\id JDG - Dawuro Full Bible Ethiopic Version
\ide UTF-8
\h ዳናቱዋ
\toc1 ዳናቱዋ ማጻፋ
\toc2 ዳናቱዋ
\toc3 ዳና.
\mt1 ዳናቱዋ ማጻፋ
\imt ገሉዋ
\ip ኢያሱ ሀይቄዳዋፐ ጉይያን እት ኡራይ እስራኤልያ ካለናዉ ደንድቤና። ሄዋ ጋሱዋን አሳ ግዱዋን እቱ እቱዋናነ ዩሹዋን ደእያ ጋድያና ኦለትያዋነ አላጋ ጾሳዉ ጎይንያዋን ጾሳዉ ደእያ አማነቱሳ ፓጭሴድኖ። ዳናቱዋ ማጻፋይ ኦድያዌ ሀ ማራ ዬዳ አሳ ጾሳ ቆፋን ካለያ ጾሳን ዶረቴዳ አሳቱዋ ግድያዋ በሴ። ሀ ማጻፋይ ካናነ ኦይከቴዳ ዎድያፐ ዶሚደ፥ ካቲ ካተትያ ካዉተይ ኤቃና ጋካናዉ ደእያ ታርከቱዋ ኦይኬዳ፤ ሄ ዎዲ እስራኤልያ አሳ ታርክያን ህጊ ባይና ዎደ። ሀ ታርኪ “ዳናቱዋ” ጌተትያ ምኖ አሳቱ ኦዳዋ በስኖ። ሀ ዳናቱዋፐ ዳርያ ባጋቱ ኦላ ጋዳዋቱዋ። ኡንቱንቱፐ ቃይ ሎይ ኤረቴዳዌ፥ አ ምኖተይ ሸምፑዋ 13-16 ጋካናዉ ጻፈቴዳ ሳምሶና ጌተትያ አሳ። ሀ ማጻፋፐ ኑን ደምያ ዎልቃማ ትምርትያ፥ እስራኤልያ አሳ ደኡ ቱሙ ደኡዋ ግድያዌ ኡንቱንቱ ጾሳዉ አማነቲደ ደኤዳ ኬሻና ግድያዋ። ኡንቱንቱ አዉ አማነተናን እጽያ ዎደ፥ ኡባ ገደካ ኡንቱንቱ ቦላ ባሻይ ዬ። ሄዋፐካ ቃይ አያ ሀራባይ ደኤ፤ ሄዌነ አሳይ ጾሳዉ አማነተናን እጼዳ ጋሱዋን ኡንቱንቱ ቦላ ባሻይ ጋኮፐካ፥ ኡንቱንቱ ናጋራ ፓጺደ ስሜዳ ዎደ ኡባን፥ ጾሳይ ኡንቱንታ አሻናዉ ጊግ ኡቴዳዋ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሀ. ኢያሱ ሀይቁ ጋካናዉ ደእያ ሀኖታ \ior 1:1—2:10\ior*
\io1 ለ. እስራኤልያ ዳናቱዋ \ior 2:11—16:31\ior*
\io1 ሐ. አማኑዋነ አማኑዋ ኦሱዋ ዎጋ ባየ \ior 17:1—21:25\ior*
\c 1
\ms ኢያሱ ሀይቁ ጋካናዉ ደእያ ሀኖታ
\mr (1:1—2:10)
\s1 ይሁዳነ ስሞና ዛራቱ አዶን-ቤዘቃ ኦለቲደ ኦይቄድኖ
\p
\v 1 ኢያሱ ሀይቄዳዋፐ ጉይያን፥ እስራኤልያ አሳይ፥ “ካናነ ጋድያ አሳ ኦላናዉ ኑ ዛራቱዋፐ ኮይሮቲደ ከሳናዌ ኦኔ?” ያጊደ መና ጎዳ ኦቼዳ።
\p
\v 2 መና ጎዳይ፥ “ይሁዳ ዛራቱ ኮይሮቲደ ከስኖ። ታን ጋድያ ኡንቱንቱ ኩሽያን አደ እማድ” ያጌዳ።
\p
\v 3 ይሁዳ አሳይ ባረንቱ ዳቦቱዋ፥ ስሞና ዘረ፥ “ኑን ካናነቱዋና ኦለታና ማላ፥ ኑና ሻክና ጋኬዳ ሳኣ ኑናና ደንድተ። ሄዋፐ ጉይያን፥ ህንተንታ ሻክና ጋኬዳ ሳኣ ህንተናና እትፐ ባና” ያጌዳ። ስሞና ዛራቱነ ይሁዳ ዛራቱ ኦላዉ እትፐ ቤድኖ። 
\v 4 መና ጎዳይ ካናነቱዋነ ፓርዘቱዋ ኡንቱንቱ ኩሽያን አደ እሜዳ፤ በዜቃ ጌተትያ ካታማን ታሙ ሻአ አሳ ዎድኖ። 
\v 5 በዜቃ ካታማን አዶን-ቤዘቃ ደሚደ፥ አናና ኦለቴድኖ፤ ካናነቱዋነ ፓርዘቱዋ ጾኔድኖ። 
