\id JER - Dawuro Full Bible Ethiopic Version
\ide UTF-8
\h ኤርማሳ
\toc1 ኤርማሳ ትምቢትያ
\toc2 ኤርማሳ
\toc3 ኤር.
\mt1 ኤርማሳ ትምቢትያ
\imt ገሉዋ
\ip ትምቢትያ ኦድያ ኤርማስ፥ ክርስቶስ የለታናፐ ካሰ ላፑን ጼቱ ላይ ዉርሰንነ ኡሱፑን ጼቱ ላይ ዶመ ሄራን ደኤዳ። ኤርማስ ዳሮ ዎድያ ኦዳ ባረ ኦሱዋን ኡንቱንቱ ኤቃ ጎይኑዋነ ኡንቱንቱ ናጋራ ኦሱዋ ጋሱዋን ጾሳ አሳ ቦላ ዎልቃማ ባሻይ ዪደ ደእያዋ ኡንቱንታ ምንሲደ ኤርሴዳ። ባረ ኦዴዳዌ ኡባይ ፖለቴዳዋ ፓጻ ደኢደ ባረ አይፍያን በኤዳ። ባብሎነ ካቲ ናቡካዳናጾር የሩሳላመ ኦይቂደ፥ ካታማነ ጌሻ ጎልያ ላሌዳ። ይሁዳ ካዉነ አሳፐካ ዳርያ ባጋይ ኦሞደቲደ ባብሎነ ቤዳ። ጉጂደካ ኤርማስ አሳይ ኦሞዱዋፐ ስማናዋነ እስራኤልያ ካዉተይ ኤቃናዋ ካሰቲደ ኦዴዳ።
\ip ኤርማሳ ማጻፋ ኦይዱ ከሲደ በአናዉ ዳንዳየቴ።
\ili 1. ናብያ ጼሳባ፥ እዮስያሳ፥ ዮኣቄማ፥ ዮኣኪናነ ሰደቅያሳ ካዉተ ላይቱዋን ይሁዳ አሳስነ ኡንቱንታ ካለያዋንቶ ጾሳፐ ዬዳ ቃላ።
\ili 2. ሀናናዉ ኦደቴዳ ዱማ ዱማ ቃላቱዋነ ኤርማሳ ደኡዋን ፖለቴዳ ዋና ዋና የዎቱዋ ጉጂደ፥ ኤርማሳ ጻፍያ ባሩክ ጻፊደ ኦይቄዳ ቄር ዳዉታርያፐ ቤቴዳ ጹፈቱዋ።
\ili 3. ዱማ ዱማ አላጋ ቢታ አሳዉ ጾሳፐ ኦደቴዳ ትምቢትያ ቃላቱዋ።
\ili 4. የሩሳላመ ኦይቀባነ አሳይ ኦሞደቲደ ባብሎነ ባናዋ ኦድያ ጉጆ ታርከቱዋ።
\ip ኤርማስ ባረ አሳ ሎይ ሲቅያነ ኡንቱንቱ ቦላ ባየ ፕርዳ አናዉ ሎይ ዳሮ እጽያ አሳ። ትምቢትያ ኦድያ አሳ ግዲደ ኦና ማላ ጾሳይ አ ጼሴዳ ድራዉ፥ ባረና ጋኬዳ መቱዋ ጋሱዋን እ ካዮቴዳ ምኖ ካዩ አ ማጻፋ ግዶን ዳሮ ሳኣን ጻፈት ኡቴዳ። ጾሳ ቃላይ አ ዎዛና ግዶን ታማዳን ጹግያ ድራዉ፥ ሄዋ ባሪደ ዎ አጋናዉ ዳንዳይቤናዋ ቆንጭሴዳ።
\ip ሀ ማጻፋን ጻፈቴዳ ትምቢትያ ኦዴዳ ዎልቃማ ዎልቃማ ቃላቱዋፐ እቱ እቱ መቱ ኩሜዳ ኤርማሳ ላይፐ አደ፥ ዎዛናን ጻፈተደ ድራዉ፥ ሀሳይስያ አስታማሪ ኮሸናን፥ ኡባ ገደ ናግያ ኦራ ጫቁ ጾሳ አሳዉ እመትያ ዎዲ ያናዉ ደእያዋ ማላቲኖ (31:31-34)።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ጾሳይ ኤርማሳ ዶሬዳ \ior 1:1-19\ior*
\io1 ጾሳይ ይሁዳነ እስራኤልያ አሳ ሙርያዋ \ior 2:1—25:38\ior*
\io1 ኤርማስ ዎርዶ ናባቱዋ ኤቀቴዳ \ior 26:1—29:32\ior*
\io1 ጾሳይ ባረ አሳ ባረንቱ ቢታዉ ዛራና \ior 30:1—33:26\ior*
\io1 ኤርማሳ ዱማ ዱማ ኦሶቱዋ\ior 34:1—38:28\ior*
\io1 የሩሳላመ ኩንደነ ይሁዳን መቴዳ ሀኖታቱዋ \ior 39:1—42:22\ior*
\io1 ኤርማስ ግብጼ ቤዳ \ior 43:1—44:30 \ior*
\io1 ባሮካዉ ኦደቴዳ ትምቢትያ \ior 45:1-5 \ior*
\io1 ናቢ ዱማ ዱማ አሳዉ ኦዴዳ ትምቢትያ \ior 46:1—51:64 \ior*
\io1 የሩሳላመ ኩንደባዉ ኪተቴዳ ጉጃ ኦዱዋ \ior 52:1-34 \ior*
\c 1
\s1 ጾሳይ ኤርማሳ ዶሬዳ
\r (1:1-19)
\p
\v 1 ቢንያማ ቢታን አናቶታ ካታማን ደእያ ቄሳቱ ዋፐ እቱዋ ግድያ ህልቂያ ናኣ ኤርማሳ ቃላይ ሀዋ። 
\v 2 አሞና ናአይ፥ ይሁዳ ካቲ እዮስያስ ካተቴዳ ታማነ ሄዘን ላይን መና ጎዳ ቃላይ ኤርማሳዉ ዬዳ።\x - \xo 1:2 \xo*\xt 2 ካታ. 22:3—23:27፤ 2 ኦዱዋ 34:8—35:19\xt*\x* 
\v 3 ቃይ እዮስያሳ ናአይ፥ ይሁዳ ካቲ እዮአቄም ካተቴዳ ላይቱዋን ጾሳ ቃላይ ኤርማሳዉ ዬዳ። ቃይካ እዮስያሳ ናአይ፥ ሰደቅያስ ካተትና፥ ታማነ እት ላይ ጋካናዉ፥ ጾሳ ቃላይ ዳሮ ገደ አዉ ዬዳ። ሄ ላይ እቼሻን አግናን የሩሳላመ አሳይ ኦሞደቲደ ቤዳ።\x - \xo 1:3 \xo*\xt 2 ካታ. 23:36—24:7፤ 25:21፤ 2 ኦዱዋ 36:5-8፤ 11:21\xt*\x*
\s1 ኤርማስ ጼሰቴዳ
\p
\v 4 መና ጎዳ ቃላይ ታኮ ሀዋዳን ያጊደ ዬዳ፤ 
\v 5 “ታን ኔና ነ አት ኡሉዋን አታናፐ ካሰ ኤራድ። ኔን ኡሉዋፐ የለታናፐ ካሰ ታን ኔና ጌሻደ ዱማያ ዎድ። ቃይ ካዉተቶ ትምቢትያ ኦድያዋ ኦደ ኔና ሱንድ” ያጌዳ።
\p
\v 6 ታን፥ “ሀእ ኡባ ሞድያ መና ጎዳዉ፥ ታን ናኣ። ታን ዎት ሃሳይንቶካ ኤርከ” ያጋድ።
\p
\v 7 ሽን መና ጎዳይ ታና ሀዋዳን ያጌዳ፤ “ ‘ታን ናኣ’ ጎፓ። ታን ኔና ኪትያ አሳ ኡባኮ ባ። ታን አዛዝያዋ ኡባካ ኦዳ። 
\v 8 ኡንቱንቶ ያዮፓ። አያዉ ጎፐ፥ ታን ኔና አሻናዉ ኔናና እትፐ ደአና። መና ጎዳይ ሀዋ ኦዳድ” ያጌዳ።
\p
\v 9 መና ጎዳይ ባረ ኩሽያ የዲደ፥ ታ ዶና ቦቼዳ። ያቲደ፥ “በአ፤ ታን ታ ቃላ ነ ዶናን ዎድ። 
\v 10 ኔን ሾዳናዉነ ኮላናዉ፥ ይሳናዉነ አ የጋናዉ፥ ኬጻናዉነ ቶካናዉ፥ ደርያ አሳ ቦላነ ካዉተቱዋ ቦላ ታን ሀች ኔና ሱንድ” ያጌዳ።
\p
\v 11 መና ጎዳ ቃላይ ታኮ ዪደ፥ “ኤርማሳ፥ ነዉ አያይ ቤቲ?” ያጌዳ።
\p ታን ዛራደ፥ “ላዉዝያ ግያ ምፐ ከሴዳ ጋትማይ ቤቴ” ያጋድ።
\p
\v 12 መና ጎዳይ ታና፥ “ኔን ልከ በኣዳ። አያዉ ጎፐ፥ ታንካ ታ ቃላይ ፖለትና፥ ሄዋዳን በአናዉ ናጋይ” ያጌዳ።
\p
\v 13 ላኤንዋካ መና ጎዳ ቃላይ ታኮ ዪደ፥ “ሀራባይ ቃይ አያይ ቤቲ?” ያጌዳ።
\p ታን ዛራደ፥ “እት ፐንትያ ጻሩ ሁጲሳ ባጋፐ ሃ ስሚደ፥ ኩንዳናዉ ማት ኡቴዳዌ ቤቴ” ያጋድ።
\p
\v 14 መና ጎዳይ ታና፥ “ሁጲሳ ባጋፐ ባሻይ ፖደ፥ ቢታን ደእያ አሳ ኡባ ቦላ ጉካና። 
\v 15 ታን ሁጲሳ ባጋ ካዉተቱዋን ደእያ አሳ ኡባ ጼሳና ሀናይ። ታን መና ጎዳይ ሀዋ ኦዳድ። ኡንቱንቱ ካተቱ ዪደ፥ የሩሳላመ ገልያ ፐንገቱዋን፥ ድርሳ ዩሹዋ ኡባንነ ይሁዳ ካታማቱዋ ኡባን ባረንቱ አራታቱዋ ዎና። 
\v 16 ይሁዳ አሳይ ታና አጊደ፥ ሀራ ጾሳቶ ያርሺደነ ባረንቱ ኩሽያን ኡንቱንቱ ኦዳባዉ ጎይኒደ፥ ኦዳ ኡንቱንቱ ኢታተ ኡባ ድራዉ፥ ታን ታ ፕርዳ ኡንቱንቱ ቦላ ኦዳና።
\p
\v 17 “ሽን ኔን ነ ሁጲያዉ ጊጋ! ደንዳ ኤቃደ፥ ታን ኔና አዛዝያዋ ኡባ ኡንቱንቶ ኦዳ። ኡንቱንቶ ያዮፓ። ኔን ኡንቱንቶ ያዮፐ፥ ታን ኔና ኡንቱንቱ ስንን ጉጃ ያሽሳና። 
\v 18 ሀች ታን ኔና ሀ ቢታ ኡባ ቦላ፥ ይሁዳ ካተቱ ቦላ፥ ካፖቱዋ ቦላ፥ ቄሳቱ ዋ ቦላነ ሀ ቢታ አሳ ቦላ ግምበቴዳ ካታማዳን፥ ብራታ ቱሳዳንነ ናሃስያ ብራታን ድሬዳ ድርሳዳን ኦደ ምንሳድ። 
\v 19 ኡንቱንቱ ኔናና ኦለታና። ሽን ታን አሻናዉ ኔናና እትፐ ደእያ ድራዉ፥ ኔና ጾንክኖ። መና ጎዳይ ሀዋ ኦዳድ” ያጌዳ።
\c 2
\ms ጾሳይ ይሁዳነ እስራኤልያ አሳ ሙርያዋ
\mr (ኤር. 2:1—25:38)
\s1 እስራኤልያ አሳ ናጋራ
\p
\v 1 መና ጎዳ ቃላይ ታዉ ዪደ፥ 
\v 2 “ባደ የሩሳላመ አሳ ሀይን ሀዋዳን ያጋደ አዋያ፤ ‘ኔን ያላጋተን ታዉ አይ ኬሻ አማነቴደንቶ፥ ቃይ ኔን ብሮ ምሽራን ደእያ ዎደ፥ ታና አይ ኬሻ ሲቄደንቶ፥ ታን ጾሳይ ሀሳያይ። ኔን ባዞ ግዱዋና፥ ዘረይ ዘረት ኤረና ቢታና ታና ካላዳ። 
\v 3 ሄ ዎደ እስራኤሊ መና ጎዳዉ ጌሻ። አዉ ባይራ ካ ማላ፤ አፐ ሜዳ ኡባቱ ባይዛንቻ ግዲኖ። ያትና፥ ኡንቱንቱ ቦላ ኢታባይ ዬዳ። መና ጎዳይ ሀዋ ኦዳድ’ ያጋ” ያጌ።
\p
\v 4 ህንተኖ፥ ያቆባ አሳቶ፥ እስራኤልያ ዛረቶ፥ ኡባይካ መና ጎዳ ቃላ ስስተ! 
\v 5 መና ጎዳይ ሀዋዳን ያጌ፤ “ካሰ ህንተ አዎቱ ታናን አይ ባይዙዋ ደሚደ፥ ታፐ ሃኪደ ቤድኖ? ኡንቱንቱ ፓና ኤቃቶ ጎይኒደ፥ ፓናባ ግዴድኖ። 
\v 6 ኡንቱንቱ፥ ‘ኑና ግብጼፐ ከሴዳዌ፥ መላ አፎ ግዴዳ ባዙዋና፥ ኮሻይነ ጵ ጎ ማይ ደእያ ቢታና፥ አይ አሳይነ አና ዎይ ደኤና ሳና ካለዳ መና ጎዳይ ሀቃን ደኢ?’ ያግበይክኖ። 
\v 7 ህንተ አፐ ቴራነ ሎኦባ ማና ማላ፥ ታን ህንተና ቱኤ ቢታዉ አሃድ፤ ሽን ህንተ ዪደ፥ ታ ቢታ ቱንሴድታነ ታ ላታ ኢሴድታ። 
\v 8 ቄሳቱ ካ፥ ‘መና ጎዳይ ሀቃን ደኢ?’ ያግበይክኖ። ታ ህጊ ኡንቱንቱ ኩሽያን ደእያ አሳቱካ ታና ኤርበይክኖ። አሳ ሞድያዋንቱካ ታ ቦላ ማካሌድኖ። ትምቢትያ ኦድያዋንቱካ ባኣላ ሱንን ትምቢትያ ኦዲደ፥ ፓና ኤቃቶ ጎይኔድኖ” ያጌ።
\p
\v 9 ቃይካ መና ጎዳይ ሀዋዳን ያጌ፤ “ሄዋ ድራዉ፥ ታን ህንተና ብሮካ ሞታና፤ ህንተ ናናቱዋ ናናቱዋካ ሞታና። 
\v 10 አነ አዋይ ዶልያ ባጋ ቢደ፥ ቆጲሮሳ ግያ ሃን ዶደቴዳ ቢታ ጼልተ። ዎይ አዋይ ዉልያ ባጋ ቄዳረ ግያ ቢታ አሳ ኪቲደ ጾሞስስተ። ያቲደ አነ ሀዋ ማላባይ ሀዋፐ ካሰ ባጋን ሀኔደንቶነ በእተ። 
\v 11 ኡንቱንቱ ቱሙ ጾሳቱዋ ግዳና ዮፐነ፥ ደሪ ባረ ጾሳቱዋ ላምቤና። ሽን ታ አሳይ ታና ባረ ቦንቹዋ ፓና ኤቃቱዋን ላሜዳ” ያጌ።
\p
\v 12 ቃይካ መና ጎዳይ ሀዋዳን ያጌ፤ “ሳሎቶ፥ ‘ፖራ!’ ጊተ፤ ዳጋሚደ ኮኮርተ! 
\v 13 አያዉ ጎፐ፥ ታ አሳይ ላኡ ኢታባቱዋ ኦዳ፤ ሄዋንቱነ፥ ደኡዋ ሃ ፑልቱዋ ታና አጌዳ፤ ሃ ኦይቃናዉ ዳንዳየና፥ ጾኤት ድጌዳ ኦላ ባረዉ ቦኬዳ።
\p
\v 14 “እስራኤሊ ቆማነ ግደና፤ ሶን የለቴዳ አይለነ ግደና። ያትና፥ እ አያዉ ዶአይ ኦይቂያዋ ግዴዴ? 
\v 15 አ ሞርከቱ ጋሙዋዳን፥ አ ቦላን ጉዴድኖ። ኡንቱንቱ ባረንቱ ቃላ ቁ ኦደ ዳሬድኖ፤ ኡንቱንቱ አ ቢታ መላ ከሴድኖ፤ አ ካታማቱካ ላለቲደ፥ ደእያዋ ዬድኖ። 
\v 16 ሄዋ ቦላካ መምፕሳነ ጻፍናሳ አሳቱ አ ሊጲያ ሜዴድኖ። 
\v 17 ኔኖ እስራኤልያዉ፥ እ ኔና ኦግያን ካለሽን፥ መና ጎዳ ነ ጾሳ አጌዳዋን ሀዋ ነ ቦላ አሄዳዌ ኔና ግድኪ? 
\v 18 ናይለ ሻፋፐ ሃ ኡሻናዉ ግብጼ ብያዌ ኔና አያ ማዳኔ? ዎይ ኤፍራጺሳ ሻፋፐ ሃ ኡሻናዉ አሶረ ቢታ ብያዌ ኔና አያ ጎአኔ? 
\v 19 ስም ነ ኢታተይ ኔና ሙራና፤ ኔን ታና አጌዳዌ ነ ቦላ ፕርዳና” ያጌ።
\p መና ጎዳይ፥ ኡባፐ ዎልቃማ ጾሳይ ሀዋዳን ያጌ፤ “ኔን ታና መና ጎዳ ነ ጾሳ አጌዳዌ አይ ኬሻ ኢታነ ጫማ ግድንቶ፥ አነ ኤራነ በአ። ኔን ታዉ ያይያ ያሻይ ኔናን ባዋ።
\p
\v 20 “ታን ነ ሞርገ ም በን መንድ፤ ነ ቃሹዋካ ዱድ። ያትናካ፥ ‘ታን ነዉ ኦከ’ ያጋዳ። ደርያ ኡባ ቦላነ ዳሻ ም ኡባ ጋርሳን ሻርሙጻዳን ግሳዳ። 
\v 21 ታን ኔና በርተ ዘረፐ አካደ፥ ሎኦ ዎይንያ ቱራዳን ቶካድ። ያትና፥ ዋና ጉየ ስማደ፥ ዎራን ዶሌዳ፥ ባዬዳ ዎይንያ ቱራ ግዳዲ?” ያጌ።
\p
\v 22 ቃይካ ኡባ ሞድያ መና ጎዳይ ሀዋዳን ያጌ፤ “ኔን ሀንጪጭያን ሜጨታንቶካ፥ ሳሙና ዳርሳደ ጎርፐታንቶካ፥ ነ ባይዙዋ ቅታይ ሀእካ ታ ስንና። 
\v 23 ኔን ዋናደ፥ ‘ታን ቱናበይከ፤ ታን ባኣላ ኤቃቶ ጎይናናዉ ዎጻበይከ’ ጋናዉ ዳንዳያይ? አነ ኔን ዎምባን ሀኔዳዋ ጼላ፤ ኔን ኦዳዋነ አኬካ። ኔን ያነ ሃነ ዎ ጃምያ ጋላት ማላ። 
\v 24 ኔን ባዙዋ ሜዘቴዳ፥ ባረ ዚታ ዎደ ጫርኩዋ ስንገያ ሀራት ማላ። አ ብራሳዉ ኤቃ ክችና፥ ኦን እዞ ተአናዉ ዳንዳዪ? እዞ ዚትያ አይ ዎዳላ ሀሪነ ዳቡረና፤ እ እዝ ጨገናን እዞ ደም አጌ። 
\v 25 ኔኖ፥ እስራኤልያ፥ ነ ጫማይ ዉራና ጋካናስነ ነ ኮኪ መላና ጋካናዉ፥ ሀራ ጾሳቱዋ ጌዱዋ ሀዋዳን ዎጾፓ። ሽን ኔን፥ ‘እጻዳ፤ ሄዌ ታና አይነ ማደና። አያዉ ጎፐ፥ ታን እማ ጾሳቱዋ ሲቃ ድጋድ፤ ታን ኡንቱንቶ ጎእናና’ ያጋዳ።
\p
\v 26 “ካይሱ ኦይቀቴዳ ዎደ ዬላትያዋዳን፥ እስራኤልያ አሳይ ዬላቴ፤ ኡንቱንቱካ፥ ኡንቱንቱ ካተቱ፥ ኡንቱንቱ ካፓቱ፥ ኡንቱንቱ ቄሳቱ ነ ኡንቱንቱ ትምቢትያ ኦድያዋንቱ ኡባይ ዬላቲኖ። 
\v 27 ኡንቱንቱ ም፥ ‘ኔን ታ አዉዋ’ ያጊኖ፤ ቃይ ሹቻ፥ ‘ኔን ታና የላዳ’ ያጊኖ። ኡንቱንቱ ታዉ ባረንቱ ሶምኡዋ አጊደ፥ ባረንቱ ዞክያ ዛሬድኖ። ሽን ኡንቱንቱ መቶትያ ዎደ ታና፥ ‘ደንዳ! ኑና አሻ!’ ያጊኖ። 
\v 28 ሽን አነ፥ ህንተ ህንተዉ መዳ ጾሳቱ ሀቃን ደእኖ? ህንተ መቶትያ ዎደ ህንተና አሻናዉ ዳንዳዮፐ፥ አነ ደንድኖ! ህንተኖ፥ ይሁዳ አሳቶ፥ ህንተ ጾሳቱ ህንተ ካታማቱዋ ኬሻ ጮራ” ያጌ።
\p
\v 29 መና ጎዳይ ሀዋዳን ያጌ፤ “ህንተ ታናና አያዉ ሞተቲቴ? ህንተ ኡባይካ ታዉ ማካሌድታ። 
\v 30 ታን ህንተና ጮ መላ ሙራድ፤ ህንተ ባይበይክታ። ኮሻቴዳ ጋሙዋዳን፥ ህንተ ማሻይ ህንተ ትምቢትያ ኦድያዋንታ ም ድጌዳ” ያጌ።
\p
\v 31 ህንተኖ፥ ሀ ዎድያ የለታቶ፥ መና ጎዳ ቃላ ስስተ! እ ሀዋዳን ያጌ፤ “ታን ህንተዉ፥ እስራኤላቶ ባዞ ማላ ዎይ ጵ ጎ ማ ቢታ ማላ ግዳድታየ? ያትና፥ አያዉ ታ አሳይ፥ ‘ኑን ኑ ሸንያዳን ባና፤ ላኤን ኡባካ ኔኮ ስሞኮ’ ያጊ? 
\v 32 ወዶራታ ባረ አሌቁዋ ዎይ ቡላቼትያና ባረ ቡላቻ ማዩዋ ዶጋይ? ሽን ታ አሳይ ታና ፓይዱ ባይና ጋላሳ ዶጌዳ። 
\v 33 ኔን ነ ላገቶ ጌዱዋ ዎጽያዋ አያ ሜዘታዲ! ሎይ ኢታ ማጫ አሳቱካ ነ ኦግያፐ ታማራናዉ ዳንዳዪኖ። 
\v 34 ቃይ መንደ ገልሽና ኦይቄዳ አሳ ሱን ግደናን፥ ጽሎ ህዬሳቱዋ ሱ ጩዋን ነ ማዩ ባይ ኡቴዳ።
\p “ኔን ሀዋ ኡባ ኦደካ፥ 
\v 35 ‘ታን ጽሎ፤ ቱሙዋፐ ጾሳይ ታ ቦላ ሀንቀተና’ ያጋሳ። ኔን፥ ‘ታን ናጋራ ኦበይከ’ ግያ ድራዉ፥ ታን ነ ቦላን ፕርዳና። 
\v 36 ያትና ኔን ነ ኦግያ ላማናዉ አያዉ ብቻራይ? ካሰ ኔና አሶረ ቢታይ ዬላዬዳዋዳን፥ ግብጼ ቢታይካ ዬላያና። 
\v 37 ኔን ሀዋፐካ ነ ሁጲያ ኦይቃደ ከሳና። አያዉ ጎፐ፥ መና ጎዳይ ኔን አማነትያዋንታ እጼዳ። ኔን ኡንቱንቱን ማደታካ” ያጌ።
\c 3
\s1 አማነተና እስራኤላቶ
\p
\v 1 መና ጎዳይ ሀዋዳን ያጌ፤ “እት አሳይ ባረ ማቻቶ የድና፥ እዛ ባደ ሀራ አስና ገሎፐ፥ ሄ ብታኒ ላኤን እዞ ዛሪ? ዛሮፐ ሄ ቢታይ አዳ ቱና ቱኔ! ሽን ኔን ሻርሙጻዳን፥ ጮራ ላገቱዋና ደኣዳ፤ ያናደካ ሀእ ኔን ታኮ ስማኒ! 
\v 2 አነ ቁ ጋደ፥ አያይነ ባይና ደረቱዋ ጼላ። ኔን ሻርሙጻዳን ግሳቤናሳይ ሄዋን ደኢ? አራብያ አሳይ ባዙዋን ኡቲደ ናግያዋዳን፥ ኔን ላገቱዋ ናጋደ ኦግያ ጋጻን ኡታዳ። ያታደ ነ ሻርሙጻንነ ነ ኢታተን ቢታ ቱንሳዳ። 
\v 3 ሄዋ ድራዉ፥ ባሳይ ተኤቴዳ፤ ባልጉዋ እራይካ ቡከናን አጌዳ። ሄዋ ሀኖፐካ፥ ነዉ ሻርሙጽያ ማላይ ደኤ፤ ኔን ዬላተናን እጻዳ።
\p
\v 4 “ሀእ ኔን ታና፥ ‘ታ አዎ፥ ታ ናአተደፐ ዶምና፥ ኔን ታና ሲቃሳ። 
\v 5 ኔን ኡባ ገደ ታ ቦላ ይሎታይ? ነ ሀንቁ መናዉካ አገኔ?’ ያጋሳ። ኤ፥ ኔን ሀዋ ያጋሳ፤ ሽን ኔን ኦናዉ ዳንዳይያ ኢታ ኡባ ኦሳ” ያጌ።
\p
\v 6 ካቲ እዮስያስ ካተቴዳ ላይ፥ መና ጎዳይ ታና ሀዋዳን ያጌዳ፤ “ሀና አማኑ ባይና እስራኤላታ ኦዳዋ ኔን በኣድ? አ ደርያ ኡባ ቦላነ ዳሻ ምቱ ኡባ ጋርሳ ባደ፥ ያን ሻርሙጻዱ።\x - \xo 3:6 \xo*\xt 2 ካታ. 22:1—23:30፤ 2 ኦዱዋ 34:1—35:27\xt*\x* 
\v 7 እዛ ሀዋ ኡባ ኦደካ፥ ታኮ ስማናኑ ጋደ ቆፓድ፥ ሽን ስማበይኩ። ቃይ እ ምቻታ፥ አማነተና ይሁዳካ ሄዋ በኣዱ። 
\v 8 አማኑ ባይና እስራኤሊ ዳሮ ገደ ሻርሙጼዳ ድራዉ፥ ፓራማ እማደ እዞ የዳድ። ሄዋ ግድናካ እስራኤሊ ምቻታ፥ አማነተና ይሁዳ ያየናዋ ታን በኣድ፤ አካ ከሳደ ሻርሙጻዱ። 
\v 9 ሻርሙጽያዌ እዉ ጺ ላፋባ ግድያ ድራዉ፥ ምናነ ሹቻና ሻርሙጻደ ቢታ ቱንሳዱ። 
\v 10 ሄዋን ኡባንካ እ ምቻታ፥ አማነተና ይሁዳ፥ ጮ ስሜዳዋ ማላታዉፐ አትና፥ ኩመን ዎዛናፐ ታኮ ስማበይኩ። ታን መና ጎዳይ ሀዋ ኦዳድ” ያጌዳ።
\p
\v 11 መና ጎዳይ ታዉ ሀዋዳን ያጌዳ፤ “አማነተና ይሁዳትፐ አማኑ ባይና እስራኤላታ ጽላ። 
\v 12 ባ፤ ሁጲሳ ባጋዉ ሀዋዳን ያጋደ አዋያ፤ መና ጎዳይ ሀዋዳን ያጌ፤ ‘ሀነ፥ አማኑ ባይና እስራኤላቴ፥ ስማ! ታን ማሮታይ ኩሜዳዋ ግድያ ድራዉ፥ ታን ኔና ኢታ አይፍያን ጼልከ። መናዉ ሀንቀትከ። 
\v 13 ግዶፐነ፥ ኔን፥ ታን መና ጎዳ ታ ጾሳ ቦላ ማካላድ። አላጋ ጾሳቱዋና ዳሻ ም ኡባ ጋርሳን ሻርሙጻድ። ነ ቃላዉ አዛዘታበይከ’ ጋደ ነ ባይዙዋ አማናናዉ ኮሼ። ታን መና ጎዳይ ሀዋ ኦዳድ” ያጌ ያጋ ያጌዳ።
\p
\v 14 “ቃይካ መና ጎዳይ ሀዋዳን ያጌ፤ ‘ህንተኖ፥ አማነተና አሳቶ፥ ስምተ፤ አያዉ ጎፐ፥ ታን ህንተ አስና። ህንተና እቱዋ እት ካታማፐ፥ ላኡዋ እት ያራፐ ዶራደ አካና፤ ህንተና ጽዮነ አሀና። 
\v 15 ሄዋፐ ጉይያን፥ ታን ታ ዎዛናዳን፥ ህንተና ሄምያ ሄንንቻቱዋ ህንተዉ እማና። ኡንቱንቱ ህንተና ኤራተንነ አኬካን ሄማና’ ” ያጌ።
\p
\v 16 ቃይካ መና ጎዳይ፥ “ሄ ጋላሳቱዋን ህንተ ሄ ቢታን ጮራትያ ዎደ፥ አሳቱ፥ ‘መና ጎዳ ጫቁዋ ታቦታ’ ጊደ ሃሳይክኖ። እ ኡንቱንቶ ካርህነ ጌና፥ ዎይ ሀሳየተና፥ ዎይ ባይናዌካ ኡንቱንቶ ቆፈተና፤ ቃይ ሀራይ ኦሰተና። 
\v 17 ሄ ዎድያን ኡንቱንቱ የሩሳላመ መና ጎዳ ካተቱዋ አራታ ጊደ ጼሳና። ካዉተ ኡባፐ አሳይ መና ጎዳ ሱን ቦንቻናዉ የሩሳላመ ሺቃና። ሄዋፐ ስንን ኡንቱንቱ እጼዳ ጊደ፥ ባረንቱ ኢታ ቆፋ ካልክኖ። 
\v 18 ሄ ጋላሳቱዋን ይሁዳ አሳቱ እስራኤልያ አሳቱዋና እትፐ ጋከቲደ፥ ሁጲሳ ባጋ ቢታፐ ታን ካሰ ህንተ አዎቱዋ ላትሴዳ ቢታ እትፐ ያና” ያጌ።
\s1 ጾሳ አሳይ ኤቃ ምስለቶ ጎይኔዳ
\p
\v 19 መና ጎዳይ፤ “ታን ህንተና አቱማ ናናቱዋዳን ዎታ ዎነንቶነ፥ ፓጻ ቢታ፥ ካዉተ ኡባፐ አደ፥ ሎእያ ቢታ ዎታ ላትሳነንቶነ ቆፓድ። ቃይ ታና፥ ‘ታ አቦ’ ጊደ ጼሳናነ ታና ካልያሳፐ ጉየ ስምክኖ ጋደ ቆፓድ። 
\v 20 ሽን እስራኤልያ አሳቶ፥ ህንተ ባረ አስናዉ አማነተና ማቻቲዳን ታዉ አማነትበይክታ” ያጌ።
\p
\v 21 አየንቶ ባይና ቃ ደረቱዋ ቦላን ኮሻይ ስሰቴ፤ ሄዌነ፥ እስራኤልያ አሳ ዬኩዋነ ዋትዋቱዋ። አያዉ ጎፐ፥ ኡንቱንቱ ባረንቱ ኦግያ ጌላዬድኖነ መና ጎዳ ባረንቱ ጾሳ ዶጌድኖ። 
\v 22 ጾሳይ ኡንቱንታ፥ “ህንተኖ፥ አማኑ ባይና አሳቶ፥ ታኮ ስምተ። ህንተ አማነታና ማላ፥ ታን ህንተና ፓና” ያጌዳ።
\p ኡንቱንቱ፥ “ኤኖ፥ ኑን ኔኮ ስማና። አያዉ ጎፐ፥ ኔን መና ጎዳ ኑ ጾሳ። 
\v 23 ኑን ዞዘቱዋ ሁጲያንነ ደረቱዋ ሁጲያን ኤቃዉ ጎይንያዌ ቱሙዋፐ ጭሙዋ። ቱሙፐ ኑዉ፥ እስራኤላቶ አቶተይ መና ጎዳና፥ ኑ ጾሳና። 
\v 24 ኑ ያላጋተደፐ ዶምና፥ ኑ አዎቱ ዳቡሪደ ደሜዳዋ፥ ኡንቱንቱ ዶርሳነ ሚዛ፥ ኡንቱንቱ ማጫነ አቱማ ናናቱዋ፥ ዬላይያ ኤቃቱ ም ይሴድኖ። 
\v 25 ኑ ያላጋተደፐ ዶሚደ፥ ሀች ጋካናዉ፥ ኑንካ ኑ አዎቱካ መና ጎዳ ኑ ጾሳ ቦላ ናጋራ ኦዶ። መና ጎዳ ኑ ጾሳ ቃላዉ አዛዘትበይኮ። ሄዋ ድራዉ፥ አነ ኑን ዬላዉ ዱገ ጉፋኔቶ፤ ቃይ ካዉሻይ ኑና አፍላዳን ካሞ” ያጊኖ።
\c 4
\s1 ስምተ ግያ ጼሳ
\p
\v 1 መና ጎዳይ ሀዋዳን ያጌ፤ “እስራኤልያ አሳዉ፥ ስሞፐ፥ ሃ ታኮ ስምተ። ህንተ ታን ሸነትያ ህንተ ኤቃቱዋ ታ ስንፐ ድጎፐ፥ ታፐ ዎራ ባና ዮፐነ 
\v 2 ህንተ ቱሙዋን፥ ሱረተንነ ጽሎተን፥ ‘መና ጎዳይ ኤሮ!’ ጊደ ጫቆፐ፥ ሄ ዎደ ካዉተቱ አን አንጀታናነ አን ጬቃና” ያጌ።
\p
\v 3 መና ጎዳይ ይሁዳ አሳዉነ የሩሳላመን ደእያዋንቶ ሀዋዳን ያጌ፤ “ህንተ ኦ ቢታ ጎሽተ፤ አጉን ቦላ ዘሮፕተ።\x - \xo 4:3 \xo*\xt ሆሰ 10:12\xt*\x* 
\v 4 ህንተኖ፥ ይሁዳ አሳቶ፥ የሩሳላመን ደእያዋንቶ፥ ህንተ ህንተ ሁጲያ መና ጎዳዉ ቃጻርተ፤ ህንተ ዎዛና ሾኩዋ ድግተ። ሄዌ ዮፐ፥ ህንተ ኦዳ ኢታተ ድራዉ፥ ታ ሀንቁ ታማዳን ኤጽ ከሳና። አ ኦንነ ቶይሳናዉ ዳንዳየና” ያጌ።
\s1 ጾሳይ ሁጲሳ ባጋ ቢታፐ ኢታባ አዬ
\p
\v 5 ጾሳይ ሀዋዳን ያጌ፤ “ይሁዳን ኦድተ። የሩሳላመን፥ ‘ቢታ ኡባን ማላካታ ፑንተ!’ ያጊደ አዋይተ። ህንተ ቃላ ቂሲደ፥ ሀዋዳን ጊደ ዋስተ! ‘እትፐ ሺቅተ! አነ ግምቢ ዩይ አዳ ካታማ ደንድተ!’ ያግተ። 
\v 6 አሳይ ጽዮነ ባና ማላ ማላትተ! ህንተዉ ሳሮ አታናዉ ባቃትተ! ጋምኦፕተ! አያዉ ጎፐ፥ ታን ሁጲሳ ባጋ ቢታፐ ኢታባነ ዎልቃማ ባሻ አሀና ሀናይ። 
\v 7 ጋሙ ባረ ደእያ ቡራፐ ከስያዋዳን፥ ካዉተቱዋ ይስያዌ ባረ ሳኣፐ ደንዴ። ህንተ ቢታ ይሳናዉ ዬዳ። ህንተ ካታማቱ ባዪደ ኦና ግዳናዋ። 
\v 8 ሄዋ ድራዉ፥ ማቃ ማዪደ፥ ‘አዬ! አየ!’ ያጊደ ዝላልተነ ዬክተ። አያዉ ጎፐ፥ መና ጎዳ ሀንቁ ሱልያዌ ኑ ቦላፐ ክችቤና” ያጌ።
\p
\v 9 ቃይካ መና ጎዳይ፥ “ሄ ጋላስ፥ ካትያ ዎዛናይነ ካፖቱዋ ዎዛናይ ያያና። ቄሳቱ ካ ዳጋማና። ትምቢትያ ኦድያዋንቱካ፥ ‘ፖራ!’ ጊደ ዶና ኦይቃና” ያጌ።
\p
\v 10 ታን፥ “ሀእ ኡባ ሞድያ መና ጎዳዉ፥ ማሻይ ኡንቱንቱ ቆያን ዎያ ዎደ፥ ‘ህንተዉ ሳአይ ሳሮ ግዳና’ ያጋደ፥ ሀ አሳነ የሩሳላመ ሎይ ጭሙዋ ጭማዳ” ያጋድ።
\p
\v 11 ሄ ዎድያን ሀ አሳስነ የሩሳላመዉ፥ መና ጎዳይ ሀዋዳን ያጌ ጌተታና፤ “ባዙዋን አያይነ ባይና ቃ ደረቱዋፐ ምችያ ጫርኩ ታ አሳ ቦላ ጫርካና፤ ሽን ሄዌ ካ ሰጻናዉነ ጌሻናሳ ግደና። 
\v 12 ሄዋፐ ሎይ ዎልቃምያ ጫርኩ ታ አዛዙዋን ጫርካና፤ ሀእ ታን ኡንቱንቱ ቦላ ፕርዳና” ጌ ጌተታና።
\s1 ይሁዳ ቢታይ ሞርክያን ዶደቴዳ
\p
\v 13 በእተ፥ ሞርኪ ሻርያዳን ከሴ። አ ፓራ ጋረቱካ ጎትያ ማላ፤ አ ፓራቱ አርጋንፐካ አ ኤሌሊኖ። አየ አና ኑኖ! ባዋ ዬዶ!
\p
\v 14 ኔኖ የሩሳላመ፥ አታና ማላ፥ ነ ዎዛና ሜጫደ ኢታተፐ ጌሻ ድጋ! ኢታ ቆፋይ ነ ዎዛናን አዉደ ጋካናዉ ጋምአኔ? 
\v 15 ዳና ካታማፐነ ኤፍሬማ ደርያፐ ዬዳዋንቱ ኢታባ አዋዪኖ። 
\v 16 መና ጎዳይ ሀዋዳን ያጌ፤ “ካዉተቶ ኦድተ፤ የሩሳላምዉካ ሀዋዳን ያጊደ አዋይተ፤ ይሁዳ ካታማቱዋ ቦላን፥ ‘ሃኮ ቢታፐ ኦላ አዋይያ ኦላንቻቱ ይ ደኢኖ፤ 
\v 17 እ ታ ቦላ ማካሌዳ ድራዉ፥ ጋደን ደእያ ካ ናግያዋንቱዳን፥ ሄ ኦላንቻቱ ይሁዳ ዩሹዋን ዩይ አኖ’ ያግተ” ያጌ።
\p
\v 18 ይሁዳ አሳቶ፥ ህንተ ሀኑነ ህንተ ኦሱ ሀዋ ኡባ ህንተ ቦላ አሄዳ። ሀዌ ህንተዉ ሙሮ። እ አይ ኬሻ ጫምያቤ! ህንተ ዎዛና አይ ኬሻ ጫድያቤ!
\s1 ኤርማስ ባረ አሳ ግሻዉ ዝላሌዳ
\p
\v 19 አየ ታኖ! ታን ሀዋ ዎታ ዳንዳያኔ! አየ ታ ዎዛናዉ! ታ ዎዛናይ ድድቄ፤ ታን ጮኡ ጋናዉ ዳንዳይከ። አያዉ ጎፐ፥ ታን ማላካታ ፑኑዋነ ኦላ ዋሱዋ ስሳድ። 
\v 20 ኢታባይ ኢታባ ካሌ፤ ሙለ ቢታይ ባዬዳ። ታ ዱንካነቱነ ጋርዳቱ ኤለካ ዬድኖ። 
\v 21 አዉደ ጋካናዉ ኦላ ማላታ ጼላኔነ ማላካታ ፑኑሳ ስሳኔ?
\p
\v 22 ጾሳይ ሀዋዳን ያጌ፤ “ታ አሳይ ቦዛ፤ ኡንቱንቱ ታና ኤርክኖ። ኡንቱንቱ ቆፍ ባይና ናናቱዋ፤ ኡንቱንቶ አኬክ ባዋ። ኡንቱንቱ ኢታባ ኦናዉ ኤራንቻ፤ ሽን ሎኦባ ኦናዉ ኤርክኖ” ያጌ።
\s1 ኤርማስ በኤዳ ሳፃ
\p
\v 23 ታን ሳኣ ጼላድ፤ ሳአይ ጊግቤናዋነ አያይነ ባይና መላ ግድያዋ በኣድ። ቃይ ሳሎቱዋ ጼላድ፤ ኡንቱንቱን ፖኡ ባይናዋ በኣድ። 
\v 24 ደረቱዋ ጼላድ፤ ኡንቱንቱ ቃጽያዋነ ዞዘቱ ኡባይ ጉየነ ስንዉ ጋጅ ጋጅያዋ በኣድ። 
\v 25 ታን ጼላድ፤ ሽን አይ አሳነ በአበይከ፤ ሳሉዋ ካፎቱካ ኡባይ ፓሊደ ባቃቴድኖ። 
\v 26 ጼላድ፤ አራዳ ቢታይ መላ ግዴዳዋ በኣድ፤ መና ጎዳ ስንን፥ አ ሱሎ ሀንቁዋ ስንን ሄ ቢታ ካታማቱካ ዮደቴድኖ።
\p
\v 27 መና ጎዳይ ሀዋዳን ያጌ፤ “ሙለ ቢታይ ባያና፤ ሽን ታን አ ዉርሳ ይስከ። 
\v 28 ሄዋ ድራዉ፥ ሳአይ ዬካና፤ ሳሎቱካ ቦላን ማና። አያዉ ጎፐ፥ ታን ጋ ድጋድ፤ ማርሰትከ። ታን ቆፋ ቃቻ ክቻድ፤ አግከ” ያጌ።
\p
\v 29 ፓራ አሳቱነ ዎንዳፍያ አሳቱ ጋርማሙዋን፥ አሳይ ካታማ ኡባፐ ባቃታና። ባጋቱ ዎጺደ ዎራ ጋርሳ ገልና፥ ባጋቱ ቃይ ዛላ ሽቢኖ። ካታማይ ኡባይ ኦኒደ፥ ደእያ አሳ ዬዳ።
\p
\v 30 ኔኖ፥ ባያ ክቼዳኔ፥ ኔን አይ ኦይ? ነ ዞኦ ማዩዋ አያዉ ማያይ? ዎርቃ አሌቁዋ አያዉ ዎይ? ነ አይፍያ ስጲን አያዉ ኦካይ? ኔን ጮ መላ ኔና ሎይዳ። ነ ላገቱ ኔና ካድኖ፤ ኡንቱንቱ ኔና ዎናዉ ኮዪኖ። 
\v 31 ታን የሉዋ ኦይቀቴዳ ምሽራታ ዋስያዋ ማላ ዋሱዋ ስሳድ። እ ዋሱ ኮይሮ ናኣ የልያ ማጫ ምሽራት ኦልያ ማላ። ሄ ዋሱ፥ የሩሳላማ ሸምፑዋ ተኤታደ፥ ባረ ኩሽያ ምጫደ፥ “አየ ታኖ! ሄኮ ታና ዎናዉ ሀኒኖ!” ያጋደ ዋስያ ዋሱዋ።
\c 5
\s1 የሩሳላመ አሳ ናጋራ
\p
\v 1 ጾሳይ ሀዋዳን ያጌ፤ “አነ የሩሳላመ ኦግያ ፑደነ ዱገ ሀመትተ፤ አነ ዩይ አደ ጼልተነ አኬክተ፤ አ ጉታራንካ ኮይተ። ጽሉዋ ፕርድያነ ቱሙዋ ኮይያ እት አሳ ህንተ ደሞፐ፥ ታን የሩሳላመ ማራና። 
\v 2 ሽን ኡንቱንቱ፥ ‘መና ጎዳይ ኤሮ’ ጎፐካ፥ ኡንቱንቱ ቱሙዋፐ ዎርዱዋን ጫቂኖ” ያጌ።
\p
\v 3 አቤት መና ጎዳዉ፥ ነ አይፈቱ ቱሙዋ ጼልክኖየ? ኔን ኡንቱንታ ደቻዳ፥ ሽን ኡንቱንታ ሳክቤና። ኔን ኡንቱንታ ክንቼሬዳ፥ ሽን ኡንቱንቱ ሴራ አከናን እጼድኖ። ኡንቱንቱ ባረንቱ ሶምኡዋ ዛላፐ አ ምንሲደ፥ ባረንቱ ናጋራፐ ስመናን እጼድኖ።
\p
\v 4 ሄዋፐ ጉይያን፥ ታን ሀዋዳን ያጋደ ቆፓድ፤ “ሀዋንቱ ህዬሳ ጻላላ፤ ሀዋንቱ ቦዛ። አያዉ ጎፐ፥ ኡንቱንቱ መና ጎዳ ኦግያ፥ ባረንቱ ጾሳ ህግያ ኤርክኖ። 
\v 5 ስም ታን ዎልቃማ አሳቱዋኮ ባናነ ኡንቱንቶ ኦዳና። አያዉ ጎፐ፥ ኡንቱንቱ መና ጎዳ ኦግያ፥ ባረንቱ ጾሳ ህግያ ኤሪኖ” ያጋደ ቆፓድ። ሽን ኡንቱንቱ ኡባይካ እትፐ አ ሞርገ ም መንድኖነ ቃሹዋካ ዱድኖ። 
\v 6 ሄዋ ድራዉ፥ ጋሙ ባረ ዎራፐ ከሲደ፥ ኡንቱንታ ዎና። ጄሪ ባዙዋፐ ከሲደ፥ ኡንቱንቱ ም ይሳና። ማሂ ኡንቱንቱ ካታማቱዋ ዙጊደ ናጋና። ሄ ካታማቱዋፐ ከስያ ኡባይ ፑዘት ዉራና። አያዉ ጎፐ፥ ኡንቱንቱ ማካላይ ዳልጌዳ፤ ኡንቱንቱ ቶሺካ ዳሬዳ።
\p
\v 7 ጾሳይ ሀዋዳን ያጌ፤ “ታን ህንተ ናጋራ አያዉ አቶ ጎ? ህንተ ናናቱ ታና አጊደ፥ ዎርዶ ጾሳቱዋን ጫቄድኖ። ታን ኡንቱንታ ምዛደ ካልሳድ፤ ሽን ኡንቱንቱ ሻርሙጼድኖነ ሻርሙጻቱዋ ጎልያ ሲሬድኖ። 
\v 8 ኡንቱንቱ ከቴዳ ኮሩማ ፓራዳን ዚቲደ፥ ሀራ አሳ ማቻቶ ዎሹማናዉ አሞቲኖ። 
\v 9 ቱሙ ታን ሀ የዎቱዋ ድራዉ፥ ኡንቱንታ ሙራናዉ በስክታ? ሀዋ ማላ ካዉተዉ ታ ሀሉዋ ከስክታ?” ያጌ መና ጎዳይ።
\p
\v 10 ቃይካ መና ጎዳይ ሀዋዳን ያጌ፤ “እ ዎይንያ ቱራ ማራ ግዱዋና ቢደ ባይዝተ፤ ሽን ዉርስ ይሶፕተ። እ ታሸቱዋ ፐንጊ ኦልተ፤ አያዉ ጎፐ፥ ኡንቱንቱ መና ጎዳሳ ግድክኖ። 
\v 11 እስራኤልያ አሳቱነ ይሁዳ አሳቱ ሙለካ አማነትበይክኖ” ያጌ።
\p
\v 12 ኡንቱንቱ ሀዋዳን ጊደ፥ መና ጎዳ ቦላ ዎርዱዋን ሃሳዬድኖ፤ “እ አይነ ኦና፤ ቆህያባይ አያይነ ኑ ቦላ ዬና። ሞርክያ ማሻ ዎይ ኮሻ ኑን ሙለካ በኦኮ። 
\v 13 ትምቢትያ ኦድያዋንቱ ጫርኩዋ ማላ፤ ኡንቱንቱን ጾሳ ቃላይ ባዋ። ሄዋ ድራዉ፥ ኡንቱንቱ ግያዌ ኡባይ ኡንቱንታ ጋኮ” ያጊኖ።
\p
\v 14 ሄዋ ድራዉ፥ መና ጎዳይ፥ ኡባፐ ዎልቃማ ጾሳይ እስራኤልያ አሳ ሀዋዳን ያጌ፤ “ኡንቱንቱ ሀ ቃላ ሃሳዬዳ ድራዉ፥ ታን ታ ቃላ ነ ዶናን ታማ ከሳና። ሀ አሳካ ም ከሳና፤ ሄ ታማይ ኡንቱንታ ም ይሳና” ያጌ።
\p
\v 15 መና ጎዳይ ህንተና ሀዋዳን ያጌ፤ “ህንተኖ፥ እስራኤልያ አሳቶ፥ ታን ህንተ ቦላ ሃኮ ቢታፐ እት ካዉተ አሀና። እነ ዎልቃማነ በን ካዉተ። ኡንቱንቱ ቃላ ህንተ ኤረና፥ ኡንቱንቱ ሃሳያይካ ህንተዉ ገለና ካዉተ። 
\v 16 ኡንቱንቱ ጩብያ ሾኩ ዶያ ዱፎ ማላ። ኡንቱንቱ ኡባይካ ዎልቃማ አሳ። 
\v 17 ኡንቱንቱ ህንተ ካነ ቁማ ቦንቂደ ማና። ህንተ አቱማ ናናቱዋካ ማጫ ናናቱዋካ ዎና። ህንተ ዶርሳካ ሚዛካ ቦንቂደ ማና። ህንተ ዎይንያ ቱራ ቴራካ ባላስያ ግያ ም ቴራካ ቦንቂደ ማና። ህንተ አማነትያ፥ ግምበቴዳ ካታማቱዋካ ኡንቱንቱ ባረንቱ ማሻን ኦሊደ ባይዛና” ያጌ።
\p
\v 18 መና ጎዳይ ኤርማሳ ሀዋዳን ያጌ፤ “ሽን ሄ ጋላሳቱዋን ግዶፐካ፥ ታን ታ አሳ ኡባና ዉርሳ ይስከ። 
\v 19 አሳይ ኔና፥ ‘መና ጎዳይ ኑ ጾሳይ ኑ ቦላ ሀዋ ኡባ አያዉ ኦዴ?’ ጊደ ኦችያ ዎደ፥ ኔን ኡንቱንቶ፥ ‘ህንተ ታና፥ ጾሳ አጊደ፥ ህንተ ማታን እማ ጾሳቶ ኦዳዋዳን፥ ሄዋዳን ህንተካ አሳ ማታን እማ አሳቶ ኦና’ ያጋ” ያጌዳ።
\s1 ጾሳይ ባረ አሳ፥ “ህንተና ኤርተ” ጌ
\p
\v 20 ቃይካ ጾሳይ፥ “ሀዋ ያቆባ አሳቶ ኦዳ፤ ይሁዳ ቢታንካ ሀዋዳን ያጋደ አዋያ፤ 
\v 21 ‘ህንተኖ፥ አይፊ ደእሺና ጼለናዋንቶ፥ ሀይይ ደእሺና ስሰናዋንቶ፥ ኤያነ ዶንጭሎዋንታ አሳቶ፥ ሀዋ ስስተ!\x - \xo 5:21 \xo*\xt ኢሳ. 6:9-10፤ ህዝ. 12:2፤ ማር. 8:18\xt*\x* 
\v 22 ላ ህንተ ታዉ አያዉ ያይክቴ? ያጌ መና ጎዳይ። ህንተ ታ ስንን አያዉ ኮኮርክቴ? አያዉ ጎፐ፥ ታን ሻፈቱዋ አባዉ ዛዋ፥ መናዉ አ ፕንና ድርሳ ኦድ። ቤታቱ ፑሻከቶፐካ ጾናናዉ ዳንዳይክኖ። ኡንቱንቱ ጉሞፐካ ፕናናዉ ዳንዳይክኖ።\x - \xo 5:22 \xo*\xt ኢዮባ 38:8-11\xt*\x* 
\v 23 ሽን ሀ አሳቶ ሙመነ ማካላ ዎዛናይ ደኤ። ኡንቱንቱ እት ባጋ ስሚደ፥ ዎራ ቤድኖ። 
\v 24 ኡንቱንቱ ባረንቱ ዎዛናን፥ “ኑዉ አድልያ እራነ አሱራ እራና ዎድያን ዎድያን እምያ፥ ኑና ኑ ካ ዳቡርስሰናን ሺሽስያ መና ጎዳዉ፥ ኑ ጾሳዉ፥ አነ ያዬቶ” ግበይክኖ። 
\v 25 ህንተ ኢታ ኦሱ ሀዋንታ ተኤዳ። ህንተ ናጋራይ ህንተና ሎኦባፐ አሼዳ’ ያጋ” ያጌ።
\p
\v 26 ጾሳይ ሀዋዳን ያጌ፤ “ታ አሳ ግዶን ኢታ አሳቱ ደኢኖ። ካፎቱዋ ኦይቃናዉ ናግያ አሳቱዋዳን ዙጊደ ናጊኖ። ኡንቱንቱ ግትያ የጊኖ፤ አሳቱዋ ኦይቂኖ። 
\v 27 ኮን ካፉ ኩሜዳዋዳን፥ ኡንቱንቱ ጎልያን ጭሙ ኩሜዳ። ሄዋ ድራዉ፥ ኡንቱንቱ ዎልቃማነ ዱረ ግዴድኖ። 
\v 28 ኡንቱንቱ ኦርደነ ሞ ግዲደ ድጬድኖ። ኡንቱንቱ ኢታ ኦሶ ዛዋይ ባዋ። ኡንቱንቱ አዉ ባይና ናናቱዋ ሻትንናዉ ኡንቱንቱ ድራዉ ሞተትክኖ፤ ህዬሳቱዋ ማታካ ናግበይክኖ። 
\v 29 ያትና፥ ታን መና ጎዳይ ኡንቱንታ ሄዋ ድራዉ፥ ሙራናዉ በስክታ? ሀዋ ማላ ካዉተ ቦላ ታ ሀሉዋ ከሳናዉ በስክታ?” ያጌ።
\p
\v 30 ቃይካ ጾሳይ ሀዋዳን ያጌ፤ “ዳሮ ኢታባይነ ዳጋንያባይ ቢታ ቦላን ሀኔዳ። 
\v 31 ትምቢትያ ኦድያዋንቱ ዎርዱዋ ኦዲኖ፤ ቄሳቱ ካ ኡንቱንቱ ዞርያን አይሲኖ። ታ አሳይካ ሄዋ ማላባ ዶሴ! ሽን ዉርሰን ዋኒቴ?” ያጌ።
\c 6
\s1 የሩሳላመ ሞርክያን ዶደቴዳ
\p
\v 1 ቃይካ ጾሳይ፥ “ህንተኖ፥ ቢንያማ አሳቶ፥ ህንተ ሸምፑዋ አሻናዉ ባቃትተ! የሩሳላመፐ ከስተ! ታቆአ ካታማን ማላካታ ፑንተ! ቤት-ሀካሬማ ግያ ሳን ማላታ በስተ! አያዉ ጎፐ፥ ሁጲሳ ባጋፐ ኢታባይነ ባላ ባሻይ ያና ሀኔ። 
\v 2 ታን ሎእያነ ናሸችያ ጽዮነ ካታማቱዋ ይሳና። 
\v 3 ሞርከቱ ሄንንቻቱዋዳን ባረንቱ ዉድያ አኪደ፥ አ ቦላ ያና። አ ዩሹዋን ባረንቱ ዱንካንያ ኤሳና፤ ባረንቱ ዉድያነ ባረንቱ ሳኣን ሳኣን ሄማና። 
\v 4 ኡንቱንቱ እቱ እቱዋ፥ ‘የሩሳላመና ኦለታናዉ ጊግተ! ደንድተ! አነ ኑን አ ሴታ ጋላስ ኦሌቶ። ሽን አየ አና! ሳአይ ቃሜ፤ ኦማርሳ ኩዋይ አዱቂ አዱቂ ቤ። 
\v 5 ሄዋ ድራዉ፥ ደንድተ! አነ ቃማ ኦሌቶ፤ አ ጌሱዋ ላሌቶ’ ያጊደ ማቀቲኖ” ያጌ።
\p
\v 6 ኡባፐ ዎልቃማ መና ጎዳይ ሀዋዳን ያጌ፤ “ምቱዋ ቃንጽተ። የሩሳላመ ግምቢያ ማታን ቢታ ዶሪደ ድድቅተ። ሄ ካታማን ናቁ ኩሜዳ ድራዉ፥ እ ሙረታናዉ በሴ። 
\v 7 ኦላይ ባረ ሃ ፑልትያዋዳን፥ እካ ባረ ኢታተ ፑልቴ። ማካላባይነ ባሻባይ አ ግዶን ስሰቴ። ኡባ ገደ አ ሳአይነ ማዱይ ታ ስንን ቤቴ። 
\v 8 ኔኖ የሩሳላመ፥ ታን ኔና ሴርያዋ አካ። አከናን እጾፐ፥ ታን ኔፐ ሻከታናነ ነ ቢታ እት አሳይነ ደኤና ባድነ ቢታ ከሳና” ያጌ።
\s1 እስራኤልያ አሳ ማካላ
\p
\v 9 ኡባፐ ዎልቃማ መና ጎዳይ ሀዋዳን ያጌ፤ “ዎይንያ ቴራ ማጽያዋዳን፥ እስራኤልያ አሳ አቴዳዋንታ ሎይደ ማጽተ። ዎይንያ ቴራ ቆርያ አሳዳን፥ ህንተ ኩሽያ ዳሻቱዋ ግዶ ላኤንዋካ የድተ” ያጌ።
\p
\v 10 ታን ኦስ ኦዶሻ? ኦና ሴሮሻ? ኦን ስሳንዴሻ? በእተ፥ ኡንቱንቱ ስሰና ማላ፥ ኡንቱንቱ ሀይይ ባረት ኡቴዳ። በእተ፥ መና ጎዳ ቃላይ ኡንቱንቶ ቅሊጭያዋ ግዴዳ፤ ኡንቱንቱ አን ናሸትክኖ። 
\v 11 ሄዋ ድራዉ፥ መና ጎዳ ሀንቁ ታናን ኩም ኡቴዳ። ታን ሀ ሀንቁዋ ተአናዉ ዳንዳይከ።
\p ያትና፥ ጾሳይ ታና ሀዋዳን ያጌ፤ “ታ ሀንቁዋ ኦግያን ደእያ ናናቱዋ ቦላነ ሺቄዳ ያላጋ አሳ ቦላ ትጋ። ማቻቶካ አስናካ፥ ጭም ዉሬዳ አሳካ እ አክ ባና። 
\v 12 ታን ሄ ቢታን ደእያዋንቱ ቦላ ታ ኩሽያ የድያ ዎደ፥ ኡንቱንቱ ጎለቱ፥ ኡንቱንቱ ጎሻናካ ኡንቱንቱ ማቼቱዋናካ ኡባይ ሀራቶ እመታና” ያጌ መና ጎዳይ።\x - \xo 6:12-15 \xo*\xt ኤር. 8:10-12\xt*\x*
\p
\v 13 ቃይካ ጾሳይ ሀዋዳን ያጌ፤ “ጉይካ ዳሩካ ኡባይ ዎያ ማናዉ ይርገቴ። ትምቢትያ ኦድያዋንቱካ ቄሳቱ ካ ኡባይ አሳ ጭሚኖ። 
\v 14 ታ አሳ ማዱ ሳከናባ ጊደ፥ ጉ ልያ ዎኖ። ሳሩ ባይናን፥ ‘ሳሮ፤ ሳሮ!’ ያጊኖ።\x - \xo 6:14 \xo*\xt ህዝ. 13:10\xt*\x* 
\v 15 ሀ ሸነይያ ኦሱዋ ኦደ፥ ኡንቱንቱ ዬላቴድኖ? ቱይት፥ ኡንቱንቱ ሙለካ ዬላትበይክኖ። ኡንቱንቱ ዬላይ አየንቶካ ኤርክኖ። ሄዋ ድራዉ፥ ኡንቱንቱካ ኩንዴዳዋንቱ ግዶን ኩንዳና። ታን ኡንቱንታ ሙርያ ዎደ፥ ኡንቱንታ ካዉሻና” ያጌ መና ጎዳይ።
\p
\v 16 መና ጎዳይ ሀዋዳን ያጌ፤ “ኦግያን ኤቂደ ጼልተ፤ በን ሎሶቱ ደኢያሳ ኦችተ። ‘ሎኦ ኦጊ ሀቃን ደኢ?’ ያጊደ ኦችተነ አን ሀመትተ። ያቲደ ህንተዉ ሸምፕ አክተ። ያግና ህንተ፥ ‘ኑን ሄ ኦግያን ሀመቶኮ!’ ያጌድታ። 
\v 17 ታን ናግያዋንታ ህንተ ቦላ ሱንደ፥ ‘ማላካታይ ፑነትያ ዎደ ስስተ!’ ያጋደ ኦዳድ። ሽን ህንተ፥ ‘ኑን ስሶኮ’ ያጌድታ።
\p
\v 18 “ሄዋ ድራዉ፥ ካዉተቶ፥ ስስተ! ማባራቶ፥ ታን ታ አሳ ኦያዋ ኤርተ! 
