\id LEV - Dawuro Full Bible Ethiopic Version
\ide UTF-8
\h ዎጋ
\toc1 ዎጋ ማጻፋ
\toc2 ዎጋ
\toc3 ዎጋ
\mt1 ዎጋ ማጻፋ
\imt ገሉዋ
\ip “ዎጋ ማጻፋይ” በን እስራኤልያ ጋድያን ደእያ ጎይና ዎጋነ አማኑዋ ትምርትያን አሳይ አቅያ ማራቱዋ ኦዴ። ሄዋዳንካ ቃይ ሀ ዎጋቱዋነ ሀ ማራቱዋ ኦሱዋን ፔሽያ አዎተይ ደእያ ቄሳቱዋባ ኦዴ።
\ip ማጻፋዉ ሁጰ ቆፋይ ጾሳ ጌሻተ ኦድያዋ። ቃይካ ጾሳዉ ያርሹዋ አዩሳን ጾሳና ደእያ እትፐተ ናጊደ፥ ጾሳዉነ ኡንቱንቶ ደእያ ጫቁዋና ኦይቀቴዳ ብለይ ደእያ ዎጋ እሞዋ በሴ። ጉጂደካ ጾሳ አሳይ ሀ ጌሻ ግዴዳ እስራኤልያ ጾሳና ኡንቱንቶ ማታ ጋከይ ደአና ማላ፥ ኡንቱንቱ ዋኒደ አዉ ጎይናናዉ በስንቶ ኦዴ።
\ip ማጻፋ ግዶን ዳሮ ኤረቴዳ አዛዙ፥ የሱስ ላኤን ዎልቃማ አዛዙዋ ጊደ ሱንዳ አዛዙዋ። ሄዌነ ሸምፑዋ 19 ፓይዱዋ 18 ቤትያዋ፤ እካ፥ “አሳ ኡባ ነ ሁጲያዳን ዶሳ” ያግያዋ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 እሞታነ ያርሹዋ \ior 1:1—7:38\ior*
\io1 አሮነነ አ ናናቱ ቄሰ ግድይያ ዎጋነ ኡንቱንቱ ኦሱዋ \ior 8:1—10:20\ior*
\io1 ጌይያ ዎጋን ጌሻ ግድያዋነ ግደናዋ ሻኩሳ \ior 11:1—15:33\ior*
\io1 ናጋራይ አቶ ጌተትያ ጋላሳ \ior 16:1-34\ior*
\io1 ደኡዋ ጌሻተነ ጎይኑዋ ዎጋ \ior 17:1—27:34\ior*
\c 1
\ms እሞታነ ያርሹዋ
\mr (1:1—7:38)
\s1 ጹግያ ያርሹዋ
\p
\v 1 መና ጎዳና ጋከትያ ዱንካንያ ግዶፐ መና ጎዳይ ሙሳ ጼሲደ፥ ሀዋዳን ያጊደ ሃሳዬዳ፤ 
\v 2 “እስራኤልያ አሳዉ ሀዋዳን ያጋደ ኦዳ፤ ‘ህንተፐ ኦንነ መና ጎዳዉ ያርሹዋ ሺሽያ ዎደ፥ ሄ ባረ ሺሽያ ያርሹዋ ባረ መህያፐ ዎይ ባረ ዶርሳ ዎይ ዴሻ ዉድያፐ አሆ። 
\v 3 ሄ ያርሹ መህያ ዉድያፐ ጹግያ ያርሹዋ ግዶፐ፥ አቱማዋ ግዲደ፥ ትላ ቦላና ደእያዋ ግዶ። መና ጎዳይ አካና ማላ፥ እ ሄ ያርሹዋ መና ጎዳ ዱንካንያ ገልያ ፐንግያን ያርሾ። 
\v 4 ያርሹዋ ሺሽያ ብታኒ ጹጊደ ያርሻናዉ አሄዳ ባረ መህያ ሁጲያን ባረ ኩሽያ ዎ። ሄዌ አ ናጋራ አቶ ጋናዉ ጾሳይ አኬዳ ያርሹዋ ግዳናዋ። 
\v 5 እ ኮሩማ መና ጎዳ ስንን ሹክና፤ አሮና ናናይ ቄሳቱ ሄ ሱ አሂደ፥ መና ጎዳ ዱንካንያ ገልያ ፐንግያን ደእያ ያርሽያ ሳኣ ምይያ ኡባን ጉስኖ። 
\v 6 ሄዋፐ ጉይያን፥ እ ጹግያ ያርሾ መህያ ጋልባ ቃሮ፤ አሹዋ አ ቆሙዋን ቆሙዋን ከሶ። 
\v 7 ቄስያ አሮና ናናይ ያርሽያ ሳኣ ቦላን ታማ ኤደ፥ ም ዎኖ። 
\v 8 ሄዋፐ ጉይያን፥ አሮና ናናይ ቄሳቱ ሄ ከሴዳ አሹዋ ሁጲያነ ሞዋ ጉጂደ፥ ያርሽያ ሳኣ ቦላን ታማን ደእያ ም ቦላን ማሪደ ዎኖ። 
\v 9 ሽን ሄ ብታኒ ቃን አሹዋነ ገደቱዋ ሃን ሜጮ። ያቲደ ቄሲ ሄዋ ኡባካ አሂደ፥ ያርሽያ ሳኣ ቦላ ጹጎ፤ ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
\p
\v 10 “ ‘ጹግያ ያርሾ እ እምያ እሙ ዶርሳ ዉድያፐ ዎይ ዴሻ ዉድያፐ አከትያዋ ግዶፐ፥ አቱማዋ ግዲደ፥ ትላ ቦላና ደእያዋ ግዶ። 
\v 11 ሄ መህያ ያርሽያ ሳኣፐ ሁጲሳ ባጋና መና ጎዳ ስንን ሹኮ። አሮና ናናይ ቄሳቱ አ ሱ አኪደ፥ ያርሽያ ሳኣ ምይያ ኡባ ቦላን ጉስኖ። 
\v 12 ሄዋፐ ጉይያን፥ ሄ ብታኒ አ ቆሙዋን ቆሙዋን ከሴዳ አሹዋ ኡባ ቄሲ አኪደ፥ ሁጲያነ ሞዋ ጉጂደ፥ ያርሽያ ሳኣ ቦላን ታማን ደእያ ም ቦላን ዎ። 
\v 13 ሽን ቃን አሹዋነ ገደቱዋ ሃን ሜጮ፤ ያቲደ ቄሲ ሄዋ ኡባ አሂደ ያርሽያ ሳኣ ቦላን ጹጎ፤ ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
\p
\v 14 “ ‘መና ጎዳዉ ያርሽያ ጹግያ ያርሹ ካፉዋ ግዶፐ፥ ሀራጵያ ማራ፥ ዎይ ዶጎሙዋ አሆ። 
\v 15 ቄሲ ሄዋ አኪደ፥ ቆያ ምርቆ፤ ያቲደ ያርሽያ ሳኣ ቦላን ደእያ ታማን ጹጎ። አ ሱይ ያርሽያ ሳኣ ቦላፐ ምይያና ዱገ ጎግ ጭንጎ፤ 
\v 16 ኡሎ ግዱዋ ባለቱዋና ከሲደ፥ ያርሽያ ሳኣፐ አዋይ ዶልያ ባጋና፥ ብድን ቆልያ ሳኣን ኦሎ። 
\v 17 እ ሄ ካፉዋ ቀፈቱዋ ኦይቂደ ጳልቆ፥ ሽን ኡባና ዳኮፖ። ሄዋፐ ጉይያን፥ ቄሲ ያርሽያ ሳኣ ቦላን ደእያ ታማን ዎደ ጹጎ፤ ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
\c 2
\s1 ካ ያርሹዋ
\p
\v 1 “ ‘ኦንነ ካ ያርሹዋ መና ጎዳዉ ሺሽያ ዎደ፥ ሄ ያርሹ ሊቆ ልያ ግዶ፤ አ ቦላ ዎጋራ ዛይትያነ እጻና ጉጆ። 
\v 2 ሄዋ እ አሮና ናናቱዋኮ ቄሳቱዋኮ አሆ፤ ቄሳቱ ሄ ሊቆ ልያፐነ ዛይትያፐ እት ኩሽያ ኩን አኪደ፥ እጻና ኡባና አክ፥ ሀሳይስያዋ ኦደ፥ ያርሽያ ሳኣ ቦላ ታማን ጹጎ። ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ። 
\v 3 ካ ያርሹዋፐ አቴዳዌ አሮናሳነ አ ናናቱዋሳ። ሄዌ መና ጎዳዉ ታማን ጹገትያ ጌሻ ያርሹዋ ኡባፐ እቱዋ ግዴዳ ጌሻ ያርሹዋ።
\p
\v 4 “ ‘ያርሾ ሺሽያ ኡክይ ጮጭያን ካኤዳዋ ግዶፐ፥ ዛይትያን ሙናቄዳ ሊቆ ልያፐ ኡከቴዳ እርሹ የገትቤና ኮምፖ፥ ዎይ ዛይትያን ኦከቴዳ፥ እርሹ የገትቤና ሌኦ ኡክ ግዶ።
\p
\v 5 “ ‘ያርሾ ሺሽያ ኡክይ ባሽያን ኡከቴዳዋ ግዶፐ፥ ዛይትያን ሙናቄዳ፥ እርሹ ባይና፥ ሊቆ ልያፐ ጊጌዳዋ ግዶ። 
\v 6 አ መንደ አ ቦላ ዛይትያ ትጎ፤ ሄዋ ካ ያርሹዋ ኦደ ሺሾ።
\p
\v 7 “ ‘ነ ያርሾ ሺሽያ ካ ያርሹ ድስትያን ካኤዳዋ ግዶፐ፥ ዛይትያን ሙናቄዳ ሊቆ ልያፐ ካኤዳዋ ግዶ። 
\v 8 ሀዋዳን ጊግሴዳ ካ ያርሹዋ መና ጎዳዉ አሀ፤ ቄስያዉ እማ። ቄሲ ሄዋ አኪደ ያርሽያ ሳኣ ሺሾ። 
\v 9 ቄሲ ሄ ካ ያርሹዋፐ አኪደ፥ ሀሳይስያዋ ኦደ፥ ያርሽያ ሳኣ ቦላን ጹግያ ያርሹዋዳን ታማን ጹጎ፤ ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ። 
\v 10 ካ ያርሹዋፐ አቴዳዌ አሮነሳነ አ ናናቱዋሳ። ሄዌ መና ጎዳዉ ታማን ጹጌዳ፥ ጌሻ ያርሹዋ ኡባፐ እቱዋ ግዴዳ ጌሻ ያርሹዋ።
\p
\v 11 “ ‘ጾሳዉ ህንተ አህያ አይ ካ ያርሹነ እርሹዋና ደእያዋ ግዶፖ፤ አያዉ ጎፐ ኔን እርሹዋ ዎይ ኤሳ እልሉዋ ጾሳዉ ታማን ጹጋደ ያርሻናዉ ኮሸና። 
\v 12 ህንተ ላይን ላይን ጫከትያ ካፐ ጼራ ከሲደ፥ ጾሳዉ አሀናዉ ዳንዳዪታ፤ ሽን ሄዋ ሳዉዋ ቶሹኩ ግያ ያርሹዋ ኦደ፥ ጾሳዉ ያርሽያ ሳኣ ቦላን ጹገተና። 
\v 13 ኔን ሺሽያ ካ ያርሹዋ ኡባን ማጽንያ የጋ፤ አያዉ ጎፐ፥ ነ ጾሳ ቃላ ጫቁዋ ማጽንያ አጎፓ። ሄዋ ድራዉ ነ ካ ያርሹዋ ኡባ ማጽንያን ማልኤ። 
\v 14 ኔን ኮይሮ ካፐ ጼራ ከሳደ መና ጎዳዉ አህያ ዎደ፥ ሄ ካይ ጺጸቲደ ሀርጸቴዳ ትሻ ካ ግዳናዉ ኮሼ። 
\v 15 አ ቦላ ዛይትያ ትጋ፤ እጻናካ አን ዎ፤ ሄዌ ካ ያርሹዋ። 
\v 16 ቄሲ ሄ ዛይቲ ትገቴዳ ሀርጸቴዳ ካፐ ሻኩዋ አኪደ፥ እጻና ኡባናካ ሀሳይስያዋ ኦደ ታማን መና ጎዳዉ ጹጎ።
\c 3
\s1 እትፐተ ያርሹዋ
\p
\v 1 “ ‘እት አሳይ እትፐተ ያርሾ ባረ ዉድያፐ ማጫዋ ግድና አቱማዋ ግድና እት መህያ ሺሽያ ዎደ፥ ሄ መሂ ትላ ቦላና ደእያዋ መና ጎዳ ስንን ሺሾ። 
\v 2 ያርሻናዉ አሄዳ መህያ ሁጲያን ባረ ኩሽያ ዎደ፥ ጾሳ ዱንካንያ ፐንግያን ሹኮ። ሄዋፐ ጉይያን፥ ቄሳቱ አሮና ናናይ ሱ ያርሽያ ሳኣ ምይያ ኡባ ቦላን ጉሶ። 
\v 3 እትፐተ ያርሹዋፐ ታማን ጹግያ ያርሹዋ ኦደ መና ጎዳዉ ሺሾ፤ ሄዌካ ቃን አሹዋ ማዬዳ ሀንዳ ኡባይነ አናና ጋያ ሀንዳይ፥ 
\v 4 ላኡ ክላሆቱዋ፥ ኡንቱንቱ ቦላ ደእያ ሀንዳ፥ ጋይልያ ማታን ደእያ ሀንዳነ ትርያ ጼራ ቦላ ደእያ ሀንዳ ክላሆቱዋና ጋደ አኬ። 
\v 5 አሮና አቱማ ናናይ ሄዋ ሀራ ጹግያ ያርሹዋና ያርሽያ ሳኣ ቦላ ደእያ ም ቦላ ዎደ ጹግኖ፤ ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
\p
\v 6 “ ‘መና ጎዳዉ እትፐተ ያርሹዋ ሺሽያ ኡራይ ዶርሳ ግድና ዴሻ፥ ማጫዋ ግድና አቱማዋ ትላ ቦላና ደእያዋ ሺሾ። 
\v 7 እት ኡራይ ዶርሳ ማራ ያርሽያዋ ግዶፐ፥ መና ጎዳ ስንን ሺሾ፤ 
\v 8 ባረ ኩሽያ አ ሁጲያን ዎደ፥ ዱንካንያ ስንን ሹኮ። ሄዋፐ ጉይያን፥ አሮና አቱማ ናናይ ሱ ኦይቂደ፥ ያርሽያ ሳኣ ምይያ ኡባ ቦላን ጉስኖ። 
\v 9 እትፐተ ያርሹዋፐ ታማን ጹግያ ያርሹዋ ኦደ፥ መና ጎዳዉ ሺሾ፤ ሄዌካ፥ ዚዝያፐ ቃንጼዳ ናስያ፥ ኡሎ ግዶ አሹዋ ማዬዳ ሞያነ ሀዋንታ ጋ ኦይያ ሞያ ኡባ፥ 
\v 10 ላኡ ክላሆቱዋ፥ ኡንቱንቱ ቦላ ደእያ ሀንዳነ ጋይልያ ማታን ደእያ ሞያ፥ ትርያ ጼራ ቦላ ደእያ ሞያ ክላሆቱዋና ጋደ አኬ። 
\v 11 ቄሲ ሄ ቁማ ያርሹዋ መና ጎዳዉ ታማን ጹግያ ያርሽያ ሳኣ ቦላ ዎደ ጹጎ።
\p
\v 12 “ ‘አ ያርሹ ዴሻ ግዶፐ፥ እ ሄዋ መና ጎዳ ስንን ሺሾ። 
\v 13 ያቲደ አ ሁጲያን ባረ ኩሽያ ዎደ፥ ጾሳ ዱንካንያ ስንን ሹኮ። ሄዋፐ ጉይያን፥ አሮና አቱማ ናናይ ሱ ኦይቂደ፥ ያርሽያ ሳኣ ዩሹዋን ኡባን ጉሲኖ። 
\v 14 እ ሄ ያርሽያዋፐ አኪደ፥ ታማን ጹግያ ያርሹዋ ኦደ መና ጎዳዉ ሺሾ፤ ሄዌካ ቃን አሹዋ ማዬዳ ሀንዳ ኡባነ ሄ ሀንዳ ጋ ኦይያ ሀራ ሀንዳ፥ 
\v 15 ላኡ ክላሆቱዋ፥ ኡንቱንቱ ቦላ ደእያ ሀንዳነ ጋይልያ ማታን ደእያ ሞያነ ትርያ ጼራ ቦላ ደእያ ሞያ ክላሆቱዋና ጋደ አኬ። 
\v 16 ቄሲ ሄ ቁማ ታማን ጹግያ፥ ሳዉዋ ቶሹኩ ግያ ያርሹዋ ኦደ ያርሽያ ሳኣ ቦላ ጹጎ። ሀንዳ ኡባይ መና ጎዳሳ።
\p
\v 17 “ ‘ሀንዳነ ሱ ህንተ ደእያ ሳኣን ሀቃንነ ሞፕተ። ሀዌ ህንተንቶነ ህንተ የለታዉ መናዉ ናገትያ ዎጋ’ ያጋደ ኦዳ” ያጌዳ።
\c 4
\s1 ቆፐናን ኦዳ ናጋራ ያርሹዋ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “ኔን እስራኤልያ አሳዉ ሀዋዳን ያጋደ ኦዳ፤ ‘ኦንነ ቆፐናን ናጋራ ኦፐነ፥ መና ጎዳ አዛዞቱዋፐ እቱዋ ሀቃዋነ መንፐ፥ ሀዋፐ ካሊደ ደእያ ዎጋ ናጎ።
\p
\v 3 “ ‘ቄስያ ካፑ ናጋራ ኦፐነ ሄ ናጋራይ አሳ ባይዛንቻ ከስያዋ ግዶፐ፥ እ ባረ ኦዳ ናጋራ ድራዉ፥ ትላ ቦላና ደእያ ኮሩማ መና ጎዳዉ ናጋራ ያርሹዋ ኦደ አሆ። 
\v 4 ሄ ኮሩማ መና ጎዳ ዱንካንያ ፐንገ አደ፥ ኮሩማ ሁጲያን ባረ ኩሽያ ዎደ፥ መና ጎዳ ስንን ሹኮ። 
\v 5 ቄስያ ካፑ ኮሩማ ሱፐ አማሬዳዋ አኪደ፥ መና ጎዳ ዱንካንያ አፎ። 
\v 6 ባረ ኩሽያ ብራያ ሱን ቱሽ ቱሽ ከሲደ፥ መና ጎዳ ዱንካንያ ጋርዱዋ ስንን መና ጎዳ ስንን ላፑ ገደ ዱኮ። 
\v 7 ሄዋፐ ጉይያን፥ ቄስያ ካፑ አማሬዳ ሱ አኪደ፥ መና ጎዳ ዱንካንያ ግዶን መና ጎዳ ስንን ሳዊያ እጻና ጩውስያ ሳጽንያ ቦላ ደእያ ካጨቱዋ ቦላ ጾክሶ። አቴዳ ሱ ቃይ ጾሳ ዱንካንያ ገልያ ሳኣ ባጋና ደእያ ጹግያ ያርሹዋ ያርሽያ ሳኣፐ ጋርሳ ባጋና ደእያ ሳኣን ጉሶ። 
\v 8 ናጋራ ያርሾ ሹከቴዳ ሀ ኮሩማ ሞዋ ኡባ፥ ቃን አሹዋ ማዬዳ ሀንዳነ ኡንቱንታ ጋ ኦይያ ሞዋ፥ 
\v 9 ላኡ ክላሆቱዋ፥ ኡንቱንታ ማዬዳ ሀንዳነ ጋይልያ ማታን ደእያ ሞያነ ትርያ ጼራ ቦላ ደእያ ሞያ ክላሆቱዋና እትፐ ከሲደ አኮ። 
\v 10 እትፐተ ያርሾ ሹከቴዳ ኮሩማፐ አኬዳ ሞዋዳን አኮ። ቄስያ ካፑ ጹግያ ያርሹዋ ያርሽያ ሳኣ ቦላን ጹጎ። 
\v 11 ሽን ኮሩማ ጋልባ፥ አ አሹዋ ኡባ፥ አ ሁጲያነ፥ አ ገደቱዋ፥ ቃን አሹዋ፥ ቶጭያ፥ 
\v 12 ኮሩማ አሹዋፐ አቴዳዋ ኡባ ዱንካኔዳ ሳኣፐ ካረ ከሲደ፤ ብድን ቆልያ ዎጋዳን ጌሻ ግዴዳ ሳኣ አፎ፤ ያን ም ታማን ጹጎ።
\p
\v 13 “ ‘እስራኤልያ ማባራይ ኡባይ ቆፐናን ናጋራ ኦፐነ፥ መና ጎዳ አዛዞቱዋፐ እቱዋ ሀቃዋነ መንፐ፥ ኡንቱንቱ ባይዛንቻ ግዲደ ፓይደታና። 
\v 14 ኡንቱንቱ ኦዳ ናጋራይ ኤረትያ ዎደ፥ ናጋራ ያርሾ ሀንያ ኮሩማ ጾሳ ዱንካንያ ስን አህኖ። 
\v 15 ሄ ማባራ ጭማቱ መና ጎዳ ስንን ባረንቱ ኩሽያ ኮሩማ ሁጲያ ቦላን ዎደ፥ ሄ ኮሩማ መና ጎዳ ስንን ሹክኖ። 
\v 16 ሄዋፐ ጉይያን፥ ቄስያ ካፑ ኮሩማ ሱፐ ጉ አኪደ፥ ጾሳ ዱንካንያ ግዶ ገሎ፤ 
\v 17 እ ባረ ኩሽያ ብራያ ሱን ቱሽ ቱሽ ከሲደ፥ ጋርዱዋ ስን ባጋና መና ጎዳ ስንን ላፑ ገደ ዱኮ። 
\v 18 ቃይ አማሬዳ ሱ አኪደ፥ መና ጎዳ ዱንካንያ ግዶን ስንን እጻና ጩውስያ ሳጽንያ ቦላ ደእያ ካጨቱዋ ቦላ ጾክሶ። አቴዳ ሱ ቃይ መና ጎዳ ዱንካንያ ገልያሳ ባጋና ደእያ ጹግያ ያርሹዋ ያርሽያ ሳኣፐ ጋርሳ ባጋና ደእያ ሳኣን ጉሶ። 
\v 19 ሞዋ ኡባ አኪደ፥ ያርሽያ ሳኣ ቦላን ጹጎ። 
\v 20 ናጋራ ያርሾ ሹከቴዳ ኮሩማ ኦዳዋዳን ሀ ኮሩማካ ኦ። ሄዋዳን ኦደ፥ ቄሲ ናጋራ አቶ ጊስያ ዎጋ ፖላና፤ አሳይካ ናጋራፐ ማረታናዋ። 
\v 21 ሄዋፐ ጉይያን፥ ኮሩማ ዱንካኔዳ ሳኣፐ ካረ ከሲደ፥ ካሰ ኮሩማ ጹጌዳዋዳን አካ ጹጎ፤ ሀዌ ማባራ ናጋራዉ ያርሽያ ያርሹዋ።
\p
\v 22 “ ‘አሳ ካለያ ሱንቱዋፐ እቱ ቆፐናን ናጋራ ኦፐነ መና ጎዳይ አ ጾሳይ አ አዛዜዳ አዛዙዋፐ እቱዋ ሀቃዋነ መንፐ፥ ሄ ኡራይ ባይዛንቻ። 
\v 23 እ ባረ ኦዳ ናጋራ ኤሬዳዋፐ ጉይያን፥ ትላ ቦላና ደእያ እት ዴሻ ኦርግያ አሆ። 
\v 24 ሄ ዴሻ ኦርግያ ሁጲያን ባረ ኩሽያ ዎደ ጹግያ ያርሹ መና ጎዳ ስንን ሹከትያ ሳኣን ሹኮ፤ ሄዌ ናጋራ ያርሹዋ። 
\v 25 ቄስያ ካፑ ናጋራ ያርሹዋ ሱ ግዶ ባረ ኩሽያ ብራያ ቱሽ ቱሽ ከሲደ፥ ጹግያ ያርሹዋ ያርሽያ ሳኣ ቦላ ደእያ ካጨቱዋ ቦላ ጾክሶ፤ አቴዳ ሱ ቃይ ጹግያ ያርሹዋ ያርሽያ ሳኣፐ ጋርሳ ባጋና ደእያ ሳኣን ጉሶ። 
\v 26 ሞዋ ኡባ እትፐተ ያርሹዋ ሞዋ ያርሽያዋዳን ያርሽያ ሳኣ ቦላን ያርሾ። ሀዋዳን ኦደ፥ ቄሲ ብታንያ ናጋራ አቶ ጊሴ፤ ብታኒካ ባረ ናጋራፐ ማረታናዋ።
\p
\v 27 “ ‘ሄ ማባራ አሳፐ እቱ ቆፐናን ናጋራ ኦፐነ መና ጎዳ አዛዙዋፐ እቱዋ ሀቃዋነ መንፐ፥ ሄ ኡራይ ባይዛንቻ ግዲደ ፓይደቴ።\x - \xo 4:27-31 \xo*\xt ፓይ. 15:27-28\xt*\x* 
\v 28 እ ባረ ኦዳ ናጋራይ አዉ ኤረቴዳዋፐ ጉይያን፥ ትላ ቦላና ደእያ ማጫ ዴሻቶ ባረ ናጋራዉ አሆ። 
\v 29 ባረ ኩሽያ ናጋራ ያርሹዋ ኦደ ሹክያ ዴሻት ሁጲያን ዎ፤ ያቲደ ጹግያ ያርሹዋ ያርሽያ ሳኣን ናጋራ ያርሹዋ ኦደ ሹኮ። 
\v 30 ሄዋፐ ጉይያን፥ ቄስያ ካፑ ሄ ዴሻት ሱፐ ባረ ኩሽያ ብራያን አኪደ፥ ጹግያ ያርሹዋ ያርሽያ ሳኣ ቦላ ደእያ ካጨቱዋ ቦላ ጾክሶ፤ አቴዳ ሱ ኡባ ያርሽያ ሳኣፐ ጋርሳ ባጋና ደእያ ሳኣን ጉሶ። 
\v 31 ሞዋ ኡባ እትፐተ ያርሾ ሹኬዳ መህያፐ ከስያዋዳን፥ ሄ ዴሻት ሞዋካ ቆሪደ ከስ አኪደ፥ ያርሽያ ሳኣ ቦላ ዎደ፥ መና ጎዳዉ ሳዉዋ ቶሹኩ ግያ ያርሹዋ ግዳና ማላ ጹጎ። ሄዋዳን ኦደ፥ ቄሲ ሄ ብታንያ ናጋራ አቶ ጊሴ፤ ብታኒካ ባረ ናጋራፐ ማረቴ።
\p
\v 32 “ ‘ሄ ብታኒ ባረ ናጋራ ያርሾ ዶርሳ ሺሻናዉ ኮዮፐ፥ ትላ ቦላና ደእያ ማጫውኖ አሆ። 
\v 33 እ ባረ ኩሽያ ሄ ዶርሳት ሁጲያን ዎደ ጹግያ ያርሾ ሹክያ መሂ ሹከትያ ሳኣን እዞ ሹኮ። 
\v 34 ሄዋፐ ጉይያን፥ ቄሲ ናጋራ ያርሹዋ ግዴዳ ሄ ዶርሳት ሱን ባረ ብራያ ቱሽ ቱሽ ከሲደ፥ ጹግያ ያርሹዋ ያርሽያ ሳኣ ቦላ ደእያ ካጨቱዋ ቦላ ጾክሶ፤ አቴዳ ሱ ቃይ ያርሽያ ሳኣፐ ጋርሳ ባጋና ደእያ ሳኣን ጉሶ። 
\v 35 እትፐተ ያርሾ ሹከቴዳ ሞዋ ቃሪደ ከስያዋዳን፥ ሄ ዶርሳት ሞዋካ ቃሪደ ከሶ። ያቲደ፥ ያርሽያ ሳኣ ቦላ መና ጎዳዉ ታማን ጹግያ ያርሹዋ ቦላ ዎደ ጹጎ። ሀዋዳን ኦደ፥ ቄሲ ሄ ብታንያ ናጋራ አቶ ጊሴ። ብታኒካ ባረ ናጋራፐ ማረታናዋ።
\c 5
\s1 ናጋራ ያርሹ ሺቅያ ጋሱዋ
\p
\v 1 “ ‘አይ አሳይነ ማርካዉ ጼሰቲደ ባረ በኤዳዋ ዎይ ባረ ኤሬዳዋ ጉታራን ማርካተናን እጾፐ፥ ሄዌ አዉ ናጋራ፤ ሄዋ ድራዉ እ ባረ ናጋራን ኦሸቴ።
\p
\v 2 “ ‘ቃይ አይ አሳይነ ኤረናን ደኢደ ቱናባ፥ ዶኣ ባኩታ ዎይ መህያ ባኩታ ዎይ ሳኣና ጎሸትያ ዶአቱዋ ባኩታ ቦቾፐ፥ ቱና ግድያዋ እ ኤሬዳ ዎድያፐ ዶሚደ ባይዛንቻ ግዴዳ።
\p
\v 3 “ ‘ቃይካ አይ አሳይነ ኤረናን ደኢደ፥ አሳ ቦላፐ ጎግያ ቱንስያባ አያ ግድናካ ቦቾፐ፥ ሄዌ ቱና ግድያዋ እ ኤሬዳ ዎድያፐ ዶሚደ ባይዛንቻ ግዴዳ።
\p
\v 4 “ ‘ዎይ ቃይ አይ አሳይነ ኢታባ ግድና ሎኦባ ኦናዉ ኤለካ ጫቆፐነ ባረ ጫቄዳዋካ እ አኬከናን ዮፐ፥ እ አኬኬዳ ዎድያፐ ዶሚደ ባይዛንቻ ግዴዳ።
\p
\v 5 “ ‘አይ አሳይነ ሀ ኦደቴዳ ባይዛቱዋፐ እቱዋ ኦዳዋ ግዶፐ፥ ባረ ኦዳ ናጋራ ፓጾ። 
\v 6 እ ባረ ኦዳ ናጋራ ድራዉ መና ጎዳዉ ባረ ዉድያ ግዶፐ ማጫ ዶርሳ ዎይ ማጫ ዴሻ ናጋራ ያርሹዋ ኦደ ሺሾ። ቄሲ አኪደ፥ ሄ ብታንያ ናጋራ አቶ ጊሳናዋ።
\p
\v 7 “ ‘አሳይ ባረ ኦዳ ናጋራዉ ያርሻናዉ፥ ዶርሳ ዎይ ዴሻ ሻማናዉ አዉ ሻሉ ግዳና ዮፐ፥ ላኡ ሀራጰቱዋ፥ ዎይ ላኡ ዶጎማቱዋ፥ እቱዋ ናጋራ ያርሹዋ ኦደ፥ ቃይ እቱዋ ጹግያ ያርሹዋ ኦደ መና ጎዳዉ አሆ። 
\v 8 እ ኡንቱንታ ቄስያዉ እሞ። ቄሲ ላኡ ሀራጰቱዋፐ እትንዉ ቆያ ሙጨናን ጮ ምርቂደ፥ ናጋራ ያርሹዋ ኦደ ያርሾ። 
\v 9 ያቲደ ሄ ናጋራ ያርሹዋ ሱፐ አማሬዳዋ አኪደ፥ ያርሽያ ሳኣ ምይያን ጫጫፎ፤ አቴዳ ሱ ያርሽያ ሳኣፐ ጋርሳ ባጋና ጉሶ፤ ሄዌ ናጋራ ያርሹዋ። 
\v 10 የንኮ ሀራጳቶ ቃይ ህጊ አዛዝያዋዳን፥ ጹግያ ያርሹዋ ኦደ ጹጎ። ቄሲ ሄዋዳን ኦደ፥ ብታኒ ኦዳ ናጋራ አቶ ጊሳናዉ ያርሹዋ ያርሼ፤ ብታኒካ ባረ ናጋራፐ ማረታናዋ።
\p
\v 11 “ ‘ሽን እት ኡራዉ ላኡ ዎጋ ዶጎማቱዋ ዎይ ላኡ ሀራጰቱዋ አሀናዉ ሻሉ ግዳና ዮፐ፥ ላኡ ኪሎ ግራመ ሊቆ ልያ ባረ ናጋራዉ ሺሽያ ያርሹዋ ኦደ አሆ። ሄ ሊ ናጋራ ያርሹዋ ግድያ ድራዉ፥ ዎጋራ ዛይቲ ዎይ እጻናይ አን ጉጀቶፖ። 
\v 12 እ ሄዋ አሂደ ቄስያዉ እሞ፤ ቄሲ ሄ ልያፐ እት ኩሽያ ኩን አኪደ፥ መና ጎዳዉ ሺሽያ ሀራ ያርሹዋ ቦላ ዎደ፥ ሀሳይስያዋ ኦደ ያርሽያሳን ደእያ ታማን ጹጎ፤ ሄዌ ናጋራ ያርሹዋ። 
\v 13 ሀ ጌተቴዳዋንቱፐ ሀቃዋንነ ግዶ ብታኒ ኦዳ ናጋራዉ ቄሲ ሀዋዳን ኦደ፥ ብታኒ ኦዳ ናጋራ አቶ ጊሴ፤ ብታኒካ ባረ ናጋራፐ ማረታናዋ። ካ ያርሹዋዳንካ አቴዳዋ ቄሲ አኮ ያጋደ ኦዳ’ ” ያጌዳ።
\s1 ናቁዋ ያርሹዋ
\p
\v 14 መና ጎዳይ ሙሴዉ ሀዋዳን ያጊደ ኦዴዳ፤ 
\v 15 “ኦንነ መና ጎዳዉ ጌሽ ዎዳ ሚሻቱዋ ቦላ አማነተናን ዮፐ ቃይ ኤረናን ናጋራ ኦፐ፥ ባረ ናቆ ባረ ዉድያ ግዶፐ ትላ ቦላና ደእያ እት ዶርሳ ኦርግያ መና ጎዳዉ አሆ። አ ጋቲካ መና ጎዳ ዱንካንያን ኤረትያ ሚዛናን ዎና ኤረቶ፤ ሄዌ ናቁዋ ያርሹዋ። 
