካፑዋ ቆማይ ሄ ሳትያንካ ፓጽ አጌዳ።
\s1 የሱስ ጮራ አሳቱዋ ኡንቱንቱ ሀርግያፐ ፓዳ
\r (ማር. 1:29-34፤ ሉቃሳ 4:38-41)
\p
\v 14 የሱስ ጰጽሮሳ ሶይ ቢደ፥ አ ቦሎታታ ቆጹዋ ሀርጋደ ግሴዳዉኖ በኤዳ። 
\v 15 እዝ ኩሽያ የሱስ ቦችና፥ ቆጹ እዞ ባሽ አጌዳ፤ እዛካ ደንዳደ አዉ ምያባ ጊግሳዱ።
\p
\v 16-17 ሳአይ ኦማርሴዳ ዎደ፥ አሳይ ኢታ አያናቱ ኦይቄዳ ጮራ አሳ የሱሳኮ አሄዳ፤ ናብያ ኢስያስ፥ “እ ኑ ዳቡራ ባረዉ አኬዳ፤ ቃይ ኑ ሀርግያካ ቶኬዳ” ያጌዳዌ ፖለታና ማላ፥ የሱስ ኢታ አያናቱዋ ባረ ቃላን ከሲደ፥ ሀርጌዳ አሳ ኡባካ ፓዳ።\x - \xo 8:16-17 \xo*\xt ኢሳ. 53:4\xt*\x*
\s1 የሱሳ ካልያዋንታ ጋክያ መቱዋ
\r (ሉቃሳ 9:57-62)
\p
\v 18 የሱስ ጮራ አሳይ ባረ ዩሹዋን ደእያዋንታ በኢደ፥ አባፐ ሄፍን ፕናና ማላ፥ ባረና ካልያዋንታ አዛዜዳ። 
\v 19 ሄዋፐ ጉይያን ሙሴ ህግያ ታማርስያ እቱ አኮ ዪደ፥ “ታማርስያዎ፥ ኔን ብያሳ ኡባ ታን ኔና ካላና” ያጌዳ።
\p
\v 20 የሱስ አ፥ “ዎራካናቶ ኦላይ ደኤ፤ ካፋቱዋስካ ኬይ ደኤ፤ ሽን ታዉ፥ አሳ ናአዉ፥ ሸምፓ አክያሳይካ ባዋ” ያጌዳ።
\p
\v 21 ቃይ ካልያዋንቱፐ እቱ የሱሳ፥ “ጎዳዉ፥ ታን ስንታ ባደ ታ አባ ሞጋናዉ ባ ያጋርኪ” ያጌዳ።
\p
\v 22 ሽን የሱስ አ፥ “ኔን ታና ካላ፤ ሀይቄዳዋንቱ ባረንቱ አሃ ሞግኖ” ያጌዳ።
\s1 የሱስ ጎቱዋነ ቤታ ጮኡ ኦዳ
\r (ማር. 4:35-41፤ ሉቃሳ 8:22-25)
\p
\v 23 የሱስ ዎንግርያን ገሎደ፥ አ ካልያዋንቱ አናና ቤድኖ። 
\v 24 ቤታይ ዎንግርያ ምታና ጋካናዉ፥ አባን ዎልቃማ ሆቢ ደንዴዳ፤ ሽን የሱስ ገምእሼዳ። 
\v 25 አ ካልያዋንቱ አኮ ቢደ፥ ገምእሹዋፐ ደንድኖ፤ ሄዋፐ ስሚደ አ፥ “ጎዳዉ፥ ኑን ዬቶ፤ ኑና አሻርኪ” ያጌድኖ።
\p
\v 26 የሱስ ኡንቱንታ፥ “ሀ አማኑ ፓጬዳዋንቶ፥ አያዉ ያዪቴ?” ያጌዳ። ሄዋፐ ጉይያን ደንዲደ፥ ጎቱዋነ ቤታ አግተ ጊና፥ ጎቱነ ቤታይ ጮኡ ጌዳ።
\p
\v 27 አሳይ ማላለቲደ፥ “ሀዌ ላ ሀራይ አቶ፥ ጎቱነ ቤታይ አዛዘትያዌ አይባ አሴ?” ያጌድኖ።
\s1 የሱስ ኢታ አያናይ ኦይቄዳ ላኡ አሳቱዋ ፓዳ
\r (ማር. 5:1-20፤ ሉቃሳ 8:26-39)
\p
\v 28 የሱስ ጋሊላ አባፐ ሄፍንን ደእያ ገርገሰኖና ጌተትያ ጋድያ ፕኔዳ፤ ኢታ አያናቱ ኦይቄዳ ላኡ አሳቱ ሄ ጋድያን ደእያዋንቱ ዱፉዋፐ ከሲደ፥ አናና ጋከቴድኖ። ኡንቱንቱ ዳሮ ኢታ ግድያ ድራዉ፥ ኦንነ ሄ ኦግያና አናዉ ዳንዳይቤና። 
\v 29 ኡንቱንቱ ባረንቱ ቃላ ቁ ኦደ፥ “ጾሳ ናአዉ፥ ኑናና ነዉ አይ አላሊ ደኢ? ዎዲ ጋከናን ኑና ሙራናዉ ያዲ?” ያጌድኖ።
\p
\v 30 ኡንቱንቱፐ ላፋ ሃክያሳን ጉዱን ዉዲ ሄመቴ። 
\v 31 ኢታ አያናቱ የሱሳ፥ “ኔን ኑና ከስያዋ ግዶፐ፥ ህን ጉዱን ዉድያ ግዶ የዳርኪ” ያጊደ ዎሴድኖ።
\p
\v 32 የሱስ ኡንቱንታ፥ “ቢተ!” ጊና ኡንቱንቱ ብታናቱዋፐ ከስ ቢደ፥ ጉዱንቱዋን ገሌድኖ። ጉዱን ዉዲ ኡባይ ካካ ላንቂያና ካጆቲደ፥ አባን ገሊደ፥ ምተት አጌድኖ።
\p
\v 33 ጉዱን ዉድያ ሄምያዋንቱ ባቃቲደ ካታማ ብ አጌድኖ፤ ቤዳሳን ኢታ አያናቱ ኦይቄዳ አሳቱ ሀኔዳባ ኡባ ኦዴድኖ። 
\v 34 ሄዋ ስሴዳ ካታማን ደእያ አሳይ ኡባይ የሱሳና ጋከታናዉ ከሴድኖ፤ አ በኤዳ ዎደ፥ ባረንቱ ጋድያፐ ባና ማላ ዎሴድኖ።
\c 9
\s1 የሱስ ቦላይ ጉንዴዳ ብታንያ ፓዳ
\r (ማር. 2:1-12፤ ሉቃሳ 5:17-26)
\p
\v 1 ሀዋፐ ካላ የሱስ ዎንግርያን ገሊደ፥ አባ ፕኒደ፥ ባረ ካታማ ዬዳ። 
\v 2 አማሬዳ አሳይ ቦላይ ጉንዴዳ እት ብታንያ ሻንቻማን ቶኪደ፥ የሱሳኮ አሄድኖ፤ የሱስ ኡንቱንቱ አማኑዋ በኢደ፥ ቦላይ ጉንዴዳ ብታንያ፥ “ታ ናአዉ፥ ያዮፓ፤ ነ ናጋራይ አቶ ጌተቴዳ” ያጌዳ።
\p
\v 3 ህግያ ታማርስያዋንቱፐ እቱ እቱ ባረንቱ ዎዛናን፥ “ላ ሀ ብታኒ ጾሳ ቦላ ኢታባ ሃሳዬቴ!” ያግ ቆፔድኖ።
\p
\v 4 የሱስ ኡንቱንቱ ቆፋ ኤሪደ፥ ኡንቱንታ ሀዋዳን ያጌዳ፤ “ህንተንቱ ህንተ ዎዛናን ሀዋ ማላ ኢታባ አያዉ ቆፒቴ? 
\v 5 ‘ነ ናጋራይ አቶ ጌተቴዳ’ ያግያዌ ማቴዬ? ዎይ፥ ‘ደንዳ ኤቃደ ሀመታ’ ያግያዌ ማቴ? 
\v 6 ሽን ሳኣ ቦላን ናጋራ አቶ ጋናዉ ታዉ፥ አሳ ናአዉ፥ ማታይ ደእያዋ ታን ህንተና ኤርሳና” ያጊደ፥ ሄዋፐ ጉየ እ ሄ ቦላይ ጉንዴዳ ብታንያ፥ “ደንዳ ኤቃ፤ ያታደ ነ ሻንቻማ ቶካደ፥ ነ ጎለ ባ” ያጌዳ።
\p
\v 7 ጉንዴዳ ብታኒካ ደንድ ኤቂደ፥ ባረ ጎለ ቤዳ። 
\v 8 ሽን ዳሮ አሳይ ሄዋ በኢደ ያዬድኖ፤ አሳዉ ሀዋ ማላ ማታ እሜዳ ጾሳ ጋላቴድኖ።
\s1 የሱስ ሌዊያ ማቶሳ ጼሴዳ
\r (ማር. 2:13-17፤ ሉቃሳ 5:27-32)
\p
\v 9 የሱስ ሄዋና አደ፥ ማቶሳ ያግያዌ ቃራጻ ቃንጽያ ሳን ኡቴዳዋ ደሚደ አ፥ “ታና ካላ” ያጌዳ።
\p ማቶስካ ደንድ ኤቂደ፥ አ ካሌዳ።
\p
\v 10 የሱስ ማቶሳ ጎለን ቁማ ማናዉ ኡት ደእሽን፥ ቃራጻ አክያ ጮራ አሳይነ ናጋራንቻቱ ዪደ፥ አናናነ አ ካልያዋንቱና እትፐ ጋይታን ኡቴድኖ። 
\v 11 እት እት ፓርሳዋቱ ሄዋ በኢደ፥ የሱሳ ካልያዋንታ፥ “ህንተና ታማርስያዌ ቃራጻ ቃንጽያዋንቱናነ ናጋራንቻቱዋና ቁማ አያዉ እትፐ ሚ?” ያጌድኖ።
\p
\v 12 ሽን የሱስ ኡንቱንቱ ያግያዋ ስሲደ፥ “ሀርጋንቻቱዋፐ አትን፥ ፓጻቶ አክሚ ኮሸና። 
\v 13 ሽን ህንተንቱ ቢደ፥ ጾሳ ማጻፋይ፥ ‘ታን ማሮተ ኮያይፐ አትን፥ ያርሹዋ ኮይከ’ ያግያዌ ዋግያዌንቶ ኤርተ፤ አያዉ ጎፐ፥ ታን ናጋራንቻቱዋ ጼሳናዉ ዬዳዋፐ አትን፥ ጽላቱዋ ጼሳናዉ ያበይከ” ያጌዳ።
\s1 ጾማባ ኦቼዳ ኦሻ
\r (ማር. 2:18-22፤ ሉቃሳ 5:33-39)
\p
\v 14 ሄ ዎደ ዮሃንሳ ካልያዋንቱ የሱሳኮ ዪደ፥ “ኑንነ ፓርሳዋቱ ኡባ ዎደ ጾሜቶ፤ ሽን ኔና ካልያዋንቱ አያዉ ጾምክኖ?” ያጊደ አ ኦቼድኖ።
\p
\v 15 የሱስ ኡንቱንታ፥ “ቡላቻ ዬዳ አሳይ ማቻቶ አክያዌ ባረንቱና ደእሽን፥ ካዮታናዉ ዳንዳዪኖ? ዳንዳይክኖ፤ ሽን ማቻቶ አክያዋ ኡንቱንቱ ማታፐ አፋና ዎዲ ያና፤ ኡንቱንቱ ሄ ዎደ ጾማናዋንታ” ያጌዳ።
\p
\v 16 “ኤጫ ማዩዋ ቦላ ኦራ ፍያ ዎደ ስክያ አሳይ ባዋ፤ አያዉ ጎፐ፥ ኦራ ፊ ኤጫ ማዩዋ ፔሬና፤ ፔይካ ካሰዋፐ ዳራናዋ። 
\v 17 ሆኦ ዎይንያ ኤሳ ኤጫ ኦጎሩዋን ናእያ አሳይ ባዋ። ሽን ናኦፐ፥ ሄ ዎይንያ ኤሳይ ኦጎሩዋ ዳካና፤ ባረዉካ ዎፈታና፤ ኦጎሩካ ባያናዋ። ሽን፥ ሆኦ ዎይንያ ኤሳ ኦራ ኦጎሩዋን ናአናዉ በሴ፤ ላኡካ ባይክኖ” ያጌዳ። \fig ዎይንያ ኤሳ ኦጎሩዋ|alt="Wineskin" src="LB00145B.TIF" size="span" ref="9:17"\fig*
\s1 ያእሮሳ ናትባነ የሱሳ ማዩዋ ቦቼዳ ምሽራትባ
\r (ማር. 5:21-43፤ ሉቃሳ 8:40-56)
\p
\v 18 የሱስ ኡንቱንቶ ሄዋ ኦድሽን፥ አይሁደ ዎሳ ጎለ ካፓቱዋፐ እቱ አኮ ይ አ ስንን ጉልባቲደ፥ “ታ ናታ ሀእ ሀይቃዱ፤ ሽን ኔን ያደ ነ ኩሽያ እዝ ቦላ ዎርኪ፤ እዛ ደኡዋን ደአናዉኑ” ያጌዳ።
\p
\v 19 የሱስ ደንዲደ፥ ባረና ካልያዋንቱና እትፐ ብታንያ ካሊደ ቤዳ። 
\v 20 ሄ ዎደ ታማነ ላኡ ላይ ኩመን፥ እዝ ቦላፐ ሱይ ጎግያ እት ምሽራታ ጉየና ሺቃደ፥ የሱሳ ማዩዋ ማጫራ ቦቻዱ። 
\v 21 ሀዋ እዛ ኦዌ፥ እዛ ባረ ዎዛናን፥ “ታን አ ማዩዋ ጻላላ ቦቻንቶ ፓጻና” ያጋደ ቆፓዱ።
\p
\v 22 ሽን የሱስ ዩይ እዞ ጼሊደ፥ “ታ ናቴ፥ ያዮፓ፤ ኔና ነ አማኑ ፓዳ” ያጌዳ። ሄ ማንእያን ምሽራታ ፓጻ አጋዱ።
\p
\v 23 የሱስ አይሁዳ ዎሳ ጎለ ካፑዋ ሶይ ጋኬዳ ዎደ፥ ዬኩዋን ድንካ ፑንያ አሳነ ዬክያ አሳ በኢደ፥ 
\v 24 “ካረ ከስተ፤ ጉ ናታ ገምእሻዱፐ አትን፥ ሀይቃበይኩ” ያጌዳ። ሄዋፐ ጉይያን አሳይ አ ቦላ ዳሪ ሚጬዳ። 
\v 25 ሽን ጮራ አሳ ካረ እ ከሴዳዋፐ ጉይያን፥ ጎለ ገሊደ፥ ናት ኩሽያ ኦይቄዳ፤ ናታካ ደንዳ አጋዱ። 
\v 26 ሄ ዋሪ፥ ሄ ማንእያን ሄ ጋድያን ኡባን ስሰቴዳ።
\s1 የሱስ ላኡ ቆቃቱዋ ፓዳ
\p
\v 27 የሱስ ሄዋና አደ ብያ ዎደ፥ ላኡ ቆቃቱ ባረንቱ ቃላ ቁ ኦደ፥ “ዳዊተ ናአዉ፥ ኑና ማራርኪ” ያጊደ አ ካሌድኖ።
\p
\v 28 የሱስ ጎለ ገሌዳ ዎደ፥ ቆቃቱ አኮ ዬድኖ፤ የሱስ ኡንቱንታ፥ “ታን ሀዋ ኦናዉ ዳንዳይያዋ አማኒቴ?” ያጌዳ።
\p ኡንቱንቱ፥ “ኤ ጎዳዉ” ያግ ዛሬድኖ።
\p
\v 29 ሄዋፐ ጉይያን፥ የሱስ ኡንቱንቱ አይፍያ ባረ ኩሽያን ቦቺደ ኡንቱንታ፥ “ህንተዉ ህንተንቱ አማኑዋዳን ሀኖ” ያጌዳ። 
\v 30 ኡንቱንቱ አይፊ ዶየት አጌዳ፤ የሱስ ኡንቱንቶ፥ “ሀዋ ኦስነ ኦዶፕተ” ያጊደ ምንሲደ ኦዴዳ። 
\v 31 ሽን ኡንቱንቱ ቢደ፥ ሄ ጋድያ ኡባን የሱሳባ ኦዴድኖ።
\s1 የሱስ እት ዱድያ ፓዳ
\p
\v 32 ኡንቱንቱ ከሲደ ብያ ዎደ፥ አማሬዳ አሳይ ኢታ አያናይ ኦይቂና ዱዴዳ ብታንያ የሱሳኮ አሄድኖ። 
\v 33 የሱስ ኢታ አያና ከሴዳዋፐ ጉይያን፥ ዱደ ብታኒ ሃሳዬዳ። አሳይ፥ “ሀዌ ኦራባ፤ ሀዋ ማላባይ እስራኤልያ ጋድያን ኡባካ ሀንቤና” ያግ ማላለቴድኖ።
\p
\v 34 ሽን ፓርሳዋቱ፥ “እ ኢታ አያናቱዋ ካፑዋ ዎልቃን ጻላሀቱዋ ከሴ” ያጌድኖ።\x - \xo 9:34 \xo*\xt 10:25፤ 12:24፤ ማር. 3:22፤ ሉቃሳ 11:15\xt*\x*
\s1 የሱስ አሳዉ ቃረቴዳ
\p
\v 35 የሱስ ኡንቱንታ አይሁዳ ዎሳ ጎለቱዋን ታማርሲደነ ካዉተ ዎንጋላ ምሽራቹዋ ኦዲደ፥ ቃይ ሀርግያ ኡባፐነ ሳኩዋ ኡባፐ አሳ ፓደ፥ ዎጋ ካታማቱዋንነ ቄር ካታማቱዋ ኡባን ዩዬዳ።\x - \xo 9:35 \xo*\xt ማቶሳ 4:23፤ ማር. 1:39፤ ሉቃሳ 4:44\xt*\x* 
\v 36 ጮራ አሳ በኢደ፥ ሄምያ አሳይ ባይና ዶርሳዳን አሳይ ህርገትያ ድራዉነ አሳ ማድያባይ ባይና ድራዉ፥ አሳዉ ቃረቴዳ።\x - \xo 9:36 \xo*\xt ፓይ. 27:17፤ 1 ካታ. 22:17፤ 2 ኦዱዋ 18:16፤ ህዝ. 34:5፤ ማር. 6:34\xt*\x* 
\v 37 ያቲደ ባረና ካልያዋንታ፥ “ቆይቻዉ ጋካ ካይ ዳራ፤ ሽን ጫክያ አሳይ ጉ። 
\v 38 ስም ካ ጎዳይ ካ ጫካናዉ ኦሳንቻቱዋ የዳና ማላ፥ አ ዎስተ” ያጌዳ።
\c 10
\s1 የሱስ ኪቴዳ ታማነ ላኡ አሳቱዋባ
\r (ማር. 3:13-19፤ ሉቃሳ 6:12-16)
\p
\v 1 የሱስ ባረ ታማነ ላኡ ካልያዋንታ ጼሲደ፥ ኡንቱንቱ ኢታ አያና ከሳና ማላ፥ ቃይ ሀርግያ ኡባነ ሳኩዋ ኡባ ፓና ማላ፥ ኡንቱንቶ ማታ እሜዳ። 
\v 2 የሱስ ኪቴዳ ታማነ ላአቱዋ ሱንይ፥ ኮይሮዌ ጰጽሮሳ ጌተትያ ስሞናነ አ እሻ እንድራሳ፥ ዛብድዮሳ ናና፥ ያቆባነ ዮሃንሳ፥ 
\v 3 ፕልጶሳ፥ ባርታላሞሳ፥ ቶማሳ፥ ቃራጻ አክያ ማቶሳ፥ እልፕዮሳ ናኣ ያቆባነ ታዶሳ፤ 
\v 4 ባረ ጋደዉ ቃረትያ ስሞናነ የሱሳ አ እሜዳ አስቆሮቱ ይሁዳ።
\s1 የሱስ ኪቴዳ ታማነ ላአቱ ታማርሳናዉ ኪተቴድኖ
\r (ማር. 6:7-13፤ ሉቃሳ 9:1-6)
\p
\v 5 የሱስ ሀ ታማነ ላአቱዋ ሀዋዳን ያጊደ ኪቴዳ፤ “አይሁዳ ግደና አሳ ጋድያ ቦፕተ፤ ቃይ ሳማረቱዋ ካታማካ ገሎፕተ፤ 
\v 6 ሄዋ ድራ ባዬዳ ዶርሳኮ፥ እስራኤልያ አሳኮ 
\v 7 ቢደ፥ ‘ሳሉዋ ካዉተይ ማቴዳ’ ያጊደ ኦድተ።\x - \xo 10:7-15 \xo*\xt ሉቃሳ 10:4-12\xt*\x* 
\v 8 ሀርጋንቻቱዋ ፓተ፤ አሃ ሀይቁዋፐ ደንተ፤ ኦሉ ኦይቄዳዋንታ ፓተ፤ ኢታ አያናቱዋካ ከስተ። ህንተንቱ ጮ አኬድታ፤ ጮ እምተ። 
\v 9 ዎርቃ ዎይ ብራ ዎይ ሳንትምያ ህንተንቱ ኪስያን ኦይቆፕተ፤ 
\v 10 ዎይ ኦገዉ ቃርጪትያ፥ ዎይ ላኤንያ ማዩዋ፥ ዎይ ጫማ ዎይ ጻምኣ ኦይቆፕተ። አያዉ ጎፐ፥ ኦሳንቻዉ ኮሽያባይ ቁማ።\x - \xo 10:10 \xo*\xt 1 ቆሮ. 9:14፤ 1 ጽሞ. 5:18\xt*\x*
\p
\v 11 “ህንተንቱ ገልያ ካታማን ዎይ ቄር ካታማ ኡባን ህንተና ሞካናዉ ናሸትያዌ ኦነንቶ አኬካን ጾሞስተ፤ ህንተንቱ ሄዋፐ ከሳና ጋካናዉ፥ ሄዋን ኡትተ። 
\v 12 ቃይ ጎለ ገሊደ ሳሮትተ። 
\v 13 ሄ ጎለን ደእያ አሳይ ህንተና ሞኮፐ፥ ህንተንቱ ሳሮቴዳ ሳሮታይ ኡንቱንታ ጋኮ። ሽን ኡንቱንቱ ህንተና ሞከናን እጾፐ፥ ህንተንቱ ሳሮቴዳ ሳሮታይ ህንተዉ ጉየ ስሞ። 
\v 14 ቃይ እት እት ጎሊ ዎይ ካታማይ ህንተና ሞከናን ዎይ ህንተንቱ ኦድያዋ ስሰናን እጾፐ፥ ሄ ጎለፐ ዎይ ሄ ካታማፐ ከሲደ፥ ህንተንቱ ገድያፐ ባና ሾጭተ። 
\v 15 ታን ህንተዉ ቱሙዋ ኦዳይ፤ ጾሳይ ፕርድያ ጋላስ ሄ ካታማ አሳፐ፥ ሶዶማ ካታማ አሳዉነ ጋሞራ ካታማ አሳዉ ፕርዳ ካዉሽሳና።\x - \xo 10:15 \xo*\xt ማቶሳ 11:24፤ ዶመ 19:24-28\xt*\x*
\s1 ጎዳይ ያናፐ ካሰቲደ፥ የደርሱነ መቱ ሀናና
\r (ማር. 13:9-13፤ ሉቃሳ 21:12-17)
\p
\v 16 “በእተ! ታን ህንተና ዶርሳ ዋላቱዋ ግዶ የድያዋዳን የዳይ። ሄዋ ድራዉ፥ ሾሻዳን ጭንጫ ግድተ፤ ቃይ ሀራጵያዳን፥ አሽከ ግድተ። 
\v 17 ሽን አሳፐ ናገትተ። አያዉ ጎፐ፥ አሳይ ህንተና ፕርዳ ጎለዉ አደ እማና፤ ቃይ ባረ አይሁዳ ዎሳ ጎለቱዋንካ ህንተና ልሱዋን ፔዳና።\x - \xo 10:17-20 \xo*\xt ማር. 13:9-11፤ ሉቃሳ 12:11-12፤ 21:12-15\xt*\x* 
\v 18 ጋድያ አይስያዋንቱ ስንንነ ካታቱዋ ስንን ታ ድራዉ ህንተንቱ ኤቂደ፥ ኡንቱንቶነ አይሁዳ ግደና አሳ ስንን ታዉ ማርካ ግዳንታ። 
\v 19 ሽን ኡንቱንቱ ህንተና ፕርዳዉ አያ ዎደ፥ ህንተንቱ ሃሳያናባ ሄ ሳትያን ጾሳይ ህንተዉ እምያ ድራዉ፥ ህንተንቱ ጋናባዉነ ዎይ ዋጊደ ሃሳያነንቶነ ህርጎፕተ። 
\v 20 አያዉ ጎፐ፥ ህንተንቱን አቂደ ሃሳይያዌ ህንተንቱ አዉዋ ጌሻ አያናፐ አትን፥ ሃሳይያዋንቱ ህንተንታ ግድክታ።
\p
\v 21 “እሻይ ባረ እሻ፥ አዉ ባረ ናኣ ቦላ ደንዳና፤ ናናይ ባረንቱ አትነ አዉዋ ቦላ ደንዲደ፥ ኡንቱንታ ዎሳና። 
\v 22 ቃይ አሳይ ኡባይ ህንተንታ ታ ሱን ድራዉ እጻና፤ ሽን ዉርሰይ ጋካናዉ ገንጭያዌ አታናዋ። 
\v 23 ኡንቱንቱ ህንተና እት ካታማፐ የደርሶፐ፥ ሀራ ካታማ ቢተ። አያዉ ጎፐ፥ ታን ህንተዉ ቱሙዋ ጋይ፤ ታን፥ አሳ ናአይ፥ ያና ጋካናዉ፥ ህንተንቱ ህንተ ኦሱዋ እስራኤልያ ካታማ ኡባን ኦደ ዉርስክታ።
\p
\v 24 “ታማርያዌ ባረና ታማርስያዋፐ ዳረና፤ ቆማይካ ባረ ጎዳፐ ዳረና። 
\v 25 ታማርያዌ ባረና ታማርስያዋ ኬና ግድያዌ፥ ቆማይካ ባረ ጎዳ ኬና ግድያዌ አዉ ግዳና፤ ኡንቱንቱ ጎለ ጎዳ ብኤል-ዘቡላ ጊደ ጼሶፐ፥ አ ጎለ አሳ ዋግ ጼሳኔሻ!
\s1 ኦስ ያያናዉ በስንቶ
\r (ሉቃሳ 12:2-7)
\p
\v 26 “ስም አሳዉ ያዮፕተ፤ አያዉ ጎፐ፥ ገን ዎዳባይ ቆንጭያ ከሰናን አተና፤ ቆሴዳባይካ ኤረተናን አተና። 
\v 27 ታን ህንተንቶ ማን ኦድያባ ፖኡዋን ሃሳይተ፤ ህንተዉ ሀይን ሳሱኪደ ኦዴዳዋ፥ ቃሳን አዋይተ። 
\v 28 አሹዋ ዎያዋንቶ ያዮፕተ፤ ኡንቱንቱ፥ ሸምፑዋ ዎናዉ ዳንዳይክኖ። ሽን ሸምፑዋነ አሹዋ ጋናምያን ይሳናዉ ዳንዳይያ ጾሳዉ ያይተ። 
\v 29 ላኡ ሱንያ ካፋቱ ሳንትምያን ዛልኤትክኖ? ህንተንቱ አዉዋ ሸንያ ግዳና ዮፐ፥ ሄ ሱንያ ካፋቱዋፐ እትናካ ሳኣን ዎደ ባዩኩ። 
\v 30 ሽን ሀራይ አቶ፥ ህንተንቱ ሁጲያን ደእያ ብናናይ ኡባይካ ፓይዱዋን ደኤ። 
\v 31 ስም ያዮፕተ፤ ዳሮ ሱንያ ካፋቱዋፐ ህንተንቱ አታ።
\s1 ክርስቶሳባ ማርካታናዉ በሴ
\r (ሉቃሳ 12:8-9)
\p
\v 32 “ሄዋ ድራዉ፥ አሳ ስንን ታባ ማርካትያ ኦስ ግዶፐነ፥ ታንካ ሳሉዋን ደእያ ታ አቡ ስንን ማርካታና፤ 
\v 33 ሽን አሳ ስንን ታና ካድያ ኦናነ ታንካ ቃይ ሳሉዋን ደእያ ታ አቡ ስንን አ ካዳና።\x - \xo 10:33 \xo*\xt 2 ጽሞ. 2:12\xt*\x*
\p
\v 34 “ታን ሳአዉ ሳሮተ አሀናዉ ዬዳዋ ህንተዉ ማላቶፖ፤ ታን ቶራ አሀናዉ ዬዳዋፐ አትን፥ ሳሮተ አሀናዉ ያበይከ። 
\v 35 አያዉ ጎፐ፥ ታን ናኣ አ አቡፐ፥ ናቶ እዝ ዳይፐ፥ ናኣ ማቻቶካ እዝ ቦሎታትፐ ሻካናዉ ያድ፤\x - \xo 10:35 \xo*\xt ሚክ. 7:6\xt*\x* 
\v 36 አሳዉ ሞርከቱ አ ጎለ አሳቱዋ ግዳናዋንታ።
\p
\v 37 “ባረ አባ ዎይ ባረ ዳዮ ታፐ አደ ሲቅያዌ ታዋ ግዳናዉ በሰና፤ ባረ አቱማ ናኣ ዎይ ባረ ማጫ ናቶ ታፐ አደ ሲቅያዌ ታዋ ግዳናዉ በሰና። 
\v 38 ባረ ማስቃልያ ቶኪደ፥ ታ ጌዱዋ ካለናዌ ታዋ ግዳናዉ በሰና። 
\v 39 ባረ ሸምፑዋ አሽያዌ ባይዛናዋ፤ ሽን ታ ድራዉ ባረ ሸምፑዋ ባይዝያዌ አሻናዋ።
\p
\v 40 “ህንተንታ ሞክያዌ ታና ሞኬ፤ ቃይ ታና ሞክያዌ ታና ኪቴዳዋ ሞኬ። 
\v 41 ናብያ፥ ናብያ ሱንን ሞክያዌ፥ ናብያ ጋትያ አናና ግሸታናዋ፤ ቃይ ጽሉዋ፥ ጽሉዋ ሱንን ሞክያዌ፥ ጽሉዋ ጋትያ አናና ግሸታናዋ። 
\v 42 ኦንነ ሀ ታና ካልያዋንቱፐ ጉጽያ እቶ፥ ሀራይ አቶ ቡልያ ሃ ጻላላ ኡሻናዉ እሞፐካ፥ ታን ህንተንቶ ቱሙዋ ጋይ፤ እ ባረ ጋትያ አካና” ያጌዳ።
\c 11
\s1 ጻማቅያ ዮሃንሳፐ የሱሳኮ ኪተቴዳ አሳቱዋ
\r (ሉቃሳ 7:18-35)
\p
\v 1 የሱስ ባረ ታማነ ላኡ ካልያዋንታ አዛዝያዋ ፖሌዳ ዎደ፥ ሄዋፐ ደንዲደ፥ ካታማቱዋን ታማርሳናዉነ ኦዳናዉ ቤዳ።
\p
\v 2 ጻማቅያ ዮሃንስ ቃሾ ጎለን ደኢደ፥ የሱስ ኦዳዋ ስሲደ፥ ባረና ካልያዋንታ አኮ ኪቲደ፥ 
\v 3 “ያናዌ ኔኔየ? ዎይ ሀራ ናጋኔ?” ያግ ኦቻናዳን ኦዳ።
\p
\v 4 የሱስ ዛሪደ፥ ኡንቱንቶ ሀዋዳን ያጌዳ፤ “ቢደ ህንተንቱ በእያዋነ ስስያዋ ዮሃንሳዉ ኦድተ፤ 
\v 5 ቆቃቱ ጼሊኖ፤ ዎባቱ ሀመቲኖ፤ ኦሉ ኦይቄዳዋንቱ ፓጺደ ጌዪኖ፤\f + \fr 11:5 \fr*\ft ፓጺደ ጌዪኖ ግያዋ ሎይ አኬካናዉ 8:2 ጻደና ደእያ ብለን ጻፈቴዳዋ በአና ዳንዳየቴ።\ft*\f* ቱላቱ ስሲኖ፤ ሀይቄዳዋንቱ ደንዲኖ፤ ህዬሳቱ ዎንጋላ ምሽራቹዋ ስሲኖ።\x - \xo 11:5 \xo*\xt ኢሳ. 35:5-6፤ 61:1\xt*\x* 
\v 6 ታባ ስና ኡራይ አንጀቴዳዋ” ያጌዳ።
\p
\v 7 ዮሃንሳ ካልያዋንቱ ስም ቤዳ ዎደ፥ የሱስ ዮሃንሳባ ሺቄዳ አሳዉ ሀዋዳን ያግ ሃሳዬዳ፤ “አያ በአናዉ አሳይ ደኤና መላ ቢታ ከሴድቴ? ጫርኩ ቃያ ማቃ በአናዉ ከሴድቴ? 
