\id JOS - Dawuro Full Bible Ethiopic Version
\ide UTF-8
\h ኢያሳ
\toc1 ኢያሱ ማጻፋ
\toc2 ኢያሳ
\toc3 ኢያሳ
\mt1 ኢያሱ ማጻፋ
\imt ገሉዋ
\ip “ኢያሳ” ግያ ሱን ብለይ “ጾሳይ አሽያዋ” ግያዋ። ኢያሱ ማጻፋይ ዛረዋ ማጻፋይ ኦዲደ ኤቄዳ ሳኣፐ ዶሚደ ዮርዳኖሳ ሻፋፐ ዶላሃ ባጋና እስራኤልያ አሳይ ኡቴዳዋ ኦዴ። እስራኤልያ አሳይ ሙሴ ኩሽያን ሱንቴዳ ኢያሱ ካለና ኦላ ጾኒደ፥ ካናነ ጋድያ ዎት ኦይቄደንቶ ኦድያ ታርክያ ኦይቄዳ። ሀ ማጻፋ ግዶን ጻፈቴዳ ዎልቃማ ዎልቃማ ታርከቱዋ ግዶፐ ዋናትያዋንቱ: ዮርዳኖሳ ሻፋ ፕነ፥ ያርኮ ግምቢያ ኩንደ፥ አይ ካታማ ኦላነ አሳይ ጾሳና ገሌዳ ጫቁዋ ኦራጽሴዳ ታርከቱዋ ኦድያዋ። ሀ ማጻፋ ግዶን ዳሮ ኤረቴዳ ክፍለቱዋፐ እቱ፥ “ህንተንቱ ጎይንያዋ ሀቼ ዶርተ። ሽን ታናነ ታ ጎለ አሳ ግዶፐ፥ ኑን ጾሳዉ ጎይናና” ያግያዋ። (24:15)
\iot ሸምፓቱዋ ኡባቶ እመቴዳ ቃን ቆፋቱዋ
\io1 ካናነ ጾነቱሳ \ior 1:1—12:24\ior*
\io1 ቢታ ግሹዋ \ior 13:1—21:45\ior*
\io2 ሀ. ዮርዳኖሳፐ ዶላሃ ባጋና ደእያ ቢታ \ior 13:1-33\ior*
\io2 ለ. ዮርዳኖሳፐ ዉላሃ ባጋና ደእያ ቢታ \ior 14:1—19:51\ior*
\io2 ሐ. ባቃት አትያ ካታማቱዋ \ior 20:1-9\ior*
\io2 መ. ሌዋቱዋ ካታማቱዋ \ior 21:1-45\ior*
\io1 ዶላሃፐ ዬዳ ያራቱ ባረንቱ ሳኣ ስሙሳ \ior 22:1-34\ior*
\io1 ኢያሱ ዉርሰ ሃሳያ \ior 23:1-16\ior*
\io1 ሴከማን ቃላ ጫቁዋ ኦራጹሳ \ior 24:1-33\ior*
\c 1
\ms ካናነ ጾነቱሳ
\mr (1:1—12:24)
\s1 ጾሳይ ኢያሳ አዛዜዳ
\p
\v 1 ጾሳ ቆማይ ሙሴ ሀይቄዳዋፐ ጉይያን፥ ጾሳይ ሙሳ ማድያ ነዌ ናኣ ኢያሳ፥ ሀዋዳን ያጌዳ፤ 
\v 2 “ታ ቆማይ ሙሴ ሀይቄዳ። ሄዋ ድራዉ ኔንነ ሀ አሳይ ኡባይ ደንዲደ ታን እስራኤልያ አሳዉ እምያ ጋድያ ገላናዉ ሀዋ ዮርዳኖሳ ሻፋ ፕንተ። 
\v 3 ታን ሙሴዉ ኦዴዳዋዳን፥ ህንተንቱ ገዲ የያ ሳኣ ኡባ ታን ህንተንቶ እማድ።\x - \xo 1:3-5 \xo*\xt ዛረ. 11:24-25\xt*\x* 
\v 4 ህንተንቱ ዛዋይ ኔጌባ ባዙዋፐ ደንዲደ፥ ሊባኖሳ ደርያ ጋካናሳ፤ ኤፍራጺሳ ጌተትያ ዎጋ ሻፋፐ ደንዲደ፥ ሂተቱዋ ጋድያ ኡባና ጉጂደ፥ አዋይ ዉልያ ባጋና ደእያ ሜድትራነ አባ ጋካናሳ። 
\v 5 ኔን ደኤዳ ላይ ኡባን አይ አሳይነ ኔና ኦለቲደ ተኤና። ታን ሙሴና ግዴዳዋዳን፥ ኔናናካ ግዳና፤ ታን ኔና ኡባካ የግከነ አግከ።\x - \xo 1:5 \xo*\xt ዛረ. 31:6፣ 8፤ እብራ. 13:5\xt*\x* 
\v 6 ምና፤ ጻላ! አያዉ ጎፐ፥ ታን ኡንቱንቱ ማይዛ አዋቶ እማና ጋደ ጫቄዳ ጋድያ ኔን ሀ አሳ ላትሳናሳ።\x - \xo 1:6 \xo*\xt ዛረ. 31:6፣ 7፣ 23\xt*\x* 
\v 7 ምና፤ ሎይ ጻላ! ታ ቆማይ ሙሴ ኔና አዛዜዳ ዎጋ ኡባ ምንሳደ ናጋ። ኔን ብያሳኣ ኡባን ነዉ ሱራና ማላ፥ አፐ ኡሸቻ ዎይ ሀድርሳ ቦፓ። 
\v 8 ሀ ዎጋ ማጻፋይ ነ ዶናፐ ሻከቶፖ፤ አን ጻፈቴዳዋ ኡባ ምንሳደ ናጋናዉ፥ ጋላስነ ቃማ አ ቆፓ። ያቶፐ፥ ነዉ ኡባባይካ እንጀታናነ ጊጋና። 
\v 9 ምና፤ ጻላ! ነ ብያሳኣ ኡባን ታን ጎዳይ ነ ጾሳይ ኔናና ደእያ ድራዉ፥ ያዮፓ! ህርጎፓ! ጋደ ታን ኔና አዛዛድ” ያጌዳ።
\s1 ኢያሱ አሳ አዛዜዳ
\p
\v 10 ሄዋፐ ጉየ ኢያሱ አሳ ካፓቱዋ ሀዋዳን ያጌዳ፤ 
\v 11 “ቢተ፤ አሳይ ዱንካኖ ሳና አ ቢደ፥ አሳ፥ ‘ህንተ ሽንቃ ጊግስተ፤ ሄዙ ጋላሳ ግዶን፥ ጾሳይ ህንተንቱ ጾሳይ ህንተንቶ እምያ ጋድያ ላታናዉ ዮርዳኖሳ ሻፋ ፕኒታ’ ያጊደ ኦድተ” ያጌዳ።
\p
\v 12 ኢያሱ፥ ሮቤላ ዘረ፥ ጋደ ዛራቱዋነ ምናሰ ዛራቱዋፐ ባጋቱዋ ሀዋዳን ያጌዳ፤\x - \xo 1:12-15 \xo*\xt ፓይ. 32:28-32፤ ዛረ. 3:18-20፤ ኢያሳ 22:1-6\xt*\x* 
\v 13 “ጾሳ ቆማይ ሙሴ ህንተንታ አዛዜዳዋ ሀሳይተ። እ ህንተንታ፥ ‘ጾሳይ ህንተንቱ ጎዳይ ህንተንታ ሸምፕሳና፤ ሀ ቢታካ ህንተንቶ እማና’ ያጌዳ። 
\v 14-15 ህንተንቱ ማቻቱ፥ ህንተንቱ ናናይነ ህንተንቱ መሂ ዮርዳኖሳ ሻፋፐ ሀፍንና ሙሴ ህንተንቶ እሜዳ ጋድያን ደእሽኖ። ሽን ህንተንቱ ኦላንቻቱ ባረንቱ ኦላ ሚሻ ኦይቂደ፥ ህንተንቱ ዳባቱዋፐ ስን ጼራን ኦለታናዉ ዮርዳኖሳ ሻፋ ፕንኖ። ጾሳይ ህንተንታ ሸምፕሴዳዋዳን፥ ኡንቱንታካ ሸምፕሳና ጋካናስነ ጾሳይ ህንተንቱ ጾሳይ ኡንቱንቱዉካ እምያ ጋድያ ኡንቱንቱ ላታና ጋካናዉ፥ ኡንቱንታ ማድተ። ሄዋፐ ጉይያን ስም ቢደ፥ ጾሳ ቆማይ ሙሴ ዮርዳኖሳ ሻፋፐ ሀፍንን አዋይ ዶልያ ባጋና እሜዳ ህንተንቱ ጋድያን ደእተ” ያጌዳ።
\p
\v 16 ሄዋፐ ኡንቱንቱ ኢያሳ፥ “ኔን ኑና አዛዜዳዋ ኡባ ኑን ኦና፤ ኔን ኪትያ ሳኣ ሀቃነ ባና። 
\v 17 ሙሴዉ ኡባባን አዛዘቴዳዋዳን፥ ነዉካ አዛዘታና። ጾሳይ ነ ጾሳይ ሙሴና እትፐ ግዴዳዋዳን፥ ኔናናካ እትፐ ግዶ። 
\v 18 ነ አዛዞ ማካልያዌነ ነ አዛዜዳዋ አያነ አዛዘተናን እጽያዌ ሀይቆ። ኔን ምና፤ ጻላ!” ያጌድኖ።
\c 2
\s1 ኢያሱ ጌድያዋንታ ያርኮ ኪቴዳ
\p
\v 1 ነዌ ናአይ ኢያሱ ጋድያ ጌድያ ላኡ አሳቱዋ ሺጽማ ጌተትያ ሳኣፐ ቆሱዋን ኪቲደ ኡንቱንታ፥ “ቢተ፤ ጋድያ ጌድተ፤ ያርኮ ካታማ ቃይ ዱማ ጌድተ” ያጌዳ።
\p ሄዋፐ ኡንቱንቱ ቢደ፥ ራኣቦ ጌተትያ ሻርሙጻት ሶ አቃናዉ ገሌድኖ።\x - \xo 2:1 \xo*\xt እብራ. 11:31፤ ያቆባ 2:25\xt*\x* 
\v 2 ያርኮ ካቲ፥ “እስራኤልያ አሳፐ ኪተቴዳዋንቱ ሀ ጋድያ ጌዳናዉ ቃማ ዬድኖ” ግያ ኦዱዋ ስሴዳ።
\p
\v 3 ያርኮ ካቲ ራኣብዉ ሀዋዳን ያጊደ ኪቴዳ፤ “ነ ሶ ዪደ ገሌዳ አሳቱዋ ከሳደ እማ። አያዉ ጎፐ፥ ኡንቱንቱ ጋድያ ኡባ ጌዳናዉ ዬድኖ” ያጌዳ።
\p
\v 4 ሽን ምሽራታ ሄ ላኡ አሳቱዋ ቆሳ ድጋደ፥ ሀዋዳን ያጋዱ፤ “ኤ አሳቱ ታኮ ዬድኖ፤ ሽን ኡንቱንቱ ሀቃፐ ዬደንቶነ ታን ኤራበይከ። 
\v 5 ኦማርስ ካታማ ፐንግያ ጎርዳና ሀንያ ዎደ፥ ኡንቱንቱ ከሲደ ቤድኖ፤ ኡንቱንቱ ሀቃ ቤድኖንቶ ታን ኤርከ። ኤሌል ካልያዋ ግዶፐ፥ ህንተንቱ ኡንቱንታ ኦይቃንታ” ያጋዱ። 
\v 6 ሽን ራኣባ አሳቱዋ ጎልያ ቦላን ደምባዪደ ኦዳ ሳኣ ከሳደ፥ ሱፍያ ጌተትያ ማዩዋ ከስያ ታልባ ዳላ ዶርያ ግዶን ኡንቱንታ ቆሳ ዎዱ። 
\v 7 ያትና፥ አሳቱ ጌድያዋንታ ኮያናዉ ከሲደ፥ ዮርዳኖሳ ሻፋ ፕኑዋ አፍያ ኦግያ ኦይቂደ ቤድኖ። ኮይያዋንቱ ካታማፐ ከሶንን፥ ካታማ ፐንጊ ጎርደቴዳ።
\p
\v 8 ጌድያዋንቱ ገምእሻናፐ ካሰታደ፥ አ ኡንቱንቱኮ ፑደ ከሳደ፥ ኡንቱንታ ሀዋዳን ያጋዱ፤ 
\v 9 “ጾሳይ ሀ ጋድያ ህንተንቶ እሜዳዌ፥ ህንተንቱ ኑና ዎልቃማ ያሻ ያሽያዋነ ሀ ጋድያን ደእያ አሳይ ኡባይ ህንተንቶ ህርጋ ሀይቂያዋ ታን ኤራይ። 
\v 10 አያዉ ጎፐ፥ ግብጼ ጋድያፐ ህንተንቱ ከሴዳ ዎደ፥ ህንተንቱ ስንን ዞኦ አባ ጾሳይ ዎት መልሴደንቶነ ኑን ስሴዶ። ቃይ ዮርዳኖሳ ሻፋፐ አዋይ ዶልያ ባጋና ደእያ አሞረ ጋድያ ካተቱዋ ላአቱዋ፥ ስሆናነ ኦጋነ ህንተንቱ ዎት ኡባና ይሴደንቶነ ስሴዶ።\x - \xo 2:10 \xo*\xt ከሳ 14:21፤ ፓይ. 21:21-35\xt*\x* 
\v 11 ኑን ሄዋ ስሴዳ ዎደ፥ ኑ ዎዛናይ ኮልዴዳ፤ አሳይ ኡባይ ህንተንቶ ጻልያዋ አግ ባሼዳ። አያዉ ጎፐ፥ ጾሳይ ህንተንቱ ጾሳይ ቦላ ሳሉዋንካ ጋርሳ ሳኣንካ ጾሳ። 
\v 12 ሄዋ ድራዉ፥ ታን ህንተንቶ ኬኬዳዋዳን፥ ህንተንቱካ ታ አዉዋ ጎልያ አሳዉ ኬካናዳን ታዉ ጾሳን ሄዋዉካ አማንያ ማላታ እምተ። 
\v 13 ታ አዉዋነ ታ ዳዮ፥ ታ እሻቱዋነ ታ ምቼቱዋ ኡንቱንቱሳ ግዴዳዋ ኡባ ፓጻ አግተ፤ ኑና ሀይቁዋፐ አሽተ” ያጋዱ።
\p
\v 14 ሄ አሳቱ፥ “ኑን ኦዳዋ ኔን ኦደናን አግና፥ ኑን ነዉ ጫቄዳ ጫቁዋ ፖላና ዮፐ፥ ጾሳይ ኑና ዎ! ጾሳይ ሀ ጋድያ ኑዉ እምያ ዎደ፥ ኑን ነዉ አማነታናነ ኬካና” ያጌድኖ።
\p
\v 15 ራኣባ ደእያ ኬይ ካታማ ድርሳና ኦይቀቲደ ኬጸት ኡቴዳ ድራዉ፥ ማስኮትያና ዎዶሩዋ ዱገ የዳደ፥ አን ዱገ ዎዱ። 
\v 16 ራኣባ ኡንቱንታ፥ “ህንተና ኮይያዋንቱ ደመና ማላ፥ ደርያ ቢደ ኡንቱንቱ ስማና ጋካናዉ፥ ያን ሄዙ ጋላሳ ቆሰትሽተ። ሄዋፐ ጉይያን ህንተንቱ ብያሳኣ ቢተ” ያጋዱ።
\p
\v 17-18 አሳቱ እዞ፥ “ኑን ነ ጋድያ ገልያ ዎደ፥ ሀ ዞኦ ዎዶሩዋ ኔን ኑና ከሴዳ ማስኮትያን ቃቻና ዮፐነ ነ አዉዋ፥ ነ ዳዮ፥ ነ እሻቱዋነ ነ ሶ አሳ ኡባ ኔኮ ሶ አሀና ዮፐ፥ ኔን ኑና ጫቂሴዳ ጫቁ ኑዉ ጎመተና። 
\v 19 ኦንነ ነ ሶፐ ካረ ኦግያ ከሲደ ሀይቂንቶ፥ ሄዌ አ ጎመ፤ ኑን ሄዋን ኦሸቶኮ። ኔናና ሶን እትፐ ደእያዌ ኩሽያን ቦሸቶፐ፥ አ ሱ ጎሚ ኑና ጋኮ። 
\v 20 ሽን ኑን ኦዳዋ ኔን ኦዶፐ፥ ኔን ኑና ጫቀዳ ጫቁ ኑዉ ጎመተና” ያጌድኖ።
\p
\v 21 ሄዋፐ ጉየ እዛ፥ “ህንተንቱ ጌዳዋዳን ሀኖ” ጋደ፥ ኡንቱንታ ሞይዛዱ። ኡንቱንቱ ቤዳዋፐ ጉይያን፥ ሄ ዞኦ ዎዶሩዋ ማስኮትያን ቃቻዱ።
\p
\v 22 ኡንቱንቱ ፑደ ገዝያ ቢደ፥ ያን ቆሰቴድኖ፤ የደርስያዋንቱ ያርኮ ስማና ጋካናዉ፥ ኡንቱንቱ ያን ሄዙ ጋላሳ ጋምኤድኖ። የደርስያዋንቱ ኦግያ ኡባን ኮዬድኖ፤ ሽን ኡንቱንታ ደምቤይክኖ። 
\v 23 ሄዋፐ ጉይያን ሄ ላኡ አሳቱ ደርያፐ ዎደ፥ ዮርዳኖሳ ሻፋካ ፕኒደ፥ ነዌ ናኣ ኢያሱኮ ስሚደ ዬድኖ። ባረና ጋኬዳዋ ኡባ አዉ ኦዴድኖ። 
\v 24 ኡንቱንቱ ኢያሳ፥ “ጾሳይ ቱሙ ቢታ ኡባ ኑዉ አ እሜዳ። ቃይ ጋድያን ደእያ አሳይ ኡባይ ኑዉ ያሻ ኮልዴዳ” ያጌድኖ።
\c 3
\s1 እስራኤልያ አሳይ ዮርዳኖሳ ሻፋ ፕኔዳ
\p
\v 1 ኢያሱነ እስራኤልያ አሳይ ዎንታ ጉራን ደንዴድኖ። ኡንቱንቱ ሺጽማ ጌተትያ ሳኣፐ ደንዲደ፥ ዮርዳኖሳ ሻፋኮ ቢደ ፕነናን ያን ጋምኤድኖ። 
\v 2 ሄዙ ጋላሳፐ ጉይያን፥ ካፓቱ ኡንቱንቱ ዱንካኔዳ ሳኣን ስመረቴድኖ። 
\v 3 አሳ ሀዋዳን ያጊደ አዛዜድኖ፤ “ጾሳ ህንተንቱ ጾሳ ቃላ ጫቁዋ ታቦታነ አ ቶኬዳ ሌዊያ ዛረ ቄሳቱ ዋ በእያ ዎደ፥ ህንተንቱ ዱንካኔዳ ሳኣፐ ደንዲደ፥ ኡንቱንታ ካልተ። 
\v 4 ህንተንቱ ካሰ ሀ ኦግያና ብ ኤረና ድራዉ፥ ህንተንቱ ባና ኦግያ ኡንቱንቱ ህንተንታ በሳና። ሽን ቃላ ጫቁዋ ታቦታኮ ሺቆፕተ፤ ቃላ ጫቁዋ ታቦታፐ ላኡ ሻአ ዋ ግድያዋ ኬሻ ሃኩዋን ኤቂተ” ያጌድኖ።
\p
\v 5 ኢያሱ አሳ፥ “ህንተንቱ ሁጲያዉ ጌይተ፤ አያዉ ጎፐ፥ ጾሳይ ዎንት ህንተንቱ ግዶን ማላልስያባ ኦናዋ” ያጌዳ። 
\v 6 ቃይ ኢያሱ ቄሳቱ ዋ፥ “ቃላ ጫቁዋ ታቦታ ቶኪደ፥ አሳፐ ስንዉ አተ” ያጊደ ኦዴዳ። ቃላ ጫቁዋ ታቦታ ቶኪደ፥ አሳፐ ስንዉ አድኖ።
\p
\v 7 ጾሳይ ኢያሳ፥ “ታን ሙሴና ግዴዳዋዳን፥ ኔናና ግዳናዋ እስራኤልያ አሳይ ኡባይ ኤራና ማላ፥ ሀቼ ኡንቱንቱ ስንን ታን ኔና ቁ ቁ ኦናዉ ዶማና። 
\v 8 ኔን ቃላ ጫቁዋ ታቦታ ቶክያ ቄሳቱ ዋ፥ ‘ዮርዳኖሳ ሻፋ ዶናዉ ጋክያ ዎደ፥ ሃን ገሊደ ኤቂተ’ ያጋደ አዛዛ” ያጌዳ።
\p
\v 9 ኢያሱ እስራኤልያ አሳ፥ “ሃ ዪተ፤ ጾሳ ህንተንቱ ጾሳ ቃላ ስስተ። 
\v 10 ደኡዋ ጾሳይ ህንተንቱ ግዶን ደእያዋነ እ ቱሙፐ ካናነቱዋ፥ ሂተቱዋ፥ ሂዌቱዋ፥ ፓርዘቱዋ፥ ገርጌሰቱዋ፥ አሞረቱዋነ ያቡሳቱዋ ህንተንቱ ስንፐ ከሳናዋ ህንተንቱ ኤራናዌ፥ 
\v 11 ሳኣ ኡባ ጎዳ ቃላ ጫቁዋ ታቦታይ ህንተፐ ስንቲደ፥ ዮርዳኖሳ ሻፋ ፕንያ ዎድያና። 
\v 12 ሀእ እስራኤልያ ዛራቱዋፐ ታማነ ላኡ አሳቱዋ ዶርተ፤ እት እት ዛርያፐ እት እት አሳ ግዶ። 
\v 13 ሳኣ ኡባ ጎዳ፥ ጾሳ ቃላ ጫቁዋ ታቦታ ቶኬዳ ቄሳቱዋ ገዲ ዮርዳኖሳ ሃ ቦችያ ዎደ፥ ቆሞፐ ዱገ ጎግያ ዮርዳኖሳ ሃይ ኤቃና፤ እት ሳኣ ሺቂደ ዶረታና” ያጌዳ።
\p
\v 14 አሳይ ዮርዳኖሳ ሻፋ ፕናናዉ ባረንቱ ዱንካንያፐ ከሴዳ ዎደ፥ ቃላ ጫቁዋ ታቦታ ቶኬዳ ቄሳቱ አሳፐ ስንን ሀመቴድኖ። 
\v 15 ካ ጫክያ ዎድያን ኡባን ዮርዳኖሳ ሻፋይ ኩንዳ። ግዶፐነ፥ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ጋክና፥ ኡንቱንቱ ገዲ ሃ ጋጻ የዳ ዎደ፥ 
\v 16 ቆሞፐ ዱገ ጎግያ ሃይ ኤቂ አጌዳ፤ ህን ዳርስ ሃኮ ሳን፥ ጻርታና ግያ ሳን ደእያ አዳማ ጌተትያ ካታማን እት ሳኣ ሺቂደ ዶረቴዳ። ዱገ አራባ ጋን ደእያ ማጽነ አባዉ ጎግያ ሃይ ቃይ ኡባይ ዱጺደ አት ባሼዳ። ያትና፥ አሳይ ያርኮ ካታማ ሄፍን ፕኔዳ። 
\v 17 እስራኤልያ አሳይ መላ ጋድያ የደ ፕንያ ዎደ፥ አሳይ ኡባይ ፕኒደ ዉራና ጋካናዉ ጾሳ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶን መላ ቢታን ኤቄድኖ።
\c 4
\s1 ሀሳይስያ ሹቻቱዋ ኤሴድኖ
\p
\v 1 አሳይ ኡባይ ዮርዳኖሳ ሻፋ ፕኒደ ዉሬዳ ዎደ፥ ጾሳይ ኢያሳ፥ 
\v 2 “እስራኤልያ አሳፐ ታማነ ላኡ አሳቱዋ ዶራ፤ እት እት ዛርያፐ እት እት አሳ ግዶ። 
\v 3 ያታደ ኡንቱንቱ፥ ‘ዮርዳኖሳ ሻፋ ግዶን ቄሳቱዋ ገዲ ኤቄዳ ሳኣፐ ታማነ ላኡ ሹቻቱዋ አክተ፤ ሄ ሹቻቱዋ ቶክ አፊደ፥ ሀቼ ቃማ ህንተንቱ አቅያ ሳኣን ዎተ’ ያጋደ አዛዛ” ያጌዳ።
\p
\v 4 ኢያሱ እስራኤልያ ዛርያፐ እቱዋ እቱዋ አኪደ፥ ታማነ ላኡ አሳ ዶሬዳዋንታ ጼሴዳ። 
\v 5 ኡንቱንታ፥ “ጾሳ ህንተንቱ ጾሳ ቃላ ጫቁዋ ታቦታይ ደእያ ሳኣ ጉየ ዮርዳኖሳ ሻፋ ገሊደ እስራኤልያ ዛራቱዋ ፓይዱዋን፥ ኡባይካ እት እት ሹቻ ህንተንቱ ሀሽያን ቶክተ። 
\v 6 ሀ ሹቻቱ ጾሳይ ሀቼ ኦዳዋ ህንተንታ ሀሳይስያ ማላታ ግድኖ። ዎደፐ ህንተንቱ ናናይ ህንተንታ፥ ‘ሀ ሹቻቱ አይባቤ?’ ያጊደ ኦችያ ዎደ፥ 
\v 7 ህንተንቱ፥ ጾሳ ቃላ ጫቁዋ ታቦታ ስንን ዮርዳኖሳ ሻፋይ ጎገ አጊደ ኤቄዳዋ እስራኤልያ አሳ መናዉ ሀሳይሲኖ። ቃላ ጫቁዋ ታቦታይ ፕንሽን፥ ዮርዳኖሳ ሃይ ሻከቴዳ ያጊደ ኡንቱንቶ ኦድተ” ያጌዳ።
