\id JOB - Dawuro Full Bible Ethiopic Version
\ide UTF-8
\h ኢዮባ
\toc1 ኢዮባ ማጻፋ
\toc2 ኢዮባ
\toc3 ኢዮባ
\mt1 ኢዮባ ማጻፋ
\imt ገሉዋ
\ip ኢዮባ ማጻፋን ኑን በእያ ታርኪ፥ ዳሮ ቱጋይነ ባሻይ ጋኬዳ እት ኬካ ብታንያባ ኦድያ ታርክያ። ሀ ብታኒ ባረ ናናቱዋ ኡባፐነ ባረ ዱረተ ኡባፐ መላ አቴዳ አሳ። ሄዋ ቦላካ ቃይ ኢታ ማይን ሾጨቲደ ሳከቴዳ። ሄዋፐ ጉይያን ግንጹዋ ጻፉዋን ቆንጭሴዳ ሄዙ ሃሳያቱዋን ኢዮብ ነ ኢዮባ ላገቱ ሀ ሳኩዋን ባረንቶ ስሰቴዳዋ ሃሳዬድኖ። ዉርሰን ቃይ ጾሳይ ኢዮባዉ ቆንጬዳ።
\ip ኢዮባ ላገቱ ኢዮባ ጋኬዳ መቱዋ ቦላ ቆፋ እሚደ፥ በንፐ ባረንቱ ኤርያ አማኑዋ ዎጋን ባሰቲደ እሚኖ። ሄዋ ድራዉ ኡንቱንቱ፥ “ጾሳይ ኬካ አሳዉ ሎኦባ እሜ፤ ሽን ኢታ አሳ ሙሬ። ሄዋ ማራን ኢዮባ ሀ መቱ ኡባይ ጋኬዳዌ፥ እ ናጋራ ኦዳ ድራሳ ግዳናዉ ኮሼ” ያጊኖ። ሽን ኢዮብ ጌሻነ ኬካ አሳ ግዴዳ ድራዉ፥ ሀዋ ማላ ሙሩዋ በስያ አሳ ግደና። ኡባ ቃይ ኤረተና ቃንእሸ ግዴዳዌ፥ አ ማላትያ ኬካ አሳ ቦላ ሀዋ ማላ ሙሩዋ ዎዳ። ኢዮባ አማኑ ሳኣፐ ደሸናን ዮፐካ፥ ልከ ፕርዳ ፕርዲደ፥ ባረና ሀ ሀርግያ ቃሹዋፐ ብላና ማላነ በን ደኦ ዛራና ማላ፥ ምንሲደ ዎስያዋ አግቤና።
\ip ጾሳይ ኢዮብ ኦቼዳ ኦሻዉ እቶ እቶ ዛሩዋ እምቤናዋ ግዶፐነ፥ አ አማኑዋ ምኖተ ናሺደ፥ ባረ ጾሳተ ዎልቃነ ባረ አዳ ኤራ ማላልስያ ግንጹዋ ሃሳያን ቆንጭሴዳ። ሄዋፐ ጉይያን ኢዮብ ጾሳይ ዎልቃማ ግድያዋነ አዳ ኤራንቻ ግድያዋ ኤሪደ፥ ጻላንነ ሀንቁዋን ኩሜዳ ቃላቱዋ ሃሳዬዳዎ ካዮቲደ፥ ናጋራፐ ስሜዳ።
\ip ዉርሰን ግንጹዋ ግደና የዳ ጻፉዋን ጻፈቴዳ ሳኣን ኢዮባ ደኡ በንሳ ስሜዳዋዋነ አቁዋ ባጋና ግዶፐ፥ ካሰዋፐ ዳኮ ዳሩዋ ደሜዳዋ በኤቴ። ኢዮባ ላገቱ አ ጋኬዳ መቱ ሀቃና ዬደንቶ ኡንቱንቶ ገልቤና ድራዉ፥ ጾሳይ ኡንቱንታ ምኖ ሴራ ሴሬዳ። ሜዘ አማኑዋ ቆፋፐ ጾሳይ ዎልቃማ ግድያዋ ኤሬዳዌ ኢዮባ ጻላላ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 እዮበ ፓጨቱሳ \ior 1:1—2:13\ior*
\io1 ኢዮባነ አ ላገቱዋ ፓሉምያ \ior 3:1—37:24\ior*
\io1 መና ጎዳይ ኢዮባዉ እሜዳ ዛሩዋ \ior 38:1—41:34\ior*
\io1 እዮበ አንጁዋ ዛር ደሙሳ \ior 42:1-17\ior*
\c 1
\ms እዮበ ፓጨቱሳ
\mr (1:1—2:13)
\s1 ሴጻናይ ኢዮባ ፓጫናዳን ጾሳይ ሸንያ እሜዳ
\p
\v 1 ኡጻ ግያ ቢታን ኢዮባ ግያ እት ብታኒ ደኤ፤ እ ቶሺ ባይናነ ሱረ አሳ፤ ጾሳዉ ያዪደ፥ ኢታባፐካ ሃኬዳ አሳ። 
\v 2 አዉ ላፑን አቱማ ናናቱነ ሄዙ ማጫ ናናቱ የለቴድኖ። 
\v 3 ማጹዋ ግዶፐ፥ አዉ ላፑን ሻኡ ዶርሳቱ፥ ሄዙ ሻኡ ጋሎቱ፥ እቼሹ ጼቱ ዋ ቦራቱ፥ እቼሹ ጼቱ ማጫ ሀረቱነ ሎይ ዳሮ ቆማቱ ደኢኖ። አዋይ ዶልያ ባጋና ደእያ አሳ ኡባፐ እ አዳ ዱረ አሳ።
\p
\v 4 አ አቱማ ናናቱ ባረንቱ ሶን ባረንቱ ሶን፥ ካል ካል ግብራ ጊግሲደ፥ ባረንቱ ሄዙ ምቼቱዋ ባረንቱና ማናዉነ ኡሻናዉ ጼሲኖ። 
\v 5 ግብራ ጋላሳቱ ፖለቴዳ ዎደ፥ ኢዮብ ዎንታ ጉራና ደንዲደ፥ ባረ ናናቱዋ እቱዋ እቱዋ ሱንን ጹግያ ያርሹዋ ያርሼ። እ ሄዋ ኦያዌ፥ “ታ ናናቱ ባረንቱ ዎዛናን ጾሳ ሸቂደ፥ ናጋራ ኦድኖንቶነ” ጊደ ህርጌዳ ድራሳ። እ ኡንቱንታ ጌሻናዉ ሄዋ ኡባ ገደ ኦ።
\p
\v 6 እት ጋላስ ጾሳ ኪታንቻቱ መና ጎዳ ስንን ቤታናዉ ዬድኖ፤ ሴጻናይካ ቃይ ኡንቱንቱና ዬዳ።\x - \xo 1:6 \xo*\xt ዶመ 6:2\xt*\x* 
\v 7 መና ጎዳይ ሴጻና፥ “ላ ኔን ሀቃፐ ያድ?” ያጌዳ።
\p ሴጻናይ መና ጎዳዉ፥ “ታን ሳኣን ኡባን ያነ ሃነ ዩይያሳፐነ ስመረትያሳፐ ያድ” ያጊደ ዛሬዳ።
\p
\v 8 መና ጎዳይ ሴጻና፥ “ያትና፥ ታ ቆማ ኢዮባ አኬካደ በኣድ? ሳኣ ቦላን አ ማላትያ ቶሺ ባይናነ ሱረ አሳይ ሙለካ ባዋ። እ ጾሳዉ ያይያ፥ ኢታባፐካ ሃኬዳ አሳ” ያጌዳ።
\p
\v 9 ሴጻናይ፥ “ቱሙ ኢዮብ ነዉ ጮ ያዪ?\x - \xo 1:9-11 \xo*\xt ሳፃ 12:10\xt*\x* 
\v 10 አነ አ ሶ አሳነ አዉ ደእያዋ ኡባ ኔን ድራደ ናጋበይኪ? እ ኦያ ኦሱዋ ኡባ ኔን አንጄዳ ድራዉ፥ አ መህያ ዉዲ ቢታ ኡባ ቦላን ዳሬዳ። 
\v 11 ሽን ኔን ነ ኩሽያ የዳደ፥ አዉ ደእያ ማጹዋ ኡባ ሾጫንቶ፥ እ ኔና ቱሙ ነ ስንን ሸቃና” ያጌዳ።
\p
\v 12 መና ጎዳይ ሴጻና፥ “ኤኖ፥ አዉ ደእያባይ ኡባይ ነ ኩሽያና። ሽን ኔን አ ቦቾፓ” ያጌዳ። ሄዋፐ ጉይያን፥ ሴጻናይ መና ጎዳ ስንፐ ከሲደ ቤዳ።
\p
\v 13 እት ጋላስ ኢዮባ አቱማ ናናቱነ ማጫ ናናቱ ባረንቱ ባይራ እሻ ሶን ሚደነ ዎይንያ ኤሳ ኡሺደ ደኢኖ። 
\v 14 ያትሽን እት ብታኒ ኢዮባኮ ዪደ፥ “ኑን ቦራቱዋ ዋጺደ ጎሽሽን፥ ሀረቱካ ኑ ማታን ማታ ሚደ ደእሺና፥ 
\v 15 ሳባ ቢታ አሳቱ አኬከናን ዪደ፥ ኦላ ከሴድኖ፤ ያቲደ ኡባካ አክ ቤድኖ። ቃይ ቆማቱዋካ ቃራ ማሻን ቡሳኬድኖ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
\p
\v 16 እ ብሮ ሃሳይሽን፥ ሀራ ብታኒ ዪደ፥ “ጾሳ ታማይ ሳሉዋፐ ዎደ፥ ዶርሳቱዋነ ዶርሳቱዋ ሄምያዋንታ ሜዳ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
\p
\v 17 እ ብሮ ሃሳይሽን፥ ሀራ ብታኒ ዪደ፥ “ካላዳዌቱዋ ቢታፐ ሄዙ ጩጉዋን ሻከቴዳ ፓናቱ ዪደ፥ ኑና ኦሊደ፥ ጋሉዋ ኡባ አክ ቤድኖ፤ ቆማቱዋካ ቃራ ማሻን ቡሳኬድኖ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
\p
\v 18 እ ብሮ ሃሳይሽን፥ ሀራ ብታኒ ዪደ፥ “ነ አቱማ ናናቱነ ማጫ ናናቱ ባረንቱ ባይራ እሻ ሶን ሚደነ ዎይንያ ኤሳ ኡሺደ ደእሺና፥ 
\v 19 ዎልቃማ ጎቲ አኬከናን ባዙዋፐ ደንዲደ፥ ጎልያ ኡባና ሾጬዳ። ጎሊ ኡንቱንቱ ቦላ ኩንድና፥ ናናቱ ሀይቄድኖ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
\p
\v 20 ሄዋፐ ጉይያን፥ ኢዮብ ደንዲደ፥ ካዮ ባረ ማዩዋ ፔደ፤ ባረ ሁጲያካ ሜደቴዳ። ቢታን ጉፋኒደ ጾሳዉ ጎይኒደ፥ 
\v 21 ሀዋዳን ያጌዳ፤
\q1 “ታን ታ አት ኡሉዋፐ ካሎ የለታድ፤
\q2 ሀይቂያ ዎደካ ታን አካደ ብያባይ ባዋ።
\q1 መና ጎዳይ እሜዳ፤
\q2 መና ጎዳይ ዛሪደ አኬዳ።
\q1 መና ጎዳ ሱንይ ጋላተቶ” ያጌዳ።
\p
\v 22 ሀ ኡባንካ ኢዮብ ናጋራ ኦቤና፤ ጾሳ አማሳልቤና።
\c 2
\s1 ኢዮባ ላኤን ፓጭያ
\p
\v 1 ሀራ ጋላስካ ቃይ ጾሳ ኪታንቻቱ መና ጎዳ ስንን ቤታናዉ ዬድኖ፤ ሴጻናይካ ቃይ ኡንቱንቱና እትፐ አ ስንን ቤታናዉ ዬዳ። 
\v 2 መና ጎዳይ ሴጻና፥ “ላ ኔን ሀቃፐ ያድ?” ያጌዳ።
\p ሴጻናይ መና ጎዳዉ፥ “ሳኣን ኡባን ያነ ሃነ ዩይያሳፐነ ስመረትያሳፐ ያድ” ያጌዳ።
\p
\v 3 መና ጎዳይ አ፥ “ታ ቆማ ኢዮባ አኬካደ በኣድ? ሳኣ ቦላን አ ማላትያ ቶሺ ባይናነ ሱረ አሳይ ሙለካ ባዋ። እ ጾሳዉ ያይያ፥ ኢታባፐካ ሃኬዳ አሳ። ጋሱ ባይናን ታን አ ይሳና ማላ፥ ኔን ታና ደንናካ፥ ሀእ ጋካናዉ እ ባረ ሱረተን ምን ኤቄዳ” ያጌዳ።
\p
\v 4 ሴጻናይ ዛሪደ ጾሳ፥ “ ‘ጋልባ ድራዉ ጋልባ አኮ!’ ያግያዋዳን፥ አሳይ ባረ ሸምፑዋ ድራዉ፥ ባረዉ ደእያዋ ኡባ እማና። 
\v 5 ሽን ኔን ነ ኩሽያ የዳደ፥ አ አነ ሾጫ። ያትንቶ እ ኔና ቱሙ ነ ስንን ሸቃና” ያጌዳ።
\p
\v 6 መና ጎዳይ ሴጻና፥ “ኤኖ፥ አ ዎፓፐ አትና፥ አ ቦላ ኔን ኮዬዳዋ ኦናዉ ዳንዳያሳ” ያጌዳ።
\p
\v 7 ሄዋፐ ጉይያን፥ ሴጻናይ መና ጎዳ ስንፐ ከሲደ፥ ኢዮባ ገድያፐ ሁጲያ ጋካናዉ ኢታ ማዱይ አ ቦላ ከሳናዳን ኦዳ። 
\v 8 ያትና፥ ኢዮብ ብድን ቦላ ኡቲደ፥ ኮንኣን ባረና ጎዴዳ።
\p
\v 9 አ ማቻታ አ፥ “ሀእ ጋካናዉካ ኔን ነ ሱረተን ምና ኡታዲ? ጾሳ ሸቃደ ሀይቃ” ያጋዱ።
\p
\v 10 እ ዛሪደ እዞ፥ “ኔን ቦዛ ማጫ አሳዳን ሃሳያዳ። ኑን ጾሳፐ ሎኦባ አክ አኪደ፥ ኢታባ አኮኮየ?” ያጌዳ።
\p ሀ ኡባንካ ኢዮብ ባረ ጌዳዋን ናጋራ ኦቤና።
\s1 ሄዙ ኢዮባ ላገቱ አ በአናዉ ዬድኖ
\p
\v 11 ኢዮባ ላገቱ ሄዛቱ፥ ተማና ቢታፐ ኤልፋዝ፥ ሹሀ ቢታፐ ብልዳድነ ናእማ ቢታፐ ጾፋር ኢዮባ ቦላ ጋኬዳ መቱዋ ስሴዳ ዎደ፥ አዉ ቃረታናዉነ አ ምንናዉ ባረንቱ ሶፐ ባረንቱ ሶፐ ቃገቲደ፥ እትፐ አኮ ዬድኖ። 
\v 12 ኡንቱንቱ አ ሃኩዋን ግዲደ ጼልያ ዎደ፥ እ ኢዮባ ግድያዋ ኤርበይክኖ። ጉየፐ አ ግድያዋ ኤሬዳ ዎደ፥ ባረንቱ ቃላ ቁ ኦደ ዬኬድኖ፤ ባረንቱ ማዩዋካ ፔደ፥ ባረንቱ ሁጲያን ባና ቆሌድኖ። 
\v 13 ሄዋፐ ጉይያን፥ ኡንቱንቱ አናና ላፑን ጋላሳነ ላፑን ቃማ ቢታን ኡቴድኖ። አ ሳኩ ሎይ ዳሬዳዋ ኡንቱንቱ በኤዳ ድራዉ፥ አዉ አይ አሳይነ ቃላካ ቃትቤና።
\c 3
\ms ኢዮባነ አ ላገቱዋ ፓሉምያ
\mr (3:1—37:24)
\s1 ኮይሮ ሃሳያቱዋን ኢዮብ ባረ የለቴዳ ጋላሳ ሸቄዳ
\p
\v 1-2 ሄዋፐ ጉይያን፥ ኢዮብ ባረ ዶና ዶዪደ፥ ባረ የለቴዳ ጋላሳ ሀዋዳን ያጊደ ሸቄዳ፤\x - \xo 3:1-19 \xo*\xt ኤር. 20:14-18\xt*\x* 
\v 3 “ታን ሻሃረቴዳ ቃማይነ ታን የለቴዳ ጋላሳይ ጮ ይኖ! 
\v 4 ሄ ጋላሳይ ማ ግዶ፤ ቦላ ጾሳይ ሄ ጋላሳ ሸነኮ ጎ፤ አ ቦላን ፖኡካ ፖኦፖ። 
\v 5 ሌሌዳ ማይነ ሻኖቹ አ ጎዞ፤ አ ሻሪ ካሞ፤ አ ፖኡዋካ ማይ ገን። 
\v 6 ሄ ጋላሳ ቃማ ጵ ጎ ማይ ኦይቆ። ላይ ግዶን ደእያ ጋላሳቱዋን እ ፓይደቶፖ፤ አግናቱዋ ፓይዱዋንካ ገሎፖ። 
\v 7 ሄ ጋላሳ ቃማይ ቃሚደ ዎንቶፖ፤ ናሸቻ እልልሳይካ አን ስሰቶፖ። 
\v 8 ሌዋታና ግያ ዳዊያ ደንናዉ ሎሄዳ ሻሬቾቱ ሄ ጋላሳ ሸቂኖ። 
\v 9 ሄ ቃማዉ ባካልያ ጾልንቲ ፖኦፖ፤ ፖኡዋ ናጊደካ ደሞፖ፤ ዎንታ ጻልቂካ አዉ ጻልቀቶፖ። 
\v 10 ሄ ቃማይ ታን ታ አት ኡሉዋን ሻሃረተናዳንነ ሀ መቱዋ በኤናዳን ተእቤና ድራዉ፥ ሸቀቴዳዋ ግዶ።
\p
\v 11 “ታን ታ አት ኡሉዋን ሃ ከሳርክታሻ! ታ አት ኡሉዋፐ የለታ ዎነ ሀይቃርክታሻ! 
\v 12 ታ አታ ታና አያዉ ባረ ክዉዋን እድማዴሻ? ባረ ንካ ታና አያዉ ንዴሻ? 
\v 13 ሄ ዎደ ታን ሀይቄዳዋ ግድንቶ፥ ሀእ ሸምፓደ ገምእሻድ ሽን! 
\v 14 ኮለቴዳ ሳአቱዋ ባረንቶ ዛረ ኬጼዳ ሳኣ ካተቱዋናነ ኡንቱንታ ዞርያዋንቱና፥ 
\v 15 ዎርቃይ ደእያነ ባረንቱ ጎልያን ብራ ኩንዳ ሞድያዋንቱና እትፐ ዱፉዋን ግሳድ ሽን! 
\v 16 ዎይ አት ኡሉዋፐ ቦሸቲደ የለቴዳ ናኣዳን፥ ዎይ ጋላሳ ፖኡዋ አይነ በእቤና ቦሸቶዋዳን፥ ታን ቢታ ግዶን ቆሰታ ድጋርክታሻ! 
\v 17 ዱፉዋን ኢታቱ ባረንቱ ኢታ ኦሱዋ አጊኖ፤ ያን ዳቡራንቻቱካ ሸምፒኖ። 
\v 18 ሄ ሳኣን ቃሸቶ አሳቱካ ሸምፒደ ናሸቲኖ፤ ኦሱዋ ኦስስያዋንቱ ዋሱዋ ኡንቱንቱ ሄዋን ስስክኖ። 
\v 19 ጉይ ዳሩካ ያን ደኤ፤ አይሊካ ባረ ጎዳዉ አይለትያሳፐ ከሴ።
\p
\v 20 “መቱዋን ደእያዋንቶ ፖኡ አያዉ እመቴዴ? ደኡ ጫምያዋንቶ፥ 
\v 21 ሀይቁ ያንዴሻ ጊደ አሞትና፥ ዬናን እጽያዋንቶ፥ ቆስ ዎዳ ዱረታ ኮይያዋፐ አደ፥ ሀይቁዋ ኮይያዋንቶ፥\x - \xo 3:21 \xo*\xt ሳፃ 9:6\xt*\x* 
\v 22 ዱፉዋ ቢደ ጋክያ ዎደ፥ ናሸቻንነ እልልሳን ፖጩምያዋንቶ ደኡ አያዉ እመቴዴ? 
\v 23 ኦጊ ባይ ክቼዳ ኡራዉ፥ ጾሳይ አ ዩሹዋ ድር ድጌዳ ኡራዉ ፖኡ አያዉ እመቴዴ? 
\v 24 ካዩ ታዉ ቁማ ግዴዳ፤ ታ ኦሊ አገናን ጎግያ ሃ ማላ። 
\v 25 ታን ያዬዳዌ ታ ቦላ ጋኬዳ፤ ታን ዳጋሜዳዌካ ታናን ሀኔዳ። 
\v 26 ታዉ መቶፐ አትና፥ ሳሩ፥ ዎፓይነ ሸምፑ ባዋ” ያጌዳ።
\c 4
\s1 ኤልፋዝ ኮይሮ ሃሳዬዳ ሃሳያ
\r (4:1—14:22)
\p
\v 1 ሄዋፐ ጉይያን፥ ቴማና ቢታፐ ዬዳ ኤልፋዝ ዛሪደ፥ ሀዋዳን ያጌዳ፤ 
\v 2 “እት ኡራይ ኔናና ጻሊደ ሃሳዮፐ፥ ኔን ሀንቀታኒ? ሽን ሃሳየናንነ አጋናዌ ኦኔ? 
\v 3 በአ፥ ኔን ዳሮቱዋ ታማርሳዳ፤ አርጋጬዳ ኩሸቱዋካ ምንዳ። 
\v 4 ነ ቃላይ በቴዳዋንታ ምንስ ኤሴ፤ ዳቡሬዳ ጉልባታቱዋካ ምን። 
\v 5 ሽን ሀእ መቱ ኔኮ ዬዳ፤ ኔን ገንጫበይካ። መቱ ኔና ጋክና፥ ኔን ሻቢረታዳ። 
\v 6 ኔን ጾሳዉ ያይያዌ ኔና አማንደ ዎኔ? ነ ሀመትያ ሱረ ሀመታይ ነዉ ህዶታ ግደኔ?
\p
\v 7 “አነ ኔን ሀእ ቆፓ: ጌሻ ግዴዳ አሳን ዬዳዌ ኦኔ? ዎይ ሱረ አሳይ ሀቃን ቆለቲደ ይ ኤሪ? 
\v 8 ታን በኤዳዋዳን፥ ኢታተ ጎሺደ፥ መቱዋ ዘርያዋንቱ ኢታተነ መቱዋ ጫካና። 
\v 9 ኡንቱንቱ ጾሳፐ ከስያ ሸምፑዋን ፑነቲደ ባያና፤ አ ሀንቁዋ ሱሉዋንካ ኡንቱንቱ ሜተት ያና። 
\v 10 ኢታቱ ጉድያነ ዳርያ ጋሞቱዋ ማላ፤ ሽን ጾሳይ ኡንቱንቱ አቻ መን። 
\v 11 ሻንካቲደ ኦይቄዳዋ ማናዉ አቻ ያ ጋሞቱዋዳን፥ ኢታቱ ኮሻን ሀይቂኖ፤ ኡንቱንቱ ናናቱካ ላለቲኖ።
\p
\v 12 “እት ጋላስ እት ጹራይ ታኮ ዬዳ፤ ሄ ጹራይ ሳሱከቲደ፥ ታ ሀይን ዎዳ። 
\v 13 ቃማ ገምእሹዋ ፓኑርሽን፥ ታና ኢታ አኩሙ ኡንኤዳ።\x - \xo 4:13 \xo*\xt ኢዮባ 33:15\xt*\x* 
\v 14 ታና ያሻይነ ኮኮርሳይ ኦይቄዳ፤ ታ መቀ ኡባ ጋጅ ጋጅሴዳ። 
\v 15 ጫርኩ አደ ታ ሶምኡዋ ፕቲደ፥ ታ ስንና አዳ፤ ዳጋማፐ ደንዴዳዋን ታ ቦላን ደእያ ብናናይ ኤቄዳ። 
\v 16 እ ታ ስንን ኤቄዳ፤ ሽን እ አየንቶ ታን ሻካደ ኤራናዉ ዳንዳያበይከ። ሄዋፐ ጉይያን፥ ጮኡ ጌዳሳፐ ሀዋዳን ያግያ ኮሻ ስሳድ፤ 
\v 17 ‘ሀይቂያ አሳይ ጾሳ ስንን ጽሉዋ ግዲደ ቤታናዉ ዳንዳዪ? ዎይ አሳይ ባረና መዳዋ ስንን ጌሻ ግዲደ ቤታናዉ ዳንዳዪ? 
\v 18 ጾሳይ ባረ ቆማቱዋን አማነተና፤ ባረ ኪታንቻቱዋንካ ባይዙዋ ደሜ። 
\v 19 ያትና፥ ኡርቃፐ መቴዳዋንቱን፥ ኡንቱንቱ ደኡዋ ባሱ ባና ግዴዳዋንቱን፥ ብልኣፐካ ኤሌሊደ ዎቂያዋንቱን አይ ኬሻ ዳሮ ባይዙ ቤታንዴሻ! 
\v 20 ዎንታ ፓጻ ደእያ አሳይ ኦማርስ ጋካናዉ፥ ኦንነ ሀሳየናን ደእሺና ሀይቄ። 
\v 21 ኡንቱንቱ ደኡዋ ሽካሊ ሾደት ዎያ ዎደ፥ ኡንቱንቱ አዳ ኤራተ ደመናን ሀይቂ ባዪኖ’ ያግያዋ ስሳድ።
\c 5
\p
\v 1 “ኢዮባ፥ አነ ጼሳ! ሽን ኦኔ ነዉ ኮያናዌ? ኪታንቻቱዋፐ ኦኮ ስማኒ? 