\v 6 አዶን-ቤዘቅ ባቃቴዳዋ የደርስ ኦይቂደ፥ አ ኩሽያ ዎጋ ብራቱዋነ አ ገድያ ዎጋ ብራቱዋ ቃንጼድኖ።
\p
\v 7 አዶን-ቤዘቅ፥ “ኩሽያ ዎጋ ብራቱዋነ ገድያ ዎጋ ብራቱዋ ታን ጭጌዳ ላፑን ታሙ ካተቱ ታ ማሶፍያፐ ላለቴዳ ሱፓ ማጺደ ሚኖ። ታን ኡንቱንቱ ኦዳዋዳን፥ ጾሳይ ታና ኦዳ” ያጌዳ። አ የሩሳላመ አህና፥ ያን ሀይቄዳ።
\s1 ይሁዳ ዛራቱ የሩሳላመነ ከብሮነ ኦይቄድኖ
\p
\v 8 ይሁዳ አሳይ የሩሳላመ ኦለቲደ ኦይቄዳ፤ አሳ ቃራ ማሻን ዎደ፥ ካታማ ታማን ጹጌዳ። 
\v 9 ሄዋፐ ጉይያን፥ ይሁዳ አሳይ ገዝያን፥ ኔጌባ መላ ቢታንነ ጋን ደእያ ካናነቱዋ ኦላናዉ ቤዳ። 
\v 10 ካሰ ቅርያት-አርባአ ጌተትያ ከብሮነ ካታማን ደእያ ካናነቱዋ ኦሌድኖ፤ ሸሻያ፥ አህማናነ ታልማያ ጌተትያ ያራቱዋ ጾኔድኖ።
\s1 ኦትንኤል ዳቢራ ካታማ ኦይቄዳ
\r (ኢያሳ 15:13-19)
\p
\v 11 ሄዋፐ ደንዲደ ይሁዳ አሳይ ዳቢራ ጌተትያ ካታማን ደእያ አሳ ኦላናዉ ቤዳ። ዳቢራ ካታማይ ካሰ ቅርያት-ሰፈራ ጌተቴ። 
\v 12 ካሌብ፥ “ቅርያት-ሰፈራ ኦለቲደ ኦይቂያ ኡራዉ ታን ታ ናቶ አክሶ እማና” ያጌዳ። 
\v 13 ካሌባ እሻ ቴፋ ቃናዛ ናአይ ኦትንኤል ሄ ካታማ ኦለቲደ ኦይቄዳ፤ ካሌብ ባረ ናቶ አክሶ አዉ እሜዳ።
\p
\v 14 አክሳ ኦትንኤላ ገልያ ዎደ፥ እ አዉ እዝዉ ጋድያ እማናዳን ዎሳና ማላ፥ ኦትንኤል እዞ ዞሬዳ። እዛ ባቁሉዋፐ ዎዱ፤ ካሌብ እዞ፥ “አያ ኮያይ?” ያጊደ ኦቼዳ።
\p
\v 15 እዛ፥ “ታዉ ዎይቱዋ እማ። ኔን ካሰ ታዉ እሜዳ ጋዲ ዳሪ መላ ቢታ ግዴዳ ድራዉ፥ ሃ ፑልቶቱዋ ታዉ እማርኪ” ያጋዱ። ካሌብ ክል ፑልቱዋካ ህርክ ፑልቱዋካ እዝዉ እሜዳ።
\s1 ይሁዳ ዛራቱነ ቢንያማ ዛራቱ ጾኔድኖ
\p
\v 16 ሙሴ ቦሉዋ ዛራቱ ቄናት ይሁዳ አሳና ዛምባ ካታማ ጌተትያ ያርኮ ካታማፐ ደንዴድኖ፤ አራዳ ጌተትያ ካታማፐ ገድሳ ባጋና፥ ኔጌባን ደእያ ይሁዳ መላ ቢታ ቤድኖ፤ ያን አማሌቃቱዋና ኡቴድኖ። 
\v 17 ይሁዳ አሳይ ስሞና አሳና እትፐ ቢደ፥ ጻፋታ ጌተትያ ካታማን ደእያ ካናነቱዋ ጾኔዳ፤ ካታማ ኡባ ይሴዳ። ሄዋ ድራዉ ሆርማ\f + \fr 1:17 \fr*\fq ሆርማ፦ \fq*\ft ሀ ሱን ብለይ እብራዌዋን፥ “ኡባና ይሴዳ” ያግያዋ።\ft*\f* ያጊደ ሱንድኖ። 
\v 18 ይሁዳ አሳይ ጉጂደካ ጋዛ፥ አስቃሎናነ ኤቅሮና ካታማቱዋ ኡንቱንቱ ዩሹዋን ደእያ ቢታቱዋናካ ኦይቄዳ። 
\v 19 መና ጎዳይ ይሁዳ አሳና ደእያ ድራዉ፥ ገዘ ጋድያ ኡንቱንቱ ላቴድኖ፤ ሽን ደምባ ጋድያ አሳቶ ብራታፐ ኦሰቴዳ ኦላ ፓራ ጋረቱ ደእያ ድራዉ፥ ይሁዳ አሳይ ኡንቱንታ የደርሳናዉ ዳንዳይቤና። 
\v 20 ሙሴ ጌዳዋዳን፥ ከብሮነ ካታማ ካሌባዉ እሜድኖ፤ ካሌብ አናቀ ዛርያ ግድያ ሄዙ ያራቱዋ የደርሲደ ከሴዳ።
\p