\v 19 ሳኣን ደእያ አሳቶ፥ ሀዋ ስስተ! ታን ኡንቱንቱ ኢታ ቆፋ ድራዉ፥ ኢታባ ሀ አሳ ቦላ አሃድ። አያዉ ጎፐ፥ ኡንቱንቱ ታ ቃላ ስሰናን እጼድኖ፤ ታ ህግያካ ኦል ባሼድኖ። 
\v 20 ሳባ ግያ ቢታፐ ዬዳ እጻናይ ዎይ ሃኮ ቢታፐ ዬዳ ሳዊያ ቅማሚ ታዉ አይሴ? ህንተ ጹግያ ያርሹካ አከተና። ህንተ ያርሹ ታና ናሸቼና” ያጌ።
\p
\v 21 ሄዋ ድራዉ፥ መና ጎዳይ ሀዋዳን ያጌ፤ “በእተ፥ ታን ሀ አሳ ስንን በቱዋ ዎና። አዎቱነ ናናቱ እትፐ ኡንቱንቱን በታና። ሾሮቱነ ላገቱ ያና” ያጌ።
\s1 ሁጲሳ ባጋፐ ዶድያ ኦላንቻቱዋ
\p
\v 22 ቃይካ መና ጎዳይ ሀዋዳን ያጌ፤ “በእተ፥ ሁጲሳ ባጋ ቢታፐ ኦላንቻቱ ዪኖ፤ እት ዎልቃማ ካዉተይ ሳኣ ጋጻፐ ደንዴ። 
\v 23 ኡንቱንቱ ዎንዳፍያነ ቶራ ኦይቄድኖ። ኡንቱንቱ ቃረት ባይናዋንታነ የድ ማረናዋንታ። ኡንቱንቱ ባረንቱ ፓራን ፕሪጽያ ዎደ፥ አባይ ጉምያዋዳን ጉሚኖ። ህንተኖ፥ ጽዮነ ካታማ አሳቶ፥ ኡንቱንቱ ህንተና ኦላናዉ እት አሳዳን ሳልፔድኖ” ያጌ።
\p
\v 24 ኑን ሄ ኦዱዋ ስስና፥ ኑ ኩሺ ህልስ ጌዳ። ምሽራቶ ኦይይ ኦይቂያዋዳን፥ ኑና መቱ ኡንኤዳ። 
\v 25 ሾይቃ ከሶፕተ፤ ኦግያናካ ሀመቶፕተ። አያዉ ጎፐ፥ ሞርኪ ማሻ ኦይቄዳ፤ ያና ሃናካ ዳጋንያባይ ደኤ። 
\v 26 ሀእ ታ አሳዉ፥ ማቃ ማዪደ፥ ብድንን ጎንዶረትተ፤ ባረ መጽ እት ናአዉ ዬክያዋዳን ሴላ ዬኩዋ ዬክተ። አያዉ ጎፐ፥ ይስያዌ አኬከናን ደእሺና፥ ኑ ቦላ ያና።
\p
\v 27 ጾሳይ ኤርማሳ ሀዋዳን ያጌ፤ “ኤርማሳ፥ ኔን ኡንቱንቱ ኦግያ ጾሞሳና ማላነ ፓጫና ማላ፥ ታን ኔና ብራታ ፓጭያ አሳ ከሳድ፤ ታ አሳካ ፓጨትያ ብራታ ከሳድ። 
\v 28 ኡንቱንቱ ኡባይ ዝግር ዩይያ፥ ኦድና አከና ማካላንቻ። ኡንቱንቱ ናሃስያነ ብራታ፤ ኡንቱንቱ ኡባይካ ባይዙዋ ኦኖ። 
\v 29 ብራታ ቦላን ደእያ ሽኣ ጹጊደ ጌሻና ማላ፥ ዎምፒናይ ዎልቃፐ ዎምፒነቴ። ሽን ጌሻናዉ ዋየቴዳ ዋዪ ኡባይካ መላ፤ ታ አሳ ግዶን ደእያ ኢታቱ ክችበይክኖ። 
\v 30 መና ጎዳይ ኡንቱንታ ኦል አጌዳ ድራዉ፥ ኡንቱንቱ ኦለቴዳ ብራ ጌተቲኖ” ያጌ።
\c 7
\s1 ኤርማስ ጌሻ ጎልያን አዋዬዳ
\p
\v 1 መና ጎዳፐ ኤርማሳኮ ዬዳ ቃላይ ሀዋ፤ 
\v 2 “መና ጎዳ ጌሻ ጎልያ ፐንገን ኤቃ። ሀ ቃላ ሀዋዳን ያጋደ አዋያ፤ ‘ህንተኖ፥ መና ጎዳዉ ጎይናናዉ ሀ ፐንገቱዋና ገልያ ይሁዳ አሳቶ፥ ኡባይካ መና ጎዳ ቃላ ስስተ! 
\v 3 ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “ህንተ ኦግያነ ህንተ ኦሱዋ ላምተ፤ ታን ህንተና ሀ ሳኣን ዎና። 
\v 4 ጭሞ ቃላን፥ ሀዌ መና ጎዳ ጌሻ ጎልያ! ሀዌ መና ጎዳ ጌሻ ጎልያ! ሀዌ መና ጎዳ ጌሻ ጎልያ ያጊደ አማነቶፕተ። 
\v 5 ህንተ ህንተ ኦግያነ ኦሱዋ ቱሙዋፐ ላሞፐ፥ እቱ እቶ ቱሙዋ ፕርዶፐ፥ 
\v 6 በተቱዋነ አዉ ባይና ናናቱዋ፥ አስናይ ሀይቄዳ አምኤ ማጫ አሳ ናቀናን አጎፐ፥ ሀ ሳኣን ጽሎ አሳቱዋ ሱ ጉሰናን አጎፐነ፥ ህንተ ቆሄተናዳን፥ ሀራ ጾሳቶ ጎይነናን አጎፐ፥ 
\v 7 ታን ህንተ ማይዛ አዋቶ መ መናዉ እሜዳ ቢታን ህንተና ዎና። 
\v 8 በእተ! ህንተ አይነ ፓና ጭሙዋ ቃላን አማነቲታ” ያጌ’ ያጋ” ያጌ።
\p
\v 9 ጾሳይ ሀዋዳን ያጌ፤ “ህንተ ዉኢታ፥ ዎታ፥ ሻርሙጺታ፥ ጫቂደ ዎርዱዋ ማርካቲታ፥ ባኣላ ግያ ኤቃዉ ያርሹዋ ያርሺታ፥ ሀዋፐ ካሰ ህንተ ኤረና ሀራ ጾሳቶ ጎይኒታ። 
\v 10 ያቲደ ታ ሱንን ጼገቴዳ ጌሻ ጎልያ ዪደ፥ ታ ስንን ኤቂደ፥ ‘ኑን ሳሮ አቴዶ!’ ያጊታ። ሽን ሀ ሸነይያ ኦሱዋ ኡባ ኦናዉ ሳሮ አቴድቴ? 
\v 11 ታ ሱንን ጼገቴዳ ሀ ጌሻ ጎሊ ህንተዉ ፓንጋቱ ቆሰትያ ጎንጎሎ ጌድቴየ? ህንተ ኦያዋ ኡባ ታን ታ ሁጲያን በኣድ” ያጌ መና ጎዳይ።\x - \xo 7:11 \xo*\xt ማቶሳ 21:13፤ ማር. 11:17፤ ሉቃሳ 19:46\xt*\x*
\p
\v 12 ጾሳይ ሀዋዳን ያጌ፤ “ታን ታ ሱንዉ ደኢያሳ ኦደ ኮይሮ ዶሬዳ፥ ሴሎን ታ ሳኣ አነ ቢተ። ታ አሳ እስራኤልያ ኢታተ ድራዉ፥ ታን ሄ ሳኣ ዋቴደንቶ በእተ።\x - \xo 7:12-14 \xo*\xt ኢያሳ 18:1፤ ማዝ. 78:60፤ ኤር. 26:6\xt*\x* 
\v 13 ህንተ ሀ ኡባባ ኦድታ። ታን ህንተዉ ዛራ ዛራደ ኦዳድ፤ ሽን ስሰናን እጼድታ። ታን ህንተና ጼሳድ፤ ሽን ታዉ ኮይበይክታ ያጌ መና ጎዳይ። 
\v 14 ሄዋ ድራዉ፥ ታን ሴሎ ቦላ ኦዳዋ፥ ሀዋን ህንተ አማነትያ፥ ታ ሱንን ጼገቴዳ ሀ ጌሻ ጎልያ ቦላካ ኦና። ህንተዉነ ካሰ ህንተ አዋቶ እሜዳ ሳኣን ሀዋን፥ ታን ሴሎ ቦላ ኦዳዋ ማላ ዛረደ ኦና። 
\v 15 ህንተ ዳቦቱዋ፥ ኤፍሬማ ዘረቱዋ ታን ድጌዳዋዳን፥ ታ ስንፐ ህንተናካ ድጋና” ያጌ።
\s1 አሳይ አዛዘተናን እጼዳ
\p
\v 16 ጾሳይ ሀዋዳን ያጌ፤ “ኤርማሳ፥ ሄዋ ድራዉ፥ ሀ አሳቶ ዎሶፓ፤ ኡንቱንቱ ግሻታ ኦቾፓ ዎይ ዋሶፓ፤ ኔን ኡንቱንቶ ጋናቶፓ። አያዉ ጎፐ፥ ታን ነዉ ስስከ። 
\v 17 ኡንቱንቱ ይሁዳ ካታማቱዋንነ የሩሳላመ ኦገቱዋን ኦያዌ አየንቶ በእኪየ? 
\v 18 ናናይ ም ምጺኖ፤ አዎቱ ታማ ኤኖ፤ ማጫ አሳቱ፥ ‘ሳሉዋ ካታቶ’ ግያ ጾሳትዉ ኡክ ኡካናዉ ልያ ሙናቂኖ። ኡንቱንቱ ታና ቆሀና ጊደ፥ ኡሻ ያርሹዋ ሀራ ጾሳቶ ጉሲኖ።\x - \xo 7:18 \xo*\xt ኤር. 44:7-19\xt*\x* 
\v 19 ሀዋን ቱሙ ቆሄትያዌ ታኔ? ሀዋን ቆሄቲደ ዬላትያዌ ባረንቱ ሁጲያዉ ኡንቱንታ ግድክኖ?” ያጌ መና ጎዳይ።
\p
\v 20 ሄዋ ድራዉ፥ ኡባ ሞድያ ጾሳይ ሀዋዳን ያጌ፤ “በእተ፥ ታ ይሉነ ታ ሀንቁ ሀ ሳኣ ቦላ፥ አሳ ቦላነ መህያ ቦላ፥ ጋደን ደእያ ም ቦላነ ቢታን ደእያ ካ ቦላ ጉካና። ጉኪደ ኤጻና፤ ቶአናዉካ ዳንዳየና” ያጌ።
\p
\v 21 ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “ህንተ ጹግያ ያርሹዋ ሀራ ያርሾቱዋና ጉጂደ፥ ሄ አሹዋ ህንተዉ ሚተ። 
\v 22 ታን ኡንቱንታ ግብጼ ቢታፐ ከስያ ጋላስ፥ ጹግያ ያርሹዋባ ግድና፥ ሀራ ያርሾቱዋባ ግድና፥ ህንተ ማይዛ አዋቶ ኦዳበይከ ዎይ አዛዛበይከ። 
\v 23 ሽን ታን ኡንቱንቶ ሀ አዛዙዋ እማድ፤ ‘ታዉ አዛዘትተ። ያቶፐ፥ ታን ህንተ ጾሳ ግዳና፤ ህንተካ ታ አሳ ግዳና። ህንተዉ ሎአና ማላ፥ ታን ህንተና አዛዝያ ኦግያ ኡባን ሀመትተ’ ያጋድ። 
\v 24 ሽን ኡንቱንቱ ታዉ ስሰናን ዎይ ሀይዘናን እጼድኖ። ኡንቱንቱ ባረንቱ ኢታ ዎዛና ሙመተዳን ሀመቴድኖ፤ ኡንቱንቱ ስንዉ ብያዋ አጊደ፥ ጉየ ቤድኖ። 
\v 25 ህንተ ማይዛ አዎቱ ግብጼ ቢታፐ ከሴዳ ጋላሳፐ ዶሚደ፥ ሀች ጋካናዉ፥ ታን ታ ቆማቱዋ፥ ትምቢትያ ኦድያዋንታ ዎንትና ዎንትና ህንተዉ ኪታደ ታካድ። 
\v 26 ሽን ህንተ ታዉ ስሰናን ዎይ ሀይዘናን እጼድታ። ህንተ ሞርግያ ልሴድታነ ህንተ ማይዛ አዎቱዋፐካ አደ፥ ኢታባ ኦድታ።
\p
\v 27 “ሀዋ ኡባ ኔን ኡንቱንቶ ኦዳና፤ ሽን ኡንቱንቱ ነ ግያዋ ስስክኖ። ኔን ኡንቱንታ ጼሳና፤ ሽን ኡንቱንቱ ነዉ ኮይክኖ። 
\v 28 ሄዋ ድራዉ፥ ኤርማሳ፥ ኔን ኡንቱንቶ ሀዋዳን ያጋ፤ መና ጎዳዉ ባረ ጾሳዉ አዛዘተና ዎይ ሴርና ስመና ካዉተይ ሀዋ። ቱሙ ዬዳ፤ ቱማይ ኡንቱንቱ እንጻርሳፐ ባዬዳ። 
\v 29 ህንተ ሁጲያ ሜዲደ ኦልተ። አያይነ ባይና ቃ ደረቱዋ ቦላ ከሲደ ዝላልተ። አያዉ ጎፐ፥ መና ጎዳይ ባረና ይሎዬዳ የለታ እጼዳነ አግ ባሼዳ ያጋ” ያጌ።
\p
\v 30 ቃይካ መና ጎዳይ ሀዋዳን ያጌ፤ “ይሁዳ አሳቱ ታ ስንን ኢታባ ኦድኖ። ኡንቱንቱ ታ ሱንን ጼገቴዳ ጌሻ ጎልያ ቱንሳናዉ፥ ታና ሸነይያ ኤቃቱዋ አሂደ፥ አ ግዶን ዎድኖ። 
\v 31 ኡንቱንቱ ባረንቱ አቱማ ናናቱዋነ ማጫ ናናቱዋ ታማን ጹጊደ ያርሻናዉ፥ ህኖማ ዛንጋራ ቃን ቶፌታ ግያ ያርሹዋ ሳኣ ግምቤድኖ። ሽን ሄዌ ታን ኡንቱንቱ አዛዛቤናባነ ታ ቆፋን ባይናዋ።\x - \xo 7:31 \xo*\xt ዎጋ 18:21፤ 2 ካታ. 23:10፤ ኤር. 32:35\xt*\x* 
\v 32 ሄዋ ድራዉ፥ ሄ ሳአይ ህኖማ ዛንጋራ ዎይ ቶፌታ ጌተትያዌ አቲደ፥ ሹካ ዛንጋራ ያገቲደ ጼሰታና ጋላሳቱ ዪኖ ያጌ መና ጎዳይ። አያዉ ጎፐ፥ ሞግያ ሳአይ ባይና ድራዉ፥ ቶፌት ኡንቱንቱ ባረንቱ አሃ ሞግያ ሳኣ ግዳናዋ። 
\v 33 ሄ ዎደ ሄ አሳቱዋ አሃይ ሳሉዋ ካፎቶነ ሳኣ ዶአቶ ቁማ ግዳና፤ ኡንቱንቱ ያሽሲደ የደርስያዌ ደኤና። 
\v 34 ታን እልልሳነ ናሸቻ ኮሻይ፥ ቡላችያዋነ ቡላቼትያን ኮሻይ ይሁዳ ካታማቱዋንነ የሩሳላመ ኦገቱዋን ስሰተናዳን ድጋና። አያዉ ጎፐ፥ ቢታይ መላ አታና” ያጌ።\x - \xo 7:34 \xo*\xt ኤር. 16:9፤ 25:10፤ ሳፃ 18:23\xt*\x*
\c 8
\p
\v 1 መና ጎዳይ ሀዋዳን ያጌ፤ “ሄ ዎድያን ይሁዳ ካተቱዋ መቀይ፥ ካፖቱዋ መቀይ፥ ቄሳቱ ዋ መቀይ፥ ትምቢትያ ኦድያዋንቱ መቀይነ የሩሳላመን ደእያ አሳቱዋ መቀይ ኡባይ ዱፉዋፐ ማጸቲደ ከሳና። 
\v 2 ኡንቱንቱ ሲቄዳ፥ ኪተቴዳ፥ ካሌዳ፥ ዞርያ ኦቼዳነ ጎይኔዳ አዋዉ፥ አግናዉነ ሳሉዋ ጾልንትያ ኡባዉ ምጨታና። ኡንቱንቱ መቀይ ሺቀና ዎይ ሞገተና፤ ሽን ቢታ ቦላን ፕቱዋ ማላ ግዳናዋ። 
\v 3 ላሌዳ ሳአቱዋን ደእያ፥ ሀ ኢታ ካዉተፐ አቴዳ አሳቱ ኡባይ ደኡዋፐ ሀይቁዋ ዶራና። ታን ኡባፐ ዎልቃማ መና ጎዳይ ሀዋ ኦዳይ” ያጌ።
\s1 ናጋራነ ሙሩዋ
\p
\v 4 መና ጎዳይ ታና ሀዋዳን ያጌዳ፤ “አሳቶ ያጋ፤ ጾሳይ ሀዋዳን ያጌ፤ እት አሳይ ኩንዶፐ፥ ስሚደ ደንደኔየ? ዎይ እት አሳይ ዎራ ቦፐ፥ ጉየ ስመኔየ? 
\v 5 ያትና፥ ሀ አሳይ አያዉ ዎራ ቤዴ? የሩሳላመ አያዉ ኡባ ገደ ዎራ ቤዴ? ኡንቱንቱ ጭሙዋ ባቂ ኦይቄድኖ፤ ሃ ስመናን እጼድኖ። 
\v 6 ታን ምንሳደ ሀይዛድ፤ ሽን ኡንቱንቱ ቱሙዋ ሃሳይክኖ። ታ አያ ኦድታሻ? ጊደ ባረ ኢታ ኦሱዋ ፓጽያዌ እቱነ ባዋ። ኡባይካ ኦላዉ ፕሪጽያ ፓራዳን ባረዉ ባረዉ ዎጼ። 
\v 7 ሀራይ አቶ፥ ሽማላ ግያ ካፎቱ ባረንቱ ዎድያ ኤሪኖ፤ ሀራጰቱ፥ ዳግጨቱነ ዋልያ ግያ ካፎቱ ባረንቱ ስምያ ዎድያ ናጊኖ፤ ሽን ታ አሳይ መና ጎዳ ዎጋ ኤረና።
\p
\v 8 “ያትና፥ ዋኒደ፥ ‘ኑን አዳ ኤራንቻ፤ አያዉ ጎፐ፥ መና ጎዳ ህጊ ኑናና ደኤ’ ጋናዉ ዳንዳየቲ? ዎርዳንቻ ጻፈቱ ባረንቱ ቢርያን ታ ህግያ ዎርዱዋ ከሴዳዋ በእክቴየ? 
\v 9 አዳ ኤራንቻቱ ዬላታና፤ ኡንቱንቱ ካዉሻናነ ኦይቀታና። ኡንቱንቱ መና ጎዳ ቃላ ኦል አግና፥ ኡንቱንቶ አይ ጭንጫተይ ደኢ? 
\v 10 ሄዋ ድራዉ፥ ታን ኡንቱንቱ ማቼቱዋ ሀራቶ፥ ኡንቱንቱ ጋድያካ ኡንቱንታ ጾኔዳዋንቶ እማና። አያዉ ጎፐ፥ ጉይካ ዳሩካ ኡባይ ዎያ ማናዉ ይርገቲኖ። ትምቢትያ ኦድያዋንቱካ ቄሳቱ ካ ኡባይ አሳ ጭሚኖ።\x - \xo 8:10-12 \xo*\xt ኤር. 6:12-15\xt*\x* 
\v 11 ኡንቱንቱ ታ አሳ ማዱ ሳከናባ ጊደ፥ ጉ ልያ ዎኖ። ሳሩ ባይናን፥ ‘ሳሮ፥ ሳራ!’ ያጊኖ።\x - \xo 8:11 \xo*\xt ህዝ. 13:10\xt*\x* 
\v 12 ሀ ሸነይያ ኦሱዋ ኦደ፥ ኡንቱንቱ ዬላቴድኖ? ቱይት፥ ኡንቱንቱ ሙለካ ዬላትበይክኖ። ኡንቱንቱ ዬላይ አየንቶካ ኤርክኖ። ሄዋ ድራዉ፥ ኡንቱንቱካ ኩንዴዳዋንቱ ግዶን ኩንዳና፤ ኡንቱንቱ ቃጻየትያ ዎደ ካዉሻና። መና ጎዳይ ሀዋ ኦዳድ” ያጌ ያጋ ያጌዳ።
\p
\v 13 መና ጎዳይ ሀዋዳን ያጌ፤ “ታን ኡንቱንቱ ቱሙዋፐ ዳፋ አካና። ኡንቱንቱ ዎይንያ ቱራን አይፊ ያና፤ ባላስያ ግያ ምንካ አይፊ ያና። አዉ ቦንጪካ ሹላና፤ ታን ኡንቱንቶ እሜዳባይ ኡንቱንቱፐ አከት ክቻና” ያጌ።
\p
\v 14 አሳቱ ሀዋዳን ያጊኖ፤ “ኑን ጮኡ ጊደ አያዉ ኡቲኖ? አነ እትፐ ሺቅተ፤ ህን ግምበቴዳ ካታማቱዋ ገሊደ፥ ያን ሀይቄቶ። መና ጎዳይ ኑ ጾሳይ ኑና ሀይቆ ፕርድ ድጌዳ፤ ኑን አ ቦላ ናጋራ ኦዳ ድራዉ፥ ኑዉ ኡሻናዉ ዎያ ሃ እም ድጌዳ። 
\v 15 ‘ሳአይ ሳሮ ግዳና’ ጊደ ናሸቻን ናጌዶ፤ ሽን ሎኦባይ ይቤና። ‘ኑን ፓጻና’ ጊደ ናጌዶ፤ ሽን ዳጋማ ግዴዳ። 
\v 16 ኑ ሞርከቱ ፓራ ዳረይ ዳና ግያ ካታማን ስሰቴ፤ ኡንቱንቱ ዎታራ ፓራቱዋ ጫገን ቢታይ ኡባይ ቃጼ። ቢታነ ቢታን ደእያዋ ኡባ፥ ካታማነ ካታማን አሳ ኡባ ም ይሳናዉ ዬድኖ” ያጊኖ።
\p
\v 17 መና ጎዳይ ሀዋዳን ያጌ፤ “በእተ፥ ታን ሾሻቱዋ ህንተ ግዶ የዳና። ሙሩንያዋንቱ ሙሩኑ ተአናዉ ዳንዳየና ሀሶቱዋ ህንተ ግዶ የዳና፤ ኡንቱንቱ ህንተና ዱካና” ያጌ።
\s1 ኤርማስ ካዮቴዳ
\p
\v 18 ፓጻናዉ ዳንዳየና ኬሻ ታን ካዮታድ፤ ታ ዎዛናይካ ታ ግዶን ሴሬ። 
\v 19 ታ አሳይ ሃኮ ቢታን ዋስያ ዋሱዋ ስስተ። ኡንቱንቱ፥ “መና ጎዳይ ጽዮነን ባዌ? ሀ ጽዮነ ካቲ ላኤን ያን ደኤኔ?” ያጊደ ዋሲኖ።
\p ጾሳይ ኡንቱንቱ ካቲ፥ “ኡንቱንቱ ባረንቱ ማሴዳ ምስለቱዋን፥ ባረንቱ ፓና አላጋ ኤቃቱዋን ዎን ታና አያዉ ይሎዬድኖ?” ያጌ።
\p
\v 20 አሳይ፥ “ሄኮ ጫካ ዎዲነ አዳ፤ ቦኒነ ዉሬዳ፤ ኑንነ አትቦኮ” ያጊደ ዋሲኖ።
\p
\v 21 ስም ታ አሳይ ማዱንጼዳ ድራዉ፥ ታ ዎዛናይካ ማዱንጼዳ። ታን ካዮታይ፤ ያሻይ ታና ኦይቄዳ። 
\v 22 ጋላኣደን ትግያ ሊ ባዌየ? ያን አክሚ ደኤኔ? ያትና፥ ታ አሳ መኡ አያዉ ፓጸኔ?
\c 9
\p
\v 1 ታ ሁጲ ሃ ኦላ ግዴረኔሻ! ታ አይፈቱካ አፎ ፑልቶ ግዴርክኖሻ! ያትንቶ ታን ታ አሳቱዋፐ ሞርከቱ ኩሽያን ሀይቄዳዋንቶ ቃማነ ጋላስ ዬካና ሽን! 
\v 2 ታ አሳፐ ሻከታደ ባና ማላ፥ ታዉ ባዙዋን ሲራይ አቅያ ሳአይ ደኤረኔሻ! አያዉ ጎፐ፥ ኡንቱንቱ ኡባይ ሻርሙጻ፤ ኡንቱንቱ ማካልያ አሳ ዛታ።
\p
\v 3 መና ጎዳይ ሀዋዳን ያጌ፤ “ታ አሳቱ ባረንቱ እንጻርሳን ኦዳናዉ ኡባ ዎደ ጊግ ኡቴድኖ፤ ኡንቱንቱ ቢታን ቱሙዋ ድራዉ ዎርዱ ምኔዳ። ኡንቱንቱ ኢታፐ ኢታዉ አኖ፤ ታና ኤርክኖ” ያጌ።
\p
\v 4 ቃይካ ጾሳይ ሀዋዳን ያጌ፤ “ሾሩ ሾሩዋፐ ናገትተ፤ ህንተ እሻቱዋካ አማነቶፕተ። አያዉ ጎፐ፥ እሻይ ኡባይ ጭምያዋነ ሾሮ ኡባይ ዝግርያዋ። 
\v 5 ሾሩ ሾሩዋ ጭሜ፤ እቱነ ቱሙዋ ሃሳየና። ኡንቱንቱ ባረንቱ እንጻርሳ ሃሳያናዉ ታማርስ ዎድኖ። ኡንቱንቱ ናጋራ ኦደ ዳቡሪኖ። 
\v 6 ኔን ጭሙዋ ግዶን ደኣሳ። ኡንቱንቱ ባረንቱ ጭሙዋን ታና ኤረናን እጼድኖ” ያጌ መና ጎዳይ።
\p
\v 7 ሄዋ ድራዉ፥ ኡባፐ ዎልቃማ መና ጎዳይ ሀዋዳን ያጌ፤ “ታን ኡንቱንታ ሴርሳደ ፓጫና። ታ አሳ ድራዉ፥ ስም ታን ሀራባ አያ ኦናዉ ዳንዳያይታ? 
\v 8 ኡንቱንቱ እንጻርሳይ ዎያ ዎንዳፍያ ማላ፤ ኡንቱንቱ አን ጭሙዋ ሃሳዪኖ። ባረንቱ ዶናን እቱ እቶ ሳሮ ቃላን ሃሳዪኖ፤ ሽን ባረንቱ ዎዛናን ጲርያ ዎኖ። 
\v 9 ያትና፥ ታን ሀ የዎ ኡንቱንታ ሙራናዉ በስክታ? ታን ታ ሁጲያዉ ሀዋ ማላ ካዉተ ቦላ ሀሉዋ ከስክታ?” ያጌ መና ጎዳይ። 
\v 10 ታን ቃ ደረቶ ዬካናነ ዋሳና፤ ባዞ ሄን ጋደቱዋ ዝላላና። አያዉ ጎፐ፥ ኡንቱንቱ ባሼድኖ፤ ያና እት አሳይነ አና። መህያ ጻጉነ ስሰተና፤ ሳሉዋ ካፎቱነ ዶአቱ ባቃቲደ ብ ክቼድኖ።
\p
\v 11 ጾሳይ ሀዋዳን ያጌ፤ “የሩሳላመ ካታማ ታን ኮለቴዳ ኬላነ ዎራካናቱ ጌሱ ኦና ኦና። ይሁዳ ካታማቱዋካ ኦንነ ደኤና መላ ሳኣ ኦና” ያጌ።
\p
\v 12 ሀዋ አኬካናዉ አዳ ኤራንቻይ ኦኔ? እ ሀራ አሳዉ ኦዳና ማላ፥ መና ጎዳይ ባረ እንጻርሳን ኦስ ኦዴዴ? እት አሳይነ አ ግዱዋና አና ማላ፥ ቢታይ ባዪደ፥ ባዙዋዳን ኦኔዳዌ አያሴ?
\p
\v 13 መና ጎዳይ ያጌዳ፤ “ሀዌ ሀኔዳዌ፥ ኡንቱንቶ ታን እሜዳ ህግያ ኡንቱንቱ አጌዳ ድራሳ። ኡንቱንቱ ታዉ አዛዘተናንነ ሀ ህግያ ካለናን እጼዳ ድራሳ። 
\v 14 ሄዋ አጊደ፥ ኡንቱንቱ ባረንቱ ዎዛና ሙመተ ካሌድኖ፤ ኡንቱንቱ ባረንቱ አዎቱዋ ታማርሴዳዋዳንካ ባኣላ ግያ ኤቃቶ ጎይኔድኖ” ያጌዳ።
\p
\v 15 ሄዋ ድራዉ፥ ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “በእተ፥ ታን ሀ አሳ ጫምያ ቁማ ሚዛናነ ዎያ ሃ ኡሻና። 
\v 16 ኡንቱንቱ ዎይ ኡንቱንቱ አዎቱ ኤረና ካዉተቱዋ ግዶን ታን ኡንቱንታ ላላና። ታን ኡንቱንታ ይሳና ጋካናዉ፥ ማሻን የደርሳና” ያጌ።
\s1 የሩሳላመ አሳይ ዝላሌዳ
\p
\v 17 ቃይካ ኡባፐ ዎልቃማ መና ጎዳይ ሀዋዳን ያጌ፤ “አነ ቆፕተ። ዬኩዋ ዬክያ ማጫ አሳቱዋ ጼሲደ አይስተ፤ ዝላሳ ዝላልያ ኤራንቻ ማጫ አሳቶ ኪትተ። 
\v 18 ኡንቱንቱ ኤለካ ዪደ፥ ኑ አይፊ አፎ ጽሉዋ ጾካና ጋካናስነ ኑ አይፍያ ጭሩ ሃ ፑልታና ጋካናዉ ኑ ቦላ ዝላልኖ። 
\v 19 ጽዮነን ሀዋዳን ግያ ዝላሳ ኮሻይ ስሰቴ፤ ‘አዬሮ! ኑን ባዬዶ! ኑን ሙለካ ካዉሼዶ! ኑ ጎሊ ኮለት ክቼዳ ድራዉ፥ ኑን ቢታ አጊደ ባናዉ ኮሼ’ ያጊኖ” ያጌ።
\p
\v 20 ህንተኖ፥ ማጫ አሳቶ፥ መና ጎዳ ቃላ ስስተ! ህንተ ሀይይ አ ዶናፐ ከስያ ቃላ ሀይዞ። ህንተ ማጫ ናናቱዋ ዝላሳ ታማርስተ፤ ሾራታ ሾራቶ ኮይሱዋ ታማርሱ። 
\v 21 አያዉ ጎፐ፥ ሀይቁ ናናቱዋ ኦግያን፥ ዎዳላቱዋካ ጉታራን ቄጺደ ዪደ፥ ኑ ማስኮተቱዋ ጋኬዳ፤ ኑ ካተ ጎለቱዋንካ ገሌዳ።
\p
\v 22 መና ጎዳይ ታና ሀዋዳን ያጊደ አዛዜዳ፤ “ጾሳይ ሀዋዳን ያጌ፤ ‘አሳ አሃይ ፕቱዋዳን ደምባን ላለታና፤ ኡንቱንቱ ጫክያዋንቱ ጫኪደ ኦሌዳ ካ ማላ፤ ኡንቱንታ ኦንነ ሺሸና’ ያጋ” ያጊደ አዛዜዳ።
\p
\v 23 መና ጎዳይ ሀዋዳን ያጌ፤ “አዳ ኤራንቻይ ባረ ኤራን ጬቆፖ፤ ዎልቃማይ ባረ ዎልቃን ጬቆፖ፤ ዎይ ዱሪ ባረ ዱረተን ጬቆፖ። 
\v 24 ሽን ጬቂያ ኡራይ ኦንነ ታና ኤርያዋንነ አኬክያዋን ጬቆ።\x - \xo 9:24 \xo*\xt 1 ቆሮ. 1:31፤ 2 ቆሮ. 10:17\xt*\x* አገና ሲቁዋ፥ ሱረ ፕርዳነ ጽሎተ ሳኣ ቦላን ኦያ መና ጎዳ፥ ታና ኤርያዋን ጬቆ። አያዉ ጎፐ፥ ታን ሀዋንቱን ናሸታይ። ታን መና ጎዳይ ሀዋ ኦዳድ” ያጌ።
\p
\v 25 ቃይካ መና ጎዳይ ሀዋዳን ያጌ፤ “በእተ፥ ባረንቱ አሹዋ ጻላላ ቃጻረቴዳ አሳቱዋ ታን ሙራና ጋላሳቱ ዪኖ። 
\v 26 ሄዋንቱካ ግብጼ፥ ይሁዳ፥ ኤዶማ፥ አሞናነ ሞኣባ ቢታ አሳቱዋነ ባረንቱ ሁጲያ ሹፌርያ ሜዲደ፥ ባዙዋን ደእያ አሳቱዋ ኡባቱዋ። አያዉ ጎፐ፥ ሀ ካዉተቱዋ ኡባ አሳይ ቱሙዋፐ ቃጻረትቤና፤ እስራኤልያ አሳይ ኡባይካ ባረ ዎዛናን ቃጻረትቤና” ያጌ።
\c 10
\s1 ጾሳነ ኤቃ
\p
\v 1 ህንተኖ፥ እስራኤልያ አሳቶ፥ መና ጎዳይ ህንተዉ ኦድያ ቃላ ስስተ! 
\v 2 መና ጎዳይ ሀዋዳን ያጌ፤ “ደረቱዋ ኦግያ ህንተ ታማሮፕተ። ደረቱ ሳሉዋ ቦላ ማላታ በኢደ ዳጋሞፐካ፥ ህንተ ዳጋሞፕተ። 
\v 3 አያዉ ጎፐ፥ ደረቱዋ ዎጋይ መላ። ኡንቱንቱ ም ዎራፐ ቃንጺኖ፤ ማስያዌ ካልታን ማሴ። 
\v 4 ኡንቱንቱ ብራንነ ዎርቃን አሌቂሲኖ፤ ቃጸናዳን ማዶሻን ምስማርያ ሺደ ኦይኖ። 
\v 5 ኡንቱንቱ ኤቃቱ ኡንቱንቱ ሌክያ ጋርሳን ካፉዋ ዳጋንናዉ ኤስያ ምስልያ ማላ። ሃሳያናዉ ዳንዳይክኖ። ሀመታናዉ ዳንዳየና ድራዉ፥ አሳይ ኡንቱንታ ቶኬ። ኡንቱንቶ ሙለካ ያዮፕተ። አያዉ ጎፐ፥ ኡንቱንቱ ህንተና ቆሀናዉ ዳንዳይክኖ፤ ቃይ ማዳናዉካ ዳንዳይክኖ” ያጌ።
\p
\v 6 አቤት መና ጎዳዉ፥ ነ ማላይ ኦንነ ባዋ። ኔን ዎልቃማ፤ ነ ሱንይካ ዎልቃማነ ዎልቃማ። 
\v 7 አቤት ካዉተቱዋ ካትያዉ፥ ኔና ቦንቼናን አጋናዌ ኦኔ?\x - \xo 10:7 \xo*\xt ሳፃ 15:4\xt*\x* ኔና ቦንቻናዉ በሴ፤ አያዉ ጎፐ፥ አዳ ኤራንቻ አሳ ግዶንነ ኡንቱንቱ ካዉተ ኡባ ግዶን ነ ማል ባዋ። 
\v 8 ኡንቱንቱ ኤያነ ዶንጭሎዋንታ፤ ኡንቱንቱ ምፐ ማሴዳ፥ ፓና ኤቃቱዋፐ አያ ታማሪኖ? 
\v 9 ሄ ኤቃቱ ታርሴሳፐ ዬዳ ብራንነ ኡፋዘፐ ዬዳ ዎርቃን አሌቀቴድኖ። ኡንቱንቱ ዎይንያ ኤሳነ ሳሉዋ ማላትያ መዋና ማዩዋን ካመቴድኖ። ኡንቱንቱ ኡባይ ኩሽያ ኦሱዋ ሂላቱዋን ኦሰቴድኖ። 
\v 10 ሽን መና ጎዳይ ቱሙ ጾሳ፤ እ ደኡዋ ጾሳነ መና ካትያ። አ ሀንቁዋን ቢታይ ቃጼ፤ ካዉተቱካ አ ሀንቁዋ ዳንዳይክኖ።
\p
\v 11 ጾሳይ ሀዋዳን ያጌ፤ “ኡንቱንቶ ሀዋዳን ያጋደ ኦዳ፤ ‘ሄዋንቱ ሳሉዋነ ሳኣ መቤና ጾሳቱ ሳኣፐነ ሳሉዋ ጋርሳፐ ያና’ ያጋ” ያጌ።
\s1 ጾሳ ሳቢያ ሳባ
\b
\q1
\v 12 ባረ ዎልቃን ሳኣ መዳዌ፥
\q2 ባረ አዳ ኤራን ሳኣ ኤሴዳዌ፥
\q2 ባረ አኬካን ሳሎቱዋ ምጬዳዌ አ።
\q1
\v 13 እ ዎልቃምያ ዎደ፥
\q2 ሳሎቱዋን ደእያ ሃቱ ጉሚኖ።
\q1 እ ሻረቱዋ ሳኣ ጋጻፐ ፑደ ደን።
\q2 እ እራ ቡክሲደ፥
\q2 ዋልቃን ዎልቃምሴ።
\q2 ጫርኩዋካ ባረ ምንጃ ሳፐ ከሴ።
\b
\q1
\v 14 አስ ኡባይ ኤራ ዪደ ዳሜዳ፤
\q2 ዎርቃ ትግያ አሳይ ኡባይ
\q2 ባረ ኤቃቱዋን ዬላቴዳ።
\q2 አያዉ ጎፐ፥ ሄ ኤቃቱ ጭሙዋ፤
\q2 ኡንቱንቱን ሸምፑ ባዋ።
\q1
\v 15 ኡንቱንቱ ፓናባ፤
\q2 ኡንቱንቱ ቅ ኦሱዋ።
\q1 ኡንቱንቱ ሙረትያ ዎድያን ያና።
\q1
\v 16 ሽን ያቆባ ሳማ ግድያዌ
\q2 ሄዋንቱ ማላ ግደና።
\q1 አያዉ ጎፐ፥ እ ኡባባ መዳዋ፤
\q2 እስራኤሊ እ ባረዉ ዶሬዳ ካዉተ።
\q1 አ ሱንይካ ኡባፐ ዎልቃማ መና ጎዳ።
\s1 ይያ ኢታ
\p
\v 17 ህንተኖ፥ ሞርኪ ዶዴዳዋንቶ፥ ቢታፐ ከሳናዉ ህንተዉ ደእያዋ ቆሪደ ሺሽተ። 
\v 18 አያዉ ጎፐ፥ መና ጎዳይ ሀዋዳን ያጌ፤ “ታን ሀ ዎድያን ሀ ቢታን ደእያ አሳቱዋ ከሳደ ያምባራና። ህንተ ኦሞደታና ማላ፥ ታን ህንተ ቦላ ኢታባ አሀና” ያጌ።
\p
\v 19 አየ ታ ማዱዉ! ታ ማዱይ ፓጸናዋ። ሽን ታን፥ “ሀዌ ታ ሀርግያ፤ ታን ዳንዳያናዉ በሴ” ያጋድ።
\p
\v 20 ታ ዱንካኒ ኮለት ዬዳ፤ አ ዎዶሩ ኡባይ ዱጸረቴዳ። ታ ናናቱ ኡባይ ታፐ ሻከቲደ ብ ክቼድኖ፤ ኡንቱንቱ ባዋ። ታ ዱንካንያ ዛሪደ ቶላናዉ ዎይ ታ ጋርዱዋ ካቃናዉ ሀእ እት አሳይነ አትቤና።
\p
\v 21 ሄንንቻቱ ዳሜድኖ፤ ኡንቱንቱ መና ጎዳ ኦችበይክኖ። ሄዋ ድራዉ፥ ኡንቱንቶ እንጀተናን እጼዳነ ኡንቱንቱ ዉዲ ኡባይ ላለቴዳ። 
\v 22 ስስተ! ኦራ ኦዱ ዬዳ፤ ሄዌነ፥ “ሁጲሳ ባጋና ደእያ ካዉተን ዎልቃማ ድርባይ ደንዴ” ያግያዋ። አ ኦላንቻቱ ዪደ፥ ይሁዳ ካታማቱዋ ባዙዋነ ዎራካናቱ ጌሶይያሳ ከሳና።
\p
\v 23 አቤት መና ጎዳዉ፥ አሳ ደኡ ሄ አዎ ቡዞ ግደናዋነ ባረ ሄመታ ሱርሳናዌ አዉ ሸነ ግደናዋ ታን ኤራይ። 
\v 24 አቤት መና ጎዳዉ፥ ታና ሴራ፤ ሽን ልክያን ግዶ። ነ ሀንቁዋን ግዶፖ፤ ሄዌ ዮፐ ኔን ታና ጉደ ይሳና። 
\v 25 ነ ሀንቁዋ ኔና ኤረና ካዉተቱዋ ቦላነ ነ ሱን ጼሰና አሳቱዋ ቦላ ትጋ። አያዉ ጎፐ፥ ኡንቱንቱ ያቆባ አሳ ሜድኖ፤ ኡንቱንቱ ኡንቱንታ አሸናን ም ድጌድኖነ ኡንቱንቱ አዉዋ ቢታ ይሴድኖ።
\c 11
\s1 ኤርማሳነ ጾሳ ጫቁዋ
\p
\v 1 መና ጎዳፐ ኤርማሳዉ ዬዳ ቃላይ ሀዋ፤ 
\v 2 “ሀ ጫቁዋ ቃላቱዋ ስሳ፤ ይሁዳ አሳዉነ የሩሳላመ ካታማን ደእያዋንቶ ኦዳ። 
\v 3 መና ጎዳይ እስራኤልያ ጾሳይ ሀዋዳን ያጌ ጋደ ኦዳ። ሀ ጫቁዋ ቃላዉ አዛዘተናዌ ሸቀቴዳዋ ግዶ። 
\v 4 ታን ካሰ ህንተ አዎቱዋ ግብጼ ቢታፐ፥ ብራታ ሴርስያ ጮጭያፐ ከስያ ዎደ፥ ታዉ ኤኖ ጊተ፤ ታ ህንተና አዛዝያዋ ኡባ ኦተ። ያቶፐ፥ ህንተ ታ አሳ ግዳና፤ ታንካ ህንተ ጾሳ ግዳና ያጋድ። 
\v 5 ሄዋዳንካ፥ ማነ ኤሳ ጎግያ ቢታ ካሰ ህንተ አዋቶ እማናዉ፥ ታን ጫቄዳ ጫቁዋ ፖላና ያጋድ። ሄዌነ፥ ሀች ህንተ ላቴዳ ቢታ ያጋ” ያጌ።
\p ታን፥ “ኤኖ፥ መና ጎዳዉ፥ አመንእ” ያጋድ።
\p
\v 6 መና ጎዳይ ታዉ ሀዋዳን ያጌዳ፤ “ሀዋ ታ ቃላ ኡባ ይሁዳ ካታማቱዋንነ የሩሳላመ ኦገቱዋን ሀዋዳን ያጋደ አዋያ፤ ‘ሀ ጫቁዋ ቃላ ስስተ፤ አ ካልተ። 
\v 7 ካሰ ህንተ አዎቱዋ ታን ግብጼ ቢታፐ ከሶደፐ ሀች ጋካናዉ፥ ዛራ ዛራደ፥ “ታዉ አዛዘትተ!” ጋደ ሴራድ። 
\v 8 ሽን ኡንቱንቱ ታ ቃላ ስስበይክኖ ዎይ ሀይዝበይክኖ። ሄዋ አጊደ፥ ኡንቱንቱ ባረንቱ ኢታ ዎዛና ሙመተ ካሌድኖ። ታን ታ ጫቁዋ ቃላ ኡንቱንቱ ናጋና ማላ አዛዛድ፤ ሽን ኡንቱንቱ እጼድኖ። ሄዋ ድራዉ፥ ሄ ጫቁዋ ግዶን ጻፈቴዳ ሸቃ ኡባ ኡንቱንቱ ቦላ አሃድ’ ያጋ” ያጌዳ።
\p
\v 9 ዛሪደካ መና ጎዳይ ታዉ ሀዋዳን ያጌዳ፤ “ይሁዳ አሳ ግዶንነ የሩሳላመን ደእያዋንቱ ግዶን ማቁ ደኤ። 
\v 10 ኡንቱንቱ ካሰ ታ ቃላ ስሰናን እጼዳ ባረንቱ ማይዛ አዎቱዋ ናጋራዉ ጉየ ስሜድኖ። ኡንቱንቱ ሀራ ጾሳቶ ጎይኔድኖነ ኡንቱንቶ ኦድኖ። እስራኤልያ አሳቱካ ይሁዳ አሳቱካ ታን ካሰ ኡንቱንቱ ማይዛ አዎቱዋና ጫቀቴዳ ጫቁዋ ካንድኖ። 
\v 11 ሄዋ ድራዉ፥ መና ጎዳይ ኡንቱንታ ሀዋዳን ያጌ፤ ‘ኡንቱንቱ ባቃቲደ አታናዉ ዳንዳየና መቱዋ ታን ኡንቱንቱ ቦላ አሀና። ኡንቱንቱ ታዉ ዋስናካ፥ ታን ኡንቱንቶ ስስከ። 
\v 12 ሄ ዎደ ይሁዳ ካታማቱዋ አሳቱነ የሩሳላመ አሳቱ ቢደ፥ ባረንቱ እጻና ጩዋይያ ጾሳቶ ዋሳና። ሽን መቱዋ ዎደ ሄ ጾሳቱ ሙለካ ኡንቱንቱ ማድክኖ። 
\v 13 ህንተኖ፥ ይሁዳ አሳቶ፥ ህንተ ጾሳቱ ህንተ ካታማቱዋ ኬሻ ጮራ። ቃይ ባኣላ ግያ ሄ ዬላ ጾሳዉ እጻና ጩዋያናዉ ህንተ ኤሴዳ ያርሽያ ሳአቱ የሩሳላመ ኦገቱዋ ኬሻ ጮራ’ ያጌ።
\p
\v 14 “ኤርማሳ፥ ሀ አሳቶ ታና አይነ ዎሶፓ፤ ኡንቱንቱ ድራዉ ጋናቶፓ ዎይ ኦቾፓ። አያዉ ጎፐ፥ ኡንቱንቱ ባረንቱ መቱዋ ጋላስ ታና ጼስያ ዎደ ታን ኡንቱንቶ ስስከ።
\p
\v 15 “ዳሮቱዋና ባረ ኢታ ማቁዋ ማቀትደ ታ ሲቅያ አሳይ ታ ጌሻ ጎልያን ቤታናዉ በሲ? ህንተ ህንተ ኢታ ኦሱዋ ኦሽን፥ ያርሸቴዳ መህያ አሹ ህንተና ሙሩዋፐ አሻኔ? አሽንቶ ህንተ ናሸታና ሽን” ያጌዳ።
\p
\v 16 መና ጎዳይ ኔና፥ ድጭያ፥ ሎኦ አይፍያ አይፍያ ዎጋራ ያጊደ ሱንዳ። ሽን እ ሀ ዎጋራ ዎልቃማ ዳዳ ጉንን፥ ታማን ጹጋና፤ አ ቃንካቱካ መኤረታና።
\p
\v 17 ታን፥ ህንተና ቶኬዳ ኡባፐ ዎልቃማ መና ጎዳይ ህንተ ቦላ ኢታባ አሀናዉ አዋያድ። አያዉ ጎፐ፥ እስራኤልያ አሳቱነ ይሁዳ አሳቱ ባኣላዉ እጻና ጩዋዪደ፥ ታና ይሎዬድኖ።
\s1 ኤርማሳ ዎናዉ ማቀቴዳ ማቁዋ
\p
\v 18 መና ጎዳይ ኡንቱንቱ ማቁዋ ታዉ ቆንጭሴዳ ድራዉ፥ ታን ኤራድ። ሄ ዎደ ኡንቱንቱ ኢታ ኦያዋ እ ታና በሴዳ። 
\v 19 ታን ሹካዉ ካለደ አፍያ አዳ ዶርሳ ማራ ማላ ግዳድ። ኡንቱንቱ ታ ቦላ፥ “አነ ኑን ምካ አ አይፍያካ ይሴቶ። አ ሱንይ ሙለካ ሀሳየተና ማላ፥ አነ ኑን አ ፓጻ ደእያዋንቱ ግዶፐ ቆሊደ ይሴቶ” ያጊደ ማቀቴዳዋ ታን ኤራበይከ። 
\v 20 ሽን አቤት ኡባፐ ዎልቃማ መና ጎዳዉ፥ ጽሉዋ ፕርድያዎ፥ አሳ ዎዛና ካሃ ቆርያዎ፥ ኔን ኡንቱንቱ ቦላ ነ ሀሉዋ ከስያዋ ታና በሳ። አያዉ ጎፐ፥ ታን ታ ቆሁዋ ነዉ ማጋናድ።
\p
\v 21 ሄዋ ድራዉ፥ “መና ጎዳ ሱንን ትምቢትያ ኦዶፓ፤ ኔን ኑ ኩሽያን ሀይቃና” ያጊደ፥ ኔና ዎናዉ ኮይያ አናቶታ አሳዉ መና ጎዳይ ግያዌ ሀዋ። 
\v 22 ኡባፐ ዎልቃማ መና ጎዳይ ሀዋዳን ያጌ፤ “ታን ኡንቱንታ ሙራና። ኡንቱንቱ ዎዳላቱ ማሻን ሀይቃና፤ ኡንቱንቱ ማጫ ናናቱነ አቱማ ናናቱ ኮሻን ሀይቃና፤ 
\v 23 ኡንቱንቱፐ እቱነ ደኤና። አያዉ ጎፐ፥ ታን ሙርያ ላይ አናቶታ አሳ ቦላ ኢታባ አሀና” ያጌ።
\c 12
\s1 ኤርማሳ ኦሻ
\p
\v 1 አቤት መና ጎዳዉ፥ ታን ኔናና ሞተትያ ዎደ፥ ኡባባንካ ኔን ጽሉዋ። ግዶፐነ፥ ታን ጽሎ ፕርዳባ ኔናና ሃሳያናዉ ኮሼ። ኢታ አሳቱ ኦያዌ ኡንቱንቶ አያዉ እንጀቲ? አማነተናዋንቱ አያዉ እሻሊደ ደእኖ? 
\v 2 ኔን ኡንቱንታ ቶክና፤ ጻጱዋ የዴድኖ፤ ድጪደ አይፍያ አይፌድኖ። ኡንቱንቱ ኔና ዶናፐ የግክኖ፤ ሽን ኡንቱንቱ ዎዛናፐ ኔን ሃኩዋን ደኣሳ። 
\v 3 ሽን አቤት መና ጎዳዉ፥ ኔን ታና ኤራሳ። ታና በኣሳ፤ ታን ነዉ አያ ቆፕንቶ ፓጫሳ። ሹክያ ዶርሳቱዋዳን፥ ኔን ሄ ኢታ አሳቱዋ ጎቻደ ከሳ! ሹካ ጋላሳዉ ኡንቱንታ ዱማያደ ዎ! 
\v 4 ቢታይ መላናዌነ ደምባ ኡባን ዶሌዳ ማታይ ሹላናዌ አዉደ ጋካናሴ? ቢታን ደእያ አሳ ኢታተ ድራዉ፥ ዶአይነ ካፉ ዉሬዳ። ሄዋ ቦላካ አሳቱ፥ “ጾሳይ ኑን ኦያዋ ደመና” ያጊኖ።
\s1 ጾሳ ዛሩዋ
\p
\v 5 ጾሳይ ኤርማሳዉ ሀዋዳን ጊደ ዛሬዳ፤ “ኔን ገድያን ዎጽያ አሳቱዋና ዎ ናሰታደ ዳቡሮፐ፥ ፓራና ዋና ናሰታይ? ኔን ሳሮ ቢታን በቶፐ፥ ዮርዳኖሳ ዎራ ጋርሳን ዋና ሀመታይ? 
\v 6 ነ እሻቱ፥ ህንተ ሶ አሳቱ ኔና አደ እሜድኖ፤ ኡንቱንቱ ነ ቦላ ደንዴድኖ። ሄዋ ድራዉ፥ ኡንቱንቱ ነዉ ሎኦባ ሃሳዮፐነ፥ ኡንቱንቱን አማነቶፓ።
\p
\v 7 “ታን እስራኤልያ አጋድ፤ ታን ታ ዶረቴዳ ካዉተ ኦላድ። ታን ታ ሲቅያ አሳ አ ሞርከቱ ኩሽያን አደ እማድ። 
\v 8 ታ ዶረቴዳ አሳይ ታዉ ባዙዋን ጋሙዋ ማላ ግዴዳ። እ ታ ቦላ ጉዴዳ፤ ሄዋ ድራዉ፥ ታን አ እጻድ። 
\v 9 ታ ዶረቴዳ አሳይ ታዉ ሀራ ጋጨቱ ዶዲደ ዱክያ ሻቻ ጋጫት ማላ ግዴዴ? ቢተ፤ ዶአቱዋ ኡባ ሺሽተ፤ አ ማና ማላ አህተ።
\p
\v 10 “ዳሮ አላጋ ካተቱ ታ ዎይንያ ቱራ ሳኣ ባይዜድኖ፤ ታ ጋድያ የድኖ፤ ታ ሎኦ ቢታ ባዞ ኦድኖ። 
\v 11 ሄ ቢታይ ባዪደ ኦጼዳ፤ ታ ስንን መላነ አይነ ባይናዋ ግዴዳ። ቃረትያዌ ባይና ድራዉ፥ ሙለ ቢታይካ ባዬዳ። 
\v 12 ባዙዋን አያይነ ባይና ቃ ደረቱዋ ኡባ አደ፥ ቦንቂያዋንቱ ዬድኖ፤ አያዉ ጎፐ፥ መና ጎዳ ማሻይ ቢታ ሀ ጋጻፐ ህን ጋጻ ጋካናዉ ሜዳ። ሄዋ ድራዉ፥ ኦንነ ሳሮ አታናዉ ዳንዳየና። 
\v 13 ኡንቱንቱ ዛርጋ ዘሪደ፥ አጉን ጫኬድኖ። ኡንቱንቱ ዳሮ ዳቡሬድኖ፤ ሽን አይነ ዎስበይክኖ። መና ጎዳ ሀንቁዋ ቦሻነ ጋሱዋን ኡንቱንቱ ካይ ዬዳ” ያጌዳ።
\p
\v 14 መና ጎዳይ ሀዋዳን ያጌ፤ “ታን ታ አሳቶ እስራኤላቶ እሜዳ ቢታ ኦይቄዳ፥ ታ ኢታ ሾሮ ካዉተቱዋ ግዶፐ፥ ታን ኡንቱንታ ኡንቱንቱ ቢታፐ ቆላና። ቃይ ይሁዳ አሳቱዋካ ኡንቱንቱ ግዶፐ አሻና። 
\v 15 ሽን ኡንቱንቱ ቢታፐ ቆሌዳዋፐ ጉይያን፥ ዛረደ ታን ኡንቱንቶ ቃረታና፤ ታን ኡንቱንቱ ሁጲያን ሁጲያን ኡንቱንቱ ላታ ጋድያ፥ ኡንቱንቱ ካዉተ ቢታ ዛራደ አሀና። 
\v 16 ካሰ ታ አሳ ባኣላ ሱንን ጫቃናዳን ታማርሴዳዋዳን፥ ኡንቱንቱ ታ አሳ ኦግያ ሎይ ታማሮፐነ ታ ሱንን፥ ‘መና ጎዳይ ኤሮ!’ ያጊደ ጫቆፐ፥ ኡንቱንቱ ታ አሳ ግዶን ምኒደ ደአና። 
\v 17 ሽን አይ ካዉተይነ አዛዘተናን እጾፐ፥ ታን አ ኡባና ቆላደ ይሳና። ታን መና ጎዳይ ሀዋ ኦዳድ” ያጌ።
\c 13
\s1 ሊኑዋ ዳንጩዋ
\p
\v 1 መና ጎዳይ ታና፥ “ባ፤ ባደ ላይኑዋ ግያ ቃጭናፐ ዳደቴዳ ዳንጩዋ ሻማደ፥ ነ ጼሳን ዳንጫ፤ ሽን ሃን ቦሽሶፓ” ያጌዳ። 
\v 2 ሄዋ ድራዉ፥ ታን መና ጎዳይ አዛዜዳዋዳን ዳንጩዋ ሻማደ፥ ታ ጼሳን ዳንጫድ።
\p
\v 3 መና ጎዳ ቃላይ ላኤን ታኮ ዬዳ፤ ዪደ፥ 
\v 4 “ኔን ሻሜዳ ዳንጩዋ፥ ነ ጼሳን ኔን ዳንጬዳዋ አካደ፥ ኤፍራጺሳ ሻፋ አፋ። ሹቻ ጎንጎሉዋን ቆሳ” ያጌዳ። 
\v 5 ታን መና ጎዳይ ታዉ ኦዴዳዋዳን አፋደ፥ ኤፍራጺሳ ሻፋ ማታን ቆሳድ።
\p
\v 6 ዳሮ ጋላሳፐ ጉይያን መና ጎዳይ፥ “ደንዳ፤ ኤፍራጺሳ ሻፋ ባደ፥ ታን ኔና፥ ‘ያን ቆሳ’ ጌዳ ዳንጩዋ አካ” ያጌዳ። 
\v 7 ታን ኤፍራጺሳ ሻፋ ባደ፥ ቦካደ፥ ዳንጩዋ ታ ቆሴዳሳፐ ከሳደ አካድ። ሽን ሄ ዳንጩ ሀእ ባዪደ፥ ኡባና አይነ ጎኤናባ ግዴዳ።
\p
\v 8 ሄዋፐ ጉይያን፥ መና ጎዳ ቃላይ ታኮ ዬዳ፤ 
\v 9 “መና ጎዳይ ሀዋዳን ያጌ፤ ‘ታን ሄዋዳን ይሁዳ አሳ አዩዋነ የሩሳላመ ዎልቃማ ኦቶሩዋ ጊሻና። 
\v 10 ታ ቃላ ስሰናን እጺደ፥ ባረንቱ ዎዛና ሙመተ ካሊደ፥ ሀራ ጾሳቶ ኦናዉነ ጎይናናዉ ብያ ሀ ኢታ አሳቱ፥ ሀ ዳንጩዋዳን ሙለካ ጎኤናባ ግዳናዋ። 
\v 11 ዳንጩ አሳ ጼሳ ባቂ ኦይቂያዋዳን፥ ይሁዳ አሳይ ኡባይነ እስራኤልያ አሳይ ኡባይ ታ አሳ ግዳና ማላነ ታ ሱንዉ ጋላታነ ቦንቾ ግዳና ማላ፥ ኡንቱንቱ ታና ባቂ ኦይቃናዳን ኦድ። ሽን ኡንቱንቱ ስሰናን እጼድኖ’ ያጌ መና ጎዳይ” ያጌዳ።
\s1 ዎይንያ ኤሳ ጹጋ
\p
\v 12 ቃይካ እ፥ “ኤርማሳ፥ አሳዉ ሀዋዳን ያጋ፤ መና ጎዳይ እስራኤልያ ጾሳይ፥ ‘እት እት ጹጋን ዎይንያ ኤሳይ ኩማና’ ያጌዳ ያጋ። ኡንቱንቱ ኔና፥ ‘ዎን ኑን እት እት ጹጋን ዎይንያ ኤሳይ ኩማናዋ ኤሮኮየ?’ ያጎፐ፥ 
\v 13 ኔን ኡንቱንቶ ያጋደ ኦዳ፥ መና ጎዳይ ያጌ፤ ‘ታን ሀ ቢታን ደእያ አሳ ኡባ፥ ሀራይ አቶ ዳዊታ ካተቱዋ አራታን ኡትያ ካተቱዋ፥ ቄሳቱ ዋ፥ ትምቢትያ ኦድያዋንታነ የሩሳላመን ደእያ አሳ ኡባ፥ ኡንቱንቱ ማታና ጋካናዉ፥ ዎይንያ ኤሳን ኩንና። 
\v 14 ታን ኡንቱንታ፥ አሳ አሳና፥ አዉዋ ናኣና ዶምእሳና። ታን ኡንቱንታ ይሳናፐ አትና፥ ኡንቱንቶ ኬክከ፥ ቃረትከነ ማርከ’ ያጌ መና ጎዳይ ያጋ” ያጌዳ።
\s1 ኦሞዱዋባ
\p
\v 15 ስስተነ ሀይዝተ፤ አግተ ኦቶረቶፕተ። አያዉ ጎፐ፥ ሀዋ መና ጎዳይ ኦዴዳ።
\p
\v 16 መና ጎዳይ ህንተ ጾሳይ ምሳናፐ ካሰቲደ፥ ህንተ ገዲካ ምያ ደርያን በታናፐ ካሰቲደ፥ አ ቦንችተ። ህንተ፥ “ፖኡ ያና” ጊደ ናጊታ፤ ሽን እ ጵ ጎ ማዉ ላማና።
\p
\v 17 ሽን ህንተ ስሰናን እጾፐ፥ ህንተ ኦቶሩዋ ድራዉ፥ ታን ጌማን ዬካይ። መና ጎዳ ዉዲ ኦሞደቲደ ብ ክቼዳ ድራዉ፥ ታን ዬካይ፤ ታ አይፊካ አፎ ሆልሳዬ።
\p
\v 18 ጾሳይ ታና፥ “ካትያዉነ ካትያ አትዉ፥ ካታትዉ ሀዋዳን ያጋደ ኦዳ፤ ‘ህንተ ቦንቾ አሌቆ ካላቻይ ህንተ ሁጲያፐ ኩንዴዳ ድራዉ፥ ህንተ ካተቱዋ አራታፐ ዱገ ዎተ። 
\v 19 ኔጌባ ቢታን ደእያ ካታማቱ ኡባይ ጎርደት ክቼድኖ። ኡንቱንቱ ዶያናዉ እት አሳይካ ያን ባዋ። ይሁዳ አሳይ ኡባና በቲደ ብ ክቼዳ’ ያጋ” ያጌዳ።
\p
\v 20 ቃይካ ጾሳይ፥ “አነ ቁ ጋደ፥ ሁጲሳ ባጋፐ ይያዋንታ ጼላ። ነዉ እመቴዳ ዉዲ፥ ኔን ጬቀቴዳ ዶርሳቱ ሀቃን ደእኖ? 