\v 2 ኤያ ኡራ ላንጪ ዎ፤ አኬካይ ፓጬዳ ኡራካ ቃናቲ ይሴ። 
\v 3 ኤያ ኡራይ ምኒደ ደእያዋ ታን ታ ሁጲያን በኣድ፤ ሽን ኤለካ ታን አ ጎልያ ሸቃድ። 
\v 4 አ ናናቱ ሳሩ ባይና ሳን ደኢኖ፤ ኡንቱንቱ ችሎታን፥ ማዲደ ሃሳይያዌ ባይና ሳን ፕርዳ ዬድኖ። 
\v 5 እ ሺሼዳ ካ ኮሻቴዳዋንቱ ማና፤ አጉን ግዶን ሞኬዳዋካ ኡንቱንቱ አዉ አግክኖ። ሳመቴዳዋንቱ አ ማጹዋ አካናዉ ያረቲኖ። 
\v 6 ቱጋይ ባናፐ ከሰና፤ መቱካ ቢታፐ ሞከና። 
\v 7 ታማይ ፑደ ፕርያዋዳን፥ አሳይ መቶ የለቴዳ።
\p
\v 8 “ታና ግድንቶ፥ ታን ጾሳኮ ሺቃና፤ ታ ሞቱዋካ አ ስንን ዎና። 
\v 9 ፕልጊደ ኤራናዉ ዳንዳየተና ዎልቃማባቱዋነ ፓይዱ ባይና ኦራባቱዋ ጾሳይ ኦ። 
\v 10 እራ ቢታን ቡክሴ፤ ጋድያዉካ ሃ የዴ። 
\v 11 ቶሸቴዳዋንታ ቦንቼ፤ ካዮትያዋንታካ ምንደ ናሸቼ። 
\v 12 ገናንቻቱዋ ሀልቹዋካ ሀልሴ፤ ሄዋ ድራዉ፥ ኡንቱንቱ ኩሽያ ኦሱ ፖለተና። 
\v 13 አዳ ኤራንቻቱዋ እ ኡንቱንቱ ገንያን ኦይቄ፤ ጌላቱዋ ማቁዋካ አ የጌ።\x - \xo 5:13 \xo*\xt 1 ቆሮ. 3:19\xt*\x* 
\v 14 ኡንቱንቶ ጋላሳይ ማና፤ ጋላሳ ሴታንካ ኡንቱንቱ ሄካ ብላህያዳን ታታፋና። 
\v 15 ህዬሳቱዋ እ ኡንቱንቱ ሞርከቱ ማሻፐ አሼ፤ እ ኡንቱንታ ዎልቃማቱዋ ኩሽያፐካ ዎ አኬ። 
\v 16 ሄዋ ድራዉ፥ ህዬሳቶ ህዶታይ ደኤ፤ ኢታ አሳቱዋ እ ጮኡ ኦ።
\p
\v 17 “ጾሳይ ሴርያ ኡራይ አንጀቴዳዋ፤ ሄዋ ድራዉ፥ ኡባ ዳንዳይያ ጾሳ ሴራ ካፓ።\x - \xo 5:17 \xo*\xt ሌም. 3:11፤ እብራ. 12:5-6\xt*\x* 
\v 18 እ ማዱ፥ ሽን ማዱ ቃቼ። እ ደቼ፥ ሽን አ ኩሺ ሌ።\x - \xo 5:18 \xo*\xt ሆሰ 6:1\xt*\x* 
\v 19 ኡሱፑን ቆሞ መቶባፐ እ ኔና አሻና፤ ላፑንካ ኔና ቦቼና። 
\v 20 ኮሻ ዎደ ሀይቁዋፐ፥ ኦላ ዎደካ ማሻ ቃራፐ እ ኔና አሻና። 
\v 21 እ ኔና እንጻርሳ ልሱዋፐ ገንና፤ ባሻይ ጋክያ ዎደካ ያያካ። 
\v 22 ባሻ ቦላነ ኮሻ ቦላ ኔን ሚጫና፤ ባዞ ዶአቶካ ያያካ። 
\v 23 ነ ጎሽያ ጎሻን ሹቻይ ደኤና፤ ባዞ ዶአቱካ ኔናና ሳሮ ግዳናዋንታ። 
\v 24 ነ ዱንካኒ ሳሮ ግድያዋ ኔን ጌሻደ ኤራና፤ ነ ዶርሳቱዋ አቁዋካ ኔን ጾሞስያ ዎደ፥ ኡንቱንቱፐ እቱነ ፓጨና። 
\v 25 ነ የለታይ ጮራታናዋነ ነ ዘረቱካ ደምባ ማታ ኬሻ ግዳናዋ ኔን ኤራና። 
\v 26 ዛርጋ ቱኩ ባረ ዎድያን ኡዱማ ይያዋዳን፥ ኔን አዱሳ ላይ ደኣደ፥ ዱፉዋ ባና። 
\v 27 ኢዮባ፥ ኑን ሀዋ ኡባ ፕልግ ጼሌዶ። ሄዌ ቱማ ግድያ ድራዉ፥ ሄዋ ስሳደ፥ ነዉ አካ” ያጌዳ።
\c 6
\s1 ኢዮብ ላኤንዋ ሃሳዬ
\p
\v 1 ኢዮብ ዛሪደ፥ 
\v 2 “ታ ዋዪነ ታ ካዩ ኡባይ ሚዛናን ልከቴረነ! 
\v 3 ያትንቶ አባ ዶና ሻፍያፐካ አ ዴጻናዋ። ሄዋ ድራዉ፥ ታ ቃላይ ጻላ ግዴዳ። 
\v 4 ኡባ ዳንዳይያ ጾሳ ዎንዳፍያ ፖይ ታና ጫዴድኖ፤ ታ ቦላይካ ኡንቱንቱ ይሻ ኡሼ። ጾሳ ዳጋንያ ቦሻይ ታ ዩሹዋ ዶዴዳ። 
\v 5 ሀሪ ማታይ አ ስንን ደእሺና ዋሲየ? ዎይ ቦራይ ዳላ ደሚደ ጻጊየ? 
\v 6 ማልኤናባይ ማጽኒ ገለናን ሜተቲየ? ዎይ ቁቁልያ ግዶ ሃይ ሎቅሎቅየ? 
\v 7 ሄዋ ማላ ቁማ ታን ሸነታይ፤ ሄዋ ማላ ቁማ ሞፐ፥ ታና ሳኬ።
\p
\v 8 “ታን ዎሴዳ ዎሳይ ጋኬረኔ! ጾሳይካ ታ ዎዛና አሙዋ እሜረኔ! 
\v 9 ጾሳይ ታና መንሬረኔ! እ ባረ ኩሽያ የዲደ፥ ታ ደኡዋ ቱራ ዱረኔሻ! 
\v 10 ጌሻ ጾሳ ቃላ ካዳቤና ድራዉ፥ ታዉ ሳኩ ዳሮፐነ፥ ምንዋ ግዴረነሻ። 
\v 11 ታን ደኡዋን ደአናዉ ታዉ አይ ዎልቃይ ደኢ? ታን ዳንዳያናዉ፥ ታ ዉርሰይ አዬ? 
\v 12 ታ ዎልቃይ ሹቻ ዎልቃ ማሌ? ዎይ ታ አሹ ናሃስያ ብራታ ማሌ? 
\v 13 ታና ማዳናዉ አይ ዎልቃይነ ታዉ ባዋ፤ ማዱዋ ደማናዉ ታን ብያ ሳአይካ ደኤና።
\p
\v 14 “መቱዋን ደእያ ኡራይ ኡባ ዳንዳይያ ጾሳዉ ያይያዋ አግንቶካ፥ አ ላገቱ አዉ ኬካተ በሳናዉ ኮሼ። 
\v 15 ታ እሻቶ፥ ህንተ እራይ ቡከና ዎደ መልያ ሻፋ ማላ፥ ታና ጭሚታ። 
\v 16 ባልጉዋ አግናቱዋን ሄ ሻፋይ ኦርዶ ሻቻን ኩሚደ ካመቴ። 
\v 17 ሽን ቦኒ ጋክያ ዎደ፥ ሄ ሻቻይ ሙሺደ፥ ሃ ከሴ፤ ሃይካ ሄ ሳኣፐ ዬ። 
\v 18 ጫና መህያ ላጊደ ብያ ዛልአንቻቱ ሃ ኮያናዉ ባረንቱ ኦግያፐ ጋጻ ከሲደ፥ መላ ቢታን ቶይላካቲደ፥ ሀይቂ ዪኖ። 
\v 19 ቴማ ቢታ ዛልአንቻቱነ ሳባ ቢታ ኦግያዋንቱ ሃ ደማና ጊደ፥ ህዶታ ዎኖ። 
\v 20 ሽን ኡንቱንቱ አማነቲደ ኮይና ዬዳ ድራዉ፥ ዬላቴድኖነ ህዶታ ቃንጼድኖ። 
\v 21 ህንተካ ታዉ ሄ ሻፋቱዋ ማላ ግዴድታ፤ ታና ጋኬዳ መቱዋ በኢደ ያዬድታ። 
\v 22 ታን ህንተና፥ ‘ታዉ እትባ እምተ’ ዎይ፥ ‘ህንተ አቁዋፐ ታ ድራዉ አሳዉ ማታይያ እምተ’ ጋድታ? 
\v 23 ዎይ፥ ‘ታና ታ ሞርክያ ኩሽያፐ አሽተ’ ዎይ፥ ‘ኡቅንያዋንቱ ኩሽያፐ ታና ዎዝተ’ ጋድታ?
\p
\v 24 “ህንተ ታና ታማርስተ፤ ታን ጮኡ ጋና። አያ ባይዛድታንቶ፥ አነ ታና በስተ። 
\v 25 ቱማ ግዴዳ ቃላይ አይ ኬና ዎልቃሜ! ሽን ህንተ ፓሉማይ ኡባይ ታና አያነ ሴረና። 
\v 26 ህንተ ታን ሃሳይያ ሃሳያ ጫርኩዋ ማላ ጊደ ቆፒታ። ያትና፥ ታን ህዶታ ቃንጻደ ሃሳይያ ሃሳያ አያዉ ቆሪቴ? 
\v 27 አዉ ባይናዋንታ ሻክ አካናዉ ህንተ ሳማ የጊታ፤ ህንተ ላግያካ ዛልአናዉ ዋሽሲታ። 
\v 28 አነ ትሽ ኦደ፥ ታና ጼልተ። ታን ህንተ ስንን ዎርዱዋ ሃሳይከ። 
\v 29 ሀያና፥ አነ ዛረደ ቆፕተ፤ ታን ጽሉዋ ግድያ ድራዉ፥ ታ ቦላ ጮ ፕርዶፕተ። 
\v 30 ታን ታ እንጻርሳን ዎርዶቴዳዋ ማላቲ? ታ ዶናይ ልክያ ልከ ግደናዋፐ ሻኪደ ሃሳያናዉ ዳንዳየኔ?
\c 7
\p
\v 1 “አሳ ደኡ ሳኣ ቦላን ዎልቃማ ባጸ ግደኔየ? አ ደኡዋ ላይይ ከራ ኦያ አሳ ደኡዋ ላይ ማላ ግደኔየ? 
\v 2 ኩዋ አሞትያ ቆማዳን፥ ዎይ ባረ ድርጉዋ አካናዉ ናግያ ኦሳንቻዳን፥ 
\v 3 ሄዋዳን ታዉ መላ አግናቱነ ቱጋ ቃማቱ እመቴድኖ። 
\v 4 ታን ግስያ ዎደ፥ ‘አዉደ ቤጎታንድታሻ?’ ያጋይ። ሽን ቃማይ ታዉ አዱቄ፤ ሳአይ ዎንታና ጋካናዉ ሂጻን አ አ ዎይ። 
\v 5 ታ ቦላይ ጉጹንያነ ፖቁዋ ማዬዳ፤ ታ ማዱፐ ጊሻይ ጎጌ። 
\v 6 ታ ላይይ ሸማይንያ ሙኩካፐካ አ ኤሌሌ፤ አይ ህዶታይነ ባይናን ታ ላይይ ዉሬ።
\p
\v 7 “አቤት ጾሳዉ፥ ታ ላይይ ሲያና ሸምፕያ እት ሸምፑዋ ማላ ግድያዋ ሀሳያ! ታ አይፊ ላኤን ኬካባ በኤናን አቴዳ። 
\v 8 ኔን ታና ሀእ በኣሳ፤ ሽን ላኤን በአካ፤ ኔን ታና ኮዮፐ፥ ታን ያድ።
\p
\v 9 “ሻሪ ፕስክ ጊደ ይያዋዳን፥ ዱፉዋ ዎዳ ኡራይ ስሚደ ከሰና። 
\v 10 ባረ ጎለካ ላኤን ስሚደ ዬና፤ አ ኤርያ አሳይካ አ ዶጌ።
\p
\v 11 “ሄዋ ድራዉ፥ ታን ጮኡ ጊከ፤ ታን ታ ቱጋ ድራዉ ሃሳያና፤ ታ ደኡ ጫሜዳ ድራዉ ዙዙማና። 
\v 12 ሀዋ ኬሻ ኔን ታና አያዉ ናጋይ? ታን ነዉ አባ ዎይ አባ ግዶ ሀምባዝያ ጋድየ? 
\v 13 ታን፥ ‘ታ ሂጻይ ታና ምንንዴ፤ ታ አልጋይካ ታና ዙዙንፐ ሸምፕሳንዴ!’ ያግያ ዎደ፥ 
\v 14 ኔን ታና አኩሙዋን ያሽሳሳ፤ ሳጻንካ ታና ዳጋንሳ። 
\v 15 ታን ሀ ሳክያ ቦላና ደአናዋፐ ሱለትያዋነ ሀይቂያዋ ዶራይ። 
\v 16 ታን ታ ደኡዋ ካድ፤ ታን መናዉ ደአናዉ ኮይከ። ታ ላይይ ሲያና ሸምፕያ እት ሸምፑዋ ማላ ግድያ ድራዉ፥ ኔን ታና አጋ ባሻ።
\p
\v 17 “ኔን አ ዎጋባዳን ጼላናዉ አሳይ አዬ? ኔን አባዉ አያዉ ቦንቾ ሳኣ እማይ?\x - \xo 7:17 \xo*\xt ማዝ. 8:4፤ 144:3\xt*\x* 
\v 18 ዎንታ ዎንታ ኔን አ ብዳሳ፤ ቃይ ዎድያን ዎድያን አ ፓጫሳ። 
\v 19 ኔን ታኮ ጼልያዋ ሙለካ አግኪ? ዎይ ታን ታ ጩቻ ምትያ ዎድያካ ታዉ እምኪ? 
\v 20 አቤት አሳ ዎችያዎ፥ ታን ናጋራ ኦዳዋ ግዶፐ፥ ኔና አያይ ቆሄዴ? ኔን አያዉ ታና ጫድ ካእያዋ ኦዲ? ነዉ ታን ዴጾ ቶኩዋ ግዳድታየ? 
\v 21 ታ ባላፐ አያዉ ታና ማረናን እጻይ? ታ ናጋራካ አያዉ አቶ ጌናን አጋይ? ስም ታን ዱፉዋ ዎያ ዎዲ ጋኬዳ፤ ኔን ታና ኮይያ ዎደካ፥ ታን ቤትከ” ያጌዳ።
\c 8
\s1 ብልዳደ ሃሳዬዳ ሃሳያ
\p
\v 1 ሄዋፐ ጉይያን፥ ሹሀ ቢታፐ ዬዳ ብልዳደ ዛሪደ፥ ሀዋዳን ያጌዳ፤ 
\v 2 “ኔን ሀዋ ማላባ አዉደ ጋካናዉ ሃሳያይ? ነ ዶናፐ ከስያ ቃላይ ዎልቃማ ጎትያ ማላ። 
\v 3 ኡባ ዳንዳይያ ጾሳይ ፕርዳነ ጽሎባ ጌላዪ? 
\v 4 ነ ናናቱ ጾሳ ቦላ ናጋራ ኦዳ ድራዉ፥ እ ኡንቱንታ ኡንቱንቶ በስያዋዳን ሙሬ። 
\v 5 ሽን ኔን ጾሳኮ ስሞፐ፥ ኡባ ዳንዳይያ ጾሳ ዎሶፐ፥ 
\v 6 ኔን ጌሻነ ሱረ ግዶፐ፥ እ ነ ድራዉ ደንዲደ፥ ኔና ማዳና፤ እ ካሰ ነ ደኦ ዛሪደ ዎይታና። 
\v 7 ነ ዶመይ ጉ ማላቶፐነ፥ ነ ዉርሰይ ሎይ ዳራና።
\p
\v 8 “ካሰ የለታ አነ ኦቻ፤ ኑ ማይዛ አዎቱ አያ አያ ታማሬደንቶ፥ ኮያደ ደማ። 
\v 9 አያዉ ጎፐ፥ ኑን ዝኖ የለቴዳዋንታ፤ ኑን አያነ ኤሮኮ። ኑን ሀ ሳኣን ደእያ ላይይ ኩዋ ማላ። 
\v 10 ኡንቱንቱ ኔና ታማርስኖ፥ ነዉ ኦድኖነ ባረንቱ አኬኬዳዋፐ ሃሳይኖ።
\p
\v 11 “ጫሪ ጫርያ ሃይ ባይና ሳን ድጫናዉ ዳንዳየና፤ ማቃይካ ሃ ባይና ሳን ሞካናዉ ዳንዳየና። 
\v 12 ብሮ ድጪደ፥ ቃንጸተናን ደኢድ፥ ማታፐካ ኤለ ሹላና። 
\v 13 ጾሳ ዶግያ አሳ ኡባ ዉርሰይ ሄዋ ማላ፤ ጾሳይ ባይና ኡራ ህዶታይካ ያና። 
\v 14 እ አማነትያዌ መእ ክችያዋ፤ እ ጬቀትያባይካ ሻራሮታ ጎልያ ማላ። 
\v 15 እ ባረ ሻራሮታት ጎልያን ዘምፔ፥ ሽን ኤቀና፤ እ አ ኦይቃና፥ ሽን አ ዳንዳየና። 
\v 16 እ አዋን ሃ ኡሼዳ አታክልትያ ማላ፤ አታክልትያ ሳኣ ፕን ከሳና ጋካናዉ ዳሼ። 
\v 17 ኬላ ሹቻ ዩሹዋን ባረ ጻጱዋ የዴ፤ ሹቻቱዋ ግዶንካ ባረዉ ሳኣ ኮዬ። 
\v 18 ሽን እ ባረ ሳኣፐ ሾደት ይንቶ፥ ሄ ሳአይ አ፥ ‘ታን ኔና በአበይከ’ ያጋና። 
\v 19 በአ፥ ኢታ አሳቱዋ ናሸቻይ ሀዋ ማላ። ሀራ አሳቱካ ዪደ፥ ኡንቱንቱ ሳኣ ኦይቂኖ።
\p
\v 20 “ጾሳይ ቱሙዋፐ ቶሺ ባይና አሳ ኦል ኤረና፤ ኢታ ኦያዋንታ ቃይ ማደና። 
\v 21 እ ዛሪደ፥ ኔና ሚጭሳናነ እልልሳና። 
\v 22 ኔና እጽያዋንቱ ዬላ ማያና፤ ኢታቱዋ ጎሊ ያና” ያጌዳ።
\c 9
\s1 ኢዮብ ጉጂደካ ሃሳዬ
\p
\v 1 ሄዋፐ ጉይያን፥ ኢዮብ ዛሪደ፥ ሀዋዳን ያጌዳ፤ 
\v 2 “ኤ፥ ሀዌ ህንተ ግያዌ ቱማ ግድያዋ ታን ኤራይ። ሽን አሳይ ጾሳ ስንን ጽሉዋ ግዳናዉ ዋን ዳንዳዪ?\x - \xo 9:2 \xo*\xt ኢዮባ 4:17\xt*\x* 
\v 3 አናና እት ኡራይ ፓሉመታናዉ ኮዮፐ፥ ሄ ኡራይ እ ኦችያ ሻኡ ኦሻፐ እቱዋነ ዛራናዉ ዳንዳየና። 
\v 4 ጾሳይ ባረ ዎዛናን አዳ ኤራንቻ፤ ባረ አቢያንካ ዳሮ ዎልቃማ። አናና ኤቀቲደ ጾነትቤናዌ ባዋ። 
\v 5 ኤረናን ደእሺና፥ ቃ ደረቱዋ እ ኡንቱንቱ ሳኣፐ ድጌ፤ ባረ ሀንቁዋንካ አ የጌ። 
\v 6 እ ቢታ አ ሳኣን ቃ፤ ቢታ ቱቀቱዋካ ዪቂዪቂሴ። 
\v 7 አዋይ አዋጸናዳንነ ጾልንተቱ ፖኤናዳን አዛዛናዉ ዳንዳዬ። 
\v 8 እ ባረካ ሳሎቱዋ ምጬዳ፤ አባ ቤታ ቦላንካ ሀመቴ። 
\v 9 ጾሳይ ዎጋ ቤርያ፥ ኦርዮና፥ ፕልያድሳ ግያ ጾልንተቱዋ ጩጉዋነ ሄዋዳንካ ገድሳ ባጋና ደእያ ጾልንተቱዋ ጩጎቱዋ መዳዋ። 
\v 10 ፕልጊደ ኤራናዉ ዳንዳየተና ዎልቃማቱዋ፥ ፓይዱ ባይና ኦራባቱዋ እ ኦ።
\p
\v 11 “ጾሳይ ታኮ ሺቅንቶካ፥ ታን አ በአናዉ ዳንዳይከ፤ እ ታ ምይያና አንቶካ፥ ታን እ ሄዋን ደእያዋ ኤራናዉ ዳንዳይከ። 
\v 12 እ ባረ ኮዬዳዋ አክና፥ አ ኦንነ ድጋናዉ ዳንዳየና። ‘ዋታይ?’ ያጊደ አ ኦቻና አሳይ ባዋ። 
\v 13 ጾሳይ ባረ ሀንቁዋ ተኤና፤ ራኣባ ግያ ዳዊያ ማድያ ባረ ሞርከቱዋ ባረ ገድያፐ ጋርሳዉ አደ የ።
\p
\v 14 “ያትና፥ ታን አ ኦሻ ዛራናዉ ሎኦ ቃላ ሀቃፐ ደማናዉ ዳንዳያይታ? 
\v 15 ታን ጽሉዋ ግድንቶካ፥ ፕርድያ ጾሳይ ታና ማራናዳን ዎሳናፐ አትና፥ ታን አ ቦላ ሃሳይከ። 
\v 16 ታን አ ጼስና፥ እ ታዉ ኮይንቶካ፥ ‘ታ ኮሻ ስሴዳ’ ጋደ አማንከ። 
\v 17 እ ታና ጎትያን መንሬ፤ ጋሱ ባይናን እ ታ ማዱ ዳርሴ። 
\v 18 ታና ሸምፑዋካ ሸምፕሰናን ድጌ፤ እ ታ ደኡዋ ጫሙዋን ኩንዳ። 
\v 19 ዎልቃባ ሃሳዮፐ፥ እ ዎልቃማ። ፕርዳዋ ሃሳዮፐ፥ አ ጼሲደ፥ ፕርዳ ጎለ ሺሻና አሳይ ባዋ። 
\v 20 ታን ጽሉዋ ግድንቶካ ታ ዶናይ ታና ባይዛንቻ ከሴ፤ ታን ቶሺ ባይና አሳ ግድንቶካ፥ እ ታና ጌላ ከሴ።
\p
\v 21 “ታን ቶሺ ባይና አሳ። ሽን ታ ደኡዋ ዶስከነ ካይ። 
\v 22 ዱማተይ ባዋ፤ ሄዋ ድራዉ፥ ታን፥ ‘እ ቶሺ ባይናዋንታነ ኢታቱዋ ላኡዋካ እትፐ ይሴ’ ያጋይ። 
\v 23 ባሻይ ጽሎ አሳቱዋ ቆፐናን ዎያ ዎደ፥ ጾሳይ ቅሊጬ። 
\v 24 ጾሳይ ሀ ሳኣ ኢታ አሳቶ አደ እሜዳ፤ ፕርድያዋንቱ አይፍያካ ጎዜዳ። ሀዋ ኡባ ኦዳዌ አ ግዳናፐ አትና፥ ሀራይ ኦኔ?
\p
\v 25 “ታ ደኡዋ ላይቱ ዎ ዎጽያ ኡራፐካ አደ ኤሌሊኖ፤ ኡንቱንቱ ሎኦባ በኤናን ፓሊደ ዪኖ። 
\v 26 ታ ደኡዋ ላይቱ ማቃ ዎንግርያዳን ኤሌሊኖ፤ አርጋንይ ባረዉ ምያዋ ኦይቃናዉ ሳሉዋፐ ዱገ ፓልያዋዳን ፓሊኖ። 
\v 27 ታን፥ ‘ታ ዙዙን ዶጋና፤ ታ ሶምኡዋካ ምስያዋ አጋደ ፓሽካና’ ያጎፐ፥ 
\v 28 ኔን ታና ጌሻ ጌናዋ ታን ኤራይ፤ አያዉ ጎፐ፥ ታና ጋካና ዋይያ ኡባዉ ታን ያያይ። 
\v 29 ያትና፥ ታን ባይዛንቻ ግዳ ክቻድፐ አትና፥ ጮ መላ አያዉ ዳቡራይታ?
\p
\v 30 “ታን ታ ቦላ ሀራይ አቶ ሳሙናን ሜጨታንቶካ፥ ታ ኩሽያ ሀንጪጭያን ሜጫንቶካ፥ 
\v 31 ኔን ታና ኡርቃ ኦላን ኦላና፤ ታ ማዩካ ታና ሸነታና። 
\v 32 ታን አዉ ዛሩዋ እማና ጋናዉ፥ ጾሳይ ታ ማላ አሳ ግደና። ሄዋ ድራዉ ፕርዳዉ ቦይተ ጋናዉ ዳንዳይከ። 
\v 33 ሽን ባረ ኩሽያ ኑ ላኡዋ ቦላ ዎደ፥ ኑና ስገያ አሳይ ኑ ግዶን ደኤረኔሻ! 
\v 34 አቤት ጾሳዉ፥ ታና ሙርያዋ አጋ፤ ታና ዳጋንያዋነ ያሽስያዋ አጋ። 
\v 35 ያቶፐ፥ ታን አዉ ያየናን ሃሳያና፤ ሽን ሀእ ዳንዳይከ።
\c 10
\p
\v 1 “ታን ታ ደኡዋ ካይ! ሄዋ ድራዉ፥ ታን ሞተታናፐ አትና፥ ጮኡ ጊከ፤ ታን ምሸታደ ሃሳያይ። 
\v 2 ታን ጾሳ ሀዋዳን ያጋይ: ሀእ ታ ቦላ ፕርዶፓ፤ ኔን ታና ሞትያ ሞቱ አየንቶነ ታዉ ኦዳ። 
\v 3 ኔን ታና ኡቁናናዉ በሲ? ኔን ነ ኩሽያን መዳ ኡራ ካያዌ፥ ቃይ ኢታቱዋ ሀልቹዋ ፖልስያዌ ሎኤ? 
\v 4 ነ አይፊ አሳ አይፍያ ማሌ? አሳይ ጼልያዋዳን ኔን ጼላይ? 
\v 5 ነ ደኡዋ ላይይካ አሳዋ ኬሼ? ነ ደኡዋ ላይይካ አሳ ላይይዳ ቃን? 
\v 6 ያትና፥ ታ ባይዙዋ አያዉ ኮያይ? ታ ናጋራካ አያዉ ቆራይ? 
\v 7 ታን ባይዛንቻ ግደናዋነ ነ ኩሽያፐ ታና ኦንነ አሻናዉ ዳንዳየናዋ ኔን ኤራሳ።
\p
\v 8 “ታና ነ ኩሺ ጊግሲደ መዳ፤ ሽን ሀእ ሄ ኩሺ ስሚደ፥ ታና ይሴ። 
\v 9 ኔን ታና ኡርቃፐ መዳዋ ሀሳያ። ያትና፥ ሀእ ታና ባናዳን ሊቅሳናዉ ሀናይ? 
\v 10 ታና ማዳን ታ አት ኡሉዋን ትጌዳዌነ ድቼዳዌ ኔና። 
\v 11 ታና ኔን አሹዋነ ጋልባ ማይዛዳ፤ ታ መቀ ጻጱዋና ጋደ ዋጻዳ። 
\v 12 ኔን ታዉ ደኡዋነ አገና ነ ሲቁዋ እማዳ፤ ነ ናጉዋን ኔን ታና ፓጻ ዎዳ።
\p
\v 13 “ሽን ኔን ሄ ዎድያፐ ዶማደ፥ ነ ዎዛና ግዶን ታና ቆሀናዉ ቆፕያዋ ታን ኤራይ። 
\v 14 ታን ናጋራ ኦፐ በአናዉ፥ ኔን ታና ጌዳሳ፤ ታ ባይዙዋካ ሙረናን አካ። 
\v 15 ባይዛንቻ ግዶፐ፥ ታዉ አየ አና! ቃይ ታን ጽሎ ግድንቶካ፥ ታ ሁጲያ ፑደ ቁ ኦናዉ ዳንዳይከ። አያዉ ጎፐ፥ ኔን ታና ዬላን ኩን ዎዳነ ቱጋን ማያ ዎዳ። 
\v 16 ታን ኦቶረቶፐ፥ ኔን ታና ጋሙዋዳን የደርሳደ ኦይቃና፤ ቃይካ ታና ቆሀናዉ፥ ነ ማላልስያ ኦሱዋ ኔን ኦና። 
\v 17 ኔን ታ ቦላ ኦራ ማርካቱዋ አሃሳ፤ ነ ሀንቁዋካ ታ ቦላ ዳርሳሳ፤ ታና ኦላናዉ ኦራ ሀልቾቱዋ ጊግሳሳ።
\p
\v 18 “ያትና፥ ታና ታ አት ኡሉዋፐ አያዉ ከሳዲ? ኦንነ ታና በኤናን ሀይቃርክታሻ! 