\v 16 መና ጎዳዉ ዱማይ ዎዳ ሚሻቱዋ ቦላ እ ናጋራ ኦዳ ድራዉ፥ እ ሄ ሚሻቱዋ ጋትያ ጭጎ፤ ካሰ ጋትያ ቦላ ጼቱዋፐ ላታሙ ኩሽያ ጉጂደ ቄስያዉ እሞ። ቄሲ ሄ ናቁዋ ያርሾ አሄዳ ዶርሳ ያርሺደ፥ ብታንያ ናጋራ አቶ ጊሴ፤ ብታኒካ ባረ ናቁዋፐ ማረታናዋ።
\p
\v 17 “አይ አሳይነ ኤረናን ደኢደ፥ መና ጎዳይ፥ ‘ኦፓ’ ጊደ አዛዜዳዋፐ እቱዋ ኦደ ናጋራን ገሎፐ፥ እ ኤራና ዮፐ ባይዛንቻ ግድያ ድራዉ፥ ባረ ናጋራን ኦሸቴ። 
\v 18 እ ባረ ዉድያፐ ትላ ቦላና ደእያ እት ዶርሳ ኦርግያ ናቁዋ ያርሾ ቄስያኮ አሆ። ሄ ዶርሳይ ናቆ ጭግያ ጋትያ ከስያዋ ግዶ፤ ያቶፐ ቄሲ ሄ ዶርሳ ያርሺደ፥ ብታንያ ናቁዋ አቶ ጊሴ፤ ብታኒካ ባረ ናቁዋፐ ማረቴ። 
\v 19 ሄዌ ናቁዋ ያርሹዋ። እ ቱሙካ መና ጎዳ ናቄዳ” ያጌዳ።
\c 6
\p
\v 1 መና ጎዳይ ሙሴዉ ሀዋዳን ያጌዳ፤\x - \xo 6:1-7 \xo*\xt ፓይ. 5:5-8\xt*\x* 
\v 2 “መና ጎዳይ ኦንነ ናጋራ ኦደ ባረ ሾሩዋ ዎርዶቲደ ጭሞፐ ሀዋፐ ካሊደ ደእያ ህገቱዋ እሜዳ: ሾሩዋ ማታን ሀዳራ ዎባ ዎይ ኦይደ ታልኤዳባ ካዶፐ፥ ዎይ አሳዋ ቦንቆፐ፥ ዎይ ባረ ሾሩዋ ቦላን ሱገ ኦፐ፥ 
\v 3 ዎይ ባዬዳዋ ደሚደ ታ በአበይከ ጎፐነ ዎርዱዋን ጫቆፐ፥ ሀዋንታ ማላትያዋንቱፐ እቱዋ ኦፐ፥ 
\v 4 እ ሀቃዋነ ግዶ፥ ኦደ፥ ሄዋን ናጋራንቻ ግዶፐ፥ ባረ ቦንቂ አኬዳዋ፥ ዎይ ኦይና ካዲደ አኬዳዋ፥ ዎይ ሀዳራ እሜዳዋ ዎይ፥ ባይና ደሜዳዋ፥ 
\v 5 ዎይ ዎርዱዋን ጫቂ አኬዳዋ ኡባካ አ ጎዳዉ ዛሮ። ቃይ ባረ ናቁዋ ያርሹዋ ያርሽያ ጋላስ ባረ አኬዳዋ ቦላ ጼቱዋፐ ላታሙ ኩሽያ ጉጂደ አ ጎዳዉ እሞ። 
\v 6 ቃይካ ባረ ናቁዋ ድራዉ መና ጎዳዉ ያርሽያ ያርሾ ባረ ዉድያ ግዶፐ ትላ ቦላና ደእያ እት ዶርሳ ኦርግያ ቄስያኮ አሆ። ሄ ዶርሳ ጋቲ ሱረ ቆፈቴዳዋ ግዶ። 
\v 7 ቄሲ ሄ ዶርሳ መና ጎዳ ስንን ያርሺደ፥ ብታንያ ናቁዋ አቶ ጊሴ፤ ብታኒካ ባረ ናቁዋ ኡባፐ ማረታናዋ” ያጌዳ።
\s1 ዉርስ ጹግያ ያርሹዋ
\p
\v 8 መና ጎዳይ ሙሴዉ ሀዋዳን ያጊደ ኦዴዳ፤ 
\v 9 “አሮናነ አ አቱማ ናናቱዋ ሀዋዳን ያጋደ አዛዛ፤ ‘ጹግያ ያርሾ ደእያ ዎጋይ ሀዋ: ጹግያ ያርሹ ቃማይ ዎንታና ጋካናዉ ያርሽያ ሳኣን ደኦ። ታማይካ ያርሽያ ሳኣን ኡባ ዎደ ኤጺደ ደኦ። 
\v 10 ቄሲ ሊኑዋፐ ዳደቴዳ ቃምሽያነ ሱርያ ማዪደ፥ ጹግያ ያርሹዋ ታማይ ም ስምና አቴዳ ብድን ደንደ፥ ያርሽያ ሳ ምይያን ላሎ። 
\v 11 ሄዋፐ ጉይያን፥ ሄ ማዩዋ ቃር ዎ ሀራ ማዩዋ ማዪደ፥ ሄ ብድን ዱንካኔዳ ሳኣፐ ጋጻ አፊደ፥ ህግያዳን ጌዬዳ ሳኣን ቆሎ። 
\v 12 ያርሽያ ሳኣ ቦላ ደእያ ታማይ ቶኤናን ኡባ ዎደ ኤጺደ ደኦ። ቄሲ ዎንታ ዎንታ ም አን ጉጅ ጉጂደ ዎ። ጹግያ ያርሹዋካ ሄ ም ቦላ ማራን ዎደ፥ እትፐተ ያርሹዋ ሀንዳ አ ቦላ ጹጎ። 
\v 13 ታማይ ያርሽያ ሳኣ ቦላ ኡባ ዎደ ኤጺደ ደኦ፤ ቶአናዉ ኮሸና።
\s1 ካ ያርሹዋ
\p
\v 14 “ ‘ካ ያርሾ እመቴዳ ዎጋይ ሀዋ: አሮና አቱማ ናና ግድያ ቄሳቱ ያርሽያ ሳኣፐ ስን ባጋና መና ጎዳ ስንን ሺሽኖ። 
\v 15 ቄሲ ሎኦ ልያፐ ኮጵያዋነ ዛይትያ አኪደ፥ ካ ያርሹዋ ቦላ ደእያ እጻና ኡባካ ደንደ፥ መና ጎዳዉ ሳዉዋ ቶሹኩ ግያ ያርሹዋ ኦደ፥ ሀሳይስያዋ ግዳናዳን ያርሽያ ሳኣ ቦላ ጹጎ። 
\v 16 ሄዋፐ አቴዳዋ አሮንነ አ አቱማ ናናይ ሚኖ፤ ሄዋ ኡንቱንቱ እርሹ የገትቤና ኡክ ኦ ኡኪደ፥ ዱንካንያ ዳባባ ግዶን ደእያ ጌሻ ሳኣን ሚኖ። 
\v 17 ሄ ኡክይ እርሹዋ የገናን ኡከቶ። ሄዋ ታዉ ታማን ጹግያ ያርሹዋፐ ኡንቱንታ ጋክያዋ ታን ኡንቱንቶ እማድ። ናጋራ ያርሹዋዳንነ ናቁዋ ያርሹዋዳን እካ ሎይደ ጌሻ። 
\v 18 መና ጎዳዉ ታማን ጹግያ ያርሹዋፐ ኡንቱንታ ጋክያዋ ግድያ ድራዉ፥ ይያ ላይቱዋንካ አሮና ዛረ ግድያ አቱማዋንቱ ኡባይ ሄዋ ሚኖ። ሄ ያርሹዋ ቦችያ አያይነ ጌሻ ግዳና’ ያጋ” ያጌዳ።
\s1 ቄስያ ካፑዋ ሱንያ ዎደ ያርሸትያ ካ ያርሹዋ
\p
\v 19 መና ጎዳይ ቃይካ ሙሴዉ ሀዋዳን ያጊደ ኦዴዳ፤ 
\v 20 “አሮንነ አ አቱማ ናናቱዋፐ ቄሳተ ካፖተዉ ኦከትያ ጋላስ ላኡ ኪሎ ግራመ ግድያ ሎኦ ልያ ካ ያርሹዋ ኦደ መና ጎዳዉ አህኖ። ሄዋፐ ባጋ ዎንታ፥ ባጋ ኦማርስ ያርሽኖ። 
\v 21 ሄ ሊ ዛይትያን ሙናቀት ሎኦ ዋላከቲደ ባሽያን ኡከቶ፤ ቡንቻደ፥ ሳዉዋ ቶሹኩ ግያ ካ ያርሹዋ ኦደ መና ጎዳዉ ሺሻ። 
\v 22 ቃይ አሮና አቱማ ናናቱዋፐ አ ቄሰተ ካፖተ ኦሶ ኦከትያ ኡባይካ ሄ ዎጋ ኦኖ። ሄዌ መና ጎዳዉ ኡባ ገደ ያርሽያ ያርሹዋ ግዲደ ኡባና ጹገቶ። 
\v 23 ቄሲ ሺሽያ ካ ያርሹዋፐ ጉየ አተናን ዉር ጹገቶ፤ አፐ አያይነ ሜተቶፖ” ያጌዳ።
\s1 ናጋራ ያርሹዋ ዎጋ
\p
\v 24 መና ጎዳይ ሙሴዉ ሀዋዳን ያጊደ ኦዴዳ፤ 
\v 25 “አሮናሳነ አ አቱማ ናናቶ፥ ሀዋዳን ያጋ፤ ‘ናጋራ ያርሹዋ ዎጋይ ሀዋ: መና ጎዳዉ ጹግያ ያርሾ ሺሽያ መሂ ሹከትያ ሳኣን ናጋራ ያርሾ ሺሽያ መሂካ ሄዋን ጾሳ ስንን ሹከቶ፤ እካ ጌሻ ያርሹዋ ኡባፐ እቱዋ ግዴዳ ጌሻ ያርሹዋ። 
\v 26 ሄ ያርሹዋ ያርሽያ ቄሲ ዱንካንያ ዳባባ ግዶን ደእያ ጌሻ ሳኣን ሞ። 
\v 27 ሄ አሹዋ ቦችያ አያይነ ጌሻ ግዳናዋ፤ ቃይ ሹክሺን አይ ማዩዋ ቦላነ ሱይ ጨቶፐ፥ ሄ ማዩ ጌሻ ሳኣን ሜጨቶ። 
\v 28 አሹ ዶይሰቴዳ ኡርቃ ሚሻይ መኦ፤ ማዳብያ ብራታ ድስትያን ዶይሴዳዋ ግዶፐ፥ ሄ ድስትያ ቃጪደ ሃን ሾክ ድጋናዉ ኮሼ። 
\v 29 ቄሳቱዋ ዛርያፐ አቱማ አሳ ግዴዳ ኦንነ ሄ አሹዋ ሞ፤ ሄ አሹ ጌሻ ኡባፐ እቱዋ ግዴዳ ሎይ ጌሻ። 
\v 30 ግዶ ሽን ጌሻ ሳኣን ናጋራ አቶ ጊሳናዉ አ ሱ አኪደ፥ ዱንካንያ ግዶ ገልሴዳ አይ መህያ አሹዋነ ማናዉ ኮሸና፤ እ ታማን ጹገታናዉ ኮሼ።
\c 7
\s1 ናቁዋ ያርሹዋ
\p
\v 1 “ ‘ናቁዋ ያርሹዋ ዎጋይ ሀዋ: እካ ጌሻ ኡባፐ እቱዋ ግዴዳ ጌሻ ያርሹዋ። 
\v 2 ጹግያ ያርሾ ሺሽያ መህያ ሹክያ ሳኣን ናቁዋ ያርሹዋ መህያካ ሹክኖ፤ አ ሱካ ያርሽያ ሳኣ ምየቱዋን ጭኖ። 
\v 3 ቃይ አ ሀንዳ ኡባ: ሄዌካ ናስያ ሀንዳ፥ ቃን አሹዋ ማዬዳ ሀንዳ፥ 
\v 4 ላኡ ክላሆቱዋ፥ ሽንጭያ ማታን ደእያ ኡንቱንቱ ማዬዳ ሀንዳነ ትርያ ጼራ ቦላ ደእያ ሞያ ክላሆቱዋና እትፐ ያርሹዋ ኦደ ሺሾ። 
\v 5 ታማን ጹጊደ መና ጎዳዉ ያርሽያ ያርሹዋዳን፥ ሄ ሺቄዳ ሀንዳ ቄሲ ያርሽያ ሳኣ ቦላን ጹጎ፤ ሄዌ ናቁዋ ያርሹዋ። 
\v 6 ቄስያ ዛረ ግዴዳ አቱማ አሳይ ኡባይ ሄ ያርሹዋ አሹዋ ሞ። ሄ ያርሹ ጌሻ ያርሹዋ ኡባፐ እቱዋ ግድያ ድራዉ፥ ጌሻ ሳኣን ሞ።
\p
\v 7 “ ‘ናቁዋ ያርሹ ናጋራ ያርሹዋካ ማላ፤ ኡንቱንቱ ላኡዋ ዎጋይ እቱዋ። ሄዌነ ያርሸቴዳ መህያ አሹ ናጋራ አቶ ጊሳናዉ ያርሹዋ ያርሼዳ ቄስያዉ እመቴ። 
\v 8 ኦንነ ጹግያ ያርሹዋ አሆፐ ያርሽያ ቄሲ ሄ መህያ ጋልባ ባረዉ አኮ። 
\v 9 ጮጭያን ኮምፐቴዳ ካ ያርሹዋ ኡባይነ ኦቱዋን ዶይሰቴዳ ዎይ ባሽያን ኡከቴዳ ኡባይካ ሄ ያርሹዋ ያርሼዳ ቄስያዉ እመቴ። 
\v 10 ቃይ ዛይትያን ሙናቀቴዳ ዎይ ሙናቀትቤና ካ ያርሹዋ ኡባይ አሮና አቱማ ናናቶ ኡባዉ እመቴ፤ ኡንቱንቱ ሄዋ ቃራን ግሽ አክኖ።
\s1 እትፐተ ያርሹዋ
\p
\v 11 “ ‘አሳይ እትፐተ ያርሹዋ መና ጎዳዉ ያርሽያ ዎደ አዉ ደእያ ዎጋይ ሀዋ: 
\v 12 እ ሺሽያ እትፐተ ያርሹ ጋላታ ያርሹዋ ግዶፐ፥ ሄ ያርሹዋና እትፐ ዛይትያን ሙናቄዳ፥ እርሹዋ የገናን ኡኬዳ ኡክ፥ ዛይትያን ኦከቴዳ፥ እርሹ ገልቤና ሌኦ ዳቡዋነ ዛይትያን ሎይ ሙናቄዳ፥ ሊቆ ልያፐ ኡከቴዳ ኮምፑዋ ሺሾ። 
\v 13 ሄ ጋላታዉ ሺሽያ እትፐተ ያርሹዋና እትፐ እርሹዋ የጌዳ ሙናቃፐ ኡከቴዳ ኡክካ እሞታ ኦደ ሺሾ። 
\v 14 ቃይ ሄ ኡባ ቆሞ ኡክቱዋፐካ እ እቱዋ እቱዋ ደንደ፥ መና ጎዳዉ ያርሹዋ ኦደ አሆ። ሄዌ እትፐተ ያርሹዋ ሱ ጫጫፌዳ ቄስያዉ እመቶ። 
\v 15 ሄ መህያ አሹ ጋላታዉ ሺቅያ እትፐተዉ ያርሸቴዳ ጋላስ ሜተቶ፤ ዎንታዉ አያይነ አቶፖ።
\p
\v 16 “ ‘ሽን አ ያርሹ ሺቄዳዋ ጋያ ዎይ ባረ ዶሱዋን ጮ እምያ ያርሹዋ ግዶፐ፥ ሄ ያርሹዋ አሹ ሄ ያርሼዳ ጋላስ ሜተቶ፤ አፐ አትያዋ ቃይ ዎንተ ጋላስካ ሜተቶ። 
\v 17 ሄ ያርሹዋ አሹዋፐ ፓላሂደ ሄዘን ጋላሳ ጋካናዉ ጋምእያዌ ደኦፐ፥ ሄዌ ታማን ጹገቶ። 
\v 18 እት አሳይ ሺሼዳ እትፐተ ያርሹዋ አሹዋፐ ሀቃዌነ ሄዘን ጋላስ ሜተቶፐ፥ አ ያርሹ አከተና፤ እ ያርሼዳዋዳንካ ፓይደተና። ሄ ያርሹ ቱና፤ አፐ ሜዳ ኦንነ ባረ ናጋራን ኦሸቴ።
\p
\v 19 “ ‘ቱናባ አያነ ቦቼዳ አሹ ሜተቶፖ፤ እ ታማን ጹገታናዉ ኮሼ። አሹ ጌሻ አሹዋ ግዶፐ፥ ዎጋን ጌሻ ግድያ አሳይ ኦንነ ማና ጎፐ ሞ። 
\v 20 ሽን እት አሳይ ቱና ግድ ኡቲደ፥ መና ጎዳዉ ሺሼዳ እትፐተ ያርሹዋ አሹዋፐ ምያዋ ግዶፐ፥ ሄ አሳይ ባረ አሳ ግዶፐ ቦሄቶ። 
\v 21 ቃይ እት አሳይ ቱናባ አያነ ቦቾፐ አሳ ቱናተ ግድና ዎይ ቱና መህያ ግድና፥ ዎይ ሀራ ሸነይያ ቱናባ ቦቾፐ ስሚደ መና ጎዳዉ ያርሼዳ እትፐተ ያርሹዋ አሹዋፐ ሞፐ፥ ሄ ኡራይ ባረ አሳ ግዶፐ ቦሄቶ’ ያጋ” ያጌዳ።
\s1 ሱነ ሞዋ ሙሳይ ድገቴዳ
\p
\v 22 መና ጎዳይ ሙሴዉ ሀዋዳን ያጊደ ኦዴዳ፤ 
\v 23 “እስራኤልያ አሳዉ ሀዋዳን ያጋ፤ ‘ኮሩማ ዎይ ዶርሳ ዎይ ዴሻ አሹዋን ሞያ ዛዋ ሙለካ ሞፕተ። 
\v 24 ሀይቄዳ መህያ ዎይ ዶአይ ዎዳ መህያ ሞያካ ሀራባዉ ጎኤትተፐ አትና፥ አፐ አያነ ሞፕተ። 
\v 25 አያዉ ጎፐ፥ መና ጎዳዉ ታማን ጹግያ ያርሾ ሺሽያ መህያ ሞያ ምያ ኦንነ ባረ አሳ ግዶፐ ቦሄቶ። 
\v 26 ህንተ ደእያ ሳኣን ሀቃን ግዶፐካ፥ ካፉዋ ሱ፥ መህያ ሱ ዎይ ሀራባ አያ ሱነ ሞፕተ።\x - \xo 7:26-27 \xo*\xt ዶመ 9:4፤ ዎጋ 17:10-14፤ 19:26፤ ዛረ. 12:16፣ 23፤ 15:23\xt*\x* 
\v 27 ሱ ምያ አይ አሳይነ፥ ሄ አሳይ ባረ አሳ ግዶፐ ቦሄቶ’ ያጋ” ያጌዳ።
\s1 ቄስያ ጋክያ ግሹዋ
\p
\v 28 መና ጎዳይ ሙሴዉ ሀዋዳን ያጊደ ኦዴዳ፤ 
\v 29 “እስራኤልያ አሳዉ ሀዋዳን ያጋ፤ ‘መና ጎዳዉ እትፐተ ያርሹዋ ሺሽያ አይ አሳይነ ሄ እትፐተ ያርሹዋፐ ሻኪደ፥ ባረ ሁጰ እሞታ ዱማዪደ መና ጎዳዉ ሺሾ። 
\v 30 ሄዋ እ መና ጎዳዉ ታማን ጹግያ ያርሹዋ ኦደ፥ ባረ ኩሽያን አኪደ አሆ፤ ቃይ ሞዋካ አንጎሱዋና አሆ፤ አንጎሱዋ ዉጻክያ ያርሹዋ ኦደ፥ መና ጎዳ ስንን ቃ። 
\v 31 ቄሲ ያርሽያ ሳኣ ቦላን ሞዋ ጹጎ፤ ሽን አንጎሱ አሮናሳነ አ አቱማ ናናቶ እመቶ። 
\v 32 ህንተ እትፐተ ያርሹዋፐ ኡሸቻ ገድያ እሞታ ኦደ ቄስያዉ እምተ። 
\v 33 ሄዌ ኡሸቻ ገዲ አሮና አቱማ ናናቱዋፐ እትፐተ ያርሹዋ ሱነ ሞድያ ያርሽያዎ አ ጋክያ አ ግሹዋ። 
\v 34 ታን እስራኤልያ አሳ እትፐተ ያርሹዋፐ ቃዳ አንጎሱዋነ ያርሾ ሺሼዳ ገድያ አካደ፥ ቄስያ አሮናሳነ አ አቱማ ናናቶ እማድ፤ ሄዌ ኡንቱንታ ጋክያ ኡንቱንቱ ግሹዋ ግድያ ድራዉ፥ እስራኤልያ አሳይ መናዉ ሄዋ ኡንቱንቶ እሚደ ደአና’ ያጋደ ኦዳ” ያጌዳ።
\p
\v 35 አሮንነ አ አቱማ ናናይ ቄስያ ግዲደ፥ መና ጎዳዉ ኦናዉ ሱንቴዳ ጋላስ መና ጎዳዉ ሺሼዳ ታማን ጹግያ ያርሹዋፐ ሄዌ ኡንቱንቶ ግሹዋ ግዲደ እመቴዳ። 
\v 36 መና ጎዳይ ኡንቱንቱ ቄሰተዉ ኦከቴዳ ጋላስ፥ ሄዋ ኡንቱንቶ እማና ማላ፥ እስራኤልያ አሳ ኡባ አዛዜዳ፤ ስን የለታን ኡባንካ ሀዌ ዎጋ ግዲደ ኦሰቴ።
\p
\v 37 ስም ሀዋንቱ፥ ጹግያ ያርሾ፥ ካ ያርሾ፥ ናጋራ ያርሾ፥ ናቁዋ ያርሾ፥ ቄሳተዉ ኦከትያ ዎደ ያርሽያ ያርሾነ እትፐተ ያርሾ እመቴዳ ዎጋቱዋ። 
\v 38 ሀ ዎጋቱ እስራኤልያ አሳይ ሲና መላ ሳኣን ባረንቱ ያርሹዋ መና ጎዳዉ ያርሻና ማላ መና ጎዳይ አዛዜዳ ጋላስ፥ ሲና ደርያ ቦላን መና ጎዳይ ሙሳ አዛዜዳ ዎጋቱዋ።
\c 8
\s1 አሮነነ አ ናናቱ ቄስያ ግድያ ዎጋነ ኡንቱንቱ ኦሱዋ
\r (8:1—10:20፤ ከሳ 29:1-37)
\p
\v 1 መና ጎዳይ ሙሴዉ ሀዋዳን ያጊደ ኦዴዳ፤ 
\v 2 “አሮናነ አ አቱማ ናናቱዋ ቃይ ኡንቱንቱና እትፐ፥ ቄሳተ ማዩዋ፥ ኦክያ ዛይትያ፥ ናጋራ ያርሾ ሹክያ ኮሩማ፥ ላኡ ዶርሳ ኦርገቱዋነ፥ እርሹዋ የገናን ኡኬዳ ኡክ ዎዳ ማሶፍያ አካደ ያ። 
\v 3 ቃይ እስራኤልያ አሳ ኡባካ ጼሳደ፥ ዱንካንያ ካረ ሺሻ” ያጌዳ።
\p
\v 4 ሙሴ መና ጎዳይ አዛዜዳዋዳን ኦዳ፤ አሳይካ ኡባይ ዱንካንያ ካረን ሺቄዳ። 
\v 5 ሙሴ አሳዉ፥ “ኦና ማላ መና ጎዳይ አዛዜዳዌ ሀዋ” ያጌዳ።
\p
\v 6 ሙሴ አሮናነ አ አቱማ ናናቱዋ አሂደ፥ ሃን ሜጬዳ። 
\v 7 አሮና ቃምሽያ ማይዜዳ፤ ዳንጩዋካ ዳንጭሴዳ። ቃይ አዱሳ ቃምሽያ ማይዚደ፥ አ ቦላን ኤፉድያ ማይዜዳ። ኤፉድያ ሂላቲደ ዳዴዳ ሳቂያን አሮናና ጋደ ቃቼዳ። 
\v 8 ቃይ ትራን ዎያዋ አሮና ቦላን አደ፥ አ ግዶን ኡሪምያነ ቱሚምያ ዎዳ።\fig ኡሪምያነ ቱሚምያ|alt="Urim and Thummim" src="HK00261B.TIF" size="col" ref="8:8"\fig* 
\v 9 ቃይካ አሮና ሁጲያን ሻሽያ ኤንጩርሳ ዎዳ። መና ጎዳይ ሙሳ አዛዜዳዋዳን ሄ ኤንጩርሳ ቦላን ስን ባጋና ዎርቃ ማዳልያ፥ ዎርቃፐ መዳ ካላቻ ምስልያ ዎዳ።
\p
\v 10 ያቶዋፐ ጉይያን ሙሴ ኦክያ ዛይትያ አኪደ፥ ዱንካንያነ ዱንካንያ ግዶን ደእያ ሚሻ ኡባ ኦኬዳ፤ ኡንቱንታ ጌሼዳ። 
\v 11 ቃይ ሄ ዛይትያፐ አኪደ፥ ያርሽያ ሳኣ ቦላ ላፑ ገደ ጫጫፌዳ፤ ያርሽያ ሳኣ፥ አ ሚሻቱዋ፥ ሜቻ ከርያነ አ ዎያዋ፥ ጌሻናዉ ሄ ዛይትያን ኦኬዳ። 
\v 12 ቃይ ሄ ኦክያ ዛይትያፐ አማራ አሮና ሁጲያን ትጊደ፥ አ ጌሼዳ። 
\v 13 መና ጎዳይ ሙሳ አዛዜዳዋዳን፥ ሙሴ አሮና አቱማ ናናቱዋ ስንዉ አደ፥ ቃምሽያ ማይዜዳ፤ ዳንጩዋን ዳንጭሴዳ። ኡንቱንቱ ሻሽያ ኤንጩርሳ ዎዳ።
\p
\v 14 ሄዋፐ ጉይያን፥ ናጋራ ያርሾ ኮሩማ ሙሴ አዳ፤ አሮንነ አ አቱማ ናናይ ሄ ኮሩማ ሁጲያን ባረንቱ ኩሽያ ዎድኖ። 
\v 15 ሙሴ ሄ ኮሩማ ሹኬዳ፤ አ ሱፐ ባረ ብራያን አኪደ፥ ያርሽያ ሳኣ ካጨቱዋ ኦኪደ፥ ያርሽያ ሳኣ ጌሼዳ፤ ቃይ ያርሽያ ሳኣ ናጋራ አቶ ጊሳናዉ አቴዳ ሱ አፐ ጋርሳና ጉሲደ፥ ጾሳዉ ጌሼዳ። 
\v 16 ቃን አሹዋ ካሜዳ ሀንዳ ኡባ፥ ትርያ ጼራ ቦላ ደእያ ሞያ፥ ላኡ ክላሆቱዋነ ኡንቱንታ ካሜዳ ሀንዳ አኪደ፥ ሙሴ ያርሽያ ሳኣ ቦላን ዎደ ጹጌዳ። 
\v 17 ሽን መና ጎዳይ ሙሳ አዛዜዳዋዳን፥ ጋልባ፥ ኮሩማፐ አቴዳዋነ ቶጭያ ዱንካኔዳ ሳኣፐ ጋጻ ከሲደ፥ ታማን ጹጌዳ።
\p
\v 18 ያት ስሚደ ሙሴ ጹግያ ያርሾ ሀንያ ዶርሳ ኦርግያ አሄዳ፤ አሮንነ አ አቱማ ናናይ ሄ ዶርሳ ኦርግያ ሁጲያን ባረንቱ ኩሽያ ዎድኖ። 
\v 19 ሙሴ ሄ ዶርሳ ኦርግያ ሹኬዳ፤ አ ሱ ያርሽያ ሳኣ ምይያ ኡባን ጉሴዳ። 
\v 20 ቃይ ዶርሳ ኦርግያ አሹዋካ አ ቆሙዋን ቆሙዋን ቃንጼዳ፤ ቃንጸ፥ ሁጲያነ ሞያ ያርሽያ ሳኣ ቦላ ዎደ ሙሴ ጹጌዳ። 
\v 21 ቃን አሹዋነ ገደቱዋ ሃን ሜጮዋፐ ጉይያን፥ ዶርሳ ኡባና መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ኦደ፥ መና ጎዳይ ሙሳ አዛዜዳዋዳን ያርሽያ ሳኣ ቦላን ዎደ ጹጌዳ።
\p
\v 22 ሄዋፐ ጉይያን፥ ቄሰተዉ ኦከትያ ዎደ ሺሽያ ላኤን ዶርሳ ሙሴ አሄዳ፤ አሮንነ አ አቱማ ናናይ ሄ ዶርሳ ሁጲያን ባረንቱ ኩሽያ ዎድኖ። 
\v 23 ሙሴ ሄ ዶርሳ ሹኬዳ፤ አ ሱፐ አኪደ፥ አሮናዉ ኡሸቻ ሀይ ጼራ፥ ኡሸቻ ኩሽያ ዎጋ ብራያነ፥ ኡሸቻ ገድያ ዎጋ ብራያ ኦኬዳ። 
\v 24 ቃይ ሙሴ አሮና አቱማ ናናቱዋካ ስንዉ አሂደ፥ ሄ ሱፐ አኪደ፥ ኡንቱንቱ ኡሸቻ ሀይ ጼራ፥ ኡንቱንቱ ኡሸቻ ኩሽያ ዎጋ ብራያነ ኡንቱንቱ ኡሸቻ ገድያ ዎጋ ብራያ ኦኬዳ። ሄዋፐ ጉይያን፥ ሙሴ አቴዳ ሱ ያርሽያ ሳኣ ምይያ ኡባን ጉሴዳ።
\p
\v 25 ያቲደ ሞዋ፥ ናስያ፥ ቃን አሹዋ ማዬዳ ሞያ፥ ትርያ ጼራ ቦላ ደእያ ሞያ፥ ላኡ ክላሆቱዋነ ኡንቱንታ ማዬዳ ሀንዳነ ኡሸቻ ገድያ አኬዳ። 
\v 26 ቃይ እርሹዋ የገናን ኡኬዳ ኡክ ዎያ መና ጎዳ ስንን ደእያ ማሶፍያፐ እት ኮምፑዋ፥ ዛይትያና ኡኬዳ እት ኡክነ እት ሌኦ ኡክ አኪደ፥ ሀዋንታ ሞያ ቦላንነ ኡሸቻ ገድያ ቦላን ዎዳ። 
\v 27 እ ሀ ቁማ ኡባ አሮና ኩሽያንነ አ አቱማ ናናቱዋ ኩሽያን ዎዳ፤ ኡንቱንቱ መና ጎዳ ስንን ቃያ ያርሹዋ ኦደ ቃድኖ። 
\v 28 ሄዋፐ ጉይያን፥ ሙሴ ሄ ቁማ ኡንቱንቱ ኩሽያፐ አክ፥ ጹግያ ያርሹዋና ጋደ፥ ቄሰተዉ ኦከትያ ዎደ መና ጎዳዉ ታማን ጹጊደ ሺሽያ፥ ሳዉዋ ቶሹኩ ግያ ያርሹዋዳን፥ ያርሽያ ሳኣ ቦላን ዎደ ጹጌዳ። 
\v 29 ቃይ ሙሴ አንጎሱዋ አኪደ፥ ቃያ ያርሹዋ ኦደ መና ጎዳ ስንን ቃዳ፤ መና ጎዳይ ሙሳ አዛዜዳዋዳን፥ ቄሳተዉ ኦከትያ ዎደ ያርሽያ ዶርሳ ኦርግያ አሹዋፐ ሄዌ ሙሳ ጋክያ አ ግሹዋ።
\p
\v 30 ሙሴ ኦክያ ዛይትያፐነ ያርሽያ ሳኣ ቦላን ደእያ ሱፐ አኪደ፥ አሮና ቦላነ አ ማዩዋ ቦላ፥ ቃይ አ አቱማ ናናቱዋ ቦላነ፥ ኡንቱንቱ ማዩዋ ቦላካ ጫጫፌዳ፤ ያቲደ አሮናነ አ ማዩዋ ቃይ አ ናናቱዋነ አ ናናቱዋ ማዩዋካ ጌሼዳ።
\p
\v 31 ሙሴ አሮናነ አ አቱማ ናናቱዋ ሀዋዳን ያጌዳ፤ “አሹዋ ጋከትያ ዱንካንያ ካረን ዶይስተ፤ ‘አሮንነ አ ናናይ ሄዋ ሚኖ’ ያጋደ ታን አዛዜዳዋዳን፥ ቄሳተዉ ኦከትያ ዎደ ሺሽያ ያርሹዋ ዎያ ማሶፍያ ግዶን ደእያ ያርሹዋ ኡክና ሄዋን ሚተ። 
\v 32 ሄ አሹዋፐነ ኡክፐ ፓላሄዳዌ ደኦፐ ታማን ጹግተ። 
\v 33 ቄሳተዉ ኦክያ ዎጋይ ላፑን ጋላሳ አክያ ድራዉ፥ ሄ ህንተ ቄሳተዉ ኦከትያ ላፑን ጋላሳይ ዉራናዉ፥ ዱንካንያ ፐንገፐ ካረ ከሶፕተ። 
\v 34 ሀ ሀች ኦሰቴዳዌ መና ጎዳይ አዛዝና፥ ህንተ ናጋራ አቶ ጊሳናዉ ኦሰቴዳ። 
\v 35 ዱንካንያ ፐንግያን ላፑን ጋላሳ ኩመን ጋላስነ ቃማነ ታክተ፤ መና ጎዳ ዎጋካ ናግተ፤ እጾፐ ህንተ ሀይቃና። ታና መና ጎዳይ አዛዜዳዌ ሀዋ” ያጌዳ። 
\v 36 አሮንነ አ ናናይ መና ጎዳይ ሙሴ ባጋና አዛዜዳዋ ኡባ ኦድኖ።
\c 9
\s1 አሮን ጾሳዉ ሺሽያ ያርሹዋ
\p
\v 1 ሆስፑን ጋላሳን ሙሴ አሮናነ አ ናናቱዋ፥ ቃይ እስራኤልያ ጭማቱዋካ ጼሴዳ። 
\v 2 አሮና ሀዋዳን ያጌዳ፤ “ናጋራ ያርሾ እት ኮሩማ፥ ቃይ ጹግያ ያርሾ እት ዶርሳ ኦርግያ መና ጎዳ ስን ሺሻ። መሄቱ ላኡካ ትላ ቦላና ደእያዋንታ ግድኖ። 