\v 8 ያትና፥ አያ በአናዉ ከሴድቴ? ሎእያ ማዩዋ ማዬዳ ብታንያ በአናዉ ከሴድቴ? ሎእያ ማዩዋ ማዬዳዋንቱ ካታቱዋ ጎለን ደኢኖ። 
\v 9 ያትና፥ አያ በአናዉ ከሴድቴ? ናብያ በአናዉ ከሴድቴ? ኤ፥ ታን ህንተዉ ኦዳይ፤ ናብያፐካ አያዋ በኤድታ። 
\v 10 አያዉ ጎፐ፥ ጾሳ ማጻፋን፥
\q1 “ ‘ጾሳይ፥ “በአ፥ ታን ኪትያዋ
\q2 ኔፐ ስንዉ የዳና።”
\q1 እ ነዉ ኦግያ ጊግሳናዋ’ ያጌዳ
\m ጌተቲደ ዮሃንሳባይ ጻፈቴዳ።”\x - \xo 11:10 \xo*\xt ሚልክ. 3:1\xt*\x*
\p
\v 11 ታን ህንተንቶ ቱሙዋ ኦዳይ፤ አት ኡሉዋፐ የለቴዳ አሳ ኡባን ጻማቅያ ዮሃንሳፐ አያዌ ኦንነ ደንድቤና፤ ሽን ሳሉዋ ካዉተን ኡባፐ ላፍያዌ አፐ አና። 
\v 12 ጻማቅያ ዮሃንሳ ዎድያፐ ዶሚደ፥ ሀቼ ጋካናዉ፥ ሳሉዋ ካዉተታ ዳሮ ናቀታዉ፤ ምን ባጸትያዋንቱ እዞ ደሚኖ። 
\v 13 አያዉ ጎፐ፥ ናባቱ ኡባቱነ ሙሴ ህጊ ዮሃንሳ ዎዲ ጋካናዉ፥ ትምቢትያ ሃሳዬድኖ፤ 
\v 14 ስም ህንተንቱ ኡንቱንቱ ሃሳዮዋ አማናናዋ ግዶፐ፥ ያናዋ ጌተቴዳ ኤላስ ሀ ዮሃንሳ።\x - \xo 11:14 \xo*\xt ሚልክ. 4:5፤ ማቶሳ 17:10-13፤ ማር. 9:11-13\xt*\x* 
\v 15 ስስያ ሀይይ ደእያዌ ስሶ!
\p
\v 16 “ሽን ታን ሀ ዎድያ አሳ አያና ሌምሶ? ኡንቱንቱ ቆጫን ኡትያ ናና ማላቲኖ፤ ኡንቱንቱ ባረንቱ ላገቱዋ ጼሲደ፥ 
\v 17 ‘ኑን ህንተንቶ ህጽጽያ ፑኔዶ፤ ሽን ዱርበይክታ፤ ዬኩዋ የካ ከሴዶ፤ ሽን ዬክበይክታ’ ያጊኖ። 
\v 18 አያዉ ጎፐ፥ ዮሃንስ ጾሚደነ ዎይንያ ኤሳ ኡሸናን ዪና ኡንቱንቱ፥ ‘አ ቦላ ኢታ አያናይ ደኤ’ ያጌድኖ። 
\v 19 ታን፥ አሳ ናአይ፥ ማደነ ኡሻደ ዪና፥ ኡንቱንቱ ታና፥ ‘ሀ ናፍሳማነ ዎይንያ ኤሳ ኡሽያዋ በእተ፤ ቃራጻ ቃንጽያዋንቱናነ ናጋራንቻቱዋና ሲቀቴ’ ያጊኖ፤ ሽን ጾሳ አዳ ኤራተይ ባረ ኦሱዋን ቱማ ግዲደ ቤቴ” ያጌዳ።
\s1 አማነናን እጼዳ ድራዉ ቶሸቴዳ ካታማቱዋ
\r (ሉቃሳ 10:13-15)
\p
\v 20 ሄዋፐ ጉይያን፥ የሱስ ባረ ማላታፐ ዳርያ ባጋ ኦዳ ካታማቱዋን ደእያ አሳይ ባረንቱ ናጋራፐ ስምቤና ድራዉ፥ ኡንቱንታ ሀዋዳን ያጊደ፥ ቶሽያ ዶሜዳ፤ 
\v 21 “ኮራዚነ ካታማዉ፥ ነዉ አየሮ፤ ቤተሳይዳ ካታማዉ፥ ነዉካ አየሮ፤ አያዉ ጎፐ፥ ህንተንቱ ቦላ ጾሳይ ኦዳ ማላታይ ጺሮሳ ካታማንነ ሲዶና ካታማን ኦሰቶዋ ግድንቶ፥ ኡንቱንቱ ማቅያ ማዪደ፥ ብድን ኦከቲደ፥ በን ባረንቱ ናጋራፐ ስማናዋንታሽን።\x - \xo 11:21 \xo*\xt ኢሳ. 23:1-18፤ ህዝ. 26:1—28:26፤ ኢዩ. 3:4-8፤ አሞጻ 1:9-10፤ ዛካ. 9:2-4\xt*\x* 
\v 22 ታን ህንተዉ ኦዳይ፤ ፕርዳ ጋላስ ጾሳይ ህንተፐ ጺሮሳ ካታማዉነ ሲዶና ካታማዉ ፕርዳ ካዉሽሳና። 
\v 23 ቃይ ቅፍርናሆማ ካታማዉ፥ ኔን ሳሉዋ ፑደ ቁ ጋናዉ ኮያድ? ኔን ስኦልያ ዱገ የገታና፤ አያዉ ጎፐ፥ ነ ቦላ ጾሳይ ኦዳ ማላታይ ሶዶማ ካታማን ኦሰቶዋ ግድንቶ፥ ሶዶማ ካታማይ ሀቼ ጋካናስካ ደአናዋሽን።\x - \xo 11:23 \xo*\xt ኢሳ. 14:13-15፤ ዶመ 19:24-28\xt*\x* 
\v 24 ታን ህንተዉ ኦዳይ፤ ፕርዳ ጋላስ ጾሳይ ኔፐ ሶዶማዉ ፕርዳ ካዉሽሳና” ያጌዳ።
\s1 የሱሳን ሸምፑዋ ደምያዋ
\r (ሉቃሳ 10:21-22)
\p
\v 25 የሱስ ሄ ዎደ ዛሪደ፥ ሀዋዳን ያጌዳ፤ “ታ አቦ፥ ሳሉዋ ሳኣ ጎዳዉ፥ ኔን ሀዋ አዳ ኤራንቻቱዋፐነ አኬካንቻቱዋፐ ገንደ፥ ኤረና ናናቶ ቆንጭሴዳ ድራዉ፥ ኔና ጋላታይ፤ 
\v 26 ኤ ታ አቦ፥ አያዉ ጎፐ፥ ሀዌ ነ ሸንያዳን ኦሰቴዳ።
\p
\v 27 “ታ አቡ ታዉ ኡባባ እሜዳ፤ አዉዋፐ ሀራይ ናኣ ኤረና፤ ናኣፐነ ናአይ አዉዋ ቆንጭሳናዉ ኮይያ አሳፐ አትን፥ ሀራይ አዉዋ ኤረና።
\p
\v 28 “ዳቡራንቻቶ፥ ዴጹዋ ቶኮዋንቶ ኡባቶ፥ ታኮ ሃ ዪተ፤ ታን ህንተንታ ሸምፕሳና። 
\v 29 ታን ጋራነ ታ ዎዛናን አሽከ ግዶ ድራዉ፥ ታ ሞርገ ምን ዋጸትተ፤ ታፐ ታማርተ፤ ህንተንቱ ሼምፖካ ህንተ ሸምፑዋ ደማና።\x - \xo 11:29 \xo*\xt ኤር. 6:16\xt*\x* 
\v 30 አያዉ ጎፐ፥ ታ ሞርገ ምይ ጊጋ፤ ቃይ ታን ህንተንታ ቶሴዳዌካ ካዉሻ” ያጌዳ።
\c 12
\s1 ሳምባታባዉ ሺቄዳ ኦሻ
\r (ማር. 2:23-28፤ ሉቃሳ 6:1-5)
\p
\v 1 የሱስ ሄ ዎደ ሳምባታ ጋላስ፥ ትሻ ባንጋ ግዶና አሽን አ ካልያዋንቱ ኮሻቲደ፥ ትሻ ባንጋ ዱደ፥ ሙሳ ዶሜድኖ።\x - \xo 12:1 \xo*\xt ዛረ. 23:25\xt*\x* 
\v 2 ሽን ፓርሳዋቱ ሄዋ በኢደ የሱሳ፥ “በአ፥ ኔና ካልያዋንቱ ሳምባታ ጋላስ ኦናዉ ዎጋ ግደናባ ኦኖ” ያጌድኖ።
\p
\v 3 ሽን የሱስ ኡንቱንቶ ሀዋዳን ያጌዳ፤ “ዳዊተነ አናና ደእያዋንቱ ኮሻቴዳ ዎደ፥ ዳዊተ ኦዳዋ ናባብ በይክቴ?\x - \xo 12:3 \xo*\xt 1 ሳሜላ 21:1-6\xt*\x* 
\v 4 ዳዊተ ጾሳ ጎለ ገሊደ፥ ቄሳቱዋ ጻላላይ ማናፐ አትን፥ እነ አናና ደእያዋንቱ ማናዉ ዎጋ ግደና ጾሳዉ ያርሼዳ ቁማ ሜዳ።\x - \xo 12:4 \xo*\xt ዎጋ 24:9\xt*\x* 
\v 5 ዎይ ሳምባታ ኡባን ጌሻ ጎልያን ደእያ ቄሳቱ ሳምባታ ዎጋ መንያዋ፥ ቃይ ኡንቱንቶ ሄዌ ባይዞ ግደናዋ ሙሴ ህግያን ናባብ በይክቴ?\x - \xo 12:5 \xo*\xt ፓይ. 28:9-10\xt*\x* 
\v 6 ሽን ታን ህንተዉ ኦዳይ፤ ጌሻ ጎልያፐ አያዌ ሀዋን ደኤ። 
\v 7 ጾሳ ማጻፋይ፥ ‘ታን ማሮተ ኮያይፐ አትን፥ ያርሹዋ ኮይከ’ ያግያዌ ዋግያዌንቶ ህንተንቱ ኤሪተንቶ፥ ባይዙ ባይና አሳ ቦላ ፕርድክታ።\x - \xo 12:7 \xo*\xt ማቶሳ 9:13፤ ሆሰ 6:6\xt*\x* 
\v 8 አያዉ ጎፐ፥ ታን፥ አሳ ናአይ፥ ሳምባታ ጎዳ” ያጌዳ።
\s1 የሱስ ኩሺ ጉንዴዳ ብታንያ ፓዳ
\r (ማር. 3:1-6፤ ሉቃሳ 6:6-11)
\p
\v 9 የሱስ ሄዋፐ ደንዲደ፥ አይሁዳ ዎሳ ጎለ ቤዳ። 
\v 10 ሄዋን ኩሺ ጉንዴዳ እት ብታኒ ደኤ፤ የሱሳ ሞታናዉ ጋሱዋ ኮይያ አሳቱ፥ “ሳምባታን፥ ሀርጋንቻ ፓያዌ ዎጌ?” ያጊደ አ ኦቼድኖ።
\p
\v 11 የሱስ ኡንቱንታ፥ “ህንተንቱ ግዶን እት ዶርሳይ ደእያ ኡራይ፥ ሄ ዶርሳይ ሳምባታ ጋላስ ኦላን ኩንዶፐ፥ ኦይቂደ ከሰናዌ ኦኔ? 
\v 12 ያትና፥ አሳይ ዶርሳፐ ዎት ሎይደ ዳረኔ! ሄዋ ድራዉ፥ ሳምባታ ጋላስ ሎኦባ ኦያዌ ዎጋ” ያጌዳ። 
\v 13 ሄዋፐ ጉይያን ብታንያ፥ “ነ ኩሽያ ፕድ ኦ” ያግና ብታኒ ፕድ ኦዋፐ ጉይያን፥ አ ኩሺ የኮ ኩሽያዋዳንካ ፓጽ አጌዳ። 
\v 14 ሽን ፓርሳዋቱ ካረ ከሲደ፥ የሱሳ ዎት ዎነንቶ ማቀቴድኖ።
\s1 ጾሳይ ዶሬዳ አይልያ
\p
\v 15 ሽን የሱስ ኡንቱንቱ ዞረታ ኤሪደ፥ ሄዋፐ አጊደ ብያ ዎደ፥ ዳሮ አሳይ አ ካሌዳ፤ ሀርጌዳ ኡባ ፓዳ። 
\v 16-17 ጾሳይ ናብያ ኢስያሳ ባጋና ኦዴዳዌ ፖለታና ማላ፥ የሱስ አሳቶ፥ “ታባ ሀራ አሳዉ ኦዶፕተ” ያጌዳ። 
\v 18 ጾሳይ ኢስያሳ ባጋና ሀዋዳን ያጌዳ፤
\q1 “ታን ዶሬዳ ታ አይሊ፥
\q2 ታን ሲቅያ፥ ታና ናሸችያዌ ሀዌኩ።
\q1 ታን ታ አያና አ ቦላ ዎና።
\q2 እ ሱረ ፕርዳ አሳዉ ኡባዉ ኦዳናዋ።\x - \xo 12:18 \xo*\xt ኢሳ. 42:1-4\xt*\x*
\q1
\v 19 እ ፓሉመተና፤ ዎይ ዋሰና።
\q2 ባረ ቃላካ ኦግያን ስሰና።
\q1
\v 20 ሱረ ፕርዳይ ጾን ከሳና ጋካናዉ፥
\q2 ትንጨቴዳ ማቃ መንና፤\f + \fr 12:20 \fr*\ft አ። ትንጨቴዳ ማቃ መንና፤ ሀዋ ጉሳይ፥ ማዱ ባይናዋንቶነ ዳቡራንቻቶ የሱስ ኬካነ ጋራ ጉሳ። ብ። ጩዋትያ ሙቃዳ ቁንጩትያካ እ ቶይሰና ጉሳይ፥ የሱስ ዳቡራንቻቶ ጉዙማ ግደናዳን ኬካ ጉሳ።\ft*\f*
\q2 ቃይ ጩዋትያ ሙቃዳ ቁንጩትያካ እ ቶይሰና።
\q2
\v 21 አይሁዳ ግደና አሳይ ኡባይ፥
\q1 አ ቦላ ባረንቱ ህዶታ ዎና”
\m ያጌዳ።
\s1 የሱሳባነ ብኤል-ዘቡላባ
\r (ማር. 3:20-30፤ ሉቃሳ 11:14-23)
\p
\v 22 ሄዋፐ ጉይያን፥ አማሬዳ አሳቱ ኢታ አያናይ ኦይቂና ዱዴዳ እት ቆቃ ብታንያ የሱሳኮ አሄድኖ፤ የሱስ ሄ ዱደ ብታንያ ፓዳ፤ ብታኒካ ሃሳያነ ጼላ ዶሜዳ። 
\v 23 አሳይ ኡባይ ማላለቲደ፥ “ላ ሀዌ ዳዊተ ናኣ ግዳንዴሻ?” ያጌድኖ።
\p
\v 24 ሽን ፓርሳዋቱ ሄዋ ስሲደ፥ “ሀ ብታኒ ኢታ አያናቱዋ ካፑ ‘ብኤል-ዘቡል’ ባረዉ ዎልቃ እምና፥ ጻላሀቱዋ ከሴ” ያጌድኖ።
\p
\v 25 ሽን የሱስ ኡንቱንቱ ቆፋ ኤሪደ፥ ኡንቱንታ ሀዋዳን ያጌዳ፤ “ባረ ግዶን ሻከትያ ካዉተይ ኡባይ ያና፤ ቃይ ባረ ግዶን ሻከትያ ካታማይ ዎይ ጎለን ደእያ አሳይካ ምነና። 
\v 26 ቃይ ሴጻናይ ሴጻና ከስያዋ ግዶፐ፥ ባረ ግዶን ሻከቴ፤ ያትና፥ አ ካዉተይ ዋኒደ ምን ኤቃናዌ? 
\v 27 ታዉ ብኤል-ዘቡል ዎልቃ እምና፥ ታን ጻላሀቱዋ ከስያዋ ግዶፐ፥ ህንተንቱ አሳዉ ዎልቃ ኦን እምና ጻላሀቱዋ ከሳኔ? ሄዋ ድራዉ፥ ኡንቱንቱ ህንተ ቦላ ፕርዳና። 
\v 28 ሽን ጾሳ ጌሻ አያናይ ታዉ ዎልቃ እምና፥ ታን ጻላሀቱዋ ከስያዋ ግዶፐ፥ ስም ጾሳ ካዉተይ ህንተ ቦላ ይ ድጌዳ።
\p
\v 29 “ዎይ አሳይ ካሰቲደ፥ ዎልቃማ አሳ ቃቼናን ደኢደ፥ አ ጎለ ገሊደ፥ አ ሚሻ ቦንቃናዉ ዋኒደ ዳንዳዪ? ቃቼዳዋፐ ጉይያን፥ አ ሚሻ ቦንቃናዉ ዳንዳዬ።
\p
\v 30 “ታ ባጋ ግደና ኡራይ ታዋ እጼ፤ ቃይ ታናና እትፐ ሺሸናዌ ላሌ። 
\v 31 ሄዋ ድራዉ፥ ታን ህንተዉ ኦዳይ፤ ጾሳይ አሳዉ አይ ናጋራ ግድናካ፥ ቃይ አይ ቦረ ግድናካ አቶ ጋና፤ ሽን ጌሻ አያና ቦርያዋ አቶ ጌና። 
\v 32 ታ ቦላ፥ አሳ ናኣ ቦላ፥ ኢታባ ሃሳይያ ኦ ናጋራነ ጾሳይ አቶ ጋና፤ ሽን ጌሻ አያና ቦላ ኢታባ ሃሳይያ ኦ ናጋራነ ሳኣን ግድና፥ ሳሉዋንካ ጾሳይ አቶ ጌና።
\s1 ሎኦ ምይ ባረ አይፍያን ኤረቴ
\r (ሉቃሳ 6:43-45)
\p
\v 33 “ሎኦ አይፍያ ደማናዉ ሎኦ ም ድቻናዉ በሴ፤ ኢታ ም ህንተንቱ ድቾፐ፥ ኢታ አይፍያ ደማንታ፤ አያዉ ጎፐ፥ ምይ ኤረትያዌ ባረ አይፍያ አይፍያዋና። 
\v 34 ሾሻቶ፥ ህንተንቱ ኢታ ግዲደ፥ ዎት ሎኦባ ሃሳያናዉ ዳንዳዪቴ? አያዉ ጎፐ፥ ዶናይ ዎዛና ግዶን ኩሜዳዋ ሃሳዬ። 
\v 35 ሎኦ አሳይ ባረ ሎኦ ምንጁዋፐ ሎኦባ ከሴ፤ ቃይ ኢታ አሳይ ባረ ኢታ ምንጁዋፐ ኢታባ ከሴ። 
\v 36 ታን ህንተንቶ ኦዳይ፤ አሳይ ባረ ሃሳዬዳ ማደና ሃሳያ ኡባዉ ፕርዳ ጋላስ ዛሩዋ እማናዋ። 
\v 37 አያዉ ጎፐ፥ ነ ሃሳያይ ኔና ጽልሳና፤ ዎይ ነ ሃሳያይ ነ ቦላ ፕርድሳና” ያጌዳ።
\s1 ማላታ በአናዉ ሺቄዳ ኦሻ
\r (ማር. 8:11-12፤ ሉቃሳ 11:29-32)
\p
\v 38 ሄዋፐ ጉይያን፥ ህግያ ታማርስያ እት እት አሳይነ ፓርሳዋቱ ዛሪደ የሱሳ፥ “ታማርስያዎ፥ ኔን ማላታ ኦሽን፥ ኑን በአናዉ ኮዬቶ” ያጌድኖ።
\p
\v 39 ሽን እ ዛሪደ፥ ኡንቱንቶ ሀዋዳን ያጌዳ፤ “ሀ ዎድያ አሳይ ኢታነ ጾሳ አማነና ድራዉ፥ ማላታ ኮዬ፤ ናብያ ዮናሳ ማላታፐ አትን፥ ሀራ ማላታይ እመተና። 
\v 40 ዮናስ ዎጋ ሞልያ ኡሉዋን ሄዙ ጋላሳነ ሄዙ ቃማ ደኤዳዋዳን፥ አሳ ናአይካ፥ ቢታ ግዶን ሄዙ ጋላሳነ ሄዙ ቃማ ደአናዋ። 
\v 41 ነነዌ አሳይ ዮናስ ኦዴዳዋን ባረንቱ ናጋራፐ ስሜዳ ድራዉ፥ ፕርዳ ጋላስ ደንዲደ፥ ህንተንታ ሞታናዋንታ፤ በይተ፥ ዮናሳፐ አያዌ ሀዋን ደኤ። 
\v 42 ዱገ ባጋ ጋድያ ካታታ ሶሎሞነዉ ደእያ አ ኤራተ ስሳናዉ ሳኣ ጋጻፐ ዬዳ ድራዉ፥ ፕርዳ ጋላስ ደንዳደ፥ ህንተንታ ሞታናዉኑ፤ በይተ፥ ሶሎሞነፐካ አያዌ ሀዋን ደኤ።\x - \xo 12:42 \xo*\xt 1 ካታ. 10:1-10፤ 2 ኦዱዋ 9:1-12\xt*\x*
\s1 ኢታ አያናይ አሳ ጋርሳ ስሚደ ገልያዋ
\r (ሉቃሳ 11:24-26)
\p
\v 43 “ኢታ አያናይ አሳፐ ከሴዳ ዎደ፥ ባረዉ ሸምፕያ ሳ ኮዪደ፥ ሃይ ባይና መላሳና ዩዬ፤ ሽን ደመና። 
\v 44 ሄ ዎደ፥ ‘ታን አጋደ ዬዳ ታ ጎለ ስማና’ ያጌ፤ ስሚደ ይያ ዎደ፥ ጎሊ መላ ደእያዋነ ፕተት ጌዪደ፥ ጊግ ኡቴዳዋ ደሜ። 
\v 45 ሄዋፐ ጉይያን፥ ቢደ ባረፐ ኢትያ ላፑ ሀራ አያናቱዋ አኪደ ዬ፤ ሄ አያናቱ ገሊደ፥ ሄዋን ደኢኖ። ሄ ብታንያ ደኡ ካሰዋፐ ዳሪ ኢቴ። ሀ ዎድያ ኢታ አሳዉካ ቃይ ሄዋዳን ሀናና” ያጌዳ።
\s1 የሱሳ ዳዮነ አ እሻቱዋ
\r (ማር. 3:31-35፤ ሉቃሳ 8:19-21)
\p
\v 46 የሱስ ዳሮ አሳዉ ሃሳይሽን፥ አ ዳያነ አ እሻቱ አናና ሃሳያናዉ ኮዪደ፥ ካረን ኤቄድኖ። 
\v 47 ሄዋን ደእያ አሳፐ እቱ አ፥ “ነ ዳያነ ነ እሻቱ ኔናና ሃሳያናዉ ኮዪደ፥ ካረን ኤቄድኖ” ያጌዳ።\f + \fr 12:47 \fr*\ft እት እት ጌሻ ማጻፋ ብለን ሀ ፓይዱ ባዋ።\ft*\f*
\p
\v 48 ሽን የሱስ ዛሪደ፥ “ታ ዳያ ኦኔ? ታ እሻቱ ኦኔ?” ያጌዳ። 
\v 49 ባረ ኩሽያን ባረና ካልያዋንቱኮ ጾርሲደ፥ “በይተ፥ ታ ዳያነ ታ እሻቱ ሀዋንቱሽ። 
\v 50 አያዉ ጎፐ፥ ሳሉዋን ደእያ ታ አቡ ሸንያ ኦያ ኡባይ፥ ታ እሻ፥ ታ ምቻቶነ ታ ዳዮ” ያጌዳ።
\c 13
\s1 ዘርያዋ ሌምሱዋ
\r (ማር. 4:1-9፤ ሉቃሳ 8:4-8)
\p
\v 1 የሱስ ሄ ጋላስ ሶይፐ ከሲደ፥ አባ ጋጻን ኡቴዳ። 
\v 2 ዳሮ ጮራ አሳይ ባረ ዩሹዋን ዩይ አደ ሺቅና፥ ዎንግርያ ግዶ ገሊደ ኡቴዳ፤ አሳይ ኡባይ አባ ጋጻን ኤቄዳ። 
\v 3 አሳዉ ሌምሱዋን ዳሮባ ሀዋዳን ያጊደ ኦዴዳ፤ “እት ብታኒ ዘረ ዘራናዉ ከሴዳ። 
\v 4 እ ዘርሽን፥ እት እት ዘረይ ኦግያ ዶናን ዎዳ፤ ያትና ካፉ ዪደ ሜዳ። 
\v 5 ቃይ እት እት ዘረይ አንጮ ግዴዳ ቢታ ቦላ ዎዳ፤ ዳሮ ቢታይ ባይና ድራዉ፥ ሄ ዘረይ ኤለካ ዶሌዳ። 
\v 6 ሽን አዋይ ከሴዳ ዎደ ጫርሻይ ሹሌዳ፤ አዱሳ ጻጱዋ የድቤና ድራዉ መል አጌዳ። 
\v 7 እት እት ዘረይ አጉን ግዶን ዎዳ፤ ሄዋን ዶሌዳዋ አጉንይ ድጪደ ጩሌዳ። 
\v 8 እት እት ዘረይ ቱኤ ቢታን ዎደ ዶሌዳ፤ እቱ ጼቱ አይፍያ፥ እቱ ኡሱፑን ታሙዋ፥ እቱ ሀታሙዋ አይፌዳ። 
\v 9 ስስያ ሀይይ ደእያ ኡራይ ስሶ!” ያጌዳ።
\s1 የሱስ ሌምሱዋን ኦዶ ጋሱዋ
\r (ማር. 4:10-12፤ ሉቃሳ 8:9-10)
\p
\v 10 የሱሳ ካልያዋንቱ አኮ ሺቂደ፥ “ኔን አያዉ አሳዉ ሌምሱዋን ኦዳይ?” ያጌድኖ።
\p
\v 11 የሱስ ዛሪደ፥ ኡንቱንቶ ሀዋዳን ያጌዳ፤ “ህንተንቶ ሳሉዋ ካዉተ ጹራ ኤሩሳይ እመቴዳ፤ ሽን ኡንቱንቶ እመትቤና። 
\v 12 አያዉ ጎፐ፥ ደእያዎ ጉጀታና፤ አዉ ዳራናዋ፤ ሽን ባይናዋፐ ሀራይ አቶ፥ ሄ ደእያዌካ አከታናዋ። 
\v 13 ታን ኡንቱንቱ ጼሊደ ጼለናዋዳን፥ ስሲደ ስሰናዋዳን ሀንያ ድራዉ፥ ዎይ ቃይ አኬከና ድራዉ ኡንቱንቶ ሌምሱዋን ኦዳይ።
\p
\v 14 “እስያስ ኡንቱንቱባ ሀዋዳን ኦዶዌ ፖለታናዋ፤
\q1 “ ‘ህንተንቱ ስሳ ስሳና፤
\q2 ሽን ህንተንቶ ገለና፤
\q2 ህንተንቱ ጼላ ጼላና፤
\q2 ሽን በእክታ።\x - \xo 13:14 \xo*\xt ኢሳ. 6:9-10\xt*\x*
\q1
\v 15 አያዉ ጎፐ፥ ሀ አሳ ዎዛናይ ጉዙሜዳ፤
\q2 ባረንቱ ሀይ ቱልሴድኖ፤
\q2 ባረንቱ አይፍያካ ጪሉሜድኖ።
\q2 ሀዌ ባዌንቶ፥ ኡንቱንቱ ባረንቱ አይፍያን በአና፤
\q2 ባረንቱ ሀይን ስሳና፤
\q2 ባረንቱ ዎዛናንካ አኬካና፤
\q2 ኡንቱንቱ ታኮ፥ ጾሳኮ ስማና፤
\q2 ታንካ ኡንቱንታ ፓና’
\m ያጌ።
\p
\v 16 “ሽን ህንተንቱ አይፊ ጼልያ ድራዉነ ህንተንቱ ሀይይካ ስስያ ድራዉ፥ ህንተንቱ አንጀቴዳዋንታ። 
\v 17 ታን ህንተንቶ ቱሙዋ ኦዳይ፤ ዳሮ ናባቱነ ጽላቱ ህንተንቱ በእያዋ በአናዉ አሞቴድኖ፤ ሽን በእበይክኖ። ህንተንቱ ስስያዋ ስሳናዉ አሞቴድኖ፤ ሽን ስስበይክኖ።
\s1 የሱስ ዘርያዋ ሌምሱዋ ብለ ኦዴዳ
\r (ማር. 4:13-20፤ ሉቃሳ 8:11-15)
\p
\v 18 “ስም ካ ዘርያዋ ሌምሱዋ ብለይ ግያዋ ስስተ። 
\v 19 ካዉተ ቃላ ስሲደ፥ አኬከና ኦንነ ኦግያ ዶናን ዎዳ ዘረ ማላ፤ ጻላህያ ካፑ ዪደ፥ ኡንቱንቱ ዎዛናን ዘረቴዳዋ ማጽ ድጌ። 
\v 20 አንጮ ቢታን ዎዳ ዘረይ ቃላ ስሲደ፥ ኤለካ ናሸቻን አክያዋንታ ማላቴ። 
\v 21 ሽን ሄ አሳቱ ሀእሳፐ አትን፥ ኡንቱንቱን ጻጱ ባዋ፤ ቃላ ጋሱዋን መቱ ዎይ የደሳይ ይያ ዎደ፥ ኤለካ በት አጊኖ። 
\v 22 ቃይ አጉን ግዶን ዎዳዌ ቃላ ስስያዋ በሴ፤ ሽን ሀ ሳኣ ደኦ ህርጉሳይነ ዱረተ ሲቁሳይ ቃላ ጩሌ፤ ሀ ጋሱዋን ሄ ዘረይካ አይፈናን አት አጌ። 
\v 23 ቱኤ ቢታን ዘረቴዳዌ፥ ቃላ ስሲደ፥ አኬክያ አሳ በሴ፤ እካ አይፌ፤ እቱ ጼቱዋ፥ እቱ ኡሱፑን ታሙዋ፥ እቱ ሀታሙዋ አይፌ” ያጌዳ።
\s1 ዛርንግያ ሌምሱዋ
\p
\v 24 የሱስ ኡንቱንቶ ሀራ ሌምሱዋ ሀዋዳን ያጊደ ኦዴዳ፤ “ሳሉዋ ካዉተይ ባረ ጎሻን ሎኦ ዘረ ዘሬዳ ብታንያ ማላቴ። 
\v 25 ሽን ቃማ አሳይ ገምእሽድግና፥ አ ሞርኪ ዪደ፥ ዛርጋ ዘሬዳዋ ቦላ ዛርንግያ ዘሪደ ቤዳ። 
\v 26 ሽን ዛርጋይ ዶል አይፌዳ ዎደ፥ ዛርንጊ ሄ ዎደ ቤቴዳ።
\p
\v 27 “አ ቆማቱ አኮ ዪደ፥ ‘ጎዳዉ፥ ኔን ነ ጎሻን ሎኦ ዘረ ዘራበይኪ? ያትና፥ ዛርንጊ ሀቃፐ ዬዴ?’ ያጌድኖ።
\q1
\v 28 “ሄዋፐ ጉይያን ጎዳይ፥ ‘ሄዋ ሞርኪ ኦዳ’ ያጌዳ።
\q2 ቆማቱ፥ ‘ኑን ቢደ ሾዳናዳን ዶሳይ?’ ያጌድኖ።
\p
\v 29 “ሽን እ፥ ‘አግተ፥ ዛርንግያ ህንተንቱ ሾዲደ፥ ዛርጋና ሾዳንታ። 
\v 30 ቦቾፕተ፤ ቆይጭያ ዎዲ ጋካናዉ፥ እትፐ ድጭኖ። ቆይጭያ ዎዲ ጋኮደ፥ ታን ቆይጭያዋንታ፥ ካሰቲደ ዛርንግያ ማጽተ፤ ታማን ጉዳናዉ ፖችያን ፖችያን ቃችተ፤ ሽን ዛርጋ ሺሺደ ድይያን ቆልተ’ ጋና” ያጌዳ።
\s1 ሳናፍጭያ ጌተትያ ምት ዘረ ሌምሱዋ
\r (ማር. 4:30-32፤ ሉቃሳ 13:18-19)
\p
\v 31 የሱስ ኡንቱንቶ ሀራ ሌምሱዋ ያጊደ ኦዴዳ፤ “ሳሉዋ ካዉተይ ሳናፍጭያ ጌተትያ ጉ ምት አይፍያ ማላቴ፤ ሄ ምት አይፍያ አሳይ አኪደ፥ ባረ ጎሻን ዘሬዳ። 
\v 32 ሄ ዘረታ ሀራ ዘረ ኡባፐ ጉጻዉ፤ ሽን ድጬዳ ዎደ፥ ሀራ አታክልትያ ኡባፐ ዳራዉ፤ ካፉ ዪደ፥ እዝ ቃንካን ኬጽያዋ ኬና ዎጋ ም ግዳዱ” ያጌዳ።
\s1 እርሹዋ ሌምሱዋ
\r (ሉቃሳ 13:20-21)
\p
\v 33 ቃይ የሱስ ሀራ ሌምሱዋ ኡንቱንቶ ያጊደ ኦዴዳ፤ “ሳሉዋ ካዉተይ እት ምሽራታ ሄዙ ከርያ ልያ አካደ፥ ሙናቄዳ ሙናቃይ ኡባይ ደንዳና ጋካናዉ፥ አን ትጌዳ እርሹዋ ማላቴ” ያጌዳ።
\s1 የሱስ ሌምሱዋን ታማርሴዳ ጋሱዋ
\r (ማር. 4:33-34)
\p
\v 34-35 የሱስ አሳዉ ሄ ኡባ ሌምሱዋን ኦዴዳ፤ ሌምሱ ባይናን እ እትባካ ኦደና፤ ናቢ፥
\q1 “ታን ኡንቱንቶ ሃሳይያ ዎደ፥
\q2 ሌምሱዋን ሃሳያይ።
\q1 አላሚ መቶደፐ ዶሚደ
\q2 ጌሜዳ የዋቱዋ ኦዳይ”\x - \xo 13:34-35 \xo*\xt ማዝ. 78:2\xt*\x*
\m ያጌዳዌ ፖለታና ማላ፥ ሄዋ እ ኦዴዳ።
\s1 የሱስ ዛርንግያ ሌምሱዋ ብለ ኦዴዳ
\p
\v 36 ሄዋፐ ጉይያን፥ የሱስ አሳ አጊደ፥ ሶይ ገሌዳ፤ አ ካልያዋንቱ አኮ ቢደ፥ “ጎሻን ደእያ ዛርንግያ ሌምሱዋ ብለ ኑዉ ኦዳ” ያጌድኖ።
\p
\v 37 የሱስ ዛሪደ፥ ሀዋዳን ያጌዳ፤ “ሎኦ ዘረ ዘርያዌ አሳ ናኣ፤ 
\v 38 ጎሻይ ሀ አላምያ፤ ሎኦ ዘረይ ጾሳ ካዉተ አሳ፤ ዛርንጊ ጻላህያ ካፑዋ ናና። 
\v 39 ዛርንግያ ዘሬዳዌ ሞርክያ ጻላህያ፤ ቆይቻ ዎዲ፥ ዎድያ ዉርሰ፤ ቃይ ቆይጭያዋንቱ ኪታንቻቱዋ።
\p
\v 40 “ሄዋ ድራዉ፥ ዛርንግያ ማጺደ፥ ታማን ጉድያዋዳን፥ ዎድያ ዉርሰን ሄዋ ማላ ግዳናዋ። 
\v 41 አሳ ናአይ፥ ኪታንቻቱዋ ኪታናዋ፤ ኡንቱንቱ አ ካዉተ ግዶን ናጋራዉ ጋሶ ግድያ ኡባቱዋነ ኢታባ ኦያዋንታ ማጺደ ከሳናዋንታ። 
\v 42 ያቲደ ቶኤና ታማን ኦላናዋንታ፤ ሄዋን ኡንቱንቱ ዬካናዋንታነ አቻ ቃናዋንታ። 
\v 43 ሄ ዎደ ጽላቱ ባረንቱ አቡ ካዉተን አዋዳን ፖአና። ስስያ ሀይይ ደእያ ኡራይ ስሶ!