\v 19 ታን ደኤናን አጋርክታሻ! ዎይ ታ አት ኡሉዋፐ ከሶሳና ዱፉዋን ዎአርክታሻ! 
\v 20 ታ ደአናዉ አቴዳ ላይቱ ጉ ግድክኖ? ታን ላፋ ናሸታ አካና ማላ፥ ሀእ ታና አጋርኪ! 
\v 21 ሌሌዳ ማ ሳኣ ታን ብያ ዎዲ ማቴዳ፤ ታን ሄዋፐ ስማደ ሃ ዪከ። 
\v 22 ታን ብያሳአይ ጵ ጎ ማይነ ማራይ ባይናዋንቱ ደእያ ቢታ፤ ሄዋን ደእያ ፖኡካ ማ ማላ” ያጌዳ።
\c 11
\s1 ጾፋር ሃሳዬዳ ሃሳያ
\p
\v 1 ናእማ ቢታፐ ዬዳ ጾፋር ዛሪደ፥ ሀዋዳን ያጌዳ፤ 
\v 2 “ሀ ሃሳየቴዳ ቃላዉ ኡባዉ ዛሩዋ እምያ አሳይ ባዌ? ዎይ ሀዋ ሃሳዬዳ ብታኒ ቱማንቻ ግዳናዉ ዳንዳዪ? 
\v 3 ነ መላ ሃሳያይ አሳ ጮኡ ኦ? ኔን ቅሊጭያ ዎደ፥ ኔና ሴርያዌ ባዋ ጋድየ? 
\v 4 ኔን ኦዳደ፥ ‘ታ ትምርቲ ቱማ፤ ታን ጾሳ ስንን ጌሻ’ ያጋሳ። 
\v 5 ጾሳይ ነ ቦላ ባረ ዶና ዶዪደ ሃሳዬረኔሻ! 
\v 6 እ ነዉ አዳ ኤራተ ጹራ ቆንጭሴረኔሻ! አያዉ ጎፐ፥ ቱሙ አዳ ኤራተዉ ላኡ ክፍለቱ ደኢኖ። ጾሳይ ኔና ነ ኦዳ ናጋራ ኬሻ ሙርቤናዋ ኤራ።
\p
\v 7 “ኔን ጾሳ ጪማ ጹራ ቆራደ ኤራናዉ ዳንዳያይ? ዎይ ኡባ ዳንዳይያ ጾሳ ዛዋቱዋ ኮያደ ደማናዉ ዳንዳያይ? 
\v 8 ኡንቱንቱ ሳሎቱዋፐካ ቃ፤ ኔን አይነ ኦናዉ ዳንዳያካ። ኡንቱንቱ ስኦልያፐካ አዳ ጪማ፤ ኔን ኤራናዉ ዳንዳያካ። 
\v 9 ጾሳ አዳ ኤራተይ ቢታ አዱሳተፐ አዱቄ፤ አባ ጎምፓፐካ አኬ። 
\v 10 እ ዪደ፥ ኔና ቃሾ ጎልያን የግንቶነ ፕርዳ ጎለ ሺሽንቶ፥ አ ድጋናዉ ዳንዳይያዌ ኦኔ? 
\v 11 ጾሳይ ፓና አሳቱዋ ኤሬ፤ ኢታባ በእያ ዎደ፥ እ ጮ አገና። 
\v 12 ኤያ አሳይ አዳ ኤራንቻ ግድያዋፐ ደንባ ሃሪ አሳ ግዲ የለትያዌ ማቴ።
\p
\v 13 “ኢዮባ፥ ኔን ነ ዎዛና ሱረ ኦፐ፥ ነ ኩሽያካ አኮ ምጫደ ዎሶፐ፥ 
\v 14 ናጋራ ኔፐ ሃሶፐ፥ ነ ጎለንካ ኢታባይ ደኤናዳን ኦፐ፥ 
\v 15 ያቶፐ፥ ኔን ቁ ጋደ ዬላይ ባይናን ኡባባ ጼላና፤ ያሽያዌ ባይናንካ ምናደ ኤቃና። 
\v 16 ነ መቱዋ ኡባካ ኔን ዶጋና፤ ጉኬዳ ሃዳን፥ ኔን አ ላኤን ሀሳያካ። 
\v 17 ነ ደኡ ሴታ ጋላሳ አዋፐካ አደ ፖአና፤ ነ ደኡዋ ማይካ ዎንታ ፖኡዋ ማላ ግዳናዋ። 
\v 18 ነዉ ህዶታይ ደእያ ድራዉ፥ ኔን ህርገናን ደአና። ጾሳይ ኔና ናግያ ድራዉ፥ ኔን ዎፑ ጋናነ ሸምፓና። 
\v 19 ኔን ገምእሽያ ዎደ፥ ኔና ያሽሳና ኡራይ ባዋ፤ ዳሮቱ ኔና አዉዳሻና። 
\v 20 ሽን ኢታቱዋ አይፊ ቆቃና፤ አፐ ባቃት አታናዉካ ዳንዳይክኖ። ኡንቱንቱ ህዶታይ ሀይቁዋ” ያጌዳ።
\c 12
\s1 ኢዮብ ዛሪደካ ሃሳዬ
\p
\v 1 ኢዮብ ዛሪደ፥ ሀዋዳን ያጌዳ፤ 
\v 2 “ኤ፥ ህንተ ቱሙካ አዳ ኤራንቻ፤ አዳ ኤራተ ኡባይካ ህንተናና ሀይቃና! 
\v 3 ሽን ታዉካ ህንተዋዳን አኬካይ ደኤ፤ ታን ህንተፐ ላፍከ! ሀ ህንተ ሃሳዬዳዋ ኡባ ኦንነ ኤሬ። 
\v 4 ታን ጾሳ ዎስና፥ እ ስሴዳ አሳ ግዶፐነ፥ ታ ላገቶ ሚጭያዋ ከሳድ፤ ታን ጽሉዋነ ቶሺ ባይና አሳ ግዶፐካ፥ ቅሊጭያዋ ከሳድ። 
\v 5 ህንተና አይ መቱነ ጋክቤና ድራዉ፥ ታ መቱዋ ካታ፤ ኩንዳናዉ ጋንድጋርያ ብታንያካ ሱጊታ። 
\v 6 ቦንቂያዋንቱ ጎለቱ ሳሮ ደኢኖ፤ ጾሳ ሀንቀያዋንቱ ህርግ ባይናን ደኢኖ። ኡንቱንቱ ኩሽያ ዎልቃይ ኡንቱንቱ ጎይንያ ጾሳ።
\p
\v 7 “ሽን ኔን አነ መሄቱዋ ኦቻ፤ ኡንቱንቱ ኔና ታማርሳና። ዎይ ሳሉዋ ካፎቱዋ ኦቻ፤ ኡንቱንቱ ነዉ ኦዳና። 
\v 8 ዎይ ሳአዉ ሃሳያ እዛካ ኔና ታማርሳና፤ አባ ሞለቱካ ነዉ ኦዳና። 
\v 9 መና ጎዳ ኩሺ ሀዋ ኦዳዋ ሀዋንቱ ኡባ ግዶን ኤረናዌ ኦኔ? 
\v 10 ፓጻ ደእያ መታቱዋ ኡባ ደኡነ አሳ ኡባ አያናይ አ ኩሽያና። 
\v 11 እንጻርሳይ ቁማ ሻክ ኤርያዋዳን፥ ሀይይ ሃሳያ ሻኪደ ኤረኔየ?
\p
\v 12 “አዳ ኤራተይ ጭሜዳ አሳቱ ማታን ደኤ፤ ዳሮ ዎድያ ደእያዌ አኬካ እሜ። 
\v 13 ጾሳዉ አዳ ኤራተይነ ዎልቃይ ደኤ፤ ዞሪነ አኬካይ አን ቤቴ። 
\v 14 ጾሳይ ቆሌዳዋ ዛረ ኬጻናዌ ኦኔ? እ ቃቼዳ ኡራካ ብል የዳናዌ ኦኔ? 
\v 15 ጾሳይ እራ ተኦፐ፥ ቢታይ መሌ፤ እ እራ ቡክሶፐ፥ ድኡ ቢታ ባይዜ።
\p
\v 16 “ምኖተይነ ጾኑ ጾሳዋ፤ ጭመትያዌነ ጭምያዌነ ላኡካ አፐ ጋርሳና ደኢኖ። 
\v 17 ዞርያዋንቱፐ እ አዳ ኤራ ቃር አኬ፤ ዳናቱዋካ እ ኤያ ከሴ። 
\v 18 እ ካተቱዋ ካተቱዋ አራታፐ ዎ፤ ኡንቱንታካ አይለቱዋ ኦ። 
\v 19 ቄሳቱ ዋፐካ ቦንቹዋ ቃር አኬ፤ ዎልቃማቱዋካ አ የጌ። 
\v 20 አማነቴዳ አሳቱዋካ ጮኡ ኦ፤ ጭማቱዋፐካ አኬካ ዎ አኬ። 
\v 21 ካፓቱዋ ካዉሼ፤ ደርያ ካለያዋንቱ ዎልቃካ ዉርሴ።
\p
\v 22 “ማን ደእያ ጹራ የዎቱዋ ቆንጭሴ፤ ጵ ጎ ማ ሳኣካ ፖኦ ከሴ። 
\v 23 ጾሳይ ካዉተቱዋ ቂሴ፤ ቃይ ጾኔ። ካዉተካ አሴ፤ ቃይ ይሴ። 
\v 24 ሳኣ አሳ ካፓቱዋ አኬካ ድጊደ፥ ኦጊ ባይና መላ ሳኣን ቶይላካታናዳን ኦ። 
\v 25 ፖኡ ባይና ማን ኡንቱንቱ ታታፊኖ፤ ማቴዳ አሳቱዋዳን ኡንቱንቱ ጋንድጋሪኖ።
\c 13
\p
\v 1 “ሀዋ ኡባ ታ አይፊ በኤዳ፤ ታ ሀይይካ ስሲደ አኬኬዳ። 
\v 2 ህንተ ኤርያዋ ታንካ ኤራይ፤ ታን ህንተፐ ላፍከ። 
\v 3 ሽን ታን ኡባ ዳንዳይያ ጾሳዉ ሃሳያናዉ ኮያይ፤ ህንተናና ግደና። ታን ታ ሞቱዋ አናና ሞተታናዉ አሞታይ። 
\v 4 ህንተ ቱሙዋ ዎርዱዋን ካሚታ፤ ህንተ ኡባይካ ፓና አክማቱዋ። 
\v 5 ህንተ ኡባይ ጮኡ ጌዳ ግዴርክቴሻ! ያትንቶ፥ ህንተና አሳይ አዳ ኤራንቻ ጋና ሽን!
\p
\v 6 “ሀእ ታ ሞቱዋ ስስተ፤ ታ ዶናፐ ከስያ ፓሉምያ ሀይዝተ። 
\v 7 ህንተ ጾሳ ዶና ግዲደ፥ ዎርዱዋ ሃሳዪቴየ? አ ድራዉ ኤቂደ፥ ጭሙዋ ሃሳዪቴየ? 
\v 8 ህንተ አ ማድያዌ ደኢ? ዎይ አዉ አባካቶ ግዲደ ሞተቲቴ? 
\v 9 እ ህንተና ፕልግ ጼልንቶ፥ ህንተፐ ሎኦባ ደማኔ? ህንተ አሳ ጭምያዋዳን፥ አ ጭማናዉ ዳንዳዪቴየ? 
\v 10 ህንተ ጌማን አሳ ሶምኡዋ ጼሊደ ማዶፐ፥ ጾሳይ ቱሙ ህንተና ሴራና። 
\v 11 አ ቦንቹ ህንተና ዳጋንኔ? አ አንጋይ ህንተና ያሸኔ? 
\v 12 ህንተ ኦድያ ሌምሶቱ ብድን ማላ ፓናዋንታ፤ ህንተ ሺሽያ ፓሉሚ ኡርቃፐ መቴዳ ጎንዳልያ ማላ።
\p
\v 13 “አነ ጮኡ ጊተ! ሃሳያና፤ ሀዋፐ ጉይያን፥ ባረ ሀኖዋ ሀኖ። 
\v 14 ታን ታ ሁጲያ አያዉ ህርጋ ጋርሳን ዎይታ? ታ ሸምፑዋካ አያዉ ታ ኩሽያን ኦይቃይታ? 
\v 15 በእተ፥ ጾሳይ ታና ዎያዋ ግዶፐነ፥ ታን አ ዳንዳያን ናጋና። ግዶፐነ፥ ታን ታ ሞቱዋ አ ስን ሺሻና። 
\v 16 ናጋራንቻ አሳይ አ ስን ሺቃናዉ ዳንዳየና ድራዉ፤ ሀዌ ታን ሺቃናዉ ጻልያዌ፥ ኦን ኤሪ፥ ታ አቶተዉ ጋሶ ግዳናዉ ዳንዳዬ። 
\v 17 ታ ሃሳያ አኬኪደ ስስተ፤ ታን ኦድያዌ ህንተ ሀይን ገሎ። 
\v 18 በእተ፥ ታን ታ ሞቱዋ ጊግሳድ፤ ሻትማናዋካ ኤራይ።
\p
\v 19 “አቤት ጾሳዉ፥ ኔን ታና ሞታናዉ ያይ? ኔን ታና ባይዛንቻ ከሶፐ፥ ታን ጮኡ ጋደ ሀይቃና። 
\v 20 ሽን ኔን ታዉ ሀ ላኡባቱዋ ኦ፤ ታን ኔፐ ጌምከ። 
\v 21 ታና ሙርያዋ አጋ፤ ነ አንጋን ታና ዳጋንፓ። 
\v 22 ሄዋፐ ጉይያን፥ ታና ጼሳ፤ ታን ኮያና። ዎይ ታን ሃሳይና፥ ታዉ ዛራደ ሃሳያ። 
\v 23 ባረዉ፥ ታን ባይዜዳ ባይዙነ ናጋራይ አፑኔ? ታ ባላነ ታ ናጋራ አነ ታና በሳ።
\p
\v 24 “ኔን አያዉ ነ ሶምኡዋ ታፐ ገንይ? ቃይ ታና አያዉ ነ ሞርክያዳን ፓይዳይ? 
\v 25 ታና፥ ጫርኩ አፍያ ቦንጭያ ማላ፥ ያሽሳዪ? ዎይ መሌዳ ሱላ ማላ የደርሳይ? 
\v 26 ኔን ታ ቦላ ጻፌዳ ሞቱ ጫማ፤ ሀራይ አትና፥ ታን ያላጋተን ደኣደ ኦዳ ባይዙዋነ አሻባካ። 
\v 27 ኔን ታ ገድያ ገድያ ብራታን ቃቻዳ፤ ታ ታንግያ ታንጉዋ ኡባ ዎቻሳ፤ ታ ገድያ ኮትያ ፕልጋ ጼላሳ።\x - \xo 13:27 \xo*\xt ኢዮባ 33:11\xt*\x* 
\v 28 ታን ዎቄዳባዳን ሀናይ፤ ብልአይ ሜዳ አፍላዳንካ ዎቃይ።
\c 14
\p
\v 1 “ማጫ አሳፐ የለቴዳ አሳ ላይይ ቃን፤ ሄዋ ኬሻካ መቱዋን ኩም ኡቴዳ። 
\v 2 እ ጪሻዳን ጪሺደ፥ ኤለካ ቆቆፈት አጌ፤ ቃይ ጋምኤናን ኩዋዳን ኤለካ አ ክቼ። 
\v 3 ያትና ኔን፥ ጾሳይ፥ ሄዋ ማላ አሳካ ጼላይ? ቃይ አ ፕርዳናዉ ነ ስን ሺሻይ? 
\v 4 ቱናባፐ ጌሻባ ከሳናዉ ዳንዳይያዌ ኦኔ? ኦንነ ባዋ። 
\v 5 አሳይ ደአና ላይቱ ዛዋት ኡቴድኖ፤ እ ደአና አግናካ ኔን ፓይዳ ዎዳ፤ ኔን ዎዳ ዛዋፐ አያዌ ባዋ። 
\v 6 ሄዋ ድራዉ፥ ከራ ኦያ አሳይ ባረ ኦሱዋ ፖሊደ ሸምፕያዋዳን፥ አሳይ ባረ ዳቡራ ላይ ፖሊደ ሸምፓናዳን፥ አ አጋ።
\p
\v 7 “ምዉካ ህዶታይ ደኤ፤ ምይ ቃንጾፐ አጬ፤ አጫይካ ሄዋዳን ሀኒደ፥ ደእ ባሼ። 
\v 8 ሄ ም ጻጱ ቢታ ጋርሳን ኤጭንቶካ፥ አ ዱሩማይካ ቢታን ዎቆፐካ፥ 
\v 9 ሃ ፔኑዋ ደሚደ አጬ፤ ፑትያዳን ኦራ ልጩዋ ከሴ።
\p
\v 10 “ሽን አሳይ ሀይቂና፥ አ ዎልቃይ ዉሬ፤ አ ሸምፑ ከሶዋፐ ህን ባጋን፥ እ ሀቃን ደኢ? 
\v 11 አባፐ ሃይ መልያዋዳን፥ ቃይ ሻፋ ሃይካ ቶእያዋዳን፥ 
\v 12 ሄዋዳን አሳይካ ሀይቄ፤ ሄ ሳኣፐ ደንደና። ሳሎቱ አና ጋካናዉካ አሳይ ቤጎተና፤ ባረ ገምእሹዋፐካ ደንደና።
\p
\v 13 “አቤት ጾሳዉ፥ ኔን ታና ዱፎ ግዶን ገንደ፥ ነ ሀንቁ አና ጋካናዉ ቆሴዳዋ ግዳርኪሻ! ኔን ታዉ ኬሩዋ እማደ፥ ሄ ጋላስ ታና ሀሳዬዳዋ ግዳርኪሻ! 
\v 14 እት አሳይ ሀይቆፐ፥ ስሚደ ፓጻኔ? ታ ላሚ ያና ጋካናዉ፥ ሀ ቱጋ ዎድያ ኡባ ዳንዳያን ናጋና። 
\v 15 ኔን መዳ ታናካ በአናዉ ኔን ላሞትያ ዎደ፥ ኔን ታና ጼሳና፤ ታን ነዉ ኮያና። 
\v 16 ሄ ዎድያን፥ ኔን ቱሙዋፐ ታ ታንጉዋ ዎቻና፤ ሽን ታ ናጋራ ታ ቦላ ፓይዳካ። 
\v 17 ታ ባይዙ ቃርጪታ ግዶን ዪጨታና፤ ታ ናጋራካ ኔን ካማና።
\p
\v 18 “ደሪ ኩንድያነ መኤረትያዋዳን፥ ዛላይካ ቆለትያዋዳን፥ 
\v 19 ሃይካ ሹቻ ቦክያዋዳንነ ድኡካ ቢታ ሜጪደ አፍያዋዳን፥ ሄዋዳን ኔንካ አሳ ህዶታ ይሳሳ። 
\v 20 ኔን አ መናዉ ጾናሳ፤ ያቶፐ እ ብ አጌ። አ ማላ ላማደ፥ ነ ስንፐ የዳሳ። 
\v 21 አ ናናቱ ቦንቼቶፐ፥ ሄዋ እ ኤረና፤ ኡንቱንቱ ቶሸቶፐካ በኤና። 
\v 22 ሽን አ ቦላ ሴላይ አ ጻላላዉ ስሰቴ፤ እ ባረ ጻላላዉ ዬኬ” ያጌዳ።
\c 15
\s1 ኤልፋዝ ላኤን ሃሳዬዳ ሃሳያ
\p
\v 1 ሄዋፐ ተማና ቢታፐ ዬዳ ኤልፋዝ ሀዋዳን ያጊደ ዛሬዳ፤ 
\v 2 “አዳ ኤራንቻ አሳይ ጫርኩዋዳን ኦይቀተናዋ ሃሳዪ? ዎይ ቆህያ ቆፋን ባረ ኡሉዋ ኩንናዉ በሲ? 
\v 3 ፓና ቃላን ዎይ ማደና ቃላን ሞቱዋ ሞተቲ? 
\v 4 ሄዋ ግዶፐ፥ ኔን ጾሳዉ ያይያዋ አጋዳ፤ ሀራቱካ ጾሳዉ ጎይነናዳን ድጋሳ። 
\v 5 ነ ኢታተይ ነ ሃሳያን ኤረቴ፤ ሽን ነ ጭንጫ ሃሳያን ካማናዉ ባጸታሳ። 
\v 6 ነ ቦላ ፕርድያዌ ነ ዶናፐ አትና፥ ታና ግድከ፤ ነ እንጻርሳይ ነ ቦላ ማርካቴ።
\p
\v 7 “ኮይሮ አሳፐ ስን የለቴዳዌ ኔኔ? ዎይ ኔን ደረቱ መታናፐ ካሰ የለታዲ? 
\v 8 ኔን ጾሳ ጹራ ሺቁዋ ስሳዲ? ዎይ አዳ ኤራተ ነ ጻላላይ ኤርያዋ ነዉ ማላቲ? 
\v 9 ኑን ኤረናዋ ኔን ኤርያዌ አዬ? ኑዉ ገለናን አጊደ፥ ነዉ ገሌዳዌ አዬ? 
\v 10 ነ አዉዋፐ ባይራትያ አሳቱ፥ ጭሚደ ፑሉሜዳ አሳቱ ኑ ግዶን ደኢኖ።
\p
\v 11 “ጾሳይ ነዉ እሜዳ ምንነ ኑን ነዉ አሽከተን ሃሳዬዳ ቃላይ ጉጼዴ? 
\v 12 ነ ዎዛናይ ኔና አያዉ ዎራ አፊ? ነ አይፊካ አያዉ ጼላ ደረቂ? 
\v 13 ያታደ ኔን ጾሳ ቦላ ሀንቀታዳ፤ ሄዋ ማላ ቃላካ ነ ዶናፐ ከሳዳ። 
\v 14 አሳይ ጾሳ ስንን ጌሻ ግዳናዉ ዳንዳዪ? ዎይ ማጫ አሳፐ የለቴዳ አሳይ ጽሉዋ ግዳናዉ ዳንዳዪ?\x - \xo 15:14-16 \xo*\xt ኢዮባ 25:4-6\xt*\x* 
\v 15 በአ፥ ጾሳይ ባረ ኪታንቻቱዋንካ አማነተና፤ ሀራይ አቶ ሳሎቱካ አ ስንን ጌሻ ግድክኖ። 
\v 16 ሽን ሀ ሸነይያነ ቱኔዳ አሳይ፥ ናጋራካ ሃዳን ጋንያ አሳይ ዋን አማነታኔ!
\p
\v 17 “ኢዮባ፥ አነ ስሳ! ነዉ ኦዳና፤ ታን በኤዳዋ ኡባ ነዉ ኦዳና። 
\v 18 አዳ ኤራንቻ አሳቱ ባረንቱ ማይዛ አዎቱዋፐ ደሜዳ ኤራተ ገንናን ታና ታማርሴድኖ። 
\v 19 ሀ ቢታይ ኡንቱንቱ ጻላላዉ እመቴዳ፤ ሀራ ቢታ አሳይ ኡንቱንቱ ዎዛና ጾሳፐ ዎራ ዛርቤና።
\p
\v 20 “አሳ ኡቁኒደ ደእያ ኢታ አሳይ፥ ባረ ደኡዋ ላይ ኡባን ቱግ አፐ ሻከተና። 
\v 21 ኡባ ገደ ዳጋንያ ኮሻይ አ ሀይን ስሰቴ፤ እ ሳሮ ደአይ ጊሽና፥ ፓንጋቱ አ ቦላ ያና። 
\v 22 ማፐ ከስ አካናዋ እ አማነና፤ እ ማሻዉ ካጨቴዳ። 
\v 23 አ አሃይ አንኮ ቁማ ግዳናዋ፤ ባረዉ ማ ጋላሳይ ማታቴዳዋ እ ኤሬ። 
\v 24 መቱነ ቱጋይ አ ያሽሳና፤ ኦላዉ ከሴዳ ካትያዳን አ ዳጋንና። 
\v 25 አያዉ ጎፐ፥ እ ባረ ኩሽያ ጾሳ ቦላ ደንዳ፤ ኡባ ዳንዳይያ ጾሳ ቦላካ ጻሌዳ። 
\v 26 ምኖነ ኦርዶ ጎንዳልያ ኦይቂደ፥ ጾሳ ቦላ ማካሌዳ።
\p
\v 27 “አ ሶምኢ ሞዳ ድራዉ፥ አ ጼሳይካ ቦቦርጬዳ ድራዉ፥ 
\v 28 እ ላቲደ ደእያ ካታማቱካ ኦላን ላለቴዳ ድራዉነ እ ደእያ ጎላቱካ ኦንነ ደኤና ኦና ግዴዳ ድራዉ፥ 
\v 29 እ ባረ ዱረተን ዳሮ ጋምኤና፤ አ አቁካ አናና ጋምኤና፤ ቢታ ቦላንካ አከና።
\p
\v 30 “ማፐ እ ከስ አከና፤ አ ታሸቱዋ ላጩ መልሳና፤ አ ጪሻካ ጾሳ ጫርኩ ፕት ይሳና። 
\v 31 ባረካ ባረና ጭሚደ፥ ሀዳባን አማነቶፓ። እ አካናባይካ ሀዳባ። 
\v 32 ዎዲ ጋከናን ሹልያነ መል ስሚደ፥ ላኤን አጫናዉ ዳንዳየና ም ማላ እ ግዳናዋ። 
\v 33 ቴረናን ዉርጩዋና ቆቆፈትያ ዎይንያ ማላነ ጪሻይ ቆቆፈትያ ዎጋራ ማላ እ ግዳናዋ። 
\v 34 ጾሳዉ ያየና አሳቶ ዛሪ ያና፤ ማታይያን ኬጸቴዳ ጎልያካ ታማይ ማና። 
\v 35 ኡንቱንቱ መቱዋ ሻሃሪደ፥ ኢታባ የሊኖ፤ ኡንቱንቱ ዎዛናንካ ጭሙ ኩም ኡቴዳ” ያጌዳ።
\c 16
\s1 ኢዮብ ዛሪደካ ሃሳዬ
\p
\v 1 ኢዮብ ሀዋዳን ያጊደ ዛሬዳ፤ 
\v 2 “ሀዋ ማላ ሃሳያ ዳሩዋ ስሳድ፤ ህንተ ምንቶ ጊደ፥ ታና መትያዋንታ። 
\v 3 ሀ ጎአይ ባይና ህንተ ሃሳያዉ ዉርሰ ባዌ? ታናና ህንተና ሀዋ ኬሻ ፓሉምስያ ጋሱ አዬ? 
\v 4 ህንተ ታ ሳኣን ደእና፥ ታን ህንተ ሳኣን ደኤዳዋ ግድንቶ፥ ታንካ ታ ሁጲያ ካያን ቃደ፥ ሀእ ህንተ ግያዋ ኡባ ህንተ ቦላ ሎይደ ሃሳያና ሽን! 
\v 5 ሄዋዳንካ፥ ታ ዞርያን ታን ህንተና ምንና ሽን! ታ ዶናፐ ከስያ ሃሳያይካ ህንተና ምንና ሽን!