\p
\v 8 እስራኤላቱ ኢያሱ አዛዜዳዋዳን ኦድኖ። ጾሳይ ኢያሶ ኦዴዳዋዳን፥ እስራኤልያ ዛራቱዋ ፓይዱዋን አሳቱ ታማነ ላኡ ሹቻቱዋ ዮርዳኖሳ ሻፋ ግዶፐ አኬድኖ፤ ቶክ አሂደ፥ ባረንቱ አቅያ ሳኣን ዎድኖ። 
\v 9 ኢያሱ ቃላ ጫቁዋ ታቦታ ቶኬዳ ቄሳቱዋ ገዲ ዮርዳኖሳ ሻፋ ግዶን ኤቄዳ ሳኣን፥ ሀራ ታማነ ላኡ ሹቻቱዋ ኤሴዳ፤ ሄ ሹቻቱ ሀቼ ጋካናዉ ያን ደኢኖ። 
\v 10 ጾሳይ ኢያሳ አዛዜዳዋ ኡባ አሳይ ፖላና ጋካናዉ፥ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶን ኤቂደ ጋምኤድኖ፤ ሙሴ ኢያሳ አዛዜዳ አዛዙካ ሄዋ።
\p አሳይ ኤሌሊደ ሻፋ ፕኔዳ። 
\v 11 አሳይ ኡባይ ፕኔዳዋፐ ጉይያን፥ ጾሳ ቃላ ጫቁዋ ታቦታይነ ቄሳቱ አሳይ ጼልሽን ፕኔድኖ። 
\v 12 ሙሴ አዛዜዳዋዳን፥ ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋይ ኦላ ሚሻ ኦይቂደ፥ እስራኤልያ አሳ ስንና ፕን ኡቴድኖ። 
\v 13 ኡንቱንቱ ፓይዱ ኦይታሙ ሻአ ግድያዋ። ኡንቱንቱ ጾሳ ስንን፥ ያርኮ ማታን ደእያ ደምባን ኦላዉ ሳልፔድኖ። 
\v 14 ሄ ጋላስ ጾሳይ ኢያሳ እስራኤልያ አሳ ኡባ ስንን ቁ ቁ ኦዳ። ሄዋ ድራዉ ሙሳ ቦንቼዳዋዳን ኢያሳካ አ ደኡዋ ላይ ኡባን ቦንቼድኖ።
\p
\v 15 ጾሳይ ካሰ ኢያሳ፥ 
\v 16 “ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋፐ ከሳናዳን አዛዛ” ያጊደ ኦድና፥ 
\v 17 ኢያሱ ቄሳቱዋ፥ “ዮርዳኖሳ ሻፋፐ ከስተ” ያጊደ አዛዜዳ። 
\v 18 ጾሳ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶፐ ከሲደ መላ ቢታ ኡንቱንቱ የዳዋን፥ ኤለካ ዮርዳኖሳ ሃይ ባረ ሳኣ ስሚደ ካሰ ጎግያዋዳን ጋጻ ጋካናዉ ኩሚደ፥ ጎገ ዶሜዳ።
\p
\v 19 አሳይ ኮይሮ አግናን ሄ አግናዉ ታማን ጋላሳን ዮርዳኖሳ ሻፋ ፕኒደ፥ ያርኮና አዋይ ዶልያ ባጋን ዛዋትያ ገልጋላን ዱንካኔድኖ። 
\v 20 ኢያሱ ዮርዳኖሳ ሻፋፐ አየቴዳ ታማነ ላኡ ሹቻቱዋ ገልጋላን ኤሴዳ። 
\v 21 እስራኤልያ አሳ ሀዋዳን ያጌዳ፤ “ዎደፐ ህንተንቱ ዛራቱ ባረንቱ አዎቱዋ፥ ‘ሀ ሹቻቱ አይባቤ?’ ያጊደ ኦችያ ዎደ፥ 
\v 22 ‘እስራኤልያ አሳይ ዮርዳኖሳ ሻፋ መላ ቢታ የደ ፕኔዳዋ ሀሳይስያዋንታ’ ያጊደ ኦድተ። 
\v 23 ኑን ፕናና ጋካናዉ፥ ጾሳይ ኑ ጾሳይ ዞኦ አባ ካሰ ኑ ስንን መልሴዳዋዳን፥ ህንተንቱካ ፕናና ጋካናዉ፥ ጾሳይ ህንተንቱ ጾሳይ ዮርዳኖሳ ሻፋ ህንተንቱ ስንን መልሴዳ። 
\v 24 ሄዋ እ ኦዳዌ ሳኣን ደእያ አሳይ ኡባይ ጾሳ ዎልቃይ አይ ኬሻ ግተንቶ ኤራናዳንነ ህንተንቱካ ጾሳዉ፥ ህንተንቱ ጾሳዉ፥ መናዉ ያያናዳና” ያጌዳ።
\c 5
\p
\v 1 ዮርዳኖሳ ሻፋፐ አዋይ ዉልያ ባጋና ደእያ አሞራዋናቱዋ ካተቱነ ሜድትራነ አባ ላንቂያ ላንቂያ ኦይቂደ ደእያ ካናነቱ ካተቱ ኡባይ፥ እስራኤልያ አሳይ ፕናና ጋካናዉ ጾሳይ ዮርዳኖሳ ሻፋ ሃ መልሴዳዋ ስሴዳ ዎደ፥ ኡንቱንቱ ዎዛናይ ኮልዴዳ። ኡንቱንቱ እስራኤልያ አሳና ጋከታናዉ ጻልበይክኖ።
\s1 እስራኤልያ አቱማ አሳይ ቃጻረቴዳ
\p
\v 2 ሄ ዎደ ጾሳይ ኢያሳ፥ “ሳልያ ጌተትያ ሹቻፐ ቃራ ማቅላ ጊግሳደ፥ እስራኤልያ አቱማ አሳ በንዋንቱዋዳን ሀእካ ቃጻራ” ያጌዳ። 
\v 3 ኢያሱ ሳልያ ጌተትያ ሹቻፐ ቃራ ማቅላ ጊግሲደ፥ ቃጻራ ደርያ ጌተትያ ሳኣን እስራኤልያ አሳ ቃጻሬዳ። 
\v 4 እ ሄዋ ኦዳ ጋሱ: ግብጼፐ ከሴዳ አሳን ላይይ ኦላዉ ጋኬዳ አቱማ አሳይ ኡባይ ግብጼፐ ቢደ ዎራን ሀይቄዳ። 
\v 5 ግብጼፐ ከሴዳ አቱማ አሳይ ኡባይ ቃጻረቴዳ፤ ሽን ዎራን ዩይያ ዎደ የለቴዳ አቱማ ናናይ እቱነ ቃጻረትቤና። 
\v 6 እስራኤልያ አሳይ ጾሳዉ አዛዘተናን እጼዳ ድራዉ፥ ግብጼፐ ከስያ ዎደ ላይይ ኦላዉ ጋኬዳ አቱማ አሳይ ኡባይ ሀይቂደ ዉራና ጋካናዉ ዎራን ኦይታሙ ላይ ዩዬዳ። ሄዌነ፥ ጾሳይ ኡንቱንታ፥ “ኤሳይነ ማይ ጎግያ አራዳ ጋድያ፥ ታን ካሰ ህንተንቱ ማይዛ አዋቶ እማና ጌዳ ሄ ጋድያ ህንተንቱ በእክታ” ጌዳ ቃላይ ፖለታናዳና።\x - \xo 5:6 \xo*\xt ፓይ. 14:28-35\xt*\x* 
\v 7 ሄዋ ድራዉ ጾሳይ ኡንቱንቱ ናና ኡንቱንቱ ሳኣን ደንዳ፤ ኢያሱ ቃጻሬዳዋንቱካ ሄዋንታ። ኡንቱንቱ ቃጻረተናን ደእያዌ ኦግያን ቢደ ኡንቱንቱ ቃጻረትቤና ድራሳ።
\p
\v 8 አሳይ ኡባይ ቃጻረቴዳዋፐ ጉይያን፥ ኡንቱንቱ ማይይ ፓጻና ጋካናዉ ባረንቱ ዱንካኔዳ ሳኣን ጋምኤድኖ። 
\v 9 ጾሳይ ኢያሳ፥ “ሀቼ ታን ግብጼቱዋ ቦርያ ህንተፐ ድጋድ” ያጌዳ። ሄ ሳኣ ሱንይ ሀቼ ጋካናዉ ገልጋላ\f + \fr 5:9 \fr*\fq ገልጋላ፦ \fq*\ft ሀ ሱን ብለይ እብራዌዋን፥ “ድጌዳ” ዎይ “ጎንዶርሴዳ” ግያዋ ማላቴ።\ft*\f* ጌተቴ።
\p
\v 10 እስራኤልያ አሳይ ያርኮ ደምባን ገልጋላ ግያ ሳን ዱንካኒደ፥ አግናዉ ታማነ ኦይደን ጋላስ ኦማርሴዳዋን ፓስጋ ባላ ቦንቼዳ።\x - \xo 5:10 \xo*\xt ከሳ 12:1-13\xt*\x* 
\v 11 ፓስጋፐ ጉይያን ዎንተ ጋላስ፥ ቢታን ዶልያ ካ አይፍያ እርሹ ገልቤና ኡክነ ጺጸቴዳ ትሻ ሜዳ። 
\v 12 ሄ ቢታን ዶልያ ካ ሜዳ ዎንተ ጋላስ ማናይ ቡክያዋ አግ ባሼዳ። ሄዋፐ ጉይያን እስራኤልያ አሳይ ማና ደምቤና። ሄ ዎድያፐ ዶሚደ ኡንቱንቱ ካናነን ዶልያ ካ ሚደ ደኤድኖ።\x - \xo 5:12 \xo*\xt ከሳ 16:35\xt*\x*
\s1 ኢያሳነ አዳ ኦይቄዳ ብታንያ
\p
\v 13 ኢያሱ ያርኮ ማታን ደእያ ዎደ፥ ቁ ጊደ ጼሊደ፥ እት ብታኒ ማሻ ሾድ ኦይቂደ፥ ባረ ስንን ኤቄዳዋ በኤዳ። ኢያሱ አኮ ሺቂደ፥ “ኔን ኑ ባጋ አሴየ ኑ ሞርከቱዋ ባጋ አሴ?” ያጌዳ።
\p
\v 14 ብታኒ፥ “ታን ኦ ባጋካ ግድከ። ሽን ታን ጾሳ ኦላንቻቱ ጋዳዋ ግዳደ ሀእ ያድ” ያጌዳ።
\p ኢያሱ ሳኣን ኩንድ ጎይኒደ፥ “ታ ጎዳይ ባረ ቆማዉ ኦድያባይ አዬ?” ያጌዳ።
\p
\v 15 ጾሳ ኦላንቻቱዋ ጋዳዋይ፥ “ኔን ኤቄዳ ሳአይ ጌሻ ግዴዳ ድራዉ፥ ነ ገድያፐ ጫማ ከሳ” ያጌዳ። ኢያሱ እ ጌዳዋዳን ኦዳ።
\c 6
\s1 ያርኮ ኩንዴዳ
\p
\v 1 እስራኤልያ አሳዉ ያዬዳ ጋሱዋን ያርኮ ካታማ ድርሳ ፐንገቱ ጎርደቲደ ናገቲኖ፤ ካታማ ገላናዉነ ካታማፐ ከሳናዉ ዳንዳይያ ኦንነ ባዋ። 
\v 2 መና ጎዳይ ኢያሳ፥ “ጼላ፥ ታን ያርኮ ካታማ አ ካትያና አ ምኖ ኦላንቻቱዋካ ነ ኩሽያን አደ እማድ። 
\v 3 ኔንነ ነ ኦላንቻቱ ሳልፒደ፥ ኡሱፑን ጋላሳይ ጋካናዉ ሀቼ ሀቼ ካታማ ድርሳ እት ገደ ዩይ አተ። 
\v 4 ቃይ ላፑን ቄሳቱ ዶርሳቱዋ ካጭያፐ ከሴዳ ላፑን ማላካታቱዋ ኦይቂደ፥ ጾሳ ቃላ ጫቁዋ ታቦታ ስንና ሀመትኖ። ላፑን ጋላስ ቄሳቱ ማላካታቱዋ ፑንሽን፥ ኦላንቻቱ ሳልፒደ፥ እትፐ ካታማ ላፑ ገደ ዩይ አተ። 
\v 5 ሄዋፐ ጉይያን ማልካታቱዋ ፑኑዋ ጎቺደ ፑንያዋ ስስያ ዎደ፥ ኤለካ አሳይ ኡባይ ባረ ቃላ ቁ ኦደ ዋሶ። ያቶፐ ካታማ ድርሳ ግምቢ ኩንድና አሳይ ኡባይ ስንዉ ላዉሁ ጊደ ገላና” ያጌዳ።
\p
\v 6 ነዌ ናአይ ኢያሱ ቄሳቱ ዋ ጼጊደ፥ “መና ጎዳ ቃላ ጫቁዋ ታቦታ ቶክተ፤ ህንተፐ ላፑን ቄሳቱ ላፑን ማላካታቱዋ ኦይቂደ፥ ቃላ ጫቁዋ ታቦታፐ ስንዉ አደ ሀመትኖ” ያጌዳ። 
\v 7 አሳ፥ “ስንዉ ቢተ፤ ካታማ ዩይ አተ፤ ኦላዉ ጊጌዳዋንቱካ መና ጎዳ ቃላ ጫቁዋ ታቦታ ስንን ሀመትኖ” ያጊደ አዛዜዳ።
\p
\v 8 ኢያሱ አሳዉ ሃሳዬዳዋዳን፥ ላፑን ቄሳቱ ላፑን ማላካታቱዋ መና ጎዳ ስንን ኦይቂደ፥ ፑኒደ ሀመቴድኖ፤ ቃይ መና ጎዳ ቃላ ጫቁዋ ታቦታይ ኡንቱንታ ካሌዳ። \fig ዶርሳ ኦርግያ ማላካታ |alt="Trumpet of ram’s horn" src="co01481b.TIF" size="col" ref="6:8"\fig* 
\v 9 ኦላዉ ጊጌዳዋንቱ ማላካታቱዋ ፑንያ ቄሳቱዋ ስንን ብያ ዎደ፥ ጉየና ናግያ ኦላንቻቱ ቃላ ጫቁዋ ታቦታ ጉየና ካሌድኖ። ሄ ዎድያ ኡባን ማላካታቱ ፑነቲኖ። 
\v 10 ሽን ኢያሱ አሳ፥ “ታን ህንተንታ፥ ‘ዋስተ!’ ጋና ጋላሳይ ጋካናዉ፥ ኦላ ዋሱዋ ዋሶፕተ፤ ህንተንቱ ቃላይ ስሰቶፖ፤ እት ቃላካ ቃቶፕተ። ግድን ሄ ዎደ ዋስተ!” ያጊደ አዛዜዳ። 
\v 11 ያቲደ መና ጎዳ ቃላ ጫቁዋ ታቦታይ ቶከቲደ፥ ሄ ካታማ እት ገደ ዩይ አናዳን ኦዳ። ሄዋፐ ጉይያን አሳይ ባረ ዱንካኔዳ ሳኣ ስሚደ፥ ቃማ ያን አቄዳ።
\p
\v 12 ዎንተ ጋላስ ኢያሱ ጉሪደ ደንዴዳ፤ ቄሳቱካ መና ጎዳ ቃላ ጫቁዋ ታቦታ ቶኬድኖ። 
\v 13 ላፑን ማላካታቱዋ ኦይቂደ ላፑን ቄሳቱ ስንዉ አደ፥ ማላካታቱዋ ፑኒደ መና ጎዳ ቃላ ጫቁዋ ታቦታ ስንን ሀመቴድኖ። ኦላዉ ጊጌዳዋንቱ ህንቱቱፐ ስንና ሀመቴድኖ፤ ጉየና ናግያ ኦላንቻቱካ መና ጎዳ ቃላ ጫቁዋ ታቦታ ጉየና ካሌድኖ። ሄ ዎድያ ኡባን ማላካታቱ ፑነቲኖ። 
\v 14 ላኤን ጋላስ ካታማ እት ገደ ዩይ አደ፥ ባረንቱ ዱንካኔዳ ሳኣ ስሜድኖ። ኡሱፑን ጋላሳ ጋካናዉ ሄዋዳን ሀኔድኖ።
\p
\v 15 ላፑን ጋላስ ጻልቂ ዶልያ ዎደ ደንዲደ፥ ካሰዋዳን ካታማ ላፑ ገደ ዩይ ዩይ አድኖ። ካታማ ኡንቱንቱ ላፑ ገደ ዩይ ዩይ አዳዌ ሄ ጋላስ ጻላላና። 
\v 16 ላፑን ዩሻን፥ ቄሳቱ ማላካታቱዋ ፑንያ ዎደ፥ ኢያሱ አሳ፥ “መና ጎዳይ ካታማ ህንተንቶ አደ እሜዳ ድራዉ፥ ዋስተ! 
\v 17 ካታማይነ ካታማ ግዶን ደእያባይ ኡባይ መና ጎዳዉ ሸቀቶዋ ግዲደ፥ ያናዉ በሰ። ኑን ጋድያ ጌዳናዉ ኪቴዳ አሳቱዋ ቆሳደ አሼዳ ድራዉ፥ ሻርሙጽያ ራኣባነ እ ሶን እዝና እትፐ ደእያ አሳ ጻላላይ አታናዋ። 
\v 18 ሽን ህንተንቱ ሸቃ ግዴዳባፐ አያነ አከናዳን ህንተንቱ ሁጲያዉ ናገትተ። ሸቃ ግዴዳባፐ ህንተንቱ አኮፐ፥ እስራኤላቱ ዱንካኔዳ ሳኣ ባይያ ሳኣ ኦንታ፤ ያቲደ ሄ ሳአዉ መቱዋ አሀንታ። 
\v 19 ብራይነ ዎርቃይ ኡባይ፥ ቃይ ናሃስያፐነ ብራታፐ መቴዳ ሚሻቱ ኡባይ መና ጎዳዉ ጌዬዳዋ ግድኖ። ኡንቱንቱ መና ጎዳ ሚሻ ምንጅያ ሳኣን ደእኖ” ያጌዳ።
\p
\v 20 ሄዋ ድራዉ ማላካታቱ ፑነትና አሳይ ዋሴዳ። ማላካታቱ ፑኑዋን አሳይ ባረ ቃላ ቁ ኦደ ዋሴዳ፤ ኤለካ ካታማ ድርሳ ግምቢ ኩንድ አጌዳ! ሄዋፐ ጉይያን አሳይ ኡባይ ስንዉ ላዉሁ ግ ገልነ ካታማ ኦይቂ አጌዳ።\x - \xo 6:20 \xo*\xt እብራ. 11:30\xt*\x* 
\v 21 ካታማን ሸምፑዋና ፓጻ ደኤዳዋ ኡባ፥ ማጫዋ አቱማዋ፥ ናናቱዋ ጭማ፥ ሚዛ፥ ዶርሳነ ሀርያ ኡባ ቃራ ማሻን ዉርስ ዎዳ።
\p
\v 22 ኢያሱ ቢታ ጌዳናዉ ኪተቴዳ ላኡ አሳቱዋ፥ “ሻርሙጻት ራኣብ ሶ ቢደ ካሰ ህንተንቱ እዝዉ ጫቄዳዋዳን፥ እዞነ እዝዉ ደእያዋ ኡባ ጋጻ ከስተ” ያጌዳ። 
\v 23 ቢታ ጌዴዳ ዎዳላቱ ቢደ፥ ራኣቦ፥ እ አዉዋ፥ እ ዳዮ፥ እ እሻቱዋነ እዝዉ ደእያዋ ኡባ ጋጻ ከሴድኖ። እስራኤልያ አሳይ ዱንካኔዳ ሳኣፐ ጋጻና ዎድኖ። 
\v 24 ሄዋፐ ጉይያን ካታማነ አ ግዶን ደእያዋ ኡባ ታማን ጹጌድኖ፤ ሽን ብራነ ዎርቃ ቃይ ናሃስያፐነ ብራታፐ መቴዳ ሚሻቱዋ መና ጎዳ ሚሻ ምንጅያ ሳኣን ዎድኖ። 
\v 25 ሽን ኢያሱ ሻርሙጻቶ ራኣቦ እ አዉዋ ሶ አሳናነ እዝዉ ደእያ ኡባባና ሀይቁዋፐ አሼዳ። አያዉ ጎፐ፥ ኢያሱ ያርኮ ካታማ ጌዳናዉ ኪቴዳ አሳቱዋ እዛ ካሰ ቆሳደ አሻዱ። እዝ ዛራቱ ሀቼ ጋካናዉ እስራኤልያ ቢታን ደኢኖ።\x - \xo 6:25 \xo*\xt እብራ. 11:31\xt*\x*
\p
\v 26 ሄ ዎደ ኢያሱ፦
\q1 “ደንዲደ ሀ ያርኮ ካታማ
\q2 ዛረ ኬጽያ ኡራይ፥
\q1 መና ጎዳ ስንን፥
\q2 ሸቀቴዳዋ ግዶ።\x - \xo 6:26 \xo*\xt 1 ካታ. 16:34\xt*\x*
\q1 ብሮ ባሱዋ ባስያ ዎደ፥
\q2 አ ባይራ ናአይ ሀይቆ።
\q1 ፐንግያ ኤስያ ዎደ፥
\q2 አ ዉርሰ ቴፋ ናአይ ሀይቆ”
\m ያጊደ ሸቄዳ።
\p
\v 27 መና ጎዳይ ኢያሱና ግዴዳ፤ ኢያሱ ዋሪ ቢታ ኡባ ጋኬዳ።
\c 7
\s1 አካና ናጋራ
\p
\v 1 እስራኤልያ አሳይ ጾሳዉ አማነተናን እጺደ፥ ጺነ ግ ዎዳባፐ አኬዳ። ሄዋ አኬዳዌ አካና፤ አካን ካርማ ናኣ፤ ካርም ዝምራ ናኣ፤ ዝምር ይሁዳ ዛርያ ግዴዳ ዛራሀ ናኣ። ያትና፥ ጾሳ ሀንቁ እስራኤልያ አሳ ቦላ ኤጼዳ።
\p
\v 2 ኢያሱ ያርኮን ደኢደ ቤቴለ ካታማፐ አዋይ ዶልያ ባጋና ቤት-አዌና ግያሳ ማታን ደእያ አይ ጌተትያ ካታማ አሳ ኪቲደ፥ “ቢተ፤ ሄ ቢታ ጌድተ” ያጌዳ። አሳቱ ቢደ፥ አይ ካታማ ጌዴድኖ።
\p
\v 3 ጌዴዳ አሳቱ ኢያሱኮ ስም ዪደ፥ “ኡባ አሳይ አይ ካታማ ኦላናዉ ባና ኮሸና፤ ላኡ ዎይ ሄዙ ሻአ አሳ የዳ። ያን አማሬዳ አሳይ ደእያ ድራዉ፥ አሳይ ኡባይ ዳቡሮፖ” ያጌድኖ። 
\v 4 ያትና፥ ሄዙ ሻአ ግድያ አሳቱ ኦለታናዉ አይ ካታማ ቤድኖ። ሽን ኡንቱንቱ አይ ካታማ አሳ ስንፐ ባቃቴድኖ። 
\v 5 አይ ካታማ ድርሳ ፐንግያፐ ዶሚደ፥ ሹቻ ቆእያ ሳኣ ጋካናዉ እስራኤልያ አሳ የደርሴድኖ፤ ደርያ ዱገን ሀታማነ ኡሱፑን ግድያ አሳ ዎድኖ። ሄዋን አሳ ዎዛናይ ኮልዲደ፥ ሃ ከሴዳ።
\p
\v 6 ሄዋፐ ጉይያን ኢያሱ ካዮቲደ፥ ባረ ማዩዋ ፔደ ጾሳ ታቦታ ስንን ኦማርስ ጋካናዉ ጉፋኔዳ። እስራኤልያ ጭማቱካ አዋዳን ሀኔድኖ፤ ባረንቱ ሁጲያንካ ባና ቆሌድኖ። 
\v 7 ሄዋፐ፥ ኢያሱ ሀዋዳን ያጌዳ፤ “ሀይ ፖራ! ኡባ ሞድያ ጾሳዉ፥ ኑና አሞረ አሳዉ አ እማደ ዉርስሳናዉ አያዉ ዮርዳኖሳ ሻፋ ፕን አሃድ? ኑን ዮርዳኖሳ ሻፋፐ ሄፍን ባጋን አቴዶ ግዴሮኮ! 
\v 8 አቤት ጎዳዉ፥ እስራኤልያ አሳይ ጾነቲደ፥ ባረ ሞርከቱዋ ስንፐ ባቃቶፐ፥ ታን ዋጎ? 
\v 9 ካናነቱነ ሀ ቢታን ደእያ አሳይ ኡባይ ሀ የዉዋ ስሲደ፥ ኑና ዶዳናዋንታ፤ ጋድያፐካ ይሳናዋንታ። ስም፥ ነ ዎልቃማ ሱንዉ ኔን ኦያባይ አዬ?” ያጌዳ።
\p
\v 10 ጾሳይ ኢያሳ፥ “ደንዳ ኤአ! ሀዋዳን አያዉ ጉፋናድ? 