\s1 ሞገቴዳ ሚሻ ሌምሱዋ
\p
\v 44 “ሳሉዋ ካዉተይ ጎሻን ሞገቴዳ ሚሻ በሴ፤ እት ብታኒ ሄ ሚሻ ደሚደ፥ ዛሪደ ሞግ አጌዳ፤ ዳሮ ናሸቲደ ቢደ፥ ባረዉ ደእያዋ ኡባ ዛልኢደ፥ ሄ ጎሻ ሻሜዳ።
\s1 እንቁዋ ጌተትያ ዳሮ አልኦ ሹቻ ሌምሱዋ
\p
\v 45 “ቃይ ሳሉዋ ካዉተይ እንቁዋ ጌተትያ ዳሮ አልኦ ሹቻ ሻማናዉ ኮይያ ዛልአንቻ ማላቴ። 
\v 46 ሄ ዛልአንቻይ ዳሮ አልኦ እንቁዋ ደሚደ፥ ቢደ ባረዉ ደእያዋ ኡባ ዛልኢደ፥ አ ሻሜዳ።
\s1 ዳባ ሌምሱዋ
\p
\v 47 “ቃይ ሳሉዋ ካዉተይ ኡባ ቆሞ ሞልያ ኦይቂያ፥ አባን የገቴዳ ዳባ ማላቴ። 
\v 48 ሞሊ ዳባ ኩሜዳ ዎደ፥ ሞልያ ኦይቂያ አሳቱ አባፐ ጋጻ ከሲደ ኡቴድኖ፤ ያቲደ ሎኦ ሞልያ ቆሪደ፥ የግያ ሚሻን የጌድኖ፤ ሽን ኢታ ሞልያ ዎራ ኦሌድኖ። 
\v 49 ዎድያ ዉርሰን ሄዋዳን ሀናና፤ ኪታንቻቱ ዪደ፥ ናጋራንቻቱዋ ጽላቱዋ ግዶፐ ቆሪደ፥ 
\v 50 ቶኤና ታማን ኦላናዋንታ፤ ሄዋን ኡንቱንቱ ዬካናዋንታነ አቻ ቃናዋንታ።
\p
\v 51 “ሀዌ ኡባይ ህንተንቶ ገሌዴ?” ያጊደ ኡንቱንታ ኦቼዳ።
\p ኡንቱንቱ፥ “ኤ” ያጌድኖ።
\p
\v 52 እ፥ “ሄዋ ድራዉ፥ ሳሉዋ ካዉተ ጹራ ሎይ ኤርያ፥ ህግያ ታማርስያ ኡባይ፥ ባረ ሚሻ ሺሽ ዎዳ ጎልያፐ ኦራ ሚሻነ ኤጫ ሚሻ ሻክ ከስያ እዛዋ ማላቴ” ያግ ዛሬዳ።
\s1 ናዝሬተን የሱሳ ጋኬዳ እጹዋ
\r (ማር. 6:1-6፤ ሉቃሳ 4:16-30)
\p
\v 53 የሱስ ሀ ሌምሳቱዋ ኦድ ዉርሶዋፐ ጉይያን፥ ሄዋፐ ደንዲደ፥ 
\v 54 ባረ ካታማ ናዝሬተ ቤዳ። አይሁዳ ዎሳ ጎለን ታማርስያዋ ስሴዳ አሳይ ማላለቲደ፥ ሀዋዳን ያጌዳ፤ “ሀዌ ሀ አ ኤራተነ ጾሳይ ኦያ ማላታ ኦናዉ ዎልቃ ሀቃፐ አኬዴ? 
\v 55 ሀዌ አናጽያ ናኣ ግደኔ? አ ዳያ ማይራሞ ግደኬ? አ እሻቱ ያቆባ፥ ዮሴፎ፥ ስሞናነ ይሁዳ ግድክኖ? 
\v 56 አ ምቻቱ ኡባይ ኑናና ደእክኖ? ያትና፥ እ ሀ ኤራ ኡባ ሀቃፐ ደሜዴ?” ያጌድኖ። 
\v 57 ኡንቱንቱ እ ግያባ አከናን እጼድኖ።
\p ሽን የሱስ ሄ አሳዉ፥ “ናቢ ባረ ጋድያንነ ባረ ሶይ አሳን ቦንቼተና፤ ሽን ሀራሳ ኡባን ቦንቼቴ” ያጌዳ። 
\v 58 ኡንቱንቱ አማንቤና ድራዉ፥ የሱስ ዳሮ ማላታ ሄ ሳን ኦቤና።
\c 14
\s1 ጻማቅያ ዮሃንሳ ሀይቁዋ
\r (ማር. 6:14-29፤ ሉቃሳ 9:7-9)
\p
\v 1 ሄ ዎደ ጋሊላ ጋድያ አይስያ ሄሮድሰ የሱሳባ ስሴዳ፤ 
\v 2 ያቲደ ባረ ቆማቶ፥ “ሀዌ ሀይቁዋፐ ደንዴዳ ጻማቅያ ዮሃንሳ፤ ጾሳይ ኦያ ዎልቃማ ማላታ እ ኦያዌ ሄዋሳ” ያጌዳ።
\p
\v 3 አያዉ ጎፐ፥ ሄሮድስ ባረ እሻ ፕልጶሳ ማቻት ሄሮድያድ ጋሶታን ዮሃንሳ ኦይ ቃሽሲደ፥ ቃሾ ጎለን የግ ዎዳ። 
\v 4 አያዉ ጎፐ፥ ዮሃንስ ሄሮድሳ፥ “ኔን ሄሮድያዶ፥ ነ እሻ ማቻቶ አካናዉ ህጊ ድጌ” ያጌዳ።\x - \xo 14:4 \xo*\xt ዎጋ 18:16፤ 20:21\xt*\x* 
\v 5 ሄሮድስ ዮሃንሳ ዎናዉ ኮዬዳ፤ ሽን ይሁዳ አሳይ ናብያዳን ዮሃንሳ ጼሌዳ ድራዉ፥ አሳዉ ያዬዳ።
\p
\v 6 ሽን ሄሮድስ የለቴዳ ጋላሳ ባላይ ጋክና፥ ሄሮድያድ ናታ አሳ ስንን ዱራደ ሄሮድሳ ናሸቻዉ። 
\v 7 ሄሮድስ ናቶ፥ “ኔና ሎኤዳዋ አያነ ግዶፐ፥ ታና ኦቻ፤ ታን ነዉ እማና” ያጊደ እዝዉ ጫቄዳ። 
\v 8 ናታ ባረ ዳይ ዞርያ አካደ ሄሮድሳ፥ “ጻማቅያ ዮሃንሳ ሁጲያ ሀ ዎጪትያን ዎደ ታዉ እማ” ያጋዱ። 
\v 9 ካቲ አዉ ቃረቴዳ፤ ሽን ባረ ጫቁዋ ድራዉነ ባረናና ማዳን ኡቴዳ እማ ድራዉ፥ እዝዉ ዮሃንሳ ሁጲ እመታና ማላ አዛዜዳ። 
\v 10 ካቲ ኪቲደ፥ ዮሃንሳ ቆያ ቃሾ ጎለን ሙጭሴዳ። 
\v 11 ሁጲያ ዎጪትያን ዎ አሂደ፥ ናትዉ እሜድኖ፤ ናታ ሄ ሁጲያ ባረ አትኮ አፋዱ። 
\v 12 ዮሃንሳ ካልያዋንቱ ዪደ፥ አ አሃ አፊደ ሞጌድኖ፤ ሄዋፐ ስሚደ ሀ የዉዋ የሱሳዉ ቢደ ኦዴድኖ።
\s1 የሱስ እቼሹ ሻአ አሳ ምዜዳ
\r (ማር. 6:30-44፤ ሉቃሳ 9:10-17፤ ዮሃ. 6:1-14)
\p
\v 13 የሱስ ሄዋ ስሲደ፥ ዎንግርያን ገሊደ፥ ሄዋፐ ባረካ አሳይ ባይናሳ ቤዳ፤ አሳይ ሄዋ ስሲደ፥ ካታማፐ ደንዲደ፥ ገድያን አ ካሌድኖ። 
\v 14 የሱስ ዎንግርያፐ ከሴዳ ዎደ፥ ዳሮ አሳ በኢደ፥ ሄ አሳዉ ቃረቴዳ፤ ያቲደ ኡንቱንቱና ደእያ ሀርጋንቻቱዋ ፓዳ።
\p
\v 15 ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ “ሀዌ ሳአይ አሳይ ባይናሳ፤ ሀእ ሳአይ ቃም ድጌዳ፤ አሳይ ኡባይ ቄር ካታማቱዋ ቢደ፥ ባረንቶ ቁማ ሻማና ማላ፥ አሳ ሞይዛ” ያጌድኖ።
\p
\v 16 ሽን የሱስ ኡንቱንታ፥ “አሳይ ባናዉ ኮሸና፤ አሳዉ ሜተትያባ ህንተንቱ እምተ” ያጌዳ።
\p
\v 17 ኡንቱንቱ ዛሪደ አ፥ “ኑዉ ሀዋን እቼሹ ኡክፐነ ላኡ ሞልያፐ አትን፥ ሀራይ ባዋ” ያጌድኖ።
\p
\v 18 የሱስ ኡንቱንታ፥ “ሄዋንታ፥ ሃ ታኮ አህተ” ያጌዳ። 
\v 19 አሳይ ማታን ኡታና ማላ፥ የሱስ አዛዜዳ፤ እቼሹ ኡክነ ላኡ ሞልያ ኦይቂደ፥ ሳሉዋ ፑደ ጼሊደ፥ ጾሳ ጋላቴዳ፤ ሄ ኡክ መንደ፥ ባረና ካልያዋንቶ እምና፥ ኡንቱንቱ ጮራ አሳዉ ግሼድኖ። 
\v 20 አሳይ ኡባይ ሚደ ካሌዳ፤ አቴዳ ሱፓ ዶካ ታማነ ላኡ ዛምቤልያ ኩሜዳዋ ደንድኖ። 
\v 21 ሜዳ አሳይ ማጫ አሳነ ናና ፓይደናን፥ እቼሹ ሻኣ ግድያዋ ኬና።
\s1 የሱስ አባ ቦላና ሀመቲደ ቤዳ
\r (ማር. 6:45-52፤ ዮሃ. 6:15-21)
\p
\v 22 የሱስ ጮራ አሳ ሞይዚደ፥ ባረና ካልያዋንታ ዎንግርያን ገሊደ፥ ባረፐ ስንቲደ፥ አባፐ ሄፍን ፕናና ማላ አዛዜዳ። 
\v 23 አሳ ሞይዚደ፥ ጾሳ ዎሳናዉ ደርያ ሁጲያ ባረካ ከሴዳ፤ ሳአይ ቃም ድግናካ ሄዋን ባረካ ደኤ። 
\v 24 ሽን ዎንግሪ ሄ ዎደ፥ አባ ቦላን ደእሽን፥ ስን ባጋና ጫርኩ ጫርክያ ድራዉ፥ ቤታይ ዎንግርያ ያነ ሃነ ሱጌ።
\p
\v 25 ባይራ ኩቱ ዋስ ስምና፥ የሱስ አባ ቦላ ሀመቲደ፥ ኡንቱንቱኮ ዬዳ። 
\v 26 አ ካልያዋንቱ አባ ቦላ እ ሀመትሽን በእ ዳጋሚደ፥ “ሀዌ ሞይትልያ ግደኔ!” ግ ያዪደ ዋሴድኖ።
\p
\v 27 ሽን የሱስ ኤለካ ኡንቱንታ፥ “አይነ ባዋ፤ ታናተ፤ ያዮፕተ!” ያጌዳ።
\p
\v 28 ጰጽሮስ ዛሪደ አ፥ “ታ ጎዳዉ፥ ሀዌ ኔና ግዶፐ፥ ታን ሃ ቦላና ኔኮ ባና ማላ፥ ታና አዛዛርኪ” ያጌዳ።
\p
\v 29 የሱስ ጰጽሮሳ፥ “ሃያ!” ያጌዳ።
\p ጰጽሮስ ዎንግርያፐ ዎደ፥ ሃ ቦላና ሀመቲደ፥ የሱሳኮ ቡሳ ዶሜዳ። 
\v 30 ሽን ጫርኩዋ ዎልቃ በኢደ፥ ያዬዳ፤ ሃይ ባረና ምቱዋ ዶሜዳ ዎደ፥ ባረ ኮሻ ቁ ኦደ፥ “ታ ጎዳዉ ታና አሻርኪ!” ያግ ዋሴዳ።
\p
\v 31 ሄ ማንእያን የሱስ ባረ ኩሽያ የድ ጰጽሮሳ ኦይቂደ፥ “ላ ሀ አማኑ ላፌዳዎ! አያዉ ስዲ?” ያጌዳ።
\p
\v 32 ኡንቱንቱ ላኡ ዎንግርያን ገሌዳ ዎደ፥ ጫርኩ ዎፑ ጌዳ። 
\v 33 ዎንግርያ ግዶን ደእያ አ ካልያዋንቱ የሱሳ፥ “ኔን ጾሳ ናኣ ግዴዳዌ ቱማ” ያጊደ አዉ ጎይኔድኖ።
\s1 የሱስ ገንሳሬጸን ሀርጋንቻ ፓዳ
\r (ማር. 6:53-56)
\p
\v 34 ኡንቱንቱ አባ ፕኒደ፥ ገንሳሬጻ ጌተትያ ጋድያ ጋኬድኖ። 
\v 35 ሄ ጋድያ አሳይ የሱሳ ግድያዋ ኤሬድኖ፤ ሄዋ ሄራ ጋድያ ኡባ ኪቲደ፥ ሀርግያ አሳ ኡባ አኮ አሄድኖ። 
\v 36 ሀርግያ አሳይ አ ማዩዋ ማጫራ ጻላላ ቦቻና ማላ፥ አ ዎሴድኖ፤ አ ማዩዋ ማጫራ ቦቼዳ ኡባይካ ፓጼዳ።
\c 15
\s1 አዎቱዋ ዎጋባ
\r (ማር. 7:1-13)
\p
\v 1 ሄዋፐ ጉይያን፥ ህግያ ታማርስያ እት እት አሳይነ ፓርሳዋቱ የሩሳላመፐ የሱሳኮ ዪደ፥ 
\v 2 “ኔና ካልያዋንቱ አያዉ ኑ አዎቱዋ ዎጋ ባይዚኖ? አያዉ ጎፐ፥ ኡንቱንቱ ቁማ ማናፐ ካሰቲደ፥ ባረንቱ ኩሽያ ሜጨትክኖ” ያጌድኖ።
\p
\v 3 የሱስ ዛሪደ፥ ኡንቱንታ ሀዋዳን ያጌዳ፤ “ህንተንቱ ህንተ ዎጋ ድራዉ፥ ጾሳ አዛዙዋ ፖልያዋ አያዉ እጺቴ? 
\v 4 አያዉ ጎፐ ጾሳይ፥ ‘ነ አባነ ነ ዳዮ ቦንቻ’ ቃይ፥ ባረ አባ ዎይ ባረ ዳዮ ቦርያዌ ሀይቆ ያጌዳ።\x - \xo 15:4 \xo*\xt ከሳ 20:12፤ 21:17፤ ዛረ. 5:16፤ ዎጋ 20:9\xt*\x* 
\v 5-6 ሽን ህንተንቱ፥ ‘እት አሳይ ባረ አባ ዎይ ባረ ዳዮ ማድያባይ ባረዉ ደኢና፥ ሄዌ ጾሳዋ ጎፐ፥ ባረ አባ ዎይ ባረ ዳዮ ቦንቻናዉ በሰና’ ያጊታ፤ ያቲደ ህንተንቱ ህንተንቱ ዎጋ ፖላናዉ ጾሳ ቃላዉ አዛዘትክታ። 
\v 7 ሀ ሎአ ማላትያ ኢታ አሳቶ፥ እስያስ ባለናን ህንተንቱባዉ ትምቢትያ ኦዲደ፥
\q1
\v 8 “ ‘ጾሳይ ሀዋዳን ያጌዳ፤
\q2 “ሀዌ አሳይ ታና፥
\q2 ባረ ቦላ ዶናን ቦንቼ፤
\q2 ሽን ኡንቱንቱ ዎዛናይ፥
\q2 ታፐ ሃኩዋን ደኤ።
\q1
\v 9 አሳይ ታዉ መላ ጎይኔ፤
\q2 አያዉ ጎፐ፥ አሳይ ኦዳ አዛዙዋ፥
\q1 ጾሳ ህግያ ማላትሲደ፥
\q2 ታማርሴድኖ” ጌዳ’ ”
\m ያጌዳ።\x - \xo 15:9 \xo*\xt ኢሳ. 29:13\xt*\x*
\s1 አሳ ቱንስያዋንታ
\r (ማር. 7:14-23)
\p
\v 10 የሱስ ዳሮ አሳ ባረኮ ጼሲደ፥ “ስስተነ አኬክተ፤ 
\v 11 አሳ ቱንስያዌ ዶና ግዶ ገልያዋ ግደና፤ ሽን አሳ ቱንስያዌ ዶናፐ ከስያዋ” ያጌዳ።
\p
\v 12 ሄዋፐ ጉይያን፥ አ ካልያዋንቱ አኮ ዪደ፥ “ፓርሳዋቱ ኔን ሃሳዬዳዋ ስሲደ፥ ሀንቀቴዳዋ አኬካይ?” ያጌድኖ።
\p
\v 13 ሽን የሱስ ዛሪደ፥ “ሳሉዋን ደእያ ታ አቡ ቶክቤና ም ኡባይ ሾደታናዋ። 
\v 14 ኡንቱንቶ ህርጎፕተ፤ ኡንቱንቱ ቆቃ ካለያ ቆቃቱዋ፤ ቆቃይ ቆቃ ካለፐ፥ ላኡካ ኦላን ኩንዴ” ያጌዳ።
\p
\v 15 ጰጽሮስ ዛሪደ፥ “ሀ ሌምሱዋ ብለ ኑዉ ኦዳርኪ” ያጌዳ።
\p
\v 16 የሱስ ኡንቱንታ ሀዋዳን ያጌዳ፤ “ህንተንቶ ቃይ ሀእ ጋካናዉካ ገልቤኔ? 
\v 17 ዶናና ገልያ ኡባይ ኡሉዋ ግዶ ቢደ፥ ቃይ ኡሉዋፐ ካረ ከስያዋ ኤርክቴ? 
\v 18 ሽን ዶናፐ ከስያዌ ዎዛናፐ ከሴ፤ አሳ ቱንስያዌ ሄዋ ማላ። 
\v 19 አያዉ ጎፐ፥ ዎዛና ግዶፐ ኢታ ቆፋይ፥ ዎያዌ፥ ዎሹምያዌ፥ ቃይ ዎሹማናዉ ካጄልያዌ ኡባይ፥ ዉእያዌ፥ ዎርዱዋን ማርካትያዌ፥ ቦሪ ከሴ። 
\v 20 ሄዋ ማላትያዌ አሳ ቱንስያዋፐ አትን፥ ሜጭቤና ኩሽያን ምያዌ አሳ ቱንሰና” ያጌዳ።
\s1 ካናነ አሳ ግዴዳ እት ማጫዉን አማኑዋ
\r (ማር. 7:24-30)
\p
\v 21 ሄዋፐ ጉይያን፥ የሱስ ሄዋፐ አጊደ፥ ጺሮሳነ ሲዶና ጌተትያ ካታማቱ ደእያ ጋድያ ቤዳ። 
\v 22 ካናነ ጌተትያ ጋድያ ማጫዉና እትና ሄዋፐ የሱሳኮ ያደ፥ ባረ ኮሻ ቁ ኦደ፥ “ታ ጎዳዉ፥ ዳዊታ ናአዉ፥ ታዉ ቃረታርኪ፤ ታ ናቶ ኢታ አያናይ ሎኤና ኦይ ኦይቄዳ” ያጋዱ።
\p
\v 23 ሽን የሱስ እዝዉ አይ ቃላነ ቃትቤና፤ አ ካልያዋንቱ አኮ ዪደ፥ “ሀ ምሽራታ ኑ ጌዱዋ ካላ ካላደ፥ ባረ ኮሻ ቁ ኦደ ኦዳዉ፤ ሄዋ ድራዉ፥ ኔን እዞ የዳርኪ” ያጊደ ዎሴድኖ።
\p
\v 24 የሱስ ዛሪደ፥ “ታን ባዬዳ ዶርሳዉ፥ እስራኤልያ አሳ ጻላላዉ ኪተታድ” ያጌዳ።
\p
\v 25 ሽን እዛ ያደ፥ “ታ ጎዳዉ፥ ታና ማዳርኪ!” ያጋደ አዉ ጎይናዱ።
\p
\v 26 ቃይ እ ዛሪደ፥ “ናና ቁማ አኪደ፥ ካና ማራዉ ኦልያዌ ሎአ ግደና” ያጌዳ።
\p
\v 27 ምሽራታ፥ “ኤ ታ ጎዳዉ፥ ሄዌ ቱማ፤ ሽን ሀራይ አቶ ካና ማራቱ ባረንቱ ጎዳቱ ሚና፥ ሳምፓፐ ላለቴዳ ሱፓ ሚኖተኔ” ያጋዱ።
\p
\v 28 የሱስ ዛሪደ እዞ፥ “ሀ ምሽራቴ፥ ነ አማኑ ዎልቃማ፤ ኔን ኮዬዳዋዳን ነዉ ሀኖ” ያጌዳ። እዝ ናታ ኤለካ ፓጻ አጋዱ።
\s1 የሱስ ጮራ ሀርጋንቻቱዋ ፓዳ
\p
\v 29 የሱስ ሄዋፐ ደንዲደ፥ ጋሊላ አባ ማታ ቤዳ፤ ቃይ እት ደርያ ቦላ ከሲደ፥ ሄዋን ኡቴዳ። 
\v 30 ዳሮ አሳይ ዎባቱዋ፥ ቆቃቱዋ፥ ቁናቱዋነ ዱደቱዋ፥ ቃይ ሀራ ጮራቱዋ አኮ አሂደ፥ አ ማታን ዎዳ። የሱስ ኡንቱንታ ፓዳ። 
\v 31 ሄዋ ድራዉ፥ አሳይ ዱዳቱ ሃሳይሽን፥ ቁናቱ ሱርሽን ዎባቱ ሀመትሽን፥ ቆቃቱ ጼልሽን በእ ማላለቲደ፥ እስራኤልያ ጾሳ ጋላቴድኖ።
\s1 የሱስ ኦይዱ ሻአ አሳ ምዜዳ
\r (ማር. 8:1-10)
\p
\v 32 የሱስ ባረና ካልያዋንታ ባረኮ ጼሲደ፥ “ሀ ጮራ አሳይ ታናና ሄዙ ጋላሳይ ጋካናዉ ጋምኤዳ ድራዉ፥ ታን ሀ አሳዉ ቃረታይ፤ ኡንቱንቶ ሀእ ምያዌ ባዋ። ቃይ ኡንቱንቱ ኦግያን ዳቡሪደ ኩንደና ማላ፥ ቁማ ምዘናን ኡንቱንታ መላ የዳናዉካ ኮይከ” ያጌዳ።
\p
\v 33 አ ካልያዋንቱ ዛሪደ የሱሳ፥ “ኑን ሀ ባዙዋን ሀዋ ኬና አሳ ካልስያ ቁማ ሀቃፐ ደማኔ?” ያጌድኖ።
\p
\v 34 ቃይ የሱስ ኡንቱንታ፥ “ህንተንቶ አፑን ኡክይ ደኢ?” ያጊደ ኦቼዳ።
\p ኡንቱንቱ፥ “ላፑ ኡክይነ ሞለቱዋፐ አማሬዳዋንቱ ደኢኖ” ያጌድኖ።
\p
\v 35 የሱስ አሳ፥ “ሳኣን ኡትተ” ያጌዳ። 
\v 36 ሄ ላፑ ኡክነ ሞልያ ኦይቂደ፥ ጾሳ ጋላቴዳ፤ መንሬደ ባረና ካልያዋንቶ እሜዳ፤ ቃይ ኡንቱንቱ ጮራ አሳዉ እሜድኖ።
\p
\v 37 አሳይ ኡባይ ሚደ ካሌዳ፤ ሚና አቴዳ ላፑ ዛምቤልያ ኩሜዳ ሱፓ አ ካልያዋንቱ ደንድኖ። 
\v 38 ሜዳ አሳይ ማጫ አሳነ ናና ፓይደናን፥ ኦይዱ ሻአ አቱማ አሳ። 
\v 39 የሱስ አሳ የዶዋፐ ጉይያን፥ ዎንግርያን ገሊደ፥ መገዶነ ጌተትያ ጋድያ ቤዳ።
\c 16
\s1 ማላታ በአናዉ ኦቼዳ ኦሻ
\r (ማር. 8:11-13፤ ሉቃሳ 12:54-56)
\p
\v 1 እት እት ፓርሳዋቱነ ሳዱቃዋናቱ የሱሳኮ ዪደ፥ አ ፓጫናዉ ኮዬድኖ፤ ያቲደ ባረንታ ሳሉዋፐ ማላታ በሳና ማላ ዎሴድኖ። 
\v 2 ሽን የሱስ ዛሪደ፥ ኡንቱንታ ሀዋዳን ያጌዳ፤ “ሳአይ ቃምያ ዎደ ህንተንቱ፥ ‘ሳሉ ዞኤዳ ድራዉ፥ ሳአይ ሻማናዋ’ ያጊታ፤ 
\v 3 ዎንቱማን ቃይ፥ ‘ሳሉ ዞኢደ ጉባኔዳ ድራዉ፥ ሀቼ እራይ ቡካናዋ’ ያጊታ፤ ሳሉዋ ጼሊደ፥ ሳአይ ሀናናዋ ኤራናዉ ዳንዳዪታ፤ ሽን ታ ዩሳ ዎድያ ማላታ ሻክ ኤራናዉ ዳንዳይክቴ?\f + \fr 16:3 \fr*\ft እት እት ጌሻ ማጻፋ በን ብለቱዋን የሱሳ ቃላቱ ሀ ፓይዳቱዋን ባዋ።\ft*\f* 
\v 4 ሀ ዎድያ አሳይ ኢታይነ ዎሹምያዌ፥ ጾሳዉ አማነተናዌ፥ ማላታ ኮዬ፤ ናብያ ዮናሳ ማላታፐ አትን፥ ሀራ ማላታይ አዉ እመተና” ያጌዳ። ሄዋፐ ስሚደ፥ ኡንቱንታ አጊደ ቤዳ።
\s1 ፓርሳዋቱዋነ ሳዱቃዋናቱዋ እርሹዋ
\r (ማር. 8:14-21)
\p
\v 5 አ ካልያዋንቱ አባ ፕኔዳ ዎደ፥ ቁማ አፋናዋ ዶጌድኖ። 
\v 6 የሱስ ኡንቱንታ፥ “ፓርሳዋቱዋ እርሹዋፐነ ሳዱቃዋናቱዋ እርሹዋፐ ህንተንታ ኤሪደ ናገትተ” ያጌዳ።
\p
\v 7 ኡንቱንቱ ባረንቱ ግዶን፥ “እ ሀዋ ያግያዌ ኑን ቁማ አህቤና ድራሳ” ያጊደ ሃሳያ ዶሜድኖ።
\p
\v 8 ሽን ኡንቱንቱ ግያዋ የሱስ ኤሪደ፥ “ሀ አማኑ ፓጬዳዋንቶ፥ ቁማይ ባይና ድራዉ፥ አያዉ ህንተንቱ ግዶን ሃሳዪቴ? 
\v 9 ሀእካ ህንተንቶ ገልቤኔ? ታን እቼሹ ኡክ እቼሹ ሻአ አሳ ምዛደ ካልሴዳዋ፥ ቃይ ህንተንቱ አፑን ዛምቤልያ ኩንደ አቴዳ ሱፓ ደንድተንቶ ዎዛና አክቴ? 
\v 10 ዎይ ታን ላፑ ኡክ ኦይዱ ሻአ አሳ ምዛ ካልሴዳዋ፥ ቃይ ህንተንቱ አፑን ዛምቤልያ ኩንደ አቴዳ ሱፓ ደንድተንቶ ዎዛና አክቴ? 