\p
\v 6 “ሽን ታን ሃሳይንቶካ፥ ታ ሳኩ ኬከና፤ ታን ጮኡ ጋደ ዳንዳይንቶካ፥ ታፐ ክቼና። 
\v 7 አቤት ጾሳዉ፥ ኔን ታና ድፕ ኦዳ፤ ታ ጎልያ አሳ ኡባካ ይሳዳ። 
\v 8 ኔን ታ ጋልባ መልሳዳነ ጉንድሳዳ፤ ታ ቦላካ ግልቂሳዳ። ሄዋ ድራዉ፥ አሳይ ታና በኢደ፥ ‘ሀዌ እ ናጋራንቻ ግድያዎ ማርካ’ ያጌ። 
\v 9 ጾሳይ ባረ ሀንቁዋን ታና ዱሰረ የጌዳ፤ ባረ አቻካ ታ ቦላ ጋርጬዳ፤ እ ታ ሞርኪ ታና ደረቄ። 
\v 10 አሳቱ ታ ዩሹዋን ሺቄድኖ፤ ታ ቦላ ቅሊጪደ፥ ታ ቅንጻልያ ባቄድኖ። 
\v 11 ጾሳይ ኢታ ኦያ አሳቶ ታና አደ እሜዳ፤ ጌላቱዋ ኩሽያንካ እ ታና ኦሌዳ።
\p
\v 12 “ታን ካሰ ዎፑ ጋደ ደኣድ፤ ሽን ጾሳይ ታና ክንቼሬዳ፤ ታ ሙርጋጭያ ኦይቂደ፥ እ ታና መንሬዳ። ቃይ እ ታና ጾንግ ደቻናዉ ማላ ኦዳ፤ 
\v 13 አ ዎንዳፍያ ፖይ ታና ያና ሃና ሙዴድኖ። ቃረት ባይናን እ ታ ክላሁዋ ጫዲደ፥ ታ ጭሽያ ታ ትርያፐ ሳኣን ጉሴ። 
\v 14 ኦላናዉ ዎጽያ ኦላንቻዳን፥ እ ታና ዛር ዛሪደ ማዱ። 
\v 15 ታን ካዮታደ፥ ማቃ ማያድ፤ ታ ዎልቃይካ ባናን ኦለቴዳ። 
\v 16 ታን ዬክያ ዬኩዋ ዳሩዋን ታ አይፊ ጋልጄዳ፤ አፎፐ ደንዶዋን ታ አይፊካ ዞኤዳ። 
\v 17 ሽን ሀ ኡባንካ ታን ባይዜዳዌ ባዋ፤ ታ ዎሳይካ ጌሻ።
\p
\v 18 “ቢታዉ፥ ቢታዉ፥ ታ ሱ ካሞፓ፤ ታን ዋሳናዋ ድጎፓ። 
\v 19 ሀእካ ታ ማርካይ ሳሉዋና፤\x - \xo 16:19 \xo*\xt ኢዮባ 19:25\xt*\x* ታዉ ጻባቃትያዌ ቦላ ቃና። 
\v 20 ታ ላገቱ ታና ካደ ጼሊኖ፤ ታ አይፊ ጾሳ ስንን አፎ ትጌ። 
\v 21 አሳይ ባረ ላገዉ ጋናትያዋዳን፥ ታና ጾሳና ስገያ አሳይ ደኤዳ ግዴረኔሻ! 
\v 22 አያዉ ጎፐ፥ አማሬዳ ላይቱ አዳዋፐ ጉይያን፥ ታን ስመናሳ ባና።
\c 17
\p
\v 1 “ታ ሸምፓታ ከሳዉ፤ ታ ላይይ ቃሜዳ፤ ታዉ ዱፉ ጊግ ኡቴዳ። 
\v 2 ታና ቅሊጭያዋንቱ ቱሙዋፐ ታ ዩሹዋን ደኢኖ፤ ኡንቱንቱ ታዉ ሀንቀትያ ሀንቁዋ ኡባ ገደ ታን በአይ።
\p
\v 3 “አቤት ጾሳዉ፥ ኔፐ ሀራይ ታና ማድያዌ ባይና ድራዉ፥ ኔን ነ ሁጲያን ታዉ ዋሰ ግዳ። 
\v 4 ኡንቱንቶ ገለናዳን፥ ኔን ታ ላገቱዋ ዎዛና ዶንጭልሳዳ። ሄዋ ድራዉ፥ ኔን ኡንቱንቶ ጾኑዋ እሞፓ። 
\v 5 ሚሻ ደማና ጊደ፥ ባረ ላገቱዋ አ እምያ አሳ ናጋራይ አ ናናቱዋ ካአና።
\p
\v 6 “ጾሳይ ታና አሳ ኡባዉ ቅሊጭያዋ ከሴዳ፤ አሳይ ሶምኡዋን ጩችያ አሳ ታን ግዳድ። 
\v 7 ታን ዳሮ ካዮቴዳ ድራዉ፥ ታ አይፊካ ጋልጄዳ፤ ታ ኩመን አሳተይ ላፊደ፥ ጽንቁዋ ኬሻ ግዴድኖ። 
\v 8 ኬካ አሳቱ ታና በኢደ ዳጋሜድኖ፤ ሱረቱካ ጾሳ ካድያዋንቱ ቦላ ይሎቴድኖ። 
\v 9 ግዶፐነ፥ ጽሎቱ ባረንቱ ኦግያፐ ያካ ሃካ ስምክኖ፤ ሱረቱ ዎልቃ ጉጅ ጉጅ ቢኖ። 
\v 10 ሽን ሀእ ኡባይካ አነ ታኮ ሃ ዪተ! ይንቶካ፥ ታን ህንተ ግዶን እት አዳ ኤራንቻ አሳካ ደምከ።
\p
\v 11 “ታ ደኡዋ ላይይ ዉሬዳ፤ ታ ሀልቼዳ ሀልቹካ ታ ዎዛና አሙካ ጮ አቴዳ። 
\v 12 ታ ላገቱ ቃማ ጋላሳ ጊኖ፤ ም ኡት ደእሽን፥ ‘ፖአና ሀኔ’ ያጊኖ። 
\v 13 ታን ህዶታን ናግያ ታ ጎሊ ዱፉዋ፤ ታ ሂጻካ ያን ማን ሂጻና። 
\v 14 ዱፉዋ ታን፥ ‘ኔን ታ አዉዋ’ ያጋና፤ ጉጹንያካ፥ ‘ኔን ታ አቶ’ ዎይ ‘ታ ምቻቶ’ ያጋና። 
\v 15 ያትና፥ ታ ህዶታይ ሀቃኔ? ኦን አ በኤዴ? 
\v 16 ታ ህዶታይ ታናና ዱፉዋ ባንዴ? ኑን ላኡ እትፐ ቢታን ዱገ ዎኔሻ?” ያጌዳ።
\c 18
\s1 ብልዳደ ላኤን ሃሳያ
\p
\v 1 ሄዋፐ ጉይያን፥ ሹሀ ቢታፐ ዬዳ ብልዳደ ሀዋዳን ያጊደ ዛሬዳ፤ 
\v 2 “ኢዮባ፥ ኔን ሀ ሃሳያ አዉደ ዉርሳይ? አነ አኬካ። ያቶፐ ኑን ሃሳያና። 
\v 3 ኑና አያዉ ሚዛ ከሳይ? አያዉ ኑና ዶንጭሎዋንታ ከሳይ? 
\v 4 ኔን ነ ሀንቁዋን ኔና ቆሃሳ። ነ ሀንቁዋን ቢታይ መላ ግዳኔ? ዎይ ዛላቱ ባረንቱ ሳኣፐ ቆለታኔ?
\p
\v 5 “ናጋራንቻቱዋ ደኡ ጾምፒ ቶእያዋዳን ቶአናዌ ጌሻ፤ እ ላኤን ሙለካ ኤጸና።\x - \xo 18:5-6 \xo*\xt ኢዮባ 21:17\xt*\x* 
\v 6 እ ጾምፒ ባይና ጎልያ ማላ፤ አ ማታን ደእያ ጾምፒካ ቶኤ። 
\v 7 እ ታንግያ ታንጉካ ቃሜ፤ እ ሀራቱዋ ዞርያ ዞሪ አ ኡንጌ።
\p
\v 8 “አ ሀመታይ አ አፊደ፥ ጲርያን ገልሴ፤ ዲዛ ግዶን እ ሀመቴ። 
\v 9 ጵሪ አ ግንድያ ኦይቄ፤ አ ቃዋ ድጌ። 
\v 10 አዉ ዩርዶ ዎዶሩ ጌማን ሳኣን ሂጸት ኡቴ፤ እ ሀመትያ ኦግያንካ ግቲ ዎ ኡቴ።
\p
\v 11 “ዳጋማይ አ ዶዴ፤ አ ጉየናካ የደርሴ፤ 
\v 12 አ ዎልቃይ ኮሻን ዳቡሬዳ፤ ባሻይ አ ማታን ናጌ። 
\v 13 ዎያ ሀርጊ አ ቦላን ኡባን ዶዴ፤ አ ኩሽያነ አ ገድያ ዱሽሴ። 
\v 14 እ ህርግ ባይናን ደእያ ባረ ጎልያፐ የደርሴቴ፤ ኡንቱንቱ አሳ ኡባ ሞድያ ሀይቁዋ ግያ ካትያኮ፥ አ አፊኖ። 
\v 15 ሀርግያ የደርሳነው ዲንያ ላሎዋፐ ጉይያን፥ ኦንነ አ ጎልያን ደአና። 
\v 16 እ ጻጱ ጋርሳና መልያነ ቃንካቱካ ቦላና ቆቆፈትያ ም ማላ ግዴ። 
\v 17 አ ዎሪ ቢታፐ ዬ፤ አ ሱንይካ ሳኣን ሀሳየተናን አቴ። 
\v 18 እ ፖኡዋፐ ማዉ የደርሰታና፤ አሳይ ደእያ ቢታፐካ እ ያና። 
\v 19 አዉ ናአይ ዎይ ዛሪ ያና፤ እ ደኤዳ ሳኣን እት አሳይነ ፓጻ ደኤና። 
\v 20 አዋይ ዶልያ ባጋ አሳይ አ ጋኬዳዋን ዳጋሜ፤ አዋይ ዉልያ ባጋ አሳይካ ያሻን ኮኮሬ። 
\v 21 አዉደካ ኢታ አሳቱዋ ዉርሰይ ሄዋ ማላ፤ ጾሳ ኤረናዋንቱ ካጫይካ ሄዋ ማላ” ያጌዳ።
\c 19
\s1 ኢዮብ ዛሪደካ ሃሳዬ
\p
\v 1 ሄዋፐ ጉይያን፥ ኢዮብ ዛሪደ፥ ሀዋዳን ያጌዳ፤ 
\v 2 “ህንተ ታና አዉደ ጋካናዉ ኡንኤቴ? አዉደ ጋካናዉ ህንተ ቃላን ታና ጋጪቴ? 
\v 3 ህንተ ታና ታሙ ገደ ቦሬድታ፤ ታና ካዉሺድካ ዬላትክታ። 
\v 4 ታን ቱሙ ባሌዳዋ ግድንቶካ፥ ታ ባላይ ታና ኦቻና። 
\v 5 ህንተ ታፐ ኬክያዋ ህንተዉ ማላትና፥ ‘ሀዌ መቱ ኡባይ አ ጋኬዳዌ፥ እ ባይዜዳ ድራሳ’ ያጊደ፥ ታ ቦላ ፕርዲታ። 
\v 6 ሽን ሀ መቱዋ ኡባ ታ ቦላ ጋዳዌነ ግትያን ታና ገልሴዳዌ ጾሳ ግድያዋ ኤርተ።
\p
\v 7 “ታን፥ ‘ናቀታድ’ ያጋደ ዋስና፥ ታዉ አልያዌ ባዋ፤ ቃላ ቁ ኦደ፥ ሱረ ፕርዳዉ ዋስናካ፥ ስስያዌ ባዋ። 
\v 8 ታን አናዳን ጾሳይ ታ ኦግያ ድሬዳ፤ ታ ሀመትያሳካ ማን ጎዜዳ። 
\v 9 ታ ዱረተ ታፐ ቃሬዳ፤ ታ ቦንቹዋካ ታፐ ድጌዳ። 
\v 10 እ ታና ኡባ ባጋና መንሬ የጌዳ፤ ታ ህዶታካ ጻጱዋና ቆለቴዳ ም ማላ ኦዳ። 
\v 11 አ ሀንቁ ታ ቦላ ኤጽ ከሴዳ፤ እ ታና ባረ ሞርክያዳን ፓይዴ። 
\v 12 ታ ቦላ ዶዳናዉ እ ባረ ኦላንቻቱዋ ኪቴ፤ ኡንቱንቱ ታና ኦላናዉ ኦግያ ጊግሲኖ፤ ታ ዱንካንያ ዩሹዋካ ዶዲኖ።
\p
\v 13 “ጾሳይ ታ እሻቱዋ ታፐ ሃሴዳ፤ ታና ኤርያዋንቱ ኡባና ታዉ አላጋ ግዴድኖ። 
\v 14 ታ ዳቦቱ ታፐ ሻከቴድኖ፤ ታ ላገቱካ ታና ዶጌድኖ። 
\v 15 ታ ሶን እማተን ሞኮዋንቱ ታና ዶጌድኖ፤ ታ ማጫ ቆማቱካ ታና እማዳንነ በትያዳን ጼሊኖ። 
\v 16 ታን ታ ቆማ ጼግና፥ ታዉ ኮየና፤ ታን ዎስናካ፥ ታዉ ኤኖ ጌና። 
\v 17 ታ ማቻታ ታ ዶና ፔኑዋ እጻዱ፤ ታ እሻቱካ ታና ሸነቲኖ። 
\v 18 ሀራይ አትና፥ ጉ ናናቱካ ታና ካኖ፤ ታና ጼልያ ዎደ፥ ታ ቦላ ቅሊጪኖ። 
\v 19 ታ ማታ ላገቱ ኡባይ ታና ሸነቲኖ፤ ታን ሲቅያዋንቱካ ታዉ ዞክያ ዛሬድኖ። 
\v 20 ታ መቀይ ታ ጋልባና ኦይቀቴዳ፤ ሀይቁዋፐ ላፋሳን ታን አታድ።
\p
\v 21 “ህንተኖ ታ ላገቶ፥ ጾሳ ኩሺ ታና ደቼዳ ድራዉ፥ ታዉ ቃረትተ። 
\v 22 ጾሳይ ታና የደርስያዋዳን፥ ህንተ ታና አያዉ የደርሲተ? ሀኖ ጋካናዉ ህንተ ታና ቱጋዬዳዌ ግደኔ?
\p
\v 23 “ሀኖ ጋካናዉ ታን ሃሳዬዳ ቃላይ፥ ዎይ ሀሳየቴዳ ግዴረኔሻ! ማጻፋንካ ዎይ ጻፈቴዳ ግዴረኔሻ! 
\v 24 ዳሮ ጋምአና ማላ፥ ብራታ ማርሳን ዛላ ቦላን ዎጨቲደ ጻፈቴረኔሻ!
\p
\v 25 “ታና ዎዜዳዌ ፓጻ ደእያዋነ ዉርሰን ቢታ ቦላን እ ኤቃናዋ ታን ኤራይ። 
\v 26 ታ ጋልባይ ሜተት ዉሮፐነ፥ ታን ታ አሹዋፐ ሻከታደ፥ ጾሳ በአናዋ ኤራይ። 
\v 27 ሀራ ኡራ ግደናን፥ ታን ታ ሁጲያን፥ ታ አይፍያን አ በአና። ሄዋ ድራዉ፥ ታ ዎዛናይ አያ ላሞቲ!
\p
\v 28 “ህንተ፥ ‘መቶ ኡንኩ አ ግዴዳ ድራዉ፥ አነ ሃይተ! አ የደርሴቶ!’ ጎፐ፥ 
\v 29 ማሻዉ ያይተ! ጾሳ ሀንቁ ማሻና ያና፤ ፕርዳይ ደእያዋካ ኤርተ” ያጌዳ።
\c 20
\s1 ጾፋራ ላኤን ሃሳያ
\p
\v 1 ናእማ ቢታፐ ዬዳ ጾፋር ሀዋዳን ያጊደ ዛሬዳ፤ 
\v 2 “ነ ሃሳያይ ታና ሀንቀዳ ድራዉ፥ ታን አይነ ጋምኤናን ነ ሃሳያዉ ዛሩዋ እማና። 
\v 3 ነ ሸቃ ሃሳያ ታን ስሳድ፤ አዉ በስያ ዛሩዋ ታና እማ እማ ጌ።
\p
\v 4 “አሳ ቢታ ቦላ ዎዳ ዎድያፐ ዶሚደ፥ በንፐካ ናጋራንቻ አሳቱዋ ጬቁ ቃን ዎድያሳ ግድያዋ ኤራሳ፤ 
\v 5 ጾሳ ኤረና አሳቱዋ ናሸቻይካ ልጴዳ አይፊ ጼላናሳ ግድያዋ ኔን ኤራሳ፤ 
\v 6 ኢታ አሳይ ሻርያ ጋካናዉ አዱቆፐካ፥ አ ሁጲካ ሻርያ ቦቾፐ፥ 
\v 7 እ ፓንዳዳን ፕተት ያና። አ ኤርያ ኡባይ፥ ‘እ ሀቃን ደኢ?’ ያጋና። 
\v 8 አኩሙዋዳን እ ፓል ያና፤ ስሚደካ ቤተና፤ ቃማ ሳጻዳን እ ይ ባሻና። 
\v 9 አ በኤዳ አይፈቱ ላኤንደ፥ አ በእክኖ፤ እ ባረ ደኢያሳፐካ ትፕ ጊደ ያና። 
\v 10 ኢታ አዉ ቦንቂ አኬዳ ሚሻ አ ናናቱ ባረንቱ ኩሽያን ጉየ ዛሪደ ህዬሳቶ ጭጋና። 
\v 11 ዎልቃን ኩሜዳ አ ያላጋተ ምኖታይ ጉ ዎድያፐ ጉይያን፥ ቢታ ከሳና።
\p
\v 12 “ኢታ አሳ ዶናን ኢታተይ ቁማዳን ማልእንቶካ፥ እ ባረ እንጻርሳፐ ጋርሳ ባጋና ገንፐካ፥ 
\v 13 ዉረናዳን ባረ ዶናን ጮሚደ፥ ዎ ባሽንቶካ፥ 
\v 14 አ ኡሎ ግዶን አ ቁማይ ላመታና፤ ዎያ ሾሻ ይሻ ማላ አዉ ግዳናዋ። 
\v 15 ኢታ ብታኒ ባረ ምቴዳ ዱረተ ሃ ጩቻና፤ አ ኡሉዋፐ ጾሳይ ጮሺደ ከሳና። 
\v 16 ኢታ ብታኒ ምትያባይ አዉ ይሻ ግዳናዋ፤ ሾሻ ይሻ ማላ ግዲደ፥ አ ዎና። 
\v 17 ኤሳይነ ማይ ሃዳን ጎግሽና፥ እ በኤናን ሀይቃና። 
\v 18 ባረ ዳቡሬዳ ዳቡራ ጫዋ ሜናን፥ ሀራዉ ሼና፤ ዛልኢደ ዎሴዳ ባረ ዎያንካ ናሸተና። 
\v 19 አያዉ ጎፐ፥ ህዬሳቱዋ እ ኡንኤዳ፤ ኡንቱንታ ሸነኮ ጌዳ፤ ሀራ አሳይ ኬጼዳ ጎልያካ ባረዉ አኬዳ።
\p
\v 20 “አ ዮራዉ ዛዋይ ባዋ፤ ባረ ዶስያዋ ካላናዉ ዳንዳየና፤ 
\v 21 እ ሜዳዋፐ ጉይያን፥ አያይነ ደኤና። ሄዋ ድራዉ፥ አ ዱረተይ ጋምኤና። 
\v 22 እ ዳሮ ማጹዋ ደምያ ዎደ፥ መቱ አ ቦላ ጋክ ዎና። 
\v 23 እ ሚደ ካልያ ዎደ፥ ጾሳይ አ ሙራናዉ ባረ ሱልያ ሀንቁዋ አ ቦላ ጉሳና። 
\v 24 ብራታ ማሻፐ እ ባቃታና፤ ሽን ናስያ አዳይ አ ጫዳናዋ። 
\v 25 ሄ አዳይ አዉ ዞክያና ካን ከሳና፤ ሄ ጶልያ ጼራይ አ ትርያ አደ፥ ጭሽያ ጉሳና። ዳጋማን አ ዎዛናይ ሻባረታና።
\p
\v 26 “እ ሺሼዳ አቁዋ ኡባይ ያና፤ አሳይ ኤቤና ታማይ አ ማና፤ አ ጎልያን አቴዳ አሳይ ኡባይካ ታማን ሜተታና። 
\v 27 ሳሎቱ ሀ ብታንያ ናጋራ ቆንጭሳና፤ ቢታይካ አ ቦላ ማርካታና። 
\v 28 ጾሳይ ሀንቀቲደ አህያ ቤታን አ ጎሊነ አዉ ደእያባይ ኡባይ ሾከቲደ ባና። 
\v 29 ጾሳይ ኢታ አሳቶ ዎዳ ካጫይ፤ ጾሳፐ ግሸቴዳ ግሹ ሀዋ” ያጌዳ።
\c 21
\s1 ኢዮብ ዛሪደካ ሃሳዬ
\p
\v 1 ሄዋፐ ጉይያን፥ ኢዮብ ሀዋዳን ያጊደ ዛሬዳ፤ 
\v 2 “አነ ታ ሃሳያ አኬኪደ ሀይዝተ፤ ስስያዌ ህንተ ታና ምንያዋ ግድ ፓይደቶ። 
\v 3 ታን እት ገደነ ሃሳያናዉ ታዉ ካጫ እምተ። ታን ሃሳያ ስምና፥ ቅሊጭተ! 
\v 4 ታን ሞተትያዌ አሳና ግደና። ያትና፥ ታዉ ዳንዳያይ ዉሮፐ፥ ሄዌ ማላልስያዌ? 
\v 5 አነ ታና ጼልተ፤ ማላለትተ፤ ህንተ ኩሽያንካ ህንተ ዶና ኦይቂተ። 
\v 6 ታና ጋኬዳዋ ታን ቆፕያ ዎደካ፥ ታና ዳጋን፤ ታ ቦላይካ ኮኮሬ።
\p
\v 7 “ኢታ አሳቱ አያዉ ፓጻ ደእኖ? ኡንቱንቱ ላይይ አያዉ አዱቂ? ኡንቱንቱ ዎልቃይካ አያዉ ዳር ዳር ብ? 
\v 8 ኡንቱንቶ ናናቱነ ናናቱዋ ናናቱ ደኢኖ፤ ኡንቱንቱ ድጭሽና በአናዉ፥ ጋምኢደ ደኢኖ። 
\v 9 ኡንቱንቱ ሶያይ ህርግ ባይናን ሳሮ ደኤ፤ ጾሳይ ኡንቱንታ ባረ ጋትማን ሾጭ ኤረና። 
\v 10 ኡንቱንቱ ኮሩማ ቦራቱ ማጫ ሚዛና ጋከትያ ዎደ፥ ኮለናን ኦይኖ፤ ማጫ ሚዛቱካ ሳልኤሰናን የሊኖ። 
\v 11 ባረንቱ ናናቱዋ ዶርሳ ዉድያዳን ከሲኖ፤ ኡንቱንቱ ናናቱካ ያን ሃን ጉፒኖ። 
\v 12 ዳርቢያ ባቂደነ ዲ ዲጺደ፥ የ የጺኖ፤ ሎኩዋ ፑኒደካ ናሸቲኖ። 
\v 13 ኡንቱንቱ ባረንቱ ደኡዋ ላይ እሻሉዋን ፖሊደ፥ ባረንቱ ዱፉዋካ ሳሮ ቢኖ። 
\v 14 ኡንቱንቱ ጾሳ፥ ‘ኑፐ ሃካ! ኑን ነ ኦግያ ኤራናዉ ኮዮኮ! 
\v 15 ኑን አዉ ኦናዉ ኡባ ዳንዳይያ ጾሳይ ኦኔ? ኑን አ ዎሲደ፥ ጎኤታናባይ አዬ?’ ያጊኖ። 
\v 16 ኡንቱንቱ ባረንቱ እሻሎ ደኡዋ ባረንቱ ምኖተን ደሜዶ ጊኖ፤ ሽን ታን ኡንቱንቱ ቆፋ አክከ።
\p
\v 17 “ኢታ አሳቱዋ ደኡዋ ጾምፒ ቶእ ኤሪ? ኡንቱንቱ ቦላ ባሻይ ዎ ኤሪ? ጾሳይ ባረ ሀንቁዋን ኡንቱንታ ሙር ኤሪ? 
\v 18 ጫርኩዋ ስንን ኡንቱንቱ ሱላዳን ሀኔዳ ዎዲ ደኢ? ጎቱ ፕት አፍያ ባናዳን ኡንቱንቱ ሀን ኤርኖ?
\p
\v 19 “ህንተ፥ ‘ጾሳይ አዎቱዋ ባይዙዋን ኡንቱንቱ ናናቱዋ ሙሬ’ ያጊታ። አነ ጾሳይ ናጋራንቻቱዋ ኡንቱንቱ ሁጲያን ሙሮ! ያትንቶ ኡንቱንቱ ባረንቱ ባይዙዋ ኤራና። 
\v 20 ኡንቱንቱ ባረንቱ ሙሩዋ ባረንቶ አክኖ። ኡባ ዳንዳይያ ጾሳ ሀንቁዋ ጹኣካ ኡንቱንቱ ባረንቱ ሁጲያን ኡሽኖ። 
\v 21 አያዉ ጎፐ፥ ኡንቱንቱ ሀይቂ ክቼዳዋፐ ጉይያን፥ ኡንቱንቱ ናናቱዋ አያይ ጋክንቶነ ኮይክኖ።
\p
\v 22 “ቦላ ቃን ደእያዋንታ ፕርድያ ጾሳ ኤራ ታማርሳናዉ ዳንዳይያ አሳይ ደኢ? 
\v 23 እት አሳይ ኩመን ዎልቃይነ ኩመን ሳሩ ደእሺና፥ እሻሉዋን ደኢድ ሀይቄ። 
\v 24 አ ቦላይ ኦርድ ደእሽን፥ አ መቀ ኮልዚካ ሽጭ ደእሺና ሀይቄ። 
\v 25 ሽን ሀራ አሳይ አ ሸምፑዋን ካዩ ፓጨናን፥ ባረ ደኡዋን ሙለካ ሎኦባ ደመናን ሀይቄ። 
\v 26 ኡንቱንቱ ላኡካ እት ማላ ቢታን ሞገቲኖ፤ ኡንቱንታ ላኡዋካ ጉጹነቱ ካሚኖ።
\p
\v 27 “ህንተ ታና ናቃናዉ ቆፒደ፥ ህንተ ዎዛናን ሀልቼዳ ሀልቹዋ ሙልያ ታን ሎይደ ኤራይ። 
\v 28 ህንተ፥ ‘ሄ ኢታ ኦያ፥ ዎልቃማ ብታንያ ጎሊ ሀእ ሀቃኔ?’ ያጊታ። 
\v 29 ኦግያና ሀመትያ አሳቱዋ ኦችበይክቴ? ኡንቱንቱ ኦድያዋ አማንክቴ? 
\v 30 ኡንቱንቱ፥ ‘ኢታ አሳቱ ባየ ጋላስ ቦሸተናን አቲኖ፤ ጾሳ ሀንቁ ቆንጭያ ጋላስካ ኡንቱንቱ ከስ አካና’ ያጊኖ። 
\v 31 ኢታ አሳ አ ኢታተዉ ኦኔ ዋላሳናዌ? እ ኦዳ ኢታባዉካ አ ሙራናዌ ኦኔ? 
\v 32 እ ሀይቂና፥ አ አሃ ዱፉዋ አፍያ ዎደ፥ አ ዱፉ ናገታና። 
\v 33 አሳይ ኡባይ አ ካሌ፤ ፓይዱ ባይና አሳይ አ ባልያን ፔሼ፤ አ ዱፉዋ ቢታይካ ኡቱላዳን አዉ ካዉሼ። 
\v 34 ያትና፥ ህንተ ታና ዎት መላ ኦዱዋን ምንቴ? ህንተ ታ ኦሻዉ ዛሬዳ ዛሩ ኡባይ ዎርዱዋ!” ያጌዳ።
\c 22
\s1 ኤልፋዝ ዛሪደካ ሃሳዬ
\p
\v 1 ሄዋፐ ጉይያን፥ ተማና ቢታፐ ዬዳ ኤልፋዝ ሀዋዳን ያጊደ ዛሬዳ፤ 
\v 2 “አሳይ ጾሳ ጎአናዉ ዳንዳዪ? ሀራይ አቶ አዳ ኤራንቻ ግድንቶካ፥ እ ባረና ጎአናፐ አትና፥ ጾሳ ጎኤና።\x - \xo 22:2 \xo*\xt ኢዮባ 35:6-8\xt*\x* 
\v 3 ኔን ጽሉዋ ግዶፐ፥ ሄዌ ኡባ ዳንዳይያ ጾሳ ናሸቺ? ነ ኦጊ ቶሺ ባይናዋ ግዶፐ፥ ሄዋን እ አያ ዎያ ደሜዴ?