\v 3 ቃይ እስራኤልያ አሳ ሀዋዳን ያጋ፤ ‘መና ጎዳይ ህንተንቶ ቆንጭያ ድራዉ፥ መና ጎዳ ስንን ያርሻናዉ፥ ናጋራ ያርሾ እት ዴሻ ኦርግያ፥ ጹግያ ያርሾ ትላ ቦላና ደእያ እት ላይ ማራነ እት ላይ ዶርሳ አሆ። 
\v 4 እትፐተ ያርሾ እት ኮሩማ፥ እት ዶርሳ ኦርግያነ ዛይትያን ሙናቀቴዳ ካ ያርሹዋ አህተ ያጋ’ ” ያጌዳ።
\p
\v 5 ኡንቱንቱ ሙሴ አዛዜዳዋ ኡባ ጾሳ ዱንካንያ ስን አሄድኖ፤ ያቲደ ማባራ ኡባይ ሺቂደ፥ መና ጎዳ ስንን ኤቄድኖ። 
\v 6 ሙሴ ኡንቱንታ፥ “መና ጎዳ ቦንቹ ህንተንቶ ቆንጫና ማላ፥ ህንተ ኦናዳን መና ጎዳይ ህንተና አዛዜዳዌ ሀዋ” ያጌዳ።
\p
\v 7 ቃይ ሙሴ አሮናዉ ሀዋዳን ያጌዳ፤ “ያርሽያ ሳኮ ሃ ሺቃ፤ ነ ናጋራ ያርሹዋነ ነ ጹግያ ያርሹዋ ያርሻ፤ ያታደ ነ ሁጰ ናጋራነ ነ አሳ ናጋራካ አቶ ጊሳ። ቃይ መና ጎዳይ አዛዜዳዋዳን፥ አሳይ ሺሽያ ያርሹዋ ያርሻደ፥ ኡንቱንቱ ናጋራካ አቶ ጊሳ” ያጌዳ።\x - \xo 9:7 \xo*\xt እብራ. 7:27\xt*\x*
\p
\v 8 አሮን ያርሽያ ሳኮ ዪደ፥ ባረ ሁጰ ናጋራዉ ያርሹዋ ኦ ሺሼዳ ኮሩማ ሹኬዳ። 
\v 9 አሮና አቱማ ናናይ ሱፐ አኪደ አዉ አሄድኖ፤ እ ባረ ኩሽያ ብራያ ሄ ሱን የድ ከሲደ፥ ያርሽያ ሳኣ ካጨቱዋ ቦቼዳ፤ አቴዳ ሱካ ያርሽያ ሳኣፐ ጋርሳ ባጋና ጉሴዳ። 
\v 10 መና ጎዳይ ሙሳ አዛዜዳዋዳን፥ ቃይ ሄ ናጋራ ያርሹዋ አሹዋፐ ሞዋ፥ ክላሆቱዋነ ትርያ ጼራ ቦላ ደእያ ሞያ ያርሽያ ሳኣ ቦላን ዎደ ጹጌዳ። 
\v 11 ሽን አቴዳ አሹዋነ ጋልባ ዱንካኔዳ ሳኣፐ ካረ ከሲደ ጹጌዳ።
\p
\v 12 ሄዋፐ ጉይያን፥ አሮን ጹግያ ያርሹዋ ሹኬዳ፤ አ ናናይ ሱ አኪደ አዉ አሄድኖ፤ እ ያርሽያ ሳኣ ምይያ ኡባን ጉሴዳ። 
\v 13 ቃይ ኡንቱንቱ ጹግያ ያርሹዋ ቆሙዋን ቆሙዋን ከሲደ፥ ሁጲያናካ አዉ አሄድኖ፤ እ ያርሽያ ሳኣ ቦላን ዎደ ጹጌዳ። 
\v 14 ቃን አሹዋነ ገደቱዋካ ሃን ሜጪደ፥ ያርሽያ ሳኣ ቦላን ደእያ ጹግያ ያርሹዋ ቦላን ዎደ ጹጌዳ።
\p
\v 15 ሄዋፐ ጉይያን፥ አሮን አሳ ያርሹዋ ሺሼዳ፤ እ አሳ ናጋራ ያርሾ ግድያ ዴሻ ኦርግያ አኪደ ሹኬዳ፤ ካሰ ባረዋዳንካ ኡንቱንቱ ናጋራዉ ያርሼዳ። 
\v 16 ቃይ እ ጹግያ ያርሹዋ መህያ አሂደ፥ ዎጋይ አዛዝያዋዳን ኦደ ያርሼዳ። 
\v 17 ካ ያርሹዋካ ሺሼዳ፤ አፐ እት ኮጵያ ግድያዋ አኪደ፥ ዎንታ ዎንታ ጹግያ ያርሹዋፐ ሀራ አ ቦላን ዎደ ጹጌዳ።
\p
\v 18 አሮን ቃይካ አሳ እትፐተ ያርሾ ኮሩማነ ዶርሳ ኦርግያ ሹኬዳ፤ አ አቱማ ናናይ ሱ አዉ አሄድኖ፤ እ ሄ ሱ አኪደ፥ ያርሽያ ሳኣ ምይያ ኡባ ጉሴዳ።\x - \xo 9:18 \xo*\xt ዎጋ 3:1-11\xt*\x* 
\v 19 ቃይ ኮሩማነ ዶርሳ ኦርግያ አሹዋፐ ሞዋ፥ ናስያ፥ ቃን አሹዋ ማዬዳ ሀንዳ፥ ክላሆቱዋነ ትርያ ጼራ ቦላ ደእያ ሞያ አሮና ናናይ አዉ አሄድኖ። 
\v 20 ኡንቱንቱ ሄ ሀንዳ አንጎሱዋ ቦላ ዎና፥ አሮን ያርሽያ ሳኣ ቦላን ሄዋ ጹጌዳ። 
\v 21 ሽን ሙሴ አዛዜዳዋዳን፥ አሮን አንጎሶቱዋነ ኡሸቻ ገድያ ቃያ ያርሹዋ ኦደ፥ መና ጎዳ ስንን ቃዳ።
\p
\v 22 ሄዋፐ ጉይያን፥ አሮን ባረ ኩሽያ አሳኮ ዛር ደንደ ኡንቱንታ አንጄዳ። እ ናጋራ ያርሹዋ፥ ጹግያ ያርሹዋነ እትፐተ ያርሹዋ ያርሾዋፐ ጉይያን፥ ያርሽያ ሳኣፐ ዱገ ዎዳ።\x - \xo 9:22 \xo*\xt ፓይ. 6:22-26\xt*\x* 
\v 23 ሙሴነ አሮን መና ጎዳ ዱንካንያ ግዶ ገሌድኖ፤ ኡንቱንቱ ሄዋፐ ከሴዳ ዎደ፥ አሳ አንጄድኖ። ያትና መና ጎዳ ቦንቹ አሳ ኡባዉ ቤቴዳ። 
\v 24 መና ጎዳ ስንፐ ታማይ ዎደ፥ ያርሽያ ሳኣ ቦላን ደእያ ጹግያ ያርሹዋነ ሞያ ሜዳ። አሳይ ኡባይ ሄዋ በኤዳ ዎደ እልሌዳ፤ ቃይ ኡንቱንቱ ባረንቱ ሶምኡዋን ሳኣ ቦቺደ ጉፋኔድኖ።
\c 10
\s1 ናዳብነ አብሁ ኦዳ ናጋራ
\p
\v 1 አሮና አቱማ ናናይ፥ ናዳብነ አብሁ፥ ባረንቱ እጻና ጩውስያ ሚሻ አኪደ፥ አ ቦላን ታማ ዎድኖ፤ ታማ ቦላ ቃይ እጻና ቆሌድኖ፤ ያቲደ፥ መና ጎዳይ ኡንቱንታ አዛዝቤና፥ ሀራ ታማ መና ጎዳ ስንን ሺሼድኖ። 
\v 2 ሄዋ ጋሱዋን መና ጎዳ ስንፐ ታማይ ዪደ፥ ኡንቱንታ ሜዳ፤ ኡንቱንቱካ መና ጎዳ ስንን ሀይቄድኖ። 
\v 3 ሄዋፐ ጉይያን፥ ሙሴ አሮና፥ “መና ጎዳይ፥
\q1 “ ‘ታን ታ ማታ ሺቅያዋንታ
\q2 ታ ጌሻተ በሳና።
\q1 ቃይ አሳ ኡባ ስንን
\q2 ታን ቦንቼታና’ ”
\m ጊደ ሃሳዬዳዌ በአ ሀዋ ያጌዳ። አሮን ጮኡ ጌዳ።
\p
\v 4 ሙሴ አሮና አዉዋ እሻ ኡዝኤላ አቱማ ናናቱዋ፥ ምሻኤላነ ኤልጻፋና ጼጊደ፥ “ሃ ዪተ፤ ህንተ አዉዋ እሻ ናናቱዋ አሃ ጾሳ ዱንካንያ ስንፐ ደንደ፥ ዱንካኔዳ ሳኣፐ ጋጻ ከስተ” ያጌዳ። 
\v 5 ሄዋ ድራዉ ኡንቱንቱ ዪደ፥ ሙሴ አዛዜዳዋዳን፥ ባረንቱ ቄሰተ ማዩዋና ኡንቱንቱ አሃ ቶኪደ፥ ዱንካኔዳ ሳኣፐ ጋጻ ከሴድኖ።
\p
\v 6 ሄዋፐ ጉይያን፥ ሙሴ አሮናነ አ አቱማ ናናቱዋ፥ ኤልኣዛራነ እታማራ ሀዋዳን ያጌዳ፤ “ህንተ ሀይቀና ማላነ፥ መና ጎዳይ ማባራ ኡባ ቦላን ሀንቀተና ማላ፥ ህንተ ሁጲያ ሜድሶፕተ፤ ህንተ ማዩዋካ ፔፕተ። ሽን ህንተ እሻቱ፥ እስራኤልያ አሳቱ፥ መና ጎዳይ ባረ ኤዳ ታማን ጹጌዳዋንቶ ዬካና ጎፐ ኡንቱንቱ ዬክኖ። 
\v 7 ቃይካ ህንተ ዱንካንያ ፐንግያፐ ካረ ከሶፐ ህንተ ሀይቃና፤ አያዉ ጎፐ ጾሳይ ኦክያ ዛይቲ ህንተ ቦላን ደኤ” ያጌዳ። ኡንቱንቱካ ሙሴ ጌዳዋዳን ኦድኖ።
\s1 ቄሳቱዋ ዎጋ
\p
\v 8 መና ጎዳይ አሮና ሀዋዳን ያጌዳ፤ 
\v 9 “ህንተ ሀይቀና ማላ፥ ዱንካንያ ግዶ ገልያ ዎደ፥ ኔንካ ነ ናናይካ ዎይንያ ኤሳ ዎይ ሀራ ማይያ ኡሻ ኡሾፕተ፤ ሄዌ ስንፐ ያና የለታዉካ መናዉ ህገ ግዲደ ደአና። 
\v 10 ህንተ ጌሻነ ጌሻ ግደናባ ቃይ ቱናነ ቱና ግደናባ ሻኪደ ኤርተ። 
\v 11 መና ጎዳይ ሙሴ ባጋና ኦዴዳ ዎጋ ኡባካ እስራኤልያ አሳ ታማርስተ” ያጌዳ።
\p
\v 12 ሙሴ አሮናነ አቴዳ አ አቱማ ናናቱዋ ኤልኣዛራነ እታማራ ሀዋዳን ያጌዳ፤ “መና ጎዳዉ ታማን ጹግያ ያርሹዋፐ አቴዳ ካ ያርሹዋ አኪደ፤ እርሹዋ የገናን ኡክተ፤ ያቲደ እ ሎይ ጌሻ ግድያ ድራዉ፥ ያርሽያ ሳኣ ማታን አ ሚተ።\x - \xo 10:12-13 \xo*\xt ዎጋ 6:14-18\xt*\x* 
\v 13 መና ጎዳዉ ታማን ጹግያ ያርሹዋፐ ሄዌ ኔናነ ነ አቱማ ናናቱዋ ጋክያ ህንተ ግሹዋ ግድያ ድራዉ፥ ሄዋ ህንተ ጌሻ ሳኣን ሚተ፤ አያዉ ጎፐ፥ ጾሳይ ታና ሄዋዳን ኦና ማላ አዛዜዳ። 
\v 14 ሽን ቃዳ አንጎሱዋነ ሺቄዳ ገድያ ኔን፥ ነ አቱማ ናናይነ ነ ማጫ ናናይ ዎጋዳን ጌሻ ሳኣን ሚተ። አያዉ ጎፐ፥ ሄዌ እስራኤልያ አሳይ ሺሽያ እትፐተ ያርሹዋፐ ኔናነ ነ አቱማ ናናቱዋ ጋክያ ህንተ ግሹዋ።\x - \xo 10:14-15 \xo*\xt ዎጋ 7:30-34\xt*\x* 
\v 15 መና ጎዳዉ ያርሼዳ ገድያነ ቃዳ አንጎሱዋ አሳይ ታማን ጹግያ ሞያና እትፐ ጋደ፥ መና ጎዳ ስንን ቃያ ያርሹዋዳን ቃናዉ አሀና። መና ጎዳይ አዛዜዳዋዳን፥ ሄዌ ነዉነ ኔናና ደእያ ነ አቱማ ናናቶ መናዉ ህንተና ጋክያ ህንተ ግሹዋ ግዳናዋ” ያጌዳ።
\p
\v 16 ሙሴ ናጋራ ያርሹዋ ዴሻይ ዋኔደንቶነ ኤራናዉ ኮዪደ ኦቼዳ፤ እ ጹገት ድጌዳዋ ኤሬዳ ዎደ፥ አቴዳ አሮና አቱማ ናናቱዋ፥ ኤልኣዛራነ እታማራ ሀንቀቴዳ፤ ኡንቱንቱ፥ 
\v 17 “ናጋራ ያርሹ ሎይ ጌሻ ግዴዳዋንቱ ግዱዋፐ እቱዋ ግዴዳ ጌሻ፤ ቃይ ሄዌካ አሳ ናጋራ መና ጎዳ ስንን አቶ ጊሳና ማላ ህንተንቶ እመቴዳ፤ ያትና ህንተ አ ሎይ ጌሻ ሳኣን አያዉ ምበይክቴ?\x - \xo 10:17 \xo*\xt ዎጋ 6:24-26\xt*\x* 
\v 18 ሄ መህያ ሱይ መና ጎዳ ዱንካንያ ግዶ ገልቤናዋ ግዶደ፥ ታን ህንተና አዛዜዳዋዳን፥ ህንተ አ ሄ ጌሻ ሳኣን ማናዉ በሴ፤ ሽን አጌድታ” ያጌዳ።
\p
\v 19 አሮን ሙሳ፥ “በአ፤ አሳቱ ሀች ባረንቱ ናጋራ ያርሹዋነ ጹግያ ያርሹዋ መና ጎዳ ስን አሄድኖ፤ ግዶፐነ ቃይ ሀዋ ማላባይ ታ ቦላ ጋኬዳ። ያትና ዎን ታን ናጋራ ያርሹዋ ሀች ሜዳዋ ግድንቶነ፥ መና ጎዳይ ናሸታናዋ ሽን አቴዴሻ?” ያጌዳ። 
\v 20 ሙሴ ሄዋ ስሴዳ ዎደ፥ ሄ ዛሩ አ አሌዳ።
\c 11
\ms ጌይያ ዎጋን ጌሻ ግድያዋነ ግደናዋ ሻኩሳ
\mr (11:1—15:33)
\s1 ማናዉ በስያ መታቱዋ
\r (ዛረ. 14:3-21)
\p
\v 1 መና ጎዳይ ሙሳነ አሮና ሀዋዳን ያጌዳ፤ 
\v 2 “እስራኤልያ አሳዉ ሀዋዳን ያጊደ ኦድተ፤ ‘ቢታ ቦላን ደእያ መህያ ኡባፐ ህንተ ማና መሄቱነ ዶአቱ ሀዋንታ። 
\v 3 ጹጉንይ ዉር ጳልቀቴዳዋንታነ ዋሞትያ መሄቱዋ ኡባ ሚተ። 
\v 4 ሽን ዋሞ ጻላላ ዋሞትያዋንታ ዎይ ቃይ ጹጉን ጻላላይ ጳልቀቴዳዋንታ ሞፕተ። ጋሉ ዋሞቴ ሽን ጹጉንይ ጳልቀትቤና ድራዉ እ ህንተንቶ ቱና። 
\v 5 ጉፓሊ ዋሞቴ ሽን ጹጉንይ ጳልቀትቤና ድራዉ እ ህንተንቶ ቱና። 
\v 6 ሀርባይን ዋሞቴ ሽን ሞፕተ፤ አያዉ ጎፐ፥ እ ዋሞትያዋ ግዶፐነ፥ አዉ ጹጉንይ ጳልቀ ግደና ድራዉ፥ እ ህንተንቶ ቱና። 
\v 7 ጉዱንካ ሞፕተ፤ አያዉ ጎፐ፥ አዉ ጹጉንይ ጳልቀ ግዶፐነ፥ ዋሞተና ድራዉ፥ እ ህንተንቶ ቱና። 
\v 8 ህንተ ሀዋንቱ አሹዋ ሞፕተ፤ ኡንቱንቱ ባኩታካ ቦቾፕተ፤ ኡንቱንቱ ህንተንቶ ቱና።
\p
\v 9 “ ‘ሃ ግዶን ደእያ መታቱዋ ኡባፐ ህንተ ማናዋንቱ ሀዋንታ። አባ ግዶን ግድና ዎይ ቃይ ጎግያ ሃ ግዶን ግድና ደእያ ኡባፐ ሞልያ ማላ ቀፊነ ፖቁ ደእያ ኡባ ሚተ። 
\v 10 ሽን አባ ግዶን ዎይ ሻፋን ሻምእሻምእያ መታቱዋፐነ ሸምፑ ደእያ፥ ቃጽያ መታቱዋፐ ሞልያ ማላ ቀፊነ ፖቁ ባይና ኡባይ ህንተንቶ ቱና። 
\v 11 ሀዋንቱ ህንተንቶ ቱና፤ ኡንቱንቱ አሹዋ ሞፕተ፤ ኡንቱንቱ ባኩታካ ቦቾፕተ። 
\v 12 ቀፊነ ፖቁ ባይና ሃ ግዶን ደእያ መታቱ ኡባይ ህንተንቶ ቱና።
\p
\v 13 “ ‘ካፎቱዋፐ ቱና ግድያ ድራዉ ህንተ ሜናዋንቱ ሀዋንታ: አርጋን፥ ባዙዋ አንኩዋ፥ ካረ አንኩዋ፥ 
\v 14 ጽንግልያ፥ ቆል ዛርያ ኡባ፥ 
\v 15 ቁሩዋ ዛርያ ኡባ፥ 
\v 16 ሶጎንያ፥ ሀዛዝያ፥ ሃ ካፉዋ፥ ጋጭያ ዛርያ ኡባ፥ 
\v 17 ቄር ጉቱዋ፥ ብዩዋ፥ ዎጋ ጉቱዋ፥ 
\v 18 ሃ ኩቱዋ፥ ሞልያ ካፉዋ፥ ባኩታ ምያ አንኩዋ፥ 
\v 19 ሽማላነ ሳቢሳ ግያ ሃ ካፎቱዋ ዛርያ ኡባ፥ ጅንጅላትያነ ሻልያ።
\p
\v 20 “ ‘ቀፍያና ደእያ ኦይዱ ገድያን ሀመትያ ቄር መታቱ ኡባይ ህንተንቶ ቱና። 
\v 21 ግዶፐነ፥ ቀፊ ደእያ ኦይዱ ገድያን ሀመትያዋንቱፐ ኡንቱንቱ ገድያፐ ቦላና ጉፓናዉ ማድያ ገዲ ደእያዋንታ ሚተ። 
\v 22 ሄዋንቱካ፥ ቦልያ ዛርያ ኡባ፥ ኡኩቦ ዛርያ ኡባነ ቡምቡረ ዛርያ ኡባ። 
\v 23 ሽን ሀራ ቀፍያና ደእያ ኦይዱ ገዲ ደእያ መታቱ ኡባይ ህንተንቶ ቱና።
\p
\v 24 “ ‘ሀዋንቱ ህንተና ቱንሳና፤ ኡንቱንቱ ባኩታ ቦችያ ኡባይ ኦማርስ ጋካናዉ ቱና ግዳናዋ። 
\v 25 ሀዋንቱ ባኩታ ደንያ ኦንነ ባረ ማዩዋ ሜጮ፤ ሽን ግዶፐነ ኦማርስ ጋካናዉ እ ቱና። 
\v 26 ጹጉንይ ደኢደ ጳልቀ ግደናዋንታ ዎይ ቃይ፥ ዋሞተናዋንቱ ኡባይ ህንተንቶ ቱና፤ ኡንቱንቱ አሃ ቦችያ ኦንካ ቃይ ቱና። 
\v 27 ኦይዱ ገደቱዋን ሀመትያ መህያ ኡባፐ አዳነቱዋ ግንድያ ማላ ግንድያን ሀመትያዋንቱ ህንተንቶ ቱና፤ ቃይ ኡንቱንቱ ባኩታ ቦችያ ኦንካ ኦማርስ ጋካናዉ ቱና። 
\v 28 ሄዋንቱ ባኩታ ደንያ ኦንነ ባረ ማዩዋ ሜጮ፤ ሽን ግዶፐነ ኦማርስ ጋካናዉ እ ቱና። ኡንቱንቱካ ህንተንቶ ቱና።
\p
\v 29 “ ‘ሳኣና ሀመትያዋንቱፐ ሀዋንቱ ህንተንቶ ቱና: ኦጩ፥ ኤጨሪ፥ ዱማ ዱማ ቆሞ ዛሪ፥ 
\v 30 ጌግ፥ ሀይላሹ፥ ኮርቺ፥ ዋካላይነ ሻቃንቻይ። 
\v 31 ሳኣና ሀመትያ ኡባቱዋፐ ህንተንቶ ቱና ግድያዋንቱ ሄዋንታ፤ ኡንቱንቱፐ ሀዬዳዋ ቦችያ ኡባይ ኦማርስ ጋካናዉ ቱና። 
\v 32 ኡንቱንቱፐ ሀይቄዳዌ አያ ቦላ ኩንዶፐካ ሄ ኡንቱንቱ አ ቦላ ኩንዴዳ ሚሻይ ቱና፤ ም ሚሻ ዎይ ማዩዋ ዎይ ጋልባ ዎይ ኬሻቱዋ ግድናካ፥ ጎኤትያ ሚሻ ኡባ ሃ ግዶን ዎተ፤ ሄዌ ኦማርስ ጋካናዉ ቱና፤ ሄዋፐ ጉይያን፥ ጌሻ ግዳናዋ። 
\v 33 ሀ ሳኣና ሀመትያዋንቱፐ እቱዋ ባኩታይ አይ ኡርቃ ሚሻ ግዶን ኩንዶፐካ፥ አ ግዶን ደእያባይ ኡባይ ቱና፤ ሄ ሚሻ መንተ። 
\v 34 ሄ ሚሻ ግዶን ደእያ ሃፐ ሜተትያ አይ ቁማ ቦላ ጾኮፐካ፥ ሄ ቁማይ ቱና፤ ቃይ ኡሽያባ አያነ ግዶ፥ ሄ ሚሻ ግዶን ደኦፐ፥ እካ ቱና። 
\v 35 ሀዋንቱ አሃይ አ ቦላ ኩንድያባይ አያ ግዶፐካ ቱና። ጮጭያ ዎይ ካያ ኡርቃ ሚሻ ግዶፐካ መንተ፤ ኡንቱንቱ ህንተንቶ ቱና። 
\v 36 ሀዋንቱ ባኩታይ ቦችያባይ ኡባይ ቱና ግዶፐነ፥ ፑልቱነ ሃ ኦላይ ጌሻ። 
\v 37 ኡንቱንቱ ባኩታፐ እቱ ዘራናዉ ዎዳ ዘረ ካ ቦላ ኩንዶፐ፥ ሄዌ ቱነና። 
\v 38 ሽን ሄ ዘረ ቦላ ሃይ ጉክ ስምና፥ ኡንቱንቱ ባኩታፐ እቱነ አ ቦላ ኩንዶፐ፥ ሄ ዘረይ ህንተንቶ ቱና።
\p
\v 39 “ ‘ቃይ ህንተ ምያ መሄቱዋፐ እቱ ሀይቂና፥ አ ባኩታ ቦችያ ኦንነ ኦማርስ ጋካናዉ ቱና። 
\v 40 ኦንነ ሄ መህያ ባኩታፐ ሞፐ፥ ባረ ማዩዋ ሜጮ፤ ኦማርስ ጋካናዉ እ ቱና፤ ቃይ ኦንነ አ ባኩታ ቶኪደ ደንፐ፥ ባረ ማዩዋ ሜጮ፤ ኦማርስ ጋካናዉ እ ቱና።
\p
\v 41 “ ‘ሳኣና ጎሸትያ መታ ኡባይ ህንተንቶ ቱና፤ አ ሞፕተ። 
\v 42 ኡሉዋን ጎሸትያዋ ግድና፥ ዎይ ኦይዱ ገድያን ሀመትያዋ ግድና፥ ዎይ ቃይ ዳሮ ገዲ ደእያዋ ግድናካ፥ ሳኣና ጎሸትያ መታ ኡባይ ቱና ግድያ ድራዉ አ ሞፕተ። 
\v 43 ሳኣና ጎሸትያ መታቱዋ ኡባን ሚደ ህንተ ሁጲያዉ ቱኖፕተ፤ ቃይ ኡንቱንቱን ህንተ አሳተ ቱንሶፕተ። 
\v 44 ታን፥ መና ጎዳይ፥ ህንተ ጾሳ። ታን ጌሻ ግድያ ድራዉ፥ ህንተካ ህንተና ዱማዪደ፥ ጌሻ ግድተ። ሳኣና ጎሸትያዋንቱን ህንተ አሳተ ቱንሶፕተ።\x - \xo 11:44 \xo*\xt ዎጋ 19:2፤ 1 ጰጽ. 1:16\xt*\x* 
\v 45 አያዉ ጎፐ፥ ታን ህንተ ጾሳ ግዳናዉ፥ ህንተና ግብጼ ጋድያፐ ከሴዳ መና ጎዳ። ሄዋ ድራዉ፥ ታን ጌሻ ግድያ ድራዉ፥ ህንተካ ጌሻ ግድተ ያግተ ያጌዳ።
\p
\v 46 “ ‘መሄቱዋ፥ ካፎቱዋ፥ ሃ ግዶን ፓጻ ቃጽያ መታቱዋ ኡባቱነ ሳኣና ሀመትያ መታቱዋ ኡባቱዋ ዎጋይ ሀዋ። 
\v 47 ሄዌነ ህንተ ቱናነ ጌሻ፥ ቃይ ሸምፑ ደእያ መታቱዋፐ ምያዋንታነ ሜናዋንታ ሻኪደ ኤራናሳ።’ ”
\c 12
\s1 ማጫ አሳይ የል ስሚደ ጌይያ ዎጋ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “እስራኤልያ አሳዉ ሀዋዳን ያጋደ ኦዳ፤ ‘እት ማጫዉና ሻሃራደ አቱማ ናኣ የሎፐ፥ ባረ ፒላይ ዬዳ ዎደ እዛ ቱና ግድያዋዳንካ፥ ሄዋዳን እዛ ላፑን ጋላሳይ ጋካናዉ ቱና ግዳናኑ። 
\v 3 ሆስፑን ጋላስ ናአይ ቃጻረታናዉ ኮሼ።\x - \xo 12:3 \xo*\xt ዶመ 17:12፤ ሉቃሳ 2:21\xt*\x* 
\v 4 ሄዋፐ ጉይያን፥ ማጫዉና ባረ ፒላ ሱይ ጽአና ጋካናዉ፥ ሀታማነ ሄዙ ጋላሳ ጋምኡ፤ ቃይ ባረ ጌይያ ጋላሳቱ ዉራና ጋካናዉ፥ ጌሻባ አያነ ቦቹፑ፤ ጾሳ ጌሻ ሳኣካ ገሉፑ።
\p
\v 5 “ ‘ሽን እት ማጫዉና ማጫ ናቶ የሎፐ፥ ባረ ፒላይ ዬዳ ዎደ እዛ ቱና ግድያዋዳንካ፥ ሀዋዳን ላኡ ሳምንታ ጋካናዉ፥ እዛ ቱና ግዳና፤ ሄዋፐ ጉይያን፥ ባረ ፒላ ሱይ ጽአና ጋካናዉ ኡሱፑን ታማነ ኡሱፑን ጋላሳ ጋምኡ።
\p
\v 6 “ ‘ማጫዉና አቱማ ናኣ ግድና ማጫ ናኣ ግድና የላደ፥ ባረ ጌይያ ዎድያ ዉርሶዋፐ ጉይያን፥ ጹግያ ያርሾ እት ላይ ዶርሳነ ናጋራ ያርሾ ቃይ እት ሀራጵያ ማራ ዎይ እት ማራ ዶጎሙዋ ጾሳ ዱንካንያ ፐንግያን ደእያ ቄስያኮ አሁ። 
\v 7 ቄሲ ሄዋ መና ጎዳ ስንን ያርሺደ፥ እዝ ናጋራ አቶ ጊሴ፤ ያቶፐ እዛ ባረ የሉዋ ሱ ጎገፐ ጌያዉ። አቱማ ናኣ ዎይ ማጫ ናኣ የልያ ማጫዉን ዎጋይ ሄዋ።
\p
\v 8 “ ‘ሽን እት ላይ ዶርሳ ኦርግያ አሀናዉ እዝዉ ሻሉ ግዳና ዮፐ፥ ላኡ ማራ ዶጎማቱዋ ዎይ ላኡ ማራ ሀራጳቱዋ አሁ፤ ኡንቱንቱፐ እቱ ጹግያ ያርሹዋሳ፤ እቱ ቃይ ናጋራ ያርሹዋሳ፤ ያቶፐ ቄሲ ሄዋንታ ያርሺደ፥ እዝ ናጋራ አቶ ጊሴ፤ እዛካ ጌሻ ግዳዉ’ ያጋ” ያጌዳ።\x - \xo 12:8 \xo*\xt ሉቃሳ 2:24\xt*\x*
\c 13
\s1 ጋልባ ሀርግያ ጼልያዋን ከሴዳ ህገቱዋ
\p
\v 1 መና ጎዳይ ሙሳነ አሮና ሀዋዳን ያጌዳ፤ 
\v 2 “አይ አሳ ቦላነ ጋፉ ቤቶፐ፥ ዎይ ሳ ማዱይ ዎይ እላሁ ከሶፐነ ቃይ ሄዌካ አ ጋልባን ዎልቃማ ጋልባ ሀርግያዉ ላመቶፐ፥ ሄ ብታንያ ቄስያ አሮናኮ ዎይ ቄስያ ግድያ አ አቱማ ናናቱዋፐ እቱዋኮ አህኖ። 
\v 3 ቄሲ አ ጋልባ ቦላን ደእያ ማዱ በኦ። ሄ ማዱጼዳ ሳኣን ደእያ እስኪ ቦጾፐነ፥ ማዱይካ ኦላቶፐ፥ ሄዌ ዎልቃማ ጋልባ ሀርገ። ቄሲ ሄዋ በኢደ፥ ሄ ብታኒ ቱና ግድያዋ ኤርሶ። 
\v 4 ሽን አ ጋልባ ቦላን ደእያ ሻቱ ቦጽንቶካ፥ ጋልባፐ ሉኪደ ኦላትቤናዋ ግዶፐነ ሄ ማዱ ቦላን ደእያ እስኪ ቦጽቤናዋ ግዶፐ፥ ቄሲ ሄ ብታንያ ዱማ ክፍልያን ላፑን ጋላሳ ጎርዲደ ዎ። 
\v 5 ላፑን ጋላሳን ቄሲ አ ዛረደካ በኦ፤ እ በእያ ዎደ ማዱይ ብታንያ ጋልባ ቦላን አከናን ካሰዋዳንካ ደኦፐ፥ ቄሲ ሄ ብታንያ ላኤንዋካ ዱማ ክፍልያን ላፑን ጋላሳ ጎርዲደ ዎ። 
\v 6 ቃይካ ላፑን ጋላሳን ቄሲ አ፤ በእያ ዎደ ማዱይ አክያዋ አጊደ ይ ይ ቦፐነ ሞፐ፥ ቄሲ እ ጌሻ ግድያዋ ኤርሶ። ሄዌ ሻቱዋፐ አትና ሀራባ ግደና፤ ሄዋ ድራዉ፥ እ ባረ ማዩዋ ሜጪደ ጌሻ ግዴ። 
\v 7 ሽን እ ጌያናዉ ባረና ቄስያ በሴዳዋፐ ጉይያን፥ ሄ ሻቱ አ ጋልባ ቦላን ያ አክ አክ ቦፐ፥ እ ላኤንዋ ባረና በሳናዉ ቄስያኮ ቦ። 
\v 8 ቄሲካ አ በኦ፤ ሄ ሻቱ ብታንያ ጋልባ ቦላን ያ አክ አክ ቦፐ፥ ቄሲ እ ቱና ግድያዋ ኤርሶ፤ አያዉ ጎፐ ሄዌ ዎልቃማ ጋልባ ሀርግያ።
\p
\v 9 “ኦናነ ዎልቃማ ጋልባ ሀርጊ ኦይቆፐ፥ ቄስያኮ አ አህኖ። 
\v 10 ቄሲ አ በኦ፤ በእያ ዎደ አ ጋልባ ቦላን ቦ ጋፉ ደኦፐ፥ ሄ ጋፉ እስክያካ ቦዉ ላሞፐነ ሄ ጋፉዋ ግዶን አሹ ሙን ኡቴዳዋ ግዶፐ፥ 
\v 11 ሄዌ አ ጋልባ ቦላን ጋምኤዳ ዎልቃማ ጋልባ ሀርግያ ግድያ ድራዉ፥ ቄሲ እ ቱና ግድያዋ ኤርሶ። እ ቱና ግድያዌ ኤረት ድጌዳ ድራዉ፥ አ ዱማ ክፍልያን ጎርዳናዉ ኮሸና።
\p
\v 12 “ቃይ ዎልቃማ ጋልባ ሀርጊ ብታንያ ጋልባ ቦላን አኪደ፥ ሁጲያፐ ገድያ ጋካናዉ ኡባን ማዬዳዋ ግዶፐ፥ ቄሲ በኦ። 
\v 13 ሄ ዎልቃማ ጋልባ ሀርጊ አ ቦላ ኡባ ማዮፐ፥ ቄሲ እ ጌሻ ግድያዋ ኤርሶ፤ አ ቦላይ ኡባናካ ላመቲደ ቦ ግዴዳ ድራዉ፥ እ ጌሻ። 
\v 14 ሽን ሄ ማዱ ግዶን ሙኔዳ አሹ ቤቶፐ እ ቱና። 