\v 11 ታን ህንተንታ ፓርሳዋቱዋ እርሹዋፐነ ሳዱቃዋናቱዋ እርሹዋፐ ናገትተ ግያዋፐ አትን፥ ኡክባ ህንተንቶ ሃሳያቤናዋ ህንተንቱ ዋኒደ አኬክክቴ?” ያጌዳ።
\p
\v 12 አ ካልያዋንቱ የሱስ ባረንቶ ኦዴዳዋ፥ ፓርሳዋቱዋ ትምርትያፐነ ሳዱቃዋናቱዋ ትምርትያፐ ኡንቱንቱ ናገታና ማላ ኦደቶዋፐ አትን፥ ሙናቃን ትግያ እርሹዋፐ ናገታና ማላ ግደናዋ ሄ ዎደ አኬኬድኖ።
\s1 ጰጽሮሳ አማኑዋነ ማርካተ
\r (ማር. 8:27-30፤ ሉቃሳ 9:18-21)
\p
\v 13 የሱስ ቂሳርያ ፕሊጶሳ ጌተትያ ጋድያ ጋኬዳ ዎደ፥ ባረና ካልያዋንታ፥ “አሳይ ታና፥ አሳ ናኣ ኦና ጊ?” ያጊደ ኦቼዳ።
\p
\v 14 አ ካልያዋንቱ ዛሪደ፥ “ኔና እት እት አሳይ፥ ጻማቅያ ዮሃንሳ ያጌ፤ ሀራንቱ ቃይ ኤላሳ ያጊኖ፤ ቃይ ሀራንቱ ኤርማሳ ዎይ ናባቱዋፐ እቱዋ ያጊኖ” ያጌድኖ።
\p
\v 15 የሱስ ኡንቱንታ፥ “ያትና ህንተንቱ ታና ኦና ጊቴ?” ያጌዳ።
\p
\v 16 ስሞን ጰጽሮስ ዛሪደ፥ “ኔን ደኡዋ ጾሳ ናኣ ክርስቶሳ” ያጌዳ።
\p
\v 17 የሱስ ዛሪደ፥ ሀዋዳን ያጌዳ፤ “ዮና ናኣ ስሞና፥ ሀዋ ነዉ ሳሉዋን ደእያ ታ አቡ ኤርሴዳዋፐ አትን፥ አሳይ ኦንነ ኔና ኤርስቤና ድራዉ፥ ኔን አንጀቴዳዋ። 
\v 18 ጰጽሮሳ፥ ታን ነዉ ኦዳይ፤ ኔን ሹቻ፤ ታን ሀ ዛላ ቦላ ታ ዎሳ ጎልያ ኬጻና፤ ታ ዎሳ ጎልያ ሀራይ አቶ፥ ስኦልያ ዎልቃይካ ጾናናዉ ዳንዳየና። 
\v 19 ታን ነዉ ሳሉዋ ካዉተ ቁልፕያ እማና፤ ኔን ሳኣን ሀኖ ጎዌ ኡባይ ሳሉዋን ጾሳ ስንን ሀናና፤ ሽን ኔን ሳኣን ሀኖፖ ጌዳዌ ሳሉዋንካ ሀነና” ያጌዳ።
\p
\v 20 ሄዋፐ ጉይያን፥ እ ክርስቶሳ ግዴዳዋ አ ካልያዋንቱ ኦስነ ኦደና ማላ፥ ኡንቱንታ አዛዜዳ።
\s1 የሱስ ባረና ጋካና መቱዋባነ ሀይቁዋባ ኮይሮ ኦዱዋ ኦዴዳ
\r (ማር. 8:31-33፤ ሉቃሳ 9:22-27)
\p
\v 21 ሄ ዎድያፐ ዶሚደ የሱስ፥ “ታን የሩሳላመ ቢና፥ ታና ጭማቱ፥ ቄሳቱዋ ካፓቱነ ህግያ ታማርስያዋንቱ ዳሪ ዋይሳናዉ በሴ፤ ኡንቱንቱ ታና ዎናዉነ ታን ሄዘን ጋላስ ሀይቁዋፐ ደንዳናዉ በሴ” ያጊደ፥ ባረና ካልያዋንቶ ጌሺደ ኦዱዋ ዶሜዳ።
\p
\v 22 ጰጽሮስ አ እት ባጋ ዛሪደ፥ “ታ ጎዳዉ፥ ጾሳይ ኔና ሄዋፐ አሾ፤ ሀዌ ነ ቦላ ኡባካ ዬና” ያጊደ አ ዞራናዉ ዶሜዳ።
\p
\v 23 ሽን የሱስ ጉየ ስሚደ ጰጽሮሳ፥ “ሀ ሴጻናዉ፥ ኔን ታ ማታፐ ክቻ፤ ኔን አሳይ ዶስያዋ ቆፕያዋፐ አትን፥ ጾሳይ ዶስያዋ ቆፐና ድራዉ፥ ታዉ ቦ ግዳዳ” ያጌዳ።
\s1 የሱሳ ካላናዉ ኮሽያ ኦግያ
\r (ማር. 8:34—9:1፤ ሉቃሳ 9:23-27)
\p
\v 24 ሄዋፐ ጉይያን፥ የሱስ ባረና ካልያዋንታ ሀዋዳን ያጌዳ፤ “ታና ካላናዉ ኮይያ ኡራይ ደኦፐ፥ ባረና ካዶ፤ ያቲደ ባረ ማስቃልያ ቶኪደ፥ ታና ካሎ። 
\v 25 አያዉ ጎፐ፥ ባረ ሸምፑዋ አሻናዉ ኮይያ ኡራይ ባይዛናዋ፤ ሽን ባረ ሸምፑዋ ታ ድራዉ ባይዝያ ኡራይ አሻናዋ። 
\v 26 እት ኡራይ ሳኣን ደእያ ኡባባ ባረዉ ሺሺደ፥ ባረ ሸምፑዋ ባይዞፐ፥ አ አያ ማዳኔ? ዎይ እት ኡራይ ባረ ሸምፑዋ ዎዛናዉ አያ እማና ዳንዳዪ? 
\v 27 አያዉ ጎፐ፥ ታን፥ አሳ ናአይ፥ ታ አቡ ቦንቹዋን ታ ኪታንቻቱዋና ያና ሀናይ፤ አሳ ኡባዉ ሄ ዎደ አ ኦሱዋ ጋትያ እማና።\x - \xo 16:27 \xo*\xt 25:31፤ ማዝ. 62:12፤ ሮመ 2:6\xt*\x* 
\v 28 ታን ህንተንቶ ቱሙዋ ጋይ፤ አማሬዳ አሳቱ፥ ታን፥ አሳ ናአይ፥ ካትያ ግዳደ ይያዋ በአና ጋካናዉ፥ ሀይቀናዋንቱ ሀዋን ደኢኖ” ያጌዳ።
\c 17
\s1 የሱሳ ማላይ ላመቴዳ
\r (ማር. 9:2-13፤ ሉቃሳ 9:28-36)
\p
\v 1 የሱስ ኡሱፑን ጋላሳፐ ጉይያን፥ ባረናና ጰጽሮሳ፥ ያቆባነ፥ ያቆባ እሻ ዮሃንሳ አኪደ፥ ኡንቱንቱ ጻላላ ዎጋ ደርያ ሁጲያ ከሴዳ።\x - \xo 17:1-5 \xo*\xt 2 ጰጽ. 1:17-18\xt*\x* 
\v 2 ቃይ ኡንቱንቱ ጼልሽን፥ ኡንቱንቱ ስንን ላመቴዳ፤ አ ዴሙ አዋይፍያዳን ፖኤዳ፤ አ ማዩካ ፖኡዋዳን ጶሌዳ። 
\v 3 ሙሴነ ኤላስ የሱሳና ሃሳይሽን፥ ሀ ሄዙ አ ካልያዋንቱ በኤድኖ። 
\v 4 ጰጽሮስ የሱሳ፥ “ታ ጎዳዉ፥ ኑን ሀዋን ደእያዌ ኑዉ ሎአ፤ ኔን ዶሶፐ፥ ኑን ሀዋን ሄዙ ዳስያ እቱዋ ነዉ፥ እቱዋ ሙሴዉ፥ እቱዋ ኤላሳዉ ኬጻና” ያጌዳ።
\p
\v 5 እ ሃሳይሽን፥ ፖእያ ሻሪ ዪነ ኡንቱንታ ካም አጌዳ፤ ሻርያ ግዶፐ፥ “ሀዌ ታን ሲቅያ ታና ናሸችያ ታ ናኣ፤ እ ግያዋ ስስተ” ግያ ቃላይ ዬዳ።\x - \xo 17:5 \xo*\xt ዶመ 22:2፤ ዛረ. 18:15፤ ማዝ. 2:7፤ ኢሳ. 42:1፤ ማቶሳ 3:17፤ 12:18፤ ማር. 1:11፤ ሉቃሳ 3:22\xt*\x*
\p
\v 6 አ ካልያዋንቱ ሄ ቃላ ስሴዳ ዎደ፥ ዳሮ ያዪደ፥ ጉፋን አጌድኖ። 
\v 7 የሱስ ኡንቱንቱኮ ዪደ፥ ኡንቱንታ ቦቺደ፥ “ደንድተ፤ ያዮፕተ” ያጌዳ። 
\v 8 ኡንቱንቱ ቁ ጊደ ጼልያ ዎደ፥ የሱሳ ጻላላፐ አትን፥ ሀራ አሳ ኦናነ በእበይክኖ።
\p
\v 9 ኡንቱንቱ ደርያፐ ዎሽን፥ የሱስ ኡንቱንታ፥ “ታን አሳ ናአይ፥ ሀይቁዋፐ ደንዳና ጋካናዉ፥ ሀ ህንተንቱ በኤዳዋ ኦስነ ኦዶፕተ” ያጊደ አዛዜዳ።
\p
\v 10 አ ካልያዋንቱ የሱሳ፥ “ያትና፥ ህግያ ታማርስያዋንቱ አያዉ፥ ‘ኤላስ ካሰቲደ ያናዉ በሴ’ ጊኖ?” ያጊደ ኦቼድኖ።\x - \xo 17:10 \xo*\xt ሚልክ. 4:5\xt*\x*
\p
\v 11 እ ዛሪደ ያጌዳ፤ “ኤላስ ካሰት ዪደ፥ ኡባባ ጊግሳናዋ። 
\v 12 ሽን ታን ህንተንቶ ኦዳይ፤ ኤላስ ሀዋፐ ካሰ ይ ድጌዳ። ሄ ዎደ አሳይ አ፥ ባረንቶ ኮዬዳዋዳን ኡባ ኦዳዋፐ አትን አ ኤርበይክኖ፤ ሄዋዳንካ፥ ቃይ ታና፥ አሳ ናኣ፥ አሳይ ዋይሳናዋ” ያጌዳ።
\p
\v 13 አ ካልያዋንቱ ሄ ዎደ ባረንቶ የሱስ ጻማቅያ ዮሃንሳባ ኦድያዋ አኬኬድኖ።
\s1 የሱስ ኢታ አያናይ ኦይቄዳ ናኣ ፓዳ
\r (ማር. 9:14-29፤ ሉቃሳ 9:37-43)
\p
\v 14 ኡንቱንቱ ዳሮ አሳኮ ዬዳ ዎደ፥ እት ብታኒ የሱሳኮ ዪደ፥ አ ስንን ጉልባቲደ፥ 
\v 15 “ታ ጎዳዉ፥ ታ ናኣ ዎዛና ባይዝያ ሀርጊ ኦይቂና፥ እ ዳሮ ዎደ ታማን፥ ቃይ ዳሮ ዎደ ሃን ኩንድያ ድራዉ፥ እ ዳሪ ሳከቴ፤ አ ፓርኪ። 
\v 16 ኔና ካልያዋንቱኮካ አ አሃድ፤ ሽን ፓናዉ ዳንዳይበይክኖ” ያጌዳ።
\p
\v 17 የሱስ ዛሪደ ኡንቱንታ፥ “አማነና ሀ ዎድያ ጌላ አሳዉ! ታን ህንተናና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ናኣ ታኮ ሃ አኪደ ዪተ” ያጌዳ። 
\v 18 የሱስ ኢታ አያና፥ “አፐ ከሳ” ጊደ አዛዝና፥ ኢታ አያናይ ናኣፐ ከስ አጌዳ፤ ኤለካ ናአይ ፓጽ አጌዳ።
\p
\v 19 ሄዋፐ ጉይያን፥ አ ካልያዋንቱ ባረንቱ ጻላላ የሱሳኮ ዪደ፥ “ኑን ኢታ አያና ከሳናዉ አያዉ ዳንዳይበይኮ?” ያጌድኖ።
\p
\v 20 የሱስ ኡንቱንታ ያጌዳ፤ “ሄዌ ህንተንቱ አማኑ ጉጼዳ ድራሳ፤ ታን ህንተንቶ ቱሙዋ ኦዳይ፤ ህንተንቶ ሳናፍጭያ ጌተትያ ጉ ምት አይፍያ ኬና አማኑ ደእንቶ፥ ህንተንቱ ሀ ደርያ፥ ‘ሀዋፐ ያ ሺቃ’ ያግንቶ እ ሺቃና፤ ህንተንቱ አያነ ኦናዉካ ዳንዳያንታ። 
\v 21 ሽን ሀዋ ማላ ዎሳፐነ ጾማፐ ሀራባይ ከሳናዉ ዳንዳየና” ያጌዳ።
\s1 የሱስ ባረ ሀይቁዋባ ላኤንዋ ኦዴዳ
\r (ማር. 9:30-32፤ ሉቃሳ 9:43-45)
\p
\v 22 አ ካልያዋንቱ ጋሊላን፥ እትፐ ሺቅ ኡት ደእሽን፥ የሱስ ኡንቱንታ፥ “ታና፥ አሳ ናኣ፥ አሳይ አሳዉ አደ እማና። 
\v 23 አሳይ ታና ዎናዋ፤ ሄዋፐ ጉይያን ታን ሄዘንያ ጋላስ ሀይቁዋፐ ደንዳና” ያጌዳ። አ ካልያዋንቱ ዳሮ ቃረቴድኖ።
\s1 ጌሻ ጎልያ ጊራ ጊርያዋ
\p
\v 24 የሱስነ አ ካልያዋንቱ ቅፍርናሆማ ካታማ ዬዳ ዎደ፥ ጌሻ ጎልያስ ቃራጻ አክያዋንቱ ጰጽሮሳኮ ዪደ፥ “ህንተንታ ታማርስያዌ ጌሻ ጎልያ ጊራ ጊረኔ?” ያጌድኖ።\x - \xo 17:24 \xo*\xt ከሳ 30:13፤ 38:26\xt*\x*
\p
\v 25 እ ዛሪደ፥ “ጊሬ” ያጌዳ።
\p ጰጽሮስ ሶይ ገሌዳ ዎደ፥ የሱስ ካሰቲደ አ፥ “ስሞና፥ ነ ቆፋይ አዬ? ሀ ሳኣ ካታቱ ቃራጻ ዎይ ጊራ ኦፐ አኪኖ? ባረንቱ ጋድያ አሳፐ አኪኖ ዎይ ሀራ ጋድያ አሳፐ አኪኖ?” ያጌዳ።
\p
\v 26 ጰጽሮስ፥ “ሀራ ጋድያ አሳፐ አኪኖ” ያጌዳ።
\p የሱስ ጰጽሮሳ፥ “ያቶፐ፥ ጋድያ አሳይ ጊራናዉ በሰና። 
\v 27 ሽን ኑን ሀ አሳቱዋ ሀንቀናዉ ኮዮኮ፤ ኔን አባ ባደ አን ዳባ የጋ፤ ያታደ ኮይሮ ከስያ ሞልያ ኦይቃደ፥ አ ዶና ፖቅያ ዎደ፥ ጊራዉ ግድያ ሚሻ ኔን ደማና። ሄዋ አካደ፥ ታ ጊራነ ነ ጊራ ኡንቱንቶ እማ” ያጌዳ።
\c 18
\s1 ኡባፐ አያዌ ኦኔ?
\r (ማር. 9:33-37፤ ሉቃሳ 9:46-48)
\p
\v 1 አ ካልያዋንቱ የሱሳኮ ሄ ዎደ ዪደ፥ “ሳሉዋ ካዉተን ኡባፐ አያዌ ኦኔ?” ያጌድኖ።
\p
\v 2 የሱስ እት ጉ ናኣ ጼስ ኡንቱንቱ ግዶን ኤሲደ፥ ሀዋዳን ያጌዳ፤ 
\v 3 “ታን ህንተንቶ ቱሙዋ ኦዳይ፤ ጾሳኮ ህንተንቱ ስሚደ፥ ጉ ናናዳን ሀናና ዮፐ፥ ሳሉዋ ካዉተ ኡባካ ገላናዉ ዳንዳይክታ። 
\v 4 ስም ሀ ጉ ናኣዳን፥ ባረና ካዉሽያ ኦንነ ሳሉዋ ካዉተን ኡባፐ አያዋ። 
\v 5 ቃይ ሀዋ ማላ ናኣ ታ ሱንን ሞክያ ኦንነ ታና ሞኬ። 
\v 6 ሽን ታና አማንያ ሀ ጉ ናናፐ እቱዋ ባለያ ኦንነ፥ ጋጭያ ዎጋ ዎጻ ባረ ቆያን ቃቺደ፥ አባ ጪሙዋን ምተትያዌ አዉ ሎአ።
\s1 ቦ ጋሶ ግድያዋ
\r (ማር. 9:42-48፤ ሉቃሳ 17:1-2)
\p
\v 7 “አላሚ አሳ ቢያ ድራዉ፥ ሳአዉ አየሮ፤ አያዉ ጎፐ፥ ቢያባይ ዩሳ አገና፤ ሽን ቡ አ ጋሶታን ይያ ኡራዉ አየሮ።
\p
\v 8 “ኔና ኩሺ ዎይ ነ ገዲ ኔና ባለፐ፥ ኔፐ ቃንጻ ኦላ፤ ኔን ላኡ ኩሽያናነ ላኡ ገድያና መና ታማን ኦለትያዋፐ ዎባ ዎይ ዱጻ ኩሽያና መና ደኡዋ ገልያዌ ነዉ ሎአ። 
\v 9 ቃይ ነ አይፊ ኔና ባለፐ፥ ኔፐ ዎጫ ከሳ ኦላ፤ ኔን ላኡ አይፍያና ጋናምያ ታማን ኦለትያዋፐ እት አይፍያና መና ደኡዋ ገልያዌ ነዉ ሎአ።
\p
\v 10 “ህንተንቱ ሀ ጉቱዋፐ እቱዋነ ካና ማላ፥ ህንተንታ ናግተ፤ አያዉ ጎፐ፥ ታን ህንተንቶ ኦዳይ፤ ሳሉዋን ኡንቱንቱ ኪታንቻቱ ኡባ ዎደ፥ ሳሉዋን ደእያ ታ አቡ ስንን ደኢኖ። 
\v 11 አያዉ ጎፐ፥ ታን፥ አሳ ናአይ፥ ባዬዳዋ አሻናዉ ያድ።
\s1 ባዬዳ ዶርሳ ሌምሱዋ
\r (ሉቃሳ 15:3-7)
\p
\v 12 “እት አሳዉ ጼቱ ዶርሳቱ ደእያዋንቱፐ እቱ ባዮፐ፥ ኡዱፑ ታማነ ኡዱፑኑዋ ደርያን አጊደ፥ ሄ ባዬዳዋ ኮያናዉ ቤኔ? ህንተንቱ ዋጊቴ? 
\v 13 ታን ህንተንቶ ቱሙዋ ጋይ፤ እ ደሞፐ፥ ባይቤና ኡዱፑ ታማነ ኡዱፑ ዶርሳቱዋፐ አደ፥ ሄ እት ዶርሳን ናሸቴ። 
\v 14 ሄዋዳንካ፥ ሳሉዋን ደእያ ህንተንቱ አቡ ሀ ጉቱዋፐ እቱ ባያናዋካ ኮየና።
\s1 ባይዜዳ አሳዉ ኦናዉ በስያባ
\p
\v 15 “ነ እሻይ ኔና ናቆፐ፥ ኔረካ አኮ ባደ፥ አ ናቁዋ አዉ ኦዳ፤ እ ነዋ ስሶፐ፥ ነ እሻ ባላፐ ዛራዳ። 
\v 16 ሽን እ ነዋ ስሰናን እጾፐ፥ ላኡ ዎይ ሄዙ ማርካይ ማርካቶዋን የዉ ኡባይ ቱማትያ ድራዉ፥ ሀራ እት ዎይ ላኡ አሳ ኔናና እትፐ አፋ። 
\v 17 እ ኡንቱንቱባ ስሰናን እጾፐ፥ ኡባባ አማንያ አሳዉ ኦዳ፤ ቃይ አማንያ አሳይ ግያዋካ እ ስሰናን እጾፐ፥ አማነና አሳዳንነ ቃራጻ ሺሽያ አሳዳን አ ፓይዳ።
\p
\v 18 “ታን ህንተንቶ ቱሙዋ ጋይ፤ ኔን ሳኣን ሀኖ ጎዌ ኡባይ ሳሉዋን ጾሳ ስንን ሀናና፤ ሽን ኔን ሳኣን ሀኖፖ ጌዳዌ ሳሉዋንካ ሀነና።
\p
\v 19 “ቃይካ ታን ህንተንቶ ኦዳይ፤ ህንተፐ ላኡ ኡራይ ሳኣን ጾሳ ዎስያዋን አይ የዉዋንነ እት ዎዛና ግዶፐ፥ ሳሉዋን ደእያ ታ አቡ ሄዋ ህንተንቶ እማና። 
\v 20 አያዉ ጎፐ፥ ላኡ ኡራይ ዎይ ሄዙ ኡራይ ታ ሱንን ሺቅያሳን፥ ታን ሄዋን ኡንቱንቱ ግዱዋን ደአይ” ያጌዳ።
\s1 አቶ ግያዋ
\p
\v 21 ጰጽሮስ፤ ሄ ዎደ የሱሳኮ ዪደ፥ “ጎዳዉ፥ ታ እሻይ ታና አፑ ካላ ናቆፐ ታን አዉ አቶ ጋናዉ በሲ? ላፑኑዋ ጋካናዉ ናቂኔዬ?” ያጊደ አ ኦቼዳ።
\p
\v 22 የሱስ ዛሪደ አ፥ “ግደና፥ ታን ኔና ላፑን ታሙ ካላ ላፑኑዋ ጋይፐ አትን፥ ላፑኑዋ ጻላላ ጊከ።\x - \xo 18:22 \xo*\xt ዶመ 4:24\xt*\x*
\p
\v 23 “አያዉ ጎፐ፥ ሳሉዋ ካዉተይ ባረ ቆማቱዋና ሚሻ ሄተታናዉ ቆፔዳ ካትያ በሴ። 
\v 24 ሄ ካቲ ሚሻ ሄተታናዉ ዶሜዳ ዎደ፥ ዳሮ ሚሎነ ብራ አጩ ደእያ እት ብታንያ አኮ አሄድኖ። 
\v 25 ሽን ሄ ቆማዉ አጩዋ ጭግያዌ ይና፥ አ ጎዳይ ሄ አጩዋ ጭጋናዉ፥ አ ማቻታነ እነ አ ናናይ፥ ቃይ አዉ ደእያ ኡባባይ ዛልኤታና ማላ፥ አ አዛዜዳ። 
\v 26 ሄዋ ድራዉ፥ ቆማይ ባረ ጎዳ ስንን ጉልባቲደ፥ ‘ታ ጎዳዉ፥ ሀያ ጎዶ ጉ ዎድያ ናጋርኪ፤ ታን ነዉ ኡባባካ ጭጋና ያጊደ አ ዎሴዳ።’ 
\v 27 አ ጎዳይ አዉ ቃረቲደ፥ አ የድ አጌዳ፤ አ አጩዋካ አዉ ማር አጌዳ።
\p
\v 28 “ሽን ሄ ቆማይ ከሲደ፥ ባረ ላገ ቆማቱዋፐ እቱ ባረፐ ጼቱ ብራ ሳንትምያ ታልኤዳዋና ጋከቲደ፥ ‘ነ ቦላ ደእያ ታ ሚሻ ጭጋ’ ያግ ኦይቂደ፥ አ ጩሌዳ።
\p
\v 29 “ያትና ሄ አ ላገ ቆማይ አ ስንን ጉልባቲደ፥ ‘ሀእ ታይሻይ ጉ ዎድያ ናጋርኪ፤ ታን ነዉ ኡባባካ ጭጋና’ ያጊደ አ ዎሴዳ።
\p
\v 30 “ሽን እጽ አክ ቢደ፥ አ ላገይ ሄ አጩዋ ቃንጻና ጋካናዉ፥ ቃሾ ጎለ ገልሴዳ። 
\v 31 ሄዋ ድራዉ፥ አ ላገ ቆማቱ ሄዋ በኢደ፥ ዳሮ ይሎቴድኖ፤ ባረንቱ ጎዳኮ ቢደ፥ እ ኦዳ ኡባባ አዉ ኦዴድኖ።
\p
\v 32 “ሄዋፐ ጉይያን፥ ጎዳይ ሄ ቆማ ጼሲደ፥ ‘ሀ ኢታ ቆማዉ፥ ኔን ታና ዎሴዳ ድራዉ፥ ታን ሄ አጩዋ ኡባ ነዉ ማራ አጋድ። 
\v 33 ታን ነዉ ሄ አጩዋ ማሬዳዋዳን፥ ኔንካ ነ ላገ ቆማዉ ማራናዉ በሰኔ?’ ያጌዳ። 
\v 34 ሄዋፐ ስሚደ አዉ ዳሮ ሀንቀቲደ፥ ባረ አጩዋ ኡባ እ ጭግ ዉርሳና ጋካናዉ፥ ፓጻ ካኤታና ማላ፥ ቃሾ ጎለ ገልሴዳ።
\p
\v 35 “ህንተንቱ ሁጲያን ሁጲያን ህንተንቱ እሻዉ ዎዛናፐ አቶ ጋና ዮፐ፥ ሄ ጎዳይ ባረ ቆማ ኦዳዋዳን፥ ሳሉዋን ደእያ ታ አቡካ ህንተንታ ሄዋዳን ኦና” ያጌዳ።
\c 19
\s1 የሱስ ገሉዋባነ አካባ ታማርሴዳ
\r (ማር. 10:1-12)
\p
\v 1 የሱስ ሄ ሃሳያ ዉርሶዋፐ ጉይያን፥ ጋሊላፐ ደንዲደ፥ ዮርዳኖሳ ሻፋፐ ሄፍንን ደእያ ይሁዳ ጋድያ ቤዳ። 
\v 2 ዳሮ አሳይ አ ካሊደ ቤዳዋ ሄዋን ፓዳ።
\p
\v 3 እት እት ፓርሳዋቱ ፓጫናዉ የሱሳኮ ዪደ፥ “እት አሳይ አይ ጋሱዋንነ፥ ባረ ማቻቶ የዳናዉ ኑ ህጊ አዛዚ?” ያጊደ አ ኦቼድኖ።
\p
\v 4 የሱስ ዛሪደ፥ ሀዋዳን ያጌዳ፤ “ጾሳይ ኮይሮ ኡንቱንታ መደ፥ አቱማዋነ ማጫዉኖ ኦዳ።\x - \xo 19:4 \xo*\xt ዶመ 1:27፤ 5:2\xt*\x* 
\v 5 ሄዋ ድራዉ፥ ‘እት አሳይ ባረ አባነ ባረ ዳዮ አጊደ፥ ባረ ማቻትና እትፐ ደኤ፤ ኡንቱንቱ ላኡ እት አሳ ግዲኖ’ ያግያ ቃላ ናባብበይክቴ?\x - \xo 19:5 \xo*\xt ዶመ 2:24\xt*\x* 
\v 6 ሄዋ ድራዉ፥ ኡንቱንቱ እት አሳ ግድያዋፐ አትን፥ ላኡ አሳ ግድክኖ፤ ሄዋ ድራዉ፥ ጾሳይ እትፐ ደአናዳን ጋዋ አሳይ ሻኮፖ” ያጌዳ።
\p
\v 7 ፓርሳዋቱ የሱሳ፥ “ያትና፥ ሙሴ አያዉ እት ኡራይ ባረ ማቻቶ ፕርማ ፔደ የዳና ማላ አዛዜዴ?” ያጌድኖ።
\p
\v 8 የሱስ ዛሪደ፥ “ህንተንቱ ህንተንቱ ማቻቱዋ የዳና ማላ፥ ሙሴ ህንተንታ አዛዜዳዌ፥ ህንተንቱ ኦድና ስሰና ጉዙማ ግዶ ድራፐ አትን፥ ኮይሮ ሄዋ ማላ ግደና። 
\v 9 ታን ህንተንቶ ኦዳይ፤ ባረ ማቻቶ ዎሹመናን ደእሽን የዲደ፥ ሀራሮ አክያ ኦንነ ዎሹሜ፤ ሀራይ የዴዳዉኖ አክያዌካ ዎሹሜ” ያጌዳ።
\p
\v 10 የሱሳ ካልያዋንቱ አ፥ “አስና ግዱዋንነ ማቻት ግዱዋን ደእያ ዎጋይ ሄዋ ማላ ግዶፐ፥ አከናንነ ገለናን ደእያዌ ሎአ” ያጌድኖ።
\p
\v 11 ሽን የሱስ ኡንቱንታ ያጌዳ፤ “ሄዋ ማላ ትምርቲ ጾሳይ እሞዋንቱሳፐ አትን፥ አሳ ኡባሳ ግደና፤ 
\v 12 አያዉ ጎፐ፥ ባረንቱ ዳይ ኡሉዋፐ የለትያ ዎደካ፥ ሹፋ ግዴዳዋንቱ ደኢኖ፤ ቃይ አሳይ ቃራትና ሙሬሳ ግዴዳዋንቱ ደኢኖ፤ ቃይ ሳሉዋ ካዉተ ድራዉ፥ ባረንታ ሹፋ ኦዳዋንቱ ደኢኖ፤ ሀ ትምርትያ አካናዉ ዳንዳይያዌ ኦንነ አኮ” ያጌዳ።
\s1 የሱስ ቄር ናና ቦላ ባረ ኩሽያ ዎዳ
\r (ማር. 10:13-16፤ ሉቃሳ 18:15-17)
\p
\v 13 የሱስ ሄ ዎደ ባረ ኩሽያ ጉ ናና ቦላ ዎደ፥ ጾሳ ዎሳና ማላ፥ እት እት አሳይ ናና አኮ አሄዳ፤ ሽን የሱሳ ካልያዋንቱ ሄ አሳ አሄና ማላ ሀንቀቴድኖ። 
\v 14 ሽን የሱስ፥ “ቄር ናናይ ታኮ ይያዋ ድጎፕተ፤ አያዉ ጎፐ፥ ሳሉዋ ካዉተይ ሄዋንቱ ማላሳ” ያጌዳ።
\p
\v 15 ሄዋፐ ስሚደ ባረ ኩሽያ ኡንቱንቱ ቦላ ዎዳዋፐ ጉይያን፥ ሄዋፐ ባሽ ቤዳ።
\s1 ያላጋ፥ ዱረ ብታንያ ኦሻ
\r (ማር. 10:17-31፤ ሉቃሳ 18:18-30)
\p
\v 16 እት ብታኒ የሱሳኮ ዪደ፥ “ታማርስያዎ፥ ታን መና ደኡዋ ደማናዉ ሎኦባ አያ ኦ?” ያጌዳ።
\p
\v 17 የሱስ አ፥ “ሎኦባይ አየንቶ ታና አያዉ ኦቻይ? እቱዋ ጻላላይ ሎአ፤ ሽን ኔን መናዉ ደአናዉ ኮዮፐ፥ አዛዛቱዋ ናጋ” ያጌዳ።
\p
\v 18 ብታኒ፥ “ሀቃዋንታ?” ያጊደ ኦቼዳ።
\p የሱስ ዛሪደ፥ “ዎፓ፤ ዎሹሞፓ፤ ዉኦፓ፤ ዎርዱዋ ማርካቶፓ፤\x - \xo 19:18 \xo*\xt ከሳ 20:13-16፤ ዛረ. 5:17-20\xt*\x* 
\v 19 ነ አባነ ነ ዳዮ ቦንቻ፤ ነ ሾሩዋካ ነ ሁጲያዳን ሲቃ” ያጌዳ።\x - \xo 19:19 \xo*\xt ከሳ 20:12፤ ዛረ. 5:16፤ ዎጋ 19:18\xt*\x*
\p
\v 20 ሄ ያላጋ ብታኒ የሱሳ፥ “ታን ሄዋ ኡባካ ጉተፐ ዶማደ ናጋድ፤ ያትና፥ ታዉ ፓጭያዌ አዬ?” ያጌዳ።
\p
\v 21 የሱስ ብታንያ፥ “ኔን ፖሎ አሳ ግዳናዉ ኮዮፐ፥ ባደ ነዉ ደእያዋ ዛልኣደ፥ ሄ ሚሻ ህዬሳዉ እማ፤ ኔን ሳሉዋን ዱረታና፤ ያታደ ያደ ታና ካላ” ያጌዳ።
\p
\v 22 ሽን ሄ ያላጋ ብታኒ ሄዋ ስሴዳ ዎደ፥ እ ዳሮ ዱረ ግድያ ድራዉ፥ ቃረቲደ ባሽ ቤዳ።
\p
\v 23 የሱስ ባረና ካልያዋንቶ፥ “ታን ህንተንቶ ቱሙዋ ጋይ፤ ዱረ አሳይ ሳሉዋ ካዉተ ገላናዌ ዳሮ መቶ ግዳናዋ። 
\v 24 ታን ጉጃደካ ህንተንቶ ኦዳይ፤ ዱረ አሳይ ጾሳ ካዉተ ገላናፐ፥ ጋሉ ማርፕያ ሉኩዋና አናዌ ማታቴ” ያጌዳ። \fig ጫነትቤና ጋሉዋ ካለያዋ|alt="Man leading unloaded camel" src="LB00039B.TIF" size="span" ref="19:24"\fig*
\p
\v 25 አ ካልያዋንቱ ሄዋ ስስ ማላለቲደ፥ “ያትና፥ ኦን አታናዉ ዳንዳዪ?” ያጌድኖ።
\p
\v 26 የሱስ ኡንቱንታ ጫድ ጼሊደ፥ “ሀዌ አሳዉ ዳንዳየተና፤ ሽን ጾሳዉ ኡባባይ ዳንዳየቴ” ያጌዳ።
\p
\v 27 ጰጽሮስ ሄ ዎደ ዛሪደ የሱሳ፥ “በአ፥ ኑን ኑዉ ደእያ ኡባባ ባሺደ፥ ኔና ካሌዶ፤ ያቲደ ኑን አያ ደማኔሻ?” ያጌዳ።
\p
\v 28 የሱስ ኡንቱንታ ሀዋዳን ያጌዳ፤ “ታን ህንተንቶ ቱሙዋ ጋይ፤ ታን፥ አሳ ናአይ፥ ኦራ ጋድያን ታ ካዉተ ኦይድያን ኡትያ ዎደ፥ ታና ካሌዳ ህንተንቱካ ታማነ ላኡ እስራኤልያ ዛራቱዋ ቦላ ፕርዳናዉ፥ ታማነ ላኡ ካዉተ ኦይድያን ኡታንታ። 
\v 29 ታ ሱን ድራዉ፥ ጎልያ ዎይ እሻቱዋ ዎይ ምቻቱዋ፥ ዎይ አዉዋ ዎይ አቶ ዎይ ማቻቶ፥ ዎይ ናና ዎይ ጋድያ አጌዳ ኦንነ፥ ጼቱ ዳኩዋፐ ዳሩዋ አካና፤ ቃይ መና ደኡዋካ ላታና። 
\v 30 ሽን ጮራቱ ሀእ ስንቴዳዋንቱ ጉየታናዋንታ፤ ቃይ ጮራቱ ሀእ ጉየን ደእያዋንቱ ስንታናዋንታ።
\c 20
\s1 ዎይንያ ቱራ ግዶን ኦያ ኦሳንቻቱዋ ሌምሱዋ
\p
\v 1 “ሳሉዋ ካዉተይ ዎይንያ ጌተትያ ቱራ ግዱዋ ኦያዋንታ ኡንያ ኦስሳናዉ፥ ዎንታ ጉራን ከሴዳ ዎይንያ ቱራ ጎዳ በሴ። 
\v 2 እ ሄ ኦሳንቻቶ ሀቼ ሀቼ ኦዳዋ ዎልቃ ጋትያ ጭጋናዉ ኡንቱንቱና ጊጊደ፥ ባረ ዎይንያ ቱራ ግዱዋ ኦስሳናዉ ኡንቱንታ የዴዳ።
\p
\v 3 “ቃይ ሄዙ ሳትያ ግዶደ ከሲደ፥ ኦሱ ባይናን ቆጫን ኤቄዳ ሀራ አሳቱዋ በኢደ፥ 
\v 4 ኡንቱንታ፥ ‘ህንተንቱካ ቃይ ታ ዎይንያ ቱራ ግዱዋ ኦናዉ ቢተ፤ ታን ህንተንቶ በስያ ጋትያ ጭጋና’ ያጌዳ፤ ሄዋፐ ጉይያን ኡንቱንቱ ቤድኖ። 
\v 5 ላኤንዋካ ኡሱፑን ሳትያንነ ኡዱፑ ሳትያን ከሲደ፥ ሄዋዳን ኦዳ። 
\v 6 ታማነ እት ሳትያ ሄራን እ ከስያ ዎደ፥ ሀራንቱ ሄዋን ኤቄዳዋንታ ደሚደ፥ ‘ኦሱዋ ኦናን ኩመን ጋላሳ ሀዋን አያዉ ኤቂ ፔሼድቴ?’ ያጌዳ።
\p
\v 7 “ኡንቱንቱ፥ ‘ኑና ኦስስያ አሳይ ዬዳ ድራዉ ኤቂ ፔሼዶ’ ያጌድኖ።
\p “እ፥ ‘ኡንቱንታካ ቃይ ታ ዎይንያ ቱራ ግዱዋ ኦናዉ ቢተ’ ያጌዳ።
\p
\v 8 “ሳአይ ኦማርስያ ዎደ፥ ዎይንያ ቱራ ጎዳይ ኦያዋንቱ ካፑዋ፥ ‘ኦሳንቻቱዋ ጼሳደ፥ ዉርሰን ኦሱዋን ገሌዳዋንቱፐ ዶማደ ኮይሮ ገሌዳዋንታ ጋካናዉ፥ ኡንቱንቱ ኦሱዋ ድርጉዋ ጭጋ’ ያጌዳ።\x - \xo 20:8 \xo*\xt ዎጋ 19:13፤ ዛረ. 24:15\xt*\x*
\p
\v 9 “ታማነ እት ሳትያ ሄራን ኦሱዋ ዶሜዳዋንቱ ዪደ፥ ሁጲያን ሁጲያን ኦደ ፔሼዳ ዎልቃ ጋትያ አኬድኖ። 
\v 10 ኮይሮ ኦሱዋ ዶሜዳ አሳይ ዬዳ ዎደ፥ ዳሩዋ አካናዉ ቆፔድኖ፤ ሽን ኡንቱንቱካ ሁጲያን ሁጲያን ባረንቱ ኦሱዋ ዎልቃ ጋትያ አኬድኖ። 
\v 11-12 ሄዋፐ ጉይያን፥ ‘ሀ ጉየፐ ዬዳዋንቱ እት ሳትያ ጻላላ ኦድኖ፤ ኩመን ጋላሳ ዳቡሪደ ጫዎቴዳ ኑዋና ኡንቱንቱ ኦሱዋ ድርጉዋ ቃራ ኦዳ’ ያጊደ ባረንታ ኦሱዋን ገልሴዳዋ ቦላ ዙዙሜድኖ።
\p
\v 13 “ሽን እ ኡንቱንቱፐ እቱዋ ሀዋዳን ያጌዳ፤ ‘ታ ላገዉ፥ ታን ኔና ናቃበይከ፤ ኦደ ፔሼዳ ዎልቃ ጋትያ ታናና ጊጋበይክዬ? 