\v 21 ኔን ነዉ ላገ ግዳና ማላ፥ ኮዬዳዋንቱ ኔና ጾኒደ ሞድያ ዎደ ዋጋይ? የሉዋ ኦይይ ኔና ኦይቀኔ? 
\v 22 ኔኖ የሩሳላመ፥ ነ ዎዛናን፥ ‘ሀዌ ኡባይ ታ ቦላ አያዉ ጋኬዴ?’ ጎፐ፥ ነ ማዩ ቃረቴዳዌነ አሳይ ኔና ቦንቄዳዌካ ነ ናጋራይ ዳሬዳ ድራሳ። 
\v 23 ቱሙ ቶጵያ አሳይ ባረ ቦላ ማላ፥ ዎይ ማሂ ባረ ሻቻተ ላማናዉ ዳንዳዪ? ዳንዳየና! ሄዋዳንካ፥ ኢታ ኦሱዋ ኦ ሜዘቴዳዋንቱ ህንተ፥ ሎኦ ኦሱዋ ኦናዉ ሙለካ ዳንዳይክታ” ያጌዳ።
\p
\v 24 መና ጎዳይ ሀዋዳን ያጌ፤ “ታን ህንተና ባዞ ጫርኩ አፍያ ሱላዳን ላላና።
\p
\v 25 “ህንተ ሳማይ፥ ታን ህንተዉ እምያ ግሹ ሀዋ። ህንተ ታና ዶጌዳ ድራዉነ ዎርዶ ጾሳቱዋን አማነቴዳ ድራሳ። 
\v 26 ህንተ ካሉ ቤታና ማላ፥ ታን ህንተ ቦላፐ ማዩዋ ቃራ የጋና። 
\v 27 ኔን ዎሹምያዋ፥ ኔን ዎታራ ፓራዳን፥ ዚታዉ ጫግያዋነ ነ ዬላይ ባይና ሻርሙጻተ፥ ኔን ደርያንነ ደምባን ኦያ ሸነይያ ኦሱዋ ታን በኣድ። የሩሳላመ፥ ነዉ አየ! ኔን አዉደ ጋካናዉ ጌየናን ደአይ?” ያጌ።
\c 14
\s1 ኮሻባ
\p
\v 1 ኮሻባ መና ጎዳይ ኤርማሳዉ ኦዴዳ ቃላይ ሀዋ፤ 
\v 2 “ይሁዳ ቢታይ ካዮቴ፤ አ ካታማቱ ላባኒኖ። አን ደእያ አሳቱ ቢታን ኡቲደ ዬኪኖ፤ የሩሳላመ አሳይ ዋሱዋ ጹልሴ። 
\v 3 ዱረ አሳቱ ሃ ትካናዉ ባረንቱ ቆማቱዋ ኪቲኖ። ኡንቱንቱ ሃ ኦላ ቢኖ፤ ሽን ሃ ደምክኖ። ባረንቱ ኦቱዋ መላ ቶክ አኪደ ስሚኖ። ሀንያዋ ይ ዬላቲደ፥ ባረንቱ ሁጲያ ጉለቲኖ። 
\v 4 እራይ ቡከና ድራዉ፥ ቢታይ መሊደ ዛኤ። ጎሻንቻቱ ዬላቲደ፥ ባረንቱ ሁጲያ ጉለቲኖ። 
\v 5 ማታይ ባይና ድራዉ፥ ዶጋታ ባረ የሌዳ ጋሎ ማራቶ ደምባን ኦላደ ባዉ። 
\v 6 ዎራ ሀረቱ አያይነ ባይና ቃ ደረቱዋን ኤቂደ፥ ዎራካናቱዋዳን ያረቲኖ። ኡንቱንቶ ምያባይ ይና፥ ኡንቱንቱ አይፊ ጼላናዉ ዳቡሬዳ” ያጌዳ።
\p
\v 7 አሳይ ሀዋዳን ያጊደ ዎሴዳ፤ “አቤት መና ጎዳዉ፥ ኑ ናጋራይ ኑ ቦላን ማርካቶፐነ፥ ነ ሱን ድራዉ፥ ኑዉ እትባ ኦ። ኑን ኔፐ ዳሮ ገደ ጉየ ስሜዶ፤ ነ ቦላን ናጋራ ኦዶ። 
\v 8 አቤት እስራኤሊ ናግያ ናሸቻዉ፥ መቱዋ ዎድያን አ አሽያዎ፥ ኔን ቢታን እማዳን፥ እት ቃማ አቃናዉ ገሌዳ ኦግያ አሳዳን አያዉ ሀናይ? 
\v 9 ኔን ዳጋሜዳ አሳዳን፥ አሻናዉ ዳንዳየና ምኖ አሳዳን አያዉ ሀናይ? አቤት መና ጎዳዉ፥ ኔን ኑ ግዱዋን ደኣሳ! ኑን ነ ሱንን ጼሰቴዳ፤ ኑና ኔን አጎፓ!” ያጌዳ።
\p
\v 10 ሀ አሳቱዋባ መና ጎዳይ ሀዋዳን ያጌ፤ “ኡንቱንቱ ቶይላካትያዋ ሎይ ሲቂኖ፤ ባረንቱ ገድያ ተእክኖ። ሄዋ ድራዉ፥ መና ጎዳይ ኡንቱንቱን ናሸተና። እ ኡንቱንታ ኢታ ኦሱዋ ሀሳዪደ፥ ኡንቱንቱ ናጋራ ድራዉ፥ ኡንቱንታ ሙራና” ያጌ።
\p
\v 11 ሄዋፐ ጉይያን፥ መና ጎዳይ ታና፤ “ሀ አሳቱዋ ሳሮተዉ ታና ዎሶፓ። 
\v 12 ኡንቱንቱ ጾሞፐካ፥ ታን ኡንቱንቱ ዋሱዋ ስስከ። ጹግያ ያርሹዋነ ካ ያርሹዋ ኡንቱንቱ ያርሾፐካ፥ ታን ኡንቱንቱ ያርሹዋ አክከ። ታን ኡንቱንቱ ኦላን፥ ኮሻንነ ኢታ ሀርግያን ይሳና” ያጌዳ።
\p
\v 13 ታን ሀዋዳን ያጋድ፤ “አቤት ኡባ ሞድያ መና ጎዳዉ፥ ትምቢትያ ኦድያዋንቱ ኡንቱንቶ፥ ‘ህንተ ኦላ በእክታ ዎይ ኮሻይ ህንተና ኦይቀና። ታን ህንተዉ ሀ ቢታን ፓጨና ሳሮተ እማና’ ያጌ ያጊኖ” ያጋድ።
\p
\v 14 መና ጎዳይ ታዉ ሀዋዳን ያጌዳ፤ “ትምቢትያ ኦድያዋንቱ ታ ሱንን ዎርዱዋ ኦዲኖ። ታን ኡንቱንታ ኪታበይከ፥ ዎይ አዛዛበይከ፥ ዎይ ኡንቱንቶ ኦዳበይከ። ኡንቱንቱ ህንተዉ ትምቢትያ ጊደ ኦድያዌ ዎርዱዋ ሳጻ፥ ፓና ካዩዋነ ቆፕ አኪደ ኦድያ ዎርዶባ። 
\v 15 ሄዋ ድራዉ፥ ታ ሱንን ትምቢትያ ኦድያዋንቱባ ግዶፐ፥ ታን ኡንቱንታ ኪታበይከ። ሽን ኡንቱንቱ፥ ‘ኦላይ ዎይ ኮሻይ ሀ ቢታ ቦቼና’ ያጊኖ። ሄ ትምቢትያ ኦድያዋንቱ ባረንቱ ሁጲያዉ ኦላንነ ኮሻን ያና ያጌ መና ጎዳይ! 
\v 16 ቃይ ኡንቱንቱ ትምቢትያ ኦድያ አሳይ ኮሻነ ኦላ ጋሱዋን ሀይቃና፤ ኡንቱንቱ አሃይ ካረን የሩሳላመ ኦግያን ኦለታና። ኡንቱንቱ ዎይ ኡንቱንቱ ማጫ አሳ፥ ኡንቱንቱ አቱማ ናናቱዋ ዎይ ኡንቱንቱ ማጫ ናናቱዋ ሞግያዌ ያና። ታን ኡንቱንቶ በስያ ዋይያ ኡንቱንቱ ቦላ ትጋና” ያጌዳ።
\p
\v 17 ታ ካዩዋባ ታን አሳዉ ሀዋዳን ያጋደ ኦዳና ማላ፥ ጾሳይ ታና አዛዜዳ፤ “ ‘ታ አሳይ ዳሮ ደሸቲደ፥ ሎይ ማዱንጼዳ ድራዉ፥ ታ አይፈቱ ቃማነ ጋላስ ሸምፐናን አፎጽኖ። 
\v 18 ታን ደምባ ቦፐ፥ ማሻን ሲፈቴዳዋንታ በአይ። ካታማ ገሎፐ፥ ቃይ ኮሻን ግልቄዳዋንታ በአይ። ትምቢትያ ኦድያዋንቱነ ቄሳቱ፥ “ኑን ፓጭ ባይናን ኦቶ” ጊኖ፤ ሽን ኡንቱንቱ ባረንቱ ኦያዋ ኤርክኖ’ ያጋ” ያጌዳ።
\s1 አሳይ ጾሳ ዎሴዳ
\p
\v 19 አቤት ጾሳዉ፥ ኔን ይሁዳ ሙለ አጋዲ? ጽዮነ አሳ እጻዲ? ኔን ኑና ፓጸናዳን ኦደ አያዉ ደቻዲ? “ሳሮ ግዳናዋ” ጊደ ናጌዶ፤ ሽን አያይነ ሎኦባይ ኑዉ ጋክቤና። “ፓጻና ዎዲ ያና” ጊደ ናጌዶ፤ ሽን ዳጋማ ጻላላይ ዬዳ።
\p
\v 20 አቤት መና ጎዳዉ፥ ኑን ኑ ኢታተ ኤሬዶ፤ ኑ አዎቱዋ ባይዙዋካ አኬኬዶ፤ ኑን ቱሙዋፐ ነ ቦላ ናጋራ ኦዶ። 
\v 21 ኑና ነ ሱን ድራዉ ካፓ፤ ነ ቦንቾ አራታይ ደእያ የሩሳላመ ካዉሾፓ። ኔን ኑናና ጫቀቴዳ ጫቁዋ ሀሳያ፤ ነ ጫቁዋ ካንፓ። 
\v 22 ዎን ካዉተቱዋ ኤቃቱዋፐ እቱ እራ ቡክሳናዉ ዳንዳዪ? ሳሉ ባረ ሸንያን ፑስያ ዱገ ኪታናዉ ዳንዳዪ? ዳንዳየና! አቤት መና ጎዳዉ፥ ኑ ጾሳዉ፥ ሄዋ ዳንዳይያዌ ኔና! ሀዋ ኡባ ኦያዌ ኔና ግድያ ድራዉ፥ ኑን ኔናን ናሸቻ ኦቶ።
\c 15
\s1 ይሁዳ አሳ ቦላ ጋክያ ፕርዳ
\p
\v 1 ሄዋፐ ጉይያን፥ መና ጎዳይ ታዉ ሀዋዳን ያጌዳ፤ “ሀራይ አቶ ሙሴነ ሳሜል ታ ስንን ኤቂንቶነ፥ ታ ዎዛናይ ሀ አሳቱዋኮ ስመና። ኡንቱንታ ታ ስንፐ ድጋ፤ ኡንቱንቱ ቢኖ።\x - \xo 15:1 \xo*\xt ህዝ. 32:11-14፤ ፓይ. 14:13-19፤ 1 ሳሜላ 7:5-9\xt*\x* 
\v 2 ቃይ ኡንቱንቱ ኔና፥ ‘ኑን ሀቃ ባኔ?’ ጊደ ኦቾፐ፥ መና ጎዳይ ሀዋዳን ያጌ ጋደ ኡንቱንቶ ኦዳ፤\x - \xo 15:2 \xo*\xt ሳፃ 13:10\xt*\x* ‘ሀይቆ ፕርደቴዳዋንቱ፥ ሀይቆ ቢኖ። ማሻዉ ፕርደቴዳዋንቱ፥ ማሻዉ ቢኖ። ኮሻዉ ፕርደቴዳዋንቱ፥ ኮሻዉ ቢኖ። ኦሞደታናዉ ፕርደቴዳዋንቱ፥ ኦሞዶ ቢኖ’ ያጌ” ያጌዳ።
\p
\v 3 መና ጎዳይ ሀዋዳን ያጌ፤ “ታን ኦይዱ ቆሞ ባየ ኡንቱንቱ ቦላ አሀና፤ ሄዋንቱነ፥ ኡንቱንታ ዎናዉ ማሻ፥ ኡንቱንቱ አሃ ጎቻናዉ ካናቱዋ፥ ኡንቱንቱ አሹዋ ሚደ ይሳናዉ ሳሉዋ ካፎቱዋነ ሳኣ ዶአቱዋ። 
\v 4 ህዝቂያሳ ናአይ፥ ይሁዳ ካቲ ምናሰ የሩሳላመን ኦዳ ፓላ ድራዉ፥ ታን ኡንቱንታ ሳኣ ካዉተ ኡባዉ ዳጋማ ኦና።\x - \xo 15:4 \xo*\xt 2 ካታ. 21:1-16፤ 2 ኦዱዋ 33:1-9\xt*\x*
\p
\v 5 “የሩሳላመ አሳቶ፥ ህንተዉ ኦኔ ቃረታናዌ? ህንተዉ ካዮታናዌ ኦኔ? ‘ህንተ አይ ማሌ?’ ጊደ ህንተና ኦቻናዉ ኤቃናዌ ኦኔ?” ያጌ።
\p
\v 6 መና ጎዳይ ሀዋዳን ያጌ፤ “ህንተ ታና አጌድታ፤ ሀእ ሀእካ ህንተ ጉየ ስሜድታ። ሄዋ ድራዉ፥ ታን ህንተ ቦላ ታ ኩሽያ የዳደ ህንተና ይሳድ፤ ታን ህንተዉ ቃረታደ ዳቡራድ። 
\v 7 ታን ኡንቱንታ ሄ ቢታ ካታማቱዋ ፐንግያን ላይዳ አካደ ሰጻድ። ኡንቱንቱ ናናቱዋካ ዎ ዉርሳድ፤ ታን ታ አሳ ይሳድ። አያዉ ጎፐ፥ ኡንቱንቱ ባረንቱ ኢታ ኦግያፐ ስመናን እጼድኖ። 
\v 8 ታን ኡንቱንቱ አምኤቱዋ ፓይዱዋ አባ ሻፍያፐካ ዳርሳድ። ታን ጋላሳ ሴታን ኡንቱንቱ ዎዳላቱዋ ዎ ይስያዋንታ ኡንቱንቱ አየቱዋ ቦላ አሃድ። ቆፐናን ደእሺና፥ ምሹዋነ ዳጋማ ታን ኡንቱንቱ ቦላ ዱገ የዳድ። 
\v 9 ላፑን ናናቱ ሀይቄዳ አታ ሸምፑዋ ላባናዱ። እዝዉ ጋላሳይ ቃሜዳ፤ አ ካዉሻዱነ ዬላታዱ። ብሮ ፓጻ ደእያዋንታካ ታን ኡንቱንቱ ሞርከቱዋ ስንን ማሻን ሲፍሳድ። ታን መና ጎዳይ ሀዋ ኦዳድ” ያጌ።
\s1 ኤርማስ ባረ መቱዋ ጾሳዉ ማጋኔዳ
\p
\v 10 ታዉ አየ ታ አቴ! ታና የለናን አጋርኪሻ! ታን ቢታ ኡባን ደእያ አሳና ዋላቀትያነ ባጸትያ አሳ ግዳድ። ታን ኦስነ ታልአበይከ፥ ዎይ ኦፐነ ታልኣደ አካበይከ፤ ግዶፐነ፥ አሳይ ኡባይ ታና ሸቄ።
\p
\v 11 መና ጎዳይ ሀዋዳን ያጌዳ፤ “ቱሙፐ ታን ኔና ሎኦባዉ አሻ አካና። ቱሙፐ ነ ሞርከቱ መቱዋ ዎደነ ዋይያ ዎደ ነዉ ዋትዋታናዳን፥ ታን ኦና።
\p
\v 12 “ዎን አሳይ ብራታ፥ ሁጲሳ ባጋና ይያ ብራታ ዎይ ናስያ መንናዉ ዳንዳዪ? 
\v 13 ቢታ ኡባን ህንተ ኦዳ ናጋራ ድራዉ፥ ታን ህንተ አቁዋ ፔሻ፥ ጮ ቦንቂያዋንቶ እማና። 
\v 14 ታን ህንተና ህንተ ኤረና ቢታን ህንተ ሞርከቶ አይለያና፤ አያዉ ጎፐ፥ ታ ሀንቁ ምያ ታማ ግዲደ፥ መናዉ ኤጻና” ያጌዳ።
\p
\v 15 አቤት መና ጎዳዉ፥ ኔን ኤራሳ። ታና ሀሳያደ ማዳ፤ ታና የደርስያዋንቱ ቦላ ታ ሀሉዋ ከሳ። ኔን ኡንቱንቶ ዳንዳያደ፥ ታና ዎራ የጎፓ። ታን ነ ድራዉ ሸቀትያዋ ቆፓ። 
\v 16 አቤት መና ጎዳዉ፥ ኡባ ዳንዳይያ ጾሳዉ፥ ታን ነ ሱንን ጼሰቴዳ ድራዉ፥ ነ ቃላይ ታኮ ዪና ማድ። ታና ፓሽክሴዳነ ታ ዎዛና ናሸቼዳ። 
\v 17 ጮ ፖጩምያዋንቱ ጩጉዋን ኡታበይከ፤ ኡንቱንቱና ናሸታበይከ። ኔን ነ ኩሽያ ታ ቦላ ዎዳ ድራዉነ ታዉ ይሎቲደ ድራዉ፥ ታን ታረካ ዱማ ኡታድ። 
\v 18 ሳኩ ታፐ ዱጸናን እጽያዌነ ታ ማዱይ ፓጸናን እጽያዌ አያሴ? ኔን ታዉ መልያ ሻፋዳን፥ ቶእያ ፑልቱዋዳን፥ ሀናና ሀናይዬ?
\p
\v 19 ሄዋ ድራዉ፥ መና ጎዳይ ሀዋዳን ያጌ፤ “ኔን ታኮ ስሞፐ፥ ታን ዛራደ ኔና አካና፤ ኔን ታዉ ኦና። ሀዳ የዉዋ አጋደ፥ ቦንቾ ቃላ ጻላላ ኦዶፐ፥ ኔን ታ ዶና ግዳናሳ። ሀዋንቱ አሳቱ ኔኮ ስማና፤ ሽን ኔን ኡንቱንቱኮ ስማካ። 
\v 20 ታን ኔና ሀ አሳዉ ናስያ ግያ ብራታና ግምበቴዳ ግምቢያ ኦና። ኡንቱንቱ ኔናና ኦለታና፤ ሽን ኔና ጾንክኖ። አያዉ ጎፐ፥ ታን መና ጎዳይ ኔና አሻናዉነ ዎ አካናዉ ኔናና ደአይ። 
\v 21 ኢታቱዋ ኩሽያፐ ታን ኔና አሻና፤ ቃረት ባይናዋንቱፐካ ታን ኔና ዎዛና” ያጌ።
\c 16
\s1 ጾሳይ ኤርማሳ አዛዜዳዋ
\p
\v 1 መና ጎዳ ቃላይ፥ ሀዋዳን ያጊደ፥ ታኮ ዬዳ፤ 
\v 2 “ኔን ማቻቶ አኮፓ፤ ማጫዋ አቱማዋካ ሀ ሳኣን የሎፓ። 
\v 3 ሀ ሳኣን የለቴዳ ማጫ ናናቱነ አቱማ ናናቱ፥ ኡንቱንታ የሌዳ አየቱነ አዎቱ ትምቢትያ ታን መና ጎዳይ ነዉ ሀዋ ኦዳይ። 
\v 4 ኡንቱንቱ ኢታ ሀርግያን ሀይቃና፤ ኡንቱንቶ ዬከተና፥ ዎይ ኡንቱንቱ ሞገትክኖ፤ ኡንቱንቱ አሃይ ቢታ ቦላን ፕቱዋ ማላ ግዳናዋ። ኡንቱንቱ ማሻንነ ኮሻን ዉራና፤ ኡንቱንቱ አሹ ሳሉዋ ካፎቶነ ሳኣ ዶአቶ ቁማ ግዳናዋ” ያጌዳ።
\p
\v 5 መና ጎዳይ ታዉ ሀዋዳን ያጌዳ፤ “ዬኮ ጎልያ ገሎፓ፤ ዬካናዉ ዎይ ቃረታናዉ ቦፓ። አያዉ ጎፐ፥ ታን መና ጎዳይ ሀ አሳ ቦላፐ ታ ሳሮተ፥ አገና ታ ሲቁዋነ ታ ማሮታ ድጋ ክቻድ። 
\v 6 ዎጋቱካ ጉቱካ ሀ ቢታን ሀይቃና፤ ኡንቱንቱ ሞገትክኖ። አይ አሳይነ ኡንቱንቶ ዬከና፤ አይ አሳይነ ኡንቱንቶ ጎምኦረና ዎይ ሁጲያ ሜድሲደ ካዮተና። 
\v 7 ዬክያ አሳዉ ሃ ኡሻዉ አፊደ፥ ቁማ አናና እትፐ ሚድነ ኡሺደ፥ ካዩዋ ባለያዌ እቱነ ደኤና። ሀራይ አቶ አታ ዎይ አዉ ሀይቄዳ ኡራካ ባለያባይ ባዋ።
\p
\v 8 “ግብራይ ደእያ ጎልያካ ገሎፓ፤ ማናዉነ ኡሻናዉ ኡንቱንቱና እትፐ ኡቶፓ። 
\v 9 ኡባፐ ዎልቃማ መና ጎዳይ፥ እስራኤልያ ጾሳይ ሀዋ ኦዳይ። በአ፥ ታን ናሸቻነ እልልሳ ኮሻ፥ ማቻቶ ቡላችያዋነ ቡላቼትያን ኮሻ ሀ ሳኣፐ ድጋና። ሄዋ አሳይ ባረ ላይን ባረ አይፍያን በአና።\x - \xo 16:9 \xo*\xt ኤር. 7:34፤ 25:10፤ ሳፃ 18:23\xt*\x*
\p
\v 10 “ኔን ሀ ቃላ ኡባ ሀ አሳዉ ኦድያ ዎደ፥ ኡንቱንቱ ኔና፥ መና ጎዳይ አያዉ ሀዋ ማላ ዎልቃማ ኢታባ ኑ ቦላ አዋዬዴ? ኑን አያ ባይዜዶ? መና ጎዳዉ፥ ኑ ጾሳዉ፥ ‘ኑን ኦዳ ናጋራይ አዬ?’ ያጋና። 
\v 11 ሄ ዎደ ኔን ኡንቱንቶ ያጋ፤ ‘ “ታን መና ጎዳይ ሀዋ ኦዳዌ ካሰ ህንተ አዎቱ ታና አጌዳ ድራሳ፥ ኡንቱንቱ ሀራ ጾሳቱዋ ካሌዳ ድራሳ፥ ኡንቱንቶ ኦዳነ ጎይኔዳ ድራሳ፥ ታና አጌዳነ ታ ህግያ ናገናን እጼዳ ድራሳነ 
\v 12 ህንተ ካሰ ህንተ አዎቱዋፐካ አ ኢቴዳ ድራሳ። በእተ፥ ህንተ ሁጲያን ሁጲያን ህንተ ኢታ ዎዛና ሙመተ ካሌድታ፤ ታዉ አዛዘተናን እጼድታ። 
\v 13 ሄዋ ድራዉ፥ ታን ህንተና ሀ ቢታፐ ደንደ፥ ህንተ ዎይ ህንተ አዎቱ ኤረና ቢታ ኦላና። ያን ህንተ ሀራ ጾሳቶ ጋላስነ ቃማ ሀጋዛና። ሙለካ ህንተዉ ቃረትከ” ያጌ’ ያጋ” ያጌዳ።
\s1 ጾሳይ እስራኤላቱዋ ዛሪደ አሀና
\p
\v 14 መና ጎዳይ ሀዋዳን ያጌ፤ “ ‘እስራኤልያ አሳ ግብጼ ቢታፐ ከሴዳ መና ጎዳይ ኤሮ’ ያጊደ ጫቀና ዎዲ ያና። 
\v 15 ‘እስራኤልያ አሳ ሁጲሳ ባጋ ቢታፐነ ኡንቱንታ እ ላሌዳ ቢታቱዋ ኡባፐ ዛሪደ አሄዳ መና ጎዳይ ኤሮ’ ያጊደ ጫቃና። አያዉ ጎፐ፥ ታን ኡንቱንቱ ካሰ ኡንቱንቱ አዋቶ እሜዳ ቡዞ ቢታ ዛራደ አሀና” ያጌ።
\s1 ይያ ሙሩዋ
\p
\v 16 መና ጎዳይ ሀዋዳን ያጌ፤ “በእተ፥ ታን ሞልያ ኦይቂያ ዳሮ አሳቶ ኪታይ፤ ኡንቱንቱ ኡንቱንታ ኦይቃና። ሄዋፐ ጉይያን፥ ታን ዳሮ ሻንካንቻቶ ኪታና፤ ሻንካንቻቱ ደርያ ኡባፐ፥ ዞዝያ ኡባፐነ ሹቻ ኮፖቱዋፐ ኡንቱንታ ሻንካቲደ ከሳና። 
\v 17 አያዉ ጎፐ፥ ታን ኡንቱንቱ ኦግያ ኡባ በአይ። ኡንቱንቱ ታፐ ቆሰትበይክኖ፤ ኡንቱንቱ ናጋራይካ ታ አይፍያፐ ጌምቤና። 
\v 18 ታን ኡንቱንቱ ኢታተነ ኡንቱንቱ ናጋራ ድራዉ ኡንቱንቶ ላኡ ኩሽያ ዛራና። አያዉ ጎፐ፥ ኡንቱንቱ ባረንቱ እጸቴዳ ኤቃቱዋን፥ ሄ አሃ ማላትያዋንቱን ታ ቢታ ቱንሴድኖነ ባረንቱ ሸነይያ ምስለቱዋን ታ ላታ ኩንድኖ” ያጌ።
\s1 ኤርማሳ ዎሳ
\p
\v 19 አቤት መና ጎዳዉ፥ ታ ዎልቃዉ፥ ታ ዎልቃማ ሚጻዉ፥ መቱዋ ጋላሳን ታን ባቃታ አትያ ሳአዉ፥ ካዉተቱ ሳኣ ጋጻፐ ኔኮ ያና። ዪደ ሀዋዳን ያጋና፤ “ኑ አዎቱ ፓናነ ማደና ዎርዶ ጾሳቱዋ ጻላላ ላቴድኖ። 
\v 20 ዎን አሳይ ባረዉ ጾሳቱዋ መናዉ ዳንዳዪየ? ዳንዳየና! እ መንቶካ ኡንቱንቱ ቱሙ ጾሳቱዋ ግድክኖ!” ያጋና።
\p
\v 21 ጾሳይ ሀዋዳን ያጌ፤ “ሄዋ ድራዉ፥ ታን ኡንቱንታ ኤርሳና። እት ገደነ ታ ዎልቃነ ታ ምኖተ ኡንቱንታ ኤርሳና፤ ያቶፐ ኡንቱንቱ ታ ሱንይ መና ጎዳ ግድያዋ ኤራና” ያጌ።
\c 17
\s1 ይሁዳ ናጋራነ ሙሩዋ
\p
\v 1 ጾሳይ ሀዋዳን ያጌ፤ “ይሁዳ ናጋራይ ብራታ ቢርያን ጻፈቴዳ፤ ኡንቱንቱ ዎዛና ቦላነ ኡንቱንቱ ያርሽያሳን ደእያ ካጭያ ቦላ አልማዝያ ግያ ሹቻ ጼራን ቃጨቲደ ጻፈቴዳ። 
\v 2 ኡንቱንቱ ናናቱ እርጻ ም ኡባ ጋርሳን፥ ቃ ዞዘቱዋ ቦላንነ ቢታን ደእያ ደረቱዋ ቦላን፥ ጊግሴዳ ያርሽያ ሳአቱዋን አሼሮ ግያ ጾሳትዉ ኤሴዳ ምስልያዉ ጎይኒኖ። 
\v 3 ህንተ ቢታ ኡባ ቦላን ኦዳ ናጋራ አጮ ጭጋ ኦደ፥ ህንተ ሚሻነ ህንተ አቆቱዋ ኡባ ታን ህንተ ሞርከቶ እማና። 
\v 4 ታን ህንተና ላትሴዳ ቢታፐ ህንተ ባና፤ ታን ህንተና ህንተ ኤረና ቢታን ህንተ ሞርከቶ አይለያና። አያዉ ጎፐ፥ ህንተ ታ ሀንቁዋ ኦይሰድታ፤ እ መናዉ ኤጻና” ያጌ።
\s1 ዱማ ዱማ ሌምሳቱዋ
\p
\v 5 መና ጎዳይ ሀዋዳን ያጌ፤ “አሳን፥ ሀይቂያ አሳ ዎልቃን አማነትያዌነ ባረ ዎዛና መና ጎዳፐ ዎራ ዛርያዌ ሸቀቴዳዋ። 
\v 6 ሄ አሳይ ባዙዋን ዶሌዳ ሱፓ ም ማላ። ኬካባይ ይያ ዎደ በኤና። እ ባዙዋን፥ መላ ሳኣን፥ አሳይ ደኤና ማጽነ ቢታን ደአና።
\p
\v 7 “መና ጎዳን አማነትያ አሳይ፥ እ አማነትያዌ ጾሳ ግድያ አሳይ አንጀቴዳዋ። 
\v 8 እ ሃ ማታን ቶከቲደ፥ ባረ ጻጱዋ ጎግያ ሃዉ የዴዳ ም ማላ።\x - \xo 17:8 \xo*\xt ማዝ. 1:3\xt*\x* አዋ ሱሎካ እ ያየና። አያዉ ጎፐ፥ ሄ ም ሀይይ እርጽ እርጻሽን ደኤ። እራይ ቡከና ላይንካ ህርገና፤ አይፍያ አይፍያዋካ ቃንጸና።
\p
\v 9 “አሳ ዎዛናይ ኡባባፐ አ ጭምያዋነ ሎይ ኢታ። አ ኦን ኤራናዉ ዳንዳዪ? 
\v 10 መና ጎዳይ አሳዉ ኡባዉ አ ኦግያዳንነ አ ኦሱዋዳን ዛራናዉ፥ አሳ ዎዛና ብዳይነ አ ካሃ ፓጫይ” ያጌ።\x - \xo 17:10 \xo*\xt ማዝ. 62:12፤ ሳፃ 2:23\xt*\x*
\p
\v 11 ጽለና ኦግያና ዱረትያ አሳይ ባረዋ ግደና ቁቁልያ ቆጽያ አካት ማላ። እ ባረ ላይ ብሮ ባጋዪደ፥ አ አጊደ ያና፤ ዉርሰን እ ቦዛ ግዳናዋ።
\p
\v 12 ኑ ጌሻ ጎሊ ኮይሮፐ ዶሚደ፥ ቦንቾ ካተቱዋ አራታዳን፥ ቃ ደርያ ሁጲያን ቤቴ። 
\v 13 አቤት መና ጎዳዉ፥ እስራኤሊ ህዶታን ናግያዎ፥ ኔና አጌዳ ኡባቱ ዬላታና። ኔና አጊደ ዎራ ብያዋንቱ፥ ኔና መና ጎዳ፥ ደኡዋ ሃ ፑልቱዋ አጌዳ ድራዉ፥ ኡንቱንቱ ባና ቦላ ጻፈታና።
\s1 ኤርማሳ ዎሳ
\p
\v 14 አቤት መና ጎዳዉ፥ ታና ፓ፤ ታን ፓጻና። ታና አሻ፤ ታን አታና። አያዉ ጎፐ፥ ኔን ታን ጋላትያዋ።
\p
\v 15 አሳቱ ታና፥ “መና ጎዳይ ኑና ናሴዳ ናሲ ሀቃን ደኢ? አነ ፖሎ!” ያጊኖ።
\p
\v 16 ሄንንቻ ግዳደ ነዉ ኦያዋ አጋበይከ፤ ኡንቱንቱ መቶታና ጋላሳ ታን አሞታበይከ። ታ ዶናፐ ከሴዳ ቃላ ኔን ኤራሳ። 
\v 17 ታና ዳጋንፓ። ኔን መቱዋ ጋላስ ታዉ ባቃታ አትያ ሳኣ። 
\v 18 ታና የደርስያዋንታ ዬላያ፤ ሽን ታና ዬላዮፓ። ኡንቱንታ ዳጋን፤ ሽን ታና ዳጋንፓ። ኡንቱንቱ ቦላ መቶ ጋላሳ አያ፤ ኡንቱንታ ላኡ ኩሽያ ሙሩዋ ሙራ።
\s1 ሳምባታ ቦንችያዋ
\p
\v 19 መና ጎዳይ ታና ሀዋዳን ያጌዳ፤ “ባ፥ ይሁዳ ካተቱ ካታማ ገልያነ ከስያ አሳይ ገልያ ፐንግያንነ ሀራ የሩሳላመ ፐንገቱዋ ኡባን ባደ ኤቃ። 
\v 20 ኡንቱንታ ሀዋዳን ያጋ፤ ‘ህንተኖ ይሁዳ ካተቶ፥ ህንተኖ ይሁዳ አሳቶ፥ ህንተኖ የሩሳላመ አሳቶ፥ ህንተኖ ሀ ፐንገቱዋና ገልያ አሳቶ፥ ኡባይካ መና ጎዳ ቃላ ስስተ! 
\v 21 መና ጎዳይ ሀዋዳን ያጌ፤ “ሳምባታ ጋላሳን ቶኩዋ ቶከና ማላነ አያነ ቶኪደ፥ የሩሳላመ ፐንግያና ገለና ማላ፥ ህንተዉ ናገትተ!\x - \xo 17:21 \xo*\xt ናህ. 13:15-22\xt*\x* 
\v 22 ሳምባታ ጋላሳን ህንተ ጎልያፐ ቶኩዋ ቶኪደ ከሶፕተ፥ ዎይ አይ ኦሱዋነ ኦፕተ። ካሰ ህንተ አዎቱዋ ታን አዛዜዳዋዳን፥ ሳምባታ ጋላሳ ዱማዪደ ቦንችተ።\x - \xo 17:22 \xo*\xt ከሳ 20:8-10፤ ዛረ. 5:12-14\xt*\x* 
\v 23 ግዶፐነ፥ ኡንቱንቱ ስስበይክኖ፤ ባረንቱ ሀይካ ታኮ የግበይክኖ። ኡንቱንቱ ስሰናንነ ታፐ ታማረናን እጼድኖ።
\p
\v 24 “ ‘ “ሽን ህንተ ታን መና ጎዳይ ኦድያዋ ስሶፐ፥ ሳምባታ ጋላሳን አይ ቶኩዋነ ቶኪደ፥ ሀ ካታማ ፐንገቱዋና ገለናን አጎፐ፥ ሳምባታ ጋላሳ ዱማዪደ፥ አን አይ ኦሱዋነ ኦናን ቦንቾፐ፥ 
\v 25 ዳዊታ ካተቱዋ አራታን ኡትያ ካተቱ ባረንቱ ሞድያዋንቱና ፓራቱዋነ ፓራ ጋረቱዋ ቶጊደ፥ ሄ ፐንገቱዋና ገላና። ኡንቱንቱ ይሁዳ አሳናነ የሩሳላመ ካታማን ደእያ አሳና ገላና፤ ሀ ካታማይ መናዉ አሳይ ደእያ ካታማ ግዳናዋ።
\p
\v 26 “ ‘ “አሳይ ጹግያ ያርሹዋነ ሀራ ያርሹዋ፥ ካ ያርሹዋ፥ እጻናነ ጋላታ ያርሹዋ አኪደ፥ ይሁዳ ካታማቱዋፐ፥ የሩሳላመ ዩሹዋን ደእያ ሞቱዋፐ፥ ቢንያማ ቢታፐ፥ ጋፐ፥ ገዝያፐነ ኔጌባፐ መና ጎዳ ጌሻ ጎልያ ያና።
\p
\v 27 “ ‘ “ሽን ህንተ ሳምባታ ጋላሳቱዋ ዱማዪደ ቦንቻናዳንነ ሳምባታ ጋላሳቱዋን ቶኩዋ ቶኪደ፥ የሩሳላመ ፐንገቱዋና ገለናዳን፥ ታን ኦዴዳዋ ስሰናን እጾፐ፥ ታን ሄ ፐንገቱዋን ታማ ኦይና። የሩሳላመ ካትያ ጎለቱዋ ማና። ሄ ታማይ ቶኤና” ያጌ’ ያጋ” ያጌዳ።
\c 18
\s1 ኤርማስ ኡርቃ መያ ብታንያ ሶ ቤዳ
\p
\v 1 መና ጎዳፐ ኤርማሳዉ ዬዳ ቃላይ ሀዋ፤ 
\v 2 “ደንዳ፤ ኡርቃ መያ ብታንያ ጎለ ባ። ያን ታን ኔና ታ ቃላ ስሳና” ያጌዳ። 
\v 3 ታን ዱገ ኡርቃ መያ ብታንያ ጎለ ባደ፥ እ ባረ መያ ይንግርያዋን ኡርቃ መያዋ በኣድ። 
\v 4 እ መሽና፥ ሚሻይ አ ኩሽያን ባዬዳ። እ ሄ ኡርቃ ዛሪደ ሙናቂደ፥ ባረና ሎእያ ሀራ ሚሻ ከሲደ መዳ።
\p
\v 5 ሄ ዎድያን መና ጎዳ ቃላይ፥ ሀዋዳን ያጊደ፥ ታኮ ዬዳ፤ 
\v 6 “እስራኤልያ አሳቶ፥ ሀ ኡርቃ መያ ብታኒ ኦያዋዳን፥ ታን ህንተና ኦናዉ ዳንዳይክታ? ያጌ መና ጎዳይ። እስራኤልያ አሳቶ፥ በእተ፤ ኡርቃይ ባረና መያዋ ኩሽያን ደእያዋዳን፥ ህንተካ ታ ኩሽያን ደኢታ። 
\v 7 አይ ዎደ ግዶፐነ፥ ታን እት ቢታባ ዎይ እት ካዉተባ፥ ‘ታን ህንተና ቆላና፥ ዮዳናነ ይሳና’ ጋደ ኦድና፥ 
\v 8 ሄ ታን ኦዴዳ ካዉተይ ባረ ኢታተፐ አጊደ ስሞፐ፥ ታን ኡንቱንቱ ቦላ አሀና ጌዳ ኢታባ አሄናን አጋ ባሻና። 
\v 9 ቃይ አይ ዎደ ግዶፐነ፥ ታን እት ቢታባ ዎይ እት ካዉተባ፥ ታን ህንተና ኬጻናነ ቶካና ጋደ ኦድና፥ 
\v 10 ሄ ካዉተይ ታን ኦድያዋ ስሰናን እጾፐ ታ ስንን ኢታባ ኦፐ፥ ታን ኦና ጌዳ ሎኦባ ኦናን አጋሻና።
\p
\v 11 “ሄዋ ድራዉ፥ ሀእ ይሁዳ አሳቶነ የሩሳላመን ደእያዋንቱ ሀዋዳን ያጋ፤ መና ጎዳይ ያጌ፤ በእተ፥ ታን ህንተ ቦላ ኢታባ መይነ ሀልቻድ። ህንተ ኡባይካ ህንተ ኢታ ኦግያፐ ስምተ፤ ህንተ ኦግያነ ህንተ ኦሱዋ ላምተ ያጌ ያጋ። 
\v 12 ሽን ኡንቱንቱ፥ ‘ሄዌ አይነ ማደና! ኑን ኑ ሀልቼዳዋዳን ሀናና፤ ኑን ሁጲያን ሁጲያን ኑ ኢታ ዎዛና ሙመተዳን ኦና’ ያጋና” ያጌዳ።
\q1
\v 13 ሄዋ ድራዉ፥ መና ጎዳይ ሀዋዳን ያጌ፤
\q2 “ሀዋ ማላባ ስስ ኤሪቴ?
\q2 ያጊደ አነ ካዉተቱዋ ግዶን ላልእተ።
\q2 ወዶራታ እስራኤልያ ሎይ ሸነይያዋ ኦዱ።
\q1
\v 14 እ ባረዉ፥ ሊባኖሳ ደርያ ቦላን ደእያ ሻቻይ፥
\q2 ዛላ ጼራፐ ይ ኤሪ?
\q2 ሄ ደርያፐ ጎግያ እርጻ ሃይ መል ኤሪ?
\q1
\v 15 ሽን ታ አሳቱ ታና ዶጌድኖ፤
\q2 ኡንቱንቱ ፓና ጾሳቶ እጻና ጩዋዪኖ።
\q2 ባረንቱ ኦግያፐ፥ ባረንቱ በን ሎሱዋፐ በቴድኖ፤
\q2 ኡንቱንቱ ኦግያ አጊደ፥ ጋጻና ቤድኖ።
\q1
\v 16 ኡንቱንቱ ባረንቱ ቢታ ዳጋንያባነ፥
\q2 መናዉ ካቴዳዋ ከሴድኖ።
\q2 ያና አያ ኦንነ ሸነቴነ ባረ ሁጲያ ቃ።
\q1
\v 17 አዋይ ዉልያ ባጋ ጫርኩዋዳን፥
\q2 ታን ኡንቱንታ ኡንቱንቱ ሞርከቱዋ ስንን ላላና።
\q2 ኡንቱንቱ መቱዋ ጋላስ ታን ኡንቱንቶ ዞክያ ዛራናፐ አትና፥
\q2 ታ ሶምኡዋ ሃሳይከ” ያጌ።
\s1 ኤርማሳ ቦላ ማቀቴዳ ማቁዋ
\p
\v 18 አሳቱ ሀዋዳን ያጌድኖ፤ “ሃ ዪተ፤ አነ ኤርማሳ ቦላ ማቀቴቶ። አያዉ ጎፐ፥ ቄሳቱ ታማርስያ ህጊ፥ አዳ ኤራንቻቱ እምያ ዞሪ፥ ትምቢትያ ኦድያዋንቱ ኦድያ ቃላይ የና። ሃ ዪተ፤ አነ አ ኑ እንጻርሳን ጲሮይተ። እ ኦድያ ቃላ ስሰናን አጌቶ” ያጌድኖ።
\p
\v 19 አቤት መና ጎዳዉ፥ ታ ኦድያዋ ስሳ፤ ታ ሞርከቱ ታ ቦላ ሃሳይያዋ ሀይዛ። 
\v 20 ሎኦ ኦዳ አሳዉ ኢታ ዛሪእ? ሽን ኡንቱንቱ ታዉ ኦላ ቦኪኖ። ታን ነ ሀንቁ ኡንቱንቱፐ ስማና ማላ፥ ኡንቱንቱ ድራዉ ሎኦባ ሃሳያናዉ ነ ስንን ኤቄዳዋ ቆፓ። 
\v 21 ሄዋ ድራዉ፥ ኡንቱንቱ ናናቱዋ ኮሻዉ አደ እማ፤ ኡንቱንታካ ማሻዉ አደ እማ። ኡንቱንቱ ማጫ አሳቱካ ናአይ ባይናዋንታነ አምኤ ግድኖ። ኡንቱንቱ አቱማ አሳቱካ ዎያ ሀርግያን ጋከትኖ፤ ኡንቱንቱ ዎዳላቱካ ኦላን ሲፈትኖ። 
\v 22 ኡንቱንቱ ቆፐናን ኔን ኡንቱንቱ ቦላ ቦንቂያዋንታ የድና፥ ኡንቱንቱ ጎልያን ዋሱ ከሶ። አያዉ ጎፐ፥ ኡንቱንቱ ታና ኩንድሳናዉ ኦላ ቦኬድኖ፤ ታ ገድያዉካ ጲርያ ዎድኖ። 
\v 23 ሽን አቤት መና ጎዳዉ፥ ኡንቱንቱ ታና ዎናዉ ማቀቴዳዋ ኡባ ኔን ኤራሳ። ኔን ኡንቱንቱ ኢታተ አቶ ጎፓ፥ ዎይ ኡንቱንቱ ናጋራ ነ ስንፐ ቁጮፓ። ኡንቱንቱ ነ ስንን ጾነቲደ ኩንድኖ። ነ ሀንቁዋ ዎደ ኔን ኡንቱንታ ሀዋዳን ኦ።
\c 19
\s1 መኤዳ ባረታ ሌምሱዋ
\p
\v 1 መና ጎዳይ ሀዋዳን ያጌ፤ “ባ፤ ኡርቃ መያዋፐ ባሬታ ሻማ። ኔናና አማሬዳ ጋድያ ጭማቱዋነ አማሬዳ ቄስያ ጭማቱዋ አካደ፥ 
\v 2 ኮንኣ መኡዋ ፐንግያ ግያ ፐንግያ ላንቂያና አአደ፥ ህኖማ ዛንጋራ ባ፤ ያን ታን ነዉ ኦድያ ቃላ አዋያ።\x - \xo 19:2 \xo*\xt 2 ካታ. 23:10፤ ኤር. 7:30-32፤ 32:34-35\xt*\x* 
\v 3 ሀዋዳን ያጋ፤ ‘ህንተኖ ይሁዳ ካተቶ፥ ህንተኖ የሩሳላመ ካታማ አሳቶ፥ መና ጎዳ ቃላ ስስተ! ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “በእተ፥ ስስያ ኡባዉ ሀይዉ ኢትያ ፓላባ ሀ ቢታ ቦላ ታን አሀና። 
\v 4 አያዉ ጎፐ፥ አሳቱ ታና አጌድኖ፤ ኡንቱንቱ ዎይ ኡንቱንቱ አዎቱ፥ ዎይ ይሁዳ ካተቱ ኤረና ሀራ ጾሳቶ እጻና ጩዋዪደ ያርሽያዋን ሀ ሳኣ ቱንሴድኖ። ኡንቱንቱ ጽሎ አሳቱዋ ሱ ሀ ሳኣን ኩንድኖ። 
\v 5 ቃይ ታን ኡንቱንታ አዛዛቤናባ፥ ዎይ ኦዳቤናባ፥ ዎይ ታ ዎዛናን ቆፓቤናባ ኦድኖ፤ ኡንቱንቱ ባረንቱ አቱማ ናናቱዋ ባኣላዉ ታማን ጹግያ ያርሹዋ ኦደ ያርሻናዉ፥ ጎይንያ ቃ ሳአቱዋን ያርሽያ ሳ ግምቤድኖ።\x - \xo 19:5 \xo*\xt ዎጋ 18:21\xt*\x* 
\v 6 ሄዋ ድራዉ፥ ሀ ሳአይ ቶፌታ ዎይ ህኖማ ዛንጋራ ጌተትያዌ አቲደ፥ ሹካ ዛንጋራ ያገቲደ ጼገታና ጋላሳቱ ዪኖ ያጌ መና ጎዳይ።
\p
\v 7 “ ‘ “ይሁዳነ የሩሳላመ አሳ ሀልቹዋ ታን ሀ ሳኣን ፖለተናዳን ኦና። ኡንቱንቱ ባረንቱ ሞርከቱዋ ማሻንነ ባረንታ ዎናዉ ኮይያዋንቱ ኩሽያን ሀይቃናዳን ታን ኦና። ኡንቱንቱ አሃ ሳሉዋ ካፎቶነ ሳኣ ዶአቶ ቁማ ኦደ እማና። 
\v 8 ሀ ካታማ ባዙዋነ ቅሊጭያዋ ከሳና። ሄዋና አያ ኡባይ አ ባሻን ማላለቲደ፥ ፖራ! ያጋና። 
\v 9 ኡንቱንቱ ባረንቱ ማጫ ናናቱነ አቱማ ናናቱዋ አሹዋ ማናዳን ታን ኦና። ኡንቱንቱ ዎናዉ ኮይያ ሞርከቱ ኡንቱንታ ዋይስያ ዋይያንነ ዶድያ ዶዳን፥ ኡንቱንቱ ኡባይ እቱ እቱዋ አሹዋ ማና” ያጌ’ ያጋ።
\p
\v 10 “ሄዋፐ ጉይያን፥ ኔናና እትፐ ቤዳ አሳቱዋ ስንን ሄ ባረታ መን። 
\v 11 ኡንቱንታ ሀዋዳን ያጋ፤ ‘ኡባፐ ዎልቃማ መና ጎዳይ ሀዋዳን ያጌ፤ “ዛሪደ ኮልና ኦይቀናዳን ኦደ፥ እት አሳይ ባረታ መንያዋዳን፥ ታን ሀ ካዉተነ ሀ ካታማ መንሬና። አሳቱ አሃ ሞግያ ሳአይ ባይና ድራዉ፥ ቶፌታን ሞጋና። 
\v 12 ታን ሀ ሳኣነ አን ደእያ አሳ ኦናዌ ሀዋ፤ ታን መና ጎዳይ ሀ ካታማ ቶፌታዳን ኦና። 
\v 13 የሩሳላመ አሳ ጎለቱነ ይሁዳ ካተቱዋ ጎለቱ፥ ጎልያ ቦላን ደምባዪደ ኦድኖ ሳሉዋ ጾልንተቶ እጻና ጩዋዬዳነ ሀራ ጾሳቶ ኡሻ ያርሹዋ ጉሴዳ ጎለቱ ኡባይ ቶፌታ ግያ ሳኣዳን ቱኔዳዋንታ ግዳና” ያጌ’ ያጋ” ያጌ።
\p
\v 14 ሄዋፐ ጉይያን፥ ኤርማስ መና ጎዳይ ትምቢትያ ኦዳናዉ ኪቴዳ ቶፌታፐ ስሚደ ዪደ፥ መና ጎዳ ጌሻ ጎልያ ግዶን ደእያ ዳባባን ኤቄዳ። አሳ ኡባዉ ሀዋዳን ያጌዳ፤ 
\v 15 “ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ስስተ፥ ታን ሀ ካታማ ቦላነ አ ሄራን ደእያ ሞቱ ኡባ ቦላ አሀና ጌዳ ኢታባ ኡባ ኡንቱንቱ ቦላ አሀና ሀናይ። አያዉ ጎፐ፥ ኡንቱንቱ ሞርጊ ማካላ ግዲደ፥ ታን ኦዴዳባ ስሰናን እጼድኖ’ ያጌ” ያጌዳ።
\c 20
\s1 ኤርማሳነ ፓሽሁራ
\p
\v 1 ሄ ዎደ መና ጎዳ ጌሻ ጎልያን ካፑዋ ግድያ፥ እሜራ ናኣ ፓሽሁራ ግያ ቄሲ፥ ኤርማስ ሀ የዎቱ ትምቢትያ ኦድሽን ስሴዳ። 
\v 2 ፓሽሁር ትምቢትያ ኦድያ ኤርማሳ ደሽሴዳ፤ ቆሞ ቢንያማ ፐንግያ ግያ መና ጎዳ ጌሻ ጎልያ ገልያሳን ደእያ ዱ ሉኩዋን ቃሽሴዳ። 
\v 3 ዎንተ ጋላስ ፓሽሁር ኤርማሳ ቃሹዋፐ ብልና፥ ኤርማስ አዉ ሀዋዳን ያጌዳ፤ “ሀችፐ ዶምና፥ መና ጎዳይ ነ ሱን ፓሽሁራ ያገና፤ እ ነ ሱን ያን ሃን ዳጋማ ያጋና። 
\v 4 አያዉ ጎፐ፥ መና ጎዳይ ሀዋዳን ያጌ፤ ‘ታን ኔና ነ ሁጲያዉነ ነ ላገቱዋ ኡባዉ ዳጋማ ከሳና። ኡንቱንቱ ኔን ጼልሽን፥ ባረንቱ ሞርከቱዋ ማሻን ዉራና። ይሁዳ አሳ ኡባ ባብሎነ ካትያ ኩሽያን አደ እማና። እ ኡንቱንታ ኦሞዲደ፥ ባብሎነ አፋና፤ አፊደ ያን ማሻን ኡንቱንታ ዎና። 
\v 5 ሄዋዳንካ፥ ሀ ካታማ አቁዋ ፔሻ ኡባ፥ ኦ ከሴዳባ ኡባ፥ ዱረተ ኡባነ ይሁዳ ካተቱዋ ሚሻ ኡባ ታን ኡንቱንቱ ሞርከቶ አደ እማና። ኡንቱንቱ ኡንቱንታ ቦንቂ ኦይቂደ፥ ባብሎነ አፋና። 
\v 6 ቃይ ኔን ፓሽሁርካ ነ ሶን ደእያ አሳይ ኡባይ ኦሞደቲደ፥ ባብሎነ ባና። ኔን ትምቢትያ ኦዴዳ ነ ላገቱዋ ኡባናካ ያን ሀይቃናነ ያን ሞገታና’ ያጌ” ያጌዳ።
\s1 ኤርማስ ጾሳዉ ማጋኔዳ
\p
\v 7 አቤት መና ጎዳዉ፥ ኔን ታና ጭማዳ፤ ታንካ ጭመታድ። ኔን ታፐ ምናደ፥ ታና ጾናዳ። ጋላሳ ኩመን ታን አሳይ ሚጭያዋ ከሳድ፤ ኡባይ ታና ቅሊጬ። 
\v 8 ታን ሃሳይያ ዎድያን ኡባን ቂሳደ፥ “ማካላባይነ ባሻይ ጋኬዳ” ያጋደ ዋሳይ። መና ጎዳ ቃላይ ታዉ ጋላሳ ኩመንን ካያነ ቅሊጩዋ አሄዳ። 
\v 9 ታን፥ “ታን ጾሳባ ደንደ ሃሳይከ” ዎይ፥ “አ ሱንን ላኤን ኦድከ” ጎፐ፥ ጾሳ ቃላይ ታ መቀ ግዶን ቁምኤቲደ፥ ኤጽያ ታማ ማላ ግዲደ፥ ታ ዎዛናን ምቼ። ታን ግዶን ኦይቃደ አሻና ጋደ ዳቡራድ፤ ሽን ተአናዉ ዳንዳያበይከ። 
\v 10 ታን ዳሮ ሳሱከ ስሳድ፤ “ያን ሃን ዳጋማይ ደኤ! አነ አ ሞትተ! ኑንካ አ ሞቶይተ” ያጊኖ። ታዉ ማታ ላገቱ ኡባይ ታ ኩንደ ናጊደ፥ “ኦን ኤሪ፥ ኑን አ ኦይቃና ማላነ ኑ ሀሉዋ ከሳና ማላ፥ እ ጭመታናዉ ዳንዳዬ” ያጊኖ።
\p
\v 11 ሽን መና ጎዳይ ያሽስያ ቶራንቻዳን ታናና ደኤ። ሄዋ ድራዉ፥ ታና የደርስያዋንቱ በታና፤ ኡንቱንቱ ታና ጾንክኖ። ኡንቱንቶ ጊገና ድራዉ፥ ኡንቱንቱ ዎልቃማ ዬላ ዬላታና። ኡንቱንቱ ካዉሻይ ሙለካ ዶገተና። 
\v 12 አቤት ኡባፐ ዎልቃማ መና ጎዳዉ፥ ጽሎቱዋ ፓጭያዎ፥ ዎዛና ካሃ በእያዎ፥ ኔን ታ ሞርከቱዋ ቦላን ታ ሀሉዋ ከሳደ ታና በሳ። አያዉ ጎፐ፥ ታን ታ ሞቱዋ ነዉ አድ።
\p
\v 13 መና ጎዳዉ የጽተ! መና ጎዳ ጋላትተ! አያዉ ጎፐ፥ እ ህዬሳቱዋ ኢታቱዋ ኩሽያፐ አሼ።
\p
\v 14 ታን የለቴዳ ጋላሳይ ሸቀቴዳዋ ግዶ!\x - \xo 20:14-18 \xo*\xt ኢዮባ 3:1-19\xt*\x* ታ አታ ታና የሌዳ ጋላሳይ አንጀቶፖ! 
\v 15 ታ አዎ፥ “ነዉ ምሽራቾ፤ ነዉ አቱማ ናአይ የለቴዳ!” ያግ ኦዲደ፥ ዳሮ ናሸቼዳ ብታኒካ ሸቀቴዳዋ ግዶ! 
\v 16 ሄ ብታኒ መና ጎዳይ ቃረተናን አ የጊደ ይሴዳ ካታማቱዋዳን ሀኖ። ሄ ብታኒ ዎንታ ዋሱዋ፥ ጋላሳ ሴታን፥ “ኦላይ ጋኬዳ!” ግያ ኦዱዋ ስሶ። 
\v 17 አያዉ ጎፐ፥ ታ አታ ታዉ ዱፎ ግዳና ማላነ እ ኡሉካ ታና ዎጋ ኦይቂ ኡታና ማላ፥ ታና ኡሉዋን ዎቤና። 
\v 18 ታን መቱዋነ ካዩዋ በአናዉነ ላይ ኡባ ዬላታደ ዉርሳናዉ፥ አያዉ ታ አት ኡሉዋፐ ከሳድታሻ?
\c 21
\s1 የሩሳላመ ጾነታናዋ ትምቢቲ ኦደቴዳ
\p
\v 1 ካቲ ሰደቅያስ ማልክያ ናኣ ፓሽሁራነ ማእሴያ ናኣ ቄስያ ሶፎናሳ ሀ ኦሻ ኦቻና ማላ፥ መና ጎዳይ ኤርማሳኮ ኪቴዳ። 
\v 2 ኡንቱንቱ፥ “ባብሎነ ካቲ ናቡካዳናጾር ባረ ኦላንቻቱዋና ሀ ካታማ ዩይ አደ ዶዴዳ ድራዉ፥ አነ ኑዉ መና ጎዳ ኦቻ። ኦን ኤሪ፥ መና ጎዳይ በንዋዳን፥ ማላልስያ ኦሱዋ ኑ ድራዉ ኦደ፥ አ ጉየ ዛራነንቶነ” ያጌድኖ።\x - \xo 21:2 \xo*\xt 2 ካታ. 25:1-11፤ 2 ኦዱዋ 36:17-21\xt*\x*
\p
\v 3 ኤርማስ ኡንቱንቶ ዛሪደ፥ ሀዋዳን ያጌዳ፤ “ቢደ ሰደቅያሳዉ ያግተ፤ 
\v 4 መና ጎዳይ እስራኤልያ ጾሳይ ሀዋዳን ያጌ፤ ‘ኔን ባብሎነ ካትያናነ ግምቢያፐ ካረና ነ ካታማ ዶድያ አ ኦላንቻቱዋና ኦለትያ፥ ነ ኩሽያን ደእያ ኦላ ሚሻ ታን ጉየ ነ ቦላ ዛራና። ቃይ ኡንቱንታ ኡባካ ሀ ካታማትዉ ግዶ ገልሳና። 
\v 5 ታን ታ ሁጲያን የዴዳ ኩሽያን፥ ዎልቃማ ቀስያን፥ ይሉዋን፥ ሀንቁዋንነ ዎልቃማ ሴራን ኔና ኦላና። 
\v 6 ታን ሀ ካታማን ደእያዋንታ፥ አሳካ መህያካ ሾጫና። ኡንቱንቱ ኢታ ሀርግያን ዉራና። 
\v 7 ሄዋፐ ጉይያን፥ ይሁዳ ካትያ ሰደቅያሳ፥ አ ኦሳንቻቱዋነ ኢታ ሀርግያፐ፥ ማሻፐነ ኮሻፐ ፓላሄዳ፥ ሀ ካታማ አሳ ኡባ፥ ባብሎነ ካትያ ናቡካዳናጾራዉነ ኡንቱንታ ዎናዉ ኮይያ ሞርከቶ ታን መና ጎዳይ አደ እማና። እ ኡንቱንቱ ቃራ ማሻን ሲፋና። እ ኡንቱንቶ ቃረተና፥ ዎይ ሳሊደ አገና፥ ዎይ ማረና’ ያጌ ያግተ” ያጌዳ።
\p
\v 8 መና ጎዳይ ኤርማሳ፥ “ጉጃደካ አሳዉ ሀዋዳን ያጋደ ኦዳ፤ ጾሳይ ሀዋዳን ያጌ፤ ‘በእተ፥ ታን ህንተ ስንን ደኡዋ ኦግያነ ሀይቁዋ ኦግያ ዎድ። 
\v 9 ሀ ካታማ ግዶን ታክያ አሳይ ኦንነ ማሻን፥ ኮሻን ዎይ ኢታ ሀርግያን ሀይቃና። ሽን ካታማፐ ከሲደ ቢደ፥ ካታማ ዶዲደ ኦይቄዳ ባብሎነቶ ባረ ኩሽያ እምያ አሳይ ኦንነ ፓጻ አታናዋ፤ ሄ ኡራይ ባረ ሸምፑዋ ጻላላ አሻና። 
\v 10 አያዉ ጎፐ፥ ታን ሀ ካታማዉ ኬካናዉ ግደናን ኢታናዉ ታ ቆፋ ቃቻድ። ባብሎነ ካትያዉ አ አደ እማና፤ እካ ሀ ካታማ ታማን ጹጋና። ታን መና ጎዳይ ሀዋ ኦዳድ’ ያጌ” ያጋ።
\p
\v 11 ቃይካ ይሁዳ ካትያ ጎልያ አሳዉ ሀዋዳን ያጋ፤ መና ጎዳ ቃላ ስስተ! 
\v 12 ህንተኖ፥ ዳዊታ ዛረቶ፥ መና ጎዳይ ህንተና ሀዋዳን ያጌ፤ “ዎንትና ዎንትና ሱረ ፕርድተ፤ ቦንቀቴዳዋንታ ኡቁንያዋንቱ ኩሽያፐ አሽተ። ሄዌ ዮፐ፥ ህንተ ኢታ ኦሱዋ ጋሱዋን ታ ሀንቁ ታማዳን ኤጽ ከሳና፤ ኦንነ አ ቶይሰና ያጌ ያጋ” ያጌዳ።
\p
\v 13 መና ጎዳይ ሀዋዳን ያጌ፤ “ኔኖ፥ የሩሳላመ፥ ኔን ደምባን ደእያ ዛላዳን፥ ዛንጋራፐ ፑደ ቁ ጋደ ቤታሳ፤ ሽን ታን ኔናና ኦለታና። ኔን፥ ‘ኦንነ ታ ቦላ ጻለና ዎይ ታ ደኢያሳ ገለና’ ያጋሳ፤ 
\v 14 ሽን ታን መና ጎዳይ ኔና ነ ኦሱዋዳን ሙራና። ታን ነ ካተ ጎልያን ታማ ኦይና፤ ነ ዩሹዋን ደእያዋ ኡባ ም ይሳና” ያጌ።
\c 22
\s1 ኤርማስ ይሁዳ ካትያ ሶ አሳዉ ኦዴዳ ቃላ
\p
\v 1 መና ጎዳይ ሀዋዳን ያጌ፤ “ባ፤ ዱገ ይሁዳ ካትያ ጎለ ባደ፥ ያን ሀ ቃላ ኦዳ። 
\v 2 ‘ኔኖ ይሁዳ ካትያዉ፥ ዳዊታ ካዉተ አራታን ኡትያዎ፥ ኔንካ ነ ቆማቱካ ሀ ፐንግያና ገልያ ነ አሳይ ኡባይካ መና ጎዳ ቃላ ስስተ! 