\v 21 ሽን ቢንያማ ዛራቱ የሩሳላመን ደእያ ያቡሳቱዋ የደርስበይክኖ፤ ያትና፥ ያቡሳዋናቱ ቢንያማ ዛራቱዋና ሀቼ ጋካናዉ የሩሳላመን እትፐ ደኢኖ።\x - \xo 1:21 \xo*\xt ኢያሳ 15:63፤ 2 ሳሜላ 5:6፤ 1 ኦዱዋ 11:4\xt*\x*
\s1 ኤፍሬማነ ምናሰ ዛራቱ ቤቴለ ጾኒደ ኦይቄድኖ
\p
\v 22-23 ዮሴፎ ናናቱዋ፥ ኤፍሬማነ ምናሰ ዛራቱ ቃይ ቤቴለ ካታማ ቦላን ዎራጄድኖ። ካሰ ሄ ካታማይ ሎዛ ጌተቴ። ዎራጅያ ዎደ መና ጎዳይ ኡንቱንቱና ደኤ። ዮሴፎ ዛራቱ ቤቴለ ካታማ ጾሞስያ አሳቱዋ ኪቴድኖ፥ 
\v 24 ኡንቱንቱ ካታማፐ ከስያ እት ብታንያ ደሚደ፥ “ካታማ ግዶ ዋን ገላናዉ ዳንዳየትንቶ ኑና በሶፐ፥ ኑን ነዉ ኬካና” ያጌድኖ። 
\v 25 እ ኡንቱንታ በሴዳ፤ ካታማን ደእያ አሳ ቃራ ማሻን ሙሸሬድኖ፤ ሽን ሄ ብታንያነ አ ሶ አሳ ኡባ አሸድኖ። 
\v 26 ጉየፐ ሄ ብታኒ ሂተቱዋ ጋድያ ቢደ፥ ያን ካታማ ኬጼዳ፤ ሎዛ ያጊደ ሱንዳ፤ ሀቼ ጋካናዉ ሄ ካታማይ ሄ ሱንን ጼሰቴ።
\s1 እስራኤልያ አሳቱ ቢታፐ የደርስቤና አሳቱዋ
\p
\v 27 ምናሰ ዛራቱ ቤትሻና፥ ታእናካ፥ ዶራ፥ ይብላኣማነ ማግዶ ካታማቱዋንነ ኡንቱንቱ ዩሹዋን ደእያ ሞቱዋን ደእያ አሳቱዋ ከሲደ የደርሳናዉ ዳንዳይበይክኖ። ያትና፥ ካናነቱ ያን ደኡዋ ምንሴድኖ።\x - \xo 1:27-28 \xo*\xt ኢያሳ 17:11-13\xt*\x* 
\v 28 እስራኤልያ አሳይ ምኔዳ ዎደ፥ ካናነቱዋ ባረንቱ ዎልቃን ኦስሴድኖ፤ ሽን ኡንቱንታ ኡባና ጋድያፐ ከሲደ የደርስበይክኖ።
\p
\v 29 ኤፍሬማ ዛራቱካ ገዜራ ጌተትያ ካታማን ደእያ ካናነቱዋ ከሲደ የደርስበይክኖ፤ ያትና፥ ካናነ አሳቱ ያን ኡንቱንቱና እትፐ ደኤድኖ።\x - \xo 1:29 \xo*\xt ኢያሳ 16:10\xt*\x*
\p
\v 30 ዛብሎና ዛራቱ ቅትሮና ካታማንነ ናህላላ ካታማን ደእያ አሳቱዋ ከሲደ የደርስበይክኖ፤ ያትና፥ ካናነቱ ያን ኡንቱንቱና እትፐ ደኤድኖ። ሽን ዛብሎና ዛራቱ ኡንቱንቱ ባረንቱ ዎልቃን ኦስሰድኖ።
\p
\v 31 አሴራ ዛራቱካ አኮን፥ ሲዶናን፥ አህላባን፥ አክዚባን፥ ሄልባን፥ አፌቃንነ ራሆባን ደእያ አሳቱዋ ከሲደ የደርስበይክኖ። 
\v 32 ካናነቱ ከሰናን አጌዳ ድራዉ፥ አሴራ ዛራቱ ኡንቱንቱና ያን እትፐ ደኤድኖ።
\p
\v 33 ንፍታሌማ ዛራቱካ ቤት-ሸመሻ ካታማንነ ቤት-አናታ ካታማን ደእያ አሳቱዋ ከሲደ የደርስበይክኖ፤ ሽን ካናነቱዋና ያን እትፐ ደኤድኖ። ቤት-ሸመሻነ ቤት-አናታ ካታማ አሳቱዋ ባረንቶ ዎልቃን ኦስሴድኖ።
\p
\v 34 አሞራዋናቱ ዳና ዘረ ፑደ ገዝያዉ የደርሴድኖ፤ ኡንቱንቱ ዱገ ደምባ ጋድያ ዎናዳን ተኤድኖ።
\p
\v 35 አሞራዋናቱ ሄሬሳ ደርያንነ አያሎናነ ሻአልቢማ ጌተትያ ካታማቱዋን ደኡዋ ምንሴድኖ፤ ሽን ኤፍሬማነ ምናሰ ዛራቱ ምን ምኒደ ቢደ፥ ባረንቶ ዎልቃን ኦስሴድኖ። 
