\id LUK LUK’ - Dawuro Full Bible Ethiopic Version
\ide UTF-8
\h ሉቃሳ ምሽራቹዋ
\toc1 ሉቃስ ጻፌዳ ምሽራቹዋ ቃላ
\toc2 ሉቃሳ ምሽራቹዋ
\toc3 ሉቃሳ
\mt1 ሉቃስ ጻፌዳ
\mt2 ምሽራቹዋ ቃላ
\imt ገሉዋ
\ip ሉቃስ ጻፌዳ ምሽራቹ፥ የሱሳ ኮይሮ ያናዋ ያገት ናባቱዋን አባይ ኦደቴዳዋ፥ ዳሮ ዎድያፐ ናገቴዳ ህዶታዉ ሁጰ ግዴዳዌ፥ እስራኤልያ አሳይ ናጊደ ደእያ ጾሳን ኦከቴዳዌ፥ አሳ ዘረ ኡባ አሽያዋ ግድያዋ ቆንጭሴ። የሱስ ጾሳ አዉዋፐ ህዬሳቶ ምሽራቹዋ ቃላ ኦዳናዉ ኪተቴዳዋ ግድያዋነ ሀ ምሽራቹዋ ቃላይ አሳዉ ደእያ ዱማ ዱማ መቱዋ ቃርያ ዎልቃ ኦይቄዳዋ ግድያዋ ሉቃስ ኦዴ። ሉቃሳ ምሽራቹዋ ቃላ ግዶን፥ የሱሳ ዩሳባ ኦድያ ኮይሮ ሸምፓቱዋንነ ቃይካ የሱስ ሳሉዋ ፑደ ከሴዳዋ ኦድያ ዉርሰ ሸምፓቱዋን ሎይደ፥ ኦደቴዳዌ ናሸቻባ። የሱስ ሳሉዋ ከሴዳዋፐ ጉይያን አማኑዋባይ ዋን ድጬደንቶነ ዋን አኬደንቶ ኦድያ ታርክያ ሀ ማጻፋ ጻፌዳ ብታኒ የሱስ ኪቴዳዋንቱ ኦሱዋ ማጻፋን ኦዴዳ።
\ip ኪታንቻቱዋ የባይ፥ የሱስ የለቴዳ ዎደ ዉድያ ሄምያዋንቱ ቢደ በኤዳዋ ኦድያ ታርኪ፥ የሱስ ናአተን ደኢደ ጌሻ ጎልያ ቤዳባይ፥ ቃረታንቻ ሳምራውያነ ባዪደ ቤቴዳ ናኣ ታርኪ ሉቃሳ ምሽራቹዋ ጻላላን ቤትያዋንታ። ሀ ምሽራቹዋ ቃላ ግዶን ሀ ጋጻፐ ህን ጋጻ ጋካናዉ ሁጰ ግዲደ ጼለቴዳባይ ዎሳባ፥ ጌሻ አያናባ፥ የሱሳ ኦሱዋ ግዶን ማጫ አሳዉ ደእያ ሳባነ ጾሳይ ናጋራ አቶ ያግያባ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-4\ior*
\io1 ጻማቅያ ዮሃንሳነ የሱሳ የለታ \ior 1:5—2:52\ior*
\io1 ጻማቅያ ዮሃንሳ ኦሱዋ \ior 3:1-20\ior*
\io1 የሱሳ ጽንቃታነ ፓጭያ \ior 3:21—4:13\ior*
\io1 የሱስ ኦሱዋ ጋሊላን ዶሞዋ \ior 4:14—9:50\ior*
\io1 የሱስ ጋሊላፐ የሩሳላመ ቦዋ \ior 9:51—19:27\ior*
\io1 የሩሳላመንነ እዝ ዩሹዋን የሱሳ ዉርሰ ሳምንታ \ior 19:28—23:56\ior*
\io1 ጎዳ የሱሳ ደንዱዋ፥ ቆንጨነ ሳሉዋ ቡሳ \ior 24:1-53\ior*
\c 1
\p
\v 1-4 ቦንቼቴዳ ቶፍሎሳ፥ ኮይሮ ባረንቱ አይፍያን በኤዳዋንቱነ ባረንቱ ቃላን ማርካቴዳዋንቱ ኑዉ ኦዴድኖ። ጻፈቴዳ የዉዋ ታ ባጋን ኡባ ጻጱዋፐ ብዳ ጼሎዋፐ ጉየ፥ ታርክያ ማራ ናጌዳ ኦግያን ነዉ ጻፋናዉ ሎአ ግዴዳዌ ታዉ ቤቴዳ።
\s1 ጻማቅያ ዮሃንሳ የለታይ ኮይሮ ኦደቴዳ
\p
\v 5 ይሁዳ ጋድያ ካትያ ሄሮድሳ ዎድያን፥\f + \fr 1:5 \fr*\fq ይሁዳ፦ \fq*\ft ሀዋን ይሁዳ ጋድያ ጌተቴዳዌ ፍልስጼመ ጋድያ ኡባ በስያዋ።\ft*\f* አብያ ቄሳተ ኦሱዋ ባጋፐ ግዴዳ ዛካራሳ ጌተትያ እት ቄሳይ ደኤ።\x - \xo 1:5 \xo*\xt 1 ኦዱዋ 24:10\xt*\x* ማቻታካ ኤልሳቤጾ ጌተትያ አሮነ ያራፐ የለቴዳዉኖ። 
\v 6 ላአቱካ ጎዳ አዛዙዋነ ሴራ ዳርሲደ ናግያዋንታነ ካ ባንታን ጾሳ ስንን ደእያ ጽላቱዋ። 
\v 7 ግዶፐ አትን ኤልሳቤጻ ማን ግዶ ድራዉ፥ የሉ ኡንቱንቶ ባዋ። ላአቱካ ላይ ሱጌዳዋንታ።
\p
\v 8 እት ጋላስ ዛካራስ ባረ ባጋ ካላን ጾሳ ስንን ቄሳተን ኦያ ዎደ፥ 
\v 9 ባረ ቄሳተ ዎጋ ዶያዳን ጌሻ ጎልያ ገሊደ እጻና ጩውሱዋ\f + \fr 1:9 \fr*\fk እጻና ጩውሱዋ፦ \fk*\ft ሀዋ ጉሳይ ጩዋይ ዎሳ ኮታ ጾሳኮ ጋኬ ጊደ ዎንታነ ኦማርስ ዎደ ጩውስያ ዎጋ።\ft*\f* ሳማይ አ ጋኬዳ። 
\v 10 እጻናይ ጩውያ ዎደ አሳይ ኡባይ ካረን ኤቂደ ዎስ ደኤ።
\p
\v 11 ጎዳ ኪታንቻይ እጻና ያርሹዋ ሳፐ ኡሸቻና ኤቂደ አዉ ቤቴዳ። 
\v 12 ዛካራስካ በኤዳ ዎደ ዳጋሚደ ያሻን ምተቴዳ። 
\v 13 ኪታንቻይካ ቃይ ያጌዳ፥ “ዛካራሳ፥ ያዮፓ፤ ነ ዎሳይ ስሰቴዳ፥ ነ ማቻታ ኤልሳቤጻ አቱማ ናኣ የላናዉኑ። 
\v 14 አ የለታን ናሸታይነ እሻሉ ነዉ ሀናናዋ፤ ጮራቱካ እ የለቶ ድራዉ ሀሹ ጋናዋንታ፤ 
\v 15 እካ ጎዳ ስንን ዳራ ግዳናዋ። ማይያ ዎይንያ ኡሻ ግዶ ሀራ ማይያ ኡሻ አይነ ኡሸና፤ ባረ ዳይ ኡሉዋን ደእሽን አያና ጌሻይ አን ኩማናዋ።\x - \xo 1:15 \xo*\xt ፓይ. 6:3\xt*\x*
\p
\v 16 “እስራኤልያ አሳቱዋፐካ ጮራቱዋ ኡንቱንቱ ጎዳ ጾሳኮ፥ እ ዛራናዋ። 
\v 17 እካ ጊገና አሳ ጎዳዉ ጊግሳናዉ፥ አዎቱዋ ዎዛና ናናቱዋኮ፥ አዛዘተናዋንታካ ጽሎተ ኤራኮ ዛራናዉ፥ ኤላሳ\f + \fr 1:17 \fr*\fq ኤላሳ፦ \fq*\ft ሀዌ ጌተቴዳዌ፥ ካሰ ኤጫ ጫቁዋ ማጻፋን ናብያ ኤላስ ኦራባ ኦያ ዎልቃን ኤረቴዳዋ ድራሳ።\ft*\f* አያናንነ ዎልቃን ጎዳፐ ስንና ቤ።”\x - \xo 1:17 \xo*\xt ሚልክ. 4:5፣ 6\xt*\x*
\p
\v 18 ዛካራስካ ኪታንቻ፥ “ታን ጭማድ፥ ታማቻታካ ባረ ላይን ሱጌዳዉኖ፥ ሀዋ ታን አያን ኤራንታ?” ጌዳ።
\p
\v 19 ኪታንቻይካ ዛሪደ፥ “ታን ጾሳ ስንን ኤቂያ ጋብሬላ፤ ሀዋ ምሽራቹዋ ነዉ ኦዳናዉ ኔኮ ኪተታድ፤\x - \xo 1:19 \xo*\xt ዳኔላ 8:16፤ 9:21\xt*\x* 
\v 20 ሄኮ ሄ ዎድያን ሀናና ታ ቃላ ነ አማናቤና ድራዉ፥ ሀ የዉ ሀናና ጋላሳይ ጋካናዉ ኔን ዱደ ግዳናሳ፤ ሃሳያናዉካ ዳንዳያካ” ጌዳ።
\p
\v 21 ሄ ዎደ አሳይ፥ ዛካራስ ጌሻ ጎልያፐ ከሰናን አያዉ ጋምኤደንቶ ማላለቲደ ናጊኖ። 
\v 22 ከሴዳ ዎድያንካ ሃሳያናዉ ዳንዳይቤና፤ ጌሻ ጎልያን ሳፃ እ በኤዳዋ አኬኬድኖ፤ እካ ሃሳያናዉ ዳንዳይቤናዋ ጾርስ በሲደ፥ ዱደ ግዲደ ደኤዳ።
\p
\v 23 ዛካራስካ ባረ ኦሱዋ ዎድያ ዉርሶ ዎደ፥ ባረ ጎለ ስሜዳ። 
\v 24 ሄዋፐ ጉይያን አ ማቻታ ኤልሳቤጻ ሻሃራደ እቼሹ አገና ባረና ገንዱ። 
\v 25 ኤልሳቤጻካ፥ “ታ ቶሽያ አሳ ግዶፐ ድጋናዉ\f + \fr 1:25 \fr*\fq ታ ቶሽያ አሳ ግዶፐ ድጋናዉ፦ \fq*\ft አስና ገሌዳ ምሽራታ ናኣ የለናን አቶፐ፥ እስራኤልያ አሳ ቆፋን፥ “ጾሳይ እዞ ሙር ደኤ” ያገታዉ።\ft*\f* ጎዳይ ባረ ማሮተን ታና ጼሎ ዎደ፥ ሀዋዳን ታዉ ኦዳ” ጋዱ።
\s1 የሱሳ የለታይ ካሰቲደ ኦደቴዳ
\p
\v 26 ኡሱፑን አገናን ጾሳ ኪታንቻ ጋብሬል ጋሊላ ጋድያን ናዝሬተ ካታማ 
\v 27 ዳዊታ ያራፐ ግዴዳ ዮሴፎ ጌተትያ ብታነዉ ኦሸታ ቃሸቴዳ ዎዶራትኮ ጾሳ ማታፐ ኪተቴዳ፤ ዎዶራት ሱንይካ ማይራሞ ጌተቴ።\x - \xo 1:27 \xo*\xt ማቶሳ 1:18\xt*\x* 
\v 28 ኪታንቻይካ ማይራምኮ ዪደ፥ “ዳርሳደ ዶሰታዉኔ፥ ሳሮተይ ነዉ ግዶ፤ ጎዳይካ ኔናና ጋ ደኤ፤ ኔንካ ማጫዋንቱ ግዶን አንጀቴዳዉኖ”\f + \fr 1:28 \fr*\fq ኔንካ ማጫዋንቱ ግዶን አንጀቴዳዉኖ፦ \fq*\ft ሀ ቆፋይ በን ጭሜዳ ግሪክያ ማጻፋን ባይናዋ ግድያ ድራዉ፥ እት እት እንግልዜዋንነ አማራዋ ማጻፋንካ ባዋ።\ft*\f* ያጌዳ።
\p
\v 29 ማይራማካ አ ሃሳያፐ ደንዶዋን ዳርሳ ዳጋማደ፥ “ሀዌ አያ ማላ ሳሮታ ግዳኔ” ጋደ የዉዋ ቆፓዱ። 
\v 30 ኪታንቻይ እዞ፥ “ሀነ ማይራሜ፥ ጾሳ ማታን ሳባ ደማዳ ያዮፓ። 
\v 31 ኔን ሻሃራደ፥ አቱማ ናኣ የላናሳ፤ አ ሱንካ የሱሳ ጋናሳ።\x - \xo 1:31 \xo*\xt ማቶሳ 1:21\xt*\x* 
\v 32 እካ ዳራ ግዳናዋ፤ ኡባፐ ቃ ጾሳ ናኣ ጌተታና፤ ጎዳ ጾሳይ አ አቡ ዳዊታ ካዉተ ኦይድያ አዉ እማናዋ። 
\v 33 እካ ያቆባ ጎለን መናዉ ካዉታናዋ፤ አ ካዉተዉካ ዉርሰይ ባዋ” ያጌዳ።\x - \xo 1:33 \xo*\xt 2 ሳሜላ 7:12፣ 13፣ 16፤ ኢሳ. 9:7\xt*\x*
\p
\v 34 ማይራማካ ኪታንቻ፥ “ታን ዎዶራቶ ግዶ ድራዉ፥ ሀዌ ዎት ሀናናዌ?” ያጋዱ።
\p
\v 35 ኪታንቻይካ ዛሪደ እዝዉ፥ “አያና ጌሻይ ነ ቦላ ያናዋ፤ ቃ ጾሳ ዎልቃይ ኔናን ሸምፓናዋ። ሄዋ ድራዉ፥ ኔፐ የለትያዌ ጌሻ ጾሳ ናኣ ጌተታና። 
\v 36 ነ ዳባታ ኤልሳቤጻ ባረ ጭማተ ዎድያን አቱማ ናኣ ሻሃራዱ። ማን ጌተቴዳዉና ኤልሳቤጻ ሻሃሮደፐ ኡሱፑን አገና ኦይቃዱ። 
\v 37 ጾሳ ጾንያ የዉ ባዋ”\x - \xo 1:37 \xo*\xt ዶመ 18:14\xt*\x* ያጌዳ።
\p
\v 38 ማይራማካ፥ “ታን ጎዳ አይላቶ፤ ኔን ጎዋዳን ሀኖ” ጋዱ። ሄዋፐ ጉይያን ኪታንቻይ እዝ ማታፐ ቤዳ።
\s1 ማይራማካ ኤልሳቤጾ ኦቻናዉ ባዱ
\p
\v 39 ማይራማካ ሄ አገና ግዶን ደንዳደ ክል ዞዘትያ ይሁዳ ጋደን ደእያ እት ካታማ ኤሌላ ከሳዱ። 
\v 40 ዛካራሳ ጎለ ገላደ ኤልሳቤጾ ሳሮታዱ። 
\v 41 ኤልሳቤጻካ ማይራም ሳሮታ ስሴዳ ዎደ፥ እዝ ኡሉዋን ደእያ ሻሃራይ ጉፔዳ፤ ኤልሳቤጻካ አያና ጌሻን ኩማዱ። 
\v 42 ባረ ኮሻካ ቁ ኦደ፥ “ኔን ማጫዋንቱ ግዶፐ አንጀቴዳዉኖ። ኔፐ የለትያዌካ አንጀቶዋ። 
\v 43 ኔን ታ ጎዳ ዳያ ታኮ ያናዉ ታን ኦኔ? 
\v 44 ሄኮ ነ ሳሮታ ኮሻይ ታ ሀይን ስሰቴዳ ዎደ፥ ታ ኡሉዋን ደእያ ሻሃራይ ናሸቻን ጉፔዳ። 
\v 45 ጎዳይ ፖለቴ ጊደ እዝዉ ኦዴዳዋ አማኔዳዉና እዛ አንጀቴዳዉኖ” ያጋዱ።
\s1 ማይራም ጋላታ የ
\r (1:46-53)
\q1
\v 46 ማይራማካ፥
\q2 “ታ ሸምፓታ ታ ጎዳ ቦንቻዉ፥
\q1
\v 47 ታ አያናይካ ታ ጾሳ፥ ታ ልያን፥
\q2 ሎይ ናሸታዉ።
\q1
\v 48 እካ ባረ አይላት ቶሽያ ጼሌዳ።
\q2 ሀቼፐ ዶሚደ የለታይ ኡባይ
\q2 አንጀቴዳዉኔ ጊኖ።
\q1
\v 49 ዎልቃማ ግዴዳ እ፥
\q2 ዳሮ የዉዋ ታዉ ኦዳ፤
\q1 አ ሱንይካ ጌሻ።
\q1
\v 50 አ ማሮታይ ያይያዋንቶ፥
\q2 የለታፐ የለታይ ጋካናዉ ደኤ።
\q1
\v 51 ባረ ዎልቃን ምኖ ኪታ ኪተቴዳ፤
\q2 ባረንቱ ዎዛና ቆፋን ኦቶረትያዋንታ፥
\q2 ላሌዳ።
\q1
\v 52 ሞድያዋንታ ካዉተ ማታ ኦይድያፐ ዎዳ፤
\q2 አሽካቱዋካ ቃይ ቁ ቁ ኦዳ።
\q1
\v 53 ኮሻቴዳዋንታ ሎኦ የዉዋን ካልሴዳ፤
\q2 ዱራቱዋ ቃይ መላ የደርሴዳ።
\q1
\v 54 ባረ ማሮተ ቆፒደ፥
\q2 ባረ አይልያ እስራኤልያ ማዴዳ።
\q1
\v 55 ኑ አዋቶ እ ኦዴዳዋዳን፥
\q2 አብራሃመዉነ አ ያራዉ ጌዳዋ፥
\q2 መናዉ ናጋና ድራሳ”
\m ያጋዱ።
\p
\v 56 ማይራማካ ሄዙ አገና ኬና ኤልሳቤጽ ማታን ጋምኦዋፐ ጉይያን ባረ ጎለ ስማዱ።
\s1 ጻማቅያ ዮሃንሳ የለታ
\p
\v 57 ኤልሳቤጽዉካ የልያ ዎዲ ጋክና፥ አቱማ ናኣ የላዱ። 
\v 58 እዝ ሾራቱነ እዝ ዳቦ ግዴዳዋንቱ፥ ጎዳይ ማሮተ እዝዉ ኦዳዋ ስሲደ እዝና እትፐ ናሸቴድኖ።
\p
\v 59 ሆስፑን ጋላሳን ናኣ ቃጻራናዉ ዬድኖ፤ አ፥ አዉዋ ሱንን ዛካራሳ ጊደ ሱንናዉ ኮዬድኖ።\x - \xo 1:59 \xo*\xt ዎጋ 12:3\xt*\x* 
\v 60 አ ዳያ ቃይ፥ “ሀነና፥ ዮሃንሳ ጌተታናዉ ኮሼ” ያጋዱ።
\p
\v 61 ኡንቱንቱካ እዞ፥ “ነ ዳባቱዋፐ ሀቼ ጋካናዉ እቱካ ሀ ሱንን ጼሰትቤና” ያጌድኖ።
\p
\v 62 አ አባ፥ ኦና ግያ ሱንን ጼገታናዉ ኮይንቶ ጾርስ ኦቼድኖ።
\p
\v 63 አ አቡካ ጻፍያባ ኦች አኪደ፥ “ናኣ ሱንይ ዮሃንሳ” ጊደ ጻፍና፥ ኡባቱካ የዉዋን ማላለቴድኖ። 
\v 64 ሄዋንካ ዛካራሳ ዶናይ ዶየቴዳ፥ አ እንጻርሳይካ ብለትና ሃሳያ ዶሜዳ፥ ጾሳካ ጋላቴዳ።
\p
\v 65 አ ሾራቱካ ደኢያሳ ኡባን ያሻን ኩሜድኖ። ሀ የዉካ ዞዘትያ ይሁዳ ጋድያ ኡባን ዳሪ ሃሳየቴዳ። 
\v 66 ሀዋካ ስሴዳዋንቱ ኡባቱ፥ “ሀ ናአይ አያ ግዳኔሻ?” ያጊደ የዉዋ ባረንቱ ዎዛናን ኦይቄድኖ፤ ጾሳይካ አናና ደእያዋ ኤሬድኖ።
\s1 ዛካራሳ ጋላታነ ትምቢትያ ኦዱዋ
\p
\v 67 ዮሃንሳ አቡ ዛካራስ አያና ጌሻን ኩሚደ ትምቢትያ ያግ ኦዴዳ:
\q1
\v 68 “እስራኤልያ ጎዳይ ጾሳይ አንጀቶ፤
\q2 ዪደ ባረ አሳ ጾሞሴዳነ ዎዜዳ።
\q1
\v 69 ባረ አይልያ ዳዊተ ጎልያን፤
\q2 ዎልቃማ አሽያዋ ኑዉ ጊግሴዳ።
\q1
\v 70 ሀዌካ በን ጎዳ ጌሻ ናባቱዋ ዶናን ኦደቶዋዳን፥
\q1
\v 71 እ ኑና፥ ኑ ሞርከቱዋፐነ፥
\q2 ኑናና ኤቀትያዋንቱ ኩሽያፐ አሻናሳ።
\q1
\v 72 ሀዋካ እ ኦዳዌ፥ ኑ አዋቶ፥
\q2 ማሮተ በሳናሳነ፥
\q2 ባረ ጌሻ ጫቁዋ ዎዛና አናሳ።
\q1
\v 73 ኑ አዉዋ አብራሃሞ፥
\q2 ጫቄዳ ጫቁዋ ቆፓናዉ፥
\q1
\v 74 ኑ ሞርከቱዋ ኩሽያፐ ከሲደ፥
\q2 ያሻይ ባንታን አዉ ኦናዳን፥
\q2 ማታ ኑዉ እሜዳ።
\q1
\v 75 ሀዌኔካ፥ ኑና ኑ ዎድያ ኡባን፥
\q2 ጌሻተንነ ጽሎተን፥
\q2 ባረ ስንን ኤሳና ድራሳ።
\q1
\v 76 ዛሪደካ፥ ኔኖ፥ ታ ናአዉ፥
\q2 ቃ ጾሳ ናብያ ጌተታናሳ፤
\q2 ኦግያ ጊግሳናዉ ጎዳፐ ስንና፥
\q2 ባናሳ።
\q1
\v 77 አሳ ናጋራ ማርያ አቶተ ኤራ፥
\q2 ኡንቱንቶ እማናሳ።
\q1
\v 78 ሄዌካ ክልፐ ዬዳ ፖኡ፥
\q2 ኑና ጾሞሴዳዌ፥
\q2 ኑ ጾሳ ማሮተነ ቃረታ ጋሱዋና።
\q1
\v 79 አ ፖኡካ ማንነ ሀይቁዋ ኩዋን፥
\q2 ኡቴዳዋንቶ ፖእሴ፤
\q2 ኑ ገድያካ ሳሮተ ኦግያን ሱርሴ።”
\p
\v 80 ናአይካ ድጪደ፥ አያናን ምኔዳ፤ እስራኤልያ አሳዉ ቤቴዳ ጋላሳይ ጋካናዉ መላ ቢታን ደኤዳ።
\c 2
\s1 የሱሳ የለታባ
\r (ማቶሳ 1:18-25)
\p
\v 1 ሄ ዎደ\f + \fr 2:1 \fr*\fq ሄ ዎደ፥ \fq*\ft ጌተቶዌ ጻማቅያ ዮሃንስ የለት ስሚደ ብሮ ጉተን ደእሽን የሱስ የለቶ ዎድያና።\ft*\f* ሮማ ካዉተ ጋርሳን ደእያ አሳይ ኡባይ ሱን ጻፈታናዳንነ ፓይደታናዳን አዉግስጾሰ ቄሳረፐ\f + \fr 2:1 \fr*\fqa ቄሳራ፦ \fqa*\ft ግያ ሱንይ ካትያ ጉሳ። ሄዌኔካ ጮራ ጋድያ ሞድያ ዎልቃይ ደእያ ጮራ ካታቱዋ ካትያ ጉሳ።\ft*\f* አዛዙ ከሴዳ። 
\v 2 ሄዌኔካ፥ ቀረነዮሰ\f + \fr 2:2 \fr*\fqa ቀረነዮሳ፦ \fqa*\ft ጌተትያዌ ሮማ ካቲ አዉግስጾሰ፥ ሶርያ ጌተትያ ይሁዳነ ጋሊላ አዉራጃቱዋ ኦይቄዳ ጋድያን ሱንዬዳዋ።\ft*\f* ሶርያ ጋድያ ሞድያ ዎደ ሀኔዳ ኮይሮ አሳ ፓይዱዋ።
\p
\v 3 ሀዋ ድራዉ እት እት አሳይ ጻፈታናዉ ባረ ካታማ ባረ ካታማ ቤዳ። 
\v 4 ዮሴፎካ ዳዊታ ጎልያፐነ ያራፐ ግድያ ድራዉ ጋሊላ አዉራጃን ደእያ ናዝሬተ ካታማፐ ደንዲደ ዳዊታ ካታማ ግዴዳዉንኮ ይሁዳን ደእያ ቤተሌመ ጌተትያ ካታማ ከሴዳ። 
\v 5 ሄ ዎደ የልያ ዎዲ ማቴዳ አዉ ኦሸታ ኡቴዳ ማይራማካ አናና እትፐ ባዱ። 
\v 6 ኡንቱንቱ ሄዋን ደእሽን እዝዉ የልያ ዎዲ ጋኪ አጌዳ። 
\v 7 እዛካ ባይራ ናኣ\f + \fr 2:7 \fr*\fk ባይራ ናኣ፦ \fk*\ft እስራኤልያ አሳይ የለቴዳ ናኣ ኡባ ጎልያንካ ጾሳዉ በስያዋ ጊኖ።\ft*\f* ግዴዳ አቱማ ናኣ የላዱ፤ እማይ ሸምፕያ ሳ ደማቤና ድራዉ፥ ናኣ ማዩዋን ጻጻደ ጋጳትያን\f + \fr 2:7፣ 12፣ 16 \fr*\fk ጋጳትያ፦ \fk*\ft ሀ ሚሻይ ምያይ ምያባይ ሳኣን ላለተናን ማና ማላ የጊደ እምያባ።\ft*\f* ቀራዱ።
\s1 ዉድያ ሄምያዋንታነ ኪታንቻቱዋ
\p
\v 8 ሄ ጋድያን ቃማ ባረንቱ ዉድያ ሄሚደ ደምባን አቅያዋንቱ ደኢኖ። 
\v 9 ጾሳ ኪታንቻይ ቆፐናን ዪደ ኡንቱንቱ ምይያን ኤቄዳ፤ ጎዳ ቦንቹ ኡንቱንቱ ዩሹዋን ፖኤዳ ዎደ፥ ዎልቃማ ያሻይ ኡንቱንታ ኦይቄዳ። 
\v 10 ኪታንቻይ ኡንቱንታ፥ “ያዮፕተ፥ አሳዉ ኡባዉ ሀንያ ዳሮ ናሸችያ ምሽራቹዋ ታን ህንተንቶ አሃድ። 
\v 11 ሀቼ ዳዊታ ካታማን አሽያዌ የለቴዳ። እካ ጎዳ ክርስቶሳ። 
\v 12 ሀዌ ህንተንቶ ማላ ግዶ: ጋጭኖ ናአይ ማዩዋን ጻጸቲደ ጋጳትያ ግዶን ግሴዳዋ ደማንታ” ያጌዳ።
\p
\v 13 ቆፐናን ጮራ ጾሳ ኪታንቻቱ ኮይሮ ኪታንቻና እትፐ ቆንጬድኖ።
\p
\v 14 ጾሳካ ጋላቲደ፥ ሀዋዳን ጌድኖ:
\q1 “ቦንቹ ጾሳዉ
\q2 ቦላ ሳሉዋን ግዶ።
\q1 ሳኣን እ ዶስያ አሳዉ
\q2 ሳሮተይ ግዶ”
\m ያጌድኖ።
\p
\v 15 ኪታንቻቱ ኡንቱንቱፐ ሻከቲደ ሳሉዋ ከሶዋፐ ጉየ፥ ዉድያ ሄምያዋንቱ፥ “ጎዳይ ኑዉ ቆንጭሴዳዋ፥ ሀዋ ሀኔዳ የዉዋ በአናዉ ቤተሌመ ቦይተ” ጌተቴድኖ።
\p
\v 16 ኡንቱንቱካ ኤሌሊደ ቤድኖ። ማይራሞነ ዮሴፎ ደሚደ፥ ጋጭኖ ናአይካ ጋጳትያን ግሴዳዋ በኤድኖ። 
\v 17 ሄዋፐ ጉይያን ጉ ናኣ ድራዉ ኦደቴዳዋ ቆንጭሲደ ኦዴድኖ። 
\v 18 ሀዋ ስሴዳ ኡባይ ኡንቱንቱ ኦዴዳ የዉዋን ማላለቴድኖ። 
\v 19 ማይራማ ቃይ ሀዋ ኡባ ባረ ዎዛናን ኦይቃደ ቆፓደ ጋምኣዱ። 
\v 20 ዉድያ ሄምያዋንቱካ ኡባ የዉ ኡንቱንቶ ኦደቴዳዋዳን ሀንና ደሞ ድራዉ፥ ስሴዳዎነ በኤዳዎ ኡባዉ ጾሳ ቦንቺድነ ጋላቲደ ስሜድኖ።
\p
\v 21 ናአዉ ሆስፑን ጋላሳ ግድና ቃጻረትያ ዎዲ ጋኮ ዎደ፥ እ አት ኡሉዋን አታናፐ ካሰ፥ ኪታንቻይ ከሶ ሱንን፥ የሱሳ ጌተቴዳ።\x - \xo 2:21 \xo*\xt ዎጋ 12:3፤ ሉቃሳ 1:31\xt*\x*
\s1 የሱስ ጌሻ ጎልያን ጾሳዉ ሼቴዳ
\p
\v 22 ሙሴ ዎጋ ማራዳን ጌይያ ዎዲ\f + \fr 2:22 \fr*\fk ጌይያ ዎዲ፦ \fk*\ft አይሁዳቱዋ ማጫ አሳይ አቱማ ናኣ የሎዋፐ ጉይያን፥ “ጌሻ ግዱኩ” ያግ ቆፒኖ። ቃይካ ሄ ናአይ ቃጻረታና ጋካናዉ እዛ ሶይፐ ከሰናዳን ኦሰታዉ። ሀ ዎዲ፥ ጌይያ ዎድያ ጌተቴ።\ft*\f* ፖለቴዳ ዎደ ዮሴፎነ ማይራማ ጋጭኖ ናኣ ጾሳዉ ሼናዉ የሩሳላመ አክ ቤድኖ። 
\v 23 ሄዌኔካ ጎዳ ዎጋን፥ “አቱማ ናኣ ግዴዳ ባይራ ናአይ\f + \fr 2:23 \fr*\fk ባይራ ናአይ፦ \fk*\ft 2:7 ጼልተ።\ft*\f* ኡባይ ጾሳዉ ዱማቴዳዋ ግዳናዋ” ጌተት ጻፈቴዳዋዳንነ፥\x - \xo 2:23 \xo*\xt ከሳ 13:2፣ 12\xt*\x* 
\v 24 ቃይካ ጎዳ ዎጋን፥ “ላኡ ዶጎማቱዋ ዎይ ላኡ ሀራጰ ማራቱዋ” ጌተቶዋዳን፥ ጎዳዉ ያርሹዋ ያርሻናዉ አፌድኖ።
\p
\v 25 ሄ ዎደ ጽሎነ ገንጫ ግዴዳ ስሞና ጌተትያ እት ብታኒ የሩሳላመን ደኤ። እካ፥ እስራኤልያ አሳዉ አቶተ ህዶታ ናግያዋነ አያና ጌሻይ አ ቦላን ሸምፔዳ አሳ። 
\v 26 ጎዳን ኦከቴዳ ክርስቶሳ በኤናን ሀይቀናዋ አያና ጌሻን አዉ ቆንጭሴዳ።
\p
\v 27 እካ ሄ ዎደ አያና ጌሻይ ካለና፥ ጌሻ ጎልያ ገሌዳ። ናኣ የላዋንቱ ኤርያ ዎጋ ማራዳን፥ ኮሽያዋ አዉ ፖላናዉ ጉ ናኣ የሱሳ ኦይቂደ ገሎ ዎደ፥
\p
\v 28 ስሞነ ሞክ አክ ናኣ እድሚደ ጾሳ ጋላቲደ ሀዋ ያጌዳ:
\q1
\v 29 “ጎዳዉ፥ ኔን ቃላ ገሎ ማራዳን፥
\q2 ሀእ ታና ነ አይልያ ሳሩዋን ኔኮ አፋ።
\q1
\v 30-31 ጋሱካ፥ ታ አይፋቱ፥
\q2 አሳ ኡባ ስንን ኔን ጊግሴዳ፥
\q2 አሽያ ህዶታ በኤድኖ።
\q1
\v 32 ሄዌካ እስራኤልያ ግደና አሳዉ፥
\q2 ቆንጨ እምያ ፖኡዋ።
\q1 ቃይ ነ አሳዉ እስራኤለዉ ቦንቹዋ።”
\p
\v 33 ዮሴፎነ አ ዳያ አ ድራዉ ሃሳየቴዳ የዎ ማላለቴድኖ። 
\v 34 ስሞንካ አንጂደ ማይራሞ፥ “ሀዌ ናአይ እስራኤልያን ጮራቶ ደንዱዋስነ ኩንደዉ ጋሶ ግዳናዉ፥ ቃይካ ኢታ ሃሳይያዋንቶ ማላ ግዳናዉ ዶረቴዳ። 
\v 35 ጮራቶካ ዎዛና ቆፋይ ቆንጮዋ ግዳናዉ፥ ነ ሸምፑካ ማሻን ቃንጾዋዳን ሴለታናዋ” ያጌዳ።
\p
\v 36 ቃይካ አሴራ ያራፐ ግዴዳ ፓኑኤላ ናታ ሃኖ ጌተትያ ናባታ ደአዉ፤ እዛካ ሎይ ጭማዱ። ባረ ዎዶሮተን ገሌዳ አስናና ላፑ ላይ ደኤዳዉኖ። 
\v 37 እዝ ላይይካ ሆስፑን ታማነ ኦይዱዋ ግዳና ጋካናዉ ጋላሳነ ቃማ ጌሻ ጎልያፐ ሻከተናን ጾማንነ ዎሳን ኪተታደ አምኤ\f + \fr 2:37 \fr*\fk አምኤ፦ \fk*\ft አምኤ ጉሳይ አስናይ ሀይቂና ገለናን ጋምኤዳ ማጫዉኖ። ሀ ፓይዱዋን ጻፈቴዳ ምሽራታ ላፑ ላይ ጻላላ አስናና ጋምኦዋፐ ጉየ 84 ላይ ኡባ አምኤ ግዳደ ጋምኣዱ።\ft*\f* ግዳደ ጋምኣዱ።
\p
\v 38 ሄ ዎደካ ሺቃደ ጾሳ ጋላታዱ፤ ቃይካ የሩሳላመ አሳይ ዎዘታናዉ ናግያዋንቶ ኡባቶ ጋጭኖ ናኣ የሱሳባ ኦዳዱ።
\s1 ዮሴፎነ ማይራማ ናዝሬተ ስሜድኖ
\p
\v 39 ዮሴፎነ ማይራማ ጎዳ ህግያን አዛዘቴዳዋ ኡባ ፖሎዋፐ ጉየ ጋሊላ አዉራጃን ደእያ ባረንቱ ካታማ ናዝሬተ ስሜድኖ።\x - \xo 2:39 \xo*\xt ማቶሳ 2:23\xt*\x* 
\v 40 ጉ ናአይካ ድጪደነ ምኒደ ቤዳ፤ አ ኤራንካ ኩሜዳ፤ ጾሳ አ ኬካተይ አ ቦላን ሸምፔዳ።
\s1 ጉ ናኣ የሱስ ጌሻ ጎልያን
\p
\v 41 ዮሴፎነ ማይራማ ላይን ላይን ፓስጋ ባላ ቦንቻናዉ የሩሳላመ ካታማ ቢኖ።\x - \xo 2:41 \xo*\xt ከሳ 12:1-27፤ ዛረ. 16:1-8\xt*\x* 
\v 42 ናአዉካ ታማነ ላኡ ላይ ግዶ ዎደ ዶያዳን ባላዉ ህን የሩሳላመ ከሴድኖ። 
\v 43 ባላ ፖሎዋፐ ካላ ባረንቱ ጎለ ኡንቱንቱ ስሞደ ጉ ናኣ የሱስ ዮሴፎነ ማይራማ ኤረናን የሩሳላመን አት አጌዳ። 
\v 44 ኡንቱንቱና እትፐ ደእያዋ ማላትና እት ጋላሳ ኦግያ ሀመቴድኖ። ጉየፐ ቃይካ ባረንቱ ዳባቱዋናነ ባረንቱ ሲቀትያዋንቱ ማታን ኮሻ ዶሜድኖ።
\p
\v 45 ዮ ዎደ ኮዪደ ህን የሩሳላመ ስሜድኖ። 
\v 46 ሄዙ ጋላሳፐ ጉየ፥ ታማርስያዋንቱ ግዶን የሱስ ኡቲደ ኡንቱንቱ ግያዋ ስሲደነ ኡንቱንታ ኦቺደ ጌሻ ጎልያ ጋርሳን ደእያዋ በኤድኖ። 
\v 47 ስስያዋንቱ ኡባቱካ፥ አ አኬካንነ አ ዛሩዋን ማላለቴድኖ።
\p
\v 48 ዮሴፎነ አ ዳያ አ በኦ ዎደ ማላለቴድኖ። አ ዳያካ፥ “ታ ናአዉ፥ አያዉ ኑና ሀዋዳን ኦይ? ነ አቡነ ታነ ኔና ኮዪደ፥ ዳሮ መቶቴዶ” ያጋዱ።
\p
\v 49 የሱስካ ኡንቱንቶ፥ “አያዉ ታና ኮዪቴ? ታ አቡ ጎለን\f + \fr 2:49 \fr*\fq ታ አቡ ጎለን፦ \fq*\ft ጉሳይ፥ ታ አቡ ኪቴዳ ኦሱዋ ፖላናዉ በሴ ጉሳ።\ft*\f* ደአናዉ ታዉ ኮሽያዋ ኤርበይክቴ?” ያግ ዛሬዳ። 
\v 50 ሄዋ ያግ ኦዶፐ አትን፥ ኡንቱንቶ እ ኦዴዳ የዉ አያ ግንቶ ገልቤና።
\p
\v 51 ሄዋፐ ስሚደ፥ ኡንቱንቱና እትፐ ህን ናዝሬተ ቤዳ፤ ሄዋንካ ኡንቱንቶ አዛዘቴ። አ ዳያካ ሄዋ ኡባ ባረ ዎዛናን ዎዱ። 
\v 52 የሱስካ ኤራንነ ጌሳን፥ ሳባንካ ጾሳነ አሳ ስንን ድጬዳ።\x - \xo 2:52 \xo*\xt 1 ሳሜላ 2:26፤ ሌም. 3:4\xt*\x*
\c 3
\s1 ጻማቅያ ዮሃንስ የሱሳዉ ኦግያ ጊግሴ
\r (ማቶሳ 3:1-12፤ ማር. 1:1-8)
\p
\v 1 ጽባርዮሳ ጌተትያ ካቲ ካዉቴዳ ታማነ እቼሸያ ላይን ጰንጸናውያ ጵላጾስ ይሁዳ ሞድያ ዎደ፥ ሄሮድሰ ጋሊላን ኦይደንያ ሻኩዋ ሞድያ ዎደ፥ አ እሻይ ፕልጶስካ እጹርያንነ ጽርኮንዶሳን ኦይደንያ ሻኩዋ ሞድያ ዎደ፥ ልሳንዮስካ አብሌነን ኦይደንያ ሻኩዋ ሞድያዋ ግዲደ ሞድ ደእሽን፥ 
\v 2 ሃንነ ቀያፋይ ቄሳቱዋ ካፓቱዋ\f + \fr 3:2 \fr*\fqa ቄሳቱዋ ካፓቱ ሃንነ ቀያፋይ፦ \fqa*\ft ሃና ካፖተ ዎዲ የሱስ የለታናፐ ካሰ 6-15 ላይ ጋካናሳ። ቀያፋ ጌተትያ ሃና ቦሉ 18-37 ላይ ካፖ ግዲደ የሱሳ የለታፐ ካሰ ጋምኤዳ።\ft*\f* ግዲደ ደእሽን፥ ጾሳ ቃላይ ዛካራሳ ናኣ ዮሃንሳኮ መላ ቢታን ዬዳ።\fig ቄሳቱዋ ካፑዋ|alt="High priest" src="HK00267B.TIF" size="col" ref="3:2"\fig* 
\v 3 ዮሃንስ ዮርዳኖሳ ሻፋ ሄራ ኡባ ቢደ፥ “ህንተ ናጋራይ አቶ ጌተታና ማላ ናጋራ ፓጺደ ጻማቀትተ” ያግ ታማርሴዳ።
\q1
\v 4 ናብያ ኢስያሳ ማጻፋን ጻፈቴዳ ቃላዳን፥\x - \xo 3:4-6 \xo*\xt ኢሳ. 40:3-5\xt*\x*
\q2 “መላ ቢታን ዋስያ ብታንያ ኮሻይ፥
\q1 ‘ጎዳዉ ኦግያ ጊግስተ፤
\q2 አ ኦግያካ ሱርስተ።
\q1
\v 5 ኦላይ ኡባይ ኩሞ፤
\q2 ደሪነ ዞዚ ደንባ ግዶ፥
\q2 ጊገና ኦጊ ኡባይ ጊጎ፥
\q2 ሀንችሮ ኦጊ ኡባይ ሊቆ።
\q1
\v 6 ሄዋ ግዶፐ፥
\q2 አሳይ ኡባይ ጾሳይ አሽያዋ በአና’ ”
\m ያጌዳ።
\p
\v 7 ሀዋ ድራዉ ዮሃንስ አ ኩሽያን ጻማቀታናዉ ከሴዳ አሳዉ ሀዋዳን ኦዱዋ ዶሜዳ፥ “ሄንተኖ፥ ሾሻ ናቶ፤ ይያ ሀንቁዋፐ አታና ማላ ህንተንታ ኦን ማቄዴ?\x - \xo 3:7 \xo*\xt ማቶሳ 12:34፤ 23:33\xt*\x* 
\v 8 ስም ህንተንቱ ናጋራፐ ስሜዳዋንቶ በስያ አይፍያ አይፍተ። ህንተንቱ ዎዛናን አብራሃሞ ኑ አቡ ደኤ ጎፕተ። ጾሳይ አብራሃሞ\f + \fr 3:8 \fr*\fq አብራሃሞ ናና፦ \fq*\ft አይሁዳ አሳቱ ባረንታ ጾሳይ ዶሬዳ አሳ ያግ ቆፒኖ። ጋሱነካ፥ በን ህዶታ ቃላይ ጾሳፐ ኑ አቡ አብራሃሞ እመቴዳ ያጊደ ቆፕያ ድራሳ።\ft*\f* ናና ሀ ሹቻቱዋፐ ደንናዉ ዳንዳዬ ያጋደ ታን ህንተንቶ ኦዳይ። 
\v 9 ሀእ ኡባ ቤጽ ም ጻጱዋን ቃንጻናዉ ጊግ ኡቴዳ፤ ስም ሎኦ አይፍያ አይፈና ምይ ኡባይ ቃንጸቲደ ታማን ኦለታናዋ።”\x - \xo 3:9 \xo*\xt ማቶሳ 7:19\xt*\x*
\p
\v 10 “ያትና ሀእ ኑ አያ ኡዳኔ?” ያጊደ አ ጮራ አሳይ ኦቼዳ።
\p
\v 11 ዮሃንስካ፥ “ላኡ ማዩ ደእያዌ ባይናዎ እሞ፤ ቁማይ ደእያዌካ ባይናዎ ግሾ” ያግ ዛሬዳ።
\p
\v 12 ቃራጻ ሺሽያዋንቱካ ጻማቀታናዉ ዪደ፥ “ታማርስያዎ፥ ኑ አያ ኡዳኔ?” ያግ ኦቼድኖ።\x - \xo 3:12 \xo*\xt ሉቃሳ 7:29\xt*\x*
\p
\v 13 እ ኡንቱንቶ፥ “ጌተቶዋፐ አ ቃራጻ አ ሺሾፕተ” ያግ ኦዴዳ።
\p
\v 14 ሄዋፐ ካላ ዎታዳራቱ፥ “ኑንሽ፥ አያ ኡዳኔ?” ያግ አ ኦቼድኖ።
\p ዮሃንስካ፥ “አሳ ሻሉዋ ናቁዋን ቦንቂ አኮፕተ፥ ኦናነ ዎርዱዋን ሞቶፕተ፥ ህንተንቱ ድርጉ ህንተንቶ ግዳና” ያግ ዛሬዳ።
\p
\v 15 ሄ ዎደ አሳይ ኡባይ ክርስቶሳ ዩሳ ናጊደ ደእያ ድራዉ ዮሃንሳ፥ “ሀዌካ ክርስቶሳ ግደናን አተና” ያጊደ ባረንቱ ዎዛናን ማሌድኖ። 
\v 16 ዮሃንስ ኡባቱዋካ፥ “ታን ሃን ጻማቃይ፤ ግዶፐ አትን ታፐ ዎልቃማይነ ታንካ አ ጫማ ቃሹዋ ብላና ዳንዳየናዌ\f + \fr 3:16 \fr*\fq አ ጫማ ቃሹዋ ብላና ዳንዳየናዌ፦ \fq*\ft ሀዌ ቆማ ዎይ ዳንጋጽራት ኦሱዋ።\ft*\f* ብሮ ያናዋ፤ እካ አያና ጌሻንነ ታማን ጻማቃናዋ፤ 