\v 3 መና ጎዳይ ሀዋዳን ያጌ፤ “ሱረ ፕርዳነ ጽሎባ ኦተ። ቦንቀቴዳዋንታ ኡቁንያዋንቱ ኩሽያፐ አሽተ። በተቱዋ ቦላ፥ አዉ ባይና ናናቱዋ ቦላነ አስናቱ ሀይቄዳ ማጫ አሳቱዋ ቦላ ገንያባ ዎይ ማካላባ ኦፕተ። ቃይ ጽሎ አሳ ሱ ሀ ሳኣን ጉሶፕተ። 
\v 4 ህንተ ታን ጌዳዋዳን ቱሙ አዛዘቶፐ፥ ዳዊታ ካዉተ አራታን ኡትያ ካተቱ ፓራነ ፓራ ጋርያ ቶጊደ፥ ባረንቱ ኦሳንቻቱዋናነ ባረንቱ አሳና ሀ ካትያ ጎልያ ፐንገቱዋና ገላና። 
\v 5 ሽን ህንተ አዛዘተናን እጾፐ፥ ሀ ካትያ ጎሊ ኦና ግዳና ያጋደ ታን መና ጎዳይ ታ ሁጲያን ጫቃይ” ያጌ’ ያጋ” ያጌ።\x - \xo 22:5 \xo*\xt ማቶሳ 23:38፤ ሉቃሳ 13:35\xt*\x*
\p
\v 6 መና ጎዳይ ይሁዳ ካትያ ጎልያባ ሀዋዳን ያጌ፤ “ኔን ታዉ ጋላኣደ ቢታነ ሊባኖሳ አሳ ጼራ ማላ ግዶፐካ፥ ታን ኔና ባዙዋነ አሳይ ደኤና ካታማ ኦና። 
\v 7 ታን ኔና ኮልያዋንታ ሁጲያን ሁጲያን ኦላ ሚሻ ኦይደ፥ ነዉ ኪታና። ኡንቱንቱ ዝጋፐ ማሰቴዳ ነ ቱቀቱዋ ቃንጸሬደ፥ ታማን ኦላና።
\p
\v 8 “ጮራ ካዉተፐ አሳይ ሄ ካታማ ላንቂያና አና። እቱ እቱዋ፥ ‘መና ጎዳይ አያዉ ሀ ዎልቃማ ካታማ ሀዋዳን ኦዴ?’ ያጊደ ኦቻና። 
\v 9 ኡንቱንቱ፥ ‘ኡንቱንቱ መና ጎዳ ባረንቱ ጾሳና ጫቀቴዳ ጫቁዋ አጌዳ ግሻሳነ ሀራ ጾሳቶ ጎይኔዳነ ኦዳ ግሻሳ’ ያጋና” ያጌ።
\s1 ኤርማስ ሻሉማባ ኦዴዳ ቃላ
\p
\v 10 ሀይቂዳ ካትያ እዮስያሳዉ ዬኮፕተ ዎይ ካዮቶፕተ። ሄዋ አጊደ፥ ኦሞደቲደ ቤዳ ሻሉማዉ\f + \fr 22:10 \fr*\fq ሻሉማ፦ \fq*\ft ሀ ሱንይ ሀራ ሳኣን፥ “እዮአካዛ” ጌተቴዳ።\ft*\f* ሴለቲደ ዬክተ። አያዉ ጎፐ፥ እ ኡባካ ጉየ ስመና፤ ባረ የለቴዳ ቢታ ላኤን በኤና።
\p
\v 11 ባረ አዉዋ ድራዉ ይሁዳን ካተቲደ ደኢድ፥ ሀ ሳኣፐ ቤዳ እዮስያሳ ናኣ ሻሉማባ መና ጎዳይ ሀዋዳን ያጌ፤ “እ ኡባካ ጉየ ስመና።\x - \xo 22:11 \xo*\xt 2 ካታ. 23:31-34፤ 2 ኦዱዋ 36:1-4\xt*\x* 
\v 12 እ ኦሞደቲደ ቤዳ ቢታን ሀይቃና። ኡባካ ሀ ቢታ በኤና” ያጌ።
\s1 ኤርማስ እዮአቄማባ ኦዴዳ ቃላ
\p
\v 13 ባረ ጎልያ ናቁዋን ኬጽያዎ፥ ጽሎ ግደና ኦግያን ፖቅያ ቦላ ፖቅያ ጉጅያዎ፥ ባረ ጋድያ አሳዉ አይነ እመናንነ ዎልቃ ጋትያ ጭገናን ኦስስያዎ፥ አዉ አየ! 
\v 14 እ፥ “ታን ታዉ አኮ ፖቅያና ደእያ ዎልቃማ ጎልያ ኬጻና” ያጌ። ባረ ጎልያዉ ዎልቃማ ማስኮተቱዋ፤ ከሲደ ዝጋ ማሰን ቦላ ካሚደ፥ ዞኦ ቃላምያ ኦኬ።
\p
\v 15 ባረዉ ኔን ዳሮ ዝጋን ኬጼዳዌ ኔና ሎኦ ካትያ ከሴ ጋደ ቆፓዲ? ነ አዉዋ እዮስያሳዉ ምያዌነ ኡሽያዌ ዬዴ? እ ሱረ ፕርዳነ ጽሎባ ኦዳ። ሄዋ ድራዉ፥ አዉ ኡባባይካ እንጀቴዳ። 
\v 16 እ ህዬሳቶነ መቶታንቻቶ ሱረ ፕርድያ ድራዉ፥ አዉ ኡባባይካ ሀኔዳ። መና ጎዳ ኤሬ ያግያዌ ሀዋ። 
\v 17 ሽን ሀራባ አጊደ፥ ነ አይፊነ ነ ዎዛናይ ጃምያዌ ነ ጎኣ ደማናሳነ ጽሎ ሱ ጉሳናሳ፥ አሳ ናቃናሳነ ኡቁናናሳ።
\p
\v 18 ሄዋ ድራዉ፥ መና ጎዳይ እዮስያሳ ናኣ፥ ይሁዳ ካትያ እዮአቄማባ ሀዋዳን ያጌ፤\x - \xo 22:18 \xo*\xt 2 ካታ. 23:36—24:6፤ 2 ኦዱዋ 36:5-7\xt*\x* “እ ሀይቂያ ዎደ ኡንቱንቱ አዉ፥ ‘አዬ! አየ! ታ እሻዉ!’ ያጊደ ዬክክኖ። ቃይ፥ ‘ታ ጎዳዉ፥ አየ! ታ ካትያዉ፥ አየ!’ ያጊደ ዝላልክኖ። 
\v 19 አ ሞጉካ ሀርያ ሞጉዋ ማላ ግዳናዋ። አ አሃይ ጎሸቲደ፥ የሩሳላመ ፐንገቱዋፐ ያ ባጋን ኦለታና” ያጌ።
\s1 የሩሳላመ ጋክያ መቱዋባ ኤርማስ ኦዴዳ ቃላ
\p
\v 20 ጾሳይ የሩሳላመባ ሀዋዳን ያጌ፤ “ባ፤ ፑደ ሊባኖሳ ባደ፥ ያን ዋሳ። ባሳነ ቢታን ዋሱዋ ጹልሳ። አባርማ ደርያንካ ዋሳ። አያዉ ጎፐ፥ ኦላዉ ኔናና ዙፐትያዋንቱ ኡባይ ጾነቴድኖ። 
\v 21 ኔን ሳሮ ደእሺና፥ ታን ነዉ ኦዳድ፤ ሽን ኔን፥ ‘ታን ስስከ’ ያጋዳ። ነ ያላጋተደፐ ዶሚደካ ነ ሀኑ ሀዋ፤ ኔን ታዉ አዛዘተናን እጻዳ። 
\v 22 ነ ሄንንቻቱዋ ኡባ ጫርኩ አፋና፤ ኦላዉ ኔናና ዙፐትያዋንቱካ ኦሞደቲደ ባና። ሄ ዎደ ነ ኢታተ ኡባ ድራዉ፥ ዬላታናነ ካዉሻና። 
\v 23 ህንተኖ፥ ሊባኖሳ ዝጋን ኬጸቴዳ ጎልያን ደእያዋንቶ፥ ኦይይ ኦይቄዳ ማጫ ምሽራትዋ ማላ ኡንኡ ህንተ ቦላ ፑቱ ግንቶ፥ ዋን ኦላንድቴሻ!” ያጌ።
\p
\v 24 መና ጎዳይ ሀዋዳን ያጌ፤ “ታ ደኡ ኤሮ! ኔን እዮአቄማ ናአይ፥ ይሁዳ ካቲ ዮኣኪን፥ ታ ኡሸቻ ኩሽያን ደእያ ታ አታምያ ምግዱዋ ግድንቶካ ታ ኔና ከሳ የጋና።\x - \xo 22:24 \xo*\xt 2 ካታ. 24:8-15፤ 2 ኦዱዋ 36:9-10\xt*\x* 
\v 25 ኔና ዎናዉ ኮይያዋንቶ፥ ኔን ያይያ ባብሎነ ካትያ ናቡካዳናጾራዉነ አ ኦላንቻቶ ታን ኔና አደ እማና። 
\v 26 ታን ኔናካ ኔና የሌዳ ነ አቶካ ህንተ የለታ ቢታ ግደና ሀራ ቢታዉ ኦላና፤ ህንተ ላኡካ ያን ሀይቃና። 
\v 27 ህንተ ስማናዉ ላሞትያ ቢታ ኡባካ ስምክታ” ያጌ።
\p
\v 28 ባረዉ ሀ ብታኒ ዮኣኪን፥ ካዳነ መኤዳ ባረቴ? እ ኦንነ ኮየና ሚሼ? አያዉ እነ አ ናናቱ የደርሰቲደ፥ ባረንቱ ኤረና ቢታን ኦለቲደ አቴድኖ? 
\v 29 ሀነ ቢታቴ፥ ቢታቴ፥ ቢታቴ! መና ጎዳ ቃላ ስሳ! 
\v 30 መና ጎዳይ ሀዋዳን ያጌ፤ “ሀ ብታንያ፥ ‘ናአይ ባይና አሳ፥ ባረ ላይ ኡባን ደኡ እንጀተና አሳ’ ጋደ ጻፋ። አያዉ ጎፐ፥ አ ዘረፐ እቶነ እንጀተና፤ ዳዊታ ካዉተ አራታን ኡትያዌ ዎይ ይሁዳን ካተትያዌ ኡንቱንቱፐ እቱነ ደኤና” ያጌ።
\c 23
\s1 ጾሳይ ባረ ሁጲያዉ ኦና ጌዳዋንታ
\p
\v 1 መና ጎዳይ ሀዋዳን ያጌ፤ “ታ ሄን ጋደን ደእያ ዶርሳቱዋ ባይዝያነ ላልያ ሄንንቻቶ አየ አና!” ያጌ።
\p
\v 2 መና ጎዳይ እስራኤልያ ጾሳይ ባረ አሳ ሄምያ ሄንንቻቱዋባ ሀዋዳን ያጌ፤ “ህንተ ታ ዶርሳቱዋ ላሊደ፥ ዎራ የደርሴድታ። ህንተ ኡንቱንታ ጾሞስቤና ድራዉ፥ ታን ህንተ ኦዳ ኢታተዉ ኡባዉ ህንተና ሙሩዋን ጾሞሳና ያጌ መና ጎዳይ። 
\v 3 ሄዋፐ ጉይያን፥ ታ ዉድያፐ አቴዳዋንታ ካሰ ላሌዳ ቢታ ኡባፐ ታን ታ ሁጲያን ሺሻና። ኡንቱንታ ጉየ ኡንቱንታ ሄን ጋድያ ዛራና። ኡንቱንቱካ ሀዋን የለቲደ ጮራታና። 
\v 4 ታን ኡንቱንታ ሎይ ሄምያ ሄንንቻቱዋ ኡንቱንቶ ዎና። ኡንቱንቱ ላኤን ያይክኖነ ዳጋምክኖ፤ ኡንቱንቱፐ እቱነ ባየና። ታን መና ጎዳይ ሀዋ ኦዳድ” ያጌ።
\p
\v 5 መና ጎዳይ ሀዋዳን ያጌ፤ “ታን ዳዊተዉ ጽሎ አጫ ደንና ጋላሳቱ ያና። እ ካትያዳን ካዉታናነ አዳ ኤራተን ሞዳና፤ ቢታን እ ሱረባነ ጽሎባ ኦና።\x - \xo 23:5 \xo*\xt ኤር. 33:14-16\xt*\x* 
\v 6 እ ካተትያ ላይን ይሁዳይ አታና፤ እስራኤሊካ ሳሮ ደአና። እ ጼሰታና ሱንይ መና ጎዳ፥ ኑ ጽሎተ ጌተታና” ያጌ።
\p
\v 7 ሄዋ ድራዉ፥ ጾሳይ ሀዋዳን ያጌ፤ “አሳይ፥ ‘እስራኤልያ አሳ ግብጼ ቢታፐ ከሲደ አሄዳ መና ጎዳይ ኤሮ’ ያጊደ ጫቂያዋ አጋና። 
\v 8 ሽን፥ ‘እስራኤልያ ዘረ ሁጲሳ ባጋ ቢታፐነ እ ላሌዳ ቢታቱዋ ኡባፐ አሄዳ መና ጎዳይ ኤሮ’ ያጊደ ጫቃና ጋላሳቱ ያና። ሄዋፐ ጉይያን ኡንቱንቱ ባረንቱ ቡዞ ቢታን ደአና” ያጌ።
\s1 ዎርዶ ትምቢትያ ኦድያዋንቱባ
\p
\v 9 ትምቢትያ ኦድያዋንቱባ ታን ቆፕያ ዎደ፥ ታ ዎዛናይ ካዩዋን መኤ፤ ታ መቀቱ ኡባይካ ኮኮሪኖ። መና ጎዳ ድራዉነ አ ጌሻ ቃላ ድራዉ፥ ታን ማቴዳ አሳ ማላ፥ ዎይንያ ኤሳይ ዎልቃ ድጌዳ አሳ ማላ ግዳድ። 
\v 10 አያዉ ጎፐ፥ ቢታይ ሻርሙጻቱዋን ኩሜዳ። ሸቃ ድራዉ፥ ቢታይ ዬኬ፤ ባዞ ሄን ጋደቱካ መሌድኖ። ትምቢትያ ኦድያዋንቱ ኢታ ኦግያ ሀመቲኖ፤ ባረንቱ ዎልቃካ ልከ ግደናሳን ጎኤቲኖ።
\p
\v 11 መና ጎዳይ፥ “ትምቢትያ ኦድያዌነ ቄሲነ ላኡካ ቱኔድኖ፤ ሀራይ አትና፥ ታ ጌሻ ጎልያንካ ኡንቱንቱ ኢታተ ታን ደማድ” ያጌ።
\p
\v 12 ቃይካ መና ጎዳይ፥ “ሄዋ ድራዉ፥ ኡንቱንቱ ኦጊ ሀልጻና፤ ኡንቱንቱ ማዉ ላገቲደ፥ አን ኩንዳና። ኡንቱንቱ ቃጻየትያ ላይ ታን ኡንቱንቱ ቦላን ኢታባ አሀና” ያጌ።
\p
\v 13 ቃይካ እ ሀዋዳን ያጌ፤ “ሳማርያን ደእያ ትምቢትያ ኦድያዋንቱ ግዶን ሸነይያዋ በኣድ። ኡንቱንቱ ባኣላ ሱንን ትምቢትያ ኦዲኖነ ታ አሳ እስራኤልያ ዎራ ካለኖ። 
\v 14 ቃይ የሩሳላመን ደእያ ትምቢትያ ኦድያዋንቱ ግዶንካ ዳጋንያባ በኣድ።\x - \xo 23:14 \xo*\xt ዶመ 18:20፤ ህዝ. 16:49\xt*\x* ኡንቱንቱ ሻርሙጺኖነ ዎርዶቲደ ሀመቲኖ። ኦንነ ባረ ኢታ ኦሱዋፐ ስመናዳን፥ ኡንቱንቱ ኢታ ኦያዋንታ ገደ ምንኖ። ኡንቱንቱ ኡባይካ ታዉ ሶዶማ ማላ፤ የሩሳላመ አሳይካ ጋሞራ ማላ” ያጌ።
\p
\v 15 ሄዋ ድራዉ፥ ኡባፐ ዎልቃማ መና ጎዳይ ትምቢትያ ኦድያዋንቱባ ሀዋዳን ያጌ፤ “የሩሳላመን ደእያ ትምቢትያ ኦድያዋንቱፐ ቱናባይ ከሲደ፥ ቢታ ኡባን ላለቴዳ ድራዉ፥ ታን ኡንቱንታ ጫምያ ቁማ ምዛና፤ ታን ኡንቱንታ ዎያ ሃ ኡሻና” ያጌ።
\p
\v 16 ኡባፐ ዎልቃማ መና ጎዳይ ሀዋዳን ያጌ፤ “ትምቢትያ ኦድያዋንቱ ኦድያባ ስሶፕተ። ኡንቱንቱ ሀነናባ፥ ሀናና ጊደ፥ ዎርዱዋ ኦዲኖ። መና ጎዳይ ባረ ዶናፐ ኦድና ግደናን፥ ኡንቱንቱ ባረፐ ቆፕ አኪደ፥ ሳፃ ኦዲኖ። 
\v 17 ታና ካያዋንታ ኡንቱንቱ፥ ‘መና ጎዳይ፥ ህንተ ሳሮ ደአና’ ያጌ ያጊኖ። ቃይ ባረንቱ ዎዛና ሙመተ ካለያዋንታ ኡባ ኡንቱንቱ፥ ‘ህንተ ቦላ አያ ኢታባይነ ዬና’ ያጊኖ” ያጌ።
\p
\v 18 ሽን በአናዉ ዎይ አ ቃላ ስሳናዉ መና ጎዳይ ዞርያሳን ኡንቱንቱፐ ኦንነ ኤቂቤና። አ ቃላ ሀይዜዳዌ ዎይ ስሴዳዌ ኦንነ ባዋ። 
\v 19 መና ጎዳ ጎቲ፥ አ የግያ ቤታይ ሀንቁ ሀዌሾ ከሴዳ! እ ኢታ አሳቱዋ ሁጲያን ኤቃና። 
\v 20 አ ዎዛና ቆፋ ኦደ ፖለናን ደኢድ፥ መና ጎዳ ሀንቁ ስመና። ዉርሰ ጋላሳቱዋን ሀዋ ህንተ አኬካና።
\p
\v 21 ጾሳይ ሀዋዳን ያጌ፤ “ታን ትምቢትያ ኦድያዋንታ ኪታበይከ፤ ሽን ኡንቱንቱ ዎጺኖ። ታን ኡንቱንቶ ኦዳበይከ፤ ሽን ኡንቱንቱ ትምቢትያ ኦዲኖ። 
\v 22 ኡንቱንቱ ታን ዞርያሳን ኤቄዳዋ ግድንቶ፥ ታ ቃላ ታ አሳዉ ኦዳና ሽን! ኡንቱንቱ ኡንቱንቱ ኢታ ኦግያፐነ ኡንቱንቱ ኢታ ኦሱዋፐ ዛራና ሽን!” ያጌ።
\p
\v 23 ቃይካ መና ጎዳይ፥ “ታን ማታ ጻላላ ጾሴ? ሃኮ ሳን ጾሳ ግድክታ? 
\v 24 ታን በኤናዳን፥ ጌማ ሳኣን ባረና ቆሳናዉ አሳይ ዳንዳዪ? ሳሉዋንነ ሳኣን ኩሜዳዌ ታና መና ጎዳ ግድክታ?” ያጌ መና ጎዳይ።
\p
\v 25 ጾሳይ ሀዋዳን ያጌ፤ “ታ ሱንን ዎርዱዋ ትምቢትያ ኦድያዋንቱ ግያዋ ስሳድ። ኡንቱንቱ፥ ‘ታን አኩመታድ፤ ታን አኩመታድ!’ ያጊኖ። 
\v 26 ሀ የዉ ባረ ዎዛና ጭሙዋ ትምቢትያ ኦድያ ዎርዶ ናበቱዋ ዎዛናን አዉደ ጋካናዉ ጋምአኔ? 
\v 27 ኡንቱንቱ አዎቱ ባኣላ ግያ ኤቃ ጋሱዋን ታ ሱን ዶጌዳዋዳን፥ ኡንቱንቱ እቱ እቶ ኦድያ አኩሙዋን ታ አሳይ ታ ሱን ዶጋናዳን ኦናዉ ቆፒኖ። 
\v 28 አኩሙዋ አኩመቲደ ትምቢትያ ኦድያዌ ባረ አኩሙዋ ኦዶ። ሽን ታ ቃላ ስሴዳዌ ሄ ቃላ አሸናን ጉጀናን ኦዶ። ዳላይነ ዛርጋይ ሀቃን ጋከቲ? ያጌ መና ጎዳይ። 
\v 29 ታ ቃላይ ታማ ማላ ግደኔ? ዛላ መንሬያ ማዶሻ ማላ ግደኔ?” ያጌ መና ጎዳይ።
\p
\v 30 መና ጎዳይ ሀዋዳን ያጌ፤ “ሄዋ ድራዉ፥ ታን ታ ቃላ እቱ እቱዋፐ ዉእያ ትምቢትያ ኦድያዋንቱ ቦላ ደአይ። 
\v 31 ሄዋዳንካ፥ ባረንቱ እንጻርሳን ሃሳዪደ፥ መና ጎዳይ ያጌ ያግያ ትምቢትያ ኦድያዋንቱ ቦላ ደአይ ያጌ መና ጎዳይ። 
\v 32 ታን መና ጎዳይ ሀዋ ኦዳይ! ዎርዱዋ አኩመቲደ፥ ትምቢትያ ኦድያዋንቱ ቦላ ታን ግዳና። ኡንቱንቱ ሄ አኩሙዋ ኦዲደ፥ ባረንቱ ዎርዱዋንነ ባረንቱ ጬቁዋን ታ አሳ ዎራ ካለኖ። ታን ኡንቱንታ ኪታበይከ ዎይ፥ ኦድተ ጋበይከ። ኡንቱንቱ ሀ አሳ አይነ ማድክኖ። መና ጎዳይ ሀዋ ኦዳድ” ያጌ።
\s1 ጾሳ ኪታ
\p
\v 33 መና ጎዳይ ታና ሀዋዳን ያጌዳ፤ “ኤርማሳ፥ ሀ አሳፐ እቱ፥ ዎይ ትምቢትያ ኦድያዌ፥ ዎይ ቄሲ፥ ‘መና ጎዳ ኪታይ አዬ?’ ጊደ ኦቾፐ፥ ኔን ኡንቱንታ፥ ‘መና ጎዳ ኪታይ ህንተና፤ ሄዋ ድራዉ፥ ታ ህንተና አጋ ባሻና’ ያጌ ያጋ። 
\v 34 ትምቢትያ ኦድያዌ፥ ዎይ ቄሲ፥ ዎይ አሳፐ እቱ፥ ‘ሀዌ መና ጎዳ ኪታ’ ያጊደ ሃሳዮፐ፥ ታን ሄ ብታንያነ አ ሶ አሳ ሙራና። 
\v 35 ሄዋ አጊደ አሳይ፥ ‘መና ጎዳይ ዋጌዴ?’ ዎይ፥ ‘መና ጎዳይ ኦዴዳባይ አዬ?’ ያጊደ ባረ ላገቱዋነ ባረ ዳቦቱዋ ኦቻናዉ በሴ። 
\v 36 ሄዋ ድራዉ፥ ኦንነ፥ ‘መና ጎዳ ኪታ’ ያጊደ ላኤን ሃሳያናዉ በሰና። አያዉ ጎፐ፥ አዉ ዶናፐ ከስያ ቃላይ አዎ ኪታ ግዴ። ሄዋን ደኡዋ ጾሳ፥ ኡባፐ ዎልቃማ መና ጎዳ፥ ኑ ጾሳ ቃላ ህንተ ምርቂታ።
\p
\v 37 “ኔንካ ትምቢትያ ኦድያዋንታ፥ ‘መና ጎዳይ ህንተና ዋጌዴ? ዎይ፥ መና ጎዳይ አያ ኦዴዴ?’ ያጋደ ኦቻናዉ በሴ። 
\v 38 ሽን ህንተ፥ ‘ሀዌ መና ጎዳ ኪታ’ ጎፐ፥ መና ጎዳይ ሀዋዳን ያጌ፤ ‘ታን ህንተና፥ ሀዌ መና ጎዳ ኪታ ጎፕተ’ ያግናካ ህንተ፥ ‘ሀዌ መና ጎዳ ኪታ’ ጌድታ። 
\v 39 ሄዋ ድራዉ፥ ቱሙዋፐ ታን ህንተና ዶጋና፤ ህንተዉነ ህንተ አዎ እሜዳ ካታማ ታ ስንፐ ዎራ ኦላና። 
\v 40 ታን ህንተ ቦላ መና ካዉሻነ መናዉ ዶገተና ዬላ አሀና ያጌ” ያጌዳ።
\c 24
\s1 ባላስያ ቴራ ቆቆፍያ ላኡ ኬሻቱዋ ሌምሱዋ
\p
\v 1 እዮአቄማ ናኣ፥ ይሁዳ ካትያ ዮኣኪና ይሁዳ ሞድያዋንቱና፥ ኩሽያ ኦሱዋ ሂላቱዋናነ ብራታ ቆጽያዋንቱና የሩሳላመፐ ባብሎነ ካቲ ናቡካዳናጾር ኦሞዲደ፥ ባብሎነ አፋ ስምና፥ መና ጎዳይ ታና ሳፃ በሴዳ፤ ታን መና ጎዳ ጌሻ ጎልያዉ ስን ባጋና ባላስያ ቴራ ኦይኬዳ ላኡ ኬሻቱዋ በኣድ።\x - \xo 24:1 \xo*\xt 2 ካታ. 24:12-16፤ 2 ኦዱዋ 36:10\xt*\x* 
\v 2 እት ኬሻን ኮይሮ ቴሬዳዋ ማላትያ ዳሮ ሎኦ ባላስያ ቴራይ ደኤ። ላኤን ኬሻን ቃይ ማናዉ ጊገና ዳሮፐ ኢታ ባላስያ ቴራይ ደኤ። 
\v 3 መና ጎዳይ ታና፥ “ኤርማሳ፥ ሄዌ ኔን በእያዌ አዬ?” ያጊደ ኦቼዳ።
\p ታን፥ “ባላስያ ቴራ በአይ። ሎኦ ቴራይ ሎይ ሎአ፤ ኢታ ቴራይ ቃይ ማናዉ ጊገና ሎይ ኢታ” ያጋደ ኦዳድ።
\p
\v 4 ሄዋፐ ጉይያን፥ መና ጎዳ ቃላይ ታኮ ዬዳ፤ 
\v 5 “መና ጎዳይ እስራኤልያ ጾሳይ ሀዋዳን ያጌ፤ ‘ታን ይሁዳ ቢታፐ ኦሞዱዋን ባብሎነ ቢታ የዴዳ አሳቱዋ፥ ሀ ሎኦ ባላስያ ቴራዳን ሎአ ጋና። 
\v 6 ታን ኬካ አይፍያን ኡንቱንታ ጼላና፤ ቃይ ታን ኡንቱንታ ዛራደ ሀ ቢታ አሀና። ታን ኡንቱንታ ኬጻናፐ አትና ኮልከ። ታን ኡንቱንታ ቶካናፐ አትና ሾድከ። 
\v 7 ታን መና ጎዳ ግድያዋ ኡንቱንቱ ኤራናዳን፥ ታን ኡንቱንቶ ዎዛና እማና። ኡንቱንቱ ባረንቱ ኩመን ዎዛናፐ ታኮ ስማናዉ ደእያ ድራዉ፥ ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና’ ያጌ።
\p
\v 8 “ቃይ መና ጎዳይ ሀዋዳን ያጌ፤ ‘ይሁዳ ካትያ ሰደቅያሳ፥ አ ካፓቱዋ፥ ሀ ቢታን አቴዳ የሩሳላመ አሳ አቴዳዋንታነ ግብጼ ቢታን ደእያዋንታ፥ ማናዉ ጊገና ሄ ሎይ ኢታ ባላስያ ቴራዳን ኢታ ጋና። 
\v 9 ላላደ የድያ ቢታ ኡባን ታን ኡንቱንታ ሀ ሳኣ ካዉተቱዋን ኡንቱንታ በእያ ኡባዉ ዳጋማነ ሸቃ፥ ቦርያነ ሌምሱዋ፥ ቅሊጩዋነ ቦሄቴዳዋ ኦና። 
\v 10 ታን ኡንቱንቶነ ኡንቱንቱ ማይዛ አዋቶ እሜዳ ቢታፐ ኡንቱንቱ ኡባና ያና ጋካናዉ፥ ማሻ፥ ኮሻነ ኢታ ሀርግያ ኡንቱንቱ ቦላ የዳና’ ያጌ” ያጌዳ።
\c 25
\s1 ላፑን ታሙ ላይ ኦሞዱዋ ትምቢትያ
\p
\v 1 እዮስያሳ ናአይ፥ ይሁዳ ካቲ እዮአቄም ካተቴዳ ኦይደን ላይን፥ ባብሎነ ካቲ ናቡካዳናጾር ካተቴዳ ኮይሮ ላይን፥ ይሁዳ አሳ ኡባ ጼልያዋን ኤርማሳኮ ዬዳ ቃላይ ሀዋ።\x - \xo 25:1 \xo*\xt 2 ካታ. 24:1፤ 2 ኦዱዋ 36:5-7፤ ዳኔላ 1:1-2\xt*\x* 
\v 2 ትምቢትያ ኦድያ ኤርማስ ይሁዳ አሳ ኡባዉነ የሩሳላመን ደእያ ኡባቶ ሀዋዳን ያጌዳ፤ 
\v 3 “አሞጻ ናአይ፥ ይሁዳ ካቲ እዮስያስ ካተቴዳ ታማነ ሄዘን ላይፐ ዶሚደ፥ ሀች ጋካናዉ፥ ላታማነ ሄዙ ላይ መና ጎዳ ቃላይ ታኮ ዬዳ። ታንካ ዛራ ዛራደ ህንተዉ ኦዳድ፤ ሽን ህንተ ስሰናን እጼድታ።
\p
\v 4 “መና ጎዳይ ባረ ቆማቱዋ፥ ትምቢትያ ኦድያዋንታ ኡባ ዛር ዛሪደካ ህንተዉ ኪቴዳ፤ ሽን ህንተ ሀይዚደ ስሰናን እጼድታ። 
\v 5 ኡንቱንቱ ሀዋዳን ያጌድኖ፤ ‘ህንተ ኡባይካ ህንተ ኢታ ኦግያፐነ ህንተ ኢታ ኦሱዋፐ ሀእ ስምተ። ስሞፐ፥ መና ጎዳይ ህንተዉነ ህንተ ማይዛ አዋቶ መ መናዉ እሜዳ ቢታን ህንተ ደአና። 
\v 6 ሀራ ጾሳቶ ኦናዉነ ጎይናናዉ ካሎፕተ። ቃይ ህንተ ኩሺ ኦዳባን ጾሳ ይሎዮፕተ። ያቶፐ ጾሳይ ህንተና ቆሄና’ ያጌድኖ።
\p
\v 7 “መና ጎዳይ ሀዋዳን ያጌ፤ ‘ህንተ ታን ኦድያዋ ስሳናዋ አጊደ፥ ህንተ ኩሺ ኦዳባን ታና ይሎዬድታ፤ ያቲደ ህንተና ቆህያዋ ህንተ ሁጲያን አሄድታ’ ያጌ።
\p
\v 8 “ሄዋ ድራዉ፥ ኡባፐ ዎልቃማ መና ጎዳይ ሀዋዳን ያጌ፤ ‘ህንተ ታ ቃላዉ አዛዘተናን እጼዳ ድራዉ፥ 
\v 9 ታን ሁጲሳ ባጋ አሳ ኡባነ ታ ቆማ፥ ባብሎነ ካትያ ናቡካዳናጾራ ጼሳና። ኡንቱንታ ሀ ቢታ ቦላ፥ ሀ ቢታን ደእያ አሳ ቦላነ ሀዋ ሄራን ደእያ ካዉተቱዋ ኡባ ቦላ አሀና። ታን ሀ ቢታቱዋ ኡባና ይሳና፤ ቃይ በኤዳዌ ዳጋምያባ፥ “ፖራ!” ግያባነ መናዉ አይነ ባይናዋ ኦና። ታን መና ጎዳይ ሀዋ ኦዳድ። 
\v 10 ታን ኡንቱንቱፐ እልልሳነ ናሸቻ ኮሻ፥ ቡላችያዋነ ቡላቼትያን ኮሻ፥ ዎጻን ጋጭያ ኮሻነ ጾምፕያ ፖኡዋ ይሳና።\x - \xo 25:10 \xo*\xt ኤር. 7:34፤ 16:9፤ ሳፃ 18:22-23\xt*\x* 
\v 11 ሀ ቢታይ ኡባና ባሻ አይነ ባይና ቢታ ግዳናዋ፤ ሀ ካዉተቱካ ባብሎነ ካትያዉ ላፑን ታሙ ላይ ሞደታና።\x - \xo 25:11 \xo*\xt 2 ኦዱዋ 36:21፤ ኤር. 29:10፤ ዳኔላ 9:2\xt*\x*
\p
\v 12 “ ‘ላፑን ታሙ ላይይ ፖለት ስምና፥ ታን መና ጎዳይ ባብሎነ ካትያነ አ ካዉተ አሳ ኡንቱንቱ ባይዙዋ ድራዉ ሙራና፤ ኡንቱንቱ ቢታካ መናዉ አይነ ባይናዋ ኦና። 
\v 13 ታን ሄ ቢታ ቦላን ሃሳዬዳዋ ኡባ፥ ኤርማስ ካዉተቱዋ ኡባ ቦላ፥ “ሀናና” ጊደ ኦዴዳ፥ ሀ ማጻፋን ጻፈቴዳዋ ኡባ ሄ ቢታ ቦላን አሀና። 
\v 14 ዳሮ ካዉተቱነ ዎልቃማ ካተቱ ባብሎነቱዋ አይለዪደ ሞዳና። ታን ኡንቱንቶ ኡንቱንቱ ሀኑዋዳንነ ኡንቱንቱ ኩሽያ ኦሱዋዳን ቃንጻና’ ያጌ” ያጌዳ።
\s1 ጾሳይ ካዉተቱዋ ቦላ አህያ ፕርዳ
\p
\v 15 መና ጎዳይ፥ እስራኤልያ ጾሳይ ታዉ ሀዋዳን ያጌዳ፤ “ሀዋ ታ ሀንቁዋ ዎይንያ ኤሳይ ኩሜዳ ዋንጫ ሄይ። አፋደ ታን ኔና ኪትያ ካዉተቱዋ ኡባ ኡሻ። 
\v 16 ኡንቱንቱ ኡሺደ፥ ታን ኡንቱንቱ ግዶ የድያ ማሻ ጋሱዋን ጋንድጋራናነ ጎያና” ያጌዳ።
\p
\v 17 ታን መና ጎዳ ኩሽያፐ ዋንጫ አካደ፥ እ ታና ኪቴዳ ካዉተቱዋ ኡባ ኡሻድ። 
\v 18 ሀች ሀኔዳዋዳንካ ኡንቱንቱ ኡባ ባሻነ ዳጋማ፥ ጫሻነ ቃንገ ኦና ማላ፥ የሩሳላመነ ይሁዳ ካታማቱዋ፥ አ ካተቱዋነ አ ካፓቱዋ ኡባ ኡሻድ። 
\v 19 ግብጼ ቢታ ካትያ፥ አ ቆማቱዋ፥ አ ካፓቱዋ፥ አ ቢታ አሳ ኡባነ 
\v 20 ያን ደእያ አላጋ አሳቱዋ ኡባ ኡሻድ። ኡጻ ቢታ ካተቱዋ ኡባ ኡሻድ። ፕልስጼማ ቢታን ደእያ አስቃሎና፥ ጋዛ፥ ኤቅሮናነ አሽዶዳፐ አቴዳ ባጋ ካተቱዋ ኡባ ኡሻድ። 
\v 21 ኤዶማ፥ ሞኣባነ አሞና ኡሻድ። 
\v 22 ጺሮሳ ካተቱዋ ኡባ፥ ሲዶና ካተቱዋ ኡባነ ሜድተራነ አባፐ ሄፍን ጋጻን ደእያ ቢታ ካተቱዋካ ኡሻድ። 
\v 23 ዳዳና፥ ተማና፥ ቡዛነ ባረንቱ ሁጲያ ሹፌርያ ሜድያ አሳቱዋ ኡባቱዋ ኡሻድ። 
\v 24 አራባ ቢታ ካተቱዋ ኡባነ ባዙዋን ደእያ ዛራቱዋ ካተቱዋ ኡባ ኡሻድ። 
\v 25 ዝምራ፥ ኤላማነ ሜዶና ካተቱዋ ኡባ ኡሻድ። 
\v 26 ሁጲሳ ባጋ ቢታ ካተቱዋ ኡባ፥ ሃኩዋንነ ማታን ደእያ ካተቱዋ ኡባ ኡንቱንቱ ካል ካል፥ ሳኣ ቦላን ደእያ ካዉተቱዋ ኡባ ኡሻድ። ኡንቱንቱ ኡባፐ ጉይያን፥ ባብሎነ ካዉካ ኡሻና።
\p
\v 27 ጾሳይ፤ “ሄዋ ድራዉ፥ ኡንቱንቶ ኦዳ፤ ‘ኡባፐ ዎልቃማ መና ጎዳይ፥ እስራኤልያ ጾሳይ ህንተና፥ “ኡሽተነ ማትተ። ጮሽተነ ኩንድተ። ታን ህንተ ግዶ የድያ ማሻ ጋሱዋን ላኤን ደንዶፕተ” ያጌ’ ያጋ። 
\v 28 ሽን ኡንቱንቱ ነ ኩሽያፐ ዋንጫ አከናንነ ኡሸናን እጾፐ፥ ኡንቱንቶ ሀዋዳን ያጋደ ኦዳ፤ ‘ኡባፐ ዎልቃማ መና ጎዳይ ህንተና፥ “ህንተ ኡሻናዉ ኮሼ! 
\v 29 በእተ፥ ታን ታ ሱንን ጼሰቴዳ ካታማ ቦላ ኢታባ ኦናዉ ዶማይ። ያንና ህንተ ሙረተናን አቲደ ቢቴ? ህንተ ሙረተናን አቲደ ቢክታ! አያዉ ጎፐ፥ ታን ሳኣን ኡባ ቦላ ማሻ ጼሳይ። ታን ኡባፐ ዎልቃማ መና ጎዳይ ሀዋ ኦዳድ” ያጌ’ ያጋ።
\p
\v 30 “ሄዋ ድራዉ፥ ኤርማሳ፥ ሀ ቃላይ ኡባይ ኡንቱንቱ ቦላ ሀናናዋ ኡንቱንቶ ኦዳ። ጾሳይ ቦላ ቃን ጉማና። መና ጎዳይ ባረ ደእያ ጌሻ ሳኣፐ ባረ ጉን ስሳና። እ ባረ ሄን ጋድያ ቦላን ዎልቃፐ ጉማና። እ ዎይንያ ቴራ የደ፥ ጉምእያዋንቱ ዋስያዋዳን፥ ሳኣን ደእያ ኡባ ቦላ ዋሳና። 
\v 31 አ ጫቡ ሳኣ ጋጻ ጋኪደ ስሰቴ። አያዉ ጎፐ፥ መና ጎዳዉ ካዉተቱዋና ሞቱ ደኤ። ጾሳይ አሳ ኡባና ፕርደታና፤ እ ኢታቱዋ ማሻዉ አደ እማና። ታን መና ጎዳይ ሀዋ ኦዳድ ያጋ” ያጌዳ።
\p
\v 32 ኡባፐ ዎልቃማ መና ጎዳይ፥ “በአ፥ ኢታባይ ካዉተፐ ካዉተዉ ላለቴ፤ ሳኣ ጋጻፐ ጎትያ ጫርኩ ደንዴ” ያጌ።
\p
\v 33 ሄ ዎድያን ጾሳይ ዎዳዋንቱ አሃይ፥ ቢታ ቦላን ሀ ጋጻፐ ህን ጋጻ ጋካናዉ ላለታና። ኡንቱንቶ ዬከተና፥ ኡንቱንቱ አሃይ ሺቀና ዎይ ሞገተና። ኡንቱንቱ ቢታን ፕቱዋ ማላ ግዳናዋ።
\p
\v 34 ህንተኖ፥ ሄንንቻቶ፥ ዬክተነ ዋስተ። ህንተኖ፥ ዉድያ ካለያዋንቱ፥ ብድንን ጎንዶረትተ። አያዉ ጎፐ፥ ህንተ ሹከትያ ዎዲ ጋኬዳ፤ ህንተ ኩንዳናነ ሎኦ ኡርቃ ሚሻዳን መኤረታና። 
\v 35 ሄንንቻቱ ባቃቲደ ብያሳአይ ባዋ፤ ዉድያ ካለያዋንቱካ ከስ አክያ ሳአይ ባዋ። 
\v 36 መና ጎዳይ ኡንቱንቱ ሄን ጋድያ ይስያ ድራዉ፥ ሄንንቻቱ ዋስያ ዋሱዋነ ዉድያ ካለያዋንቱ ዬክያ ዬኩዋ ስስተ። 
\v 37 መና ጎዳ ሱሎ ሀንቁዋ ጋሱዋን ሳሮ ደእያ ሄን ጋዲ ኦናና። 
\v 38 ጋሙ ባረ ደእያ ዎራፐ ከስያዋዳን፥ ጾሳይካ ባረ ደኢያሳፐ ከሳና። ኡንቱንቱ ቢታይካ ናቂያዋንቱ ማሻንነ መና ጎዳ ሱሎ ሀንቁዋን አይነ ባይናዋ ቢታ ግዳናዋ።
\c 26
\ms ኤርማስ ዎርዶ ናባቱዋ ኤቀቴዳ
\mr (26:1-24)
\s1 ኤርማስ ሀይቁዋ ፕርዳፐ አቴ
\p
\v 1 እዮስያሳ ናአይ ይሁዳ ካቲ እዮአቄም ኮይሮ ካተቴዳ ዎደ፥\x - \xo 26:1 \xo*\xt 2 ካታ. 23:36—24:6፤ 2 ኦዱዋ 36:5-7\xt*\x* ሀ ቃላይ መና ጎዳፐ ዬዳ። 
\v 2 መና ጎዳይ ታና ሀዋዳን ያጌዳ፤ “መና ጎዳ ጎልያ ዳባባን ኤቃ። መና ጎዳ ጎልያን ጎይናናዉ ይሁዳ ካታማቱዋፐ ይያ ኡባዉ ኦዳ። ታን፥ ‘ኦዳ’ ጋደ አዛዜዳ ቃላ ኡባፐ እቱዋነ አሾፓ። 
\v 3 ኦን ኤሪ፥ ኡንቱንቱ ስሲደ፥ ባረንቱ ኢታ ኦግያፐ ስማነንቶነ። ያትንቶ ታንካ ኡንቱንቱ ኦሱዋ ኢታተ ድራዉ፥ ኡንቱንታ ይሳናዉ ቆፔዳዋ አጋ ባሻና።
\p
\v 4 “ኡንቱንቶ ኦዳ፤ መና ጎዳይ ሀዋዳን ያጌ፤ ‘ህንተ ታን ኦድያዋ ስሰናን እጾፐ፥ ታን ህንተዉ እሜዳ ህግያን ቤናን እጾፐ፥ 
\v 5 (ህንተ ስሰናን እጽናካ) ታን ዛራ ዛራደ ህንተኮ ኪቴዳ፥ ትምቢትያ ኦድያ ታ ቆማቱዋ ቃላ ስሰናን እጾፐ፥ 
\v 6 ያቶፐ ታን ሀ ጌሻ ጎልያ ሴሎዳን ኦና። ሀ ካታማካ ሳኣን ደእያ ካዉተቶ ኡባዉ ቃንገ ኦና’ ያጌ” ያጋ ያጌዳ።\x - \xo 26:6 \xo*\xt ኢያሳ 18:1፤ ማዝ. 78:60፤ ኤር. 7:12-14\xt*\x*
\p
\v 7 ኤርማስ መና ጎዳ ጎልያን ሀ ቃላ ኦድሽን፥ ቄሳቱ፥ ትምቢትያ ኦድያዋንቱነ አሳይ ኡባይ ስሴድኖ። 
\v 8 ቃይ ኤርማስ መና ጎዳይ፥ “አሳ ኡባዉ ኦዳ” ጊደ አ አዛዜዳ ቃላ ኡባ ኦዲደ ፖሌዳ ዎደ፥ ቄሳቱ፥ ትምቢትያ ኦድያዋንቱነ አሳይ ኡባይ አ ኦይቄድኖ። ኦይቂደ፥ “ኔን ሀይቃናዉ በሳሳ! 
\v 9 ኔን፥ ‘ሀ ጎሊ ሴሎዳን ሀናና፤ ቃይ ሀ ካታማይካ ባዙዋነ ኦና ግዳና’ ያጋደ፥ መና ጎዳ ሱንን አያዉ ትምቢትያ ኦዳዲ?” ያጌድኖ። መና ጎዳ ጎልያን ሺቄዳ አሳቱ ኡባይ ኤርማሳ ዶዴድኖ።
\p
\v 10 ይሁዳ ካፓቱ ሄዋ ስሴዳ ዎደ፥ ካትያ ጎልያፐ ከሲደ፥ መና ጎዳ ጎልያ ዬድኖ። ዪደ መና ጎዳ ጎልያ ዩሹዋ ግምቢያዉ ኦራ ፐንግያ ግያ ፐንግያን ኡቴድኖ። 
\v 11 ቄሳቱ ነ ትምቢትያ ኦድያዋንቱ ካፓቶነ አሳ ኡባዉ ሀዋዳን ያጌድኖ፤ “ህንተ ህንተ ሀይን ስሴዳዋዳን፥ ሀ ብታኒ ሀ ካታማ ቦላን ትምቢትያ ኦዴዳ ድራዉ፥ እ ሀይቃናዉ በሴ!” ያጌድኖ።
\p
\v 12 ኤርማስ ካፓቶነ አሳ ኡባዉ ሀዋዳን ያጊደ ሃሳዬዳ፤ “ሀ ህንተ ስሴዳ ቃላይ ኡባይ ሀ ጎልያ ቦላነ ሀ ካታማ ቦላ፥ ‘ሀናና’ ጋደ ታን ኦዳና ማላ፥ መና ጎዳይ ታና ኪቴዳ። 
\v 13 ሄዋ ድራዉ፥ ሀእ ህንተ ኦግያካ ህንተ ኦሱዋካ ላምተ፤ መና ጎዳ ህንተ ጾሳ ቃላዉ አዛዘትተ። ያቶፐ፥ መና ጎዳይ ህንተ ቦላ አሀና ጌዳ ኢታባ አግ ባሻና። 
\v 14 ታና ግዶፐ፥ ታን ህንተ ኩሽያን ደአይ። ህንተዉ ሎአነ ሱረ ማለቴዳባ ታ ቦላ ኦተ። 
\v 15 ህንተ ማታ ስ ባይናን እትባ ኤርተ። ህንተ ታና ዎፐ፥ ህንተ ህንተ ቦላ፥ ሀ ካታማ ቦላነ አ ግዶን አሳ ቦላ ጽሎ ሱ አጩዋ አሀና። አያዉ ጎፐ፥ ታን ሀ ቃላ ኡባ ህንተ ሀይን የጋና ማላ፥ ቱሙዋፐ መና ጎዳይ ታና ኪቴዳ” ያጌዳ።
\p
\v 16 ካፓቱነ አሳይ ኡባይ ቄሳቶነ ትምቢትያ ኦድያዋንቶ ሀዋዳን ያጌድኖ፤ “ሀ ብታኒ ሀይቃናዉ በሰና! አያዉ ጎፐ፥ እ መና ጎዳ ኑ ጾሳ ሱንን ኑዉ ኦዴዳ” ያጌድኖ።
\p
\v 17 ጋድያ ጭማቱዋፐካ እቱ እቱ ኤቂደ፥ ሺቄዳ አሳዉ ኡባዉ ሀዋዳን ያጊደ ኦዴድኖ፤ 
\v 18 “ህዝቂያስ ይሁዳን ካተቴዳ ላይን ሞረሸታፐ ዬዳ ሚክያስ ይሁዳ አሳዉ ኡባዉ ሀዋዳን ያጊደ፥ ትምቢትያ ኦዴዳ፤ ‘ኡባፐ ዎልቃማ መና ጎዳይ ሀዋዳን ያጌ፤\x - \xo 26:18 \xo*\xt ሚክ. 3:12\xt*\x* “ጽዮኔ ሾይቃዳን ጎሸታና። የሩሳላመ ካታማይካ ኮለቲደ፥ ሹቻ ዶርያ ግዳናዋ። ጌሻ ጎሊ ኬጸቴዳ ደሪ ዎራ ማያና” ያጌ’ ያጌዳ። 
\v 19 ያትና፥ ይሁዳ ካቲ ህዝቂያስነ ይሁዳ አሳይ ኡባይ አ ዎዴ? ቱይት፥ ህዝቂያስ መና ጎዳዉ ያዪደ፥ ጾሳዉ ዋትዋቴዳ። መና ጎዳይ ባረ ኦና ጌዳ ኢታባ አግ ባሼዳ። ሽን ኑን ኑረካ ኑ ቦላ ሎይ ኢታባ አሀና ሀኔቶ” ያጌዳ።
\s1 እዮኣቄመ ኦርዮና ዎሴዳ
\p
\v 20 (ቅርያት-ይኣሪማ ግያ ሳን ደእያ ሻማእያ ናኣ ኦርዮና ግያ እት ሀራ ብታኒ ደኤ፤ እካ ኤርማስ ኦዴዳዋዳን፥ ሀ ካታማ ቦላነ ሀ ቢታ ቦላ መና ጎዳ ሱንን ትምቢትያ ኦዴዳ። 
\v 21 ካቲ እዮአቄም፥ አ ኦላንቻቱ፥ አ ኦሳንቻቱ ኦርዮን ኦዴዳዋ ስሴዳ ዎደ፥ ካቲ አ ዎናዉ ኮዬዳ። ኦርዮን ሄዋ ስሲደ ያዪደ፥ ግብጼ ቢታ ባቃቴዳ። 
\v 22 ግዶ ሽን፥ ካቲ እዮአቄም አክቦራ ናኣ ኤልናታናነ ሀራ አሳቱዋ ግብጼ ኪቴዳ። 
\v 23 ኡንቱንቱ ኦርዮና ግብጼፐ ከሲደ፥ ካትያ ዮአቄማዉ አፌድኖ። ማሻን እ አ ዎሲደ፥ አ አሃ ጋድያ ማካናን ኦልሴዳ።)
\p
\v 24 ሽን ሳፋና ናኣ አህቃም ኤርማሳ ማዴዳ ድራዉ፥ አሳይ አ ዎናዉ አደ እምቤና።
\c 27
\s1 ኤርማስ ባረ ሞርግያን ዎዳ ሞርገ ም
\p
\v 1 እዮስያሳ ናአይ ሰደቅያስ፥ ይሁዳን ካዉተ ዶሜዳ ሄራን፥ ሀ ቃላይ መና ጎዳፐ ኤርማሳኮ ዬዳ።\x - \xo 27:1 \xo*\xt 2 ካታ. 24:18-20፤ 2 ኦዱዋ 36:11-13\xt*\x* 
\v 2 መና ጎዳይ ታዉ ኦዴዳዌ ሀዋ፤ “ነዉ ሞርገ ምነ ጎንያ ዳፉዋ ዎዶሩዋና ደእያ ቅንቂሪትያ መ፤ ነ ሞርግያን ዎ። 
\v 3 ይሁዳ ካትያ ሰደቅያሳኮ የሩሳላመ ኪተቴዳ አሳቱዋ ቦላ፥ ኤዶማ ካትያዉ፥ ሞኣባ ካትያዉ፥ አሞና አሳቱዋ ካትያዉ፥ ጺሮሳ ካትያዉነ ሲዶና ካትያዉ ኪታ። 
\v 4 ኡንቱንቱ ባረንቱ ጎዳቶ ሀዋዳን ያጊደ ኦዳና ማላ፥ ኡንቱንታ አዛዛ፤ ‘ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ 
\v 5 “ታ ዎልቃማ ዎልቃንነ ታ የዴዳ ኩሽያን ሀ ሳኣ፥ ሳኣን ደእያ አሳ፥ መህያነ ዶኣ ታን መድ። አ ታን ታ ኮይያ ኡራዉ እማይ። 
\v 6 ስም ሀእ ታን ቢታ ኡባ ታ ቆማዉ፥ ባብሎነ ካትያ ናቡካዳናጾራዉ አደ እማድ። ቃይ ታን ባዞ ዶአቱካ አዉ ሞደታና ማላ ኦድ። 
\v 7 አ ቢታይ ሞደትያ ዎዲ ጋካናዉ፥ ካዉተቱ ኡባይ አዉ፥ አ ናአዉነ አ ናኣ ናአዉ ሞደታና። ሄዋፐ ጉይያን፥ ዳሮ ካዉተቱነ ዎልቃማ ካተቱ አ ሞዳና።
\p
\v 8 “ ‘ “ሽን አይ ቢታይነ ዎይ አይ ካዉተይነ ሀ ባብሎነ ካትያ ናቡካዳናጾራዉ አዛዘተናን እጾፐ አ ሞርገ ምን ገለናን እጾፐ፥ ታን መና ጎዳይ ሄ ካዉተ አ ኩሽያን ይሳና ጋካናዉ፥ ማሻን፥ ኮሻንነ ኢታ ሀርግያን ሙራና። 
\v 9 ሄዋ ድራዉ፥ ህንተና፥ ባብሎነ ካትያዉ ሃረትክታ ያግያ ህንተ ትምቢትያ ኦድያዋንታ፥ ህንተዉ ካይያዋንቱ፥ ህንተ አኩሙዋ ብልያዋንታ፥ ህንተ ሻሬቾቱነ ማልያዋንቱ ኦድያዋ ስሶፕተ። 
\v 10 አያዉ ጎፐ፥ ኡንቱንቱ ህንተዉ ዎርዱዋ ኦዲኖ፤ ሄዋ ህንተና ህንተ ቢታፐ ሃሲኖ። ህንተና ላጋደ ከሳና፤ ህንተካ ያና። 
\v 11 ሽን አይ ካዉተይነ ባብሎነ ካትያ ሞርገ ምን ገሊደ፥ አዉ ሞደቶፐ፥ ታን መና ጎዳይ ሄ ካዉተ አ ቢታን አሻና፤ ኡንቱንቱ ሄ ቢታ ጎሻናነ ያን ደአና” ያጌ’ ያጋ” ያጌዳ።
\p
\v 12 ታን ይሁዳ ካትያ ሰደቅያሳዉካ ሀዋ ማላትያ ቃላ ኦዳድ፤ “ባብሎነ ካትያ ሞርገ ምን ሆካደ ገላ። አዉነ አ አሳዉ ሞደታ። ያቶፐ፥ ኔን ፓጻ ደአና። 
\v 13 መና ጎዳይ ባብሎነ ካትያዉ ሞደተናን እጽያ ካዉተዉ ጌዳዋዳን ማሻን፥ ኮሻንነ ኢታ ሀርግያን ኔንነ ነ አሳይ አያዉ ሀይቂቴ? 
\v 14 ‘ህንተ ባብሎነ ካትያዉ ሃረትክታ’ ግያ ትምቢትያ ኦድያዋንቱ ቃላ ስሶፕተ። አያዉ ጎፐ፥ ሄዌ ኡንቱንቱ ህንተዉ ኦድያዌ ዎርዱዋ። 
\v 15 መና ጎዳይ ሀዋዳን ያጌ፤ ‘ታን ኡንቱንቱ ኪታበይከ፤ ሽን ኡንቱንቱ ታ ሱንን፥ “ትምቢትያ” ጊደ ኦዲኖ። ሄዋ ድራዉ፥ ታን ህንተና ላጋደ ከሳና፤ ህንተካ ህንተዉ ትምቢትያ ኦድያዋንቱካ ያና’ ያጌ” ያጋድ።
\p
\v 16 ሄዋፐ ጉይያን፥ ታን ቄሳቶነ ሀ አሳ ኡባዉ ሀዋዳን ያጋደ ሃሳያድ፤ “መና ጎዳይ ሀዋዳን ያጌ፤ መና ጎዳ ጎልያ ሚሻይ ባብሎነፐ ሀእ ማታና ስሚደ ያና” ያጊደ ኦድያ ህንተ ትምቢትያ ኦድያዋንቱ ቃላ ስሶፕተ። አያዉ ጎፐ፥ ኡንቱንቱ ህንተዉ ኦድያዌ ዎርዱዋ። 
\v 17 ኡንቱንቱ ግያዋ ስሶፕተ፤ ባብሎነ ካትያዉ ሞደትተነ ፓጻ ደእተ! ሀ ካታማይነ አያዉ ኮለት ክቼዳ ሳኣ ግዳኔ? 
\v 18 ኡንቱንቱ ትምቢትያ ኦድያዋንታ ግዶፐነ መና ጎዳ ቃላይ ኡንቱንቱን ደኦፐ፥ መና ጎዳ ጎልያን፥ ይሁዳ ካትያ ጎልያንነ የሩሳላመን አቴዳ ኬሻ ሚሻይ ባብሎነ ቤናዳን ታና፥ ኡባፐ ዎልቃማ መና ጎዳ ዎስኖ ያጌ።
\p
\v 19 ኡባፐ ዎልቃማ መና ጎዳይ፥ “ጌሻ ጎልያፐ ስን ባጋን ኤቄዳ ላኡ ናስያ ቱሳቱዋባ፥ አኮ-ከርያባ፥ ጫና ጋረቱዋባነ ሀራ ሚሻቱዋ ኡባቱዋባ ሀዋዳን ያጌ፥ 
\v 20 ባብሎነ ካቲ ናቡካዳናጾር እዮአቄማ ናኣ፥ ይሁዳ ካትያ ዮኣኪናነ ይሁዳንነ የሩሳላመን ደእያ ዎልቃማ አሳ ኡባ ኦሞዲደ አፌዳ ዎዲያና።
\p
\v 21 “ኡባፐ ዎልቃማ መና ጎዳይ፥ እስራኤልያ ጾሳይ መና ጎዳ ጎልያን፥ ይሁዳ ካትያ ጎልያንነ የሩሳላመን አቴዳ ሚሻቱዋባ ሀዋዳን ያጌ፤ 
\v 22 ‘ኡንቱንቱ ባብሎነ ቢታዉ ኬዘታና፤ ታን ኡንቱንቱ ድራዉ ያና ጋላሳይ ጋካናዉ፥ ኡንቱንቱ ያን ደአና። ሄ ዎደ ታን ኡንቱንታ ጉየ ዛራደ ኡንቱንቱ ሳኣን ዎና። ታን መና ጎዳይ ሀዋ ኦዳድ’ ያጌ” ያጋድ።
\c 28
\s1 ኤርማሳነ ትምቢትያ ኦድያ ሀናንያ
\p
\v 1 ሄ ላይ፥ ይሁዳ ካቲ ሰደቅያስ ካዉተ ዶሜዳ ሄራን፥ ኦይደን ላይን፥ እቼሸን አግናን ጋባኦናፐ ዬዳ አዙራ ናአይ ትምቢትያ ኦድያ ሀናኒ፥ መና ጎዳ ጎልያን ቄሳቱ ዋነ አሳቱዋ ኡባ ስንን ታዉ ሀዋዳን ያጊደ ሃሳዬዳ፤\x - \xo 28:1 \xo*\xt 2 ካታ. 24:18-20፤ 2 ኦዱዋ 36:11-13\xt*\x* 
\v 2 “ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ታን ባብሎነ ካትያ ሞርገ ም መንና። 
\v 3 ባብሎነ ካቲ ናቡካዳናጾር ሀዋፐ ደንደ፥ ባብሎነ አፌዳ፥ መና ጎዳ ጎልያ ሚሻ ኡባ ታን ላኡ ላይ ግዶን ዛራደ፥ ሀ ሳኣ አሀና። 
\v 4 ቃይ ታን እዮአቄማ ናኣ ይሁዳ ካትያ እዮኣኪናካ፥ ይሁዳፐ ኦሞደቲደ፥ ባብሎነ ቤዳ አሳ ኡባ ዛራደ ሀ ሳኣ አሀና። አያዉ ጎፐ፥ ታን ባብሎነ ካትያ ሞርገ ም መንና። መና ጎዳይ ሀዋ ኦዳድ’ ያጌ” ያጌዳ።
\p
\v 5 መና ጎዳ ጎልያ ግዶን ኤቄዳ ቄሳቱ ዋነ አሳቱዋ ኡባቱዋ ስንን ትምቢትያ ኦድያ ኤርማስ ትምቢትያ ኦድያ ሀናንያዉ 
\v 6 ሀዋዳን ያጌዳ፤ “አመንእ! መና ጎዳይ ያቶ! መና ጎዳ ጎልያ ሚሻቱዋነ ኦሞደቲደ ቤዳ አሳ ኡባ ባብሎነፐ ዛሪደ፥ ሀ ሳኣ አሂደ፥ ኔን ኦዴዳ ቃላ መና ጎዳይ ፖሎ! 