\p
\v 4 “ኔን አ ቦንችያ ድራዉ፥ እ ኔና ሴሪነ ፕርዲ? 
\v 5 ነ ኢታተይ ዳራ ግደኔ? ነ ናጋራዉ ዛዋይ ባዋ። 
\v 6 ኔን ነ እሻቱዋ ጋሱ ባይናን ዋስያ ጼስሳዳ፤ አሳ ማዩዋካ ቃራደ ኡንቱንታ ካሎ አሻዳ። 
\v 7 ኔን ሳመቴዳዋንታ ሃ ኡሻባካ፤ ኮሻቴዳዋንታካ ቁማ ድጋዳ። 
\v 8 ኔን ነ ዎልቃንነ ነ ማታን ዘምፓደ፥ ሀራ አሳ ቢታ ነዉ ጮ አካዳ። 
\v 9 አምኤቱዋ መላ ኩሽያ የዳዳ፤ አዉ ባይናዋንታካ ኡቁናዳ። 
\v 10 ነ ዩሹዋን ግቲ ዶድ ኡቴዳዌ፤ አኬከናን ያሻይ ኔና ኮኮርስያዌካ ሄዋሳ። 
\v 11 ኔን በኤናዳን፥ ነዉ ምያዌ፤ ቃይ ኩን ሃይ ኔና ሙክያዌካ ሄዋሳ።
\p
\v 12 “ጾሳይ ቦላ ቃ ሳሉዋን ኡቲደ፥ ቃን ደእያ ጾልንተቱዋ ዱገ ጼሌ። 
\v 13 ሽን ኔን፥ ‘ጾሳይ አያ ኤሪ? እ ሄዋ ማላ፥ ጵ ጎ ማ ግዱዋናካ ፕርዳናዉ ዳንዳዪ? 
\v 14 ሳሉዋነ ሳኣ ዳንዋ ቦላ እ ስመረትያ ዎደ፥ እ በኤናዳን፥ ስኬዳ ሻሪ አ ጎዜ’ ያጋሳ።
\p
\v 15 “ናጋራንቻቱ ሀመቴዳ በን ኦግያን ባናዉ ቆፋ ቃቻዲ? 
\v 16 ኡንቱንቱ ባረንቱ ዎዲ ጋከናን ደእሺና ሀይቄድኖ፤ ኡንቱንቱ ደኡዋ ባሱካ ድኡዋን ሜጨት ዬዳ። 
\v 17 ኡንቱንቱ ጾሳ፥ ‘ኑፐ ሃካ! ኡባ ዳንዳይያ ጾሳይ ኑዉ አያ ኦናዉ ዳንዳዪ?’ ያጌድኖ። 
\v 18 ግዶፐነ፥ ኡንቱንቱ ጎልያን ሎኦባ ኩንዳዌ ጾሳ። ሄዋ ድራዉ፥ ኢታ አሳቱዋ ቆፋይ ታዉ ገለና።
\p
\v 19 “ኢታ አሳቱዋ ቦላ ጋክያዋ በኢደ፥ ጽሎቱ ናሸቲኖ፤ ሱረ አሳቱካ ሀዋዳን ያጊደ፥ ኡንቱንቱ ቦላ ቅሊጪኖ፤ 
\v 20 ‘ቱሙዋፐ ኑ ሞርከቱ ዬድኖ፤ ኡንቱንቱ ዱረተካ ታማይ ሜዳ’።
\p
\v 21 “ኢዮባ፥ ሀእካ ጾሳዉ ሞደታ፤ አናና ሳሮ ደአ። ያቶፐ፥ ኔን አንጀታና። 
\v 22 አ ዶናፐ ትምርትያ አካ፤ አ ቃላቱዋካ ነ ዎዛናን ዎ። 
\v 23 ኔናተ ሆክሳደ፥ ኡባ ዳንዳይያ ጾሳኮ፥ ኔን ስሞፐ፤ ኢታ ኦሱዋ ኡባ ነ ሶፐ ድጎፐ፤ 
\v 24 ነ ዎርቃ ሳኣን ኦሎፐ፤ ነ በርተ ዎርቃካ ሻፋ ሹቻን ኦሎፐ፤ 
\v 25 ኡባ ዳንዳይያ ጾሳይ ነዉ ዎርቃነ ዶረቴዳ ብራ ግዳናዋ።
\p
\v 26 “ሄዋፐ ጉይያን፥ ኔን ኡባ ዳንዳይያ ጾሳን ቱሙ ናሸታና፤ ዬላተናን ጾሳኮ ፑደ ጼላና። 
\v 27 ኔን ጾሳ ዎሳና፤ እ ስሳና፤ ቃይ ኔን ነ ቃንግያ አዉ ጋና። 
\v 28 ኔን ዞረታደ ቃቼዳዌ ነዉ ፖለታና፤ ነ ሀመትያ ኦግያንካ ፖኡ ፖአና። 
\v 29 አያዉ ጎፐ፥ ጾሳይ ኦቶረትያዋንታ ካዉሼ፤ ሽን ባረንታ ሆክስያዋንታ አሼ። 
\v 30 እ ሱረ አሳ ዎ አኬ። ነ ኩሺ ናቁዋፐ ጌሻ ግዶፐ፥ እ ኔና አሻና” ያጌዳ።
\c 23
\s1 ኢዮብ ዛሪደካ ሃሳዬ
\p
\v 1 ኢዮብ ሀዋዳን ያጊደ ዛሬዳ፤ 
\v 2 “ታን ሀእካ ጾሳ ቦላ ማካላይነ ዙዙማይ፤ አያዉ ጎፐ፥ ታን ኦልናካ አ ኩሺ ታ ቦላ ዴጽያዋ አግቤና። 
\v 3 እ ደኢያሳ ታን ኤራርክታሻ! እ ኡቴዳሳካ ጋካርክታሻ! 
\v 4 ያትንቶ፥ ታን ታ ሞቱዋ አ ስንን ብዳና ሽን! ታ ዶናካ ፓሉምያን ኩንና ሽን! 
\v 5 እ ታ ሞቶ ዛርያዌ አየንቶካ ታን ኤራና ሽን! እ ታና ግያዋካ አኬካና ሽን! 
\v 6 እ ባረ ዎልቃማ ዎልቃን ታናና ኤቀታኔሻ? ቱይት፥ ቱይት፥ እ ታን ኦድያዋ ስሳናፐ አትና፥ ሄዋ ሀነና። 
\v 7 ታ ዎዛናይ ሱረ ግድያ ድራዉ፥ ታን ጾሳና ሞተታናዉ ዳንዳያይ፤ እ ታ ዳናይ ታና መናዉ ሻትንና።
\p
\v 8 “ሽን አይሴ፥ ታን አዋይ ዶልያ ባጋ ቦፐ፥ እ ያን ደኤና፤ ቃይ ታን አዋይ ዉልያሳ ቦፐካ፥ አ ደምከ። 
\v 9 እ ሁጲሳ ባጋ ቢታን ኦያ ዎደ፥ ታን አ በእከ፤ ቃይ ገድሳ ባጋ ቢታ ስምያ ዎደካ፥ ታን አ ደምከ። 
\v 10 ሽን እ ታ ታንጉዋ ኡባ ኤሬ፤ እ ታና ፓጮፐ፥ ታን ዎርቃዳን ጌሻ ግድያዋ እ በአና። 
\v 11 ታን እ ሀመቴዳ ኦግያ ጌሻ ኦይቃደ ሀመታድ፤ አ ኦግያፐ ዎራ ስማበይከ። 
\v 12 አ ዶናፐ ከስያ አዛዙዋፐ ታን ሻከታበይከ፤ አ ቃላካ ታ ዎዛናን ዎድ።
\p
\v 13 “ጾሳይ ላመተና። አናና ኤቀታና፥ ዎይ ባረ ኮዬዳዋ እ ኦናዳን አ ድጋና አሳይ ባዋ። 
\v 14 እ ታዉ ሀልቼዳዋ ፖላና፤ ሄዋንቱ ማላ፥ ሀራ ዳሮ ሀልቾቱካ አዉ ደኢኖ። 
\v 15 ሄዋ ድራዉ፥ አ ስንን ኤቂያዌ ሎይ ታና ያሼ፤ ሄዋ ኡባባ ቆፓደ፥ ታን ኮኮራይ። 
\v 16 ታ ዎዛናይ ዳቡራናዳን ጾሳይ ኦዳ፤ ኡባ ዳንዳይያ ጾሳይ ታና ዳጋን። 
\v 17 ባራ ማይ ታ ሶምኡዋ ጎዝንቶካ፥ ታና ሄ ማይ ሃሳያ ድግቤና።
\c 24
\p
\v 1 “ኡባ ዳንዳይያ ጾሳይ ፕርድያ ዎድያ አያዉ ኬረኔ? አ ኤርያዋንቱ ሄ ዎድያ አያዉ በእክኖ? 
\v 2 ኢታ አሳቱ ባረንቱ ጋድያ አሳናዉ፥ ዛዋን ደእያ ሹቻ ቆሊኖ። ዶርሳካ ዉእ አሂደ፥ ባረንቱ ዶርሳ ዉድያን ጋደ ሄሚኖ። 
\v 3 አዉ ባይና ናናቱዋ ሀረቱዋ ላጊደ፥ አክ ቢኖ፤ አምአቲ ቦራካ አጮ ኦይቂደ፥ ባረንቶ አኪኖ። 
\v 4 ህዬሳቱዋ ባረ ማታ ደመናዳን ድጊኖ፤ ቢታን ደእያ ህዬሳቱዋ ኡባ ባረንቱ ስንፐ ቆሰኖ። 
\v 5 ባዙዋን ደእያ ዎራ ሀረቱዋዳን፥ ህዬሳቱ ምያዋ ኮዪደ ዎጸረቲኖ፥ ባረንቱ ናናቶካ ባዙዋፐ ቁማ ኮዪኖ። 
\v 6 ኡንቱንቱ ደምባን ሀራ አሳዉ ካ ጫኪኖ፤ ኢታ አሳቱዋ ዎይንያ ቴራ ዉርጩዋካ ቃርሚኖ። 
\v 7 ኡንቱንቱ ቃማ ካሎ አቂኖ፤ ሜጉዋ ዎደካ ቦላን ማይያዌ ኡንቱንቶ ባዋ። 
\v 8 ደረቱዋን ቡክያ እራን ኡንቱንቱ ጽርክኪኖ፤ ገልያሳ ዪደ፥ ሹቻ ቆሚኖ።
\p
\v 9 “ኢታ አሳቱ አዉ ባይና ናኣ አት ን ምያሳፐ ዳፍ አኪኖ፤ ህዬሳቱዋ ጉ ናናቱዋካ አጮ ኦይቂኖ። 
\v 10 ህዬሳቱ ማዩዋ ዪደ፥ ካሎ ሀመቲኖ፤ ኡንቱንቱ ቱኩዋ ኬዚደ ኮሻቲኖ። 
\v 11 ኡንቱንቱ ዛይትያ ከሳናዉ ዎጋራ ቴራ ፑርጺኖ፤ ዎይንያ ቴራካ ጉምኢደ ሳመቲኖ። 
\v 12 ካታማን ሀይቃና ሀንያ አሳቱ ኦሊኖ፤ ደሸቴዳ አሳቱካ ማዱዋ ኮዪደ ዋሲኖ፤ ሽን ጾሳይ ኡንቱንቱ መቱዋ ጼለና።
\p
\v 13 “ፖኡዋ እጽያ አሳቱ ደኢኖ፤ ኡንቱንቱ ፖኡ አየንቶ ኤርክኖ፤ አ ኦግያፐካ ዎራ ቢኖ። 
\v 14 ሸምፑዋ ዎያዌ ዎንቱማ ደንዲደ፥ ህዬሳቱዋነ መቶታንቻቱዋ ዎ፤ ቃማ ቃይ ካይሱዋዳን ዉኤ። 
\v 15 ሻርሙጽያዌ ሳአይ ማናዋ ናጌ፤ እ፥ ‘ኦንነ ታና በኦፖ’ ጊደ፥ ባረ ሶምኡዋ ካሜ። 
\v 16 ካይሳቱ ቃማ ጎልያ ቦኪደ፥ ዉአናዉ ገሊኖ፤ ሽን ጋላስ ፖኡዋ እጺደ፥ ቆሰት ፔሺኖ። 
\v 17 ኡንቱንታ ጋላሳ ፖኡ ያሼ፤ ሽን ቃማ ማይ ኡንቱንታ ዳጋንና።
\p
\v 18 “ኢታ አሳቱዋ ድኡዋ ሃይ ቁጪደ አፌ፤ ኡንቱንታ ጋኬዳ ጋዲ ሸቀቴዳዋ ግዴ። ኦንነ ኡንቱንቱ ዎይንያ ቱራ ሳኣ ቤና። 
\v 19 ሻቻይ ሆምቢያን ሙሽና፥ አዋይ አ መልስ ይስያዋዳን፥ ሄዋዳንካ፥ ናጋራንቻቱ ሀይቂደ ዪኖ። 
\v 20 ሀራይ አትና፥ የሌዳ አየቱካ ኡንቱንታ ሀሳይክኖ። ጉጹኒ ኡንቱንቱ አሹዋ ማልእና ሜ። ኡንቱንቱ ኢታ ኦሱካ ኩንዴዳ ምዳን መአና። 
\v 21 አያዉ ጎፐ፥ ኡንቱንቱ ናአይ ባይና ማይነ ማጫ አሳ ናቄድኖ፤ አምኤ ማጫ ምሽራትዉካ ማደናን እጼድኖ።
\p
\v 22 “ጾሳይ ባረ ዎልቃን ምኖቱዋ ይሴ፤ ኡንቱንቶ ሳአይ እንጀቶዋ ማላቶፐካ ደኡዋ ህዶታይ ባዋ። 
\v 23 ጾሳይ ኡንቱንቱ ሳሮ ደአናዳን ኦፐካ፥ ኡንቱንቱ ኦግያ ዎቼ። 
\v 24 ኢታ አሳቱ ጉ ዎድያዉ ቁ ቁ ጊኖ፤ ሽን ኤለካ ሻራፋዳን ሹል ዪኖ፤ ካዳን ጫከቲኖ።
\p
\v 25 “ሄዌ ሀነና ጊደ፥ ካድያ አሳይ ደኢ? ታን ኦዴዳ ቃላካ ዎርዱዋ ጊደ፥ አማንያ አሳይ ደኢ?” ያጌዳ።
\c 25
\s1 ብልዳደ ዛሪደካ ሃሳዬ
\p
\v 1 ሄዋፐ ጉይያን፥ ሹሀ ቢታፐ ዬዳ ብልዳደ ሀዋዳን ያጊደ ዛሬዳ፤ 
\v 2 “ጾሳይ ዎልቃማ ግድያ ድራዉ፥ አሳይ ያዪደ፥ አዉ ሞደቴ። እ ባረ ሳሉዋ ካዉተ ሳሩዋን ናጌ። 
\v 3 አ ኦላንቻቱዋ ፓይዳናዉ ዳንዳይያ አሳይ ደኢ? ጾሳ ፖኡ ጋከና ሳአይ ደኢ? 
\v 4 ያትና፥ አሳይ ጾሳ ስንን ዋን ጽሉዋ ግዳናዉ ዳንዳዪ? ማጫ አሳፐ የለቴዳ አሳይ ዋን ጌሻ ግዳናዉ ዳንዳዪ? 
\v 5 ጾሳ ስንን አግናይካ ዋጋጋ ፖኦ ግደና፤ አ ስንን ጾልንተቱካ ጌሻ ግድክኖ። 
\v 6 ያትና፥ ጾሳ ስንን ጉጹንያ ግድያ አሳይ አይ ኬሻ ላፌ?” ያጌዳ።
\c 26
\s1 ኢዮብ ዛሪደካ ሃሳዬ
\p
\v 1 ኢዮብ ሀዋዳን ያጊደ ዛሬዳ፤ 
\v 2 “ዎልቃይ ባይና አሳ ኔን አያ ማዱዋ ማዳዲ! ዳቡሬዳ ቀሰቱዋ ኔን አያ አሹዋ አሻዲ! 
\v 3 አዳ ኤራተይ ባይናዋ አያ ዞርያ ዞራዲ! አይ ኬሻ ዎልቃማ ኤራተ ቆንጭሳዲ! 
\v 4 ኔን ሀ ቃላ ሃሳያናዳን ኔና ኦኔ ማዴዳዌ? ቃይ ሀዋዳን ሃሳያናዉ ኔና ደንዳዌ ኦ አያኔ?” ያጌዳ።
\s1 ብልዳደ ባረ ሃሳያ ዉርሴ
\p
\v 5 ብልዳደ፥ “ሀይቄዳዋንቱ ሞይትለቱ ቢታፐ ጋርሳ ባጋና ሃ ግዶን ኮኮሪኖ። 
\v 6 ጾሳ ስንን ስኦሊካ ቆንጨ፤ አያይነ አ ገንናዉ ዳንዳየና። 
\v 7 ጾሳይ ሁጲሳ ባጋ ሳሎቱዋ ምጬዳ፤ ሳኣካ አየንቶ ባይና ሳን ካቄዳ። 
\v 8 እ ሻረቱዋን ሃ ኩን፤ ሃ ዴጹዋን ሻረቱ ዳከትክኖ። 
\v 9 ዶይሴዳ አግና እ ባረ ሻርያን ካሜ። 
\v 10 ፖኡዋ ማፐ ሻካናዉ፥ ሳሉ ሳኣና ዳንትያ ሳኣን ቃማይነ ጋላሳይ ላመትያ ዛዋ ጾሳይ ኤሴ። 
\v 11 እ ሴርያ ዎደ፥ ሳሎቱዋ ቱቀቱ ዳጋማዉ ኮኮሪኖ። 
\v 12 ባረ ዎልቃን አባ ጮኡ ኦዳ፤ ባረ አኬካን ራኣባ ግያ ዳዊያ ይሴዳ። 
\v 13 እ ሸምፕያ ሸምፑዋን ሳሎቱ ጌዬድኖ፤ አ ኩሺካ ጾንገትያ ሾሻ ዎዳ። 
\v 14 ሀዋንቱ ኡባይ ጾሳይ ኦዳ ኦሶቱዋፐ አማሬዳዋንታ፤ ኑን ስስያዌ ሳሱከ ጻላላ። ያትና፥ አ ዎልቃ ግታተ አኬካናዉ ዳንዳይያዌ ኦኔ?” ያጌዳ።
\c 27
\s1 ኢዮብ ዛሪደካ ሃሳዬ
\p
\v 1 ኢዮብ ሀዋዳን ያጌዳ፤ 
\v 2 “ታ ሱረ ፕርዳ ታና ድጊደ፥ ታ ደኡዋ ጫማ ከሴዳ፥ ኡባ ዳንዳይያ ደኡዋ ጾሳን ታን ጫቃይ። 
\v 3 ጾሳይ ታዉ ደኡዋ ሸምፑዋ እሜዳ ኬናን፥ 
\v 4 ታ ዶናይ ዎርዱዋ ሃሳየና፤ ታ እንጻርሳይካ ጭሙዋ ኦደና። 
\v 5 ህንተ ሃሳዬዳዌ ልከ ጋደ ታን አክከ፤ ሀይቃና ጋካናዉካ ታን ታ ሱረተ አግከ። 
\v 6 ታ ጽሎተ ምንሳ ኦይቃናፐ አትና፥ ጽሎተ አግከ፤ ታን ደኤዳ ላይ ኡባን ታ ዎዛናይ ካሀይ ታና ቁምኤና።
\p
\v 7 “ታ ሞርከቱነ ታናና ኤቀትያዋንቱ ኡባይ ኢታነ ባይዛንቻ አሳዳን ሙረትኖ። 
\v 8 ጾሳይ ኡንቱንቱ ሸምፑዋ ኡንቱንቱ አሹዋፐ ሻኪደ፥ ኡንቱንቱ ላይ ቃምስያ ዎደ፥ ኢታቶ ስንፐ ህዶታይ አዬ? 
\v 9 ኡንቱንቱ ቦላ መቱ ጋክያ ዎደ፥ ጾሳይ ኡንቱንቱ ዋሱዋ ስሲ? 
\v 10 ኡባ ዳንዳይያ ጾሳን ኡንቱንቱ ናሸታኔ? ኡንቱንቱ ኡባ ዎደ ጾሳ ጼሳኔ?
\p
\v 11 “ታን ህንተና ጾሳ ዎልቃባ ታማርሳና፤ ኡባ ዳንዳይያ ጾሳ ሀልቹዋ ታን ህንተፐ ቆስከ። 
\v 12 ህንተ ኡባይ ሀዋ ህንተ ሁጲያን በኤድታ። ያትና፥ ሀ ሜላ ሃሳያ አያዉ ሃሳዪቴ?
\p
\v 13 “ጾሳይ ኢታ አሳቶ እሜዳ ካጫይነ ኡቁንያ አሳቱ ኡባ ዳንዳይያ ጾሳፐ አክያ ዎይቱ ሀዋፐ ካልያዋ። 
\v 14 ኡንቱንቱ ናናቱ አይ ኬሻ ዳሮፐነ፥ ኡንቱንቱ ኦላን ዉሪኖ፤ ኡንቱንቱ ዛራቱካ ምያዋ ዪደ ኮሻቲኖ። 
\v 15 ሄዋፐ አቴዳዋንቱ ቦሻን ዉሪኖ፤ ኡንቱንቱ አምኤቱካ ኡንቱንቶ ዬክክኖ።
\p
\v 16-17 “ኢታ አሳቱ፥ ፓይድና ዉረና ብራ ሺሽናካ፥ ኡንቱንቱ ብራ ሱረ አሳቱ ሻክ አካና፤ ቃይ ማዩዋ ዳርሲደ ሺሽናካ፥ ኡንቱንቱ ሺሽያዋ ጽሎቱ ማያና። 
\v 18 ኡንቱንቱ ኬጽያ ጎለቱ ሻራሮታ ጎልያ ማላ፤ ናግያዋንቱ ኬጼዳ ጋባ ማላ።
\p
\v 19 “ኡንቱንቱ ዱረ ግዲደ፥ ባረንቱ ሂጻን ግሳና፤ ሽን ኡንቱንቱ ገምእሹዋፐ ቤጎትያ ዎደ፥ አያይነ ይና መላ አታናዋንታ። 
\v 20 ዳጋማይ ድኡዋዳን ቆፐናን ኡንቱንቱ ቦላ ያና፤ ቃማንካ ጎቲ ኡንቱንታ ደንደ አፋና። 
\v 21 አዋይ ዶልያ ባጋ ጫርኩ ኡንቱንታ ደኢያሳፐ ፕቲደ አፋና። 
\v 22 ኡንቱንቱ ከስ አካናዉ ባቃትሽና፥ ቃረት ባይናን ኡንቱንቱ ቦላ ዎና። 
\v 23 ዎልቃማ ኮሻ ስሲደ፥ ኡንቱንታ የደርሳና።
\c 28
\s1 አዳ ኤራተ ትምርትያ
\p
\v 1 “ብራ ቦክ ከስያሳይነ ዎርቃ ጌሻናዉ ሙሽስያ ሳአይ ደኤ። 
\v 2 ብራታይ አሳይ ቢታፐ ቦክና ከሴ፤ ናሃሲካ አ ሹቻ ሙሽስና ከሴ። 
\v 3 አሳይ ጾምፕያ አሂደ፥ ማ ጾኔ፤ ቢታ ጪሙዋ ጋኪደ፥ ጵ ጎ ማ ግዶን ሄ ሹቻ ኮዬ። 
\v 4 አሳይ ደኢያሳፐ ሃኪደ፥ አሳ ገዲ የ ኤረናሳ ቢደ፥ ሄዋን ጪማ ኦላ ቦኬ፤ ሄዋን ዎዶሩዋን ያነ ሃነ ኩሉሙሺደ፥ አሳፐ ሻከቲደ ደኤ። 
\v 5 ካይ ቢታፐ ሞኬ፤ ሽን ሄ ቢታ ግዱ ታማን ሙሺደ፥ አ አ ዎ። 
\v 6 ሄ ቢታ ግዶን ደእያ ሹቻፐ ሳምፔርያ ግያ አልኦ ሹቻይ ከሴ፤ አ ባና ግዶፐካ ዎርቃይ ቤቴ።
\p
\v 7 “ሄ ሹቻ ቦክያሳ አፍያ ኦግያ ጽንግሊ ኤረና፤ ጋጪካ በእቤና። 
\v 8 ኢታ ዶአቱ ባረንቱ ገድያን ሄ ሳኣ የ ኤርክኖ፤ ጋሙካ ሄዋና አና።
\p
\v 9 “አሳይ ምኖ ዛላ መንሬ፤ ደርያካ ቦኪደ፥ ጻጱዋፐ አ የጌ። 
\v 10 ዛላ ሉኪደ፥ አያ ኦግያ ከሲደ፥ ሄ አልኦ ሹቻካ ደሜ። 
\v 11 ሃ ፑልቱዋ ቦክኖ፤ ጌሜዳባቱዋካ ፖኡዋ ከሴ።
\p
\v 12 “ሽን አዳ ኤራተይ ሀቃፐ ቤታናዉ ዳንዳዪ? አኬካይ ቤትያ ሳአይ ሀቄ? 
\v 13 አሳይ አ ቱሙ ጋትያ ኤረና፤ አያዉ ጎፐ፥ አዳ ኤራተይ ፓጻ ደእያዋንቱ ቢታን ቤታናዉ ዳንዳየና። 
\v 14 ጪሙ፥ ‘አዳ ኤራተይ ታ ግዶን ባዋ’ ያጌ፤ አባይካ ታናና ግደና ጌ።
\p
\v 15 “አዳ ኤራተይ ዎርቃን ሻመተና፤ አ ጋቲካ ብራን ጌዳረተና። 
\v 16 አዳ ኤራተይ በርተ ዎርቃን፥ ማርግድያነ ሳምፔርያ ጌተትያ አልኦ ሹቻን ሻመተና። 
\v 17 ዎርቃይነ ማስቶትያ ኦሰቴዳ ሚሻቱዋ ጋቲ አናና ልከተና፤ ዎርቃፐ ኦሰቴዳ አልኦባንካ ላመተና። 
\v 18 አዳ ኤራተ ጋቲ የሌሉዋፐ፥ አልማዝያፐነ እንቁዋ ኡባፐ አ። 
\v 19 ቶጳዝዮንያ ግያ ቶጵያ እንቁካ አናና ልከተና፤ በርተ ዎርቃንካ ሻመተና።
\p
\v 20 “ያትና፥ አዳ ኤራተይ ሀቃፐ ዪ? አኬካይ ቤትያ ሳአይ ሀቄ? 
\v 21 ፓጻ ደእያ መታ ኡባፐ ጌም ኡቴዳ፤ ሳሉዋ ካፎቱካ አ ደምክኖ። 
\v 22 ባሻይነ ሀይቁ፥ ‘ኑን አዳ ኤራተዉ ኦዶ ጻላላ ኑ ሀይን ስሴዶ’ ያጊኖ።
\p
\v 23 “አዳ ኤራተኮ አፍያ ኦግያነ እ ደእያ ሳኣ ኤርያዌ ጾሳ ጻላላ። 
\v 24 አያዉ ጎፐ፥ ጾሳይ ሳኣ ጋጻ ኡባ ጼሌ፤ ሳሎቱዋፐ ጋርሳና ደእያዋ ኡባ በኤ። 
\v 25 ጾሳይ ጫርኮ ዎልቃ እሜዳ ዎደነ ሻርያ ሃ ልኬዳ ዎደ፥ 
\v 26 እራይካ ሀቃን ቡካነንቶ፥ ዋልቃንይካ ሀቃን ዎነንቶ ዎጋ ዎዳ ዎደ፥ 
\v 27 እ ሄ ዎደ፥ አዳ ኤራተ በኢደ ፓጬዳ፤ ሎአ ጌዳ። 
\v 28 ሄዋፐ ጉይያን፥ ጾሳይ አሳዉ ኦዲደ፥ ‘ጾሳዉ ያይያዌ አዳ ኤራተ፤ ኢታፐ ሃክያዌካ አኬካ’ ያጌ” ያጌዳ።\x - \xo 28:28 \xo*\xt ማዝ. 111:10፤ ሌም. 1:7፤ 9:10\xt*\x*
\c 29
\p
\v 1 ኢዮብ ቃይካ ሀዋዳን ያጌዳ፤ 
\v 2 “ሀእ ታ ደእያ ደኡ ጾሳይ በን ታና ናጌዳ ዎድያዋ ማላ ግዴረኔሻ! 