\v 14 ነዋ አካደ ባ፤ ታን ሀእ ዉርሰን ኦሱዋን ገሌዳዎካ ነዋ ኬና እማናዉ ኮያይ። 
\v 15 ታን ታ ሚሻን ታ ኮዬዳዋዳን ኦናዉ ታዉ ማታይ ባዌ? ዎይ ታን ሎአ ግዴዳ ድራዉ፥ ኔን ቃናታይ?’ ያጌዳ።
\p
\v 16 “ሄዋዳንካ፥ ቃይ ጉየቴዳዋንቱ ስንታናዋንታ፤ ስንቴዳዋንቱ ቃይ ጉየታናዋንታ፤ አያዉ ጎፐ፥ ጼሰቴዳዋንቱ ጮራ፤ ሽን ዶረቴዳዋንቱ ጉ” ያጌዳ።
\s1 የሱስ ባረ ሀይቁዋባ ሄዘንዋ ኦዴዳ
\r (ማር. 10:32-34፤ ሉቃሳ 18:31-34)
\p
\v 17 የሱስ የሩሳላመ ቢደ፥ ኦግያን ባረናና ብያ ታማነ ላኡ ባረና ካልያዋንታ ጋጻ ከሲደ፥ ዱማ ኡንቱንቶ ያጌዳ። 
\v 18 “በእተ፥ ኑን የሩሳላመ ሀእ ከሴቶ። ያን ታና፥ አሳ ናኣ ቄሳቱዋ ካፓቶነ ህግያ ታማርስያዋንቶ አደ እማናዋንታ፤ ኡንቱንቱ ታ ቦላ ሀይቁዋ ፕርዳ ፕርዳናዋንታ። 
\v 19 ቃይ አይሁዳ ግደና አሳዉካ ታና አደ እማናዋንታ፤ ሄ አይሁዳ ግደና አሳይ ታ ቦላ ቅሊጫናዋንታነ ታና ልሱዋን ሾጫናዋንታ፤ ያቲደ ማስቃልያ ቦላ ምስማርያን ሺደ፥ ታና ካቃናዋንታ፤ ታን ሄዘንያ ጋላስ ሀይቁዋፐ ደንዳና” ያጌዳ።
\s1 ዛብድዮሳ ናና ዳይ ዎሳ
\r (ማር. 10:35-45)
\p
\v 20 ሄ ዎደ ዛብድዮሳ ናና ዳያ ባረ ናናና የሱሳኮ ያዱ፤ አ ስንን ጉልባታደ እትባ አ ዎሳዱ።
\p
\v 21 የሱስ እዞ፥ “አያ ኮያይ?” ያጊደ ኦቼዳ።
\p እዛ ዛራደ፥ “ሀ ታ ላኡ ናናይ ነ ካዉተን እቱ ኔፐ ኡሸቻ ባጋና፥ ቃይ እቱ ኔፐ ሀድርሳ ባጋና ኡትኖ ያጋርኪ” ያጋደ ዎሳዱ።
\p
\v 22 ሽን የሱስ ዛሪደ ናና፥ “ህንተንቱ አያ ዎሳናዉ በስንቶ ኤርክታ። ታና ጋክያ ዎልቃማ መቱዋ መቶታንቴ? ታን ጻማቀታና ጽንቃታ ጻማቀታናዉ ዳንዳዪቴ?” ያጌዳ።
\p ኡንቱንቱ፥ “ኤ ዳንዳያና” ያጌድኖ።
\p
\v 23 የሱስ፥ “ታና ጋክያ ዎልቃማ መቱዋ ቱማካ ህንተንቱ መቶታንታ፤ ሽን ታፐ ኡሸቻ ባጋናነ ሀድርሳ ባጋና ኡታናዋንታ ዶራናዉ ታዉ ማታይ ባዋ፤ ሽን ሄ ሳአይ ታ አቡ እማናዉ ጊግስ ዎዳዋንቱሳ” ያጌዳ።
\p
\v 24 የኮ ታሙ የሱሳ ካልያዋንቱ ሄዋ ስሴዳ ዎደ፥ ሄ ላኡ እሻቶ ሀንቀቴድኖ። 
\v 25 ሽን የሱስ ኡንቱንቱ ኡባቱዋካ ባረኮ ጼሲደ፥ ሀዋዳን ያጌዳ፤ “አህዛበ አሳቱዋ ካፓቱነ ሀዋንታ ካለያ አሳቱ ባረንቱ አሳ አይስያዋ ኤሪታ። 
\v 26 ህንተንቱ ግዱዋን ሄዋ ማላ ግደና፤ ሽን ህንተንቱ ግዱዋን ቃተ ኮይያ ኦንነ ህንተንቶ ቆማ ግዳናዉ በሴ። 
\v 27 ቃይ ህንተንቱ ግዱዋን ኡባፐ ቦላ ግዳናዉ ኮይያዌ ኦንነ ህንተንቶ አይለ ግዳናዉ በሴ። 
\v 28 ሄዋዳን ታን፥ አሳ ናአይ፥ አሳዉ ኦናዉነ ዳሮ አሳ ዎዛናዉ ታ ሸምፑዋ እማናዉ ዬዳዋፐ አትን፥ አሳይ ታዉ ኦና ማላ ያበይከ” ያጌዳ።
\s1 የሱስ ላኡ ቆቃቱዋ ፓዳ
\r (ማር. 10:46-52፤ ሉቃሳ 18:35-43)
\p
\v 29 የሱስነ አ ካልያዋንቱ እያርኮፐ ከስሽን፥ ዳሮ አሳይ ኡንቱንታ ካሌዳ። 
\v 30 ላኡ ቆቃ አሳቱ ኦግያ ዶናን ኡቴዳዋንቱ የሱስ ሄዋና አያዋ ስሲደ፥ ባረንቱ ኮሻ ቁ ኦደ፥ “ጎዳዉ፥ ዳዊታ ናአዉ፥ ኑዉ ቃረታርኪ” ያጌድኖ።
\p
\v 31 ዳሮ አሳይ ኡንቱንታ፥ “ሀይዝተ” ጊደ ሀንቀቴዳ፤ ሽን ኡንቱንቱ ባረንቱ ኮሻ ዳሪ ቁ ኦደ፥ “ጎዳዉ፥ ዳዊታ ናአዉ፥ ኑና ማራርኪ!” ያጌድኖ።
\p
\v 32 የሱስ ኦግያን ኤቂደ፥ ኡንቱንታ ጼሲደ፥ “ታን ህንተንቶ አያ ኦና ማላ ኮዪቴ?” ያጌዳ።
\p
\v 33 ቆቃቱ፥ “ጎዳዉ፥ ኑ አይፍያ ፓርኪ” ያጌድኖ።
\p
\v 34 የሱስ ኡንቱንቶ ቃረቲደ፥ ኡንቱንቱ አይፍያ ቦቼዳ፤ ኤለካ ኡንቱንቱ አይፊ ጼል አግና፥ አ ካል አጌድኖ።
\c 21
\s1 የሱስ ዎልቃማ ቦንቹዋን የሩሳላመ ገሌዳ
\r (ማር. 11:1-11፤ ሉቃሳ 19:28-40፤ ዮሃ. 12:12-19)
\p
\v 1 ኡንቱንቱ የሩሳላመ ማቲደ፥ ደብረ ዛይተ ጌተትያ ደርያ ላንቂያን ደእያ ቤተፋገ ጌተትያ ቄር ካታማ ጋኬድኖ፤ የሱስ ባረና ካልያዋንቱፐ ላኡዋ ስንዉ ኪቲደ፥ 
\v 2 ኡንቱንታ ሀዋዳን ያጌዳ፤ “ህንተንቱፐ ስንን ደእያ ቄር ካታማ ቢተ፤ ሄዋን እት ሀራታ ቃሹዋን ደኤዉኖ እዝ ማራና ህንተንቱ ብ ስሞ ሳንካ ደማንታ፤ ኡንቱንታ ብሊደ፥ ታዉ አክ ዪተ። 
\v 3 ኦንነ ህንተንታ ኦቾፐ፥ ‘ጎዳይ ሀዋንታ ኮዬ’ ያግተ፤ ኤለካ እ ኡንቱንታ የድ አጋናዋ።”\f + \fr 21:3 \fr*\fq ጎዳይ፦ \fq*\ft ሀራቱዋ ጎዳ ጉሳ።\ft*\f* 
\v 4-5 ትምቢትያ ኦድያ ናቢ፥
\q1 “ጽዮነ ካታማ አሳዉ፥
\q2 ‘በአ፥ ነ ካቲ አሽከ ግዲደ፥
\q2 ሀርያ ቦላ፥ ሀረ ማራ ቦላ ኡቲደ፥
\q2 ኔኮ ዬ’ ያግተ”
\m ያጊደ ሃሳዬዳዌ ፖለታና ማላ፥ ሀዌ ሃኔዳ።\x - \xo 21:4-5 \xo*\xt ዛካ. 9:9\xt*\x*
\p
\v 6 አ ካልያዋንቱ ቢደ፥ የሱስ ባረንታ አዛዞዋዳን ኦድኖ። 
\v 7 ሀራቶነ ሀረ ማራ አሂደ፥ ባረንቱ ማዩዋ ኡንቱንቱ ዞክያን ዎድኖ፤ ሄዋፐ ስምና የሱስ ቶጌዳ። 
\v 8 ሄ ጮራ አሳፐ ዳርያ ባጋይ ባረ ማዩዋ ኦግያን ሂጼዳ፤ ቃይ ሀራንቱ ም ሀይ ካር ካሪደ፥ ኦግያን የጌድኖ። 
\v 9 የሱሳፐ ስንና ሀመትያ ጮራ አሳይነ ቃይ አ ጌዱዋ ካልያ ጮራ አሳይ፥ ባረንቱ ኮሻ ቁ ኦደ፥
\q1 “ዳዊታ ናአይ ጋላተቶ!
\q2 ጎዳ ሱንን ይያዌ አንጀቴዳዋ!
\q1 ጾሳይ ጋላተቶ!”
\m ያጌዳ።\x - \xo 21:9 \xo*\xt ማዝ. 118:25፣ 26\xt*\x*
\p
\v 10 የሱስ የሩሳላመ ካታማ ገሌዳ ዎደ፥ ካታማን ደእያ አሳይ ኡባይ፥ “ሀዌ ኦኔ?” ያጊደ ሻቢረቴድኖ።
\p
\v 11 አሳይ፥ “ሀዌ ጋሊላን ደእያ ናዝሬተ ጌተትያ ካታማፐ ዬዳ ናብያ የሱሳ” ያጌዳ።
\s1 የሱስ ጌሻ ጎልያ ገሌዳ
\r (ማር. 11:15-19፤ ሉቃሳ 19:45-48፤ ዮሃ. 2:13-22)
\p
\v 12 የሱስ ጌሻ ጎልያ ገሊደ፥ ሄዋን ዛልእያዋንታነ ሻምያዋንታ ኡባ ካረ የደርሴዳ፤ ቃይ ሚሻ ላምያዋንቱ ጻራጴዛነ ዶጎሙዋ ዛልእያዋንቱ ኦይድያ ጉጵ የጊደ፥ 
\v 13 ኡንቱንታ፥ “ጾሳ ማጻፋን፥ ‘ታ ጎሊ ጾሳ ዎስያ ጎልያ ጌተታና’ ያገቲደ ጻፈት ኡቴዳ፤ ሽን ህንተንቱ አ ቦንቂያዋንቱ ቆሰትያ ጎንጎሉዋ ከሴድታ” ያጌዳ።\x - \xo 21:13 \xo*\xt ኢሳ. 56:7፤ ኤር. 7:11\xt*\x*
\p
\v 14 ቆቃቱነ ገዲ ስሌዳዋንቱ የሱሳኮ ጌሻ ጎልያ ዪና፥ እ ኡንቱንታ ፓዳ። 
\v 15 ሽን ቄሳቱዋ ካፓቱነ ህግያ ታማርስያዋንቱ የሱስ ኦያ ኦራባ በኤዳ ዎደነ፥ ጉ ናናይ ጌሻ ጎልያን ባረንቱ ኮሻ ቁ ኦደ፥ “ዳዊታ ናአይ ጋላተቶ” ያግያዋ በኤዳ ዎደ ሀንቀቴድኖ።
\p
\v 16 ያቲደ የሱሳ፥ “ሀዋንቱ ግያዋ ስሳይ?” ያጌድኖ።\x - \xo 21:16 \xo*\xt ማዝ. 8:2\xt*\x*
\p የሱስ፥ “ኤ ስሳይ፤ ጾሳ ማጻፋይ፥ ‘ጉ ናናይነ ምያ ናናይ ኔና ጋላታና ማላ፥ ኡንቱንታ ኤርሳዳ’ ያግያዋ ኡባካ ናባብ በይክቴ?” ያጌዳ። 
\v 17 የሱስ ኡንቱንታ አጊደ፥ ሄ ካታማፐ ቢታንያ ጌተትያ ካታማ ቢደ፥ ያን አቄዳ።
\s1 አይፊ ዬዳ ባላስያ ምቶ
\r (ማር. 11:12-14፣ 20-24)
\p
\v 18 የሱስ ዎንታ ጉራና ካታማ ቤዳ ድራዉ ኮሻቴዳ። 
\v 19 ኦግያ ዶናን እት ባላስያ ጌተትያ ምቶ በኢደ፥ ኢኮ ቤዳ፤ ብ ጋክያ ዎደ ሄ ምትን ሀይ ጻላላፐ አትን፥ አይፍያ አይነ ደምቤና፤ እዞ፥ “ላኤንዋ መናዉካ አይፎፓ” ያግና፥ ሄ ባላሳታ ኤለካ መላ አጋዱ።
\p
\v 20 አ ካልያዋንቱ ሄዋ በኢደ ማላለቲደ፥ “ሀ ባላሳታ ዋናደ እት ኩን መላ አጋዴ?” ያጌድኖ።
\p
\v 21 የሱስ ዛሪደ፥ “ታን ህንተንቶ ቱሙዋ ጋይ፤ ህንተንቱ አማኑ ደእያዋንታነ ስናዋንታ ግዶፐ፥ ሀ ባላሳቶ ታን ኦዳዋ ማላ ጻላላ ኦክታ፤ ሽን ሀራይ አቶ ህንተንቱ ሀ ደርያ፥ ‘ደንዳደ አባን ኩንዳ’ ግንቶካ ሀናና፤ 
\v 22 ህንተንቱ አማኒደ ጾሳ ዎስያዋ አያ ግድንቶካ አካና” ያጌዳ። \fig ባላሲያ ም|alt="Fig tree" src="LB00085B.TIF" size="col" ref="21:19"\fig*
\s1 የሱሳ ማታይ ዬዳሳ
\r (ማር. 11:27-33፤ ሉቃሳ 20:1-8)
\p
\v 23 የሱስ ጌሻ ጎልያ ዪደ ታማርስሽን፥ ቄሳቱዋ ካፓቱነ አይሁዳ ጭማቱ አኮ ዪደ፥ “ኔን ሀዋ ኦናዉ ነዉ አይ ማታይ ደኢ? ነዉ ሀ ማታ ኦኔ እሜዳዌ?” ያጌድኖ።
\p
\v 24 የሱስ ዛሪደ ኡንቱንታ፥ “ታንካ ህንተንታ እትባ ኦቻና፤ ህንተንቱ ታዉ ሄዋ ኦዶፐ፥ ታን ሀዋ አይ ማታን ኦይታንቶ፥ ህንተንቶ ኦዳና፤ 
\v 25 ዮሃንስ ጻማቅያ ማታይ ሀቃፐ ዬዴ? ጾሳፐ ዬደየ አሳፐ ዬዴ?” ያጌዳ።
\p ኡንቱንቱ ባረንቱ ግዱዋን ፓሉማ ዶሚደ፥ “ኑን፥ ‘ጾሳፐ ዬዳ’ ያጎፐ እ ኑና፥ ‘ያቶፐ፥ ዮሃንስ ኦዴዳዋ አያዉ አማንበይክቴ?’ ያጋናዋ። 
\v 26 ሽን ኑን፥ ‘አሳፐ ዬዳ’ ያጎፐ፥ አሳይ ኡባይ ዮሃንስ ናብያ ግዴዳዋ ኤርያ ድራዉ፥ አሳዉ ያዬቶ” ያጌድኖ። 
\v 27 ኡንቱንቱ የሱሳዉ፥ “ኑን ኤሮኮ” ያጊደ ዛሬድኖ።
\p የሱስ፥ “ታንካ ሀዋ አይ ማታን ኦይታንቶ፥ ህንተንቶ ኦድከ” ያጌዳ።
\s1 ላኡ ናና ሌምሱዋ
\p
\v 28 “ሽን ህንተንቱ አያ ቆፒቴ? ላኡ ናናይ ደእያ እት ብታኒ ደኤ፤ ሄ ብታኒ ባይራ ናኣኮ ቢደ፥ ‘ታ ናአዉ፥ ሀቼ ባደ ታ ዎይንያ ቱራ ኦ’ ያጌዳ። 
\v 29 ናአይ ዛሪደ፥ ‘ቢከ’ ጌዳ፤ ሽን ጉየፐ ባረ ዎዛናን ቆፕ አኪደ፥ ዎይንያ ቱራ ኦናዉ ቤዳ። 
\v 30 አዉ የኮ ናኣኮ ቢደ፥ ባይራዉ ጌዳዋዳንካ አዉ ጌዳ፤ ቴፋ ናአይ ዛሪደ፥ ‘ሎአ ታ ጎዳዉ’ ያጌዳ፤ ሽን ብቤና። 
\v 31 ሀ ላኡ ናናፐ ባረ አዉ ኮዬዳዋ ኦዳዌ ሀቃዌ?” ያጌዳ።
\p ኡንቱንቱ፥ “ባይራ” ያጌድኖ።
\p የሱስ ኡንቱንታ ሀዋዳን ያጌዳ፤ “ታን ህንተንቶ ቱሙዋ ጋይ፤ ቃራጻ አክያዋንቱነ ዎሹምያዋንቱ ህንተፐ ስንቲደ፥ ጾሳ ካዉተ ገላና። 
\v 32 አያዉ ጎፐ፥ ጻማቅያ ዮሃንስ ጽሎተ ኦግያ ታማርሲደ፥ ህንተኮ ዪና፥ እ ግያዋ አማንበይክታ። ሽን ቃራጻ አክያዋንቱነ ዎሹምያዋንቱ እ ግያዋ አማኔድኖ፤ ህንተንቱ ሀራይ አቶ ሄዋ በኢደካ፥ ህንተንቱ ናጋራፐ ስሚደ፥ እ ግይያዋ አማንበይክታ” ያጌዳ።
\s1 ዎይንያ ቱራ ግዶን ኦያ ጎሻንቻቱዋ ሌምሱዋ
\r (ማር. 12:1-12፤ ሉቃሳ 20:9-19)
\p
\v 33 ቃይካ የሱስ ሀዋዳን ያጌዳ፤ “ሀራ ሌምሱዋካ ስስተ፤ ዎይንያ ጌተትያ ቱራ ቶኬዳ እት ብታኒ ደኤ፤ ዎይንያ ቱራ ዩሽ አደ ድሬዳ፤ ቃይ ሄ ዎይንያ ጉምእያ ኦላካ ቦኬዳ፤ ሄዋ ናግያ አሳዉ አዱሳ ሹቻ ግምቤዳ። ሄዋፐ ጉይያን፥ ኮ ኦያ አሳዉ እሚደ፥ ሀራ ጋደ ቤዳ።\x - \xo 21:33 \xo*\xt ኢሳ. 5:1-2\xt*\x* 
\v 34 ዎይንያ አይፍያ ማጽያ ዎዲ ጋክና፥ ባረና ጋክያዋ አኪደ ያና ማላ፥ ባረ ቆማቱዋ ባረ ኮዋቱዋኮ ኪቴዳ። 
\v 35 ኮዋቱ አ ቆማቱዋ ኦይቂደ፥ እቱዋ ዎድኖ፤ ቃይ የኩዋ ሹቻን ጳልቄድኖ። 
\v 36 ቃይካ ሄ ብታኒ ካሰዋንቱፐ ዳርያ ሀራ ቆማቱዋ ኪቴዳ፤ ኮዋቱ ሄ ቆማቱዋካ ካሰዋንቱዋዳን ኦድኖ።
\p
\v 37 “ሽን ዉርሰን እ፥ ‘ታ ናኣ ኡንቱንቱ ቦንቻናዋንታ’ ያጊደ ባረ ናኣ ኡንቱንቱኮ ኪቴዳ።
\p
\v 38 “ሽን ኮዋቱ ናኣ በኢደ፥ ባረንቱ ግዱዋን፥ ‘ጋድያ ላታናዌ ሀዋ፤ ቢደ አ ዎደ፥ ጋድያ ኑን ላታና’ ያጌድኖ። 
\v 39 ናኣ ኦይቂደ፥ ዎይንያ ቱራ ግዶፐ ጋጻ ከሲደ ዎድኖ።
\p
\v 40 “ስም ዎይንያ ቱራ ጎዳይ ይያ ዎደ፥ ሄ ኮዋቱዋ ዎታኔ?” ያጊደ ኦቼዳ።
\p
\v 41 ኡንቱንቱ፥ “እ ሄ ኢታ አሳቱዋ ዎ ዉርሲደ፥ ዎይንያ ቱራይ አይፍያ ዎደ ባረና ጋክያዋ ዎድያን ሼያ ሀራ ኮዋቶ እማና” ያጌድኖ።
\p
\v 42 የሱስ ኡንቱንታ ሀዋዳን ያጌዳ፤
\q1 “ ‘ግምቢያዋንቱ ካደ እጼዳ ሹቻይ፥
\q2 ጎዳ ጻጱዋ ምንስያ፥ ኡባፐ አያ ሹቻ ግዴዳ።
\q1 ሀዌ ጎዳይ ኦዳዋ፤
\q2 ቃይ ኑ ጼላዉካ ማላልስያዋ’
\m ያግያዋ ጾሳ ማጻፋፐ ኡባካ ናባብ በይክቴ?\x - \xo 21:42 \xo*\xt ማዝ. 118:22-23\xt*\x*
\p
\v 43 “ሄዋ ድራዉ፥ ታን ህንተንቶ ኦዳይ፤ ጾሳ ካዉተይ ህንተፐ አከቲደ፥ ሎኦ አይፍያ እምያ አሳዉ እመታናዋ። 
\v 44 ሄ ሹቻ ቦላ ኩንድያ ኡባይ መኤረታና፤ ቃይ ሄ ሹቻይ አሳ ቦላ ኩንዶፐ፥ ሄ ኩንዴዳ ኡራ ሊቅሳና” ያጌዳ።
\p
\v 45 ቄሳቱዋ ካፓቱነ ፓርሳዋቱ የሱስ ኦዴዳ ሌምሱዋ ስሴዳ ዎደ፥ ባረንቱዋ ሃሳይያዋ ኤሬድኖ። 
\v 46 ኡንቱንቱ የሱሳ ኦይቃናዉ ኮዬድኖ፤ ሽን የሱሳ ዳሮ አሳይ ናብያ ጊደ ቆፕ ኡቴዳ ድራዉ፥ ሄ አሳዉ ያዬድኖ።
\c 22
\s1 አካነ ገሉዋ ኦዱዋ ሌምሱዋ
\r (ሉቃሳ 14:15-24)
\p
\v 1 የሱስ አሳዉ ላኤንዋ ሌምሱዋን ሀዋዳን ያጊደ ሃሳዬዳ፤ 
\v 2 “ሳሉዋ ካዉተይ ባረ ናአዉ ማችያ እማናዉ ኡባባ ማኬዳ ካትያ ማላ። 
\v 3 ሄ ካቲ ቡላቻዉ ኦድ ዎዳ አሳቱዋ ጼሳናዉ ባረ ቆማቱዋ ኪቴዳ፤ ሽን አሳቱ ያናዉ ኮይበይክኖ።
\p
\v 4 “ቃይ ሀራ ቆማቱዋ፥ ‘ጼሰቴዳዋንታ፥ “ታን ቁማ ጊግሳድ፤ ታ ሳንጋቱነ ታ ሞ ምያቱ ሹከቴድኖ፤ ኡባባይካ ማከቴዳ። ቡላቻ ሃ ዪተ” ያግተ’ ያጊደ ኪቴዳ። 
\v 5 ሽን ጼሰቴዳዋንቱ ኮየናን እጺደ፥ ባረንቱ ኦሶ ቤድኖ፤ እቱ ባረ ጎሻዉ ቢና፥ የኩ ባረ ዛልኤዉ ቤዳ። 
\v 6 አቴዳዋንቱ ቃይ ካትያ ቆማቱዋ ኦይቂ ዋደ ዎድኖ።
\p
\v 7 “ካቲ ዳሮ ሀንቀቴዳ፤ ቃይ ባረ ዎታዳራቱዋ የዲደ፥ ሄ ሸምፑዋ ዎዳዋንታ ዎሲደ፥ ኡንቱንቱ ካታማ ጉድሴዳ። 
\v 8 ሄዋፐ ጉይያን፥ ባረ ቆማቱዋ፥ ‘ቡላቻይ ማከቴዳ፤ ሽን ጼሰቴዳዋንቱ ቡላቻዉ በስያ አሳ ግድክኖ። 
\v 9 ሄዋ ድራዉ፥ ዎጋ ቃ ቢደ፥ ህንተንቱ ደሜዳ አሳ ኡባ ቡላቻዉ ጼስተ’ ያጌዳ። 
\v 10 ሄ ቆማቱ ቃ ቢደ፥ ባረንቱ ደሜዳ አሳ ኡባ ሎኡዋ ኢታ ሺሺደ፥ ቡላቻ ዳስያ ኩንድኖ።
\p
\v 11 “ሽን ካቲ ቁማ ማናዉ ኡቴዳ አሳ በአናዉ ገሌዳ ዎደ፥ ቡላቻ ማዩዋ ማይቤና እት ብታንያ ሄዋን በኢደ፥ 
\v 12 ‘ታ ላገዉ፥ ቡላቻ ማዩዋ ማየናን ዋናደ ሀዋ ገላዲ?’ ያግና ብታኒ ጮኡ ጌዳ።
\p
\v 13 “ሄዋፐ ጉይያን፥ ካቲ ባረ ቆማቱዋ፥ ‘ሀ ብታንያ ኩሽያነ ገድያ ቃቺደ፥ ካረ ማ ከስ ኦልተ፤ እ ሄዋን ዬካናነ አቻ ቃና’ ያጌዳ።
\p
\v 14 “አያዉ ጎፐ፥ ጼሰቴዳዋንቱ ዳራ፤ ሽን ዶረቴዳዋንቱ ጉ” ያጌዳ።
\s1 ጊራ ዎት ጊራነንቶ ኦቼዳ ኦሻ
\r (ማር. 12:13-17፤ ሉቃሳ 20:20-26)
\p
\v 15 ሄዋፐ ጉይያን፥ ፓርሳዋቱ ቢደ፥ አ ሃሳያፐ ባላ ደሚደ፥ አ ኦይቃና ማላ ማቀቴድኖ። 
\v 16 ቃይ ባረንታ ካልያዋንቱፐነ ሄሮድሳ ባጋቱዋፐ አማሬዳዋንታ አኮ ኪቴድኖ። ኡንቱንቱ፥ “ታማርስያዎ፥ ኔን ቱሙዋ ሃሳይያዋነ ጾሳ ኦግያ ቱማተን ታማርስያዋ ኑን ኤሬቶ፤ አያዉ ጎፐ፥ ኔን አሳፐ አሳ ሻካካነ ዱማያካ። 
\v 17 ነ ቆፋይ አየንቶ ኑዉ ኦዳ፤ ኑን ሮመ ጋድያ ካትያ ቄሳረዉ ጊራ ጊርያዌ ዎጌየ ዎጋ ግደኔ?” ያጌድኖ።
\p
\v 18 ሽን የሱስ ኡንቱንቱ ኢታ ቆፋ ኤሪደ፥ “ሀ ሎአ ማላትያ ኢታ አሳቶ፥ አያዉ ታና ፓጪቴ? 