\v 7 ግዶፐነ፥ አነ ታን ነዉካ ሀ አሳ ኡባዉካ ኦድያዋ ስሳ። 
\v 8 በን ኔፐነ ታፐ ካሰ ደኤዳ ትምቢትያ ኦድያዋንቱ ኦላይ፥ ኢታባይነ ኢታ ሀርግያ ዳሮ ቢታቱዋ ቦላነ ዎልቃማ ካዉተቱዋ ቦላ ሀናናዋ ኦዴድኖ። 
\v 9 ሽን፥ ‘ሳሮባይ ሀናና’ ጊደ ኦድያ ትምቢትያ ኦድያዋባ ግዶፐ፥ ሄ ኦድያዋ ቃላይ ፖለትያ ዎደ፥ ሄ ዎደ ቱሙዋፐ መና ጎዳይ አ ኪቴዳዋ ኤረታና” ያጌዳ።
\p
\v 10 ሄዋፐ ጉይያን፥ ትምቢትያ ኦድያ ሀናኒ ትምቢትያ ኦድያ ኤርማሳ ሞርግያፐ ሞርገ ም አኪደ መንዳ። 
\v 11 ሀናኒ አሳ ኡባ ስንን ሀዋዳን ያጊደ ሃሳዬዳ፤ “መና ጎዳይ ሀዋዳን ያጌ፤ ‘ታን ላኡ ላይቱ ግዶን ባብሎነ ካትያ ናቡካዳናጾራ ሞርገ ም ካዉተቱዋ ኡባ ሞርግያፐ ደንደ ሀዋዳን መንና’ ያጌ” ያጌዳ። ያትና፥ ትምቢትያ ኦድያ ኤርማስ ደንዲደ፥ ባረ ብያሳ ቤዳ።
\p
\v 12 ትምቢትያ ኦድያ ሀናኒ ትምቢትያ ኦድያ ኤርማሳ ሞርግያፐ ሞርገ ም መንዳዋፐ ጉይያን፥ መና ጎዳ ቃላይ ትምቢትያ ኦድያ ኤርማሳዉ ዬዳ፤ 
\v 13 “ባ፤ ባደ ሀናንያዉ ኦዳ፤ መና ጎዳይ ሀዋዳን ያጌ፤ ‘ኔን ም ሞርገ ም መንዳ፤ ሽን ኔን አ ድራዉ ብራታ ሞርገ ም መና’ ያጌ። 
\v 14 ቃይካ ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ኡንቱንቱ ባብሎነ ካትያ ናቡካዳናጾራዉ ሞደታና ማላ፥ ታን ሀ ካዉተቱዋ ኡባ ሞርግያን ብራታ ሞርገ ም ዎና፤ ኡንቱንቱካ አዉ ሞደታና። ሀራይ አትና፥ ባዞ ዶአቱዋካ አዉ እማድ’ ያጌ ያጋ” ያጌዳ።
\p
\v 15 ሄዋፐ ጉይያን፥ ትምቢትያ ኦድያ ኤርማስ ትምቢትያ ኦድያ ሀናንያ ሀዋዳን ያጌዳ፤ “ሀናንያዉ፥ ስሳ! መና ጎዳይ ኔና ኪትቤና፤ ሽን ኔን ሀ አሳይ ዎርዶባን አማነታና ማላ ኦዳ። 
\v 16 ሄዋ ድራዉ፥ መና ጎዳይ ሀዋዳን ያጌ፤ ‘ታን ኔና ሀ ሳኣ ቦላፐ ድጋና። ኔን ሀ አሳይ ታ ቦላን ማካላናዳን ዞሬዳ ድራዉ፥ ኔን ሀ ላይ ሀይቃና’ ያጌ” ያጌዳ መና ጎዳይ።
\p
\v 17 ሄ ላይካ ላፑን አግናን ትምቢትያ ኦድያ ሀናኒ ሀይቄዳ።
\c 29
\s1 ኤርማስ ባብሎነን ደእያ ኦሞደቴዳ አሳዉ የዴዳ ዳብዳቢያ
\p
\v 1 ትምቢትያ ኦድያ ኤርማስ ኦሞደቴዳዋንቱ ግዶን ደእያ አቴዳ ጭማቶ፥ ቄሳቶ፥ ትምቢትያ ኦድያዋንቶነ ናቡካዳናጾር የሩሳላመፐ ኦሞዲደ፥ ባብሎነ አፌዳ ሀራ አሳቶ ኡባዉ የሩሳላመፐ የዴዳ ዳብዳቢ ሀዋፐ ካሊደ ጻፈቴዳዋ።\x - \xo 29:1 \xo*\xt 2 ካታ. 24:12-16፤ 2 ኦዱዋ 36:10\xt*\x* 
\v 2 ሀዌ ሀኔዳዌ፥ ካቲ ዮኣኪን፥ ካታታ አ አታ፥ አ ኦሳንቻቱ፥ ይሁዳነ የሩሳላመ ካፓቱ፥ ኩሽያ ኦሱዋ ሂላንቻቱነ ብራታ ቆጽያዋንቱ የሩሳላመፐ ከስ ስምና። 
\v 3 ኤርማስ ይሁዳ ካቲ ሰደቅያስ ባብሎነ ካትያ ናቡካዳናጾራዉ ኪትያ ሳፋና ናኣ ኤልኣሳነ ህልቂያ ናኣ ጋማርያ ቦላን ሄ ዳብዳቢያ ኪቴዳ።
\p ዳብዳቢ ሀዋዳን ያጌዳ፤ 
\v 4 “ኡባፐ ዎልቃማ መና ጎዳይ፥ እስራኤልያ ጾሳይ፥ ታን የሩሳላመፐ ባብሎነ ኦሞድሳደ የዴዳ አሳዉ ኡባዉ ሀዋዳን ያጋይ፤ 
\v 5 ጎለቱዋ ኬጺደ፥ ኡንቱንቱን ደእተ። ካ ዘሪደ፥ አይፍያ ሚተ። 
\v 6 ማጫ አሳ አክተ፤ አኪደ ማጫዋ አቱማዋ የልተ። ህንተ ናናቶካ ማጫ አሳ ጊግሲደ እምተ፤ ህንተ ማጫ ናናቱዋካ አስናዉ እምተ። ኡንቱንቱካ ማጫዋ አቱማዋ የልኖ። ያን ፓይዱዋ ጮራትተ፤ ጉጾፕተ። 
\v 7 ቃይ ታን ህንተና ኦሞዶ የዴዳ ካታማዉ ሳሩ ደአናዳን ኮይተ። ሄ ካታማዉ መና ጎዳ ዎስተ። አያዉ ጎፐ፥ ‘አዉ ሳሩ ደኦፐ፥ ህንተዉካ ሳሩ ደአና’ ያጋይ።
\p
\v 8 “ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ህንተ ግዶን ህንተ ትምቢትያ ኦድያዋንቱነ ሻሬቾቱ ኦድያባን ጭመቶፕተ። ኡንቱንቱ አኩመትያ አኩሙዋካ ስሶፕተ። 
\v 9 አያዉ ጎፐ፥ ኡንቱንቱ ታ ሱንን “ትምቢትያ” ጊደ ዎርዶባ ኦዲኖ፤ ታን ኡንቱንታ ኪታበይከ’ ያጌ መና ጎዳይ።
\p
\v 10 “መና ጎዳይ ሀዋዳን ያጌ፤ ‘ባብሎነ ላይይ ላፑን ታሙ ፖለትያ ዎደ፥ ታን ህንተ ድራዉ ያና፤ ታን ህንተና ህንተ ቢታ ዛራደ አሀና ጌዳ ሎኦ ቃላ ፖላና።\x - \xo 29:10 \xo*\xt 2 ኦዱዋ 36:21፤ ኤር. 25:11፤ ዳኔላ 9:2\xt*\x* 
\v 11 አያዉ ጎፐ፥ ታን ህንተዉ ሀልችያ ሀልቹዋ ታን መና ጎዳይ ኤራይ፤ ሄዌካ፥ ህንተዉ ስን ህዶታነ ናሸቻ እማና ማላ፥ ሳሮ ሀልቹዋፐ አትና፥ ኢታ ሀልቹዋ ግደና። 
\v 12 ሄዋፐ ጉይያን፥ ህንተ ታና ጼሳና፤ ታኮ ያናነ ታና ዎሳና፤ ታንካ ህንተዉ ስሳና። 
\v 13 ህንተ ታና ኮያና፤ ህንተ ታና ህንተ ፖሎ ዎዛናፐ ኮዬዳ ዎደ ደማና።\x - \xo 29:13 \xo*\xt ዛረ. 4:29\xt*\x* 
\v 14 ታን ህንተዉ ቤታና። ታን ህንተና ኦሞዱዋፐ ዛራና። ታን ህንተና ላሌዳ ካዉተቱዋ ኡባፐነ ሳኣ ኡባፐ ሺሻና ያጌ መና ጎዳይ። ታን ህንተና ኦሞዶ የዳናፐ ካሰ ህንተ ደኤዳ ሳኣ ጉየ ዛራደ አሀና። ታን መና ጎዳይ ሀዋ ኦዳድ’ ያጌ።”
\p
\v 15 ህንተ፥ “መና ጎዳይ ትምቢትያ ኦድያባ ኑዉ ባብሎነን ደንዳ ያጌድታ። 
\v 16 ሄዋ ድራዉ፥ ዳዊታ ካዉተ አራታን ኡትያ ካትያባ፥ ሀ ካታማን ደእያ አሳ ኡባባነ ህንተናና ኦሞዱዋን ከስቤና ህንተ ዳቦቱዋባ መና ጎዳይ ሀዋዳን ያጌ። 
\v 17 ኤ፥ ኡባፐ ዎልቃማ መና ጎዳይ ሀዋዳን ያጌ፤ ‘ታን ኡንቱንቱ ቦላ ማሻ፥ ኮሻነ ኢታ ሀርግያ አሀና። ቃይ ታን ኡንቱንታ ማናዉ ጊገና ዎቄዳ ባላስያ ቴራ ማላ ኦና። 
\v 18 ታን ኡንቱንታ ማሻን፥ ኮሻንነ ኢታ ሀርግያን የደርሳና፤ ታን ኡንቱንቱ ሳኣን ደእያ ካዉተ ኡባዉ ዳጋማ ኦና። ቃይ ታን ኡንቱንታ ከሳደ የዴዳ ቢታ ኡባን ቃንገ፥ ዳጋማ፥ ቦርያነ ሸቃ ኦና። 
\v 19 አያዉ ጎፐ፥ ትምቢትያ ኦድያ ታ ቆማቱዋ ቦላ ታን ኡንቱንቶ ዛራ ዛራደ ኪቴዳ ታ ቃላ ኡንቱንቱ ስሰናን እጼድኖ ያጌ መና ጎዳይ። ህንተካ ኦሞደት ቤዳዋንቱ ስሰናን እጼድታ ያጌ መና ጎዳይ። 
\v 20 ታን የሩሳላመፐ ባብሎነ ኦሞድሳደ የዴዳ አሳቶ፥ ህንተ ኡባይካ ታ ቃላ፥ መና ጎዳ ቃላ ስስተ’ ያጌ።
\p
\v 21 “ሀናናዋ ጊደ ህንተዉ ታ ሱንን ዎርዶባ ኦድያ ቆላያ ናኣ አካባባነ ማእሴያ ናኣ ጽድቅያባ ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ታን ኡንቱንታ ባብሎነ ካትያ ናቡካዳናጾራዉ አደ እማና። ህንተ ጼልሽን፥ እ ኡንቱንታ ዎና። 
\v 22 ሄዋፐ ጉይያን፥ ይሁዳፐ ኦሞደቲደ፥ ባብሎነ ቤዳ አሳይ እት ኡራ ሸቃናዉ ኮዮፐ፥ “መና ጎዳይ ኔና ባብሎነ ካቲ ታማን ጹጌዳ ጽድቅያዳንነ አካባዳን ኦ” ያጋና። 
\v 23 አያዉ ጎፐ፥ ኡንቱንቱ እስራኤልያን ሎይ ናጋራ ኦድኖ። ኡንቱንቱ ባረንቱ ሾሮቱዋ ማጫ አሳ ዎሹሜድኖ፤ ያቲደ ታን ኡንቱንታ አዛዛቤና ዎርዶባ ታ ሱንን ሃሳዪኖ። ሄዋ ኤርያዌ ታና፤ ሄዎ ታን ማርካ። ታን መና ጎዳይ ሀዋ ኦዳድ’ ያጌ” ያጌዳ።
\s1 ሻማእያ ዳብዳቢያ
\p
\v 24 ጾሳይ ነሄላምያ ሻማእያዉ ሀ ኪታ ኪታና ማላ፥ ኤርማሳዉ ኦዴዳ። 
\v 25 “ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ኔን ነ ሱንን ዳብዳቢያ የሩሳላመን ደእያ አሳዉ ኡባዉ፥ ማእሴያ ናኣ ቄስያ ጻፋንያዉነ ሀራ ቄሳቱ ዋ ኡባዉ የዳዳ። ኔን ጻፋንያ ሀዋዳን ያጋዳ፤ 
\v 26 “መና ጎዳ ጎልያን ካፑዋ ግዳና ማላ፥ ኔና መና ጎዳይ ዮዳሄ ድራዉ ቄስያ ኦደ ሱንዳ። ትምቢትያ ኦዴቶ ግያ ጎይያ አሳቱዋ፥ ቃጲያንነ ቶላን ገልሳናዉ በሴ። 
\v 27 ሄዋ ድራዉ፥ ህንተ ግዶን ትምቢትያ ኦድያ አናቶታፐ ዬዳ ኤርማሳ አያዉ ሄዋዳን ኦበይኪ?” 
\v 28 ኑን ባብሎነን ደእሺና፥ ኤርማስ ጻፊደ፥ ኑዉ ሀዋዳን ያጊደ ኪቴዳ፤ ያን ህንተ ጋምአና። ጎለቱዋ ኬጺደ፥ ደእተ። ካ ዘሪደ፥ አይፍያ ሚተ’ ያጌዳ።”
\p
\v 29 ቄስያ ጻፋኒ ትምቢትያ ኦድያ ኤርማሳዉ ሀ ዳብዳቢያ ናባቤዳ። 
\v 30 መና ጎዳ ቃላይ ኤርማሳዉ ሀዋዳን ያጊደ ዬዳ፤ 
\v 31 “ኪታ ኦሞዱዋን አሳዉ ኡባዉ ሀዋዳን ያጋደ ኪታ፤ ‘ነሄላምያ ሻማእያባ መና ጎዳይ ሀዋዳን ያጌ፤ “ታን ኪተናን ሻማኢ ህንተዉ፥ ሀናናዋ ጊደ ኦዴዳ ድራዉነ ህንተና ዎርዱዋ አማንዳ ድራዉ፥ 
\v 32 ታን መና ጎዳይ ነሄላምያ ሻማእያነ አ ሶ አሳ ሙራና። ታ ቦላ እ ማካላባ ሃሳዬዳ ድራዉ፥ ሀ አሳ ግዶን አዉ እት ኡራይነ ፓጻ ደኤና። ቃይ እ ባረ ሁጲያንካ ታን ታ አሳዉ ኦና ኬካተ በኤና። ታን መና ጎዳይ ሀዋ ኦዳድ” ያጌ’ ያጋ” ያጌዳ።
\c 30
\ms ጾሳይ ባረ አሳ ባረንቱ ቢታዉ ዛራና
\mr (30:1—33:26)
\s1 ጾሳይ ባረ አሳዉ እማና ጌዳ ህዶታ
\p
\v 1 መና ጎዳፐ ኤርማሳዉ ዬዳ ቃላይ ሀዋ። 
\v 2 መና ጎዳይ እስራኤልያ ጾሳይ ሀዋዳን ያጌ፤ “ኤርማሳ፥ ታን ነዉ ኦዴዳ ቃላ ኡባ ጻ ማጻፋን ጻፋ። 
\v 3 ታ አሳ እስራኤልያነ ይሁዳ ኦሞዱዋፐ ጉየ ዛራደ እሻልስያ ጋላሳቱ ያና፤ ታን ኡንቱንቱ ማይዛ አዋቶ እሜዳ ቢታዉ ኡንቱንታ ዛራና ያጌ መና ጎዳይ፤ ኡንቱንቱካ ላታናዋንታ። መና ጎዳይ ሀዋ ኦዳይ” ያጌ።
\p
\v 4 መና ጎዳይ እስራኤልያ አሳባነ ይሁዳ አሳዋ ኦዴዳ ቃላይ ሀዋ። 
\v 5 መና ጎዳይ ሀዋዳን ያጌ፤ “ታን አሳይ ያሻዉ ዋስያ ዋሱዋ ስሳድ፤ ዳጋማ ዋሶፐ አትና፥ ሀዌ ሳሮ ዋሶ ግደና። 
\v 6 አነ ላልእተነ ዎችተ! አቱማ አስ ባንኪደ፥ ናኣ የላናዉ ዳንዳዪ? ያትና፥ አቱማ አሳይ ኡባይ ኦይይ ኦይቄዳ ማጫ አሳዳን፥ ባረ ኩሽያን ባረ ኡሉዋ ኦይቃ ደእሽን ታን በእያዌ አዬ? አሳ ኡባ ሶምኢ አያዉ ቶሱ ጌዴ? 
\v 7 አየ አና! ሄ ጋላሳይ ኢታ ጋላሳ፤ ሄዋ ማላ ጋላስ ኡባካ ባዋ። ሄ ጋላሳይ ያቆባ ዛረቶ መቶ ዎደ ግዳናዋ። ግዶፐነ ኡንቱንቱ ሄዋፐ አታና” ያጌ።
\p
\v 8 ኡባፐ ዎልቃማ መና ጎዳይ ሀዋዳን ያጌ፤ “ሄ ጋላስ ታን ኡንቱንቱ ሞርግያፐ ሞርገ ም መንና፤ ኡንቱንቱ ቃሸቴዳ ሳንሳላታካ ዱና። ሀዋፐ ስንናዉ አላጋ ቢታ አሳይ ኡንቱንታ አይለየና። 
\v 9 ሄዋ አጊደ ኡንቱንቱ መና ጎዳዉ፥ ባረንቱ ጾሳዉ፥ ኦና፤ ታን ኡንቱንቶ ደንያ ካትያ ዳዊተዉ ኡንቱንቱ ሞደታና።
\p
\v 10 “ሄዋ ድራዉ፥ ታ ቆማቶ፥ ያቆባ ዛረቶ፥ ያዮፕተ!\x - \xo 30:10-11 \xo*\xt ኤር. 46:27-28\xt*\x* ህንተኖ፥ እስራኤላቶ፥ ዳጋሞፕተ! ህንተ ሃኮ ሳን ደእሺና፥ ታን ህንተና አሻና፤ ህንተ ዛራቱዋካ ኡንቱንቱ ኦሞደቲደ ቢታፐ የድሳና። ያቆባ ዛረ ስሚደ፥ አየንቶ ቦቼናን ሳሮ ደአና፤ ኡንቱንታ አይ አሳይነ ያሽሰና። ታን መና ጎዳይ ሀዋ ኦዳይ። 
\v 11 ታን ህንተና አሻናዉ ህንተናና ደአይ። ታን መና ጎዳይ ሀዋ ኦዳይ። ታን ህንተና ላሌዳዋ ኡባ ኡባና ይሳና፤ ሽን ህንተና ኡባና ይስከ። ታን ህንተና ልከ ፕርዳን ሙራና፤ ሙሩዋ ባይናን ህንተና ኡባና ጮ የድከ” ያጌ።
\p
\v 12 መና ጎዳይ ሀዋዳን ያጌ፤ “ህንተ ደሸይ ፓጸናዋ፤ ህንተ ማዱይካ ኢታ። 
\v 13 ህንተ የዉዋን ህንተና ማድያዌ ባዋ፤ ህንተ ማዱይካ ሊ ባዋ፤ ህንተዉ ፓጹ ባዋ። 
\v 14 ህንተ ሲቆቱ ኡባቱ ህንተና ዶጌድኖ፤ ኡንቱንቱ ህንተባ ግድክኖ። ህንተና ሞርክያዳን ሾጫድ፤ መቀ ባይና አሳይ ሙሪያዋዳን ሙራድ። አያዉ ጎፐ፥ ህንተ ባይዙ ዳልጌዳ፤ ህንተ ናጋራይካ ዳሬዳ። 
\v 15 ሀ ፓጸና ህንተ ደሸዉ አያዉ ዋሲቴ? ህንተ ባይዙ ዳልጊደ ድራዉነ ህንተ ናጋራይ ዳሪደ ድራዉ፥ ሀዋ ህንተ ቦላ ታን ኦይ።
\p
\v 16 “ሽን ህንተና ቢታ ከስ ሜዳ ኡባቱ ሜተታና፤ ህንተ ሞርከቱ ኡባቱካ ኦሞዶ ባና። ህንተና ቦንቄዳዋንቱ ቦንቀታና፤ ህንተባ ኦላን አኬዳዋንቱባካ ኦላን አካና። 
\v 17 ታን ህንተዉ ኬክሳና፤ ህንተ ማዱካ ፓና። አያዉ ጎፐ፥ ኡንቱንቱ ህንተና፥ ‘ሀዋንቱ ኦለቴዳዋንታ፤ ጽዮኖ ጊደ ኮይያዌ ባዋ’ ያጊኖ። ታን መና ጎዳይ ሀዋ ኦዳይ” ያጌ።
\p
\v 18 መና ጎዳይ ሀዋዳን ያጌ፤ “ታን ያቆባ ዛራቱዋ ጎልያ ኦሞደቶደፐ ጉየ ዛራደ፥ እሻልሳና፤ ኡንቱንቱ ደእያ ሳአዉካ ቃረታና። የሩሳላመ ካታማይካ ካሰ ባረ ኮለቴድኖ፥ ካትያ ጎሊካ ካሰ ባረ ሳኣን ስሚደ ኬጸታና። 
\v 19 ያን ደእያ አሳይ ኡባይ ጋላታ ማዝሙርያነ ናሸቻ የ የጻና። ታን ኡንቱንቱ ፓይዱዋ ዳርሳና፤ ኡንቱንቱ ፓይዱ ላኤን ጉጸና። ታን ኡንቱንቱ ቦንቼቴዳ ደርያ ኦና፤ ኡንቱንቱ ካትክኖ። 
\v 20 ኡንቱንቱ ዘረይ በን ዎደ ደኡዋዳን ደአና፤ ኡንቱንቱ ማባራይካ ታ ስንን ምን ኤቃና። ኡንቱንታ ኡንኤያዋንታ ኡባካ ታን ሙራና። 
\v 21 ኡንቱንቱ ካፑ ኡንቱንቱ አሳፐ እቱዋ ግዳናዋ፤ ኡንቱንታ ሞድያዌ ኡንቱንቱ ግዶፐ ከሳና። ታን አ ታ ማታ አሀና፤ እ ታኮ ሺቃና። ታን ሺሸናን ደእሺና፥ ጻሊደ ታኮ ሺቃናዉ ዳንዳይያዌ ኦኔ? ታን መና ጎዳይ ሀዋ ኦዳይ። 
\v 22 ሄዋ ድራዉ፥ ህንተ ታ አሳ ግዳና፤ ታንካ ህንተ ጾሳ ግዳናዋ” ያጌ።
\p
\v 23 በእተ፥ መና ጎዳ ሀንቁ ጎትያዳን ሀኔ፤ እካ ስርመቲደ፥ ኢታቱዋ ሁጲያን ያና። 
\v 24 መና ጎዳይ ባረ ዎዛና ሀልቹዋ ዉርሲደ ፖላና ጋካናዉ፥ አ ኤጽያ ሀንቁ ጉየ ስመና። ሄዋ ጉየፐ ይያ ዎደቱዋን ህንተ አኬካና።
\c 31
\s1 እስራኤልያ አሳይ ባረ ቢታ ስማና
\p
\v 1 መና ጎዳይ ሀዋዳን ያጌ፤ “ሄ ዎደ ታን እስራኤልያ ያራቶ ኡባዉ ጾሳ ግዳና፤ ኡንቱንቱካ ታ አሳ ግዳናዋ” ያጌ።
\p
\v 2 መና ጎዳይ ሀዋዳን ያጌ፤ “አዳፐ ፓላሄዳ አሳይ ታፐ አ ኬካተ መላ ቢታን ደሜዳ። እስራኤልያ አሳይ ሸምፕ አካናዉ ኮዬዳ ዎደ፥ 
\v 3 ታን መና ጎዳይ ኡንቱንቶ ሃኮ ሳፐ ሀዋዳን ያጋደ ቆንጫድ፤ ‘እስራኤልያ አሳዉ፥ ታን ህንተና መና ሲቁዋን ሲቃይ፤ ታ አገና ሲቁዋን ታን ህንተና ታኮ ሺሻድ። 
\v 4 እስራኤልያ አሳዉ፥ ታን ህንተና ዛረደ ኬጻና፤ ህንተካ ኬጸታና። ዛረደካ ካራቡዋ ኦይቂደ፥ ናሸትያዋንቱና የጻናነ ዱራና። 
\v 5 ህንተ ዛረደካ ሳማርያ ዞዘቱዋ ቦላ ዎይንያ ቱራቱዋ ቶካና፤ ቶኬዳዋንቱ አ ቴራን ናሸታና። 
\v 6 ኤፍሬማ ገዝያን ናግያዋንቱ፥ “ሃይተ፤ መና ጎዳኮ፥ ኑ ጾሳኮ፥ ፑደ ጽዮነ አነ ቦይተ!” ያጊደ ጼስያ ዎዲ ያና’ ያጋድ” ያጌ።
\p
\v 7 መና ጎዳይ ሀዋዳን ያጌ፤ “ያቆባ አሳዉ ናሸቻን የጽተ፤ ካዉተቱዋ ኡባፐ አያ እስራኤልያዉ ሆምቦጭተ። መና ጎዳይ እስራኤልያ አሳፐ አቴዳዋንታ አሼዳ ያጊደ ጋላታ ማዛሙርያ የጽተ። 
\v 8 በእተ፥ ታን ኡንቱንቱ ሁጲሳ ባጋ ቢታፐ አሀና፤ ሳኣ ጋጻፐካ ታን ኡንቱንታ ሺሻና። ቆቀቱ፥ ዎባቱ፥ ሻሃራ ማጫ አሳቱነ ኦይይ ኦይቄዳ ማጫ አሳቱ ኡንቱንቱና እትፐ ያና፤ ሎይ ዳሮ አሳይ ባረ ቢታ ስማና። 
\v 9 ታን ኡንቱንታ ዛራደ አህያ ዎደ፥ ኡንቱንቱ ናሸቻ ዳሩዋን ዬኪደነ ዎሲደ ያና። ታን ኡንቱንታ ሻፋ ላንቂያና፥ ኡንቱንታ በና ስታ ኦግያና ካለና። አያዉ ጎፐ፥ ታን እስራኤልያ አሳዉ አዉዋ፤ ኤፍሬምካ ታዉ ባይራ ናኣ።
\p
\v 10 “ህንተኖ፥ ካዉተቶ፥ መና ጎዳ ቃላ ስስተ! ሃኮ ሳን፥ አባ ዶናን ደእያ ቢታቱዋን ሀዋዳን ያጊደ አዋይተ፤ ‘እስራኤላቱዋ ላሌዳዌ እ ኡንቱንታ ሺሻና፤ ቃይ ሄንንቻይ ባረ ዉድያ ዶርሳ ሄምያዋዳን፥ እ ኡንቱንታ ሄማና’ ያግተ። 
\v 11 አያዉ ጎፐ፥ መና ጎዳይ ያቆባ ዛራቱዋ ዎዜዳ፤ እ ኡንቱንታ ኡንቱንቱፐ ምንያዋንቱፐ ኩሽያፐ አሼዳ። 
\v 12 ኡንቱንቱ ዪደ ጽዮነ ደርያን ናሸቻዉ የጻና፤ ኡንቱንቱ መና ጎዳይ እምያ ኬካተን፥ ካን፥ ዎይንያ ኤሳን፥ ዛይትያን፥ ዶርሳ ማራቱዋንነ ሚዛ ማራቱዋን ናሸታና። ኡንቱንቱ ሃ ሎይ ኡሼዳ አታክልትያ ሳኣ ማላ ግዳናዋ፤ ኡንቱንቱ ላኤን ሹልክኖ። 
\v 13 ሄ ዎደ ጌላዮቱ ናሸቲደ ዱራና፤ ዎዳላቱካ ጭማቱካ ናሸታና። ታን ኡንቱንቱ ዬኩዋ ናሸቻዉ ላማና፤ ታን ኡንቱንታ ምንና፤ ኡንቱንቱ ካዩዋ ድራዉ ታን ኡንቱንታ ናሸቻና። 
\v 14 ታን ቄሳቶ ዳሮ ቁማ እማና፤ ታ አሳይካ ታ ኬካተን ካላና። ታን መና ጎዳይ ሀዋ ኦዳይ” ያጌ።
\s1 ጾሳይ እስራኤልያ ማሬዳ
\p
\v 15 መና ጎዳይ ሀዋዳን ያጌ፤\x - \xo 31:15 \xo*\xt ዶመ 35:16-19፤ ማቶሳ 2:18\xt*\x* “ዬኩነ ዝላሳይ ራማ ግያ ካታማን ስሰቴዳ፤ ራሄላ ባረ ናናቶ ዬካዉ፤ ኡንቱንቱ ዬዳ ድራዉ፥ አጋ ጊና፥ አገናን እጻዱ” ያጌ።
\p
\v 16 መና ጎዳይ ሀዋዳን ያጌ፤ “ዬክያዋ አጊደ፥ ህንተ አይፍያ አፎ ቁጭተ። አያዉ ጎፐ፥ ህንተ ኦዳ ኦሶ ዎይቱዋ ህንተ አካና፤ ሞርክያ ቢታፐ ህንተ ናናቱካ ስማና። ታን መና ጎዳይ ሀዋ ኦዳይ። 
\v 17 ህንተ ናናቱ ባረንቱ ቢታ ስማናዉ ደእያ ድራዉ፥ ህንተዉ ስንናዉ ህዶታይ ደኤ። ታን መና ጎዳይ ሀዋ ኦዳይ።
\p
\v 18 “ኤፍሬማ ዛረ ካዮቲደ፥ ሀዋዳን ያጊደ ኦድያዋ ቱሙዋፐ ታን ስሳድ፤ ‘ኔን ኑና ዋትቤና ኮሩማዳን ዋዳ፤ ኑንካ አዛዘትቦኮ። ኔን መና ጎዳ ኑ ጾሳ ግድያ ድራዉ፥ አነ ኑና ዛራ፤ ኑን ኔኮ ስማና። 
\v 19 ኑን ካሰ ኔፐ ዎራ ስሚደ ቤዶ፤ ሽን ሀእ ፓጼዶ። ኔን ኑና ሙራ ስምና ዬላቲደ፥ ኑ ትራ ባቄዶ፤ ኑን ኑ ያላጋተ ላይ ናጋራ ድራዉ፥ ካዉሼዶነ ዬላቴዶ’ ያጌድኖ።
\p
\v 20 “ቱሙ ኤፍሬመ ታዉ አልኦ ናኣ ግደኔ? እ ታን ሲቅያ ናኣ ግደኔ? ኤ! ታን ዳሮ ገደ አ ሱን ደንዳ ዎደ ኡባን፥ አ ሀሳይያዋ አጋበይከ። ሄዋ ድራዉ፥ ታ ዎዛናይ አ ላሞቴ፤ ታን አዉ ሎይ ቃረታይ። ታን መና ጎዳይ ሀዋ ኦዳይ።
\p
\v 21 “ኦግያን ማላ ዎተ፤ ማላ ምቱዋካ ኤስተ። ያቲደ ህንተ ቤዳ ኦግያ አኬክተ። እስራኤልያ አሳዉ፥ ስምተ፤ ህንተ ካታማቱዋኮ ስምተ። 
\v 22 ህንተኖ፥ አማኑ ባይና እስራኤላቶ፥ አዉደ ጋካናዉ ቶይላካታንቴ? መና ጎዳይ ሳኣ ቦላን እት ኦራባ መና፤ ሄዌነ፥ ማጫ አሳይ አቱማ አሳ ዩሹዋን ኤቃና።”
\s1 ጾሳ አሳይ ስንናዉ እሻላና
\p
\v 23 ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ “ታን እስራኤልያ አሳ ኦሞዱዋፐ ዛራደ አህያ ዎደ፥ ይሁዳ ቢታንነ አ ካታማቱዋን ኡንቱንቱ ላኤንዋ፥ ‘ኔኖ ጽሎተይ ደእያ ሳአዉ፥ ነኖ ጌሻ ደርያዉ፥ መና ጎዳይ ኔና አንጆ’ ያጋና። 
\v 24 ይሁዳነ ይሁዳን ደእያ ካታማቱዋን ኡባን አሳይ ደአና፤ ጎሻንቻቱካ ዉድያና ዩይያ ሄንንቻቱካ ያን ደአና። 
\v 25 ታን ዳቡራንቻቱዋ ዎልቃ ኦራና፤ ቃይ ኮሻቲደ ግልቄዳዋንታካ ካልሳና” ያጌ።
\p
\v 26 ሄዋን ቤጎታደ ታ ዩሹዋ ጼላድ፤ ታ ገምእሹካ ታዉ ማልኦ ገምእሹዋ ግዴዳ።
\p
\v 27 መና ጎዳይ ሀዋዳን ያጌ፤ “ታን እስራኤልያ ቢታንነ ይሁዳ ቢታን አሳነ መህያ ኩንያ ዎዲ ያና። 
\v 28 ኡንቱንቱ ቆላናዉ፥ ኮላናዉ፥ አ አ የጋናዉ፥ ይሳናዉነ ባየ አሀናዉ ዶሳደ ናጌዳዋ ኬሻ፥ ኡንቱንታ ዛራደ ግምባናዉነ ቶካናዉ ዶሳደ ናጋና። ታን መና ጎዳይ ሀዋ ኦዳይ።
\p
\v 29 “ሄ ዎደ አሳይ፥ ‘አዎቱ ጋምኤ ዎይንያ ቴራ ሚና፥ ናናቱዋ አቻይ ዝልኤዳ’ ያጊደ ሃሳይያዋ አጋና።\x - \xo 31:29 \xo*\xt ህዝ. 18:2\xt*\x* 
\v 30 ሽን አሳይ እቱ እቱ ባረ ናጋራን ናጋራን ሀይቃና፤ ጋምኤ ዎይንያ ቴራ ምያ አሳ ኡባዉ አ አቻይ አቻይ ዝልአና” ያጌ።
\p
\v 31 መና ጎዳይ ሀዋዳን ያጌ፤ “ታን እስራኤልያ አሳናነ ይሁዳ አሳና ኦራ ጫቁዋ ጫቀትያ ጋላሳቱ ያና።\x - \xo 31:31 \xo*\xt ማቶሳ 26:28፤ ማር. 14:24፤ ሉቃሳ 22:20፤ 1 ቆሮ. 11:25፤ 2 ቆሮ. 3:6\xt*\x*\x - \xo 31:31-34 \xo*\xt እብራ. 8:8-12\xt*\x* 
\v 32 ሄ ጫቁ ታን ኡንቱንታ ግብጼፐ ከሳናዉ ኡንቱንቱ ኩሽያ ኦይቄዳ ዎደ፥ ኡንቱንቱ ማይዛ አዎቱዋና ጫቀቴዳ ጫቁዋ ማላ ግደና፤ ታን ኡንቱንቶ አስና ማላ ግዳ ኡትናካ ኡንቱንቱ ታ ጫቁዋ መንድኖ። ታን መና ጎዳይ ሀዋ ኦዳይ። 
\v 33 ሽን ታን መና ጎዳይ ሄ ጋላሳቱዋፐ ጉይያን እስራኤልያ አሳና ጫቀታና ጫቁ ሀዋ: ታን ታ ህግያ ኡንቱንቱ ግዶን ዎና፤ ቃይ ኡንቱንቱ ዎዛናንካ ጻፋና። ታን ኡንቱንቱ ጾሳ ግዳና፤ ቃይ ኡንቱንቱካ ታ አሳ ግዳና።\x - \xo 31:33 \xo*\xt እብራ. 10:16\xt*\x* 
\v 34 አሳይ ባረ ሾሩዋ ዎይ ባረ እሻ፥ ‘መና ጎዳ ኤራ’ ያጊደ ታማርስያዋ አጋና፤ አያዉ ጎፐ፥ ጉፐ ዶሚደ፥ ዎጋ ጋካናዉ፥ ኡንቱንቱ ኡባይ ታና ኤራና። ታን ኡንቱንቱ ናቁዋ አቶ ጋና፤ ኡንቱንቱ ናጋራካ ላኤን ሀሳይከ። ታን መና ጎዳይ ሀዋ ኦዳይ” ያጌ።\x - \xo 31:34 \xo*\xt እብራ. 10:17\xt*\x*
\p
\v 35 መና ጎዳይ፥ አዋ ጋላሳን ፖእሴዳዌ፥ አግናይነ ጾልንተቱ ቃማን ፖአናዳን ህግያ ዎዳዌ፥ አባካ ቃደ፥ ቤታይ ጉማናዳን ኦያዌ፥ ኡባፐ ዎልቃማ መና ጎዳ ጌተትያዌ፥ ሀዋዳን ያጌ፤ 
\v 36 “ሀ ኤቂደ ደእያ መታ ህጊ ታ ስንፐ ክቾፐ፥ ሄ ዎደ እስራኤልያ ዘረቱ ታ ስንን መናዉ ታ አሳ ግዲደ ደእያዌ አታናዋ። መና ጎዳይ ሀዋ ኦዳይ” ያጌ።
\p
\v 37 መና ጎዳይ ሀዋዳን ያጌ፤ “ቦላ ሳሎቱ ልከታናዉ፥ ዎይ ጋርሳ ሳኣ ባሱካ ኤረታናዉ ዳንዳዮፐ፥ ሄ ዎደ ታን እስራኤልያ ዘረቱዋ ኡባ፥ ኡንቱንቱ ኦዳ ባይዙዋ ኡባ ድራዉ፥ ታ ስንፐ ድጋና። ታን መና ጎዳይ ሀዋ ኦዳይ” ያጌ።
\p
\v 38 መና ጎዳይ ሀዋዳን ያጌ፤ “ሀናንኤላ አዱሳ ግምቢያፐ ዶሚደ፥ ዞዝያ ፐንግያ ጋካናዉ፥ የሩሳላመ ካታማይ ታዉ፥ ጾሳዉ፥ ካታማ ግዲደ፥ ስሚደ ኬጸትያ ጋላሳቱ ያና። 
\v 39 ሄ ካታማ ዛዋይካ አዋይ ዉልያ ባጋፐ ካል ቢደ፥ ጋሬባ ዞዝያነ ጎአ ዩሹዋ ጋካናዉ አካና። 
\v 40 አሃ ሞግያነ ብድን ኦልያ ዛንጋራይነ ቀድሮና ዛንጋራፐ ቆሞና አዋይ ዶልያ ባጋ ባጋና ቢደ፥ ፓራ ፐንግያ ዞዝያ ጋካናዉ ደእያ ጋድያ ኡባይ መና ጎዳዉ ዱማቲደ፥ ጌሻ ግዳናዋ። ሀዋፐ ስንናዉ ካታማይ መናዉ ሾደተናነ ኮለተና” ያጌ።
\c 32
\s1 ኤርማስ ጋድያ ሻሜዳ
\p
\v 1 ይሁዳ ካቲ ሰደቅያስ ካተቴዳ ታማን ላይን፥ ባብሎነ ካቲ ናቡካዳናጾር ካተቴዳ ታማነ ሆስፑን ላይን መና ጎዳፐ ኤርማሳዉ ካላይ ዬዳ።\x - \xo 32:1 \xo*\xt 2 ካታ. 25:1-7\xt*\x* 
\v 2 ሄ ዎደ ባብሎነ ካትያ ኦላንቻቱ የሩሳላመ ዶዴድኖ፤ ትምቢትያ ኦድያ ኤርማስ ይሁዳ ካትያ ጎልያን ደእያ፥ ናግያዋንቱ ዳባባን ጎርደት ኡቴዳ።
\p
\v 3 ይሁዳ ካቲ ሰደቅያስ አ ሄዋን ቃቺደ፥ ሀዋዳን ያጌዳ፤ “ኔን አያዉ ሀዋዳን ያጋደ ትምቢትያ ኦዳይ? መና ጎዳይ ሀዋዳን ያጌ፤ ‘በአ፥ ታን ሀ ካታማ ባብሎነ ካትያ ኩሽያን አደ እማና ሀናይ፤ እምና እ ኦሞዳና። 
\v 4 ይሁዳ ካቲ ሰደቅያሳዉ ባብሎናቱዋ ኩሽያፐ ከስ አከና፤ እ ቱሙዋፐ ባብሎነ ካትያ ኩሽያን ገላና። እ አ ስንን ኤቂደ፥ አናና ሃሳያና፤ እ አ ባረ አይፍያን በአና። 
\v 5 ሄዋፐ ጉይያን፥ ናቡካዳናጾር ሰደቅያሳ ባብሎነ አፋና፤ ታን አባ በአና ጋካናዉ፥ እ ያን ደአና። ታን መና ጎዳይ ሀዋ ኦዳይ። ኔን ባብሎነቱዋና ኦለትያዋ ግዶፐ፥ ሄዌ ኔና ከሰና ያጌ’ ያጋዳ” ያጌዳ።
\p
\v 6 ኤርማስ፥ “መና ጎዳ ቃላይ ሄ ዎደ ታኮ ሀዋዳን ያጊደ ዬዳ፤ 
\v 7 ‘ነ አዉዋ እሻ ሻሉማ ናአይ፥ ሀናምኤል ኔኮ ዪደ፥ “አናቶታ ካታማን ደእያ ታ ጋድያ ሻማ፤ አያዉ ጎፐ፥ ዎዛናዉ ዳቦታይ ጋያዌ ኔና” ያጋናዋ’ ያጌዳ።
\p
\v 8 “መና ጎዳይ ጌዳዋዳን፥ ታ አዉዋ እሻ ናአይ ሀናምኤል ታኮ ናግያዋንቱ ዳባባ ዪደ፥ ‘ቢንያማ ቢታን አናቶታን ደእያ ታ ጋድያ ሻማ፤ ጋድያ ዎዛናዉነ ቡዞታናዉ በስያዌ ኔና’ ያጌዳ። ታን ሄዋን መና ጎዳ ቃላ ግድያዋ ኤራድ። 
\v 9 ያታደ አናቶታ ካታማን ደእያ ጋድያ ታ አዉዋ እሻ ናኣ ሀናምኤላፐ፤ ሻማደ እ አክያ ጋትያ አዉ ሚዛናን ልካድ፤ ታማነ ላፑን ጻጋራ ብራ ግዴዳ። 
\v 10 ሻማ ፓራማ ማርካቱ ደእያ ሳን ፓራማደ፥ አሻጋደ ማታፋ አን ዎድ፤ ሚሻካ ሚዛናን ልካደ እማድ።
\p
\v 11 “ሄዋፐ ጉይያን፥ ታን አሻገቲደ አታመቴዳ ሻማ ሀኖታ ቆንጭስያ ፓራማነ አታመትቤና ሻማ ሀኖታ ቆንጭስያ ፓራማ አካድ። 
\v 12 ታ አዉዋ እሻ ናአይ ሀናምኤል፥ ሻማ ፓራማ ፓራሜዳ ማርካቱነ ናግያዋንቱ ዳባባን ኡቴዳ አይሁዳቱ ኡባይ ጼልሽን፥ ሄ ሻማ ፓራማ ማህሴያ ናኣ ናኣ፥ ኔርያ ናኣ ባሮካዉ እማድ። 
\v 13 ኡንቱንታ ስንን ታን ባሮካ ሀዋዳን ያጋደ አዛዛድ፤ 
\v 14 ‘ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ “ዳሮ ዎድያ ጋምአና ማላ፥ ሀ ሻማ ሀኖታ ቆንጭስያ አሻገቲደ አታመቴዳ ፓራማነ ሻማ ሀኖታ ቆንጭስያ አታመትቤና ፓራማ አካ አፋደ፥ ኡርቃፐ መቴዳ ኦቱዋን ዎ” ያጌ። 
\v 15 አያዉ ጎፐ፥ ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ “ሀ ቢታን አሳይ ዛሪደካ ጎልያ፥ ጋድያነ ዎይንያ ቱራ ቶክያ ሳኣ ሻማና” ያጌ’ ያጋድ” ያጌዳ።
\s1 ኤርማሳ ዎሳ
\p
\v 16 ታን ኔርያ ናኣ ባሮካዉ ሻማ ፓራማ ዋራቃታ እሜዳዋፐ ጉይያን፥ መና ጎዳ ሀዋዳን ያጋደ ዎሳድ፤ 
\v 17 “አቤት ኡባ ሞድያ መና ጎዳዉ፥ ኔን ሳሎቱዋነ ሳኣ ነ ዎልቃማ ዎልቃንነ ነ ምጨቴዳ ኩሽያን መዳ! ነዉ ዳንዳየተናዌ ኡባካ ባዋ። 
\v 18 ኔን ሻአቶ አገና ሲቁዋ በሳሳ፤ ሽን አዎቱዋ ባይዙዋ ኡንቱንቱ ናናቱዋ ቦላ ዛራሳ። አቤት ቃነ ዎልቃማ ጾሳዉ፥ ነ ሱንይ ኡባፐ ዎልቃማ መና ጎዳ ጌተቴ። 
\v 19 ነ ዞሪ ዎልቃማ፤ ነ ኦያ ኦሱካ ዎልቃማ። አሳ ኦግያ ኡባ ኔን በኣሳ፤ አሳዉ ኡባዉካ አ ኦግያዳንነ አ ኦሱዋዳን ዛራሳ።
\p
\v 20 “ኔን ግብጼን ማላታነ ኦራባ ኦዳ፤ ሀች ጋካናዉካ ሀ ኦራ ኦሶቱዋ እስራኤልያ አሳ ግዶንነ ሀራ ካዉተቱዋ ኡባ ግዶን ኦያዋ አጋ በይካ። ሄዋፐ ደንዴዳዋን ነ ሱንይ ኡባ ሳን ኤረቴዳ። 
\v 21 ኔን ነ አሳ እስራኤልያ ግብጼፐ ማላታንነ ኦራባን፥ ነ ምኖ ቀስያንነ ነ የዴዳ ኩሽያን፥ ቃይ ዎልቃማ ዳጋማን ከሳዳ። 
\v 22 ኡንቱንቱ ማይዛ አዋቶ ኔን እማናዉ ጫቄዳ ቢታ፥ ማይነ ኤሳይ ጎግያ ሀ ቢታ ኡንቱንቶ እማዳ፤ 
\v 23 ኡንቱንቱ ሀ ቢታ ገሊደ ላቴድኖ። ሽን ኡንቱንቱ ነዉ አዛዘትበይክኖ፤ ነ ህግያካ ካልበይክኖ፤ ኡንቱንቱ ኦናዳን ኔን አዛዜዳዋ ኡባካ ኦበይክኖ። ሄዋ ድራዉ፥ ኔን ኡንቱንቱ ቦላ ሀ ባሻ ኡባ አሃዳ።
\p
\v 24 “በአ፥ ባብሎነቱ ካታማ ኦይቃናዉ ግምቢያ ዩሹዋን ቢታ ዶሪደ ዶድ ደኢኖ፤ ኦላፐ፥ ኮሻፐነ ኢታ ሀርግያፐ ደንዴዳዋን፥ ካታማይ ኡንቱንቱና ኦለትያ ባብሎናቱዋ ኩሽያን አደ እመት ደኤ። ኔን ሀእ በእያዋዳን፥ ነ ጌዳዌ ኡባይ ፖለቴዳ። 
\v 25 አቤት ኡባ ሞድያ መና ጎዳዉ፥ ካታማይ ባብሎነቶ እመታናዉ ሀኖደካ፥ ኔን ታና፥ ‘ማርካቱዋ ጼሳደ፥ ሻሉዋን ሀ ጋድያ ሻማ’ ያጋዳ” ያጋደ ዎሳድ።
\p
\v 26 ሄዋፐ ጉይያን፥ መና ጎዳ ቃላይ ኤርማሳዉ ሀዋዳን ያጊደ ዬዳ፤ 
\v 27 “ታን መና ጎዳ፥ አሳ ኡባ ጾሳ። ታዉ ዳንዳየተናዌ ደኢ?” ያጌዳ። 
\v 28 ሄዋ ድራዉ፥ መና ጎዳይ ሀዋዳን ያጌ፤ “ታን ሀ ካታማ ባብሎነቶነ ባብሎነ ካትያ ናቡካዳናጾራዉ አደ እማና፤ ኡንቱንቱ አ ኦይቃና።\x - \xo 32:28 \xo*\xt 2 ካታ. 25:1-11፤ 2 ኦዱዋ 36:17-21\xt*\x* 
\v 29 ሀ ካታማ ቦላ ኦላዉ ከሴዳ ባብሎነቱ ዪደ፥ ካታማ ታማን ጹጋና፤ ጎልያ ቦላን ደምባዪደ ኦድኖ ባኣላዉ እጻና ጩዋይሲድነ ሀራ ጾሳቶ ኡሻ ያርሹዋ ጉሲደ፥ ታና ሀንቀዳ አሳቱ ደኤዳ ጎለቱዋካ ጹጋና።
\p
\v 30 “እስራኤልያ አሳይነ ይሁዳ አሳይ ባረንቱ ያላጋተፐ ዶሚደ፥ ታ ስንን ኢታባ ኦድኖፐ አትና፥ ሀራባ ኦበይክኖ፤ ኡንቱንቱ ባረንቱ ኩሽያን ኦዳ ኦሱዋን ታና ሀንቀድኖ ያጌ መና ጎዳይ። 
\v 31 ኬጸቴዳ ዎድያፐ ሀች ጋካናዉ፥ ሀ ካታማ አሳቱ ታና ሀንቀድኖነ ይሎዬድኖ፤ ሄዋ ድራዉ፥ ታን ሀ ካታማ ታ ስንፐ ይሳና። 
\v 32 እስራኤልያ አሳይነ ይሁዳ አሳይ፥ ኡንቱንቱ ካተቱነ ካፓቱ፥ ኡንቱንቱ ቄሳቱ ነ ትምቢትያ ኦድያዋንቱ ኦዳ ኢታ ኦሱዋ ኡባን ታና ሀንቀድኖ። 
\v 33 ኡንቱንቱ ባረንቱ ሶምኡዋ አጊደ፥ ባረንቱ ዞክያ ታዉ ዛሬድኖ። ታን ኡንቱንታ ዛራ ዛራደ ታማርስንቶካ፥ ኡንቱንቱ ስስበይክኖነ ሴራካ አክበይክኖ። 
\v 34 ኡንቱንቱ ሸነይያ ባረንቱ ኤቃቱዋ ታ ሱንን ጼሰቴዳ ጌሻ ጎልያ ግዶን ኤሲደ ቱንሴድኖ።\x - \xo 32:34 \xo*\xt 2 ካታ. 23:10፤ ኤር. 7:30-31፤ 19:1-6\xt*\x* 
\v 35 ኡንቱንቱ ባረንቱ አቱማ ናናቱዋነ ማጫ ናናቱዋ ሞሎካ ኤቃዉ ያርሻናዉ ህኖማ ዛንጋራን ባኣላዉ ያርሽያ ቃ ሳአቱዋ ጊግሴድኖ። ኡንቱንቱ ሄዋ ኦና ማላ፥ ታን ኡንቱንታ አዛዛበይከ፤ ይሁዳ አሳ ኡንቱንቱ ናጋራ ኦስሳናዉ ሄዋ ማላ ሸነይያዋ ኦናዌ ታ ዎዛናን ኡባካ አቤና” ያጌዳ።\x - \xo 32:35 \xo*\xt ዎጋ 18:21፤ 2 ካታ. 23:10፤ ኤር. 7:31\xt*\x*
\s1 ጾሳይ እስራኤልያ አሳ ዛራደ እሻልሳና ያጌዳ
\p
\v 36 ህንተ የሩሳላመ አሳይ፥ “ሀ ካታማይ ኦላን፥ ኮሻንነ ኢታ ሀርግያን ባብሎነ ካትያ ኩሽያን አደ እመታና” ያጌዳ ሀ ካታማባ መና ጎዳይ እስራኤልያ ጾሳይ ሀዋዳን ያጌ፤ 
\v 37 “በእተ፥ ታን ታ ሱሎ ሀንቁዋንነ ታ ዎልቃማ ይሉዋን ኡንቱንታ ላሌዳ ቢታ ኡባፐ ሺሻና፤ ሀ ሳኣ ዛራደ አሃደ፥ ኡንቱንቱ ሳሮተን ደአናዳን ኦና። 
\v 38 ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና። 
\v 39 ኡንቱንቱ ታዉ መናዉ ያያና ማላ፥ ታን ኡንቱንቶ እት ዎዛናነ እት ኦግያ እማና፤ ሄዌ ኡንቱንቶነ ኡንቱንቱፐ ጉይያን፥ ኡንቱንቱ ናናቶ ሎአ ግዳናዋ። 
\v 40 ታን ኡንቱንቱና መናዉ ቃላ ጫቁዋ ጫቀታና። ሄ ጫቁዋን ታን ኡንቱንቶ ሎኦባ ኦያዋ አግከ፤ ኡንቱንቱ ታፐ ዎራ ስመና ማላ፥ ታን ኡንቱንቱ ታዉ ያያናዳን ኦና። 
\v 41 ታን ኡንቱንቶ ሎኦባ ኦያዋዳን ናሸታና፤ ቃይ ታን ታ ኩመን ዎዛናፐነ ታ ኩመን ሸምፑዋፐ ሀ ቢታን ኡንቱንታ ቱሙዋፐ ቶካና” ያጌ።
\p
\v 42 ቃይካ መና ጎዳይ ሀዋዳን ያጌ፤ “ታን ሀ አሳ ቦላ ሀ ኢታ ባየ ኡባ አሄዳዋዳን፥ ሄዋዳንካ ታን ኡንቱንቶ እማና ጌዳ ሎኦባ ኡባ እማና። 
\v 43 ህንተ፥ ‘ሀ ቢታይ አሳይካ መሂካ ደኤና፥ አይነ ባይና ቢታ ግዳናዋ፤ እ ባብሎነቶ እመት ክቼዳ’ ያጌዳ ቢታን አሳይ ዛረደ፥ ጋድያ ሻማና። 
\v 44 አሳይ ጋድያ ሻሉዋን ሻማና፤ ማርካ ስንን ፓራማ ፓራሚደ፥ ማታፋ ዎና። ሀዌ ኡባይ ቢንያማ ቢታን፥ የሩሳላመ ዩሹዋን ደእያ ሄራቱዋን፥ ይሁዳ ካታማቱዋን፥ ገዝያን ደእያ ካታማቱዋን፥ ዞዝያፐ ጋርሳና ደእያ ካታማቱዋንነ ኔጌባ መላ ቢታ ካታማቱዋ ኡባን ሀናና። አያዉ ጎፐ፥ ታን ኡንቱንቱ ዛራደ እሻልሳና። መና ጎዳይ ሀዋ ኦዳይ” ያጌ።
\c 33
\s1 ጾሳይ ላኤንዋካ እስራኤልያ አሳ እሻልሳና ያጌዳ
\p
\v 1 ኤርማስ ብሮ ናግያዋንቱ ዳባባን ደእሺና፥ መና ጎዳ ቃላይ ላኤንዋካ ዬዳ። 
\v 2 ሳኣ መዳ መና ጎዳይ፥ ጊግሲደ አ ሳኣን ዎዳ መና ጎዳይ፥ አ ሱንይካ መና ጎዳ ጌተትያዌ ታና ሀዋዳን ያጌ፤ 
\v 3 “ኔን ታና ጼሳ፤ ታን ነዉ ኮያና፤ ኔን ኤረና ዎጋባነ ዎልቃማባ ታን ነዉ ኦዳና። 
\v 4 ባብሎናቱዋ ቢታ ዶሪታ፥ ዶደነ ማሻ ድጋና ማላ፥ ድርሳ ግምቢያ ምንሳናዉ ኮሌዳ ሀ ካታማ ጎለቱዋባነ ይሁዳ ካተቱዋ ጎለቱዋባ ታን መና ጎዳይ፥ እስራኤልያ ጾሳይ ኦዳይ። 
\v 5 ህንተናና ኦለታናዉነ ታን ታ ሀንቁዋንነ ይሉዋን ሾጫና አሳቱዋ አሃ ሄ ሳአቱዋን ኩንናዉ ባብሎነቱ ገሊኖ። አያዉ ጎፐ፥ ኡንቱንቱ ኢታተ ኡባ ድራዉ፥ ታን ሀ ካታማፐ ታ ሶምኡዋ ገንድ።
\p
\v 6 “ግዶፐነ፥ ታን ሀ ካታማነ አን ደእያ አሳ ዛራደ ፓና፤ ኡንቱንቱ ፓጻተካ ዛራና፤ ሎይ ዳሮ ሳሩዋነ ዎፓ ደኡዋ ታን ኡንቱንቶ እማና። 
\v 7 ይሁዳ አሳነ እስራኤልያ አሳ ኦሞዱዋፐ ዛራደ እሻልሳና፤ ኡንቱንቱ ካሰ ደኤዳዋዳን ኦደ ታን ኡንቱንታ ግምባና። 
\v 8 ኡንቱንቱ ታና ናቄዳ ናጋራ ኡባፐ ታን ኡንቱንታ ጌሻና፤ ጌሻደ ኡንቱንቱ ታና ናቄዳ ናቁዋነ ማካሌዳ ማካላ ኡባ አቶ ያጋና። 
\v 9 ሄዋፐ ጉይያን፥ የሩሳላመ ካታማይ ታዉ ናሸቻ፥ ቦንቹዋነ ጋላታ ሳኣን ደእያ ካዉተቱዋ ኡባ ስንን አሀና። ታን የሩሳላመ አሳዉ ኦያ ሎኦባነ ሄ ካታማዉ አህያ ዱረተነ ሳሮተ ስሲደ፥ ካዉተቱ ኡባይ ያሻን ኮኮራና” ያጌ።
\p
\v 10 መና ጎዳይ ሀዋዳን ያጌ፤ “ህንተ፥ ‘አሳይነ መሂ ባይና መላ ቢታ’ ጌዳ ሀ ሳአቱዋን፥ አሳይነ መሂ ባይና ይሁዳ ካታማቱዋንነ የሩሳላመ ኦገቱዋን፥ ናሸቻነ እልልሳ ኮሻይ፥ 
\v 11 ቡላችያዋነ ቡላቼትያን ኮሻይነ መና ጎዳ ጌሻ ጎልያ ጋላታ ያርሹዋ አሂደ፥ ሀዋዳን ያጊደ የጽያ አሳ ኮሻይ ስሰታና።\x - \xo 33:11 \xo*\xt 1 ኦዱዋ 16:34፤ 2 ኦዱዋ 5:13፤ 7:3፤ እዝራ 3:11፤ ማዝ. 100:5፤ 106:1፤ 107:1፤ 118:1፤ 136:1\xt*\x*
\b
\q1 “ኡባፐ ዎልቃማ መና ጎዳ ጋላትተ፤
\q2 አያዉ ጎፐ፥ እ ኬካ።
\q1 አገና አ ሲቁ መናዋ” ያጊኖ።
\b
\m አያዉ ጎፐ፥ “ታን ኡንቱንታ ኦሞዱዋፐ ዛራደ ኡንቱንቱ ቢታ አሀና፤ ኡንቱንታ ካሰ ደኤዳዋዳን ኦደ፥ ታን እሻልሳደ ዎና” ያጌ መና ጎዳይ።
\p
\v 12 ኡባፐ ዎልቃማ መና ጎዳይ ሀዋዳን ያጌ፤ “ሀ አሳይነ መሂ ባይና አይነ ባይና ቢታንነ አን ደእያ ካታማቱዋን ሄንንቻቱ ባረንቱ ዶርሳ ዉድያ አላጽስያ ጋዲ ደአና። 
\v 13 ገዝያን ደእያ ካታማቱዋን፥ ዞዝያፐ ጋርሳና ደእያ ካታማቱዋን፥ ኔጌባ መላ ቢታን ደእያ ካታማቱዋን፥ ቢንያማ ቢታን፥ የሩሳላመ ዩሹዋን ደእያ ሄራቱዋንነ ይሁዳ ካታማቱዋን ሄንንቻቱ ባረንቱ ዶርሳ ዛረደ ፓይዱዋን። ታን መና ጎዳይ ሀዋ ኦዳይ” ያጌ።
\p
\v 14 መና ጎዳይ ሀዋዳን ያጌ፤ “ታን እስራኤልያ አሳዉነ ይሁዳ አሳዉ ኦና ጌዳ ሎኦ ቃላ ፖልያ ጋላሳቱ ያና፤\x - \xo 33:14-16 \xo*\xt ኤር. 23:5-6\xt*\x* 
\v 15 ሄ ጋላሳትዋንነ ሄ ዎደቱዋን ታን ዳዊታ ዛርያፐ እት ጽሎ አጫ ደንና፤ እ ሄ ቢታን ሱረ ፕርዳነ ጽሎተ ኦና። 
\v 16 ሄ ዎደ ይሁዳ አሳይ አታና፤ የሩሳላመ አሳይካ ዎፑ ጊደ ደአና፤ ሀ ካታማይካ መና ጎዳ፥ ኑ ጽሎተ ያገት ጼሰታና። 
\v 17 ዳዊታ ዘረፐ እስራኤልያ ካዉተ አራታን ኡትያ አሳይ ኡባካ የና። 
\v 18 ሄዋዳንካ፥ ጹግያ ያርሹዋ፥ ካ ያርሾነ ሀራ ያርሹዋ ኡባ ገደ ያርሻናዉ ሌዊያ ዛርያፐ ቄስያ ግድያ አሳይ መናዉካ ታ ስንን የና። ታን መና ጎዳይ ሀዋ ኦዳይ” ያጌ።\x - \xo 33:18 \xo*\xt 2 ሳሜላ 7:12-16፤ 1 ካታ. 2:4፤ 1 ኦዱዋ 17:11-14\xt*\x*
\p
\v 19 መና ጎዳ ቃላይ ኤርማሳኮ ዬዳ። 
\v 20 መና ጎዳይ ሀዋዳን ያጌ፤ “ታን ጋላሳናነ ቃማና ቃላ ጫቁዋ ጫቀታድ፤ ሄ ጫቁዋን ኡንቱንቱ ባረንቶ ኬረቴዳ ዎድያን ስመረቴድኖ። ሄ ጋላሳነ ቃማ ጫቁዋ ህንተ ላማናዉ ዳንዳዮፐ፥ 
\v 21 ታን አ ዛርያፐ ካዉተ አራታን ኡታና አሳይ ኡባካ የናዳን፥ ታ ቆማ ዳዊተና ጫቀቴዳ ጫቁዋ ላማና፤ ቃይ ኡባቶ ታዉ ኦያ፥ ሌዊያ ዛረ ግድያ ቄሳቱ ዋና ጫቀቴዳ ጫቁዋካ ላማና። 
\v 22 ታን ታ ቆማ ዳዊታ ዘረቱዋነ ታ ስንን ኦያ ሌዊያ ዛረ ቄሳቱ ዋ ፓይዳናዉ ዳንዳየተና ሳሉዋ ጾልንተቱዋዳንነ ማክና ዉረና አባ ሻፍያዳን ጮራያና” ያጌ።
\p
\v 23 መና ጎዳ ቃላይ ቃይካ ኤርማሳኮ ሀዋዳን ያጊደ ዬዳ፤ 
\v 24 “ሀ አሳይ፥ ‘መና ጎዳይ ባረ ዶሬዳ ላኡ ካዉተቱዋ፥ እስራኤልያነ ይሁዳ አግ ባሼዳ’ ያጊደ ሃሳይያዋ ኔን አኬካበይኪ? ኡንቱንቱ ታ አሳ ካደ፥ ባረና ዳንዳዬዳ ካዉተ ከስክኖ ጊደ ቆፒኖ። 
\v 25 ታን መና ጎዳይ ጋላሳናነ ቃማና ጫቀቴዳ ጫቁዋነ ሳሉዋነ ሳኣ ህግያ ምንቤናባ ግድንቶ፥ 
\v 26 ታን ያቆባ ዘረቱዋነ ታ ቆማ ዳዊታ ዘረቱዋ አጋ ባሻና፤ ያታቤናዋ ግድንቶ፥ አብራሃማ፥ ይሳቃነ ያቆባ ዛራቱዋ ቦላ ካተያናዉ ዳዊታ ዘረ ዶረናን አጋና። ታን ታ አሳ ማራና፤ ታን ኡንቱንታ ዛራደ እሻልሳና” ያጌዳ።
\c 34
\ms ኤርማሳ ዱማ ዱማ ኦሶቱዋ
\ms ካትያ ሰደቅያሳዉ ኦደቴዳ ትምቢትያ
\p
\v 1 ባብሎነ ካቲ ናቡካዳናጾር፥ አ ኦላንቻቱ ኡባይነ እ ሞድያ ካዉተቱዋን አሳይ ኡባይ፥ የሩሳላመነ የሩሳላመ ዩሹዋን ደእያ ካታማቱዋ ኡባ ኦልያ ዎደ፥ ሀ ቃላይ መና ጎዳፐ ኤርማሳዉ ዬዳ፤\x - \xo 34:1 \xo*\xt 2 ካታ. 25:1-11፤ 2 ኦዱዋ 36:17-21\xt*\x* 
\v 2 መና ጎዳይ እስራኤልያ ጾሳይ ሀዋዳን ያጌዳ፤ “ባ፤ ባደ ይሁዳ ካትያ ሰደቅያሳ ሀዋዳን ያጋ፤ መና ጎዳይ ሀዋዳን ያጌ፤ ‘በአ፥ ታን ሀ ካታማ ባብሎነ ካትያ ኩሽያን አደ እማና፤ እ ሀ ካታማ ታማን ጹጋና። 
\v 3 ኔን አ ኩሽያፐ ከሳ አካካ፤ ኔን ኦሞደታናነ አዉ አ እመታና። ኔን ነ አይፍያን ባብሎነ ካትያ በአና፤ እካ ኔናና ሃሳያና። ሄዋፐ ጉይያን፥ ኔን ባብሎነ ቢታ ባና ያጌ።
\p
\v 4 “ ‘ግዶፐነ፥ ይሁዳ ካትያዉ ሰደቅያሳ፥ መና ጎዳይ ግያዋ ስሳ! ነዋ መና ጎዳይ ሀዋዳን ያጌ፤ “ኔን ኦላን ሀይቃካ፤ 
\v 5 ኔን ሳሮ ሀይቁዋ ሀይቃና። ኔፐ ካሰ ደኤዳ ካተቱዋ ቦንቾ፥ ነ ማይዛ አዋቶ እጻና ጩዋዬዳዋዳን፥ አሳይ ነ ቦንቾካ እጻና ጩውሳና። ያቲደ፥ አዬ ኑ ካትያዉ ያጊደ ነዉ ዬካና። ታን መና ጎዳይ ሀዋ ኦዳይ” ያጌ’ ያጋደ ኦዳ” ያጌዳ።
\p
\v 6 ሄዋፐ ጉይያን፥ ትምቢትያ ኦድያ ኤርማስ ሀ ትምቢትያ ኡባ ይሁዳ ካትያ ሰደቅያሳዉ የሩሳላመን ኦዴዳ። 
\v 7 ሄ ዎደ ባብሎነ ካትያ ኦላንቻቱ የሩሳላመ ካታማነ ይሁዳን አቴዳ ካታማቱዋ ኦሌድኖ። ላክሻነ አዜቃ ጌተትያ ካታማቱዋ ጻላላይ ይሁዳን አቴዳ ግምበቴዳ ካታማቱዋ።
\s1 አይለቱዋ አይለተፐ ከስያ አዋዩዋ
\p
\v 8 ካቲ ሰደቅያስ አይለቱዋ አይለተፐ ከስያ አዋዩዋ አዋያናዉ የሩሳላመን አሳ ኡባና ቃላ ጫቁዋ ጫቀቴዳዋፐ ጉይያን፥ ኤርማሳዉ መና ጎዳፐ ቃላይ ዬዳ። ሄ አዋዩ፥ 
\v 9 “አሳይ ኡባይ ባረ እብራዌ አቱማ አሳቱዋነ ማጫ አሳቱዋ አይለተፐ ከሶ፤ ኦንነ አይሁዳ አሳ ግዴዳ ባረ እሻ አይለ ኦፖ” ያጌ። 
\v 10 ሄዋ ድራዉ፥ አሳይ ኡባይነ ካፓቱ ኡባይ ጫቀቴዳ ጫቁዋዳን፥ ባረንቱ አቱማነ ማጫ አይለቱዋ አይለተፐ ከሳናዉነ ላኤን ዛሪደ አይለየናን አጋናዉ ማዬድኖ፤ ኡንቱንታ አይለተፐ ከሴድኖ። 
\v 11 ሽን ባረንቱ ቆፋ ላሚደ፥ አይለተፐ ከሴዳ ባረንቱ አቱማነ ማጫ አይለቱዋ ዛሪደ አይለዬድኖ።
\p
\v 12 ሄዋፐ ጉይያን፥ መና ጎዳ ቃላይ ኤርማሳኮ ዬዳ። 
\v 13 መና ጎዳይ እስራኤልያ ጾሳይ ሀዋዳን ያጌ፤ “ታን ህንተ ማይዛ አዎቱዋ ግብጼፐ፥ አይለተ ቢታፐ ከሴዳ ዎደ፥ ኡንቱንቱና ቃላ ጫቁዋ ጫቃ ኡታድ። 
\v 14 ሄ ቃላ ጫቁዋ ማራን፥ ‘እብራዌ አይሊ ደእያ አሳይ ኡባይ፥ አይለቱዋ ኡሱፑን ላይ ኦስስ ስሚደ፥ ላፑን ላይ አይለተፐ ከስ የድተ’ ያጋደ አዛዛድ። ሽን ህንተ ማይዛ አዎቱ ታን ኦድያዋ ስሰናን እጼድኖ ታዉ አዛዘትበይክኖ።\x - \xo 34:14 \xo*\xt ዶመ 21:2፤ ዛረ. 15:12\xt*\x* 
\v 15 ህንተካ ማታ ዎድያፐ ካሰ ህንተ ናጋራ አጊደ፥ አይለቱዋ አይለተፐ ከሳናዉ አዋዬድታ፤ ታ ስንን ልከባ ኦድታ። ቃይ ሄዋ ኦናዉ ታ ስንን፥ ታ ሱንይ ጼሰትያ ታ ጌሻ ጎልያን ጫቁዋ ጫቀቴድታ። 
\v 16 ሽን ሀእካ ህንተ ህንተ ቆፋ ላሚደ፥ ታ ሱን ቱንሴድታ። ዎቲደ ጎፐ፥ ኡንቱንቱ ኮዬዳዋዳን፥ አይለተፐ ከሴዳ ህንተ አቱማነ ማጫ አይለቱዋ ዛሪደ አይለዬድታ።
\p