\v 3 አ ጾምፒ ታ ቦላ ፖእና፥ ታን ማን አደ አ ፖኡዋን ሀመታድ። 
\v 4 ሄ ዎዲ ጾሳይ ታናነ ታ ሶ አሳ ናግና፥ ታን ታ ኩመን ዎልቃና ደኤዳ ዎደ። 
\v 5 ሄ ዎደ ኡባ ዳንዳይያ ጾሳይ ታናና ደኤ፤ ታ ናናቱካ ታ ዩሹዋን ደኢኖ። 
\v 6 ታን ታ ኩሽያ ማን ሜጨታድ፤ ታ ዎጋራ ጉምኢያሳፐካ ዛይቲ ሻፋዳን ጎጌዳ።
\p
\v 7 “ታን ካታማን ደእያ ፕርዳ ጎልያ ቤዳ ዎደ፥ ዳናቱዋና እትፐ ኡታድ። 
\v 8 ሄ ዎደ ያላጋቱ ታና በኢደ፥ ኦግያ እሜድኖ፤ ጭማቱካ ታና ቦንቻናዉ ደንድ ኤቄድኖ። 
\v 9 ካፓቱ ሃሳይያዋ አግ ባሼድኖ፤ ባረንቱ ዶናንካ ባረንቱ ኩሽያ ዎድኖ። 
\v 10 ሄ ካታማን ደእያ ዎልቃማ አሳቱካ ጮኡ ጌድኖ፤ ኡንቱንቱ እንጻርሳይካ ኡንቱንቱ ኮክያ ባቂ ኦይቄዳ።
\p
\v 11 “ታዋ ስሴዳዋንቱነ ታና በኤዳዋንቱ ኡባይ ታና ጋላቲደ ሃሳዬድኖ። 
\v 12 አያዉ ጎፐ፥ ማዶ ዋስያ ህዬሳቱዋነ አዉ አታ ይና፥ ማድያዌ ባይናዋንታ ታን አሻድ። 
\v 13 ሀይቃና ሀንያ ብታኒ ታና አንጄዳ፤ አምአታካ ታ ማዱዋን ናሸታዱ። 
\v 14 ታን ጽሎተ ማዩዋዳን ማያድ፤ ሱረ ፕርዳይካ ታ አፍላ ማላነ ቁማሻ ማላ። 
\v 15 ታን ቆቀቶ አይፍያ፥ ዎባቱዋ ገድያ ግዳድ። 
\v 16 ህዬሳቶ አዉዋ ግዳድ፤ ታን ኤረና አሳቶካ አባካቶ ግዳድ። 
\v 17 ታን ኢታቱዋ ጋፓታ መንድ፤ ኡንቱንቱ ሻንካቲደ ኦይቄዳዋንታካ ኡንቱንቱ ዶናፐ ዎ አካድ።
\p
\v 18 “ታን ታ ቆፋን፥ ‘ታን አዱሳ ላይ ታ ሶ አሳ ግዱዋን ደኣደ ሀይቃና። 
\v 19 ታን ባረ ጻጶቱዋ ሃ ግዶ የዴዳነ ከተርሳይ ቃማ ኡባን አ ታሽያ ቦላ ደእያ ም ማላ። 
\v 20 ታን ኡባ ዎደካ ቦንቼታደ ደአና፤ ታ ዎልቃይካ ኡባ ዎደ ኦራጻና’ ጋደ ቆፓድ።
\p
\v 21 “ታን ሃሳይያዋ አሳይ ስርጵ ግ ሀይዚደ፥ ታ ዞርያ አኬዳ። 
\v 22 ታን ሃሳዬዳዋፐ ጉይያን፥ ኡንቱንቱ ዛረደ ሃሳይበይክኖ፤ አያዉ ጎፐ፥ ታ ቃላይ ኡንቱንቱ ዎዛናን ጾኬዳ። 
\v 23 ጎሻንቻይ እራ ናግያዋዳን፥ ኡንቱንቱ ታን ሃሳያናዋ ስሳናዉ ሀንጊደ ናጌድኖ። 
\v 24 ኡንቱንቱ ህርግ ኡት ደእሽን፥ ታን ታ ሶምኡዋ ፓሽክሳድ፤ ሄዋን ኡንቱንቱ ምንቴድኖ። 
\v 25 ታን ኡንቱንቱ ደአና ኦግያ ዶራድ፤ ኡንቱንቱ ካፑዋዳን ኡታድ። ባረ ኦላንቻቱዋ ግዶን ደእያ ካትያዳን፥ ታን ኡንቱንቱ ግዶን ደኣድ። ቃይ ካዮትያዋንታ ምንያ አሳ ማላ ግዳድ።
\c 30
\p
\v 1 “ሽን ሀእ ታፐ ያላግያ አሳቱ ታና ቅሊጪኖ። ኡንቱንቱ ታ ዶርሳ ዉድያ ሄምያ ካናቱዋ ማዳና ጊናካ ታን ድጌዳ አዎቱዋ ናናቱዋ። 
\v 2 ኡንቱንቱ አዎቱ ዎልቃይ እጼዳዋንታነ ቦላ ግልቄዳዋንታ ግዴዳ ድራዉ፥ ታና አይነ ማድበይክኖ። 
\v 3 መቱዋነ ኮሻ ጋሱዋን ቃማ ደንዲደ፥ ባዙዋ ቢደ፥ ጻጱዋ ጮሜድኖ። 
\v 4 ቃይ ሻራፋነ ቦንጭያ ማጼድኖ፤ ማልኤና ሳንካራ ጻጶቱዋካ ሜድኖ። 
\v 5 አሳይ ዋሲደ፥ ካይሶቱዋ የደርሴዳዋዳን፥ አሳ ግዶፐ ኡንቱንታ የደርሴዳ። 
\v 6 ኡንቱንቱ ዛንጋራ ግዶን፥ ጎንጎሎ ግዶንነ ዛላ ጎንጎሉዋ ግዶን ደኤድኖ። 
\v 7 ኡንቱንቱ ቡራ ግዶን ባዞ ዶአቱዋዳን ዋሴድኖ፤ ዶቢያ ጋርሳን ሺቂደ፥ እትፐ ደኤድኖ። 
\v 8 ኡንቱንቱ ቃይጼርያን ሾጨቲደ፥ ቢታፐ የደርሰቴድኖ። ኡንቱንቱ ሱንና ባዪደ፥ ቦዛ ግዲደ ደኤድኖ።
\p
\v 9 “ሀእ ኡንቱንቱ ናናቱ ታና የን ቅሊጪኖ፤ ታን ኡንቱንቱ ግዶን ሌምሲደ ኦድያዋ ግዳድ። 
\v 10 ኡንቱንቱ ታና ሸነቲደ፥ ታፐ ሃኪኖ፤ አይነ ዬላተናን ታ ሶምኡዋን ጩቻ ጩቺኖ። 
\v 11 ጾሳይ ታ ዎልቃ ላፈደ፥ ታና ካዉሼዳ ድራዉ፥ ኡንቱንቱ ታና ቆሀናዉ፥ ብጻላ ከስ ድጌዳ ፓራዳን፥ የዳ ግዴድኖ። 
\v 12 ሀ ሴር ባይናን ድጬዳ ናናቱ ታ ቦላ ደንዲደ፥ ታና የደርሲኖ፤ ኡንቱንቱ ታና ይሳናዉ ታ ቦላ ዶዲኖ። 
\v 13 ኡንቱንቱ ታ ሀመትያ ኦግያ ጎርዲደ፥ ታና ይሳናዉ ኮዪኖ፤ ኦንነ ኡንቱንቱ ሄዋ ኦናዋ ድገና። 
\v 14 ኦላንቻቱ ካታማ ድርሳ መንደ ገልያዋዳን፥ ኡንቱንቱ ታ ቦላ ዬድኖ። 
\v 15 ዎልቃማ ዳጋማይ ታና ድፕ ኦዳ፤ ታ ቦንቹካ ጫርኩ አፍያዋዳን ቤዳ፤ ታ እሻሉካ ሻርያዳን ዬዳ።
\p
\v 16 “ታ ሸምፓታ ኡንኤታዱ፤ ቱጋ ጋላሳቱ ታና ጭርፕ ኦይቄዳ። 
\v 17 ቃማ ቃማ ሳኩ ታ መቀ ጮሜ፤ ሴላይካ ሸምፕ አከናን ገደ ጉጄ። 
\v 18 ታ ማዩ ጉንዲደ ባዬዳ፤ ሻምጭያ ቆያዳን፥ ታና ጩል ኦይቄዳ። 
\v 19 ጾሳይ ታና ኡርቃን ኦሌዳ፤ ታን ቢታፐ ብድንፐ ኬከና አሳ ግዳድ።
\p
\v 20 “አቤት ጾሳዉ፥ ታን ነዉ ዋሳይ፤ ሽን ኔን ታዉ አላበይካ። ኤቃደ ኔና ዎሳድ፤ ሽን ኔን ታ ዎሳ ስሳበይካ። 
\v 21 ኔን ካሰዋፐ ዱማታደ፥ ታዉ መቀ ኢታዳ፤ ነ ዎልቃማ ዎልቃን ታና የደርሳሳ። 
\v 22 ኔን ታና ጫርኩዋን ደንዳ፤ አ ቶግሳዳ፤ ጎትያንካ ታና ጎንዶርሳዳ። 
\v 23 አሳዉ ኡባዉ ዉርሰ ግዴዳ ሀይቆ ኔን ታና አደ እምያዋ ታን ኤራይ።
\p
\v 24 “ኩንዲደ መኤዳ አሳይ ቱጋቲደ፥ ‘ታና ማዳርኪ’ ጊደ ዋስና፥ አዉ ቃረተና አሳይ ደኢ? 
\v 25 ቱጋን ደእያዋንቶ ታን ዬካበይክታ? ህዬሳቶ ታን ቃረታበይክታ? 
\v 26 ሎኦባ ደማና ጋደ ታን አሞትያ ዎደ፥ ኢታባይ ታና ጋኬዳ። ታዉ ሳአይ ኬኬ ጋደ ታን ናግያ ዎደ፥ ጋላሳይ ታዉ ሜዳ። 
\v 27 ታ ዎዛናይ ህርጌዳ፤ ታን ዎፓ ደማበይከ፤ ጋላሳፐ ጋላሳን ታ ቱጋይ ያ ዳሬዳ። 
\v 28 ታ ቦላይ አዋ ሱሉዋን ግደናን ካዩዋን ካረጼዳ፤ ታን ሺቁዋን ኤቃደ፥ ‘ታና ማድተ!’ ጋደ ዋሳይ። 
\v 29 ታን ዎራካናቶ እሻ፥ ሳጎንያዉካ ዳቦ ግዳድ። 
\v 30 ታ ጋልባይ ካረጺደ፥ ፖቀት ፖቀት ዎ፤ ታ ቦላይካ ምሹዋን ጹገቴ። 
\v 31 ሄዋ ድራዉ፥ ታ ድንኪ ዝላሳዉ ፑነቴዳ፤ ታ ህጽጺካ ዬኮ ፑነቴዳ።
\c 31
\p
\v 1 “ማላንቻ ማጫውኖ ጼላደ አሞተናዳን፥ ታን ታ ዎዛና አይፍያና ጫቁዋ ጫቀታድ። 
\v 2 ቦላን ደእያ ጾሳይ ታዉ አያ ካጫ እማንዴሻ? ሳሉዋን ደእያ ኡባ ዳንዳይያ ጾሳይ አሳዉ እምያ ዎይቱ አያ ግዳንዴሻ? 
\v 3 ኢታቱዋ ቦላ ቦሻይ፥ ባይዙዋ ኦያዋንቱ ቦላ ባሻይ ጋካናዌ ኤረቴዳዋ ግደኔየ? 
\v 4 ጾሳይ ታ ሄመታ ኡባ በኤ፤ ታ ታንጉዋ ኡባካ ፓይዴ።
\p
\v 5 “ታን ዎርዱዋ ሙለካ ኦበይከ፤ አሳካ ጭማናዉ ካጄላበይከ። 
\v 6 ጾሳይ ታና ልከ ሚዛናን ማዛኖ፤ ያቲደ ታን ጽሉዋ ግድያዋ ኤሮ። 
\v 7 ታ ሀመታይ ኦግያፐ ሸርኤዳባ ግዶፐ፥ ታ ዎዛናይካ ታ አይፊ ጼሌዳዋ አሞቴዳዋ ግዶፐነ፥ ቃይ ታ ኩሺካ ናጋራን ቱኔዳዋ ግዶፐ፥ 
\v 8 ታ ጫርሻይ ኡባይ ሾደት ዮ፤ ታን ዘሬዳዋካ ሀራይ ሞ።
\p
\v 9 “ታ ዎዛናይ ታ ሾሩዋ ማጫ አሳ አሞቴዳዋ ግዶፐ፥ ዎይ ታን እዝ ፐንገን ዙጋደ ናጌዳዋ ግዶፐ፥ 
\v 10 ታ ማቻታ ሀራ አሳዉ ጋጩ፤ ቃይ ሀራ አቱማ አሳቱ ኢናና ግስኖ። 
\v 11 አያዉ ጎፐ፥ ሻርሙጽያዌ ሎይ ፖካነ ፕርዳን ሙርስያ ናጋራ። 
\v 12 ሀ ናጋራይ ታማዳን ጹጊደ፥ ታ ማጹዋ ኡባ ይስያዋ።
\p
\v 13 “ታን ታ አቱማ ዎይ ታ ማጫ ቆማቱ ታና ሞትና፥ ኡንቱንቱ ሞቱዋ ካዳዋ ግዶፐ፥ 
\v 14 ጾሳይ ታና ብድያ ዎደ፥ ታን ዋናኔ? ቃይ እ ታና ኦችያ ዎደ፥ ታን ዋጋ ዛራኔ? 
\v 15 ታና መዳ ጾሳይ ታ ቆማቱዋካ እ መዳ። ኑና ኡባካ ኑ አት ኑ አት ኡሉዋን መዳዌ እት አ ጻላላ።
\p
\v 16 “ታን ህዬሳቱ ዎሴዳዋ ድጋድታንቶ፥ ዎይ አምኤቱዋ ምንናን አጋድታንቶ፥ 
\v 17 አዉ አታ ባይና ናናቱ መላ አቅያ ዎደ፥ ታን ታ ቁማ ታረካ ማበይከ። 
\v 18 ታን ኡንቱንታ ታ ያላጋተፐ ዶማደ፥ ኡንቱንቱ አዉዋዳን ድቻድ፤ ታ አት ኡሉዋፐ የለቶደፐ ዶማደ፥ አምኤቱዋ ማዳድ። 
\v 19 ማዩ ይና፥ ሜጉ ዎያ ኡራ፥ ዎይ ካሎ ደእያ መቶታንቻ ደምያ ዎደ፥ 
\v 20 ታ ዶርሳቱዋ እክስያፐ ኦሰቴዳ ማዩዋ ታን ኡንቱንታ ሆኤዳዋፐ አትን፥ ኡንቱንቱካ ባረንቱ ፖሎ ዎዛናን ታና ጋላታነንቶፐ አትን፥ 
\v 21 ታን ሞቱዋን ኡንቱንታ ሻትማናዋ ኤራደ፥ አዉ ባይና ናናቱዋ ናቄዳዋ ግዶፐ፥ 
\v 22 ታ ቄሲ ኩርያፐ መኦ፤ ታ ኩሺካ ሀሽያፐ ካረት ዎ። 
\v 23 ሄዋ ታን ኦናዌ ጾሳ ሙሮ ያይያ ድራሳነ አ አንጋይ ታና ዳጋንያ ድራሳ።
\p
\v 24 “ታን ዎርቃን አማነቴዳዋ ግድንቶ፥ ሙሩታ ዎርቃካ፥ ‘ታን ኔናን ጬቀታይ’ ጋድታንቶ፥ 
\v 25 ታ ዱረተ ዳሩዋን፥ ታ ኩሺ ደሜዳ ዎያን ታን ናሸታድታንቶ፥ 
\v 26 አዋ ጶለ ዎይ አግና ሎኦተ በኣደ፥ 
\v 27 ታ ዎዛናን ጌማን ኡንቱንታ ቦንቻድታንቶ፥ ዎይ ታ ኩሽያ ፕድ ኦ የራደ፥ ኡንቱንታ ቦንቻድታንቶ፥ 
\v 28 ቃን ደእያ ጾሳ ካዳድ ሽን። ሄ ናጋራይካ ፕርዳን ሙርስያ ናጋራ ግዴ ሽን።
\p
\v 29 “ታ ሞርከቱዋ ጋኬዳ ኢታ ካጫን ታን ናሸታበይከ፤ ኡንቱንታ ጋኬዳ መቱዋንካ ሆምቦጫበይከ። 
\v 30 ‘ታ ሞርኪ ዮ’ ያጋ ሸቃደ፥ ናጋራ ኦበይከ። 
\v 31 ታን ኡባ ገደ እማ ሞክያዋ ታ ቆማቱ ታዉ ማርካቲኖ። 
\v 32 ሳአይ ቃሜዳ አሳ ካረን አይሳበይከ፤ ታን ታ ጎልያ ፐንግያ ኦግያና ብያዎ ኡባዉ ዶያ ዎድ። 
\v 33 አሳይ ቆስያዋዳን፥ ታን ታ ናጋራ ታ ሾጵያን ቆሳበይከ። 
\v 34 ታን አሳ ሃሳያደ ዳጋማበይከ፤ ኡንቱንቱ ቦርያዉ ያያደ፥ ታን ጮኡ ጌዳ ዎዲነ ካረ ከሰናን አጌዳ ዎዲ ባዋ።
\p
\v 35 “ታን ሃሳይያዋ ስስያዌ ደኤረኔሻ! ታን ሃሳዬዳዌ ኡባይ ቱማ ግድያዎ ታን ፓራማይ፤ ኡባ ዳንዳይያ ጾሳይ ታዉ ዛሩዋ እሞ። ታ ባልጋራይ ታና ሞቴዳ ፓይሊ ደእና፥ በኣርክታሻ! 
\v 36 ዎይቱዋዳን ታን ታ ሀሽያን ዎና ሽን! ካላቻዳን ታ ሁጲያን ቶካናሽን! 
\v 37 ታን ካፑዋዳን አኮ ሺቃደ፥ ታ ኦዳዋ ኡባ አዉ ኦዳና ሽን!
\p
\v 38 “ታ ጎሻ ቢታይ፥ ‘ታና ቦንቃ አካዳ!’ ጊደ፥ ታ ቦላ ዋሴዳዋ ግዶፐ፥ ታ ያፋራቱካ ታ ቦላ ዬኬዳዋ ግዶፐ፥ 
\v 39 ሄ ቢታን ሞኬዳ ሚሻ ቃንጸናን ጮ ሜዳዋ ግዶፐ፥ ዎይ ሄ ቢታ ኦያዋንታ ኮሻን ዎዳዋ ግዶፐ፥ 
\v 40 ታዉ ዛርጋ ድራዉ አጉንይ፥ ባንጋ ድራዉካ ሻራፋይ ሄ ቢታን ሞኮ” ያጌዳ።
\p ኢዮባ ሃሳያይ ሀዋን ፖለቴዳ።
\c 32
\s1 ኤልሁ ሃሳዬ
\r (32:1—37:24)
\p
\v 1 ኢዮብ፥ “ታን ጽሎ አሳ” ጌዳ ድራዉ፥ ሀ ሄዙ አሳቱ አዉ ዛሩዋ እምያዋ አግ ባሼድኖ። 
\v 2 ኢዮብ ጾሳ ጽሉዋ ግያዋ አጊደ፥ ባረና ጽሉዋ ኦዳ ድራዉ፥ ራማ ያራ ግድያ ቡዝያ ባርኬላ ናአይ ኤልሁ ኢዮባ ቦላ ሎይ ሀንቀቴዳ። 
\v 3 ኤልሁ ቃይ ኢዮባ ሄዙ ላገቱዋካ ሀንቀቴዳ፤ አያዉ ጎፐ፥ ኡንቱንቱ አ ጮ ባይዛንቻ ጌድኖፐ አትና፥ አዉ ሱረ ዛሩዋ ዛራናዉ ዳንዳይበይክኖ። 
\v 4 ኤልሁ ኡንቱንቱፐ ቴፋትያ ድራዉ፥ ኡንቱንቱ ኡባይ ሃሳያ ዉርሳና ጋካናዉ ናጌዳ። 
\v 5 ሀ ሄዙ አሳቱ ኢዮባዉ ግድያ ዛሩዋ እማናዉ ዳንዳይቤናዋ በኢደ፥ እ ሎይ ሀንቀቴዳ።
\p
\v 6 ቡዝያ ባርኬላ ናአይ ኤልሁ ሀዋዳን ያጊደ፥ ሃሳያ ዶሜዳ፤ “ታን ላይን ናአታይ፤ ህንተ ታፐ ጭሚታ። ሄዋ ድራዉ፥ ታን ታ ቆፋ ህንተዉ ኦዳናዉ ያያድ። 
\v 7 ታን፥ ‘ጭማቱ ሃሳይኖ፤ ባረንቱ ዳሮ ላይን ደሜዳ አዳ ኤራተ ታማርስኖ’ ጋደ ቆፓድ። 
\v 8 ሽን አሳኮ ዪደ፥ አዳ ኤራተ አሳዉ እምያዌ ኡባ ዳንዳይያ ጾሳ አያና። 
\v 9 አሳ አዳ ኤራንቻ ከስያዌ ጭማተ ግደና፥ ዎይ ልከባይ ገልያዌ ዳሮ ደኤዳ አሳቱዋሳ ግደና። 
\v 10 ሄዋ ድራዉ፥ ስስተ፤ ታንካ ታ ቆፋ ህንተዉ ኦዳና።
\p
\v 11 “በእተ፥ ህንተ ሃሳይያ ዎደ፥ ታን ጮኡ ጋደ ሀይዛድ፤ ህንተ ሃሳያና ቃላ ቆፓደ ናጋድ። 
\v 12 ታን ህንተ ግያዋ ኡባ ዉርሳ ስሳድ፤ ሽን ህንተፐ ኦንነ ኢዮብ ባይዛንቻ ጊደ አማንቤና፤ ቃይ ህንተፐ ኦንነ አ ፓላማዉ በስያ ዛሩዋ እምቤና። 
\v 13 ኢዮባ ሃሳያዉ ካልስያ ዛሩዋ ዛራናዌ ጾሳፐ አትና፥ አሳ ግደና ድራዉ፥ ህንተ፥ ‘ኑን አዳ ኤራተ ደሜዶ’ ጌናዳን ናገትተ። 
\v 14 ኢዮብ ፓሉመቴዳዌ ህንተናናፐ አትና፥ ታናና ግደና። ታን ህንተ ሃሳዬዳዋዳን አዉ ዛሩዋ እምከ።
\p
\v 15 “ኢዮባ፥ ኡንቱንቱ ዳጋሚደ፥ ነ ሃሳያዉ ዛሩዋ እማናዉ ዳንዳይበይክኖ፤ ኡንቱንቶ ሃሳይያዌ ዬዳ። 
\v 16 ኡንቱንቱ ሃሳይያዋ ዪደ፥ ጮኡ ጊደ ኤቆፐ፥ ታንካ ናጋናዉ ኮሺ? 
\v 17 ታዉካ ኦድያዌ ደኤ፤ ታንካ ታ ቆፋ ኦዳና። 
\v 18 ዳሮ ሃሳይያዌ ደእያ ድራዉ፥ ታ ግዶን ደእያ አያናይ ታና ኦዳ ጊደ ግዴ። 
\v 19 በእተ፥ ታዉ ሃሳይያ ካላይ እመተናዋ ግዶፐ፥ ታን ሆኦ ዎይንያ ኤሳይ ኩሜዳ ኦጎሩዋዳን ቃና ሀናይ። 
\v 20 ታዉ ሀዋፐ ጉ ኬካና ማላ፥ ታን ሃሳያናዉ ኮሼ፤ ታ ዶናካ ዶያደ፥ ታን ታ ዛሩዋ እማናዉ ኮሼ። 
\v 21 ሀ የዉዋን ታን ኦናነ ማድከ፥ ዎይ አይ አሳነ ጮ ሳቢከ። 
\v 22 አያዉ ጎፐ፥ አሳ ጮ ሳቢያዌ ታዉ ሙለካ ኤረተና። ታን ቃይ ሄዋ ሀኖፐ፥ ታና መዳዌ ታና ሙራና።
\c 33
\p
\v 1 “ኢዮባ፥ ሀእ ታን ኦድያዋ ስሳ፤ ታ ግያዋ ኡባ ሀይዛ። 
\v 2 ሃሳያናዉ ጊጋድ፤ ታ ቃላቱካ ታ እንጻርሳ ጼራን ደኢኖ። 
\v 3 ታ ሃሳይያ ቃላቱ ታ ዎዛና ሱረተ ቆንጭሲኖ፤ ታን ኤርያዋ ታ እንጻርሳይ ቱማተን ሃሳዬ። 
\v 4 ታና ጾሳ አያናይ መዳ፤ ኡባ ዳንዳይያ ጾሳ ሸምፑ ታዉ ደኡዋ እሜዳ። 
\v 5 ኔን ዳንዳይያዋ ግዶፐ፥ ታዉ ዛሩዋ እማ፤ ኔና ጊግሳደ፥ ታናና ጋከታ።
\p
\v 6 “በአ፥ ታን ጾሳ ስንን ነ ማላ፤ ቃይ ታንካ ኡርቃፐ መታድ። 
\v 7 ኔን ታዉ ያይያ ጋሱ ባዋ፤ ታን ኔና ናቂከ።
\p
\v 8 “ነ ሃሳያ ኡባ ታን ሀይዛደ ታካድ፤ ኔን ሀዋዳን ያግሽን ስሳድ፤ 
\v 9 ‘ታን ጌሻነ ቶሺ ባይና አሳ፤ ታን ጽሉዋነ ናጋራ ኦቤና አሳ። 
\v 10 ሽን ጾሳይ ታና ሙራናዉ ጋሱዋ ኮዬ፤ እ ታና ባረ ሞርክያዳን ፓይዴ። 
\v 11 ታ ገድያ ገድያ ብራታን ቃቼ፤\x - \xo 33:11 \xo*\xt ኢዮባ 13:27\xt*\x* ታን ታንግያ ታንጉዋ ኡባካ እ ዎቼ’ ያጋዳ።
\p
\v 12 “ኢዮባ፥ ኔን ሀ ሃሳያን ልከ ግዳካ! አነ ታን ነዉ ኦዳይ፤ ጾሳይ አሳፐ አ። 
\v 13 ኔን፥ ‘ጾሳይ ታን ሃሳዬዳ ሃሳያዉ ዛሩዋ እመና’ ጋደ፥ አያዉ አናና ፓሉመታይ? 