\v 19 ጊራ ጊርያ ሚሻ ታና በስተ” ያጌዳ። ሄዋፐ ጉየ ኡንቱንቱ ብራ ሳንትምያ አዉ አሄድኖ። 
\v 20 እ፥ “ሀ ማላይነ ሱንይ ኦዌ?” ያጌዳ።
\p
\v 21 ሄዋፐ ስሚደ ኡንቱንታ ኦችና፥ ኡንቱንቱ፥ “ሮመ ጋድያ ካትያ ቄሳረዋ” ያጌድኖ።
\p ሄዋፐ ጉይያን፥ የሱስ ኡንቱንታ፥ “ያቶፐ፥ ቄሳረዋ ቄሳረዉ፥ ጾሳዋ ጾሳዉ እምተ” ያጌዳ። 
\v 22 ኡንቱንቱ ሄዋ ስሴዳ ዎደ፥ ማላለቲደ አ አጊደ ቤድኖ።
\s1 ሀይቄዳዋንቱ ደንዱዋባ
\r (ማር. 12:18-27፤ ሉቃሳ 20:27-40)
\p
\v 23 ሀይቄዳ አሳይ ደንደና ግያ ሳዱቃዋናቱዋፐ እት እት አሳቱ ሄ ጋላስ የሱሳኮ ዪደ፥ ሀዋዳን ያጊደ፥ አ ኦቼድኖ፤ 
\v 24 “ታማርስያዎ፥ ሙሴ፥ ‘እት አሳይ ናኣ የለናን ሀይቆፐ፥ ሄ ሀይቄዳዋ እሻይ አ ማቻቶ ላቲደ፥ ባረ እሻዉ ናኣ የላናዉ በሴ’ ያጌዳ።\x - \xo 22:24 \xo*\xt ዛረ. 25:5\xt*\x* 
\v 25 ኑናና ላፑ እሻቱ ደኢኖ፤ ባይራይ ማቻቶ አኪደ፥ ናኣ የለናን ሀይቄዳ፤ ሄዋፐ ጉይያን አ ማቻቶ አ እሻይ አኬዳ። 
\v 26 ቃይ ላኤንያዌካ ሀይቄዳ፤ ሄዘያዌካ፥ ላፑን ጋካናዉካ ሄዋዳን ሀኔድኖ። 
\v 27 ኡባፐ ጉይያን፥ ሄ ምሽራታ ሀይቃዱ። 
\v 28 ያትና፥ ሀይቄዳ አሳይ ሀይቁዋፐ ደንድያ ጋላስ ሄ ምሽራታ ላፑናቱዋፐ ሀቃዎ ማቼ ግዳኔ? አያዉ ጎፐ፥ ላፑናቱ ኡባይካ እዞ አኬድኖ” ያጌድኖ።
\p
\v 29 የሱስ ዛሪደ፥ ሀዋዳን ያጌዳ፤ “ጾሳ ማጻፋቱዋ ዎይ አ ዎልቃ ህንተንቱ ኤረና ድራዉ ባሊታ። 
\v 30 አያዉ ጎፐ፥ ሀይቄዳ አሳይ ሀይቁዋፐ ደንድያ ጋላስ፥ ሳሉዋን ደእያ ኪታንቻቱዋ ማላ ግዳናፐ አትን፥ አቱማ አሳይነ አከና፤ ማጫ አሳይነ ገለና። 
\v 31-32 ሽን ሀይቄዳዋንቱ ደንዱዋባ ግዶፐ፥ ጾሳይ፥ ‘ታን አብራሃመ ጾሳ፥ ይሳቃ ጾሳ፥ ያቆባ ጾሳ’ ያጊደ ህንተዉ ኦዴዳዋ ኡባካ ናባብ በይክቴ? ጾሳይ ፓጻ ደእያዋንቱ ጾሳ ግድያዋፐ አትን፥ ሀይቄዳዋንቱ ጾሳ ግደና” ያጌዳ።\x - \xo 22:31-32 \xo*\xt ከሳ 3:6\xt*\x*
\p
\v 33 ዳሮ አሳይ ሄዋ ስሲደ፥ አ ትምርትያን ማላለቴድኖ።
\s1 ኡባፐ አያ አዛዙዋ
\r (ማር. 12:28-34፤ ሉቃሳ 10:25-28)
\p
\v 34 ሽን የሱስ ሳዱቃዋናቱዋ ጮኡ ኦዳዋ ፓርሳዋቱ ስሴዳ ዎደ፥ እትሳ ሺቄድኖ። 
\v 35 ኡንቱንቱ ግዶፐ ህግያ ታማርስያ እቱ፥ የሱሳ ፓጫናዉ እትባ ኦቼዳ። 
\v 36 “ታማርስያዎ፥ ህግያ ግዱዋን ኡባፐ አያ አዛዙ ሀቃዌ?” ያጊደ አ ኦቼዳ።
\p
\v 37 የሱስ ዛሪደ፥ ሀዋዳን ያጌዳ፤ “ ‘ኔን ጎዳ ነ ጾሳ ነ ኩመን ዎዛናፐ፥ ነ ኩመን ሸምፑዋፐ፥ ነ ኩመን ቆፋፐ ሲቃ’ ያጌዳ።\x - \xo 22:37 \xo*\xt ዛረ. 6:5\xt*\x* 
\v 38 ሄዌ ኡባፐ ዳርያ አዛዙዋነ ቃይ ኡባፐ አያ አዛዙዋ። 
\v 39 ቃይ ላኤንያ አዛዙካ አ ማላ፤ ሄዌ፥ ‘ኔን ነ ሾሩዋ ነ ሁጲያዳን ሲቃ’ ግያዋ።\x - \xo 22:39 \xo*\xt ዎጋ 19:18\xt*\x* 
\v 40 ሙሴ ህግያ ኡባይነ ናባቱዋ ትምርቲ ሀ ላኡ አዛዛቱዋን ቃሸቴ” ያጌዳ።
\s1 ክርስቶሳባ ኦቼዳ ኦሻ
\r (ማር. 12:35-37፤ ሉቃሳ 20:41-44)
\p
\v 41-42 ፓርሳዋቱ እትሳ ሺቄዳሳን የሱስ ኡንቱንታ፥ “ክርስቶሳባ ዋጊደ ቆፒቴ? እ ኦ ናኤ?” ያጊደ ኦቼዳ።
\p ኡንቱንቱ፥ “ክርስቶስ ዳዊታ ናኣ” ያጌድኖ።
\p
\v 43 የሱስ ኡንቱንታ፥ “ያትና፥ ዳዊተ ባረና ጌሻ አያናይ ሃሳይስና ክርስቶሳ ዋጊደ፥ ‘ጎዳ’ ጊደ ጼሲ? 
\v 44 ቃይካ ዳዊተ፥
\q1 “ጎዳይ ታ ጎዳ፥ ታን፥ ‘ነ ሞርከቱዋ፥
\q2 ኔን የ ኤቂያዋ ኦና ጋካናዉ፥
\q2 ሀዋን ታፐ ኡሸቻ ባጋና ኡታደ ታናና እትፐ ዳናታ ጌዳ’
\m ያጌዳ።\x - \xo 22:44 \xo*\xt ማዝ. 110:1\xt*\x* 
\v 45 ዳዊተ ክርስቶሳ፥ ‘ጎዳ’ ጊደ ጼሶፐ፥ ያትና፥ ክርስቶስ ዋኒደ ዳዊታ ናኣ ግዲ?” ያጌዳ።
\p
\v 46 የሱሳዉ እት ቃላ ዛራናዉ ዳንዳዬዳ እት አሳይነ ባዋ፤ ቃይ ሄ ጋላሳፐ ዶምና፥ ሀራ ኦሻ አ ኦቻናዉ ጻሌዳዌ ኦንነ ባዋ።
\c 23
\s1 ሙሴ ህግያ ታማርስያዋንቱነ ፓርሳዋቱዋ ኢታተ
\r (ማር. 12:38-39፤ ሉቃሳ 11:43-46፤ 20:45-46)
\p
\v 1 ሄዋፐ ጉይያን፥ የሱስ ሺቄዳ አሳዉነ ባረና ካልያዋንቶ ሀዋዳን ያጊደ ሃሳዬዳ፤ 
\v 2 “ህግያ ታማርስያዋንቱነ ፓርሳዋቱ ሙሴ ህግያ ታማርስያ ማታና ደኢኖ። 
\v 3 ሄዋ ድራዉ፥ ህንተንቱ ኦና ማላ፥ ኡንቱንቱ ህንተንታ አዛዝያ ኡባባ ኦተነ ቃይ ናግተ፤ ሽን ኡንቱንቱ ኦያዋዳን ኦፕተ፤ አያዉ ጎፐ፥ ኡንቱንቱ ባረንቱ ኦድያዋ ኦክኖ። 
\v 4 ቶካናዉ ዴጽያ ቶኩዋ ኡንቱንቱ ቃቺደ፥ አሳ ቶሲኖ፤ ሽን ባረንቱ ሁጲያን ሀራይ አቶ፥ ሄ ቶኩዋ ብራያን ቦቻናዉካ ኮይክኖ።
\p
\v 5 “ሽን ኡንቱንቱ ባረንቱ ኦሱዋ ኡባ አሳይ በአናዳን ኦኖ፤ አያዉ ጎፐ፥ ባረንቱ ሶምእያንነ ባረንቱ ኩሽያ ቀስያን ቃችያ ጽቅስያና ደእያ ክታፋ አሲኖነ ባረንቱ ማዩዋ ማጫራካ አዱሲኖ።\x - \xo 23:5 \xo*\xt ማቶሳ 6:1፤ ፓይ. 15:37-41፤ ዛረ. 6:8\xt*\x* 
\v 6 አሳይ ባረንታ ሾቢደ አፎሳን ቦንቾ ኡቱዋ ዶሲኖ፤ ቃይ አይሁዳ ዎሳ ጎለቱዋንካ ዳሮ ሎእያ ኦይድያ ዶሲኖ። 
\v 7 አሳይ ገዋን ባረንታ ቦንቺደ ሳሮታና ማላነ ‘ታማርስያዎ’ ጊደ ባረንታ ጼሳናዳን ኮዪኖ።
\p
\v 8 “ሽን ህንተንታ ታማርስያዌ እቱዋ ጻላላ ግዴዳ ድራዉነ ህንተንቱ ኡባይ እሻቱዋ ግዴዳ ድራዉ፥ እቱ እቱዋ፥ ‘ታማርስያዎ’ ጊደ ጼሶፕተ። 
\v 9 ሀ ሳኣን ኦናነ ‘አዉዋ’ ጊደ ጼሶፕተ፤ አያዉ ጎፐ፥ ህንተንቶ ሳሉዋን ደእያ እት አዉ ደኤ። 
\v 10 እቱ እቱዋ፥ ‘ታማርስያዎ’ ጊደካ ጼሶፕተ፤ አያዉ ጎፐ፥ ህንተንቶ እት ጎዳይ፥ ክርስቶሳ ጻላላይ ደኤ። 
\v 11 ህንተንቱ ግዶን ኡባፐ ዳርያዌ ህንተንቶ ቆማ ግዳናዉ በሴ። 
\v 12 ባረና ዳርስያዌ ኦንነ ቶሸታና፤ ቃይ ባረና ቶችያዌ ኦንነ ቁ ጋና።
\s1 ህግያ ታማርስያዋንቱነ ፓርሳዋቱ ቦረቴድኖ
\r (ማር. 12:40፤ ሉቃሳ 11:39-42፣ 44፣ 52፤ 20:47)
\p
\v 13 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ አሳዉ ሳሉዋ ካዉተ ህንተንቱ ጎርድያ ድራዉ፥ ህንተንቶ አየሮ፤ አያዉ ጎፐ፥ ህንተንቱ ሁጰዉነ ገልክታ፤ ቃይ ገላናዉ ኮይያዋንታካ ገልስክታ።
\p
\v 14 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ አምኤቱዋ ጎልያ ህንተንቱ ቦንቂደ፥ ህንተንቶ ሎአ ማላታናዉ ጾሳ ዎሳ አዱሲታ፤ ሄዋ ድራዉ፥ ህንተንቶ አየሮ፤ ኡባፐ አያ ፕርዳ ህንተንቱ አካና።
\p
\v 15 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ ህንተንቱ እት ኡራ አማንናዉ አባንነ ሳኣን ዩይያ ድራዉነ ቃይ ህንተንቱ አ አማንያ ዎደ፥ ሄ ኡራ ህንተንቱዋፐ ላኡ ኩሽያ ኢቴዳ ጋናመዉ ናኣ ኦያ ድራዉ፥ ህንተንቶ አየሮ።
\p
\v 16 “ ‘ኦንነ ጌሻ ጎልያን ጫቆፐ፥ አይነ ባዋ፤ ሽን ጌሻ ጎልያን ደእያ ዎርቃን ጫቆፐ፥ ሄ ጫቁ አ ጋኬ’ ግያ ህንተንቶ ቆቅ ኡቲደ አሳ ካለያዋንቶ፥ ህንተንቶ አየሮ። 
\v 17 ሀ ኤያቱ፥ ሀ ቆቃቱ፥ ዎርቃይ አዬ? ዎርቃ ጌሻ ኦያ ጌሻ ጎሊ አ? 
\v 18 ቃይ ህንተንቱ፥ ‘ኦንነ ያርሹዋ ያርሽያባን ጫቆፐ፥ አይኔካ ባዋ፤ ሽን ኦንነ አ ቦላ ደእያ ያርሹዋን ጫቆፐ፥ ሄ ጫቁ አ ጋኬ’ ያጊደ ታማርሲታ። 
\v 19 ሀ ኤያቱ፥ ሀ ቆቃቱ፥ ያርሹ አዬ? ዎይ ያርሹዋ ጌሻ ኦያ አ ያርሽያባይ አ? 
\v 20 ሄዋ ድራዉ፥ ያርሹዋ ያርሽያባን ጫቂያ ኡራይ ሄ ያርሽያዋንካ ጫቄ፤ ቃይ አ ቦላ ደእያ ኡባባንካ ጫቄ። 
\v 21 ጌሻ ጎልያን ጫቂያ ኡራይ፥ ሄ ጌሻ ጎልያንነ አ ግዶን ደእያ ጾሳን ጫቄ። 
\v 22 ሳሉዋን ጫቂያ ኡራይ፥ ጾሳ ካዉተ ኦይድያንነ ሄ ኦይድያን ኡትያዋን ጫቄ።\x - \xo 23:22 \xo*\xt ኢሳ. 66:1፤ ማቶሳ 5:34\xt*\x*
\p
\v 23 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ካረ አኑጋፐ፥ ሽላርያፐነ ኦካሽያፐ አስራታ ህንተንቱ እሚታ፤ ሽን ህግያን ደእያ ዳሪ ኮሽያዋንታ አጊታ፤ ሄዋንቱ ፕርዳ፥ ማሮተነ ጽሎተ። ሀራንታካ አገናን፥ ህንተንቱ ኦናዉ በስያ የዋቱ ሀዋንታ። 
\v 24 ህንተንቶ ቆቅ ኡቲደ፥ አሳ ካለያዋንቶ፥ ህንተንቱ ኡሻፐ ኡዱንጽያ ጋጪደ፥ ጋሉዋ ምቲታ።
\p
\v 25 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ህንተንቱ ሻታነ ከርያ ቦላ ባጋ ጌሺታ፤ ሽን አ ግዱዋን ቦንቂያንነ ኡዘተን ኩንድታ። 
\v 26 ሀ ቆቃ ፓርሳዌዉ፥ ሻታነ ከርያ ጋርሳ ካሰታደ ጌሻ ድጋ፤ ሄዋፐ ጉይያን፥ ቦላ ባጋይካ ጌሻ ግዳናዋ።
\p
\v 27 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ካረ ባጋና ቦሽንቻን ኦከቲደ፥ ሎኦ ኡቲደ፥ ቃይ ጋርሳ ባጋና ሀይቄዳ አሳ መቀይነ ዎቄዳባይ ኡባባይ ኩሜዳ ዱፎቱዋ ማላቲታ። 
\v 28 ሄዋዳንካ፥ ቃይ ቦላ ባጋና አሳ ኡባዉ ጽሉዋ ማላቲታ፤ ሽን ህንተንቶ ጋርሳ ባጋና ሎአ ማላትያ ኢታተይነ ማካላይ ኩም ኡቴዳ።
\p
\v 29 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ናባቱዋ ዱፉዋ ቦላ ጎልያ ኬጺታ፤ ቃይ ጽላቱዋ ዱፉዋካ ሎይታ። 
\v 30 ቃይ ህንተንቱ፥ ‘ኑን በን ኑ አዎቱዋ ዎደ ደኤዳዋንታ ግድንቶ፥ ኡንቱንቱና እትፐ ናባቱዋ ዎኮ ሽን’ ያጊታ። 
\v 31 ሄዋ ግዶፐ፥ ናባቱዋ ዎዳዋንቱ ናና ህንተንቱ ግዴዳዋ ህንተንቱ ሁጲያን ማርካቲታ። 
\v 32 ስም ህንተንቱ አዎቱ ዶሜዳዋ ፖልክቴ!
\p
\v 33 “ሀ ሾሻቶ፥ ሾሻ ናናዉ፥ ጋናምያ ፕርዳፐ ዋኒደ አታንቴ? 
\v 34 ሄዋ ድራዉ፥ በይተ፥ ታን ናባቱዋ አ ኤራንቻቱዋነ ህግያ ታማርስያዋንታ ህንተኮ ኪታና። ኡንቱንቱፐ እቱዋ እቱዋ ህንተንቱ ዎናነ ማስቃልያ ቦላ ምስማርያን ሺደ ካቃንታ፤ ቃይ እቱዋ እቱዋ ህንተንቱ ዎሳ ጎለቱን ልሱዋን ሾጫንታነ ካታማፐ ካታማ የደርሳንታ። 
\v 35 ሄዋ ድራዉ፥ ጽሉዋ አቤላ ዎደፐ ዶሚደ፥ ጌሻ ጎልያፐነ ያርሽያ ሳፐ ግዱዋን ህንተንቱ ዎዳ ባራክያ ናኣ ዛካራሳ ዎድያ ጋካናዉ፥ ሀይቄዳ ጽላቱዋ ኡባቱዋ ሱ ድራዉ፥ ህንተንቱ ሙረታንታ።\x - \xo 23:35 \xo*\xt ዶመ 4:8፤ 2 ኦዱዋ 24:20-21\xt*\x* 
\v 36 ታን ህንተንቶ ቱሙዋ ኦዳይ፤ ሀ ኡባባይ ሀ ዎድያ አሳ ቦላ ጋካናዋ።
\s1 የሩሳላመዉ ኦደቴዳ ምኖ ኦዱዋ
\r (ሉቃሳ 13:34-35)
\p
\v 37 “የሩሳላመ ካታማ አሳዉ፥ የሩሳላመ ካታማ አሳዉ፥ ናባቱዋ ህንተንቱ ዎታ፤ ጾሳይ ህንተንቱኮ ኪቴዳዋንታካ ሹቻን ጫዲታ፤ ኩታታ ባረ ማራቱዋ ባረ ቀፍያን ሀጵያዋዳን፥ ታን ህንተንቱ አሳ እትሳ ሺሻናዉ አፑ ካላ ኮያድታ! ሽን ታና ድጌድታ። 
\v 38 በእተ፥ ህንተንቱ ጎሊ ኡባካ ኦና ግዳናዋ።\x - \xo 23:38 \xo*\xt ኤር. 22:5\xt*\x* 
\v 39 አያዉ ጎፐ፥ ታን ህንተንቶ ኦዳይ፤ ህንተንቱ፥ ‘ጎዳ ሱንን ይያዌ አንጀቴዳዋ ጋና ጋካናዉ፥ ላኤንዋ ታና በእክታ’ ጋይ” ያጌዳ።\x - \xo 23:39 \xo*\xt ማዝ. 118:26\xt*\x*
\c 24
\s1 የሱስ ጌሻ ጎሊ ኮለታናዋ ካሰቲደ ኦዴዳ
\r (ማር. 13:1-2፤ ሉቃሳ 21:5-6)
\p
\v 1 የሱስ ጌሻ ጎልያፐ ከሲደ ብያ ዎደ፥ ጌሻ ጎልያ ድርሳ ግዶን ደእያ ጎልያ በሳናዉ አ ካልያዋንቱ አኮ ዬድኖ። 
\v 2 የሱስ ዛሪደ ኡንቱንታ፥ “ሄዋ ኡባ በኢቴ? ታን ህንተንቶ ቱሙዋ ኦዳይ፤ ሀ ጎለቱዋን ደእያ እት ሹቻይነ አተናን ኡባይ ኮለታና” ያጌዳ።
\s1 ዎድያ ዉርሰባ
\r (ማር. 13:3-13፤ ሉቃሳ 21:7-19)
\p
\v 3 የሱስ ደብረ ዛይተ ጌተትያ ደርያ ቦላን ኡት ደእሽን፥ አ ካልያዋንቱ ባረንቱ ጻላላ አኮ ዪደ አ፥ “ሄዌ አዉደ ሀናነንቶ፥ ኑዉ ኦዳርኪ፤ ቃይ ነ ዩሳዉነ ዎድያ ዉርሰዉ ማላይ አያ ግዳኔ?” ያጌድኖ።
\p
\v 4 የሱስ ዛሪደ፥ ኡንቱንታ ሀዋዳን ያጌዳ፤ “ህንተንታ ኦንነ ባለና ማላ ናገትተ። 
\v 5 አያዉ ጎፐ፥ ዳሮ አሳይ ታ ሱንን፥ ‘ታን ክርስቶሳ’ ያጊደ ያና፤ ያቲደ ዳሮ አሳ ባለና። 
\v 6 ማታን ደእያ ኦላ ዋሱዋነ ሃኩዋን ደእያ ኦላ ኦዱዋ ስሳናዉ ህንተንቱ ደኢታ፤ ሄዋ ማላባይ ሀናናዉ በስያ ድራዉ፥ ናገትተ፤ ህርጎፕተ፤ ሽን ዉርሰይ ብራ። 
\v 7 አያዉ ጎፐ፥ እት ጋድያ አሳይ ሀራ ጋድያ አሳና ኦለታና፤ ቃይ እት ካዉተይ ሀራ ካዉተና ኦለታና፤ ኮሻይነ ቢታ ቃይ ኡባ ሳን ደአናዋ። 
\v 8 ሄዌ ኡባይካ ኮይሮ ኦይ ማላ።
\p
\v 9 “አሳይ ሄ ዎደ ህንተንታ ዋይሳናነ ዎናዋ፤ ታ ሱን ድራዉ፥ ጋደ ኡባይ ህንተንታ እጻናዋ።\x - \xo 24:9 \xo*\xt ማቶሳ 10:22\xt*\x* 
\v 10 ሄ ዎደ ጮራ አሳይ አማኑዋ አጋናዋንታ፤ ባረንቱ ግዶን እቱ እቱዋ አደ እማናነ እቱ እቱዋ እጻናዋ። 
\v 11 ቃይ ዎርዶ ናባቱ ጮራቱ ደንዲደ፥ ዳሮ አሳ ጭማናዋንታ። 
\v 12 ማካላይ ዳርያ ድራዉ፥ ጮራ አሳ ሲቁ እርጻናዋ። 
\v 13 ሽን ዉርሰይ ጋካናዉ ገንጭያ ኡራይ አታናዋ። 
\v 14 አሳዉ ኡባዉ ማርካ ግዳና ማላ፥ ካዉተ ዎንጋላ ምሽራቹ ሳኣ ኡባን ኦደታናዋ፤ ሄዋፐ ጉይያን፥ ዉርሰይ ጋካናዋ።”
\s1 ባሻ ቱናተ
\r (ማር. 13:14-23፤ ሉቃሳ 21:20-24)
\p
\v 15 “ሄዋ ድራዉ፥ ናብያ ዳኔል ኦዴዳ ባሻ ቱናተይ ጌሻ ሳን ኤቄዳዋ ህንተንቱ በአና፤ ሄዌ ዋግያዌንቶ፥ ናባብያዌ አኬኮ።\x - \xo 24:15 \xo*\xt ዳኔላ 9:27፤ 11:31፤ 12:11\xt*\x*
\p
\v 16 “ይሁዳ ጋድያን ሄ ዎደ ደእያዋንቱ ደርያኮ ከስኖ። 
\v 17 ጎልያ ሁጲያን ደእያ ኡራይካ ባረ ሶይን ደእያዋ አካናዉ ዎፖ። 
\v 18 ጋደን ደእያዌ ባረ ማዩዋ አካናዉ ጉየ ስሞፖ። 
\v 19 ሄ ዎደ ሻሃራ ማጫዋንቶነ ንያ ማጫዋንቶ አየሮ። 
\v 20 ባልጉዋን ዎይ ሳምባታን ህንተንቱ በተና ማላ፥ ጾሳ ዎስተ፤ 
\v 21 አያዉ ጎፐ፥ አላሚ መቶደፐ ሀቼ ጋካናዉ ደእቤናባይነ ቃይ ሀዋፐ ስንዉካ ኡባ ደኤና ኢታ ዋዪ ሄ ዎደ ደአናዋ።\x - \xo 24:21 \xo*\xt ዳኔላ 12:11፤ ሳፃ 7:14\xt*\x* 
\v 22 ጾሳይ ሄ ጋላሳቱዋ ፓይዱዋ ጉያዌ ባዌንቶ፥ አሳ ግዴዳ ኦንነ አተና፤ ሽን እ ባረ ዶሬዳ አሳቱዋ ድራዉ፥ ሄ ጋላሳቱዋ ፓይዱዋ ጉናዋ።
\p
\v 23 “ሄ ዎደ ኦንነ ህንተንታ፥ ‘በእተ። ክርስቶስ ሀዋን ደኤ’ ዎይ፥ ‘ሄዋን ደኤ’ ያጎፐ አዋ አማኖፕተ። 
\v 24 አያዉ ጎፐ፥ ዎርዶ ክርስቶሳቱነ ዎርዶ ናባቱ ደንዳና፤ ያቲደ ባረንቶ ዳንዳየቶፐ፥ ሀራይ አቶ ጾሳይ ዶሬዳዋንታካ ባለናዉ ዎልቃማ ማላታነ ማላልስያባ በሳናዋ። 
\v 25 በእተ፥ ታን ህንተዉ ሄዋ ካሰታደ ኦዳድ።
\p
\v 26 “ሄዋ ድራዉ፥ አሳይ ህንተንታ፥ ‘በእተ፥ ክርስቶስ ባዙዋን ደኤ’ ጎፐ፥ ያ ቦፕተ፤ ዎይ ህንተንታ፥ ‘በእተ፥ ቆልኦን ደኤ’ ግንቶካ፥ ኡንቱንቱባ አማኖፕተ። 
\v 27 አያዉ ጎፐ፥ ዋልቃንይ አዋይፊ ዶልያ ባጋፐ ዋልቃሚደ፥ አዋይፊ ዉልያ ባጋ ጋካናዉ ጶልቁ ግያዋዳን፥ ታ ዩሳይ፥ አሳ ናኣ ዩሳይ፥ ሄዋዳን ሀናናዋ።
\p
\v 28 “ባኩታይ ደኢያሳ ሾርቲ ሺቃና።”
\s1 አሳ ናአይ፥ ክርስቶስ ላኤንዋ ያና
\r (ማር. 13:24-27፤ ሉቃሳ 21:25-28)
\q1
\v 29 “ሄ ዎደ ዋይያፐ ጉይያን፥
\q2 ኤለካ አዋይ ማና፤
\q2 አገናይ ፖእያዋ አጋናዋ፤
\q2 ጾልንታቱ ሳሉዋፐ ኩንዳናዋንታ፤
\q2 ቃይ ሳሉዋን ደእያ ዎልቃቱካ ቃጸታናዋንታ።\x - \xo 24:29 \xo*\xt ኢሳ. 13:10፤ 34:4፤ ህዝ. 32:7፤ ኢዩ. 2:10፣ 31፤ 3:15፤ ሳፃ 6:12-13\xt*\x*
\m
\v 30 ሄ ዎደ ታ ማላይ፥ አሳ ናኣ ማላይ፥ ሳሉዋን ቤታናዋ፤ ሳኣን ሄ ዎደ ደእያ አሳ ዛሪ ኡባይ ዬካናዋንታ። ቃይ ታን፥ አሳ ናአይ፥ ዎልቃናነ ዎልቃማ ቦንቹዋና ሳሉዋፐ ሻርያ ግዶና ዪሽን፥ ኡንቱንቱ በአና።\x - \xo 24:30 \xo*\xt ዳኔላ 7:13፤ ዛካ. 12:10-14፤ ሳፃ 1:7\xt*\x* 
\v 31 እ ባረ ኪታንቻቱዋ ዎልቃማ ማላካታና ኪታና፤ ኪታንቻቱ አላመዉ ሀ ጋጻፐ ያ ጋጻ ጋካናዉ፥ ቃይ ሳኣን ኦይዱ ባጋፐ አዉ ዶረቴዳ አሳ ሺሻናዋ።
\s1 ጎዳይ ያና ጋላሳ ማላታ
\r (ማር. 13:28-31፤ ሉቃሳ 21:29-33)
\p
\v 32 “ሌምሱዋ ባላሳቶ ጌተትያ ምትፐ አኬክተ፤ ባላሳታ አጭያ ዎደነ እዝ ሀይይ ቆለትያ ዎደ፥ ቦኒ ማቴዳዋ ህንተንቱ ኤራንታ። 
\v 33 ሄዋዳንካ፥ ህንተንቱ ሄ ኡባባ በእያ ዎደ፥ እ ማቲደ ፐንግያ ሺቄዳዋ ኤርተ። 
\v 34 ታን ህንተንቶ ቱሙዋ ኦዳይ፤ ሀ ኡባባይ ሀናና ጋካናዉ፥ ሀ ዎድያ አሳይ ሀይቂድገና። 
\v 35 ሳሉነ ሳአይ አና፤ ሽን ታ ቃላይ ኡባካ አና።
\s1 ጎዳይ ያና ጋላሳ ኦንነ ኤረና
\r (ማር. 13:32-37፤ ሉቃሳ 17:26-30፣ 34-36)
\p
\v 36 “ሽን ሄ ጋላሳነ ሄ ሳትያ አዉዋ ጻላላፐ አትን፥ ሀራይ አቶ ሳሉዋን ደእያ ኪታንቻቱዋ ግድና፥ ዎይ ታና ናኣ ግድናካ ኦንነ ኤርያዌ ባዋ። 
\v 37 ታ ዩሳይ፥ አሳ ናኣ ዩሳይ፥ ኖሄ ዎደ ሀኖዋ ማላ ግዳናዋ።\x - \xo 24:37 \xo*\xt ዶመ 6:5-8\xt*\x* 
\v 38 አያዉ ጎፐ፥ ባሻ ሃ ዩሳፐ ካሰ ዎደ፥ ኖሄ ማርካብያን ገሌዳ ጋላሳይ ጋካናዉ፥ አሳይ ሜነ ኡሼነ፤ ቃይ አቱማ አሳይ አኬነ ማጫ አሳይ አስና ገሌ። 
\v 39 ባሻ ሃይ ዪደ፥ ኡንቱንታ ኡባ አፋና ጋካናዉ፥ ኡንቱንቱ አኬክበይክኖ፤ ታን፥ አሳ ናአይ፥ ይያ ዎዲ፥ ሄዋ ማላ ግዳናዋ።\x - \xo 24:39 \xo*\xt ዶመ 7:6-24\xt*\x*
\p
\v 40 “ሄ ዎደ ላኡ አሳቱ ጋደን ኦያዋንቱፐ እቱዋ አፋና፤ እቱ አታናዋ። 
\v 41 ላኡ ማጫዋንቱ ዎጻን ጋጭያዋንቱፐ እትኖ አፋና፤ እትና አታና።
\p
\v 42 “ስም ህንተ ጎዳይ አይ ጋላስ ያናዌንቶ ህንተንቱ ኤረና ድራዉ፥ ናግ ኡትተ። 
\v 43 ሽን ካይሱ ቃማፐ ዎይሳ ዎድያን ያነንቶ ጎልያ ጎዳይ ኤሬደንቶ፥ ባረ ጎሊ ቦከተና ማላ፥ ቤጎቲደ ናግ ኡታናዋ ኤርተ። 
\v 44 ሄዋ ድራዉ፥ ህንተንቱካ ጊግ ኡትተ፤ አያዉ ጎፐ፥ ታን፥ አሳ ናአይ፥ ህንተንቱ ቆፐና ሳትያን ያና።
\s1 ኢታነ ሎኦ ቆማ ሌምሱዋ
\r (ሉቃሳ 12:41-48)
\p
\v 45 “ያትና፥ ባረ ሶይ አሳዉ ቁማ ኮሽያ ዎድያን እማና ማላ፥ አ ጎዳይ ሱንዳ አማነቴዳ ዎዛናማ ቆማይ ኦኔ? 