\v 17 “ሄዋ ድራዉ፥ ታን መና ጎዳይ ኦድያዌ ሀዋ: ህንተ ታዉ አዛዘተናን እጺደ፥ ህንተ እሻ ዎይ ህንተ ሾሩዋ አይለተፐ ከስያ አዋዩዋ አዋይበይክታ። በእተ፥ ህንተ ቦላ ኦላይ ኢታ ሀርጊነ ኮሻይ ከሳና ማላ፥ ታን አዋያይ። ታን ህንተና ሳኣ ቦላ ደእያ ካዉተቶ ዳጋማ ኦና። 
\v 18 ታ ቃላ ጫቁዋ መንዳ አሳ፥ ታ ስንን ቃላ ጫቀቴዳ ጫቁዋ ቃላቱዋ ናገናን እጼዳ አሳ፥ ኡንቱንቱ ጫቆ ሹኪደ፥ ባጋ ባጋ ከስ ማራን ዎደ፥ ላኡ ባጋፐ ግዱዋና አደ፥ ሄ ማራዳን ታን ኡንቱንታ ኦና። 
\v 19 ሄ አሳቱካ ይሁዳ ካፓቱዋ፥ የሩሳላመ ካፓቱዋ፥ ቢታ ሞድያዋንታ፥ ቄሳቱ ዋነ ማራን ዎዳ ማራ አሹዋ ግዱዋና መንዳ አሳ ኡባ። 
\v 20 ታን ኡንቱንታ ኡንቱንቱ ሞርከቱዋ ኩሽያንነ ኡንቱንታ ዎናዉ ኮይያ አሳቱዋ ኩሽያን አደ እማና፤ ኡንቱንቱ አሃይ ሳሉዋ ካፎቶነ ሳኣ ዶአቶ ቁማ ግዳናዋ።
\p
\v 21 “ታን ይሁዳ ካትያ ሰደቅያሳነ አ ካፓቱዋካ ኡንቱንቱ ሞርከቱዋ ኩሽያን፥ ኡንቱንታ ዎናዉ ኮይያዋንቱ ኩሽያንነ ህንተና ኦልያዋ አጌዳ ባብሎነ ካትያ ኦላንቻቱዋ ኩሽያን አደ እማና። 
\v 22 ታን መና ጎዳይ ባብሎነ ኦላንቻቱዋ አዛዛና፤ ኡንቱንቱ ሀ ካታማ ስማና። ኡንቱንቱ ሀ ካታማ ኦላና፥ ኦሞዳናነ ታማን ጹጋና። ይሁዳን ደእያ ካታማቱዋካ አሳይ ደኤና አይነ ባይና ሳኣ ኦና” ያጌ።
\c 35
\s1 ኤርማሳነ ረካባ ያራቱዋ
\p
\v 1 እዮስያሳ ናኣ ይሁዳ ካትያ እዮአቄማ ላይን፥ ኤርማሳዉ መና ጎዳፐ ቃላይ ሀዋዳን ያጊደ ዬዳ፤\x - \xo 35:1 \xo*\xt 2 ካታ. 23:36—24:6፤ 2 ኦዱዋ 36:5-7\xt*\x* 
\v 2 “ረካባ ያራ ግድያ አሳኮ ባደ፥ ኡንቱንቱና ሃሳያ። ጌሻ ጎልያ ክፍለቱዋፐ እቱዋ ግዶ ገልሳደ ዎይንያ ኤሳ ኡንቱንቶ እማ” ያጌዳ። 
\v 3 ባደ፥ ሀባዲንያ ናኣ ናኣ፥ ኤርማሳ ናኣ ያአዛንያ፥ አ እሻቱዋነ አ አቱማ ናናቱዋ ኡባ፥ ሄዋ ግያዌ ረካባ ያራ ሙልያ አካደ፥ 
\v 4 መና ጎዳ ጎልያ አሃድ። ይግዳልያ ናኣ፥ ትምቢትያ ኦድያ ሀናና ኤርስያ ቆማቱዋ ክፍልያ ኡንቱንታ ገልሳድ። ሄ ክፍሊ ፐንግያ ናግያ ሻሉማ ናኣ ማእሴያ ክፍልያፐ ቦላ ባጋና፥ ካፖቱዋ ክፍልያ ማታን ደኤ። 
\v 5 ሄዋፐ ጉይያን፥ ታን ረካባ ያራቱዋ ስንን ዎይንያ ኤሳይ ኩሜዳ ጹጋቱዋነ ጹአቱዋ ዎደ፥ “ዎይንያ ኤሳ ኡሽተ” ያጋድ።
\p
\v 6 ሽን ኡንቱንቱ ዛሪደ፥ “ኑን ዎይንያ ኤሳ ኡሾኮ፤ አያዉ ጎፐ፥ ኑ ማይዛ አዉዋ ረካባ ናአይ ዮናዳብ ኑና፥ ‘ህንተካ ህንተ ናናቱካ ዎይንያ ኤሳ መናዉ ኡሾፕተ። 
\v 7 ቃይ ጎልያ ኬጾፕተ፤ ዘረ ዘሮፕተ፤ ዎይንያ ቱራካ ቶኮፕተ። ሄዋ አጊደ፥ ዱንካነ ግዶን ደእተ። ያቶፐ ህንተ አዱሳ ላይ ሀ ቢታን ደአና’ ያጌዳ። 
\v 8 ኑ ማይዛ አዉዋ ረካባ ናአይ ዮናዳብ ኑና አዛዜዳ ኡባዉ ኑን አዛዘቴዶ። ኑን፥ ዎይ ኑ ማጫ አሳቱ፥ ዎይ ኑ አቱማ ናናቱ፥ ዎይ ኑ ማጫ ናናቱ ኑ ደኡዋ ላይ ኡባን ዎይንያ ኤሳ ኡሽበይኮ፤ 
\v 9 ደእያ ጎልያካ ኬጽበይኮ፤ ዎይንያ ቱራ ሳአይ፥ ዎይ ጎሻይ፥ ዎይ ዘረይካ ኑዉ ባዋ። 
\v 10 ኑን ዱንካነ ግዶን ደኤዶ፤ ኑ ማይዛ አዉ ዮናዳብ አዛዜዳ ኡባዉካ አዛዘቴዶ። 
\v 11 ሽን ባብሎነ ካቲ ናቡካዳናጾር ኑ ቢታ ቦላ ዎራጄዳ ዎደ፥ ‘ባብሎነቱዋነ ሶረቱዋ ኦላንቻቱዋፐ አታናዉ፥ ሃ የሩሳላመ አነ ቦይተ’ ያጌዳ። ሀእ ኑን የሩሳላመን ደእያዌ ሄዋሳ” ያጌድኖ።
\p
\v 12 ሄዋፐ ጉይያን፥ መና ጎዳ ቃላይ ኤርማሳዉ ዬዳ። 
\v 13 ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “ባ፤ ባደ ይሁዳ አሳነ የሩሳላመ አሳ ሀዋዳን ያጋ፤ ‘ታ ቃላ ስስያዋነ ታን ታማርሴዳዎ አዛዘትያዋ አያዉ እጼድቴ? ታን መና ጎዳይ ሀዋ ኦዳይ። 
\v 14 ረካባ ናአይ ዮናዳብ ባረ አቱማ ናናቱዋ ዎይንያ ኤሳ ኡሸናዳን አዛዜዳ አዛዙዋ ኡንቱንቱ ናጌድኖ፤ ኡንቱንቱ ባረንቱ ማይዛ አዉዋ አዛዞ አዛዘቴዳ ድራዉ፥ ሀች ጋካናዉ ዎይንያ ኤሳ ኡሾኮ። ህንተዉ ዛራ ዛራደ ኦዳይ፤ ሽን ህንተ ታን ኦድያዋ ስስበይክታ። 
\v 15 ቃይ ታን ዛራ ዛራደ ትምቢትያ ኦድያ ታ ቆማቱዋ ኡባ ህንተኮ የዳድ፤ ኡንቱንቱ፥ “ህንተ ኡባይካ ህንተ ኢታ ኦግያፐ ሀእ ስምተ፤ ህንተ ኦሱዋካ ሎይተ፤ ሀራ ጾሳቶ ጎይኖፕተነ ኦፕተ። ያቶፐ፥ ታን ጾሳይ ህንተዉነ ህንተ ማይዛ አዋቶ እሜዳ ቢታን ህንተ ደአና” ያጌድኖ። ሽን ህንተ ታን ኦድያዋ ስሳናዉ ህንተ ሀይ ታኮ የግክታ። 
\v 16 ረካባ ናኣ ዮናዳባ ዘረቱ ኡንቱንቱ ማይዛ አዉ ኡንቱንታ አዛዜዳ አዛዙዋ ፖሌድኖ፤ ሽን ሀ አሳይ ታዉ አዛዘትቤና’ ያጋ” ያጌ።
\p
\v 17 ሄዋ ድራዉ፥ መና ጎዳይ ጾሳይ፥ ኡባፐ ዎልቃማይ፥ እስራኤልያ ጾሳይ ሀዋዳን ያጌ፤ “ስስተ፥ ታን ይሁዳ አሳ ቦላነ የሩሳላመን ደእያዋንቱ ቦላ አሀና ጌዳ ኢታባ አሀና። አያዉ ጎፐ፥ ታን ኡንቱንቶ ኦዳድ፤ ኡንቱንቱ ስሰናን እጼድኖ። ታን ኡንቱንታ ጼሳድ፤ ጼስና ኡንቱንቱ ኮየናን እጼድኖ” ያጌ።
\p
\v 18 ሄዋፐ ጉይያን፥ ኤርማስ ረካባ ያራቱዋ ሀዋዳን ያጌዳ፤ “ኡባፐ ዎልቃማ መና ጎዳይ፥ እስራኤልያ ጾሳይ ህንተና ሀዋዳን ያጌ፤ ‘ህንተ ህንተ ማይዛ አዉዋ ዮናዳባዉ አዛዘቴዳ ድራዉ፥ አ ዎጋ ካሌዳ ድራዉነ እ አዛዜዳዋ ኡባካ ፖሌዳ ድራዉ፥ 
\v 19 ረካባ ናአይ ዮናዳብ ታዉ ኡባፐ ዎልቃማ መና ጎዳዉ እስራኤልያ ጾሳዉ ኦያ አቱማ አሳ አዉደነ የና’ ያጌ” ያጌዳ።
\c 36
\s1 ባሩክ ጻ ማጻፋ አሳዉ ናባቤዳ
\p
\v 1 እዮስያሳ ናአይ ይሁዳ ካቲ እዮአቄም ካተቴዳ ኦይደን ላይን፥ መና ጎዳይ ኤርማሳ ሀዋዳን ያጌዳ፤\x - \xo 36:1 \xo*\xt 2 ካታ. 24:1፤ 2 ኦዱዋ 36:5-7፤ ዳኔላ 1:1-2\xt*\x* 
\v 2 “እት ጻ ማጻፋ አካደ፥ ታን እዮስያሳ ዎድያን ኮይሮ ነዉ ኦዴዳ ጋላሳፐ ዶማደ፥ ሀች ጋካናዉ እስራኤልያ ቦላ፥ ይሁዳ ቦላነ ሀራ ካዉተቱዋ ኡባ ቦላ ሃሳዬዳ ቃላ ኡባ ጻፋ። 
\v 3 ታን ይሁዳ አሳ ቦላ አሀና ጋደ ሀልቼዳ ቦሻ ኡባ ስሲደ፥ ኦን ኤሪ፥ ኡንቱንቱ ባረንቱ ኢታ ኦሱዋፐ ስማነንቶነ። ታን ኡንቱንቱ ናቁዋነ ኡንቱንቱ ናጋራ አቶ ጋና” ያጌዳ።
\p
\v 4 ሄዋ ድራዉ፥ ኤርማስ ኔርያ ናኣ ባሮካ ጼሴዳ፤ መና ጎዳይ አዉ ኦዴዳባ ኡባ ባሮካዉ ኦድና፥ እ ጻ ማጻፋን ጻፌዳ። 
\v 5 ሄዋፐ ጉይያን፥ ኤርማስ ባሮካ፥ “ታን ቃሾ ጎልያን ደእያ ድራዉ፥ መና ጎዳ ጌሻ ጎልያ ገላናዉ ዳንዳይከ። 
\v 6 ሄዋ ድራዉ፥ ኔን አሳይ ጾምያ ጋላስ መና ጎዳ ጎልያ ባደ፥ ታን ኦድና፥ ኔን ጻ ማጻፋን ጻፌዳ መና ጎዳ ቃላ ኡንቱንቶ ናባባ፤ ባረንቱ ካታማቱዋፐ ዬዳ ይሁዳ አሳዉ ኡባዉካ ናባባ። 
\v 7 ሀ አሳ ቦላ መና ጎዳይ አዋዬዳ ሀንቁነ ይሉ ኢታ ግድያ ድራዉ፥ ኦን ኤሪ፥ ኡንቱንቱ ባረንቱ ኢታ ኦሱዋፐ ስሚደ፥ መና ጎዳ ዎሳነንቶነ” ያጌዳ። 
\v 8 ኔርያ ናአይ ባሩክ ትምቢትያ ኦድያ ኤርማስ አዛዜዳዋዳን፥ መና ጎዳ ጎልያን መና ጎዳ ቃላ ኡባ ናባቤዳ።
\p
\v 9 እዮስያሳ ናአይ ይሁዳ ካቲ እዮአቄም ካተቴዳ እቼሸን ላይን፥ ኡዱፑን አግናን፥ የሩሳላመን ደእያ አሳዉነ ይሁዳ ካታማቱዋፐ ዬዳ አሳዉ ኡባዉ መና ጎዳ ስንን ጾማናዳን አዋዬድኖ። 
\v 10 ባሩክ መና ጎዳ ጌሻ ጎልያን፥ ቆሞ ባጋ ዳባባን፥ ኦራ ፐንግያ ግያ ሳን ደእያ፥ ጻፍያ ሳፋና ናኣ፥ ጋማርያ ክፍልያን ኤቂደ፥ ኤርማሳ ቃላይ ጻፈቲደ ጻ ማጻፋ አሳዉ ኡባዉ ናባቤዳ።
\s1 ባሩክ ጻ ማጻፋ ካፓቶ ናባቤዳ
\p
\v 11 ሳፋና ናኣ ናአይ፥ ጋማርያ ናአይ ምካይ ማጻፋፐ መና ጎዳ ቃላ ባሩክ ናባብሽና ስሴዳ ዎደ፥ 
\v 12 ካትያ ጎልያን ጻፊ ኡትያ ክፍልያ ቤዳ። እ ብያ ዎደ፥ ጻፊ ኤልሻማእ፥ ሻማእያ ናአይ ዳላይ፥ አክቦራ ናአይ ኤልናታን፥ ሳፋና ናአይ ጋማሪ፥ ሀናንያ ናአይ ጽድቄነ ሀራ ካፓቱ ሄዋን ኡቴድኖ። 
\v 13 ባሩክ አሳዉ ማጻፋፐ ናባብሽና ስሴዳ ቃላ ኡባ ምካይ ኡንቱንቶ ኦዴዳ። 
\v 14 ካፓቱ ናታንያ ናኣ ይሁዳ ባሩካኮ ኪቲደ፥ “አሳዉ ኔን ናባቤዳ ማጻፋ አካደ ሃያ” ያጌድኖ። ናታኒ ሸሌምያ ናኣ፤ ሸሌም ኩሻ ናኣ። ያግና ባሩክ ማጻፋ አኪደ፥ ኡንቱንቱኮ ዬዳ። 
\v 15 ኡንቱንቱካ አ፥ “አነ ኡታደ፥ ኑዉ ማጻፋ ናባባ” ያጌድኖ።
\p ባሩክ ማጻፋ ናባቤዳ። 
\v 16 እ ናባቤዳ ቃላ ኡባ ስሴድኖ፤ ኡባይካ ያዪደ፥ እቱ እቱዋ ጼሊደ፥ ባሮካ፥ “ሀ ቃላ ኡባ ኑን ካትያዉ ኦዳናዉ ኮሼ” ያጌድኖ። 
\v 17 ቃይካ ዛሪደ፥ “ኔን ሀ ቃላ ኡባ ዎታደ ጻፌደንቶ ኑዉ ኦዳ። ሀዋ ነዉ ኤርማስ ባረ ዶናፐ ኦድና ጻፋዲ?” ያጌድኖ።
\p
\v 18 ባሩክ፥ “ኤ፥ ሀ ቃላ ኡባ ኤርማስ ባረ ዶናፐ ታዉ ኦዴዳ፤ ታን ቃላምያን ሀ ጻ ማጻፋን ጻፋድ” ያጌዳ።
\p
\v 19 ኡንቱንቱ ባሮካ፥ “ኔንነ ኤርማስ ቢደ ቆሰትተ፤ ህንተ ደእያ ሳኣካ ኦንነ ኤሮፖ” ያጌድኖ።
\s1 ካቲ ጻ ማጻፋ ጹጌዳ
\p
\v 20 ካፓቱ ማጻፋ ጻፍያ ኤልሻማአ ክፍልያን ዎዋፐ ጉይያን፥ ካቲ ደእያ ዳባባ ቢደ፥ ሀኔዳዋ ኡባ ካትያዉ ኦዴድኖ። 
\v 21 ሄ ማጻፋ አሀና ማላ፥ ካቲ ይሁዳ ኪቴዳ፤ ይሁዳይ ጻ ማጻፋ ኤልሻማአ ክፍልያፐ አሂደ፥ ካትያዉነ አ ዩሹዋን ኤቄዳ ካፓቶ ናባቤዳ። 
\v 22 ኡዱፑን አግናን ሳአይ ባልጉዋ ግድያ ድራዉ፥ ካቲ ባልጉዋ አያ ጎልያን ኡቴዳ። ሄ ዎደ ካትያ ስንን ደእያ ጮጭያን ታማይ ኤጼ። 
\v 23 ይሁዳይ ሄዙ ዎይ ኦይዱ ሳአቱዋ ናባቤዳዋፐ ጉይያን፥ ካቲ ሄ ሳአቱዋ ጻ ማጻፋፐ ሳንጽያን ቃንጽ ቃንጺደ፥ ታማን ኦሌዳ፤ ሄዋዳን ኦደ፥ ሄ ማጻፋ ሙለናካ ጹግ አጌዳ። 
\v 24 ሀ ቃላ ኡባ ስሲደካ ካዉነ አናና ኦያ ካፓቱ አይነ ያይበይክኖ፤ ዎይ ካዮቲደ፥ ባረንቱ ማዩዋ ፔበይክኖ። 
\v 25 ሀራይ አቶ ኤልናታን፥ ዳላይነ ጋማሪ ካቲ ሄ ማጻፋ ጹገናዳን ዎስናካ፥ ኡንቱንቱ ዎሳ ስሰናን እጼዳ። 
\v 26 ካትያ ናኣ ይራህማኤላ፥ አዝርኤላ ናኣ ሳራያነ አብድኤላ ናኣ ሸሌምያ፥ ጻፍያ ባሮካነ ትምቢትያ ኦድያ ኤርማሳ ኦይቃና ማላ ካቲ አዛዜዳ። ሽን መና ጎዳይ ኡንቱንታ ቆሴዳ።
\s1 ኤርማስ ዛር ጻፌዳ ጻ ማጻፋ
\p
\v 27 ኤርማስ ኦድና፥ ባሩክ ጻፌዳ ቃላይ ደእያ ማጻፋ ካቲ ጹግ ስምና፥ መና ጎዳ ቃላይ ኤርማሳኮ ሀዋዳን ያጊደ ዬዳ፤ 
\v 28 “ሀእካ ሀራ ጻ ማጻፋ አካደ፥ ይሁዳ ካቲ እዮአቄም ካሰ ጹጌዳ ጻ ማጻፋ ግዶን ደእያ ቃላ ኡባ ጻፋ። 
\v 29 ቃይ ይሁዳ ካትያ እዮአቄማ ሀዋዳን ያጋ፦ ‘መና ጎዳይ ሀዋዳን ያጌ፤ “ኔን፥ ባብሎነ ካቲ ቱሙዋፐ ዪደ፥ ሀ ቢታ ባይዛና፤ ቃይ እዝ ግዶን ደእያ አሳነ መህያካ ዉርሳና” ጋደ አያዉ ጻፋዲ?’ ያጋደ ማጻፋ ጹጋዳ። 
\v 30 ሄዋ ድራዉ፥ ታን መና ጎዳይ ነዉ ይሁዳ ካትያ ዮአቄማዉ ሀዋ ኦዳይ: ዳዊታ ካዉተ አራታን ኡትያ ዛሪ ነዉ ኡባካ ደኤና። ነ አሃይካ ጮ ኦለቲደ፥ ጋላስ አዋ ሱሉዋንነ ቃማ ሜጉዋን ሾጨታና። 
\v 31 ህንተ ናጋራ ድራዉ ኔና፥ ነ ዛርያነ ኔናና ኦያ ኡባ ታን ሙራና። ህንተ ታን ኦዴዳዋ ስሰናን እጼዳ ድራዉ፥ ታን ኦዴዳ ኢታባ ኡባ ህንተ ቦላነ ይሁዳንነ የሩሳላመን ደእያ አሳ ቦላ አሀና ያጌ ያጋ” ያጌዳ።
\p
\v 32 ሄዋፐ ጉይያን፥ ኤርማስ ሀራ ጻ ማጻፋ አኪደ፥ ኔርያ ናኣ ጻፍያ ባሮካዉ እሜዳ። ባሩክ ይሁዳ ካቲ እዮአቄም ታማን ጹጌዳ ጻ ማጻፋ ቃላ ኡባ ኤርማስ አዉ ዶናን ኦድና ጻፌዳ። ቃይ ኤርማስ ሄዋ ማላትያ ሀራ ቃላካ ጉጅን፥ ኡባካ ባሩክ ጻፌዳ።
\c 37
\s1 ኤርማሳነ ካትያ ሰደቅያሳ
\p
\v 1 ባብሎነ ካቲ ናቡካዳናጾር እዮአቄማ ናኣ ዮኣኪና ሳኣን እዮስያሳ ናኣ ሰደቅያሳ ይሁዳ ቢታን ካዉዳ።\x - \xo 37:1 \xo*\xt 2 ካታ. 24:17፤ 2 ኦዱዋ 36:10\xt*\x* 
\v 2 ሰደቅያስ፥ አናና ኦያ ካፓቱነ ሄ ቢታን ደእያ አሳይ ኡባይካ መና ጎዳይ ትምቢትያ ኦድያ ኤርማሳ ባጋና ኦዴዳ ቃላዉ አዛዘትበይክኖ። 
\v 3 ሽን ካቲ ሰደቅያስ ሸሌምያ ናኣ የሁካላነ ማእሴያ ናኣ ቄስያ ጻፋንያ ሀዋዳን ያጊደ፥ ኤርማሳኮ ኪቴዳ፤ “ሀያና ኑ ድራዉ መና ጎዳ ኑ ጾሳ ዎሳ” ያጌዳ።
\p
\v 4 ሄ ዎደ ኤርማስ ብሮ ቃሸት ቤና ድራዉ፥ አሳ ግዶን ስመረቴ። 
\v 5 ግብጼ ካትያ ኦላንቻቱ፥ ግብጼፐ ከሲደ ይያዋ የሩሳላመ ዶዴዳ ባብሎነ ኦላንቻቱ ስሴዳ ዎደ፥ ኡንቱንቱ የሩሳላመፐ አጊደ፥ ጉየ ስሜድኖ።
\p
\v 6 ሄዋፐ ጉይያን፥ መና ጎዳ ቃላይ ትምቢትያ ኦድያ ኤርማሳኮ ዬዳ። 
\v 7 መና ጎዳይ እስራኤልያ ጾሳይ ሀዋዳን ያጌ፤ “ታና ህንተ ኦቻና ማላ፥ ህንተና ኪቴዳ ይሁዳ ካትያዉ ሀዋዳን ያግተ፤ ‘በእተ፥ ህንተና ማዳናዉ ከሴዳ ግብጼ ካትያ ኦላንቻቱ ባረንቱ ቢታ ስሚደ ባና። 
\v 8 ቃይ ባብሎነ ኦላንቻቱ ስሚደ ያና፤ ኦለቲደ፥ ሀ ካታማ ኦይቃና፤ ታማንካ አ ጹጋና’ ያግተ” ያጌ።
\p
\v 9 መና ጎዳይ ሀዋዳን ያጌ፤ “ ‘ባብሎነ ኦላንቻቱ ላኤን ስሚደ ዪክኖ’ ያጊደ ህንተና ህንተረካ ጭሞፕተ። አያዉ ጎፐ፥ ኡንቱንቱ ስሚደ ያናዌ ደኤና! 
\v 10 ህንተ ባብሎነ ኦላንቻቱዋ ሙልያ ጾንንቶነ ኡንቱንቱፐ አቲደ፥ ኦላን ማዱጺደ፥ ዱንካንያ ግዶን ግሴዳዋንቱካ ደንዲደ፥ ሀ ካታማ ታማን ጹጋና” ያጌ።
\s1 ኤርማስ ቃሸቴዳ
\p
\v 11 ግብጼ ካትያ ኦላንቻቱ ማቴዳ ድራዉ፥ ባብሎነ ኦላንቻቱ የሩሳላመ አጊደ፥ ባረንቱ ደእያ ሳኣፐ ጉየ ስሜድኖ። 
\v 12 ሄ ዎደ ኤርማስ ባረና ጋክያ ጋድያ አካናዉ ቢንያማ ቢታ ባናዉ የሩሳላመፐ ደንዴ። 
\v 13 ግዶ ሽን፥ እ ቢደ፥ ቢንያማ ፐንግያ ግያ ፐንግያ ጋክሽና፥ ፐንግያ ናግያዋንቱፐ እቱ፥ ሀናንያ ናኣ ሸሌምያ ናአይ፥ ዪርያ ግያዌ አ፥ “ነ ኑና ካዳደ ባብሎነ ባሳ ግድኪ?” ያጊደ ኦይቄዳ።
\p
\v 14 ኤርማስ ዛሪደ፥ ሀዋዳን ያጌዳ፤ “ኔን ግያዌ ዎርዱዋ፤ ታን ባብሎነ ብያ አሳ ግድከ” ያጌዳ። ሽን ዪሪ እ ግያዋ ስሰናን እጼዳ፤ ኤርማሳ ኦይቂ አኪደ፥ ካፓቱዋኮ አፌዳ። 
\v 15 ካፓቱካ ሎይ ሀንቀቲደ፥ ኤርማሳ ዋድኖ፤ ኡንቱንቱ ቃሾ ጎልያ ከሴዳ፥ ጻፍያ ዮናታና ጎልያን አፊደ ዎድኖ። 
\v 16 ኤርማስ ሄዋን ቢታ ግዶን ደእያ ክፍልያን ዳሮ ዎድያ ጋምኤዳ።
\p
\v 17 ሄዋፐ ጉይያን፥ ካቲ ሰደቅያስ አሳ ኪቲደ፥ ኤርማሳ ባረ ደኢያሳ ካትያ ጎልያ ጼስሴዳ፤ አሳይ ኤረናን አ፥ “መና ጎዳይ ነዉ ኦዴዳዌ አየንቶ ደኢ?” ያጊደ ኦቼዳ።
\p ኤርማስ ዛሪደ፥ “ኤ ደኤ፤ ኔን ባብሎነ ካትያ ኩሽያን አአደ እመታና” ያጌዳ። 
\v 18 ቃይካ ኤርማስ ካትያ ሰደቅያሳ ሀዋዳን ያጊደ ኦቼዳ፤ “ታና ህንተ ቃሾ ጎልያን የጋናዉ ታን ነ ቦላን፥ ነዉ ኦያ ካፖቱዋ ቦላን ዎይ ሀ አሳ ቦላን አያ ባይዙዋ ኦድታ? 
\v 19 ቃይ፥ ‘ባብሎነ ካቲ ህንተ ቦላንነ ሀ ቢታ ቦላን ዪደ ኦለና’ ያጊደ ነዉ ትምቢትያ ኦዴዳ ነ ናባቱ ሀእ ሀቃን ደእኖ? 
\v 20 ሄዋ ድራዉ፥ ታ ጎዳዉ ካትያዉ፥ ስሳ! ታን ኦችያዋ ኔን ፖላና ማላ፥ ኔና ዎሳይ። ታን ሄ ሳኣን ሀይቀናዳን፥ ቃሾ ጎልያ ግድያ ጻፍያ ዮናታና ጎልያዉ ታና ጉየ ዛሮፓ” ያጌዳ።
\p
\v 21 ሄዋ ድራዉ፥ ካቲ ሰደቅያስ ናግያዋንቱ ዳባባን ኤርማሳ ዎና ማላ አዛዜዳ። ሄዋን አ ዎ ደእሽን፥ ካታማፐ ዳቡ ያና ጋካናዉ፥ ሀች ሀች እት እት ዳቡዋ ኡክያሳፐ አይ አሂደ፥ አዉ እሜድኖ። ሄዋ ድራዉ ኤርማስ ካትያ ዛባን ናጉዋን ጋምኤዳ።
\c 38
\s1 ኤርማስ ሃ ኦላን ኦለቴዳ
\p
\v 1 ማታና ናአይ ሻፋጸ፥ ፓሽሁራ ናአይ ጋዳሌ፥ ሸሌምያ ናአይ የሁካልነ ማልክያ ናአይ ፓሽሁር ኤርማስ አሳ ኡባዉ ኦዴዳ ቃላቱዋ ስሴድኖ። 
\v 2 ኤርማስ ጊደ፥ “መና ጎዳይ ሀዋዳን ያጌ፤ ‘ሀ ካታማን አትያ ኦንነ ኦላን፥ ኮሻንነ ኢታ ሀርግያን ሀይቃና። ሽን ባብሎነቱዋኮ ብያ ኦንነ ሀይቀና። ባረ ሁጲያ አሻና፤ ፓጻካ ደአና’ ያጌ። 
\v 3 ቃይካ መና ጎዳይ፥ ‘ሀዌ የሩሳላመ ካታማይ ቱሙፐ ባብሎነ ካትያ ኦላንቻቱዋ ኩሽያን አደ እመታና፤ ኡንቱንቱካ አ ኦሞዳና’ ያጌ” ያጌዳ።
\p
\v 4 ሄዋፐ ጉይያን፥ ካፓቱ ካትያኮ ቢደ፥ ሀዋዳን ያጌድኖ፤ “ሀ ብታኒ ሀይቃናዉ ኮሼ፤ ሀዋ ማላ ጻላ ቃላ ሃሳዪደ፥ ሀ ካታማን ደእያ ኦላንቻቱነ አሳይ ኡባይ ሹጋናዳን ኦዳ። እ አሳ ቆህያዋ አሞቴፐ አትና፥ ሳሮባ አሞተና” ያጌድኖ።
\p
\v 5 ካቲ ሰደቅያስ ዛሪደ፥ ሀዋዳን ያጌዳ፤ “ህንተ አ ቦላ ኦና ጌዳዋ አያነ ታን ህንተና ድጋናዉ ዳንዳይከ” ያጌዳ። 
\v 6 ኡንቱንቱ ኤርማሳ ካትያ ጎልያ ዳባባን ደእያ፥ ካትያ ናኣ ማልክያ ሃ ኦላን የጌድኖ፤ ኡንቱንቱ ዎዶሩዋን አ ዱገ ዎድኖ። ሄ ዎደ ሄ ኦላን ስልሙዋፐ አትና፥ ሃ ባዋ፤ ኤርማስ ሄ ስልሙዋ ግዶ ገሌዳ።
\p
\v 7 ሽን ቶጵያ አሳ ግድያ፥ ካትያ ጎልያን ኦያ፥ አበድመሌካ ግያዌ ኤርማስ ኦላን ኦለቴዳዋ ስሴዳ። ሄ ዎደ ካቲ ቢንያማ ፐንግያን ፕርዳ ችሎታን ኡቴዳ። 
\v 8 አበድመሌክ ካትያኮ ቢደ፥ ሀዋዳን ያጌዳ፤ 
\v 9 “ታ ጎዳዉ ካትያዉ፥ ሀ አሳቱ ዎልቃማ ኢታባ ኦድኖ፤ ሄዌካ አዬ ጎፐ፥ ትምቢትያ ኦድያ ኤርማሳ ሃ ኦላን የጌድኖ። ቃይ ካታማን ቁም ባይና ድራዉ፥ እ ሄዋን ኮሻን ሀይቄ” ያጌዳ።
\p
\v 10 ካቲ ዛሪደ፥ ቶጵያ አሳ ግድያ አበድመሌካ፥ “ሀዋፐ ሀታሙ አሳ ኔናና አካደ ባደ፥ ኤርማስ ሀይቀናን ደእሺና፥ ሃ ኦላፐ ከስተ” ያጌዳ።
\p
\v 11 አበድመሌክ አሳ አኪደ ቤዳ፤ ካትያ ጎልያን ዱረታ ምንጅያ ክፍልያፐ ጋርሳ ባጋና ደእያ ክፍልያ ገሊደ፥ ኤጫ ማዩዋ ጩርቃ አኬዳ። ሄ ጩርቃ ዎዶሩዋ ጼራን ቃቺደ፥ ኤርማሳዉ ዱገ ኦላ ግዶ የዴዳ። 
\v 12 ቶጵያ አሳ ግድያ አበድመሌክ ኤርማሳ ኦላ ግዶ ዱገ ጼጊደ፥ “ሀዋ ማዩዋ ጩርቃ ዎዶሩዋፐ ጋርሳ ባጋና ነ ሾጵያን ዎ” ያጌዳ። ኤርማስካ እ ጌዳዋዳን ኦዳ። 
\v 13 ያትና፥ ሄ ዎዶሩዋን ጎቺደ፥ ኤርማሳ ኦላፐ ከሴድኖ። ናግያዋንቱ ዳባባ ገልሲደ ጎርዴድኖ።
\s1 ሰደቅያስ ኤርማሳ ላኤንዋካ ኦቼዳ
\p
\v 14 ሄዋፐ ጉይያን፥ ካቲ ሰደቅያስ ኤርማሳኮ ኪት አህሲደ፥ መና ጎዳይ ጌሻ ጎልያ ገልያ ሄዘን ፐንግያ ማታን አ፥ “ታን እትባ ኔና ኦቻና። ኔን ታፐ አያነ ቆሶፓ” ያጌዳ።
\p
\v 15 ኤርማስ ዛሪደ ሰደቅያሳዉ፥ “ታን ኦዶፐ፥ ኔን ታና ዎኪ? ታን ዞርናካ፥ ኔን ስሳካ” ያጌዳ።
\p
\v 16 ካቲ ሰደቅያስ ኤርማሳዉ ቆሱዋን ሀዋዳን ያጊደ ጫቄዳ፤ “ታን ኔና ዎናዋነ ቃይ ኔና ዎናዉ ኮይያዋንቶ አደ እመናዋ ኑዉ ደኡዋ እሜዳ መና ጎዳ ሱንን ጫቃይ” ያጌዳ።
\p
\v 17 ኤርማስ ሰደቅያሳዉ ዛሪደ፥ “መና ጎዳይ፥ ኡባፐ ዎልቃማ ጾሳይ፥ እስራኤልያ ጾሳይ ሀዋዳን ያጌ፤ ‘ባብሎነ ካትያ ካፖቶ ኩሽያ እሞፐ፥ ኔን ፓጻ አታና፤ ሀ ካታማይካ ታማን ጹገተና፤ ኔንካ ነ ጎልያ አሳይካ ፓጻ ደአና። 
\v 18 ሽን ኔን ኡንቱንቶ ኩሽያ እመናን እጾፐ፥ ሀ ካታማ ባብሎነቱ ኦሞዳና፤ ኡንቱንቱ አ ጹጋና፤ ኔንካ ኡንቱንቱፐ ከሳ አካካ’ ያጌ” ያጌዳ።
\p
\v 19 ቃይካ ካቲ ሰደቅያስ ኤርማሳ፥ “ታን ያይያዌ ሀ ቢታፐ ካዲደ፥ ባብሎነቱዋኮ ቤዳ አይሁዳቱዋሳ። አያዉ ጎፐ፥ ባብሎነቱ ታና ኡንቱንቱ ኩሽያን አደ እሞፐ፥ አይሁዳቱ ታና ቱጋያና” ያጌዳ።
\p
\v 20 ኤርማስ ዛሪደ፥ “አየንቶ ባዋ! ኡንቱንቱ ኔና ኡንቱንቶ አደ እምክኖ። ኦድያ መና ጎዳ ቃላዉ ሀያና አዛዘታ። ሄዌ ነዉ ሎኦ ግዳናዋ፤ ኔንካ ፓጻ አታናሳ። 
\v 21 ሽን ኔን ኩሽያ እመናን እጾፐ፥ መና ጎዳይ ታና በሴዳ ሳጻይ ደኤ። 
\v 22 ሄዌካ አዬ ጎፐ፥ ይሁዳ ካትያ ጎልያን አቴዳ ማጫ አሳቱ ኡባይ ኦሞደቲደ፥ ባብሎነ ካፓቱዋኮ ባና። ኡንቱንቱ ኔና ሀዋዳን ያጋና፤ ‘ነዉ ማታ ላገ ግድያዋንቱ ኔና ባለድኖ፤ ኡንቱንቱ ኔና ጾኔድኖ። ሽን ሀእ ነ ገዲ ስልሙዋ ግዶ ገልና፥ ሄ ላገቱ ኔና የጊደ ቤድኖ’ ያጋና። 
\v 23 ቃይ ነ ማቼቱነ ነ ናናቱ ኡባይ ባብሎነቱዋን ኦሞደቲደ ባና። ኔንካ ኡንቱንቱ ኩሽያፐ ከሳ አካካ፤ ባብሎነ ካቲ ኔና ኦይቃና። ሀ ካታማይካ ታማን ጹገታና” ያጌዳ።
\p
\v 24 ሰደቅያስ ኤርማሳዉ ዛሪደ፥ ሀዋዳን ያጌዳ፤ “ሀዋ ኔን ታዉ ኦዴዳዋ አሳዉ ኦዳና ዮፐ፥ ኔን ሀይቃካ። 
\v 25 ካፓቱ ታን ኔናና ሃሳዬዳዋ ስሲደ ዪደ፥ ‘ኔናና ካትያና አያ ሃሳዬደንቶ፥ ኑዉ ኦዳ። ኔን ኑዉ ቆሰናን ኦዶፐ፥ ኑን ኔና ዎኮ’ ያጊደ ኔና ኦቻና። 
\v 26 ኔን፥ ‘ታን ሄ ሳኣን ሀይቀናዳን፥ ታና ዛራደ ቃሾ ጎልያ ግድያ ዮናታና ጎልያ የደናዳን፥ ካትያ ዎሳድ’ ያጋደ ዛራ” ያጌዳ።
\p
\v 27 ሄዋፐ ጉይያን፥ ካፓቱ ኡባይ ኤርማሳኮ ዪደ፥ ሄ ኦሻ ኦቼድኖ። ካቲ አ አዛዜዳዋዳን፥ እካ ኡንቱንቶ ኦዴዳ። ኡንቱንቱካ ጮኡ ጊደ ባሽ አጌድኖ፤ አያዉ ጎፐ፥ ኤርማስ ካትያና ሃሳይሽን ስሴዳዌ ኦንነ ባዋ። 
\v 28 የሩሳላመ ኦይቀታና ዎዲ ጋካናዉ፥ ኤርማስ ናግያዋንቱ ዳባባን ጎርደቲደ ጋምኤዳ።\x - \xo 38:28 \xo*\xt ህዝ. 33:21\xt*\x*
\c 39
\s1 የሩሳላመ ኩንደ ይሁዳን መቴዳ ሀኖታቱዋ
\r (2 ካታ. 25:1-12፤ ኤር. 52:4-16)
\p
\v 1 ሰደቅያስ ይሁዳን ካተቴዳ ኡዱፑን ላይን፥ ታማን አግናን፥ ባብሎነ ካቲ ናቡካዳናጾርነ አ ኦላንቻቱ ኡባይ ዪደ፥ የሩሳላመ ዶዴድኖ። 
\v 2 ሰደቅያስ ካተቴዳ ታማነ እተን ላይን፥ ኦይደን አግናን፥ ኡዱፑን ጋላሳን ባብሎነ ኦላንቻቱ ካታማ ግምቢያ መንድኖ። 
\v 3 ሄ ዎደ ባብሎነ ካትያ ካፓቱ፥ ነርጋል-ሻሬጸራ፥ ሳምጋር-ነባ፥ ሳርሰኪማነ ሀራ ነርጋል-ሻሬጸራ ጌተትያዋንቱ፥ ሀራ ጮራ ሞድያዋንቱና እትፐ ዬድኖ፤ ግዶ ፐንግያ ግያ ፐንግያን ኡቴድኖ።
\p
\v 4 ይሁዳ ካቲ ሰደቅያስነ አ ኦላንቻቱ ኡባይ ባብሎነ ኦላንቻቱዋ በኤዳ ዎደ፥ ቃማን ካታማፐ ከሲደ፥ ካትያ አታክልትያ ሳኣ አፍያ ኦግያ ኦይቂደ፥ ላኡ ድርሳ ግምበቱዋ እትፐ ጋያ ፐንግያና ባቃቴድኖ። ኡንቱንቱ ዮርዳኖሳ ድልቡዋኮ ስሚደ ቤድኖ። 
\v 5 ሽን ባብሎነ ኦላንቻቱ ኡንቱንታ ጉየና የደርሲደ፥ እያርኮ ደምባ ጋደ፥ ሰደቅያሳ ኦይቄድኖ። ሀማታ ቢታን፥ ርብላ ካታማን ደእያ ካትያ ናቡካዳናጾራኮ አፌድኖ። ካቲ ናቡካዳናጾር ያን ሰደቅያሳ ቦላ ፕርዴዳ። 
\v 6 ቃይ ሰደቅያሳ አቱማ ናናቱዋ ሰደቅያስ ጼልሽን፥ ያን ርብላ ካታማን ዎዳ፤ ይሁዳ ካፓቱዋ ኡባካ ዎዳ። 
\v 7 ሄዋፐ ጉይያን፥ ሰደቅያሳ አይፈቱዋ ዎጭ ከሲደ፥ አ ባብሎነ ቢታ አፋናዉ ሳንሳላታን ቃቼዳ።
\p
\v 8 ሄ ዎደ ባብሎነ ኦላንቻቱ ካትያ ጎልያነ አሳይ ደእያ ኬቱዋ ኡባ ታማን ጹጌድኖ፤ የሩሳላመ ግምቢያካ ኮሌድኖ። 
\v 9 ካትያ ናግያዋንቱ ካፑ ናቡዛራዳን ካታማን አቴዳ አሳቱዋነ ካዲደ ባረናን ጋከቴዳ አሳቱዋ ኡባ እትፐ ኦሞዱዋን ባብሎነ ቢታ አፌዳ። 
\v 10 ሽን ካትያ ናግያዋንቱ ካፑ ናቡዛራዳን አያይነ ኡንቱንቶ ባይና ህዬሳቱዋፐ አማሬዳዋንታ ይሁዳን አጊደ፥ ኡንቱንቶ ዎይንያ ቱራ ሳአቱዋነ ጎሽያ ጋደቱዋ እሜዳ።
\s1 ኤርማሳ ብለ
\p
\v 11 ናቡካዳናጾር ካትያ ናግያዋንቱ ካፑዋ ናቡዛራዳና ሀዋዳን ያጊደ አዛዜዳ፤ 
\v 12 “ባደ ኤርማሳ ኮያ ደማደ፥ አዉ ኮሽያባ ኡባ ኦ፤ አ ቦላ ሀራ ኢታባ አያነ ኦፓ” ያጌዳ። 
\v 13 ሄዋ ድራዉ፥ ናቡዛራዳን፥ ናቡሻዝባን፥ ነርጋል-ሻሬጸርነ ባብሎነ ካትያ ካፓቱ ኡባይ እትፐ ግዲደ ኪቲደ፥ 
\v 14 ኤርማስ ቃሸት ኡቴዳ፥ ናግያዋንቱ ዳባባፐ ከሴድኖ። ባረ ጎለ አፊደ ዎና ማላ፥ ሳፋና ናኣ ናኣ፥ አህቃማ ናኣ ጋዳልያዉ ሀዳራ እሜድኖ። ሄዋፐ ደንዴዳዋን ኤርማስ ባረ ቢታ አሳና እትፐ ደኤዳ።
\s1 አበመሌካዉ ኦደቴዳ ህዶታ
\p
\v 15 ኤርማስ ናግያዋንቱ ዳባባን ጎርደት ኡት ደእሽን፥ መና ጎዳ ቃላይ አኮ ሀዋዳን ያጊደ ዬዳ፤ 
\v 16 “ባደ ቶጵያ አሳ ግድያ አበድመሌካዉ ሀዋዳን ያጋ፤ ‘ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ “ሀዋፐ ካሰ ታን ኦዴዳዋዳንካ ሀ ካታማ ቦላን ሎኦባ ግደናን፥ ባየ አሀና። ሄዌ ኡባይ ሀንያ ዎደ፥ ኔንካ ሀ ካታማን ኡታደ፥ ነ አይፍያን በአና። 
\v 17 ግዶ ሽን፥ ሄ ጋላሳን ታን መና ጎዳይ ኔና ዎ አካና፤ ኔን ያይያ ነ ሞርከቱዋ ኩሽያንካ አአደ እመታካ። 
\v 18 ታን ኔና አሻና፤ ኔን ኦላን ሀይቃካ፤ ኔን ታናን አማነቴዳ ድራዉ፥ ሀይቁዋፐ አታናሳ። ታን መና ጎዳይ ሀዋ ኦዳይ” ያጌ’ ያጋ” ያጌዳ።
\c 40
\s1 ኤርማስ ጋዳልያና ደኤዳ
\p
\v 1 ካትያ ናግያዋንቱ ካፑ ናቡዛራዳን ኤርማሳ ራማን ብል ስምና፥ መና ጎዳ ቃላይ ኤርማሳኮ ዬዳ። ኤርማስ ካሰ ናቡዛራዳን የሩሳላመፐነ ይሁዳፐ ኦሞዲደ፥ ባብሎነ ቢታ አፋናዉ ሳንሳላታን ቃቼዳ አሳ ግዶን ደኤ።
\p
\v 2 ካትያ ናግያዋንቱ ካፑ ኤርማሳ ዱማ ከሲደ፥ ሀዋዳን ያጌዳ፤ “መና ጎዳይ ነ ጾሳይ ሀ ባየ ሀ ቢታ ቦላን አሀና ጌዳ። 
\v 3 ጌዳዋዳን ሀእ መና ጎዳይ አሄዳ፤ መና ጎዳ ቦላን ህንተ ናጋራ ኦዳ ድራዉነ አዉ አዛዘተናን እጼዳ ድራዉ፥ ሀዌ ኡባይ ሀኔዳ። 
\v 4 በአ፥ ሀእ ታን ነ ኩሽያን ደእያ ሳንሳላታ ብላደ ኔና የዳድ። ታናና ባብሎነ ቢታ ባና ጎፐ ደንዳ፤ ታን ነዉ ኮሽያባ ኡባ ኩንና። ባብሎነ ቢታ ባናዉ ኮያና ዮፐ ቦፓ። ቢታይ ኡባይ ነ ስንን ደኤ፤ ኔና ሎኤዳ ሳኣ ሀቃነ ባ” ያጌዳ።
\p
\v 5 ኤርማስ አ ማታፐ ቤናን ደእሺና፥ ናቡዛራዳን ጉጂደካ ያጌዳ፤ “ሳፋና ናኣ ናኣ፥ አህቃማ ናኣ ጋዳልያኮ ባ፤ አያዉ ጎፐ፥ ባብሎነ ካቲ ናቡካዳናጾር አ ይሁዳ ካታማቱዋ ሞድያዋ ኦደ ሱንዳ። ሄዋ ድራዉ፥ አናና እትፐ ግዳደ፥ ሄዋን አሳና ደአ። ዎይ ኔና ሎኤዳ ሳኣ ሀቃነ ባ” ያጌዳ። ሄዋፐ ጉይያን፥ ካትያ ናግያዋንቱ ካፑ አዉ ቁማነ ሀራ ሽንቃ እሚደ የዴዳ። 
\v 6 ኤርማስ ምጽጳን ደእያ አህቃማ ናኣ ጋዳልያኮ ቤዳ። እ ሄዋን አቴዳ አሳና እትፐ ደኤዳ።
\s1 ጋዳሊ ይሁዳ ሞዴዳ
\r (2 ካታ. 25:22-24)
\p
\v 7 ይሁዳ ኦላ ጋዳዋቱዋፐነ ኦላንቻቱዋፐ አማሬዳዋንቱ ባረንቱ ኩሽያ ባብሎነ ካትያዉ ብሮ እምበይክኖ። ኡንቱንቱ ባብሎነ ካቲ ጋዳልያ ሄ ቢታ ሞድያዋ ኦደ ሱንዳዋነ ባብሎነ ቢታ ኦሞደቲደ ቤናን ይሁዳን አቴዳ ህዬሳቶ ካፑዋ ኦዳዋ ስሴድኖ።\x - \xo 40:7-9 \xo*\xt 2 ካታ. 25:22-24\xt*\x* 
\v 8 ናታንያ ናአይ እስማኤል፥ ቃሬሀ ናናቱ ዮሀናንነ ዮናታን፥ ታንሁሜታ ናአይ ሳራይ፥ ናጾፋ ካታማፐ ዬዳ ኤፋያ ናናቱነ ማእካ ካታማፐ ዬዳ እት ብታንያ ናአይ ያዛኒ ባረንቱ ኦላንቻቱዋ ኡባና ጋዳልያኮ ምጽጳ ዬድኖ። 
\v 9 ሳፋና ናኣ ናአይ፥ አህቃማ ናአይ ጋዳሊ ኡንቱንቶ ሀዋዳን ያጊደ ጫቄዳ፤ “ባብሎነቶ ኩሽያ እማናዉ ያዮፕተ፤ ሀ ቢታን ኡቲደ ደእተ፤ ባብሎነ ካትያዉካ ሞደትተ። ያቶፐ፥ ኡባባይ ህንተዉ ሎአ ግዳናዋ። 
\v 10 ታን ምጽጳን ኡታደ፥ ባብሎነ ቢታፐ ህንተናና ጋከታናዉ ይያ ኡባና ህንተ ዶና ግዳደ ሃሳያና። ሽን ህንተ ህንተ ደእያ ሄራን ሄራን ዎይንያ፥ ዎጋራ ዛይትያነ ሀራ ኦፍን ካ አይፍያ ኡባ ሺሺደ ዳጋይተ” ያጌዳ።
\p
\v 11 ሄ ዎደ ሞኣባ ቢታን፥ አሞና ቢታን፥ ኤዶማ ቢታንነ ሀራ ቢታቱዋን አይሁዳ ኡባይ ባብሎነ ካቲ አማሬዳ ይሁዳ አሳቱ ይሁዳን አታና ማላ ኦዳዋነ ኡንቱንታ ሞድያዋ ኦደ፥ ሻፋና ናኣ አህቃማ ናኣ ጋዳልያ ሱንዳዋ ስሴድኖ። 
\v 12 ባረንቱ ላለቲደ ደእያ ቢታቱዋፐ ይሁዳ ስሚደ፥ ጋዳሊ ደኢያሳ ምጽጳ ዬድኖ። ሄዋን ኡንቱንቱ ዳሮ ዎይንያነ ሀራ ኦፍን ካ አይፍያ ሺሺደ ዳጋዬድኖ።
\s1 እስማኤል ጋዳልያ ዎዳ
\r (2 ካታ. 25:25-26)
\p
\v 13 ሄዋፐ ጉይያን፥ ቃሬሀ ናአይ ዮሀናንነ ኩሽያ እምቤና ኦላ ጋዳዋቱ ኡባይ ጋዳልያኮ ምጽጳ ዪደ፥ 
\v 14 “አሞና ካቲ ባአሊስ ናታንያ ናኣ እስማኤላ ኔና ዎና ማላ የዴዳዋ ኤራይ?” ያጌድኖ። ሽን እ ኡንቱንቱ ግያዋ አማነናን እጼዳ።
\p
\v 15 ሄዋፐ ጉይያን፥ ቃሬሀ ናአይ ዮሀናን ምጽጳን ደእያ ጋዳልያኮ ዪደ፥ ጹራን ሀዋዳን ያጌዳ፤ “ኦንነ ኤረናን ደእሺና ባደ፥ ናታንያ ናኣ እስማኤላ ታን ዎና። አያዉ ጎፐ፥ እ ኔና ዎያዋ ግዶፐ፥ ነ ማታን ሺቄዳ አይሁዳ ኡባይ ላለታና፤ ቃይ ይሁዳን አቴዳ አሳይ ኡባይካ ዉራና” ያጌዳ።
\p
\v 16 ሽን አህቃማ ናአይ ጋዳሌ ዛሪደ፥ ሀዋዳን ያጌዳ፤ “እስማኤላባ ኔን ኦድያባይ ኡባይ ዎርዱዋ ግድያ ድራዉ፥ ሄዋ ማላባ ኦፓ” ያጌዳ።
\c 41
\p
\v 1 ላፑን አግናን ካትያ ዛረ ግዲደ፥ ካትያና ኦያ ካፓቱዋፐ እቱ፥ ኤልሻማአ ናኣ ናአይ፥ ናታንያ ናአይ እስማኤል ታሙ አሳቱዋና እትፐ ቢታ ሞድያ ጋዳልያና ጋከታናዉ ምጽጳ ቤዳ። ኡባይካ እትፐ ኡቲደ ቁማ ሚሽን፥\x - \xo 41:1-3 \xo*\xt 2 ካታ. 25:25\xt*\x* 
\v 2 ናታንያ ናአይ እስማኤልነ አናና ደእያ ታሙ አሳቱ ባረንቱ ማሻ ማሻ ከሲደ፥ ባብሎነ ካቲ ይሁዳ ሞድያዋ ኦደ ሱንዳ አህካማ ናኣ ጋዳልያ ዎድኖ። 
\v 3 ሄዋ ቦላካ ቃይ እስማኤል ምጽጳን ጋዳልያና ደእያ አይሁዳቱዋነ ባብሎነ ኦላንቻቱዋ ኡባ ዎዳ።
\p
\v 4 ጋዳሊ ሀይቄዳ ዎንተ ጋላስ፥ አ ሀይቁዋ ኦንነ ኤራናፐ ካሰቲደ፥ 
\v 5 ሰኬማፐ፥ ሴሎፐነ ሳማርያፐ ሆስፑን ታሙ አሳቱ ካዮቲደ፥ ባረንቱ ቡቻ ሜዲደ፥ ባረንቱ ማዩዋ ፔደነ ባረንቱ ቦላካ ፑዚደ ዬድኖ። ኡንቱንቱ መና ጎዳ ጎልያዉ እምያ ካ ያርሹዋነ እጻና እሞታ አሄድኖ። 
\v 6 እስማኤል ምጽጳፐ ከሲደ፥ ዬኪደ ኡንቱንቱና ጋከታናዉ ቤዳ፤ ኡንቱንቱና ጋከቴዳ ዎደ፥ “አህቃማ ናኣ ጋዳልያኮ ሃ ዪተ፤ አ በእተ” ያጌዳ። 
\v 7 ኡንቱንቱ ካታማ ግዶ ገልያንን፥ እስማኤልነ አናና ደእያ አሳቱ ሄ አሳቱዋ ዎደ፥ ሃ ዳጋይያ ኦላን ኦል አጌድኖ።
\p
\v 8 ሽን ሄ ሆስፑን ታሙ አሳቱዋፐ ታማቱ እስማኤላ ሀዋዳን ያጊደ ዎሴድኖ፤ “ሀእ ኑና ዎፓ! ኑን ኑ ሾይቃን ቆሴዳ ዳሮ ዛርጋይ፥ ባንጋይ፥ ዎጋራ ዛይቲነ ኤሳይ ደኤ” ያጌድኖ። እ ኡንቱንቱ ዎናን የድ አጌዳ። 
\v 9 እስማኤል ዎዳ አሳ ኡባ ኦሌዳ ሃ ዳጋይያ ኦላይ፥ እስራኤልያ ካቲ ባእሽ ኦላናዉ ዬዳ ዎደ፥ ካቲ አሳ ቦክሴዳ ዎልቃማ ሃ ዳጋያናዉ ግምቤዳ ኦላ። ናታንያ ናአይ እስማኤል ሄ ኦላ አሃን ኩንዳ። 
\v 10 እስማኤል ካትያ ማጫ ናናቱዋነ ምጽጳን አቴዳ አሳ ኡባ ኦሞዴዳ። ሄዋንቱ ካትያ ናግያዋንቱ ካፑ ናቡዛራዳን አህቃማ ናኣ ጋዳልያና እትፐ ምጽጳን ዎዳዋንታ። እ ኡንቱንታ ኦሞዲደ፥ ባረናና አኪደ፥ አሞና ቢታ ባናዉ ደንዴ።
\p
\v 11 ቃሬሀ ናአይ ዮሀናንነ አናና እትፐ ደእያ ኦላ ጋዳዋቱ እስማኤል ኦዳ ኢታባ ኡባ ስሴድኖ። 
\v 12 ባረንቱ አሳ አኪደ፥ አናና ኦለታናዉ ቤድኖ፤ እስማኤላካ ጋባኦናን ደእያ ዎልቃማ ደልእያ ማታን ጋኪደ ኦይቄድኖ። 
\v 13 እስማኤል ኦሞዲደ ባረናና አፌዳ አሳይ ኡባይ ቃሬሀ ናኣ ዮሀናናነ አናና ደእያ ኦላ ጋዳዋቱዋ በኤዳ ዎደ፥ ሎይ ናሸቴድኖ። 
\v 14 ሄ ኦሞደቴዳዋንቱ ኡባይ ጉየ ስሚደ ቢደ፥ ቃሬሀ ናኣ ዮሀናናን ጋከቴድኖ። 
\v 15 ሽን እስማኤልነ ሀራ ሆስፑን አሳቱ እትፐ ዮሀናናፐ ከስ አኪደ፥ አሞና ቢታ ባቃቴድኖ።
\p
\v 16 ሄዋፐ ጉይያን፥ እስማኤል ጋዳልያ ዎ ስሚደ፥ ምጽጳፐ ኦሞዲደ አሄዳ ኦላንቻቱ፥ ማጫ አሳቱ፥ ናናቱነ ሙሬሳቱ ኡባይ ቃሬሀ ናኣ ዮሀናናነ ሀራ ኦላ ጋዳዋቱዋና ደንዲደ ቤድኖ። 
\v 17 ኡንቱንቱ ያፐ ደንዲደ፥ ግብጼ ባናዉ ቤተሌመ ማታን ደእያ ጌሩታ-ክምሃማ ግያ ሳኣን ሸምፔድኖ። 
\v 18 ኡንቱንቱ ግብጼ ቤዳዌ ባብሎና ካቲ ሱንዳ አክቃማ ናኣ ጎዶልያ እስማኤሊ ዎዳ ድራዉ ባብሎናቶ ያዪደ ባብሎናፐ ባቃቲደ፥ ግብጼ ባናዉ ዳንዳዬድኖ።
\c 42
\s1 ግብጼ ቤናዳን ጾሳይ ኦዴዳ
\p
\v 1 ኦላ ጋዳዋቱ ኡባይ፥ ቃሬሀ ናአይ ዮሀናን፥ ሆሻያ ናአይ አዛርያስነ አሳይ ኡባይ፥ ጉፐ ዎጋ ጋካናዉ ዪደ፥ 
\v 2 ትምቢትያ ኦድያ ኤርማሳ ሀዋዳን ያጌድኖ፤ “ኑን ኔና ኦችያዋ ኑዉ ኦርኪ! ሀ አቴዳ ኑ ድራዉ መና ጎዳ ነ ጾሳ ዎሳርኪ! ኑን ካሰ ዳራ፤ ሽን ሀእ ኔን በእያዋዳን፥ ጉቱዋ ጻላላይ አቴዶ። 
\v 3 ኑን ብያ ኦግያነ ኑን ኦናባ እ ኑና በሳናዳን፥ መና ጎዳ ነ ጾሳ ኑ ድራዉ ዎሳ” ያጌድኖ።
\p
\v 4 ትምቢትያ ኦድያ ኤርማስ ዛሪደ፥ “ሎአ። ህንተ ጌዳዋዳንካ፥ መና ጎዳ ህንተ ጾሳ ታን ዎሳና፤ ቃይ ህንተፐ አያነ ቆሰናን፥ መና ጎዳይ ኦድያባ ኡባካ ህንተዉ ኦዳና” ያጌዳ።
\p
\v 5 ኡንቱንቱ ዛሪደ፥ ኤርማሳዉ ሀዋዳን ያጌድኖ፤ “መና ጎዳይ ነ ጾሳይ ነ ባጋና ኑዉ ኪትያዋ ኡባ ኑን ፖላና ዮፐ፥ ጾሳይ ባረ ሁጲያን ኑ ቦላ ቱሙነ አማነቴዳ ማርካ ግዶ። 
\v 6 ኑን ዶስያዋ ግድና፥ እጽያዋ ግድናካ፥ ኑን ኔና አኮ ኪትያ መና ጎዳይ ኑ ጾሳይ አዛዝያዋ ኑን ኦና። አያዉ ጎፐ፥ መና ጎዳዉ አዛዘቶፐ፥ ኑዉ ኡባባይ ሎአ ግዳናዋ” ያጌድኖ።
\p
\v 7 ታሙ ጋላሳፐ ጉይያን፥ መና ጎዳ ቃላይ ኤርማሳኮ ዬዳ። 
\v 8 ያትና፥ እ ቃሬሀ ናኣ ዮሀናና፥ አናና ደእያ ኦላ ጋዳዋቱዋነ አሳ ኡባ፥ ጉፐ ዎጋ ጋካናዉ ጼጊደ፥ 
\v 9 ሀዋዳን ያጌዳ፤ “ህንተ ዎሳ ታን አኮ ሺሻና ማላ፥ ህንተ ታና ኪቴዳ መና ጎዳይ እስራኤልያ ጾሳይ ሀዋዳን ያጌ፤ 
\v 10 ‘ህንተ ሀእ ሀ ቢታን ኡቶፐ፥ ታን ህንተና ኬጻናፐ አትና ኮልከ፤ ቶካናፐ አትና፥ ሾድከ። አያዉ ጎፐ፥ ታን ካሰ ህንተ ቦላን አሄዳ ኢታባይ ታና ካዮዬዳ። 
\v 11 ህንተ ሀእ ያይያ ባብሎነ ካትያዉ አይነ ያዮፕተ! ህንተና አ ኩሽያፐ አሻናዉ ታን ህንተናና ደእያ ድራዉ ያዮፕተ! ታን መና ጎዳይ ሀዋ ኦዳይ። 
\v 12 ታን ህንተዉ ቃረታና፤ ያታደ እ ህንተዉ ቃረቲደ፥ ህንተና ህንተ ቢታዉ ዛራናዳን ኦና’ ያጌ።
\p
\v 13 “ሽን ህንተ መና ጎዳዉ፥ ህንተ ጾሳዉ፥ አዛዘተናን እጺደ፥ ‘ሀ ቢታን ኡቶኮ’ ጎፐ፥ 
\v 14 ቃይ ህንተ፥ ‘ኦላ ዎርያነ ኦላዉ ፑንያ ማላካታ ስሰናሳንነ ኮሻይ ባይናሳ ግብጼ ቢደ፥ ያን ደአና’ ጎፐ፥ 
\v 15 ህንተኖ ይሁዳን አቴዳዋንቶ፥ መና ጎዳይ ህንተና ግያዋ ስስተ። ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘ህንተ ግብጼ ቢደ፥ ያን ደአናዉ ቆፋ ቃቾፐ፥ 
\v 16 ሄ ህንተ ያዬዳ ኦላይ ግብጼን ህንተና ኦይቃና፤ ህንተ ህርጌዳ ኮሻይካ ህንተና ካሊደ ባና፤ ህንተካ ያን ግብጼን ሀይቃና። 
\v 17 ግብጼ ቢታ ቢደ ደአናዉ ቆፋ ቃቼዳ አሳይ ኡባይ ኦላን፥ ዎይ ኮሻን ዎይ ኢታ ሀርግያን ሀይቃና። ታን ኡንቱንቱ ቦላን አህያ ኢታባፐ እቱነ ከስ አከና፤ እቱነ አተና’ ያጌ።
\p
\v 18 “ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ ‘የሩሳላመን ደእያዋንቱ ቦላን ታ ሀንቁነ ታ ይሉ ጉኬዳዋዳን፥ ህንተ ግብጼ ገልያ ዎደ ህንተ ቦላንካ ታ ሀንቁ ሄዋዳን ጉካና። ህንተ ዳጋማ፥ ሸቃ፥ ቶሽያነ ቅሊጭያዋ ግዳንታ፤ ሀ ሳኣ ላኤን ኡባካ በእክታ’ ያጌ።
\p
\v 19 “ይሁዳን አቴዳዋንቶ፥ መና ጎዳይ ህንተና፥ ‘ግብጼ ቦፕተ!’ ያጌዳ። ታን ሀች ህንተና፥ ‘የኤ!’ ጌዳዋ ኤርተ። 
\v 20 ህንተ ታና፥ ‘ኑ ድራዉ መና ጎዳ ኑ ጾሳ ዎሳ፤ እ ነዉ ኦድያባ ኡባካ ኑዉ ኦዳ፤ ኑን ኦና’ ያጊደ፥ ታና መና ጎዳኮ፥ ህንተ ጾሳኮ፥ ኪቴድታ፤ ሄዋን ዎልቃማ ባላ ባሌድታ። 
\v 21 እ ጌዳዋ ኡባ ሀች ህንተዉ ኦዳድ። ሽን መና ጎዳይ ህንተ ጾሳይ ታ ባጋና ህንተዉ ኪቴዳ ቃላዉ ህንተ አዛዘተናን እጼድታ። 
\v 22 ስም ሀዋ ኤርተ: ህንተ ቢደ ደአናዉ ኮይያ ቢታን ህንተ ኦላን፥ ኮሻንነ ኢታ ሀርግያን ሀይቂደ ዉራና” ያጌዳ።
\c 43
\s1 ኤርማስ ግብጼ ቤዳ
\p
\v 1 መና ጎዳይ ኡንቱንቱ ጾሳይ ኪቴዳ ቃላ ኡባ ኤርማስ ኡንቱንቶ ኦዲደ ዉርሴዳዋፐ ጉይያን፥ 
\v 2 ሆሻያ ናአይ አዛርያስ፥ ቃሬሀ ናኣ ዮሀናንነ ኦቶራንቻ አሳይ ኡባይ ኤርማሳ ሀዋዳን ያጌድኖ፤ “ኔን ዎርዱዋ ኦዳሳ! መና ጎዳይ ኑ ጾሳይ ኑን ግብጼ ቢደ ኡተና ማላ ኦዳናዉ፥ ኔና ኑኮ ሙለ ኪትቤና። 
\v 3 ሽን ባብሎነ ቢታ አሳይ ኑና ዎናዳን ዎይ ኦሞዲደ ባረንቱ ቢታ አፋናዳን፥ ኔን ኑና ኡንቱንቱ ኩሽያን አደ እማና ማላ፥ ኔና ኑ ቦላን ደንዳዌ ኔርያ ናኣ ባሮካ” ያጌድኖ።
\p
\v 4 ሄዋ ድራዉ፥ ቃሬሀ ናአይ ዮሀናን፥ ኦላ ጋዳዋቱ ኡባይነ አሳይ ኡባይ ይሁዳ ቢታን ደአናዉ፥ መና ጎዳይ ኡንቱንታ አዛዜዳ አዛዙዋ ፖለናን እጼድኖ። 
\v 5 ቃሬሀ ናአይ ዮሀናንነ ኦላ ጋዳዋቱ ኡባይ ባረንቱ ላለቴዳ ካዉተቱዋ ኡባፐ ይሁዳን ደአናዉ ስሜዳ ይሁዳ አሳ ባረንቱና አኪደ፥ ግብጼ ቤድኖ።\x - \xo 43:5-7 \xo*\xt 2 ካታ. 25:26\xt*\x* 
\v 6 ቃይ ካትያ ናግያዋንቱ ካፑ ናቡዛራዳን ሳፋና ናኣ፥ አህቃማ ናኣ ጋዳልያና እትፐ ደአና ማላ አሼዳ አቱማ አሳቱዋ፥ ማጫ አሳቱዋ፥ ናናቱዋነ ካትያ ማጫ ናናቱዋ ኡባ አፌድኖ። ቃይካ ትምቢትያ ኦድያ ኤርማሳነ ኔርያ ናኣ ባሮካካ አፌድኖ። 
\v 7 ሄዋዳን ሀኒደ፥ መና ጎዳይ አዛዜዳዋ እጺደ፥ ግብጼ ቢታ ገሊደ፥ ጻፍናሳ ግያ ካታማ ጋካናዉ ቤድኖ።
\p
\v 8 ጻፍናሳን መና ጎዳ ቃላይ ኤርማሳኮ ሀዋዳን ያጊደ ዬዳ፤ 
\v 9 “ዎልቃማ ሹቻቱዋ ነ ኩሽያን ኦይቃ አካደ፥ ይሁዳ አሳይ በእሽና፥ ጻፍናሳን ደእያ ግብጼ ካትያ ጎልያ ገልያ ሳፐ ስን ባጋና ደእያ ባሱዋን ሞጋ። 
\v 10 ኡንቱንታ ሀዋዳን ያጋ፤ ‘ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “ታን ኪታደ፥ ታ ቆማ ባብሎነ ካትያ ናቡካዳናጾራ አህሳና፤ ሀ ሞገቴዳ ሹቻቱዋ ቦላን አ ካዉተ አራታ ዎና። ያቶፐ እ ባረ ካዉተ ዱንካንያ አ ቦላን ኤሳና። 
\v 11 እ ዪደ ግብጼ ቢታ ኦላና። ሀይቆ ደእያዋንቱ ሀይቃና፤ ኦሞዶ ደእያዋንቱካ ኦሞደታና፤ ቃይ ኦላን ሀይቃናዉ ደእያዋንቱካ ኦላን ሀይቃና። 
\v 12 ግብጼ ጾሳቱዋ ኬቱዋ እ ታማን ኦይና፤ ኤቃቱዋካ ጹጋና፥ ዎይ ኦሞዶ አኪደ አፋና። ሄንንቻይ ባረ ጫላ ማይያዋዳን፥ እ ግብጼ ቢታ ማያና። ያቲደ ሄዋፐ ሳሮ ባና። 
\v 13 ግብጼ ቢታን ሄልዮፖልሳ ግያ ካታማን ደእያ ሀዉልትያ እ መንሬና፤ ግብጼ ጾሳቱዋ ጎለቱዋካ ታማን ጹጋና” ያጌ’ ያጋ” ያጌዳ።
\c 44
\s1 ግብጼን ደእያ አይሁዳቶ ኦደቴዳ ጾሳ ቃላ
\p
\v 1 ግብጼ ቢታን ምግዶላ፥ ጻፍናሳነ መምፒሳ ጌተትያ ካታማቱዋንነ ገድሳ ባጋና ደእያ ፓትሮሳ ቢታን ደእያ አይሁዳቱዋ ጼልያዋን ጾሳ ቃላይ ኤርማሳኮ ሀዋዳን ያጊደ ዬዳ፤ 
\v 2 “ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ ‘የሩሳላመ ቦላንነ ይሁዳ ካታማቱዋ ኡባ ቦላን ታን አሄዳ ባየ ኡባ ህንተ ህንተ ሁጲያን በኤድታ። ኡንቱንቱ ሀች ጋካናዉ፥ ኮለት ኡቴድኖ፤ ኦንነ ያን ደኤና። 
\v 3 ሄዌ ሀኔዳዌ ኡንቱንቱ ኢታ ኦሱዋ ኦደ፥ ታና ሀንቀሲደ ድራሳ። ኡንቱንቱ ግድና፥ ህንተና ግድና፥ ዎይ ህንተ ማይዛ አዎቱዋ ግድና፥ ኦንነ ኤረና ሀራ ጾሳዉ እጻና ጩዋዪደ፥ አዉ ጎይኔድኖ። 
\v 4 “ሀዋ ማላ ታን ጾሳይ እጽያ ሸነይያባቱዋ ኦፕተ!” ያጊደ ኦዳና ማላ፥ ዛራ ዛራደ ታ ቆማቱዋ፥ ትምቢትያ ኦድያዋንታ፥ ኪታድ። 
\v 5 ሽን ኦድያዋ ኡንቱንቱ ስሰናን ዎይ ሀይዘናን እጼድኖ። ኡንቱንቱ ሀራ ጾሳቶ እጻና ጩዋይያ ኢታ ኦሱዋ አገናን እጼድኖ። 
\v 6 ሄዋ ጋሱዋን ታ ሱልያ ሀንቁነ ይሉ ትገቴዳ፤ ይሁዳ ካታማቱዋንነ የሩሳላመ ኦገቱዋን ኤጼዳ። ኡንቱንቱካ ሀች ህንተ በእያዋዳን፥ ኮለቴዳዋንታነ አይነ ባይናዋንታ ግዴድኖ’ ያጌ።
\p
\v 7 “ሀእካ መና ጎዳይ፥ ኡባፐ ዎልቃማ ጾሳይ፥ እስራኤልያ ጾሳይ፥ ሀዋዳን ያጌ፤ ‘ህንተዉ ዘረይ ደኤና ማላ፥ ማጫ አሳ፥ አቱማ አሳ፥ ናናቱዋነ ዘረ ይሁዳ ቢታፐ ይሳናዳን፥ ሀ ሎይ ኢታባ ህንተ ህንተ ቦላ አያዉ ኦቴ? 