\v 14 አሳይ አኬካናፐ አትና፥ ጾሳይ ሀ ዱማ ዱማ ኦግያን ሃሳዬ።
\p
\v 15 “አሳይ ቃማ ሂጻን ግሲደ፥\x - \xo 33:15 \xo*\xt ኢዮባ 4:13\xt*\x* ገምእሹዋ ፓኑሮ ዎደ፥ ጾሳይ አኩሙዋንነ ሳጻን ሃሳዬ። 
\v 16 ሄ ዎደ አሳይ ስሳናዳን ሀይ ዶዬ፤ ባረ ሴራንካ እ ኡንቱንታ ዳጋን። 
\v 17 ያቲደ አሳይ ናጋራ ኦናዳን ተኤ፤ ኦቶሩዋካ አሳፐ ድጌ። 
\v 18 ጾሳይ አሳ ባሻፐ አሼ፤ ሀይቁዋፐካ ናጌ።
\p
\v 19 “ጾሳይ አሳ ሳኩዋ ሂጻን ደኦደካ፥ ባረ ባላፐ ስማናዳን ሴሬ። 
\v 20 ሄዋዳን ሀኒደ፥ ሀርጌዳ ኡራይ ካ እጼ፤ ዳሮ ማልኦ ቁማይካ አ ሸነዬ። 
\v 21 አ አሹካ ግልቂደ ዉሬ፤ አ ቦላይካ መልና፥ መቀይ ፓይደቴ። 
\v 22 አ ሸምፓታ ዱፉዋኮ፥ አ ደኡዋካ ሀይቁዋ ኪታንቻቱዋኮ ማቴዳ።
\p
\v 23 “አሳዉ ሱረ ኦግያ በስያ፥ ሻአን ፓይደትያ ኪታንቻቱዋፐ እቱ አዉ ጋናታናዉ ይንቶ፥ 
\v 24 አዉ ቃረቲደ፥ ‘እ ዱፉዋ ገለናዳን አ አሻና። ታን አዉ ዎዝያዋ ደማድ’ ያግንቶ፥ 
\v 25 አ ቦላይ ያላጋና፤ አ ያላጋተ ዎልቃይካ አዉ ስማና። 
\v 26 ሄ ብታኒ ጾሳ ዎሳና፤ ጾሳይ አ ዎሳ ስሳና። ጾሳይ አዉ አ ጽሎተ ዛርያ ድራዉ፥ እ ናሸቻን ጾሳዉ ጎይናና። 
\v 27 ሄ ዎደ አሳ ስንን እ ሀዋዳን ያጋና፤ ‘ታን ናጋራ ኦድ፤ ሱረባካ ጌላያድ፤ ሽን ጾሳይ ታ ባይዙዋዳን ታዉ ጭግቤና። 
\v 28 ዱፉዋን ገለናዳን ታና አሼዳ፤ ሄኮ፥ ሀእ ፓጻ ደኣደ፥ ፖኡዋ በአይ’ ያጋና።
\p
\v 29 “በእተ፥ ጾሳይ አሳዉ ሀዋ ኡባ ዛር ዛሪደ ኦ፤ 
\v 30 አሳ ዱፉዋን ገልያዋፐ አሼ፤ ደኡዋን እ ናሸታናዳን ኦ።
\p
\v 31 “ስም ኢዮባ፥ ታን ኦድያዋ ሀይዛደ ስሳ። አነ ኔን ጮኡ ጊና፥ ታን ሃሳያይ። 
\v 32 ኔን ሃሳያናዉ ኮይያዌ ደኦፐ፥ ታዉ ሃሳያ። ታን ኔን ጽሉዋ ግድያዋ በሳናዉ ኮያይ። 
\v 33 ሄዌ ዮፐ፥ ጮኡ ጋደ፥ ታን ሃሳይያዋ ስሳ። ኔና ታን አዳ ኤራተ ታማርሳና” ያጌዳ።
\c 34
\p
\v 1 ቃይካ ኤልሁ ሀዋዳን ያጌዳ፥ 
\v 2 “ህንተኖ፥ አዳ ኤራንቻቶ፥ ታን ሃሳይያ ሃሳያ ስስተ። ህንተኖ፥ ኤራንቻቶ፥ ህንተ ሀይ ታኮ የግተ። 
\v 3 እንጻርሳይ ቁማ ማልኡዋ ኤርያዋዳን፥\x - \xo 34:3 \xo*\xt ኢዮባ 12:11\xt*\x* ሀይይካ የዉዋ ሻኪደ ኤሬ። 
\v 4 አነ ኑን ልከባነ ሎኦባ ሻኪደ ኤሮይተ።
\p
\v 5 “ኢዮብ፥ ‘ታን ጽሉዋ፤ ሽን ጾሳይ ታ ሱረ ፕርዳ ታና ድጌዳ። 
\v 6 ታን ልከ ግዳደ፥ ዎርዳንቻዳን ፓይደታድ። ታናን ባይዙ ባይናንካ፥ እ ታና ፓጸናዳን ማዱዳ’ ያጌዳ።
\p
\v 7 “ጾሳ ቦላ እዮበዋዳን ቅሊጭያ አሳይ ደኢ? 
\v 8 እ ኢታባ ኦያዋንቱና ዙፐቴ፤ ናጋራንቻቱዋናካ ሀመቴ። 
\v 9 አያዉ ጎፐ፥ እ፥ ‘አሳይ ጾሳ ናሸቻና ጊደ ኦያዌ አይነ ማደና’ ያጌ።
\p
\v 10 “ሄዋ ድራዉ፥ ህንተኖ፥ አኬካንቻ አሳቶ፥ ታን ኦድያዋ አነ ስስተ! ኡባ ዳንዳይያ ጾሳይ ኢታባ ሙለካ ኦና። 
\v 11 ጾሳይ አሳዉ አ ኦሱዋዳን እሜ፤ አ ኦግያዳን አዉ ጭጌ።\x - \xo 34:11 \xo*\xt ማዝ. 62:12\xt*\x* 
\v 12 ጾሳይ ቱሙዋፐ ኢታባ ኦና፤ ኡባ ዳንዳይያ ጾሳይ ሱረ ፕርዳ ጌላየና። 
\v 13 ሳኣ ቦላን ጾሳዉ ማታ እሜዳዌ ኦኔ? ቃይ ቢታ ኡባ ቦላ አ ሱንዳዌ ኦኔ? 
\v 14 ጾሳይ ባረ አያናነ ባረ ደኡዋ ሸምፑዋ ባረኮ ዛሪደ አክንቶ፥ 
\v 15 አሹዋ ማዬዳ ኡባይ እትፐ ያና፤ አሳይ ቢታዉ ዱገ ስማና።
\p
\v 16 “ህንተ አኬካንቻ ግዶፐ፥ ሀዋ ስስተ፤ ታ ሃሳይያዋካ ሀይዝተ። 
\v 17 ሱረ ፕርዳ እጽያዌ ቢታ ሞዳናዉ ዳንዳዪ? ያትና፥ ኔን ጽሉዋነ ዎልቃማ ግድያ ጾሳ ፕርዳይ? 
\v 18 ጾሳይ ካተቱዋ፥ ‘ህንተ ሹፉሮቱዋ’ ያጌ፤ ቃይ ቢታ ሞድያዋንታካ፥ ‘ህንተ ኢታ’ ያጌ። 
\v 19 ካፓቱዋ ሶምኡዋ ጼሊደ ማደና፤ ዱርያካ ማንቁዋፐ አደ ጼለና። አያዉ ጎፐ፥ ኡንቱንቱ ኡባይካ አ ኦሶቱዋ። 
\v 20 ኡንቱንቱ ሄካ ብላሄ አኬከናን ሀይቃና፤ አሳይ ኡባይካ ኮኮሪደ ያና፤ ዎልቃማቱካ አይ አሳ ኩሺነ ቦቼናን ክቻና።
\p
\v 21 “ጾሳይ አሳ ሄመታ ጼሌ፤ አ ታንጉዋ ኡባካ ዎቼ። 
\v 22 ኢታ ኦያዋንታ ጾሳፐ ገንናዉ ዳንዳይያ ጵ ጎ ም ባዋ። 
\v 23 ጾሳይ አሳ ቦላ ፕርዳናዉ፥ አሳይ አ ስን ሺቃናዳን ኬሩዋ እመና። 
\v 24 ዎልቃማቱዋ አይነ ኦቼናን መንሬ፤ ያቲደ ኡንቱንቱ ሳኣን ሀራቱዋ ዎ። 
\v 25 እ ኡንቱንቱ ኦሱዋ ኤርያ ድራዉ፥ ኡንቱንታ እት ቃማ ማታፐ ዎደ ይሴ። 
\v 26 ኡንቱንቱ ኢታተ ድራዉ፥ አሳይ ኡባይ በኢያሳን እ ኡንቱንታ ሙሬ። 
\v 27 ኡንቱንቱ አ ካለናን እጺደ፥ አ አዛዙዋካ አጌዳ ድራሳ። 
\v 28 ኡንቱንቱ ህዬሳቱዋ ኡቁኒደ፥ ኡንቱንቱ ጾሳኮ ዋሳናዳን ኦድኖ፤ እካ ህዬሳቱዋ ዋሱዋ ስሴዳ። 
\v 29 ጾሳይ ጮኡ ጎፐ፥ አ ፕርዳናዌ ኦኔ? እ ባረ ሶምኡዋ ዎራ ዛሮፐ፥ አሳ ማድያዌ ባዋ። እ አሳፐካ ጮራፐካ ዳራ። 
\v 30 ሄዋዳንካ፥ ጾሳዉ ያየና አሳቱ ሞደናዳንነ አሳስካ ግተ ግደናዳን፥ አሳይ ኡባይ ድጋናዉ ዳንዳየና።
\p
\v 31 “ኢዮባ፥ ነ ናጋራ ጾሳዉ ፓጻዲ? ቃይ ዛራደ ናጋራ ኦናዳን ገፓዲ? 
\v 32 ነ ባይዙዋ ነዉ ቆንጭሳና ማላ፥ ጾሳ ዎሳዲ? ስንናዉ ኢታ ኦሱዋ ኦናን አጋናዉ ኤኖ ጋዲ?
\p
\v 33 “ኔን ጾሳይ ኦያዋ እጻደ፥ ነ ጋቲ ኔን ዶስያዋዳን ሀናናዉ ኮያይ? ስም ቆፋ ቃቻናዌ ኔናፐ አትና፥ ታና ግድከ። ሄዋ ድራዉ፥ ኔን ቆፕያዋ ታዉ ኦዳ። 
\v 34 አኬካንቻ አሳቱ ታን ኦድያዋ ኤኖ ጊኖ፤ ታን ኦድያዋ ስስያ አዳ ኤራንቻቱካ ሀዋዳን ያጊኖ፤ 
\v 35 ‘እዮበ ኤራይ ፓጭና፥ ሀዋ ሃሳዬ፤ እ ሃሳይያዎ ብለይካ ባዋ’ ያጊኖ። 
\v 36 ኢዮብ ኢታ አሳቱዋዳን ዛሩዋ እሜዳ ድራዉ፥ ዉርሰ ጋካናዉ ፓጨቴዳ ግዴረኔሻ! 
\v 37 አያዉ ጎፐ፥ እ ባረ ናጋራ ቦላ ማካላ ጉጄ፤ ኑ ስንን ጾሳ ቅሊጬ። ባረ ቃላካ ዳርሲደ፥ ጾሳ ቦላ ብዴ” ያጌዳ።
\c 35
\p
\v 1 ኤልሁ ቃይካ ሀዋዳን ያጌዳ፤ 
\v 2 “ኢዮባ፥ ኔን፥ ‘ታን ጾሳ ስንን ጽሉዋ’ ግያዌ ልኬ? 
\v 3 ቃይ፥ ‘ታን ናጋራ ኦፐ፥ ኔና አይ ቆሀይታ? ናጋራ ኦናን አጎፐ፥ ታን ጎኤትያዌ አዬ?’ ያጋደ ኔን ጾሳ ኦቻዳ። 
\v 4 ታን ነዉነ ኔናና ነ ላገቶ ዛሩዋ ሃሳያና።
\p
\v 5 “ቁ ጋደ ሳሎቱዋ ጼላ፤ ኔፐ ቦላና ደእያ ሻረቱዋካ አነ አኬካደ በአ። 
\v 6 ኔን ናጋራ ኦፐ፥ ሄዌ ጾሳ አይነ ቆሄና። ነ ባይዙ ዳሮፐካ፥ ኔን ጾሳ አይነ ኦካ።\x - \xo 35:6-8 \xo*\xt ኢዮባ 22:2-3\xt*\x* 
\v 7 ጽሉዋ ግዶፐ፥ አዉ ኔን አያ እማይ? ዎይ ነ ኩሽያፐ እ አያ አካኔ? 
\v 8 ኔን ናጋራ ኦፐ፥ ነ ማላ አሳ ቆሃሳ፤ ቃይ ጽሎፐካ፥ አሳ ጎኣሳ።
\p
\v 9 “ኡቁናይ ዳሮፐ አሳይ ዋሴ፤ ዎልቃማቱዋ ኩሽያፐ ከስ አካናዉ አሉዋ ጼጌ። 
\v 10-11 ሽን ኦንነ፥ ‘ጾሳይ፥ ታና መዳዌ፥ ቃማን ማዛሙርያ እሜዳዌ፥ ሳኣ ዶአቱዋፐ አደ፥ ኑና ታማርስያዌነ ሳሉዋ ካፎቱዋፐ አዳ ኤራንቻ ኑና ኦያዌ ሀቃን ደኢ?’ ያገና። 
\v 12 ኢታ አሳቱ ዋሲኖ፤ ሽን ጾሳይ ኡንቱንቱ ኦቶሩዋ ጋሱዋን፥ ኡንቱንቶ አለና። 
\v 13 ሀዳ ዋሱዋ ጾሳይ ቱሙዋፐ ስሰና፤ ኡባ ዳንዳይያ ጾሳይ ሄዋ ሀይዘና።
\p
\v 14 “ኢዮባ፥ ኔን፥ ‘ታን ጾሳ በአናዉ ዳንዳይከ፤ ታ ሞቱ አ ስንን ደኤ፤ ታን አ ናጋይ’ ያጋሳ። ያትና፥ ነዉ እ ዛሩዋ እማናዉ፥ ነ ጋሱ አይ ኬሻ ጉጻንዴሻ! 
\v 15 ጾሳይ አሳ ሙረናባነ ናጋራካ ሸነኮ ጊደ አግ አግያዋ ጋደ ቆፓይ? 
\v 16 ሄዋ ግዶፐ፥ ኔን ነ ዶና ጮ መላ ዶያሳ፤ ኤራይ ባይና ሃሳያ ዳርሳሳ” ያጌዳ።
\c 36
\p
\v 1 ኤልሁ ጉጂደካ ሀዋዳን ያጌዳ፤ 
\v 2 “ጾሳ ዶና ግዳደ ታን ነዉ ኦድያዌ ብሮ ደእያ ድራዉ፥ ጉ ዳንዳያደ ስሳ። 
\v 3 ታን ታ ኤራ ሃኩዋፐ አሃድ፤ ታና መዳዌ ጽሎ ፕርዳ እምያዋ ግድያዋ ታን ኔና ኤርሳና። 
\v 4 ታን ዎርዱዋ ሃሳይከ፤ ኩመን ኤራይ ደእያ ኡራይ ኔናና ደእያዋ አማና።
\p
\v 5 “በአ፥ ጾሳይ ዎልቃማ፤ ሽን እ ኦናነ ካና። እ አኬካንካ ምና። 
\v 6 ኢታቱዋ እ ፓጻ ዎና፤ ሽን ኡቁነቴዳዋንቱ ማታ እ ናግሴ። 
\v 7 ጾሳይ ባረ አይፍያ ጽሎቱዋፐ ደንና። እ ኡንቱንታ ካተቱዋና ኡትሲደ፥ መናዉ ቁ ቁ ኦ። 
\v 8 ሽን አሳይ ሳንሳላታን ቃሸቶፐ፥ ዎይ ቱጋ ዎዶሩዋን ኦይቀቶፐ፥ 
\v 9 እ ኡንቱንቱ ኦሱዋነ ኦቶሩዋን ኡንቱንቱ ኦዳ ናጋራ ቆንጭሴ። 
\v 10 ሴራ ስሳናዳን ኡንቱንቱ ሀይ ዶዬ፤ ናጋራፐ ስማናዳንካ እ ኡንቱንታ አዛዜ። 
\v 11 ኡንቱንቱ ስሲደ፥ አዉ ኦፐ፥ ባረንቱ ላይ እሻሉዋንነ ዎፓን ዉርሳና። 
\v 12 ሽን ኡንቱንቱ ስሰናን እጾፐ፥ ማሻን ዉራና፤ ኡንቱንቱ ኤራ ዬዳ ድራዉ ሀይቃና።
\p
\v 13 “ጾሳ አማነና አሳቱ ባረንቱ ዎዛናን ሀንቁዋ ዳጋዪኖ፤ እ ኡንቱንታ ሙርያ ዎደካ፥ ማዳ ጊደ ዎስክኖ። 
\v 14 ኡንቱንቱ ባረንቱ ያላጋተን ሀይቂኖ፤ ኡንቱንቱ ደኡካ ዬላን ዉሬ። 
\v 15 ጾሳይ ቱጋትያዋንታ ኡንቱንቱ ቱጋን ታማርሴ፤ እ ኡንቱንቱ መቱዋ ባጋና ኡንቱንታ ስሴ።
\p
\v 16 “ጾሳይ ኔና መቱዋፐ ከሲደ መቱ ባይና አኮ ሳኣ አፌዳ፤ ነ ምያ ማሶፍያንካ ሞዋ ጉፔዳ። 
\v 17 ሽን ሀእ ኢታቱዋ ፕርዳ አካዳ፤ በስያ ሙራካ አካደ ደኣሳ። 
\v 18 ኔና ኦንነ ዱረተ በሲደ ጭመናዳን፥ ዳሮ ማታይያንካ ባለናዳን ናገታ። 
\v 19 ነ ማጹዋ ዳሩ ዎይ ነ ምኖተይ ኔና መቱዋፐ አሻኔ? 
\v 20 አሳቱ ባረንቱ ሳኣፐ ይያ ቃማይ ያናዳን አሞቶፓ። 
\v 21 ሀ መቱ ኡባይ ኔና ጋኬዳዌ፥ ኔና ኢታፐ አሻናሳ። ሄዋ ድራዉ፥ ኢታተዉ ጉየ ስመናዳን ኔና አኬካ።
\p
\v 22 “ጾሳይ ባረ ዎልቃን ቁ ቁ ጌዳ! አ ማላ አስታማሪ ኦኔ? 
\v 23 ‘ሀዋ ኦ’ ጊደ ጾሳ አዛዝያ አሳይ፥ ዎይ፥ ‘ኔን ኢታ ኦሱዋ ኦዳ’ ያጋናዉ ዳንዳይያ አሳይ ባዋ። 
\v 24 አሳይ ማዛሙርያን ሳቤዳ አ ኦሱዋ ኔንካ ሳባናዉ ሀሳያ። 
\v 25 አሳይ ኡባይ ጾሳ ኦሱዋ በኤዳ፤ ሽን በኢደ፥ ሃኩዋን በኤዳ። 
\v 26 በእተ፥ ጾሳይ ዎልቃማ! አ ግታተ ኑን አኬክቦኮ፤ አ ላይ ጮራተይካ ፓይድና ጋከተና።
\p
\v 27 “ጾሳይ ሃ ሳኣፐ ፑደ ሳሉዋ አፌ፤ ያን እራ ከሴ። 
\v 28 ሄ እራይ ሻርያፐ ከሲደ፥ አሳዉ ዳሮ ቡካናዳን ኦ። 
\v 29 ሻሪ ዋን ዩይንቶ፥ ዋልቃንይካ ጾሳይ ደእያ ሳሉዋን ዋን ጉምንቶ፥ ኦንነ ኤረና። 
\v 30 እ ባረ ዩሹዋን ዋልቃን ፖኡዋ ላሌ፤ ሽን አባ ጪማ እ ማን ካሜ። 
\v 31 እራ ቡክስያዋን ባረ አሳዉ ዳሮ ካካ ሞክሴ፤ ሀዋዳን ኦደ ጾሳይ አሳ ኡባ አይሴ። 
\v 32 እ ዋልቃን ባረ ኩሽያን ኦይቄ፤ ባረ ሀልቼዳ ሳኣ ሾጫናዉ አዛዜ። 
\v 33 ጉጉንይ ጉምያዌ ኡሹ ኡሾታናዋ አዋዬ፤ መሂካ ኡሹ ይያዋ ኤሬ።
\c 37
\p
\v 1 “ኡሹ ታ ዎዛና ድድቅሴ፤ ባረ ደእያ ሳንካ ፕሬ። 
\v 2 ኡባይካ ጾሳ ኮሻ፥ ጉጉንዳን ጉምያ አ ቃላ ስስተ። 
\v 3 እ ሳሉዋ ኡባፐ ኪትያ ዋልቃንይ ቢታ ጋጻፐ ጋጻ ጋካናዉ ቤቴ። 
\v 4 ሄዋፐ ጉይያን፥ አ ጉን ኮሻይ ስሰቴ፤ ባረ ዎልቃማ ኮሻን ጉሜ፤ አ ኮሻይ ስሰትያ ዎደ፥ ባረ ዋልቃን ተኤና። 
\v 5 ጾሳ ኮሻይ ማላልስያ ጉን ጉሜ፤ ኑን አኬካናዉ ዳንዳየና ዎልቃማባ እ ኦ። 
\v 6 ሻቻ እ፥ ‘ሳኣን ዎ!’ ያጌ፤ ዎልቃማ እራካ፥ ‘ቡካ’ ያጊደ አዛዜ።
\p
\v 7 “አሳይ ኡባይ አ ኦሱዋ ኤራና ማላ፥ ሄ ዎደ ባረ ኦሱዋ ኦሱዋ አጋናዳን ኦ። 
\v 8 ዶአቱካ ባረንቱ ጌሱዋ ጌሱዋ ገሊኖ፤ ያን ኡቲኖ። 
\v 9 ገድሳ ባጋፐ ጎቲ ዬ፤ ሁጲሳ ባጋፐካ ሜጉ ዬ። 
\v 10 ጾሳይ ሲያና ሸምፕያ ሸምፑዋፐ ሻቻይ መቴ፤ ሄዋን አኮ ሃቱካ ሹቻዳን ምኔ። 
\v 11 ሻሪ ሃ ቶካናዳን እ ኦ፤ ባረ ዋልቃንካ ሻርያ ግዶን ላሌ። 
\v 12 አ ካለዋን ሻረቱ ዩይ ዩይ አኖ፤ እ አዛዝያዋ ኡባ ኡንቱንቱ ሳኣ ቦላ ኦኖ። 
\v 13 ጾሳይ እራ ቡክስያዌ ቢታ እርጽሳናሳ፥ ዎይ አሳ ሙራናሳ፥ ዎይ ባረ ሲቁዋ ኡንቱንታ በሳናሳ።
\p
\v 14 “ኢዮባ፥ ሀዋ ስሳ፤ ጾሳይ ኦያ ማላልስያ ኦሱዋ ታክ ጋደ አኬካ። 
\v 15 ጾሳይ ሻራቱዋ ዎት አዛዝንቶነ ባረ ዋልቃንካ ዎት ዎልቃንንቶ ኤራይ? 
\v 16 ሻራቱ ሳሉዋን ዋን ቶከቶፐነ ቃይ አ ኤራይ ፖሎ ግዴዳ ጾሳይ ኦያ ማላልስያ ኦሱዋ ኔን ኤራይ? 
\v 17 ገድሳ ጫርኩ ዪደ፥ ቢታ ምሽስያ ዎደ፥ ኔን ሆምቢያን መቶታናፐ አትና፥ ሙለካ ሄዋ ኤራካ። 
\v 18 ጾሳይ ሳሉዋ ማስቶትያዳን ፕድ ኦደ ምጭያ ዎደ፥ ኔን አ ማዳናዉ ዳንዳያይ? 
\v 19 ኑን ኤራ ፓጫ ግድያ ድራዉ ሃሳያናዉ ዳንዳዮኮ፤ ኑን ጾሳዉ ዋግ ሃሳያነንቶ፥ ኔን ኑና ታማርሳ። 
\v 20 ጾሳና ሃሳያና ጋደ ታን ኦችከ፤ እ ታና ይሳና ማላ፥ ታን አያዉ አ ደንሬይታ? 
\v 21 ጫርኩ ሳሎቱዋ ፕቲደ ጌሼዳዋፐ ጉይያን፥ ሳሎቱዋን ጶልያ አዋ ፖኡዋ አሳይ ጼላናዉ ዳንዳየና። 
\v 22 ሁጲሳ ባጋና ዎርቃ ማላትያ ፖኡ ቤቴ፤ ጾሳይካ ያሽያ አንጋን ቆንጬ።
\p
\v 23 “ኑን ኡባ ዳንዳይያ ጾሳ ማታ ሺቃናዉ ዳንዳዮኮ፤ አ ዎልቃይ ዎልቃማ። እ ባረ ቱሙ ፕርዳንነ ባረ ዎልቃማ ጽሎተን ግታ። 
\v 24 ሄዋ ድራዉ፥ አሳይ አዉ ያዬ፤ ባረንታ አዳ ኤራንቻ ግያዋንታ ኡባቱዋ እ ጼለና” ያጌዳ።
\c 38
\s1 መና ጎዳይ ኢዮባዉ እሜዳ ዛሩዋ
\r (38:1—41:34)
\p
\v 1 ሄዋፐ ጉይያን፥ መና ጎዳይ ጎትያ ግዶፐ ኢዮባዉ ሀዋዳን ያጊደ ዛሬዳ፤ 
\v 2 “ኤር ባይና ሃሳያን ታ ዞርያ ቶችያዌ እ ሀዌ ኦኔ? 
\v 3 አነ ኔን አሳዳን ነ ጼሳ ዳንጫ ደንዳደ፥ ታን ኦችያዋ ታዉ ኦዳ።
\p
\v 4 “ታን ሳኣ መያ ዎደ፥ ኔን ሀቃን ደአይ? አነ ነዉ አኬካይ ደኦፐ፥ ታዉ ኦዳ። 
\v 5 ሀ ሳአይ አይ ኬሻ ግዳናዉ በስንቶ፥ ሄ ቆፋ ቃቼዳዌ ኦኔ? ልክያ ዎዶሩዋካ ሳኣ ቦላ የጌዳዌ ኦኔ? ሄዋ ዛሩዋ ኡባ ኤራይ? 
\v 6 ሳኣ ቱቀቱዋ ኩንደናዳን ምን ኦይቄዳዌ አዬ? ሳኣ ባሶ ኮይሮ ሹቻ ዎዳዌ ኦኔ? 
\v 7 ሄ ጋላስ ዎንታ ጾልንተቱ እትፐ የጼዳዋነ ኪታንቻቱ ኡባይ ናሸቻዉ እልሌዳዋ ኔን ኤራይ?
\p
\v 8 “አባ ሃይ፥ ቢታ ጎምፓፐ ቂደ ከስያ ጋላስ፥ አ ፐንገቱዋ ጎርዴዳዌ ኦኔ?\x - \xo 38:8-11 \xo*\xt ኤር. 5:22\xt*\x* 
\v 9 አባ ሻርያ ማይዜዳዌ፥ ቃይ ማንካ ጻጻ ዎዳዌ ታና። 
\v 10 አባዉ አና ዛዋ መዳዌ፥ አ ፐንግያነ አ ኩልቡዋ ሳኣን ዎዳዌ ታና። 
\v 11 ታን፥ ‘ሀዋ ጋካ፤ ሽን ሀዋፐ አፓ፤ ነ ዎልቃማ ቤታይካ ሄዋን ኤቆ’ ያጋድ።
\p
\v 12 “ኢዮባ፥ ኔን የለቶደፐ አዋይ ዎንታ ጉራና ከሳናዳን አዛዛ ኤራይ? 
\v 13 ቢታ ጋጻን ፖኡዋ በሳና ማላነ ኢታ አሳቱዋካ ኡንቱንቱ ቆሰቴዳ ሳፐ ቆንጭያ ከሳና ማላ፥ ኔን ዎንታ አዛዛ ኤራይ? 
\v 14 ጋላሳ ፖኡ ዞዛቱዋነ ዛንጋራቱዋ ዳኮዪደ ዎዳ ማዩ ኤቄዳዋዳን ቤታናዳን ኦ፤ ቃይ ኡርቃ ሚሻ ቦላ ዎዳ ማታፋዳን ጌሺደ በሴ። 
\v 15 ኢታቱ ባረንቶ ፖኦ ግ ዎዳ ማይ ዬ፤ ኡንቱንቱ ማካላዉ ደንያ ኩሺካ መኤ።
\p
\v 16 “ጪማ አባ ግዶ ገላደ፥ ፑልቱዋ በኣድ? ዎይ አሳይ ጋክ ኤረና አባ ግዱዋ ፓጫ ጼላ ኤራይ? 