\v 11 እስራኤልያ አሳይ ናጋራ ኦዳ፤ ታን ኡንቱንቱና ጫቀቴዳ ታ ጫቁዋ አድኖ። ኡንቱንቱ ማጋራ ጌተቴዳ ሚሻቱዋፐ አኬድኖ፤ ዉኤድኖ፤ ዎርዶቴድኖ። ቃይ ሄ ሚሻ ኡንቱንቱ ባረንቱ ሚሻና ጋ ዎድኖ። 
\v 12 ሄዋ ድራዉ፥ እስራኤላቱ ባረንቱ ሞርከቱዋ ስንን ኤቃናዉ ዳንዳይክኖ። ኡንቱንቱ ያናዉ በስያ ድራዉ፥ ባረንቱ ሞርከቱዋ ስንፐ ባቃቴድኖ። ማጋራ ጌተቴዳ ሚሻ ህንተንቱ ማታን ደእያዋ ህንተንቱ ይሳና ዮፐ፥ ሀዋፐ ስንዉ ታን ህንተንቱና ግድከ።
\p
\v 13 “ደንዳ፤ አሳ ጌሻ። ኡንቱንቶ ሀዋዳን ያጋደ ኦዳ፤ ‘ዎንትዉ ህንተንቱ ሁጲያዉ ጌይተ። ጾሳይ እስራኤልያ ጾሳይ ህንተንታ፤ “እስራኤላቶ፥ ማጋራ ጌተቴዳ ሚሻይ ህንተንቱ ማታን ደኤ። ህንተንቱ ሄ ሚሻ ህንተንቱ ማታፐ ድጋና ጋካናዉ፥ ህንተንቱ ሞርከቱዋ ስንን ኤቃናዉ ዳንዳይክታ” ያጌ። 
\v 14 ዎንታ ጉራ፥ ህንተንቱ ዛርያን ዛርያን ሺቅና ጾሳይ፥ “ሀዋ” ጌተትያ ዛሪ፥ ባረ ያራን ያራን ሺቃና፤ ቃይ ጾሳይ፥ “ሀዋ” ግያ ያራይ ባረ ሶ አሳን አሳን ሺቃና፤ ቃይ ጾሳይ፥ “ሀዋ” ግያ ሶ አሳይ እት እት አሳይ ታራን ታራን ሺቃና። 
\v 15 ሄዋፐ ጉይያን ማጋራ ጌተቴዳዋና ኦይቀቴዳ አሳይ፥ ባረዋ ኡባና ታማን ጹገታና። አያዉ ጎፐ፥ ጾሳ ቃላ ጫቁዋ እ አደ፥ እስራኤልያ አሳ ግዶን ካዉሻባ ኦዳ’ ያጋ” ያጌዳ።
\p
\v 16 ኢያሱ ዎንተ ጋላስ ጉራን ደንዲደ፥ እስራኤልያ አሳ ዛርያን ዛርያን ሺሽና ይሁዳ ዛሪ አከቴዳ። 
\v 17 ይሁዳ ዛሪ ሺቅና፥ ዛራሀ ያራይ አከቴዳ፤ ዛራሀ ያራይ ሺቅና፥ ዝምራ ሶ አሳይ አከቴዳ። 
\v 18 ዝምራ ሶ አሳይ ሺቅና፥ ዉርሰን ዝምራ ናኣ ናአይ፥ ካርማ ናአይ አካን አከቴዳ። 
\v 19 ሄዋፐ፥ ኢያሱ አካና፥ “ታ ናአዉ፥ ጾሳ እስራኤልያ ጾሳ ቦንቻ፤ አ ጋላታ። አነ ኔን ኦዳዋ ታዉ ቆሰናን ኦዳ” ያጌዳ።
\p
\v 20 ሄዋፐ ጉየ አካን ኢያሳ፥ “ኤ ቱማ! ታን ጾሳ እስራኤልያ ጾሳ ናቃድ። ታን ኦዳዌ ሀዋ: 
\v 21 ኑን ኦሞዴዳ ሚሻ ግዶን ታን እት ሎእያ ባብሎነ ጋድያ ካባ፥ ላኡ ጼቱ ጻጋራ ብራነ ባጋ ኪሎ ግድያ ዎርቃ በኣድ፤ አካናዉ አሞቴዳ ድራዉ አካድ። ያታደ ታ ዱንካንያ ግዶን ቢታ ጋርሳን ቆሳድ፤ ብራይካ ኡባፐ ጋርሳና ደኤ” ያጌዳ።
\p
\v 22 ኢያሱ አሳ ኪትና፥ ኡንቱንቱ ዱንካንያ ዎጺደ ገልያ ዎደ፥ ዱንካንያ ግዶን ሚሻ ቆስ ዎዳዋ ደሜድኖ፤ ብራይካ ሚሻቱዋፐ ጋርሳና ደኤ። 
\v 23 ኪተቲደ ቤዳ አሳቱ ሚሻ ዱንካንያ ግዶፐ አኪደ፥ ኢያሱኮነ እስራኤልያ አሳ ኡባኮ አሄድኖ፤ ጾሳ ስንን ዎድኖ።
\p
\v 24 ሄዋፐ ጉይያን ኢያሱነ እስራኤልያ አሳይ ኡባይ አካና ብራ፥ ካባ፥ ዎርቃ፥ አ አቱማ ናናነ ማጫ ናና፥ አ ሚዛ፥ ሀረቱዋነ ዶርሳቱዋ፥ አ ዱንካንያነ አዉ ደእያዋ ኡባ አኪደ፥ መቱዋ ዎምባ ግያሳ አሄድኖ። 
\v 25 ኢያሱ አካና፥ “ሀ መቱዋ ኑ ቦላ አያዉ አሃድ? ጾሳይ ሀቼ ነ ቦላካ መቱዋ አሀና” ያጌዳ።
\p እስራኤልያ አሳይ ኡባይ አካናነ አ ሶ አሳ ሹቻን ጫድ ዎደ፥ አዉ ደእያዋ ኡባ ታማን ጹጌዳ። 
\v 26 ኡንቱንቱ አካና ቦላን ሀቼ ጋካናዉ ደእያ ዳሮ ሹቻ ኬሌድኖ። ያትና፥ ጾሳይ ባረ ኤጽያ ሀንቁዋ ዛሬዳ። ሀቼ ጋካናዉ ሄ ሳአይ መቱዋ ዎምባ ጌተቴዳዌ ሀዋሳ።
\c 8
\s1 አይ ካታማይ ጾነቴዳ
\p
\v 1 ጾሳይ ኢያሳ፥ “ያዮፓ፤ ህርጎፓ! ኦላንቻቱዋ ኡባ ኔናና አካደ፥ አይ ካታማ ኦላናዉ ከሳ። አይ ካታማ ካትያ፥ አ አሳ፥ አ ካታማነ አ ቢታ ታን ነ ኩሽያን አደ እማድ። 
\v 2 ኔን እያርኮ ካታማነ አ ካትያ ይሴዳዋዳን፥ ሄዋዳንካ አይ ካታማነ አ ካትያ ይሳ። ሽን፥ ቦንቄዳ ኦሞዱዋነ ድኤዳ መህያ ህንተንቶ አክተ። ካታማፐ ጉየ ባጋና ሙጊደ ናግያ ኦላንቻቱዋ ዎ” ያጌዳ።
\p
\v 3 ኢያሱነ ኦላንቻቱ ኡባይ አይ ካታማ ኦላናዉ ደንዴድኖ። ኢያሱ ባረ ኦላንቻቱዋ ግዶፐ ሀታሙ ሻአ ግድያ ምኖ ኦላንቻቱዋ ዶሪደ፥ ቃማን የዴዳ። 
\v 4 ኡንቱንታ ሀዋዳን ያጊደ አዛዜዳ፤ “ስስተ፥ ካታማፐ ጉየ ባጋና ሙጊደ ናግተ። ካታማፐ ሃኪደ ቦፕተ፤ ኡባይካ ጊጊደ ናግተ። 
\v 5 ታንነ ታናና ደእያ አሳይ ኡባይ ካታማኮ ሺቃና። ሄ ዎደ አይ ካታማ አሳይ ካሰዋዳንካ ኑና ኦላና ጊደ ከሳና፤ ኑን ኡንቱንቱፐ ባቃታና። 
\v 6 ካታማፐ ኡንቱንቱ ዉር ከሳና ጋካናዉ፥ ኑን ኡንቱንቶ ዎጻና፤ ያቶፐ ኡንቱንቱ፥ ‘ካሰዋዳንካ እስራኤላቱ ኑ ስንፐ ባቃቲኖ’ ያጋና። 
\v 7 ሄ ዎደ ህንተንቱ ሙጌዳ ሳኣፐ ከስነ፥ ካታማ ኦይቂ አጋና፤ ጾሳይ ህንተንቱ ጾሳይ ካታማ ህንተንቱ ኩሽያን አ እማና። 
\v 8 ካታማ ኦይቄዳዋፐ ጉይያን፥ ጾሳይ አዛዜዳዋዳን ታማን ጹግተ። ስም ታን ህንተንቶ ኦዳድ” ያጌዳ።
\p
\v 9 ኢያሱ ኦላንቻቱዋ የድና ኡንቱንቱ ሙግያ ሳኣ ቢደ አይ ካታማፐ አዋይ ዉልያ ባጋና ደእያ ቤቴለፐነ አይፐነ ግዱዋን ሙጊደ ናጌድኖ። ሽን ኢያሱ ሄ ጋላስ ቃማ አሳና እትፐ አቄዳ።
\p
\v 10 ዎንተ ጋላስ ጉራን ኢያሱ ደንዲደ፥ ኦላንቻቱዋ ሳልፕሴዳ፤ ያቲደ እነ እስራኤልያ ጭማቱነ ኦላንቻቱዋ ካለደ አይ ካታማ ቤድኖ። 
\v 11 አናና ደእያ ኦላንቻቱ ኡባይ ቢደ፥ አይ ካታማ ማቲደ ካታማፐ ሁጲሳ ባጋና ዱንካኔድኖ፤ ኡንቱንቱፐነ አይ ካታማፐነ ግዱዋን ዎምባይ ደኤ። 
\v 12 ኢያሱ እቼሹ ሻአ ኦላንቻቱዋ አፊደ፥ ካታማፐ አዋይ ዉልያ ባጋና፥ ቤቴለፐነ አይፐ ግዱዋን ሙጋናዳ ዎዳ። 
\v 13 ካታማፐ ሁጲሳ ባጋና ደእያ ኦላንቻቱዋነ ካታማፐ አዋይ ዉልያ ባጋና ሙግ ኡቴዳ ኦላንቻቱዋ ኡባ ሳኣ ኦይዳ። ሄ ጋላስ ቃማ ኢያሱ ሄ ዎምባን አቄዳ።
\p
\v 14 አይ ካታማ ካቲ ሄዋ በኤዳ ዎደ፥ እነ አ ኦላንቻቱነ ኡባይ ጉራን ኤሌል ደንዲደ፥ አራብያ ዱገ አፍያ ኦግያ ኦይቂደ፥ እስራኤልያ አሳና ኦላ ጋከታናዉ ዬድኖ፤ ሽን ካቲ ካታማፐ ጉየ ባጋና ሙግ ኡቴዳ ኦላንቻቱ ደእያዋ ኤርቤና። 
\v 15 ኢያሱነ እስራኤልያ ኡባይነ ጾነቴዳዋ ማላቲደ፥ ኡንቱንቱ ስንፐ ባዙዋ ስሚደ ባቃቴድኖ። 
\v 16 አይ ካታማን ደእያ አሳይ ኡባይ ኡንቱንታ የደርሳናዉ ጼገቲደ ኢያሳ የደርሲደ ካታማፐ ሃኪደ ቤድኖ። 
\v 17 አይንነ ቤቴለን ደእያ አሳይ ኡባይ እስራኤልያ አሳ የደርሳናዉ ዉር ከስ ድግና፥ ካታማይ ናግያዌ ባይናን ጮ ዶያ አቴዳ።
\p
\v 18 ሄዋፐ ጉይያን መና ጎዳይ ኢያሳ፥ “ነ ኩሽያን ደእያ ቶራ አይ ካታማኮ ዛራደ ደን። አያዉ ጎፐ፥ ታን አይ ካታማ ነ ኩሽያን አደ እማና” ያጌዳ። ኢያሱ ባረ ቶራ ካታማኮ ዛሪደ ደንዳ። 
\v 19 ኢያሱ ቶራ ያ ዛሪደ ደንዳ ዎደ፥ ሙግ ደእያ ኦላንቻቱ ባረንቱ ሙጌዳ ሳኣፐ ኤሌል ደንዲደ፥ ካታማ ገል አጌድኖ። ኦይቂደ፤ ኤለካ ካታማ ታማን ኦይ አጌድኖ።
\p
\v 20 አይ ካታማ አሳይ ጉየ ስሚደ ጼልያ ዎደ፥ ካታማ ጩዋይ ሳሉዋ ከሴዳዋ በኤድኖ፤ ሽን ያነ ሃነ ባቃታናዉ ዳንዳይበይክኖ። አያዉ ጎፐ፥ ባዙዋ ባቃቴዳ እስራኤልያ አሳይ ባረና የደርሴዳ ኡንቱንቱ ቦላ ጉየ ስሜዳ። 
\v 21 ኢያሱነ እስራኤልያ አሳይ ኡባይ ሙግ ኡቴዳ ኦላንቻቱ ካታማ ኦይቄዳዋነ ጩዋይ ሳሉዋ ከሴዳዋ በኤዳ ዎደ ጉየ ስሚደ፥ አይ ካታማ አሳ ዎድኖ። 
\v 22 ሙግ ኡቴዳ ኦላንቻቱካ ካታማፐ ኡንቱንቱ ቦላ ከሴድኖ። ያትና፥ አይ ኦላንቻቱ እስራኤልያ ኦላንቻቱዋን ላኡ ባጋና ድረቴድኖ። እት አሳይነ ፓጻ አተናን ዎይ ከስ አከናን ኡባ ዎ ዉርሴድኖ። 
\v 23 ሽን አይ ካታማ ካትያ ፓጻ ኦይቂደ፥ ኢያሱኮ አሄድኖ።
\p
\v 24 እስራኤልያ አሳይ አይ ካታማ አሳይ ኡንቱንታ የደርሴዳ ደምባን ቃራ ማሻን ሙሸሬ ዉርሴዳዋፐ ጉይያን፥ ኡባይካ ጉየ አይ ካታማ ስሚደ፥ ካታማን አቴዳ አሳ ኡባ ቃራ ማሻን ዎድኖ። 
\v 25 ሄ ጋላስ አይ ካታማ አሳይ አቱማዌነ ማጫዌ ኡባይ ዉር ሀይቄዳ፤ ሀይቄዳ አሳይ ኡባይ ታማነ ላኡ ሻአ። 
\v 26 ኢያሱ አይ ካታማን ደእያዋ ኡባ ሙለ ዉርሳና ጋካናዉ፥ ካታማኮ ማል ዎዳ ቶራ ዱገ ዎቤና። 
\v 27 ሽን መና ጎዳይ ኢያሳ አዛዜዳዋዳን፥ እስራኤልያ አሳይ ሄ ካታማ መህያነ ደእያባ ባረንቶ አኬድኖ። 
\v 28 ኢያሱ አይ ካታማ ጹግና ሀቼ ጋካናዉ ሹቻ ኬላ ግዲደ አት አጌዳ። 
\v 29 አይ ካታማ ካትያ ኦማርስ ጋካናዉ ም ቦላን ካቄዳ። አዋይ ዉልያ ዎደ፥ ኢያሱ አዛዝና፥ አ አሃ ካቄዳ ምፐ ዎደ ካታማ ገልያ ፐንግያን ኦሌድኖ፤ አ ቦላን ዳሮ ሹቻ ኬሌድኖ። ሹቻይ ሀቼ ጋካናዉ ሄ ሳኣን ደኤ።
\s1 ኤባላ ደርያን ህጊ ናባበቴዳ
\p
\v 30 ሄዋፐ ጉይያን ኢያሱ ኤባላ ግያ ደርያ ቦላን መና ጎዳዉ እስራኤልያ መና ጎዳዉ ያርሹዋ ያርሽያ ሳኣ ግምቤዳ።\x - \xo 8:30-32 \xo*\xt ዛረ. 27:2-8\xt*\x* 
\v 31 መና ጎዳ ቆማይ ሙሴ እስራኤልያ አሳ አዛዜዳዋዳንነ ሙሴ ህግያ ማጻፋን ጎዳዉ፥ ያርሽያ ሳአይ ማሰትቤናነ ብራታይ ቦችቤና ሹቻፐ ግምበቴዳ። አን መና ጎዳዉ ጹግያ ያርሹዋነ እትፐተ ያርሹዋ ያርሼድኖ።\x - \xo 8:31 \xo*\xt ከሳ 20:25\xt*\x* 
\v 32 ሄ ሳኣን እስራኤልያ አሳይ ጼልሽን፥ ኢያሱ ሙሴ ህግያ ዱቆዋ ሹቻ ቦላን ጻፌዳ። 
\v 33 ሄ ዎደ፥ እስራኤልያ አሳይ ኡባይ፥ እስራኤልያ ዛራቱ፥ አላጋቱ፥ ጭማቱ፥ ጋዳዋቱነ ዳናቱ ኡባይ መና ጎዳ ቃላ ጫቁዋ ታቦታ ቶኬዳ ሌዊያ ዛርያ ግድያ ቄሳቱዋ ስንን ቃላ ጫቁዋ ታቦታፐ ኡሸቻ ባጋናነ ሀድርሳ ባጋና ኤቄድኖ። ኡንቱንቱፐ ባጋ አሳይ ባረንቱ ዞኪያ ጋሪዛማ ግያ ደርያኮ ዛርና፥ ባጋ አሳይ ኤባላ ግያ ደርያኮ ዛሪደ ኤቄድኖ። ኡንቱንቱ መና ጎዳ ቆማይ ሙሴ ካሰ አዛዜዳዋዳን፥ እስራኤልያ አሳ አንጃናዉ ሄዋዳን ሀኔድኖ።\x - \xo 8:33-35 \xo*\xt ዛረ. 11:29፤ 27:11-14\xt*\x* 
\v 34 ሄዋፐ ጉይያን ህግያ ማጻፋን ጻፈቶዋዳን፥ ኢያሱ ህግያ ቃላ ኡባ፥ አንጁዋካ ሸቃካ ናባቤዳ። 
\v 35 ሙሴ አዛዜዳዋ ኡባፐ ኢያሱ ናባበናን አጌዳ እት ቃላይካ ባዋ። ኩመን እስራኤልያ ሺቆ፥ ማጫ አሳዉ፥ ናናቶ፥ ኡንቱንቱ ግዶን ደእያ አላጋቱዋናካ ኡባዉ ናባቤዳ።
\c 9
\s1 ጋባኦና አሳቱ ኢያሳ ጭሜድኖ
\p
\v 1 ዮርዳኖሳ ሻፋፐ አዋይ ዉልያ ባጋና ደእያ ካተቱ ኡባይ፥ ገዝያን ደእያዋንቱ፥ ጋን ደእያዋንቱ፥ ሜድትራነ አባ ባዙዋ ኦይቂ ቢደ ሊባኖሳ ጋካናዉ ደእያዋንቱ፥ ሂተቱዋ፥ አሞራዋናቱዋ፥ ካናነቱዋ፥ ፓርዛዋናቱዋ፥ ሂዌቱዋነ ያቡሳዋናቱዋ ካተቱ ኡባይ እስራኤልያ አሳይ ጾኔዳዋ ስሴድኖ። 
\v 2 ኢያሳነ እስራኤልያ አሳ ኦላናዉ ባናዉ እትፐ ሺቄድኖ።
\p
\v 3 ጋባኦና ካታማን ደእያ ሂዌቱ ኢያሱ ያርኮ ካታማንነ አይ ካታማን ኦዳዋ ስሴዳ ዎደ፥ 
\v 4 ጭማናዉ ኮዬድኖ። ኡንቱንቱ ሽንቃ ቃቺደ ጩርቃ ዶንያቱዋ ዳሳ ዎ ስኬዳ ኤሳ ኦጎሮቱዋ ሀርያን ጫኒደ፥ ኢያሱኮ ኪተቴድኖ። 
\v 5 ኪተቴዳ አሳቱ ዉሬዳ ኤጫ ማዩዋ ማዪደ፥ ዎ ስኬዳ ጫማ ባረንቱ ገድያን ዎድኖ፤ ኡንቱንቱ ሽንቃዉ ጊደ ኦይቄዳ ቁማይ ኡባይ መሌዳዋነ ፑሉሜዳዋ። 
\v 6 ሄዋፐ ጉይያን ኡንቱንቱ ኢያሱ ዱንካኔዳ ሳኣ ገልጋላ ቢደ፥ አውነ እስራኤልያ አሳዉ፥ “ኑን ሃኮ ጋድያፐ ዬዶ። ሀይ ኑናና ሳሮ ደአና ማላ ቃላ ጫቁዋ ጫቃ” ያጌድኖ።
\p
\v 7 እስራኤልያ አሳይ ሂዌቱዋ፥ “ህንተንቱ ኑ ጋድያን ደእያ አሰንቶነ፥ አያን ኤሪደ ህንተናና ጫቀታኔ?” ያጌዳ።
\p
\v 8 ሄዋፐ ጉየ ኡንቱንቱ ኢያሳ፥ “ኑን ነ ቆማቱዋ” ያጌድኖ።\x - \xo 9:8 \xo*\xt ፓይ. 21:21-35\xt*\x*
\p ኢያሱ፥ “ህንተንቱ ኦኔ? ሀቃፐ ዬድቴ?” ያጊደ ኦቼዳ።
\p
\v 9 ሽን ኡንቱንቱ፥ “ኑን ነ ቆማቱ መና ጎዳ ነ ጾሳ ዋርያ ስሲደ፥ ዳሮ ሃኮ ጋድያፐ ዬዶ። እ ግብጼ ጋድያን ኦዳዋ ኡባ ኑን ስሴዶ። 
\v 10 ቃይ ዮርዳኖሳ ሻፋፐ ሄፍን አዋይ ዶልያ ባጋና ደእያ አሞራዋናቱዋ ካተቱዋ ላኡዋ፥ ሀሰቦና ካትያ ስሆናነ አስታሮታ ካታማን ደእያ ባሳነ ካትያ ኦጋ እ ኦዳዋካ ስሴዶ። 
\v 11 ኑ ጋደ ጭማቱነ ኑ ቢታን ደእያ አሳይ ኡባይ ኑና፥ ‘ህንተ ባና ኦግያዉ ሽንቃ ኦይቂደ፥ ቢደ ኡንቱንቱና ጋከቲደ ኡንቱንታ፥ “ኑን ህንተንቱ ቆማቱዋ፤ ህንተንቱ ኑናና ሳሮ ደአና ማላ ጫቁዋ ጫቄርክተ” ያግተ’ ያጌድኖ።
\p
\v 12 “ኑን ህንተንቱኮ ያናዉ ኑ ሶፐ ሽንቃ አክያ ጋላስ፥ ሀ ኡክይ ሆኡዋ፤ ሽን ሀእ መሌዳዋነ ፑሉሜዳዋ በእተ! 
\v 13 ሀዋንቱ ኤሳ ኦጎሮቱ ኑን ኩንያ ዎደ ኦራ፤ ሽን ሀእ ዳከቴዳዋ በእተ! ኦጊ ሃኮ ግዴዳዋ ጋሱዋን፥ ኑ ማዩነ ኑ ጫማይ ዉሬዳ” ያጌድኖ። 
\v 14 መና ጎዳ ኦቼናን፥ እስራኤልያ አሳይ ኡንቱንቱ ሽንቃፐ አማሬዳዋ አኬዳ። 
\v 15 ያትና፥ ኢያሱ ኡንቱንቱ ፓጻ አቲደ ባረናና ሳሮ ደአና ማላ ጫቁዋ ኡንቱንቱና ጫቀቴዳ፤ ማባራ ካለያዋንቱካ ሄ ጫቁዋ ቃላ አናዳን ጫቄድኖ።
\p
\v 16 ኡንቱንቱና ጫቁዋ ጫቀቴዳ ሄዘን ጋላሳፐ ጉይያን፥ ሀ አሳቱ ኡንቱንቱ ጋድያን ደእያ ሾሮ ግድያዋ እስራኤልያ አሳይ ስሴዳ። 
\v 17 እስራኤልያ አሳይ ሄዙ ጋላሳ ሀመቲደ፥ አሳቱ ደእያ ካታማቱዋ ጋኬድኖ። ኡንቱንቱ ካታማቱ ጋባኦና፥ ካፊራ፥ ባኤሮታነ ቅርያት-ይኣሪማ ጌተትኖ። 
\v 18 ሽን ማባራ ሱንቱ ኡንቱንቶ መና ጎዳ እስራኤልያ ጾሳ ሱንን ጫቄዳ ድራዉ፥ ኡንቱንታ ዎበይክኖ። ያትና፥ ኩመን ማባራይ ሱንቱዋ ቦላን ዙዙሜዳ። 
\v 19 ሽን ካፓቱ ኡባይ ሀዋዳን ያጌድኖ፤ “ኑን ኡንቱንቶ መና ጎዳ እስራኤልያ ጾሳ ሱንን ጫቄዳ ድራዉ፥ ሀእ ስም ኡንቱንታ ቦቻናዉ ዳንዳዮኮ። 
\v 20 ሽን ኑን ኡንቱንታ ሀዋዳን ኦና፤ ኑን ኡንቱንቶ ጫቄዳ ጫቁዋ ካድና ጾሳ ሀንቁ ኑ ቦላን ዎናዳን፥ ኡንቱንቱ ፓጻ ደእኖ። 
\v 21 ሽን ደኢደ ማባራዉ ኡባዉ ም ቃንጽያዋንታነ ሃ ትክያዋንታ ግድኖ” ያጌድኖ። ሄዋ ድራዉ ጋባኦናቱዋ ሱንቱ ጌዳዋዳን ሀኔድኖ።
\p
\v 22 ኢያሱ ጋባኦና አሳቱዋ ጼጊደ፥ “ኑ ጋድያን ደኢደ፥ ‘ኑን ዳሮ ሃኮ ጋድያፐ ዬዶ’ ጊደ፥ አያዉ ኑና ጭሜድቴ? 
\v 23 ህንተንቱ ሄዋ ሀኔዳ ድራዉ ሸቀቴድታ፤ ህንተንቱ መናዉ ታ ጾሳ ጎለን ም ቃንጽያነ ሃ ትክያ አይልያ ግዳና” ያጌዳ።
\p
\v 24 ኡንቱንቱ ኢያሱዉ ዛሪደ ሀዋዳን ያጌድኖ፤ “ኑን ነ ቆማቱ መና ጎዳይ ሀ ጋድያ ኡባ ህንተንቶ እማናዳንነ አን ደእያ አሳ ኡባ ህንተንቱ ስንፐ ይሳናዳን ባረ ቆማ ሙሳ አዛዜዳዋ ጌሺደ ስሴዶ። ሄዋ ድራዉ ህንተፐ ኑ ሸምፖ ዳሮ ያዪደ ሀዋ ኦዶ። 
\v 25 ሀእ ስም ኑን ነ ኩሽያን ደኤቶ። ኑና ነዉ ሎአነ ሱረ ማላት ቤቴዳዋዳን ኦ” ያጊደ ዛሬድኖ። 
\v 26 ያትና፥ ኢያሱ ኡንቱንታ እስራኤልያ አሳይ ዎናዳን አሼዳ። 
\v 27 ሄ ጋላስ ኢያሱ ጋባኦና አሳቱዋ እስራኤልያ ማባራዉነ መና ጎዳዉ ያርሽያ ሳአዉ ም ቃንጻናዳንነ ሃ ትካናዳን ኦና ኡንቱንቱ ሀቼ ጋካናዉ ጾሳይ አሳይ ባረዉ ጎይናናዳን ዶሬዳዌ ሳኣን ሀቃንነ ሄዋዳን ኦደ ደኢኖ።
\c 10
\s1 አዋይ ኤቄዳ
\p
\v 1 ኢያሱ ካሰ ያርኮ ካታማ ኦለቲደ ባይዜዳዋዳንነ ኡንቱንቱ ካትያ ዎዳዋዳን፥ አይ ካታማ ኦለቲደ ኡባ ባይዜዳዋነ ኡንቱንቱ ካትያካ ዎዳዋ የሩሳላመ ካትያ አዶንጸደቅ ስሴዳ። ቃይ ጋባኦና አሳይ እስራኤልያ አሳና ሳሮ ደአናዉ ጫቀቴዳዋነ ሀእ ኡንቱንቱና እትፐ ደእያዋ ስሴዳ። 
\v 2 አ አሳይካ ሎይ ያዬዳ። አያዉ ጎፐ፥ ጋባኦና ካታማይ ካተቱዋ ካታማቱዋፐ እቱዋ ማላ ዎልቃማ ካታማ፤ ቃይ ሄ ካታማይ አይ ካታማፐ ዳሬ፤ አን ደእያ አቱማ አሳይካ ምና። 
\v 3 ያትና፥ የሩሳላመ ካትያ አዶንጸደቅ፥ ከብሮነ ካትያ ሆሃማዉ፥ ያርሙታ ካትያ ፒራማዉ፥ ላክሻ ካትያ ያፍአዉነ፥ ኤግሎና ካትያ ዳቢራዉ ሀዋዳን ያጊደ ኪቴዳ፤ 
\v 4 “ጋባኦና ካታማ አሳይ ኢያሱናነ እስራኤልያ አሳና ሳሮ ደአናዉ ጫቀቴዳ ድራዉ፥ ኡንቱንቱና ኦለታናዉ ዪደ ታና ማዴርክቴ” ያጌዳ። 
\v 5 ሄዋፐ ጉይያን አሞራዋናቱዋ ካተቱ እቼሻቱ የሩሳላመ ካቲ፥ ከብሮነ ካቲ፥ ያርሙታ ካቲ፥ ላክሻ ካቲነ ኤግሎና ካቲ ባረንቱ ኦላንቻቱዋ እትፐ ጋድኖ። ባረንቱ ኦላንቻቱዋ ኡባ አኪደ ፑደ ቢደ፥ ጋባኦና ካታማ ዶዲደ ኦሌድኖ።
\p
\v 6 ጋባኦና አሳይ ገልጋላን ዱንካኒደ ኢያሱኮ ኪቲደ፥ “ኑና ነ ቆማቱዋ አጎፓ፤ ኤለካ ኑኮ ያደ ኑና አሻ። ገዝያን ደእያ አሞራዋናቱዋ ካተቱ ኡባይ ኑና ኦላናዉ ባረንቱ ኦላንቻቱዋ እቱዋ ኦዳ ድራዉ፥ ኔን ኑና ማዳ” ያጌድኖ።
\p
\v 7 ሄዋፐ ጉየ ኢያሱ፥ አናና ደእያ ኦላንቻቱ ኡባይነ ምኖ አሳቱ ኡባይ ገልጋላፐ ደንዲደ ቤድኖ። 
\v 8 መና ጎዳይ ኢያሳ፥ “ኡንቱንቶ ያዮፓ! ታን ኡንቱንታ ነ ኩሽያን አደ እማድ። ኡንቱንቱፐ እቱነ ኔናና ኤቀታናዉ ዳንዳየና” ያጌዳ። 
\v 9 ሄዋፐ ጉይያን ኢያሱ ገልጋላፐ ቃማ ኡባን ሀመቲደ አቂደ፥ ኡንቱንቱ አኬከናን ደእሽን ኡንቱንቱ ቦላ ዎራጄዳ። 
\v 10 መና ጎዳይ እስራኤልያ አሳ ስንን ህንቱቶ ዎዛና ካሃ ባይዜዳ፤ ያትና፥ እስራኤልያ አሳይ ኡንቱንቱፐ ዳሮ አሳ ጋባኦናን ዎዳ። እስራኤላቱ ኡንቱንታ ቤት-ሆሮና አፍያ ኦግያ ኦይደ ጎዲደ፥ አዜቃነ ማቄዳ ጋካናዉ ቡድኖ። 
\v 11 ቤት-ሆሮናፐ ዱገ አዜቃ አፍያ ኦግያ ኦይቂደ ኡንቱንቱ እስራኤልያ አሳ ስንፐ ባቃትሽን፥ መና ጎዳይ ዎልቃማ ሻቻ ሳሉዋፐ ኡንቱንቱ ቦላን ቡክሴዳ። እስራኤልያ አሳይ ማሻን ዎዳ አሳፐ፥ ሻቻይ ዎዳ አሳይ ፓይዱዋን ዳሬዳ።
\p
\v 12 መና ጎዳይ አሞረቱዋ፥ እስራኤልያ አሳዉ አ እሜዳ ጋላስ፥ እስራኤልያ አሳ ስንን ኢያሱ መና ጎዳ፥
\q1 “አዋ አይፊ ጋባኦና ቦላን፥
\q2 ዉለናን ጋምኦ።
\q1 አግናይካ አያሎና ዛንጋራ ቦላን ኤቆ”
\m ያጌዳ። 
\v 13 ሄዋፐ ጉየ እስራኤልያ አሳይ ባረንቱ ሞርከቱዋ ጾናና ጋካናዉ፥ አዋይ ዉለናን ጋምኤዳ። አግናይካ ባረ ደእያ ሳኣፐ ቃጽቤና።
\p ሄዌ ያሻራ ማጻፋን ጻፈት ኡቴዳ። አዋይ ሳሎ ግዶ ባጋን ቃጸናን ኤቄዳ፤ እት ጋላሳ ኡባ አዋይ ዉለናን ታኬዳ።\x - \xo 10:13 \xo*\xt 2 ሳሜላ 1:18\xt*\x* 
\v 14 መና ጎዳይ አሳይ ኦዴዳዋ ስሴዳ ሄ ጋላሳ ማላ ጋላሳይ ሄዋፐ ካሰ ግድናካ፥ ሄዋፐ ሃ ዶምና ኡባካ ሀንቤና። ቱሙካ መና ጎዳይ እስራኤልያ አሳዉ ኦለቴዳ!