\v 17 አ ኩሽያን ካ ዳላፐ ሻክ ጌሽያ ላይዳይ ደኤ። ካ ኡዱማን ቡኮዋ ጌሽ ፑኒደ አይፍያ ድይያን ቆሌ፤ ሽን ዳላ ቶኤና ታማን ጉዴ።”
\p
\v 18 ዮሃንስካ ሀራ ጮራ ቃላን ጮራ አሳ ማቂደ ምሽራቹዋ ቃላ ኦዴዳ።
\s1 ሄሮድሰ ጻማቅያ ዮሃንሳ ቃቼዳ
\p
\v 19 ጋሊላ ሞድያ ሄሮድሳ ቃይ ባረ እሻ ፕልጶሳ ማቻቶ ሄሮድያዶ እ አኬዳ ድራዉነ ሀራካ ጮራ ኢታ ኪታ ኪተቶ ድራዉ፥ ዮሃንስ ሴሬዳ። 
\v 20 ሀዋ ድራዉ ሀ ኡባ ጉጂደ ሄሮድሰ ዮሃንሳ ቃሾ ጎለ ገልሴዳ።\x - \xo 3:20 \xo*\xt ማቶሳ 14:3-4፤ ማር. 6:17-18\xt*\x*
\s1 ዮሃንስ የሱሳ ጻማቄዳ
\r (ማቶሳ 3:13-17፤ ማር. 1:9-11)
\p
\v 21 አሳይ ኡባይ ጻማቀት ስሞዋፐ ጉይያን የሱስ ጻማቀቴዳ። እ ዎስ ደእሽንካ ሳሉ ዶየት አጌዳ። 
\v 22 ጌሻ አያናይካ ሀራጵያ ማላቲደ አ ቦላን ዎዳ። ሳሉዋፐካ፥ “ታ ዶስያ ናአይ ኔና፤ ኔናን ታን ናሸታይ” ያግያ ቃላይ ዬዳ።\x - \xo 3:22 \xo*\xt ዶመ 22:2፤ ማዝ. 2:7፤ ኢሳ. 42:1፤ ማቶሳ 1:17፤ ማር. 1:11፤ ሉቃሳ 9:35\xt*\x*
\s1 የሱሳ የለታይ ካሰ ጉየ ማይዛፐ ደእያ ፓይዱዋ
\r (ማቶሳ 1:1-17)
\p
\v 23 የሱስ ታማርሱዋ ዶሞደ አዉ ሀታሙ ላይ ግዴዳ፤ ጮራ አሳይካ ባረንቶ ማላቶዋዳን አ ዮሴፎ ናኣ ያጊኖ፤ ዮሴፎ ኤለ ናኣ፤ 
\v 24 ኤለ ማተ ናኣ፤ ማተ ሌዊያ ናኣ፤ ሌዊ ምልከ ናኣ፤ ምልከ ዮና ናኣ፤ ዮን ዮሴፎ ናኣ፤ 
\v 25 ዮሴፎ ማታትያ ናኣ፤ ማታት አሞጸ ናኣ፤ አሞጸ ናሆመ ናኣ፤ ናሆመ ኤስሊመ ናኣ፤ ኤስሊመ ናገ ናኣ፤ 
\v 26 ናገ ማኣተ ናኣ፤ ማኣተ ማታትዩ ናኣ፤ ማታትዩ ሴመየ ናኣ፤ ሴመይ ዮሴፎ ናኣ፤ ዮሴፎ ዮዳ ናኣ፤ 
\v 27 ዮድ ዮናና ናኣ፤ ዮናን ሬሰ ናኣ፤ ሬሰ ዘሩባቤላ ናኣ፤ ዘሩባቤል ሳላትያላ ናኣ፤ ሳላትያለ ኔለ ናኣ፤ 
\v 28 ኔል ምልከ ናኣ፤ ምልከ ሃደ ናኣ፤ ሃደ ዮሳሰ ናኣ፤ ዮሳሰ ቆሳማ ናኣ፤ ቆሳም ኤልማዶመ ናኣ፤ ኤልማዶመ ኤረ ናኣ፤ 
\v 29 ኤረ ዮሴኤ ናኣ፤ ዮሴኤ፥ ኤልኤዘራ ናኣ፤ ኤልኤዘረ፥ ዮራመ ናኣ፤ ዮራም ማጻተ ናኣ፤ ማጻተ ሌዊያ ናኣ፤ 
\v 30 ሌዊ ስሞና ናኣ፤ ስሞነ ይሁዳ ናኣ፤ ይሁዳይ ዮሴፎ ናኣ፤ ዮሴፎ ዮናና ናኣ፤ ዮናን ኤልያቄማ ናኣ፤ 
\v 31 ኤልያቄም ሜልያ ናኣ፤ ሜልየ ማይናና ናኣ፤ ማይናን ማጻተ ናኣ፤ ማጻተ ናታነ ናኣ፤ ናታነ ዳዊተ ናኣ፤ 
\v 32 ዳዊተ እሰይ ናኣ፤ እሰይ እዮቤዳ ናኣ፤ እዮቤድ ቦኤዛ ናኣ፤ ቦኤዝ ሳልሞና ናኣ፤ ሳልሞን ናህሾና ናኣ፤ 
\v 33 ናህሾን አምናዳባ ናኣ፤ አምናዳብ ራማ ናኣ፤ ራም አሪና ናኣ፤ አሪናይ ሄዝሮና ናኣ፤ ሄዝሮን ፐሬዛ ናኣ፤ ፐሬዝ ይሁዳ ናኣ፤ 
\v 34 ይሁዳይ ያቆባ ናኣ፤ ያቆብ ይሳቃ ናኣ፤ ይሳቅ አብራሃሞ ናኣ፤ አብራሃሞ ታራ ናኣ፤ ታር ናኮራ ናኣ፤ 
\v 35 ናኮር ሴሮሄ ናኣ፤ ሴሮህ ራጋዋ ናኣ፤ ራጋው ፐለጋ ናኣ፤ ፐለግ አቤራ ናኣ፤ አቤር ሳላ ናኣ፤ 
\v 36 ሳል ቃይናና ናኣ፤ ቃይናን አርፋክሲደ ናኣ፤ አርፋክሲደ ሴመ ናኣ፤ ሴም ኖሄ ናኣ፤ ኖሄ ላሜሄ ናኣ፤ 
\v 37 ላሜህ ማቱሳላ ናኣ፤ ማቱሳል ሄኖከ ናኣ፤ ሄኖክ ያሬዳ ናኣ፤ ያሬድ ማላልኤላ ናኣ፤ ማላልኤል ቃይናና ናኣ፤ 
\v 38 ቃይናን ሄኖሳ ናኣ፤ ሄኖስ ሴተ ናኣ፤ ሴት አዳማ ናኣ፤ አዳም ጾሳ ናኣ።
\c 4
\s1 የሱሳዉ ሺቄዳ ጻላህያ ፓጭያ
\r (4:1-13፤ ማቶሳ 4:1-11፤ ማር. 1:12፣ 13)
\p
\v 1 የሱስ ጌሻ አያናን ኩሚደ ዮርዳኖሳ ሻፋፐ ስሜዳ፤ አያናን መላ ሳኣ ካለሰቲደ ቤዳ። 
\v 2 ሄዋን ኦይታሙ ጋላሳ ዳብሎሳን ፓጨቴዳ። ሄ ጋላሳቱዋን አያነ ምቤና ድራዉ ዉርሰ ፖሉዋ ሄራን እ ኮሻቴዳ።
\p
\v 3 ዳብሎስካ፥ “ኔን ጾሳ ናኣ ግዶፐ ሀ ሹቻ፥ ‘ኡክ ግዳ’ ጋደ አዛዛ” ያጌዳ።
\p
\v 4 የሱስካ፥ “ ‘አሳይ ጾሳ ቃላ ኡባፐ አትን ኡክ ጻላላን ደኤና’ ጌተት ጾሳ ቃላን ጻፈቴዳ” ያግ ዛሬዳ።\x - \xo 4:4 \xo*\xt ዛረ. 8:3\xt*\x*
\p
\v 5 ዳብሎስካ ቃ ግዴዳ ደርያ የሱሳ ከሲደ አላምያ ካዉተ ኡባ ልጶ አይፊ ስማናዉ በሴዳ። 
\v 6 ዳብሎስካ፥ “ሀ ካዉተ ማታይነ ቦንቹ ኡባይ ታዉ እመቴዳ። ታን ታ ዶስያ ኦስነ እማና፤ ነዉካ እማና። 
\v 7 ሄዋ ግድያ ድራዉ፥ ነ ታ ስንን ታዉ ጎይኖፐ ሀ ኡባይ ኔሳ ግዳናዋ” ያጌዳ።
\p
\v 8 የሱስካ ዛሪደ፥ “ ‘ጎዳ ጾሳዉ ጎይና፥ አ ጻላላ ጎዳያ’ ጌተት ጾሳ ቃላን ጻፈቴዳ” ያጌዳ።
\p
\v 9-11 ዳብሎስካ የሱሳ የሩሳላመ አፊደ ጌሻ ጎልያ ሁጲያ ከሲደ፥
\q1 “ ‘ጾሳይ ኔና ናጋና ማላ፥
\q2 ኪታንቻቱዋ ኪታናዋ፥
\q2 ኡንቱንቱካ ነ ገዲ ሹቻን በተና ማላ፥
\q2 ባረንቱ ኩሽያን ኔና ደንናዋንታ’ ያገቲደ፥
\q1 ጌሻ ማጻፋን ጻፈቴዳ፤
\q2 አነ ኔን ጾሳ ናኣ ግዶፐ፥
\q2 ሀዋፐ ዱገ ኔና ኦላ”\x - \xo 4:9-11 \xo*\xt ማዝ. 91:11-12\xt*\x*
\m ያጌዳ።
\p
\v 12 የሱስካ ዛሪደ፥ “ ‘ነ ጎዳ ጾሳ ፓጮፓ’ ጌተቴዳ” ያጌዳ።
\p
\v 13 ዳብሎስካ ፓጭያ ኡባ ዉርሶዋፐ ጉየ ጉ ዎደዉ የሱሳፐ ሻከቴዳ።
\s1 የሱስ ጋሊላን ኦሱዋ ዶሜዳ
\r (ማቶሳ 4:12-17፤ ማር. 1:14፣ 15)
\p
\v 14 የሱስካ አያና ዎልቃን ጋሊላ ጋድያ ስሜዳ። አ ዋሪካ ዩሹዋን ደእያ ኡባ ጋኬዳ። 
\v 15 የሱስካ አይሁዳቱዋ ዎሳ ጎልያን ታማርሲደ አሳን ኡባን ጋላተቴዳ።
\s1 ናዝሬተን የሱሳ እጼድኖ
\r (ማቶሳ 13:53-58፤ ማር. 6:1-6)
\p
\v 16 እ ባረ ድጮ ካታማ ናዝሬተ ዬዳ፤ ካሰ ኦያዋዳንካ ሳምባታ ጋላስ አይሁዳቱዋ ዎሳ ጎለ ገሊደ ናባባናዉ ደንዲደ ኤቄዳ። 
\v 17-19 ናብያ ኢስያሳ ን ጻፈቲደ ጻጸቴዳ ማጻፋ አዉ እሜድኖ። ሄ ማጻፋ ብሊደ:
\q1 “ታን ህየሳቶ ምሽራቹዋ ኦዳናዉ
\q2 ኦከቴዳ ድራዉ ጎዳ አያናይ ታ ቦላን ደኤ።
\q1 ቃሸቴዳዋንቶ ብለ፥
\q2 ቆቃቶ ጼላና ማላ ኦዳናዉ፥
\q2 ቃይካ ናቀቴዳዋንታ ናቁዋፐ
\q2 ከሳና ማላ ዶሰቴዳ ጎዳ ላይ
\q2 ኦዳና ማላ፥ ታና ኪቴዳ”
\m ጌተት ጻፈቴዳሳ ደሜዳ።\x - \xo 4:17-19 \xo*\xt ኢሳ. 61:1-2\xt*\x*
\p
\v 20 ማጻፋካ ጻጺደ አይሁዳቱዋ ዎሳ ጎልያን ኦያዎ እሚደ ኡቴዳ። አይሁዳቱዋ ዎሳ ጎልያን ደእያ አሳይ ኡባይ አ ጫድ ጼሌዳ። 
\v 21 የሱስካ፥ “ሀቼ ህንተዉ ናባበትና ህንተንቱ ስሴዳ ቃላይ ፖለቴዳ” ያጌዳ።
\p
\v 22 ኡባይ አዉ ማርካቴድኖ። አ ዶናፐ ከስያ አ ኬካተ ቃላፐ ደንዴዳዋን ማላለቲደ፥ “ሀዌ ዮሴፎ ናኣ ግደኔ?” ጌድኖ።
\p
\v 23 የሱስካ ስ ባንታን ሀ ሌምሱዋን፥ “ህንተንቱ ታዉ ‘ልያ ጎዳዉ፥ ነ ሁጲያ ፓ፥ ኔን ቅፍርናሆማን ኦና ኑ ስሶዋ ኡባ ሀ ነ ካታማንካ ቃይ ኦ’ ያጊደ ኦዲታ” ያጌዳ። 
\v 24 ቃይካ፥ “ቱሙዋ ያጋይ፥ ናቢ ባረ የለቶ ጋድያን ጋማካ ቦንቼተና።\x - \xo 4:24 \xo*\xt ዮሃ. 4:44\xt*\x*
\p
\v 25 “የዉዋን ቃይ ቱሙዋ ኦዳይ: ኤላሳ ዎድያን ሄዙ ላይነ ኡሱፑን አገና እራይ ቡከናን እጽና ሳኣ ኡባን ዎልቃማ ኮሻይ ገሌዳ ዎደ፥ እስራኤለን ጮራ አምአቱ ደኢኖ።\x - \xo 4:25 \xo*\xt 1 ካታ. 17:1\xt*\x* 
\v 26 ኤላስካ ሲዶና ጋድያን ደእያ ሰራፍታ ሄራ እት አምአትኮ ኪተቴዳፐ አትን ኦኮነ ኪተትቤና።\x - \xo 4:26 \xo*\xt 1 ካታ. 17:8-16\xt*\x* 
\v 27 ናብያ ኤልሳአ ዎድያንካ እስራኤልያን ጮራ ኦሉዋ ሀርግያን\f + \fr 4:27 \fr*\fq ኦሉዋ ሀርግያ፦ \fq*\ft ጾሳ ቃላይ ታማርሰትያ ዎድያ ኡባን፥ “ኦሉዋ” ግያ ቃላይ ጋልባ ቦላን ሳክያ ሳኩዋ ኡባዉ አከትያዋ።\ft*\f* ኦይቀቴዳዋንቱ ደኢኖ፤ ሶርያ ቢታን ደእያ ንእማነፐ አትን ኡንቱንቱፐ ኦንነ ፓጽ ቤና” ያጌዳ።\x - \xo 4:27 \xo*\xt 2 ካታ. 5:1-14\xt*\x*
\p
\v 28 አይሁዳቱዋ ዎሳ ጎልያን ደእያዋንቱ ኡባቱ ሀዋ ስሲደ ዳርሲደ ሀንቀቴድኖ። 
\v 29 ኡንቱንቱ ደንዲደ የሱሳ ካታማፐ ጋጻ ከሲደ ዱገ ኦላናዉ ካታማይ ኬጸቴዳ ደርያ ሁጲያ አፌድኖ። 
\v 30 ሽን የሱስ ኡንቱንቱ ግዱዋና አደ ቤዳ።
\s1 ኢታ አያናይ ኦይቄዳ ብታንያ
\r (4:31-37፤ ማር. 1:21-28)
\p
\v 31 ሄዋፐ ጉይያን የሱስ ጋሊላ ጋድያን ደእያ ቅፍርናሆማ ካታማ ቤዳ። ሳምባታ ጋላሳንካ አሳ ታማርሴዳ። 
\v 32 እ ታማርስያ ትምርቲ ማታን ግድያ ድራዉ ስሴዳ አሳይ ኡባይ ማላለቴድኖ።\x - \xo 4:32 \xo*\xt ማቶሳ 7:28፣ 29\xt*\x*
\p
\v 33 አይሁዳቱዋ ዎሳ ጎልያን ኢታ አያናይ ኦይቄዳ ብታኒ ደኤ፤ ባረ ኮሻ ቁ ኦ ዋሲደ፥ 
\v 34 “ሀያ ጎዶ አጋርኪ ናዝሬትያ የሱሳ፤ ኑዉ ኔናና አይ እትፐተይ ደኢ? ኑና ባይዛናዉ ያድ? ኔን ኦነንቶ ኤራድ፤ ኔን ጾሳ አዉ ኪቴዳ ጌሻ ግድኪ!” ያጌዳ።
\p
\v 35 የሱስካ፥ “ጮኡ ጋ፥ አፐካ ከሳ” ያግ ሴሬዳ። ኢታ አያናይ ብታንያ ኡንቱንቱ ግዱዋን ኩንድሲደ አይነ ቆሄናን አፐ ከሴዳ።
\p
\v 36 አሳይ ኡባይ ማላለቲደ እቱ እቶ፥ “ሀዌ አያ ቃሌ? ባረዉ ደእያ ማታንነ ዎልቃን ኢታ አያናቱዋ ሴሬ፤ ቃይ ኢታ አያናይካ ከሴ” ያጊደ ሃሳዬድኖ። 
\v 37 አ ዋሪካ ሄ ዩሹዋን ደእያ ጋድያ ኡባ ጋኬዳ።
\s1 የሱስ ጮራ ሀርጋንቻ አሳ ፓዳ
\r (ማቶሳ 8:14-17፤ ማር. 1:29-34)
\p
\v 38 የሱስ አይሁዳቱዋ ዎሳ ጎልያፐ ደንዲደ ስሞና ጎልያ ገሌዳ፥ ስሞና ቦሎታታ ዎልቃማ ቆጹዋ ሀርግያን ሀርገታደ ግሴዳዉንዉ የሱስ እዞ ፓናዳን አሳይ አ ዎሴዳ። 
\v 39 እ ማታን ኤቂደ ቆጹዋ ሀርግያ ሴርና፥ ሀርጊ የዲሼዳ፤ ሄ ዎድያንካ ደንዳደ ኡንቱንቶ ኪተታዱ።
\p
\v 40 አዋይ ዉሎ ዎድያን ዱማ ዱማ ሀርግያን ኦይቀቴዳ ሀርጋንቻቱዋ ኡባ አኮ አሄድኖ፤ እካ እቱዋ እቱዋ ቦላ ባረ ኩሽያ ዎደ ፓዳ። 
\v 41 ኢታ አያናቱካ፥ “ኔን ክርስቶሳ ጾሳ ናኣ” ያግ ዋሲደ ጮራ አሳፐ ከሴድኖ። እ ክርስቶሳ ግዶዋ ኡንቱንቱ ኤሬዳ ድራዉ ሃሳየና ማላ ድጌዳ።
\s1 የሱስ ጋሊላን ታማርሴዳ
\r (ማቶሳ 4:23-25፤ ማር. 1:35-39)
\p
\v 42 ሳአይ ዎንቶ ዎደ አሳይ ባይናሳ ቤዳ፤ አሳይ ኡባይ አ ኮዪደ እ ደኢያሳ ዬድኖ። ባረንቱፐ ሻከት ቤናዳን ድጋናዉ ኮዬድኖ። 
\v 43 እ ቃይ፥ “ህን ሀራ ካታማቶ ባደ ጾሳ ካዉተ ምሽራቹዋ ቃላ ኦዳናዉ ኮሼ፤ ታን ኪተቴዳዌ ሀዋ ድራሳ” ያጌዳ።
\p
\v 44 ጋሊላን ደእያ አይሁዳቱዋ ዎሳ ጎለን ቃላ ታማርሲደ ጋምኤዳ።
\c 5
\s1 የሱስ ኮይሮ ባረና ካልያዋንታ ዶሬዳ
\r (ማቶሳ 4:18-22፤ ማር. 1:16-20)
\p
\v 1 እት ጋላስ የሱስ ገንሳሬጸ አባ\f + \fr 5:1 \fr*\fq ገንሳሬጸ አባ፦ \fq*\ft ጋሊላ አባዉ እመቴዳ ዱማ ሱን።\ft*\f* ጋጻን ኤቂደ ደእሽን ጮራ አሳይ አኮ ሺቂደ ጾሳ ቃላ ስሳናዉ ሱገት ደኢኖ።\x - \xo 5:1-3 \xo*\xt ማቶሳ 13:1፣ 2፤ ማር. 3:9፣ 10፤ 4:1\xt*\x* 
\v 2 ሄ ዎደ ላኡ ዎንግራቱ\f + \fr 5:2 \fr*\fqa ዎንግርያ፦ \fqa*\ft ዎንግርያ ጌተቶዌ፥ ዎጋ ሃ ዎይ አባ ቦላን አሳይ ሄፍን ባጋ ፕናናዉ ጎኤትያ ሚሻ። ሀይቆ አሳይ ሞገትያዋ ግደናዋ ኤራናዉ ኮሼ።\ft*\f* አባ ጋጻን ኤቆዋ እ በኤዳ፤ ሞልያ ጲርያዋንቱ ቃይ ዎንግራቱዋፐ ዎደ ባረንቱ ዳባ ሜጭ ደኢኖ።\fig ሞልያ ጵርያዋንቱ ባረንቱ ዎንግሪያን|alt="Fisher men in their fishing boat" src="HK00208B.TIF" size="span" ref="5:2"\fig* 
\v 3 የሱስ ዎንግራቱዋ ግዶፐ ስሞናዉኖ ግዴዳዉንን ገሊደ ሳኣፐ ያ አባኮ ጉ ሺሻናዳን ኦቼዳ። ሄዋፐ ጉየ ዎንግርያ ቦላን ኡቲደ አሳ ታማርሱዋ ዶሜዳ።
\p
\v 4 ታማርሱዋ በዋፐ ጉይያን ስሞና፥ “ዎንግርያ ያ አባ ጪሙዋኮ ሺሽተ፤ ህንተንቱ ዳባካ ሞልያ ጲራናዉ ኦልተ” ያጌዳ።
\p
\v 5 ስሞንካ፥ “ጎዳዉ፥ ቃማ ኩመን ዳቡር አቂደ አይነካ ኦይቂበይኮ፤ ሽን ሀእ ኔን ጎዋዳን ዳባ ኦሌቶ” ያግ ዛሬዳ።\x - \xo 5:5 \xo*\xt ዮሃ. 21:3\xt*\x*
\p
\v 6 ሄዋዳንካ ኦዳ ዎደ፥ ዳሮ ጮራ ሞልያ ኦይቄድኖ። ኡንቱንቱ ዳባቱካ ዱጸረታናዉ ሀኔድኖ።\x - \xo 5:6 \xo*\xt ዮሃ. 21:6\xt*\x* 
\v 7 ሀራ ዎንግርያን ደእያ ላገቱ ዪደ ማዳናዳን ዉቴድኖ፤ ኡንቱንቱ ላኡ ዎንግራቱዋንካ ሞልያ ኩንና ዎንግራቱ ምተቱሳ ዶሜድኖ።
\p
\v 8 ስሞን ጰጽሮስካ ሀዋ በኤዳ ዎደ የሱሳ ጉልባታን ኩንዲደ፥ “ጎዳዉ፥ ታን ናጋራንቻ አሳ ግዶ ድራዉ ታፐ ሻከታ” ያጌዳ። 
\v 9 ሀዋ ጌዳዌ እነ አናና እትፐ ደእያዋንቱ ኡባይ ባረንቱ ኦይቄዳ ሞልያ ጮራተን ማላለቴድኖ። 
\v 10 ሄዋዳንካ ቃይ ስሞና ላገ ግዴዳዋንቱ ዛብድዮሳ ናናቱ ያቆብነ ዮሃንስ ማላለቴድኖ።
\p የሱስካ ስሞና፥ “ያዮፓ ሀዋፐ ጉይያን አሳ ጲርያዋ ግዳናሳ” ጌዳ።
\p
\v 11 ኡንቱንቱካ ዎንግራቱዋ ሃፐ ጋጻ ከሲደ፥ ኡባባ አጊደ የሱሳ ካሌድኖ።
\s1 የሱስ ኦሉ ኦይቄዳ ብታንያ ፓዳ
\r (ማቶሳ 8:1-4፤ ማር. 1:40-45)
\p
\v 12 የሱስ ካታማቱዋፐ እቱዋን ደእሽን ኦሉ\f + \fr 5:12 \fr*\fqa ኦሉዋ፦ \fqa*\ft 4:27 ጼልተ።\ft*\f* ቦላ ኡባ ሜዳ ብታኒ ደእያዌ የሱሳ በኢደ አ ስንንካ ኩንዲደ፥ “ጎዳዉ፥ ኔን ኮዮፐ ታና ፓናዉ ዳንዳያ” ያጊደ ዎሴዳ።
\p
\v 13 የሱስካ ባረ ኩሽያ የድ ቦቺደ፥ “ዶሳይ ጌያ!” ጌዳ። ሄማንእያንካ ኦሉ አ የዴዳ።
\p
\v 14 የሱስ አ፥ “ሀዋ ኦስነ ኦዶፓ። ሽን ቄሳኮ ባደ ኔና በሳ። ሄዋፐ ጉየ ኦሉዋ ሀርግያፐ ፓጼዳዎ ማርካ ግዳናዳን ሙሴ ህግያን አዛዘቴዳ ያርሹዋ ሺሻ” ጌዳ።
\p
\v 15 ግዶ ሽን አ ዋሪ ሎይ አኪደ ቤዳ፤ ዳሮ ጮራ አሳይካ የሱስ ኦድያዋ ስሳናዉነ ባረንቱ ሀርግያፐ ፓጻናዉ ሺቄድኖ። 
\v 16 የሱስ ጮራ ዎደ ጌማሳ ቢደ ዎሴ።
\s1 የሱስ ቦላይ ስሌዳ ብታንያ ፓዳ
\r (5:18-26፤ ማቶሳ 9:2-8፤ ማር. 2:3-12)
\p
\v 17 እት ጋላስ የሱስ ታማርሲደ ደእሽን ጋሊላፐነ ይሁዳ ሄራ ኡባፐ፥ የሩሳላመ ዬዳ ፓርሳዋቱነ ህግያ ታማርስያዋንቱ ኡት ደእሽን ሀርጋንቻቱዋ ፓና ማላ ጾሳ አዉዋ ዎልቃይ አዉ እመቴዳ። 
\v 18 ሄ ዎደ ቦላይ ስሌዳ\f + \fr 5:18 \fr*\fk ቦላይ ስሌዳ፦ \fk*\ft ሀዋ ጉሳይ ግሪከ ቃላን “ፓራሉሞአይ” ጌተትያዋ። ሀ ቃላ ብለይ እንግልዜዋን “ፓራላይዝድ” ጉሳ። ሀ ላአቱዋካ ዳዉሮዋን ብለ እሞደ፥ ኬቼዳዋ ዎይ ቃጸና ማላ ዳቡሬዳዋ ጉሳ።\ft*\f* እት ብታንያ አማሬዳ አሳይ ሻንቻማን ቶክ አህ ጎለ ገልሲደ የሱሳ ስንን ዎናዉ ኮዬድኖ። 
\v 19 አሳ ጮራተፐ ደንዴዳዋን የሱሳኮ ሺቃናዉ ዳንዳይበይክኖ። ሄዋ ድራዉ ቦላዉ ግእ ጎልያ ካራ\f + \fr 5:19 \fr*\fk ካራ፦ \fk*\ft ሀ ፓይዱዋን ጌተቴዳ ጎልያ ካራይ ዳዉሮዋ ማላ ግደናዳን፥ ፓላስቲነ ጋደን ጎልያ ቦላን ደእያ ካራይ ገደ ቀረቲደ ኬጸቴ። ሄዌ ያቲደ ቃይ ዱፈቲደ ጋጻን ጋጻን ሀራ ምይ ተጨትና ሎይ ኬጸቴ። ሄዋ ማላ ኬጻይ ኦራ ቃላ ጫቁዋ ዎድያን ኤረቴዳዋ።\ft*\f* ቃሪደ አ፥ ሻንቻማና አሳ ግዶን የሱሳ ስንን ዎድኖ።
\p
\v 20 የሱስካ ኡንቱንቱ አማኑዋ በኢደ፥ “ሀ ብታነዉ፥ ነ ናጋራይ አቶ ጌተቴዳ” ያጌዳ።
\p
\v 21 ሙሴ ህግያ ታማርስያዋንቱነ ፓርሳዋቱ፥ “ሀዌ ጾሳ ቦርያዌ ኦኔ? እት ጾሳፐ አትን ናጋራ አቶ ጋናዉ ኦን ዳንዳዪ?” ያግ ቆፋ ዶሜድኖ።
\p
\v 22 የሱስካ ኡንቱንቱ ቆፋ ኤሮ ድራዉ ሀዋዳን ጌዳ፥ “አያዉ ህንተንቱ ዎዛናን ሀዋዳን ቆፒቴ? 
\v 23 ‘ነ ናጋራይ አቶ ጌተቴዳ’ ጋናዋፐነ ‘ደንዳደ ባ’ ጋናዋፐ ሀቃዌ ማቴ? 
\v 24 የዉዋን ቃይ ሀዋ ታን ጌዳዌ፥ አሳ ናአይ ቢታ ቦላን ናጋራ ማራናዉ ማታይ ደእያዋ ህንተንቱ ኤራናዳና።” ሄዋፐካ ጉንዴዳ ብታንያ፥ “ደንዳ ነ ሻንቻማ ቶካደ ነ ጎለ ባ ጋይ” ያጌዳ።
\p
\v 25 ጉንዳይካ አሳ ስንን ደንዶዋሽን ባረ ሻንቻማ ቶኪደ ጾሳ ጋላቲደ ባረ ሶይ ቤዳ። 
\v 26 ሀ ዎደ ኡባቱካ ዳሪ ማላለቴድኖ፤ ጾሳካ ጋላቲደ፥ “ሀቼ ማላባ በኤዶ” ያጊደ ያሻን ኩሜድኖ።
\s1 የሱስ ሌዊያ ዶሬዳ
\r (5:27-32፤ ማቶሳ 9:9-13፤ ማር. 2:13-17)
\p
\v 27 ሄዋፐ ጉይያን የሱስ ከሲደ ቤዳ፤ ሌዊያ ጌተትያ ቃራጻ ሺሽያዌ፥ ቃራጻ ሺሽያሳን ኡቶዋ በኢደ፥ “ታና ካላ” ጌዳ። 
\v 28 እካ ደንዲደ ኡባባ አጊደ አ ካሌዳ።
\p
\v 29 ሄዋፐ ስሚደ ሌዊ ባረ ጎለን ዳሮ ሾብያ ጊግሴዳ፤ ጮራ ቃራጻ ሺሽያዋንቱነ ሀራ ጮራ አሳይካ ኡንቱንቱና ኡቲደ ም ደኢኖ። 
\v 30 ፓርሳዋቱነ ህግያ ታማርስያ፥ ኡንቱንቱና ኦያዋንቱ፥ የሱሳ ካልያዋንቱ ቦላን፥ “አያዉ ቃራጻ ቃንጽያዋንቱናነ ናጋራንቻቱዋና ሚቴኔ ኡሺቴ?” ያጊደ ዙዙሜድኖ።\x - \xo 5:30 \xo*\xt ሉቃሳ 15:1፣ 2\xt*\x*
\p
\v 31 የሱስካ፥ “ሀርጋንቻ አሳፐ አትን ፓጻ አሳዉ አክምያ ኮሸና። 
\v 32 ታን ዬዳዌ፥ ናጋራንቻቱ ባረንቱ ናጋራ ፓጺደ ስማናዳናፐ አትን፥ ጽላቱዋ ጼሳናዉ ያበይከ” ያግ ዛሬዳ።
\s1 የሱስ ጾማባ ኦሸቴዳ
\r (5:33-39፤ ማቶሳ 9:14-17፤ ማር. 2:18-22)
\p
\v 33 ሀዋፐ ጉይያን የሱሳ፥ “ዮሃንሳ ካልያዋንቱነ ፓርሳዋቱዋ ካልያዋንቱ ኡባ ዎደ ጾሚኖነ ዎሲኖ፤ ሽን ኔና ካልያዋንቱ ቃይ ኡባ ጋላስ ሚኖነ ኡሺኖ” ያጊደ ኦቼድኖ።
\p
\v 34 የሱስካ፥ “ምሽራይ ኡንቱንቱና ደእሽን ምያታቱ ጾማናዉ ዳንዳዪኖ? 
\v 35 የዉዋን ቃይ ምሽራይ ኡንቱንቱፐ ሻከቲደ ባና ዎዲ ያናዋ፤ ሄ ዎደ ጾማናዋንታ” ያግ ዛሬዳ።
\p
\v 36 የሱስካ ካልያ ሌምሱዋ ኦዴዳ: “ኦራ ማዩዋፐ ፔ አኪደ ኤጫ ማዩዋ ቦላን ፕያዌ ባዋ፤ ጋሱካ ሀዋዳ ኦፐ ኦራ ማዩዋ ፔ፤ ኦራ ፊካ ኤጫ ማዩዋን ጊገና። 
\v 37 ሀዋዳንካ ኤጬዳ ጭልግያን\f + \fr 5:37 \fr*\fk ጭልግያ፦ \fk*\ft ሀዎ ዳዉሮዋን እመትያ ጉጃ ብለይ ኤሳ ናእያ ኦጎሩዋ።\ft*\f* ኦራ ዎይንያ ኤሳ ዎያዌ ባዋ፤ ዎፐ ቃይ ኦራ ዎይንያ ኤሳይ ጭልግያ ሴ፤ ኤሳይካ ጉኬ፤ ጭልጋይካ ባዬ። 
\v 38 ኦራ ዎይንያ ኤሳ፥ ኦራ ጭልግያን ዎናዉ በሴ። 
\v 39 ኤጫ ዎይንያ ኤሳ ኡሺደ ኦራ ኮይያዌ ኦንነ ባዋ፤ ጋሱካ ኤጫይ ማልኤ ግያ ድራዉ።”
\c 6
\s1 የሱሳ ካልያዋንቱ ሳምባታን ትሻ ዱድኖ
\r (ማቶሳ 12:1-8፤ ማር. 2:23-28)
\p
\v 1 ሳምባታ ጋላስ የሱስ ባረና ካልያዋንቱና እትፐ እት ጎሻ ግዱዋና አያ ዎደ አ ካልያዋንቱ ዛርጋፐ ትሻ ዱደ ባረንቱ ኩሽያን ሽገቺደ ሙሳ ዶሜድኖ። 
\v 2 ፓርሳዋቱዋ ግዶፐ፥ “ሳምባታ ጋላሳን ኦናዉ ዎጋ ግደናዋ አያዉ ኦቴ?” ያጌድኖ። 
\v 3 የሱስ፥ “ካትያ ዳዊተነ እትፐ ደእያዋንቱ ኮሻቴዳ ዎደ ኦዳዋ ናባብ በይክቴ? 
\v 4 ዳዊተ ጾሳ ጎልያ ገሊደ ቄሳቱዋፐ አትን ሀራ አሳይ ሜናዳን ድገቴዳ፥ ጾሳዉ ያርሸቴዳ ቁማ ሜዳ። እትፐ ደእያዋንቱካ እ እምናደ ሜድኖ” ያግ ዛሬዳ።\x - \xo 6:4 \xo*\xt ዎጋ 24:9\xt*\x*
\p
\v 5 ሀዋፐ ካሊደ የሱስ፥ “አሳ ናአይ ሳምባታዉ ጎዳ!” ጌዳ።
\s1 የሱስ ኩሺ ጉንዴዳ ብታንያ ፓዳ
\r (ማቶሳ 12:9-14፤ ማር. 3:1-6)
\p
\v 6 ሀራ ሳምባታ ጋላሳን የሱስ አይሁዳቱዋ ዎስያ ጎልያ ገሊደ ታማርስ ደኤ። ሄዋንካ ኡሸቻ ኩሺ ስሌዳ ብታኒ ደኤ። 
\v 7 ህግያ ታማርስያዋንቱነ ፓርሳዋቱ የሱሳ ሞትያ ጋሱዋ ደማናዉ እ ሳምባታን አሳ ፓፐ በአና ጊደ ናግ ደኢኖ። 
\v 8 እካ ኡንቱንቱ ቆፋ ኤሪደ ኩሺ ስሌዳ ብታንያ፥ “ደንዳ አሳ ግዱዋን ኤቃ” ያጌዳ። ብታኒካ ደንድ ኤቄዳ።
\p
\v 9 ሄዋፐ ስሚደ የሱስ፥ “ሀንንቶነ ሳምባታ ጋላሳን ሎኦባ ኦናዉ በሲዬ ኢታባ ኦናዉ በሲ? ሸምፑዋ አሻናዉ በሲዬ ዎናዉ በሲ?” ያጌዳ። 
\v 10 የሱስ ባረ ዩሹዋን ደእያ አሳ ኡባ ጼሎዋፐ ጉይያን ብታንያ፥ “ነ ኩሽያ ምጫ!” ያጌዳ። እካ ምጪደ ፓጼዳ።
\p
\v 11 ኡንቱንቱ ሎይ ሀንቄቲደ የሱሳ ቦላ ኦናዋ ባረንቱ ግዶን ማቀቴድኖ።
\s1 የሱስ ታማነ ላኡ ኪተቴዳዋንታ ዶሬዳ
\r (ማቶሳ 10:1-4፤ ማር. 3:13-19)
\p
\v 12 ሄ ዎድያን የሱስ ደርያ ቦላ ዎሳናዉ ከሴዳ፤ ሄዋንካ ቃማ ኩመን ጾሳኮ ዎሲደ አቄዳ። 
\v 13 ሳአይ ዎንቶዋን ባረና ካልያዋንታ ጼሴዳ። ሄዋንቱፐካ ታማነ ላአቱዋ ዶሪደ፥ “ኪተቴዳዋንታ”\f + \fr 6:13 \fr*\fq ኪተቴዳዋንታ፦ \fq*\ft ሀዋ ጉሳይ ታማነ ላኡ የሱስ ኪቴዳ ሀዋራቱዋ ጉሳ።\ft*\f* ያጊደ ሱንዳ። 
\v 14 ኡንቱንቱ ሱንይካ: ጰጽሮሳ ጊደ እ ሱንዳ ስሞና፥ አ እሻ እንድራሳ፥ ያቆባ፥ ዮሃንሳ፥ ፕልጶሳነ ባርታላሞሳ፥ 
\v 15 ማቶሳ፥ ቶማሳ፥ እልፕዮሳ ናኣ ያቆባ፥ ባረ ጋደዉ ሴለትያ ስሞና፥ 
\v 16 ያቆባ ናኣ ይሁዳነ የሱሳ አ እሜዳ አስቆሮቱ ይሁዳ።\f + \fr 6:16 \fr*\fk አስቆሮቱ፦ \fk*\ft ሀዋ ጉሳይ አይሁዳ ጋድያን ደእያ አስቆሮቱ ጌተትያ ጋድያፐ ዬናን አተና ጉሳ። ሀ ሱን ብለይ፥ “ዎርዳንቻ”። ቃይካ፥ “ሀይቆ አ እምያዋ” ጉሳ።\ft*\f*
\s1 የሱስ ጮራ አሳ ታማርሴዳነ ፓዳ
\r (ማቶሳ 4:23-25)
\p
\v 17 የሱስካ ኡንቱንቱና እትፐ ደርያፐ ዎደ ደምባሳን ኤቄዳ። አ ካልያዋንቱፐካ ጮራ አሳይ ሄዋን ደኤ። ቃይካ አፐ ስሳናዉነ ባረንቱ ሀርግያፐ ፓጻናዉ ይሁዳ ጋድያፐ፥ የሩሳላመ ካታማፐ፥ አባ ማታን ደእያ ጺሮሳፐነ ሲዶናፐ ዬዳ ጮራ አሳይ ሄዋን ደኢኖ። 
\v 18 ሀ አሳይካ አ ስሳናዉነ ባረንቱ ሀርግያፐ ፓጻናዉ ዬድኖ። ቱና አያናን ኦይቀቲደ መቶትያዋንቱካ ፓጼድኖ። 
\v 19 ዎልቃይ አፐ ከሲደ ኡባ ፓያ ድራዉ አሳይ ኡባይ አ ቦቻናዉ ኮዬ።
\s1 አንጁዋባነ መቱዋባ
\r (ማቶሳ 5:1-12)
\p
\v 20 ባረና ካልያዋንታ ጼሊደ ያጌዳ:
\q1 “ህንተንቱ ማንቃቱ አንጀቴዳዋንታ፤
\q2 አያዉ ጎፐ፥ ጾሳ ካዉተይ ህንተንቱዋ።
\q1
\v 21 ህንተንቱ ሀእ ኮሻትያዋንቱ አንጀቴዳዋንታ፤
\q2 ግድን ካላንታ፤ ህንተንቱ ሀእ ዬክያዋንቱ
\q2 አንጀቴዳዋንታ፤
\q2 ግድን ሚጫንታ።
\p
\v 22 “አሳ ናኣ ድራዉ ህንተንታ አሳይ እጽያ ዎደነ ቶችያ ዎደ፥ ህንተንቱ ሱንካ ኢታን ደንያ ዎደ፥ አንጀቴድታ። 
\v 23 ሳሉዋን ህንተንቱ አካና ዎይታይ ዳራ ግድያ ድራዉ ሄ ጋላስ ናሸቻን ጉፕተ፤ ጋሱካ ካሰ ህንተንቱ አዎቱ ናባቱዋ ቦላን ሀዋዳን ኦደ ደኤድኖ።
\q1
\v 24 “የዉዋን ቃይ፥ ዱረ አሳቶ ህንተንቶ አየ፤
\q2 ህንተንቱ እሻሎ ደኡዋን ደኤድታ።
\q1
\v 25 ህንተንቶ ሀእ ካሌዳዋንቶ አየ፤
\q2 ግድን ኮሻታንታ፤
\q2 ህንተንቶ ሀእ ሚጭያዋንቶ አየ፤
\q2 ግድን ካዮታንታነ ዬካንታ።
\q1
\v 26 አሳይ ኡባይ ህንተንቱ ሎኦተባ ሃሳይያ ዎደ፥
\q2 ህንተንቶ አየ፤
\q2 ካሰ ህንተንቱ አዎቱ ዎርዶ ናባቶ፥
\q2 ሀዋዳን ኦድኖ።
\s1 ሞርክያ ሲቃናዉ በሴ
\r (ማቶሳ 5:38-48፤ 7:12)
\p
\v 27 “ሽን ታን ኦድያዋ ስስያዋንቶ ያጋይ: ህንተንቱ ሞርከቱዋ ዶስተ፤ ህንተና እጽያዋንቶ፥ ሎኡዋ ኦተ፤ 
\v 28 ህንተና ሸቂያዋንታ አንጅተ፥ ህንተና ናቂያዋንቶ፥ ዎስተ። 
\v 29 እት ባጋ ሻይያ ባቂያዎ፥ ላኤንዋካ በሳ፤ ኦንነ ነ ኮትያ አክያዎ፥ ነ ሻምጭያካ ድጎፓ።
\p
\v 30 “ነዉ ደእያዋ ኔና ዎስያዎ፥ እማ፤ ነዋ አኬዳዋ፥ ዛራ ጋደ ኦቾፓ። 
\v 31 አሳይ ህንተንቶ ኦና ማላ ህንተንቱ ዶስያዋዳን፥ ህንተንቱካ ሀራዉ ሀዋዳን ኦተ።
\p
\v 32 “ህንተንታ ዶስያዋንታ ጻላላ ዶሶፐ አይ ጋላታይ ደኢ? ሀዋ ግዶፐ ናጋራንቻቱካ ባረና ዶስያዋንታ ዶሲኖ። 
\v 33 ህንተንቶ ሎኦባ ኦያዋንቱ ጻላላዉ ህንተንቱ ሎኦባ ኦፐ ሄዎ አይ ጋላታይ ደኢ? ናጋራንቻቱካ ሀዋዳን ኦኖ። 
\v 34 ታልኢደ ህንተዉ ዛራናዉ ዳንዳይያዋንቱ ጻላላዉ ታልኦፐ አይ ጋላታይ ደኢ? ባረ ታልኤዳዋ ዛሪደ አካናዉ ናጋራንቻቱካ ባረንቱ ጋርሳን ታልኤቲኖ። 
\v 35 ሽን ህንተንቱ፥ ህንተንቱ ሞርክያ ዶስተ፤ ኡንቱንቶካ ሎኦባ ኦተ፤ ህንተንቱፐ ታልኦዋ ዛሪድ አካናዉ ቆፖፕተ። ሀዋ ህንተንቱ ፖሎፐ ህንተንቶ ጋቲ ዳራናዋ። ቃይ ህንተንቱ ኡባፐ ቦላ ጾሳ ናና ግዳንታ። እ ኢታቶነ ጋላተናዋንቶካ ኬካ። 
\v 36 ህንተንቱ አቡ ማርያዋ ግዶዋዳን ህንተንቱካ ማርያዋንታ ግድተ።
\s1 ሀራ አሳ ፕርዳናዉ በሰና
\r (ማቶሳ 7:1-5)
\p
\v 37 “ኦ ቦላንካ ፕርዶፕተ፥ ህንተንቱ ቦላንካ ፕርደተና፤ ሀራ ቦላ ኩናንያ ኦፕተ፤ ህንተንቱ ቦላንካ ኩናን ኦሰተና። አቶ ጊተ፤ ጾሳይ ህንተንቶ አቶ ጋና። 
\v 38 እምተ፤ ህንተንቶ እመታና። ህንተንቱ ማኬዳ ማካን ህንተንቶ ማከታና። ባቂ ናቂና ሲል ኩም ፓላህ ላለትያ ማካ ህንተንቱ ክዉዋን እድንና” ጌዳ።
\p
\v 39 ቃይካ የሱስ ሀዋፐ ካልያ ሌምሱዋ ኦዴዳ፤ “ቆቃይ ቆቃ ካለናዉ ዳንዳዪ? ቆቃይ ቆቃ ካለፐ ላአቱካ ኦይቀቲደ ኦላን ኩንድክኖ?\x - \xo 6:39 \xo*\xt ማቶሳ 15:14\xt*\x* 
\v 40 ታማርያዌ ባረና ታማርስያዋፐ አና፤ ታማርያዌ ምን ታማሮፐ ባረና ታማርሶዋ ማላ ግዳናዉ ዳንዳዬ።
\p
\v 41 “ነ አይፍያ ግዶን ደእያ ቱሳ ከሰናን ደኣደ ሀራ ነ ላግያ አይፍያ ግዶን ደእያ ሱላ አያዉ ጼላይ? 