\v 46 እ ሄዋዳን ኦሽን፥ አ ጎዳይ ዪደ ደምያ ቆማይ አንጀቴዳዋ። 
\v 47 ታን ህንተንቶ ቱሙዋ ኦዳይ፤ ጎዳይ ሄ ቆማ ባረዋ ኡባ ቦላ ሱንና። 
\v 48 ሽን ቆማይ ኢታ ግዶፐ፥ ‘ታ ጎዳይ ጋምኢደ ያናዋ’ ያጊደ ባረ ዎዛናን ቆፒደ፥ 
\v 49 ባረ ላገ ቆማቱዋ ዋ ዶሞፐ፥ ማትያዋንቱና ሞፐነ ኡሾፐ፥ 
\v 50 ሄ ቆማ ጎዳይ እ ቆፕቤና ጋላሳንነ እ ኤርቤና ሳትያን ያና። 
\v 51 ሄዋፐ ጉይያን አ ቃንጸሬደ፥\f + \fr 24:51 \fr*\fk አ ቃንጸሬደ፦ \fk*\ft ጉሳይ ከስ ካረ ኦላናዋ ግያዋ።\ft*\f* ሎአ ማላትያ ኢታ አሳቱ ደእያ ሳን ዎና፤ ሄዋን እ ዬካናነ አቻ ቃና።
\c 25
\s1 ታሙ ዎዶራቱዋ ሌምሱዋ
\p
\v 1 “ሄ ዎደ ሳሉዋ ካዉተይ ባረንቱ ኩራዝያ ኦይቂደ፥ ማቻቶ አክያዋ ሞካናዉ ካረ ከሴዳ ታሙ ዎዶራቱዋ ማላታና። 
\v 2 ኡንቱንቱፐ እቼሻቱ ቦዛቱዋ፤ ቃይ እቼሻቱ ጭንጫ። 
\v 3 ቦዛቱ ባረንቱ ኩራዝያ ኦይቄድኖ፤ ሽን ላምባ ኦይቂበይክኖ። 
\v 4 ሽን ጭንጫቱ ባረንቱ ኩራዝያነ ጻራሙስያን ላምባ ኦይቄድኖ። 
\v 5 ማቻቶ አክያዌ ዬናን ጋምእና፥ ሄ ዎዶራቱ ባረንታ ገምእሽስና ግስ አጌድኖ።
\p
\v 6 “ብላሄ ግዴዳ ዎደ፥ ‘በእተ፥ ማቻቶ አክያዌ ጋኬዳ፤ አ ሞካናዉ ካረ ከስተ’ ያግያ ዎልቃማ ጫቡ ደንዴዳ።
\p
\v 7 “ሄ ዎደ ሄ ዎዶራቱ ኡባቱ ቤጎቲደ፥ ባረንቱ ኩራዝያ ጊግሴድኖ። 
\v 8 ቦዛቱ ጭንጫቱዋ፥ ‘ኑ ኩራዝ ቶአና ሀንያ ድራዉ፥ ህንተንቱ ላምባፐ ኑዉ እሜርክቴ’ ያጌድኖ።
\p
\v 9 “ሽን ጭንጫቱ ዛሪደ ኡንቱንታ፥ ‘አግተ፥ ኑዉነ ህንተንቶ ግደና፤ ሄዋ ድራ ህንተዉ ዛልእያዋንቱኮ ቢደ ሻም አክተ’ ያጌድኖ። 
\v 10 ሄዋፐ ጉየ ቦዛ ዎዶራቱ ላምባ ሻማናዉ ብድግና፥ ማቻቶ አክያዌ ፑቱ ጊና፥ ጊግ ኡቴዳ እቼሹ ዎዶራቱ አናና እትፐ ቡላቻ ጎልያ ገሌድኖ፤ እፍይካ ጎርደት አጌዳ።
\p
\v 11 “ጉየፐ ቃይ የኮ ዎዶራቱ ዪደ፥ ‘ጎዳዉ፥ ጎዳዉ፥ ኑዉ ዶያርኪ’ ያጌድኖ።
\p
\v 12 “ሽን ማቻቶ አክያዌ ዛሪደ፥ ‘ታን ህንተንቶ ቱሙዋ ኦዳይ፤ ታን ህንተንታ ኤርከ’ ያጌዳ።
\p
\v 13 “ስም ታን፥ አሳ ናአይ፥ ያና ጋላሳ ዎይ ሳትያ ህንተንቱ ኤረና ድራዉ፥ ናግ ኡትተ።
\s1 ሄዙ ቆማቱዋ ሌምሱዋ
\r (ሉቃሳ 19:11-27)
\p
\v 14 “አያዉ ጎፐ፥ ሳሉዋ ካዉተይ ባረ ቆማቱዋ ጼሲደ፥ ባረዉ ደእያዋ ኡንቱንቶ ሼደ፥ ኦግያ ባና ሀንያ ብታንያ በሴ። 
\v 15 ኡንቱንቱ ሁጲያን ሁጲያን ኡንቱንቱ ዎልቃ ኬና እቶ እቼሹ ሻአ ብራ፥ እቶ ላኡ ሻአ ብራ፥ ቃይ እቶ እት ሻአ ብራ እሚደ፥ ባረ ኦግያ ቤዳ። 
\v 16 እቼሹ ሻአ ብራ አኬዳ ቆማይ ኤለካ ቢደ ዛልኢደ፥ ሀራ እቼሹ ሻአ ብራ ዎሴዳ። 
\v 17 ሄዋዳንካ፥ ቃይ ላኡ ሻአ ብራ አኬዳ ቆማይ ሀራ ላኡ ሻአ ብራ ዎሴዳ። 
\v 18 ሽን እት ሻአ ብራ አኬዳዌ ቢደ፥ ኦላ ቦኪደ፥ ባረ ጎዳ ሚሻ ሞግ አጌዳ።
\p
\v 19 “ዳሮ ዎድያፐ ጉይያን፥ ሄ ቆማቱዋ ጎዳይ ዪደ፥ ባረ ሚሻ ኡንቱንቱና ሄተቴዳ። 
\v 20 እቼሹ ሻአ ብራ አኬዳ ቆማይ ዪደ፥ ሀራ እቼሹ ሻአ ብራ ሼደ፥ ‘ታ ጎዳዉ፥ ኔን ታዉ እቼሹ ሻአ ብራ እማዳ፤ በአ፥ ሀራ እቼሹ ሻአ ብራ ዎሳድ’ ያጌዳ። 
\v 21 አ ጎዳይ አ፥ ‘ሀያናሾ! ኔን ሎአነ አማነትያ ቆማ፤ ኔን ጉባን አማነታዳ። ታን ኔና ዳሮባዉ ካፖ ኦና፤ ሃ ገላደ ነ ጎዳና ናሸታ’ ያጌዳ።
\p
\v 22 “ቃይ ላኡ ሻአ ብራ አኬዳዌካ ዪደ፥ ‘ታ ጎዳዉ፥ ኔን ታዉ ላኡ ሻአ ብራ እማዳ፤ በአ፥ ታን ሀራ ላኡ ሻአ ብራ ዎሳድ’ ያጌዳ። 
\v 23 አ ጎዳይ አ፥ ‘ሀያናሾ! ኔን ሎአነ አማነትያ ቆማ፤ ኔን ጉባን አማነታዳ። ታን ኔና ዳሮባዉ ካፖ ኦና፤ ሃ ገላደ ነ ጎዳና ናሸታ’ ያጌዳ።
\p
\v 24 “እት ሻአ ብራ አኬዳዌ ቃይ ዪደ፥ ‘ታ ጎዳዉ፥ ኔን ዘራቤናሳፐ ቆይጭያ አሳ ግድያዋነ ካ ላላቤናሳፐ ማጽያ መቀ ባይና አሳ ግድያዋ ታን ኤራይ። 
\v 25 ታን ያያድ፤ ያታደ ባደ ነ ብራ ቢታን ሞጋድ፤ በአ፥ ነ ብራይ ሀዌኩ’ ያጌዳ።
\p
\v 26 “አ ጎዳይ ዛሪደ፥ አ ሀዋዳን ያጌዳ፤ ‘ሀ ኢታ አዛላ ቆማዉ፥ ታን ዘራቤናሳፐ ቆይጭያ አሳ ግድያዋነ ካ ላላቤናሳፐ ማጽያ አሳ ግድያዋ ኤራዲ? 
\v 27 ያትና፥ ኔን ታ ሚሻ ዎስያዋንቱ ማታን ዎዳዋ ግድንቶ፥ ታን ስምያ ዎደ ታ ሚሻ ዎያና አካናዋሽን አቴዳ። 
\v 28 ሄዋ ድራዉ፥ ሄ ሚሻ አፐ ዎ አኪደ፥ ታሙ ሻአ ብራይ ደእያዎ እምተ። 
\v 29 አያዉ ጎፐ፥ ደእያ ኡባዉ ሀራይ ጉጀታና፤ እ ባረዉ ግድያዋፐ ዳርሲደ አካና፤ ሽን ባይናዎ ሀራይ አቶ፥ ሄ አዉ ደእያ ጉይካ አፐ አከታናዋ። 
\v 30 ጎኤና ቆማ ካረ ማ ከስ ኦልተ፤ ሄዋን እ ዬካናነ ባረ አቻ ቃና’ ያጌዳ።
\s1 ዎድያ ዉርሰን ሀናና ፕርዳ
\p
\v 31 “ታን፥ አሳ ናአይ፥ ኪታንቻቱዋ ኡባቱዋና ቦንቹዋን ይያ ዎደ፥ ታ ቦንቾ ካዉተ ኦይድያን ኡታና።\x - \xo 25:31 \xo*\xt ማቶሳ 16:27፤ 19:28\xt*\x* 
\v 32 ሳኣን ደእያ አሳይ ኡባይ ታ ስን ሺቃናዋንታ፤ ሄምያዌ ዶርሳቱዋ ዴሻቱዋፐ ሻክያዋዳን፥ ታን ሄ አሳ ላኡ ከሳደ ሻካና። 
\v 33 ቃይ ዶርሳቱዋ ታፐ ኡሸቻ ባጋና ኤሳደ፥ ዴሻቱዋ ታፐ ሀድርሳ ባጋና ኤሳና።
\p
\v 34 “ሄዋፐ ጉይያን፥ ታን ካቲ ታፐ ኡሸቻ ባጋና ደእያዋንታ ሀዋዳን ያጋና፤ ‘ታ አቡ አንጄዳዋንቶ፥ ሃ ዪደ ሳአይ መቶደፐ ሀቼ ጋካናዉ፥ ህንተንቶ ጊጌዳ ካዉተ ላትተ። 
\v 35 አያዉ ጎፐ፥ ታን ኮሻትና ምዜድታ፤ ሳመትና ኡሼድታ፤ እማ ግዳደ ቢናካ ሞኬድታ። 
\v 36 ታን ካሎትና ማይዜድታ፤ ሀርግና በኤድታ፤ ቃሸትና ታኮ ጋኪደ ኦቼድታ’ ያጋና።
\p
\v 37 “ሄዋፐ ጉይያን፥ ጽላቱ ዛሪደ፥ አ ሀዋዳን ያጋና፤ ‘ጎዳዉ፥ ኔን ኮሻትና፥ አዉደ በኢደ ምዜዶ? ዎይ ኔን ሳመትና፥ አዉደ በኢደ ኡሼዶ? 
\v 38 ኔን እማ ግዳደ ዪና አዉደ በኢደ ሞኬዶ? ዎይ ኔን ካሎትና አዉደ ማይዜዶ? 
\v 39 ቃይ ኔን ሀርግና፥ ዎይ ቃሸትና ኔኮ ቢደ አዉደ ኔና በኤዶ?’ ያጋናዋንታ። 
\v 40 ታን ካቲ ዛራደ፥ ‘ታን ህንተንቶ ቱሙዋ ኦዳይ፤ ህንተንቱ ሀ ታ እሻቱዋ ኡባፐ ሀራይ አቶ፥ ላፍያ እቶ ኦዳዋ ግድንቶካ፥ ሄዋ ታዉ ኦድታ’ ያጋና።
\p
\v 41 “ሄ ዎደ፥ ታፐ ሀድርሳ ባጋና ደእያዋንታ ታን ያጋና፤ ‘ሀ ሸቀቴዳዋንቶ፥ ታ ማታፐ ክችተ፤ ቢደ ጻላህያ ካፖነ አ ኪታንቻቶ ጊጌዳ መና ታማን ገልተ። 
\v 42 አያዉ ጎፐ፥ ታን ኮሻትና፥ ታና ምዝበይክታ፤ ሳመትና ኡሽበይክታ። 
\v 43 ታን እማ ግዳደ ቢና፥ ታና ሞክበይክታ፤ ካሎትና ማይዝበይክታ፤ ቃይ ሀርግና፥ ቃሸትናካ ታና በእበይክታ’ ያጋና።
\p
\v 44 “ሄ ዎደ ኡንቱንቱ ቃይ ሀዋዳን ያጊደ ዛራናዋንታ፤ ‘ጎዳዉ፥ ኔን ኮሻትና ዎይ ሳመትና፥ ዎይ እማ ግዳደ ቢና ዎይ ካሎትና፥ ዎይ ሀርግና ዎይ ቃሸትና፥ አዉደ በኢደ፥ ኔና ማደናን እጼዶ?’ ያጋናዋንታ።
\p
\v 45 “ሄ ዎደ ታን ካቲ ዛራደ ኡንቱንታ፥ ‘ታን ህንተንቶ ቱሙዋ ኦዳይ፤ ህንተንቱ ሀ ኡባፐ ላፍያ እቱዋ ማደናን እጼዳዌ፥ ታና ማደናን እጼዳዋ’ ያጋና። 
\v 46 ሄዋንቱ መና ሙራዉ ባና፤ ሽን ጽላቱ መና ደኦ ባና” ያጌዳ።\x - \xo 25:46 \xo*\xt ዳኔላ 12:2\xt*\x*
\c 26
\s1 የሱሳ ቦላ ማቀቴድኖ
\r (ማር. 14:1-2፤ ሉቃሳ 22:1-2፤ ዮሃ. 11:45-53)
\p
\v 1 የሱስ ሀ ትምርትያ ኡባ ዉርሴዳ ዎደ፥ ባረና ካልያዋንታ፥ 
\v 2 “ላኡ ጋላሳፐ ጉይያን፥ ፓስጋ ባላ ቦንችያ ጋላሳ ግድያዋ ኤሪታ። ሄ ጋላስ ታና፥ አሳ ናኣ፥ አሳይ ማስቃልያ ቦላ ምስማርያን ሺደ ካቃናዉ አደ እማና” ያጌዳ።\x - \xo 26:2 \xo*\xt ከሳ 12:1-27\xt*\x*
\p
\v 3 ሄ ዎደ ቄሳቱዋ ካፓቱነ ጋድያ ጭማቱ ቃያፋ ጌተትያ ቄሳቱዋ ኡባቱዋ ካፑዋ ዎጋ ጎልያን ሺቂደ፥ 
\v 4 አሳይ ኤረናን የሱሳ ኦይቂደ፥ ዎናዉ ማቀቴድኖ። 
\v 5 ሽን ኡንቱንቱ፥ “አሳይ ዋላሳ ከሰና ማላ፥ ፓስጋ ቦንችያ ጋላስ ሄዋ ኦኮ” ያጌድኖ።
\s1 እት ማጫ ምሽራታ የሱሳ ሽቱዋ ጫጫፋዱ
\r (ማር. 14:3-9፤ ዮሃ. 12:1-8)
\p
\v 6 የሱስ ቢታንያ ካታማን ኦሉዋ ሀርግያ ስሞና ሶይን ደእሽን፥ 
\v 7 እት ምሽራታ አልባስጽሮሳ ጌተትያ ሹቻፐ ኦሰቴዳ አልባስጽሮሳ ባሬታ ኩሜዳ ዳሪ አልኦ ሽቱዋ አካደ ዬዳዉና ቁማ እ ሚና፥ ሄ ሽቱዋ የሱሳ ሁጲያን ጫጫፋዱ። 
\v 8 ሽን የሱሳ ካልያዋንቱ ሄዋ በኢደ፥ “ሀ ሽቱዋ ጮ ባይዙሳይ አያሴ? 
\v 9 አያዉ ጎፐ፥ ሀ ሽቱዋ አልኦ ጋትያን ዛልኢደ፥ ሚሻ ህዬሳዉ እማናዉ ዳንዳየቴ” ያጌድኖ።
\p
\v 10 የሱስ ኡንቱንቱ ግያዋ ኤሪደ፥ ኡንቱንታ ሀዋዳን ያጌዳ፤ “ሀ ምሽራቶ አያዉ ዋይሲቴ? እዛ ታዉ ሎኦባ ኦዱ። 
\v 11 ህዬሳቱ ኡባ ዎደ ህንተናና ደኢኖ፤ ሽን ታን ህንተናና ኡባ ዎደ ደእከ፤\x - \xo 26:11 \xo*\xt ዛረ. 15:11\xt*\x* 
\v 12 እዛ ሀ ሽቱዋ ታ ቦላ ትግያዌ ታና ሞጋናዉ ጊግሳናሳ። 
\v 13 ታን ህንተንቶ ቱሙዋ ኦዳይ፤ ሳኣ ኡባን ሀ ዎንጋላ ምሽራቹዋ ኦድያሳን ሀቃንነ፥ አሳይ እዞ ዎዛና አና ማላ፥ እዛ ኦዳዌ ኦደታናዋ” ያጌዳ።
\s1 ይሁዳይ የሱሳ አደ እማናዉ የዉዋን ጊጌዳ
\r (ማር. 14:10-11፤ ሉቃሳ 22:3-6)
\p
\v 14 ሄ ዎደ ታማነ ላኡ የሱሳ ካልያዋንቱፐ እቱ ይሁዳ አስቆሮቱ ያገትያዌ ቄሳቱዋ ካፓቱዋኮ 
\v 15 ቢደ፥ “ታን ህንተንቶ የሱሳ ኦይፐ፥ ታዉ አያ እማንቴ?” ያግና ኡንቱንቱ አዉ ሀታሙ ብራ ቆፒደ እሜድኖ።\x - \xo 26:15 \xo*\xt ዛካ. 11:12\xt*\x* 
\v 16 ሄዋፐ ጉይያን፥ ይሁዳይ የሱሳ አ እማናዉ እንጀትያ ዎድያ ዎቼ።
\s1 የሱስ አይሁዳቱ ፓስጋ ካዉዋ ባረና ካልያዋንቱና ሜዳ
\r (ማር. 14:12-21፤ ሉቃሳ 22:7-14፣ 21-23፤ ዮሃ. 13:21-30)
\p
\v 17 ባላ ዳቡዋ ምያ ጋላሳ ቦንችያ ኮይሮ ጋላስ፥ የሱሳ ካልያዋንቱ አኮ ዪደ፥ “ፓስጋ ቦንችያ ጋላስ ኔን ማና ቁማ ሀቃን ጊግሳኔ?” ያጌድኖ።
\p
\v 18 ሄዋፐ ጉየ የሱስ ኡንቱንታ፥ “ካታማ ቢደ፥ እት ብታንያ፥ ‘ታማርስያዌ ኔና፥ “ታዉ ዎዲ ጋኬዳ፤ ታን ታና ካልያዋንቱና ፓስጋ ቦንችያ ጋላሳ ነ ሶይን አና” ጌዳ’ ጊተ” ያጌዳ።
\p
\v 19 አ ካልያዋንቱ የሱስ ባረንታ አዛዞዋዳን ኦደ፥ ፓስጋ ቦንችያ ጋላስ ማና ቁማ ጊግሴድኖ።
\p
\v 20 ሳአይ ኦማርሴዳ ዎደ፥ የሱስ ታማነ ላኡ አ ካልያዋንቱና ቁማ ማናዉ ኡቴዳ። 
\v 21 ኡንቱንቱ ሚሽን፥ የሱስ ኡንቱንታ፥ “ታን ህንተንቶ ቱሙዋ ኦዳይ፤ ህንተፐ እት ኡራይ ታና አደ እማናዋ” ያጌዳ።
\p
\v 22 ኡንቱንቱ ዳሪ ዳጋሚደ፥ ሁጲያን ሁጲያን፥ “ጎዳዉ፥ ቱሙ ታኔሻ?” ጉሳ ዶሜድኖ።
\p
\v 23 የሱስ ዛሪደ፥ “ባረ ኩሽያ ታናና እትፐ ዎጪትያፐ የዲደ ቱሽያዌ ታና አ እማና።\x - \xo 26:23 \xo*\xt ማዝ. 41:9\xt*\x* 
\v 24 ታን፥ አሳ ናአይ፥ ጾሳ ማጻፋይ ሀይቃና ጌዳዋዳን ሀይቃና፤ ሽን ታና፥ አሳ ናኣ፥ አ እምያ ኡራዉ አየሮ፤ ሄ ኡራይ የለተናን አቴደንቶ አዉ ሎአ ሽን” ያጌዳ።
\p
\v 25 አ አ እምያ ይሁዳይ ዛሪደ፥ “ታማርስያዎ፥ ኔን ግያዌ ታኔ?” ያጌዳ።
\p የሱስ ዛሪደ አ፥ “ኔን ነ ሁጲያን ጋዳ” ያጌዳ።
\s1 ጎዳ ካዉዋ አክያ ዎጋ
\r (ማር. 14:22-26፤ ሉቃሳ 22:15-20፤ 1 ቆሮ. 11:23-25)
\p
\v 26 ኡንቱንቱ ሚሽን፥ የሱስ ዳቡዋ አኪደ፥ ጾሳ ጋላቴዳ፤ ሄ ዳቡዋ መንሬደ፥ ባረና ካልያዋንቶ እሚደ፥ “ሄይተ፤ ሚተ፤ ሀዌ ታ አሹዋ” ያጌዳ።
\p
\v 27 ጹኣ አኪደ፥ ጾሳ ጋላቴዳ። ኡንቱንቶ እሚደ፥ “ኡባይ ሀዋፐ ኡሽተ፤ 
\v 28 አያዉ ጎፐ፥ ሀዌ ዳሮ አሳ ናጋራይ አቶ ጌተታና ድራዉ ጉክያ ታ ሱ፤ ታ ሱይ ኦራ ጫቁዋ።\x - \xo 26:28 \xo*\xt ከሳ 24:8፤ ኤር. 31:31-34\xt*\x* 
\v 29 ሽን ታን ህንተንቶ ኦዳይ፤ ታን ታ አቡ ካዉተን ኦራ ዎይንያ ኤሳ ህንተንቱና ኡሻና ጋላሳይ ጋካናዉ፥ ላኤንዋ ሀ ዎይንያ ኤሳ ኡባካ ኡሽከ” ያጌዳ።
\p
\v 30 ማዝሙርያ የጾዋፐ ጉይያን፥ ደብረ ዛይተ ጌተትያ ደርያ ቤድኖ።
\s1 የሱስ ጰጽሮስ ካዳናዋ ካሰቲደ ኦዴዳ
\r (ማር. 14:27-31፤ ሉቃሳ 22:31-34፤ ዮሃ. 13:36-38)
\p
\v 31 የሱስ ሄ ዎደ ኡንቱንታ፥ “ሀቼ ቃማ ህንተንቱ ኡባይ ታና አጊደ ክቻና፤ አያዉ ጎፐ፥ ጾሳ ማጻፋይ፥
\q1 “ ‘ጾሳይ ዶርሳ ሄምያዋ ዎናዋ፤
\q2 ሄዋፐ ጉይያን ዶርሳ ዉዲ ላለታናዋ’
\m ያጌ።\x - \xo 26:31 \xo*\xt ዛካ. 13:7\xt*\x* 
\v 32 ሽን ታን ሀይቁዋፐ ደንዶዋፐ ጉይያን፥ ህንተፐ ካሰታደ ጋሊላ ባና” ያጌዳ።
\p
\v 33 ጰጽሮስ ዛሪደ፥ “ኡንቱንቱ ኡባቱ ኔና አጊደ ክቻናዋንታ፤ ታን ኔና ኡባካ የጋደ ክችከ” ያጌዳ።
\p
\v 34 የሱስ ጰጽሮሳ፥ “ታን ነዉ ቱሙዋ ኦዳይ፤ ሀቼ ቃማ ኩቱ ዋሳናፐ ካሰ፥ ኔን ታና ሄዙ ካላ ካዳናሳ” ያጌዳ።
\p
\v 35 ጰጽሮስ ዛሪደ፥ “ታን ሀራይ አቶ፥ ኔናና እትፐ ሀይቂንቶካ፥ ኔና ኡባካ ካድከ” ያጌዳ። ቃይ የሱሳ ካልያዋንቱ ኡባቱካ ሄዋዳን ጌድኖ።
\s1 የሱስ ጌተሰማንያን ዎሴዳ
\r (ማር. 14:32-42፤ ሉቃሳ 22:39-46)
\p
\v 36 የሱስ ሄ ዎደ ባረና ካልያዋንቱና ጌተሰማንያ ጌተትያሳ ቢደ ኡንቱንታ፥ “ታን ህን ባደ ጾሳ ዎስሽን፥ ህንተንቱ ሀዋን ኡትሽተ” ያጌዳ። 
\v 37 ሄዋፐ ጉየ ጰጽሮሳነ ዛብድዮሳ ናና ላኡዋ ባረናና አፊደ፥ ዳሮ ካዩዋነ ኡጋ ዶሜዳ። 
\v 38 ቃይ ኡንቱንታ፥ “ታን ሀይቃና ጋካናዉካ ካዮታይ፤ ሀዋን ቤጎቲደ፥ ታናና ናግተ” ያጌዳ።
\p
\v 39 ላፋ ስንኮ ሺቂደ፥ ሳኣን ጉፋኒደ፥ “ታ አቦ፥ ዳንዳየትያዋ ግዶፐ፥ ሀ ጹኣ ታፐ ድጋ፤ ሽን ኔን ኮይያዋዳን ሀኖፐ አትን፥ ታን ኮይያዋዳን ሀኖፖ” ያጊደ ጾሳ ዎሴዳ።
\p
\v 40 የሱስ ባረና ካልያዋንቱኮ ስሚደ ዬዳ፤ ገምእሾዋንታ ደሚደ ጰጽሮሳ፥ “ህንተንቱ እት ሳተንቶነካ ገምእሸናን ታናና ናጋናዉ ዳንዳይበይክቴ? 
\v 41 ፓጭያን ህንተንቱ ገለና ማላ፥ ምንተነ ጾሳ ዎስተ፤ አያናይ ጊግ ኡቴዳ፤ ሽን አሳተ ኤሻይ ዳቡራንቻ” ያጌዳ።
\p
\v 42 የሱስ ቃይ ላኤንዋ ቢደ፥ “ታ አቦ፥ ታን ሀ ዎልቃማ መቱዋ አከናን ደእሽን ጹኣ ደንናዉ ዳንዳየተናዋ ግዶፐ፥ ኔን ግያዌ ሀኖ” ያጊደ ጾሳ ዎሴዳ። 
\v 43 ቃይካ ስም ዪደ፥ አ ካልያዋንቱ አይፍያ ገምእሹ ጎዝ ዎዳ ድራዉ፥ ገምእሾዋንታ ደሜዳ።
\p
\v 44 ቃይካ ኡንቱንታ የግ ቢደ፥ ሄዘንዋ ካሰ ቃላ ዛሪደ፥ ጾሳ ዎሴዳ። 
\v 45 ሄዋፐ ጉይያን፥ ባረና ካልያዋንቶ ዪደ፥ “ሀእ ጋካናዉካ ገምእሺቴነ ሸምፒቴ? በእተ፥ ታና፥ አሳ ናኣ፥ ናጋራንቻ አሳቶ አደ እምያ ዎዲ ጋኬዳ። 
\v 46 ደንድና ቦይተ፤ በእተ፥ ታና አ እምያዌ ሀዌኩ ጋኬዳ” ያጌዳ።
\s1 የሱስ ባረ ሞርከቱዋን ኦይቀቴዳ
\r (ማር. 14:43-50፤ ሉቃሳ 22:47-53፤ ዮሃ. 18:3-12)
\p
\v 47 የሱስ ሄዋ ብሮ ሃሳይሽን፥ ታማነ ላኡ አ ካልያዋንቱፐ እቱ፥ ይሁዳይ፥ ጋክ ዎዳ፤ ቃይ ቄሳቱዋ ካፓቱነ ጋድያ ጭማቱ ኪትና፥ ማሻነ ጻምኣ ኦይቄዳ ጮራ አሳይ አናና እትፐ ዬዳ። 
\v 48 የሱሳ አ እምያዌ ሄ ጮራ አሳ፥ “ታን የርያዌ አ፤ አ ኦይቂተ” ያጊደ ማላ ኦድ ዎዳ።
\p
\v 49 ኤለካ የሱሳኮ ሺቂደ፥ “ታማርስያዎ፥ ሳሮ ደአይ” ያጊደ አ የር አኬዳ።
\p
\v 50 የሱስ ይሁዳ፥ “ታ ላገዉ፥ ኔን ኦናባ ኦ አጋ” ያጌዳ።
\p ሄዋፐ ጉይያን፥ ሄ ጮራ አሳይ ሺቂደ፥ የሱሳ ሎይ ኦይቄዳ። 
\v 51 የሱሳና ደእያዋንቱፐ እቱ ባረ ማሻ ከሲደ ቄሳቱዋ ኡባቱዋ ካፑዋ ቆማ ሀይ ቃንጽ ኦሌዳ። 
\v 52 የሱስ ሄ ዎደ አ ሀዋዳን ያጌዳ፤ “ነ ማሻ አኬዳሳን ዛራደ ዎ፤ አያዉ ጎፐ፥ ማሻ ደንያ ኡባይ ማሻን ሀይቃና። 
\v 53 ታ አቡ ዳሮ ሻአ ኪታንቻቱዋ እት ኩን የዲደ፥ ታና ማዳና ማላ፥ ታን አ ዎሳናዉ ዳንዳይያዋ ኤርኪ? 