\p
\v 15 ሄዋፐ ጉይያን ኢያሱነ እስራኤልያ ኦላንቻቱ ኡባይ ባረንቱ ዱንካኔዳ ሳኣ ገልጋላ ስሜድኖ።
\s1 እቼሹ ካታቱ ጾነቴድኖ
\p
\v 16 ሄ አሞራዋናቱዋ ካተቱ እቼሻቱ ባቃቲደ፥ ማቄዳ ካታማ ማታን ደእያ ጎንጎሉዋ ግዶን ቆሰቴድኖ። 
\v 17 እያሶ፥ “እቼሹ ካተቱ፥ ማቄዳ ካታማ ማታን ደእያ ጎንጎሉዋ ግዶን ቆሰቴዳዋንታ ደሜዶ” ያጊደ ኦዴድኖ።
\p
\v 18 ኢያሱ፥ “ዎልቃማ ሹቻቱዋ ጎንዶርሲደ፥ ጎንጎሉዋ ፐንግያ ጎርዲደ ኡንቱንታ ናጋና ማላ፥ አሳ ያን ዎተ። 
\v 19 ሽን ህንተንቱ ያን ጋምኦፕተ፤ ህንተንቱ ሞርከቱዋ የደርሲደ፥ ጉየና ኡንቱንታ ኦልተ፥ ኡንቱንታ ኡንቱንቱ ካታማ ገልሶፕተ። መና ጎዳይ ህንተንቱ ጾሳይ ኡንቱንታ ህንተንቱ ኩሽያን አደ እሜዳ” ያጌዳ። 
\v 20 ባረንቱ ግምበቴዳ ካታማቱዋ ባቃቲደ ገሌዳ ላፋ አሳቱ አትና፥ ህንኮ አሳ ኡባ ኢያሱነ እስራኤልያ አሳይ ዉርስ ዎድኖ። 
\v 21 ሄዋፐ ጉይያን፥ አሳይ ኡባይ ሳሩዋን ስሚደ፥ ኢያሱ ዱንካኒደ ደእያ ማቄዳ ግያሳ ዬዳ። ሄደፐ ዶምና እስራኤልያ አሳ ቦላን እት ቃላነ ቃቴዳ አሳይ ባዋ።
\p
\v 22 ሄዋፐ ኢያሱ፥ “ጎንጎሉዋ ፐንግያ ዶዪደ፥ ሄ እቼሹ ካተቱዋ ከሲደ፥ ታዉ ሃ አኪደ ዪተ” ያጌዳ። 
\v 23 ሄዋፐ ጉየ ጎንጎሉዋ ግዶፐ የሩሳላመ ካትያ፥ ከብሮነ ካትያ፥ ያርሙታ ካትያ፥ ላክሻ ካትያነ ኤግሎና ካትያ ከሲደ አኮ አሄድኖ። 
\v 24 ኡንቱንቱ ሄ ካተቱዋ ኢያሱኮ አሄዳ ዎደ፥ ኢያሱ እስራኤልያ አሳ ኡባ ባረኮ ጼሲደ ባረናና ቤዳ ኦላ ጋዳዋቱዋ፥ “ሃ ዪደ ህንተንቱ ገድያን ሀ ካተቱዋ ቆያ የተ” ያጌዳ። ሄዋፐ ዪደ ባረንቱ ገድያን ኡንቱንቱ ቆያ የድኖ። 
\v 25 ኢያሱ ኡንቱንታ፥ “ያዮፕተ፤ ህርጎፕተ፤ ምንተነ ጻልተ። ህንተንቱ ኦለትያ ህንተንቱ ሞርከቱዋ ኡባ መና ጎዳይ ሀዋዳን ኦና” ያጌዳ። 
\v 26 ሄዋፐ ጉይያን ኢያሱ እቼሹ ካተቱዋ ዎደ እቼሹ ም ቦላን ካቄዳ፤ ኡንቱንቱ ኦማርስ ጋካናዉ ካቁዋን ፔሼድኖ። 
\v 27 አዋይ ዉልያ ዎደ፥ ኢያሱ አዛዝና ኡንቱንታ ምፐ ዎድኖ፤ ኡንቱንቱ ካሰ ቆሰቲደ ደኤዳ ጎንጎሉዋ ግዶ ኦሌድኖ። ያቲደ ጎንጎሉዋ ፐንግያ ዎልቃማ ዎልቃማ ሹቻቱዋ ጎንዶርሲደ ጎርዴድኖ። ሄ ሹቻቱ ሀቼ ጋካናስካ ያን ደኢኖ።
\s1 ኢያሱ አሞራዋናቱዋ ካታማቱዋነ ሀራቱዋካ ጾኔዳ
\p
\v 28 ሄ ጋላስ ኢያሱ ማቄዳ ካታማ ኦይቂደ ካታማ ኡባ ይሴዳ፤ ካታማን ደእያ አሳ ኡባ እቱዋነ አሸናን ዉርስ ዎዳ። እያርኮ ካታማ ካትያ ካሰ ዎዳዋዳን፥ ማቄዳ ካታማ ካትያካ ዎዳ።
\p
\v 29 ሄዋፐ ጉይያን ኢያሱነ አናና ደእያ አሳይ እስራኤልያ አሳይ ኡባይ ማቄዳ ካታማፐ ሊብና ግያ ካታማ ቢደ ኦሌድኖ፤ 
\v 30 መና ጎዳይ ሄ ካታማካ ካታማ ካትያካ እስራኤልያ አሳ ኩሽያን አደ እሜዳ። ኢያሱ እቱዋነ አሸናን፥ ካታማን ደእያ አሳ ኡባ ቃራ ማሻን ቡሳኬዳ። ያርኮ ካታማ ካትያ ካሰ ዎዳዋዳን፥ ሊብና ካታማ ካትያካ ዎዳ።
\p
\v 31 ሄዋፐ ጉይያን ኢያሱነ አናና ደእያ እስራኤልያ አሳይ ኡባይ ሊብና ካታማፐ ላክሻ ካታማ ቢደ ሄ ካታማ ዶዲደ ኦሌድኖ። 
\v 32 መና ጎዳይ ላክሻ ካታማ እስራኤልያ አሳ ኩሽያን አደ እምና ኢያሱ ሄ ካታማ ላኤን ጋላሳን ኦይቄዳ። ሊብና ካታማ ኦዳዋዳን ላክሻ ካታማካ ኦዳ፤ ሄ ካታማን ደእያ አሳ ኡባ ቃራ ማሻን ቡሳኬዳ። 
\v 33 ሄ ዎደ፥ ገዜራ ካታማ ካትያ ሆራም፥ ላክሻ ካታማ ካትያ ማዳናዉ ዬዳ፤ ሽን ኢያሱ አካ አ አሳካ ጾኔዳ፤ ኡንቱንቱፐ እት አሳይነ ፓጻ አትቤና።
\p
\v 34 ሄዋፐ ስሚደ፥ ኢያሱነ አናና ደእያ እስራኤልያ አሳይ ኡባይ ላክሻ ካታማፐ ኤግሎና ካታማ ቢደ ሄ ካታማ ዶዲደ ኦሌድኖ። 
\v 35 ሄ ጋላስ ኤግሎና ካታማ ኦይቂደ ቃራ ማሻን ቡሳኬድኖ። ላክሻ ካታማ ኦዳዋዳን፥ ኤግሎና ካታማን ደእያ አሳ ኡባ ዉርስ ዎድኖ።
\p
\v 36 ሄዋፐ ጉይያን ኢያሱነ አናና ደእያ እስራኤልያ አሳይ ኡባይ ኤግሎናፐ ከብሮና ቢደ ከብሮና ኦሌድኖ። 
\v 37 ሄ ካታማ፥ ኡንቱንቱ ካትያነ ሄ ካታማ ዩሹዋን ደእያ ቄር ካታማቱዋ ኦይቄድኖ። ኡንቱንቱን ደእያ አሳ ኡባካ ቃራ ማሻን ቡሳኬድኖ። እት አሳካ አሽበይክኖ። ኢያሱ ኤግሎና ኦዳዋዳን ሄ ካታማካ ኦዳ፤ ኡንቱንቱን ደእያ አሳካ ዉርስ ዎዳ።
\p
\v 38 ሄዋፐ ጉይያን ኢያሱነ አናና ደእያ እስራኤልያ አሳይ ኡባይ ዳቢራ ካታማ ስሚደ ኦሌድኖ። 
\v 39 ኡንቱንቱ ሄ ካታማካ፥ ካትያካ፥ ካታማ ዩሹዋን ደእያ ቄር ካታማቱዋካ ኡባ ኦይቂደ ኡንቱንቱን ደእያ አሳ ኡባ እቱዋነ አሸናን ዉርስ ዎድኖ። ኢያሱ ከብሮና ካታማነ ሊብና ካታማነ አ ካትያ ኦዳዋዳን፥ ዳቢራ ካታማነ አ ካትያ ኦዳ።
\p
\v 40 ኢያሱ ቢታ ኡባ፥ ገዝያ፥ ኔጌባ ባዙዋ፥ ጋ ጋድያነ ኡንቱንቱ ካተቱዋናካ ኦይቄዳ። መና ጎዳይ እስራኤልያ ጾሳይ አዛዜዳዋዳን፥ ጋድያ ቦላን ፓጻ ሸምፑዋና ደእያ አሳ ኡባ እቱዋነ አሸናን ዉርስ ዎዳ። 
\v 41 ኢያሱ ኡንቱንታ ቃዴሳ-ባርነፐ ዶሚደ ቢደ ጋዛ ጋካናዉ፥ ቃይ ጎሸና ቢታ ኡባፐ ዶሚደ ቢደ ጋባኦና ጋካናዉ ኡባ ጾኔዳ። 
\v 42 መና ጎዳይ እስራኤልያ ጾሳይ እስራኤልያ አሳዉ ኦለቴዳ ጋሱዋን፥ ኢያሱ ሄ ካተቱዋ ኡባ ኡንቱንቱ ቢታናካ እት ገደ ኦላን ጾኔዳ። 
\v 43 ሄዋፐ ጉይያን ኢያሱነ እስራኤልያ አሳይ ኡባይ ባረንቱ ዱንካኔዳ ሳኣ ገልጋላ ስሜድኖ።
\c 11
\s1 ኢያሱ ሁጲሳ ባጋ ጋድያ ካተቱዋ ጾኔዳ
\p
\v 1 ሀጾራ ካታማ ካትያ ያብን እስራኤልያ አሳይ ጾኔዳዋ ስሴዳ ዎደ፥ ማዶና ካታማ ካትያ ዮባባዉ፥ ሽምሮና ካታማ ካትያዉ፥ አክሻፋ ካታማ ካትያዉ፥ 
\v 2 ሁጲሳ ባጋና ገዝያን ደእያ ካተቶ፥ ጋሊላ አባፐ ገድሳ ዮርዳኖሳ ዎምባን ደእያ ካተቶ፥ አዋይ ዉልያ ባጋና ጋን ደእያ ካተቶነ አዋይ ዉልያ ባጋና ደእያ ዶራ ካትያዉ አሳ ኪቴዳ። 
\v 3 ቃይ አዋይ ዶልያ ባጋናነ አዋይ ዉልያ ባጋና ደእያ ካናነቶ፥ አሞረቶ፥ ሂተቶ፥ ፓርዘቶ፥ ገዝያን ደእያ ያቡሳቶነ ምጽጳ ቢታን ሄርሞነ ደርያፐ ጋርሳና ደእያ ሂዌቶ ኪቴዳ። 
\v 4 ኡንቱንቱ ኡባይ ባረንቱ ኦላንቻቱዋ ደንደ፥ እስራኤልያ ኦላናዉ እትፐ ጋከቴድኖ። ሄ ኦላንቻቱ ፓራቱዋናነ ፓራ ጋረቱዋና ጋከቲደ፥ ፓይድና ዉረና አባ ዶና ሻፍያዳን ጮራቴድኖ። 
\v 5 ሄ ካተቱ ኡባይ ባረንቱ ዎልቃ እትፐ ጋደ፥ እስራኤልያ አሳ ኦላናዉ መሮማ ግያ ሃ ማታን ዱንካኔድኖ።
\p
\v 6 መና ጎዳይ ኢያሳ፥ “ኔን ኡንቱንቶ ያዮፓ! ታን ዎንት ሀኖደ ኡንቱንታ ኡባቱዋካ ዎደ፥ እስራኤልያ አሳዉ አደ እማና። ኔን ኡንቱንቱ ፓራቱዋ ኡባ ግልዳያና፤ ኡንቱንቱ ፓራቱዋ ጋረቱዋካ ታማን ጹጋና” ያጌዳ። 
\v 7 ኢያሱነ አ ኦላንቻቱ ኡባይ ኡንቱንቱ አኬከናን ደእሽን መሮማ ሃ ማታን ኡንቱንቱ ቦላ ፑቱ ጊደ፥ ኡንቱንታ ኦሌድኖ። 
\v 8 መና ጎዳይ ኡንቱንታ እስራኤላቱ ኩሽያን አደ እሜዳ። ኡንቱንታ ጾኒደ፥ ዎልቃማ ሲዶና ግያ ጋድያ፥ ምስራፎታ-ማይማነ አዋይ ዶልያ ባጋና ደእያ ምጽጳ ዎምባ ጋካናዉ የደርሴድኖ። ኡንቱንቱፐ እት አሳነ አሸናን ዎድኖ። 
\v 9 ኢያሱ መና ጎዳይ አ አዛዜዳዋ ኡባ ኡንቱንቱ ቦላን ፖሌዳ፤ ኡንቱንቱ ፓራቱዋካ ግልዳዬዳ፤ ፓራ ጋረቱዋካ ታማን ጹጌዳ።
\p
\v 10 ሄዋፐ ጉይያን ኢያሱ ጉየ ስሚደ፥ ሀጾራ ግያ ካታማ ጾኒደ ኦይቂደ ሄ ካታማ ካትያ ማሻን ዎዳ። ሄ ዎደ ሀጾራ ካታማይ ሄ ካዉተ ኡባዉ ሁጰ ካታማ። 
\v 11 እስራኤልያ አሳይ ሄ ካታማን ደእያ አሳ ኡባ ቃራ ማሻን ዎዳ። ሸምፑ ፓጻ ደእያዋ ኡባ እቱዋነ አሸናን ዉርስ ዎድኖ። ኢያሱ ሀጾራ ካታማካ ታማን ጹጌዳ።
\p
\v 12 መና ጎዳ ቆማይ ሙሴ አዛዜዳዋዳን፥ ኢያሱ ሄ ካተቱዋ ካታማቱዋነ ኡንቱንቱ ካተቱዋ ኡባ ኦሞዲደ አሳ ኡባ ቃራ ማሻን ዉርስ ዎዳ። 
\v 13 ግዶፐነ፥ ኢያሱ ጹጌዳ ሀጾራ ካታማፐ አትና፥ እስራኤልያ አሳይ ዞዝያ ቦላን ኬጸቴዳ ካታማቱዋ ኡባ ጹግበይክኖ። 
\v 14 እስራኤልያ አሳይ ሄ ካታማቱዋፐ ቦንቄዳ ሚሻ ኡባነ መህያ ኡባ ባረንቶ አኬድኖ። ሽን አሳ ኡባ ይሳና ጋካናዉ ቃራ ማሻን ዎድኖ፤ ፓጻ ደእያዋ አያካ አሽበይክኖ። 
\v 15 መና ጎዳይ ባረ ቆማ ሙሳ አዛዜዳዋዳን፥ ሙሴካ ኢያሳ አዛዜዳ። ኢያሱካ አዛዙዋ ፖሌዳ፤ መና ጎዳይ ሙሴዉ አዛዜዳዋ ኡባፐ እ ኦናን አጌዳባይ አያይነ ባዋ።
\s1 ኢያሱ ኦይቄዳ ጋድያ
\p
\v 16 ሄዋዳን ኦደ ኢያሱ ሄ ጋድያ ኡባ፥ እስራኤልያ ዞዛቱዋ፥ ኔጌባ ባዙዋ ኡባ፥ ጎሸና ግያ ጋድያ ኡባ፥ አዋይ ዉልያ ባጋና ደእያ ዛንጋራነ አራብያ ጋ አኬዳ። 
\v 17 ሄ ቢታይ ኤዶም ደእያ ሀላቃ ግያ ደርያፐ ዶም ቢደ፥ ሄርሞነ ደርያፐ ጋርሳ ባጋና ደእያ ሊባኖሳ ዎምባን ደእያ ባኣል-ጋዳ ጋካናዉ ደእያ ሳኣ ጋኬ። ኡንቱንቱ ካተቱዋ ኡባ ኢያሱ ኦሞዲደ ዎዳ። 
\v 18 ኢያሱ ዳሮ ዎድያ ሄ ካተቱዋ ኡባና ኦለቲደ ጋምኤዳ። 
\v 19 ጋባኦናን ደእያ ሂዌቱዋፐ አትና፥ ሀራ ካታማይ እቱነ እስራኤላቱዋና ሳሮ ደአና ጫቁዋ ጫቀትቤና፤ እስራኤላቱ ሄ ካታማቱዋ ኡባ ኦላን ጾኒደ ኦይቄድኖ። 
\v 20 መና ጎዳይ ሙሳ አዛዜዳዋዳን፥ ኢያሱ ኡንቱንታ ቃረት ባይናን እቱዋነ አሸናን ዉርስ ዎዳ። አያዉ ጎፐ፥ ኡንቱንቱ እስራኤላቱዋና ኦለታናዳን መና ጎዳይ ባረ ሁጲያዉ ኡንቱንቱ ዎዛና ሙምሴዳ።\x - \xo 11:20 \xo*\xt ዛረ. 7:16\xt*\x*
\p
\v 21 ሄ ዎደ ኢያሱ ቢደ ገዝያን፥ ከብሮና ካታማን፥ ዳቢራ ካታማን፥ አናባ ካታማን፥ ይሁዳ ገዝያን ኡባንነ እስራኤልያ ገዝያን ኡባን ደእያ አናቀ ዘረ አዱሳቱዋ ዎ ዉርሴዳ። ኢያሱ ኡንቱንታነ ኡንቱንቱ ካታማ ኡባና ይሴዳ። 
\v 22 አናቀ ዛራቱዋፐ እስራኤልያ ጋድያን ኦንነ አትቤና፤ ሽን አማሬዳዋንቱ ጋዛ፥ ጋተነ አሽዶዳ ካታማቱዋ ጻላላን አቴድኖ። 
\v 23 መና ጎዳይ ሙሳ አዛዜዳዋዳን፥ ኢያሱ ጋድያ ኡባ ኦይቂደ እስራኤልያ አሳዉ ኡንቱንቱ ዛርያን ዛርያን ሻክ እሜዳ። ሄዋፐ ጉይያን ቢታይ ኦላፐ ሸምፔዳ።
\c 12
\s1 ሙሴ ኦለቲደ ጾኔዳ ካተቱዋ
\p
\v 1 እስራኤልያ አሳይ ዮርዳኖሳ ሻፋፐ አዋይ ዶልያ ባጋና ደእያ አርኖና ዛንጋራፐ ቢደ ሄርሞነ ደርያ ጋካናዉ፥ ቃይ አዋይ ዶልያ ባጋና አራብያ ጋ ጋካናዉ ደእያ ጋድያ ካተቱዋ ኡባ ጾኒደ ዎ አኬዳ። ሄ ጾነቴዳ ካተቱ ሀዋፐ ካሊደ ጻፈቴዳዋንታ።\x - \xo 12:1-5 \xo*\xt ፓይ. 21:21-35፤ ዛረ. 2:26—3:11\xt*\x* 
\v 2 ኡንቱንቱፐ እቱ፥ ሀሰቦና ካታማን ኡቴዳ አሞራዋናቱዋ ካትያ ስሆና። እ ሞዴዳ ሳአይ አርኖና ዛንጋራ ጋጻን ደእያ አሮኤራ ካታማፐ ደንዲደ፥ አሞናቱዋ ዛዋ ጋካናዉ ደእያ ያቦቃ ሻፋ ጋኬ፤ ሄ ሳአይ ጋላኣደ ግያ ቢታዉ ዛዋ። 
\v 3 እ ቃይ አዋይ ዶልያ ባጋና አራብያ ጋፐ ባጋ አኪደ፥ ጋሊላ አባፐ ቢደ፥ ቤት-ያሽሞታ ካታማና አደ፥ ፕስጋ ግያ ደርያፐ ጋርሳ ባጋና ደእያ ማጽነ አባ ጋካናዉ፥ ቢታቱዋ ሞዴዳ።
\p
\v 4 ሄዋዳንካ፥ ራፋየቱዋ ዛርያፐ ዉርሰን አቴዳ ባሳነ ጋድያ ካትያ ኦጋ ጾኔዳ። ኦግ አስታሮታ ካታማንነ ኤድራአ ካታማን ደኤዳ። 
\v 5 እ ሞዴዳ ሳአይ ሄርሞነ ደርያ፥ ሳላካ ግያ ሳኣ፥ ባሳነ ጋድያ ኡባ ቢደ ጋሹራነ ማእካ አሳቱዋ ዛዋ ጋኬ፤ ቃይ ጋላኣደ ጋድያፐ ባጋ አኪደ፥ ቢደ ሀሰቦና ካትያ ስሆና ዛዋ ጋካናዉ ደእያ ጋድያ ጋኬ።
\p
\v 6 መና ጎዳ ቆማይ ሙሴነ እስራኤልያ አሳይ ሀ ካተቱዋ ጾኔድኖ። መና ጎዳ ቆማይ ሙሴ ኡንቱንቱ ቢታቱዋ ሮቤላ ዛረቶ፥ ጋደ ዛረቶነ ምናሰ ዛራቱዋፐ ባጋዉ ሻክ እሜዳ።\x - \xo 12:6 \xo*\xt ፓይ. 32:33፤ ዛረ. 3:12\xt*\x*
\s1 ኢያሱ ኦለቲደ ጾኔዳ ካተቱዋ
\p
\v 7 ኢያሱነ እስራኤልያ አሳይ ዮርዳኖሳ ሻፋፐ አዋይ ዉልያ ባጋ ጋድያን ደእያ ካተቱዋ ኡባ ጾኔድኖ። ሄ ቢታቱ ሊባኖሳ ዎምባን ደእያ ባኣል-ጋዳፐ ዶሚደ፥ ገድሳ ባጋና ኤዶማ ማታን ደእያ ሀላቃ ደርያ ጋኪኖ። ኢያሱ ሄ ቢታቱዋ ሻክ፥ እስራኤልያ ዛረቶ ላታ ጋደ ኦደ እሜዳ። 
\v 8 ሄ ቢታቱ፥ ገዝያ፥ አዋይ ዉልያ ባጋና ደእያ ኦላትያ፥ ዮርዳኖሳ ጋ፥ ይሁዳ ባዙዋነ ኔጌባ ባዙዋ። ሄ ቢታቱ ካሰ ሂተቱ፥ አሞራዋናቱ፥ ካናነቱ፥ ፓርዛዋናቱ፥ ሂዌቱነ ያቡሳዋናቱ ደኤዳ ሳኣ። 
\v 9 እስራኤልያ አሳይ ጾኔዳ ካተቱ ሀዋንታ፤ ያርኮ ካትያ፥ ቤቴለ ማታን ደእያ አይ ካትያ፥ 
\v 10 የሩሳላመ ካትያ፥ ከብሮና ካትያ፥ 
\v 11 ያርሙታ ካትያ፥ ላክሻ ካትያ፥ 
\v 12 ኤግሎና ካትያ፥ ገዜራ ካትያ፥ 
\v 13 ዳቢራ ካትያ፥ ገዴራ ካትያ፥ 
\v 14 ሆርማ ካትያ፥ አራዳ ካትያ፥ 
\v 15 ሊብና ካትያ፥ አዱላማ ካትያ፥ 
\v 16 ማቄዳ ካትያ፥ ቤቴለ ካትያ፥ 
\v 17 ታፑሀ ካትያ፥ ሄፌራ ካትያ፥ 
\v 18 አፌቃ ካትያ፥ ላሻሮና ካትያ፥ 
\v 19 ማዶና ካትያ፥ ሀጾራ ካትያ፥ 
\v 20 ሽምሮን-ማሮና ካትያ፥ አክሻፋ ካትያ፥ 
\v 21 ታእናካ ካትያ፥ ማግዶ ካትያ፥ 
\v 22 ቃዴሳ ካትያ፥ ቃርመሎሳን ደእያ ዮቅናኣማ ካትያ፥ 
\v 23 ዶራ ገዝያን ደእያ ዶራ ካትያ፥ ገልጋላን ደእያ ጎይማ ካትያነ 
\v 24 ትርጻ ካትያ። ኡንቱንቱ ኡባይ ሀታማነ እት ካተቱዋ።
\c 13
\ms ቢታ ግሹዋ
\mr (13:1—21:45)
\s1 ዮርዳኖሳፐ ዶላሃ ባጋና ደእያ ቢታ
\r (13:1-33)
\p
\v 1 ኢያሱ ጭሚደ፥ ላይ ሎይ ሱጌዳ ዎደ፥ መና ጎዳይ አዉ፥ “ኔን ጭማዳ፤ ላይካ ሎይ ሱጋዳ። ሽን ኦይቀተናን አቴዳ ዳሮ ቢታይ ብሮ ደኤ። 
\v 2 ኦይቀትቤና ቢታቱ ሀዋንታ: ፕልስጼማቱዋ ጋድያነ ጋሹራቱዋ ጋድያ ኡባ። 
\v 3 ግብጼፐ አዋይ ዶልያ ባጋና ደእያ ሽሆራ ሻፋፐ ዶሚደ፥ ሁጲሳ ባጋና ደእያ ኤቅሮና ጋድያ ጋካናዉ ደእያ ቢታቱ ኡባይ ካናነ ጋድያን ፓይደቲኖ። እቼሹ ፕልስጼማ ካተቱ ሞድያ ካታማቱ ጋዛ፥ አሽዶዳ፥ አስቃሎና፥ ጋታነ ኤቅሮና ጌተትያ። አዎቱዋ ቢታይካ ብሮ ኦይቀትቤና። 
\v 4 ገድሳ ባጋና ካናነቱ ቢታይ ኡባይ፥ ሲዶናቶ ደእያ ማኣራ ግያ ሳፐ ደንዲደ ቢደ፥ አሞራዋናቱዋ ጋድያን ደእያ አፌቃ ካታማ ጋካናስካ ኦይቀትቤና። 
\v 5 ገባላቱ ቢታይ አዋይ ዶልያ ባጋና ሊባኖሳ ቢታይ ኡባይ፥ ሄርሞነ ደርያፐ ጋርሳ ባጋና ደእያ ባኣል-ጋዳ ካታማፐ ቢደ፥ ሀማታ ፕኑዋ ጋካናዉ ብሮ ኦይቀትቤና። 
\v 6 ሊባኖሳፐ ቢደ ምስራፎታ-ማይማ ጋካናዉ ደእያ ገዝያን ደእያ ሲዶናቱዋ ቢታይካ ኦይቀትቤና። ታን ታ ሁጲያዉ እስራኤልያ አሳ ስንፐ ኡንቱንታ ላጋደ ከሳና። ታን ኔና አዛዜዳዋዳን፥ ኔን ሀ ቢታቱዋ እስራኤልያ አሳዉ ጋደ ኦደ ሻካ።\x - \xo 13:6 \xo*\xt ፓይ. 33:54\xt*\x* 