\v 42 ነ አይፍያ ጋርሳን ደእያ ቱሳ በኤናን ሀራ አሳኮ ሺቃደ፥ ‘ታ እሻዉ፥ ነ አይፍያ ጋርሳፐ ሱላ ታ ከሶ?’ ያጋናዉ ዎታ ዳንዳያይ? ሀ ሎኡዋ ማላትያ ኢታዉ፥ ኮይሮታደ ነ አይፍያ ግዶን ደእያ ቱሳ ከሳ። ሄዋፐ ጉይያን ነ እሻ አይፍያ ግዶን ደእያ ሱላ ከሳናዉ ጌሻደ ጼላናዉ ዳንዳያ።
\s1 ምቶነ እዛ አይፌዳ አይፍያ
\r (ማቶሳ 7:16-20፤ 12:33-35)
\p
\v 43 “ሎኦ ምይ ኢታ አይፍያ አይፈና፤ ሄዋዳንካ ኢታ ምይ ሎኦ አይፍያ አይፋናዉ ዳንዳየና። 
\v 44 ምይ ኡባይ ባረ አይፍያ አይፍያዋን ኤረቴ። አጉንፐ ዎደን አይፊ ማጸተና፤ ሀዋዳንካ፥ ጹንዱቂያፐ\f + \fr 6:44 \fr*\fk ጹንዱቂያ፦ \fk*\ft ሀ ምይ ጎምኦርያ ዛርያ ግዲደ አ አይፊ አያዉነ ማደናዋ።\ft*\f* ላድያ አይፍያ ማጻናዉ ዳንዳየተና።\x - \xo 6:44 \xo*\xt ማቶሳ 12:34\xt*\x* 
\v 45 ሎኦ አሳይ ባረ ሎኦ ዎዛናፐ ሎኦ የዉዋ ሃሳዬ። ቃይ ኢታ አሳይ ባረ ኢታ ዎዛናፐ ኢታ የዉዋ ሃሳዬ። አያዉ ጎፐ፥ አሳይ ባረ ዶናን ሃሳይያዌ ባረ ዎዛናን ኩሜዳዋ ዶናይ ሃሳይያ ድራሳ።
\s1 ላኡ ቆሞ ጎልያ ኬጽያ አሳ
\r (ማቶሳ 7:24-27)
\p
\v 46 “ታን ኦዶዋ ኦክታ፥ ሽን አያዉ ጎዳዉ፥ ጎዳዉ፥ ያጊደ ታና ጼጊቴ? 
\v 47 ታኮ ይያ ኡባይ ታ ቃላካ ስሲደ ኦሱዋን ፔሽያዌ ኦና ማላትንቶ ታ ህንተንታ በሳና፤ 
\v 48 እካ ጎልያ ኬጺደ ዳሮ ኦላ ቦኪደ ዛላ ቦላ ግንቢደ ኬጼዳ አሳ ማላቴ፤ ድኡ ድኢደ ሄ ጎልያ ሱግናካ፥ ምኖ ዛላ ቦላ ኬጸቶ ድራዉ ቃናዉ ዳንዳይቤና። 
\v 49 ቃይ ታ ቃላ ስሲደ ኦሱዋን ፔሸና ኡራይ ባሱ ባንታሳ ሻፍያ ቦላን ጎልያ ኬጼዳዋ ማላቴ። ድኡ ድኢደ ሄ ጎልያ ሱጎ ዎደ ኤለካ ኩንዴዳ፤ ሄ ጎሊካ ኢታ ዎዳ ዎዲደ ባዬዳ” ያጌዳ።
\c 7
\s1 የሱስ ጼቱዋ ካፑዋ ቆማ ፓዳ
\r (ማቶሳ 8:5-13፤ ዮሃ. 4:43-54)
\p
\v 1 የሱስካ ሀዋ ኡባ አሳ ስንን ሃሳይ ዉርሶዋፐ ጉይያን ህን ቅፍርናሆማ ቤዳ። 
\v 2 ሄዋንካ እት ጼቱዋ ካፑ ደኤ። እ ዳሮፐ ዶስያ አ ቆማይ ሀርጊደ ሀያናዉ ማቴዳ። 
\v 3 እካ የሱሳባ ስሴዳ ዎደ፥ ባረ ቆማ ዎሲደ ፓና ማላ ይሁዳ ጭማቱዋ ህን አኮ ኪቴዳ።
\p
\v 4 ኡንቱንቱካ የሱሳኮ ዪደ፥ “ሀ ብታኒ፥ ኔን አ ማዳናዳን ዳሮፐ ኮዬዳ፤ 
\v 5 ጋሱካ ኑ አሳ እ ዳሮፐ ዶሲደ አይሁዳቱዋ ዎስያ ጎልያ ኬጽሶዌካ አ” ያጊደ ዳሮፐ ዎሴድኖ።
\p
\v 6 የሱስካ ኡንቱንቱና እትፐ ቤዳ። እካ ህን ጎልያ ሄራ ጋኬዳ ዎደ ጼቱዋ ካፑ ባረ ላገቱዋ ባረኮ ጼሲደ፥ “ታ ጎዳዉ፥ ዳቡሮፓ፤ አያዉ ጎፐ፥ ኔና ታ ጎልያ ካራፐ ጋርሳ ባጋና ገልሳናዉ ታዉ በሰና። 
\v 7 ሀዋ ድራዉ ነ ስንን ኤቃናዉካ ሀራይ አቶ በስያዋ ግድከ። ሽን ኔን ቃላ ጻላላ ኦዳ፤ ታ ቆማይካ ፓጻናዋ። 
\v 8 ታን ታፐ ቦላና ማታይ ደእያዋንቶ ኤኖ ጋደ ደእያ አሳ። ታፐ ጋርሳናካ ታን ኪትስያ ዎታዳራቱ ደኢኖ። እቱዋ፥ ‘ባ’ ያግያ ዎደ፥ ቤ፤ ሀራካ ቃይ፥ ‘ሃያ’ ጎፐ ዬ። ታ ቆማይካ፥ ሀዋ ‘ኦ’ ግያ ዎደ አዛዘቴ፤ ኦ” ያጌዳ።
\p
\v 9 የሱስካ ሀዋ ስሲደ አ የዉዋን ማላለቴዳ፤ ጉየ ስሚደ አ ካልያ ዳሮ አሳ፥ “ታን ህንተንቶ ቱሙዋ ጋይ፤ ታን ሀዋ ማላ አማኑዋ ሀራይ አቶ፥ እስራኤልያ ጋርሳንካ በአበይከ” ያጌዳ። 
\v 10 ካሰ ኪተቴዳ አሳቱካ ጼቱዋ ካፑዋ ጎለ ጉየ ስምያ ዎደ፥ አ ቆማይ ፓጾዋ በኤድኖ።
\s1 የሱስ አምአት ናኣ ሀይቁዋፐ ደንዳ
\p
\v 11 ዎንትሳ ጋላስ የሱስ ባረና ካልያዋንቱናነ ጮራ አሳና እትፐ ናይኖ ጌተትያ ካታማቶ ቤድኖ። 
\v 12 የሱስ ካታማ ጋካና ጼቱዋ ዎደ፥ አሳይ ሀይቄዳ አሃ ቶኪደ ከሴድኖ። ሀይቆዌካ ባረ ዳይዉ መጽ እት ናኣ፤ አታካ አስናይ ባይና አምአቶ። ዳሮ ካታማ አሳይካ እዞ ካሌድኖ።
\p
\v 13 የሱስካ እዞ በኤዳ ዎደ ቃረቲደ፥ “ዬኮፓ!” ያጌዳ። 
\v 14 ሺቂደ ሻንቻማ ቦቼዳ፤ ቶኮዋንቱካ ኤቄድኖ። የሱስ፥ “ኔኖ ያላጋዉ፥ ደንዳ ጋይ!” ያግና፥ 
\v 15 ብታኒ ሱር ኡቴዳ። ሃሳያካ ዶሜዳ። የሱስካ አ፥ አ ዳይዉ እሜዳ።
\p
\v 16 ኡባይካ ያሻን ኩሚደ፥ “ዎልቃማ ናቢ ኑ ጋርሳን ደንዴዳ፤ ጾሳይካ ባረ አሳ አሻናዉ ዬዳ!” ያጊደ ጾሳ ጋላቴድኖ። 
\v 17 ሄዌኔካ የሱሳ ዋሪ ይሁዳ ዩሹዋን ደእያ ጋድያ ኡባን ስሰቴዳ።
\s1 ጻማቅያ ዮሃንሳ
\r (ማቶሳ 11:1-19)
\p
\v 18 ዮሃንሳ ካልያዋንቱ ሀኖዋ ኡባ አዉ ኦዴድኖ። ዮሃንስካ ባረና ካልያዋንቱፐ ላአቱዋ ጼሲደ፥ 
\v 19 “ያናዌ ኔኔየ? ዎይ ኑን ሀራ ናጋኔ?” ያግ፥ ኡንቱንቱ ኦቻና ማላ ህን የሱሳኮ ኪቴዳ።
\p
\v 20 አሳቱካ የሱሳኮ ዪደ፥ “ጻማቅያ ዮሃንስ፥ ያና ጌተቴዳዌ ኔኔየ? ዎይ ሀራ ናጋኔ? ያጊደ ኦቻና ማላ ኔኮ ኪቴዳ” ያጌድኖ።
\p
\v 21 ሄ ዎድያን የሱስ ጮራ አሳ ዱማ ዱማ ሀርግያፐ ፓዳ፤ ቱና አያናቱዋካ አሳፐ ከሴዳ፤ ጮራ ቆቃቱዋ አይፍያ ዶዬዳ። 
\v 22 የሱስካ ዮሃንስ ኪቶዋንቶ፥ “ቢደ ህንተንቱ በኤዳዋነ ስሴዳዋ ዮሃንሳዉ ኦድተ፤ ቆቃቱ ጼላናዋንታ፤ ጉንዳቱ ሀመታናዋንታ፤ ኦሉ ኦይቆዋንቱ ጌያናዋንታ፤ ቱሌዳዋንቱ ስሳናዋንታ፤ ሀይቄዳዋንቱ ደንዳናዋንታ፤ ህዬሳቶካ ምሽራቹዋ ቃላይ ኦደታናዋ። 
\v 23 ታናን በተና አሳይ ኡባይ አንጀቴዳዋንታ” ያጌዳ።
\p
\v 24 ዮሃንስ ኪቴዳዋንቱ ብድጎዋፐ ጉይያን የሱስ አሳዉ ዮሃንሳባ ኦዱዋ ዶሜዳ: “አያ በአናዉ ቢታ ባዙዋ ከሴድቴ? ጫርኩ ቃያ ኡሱን? 
\v 25 ዎይ አያ በአናዉ ከሴድቴ? ሎኦ ማዩዋ ማዬዳ አሳ ደኡዋ? ሎኦ ማዩዋ ማዬዳዋንቱነ ባረና ጊግስያዋንቱ ካትያ ጎለን ደኢኖ። 
\v 26 ዎይ አያ በአናዉ ከሴድቴ? ናብያ በአናዉ ከሴድቴ? ኤ፤ ታን ህንተንቶ ያጋይ፤ ህንተንቱ በአናዉ ከሶዌ ናብያፐካ አዋ። 
\v 27 ጾሳ ማጻፋን፥ ‘ነ ኦግያ ኔፐ ስንና ጊግስያ ኪታንቻ ኔፐ ስንያደ ኪታና’ ጌተት ዮሃንሳባይ ጻፈቴዳዌ ሀዋ። 
\v 28 ማጫዋንቱፐ የለቴዳዋንቱ ጋርሳን ጻማቅያ ዮሃንሳፐ አያ ኦንነ ባዋ። ጾሳ ካዉተን ቃይ ኡባፐ ላፋ ጌተትያዌካ አፐ አናዋ” ያጌዳ።
\p
\v 29 ሀራይ አቶ ሽን ቃራጻ ከስያዋንቱ አተናን ሀዋ የሱስ ሃሳዮዋ ስሴዳ ኡባይ ዮሃንሳ ኩሽያን ጻማቀቶዋንቱ ጾሳዉ በስያ ቦንቹዋ እሜድኖ።\x - \xo 7:29፣ 30 \xo*\xt ማቶሳ 21:32፤ ሉቃሳ 3:12\xt*\x* 
\v 30 ሽን ህግያ ታማርስያዋንቱነ ፓርሳዋቱ ዮሃንሳን ጻማቀትቤና ድራዉ፥ ጾሳይ ኡንቱንቶ ቆፔዳዋ እጼድኖ።
\p
\v 31 የሱስ፥ “ስም ታን ሀ ዎድያ አሳ አያና ሌምሶ? ኡንቱንቱ አያ ማላቲኖ? 
\v 32 ኡንቱንቱ ገያሳን ኡቲደ እቱ እቱዋ ጼሲደ፥ ‘ሱሱልያ ህንተንቶ ፑንናካ
\q2 ካእበይክታ፤
\q2 ዬኩዋ የ ከሴዶሽንካ
\q2 ዬክበይክታ
\q2 ያገትያ ናና ማላቲኖ’ ጌዳ።
\m
\v 33 ጻማቅያ ዮሃንስ ቁማ ሜናን ዎይንያ ኤሳካ ኡሸናን ዪና፥ ‘አ ቦላን ጋሌናይ ደኤ’ ያጌድታ። 
\v 34 ታን አሳ ናአይ ማደነ ኡሻደ ዪና፥ ‘ሀዌ ናፍሳማ፤ ዎይንያ ኤሳካ ኡሽያዋ፤ ቃራጽያዋንቶነ ናጋራንቻቶ ዳቡዋ’ ያጊታ። 
\v 35 ግዶፐ አትን ጾሳ አ ኤራተይ ባረ ኦሱዋን ቱማ ግዲደ ቤቴዳ” ያጌዳ።
\s1 ፓርሳዊያ ስሞና
\p
\v 36 ፓርሳዋቱዋፐ እቱ ባረናና ቁማ ማና ማላ ሾቢና፥ የሱስ አ ሶይ ቢደ ማናዉ ኡቴዳ። 
\v 37 ሄ ካታማን ናጋራንቻ ጌተቴዳ እት ምሽራታ ደኤዉና፥ የሱስ አ ሶይን ኡቴዳዋ ስሳደ፥ አልባስጽሮሳ ጌተትያ ሹቻፐ ኦሰቴዳ አልባስጽሮሳ ባሬታ ኩሜዳ ሽቱዋ አካ ያዱ። 
\v 38 ጉየና አ ገድያ ማታን ኤቃደ፥ ዬካደ አ ገድያካ ባረ አፎን ኦካ ዶማዱ፤ እዝ አፎይ ባይዜዳ አ ገድያካ ባረ ሁጲያ ብናናን ቁጫደነ አ ገድያ የራደ ገድያን ሽቱዋካ ጫጫፋዱ።\x - \xo 7:38 \xo*\xt ማቶሳ 26:7፤ ማር. 14:3፤ ዮሃ. 12:3\xt*\x* 
\v 39 የሱሳ ባረ ሶይ ጼሴዳ ፓርሳዊካ ሀዋ በኢደ፥ “ሀዌ ናብያ ግዴደንቶ፥ ሀና አ ቦችያ ምሽራታ ኦነንቶነ ቃይካ እዛ ናጋራንቻ ግድያዋ እ ኤራና ሽን” ያጌዳ።
\p
\v 40 የሱስካ ዛሪደ፥ “ስሞና፥ ታን ነዉ ኦድያ የዉ ደኤ” ያግና፥
\p ስሞንካ፥ “ታማርስያዎ፥ ኦዳ” ያጌዳ።
\p
\v 41 የሱስ፥ “እት ብታንያፐ ሚሻ ታልኤዳ ላኡ አሳቱ ደኢኖ። እቱዋ ማታን እቼሹ ጼቱ ዲናር፥ ቃይ የኩዋ ማታን እሻታሙ ደኤ። 
\v 42 ላአቶካ ጭግያዌ ይና፥ ላአቱዋ አጩዋካ ማር አጌዳ። ሀዋንቱፐ ሀቃዌ ሎይ ዶስያዋ ማላቲ?” ያጌዳ።
\p
\v 43 ስሞንካ ዛሪደ፥ “ዳሩዋ አጎዋ ማላቴ” ያጌዳ። የሱስካ፥ “ቱሙዋ ዛራዳ” ያጌዳ።
\p
\v 44 የሱስ ምሽራትኮ ጼሊደ፥ ስሞና ሀዋዳን ያጌዳ፤ “ሀኖ ምሽራቶ በኣዲ? ታን ነ ጎለ ዪና ሀራይ አቶ ሽን ሃካ ታ ገድያዉ እማ በይካ፤ ሽን እዛ ባረ አፎን ታ ገድያ እርጽሳዱ፤ ባረ ሁጲያ ብናናንካ ቁጫዱ። 
\v 45 ኔን ታና የራ በይካ፤ ሽን እዛ ታን ገሎደፐ ዶማደ ታ ገድያ የርያዋ አጋ በይኩ። 
\v 46 ኔን ታ ሁጲያን ዛይትያ ኦካ በይካ፤ ሽን እዛ ታ ገድያን ሽቱዋ ጫጫፋዱ። 
\v 47 ሀዋ ድራዉ ታ ህንተንቶ ኦዳይ: ዳሮፐ እዛ ዶሴዳዋ ድራዉ፥ ዳሮ ናጋራይ እዝዉ ደእያዌ ማረቴዳ፤ ጉይ ማረትያዌ ጉ ዶሴ” ያጌዳ።
\p
\v 48 የሱስ ምሽራቶ፥ “ነ ናጋራይ ቁጨቴዳ” ያጌዳ።
\p
\v 49 የሱሳና እትፐ ቁማ ማናዉ ኡቴዳዋንቱ ባረንቱ ዎዛናን፥ “ናጋራ ማራናዉ ዳንዳይያዌ ሀዌ ኦኔ?” ያጌድኖ።
\p
\v 50 የሱስ ምሽራቶ፥ “ነ አማኑ ኔና አሼዳ፥ ሳሮተን ነ ጎለ ባ” ያጌዳ።
\c 8
\s1 የሱሳ ካሌዳ ማጫዋንታ
\p
\v 1 የሱስ ሀዋፐ ስሚደ፥ ሳባኪድነ ጾሳ ካዉተ ምሽራቹዋ ቃላ ካታማንነ ሄራን ኦዲደ አዳ። ታማነ ላኡ የሱሳ ካልያዋንቱካ አናና እትፐ ደኢኖ። 
\v 2 ኢታ አያናፐነ ዎልቃማ ሀርግያፐ ፓጼዳዋንቱ እት እት ማጫዋንቱካ ደኢኖ። ሄዋንቱካ: ላፑ ጻላሂ ከሴዳ ማግዳላ ጌተትያ ካታማፐ ዬዳ ማይራሞነ፥ 
\v 3 ሄሮድሳ ጎልያን ሱን ግዴዳ ኩዛ ማቻት ዮሃኖ፥ ሶስና ጌተተዉናነ ሀራ ጮራቱዋና እትፐ ግዲደ፥ የሱሳነ አ ካልያዋንታ ሚሻን ማዴድኖ።
\s1 ዘረ ሌምሱዋ
\r (ማቶሳ 13:1-9፤ ማር. 4:1-9)
\p
\v 4 ጮራ አሳይ ዳሮ ካታማቱዋፐ ሺቂደ፥ የሱሳኮ ዬዳ ዎድያን ሌምሱዋን፥ 
\v 5 “ዘርያዌ ዘረ ዘራናዉ ከሴዳ። ዘርያ ዎደ እት እት ዘረይ፥ ኦግያ ዶናን ዎደ የቴዳ። ያትና ሳሉዋ ካፉ ሄዋ ሜዳ። 
\v 6 ሀራይ ቃይ ዛላ ቦላ ዎደ ዶሌዳ ዎደ ኮሽያ ሃ ደመና ድራዉ መሌዳ። 
\v 7 ሀራ ዘረይ አጉን ጋርሳን ዎዳ። አጉንይ እትፐ ድጪደ ምቴዳ። 
\v 8 ሀራይ ሎእያ ቱኤ ቢታን ዎዳ። ዶሎዋፐ ጉይያን፥ ዘረቶዋፐ ጼቱ ኩሽያ ዳኩዋ ሞኬዳ” ያጌዳ።
\s1 የሱስ ሌምሱዋን ሃሳዬዳ ጋሱዋ
\r (ማቶሳ 13:10-17፤ ማር. 4:10-12)
\p የሱስ ሀዋ ሃሳዪደ፥ “ሀይይ ደእያ ኡባይ ስሶ” ያግ ቃላ ቁ ኦደ ዋሴዳ።
\p
\v 9 አ ካልያዋንቱ፥ “ሀ ሌምሱ አያ ጉሴ?” ያግ አ ኦቼድኖ። 
\v 10 እካ ዛሪደ፥\x - \xo 8:10 \xo*\xt ኢሳ. 6:9\xt*\x*
\p “ህንተንቶ ጾሳ ካዉተ ጹራ ኤራይ እመቴዳ፤ ሽን ሀራቶ፥ ጼሊድካ ኤረና ማላ፥ ስሲድካ አኬከና ማላ ሌምሱዋን ኦዳይ” ያጌዳ።
\s1 የሱስ ዘረ ሌምሱዋ ብሊደ ኦዴዳ
\r (ማቶሳ 13:18-23፤ ማር. 4:13-20)
\p
\v 11 የሱስ፥ “ዘረ ሌምሱ ሀዋ: ዘረይ ጾሳ ቃላ። 
\v 12 ኦግያ ጋጻን ዎዳ ዘረይ፥ ጉ ዎደዉ ቃላ ስስያ አሳ፤ ኤለካ ጻላሂ ዪነ፥ ኡንቱንቱ ስሶዋን አማን አተና ማላነ ቃላይ ዎዛናፐ ዶገታና ማላ ኦ። 
\v 13 ዛላ ቦላን ዎዳ ዘረይ፥ ኮይሮ ቃላ ናሸቻን ስስያዋንታ። ሄዋንቱካ ጉ ዎድያ አማንኔ ፓጪ ጋክያ ዎድያን ጻጱ ባንታ ድራዉ ኤለካ አማኑዋ ካዲኖ። 
\v 14 አጉን ጋርሳን ዎዳ ዘረይ፥ ቃላ ስስያዋንታ፤ ሽን ደኡዋ ህርጋይነ ዱረተ እሻሉ ጩሌዳዋንታ። ሄዋንቱ ሎኦ አይፍያ እማናዉ ዳንዳይክኖ። 
\v 15 ሎኦ ቱኤ ቢታን ዎዳ ዘረይ በስያዌ፥ ሎአነ ጽሎ ዎዛናን ቃላ ስሲደ ናግያ አሳነ ሄ ቃላን ምን ኤቂደ ሎኦ አይፍያ አይፍያዋንታ።
\s1 ጾምፕያ
\r (ማር. 4:21-25)
\p
\v 16 “ጾምፕያ ሳደ እትባን ቁምእ አግያዌ ዎይ አርሳፐ ጋርሳና ዎያዌ ኦንነ ባዋ።\x - \xo 8:16 \xo*\xt ማቶሳ 5:15፤ ሉቃሳ 11:33\xt*\x* 
\v 17 ቆንጨናን ቆሱዋን አትያባይ እት የዉነ ባዋ። ኤረተናንነ ቤትያሳ ከሰናን አታናባይ አይነ ባዋ።\x - \xo 8:17 \xo*\xt ማቶሳ 10:26፤ ሉቃሳ 12:2\xt*\x* 
\v 18 ሄዋ ግድያ ድራዉ ሎይ አኬካን ስስተ። ዎዛናፐ ስስያዎ ኡባዉ ጉጅ አኬካይ እመታና፤ አኬከናዋፐ ሄ አዉ ደእያዋ ማላትያ አኬካይካ አከታናዋ” ያጌዳ።\x - \xo 8:18 \xo*\xt ማቶሳ 25:29፤ ሉቃሳ 19:26\xt*\x*
\s1 የሱሳ ዳዮነ አ እሻቱዋ
\r (ማቶሳ 12:46-50፤ ማር. 3:31-35)
\p
\v 19 ሄ ዎድያን አታነ እሻቱ የሱሳና ጋከታናዉ አኮ ዬድኖ፤ ሽን አሳ ጮራተፐ ደንዶ ጋሱዋን አ ደማናዉ ዳንዳይበይክኖ። 
\v 20 እት ብታኒ፥ “ነ ዳያነ ነ እሻቱ ኔናና ጋከታናዉ ኮዮ ድራዉ ካረን ዪደ ኤቄድኖ” ያግ ኦዴዳ።
\p
\v 21 እካ፥ “ታ ዳያነ ታ እሻቱ፥ ጾሳ ቃላ ስሲደ ኦሱዋ ቦላን ፔሽያዋንታ” ያግ ዛሬዳ።
\s1 የሱስ ቤታ ጮኡ ኦዳ
\r (ማቶሳ 8:23-27፤ ማር. 4:35-41)
\p
\v 22 እት ጋላስ የሱስ ባረና ካልያዋንቱና እትፐ ዎንግርያ ገሊደ፥ “አባፐ ሄፍን ቦይተ” ጌዳ። ኡንቱንቱካ ደንዲደ ሀመታ ዶሜድኖ። 
\v 23 ፕን ደእያ ዎደ፥ የሱስ ገምእሼዳ። አባን ጎቱዋ ጫርኩ ደንዶ ድራዉ፥ ዎንግርያ ጋርሳን ሃይ ኩምና ዳሮ መቶቴድኖ። 
\v 24 ኡንቱንቱ የሱሳኮ ሺቂደ፥ “ጎዳዉ፥ ጎዳዉ! ኑን ባዮይተቴ!” ያጊደ አ ቤጎድኖ።
\p እካ ቤጎቲደ ጎቱዋነ ሃ ቤታ ሴርና፥ ጎቱነ ሃ ቤታይ ኤቄዳ፤ ኡባባይካ ጮኡ ጌዳ። 
\v 25 እካ፥ “ህንተንቶ አማኑ ሀቃን ደኢ?” ያጌዳ።
\p ኡንቱንቱካ ያይ ማላለቲደ እቱ እቱዋ፥ “ሀዋዳን ጫርኩነ ሃይ ጮኡ ጊተ ጊና አዛዘትያዌ ሀዌ ኦኔ?” ያገቴድኖ።
\s1 የሱስ ጻላሂ ኦይቄዳ ብታንያ ፓዳ
\r (ማቶሳ 8:28-34፤ ማር. 5:1-20)
\p
\v 26 ጋሊላ አባፐ ሄፍንና ደእያ ገርገሰኖና ጌተትያ ጋድያ፥ የሱስነ አ ካልያዋንቱ፥ ዎንግርያን ፕኒደ ጋኬድኖ። 
\v 27 ሄ ሃፐ ፕን ሳኣ ዎ ዎደ፥ ኢታ አያናን ኦይቀቴዳ እት ብታኒ፥ ካታማፐ ከሲደ አናና ጋከቴዳ። ዳሮ ዎድያፐ ዶሚደ ማዩዋ ማየናን ካሎ ጎልያ አጊደ ዱፉዋን ደኤ።
\p
\v 28 የሱሳ ደሞዋፐ ጉይያን፥ ዋስ አ ስንን ጉፋኒደ ዎልቃማ ኮሻን፥ “ዎልቃማ ጾሳ ናኣ የሱሳ፥ ታዉነ ነዉ አይበ እትፐተይ ደኢ? ታና ዋይሶፓርኪ፤ ታ ኔና ዎሳይ” ያጌዳ። 
\v 29 እ ሄዋ አያዉ ጌዴ ጎፐ፥ ብታንያ የግ ከሳና ማላ የሱስ አ አዛዞ ድራሳ።
\p ኢታ አያናይ ብታንያ ኦይቆደፐ ዳሮ ዎደ ግዶ ድራዉ፥ ብራታ ሳንላታን ገድያነ ኩሽያ ቃሸቲደ ናገቴ። ሳንላታ ዱ አኪደ ኢታ አያናይ ካለና ባዙዋ ቤ።
\p
\v 30 የሱስካ፥ “ነ ሱንይ ኦኔ?” ያግ ኦቼዳ። እካ ጮራ ኢታ አያናይ ገል ኡቶ ድራዉ፥ “ሌግዮና”\f + \fr 8:30 \fr*\fq ሌግዮና፦ \fq*\ft ሀ ሱንይ ግሪከ ጌተትያ ቃላፐ አከቴዳ። ሱን ብለይ “ጮራ” ጉሳ።\ft*\f* ያጌዳ። 
\v 31 ባረንታ የሱስ፥ “ህን ጪሞ ኦላ ቢተ” ያገና ማላ ዎሴድኖ።
\p
\v 32 ሄዋን ደእያ ዞዝያ ጋጻን ሄመትያ ጮራ ጉዱንቱ ደኢኖ። ጮራ ቱና አያናቱ፥ ሄ ጉዱንቱዋ ጋርሳ፥ “ገልተ” ጋና ማላ የሱሳ ዎሴድኖ። እካ፥ “ቢደ ገልተ” ጌዳ። 
\v 33 ኢታ አያናቱካ ብታንያፐ ከሲደ ጉዱንቱዋ ጋርሳ ገሌድኖ። ጉዱን ዉዲካ ላንቂያፐ ካጆቲደ ኤለካ አባን ምተቴድኖ።
\p
\v 34 ጉዱን ሄምያዋንቱ ሀኖዋ ኡባ በኦ ዎደ ሀራሳ ቢደ፥ ሄ ካታማንነ ዩሹዋን ሀኖዋ ኦዴድኖ። 
\v 35 አዬ ሀኔደንቶ በአናዉ ከሲደ፥ አሳይ የሱሳኮ ዬድኖ። ኢታ አያናይ ከሴዳ ብታኒ፥ አ ዎዛናይ ስምና ማዩዋ ማዪደ የሱሳ ገድያ ማታን ኡቶዋ በኢደ ያዬድኖ።
\p
\v 36 ኢታ አያናን ኦይቀቴዳ ብታኒ ዎት ፓጼደንቶ በኤዳ አሳይ፥ ሀራ አሳዉ ኦዴድኖ። 
\v 37 ገርገሰኖና ጋድያንነ ሄ ሄራን ደእያ አሳይ ኡባይ ዳሪ ያዬዳ ድራዉ፥ የሱስ ባረንቱ ማታፐ ባና ማላ ዎሴድኖ። እካ ዎንግርያን ገሊደ ቤዳ። 
\v 38 ኢታ አያናይ ከሴዳ ብታኒካ የሱሳና ባና ጊደ፥ አ ዎሴዳ፤ ሽን የሱስ፥ 
\v 39 “ነ ጎለ ስማደ ጾሳይ ነዉ ኦ ዎልቃማባይ አየንቶ ማርካታ” ያግ የዴዳ።
\s1 ሀይቄዳ ናቶነ ሳከትያ ምሽራቶ
\r (ማቶሳ 9:18-26፤ ማር. 5:21-43)
\p
\v 40 የሱስ ስሜዳ ዎደ አሳይ ኡባይ ናግ ደእያ ድራዉ፥ አ ሞክ አኬድኖ። 
\v 41 ሄ ዎደ፥ አይሁደ አሳ ዎሳ ጎለዉ ሱን ግዴዳ ያእሮሳ ያገትያ ብታኒ አኮ ዬዳ። እካ የሱሳ ገድያ ስንን ኩንዲደ፥ ባረ ጎለ ገላና ማላ ዎሴዳ። 
\v 42 ጋሶተይካ ታማነ ላኡ ላይይ ኩሜዳ አዉ ደእያ እት ናታ ሀይቃናዉ ማታ ኡቶ ድራሳ።
\p የሱስ ብያ ዎደ ጮራ አሳይ አ ዩሹዋን ሱገቲደ መቶድኖ። 
\v 43 ሄ አሳ ግዶን ሄ ዎድያን ታማነ ላኡ ላይ ኡባ ሱይ ጎግያ ምሽራታ ደአዉ። ባረ ደእያ ሻሉዋ ኡባ ልያ ኤርያዋንቶ ዉርስናካ ፓናዉ ዳንዳዮዌ ኦንነ ባዋ።
\p
\v 44 ጉየና ያደ አ ማዩዋ ማጫራ ቦቻዱ፤ ሄ ማንእያን ኢፐ ጎግያ ሱይ ኤቂ አጌዳ። 
\v 45 የሱስ፥ “ኦኔ ታና ቦቾዌ?” ያጌዳ።
\p ኡባይ ካድና ጰጽሮስ፥ “ጎዳዉ፥ አሳይ ሱገቲደ መቶትያ ዎደ፥ ‘ኦኔ ታና ቦቾዌ’ ያጋይ?” ጌዳ።
\p
\v 46 ሽን የሱስ፥ “እት አሳይ ታና ቦቼዳ፤ ዎልቃይካ ታፐ ከሶዋ ታን ኤራይ” ያጌዳ። 
\v 47 ምሽራታካ፥ የሱሳ እዛ ቦቾዌ ኤረተናን አትቤናዋ ኤራደ፥ ኮኮራደ ዮና የሱሳ ስንን ኩንዳ አጋዱ። አያ ጋሱዋን የሱሳ ቦቻደንቶ እዛ ፓጾዋ ኡባ አሳ ስንን ኦዳዱ።
\p
\v 48 እካ እዝዉ፥ “ሀ ምሽራቴ! ነ አማኑ ኔና ፓዳ፤ ሳሮ ባ” ያጌዳ።
\p
\v 49 የሱስ ሃሳይ ደእሽን፥ አይሁዳ አሳ አማንያዋንቱ ሱን ሶይፐ እት ብታኒ ዬዳዌ፥ “ነ ናታ ሀያዱ፤ ስም ታማርስያዋ መቶፓ” ያጌዳ።
\p
\v 50 የሱስ ሀዋ ስሲደ፥ “ያእሮሳ፥ አማናፐ አትን፥ ያዮፓ! እዛ ፓጻናዉኑ” ያግ ዛሬዳ።
\p
\v 51 ሶይ ገሊደ: ጰጽሮሳፐ፥ ያቆባፐ፥ ዮሃንሳፐ፥ ናት አቡፐነ ናት ዳይፐ አትን፥ ኦንነ ገላናዳን ኤኖ ግቤና። 
\v 52 ኡባይ ሄ ናትዉ ዬኪደነ ካዮቲድ ደኢኖ። ሽን የሱስ፥ “ዬኮፕተ፥ ግሳዱፐ አትን ሀያበይኩ” ያጌዳ።
\p
\v 53 እዛ ሀይቄዳዋ ኤሪደ አ ቦላ ሚጬድኖ። 
\v 54 ግዶፐ አትን የሱስ እዝ ኩሽያ ኦይቂደ፥ “ሀ ናቴ፥ ቤጎታ!” ያጌዳ። 
\v 55 እዝ ሸምፑካ ስምና ኤለካ ደንዳ ኤቂና ማናባ እማና ማላ፥ የሱስ አዛዜዳ። 
\v 56 እዝ አቡነ እዝ ዳያ ማላለቴድኖ፤ ሽን የሱስ ኡንቱንታ፥ ሀኖ የዉዋ ኦስነ ኦደና ማላ አዛዜዳ።
\c 9
\s1 የሱስ ባረና ካልያ ታማነ ላአቱዋ ኪቴዳ
\r (ማቶሳ 10:5-15፤ ማር. 6:7-13)
\p
\v 1 የሱስ ታማነ ላኡ አ ካልያዋንታ እትፐ ባረኮ ጼሲደ፥ ጻላህያ ኡባ አሳፐ ከሳናዉነ ሀርግያዋንታ ፓና ማላ ዎልቃነ ማታ እሜዳ። 
\v 2 ጾሳ ካዉተባ ኦዳናዉነ ሀርጋንቻቱዋ ፓና ማላ ኡንቱንታ ኪቴዳ። 
\v 3 እ ኡንቱንታ ኪቲደ፥ “ኦግያ ቢደ፥ ጻምኣ ግድናካ፥ ዎይ ቃርጪትያ፥ ዎይ ቁማ፥ ዎይ ሚሻ ግድናካ አያነ ኦይቆፕተ፤ ላኤንያ ማዩዋካ ኦይቆፕተ።\x - \xo 9:3-5 \xo*\xt ሉቃሳ 10:4-11\xt*\x* 
\v 4 ህንተና አሳይ ሀቃን ሞኮፐነ፥ ሄዋፐ ከሳና ጋካናዉ፥ ህንተንቱ ገሌዳ ጎልያን ጋምእተ። 
\v 5 ሄ ካታማ አሳይ ህንተና ሞከናን እጾፐ፥ ሄዋፐ ከሲደ፥ ኡንቱንቱ ህንተና ሞከናን እጾዎ ማርካ ግዳና ማላ፥ ህንተንቱ ገድያፐ ባና ሾጭ ድጊደ ቢተ” ያጌዳ።
\p
\v 6 አ ካልያዋንቱ ቢደ፥ ቄር ካታማ ኡባን ምሽራቹዋ ቃላ ኦዲደነ ሀርጋንቻ ፓደ ዩዬድኖ።
\s1 ሄሮድሰ ኦዳባ
\r (ማቶሳ 14:1-12፤ ማር. 6:14-29)
\p
\v 7 ሀእ ጋሊላ ቢታ ካትያ ሄሮድሰካ ሀኔዳ የዉዋ ስሲደ ያት ጌዳ። ጋሶተይነካ እት እት አሳይ፥ “ዮሃንስ ሀይቁዋፐ ደንዴዳ” ያጌ። 
\v 8 ሀራ አሳይ፥ “ኤላስ ከሲደ ቤቴዳ” ያግያ ዎደ፥ ሀራንቱ ቃይ፥ “በን ናባቱዋፐ እቱ ሀይቁዋፐ ደንዴዳ” ያጊኖ። 
\v 9 ሄሮድሰካ፥ “ታን ዮሃንሳ ቆያ ቃንጽሳ ድጋድሽን፥ ሀዋዳን አሳይ ሃሳይያ ብታኒ ኦኔ?” ያጊደ፥ የሱሳ በአናዉ ኮዬዳ።
\s1 የሱስ እቼሹ ሻአ አሳ ምዚደ ካልሴዳ
\r (ማቶሳ 14:13-21፤ ማር. 6:30-44፤ ዮሃ. 6:1-14)
\p
\v 10 የሱስ ኪቶዋንቱ ስሚደ፥ ኡንቱንቱ ኦዳዋ ኡባባ የሱሳዉ ኦዴድኖ። እካ ኡንቱንታ አኪደ፥ ቤተሳይዳ ያገትያ ካታማ ማታን ደእያ ታካሳ ቤዳ። 
\v 11 አሳይ እ ደኢያሳ ኤሪደ ካልና፥ ኡንቱንታ ሞክ አኪደ ጾሳ ካዉተባ ኦዴዳ፤ ሀርግያፐ ፓጻናዉ በስያዋንታካ ፓዳ።
\p
\v 12 ሳአይ ኦማርስያ ዎደ፥ የሱሳ ካልያ ታማነ ላአቱ አኮ ዪደ፥ “ሀ አሳይ ኡባይ ኑ ዩሹዋን ደእያ ሄራ ግዶነ ቄር ካታማቱዋ ግዶ ቢደ፥ አቅያሳነ ቁማ ደማና ማላ ሞይዛ፤ አያዉ ጎፐ ኑን ሀዋን አሳይ ባይናሳን ደኤቶ” ያጌድኖ።
\p
\v 13 ሽን የሱስ ኡንቱንታ፥ “አሳዉ ሜተትያባ ህንተንቱ እምተ” ያጌዳ።
\p ኡንቱንቱ ዛሪደ፥ “አነ ቢደ፥ ሀ ኡባ አሳዉ ቁማ ሻመናን ዮፐ ኑዉ እቼሹ ሶሉዋፐነ ላኡ ሞልያፐ ሀራይ ባዋ፤ ሄዎ ኑን ሀ ጮራ አሳዉ ቁማ ሻማና ማላ ኮያይ?” ያጌድኖ። 
\v 14 (ጋሱካ፥ ሄዋን ደእያ አሳይ እቼሹ ሻኣ ኬና።)\f + \fr 9:14 \fr*\fqa እቼሹ ሻአ፦ \fqa*\ft እስራኤልያ ዎጋን ማጫዌነ ቄር ናናይ ፓይደተና ድራዉ፥ እቼሹ ሻኣ ጉሳይ ማጫዋነ ቄር ናና ፓይደናን ኩሜዳዋ። ሀ ፓይዱ ደእያ ኮይሮ ማራይ በን ማጻፋ እቱዋ እቱዋን ባዋ።\ft*\f*
\p የሱስ ባረና ካልያዋንታ፥ “እሻታሙ እሻታሙ አሳ ጭታን ጭታን ሻክ ሻክ ኡትስተ” ያጌዳ።
\p
\v 15 ኡንቱንቱካ እ ጎዋዳን ኡባ አሳካ ኡትሴድኖ። 
\v 16 የሱስካ እቼሹ ሶሉዋነ ላኡ ሞልያ ኦይቂደ፥ ፑደ ሳሉዋ ቦንጎት ጼሊደ ጾሳ ጋላቴዳ፤ ዱደ፥ አሳዉ ግሻና ማላ አ ካልያዋንቶ እሜዳ። 
\v 17 አሳይ ኡባይካ ሚደ ካሌድኖ። ኡንቱንቱፐ አቴዳ ዶካ፥ ታማነ ላኡ ሳምፓ ኩሜዳዋ ደንድኖ።
\s1 ጰጽሮስ የሱሳባ አዋዬዳ
\r (ማቶሳ 16:13-19፤ ማር. 8:27-29)
\p
\v 18 እት ጋላስ የሱስ ባረካ ዎስያ ዎደ፥ አ ካልያዋንቱካ አናና እትፐ ደእሽን፥ “አሳይ ታና ኦና ጊኖ?” ጊደ ኡንቱንታ ኦቼዳ።
\p
\v 19 ኡንቱንቱ ዛሪደ፥ “አሳይ ኔና ጻማቅያ ዮሃንሳ ያጌ፤ ሀራ አሳይ ቃይ ኤላሳ\f + \fr 9:19 \fr*\fq ኤላሳ፦ \fq*\ft ሀ ናቢ እ ሀይቆደፐ ዳሮ ዎደፐ ጉየ፥ የሱስ ክርስቶስ ቢታ ቦላን ታማርሲደ ደርያ ቦላ ዎሳዉ ከሲደ ላመት ቦጼዳዋፐ ጉየ ባጋን አናናነ ሙሴና ሃሳዬዳ። ሄዋ ጉሳይ ሀይቂ ስሚደ ዳሮ ጮራ ዎድያፐ ጉየ ፓጻ ቆንጬዳ ጉሳ።\ft*\f* ያጌ፤ ሀራይ ቃይ በን ናባቱዋፐ እቱ ደንዴዳ ያጌ” ያጌድኖ።\x - \xo 9:19 \xo*\xt ማቶሳ 14:1፣ 2፤ ማር. 6:14፣ 15፤ ሉቃሳ 9:7፣ 8\xt*\x*
\p
\v 20 የሱስ ኡንቱንታ፥ “ህንተሽ፥ ታና ኦና ጊቴ?” ያጌዳ።\x - \xo 9:20 \xo*\xt ዮሃ. 6:68፣ 69\xt*\x*
\p ጰጽሮስካ ዛሪደ፥ “ኔን ጾሳይ ኦኬዳ ክርስቶሳ” ያጌዳ።
\s1 የሱሳ ካልያዋንቱ ሀናናዉ በስያባ
\r (ማቶሳ 10:38-39፤ 16:24-26፤ ማር. 8:34-38፤ ሉቃሳ 14:26-27)
\p
\v 21 የሱስካ ኡንቱንታ፥ “ሀዋ ኦስነ ኦዶፕተ” ያግ ምንስ አዛዚደ፥ 
\v 22 “ታን፥ አሳ ናአይ፥ ዳሮ መቱዋ አካናዉ በሴ፤ ጭማቱዋን፥ ቄሳቱዋ ካፓቱዋንነ ሙሴ ህግያ ታማርስያዋንቱን እጸታናዉ ኮሼ፤ ኡንቱንቱ ታና ዎናዋንታ፤ ታንካ ሄዘን ጋላስ ሀይቁዋፐ ደንዳናዉ በሴ” ያጌዳ።
\p
\v 23 የሱስካ አሳ ኡባ፥\x - \xo 9:23 \xo*\xt ማቶሳ 10:38፤ ሉቃሳ 14:27\xt*\x* “ታና ካላናዉ ዶስያዌ ደኦፐ፥ ባረ ሁጲያ ካዶ፤ ባረ ማስቃልያ\f + \fr 9:23 \fr*\fk ማስቃልያ፦ \fk*\ft ሀዋ ጉሳይ፥ እት አሳይ ባረ ላይ ኡባን ጾሳ ካሊደ ሻከተናን ቶካናዉ በስያ መቱዋነ ዋይያ።\ft*\f* ጋላሳን ጋላሳን ቶኪደ ታና ካሎ። 
\v 24 ባረ ሸምፑዋ አሻናዉ ዶስያዌ ኡባይ ባይዜ፤ ሽን ታ ድራዉ ባረ ሸምፑዋ ባይዝያዌ ኡባይ አሼ። 
\v 25 እት ኡራይ ሀ አላምያባ ኡባ አሺደ ባረ ሸምፑዋ ባይዞፐ ዎይ ባረዉ ፓጭሶፐ፥ አያ ማዲ? 