\v 54 ያትና፥ ጾሳ ቃላይ ሀዋዳን ሀናናዉ በሴ ያጌዳዌ ዋኒደ ፖለታናዉ ዳንዳዪ?” ያጌዳ።
\p
\v 55 ሄዋፐ ጉይያን፥ የሱስ ሄዋን ሺቄዳ ጮራ አሳ ሀዋዳን ያጌዳ፤ “ታና ካይሶ ከሲደ፥ ካይሱዋ ኦይቂያዋዳን ኦይቃናዉ ማሻነ ጻምኣ ኦይቂደ ዬድቴ? ታን ጌሻ ጎልያን ታማርሳደ፥ ጋላሳን ጋላሳን ህንተንቱና ኦያ ዎደ ታና ኦይቂበይክታ፤ 
\v 56 ሽን ሀዌ ኡባይ ሀኔዳዌ ናባቱ ጾሳ ቃላን ጻፌዳዌ ፖለታናሳ” ያጌዳ።
\p የሱሳ ካልያዋንቱ ሄ ዎደ ኡባቱ አ የግ ቤድኖ።
\s1 የሱስ ፕርዳ ሻንጎ አዳ
\r (ማር. 14:53-65፤ ሉቃሳ 22:54-55፣ 63-71፤ ዮሃ. 18:13-14፣ 19-24)
\p
\v 57 የሱሳ ኦይቄዳዋንቱ ቄሳቱዋ ኡባቱዋ ካፑዋ ቃያፋኮ፥ ህግያ ታማርስያዋንቱነ ጭማቱ ሺቄዳሳ አኪደ ቤድኖ። 
\v 58 ሽን ጰጽሮስ ቄሳቱዋ ኡባቱዋ ካፑዋ ድርሳ ግዶ ጋካናዉ፥ ሃኩዋን አ ካሌዳ፤ የዉዋ ዉርሰ በአናዉ ድርሳ ግዶ ገሊደ፥ ናግያዋንቱና ኡት አጌዳ።
\p
\v 59 ቄሳቱዋ ካፓቱነ ሺቄዳ አሳይ ኡባይ የሱሳ ዎናዉ አ ቦላ ዎርዱዋ ማርካ ደማናዉ ኮዬድኖ። 
\v 60 ሽን ሀራይ አቶ ጮራ አሳይ ዪደ፥ አ ቦላ ዎርዱዋን ማርካትናካ አፐ አይነ ደምበይክኖ። ጉየፐ ላአቱ ዪደ፥ 
\v 61 “ሀ ብታኒ፥ ‘ታን ጾሳ ጌሻ ጎልያ ኮላደ፥ ሄዙ ጋላሳን ዛራደ ኬጻናዉ ዳንዳያይ’ ጌዳ” ያጌድኖ።
\p
\v 62 ቄሳቱዋ ኡባቱዋ ካፑ ደንድ ኤቂደ የሱሳ፥ “ሀዋንቱ ኔና ሞትያ ሞቶ ነዉ ዛርያባይ ባዌ?” ያጌዳ። 
\v 63 ሽን የሱስ ጮኡ ጌዳ፤ ቃይካ ቄሳቱዋ ኡባቱዋ ካፑ አ፥ “ታን ኔና ደኡዋ ጾሳ ሱንን ጫላይ፤ ኔን ጾሳ ናኣ ክርስቶሳ ግዶፐ ኑዉ ኦዳ” ያጌዳ።
\p
\v 64 የሱስ ዛሪደ፥ “ኔን ነ ሁጰዉካ ጋዳ፤ ሽን ታን ህንተንቶ ኦዳይ፤ ሀዋፐ ስንን፥ ህንተንቱ ታና፥ አሳ ናኣ፥ ዎልቃማ ጾሳፐ ኡሸቻ ባጋና ኡቴዳዋነ ሳሉዋ ሻርያና ዪሽን በአና” ያጌዳ።\x - \xo 26:64 \xo*\xt ዳኔላ 7:13\xt*\x*
\p
\v 65 ሄዋፐ ጉይያን፥ ቄሳቱዋ ኡባቱዋ ካፑ ባረ ማዩዋ ፔ ኦሊደ፥ “ሀዌ ቦሬዳ፤ ኑና ሀዋፐ ስንን አያዉ ሀራ ማርካ ኮሺ? እ ሀእ ቦርያዋ ህንተንቱ ስሴድታ። 
\v 66 ህንተንቱ ቆፋይ አዬ?” ያጌዳ።
\p ኡንቱንቱ፥ “አዉ ሀይቁ በሴ” ያጊደ ዛሬድኖ።\x - \xo 26:66 \xo*\xt ዎጋ 24:16\xt*\x*
\p
\v 67 ሄዋፐ ጉይያን፥ ኡንቱንቱ አ ዴሙዋን ጩቺደ፥ አ ደቼድኖ፤ ሀራንቱ ቃይ አ ባቂደ፥\x - \xo 26:67 \xo*\xt ኢሳ. 50:6\xt*\x* 
\v 68 “ክርስቶሳ! ኔን ኔና ናበ ጋሳሽን፥ ኔና ሾጬዳዌ ኦነንቶ አነ ኑዉ ኦዳ!” ያጌድኖ።
\s1 ጰጽሮስ የሱሳ ካዴዳ
\r (ማር. 14:66-72፤ ሉቃሳ 22:56-62፤ ዮሃ. 18:15-18፣ 25-27)
\p
\v 69 ጰጽሮስ ጎልያፐ ካረና ድርሳ ግዶን ኡት ደእሽን፥ እት ቆማታ አኮ ያደ፥ “ኔንካ ጋሊላ የሱሳና እትፐ ደኣ” ያጋዱ።
\p
\v 70 ሽን እ ኡንቱንቱ ኡባ ስንን ሄ ቆማቶ፥ “ኔን ግያዌ አየንቶ ታን ኤርከ” ያጊደ ካዴዳ።
\p
\v 71 ቃይ ቢደ ድርሳ ፐንግያኮ ከስሽን፥ ሀራ ቆማታ አ በኣደ፥ ሄዋን ደእያ አሳቶ፥ “ሀ ብታኒ ናዝሬትያ የሱሳና ደኤ” ያጋዱ።
\p
\v 72 ጰጽሮስ ላኤንዋ ጫቂደ፥ “ታን ሄዋ ብታንያ ኤርከ” ያጌዳ።
\p
\v 73 ላፋ ጋምእሽን፥ ሄዋን ኤቄዳ አሳይ ጰጽሮሳኮ ዪደ፥ “ኔንካ ቱማ ኡንቱንቱና እትፐ ደኣ፤ አያዉ ጎፐ፥ ኔን ሃሳይያ ሃሳያይካ ኔና ኤርሴ” ያጌድኖ።
\p
\v 74 ሄዋፐ ጉይያን ጰጽሮስ፥ “ታን ሄዋ ብታንያ ኤርከ!” ያጊደ፥ ባረና ሸቃነ ጫቁዋ ዶሜዳ።
\p ሄ ዎደ ኤለካ ኩቱ ዋስ አጌዳ። 
\v 75 ጰጽሮስ ባረና የሱስ፥ “ኔን ኩቱ ዋሳናፐ ካሰ ሄዙ ካላ ታና ካዳናሳ” ጌዳዋ ሀሳዪደ፥ ካረ ከሲደ፥ ሴለት ዬኬዳ።
\c 27
\s1 የሱስ ጵላጾሳ ስን ፕርዳዉ ሺቄዳ
\r (ማር. 15:1፤ ሉቃሳ 23:1-3፤ ዮሃ. 18:28-32)
\p
\v 1 ዎንታ ጉራን ቄሳቱዋ ካፓቱ ኡባቱነ ጋድያ ጭማቱ የሱሳ ዎናዉ ማቀቴድኖ፤ 
\v 2 ኡንቱንቱ የሱሳ ቃች አፊደ፥ ጋድያ አይስያ ጵላጾሳዉ አ እሜድኖ።
\p
\v 3 የሱሳ ሄ ዎደ ኦይዳ ይሁዳይ ጵላጾስ የሱሳ ቦላ ፕርዴዳዋ በኢደ፥ “አዬሮ! ኦይናን አጋርክታ!” ያጊደ፥ ሄ ማንእያን ሀታሙ ብራ ቄሳቱዋ ካፓቶነ ጋድያ ጭማቶ ጉየ ዛሪደ፥ 
\v 4 “ታን ጌሻ አሳ ኦይደ ናጋራ ኦድ” ያጌዳ።
\p ሽን ኡንቱንቱ አ፥ “ሄዌ ኑዉ አያ መቴ? ሄዌ ነ ሸነ” ያጌድኖ።
\p
\v 5 ይሁዳይ ብራ ጌሻ ጎልያን ኦል አጌዳ፤ ኡንቱንቱ ማታፐ ቢደ፥ ሱለት ሀይቄዳ።
\p
\v 6 ቄሳቱዋ ካፓቱ ብራ አኪደ፥ “ሀ ብራይ ሱ ሚሻ ግድሽን፥ ኑን ጌሻ ጎልያ ሚሻና ጋያዌ ዎጋ ግደና” ያጌድኖ። 
\v 7 ሄዋፐ ጉየ እትፐ ዞረቲደ፥ እማ አሳዉ ሞጎ ጋድያ ኦናዉ ኡርቃፐ ሚሻ መያዋንቱ ጋድያ ሻሜድኖ። 
\v 8 ሄዋ ድራዉ፥ ሄ ጋዲ ሀቼ ጋካናዉካ፥ ሱ ጋድያ ጌተቲደ ጼሰቴ።
\p
\v 9 ናብያ ኤርማስ፥ “ኡንቱንቱ አዉ እማናዉ ቆፔዳ ሀታሙ ሹቻ ብራ አኪደ፥ 
\v 10 ጎዳይ ታና አዛዞዋዳን፥ ኡርቃፐ ሚሻ መያዋንቱ ጋድያ ሻማናዉ እሜድኖ” ጌተቶዌ ሄ ዎደ ፖለቴዳ ጌዳ።\x - \xo 27:10 \xo*\xt ዛካ. 11:12-13\xt*\x*
\s1 ጵላጾስ የሱሳ ኡባባ ኦቼዳ
\r (ማር. 15:2-5፤ ሉቃሳ 23:3-5፤ ዮሃ. 18:33-38)
\p
\v 11 የሱስ ጋድያ አይስያዋ ስን ሺቅና፥ ጋድያ አይስያዌ አ፥ “ኔን አይሁዳቱዋ ካቴ?” ያጊደ ኦቼዳ።
\p የሱስ አ፥ “ኔንካ ጋደኣ” ያጌዳ።
\p
\v 12 ቄሳቱዋ ካፓቱነ ጋድያ ጭማቱ አ ሞትና፥ ኡንቱንቶ አይነ ዛሩዋ እምቤና። 
\v 13 ሄ ዎደ፥ ጵላጾስ የሱሳ፥ “ሀዋንቱ ኔና ሞትያባ ኡባ ስስኪ?” ያጌዳ።
\p
\v 14 የሱስ ሀራይ አቶ፥ እት ቃላካ ዛረናን እጽና፥ ጋድያ አይስያዋንቱ ዳሪ ማላለቴዳ።
\s1 የሱስ ሀይቆ ፕርደቴዳ
\r (ማር. 15:6-15፤ ሉቃሳ 23:13-25፤ ዮሃ. 18:39-40፤ 19:1-16)
\p
\v 15 ጋድያ አይስያዌ ፓስጋ ቦንችያ ጋላሳን፥ አሳይ ኮይያ እት ኡራ ቃሹዋፐ ብልያ ዎጋይ ደኤ። 
\v 16 ሄ ዎደ እት ባርባና ጌተትያ የሱስ ዳሮ ኤረቴዳ ኢታ ብታኒ ቃሾ ጎለን ደኤ። 
\v 17 ሄዋ ድራዉ፥ ጮራ አሳይ እትሳ ሺቄዳሳን ጵላጾስ፥ “ታን ህንተንቶ ባርባና ግያ የሱሳ ብሎ፥ ዎይ ክርስቶሳ ጌተትያ የሱሳ ብሎ?” ያጊደ አሳ ኦቼዳ። 
\v 18 አያዉ ጎፐ፥ ኡንቱንቱ ቃናቲደ የሱሳ ኦዳዋ እ ኤሬ።
\p
\v 19 ጵላጾስ ፕርዳ ጎለን ኡት ደእሽን፥ አ ማቻታ አዉ፥ “ሄ ጽሎ ብታንያ አይነ ኦፓ፤ አያዉ ጎፐ፥ ታን ሀቼ ቃማ አኩሙዋን አባን ዳሮ መቶታድ” ያጋደ ኪታዱ።
\p
\v 20 ሽን ቄሳቱዋ ካፓቱነ ጋድያ ጭማቱ ጵላጾስ ባርባና ብሊደ፥ የሱሳ ዎናዳን፥ ሺቄዳ አሳይ አ ዎሳና ማላ፥ አሳ ጭሜድኖ።
\p
\v 21 ጵላጾስ ዛሪደ ኡንቱንታ፥ “ታን ኡንቱንቱ ላአቱዋፐ ህንተዉ ኦና ብላናዳን ኮዪቴ?” ያግና ኡንቱንቱ፥ “ባርባና ብላናዳን ኮዬቶ” ያጌድኖ።
\p
\v 22 ጵላጾስ፥ “ያትና፥ ክርስቶሳ ጌተትያ የሱሳ ዎቶ?” ያጊደ ኡንቱንታ ኦችና ኡባይ፥ “ማስቃልያ ቦላ ምስማርያን ሸቲደ ካቀቶ” ያጌድኖ።
\p
\v 23 ጵላጾስ አሳ፥ “አያዉ? አይ ኢታባ ኦዴ?” ያጌዳ።
\p ሽን አሳይ ካሰዋፐካ ባረንቱ ኮሻ ቁ ኦደ፥ “ማስቃልያ ቦላ ምስማርያን ሸቲደ እ ካቀቶ” ያጌድኖ።
\p
\v 24 ዋላሳይ ደንዳናዋፐ አትን፥ አይነ ሀነናዋ ጵላጾስ በኢደ፥ ሃ አኪደ፥ “ሀ ብታኒ ሀይቂያዋን ታን ገልከ፤ ሄዋ ህንተንቱ ኤርተ” ያጊደ ሺቄዳ አሳ ስንን ባረ ኩሽያ ሜጨቴዳ።\x - \xo 27:24 \xo*\xt ዛረ. 21:6-9\xt*\x*
\p
\v 25 ሺቄዳ አሳይ ኡባይ ዛሪደ፥ “አ ሱ ጎሚ ኑናነ ኑ ናና ጋኮ” ያጌዳ።
\p
\v 26 ሄዋፐ ጉይያን፥ ጵላጾስ ባርባና ኡንቱንቶ ብሌዳ፤ ልሱዋን የሱሳ ሾጪደ፥ ማስቃልያ ቦላ ምስማርያን ሺደ ካቃናዉ ኡንቱንቶ አደ እሜዳ።
\s1 ዎታዳራቱ የሱሳ ቦላ ቅሊጬድኖ
\r (ማር. 15:16-20፤ ዮሃ. 19:2-3)
\p
\v 27 ሄዋፐ ጉይያን፥ ጵላጾሳ ዎታዳራቱ የሱሳ ጋድያ አይስያዋ ቤሩዋ አፍና፥ ዎታዳራቱ ኡባይ አ ምይያን ዩይ አደ ኤቄድኖ። 
\v 28 አ ማዩዋ ቃር አኪደ፥ ዞኦ ማዩዋ አ ማይዜድኖ። 
\v 29 ቃይ አጉን ካላቻ ጊግሲደ፥ አ ሁጲያን ዎድኖ፤ አ ኡሸቻ ኩሽያን ማቃ ጻምኣ ኦይደ፥ አ ስንን ጉልባቲደ፥ “አይሁዳቱዋ ካተዉ፥ ሳሮ ደአይ!” ያጊደ፥ አ ቦላ ቅሊጬድኖ። 
\v 30 አ ቦላ ጩቼድኖ፤ ሄ ማቃ ጻምኣ አኪደ፥ አ ሁጲያ ሾጬድኖ። 
\v 31 ኡንቱንቱ አ ቦላ ቅሊጬዳዋፐ ጉይያን፥ ዞኦ ማዩዋ አፐ ቃር አኪደ፥ አ ማዩዋ አ ማይዜድኖ፤ ቃይ ማስቃልያ ቦላ ምስማርያን ሺደ አ ካቃናዉ አፌድኖ።
\s1 የሱስ ካቀቴዳ
\r (ማር. 15:21-32፤ ሉቃሳ 23:25-43፤ ዮሃ. 19:17-27)
\p
\v 32 ኡንቱንቱ ካረ ከሲደ፥ እት ስሞና ጌተትያ ቀሬና ጋደ አሳ ደሚደ፥ የሱሳ ማስቃልያ ዎልቃን ቶሴድኖ። 
\v 33 ጎልጎታ ጌተትያሳ ጋኬድኖ። “ጎልጎታ” ያገትያዌ “ሁጲያሳ” ግያዋ። 
\v 34 ሄዋን ኡንቱንቱ ጫሜዳ ዎይንያ ኤሳ የሱሳዉ ኡሻናዉ እሜድኖ፤ እ ሄዋ ጋንጽ ጼሊደ፥ ኡሸናን እጼዳ።\x - \xo 27:34 \xo*\xt ማዝ. 69:21\xt*\x*
\p
\v 35 ኡንቱንቱ ማስቃልያ ቦላ ምስማርያን ሺደ አ ካቆዋፐ ጉይያን፥ አ ማዩዋ ሻኪደ፥ ሳማ የጊደ አኬድኖ።\x - \xo 27:35 \xo*\xt ማዝ. 22:18\xt*\x* 
\v 36 ሄዋፐ ጉይያን፥ አ ናጋናዉ ሄዋን ኡት አጌድኖ። 
\v 37 ቃይ፥ “ሀዌ አይሁዳቱ ካትያ የሱሳ” ያጊደ ሞቱ ጻፈቶዋ አ ሁጰ ባጋና ዎድኖ። 
\v 38 የሱሳና ሄ ዎደ ላኡ ካይሳቱዋ እቱዋ አፐ ኡሸቻ ባጋና፥ ቃይ እቱዋ አፐ ሀድርሳ ባጋና፥ ማስቃልያ ቦላ ምስማርያን ሺደ ካቄድኖ።
\p
\v 39 ኦግያና አያ አሳይ የሱሳ ካደ፥ ባረንቱ ሁጲያ ቃደ ቦሬድኖ።\x - \xo 27:39 \xo*\xt ማዝ. 22:7፤ 109:25\xt*\x* 
\v 40 “ጌሻ ጎልያ ኮላደ ሄዙ ጋላሳ ግዶን ኬጽያዎ፥ ነ ሁጲያ አሻ፤ ኔን ጾሳ ናኣ ግዶፐ፥ አነ ማስቃልያ ቦላፐ ዎ” ያጌድኖ።\x - \xo 27:40 \xo*\xt ማቶሳ 26:61፤ ዮሃ. 2:19\xt*\x*
\p
\v 41 ሄዋዳንካ፥ ቄሳቱዋ ካፓቱ ህግያ ታማርስያዋንቱናነ ጭማቱዋና እትፐ የሱሳ ቦላ ቅሊጪደ፥ ሀዋዳን ያጌድኖ፤ 
\v 42 “ሀራንታ አሼዳ፤ ሽን ባረና አሻናዉ ዳንዳየና። እ እስራኤልያ ካትያ፤ አነ ማስቃልያ ቦላፐ ሀእ ዎ፤ ኑንካ ቃይ አን አማናና። 
\v 43 ጾሳን እ አማነቴ፤ ጾሳይ አ አሻናዉ ኮዮፐ አነ አሾ፤ አያዉ ጎፐ፥ እ ባረና፥ ‘ታን ጾሳ ናኣ’ ጌ” ያጌድኖ።\x - \xo 27:43 \xo*\xt ዛረ. 22:8\xt*\x*
\p
\v 44 ቃይ ሀራይ አቶ፥ አናና ማስቃልያ ቦላ ምስማርያን ሸቲደ ካቀቴዳ ካይሳቱካ ሄዋዳን ጊደ፥ አ ቦላ ቅሊጬድኖ።
\s1 የሱስ ሀይቄዳ
\r (ማር. 15:33-41፤ ሉቃሳ 23:44-49፤ ዮሃ. 19:28-30)
\p
\v 45 ኡሱፑን ሳትያፐ ዶሚደ፥ ኡዱፑ ሳትያ ጋካናዉ፥ ቢታይ ኡባይ ሜዳ። 
\v 46 ኡዱፑ ሳተ ግድያ ሄራን የሱስ ባረ ቃላ ቁ ኦደ፥ “ኤሎሄ፥ ኤሎሄ፥ ላማ ሳባቅታኒ?” ያጌዳ። ሄዋ ጉሳይ፥ “ታ ጾሳዉ፥ ታ ጾሳዉ፥ ታና አያዉ ጮኡ ጋድ?” ጉሳ።\x - \xo 27:46 \xo*\xt ማዝ. 22:1\xt*\x*
\p
\v 47 ሄዋን ኤቄዳ አሳፐ እቱ ሄዋ ስሲደ፥ “ሀ ብታኒ ኤላሳ ጼሴ” ያጌዳ። 
\v 48 ሄ ማንእያን ኡንቱንቱፐ እቱ ዎጺደ፥ እስፖንጅያ አኪደ፥ ጫላ ዎይንያ ኤሳ ግዶ የጊደ፥ ሄዋ ማቃ ጻምኣ ጼራን ዎደ፥ ኡሻናዉ አ ዶናኮ ሺሼዳ።\x - \xo 27:48 \xo*\xt ማዝ. 69:21\xt*\x* 
\v 49 ሽን የኮንቱ፥ “አነ ደአሻ፥ ኤላስ አ አሻናዉ ያናዌንቶ በአና” ያጌድኖ። 
\v 50 የሱስ ላኤንዋ ባረ ቃላ ቁ ኦ ዋሲደ፥ ሀይቂ አጌዳ።
\p
\v 51 አኬክተ፤ ጌሻ ጎልያን ካቀቴዳ ጋርዱ ቆሞፐ ዱገ ጋካናዉ፥ ላኡ ከሲደ፥ ፖሸት ዎዳ፤ ሳአይ ቃጼዳ። ቃይ ዛላይካ ጳልቀቴዳ፤\x - \xo 27:51 \xo*\xt ከሳ 26:31-33\xt*\x* 
\v 52 ጮራ ዱፉ ዶየቴዳ። ጾሳ አሳፐ ጮራቱ ሀይቄዳዋንቱ፥ ሀይቁዋፐ ደንዴድኖ። 
\v 53 ኡንቱንቱ ዱፉዋፐ ከሲደ፥ የሱስ ሀይቁዋፐ ደንዶዋፐ ጉይያን፥ ጌሻ ካታማ ቤድኖ፤ ሄዋን ኡንቱንታ ጮራ አሳይ በኤዳ።
\p
\v 54 ጼቱዋ ካፑነ አናና የሱሳ ናግያ ዎታዳራቱ ሳአይ ቃጽያዋነ ሄዋን ሀኔዳዋ ኡባ በኤዳ ዎደ ዳሮ ያዬድኖ፤ ያሻ ጋሱዋን፥ “ቱሙ ሀዌ ጾሳ ናኣ” ያጌድኖ።
\p
\v 55 ሄዋን ጮራ ማጫዋንቱ፥ ጋሊላፐ ዶሚደ፥ የሱሳ ማዲደ ካልያዋንቱ፥ ሃኩዋን ኤቂደ ጼሊኖ። 
\v 56 ኡንቱንቱ ግዶን ማግዳላ ጌተትያ ካታማፐ ዬዳ ማይራማ፥ ያቆባነ ዮሴፎ ዳያ ማይራማነ ዛብድዮሳ ናና ዳያ ደኢኖ።
\s1 የሱስ ሞገቴዳ
\r (ማር. 15:42-47፤ ሉቃሳ 23:50-56፤ ዮሃ. 19:38-42)
\p
\v 57 ሳአይ ኦማርስያ ዎደ፥ ዮሴፎ ጌተትያ እት ዱረ ብታኒ፥ አርማትያሳ ካታማ ብታኒ ዬዳ፤ እ ባረ ሁጰዉካ የሱሳ ካልያዋ። 
\v 58 ዮሴፎ ጵላጾሳኮ ቢደ፥ የሱሳ አሃ አካናዉ ዎሴዳ፤ ጵላጾስ ዮሴፎ እመታና ማላ አዛዜዳ። 
\v 59 የሱሳ አሃ አኪደ፥ ጌሻ ሞጉዋ ማዩዋን 
\v 60 ጻጺደ ባረዉ ሞገታናዉ ሹቻ ዎጬዳ ኦራ ጎንጎሉዋ ግዶን አ አሃ ዎዳ፤ ቃይ ሄ ጎንጎሉዋ ዶናን ዎጋ ሹቻ ጎንዶርስ ዎደ፥ ባሽ ቤዳ። 
\v 61 ማግዳላ ካታማፐ ዬዳ ማይራማነ የኮ ማይራማ ሄዋን ጎንጎሉዋኮ ስሚደ ኡቴድኖ።
\p
\v 62 ሳምባታዉ ጊገትያ ጋላሳፐ ዎንተ ጋላስ፥ ቄሳቱዋ ካፓቱነ ፓርሳዋቱ ጵላጾሳና ጋከቲደ፥ ሀዋዳን ያጌድኖ፤ 
\v 63 “ጎዳዉ፥ ሄ ዎርዱ ፓጻ ደእያ ዎደ፥ ‘ታን ሄዙ ጋላሳፐ ጉይያን፥ ሀይቁዋፐ ደንዳና’ ያጎዋ ኑን ሀሳዬዶ።\x - \xo 27:63 \xo*\xt ማቶሳ 16:21፤ 17:23፤ 20:19፤ ማር. 8:31፤ 9:31፤ 10:33-34፤ ሉቃሳ 9:22፤ 18:31-33\xt*\x* 
\v 64 ሄዋ ድራዉ፥ አ ሞጌዳ ጎንጎሉዋ ሄዙ ጋላሳ ጋካናዉ፥ ሎይ ናጋና ማላ አዛዛርኪ፤ ሄዌ ዮፐ አ ካልያዋንቱ ቢደ፥ አ አሃ ዉኢደ አሳዉ፥ ‘ሀይቁዋፐ ደንዴዳ’ ያጋናዋንታ፤ ላኤንያ ባላይ ካሰ ባላፐ ኡባ ያ ኢታና” ያጌድኖ።
\p
\v 65 ጵላጾስ ኡንቱንታ፥ “ህንተንቶ ናግያዋንቱ ደኢኖ፤ ቢደ ህንተንቶ ዳንዳየትያ ኬና ናግሽተ” ያጌዳ።
\p
\v 66 ሄዋፐ ጉየ ኡንቱንቱ ቢደ፥ ሹቻ ቦላ ማታፋ አታሚደ፥ ቃይ ናግያዋ ያን ዎደ፥ የሱሳ ሞጌዳ ጎንጎሉዋ ናግሴድኖ።
\c 28
\s1 የሱስ ሀይቁዋፐ ደንዴዳ
\r (ማር. 16:1-10፤ ሉቃሳ 24:1-12፤ ዮሃ. 20:1-10)
\p
\v 1 ሳምባታይ አና ዎጋ ጋላስ ዎንታ ባካልያን፥ ማግዳላ ጌተትያ ካታማፐ ዬዳ ማይራማነ የኮ ማይራማ የሱስ ሞገቴዳ ጎንጎሉዋ በአናዉ ቤድኖ። 
\v 2 ጎዳ ኪታንቻይ ሳሉዋፐ ዎዳ ድራዉ፥ ሳአይ ዳሮ ቃጼዳ፤ ሄ ኪታንቻይ ዪደ፥ ሹቻ ጎንዶርስ ኦሊደ፥ አ ቦላ ከስ ኡቴዳ። 
\v 3 አ ማላይ ዋልቃን ማላቴ፤ አ ማዩካ ሻቻዳን ቦ። 
\v 4 ናግያዋንቱ ኪታንቻዉ ያሻ ኮኮሪደ፥ ሀይቄዳ አሳዳን ሀኔድኖ።
\p
\v 5 ኪታንቻይ ማጫዋንታ ሀዋዳን ያጌዳ፤ “ያዮፕተ፤ አያዉ ጎፐ፥ ማስቃልያ ቦላ ምስማርያን ሺደ ካቄዳ የሱሳ ህንተንቱ ኮይያዋ ታን ኤራይ። 
\v 6 እ ሀዋን ባዋ፤ አያዉ ጎፐ፥ እ ባረ ጌዳዋዳንካ ሀይቁዋፐ ደንድ ድጌዳ፤ ሃ ዪደ፥ እ ሞገት ግሶሳ በእተ። 
\v 7 ህንተንቱ ሀእ ኤለካ ቢደ፥ የሱሳ ካልያዋንቶ፥ ‘የሱስ ሀይቁዋፐ ደንድ ድጌዳ። ቃይ እ ህንተፐ ካሰቲደ፥ ጋሊላ ቤ፤ ህንተንቱ አ ያን በአና’ ያጊደ ኦድተ። በእተ፥ ታን ህንተንቶ ኦዳድ” ያጌዳ።
\p
\v 8 ኡንቱንቱ ያዪድነ ቃይ ዳሮ ናሸቲደ፥ የሱስ ሞገቴዳ ጎንጎሉዋ ማታፐ ኤለካ ክቺደ፥ የሱሳ ካልያዋንቶ ኦዳናዉ ዎጼድኖ።
\p
\v 9 ሄ ማንእያን የሱስ ኡንቱንቱና ጋከቲደ ኡንቱንታ፥ “ሳሮ ደኢቴ” ያግ አጌዳ፤ ኡንቱንቱ አኮ ሺቅ አ ገድያ ኦይቂደ፥ አዉ ጎይኔድኖ። 
\v 10 የሱስ ሄ ዎደ ኡንቱንታ፥ “ያዮፕተ፤ ታ እሻቱ ጋሊላ ባና ማላ፥ ቢደ ኡንቱንቶ ኦድተ፤ ኡንቱንቱ ታና ያን በአናዋንታ” ያጌዳ።
\p
\v 11 ሄ ማጫዋንቱ ብያ ዎደ፥ ጎንጎሉዋ ናግያ ዎታዳራቱዋፐ አማሬዳዋንቱ ካታማ ቢደ፥ ሀኔዳዋ ኡባ ቄሳቱዋ ካፓቶ ኦዴድኖ። 
\v 12 ቄሳቱዋ ካፓቱ ጭማቱዋና እትፐ ሺቅ ዞረቲደ፥ ዎታዳራቶ ዳሮ ሚሻ እሚደ፥ 
\v 13 “ ‘ኑን ገምእሹዋን ደእሽን አ ካልያዋንቱ ቃማ ዪደ፥ አ አሃ ዉኤድኖ’ ያግተ። 
\v 14 ሀ የዉዋ ጋድያ አይስያዌ ስሶፐ፥ ኑን አዉ ኦድ አማንና፤ ቃይ ህንተንታ አይነ ህርግሰናዳን ኦና” ያጌድኖ።
\p
\v 15 ዎታዳራቱ ሚሻ አኪደ፥ ባረንቶ ኦዴዳዋዳን ኦድኖ። ሀ የዉ አይሁዳቱዋ ማታን ሀቼ ጋካናዉ፥ ኦደቲደ ደኤ።
\s1 የሱስ ባረና ካልያዋንቶ ቤቴዳ
\r (ማር. 16:14-18፤ ሉቃሳ 24:36-49፤ ዮሃ. 20:19-23፤ ኪታ 1:6-8፤ 1 ቆሮ. 15:3-8)
\p
\v 16-17 ሽን ታማነ እት አ ካልያዋንቱ የሱስ ባረንታ ቢተ ጌዳ ጋሊላ ጋድያ ቢደ አ በኤዳ ዎደ፥ አዉ ጎይኔድኖ፤ ሽን ኡንቱንቱፐ እቱ እቱ ስድኖ።\x - \xo 28:16-17 \xo*\xt ማቶሳ 26:32፤ ማር. 14:28\xt*\x*
\p
\v 18 የሱስ ኡንቱንቱኮ ሺቂደ፥ ኡንቱንታ ሀዋዳን ያጌዳ፤ “ማታይ ኡባይ ሳሉዋንነ ሳኣን ታዉ እመቴዳ። 
\v 19 ሄዋ ድራዉ፥ ህንተንቱ ቢደ፥ አሳ ኡባ ታና ካልያዋንታ ኦተ፤ አዉዋ ሱንን፥ ናኣ ሱንንነ ጌሻ አያና ሱንን ኡንቱንታ ጻማቅተ።\x - \xo 28:19 \xo*\xt ኪታ 1:8\xt*\x* 
\v 20 ታን ህንተንታ አዛዜዳባ ኡባ ኡንቱንቱ ናጋና ማላ፥ ኡንቱንታ ታማርስተ፤ ታን ዎድያ ዉርሰይ ጋካናዉካ ኡባ ዎደ ህንተንቱና ደእያዋ አኬክተ” ያጌዳ።