\v 7 ሀእ ኔን ሀ ጋድያ ኡዱፑን ዛረቶነ ምናሰ ዛራቱዋፐ ባጋዉ ሻካ” ያጌዳ።
\s1 ዮርዳኖሳ ሻፋፐ አዋይ ዶልያ ባጋ ቢታ ሻኩዋ
\p
\v 8 ምናሰ ዛራቱዋፐ ባጋቱ፥ ሮቤላ ዛራቱነ ጋደ ዛራቱ መና ጎዳ ቆማይ ሙሴ ዮርዳኖሳ ሻፋፐ ሄፍን አዋይ ዶልያ ባጋና ኡንቱንቶ ግሽ ዎዳ ጋድያ አኬድኖ።\x - \xo 13:8 \xo*\xt ፓይ. 32:33፤ ዛረ. 3:12\xt*\x* 
\v 9 ኡንቱንቱ ቢታይ አርኖና ዛንጋራ ጋርሳን ደእያ አሮኤራ ካታማፐ ደንዲደ፥ ሄ ዛንጋራ ግዶን ደእያ ካታማ ኦይቂደ፥ መዳባ ግያ ገዝያ አ ቢደ፥ ድቦና ጋኬ። 
\v 10 ቃይ ሀሰቦናን ኡቲደ ሞድያ አሞራዋናቱዋ ካትያ ስሆና ካታማቱዋ ኡባ ኦይቂ ቢደ፥ አሞናቱዋ ዛዋ ጋኬ። 
\v 11 ሄዋዳንካ፥ ቃይ ጋላኣደ ጋድያ፥ ጋሹራቱዋ ጋድያ፥ ማእካቱዋ ጋድያ፥ ሄርሞነ ደርያ ኡባነ ሳላካ ጋካናዉ ደእያ ባሳነ ጋድያ ጋኬ። 
\v 12 አስታሮታ ካታማንነ ኤድራአ ካታማን ደኢደ ሞድያ፥ ራፋየቱዋ ዛርያፐ ዉርሰን አቴዳ ባሳነ ካትያ ኦጋ ጋድያ ኡባ ኦይቄዳ። ሙሴ ሄ አሳ ኡባ ጾኒደ፥ ኡንቱንቱ ጋድያፐ ላጊደ ከሴዳ። 
\v 13 ሽን እስራኤልያ አሳይ ጋሹራ አሳነ ማእካ አሳ ጋድያፐ ከስበይክኖ፤ ሄዋ ድራዉ ኡንቱንቱ ሀቼ ጋካናዉ እስራኤልያ አሳ ግዶን ደኢኖ።
\p
\v 14 ሙሴ ሌዊያ ዛራቱዋ ጻላላዉ ላትያ ጋድያ እምቤና። መና ጎዳይ ሙሴዉ ጌዳዋዳን፥ መና ጎዳይ እስራኤልያ ጾሳዉ ታማን ጹግያ ያርሹዋ ያርሽያዌ ኡንቱንቶ ላታ።\x - \xo 13:14 \xo*\xt ዛረ. 18:1\xt*\x*
\s1 ግሹዋን ሮቤላ ዘረ ጋኬዳ ቢታ
\p
\v 15 ሙሴ ሮቤላ ዛረቶ ኡንቱንቱ ያራን ያራን ጋድያ ሻክ እሜዳ። 
\v 16 ኡንቱንቱ ቢታይ አርኖና ዛንጋራ ጋጻን ደእያ አሮኤራ ካታማፐ ደንዲደ፥ ሄ ዛንጋራ ግዶን ደእያ ካታማ ኦይቂደ፥ መዳባ ገዝያ ጋኬ። 
\v 17 ቃይ ሀሰቦና፥ ገዝያን ደእያ ካታማቱዋ፥ ድቦና፥ ባሞት-ባኣላ፥ ቤትባኣል-መኦና፥ 
\v 18 ያሃጻ፥ ቅደሞታ፥ መፋኣታ፥ 
\v 19 ቅርያታይማ፥ ሲብማ፥ ዛንጋራ ግዶን ደእያ ደርያ ቦላ ደእያ ጼረታ-ሻሀራ፥ 
\v 20 ቤት-ፓኦራ፥ ፕስጋ ደርያፐ ጋርሳና ደእያ ጋድያነ ቤት-ያሽሞታ ጌተትያ ካታማቱዋ ኡባ ጋኬ። 
\v 21 ሄዋዳንካ፥ ቃይ ገዝያን ደእያ ካታማቱዋነ ሀሰቦና ካታማ ሞዴዳ አሞራዋናቱዋ ካትያ ስሆና ጋድያ ኡባ ጋኬ። ሙሴ ካትያ ስሆናነ ምድያማቱዋ ካፓቱዋ ኤዋ፥ ረቄማ፥ ጹራ፥ ሁራነ ረባአ ጾኔዳ፤ ሀዋንቱ ስሆናፐ ጋርሳና ሄ ጋድያ ሞድያዋንታ። 
\v 22 እስራኤልያ አሳይ ኦላን ዎዳ አሳፐ ሀራ፥ ሻሬቹዋ፥ ባኦራ ናኣ ባላኣማካ ማሻን ዎድኖ። 
\v 23 ሮቤላ ዛራቱዋ ዛዋይ ዮርዳኖሳ ሻፋ። ሀ ካታማቱነ ኡንቱንቱ ሄራን ደእያ ሞቱ፤ ሮቤላ ዘረ ኡንቱንቱ ያራን ያራን ጋኬዳዋንታ።
\s1 ግሹዋን ጋደ ዘረ ጋኬዳ ቢታ
\p
\v 24 ሙሴ ጋደ ዛረቶ ኡንቱንቱ ያራን ያራን ጋድያ ሻክ እሜዳ። 
\v 25 ኡንቱንቱ ጋዲ ያእዜራ፥ ጋላኣደን ደእያ ካታማቱዋ ኡባነ አሞናቱዋ ጋድያፐ ባጋ አኪደ፥ ራባፐ አዋይ ዶልያ ባጋና ደእያ አሮኤራ ጋኬ። 
\v 26 ሄዋዳንካ፥ ሀሰቦናፐ ደንዲደ፥ ራሞታ-ምጽጳነ በጾኒማ ጋኬ፤ ቃይ ማህናይማፐ ደንድ ቢደ፥ ሎዳባራ ዛዋ ጋኬ። 
\v 27 ዮርዳኖሳ ዎምባዉ ግዱዋን ሀሰቦና ካትያ ስሆና ካዉተፐ አቴዳዉንታ፥ ቤት-ሀራማ፥ ቤት-ኒምራ፥ ሱኮታነ ጻፎና ጌተትያ ካታማቱዋ አኬዳ። አዋይ ዶልያ ባጋና ኡንቱንቱ ዛዋይ ዮርዳኖሳ ሻፋ ግዲደ ቢደ፥ ጋሊላ አባ ጋኬ። 
\v 28 ሄ ካታማቱነ ኡንቱንቱ ሄራን ደእያ ሞቱ ጋደ ዛረቶ ኡንቱንቱ ያራን ያራን ጋኬዳዋንታ።
\s1 ግሹዋን ምናሰ ዛራቱዋፐ ባጋ ጋኬዳ ቢታ
\p
\v 29 ሙሴ ምናሰ ዛራቱዋፐ ባካዉ ኡንቱንቱ ያራን ያራን ጋድያ ሻክ እሜዳ። 
\v 30 ኡንቱንቱ ቢታይ ማህናይማነ ባሳነ ጋድያ ኡባ ጻጽ ዋጼ፤ ባሳነ ካትያ ኦጋ ካዉተ ኡባነ ባሳነን ደእያ ኡሱፑን ታሙ ያኢራ ካታማቱዋ ኦይቄ። 
\v 31 ቃይ ጋላኣደፐ ባካነ ባሳነን ኦጋ ካዉተይ ሁጰ ግዴዳ አስታሮታነ ኤድራአ ጌተትያ ካታማቱዋ ጋኬ። ሄ ኡባይ ምናሰ ናኣ ማኪና ዛራቱዋፐ ባጋቶ፥ ኡንቱንቱ ያራን ያራን ጋኬዳዋ።
\p
\v 32 ዮርዳኖሳፐ ሄፍንና፥ ያርኮፐ አዋይ ዶልያ ባጋና ደእያ ሞኣበ ደምባን ደኢደ ሙሴ ሻክ እሜዳ ጋዲ ሀዋ። 
\v 33 ሽን ሙሴ ሌዊያ ዛረቶ ላትያ ጋድያ እምቤና፤ ካሰ መና ጎዳይ ኡንቱንቶ ጌዳዋዳን፥ መና ጎዳይ እስራኤልያ ጾሳይ ኡንቱንቱ ላታ።\x - \xo 13:33 \xo*\xt ፓይ. 18:20፤ ዛረ. 18:2\xt*\x*
\c 14
\s1 ዮርዳኖሳፐ ዉላሃ ባጋና ደእያ ቢታ
\r (14:1—19:51)
\p
\v 1 ቄስያ ኤልኣዛረ፥ ነዌ ናአይ ኢያሱነ እስራኤልያ ዛራቱዋ ካፓቱ፥ ካናነ ጋድያ ኡንቱንታ ያራን ያራን ሻክና፥ ኡንቱንቱ ጋኬዳ ሄራቱ ሀዋፐ ካሊደ ጻፈቴዳዋንታ። 
\v 2 መና ጎዳይ ሙሴ ባጋና አዛዜዳዋዳን፥ ኡንቱንቱ ላታ ጋዲ ኡዱፑናነ ባጋ ግድያ ዛረቶ ሳማን ሻከቴዳ።\x - \xo 14:2 \xo*\xt ፓይ. 26:52-56፤ 34:13\xt*\x* 
\v 3 አያዉ ጎፐ፥ ሙሴ ላአነ ባጋ ግድያ ዛረቶ ዮርዳኖሳ ሻፋፐ ሄፍን አዋይ ዶልያ ባጋና ካሰ ጋድያ እም ዎዳ፤ ሽን ሌዊያ ዛረቶ ኡንቱንቱ ግዱዋን ላታ ጋድያ እምቤና። 
\v 4 ዮሴፎ ናናይ ምናሳነ ኤፍሬማ ጌተቲደ ላኡ ዛረ ግዴድኖ። ሙሴ ሌዊያ ዛረቶ ላታ ጋድያ እምቤና፤ ሽን ሄዋ ግሻዉ ኡንቱንቶ ደእያ ካታማቱዋነ ኡንቱንቱ ባረንቱ መህያ ዉድያነ ዶርሳ ዉድያ ሄምያ ሄን ጋደቱዋ እሜዳ።\x - \xo 14:4 \xo*\xt ፓይ. 32:33፤ 34:14-15፤ ዛረ. 3:12-17\xt*\x* 
\v 5 መና ጎዳይ ሙሳ አዛዜዳዋዳን፥ እስራኤልያ አሳይ ጋድያ ሻክ አኬዳ።
\s1 ከብሮነ ካሌባዉ እመቴዳ
\p
\v 6 እት ጋላስ ይሁዳ አሳይ ኢያሱኮ ገልጋል ሺቄድኖ። ኡንቱንቱፐ እቱ፥ ቀኒዝያ ይፉነ ናአይ ካሌብ ኢያሳ ሀዋዳን ያጌዳ፤ “ኑን ቃዴሳ-ባርነን ደእያ ዎደ፥ መና ጎዳይ፥ ጾሳ አሳ ግድያ ሙሴዉ ነባነ ታባ ኦዴዳዋ ኤራሳ።\x - \xo 14:6 \xo*\xt ፓይ. 14:30\xt*\x* 
\v 7 መና ጎዳ ቆማይ ሙሴ ጋድያ ዎቻደ ያናዳን፥ ቃዴሳ-ባርነፐ ታና ኪትያ ዎደ፥ ታዉ ላይይ ኦይታማ። ሄ ዎደ ታን አዉ አማነትያ ኦዱዋ አሃደ ኦዳድ።\x - \xo 14:7 \xo*\xt ፓይ. 13:1-30\xt*\x* 
\v 8 ታን መና ጎዳ ታ ጾሳ ፖሎ ካላድ፤ ሽን ታናና ቤዳ አሳቱ አሳ ዎዛና ያሻን ኮልድሴድኖ። 
\v 9 ሄ ጋላስ ሙሴ፥ ‘ኔን መና ጎዳ ታ ጾሳ ፖሎ ካሌዳ ድራዉ፥ ነ ገዲ የዳ ቢታይ መናዉ ነዉነ ነ ዛርያዉ ላትያ ጋድያ ግዳናዋ’ ጊደ ጫቄዳ።\x - \xo 14:9 \xo*\xt ፓይ. 14:24\xt*\x*
\p
\v 10 “አነ አኬካ፤ መና ጎዳይ ሀ የዉዋ ሙሴዉ ሃሳዮደፐ፥ ኦይታማነ እቼሹ ላይ ግዴዳ። ሄ ዎደፐ እስራኤልያ አሳይ ዎራን ስመረትሽን፥ ሀቼ ጋካናዉ ጾሳይ ታና ፓጻ ዎዳ። በአ፥ ሀእ ታ ላይይ ሆስፑን ታማነ እቼሻ ግዴዳ። 
\v 11 ግድናካ ሀእ ታዉ ደእያ ምኖተይ በን ሙሴ ታና ኪትያ ዎደ ደእያ ምኖተካ ማላ። ታን ሀእካ ኦለታናዉነ አያ ግዶፐነ ኦናዉ በን ሄ ዎደዋዳን ዎልቃማ። 
\v 12 ሄዋ ድራዉ፥ መና ጎዳይ ታዉ እማና ጌዳ ሀ ገዘ ጋድያ ሀእ ታዉ እማ። ሄ ዎደ፥ አናቀቱ ሄ ጋድያን ደእያዋነ ኡንቱንቱ ካታማቱካ ግታነ ግምበቴዳዋንታ ግድያዋ ኑን ሃሳይሽን ኔን ነ ሁጲያዉ ስሳዳ። ሽን መና ጎዳይ ታናና ግዶፐ፥ እ ጌዳዋዳን፥ ታን ኡንቱንታ ሄ ጋድያፐ የደርሳና” ያጌዳ።
\p
\v 13 ሄዋፐ ጉየ ኢያሱ ይፉነ ናኣ ካሌባ አንጂደ፥ ከብሮና አዉ ላታ ኦደ እሜዳ። 
\v 14 መና ጎዳ እስራኤልያ ጾሳ ፖሎ ካሌዳ ድራዉ፥ ከብሮና ጋዲ ሄ ዎድያፐ ሀቼ ጋካናዉ፥ ቀኒዝያ ይፉነ ናኣ ካሌባዉ ላታ ቢታ ግዴዳ። 
\v 15 ካሰ ከብሮና ሱንይ ቅርያት-አርባአ ጌተቴ፤ አርባአ ግያ ብታኒ አናቀቱዋ ኡባፐ አዳ አሳ።
\p ሄዋፐ ጉይያን፥ ሄ ጋዲ ኦላፐ ሸምፔዳ።
\c 15
\s1 ይሁዳ ዘረ ጋኬዳ ቢታ
\p
\v 1 ይሁዳ ዛረቶ ኡንቱንቱ ያራን ያራን ሻክና ጋኬዳ ጋዲ ቢደ ኤዶማ ጋድያን ዛዋቲደ፥ ገድሳ ባጋ ጋጻን ደእያ ጺና ግያ ባዙዋ ዉርሰ ጋኬ። 
\v 2 ገድሳ ባጋና ኡንቱንቱ ዛዋይ ማጽነ አባፐ ገድሳ ባጋ ዉርሰፐ ዶሚደ፥ 
\v 3 አክራቢማ ፕኑዋ አደ፥ ጽና ባዙዋና ቢደ፥ ቃዴሳ-ባርነ ገድሳ ጋኬ። ቃይ ሄዋፐ ሻክ ቢደ፥ ሄጽሮናና አደ፥ ፑደ አዳራ ጋኪደ፥ ቃርቃኮ ስሜ። 
\v 4 ሄዋፐ ቃይ አጽሞና አደ፥ ግብጼ ሻፋን ጋከት ቢደ፥ ሜድትራነ አባን ዛዋቴ። ገድሳ ባጋና ደእያ ይሁዳ ዛዋይ ሀዋ።
\p
\v 5 አዋይ ዶልያ ባጋ ዛዋይ ማጽነ አባ ግዲደ፥ ዮርዳኖሳ ሻፋይ አን ገልያ ሳኣ ጋኬ። ሁጲሳ ዛዋይ ቃይ ዮርዳኖሳ ሻፋ ማጽነ አባን ገልያ ሳፐ ዶሚደ፥ 
\v 6 ፑደ ቤት-ሆግላ ከሲደ፥ ቤት-አራብያ ዛንጋራፐ ሁጲሳና አደ፥ ሮቤላ ናኣ ቦሃና ሹቻን ዛዋቴ። 
\v 7 ያቲደ ዛዋይ አሁረ (መቱዋ) ዎምባፐ ዳቢራ ካታማ ፑደ ከሲደ፥ ዎምባፐ ገድሳ ባጋና ደእያ አዱሚማ ፕኑዋ ስን ባዙዋን ደእያ ገልጋላኮ ሁጲያዉ ምርቀቴ። ሄዋፐ ቃይ ኤንሸሜሻ ግያ ፑልትያ አደ፥ ኤንሮጌላ ግያ ሳን ዛዋቴ። 
\v 8 ሄዋፐ ህኖማ ዛንጋራ አደ፥ ያቡሳዋናቱዋ ካታማይ የሩሳላመ ደእያ ደርያፐ ገድሳ ባጋና አደ፥ ደርያ ሁጲያ ከሴዳ፤ ሄ ደሪ ህኖማ ዛንጋራፐ አዋይ ዉልያ ባጋናነ ራፋይማ ዎምባፐ ሁጲሳ ባጋና ደኤ። 
\v 9 ሄ ደርያ ሁጲያፐ ስንዉ ቢደ፥ ነፍቶሀ ሃ ፑልትያ አደ፥ ኤፍሮና ደርያን ደእያ ካታማቱዋኮ ከሴዳ። ሄዋፐ ቃይ ዱገ ባኣላ ዎይ ቅርያት-ይኣሪማ ጌተትያ ካታማኮ ስሜ፤ 
\v 10 ባኣላፐ ቃይ አዋይ ዉልያ ባጋና ደእያ ሰኢራ ደርያኮ ምርቀቴ። ሄዋፐ ቃይ ሁጲሳ ባጋ ይኣሪማ ዎይ ክሳሎና ጌተትያ ደርያ ጋኪደ፥ አፐ ዱገ ቤት-ሸመሻ ዎደ፥ ትምና አደ ቤ። 
\v 11 ሄ ዛዋይ ኤቅሮና ሁጲሳ ባጋና ደእያ ፑደን ዛዋቲደ፥ ሽካሮናኮ ምርቀቴ፤ ሄዋፐ ባኣላ ደርያና አደ፥ ያብንኤላን ዛዋቴ። ሄ ሁጲሳ ባጋ ዛዋይ ሜድትራነ አባን ዛዋቴ። 
\v 12 አዋይ ዉልያ ባጋና ደእያ ዛዋይ ሜድትራንያ አባዉ ጋጻን ዛዋቴ። ይሁዳ ዛራቱ ባረንቱ ያራን ያራን አኪደ ደኤዳዌ ሀ ዛዋቱ ዛርና ደእያ ሳአቱዋና።
\s1 ካሌብ ከብሮናነ ዳቢራ ጾኒደ ኦይቄዳ
\r (ዳና. 1:11-15)
\p
\v 13 መና ጎዳይ አ አዛዜዳዋዳን፥ ኢያሱ ይፉነ ናኣ ካሌባ ጋክያ ግሹዋ ይሁዳ ጋድያፐ ቅርያት-አርባአ ጌተትያ ከብሮና እሜዳ። አርባእ አናቀ አዉዋ።\x - \xo 15:13-14 \xo*\xt ዳና. 1:20\xt*\x* 
\v 14 ካሌብ አናቀ ዘረ፥ ሸሻያ፥ አህማናነ ታልማያ ጌተትያ ሄዙ ያራቱዋ ከብሮናፐ ከሴዳ። 
\v 15 ሄዋፐ ደንዲደ፥ ዳቢራ ግያ ካታማን ደእያ አሳ ኦላናዉ ቤዳ፤ ዳቢራ ካታማይ ካሰ ቅርያት-ሰፈራ ጌተቴ። 
\v 16 ካሌብ፥ “ቅርያት-ሰፈራ ኦለቲደ ኦይቂያ ኡራዉ ታን ታ ናቶ አክሶ እማና” ያጌዳ። 
\v 17 ካሌባ እሻ ቃናዛ ናአይ ኦትንኤል ሄ ካታማ ኦለቲደ ኦይቂና ካሌብ ባረ ናቶ አክሶ አዉ እሜዳ።
\p
\v 18 አክሳ ኦትንኤላ ገልያ ዎደ፥ እዝ አቡ እዝዉ ጋድያ እማናዳን ዎሳና ማላ ኦትንኤል እዞ ዞሬዳ። እዛ ባቁሉዋፐ ዎዱ፤ ካሌብ እዞ፥ “አያ ኮያይ?” ያጊደ ኦቼዳ።
\p
\v 19 እዛ፥ “ታዉ ዎይቱዋ እማ። ኔን ካሰ ታዉ ነጌበን እሜዳ ቢታይ ግዴዳ ድራዉ፥ ሃ ፑልቶቱዋ ታዉ እማርኪ” ያጋዱ። ካሌብ እዝዉ ክል ፑልቱዋካ ህርክ ፑልቱዋካ እሜዳ።
\s1 ይሁዳ ካታማቱዋ
\p
\v 20 ይሁዳ ዛራቱ ባረንቱ ያራን ያራን ላቴዳ ላታቱ ሀዋፐ ካሊደ ጻፈቴዳዋንታ። 
\v 21 ገድሳ ባጋ ጋጻን ኤዶማ ዛዋ ማታን ደእያ ይሁዳ አሳ ካታማቱ ቃብጽኤላ፥ ኤዴራ፥ ያጉራ፥ 
\v 22 ቂና፥ ድሞና፥ አድኣዳ፥ 
\v 23 ቀዴሻ፥ ሀጾራ፥ ይትናና፥ 
\v 24 ዚፋ፥ ጸለማ፥ ባኣሎታ፥ 
\v 25 ሀጾር-ሀዳታ፥ ቅርዮት-ሄጽሮና ዎይ ሀጾራ፥ 
\v 26 አማማ፥ ሻማአ፥ ሞላዳ፥ 
\v 27 ሀጻር-ጋዳ፥ ሄሽሞና፥ ቤት-ጳሌጻ፥ 
\v 28 ሀጻር-ሹኣላ፥ በርሳቤሀ፥ ቢዝዮትያ፥ 
\v 29 ባኣላ፥ ኢዩማ፥ ኤጼማ፥ 
\v 30 ኤልቶላዳ፥ ካሲላ፥ ሆርማ፥ 
\v 31 ጽቅላጋ፥ ማድማና፥ ሳንሳና፥ 
\v 32 ለባዎታ፥ ሽልሂማ፥ አይናነ ርሞና። ሀ ካታማቱ ባረንቱ ሞቱዋና እትፐ ላታማነ ኡዱፑና።
\p
\v 33 ጋን ደእያ ካታማቱ ኤሽታኦላ፥ ጾርአ፥ አሺና፥ 
\v 34 ዛኖሀ፥ ኤንጋኒማ፥ ታፑሀ፥ ኤናማ፥ 
\v 35 ያርሙታ፥ አዱላማ፥ ሶኮ፥ አዜቃ፥ 
\v 36 ሻእራይማ፥ አድታይማ፥ ጋዴራነ ጋደሮታይማ። ሀ ካታማቱ ባረንቱ ሞቱዋና እትፐ ታማነ ኦይዳ።
\p
\v 37 ቃይ ይሁዳ ካታማቱ ጽናና፥ ሀዳሻ፥ ምግዳላ-ጋዳ፥ 
\v 38 ዲልኣና፥ ምስጳ፥ ዮቅትኤላ፥ 
\v 39 ላክሻ፥ ቦጽቃታ፥ ኤግሎና፥ 
\v 40 ካቦና፥ ላህማሳ፥ ክትሊሻ፥ 
\v 41 ጋደሮታ፥ ቤት-ዳጎና፥ ናእማናነ ማቄዳ። ሀ ካታማቱ ባረንቱ ሞቱዋና እትፐ ታማነ ኡሱፑና።
\p
\v 42 ቃይካ ሊብና፥ ኤቴራ፥ አሻና፥ 
\v 43 ይፍታሀ፥ አሺና፥ ናጺባ፥ 
\v 44 ቃኢላ፥ አክዚባነ ማሬሻ። ሀ ካታማቱ ባረንቱ ሞቱዋና እትፐ ኡዱፑና።
\p
\v 45 ሄዋዳንካ፥ ቃይ ኤቅሮና ካታማ ባረ ሄራን ደእያ ቄር ካታማቱዋነ ሞቱዋ ኡባ። 
\v 46 አሽዶዳ ኤለካ ኤቅሮናፐ ቢደ፥ ሜድትራንያ አባ ጋካናዉ ደእያ ካታማቱዋነ ኡንቱንቱ ሞቱዋ ኡባ።
\p
\v 47 ቃይ አሽዶዳ ካታማነ አ ሞቱዋ፥ ጋዛ ካታማነ አ ሞቱዋ፥ ቢደ ግብጼ ሻፋነ ሜድትራንያ አባ ላንቂያ ጋካናዉ ደእያ ሳኣ።
\p
\v 48 ገዝያን ደእያ ካታማቱካ ሻሚራ፥ ያትራ፥ ሶኮ፥ 
\v 49 ዳና፥ ቅርያት-ሳና ዎይ ዳቢራ፥ 
\v 50 አናባ፥ ኤሽታሞአ፥ አኒማ፥ 
\v 51 ጎሸና፥ ሆሎናነ ጊሎ። ሀ ካታማቱ ባረንቱ ሞቱዋና እትፐ ታማነ እታ።
\p
\v 52 ቃይ አራባ ካታማ፥ ዱማ፥ ኤሽኣና፥ 
\v 53 ያኒማ፥ ቤት-ታፑሀ፥ አፌቃ፥ 
\v 54 ሁምጻ፥ ከብሮና ዎይ ቅርያት-አርባአነ ጽኦራ። ሀ ካታማቱ ባረንቱ ሞቱዋና እትፐ ኡዱፑና።
\p
\v 55 ቃይካ ማኦና፥ ቃርመሎሳ፥ ዚፋ፥ ዩጻ፥ 
\v 56 እዝራኤላ፥ ዮቅድኣማ፥ ዛኖሀ፥ 
\v 57 ቃይና፥ ግብአነ ትምና። ሀ ካታማቱ ባረንቱ ሞቱዋና እትፐ ታማ።
\p
\v 58 ቃይ ሀልሁላ፥ ቤትጹራ፥ ጋዶራ፥ 
\v 59 ማእራታ፥ ቤት-አኖታነ ኤልትቆና። ሀ ካታማቱ ባረንቱ ሞቱዋና እትፐ ኡሱፑና።
\p
\v 60 ሄዋዳንካ ቃይ ቅርያት-ባኣላ ዎይ ቅርያት-ይኣሪማነ ራባ። ሀ ካታማቱ ባረንቱ ሞቱዋና እትፐ ላአ።
\p
\v 61 ዎራን ቃይ ቤት-አራባ፥ ምዲና፥ ሰካካ፥ 
\v 62 ንብሻና፥ ማጽነ ካታማነ ኤንጋዳ። ሀ ካታማቱ ባረንቱ ሞቱዋና እትፐ ኡሱፑና።