\v 15 ቄሲ ሄ ሙኔዳ አሹዋ፤ በኢደ ሄ ብታኒ ቱና ግድያዋ ኤርሶ። ሄ ሙኔዳ አሹ ዎልቃማ ጋልባ ሀርግያ ግድያ ድራዉ፥ እ ቱና። 
\v 16 ሽን ሄ ሙኔዳ አሹ ቃይካ ላመቲደ ቦጾፐ፥ ሄ ብታኒ ቄስያኮ ዮ። 
\v 17 ቄሲ አ በኦ፤ አ ማዱይ ቦጼዳዋ ግዶፐ፥ ሄ ብታኒ ጌሻ ግድያዋ ቄሲ ኤርሶ፤ ያቶፐ እ ጌሻ ግዳናዋ።
\p
\v 18 “እት አሳ ቦላ ማዱይ ዎደ ፓጽና፥ 
\v 19 አ ሳኣን ቦ ጋፉ ቤቶፐ ዎይ ዞኤዳ እላሁ ከሶፐ፥ ሄ ኡራይ ባረና ቄስያ በሶ። 
\v 20 ቄሲ አ በኦ፤ ሄ ማዱይ ኦላቶፐነ ማዱ ቦላን ደእያ እስኪካ ላመቲደ ቦጾፐ፥ ሄ ብታኒ ቱና ግድያዋ ቄሲ ኤርሶ። ሄዌ ማዱና ዶሜዳ ዎልቃማ ጋልባ ሀርግያ። 
\v 21 ሽን ቄሲ በእያ ዎደ፥ እስኪ ቦጽቤናዋ ግዶፐነ ማዱይካ ጋልባ ሉኪደ ኦላትቤናዋ ግዶፐ፥ ቃይ ይ ይ ቦፐ፥ ቄሲ አ ዱማ ክፍልያን ላፑን ጋላሳ ጎርዲደ ዎ። 
\v 22 ሄዌ አ ጋልባ ቦላን አክ አኪደ ቦፐ፥ ሄ ብታኒ ቱና ግድያዋ ቄሲ ኤርሶ፤ አያዉ ጎፐ፥ ሄዌ ጋልባ ሀርግያ። 
\v 23 ሽን ሄ እላሁ አክ አክ ቤናን እትሳ ጻላላን ደኦፐ፥ ሄዌ ማዱይ ፓጼዳ ማላ ግድያ ድራዉ፥ ሄ ብታኒ ጌሻ ግድያዋ ቄሲ ኤርሶ።
\p
\v 24 “እት አሳ ጋልባ ታማይ ሞፐነ ሄ ሜዳ ሳኣን ቦጼዳ ዎይ ዞኤዳ እላሁ ከሶፐ፥ 
\v 25 ቄሲ ሄ ሳኣ በኦ፤ አ ሳኣን ደእያ እስኪ ቦጾፐነ ማዱይካ ሉኪደ ኦላቶፐ፥ ሄዌ ዎልቃማ ጋልባ ሀርግያ። እ ታማይ ሜዳሳና ከሴዳ፤ ሄዋ ድራዉ ቄሲ እ ቱና ግድያዋ ኤርሶ። 
\v 26 ሽን ቄሲ በእያ ዎደ፥ ሄ እላሁዋ ቦላን ደእያ እስኪ ቦጽቤናዋ ግዶፐነ ማዱይካ ጋልባ ሉኪደ ኦላትቤናዋ ግዶፐ፥ ቃይ ይ ይ ቤዳዋ ግዶፐ፥ ቄሲ አ ዱማ ክፍልያን ላፑን ጋላሳ ጎርዲደ ዎ። 
\v 27 ላፑን ጋላሳን ቄሲ አ በኦ፤ ሄ ዎደ ሄ ሳአይ አክ አክ ቦፐ፥ እ ቱና ግድያዋ ቄሲ ኤርሶ። ሄዌ ዎልቃማ ጋልባ ሀርግያ። 
\v 28 ሽን ሄ እላሁ ጋልባ ቦላን አከናን አጊደ እት ሳኣን ኡቶፐነ ኡባ ቃይ ይ ይ ቦፐ፥ ሄዌ ታማይ ሜዳሳን አቴዳ ማላ ግድያ ድራዉ፥ እ ጌሻ ግድያዋ ቄሲ ኤርሶ።
\p
\v 29 “እት አቱማ አሳዉ ዎይ ማጫ አሳዉ ሁጲያ ዎይ ጋጩዋ ቦላን ማዱይ ከሶፐ፥ 
\v 30 ቄሲ ሄ ማዱ በኦ። እ በእያ ዎደ ማዱይ ጋልባ ሉኪደ ኦላቶፐነ አ ቦላን ደእያ እስኪካ አድልያ ጪሻ ማላትያ ሌኦ ግዶፐ፥ ሄ ብታኒ ቱና ግድያዋ ቄሲ ኤርሶ። ሄዌ ሁጲያ ዎይ ጋጩዋ ቦላን ከስያ ቃጨቹዋነ ዎልቃማ ጋልባ ሀርግያ። 
\v 31 ቃይ ቄሲ ሄ ሀርግያ በእያ ዎደ፥ እ ጋልባ ሉኪደ ኦላትቤናዋ ግዶፐነ ካረ እስኪካ አ ቦላ ዮፐ፥ ሄ ቃጨቹዋ ሀርግያና ደእያ ብታንያ ቄሲ ዱማ ክፍልያን ላፑን ጋላሳ ጎርዲደ ዎ። 
\v 32 ላፑን ጋላሳን ቄሲ ሄ ሀርግያ፤ በእያ ዎደ ቃጨቹዋ ሀርጊ አከናዋ ግዶፐ፥ አ ቦላን አድልያ ጪሻ ማላትያ እስኪ ባይናዋ ግዶፐነ፥ እካ ጋልባ ሉኪደ ኦላትቤናዋ ግዶፐ፥ 
\v 33 ሄ ብታኒ ሄ ማዱ ዩሹዋን ደእያ እስክያ ሜዶ፤ ቃጨችያ ሳኣን ደእያ እስክያ ማታ ሜዶፖ። ቄሲ ሄ ብታንያ ዱማ ክፍልያን ሀራ ላፑን ጋላሳ ጎርዲደ ዎ። 
\v 34 ላፑን ጋላሳን ቄሲ ሄ ቃጨችያ ሳኣ በእያ ዎደ፤ ሄዌ ብታንያ ጋልባ ቦላን አካና ዮፐ ጋልባ ሉኪደ ኦላታና ዮፐ፥ ሄ ብታኒ ጌሻ ግድያዋ ቄሲ ኤርሶ። ብታኒካ ባረ ማዩዋ ሜጪደ፥ ጌሻ ግዴ። 
\v 35 ሽን እ ጌዬዳዋፐ ጉይያን፥ ቃጨችያዌ ሄ ብታንያ ጋልባ ቦላን አክ አክ ቦፐ፥ 
\v 36 ቄሲ አ በእያ ዎደ ሄ ቃጨችያዌ አኬዳዋ ግዶፐ፥ ቄሲ አድልያ ጪሻ ማላትያ እስክያ ኮዮፖ፤ አያዉ ጎፐ፥ ሄ ብታኒ ቱኔዳ። 
\v 37 ሽን ቄሲ በእያ ዎደ፥ ሄ ቃጨችያሳይ አክቤናዋ ግዶፐነ ካረ እስኪካ አ ቦላ ዶለዳዋ ግዶፐ፥ ሄ ቃጨችያሳይ ፓጼዳ። ሄ ብታኒካ ጌሻ ግድያ ድራዉ፥ እ ጌሻ ግድያዋ ቄሲ ኤርሶ።
\p
\v 38 “እት አቱማ አሳ ዎይ ማጫ አሳ ጋልባ ቦላ ቦ እላሁ ከሶፐ፥ 
\v 39 ቄሲ አ፤ በእያ ዎደ ሄ ኡንቱንቱ ጋልባ ቦላን ደእያ እላሁ ሾሎላ ቦ ግዶፐ፥ ሄዌ ጋልባ ቦላን ጮ ከሴዳዋ፤ ሄ ብታኒካ ጌሻ።
\p
\v 40 “እት አሳዉ ሁጲያ ብናናይ ቆቆፈቶፐ፥ እ ቦኣ፤ ግዶፐ አትና እ ጌሻ። 
\v 41 ቃይ እት አሳዉ ሁጲያ ብናናይ ስንና ቦአቶፐ፥ አ ቲሻይ ሜዳ፤ ግዶፐ አትና እ ጌሻ። 
\v 42 ሽን አ ቦኣ ዎይ አ ቲሻይ ሜዳሳ ቦላን ዞኦ ዎይ ቦ ማዱይ ከሶፐ፥ ሄዌ አ ቦኣን ዎይ ቲሻይ ሜዳሳን ከሴዳ ዎልቃማ ጋልባ ሀርግያ። 
\v 43 አ ቄሲ፤ በእያ ዎደ አ ቦኣ ዎይ ቲሻይ ሜዳሳ ቦላን ደእያ ማዱይ ጋልባ ቦላን ከስያ ዎልቃማ ጋልባ ሀርግያዳን ዞኦ ግዶፐ፥ 
\v 44 ሄ ብታኒ ቱሙካ ዎልቃማ ጋልባ ሀርጊ ሳክያ ሀርጋንቻ። እ ቱና ግድያ ድራዉ እ ቱና ግድያዋ ቄሲ ኤርሶ፤ አያዉ ጎፐ ሀርጊ አ ሁጲያን ደኤ።
\p
\v 45 “ዎልቃማ ጋልባ ሀርጊ ኦይቄዳ አሳይ ፔቴዳ ማዩዋ ማዮ፤ ባረ ሁጲያ ፕጾፖ፤ ባረ መተርሻካ ካሞ፤ ያቲደ፥ ባረ ቃላ ቁ ኦደ፥ ‘ታን ቱና፥ ታን ቱና!’ ያጎ። 
\v 46 ሄ ሀርጊ አ ቦላ ደኤዳ ኬሻን ኡባን እ ቱና። እ ቱና ግድያ ድራዉ፥ አሳፐ ሻከቲደ ዱንካኔዳ ሳኣፐ ካረና ባረካ ደኦ።
\s1 ሳላይ ከስያ ዎደ ኦያ ዎጋ
\p
\v 47 “አይ ማዩዋ ቦላነ ቦሮቄዳ ሳአይ ቤቶፐ፥ ሄ ማዩ ሱፈ ግድና ዎይ ሊኖ ግድና፥ 
\v 48 ቃጭናፐ ዎይ ሻሉዋፐ ዳደቴዳ ሊኖ ዎይ ሱፈ ግድና፥ ጋልባ ዎይ ጋልባፐ ኦሰቴዳ ማዩዋ ግድና፥ 
\v 49 ሄ ማዩዋ ቦላ ከሲደ ቦሮቁ ማታ ማላትያ ዎይ ዞኦ ማላ በሶፐ፥ እ ቃጭናፐ ዎይ ሻሉዋፐ ዳደቴዳዋ ግድና፥ ጋልባ ዎይ ጋልባፐ ኦሰቴዳ ማዩዋ ግድናካ፥ ሄዌ ቦሮቁ ከሴዳ ድራዉ፥ ሄዋ ቄስያ በሳናዉ ኮሼ። 
\v 50 ቄሲ ሄ ቦሮቁዋ በኢደ፥ ሄ ቦሮቁዋና ደእያ ማዩዋ ዱማ ክፍልያን ላፑን ጋላሳ ጎርዲደ ዎ። 
\v 51 ላፑን ጋላሳን ቄሲ ሄ ማዩዋ በእያ ዎደ፤ ሄ ማዩዋ ቦላን አክ አክ ቦፐ፥ እ ቃጭና ዎይ ሻሎ ማዩዋ ግድና፥ ጋልባ ዎይ ጋልባፐ ኦሰቴዳ ማዮ ግድናካ፥ ሄዌ እቱዋፐ እቱዋ ኦይቂያ ቦሮቆ ግድያ ድራዉ፥ ሄ ማዩ ቱና። 
\v 52 ቃይ ሄ ማዩ ቃጭና ዎይ ሻሎ ማዮ ግድና፥ ሊኖ ዎይ ሱፈ ግድና፥ ጋልባፐ ኦሰቴዳዋ አያ ግድናካ፥ ቄሲ አ ጹጎ። ሄዌ እቱዋፐ እቱዋ ኦይቂያ ቦሮቆ ግድያ ድራዉ፥ እ ጹገታናዉ በሴ።
\p
\v 53 “ቃይካ ቄሲ በእያ ዎደ፥ ሄ ቦሮቁ ማዩዋ ቦላ አክቤናዋ ግዶፐ፥ እ ቃጭና ዎይ ሻሎ ማዮ ዎይ ጋልባፐ ኦሰቴዳዋ አያ ግድናካ፥ 
\v 54 ሄ ቦሮቁ ደእያ ማዩዋ ሜጫናዳን ቄሲ አዛዞ። ሄዋፐ ጉይያን፥ ሄ ማዩዋ ዱማ ክፍልያን ሀራ ላፑን ጋላሳ ጎርዲደ ዎ። 
\v 55 ሄ ቦሮቆ ሳአይ ደእያ ማዩዋ ሜጮዋፐ ጉይያን፥ ቃይካ ቄሲ በእያ ዎደ ሄ ቦሮቁ ባረ ማላ ላምቤናዋ ግዶፐ፥ እ አክ አክ ባና ዮፐካ ቱና። ሄ ቦሮቆ ሳአይ ማዮ ጉየ ባጋና ዎይ ስን ባጋና ደእንካ፥ ሄ ማዩ ታማን ጹገታናዉ ኮሼ። 
\v 56 ሽን ሄ ማዩዋ ሜጭ ስምና ቄሲ በእያ ዎደ ቦሮቁ ይ ይ ቦፐ፥ እ ጋልባ ግድና፥ ቃጭና ዎይ ሻሎ ማዮ ግድናካ፥ ሄ ቦሮቁ ደእያ ሳኣ ቄሲ ዳኪደ ከስ ድጎ። 
\v 57 ሄዋፐ ጉይያን፥ ማዩዋ ቦላ ስሚደካ ከሶፐ፥ ሄ ማዩ ቃጭና ዎይ ሻሎ ማዮ ግድና፥ ጋልባፐ ኦሰቴዳዋ አያ ግድናካ፥ ሄዌ አክ አክ ብያ ቦሮቆ ሳ ግድያ ድራዉ፥ ሄ ቦሮቁ ደእያ ማዩ ታማን ጹገታናዉ በሴ። 
\v 58 ሽን ሜጨቴዳ ማዩ ቃጭና ዎይ ሻሎ ማዮ ግድና፥ ዎይ ጋልባፐ ኦሰቴዳ አያ ማዮ ግድናካ፥ ቦሮቆ ሳአይ አ ቦላፐ ዮፐ፥ ሄ ማዩ ላኤንዋ ሜጨቶ፤ ሄዋፐ ጉይያን፥ እ ጌሻ ግዴ።
\p
\v 59 “እት ማዩ ሱፈ ዎይ ሊኖ ግድና፥ ቃጭና ዎይ ሻሎ ማዮ ግድና፥ ዎይ ቃይ ጋልባፐ ኦሰቴዳዋ ግድናካ፥ ሄ ማዩዋ ጌሻ ዎይ ቱና ጊሳናዉ ዳንዳይያ ቦሮቆ ሳኣ ዎጋይ ሀዋ” ያጌዳ።
\c 14
\s1 ጋልባ ሀርግያፐ ፓጽያ አሳይ ጌይያ ዎጋ
\p
\v 1 መና ጎዳይ ሙሴዉ ሀዋዳን ያጊደ ኦዴዳ፤ 
\v 2 “ዎልቃማ ጋልባ ሀርጊ ኦይቄዳ ብታኒ ጌይያ ጋላስ ኦናዉ ኮሽያ ዎጋይ ሀዋ። ሄ ብታንያ ቄስያኮ አፋናዉ ኮሼ።\x - \xo 14:2 \xo*\xt ማቶሳ 8:4፤ ማር. 1:44፤ ሉቃሳ 5:14፤ 17:14\xt*\x* 
\v 3 ቄሲ አሳይ ዱንካኔዳ ሳኣፐ ጋጻ ከሲደ፥ አ ሀርግያ በኦ። ሄ ዎደ ዎልቃማ ጋልባ ሀርጊ ብታንያ ቦላፐ ዬዳዋ ግዶፐ፥ 
\v 4 ቄሲ ፓጻ ደእያ ላኡ ጌሻ ካፎቱዋ፥ ጽድያ ም፥ ዞኦ ቃጭናነ ህሶጵያ ቦንጭያ ሄ ዎልቃማ ጋልባ ሀርግያፐ ጌይያ ብታንያ ድራዉ አሀናዳን ኡንቱንታ አዛዞ። 
\v 5 ሄዋፐ ጉይያን፥ ቃይ ቄሲ ላኡ ካፎቱዋፐ እቱዋ ከርያን ደእያ ፑልቶ ሃ ቦላ ሹካናዳን አዛዞ። 
\v 6 ፓጻ ደእያ ካፉዋ፥ ቃይ ዝጋና፥ ዞኦ ቃጭናናነ ህሶጵያ ቦንጭያና አክ አፊደ፥ ከርያን ደእያ ፑልትያ ሃ ቦላ ሹኬዳ ካፉዋ ሱ ግዶ ናቆ። 
\v 7 ከሴዳ ሱ ሄ ዎልቃማ ጋልባ ሀርግያፐ ፓጽያ ብታንያ ቦላ ላፑ ገደ ጫጫፎ፤ ያቲደ ሄ ብታኒ ጌሻ ግድያዋ ኤርሶ፤ ፓጻ ደእያ ካፉዋ ገደ ደምባ የዶ።
\p
\v 8 “ሄ ሀርግያፐ ጌዬዳ ብታኒ ባረ ማዩዋ ሜጮ፤ ባረ ቦላን ደእያ እስክያ ኡባ ሜደቶ፤ ባረ ቦላካ ሜጨቶ፤ ያቶፐ እ ጌሻ ግዳናዋ። ሄዋፐ ጉይያን፥ እ ዱንካኔዳ ሳኣ ዮ፤ ሽን ግዶፐነ ባረ ዱንካንያ ገለናን ላፑን ጋላሳ ካረና ጋምኦ። 
\v 9 ላፑን ጋላሳን ባረ ሁጲያ፥ ቡቻ፥ ጎማነ ባረ ቦላን ደእያ ሀራ እስክያ ኡባ ሜደቶ፤ ቃይ ባረ ማዩዋ ሜጮ፤ ባረ ቦላካ ሜጨቶ፤ ሄዋፐ ጉይያን፥ እ ጌሻ ግዳናዋ።
\p
\v 10 “ሆስፑን ጋላሳን ትላ ቦላና ደእያ ላኡ ዶርሳ ማራቱዋነ እት ላይ ግዴዳ እት ዶርሳቶ አሆ፤ ቃይ ካ ያርሾ ዛይትያን ሙናቀቴዳ ኡሱፑን ኪሎ ግራመ ልያነ እት ሊትሮ ዎጋራ ዛይትያዉ ሄዘን ኩሽያ አሆ። 
\v 11 አ ጌሽያ ቄሲ ብታንያ እ አሄዳዋንቱና እትፐካ መና ጎዳ ዱንካንያ ፐንገ መና ጎዳ ስን ሺሾ።
\p
\v 12 “ቄሲካ ላኡ ዶርሳ ማራቱዋፐ እቱዋ አኪደ፥ ሊትሮ ሄዘን ኩሽያ ዛይትያና እትፐ ናቁዋ ያርሹዋ ኦደ ሺሾ፤ ሄ ሺሼዳዋ ቃይ ቃያ ያርሹዋ ኦደ መና ጎዳ ስንን ቃ። 
\v 13 ያቲደ እ ሄ ዶርሳ ማራ ናጋራ ያርሹዋነ ጹግያ ያርሹዋ ሹክያ ጌሻ ሳኣን ሹኮ፤ ናጋራ ያርሹዋዳን ናቁዋ ያርሹካ ቄስያዉ እመቴ፤ እካ ሎይ ጌሻ። 
\v 14 ቄሲ ናቁዋ ያርሹዋ ሱፐ ጉ አኪደ፥ ሄ ጌይያ ብታንያዉ ኡሸቻ ባጋ ሀይ ጼራ፥ ኡሸቻ ኩሽያዉ ዎጋ ብራያነ ኡሸቻ ገድያዉ ዎጋ ብራያ ኦኮ። 
\v 15 ሄዋፐ ጉይያን፥ ቄሲ ዎጋራ ዛይትያፐ ጉ አኪደ፥ ባረ ሀድርሳ ኩሽያ ጎምፓን ትጎ።
\p
\v 16 “ሄ ሀድርሳ ኩሽያ ጎምፓን ደእያ ዎጋራ ዛይትያን ባረ ኡሸቻ ኩሽያ ብራያ ናቂደ፥ መና ጎዳ ስንን ላፑ ገደ ጫጫፎ። 
\v 17 ያት ስሚደ ባረ ኩሽያ ጎምፓን አቴዳ ዛይትያፐ አኪደ፥ ጌይያ ብታንያዉ ኡሸቻ ሀይ ጼራ፥ ኡሸቻ ኩሽያዉ ዎጋ ብራያነ ኡሸቻ ገድያዉ ዎጋ ብራያ ካሰ ናቁዋ ያርሹዋ ሱ ኦከቴዳ ሳኣን ኦኮ። 
\v 18 ቃይ ባረ ኩሽያ ጎምፓን አቴዳ ዛይትያ ቄሲ ጌይያ ብታንያ ሁጲያን ጉሶ፤ ያቲደ መና ጎዳ ስንን ሄ ብታንያ ናጋራ አቶ ጊሶ።
\p
\v 19 “ሄዋፐ ጉይያን ቄሲ ባረ ቱናተፐ ጌይያ ብታንያ ናጋራ አቶ ጊሳናዉ ናጋራ ያርሾ ሺሼዳ መህያ ሹኬ፤ ሄዋፐ ስሚደ ቃይ ጹግያ ያርሾ ሺሼዳ መህያ ያርሼ። 
\v 20 ቃይ ቄሲ ሄ ጹግያ ያርሹዋ ካ ያርሹዋና እትፐ ያርሽያ ሳኣ ቦላን ዎደ ጹጌ፤ ያቲደ ብታንያ ናጋራ አቶ ጊሴ፤ ብታኒካ ጌሻ ግዴ።
\p
\v 21 “ሽን ብታኒ ሄዋ ኡባ አሀናዉ ዳንዳየና ማንቆ ግዶፐ፥ ጾሳ ስንን ቃደ አ ናጋራ አቶ ጊሳናዉ፥ ባረ ናቁዋ ያርሾ እት ዶርሳ ማራ አሆ። ቃይ ካ ያርሾካ ዎጋራ ዛይትያን ሙናቀቴዳ ላኡ ኪሎ ግራመ ሎኦ ልያነ እት ሊትሮ ሄዘን ኩሽያ ዛይትያ እትፐ አሆ። 
\v 22 ቃይካ ባረዉ ዳንዳዬዳዋዳን ላኡ ማራ ሀራጰቱዋ ዎይ ላኡ ማራ ዶጎማቱዋ፥ እቱዋ ናጋራ ያርሾ፥ እቱዋ ቃይ ጹግያ ያርሾ አሆ።
\p
\v 23 “ሆስፑን ጋላሳን ባረ ናጋራፐ ጌያናዉ ብታኒ ሀዋንታ ቄስያኮ መና ጎዳ ዱንካንያ ፐንገ መና ጎዳ ስን አሆ። 
\v 24 ቄሲ ናቁዋ ያርሾ አሄዳ ዶርሳ ማራነ ልትሮ ሄዘን ኩሸ ዛይትያ አኪደ፥ ቃያ ያርሹዋ ኦደ መና ጎዳ ስንን ቃ። 
\v 25 ያቲደ ናቁዋ ያርሾ አሄዳ ዶርሳ ማራ ሹኪደ ሄ ናቁዋ ያርሹዋ ሱፐ ጉ አኪደ፥ ሀ ጌይያ ብታንያዉ ኡሸቻ ሀይ ጼራ፥ ኡሸቻ ኩሽያዉ ዎጋ ብራያነ ኡሸቻ ገድያዉ ዎጋ ብራያ ኦኮ። 
\v 26 ቃይ ቄሲ ዛይትያፐ ጉ ባረ ሀድርሳ ኩሽያ ጎምፓን ትጎ። 
\v 27 ሄ ሀድርሳ ኩሽያ ጎምፓን ደእያ ዛይትያፐ ኡሸቻ ኩሽያ ጼራን ጉ አኪደ፥ መና ጎዳ ስንን ላፑ ገደ ጫጫፎ። 
\v 28 ቃይካ ቄሲ ባረ ኩሽያ ጎምፓን ደእያ ዛይትያፐ ጉ አኪደ፥ ጌይያ ብታንያዉ ኡሸቻ ሀይ ጼራ፥ ኡሸቻ ኩሽያዉ ዎጋ ብራያነ ኡሸቻ ገድያዉ ዎጋ ብራያ ካሰ ናቁዋ ያርሹዋ ሱ ኦከቴዳ ሳኣን ኦኮ። 
\v 29 ቃይ መና ጎዳ ስንን ብታንያ ናጋራ አቶ ጊሳናዉ፥ ቄሲ ባረ ኩሽያን አቴዳ ዛይትያ ጌይያ ብታንያ ሁጲያን ኦኮ። 
\v 30 ሄዋፐ ጉይያን፥ ሄ አዉ ባረዉ ዳንዳዬዳዋዳን ሀራጵያ ማራ ግድና ዎይ ማራ ዶጎሙዋ ግድና፥ 
\v 31 እቱዋ ናጋራ ያርሾ ላኤንዋ ቃይ ጹግያ ያርሾ ካ ያርሹዋና እትፐ ያርሾ። ቃይ ቄሲካ ሄ ጌይያ ብታንያዉ መና ጎዳ ስንን አ ናጋራ አቶ ጊሶ። 
\v 32 ባረ ቦላን ደእያ ዎልቃማ ጋልባ ሀርግያፐ ጌያናዉ ኮሽያ ዎጋ ፖላናዉ ማንቆታይ ድጌዳ ኡራዉ ደእያ ዎጋይ ስም ሀዋ” ያጌዳ።
\s1 ጎልያ ቦላ ከስያ ቦሮቁዋ
\p
\v 33 መና ጎዳይ ሙሳነ አሮና ሀዋዳን ያጌዳ፥ 
\v 34 “ታን ህንተንቶ አቆ ኦደ እምያ ካናነ ቢታ ህንተ ገልያ ዎደ፥ ቃይ ሄ ጋድያን ደእያ ህንተ ኬፐ እቱዋን ታን ቦሮቁዋ የድያ ዎደ፥ 
\v 35 ሄ ጎልያዉ ቄስያኮ ቢደ፥ ‘ታ ሶን አያ ቦሮቀንቶ ደኤ’ ያጊደ ኦዶ። 
\v 36 ጎለን ደእያባይ ኡባይ ቱና ጌተተናዳን፥ ቄሲ ቦሮቁዋ በአናዉ ገላናፐ ካሰቲደ፥ ሶን ደእያዋ ኡባ ካረ ከሳናዳን አዛዞ፤ ያት ስምና ቄሲ በአናዉ ጎለ ገሎ። 
\v 37 ሄዋን በእያ ዎደ፥ ቦሮቆ ሳአይ ጎዳ ቦላን ማታ ማላትያ፥ ዎይ ዞኦ ማላ በሶፐነ ቃይ ጎዳፐ ኦላቲደ ግዶ ገሎፐ፥ 
\v 38 ቄሲ ጎለፐ ካረ ከሲደ፥ ጎልያ ላፑን ጋላሳ ጋካናዉ ጎርዶ። 
\v 39 ላፑን ጋላሳን ቄሲ ሄ ጎልያ ዛረደ፤ ጼልያ ዎደ ሄ ቦሮቁ ጎልያ ጎዳ ቦላን አኮፐ፥ 
\v 40 ቦሮቁ ደእያ ሹቻቱዋ ኡባ ጎዳፐ ሾዲደ፥ ካታማፐ ጋጻ ያ ቱኔዳ ሳአዉ ኦላናዳን አዛዞ። 
\v 41 ቃይ ጎዳ ዱፌዳ ኡርቃ ሶ ባጋና ቦክሽን፥ ዩሽ አደ ቆቆፋናዳን ኦ፤ ያቲደ ሄ ቆቆፌዳ ኡርቃ ካታማፐ ጋጻን ደእያ ቱና ሳኣን ኦልኖ። 
\v 42 ሄዋፐ ጉይያን፥ ሄ ሾዴዳ ሹቻቱ ሳኣን ሀራ ሹቻቱዋ ዎኖ፤ ቃይ ሀራ ኡርቃንካ ጎልያ ዱፍኖ።
\p
\v 43 “ሹቻቱዋ ሾድ ድግና፥ ቃይ ኡርቃካ ቆቆፊደ ሀራ ኡርቃ ዱፊ ስምና፥ ላኤንዋ ስሚደ ቦሮቁ ጎልያ ግዶን አኮፐ፥ 
\v 44 ቄሲ ሄዋ በእያ ዎደ፤ ቦሮቁ ሄ ጎልያ ግዶን አኮፐ፥ ሄዌ እቱዋፐ እቱዋ ኦይቂያ ቦሮቆ ግድያ ድራዉ፥ ሄ ጎሊ ቱና። 
\v 45 ሄዋ ድራዉ እ ሄ ጎልያ፥ አ ሹቻ፥ አ ምነ እ ዱፈቴዳ ኡርቃ ኡባ ኮሎ፤ ሄዋንታ ካታማፐ ጋጻ አፊደ፥ ቱና ሳኣን ኦሎ። 
\v 46 ቃይ ሄ ጎሊ ጎርዳን ታክያ ዎድያን አ ግዶ ገልያ ኦንነ ሳአይ ቃማና ጋካናዉ ቱና። 
\v 47 ሄ ጎልያን ግስያ ኡራይ ዎይ ቁማ ምያ ኡራይ ባረ ማዩዋ ሜጮ።
\p
\v 48 “ሽን ቄሲ ዪደ ጼልያ ዎደ፥ ጎሊ ዱፈት ስምና ላኤንዋ ስሚደ አካና ዮፐ፥ ቦሮቁ ዬዳ ድራዉ፥ ሄ ጎሊ ጌሻ ግድያዋ ቄሲ ኤርሶ። 
\v 49 ጎልያ ጌሻናዉ ላኡ ካፎቱዋ፥ ጽድያ ም፥ ዞኦ ቃጭናነ ህሶጵያ ቦንጭያ አሆ። 
\v 50 ካፎቱዋፐ እቱዋ ከርያን ደእያ ፑልቱዋ ሃ ቦላን ሹኮ። 
\v 51 ሄዋፐ ጉይያን ጽድያ፥ ህሶጵያ ቦንጭያ፥ ዞኦ ቃጭናነ ፓጻ ደእያ ካፉዋ እትፐ አኪደ፥ ከርያን ደእያ ሹኬዳ ካፉዋ ሱንነ ፑልቱዋ ሃን የግ ከሲደ፥ ላፑ ገደ ሄ ጎልያ ጫጫፎ። 
\v 52 ያቲደ ሄ ጎልያ ቄሲ ካፉዋ ሱን፥ ፑልቱዋ ሃን፥ ፓጻ ደእያ ካፉዋን፥ ጽድያን፥ ህሶጵያ ቦንጭያንነ ዞኦ ቃጭናን ጌሾ። 
\v 53 ቃይ ፓጻ ደእያ ካፉዋ ካታማፐ ጋጻ ህን ደምባ የዶ። ሄዋዳን ኦደ፥ ጎልያ ጌሽያ ዎጋ ፖሌ፤ ጎሊካ ጌሻ ግዴ።
\p
\v 54 “አይ ዎልቃማ ጋልባ ሀርገ ግዶፐካ ሀዌ ዎጋ፤ ቃጨችያዋ ግድና፥ 
\v 55 ማዩዋ ቦላን ዎይ ጎልያ ቦላን ከስያ ቦሮቆ ግድና፥ 
\v 56 ጋፉዋ ግድና፥ ሳ ማዱ ግድና ዎይ እላሁዋ ግድናካ፥ 
\v 57 እትባይ ቱና ግድያዋነ ጌሻ ግድያዋ ኤርሳናዉ ዎልቃማ ጋልባ ሀርግያነ ቦሮቁዋ ዎጋይ ሀዋ” ያጌዳ።
\c 15
\s1 አሳ ቦላፐ ጎግያ ቱንስያባ
\p
\v 1 መና ጎዳይ ሙሳነ አሮና ሀዋዳን ያጌዳ፤ 
\v 2 “እስራኤልያ አሳዉ ሀዋዳን ያጊደ ኦድተ፤ ‘አይ አሳ አቱንፐ አያይኔካ ጎጎፐ፥ ሄ ጎግያባይ ቱና። 
\v 3 ሄ ጎግያዋፐ ደንዴዳዋን ሄ ኡራይ ቱና ግድያ ዎጋይ ሀዋ: ሄ ጎግያባይ አገናን ጎግናካ ዎይ ቃይ ጎግያዋ አግንቶካ ሄ አ ግዶን ደእያባይ አ ቱንሴ።
\p
\v 4 “ ‘አ ቦላፐ አያይኔካ ጎግያ አሳይ ግስያ አይ ግሱካ ቱና፤ ቃይ እ ኡትያባይ አያ ግዶፐካ ቱና። 
\v 5 አ ግሱዋ ቦችያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና። 
\v 6 ጎግያዋና ደእያ አሳይ ኡቴዳዋ ቦላ ኡትያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
\p
\v 7 “ ‘ጎግያባይ ደእያ አሳ ቦላ ቦችያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
\p
\v 8 “ ‘ጎግያባይ ደእያ አሳይ ጌሻ አሳ ቦላ ጩቾፐ፥ ሄ አሳይ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
\p
\v 9 “ ‘ቃይ ጎግያባይ ደእያ አሳይ ኡትያ አይ ኮራይካ ቱና። 
\v 10 ባረፐ ጋርሳና ደእያዋ አያን ግዶፐካ ቦችያ ኦንነ ኦማርስ ጋካናዉ ቱና፤ ቃይ ሄዋንታ ማላትያዋንታ ቶክያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
\p
\v 11 “ ‘ጎግያዋና ደእያ አሳይ ባረ ኩሽያ ሜጨተናን ደኢደ ቦችያ አሳይ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
\p
\v 12 “ ‘ቃይ ጎግያባይ ደእያ አሳይ ቦችያ ኡርቃ ሚሻ ኡባ መንተ፤ ምፐ ኦሰቴዳ ሚሻ ኡባይ ቃይ ሃን ሜጨቶ።
\p
\v 13 “ ‘ጎግያባይ ደእያ አሳይ ሄ ጎግያዋፐ ጌይያ ዎደ፥ ባረዉ ላፑን ጋላሳ ፓይዶ። ባረ ማዩዋ ሜጮ፤ ባረ ቦላካ ፑልቱዋ ሃን ሜጨቶ፤ ያቲደ እ ጌሻ ግዴ። 