\v 36 አሞራዋናቱዋ ጋድያ ዛዋይ ሰላአ ማታን ደእያ አክራቢማ ጌተትያ ፑደፐ ዶሚደ፥ ሁጲሳ ባጋ ፕኑዋ ጋኬ።
\c 2
\s1 መና ጎዳ ኪታንቻይ ቦክማ ቤዳ
\p
\v 1 መና ጎዳ ኪታንቻይ ገልገላፐ ቦክማ ቢደ፥ እስራኤልያ አሳ ሀዋዳን ያጌዳ፤ “ታን ህንተንታ ግብጼፐ ከሳድ፤ በን ህንተንቱ ማይዛ አዋቶ እማና ጋደ ጫቄዳ ጋድያ ህንተንታ ገልሳድ። ህንተንታ ሀዋዳን ያጋድ፤ ‘ታን ህንተናና ጫቀቴዳ ጫቁዋ ኡባካ መንከ፥ 
\v 2 ህንተንቱ ሀ ጋድያን ደእያ አሳቱዋና ቃላ ጫቁዋ ገሎፕተ፤ ኡንቱንቱ ያርሽያ ሳኣ ኮልተ’ ያጋድ፤ ሽን ህንተንቱ ታዉ አዛዘትበይክታ። አያዉ ሄዋዳን ሀኔድቴ?\x - \xo 2:2 \xo*\xt ከሳ 34:12-13፤ ዛረ. 7:2-5\xt*\x* 
\v 3 ሄዋ ድራዉ፥ ታን ኡንቱንታ፥ ህንተንቱ ስንፐ የደርስከ፤ ኡንቱንቱ ህንተንቶ ሞርከ ግዳና፤ ኡንቱንቱ ጾሳቱካ ህንተንቶ ጲረ ግዳና ያጋይ” ያጌዳ። 
\v 4 መና ጎዳ ኪታንቻይ ሄዋ እስራኤልያ አሳዉ ኡባዉ ሃሳዬዳ ዎደ፥ አሳይ ባረ ቃላ ቁ ኦደ ዬኬዳ። 
\v 5 ያቲደ ሄ ሳኣ ቦክማ\f + \fr 2:5 \fr*\fq ቦክማ፦ \fq*\ft ሀ ሱን ብለይ እብራዌዋን፥ “ዬክያዋንታ” ግያዋ።\ft*\f* ያጊደ ሱንዳ፤ ሄዋን መና ጎዳዉ ያርሹዋ ያርሼዳ።
\s1 ኢያሱ ሀይቁዋ
\p
\v 6 ኢያሱ እስራኤልያ አሳ የዴዳዋፐ ጉይያን፥ አሳይ እቱ እቱ ባረና ሻክና ጋክያ ጋድያ አካናዉ ቤዳ። 
\v 7 ኢያሱ ደኡዋን ደኤዳ ላይ ኡባን አሳይ መና ጎዳዉ ኦዳ፤ እ ሀይቄዳዋፐ ጉይያን፥ መና ጎዳይ እስራኤልያ አሳዉ ኦዳ ዎልቃማ ኦሱዋ ኡባ በኤዳ ጭማቱዋ ዎደ ኡባን መና ጎዳዉ ኦያዋ አግቤና።
\p
\v 8 መና ጎዳ ቆማይ፥ ነዌ ናኣ ኢያሱ፥ ላይይ ጼታነ ታሙዋ ግድና ሀይቄዳ፤ 
\v 9 ጋኣሻ ደርያፐ ሁጲሳ ባጋን፥ ኤፍሬማ ገዝያን፥ ትምናት-ሰራሀ ግያ ሳን ደእያ አ ላታ ጋድያን ሞጌድኖ።\x - \xo 2:9 \xo*\xt ኢያሳ 19:49-50\xt*\x* 
\v 10 ሄ የለታ ኡባይ ሀይቂ ባረ ማይዛን ጋከቴዳዋፐ ጉይያን፥ መና ጎዳ ዎይ እስራኤልያ አሳዉ እ ኦዳዋ ኡባ ኤረና ሀራ የለታይ ደንዴዳ።
\ms እስራኤልያ ዳናቱዋ
\mr (2:11—16:31)
\s1 እስራኤልያ አሳይ ጾሳዉ ጎይንያዋ አግ ባሼዳ
\p
\v 11 ሄዋፐ ጉይያን፥ እስራኤልያ አሳይ መና ጎዳ ስንን ኢታባ ኦዳ፤ ባኣላ ጌተትያ ኤቃቶ ጎይኔድኖ። 
\v 12 ግብጼ ጋድያፐ ኡንቱንታ ከሴዳ መና ጎዳ፥ ባረንቱ ማይዛ አዎቱዋ ጾሳ አግ ባሼድኖ፤ ባረንቱ ዩሹዋን ደእያ አሳቱዋ ኤቃቱዋኮ ስሚደ፥ ኡንቱንቶ ጎይኔድኖ፤ ሄዋን መና ጎዳ ሀንቀድኖ። 
\v 13 ቃይ አ አግ ባሺደ፥ ባኣላዉነ አስታሮታዉ ጎይኔድኖ። 