\p
\v 63 ግዶፐነ፥ ይሁዳ አሳይ የሩሳላመን ደእያ ያቡሳቱዋ ከሳናዉ ዳንዳይበይክኖ። ሄዋ ድራዉ ያቡሳዋናቱ ሀቼ ጋካናስካ ይሁዳ አሳና እትፐ የሩሳላመን ደኢኖ።\x - \xo 15:63 \xo*\xt ዳና. 1:21፤ 2 ሳሜላ 5:6፤ 1 ኦዱዋ 11:4\xt*\x*
\c 16
\s1 ኤፍሬማነ ምናሰ ዘረ ጋኬዳ ቢታቱዋ
\p
\v 1 ዮሴፎ ዘረቱዋ ጋኬዳ ቢታይ ገድሳ ባጋና ያርኮ ካታማ ማታን ደእያ ዮርዳኖሳ ሻፋን ዶሜ፤ ያርኮ ፑልቶቱዋፐ አዋይ ዶልያ ባጋ ጋጻፐ ደንድ ቢደ፥ ባዙዋ አደ፥ ገዝያ ፑደ ከሲደ፥ ቢደ ቤቴለ ጋኬ። 
\v 2 ቤቴለፐ ደንዲደ፥ አርከቱዋ ጋድያን ደእያ አጻሮታ ካታማ አደ፥ ሎዛ ጋኬ። 
\v 3 ሄዋፐ አዋይ ዉልያ ባጋ ያፍሌጻቱ ጋድያ ዱገ ዎደ፥ ህርክ ቤት-ሆሮና ግያ ሳና አደ፥ ሄዋፐ ገዜራና ቢደ፥ ሜድትራነ አባን ዛዋቴ።
\p
\v 4 ዮሴፎ ዘረ ግድያ ምናሰ ዛራቱነ ኤፍሬማ ዛራቱ ባረና ጋክያ ጋድያ ላቴድኖ።
\s1 ኤፍሬማ ጋኬዳ ሻኩዋ
\p
\v 5 ኤፍሬማ ዘረ ኡንቱንቱ ያራን ያራን ጋኬዳ ቢታይ ሀዋ፤ ኡንቱንታ ጋኬዳ ጋድያ ዛዋይ አዋይ ዶልያ ባጋና ደእያ አጻሮት-አዳራፐ ደንዲደ፥ ቆሙዋ ቤት-ሆሮና አ፤ 
\v 6 ሄዋፐ ስሚደ ሜድትራንያ አባን ዛዋቴ። ቃይ ሁጲሳ ባጋና ደእያ ዛዋይ ምክማታታፐ አዋይ ዶልያ ባጋ ታአናት-ሺሎኮ ስሚደ፥ አዋይ ዶልያ ባጋና ደእያ ያኖሀ ጋኬ። 
\v 7 ያኖሀፐ ዱገ አጻሮታነ ናአራታ ዎደ፥ ያርኮ ጋኬ፤ ዉርሰይ ዮርዳኖሳ ሻፋን ዛዋቴ። 
\v 8 ጋጻ ዛዋይ ታፑሀፐ ዶሚደ ቢደ፥ አዋይ ዉልያ ባጋና ደእያ ቃና ሻፋ ባዙዋ ኦይቂደ ቢደ፥ ሜድትራንያ አባን ዛዋቴ። ኤፍሬማ ዛራቱ ባረንቱ ያራን ያራን ላቴዳ ቢታይ ሀዋ። 
\v 9 ሄዌ ምናሰ ዛራቱዋ ጋድያፐ ኤፍሬማ ዛረቶ እሜዳ ካታማቱዋነ ኡንቱንቱ ሞቱዋ ኡባ ጉጀናን ደእሺና። 
\v 10 ሽን ኤፍሬማ ዛራቱ ገዜራ ካታማን ደእያ ካናነ አሳቱዋ ከስበይክኖ። ያትና፥ ካናነ አሳቱ ሀቼ ጋካናዉ ኤፍሬማ ዛራቱዋ ግዶን ደኢኖ። ሽን ኤፍሬማ ዛራቱ ኡንቱንቱ አይለዪደ ኦስሲኖ።\x - \xo 16:10 \xo*\xt ዳና. 1:29\xt*\x*
\c 17
\s1 ምናሰ ዘረ ጋኬዳ ሻኩዋ
\p
\v 1 ዮሴፎ ባይራ ናኣ ምናሰ ዛረቶ እመቴዳ ቢታይ ሀዋ። ጋላኣደ አዉ ማኪር ምናሰዉ ባይራ ናኣ፤ ማኪና ያራቱ ምኖ ኦላንቻ ግዴዳ ድራዉ፥ ጋላኣደነ ባሳነ ቢታቱዋ አኬድኖ። 
\v 2 ዮርዳኖሳ ሻፋፐ አዋይ ዉልያ ባጋና ደእያ ቢታይ የንኩዋ አቴዳ ምናሰ አሳዉ እመቴዳ፤ ሄ ያራቱካ አብኤዘራ፥ ሄሌቃ፥ አስርኤላ፥ ሸኬማ፥ ሄፌራነ ሻምዳአ። ዮሴፎ ናኣ ምናሰ ያራ ግድያ አቱማዋንቱ ሀዋንታ።
\p
\v 3 ጻሎፍሃድ ሄፌራ ናኣ፤ ሄፌር ጋላኣደ ናኣ፤ ጋላኣደ ማኪና ናኣ፤ ማኪር ምናሰ ናኣ። ጻሎፍሃዳዉ ማጫ ናናቱዋፐ አትና፥ አቱማ ናናይ ባዋ፤ አ ማጫ ናናይ ማህሎ፥ ኖኦ፥ ሆግሎ፥ ምልኮነ ትርጾ ጌተትኖ። 
\v 4 ኡንቱንቱ ቄስያ ኤልኣዛራኮ፥ ነዌ ናኣ ኢያሱኮነ ካፓቱዋኮ ሺቂደ፥ “ኑ ዳባቱ ግዶን ኑዉካ ጋድያ ግሹዋን እማና ማላ መና ጎዳይ ሙሳ አዛዝ ዎዳተነ” ያጌድኖ። ሄዋፐ ጉየ መና ጎዳይ አዛዜዳዋዳን፥ ኡንቱንቱ አዉዋ እሻቱዋ ግዶን ኡንቱንቶካ ጋድያ እሜዳ።\x - \xo 17:4 \xo*\xt ፓይ. 27:1-7\xt*\x* 
\v 5 ምናሰ ያራቱ ዮርዳኖሳ ሻፋፐ አዋይ ዶልያ ባጋና ደእያ ጋላኣደነ ባሳነ ቦላ ጉጂደ፥ ታሙ ሳማ ጋድያ አኬድኖ። 
\v 6 አያዉ ጎፐ፥ ምናሰ ዛራቱዋፐ ማጫ ናናይካ አቱማ ናናቱዋና እትፐ ሻክ አኬድኖ። ጋላኣደ ጋዲ አቴዳ ምናሰ ያራቱዋሳ ግዴዳ።
\p
\v 7 ምናሰ ያራቱ ጋድያ ዛዋይ አሴራ ጋድያፐ ዶሚደ፥ ሰኬማፐ አዋይ ዶልያ ባጋና ደእያ ምክማታታ ጋኬ። ሄ ዛዋይ ሄዋፐ ደንድ ቢደ፥ ገድሳ ባጋና ደእያ ታፑሀ አሳይ ደኢያሳ ጻጽ ዋጼ። 
\v 8 ታፑሀ ቢታይ ምናሰሳ፤ ሽን ምናሰ ዛዋን ደእያ ታፑሀ ካታማይ ባረ ሁጲያዉ ኤፍሬማ ዛራቱዋሳ። 
\v 9 ቃይ ሄ ዛዋይ ሄዋፐ ደንድ ቢደ፥ ቃና ሻፋን ዛዋቴ። ምናሰ ካታማቱዋ ግዱዋን ኤፍሬማሳ ግድያ ካታማቱካ ደኢኖ፤ ሽን ምናሰ ዛዋይ ቃና ሻፋፐ ሁጲሳ ባጋ ግዲደ፥ ቢደ ሜድትራንያ አባን ዛዋቴ። 
\v 10 ሻፋፐ ገድሳ ባጋና ደእያ ቢታይ ኤፍሬማሳ፤ ሁጲሳ ባጋና ደእያ ቢታይ ቃይ ምናሰሳ። ምናሰ ቢታዉ አዋይ ዉልያ ባጋ ዛዋይ ሜድትራነ አባ። ቃይ ሁጲሳ ባጋና አሴራ ጋድያ፥ አዋይ ዶልያ ባጋና ይሳኮራ ጋድያ ጋኬ። 
\v 11 ይሳኮራነ አሴራ ቢታቱዋ ግዱዋን ቤትሻና፥ ይብላኣማ፥ ዶራ፥ ኤንዶረ፥ ታእናካነ ማግዶ ጌተትያ ካታማቱ ባረንቱ ዩሹዋን ደእያ ሞቱካ ምናሰሳ። 
\v 12 ሽን ምናሰ ዛራቱ ሄ ካታማቱዋን ደእያ አሳቱዋ ከሳናዉነ ካታማቱዋ ኦይቃናዉ ዳንዳይበይክኖ። ሄዋ ድራዉ ካናነ አሳቱ ያን ደኤድኖ።\x - \xo 17:12-13 \xo*\xt ዳና. 1:27-28\xt*\x* 
\v 13 እስራኤልያ አሳይ ምኔዳ ዎደ፥ ካናነ አሳቱዋ ዎልቃን ሀጋዝስያዋፐ አትና፥ ኡንቱንቱ ጋድያፐ ኡባይ ከስበይክኖ።
\s1 ዮሴፎ ዛራቱ ጉጆ ቢታ ኦቼድኖ
\p
\v 14 ዮሴፎ ዛራቱ ቢደ ኢያሳ፥ “ቢታ ላታ ግሹዋን ኑዉ አያዉ እት ሳማ ጻላላ እማድ? ኑን ፓይዱዋን ጮራ፤ አያዉ ጎፐ፥ መና ጎዳይ ኑና አንጄዳ” ያጌድኖ።
\p
\v 15 ኢያሱ ኡንቱንታ፦ “ህንተንቱ ጮራ ግዶፐነ፥ ኤፍሬማ ገዚ ህንተንቶ ጉጾፐ፥ ፓርዘቱነ ራፋየቱ ደእያ ጋድያ ቢደ፥ ዎራ ህንተንቶ ቡተ” ያጌዳ።
\p
\v 16 ዮሴፎ ዛራቱ፥ “ሀ ገዚ ኑ ግደና፤ ሄዋ ቦላካ ቃይ ቤትሻና ካታማን፥ አ ዩሹዋን ደእያ ሞቱዋንነ እዝራኤላ ዎምባን ደእያ ካናነቶ ፓራቱ ጎችያ ብራታ ጋረቱ ደኢኖ” ያጌድኖ።
\p
\v 17 ኢያሱ ዮሴፎ ናና ኤፍሬማነ ምናሰ ዛረቶ፥ ሀዋዳን ያጌዳ፤ “ህንተንቱ ጮራነ ዳሮ ዎልቃማ፤ ህንተንቶ እት ሳማ ጻላላይ ግደና። 
\v 18 ሄዋ ድራዉ ገዘ ቢታካ ህንተንቱ አካና። ሄ ገዘ ዎራ ግዶፐነ ቡደ ዉርሰ ጋጻ ጋካናዉካ ህንተሳ ኦተ። ካናነቶ ፓራቱ ጎችያ ብራታ ጋረቱ ደኦፐካ፥ ኡንቱንቱ ምኖ ግዶፐነ፥ ህንተንቱ ኡንቱንታ ከሳናዉ ዳንዳዪታ” ያጌዳ።
\c 18
\s1 አቴዳ ቢታ ሻኩዋ
\p
\v 1 ቢታ ጾኒደ ኦይቄዳዋፐ ጉይያን፥ እስራኤልያ ማባራ ኡባይ ሴሎን ሺቂደ ጾሳዉ ጎይንያ ዱንካንያ ያን ኤሴዳ። 
\v 2 ሽን እስራኤልያ አሳፐ ጋድያ ሻክ አክቤና ላፑን ዛራቱ አቴድኖ።
\p
\v 3 ኢያሱ እስራኤልያ አሳ፥ “መና ጎዳይ ህንተንቱ አዎቱዋ ጾሳይ ህንተንቶ እሜዳ ጋድያ ላተናን አዉደ ጋካናዉ ጋምአንቴ? 
\v 4 እት እት ዛርያፐ ሄዙ ሄዙ አሳቱዋ ዶርተ። እት እት ዛሪ ላታና ጋድያ ሀኖታ ኤራናዳን፥ ታን ኡንቱንታ ኪታና። ኡንቱንቱ ጋድያ ኡባ ቢደ ጌዲደ ሄ ቢታባ ጻፍ አኪደ፥ ታኮ ስም ያናዋንታ። 
\v 5 ኡንቱንቱ ሄ ጋድያ ላፑኑዋ ከሲደ ሻካና። ሽን ይሁዳ ዛራቱ ገድሳ ባጋና ደእያ ባረንቱ ጋድያን፥ ዮሴፎ ዛራቱካ ሁጲሳ ባጋና ደእያ ባረንቱ ጋድያን ደአና። 
\v 6 ሀ ላፑኑዋ ከስ ሻከቴዳ ጋድያ ሀኖታ ጻፌዳዋፐ ጉይያን፥ ታኮ አኪደ ዪና ታን መና ጎዳ ኑ ጾሳ ስንን ህንተንቶ ሳማ የጋና። 
\v 7 ግዶፐነ፥ ሌዊያ ዛራቱ ህንተናና ሳማን ላትክኖ፤ አያዉ ጎፐ፥ ኡንቱንቱ ቄሳቱዋ ግዲደ መና ጎዳዉ ኦያ ኪታይ ኡንቱንቱ ላታ። ጋደ ዛራቱ ሮቤላ ዛራቱነ ምናሰ ዛራቱዋፐ ባጋይ ዮርዳኖሳ ሻፋፐ አዋይ ዶልያ ባጋና፥ መና ጎዳ ቆማይ ሙሴ ኡንቱንቶ እሜዳ ጋድያ ካሰት ላቴድኖ” ያጌዳ።
\p
\v 8 አሳቱ ጋድያ ሀኖታ ጻፋናዉ ባናፐ ካሰቲደ፥ ኢያሱ ኡንቱንታ፥ “ቢተ፤ ዩይ በኤዳዋ ጻፍተ። ያቲደ ታኮ ስም ዪተ። ሀዋን ሴሎን መና ጎዳ ስንን ታን ህንተንቶ ሳማ የጋና” ያጊደ አዛዜዳ። 
\v 9 አሳቱ ቢደ፥ ቢታ ኡባ ዩዬድኖ። ካታማቱዋ ኡባ ጻፊደ፥ ጋድያ ዋቲደ ላፑኑዋ ከስ ሻካነንቶ ኤርሴድኖ። ያቲደ ኢያሱ ዱንካኔዳ ሳኣ ሴሎ ስሜድኖ። 
\v 10 ሄዋፐ ጉይያን ኢያሱ መና ጎዳ ስንን ሴሎን ኡንቱንቶ ሳማ የጌዳ፤ ያን ኢያሱ እስራኤልያ አሳዉ ጋድያ ኡንቱንቱ ዛርያ ግሹዋዳን ሻክ እሜዳ።
\s1 ቢንያማ ዘረ ጋኬዳ ሻኩዋ
\p
\v 11 ኮይሮ ሳማይ ቢንያማ ዘረ ኡንቱንቱ ያራን ያራን ጋኬዳ። ኡንቱንታ ጋኬዳ ቢታይ ይሁዳ ዛራቱዋ ቢታፐነ ዮሴፎ ዛራቱዋ ጋድያፐ ግዱዋን ደኤዳ። 
\v 12 ሁጲሳ ባጋና ኡንቱንቱ ዛዋይ ዮርዳኖሳ ሻፋፐ ዶሚደ፥ ያርኮፐ ሁጲሳ ባጋና ደእያ ፑደን ዛዋቴ፤ ሄዋፐ አዋይ ዉልያ ባጋና ገዝያ አደ፥ ቤት-አዌና ዎራን ዛዋቴ። 
\v 13 ሄዋፐ ገድሳ ባጋ ስሚደ፥ ካሰ ሎዛ ጌተትያ ቤቴለ ፑደ አደ፥ አጻሮት-አዳራ ዱገ አደ፥ ህርክ ቤት-ሆሮናፐ ገድሳ ባጋን ደእያ ደርያን ዛዋቴ። 
\v 14 ሄ ዛዋይ ገድሳ ባጋና ቤት-ሆሮና ስንን ደእያ ደርያፐ አዋይ ዉልያ ባጋ ምርቀቲደ፥ ቅርያት-ባኣላ ዎይ ቅርያት-ይኣሪማ ጌተትያ ይሁዳ ዛራቱዋ ካታማን ዛዋቴ። አዋይ ዉልያ ባጋና ደእያ ዛዋይ ሀዋ። 
\v 15 ገድሳ ባጋ ዛዋይ ቅርያት-ይኣሪማፐ ደንዲደ፥ ነፍቶሀ ሃ ፑልታቱዋን ዛዋቴ። 
\v 16 ሄዋፐ ዛዋይ ዱገ ቢደ ራፋይማ ዛንጋራፐ ሁጲሳ ባጋን ደእያ ህኖማ ዛንጋራፐ ስን ባጋ ደርያ ገድሳና ዛዋቴ። ሄዋፐ ህኖማ ዛንጋራ አደ ቢደ፥ ያቡሳዋናቱዋ ካታማ የሩሳላመዉነ ኤንሮጌላ ካታማ ገድሳ ባጋ ፑደን ዛዋቴ። 
\v 17 ሄዋፐ ቃይ ሁጲሳ ባጋ ኤንሸሜሻኮ ምርቀቲደ፥ አዱሚማ ፑደፐ ስን ባጋና ደእያ ጋልሎታን ዛዋቴ፤ ሄዋፐ ቃይ ሮቤላ ናኣ ቦሃና ሹቻዉ ዱገ ዎ። 
\v 18 ሄዋፐ ቃይ ቤት-አራባ ሁጲሳ ባጋ ፑደና አደ፥ ዱገ አራብያ ዛንጋራ ዎ። 
\v 19 ቤት-ሆግላ ፑደፐ ሁጲሳ ባጋና አደ፥ ዮርዳኖሳ ሻፋይ ጎጊደ ገልያሳ፥ ማጽንያ አባፐ ሁጲሳ ባጋ ጋጻ ጋኬ። ሄዌ ገድሳ ባጋ ዛዋ። 
\v 20 አዋይ ዶልያ ባጋና ደእያ ዛዋይ ዮርዳኖሳ ሻፋ። ቢንያማ ዛራቱ ላቴዳ ቢታይ ኡባ ሳናካ ዛዋቴዳ ዛዋቱ ሀዋንታ።
\p
\v 21 ቢንያማ ዛራቱ ባረንቱ ያራን ያራን አኬዳ ካታማቱ ያርኮ፥ ቤት-ሆግላ፥ ኤመቅ-ቃጺጻ፥ 
\v 22 ቤት-አራባ፥ ጻማራይማ፥ ቤቴለ፥ 
\v 23 አዊማ፥ ፓራ፥ ኦፍራ፥ 
\v 24 ካፋር-አሞና፥ ኦፍናነ ገባአ። ኡንቱንቱ ኡባና ታማነ ላአ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 
\v 25 ቃይ ጋባኦና፥ ራማ፥ ባኤሮታ፥ 
\v 26 ምጽጳ፥ ካፊራ፥ ሞጻ፥ 
\v 27 ረቄማ፥ ይርጳኤላ፥ ታራላ፥ 
\v 28 ጸላአ፥ ኤሌፋ፥ የሩሳላመ ጌተትያ ያቡሳዋናቱዋ ካታማ፥ ግብአነ ቅርያት-ይኣሪማ። ኡንቱንቱ ኡባና ታማነ ኦይዳ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። ቢንያማ ዛራቱ ባረንቱ ያራን ያራን ላቴዳ ቢታይ ሀዋ።
\c 19
\s1 ስሞና ዘረ ጋኬዳ ሻኩዋ
\p
\v 1 ላኤን ሳማይ ስሞና ዘረ ኡንቱንቱ ያራን ያራን ጋኬዳ። ኡንቱንታ ጋኬዳ ቢታይ ይሁዳ ዛራቱ ላቴዳ ጋድያ ግዱዋን ደኤ። 
\v 2 ኡንቱንቱ ላቴዳ ካታማቱ በርሳበሀ ዎይ ሸባአ፥ ሞላዳ፥\x - \xo 19:2-8 \xo*\xt 1 ኦዱዋ 4:28-33\xt*\x* 
\v 3 ሀጻር-ሹኣላ፥ ባላ፥ ኤጼማ፥ 
\v 4 ኤልቶላዳ፥ ባቱላ፥ ሆርማ፥ 
\v 5 ጽቅላጋ፥ ቤት-ማርካቦታ፥ ሀጻር-ሱሳ፥ 
\v 6 ቤት-ላባኦታነ ሻሩሄና። ኡንቱንቱ ኡባና ታማነ ሄዛ፤ ኡንቱንቱ ዩሹዋን ደእያ ሞቱ ኡንቱንቱን ጉጀቲኖ። 
\v 7 ቃይ አይና፥ ርሞና፥ ኤቴራነ አሻና። ኡንቱንቱ ኡባና ኦይዱ ካታማቱዋ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 
\v 8 ኔጌባ ዎራን ደእያ ባእላት-ባኤራ ዎይ ራማ ጋካናዉ፥ ሀ ካታማቱዋ ዩሹዋን ደእያ ሞቱዋ ኡባ ላቴድኖ። ስሞና ዛራቱ ባረንቱ ያራን ያራን ላቴዳ ጋዲ ሀዋ። 
\v 9 ይሁዳ ዘረ ጋኬዳ ቢታይ ኡንቱንቶ አኩዋ ዳሬዳ ድራዉ፥ አፐ ሻክና ስሞና ዛረቶ እመቴዳ።
\s1 ዛብሎና ዘረ ጋኬዳ ሻኩዋ
\p
\v 10 ሄዘን ሳማይ ዛብሎና ዘረ ኡንቱንቱ ያራን ያራን ጋኬዳ። ኡንቱንቱ ላቴዳ ጋዲ ሳሪዳ ግያ ካታማ ጋኬ። 
\v 11 ሄዋፐ ቃይ አዋይ ዉልያ ባጋ ቢደ ማርእላ አ፥ ቢደ ዳባሼታ ቦቺደ ቢደ፥ ዮቅናኣማፐ አዋይ ዶልያ ባጋን ደእያ ሻፋ ጋኬ። 
\v 12 ሀራ ባጋና ቃይ ሳሪዳ ካታማፐ አዋይ ዶልያ ባጋ ስሚደ፥ ክስሎት-ታቦራ ጋኪደ፥ ዳብራታንነ ያፍአን ዛዋቴ። 
\v 13 ሄዋፐ ቃይ አዋይ ዶልያ ባጋና ጋተ-ሄፌራ፥ ኢት-ቃጺናነ ርሞና ጋኪደ፥ ኔአኮ ምርቀቴ። 
\v 14 ሁጲሳ ባጋና ዛዋይ ሀናቶና ስሚደ፥ ይፍታህኤላ ዛንጋራን ዛዋቴ። 
\v 15 ያን ቃጻታ፥ ናህላላ፥ ሽምሮና፥ ይዳላነ ቤተሌመ ጌተትያ ካታማቱካ ደኢኖ። ኡንቱንቱ ኡባና ታማነ ላአ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 
\v 16 ዛብሎና ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።
\s1 ይሳኮራ ዘረ ጋኬዳ ሻኩዋ
\p
\v 17 ኦይደን ሳማይ ይሳኮራ ዘረ ኡንቱንቱ ያራን ያራን ጋኬዳ። 
\v 18 ኡንቱንቱ ጋድያ ካታማቱ እዝራኤላ፥ ካሱሎታ፥ ሹኔማ፥ 
\v 19 ሀፋራይማ፥ ሽኦና፥ አናሀራታ፥ 
\v 20 ራቢታ፥ ቅሽዮና፥ አቤጻ፥ 
\v 21 ረሜታ፥ ኤንጋኒማ፥ ኤንሃዳነ ቤት-ጳጼጻ። 
\v 22 ሄ ጋድያ ዛዋይ ታቦራ፥ ሻሀጹማነ ቤት-ሸመሻ ቦቺደ ቢደ፥ ዮርዳኖሳ ሻፋን ዛዋቴ። ኡንቱንቱ ኡባና ታማነ ኡሱፑና፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 
\v 23 ይሳኮራ ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።
\s1 አሴራ ዘረ ጋኬዳ ሻኩዋ
\p
\v 24 እቼሸን ሳማይ አሴራ ዘረ ኡንቱንቱ ያራን ያራን ጋኬዳ። 
\v 25 ኡንቱንቱ ጋድያ ካታማቱ ሄልቃታ፥ ሀላ፥ በጼና፥ አክሻፋ፥ 
\v 26 አላመለካ፥ አምኣዳነ ምሽኣላ። አዋይ ዉልያ ባጋና ቃርመሎሳንነ ሽሆር-ልብናታን ዛዋቴ። 
\v 27 ቃይ አዋይ ዶልያ ባጋ ስም ቤት-ዳጎናኮ ምርቀቲደ፥ ዛብሎና ጋድያነ ይፍታህኤላ ዛንጋራ ቦች ቢደ፥ ቤት-ኤሜቃነ ናእኤላ ጋኬ። ቃይ ሁጲሳ ባጋና ካቡላ ጋኬ። 
\v 28 ሄዋፐ ቃይ ኤብሮና፥ ራሆባ፥ ሀሞናነ ቃና አደ፥ ሲዶናን ዛዋቴ። 
\v 29 ሄዋፐ ቃይ ጋድያ ዛዋይ ራማ ስሚደ፥ ግምበቴዳ ጺሮሳ ካታማ ጋኬ። ሄዋፐ ቃይ ሆሳኮ ምርቀቲደ፥ ሜድትራነ አባን ዛዋቴ። ቃይ ማሀላባ፥ አክዚባ፥ 
\v 30 ኡማ፥ አፌቃነ ራሆባ ጌተትያ ካታማቱካ ያን ደኢኖ። ኡንቱንቱ ኡባና ላታማነ ላኡዋ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 
\v 31 አሴራ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።