\v 14 ሆስፑን ጋላስ ላኡ ማራ ሀራጰቱዋ ዎይ ላኡ ማራ ዶጎማቱዋ አኪደ፥ መና ጎዳ ዱንካንያ ፐንግያ መና ጎዳ ስን ዪደ፥ ቄስያዉ ኡንቱንታ እሞ። 
\v 15 ቄሲ ሀራጰቱዋፐ እቱዋ ናጋራ ያርሾ፥ ላኤንዋ ቃይ ጹግያ ያርሾ ያርሼ፤ ያቲደ ቄሲ ብታንያ ቦላፐ ጎግያዋ ድራዉ መና ጎዳ ስንን አ ናጋራ አቶ ጊሴ።
\p
\v 16 “ ‘አይ አቱማ አሳይነ ባረ አቱማተፐ ዘረይ ጉኮፐ፥ ባረ ኩመን ቦላ ሃን ሜጨቶ፤ ቃይ ኦማርስ ጋካናዉ እ ቱና። 
\v 17 አቱማተፐ ጉኬዳ ዘረይ ቦቼዳ ማዩዋ ኡባይ ዎይ ጋልባ ኡባይ ሃን ሜጨቶ፤ ቃይ ኦማርስ ጋካናዉ እ ቱና። 
\v 18 ቃይ እት አቱማ አሳይ ማጫ አሳና ግስና፥ አ አቱማተፐ ዘረይ ጉኮፐ፥ ላኡካ ሃን ሜጨትኖ፤ ቃይ ኦማርስ ጋካናዉ ኡንቱንቱ ቱና።
\p
\v 19 “ ‘ማጫ አሳዉ አግናን አግናን ይያ ፒላይ ዮፐ፥ ላፑን ጋላሳ ጋካናዉ እዛ ቱና፤ ቃይ እዞ ቦችያ ኦንነ ኦማርስ ጋካናዉ ቱና።
\p
\v 20 “ ‘ሄ ፒላ ዎደ እዛ ግስያዌ ኡባይ ቱና፤ ቃይ እዛ ኡትያዌ ኡባይካ ቱና። 
\v 21 እዛ ግስያ ግሱዋ ቦችያ ኡባይ ባረ ማዩዋ ሜጮ፤ ሃንካ ሜጨቶ፤ ኦማርስ ጋካናዉ እ ቱና። 
\v 22 እዛ ኡትያዋ ቦችያ ኡባይ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና። 
\v 23 እዛ ግስያ ግሱዋ ግድናካ ዎይ እዛ ኡትያዋ ቦችያ ኦንነ ኦማርስ ጋካናዉ ቱና።
\p
\v 24 “ ‘አይ አቱማ አሳይነ ሄ ፒላ ዎደ ኢናና ግሶፐ፥ ሄ ፒላይ ቃይ አ ቦቾፐ፥ ላፑን ጋላሳ ጋካናዉ እ ቱና፤ እ ግስያ ግሱ ኡባይካ ቱና።
\p
\v 25 “ ‘እት ማጫ ምሽራትዉ እዝ ፒላ ዎድያ ግደናን ሀራ ዎድያን ሱይ ጎጎፐ፥ ዎይ ቃይ እዝ ፒላይካ ባረ ዎድያፐ አደ ኤቀናን እጺደ ጎጎፐ፥ እ ኤቃና ጋካናዉ እዛ ቱና። ባረ ፒላ ዎድያን ቱና ግድያዋዳን፥ ሄ ዎደካ እዛ ቱና። 
\v 26 ሄ ሱይ ኢፐ ጎግያ ዎድያን እዛ ግሴዳ ግሱ ኡባይ፥ ባረ ፒላ ዎደ እዛ ግሴዳ ግሱዋካ ማላ ቱና፤ ቃይ እዛ ኡትያባይ ኡባይካ ባረ ፒላ ዎደ እዛ ኡትያባይ ቱና ግድያዋዳን ቱና። 
\v 27 ቃይ ሄ ቱኔዳባቱዋ ቦችያ ኦንነ ቱና፤ እ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
\p
\v 28 “ ‘እዝፐ ጎግያባይ ኤቆፐ፥ እዛ ሄ ዎድያፐ ዶማደ ላፑን ጋላሳ ፓይዱ፤ ሄዋፐ ጉይያን፥ እዛ ጌሻ ግዳና። 
\v 29 ሆስፑን ጋላሳን እዛ ላኡ ማራ ሀራጰቱዋ ዎይ ላኡ ማራ ዶጎማቱዋ አካደ፥ ጾሳ ዱንካንያ ፐንግያ ቄስያኮ አሁ። 
\v 30 ቄሲ ሀራጰቱዋፐ እቱዋ ናጋራ ያርሾ እቱዋ ቃይ ጹግያ ያርሾ ያርሾ። ያቲደ ቄሲ ኢፐ ጎግያዋ ቱናተ ድራዉ መና ጎዳ ስንን እ ናጋራ አቶ ጊሴ።
\p
\v 31 “ ‘ባረንቱ ግዶን ደእያ ጾሳ ዱንካንያ ቱንሲደ እስራኤልያ አሳይ ሀይቀናዳን፥ ኔን ሀዋዳን ኦደ ኡንቱንቱ ባረና ቱንስያዋፐ ሻከቲደ ደአናዳን ናጋ።
\p
\v 32 “ ‘አ ቦላፐ አያይኔካ ጎግያ አሳዉነ አ አቱማተፐ ጉኬዳ ዘረን ቱንያ አሳዉ፥ 
\v 33 ቃይ ባረ ፒላ ጋሱዋን ቱንያ ማጫ አሳዉ፥ አቱማ ግድና ማጫዋ ግድና ጎግያባይ ደእያ አሳዉነ ቱኔዳ ማጫ አሳና ግስያ አቱማ አሳዉ እመቴዳ ዎጋይ ሄዋ’ ያግተ” ያጌዳ።
\c 16
\s1 ናጋራይ አቶ ጌተትያ ጋላሳ
\r (16:1-34)
\p
\v 1 አሮና አቱማ ናናይ ላኡ መና ጎዳ ስን ሺቂደ ሀይቄዳዋፐ ጉይያን፥ መና ጎዳይ ሙሳ ሀዋዳን ያጌዳ። 
\v 2 “መና ጎዳይ ሙሳ፥ ነ እሻይ አሮን ታቦታ ቦላን ደእያ አቶ ግያ ሳኣ ቁምእያ ስንን ጋርዱዋፐ ጉየ ባጋና ደእያ ኡባፐ አዳ ጌሻ ሳኣ ኡባ ዎደ ጮ ገለናዳን አዉ ኦዳ። ጮ ገሎፐ እ ሀይቃና፤ አያዉ ጎፐ፥ ታን ሻርያ ግዶና አቶ ግያ ሳኣ ቁምእያ ቦላን ቆንጫይ።\x - \xo 16:2 \xo*\xt እብራ. 6:19\xt*\x* 
\v 3 አሮን ናጋራ ያርሾ እት ኮሩማነ ቃይ ጹግያ ያርሾ እት ዶርሳ ኦርግያ አኪደ፥ ሄ ኡባፐ አዳ ጌሻ ሳኣ ገሎ።\x - \xo 16:3 \xo*\xt እብራ. 9:7\xt*\x*
\p
\v 4 “አሮን ሊኑዋፐ ኦሰቴዳ ጌሻ ቃምሽያነ ሊኑዋፐ ኦሰቴዳ ጋርሳና ማይያ ማዩዋ ማዮ። ቃይ ሊኑዋፐ ኦሰቴዳ ዳንጩዋ ዳንጮ፤ ሄዋዳንካ ቃይ ባረ ሁጲያን ሊኑዋፐ ኦሰቴዳ ሻሽያ ኤንጩርሳ ዎ። ሀዋንቱ ጌሻ ማዮቱዋ ግድያ ድራዉ፥ እ ባረ ቦላ ሃን ሜጨት ክቺደ ማዮ።
\p
\v 5 “እስራኤልያ አሳ ማባራይ ናጋራ ያርሾ ላኡ ዴሻ ኮለቱዋ፥ ጹግያ ያርሾካ እት ዶርሳ ኮልያ አሮናዉ አይኖ። 
\v 6 አሮን ባረ ናጋራነ ባረ ሶ አሳ ናጋራ አቶ ጊሳናዉ ኮሩማ ያርሾ። 
\v 7 ሄዋፐ ጉይያን፥ ላኡ ዴሻ ኮለቱዋ አፊደ፥ መና ጎዳ ዱንካንያ ፐንግያን መና ጎዳ ስንን ኤሶ። 
\v 8 ያቲደ ሄ ላኡ ዴሻቱዋን ሳማ የግና እቱ መና ጎዳሳ፤ እቱ ቃይ ባዙዋ የድያዋ ግዴ። 
\v 9 አሮን መና ጎዳዉ ሳማይ ከሴዳ ዴሻ አሂደ፥ ናጋራ ያርሾ ኦደ ያርሾ። 
\v 10 ሽን ባዙዋ የድያ ሳማይ ከሴዳ ዴሻ ፓጻ ደእሽን መና ጎዳዉ ሺሾ፤ ባዙዋ አ የደርስያ ዎደ፥ አሳ ናጋራ አቶ ጊሴ።
\p
\v 11 “አሮን ባረ ናጋራነ ባረ ሶ አሳ ናጋራ አቶ ጊሳናዉ፥ እት ኮሩማ ናጋራ ያርሹዋ ኦደ ሺሾ። ያቲደ ባረ ናጋራ ያርሾ ሄ ኮሩማ ሹኮ። 
\v 12 ቃይ መና ጎዳ ስንን ደእያ ያርሽያ ሳኣፐ እጻና ጩውስያ ሚሻ ኩመን ቦንቁዋነ፥ ሊቅ ጋጨቴዳ ላኡ ኮጵያ ሳዊያ እጻና አኪደ፥ ጋርዱዋ ግዶ አሆ። 
\v 13 እ ሀይቀናዳን፥ እጻና ጩዋይ ታቦታ ቦላን ደእያ አቶ ግያ ሳኣ ቁምእያ ካማና ማላ፥ እጻና መና ጎዳ ስንን ደእያ ታማን ዎ። 
\v 14 ቃይ ሄ ኦርግያ ሱፐ ጉ አኪደ፥ ባረ ብራያ አን ናቂደ፥ አቶ ግያ ሳኣ ቁምእያዉ ስን ባጋ ጫጫፎ፤ ቃይ አቶ ግያ ሳኣ ቁምእያፐ ስን ባጋና ደእያ ሳኣካ ላፑ ገደ ጫጫፎ።
\p
\v 15 “ሄዋፐ ጉይያን አሳ ናጋራ ያርሾ ግድያ ዴሻ ሹኪደ፥ አ ሱ ጋርዱዋ ግዶ አሆ፤ ኮሩማ ሱ ጫጫፌዳዋዳን፥ አቶ ግያ ሳኣ ቁምእያ ስንነ አቶ ግያ ሳኣ ቁምእያፐ ስን ባጋና ደእያ ሳኣ ጫጫፎ።\x - \xo 16:15 \xo*\xt እብራ. 9:12\xt*\x* 
\v 16 ያቲደ ኡባፐ አዳ ጌሻ ሳኣ እስራኤልያ አሳ ቱናተፐነ ናጋራፐ ጌሼ። ቃይ ኡንቱንቱ ቱናባ ኦሽን፥ ኡንቱንቱ ግዶን ደእያ ጾሳ ዱንካንያካ ሄዋዳን ኦደ ጌሾ። 
\v 17 እ ኡባፐ አዳ ጌሻ ሳኣ ገሊደ፥ ባረ ናጋራ፥ ባረ ሶ አሳ ናጋራነ ኩመን እስራኤልያ አሳ ናጋራ አቶ ጊሲደ ከሳና ጋካናዉ፥ ኦንነ ጾሳ ዱንካንያ ግዶን ደኦፖ።
\p
\v 18 “ሄዋፐ ጉይያን እ መና ጎዳ ስንን ደእያ ያርሽያ ሳኣ ዪደ አ ናጋራ አቶ ጊሶ። ኮሩማ ሱፐነ ዴሻ ሱፐ ጉ ጉ አኪደ፥ ያርሽያ ሳኣ ዩሹዋን ደእያ ካጨቱዋ ኦኮ። 
\v 19 ቃይ ሄ ሱፐ ጉ ባረ ብራያን አኪደ፥ ላፑ ገደ ያርሹዋ ሳኣ ቦላ ጫጫፊደ፥ እስራኤልያ አሳ ቱናተፐ ሄ ያርሹዋ ሳኣ ጌሾ።
\s1 ዎራ የድያ ዴሻ
\p
\v 20 “አሮን ኡባፐ አዳ ጌሻ ሳኣ፥ ጾሳ ዱንካንያነ ያርሽያ ሳኣ ጌሽያ ዎጋ ፖሌዳዋፐ ጉይያን፥ ፓጻ ደእያ ዴሻ ሺሾ። 
\v 21 አሮን ባረ ላኡ ኩሸቱዋ ፓጻ ደእያ ዴሻ ሁጲያን ዎደ፥ እስራኤልያ አሳ ናቁዋ ኡባ፥ ኡንቱንቱ ማካላ ኡባ፥ ኡንቱንቱ ናጋራ ኡባ ፓጾ፤ ያቲደ ሄ ዴሻ ሁጲያን ሄዋ ቶሲደ ሄ ዴሻ አፋናዳን ጊግሴዳ አሳ ቦላን ባዙዋ የዶ። 
\v 22 እ ዴሻ ባዙዋ የድና፥ ዴሻይ ኡንቱንቱ ናጋራ ኡባ ቶኪደ፥ አሳይ ባይና ሳኣ ባዙዋ ቦ።
\p
\v 23 “ሄዋፐ ጉይያን፥ አሮን ጾሳ ዱንካንያ ቢደ ኡባፐ አዳ ጌሻ ሳኣ ገሌዳ ዎደ፥ ካሰ ባረ ማዬዳ ሊኑዋፐ ኦሰቴዳ ማዩዋ ቃሪደ ሄዋን ዎ።\x - \xo 16:23 \xo*\xt ህዝ. 44:19\xt*\x* 
\v 24 ጌሻ ሳኣን እ ባረ ቦላ ሃን ሜጨቲደ፥ ሀራ ማዩዋ ማዪደ ከሶ፤ ያቲደ ጹግያ ያርሹዋ ባረዋነ አሳዋ ያርሺደ፥ ባረ ናጋራነ አሳ ናጋራ አቶ ጊሴ። 
\v 25 ቃይ ሄዋዳንካ ናጋራ ያርሹዋ ሀንዳ ያርሽያ ሳኣ ቦላን ዎደ ጹጎ።
\p
\v 26 “ዎራ የድያ ዴሻ አፌዳ ብታኒካ ባረ ማዩዋ ሜጮ፤ ባረ ቦላካ ሃን ሜጨቶ። ያት ስሚደ ዱንካኔዳሳ ዮ።
\p
\v 27 “ናጋራ አቶ ጊሳናዉ አሮን ኡባፐ አያ ጌሻ ሳኣ ገሌዳ ዎደ፥ ናጋራ ያርሹዋ ኮሩማ ሱነ ዴሻ ሱ አኪደ ገሌዳ፤ ሀእ ህንተ ሄ ኮሩማነ ሄ ዴሻነ ዱንካኔዳ ሳኣፐ ጋጻ ከስተ። ኡንቱንቱ ጋልባ፥ ኡንቱንቱ አሹዋነ ኡንቱንቱ ቶጭያ ታማን ጹግተ።\x - \xo 16:27 \xo*\xt እብራ. 13:11\xt*\x* 
\v 28 ሄዋ ታማን ጹጌዳ ብታኒ ባረ ማዩዋ ሜጮ፤ ባረ ቦላካ ሃን ሜጨቶ፤ ሄዋፐ ጉይያን፥ ዱንካኔዳ ሳኣ ዮ።
\s1 ናጋራ አቶ ጊስያ ጋላሳ ቦንችያዋ
\p
\v 29 “ሀዌ ህንተንቶ መናዉካ ዎጋ ግዶ: ላፑን አግናይ ገሌዳ ታሙን ጋላሳን ህንተ ሁጲያ ካዉሽተ፤ እስራኤልያ አሳ ግድና ዎይ ቃይ ህንተ ግዶን ደእያ ሀራ ቢታ አሳ ግድናካ፥ አይ ኦሶነ ኦፕተ።\x - \xo 16:29-34 \xo*\xt ዎጋ 23:26-32፤ ፓይ. 29:7-11\xt*\x* 
\v 30 አያዉ ጎፐ፥ ህንተና ጌሻናዉ፥ ህንተ ናጋራ አቶ ጊስያ ጋላሳይ ሄ ጋላሳ። ህንተካ መና ጎዳ ስንን ህንተ ናጋራ ኡባፐ ጌያና። 
\v 31 ሄዌ ህንተ ዋና ሸምፑዋ ሸምፕያ ሳምባታ ጋላሳ። ሄ ጋላሳን ህንተ ሁጲያ ካዉሽተ፤ ሄዌ ህንተንቶ መናዉካ ዎጋ ግዶ። 
\v 32 ቃይ ባረ አዉዋ ኮታን ቄሰ ግዳናዳን ኦከትያዌነ ዱማትያ አሳይ ጌሻ ግዴዳ ሊኑዋፐ ዳደቴዳ ማዩዋ ማዪደ፥ ናጋራ አቶ ጊስያ ዎጋ ፖሎ። 
\v 33 እ ኡባፐ አያ ጌሻ ሳኣ፥ ጾሳ ዱንካንያ፥ ያርሽያ ሳኣ፥ ቄሳቱ ዋነ እስራኤልያ አሳ ኡባ ጌሾ። 
\v 34 እስራኤልያ አሳ ናጋራ ኡባ አቶ ጊስያ ዎጋ ህንተ ላይን ላይን እት ገደ ኦናዳን፥ ሀዌ ህንተንቶ መናዉካ ዎጋ ግዶ” ያጌዳ። ሙሴ መና ጎዳይ አዛዜዳዋዳን ኦዳ።
\c 17
\ms ደኡዋ ጌሻተነ ጎይኑዋ ዎጋ
\mr (17:1—27:34)
\s1 ሱይ ሜተተናዳን ድገቱሳ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “አሮናዉ አ አቱማ ናናቶነ እስራኤልያ አሳ ኡባዉ ሀዋዳን ያጋደ ኦዳ፤ ‘መና ጎዳይ አዛዜዳዌ ሀዋ: 
\v 3 እስራኤልያ አሳፐ ኦንነ ቦራ ዎይ ዶርሳ ዎይ ዴሻ ዱንካኔዳ ሳኣን ዎይ ዱንካኔዳ ሳኣፐ ጋጻና ሹኪደ፥ 
\v 4 መና ጎዳዉ እሞታ ኦደ እማናዉ መና ጎዳ ዱንካንያ ፐንግያ መና ጎዳ ስን አሀና ዮፐ፥ ሄ ሱን እ ኦሸቴ፤ ሄ አሳይ ሱ ጉሴዳ። ሄዋ ድራዉ እ ባረ አሳ ግዶፐ ቦሄቶ። 
\v 5 ሄዋ ድራዉ እስራኤልያ አሳይ ባረንቱ ያርሹዋ መህያ ጮ ደምባን ሹክያዋ አጊደ፥ ሃ መና ጎዳኮ፥ መና ጎዳ ዱንካንያ ፐንግያን ደእያ ቄስያኮ አህኖ። ቄሲ ሄዋ አኪደ፥ መና ጎዳዉ እትፐተ ያርሹዋ ኦደ ሹኮ። 
\v 6 ቃይ ቄሲ መና ጎዳ ዱንካንያ ፐንግያን ደእያ መና ጎዳዉ ያርሽያ ሳኣ ቦላን ሄ ሱ ጫጫፎ፤ ሀንዳካ መና ጎዳዉ ሳዉዋ ቶሹኩ ግያ ያርሹዋ ኦደ ጹጎ። 
\v 7 እስራኤልያ አሳይ ጾሳ ካልያዋ አጊደ ካሌዳ ጻላሄቶ ላኤን ባረንቱ ያርሹዋ ያርሾፕኖ። ሀዌ ኡንቱንቶነ ይያ የለታ ኡባዉ መናዉ ዎጋ ግዶ’ ያጋ።
\p
\v 8 “ኡንቱንታ ሀዋዳን ያጋ፤ ‘እስራኤልያ አሳፐ ግድና ዎይ ኡንቱንቱ ግዶን ደእያ ሀራ ቢታ አሳፐ ግድናካ፥ ኦንነ ጹግያ ያርሹዋ ዎይ ሀራ ያርሹዋ ሺሽያ ዎደ፥ 
\v 9 መና ጎዳዉ ያርሻናዉ መና ጎዳ ዱንካንያ ፐንግያ አሀና ዮፐ፥ ሄ አሳይ ባረ አሳ ግዶፐ ቦሄቶ።
\p
\v 10 “ ‘እስራኤልያ አሳፐ ዎይ ኡንቱንቱ ግዶን ደእያ ሀራ ቢታ አሳፐ ኦንነ ሱ ሞፐ፥ ሄ ሱ ምያ አሳ ቦላን ታን ታ ዴሙዋ ቱካና፤ ታን ሄ ብታንያ አሳ ግዶን ቦሀና።\x - \xo 17:10 \xo*\xt ዶመ 9:4፤ ዎጋ 7:26-27፤ 19:26፤ ዛረ. 12:16፣ 23፤ 15:23\xt*\x* 
\v 11 አያዉ ጎፐ አሹዋ ማዬዳ ኡባ ደኡ አ ሱ ግዶን ደኤ፤ ሱይካ ቃይ ደኡዋ ሸምፑ አ ግዶን ደእያዋፐ ደንዴዳዋን ናጋራ አቶ ጊስያዋ ግድያ ድራዉ፥ ህንተ ናጋራ አቶ ጊሳናዳን፥ ታን ህንተንቶ ያርሽያ ሳኣ ቦላን ያርሻናዳን እማድ።\x - \xo 17:11 \xo*\xt እብራ. 9:22\xt*\x* 
\v 12 ሄዋ ድራዉ ታን እስራኤልያ አሳ፥ “ህንተፐ ዎይ ህንተ ግዶን ደእያ ሀራ ቢታ አሳፐ ኦንነ ሱ ሞፖ” ያጋድ።
\p
\v 13 “ ‘እስራኤልያ አሳፐ ዎይ ኡንቱንቱ ግዶን ደእያ ሀራ ቢታ አሳፐ ኦንነ ምያ ዶኣ ዎይ ካፉዋ ሻንካቲደ ዎፐ፥ አ ሱ ሳኣን ጉሲደ፥ ቢታ ካሞ። 
\v 14 አያዉ ጎፐ አሹዋ ማዬዳ ኡባ ሸምፑ አ ሱ ግዶና። ሄዋ ድራዉ ታን እስራኤልያ አሳ፥ “አሹዋ ማዬዳ መታ ኡባ ሸምፑካ አ ሱ ግዶን ደእያ ድራዉ፥ ሱ ሞፕተ፤ ቃይ ምያ ኦንነ ባረ አሳ ግዶፐ ቦሄቶ” ያጋድ።
\p
\v 15 “ ‘እስራኤልያ አሳ ግድና ዎይ ኡንቱንቱ ግዶን ደእያ ሀራ ቢታ አሳ ግድና፥ ኦንነ ባኩታ ዎይ ዶአይ ኦይቂደ ዎዳ አሹዋ ሞፐ፥ ባረ ማዩዋ ሜጮ፤ ባረ ቦላካ ሜጨቶ፤ ያቲደ ኦማርስ ጋካናዉ እ ቱና። ሄዋፐ ጉይያን፥ እ ጌሻ። 
\v 16 ባረ ማዩዋ ሜጫና ዮፐ፥ ባረ ቦላካ ሜጨታና ዮፐ፥ እ ባረ ናጋራን ኦሸቴ’ ያጋ” ያጌዳ።
\c 18
\s1 ድገቴዳ ማጫነ አቱማ አሳ ግሱዋ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “እስራኤልያ አሳ ሀዋዳን ያጋ፤ ‘ታን፥ መና ጎዳይ፥ ህንተ ጾሳ። 
\v 3 ህንተ ካሰ ደኤዳ ግብጼ ቢታ አሳይ ኦያዋዳን ኦፕተ፤ ዎይ ሀእ ታን ህንተና አፍያ ካናነ ቢታ አሳይ ኦያዋዳንካ ኦፕተ፤ ኡንቱንቱ ዎጋካ ካሎፕተ። 
\v 4 ህንተ ታ አዛዙዋ ኦተ፤ ታ ዎጋካ ናግተ፤ ቃይ አን ቢተ። ታን፥ መና ጎዳይ፥ ህንተ ጾሳ። 
\v 5 ሄዋ ድራዉ ታ አዛዙዋነ ታ ዎጋ ናጎፐ፥ ህንተ ፓጻ ደአና። ታን መና ጎዳ።\x - \xo 18:5 \xo*\xt ናህ. 9:29፤ ህዝ. 18:9፤ 20:11-13፤ ሉቃሳ 10:28፤ ሮመ 10:5፤ ጋላ. 3:12\xt*\x*
\p
\v 6 “ ‘ህንተፐ ኦንነ አሹዋ አሙዋ ፖላናዉ ባረ ማታ ዳቡዋና ግሶፖ። ታን ጾሳ። 
\v 7 ነ አሹዋ አሙዋ ፖላናዉ ነ ዳይና ግሶፓ፤ ነ አዉዋ ካዉሾፓ። እዛ ነ ዳዮ፤ ኢናና ግሶፓ። 
\v 8 ነ አሹዋ አሙዋ ፖላናዉ ነ አዉዋ ማቻትና ግሶፓ፤ ነ አዉዋ ካዉሾፓ።\x - \xo 18:8 \xo*\xt ዎጋ 20:11፤ ዛረ. 22:30፤ 27:20\xt*\x*
\p
\v 9 “ ‘ነ አሹዋ አሙዋ ፖላናዉ ነ ምቻትና ግሶፓ፤ ዎይ ቃይ ሶን የለቴዳ ዎይ ካረን የለቴዳ ነ አዉዋ ዎይ ነ ዳይ ናትናካ ግሶፓ።\x - \xo 18:9 \xo*\xt ዎጋ 20:17፤ ዛረ. 27:22\xt*\x*
\p
\v 10 “ ‘ነ አሹዋ አሙዋ ፖላናዉ ነ ናኣ ናትና ዎይ ነ ናት ናትና ግሶፓ። ነ ሁጲያዉ ኔና ካዉሻሳ። 
\v 11 ነ አሹዋ አሙዋ ፖላናዉ ነ አዉዋ ማቻት ናትና ግሶፓ፤ እዛ ነ ምቻቶ ግድያ ድራዉ ኢናና ግሶፓ። 
\v 12 ነ አሹዋ አሙዋ ፖላናዉ ነ አዉዋ ምቻትና ግሶፓ። እዛ ነ አዎ ማታ ዳቦ።\x - \xo 18:12-14 \xo*\xt ዎጋ 20:19-20\xt*\x* 
\v 13 አሹዋ አሙዋ ፖላናዉ ነ ዳይ ምቻትና ግሶፓ፤ እዛ ነ ዳይዉ ማታ ዳቦ። 
\v 14 ነ አዉዋ እሻ ካሉዋ ቃራደ ነ አሹዋ አሙዋ ፖላናዉ አ ማቻትና ግሶፓ፤ እዛ ነ አዉዋ እሻ ማቻቶ። 
\v 15 ነ አሹዋ አሙዋ ፖላናዉ ነ ናኣ ማቻትና ግሶፓ፤ እዛ ነ ናኣ ማቻቶ ግድያ ድራዉ፥ ኢናና ግሶፓ።\x - \xo 18:15 \xo*\xt ዎጋ 20:12\xt*\x* 
\v 16 ነ አሹዋ አሙዋ ፖላናዉ ነ እሻ ማቻትና ግሶፓ፤ ግሶፐ ነ እሻ ካዉሻሳ።\x - \xo 18:16 \xo*\xt ዎጋ 20:21\xt*\x*
\p
\v 17 “ ‘ነ አሹዋ አሙዋ ፖላናዉ ምሽራትናነ እ ናትናነ ላኡዋና ግሶፓ። እ ናት ናትና ዎይ ቃይ እ ናኣ ናትናካ ግሶፓ፤ ኡንቱንቱ እዝዉ ማታ ዳቦ ግድያ ድራዉ፥ ሄዌ ሻርሙጻ።\x - \xo 18:17 \xo*\xt ዎጋ 20:14፤ ዛረ. 27:23\xt*\x*
\p
\v 18 “ ‘ነ ማቻታ ፓጻ ደእሽን፥ ነ ማቻት ምቻቶ አካደ ነ አሹዋ አሙዋ ፖላናዉ ኢናና ግሶፓ።
\p
\v 19 “ ‘ነ አሹዋ አሙዋ ፖላናዉ ፒላይ ዪና ቱና ኡቴዳ ምሽራትና ግሶፓ።\x - \xo 18:19 \xo*\xt ዎጋ 20:18\xt*\x*
\p
\v 20 “ ‘ኔን ቱነናዳን ነ ሾሩዋ ማቻትና ግሶፓ።\x - \xo 18:20 \xo*\xt ዎጋ 20:10\xt*\x*
\p
\v 21 “ ‘ነ ጾሳ ሱን ቱንሳናዉ ነ ናናቱዋፐ እቱዋነ ታማን ጹጊደ፥ ሞሎካ ግያ ኤቃዉ ያርሻናዳን እሞፓ። ታን መና ጎዳ።\x - \xo 18:21 \xo*\xt ዎጋ 20:1-5\xt*\x*
\p
\v 22 “ ‘ማጫ አሳና ግስያዋዳን አቱማ አሳና ግሶፓ፤ ሄዌ ሸነይያባ።\x - \xo 18:22 \xo*\xt ዎጋ 20:13\xt*\x*
\p
\v 23 “ ‘ኔን ቱነናዳን አይ መህያናነ ግሶፓ፥ ቃይ ማጫ አሳይካ መህያና ግሳናዉ መህያ ስን አፖ። ሄዌ ዎጋይ ባይናዋ።\x - \xo 18:23 \xo*\xt ከሳ 22:19፤ ዎጋ 20:15-16፤ ዛረ. 27:21\xt*\x*
\p
\v 24 “ ‘ታን ህንተ ስንፐ የደርስያ ካዉተቱ ሀ ኦሶቱዋን ቱኔዳ ድራዉ፥ ህንተ ሀዋንታ ማላትያዋቱዋን ቱኖፕተ። 
\v 25 ሀራይ አቶ ኡንቱንቱ ቢታይካ ቱኔዳ ድራዉ፥ አ ናጋራዉ ታን አ ሙራድ፤ ቢታይካ ባረናን ደእያዋንታ ጩቼዳ። 
\v 26 ሽን ህንተ ታ ህግያነ ታ አዛዙዋ ናግተፐ አትና፥ እስራኤልያ አሳ ግድና ዎይ ህንተ ግዶን ደእያ ሀራ ቢታ አሳፐ ኦንነ ሀዋ ማላ ቱና ኦሱዋ ኦፕተ።
\p
\v 27 “ ‘ህንተፐ ካሰ ሀ ጋድያን ደኤዳ አሳቱ ሀዋ ማላ ቱናባ ኦዳ ድራዉ፥ ቢታይ ቱኔዳ። 
\v 28 ህንተ ሀ ቢታ ቱንሶፐ፥ ህንተፐ ካሰ ደኤዳ ካዉተቱዋ ሀ ቢታይ ጩቼዳዋዳን፥ ህንተናካ ጩቼናዳን ናገትተ። 
\v 29 ሄዋንታ ማላትያ ቱና ኦሶቱዋፐ እቱዋነ ኦያ አሳይ ደኦፐ፥ ሄ አሳይ ባረ አሳ ግዶፐ ቦሄቶ።
\p
\v 30 “ ‘ሄዋ ድራዉ ህንተፐ ካሰ ደኤዳ አሳቱ ኦዳ ቱና ኦሶቱዋ ኡባ ኦደ ህንተ ቱነናዳን፥ ህንተ ታ አዛዙዋ ናግተ፤ ታን፥ መና ጎዳይ፥ ህንተ ጾሳ’ ያጋ” ያጌዳ።
\c 19
\s1 ጌሻተነ ልከ ፕርዳ ህገቱዋ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “እስራኤልያ አሳዉ ኡባዉ ሀዋዳን ያጋደ ኦዳ፤ ‘ታን፥ መና ጎዳይ፥ ህንተ ጾሳይ ጌሻ ግድያ ድራዉ፥ ህንተካ ጌሻ ግድተ።\x - \xo 19:2 \xo*\xt ዎጋ 11:44-45፤ 1 ጰጽ. 1:16\xt*\x*
\p
\v 3 “ ‘ህንተፐ እቱነ አተናን ባረ አባነ ባረ ዳዮ ቦንቾ፤ ታ ሳምባታቱዋካ ቦንችተ። ታን፥ ጾሳይ፥ ህንተ ጾሳ።\x - \xo 19:3 \xo*\xt ከሳ 20:8፣ 12፤ ዛረ. 5:12፣ 16\xt*\x*
\p