\v 14 ያትና፥ መና ጎዳ ሀንቁ እስራኤልያ አሳ ቦላ ኤጽ ከሴዳ፤ ቦንቂያዋንቱ ቦንቃናዳን ኡንቱንታ በስ ባሼዳ፤ ኡንቱንቱ ዩሹዋን ደእያ ሞርከቶ ኡንቱንታ አደ እሜዳ። ያትና፥ ኡንቱንቱ ባረንቱ ሞርከቱዋና ኤቀታናዉ ዳንዳይበይክኖ። 
\v 15 ኡንቱንቱ ኦለታናዉ ከሴዳ ዎደ ኡባን፥ መና ጎዳይ ካሰ ኡንቱንቶ ጫቄዳዋዳን ኡንቱንቱ ጾነታና ማላ፥ እ ኡንቱንቱ ቦላ ደንዴዳ። ያትና፥ ኡንቱንቱ ሎይ ዋየድኖ።
\p
\v 16 ያትና፥ መና ጎዳይ ዳናቱዋ ኡንቱንቶ ደንዳ፤ ኡንቱንቱ እስራኤልያ አሳ ቦንቄዳዋንቱ ኩሽያፐ አሼድኖ። 
\v 17 ሽን እስራኤልያ አሳይ ፕርድያ ዳናቶ አዛዘትቤና፤ ኡንቱንቱ መና ጎዳዉ አማነተናን እጼድኖ፤ ሀራ ጾሳቱዋኮ ስሚደ፥ ኡንቱንቶ ጎይኔድኖ። ኡንቱንቱ አዎቱ ሀመቴዳ ኦግያፐ ኤለካ ጉየ ስሜድኖ፤ ኡንቱንቱ ማይዛ አዎቱ ጾሳዉ አዛዘቴዳዋዳን፥ ኡንቱንቱ አዛዘትበይክኖ። 
\v 18 መና ጎዳይ ኡንቱንቶ ፕርድያ ዳናቱዋ ደንዳ ዎደ አዉደነ እ ሄ ፕርድያ ዳናቱዋና እትፐ ግዴዳ፤ ሄ ዳናይ ደኡዋን ደኤዳ ላይ ኡባን ኡንቱንቱ ሞርከቱዋ ኩሽያፐ ኡንቱንታ አሼዳ። አያዉ ጎፐ፥ ኡቁናይነ ቱጋይ ዳርና፥ ኡንቱንቱ ዋስያዋ ስሲደ፥ መና ጎዳይ ኡንቱንቶ ቃረቴዳ። 
\v 19 ሽን ፕርድያ ዳናይ ሀይቄዳዋፐ ጉይያን፥ አሳይ ጉየ ስሚደ፥ ካሰ ኡንቱንቱ አዎቱ ኦዳ ኢታፐ አዳ ኢታ ኦድኖ፤ ኡንቱንቱ ሀራ ጾሳቱዋኮ ስሚደ፥ ኡንቱንቶ ጎይኔድኖ፤ ባረንቱ ኢታ ኦሱዋነ ደሻ ኦግያ አገናን እጼድኖ። 
\v 20 መና ጎዳ ሀንቁ እስራኤልያ አሳ ቦላ ኤጽ ከሴዳ፤ ያትና፥ መና ጎዳይ ሀዋዳን ያጌዳ፤ “ሀ አሳይ ታን ኡንቱንቱ ማይዛ አዋቶ ገሌዳ ጫቁዋ መንዳ ድራዉነ ታዉ አዛዘተናን እጼዳ ድራዉ፥ 
\v 21 ሀቼፐ ዶምና፥ ኢያሱ ሀይቄዳ ዎደ ቢታ ቦላን አቴዳ ጋደ አሳቱዋፐ እቱዋነ ታን ኡንቱንቱ ስንፐ የደርሳደ ከስከ። 
\v 22 ሀ እስራኤልያ አሳይ ካሰ ባረንቱ ማይዛ አዎቱዋዳን ታ ኦግያ ካልንቶ፥ ዎይ ካለነንቶ ፓጫናዉ፥ መና ጎዳይ ሄ አቴዳ ጋደ አሳቱዋን ጎኤታና” ያጌዳ። 
\v 23 ሄዋ ድራዉ፥ መና ጎዳይ ሄ ጋደ አሳቱ ከሰናን ጋምአናዳን ኦዳ። እ ኡንቱንታ ኤለካ የደርሲደ ከስቤና፤ ኢያሱዉካ ኡንቱንታ አደ እምቤና።
\c 3
\s1 ቢታ ቦላፐ የደርሰተናን አቴዳ አሳቱዋ
\p
\v 1 ካሰ ካናነን አይ ኦላነ ኦለቲደ ሜዘትቤና እስራኤልያ አሳ ፓጫና ማላ፥ መና ጎዳይ ሀ አሳቱዋ አሼዳ። 
\v 2 እ ሄዋ ኦዳዌ፥ ሀዋፐ ካሰ ኦላ ኦለቲደ ሜዘትቤና እስራኤልያ የለታ ኦለትያ ሂላ ታማርሳናሳ። 
\v 3 ሄ አሳቱ ኦና ኦኔ ጎፐ፥ እቼሹ ፕልስጼማ ካታማቱዋ ሞድያ አሳቱዋ፥ ካናነቱዋ ኡባ፥ ሲዶና ካታማ አሳቱዋነ ባኣል-ሄርሞነ ጌተትያ ደርያፐ ዶሚደ፥ ሀማታ ፕኑዋ ጋካናዉ ልባኖሳ ደርያን ደእያ ሂዌቱዋ። 