\s1 ንፍታሌማ ዘረ ጋኬዳ ሻኩዋ
\p
\v 32 ኡሱፑን ሳማይ ንፍታሌማ ዘረ ኡንቱንቱ ያራን ያራን ጋኬዳ። 
\v 33 ኡንቱንቱ ዛዋይ ሄሌፋፐነ ዳእናኒማ ዎላፐ ዶሚደ፥ አዳም-ነቄባ፥ ያብንኤላነ ላቁማ አደ ቢደ፥ ዉርሰይ ዮርዳኖሳ ሻፋ ጋኬ። 
\v 34 ሄዋፐ ቃይ ዛዋይ አዋይ ዉልያ ባጋ አዝኖት-ታቦራኮ ምርቀቴ፤ ሄዋፐ ቃይ ሁቆቃ ስሚደ፥ ገድሳ ባጋና ዛብሎና ቢታንነ አዋይ ዉልያ ባጋና አሴራ ጋድያን ዛዋቲደ፥ አዋይ ዶልያ ባጋና ዮርዳኖሳ ሻፋ ጋኬ። 
\v 35 ግምበቴዳ ካታማቱ ጽዲማ፥ ጼራ፥ ሃማታ፥ ራቃታ፥ ክናሬታ፥ 
\v 36 አዳማ፥ ራማ፥ ሀጾራ፥ 
\v 37 ቀዴሻ፥ ኤድራአ፥ ኤንሀጾራ፥ 
\v 38 ይርኦና፥ ምግዳልኤላ፥ ሆሬማ፥ ቤት-አናታነ ቤት-ሸመሻ። ኡንቱንቱ ኡባና ታማነ ኡዱፑና፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 
\v 39 ንፍታሌማ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።
\s1 ዳና ዘረ ጋኬዳ ሻኩዋ
\p
\v 40 ላፑን ሳማይ ዳና ዘረ ኡንቱንቱ ያራን ያራን ጋኬዳ። 
\v 41 ኡንቱንቱ ላቴዳ ጋድያ ካታማቱ ጾርአ፥ ኤሽታኦላ፥ እርሸሜሻ፥ 
\v 42 ሻአልቢማ፥ አያሎና፥ ይታላ፥ 
\v 43 ኤሎና፥ ትምና፥ ኤቅሮና፥ 
\v 44 ኤልታቀ፥ ግባቶና፥ ባእላታ፥ 
\v 45 ይሁዳ፥ ባነባራቃ፥ ጋተ-ርሞና፥ 
\v 46 መያርቆና፥ ራቆናነ ቃይ ዮጰ ካታማ ዩሹዋን ደእያ ሄራቱዋ። 
\v 47 ዳና ዛራቱ ጋድያ ላታናዉ እንጀተናዋ በኤዳ ዎደ፥ ቢደ ላይሻ ካታማ ኦለቲደ ጾኔድኖ፤ ጾኒደ ሄ ካታማን ደእያ አሳ ቃራ ማሻን ዎ ዉርሲደ፥ ካታማ ባረንቱ አኪደ ያን ደኤድኖ። ሄ ካታማ ሱንካ ላሚደ፥ ባረንቱ አዉዋ ዳና ሱንን ዳና ጊደ ሱንድኖ።\x - \xo 19:47 \xo*\xt ዳና. 18:27-29\xt*\x* 
\v 48 ዳና ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።
\s1 ኢያሳ ጋኬዳ ግሹዋ
\p
\v 49 እስራኤልያ አሳይ ጋድያ ሻክ ዉርሴዳ ዎደ፥ ነዌ ናኣ ኢያሱ ላትያ ጋድያ ባረንቱ ግዶን እሜድኖ። 
\v 50 መና ጎዳይ አዛዜዳዋዳን፥ ኢያሱ ኦችና፥ ኤፍሬማ ገዝያን ደእያ ትምናት-ሰራሀ ጌተትያ ካታማ አዉ እምና ካታማ ዎ የግ ኬጺደ፥ ያን ደኤዳ። 
\v 51 ቄስያ ኤልኣዛረ፥ ነዌ ናአይ ኢያሱነ እስራኤልያ አሳ ዛረቶ ያራቱ ካፓቱ መና ጎዳ ስንን ሴሎን፥ መና ጎዳ ዱንካንያ ፐንግያን ሳማ የጊደ፥ ግሼዳ ላታ ጋዲ ሀዋ። ኡንቱንቱ ጋድያ ያት ሻክ ፖሌድኖ።
\c 20
\s1 ባቃት ቢደ አትያ ካታማቱዋ
\r (20:1-9)
\p
\v 1 ሄዋፐ ጉይያን መና ጎዳይ ኢያሳ ሀዋዳን ያጌዳ፤\x - \xo 20:1-9 \xo*\xt ፓይ. 35:9-34፤ ዛረ. 4:41-43፤ 19:1-13\xt*\x* 
\v 2 “እስራኤልያ አሳዉ ሀዋዳን ያጋ፤ ‘ታን ሙሴ ባጋና ህንተንታ አዛዜዳዋዳን፥ አሳይ ባቃት ቢደ አትያ ካታማቱዋ ዶርተ። 
\v 3 አይ አሳይነ አኬከናንነ ኤረናን አሳ ዎፐ፥ ያ ባቃት ቢደ፥ ሱ አችያዋፐ አታናዋ። 
\v 4 አሳ ዎዳዌ ሄ ካታማቱዋፐ እቱዋኮ ባቃት ቢደ፥ ካታማ ገልያ ፐንግያን ኤቂደ፥ ሀኔዳባ ሄ ካታማ ጭማቶ ኦዶ። ኡንቱንቱ ባረንቱ ካታማ አፊደ፥ እ ደአና ሳኣ እምና፥ እ ኡንቱንቱና ያን ደኦ። 
\v 5 ሱ አችያዌ አ ካሊደ ዮፐ፥ ሄ ካታማ ጭማቱ አ አደ እሞፕኖ። አያዉ ጎፐ፥ ባረ ሾሩዋ እ ቆፒደ፥ ባረ ካሰ ሞርከተ ድራዉ ዎቤና። 
\v 6 ሽቁዋ ስንን ፕርዳዉ እ ኤቃና ጋካናሽ ሄ ዎድያን ደእያ ቄሳቱዋ ኡባቱዋ ካፑ ሀይቃና ጋካናዉ፥ ሄ ካታማን ደኦ። ሄዋፐ ጉይያን፥ ባቃቲደ ከሴዳ ካታማ ጉየ ዛሪደ፥ ባረ ሶ ገሎ’ ያጋ” ያጌዳ።
\p
\v 7 ሄዋፐ ጉየ እስራኤልያ አሳይ ንፍታሌማ ገዝያን፥ ጋሊላን ደእያ ቀዴሻነ አ ሄን ጋደቱዋ፥ ኤፍሬማ ገዝያን ደእያ ሰኬማነ አ ሄን ጋደቱዋነ ይሁዳ ገዝያን ደእያ ቅርያት-አርባአ ዎይ ከብሮነ ዱማዬድኖ። 
\v 8 ዮርዳኖሳ ሻፋፐ ሄፍንን፥ ያርኮፐ አዋይ ዶልያ ባጋ ዎራን፥ ቃሳን ደእያ ሮቤላ ዛራቱዋ ጋድያፐ ቤጸራ፥ ጋደ ዛራቱዋ ጋድያፐ ጋላኣደን ደእያ ራሞታነ ምናሰ ዛራቱዋ ጋድያፐ ባሳነን ደእያ ጎላና ዱማዬድኖ። 
\v 9 እስራኤልያ አሳ ኡባዉነ ኡንቱንቱ ግዶን ደእያ በተቶ ዱማዬዳ ካታማቱ ሀዋንታ፤ ኤረናን ደኢደ አሳ ዎዳ አይ አሳይነ፥ ሽቁዋ ስንን ኤቃና ጋካናዉ፥ ሱ አችያዋ ኩሽያን ሀይቀናዳን፥ ሄ ካታማቱዋፐ እቱዋኮ ባቃታናዉ ዳንዳዬ።
\c 21
\s1 ሌዋቱ ካታማቱዋ
\r (21:1-45)
\p
\v 1 ሄዋፐ ጉይያን ሌዊያ ዛራቱዋ ያራቱ ካፓቱ ቄስያ ኤልኣዛራኮ፥ ነዌ ናኣ ኢያሱኮነ እስራኤልያ አሳ ዛረቶ ያራቱ ካፓቱዋኮ ሺቄድኖ። 
\v 2 ሄዋን ካናነ ጋድያን ደእያ ሴሎን ኡንቱንቱ ሀዋዳን ያጌድኖ፤ “ኑን ደአና ካታማቱዋነ ኑ መህያዉ ሄን ጋደቱዋ ኔን ኑ እማና ማላ መና ጎዳይ ሙሴ ባጋና አዛዜዳ” ያጌድኖ።\x - \xo 21:2 \xo*\xt ፓይ. 35:1-8\xt*\x* 
\v 3 ሄዋፐ ጉየ መና ጎዳይ አዛዜዳዋዳን፥ እስራኤልያ አሳይ ሌዊያ ዛረቶ ሀ ካታማቱዋነ ሄን ጋደቱዋ ባረንቱ ጋድያፐ ግሺደ ኡንቱንቶ እሜድኖ።
\p
\v 4 ኮይሮ ሳማይ ቃሃታ ያራቶ ከሴዳ። ቄስያ አሮና ዛርያ ሌዋቱ ይሁዳ ዛራቱዋፐ፥ ስሞና ዛራቱዋፐነ ቢንያማ ዛራቱዋፐ ታማነ ሄዙ ካታማቱዋ ሳማን አኬድኖ። 
\v 5 አቴዳ ቃሃቱዋ ያራቱ ኤፍሬማ ዛራቱዋፐ፥ ዳና ዛራቱዋፐነ ምናሰ ዛራቱዋ ባጋፐ ታሙ ካታማቱዋ ሳማን አኬድኖ።
\p
\v 6 ገርሾና ያራቱ ይሳኮራ ዛራቱዋፐ፥ አሴራ ዛራቱዋፐ፥ ንፍታሌማ ዛራቱዋፐነ ባሳነን ደእያ ምናሰ ዛራቱዋ ባጋፐ ታማነ ሄዙ ካታማቱዋ ሳማን አኬድኖ።
\p
\v 7 ማራራ ያራቱ ሮቤላ ዛራቱዋፐ፥ ጋደ ዛራቱዋፐነ ዛብሎና ዛራቱዋፐ ታማነ ላኡ ካታማቱዋ አኬድኖ።
\p
\v 8 መና ጎዳይ ሙሴ ባጋና አዛዜዳዋዳን፥ እስራኤልያ አሳይ ሀ ካታማቱዋነ ኡንቱንቱ ሄን ጋደቱዋ ሌዋቶ ሳማን ሻክ እሜድኖ።
\p
\v 9 ይሁዳ ዛራቱዋፐነ ስሞና ዛራቱዋፐ እስራኤልያ አሳይ አኪደ እሜዳ ካታማቱዋ ሱንይ ሀዋፐ ካሊደ ጻፈቴዳ። 
\v 10 ኮይሮ ሳማይ ሌዊያ ዛራቱዋፐ የለቲደ፥ ቃሃታ ያራ ግዴዳ አሮና ዛረቶ ከስና፥ ኡንቱንቶ እሜዳ ካታማቱ ሀዋንታ: 
\v 11 እስራኤልያ አሳይ ይሁዳ ገዝያን ደእያ ቅርያት-አርባአ ዎይ ከብሮናነ አ ዩሹዋን ደእያ ሄን ጋደቱዋ ኡንቱንቶ እሜድኖ። (አርባእ አናቀ አዉዋ።) 
\v 12 ሽን ሄ ካታማ ዩሹዋን ደእያ ጋደቱዋነ ሞቱዋ ይፉነ ናኣ ካሌባዉ ላታ ኦደ እሜድኖ። 
\v 13 ቄስያ አሮና ዛረቶ አሳ ዎዳ አሳይ ባቃት ቢደ አትያ ከብሮነ ካታማነ አ ሄን ጋደቱዋ፥ ሊብናነ አ ሄን ጋደቱዋ፥ 
\v 14 ያትራነ አ ሄን ጋደቱዋ፥ ኤሽታሞአነ አ ሄን ጋደቱዋ፥ 
\v 15 ሆሎናነ አ ሄን ጋደቱዋ፥ ዳቢራነ አ ሄን ጋደቱዋ፥ 
\v 16 አይናነ አ ሄን ጋደቱዋ፥ ዩጻነ አ ሄን ጋደቱዋነ ቤት-ሸመሻነ አ ሄን ጋደቱዋ፥ ኡባና ኡዱፑን ካታማቱዋ ይሁዳ ዛራቱዋፐነ ስሞና ዛራቱዋፐ አኪደ እሜድኖ። 
\v 17 ቢንያማ ዛራቱዋፐ ጋባኦናነ አ ሄን ጋደቱዋ፥ ገባአነ አ ሄን ጋደቱዋ፥ 
\v 18 አናቶታነ አ ሄን ጋደቱዋነ አልሞናነ አ ሄን ጋደቱዋ፥ ኡባና ኦይዱ ካታማቱዋ አኪደ እሜድኖ። 
\v 19 አሮና ዛርያ ቄሳቱዋ ካታማቱነ ኡንቱንቱ ሄን ጋደቱ ኡባና ታማነ ሄዛ።
\p
\v 20 አቴዳ ቃሃታ ያራቱ፥ ሌዊያ ዛረ ግድያዋንቱ ኤፍሬማ ዛራቱዋ ካታማቱዋፐ ሻክና አኬድኖ። 
\v 21 ኡንቱንቶ ኤፍሬማ ገዝያን ደእያ፥ አሳ ዎዳ አሳይ ባቃት ቢደ አትያ ሰኬማነ አ ሄን ጋደቱዋ፥ ገዜራነ አ ሄን ጋደቱዋ፥ 
\v 22 ቅብጻይማነ አ ሄን ጋደቱዋነ ቤት-ሆሮናነ አ ሄን ጋደቱዋ፥ ኡባና ኦይዱ ካታማቱዋ አኪደ እሜድኖ። 
\v 23 ዳና ዛራቱዋፐ ኤልታቀነ አ ሄን ጋደቱዋ፥ ግባቶናነ አ ሄን ጋደቱዋ፥ 
\v 24 አያሎናነ አ ሄን ጋደቱዋነ ጋተ-ርሞናነ አ ሄን ጋደቱዋ፥ ኡባና ኦይዱ ካታማቱዋ አኪደ እሜድኖ። 
\v 25 ምናሰ ዛራቱዋ ባጋቱዋፐ ታእናካነ አ ሄን ጋደቱዋነ ጋተ-ርሞናነ አ ሄን ጋደቱዋ፥ ኡባና ላኡ ካታማቱዋ አኪደ እሜድኖ። 
\v 26 አቴዳ ቃሃታ ያራቱ ካታማቱነ ኡንቱንቱ ሄን ጋደቱ ኡባና ታማ።
\p
\v 27 ምናሰ ዛራቱዋ ባጋቱዋፐ አሳ ዎዳ አሳይ ባቃት ቢደ አትያ፥ ባሳነን ደእያ ጎላና ካታማነ አ ሄን ጋደቱዋነ ባኤሽታራነ አ ሄን ጋደቱዋ፥ ኡባና ላኡ ካታማቱዋ አኪደ፥ ገርሾና ያራ ግድያ ሀራ ሌዋቶ እሜድኖ። 
\v 28 ይሳኮራ ዛራቱዋፐ ቅሽዮናነ አ ሄን ጋደቱዋ፥ ዳብራታነ አ ሄን ጋደቱዋ፥ 
\v 29 ያርሙታነ አ ሄን ጋደቱዋነ ኤንጋኒማነ አ ሄን ጋደቱዋ፥ ኡባና ኦይዱ ካታማቱዋ አኪደ እሜድኖ። 
\v 30 አሴራ ዛራቱዋፐ ምሽኣላነ አ ሄን ጋደቱዋ፥ አብዶናነ አ ሄን ጋደቱዋ፥ 
\v 31 ሄልቃታነ አ ሄን ጋደቱዋነ ራሆባነ አ ሄን ጋደቱዋ፥ ኡባና ኦይዱ ካታማቱዋ አኪደ እሜድኖ። 
\v 32 ሄዋዳንካ ንፍታሌማ ዛራቱዋፐ አሳ ዎዳ አሳይ ባቃት ቢደ አትያ ጋሊላን ደእያ ቀዴሻነ አ ሄን ጋደቱዋ፥ ሀሞታነ አ ሄን ጋደቱዋ፥ ዶራነ አ ሄን ጋደቱዋነ ቃርታናነ አ ሄን ጋደቱዋ፥ ኡባና ኦይዱ ካታማቱዋ አኪደ፥ ኡንቱንቶ እሜድኖ። 
\v 33 ገርሾና ያራቱ ካታማቱነ ኡንቱንቱ አ ሄን ጋደቱ ኡባና ታማነ ሄዛ።
\p
\v 34-35 አቴዳ ማራራ ያራ ግድያ ሌዋቶ ዛብሎና ዛራቱዋፐ አሳ ዎዳ አሳይ ባቃት ቢደ አትያ ዮቅናኣማነ አ ሄን ጋደቱዋ፥ ቃርታነ አ ሄን ጋደቱዋ፥ ዲምናነ አ ሄን ጋደቱዋነ ናህላላነ አ ሄን ጋደቱዋ፥ ኡባና ኦይዱ ካታማቱዋ አኪደ እሜድኖ። 
\v 36 ሮቤላ ዛራቱዋፐ ቤጸራነ አ ሄን ጋደቱዋ፥ ያሃጻነ አ ሄን ጋደቱዋ፥ 
\v 37 ቅደሞታነ አ ሄን ጋደቱዋነ መፋኣታነ አ ሄን ጋደቱዋ፥ ኡባና ኦይዱ ካታማቱዋ አኪደ፥ ኡንቱንቶ እሜድኖ። 
\v 38 ቃይ ጋደ ዛራቱዋፐ አሳ ዎዳ አሳይ ባቃት ቢደ አትያ፥ ጋላኣደን ደእያ ራሞታነ አ ሄን ጋደቱዋ፥ ማህናይማነ አ ሄን ጋደቱዋ፥ 
\v 39 ሀሰቦናነ አ ሄን ጋደቱዋነ ያእዜራነ አ ሄን ጋደቱዋ፥ ኡባና ኦይዱ ካታማቱዋ አኪደ፥ ኡንቱንቶ እሜድኖ። 
\v 40 ማራራ ያራ ግድያ ሀራ ሌዋቶ ሻክና ጋኬዳ ካታማቱ ኡባና ታማነ ላአ።
\p
\v 41 እስራኤልያ አሳይ ላቴዳ ጋድያን ደእያ ሌዋቶ ኡባና ኦይታማነ ሆስፑን ካታማቱ ኡንቱንቱ ሄን ጋደቱዋና ደኢኖ። 
\v 42 ሄ ካታማቱዋ ኡባ ዩሹዋን ሄን ጋደቱ ደኢኖ።
\p
\v 43 ሄዋዳን ኦደ፥ መና ጎዳይ ኡንቱንቱ አዋቶ እማናዉ ጫቄዳ ጋድያ ኡባ እስራኤልያ አሳዉ እምና ኡንቱንቱ ላቲደ፥ ያን ደኤድኖ። 
\v 44 መና ጎዳይ ኡንቱንቱ አዋቶ ጫቄዳዋዳን፥ ኡንቱንቱ ኡባ ባጋናካ ሸምፕሴዳ። መና ጎዳይ ኡንቱንቱ ሞርከቱዋ ኡባ ኡንቱንቶ አ እሜዳ ድራዉ፥ ኡንቱንቱ ሞርከቱዋፐ እቱነ ኡንቱንቱና ኤቀታናዉ ዳንዳይቤና። 
\v 45 መና ጎዳይ እስራኤልያ አሳዉ እማና ጌዳ ሎኦ ቃላ ኡባ ፖሌዳፐ አትን እቱነ ሳኣን አትቤና።
\c 22
\s1 ዶላሃፐ ዬዳ ያራቱ ባረንቱ ሳኣ ስሙሳ
\r (22:1-34)
\p
\v 1 ሄዋፐ ጉይያን ኢያሱ ሮቤላ ዘረ፥ ጋደ ዛራቱዋነ ምናሰ ዛራቱዋፐ ባጋቱዋ ጼጊደ: 
\v 2 “መና ጎዳ ቆማይ ሙሴ ህንተንታ አዛዜዳ ኡባ ፖሌድታ፤ ቃይ ታዉካ ኡባባን አዛዘቴድታ።\x - \xo 22:2 \xo*\xt ፓይ. 32:20-32፤ ኢያሳ 1:12-15\xt*\x* 
\v 3 ዳሮ ዎድያፐ ሀቼ ጋካናዉ፥ ህንተንቱ ህንተንቱ እሻቱዋ ባሽበይክታ፤ መና ጎዳይ ህንተንቱ ጾሳይ ህንተዉ እሜዳ ሀዳራ ፖሌድታ። 
\v 4 ስም መና ጎዳይ ህንተንቱ ጾሳይ ኡንቱንቶ ጌዳ ቃላዳን፥ ህንተንቱ እሻቱዋ ሸምፕሴዳ። ሄዋ ድራዉ፥ መና ጎዳ ቆማይ ሙሴ ህንተንቶ ዮርዳኖሳ ሻፋፐ ሄፍን ባጋና እሜዳ ላታ ጋድያን ደእያ ህንተንቱ ሶ ሶ ስምተ። 
\v 5 መና ጎዳ ቆማይ ሙሴ ህንተንታ አዛዜዳ አዛዙዋነ ዎጋ ሎይ ናግተ። መና ጎዳ ህንተንቱ ጾሳ ሲቅተ፤ አ ኦግያ ኡባን ሀመትተ፤ አ አዛዙዋ አዛዘትተ፤ አናና ምን ኦይቀትተ፤ ህንተንቱ ኩመን ዎዛናፐነ ኩመን ሸምፑዋፐ አዉ ኦተ” ያጌዳ።
\p
\v 6-8 ኢያሱ ኡንቱንታ አንጅ የዲደ፤ “በእተ፥ ህንተንቱ ሀእ ዳሮ መህያ፥ ብራ፥ ዎርቃ፥ ናሃስያ፥ ብራታነ ዳሮ ማዩዋ አኪደ ዱረቲደ፥ ህንተንቱ ጋድያ ስማና ሀኒታ። ሄዋ ድራዉ ህንተንቱ ሞርከቱዋፐ ኦሞዴዳዋ፥ ህንተንቱ እሻቱዋና ግሽ አክተ” ያጌዳ። ሄዋፐ ጉይያን ኡንቱንቱ ባረንቱ ሶ ሶ ቤድኖ።
\p ሙሴ ምናሰ ዛራቱዋፐ ባጋቶ ባሳነን ጋድያ እም ዎዳ፤ ሽን አቴዳ ምናሰ ዛራቱዋ ባጋቶ ኢያሱ ዮርዳኖሳ ሻፋፐ አዋይ ዉልያ ባጋን ሀራ ዛራቱዋና እትፐ ላትያ ቢታ እሜዳ።
\p
\v 9 ሮቤላ ዛራቱ፥ ጋደ ዛራቱነ ምናሰ ዛራቱዋ ባጋቱ ባረንቱ ላታ ጋድያ ስሚደ ቤድኖ። ጾሳይ ሙሴ ባጋና አዛዝና ላቴዳ ጋላኣደ ጋድያ ባናዉ፥ ካናነ ጋድያን ሴሎን ደእያ እስራኤልያ አሳፐ ሻከቴድኖ።
\s1 ዮርዳኖሳ ሻፋ ማታን ግምቤዳ ያርሹዋ ሳኣ
\p
\v 10 ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ ዮርዳኖሳ ሻፋ ማታን ካናነ ጋድያን ደእያ ጋልሎታ ዬዳ ዎደ፥ ሻፋ ማታን ያርሹዋ ያርሽያ ዎልቃማ ሳኣ 
\v 11 ግምቢና፥ “ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ ዮርዳኖሳ ማታን፥ ጋልሎታን፥ ካናነ ዛዋን፥ እስራኤላቱ ባጋና ያርሹዋ ሳኣ ግምቤድኖ” ግያዋ እስራኤላቱ ስሴድኖ። 
\v 12 ኩመን እስራኤልያ አሳ ያአይ ኡንቱንቱ ኦላናዉ ባናዉ ሴሎ ግያ ሳን እትፐ ሺቄዳ።
\p
\v 13 እስራኤልያ አሳይ ቄስያ ኤልኣዛራ ናኣ ፒንሃሳ፥ ጋላኣደ ጋድያን ደእያ ሮቤላ ዛራቱዋኮ፥ ጋደ ዛራቱዋኮነ ምናሰ ዛራቱዋፐ ባጋቱዋኮ ኪቴዳ። 
\v 14 እት እት ዛሪ ባረ ያራቱ ካፓቱዋፐ እት እት አሳ ዶሪደ፥ ታሙ አሳ ፒንሃሳና የዴዳ።
\p
\v 15 ኡንቱንቱ ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ ደእያ ጋላኣደ ጋድያ ቢደ ኡንቱንታ፥ 
\v 16 “መና ጎዳ አሳይ ኩመን ያአይ ህንተንታ ሀዋዳን ያጌ፤ ‘እስራኤልያ ጾሳ ቦላ አያዉ ሀዋ ማላ ኢታባ ኦድቴ? ዋኒደ ጎፐ፥ ህንተንቱ ሀራ ያርሹዋ ሳኣ ህንተንቶ ግምቢደ፥ መና ጎዳ ቦላ ማካሌድታ! አ ካልያዋካ አጌዲታ!\x - \xo 22:16 \xo*\xt ዛረ. 12:13-14\xt*\x* 
\v 17 ፓኦራን ኑን ኦዳ ናጋራይ ኑዉ ግደኔ? እስራኤልያ ሽቁዋ ቦላ ቦሻይ ዎዳዋ ግዶፐነ፥ ሀቼ ጋካናዉካ ኑን ሄ ናጋራፐ ጌይቦኮ።\x - \xo 22:17 \xo*\xt ፓይ. 25:1-9\xt*\x* 
\v 18 መና ጎዳ ካልያዋፐ ሀችካ ዎራ ስማነየ?