\v 8 ህንተ ደአናዉ ገሌዳ ሀ ግብጼ ቢታን ሀራ ጾሳቶ እጻና ጩዋይያዋን ታና አያዉ ሀንቀቴ? ዎይ ሳኣን ደእያ ካዉተቱዋ ኡባ ግዶን ሸቃነ ቦረ ግዲደ፥ ህንተ ሁጲያ ባይዛናዉ አያዉ ኮዪቴ? 
\v 9 ካሰ ህንተ አዎቱ፥ ይሁዳ ካተቱነ ኡንቱንቱ ማቼቱ፥ ቃይ ህንተነ ህንተ ማቼቱ ይሁዳ ካታማቱዋንነ የሩሳላመ ኦገቱዋን ኦዳ ኢታተ ኡባ ዶጌድቴየ? 
\v 10 ህንተ ሀች ጋካናዉ፥ ህንተናተ ሆክስበይክታ፤ ታዉካ ያይበይክታ። ቃይ ታን ህንተዉነ ህንተ ማይዛ አዋቶ እሜዳ ህግያንነ ዎጋን ብበይክታ’ ያጌ።
\p
\v 11 “ሄዋ ድራዉ፥ ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ ታን ህንተና ይሁዳ ዘረ ኡባ፥ ይሳናዉ ቆፋ ቃቻድ። 
\v 12 ይሁዳን አቴዳዋንቱ ግዶፐ፥ ግብጼ ቢደ፥ ያን ደአናዉ ቆፋ ቃቼዳዋንታ ታን ይሳና። ኡንቱንቱ ኡባይ ግብጼን ዉራና፤ ኦላንነ ኮሻን ሀይቃና። ዎጋፐ ጉ ጋካናዉ ደእያ ኡባይ ኦላንነ ኮሻን ዉራና። ኡንቱንቱ ዳጋማ፥ ሸቃ፥ ቶሽያነ ቅሊጭያዋ ግዳናዋንታ። 
\v 13 ታን የሩሳላመ ኦላን፥ ኮሻንነ ኢታ ሀርግያን ሙሬዳዋዳን፥ ግብጼ ቢታን ደእያዋንታካ ሙራና። 
\v 14 አቴዳ ይሁዳ አሳቱዋፐ ግብጼን ደአናዉ ዬዳዋንቱ ግብጼቱዋ ኩሽያፐ ከስ አክክኖ። ኡንቱንቱ ስም ዪደ ደአና ጊደ አሞትያ ይሁዳ ቢታ አይ አሳይነ ስመና፤ ሀይቁዋፐ ፓላሄዳ እት አማራ አሳፐ አትና፥ ስሚደ ያና ሀራ አሳይ ደኤና ያጌ” ያጌዳ።
\p
\v 15 ባረንቱ ማጫ አሳቱ ሀራ ጾሳቶ እጻና ጩዋይያዋ ኤርያ አቱማ አሳቱ ኡባይነ ሄዋን ኤቄዳ ማጫ አሳቱ ኡባይ ዎልቃማ ማባራ ግዲደ፥ ግብጼን ገድሳ ባጋና ፓትሮሳ ግያ ሳን ደእያ አሳይ ኡባይ ኤርማሳ ሀዋዳን ያጌድኖ፤ 
\v 16 “ኔን መና ጎዳ ሱንን ኑዉ ኦድያባ ኡባ ኑን ስሶኮ። 
\v 17 ኑን ኦና ጌዳዋ ኡባ ኦና። ኑን፥ ኑ ማይዛ አዎቱ፥ ኑ ካተቱነ ኑ ካፓቱ ይሁዳ ካታማቱዋንነ የሩሳላመ ኦገቱዋን ካሰ ኦዳዋዳን፥ ሳሉዋ ካታቶ ጌተትያ ኑ ጾሳትዉ እጻና ጩዊሳና፤ ኡሻ ያርሹዋካ እዉ ጉሳና። አያዉ ጎፐ፥ ኑን ካሰ ሄዋ ኦያ ዎደ፥ ኑዉ ዳሮ ቁማይ ደኤ፤ ሄ ዎደ ኑዉ ሳአይ ኬካ፤ ኑና አያይነ መትቤና። 
\v 18 ሽን ሳሉዋ ካታትዉ እጻና ጩዋይያዋነ ኡሻ ያርሹዋ ጉስያዋ አጎደፐ ሃ ስምና፥ ኑዉ ኡባባይካ ፓጬዳ፤ ኑን ኦላንነ ኮሻን ዉሬዶ” ያጌድኖ።
\p
\v 19 ማጫ አሳቱ ጉጂደካ ሀዋዳን ያጌድኖ፤ “ኑን ሳሉዋ ካታቶ ማላትያ ኡክ ኡክያ ዎደ፥ እጻና ጩዋይያ ዎደነ ኡሻ ያርሹዋ እዉ ጉስያ ዎደ ኡባን፥ ኑ አስናቱ ኤረናን ደእሺና፥ ኑን ኦዳዌ አያይነ ባዋ” ያጌድኖ።
\p
\v 20 አዉ ሄዋዳን ጊደ ዛሬዳ አሳዉ ኡባዉ፥ ማጫነ አቱማዎ፥ ኤርማስ ሀዋዳን ያጌዳ፤ 
\v 21 “ህንተነ ህንተ ማይዛ አዎቱ፥ ህንተ ካተቱነ ህንተ ካፓቱ፥ ቃይ ቢታን ደእያ አሳይ ኡባይ ይሁዳ ካታማቱዋንነ የሩሳላመ ኦገቱዋን እጻና ጩዋዬዳዋ መና ጎዳይ ኤረና ዎይ ዶጌዳ ጊደ ቆፒቴ? 
\v 22 ህንተ ኦያ ኢታነ ሸነይያ ኦሱዋ መና ጎዳይ ጮኡ ጋናዉ ዳንዳይቤና ድራዉ፥ ህንተ ቢታይ ባዬዳ፥ ባዙዋነ ሸቀቴዳ ቢታ ኦዳ። ሀች ህንተ በእያዋዳን፥ ህንተ ቢታይ አሳይ ደኤና ቢታ ግዴዳ። 
\v 23 ሀ ባሻይ ኡባይ ህንተና ጋኬዳዌ ህንተ ሀራ ጾሳቶ እጻና ጩዋዬዳ ድራሳ፥ መና ጎዳ ናቄዳ ድራሳ፥ መና ጎዳ ቃላ ስሰናን እጼዳ ግሻሳነ አ ህግያዉነ አ ዎጋዉ አዛዘተናን እጼዳ ድራሳ” ያጌዳ።
\p
\v 24 ሄዋፐ ጉይያን፥ ኤርማስ አሳዉ ኡባዉ፥ ማጫነ አቱማዎ ሀዋዳን ያጌዳ፤ “ህንተኖ፥ ይሁዳፐ ዪደ፥ ግብጼ ቢታን ደእያ አሳቶ፥ ኡባይካ መና ጎዳይ ግያዋ ስስተ! 
\v 25 ኡባፐ ዎልቃማ መና ጎዳይ፥ እስራኤልያ ጾሳይ፥ ሀዋዳን ያጌ፤ ‘ህንተነ ህንተ ማቼቱ፥ “ኑን ሳሉዋ ካታትዉ እጻና ጩዊሳና፤ ኡሻ ያርሹዋካ እዉ ጉሳና” ጊደ ጫቄዳ ጫቁዋ ፖሊደ፥ ኦሱዋን በሴድታ። ሀእካ ግዶፐ፥ ህንተ ጫቁዋ ምንስተነ ፖልተ’ ያጌ።
\p
\v 26 “ግዶፐነ፥ ህንተኖ፥ ግብጼ ቢታን ደእያ ይሁዳ አሳቶ፥ መና ጎዳይ ግያዋ ስስተ! መና ጎዳይ ሀዋዳን ያጌ፤ ‘ሀዋፐ ህን ባጋን ግብጼ ቢታን ደእያ ይሁዳ አሳፐ እቱነ ታ ሱንን፥ “ኡባ ሞድያ መና ጎዳይ ኤሮ!” ጊደ ጫቀና ማላ፥ ታን ታ ዎልቃማ ሱንን ጫቃድ። 
\v 27 ታን ኡንቱንቱ ቦላ ሎኦባ አሀናዉ ግደናን፥ ኢታባ አሀናዉ ጼላይ። ግብጼን ደእያ ይሁዳ አሳይ ኡባና ዉራና ጋካናዉ፥ ኦላንነ ኮሻን ሀይቃና። 
\v 28 ሽን ኦላፐ አቴዳ እት አማሬዳዋንቱ ግብጼፐ ይሁዳ ስማና። ሄ ዎደ ግብጼን ደእያ ይሁዳ አሳይ ታ ቃላፐነ ኡንቱንቱ ቃላፐ ኦግ ቱማቴደንቶነ አኬኪደ ኤራና።
\p
\v 29 “ ‘ታን ህንተና ሀ ሳኣን ሙራናነ፥ “ታን ህንተ ቦላ ኢታባ አሀና” ጌዳዌ ቱማታናዎ፥ ታን መና ጎዳይ ህንተዉ ማላ እማይ: 
\v 30 ታን ይሁዳ ካትያ ሰደቅያሳ አዉ ሞርከ ግዲደ፥ አ ዎናዉ ኮይያ ባብሎነ ካትያ ናቡካዳናጾራዉ አደ እሜዳዋዳን፥ ግብጼ ካትያ ሆፍራካ አ ዎናዉ ኮይያ አ ሞርከቶ አደ እማና። መና ጎዳይ ሀዋ ኦዳይ’ ያጌ” ያጌዳ።\x - \xo 44:30 \xo*\xt 2 ካታ. 25:1-7\xt*\x*
\c 45
\s1 ባሮካዉ ኦደቴዳ ትምቢትያ
\r (45)
\p
\v 1 እዮስያሳ ናአይ እዮአቄም ይሁዳን ካተቴዳ ኦይደን ላይን፥ ኔርያ ናአይ ባሩክ ሀ ቃላቱዋ ኤርማስ ኦድና ስሲደ፥ ማጻፋን ጻፌዳ። ሄ ዎደ ኤርማስ አዉ ኦዴዳ ቃላይ ሀዋ።\x - \xo 45:1 \xo*\xt 2 ካታ. 24:1፤ 2 ኦዱዋ 36:5-7፤ ዳኔላ 1:1-2\xt*\x* 
\v 2 “ባሮካ፥ ኔና መና ጎዳይ፥ እስራኤልያ ጾሳይ ሀዋዳን ያጌ፤ 
\v 3 ‘ኔን፥ “መና ጎዳይ ታ ሳኩዋ ቦላን ካዩ ጉጄዳ ድራዉ፥ አየ ታኖ! ኦልያን ዳቡራደ ሸምፑዋካ ያድ” ያጋዳ’ ያጌ።
\p
\v 4 “ባሮካ፥ ኔና መና ጎዳይ ሀዋዳን ያጌ፤ ‘ታን ኬጼዳዋ ታን ኮላና፤ ታን ቶኬዳዋካ ታን ሾዳና። ሄዋካ ቃይ ታን ቢታን ሳኣን ኡባን ኦና። 
\v 5 ያትና፥ ኔን ነዉ ዎልቃማባ ኮያይየ? ሄዋ ኮዮፓ። አያዉ ጎፐ፥ አሳ ኡባ ቦላን ታን ኢታባ አሀና። ታን ጾሳይ ሀዋ ኦዳይ። ሽን ኔን ቤዳሳን ኡባን ታን ኔና ሀይቁዋፐ አሻና’ ያጌ” ያጌዳ።
\c 46
\ms ናቢ ዱማ ዱማ አሳዉ ኦዴዳ ትምቢትያ
\p
\v 1 ካዉተቱዋባ ኦዳናዉ መና ጎዳይ ኤርማሳዉ ኪቴዳ ቃላይ ሀዋ።
\s1 ግብጼ ፕርዳ
\p
\v 2 እዮስያሳ ናአይ እዮአቄም ይሁዳን ካተቴዳ ኦይደን ላይን፥ ኤፍራጺሳ ሻፋ ማታን፥ ካርካሚሻ ግያ ሳኣን፥ ባብሎነ ካቲ ናቡካዳናጾር ጾኔዳ ግብጼ ካትያ ናኮ ኦላንቻቱዋባ ጾሳይ ሀዋዳን ያጌ፤\x - \xo 46:2-26 \xo*\xt ኢሳ. 19:1-25፤ ህዝ. 29:1—32:32\xt*\x* 
\v 3 “ህንተ ዎጋ ጎንዳልያነ ቄር ጎንዳልያ ጊግስተ፤ ኦላዉ ሳልፕተ! 
\v 4 ህንተ ፓራ ብጻሊደ ቶግተ፤ ህንተ ሁጲያን ብራታ ቆብያ ዎደ፥ ህንተ ሳኣ ሳኣ ኦይቂተ! ህንተ ቶራ ሌፍተ፤ ህንተ ኦላ ማዩዋካ ማይተ! ያጊኖ።
\p
\v 5 “ሽን ሀዌ ታን በእያዌ አዬ? ግብጼ ኦላንቻቱ ያዪደ፥ ጉየ ስሜድኖ። ዎልቃማቱ ጾነቴድኖ፤ ጉየነ ጼለናን ኤሌሊደ ባቃቴድኖ። ኡንቱንቱ ዩሾ ኡባን ዳጋማይ ደኤ! መና ጎዳይ ሀዋ ኦዳይ። 
\v 6 ኤሌሊደ ዎጽያዋንቱ ከስ አካናዉ ዳንዳይክኖ፤ ምኖ ኦላንቻቱካ አታናዉ ዳንዳይክኖ። ሁጲሳ ባጋ ቢታን፥ ኤፍራጺሳ ሻፋ ማታን ኡባይካ በቲደ ኩንድ አጊኖ።
\p
\v 7 “ሄዌ ናይለ ሻፋይ ኩሚደ፥ ዩሹዋ ኡባ ኩምያዋዳን፥ ቢታ ኡባ ኩሜዳዌ ኦኔ? 
\v 8 ሄዌ ናይለ ሻፋይ ኩሚደ፥ ዩሹዋ ኡባ ኩምያዋዳን፥ ቢታ ኡባ ኩሜዳዌ ግብጼ! ግብጼ ሀዋዳን ያጌ፤ ‘ታን ክጻደ፥ ቢታን ሳኣን ኤላና፤ ካታማቱዋነ ካታማቱዋን አሳ ኡባ ባይዛና። 
\v 9 ፓራቶ፥ ፕሪጽተ! ፓራ ጋረቱዋ ላግያዋንቶ፥ ኤለካ ላግተ! ጎንዳልያ ኦይቄዳ ቶጵያፐነ ሊብያፐ\f + \fr 46:9 \fr*\fk ሊብያፐ፦ \fk*\ft እብራዌዋን “ፑጻ” ጌተቴ።\ft*\f* ዬዳ ኦላንቻቶ፥ ከስተ! ሊድያፐ ዬዳ ዎንዳፍያ ዱከን ሎሄዳ ኦላንቻቶ፥ ዎራጅተ!’ ያጌ” ያጌዳ።
\p
\v 10 ሄ ጋላሳይ ጎዳይ፥ ኡባፐ ዎልቃማ መና ጎዳ ጋላሳ፥ ጾሳይ ባረ ሞርከቱዋ ቦላን ሀሉዋ ከስያ ጋላሳ። አ ማሻይ ካላና ጋካናዉ፥ ኡንቱንታ ማና፤ አላና ጋካናስካ ኡንቱንቱ ሱ ኡሻና። አያዉ ጎፐ፥ ጎዳይ፥ ኡባፐ ዎልቃማ መና ጎዳይ ሁጲሳ ባጋ ቢታን፥ ኤፍራጺሳ ሻፋ ማታን ኡንቱንታ ያርሹዋ ኦደ አካና። 
\v 11 ህንተኖ፥ ግብጼ አሳቶ፥ ጋላኣደ ቢታ ቢደ፥ ህንተዉ ኦከትያ ልያ ደምተ። ግዶ ሽን፥ ህንተ ጮ መላ ልያ ዳርሲታፐ አትና፥ ህንተዉ ፓጹ ሙለ ባዋ። 
\v 12 ህንተ ዬላ ካዉተቱ ስሴድኖ፤ ህንተ ዬክያ ዬኩዋ ቢታይ ሳአይ ስሴዳ። አያዉ ጎፐ፥ ህንተ ኦላንቻቱ እቱ እቱዋን በቲደ፥ ኡባይ እትፐ ኩንዴድኖ።
\s1 ናቡካዳናጾራ ዩሳ
\p
\v 13 ባብሎነ ካቲ ናቡካዳናጾር ግብጼ ቢታ ኦላናዉ ይያ ዎደ፥ መና ጎዳይ ትምቢትያ ኦድያ ኤርማሳዉ ኦዴዳ ቃላይ ሀዋ:\x - \xo 46:13 \xo*\xt ኤር. 43:10-13\xt*\x* 
\v 14 “ሀዋ ግብጼን ኦዳ፤ ቃይ ግብጼ ካታማቱዋን ምግዶላን፥ መምፕሳንነ ጻፍናሳን አዋያ። ‘ኦላይ ህንተ ዩሹዋን ደእያ አሳ ኡባ ዉርሲድ ደእያ ድራዉ፥ ደንድ ኤቂደ ጊገትተ!’ ያጋ። 
\v 15 ህንተ ዎልቃማ ኦላንቻቱ አያዉ ኩንዴድኖ? መና ጎዳይ ኡንቱንታ ሱጌዳ ድራዉ ኩንዴድኖ። 
\v 16 ህንተ ኦላንቻቱ በቲደ ኩንዴድኖ። እቱ እቱዋ፥ ‘ደንድተ! ሀ ሞርክያ ማሻፐ አታናዉ፥ ኑ አሳኮ፥ ኑ ቢታ አነ ስሜቶ’ ያጊኖ። 
\v 17 ኡንቱንቱ ያን ግብጼ ካትያ ፓሮና፥ ‘ባረ ካጫን ጎኤተናን ጮ አያ ኦዳንቻ’ ጊደ ሱንና” ያጌዳ።
\p
\v 18 ኡባፐ ዎልቃማ መና ጎዳ ጌተትያ ካቲ ሀዋዳን ያጌ፤ “ታን ታ ደኡዋን ጫቃይ: ደረቱዋ ግዱዋን ታቦራ ደሪ፥ ዎይ አባ ላንቂያን ደእያ ቃርመሎሳ ደሪ አዱቂያዋዳን አዱቂያ ሞርኪ ህንተ ቦላ ያና። 
\v 19 ህንተኖ፥ ግብጼ ቢታን ደእያዋንቶ፥ ኦሞዱዋን ባናዉ ጊግተ። አያዉ ጎፐ፥ መምፒሳ ካታማይ ኮለቲደ፥ ኦንነ ደኤና ባዞ ግዳናዋ።
\p
\v 20 “ግብጼ ቢታይ ሎእያ ኡሳት ማላ፤ ሽን ሁጲሳ ባጋ ቢታፐ ይያ ዱክያ ኡዱንጽያን አ ሳኤታና። 
\v 21 ግብጼን ሚሻይ ጭገትያ ኦላንቻቱ ሞዳ ኮሩማቱዋ ማላ። ኤ፥ ኡንቱንቱካ እትፐ ጉየ ስሚደ ባቃቴድኖ፤ ኡንቱንቱ ባረንቱ ሳኣን ኤቂበይክኖ። አያዉ ጎፐ፥ ኡንቱንቱ ባየ ጋላሳይ፥ ኡንቱንቱ ሙረታና ዎዲ ጋክ ክቼዳ።
\p
\v 22 “ሞርከቱ ዎልቃን ገልያ ዎደ፥ ግብጼ አሳይ ባቃትያ ሾሻዳን ሶልዳና፤ ሄ ሞርከቱ ም ቃንጽያ አሳቱዋዳን፥ ካልታ አኪደ፥ አ ቦላ ያና። 
\v 23 አሳይ ስጽማ ዎራ ቡደ ይስያዋዳን፥ ግብጼ አሳ ሲፍ ዉርሳና። ታን መና ጎዳይ ሀዋ ኦዳይ። ሞርከቱዋ ፓይዱ ቦልያፐካ ጮራቴ፤ ኡንቱንታ ፓይዳናዉ ዳንዳየተና። 
\v 24 ግብጼ አሳይ ካዉሻና፤ ሁጲሳ ባጋፐ ይያ አሳቱዋ ኩሽያንካ አደ እመታና” ያጌ።
\p
\v 25 ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “ታን ቴብሳ ካታማ ጾሳ አሞና፥ ግብጼ ካትያ፥ ግብጼ ቢታነ ግብጼ ጾሳቱዋ፥ ግብጼ ካተቱዋነ ግብጼ ካትያን ዘምፕያዋንታ ኡባ ሙራና። 
\v 26 ኡንቱንቱ ዎናዉ ኮይያ ባብሎነ ካትያ ናቡካዳናጾራ ኩሽያንነ አ ኦላንቻቱዋ ኩሽያን አደ እማና።
\p “ሄዋፐ ስምና፥ ግብጼ ቢታይ ካሰዋዳን አሳይ ደእያ ቢታ ግዳናዋ። መና ጎዳይ ሀዋ ኦዳይ።
\s1 ጾሳይ ባረ አሳ አሻና
\p
\v 27 “ህንተኖ፥ ታ ቆማቶ፥ ያቆባ ዛረቶ፥ ያዮፕተ!\x - \xo 46:27-28 \xo*\xt ኤር. 30:10-11\xt*\x* ህንተኖ፥ እስራኤላቶ፥ ዳጋሞፕተ! ህንተ ሃኮ ሳን ደእሺና፥ ታን ህንተና አሻና፤ ህንተ ዛራቱዋካ ኡንቱንቱ ኦሞደቲደ ቢታፐ የድሳና። ያቆባ ዛራቱ ስሚደ፥ አየንቶ ቦቼናን ሳሮ ደአና። ኡንቱንታ አይ አሳይነ ያሽሰና። 
\v 28 ህንተኖ፥ ታ ቆማቶ፥ ያቆባ ዛረቶ፥ ታን መና ጎዳይ ህንተናና ደእያ ድራዉ፥ ያዮፕተ! ታን ህንተና ላሌዳ ካዉተቱዋ ኡባ ኡባና ይሳና፤ ሽን ህንተና ኡባና ይስከ። ታን ህንተና ልከ ፕርዳን ሙራና፤ ሙራይ ባይናን ህንተና ኡባና ጮ የድከ። ጾሳይ ሀዋ ኦዳይ” ያጌ።
\c 47
\s1 ፕልስጼማ ፕርዳ
\p
\v 1 ግብጼ ካቲ ጋዛ ኦሊደ ጾናናፐ ካሰቲደ፥ ፕልስጼማ ቢታ ጼልያዋን መና ጎዳፐ ትምቢትያ ኦድያ ኤርማሳኮ ዬዳ ቃላይ ሀዋ።\x - \xo 47:1-7 \xo*\xt ኢሳ. 14:29-31፤ ህዝ. 25:15-17፤ ኢዩ. 3:4-8፤ አሞጻ 1:6-8፤ ሶፎ. 2:4-7፤ ዛካ. 9:5-7\xt*\x* 
\v 2 መና ጎዳይ ሀዋዳን ያጌ፤ “በእተ፥ ሁጲሳ ባጋ ቢታፐ ሃይ ቃናነ ድኡ ገሌዳ ኩን ሃዳን ጎጋና። ቢታነ ቢታ ቦላን ደእያዋ ኡባ፥ ካታማቱዋነ ካታማቱዋ ግዶን ደእያ አሳ ኡባካ ሙካና። ያቶፐ አሳይ ዋሳና፤ ሄ ቢታን ደእያ ኡባይ ዬካና። 
\v 3 አያዉ ጎፐ፥ ኡንቱንቱ ፓራቱዋ ኮትያ፥ ፓራ ጋረቱዋ ጊረነ ጋረቱዋ ይንግርያዋን ጎንዶርሳ ስሳና፤ አዎቱ ባረንቱ ኩሺ አርጋጬዳ ድራዉ፥ ባረንቱ ናናቱዋ ማዳናዉ ጉየ ስምክኖ። 
\v 4 ፕልስጼማ አሳ ይሳናዉነ ጺሮሳነ ሲዶና አሳይ ፕልስጼማቱዋን ማደተናዳን፥ አቴዳዋንታ ቢታፐ ዎናዉ ዎዲ ጋኬዳ። መና ጎዳይ ፕልስጼማ አሳቱዋ፥ ሄዋንቱካ ሜድተራነ አባ ሃን ዶደቴዳ ሳኣን አቴዳዋንታ ካፍቶራፐ ዬዳዋንታ ይሳና ሀኔ። 
\v 5 ጋዛ አሳይ ዎልቃማ ካዩዋ ካዮቴዳ፤ አስቃሎና አሳይካ ስርጵ ጌዳ። ህንተኖ፥ አባ ዛንጋራን ባሻፐ አቴዳዋንቶ፥ ህንተ አዉደ ጋካናዉ፥ ህንተ ቦላ ቃንጸረደ ካዮቲቴ?
\p
\v 6 “ህንተ፥ ‘ኔኖ መና ጎዳ ማሻዉ፥ ኔን ጮኡ ጌናን እጽያዌ አዉደ ጋካናሴ? ነ ሾኩዋን ስማ ገላ! ጮኡ ጋደ ሸምፓ!’ ያጊታ። 
\v 7 ሽን መና ጎዳይ አ አዛዝና፥ እ ዋን ጮኡ ጎ ጊቴ? አስቃሎና ቦላነ አባ ዛንጋራን ቢታን ደእያ አሳ ቦላ እ አ ሱንድጌዳ” ያጌ።
\c 48
\s1 ሞኣባ ፕርዳ
\p
\v 1 ሞኣባ ቢታ ጼልያዋን ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤\x - \xo 48:1-47 \xo*\xt ኢሳ. 15:1—16:14፤ 25:10-12፤ ህዝ. 25:8-11፤ አሞጻ 2:1-3፤ ሶፎ. 2:8-11\xt*\x* “ናቦ ካታማዉ አየ አና! አያዉ ጎፐ፥ እ ባያና። ቅርያታይማ ካታማይ ካዉሻናነ ኦሞደታና፤ ኡንቱንቱ ጌሱካ ካዉሻናነ መኤረታና። 
\v 2 ሀዋፐ ህን ባጋን ሞኣባ ጬቁ ያና። አያዉ ጎፐ፥ ሀሰቦና ካታማን ደእያ አሳይ ሞኣባ ቦላ፥ ‘ሃይተ! ሄ ቢታ አነ ኡባና ይሴቶ’ ያጊደ ኢታባ ማቀቴዳ። ኔኖ፥ ማድሜና ካታማትዉ፥ ኔናካ ስርጵ ኦና፤ ነ ጌዱዋ ኦላይ ካላና።
\p
\v 3 “ሆሮናይማ አሳይ፥ ‘ላለይነ ዎልቃማ ባሻይ ጋኬዳ’ ያጊደ ዋስያ ዋሱዋ ስስተ! 
\v 4 ሞኣበ መኤረታና፤ አ ናናቱ ዬክያ ዬኩዋ ስስተ! 
\v 5 ኡንቱንቱ ዬኪደ፥ ሉሂታ ፑደ ከሳና፤ ሆሮናይማ ዱገካ ባሻዉ ዋስያዋንቱ ዋሱዋ ስሲደ ዎና። 
\v 6 ኡንቱንቱ እቱ እቱዋ፥ ‘ባቃትተ! ህንተ ሸምፑዋ አሽተ!’ መላ ደምባን ደእያ አሮኤራ ካታማ ማላ ግድተ። 
\v 7 ኔኖ፥ ሞኣባ ቢታዉ፥ ኔን ነ ዎልቃንነ ነ ዱረተን ጬቀቴዳ ድራዉ፥ ኔንካ ኦሞደታና። ቃይ ካሞሻ ግያ ጾሳይካ ባረ ቄሳቱ ዋነ ባረ ሞድያዋንቱና እትፐ ኦሞደቲደ፥ ሀራሳ ባና። 
\v 8 መና ጎዳይ ኦዴዳዋዳን፥ ካታማቱዋ ኡባ ይስያዌ ያና፤ እት ካታምነ ደኤና፤ ዎምባይነ ደምባይ ኡባይ እትፐ ያና። 
\v 9 ሞኣባዉ እ ፓሊደ አትያ ቀፍያ እምተ። አ ካታማቱ ኡባይ አይነ ባይናዋ ግዳና፤ እት አሳይነ ኡንቱንቱን ደኤና።
\p
\v 10 “መና ጎዳ ኦሱዋ ሸነኮ ጊደ ኦያ ኡራይ ሸቀቴዳዋ ግዶ! ጾሳይ አዛዝ ዎና፥ ሱ ጉሰናዳን ባረ ማሻ ተእያ ኡራይካ ሸቀቴዳዋ ግዶ!
\p
\v 11 “ሞኣበ ያላጋተፐ ዶሚደ፥ እሻሉዋን ደኤዳ አሳ ማላ፤ እ ሀራ ቢታዉ ኦሞደትቤና። ሞኣበ ባፐ ባዉ ትገተናንነ ቃጸናን፥ ማልኡ ላመተናንነ ሳዉ አገናን፥ ኡቲደ ደእያ ዎይንያ ኤሳ ማላ። 
\v 12 ሞኣባ አ የግያዋንታ ታን መና ጎዳይ ኪትያ ጋላሳቱ ያና። ኡንቱንቱ አ አ የጊደ፥ ባፐ ጭንግርሳና፤ አ ባ መንሬና። 
\v 13 ያትና፥ እስራኤልያ አሳይ ባረ አማነቴዳ፥ ቤቴለን ደእያ ኤቃን ካዉሼዳዋዳን፥ ሞኣባ አሳይካ ባረ ጾሳን ካሞሻን ካዉሻና።
\p
\v 14 “ህንተ፥ ‘ኑን ዎልቃማ አሳነ ምኖ ኦላንቻ’ ጊደ አያዉ ጬቀቲቴ? 
\v 15 በእተ፥ ሞኣባ ቢታይነ ያን ደእያ ካታማቱ ባዬድኖ። አ ያላጋ አቱማ አሳቱካ ሹከታናዉ ዱገ ቤድኖ። ታን ካቲ፥ ኡባፐ ዎልቃማ መና ጎዳ ጌተትያዌ ሀዋ ኦዳይ። 
\v 16 ሞኣባ ባሻይ ማታቴዳ፤ ቱጋይ አ ቦላን ይያ ዎዲካ ኤሌሊደ ጋኬዳ።
\p
\v 17 “አ ዩሹዋን ደእያ አሳዉ፥ አ ዎጋተካ ኤርያ ኡባዉ፥ ‘ምኖ ግዴዳ ካዉተ ጻምአይ ዋን መኤዴ! ቦንቼቴዳ ጻምአይ ዋን ክንቼቴዴ!’ ያጊደ ዝላልተ።
\p
\v 18 “ህንተኖ፥ ድቦና ካታማን ደእያዋንቶ፥ ህንተ ቦንቾ ሳኣፐ ዎደ፥ መላ ቢታን ኡትተ። አያዉ ጎፐ፥ ሞኣባ ይስያዌ ህንተ ቦላንካ ያና፤ ህንተ ጌሱዋ ኡባካ ላላና።
\p
\v 19 “አሮኤራ ካታማን ደእያዋንቶ፥ ኦግያ ዶናን ኤቂደ ጼልተ፤ ከስ አኪደ ባቃትያ አቱማ አሳነ ማጫ አሳ፥ ‘አዬ ከሴዳዌ?’ ያጊደ ኦችተ።
\p
\v 20 “ኡንቱንቱ፥ ‘ሞኣበ መኤዳ ድራዉ ካዉሼዳ፤ አዉ ዬክተነ ዝላልተ! ሞኣበ ባዬዳዋ አርኖና ሻፋ ላንቂያን አዋይተ!’ ያጊደ ዛራና።
\p
\v 21 “ገዝያን ደእያ ሆሎና፥ ያህጻ፥ መፋኣታ፥ 
\v 22 ድቦና፥ ናቦ፥ ቤት-ድብላታይማ፥ 
\v 23 ቅርያታይማ፥ ቤት-ጋሙላ፥ ቤት-ማኦና፥ 
\v 24 ቅርያታነ፥ ቦጽራ ጌተትያ ካታማቱዋ ቦላንነ ማታንነ ሃኩዋን ደእያ ሞኣባ ካታማቱዋ ቦላን ፕርዳይ ዬዳ። 
\v 25 ሞኣባ ካጪ ቃንጸቴዳ፤ አ ቀሲካ መኤዳ።
\p
\v 26 “መና ጎዳ ቦላን ኦቶረቴዳ ድራዉ፥ ሞኣባ ኡሺደ ማይተ። ባረ ጮሼዳ ጮሻ ቦላን ጎንዶረቶ፤ አሳይ ኡባይካ አ ቦላን ቅሊጮ። 
\v 27 ካሰ ኔን እስራኤልያ ቦላን ቅሊጫበይኪ? አባ ሃሳይያ ዎደ፥ ኔን ካደ ሁጲያ ቃዳዌ እስራኤሊ ካይሶቱዋ ግዶፐ ኦይቀቲኔየ?
\p
\v 28 “ህንተኖ፥ ሞኣባን ደእያዋንቶ፥ ካታማፐ ከስ ቢደ፥ ሹቻ ጎንጎሉዋ ግዶን ደእተ። አፉዋ ዶናን ባረ ጎልያ ኬጽያ ሀራጳት ማላ ግድተ። 
\v 29 ሞኣበ ሎይ ኦቶረቴዳ፤ ሞኣባ አሳይ አይ ኬሻ አይንቶ፥ አሌቅንቶነ ኦቶረትንቶ፥ ቃይ ባረንታ ኡንቱንቱ አይ ኬሻ ቂስ ዎደንቶ፥ ታን ስሳድ። 
\v 30 ታን መና ጎዳይ ኡንቱንቱ አሌቁዋ ኤራይ፤ ሽን አይነ ማደና፤ ኡንቱንቱ ጬቁካ አያካ ኦና። 
\v 31 ሄዋ ድራዉ፥ ታን ሞኣባዉ ዋሳይ፤ ቂርሄሬሳ አሳዉካ ካዮታደ ዬካይ።
\p
\v 32 “ህንተኖ፥ ሲብማ አሳዉ፥ ያእዜራ አሳዉ ዬክያዋፐ አደ ታን ህንተዉ ዬካይ። ህንተ ታሺ ዳሺደ፥ ማጽያ አባ ፕኒደ፥ ያእዜራ ጋኬዳ ዎይንያ ቱራ ማላ፤ ሽን ህንተ ኦፍን ቴራነ ህንተ ዎይንያ ዉርጩዋ ቦንቂያዋንቱ ዪደ ይስድጌድኖ። 
\v 33 ሎኦ ካይ አይፍያ ሞኣባ ቢታፐ ፓሽካይነ ናሸቻይ አከት ክቼዳ። ዎይንያ ቴራ ጉምእያ ሳአቱዋፐካ ዎይንያ ኤሳይ ጎገናዳን ተአ ድጋድ። ኦንነ ላኤን አ እልሊድ ጉምኤና። አሳ ኮሻይ ስሰቶፐካ፥ ናሸቻ ኮሻ ግደና።
\p
\v 34 “ኡንቱንቱ ሀሰቦናንነ ኤልኣለን ዋስያ ዋሱ ያሃጻ ጋካናዉ ስሰቴ። ቃይ ጾኣሮፐ ቢደ፥ ሆሮናይማነ ኤግላት-ሻሊሽያ ጋካናዉ ስሰቴ። ሀራይ አቶ ንምሪማ ሃይካ መሌዳ።
\p
\v 35 “ታን ሞኣባን አሳይ ጎይንያ ቃ ሳአቱዋን ያርሽያዋንታ ባረንቱ ጾሳቶ እጻና ጩዋይያዋንታ ይሳና። ታን መና ጎዳይ ሀዋ ኦዳይ። 
\v 36 ኡንቱንቱ ካሰ ደሜዳ ዱረተይ ኡባይ ሀእ ይክቼዳ ድራዉ፥ ታ ዎዛናይ ሞኣባዉነ ቂርሄሬሳ አሳዉ ባልያን ህጽጽያን ዬክያዋዳን ዬኬ። 
\v 37 ኡንቱንቱ ኡባይ ባረንቱ ሁጲያነ ባረንቱ ቡቻ ሜዴድኖ፤ ባረንቱ ኩሽያካ ቃንጺደ ማዱድኖ፤ ቃይ ባረንቱ ጼሳንካ ማቃ ዳንጬድኖ። 
\v 38 ሞኣባን ደእያ ጎልያ ሁጲያ ኡባንነ ዳባባን ዬኩዋፐ አትና፥ ሀራባይ ባዋ። አያዉ ጎፐ፥ ሞኣባ ታን ኦንነ ኮየና ኦቱዋዳን መንድ። ታን መና ጎዳይ ሀዋ ኦዳይ።
\p
\v 39 “ሞኣበ አይ መኡዋ መኤዴ! አ አሳይነ አይ ዋሱዋ ዋስ! ሞኣበ ዬላቲደ፥ ባረ ዞክያ ዎራ አይ ዛሩዋ ዛሪ! ሄዋ ድራዉ፥ ሞኣበ ባረ ዩሹዋን ደእያ ኡባቶ ሚጭያዋነ ዳጋምያባ ግዴዳ” ያጌ።
\p
\v 40 መና ጎዳይ ሀዋዳን ያጌ፤ “አርጋንይ ባረ ቀፍያ ፕድ ኦ ፓሊደ ይያዋዳን፥ ሞርኪ ሞኣባ ቦላን ያና። 
\v 41 አ ካታማቱ ኦይቀታና፤ አ ጌሳቱካ አከታና። ሄ ጋላስ ሞኣባ ምኖ ኦላንቻቱዋ ዎዛናይካ ኦይይ ኦይቄዳ ማጫ ምሽራት ዎዛና ማላ ግዳናዋ። 
\v 42 ሞኣበ ታ ቦላን፥ መና ጎዳ ቦላን ማካሌዳ ድራዉ ያና፤ ሀዋፐ ስንዉ እ ካዉተ ግደና።
\p
\v 43 “ህንተኖ፥ ሞኣባን ደእያዋንቶ፥ ያሽያዌ፥ ኦላይነ ጲሪ ህንተና ናጌ። ታን መና ጎዳይ ሀዋ ኦዳይ። 
\v 44 ያሽያዋፐ ባቃቲደ ዎጽያ ኦንነ ኦላን ኩንዳና፤ ቃይ ኦላፐ ፑደ ከስያ ኦንነ ጲርያን ኦይቀታና። አያዉ ጎፐ፥ ታን ሞኣባ ሙርያ ዎድያን ሄዋ ኦና። መና ጎዳይ ሀዋ ኦዳይ።
\p
\v 45 “ባቃቲደ ቤዳዋንቱ ዎልቃ ዪደ፥ ሀሰቦና ካታማ ኩዋን ኤቄድኖ። አያዉ ጎፐ፥ ሀሰቦና ካታማፐ ታማይ፥ ቃይ ካቲ ስሆን በን ደኤዳ ጎልያፐ ላጩ ከሲደ፥ ሞኣባ ቢታ ኡባነ አን ደእያ ማካላንቻ አሳ ማና። 
\v 46 ሞኣባ አሳዉ፥ ህንተዉ አየ አና! ካሞሻ ግያ ጾሳዉ ጎይንያዋንቱ ዬድኖ፤ ኡንቱንቱ አቱማ ናናቱነ ማጫ ናናቱ ኦሞደቲደ ቤድኖ።
\p
\v 47 “ግዶፐነ፥ ዉርሰ ዎደቱዋን ታን ሞኣባ አሳዉ ዛራደ ሳኣ እሻልሳና። ታን መና ጎዳይ ሀዋ ኦዳይ” ያጌ።
\p ሞኣባ ቦላ ኦደቴዳ ትምቢቲ ሀዋን ዉሬዳ።
\c 49
\s1 አሞና ፕርዳ
\p
\v 1 አሞና አሳ ጼልያዋን መና ጎዳይ ሀዋዳን ያጌ፤ “እስራኤልያዉ አቱማ ናአይ ባዌ? ዎይ ላትያዌ ባዌ? ያትና፥ ሞሎካ ግያ ጾሳዉ ጎይንያ አሳቱ ጋዳ ቢታ አያዉ ኦይቄድኖ? ኡንቱንቱ ካታማንካ አያዉ ኡቴድኖ?\x - \xo 49:1-6 \xo*\xt ህዝ. 21:28-32፤ 25:1-7፤ አሞጻ 1:13-15፤ ሶፎ. 2:8-11\xt*\x* 
\v 2 አሞና አሳይ ደእያ ራባ ካታማ ቦላን ኦላ ዋሱ ስሰታናዳን፥ ታን መና ጎዳይ ኦና ጋላሳቱ ያና። ሄ ካታማይ ኮለቲደ፥ መላ አታናዋ። አ ዩሹዋን ደእያ ቄር ካታማቱካ ታማን ጹገታና። እስራኤልያ አሳይካ ባረና ባረ ላታፐ የደርሴዳዋንታ የደርሳና። ታን መና ጎዳይ ሀዋ ኦዳይ።
\p
\v 3 “ህንተኖ፥ ሀሰቦና አሳቶ፥ አታ ካታማይ ኮለት ክቼዳ ድራዉ ዝላልተ! ህንተኖ፥ ራባ አሳቶ፥ ዬክተ! ማቃ ማዪደ ካዮትተ! ቃይ ዎዛና ባዪደ፥ ካታማ ግምቢያ ግዶን ዎጸረትተ! አያዉ ጎፐ፥ ህንተ ጾሳይ ሞሎክ ባረ ቄሳቱ ዋነ ባረ ሞድያዋንቱና ኦሞደታና። 
\v 4 ህንተኖ፥ አማኑ ባይና አሳቶ፥ ህንተ፥ ‘ኑ ቦላን ኦን ዎራጂ?’ ያጊደ ህንተ ዱረተንነ ህንተ አራዳ ዎምባቱዋን አያዉ ጬቀቲቴ? 
\v 5 ታን ነ ዩሹዋን ደእያዋንቱ ኡባይ ኔና ዳጋንናዳን ኦና። ታን መና ጎዳይ፥ ኡባፐ ዎልቃማ መና ጎዳይ ሀዋ ኦዳይ። ህንተ ኡባይካ ከሲደ ባቃታና፤ ቃይ ባቃቲደ ቤዳዋንታ ሺሽያዌ ያና።
\p
\v 6 “ግዶፐነ፥ ዉርሰ ዎደቱዋን ታን አሞና አሳዉ ዛራደ እሻልሳና። ታን መና ጎዳይ ሀዋ ኦዳይ” ያጌ።
\s1 ኤዶማ ፕርዳ
\p
\v 7 ኤዶማ ቢታ ጼልያዋን ኡባፐ ዎልቃማ መና ጎዳይ ሀዋዳን ያጌ፤ “ተማና አሳዉ አዳ ኤራተይ ባዌ? ጭንጫ አሳቱዋፐ ዞሪ ይ ክቼዴ? ኡንቱንቱ አዳ ኤራተይ ኡንቱንቱፐ ጎዘት ክቼዴ?\x - \xo 49:7-22 \xo*\xt ኢሳ. 34:5-17፤ 63:1-6፤ ህዝ. 25:12-14፤ 35:1-15፤ አሞጻ 1:11-12፤ አብድ. 1-14፤ ሚልክ. 1:2-5\xt*\x* 
\v 8 ህንተኖ፥ ዳዳናን ደእያዋንቶ፥ ባቃቲደ ጪማ ጎንጎሉዋን ቆሰትተ! አያዉ ጎፐ፥ ታን ኤሳ ዘረ ሙርያ ዎድያን፥ አ ቦላ ባየ አሀና። 
\v 9 ዎይንያ ማጽያዋንቱ ዮፐ፥ ማጺደ ቃርምያ አሽክኖ? ካይሳቱ ቃማ ገሎፐካ፥ ባረንታ ኮሽያዋ ጻላላ አክክኖ? 