\v 4 “ ‘ታና አጊደ ኤቃቶ ጎይኖፕተ፤ ዎይ ቃይ ብራታፐ ሲልሴዳ፥ ጾሳቱዋ ህንተንቶ መፕተ። ታን፥ መና ጎዳይ፥ ህንተ ጾሳ።\x - \xo 19:4 \xo*\xt ዎጋ 26:1፤ ከሳ 20:23፤ 34:17፤ ዛረ. 27:15\xt*\x*
\p
\v 5 “ ‘ህንተ እትፐተ ያርሹዋ መና ጎዳዉ ያርሽያ ዎደ፥ ሄ ያርሹ ህንተ ድራዉ አከታናዳን፥ በስያዋዳን ያርሽተ። 
\v 6 ሄ ያርሹ ህንተ ያርሼዳ ጋላሳን ዎይ ዎንተ ጋላሳን ሜተቶ፤ ሄዘን ጋላሳይ ጋካናዉ አቴዳዌ ደኦፐ ሄዌ ጹገቶ። 
\v 7 ሄዛን ጋላሳን አ ሞፐ፥ ሄዌ ሸነይያባ፤ ታን ሄዋ አክከ። 
\v 8 ሄዋ ምያ ኦንነ ባረ ናጋራን ኦሸቴ፤ አያዉ ጎፐ፥ እ መና ጎዳዉ ጌሻ ግዴዳዋ ቱንሴዳ። ሄ አሳይ ባረ አሳ ግዶፐ ቦሄቶ።
\p
\v 9 “ ‘ህንተ ጋድያን ሞኬዳ ካ ህንተ ጫክያ ዎደ፥ ጋድያ ጋጻ ጋካናዉ ጫኮፕተ፤ ቃይ ጫካፐ ስምና ደእያ ቃርምያካ ቃርሞፕተ።\x - \xo 19:9-10 \xo*\xt ዎጋ 23:22፤ ዛረ. 24:19-22\xt*\x* 
\v 10 ነ ዎይንያ አይፍያ ሙለ ማጻደ ም ካሎዮፓ፤ ሳኣን ዎዳ ዎይንያ አይፍያካ ማጾፓ፤ ሄዋ ህዬሳቶነ በተቶ አጋ። ታን፥ መና ጎዳይ፥ ህንተ ጾሳ።
\p
\v 11 “ ‘ህንተ ዉኦፕተ።
\p “ ‘ዎርዶቶፕተ።
\p “ ‘እቱ እቱዋ ጭሞፕተ።\x - \xo 19:11 \xo*\xt ከሳ 20:15፣ 16፤ ዛረ. 5:19፣ 20\xt*\x*
\p
\v 12 “ ‘ታ ሱንን ዎርዱዋን ጫቆፕተ፤ ያቲደ ህንተ ጾሳ ሱን ቱንሶፕተ። ታን መና ጎዳ።\x - \xo 19:12 \xo*\xt ከሳ 20:7፤ ዛረ. 5:11፤ ማቶሳ 5:33\xt*\x*
\p
\v 13 “ ‘ነ ሾሩዋ ሱጎፓ፤ ዎይ ቦንቆፓ።
\p “ ‘ከራ ኦያ ብታንያ ድርጉዋ ድጋደ፥ እት ቃማነ ነ ማታን አይሶፓ።\x - \xo 19:13 \xo*\xt ዛረ. 24:14-15\xt*\x*
\p
\v 14 “ ‘ቱልያ ሸቆፓ፤ ዎይ ቃይ ቆቅያ ስንን ቢያዋ ዎፓ፤ ሽን ኔን ጾሳዉ ያያ። ታን መና ጎዳ።\x - \xo 19:14 \xo*\xt ዛረ. 27:18\xt*\x*
\p
\v 15 “ ‘ፕርዳ ፕርዳደ ደሽሶፓ፤ ህዬሳ አ ህዬሳተ ድራዉ ማዳደ ፕርዶፓ፤ ዱርያካ አ ዱረተ ድራዉ ያያደ አጎፓ። ሽን ነ ሾሮ ቱማተን ፕርዳ።\x - \xo 19:15 \xo*\xt ከሳ 23:6-8፤ ዛረ. 16:19\xt*\x*
\p
\v 16 “ ‘ነ አሳ ግዶን ኢታ ዝግርሳ አካደ ዩዮፓ።
\p “ ‘ነ ሾሩዋ ዎያዋ አያነ ኦፓ። ታን መና ጎዳ።
\p
\v 17 “ ‘ነ እሻ ነ ዎዛናን እጾፓ።
\p “ ‘ነ ሾሩዋ ጋሱዋን ኔን ናጋራ ኦና ማላ፥ አ ሴራ።
\p
\v 18 “ ‘ኩሽያ ጭጎፓ፤ ቃይ ነ አሳፐ እቶነ ኡሉዋን ቅምያ ኦይቆፓ። ሽን ነ ሾሩዋ ነ ሁጲያዳን ሲቃ። ታን መና ጎዳ።\x - \xo 19:18 \xo*\xt ማቶሳ 5:43፤ 19:19፤ 22:39፤ ማር. 12:31፤ ሉቃሳ 10:27፤ ሮመ 13:9፤ ጋላ. 5:14፤ ያቆባ 2:8\xt*\x*
\p
\v 19 “ ‘ታ አዛዞቱዋ ናጋ።
\p “ ‘ነ መህያፐ እት ቆሞ መህያ ሀራ ቆሞ ዱማ መህያን ብራስሶፓ።
\p “ ‘እት ሾይቃን ላኡ ቆሞ ዘረ ዘሮፓ።
\p “ ‘ቃይ ላኡ ቆሙዋፐ ዳደቴዳ ማዩዋ ማዮፓ።\x - \xo 19:19 \xo*\xt ዛረ. 22:9-11\xt*\x*
\p
\v 20 “ ‘እት አሳይ ሀራ አሳ ገላናዉ ጊጋ ኡቴዳ ዳንጋጽራትና ግሶፐ፥ ቃይ ሄ ዳንጋጽራታካ ባረ ዳንጋጽረተፐ ዎዘታቤናኖ ግዶፐ፥ ኡንቱንቱ ሙረታናዉ በሴ፤ ሽን እዛ ባረ ዳንጋጽረተፐ ዎዘታቤና ድራዉ፥ ኡንቱንታ ዎናዉ ኮሸና። 
\v 21 ግዶፐነ ሄ ብታኒ ባረ ናቁዋ ያርሾ ግድያ ዶርሳ ኦርግያ ጾሳ ዱንካንያኮ መና ጎዳ ስን አሆ። 
\v 22 ቄሲ ሄ ናቁዋ ያርሹዋ ዶርሳ አኪደ፥ ብታኒ ኦዳ ናጋራ መና ጎዳ ስንን አቶ ጊሴ፤ እ ኦዳ ናጋራይካ አቶ ጌተታና።
\p
\v 23 “ ‘ህንተ ካናነ ቢታ ገልያ ዎደ፥ አይፍያ ምያ አይ ቆሞ ም ቶኮፐካ፥ ሄ ም አይፍያ ሜተተናዋዳን ፓይድተ፤ ሄዙ ላይይ ዉራናዉ ሄ ም አይፊ ሜተተና፤ አ ሞፕተ። 
\v 24 ኦይደን ላይን ሄ ም አይፊ ኡባይ መና ጎዳዉ ጋላታ ሺሽያ ጌሻ ያርሹዋ ግዳናዋ። 
\v 25 ሽን ሄ ም አይፊ ህንተንቶ ሎይ ዳራና ማላ፥ እቼሸን ላይ አይፍያ ሚተ። ህንተ ሀዋዳን ኦፐ፥ ህንተ ም አይፊ ዳራና። ታን መና ጎዳይ ህንተ ጾሳ።
\p
\v 26 “ ‘ሱይ አ ግዶን ደእያ አይ አሹዋካ ሞፕተ።
\p “ ‘ካዮፕተ ዎይ ሻሬቾፕተ።\x - \xo 19:26 \xo*\xt ዶመ 9:4፤ ዎጋ 7:26-27፤ 17:10-14፤ ዛረ. 12:16፣ 23፤ 15:23፤ 18:10\xt*\x*
\p
\v 27 “ ‘ህንተ ሁጲያ ብናና ጋርሳና ዩሽ አደ ቃንጾፕተ፤ ቃይ ህንተ ቡቻካ ዩሽ አደ ቃንጾፕተ።\x - \xo 19:27-28 \xo*\xt ዎጋ 2:5፤ ዛረ. 14:1\xt*\x*
\p
\v 28 “ ‘ሀይቄዳ አሳ ድራዉ ህንተ ቦላ ቃንጸሬፕተ፤ ዎይ ጫቻ ማላታ ህንተ ቦላን ከሶፕተ። ታን መና ጎዳ።
\p
\v 29 “ ‘ቢታይ ዎዳላ ቱናተን ኩሜዳዋ ግደና ማላ፥ ነ ናቶ ሻርሙጻ ኦሶ አ እማደ ቱንሶፓ።\x - \xo 19:29 \xo*\xt ዛረ. 23:17\xt*\x*
\p
\v 30 “ ‘ታ ሳምባታቱዋ ቦንችተ፤ ታዉ ጎይንያ ሳኣካ ቦንችተ። ታን መና ጎዳ።\x - \xo 19:30 \xo*\xt ዎጋ 26:2\xt*\x*
\p
\v 31 “ ‘ሞይትልያ ሃሳይስያዋንቱኮነ ሻሬቾቱዋኮ ቦፕተ፤ ህንተ ቱነና ማላ ኡንቱንታ ኮዮፕተ። ታን፥ መና ጎዳይ፥ ህንተ ጾሳ።\x - \xo 19:31 \xo*\xt ዛረ. 18:11፤ 1 ሳሜላ 28:3፤ 2 ካታ. 23:4፤ ኢሳ. 8:19\xt*\x*
\p
\v 32 “ ‘ፑሉሜዳ አሳነ ጭሜዳ አሳ በእያ ዎደ ኡቴዳ ሳኣፐ ደንዳ ኤቃ፤ ኡንቱንታ ቦንቻ፤ ነ ጾሳዉ ያያ። ታን መና ጎዳ።
\p
\v 33 “ ‘ህንተ ጋድያን ህንተናና ደእያ በተቱዋ ቦላን ሱገባ ኦፕተ።\x - \xo 19:33-34 \xo*\xt ከሳ 22:21፤ ዛረ. 24:17-18፤ 27:19\xt*\x* 
\v 34 ህንተ ጋድያን ህንተናና ደእያ በተ አሳ ህንተ ቢታ አሳዳን ጼልተ፤ አ ህንተ ሁጲያዳን ሲቅተ። አያዉ ጎፐ፥ ህንተካ ካሰ ግብጼ ጋድያን በተ ግዲደ ደኤድታ። ታን፥ መና ጎዳይ፥ ህንተ ጾሳ።
\p
\v 35 “ ‘ህንተ ጌሳ ልክያባን፥ ሚዛናን ዎደ ልክያባንነ ማክያባን ዎርዶቶፕተ።\x - \xo 19:35-36 \xo*\xt ዛረ. 25:13-16፤ ሌም. 20:10፤ ህዝ. 45:10\xt*\x* 
\v 36 ህንተ ኪሉዋ ሚዛናይ፥ ህንተ ማክያባይነ ልክያ ሚሻቱ ኡባይ ልከ ግድኖ። ታን ህንተና ግብጼ ጋድያፐ ከሳደ አሄዳ መና ጎዳ ህንተ ጾሳ። 
\v 37 ህንተ ታ ህግያነ ታ አዛዙዋ ኡባ ናግተነ ኦተ። ታን መና ጎዳ ያጋ’ ” ያጌዳ።
\c 20
\s1 አዛዘተናን እጽና ጋክያ ሙራ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “እስራኤልያ አሳዉ ሀዋዳን ያጋደ ኦዳ፥ ‘እስራኤልያ አሳፐ ግድና፥ ዎይ በቲደ ዪደ እስራኤልያ ግዶን ደእያ ሀራ ቢታ አሳፐ ግድናካ፥ ኦንነ ባረ ናናቱዋፐ እቱዋ ሞሎካ ግያ ኤቃዉ አደ እሞፐ፥ ሄ አሳይ ሀይቆ፤ ሄ ቢታ አሳይ አ ሹቻን ጫዲደ ዎ። 
\v 3 ታን ሄ ብታንያ እጻና፤ አ አሳ ግዶፐ ሾዳደ አ ይሳና። አያዉ ጎፐ፥ እ ባረ ናናቱዋፐ እቱዋ ሞሎካ ግያ ኤቃዉ እምያዋን፥ ታ ዱንካንያ ቱንሴዳ፤ ታ ጌሻ ሱንካ ካዉሽሴዳ። 
\v 4 ሄ ብታኒ ባረ ናናቱዋፐ እቱዋ ሞሎካዉ እምያ ዎደ፥ ሄ ቢታ አሳይ በኢደ፥ ሸነኮ ጎፐ፥ ቃይ ብታንያካ ዎናን አጎፐ፥ 
\v 5 ታን ታ ሁጲያዉ ሄ ብታንያነ ሄ ሶ አሳ እጻና፤ ሞሎከና ሻርሙጻናዉ አ ካልያ ኡባቱዋ ኡንቱንቱ አሳ ግዶፐ ቦህተ።
\p
\v 6 “ ‘አይ አሳይነ ታናን አማነተናን እጺደ፥ ሞይትልያ ሃሳይስያዋንታነ ሻሬቾቱዋ ኦቻናዉ ቦፐ፥ ታን አ እጻና፤ አ አሳ ግዶፐካ ይሳና።
\p
\v 7 “ ‘ታን፥ መና ጎዳይ፥ ህንተ ጾሳ ግድያ ድራዉ፥ ስም ህንተ ህንተና ዱማይተ፤ ቃይ ጌሻ ግድተ። 
\v 8 ታ ህግያ ናግተነ ኦተ። ታን ህንተና ጌሽያ መና ጎዳ።
\p
\v 9 “ ‘አይ አሳይነ ባረ አዉዋ ዎይ ባረ ዳዮ ሸቆፐ ሀይቆ። እ ባረ አዉዋ ዎይ ባረ ዳዮ ሸቄዳ ድራዉ፥ አ ሱ አጩ አ ቦላና።\x - \xo 20:9 \xo*\xt ከሳ 21:17፤ ማቶሳ 15:4፤ ማር. 7:10\xt*\x*
\p
\v 10 “ ‘እት አሳይ ባረ ሾሩዋ ማቻትና ግሶፐ፥ ሄ ግሴዳ ብታኒነ ምሽርታ ላኡካ ሀይቂኖ።\x - \xo 20:10 \xo*\xt ከሳ 20:14፤ ዎጋ 18:20፤ ዛረ. 5:18\xt*\x* 
\v 11 ባረ አዉዋ ማቻትና ግሴዳ አሳይ ባረ አዉዋ ካዉሽሴዳ፤ ኡንቱንቱ ላኡካ ሀይቂኖ። ኡንቱንቱ ሱ አጩ ኡንቱንቱ ቦላና።\x - \xo 20:11 \xo*\xt ዎጋ 18:8፤ ዛረ. 22:30፤ 27:20\xt*\x* 
\v 12 እት አሳይ ባረ ናኣ ማቻትና ግሶፐ፥ ኡንቱንቱ ላኡካ ሀይቂኖ። ኡንቱንቱ ቱናባ ኦድኖ። ኡንቱንቱ ሱ አጩ ኡንቱንቱ ቦላና።\x - \xo 20:12 \xo*\xt ዎጋ 18:15\xt*\x*
\p
\v 13 “ ‘እት አቱማ አሳይ ማጫ አሳና ግስያዋዳን አቱማ አሳና ግሶፐ፥ ኡንቱንቱ ላኡካ ቱናባ ኦዳ ድራዉ ሀይቂኖ። ኡንቱንቱ ሱ አጩ ኡንቱንቱ ቦላና።\x - \xo 20:13 \xo*\xt ዎጋ 18:22\xt*\x* 
\v 14 እት አሳይ ናቶነ አቶነ እትፐ አክያዋ ግዶፐ፥ ሄዌ ቱናባ፤ ህንተ ግዶን ቱናተይ ደኤና ማላ፥ እነ ኡንቱንቱነ ታማን ጹገትኖ።\x - \xo 20:14 \xo*\xt ዎጋ 18:17፤ ዛረ. 27:23\xt*\x*
\p
\v 15 “ ‘እት አሳይ መህያና ግሶፐ፥ እ ሀይቆ፤ ሄ ማጫ መሀቶካ ዎተ።\x - \xo 20:15-16 \xo*\xt ከሳ 22:19፤ ዎጋ 18:23፤ ዛረ. 27:21\xt*\x* 
\v 16 እት ማጫ አስ መህያና ግሶፐ ሄ ምሽራቶነ ሄ መህያ ላኡዋካ ዎተ፤ ኡንቱንቱ ሀይቂኖ። ኡንቱንቱ ሱ አጩ ኡንቱንቱ ቦላና።
\p
\v 17 “ ‘እት አሳይ ባረ ምቻቶ ባረ አዉዋ ናትና ዎይ ባረ ዳይ ናትና ግሶፐ፥ ሄዌ ፖኮባ። ኡንቱንቱ ባረንቱ አሳ ግዶፐ ቦሄትኖ። እ ባረ ምቻቶ ካዉሼዳ ድራዉ፥ እ ባረ ናጋራን ኦሸቴ።\x - \xo 20:17 \xo*\xt ዎጋ 18:9፤ ዛረ. 27:22\xt*\x* 
\v 18 እት አሳይ ፒላይ ዬዳ ማጫን ካሉዋ ቃሪደ ኢናና ግሶፐ፥ ኡንቱንቱ ላኡካ ባረንቱ አሳ ግዶፐ ቦሄትኖ። አያዉ ጎፐ እ እዝ ሱይ ጎግያ ፑልቱዋ ካሎዬዳ፤ እዛካ ባረ ሱይ ጎግያ ፑልቱዋ ካሎያዱ።\x - \xo 20:18 \xo*\xt ዎጋ 18:19\xt*\x*
\p
\v 19 “ ‘ነ ዳይ ምቻትና ዎይ ነ አዉዋ ምቻትና ግሶፓ፤ አያዉ ጎፐ፥ ሄዋ ኦያዌ ባረ ማታ ዳቡዋ ካዉሽያዋ። ህንተ ላኡካ ህንተ ናጋራን ኦሸታና።\x - \xo 20:19-20 \xo*\xt ዎጋ 18:12-14\xt*\x* 
\v 20 እት አሳይ ባረ አዉዋ እሻ ማቻትና ግሶፐ፥ እ ባረ አዉዋ እሻ ካዉሽሴዳ። ኡንቱንቱ ባረንቱ ናጋራን ኦሸታና፤ ኡንቱንቱ ላኡካ ናኣ የለናን ሀይቃና።\x - \xo 20:20 \xo*\xt ዎጋ 18:16\xt*\x* 
\v 21 እት አሳይ ባረ እሻ ማቻቶ አኮፐ፥ ሄዌ ቱናተ። እ ባረ እሻ ካዉሽሴዳ፤ ኡንቱንቱ ላኡካ ናኣ የልክኖ።
\p
\v 22 “ ‘ስም ህንተ ደአናዳን፥ ታን ህንተና ገልስያ ቢታይ ህንተና ጩቼና ማላ፥ ህንተ ታ ህግያነ ታ አዛዙዋ ናግተነ ኦተ። 
\v 23 ታን ህንተ ስንፐ ይስያ አሳቱዋ ደኡዋ ዎጋ ካሎፕተ። ኡንቱንቱ ሀዋ ኡባ ኦዳ ድራዉ፥ ታን ኡንቱንታ ሸነታድ። 
\v 24 ሽን ታን ህንተና፥ “ኡንቱንቱ ቢታ ህንተ ላታና፤ ህንተ ሄ ቢታ ህንተዋ ኦናዳን፥ ሄ ማይነ ኤሳይ ጎግያ ቢታ ታን ህንተንቶ እማና” ያጋድ። ታን ህንተና ሀራ አሳቱዋፐ ዱማያ ከሴዳ መና ጎዳ ህንተ ጾሳ።
\p
\v 25 “ ‘ሄዋ ድራዉ ህንተ ጌሻ ግዴዳ መሄቱዋነ ካፎቱዋ ጌሻ ግደናዋንቱፐ ሻኪደ ኤርተ። ታን ሀዋንቱ ህንተንቶ ቱና ጋ ዎዳ መሄቱዋን፥ ካፎቱዋንነ ሳኣን ቃጸረትያባቱዋን ኡባን ህንተ ሁጲያ ቱንሶፕተ። 
\v 26 ታን መና ጎዳይ ጌሻ ግድያ ድራዉነ ህንተ ታዋ ግዳና ማላ ህንተና ሀራ አሳፐ ዱማዬዳ ድራዉ፥ ህንተካ ታዉ ጌሻ ግድተ።
\p
\v 27 “ ‘እት አቱማ አሳይ ዎይ ማጫ አሳይ ሞይትልያና ሃሳይያዋ ዎይ ሻሬቾ ግዶፐ፥ ኡንቱንቱ ሀይቃናዉ በሰ። ኡንቱንቱ ሹቻን ጫደትኖ። ኡንቱንቱ ሱ አጩ ኡንቱንቱ ቦላና’ ያጋ” ያጌዳ።
\c 21
\s1 ቄሳቱዋ ጌሻተ
\p
\v 1 መና ጎዳይ ሙሳ ሀዋዳን ያጌዳ፥ “ቄስያ ግድያ አሮና አቱማ ናናቶ ሀዋዳን ያጋደ ኦዳ፤ ‘ህንተፐ ኦንነ 
\v 2 ባረ ማታ ዳቦ፥ ባረ ዳይ፥ ባረ አዉዋ፥ ባረ አቱማ ናኣ፥ ባረ ማጫ ናት፥ ባረ እሻ፥ 
\v 3 ዎይ አስና ገለናን፥ ደእያ ባረ ምቻት አሃ ግዳና ዮፐ፥ ሀይቄዳ አሳ አሃ ኦዋነ ቦቺደ፥ ባረና ቱንሶፖ። 
\v 4 ቃይ አኩዋንነ ገሉዋን ዳቦቴዳ አሳ አሃ ቦቺደካ ባረና ቱንሶፖ።
\p
\v 5 “ ‘ቄሳቱ ሀይቄዳዎ ካዮታናዉ ባረንቱ ሁጲያ ሜደቶፕኖ፤ ባረንቱ ቡቻካ ቃንን ቃንጾፕኖ፤ ዎይ ቃይ ባረንቱ ቦላካ ቃንጸሬፕኖ።\x - \xo 21:5 \xo*\xt ዎጋ 19:27-28፤ ዛረ. 14:1\xt*\x* 
\v 6 ኡንቱንቱ ባረንቱ ጾሳዉ ጌሻ ግድኖ፤ ቃይ ባረንቱ ጾሳ ሱንካ ቱንሶፕኖ። አያዉ ጎፐ ኡንቱንቱ መና ጎዳዉ ታማን ጹጊደ ያርሽያ፥ ቁማ ያርሹዋ ሺሽያዋንታ፤ ሄዋ ድራዉ፥ ኡንቱንቱ ጌሻ ግዳናዉ በሴ።
\p
\v 7 “ ‘ቃይካ ቄሳቱ ሻርሙጻ ማጫ አሳ፥ ዎዶሮተይ አከት ድጌዳ ማጫ አሳ፥ ዎይ አስናይ የዴዳ ማጫ አሳ አኮፕኖ። አያዉ ጎፐ፥ ቄሳቱ ባረንቱ ጾሳዉ ጌሻ። 
\v 8 ቄሲ ህንተ ጾሳዉ ቁማ ያርሹዋ ሺሽያዋ ግድያ ድራዉ፥ እ ሀራ አሳፐ ዱማቶ። ታን ህንተና ጌሽያ ህንተ መና ጎዳይ ጌሻ ግድያ ድራዉ፥ እካ ጌሻ ግዶ። 
\v 9 አይ ቄስያ ናቶ ግዶፐካ ሻርሙጻደ ባረና ቱንሶፐ፥ ሄና ባረ አዉዋ ካዉሻዱ። እዛ ታማን ጹገታደ ሀይቁ።
\p
\v 10 “ ‘ቄስያ ኡባቱዋ ካፑ፥ አ ሁጲያን ኦከትያ ዛይቲ ጉኬዳ ድራዉነ እ ቄሰተ ማዩዋ ማያናዉ ዱማቴዳ አሳ ግድያ ድራዉ፥ ባረ ሁጲያ ብናና ካሎ ዎፖ፤ ዎይ ባረ ማዩዋካ ፔፖ። 
\v 11 አይ አሃ ግዶፐካ፥ ደእያ ሳኣ እ ገሎፖ፤ ሀራይ አቶ ባረ አዉዋ ዎይ ባረ ዳይ አሃ ግዶፐካ፥ ባረና ሄዋን ቱንሶፖ። 
\v 12 አ ጌሻናዉ ኦክያ ጾሳ ዛይቲ አ ቦላን ደእያ ድራዉ፥ ቄሲ ጾሳ ዱንካንያፐ ከሶፖ፤ ጾሳ ዱንካንያካ ቱንሶፖ። ታን መና ጎዳ።
\p
\v 13 “ ‘ቄሲ ዎዶሮ ማጫ ናቶ አኮ። 
\v 14 አስናይ ሀይቄዳ ምሽራቶ፥ ዎይ አስናይ የዴዳ ምሽራቶ፥ ዎይ ዎሹማ ምሽራቶ አኮፖ። ሽን ባረ አሳ ግዶፐ ዎዶሮ ማጫ ናቶ ዶሪደ አኮ። 
\v 15 ያናና ዮፐ፥ እ ባረ አሳ ግዶን ባረ ዘረ ግድያ ባረ ናናቱዋ ቱንሳና። ታን አ ጌሽያዌ፥ መና ጎዳ ያጋ’ ” ያጌዳ።
\p
\v 16 መና ጎዳይ ሙሳ፥ ሀዋዳን ያጌዳ፤ 
\v 17 “ኔን አሮናዉ ሀዋዳን ያጋደ ኦዳ፤ ‘ስንና ይያ ነ ዘረፐ ቦላይ ትላ ግደና አሳይ ኦንነ ቁማ ያርሹዋ ታዉ እማናዉ ሺቆፖ። 
\v 18 አያዉ ጎፐ ቦላይ ትላ ግደና አሳይ ኦንነ ሺቃናዉ በሰና። ቆቃ፥ ዎይ ዎባ፥ ዎይ ደሙ ናርጰቴዳ፥ ዎይ ፓጫ ቦላይ ደእያ አሳይ፥ 
\v 19 ዎይ ገድያ ዎይ ኩሽያ ስላይ፥ 
\v 20 ዎይ ቁናይ፥ ዎይ ድንኪ፥ ዎይ አይፊ ሳክያ አሳይ፥ ዎይ ፑሱ ኦይቄዳ አሳይ፥ ዎይ እላሁ ኦይቄዳ አሳይ፥ ዎይ ጎይሮ ግድናካ ቦላይ ትላ ግደና አሳይ፥ ኦንነ ሺቆፖ። 
\v 21 ቄስያ አሮና ዛርያፐ ቦላይ ትላ ግደና አሳይ ኦንነ መና ጎዳዉ ታማን ጹግያ ያርሹዋ ሺሻናዉ ሺቆፖ። አዉ ቦላይ ትላ ግደናዋ ግዶዋፐ ህን ባጋን፥ ባረ ጾሳዉ ቁማ ያርሹዋ ሺሻናዉ እ በሰና። 
\v 22 እ ጌሻ ቁማነ ቃይ ጌሻ ኡባፐ እቱዋ ግዴዳ ጌሻ ያርሹዋ ባረ ጾሳ ቁማካ ማናዉ ዳንዳዬ። 
\v 23 ሽን አዉ ቦላይ ትላ ግደና ድራዉ፥ እ ታ ዱንካንያ ቱንሰናዳን፥ ጋርዱዋኮ ዎይ ያርሽያ ሳኣኮ ሺቆፖ። አያዉ ጎፐ፥ ኡንቱንታ ጌሽያዌ ታን መና ጎዳ ያጋ’ ” ያጌዳ።
\p
\v 24 ሙሴ አሮናዉ፥ አ አቱማ ናናዉነ እስራኤልያ አሳዉ ኡባዉ ሀዋ ኦዴዳ።
\c 22
\s1 እሞታ ጌሻተ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “ታ ጌሻ ሱን ኡንቱንቱ ቱንሰና ማላ፥ እስራኤልያ አሳይ ታዉ ዱማዬዳ እሞታ አሮንነ አ አቱማ ናናይ ቦንቹዋን አኪደ፥ ጌሻተን ናጋና ማላ፥ ኡንቱንቶ ኦዳ። ታን መና ጎዳ።
\p
\v 3 “ኡንቱንቶ ሀዋዳን ያጋ፤ ‘ስንና ይያ የለታ ኡባን ህንተ ዛርያፐ ኦንነ ቱን ኡቲደ፥ እስራኤልያ አሳይ መና ጎዳዉ ዱማዬዳ ጌሻ ያርሹዋኮ ሺቆፐ፥ ሄ አሳይ ታ ስንፐ ቦሄቶ። ታን መና ጎዳ።
\p
\v 4 “ ‘አሮና ዛርያፐ ዎልቃማ ጋልባ ሀርጊ ደእያ፥ ዎይ ቦላፐ አያይኔካ ጎግያ ኦንነ ጌያና ጋካናዉ፥ ጌሻ ያርሹዋፐ ሞፖ። አሃ ቦቺደ ቱኔዳዋ ዎይ አ አቱማተፐ ዘረይ ጉኬዳ ኡራ ቦችያ ኦንነ ቱና። 
\v 5 ዎይ ቃይ ሳኣና ጎሸትያ፥ ቱንስያዋንታ፥ ዎይ አይ ማላ ቱናተ ግዶፐነ ቱንስያ አሳ ቦችያ ኡራይ፥ 
\v 6 ዎይ ሄዋ ማላባ አያነ ቦችያ አሳይ፥ ኦማርስ ጋካናዉ እ ቱና፤ ባረ ቦላ ሃን ሜጨተናን ደኢደ፥ ሄ ጌሻ ያርሹዋፐ እ ማናዉ ኮሸና። 
\v 7 አዋይ ዉልያ ዎደ እ ጌሻ ግዴ፤ ሄዋፐ ጉይያን፥ ሄ ጌሻ ያርሹዋፐ ባረና ጋክያዋ ሞ ጋሱካ ሄዌ አ ቁማ። 
\v 8 ባረዉ ሀይቄዳዋ ዎይ ዶአይ ዎዳ መህያ አሹዋ ሞፖ፤ ሄዌ ቱንስያባ። ታን መና ጎዳ።
\p
\v 9 “ ‘ቄሳቱ ታ ዎጋ፤ ናገናን እጾፐ፥ ኡንቱንቱ አ ቱንሲደ አ ናጋራን ሀይቃና። ኡንቱንታ ጌሽያዌ ታና መና ጎዳ።
\p
\v 10 “ ‘ሄ ጌሻ ያርሹዋ ቄስያ ሶ አሳፐ አትና፥ ሀራ አሳይ ሞፖ፤ ቄስያ ሶ ዬዳ እማ ግድና፥ ዎይ ቃጻረቲደ ኦያ ቆማ ግድናካ ሞፖ። 
\v 11 ሽን ቄሲ ባረ ብራን ሻሜዳ አይልያ ዎይ አ ሶን የለቴዳ አይሊ ሄ ቁማፐ ሞ። 
\v 12 ቄስያ ግደና ሀራ አሳ ገሌዳ ቄስያ ናታ ሄ ጌሻ ያርሹዋፐ ሙፑ። 
\v 13 ሽን ቄስያ ናታ አስናይ ሀይቂና፥ ዎይ አስናይ የድና፥ ናኣ የለናን ካሰ ባረ ዎዶሮተን ደእያዋዳን ስማደ ባረ አዉዋ ጎለ ዮፐ፥ አ ባረ አዉዋ ጋክያ ቁማፐ ሙ። ሽን ሀራ አሳይ ኦንነ ሄዋፐ ሞፖ።
\p
\v 14 “ ‘እት አሳይ ኤረናን ደኢደ ጌሻ ያርሹዋፐ ሞፐ፥ ሄ እ ሜዳ ቁማ ጋትያ ቦላ ጼቱዋፐ ላታሙ ኩሽያ ጉጂደ ቄስያዉ እሞ። 
\v 15 እስራኤልያ አሳይ መና ጎዳዉ ያርሽያ ጌሻ ያርሹዋ ቄሳቱ ቱንሶፕኖ። 
\v 16 ኡንቱንቱ ባረንቱ አሄዳ ጌሻ ያርሹዋ ባረዉ ሚደ፥ ባረንቱ ናጋራን ኦሸታናዳን፥ ቄሳቱ ኦናዉ ኮሸና። አያዉ ጎፐ፥ ኡንቱንታ ጌሽያዌ፥ ታን መና ጎዳ ያጋ’ ” ያጌዳ።