\v 26 አሳይ ታናንነ ታ ቃላን ዬላቶፐ፥ ታን አሳ ናአይ፥ ታ ቦንቹዋናነ ጌሻ ኪታንቻቱዋ ቦንቹዋና ይያ ዎደ አን ዬላታናዋ። 
\v 27 ታን ህንተንቶ ቱሙዋ ያጋይ፤ ሀዋን ደእያ አሳፐ፥ ጾሳ ካዉተ በአና ጋካናዉ ሀይቁዋ ሀይቀናዋንቱ እቱ እቱ ደኢኖ” ያጌዳ።
\s1 የሱሳ ማላይ ላመቴዳ
\r (ማቶሳ 17:1-8፤ ማር. 9:2-8)
\p
\v 28 የሱስ ሀዋ ጎዋፐ ጉይያን፥ እት ሳምንታ ኬና ጋምኢደ፥ ጰጽሮሳነ ዮሃንሳ፥ ያቆባካ አኪደ፥ ዎሳናዉ ደርያ ሁጲያ ከሴዳ።\x - \xo 9:28 \xo*\xt 2 ጰጽ. 1:17፣ 18\xt*\x* 
\v 29 እ ዎስሽን፥ አ ዴሙዋ ማላይ ላመቴዳ፤ አ ማዩካ ቦጺደ ጶልቄዳ። 
\v 30 ቆፐናን ላኡ አሳቱ፥ ሙሴነ ኤላስ ከስ ቤቲደ፥ የሱሳና ሃሳይ ደኢኖ። 
\v 31 ኡንቱንቱ ቦንቹዋን ቆንጭ ቤቲደ፥ የሱስ ጾሳ ቆፋ ፖላናዉ የሩሳላመን ሀይቃናዋ\f + \fr 9:31 \fr*\fk ሀይቃናዋ፦ \fk*\ft ግሪከ ማጻፋ ቆፋን ሀዋ ጉሳይ፥ “የሱስ ሳሉዋ ብያዋ”፤ ሀዌ ቃይ እ ሀይቁዋፐ ደንድያዋነ ያቲደ ሳሉዋ ብያዋ ኡባ ሺሽ ኦይቄዳ ቆፋ።\ft*\f* አናና ሃሳዬድኖ። 
\v 32 ጰጽሮሳነ አናና እትፐ ደእያዋንታ ገምእሹ ጌሮዬዳሽን፥ ኤለካ ቤጎቲደ አ ቦንቹዋነ አናና ጋ ኤቄዳ ላኡ አሳቱዋ በኤድኖ። 
\v 33 ሄ ላኡ አሳቱ፥ የሱሳ ምይያፐ ሻከትያ ዎደ፥ ጰጽሮስ የሱሳ፥ “ጎዳዉ፥ ሀዋን ደእያዌ ኑዉ ሎአ ግድያ ድራዉ፥ ሄዙ ዳስያ እቱዋ ነዉ፥ እቱዋ ሙሴዉ፥ እቱዋ ኤላሳዉ ኬጻና” ያጌዳ።
\p
\v 34 ጰጽሮስ ሄዋ ሃሳይ ደእሽን፥ ሻሪ ዪደ ኡንቱንታ ካም አግና የሱሳ ካልያዋንቱ ያዬድኖ። 
\v 35 ሻርያፐካ፥ “ታን ዶሬዳ ታ ናአይ ሀዋ፤ እ ግያዋ ስስተ” ያግያ ቃላይ ዬዳ።
\p
\v 36 ቃላይ ስሰቶዋፐ ጉይያን፥ የሱስ ባረ ጻላላ ግዲደ ቤቴዳ፤ ኡንቱንቱካ የዉዋ ባረንቱ ዎዛናን ኦይቂደ ሄ ዎድያን ኦንነካ አያነ ኦድቤና።
\s1 የሱስ ኢታ አያናን ኦይቀቴዳ ላኡ አሳቱዋ ፓዳ
\r (ማቶሳ 17:14-18፤ ማር. 9:14-27)
\p
\v 37 ዎንተ ጋላስ፥ የሱስነ ሄዙ አ ካልያዋንቱ ደርያፐ ዱገ ዎያ ዎደ፥ ጮራ አሳይ የሱሳና ጋከቴዳ። 
\v 38 ሄ ዎደ አሳፐ እት ብታኒ ባረ ኮሻ ቁ ኦደ፥ “ታማርስያዎ፥ ታዉ ደእያዌ እት ናኣ ግዶ ድራዉ፥ ኔን አ በአና ማላ ኔና ዎሳይ፤ 
\v 39 ቃይ ኢታ አያናይ ዎዛና አናን ደንዲደ አ ዋስሴ፤ ዶናና ፓሮያና ጋካናዉ አ ኮኮርሲደ፥ ኡባ ጋላስ መቶያዋፐ አትን፥ አ ኤለ የደና። 
\v 40 ኔና ካልያዋንቱ ሄ ኢታ አያና ከሳና ማላ፥ ታን ኡንቱንታ ዎሳድ፤ ሽን ዳንዳይበይክኖ” ያጌዳ።
\p
\v 41 የሱስ ዛሪደ ኡንቱንታ፥ “አማነና ሀ ዎድያ ደሻ አሳዉ፥ ታን ህንተናና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ነ ናኣ ሃ አካያ” ያጌዳ።
\p
\v 42 ናአይ ዪደ ደእሽን፥ ኢታ አያናይ አ ሳኣን ኦሊደ ኮኮርሴዳ፤ የሱስ ኢታ አያና አጋ ግ ናኣ ፓደ አ አቦ ዛሪደ እሜዳ። 
\v 43 አሳይ ኡባይካ ጾሳ ዎልቃማ ዎልቃፐ ደንዶዋን ማላለቴድኖ።
\s1 የሱስ ባረ ሀይቁዋባ ላኤንዋ ኦዴዳ
\r (ማቶሳ 17:22-23፤ ማር. 9:30-32)
\p
\v 44 “ታና አሳ ናኣ፥ አሳይ አሳ ኩሽያን አደ እማናዋ፤ ህንተንቱ ሀ የዉዋ ዶጎፕተ” ያጌዳ። 
\v 45 ሽን እ ግያዋ ኡንቱንቱ አኬክበይክኖ። ኡንቱንቶ ገለና ማላ ኡንቱንቱፐ ጌሜዳ ድራዉ፥ ሀ የዉዋ የሱሳ ኦቻናዉ ያዬድኖ።
\s1 ኡባፐ አያዌ ኦኔሻ? ያግያ ኦሻ
\r (ማቶሳ 18:1-5፤ ማር. 9:33-37)
\p
\v 46 አ ካልያዋንቱ፥ “ኑ ግዶፐ ዳርያዌ ኦኔ?” ያጊደ ፓሉመቴድኖ።\x - \xo 9:46 \xo*\xt ሉቃሳ 22:24\xt*\x* 
\v 47 የሱስ ኡንቱንቱ ዎዛና ቆፋ ኤሪደ፥ ጉ ናኣ አሂደ፥ ባረ ማታን ኤሲደ፥ 
\v 48 “ሀ ጉ ናኣ ታ ሱንን ሞክያዌ ኦንነ ታና ሞኬዳ፤ ቃይ ታና ሞክያ ኡባይ፥ ታና ኪቴዳ ታ አባ ሞኬ። ህንተንቱ ኡባፐ ጉጽያዌ ኡባፐ ዳራ” ያጌዳ።
\s1 ህንተንቱ ግያዋ ጳልቀና ኡራይ ህንተንቱ ባጋ
\r (ማር. 9:38-40)
\p
\v 49 ዮሃንስካ ዛሪደ፥ “ጎዳዉ፥ እት አሳይ ነ ሱንን ኢታ አያናቱዋ ከስያዋ ኑን በኢደ፥ ኑ ባጋ ግደና ድራዉ፥ አ ድጌዶ” ያጌዳ።
\p
\v 50 ሽን የሱስ አ፥ “ህንተንቱ ግያዋ ጳልቀናዌ ህንተንቱ ባጋ ግድያ ድራዉ፥ አ ድጎፕተ” ያጌዳ።
\s1 ሳማርያ ካታማ አሳቱ የሱሳ ሞካናዉ ኮይበይክኖ
\p
\v 51 የሱስ ሳሉዋ ብያ ዎዲ ማትና፥ ባረ ዎዛና ቆፋ የሩሳላመኮ ዛሬዳ። 
\v 52 ባረፐ ስንዉ ኡባ የዉዋ ጊግሳና ማላ፥ ኪተትያ አሳ ሳማርያ ካታማ ኪቴዳ። 
\v 53 ሽን እ የሩሳላመ ባናዉ ደንዴዳ ድራዉ፥ አሳይ አ ሞክበይክኖ። 
\v 54 አ ካልያዋንቱ ያቆብነ ዮሃንስ ሄዋ በኢደ፥ “ጎዳዉ፥ ኑን ኤላስ ኦዋዳን፥\f + \fr 9:54 \fr*\fq ኤላስ ኦዋዳን፦ \fq*\ft እት እት ጌሻ ማጻፋ ብለን፥ “ሀ አሳ ዉርሳናዉ” ያጌ።\ft*\f* ታማይ ሳሉዋፐ ዪደ ኡንቱንታ ማናዳን ጼሳና ማላ ኮያይ?” ያጌድኖ።
\p
\v 55 ሽን የሱስ ጉየ ስሚደ፥ ኡንቱንታ ሴሬዳ።\f + \fr 9:55 \fr*\fk ኡንቱንታ ሴሬዳ፦ \fk*\ft እት እት ጌሻ ማጻፋን ደእያ ብለይ፥ “ኔን አይ ማላ አያነንቶ፥ ኔና ኤርኪ? አሳ ናአይ አሳ ሸምፑዋ አሻናዉ ዬዳፐ አትን፥ ባይዛናዉ ይቤና” ያጌ።\ft*\f* 
\v 56 “ታን፥ አሳ ናአይ፥ አሳ ሸምፑዋ አሻናዉ ዮዋፐ አትን፥ ባይዛናዉ ያበይከ” ያጌዳ። ኡንቱንቱ ሀራሳን ደእያ ቄር ካታማ ቤድኖ።
\s1 የሱሳ ካልያዋንታ ጋክያ ፓጭያ
\r (ማቶሳ 8:19-22)
\p
\v 57 ኡንቱንቱ ኦግያና ቢሽን፥ እት ብታኒ የሱሳ፥ “ጎዳዉ፥ ኔን ብያሳ ኡባ ታን ኔና ካላና” ያጌዳ።
\p
\v 58 የሱስ አ፥ “ዎራካናቶ ኦላይ፥ ሳሉዋ ካፋቶካ ጎሊ ደኤ፤ ሽን ታን፥ አሳ ናአይ፥ ገላ ሸምፓ አክያ ሳአይ ታዉ ባዋ” ያጌዳ።
\p
\v 59 የሱስ ሀራ ኡራ፥ “ታና ካላ” ያጌዳ።
\p ሽን፥ ብታኒ፥ “ጎዳዉ፥ ታን ካስያን ባደ ታ አባ ሞጋና” ያጌዳ።
\p
\v 60 የሱስ፥ “ሀይቆዋንታ ባረንቱ ሀይቆዋንቱ ሞግኖ፤ ኔን ባደ፥ ጾሳ ካዉተባ ኦዳ” ያጌዳ።
\p
\v 61 ቃይ ሀራ ብታኒ፥ “ጎዳዉ፥ ታን ኔና ካላና፤ ሽን ኮይሩዋን ታ ሶይ አሳ ባደ ሳሮታና” ያጌዳ።\x - \xo 9:61 \xo*\xt 1 ካታ. 19:20\xt*\x*
\p
\v 62 ሽን የሱስ አ፥ “ቦራ ጎሻናዉ ዶሞዌ ኦንነ ጉየ ጼሎፐ ጾሳ ካዉተዉ በሰና” ያጌዳ።
\c 10
\s1 ምሽራቹዋ ቃላዉ ኪተቴዳ አሳቱዋ
\p
\v 1 ሀዋፐ ካላ ጎዳይ ሀራ ላፑን ታሙ\f + \fr 10:1 \fr*\fk ላፑን ታሙ፦ \fk*\ft እት እት ጌሻ ማጻፋ ብለን፥ “ላፑን ታማነ ላአ”። አይሁዳ ዎጋን ቢታ ቦላን ደእያ አሳ ዘረይ ላፑን ታማ። ሽን ካሰ ኤጫ ግሪከ ማጻፋ ብለን ደእያዌ፥ “ላፑን ታማነ ላአ”። ኦን ኤር የሱስ ባረ ቃላ አላምያ ዩሹዋን ጋናዉ ሀ ፓይዱዋና ቃራ አሳ ሱንደ ኪተናን አገና ያግያ ቆፋይ ደኤ።\ft*\f* አሳ ሱንደ ላኡዋ ላኡዋ ኦደ እ ባናዉ ደእያ ካታማ ኡባ ኪቴዳ። 
\v 2 የሱስ ኡንቱንታ፥\x - \xo 10:2 \xo*\xt ማቶሳ 9:37፣ 38\xt*\x*
\p “ቆይቻዉ ጋኬዳ ካይ ዳራ፤ ኪተትያ አሳይ ጉ። ስም ቆይጨትያ ካ ጎዳይ፥ ቆይቻዉ ኪተትያዋንታ የዳና ማላ ዎስተ። 
\v 3 ታን ዶርሳቱዋዳን ዋላቱዋ ግዶ ህንተና ኪታይ፥ ቢተ።\x - \xo 10:3 \xo*\xt ማቶሳ 10:16\xt*\x* 
\v 4 ህንተንቱ ኦገዉ አያነ ኦይቆፕተ: ቦርሳ፥ ቃርጪትያ፥ ጫማ፥ ግድናካ ኦይቆፕተ፤ አሳና ሳሮተቲደ ኦግያን ዎድያ ዉርሶፕተ።\f + \fr 10:4 \fr*\fk አሳና ሳሮተቲደ ኦግያን ዎድያ ዉርሶፕተ፦ \fk*\ft ሄ ጋላሳን ጋራተን ኦያ ሳሮታይ ዎድያ ሎይ ምያ ድራዉ፥ ሀዌ ሃሳየቴዳ።\ft*\f*\x - \xo 10:4-11 \xo*\xt ማቶሳ 10:7-14፤ ማር. 6:8-11፤ ሉቃሳ 9:3-5\xt*\x*
\p
\v 5 “ህንተንቱ ገልያ ጎለ ኡባ ካስያን፥ ‘ሳሮተይ ሀ ጎለዉ ግዶ’ ያግተ። 
\v 6 ሄ ጎልያን ሳሮተ ዶስያ አሳይ ደኦፐ፥ ህንተንቱ ሳሮታይ ሄ ጎልያን አቃናዋ፤ ኮየናዋ ግዶፐ፥ ህንተንቱ ሳሮታይ ህንተንቶ ስማናዋ። 
\v 7 ሄ ጎልያን ኡንቱንቶ ደእያዋፐ ሚድነ ኡሺደ ደእሽተ፤ ኦሳንቻዉ አ ድርጉዋ ጭጋይ ኮሼ፤ እት ጎልያፐ ሀራ ጎልያ ዩዮፕተ።\x - \xo 10:7 \xo*\xt 1 ቆሮ. 9:14፤ 1 ጽሞ. 5:18\xt*\x*
\p
\v 8 “አይ ካታማነ ህንተንቱ ገልያ ዎደ፥ አሳይ ህንተና ሞክ አኪደ ምዛናዉ ሺሾዋ አያነ ሚተ። 
\v 9 ሄ ካታማትን ደእያ ሀርጋንቻቱዋ ፓደ አሳዉ፥ ‘ጾሳ ካዉተይ ህንተኮ ማቴዳ’\f + \fr 10:9 \fr*\fq ጾሳ ካዉተይ ህንተኮ ማቴዳ፦ \fq*\ft ሀዋ ጉሳይ፥ “ጾሳ ካዉተይ ሀዋን ዎይ ህንተንቱ ግዶን ደኤ” ጉሳ።\ft*\f* ያጊደ ኦድተ። 
\v 10 የዉዋን ቃይ አይ ካታማነ ገሎደ፥ አሳይ ህንተንታ ሞክ አከናዋንታ ግዶፐ ሄ ካታማ ቃአኮ ከስኔ፥ 
\v 11 ‘ኑን ህንተና ዬላያናዉ፥ ሀራይ አቶ ኑ ገድያ ቦላን ደእያ ህንተንቱ ካታማ ባናካ ህንተንቶ ቆቆፌቶ\f + \fr 10:11 \fr*\fk ባናካ ህንተንቶ ቆቆፌቶ፦ \fk*\ft ሀዋ ጉሳይ፥ እጹዋ በስያዋ።\ft*\f*፤ የዉዋን ቃይ፥ ጾሳ ካዉተይ ህንተንቱኮ ማቴዳዋ ኤርተ’ ያግተ።\x - \xo 10:11 \xo*\xt ኪታ 13:51\xt*\x* 
\v 12 ፕርዳ ጋላስ ሀ ካታማትፐ ሶዶማ ካታማ ጋኬዳ ሙራይ ካዉሻናዋ ያጋደ ታን ህንተዉ ኦዳይ።\x - \xo 10:12 \xo*\xt ዶመ 19:24-28፤ ማቶሳ 10:15፤ 11:24\xt*\x*
\s1 አማነናን እጼዳ ካታማቱዋ
\r (ማቶሳ 11:20-24)
\p
\v 13 “አየ ነዉ ኮራዚነ፤ አየ ነዉ ቤተሳይደ፤ ህንተንቱን ሀኔዳ ማላታቱ ጺሮሳ ካታማንነ ሲዶና ካታማን ሀኔደንቶ፥ ሄዋን ደእያ አሳቱ ካዩዋ ማዩዋ ማዪደ፥ ብድን ቦላን ኡቲደ፥ በንፐ ባረንቱ ናጋራፐ ስማናዋንታሽን። 
\v 14 ሀዋ ድራዉ፥ ሙረትያ ጋላስ ህንተንቱፐ አደ ጺሮሳ ካታማዉነ ሲዶና ካታማዉ ሙራይ ካዉሻናዋ። 
\v 15 ሀነ ቅፍርናሆመ፥ ኔን ሳሉዋ ፑደ ቁ ጋናዉ ኮያድ? ዱገ ስኦልያ ዎናሳ።\x - \xo 10:15 \xo*\xt ኢሳ. 14:13-15\xt*\x*
\p
\v 16 “ህንተንቱ ግያዋ ስስያ አሳይ፥ ታን ግያዋ ስሴ፤ ህንተንታ እጽያ ኡራይ ታና እጼ፤ ታና እጽያ ኡራይ ታና ኪቴዳዋካ እጼ” ያጌዳ።\x - \xo 10:16 \xo*\xt ማቶሳ 10:40፤ ማር. 9:37፤ ሉቃሳ 9:48፤ ዮሃ. 13:20\xt*\x*
\s1 አ ካልያዋንቱ ኪተቴዳሳፐ ስሜድኖ
\p
\v 17 ላፑን ታሙ አሳቱካ፥ “ጎዳዉ፥ ኢታ አያናቱካ ነ ሱንን ኑዉ አዛዘቴድኖ” ያጊደ ናሸቻን ስሜድኖ።
\p
\v 18 የሱስካ ኡንቱንቶ፥ “ሴጻናይ ዋልቃንዳን ሳሉዋፐ ዎሽን በኣድ። 
\v 19 ስም ሾሻነ ሶጉዋ የናዳን ህንተንቱ ሞርክያ ጻላህያ ዎልቃ ጾናና ማላ ማታ እማድ። ህንተንታ ቆሀናዌ አይኔካ ደኤና። 
\v 20 ግዶፐ አትን ህንተንቱ ሱንይ ሳሉዋ ማዝጎብያን ጻፈቶ ድራዉ፥ ናሸትተፐ አትን ኢታ አያናቱ አዛዘቶ ድራዉ ናሸቶፕተ” ያጌዳ። \fig ሶጉዋ|alt="Scorpion" src="BK00058B.TIF" size="col" ref="10:19"\fig*
\s1 የሱስ ባረ ናሸቻ ቆንጭሴዳ
\r (ማቶሳ 11:25-27፤ 16:13-17)
\p
\v 21 ሄ ዎድያን የሱስ አያና ጌሻን ዳሮ ናሸቲደ፥ “ሳሉዋነ ሳኣ ጎዳዉ፥ ኔን ሀ የዉዋ ታማሮዋንቱፐነ አ ኤራንቻቱዋፐ ገንደ፥ ቄር ናናዉ ቆንጭሶ ድራዉ፥ ኔና ጋላታይ፤ ኤ፥ ታ አቦ፥ አያዉ ጎፐ፥ ሀዋ ኦናዉ ነ ሎኦ ሸነ ግዴዳ።
\p
\v 22 “ኡባ የዉ ታዉ ታ አቡፐ እመቴዳ። ናአይ ኦነንቶ አዉዋፐ አትሽን ኦንነ ኤርያዌ ባዋ፤ ሄዋዳንካ አዉ ኦነንቶ ናኣፐነ እ ቆንጭሳናዉ ኮዮ ኡራፐ አትን፥ ሀራይ ኦንነ ኤርያዌ ባዋ” ያጌዳ።
\p
\v 23 ካሊደካ የሱስ ባረና ካልያዋንቱኮ ስም ዎደ፥ ኡንቱንቱ ጻላላ፥ “ህንተንቱ በእያዋ ጼልያ አይፋቱ አንጀቴዳዋንታ። 
\v 24 ታ ህንተዉ ኦድያዌ አዬ ጎፐ፥ ጮራ ናባቱነ ካታቱ ህንተንቱ በእያዋ በአናዉ አሞቴድኖሽን በእበይክኖ፤ ህንተንቱ ስስያዋካ ስሳናዉ አሞቴድኖ፤ ሽን ስስበይክኖ” ያጌዳ።
\s1 አሳዉ ቃረትያ ሳማርያ ብታንያ
\p
\v 25 እት ጋላስ ህግያ ኤርያዌ እቱ የሱሳ ፓጫናዉ አኮ ዪደ፥ “ታማርስያዎ፥ መና ደኡዋ ላታናዉ፥ ታን አያ ኦ?” ያግ ኦቼዳ።
\p
\v 26 የሱስ ዛሪደ፥ “ሙሴ ህግያ ማጻፋን ጻፈቶዌ አዬ? ኔን አያ ጋደ ብላይ?” ያጌዳ።
\p
\v 27 ብታኒካ፥ “ሙሴ ህግያ ማጻፋይ፥ ‘ጾሳ ነ ጎዳ ፖሎ ነ ዎዛናፐ፥ ፖሎ ነ ሸምፑዋፐ፥ ፖሎ ነ ዎልቃፐነ ፖሎ ነ ቆፋፐ ሲቃ፤ ሄዋዳንካ ነ ላገካ ነ ሁጲያዳን ዶሳ’ ጌ” ያጌዳ።\x - \xo 10:27 \xo*\xt ዎጋ 19:18፤ ዛረ. 6:5\xt*\x*
\p
\v 28 የሱስ አ፥ “ልከ፥ ቱሙዋ ጋዳ፤ ስም ኔንካ ሀዋ ኦ፤ ደኡዋን ደአናሳ” ያጌዳ።
\p
\v 29 ሙሴ ህግያ ታማርስያ ብታኒ ቃይ ባረና ጽሎ ኦናዉ ኮዪደ የሱሳ፥ “ሀኖሽን፥ ታ ላገይ ኦኔ?” ያጊደ ኦቼዳ።
\p
\v 30 የሱስ ዛሪደ፥ “እት ብታኒ የሩሳላመፐ እያርኮ ቢደ ደእሽን፥ ኦግያ ቦላን ፓናቱ አ ደሚደ፥ አ ማዩዋ ቃሮዋፐ ጉየ ሾጪደ፥ ሀይቃናዉ ፖሉ ጎደ ኦሊደ ቤድኖ። 
\v 31 ቆፐናን እት ቄሳይ ሄ ኦግያና ብደእያዌ፥ ሾጨቲደ ኩንዴዳ ብታንያ በኤዳ ዎደ፥ አያነ ኦናን ምይያና አደ ቤዳ። 
\v 32 ሄዋዳንካ እት ሌዊ ሄ ኦግያና ብደኤ። እካ ብታንያ በኢደ፥ ምየት አዳ። 
\v 33 ሽን ሳማርያ አሳ ግዴዳ እት ብታኒ፥ ሄ ባጋና አደ፥ ሀ ብታንያኮ ዬዳ። አ በኤዳ ዎደ አዉ ቃረቴዳ።\x - \xo 10:33፣ 34 \xo*\xt 2 ኦዱዋ 28:15\xt*\x* 
\v 34 አኮካ ሺቂደ፥ ዛይትያነ ዎይንያ ኤሳ\f + \fr 10:34 \fr*\fk ዛይትያነ ዎይንያ ኤሳ፦ \fk*\ft ኦራ ጫቁዋ ዎድያን ሀዋንቱ ልያዋንታ ጌተቲደ አከቲኖ። ኡባ ሀዋን ጻፈቴዳ ዛይቲ፥ ኦራ ልያ ማላታ ጌተቴ። ያይ። 5:14 ጼልተ።\ft*\f* አ ማይን ትጊደ፥ ቃቼዳ። ሄዋፐ ጉየ ባረ ሀርያ ቶግሲደ፥ እማይ አቅያ ጎልያ አክ ቤዳ፤ ሄዋን ብዪደ ናጌዳ። 
\v 35 ዎንተ ጋላስ ጉ ብራ ባረ ኪስያፐ ከሲደ፥ እማይ አቅያ ጎልያ ጎዳዉ እሚደ፥ ‘ሀ ብታንያ ታዉ ሎይ ብያ፤ ሀዋፐ ዳሩዋ ኔን ከሶፐካ፥ ታን ስምያ ዎደ ነዉ ጭጋና’ ያጌዳ።
\p
\v 36 “ስም ሀ ሄዙ አሳቱዋፐ፥ ፓናቱዋ ኩሽያን ሾጨቲደ ኩንዴዳ ብታነዉ፥ ላገ ግዴዳዌ ሀቃዋ ማላቲ?” ያጌዳ።
\p
\v 37 ህግያ ታማርስያዌካ፥ “ሄ አዉ ቃረቶዋ” ያጌዳ።
\p የሱስካ አ፥ “ስም ባደ ኔንካ ሄዋዳን ኦ” ያጌዳ።
\s1 የሱስ ማርትነ ማይራም ሶይ ቤዳ
\p
\v 38 የሱስ ባረና ካልያዋንቱና ኦግያ ቢደ፥ እት ሄራ ጋርሳ ጋኬዳ። ሄዋን ማርቶ ጌተትያ እት ምሽራታ ባረ ጎለን ሞካዱ።\x - \xo 10:38፣ 39 \xo*\xt ዮሃ. 11:1\xt*\x* 
\v 39 እዝዉካ ማይራሞ ጌተትያ ምቻታ ደአዉ፤ ሄናካ የሱሳ ገድያ ማታን ኡታደ፥ እ ኦድያዋ ሀይዛደ ደአዉ። 
\v 40 ማርታ ቃይ ሶይባ ጊግሳደ ዳቡራ ደአዉ፤ ሄዋ ድራዉ የሱሳኮ ሺቃደ፥ “ሀና ታ ምቻታ፥ ኪታ ኡባ ታ ቦላ ኦልና፥ ታን ታረካ ላባኖደ ጼላደ ጮኡ ጋይ? ሀያና ታና ማዳናዳን እዝዉ ኦዳ” ያጋዱ።
\p
\v 41 የሱስካ ዛሪደ እዞ፥ “ማርቴ፥ ማርቴ፥ ኔን ጮራ የዉዋ ቆፓደ ህርጋ፤ ቃይካ መቶታ። 
\v 42 ሽን ኮሽያዌ እትባ፤ ማይራማ ባረፐ ኦንነ አከና ሎኦባ ዶራዱ” ያጌዳ።
\c 11
\s1 የሱስ ዎሳባ ታማርሴዳ
\r (ማቶሳ 6:9-13፤ 7:7-11)
\p
\v 1 እት ጋላስ የሱስ እትሳን ዎሳ ዎስ ደኤ። ዎሳ ዉርሶዋፐ ጉየ አ ካልያዋንቱፐ እቱ፥ “ጎዳዉ! ዮሃንስ ባረና ካልያዋንታ ዎሳ ታማርሶዋዳን፥ ኑናካ ኔን ዋግ ዎሳነንቶ ታማርሳ” ያጌዳ።
\p
\v 2 እካ ኡንቱንታ፥ “ጾሳ ዎሲደ ያግ ዎስተ:
\q1 “ ‘ሳሉዋን ደእያ ኑ አቦ፥
\q2 ነ ሱንይ አንጀቶ፤
\q2 ነ ካዉተይ ዮ፤
\q2 ነ ሸኒ ሳሉዋን ሀኖዋዳን ሳንካ ሀኖ፤
\q1
\v 3 ጋላሳን ጋላሳን ኮሽያ ቁማ፥
\q2 ኑዉ ሀቼ እማ፤
\q1
\v 4 ኑን ኑና ናቄዳዋንቱዋ፥
\q2 ኡባ አቶ ጎዋዳን፥
\q2 ኔንካ ኑ ናቁዋ አቶ ያጋ፤
\q2 ኑና ኢታፐ ናጋፐ አትን፥
\q2 ፓጭያን ገልሶፓ’
\m ያግተ” ያጌዳ።
\p
\v 5 ቃይካ የሱስ ባረና ካልያዋንታ፥ “ህንተንቱፐ እቶ ሲቆ ላጊ ደእንቶ ግዶ ብላህያን አኮ ዪደ፥ ‘ታ ሲቆ ላገዉ፥ ታዉ ሄዙ ሶሉዋ ታልአ፤ 
\v 6 አያዉ ጎፐ፥ እት ታ ላገይ ዪና አ ምዝያዋ ያድ’ ያግ ዎሴዳ ጎይተ። 
\v 7 ባረ ጎለን ደእያ አ ሲቆ ላጊ ሶይፐ ሃሳዪደ፥ ‘ታና መቶፓ፤ ፐንጊ ቃሸቴዳ፤ ታናናይካ ታናና ግሴድኖ፤ ሄዋ ድራዉ ታን ደንዳደ ነዉ አይነ እማናዉ ዳንዳይከ’ ጋናዌ? 
\v 8 ታን ህንተንቶ ኦድያዌ አዬ ጎፐ፥ እ አዉ ሲቆ ላግያ ግዶ ድራዉ፥ እመነንቶኔካ ኡንኤ ድራዉ እ ኮይያዋ ኡባ እሜ። 
\v 9 ሀዋ ድራዉ፥ ‘ዎስተ፥ ህንተንቶካ እመታናዋ፤ ኮይተ፥ ደማንታ፤ ካርያ ዪደ ጼስተ፥ ህንተንቶ ዶየታናዋ’ ያጋይ። 
\v 10 ጋሱካ፥ ዎስያ ኡባይ አካናዋ፤ ኮይያ ኡራይካ ደማናዋ፤ ካርያ ዪደ ጼስያ ኡራዉ፥ ፐንጊ ዶየታናዋ።
\p
\v 11 “ህንተንቱ ግዶፐ ባረ ናአዉ፥ ሞልያ ዎስና ሾሻ፥ ቁማ እማ ጊና ሹቻ እምያ አዉ ደኢ? 
\v 12 ዎይ ቁቁልያ ዎስና ሶጉዋ እምዬ? 
\v 13 ህንተንቱ ኢታ ግድ ደኢደ ህንተንቱ ናናዉ ሎኦባ እምያዋ ኤሮፐ፥ ያትና ሳሉዋን ደእያ ህንተንቱ አዉ ባረና ዎስያዋንቶ አያና ጌሻ ዎት ዳርሲደ እማንዴሻ?” ያጌዳ።
\s1 የሱሳነ ብኤል-ዘቡላ
\r (ማቶሳ 12:22-30፤ ማር. 3:20-27)
\p
\v 14 እት ጋላስ የሱስ እት ብታንያፐ ዱድስያ አያና ከሶዋፐ ጉየ ዱደ ብታኒ ሃሳያ ዶምና፥ አሳይ ማላለቴዳ። 
\v 15 ሽን ኡንቱንቱፐ እቱ እቱ፥ “ጋሌናቱዋ ካፑዋ ብኤል-ዘቡል አዉ ዎልቃ እምና ጋሌናቱዋ ከሴ” ያጌድኖ።\x - \xo 11:15 \xo*\xt ማቶሳ 9:34፤ 10:25\xt*\x*
\p
\v 16 እቱ እቱ ቃይ የሱሳ ፓጫናዉ ሳሉዋፐ ማላታ በሳናዳን አፐ ኮዬድኖ።\x - \xo 11:16 \xo*\xt ማቶሳ 12:38፤ 16:1፤ ማር. 8:11\xt*\x* 
\v 17 ሽን የሱስካ ኡንቱንቱ ቆፋ ኤሪደ ኡንቱንታ ሀዋ ያጌዳ: “ባረ ግዶን ሻከትያ ካዉተይ ኡባይ ያናዋ፤ ሻከትያ ጎሊካ ኩንዴ። 
\v 18 ያትና ሴጻና ካዉተይ ባረ ግዶን ሻከቶፐ አ ካዉተይ ዎት ኤቃናዌ? ህንተንቱ ታና፥ ‘ጻላህያ ካፑዋ ብኤል-ዘቡል ነዉ ዎልቃ እምና ከሳ’ ያግ ሃሳዪታ። 
\v 19 ስም ታን ብኤል-ዘቡላ ዎልቃን ጋሌናቱዋ ከስያዋ ግዶፐ ህንተንቱ ናናይ ኦ ዎልቃን ከሳናዋንቴ? ሀዋ ግድያ ድራዉ፥ ኡንቱንቱ ህንተንቱ ቦላን ፕርድያዋንታ ግዳናዋንታ። 
\v 20 ሽን ታን ጋሌናቱዋ ከስያዌ ጾሳ ዎልቃና ግዶፐ፥ ስም ጾሳ ካዉተይ ህንተንቱኮ ዬዳዋ ኤርተ።
\p
\v 21 “ዎልቃማ አሳይ በስያዋዳን ምኒደ ባረ ጎልያ ናጎፐ፥ አ ሻሉ ሎይ ናገታናዋ። 
\v 22 የዉዋን ቃይ አፐ ምኑዋ ዳርያዌ ዪደ አ ቆሆፐነ ጾኖፐ እ አማነቴዳ ቶራነ ጎንዳልያ አፐ ዎ አኪደ፥ አዉ ደእያ ሚሻ ግሸት አኬ።
\p
\v 23 “ታ ባጋ ግደናዌ ታናና ኤቀቴ፤ ታናና ሺሽ ቤናዌካ ላሌ።\x - \xo 11:23 \xo*\xt ማር. 9:40\xt*\x*
\s1 ቱና አያናይ ካሰ የግ ቤዳ አሳኮ ስሚደ ይያ ጋሱዋ
\r (ማቶሳ 12:43-45)
\p
\v 24 “ቱና አያናይ አሳፐ ከሴዳ ዎደ፥ ባረዉ ሸምፕያ ሳ ኮዪደ፥ ሃይ ባንታሳና አ ቤ። ሸምፕያ ሳ ደመናን አቶፐ፥ ‘ታን ካሰ የጋ ከሴዳ ታ ጎልያ ስማና’ ያጌ፤ 
\v 25 ስምያ ዎደካ ጎሊ ፕተቲደ ጊጎዋ ደሜ። 
\v 26 ሄዋፐ ካላ፥ ቢደ ሀራ አፐ ኢታ ላፑ ቱና አያናቱዋ አክ ያ ገሊደ፥ ሄዋን ደኢኖ፤ ሄ ብታንያ ደኡ ኮይሮዋፐ ካላዌ ኢቶዋ ግዴ” ያጌዳ።
\p
\v 27 የሱስ ሀዋ ሃሳይ ደእሽን፥ እት ምሽራታ ጮራ አሳ ግዶፐ ባረ ኮሻ ቁ ኦደ፥ “ኔና የሌዳዉናነ ንዳ ነ ዳያ አንጀቴዳዉኖ” ያጋዱ። 
\v 28 የሱስ ቃይ፥ “አንጀቴዳዋንቱ ጾሳ ቃላ ስሲደ አዛዘትያዋንታ” ያግ ዛሬዳ።
\s1 ጾሳፐ ኦሰቶ ማላታ
\r (ማቶሳ 12:38-42፤ ማር. 8:12)
\p
\v 29 ጮራ አሳይ ሺቆ ዎደ የሱስ፥ “ሀ የለታይ ኢታ፤ ኦራ ማላታ ኮዬ፤ ሽን ናብያ ዮናሳ ማላታፐ ሀራይ እመተና።\x - \xo 11:29 \xo*\xt ማቶሳ 16:4፤ ማር. 8:12\xt*\x* 
\v 30 ጋሱካ ዮናስ ነነዌ ካታማ አሳዉ ማላታ ግዶዋዳን፥ ታን፥ አሳ ናአይካ፥ ሀ የለታዉ ማላታ ግዳና።\x - \xo 11:30 \xo*\xt ዮናሳ 3:4\xt*\x* 
\v 31 አዋይ ሞክያሳ ጼልያ ዎደ፥ ኡሸቻ ዱገ ባጋና ደእያ ጋድያ ካታታ ሶሎሞነዉ ደእያ አ ኤራተ ስሳናዉ ቢታ ጋጻፐ ዬዳ ድራዉ፥ ፕርዳ ዎደ ሀ የለታን ደንዳደ ፕርዳናዉኑ፤ በእተ፥ ሶሎሞነፐካ አያዌ ሀዋን ደኤ።\x - \xo 11:31 \xo*\xt 1 ካታ. 10:1-10፤ 2 ኦዱዋ 9:1-12\xt*\x* 
\v 32 ነነዌ አሳይ ፕርዳ ዎደ ህንተንቱ ቦላ ደንዲደ ፕርዳናዋንታ፤ አያዉ ጎፐ፥ ኡንቱንቱ ዮናስ ኦዶዋ ስሲደ ባረንቱ ናጋራ ፓጽ ስሜዳ ድራሳ፤ በእተ፥ ዮናሳፐ አያዌ ሀዋን ደኤ።\x - \xo 11:32 \xo*\xt ዮናሳ 3:5\xt*\x*
\s1 ቦላ ፖእስያ ጾምፕያ
\r (ማቶሳ 5:15፤ 6:22-23)
\p
\v 33 “ሶይ ገልያ አሳዉ ፖአናዳን፥ ጾምፕያ ጾምፒደ ቃሳን ዎናፐ አትን፥ ጌማሳን ዎይ ፖኡዋ ካምያ የዉዋፐ ጋርሳና ዎያዌ ኦንነ ባዋ።\x - \xo 11:33 \xo*\xt ማቶሳ 5:15፤ ማር. 4:21፤ ሉቃሳ 8:16\xt*\x* 
\v 34 ነ አሳተዉ ነ አይፊ ጾምፕያ ማላ፤ ነ አይፊ ፓጻ ግዶፐ ነ ኩመን አሳተይካ ፖኡዋ ደሜ፤ ሽን ነ አይፊ ሀርጎፐ ነ ኩመን አሳተይካ ማ። 
\v 35 አኬካ፤ ሄዋ ግድያ ድራዉ፥ ነ ጋርሳን ደእያ ፖኡ መናዳን ናገታ። 
\v 36 ስም ነ አሳተይ ኡባይ ፖኡዋን ኩሜዳዋ ግዶፐነ፥ ሜዳ አሳተይ ኔናን ባይናዋ ግዶፐ፥ ነ አሳተይ ኡባይ፥ ጾምፒ ባረ ፖኡዋ ነ ቦላን ፖእስያዋዳን፥ ነ ቦላን ዋጋጋ ፖኡዋ ግዳናዋ” ያጌዳ።
\s1 የሱስ ፓርሳዋቱዋነ ሙሴ ህግያ ታማርስያዋንታ ኩናኔዳ
\r (ማቶሳ 23:1-36፤ ማር. 12:38-40፤ ሉቃሳ 20:45-47)
\p
\v 37 የሱስ ሃሳያ ዉርሶዋፐ ካላ፥ እት ፓርሳዌ ብታኒ ባረ ጎለን ቁማ ማናዳን አታሌዳ፤ የሱስካ እትፐ ገሊደ ጋይታን ኡቴዳ።\f + \fr 11:37\fr*\fk ጋይታን ኡቴዳ፦ \fk*\ft ቁማ ማናዉ ኡቴዳ ጉሳ።\ft*\f* 
\v 38 ፓርሳዊካ የሱሳ ቁማ ማናፐ ካስያን ኩሽያ ሜጨት ቤናዋ በኢደ ማላለትና፥ 
\v 39 ጎዳይካ፥ “ህንተንቶ ፓርሳዋቶ፥ ጹኣነ ሻታ ቦላ ባጋ ጌሺታ፤ ሽን ህንተንቱ ጋርሳይ ኡዝያንነ ኢታተን ኩሜዳ። 
\v 40 ህንተንቶ ኤያቶ! ቦላ ባጋ መዳዌ ጋርሳ መቤኔ? 