\v 4 መና ጎዳይ ሙሴ ባጋና ካሰ እስራኤልያ ማይዛ አሳ አዋቶ እሜዳ አዛዙዋ ኡንቱንቱ አዛዘትንቶ አዛዘተነንቶ ፓጭሳናዉ ኡንቱንታ አሼዳ። 
\v 5 ያትና፥ እስራኤልያ አሳይ ካናነቱዋና፥ ሂዌቱዋና፥ አሞረቱዋና፥ ፓርዘቱዋና፥ ሂተቱዋናነ ያቡሳቱዋና እትፐ ደኤዳ። 
\v 6 ኡንቱንቱ ማጫ ናና ባረንቶ አኬድኖ፤ ባረንቱ ማጫ ናናካ ኡንቱንቱ አቱማ ናናቶ እሜድኖ። ያቲደ ኡንቱንቱ ጾሳቶ ጎይኔድኖ።
\s1 ኦትንኤላ
\p
\v 7 እስራኤልያ አሳይ መና ጎዳ ስንን ኢታባ ኦዳ። ኡንቱንቱ መና ጎዳ ባረንቱ ጾሳ ዶጊደ፥ ባኣላነ አሼሮ ጌተትያ ጾሳቶ ጎይኔድኖ። 
\v 8 ሄዋ ድራዉ፥ መና ጎዳ ሀንቁ እስራኤልያ አሳ ቦላ ኤጽ ከሴዳ፤ ያትና፥ መና ጎዳይ ማስጰጾምያ ጋድያ ካትያ ኩሻን-ርሽአታይማ ኩሽያን ኡንቱንታ አደ እሜዳ፤ ኡንቱንቱ አዉ ሆስፑን ላይ ሞደቴድኖ።
\p
\v 9 ሽን እስራኤልያ አሳይ መና ጎዳዉ ዋሴዳ ዎደ፥ ኡንቱንታ አሽያ ኡራ ኪቴዳ፤ እካ ካሌባ ቴፋ እሻ ቃናዛ ናኣ ኦትንኤላ ጌተቴ። 
\v 10 መና ጎዳ አያናይ አ ቦላ ዎና፥ እ እስራኤልያ ቦላ ፕርድያ ዳና ግዴዳ። ኦላ ኦለታናዉ ቤዳ፤ መና ጎዳይ ማስጰጾምያ ጋድያ ካትያ ኩሻን-ርሽአታይማ አዉ አደ እሜዳ፤ ኩሻን-ርሽአታይማ ጾኔዳ። 
\v 11 ያትና፥ ጋዲ ኦይታሙ ላይ ዎፓ ደሜዳ። ሄዋፐ ጉይያን፥ ቃናዛ ናአይ ኦትንኤል ሀይቄዳ።
\s1 ኤሁዳ
\p
\v 12 እስራኤልያ አሳይ ዛረደካ መና ጎዳ ስንን ኢታባ ኦዳ። መና ጎዳ ስንን ኡንቱንቱ ኢታባ ኦዳ ድራዉ፥ መና ጎዳይ ሞኣበ ካትያ ኤግሎን እስራኤልያ ቦላን ዎልቃማናዳን ኦዳ። 
\v 13 ኤግሎን አሞናቱዋነ አማሌቃቱዋ ባረኮ ሺሽ ቢደ፥ እስራኤልያ አሳ ኦለቲደ ጾኔዳ፤ ዛምባ ካታማ ጌተትያ እያርኮ ካታማ ኦይቄዳ። 
\v 14 ያትና፥ እስራኤልያ አሳይ ሞኣበ ካትያ ኤግሎናዉ ታማነ ሆስፑን ላይ ሞደቴዳ።
\p
\v 15 ሽን እስራኤልያ አሳይ መና ጎዳዉ ዋሴዳ ዎደ፥ ኡንቱንታ አሽያ ኡራ ኪቴዳ፤ እካ ቢንያማ ዛርያፐ ጌራ ናኣ ኤሁዳ ጌተቴ፤ እ ሀድርሳ ኩሽያን ኦያ አሳ። እስራኤልያ አሳይ ኤሁዳ ሞኣበ ካትያ ኤግሎናኮ ጊራና ኪቴዳ። 
\v 16 ኤሁድ ላኡ ባጋና ቃራቴዳ እት ዋ ግዴዳ ማሻ ባረዉ ጊግሴዳ፤ ኡሸቻ ምይያ ባጋና ባረ ማዩዋ ግዶን ዳንጬዳ። 
\v 17 ሄዋፐ ጉይያን፥ ሞኣበ ካትያ ኤግሎናዉ ጊራ አክ አፊደ እሜዳ። ኤግሎን ሎይ ኦርዶ አሳ። 
\v 18 ኤሁድ ጊራ ካትያዉ እሜዳዋፐ ጉይያን፥ ጊራ ቶኪደ ቤዳ አሳቱዋ ሞይዜዳ። 
\v 19 ሽን ኤሁድ ገልጋላ ማታን ደእያ ማሰቴዳ ሹቻቱዋ ማታፐ ኤግሎናኮ ጉየ ስም ቢደ፥ “ካትያዉ፥ ታን ነዉ ጹርያባይ ደኤ” ያጌዳ።
\p ካቲ፥ “ጮኡ ጋ!” ያጌዳ፤ ሄዋፐ ጉይያን አ ናግያዋንቱ ኡባይ ካረ ከሴድኖ።
\p
\v 20 ሄ ዎደ ካቲ ፖቅያን ደእያ እት ክፍልያን ባረካ ኡት ደእሽን፥ ኤሁድ አኮ ሺቂደ፥ “ጾሳይ ነዉ ኪቴዳባይ ደኤ” ያጌዳ። ካቲ ባረ ኡቴዳ ሳኣፐ ኤቄዳ፤ 