\s1 አከተና ያርሾቱዋ
\p
\v 17 መና ጎዳይ ሙሳ ሀዋዳን ያጌዳ፥ 
\v 18 “አሮናዉ፥ አ ናናቶነ እስራኤልያ አሳ ኡባዉ ሀዋዳን ያጋደ ኦዳ፤ ‘እስራኤልያ አሳፐ ግድና ዎይ ኡንቱንቱ ግዶን ደእያ በትያፐ ኦንነ መና ጎዳዉ ጹግያ ያርሹዋ ባረ ዶሱዋን ጮ እምያ ዎይ ባረ ሺቆዋ ጋናዉ ያርሽያ ዎደ፥ 
\v 19 ሄ ያርሹ አከታና ማላ፥ ኮሩማፐ ዎይ ዶርሳፐ ዎይ ዴሻፐ ትላ ቦላና ደእያ አቱማዋ ግዶ። 
\v 20 ቦላይ ትላ ግደናዌ አያ ግዶፐነ አከተና ድራዉ፥ ሄዋ ሺሾፓ።\x - \xo 22:20 \xo*\xt ዛረ. 17:1\xt*\x*
\p
\v 21 “ ‘ቃይ ኦና ግዶፐነ ባረ ሺቆዋ ጋናዉ እትፐተ ያርሹዋ ጾሳዉ ያርሽያ ዎደ፥ ዎይ ባረ መህያፐ ባረ ዶሱዋን ጮ እምያ እሞታ መና ጎዳዉ ሺሽያ ዎደ፥ ሄዌ አከታና ማላ እ ትላ ቦላና ደእያዋ ግዶ። 
\v 22 ህንተ መህያፐ ቆቅያ፥ ዎይ መኡዋ፥ ዎይ ጉንዳ፥ ዎይ ጊይያ ማይይ፥ ዎይ ፑሱ፥ ዎይ እላሁ ደእያዋ መና ጎዳዉ ያርሾፕተ፤ ቃይ ታማን ጹግያ ያርሹዋ ኦደካ ያርሽያ ሳኣ ቦላን መና ጎዳዉ ሺሾፕተ። 
\v 23 አ ቦላን ፓጫ መታይ ዎይ ፓጫባይ ደእያ ኮሩማ ዎይ ዶርሳ እት አሳይ ባረ ዶሱዋን ጮ እምያ ያርሾ ሺሻናዉ ዳንዳዬ፤ ሽን ሺቁ ጋ ግዶፐ፥ ሄዌ አከተና። 
\v 24 ሳንግሰቴዳዋ ዎይ ቆጸቴዳዋ ዎይ ካይ ማይቴዳዋ ዎይ ቃንጸቴዳዋ መና ጎዳዉ ያርሾፕተ። ህንተ ጋድያን ሄዋ ማላባ ኦፕተ። 
\v 25 ህንተ ግዶን ደእያ አላጋ አሳቱዋፐ አኬዳ ሄዋ ማላ መህያካ ህንተ ጾሳዉ ቁማ ኦደ ሺሾፕተ። ኡንቱንቱ ቦላይ ትላ ግደናዋ ጋሱዋን ኡንቱንቱን ፖኩ ደእያ ድራዉ፥ ኡንቱንቱ ህንተ ድራዉ አከትክኖ’ ያጋ” ያጌዳ።
\p
\v 26 ቃይካ መና ጎዳይ ሙሳ ሀዋዳን ያጌዳ፥ 
\v 27 “ሚዛ ማራይ ዎይ ዶርሳ ማራይ ዎይ ዴሻ ማራይ የለትያ ዎደ፥ ላፑን ጋላሳ ባረ ዳይና ጋምኦ። ሆስፑን ጋላሳፐ ዶሚደ፥ መና ጎዳዉ ታማን ጹጊደ ሺሽያ ያርሾ ኦደ ሺሻናዉ ዳንዳየቴ። 
\v 28 ምያቶ፥ ዶርሳቶ፥ ዎይ ዴሻቶ እ ማራና እት ጋላስ ሹኮፕተ።
\p
\v 29 “ህንተ ጋላታ ያርሹዋ መና ጎዳዉ ሺሽያ ዎደ፥ ህንተ ያርሹ አከታናዳን ያርሽተ። 
\v 30 ሄ ያርሹ ሄ ጋላስካ ሜተታናዉ ኮሼ፤ አፐ አያነ ዎንትዉ አሾፕተ። ታን መና ጎዳ።
\p
\v 31 “ታ አዛዙዋ ናግተነ ኦተ። ታን መና ጎዳ። 
\v 32 ቃይ ታ ጌሻ ሱን ህንተ ቱንሶፕተ፤ እስራኤልያ አሳ ግዶን ታን ጌሻ ግድያዌ ኤረታናዉ በሴ። ህንተና ጌሽያዌ፥ ታን መና ጎዳ። 
\v 33 ህንተዉ ጾሳ ግዳናዉ፥ ህንተና ግብጼ ጋድያፐ ከሴዳዌ ታና። ታን መና ጎዳ” ያጌዳ።
\c 23
\s1 አማኑዋ ባላ ቦንችያ ማራ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “እስራኤልያ አሳዉ ሀዋዳን ያጋደ ኦዳ፤ ‘ጌሻ ሺቁዋ ግ አዋዪደ፥ ህንተ ቦንቻናዉ በስያ ኬረቴዳ መና ጎዳ ባላቱ ሀዋንታ።
\p
\v 3 “ ‘ህንተ ኡሱፑን ጋላሳ ኦሱዋ ኦታ፤ ሽን ላፑን ጋላስ ህንተ ሸምፕያ ሳምባታ ጋላሳ፤ ሄ ጋላሳን ጌሻ ሺቁዋ ሺቅተ፤ አያ ኦሶነ ኦፕተ፤ ህንተ ደእያ ሳኣን ኡባን ሄዌ መና ጎዳዉ ሳምባታ።\x - \xo 23:3 \xo*\xt ከሳ 20:8-10፤ 23:12፤ 31:15፤ 34:21፤ 35:2፤ ዛረ. 5:12-14\xt*\x*
\s1 ፓስጋ ባላነ ማጋገ ኡክ ባላ
\r (ፓይ. 28:16-25)
\p
\v 4 “ ‘ኡንቱንቱ ዎድያን ዎድያን ጌሻ ሺቁዋ ኦ አዋዪደ ህንተ ቦንቻናዉ በስያ መና ጎዳ ባላቱ ሀዋንታ። 
\v 5 ኮይሮ አግናን ታማነ ኦይደን ጋላስ ሳአይ ኦማርስያ ዎደ፥ መና ጎዳ ፓስጋይ ዶሜ።\x - \xo 23:5 \xo*\xt ከሳ 12:1-13፤ ዛረ. 16:1-2\xt*\x*
\p
\v 6 “ ‘ቃይ ሄ አግናንካ ታማነ እቼሸን ጋላሳይ መና ጎዳ ማጋገ ኡክ ባላ ጋላሳ፤ ሄዋ ድራዉ ላፑን ጋላሳቱዋን እርሹ ገልቤና ኡክ ሚተ።\x - \xo 23:6-8 \xo*\xt ከሳ 12:14-20፤ 23:15፤ 34:18፤ ዛረ. 16:3-8\xt*\x* 
\v 7 ሄ ጋላሳቱዋፐ ኮይሮ ጋላሳን ጌሻ ሺቁዋ ሺቅተ፤ ዳቡርስያ ኦሱዋ አያነ ኦፕተ። 
\v 8 ላፑን ጋላሳ ኡባ መና ጎዳዉ ታማን ጹግያ ያርሹዋ ሺሽተ፤ ላፑን ጋላሳን ቃይ ጌሻ ሺቁዋ ሺቅተ፤ ዳቡርስያ ኦሱዋ አያነ ኦፕተ’ ያጋ” ያጌዳ።
\s1 ባይራ ካ
\p
\v 9 መና ጎዳይ ሙሳ ሀዋዳን ያጌዳ፤ 
\v 10 “እስራኤልያ አሳዉ ሀዋዳን ያጋደ ኦዳ፤ ‘ታን ህንተንቶ እምያ ቢታ ገሊደ፥ ህንተ ካ ጫክያ ዎደ፥ ሄ ካዉ ኮይሮ አይፍያ ምርቂያ ቄስያኮ አክ ዪተ። 
\v 11 መና ጎዳይ ህንተዋ አካና ማላ፥ ሳምባታ ዎንተ ጋላስ ቄሲ ሄ ምርቂያ ጾሳ ስንን ቃ። 
\v 12 ሄ ህንተ ምርቂያ ቃዳ ጋላስ ትላ ቦላና ደእያ እት ላይ ዶርሳ ኦርግያ ጹግያ ያርሹዋ ኦደ መና ጎዳዉ ሺሽተ። 
\v 13 ሄ ያርሹዋና እትፐ ዎጋራ ዛይትያን ሙናቀቴዳ ላኡ ኪሎ ግራመ ሎኦ ልያ ካ ያርሹዋ ኦደ ሺሽተ፤ ሄዌ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ፤ ሄዋናካ ቃይ እትፐ እት ሊትሮ ግድያ ዎይንያ ኤሳ ሺሽተ። 
\v 14 ሀ ያርሹዋ ህንተ ህንተ ጾሳዉ ሺሽያ ጋላሳይ ጋካናዉ፥ ኦራ ጋኬዳ ካፐ ኡክ፥ ዎይ ጺጻ ግድና፥ ቃይያ ግድናካ ሞፕተ። ሀዌ ህንተ ደእያ ሳኣን ኡባን ስንና ይያ የለታዉ ኡባዉ መናዉ ዎጋ።
\s1 ሳምንታቱዋ ባላ
\r (ፓይ. 28:26-31)
\p
\v 15 “ ‘ህንተ ቃያ ያርሹዋ ምርቂያ አሄዳ ሳምባታ ዎንተፐ ዶሚደ፥ ላፑን ሳምንታ ኩመን ፓይድተ።\x - \xo 23:15-21 \xo*\xt ከሳ 23:16፤ 34:22፤ ዛረ. 16:9-12\xt*\x* 
\v 16 ላፑን ሳምባታ ዎንተ ጋላሳይ ጋካናዉ፥ እሻታሙ ጋላሳ ፓይዲደ፥ ኦራ ጋኬዳ ካ ያርሹዋ መና ጎዳዉ ሺሽተ። 
\v 17 ህንተ አቅያ ሳኣፐ ላኡ ኪሎ ግራመ ግድያ ሎኦ ልያፐ እርሹዋ የጊደ ኡኬዳ ላኡ ኡክ ቃናዉ አክ ዪተ። ሄዌ ኮይሮ ጋኬዳ ካ አይፍያፐ መና ጎዳዉ ያርሹዋ ግዴ። 
\v 18 ሄ ኡክና እትፐ ትላ ቦላና ደእያ እት ላይ ግዴዳ ላፑን ዶርሳ ማራቱዋ፥ እት ኮሩማነ ላኡ ዶርሳ ኦርገቱዋ ሺሽተ። ካ ያርሹዋናነ ኡሻ ያርሹዋና እትፐ መና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ኦደ ያርሽተ። 
\v 19 ቃይ እት ዴሻ ኦርግያ ናጋራ ያርሾ፥ እት ላይ ግዴዳ ላኡ ዶርሳ ኦርገቱዋካ እትፐተ ያርሾ ሺሽተ።
\p
\v 20 “ ‘ቄሲ ሄ ኮይሮ ጋኬዳ ካ አይፍያ ኡክነ ሄ ላኡ ዶርሳቱዋ ቃያ ያርሹዋ ኦደ፥ መና ጎዳ ስንን ቃ፤ ሄዋንቱ መና ጎዳዉ ጌሻ፤ ቃይ ቄስያዉካ ግሹዋ። 
\v 21 ሄ ጋላስካ አዋዪደ ጌሻ ሺቁዋ ሺቅተ፤ ዳቡርስያ ኦሶ አያነ ኦፕተ። ሀዌ ህንተ ደእያ ሳን ኡባን ስንና ይያ የለታዉ ኡባዉ መናዉ ዎጋ።
\p
\v 22 “ ‘ህንተ ጋድያን ሞኬዳ ካ ህንተ ጫክያ ዎደ፥ ህንተ ሾይቃ ጋጻ ጋካናዉ ጫኮፕተ፤ ጫክሽን አትያ ቃርምያካ ቆሮፕተ፤ ሄዋ ህዬሳቶነ በተቶ አግ ባሽተ። ታን፥ መና ጎዳይ፥ ህንተ ጾሳ’ ያጋ” ያጌዳ።\x - \xo 23:22 \xo*\xt ዎጋ 19:9-10፤ ዛረ. 24:19-22\xt*\x*
\s1 ማላካታ ፑንያ ባላ
\r (ፓይ. 29:1-6)
\p
\v 23 መና ጎዳይ ሙሳ ሀዋዳን ያጌዳ፥ 
\v 24 “እስራኤልያ አሳዉ ሀዋዳን ያጋደ ኦዳ፤ ‘ላፑን አግናን ኮይሮ ጋላሳ ሸምፖ ጋላሳ ኦደ ቦንችተ፤ ሀሳይሱዋ ማላካታይካ ፑነትያ ዎደ፥ ጌሻ ሺቁዋ ሺቅተ። 
\v 25 ሄ ጋላሳን መና ጎዳዉ ታማን ጹግያ ያርሹዋ ሺሽተፐ አትና፥ ዳቡርስያ ኦሱዋ አያነ ኦፕተ’ ያጋ” ያጌዳ።
\s1 ናጋራ አቶ ጊስያ ጋላሳ
\r (ፓይ. 29:7-11)
\p
\v 26 መና ጎዳይ ሙሳ ሀዋዳን ያጌዳ፥\x - \xo 23:26-32 \xo*\xt ዎጋ 16:29-34\xt*\x* 
\v 27 “ሀ ላፑን አግናዉ ታማን ጋላሳይ ናጋራ አቶ ጊስያ ጋላሳ፤ ሄ ጋላስ ጌሻ ሺቁዋ ሺቅተ፤ ቃይ ህንተ ሁጲያ ካዉሽተ፤ ያቲደ መና ጎዳዉ ታማን ጹግያ ያርሹዋ ሺሽተ። 
\v 28 ሄ ጋላሳይ መና ጎዳ ህንተ ጾሳ ስንን ህንተ ናጋራይ አቶ ጌተታና ማላ፥ ህንተ ናጋራ አቶ ጊስያ ጋላሳ ግድያ ድራዉ፥ ሄ ጋላስ አይ ኦሱዋነ ኦፕተ። 
\v 29 ሄ ጋላስ ባረናተ ካዉሸና አሳይ ኦንነ ባረ አሳ ግዶፐ ቦሄቶ። 
\v 30 ሄ ጋላስ አያ ኦሱዋ ግዶፐነ ኦያ አሳ ታን አ አሳ ግዶፐ ይሳና። 
\v 31 ሄ ጋላስ አይ ኦሱዋነ ኦፕተ። ሀዌ ህንተ ደእያ ሳን ኡባን ስንና ይያ የለታዉ ኡባዉ መናዉ ዎጋ። 
\v 32 ሄዌ ህንተ ዋና ሸምፑዋ ሸምፕያ ሳምባታ ጋላሳ። ሄ ጋላሳን ህንተ ሁጲያ ካዉሽተ። ሄ አግናን ኡዱፑን ጋላሳን ኦማርሳፐ ዶሚደ፥ ታማን ጋላሳ ኦማርሳይ ጋካናዉ፥ ህንተ ሳምባታ ቦንችተ” ያጌዳ።
\s1 ዳስያ ባላ
\r (ፓይ. 29:12-40)
\p
\v 33 መና ጎዳይ ሙሳ ሀዋዳን ያጌዳ፥\x - \xo 23:33-36 \xo*\xt ዛረ. 16:13-15\xt*\x* 
\v 34 “እስራኤልያ አሳዉ ሀዋዳን ያጋደ ኦዳ፤ ‘ሀ ላፑን አግናን ታማነ እቼሸን ጋላሳፐ ዶሚደ፥ ላፑን ጋላሳይ መና ጎዳዉ ዳስያ ባላ። 
\v 35 ሄ ጋላሳቱዋፐ ኮይሮ ጋላሳን ጌሻ ሺቁዋ ሺቅተ፤ ዳቡርስያ ኦሱዋ አያነ ኦፕተ። 
\v 36 ላፑን ጋላሳን ኡባን መና ጎዳዉ ታማን ጹግያ ያርሹዋ ሺሽተ፤ ሆስፑን ጋላሳን ቃይ ጌሻ ሺቁዋ ሺቅተ፤ መና ጎዳዉ ታማን ያርሽያ ያርሹዋካ ሺሽተ። ሄ ጋላሳይ ህንተ ሺቁዋ ፖልያ ጋላሳ ግድያ ድራዉ፥ ዳቡርስያ ኦሱዋ አያነ ኦፕተ።
\p
\v 37 “ ‘ታማን ጹግያ ያርሹዋነ ካ ያርሹዋ፥ ቃይ ሀራ ያርሾቱዋ ኡባነ ኡሻ ያርሹዋ፥ ኮሽያዋ ኬና ኬሬዳ ጋላሳን መና ጎዳዉ ሺሻናዉ፥ ህንተ ጌሻ ሺቁዋ ኦደ አዋያና መና ጎዳ ባላቱ ሀዋንታ። 
\v 38 ሀ ባላቱ መና ጎዳ ሳምባታቱዋፐ፥ ህንተ እሞታ ኦደ መና ጎዳዉ እምያዋንቱፐ፥ ሺቁዋ ጋያዋንቱፐነ ህንተ ህንተ ዶሱዋን ጮ እምያዉንቱፐ ዱማ።
\p
\v 39 “ ‘ላፑን አግናን ታማነ እቼሸን ጋላሳን ህንተ ጋድያን ሞኬዳዋ ጫኪደ ሺሼዳዋፐ ጉይያን፥ መና ጎዳ ባላ ላፑን ጋላሳ ቦንችተ፤ ኮይሮ ጋላሳይነ ሆስፑን ጋላሳይ ህንተንቶ ዋና ሸምፖ ጋላሳ። 
\v 40 ኮይሮ ጋላሳን ሎኦ ም አይፍያፐ፥ ዛምባ ታሽያፐ፥ እርጻ ሀይና ደእያ ም ታሽያፐነ ሻፋ ማታን ድጭያ ሌኦ ታሽያፐ አኪደ፥ መና ጎዳ ህንተ ጾሳ ስንን ናሸቲደ፥ ላፑን ጋላሳ ባላ ቦንችተ። 
\v 41 ሄ ባላ ላይን ላይን ላፑን ጋላሳ መና ጎዳዉ ቦንችተ። ሄዌ ስንና ይያ የለታዉ ኡባዉ መናዉ ዎጋ። ህንተ ሄዋ ላፑን አግናን ቦንችተ። 
\v 42 ሄ ላፑን ጋላሳ ህንተ ዳስያን ደእተ፤ እስራኤልያ ቢታ አሳ ግድያ ኡባይ ዳስያን ደእተ። 
\v 43 ሄዌ ስንና ይያ የለታይ ኡባይ እስራኤልያ አሳ ታን ግብጼፐ ከሴዳ ዎደ፥ ኡንቱንቱ ዳስያን ደአናዳን ኦዳዋ ኤራናሳ። ታን መና ጎዳ ህንተ ጾሳ’ ያጋ” ያጌዳ።
\p
\v 44 ሄዋዳን ኦደ፥ ሙሴ መና ጎዳ ባላቱዋ ቦንችያ ዎጋ እስራኤልያ አሳዉ ኦዴዳ።
\c 24
\s1 ጾምፐቱዋ ናጉዋ
\r (ከሳ 27:20-21)
\p
\v 1 መና ጎዳይ ሙሳ ሀዋዳን ያጌዳ፥ 
\v 2 “ጾምፒ ቶኤናን ኤጺደ ደአና ማላ፥ አሳይ ኮሽያ ዛይትያ ዎጋራ ቴራ ጫዲደ ጉምእና ከስያ ጌሻ ነዉ አሀና ማላ፥ እስራኤላቱዋ አዛዛ። 
\v 3 መና ጎዳ ዱንካንያ ግዶን ደእያ ማርካተ ጋርዱዋፐ ካረ ባጋና፥ ኦማርሳፐ ዎንታ ጋካናዉ፥ አሮን መና ጎዳ ስንን ሄ ጾምፕያ ኡባ ዎደ ኤ። ስንና ይያ የለታዉ ኡባዉ ሄዌ መናዉ ዎጋ። 
\v 4 ጾምፕያ ዎያ፥ ዋላካይ ባይና ዎርቃ ባላ ቦላ ደእያ ጾምፐቱ መና ጎዳ ስንን ኡባ ዎደ ኤጻናዳን አሮን ናጎ።
\s1 ጾሳዉ ሺሽያ ኡክ
\p
\v 5 “ላታማነ ኦይዱ ኪሎ ግራመ ግድያ ሊቆ ልያ አካደ ታማነ ላኡ ኡክ ኡካ።\x - \xo 24:5 \xo*\xt ከሳ 25:30\xt*\x* 
\v 6 ሄ ኡክቱዋ ኡሱፑናቱዋ እቱዋ እቱዋ ቦላ ኡሱፑናቱዋ እቱዋ እቱዋ ቦላን መና ጎዳ ስንን ደእያ ዋላካይ ባይና ዎርቃ ጻራጴዛ ቦላን ዎ። 
\v 7 መና ጎዳዉ ታማን ጹጋናዉ ሺሼዳ ቁማ ያርሹዋ ግድያዋ ኤርሳናዉ፥ ላኡ ማራቱዋ ማታን ማታን ጌሻ እጻና ሀሳይስያዋ ኦደ ዎ። 
\v 8 ሀ ኡክ ሳምባታን ሳምባታን ኡባ ዎደ አሮን መና ጎዳ ስንን እስራኤልያ አሳ ድራዉ ዎ። ሄዌ እስራኤልያ አሳይ ኡባ ዎደ ኦናዉ ኮሽያ ቃላ ጫቁዋ። 
\v 9 ሄዌ አሮናዉነ አ አቱማ ናናቶ እመቶ፤ እ መና ጎዳዉ ታማን ጹግያ ያርሹዋፐ ዎጋዳን አሮናነ አ ናናቱዋ ጋክያ ኡባፐ ጌሻ ግዴዳ ያርሹዋፐ እቱዋ ግድያ ጌሻ ያርሹዋ ግድያ ድራዉ፥ ኡንቱንቱ ሄዋ ጌሻ ሳኣን ሚኖ” ያጌዳ።\x - \xo 24:9 \xo*\xt ማቶሳ 12:4፤ ማር. 2:26፤ ሉቃሳ 6:4\xt*\x*
\s1 ልከነ ሱረ ፕርዳ ሌምሱዋ
\p
\v 10 አታ እስራኤልያ አሳ፥ አዉ ቃይ ግብጼ አሳ ግድያ እት ብታኒ ደኤ። እት ጋላስ እ ሀራ እስራኤልያ አሳ ግድያ እቱዋና ዱንካኔዳ ሳኣን ዋቴዳ። 
\v 11 ሀ አዉ አታ እስራኤልያ አሳ ግዴዳ ብታኒ ዋታ ግዶን ጾሳ ሱን ሸቄዳ። ያትና አ ሙሴኮ አሄድኖ። ሄ ብታንያ አታ ዳና ያራ ግድያ ጺብራ ናቶ። እ ሱንይካ ሻሎሚቶ። 
\v 12 ሀ ብታንያ ዋታነንቶ መና ጎዳ ሸኒ ኡንቱንቶ ቆንጫና ጋካናዉ፥ ኡንቱንቱ አ ቃሾ ጎልያን ዎድኖ።
\p
\v 13 መና ጎዳይ ሙሳ ሀዋዳን ያጌዳ፥ 
\v 14 “ሄ ሸቀዳ ብታንያ ዱንካኔዳ ሳኣፐ ጋጻ ከሳ፤ እ ሸቅሽን ስሴዳ አሳይ ኡባይ ባረንቱ ኩሽያ አ ሁጲያ ቦላን ዎኖ፤ ያቶፐ እስራኤልያ አሳ ማባራይ ኡባይ አ ሹቻን ጫዲደ ዎ። 
\v 15 እስራኤልያ አሳዉ ሀዋዳን ያጋደ ኦዳ፤ አይ አሳይነ ባረ ጾሳ ሸቆፐ፥ እ ባረ ናጋራን ኦሸቴ። 
\v 16 መና ጎዳ ሱን ሸቂያ አሳይ ሀይቆ፤ እስራኤልያ አሳ ማባራይ ኡባይ አ ሹቻን ጫዶ። በቲደ ዬዳዋ ግድና ዎይ ቢታ አሳ ግድናካ መና ጎዳ ሱን ሸቆፐ ሀይቆ።
\p
\v 17 “ ‘አሳ ዎያ አሳይ ሀይቆ።\x - \xo 24:17 \xo*\xt ከሳ 21:12\xt*\x* 
\v 18 አሳ መህያ ዎያ አሳይ ኦንነ ባረ ዎዳ መህያ ድራዉ ፓጻ መህያ ጭጎ። 
\v 19 እት አሳይ ባረ ሾሩዋ ቆሆፐ፥ እ ኦዳዋዳን አ ቦላንካ ኦሰቶ። 
\v 20 መንፐ መኦ፤ አይፍያ ድራዉ አይፍያ፤ አቻ ድራዉ አቻ። አሳ ቦላን ቆሁዋ ጋዳ ኦንካ እ ጋዳ ቆሁዋ ማላይ አ ቦላንካ ጋኮ።\x - \xo 24:20 \xo*\xt ከሳ 21:23-25፤ ዛረ. 19:21፤ ማቶሳ 5:38\xt*\x* 
\v 21 መህያ ዎዳ አሳይ መህያ ጭጎ፤ ሽን አሳ ዎዳ አሳይ ሀይቆ። 
\v 22 በትያዉካ እስራኤልያ አሳዉ ህጊ እት ማላ ግዶ፤ አያዉ ጎፐ ታን መና ጎዳ ህንተ ጾሳ’ ያጋ” ያጌዳ።\x - \xo 24:22 \xo*\xt ፓይ. 15:16\xt*\x*
\p
\v 23 ሄዋ ኡባ ሙሴ እስራኤልያ አሳዉ ኡባዉ ኦዴዳ፤ ኡንቱንቱ ሄ ሸቀዳ ብታንያ ዱንካኔዳ ሳኣፐ ጋጻ ከሲደ፥ ሹቻን ጫዲደ ዎድኖ። ያቲደ እስራኤልያ አሳይ መና ጎዳይ ሙሳ አዛዜዳዋዳን ኦድኖ።
\c 25
\s1 ሳምባታ ላይ
\r (ዛረ. 15:1-11)
\p
\v 1 ሲና ደርያ ቦላን መና ጎዳይ ሙሴዉ ሀዋዳን ያጌዳ፤\x - \xo 25:1 \xo*\xt ከሳ 23:10-11\xt*\x* 
\v 2 “ኔን እስራኤልያ አሳዉ ሀዋዳን ያጋደ ኦዳ፤ ‘ታን ህንተንቶ እምያ ቢታ ህንተ ገልያ ዎደ፥ ቢታይካ መና ጎዳ ሳምባታ ቦንቾ። 
\v 3 ኡሱፑን ላይ ኩመን ህንተ ሾይቃን ዘርተ፤ ቃይ ኡሱፑን ላይ ኩመንካ ህንተ ዎይንያ ቱራ ጼራ ጹንቂተ፤ አ አይፍያካ ማጽ አክተ። 
\v 4 ሽን ላፑን ላይይ ቢታዉ ሸምፖ ሳምባታ፤ ሄዌ መና ጎዳዉካ ሳምባታ። ሄ ላፑን ላይን ህንተ ሾይቃን ዘሮፕተ፤ ህንተ ዎይንያ ጼራካ ጹንቆፕተ። 
\v 5 ህንተ ጋድያን አዛባ ግዲደ ሞክያዋካ ጫኮፕተ፤ ቃይ ጹንቀናን ደእሽን ጮ አይፌዳ ዎይንያካ ሺሾፕተ። ሄ ላይይ ቢታዉ ኡባና ሸምፖ ላይ ግዶ። 
\v 6-7 ሄ ሳምባታ ላይን ቢታይ ኦሰታና ዮፐ ህንተንቶ፥ ህንተ ማጫነ አቱማ ቆማቶ፥ ህንተንቶ ከራ ኦያዋንቶ፥ በቲደ ዪደ ህንተናና ደእያዋንቶ፥ ህንተ መህያዉነ ህንተ ጋድያን ደእያ ዶአቶ ግድያ ቁማ እማና፤ ቢታይ ሞክያባይ ኡባይ ሜተቶ።
\s1 ማሮተ ላይ
\p
\v 8 “ ‘ላይቱዋ ግዶን ደእያ ላፑን ሳምባታቱዋ ፓይዳ፤ ላፑን ሳምባታቱዋ ላይ ፓይዱ ላፑ ገደ ላፑና፤ ሄዌካ ኦይታማነ ኡዱፑን ላይ። 
\v 9 ሄዋፐ ጉይያን፥ ላፑን አግናን፥ ታማን ጋላሳን ቦንቼትያ ናጋራ አቶ ጊስያ ጋላሳን ማላካታ ፑንያ አሳ ህንተ ጋድያን ኡባን ኪትተ። 
\v 10 እሻታማን ላይ ዱማዪደ፥ ሄ ጋድያን ደእያ ኡባዉ ላአተ አዋይተ። ሄዌ ህንተንቶ እሻታማን ላይ ባላ። ሄ ዎድያን ህንተ ኡባይካ ህንተ ጋድያዉነ ህንተ ያራዉ ያራዉ ስምተ። 
\v 11 ሄ ላይይ ህንተንቶ እሻታማን ላይ ባላ። ሄ ላይን ዘሮፕተ፤ አዛባ ግዲደ ሞኬዳዋካ ጫኮፕተ፤ ቃይ ህንተ አ ጼራ ጹንቀናን አይፌዳ ዎይንያ አይፍያካ ሺሾፕተ። 
\v 12 ሄዌ እሻታማን ላይ ባላ ግድያ ድራዉ፥ እ ህንተንቶ ጌሻ፤ ጎሸናን ጮ ደምባን ሞኬዳዋ ሚተ።
\p
\v 13 “ ‘ሀ እሻታማን ላይ ባላ ዎደ አሳይ ኡባይ ባረ ጋድያ ስሞ።
\p
\v 14 “ ‘ህንተ ህንተ ሾሩዋፐ ጋድያ ሻሞፐ፥ ዎይ ቃይ አዉ ዛልኦፐ፥ እቱ እቱዋ ጭሞፕተ። 
\v 15 ህንተ እሻታማን ላይ ባላፐ ጉይያን ደእያ ላይቱዋ ፓይዱዋዳን ህንተ ሾሩዋፐ ሻምተ፤ ህንተ ሾሩካ ቃይ ጋዲ ካ ሞካናዉ ደእያ ላይቱዋ ፓይዱዋዳን ዛልኦ። 
\v 16 ላይቱዋ ፓይዱ ዳሮ ግዶፐ፥ ጋቲ ዳሬ፤ ላይቱዋ ፓይዱ ጉጾፐ፥ ጋቲካ ጉጼ። አያዉ ጎፐ፥ ህንተ ጫካና ካ ጫካ ፓይዱዋዳን ህንተ ሾሩ ህንተንቶ ዛልኤ። 
\v 17 ህንተ እቱ እቱዋ ጭሞፕተ፤ ሽን ህንተ ህንተ ጾሳዉ ያይተ። ታን መና ጎዳይ፥ ህንተ ጾሳ።
\s1 ላፑን ላይ መቱዋ
\p
\v 18 “ ‘ታ አዛዙዋ ኦተ፤ ታ ህግያካ ናግተነ ኦተ፤ ያቶፐ ህንተ ሀ ጋድያን ሳሮተን ደአና። 
\v 19 ቢታይ ባረ አይፍያ ህንተንቶ እማና፤ ህንተ ካላና ጋካናዉ ማና፤ ቃይ ሄ ቢታንካ ህንተ ሳሮተን ደአና። 
\v 20 ህንተ፥ “ኑን ዘራና ዮፐ፥ ቃይ ካካ ጫኪደ ሺሻና ዮፐ፥ ላፑን ላይን አያ ማኔ?” ጎፐ፥ 
\v 21 ታን ኡሱፑን ላይን ታ አንጁዋ ህንተ ቦላን ኪታና፤ ያቶፐ ቢታይ ሄዙ ላይዉ ግድያ አይፍያ አይፋና። 
\v 22 ሆስፑን ላይን ህንተ ህንተ ጋድያን ዘርያ ዎደካ፥ ካሰ ሻቻ ካ ማና፤ ቃይ ህንተ ዘርያ ካ አይፍያ ኡዱፑን ላይን ሺሻና ጋካናዉካ፥ ሻቻ ካ ማና።
\s1 አቁዋ ዛርያ ዎጋ
\p
\v 23 “ ‘ቢታይ ታዋ ግድያ ድራዉነ ህንተካ ሀ ጋድያን እማነ በተ ግዲደ ደእያ ድራዉ፥ ቢታ ላኤን ስመናዳን ባይዞፕተ። 