\v 41 ሽን ህንተንቱ ጹኣንነ ሻታ ጋርሳን ደእያዋ ህዬሳቶ እምተ፤ ሄ ዎደ ኡባባይካ ህንተዉ ጌሻ ግዳናዋ።
\p
\v 42 “ሽን ህንተንቶ ፓርሳዋቶ፥ ህንተዉ አየ! አያዉ ጎፐ፥ አኑጋፐነ ጻሎትያፐ፥ አጉፕያ ዶኡዋፐ፥ ታሙ ኩሽያፐ እት ኩሽያ ጾሳዉ እሚታ፤ ሽን ቱሙ ፕርዳነ ጾሳ ሲቅያዋ ህንተንቱ አጊታ። የዉዋን ቃይ ሄዋ አገናን ሀዋ ኦናዉ በሴ።\x - \xo 11:42 \xo*\xt ዎጋ 27:30\xt*\x*
\p
\v 43 “ህንተንቶ ፓርሳዋቶ፥ ህንተዉ አየ! አያዉ ጎፐ፥ አይሁዳ አሳ ዎሳ ጎለን ቦንቾ ኡቱዋ፥ ገያ ግዶንካ ቦንቾ ሳሮታ ኮዪታ።
\p
\v 44 “አሳይ ኤረናን ቦላና ሀመትያ ቤተና ዱፉዋ ማላትያ ድራዉ ህንተዉ አየ!” ያጌዳ።
\p
\v 45 ሙሴ ህግያ ታማርስያዋንቱፐ እቱ፥ “ታማርስያዎ፥ ኔን ሀዋ ያጋ ሃሳዮ ድራዉ ኑና ቦራዳ” ያግ ዛሬዳ።
\p
\v 46 የሱስ፥ “ህንተኖ ህግያ ኤርያዋንቶ፥ ሄንተዉ አየ! አያዉ ጎፐ፥ አሳይ ቶኪደ ዳንዳየና ዴጾ ቶኩዋ ሀራ ቶሲታ፤ ሽን ህንተንቱ ህንተ ሁጰዉ ብራያንካ ቦችክታ።
\p
\v 47 “ህንተንቱ አዎቱ ዎዳ ናባቱዋ ዱፉዋ ሎይያ ድራዉ ህንተዉ አየ! 
\v 48 ስም ህንተንቱ አዎቱ ናባቱዋ ዎና፥ ህንተንቱ ኡንቱንቱ ዱፉዋ ቦላን ጎልያ ኬጽያ ድራዉ፥ ናባቱዋ ኦሱ ሎአ ያጊደ፥ ኡንቱንቱዋ ማርካቲታ። 
\v 49 ሀዋ ድራዉ፥ ጾሳ አ ኤራተይ፥ ታን ናባቱዋነ የሱስ ኪቶዋንታ ኡንቱንቱኮ ኪታና፤ ኡንቱንቱካ ሄዋንቱፐ እቱዋ እቱዋ ዎናዋንታ፤ እቱዋ እቱዋ መቶናዋንታ ያጌዳ። 
\v 50 ሀዋ ግድያ ድራዉ፥ ሀ አላሚ መቶደፐ ዶሚደ ጉኬዳ ናባቱዋ ሱዉ ሀ የለታይ ኦሸቴ። 
\v 51 አቤላፐ ዶሚደ ያርሹዋሳፐነ ጌሻ ጎልያፐ ግዱዋን ጉኬዳ ዛካራሳ ሱ ጋካናዉ ኮየቴ።\f + \fr 11:51 \fr*\ft አይሁዳቱዋ ማጻፋቱዋ ጋርሳን ዶመ ማጻፋይ ኮይሮ ማጻፋ። እካ፥ አቤል አሳ ኡባፐ ኮይሩዋን እሻይ አ ዎዳዋ ኦዴ። አይሁዳቱዋ ጌሻ ማጻፋቱዋን ዉርሰ ማጻፋይ ላኤንያ ኦዱዋ ማጻፋ። ሄ ማጻፋን ዛካራስ ዉርሰን ሀይቄዳዋ ኦድያ ድራሳ ሉቃስ አቤላፐ ዛካራሳ ጋካናዉ ጌዳዌ።\ft*\f* ኤ! ታን ጋይ፤ ሀ የለታይ ሀዎ ኦሸትያዋ።
\p
\v 52 “ህንተንቶ ሙሴ ህግያ ኤርያዋንቶ፥ ህንተዉ አየ! አያዉ ጎፐ ኤራ ፐንግያ ዶይያ ቁልፕያ አኬድታ። ህንተንቱ ህንተ ሁጰዉካ ገልበይክታ፤ ቃይ ገላናዉ ኮይያዋንታካ ድጌድታ” ያጌዳ።
\p
\v 53 የሱስ ሄዋፐ ከሶዋፐ ጉይያን፥ ህግያ ታማርስያዋንቱነ ፓርሳዋቱ አ ኦሻን ኡርጉንሳነ ኤቀቱሳ ዶሜድኖ። 
\v 54 አ ዶናፐ ሎኤናባይ ከሶፐ ኦይቃናዉ ጌዲኖ፤ ሽን ደምበይክኖ።
\c 12
\s1 ሎአ ማላትያ ኢታተፐ ናገታና ማላ ሴራ
\r (ማቶሳ 10:26፣ 27)
\p
\v 1 ሄ ዎድያን ጮራ ሻኣን ፓይደትያ አሳይ እቱ እቱዋ የና ጋካናዉ ሺቅ ደእሽን፥ የሱስ ባረና ካልያዋንቶ ኮይሮ ኦዳናዉ ዶሚደ፥ “ፓርሳዋቱዋ እርሹዋፐ ናገትተ፤ ሀዌካ ሎአ ማላትያ ኡንቱንቱ እምያ ኢታ ትምርትያ።\x - \xo 12:1 \xo*\xt ማቶሳ 16:6፤ ማር. 8:15\xt*\x* 
\v 2 ሽን አያንነ ካመቴዳ የዉ ቆንጭያ ከሰናን አተና፤ ቃይካ ጌሜዳ የዉ ኤረተናን አተና። 
\v 3 ሄዋ ድራዉ ህንተ ማን ሃሳዮዌ ኡባይ፥ ጋላስ ፖኡዋን ስሰታናዋ፤ ህንተንቱ አሳይ ባይናሳን ህን ግሶ ጎልያን ሀይን ሳሱኮዌ ኡባይ ቁ ጌዳ ስሰትያ ቆንጨሳን አዋየታናዋ።
\s1 እት ጾሳ ጻላላዉ ያያና በሴ
\r (ማቶሳ 10:28-31)
\p
\v 4 “ታናዳን አማንያዋንቶ፥ ታን ህንተዉ ያጋይ፤ ሀእ አሹዋ ዎያዋንታ፥ ሄዋፐ ካላ ቃይ አያነ ኦናዉ ዳንዳየናዋንታ ያዮፕተ። 
\v 5 የዉዋን ቃይ ህንተንቱ ኦስ ያያናዉ በስንቶ ታን ህንተንታ ኤርሳና፤ ሄዌካ ዎዋፐ ጉይያን ጋናምያን ኦላናዉ ማታይ ደእያ ጾሳ ጻላላዉ ያይተ፤ ኤ፥ አዉ ያይተ ያጋይ።
\p
\v 6 “እቼሹ ሱንያ ካፋቱ ሳንትምያን ሻመትክኖየ? ሄዋንቱፐ እትኖነ ኡሳ ጾሳይ ዶገና። 
\v 7 ሽን ሀራይ አቶ ህንተንቱ ሁጲያን ደእያ ብናናይ ኡባይካ ፓይደቴዳዋ፤ ሀዋ ድራዉ ያዮፕተ፤ ህንተንቱ ጮራ ሱንያ ካፋቱዋፐ ዳሪታ።
\s1 የሱሳን አማንያዋንታነ አ እጽያዋንታ
\r (ማቶሳ 10:32፣ 33፤ 12:32፤ 10:19፣ 20)
\p
\v 8 “ታን ህንተዉ ኦዳይ፤ ታባ አሳ ስንን ማርካትያዎ ኦስነ ታንካ አሳ ናአይ፥ ቃይ ጾሳ ኪታንቻቱዋ ስንን ማርካታና፤ 
\v 9 ሽን አሳ ስንን ታና ካድያዋንታ ታንካ አሳ ናአይ፥ ቃይ ጾሳ ኪታንቻቱዋ ስንን ካዳና።
\p
\v 10 “ታ ቦላ፥ አሳ ናኣ ቦላ፥ ቦርያ ቃላ ሃሳይያዌ ደኦፐ አ ናቁ አቶ ጌተታና፤ ሽን ጌሻ አያና ቦላ ቦርያ ቃላ ሃሳይያዌ ደኦፐ ቃይ አ ናቁ አቶ ጌተተና።\x - \xo 12:10 \xo*\xt ማቶሳ 12:32፤ ማር. 3:29\xt*\x*
\p
\v 11 “አሳይ ህንተንታ አይሁደ ዎስያ ጎልያኮ፥ ጋድያ አይስያዋንቱኮነ ማታይ ደእያዋንቱ ስን ፕርዳዉ ሺሽያ ዎደ፥ ‘ዋግ ዛራኔሻ? ዎይ አያ ጊደ ሃሳያኔሻ?’ ያጊደ ህርጎፕተ፤ 
\v 12 አያዉ ጎፐ፥ ህንተና አያና ጌሻይ ህንተንቱ ሄ ሳትያን ሃሳያናዉ በስያባ ታማርሳናዋ” ያጌዳ።\x - \xo 12:12 \xo*\xt ማቶሳ 10:19-20፤ ማር. 13:11፤ ሉቃሳ 21:14-15\xt*\x*
\s1 ዱረ ብታንያ ቦዛተ ኦድያ ሌምሱዋ
\p
\v 13 አሳ ጋርሳፐ እት ብታኒ የሱሳ፥ “ታማርስያዎ፥ ኑ አቡ ሀይቂና ኑን ላታና ማላ አቴዳባ፥ ታዉ ግሻና ማላ ሀያ ጎዶ ታ እሻዉ ኦዳ” ያጌዳ።
\p
\v 14 የሱስ ቃይ፥ “ሀ ብታነዉ፥ ህንተንቱ ቦላን ፕርድያዋ ግዳናዳነ ሄዋ ህንተዉ ግሻናዳን ታና ኦኔ ሱንዳዌ?” ያጌዳ።
\p
\v 15 ጉጂደካ ኡባቱዋ፥ “አሳ ሸምፖ ሻሉዋ ዱረተይ ደኡዋ እመና ድራዉ፥ ያረትያዋፐነ ዮራትያዋፐ ናገትተ፤ ዱረተ አሙዋ ኡባፐካ ህንተና ናግተ” ያጌዳ።
\p
\v 16 ካሊደካ ሀዋዳን ያግ ሌምሱዋ ኡንቱንቶ ኦዴዳ: “አዉ ደእያ ቢታይ ዳርሲደ ካ ሞኬዳ እት ዱረ ብታኒ ደኤ። 
\v 17 ሀ ብታኒ፥ ‘ታዉ ታ ካ ዎናዉ ግድያ ሳአይ ባንታዋ ድራዉ አያ ኦሻ?’ ያጊደ፥ ባረ ዎዛናን ቆፔዳ፤ 
\v 18 ሀዋዳን ያግ ማሌዳ፤ ‘ታን ዎታነ ጎፐ፥ ታዉ ደእያ ዬስያ ኮላደ፥ ሀራ አክያ ዬስያ መና ያጊደ ማሌዳ፤ ሄዋን ታ ካነ ታዉ ደእያ ሚሻ ኡባ ዎና። 
\v 19 ያታደ ታና፥ “ነ ካጫይ ዳሮ ሎአ፤ ነዉ ዳሮ ዎድያዉ ግድያ ማጹዋ ሺሻዳ፤ ስም ሸምፓደ ማ፥ ኡሻ፥ ናሸታ” ጋና’ ያጌዳ።
\p
\v 20 “ሽን ጾሳይ አ፥ ‘ሀ ቦዛዉ፥ ሀቼ ቃማ ኔን ሀይቃ። ያትና ሀ ኔን ሺሼዳ ማጹ ኡባይ ኦስ ግዳናዌ?’ ያጌዳ።
\p
\v 21 “ባረዉ ቢታ ቦላን ሻሉዋ ሺሽያዌ፥ ጾሳ ስንን ቃይ ማንቆ ግዴዳ አሳይ ሀ ብታንያ ማላ” ያጌዳ።
\s1 ኡባ ዎደ ጾሳን አማነቱሳ ኮሼ
\r (ማቶሳ 6:25-34)
\p
\v 22 ሀዋፐ ካላ የሱስ ባረና ካልያዋንታ፥ “ሀዋ ድራዉ፥ ታ ህንተዉ ኦዳይ: ህንተንቱ ፓጻ ደአናዉ አያ ማኔ? ህንተንቱ ቦላዉ አያ ማያኔ? ያጊደ ህርጎፕተ።
\p
\v 23 “ጋሱካ፥ ሸምፑ ቁማፐ፥ ቃይ አሳተይ ማዩዋፐ አኔ? 
\v 24 አነ ቁራቱዋ ጼልተ፤ ኡንቱንቱ ዘርክኖ፤ ጫክክኖ፤ ኡንቱንቶ ካ ሺሽያ ሳአይ ዎይ ዬሲ ባዋ፤ ሀኖፐ አትን፥ ኡንቱንታ ጾሳይ ምዜ፤ ህንተንቱ ካፋቱዋፐ ዳሮፐ ዳርክቴ? 
\v 25 ህንተንቱፐ ዳሪ ቆፒደ ዳሮ ዎድያ ደአናዉ ዳንዳይያዌ ኦኔ?
\p
\v 26 “ስም ህንተንቱ ሀ ላፋባ ኦናዉ ዳንዳየናዋንታ ግዶፐ አያዉ ሀራባዉ ህርገቲቴ? 
\v 27 ጪሻቱ ዎት ድጪኖንቶ አነ ጼልተ፤ ኡንቱንቱ ኪታን ዳቡርክኖ፤ ፑቱዋ ሱቂክኖ፤ ግዶ ሽን ታን ህንተዉ ኦድያዌ፥ ሶሎሞነ ሄዋ ኬና ቦንቼቴዳዋ\f + \fr 12:27 \fr*\fq ሶሎሞነ ሄዋ ኬና ቦንቼቴዳዋ፦ \fq*\ft አይሁዳ አሳይ ሶሎሞነ ባረ ደኤዳ ላይ ኡባን ዳሮ ዱረተን ደኤዳ ጊደ ቆፒኖ።\ft*\f* ግዲደ፥ ሄ ጪሻቱዋፐ እቱዋ ማላነ ማይቤና።\x - \xo 12:27 \xo*\xt 1 ካታ. 10:4-7፤ 2 ኦዱዋ 9:3-6\xt*\x* 
\v 28 ህንተንቶ ላፋ አማኑ ደእያዋንቶ፥ ያቶፐ ጾሳይ ሀቼ ቤቲደ፥ ዎንት ታማን ኤጻናዉ ኦለትያ፥ ደንባን ዶልያ ማታ ሀዋዳን ማይዝያዋ ግዶፐ፥ ህንተንታ ዎቲደ ኡንቱንቱፐ አደ ማይዘኔ?
\p
\v 29 “ሀዋ ድራዉ፥ ‘አያ ማኔ? አያ ኡሻኔ?’ ያጊደ ኡባ ዎደ ኮዮፕተነ ህርጎፕተ። 
\v 30 አያዉ ጎፐ፥ ሀዋ ደማናዉ ሀ አላምያን ደእያ ጾሳን አማነተና አሳይ ህርገቲኖ። ህንተንቶ ሀዌ ኡባይ ኮሽያዋ ሳሉዋን ደእያ ህንተንቱ አዉ ኤሬ። 
\v 31 ሄዋ ሀንያዋ አጊደ፥ ጾሳ ካዉተ ኮይተ፤ እ ህንተንታ ኮሽያዋ ኡባ እማናዋ።
\s1 ሳኣን ባረ ዱረተን አማነቶዌ ሳሉዋን ዋኒ?
\r (ማቶሳ 6:19-21)
\p
\v 32 “ህንተንቱ ጉ ግድንቶነ፥ ሳሉዋ ህንተንቱ አዉ ባረ ካዉተ ህንተንቶ እማናዉ ናሸቴዳ ድራዉ ያዮፕተ።
\p
\v 33 “ህንተዉ ደእያዋ ዛልኢደ ማንቆ እምተ፤ ካይሱ ሺቀናሳን፥ ብልአይካ ሜናሳን፥ ሳሉዋን ዉረና ሚሻ ዳጋዪደ፥ ኤጨና ቃርጭታቱዋ ህንተንቱ ሁጰዉ ዎተ። 
\v 34 አያዉ ጎፐ፥ ህንተንቱ ዎዛናይ ህንተ ሚሻይ ደእያ ሳን ደአናዋ።
\s1 ምኖ ኦሳንቻ
\p
\v 35 “ህንተ ጼሳይ ዳንጨቶዋ፥ ህንተ ጾምፒካ ፖኤዳዋ ግዶ።\x - \xo 12:35 \xo*\xt ማቶሳ 25:1-13\xt*\x* 
\v 36 ህንተንቱካ፥ ባረንቱ ጎዳይ ዪደ ፐንግያ ቆጽያ ዎደ፥ ኤለካ ዶያናዉ ቡላቻፐ ስማና ጋካናዉ ናግያ ኦሳንቻቱዋ ማላትተ።\x - \xo 12:36 \xo*\xt ማር. 13:34-36\xt*\x* 
\v 37 ባረንቱ ጎዳይ ሶይ ዬዳ ዎደ ቤጎት ደእሽን ደምያ ሄ ኦሳንቻቱ አንጀቴዳዋንታ። ታን ቱሙዋ ጋይ፤ እ ኡንቱንታ፥ ‘ኡትተ’ ጊደ፥ ባረ ዳንጩዋ ምንሲደ ኡንቱንቶ ቁማ አደ ሾባናዋ። 
\v 38 ጎዳይ ሄካ ብላህያን ዎይ ሄካ ብላህያፐ ካላ ዬዳ ዎደ፥ ቤጎቲደ ገንጭ ናጊደ ቤትያ ቆማቱ አንጀቴዳዋንታ። 
\v 39 ሀዋ ቃይ ኤርተ፤ ካይሱ አይ ሳትያን ይንቶ ጎልያዉ ኤርንቶ፥ ጎሊ ቦከትያ ዎደ ጮኡ ጊደ ጼለናሽን።\x - \xo 12:39፣ 40 \xo*\xt ማቶሳ 24:43፣ 44\xt*\x* 
\v 40 አሳ ናአይ ቆፐና ሳትያን ያናዋ፤ ህንተንቱ ጊገት ናግተ” ያጌዳ።
\p
\v 41 ጰጽሮስካ “ጎዳዉ፥ ሀ ሌምሱዋ ኔን ኦድያዌ ኑ ጻላላሴ ሀራ ኡባዉካ እትፐ ኦዳይ?” ያጌዳ።
\p
\v 42 ጎዳይካ፥ “ስም ኡንቱንቱ ባረ ሶይ አሳዉ ቁማ እማናዉ በስያ ሳትያን እማና ማላ፥ አ ጎዳይ ሱንያ አማነቴዳነ ኤራንቻ ምዝያ ቆማይ ኦኔ?” ያጌዳ። 
\v 43 ጎዳይ ስምያ ዎደ ሀዋዳን ኪተቲና ደምያ ቆማይ እ አንጀቴዳዋ። 
\v 44 ታን ህንተዉ ቱሙዋ ኦዳይ፤ ደእያ ማጹዋ ኡባ ቦላን አ ሱንናዋ። 
\v 45 የዉዋን ቃይ ሄ ቆማይ፥ “ታ ጎዳይ ኤለ ዬና፤ ጋምአናዋ” ያግ ባረ ዎዛናን ቆፖፐነ አቱማነ ማጫ ቆማቱዋ ሾቻ ዶሞፐ፥ ቃይካ ኮዮዋዳን ሙሳነ ኡሻ፥ ማቱሳካ ዶሞፐ፥ 
\v 46 ሄ ቆማ ጎዳይ፥ እ ቆፐና ጋላስነ ስቤና ሳትያን ያናዋ፤ ሄ ዎድያን አ ቃንጸሬደ፥ አ ግሹዋ ካጫካ አማነናዋንቱና እትሳ ኡዳናዋ።
\p
\v 47 ባረ ጎዳ ሸንያ ኤሪደ ጊገናዌነ አ ሸንያዳን ኪተተና ቆማይ፥ እ ኢታ ኦባ ኦበታናዋ። 
\v 48 ኤርቤናዌ ቃይ ኦበታናዉ በስያዋ ኦዳዌ፥ ጉ ኦበቴ። ዳሮባይ እመቴዳ አሳ ኡባፐ፥ አፐ ዳሮባይ ኮየቴ፤ ዎልቃማ ሀዳራይ እመቶዋፐ፥ አፐ ዳርሲደ ኮየቴ።
\p
\v 49 የሱስ፥ “ታን ዬዳዌ፥ ሀ ሳኣ ቦላ ታማ ሳናሳ፤ ሀእካ ኤጼደንቶ፥ ታና አይ ኬና ናሸቻናዌሻ። 
\v 50 ታን ጻማቀታና መቱዋ ጽንቃታይ ፖለታና ጋካናዉ ዋናደ ኡንኤታይታ!\x - \xo 12:50 \xo*\xt ማር. 10:38\xt*\x* 
\v 51 ሀ ሳኣ ታን ዬዳዌ፥ ሳሮተ አሀናሳ ማላቲዬ? ህንተዉ ማላቶፖ። ታን ዮዌ፥ ሳሮታዉ ግደናን ሻካናሳፐ አትን። 
\v 52 አያዉ ጎፐ፥ ሀእፐ ዶምና እት ጎልያን ደእያ እቼሹ አሳቱ ሻከታናዋንታ፤ ሄዛቱ ላአቱዋ ቦላ፥ ላአቱካ ሄዛቱዋ ቦላ ደንዲደ ዋላቀታናዋንታ። 
\v 53 አዉ ናኣ ቦላ፥ ናአይካ አዉዋ ቦላ፥ አታ ናት ቦላ፥ ናታካ አት ቦላ፥ ቦሎታታ ናኣ ማች ቦላ፥ ናኣ ማቻካ ቦሎታት ቦላ፥ ዋላሳን ደንዲደ ሻከታናዋንታ” ያጌዳ።\x - \xo 12:53 \xo*\xt ሚክ. 7:6\xt*\x*
\s1 ዎድያ ሀኖታ ኤሩዋ
\r (ማቶሳ 16:2-3)
\p
\v 54 ቃይካ የሱስ አሳዉ፥ “አዋይ ዉልያ ባጋና ህንተ ሻርያ በኦፐ፥ ‘ሀእ ሀ ሳትያን ሄኮ ዎልቃማ እራይ ቡካና ሀኔ’ ያጊታ፤ ቱሙካ ቃይ ቡኬ። 
\v 55 ዱገ ባጋና ጫርኩ ጫርኮደ፥ ‘ሀቼ ሻማናዋ’ ያጊታ፤ ጌተቶዋዳንካ ቃይ ሀኔ። 
\v 56 ህንተኖ ሎአ ማላትያ ኢታቶ፥ ሳኣነ ሳሉዋ ጼሊደ፥ ሀናናዋ ኤሪታ፤ ሽን ሀ ዎድያባ ዎት ኤራናዉ ዳንዳይክቴ?
\s1 ስጋተባነ ሞቱዋባ
\r (ማቶሳ 5:25-26)
\p
\v 57 “ዎደ ህንተንቱ ጽሎ ግዴዳ የዉዋ ህንተንቶ አያዉ ፕርድክቴ? 
\v 58 ነ ሞርክያና እትፐ ፕርድያ ዳና ስንን ሺቃናዉ ቦደ፥ ብሮ ኦግያ ቦላ ደእሽን ስገታ ድጋ። ሄዌ ዮፐ ኔና ጎቺደ ፕርድያ ዳናኮ አፋና፤ ዳናይካ ፖልሰዉ አ እማናዋ፤ ፖልሲ ቃሾ ጎለን የጋናዋ። 
\v 59 ታን ነዉ ኦድያዌ፥ ዉርሰ አጩዋ ጭጋና ጋካናዉ ሄዋፐ ከሳካ” ያጌዳ።
\c 13
\s1 ናጋራፐ ስመና ኡባይ ያና
\p
\v 1 ሄ ዎድያን እት እት አሳቱ የሱሳኮ ዪደ ጵላጾስ ጋሊላ አሳ ዎደ ኡንቱንቱ ሱ ያርሹዋና እትፐ ዋላኬዳዋ አዉ ኦዴድኖ። 
\v 2 የሱስካ ዛሪደ፥ “ሀዋንቱ ጋሊላ አሳቱ ሀይቄዳ ድራዉ፥ ያትና ኡንቱንቶ ሀራ ጋሊላ አሳ ኡባፐካ አደ ናጋራንቻቱዋ ግዶዋንታ ማላቲኖ? 
\v 3 ታን ያጋይ፥ ሀዋዳን ግደና፤ የዉዋን ቃይ ህንተ ናጋራ ፓጺደ ናጋራፐ ስመናን እጾፐ፥ ህንተንቱ ኡባቱካ ሄዋዳን ሀይቂታ። 
\v 4 ዎይ ሳልሆማ ግምቢ ኡንቱንቱ ቦላ ኩንዲደ፥ ዎዳ ታማነ ሆስፑን አሳቱዋ የሩሳላመን ደእያዋንቱ ኡባፐ አደ ናቆዋንታ ማላቲኖ? 
\v 5 ሀዋዳን ግደና ያጋይ፤ የዉዋን ቃይ ናጋራ ፓጻና ዮፐ ኡባቱካ ሀዋዳን ባያንታ” ያጌዳ።
\p
\v 6 የሱስካ ሀዋዳን ያግ ሌምሱዋ ኦዴዳ፥ “እት ብታነዉ ዎይንያ ቱራ ጎሻ ጋደን ቶከቴዳ ባላስያ ጌተትያ አይፊ ሜተትያ ምታ ደአዉ፤ ሄ ብታኒካ ምታ አይፋደንቶነ ጊደ ዬዳዌ፥ አይኔካ አይፍያ ደምቤና። 
\v 7 ዎይንያ ቱራ ናግያዋ እ፥ ‘ታን ሀ ባላስያ ጌተትያ ምትፐ አይፍያ ደማናዉ ሄዙ ላይ ስመረታደ አያነ ደማበይከ። ሄዋ ድራዉ ደካ ደን ድጋ፤ አያዉ ቢታ ጮ መልሳይ?’ ያጌዳ። 
\v 8 ናግያዌካ ዛሪደ፥ ‘ጎዳዉ፥ ታን እ ዩሹዋ ሀሩማናዉነ ፕቱዋ ኦላናዉ፥ ሀ ላይ ጻላላዉ ባሻ። 
\v 9 ስንዉ አይፎፐ ሎአ፤ ሽን አይፈናን እጾፐ ደከቱ’ ጌዳ” ያጌዳ።
\s1 የሱስ ቁና ምሽራቶ ሳምባታ ጋላሳ ፓዳ
\p
\v 10 የሱስካ እት ሳምባታ ጋላስ አይሁዳ ዎሳ ጎላቱዋፐ እቱዋን ታማርስ ደኤ። 
\v 11 ሄዋንካ ታማነ ሆስፑን ላይ ኩመን ቱና አያናይ ቁንሴዳ ምሽራታ ደአዉ። እዛካ ሱራደ ኤቃናዉ አይነ ዳንዳያበይኩ። 
\v 12 የሱስካ እዞ በኤዳ ዎደ ጼሲደ፥ “ሀ ምሽራቴ፥ ነ ሀርግያፐ ፓጻዳ” ያጌዳ። 
\v 13 የሱስ ባረ ኩሽያ እዝ ቦላ ዎና፥ ሄ ዎደ ሱራ ስት ጋ ኤቃደ ባረ ጾሳ ጋላታዱ።
\p
\v 14 ሽን አይሁዳ ዎሳ ጎለ ካፑ ቃይ የሱስ ሳምባታን ፓዳዋ ድራዉ ሀንቀት ዛሮዋሽን አሳቱዋ፥ “ኪተታናዉ በስያ ኡሱፑን ጋላሳቱ ደኢኖ፤ ሄ ጋላሳቱን ዪደ ፓጽተፐ አትን ሳምባታን ግደና” ያጌዳ።\x - \xo 13:14 \xo*\xt ከሳ 20:9፣ 10፤ ዛረ. 5:13፣ 14\xt*\x*
\p
\v 15 ጎዳይካ ዛሪደ፥ “ሀ ሎአ ማላትያ ኢታ አሳቶ፥ ህንተንቱፐ እቱካ ሳምባታ ጋላስ ቦራ ማጋዱዋፐ ዎይ ሀርያ ጋጻታፐ ብሊደ ሃ ኡሻናዉ አፈኔ? 
\v 16 ሀና አብራሃሞ ያራ ግዴዳዉና፥ ታማነ ሆስፑን ላይ ኩመን ጻላሂ ቃቼዳዉና ሳምባታ ጋላስ ሄ ቃሹዋፐ ብለታናዉ በሰኬ?” ያጌዳ። 
\v 17 ሀዋ ኦዴዳ ዎደ ኤቀትያዋንቱ ኡባይ ዬላቴድኖ፤ አሳይ ኡባይ ቃይ እ ኦዳ ማላልስያ ኦሱዋን ኡባን ናሸቴድኖ።
\s1 ሳናፍጭያ አይፍያ ዘረ ሌምሱዋ
\p
\v 18 የሱስካ፥ “ጾሳ ካዉተይ አያ ማላቲ? እ አያ ማላትንቶ፥ ታን ህንተንታ ዎታ በሶ? 
\v 19 ጾሳ ካዉተይ ሳናፍጭያ ጌተትያ ቄር ምት አይፍያ ማላቴ። ሄ ምት አይፍያ አሳይ አኪደ ጎሻ ጋርሳን ዘሬዳ፤ ዘረቶና ድጫደ ዎጋ ም ግዳዱ፤ ያትና ሳሉዋ ካፋቱካ እዝ አጫ ቦላ ባረንቶ ጎልያ ኬጼድኖ” ያጌዳ።
\s1 እርሹዋ ሌምሱዋ
\r (ማቶሳ 13:33)
\p
\v 20 የሱስካ ዛሪደ፥ “ጾሳ ካዉተይ አያ ማላትንቶ፥ ታን ህንተንታ ዎታ በሶ? 
\v 21 እት ምሽራታ ሄዙ ከርያ ልያ አካደ፥ ሙናቄዳ ሙናቃይ ኡባይ ደንዳና ጋካናዉ፥ አን ትጌዳ እርሹዋ ማላቴ” ያጌዳ።
\s1 ኡንአ ፐንግያባ
\r (ማቶሳ 7:13፣ 14፣ 21፣ 22)
\p
\v 22 ሄዋፐ ካላ የሱስ የሩሳላመ ቢደ፥ ዎጋ ካታማንነ ቄር ካታማን ደእያ አሳ ታማርሲደ አዳ። 
\v 23 ሄ ዎደ እት ብታኒ ሺቂደ አ፥ “ጎዳዉ፥ ጾሳ ፕርዳፐ አትያዋንቱ ጉ አሳ ጻላሌ?” ያጌዳ።
\p ሄዋፐ ጉየ የሱስ ኡንቱንታ፥
\p
\v 24 “ታን ህንተንቶ ኦዳይ፤ ኡንአ ፐንግያና ገላናዉ ባጸትተ። ጮራ አሳይ ገላናዉ ኮዪኖ፤ ሽን ዳንዳይበይክኖ። 
\v 25 ጎልያዉ ደንዲደ፥ እፍ ቃቾዋፐ ጉየ ህንተንቱ ካረን ኤቂደ፥ ‘ጎዳዉ፥ ጎዳዉ፥ ኑዉ ዶያርኪ’ ያጊደ ጼሳ ዶምያ ዎደ፥ እካ ዛሪደ፥ ‘ሀቃፐ ዬድተንቶ፥ ታን ህንተንታ ኤርከ’ ያጋናዋ።
\p
\v 26 “ሄ ዎደ ህንተንቱ፥ ‘ኑን ኔናና እትፐ ሜዶ፤ ኡሼዶ፤ ኔን ኑ ሄራንካ ታማርሳዳ’ ያጋናዋንታ።
\p
\v 27 “የሱስ ቃይ፥ ‘ታን ህንተንቶ ኦዳይ፤ ህንተንቱ ሀቃፐ ዬድተንቶ፥ ታን ህንተንታ ኤርከ፤ ኡባቱካ ማካላንቻቱ ታ ማታፐ ሃክተ’ ያጋናዋ።\x - \xo 13:27 \xo*\xt ማዝ. 6:8\xt*\x*
\p
\v 28 “አብራሃሞ፥ ይሳቅ፥ ያቆብነ ናባቱ ኡባይ ህንተንቱ ካረን ኤቂሽን፥ ጾሳ ካዉተን ደእያዋንታ ህንተንቱ በእያ ዎደ፥ ህንተንቶ ዬኮነ አቻ ቁዋ ግዳናዋ።\x - \xo 13:28 \xo*\xt ማቶሳ 22:13፤ 25:30፤ 13:28፣ 29፤ ማቶሳ 8:11፣ 12\xt*\x*
\p
\v 29 “አሳይ አዋይ ዶልያሳፐነ ዉልያሳፐ፥ ቃይ ክልባጋፐነ ህርክባጋፐ ዪደ፥ ጾሳ ካዉተ ጋይታን ኡቲኖ። 
\v 30 በእተ፤ ጉየቴዳዋንቱ፥ ስንታናዋንታ፤ ስንቴዳዋንቱ ቃይ ጉየታናዋንታ” ያጌዳ።\x - \xo 13:30 \xo*\xt ማቶሳ 19:30፤ 20:16፤ ማር. 10:31\xt*\x*
\s1 የሱስ የሩሳላመን ኦዳባ
\r (ማቶሳ 23:37-39)
\p
\v 31 ሄ ዎደ ፓርሳዋቱዋፐ እቱ እቱ የሱሳኮ ዪደ፥ “ሄሮድሰ ኔና ዎናዉ ኮይያ ድራዉ፥ ሀዋፐ ባ ድጋ” ያጌድኖ።
\p
\v 32 የሱስ ዛሪደ፥ “ቢደ ሄ ዎራካናዉ፥ ‘ሀቼነ ዎንት ኢታ አያናቱዋ ከሳና፤ ሀርጋንቻቱዋካ ፓና፤ ሄዘን ጋላስ ታ ኦሱዋ ዉርሳና’ ያግተ። 
\v 33 ሀኖፐ አትን ናቢ የሩሳላመፐ ሀራሳን ሀይቃናዉ በሰና ድራዉ፥ ታን ሀቼ፥ ዎንትነ ዎንትፔሽ ኦግያ ቦላ ደአናዉ በሴ።
\p
\v 34 “የሩሳላመ ካታማ አሳዉ፥ የሩሳላመ ካታማ አሳዉ፥ ናባቱዋ ዎያዋንቶ፥ ህንተንቱኮ ኪተቶዋንታ ሹቻን ጫድያዋንቶ፥ ኩታታ ባረ ማራቱዋ ባረ ቀፍያፐ ጋርሳና ሺሻ ሀጵያዋዳን፥ ታን ህንተንቱ ናና እት ጋድያ ሺሻናዉ አፑ ገደ ኮያድታ! ሽን ታና ድጌድታ። 
\v 35 በእተ፤ ጾሳይ ህንተንቱ ጎልያ አይነ ኦልቤና፤ ታን ህንተንቶ ያጋይ፤ ህንተንቱ፥ ‘ጎዳ ሱንን ይያዌ አንጀቴዳዋ’ ጋና ጋካናዉ፥ ታና በእክታ” ያጌዳ።
\c 14
\s1 የሱስ ሀርጋንቻ ሳምባታን ፓዳ
\p
\v 1 ሳምባታ ጋላስ ፓርሳዋቱዋ ሱንቱዋፐ እቱዋ ጎለ የሱስ ቁማ ማናዉ ገሌዳ ዎደ፥ አያ ኪተትንቶ በአናዉ አሳቱ ናግ ደኢኖ። 
\v 2 ቦላይ ጋፍና መቶትያ እት ብታኒ የሱሳፐ ስንና ደኤ። 
\v 3 የሱስ ህግያ ታማርስያዋንታነ ፓርሳዋቱዋ፥ “ሳምባታን ፓናዉ ዳንዳየት ዳንዳየተኔ?” ጊደ ኦቼዳ።
\p
\v 4 ኡንቱንቱካ ጮኡ ጌድኖ። እ ሄ ብታንያ ቦላ ቦች ፓደ አ ሞይዜዳ። 
\v 5 የሱስ ኡንቱንታ፥ “ህንተንቱፐ ሀሪ ዎይ ቦራይ ኦላን ኩንድንቶ፥ ሳምባታ ጊደ ኤሌል ከሰናዌ ኦኔ?” ጌዳ።\x - \xo 14:5 \xo*\xt ማቶሳ 12:11\xt*\x*
\p
\v 6 ኡንቱንቱካ ሀ የዎ እት ዛሩዋነ እማናዉ ዳንዳይበይክኖ።
\s1 አሽከተባ
\p
\v 7 የሱስ ሾበቶዋንቱ ቦንቾሳ ዶርያ ዎደ ጼሊደ፥ 
\v 8 “ኦንነ ቡላቻ ጼሶፐ፥ ቦንቼቴዳሳን ኡቶፓ፤ ኦን ኤር ኔፐ አደ ቦንቼቶዌ ጼሰቴዳዋ ግዳናዋ።\x - \xo 14:8-10 \xo*\xt ሌም. 25:6፣ 7\xt*\x* 
\v 9 ኔናነ አነ ጼሳዌ ዪደ፥ ‘ሀዎ፥ ኡቱዋ አዉ ዬዳ’ ያግና፤ ሄ ዎድያን ዬላታደ ጻደና ደእያ ሳን ኡቱዋ ዶማሳ፤ 
\v 10 የዉዋን ቃይ ኔን ጼሴቶ ዎደ ኔና ጼሶዌ ዪደ፥ ‘ታ ላገዉ፥ ክል ቃሳን ኡታ’ ጋና ማላ፥ ባደ ኡባፐ ሆካሳን ኡታ፤ ሄ ዎደ ኔናና እትፐ ኡቴዳዋንቱ ኡባቱዋ ስንን ነዉ ቦንቹ እመታናዋ፤ 
\v 11 ባረ ሁጲያ ቁ ኦያ ኡባይ ቶሸታናዋ፤ ባረ ሁጲያ ቶችያዋንቱ ቁ ጊኖ” ያግ ሌምሱዋ ኡንቱንቶ ኦዴዳ።\x - \xo 14:11 \xo*\xt ማቶሳ 23:12፤ ሉቃሳ 18:14\xt*\x*
\p
\v 12 የሱስ ባረና ጼሴዳዋ ዛሪደ፥ “ኔን ላጻ ዎይ ካዉዋ ጊግሴዳ ዎደ፥ ነ ላገቱዋ ዎይ ነ እሻቱዋ ዎይ ዱረ ነ ሾራቱዋ ጼሶፓ፤ አያዉ ጎፐ፥ ኡንቱንቱ ኔና ባረንቱ ታራን ጼሲደ ኩሽያ ጭጋና ዳንዳዪኖ። 
\v 13 ሽን አታልያባ ጊግሴዳ ዎደ፥ ህዬሳቱዋ፥ ጉንዳቱዋ፥ ዶማቱዋነ ቆቃቱዋ ጼሳ። 
\v 14 ኡንቱንቱ ነዉ ኩሽያ ዛራናዉ ዳንዳየናዋንታ ግድያ ድራዉ፥ ኔን አንጀታናሳ። ጽላቱ ሀይቁዋፐ ደንድያ ዎደ ጾሳይ ነዉ ኩሽያ ዛራናዋ” ያጌዳ።
\s1 ዎልቃማ ባላ ሌምሱዋ
\r (ማቶሳ 22:1-10)
\p
\v 15 የሱስ ሃሳያ ዉርስያ ዎደ፥ ቁማ ማናዉ ኡቶ አሳፐ እቱ ሀዋ ስሲደ፥ “ጾሳ ካዉተ ጋይታን ኡትያዌ አንጀቴዳዋ” ጌዳ።
\p
\v 16 የሱስካ ሀዋዳን ጌዳ፤ “እት ብታኒ ዳሮ ሎኦ ካዉዋ ጊግሲደ፥ ጮራ አሳቱዋ ጼሴዳ። 
\v 17 ካዉዋ ዎዲ ጋክና፥ ካሰ ጼሰቶዋንታ፥ ‘ሀእ ካዉ ጊጌዳ፥ ሃይተ’ ጊደ ጼሳና ማላ ባረ ጎለን ኪተትያ ቆማ ኡንቱንቱኮ ኪቴዳ። 
\v 18 ሽን ኡባቱካ እትፐ፥ ቤናዳን አጋና ማላ ዎሴድኖ፤ ኮይሮ ብታኒ ቆማዉ ኦዲደ፥ ‘ታን ቢታ ሻሜዳ ድራዉ ባደ በአናዉ ኮሼ፤ ሄዋ ድራዉ ሀያ ጎዶ ታዉ ሀንቀቶፓርክ’ ጌዳ።
\p
\v 19 “ላኤንያዌ ቃይ፥ ‘ታን እቼሹ ዋ ቦራቱዋ ሻሜዳዋንታ ዋጻ በአናዉ ብያ ድራዉ፥ ሀያ ጎዶ ታዉ ሀንቀቶፓርክ’ ጌዳ።
\p
\v 20 “ሀራይ ቃይ፥ ‘ታን ማቻቶ አኬዳ ድራዉ፥ ያናዉ ዳንዳያበይከ’ ጌዳ።
\p
\v 21 “ቆማይካ ዪደ ባረ ጎዳዉ፥ ሀኖዋ ኡባ ኦዴዳ። ሄ ዎደ ጎዳይ ዳሮ ሀንቀቲደ፥ ባረ ጎልያን ኪተትያ ቆማ፥ ‘ህን ካታማ ኦግያነ ሎሶ ኦግያ ኤሌላደ ከሳ፤ ማንቃቱዋነ ጉንዳቱዋ፥ ዶማቱዋነ ቆቃቱዋ ሃ አካደ ያ’ ጌዳ።
\p
\v 22 “አ ቆማይካ፥ ‘ጎዳዉ፥ ኔን ታና አዛዞዋዳን ኦድ፤ ሽን ሀእካ ሀራ አሳ አክያ ሳአይ ደኤ’ ጌዳ። 
\v 23 ጎዳይካ ባረ ቆማ፥ ‘ታ ጎሊ ኩማናዳን ህን ኦግያፐ ካረ ባጋነ ድርሳ ጋጻ ኡባ ከሳደ፥ አሳ ታ ጎለ አካደ ያ። 
\v 24 አያዉ ጎፐ፥ ኮይሮ ታ ጎለ ሾበቴዳዋንቱፐ እት አሳይነ ታ ቁማ ሜና’ ጌዳ” ያጌዳ።
\s1 የሱሳ ካላናዉ ባረና ያርሹሳ ኮሼ
\r (ማቶሳ 10:37-38)
\p
\v 25 ጮራ አሳይ የሱሳና እትፐ ብደእያ ዎደ፥ እካ አሳኮ ጉየ ስሚደ፥ 
\v 26 “ኦንነ ታኮ ይያዌ ደኦፐ ባረ አባነ አቶ፥ ባረ ማቻቶነ ባረ ናና፥ ባረ እሻቱዋነ ምቻቱዋ፥ ባረ ደኡዋ አሸናን ታፐ አ ዶሶፐ፥ ታና ካልያዋ ጌተታናዉ ዳንዳየና።\x - \xo 14:26 \xo*\xt ማቶሳ 10:37\xt*\x* 
\v 27 ኦንነ ባረ ማስቃልያ ቶኪደ፥ ታ ጌዱዋ ካለናን ዮፐ፥ ታና ካልያዋ ግዳናዉ ዳንዳየና።\x - \xo 14:27 \xo*\xt ማቶሳ 10:38፤ 16:24፤ ማር. 8:34፤ ሉቃሳ 9:23\xt*\x*
\p
\v 28 “ህንተንቱፐ እቱ ሹቻ ጎልያ ኬጻናዉ ኮዮፐ፥ ኪታ ዉርሳናዉ ግድያ ሻሉዋ ካሰቲደ ኡት ሄተናዌ ኦኔ? 