\v 10 ሽን ታን ኤሳ ዘረ ቃራደ ካሎ አሻና፤ ኡንቱንቱ ቆሰታናዉ ዳንዳየና ማላ፥ ኡንቱንቱ ቆሰትያ ሳአቱዋካ ታን ቃራደ፥ ቆንጨ ሳኣ ኦና። ኤሳ ዘረይ፥ አ ዳቦቱነ አ ሾሮቱ ኡባይ ያና። 
\v 11 ህንተ ግዶን ደእያ አዉ ሀይ ድጌዳ ናናቱዋ ታዉ አግ ባሽተ፤ ኡንቱንታ ታን ድቻና። ቃይ ህንተ አምኤቱካ ታናን አማነትኖ” ያጌ።
\p
\v 12 መና ጎዳይ ሀዋዳን ያጌ፤ “ስም ሙረታናዉ በሰና አሳቱ ሙሩዋ ጹኣ ኡሽያዋንታ ግዶዋፐ አትና፥ ህንተ ዋን ሙረተናን አታና ጊደ ቆፒቴ? ቱማ ህንተካ ሙሩዋ ጹኣፐ ኡሺታፐ አትና፥ ጮ አትክታ። 
\v 13 ቦጽራ ካታማይ መላ ግዲደ አታና፤ አ በኤዳ አሳዉ ኡባዉ ዳጋንያባ፥ ቅሊጭያባነ ቦርያባ ግዳናዋ። ቃይ አ ዩሹዋን ደእያ ቄር ካታማቱ ኡባይካ መናዉ ኮለቲደ አታናዋ። ሀዋ ታን መና ጎዳይ ታ ሱንን ጫቃይ” ያጌ።
\p
\v 14 ታን መና ጎዳፐ ዬዳ እት ኪታ ስሳድ። ካዉተቱዋ ግዶ ኪተቴዳዌ፥ “ኤዶማ ቦላ ዶዳናዉ ሺቅተ! አናና ኦለታናዉ ደንድተ!” ያጌዳ።
\p
\v 15 መና ጎዳይ ሀዋዳን ያጌ፤ “ስም ታን ህንተና ካዉተቱዋ ግዶን ጉና፤ አሳ ግዶንካ ካቴዳዋንታ ኦና። 
\v 16 ህንተኖ፥ ሹቻ ጎንጎሉዋንነ ደርያ ቦላን ደእያዋንቶ፥ ህንተ ያሽስያ ያሻይነ ህንተ ኦቶሩ ህንተና ጭሜዳ። ህንተ ህንተ ጎልያ አርጋንዋዳን ቃን ኬጾፐካ፥ ታን ህንተና ሄዋፐካ ዱገ ዎና።
\p
\v 17 “ኤዶማ ቢታይ አሳ ዳጋንያ ቢታ ግዳናዋ። ያና አያ አሳይ ኡባይ አ ባየ በኢደ፥ ዳጋማናነ፥ ‘ፖራ!’ ጋና። 
\v 18 ሶዶምነ ጋሞር ባረንቱ ዩሹዋን ደእያ ካታማቱዋና ባይያ ዎደ ሀኔዳዋዳን፥ ኦንነ ያን ደኤና፤ አሳይ ኡባካ ያን ኡተና። ታን መና ጎዳይ ሀዋ ኦዳይ።\x - \xo 49:18 \xo*\xt ዶመ 19:24-25\xt*\x*
\p
\v 19 “ዮርዳኖሳ ሻፋ ላንቂያን ደእያ ዎራፐ ሎኦ ቆሩ ደኢያሳ ቆፐናን ከስያ ጋሙዋዳን፥ ታን ያደ፥ ኤዶማ አሳቱዋ ቆፐናን ኡንቱንቱ ቢታፐ የደርሳና። ሄዋፐ ጉይያን፥ ታ ዶሬዳ አሳ አ ቦላን ሱንና። ታ ማላይ ባዋ፤ ታን ኦና ጌዳዋካ ተአናዉ ዳንዳይያ አሳይ ባዋ። አይ ሄንንቻይ ታናና ኤቀታናዉ ዳንዳዪ?
\p
\v 20 “ሄዋ ድራዉ፥ ታን መና ጎዳይ ኤዶማ ቦላንነ ተማና ካታማ አሳ ቦላን ኦናዉ ሀልቼዳዋነ ቆፔዳዋ ስስተ! ኡንቱንቱ ናናቱዋ ዎልቃን ጎቺደ አፋና፤ ሄዋ ጋሱዋን ኡንቱንቱ ሶ አሳይ ኡባይ ዳጋማና። 
\v 21 ኤዶማ ኩንደ ጊረይ ቢታ ቃና፤ ኤዶማቱዋ ዋሱካ ዞኦ አባ ጋካናዉ ስሰታና። 
\v 22 አርጋንይ ባረ ቀፍያ ፕድ ኦደ፥ ቦላፐ ዱገ ኤለካ ፓሊደ ይያዋዳን፥ ሞርኪ ቦጽራ ቦላን ያና። ሄ ጋላስ ኤዶማ ኦላንቻቱ ኦይይ ኦይቄዳ ምሽራቲዳን ህርጋና” ያጌ።
\s1 ዳማስቆ ፕርዳ
\p
\v 23 ዳማስቆ ጼልያዋን ጾሳይ ሀዋዳን ያጌ፤ “ኢታ ኦዱዋ ስሴዳ ድራዉ፥ ሀማታነ አርፋዳ ካታማቱዋን ደእያ አሳይ ዬላቴዳነ ያዬዳ። ቤታይ ሾጭያ አባዳን፥ ኡንቱንታ ዎዛናይ ሸምፑዋ ደማናዉ ዳንዳይቤና።\x - \xo 49:23-27 \xo*\xt ኢሳ. 17:1-3፤ አሞጻ 1:3-5፤ ዛካ. 9:1\xt*\x* 
\v 24 ዳማስቆ አሳይ ዳቡሬዳ፤ ኡንቱንቱ ዳጋማን ሻባረቲደ ባቃቴድኖ፤ ምሽራቶ ኦይይ ኦይቂያዋዳን፥ መቱነ ቱጋይ ኡንቱንታ ኦይቄዳ። 
\v 25 ናሸቻይ ኩሜዳ ሄ ኤረቴዳ ካታማይ አሳይ ደኤና ሳኣ ግዳናዋ! 
\v 26 ሄዋ ድራዉ፥ ሄ ጋላሳን ሄ ካታማን ደእያ ያላጋ አቱማ አሳ ኡባይ ካታማ ግዶ ኦገቱዋን ሀይቃና፤ ኦላንቻቱ ኡባይካ ዉራና። ታን፥ ኡባፐ ዎልቃማ መና ጎዳይ ሀዋ ኦዳይ። 
\v 27 ታን ዳማስቆ ካታማ ድርሳ ግምቢያን ታማ የዳና፤ ሄ ታማይ በንሀዳዳ ካዉተ ጎልያ ኡባ ማና” ያጌ።
\s1 ቄዳረ ያራቱዋ ቦላነ ሀጾራ ካዉተቱዋ ቦላ ያና ፕርዳ
\p
\v 28 ባብሎነ ካቲ ናቡካዳናጾር ኦሊደ ጾኔዳ ቄዳረነ ሀጾራ ካዉተቱዋ ጼልያዋን መና ጎዳይ ሀዋዳን ያጌ፤ “ደንድተ፤ ቄዳረ አሳ ኦልተ! ሄ አዋይ ዶልያ ባጋና ደእያ አሳ ዉርስተ! 
\v 29 ኡንቱንቱ ዱንካነቱዋነ ኡንቱንቱ ዉደቱዋ አክተ! ኡንቱንቱ ጋርዳቱዋ፥ ኡንቱንቱ ማጹዋ ኡባነ ኡንቱንቱ ጋሎቱዋ አክተ! ያቲደ ኡንቱንቶ፥ ‘ህንተ ዩሾ ኡባን ሻቢርሳይ ደንዴዳ!’ ያጊደ ኦድተ።
\p
\v 30 “ህንተኖ፥ ሀጾራን ደእያዋንቶ፥ ባብሎነ ካቲ ናቡካዳናጾር ህንተ ቦላን ኢታባ ኦናዉ ማቀት ኡቴዳ ድራዉ፥ ባቃትተ፤ ሃኮ ሳ ቢደ፥ ጪማ ጎንጎሉዋን ቆሰትተ! መና ጎዳይ ሀዋ ኦዳድ።
\p
\v 31 “ናቡካዳናጾራ፥ ደንዳ! ህርግ ባይናን ሳሮ ደእያ ካዉተቱዋ ቦላ ዎራጃ! ታን መና ጎዳይ ሀዋ ኦዳይ። ኡንቱንቱ ካታማ ግምቢያዉ እፍይ ዎይ ኩሉቡ ባዋ። ኡንቱንቱ ባረካ ደኢኖ።
\p
\v 32 “ኡንቱንቱ ጋሎቱ ቦንቀታና፤ ኡንቱንቱ ዉዲካ ኦሞደታና። ባረንቱ ሁጲያ ሹፌርያ ሜድስያዋንታ ኡባ ታን ጫርኩዋን ላላና፤ ታን ኡባ ሳና ኡንቱንቱ ቦላ ባየ አሀና። ታን መና ጎዳይ ሀዋ ኦዳይ። 
\v 33 ሀጾር መናዉካ ዎራካናቱ ደእያ ባዞ ግዲደ አታናዋ። ኦንነ ያን ደኤና፤ አሳይ ኡባካ ያን ኡተና” ያጌ።
\s1 ኤላማ ፕርዳ
\p
\v 34 ይሁዳ ካቲ ሰደቅያስ ኮይሮ ካተቴዳ ዎደ፥ ኤላማ ቢታ ጼልያዋን መና ጎዳፐ ኤርማሳኮ ዬዳ ቃላይ ሀዋ። 
\v 35 ኡባፐ ዎልቃማ መና ጎዳይ ሀዋዳን ያጌ፤ “ኤላማዉ ዋና ዎልቃ ግድያ ኡንቱንቱ ዎንዳፍያ አሳቱዋ ታን ዎና። 
\v 36 ኡባ ሳና ታን ኤላማ ቦላን ጫርኩዋ አሀና፤ ኡንቱንታካ ሄ ጫርኩዋን ኡባሳ ላላና። ሄዋ ድራዉ፥ ኤላማ አሳይ ላለቲደ ጋከና ቢታይ ደኤና። 
\v 37 ኡንቱንቱ ሞርከቱዋ ስንንነ ኡንቱንታ ዎናዉ ኮይያዋንቱ ስንን ታን ኤላማ ዳጋንና። ታን ታ ዎልቃማ ሀንቁዋን ኡንቱንቱ ቦላ ባየ አሀና። ታን መና ጎዳይ ሀዋ ኦዳይ። ታን ኡንቱንታ ይሳና ጋካናዉ፥ ማሻን የደርሳና። 
\v 38 ታን ኤላማ ካትያነ ኡንቱንቱ ካፖቱዋ ይሳደ፥ ታ ካዉተ አራታ ያን ዎና ያጌ መና ጎዳይ።
\p
\v 39 “ግዶፐነ፥ ዉርሰ ዎደቱዋን ታን ኤላማ አሳ ዛራደ እሻልሳና። ታን መና ጎዳይ ሀዋ ኦዳይ” ያጌ።
\c 50
\s1 ባብሎነ ፕርዳ
\p
\v 1 ባብሎነ ቢታነ ባብሎነ አሳ ጼልያዋን ትምቢትያ ኦድያ ኤርማሳ ባጋና መና ጎዳይ ኦዴዳ ቃላይ ሀዋ:\x - \xo 50:1—51:64 \xo*\xt ኢሳ. 13:1—14:23፤ 47:1-15\xt*\x* 
\v 2 “ካዉተቱዋ ግዶን ኦድተነ አዋይተ። ባንድራ ቁ ኦ ኦይቂደ፥ አያነ ቆሰናን፥ ሀዋዳን ያጊደ ኦድተ፤ ‘ባብሎነ ኩንዴዳ! ቤላነ ማርዱካ ጌተትያ አ ጾሳቱካ ዬላቴድኖነ መኤረቴድኖ። ቃይ አ ምስለቱነ አ ኤቃቱ መኤረቴድኖ። 
\v 3 ሁጲሳ ባጋ ቢታፐ እት ካዉተይ ያና፤ ባብሎነ ቢታ ባይዛና። ያቶፐ አሳይካ መሂካ ኡባይ ባቃታና፤ ኦንነ ያን ደኤና’ ያግተ” ያጌዳ።
\s1 እስራኤልያ አሳይ ስማና
\p
\v 4 መና ጎዳይ ሀዋዳን ያጌ፤ “ሄ ዎድያንነ ሄ ጋላሳቱዋን እስራኤልያ አሳይነ ይሁዳ አሳይ እትፐ ግዲደ፥ ዬኪደ ያና፤ መና ጎዳ ባረንቱ ጾሳ ኮያና። 
\v 5 ኡንቱንቱ ጽዮነ አፍያ ኦግያ ኦቺደ፥ ባረንቱ ስን ያ ዛሪደ፥ ‘ሃይተ!’ ኑን ኡባካ ዶገተና መና ጫቁዋ መና ጎዳና አነ ጫቀቴቶ ያጋና።
\p
\v 6 “ታ አሳይ ባዬዳ ዶርሳቱዋ ማላ ግዴዳ፤ ኡንቱንቱ ሄንንቻቱ ኡንቱንታ ባለደ፥ ደርያን ዎራ የዴድኖ። እት ሳፐ ሀራ ደርያ ቶይላካቲደ፥ ባረንቱ አቅያ ሳኣ ዶጌድኖ። 
\v 7 ደሜዳ ኡባይ ኡንቱንታ ሻንካቴዳ። ኡንቱንቱ ሞርከቱ፥ ‘ኑን አይነ ባይዝበይኮ፤ ሀዌ መቱ ኡባይ ኡንቱንታ ጋኬዳዌ፥ ኡንቱንቱ መና ጎዳ፥ ባረንቱ ሸምፑዋ ሳኣ፥ መና ጎዳ ባረንቱ ማይዛ አዎቱዋ ህዶታ ናቄዳ ግሻሳ’ ያጌድኖ።
\p
\v 8 “ህንተኖ፥ እስራኤልያ አሳቶ፥ ሀእ ስም ባብሎነ አሳ ግዶፐ ከሲደ ባቃትተ! ባብሎናቱዋ ቢታፐ ቢተ! ያቲደ ዉድያ ካለያ ዴሻ ኦርግያ ማላ ግድተ።\x - \xo 50:8 \xo*\xt ሳፃ 18:4\xt*\x*\x - \xo 50:8 \xo*\xt ሳፃ 18:4\xt*\x* 
\v 9 አያዉ ጎፐ፥ ታን ሁጲሳ ባጋ ቢታፐ ዎልቃማ ዎልቃማ ካዉተቱዋ ጭታቱዋ ደንደ፥ ባብሎነ ቦላ አሃደ ደአይ። ኡንቱንቱ አ ኦሊደካ ኦይቃና፤ ኡንቱንቱ ዎንዳፊ ዱኪደ የዴዳ ሂላንቻ ኦላንቻ ማላ። 
\v 10 ባብሎነ ቢታይ ቦንቀታና፤ አ ቦንቂያ ኡባይ ካላና። ታን መና ጎዳይ ሀዋ ኦዳይ።
\s1 ባብሎነ ኩንደ
\p
\v 11 “ህንተኖ፥ ባብሎነ አሳቶ፥ ታ አሳ ቦንቂያዋንቶ፥ ህንተ ናሸቲደ፥ ፖጩ ጌድታ። ቆሩዋ ካሌዳ ኡሳቲዳን፥ ህንተ ጲጽሌድታ፤ ዎታራ ፓራዳን ጫጌድታ። 
\v 12 ሽን ሀእ ህንተ ዋና ካታማይ ዬላታናነ ካዉሻና። ቃይ ካዉተቱዋ ግዶንካ ባብሎነ ኡባፐ ዉርሰ ግዳናዋ፤ ሃ ባይና መላ ቢታ ግዳናዋ። 
\v 13 መና ጎዳ ሀንቁዋ ጋሱዋን፥ ባብሎነ አሳይ ደኤናሳ ግዳናዋ፤ እ ኡባና ኮለተና። አ ላንቂያና አያ ኡባይ አ ቦላን ጋኬዳ ቦሻ በኢደ፥ ዳጋማናነ፥ ‘ፖራ!’ ጋና።
\p
\v 14 “ህንተኖ፥ ዎንዳፍያ ዱክያዋንቶ፥ ባብሎነ ኦላናዉ አ ዩሹዋን ሳልፕተ፤ እ መና ጎዳ ቦላን ናጋራ ኦዳ ድራዉ፥ ህንተ ፖቱዋን ኡባን አ ዱክተ። 
\v 15 ኡባ ባጋናካ ባብሎነ ቦላን ኦላ ዋሱዋ ዋስተ! ባብሎነ ኩሽያ እሜዳ፤ አ አዱሳ ግምበቱ ኩንዴድኖ፤ አ ግምቢያ ድርሳይካ ኮለቴዳ። መና ጎዳይ አ ቦላን ሀሉዋ ከሲደ ደእያ ድራዉ፥ ህንተካ አ ቦላን ሀሉዋ ከስተ! እ ሀራቱ ቦላን ኦዳዋ ህንተካ አ ቦላን ኦተ! 
\v 16 ዘረ ዘርያዋነ ጫካ ዎደ ሺሻናዉ ከስያዋ ኡባ ባብሎነፐ ይስተ። ኡንኤያዋንቱ ማሻዉ ያዬዳ ድራዉ፥ ሄ ቢታን ደእያ አሳይ ኡባይ ባረ ያራኮ ያራኮ ስሚደ፥ ባረ ቢታ ቢታ ባቃታና።
\s1 እስራኤልያ አሳይ ስማና
\p
\v 17 “እስራኤሊ ጋሙ የደርሲደ ላሌዳ ዶርሳ ማላ። ኮይሮ አሶረ ካቲ አ አሹዋ ሜዳ፤ ዉርሰን ቃይ ባብሎነ ካቲ ናቡካዳናጾር አ መቀ ጌዳ። 
\v 18 ሄዋ ድራዉ፥ ኡባፐ ዎልቃማ መና ጎዳይ፥ እስራኤልያ ጾሳይ፥ ታን ሀዋ ኦዳይ: አሶረ ካትያ ታን ሙረዳዋዳን፥ ባብሎነ ካትያካ አ ቢታካ ሙራና። 
\v 19 ሽን እስራኤልያ እ ሄመትያ ሳኣ ዛራና፤ ቃርመሎሳነ ባሳነ ደረቱዋን እ ሄመታና። ቃይ ኡንቱንቱ ኤፍሬማ ገዝያንነ ጋላኣደ ገዝያን ካሊደ ማና። 
\v 20 ሄ ዎድያንነ ሄ ጋላሳቱዋን አሳይ እስራኤልያን ባይዙዋ ኮያና፤ ሽን ባይዙ ያና፤ ይሁዳን ናጋራ ኮያና፤ ሽን ቤተና። አያዉ ጎፐ፥ ሀይቁዋፐ ታን አሼዳ እስራኤልያ አሳ አቴዳዋንቱ ናጋራ ታን አቶ ያጋና። ታን መና ጎዳይ ሀዋ ኦዳይ” ያጌ።
\s1 ባብሎነ ፕርዳ
\p
\v 21 ቃይካ መና ጎዳይ ሀዋዳን ያጌ፤ “ምራታይማ ቢታነ ፕቆዳ ቢታን ደእያ አሳ ቦላን ደንድተ፤ ኡንቱንታ ኦልተ፥ ዎተነ ኡንቱንታ ሙለ ይስተ። ታን ህንተና አዛዜዳዋዳን ኡባባ ኦተ። 
\v 22 ሄ ቢታን ኦላ ዋሱ ስሰቴ፤ ዎልቃማ ባሻይካ ጋኬዳ። 
\v 23 ቢታ ሳኣ ኡባ ሊቅስያ ድጅኑ አይ መኡዋ መኤዴ! አይባ ሊቁዋ ሊቄዴ! ካዉተቱዋ ኡባ ግዶን ባብሎነ አይባ ዳጋንያባ ግዴዴ! 
\v 24 ኔኖ፥ ባብሎነ፥ ታን ኔና ኦይቃናዉ ጲርያ ዎድ፤ ኔን ኤረናን ደኣደ ገላደ ኦይቀታዳ። ኔን ታናና፥ መና ጎዳና ጋዳቴዳ ድራዉ ኦይቀታዳ። 
\v 25 ታን መና ጎዳይ ታ ኦላ ሚሻ ዎያ ጎልያ ዶያድ፤ ታ ሀንቁዋ ኦላ ሚሻ አፐ ከሳድ። አያዉ ጎፐ፥ ታን ጎዳይ፥ ኡባፐ ዎልቃማ መና ጎዳይ ባብሎነ ቢታን ኦያ ኦሱ ደኤ። 
\v 26 ያና ሃና አ ቦላ ዶድተ! ካይ ደእያ አ ጎታራቱዋ ፖግተ፤ ኦሞዱዋካ ካዳን እት ዲራን ጉፕተ! አያነ አሸናን ዉርስ ይስተ! 
\v 27 ቦራቱዋ ሹክያዋዳን፥ ኡንቱንቱ ኦላንቻቱዋ ሲፍተ! ባብሎነ አሳዉ አየ አና! አያዉ ጎፐ፥ ኡንቱንቱ ጋላሳይ፥ ኡንቱንቱ ሙረትያ ዎዲ ጋኬዳ።
\p
\v 28 “ኦሞደቴዳ አሳቱ ባብሎነፐ ከስ አኪደ፥ የሩሳላመ ባቃታና። ባብሎነ ቢታ አሳይ ጌሻ ጎልያ ቦላን ኦዳባዉ መና ጎዳይ ኡንቱንቱ ጾሳይ ሀሉዋ ከስያዋ ኡንቱንቱ ጽዮነን ሃሳያና።
\p
\v 29 “ባብሎነ ኦላናዉ ዎንዳፍያ ዱክያዋንታ ኡባ ጼግተ፤ እቱነ ከስ አከናዳን፥ ኡንቱንቱ አ ዩሹዋን ዶድኖ። መና ጎዳ ቦላ፥ እስራኤልያ ጌሻ ቦላ፥ እ ኦቶረቴዳ ድራዉ፥ አዉ አ ኦሱዋዳን ዛርተ። እ ሀራቱ ቦላን ኦዳዋዳን፥ አ ቦላንካ ኦተ።\x - \xo 50:29 \xo*\xt ሳፃ 18:6\xt*\x* 
\v 30 ሄዋ ድራዉ፥ አ ያላጋ አቱማ አሳቱ ካታማ ግዶ ኦግያን ሀይቃና፤ ሄ ጋላስ አ ኦላንቻቱ ኡባይ ያና። ታን መና ጎዳይ ሀዋ ኦዳይ” ያጌ።
\p
\v 31 ጎዳይ፥ ኡባፐ ዎልቃማ መና ጎዳይ ሀዋዳን ያጌ፤ “ኔኖ፥ ኦቶራንቻዉ፥ ታን ነ ቦላ ደንዳድ። አያዉ ጎፐ፥ ነ ጋላሳይ፥ ኔን ሙረትያ ዎዲ ጋኬዳ። 
\v 32 ኦቶራንቻይ በቲደ ኩንዳና፤ አ ፑደ ደንያዌካ ደኤና። ታን አ ካታማቱዋ ግዶን ታማ ኤና፤ ሄ ታማይ ዩሹዋን ደእያ ኡባ ም ድጋና” ያጌ።
\p
\v 33 ኡባፐ ዎልቃማ መና ጎዳይ ሀዋዳን ያጌ፤ “እስራኤልያ አሳይነ ይሁዳ አሳይ እትፐ ናቀቴዳ። ኡንቱንታ ኦሞዲደ አፌዳዋንቱ ኡንቱንታ ዎልቃፐ ምንስ ኦይቄድኖ፤ የደናን ድጌድኖ። 
\v 34 ሽን ኡንቱንታ ዎዝያዌ ምና፤ አ ሱንይካ ኡባፐ ዎልቃማ ጾሳ። እ ኡንቱንቱ ቢታዉ ሸምፑዋ እማናዉ፥ ኡንቱንቱ ድራዉ ሞተቴ። ሽን ባብሎነ ቢታን ደእያዋንቱ ሻቢርሳ እማና።
\p
\v 35 “ባብሎነ አሳይነ ባብሎነ ቢታን ደእያዋንቱ ማሻን ሀይቂኖ!
\p “አ ካፓቱነ አ አዳ ኤራንቻቱ ማሻን ሀይቂኖ! ታን መና ጎዳይ ሀዋ ኦዳይ።
\p
\v 36 “አ ዎርዱዋ ትምቢትያ ኦድያዋንቱ፥ ኤያቱ ማሻን ሀይቂኖ!
\p “አ ዎልቃማ ኦላንቻቱ፥ ዳጋሜዳዋንቱ ማሻን ሀይቂኖ!
\p
\v 37 “አ ፓራቱዋ ቦላነ አ ፓራቱዋ ጋረቱዋ ቦላ፥ ቃይ ማጫ አሳ ማላ ግዴዳ አ አላጋ ኦላንቻቱዋ ቦላ ማሻይ ዮ!
\p “አ ዱረታ ምንጅያ ጎልያ ቦላ ማሻይ ዮ! ያቶፐ አ ዱረታይ ኡባይ ቦንቀታና።
\p
\v 38 “አ ቦላ ኮሻይ ዮ! ያቶፐ አ ሃይ መላና። አያዉ ጎፐ፥ ባብሎነ ቢታይ ኤቃ ምስለቱ ኩሜዳ ቢታ፤ ሄ ምስለቱ አሳ ዳጋንኖነ ኤያይኖ።
\p
\v 39 “ሄዋ ድራዉ፥ ባብሎነ ባዞ ዶአቱነ ዎራካናቱ ደእያ ሳኣ ግዳናዋ፤ ቃይ ሶጎነቱካ አን ደአና። አን መናዉካ አሳይ ደኤና፤ የለታ ኡባንካ አሳይ አን ኡተና።\x - \xo 50:39 \xo*\xt ሳፃ 18:2\xt*\x* 
\v 40 ጾሳይ በን ሶዶማነ ጋሞራ ኡንቱንቱ ዩሹዋን ደእያ ካታማቱዋና እትፐ ይሴዳዋዳን፥ ባብሎነን ኦንነ ደኤና፤ አሳይ ኡባካ ያን ኡተና። ታን መና ጎዳይ ሀዋ ኦዳይ።\x - \xo 50:40 \xo*\xt ዶመ 19:24-25\xt*\x*
\p
\v 41 “በእተ፥ አሳይ ሁጲሳ ባጋ ቢታፐ ዬ፤ ምኖ ካዉተቱነ ዳሮ ካተቱ ሳኣ ጋጻፐ ያናዉ ደንዲኖ። 
\v 42 ኡንቱንቱ ባረንቱ ዎንዳፍያነ ቶራ ኦይቄድኖ፤ ኡንቱንቱ መቀ ኢታነ የድ ማረና አሳ። ኡንቱንቱ ባረንቱ ፓራ ቶጊደ ብያ ዎደ፥ ቤታይ ሾጭያ አባ ጉንዳን ሀኔ። ኔኖ፥ ባብሎነ፥ ኡንቱንቱ ኡባይካ ኦላዉ ጊጌዳ አሳ ግዲደ፥ ነ ቦላን ሳልፔድኖ።
\p
\v 43 “ባብሎነ ካቲ ኡንቱንቱ ኦዱዋ ስሴዳ፤ አ ኩሺ ዳቡሪደ፥ ህልስ ጌዳ፤ ኦይይ ኦይቄዳ ምሽራቲዳን፥ ኡንኡ አ ኦይቄዳ።
\p
\v 44 “ዮርዳኖሳ ሻፋ ላንቂያን ደእያ ዎራፐ ሎኦ ቆሩ ደኢያሳ ቆፐናን ከስያ ጋሙዋዳን፥ ታን ያደ፥ ባብሎነ አሳ ኡንቱንቱ ቢታፐ የደርሳና። ሄዋፐ ጉይያን፥ ታ ዶሬዳ አሳ አ ቦላን ሱንና። አያዉ ጎፐ፥ ታ ማል ባዋ፤ ታን ኦና ጌዳዋካ ተአናዉ ዳንዳይያ አሳይ ባዋ። አይ ሄንንቻይ ታናና ኤቀታናዉ ዳንዳዪ? 
\v 45 ሄዋ ድራዉ፥ ታን መና ጎዳይ ባብሎነ አሳ ቦላንነ ባብሎነ ቢታ ቦላን ሀልቼዳዋነ ቆፔዳዋ ስስተ! ኡንቱንቱ ናናቱዋ ዎልቃን ጎቺደ አፋና፤ ሄዋ ጋሱዋን ኡንቱንቱ ሶ አሳይ ኡባይ ዳጋማና። 
\v 46 ባብሎነ ኩንደ ጊረይ ቢታ ቃና፤ ባብሎናቱዋ ዋሱካ ካዉተቱዋ ኡባን ስሰታና” ያጌ።
\c 51
\s1 ባብሎነ ቦላን ጉጃ ፕርዳ
\p
\v 1 መና ጎዳይ ሀዋዳን ያጌ፤ “ባብሎነ አሳነ ባብሎነ ቢታ ይስያ ጫርኩዋ ታን ኪታና። 
\v 2 ታን ባብሎነ ቦላ አላጋቱዋ፥ ጫርኩዋዳን ፑንያዋንታ ኪታና፤ አ ቢታ አይነ ባይናዋ ኦና። አ ባየ ጋላስ ኡንቱንቱ ኡባ ሳና አ ዶዳና። 
\v 3 አ ኦላንቻቱ ዎንዳፍያ ዱካናዉ ዎይ ባረንቱ ኦላ ሚሻ ዳንጫናዉ ናጎፕተ። አ ያላጋቱዋ አሾፕተ፤ አ ኦላንቻቱዋ ሙልያ ይስተ። 
\v 4 ኡንቱንቱ ባብሎነ ቢታን ሲፈት ዉራና፤ ኡንቱንቱ ካታማቱዋ ኦገቱዋንካ ጫደት ኩንዳና። 
\v 5 እስራኤልያ ቢታይነ ይሁዳ ቢታይ እስራኤልያ ጌሻ፥ ታና፥ ናቄዳ ናጋራን ኩሜዳዋ ግዶፐነ፥ እስራኤልያ ግድና፥ ይሁዳ ግድና፥ ላኡዋካ ታን ኡንቱንቱ ጾሳይ፥ ኡባፐ ዎልቃማ መና ጎዳይ አምአቲዳን የጋበይከ።
\p
\v 6 “ባብሎነፐ ባቃትተ! አሳይ ኡባይ ባረ ሸምፑዋ ሸምፑዋ አሾ! እ ኦዳ ናጋራ ጋሱዋን ህንተ ዎፕተ! ሀዌ ዎዲ ታን መና ጎዳይ ታ ሀሉዋ ከስያ ዎደ። 
\v 7 ባብሎነ ሳኣን ደእያ አሳይ ኡባይ ኡሺደ ማትያ ዎይንያ ኤሳይ ትገትያ፥ መና ጎዳ ኩሽያን ደእያ ዎርቃ ዋንጫ ማላ። ካዉተቱ ኡባቱ ሄ ዎይንያ ኤሳ ኡሺደ ጎዬድኖ።\x - \xo 51:7 \xo*\xt ሳፃ 17:2-4፤ 18:3\xt*\x* 
\v 8 ባብሎነ ቆፐናን ኩንዲደ መኤዳ። ሄዋ ድራዉ፥ አዉ ዬክተ! አ ማዱዉ ልያ እምተ። ኦን ኤሪ፥ እ ፓጻነንቶነ። 
\v 9 ባብሎነን ደእያ አላጋ አሳቱ፥ ‘ኑን ባብሎነ ፓናዉ ኮዬዶ፤ ሽን ፓጻናዉ ዳንዳይቤና። አነ አ አግ ባሺደ፥ ኑ ቢታ ቢታ ስሜቶ። አያዉ ጎፐ፥ አ ፕርዳይ ሃኪደ፥ ሳሉዋ ጋኬዳ፤ ቦላ ሻርያ ጋካናዉ ፑደ ቄዳ’ ያጌድኖ” ያጌ።\x - \xo 51:9 \xo*\xt ሳፃ 18:5\xt*\x*
\p
\v 10 እስራኤልያ አሳይ፥ “መና ጎዳይ ኑና ሻትንዳ! አነ ጽዮነ ቢደ፥ መና ጎዳይ ኑ ጾሳይ ኦዳዋ አሳዉ ኦዶይተ!” ያጋና።
\p
\v 11 መና ጎዳይ ባብሎነ ይሳናዉ ቆፋ ቃቼዳ ድራዉ፥ ሜዶናቱዋ ካተቱዋ ኦላዉ ደንዳ፤ መና ጎዳይ ባረ ጌሻ ጎልያ ሀሉዋ ሀዋዳን ኦደ ጭገታና። ሜዶናቱዋ ጋዳዋቱ ሀዋዳን ያጌድኖ፤ “ዎንዳፍያ ሌፍተ፤ ጎንዳለቱዋ ኦይቂተ! 
\v 12 ባብሎነ ቦላ ኦላ ባንድራ ደንተ፤ ናግያዋንታካ ምንተ! ዎችያዋንታካ ኡንቱንቱ ሳኣን ሳኣን ዎተ፤ ዙጊደ ናግያ ኦላንቻቱዋካ ጊግስተ!” ያጌድኖ። አያዉ ጎፐ፥ መና ጎዳይ ባብሎነን ደእያ አሳ ቦላ ሃሳዬዳዋነ ቆፔዳዋ ኦና።
\p
\v 13 ባብሎነ፥ ኔን ዳሮ ሻፋቱነ ዳሮ ማጹ ኩሜዳ ቢታ፤ ሽን ነ ዉርሰይ ጋኬዳ፤ ኔን በሰና ኦግያን ደምያ ጎአይካ ዱጼዳ።\x - \xo 51:13 \xo*\xt ሳፃ 17:1\xt*\x* 
\v 14 ኡባፐ ዎልቃማ መና ጎዳይ፥ “ቦሊ ቢታ ኩምያዋዳን፥ ታን አሳቱዋ ነ ቢታን ኩንና፤ ኡንቱንቱካ ኔና ጾኔዳ ናሸቻ ባረንቱ ቃላ ቁ ኦደ፥ ነ ቦላን ጋይራና” ያጊደ ባረ ሱንን ጫቄዳ።
\s1 ጋላታ የ
\q1
\v 15 ጾሳይ ባረ ዎልቃን ሳኣ መዳ፤
\q2 ባረ አዳ ኤራተን ቢታ ባሴዳ፤
\q2 ሳሎቱዋካ ባረ አኬካን ምጬዳ።
\q1
\v 16 እ ሃሳይያ ዎደ፥
\q2 ሳሉዋን ደእያ ሃቱ ጉሚኖ።
\q1 ሻራቱዋ እ ሳኣ ጋጻፐ አዬ።
\q2 ቃይ እራይ ቡክያ ዎደካ፥
\q2 ዋልቃን ዎልቃምሴ።
\q2 ባረ ምንጅያ ሳኣፐካ ጫርኩዋ ከሴ።
\q1
\v 17 አሳይ ኡባይ አኬካይነ ኤራይ ባይናዋ።
\q2 ቃይ ዎርቃ ትጊደ፥
\q2 ኤቃ ምስለቱዋ መያዋንቱ ኡባቱ ዬላቴድኖ።
\q2 አያዉ ጎፐ፥ ኡንቱንቱ ምስለቱ ዎርዶነ ሸምፑ ባይናዋንታ።
\q1
\v 18 ሄ ምስለቱ ፓናዋንታነ፥
\q2 ካቴዳዋንታ።
\q1 ኡንቱንቱ ቦላን ፕርዳይ ይያ ዎደ፥ ኡንቱንቱ ያና።
\q1
\v 19 ሽን ያቆባ ጾሳይ፥
\q2 ሄዋ ማላ ግደና።
\q1 አያዉ ጎፐ፥ እ ኡባባ መዳዋ።
\q2 እስራኤልያ አሳይ እ ባረዉ ዶሬዳ ዛረ።
\q1 አ ሱንይካ ኡባፐ ዎልቃማ መና ጎዳ።
\s1 ጾሳ ድጅኑዋ
\p
\v 20 ጾሳይ ሀዋዳን ያጌ፤ “ባብሎነ፥ ኔን ታ ድጅኑዋነ ታ ኦላ ሚሻ። ኔናን ጎኤታደ ታን ቢታቱዋ መንሬድ፤ ካዉተቱዋካ ይሳድ። 
\v 21 ኔናን ጎኤታደ ፓራቱዋነ ፓራ ቶግያዋንታ፥ ፓራ ጋረቱዋነ ኡንቱንታ ላግያዋንታ መንሬድ። 
\v 22 ኔናን ማጫዋነ አቱማዋ፥ ጭማነ ናናቱዋ፥ ዎዳላቱዋነ ጌላዮቱዋ መንሬድ። 
\v 23 ኔናን ሄንንቻነ አ ዉድያ፥ ጎሽያዋነ አ ዋ ቦራቱዋ፥ ደርያ ሞድያዋንታነ ካፖቱዋ መንሬድ” ያጌ።
\s1 ባብሎነ ፕርዳ
\p
\v 24 መና ጎዳይ ሀዋዳን ያጌ፤ “ባብሎነ አሳይነ ባብሎነን ደእያዋንቱ ጽዮነ ቦላ ኦዳ ኢታ ሀሉዋ ታን ህንተ ጼልሽን ከሳና።
\p
\v 25 “ኔኖ፥ ባብሎነ፥ ኔን ቢታ ሳኣ ባይዝያ ዎጋ ደርያ ማላ፤ ሽን ታን መና ጎዳይ ኔና ሞርካይ። ታን ታ ኩሽያ የዳደ፥ ኔና ደርያ ቦላፐ ዱገ ጎንዶርሳና፤ ሄዋፐ ጉይያን፥ ኔን ጹገቴዳ ደርያ ግዳደ አታና። 
\v 26 ላኤን ኔፐ ባሱዋን የግያ ዎይ ግምቢያዉ አክያ ሹቻይ ደኤና፤ ኔን መናዉካ አይነ ባይናዋ ግዳናዋ። ታን መና ጎዳይ ሀዋ ኦዳይ።
\p
\v 27 “ባብሎነ ቦላ ኦላ ባንድራ ደንተ፤ አሳ ኡባ ግዶን ማላካታ ፑንተ። አ ኦላናዉ አሳ ኡባ ጊግስተ፤ አራራተ፥ ሚናነ አሽካናዛ ካዉተቱዋ ጼስተ። ኦላ ጋዳዋካ ሱንተ፤ ቦልያ ኬሻ ዳሮ ፓራቱዋካ አህተ። 
\v 28 ባብሎነ ኦላናዉ ካዉተቱዋ ኡባ ጊግስተ፤ ሜዶና ካተቱዋ፥ ኡንቱንቱ ካፖቱዋ፥ ደርያ ሞድያዋንታነ ኡንቱንቱ ሞድያ ቢታ አሳ ኡባ ደንተ።
\p
\v 29 “ባብሎነ ኦንነ ደኤና ባዞ ኦናዉ መና ጎዳይ ሀልቼዳ ሀልቹዋ ፖልያ ድራዉ፥ ቢታይ ኡባይ ኮኮረነ ፖርቃካቴ። 
\v 30 ባብሎነ ኦላንቻቱ ኦላ ኦለትያዋ አጌድኖ፤ ባረንቱ ጌሱዋን ኡት ባሼድኖ። ኡንቱንቱ ዎልቃይ እጽና፤ ኡንቱንቱ ማጫ አሳ ማላ ግዴድኖ። ኡንቱንቱ ጎላቱካ ጹገቴድኖ፤ ኡንቱንቱ ካታማ ዩሹዋ ግምቢያ ፐንገቱዋ ኩልቡካ መኤድኖ። 
\v 31 ሀ ጋጻፐ ህን ጋጻ ጋካናዉ፥ ካታማይ ሞርክያን ኦይቀቴዳዋ ባብሎነ ካትያዉ ኦዳናዉ፥ ዎጽያዌ ዎጽያዋ ካሊደ፥ ኪተቴዳዌካ ኪተቴዳዋ ካሊደ ቢኖ። 
\v 32 ቃይ ሻፋና ፕንያ ሳአቱ ኦይቀቴዳዋ፥ ሻፋ ዩሹዋን ደእያ ዎራይ ጹገቴዳዋነ ኦላንቻቱ ዳጋሜዳዋ ኡንቱንቱ ካትያዉ ኦዳናዉ ቢኖ” ያጌ።
\p
\v 33 ኡባፐ ዎልቃማ መና ጎዳይ፥ እስራኤልያ ጾሳይ ሀዋዳን ያጌ፤ “ባብሎነ ቢታይ ካ ቆጽያ ኡዱማ ማላ፤ ጉ ዎድያፐ ጉይያን፥ እ ጫከትያ ዎዲ ያና” ያጌ።
\s1 ጾሳይ እስራኤልያ አሳ ማዳና
\p
\v 34 ባብሎነ ካቲ ናቡካዳናጾር ኑና ዉርሲደ ሜዳ፤ ኑ ካታማካ መላ ደእያ ኦቱዋ ማላ ከሴዳ። ዳዊ ምትያዋዳን፥ አ ምቴዳ፤ ማልኦባ ሚደ ኩንዳዋዳን፥ እ ኑ አቁዋን ባረ ጋንጅያ ኩንዳ፤ ያቲደ አቴዳዋ ሙጪደ ጩቼዳ። 
\v 35 ሄዋ ድራዉ፥ ጽዮነ አሳይ፥ “ባብሎነ ኑ ቦላነ ኑ አሳ ቦላ ኦዳ ኢታባይ ኡባይ አ ቦላ ስሞ።” የሩሳላመ አሳይ፥ “ኑ ሱ አጩ ባብሎነን ደእያ አሳ አቾ” ያጌ።
\p
\v 36 ሄዋ ድራዉ፥ መና ጎዳይ የሩሳላመ አሳዉ ሀዋዳን ያጌ፤ “ነ ድራዉ ታን ሞተታና፤ ነ ሀሉዋካ ታን ከሳና። ታን ባብሎነ ሃ መልሳና፤ አ ፑልቶቱዋካ ቶይሳና። 
\v 37 ባብሎነ ሹቻ ኬላነ ዎራካናቱ ደእያ ጌሶ ግዳናዋ። ቃይ አ በኤዳ ኡባይ ዳጋማናነ፥ ‘ፖራ!’ ጋና። አን እት አሳይነ ላኤን ደኤና። 
\v 38 ባብሎነ አሳይ ኡባይ ጋሙዋዳን ጉዳና፤ ቃይ ጋሙዋ ማራዳን ዳራና። 
\v 39 ኡንቱንቶ ቦላይ ሆእያ ዎደ፥ ታን ኡንቱንቶ ናሸችያ ኡሻ ግብራ ጊግሳና፤ ኡንቱንቱ ሄዋፐ ኡሺደ፥ ባረንታ ዶጋና ጋካናዉ፥ ታን ኡንቱንታ ማያና። ኡንቱንቱ ላኤን ደንደናዳን፥ መናዉ ገምእሻና። ታን መና ጎዳይ ሀዋ ኦዳይ። 
\v 40 ሹካናዉ አፍያ ዶርሳቱዋዳን፥ ዶርሳ ኦርገቱዋዳንነ ዴሻ ኦርገቱዋዳን፥ ታን ኡንቱንታ ሹካዉ አፋና።
\s1 ባብሎነ ቦላ ጋካናባ
\p
\v 41 “አሳይ ኡባይ ሳቢያ ባብሎነ ኦይቀቴዳ! ባብሎነ ካዉተቱዋ ኡባ ግዶን አይባ ዳጋንያባ ግዴዴ! 
\v 42 ባብሎነ ሞርከቱ አባ ቤታይ ደንድያዋዳን ደንዲደ፥ ካታማን ኤሌድኖ። 
\v 43 አ ካታማቱ ኮለቲደ፥ ዳጋንያባ ግዴድኖ፤ እራይ ቡከና ባዞ ቢታ፥ አይ አሳይነ ደኤና ቢታነ አሳ ናአይ ግዱዋና አና ቢታ ግዴድኖ። 
\v 44 ቤላ ግያ ባብሎነ ጾሳ ታን ሙራና፤ እ ምቴዳዋካ ታን አ ኡሉዋፐ ከስሳና። ሄዋፐ ጉይያን፥ ካዉተቱ አኮ ዙልያዋ አጋና፤ ባብሎነ ግምቢካ ኩንዳና።
\p
\v 45 “ታ አሳዉ፥ አ ግዶፐ ከስተ! ህንተ ኡባይካ መና ጎዳ ሀንቁዋ ሱሉዋፐ ህንተ ሁጲያ ሁጲያ አሽተ! 
\v 46 ቢታን ኦደትያ ኦዱዋ ስስያ ዎደ፥ ህርጎፕተነ ያዮፕተ! ላይን ላይን ኦዱ ኦዱዋ ካል ካሊደ ያና። ሄ ዎደ ካቲ ካትያ ቦላ ደንድያ ማካላ ኦዱ ቢታን ስሰታና።
\p
\v 47 “ሄዋ ድራዉ፥ ታን ባብሎነ ኤቃ ምስለቱዋ ሙርያ ጋላሳቱ ያና። ሄ ቢታይ ኡባይካ ዬላታና፤ ሲፈቴዳዋንቱ ኡባይ ካታማ ግዶን ኩንዳና። 
\v 48 ሁጲሳ ባጋፐ ይያ ባይዝያዋንቱ ኩሽያን ባብሎነ ኦይቀትያ ድራዉ፥ ሳሉነ ሳአይ ቃይ ኡንቱንቱ ግዶን ደእያ ኡባባይ እልላና። ታን መና ጎዳይ ሀዋ ኦዳይ።\x - \xo 51:48 \xo*\xt ሳፃ 18:20\xt*\x* 
\v 49 ባብሎነ እስራኤልያ አሳነ ሀራ ቢታን ደእያ አሳ ኡባ ዎዳዋዳን፥ ባብሎነ አሳይካ ሀይቃናዉ ኮሼ።\x - \xo 51:49 \xo*\xt ሳፃ 18:24\xt*\x*
\s1 ባብሎነን ደእያ እስራኤላቶ ኦደቴዳ ትምቢትያ
\p
\v 50 “ታ አሳዉ፥ ህንተ ኦላፐ ከስ አኬድታ። ሄዋ ድራዉ፥ ቢተ! ሀዋን ኤቆፕተ! ህንተ ደእያ ሃኮ ቢታንካ ታና መና ጎዳ ሀሳይተ፤ የሩሳላመካ ቆፕተ። 
\v 51 ህንተ፥ ‘ኑን ቦረቴዳ ድራዉ ካዉሼዶ፤ አላጋቱ መና ጎዳ ጎልያን ጌሻ ሳአቱዋ ገሌዳ ድራዉ፥ ኑን ዬላ ማዬዶ’ ያጌድታ።
\p
\v 52 “ሽን ታን መና ጎዳይ ባብሎነ ኤቃቱዋ ሙርያ ዎዲ ያና። ደሸቴዳዋንቱ ቢታ ኡባን ኦላና። 
\v 53 ባብሎነ ሳሉዋ ፑደ ከሲደ፥ ያን ጌሱዋ መናዉ ዳንዳይንቶነ፥ ያ ጋካናዉ ከሲደ፥ አ ያን ባይዝያ አሳ ታን ኪታና። ታን መና ጎዳይ ሀዋ ኦዳይ።
\s1 ባብሎነ ያና
\p
\v 54 “ባብሎነፐ አሳ ዋሱዋ ኮሻይ፥ ባብሎነ ቢታፐ ዎልቃማ ባየ ኮሹንቻይ ስሰታና! 
\v 55 አያዉ ጎፐ፥ መና ጎዳይ ባብሎነ ባይዛና፤ አ ዎልቃማ ኮሻካ ጮኡ ኦና። አባ ቤታዳን ጉምያ ሞርከቱ ዎራጂደ ጋርማማና። 
\v 56 ባይዝያዋንቱ ባብሎነ ቦላ ያና፤ አ ኦላንቻቱ ኦይቀታና፤ ኡንቱንቱ ዎንዳፊካ መአና። ታን መና ጎዳይ ሀሉዋ ከስያ ጾሳ ግድያ ድራዉ፥ ኡንቱንቱ ኦሱዋዳን ታን ኡንቱንቶ ዛራና። 
\v 57 ታን አ ካፖቱዋ፥ አ አዳ ኤራንቻቱዋ፥ አ ደርያ ሞድያዋንታ፥ አ ኦላ ጋዳዋቱዋነ አ ኦላንቻቱዋ ማያና፤ ኡንቱንቱ ላኤን ደንደናዳን፥ መናዉ ገምእሻና። ታን ካቲ፥ ኡባፐ ዎልቃማ መና ጎዳ ጌተትያዌ ሀዋ ኦዳይ” ያጌ።
\p
\v 58 ኡባፐ ዎልቃማ መና ጎዳይ ሀዋዳን ያጌ፤ “ኦርድያን ግምበቴዳ ባብሎነ ዩሹዋ ግምቢ ሳኣን ዋላከታና፤ አ አዱሳ ፐንገቱካ ታማን ጹገታና። አሳይ ኦዳዌ ኡባይ መላ፤ ካዉተቱካ ታማይ ማናባዉ ጮ ዳቡሪኖ” ያጌ።
\s1 ኤርማስ ባብሎነ ኪታ የዴዳ
\p
\v 59 ማህሴያ ናኣ ኔርያ ናአይ ሳራይ ካትያ ሰደቅያሳዉ ኦያ ካፑዋ። ሰደቅያስ ይሁዳን ካተቴዳ ኦይደን ላይ፥ ሳራይ አናና ባብሎነ ብያ ዎደ ኤርማስ ሳራያ ቦላ ኪታ የዴዳ። 
\v 60 ባብሎነ ቦላን ጋካናዉ ደእያ ኢታባ ኡባነ ባብሎነ ጼልያ ሀራባ ኡባ ኤርማስ እት ጻ ማጻፋን ጻፌዳ። 
\v 61 ሳራያ ሀዋዳን ያጌዳ፤ “ኔን ባብሎነ ቢታ ጋኬዳ ዎደ፥ ነ ቃላ ቁ ኦደ፥ አሳዉ ሀ ማጻፋ ናባባ። 
\v 62 ቃይ ሀዋዳን ያጋደ ዎሳ፤ ‘አቤት መና ጎዳዉ፥ ኔን፥ “ታን ሀ ሳኣ ባይዛና፤ ሀ ሳኣን ፓጻ ቃጽያ መት፥ አሳይካ፥ መሂካ ደኤና፤ ሀ ሳአይ መናዉ ባዞ ግዳናዋ” ያጋዳ’ ያጋ። 
\v 63 ሀ ጻ ማጻፋ ናባባደ ዉርሴዳዋፐ ጉይያን፥ ሹቻ ሄ ማጻፋና ጋ ቃቻደ፥ ኤፍራጺሳ ሻፋን ኦላ።\x - \xo 51:63-64 \xo*\xt ሳፃ 18:21\xt*\x* 
\v 64 ‘ታን ጾሳይ አ ቦላን አህያ ኢታ ጋሱዋን፥ ባብሎነካ ሀዋዳን ላኤን ደንደናዳን ሙከታና’ ያጋይ ያጋ” ያጌዳ።
\p ኤርማስ ሃሳዬዳ ቃላይ ሀዋን ፖለቴዳ።
\c 52
\s1 የሩሳላመ ኩንደባዉ ኪተቴዳ ጉጃ ኦዱዋ
\r (52፤ 2 ካታ. 24:18—25:7፤ ኤር. 39:1-10)
\p
\v 1 ሰደቅያስ ካተትያ ዎደ፥ ላይይ አዉ ላታማነ እታ፤ የሩሳላመን እ ታማነ እት ላይ ካተቴዳ። አ አት ሱንይ ሀሙጻሎ፤ አ ሊብና ካታማን ደእያ ኤርማሳ ናቶ። 
\v 2 እዮአቄም ኦዳዋዳን፥ ሰደቅያስካ መና ጎዳ ስንን ኢታባ ኦዳ። 
\v 3 መና ጎዳይ የሩሳላመ አሳ ቦላነ ይሁዳ አሳ ቦላ ሀንቀቴዳ ድራዉ፥ ዉርሰን ኡንቱንታ ባረ ስንፐ ድጌዳ።
\p ሰደቅያስ ባብሎነ ካትያ ቦላ ማካሊደ ደንዴ። 
\v 4 ሰደቅያስ ካተቴዳ ኡዱፑን ላይ፥ ታማን አግናን፥ ታማን ጋላስ ባብሎነ ካቲ ናቡካዳናጾር ባረ ኦላንቻቱዋ ኡባ አክ ዪደ፥ የሩሳላመ ዶዴዳ። ኡንቱንቱ አ ዩሹዋንካ ቢታ ኬላ ኬሌድኖ።\x - \xo 52:4 \xo*\xt ህዝ. 24:2\xt*\x* 
\v 5 ሰደቅያስ ካተቴዳ ታማነ እተን ላይ ጋካናዉ፥ የሩሳላመ ካታማይ ዶደቲደ ጋምኤዳ።
\p
\v 6 ሄዋ ጋሱዋን ቢታን ኮሻይ ሱልና፥ ሄ ላይ ኦይደን አግናን፥ ኡዱፑን ጋላሳን፥ ሄ ቢታ አሳዉ ምያባይ ዬዳ። 
\v 7 ያን ደእሽን ካታማ ዩሹዋ ግምቢ እት ባጋና ኮለቴዳ። ባብሎነ አሳይ ካታማ ዩይ አደ ናጎፐካ፥ ይሁዳ ካትያ ኦላንቻቱ ሙለ ኡባይ ቃማ ካትያ አታክልትያ ሳኣ አፍያ ኦግያ ኦይቂደ፥ ላኡ ድርሳ ግምበቱዋ እትፐ ጋያ ፐንግያና ከሲደ ባቃቴድኖ። ኡንቱንቱ ዮርዳኖሳ ድልቡዋኮ ስሚደ ቤድኖ።\x - \xo 52:7 \xo*\xt ህዝ. 33:21\xt*\x* 
\v 8 ሽን ባብሎነ ኦላንቻቱ ካትያ ሰደቅያሳ የደርሲደ፥ እያርኮ ደምባ ጋደ ኦይቄድኖ። አ ኦላንቻቱ ኡባይ አፐ ሻከቲደ ላለቴድኖ።
\p
\v 9 ሄዋፐ ጉይያን፥ ኡንቱንቱ አ ሀማታ ቢታን፥ ርብላ ካታማን ደእያ ባብሎነ ካትያኮ አፌድኖ። ያን ናቡካዳናጾር ሰደቅያሳ ቦላ ፕርዴዳ። 
\v 10 ቃይ ሰደቅያሳ ናናቱዋ ሰደቅያስ ጼልሽን፥ ባብሎነ ካቲ ዎዳ። ይሁዳ ካፖቱዋ ኡባካ ኡንቱንቱ ያን ርብላ ካታማን ዎድኖ። 
\v 11 ሄዋፐ ጉይያን፥ ሰደቅያሳ አይፈቱዋ ዎጭ ከሲደ፥ ሳንሳላታን አ ቃቺደ፥ ባብሎነ ቢታ አኪደ አፌድኖ። እ ሀይቃና ጋካናዉ፥ ያን ቃሾ ጎልያን አ ዎድኖ።\x - \xo 52:11 \xo*\xt ህዝ. 12:13\xt*\x*
\s1 ጌሻ ጎሊ ኮለቴዳ
\r (2 ካታ. 25:8-17)
\p
\v 12 ናቡካዳናጾር ባብሎነን ካተቴዳ ታማነ ኡዱፑን ላይን፥ እቼሸን አግናን፥ ታማን ጋላሳን፥ ካትያ ኦሳንቻቱዋፐ እቱ፥ ካትያ ናግያዋንቱ ካፑ ናቡዛራዳን የሩሳላመ ገሌዳ። 
\v 13 መና ጎዳ ጌሻ ጎልያ፥ ካትያ ጎልያነ የሩሳላመን ደእያ ኬቱዋ ኡባ ታማን ጹጌዳ፤ ዎልቃማ ጎልያ ግያ ጎልያ ኡባ ጹጌዳ።\x - \xo 52:13 \xo*\xt 1 ካታ. 9:8\xt*\x* 
\v 14 ባብሎነ ኦላንቻቱ ኡባይ ካትያ ናግያዋንቱ ካፑዋ አዛዙዋን፥ የሩሳላመ ካታማ ዩሹዋን ደእያ ድርሳ ግምቢያ ኡባ ቆሌድኖ። 
\v 15 ናቡዛራዳን አማሬዳ ህዬሳቱዋ፥ ካታማን አቴዳ አሳቱዋነ ካዲደ ባብሎነ ኦላንቻቱዋን ጋከቴዳ አሳቱዋ ኩሽያ ሂላ ኤርያ አሳቱዋናካ ጉጂደ፥ ኦሞዶ አፌዳ። 
\v 16 ሽን ናቡዛራዳን ህዬሳቱዋፐ አማሬዳዋንታ ዎይንያ ቱራ ቶካናዳንነ ጋድያ ጎሻናዳን፥ ይሁዳን አሼዳ።
\p
\v 17 ባብሎነ አሳቱ መና ጎዳ ጌሻ ጎልያ ስንን ደእያ ናሃስያፐ መዳ ቱሳቱዋ፥ ሚሻቱዋ ዎያ ጋረቱዋነ አኮ-ከርያ መንሬድኖ፤ ናስያ ኡባ ባብሎነ አፌድኖ።\x - \xo 52:17-23 \xo*\xt 1 ካታ. 7:15-47\xt*\x* 
\v 18 ሄዋዳንካ፥ ቃይ ከረቱዋ፥ አካፋቱዋ፥ ጾምፕያ ሻሉዋ ጼራ ፕትያባቱዋ፥ ኩይጻሮቱዋ፥ እጻና ሳነቱዋነ ያርሽያ ዎደ ጎኤትያ ናሃስያ ሚሻቱዋ ኡባ አክ አፌድኖ። 
\v 19 ካትያ ናግያዋንቱ ካፑ ናቡዛራዳን ቃይካ ዎርቃፐነ ብራፐ ኦሰቴዳ ድስተቱዋ፥ ታማ አክያ ሚሻቱዋ፥ ኩይጻሮቱዋ፥ ከረቱዋ፥ ጾምፕያ ዎያ ባላቱዋ፥ እጻና ሳነቱዋነ ኡሻ ያርሾ ጎኤትያ ኦቶቱዋ አክ ቤዳ። 
\v 20 ካቲ ሶሎሞን መና ጎዳ ጌሻ ጎልያን ኦሰትያባቶ መዳ ላኡ ቱሳቱ፥ አባ ጋጳቲ፥ አፐ ጋርሳና ደእያ ታማነ ላኡ ኮሩማቱዋ ምስለቱነ ሚሻቱዋ ዎያ ጋረቱ መቴዳ ናሃስያ ብራታቱ ሚዛናን ልካናዉ ዳንዳየተናዋ ኬሻ ዳራ። 
\v 21 ላኡ ቱሳቱካ እት ማላ ግዲደ፥ እቱ እቱ ታማነ ሆስፑን ዋ አዱሳ። ኡንቱንቱ ጼሳ ዩሹ ታማነ ላኡ ዋ። ኡንቱንቶ ግዱ ኮፋ ግዲደ፥ ብራታይ ኦይዱ ብራያ ኬሻ ኦርዶ። 
\v 22 ላኡ ቱሳቱዋ ሁጲያንካ ናሃስያፐ ኦሰቴዳ ጉምቦቱ ደኢኖ። እት ጉምቡዋ ጌሳይ እቼሹ ዋ ግዲደ፥ ዩሹ ግትያ ምስልያንነ ሮማንያ ቴራ ምስልያን አሌቀት ኡቴዳ። ላኤን ጉምቡካ አ ማላ። 
\v 23 ጉምቦቶ ምይያን ምይያን ደእያ ሮማነቱዋ ምስለቱ ኡዱፑን ታማነ ኡሱፑና፤ ዩሹዋን ደእያ ግትያ ማላትያ ምስለቱዋፐ ቦላ ባጋና ደእያ ሮማንያ ምስለቱ ኡባና እት ጼታ።
\s1 ይሁዳ አሳይ ኦሞደቲደ ባብሎነ ቤዳ
\r (2 ካታ. 25:18-21፣ 27-30)
\p
\v 24 ካትያ ናግያዋንቱ ካፑ ናቡዛራዳን ቄስያ ኡባቱዋ ካፑዋ ሳራያ፥ አፐ ካልያ ቄስያ ጻፋንያነ ፐንግያ ናግያ ሀራ ሄዙ አሳቱዋ ኦይቄዳ። 
\v 25 ቃይ ሄ ዎደ ጋካናዉ፥ ካታማን ደእያ አሳፐ ኦላ ጋዳዋ፥ ካትያ ዞርያዋንቱፐ ላፑን አሳቱዋ አፌዳ። ኦላ ጋዳዋ ጻፍያ፥ ሄዌነ ኦላንቻቱዋ አሳ ግዶፐ ቆሪደ ከስያዋነ ሀራ ኡሱፑን ታሙ ዎልቃማ አሳቱዋ አፌዳ። 
\v 26 ካፑ ናቡዛራዳን ኡንቱንታ ኡባ አኪደ፥ ባብሎነ ካትያኮ፥ ርብላ ካታማ አፌዳ። 
\v 27 ያን ርብላ ካታማን፥ ሀማታ ቢታን ባብሎነ ካቲ ኡንቱንታ ኡባ ዎዳ። ሄዋዳን ሀኒደ፥ ይሁዳ አሳይ ባረ ቢታፐ ደንዲደ፥ ኦሞዶ ቤዳ።
\p
\v 28 ናቡካዳናጾር ካተቴዳ ላፑን ላይን ሄዙ ሻአነ ላታማነ ሄዙ አሳ ይሁዳፐ ኦሞዴዳ። 
\v 29 ቃይ ታማነ ሆስፑን ላይን ሆስፑን ጼታነ ሀታማነ ላኡ አሳ የሩሳላመፐ ኦሞዴዳ። 
\v 30 ናቡካዳናጾር ካተቴዳ ላታማነ ሄዘን ላይን ካትያ ናግያዋንቱ ካፑ ናቡዛራዳን ላፑን ጼታነ ኦይታማነ እቼሹ አሳ ኦሞዴዳ። አሳ ፓይዱ ኡባና ኦይዱ ሻአነ ኡሱፑን ጼታ።
\p
\v 31 ኤዊል-ማሮዳክ ካተቴዳ ላይ ይሁዳ ካትያ ዮኣኪና ቦንቺደ፥ ቃሹዋፐ ብሌዳ። ሄዌ ሀኔዳዌ ዮኣኪን ኦሞደት ቃሸቲደ ቤዳ ሀታማነ ላፑን ላይ፥ ታማነ ላኤን አግናን፥ ላታማነ እቼሸን ጋላሳና። 
\v 32 ኤዊል-ማሮዳክ ዮአኪናና ማልኦ ቃላ ሃሳዪደ፥ ባብሎነን ኦሞዱዋን ደእያ ሀራ ካተቱዋ ኡባፐ አደ፥ አ ቦንቼዳ። 
\v 33 ሄዋ ድራዉ፥ ዮኣኪን ቃሾ ጎልያን ማዬዳ ማዩዋ ላሜዳ። እ አቴዳ ባረ ደኡዋ ላይ ኡባን ካትያ ማዳፐ ሜዳ። 
\v 34 ዮኣኪን ሀይቃና ጋካናዉ፥ ሀች ሀች አዉ ኮሽያባ ኡባ ባብሎነ ካቲ እሜዳ።