\p “ ‘ህንተ ሀቼ መና ጎዳ ቦላ ማካሎፐ፥ መና ጎዳይ ዎንት ኩመን እስራኤልያ ሽቁዋ ሀንቀታናዋ። 
\v 19 ህንተንቱ ደእያ ጋዲ ቱኔዳዋ ግዶፐ፥ መና ጎዳ ዱንካኒ ኤቄዳ ጋድያ ሃ ዪደ፥ ኑናና ጋድያ ሻክተ። ሽን ካሰፐ ደእያ መና ጎዳ ኑ ጾሳ ያርሹዋ ሳአፐ ሀራ ያርሹዋ ሳኣ ግምቢደ፥ መና ጎዳ ቦላ ማካሎፕተ፤ ዎይ ኑናካ ማካላንቻ ከሶፕተ። 
\v 20 ዛራሀ ዛረ አካን ናጋራ ግዶዋፐ አኪደ፥ ናጋራ ኦዳ ድራዉ፥ ኩመን እስራኤልያ ሽቁዋ ቦላ ጾሳ ሀንቁ ዎቤኔ? ባረ ናጋራ ጋሱዋን ሀይቄዳዌ አ ጻላላ ግደና’ ያጌ” ያጌድኖ።\x - \xo 22:20 \xo*\xt ኢያሳ 7:1-26\xt*\x*
\p
\v 21 ሄዋፐ ጉየ ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ እስራኤልያ ያራቱ ካፓቶ ሀዋዳን ያጊደ ዛሬድኖ፤ 
\v 22 “ዎልቃማይ መና ጎዳ ጾሳ! ዎልቃማይ መና ጎዳ ጾሳ! ኑን ሀዋ አያዉ ኦደንቶ እ ኤሬዳ! ኑን አያዉ ኦደንቶ ህንተንቱካ ኤራናዳን ኮዬቶ። ኑን መና ጎዳ ቦላን ማካሌዳዋነ አዛዘተናን እጼዳዋ ግዶፐ፥ ሀቼ ኑና ፓጻ ዎፕተ። 
\v 23 ኑን መና ጎዳ ካልያዋ አጊደ፥ ጹግያ ያርሹዋ፥ ካ ያርሹዋነ እትፐተ ያርሹዋ ያርሻናዉነ ያርሽያ ሳኣ ግምቤዳዋ ግዶፐ፥ መና ጎዳይ ኑና ሄ ኦሶ ኦቾ። 
\v 24 ኑን ሄዎ ግምቢቦኮ፤ ኑን ያርሹዋ ሳኣ ግምቤዳዌ፥ ስንፐ ያና ላይን ህንተንቱ ናናይ ኑ ናና፥ ‘ህንተና መና ጎዳን እስራኤልያ ጾሳን አዬ ጋያዌ? 
\v 25 ህንተንቶ፥ ሮቤላነ ጋደ ዛረቶ፥ መና ጎዳይ ኑ ግዶንነ ህንተንቱ ግዶን ዮርዳኖሳ ሻፋ ዛዋዬዳ። መና ጎዳን ህንተንታ ጋያዌ ባዋ’ ያጋነንቶነ ጊደ ህርጌዳ ድራሳ። ሄዋዳን ኦደ፥ ህንተንቱ ዛራቱ ኑ ዘረ መና ጎዳዉ ጎይነናዳን ተኤናን አግክኖ።
\p
\v 26 “ሄዋ ድራዉ ኑን ኑ ግዶን ያርሹዋ ሳኣ አነ ግምቦይተ ገዳ፤ ሽን ጹግያ ያርሹዋ ሳኣ ዎይ ሀራ ያርሹዋ ሳኣ ግደና። 
\v 27 ኑን ያርሹዋ ሳኣ ግምቤዳዌ ጹግያ ያርሹዋ፥ እትፐተ ያርሹዋነ ሀራ ያርሹዋ ያርሺደ፥ መና ጎዳዉ አ ዱንካንያን ጎይናና ማላ፥ ሀዌ ኑ ግዱዋንነ ህንተንቱ ግዱዋን፥ ቃይ ኑ ካልያ የለታ ግዱዋን ማርካ ግዳናሳ። ዎደፐ ህንተንቱ ዛራቱ ኑ ዘረ፥ ‘ህንተና መና ጎዳን ጋያዌ አያይነ ባዋ’ ጋናዉ ዳንዳይክኖ። 
\v 28 ኡንቱንቱ ጌላዳን ኑና ዎይ ኑ የለታ ዎድያፐ ሄዋዳን ጎፐ፥ ኑን ኡንቱንቶ ዛሪደ፥ ‘ጾሳዉ ያርሽያ ሳኣ ሌምሱዋ ሀዋ በእተ። ሀዋ ኑ አዎቱ ጹግያ ያርሹዋነ ሀራ ያርሹዋ ያርሻናሳ ግደናን፥ ህንተፐነ ኑፐነ ግዱዋን ማርካ ግዳና ማላ ግምቤድኖ’ ያጋና። 
\v 29 መና ጎዳ ቦላ ማካላናዌ ኑፐ ሃኮ! መና ጎዳ ኑ ጾሳ ዱንካንያ ስንን ኤቄዳ ያርሹዋ ሳፐ ሀራ፥ ጹግያ ያርሹዋ፥ ካ ያርሹዋነ ሀራ ያርሹዋ ያርሽያ ሳኣ ግምቢደ፥ ሀቼ ዎራ ስምበይኮ” ያጊደ ዛሬድኖ።
\p
\v 30 ቄስያ ፒንሃስነ አናና ደእያ እስራኤልያ ያራቱ ካፓቱ፥ ሮቤላ፥ ጋዳነ ምናሰ ዛራቱ ኦዴዳዋ ስሲደ፥ ሎይ ናሸቴድኖ። 
\v 31 ቄስያ ኤልኣዛራ ናአይ ፒንሃስ ሮቤላ፥ ጋዳነ ምናሰ ዛረቶ፥ “መና ጎዳይ ኑ ግዶን ደእያዋ ኑን ሀቼ ኤሬዶ፤ አያዉ ጎፐ፥ ሀ የዉዋ ህንተንቱ መና ጎዳ ቦላ ማካላናዉ ኦበይክታ። ህንተንቱ ሀእ መና ጎዳ ሙራፐ እስራኤልያ አሳ አሼድታ” ያጌዳ።
\p
\v 32 ሄዋፐ ጉይያን ቄስያ ኤልኣዛራ ናአይ ፒንሃስነ ካፓቱ ጋላኣደን ደእያ ሮቤላነ ጋደ ዛራቱዋ ማታፐ ካናነን ደእያ እስራኤልያ አሳኮ ስሚደ ሀኔዳባ ኡንቱንቶ ኦዴድኖ። 
\v 33 እስራኤልያ አሳይ ናሸቻን፥ ጾሳ ጋላቴድኖ። ቃይ ሮቤላ አሳቱነ ጋደ አሳቱ ደእያ ጋድያ ኦለቲደ ባይዛናዉ ባናዉ ሃሳይያዋካ አጌድኖ።
\p
\v 34 ሮቤላነ ጋደ ዛራቱ፥ “ሀ ያርሹዋ ሳአይ ጾሳ ጻላላይ ጾሳ ግድያዎ ኑ ኡባፐ ግዱዋን ማርካ ግዳናዋ” ያጌድኖ፤ ሄ ያርሹዋ ሳኣ ማርካ ሱንድኖ።
\c 23
\s1 ኢያሱ ዉርሰ ሃሳያ
\r (23:1-16)
\p
\v 1 ዳሮ ዎድያፐ ጉይያን፥ መና ጎዳይ እስራኤልያ አሳ ኡንቱንቱ ዩሹዋን ደእያ ሞርከቱዋ ኡባፐ ሸምፕሴዳ። ሄ ዎደ ኢያሱ ጭሚደ፥ ዎድያ ሎይ ሱጌዳ። 
\v 2 ያቴዳዌ እስራኤልያ አሳ ኡባ፥ ጭማቱዋ፥ ካፓቱዋ፥ ዳናቱዋነ ኦላ ጋዳዋቱዋ እትፐ ጼሲደ፥ ሀዋዳን ያጌዳ፤ “ታን ጭማደ፥ ዎድያ ሎይ ሱጋድ። 
\v 3 መና ጎዳይ ህንተንቱ ጾሳይ ህንተንቱ ድራዉ ሀ ካዉተቱዋ ኡባ ኦዳዋ ህንተንቱ ህንተንቱ ሁጲያዉ በኤድታ። ህንተንቶ ኦለቴዳዌ መና ጎዳ ህንተንቱ ጾሳተነ። 
\v 4 በእተ፥ ዮርዳኖሳ ሻፋፐ ዶሚደ አዋይ ዉልያ ባጋና ደእያ ሜድትራነ አባ ጋካናዉ ደእያ፥ አቴዳ ካዉተቱዋ ቢታ ኡባ፥ ታን ይሴዳ ካዉተቱ ቢታናካ ላታ ጋደ ኦደ፥ ህንተንቱ ዛረቶ ሻካደ እማድ። 
\v 5 መና ጎዳይ ህንተንቱ ጾሳይ ኡንቱንታ ሱጋናነ ህንተንቱ ስንፐ ላግና መና ጎዳይ ህንተንቱ ጾሳይ ጌዳዋዳን፥ ህንተንቱ ኡንቱንቱ ጋድያ ላታና።
\p
\v 6 “ሄዋ ድራዉ፥ ሙሴ ህግያ ማጻፋን ጻፈቴዳ ኡባ ናጋናዉነ ኦናዉ ሎይ ምንተ፤ አፐ ኡሸቻ ሀድርሳ ጎፕተ። 
\v 7 ሄዋን ህንተንቱ ግዶን አቴዳ ሀ ካዉተቱዋና ዋላከቶፕተ። ኡንቱንቱ ጾሳቱዋ ሱን ደንፕተ ዎይ ኡንቱንቱ ሱንን ጫቆፕተ። ኡንቱንቶ ኦፕተ ዎይ ኡንቱንቶ ጎይኖፕተ። 
\v 8 ሽን ሀቼ ጋካናዉ ህንተንቱ ኦዳዋዳን፥ ጾሳ ህንተንቱ መና ጎዳ ሎይ ኦይክተ።
\p
\v 9 “አያዉ ጎፐ፥ መና ጎዳይ ግታነ ምኖ ካዉተቱዋ ህንተንቱ ስንፐ ከሴዳ። ህንተና ግዶፐ፥ ሀቼ ጋካናዉ ኦንነ ህንተናና ኤቀታናዉ ዳንዳይቤና። 
\v 10 መና ጎዳይ ህንተንቱ ጾሳይ ህንተንቶ ጌዳዋዳን፥ እ ባረ ሁጲያዉ ህንተንቶ ኦለትያ ድራዉ፥ ህንተፐ እት አሳይ ሻአ አሳ የደርሴዳ።\x - \xo 23:10 \xo*\xt ዛረ. 3:22፤ 32:30\xt*\x* 
\v 11 መና ጎዳ ህንተንቱ ጾሳ ኡባ ገደ ሲቃናዋ ዶጎፕተ። 
\v 12 ህንተንቱ ጉየ ስሚደ፥ ካዉተቱዋፐ ሀዋን ህንተንቱ ግዱዋን አቴዳ አሳና እቱዋ ግዶፐ፥ ኡንቱንቱ ማቻቱዋ ህንተንቶ፥ ህንተንቱ ማቻቱዋ ኡንቱንቶ እም ዋላከቶፐ፥ 
\v 13 መና ጎዳይ ህንተንቱ ጾሳይ ሀ ካዉተቱዋ ህንተንቱ ስንፐ የደርስያዋ አግ ባሻናዋ ጌሺደ ኤርተ። ሽን መና ጎዳይ ህንተንቱ ጾሳይ እሜዳ ሀ ሎኦ ጋድያፐ ህንተንቱ ያና ጋካናዉ፥ ኡንቱንቱ ህንተንቶ ጲረነ ግተ ግዳና፤ ህንተንቱ ዞክያዉ ልሶ፥ ህንተንቱ አይፍያዉካ አጉን ግዳና።
\p
\v 14 “ሀእ ስም ታን ሀይቃና ማታድ። መና ጎዳይ ህንተንቱ ጾሳይ ህንተንቶ እማና ጌዳ ሎኦ ኡባፐ እትባይነ አትቤናዋ ህንተንቱ ኡባይ ህንተንቱ ዎዛናንነ ሸምፑዋን ኤሪታ። እ ህንተንቶ እማና ጌዳዋፐ እትባይነ አተናን፥ ኡባይ ፖለቴዳ። 
\v 15 መና ጎዳይ ህንተንቱ ጾሳይ ህንተንቶ እማና ጌዳ ሎኦባይ ኡባይ አተናን ፖለቴዳዋዳን፥ መና ጎዳይ ህንተንቱ ጾሳይ ህንተንቶ እሜዳ ሀ ሎኦ ጋድያፐ ህንተንታ ይሳና ጋካናዉ፥ ኢታ ሙሩዋ ኡባካ ህንተንቱ ቦላን ሄዋዳን አሀና። 
\v 16 መና ጎዳይ ህንተንቱ ጾሳይ ህንተናና ጫቀቴዳ ቃላ ጫቁዋ ህንተንቱ መንፐ፥ ቢደ ሀራ ጾሳቶ ኦፐነ ጎይኖፐ፥ መና ጎዳ ሀንቁ ህንተንቱ ቦላ ኤጽ ከሳና፤ እ ህንተንቶ እሜዳ ሎኦ ቢታፐካ ህንተንቱ ኤለካ ያና” ያጌዳ።
\c 24
\s1 ሰኬማን ቃላ ጫቁዋ ኦራጹሳ
\r (24:1-33)
\p
\v 1 ሄዋፐ ጉይያን ኢያሱ እስራኤልያ ዛራቱዋ ኡባ ሰኬማ ጌተትያ ካታማን ሺሼዳ። ጭማቱዋ፥ ካፓቱዋ፥ ዳናቱዋነ ኦላ ጋዳዋቱዋ ኡባ ጼስና ኡንቱንቱ ጾሳ ስንን ሺቄድኖ። 
\v 2 ኢያሱ አሳዉ ኡባዉ ሀዋዳን ያጌዳ፤ “መና ጎዳይ እስራኤልያ ጾሳይ ሀዋዳን ያጌ፤ ‘በን ህንተንቱ አዎቱ ኤፍራጺሳ ሻፋፐ ሄፍንን ደኤድኖ፤ ኡንቱንቱ ሀራ ጾሳቶ ኦድኖ። ኡንቱንቱፐ እቱ አብራሃማነ ናኮራ አዉዋ ታራ።\x - \xo 24:2 \xo*\xt ዶመ 11:27\xt*\x* 
\v 3 ሄዋፐ ጉይያን ህንተንቱ አዉዋ አብራሃማ፥ ሄ ሻፋፐ ሄፍንን ደእያ ጋድያፐ ጼሳደ፥ ካናነ ቢታ ኡባን ካለድ። አ ዛርያካ ጮራያድ፤ ይሳቃካ አዉ እማድ።\x - \xo 24:3 \xo*\xt ዶመ 12:1-9፤ 21:1-3\xt*\x* 
\v 4 ይሳቃዉካ ያቆባነ ኤሳ እማድ። ኤሳዉ ኤዶማ ገዝያ ላታናዳን እማድ፤ ሽን ያቆብነ አ ናናይ ዱገ ግብጼ ቤድኖ።\x - \xo 24:4 \xo*\xt ዶመ 25:24-26፤ 36:8፤ 46:1-7፤ ዛረ. 2:5\xt*\x*
\p
\v 5 “ ‘ጉየፐ ሙሳነ አሮና ኪታደ ታን ያን ኦዳዋን ግብጼ ጋድያ አሳ ቦሻን ሾጫድ፤ ሄዋፐ ጉይያን ህንተንታ ከሳድ።\x - \xo 24:5 \xo*\xt ከሳ 3:1—12:42\xt*\x* 
\v 6 ታን ህንተንቱ አዎቱዋ ግብጼፐ ከስና፥ ዞኦ አባኮ ዬድታ፤ ግብጼቱ ህንተንቱ አዎቱዋ ፓራቱ ጎችያ ጋረቱዋንነ ፓራዋቱዋን የደርሴድኖ።\x - \xo 24:6-7 \xo*\xt ከሳ 14:1-31\xt*\x* 
\v 7 ኡንቱንቱ መና ጎዳዉ ዋሴዳ ዎደ፥ ኡንቱንቱፐነ ግብጼቱዋፐ ግዱዋን ማ የጋድ፤ ያታደ፥ አባይ ኡንቱንቱ ቦላ ስማናዳንነ ኡንቱንቱ ሙካናዳን ኦድ። ታን ግብጼቱዋ ቦላ ኦዳዋ ህንተንቱ ህንተንቱ አይፍያን በኤድታ። ህንተካ ዎራን ዳሮ ዎድያ ደኤድታ።
\p
\v 8 “ ‘ሄዋፐ ጉይያን ዮርዳኖሳ ሻፋፐ አዋይ ዶልያ ባጋና ደእያ አሞራዋናቱዋ ጋድያ ታን ህንተንታ አሃድ። ኡንቱንቱ ህንተናና ኦለትና፥ ታን ኡንቱንታ ህንተንቱ ኩሽያን አደ እማድ፤ ህንተንቱ ጋድያ ላቴድታ። ቃይ ታን ኡንቱንታ ህንተንቱ ስንፐ ይሳድ።\x - \xo 24:8 \xo*\xt ፓይ. 21:21-35\xt*\x* 
\v 9 ሄዋፐ ጉይያን ጽፖራ ናአይ ባላቅ፥ ሞኣበ ጋድያ ካቲ ደንዲደ፥ እስራኤላቱዋና ኦለቴዳ። ባኦራ ናአይ ባላም ህንተንታ ሸቃናዳን፥ ኪቲደ ጼስሴዳ፤\x - \xo 24:9-10 \xo*\xt ፓይ. 22:1—24:25\xt*\x* 
\v 10 ሽን ታን ባላመባ ስሳበይከ። ሄዋ ድራዉ እ ህንተንታ አንጄዳ፤ ያትና፥ ታን ህንተንታ ባላቃ ኩሽያፐ አሻድ።
\p
\v 11 “ ‘ዮርዳኖሳ ሻፋ ፕኒደ፥ ያርኮ ዬድታ፤ ያርኮ አሳይነ አሞራዋናቱ፥ ፓርዛዋናቱ፥ ካናነቱ፥ ሂተቱ፥ ገርጌሰቱ፥ ሂዌቱነ ያቡሳዋናቱ ህንተናና ኦለትና፥ ታን ኡንቱንታ ህንተንቱ ኩሽያን አደ እማድ።\x - \xo 24:11 \xo*\xt ኢያሳ 3:14-17፤ 6:1-21\xt*\x* 
\v 12 ካጅያ ህንተፐ ስንዉ ኪታደ፥ አሞራዋናቱዋ ካተቱዋ ላአቱዋ ህንተንቱ ስንፐ ከሳድ። ሀዌ ኡባይ ሀናናዉ ዳንዳዬዳዌ፥ ህንተንቱ ማሻንነ ህንተንቱ ዎንዳፍያን ግደና።\x - \xo 24:12 \xo*\xt ከሳ 23:28፤ ዛረ. 7:20\xt*\x* 
\v 13 ህንተንቱ ጎሺደ ከስቤና ጋድያነ ህንተንቱ ኬጽቤና ካታማቱዋ ታን ህንተንቶ እምና፥ አን ደኢታ። ሀእ ህንተንቱ ቶክቤና ዎይንያ ቱራ አይፍያነ ዎጋራ አይፍያ ሚታ’ ያጌ።\x - \xo 24:13 \xo*\xt ዛረ. 6:10-11\xt*\x*
\p
\v 14 “ሄዋ ድራዉ ሀእካ መና ጎዳዉ ያይተ፤ ቱሙ ዎዛናፐ አማነቲደ አዉ ጎይንተ። ህንተንቱ ማይዛ አዎቱ ኤፍራጺሳ ሻፋፐ ሄፍንንነ ግብጼን ጎይኔዳ አላጋ ጾሳቱዋ ዎራ ኦሊደ፥ መና ጎዳዉ ጎይንተ። 
\v 15 መና ጎዳዉ ጎይንያዌ ህንተንታ ኢቶፐ፥ ህንተንቱ አዎቱ ሻፋፐ ሄፍንን ደኢደ ጎይኔዳ ጾሳቱዋ ግድና፥ ዎይ ሀእ ህንተንቱ ደእያ አሞረ ጋድያ አሳ ጾሳቱዋ ግድና፥ ህንተንቱ ጎይንያዋ ሀቼ ዶርተ። ሽን ታናነ ታ ጎልያ አሳ ግዶፐ፥ ኑን መና ጎዳዉ ጎይናና” ያጌዳ።
\p
\v 16 አሳይ ዛሪደ፥ “መና ጎዳ አግ ባሺደ፥ ሀራ ጾሳቶ ጎይናናዌ ኑፐ ሃኮ! 
\v 17 ግብጼ ጋድያፐ፥ አይለተ ጎልያፐ፥ ኑናነ ኑ አዎቱዋ ከሲደ አሄዳዌ፥ ሄ ዎልቃማ ማላታቱዋ ኑ ጼልሽን ኦዳዌ፥ ኑን ቤዳ ኦግያ ኡባንነ አዳ ቢታቱዋ ኡባ ግዱዋን ኑና ናጌዳዌ፥ መና ጎዳ ኑ ጾሳተነ። 
\v 18 ቃይ መና ጎዳይ አሳ ኡባ፥ ሄ ጋድያን ደእያ አሞረ አሳቱዋናካ ኑ ስንፐ ላጊደ ከሴዳ። ሄዋ ድራዉ ኑንካ መና ጎዳዉ ጎይናና፤ አያዉ ጎፐ፥ እ ኑ ጾሳ” ያጌዳ።
\p
\v 19 ሽን ኢያሱ አሳ ሀዋዳን ያጌዳ፤ “ህንተንቱ መና ጎዳዉ ጎይናናዉ ዳንዳይክታ። አያዉ ጎፐ፥ እ ጌሻ ጾሳ፤ እ ቃናትያ ጾሳ፤ እ ህንተንቱ ናቁዋ ዎይ ህንተንቱ ናጋራ አቶ ጌና። 
\v 20 ህንተንቱ መና ጎዳ አጊደ፥ አላጋ ጾሳቶ ጎይኖፐ፥ እ ህንተንቶ ሎኦባ ኦዳዋፐ ጉይያን፥ ስሚደ ህንተንታ ቆሀናነ ይሳና” ያጌዳ።
\p
\v 21 አሳይ ኢያሳ፥ “ቱይት፥ ግደና! ኑን መና ጎዳዉ ጎይናና” ያጌዳ።
\p
\v 22 ኢያሱ አሳ፥ “ህንተንቱ መና ጎዳዉ ጎይንያዋ ዶሬዳዎ ህንተንቱ ሁጲያዉ ህንተንቱ ማርካ” ያጌዳ።
\p ኡንቱንቱ፥ “ኤ ኑን ማርካ!” ያጌድኖ።
\p
\v 23 ኢያሱ፥ “ያቶፐ፥ ህንተንቱ ግዱዋን ደእያ አላጋ ጾሳቱዋ ድግተ፤ ህንተንቱ ዎዛና መና ጎዳኮ፥ እስራኤልያ ጾሳኮ ዛርተ” ያጌዳ።
\p
\v 24 ኡንቱንቱ፥ “ኑን መና ጎዳዉ፥ ኑ ጾሳዉ፥ ጎይናና፤ አ አዛዙዋካ ፖላና” ያጌድኖ።
\p
\v 25 ሄ ጋላስ ኢያሱ አሳና ቃላ ጫቁዋ ጫቀቴዳ፤ ሰኬማን ህግያነ ዎጋ ኡንቱንቶ ከሴዳ። 
\v 26 ኢያሱ ሄ ቃላቱዋ ጾሳ ህግያ ማጻፋን ጻፌዳ። ሄዋፐ ጉይያን፥ እት ዎልቃማ ሹቻ አኪደ፥ መና ጎዳ ዱንካንያ ማታን ደእያ ዎላ ጋርሳን ኤሴዳ። 
\v 27 ኢያሱ አሳዉ ኡባዉ፥ “በእተ፥ መና ጎዳይ ኑዉ ሃሳዬዳ ቃላ ኡባ ሀ ሹቻይ ስሴዳ ድራዉ፥ እ ኑ ቦላ ማርካ ግዳናዋ። ህንተንቱ ጾሳ ቦላን ማካሎፐ፥ ሀ ሹቻይ ህንተንቱ ቦላ ማርካ ግዳናዋ” ያጌዳ። 
\v 28 ሄዋፐ ጉይያን፥ ኢያሱ አሳ ኡባ የድና፥ ኡባይካ ባረ ላታ ጋድያ ጋድያ ስሚደ ቤዳ።
\s1 ኢያሱ ሀይቁዋነ ኤልኣዛራ ሀይቁዋ
\p
\v 29 ሄዋፐ ጉይያን መና ጎዳ ቆማይ፥ ነዌ ናአ ኢያሱ፥ ላይይ ጼታነ ታሙዋ ግድና ሀይቄዳ። 
\v 30 አሳይ ጋኣሻ ደርያፐ ሁጲሳ ባጋን፥ ኤፍሬማ ገዝያን ደእያ አ ላታ ጋድያን፥ ትምናት-ሴራን ሞጌድኖ።\x - \xo 24:30 \xo*\xt ኢያሳ 19:49-50\xt*\x*
\p
\v 31 ኢያሱ ፓጻ ደኤዳ ዎደ ኡባንነ ኢያሱፐ ስምና ደኢደ፥ መና ጎዳይ እስራኤላቶ ኦዳ ኦሱዋ ኡባ ኤሬዳ ጭማቱዋ ዎደ ኡባን እስራኤላቱ መና ጎዳዉ ጎይኔድኖ።
\p
\v 32 እስራኤልያ አሳይ ግብጼ ጋድያፐ አሄዳ ዮሴፎ መቀ ሰኬማን ሞጌድኖ። ሄ ሳኣ ያቆብ ሸኬማ አዉዋ ሀሞራ ናናቱዋፐ ጼቱ ጻጋራ ብራን ሻሜዳ፤ ጉየፐ ዮሴፎ ዛራቱ ላቴድኖ።\x - \xo 24:32 \xo*\xt ዶመ 33:19፤ 50:24-25፤ ከሳ 13:19፤ ዮሃ. 4:5፤ ኪታ 7:16\xt*\x*
\p
\v 33 አሮና ናአይ ኤልኣዛረ ሀይቄዳ፤ አ ናኣ ፒንሃሳዉ እመቴዳ ኤፍሬማ ገዝያን ደእያ ግብኣ ጌተትያ ካታማን ሞጌድኖ።