\v 29 ሄዌ ዮፐ፥ ጎልያ ዶሚደ፥ ኪታ ዉርሳናዉ ዎልቃይ እጾፐ፥ 
\v 30 በኤዳዋንቱ ኡባይ፥ ‘ሀ ብታኒ ኬጻናዉ ዶሜዳ፤ ሽን ኪታ ዉርሳናዉ ዳንዳይቤና’ ጊደ ቅሊጪኖ።
\p
\v 31 “ዎይ ታሙ ሻአ ኦላንቻቱዋ ኦይቄዳ እት ካቲ፥ ሀራ ላታሙ ሻአ ኦላንቻቱዋ ኦይቄዳዋንቱና ኦለታናዉ ዳንዳዮፐነ ኮይሮና፥ ታን ጾናኔ ጾንክታሻ ጊደ ኡት ቆፐኔ? 
\v 32 ባረዉ ዳንዳየተናን ዮፐ፥ ኦላዉ ይያ የኮ ካቲ ሃኩዋን ደእሽን ኪቲደ ስገታናዉ ዎሴ። 
\v 33 ስም ሀዋዳንካ ህንተንቱፐ ኦንነ ባረዉ ደእያዋ ኡባ አገናዌ፥ ታና ካልያዋ ግዳናዉ ዳንዳየና።
\s1 ጎኤና ማጽንያባ
\r (ማቶሳ 5:13፤ ማር. 9:50)
\p
\v 34 “ማጽኒ ሎአ፤ ሽን ሎቅሎቀናን ዮፐ፥ ላኤን አ ዎት ሎቅሎቅሳናዉ ዳንዳየቲ? 
\v 35 ቢታዉካ ሎኤና፤ ቱኤያናዉካ ማደናዋ ግዶ ድራዉ፥ አሳይ አ ኦል አጌ። ስስያ ሀይይ ደእያዌ ሀዋ ስሶ” ያጌዳ።
\c 15
\s1 ባዬዳ ዶርሳ
\r (ማቶሳ 18:12-14)
\p
\v 1 እት ጋላስ፥ ቃራጻ ሺሽያዋንቱነ ናጋራንቻቱ ኡባይ የሱሳ ስሳናዉ አኮ ሺቄድኖ። 
\v 2 ፓርሳዋቱነ ሙሴ ህግያ ታማርስያዋንቱ፥ “ሀ ብታኒ፥ ናጋራንቻቱዋ ሺሽያዋነ ኡንቱንቱና ቁማ ምያዋ” ያጊደ ዙዙሜድኖ።\x - \xo 15:2 \xo*\xt ሉቃሳ 5:29-30\xt*\x* 
\v 3 የሱስካ ሌምሱዋን ዛሩዋ ሀዋዳን ያግ ኦዴዳ:
\p
\v 4 “ጼቱ ዶርሳይ ደእያ ኡራይ ህንተንቱ ግዶፐ ደእንቶ ሄዋፐ እቱ ባይንቶ ኡዱፑ ታማነ ኡዱፑኑዋ ደንባን አጊደ ባዬዳዋ ቤታና ጋካናዉ ኮየናዌ ኦኔ? 
\v 5 ደሜዳ ዎደ ናሸቻን ባረ ሀሽያ ቦላን ዶርሳ ቶክ፥ 
\v 6 ባረ ጎለ ስሚደ፥ ባረ ዶስያዋንታነ ሾራቱዋ እትፐ ጼሲደ፥ ‘ባዬዳ ታ ዶርሳ ደሞ ድራዉ፥ ታናና እትፐ ናሸትተ’ ያጊደ ኦዴ። 
\v 7 ሄዋዳንካ ናጋራ ፓጸ ኮሸና ኡዱፑ ታማነ ኡዱፑ ጽላቱዋፐ አደ ናጋራ ፓጽያ እት ናጋራንቻን ሳሉዋን ዳሮ ናሸቻይ ግዳናዋ።
\s1 ባዪደ ቤቴዳ ሳንትምያ
\p
\v 8 “ቃይካ ታሙ ናሃስያ ሳንትሚ\f + \fr 15:8\fr*\fk ናሃስያ ሳንትሚ፦ \fk*\ft ግሪከ ቃላ ብለን እትና፥ እት ጋላሳ ሙምያ ኦ ፔሼዳ ዎልቃ ኦሳንቻዉ ጭገትያ ሚሻ ኬና ግድያዋ ኦዴ።\ft*\f* ደእያ ምሽራታ ታሙዋፐ እቱ ባይንቶ ደማና ጋካናዉ ጾምፕያ ጾምፓደ፥ ጎልያ ፕታደ ሎይ ኮየናዉና እዛ ኦኔ? 
\v 9 እዛካ ደሜዳ ዎድያን ባረ ዶስያዋንታነ ባረ ሾራቱዋ እትፐ ጼሳደ፥ ‘ታፐ ባዬዳ ሳንትምያ ደሜዳ ድራዉ፥ ታናና እትፐ ናሸትተ’ ያጋደ ኦዳዉ። 
\v 10 ሄዋዳንካ ናጋራ ፓጽያ እት ናጋራንቻ ጋሶተን ጾሳ ኪታንቻቱዋ ስንን ናሸቻይ ሀናናዋ” ያጌዳ።
\s1 ባያ ናኣ
\p
\v 11 ጉጂደ የሱስ፥ “ላኡ ናናይ ደእያ እት ብታኒ ደኤ፤ 
\v 12 ኡንቱንቱፐካ ቴፋ ናአይ፥ ‘ነ ማጹዋፐ ታና ጋክያዋ እማ’ ጌዳ። አዉካ ባረ ማጹዋፐ ናናቶ ግሼዳ። 
\v 13 ጉ ዎድያፐ ጉይያን ቴፋ ናአይ ባረና ጋኬዳዋ ኡባ ሺሽ አኪደ ህን ሃኮ ጋደ ቤዳ፤ ሄዋን ባረ አኬዳ ሚሻ ኡባ ላል ዉርስ አጌዳ። 
\v 14 እካ ደእያዋ ኡባ ዉርሴዳዋፐ ጉይያን ሄ ጋደን ዎልቃማ ኮሻይ ገሌዳ፤ እካ መቱዋን ኡንኤቱሳ ዶሜዳ። 
\v 15 ሀዋ ድራዉ ሄ ጋደን ደእያዋንቱፐ እቱዋኮ ሺቂደ፥ ‘ታና ነዉ ቆማ ኦርኪ?’ ያግና፥ ብታኒካ ባረ ጉዱን ዉድያ ሄማና ማላ አ ደምባ የዴዳ። 
\v 16 ጉዱን ዉዲ ምያ ሀልኡዋ ማናዉ አሞቴዳ፤ ሽን ሄዌንቶካ አዉ እምያዌ ቤትቤና።
\p
\v 17 “ባረ ባይዙዋ ኤሮ ዎደ፥ ‘ቁማይ ጾኒደ ሳኣን አትያ ታ አቦ ኦያዋንቱ አፑኔ፤ ሽን ታን ሀዋን ኮሻን ሀይቃና ማታይታ? 
\v 18 ደንዳደ ታ አቡኮ ባኔ’ ሀዋዳን ያጋና፤ ‘ታ አቦ፥ ጾሳካ ኔናካ ናቃድ፤ 
\v 19 ሀንፐ ጉየ ነ ናኣ ያገታደ ጼሰታናዉ በስከ፤ ነዉ ኪተትያዋንቱፐ እቱዋዳን ታና ዎርኪ ጋና’ ጌዳ። 
\v 20 ሄ ማንእያን ደንዲደ ባረ አቡኮ ዬዳ።
\p “እ ብሮ ሃኩዋን ደእሽን፥ አዉ በኢደ፥ አዉ ቃረቴዳ፤ አኮ ዎጽ ቢደ፥ አ እድም የሬዳ።
\p
\v 21 “ናአይካ፥ ‘ታ አቦ፥ ታን ጾሳካ ኔናካ ናቃድ፤ ሀንፐ ጉየ ነ ናኣ ጌተታደ ጼሰታናዉ በስከ’ ያጌዳ።
\p
\v 22 “ሽን አዉ ባረ ኦሳንቻቱዋ፥ ‘ኤሌል ቢደ፥ ኡባፐ ዶረቴዳ ሎኦ ማዩዋ አሂደ፥ አ ማይዝተ፤ አ ብራያን ምግዱዋ፥ አ ገድያንካ ጫማ\f + \fr 15:22 \fr*\fqa ምግዱዋ፥ ጫማ፦ \fqa*\ft ሀ ቃላቱ ናኣ አቡ፥ አ ፖሎ ዎዛናፐ አኮዋ በስያዋንታ። ምግዱ፥ ሄ ናአይ ጎለን ደእያ አሳቱዋ ኡባፐ ሎኦ ጼለቴዳዋ በሴ። ጫማይ ቃይ፥ እ ባረ አቦ አይለ ግደናዳን ናኣ ግድያዋ በሴ። አይላቱ ሄ ዎደ ጫማ ዎክኖ።\ft*\f* ዎተ። 
\v 23 ሞዳ ኮሩማ አሂደ ሹክተ፤ ሞይተ፥ ናሸቶይተ። 
\v 24 አያዉ ጎፐ፥ ሀዌ ታ ናአይ ሀይቄዳ፤ ሽን ሀእ ፓጼዳ፤ ባዬዳ፤ ሽን ሀእ ቤቴዳ’ ያግና፥ ናሸቻ ዶሜድኖ።
\p
\v 25 “ሄ ዎድያን፥ ባይራ ናአይ ጋደን ደእያዌ ዪደ ጎለኮ ማትያ ዎደ፥ የነ ዱሩዋ ኮሹንቻ ስሴዳ። 
\v 26 እካ የዉ አየንቶ ኤራናዉ ኮዪደ፥ ቆማቱዋፐ እቱዋ ጼሲደ፥ ‘ሀዌ አዬ?’ ጊደ ኦቼዳ። 
\v 27 ቆማቱካ፥ ‘ነ እሻይ ሳሮ ዬዳ ድራዉ፥ ነ አቡ ሞ ኮሩማ አዉ ሹኬዳ’ ያግ ኦዴድኖ።
\p
\v 28 “ባይራ ናአይ ሀንቀቲደ ጎለ ገልከ ያግ እጽና፥ አዉ ካረዉ ከሲደ፥ ገላናዳ ዎሴዳ። 
\v 29 ሽን እ ዛሪደ ባረ አባ፥ ‘ሄኮ ሀዋ ኬና ዎድያ ቆማዳን ነዉ ኪተታድ፤ ነ አዛዞዋፐ እቱዋነካ ፓጭሳ በይከ፤ ታ ላገቱዋና እትፐ ናሸታና ማላ ሀራይ አቶ እት ዴሻ ቡልኡዋነ ታዉ እማ በይካ፤ 
\v 30 ሽን ሀዌ ነ ናአይ ነ ሚሻ ጫራቱዋና እትፐ ዲፍሲደ ዪና፥ ኮ ቦራ ሹካዳ’ ያጌዳ።
\p
\v 31 “አዉካ አ፥ ‘ታ ናአዉ፥ ኔን ኡባ ጋላሳ ታናና እትፐ ደኣ፤ ታሳ ግዴዳባይ ኡባይካ ነዋ። 
\v 32 ሽን ሀዌ ነ እሻይ፥ ሀይቄዳዌ ፓጾ ድራዉነ ባዬዳዌ ቤቶ ድራዉ፥ ኑን ሚድነ ኡሺደ ናሸታናዉ በሴ’ ያጌዳ” ጊደ ኦዴዳ።
\c 16
\s1 ጋርሳና ሱንተ አኬዳ ጭንጫ ብታንያ
\p
\v 1 የሱስ ባረና ካልያዋንቶ ኦዲደ፥ “እት ዱረ ብታኒ፥ ባረ ጎልያ ኡባ ቦላ ሱንዳ እት ብታኒ ደኤ፤ ሽን ሀ ብታኒ አ ሚሻ ባይዜ ያግያ ዝግርሳይ አ ጋኬዳ፤ 
\v 2 ሄዋ ድራዉ ባረ ሱንዳ ብታንያ ጼሲደ፥ ‘ሀዌ ታን ስስያ የዉ አዬ? ሀንፐ ጉየ ኔን ታ ጎልያንነ ታ ሚሻ ቦላ ታፐ ጋርሳና ሱንታደ ኪተታናዉ ዳንዳያቤና ድራዉ፥ ሀቼ ጋካናዉ ኪተቴዳዋ ሄታደ ሼ’ ያጌዳ።
\p
\v 3 “ሱንቴዳዌ ባረ ዎዛናን፥ ‘ታ ጎዳይ ታና ሱንተፐ ኮላና ሀኔ፤ ሽን ታ ዋኖሻ? ጎሻናዉ ዎልቃይ ታዉ ባዋ፤ ዎሳናዉ ቃይ ታዉ ፖኬ። 
\v 4 ታ ኦናባ ታ ኤራይ፤ እ ታና ሱንተፐ ከሶፐ፥ ባረንቱ ጎለ ቢና፥ ታና ሞክያ ላገቱዋ ታን ደማና’ ያጌዳ።
\p
\v 5 “ባረ ጎዳፐ ሻሉዋ ታልኤዳ አሳቱዋ ሁጲያን ሁጲያን ጼሲደ፥ ኮይሮ ብታንያ፥ ‘ኔን ታ ጎዳፐ ዎይሳ ኬና ሻሉዋ ታልኣዲ?’ ያጌዳ።
\p
\v 6 “እካ፥ ‘ታን ጼቱ ባሬታ ኩሜዳ ዛይትያ ታልኣድ’ ያጌዳ።
\p “ሱንቴዳ ብታኒካ፥ ኔን ፓራማና ዋራቃታ ሄይ፤ ኡታደ ኤለካ ‘እሻታማ’ ጋደ ጻፋ ያጌዳ።
\p
\v 7 “ሄዋፐ ሀራ ብታንያ፥ ‘ኔን አፑኑዋ ታልኣዲ?’ ያጌዳ።
\p “ ‘ጼቱ ቁንኣ ዛርጋ’ ያጌዳ።
\p “ሱንይካ፥ ‘ዋራቃታ ሄይ፤ ሆስፑን ታማ ጋደ ጻፋ’ ያጌዳ።
\p
\v 8 “ሄ ሱንይ ጭንጫተን ኦዳ ድራዉ፥ አ ጎዳይ አ ጋላቴዳ፤ አያዉ ጎፐ፥ ሀ አላምያ አሳይ ባረንቱዎ ፖኡዋ አሳፐ አዳ ጭንጫቱዋ።
\p
\v 9 “ታን ህንተንቶ ያጋይ፥ ‘ሀ አላምያ ሻሉ ዉርያ ዎደ፥ መናዉ ዉረና ጎልያን ህንተንታ ሞካና ማላ፥ ሀ ሚሻን ህንተንቶ ላግያ ደምተ። 
\v 10 ላፋ የዉዋን አማነቴዳዌ፥ ዎጋባንካ አማነቴ። ሽን ላፋ የዉዋን አማነትቤናዌ፥ ዎጋባንካ አማነተና። 
\v 11 ስም ህንተንቱ ሀ አላምያ ሻሉዋን አማነተናዋ ግዶፐ፥ ቱማተ ሻሉዋ ህንተንቶ ኦኔ ሀዳራ ጊደ እማናዌ? 
\v 12 ህንተንቱ ሀራ አሳ ሻሉዋን አማነተናዋ ግዶፐ፥ ህንተንቱ ሚሻ ኦኔ ህንተንቶ እማናዌ?’ ጌዳ።
\p
\v 13 “እት ካላ ላኡ ጎዳቶ ቆማታናዉ ዳንዳይያዌ አይ ቆማይካ ባዋ፤ አያዉ ጎፐ፥ እቱዋ እጺደ፥ ሀራ ዶሴ፤ ዎይ እቱዋ ቦንቺደ፥ ሀራ ካ፤ ጾሳዉነ ሻሎ ሞደታናዉ ዳንዳይክታ” ያጌዳ። 
\v 14 ሻሉዋ ዶስያ ፓርሳዋቱ ሀዋ ኡባ ስሲደ፥ የሱሳ ቦላ ቅሊጬድኖ። 
\v 15 ሽን የሱስ ኡንቱንታ፥ “ህንተንቱ አሳ ስንን ህንተንታ ጽሎ አሳ ኦያዋንታ፤ ሽን ጾሳይ ህንተንቱ ዎዛና ኤሬ፤ አያዉ ጎፐ፥ አሳ ስንን ቦንቼቴዳዌ ጾሳ ስንን ቱና ግዴ።
\s1 ሙሴ ህግያባነ ገሉዋ አካባ
\r (ማቶሳ 5:31-32፤ 11:12-13፤ ማር. 10:11-12)
\p
\v 16 “ሙሴ ህግያነ ናባቱ ጻፌዳ ማጻፋ\f + \fr 16:16 \fr*\fqa ሙሴ ህግያነ ናባቱ ማጻፋ፦ \fqa*\ft አይሁዳቱዋ ጌሻ ማጻፋቱዋ፤ ሄዋንታ ጉሳይ ኤጫ ጫቁዋ ማጻፋ።\ft*\f* ዮሃንሳ ዎድያ ጋካናዉ አሳይ አዛዘቲደ ደኤድኖ፤ ሄዋፐ ካላ ቃይ ጾሳ ካዉተይ ኦደቴዳ፤ አሳይ ኡባይ ያ ገላናዉ ኬሰቴ።\x - \xo 16:16 \xo*\xt ማቶሳ 11:12፣ 13\xt*\x* 
\v 17 ሽን ህግያፐ እትባይ አትያዋፐ ሳሉነ ሳአይ አያዌ ማታቴ።\x - \xo 16:17 \xo*\xt ማቶሳ 5:18\xt*\x*
\p
\v 18 “ባረ ማቻቶ ብሊደ ሀራሮ አክያዌ ኡባይ ዎሹሜ፤ ቃይ አስናፐ ብለቴዳ ማጫዉኖ አክያዌ ኦንነካ ዎሹሜ።\x - \xo 16:18 \xo*\xt ማቶሳ 5:32፤ 1 ቆሮ. 7:10፣ 11\xt*\x*
\s1 ዱረ ብታንያባነ ማንቆ ግዴዳ አልኣዛራባ
\p
\v 19 “ጋቲ ሎይደ አልኦ ግዴዳ ማዩዋ ማዪድነ ጋላሳን ጋላሳን ኦቶሩዋን ናሸቲደ ደእያ እት ዱረ ብታኒ ደኤ። 
\v 20 ቃይካ ኩመን አሳተን ማይይ ደእያ እት አልኣዛራ ጌተትያ ህዬሳይ፥ ሀ ዱረ ብታንያ ካርያን ግሴዳ። 
\v 21 ሀ ዱረ ብታንያ ሳምፓፐ ላለቴዳ ሱፓ ማናዉ አሞቴ፤ ሀራይ አቶ ካናቱካ ዪደ አ ማይ ላጪኖ።
\p
\v 22 “ሀ ህዬሳ ብታኒ ሀይቂና፥ ኪታንቻቱ አ አብራሃሞ ባጋ ቦንቾሳ አፌድኖ፤ ዱረ ብታኒካ ቃይ ሀይቂደ ሞገቴዳ። 
\v 23 ስኦልያን ዳሮ ሴለቲደ ደእሽን፥ ቁ ጊደ ሃኩዋን አልኣዛራ፥ አብራሃሞ ባጋን ደእያዋ በኤዳ።
\p
\v 24 “እካ ባረ ኮሻ ቁ ኦደ፥ ‘አብራሃሞ፥ ታ አቦ፥ ታዉ ቃረታ። ሀ ታማ ሴላን መቶታ ደእያ ድራዉ፥ አልኣዛር ባረ ብራያ ጼራ ሃን ቦቺደ፥ ታ እንጻርሳ እርጽሳናዳን ሀያና ታኮ ኪታርኪ’ ያጌዳ።
\p
\v 25 “አብራሃሞ ቃይ፥ ‘ታ ናአዉ፥ ኔን ፓጻ ደኣደ፥ ሎኦ ደኡዋ ደእና፥ አልኣዛር ሎኤና መቶ ደኡዋ ደኤዳዋ ቆፓ። ሀእ ቃይ እ ሀዋን ናሸትያ ዎደ፥ ኔን መቱዋ ቦላ ደኣ።
\p
\v 26 “ ‘ሀዋፐ ሀራይ ቃይ፥ ሀዋፐ ያ ህንተንቱኮ አናዉ ኮይያዋንቱ አናዳን፥ ያን ደእያዋንቱካ ቃይ ሃ ኑኮ ፕነናዳን፥ ኑ ግዶንነ ህንተንቱ ግዶን ዎጋ አፉ መቴዳ’ ያጌዳ።
\p
\v 27 “ዱረ ብታኒካ፥ ‘አብራሃሞ፥ ስም ሄዋ ግዶፐ፥ ኔን አልኣዛራ ታ አቡ ጎለ የዳና ማላ፥ ኔና ዎሳይ። 
\v 28 አያዉ ጎፐ፥ ታዉ እቼሹ እሻቱ ደእያ ድራዉ፥ ኡንቱንቱ ቃይ ሀ መቱዋሳ ዬና ማላ፥ ኡንቱንቶ አልኣዛር ቢደ ማርካቶ’ ያጌዳ።
\p
\v 29 “አብራሃሞ ቃይ፥ ‘ሙሴነ ናባቱ ጻፌዳ ማጻፋይ ኡንቱንቶ ደኤ፤ ሄ ማጻፋይ ግያዋ ኡንቱንቱ ስሲኖ’ ያጌዳ።
\p
\v 30 “ዱረ ብታኒ፥ ‘ህኢ፤ አብራሃሞ፥ ታ አቦ፥ ሄዋ ግደና፤ ሽን እት ብታኒ ሀይቁዋፐ ደንዲደ፥ ኡንቱንቱኮ ብንቶ፥ ኡንቱንቱ ባረንቱ ናጋራ ፓጺደ፥ ስማናዋንታ’ ያጌዳ።
\p
\v 31 “አብራሃሞካ፥ ‘ኡንቱንቱ ሙሴነ ናባቱ ጻፌዳ ማጻፋ ስሰናዋ ግዶፐ፥ ሀራይ አቶ እት ኡራይ ሀይቁዋፐ ደንድ ይንቶካ አማንክኖ’ ጌዳ” ያጌዳ።
\c 17
\s1 ናጋራባ የሱስ ኦዴዳ
\r (ማቶሳ 18:6፣ 7፣ 21፣ 22፤ ማር. 9:42)
\p
\v 1 የሱስ ባረና ካልያዋንታ፥ “አሳ ባለያዌ ዬናን አተና፤ ሽን ባለያዋ አህያ ኡራዉ አዉ አየ፤ 
\v 2 ሄ ብታኒ ሀ ጉቱዋፐ እቱዋ ባለያዋፐ፥ ጋጭያ ዎጻ ባረ ቆያን ቃሸቲደ አባን ምተትያዌ አዉ ሎአ። 
\v 3 ህንተ ሁጰዉ ናገትተ።
\p “ነ እሻይ ኔና ናቆፐ፥ አ ዞራ። ቃይ ናጋራፐ እ ስሞፐ፥ አዉ አቶ ያጋ። 
\v 4 እት ጋላስ እ ኔና ላፑ ገደ ናቂደ፥ ላፑ ገደካ፥ ‘ኔና ታ ናቃድ፥ ታና ማራ’ ጊደ ኔኮ ዮፐ፥ አዉ አቶ ጋ” ያጌዳ።
\p
\v 5 ኪተቴዳዋንቱካ ጎዳ፥ “ኑዉ አማኑዋ ጉጃ” ያጊደ ኦቼድኖ።
\p
\v 6 ጎዳይካ፥ “ህንተዉ ሳናፍጭያ አይፍያ ኬና አማኑ ደእንቶ፥ ህንተንቱ ሀ ቦእያ፥ ‘ሀዋፐ ሾደታደ፥ አባን ቶከታ’ ግንቶ ህንተዉ ኤኖ ጋና” ያጌዳ።
\s1 ቆማይ ኦናዉ በስያ ኦሱዋ
\p
\v 7 ቃይካ የሱስ፥ “ህንተፐ ጎሽያዌ ዎይ ምያ ሄምያ ቆማይ ደእያ አሳይ ሀቀት ደኦፐ፥ ጎሻ ጋደፐ ዎይ ምያ ጋደፐ ስሞ ዎደ ኤለካ፥ ‘ሃያ ሸምፓ አካ፥ ቁማ ማናዉ ኡታ’ ያግያዌ ኦኔ? 
\v 8 የዉዋን ቃይ፥ ‘ታ ማና ካዉዋ ጊግሳ፤ ታ ማናነ ኡሻና ጋካናዉ ምናደ ታና ኤቃደ ምዛ። ሄዋፐ ጉየ ነዉ ማ፥ ኡሻ’ ያግያዋ ግደኔ? 
\v 9 ሄ ቆማይ ኪተቴዳባ ኦዳ ድራዉ፥ ሄ ብታኒ ጋላታናዉ በሰኔ? 
\v 10 ሄዋዳንካ ህንተ ቃይ አሳይ ህንተና ኪቶ ኦሱዋ ኦዳ ዎደ፥ ‘ኑን ማደና ቆማቱዋ፤ ኑ ኦሶ ጻላላ ኦዶ’ ያግተ” ያጌዳ።
\s1 የሱስ ኦሉ ኦይቄዳ ታሙ አሳቱዋ ፓዳ
\p
\v 11 የሱስ የሩሳላመ ቢደ፥ ጋሊላፐነ ሳማርያ ግያ ጋዳቱዋፐ ግዱዋና አዳ። 
\v 12 እ እት ጉ ካታማቶ ገልያ ዎድያን፥ ሃኩዋን ኤቄዳ ታሙ ኦሉዋን ኦይቀቴዳዋንቱ አ በኤድኖ። ኡንቱንቱካ ሃኩዋን ኤቂደ፥ 
\v 13 ባረንቱ ኮሻ ቁ ኦደ፥ “የሱሳ፥ ጎዳዉ፥ ሀያ ጎዶ ኑና ፓርኪ!” ያጌድኖ።
\p
\v 14 የሱስ ኡንቱንታ በኢደ፥ “ቢደ፥ ህንተንቱ ቦላ ቄሳቱዋ በስተ” ያጌዳ።
\p ኡንቱንቱካ ቄሳቱዋኮ ብደኢደ ኦሉዋፐ ፓጼድኖ።\x - \xo 17:14 \xo*\xt ዎጋ 14:1-32\xt*\x*
\p
\v 15 ኡንቱንቱፐ እቱ ባረ ሀርግያፐ ፓጼዳዋ በኢደ፥ ባረ ኮሻ ቁ ኦደ፥ ጾሳ ቦንቺደ ስሜዳ። 
\v 16 ጋላቲደካ የሱሳ ገድያ ማታን ጉልባቴዳ። ሄ ብታኒ ሳማርያ አሳ።
\p
\v 17 የሱስ ዛሪደ፥ “ታሙ ፓጽበይክኖ? ያትና ኡዱፑናቱ ሀቃን ደኢኖ? 
\v 18 አይሁዳ አሳ ግደና ሳማርያ ብታንያፐ አትን፥ ጾሳ ቦንቻናዉ ስሜዳዋንቱ ባዋ ጉሴ?” ያጌዳ። 
\v 19 የሱስ አ፥ “ደንዳ ባ፤ ነ አማኑ ኔና ፓዳ” ያጌዳ።
\s1 ጾሳ ካዉተ ዩሳባ
\r (ማቶሳ 24:23-28፣ 37-41)
\p
\v 20 ፓርሳዋቱ እት ጋላስ፥ “ጾሳ ካዉተይ አዉደ ያኔ?” ጊደ ኦችና የሱስ፥ “ጾሳ ካዉተይ ህንተንቱ ናግያ ኦግያን ዬና” ያግ ዛሬዳ። 
\v 21 ቃይካ፥ “ኦንነ፥ ‘ጾሳ ካዉተይ ሀዋን ደኤ’፥ ዎይ ‘ሄዋን ደኤ’ ጋናዉ ዳንዳየና፤ ጾሳ ካዉተይ ህንተንቱ ዎዛና ግዶን ደኤ” ያጌዳ።
\p
\v 22 የሱስ ባረና ካልያዋንቶ ኦዲደ፥ “አሳ ናአይ ቆንጭያ ጋላሳቱዋፐ እቱዋ በአናዉ ህንተንቱ አሞትያ ዎዲ ያና፤ ሽን በእክታ። 
\v 23 ቃይ ኡንቱንቱ ህንተና፥ ‘ሀዌኩ ሀዋና’ ዎይ ‘ሄዋና’ ያጋናዋንታ። ሽን ኡንቱንታ ካሊደ፥ ኡንቱንቱና ቦፕተ። 
\v 24 ዋልቃንይ ሳሉዋን ዎልቃምያ ዎደ፥ ሀ ጋጻፐ ህን ጋጻ ፖኡ ፖእያዋዳን፥ አሳ ናኣ ዩሳይካ ሄዋዳን ሀናናዋ። 
\v 25 ሽን ኮይሮቲደ አሳ ናአይ ዳሮ መቱዋ መቶታናዉነ ሄ ዎድያን ደእያ የለታን እጸታናዉ በሴ።
\p
\v 26 “ኖሄ ዎድያን ሀኖዋዳንካ፥ አሳ ናአይ ቆንጭያ ጋላሳንካ ሄዋዳን ሀናናዋ።\x - \xo 17:26 \xo*\xt ዶመ 6:5-8\xt*\x* 
\v 27 ኖሄ ማርካብያ ገሎ ጋላሳይ ጋካናዉ ኡንቱንቱ፥ ሚድነ ኡሺደ፥ አኪድነ አከቲደ ደእሽን፥ ባሻ ሃይ ዪደ ኡባ አሳካ ባይዜዳ።\x - \xo 17:27 \xo*\xt ዶመ 7:6-24\xt*\x*
\p
\v 28 “ሄዋዳንካ፥ ሎጸ\f + \fr 17:28 \fr*\fqa ኖሄ፥ ሎጸ፦ \fqa*\ft ጾሳይ ቢታ ባሻ ሃን ባይዜዳ ዎደ፥ እ ኖሀነ አ ጎለ አሳ አሼዳ። ጾሳይ ሶዶማነ ጋሞራ ካታማቱዋ፥ እዝን ደእያ ኢታ አሳቱዋ ኡባ ታማን ባይዜዳ ዎደ፥ ሎጻነ አ ጎለ አሳ አሼዳ (ዶመ 19:1-29 ጼልተ)።\ft*\f* ዎድያን፥ አሳይ ሚድነ ኡሺደ፥ ዛልኢደ፥ ቶኪድነ ጎልያ ኬጺደ ደኤድኖ። 
\v 29 ሽን ሎጸ፥ ሶዶማፐ ከሶ ጋላሳን ቃይ ሳሉዋፐ ታማይነ ኤጽያ ቦንቆ ሹቻይ ቡኬዳ፤ ኡባባካ ሚደ ዉርሴዳ።\x - \xo 17:29 \xo*\xt ዶመ 18:20—19:25\xt*\x*
\p
\v 30 “አሳ ናአይ ቆንጭያ ጋላሳንካ ሀዋዳን ሀናናዋ። 
\v 31 ሄ ጋላሳን፥ ጎልያ ሁጲያን ደእያዌ፥ ጎለ ጋርሳን ደእያ ሚሻ አካናዉ ዎፖ፤ ሀዋዳንካ ጎሻ ጋደን ደእያዌ፥ ጉየ ስሞፖ።\x - \xo 17:31 \xo*\xt ማቶሳ 24:17፣ 18፤ ማር. 13:15፣ 16\xt*\x* 
\v 32 አነ ሎጸ ማቻትባ ቆፕተ!\x - \xo 17:32 \xo*\xt ዶመ 19:26\xt*\x* 
\v 33 ባረ ሸምፑዋ አሻናዉ ኮይያ ኡባይ፥ ባይዜ፤ ባረ ሸምፑዋ ባይዝያ ኡባይ፥ ደኡዋን ናጌ።\x - \xo 17:33 \xo*\xt ማቶሳ 10:39፤ 16:25፤ ማር. 8:35፤ ሉቃሳ 9:24፤ ዮሃ. 12:25\xt*\x* 
\v 34 ታ ህንተዉ ኦድያዌ አዬ ጎፐ፥ ሄ ቃማን ላኡ አሳቱ እት ግሱዋን ግሳናዋንታ፤ ኡንቱንቱፐ እቱ አከትና ላኤንያዌ አታናዋ። 
\v 35 ላኡ ማጫ አሳቱ እት ዎጻን ጋጫናዋንታ፤ እትና አከትና፥ እትና አታናዉኑ። 
\v 36 ላኡ አሳቱ ጎሻ ጋርሳን ደኢኖ፤ እቱ አከታናዋ፥ ላኤንያዌ አታናዋ” ያጌዳ።\x - \xo 17:36 \xo*\xt ማቶሳ 24:40\xt*\x*
\p
\v 37 አ ካልያዋንቱ የሱሳ፥ “ጎዳዉ፥ ሄዌ ሀቃን ሀናናዌ?” ያጌድኖ።
\p እካ ዛሪደ፥ “ባኩታይ ደኢያሳ ሾርቲ ሺቃናዋ” ያጌዳ።
\c 18
\s1 ማንቆ ግዴዳ አምአትባነ ማካላንቻ ዳናባ
\p
\v 1 የሱስ ባረና ካልያዉንቶ፥ ሳለተናን ኡባ ጋላስ ዎሳናዳን ሌምሱዋን ኦዴዳ። 
\v 2 እካ፥ “እት ካታማን ጾሳዉ ያየናዌ፥ አሳካ ቦንቼና እት ዳናይ ደኤ። 
\v 3 ሄ ካታማን አምኤ ምሽራታ ደአዉ። እዛካ ሄ ዳናኮ ያደ፥ ‘ታ ሞርከዉነ ታዉ ደእያ የዉዋ ፕርዳ’ ያጋዱ።
\p
\v 4 “ዳሮ ዎድያን እዝዉ ፕርደናን እጼዳ። ሽን ባረ ዎዛናን ቆፒደ፥ ‘ታን፥ ኡባ ጾሳዉ ያያና ዮፐካ፥ አሳካ ቃይ ቦንቻና ዮፐ፥ 
\v 5 ሀ አምኤ ምሽራታ ታና ላባንያ ድራዉነ ኡባ ዎደ ታኮ ያደ ታና ዳቡርሰና ማላ፥ ታን እዝዉ ፕርዳና’ ጌዳ።
\p
\v 6 “ሄ ማካላንቻ ዳናይ ጎዋ አኬክተ። 
\v 7 ጾሳይ ጋላስነ ቃማ ባረንታ ማዳና ማላ፥ ዳንዳያን አኮ ዋስያ ዶረታዋንቶ ፕርደኔየ? እ ኡንቱንቶ ኤለካ ዛረኔ? 
\v 8 ታን ህንተንቶ ያጋይ፤ ኡንቱንቶ ኤሌል ፕርዳና፤ ሽን አሳ ናአይ ይያ ዎደ ሀ ቢታን አማኑዋ ደማኔሻ?” ያጌዳ።
\s1 ኦቶረትያ ፓርሳዊያነ ባረና ካዉሽሴዳ ቃራጻ ቃንጽያ ብታንያ
\p
\v 9 ባረንታ ጌሻ ጊደ አማነትያዋንቶነ ሀራ ኡባ ዳሪ ካያዋንቶ፥ የሱስ ሀ ሌምሱዋ ኦዴዳ: 
\v 10 “ላኡ አሳቱ ዎሳናዉ ጌሻ ጎልያ\f + \fr 18:10 \fr*\fk ዎሳናዉ ጌሻ ጎልያ፦ \fk*\ft አይሁዳ አሳይ ኡባ ዎደ ጌሻ ጎልያን ዎንታ ጉራንነ ጋላሳ ዎስኖ።\ft*\f* ገሌድኖ። ሄዋንቱፐ እቱ ፓርሳዊያ፤ እቱ ቃይ ቃራጻ ቃንጽያዋ። 
\v 11 ፓርሳዊ ደንድ ኤቂደ ባረ ዎዛናን ዎሲደ፥ ‘ጾሳዉ፥ ታን ሀራ አሳዳን: ቦንቂያዋንቱዳን፥ ማካልያዋንቱዳን፥ ዎሹምያዋንቱዳን፥ ዎይ ሀዋዳን ቃራጻ ሺሸና ድራዉ ኔና ጋላታይ። 
\v 12 ሳምንታን ላኡ ካላ ጾማይ፤ ታን ደምያ ኡባፐ ታሙ ኩሽያፐ እቱዋ እማይ’ ያጌዳ።
\p
\v 13 “ሽን ቃራጽያ ብታኒ ሃኩዋን ኤቂደ፥ ባረ አይፍያን ፑደ ሳሉዋ ቁ ጊደ ጼላናዉካ ኮይቤና። ሽን ባረ ትራ ባቂደ፥ ‘ጾሳዉ፥ ታን ናጋራንቻ፤ ታና ማራ’ ያጌዳ። 
\v 14 ታን ህንተንቶ ኦድያዌ አዬ ጎፐ፥ ካሰ ብታንያፐ አደ ሀ ብታኒ ጽሎ ግዲደ ባረ ጎለ ስሜዳ፤ ባረና ቁ ኦያ ኡባይ ካዉሻና፤ ባረና ቃይ ካዉሽስያ ኡራይ ቁ ጋና” ያጌዳ።
\s1 የሱስ ጉ ናና አንጄዳ
\r (ማቶሳ 19:13-15፤ ማር. 10:13-16)
\p
\v 15 የሱስ ባረ ኩሽያ ዎደ አንጃና ማላ አሳይ ጉ ናና አኪደ አኮ ዬድኖ። አ ካልያዋንቱካ በኢደ፥ አሳ አሄና ማላ ጌድኖ። 
\v 16 የሱስ ቃይ ጉ ናና ባረኮ ጼሲደ፥ “ጉ ናናይ ታኮ ያና ማላ አግተ፥ ድጎፕተ፤ ጾሳ ካዉተይ ሀዋንቱ ማላሳ። 
\v 17 ታን ህንተንቶ ቱሙዋ ኦዳይ፤ ጾሳ ካዉተ ጉ ናኣዳን አከናዋንቱ ኡባይ ሄ ካዉተ ሙለካ ገለና” ያጌዳ።
\p
\v 18 ይሁዳ ቢታ ሞድያዋንቱፐ እቱ፥ “ሎኦ ታማርስያዎ፥ ታን መና ደኡዋ ላታናዉ አያ ኦናዉ በሲ?” ያጊደ የሱሳ ኦቼዳ። 
\v 19 የሱስካ አዉ፥ “አያዉ ታና ሎኦ፥ ያጋይ? እት ጾሳፐ አትን፥ ሎኡ ኦንነ ባዋ፤ 
\v 20 ጾሳ አዛዛቱዋ፥ ‘ዎሹሞፓ፥ ዎፓ፥ ዉኦፓ፥ ዎርዱዋ ማርካቶፓ፥ ነ አባነ ነ ዳዮ ቦንቻ ያግያዋ ኤራ’ ” ያጊደ ዛሬዳ። 
\v 21 ብታኒ ዛሪደ፥ “ሀዋ ኡባ፥ ናአተፐ ዶማደ ናጋድ” ያጌዳ።
\p
\v 22 የሱስካ ሀዋ ስሲደ፥ “እትባይ ኔን ብሮን ኦናን አቶዌ ደኤ፤ ሄዌኔካ፥ ነዉ ደእያዋ ኡባ ዛልኣደ ማንቃቶ እማ፤ ሀዋ ኦፐ ሳሉዋንካ ኔን ዱረታና፤ ሄዋፐ ጉየ ታ ጌዱዋ ካላ” ያጌዳ። 
\v 23 ሄ ብታኒ ቃይ ሄዋ ስሲደ ዳሮ ዱረ ግዶ ድራዉ ዳሮ ካዮቴዳ።
\p
\v 24 የሱስካ ሀ ብታኒ ዳሮ ካዮቶዋ በኢደ፥ “ዱረ አሳይ ጾሳ ካዉተ ገላናዉ ዎት መታንዴሻ! 