\v 21 ኤሁድ ባረ ሀድርሳ ኩሽያ የዲደ፥ ኡሸቻ ባጋ ምይያፐ ማሻ ሾዲደ፥ ካትያዉ ኡሉዋን ድርግን አጌዳ። 
\v 22 ያትና፥ ማሻዉ ቱቲ አተናን ኡሎ ግዶ ገልና፥ ሀንዳይ ካሜዳ። ኤሁድ ማሻ ካትያ ኡሉዋፐ ሾድቤና ድራዉ፥ ዞክያና ካን ከሴዳ። 
\v 23 ሄዋፐ ጉይያን ኤሁድ ካረ ከሲደ፥ ፖቅያን ደእያ ክፍልያ ፐንግያ ጎርዲደ፥ አ ቦላ ቁልፔዳ።
\p
\v 24 እ ብድጎዋፐ ጉይያን፥ ቆማቱ ዪደ፥ ፐንጊ ጎርደቴዳዋ በኤድኖ፤ ግዶ ክፍልያን ኡርቃ ሼሻዉ ኡተናን አገና ያጊደ ቆፔድኖ። 
\v 25 ኡንቱንቱ ናጉ ፖካና ጋካናዉ ሎይ ናጌድኖ። ሽን ካቲ ፐንግያ ዶየናን እጽና፥ ቁልፕያ አኪደ ፐንግያ ዶዬድኖ፤ ባረንቱ ጎዳይ ሀይቂደ፥ ዉይግያን ኩንዴዳዋ በኤድኖ።
\p
\v 26 ኡንቱንቱ ናጊደ ጋምእ ደእሽን፥ ኤሁድ ከስ አኪደ፥ ማሰቴዳ ሹቻቱዋ አደ፥ ሳኢራ ግያ ሳኣ ባቃቴዳ። 
\v 27 ኤፍሬማ ገዝያ ጋኬዳ ዎደ፥ እስራኤልያ አሳይ ኦላዉ ሺቃናዳን ማላካታ ፑኔዳ፤ አሳይ አ ካሊደ፥ ያፐ ዱገ ዎዳ። 
\v 28 ኡንቱንታ፥ “ታና ካልተ፤ አያዉ ጎፐ፥ መና ጎዳይ ህንተንቱ ሞርከቱዋ፥ ሞኣባቱዋ ህንተንቱ ኩሽያን አደ እሜዳ” ያጌዳ። አ ካሊደ ዎደ፥ ዮርዳኖሳ ሻፋ ፕንያ ሳአቱዋ ኦይቄድኖ፤ ሞኣበ አሳፐ እት ኡራይነ ሄዋና አናዳን ተኤድኖ። 
\v 29 ሄ ዎደ ሞኣበ አሳፐ ታሙ ሻአ ግድያ ዶረቴዳ ምኖ ኦላንቻቱዋ ዎድኖ፤ እት አሳይነ ከስ አክ አትቤና። 
\v 30 ሄ ጋላስ ሞኣበ አሳይ እስራኤልያ አሳዉ ሞደቴዳ፤ ያትና ቢታይ ሆስፑን ታሙ ላይ ዎፓ ደሜዳ።
\s1 ሻምጋራ
\p
\v 31 ኤሁዳፐ ጉይያን፥ አናታ ናአይ ሻምጋር ደንዴዳ፤ ፕልስጼማ አሳፐ ኡሱፑን ጼቱዋ ቦራ ላግያ ዶቁዋን ዎደ፥ እስራኤልያ አሳ አሼዳ።
\c 4
\s1 ድቦሮነ ባራቃ
\p
\v 1 ኤሁድ ሀይቄዳዋፐ ጉይያን፥ እስራኤልያ አሳይ መና ጎዳ ስንን ዛረደካ ኢታባ ኦዳ። 
\v 2 ሄዋ ድራዉ፥ መና ጎዳይ ሀጾራ ጌተትያ ካታማን ካተቴዳ ካናነ ካትያ ያብናያዉ ኡንቱንታ አደ እሜዳ፤ አ ኦላንቻቱዋ ጋዳዉ ስሳር ደርያ-ሀሮሼታ-ሀጎዪማ ጌተትያ ካታማን ደኤ። 
\v 3 ያብናያ ብራታፐ ኦሰቴዳ ኡዱፑን ጼቱ ፓራ ጋረቱ ደእያ ድራዉነ እ እስራኤልያ አሳ ቃረት ባይናን ላታሙ ላይ ኡቁኔዳ ድራዉ፥ ኡንቱንቱ ማዱዋ ደማናዉ መና ጎዳኮ ዋሴድኖ።
\p
\v 4 ሄ ዎደ ላፕዶታ ማቻታ ድቦራ፥ ትምቢትያ ኦድያና እስራኤልያ ቢታን ፕርድያ ዳናቶ። 
\v 5 ድቦራ ኤፍሬማ ገዝያን፥ ራማ ካታማፐነ ቤቴለ ካታማፐ ግዱዋን ደእያ ድቦር ዛምባ ጋርሳን ኡታደ ፕርዳዉ፤ እስራኤልያ አሳይ ባረ የዉዋ ፕርድሳናዉ ኢኮ ዬ። 