\v 17 ሀይቁዋ ፐንገቱዋ ኔና ኦነንቶ በሴዴ? ዎይ ጵ ጎ ማ ፐንገቱዋ በኣድ? 
\v 18 ሳአይ አይ ኬሻ ዎልቃመንቶ ኤራይ? ሄዋ ኡባ ኔን ኤርያዋ ግዶፐ፥ ታዉ ኦዳ።
\p
\v 19 “ፖኡ ደኢያሳ አፍያ ኦጊ ሀቃን ደኢ? ቃይ ማይ ደእያ ሳአይ ሀቄ? 
\v 20 ኡንቱንታ ኔን ኡንቱንቱ ጎለ ጎለ አፋናዉ ዳንዳያይ? ኡንቱንቱ ደኢያሳ አፍያ ኦገቱዋ ኔን ኤራይ? 
\v 21 ኔን ሳአይ መትያ ዎደ የለቴዳ ድራዉነ ዳሮ ላይካ ደኤዳ ድራዉ፥ ሄዋ ኤረናን አጋካ!
\p
\v 22 “ሱፓ ሻቻይ ምንጀትያሳ ገላዲ? ኦርዶ ሻቻይ ዶረቴዳሳካ በኣድ? 
\v 23 ታን ኡንቱንታ መቶ ዎድያዉ፥ ኦላ ዎድያዉነ ቶራ ጋላሳዉ ምንጃ ዎድ። 
\v 24 ዋልቃንይ ከስያ ሳኣ አፍያ ኦጊ ሀቃን ደኢ? ዎይ አዋይ ዉልያ ባጋ ጫርኩ ሀቃፐ ከሲደ ጫርኪ?
\p
\v 25 “ዎልቃማ እራይ ዎያ ሎሱዋ ጊግሴዳዌ፥ ጉጉንዉ ኦግያ ከሴዳዌ ኦኔ? 
\v 26 አስ ደኤና ባዙዋን እራ ቡክስያዌ ኦኔ? 
\v 27 መላ ባዙ እራ ሃን ሹጊደ፥ ሎኦ ማታ ሞካናዳን ኦዳዌ ኦኔ?
\p
\v 28 “እራዉ ዎይ ከተርሳዉ አዉ ደኢ? 
\v 29 ኦርዶ ሻቻዉነ ቡርጨ ሻቻዉ አታ ደአይ? 
\v 30 ዳሮ እርጻተይ ሃ ሹቻዳን ምንሴ፤ አባ ሃዉ ቦላ ባጋካ ሻቻ ከሴ።
\p
\v 31 “ፕልያድሳ ጌተትያ ጾልንተቱዋ ጭታ እትፐ ጋደ ቃቻናዉ ዳንዳያይ?\x - \xo 38:31 \xo*\xt ኢዮባ 9:9፤ አሞጻ 5:8\xt*\x* ኦርዮና ጌተትያ ጾልንተቱዋ ጭታይ ቃሸቴዳ ዎዶሩዋ ብላናዉ ዳንዳያይ? 
\v 32 ጭታን ጭታን ደእያ ጾልንተቱዋ ኡንቱንቱ ዎድያን ዎድያን ከሳናዉ ዳንዳያይ? ዎጋ ቤርያነ ቄር ቤርያ ጌተትያ ጾልንተቱዋ ጭታቱዋ እትፐ ካለናዉ ዳንዳያይ? 
\v 33 ሳሎቱ አቅያ ህግያ ኔን ኤራይ? ዎይ ሄ ህጊ ሳኣን ሞዳናዳን ኦናዉ ዳንዳያይ?
\p
\v 34 “ድኡ ኔና ሙካናዳን እራ ቡክሳናዉ፥ ነ ቃላ ቁ ኦደ፥ ሻራቱዋ አዛዛይ? 
\v 35 ዋልቃንቱ ቢደ ዪደ፥ ‘ሄኮ፥ ሀእ አይ ኦኖ’ ጋና ማላ፥ ኔን ኡንቱንታ አዛዛናዉ ዳንዳያይ? 
\v 36 ሃ ካፎ አዳ ኤራ፥ ኩቱዋ አዉርያዉካ አኬካ እሜዳዌ ኦኔ? 
\v 37-38 ባረ ኤራን ሻረቱዋ ፓይዳናዉ ዳንዳይያዌ ኦኔ? ባና ሙናቂደ፥ ኡርቃ ከሲደ፥ ምንሳናዉ ሳሉዋ ሻረቱዋ ገደ ኦደ፥ ሃ ዱገ ትግያዌ ኦኔ?
\p
\v 39-40 “ጋሞቱ ኡባይ ባረንቱ ጌሱዋን ጌሱዋን ግስ ደእሽን ዎይ ዙጊደ ናግሽን፥ ኔን ኡንቱንቶ ምያዋ ሻንካታደ እማናዉ ዳንዳያይ? ዎይ ኮሻት ኡቴዳ ኡንቱንቱ ማራቱዋ ካልሳናዉ ዳንዳያይ? 
\v 41 ቁሮቱ ኮሻት ብቻርያ ዎደ፥ ኡንቱንቱ ማራቱካ ምያዋ ደማናዉ ታዉ፥ ጾሳዉ፥ ዋስያ ዎደ፥ ኡንቱንቶ ምያዋ እምያዌ ኦኔ?
\c 39
\p
\v 1 “ደርያን ደእያ ገንኤቱ አዉደ የሊኖንቶ፥ ኔን ኤራይ? ጋራቱ ባንኪደ፥ ባረንቱ ማራቱዋ የልያ ዎደ በኣድ? 
\v 2 ኡንቱንቱ ኩንደ፥ ዎይሳ ኬሻ አግና ጋምኢኖንቶነ ቃይ አዉደ የሊኖንቶ ኤራይ? 
\v 3 ኡንቱንቱ ጉልባቲደ፥ ባረንቱ ማራቱዋ የልያዌ አዉደንቶ ኤራይ? 
\v 4 ኡንቱንቱ ማራቱ ባዙዋን ድጪደ ምኒኖ፤ ባረንቱ አየቱዋ ማታፐ ቢኖ፤ ላኤን ጉየ ስምክኖ።
\p
\v 5 “ደንባ ሃረቱ የዳ ደአናዳን ኦዳዌ ኦኔ? ቃሹዋፐ ኡንቱንታ ብል የዴዳዌ ኦኔ? 
\v 6 ኡንቱንቶ ታን ባዙዋ ደኢያሳ ኦደ እማድ፤ አሳይ ባይና ላዳ ቢታ ኡንቱንቱ ደአናዳን ኦድ። 
\v 7 ካታማ ጫቡዋፐ ኡንቱንቱ ሃኪደ ደኢኖ፤ ላግያዋንቱ ዋሱዋካ ስስክኖ። 
\v 8 ኡንቱንቱ ደረቱዋ ባረንቶ ሄመትያ ሳኣ ኦኖ፤ ሄዋን ምያ ሙልኦ ማታ ቆሪኖ።
\p
\v 9 “መንይ ነዉ ኦናዉ ኤኖ ጋንዴ? ዎይ ነ ጋጻታን ቃማ አቃንዴ? 
\v 10 ጎሻና ማላ፥ ኔን አ ዋጻይ? ዎይ ግንዳ ጎቻናዳን አ ኦናዉ ዳንዳያይ? 
\v 11 ኔን አ ዎልቃ ምኖተን አማነታይ? ነ ዳቡርስያ ኦሱዋ እ ኦናዳን፥ አዉ የጋ አጋይ? 
\v 12 እ ስሚደ ዪደ፥ ነ ካ ቆጽያ ነ ኡዱማዉ ሺሼ ጋደ ኔን አን አማነታይ?
\p
\v 13 “ሶጎናታ ባረ ቀፍያ ኤለካ ቃዉ፤ ሽን ሶጎናት ቀፈቱ ሳንጋኑዋ ቀፈቱዋነ ባለቱዋ ማላ ግድክኖ። 
\v 14 ሶጎናታ ባረ ቁቁልያ ቢታን ቁቁላዉ፤ ባናይ ሆኤናዳን አጋዉ። 
\v 15 ገዲ መንና ዎይ፥ ‘ባዙዋ ዶአቱ የና’ ጋደ ቆፑኩ። 
\v 16 ማራቱ ባረዋ ግደናዋዳን ፓይዳደ፥ ኡንቱንቶ መቀ ኢታዉ። እ ዳቡራይ ኡባይ መላ አትያዌ እዉ አያነ ማላተና። 
\v 17 አያዉ ጎፐ፥ ታን ጾሳይ እዞ አዳ ኤራተ ድጋድ፤ ታን አኬካካ እዉ እማበይከ። 
\v 18 ሽን ደንዳደ እዛ ዎጽያ ዎደ፥ ባረናና ናሰትያ ፓራ ቦላነ ፓራዉ ቦላ ሚጫዉ።
\p
\v 19 “ኢዮባ፥ ፓራቶ ዎልቃ እሜዳዌ፥ ዎይ ፓራቱዋ ሞርግያ ጎቶሾ ጋማ ማይዜዳዌ ኔኔ? 
\v 20 ፓራቱ ቦልያዳን ጉፓናዳንነ ያሽያ ዳረ ኡንቱንቱ ዳራናዳን ኦዳዌ ኔኔ? 
\v 21 ፓራቱ ዛንጋራን ቢታ ቦዲኖ፤ ባረንቱ ዎልቃንካ ናሸቲኖ፤ ያቲደ ኦላ ሚሻቱዋ ዳንጬዳዋንቱና ጋከታናዉ ኦላ ደምባ ፕሪጺኖ። 
\v 22 ያሻ ግያዋ ኡንቱንቱ ሙለካ ኤርክኖ፤ ኡንቱንታ አያይነ ዳጋንና፤ ኡንቱንቱ ቦላ ማሻ ዛረፐነ ጉየ ስምክኖ። 
\v 23 ኡንቱንቱ ቶግያ ኦላንቻቱ ኦይቄዳ ኦላ ሚሻቱ ጶሊደ፥ እቱ እቱዋና ጋከቲደ ጊረቲኖ። 
\v 24 ፓራቱ ፓቹሪደ ያሽሲደ፥ ኦላዉ ስንዉ ፕሪጺኖ። ማላካታ ፑኑሳ ኮሻ ስስያ ዎደ፥ ጮኡ ጊደ ኤቃናዉ ዳንዳይክኖ፤ 
\v 25 ማላካታ ፑንያ ዎደ፥ ‘ሀያሾ!’ ያጊኖ። ኦላ ፔኑዋ ሃኩዋን አኪኖ፤ ኦላ ጋዳዋቱ አዛዝያ አዛዙዋነ ኦላንቻቱዋ ጬቁዋ ስሲኖ።
\p
\v 26 “ጋጪ ባረ ቀፍያ ገድሳ ምጪደ ፓላናዉ ዳንዳያናዳን፥ አዳ ኤራተ አዉ እሜዳዌ ኔኔ? 
\v 27 አርጋንይ ፑደ ከሲደ፥ ባረ ጎልያ ቃ ደረቱዋን ኬጻናዉ ነ አዛዙዋ ናጊ? 
\v 28 አርጋንይ አፉዋ ዶናን ባረ ጎልያ ኬጺደ ደኤ፤ ዛላቱዋ ዛኦቱካ አዉ ጌሱዋ ግዴድኖ። 
\v 29 ሄዋን ኡቲደ፥ ባረዉ ምያዋ ዎቼ፤ አ አይፊ ሃኩዋፐ ደሜ። 
\v 30 አርጋን ማራቱ ሱ ኡሺኖ፤ ባኩታይ ደእያ ሳን ሀቃንካ እ ሺቄ” ያጌዳ።\x - \xo 39:30 \xo*\xt ማቶሳ 24:28፤ ሉቃሳ 17:37\xt*\x*
\c 40
\p
\v 1 መና ጎዳይ ኢዮባ፥ 
\v 2 “ኢዮባ፥ አሳይ ኡባ ዳንዳይያ ጾሳና ሞተቲደ፥ ሻትም ኤሪ? አነ ጾሳና ሞተትያ ኡራይ አዉ ዛሮ” ያጌዳ።
\s1 ኢዮባ ዛሩዋ
\p
\v 3 ሄዋፐ ጉይያን፥ ኢዮብ መና ጎዳዉ ዛሪደ፥ ሀዋዳን ያጌዳ፤ 
\v 4 “አቤት ጾሳዉ፥ ታን ፓና ላፋ አሳ፤ ታን ነዉ ዎታ ዛራናዉ ዳንዳያይታ? ታን ታ ዶናን ታ ኩሽያ ዎድ። 
\v 5 ታን እት ገደ ሃሳያድ፤ ሽን ታዉ ዛርያዌ ባዋ። ላኤንዋ ሃሳይከ” ያጌዳ።
\s1 ጾሳይ ቃይካ ሃሳዬ
\p
\v 6 ሄዋፐ ጉይያን፥ መና ጎዳይ ጎትያ ግዶፐ ኢዮባዉ ሀዋዳን ያጌዳ፤ 
\v 7 “አቱማ አሳዳን ነ ጼሳ ዳንጫ ደንዳደ፥ ታን ኦችያዋ ታዉ ኦዳ። 
\v 8 ኔን ታና ባይዛንቻ ከሳና ሀናይ? ነዉ ጽሉዋ ግዳናዉ፥ ታና ዎርዱዋ ከሳይ? 
\v 9 ጾሳ ዎልቃ ማላ ዎልቃይ ነዉ ደኢ? ጾሳይ ጉምያዋዳን ኔን ጉማናዉ ዳንዳያይ? 
\v 10 ሄዋ ግዶፐ፥ አነ ነ ቦንቹዋንነ ግታተን ደንዳ! ነ ፑላነ አንጋ ማያ! 
\v 11 ነ ሀንቁዋ ቦሻ አነ ትጋ፤ ኦቶረትያ አሳ ኡባ ጼላደ፥ አነ ካዉሻ! 
\v 12 አነ ሎይ ጼላደ፥ ኦቶረትያ ኡባ ዬላያ፤ ኢታ ኦያዋንታ ኡባ ኡንቱንቱ ደእያ ሳን የ! 
\v 13 ኡንቱንቱ ኡባ ቢታን ሞጋ፤ ዱፉዋ ዱገ ዎደ፥ ኡንቱንታ ጎርዳ። 
\v 14 ያቶፐ፥ ነ ዎልቃን ኔን ጾናናዋ ታን ነዉ ማርካታና።
\p
\v 15 “ታን ኔና መዳዋዳን መዳ፥ ብሄሞታ ግያ ዶኣ አነ ጼላ! እ ቦራዳን ማታ ሜ። 
\v 16 አ ጼሳን ደእያ ዎልቃይነ አ ኡሉዋ ካሜዳ ሻያ ምኖተይ ሎይ ዳሮ። 
\v 17 አ ዱፊ ዝጋዳን ስት ግ ኡቴዳ፤ አ ገድያ ጻጶቱካ ምኑዋን ዶቀቴዳዋንታ። 
\v 18 አ መቀቱ ናስያ ቦምባ ማላ፤ አ ገዲካ ብራታ ዛንገቱዋ ማላ።
\p
\v 19 “ጾሳይ መዳ መታቱ ኡባፐ እ አ ማላልስያዋ። አ መዳዋፐ አትና፥ አ ጾናናዉ ዳንዳይያዌ ባዋ። 
\v 20 ዶአይ ኡባይ ካእያ ዞዚ አዉ ምያዋ ሞክሴ። 
\v 21 አጉንይ ደእያ ም ጋርሳን ግሴ፤ ማቃ ግዶን ጫርያን ቆሰቴ። 
\v 22 አጉንይ ደእያ ምቱ ባረንቱ ኩዋን አ ገንኖ፤ ሻፋ ዶናን ዶሊያ ምቱ አ ካሚኖ። 
\v 23 ሻፋይ ኩሚደ ጎግያ ዎደካ ዳጋመና፤ ዮርዳኖሳ ሻፋይ አ ሶምኡዋን ርጨትያ ዎደካ እ ሳሮ ደኤ። 
\v 24 አ አይፍያ ቶይሲደ፥ አ ኦይቃናዉ ዳንዳይያ አሳይ ደኢ? አ ሲያካ ጲርያ ቃራን ጫድ ኦይቃናዉ ዳንዳይያዌ ኦኔ?
\c 41
\p
\v 1 “ኔን ሌዋታና ግያ ዳዊያ ሞልያ ኦይቂያ ማንጻቁዋን ኦይቃናዉ፥ ዎይ አ እንጻርሳ ዎዶሩዋን ቃቻናዉ ዳንዳያይ?\x - \xo 41:1 \xo*\xt ማዝ. 74:14፤ 104:26፤ ኢሳ. 27:1\xt*\x* 
\v 2 አ ሲያን ዳፉዋ ገልሳናዉ ዳንዳያይ? ዎይ አ ጋጩዋ ማንጻቁዋን ጫዳደ ኦይቃይ? 
\v 3 እ ኔና፥ ‘ሀያና ታና የዳርኪ’ ያጊደ ዎሳኔ? ዎይ እ ነዉ ማልኦ ቃላን ሃሳያኔ? 
\v 4 ኔን አ መናዉ ነ ቆማ ኦናዉ፥ እ ኔናና ጫቁዋ ጫቀታኔ? 
\v 5 አሳይ ካፉዋና ካእያዋዳን፥ ኔን አናና ካአይ? ዎይ አ ቃቻደ፥ ነ ማጫ ቆማቶ ካአናዳን እማይ? 
\v 6 ሞልያ ኦይቂያዋንቱ አ ጋትያን ፓሉመቲኖ? ዎይ ዛልአንቻቱ አ ቃንጸሬደ ዛልኢኖ? 
\v 7 ኔን አ ጋልባ ማጫምያን፥ አ ሁጲያካ ጎማን ጫዳደ ቆሀናዉ ዳንዳያይ? 
\v 8 አነ አ ነ ኩሽያን ቦቻ፤ ኔን አናና ባጸቴዳ ባጽያ ሀሳያደ፥ ላኤንደ አናና ባጸታናዉ ካጄላካ!
\p
\v 9 “ሄ ዳዊያ ኦይቃናዉ ካጄልያዌ መላ፤ ሀራይ አትና፥ አ በኤዳ ኡባይካ ያሻዉ ኮኮሬ። 
\v 10 እ ግሴዳሳፐ አ ደንናዉ ኦንነ ጻለና፤ ያትና፥ ታ ስንን ኤቃናዉ ዳንዳይያዌ ኦኔ? 
\v 11 ዛራ እማ ጋናዉ፥ ታዉ ኮይሮ እሜዳዌ ኦኔ? ሳሉዋፐ ጋርሳና ደእያባይ ኡባይ ታዋ።
\p
\v 12 “ሌዋታና ገደቱዋባ፥ አ ዎልቃማ ዎልቃባነ አ ሎእያ ቦላባ ሃሳይያዋ ታን አግከ። 
\v 13 አ ጋልባ ቃራናዉ ዳንዳይያዌ ኦኔ? አ ዶና ብጻላና ዳንዳይያዌ ኦኔ? 
\v 14 ያሽያ አቻይ ደእያ አ ጎጎጩዋ ፖቃናዉ ዳንዳይያዌ ኦኔ? 
\v 15 አ ዞክያ ጋልባይ እቱ እቱዋ ቦላን ዶረቴዳነ ሹቻዳን ምኔዳ ጎንዳለቱዋ ማላቴ። 
\v 16 ኡንቱንቱ እቱ እቶ ሎይ ማታቴዳ ድራዉ፥ ኡንቱንቱ ግዱዋና፥ ሀራይ አቶ፥ ጫርኩካ አናዉ ዳንዳየና። 
\v 17 ኡንቱንቱ ኡባይካ እቱ እቱዋና ጋከት ኡቴዳ ድራዉ፥ ኡንቱንታ አያይነ ሻከና።
\p
\v 18 “እ ሄሽያ ዎደ፥ ጶልቁ ግያ ፖኡ ከሴ፤ አ አይፈቱካ ዎንታ ጻልቂያዳን ዞኢኖ። 
\v 19 አ ዶናፐ ታማ ላጩ ከሴ፤ ታማይካ ፕሪደ ዎ። 
\v 20 ፐንትያ ድስትያፐ ጋርሳ ባጋና ኤጽያ ማቃፐ ከስያ ጩዋዳን፥ አ ሲያፐ ጩዋይ ከሴ። 
\v 21 አ ሲያና ከስያ ሸምፑ ጺጹን ቦንቂሴ፤ ታማ ላጩካ አ ዶናፐ ከሴ።
\p
\v 22 “አ ሞርግያን ዎልቃይ ደእያ ድራዉ፥ እ ሎይ ያሽያዋ። 
\v 23 አ አሹ እትፐ ኑከት ኡቴዳ ድራዉ፥ አ ቦላይ ብራታዳን ምኔ። 
\v 24 አ ዎዛናይ ሹቻዳን ምና፤ ጋጭያ ዎጻዳንካ ምና። 
\v 25 እ ደንድያ ዎደ፥ ምኖቱካ ያዪኖ፤ ኡንቱንቱ ዳጋሚደ ባቃቲኖ። 
\v 26 አኮ ጋክያ ማሻይ አይነ አላለ ከሰና፤ ቶራይ፥ ዎይ አዳይ፥ ዎይ ጎማይ አ አይነ ኦና። 
\v 27 ብራታ እ ዳላዳን፥ ናሃስያካ ሙሴዳ ምዳን ፓይዴ። 
\v 28 ዎንዳፍያ አዳይ አ ባቃትሰና፤ ያምባርሻን ኦልያ ሹቻይካ አዉ ሱላ ማላ። 
\v 29 ዱላይ አዉ እት ቡጻ ማላ፤ ቶራ ጾንግያ ዎደ፥ ቅሊጪደ ሚጬ። 
\v 30 አ ኡሉዋ ቦላን ደእያ ጋልባይ መኤረቴዳ ኮንኣዳን ቃራ፤ ኡርቃና እ ብያ ዎደ፥ ማራሻዳን ቢታ ጳልቄ።
\p
\v 31 “አባ ፐንቴዳ ሃዳን ቡኬ፤ ጻሩዋ ግዶን ፐንትያ ዛይትያዳንካ ቡልቡልሴ። 
\v 32 ባረፐ ጉየና ጶልያ ኦግያ ከሴ፤ አባ ሃካ ቦ ሆሞ ላሜ። 
\v 33 ቢታ ቦላን አ ማላ መት ባዋ፤ እ ያይ ኤረና መታ። 
\v 34 ሎይ ዎልቃማ ግዴዳ መታቱዋ ኡባ እ ዝቂ ኦደ ጼሌ፤ ዶኣ ኡባቶ እ ካተ” ያጌዳ።
\c 42
\s1 እዮበ አንጁዋ ዛር ደሙሳ
\r (42:1-17)
\p
\v 1 ሄዋፐ ጉይያን፥ ኢዮብ መና ጎዳዉ ሀዋዳን ያጊደ ዛሬዳ፤ 
\v 2 “ኔን ኡባባ ኦናዉ ዳንዳይያዋነ ነ ሀልቹዋካ ድጋናዉ ዳንዳይያዌ ባይናዋ ታን ኤራይ። 
\v 3 ‘ላ ሀ ኤራይ ባይናን ታ ዞርያ ገንያዌ ኦኔ?’ ያጋደ ታና ኦቻዳ።\x - \xo 42:3 \xo*\xt ኢዮባ 38:2\xt*\x* ቱሙፐ ታን ታዉ ገልቤናባ ሃሳያድ፤ ታ ኤራፐ ሃኬዳ ማላልስያባ ሃሳያድ።
\p
\v 4 “ኔን ታና፥ ‘ታን ኦድያ ዎደ ሀይዛ፤\x - \xo 42:4 \xo*\xt ኢዮባ 38:3\xt*\x* ታን ኦችያ ዎደ ኦዳ’ ያጋዳ።
\p
\v 5 “ታን ካሰ ነባ ታ ሀይን ስሳድ፤ ሽን ሀእ ታ አይፍያን ኔና በኣድ። 
\v 6 ሄዋ ድራዉ፥ ታን ሃሳዬዳዌ ታና ዬላዬዳ። ታን ብድንንነ ባናን ኡታደ ፓጻይ” ያጌዳ።
\p
\v 7 መና ጎዳይ ሀዋ ኢዮባዉ ሃሳዬዳዋፐ ጉይያን፥ ተማናፐ ዬዳ ኤልፋዛ ሀዋዳን ያጌዳ፤ “ታ ቆማ እዮበዋዳን፥ ህንተ ታዋ ልከ ሃሳይቤና ድራዉ፥ ነ ቦላነ ነ ላኡ ላገቱዋ ቦላ ታ ሀንቁ ኤጽ ከሴዳ። 
\v 8 ሄዋ ድራዉ፥ ሀእ ላፑን ኮሩማቱዋነ ላፑን ዶርሳ ኦርገቱዋ አኪደ፥ ታ ቆማ ኢዮባኮ ቢተ፤ ጹግያ ያርሹዋ ህንተ ባይዞ ያርሽተ። ታ ቆማይ ኢዮብ ህንተዉ ዎሳና፤ ታንካ አ ዎሳ ስሳደ፥ ህንተ ባይዙዋዳን ሙርከ። ህንተ ታ ቆማ እዮበዋዳን ታባ ልከ ሃሳይበይክታ” ያጌዳ።
\p
\v 9 ሄዋፐ ጉይያን፥ ተማናፐ ዬዳ ኤልፋዝ፥ ሹሀፐ ዬዳ ብልዳድነ ናእማፐ ዬዳ ጾፋር ቢደ፥ መና ጎዳይ ኡንቱንታ አዛዜዳዋዳን ኦድኖ። መና ጎዳይካ ኢዮባ ዎሳ ስሴዳ።
\s1 መና ጎዳይ ኢዮባዉ ዳኩዋ ዛሬ
\p
\v 10 ኢዮብ ባረ ላገቶ ዎሴዳዋፐ ጉይያን፥ መና ጎዳይ አዉ ዛሪደ እሻልሴዳ፤ አዉ ካሰዋ ድራዉ ላኡ ኩሽያ ኦደ እሜዳ።\x - \xo 42:10 \xo*\xt ኢዮባ 1:1-3\xt*\x* 
\v 11 ሄዋፐ ጉይያን፥ አ እሻቱ፥ አ ምቼቱነ ካሰ አ ኤርያዋንቱ ኡባቱ አኮ ዬድኖ፤ አ ሶን አናና ግብራ ሜድኖ። አዉ ካዮቲደ፥ መና ጎዳይ አ ቦላ አሄዳ መቶ ኡባፐ አ ምንድኖ። ቃይ ኡባይካ አዉ ዎርቃ ምግዱዋነ ብራ እሜድኖ።
\p
\v 12 መና ጎዳይ ኢዮባ ዉርሰ ላይ ኮይሮ ላይፐ አደ አንጄዳ። ኢዮባዉ ታማነ ኦይዱ ሻኡ ዶርሳቱ፥ ኡሱፑን ሻኡ ጋሎቱ፥ እት ሻኡ ዋ ቦራቱነ እት ሻኡ ማጫ ሀረቱ ደኢኖ። 
\v 13 ቃይ አዉ ላፑን አቱማ ናናቱነ ሄዙ ማጫ ናናቱ የለቴድኖ። 
\v 14 ባይራ ማጫ ናቶ ይሚሞ፥ ላኤንያና ቃጺኦ፥ ሄዘንያና ቀረንሀፉኮ ያጊደ ሱንዳ። 
\v 15 ኢዮባ ማጫ ናናቱዋዳን ማላ ሎኦ ማጫ አሳይ ቢታን ሳኣን ሀቃንነ ቤተና። ኡንቱንቱ አዉ ኡንቱንቶ ኡንቱንቱ እሻቱዋና ላትያ ቢታ ሻኪደ እሜዳ።
\s1 ኢዮባ ሀይቁዋ
\p
\v 16 ሄዋፐ ስምና፥ ኢዮብ ጼታነ ኦይታሙ ላይ ደኤዳ፤ ባረ ናናቱዋነ ባረ ናናቱዋ ናናቱዋ ኦይደን የለታ ጋካናዉ በኤዳ። 
\v 17 ኢዮብ ዳሮ ዎድያ ደኢደ፥ ሎኦ ጭማ ጭሚደ ሀይቄዳ።