\v 25 ዱረ አሳይ ጾሳ ካዉተ ገላናዋፐ ጋሉ ማርፕያ ጾእያና አናዌ ማታቴ” ያጌዳ። 
\v 26 ሄዋ ስሴዳ አሳይ፥ “ስም ኦን አታናዉ ዳንዳዪ?” ያጌድኖ።
\p
\v 27 እካ ቃይ ዛሪደ፥ “አሳዉ ዳንዳየተናዌ ጾሳዉ ዳንዳየቴ” ያጌዳ። 
\v 28 ጰጽሮስ ዛሪደ፥ “ስም ኑን ኑዉ ደእያ ኡባ አጊደ ኔና ካሌዶ” ያጌዳ። 
\v 29 እካ፥ “ቱሙዋ ጋይ፥ ጾሳ ካዉተ ድራዉ ባረ ጎልያ፥ ዎይ ባረና የላዋንታ፥ ዎይ ባረ ማችያ፥ ዎይ ባረ ናና፥ ዎይ እሻቱዋ አጌዳዌ፥ 
\v 30 ሀ ዎድያን ዳሮ ዳኩዋ፥ ስን ይያ ካዉተንካ መና ደኡዋ አከናዌ ኦንነ ባዋ” ያጌዳ።
\s1 የሱስ ባረ ሀይቁዋባ ሄዘንዋ ኦዴዳ
\r (ማቶሳ 20:17-19፤ ማር. 10:32-34)
\p
\v 31 የሱስካ ታማነ ላኡ ባረና ካልያዋንታ ባረኮ ጼሲደ፥ “ስም የሩሳላመ ባና፤ አሳ ናኣባይካ ናባቱ ማጻፋን ጻፈቴዳባይ ኡባይ ያን ፖለታና። 
\v 32 አይሁደ ግደናዋንቶ አ አ እማና፥ ቅሊጫና፥ ዳሮ መቶና፥ አ ቦላን ጩቻና፤ 
\v 33 ሾጮዋፐ ጉይያን ዎና፥ ሄዘንያ ጋላስ እ ደንዳና” ያጌዳ።
\p
\v 34 ኡንቱንቱካ ሀ የዉዋፐ አያነ አኬክበይክኖ፤ ሀይቁካ ኡንቱንቶ አኬከትቤና ድራዉ እ ሃሳዮባካ ኤርበይክኖ። 
\v 35 የሱስ እያርኮኮ ማቴዳ ዎድያን፥ እት ቆቃ ብታኒ ዎሲደ ኦግያ ጋጻን ኡቴዳ። 
\v 36 ጮራ አሳይ አያዋ ስሲደ፥ “ሀዌ አዬሻ?” ያግ ኦቼዳ። 
\v 37 አሳይካ አዉ፥ “ናዝሬትያ የሱስ ሀዋና አ ደኤ” ያግ ዛሬድኖ።
\p
\v 38 እካ፥ “ዳዊተ ናኣ የሱሳ፥ ታና ማራርኪ” ጊደ ዋሴዳ። 
\v 39 አፐ ስንና ቢደ ደእያዋንቱካ፥ ጮኡ ጋናዳን ሀንቀቴድኖ። እ ቃይ፥ “ዳዊተ ናአዉ፥ ታና ማራርኪ” ጊደ ዳሪ ዋሴዳ።
\p
\v 40 የሱስካ ኤቂደ፥ ባረኮ አሀናዳን አሳዉ ኦዴዳ። 
\v 41 የሱሳኮ እ ጼቱዋ ዎድያን፥ የሱስ፥ “ታን ነዉ አያ ኦናዳን ኮያይ?” ያጊደ አ ኦቼዳ።
\p እካ ዛሪደ፥ “ጎዳዉ፥ ጼላናዉ ኮያይ” ጌዳ።
\p
\v 42 የሱስካ፥ “ጼላ፥ ነ አማኑ ኔና ፓዳ” ያጌዳ። 
\v 43 ሄ ዎድያንካ ጼል አጌዳ፤ ጾሳካ ቦንቺደ አ ጌዱዋ ካሌዳ።
\p አሳይ ኡባይ ብታንያ ጼሊደ፥ ጾሳ ጋላቴድኖ።
\c 19
\s1 የሱሳነ ዛክዮሳ
\p
\v 1 የሱስ ህን እያርኮ ካታማ ገሊደ፥ ሄዋና አ ደኤ። 
\v 2 ሱንይ ዛክዮሳ ጌተትያ እት ዱረ ብታኒ ሄዋን ደኤ። እካ ቃራጽያዋንቶ ካፑዋ። 
\v 3 ዛክዮስ የሱሳ ጌተትያዌ ሀቃዌንቶ በአናዉ ኮይሽን ቃን ግዴዳዋ ድራዉ፥ አሳ ጮራተፐ ደንዶዋን በአናዉ ዳንዳይቤና። 
\v 4 የሱስ ሄ ኦግያና አያ ድራዉ፥ ስንዉ አደ እት ቦእያ ቦላ ከሴዳ።
\p
\v 5 የሱስ ሄ ሳኣ ጋኪደ፥ ቁ ግ ፑደ ጼሊደ፥ “ዛክዮሳ፥ ሀቼ ነ ጎለን ፔሻናዉ በስያ ድራዉ ኤለ ዎ” ያጌዳ። 
\v 6 እካ ኤሌል ቦእያፐ ዎደ፥ ናሸቻን የሱሳ ሞኬዳ። 
\v 7 ሄዋን ደእያ አሳ ኡባይ ሀዋ በኢደ፥ “ሀዌ ናጋራንቻ ጎለን ገሊደ እማ ግዲደ ሾበታና ሀኔ” ጊደ ኡባቱካ ዙዙን ዶሜድኖ።
\p
\v 8 ዛክዮስካ ቃይ ኤቂደ ጎዳ፥ “ጎዳዉ፥ ስም ታዉ ደእያዋ ኡባፐ ባጋ ህየሳቶ እማና፤ ኦፐነካ ዎርዱዋን አኬዳዋ ግዶፐ፥ ኦይዱ ዳኩዋ ኡዳደ ዛራና” ያጌዳ።
\p
\v 9 የሱስካ ዛክዮሳዉ ኦዲደ፥ “ኔንካ አብራሃሞ ሼሻ ግድያ ድራዉ፥ ሀቼ አቶተይ ሀ ጎለ አሳዉ ዬዳ። 
\v 10 አያዉ ጎፐ፥ አሳ ናአይ ባዬዳዋ ኮያናዉነ አሻናዉ ዬዳ” ያጌዳ።\x - \xo 19:10 \xo*\xt ማቶሳ 18:11\xt*\x*
\s1 ታሙ ቆማቱዋ ሌምሱዋ
\r (ማቶሳ 25:14-30)
\p
\v 11 አሳይ ሀዋ ስሲደ ደእሽን የሱስ፥ ህን የሩሳላመ ጼቱዋ ድራዉነ ኡንቱንቶ ጾሳ ካዉተይ ሀእካ ቆንጭያዋ ማላቶ ድራዉ ሌምሱዋ ኦዴዳ።\x - \xo 19:11-27 \xo*\xt ማቶሳ 25:14-30\xt*\x* 
\v 12 ሀዋዳን ያግ ዶሜዳ፤ “እት ዎልቃማ ብታኒ ባረዉ ካዉተ ቦንቹዋ አኪደ ስማናዉ፥ ህን ሃኮ ጋድያ ቤዳ። 
\v 13 ባረ ቆማቱዋ ግዶፐ ታሙዋ ጼሲደ፥ ኡንቱንቶ ታሙ ሚና\f + \fr 19:13 \fr*\fk ሚና፦ \fk*\ft ሚና ጌተትያዌ፥ ግሪከ ቃላን ምናሰ ግያዋ። ሀዋ ብለይ፥ ሄ ዎደ ደእያ ኦሳንቻ አሳዉ እመትያ ሄዙ አገና ድርጉዋ።\ft*\f* ጌተትያ ሚሻ እሞዋሽን፥ ‘ታን ስማደ ያና ጋካናዉ፥ ሀ ሚሻን ዛልእሽተ’ ያጌዳ።
\p
\v 14 “ሽን አ ጋድያ አሳይ አ እጾ ድራዉ፥ ‘ሀ ብታኒ ኑ ቦላ ካተታናዳን ኑን ኮዮኮ’ ያጊደ፥ ጉየና እ ደኢያሳ አሳ ኪቴድኖ። 
\v 15 ግዶፐ አትን፥ ሀ ብታኒ ካተ ግዲደ ህን ባረ ጋደ ስሜዳ። ሄ ቆማቱ ሁጲያን ሁጲያን እ እሞ ሚሻን ዛልኢደ አይ ኬና ዎሴድኖንቶ ኤራናዉ ጼስሴዳ።
\p
\v 16 “ኮይሮ ቆማይ ሺቂደ፥ ‘ጎዳዉ፥ ኔን ታዉ እሜዳ ታሙ ሚና ዎያ ታሙዋ ደማድ’ ያጌዳ። 
\v 17 አ ጎዳይ አ፥ ‘ሀያናሾ! ኔን ሎኦ ቆማ፤ ኔን ጉ የዉዋን አማነቴዳዋ ግዳደ ቤቶ ድራዉ፥ ታሙ ካታማቱዋ ቦላን ማታይ ነዉ እመቴዳ’ ያጌዳ።
\p
\v 18 “ላኤንያዌካ ሺቂደ፥ ‘ጎዳዉ፥ ኔን ታዉ እሜዳ እቼሹ ሚና ጌተትያ ሚሻይ እቼሹዋ ዎዳ’ ያጌዳ። 
\v 19 አ ጎዳይካ አ፥ ‘ነዉ እቼሹ ካታማቱዋ ቦላን ማታይ እመቴዳ’ ያጌዳ። 
\v 20 ሀራ ሄዘንያ ቆማይ ሺቂደ፥ ‘ጎዳዉ፥ ጩርቃን ጻጻ ዎዳ ነ ሚሻ ሀዋ በአ። 
\v 21 አያዉ ጎፐ፥ ኔን ዎቤናሳፐ አክያዋ፤ ዘራቤናዋ ቆይጭያ መቀ ባይና አሳ ግድያ ድራዉ፥ ነዉ ያያድ’ ያጌዳ።
\p
\v 22 “ጎዳይካ፥ ‘ሀ ኢታ ቆማይ፤ ኔን ሃሳዮ ቃላን ነ ቦላ ታን ፕርዳና። ዎቤናዋ አክያዋ፥ ዘራቤናዋ ቆይጭያ መቀ ባይና አሳ ግድያዋ ኤሮፐ፥ 
\v 23 ታን ያደ ታ ሚሻ ዎያና አካና ማላ፥ አያዉ ዎስያዋንቶ እማበይኪ?’ ያጌዳ።
\p
\v 24 “ጎዳይካ፥ ሄዋን ኤቆዋንታ፥ ‘ሀ ሚሻ አፐ ዎ አኪደ ታሙ ሚናይ ደእያዎ እምተ’ ያጌዳ። 
\v 25 ኡንቱንቱካ፥ ‘ጎዳዉ፥ አዉ ታሙ ሚናይ ደኤ’ ያጌድኖ።
\p
\v 26 “እካ፥ ‘ታን ህንተንቶ ኦድያዌ፥ ደእያዎ ኡባዉ ጉጀታናዋ፤ ባይናዋፐ ቃይ ሄ ደእያዌካ አከታናዋ።\x - \xo 19:26 \xo*\xt ማቶሳ 13:12፤ ማር. 4:25፤ ሉቃሳ 8:18\xt*\x* 
\v 27 የዉዋን ቃይ ታን ኡንቱንቱ ቦላን ካዉተናዳን ኮዬዳ ታ ሞርካቱዋ ታኮ አሂደ ታ ስንን ሹክተ’ ጌዳ” ያጌዳ።
\s1 የሱስ ዳሮ ቦንቹዋን የሩሳላመ ገሌዳ
\r (ማቶሳ 21:1-11፤ ማር. 11:1-11፤ ዮሃ. 12:12-15)
\p
\v 28 የሱስ ሀዋ ጎዋፐ ካላ ህን የሩሳላመ ከሳናዉ ባረና ካልያዋንቱፐ ስንቲደ ቤዳ። 
\v 29 ደብረ ዛይተ ጌተትያ ደርያ ማታን ደእያ ህን ቤተፋገን ቢታንያ ጌተትያ ሄራ ካታማቱዋኮ ሺቄዳ ዎደ ባረና ካልያዋንቱፐ ላአቱዋ፥ 
\v 30 “ህንተንቱፐ ስንን ደእያ ቄር ካታማቱዋ ቢተ፤ ያ ህንተንቱ ገልያ ዎደ፥ ኦንነ ብሮ ኡትቤና ሀረ ማራይ ቃሸት ኡቴዳዋ ደማንታ፤ አ ብሊደ ሃ አክ ዪተ። 
\v 31 ኦንነ ህንተንታ፥ ‘ሀዋ አያዉ ብሊቴ?’ ጊደ ኦቾፐ፥ ‘እ ባረ ጎዳዉ\f + \fr 19:31 \fr*\fk ጎዳዉ፦ \fk*\ft ሀዋን ጎዳዉ ጌተቶዌ፥ ሀረ ማራ ጎዳፐሽን፥ ጾሳ ግደና።\ft*\f* ኮሽያ ድራሳ’ ያግተ” ያጌዳ።
\p
\v 32 ኪተቴዳዋንቱካ ቢደ፥ የሱስ ኡንቱንቶ ኦዶዋዳን ሀንና ደሜድኖ። 
\v 33 ኡንቱንቱ ሀረ ማራ ብልያ ዎደ በኢደ ሀርያ ጎዳይ፥ “ሀረ ማራ አያዉ ብሊቴ?” ያጌዳ። 
\v 34 ኡንቱንቱካ፥ “ጎዳዉ ሀዌ ኮሼ” ያጊደ፥ 
\v 35 ሀረ ማራ የሱሳኮ አሄድኖ፤ ባረንቱ ማዩዋ አ ቦላን ዎደ የሱሳ ሀርያ ቶግሴድኖ። 
\v 36 አሳይካ የሱስ ብያ ኦግያ ቦላ ባረንቱ ማዩዋ ሂጼድኖ።\f + \fr 19:36 \fr*\fk ማዩዋ ሂጼድኖ፦ \fk*\ft ሀዋ ጉሳይ፥ አይሁዳ አሳ ዎጋን፥ ኤረቴዳነ ቦንቼትያ አሳዉ ኦሰትያ እማ ሞካ ዎጋ።\ft*\f*
\p
\v 37 እ ደብረ ዛይተ ጌተትያ ደርያ ዱገ አፍያ ኦግያ ማቴዳ ዎደ፥ ዳሮ ጮራ ግዴዳ አ ካልያዋንቱ በኤዳ ጾሳይ ኦዳ ማላታዉ ኡባዉ ናሸቲደ፥ ባረንቱ ኮሻ ቁ ኦደ፥
\q1
\v 38 “ጎዳ ሱንን ይያ ካቲ፥
\q2 አንጀቴዳዋ፤
\q2 ሳሉዋን ሳሮታይ ግዶ።
\q2 ቃይ ክል ቃ ሳሉዋን ደእያ፥
\q1 ጾሳይ ቦንቼቶ”
\m ያጌድኖ።\x - \xo 19:38 \xo*\xt ማዝ. 118:26\xt*\x*
\p
\v 39 አሳ ጋርሳን ደእያ እት እት ፓርሳዋቱ የሱሳ፥ “ታማርስያዎ፥ ኔና ካልያዋንታ ጮኡ ኦርኪ” ያጌድኖ። 
\v 40 እካ ዛሪደ፥ “ታን ህንተንቶ ኦዳይ፥ ኡንቱንቱ ጮኡ ጎፐ፥ ሹቻይካ ዋሳናዋ” ያጌዳ። 
\v 41 የሱስ የሩሳላመ ማቴዳ ዎደ፥ ካታማቶ በኢደ፥ ዬኪደ፥ 
\v 42 “ነ ሳሮታዉ ግድያዋ ኔን ሀቼ ኤራድንቶ ሎአ፤ ሽን ሀእ ሄዌ ነ አይፍያፐ ጌሜዳ። 
\v 43 አያዉ ጎፐ፥ ነ ቦላ ያና ዎዲ ደኤ፤ ሄ ዎደ ኔና እጽያዋንቱ ነ ዩሹዋን ድርሳ ድሪደ፥ ያፐነ ሃፐነ ዶዲደ፥ ኔና ኡንኤያ ዎዲ ያናዋ። 
\v 44 ኔናነ ነ ድርሳ ጋርሳን ደእያ ነ አሳ መንሬና። ጾሳይ ኔና በአናዉ ዬዳ ዎድያ ኔን ኤራቤና ድራዉ፥ ኔና እጽያዋንቱ ሹቻ ኡባ እቱዋ እቱዋ ቦላፐ ደንደ ላላናዋ” ያጌዳ።
\s1 የሱስ ጌሻ ጎልያን ዛልእያዋንታ የደርሴዳ
\r (ማቶሳ 21:12-17፤ ማር. 11:15-19፤ ዮሃ. 2:13-22)
\p
\v 45 ሀዋፐ ካላ የሱስ ጌሻ ጎልያ ገሊደ፥ ዛልእያዋንታ ሄዋፐ ከሴዳ። 
\v 46 የሱስ ዛሪደ፥ “ ‘ታ ጎሊ ጾሳ ዎስያ ጎልያ ግዳናዋ’ ጌተቲደ ጾሳ ቃላን ጻፈቴዳ። ሽን ህንተንቱ አ ፓኑዋ ጎንጎሉዋ ኦድታ” ያጌዳ።\x - \xo 19:46 \xo*\xt ኢሳ. 56:7፤ ኤር. 7:11\xt*\x* 
\v 47 የሱስ ኡባ ዎደ ጌሻ ጎልያን ታማርስ ደእሽን፥ ቄሳቱዋ ካፓቱ፥ ሙሴ ህግያ ታማርስያዋንቱነ አሳ አይስያዋንቱ አ ዎናዉ ኮዪኖ።\x - \xo 19:47 \xo*\xt ሉቃሳ 21:37\xt*\x* 
\v 48 ሽን አሳይ ኡባይ አ ሃሳያፐ እቱነ አተናን ስስ ኡቶ ድራዉ፥ አ ዎያ ኦግያ ኡንቱንቱ ዬድኖ።
\c 20
\s1 የሱሳ ማታ ቦላ ደንዴዳ ኦሻ
\r (ማቶሳ 21:23-27፤ ማር. 11:27-33)
\p
\v 1 እት ጋላስ የሱስ አሳ ጌሻ ጎልያን ታማርሲደነ ምሽራቹዋ ቃላ ኦዲደ ደእያ ዎደ፥ ቄሳቱዋ ካፓቱነ ሙሴ ህግያ ታማርስያዋንቱ ጋድያ ጭማቱዋና እትፐ የሱሳኮ ዬድኖ። 
\v 2 ኡንቱንቱካ፥ “ሀ የዉዋ ኔን ኦያዌ አይ ማታነንቶ ኦዳ፤ ሀ ማታካ ነዉ እሜዳዌ እ ኦኔ?” ያጊደ ኦቼድኖ። 
\v 3 እካ፥ “ታ ህንተና እት ኦሻ ኦችያዌ ደእያዋ አነ ዛርተ። 
\v 4 ዮሃንሳ ጽንቃታይ ጾሳፔ ዎይ አሳፔ?” ያግ ኦቼዳ።
\p
\v 5 ኡንቱንቱ ባረ ግዶን ማቀቲደ፥ “ጾሳፐ ጎፐ፥ ሄዋ ግዶፐ ‘አያዉ አማንበይክቴ’ ኑና ያጋናዋ፤ 
\v 6 ‘አሳፐ’ ጎፐ፥ አሳይ ኡባይ ዮሃንስ ናብያ ግድያዋ አማንያ ድራዉ ሹቻን ኑና ደቻናዋንታ” ያጌድኖ። 
\v 7 ሀዋስ፥ “ሀቃፐ ዬደንቶ ኤሮኮ” ጊደ አዉ ዛሬድኖ። 
\v 8 የሱስካ፥ “ሀዋ ግዶፐ ታንካ፥ ታን ኦ ማታን ሀ የዉዋ ኦይታንቶ ህንተንቶ ኦድከ” ያጌዳ።
\p
\v 9 ሀዋፐ ስሚደ የሱስ አሳዉ ሀ ሌምሱዋ ያግ ኦዱዋ ዶሜዳ:\x - \xo 20:9 \xo*\xt ኢሳ. 5:1\xt*\x* “እት ብታኒ ዳሮ ዎይንያ ቱራቱዋ ቶኬዳ። ጎሻንቻቶ ኮዉ እሚደ፥ እ ህን ሀራ ጋድያ ቢደ ጮራ ዎድያ ጋምኤዳ። 
\v 10 ዎይኒ አይፍያ አይፎ ዎደ፥ ዎይንያ ጎሻ ጎዳይ ባረና ጋክያዋ አሀናዳን እት ቆማ ኮዋቱዋኮ ኪቴዳ። ኪተት ቤዳዋካ ኦቢደ፥ መላ ኩሽያ የዴድኖ። 
\v 11 ሄዋፐ ሀራ ቆማ ኪቴዳ። ኡንቱንቱ ሄዋካ ቃይ ኦቢደ፥ ቶቺደ፥ መላ ኩሽያ የዴድኖ። 
\v 12 ሀእካ ሀራ ሄዘንያ ቆማ ኪቴዳ። ኡንቱንቱካ ቃይ አ ማሱንደ፥ ህን ካረ ኦሌድኖ።
\p
\v 13 “ሄ ዎይንያ ቱራ ጎዳይካ፥ ‘ስም አያ ኦ? አነ ሀእ ታ ዶስያ ናኣ ኪታና፤ ኦን ኤር አ ቦንቾፐነ’ ጌዳ። 
\v 14 ጎሻንቻቱ ቃይ ናኣ በኤዳ ዎደ፥ ‘ሀዌ አ ላትያዋ ግዶ ድራዉ፥ ሀይተ ዎይተ፤ ሄዋፐ ጉየ፥ ቢታይ ኑሳ ግዳናዋ’ ጊደ ዞረቴድኖ። 
\v 15 ዎይንያ ቱራ ሳኣፐ፥ ህን ካረዉ ከሲደ አ ዎድኖ።
\p “ዎይንያ ቱራ ጎዳይካ ኡንቱንታ አያ ኦንዴሻ? 
\v 16 ዮፐ ሄ ጎሻንቻቱዋ፥ ዎናዋ፤ ዎይንያ ቱራ ሳኣካ ሀራንቶ እማናዋ” ያጌድኖ።
\p አሳቱካ ሀዋ ስሶ ዎደ፥ “ሀዋ ማላባ አሆፖ” ያጌድኖ። 
\v 17 የሱስካ ህን ኡንቱንቱኮ ጼሊደ፥
\q1 “ ‘ስም ሹቻ ጎልያ ኬጽያዋንቱ ካዳ ሹቻይ፥
\q2 እ ዋና ጎልያ ምንስያ ሁጰ ሹቻ ግዴዳ’
\m ጌተቲደ ጻፈቴዳዋ ብለይ አዬ?\x - \xo 20:17 \xo*\xt ማዝ. 118:22\xt*\x* 
\v 18 ሀ ሹቻ ቦላን ኩንድያ ኡባይ መኤረቴ፤ ሹቻይካ አ ቦላን ኩንድያ ኡባይ ቡንቼታናዋ” ያጌዳ።
\s1 ጊራ፥ ጊራኔ አጋኔ ግያ ኦሻ
\r (ማቶሳ 22:15-22፤ ማር. 12:13-17)
\p
\v 19 ሙሴ ህግያ ጻፍያዋንቱነ ቄሳቱዋ ካፓቱ የሱስ ሃሳዬዳ ሌምሱ፥ ኡንቱንቱ ቦላን ጌተቶዋ ኤሮ ድራዉ፥ ሄ ሳትያንካ አ ኦይቃናዉ ኮዬድኖ። ሽን አሳዉ ያዬድኖ። 
\v 20 የሱሳ፥ ሄ ጋድያ ሞድያዎነ አ ማታዉ አደ እማናዉ አ ዶናፐ ከስያ ቃላን ኦይቃናዉ እንጀትያ ዎድያ ናጊኖ። ሄዋ ድራዉ ጌሻ ማላቲደ ኦይናዉ ዎችያዋንታ ኪቴድኖ። 
\v 21 ሄ ኪተቶዋንቱካ የሱሳ፥ “ታማርስያዎ፥ ኔን ቱማ የዉዋ ሃሳይያዋነ ታማርስያዋ፥ ሄዋዳንካ ቃይ ጾሳ ኦግያ ቱማተን ታማርስያዋነ ኦስነ ዱማየናዋ ኑን ኤሬቶ። 
\v 22 ቃይካ ኡንቱንቱ፥ ሮማ ካትያ ቄሳረዉ ጊራ ጭጋናዉ ኮሺ ዎይ ኮሸኔ?” ያግ ኦቼድኖ።
\p
\v 23 እ ቃይ ኡንቱንቱ ደሻተ ኤሪደ፥ 
\v 24 “አነ ታና እት ዲናርያ\f + \fr 20:24 \fr*\fqa ድናርያ፦ \fqa*\ft ሄ ዎደ ሮማ ቢታ አሳይ ጎኤትያ ሚሻ።\ft*\f* በስተ፤ ሄዋ ቦላን ደእያ ምስሊነ ጻፈቶዌ ኦና በሲ?” ጌዳ። 
\v 25 ኡንቱንቱካ፥ “ቄሳረዋ” ጊደ ዛሬድኖ። እኔካ፥ “ሄዋ ግዶፐ: ቄሳረዋ፥ ቄሳረዉ እምተ፤ ጾሳዋ፥ ጾሳዉ እምተ” ያጌዳ። 
\v 26 ኡንቱንቱካ፥ እ ሃሳዬዳ ቃላን አሳ ስንን ኦይቃናዉ ዳንዳይበይክኖ። አ ዛሩዋን ማላለቲደ ጮኡ ጌድኖ።
\s1 ሀይቁዋፐ ደንዱዋባ ኦሻ
\r (ማቶሳ 22:23-33፤ ማር. 12:18-27)
\p
\v 27 ሳዱቃዋናቱፐ እቱ እቱ የሱሳኮ ዪደ፥ ኦሻ አዉ ሺሼድኖ።\x - \xo 20:27 \xo*\xt ኪታ 23:8\xt*\x* 
\v 28 ኡንቱንቱካ የሱሳ፥\x - \xo 20:28 \xo*\xt ዛረ. 25:5\xt*\x* “ታማርስያዎ፥ እት ብታኒ ማቻቶ አኪደ ናኣ የለናን ሀይያዋ ግዶፐ፥ ምሽራቶ ሄዋ እሻይ ላታ አክ ናኣ የሊደ ባረ እሻዉ ዘረ ዎና ማላ ሙሴ ኑዉ ጻፌዳ። 
\v 29 እት ዎድያን ላፑ እሻቱ ደእያዋንቱፐ፥ ባይራይ ማቻቶ አኪደ የለናን ሀይቂ አጌዳ። 
\v 30 ላኤንያዌካ እዞ ላቴዳ። 
\v 31 ሄዘንያዌካ ቃይ እዞ አኬዳ፤ ላፑናቱካ እዞ አኪደ ናኣ የለናን ሀይቄድኖ። 
\v 32 ዉርሰን ምሽራታካ ሀይቃ አጋዱ። 
\v 33 ስም ላፑናቱካ ሄ ምሽራቶ አኬዳ ድራዉ፥ ሀይቁዋፐ ደንዴዳ ዎደ፥ እዛ ኦስ ማቼ ግዳኔ?” ያግ ኦቼድኖ።
\p
\v 34 የሱስካ፥ “ሀ አላምያ ናናይ አኪኖነ አከቲኖ። 
\v 35 ሽን ሀይቁዋፐ ደንዲደ፥ ስንፐ ይያ ዎድያን ደአናዉ በስያዋንቱ አክክኖነ አከትክኖ። 
\v 36 ኡንቱንቱ ጾሳ ኪታንቻ ማላቲደ ደእያ ድራዉ፥ ሄዋፐ ስሚደ ሀይቂክኖ። ሀይቁዋፐ ደንድያዋንታ ግድያ ድራዉ ኡንቱንቱ ጾሳ ናና። 
\v 37 ሙሴ፥ ጾሳይ አዉ ቆንጬዳ ዎራባ ጻፌዳ ታርክያ ጋርሳን፥ ጎዳ ጾሳ፥ ‘አብራሃሞ ጾሳ፥ ይሳቃ ጾሳ፥ ያቆባ ጾሳ’ ያጊደ ጼሱሳይ፥ ሀይቃዋንቱ ደንድያዋ በሴ።\x - \xo 20:37 \xo*\xt ከሳ 3:6\xt*\x* 
\v 38 ኡባይካ አዉ ሀይቂ ቤናዋንታ ግድያ ድራዉ፥ እ ሀይቂቤናዋንቱ ጾሳፐ አትን፥ ሀይቆዋንቱዋ ግደና” ያጌዳ።
\p
\v 39 እት እት ሙሴ ህግያ ጻፌዳዋንቱካ፥ “ታማርስያዎ፥ ሎኡዋ ሃሳያዳ” ያጌድኖ። 
\v 40 ሀዋፐ ስሚደ፥ እቱካ አ ኦቻናዉ ጻሎዌ ባዋ።
\s1 የሱስ ኦኔ ግያ ኦሻ
\r (ማቶሳ 22:41-46፤ ማር. 12:35-37)
\p
\v 41 ሀዋፐ ካላ የሱስ ኡንቱንታ፥ “አሳይ ክርስቶሳ ዎት ‘ዳዊተ ናኣ’ ያጊኖ? 
\v 42-43 ጋሶተይኔካ፥ ዳዊተ ባረ ሁጰዉ ማዝሙረ ማጻፋ ጋርሳን፥
\q1 “ ‘ጎዳይ ታ ጎዳ፥ “ታን ነ ሞርከቱዋ፥
\q2 ነ ገድያፐ ጋርሳና ደአናዳን ኦና ጋካናዉ፥
\q2 ታ ኡሸቻን ኡታ” ጌዳ’
\m ያጌዳ።
\p
\v 44 “ስም ዳዊተ ክርስቶሳ፥ ‘ጎዳ’፥ ጊደ ጼስያዋ ግዶፐ፥ ዎት አዉ ናኣ ግዳና ዳንዳዪ?” ያጌዳ።
\s1 ሙሴ ህግያ ታማርስያዋንቱፐ ናገታና ማላ፥ የሱስ ሴሬዳ ሴራ
\r (ማቶሳ 23:1-36፤ ማር. 12:38-40)
\p
\v 45 አሳይ ኡባይ ስስሽን ባረና ካልያዋንቶ፥ 
\v 46 “ሙሴ ህግያ ታማርስያዋንቱፐ ናገትተ፤ ኡንቱንቱካ፥ አዱሳ ቃምሽያ ማዪደ ዩያናዉ፥ ገያይ ደእያ ሳን ቦንቾ ሳሮታ አካናዉ፥ ዎስያ ጎለን ቦንቾ ኦይድያን ኡታናዉ፥ ሾበቴዳሳን ቦንቾሳ ኮይያዋንታ። 
\v 47 ሄዋንቱካ አምአቱዋ ጎልያ ካሎይያዋንታ፤ ባረንታ በሳናዉ ዎሳ አዱስያዋንታ፤ ኡንቱንታ ኢታ ፕርዳይ ናገ” ያጌዳ።
\c 21
\s1 አምአትባነ እዝ እሞታ
\r (ማር. 12:41-44)
\p
\v 1 የሱስ ቁ ጊደ ጼልያ ዎደ፥ ዱረ አሳይ ጌሻ ጎልያን እሞታ ሺሽያ ሚሻ ግዶን ባረንቶ ደእያዋፐ ኡንቱንቱ የግያ ዎደ በኤዳ። 
\v 2 ቃይካ እት ህዬሳ አምኤ ምሽራታ ላኡ ሰምበርያ ሄዋን የግያ ዎደ በኢደ፥ 
\v 3 “ታ ህንተዉ ቱሙዋ ጋይ፥ ሀ ህዬሳ አምኤ ምሽራታ፥ ኦፐነ ዳሩዋ እማዱ። 
\v 4 ሀ አሳይ ኡባይ ባረንቶ ፓላሆዋፐ እሜድኖ፤ ሽን እዛ ባረ ህዬሳተትሃ ዎልቃን ባረዉ ደእያዋ ኡባ እማዱ” ያጌዳ።
\s1 ጌሻ ጎሊ ኮለታናዋ የሱስ ካሰቲደ ኦዴዳ
\r (ማቶሳ 24:1-2፤ ማር. 13:1-2)
\p
\v 5 አ ካልያዋንቱፐ እቱ እቱ፥ “ጌሻ ጎሊ ሎኦ ሹቻንነ ባላ ሺቁዋ እሞታን ሎኤዳዋ” ያግ ሃሳይያ ዎደ የሱስ፥ 
\v 6 “ሀዌ ህንተንቱ በእያዌ ኡባይ ኮለተናን፥ ሹቻይ ሹቻ ቦላን ኬለቲደ አተና ዎዲ ያናዋ” ያጌዳ። 
\v 7 ኡንቱንቱካ፥ “ታማርስያዎ፥ ስም ሀዌ ሀናናዌ አዉዴ? ቃይካ ሀዌ ሀናናዉ ማላይ አዬ?” ያጊድ ኦቼድኖ።
\s1 የሱስ መቱዋ ዎዲነ ናሸቻ ዎዲ ያናዋ ኦዴዳ
\r (ማቶሳ 24:3-13፤ ማር. 13:3-13)
\p
\v 8 እካ፥ “ኦንነ ባለናዳን ናገትተ፤ ጮራ አሳይ፥ ‘ታን ክርስቶሳ’ ያጊደ ቃይካ፥ ‘ዎዲ ማቴዳ’ ያጊደ ታ ሱንን ያናዋንታ፤ ህንተንቱ ቃይ ኡንቱንታ ካሎፕተ። 
\v 9 ኦላ የዉዋነ አሳ ማካላባ ስስያ ዎደ ዳጋሞፕተ፤ ሀዌ ኮይሮ ሀናናዉ በስያዋ ግዶ ድራፐ አትን ዉርሰይ ብራ” ያጌዳ።
\p
\v 10 ሄዋፐ ካሊደ አሳዉ፥ “አሳይ አሳ ቦላ፥ ካዉተይካ ካዉተ ቦላ፥ ደንዳናዋ፤ 
\v 11 ዎልቃማ ቢታ ቃይ ሀናናዋ፤ ኮሻይነ ሀርጊ፥ ዱማ ዱማሳን መታናዋ፤ ያሽያ የዉነ ኡባካ ዎልቃማ ማላታይ ሳሉዋፐ ሀናናዋ።
\p
\v 12 “ሀዌ ኡባይ ሀናናፐ ካስያን ቃይ አሳይ ህንተንታ ኦይቃናዋንታ፥ መቶናዋንታ፤ ህን አይሁዳቱዋ ዎሳ ጎለ አሳዉ አ እማናዋንታ፤ ቃሾ ጎለካ ገልሳናዋንታ፤ ካታቱዋ ስንንነ ሞድያዋንቱ ስንን ሺሻናዋንታ፤ ሀዌ ኡባይ ታ ሱን ጋሱዋን ህንተንታ ጋካናዋ። 
\v 13 ሀዌካ ማርካታናዉ ህንተዉ ሎኦ ካጫ ግዳናዋ። 
\v 14 ሀዋ ግድያ ድራዉ፥ አይ ዛሩዋ እማኔ ጊደ ኮይሮቲደ ህንተንቱ ኡንኤተና ማላ ሀዋ ዎዛና አተ። 
\v 15 ኤቀትያዋንቱ ኡባይ፥ ኤቀታናዉነ ላካናዉ ዳንዳየና ቃላነ አ ጭንጫተ ታን ህንተንቶ እማና።\x - \xo 21:15 \xo*\xt ሉቃሳ 12:11-12\xt*\x* 
\v 16 ህንተንታ የሌዳዋንቱነ ህንተንቱ እሻቱ፥ ህንተንቱ ዳባቱነ ህንተንቱ ላገቱካ አተናን ህንተንታ አ እማናዋንታ፤ ህንተንቱፐካ እቱዋ እቱዋ ዎናዋንታ። 
\v 17 ታ ሱን ድራዉ አሳ ኡባ ማታን እጸቴዳዋንታ ግዳንታ። 
\v 18 የዉዋን ቃይ ህንተንቱ ሁጲያ ብናናፐካ እትናነ ባዩኩ። 
\v 19 ምን ኤቂደ ህንተንቱ ሸምፑዋ አሺታ።
\s1 የሱስ የሩሳላመ ባየባ ኦዴዳ
\r (ማቶሳ 24:15-21፤ ማር. 13:14-19)
\p
\v 20 “የሩሳላመ ኦላ አሳን ዶደቴዳ ዎደ፥ እዝ ባየይ ማቴዳዋ ኤርተ። 
\v 21 ሄ ዎደ ይሁዳን ደእያዋንቱ ደርያኮ ባቃትኖ፤ ካታማን ደእያዋንቱ ቃይ ሄዋፐ ከስኖ፤ ባላጋርያን ደእያዋንቱካ ያ ካታማኮ ገሎፕኖ፤ 
\v 22 ጾሳ ቃላን ጻፈቴዳዌ ኡባይ ፖለታናዳን ሀዌ ሀሉዋ ከስያ ዎድያ።\x - \xo 21:22 \xo*\xt ሆሰ 9:7\xt*\x* 
\v 23 ቢታ ቦላን ዎልቃማ መቱ ሀናናዋ፤ ሀእ ደእያ አሳ ቦላን ሀንቁ ያናዋ፤ ሄዋ ድራዉ ሄ ዎድያን ሻሃሮዋንቶነ ንያዋንቶ አየ! 