\v 24 ህንተ ኦይቄዳ ጋድያን ኡባን ደእያ ጋድያ ጎዳቱ ዎዛና ማላ፥ ኡንቱንቱ ማታ ናጋናዉ ኮሼ።
\p
\v 25 “ ‘ነ እሻይ ህዬሲደ ባረ ጋድያፐ ዛልኦፐ፥ አዉ ማታትያ ዳቡ ዪደ፥ ሄ ጋድያ አዉ ዎዞ። 
\v 26 አዉ ሄ ጋድያ ዎዝያ ዳቡ ዮፐ፥ ቃይ እካ ስም ዱረቲደ ዎዝያ ሚሻ ደሞፐ፥ 
\v 27 ባረ ዛልኤዳ ዎድያፐ ዶሚደ ደእያ ላይ ፓይዲደ፥ አቴዳ ላይ ሚሻ ሻሜዳዎ ዛሮ፤ ያቲደ እ ባረ ጋድያዉ ስሞ። 
\v 28 ሽን አዉ ሄ ጋድያ ዎዛናዉ ግድያ ሻሉ ዮፐ፥ እሻታማን ላይ ባላይ ጋካናዉ ጋዲ ሻሜዳ ብታንያ ኩሽያን ጋምኦ፤ እሻታማን ላይ ባላ ዎደ፥ አ ጋዲ አዉ ስሞ፤ እካ ባረ ጋድያዉ ስሞ።
\p
\v 29 “ ‘ግምበት ኡቴዳ ካታማ ግዶን እት አሳይ ደእያ ጎልያ ሀራ ኡራዉ ዛልኦፐ፥ እ ዛልኦሳፐ ቢደ እት ላይ ጋካናዉ ደእያ ዎድያን ዛሪደ ዎዛናዉ አዉ ማታይ ደኤ። 
\v 30 እት ላይ ኩመን ግዶን ዎዛና ዮፐ፥ ሄ ግምበቴዳ ካታማ ግዶን ደእያ ጎሊ ሻሜዳዎ ናኣ ናአዉ መናዉ አዋ ግዴ። እሻታማን ላይ ባላ ዎደካ ስመና። 
\v 31 ሽን ግምበትቤና ሄራቱዋን ደእያ ጎለቱ ሾይቃ ማላ። ኡንቱንቱ ዎዘቲኖ፤ እሻታማን ላይ ባላ ዎደካ ዛልኤዳዎ ስሚኖ።
\p
\v 32 “ ‘ግዶፐነ ሌዋቱዋ ካታማቱዋን ደእያ ባረንቱ ጎልያ ሌዋቱ ባረንቱ ኮዬዳ ዎድያን ዎዝ አካናዉ ዳንዳዪኖ። 
\v 33 ሌዋቱዋፐ እት አሳይ ኡንቱንቱ ካታማ ግዶን ደእያ ጎልያ ዛልኢደ ዎዛና ዮፐ፥ ሄ ኡንቱንቱ ካታማ ግዶን ደእያ ጎሊ እሻታማን ላይ ባላ ዎደ ስሜ። አያዉ ጎፐ፥ ሌዋቱዋ ካታማ ግዶን ደእያ ጎለቱ እስራኤልያ አሳ ግዶን ሌዋቶ አቆ። 
\v 34 ሽን ኡንቱንቱ ካታማ ዩሹዋን ኡንቱንቱ ኡባዉ እትፐ ደእያ ቢታይ ኡንቱንቶ መናዉ አቆ ግድያ ድራዉ ዛልኤተና።
\s1 ማንቄዳ አሳዉ ታልእያዋ
\p
\v 35 “ ‘ቃይ ነ እሻይ ህዬሲደ ባረና ዳንዳያና ዮፐ፥ እማዳንነ በትያዳን እ ኔናና ደአና ማላ፥ ኔን አ ማዳ።\x - \xo 25:35 \xo*\xt ዛረ. 15:7-8\xt*\x* 
\v 36 ነ እሻ ኔናና ዎናዉ አፐ ድቻ አኮፓ፤ ዎይ ዎያ ሞፓ። ሽን ኔን ነ ጾሳዉ ያያ። 
\v 37 ነ ብራ አዉ ድቻዉ ታልኦፓ፤ ነ ቁማካ አዉ ዎያን ዛልኦፓ።\x - \xo 25:37 \xo*\xt ከሳ 22:25፤ ዛረ. 23:19-20\xt*\x* 
\v 38 ህንተዉ ካናነ ቢታ እማናዉነ ህንተ ጾሳ ግዳናዉ፥ ህንተና ግብጼ ጋድያፐ ከሴዳዌ፥ ታን መና ጎዳይ፥ ህንተ ጾሳ።
\s1 አይለቱ አይለተፐ ከስያዋ
\p
\v 39 “ ‘ነዉ ዳቦ ግድያ እስራኤልያ አሳይ ማንቂደ፥ ባረና ነዉ አይለተዉ ዛልኦፐ፥ ኔን አ አይልያዳን ኦስሶፓ።\x - \xo 25:39-46 \xo*\xt ከሳ 21:2-6፤ ዛረ. 15:12-18\xt*\x* 
\v 40 እ ከራ ኦያ አሳዳንነ በትያዳን ኔናና ደኦ፤ እሻታማን ላይ ባላይ ጋካናዉ እ ነዉ ኦ። 
\v 41 ሄ ዎደ እ ባረ ናናቱዋናካ እትፐ ነ ጎለፐ ከሲደ ባረ ጎልያ አሳኮ ቦ፤ ባረ አዉዋ ጋድያኮካ ስሞ። 
\v 42 እስራኤላቱ ታን ግብጼ ጋድያፐ ከሴዳ ታ አይለቱዋ ግድያ ድራዉ፥ ኡንቱንቱ አይለተዉ ዛልኤቶፕኖ። 
\v 43 ኔን ኡንቱንቶ መቀ ኢታደ ሞዶፓ፤ ሽን ኔን ነ ጾሳዉ ያያ።
\p
\v 44 “ ‘ነዉ አቱማነ ማጫ አይለቱ ደአና ማላ ኮዮፐ፥ ነ ዩሹዋን ደእያ ካዉተቱዋፐ ሻማ። 
\v 45 ቃይ ህንተ ጋድያን ደእያ በተቱዋፐነ ህንተ ጋድያን ደእሽን የለቴዳ ኡንቱንቱ ሶ አሳፐ ሻማናዉ ዳንዳዪታ፤ ኡንቱንቱ ህንተንቶ አቆ ግድኖ። 
\v 46 ህንተፐ ጉይያን ህንተ ናናይ ኡንቱንታ መናዉ ላታና ማላ፥ ህንተ ናናዉ እምተ። ህንተ ኡንቱንቱፐ ኡባ ዎደካ አይልያ ሻማናዉ ዳንዳዪታ፤ ሽን ህንተ እሻ ግድያ እስራኤልያ አሳ መቀ ኢሲደ ሞዶፕተ።
\p
\v 47 “ ‘ነ ማታን ደእያ እማ ዎይ በተ አሳይ ዱረትና፥ ቃይ አ ማታን ደእያ ነ እሻይ ማንቂደ፥ ሄ ነ ማታን ደእያ እማዉ ዎይ በትያዉ ዎይ እማ ብታንያ ዛርያፐ እቶ ባረና ዛልኦፐ፥ 
\v 48 እ ዛልኤት ስምና አ ዎዛናዉ ዳንዳየቴ፤ አ እሻቱዋፐ እቱ አ ዎዞ። 
\v 49 ዎይ አ አዉዋ እሻይ፥ ዎይ አ አዉዋ እሻ ናአይ አ ዎዞ፤ ዎይ አ ያራፐ አዉ ማታ ዳቦ ግድያ አሳይ አ ዎዞ፤ ዎይ ቃይ እ ባረ ሁጲያዉ ዱረቶፐ እ ባረና ዎዞ። 
\v 50 እ ባረና ሻሜዳ ብታንያና እትፐ ግዲደ፥ እ ባረና ዛልኤዳ ላይፐ ዶሚደ እሻታማን ላይ ባላይ ጋካናዉ ደእያ ላይ ፓይዶ፤ አ ብልያ ጋቲ ሄ ላይ ፓይዱዋ ኬሻ ግዶ። እ ባረና ሻሜዳዋና ጋምኤዳ ዎድያ ጋቲ እት አሳይ ከራ ኦደ ደምያ ሚሻ ኬሻ ግዶ። 
\v 51 እሻታማን ላይ ባላይ ጋካናዉ ብሮ ዳሮ ላይይ አቴዳዋ ግዶፐ፥ ባረ ዛልኤቴዳ ጋትያፐ ሄ ላይ ፓይዱዋን ባረና ዎዝያ ጋትያ ጭጎ። 
\v 52 ቃይ እሻታማን ላይ ባላይ ጋካናዉ አቴዳ ላይይ ጉ ግዶፐ፥ ባረና ሻሜዳዋና እትፐ ፓይዲደ፥ ሄ ላይ ፓይዱዋን ባረና ዎዝያ ጋትያ ጭጎ። 
\v 53 እ ላይን ላይን ከራ ኦያ አሳዳን ባረና ሻሜዳዋና ደኦፐ አትና፥ ህንተ ጼሊደ እስራኤልያ አሳ ግድያ ብታንያ መቀ ኢሲደ ሞዶፕተ።
\p
\v 54 “ ‘ሽን እ ሄዋ ማላ ኦግያን ዎዘታና ዮፐ፥ እሻታማን ላይ ባላይ ጋክያ ዎደ እነ አ ናናይ ቆማተፐ ከስኖ። 
\v 55 አያዉ ጎፐ፥ እስራኤልያ አሳይ ታ ቆማቱዋቴ፤ ታን ግብጼ ጋድያፐ ከሴዳ ታ ቆማቱዋ። ታን፥ መና ጎዳይ፥ ህንተ ጾሳ’ ያጋ” ያጌዳ።
\c 26
\s1 አዛዘትና ቤትያ አንጁዋ
\r (ዛረ. 7:12-24፤ 28:1-14)
\p
\v 1 መና ጎዳይ ሀዋዳን ያጌ፤ “ህንተ ኡንቱንቶ ጎይናናዉ ኤቃቱዋ መፕተ፤ ቃይ ሀዉልትያ፥ ማሰቴዳ ምስልያ ዎይ ማሰቴዳ ሹቻ ኤሶፕተ። ታን፥ መና ጎዳይ፥ ህንተ ጾሳ። 
\v 2 ታ ሳምባታቱዋ ናግተ፤ ታ ዱንካንያ ቦንችተ፤ ታን መና ጎዳ።
\p
\v 3 “ህንተ ታ ህግያን ቦፐ፥ ታ አዛዞቱዋካ ናጎፐነ ኦፐ፥\x - \xo 26:3-5 \xo*\xt ዛረ. 11:13-15፤ 28:1-14\xt*\x* 
\v 4 ታን ህንተንቶ እራ ዎድያን ቡክሳና፤ ቢታይካ ካ ዳርሲደ ሞካና፤ ደምባ ምቱካ አይፍያ አይፋና። 
\v 5 ህንተ ካ ቡክያ ዎድያፐ ቢደ ዎይንያ አይፍያ ማጽያ ዎዲ ጋካናዉ ካ ቆጻና፤ ቃይ ዎይንያ አይፍያ ማጹካ ቢደ ካ ዘርያ ዎዲ ጋካናዉ ዉረና። ህንተ ካላና ጋካናዉ ቁማ ማና፤ ቃይ ህንተ ህንተ ቢታንካ ሳሩዋን ደአና።
\p
\v 6 “ታን ቢታዉ ሳሮተ እማና፤ ኦንነ ያሽሰናን ህንተ ግሳና። ኢታ ዶአቱዋ ታን ጋድያፐ ይሳና፤ ህንተ ጋድያን ላኤን ኦላይ ደንደና። 
\v 7 ህንተ ሞርከቱዋ ህንተ የደርሳና፤ ህንተ ስንን ኡንቱንቱ ማሻን ሀይቃና። 
\v 8 ህንተፐ እቼሹ ጼቱዋ የደርሳና፤ ቃይ ጼቱ ታሙ ሻኣ የደርሳና። ህንተ ሞርከቱ ህንተ ስንን ማሻን ሀይቃና።
\p
\v 9 “ታን ታ ዴሙዋ ህንተኮ ዛራና፤ ህንተና አይፍሳና፤ ህንተና ዳርሳና። ቃይ ታን ታ ጫቁዋ ህንተናና ምንሳና። 
\v 10 ህንተ ሻቻ ካ ማና፤ ቃይ ሀ ላይ ካ ዎናዉ፥ ሻቻ ካ ድጊደ ሳኣ ከሳና። 
\v 11 ታን ታ ደእያ ሳኣ ህንተ ግዶን ኦና፤ ታን ህንተና ሻትከ። 
\v 12 ታን ህንተ ግዱዋን ሀመታና፤ ቃይ ህንተ ጾሳ ግዳና፤ ህንተካ ታ አሳ ግዳንታ።\x - \xo 26:12 \xo*\xt 2 ቆሮ. 6:16\xt*\x* 
\v 13 ህንተ ግብጼቶ አይልያ ግደናዳን፥ ግብጼ ጋድያፐ ህንተና ከሴዳዌ ታን መና ጎዳይ ህንተ ጾሳ። ታን ህንተ አይለተ ሞርገ ም መንድ፤ ቃይ ህንተካ ቁ ጊደ ሄመታናዳን ኦድ።
\s1 አዛዘተናን እጽና ጋክያ ሙራ
\r (ዛረ. 28:15-68)
\p
\v 14 “ሽን ህንተ ታን ግያዋ ስሰናን እጾፐነ፥ ሀ አዛዞቱዋ ኡባካ ኦናን እጾፐ፥ 
\v 15 ታ ዎጋ ህንተ ካኦፐ፥ ቃይ ታ አዛዞቱዋ ኡባ ኦናን እጺደ ታ ጫቁዋ መንናዉ ህንተ ታ ህግያ ሻቶፐ፥ 
\v 16 ሄ ዎደ ታን ህንተ ቦላ ሀዋ ኦና: ህንተ አኬከናን ደእሽን ያሻ፥ ግልቃተ፥ ህንተ አይፍያ ጆልስያነ ህንተና ሎይ ሀርግስያ ምሹዋ ህንተ ቦላ አሀና። ህንተ ዘረ ዘራና፤ ሽን እ ሀዳ፤ አያዉ ጎፐ፥ ሄዋ ህንተ ሞርከቱ ማና። 
\v 17 ታን ታ ሶምኡዋ ህንተ ቦላ ቱካና፤ ህንተ ሞርከቱዋ ስንን ህንተ ኩንዳና፤ ህንተና እጺያዋንቱ ህንተና ሞዳና፤ ቃይ ኦንነ የደርሰናን ህንተ ባቃታና።
\p
\v 18 “ሀዋ ኡባ ኦናካ ህንተ ታና ስሰናን እጾፐ፥ ታን ህንተ ናጋራ ድራዉ ህንተ ሙራ ላፑን ዳኩዋ ጉጃና። 
\v 19 ህንተ ዎልቃ ኦቶሩዋ ታን መንና፤ ሳሉዋ ብራታ ማላ ኦና፤ ህንተ ቢታካ ናሃስያ ግያ ብራታ ማላ ኦና። 
\v 20 ህንተ ዎልቃይ ሀዳሳን ዉራና፤ አያዉ ጎፐ፥ ህንተ ቢታይ ካ ሞከና፤ ጋድያን ደእያ ምቱካ አይፍያ አይፍክኖ።
\p
\v 21 “ህንተ ታዉ እጼዶ ጎፐነ ታን ግያዋካ ስሰናን እጾፐ፥ ህንተ ናጋራ ኬሻ ላፑን ዳኩዋ ቦሻ ታን ህንተ ቦላን አሀና። 
\v 22 ታን ህንተ ቦላ ባዙዋ ዶአቱዋ የዳና፤ ኡንቱንቱ ህንተ ናናቱዋ ቦንቃና፤ ህንተ መሄቱዋ ይሳና፤ ህንተ ፓይዱዋካ ጉና፤ ሄዋ ጋሱዋን ህንተ ሀመትያ ኦጊ ባዙዋ ግዳናዋ።
\p
\v 23 “ሀ ኡባ ሙራንካ ህንተ ታኮ ስመናን እጻድ ጊደ ቦፐ፥ 
\v 24 ሄ ዎደ ታንካ ህንተንቶ እጻድ ጋና፤ ቃይ ህንተ ናጋራ ድራዉ ታን ታ ሁጲያዉ ህንተና ላፑን ዳኩዋ ሙራና። 
\v 25 ታ ጫቁዋ መንዳ ሀሉዋ ከስያ ማሻ ታን ህንተ ቦላ አሀና፤ ህንተ ህንተ ካታማቱዋን ሺቆፐካ፥ ታን ህንተ ቦላን ኢታ ሀርግያ የዳና። ቃይ ህንተካ ህንተ ሞርከቱዋ ኩሽያን አደ እመታና። 
\v 26 ህንተ ካ ታን ይስያ ዎደ፥ ታሙ ማጫ አሳቱ እት ባሽያን ኡክ ኡካና፤ ሄዋካ ሚዛናን ልኪደ ሻካና፤ ህንተ ሄዋ ማና፥ ሽን ካልክታ።
\p
\v 27 “ሀ ኡባንካ ህንተ ታን ግያዋ ስሰናን እጻድ ጊደ ቦፐ፥ 
\v 28 ሄ ዎደ ታንካ ህንተ ቦላ ሀንቁዋን ደንዳና፤ ህንተ ናጋራ ድራዉ ታን ታ ሁጲያዉ ህንተና ላፑን ዳኩዋ ሙራን። 
\v 29 ህንተ ህንተ አቱማ ናናቱዋነ ህንተ ማጫ ናናቱዋ አሹዋ ማና። 
\v 30 ህንተ ጎይንያ ቃ ሳኣ ታን ኮላና፤ ህንተ እጻና ያርሽያ ሳኣካ ይሳና። ታን ህንተ አሃ ህንተ ኤቃቱዋ አሃ ቦላን ኦላና፤ ታን ህንተና ሙለ ሻታና። 
\v 31 ታን ህንተ ካታማቱዋ መላ ኦና፤ ህንተ ጎይንያ ሳአቱዋካ ኮለሬና፤ ህንተ ሳዊያ ያርሹዋካ ስንግከ።
\p
\v 32 “ታን ህንተ ቢታ ይሳና፤ ያቶፐ ሄ ህንተ ጋድያን ዪደ ኡትያ ሞርከቱካ ሄዋን ማላለታና። 
\v 33 ታን ህንተና ካዉተቱዋ ግዶን ላላና፤ ህንተ ቦላንካ ታ ማሻ ሾዳና። ህንተ ቢታይ ባያና፤ ህንተ ካታማቱካ መላ ግዳና። 
\v 34 ሄ ህንተ ህንተ ሞርከቱዋ ጋድያን ደእያ ዎደ፥ ባዪደ ጮ ደእያ ህንተ ቢታይ ባረ ሳምባታቱዋ ቦንቺደ ናሸታና። ሄ ዎደ ህንተ ቢታይ ሸምፓናነ ባረ ሳምባታቱዋ ቦንቺደ ናሸታና። 
\v 35 ህንተ ሄ ጋድያን ደኤዳ ዎድያን ኡባን ህንተ ሳምባታቱዋን ደምቤና ሸምፑዋ ሀእ ባዪደ ጮ ደእያ ዎድያን ደማና።
\p
\v 36 “ህንተ ህንተ ሞርከቱዋ ጋድያን ደእያ ዎደ፥ ህንተፐ ሻከቲደ ጉየ አቲደ ደእያዋንቱ ዎዛናን ታን ያሻ የዳና፤ ጫርኩ ቃያ ቦንጭያ ኮሻይ ኡንቱንታ ሻቢራና፤ ኡንቱንቱ ማሻፐ ባቃትያዋዳን ባቃታና፤ ቃይ ኡንቱንቱ ኦንነ የደርሰናን ኩንዳና። 
\v 37 ህንተና የደርስያዌ ባይናን ደእሽን፥ ህንተ ኦላፐ ባቃትያዋዳን እቱ እቱዋና በታና፤ ቃይ ህንተ ህንተ ሞርከቱዋ ስንን ኤቃናዉካ ህንተንቶ አያ ዎልቂነ ደኤና። 
\v 38 ህንተ ካዉተቱዋ ግዶን ባያና፤ ህንተ ሞርከቱዋ ቢታይካ ህንተና ምታና። 
\v 39 ህንተፐ ሻከቲደ ህንተ ሞርከቱዋ ጋድያን አቴዳዋንቱ ባረንቱ ናጋራ ጋሱዋንነ ባረንቱ አዎቱዋ ናጋራ ጋሱዋን ግልቃና።
\p
\v 40 “ሽን ኡንቱንቱ ታን ኡንቱንቶ እጼዳ ጋናዳንነ ኡንቱንቱ ሞርከቱዋ ቢታዉ ኡንቱንታ የዳናዳን ኦዳ ባረንቱ ናጋራ፥ ባረንቱ ማይዛ አዎቱዋ ናጋራ፥ ኡንቱንቱ ታና ጭሜዳ ጭሙዋነ ኡንቱንቱ ታዉ እጻድ ጌዳዋ ፓጾፐ፥ 
\v 41 ሄዋን ቃይ ኡንቱንቱ አዛዘተና ዎዛናይካ ዝቂ ጎፐነ ኡንቱንቱ ባረንቱ ናጋራ ሙራ አኮፐ፥ 
\v 42 ሄ ዎደ ታን ያቆባና ጫቀቴዳ ታ ጫቁዋ ሀሳያና፤ ቃይ ይሳቃናነ አብራሃመና ጫቀቴዳ ታ ጫቁዋ ሀሳያና፤ ቢታካ ሀሳያና።\x - \xo 26:42 \xo*\xt ዶመ 17:7-8፤ 26:3-4፤ 28:13-14\xt*\x* 
\v 43 ኡንቱንቱ ይ ድግና፥ ኡንቱንቱ ቢታይ መላ አታና፤ ሄ ኡንቱንቱ ይና ባይያዋ ግዲደ ጮ ደእያ ዎድያን ቢታይ ባረ ሳምባታቱዋ ቦንቺደ ናሸታና። ኡንቱንቱ ታ አዛዙዋ ካዳ ድራዉነ ኡንቱንቱ ሸምፑካ ታ ዎጋ ሻቴዳ ድራዉ፥ ኡንቱንቱ ባረንቱ ናጋራ ሙራ አካና።
\p
\v 44 “ግዶፐነ ኡንቱንቱ ባረንቱ ሞርከቱዋ ጋድያን ደእያ ዎደ፥ ኡንቱንቱ ኡባና ያና ጋካናዉነ ኡንቱንቱና ደእያ ታ ጫቁዋካ መንና ጋካናዉ፥ ታን ኡንቱንታ ኦልከ፤ ቃይ ሻትከ። ታን፥ መና ጎዳይ፥ ኡንቱንቱ ጾሳ። 
\v 45 ታን ኡንቱንቱ ጾሳ ግዳናዉ፥ ካዉተቱ ጼልሽን፥ ግብጼ ጋድያፐ ከሴዳ ኡንቱንቱ ማይዛ አዎቱዋና ታን ጫቀቴዳ ጫቁዋ ኡንቱንቱ ድራዉ ሀሳያና። ታን መና ጎዳ።
\p
\v 46 “መና ጎዳይ ሲና ደርያ ቦላን ሙሴ ባጋና ባረፐነ እስራኤልያ አሳፐ ግዱዋን ዎዳ ዎጋቱ፥ አዛዞቱነ ህገቱ ሀዋንታ” ያጌዳ።
\c 27
\s1 ጾሳዉ እምያዋ ሺሽያ ዎጋ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “እስራኤልያ አሳዉ ሀዋዳን ያጋደ ኦዳ፤ ‘እት አሳይ መና ጎዳዉ እማናዉ ሺቆፐ፥ ኔን ቆፕያዋዳን ሄ አሳ ድራዉ ሚሻ ጭጎ። 
\v 3 ሄዌነ ላታሙ ላይፐ ቢደ ኡሱፑን ታሙ ላይ ጋካናዉ ደእያ አቱማዎ ኡሱፑን ጼቱ ግራምያ ዴጽያ ጻጋራ ብራ ጭጎ። 
\v 4 ማጫ አሳ ግዶፐ ቃይ ሀታሙ ጻጋራ ብራ ጭጎ። 
\v 5 ቃይ እቼሹ ላይፐ ቢደ ላታሙ ላይ ጋካናዉ ደእያ አቱማዎ ላታሙ ጻጋራ ብራነ ማጫንዉ ታሙ ጻጋራ ብራ ጭጎ። 
\v 6 ቃይካ እት አግናፐ ቢደ እቼሹ ላይ ጋካናዉ ደእያ አቱማዎ እቼሹ ጻጋራ ብራነ ማጫንዉ ሄዙ ጻጋራ ብራ ጭጎ። 
\v 7 ሄዋዳንካ ቃይ ኡሱፑን ታሙ ላይነ ሄዋፐ ቦላና ደእያ አቱማዎ ታማነ እቼሹ ጻጋራ ብራነ ማጫንዉ ታሙ ጻጋራ ብራ ጭጎ። 
\v 8 ቃይ ሺቄዳ ብታኒ ኔን ቆፕዳዋ ጭጋናዉ ዳንዳየና ዳሮ ማንቆ ግዶፐ፥ እ ባረ ሺቁዋ ጋናዉ እሜዳ አሳ አሂደ ቄስያ ስንን ኤሶፐ ሺቄዳ ብታኒ ጭጋናዉ ዳንዳይያዋ ኬና ቆፒደ ቄሲ ጋማቶ።
\p
\v 9 “ ‘እ ሺቀቴዳዌ አሳይ መና ጎዳዉ ያርሽያ ሳኣ ማላ መህያ ያርሻናዉ ግዶፐ፥ ሄዋ ማላ አሳይ መና ጎዳዉ እምያ መሂ ኡባይ ጌሻ። 
\v 10 እ ሄ መህያ ድራዉ ሀራ መህያ እሞፖ፤ ዎይ አ ሀራ መህያና ላሞፖ። ሎኡዋ ኢታና ዎይ ቃይ ኢታካ ሎኡዋና ላሞፖ፤ ሽን እ ላሞፐ፥ ኮይሮ መህያነ ላምያ እሜዳ መሂ ላኡካ ጌሻ። 
\v 11 እ ሺቀቴዳ መሂ መና ጎዳዉ ያርሹዋ ኦደ ሺሻናዉ ጌሻ ግደና መህያ ግዶፐ፥ ሄ ብታኒ ሄ መህያ ቄስያ ስን አሆ። 
\v 12 ሎኦ ግድና ኢታ ግድና፥ ቄሲ ሄ መህያ ጋማቶ፤ ያቶፐ ቄሲ ጋማቴዳዌ አ ጋትያ ግዶ። 
\v 13 ሽን ሄ መህያ ጎዳይ አ ዛሪደ ዎዛናዉ ኮዮፐ፥ ሄ መህያ ጋትያ ቦላ ጼቱዋፐ ላታሙ ኩሽያ ጉጆ።
\p
\v 14 “ ‘እት አሳይ ባረ ጎልያ ጌሻ ግዳናዳን መና ጎዳዉ ዱማዮፐ፥ ሎኦ ግድና ኢታ ግድና፥ ቄሲ ሄ ጎልያ ጋማቶ። ያቶፐ ቄሲ ጋማቴዳዋዳን አ ጋቲ ሄዋዳንካ ግዶ። 
\v 15 ቃይ ባረ ጎልያ ጾሳዉ ጌሻ ኦ ዱማዬዳ አሳይ ዛረደ ዎዛናዉ ኮዮፐ፥ ሄ ጎልያ ጋትያ ቦላን ጼቱዋፐ ላታሙ ኩሽያ ጉጆ፤ ያቶፐ ጎሊ አሳ ግዴ።
\p
\v 16 “ ‘እት አሳይ ባረ ላታ ጋድያፐ ሻኪደ ጌሻ ኦ መና ጎዳዉ ዱማዮፐ፥ ሄ ጋድያ ጋቲ አን ዘርያ ዘረን ቆፈቶ። ሄዌነ ላታሙ ኪሎ ግራመ ባንጋ ዘርያ ኬሻ ሾይቃ ግዶፐ፥ ታሙ ጻጋራ ብራ ጭጎ። 
\v 17 እ ባረ ጋድያ እሻታማን ላይ ባላፐ ዶሚደ ጌሻ ኦ ጾሳዉ ዱማዮፐ፥ ሄ ጋድያዉ ኩመን ጋትያ ጭጎ። 
\v 18 ሽን እ ባረ ጋድያ እሻታማን ላይ ባላይ አ ስምና ጌሻ ኦ ጾሳዉ ዱማዮፐ፥ ካሊደ ደእያ እሻታማን ላይ ባላይ ጋካናዉ ደእያ ዎድያ ቄሲ ፓይዶ፤ ያቶፐ አ ኩመን ጋትያፐ ዎ። 
\v 19 ሄ ጋድያ ጌሻ ኦ ጾሳዉ ዱማዬዳ አሳይ ዛረ ዎዛናዉ ኮዮፐ፥ እ ጋማተቴዳ ሚሻ ቦላ ጼቱዋፐ ላታሙ ኩሽያ ጉጆ፤ ያቶፐ ጋዲ ስሚደ አዋ ግዴ። 
\v 20 ሽን እ ጋድያ ዛረደ፥ ዎዛናፐ ካሰቲደ ሀራ አሳዉ ዛልኦፐ፥ ሄ ጋድያ ዎዛናዉ ዳንዳየና። 
\v 21 እሻታማን ላይ ባላይ ጋክና ጋዲ የደቲያ ዎደ፥ ሄ ጋዲ ላኤን ጉየ አካናዋዳን መና ጎዳዉ ጌሻ ግዴ። ሄ ግሹ ቄስያሳ።
\p
\v 22 “ ‘እት አሳይ ሀራ አሳፐ ሻሜዳ ጋድያ ጌሻ ኦ መና ጎዳዉ ዱማያናዉ ኮዮፐ፥ 
\v 23 ካልያ እሻታማን ላይ ባላይ ጋካናዉ ደእያ ጋትያ ቄሲ ጋማቶ፤ ብታኒ ሄ ጋላስካ ሄ ግምትያ ጭጎ፤ ሄ ሚሻይ መና ጎዳዉ ዱማቴዳ ሚሻ ግዳናዋ። 
\v 24 እሻታማን ላይ ባላይ ጋክያ ዎደ፥ ሄ ጋዲ ኮይሮ ላታን አኪደ ዛልኤዳ ብታንያዉ ስሜ።
\p
\v 25 “ ‘አ ጋቲ ጾሳ ዱንካንያን ኤረቲያ ሚዛናን ጋማተቴ።
\p
\v 26 “ ‘ሽን ኦንነ ባይራ የለቴዳ መህያ መና ጎዳዉ ዱማዪደ ሺሻናዉ ዳንዳየና፤ አያዉ ጎፐ፥ እ ካሰካ መና ጎዳሳ። ሚዛ ማራ ግድና ዎይ ዶርሳ ማራ ግድናካ እ መና ጎዳዋ። 
\v 27 ሄ መሂ ጌሻ ግዳና ዮፐ፥ ነ ጋማቴዳ ጋትያ ቦላ ጼቱዋፐ ላታሙ ኩሽያ ጉጂደ አ ጎዳይ ዛረደ ዎዞ። እ ዎዛና ዮፐ፥ ነ ጋማቴዳ ጋትያን ሀራ አሳዉ ዛልኤቴዳ።
\p
\v 28 “ ‘እት አሳይ ባረዋፐ መና ጎዳዉ እሜዳዌ አያ ግዶፐካ፥ አሳ ግድና መህያ ግድና፥ ዎይ አ ላታን ጋኬዳ ጋደ ግድናካ፥ ዛልኤተናነ ዎዘተና። ዱማዬዳዌ ኡባባይ መና ጎዳዉ ጌሻ ኡባፐ እቱዋ ግዴዳ ጌሻ ያርሹዋ።\x - \xo 27:28 \xo*\xt ፓይ. 18:14\xt*\x* 
\v 29 አሳ ግዶፐ ሻከቲደ ያናዳን እመቴዳ አሳይ ዎዘቶፖ፤ ሄ አሳይ ሀይቆ።
\p
\v 30 “ ‘ቢታ አስራታይ ኡባይ ጋድያፐ ሞኬዳ ካ ግድና ዎይ ም አይፍያ ግድናካ መና ጎዳሳ። ሄዌ መና ጎዳዉ ጌሻ።\x - \xo 27:30-33 \xo*\xt ፓይ. 18:21፤ ዛረ. 14:22-29\xt*\x* 
\v 31 እት አሳይ ባረ አስራታ ዎዛናዉ ኮዮፐ፥ አ ጋትያ ቦላን ጼቱዋፐ ላታሙ ኩሽያ ጉጆ። 
\v 32 ሚዛ አስራታ ግድና፥ ዶርሳ አስራታ ግድና፥ ዎይ ዴሻ አስራታ ግድናካ፥ ሄንንቻ ጋትማፐ ጋርሳና አያ ሀቃዌነ ታሙን መና ጎዳዉ ጌሻ። 
\v 33 ታሙን መህያ ኢታ ግድና ሎኦ ግድናካ ዶሮፖ፤ ዎይ አ ሀራና ላሞፖ። ላሞፐነ ኮይሮዌነ ላምያ እሜዳዌነ ላኡካ ጾሳዉ ጌሻ ግዲኖፐ አትና፥ ዛሪደ ዎዛናዉ ዳንዳየና’ ያጋ” ያጌዳ።
\p
\v 34 ሲና ደርያ ቦላን መና ጎዳይ ሙሴ ባጋና እስራኤልያ አሳ አዛዜዳ አዛዞቱ ሀዋንታ።