\v 24 አሳይ ኡባይ ማሻን ሀይቃናዋንታ፤ ጾሳ ኤረና ጋድያ ኡባቱካ ኦሞዱዋን ባናዋንታ፤ የሩሳላመካ አይሁዳ ግደናዋንቱ ዎዲ ፖለታና ጋካናዉ፥ ኡንቱንቱን የቴዳዉኖ ግዳናዉኑ።
\s1 ክርስቶሳ ላኤን ዩሳ
\r (ማቶሳ 24:29-31፤ ማር. 13:24-27)
\p
\v 25 “አዋ፥ አገናንነ ጾልንትያ ቦላ ማላታይ ሀናናዋ፤ አባፐነ ቤታ ኮሻፐ ደንዶ ጋሱዋን ቢታ ቦላን ደእያ አሳይ ኡባይ ኡንኤታናዋንታ፤ ህርጋናዋንታ።\x - \xo 21:25 \xo*\xt ኢሳ. 13:10፤ ህዝ. 32:7፤ ኢዩ. 2:31፤ ሳፃ 6:12፣ 13\xt*\x* 
\v 26 ሳሉዋ ዎልቃይ ኡባይ ቃጽያ\f + \fr 21:26 \fr*\fqa ሳሉዋ ዎልቃይ ኡባይ ቃጼ፦ \fqa*\ft ሀዋ ጉሳይ፥ በን ዎደ አሳይ፥ ሳሉዋን ደእያ ጾልንቲ ኡባይ አያና ዎልቃና ደኤ ጊደ ቆፔ።\ft*\f* ድራዉ አሳይ ያሻንነ አላምያ ቦላ አዬ ያናዌሻ ያጊደ ናጉዋን ዳቡራናዋንታ። 
\v 27 ሄ ዎደ አሳ ናአይ ዎልቃንነ ዎልቃማ ቦንቹዋን ሻርያን ይያ ዎደ በአናዋንታ።\x - \xo 21:27 \xo*\xt ዳኔላ 7:13፤ ሳፃ 1:7\xt*\x* 
\v 28 ህንተንቱካ፥ ሀ የዉ ፖለቱሳ ዶምያ ዎደ፥ ዎዙ ጼቱዋ ድራዉ ስት ጊደ ኤቂተ፤ ፑደ ቁ ጊደ ጼልተ” ጌዳ።
\s1 ባላስያ ጌተትያ ም ሌምሱዋ
\r (ማቶሳ 24:32-35፤ ማር. 13:28-31)
\p
\v 29 ካሊደካ፥ ሀዋ ያግ ሌምሱዋ ኦዴዳ፥ “ዎደንፐነ ሀራ ም ኡባፐ ጼልተ፤ 
\v 30 ሀይይ አጭና በእያ ዎደ፥ ሄ ዎደ ቦኒ ማቴዳዋ ህንተንቱ ኤሪታ። 
\v 31 ሄዋዳንካ ቃይ የዋቱ ፖለትያዋ በእያ ዎደ፥ ጾሳ ካዉተታ ማቴዳዉኖ ኤርተ።
\p
\v 32 “ታን ህንተዉ ቱሙዋ ጋይ፤ ሀዌ ኡባይ ፖለታና ጋካናዉ ሀ የለታይ አና። 
\v 33 ሳሉነ ሳአይ አና፤ ሽን ታ ቃላይ አና። 
\v 34 ስም ዛዋይ ባይና ደኡዋን፥ ኡሻ ዳሩዋነ ደኡዋባን ኡንኤትሽን ህንተንቱ ዎዛናይ ለፐናዳንነ ሄ ጋላሳይ ጲርያዳን ቆፐናን ህንተና ጋከናዳን ናገትተ፤ 
\v 35 ሀዌ ቢታ ኡባን ደእያዋንቱ ኡባቱዋ ቦላን ጋካናዋ። 
\v 36 ስም ይያ ኢታባ ኡባፐ ህንተንቱ አታናዳንነ አሳ ናኣ ስንንካ ኤቃናዉ ዳንዳያና ማላ፥ ኡባ ዎደ ምን ዎስተ” ያጌዳ።
\p
\v 37 የሱስ ጋላስ ጋላስ ጌሻ ጎልያን ታማርሲደ፥ ቃማ ቃማ ደብረ ዛይተ ያገትያ ደርያኮ ከሲደ አቄ። 
\v 38 አሳይ ኡባይ አ ስሳናዉ ጉራን ያ ጌሻ ጎልያ አኮ ዪኖ።
\c 22
\s1 ክርስቶሳ ዎናዉ ማቀቴድኖ
\r (ማቶሳ 26:1-5፤ ማር. 14:1-2፤ ዮሃ. 11:45-53)
\p
\v 1 ፓስጋ ጌተትያ ማጋገ ኡክ ምያ ባላይ ማቴዳ።\x - \xo 22:1 \xo*\xt ከሳ 12:1-27\xt*\x* 
\v 2 ቄሳቱዋ ካፓቱነ ሙሴ ህግያ ጻፍያዋንቱ የሱሳ ዎት ዎነንቶ፥ ዎያ ኦግያ ጌማን ኮዪኖ፤ ሽን አሳዉ ያዪኖ። 
\v 3 ጻላሂካ ታማነ ላኡ ካልያዋንቱፐ እቱዋ ግዴዳ አስቆሮቱ ይሁዳን ገሌዳ። 
\v 4 እካ ቢደ፥ የሱሳ ዎት አ እማነንቶ ቄሳቱዋ ካፓቱዋናነ ጌሻ ጎልያ ናግያዋንቱ ካፓቱዋና እትፐ ሃሳዬዳ። 
\v 5 ኡንቱንቱካ ናሸቲደ፥ ሚሻካ ይሁዳዉ እማናዉ ዉለቴድኖ። 
\v 6 እካ ኤኖ ጌዳ፤ አሳይ ባይና ሳን የሱሳ አ እማናዉ እንጀትያ ዎድያ ኮዬ።
\s1 የሱስ አይሁዳቱዋ ፓስጋ ማናዉ ጊገቴዳ
\r (ማቶሳ 26:17-25፤ ማር. 14:12-21፤ ዮሃ. 13:21-30)
\p
\v 7 ማጋገ ኡክ ምያ ባላ ቦንችያ ዎዲ ጋኬዳ፤ ሄ ዎዲካ ፓስጋዉ ዶርሳ ሹካናዉ በስያ ዎድያ። 
\v 8 የሱስ ጰጽሮሳነ ዮሃንሳ፥ “ፓስጋ ቁማ ኑን ማናዳን ቢደ ጊግስተ” ጊደ ኪቴዳ።
\p
\v 9 ኡንቱንቱካ ዛሪደ፥ “ሀቃን ጊግሳናዳን ኮያይ?” ያግ ኦቼድኖ። 
\v 10 እካ፥ “ህንተንቱ፥ ካታማ ገልያ ዎደ ኦቱዋና ሃ ቶኬዳ ብታኒ\f + \fr 22:10 \fr*\fk ሃ ቶኬዳ ብታኒ፦ \fk*\ft ሄ ዎደ ሄ ጋደን አሳ ጎለን ኪተትያ አቱማ ቆማይ ሃ ቶኮፐ፥ ሄ ጎሊ ዱረ ግድያዋ በሴ።\ft*\f* ህንተንቱና ጋከታናዋ፤ እ ገልያ ጎልያ አ ካሊደ ገልተ፤ 
\v 11 ሄ ጎልያዋካ፥ ‘ታማርስያዌ ኔና፥ “ታን፥ ታና ካልያዋንቱና እትፐ ፓስጋ ቁማ ምያ እማ ክፍሊ ሀቃ ባጋና ደኢ?” ያጌ’ ጊተ። 
\v 12 ሄ ብታኒካ ፖቅያ ቦላን ደእያ ሂጸት ኡቴዳ አኮ ክፍልያ ህንተንታ በሳናዋ፤ ሄዋንካ ሳኣ ጊግስተ” ያጌዳ።
\p
\v 13 ኡንቱንቱ ቢደ፥ የሱስ ጎዋዳንካ ብታንያ ደሚደ ፓስጋ ቁማ ጊግሴድኖ። 
\v 14 ፓስጋ ቁማይ ሜተትያ ሳቲ ጋኮ ዎደ፥ ታማነ ላኡ ኪተቶዋንቱና እትፐ ቁማ ማናዉ ኡቴዳ። 
\v 15 እካ፥ “ታና መቱ ጋካናፐ ካስያን ህንተንቱና ሀ ፓስጋ ቁማ ማናዉ ዳሮ አሞታደ ደአይ። 
\v 16 አያዉ ጎፐ፥ ታ ህንተዉ ኦድያዌ፥ ሀዌ ጾሳ ካዉተን ፖለታና ጋካናዉ፥ ታን ላኤንዋ ሀዋፐ ሚከ” ያጌዳ።
\p
\v 17 ጹኣ አኪደ፥ ጾሳ ጋላቲደ፥ “ሀዋ ሄይተ፥ ህንተንቱ ግዱዋን ግሸት ኡሽተ። 
\v 18 አያዉ ጎፐ፥ ታ ህንተንቶ ያጋይ፥ ጾሳ ካዉተይ ያና ጋካናዉ፥ ሀቼፐ ዶማደ ዎይንያ ኤሳ ኡሽከ” ያጌዳ።
\p
\v 19 ቃይ ማጋገ ኡክ አኪደ፥ ጾሳ ጋላቴዳ፤ ሄ ኡክ መን ኡንቱንቶ እሚደ፥ “ሀዌ ህንተንቶ እመትያዌ ታ አሹዋ፤ ሀዋን ታና ቆፓና ማላ ሀዋ ሚተ” ያጌዳ። 
\v 20 ካዉዋ ሞዋፐ ጉይያን፥ ካሰዋዳን ጹኣ ደን ኡንቱንቶ እሚደ፥ ሀዋዳን ያጌዳ: “ሀ ጹአይ፥ ታ ህንተንቱ ድራዉ ጉስያ ታ ሱ ቆፈያ ኦራ ጫቁዋ።\x - \xo 22:20 \xo*\xt ማቶሳ 26:26-28፤ ማር. 14:22-24፤ 1 ቆሮ. 11:23-25\xt*\x* 
\v 21 ሽን በእተ፥ ታና አ እማናዉ ደእያ ብታኒ ጋይታን ታናና እትፐ ሜ። 
\v 22 አያዉ ጎፐ፥ ታን አሳ ናአይ ጾሳይ ጎዋዳን ባይ፤ ሽን ታና አደ እምያ ኡራዉ አዉ አየ” ያጌዳ። 
\v 23 ኡንቱንቱ ግዶፐ ሄዋ ኦናዉ ደእያዌ ኦና ግዳነንቶ፥ ባረንቱ ግዶን ኦሻ ዶሜድኖ።
\s1 ኡባፐ አያዌ ኦኔ? ያግያ ኦሻ
\p
\v 24 ቃይ ባረንቱ ግዶፐ ኦን አንቶ ያገትያ ፓሉማይ ኡንቱንቱ ግዶን ከሴዳ። 
\v 25 የሱስ ኡንቱንታ ያጌዳ: “ሀ አላምያ ሞድያዋንቱ ባረንቱ አሳ ቦላ ጎዳቲኖ፤ ኡንቱንታ ሞድያዋንቱ ኬካቱዋ ጌተቲኖ። 
\v 26 ሽን ህንተንቱ ሀዋዳን ሀኖፕተ፤ የዉዋን ቃይ ህንተንቱፐ ቃ ግዴዳዌ ህንተ ኡባፐ ጉጽያዋ፤ ህንተንታ ሞድያዌካ፥ ህንተንቶ ቆማዳን ሀኖ።\x - \xo 22:26 \xo*\xt ማቶሳ 23:11፤ ማር. 9:35\xt*\x*
\p
\v 27 “ቁማ ማናዉ ኡቴዳዋፐነ ቁማ አሳዉ አያዋፐነ ኦን ቦንቼቲ? ቁማ ማናዉ ኡቴዳዋ ግደኔ? ታን ቃይ ህንተንቱ ግዶን ቁማ አያ ቆማ ማላ። 
\v 28 ቃይ ታን ፓጨትያ ዎድያን ህንተንቱ ታናና እትፐ ምን ኤቄዳዋንታ። 
\v 29-30 አ ካዉተ ኦይድያን ኡታና ማላ ታ አቡ ታና ሱንዋዳን፥ ታን ቃይ ታ ካዉተን ታ ጋይታፐ ማናዳንነ ኡሻናዳን፥ ታማነ ላኡ እስራኤልያ ያራቱዋ ቦላ ፕርዲደ፥ ካዉተ ኦይድያን ኡታና ማላ ህንተንታ ሱንድ” ያጌዳ።
\s1 ጰጽሮስ ካዳናዋ የሱስ ካሰቲደ ኦዴዳ
\r (ማቶሳ 26:31-35፤ ማር. 14:27-31፤ ዮሃ. 13:36-38)
\p
\v 31 ጎዳይ፥ “ስሞና፥ ስሞና፥ ታን ኦድያዋ ስሳ፤ ጻላሂ ህንተንታ አሳይ ዛርጋ ሀልእያዋዳን፥ ሀልአናዉ ጾሳ ዎሴዳ። 
\v 32 ሽን ታን ነ አማኑ ባየናዳን ነ ድራዉ ጋናታድ። ኔን ታኮ ስምያ ዎደ ነ እሻቱዋ ምንሳ” ያጌዳ። 
\v 33 ስሞን ዛሪደ፥ “ጎዳዉ፥ ታን ኔናና ቃሸታናዉነ ኔናና እትፐ ሀይቃናዉ ጊጋ ኡታድ” ያጌዳ።
\p
\v 34 የሱስ ቃይ፥ “ጰጽሮሳ፥ ታን ነዉ ያጋይ፤ ሀቼ ብላህያን፥ ኩቱ ዋሳናዉ ሄዙ ገደ ታና ኔን፥ ‘አ ታን ኤርከ’ ጋደ ካዳናሳ” ያጌዳ። 
\v 35 የሱስ ባረና ካልያዋንቶ፥ “ኮሮጁ፥ ቃርጪቲነ ጫማይ ባንታን ታን ህንተንታ ኪቶ ዎደ፥ ህንተንቶ እትባይ ፓጮዌ ደኢ?” ያጌዳ።
\p ኡንቱንቱካ፥ “እትባይነ ኑዉ ፓጭቤና” ያጌድኖ።\x - \xo 22:35 \xo*\xt ማቶሳ 10:9፣ 10፤ ማር. 6:8፣ 9፤ ሉቃሳ 9:3፤ 10:4\xt*\x*
\p
\v 36 እካ ዛሪደ፥ “ሀእ ቃይ ኮሮጁኡ ደእያዌ አክ ቦ፤ ቃርጪት ደእያዌካ ሄዋዳን ኦ፤ ባይናዌ ቃይ ባረ ማዩዋ ዛልኢደ ማሻ ሻሞ። 
\v 37 አያዉ ጎፐ ታ ህንተዉ ያጋይ፥ ‘ሀዌ ማካላንቻቱና እትፐ ፓይደቴዳ’ ያገት ጾሳ ማጻፋን ጻፈቴዳዌ፥ ታናን ፖለተናን አተና። ኤ፥ ታዉ ጌተቴዳዌ ሀእ ፖለታናዋ” ያጌዳ።\x - \xo 22:37 \xo*\xt ኢሳ. 53:12\xt*\x*
\p
\v 38 አ ካልያዋንቱ፥ “ጎዳዉ፥ ሀዋን ላኡ ማሻይ ደኤ” ያግና እካ፥ “ሄዌ ግዳናዋ” ያጌዳ።
\s1 የሱስ ደብረ ዛይተ ደርያን ዎሴዳ
\r (ማቶሳ 26:36-40፤ ማር. 14:32-42)
\p
\v 39 የሱስ ካታማፐ ከሲደ፥ ሀራ ጋላስ ብያዋዳንካ ደብረ ዛይተ ቤዳ። ቃይ አ ካልያዋንቱካ አ ጌዱዋ ቤድኖ። 
\v 40 ሄ ሳኣ ጋኪደ፥ “ፓጭያን ህንተንቱ ገለናን አታና ማላ፥ ዎስተ” ያጌዳ። 
\v 41 ሹቻ ኦልና ጋክያሳ ኬና ኡንቱንቱፐ ሃክ ቤዳ። ጉልባቲደ፥ 
\v 42 “ታ አቦ፥ ኔን ኮይያዋ ግዶፐ፥ ሀ መቱዋ ጹኣ ታፐ ድጋ፤ ሽን ታ ሸነ ግዶፖ፤ ነ ሸነ ግዶፐ አትን” ያጊደ ዎሴዳ። 
\v 43 ሳሉዋፐ ዪደ ምንስያ ኪታንቻይ አዉ ቤቴዳ። 
\v 44 ባረ ዎዛና ግዶን ሴለቲደ፥ ዳሪ ዎሴዳ። እ ጫዎትያ ጫዉካ ሳኣ ቦላን ጾክያ ሱ ማላቴዳ።
\p
\v 45 ዎሳፐ ደንዲደ፥ ባረና ካልያዋንቱኮ ጉየ ቢደ፥ ኡንቱንቱ ዳሮፐ ቃረቴዳ ድራዉ፥ ዳቡሪደ ገምእሾዋንታ ጼሊደ፥ 
\v 46 “አያዉ ገምእሺቴ? ፓጭያን ገለናዳን ደንድ ዎስተ” ያጌዳ።
\s1 የሱስ ባረ ሞርከቱዋ ኩሽያን ኦይቀቴዳ
\r (ማቶሳ 26:47-56፤ ማር. 14:43-50፤ ዮሃ. 18:3-11)
\p
\v 47 የሱስ ሄዋ ሃሳይ ደእሽን፥ ጮራ አሳይ ዬድኖ። ታማነ ላኡ አ ካልያዋንቱፐ እቱዋ ግዴዳ ይሁዳ ጌተትያዌ ሄ አሳ ካለደ የራናዉ የሱሳኮ ሺቄዳ። 
\v 48 የሱስ ቃይ፥ “ይሁዳዉ፥ ኔን ታና አሳ ናኣ የራደ አ እማይ?” ያጌዳ።
\p
\v 49 አ ዩሹዋን ደእያ አ ካልያዋንቱ ሀነትያ የዉዋ በኦ ዎደ አ፥ “ጎዳዉ፥ ሀ አሳ ኑን ማሻን ቃንጻኔ?” ያጌድኖ። 
\v 50 ኡንቱንቱፐ እቱ፥ ቄሳቱዋ ኡባቱዋ ካፑዋ ቆማ ሾጪደ፥ አ ኡሸቻ ሀይ ቃንጽ ኦሌዳ።
\p
\v 51 የሱስ ቃይ ዛሪደ፥ “አግተ፥ ባሽተ” ያጌዳ። ብታንያ ሀይካ ቦቺደ ፓዳ። 
\v 52 የሱስካ ባረኮ ዬዳ ቄሳቱዋ ካፓቶ፥ ጌሻ ጎልያ ናግያዋንቶ፥ ሱንቶነ ጋድያ ጭማቶ፥ “ፓኑዋ ኦይቂያዋዳን ማሻነ ጻምኣ ኦይቂደ ዪቴ? 
\v 53 ጌሻ ጎልያን ታን ጋላሳን፥ ጋላሳን ህንተንቱና ደእያ ዎደ፥ ታና ኦይቂበይክታ፤ ሽን ሀእ ሀዌ ህንተንቱ ዎደነ ማ ዎልቃ ዎደ” ያጌዳ።
\s1 ጰጽሮስ የሱሳ ካዴዳ
\r (ማቶሳ 26:57-58፣ 69-72፤ ማር. 14:53-54፣ 66-72፤ ዮሃ. 18:12-18፣ 25-27)
\p
\v 54 የሱሳ ኦይቂ ቃቺደ፥ ቄሳቱዋ ኡባ ካፑዋ ጎለ አፊደ ገልሴድኖ። ጰጽሮስካ ኡንቱንቱፐ ጉየ ሃኩዋን ኡንቱንቱ ጌዱዋ ካሌ። 
\v 55 ድርሳ ግዶን ታማ ኤደ፥ እትፐ ኡት ደእሽን፥ ጰጽሮስ ኡንቱንቱ ግዶን ዪደ ኡት አጌዳ። 
\v 56 ታማይ ፖእያ ባጋና ጰጽሮስ ኡቲደ ደእሽን፥ እት ቆማታ ሎይ ጼላደ፥ “ሀዌካ አናና እትፐ ደኤ” ያጋዱ።
\p
\v 57 ጰጽሮስ ቃይ፥ “ሀነ ምሽራቴ፥ ታን አ ኤርከ” ያግ ካዴዳ። 
\v 58 ጉ ዎድያፐ ጉይያን፥ ሀራ ብታኒ ጰጽሮሳ በኢደ፥ “ኔን ኡንቱንቱና ጋ ደኣ” ያግና፦
\p ጰጽሮስ ቃይ፥ “ሀዎ ብታነዉ፥ ታን አናና ጋ ደእከ” ያጌዳ።
\p
\v 59 እት ሳተ ግድያዋ ጋምኢደ ሀራ ብታኒ ቆንጭሲደ፥ “እ ጋሊላ ጋደ አሳ ግድያ ድራዉ፥ ሀ ብታኒ አናና እትፐ ደእያዌ ቱማ” ያጌዳ። 
\v 60 ጰጽሮስ ቃይ፥ “ሀ ብታነዉ፥ ኔን ግያዌ አየንቶ ታን ኤርከ” ያጌዳ። ሄ ዎድያን እ ብሮካ ሃሳይ ደእሽን፥ ኤለካ ኩቱ ዋስ አጌዳ። 
\v 61 ጎዳይ ጉየ ስሚደ፥ ጰጽሮሳ ጼሌዳ። ጰጽሮስ ጎዳይ ባረና፥ “ሀቼ ኩቱ ዋሳና ጋካናዉ፥ ሄዙ ገደ ታና ካዳናሳ” ጌዳ ጎዳ ቃላይ አዉ ቆፈት አጌዳ። 
\v 62 ጰጽሮስ ድርሳፐ ካረ ከሲደ፥ ሴለቲደ ዬኬዳ።
\p
\v 63 የሱሳ ኦይቄዳ አሳይ ቅሊጪኖነ ሾጪኖ። 
\v 64 አ አይፍያ ጎዝ ባቂደ፥ “ኔና ባቄዳዌ ኦኔ? ናብያ ግዶፐ ኔና ደቻዋ አነ ኦዳ” ያጊደ አ ኦቼድኖ። 
\v 65 ቃይ አ ሀራ ጮራ ቦርያ ቦሬድኖ።
\s1 የሱሳ ፕርዳዉ አፌድኖ
\r (ማቶሳ 26:59-66፤ ማር. 14:55-64፤ ዮሃ. 18:19-24)
\p
\v 66 ሳአይ ዎንትና ጋድያ ጭማ አሳቱ፥ ቄሳቱዋ ካፓቱነ ሙሴ ህግያ ታማርስያዋንቱ፥ የሱሳ ባረንቱ ሺቄዳሳ አፊደ፥ 
\v 67 “ክርስቶስ ኔኔ? አነ ኑ ኦዳ” ያጌድኖ።
\p ሽን እ፥ “ታን ህንተንቶ ኦዶፐ ታና አማንክታ፤ 
\v 68 ቃይ ህንተንታ ታን ኦቾፐ ኦድክታ፤ ዎይ ቃሹዋፐ ታና ብልክታ። 
\v 69 ሽን ሀ ሳትያፐ ዶምና ታን አሳ ናአይ፥ ሀእፐ ዶማደ፥ ዎልቃማ ጾሳ ኡሸቻ ባጋና ኡታና” ያጌዳ።
\p
\v 70 ኡንቱንቱ ኡባይ የሱሳ፥ “ያትና ኔን ጾሳ ናኤ?” ያጌድኖ።
\p እካ ዛሪደ፥ “ታን ጾሳ ናኣ ግዶዋ ህንተንቱ ሃሳዬድታ” ያጌዳ። 
\v 71 ኡንቱንቱካ፥ “ኑን ኑ ሁጰዉ አ ዶናፐ ስሴዶ፤ ሀዋፐ ስንዉ አይ ማርካ ኮሺ?” ያጌድኖ።
\c 23
\s1 ጵላጾስ የሱሳ ኦቼዳ
\r (ማቶሳ 27:1፣ 2፣ 11-14፤ ማር. 15:1-5፤ ዮሃ. 18:28-38)
\p
\v 1 ሄዋን ሺቄዳ ኡባቱካ እትፐ ደንዲደ፥ የሱሳ ጵላጾሳኮ አፌድኖ። 
\v 2 ኡንቱንቱካ፥ “ሀ ብታኒ ኑ አሳ ባለደ፥ አሳይ ሮመ ቢታ ካትያ ቄሳራዉ ጊራ እመና ማላ ድጊደ፥ ቃይ፥ ‘ታን ካትያ’ ያግሽን ደሜዶ” ያጊደ ሞቱዋ ዶሜድኖ።
\p
\v 3 ጵላጾስካ የሱሳ፥ “ሀዎ፥ አይሁዳቱዋ ካቲ ኔኔ?” ያጊደ ኦቼዳ።
\p የሱስ ዛሪደ አ፥ “ኔን ጋ ደኣሳ” ያጌዳ። 
\v 4 ጵላጾስ ቄሳቱዋ ካፓቶነ አሳዉ ኦዲደ፥ “ታን ሀ ብታንያ ቦላን አይነ ኢታ ኦሱዋ ደማበይከ” ያጌዳ።
\p
\v 5 ግዶፐ አትን ኡንቱንቱ፥ “ሀ ብታኒ ጋሊላፐ ዶሚደ፥ ሀራይ አቶ ሀዋ ጋካናዉካ፥ ይሁዳ ጋድያ ኡባ ባረ ትምርትያን ቃደ ደኤ” ያጊደ ምንስ ኦዴድኖ።
\s1 የሱስ ሄሮድሳ ስን ሺቄዳ
\p
\v 6 ጵላጾስካ ሀዋ ስሲደ፥ “እ ጋሊላ አሴ?” ያጊደ ኤራናዉ ኦቼዳ። 
\v 7 ጵላጾስ ሄሮድሰ ሞድያ ጋድያፐ የሱስ ዬዳዋ ኤሬዳ ዎደ፥ ሄሮድሰካ ቃይ ሄ ዎድያን የሩሳላመን ደእያ ድራዉ፥ አኮ የሱሳ የዴዳ።
\p
\v 8 ሄሮድሰ ዳሮ ዎድያፐ ዶሚደ የሱሳ በአናዉ አሞት ደእያ ድራዉ፥ አ በኤዳ ዎደ ዳሮፐ ናሸቴዳ። የሱሳ ዋርያ ስሴዳዋ ድራዉ፥ እ ኦራባ ኦሽን በአናዉ ህዶታን ጋምኤዳ። 
\v 9 ሄሮድሰ የሱሳ ዳሮባ ኦቼዳ፤ ሽን የሱስ አዉ አያነ ዛርቤና። 
\v 10 ቄሳቱዋ ካፓቱነ ሙሴ ህግያ ታማርስያዋንቱ ሄዋን ኤቂደ፥ የሱሳ ሎይ ሞቲደ ደኢኖ። 
\v 11 ሄሮድሰነ አ ዎታዳራቱ የሱሳ ካደ፥ አ ቦላ ቅሊጬድኖ። ቦንቼቴዳ ማዩዋ አ ማይዚደ፥ ጵላጾሳኮ ዛሪደ የዴድኖ። 
\v 12 ሄሮድሰነ ጵላጾስ ሀዋፐ ካሰና ሞርክያን ደኢኖ፤ ሽን ሄ ጋላስ ስገቴድኖ።
\s1 የሱሳ ሀይቃና ማላ ሞቴድኖ
\r (ማቶሳ 27:15-26፤ ማር. 15:6-15፤ ዮሃ. 18:39—19:16)
\p
\v 13 ጵላጾስ ቄሳቱዋ ካፓቱዋ፥ አይስያዋንታነ ሀራ ጮራ አሳ እትፐ ጼሲደ፥ 
\v 14 ሀዋዳን ያጌዳ፥ “ ‘ሀ ብታኒ አሳ ማካላተዉ ደን’፥ ያጊደ ታኮ አሄድታ፤ ታንካ ህንተንቱ ስንን ብዳ ጼላደ፥ ህንተንቱ ሺሼዳ ሞቱዋን እት ባላነ አ ቦላን ደማበይከ። 
\v 15 ቃይ ሄሮድሰካ አ ቦላን አይነ ደምቤና ድራዉ፥ ሃ ኑኮ ዛር የዴዳ፤ ህንተንቱ በእያዋዳንካ፥ ሀ ብታኒ አ ሀይቆ ጋያባ አይነ ኦቤና። 
\v 16 ሀዋ ድራዉ ታን አ ሙራደ ብላና” ያጌዳ። 
\v 17 \f + \fr 23:17 \fr*\fqa ሀ ፓይዱ፦ \fqa*\ft “ጵላጾሳዉ ፓስጋ ባላ ቦንቹዋ ጋላሳን እት ኡራ ቃሹዋፐ ብልያ ዶያይ ደኤ” ያጌ። ሽን፥ ዳዉሮዋ ጌሻ ማጻፋ ኦራ ጫቁዋ ግዱዋን ሀ ፓይዱ ጻፈትቤና ጋሱ፥ ሀራ ጌሻ ማጻፋቱዋ ብለቱዋን ኡባቱዋንካ ጻፈትቤና ድራሳ።\ft*\f*
\p
\v 18 አሳይ ኡባይ እትፐ ግዲደ፥ “ሀ ብታንያ ያ ድጋ! ባርባና ግያ የሱሳ ኑዉ ብላ!” ያጊደ ጫቦቴድኖ። 
\v 19 ባርባን ካታማን ዋላሳ ደንደ፥ አሳ ዎዳ ድራዉ፥ ቃሸቴዳዋ።
\p
\v 20 ጵላጾስ የሱሳ ብላናዉ ኮዪደ፥ አሳዉ ላኤንዋ ጉጂደ ሃሳዬዳ። 
\v 21 ሽን ኡንቱንቱ፥ “ማስቃልያ ቦላ ምስማርያን ሻደ ካቃ! ካቃ!” ያግ ዋሴድኖ።
\p
\v 22 ጵላጾስካ ሄዘንዋ ኡንቱንታ፥ “አያዉ? ሀ ብታኒ ኦዳ ኢታ ኦሱ አዬ? ታን አ ሀይቆ ጋያ ናቁዋ አይነ አፐ ደማበይከ፤ ሀዋ ድራዉ፥ አ ሙራደ ብላ የዳና” ያጌዳ። 
\v 23 ሽን ኡንቱንቱ ባረንቱ ኮሻ ቁ ኦደ፥ ካቀታናዳን ዳሪ ዋሴድኖ። ኡንቱንቱ ዋሱካ ጵላጾሳ ቆፋ ላሜዳ። 
\v 24 ሀዋ ድራዉ፥ ጵላጾስካ ኡንቱንቱ ኦሻይ ስማናዳን የሱሳ ቦላን ፕርዴዳ። 
\v 25 አሳ ማካላዉ ደንደነ ሸምፑዋ ዎደ፥ ቃሸቴዳ ብታንያ ብለታናዳን ኡንቱንቱ ዎሶ ድራዉ፥ ሄ ብታንያ ብሌዳ። ሽን የሱሳ ባረንቱ ሸንያዳን ኮዮዋ ኦና ማላ፥ አ እሜዳ።
\s1 የሱስ ማስቃልያን ካቀቴዳ
\r (ማቶሳ 27:31-44፤ ማር. 15:21-32፤ ዮሃ. 19:17-27)
\p
\v 26 የሱሳ ኦይቂ አፊደ ደእሽን፥ ስሞና ጌተትያ ቀሬና ብታኒ ሄራፐ ዪደ ደእሽን ደሚደ፥ ማስቃልያ ቶሲደ የሱሳና ባና ማላ ኦድኖ። 
\v 27 ዳሮ ጮራ አሳይነ ዬክያ ማጫዋንቱ ጉየና ካሊኖ። 
\v 28 የሱስ ጉየ ስሚደ ኡንቱንቶ፥ “ህንተኖ፥ የሩሳላመ ማጫዋንቶ፥ ህንተንቱ ሁጰዉነ ህንተንቱ ናናዉ ዬክተፐ አትን፥ ታዉ ዬኮፕተ፤ 
\v 29 ‘ማን ግዴዳዋንቱነ የልቤና ኡሉ፥ ንቤና ንይ፥ አንጀቴዳዋንታ’ ጌተትያ ዎዲ ያናዋ። 
\v 30 ሄ ዎድያን፥ ‘ዞዛቶ፥ ኑ ቦላ ዎድተ፤ ዙኩላቱዋካ፥ ኑና ቆስተ’ ያጋንታ።\x - \xo 23:30 \xo*\xt ሆሰ 10:8፤ ሳፃ 6:16\xt*\x* 
\v 31 ስም ቃየ ምን ሀዋዳን ሀኖፐ፥ መላ ምን ዋናናዌ?” ያጌዳ።
\p
\v 32 የሱሳና እትፐ ካቀታና ማላ፥ ኢታ ኦሱዋ ኦዳ ሀራ ላኡ አሳቱዋካ አፌድኖ። 
\v 33 ቄራነዉ ጌተትያሳ ጋኬዳ ዎድያን፥ የሱሳ ካቄድኖ። ኢታ ኦዋንታካ፥ እቱዋ ኡሸቻና፥ የኩዋ ሀድርሳና ካቄድኖ።
\p
\v 34 የሱስ፥ “ታ አቦ፥ ኡንቱንቱ ባረንቱ ኦያዋ ኤረና ድራዉ፥ ኡንቱንቱ ናጋራ አቶ ጋ” ያጌዳ።
\p ኡንቱንቱካ አ ማዩዋ ሳማ የገቲደ ግሸት አኬድኖ። 
\v 35 አሳይ ኤቂ ጼልሽን፥ ጋድያ ሞድያዋንቱ፥ “ሀራንታ አሼ፤ ጾሳን ዶረቴዳ ክርስቶስ አ ግዶፐ፥ አነ ባረ ሁጲያ አሸኔ?” ያጊደ ቅሊጬድኖ።
\p
\v 36 ቃይ ዎታዳራቱካ ሺቂደ ቅሊጬድኖ፤ ጫሜዳ ዎይንያ ኤሳ አዉ አህ እሚደ፥ 
\v 37 “ሀዎ፥ ኔን አይሁዳ ካትያ ግዶፐ፥ ነ ሁጲያ አሻ!” ያጌድኖ።
\p
\v 38 ሁጲሳናካ፥ “ሀዌ አይሁዳ ካትያ” ያግያ ጻፉዋ ጻፌድኖ። 
\v 39 ኢታ ኦደ ካቀቴዳዋንቱፐ እቱ፥ ቦሪድነ ቶቺደ፥ “ሀዎ ኔን ክርስቶሳ ግድኪ? አነ አ ግዶፐ፥ ነ ሁጲያነ ኑና አሻ” ያጌዳ።
\p
\v 40 የኩ ቃይ አ፥ “ኔን ሀዋ ማላትያ ፕርዳ ቦላ ደኣደካ ጾሳዉ ያይኪ? 
\v 41 ኑን ኪተቴዳ ባላን ሙራ አኪደ ደኤቶ፤ ኑዉ በስያ ሙራ ቦላን ደኤቶ፤ ሽን ሀ ብታኒ እት ኢታባነ ኦቤና” ያግ ዛሬዳ።
\p
\v 42 እ የሱሳ፥ “ኔን ነ ካዉተ ዎልቃን ይያ ዎደ፥ ታና ቆፓ” ያጌዳ። 
\v 43 የሱስካ፥ “ታን ነዉ ቱሙዋ ኦዳይ፥ ሀቼ ታናና እትፐ ጋናትያን ደአናሳ” ያጌዳ።
\s1 የሱሳ ሀይቁዋ
\r (ማቶሳ 27:45-56፤ ማር. 15:33-41፤ ዮሃ. 19:28-30)
\p
\v 44 ሄ ዎደ ኡሱፑን ሳተ ግድያ ኬና፤ ሄዋፐ ኡዱፑ ሳትያ ጋካናዉ፥ ቢታ ኡባ ቦላን ማ ግዴዳ። 
\v 45 አዋይካ ባረ ፖኡዋ ድጌዳ፤ ጌሻ ጎልያ ጋርዱካ ፔቲደ ላኡዋ ከሴዳ። 
\v 46 የሱስካ ዳሮ ቁ ጌዳ ቃላን ዋሲደ፥ “ታ አቦ፥ ታን ታ ሸምፑዋ ነ ኩሽያን አ እማይ!” ያግ ስሞዋፐ ጉይያን እ ሀይቄዳ።
\p
\v 47 ጼቱዋ ካፑ ሀኔዳ የዉዋ በኤዳ ዎደ፥ “ሀ ብታኒ ቱማካ ጽሎ አሳ” ያጊደ ጾሳ ጋላቴዳ። 
\v 48 ሀዋ በአናዉ እትሳ ሺቄዳ አሳይ ኡባይ ሀኔዳ የዉዋ በኢደ፥ ባረንቱ ትራ ባቂደ ስሜድኖ። 
\v 49 የሱሳ ኤርያ አሳይ ኡባይነ ጋሊላፐ ዶሚደ አ ካሌዳ ማጫዋንቱ ሀዋ ጼሊደ፥ ሃኩዋን ኤቄድኖ።
\s1 የሱስ ሞገቴዳ
\r (ማቶሳ 27:57-61፤ ማር. 15:42-47፤ ዮሃ. 19:38-42)
\p
\v 50 አይሁዳ ሻንጋቱዋ ግዴዳዋንቱፐ እቱ፥ ዮሴፎ ጌተትያ ሎአነ ጽሎ ብታኒ ደኤ። 
\v 51 ሀ ብታኒ ሻንጋቱዋ ማቁዋነ ኡንቱንቱ ኦሱዋን እትፐተ ኦቤና። ጾሳ ካዉተ ዩሳ ህዶታን ናጊደ ደኤ። 
\v 52 ዮሴፎካ ጵላጾሳኮ ቢደ፥ የሱሳ አሃ አካናዉ ዎሴዳ። 
\v 53 አካናዳን ጌተቶዋፐ ጉየ፥ አሃ ቦላፐ ዎደ፥ ሎኦ ሞጉዋ ማዩዋን ጻጺደ፥ ሹቻፐ ዎጨቲደ መቴዳ፥ ኦንነ ካሰ ሞገትቤና ኦላ ግዶን ዎዳ። 
\v 54 ጋላሳይካ ሳምባታ ሞካናዉ ጊግያ ጋላሳ፤ ሳምባታይካ ገላና ሀኔ።
\p
\v 55 ጋሊላፐ ዶሚደ የሱሳና እትፐ ዬዳ ማጫዋንቱ ካሊደ፥ ዱፉዋን አ አሃ ዎቲደ ዎድኖንቶ በኤድኖ። 
\v 56 ኡንቱንቱ ሀዋፐ ሶይ ስሚደ፥ ሽቱዋነ ኦክያዋ አንሀዉ ጊግሴድኖ።
\p ህግያ ማራዳን ሳምባታ ጋላስ ሸምፔድኖ።
\c 24
\s1 የሱስ ሀይቁዋፐ ደንዴዳ
\r (ማቶሳ 28:1-10፤ ማር. 16:1-8፤ ዮሃ. 20:1-10)
\p
\v 1 ሳምንታፐ ኮይሮ ጋላሳ፥ ማጫዋንቱ ጊግሴዳ ሽቱዋ ኦይቂደ ዳሪ ጉሪደ ዱፉዋኮ ቤድኖ። 
\v 2 ሹቻይካ ዱፉዋ ዶናፐ ጎንዶረትና በኤድኖ። 
\v 3 ኡንቱንቱ ዱፉዋ ጋርሳ ኦላ ገሎ ዎደ፥ ጎዳ የሱሳ አሃ ደምበይክኖ። 
\v 4 ማጫዋንቱ ስደ ደእሽን፥ ዋጭዋጭያ ማዩዋ ማዬዳ ላኡ አሳቱ፥ ቆፐናን ኡንቱንቱ ምይያን ኤቄድኖ።
\p
\v 5 ማጫዋንቱካ ያሻፐ ደንዶዋን ሳኣ ጼሊደ ደእሽን፥ ላኡ አሳቱ፥ “ደኡዋን ደእያዋ፥ አ አያዉ ሀይቆዋንቱ ግዶፐ ኮዪቴ? 
\v 6-7 እ ደንዴዳ፤ ሀዋን ባዋ። ቃይካ ጋሊላን ደእያ ዎድያን፥ ‘አሳ ናአይ ናጋራንቻቱዋ ኩሽያን አ እመታናዋ፤ ማስቃልያ ቦላን ካቀታናዋ፥ ሄዘን ጋላስ ሀይቁዋፐ ደንዳናዋ’ ያገቶዋ ቆፕተ” ያጌድኖ።
\p
\v 8 ማጫዋንቱካ ሄ ዎደ ቃላ አኬኬድኖ። 
\v 9 ኡንቱንቱካ ዱፉዋፐ ስሚደ ሀ ኡባ የዉዋ ታማነ እት ኪተቶዋንቶነ ኡንቱንታ ካልያዋንቶ ኡባቶ ኦዴድኖ። 
\v 10 ሀዋ የሱስ ኪቶዋንቶ ኦዴዳዋንቱ: ማግዳላፐ ዬዳ ማይራሞ፥ ዮሃኖ፥ ያቆባ ዳዮ ማይራሞነ ኡንቱንቱና እትፐ ደእያ ሀራ ማጫዋንታ። 
\v 11 ኡንቱንቶ ማጫዋንቱ ኦድያ ቃላይ ቃጅያዋ ማላትና አማንበይክኖ።
\p
\v 12 ሽን ሄ ዎደ ጰጽሮስ ደንዲደ ዱፉዋኮ ዎጼዳ። ያ ጋኪደ ሆክ ጼልያ ዎደ፥ ጋርሳን ሞጉዋ ማዮ ጻላላይ ደእያዋ በኤዳ። ሀኖ የዉዋንካ ማላለቲደ፥ ጎለ ስሜዳ።
\s1 ኤማሁሳ ኦግያን የሱስ ላኡ አሳቶ ቆንጬዳ
\r (ማር. 16:12፣ 13)
\p
\v 13 ሄ ጋላስ የሱሳ ካልያዋንቱፐ ላኡ አሳቱ የሩሳላመፐ ላኡ ሳትያ ሃክያ ኤማሁሳ ጌተትያ ሄራ ቢደ፤ 
\v 14 እቱ እቱዋና ሀኔዳ የዉዋ ኡባ ሃሳይ ደኢኖ። 
\v 15 ኡንቱንቱ ሃሳዪድነ ዞረቲደ ደእሽን፥ የሱስ ባረ ሁጰዉ ዪደ ኡንቱንቱ ምይያ ሺቂደ ኡንቱንቱና ቢደ ደኤ። 
\v 16 ሽን ኡንቱንቱ ባረ አይፍያን ጼሊደ አ ግድያዋ ሻክ ኤራናዉ ዳንዳይበይክኖ።
\p
\v 17 የሱስ፥ “ህንተንቱ ኦግያ ቦላን እቱ እቱዋና ሃሳይያዌ አዬ?” ያግ ኦቼዳ። ኡንቱንቱካ ዳጋማን ለቹሚደ ኤቄድኖ። 
\v 18 ኡንቱንቱፐ እቱ ቀልዮጳ ጌተትያዌ፥ “ሀ ግዱዋን የሩሳላመን ሀኖ የዉዋ ኤረናዌ ነ ጻላላይ ሀ ጋደዉ እማ?” ያግ ዛሬዳ።
\p
\v 19 የሱስ፥ “እ አዬ?” ያግና፥ ኡንቱንቱካ፥ “ጾሳ ስንንነ አሳ ኡባ ስንን ቃላንነ ኪታን ምኖ ናብያ ግዴዳ ናዝሬትያ የሱሳባ ሃሳዬቶ። 
\v 20 አካ ቄሳቱዋ ካፓቱነ ኑና ሞድያዋንቱ ሀይቁዋ ፕርዳዉ አ እሜድኖ፤ ማስቃልያ ቦላን ዎድኖ። 
\v 21 ኑን ካሰና፥ ‘እስራኤልያ አሳ ዎዛናዋ’ ያግ ህዶቶዌ አ፤ ሽን ሀ የዉ ሀነቲደ አደፐ ሄዙ ቃማ ግዴዳ። 
\v 22 ኑ ግዶፐ እት እት ማጫዋንቱ ኑና ማላልሴድኖ። ኡንቱንቱ ጉራን ህን ዱፉዋ ቤድኖ፥ 
\v 23 ሽን የሱሳ አሃ ኡንቱንቱ ዮ ዎደ ሽረት ስሚደ፥ እ ደንዴዳ፤ ያግያዋ ኪታንቻቱ ኦድሽን በኤዶ ያግ ኦዴድኖ። 
\v 24 ኑ ግዶፐካ እት እት አሳይ ዱፉዋ ቢደ ኡንቱንቱ ጎዋዳን ሀንና በኤድኖ፤ ሽን የሱሳ አሃ ደምበይክኖ” ያጌድኖ።
\p
\v 25 የሱስ ኡንቱንቶ፥ “ህንተኖ፥ አኬከና አሳቶ፥ ህንተንቱ ዎዛናን ናባቱ ኦዶዋ ኡባ ኤለ አማነናዋንቶ፤ 
\v 26 ክርስቶስ ሀ መቱዋ አካናዉነ ባረ ቦንቹዋኮ ገላናዉ በሰኔ?” ያጌዳ። 
\v 27 ሄዋፐ ስሚደ የሱስ ሙሴ ማጻፋቱዋፐነ ናባቱ ጻፌዳ ማጻፋቱዋፐ ዶሚደ፥ ጾሳ ማጻፋቱዋ ኡባን ጻፈቴዳ ባረባ ኡንቱንቶ ብሊደ ኦዴዳ።
\p
\v 28 ኡንቱንቱ ብደእያ ሄራ ማቴዳ ዎደ፥ የሱስ ሀራሳ ብያዋ ማላቴዳ። 
\v 29 ሄ ዎደ ኡንቱንቱ አ፥ “ጋላሳይ ቃሚደ ደእያ ድራዉ፥ ኦማርሳይ ማቴዳ፤ ኑናና እትፐ አቃ!” ያግ ምንስ ዎሴድኖ። ሀዋ ድራዉ፥ እካ ኡንቱንቱና እትፐ አቃናዉ ገሌዳ። 
\v 30 ኡንቱንቱ እትፐ ጋይታን ኡቴዳ ዎደ፥ ዳቡዋ ደንደ አንጄዳ፤ መንደ ኡንቱንቶ እሜዳ። 
\v 31 ኡንቱንቱ አይፊካ አ አኬካና ማላ ዶየትና፥ የሱሳ ግድያዋ ኤሬድኖ። እካ ኡንቱንቱ ስንፐ ጌሜዳ። 
\v 32 ኡንቱንቱካ እቱ እቱዋ፥ “ቃአን እትፐ ኑ ደእሽን፥ ኑና እ ሃሳይስያ ዎድያንነ ጾሳ ማጻፋቱዋካ ኑዉ ቆንጭሲደ እ ኦድያ ዎድያን፥ ኑ ዎዛና ግዶን ታማዳን ሴሌ ግደኔ?” ጌተቴድኖ።
\p
\v 33-34 ሄ ዎድያንካ ደንዲደ የሩሳላመ ስሜድኖ። የሱስ ኪቶ ታማነ እታቶነ ኡንቱንቱና እትፐ ደእያዋንቶ፥ “ጎዳይ ቱሙዋካ ደንዴዳ፥ ስሞናዉካ ቤቴዳ” ያጊደ ሄዋን እትፐ ሺቅ ኡቴዳዋንታ ደሜድኖ።
\p
\v 35 ሄ ላአቱ፥ ቃአን ሀኔዳዋነ የሱስ ዳቡዋ መንያ ዎደ ዎት አ ኤሬድኖንቶ ኡንቱንቶ ኦዴድኖ።
\s1 የሱስ ባረና ካልያዋንቶ ቤቴዳ
\r (ማቶሳ 28:16-20፤ ማር. 16:14-18፤ ዮሃ. 20:19-23፤ ኪታ 1:6-8)
\p
\v 36 ሀዋ ኡንቱንቱ ሃሳይ ደእሽን፥ የሱስ ኡንቱንቱ ግዶን ኤቂደ፥ “ሳሮተይ ህንተዉ ግዶ” ያጌዳ። 
\v 37 ኡንቱንቶ ሞይትልያ በኦዋ ማላትና ዳጋሚደ፥ ያሻን ኩሜድኖ። 
\v 38 እካ ኡንቱንታ፥ “አያዉ ዳጋሚቴ? አያ ድራዉ ህንተንቱ ዎዛናይ ስ? 
\v 39 ታን የሱሳ ግድያዋ ኤራናዉ፥ አነ ታ ኩሽያነ ታ ገድያ በእተ፤ ታናን ህንተንቱ በእያዋዳን፥ ሞይትለዉ አሹነ መቀይ ባዋ። አነ ታና ህንተንቱ ኩሽያን ኦይቂ በእተ” ያጌዳ።
\p
\v 40 ሀዋ ያግ ስሚደ፥ ባረ ኩሽያነ ባረ ገድያ በሴዳ። 
\v 41 ኡንቱንቱካ ናሸቻፐ ደንዶዋን፥ አማነናን ማላለት ደእሽን እ፥ “ሀዋን ሜተትያዌ ህንተንቶ ደኢ?” ያግ ኡንቱንታ ኦቼዳ። 
\v 42 ኡንቱንቱካ፥ ጺጸቴዳ ሞልያፐ ላፋ ፑሩዋ አዉ እሜድኖ። 
\v 43 እካ አኪደ ኡንቱንቱ ስንን ሜዳ።
\p
\v 44 እካ፥ “ታን ህንተንቱና እትፐ ደኣደ፥ ‘ሙሴ ማጻፋን፥ ናባቱዋ ማጻፋንነ ቃላን ጻፈቶ ማዝሙረቱዋን ታ ድራዉ ጻፈቴዳ ኡባይ ፖለታናዉ በሴ’ ያጋደ ህንተንቶ ኦዴዳ የዉ ሀዋ” ያጌዳ።
\p
\v 45 ሄ ዎድያንካ ጾሳ ማጻፋቱዋን ጌተቶዋ አኬካና ማላ፥ ኡንቱንቱ ዎዛና ዶዬዳ። 
\v 46 ኡንቱንቶ፥ “ ‘ክርስቶሳ መቱ ጋካናዋ፤ ሄዘንያ ጋላስ ሀይቁዋፐ ደንዳናዋ። 
\v 47 አ አ ሱንን ናጋራ ፓጸይነ ማሮታ ደሙሳይ የሩሳላመፐ ዶሚደ አሳዉ ኡባዉ ኦደታናዋ’ ያገቲደ ጻፈቴዳ።
\p
\v 48 “ህንተንቱካ ሀዎ ማርካቱዋ። 
\v 49 ታ ህንተንቶ፥ ታ አቡ ቃላ ገሌዳ ህዶታ የዳና፤ ሄዌ ጋካናዉነ ህንተንቶ ዎልቃይ ሳሉዋፐ እመታና ጋካናዉ፥ የሩሳላመ ካታማን ናግሽተ” ያጌዳ።
\s1 የሱስ ሳሉዋ ስሚደ ቤዳ
\r (ማር. 16:19፣ 20፤ ኪታ 1:9-11)
\p
\v 50 ሀዋፐ ጉይያን፥ ቢታንያ ጌተትያ ካታማ ጋካናዉ፥ ኡንቱንታ አፌዳ፤ ባረ ኩሽያ ምጪደ ኡንቱንታ አንጄዳ። 
\v 51 ኡንቱንቱፐ ሻከቲደ፥ ሳሉዋ ቤዳ። 
\v 52 ኡንቱንቱ አዉ ጎይኒደ፥ ዳሮ ናሸቻን የሩሳላመ ስሜድኖ። 
\v 53 ቃይ ፓጨናን ጾሳ ጋላቲደ፥ ጌሻ ጎልያን ደኤድኖ።