\v 6 እት ጋላስ ደቦራ አብኖኣማ ናኣ ባራቃ ንፍታሌማ ጋድያን ደእያ ቀዴሻ ካታማፐ ኪታደ ጼስሳዱ፤ “መና ጎዳይ እስራኤልያ ጾሳይ ኔና ሀዋዳን ያጊደ አዛዜ፤ ‘ንፍታሌማ ዛርያፐነ ዛብሎና ዛርያፐ ታሙ ሻአ አሳ አካደ፥ ታቦራ ደርያ ባ። 
\v 7 ታን ያብና ኦላንቻቱዋ ጋዳዋይ ስሳር ፓራ ጋረቱዋነ ኦላንቻቱዋ አኪደ፥ ቂሾና ሻፋን ኔናና ኦላ ጋከታናዉ ያናዳን ኦና፤ ታን ነዉ አ አደ እማና’ ያጌ” ያጋዱ።
\p
\v 8 ያትና፥ ባራቅ፥ “ኔን ታናና ቦፐ፥ ታን ባና፤ ሽን ኔን ታናና ባና ዮፐ፥ ታንካ ቢከ” ያጌዳ።
\p
\v 9 አ፥ “ኤኖ፥ ታን ኔናና ባና፤ ሽን መና ጎዳይ ስሳራ ማጫ አሳ ኩሽያን አደ እምያ ድራዉ፥ ሄ ቡሳይ ነዉ ቦንቾ ግደና” ያጋዱ። ደቦራ ደንዳደ፥ ባራቃና ቀዴሻ ባዱ። 
\v 10 ባራቅ ንፍታሌማነ ዛብሎና ዘረ ቀዴሻ ጼስና፥ ታሙ ሻአ አሳይ አ ካሊደ ከሴዳ፤ ድቦራካ አናና ባዱ።
\p
\v 11 ሄ ዎደ ሄቤራ ጌተትያ እት ብታኒ ደኤ፤ እ ቄና አሳ፤ እ ሙሴ ቦሉዋ ሆባባ ያራ። እ ሀራ ቄናቱዋፐ ሻከቲደ፥ ቀዴሻኮ ሺቂደ፥ ዛእናኒማን ደእያ ዎላ ማታን ባረ ዱንካንያ ጌዳ።
\p
\v 12 አብኖኣማ ናአይ ባራቅ ታቦራ ደርያ ቤዳዋ ስሳር ስሴዳ ዎደ፥ 
\v 13 ብራታፐ ኦሰቴዳ ባረ ኡዱፑን ጼቱ ፓራ ጋረቱዋነ ባረናና ደእያ አሳ ኡባ ጼስሲደ፥ ሀሮሼታ-ሀጎዪማፐ ቂሾና ሻፋ ሺሼዳ።
\p
\v 14 ያትና፥ ድቦራ ባራቃ፥ “ደንዳ! ሀቼ መና ጎዳይ ነ ኩሽያን ስሳራ አደ እምያ ጋላሳ። በአ፥ መና ጎዳይ ኔፐ ስንቲደ ቤዳ” ያጋዱ። ሄዋፐ ጉየ ባራቅ ታሙ ሻአ አሳ ካለደ፥ ታቦራ ደርያፐ ዎዳ። 
\v 15 መና ጎዳይ ስሳራ፥ አ ፓራ ጋረቱዋ ኡባነ አ ኦላንቻቱዋ ኡባ ቃራ ማሻን ባራቃ ስንፐ ባቃትሴዳ። ያትና፥ ስሳር ባረ ፓራ ጋርያፐ ዎደ፥ ገድያን ባቃቴዳ። 
\v 16 ባራቅ ሄ ፓራ ጋረቱዋነ ኦላንቻቱዋ ሀሮሼታ-ሀጎዪማ ጋካናዉ የደርሴዳ። ስሳራ ኦላንቻቱ ኡባይ ቃራ ማሻን ሀይቄድኖ፤ እት አሳይነ አትቤና።
\p
\v 17 ሄ ዎደ ሀጾራ ካትያ ያብን ቄና ሄቤራ ጎለ አሳና ሳሮ ደኤ። ሄዋ ድራዉ፥ ስሳር ገድያን ባቃቲደ፥ ቄና ሄቤራ ማቻት ያኤል ዱንካንያ ጋኬዳ። 
\v 18 ያኤላ ስሳራ ሞካናዉ ከሳደ፥ “ታ ጎዳዉ፥ ገላ፤ ሃ ገላ፤ ያዮፓ” ያጋዱ። ዱንካንያ ኢኮ ገልና፥ አ ባረ ቡሉኩዋን ካማዱ።
\p
\v 19 ስሳር፥ “ታና ሳሜ፤ ኡሽያ ጉ ሃ እማርኪ” ያጌዳ። ማ ትግያ ሚሻ ፖካደ ኡሻዱ፤ ያታደ ዛራደ ካማዱ። 
\v 20 ሄዋፐ ጉይያን እ እዞ፥ “ዱንካንያ ፐንግያን ኤአ። አይ አሳይ ዪደ፥ ‘ሀዋን አሳይ ደኢ?’ ያጊደ ኦቾፐ፥ ‘ባዋ’ ጋ” ያጌዳ።
\p
\v 21 ስሳር ሎይ ዳቡሬዳ ድራዉ፥ ገምእሹዋ ፓኑሬዳ። ሄቤራ ማቻታ ያኤላ ማዶሻነ ዱንካንያ ግያ ሽካሊያ አካደ፥ ሎዳን አኮ ሺቃዱ፤ ሺቃደ ግያ ሽካልያ ሀይ ካርያን ኤሳደ፥ ማርቴሉዋን ሻደ፥ ቢታና ስክና፥ ስሳር ሀይቄዳ።
\p
\v 22 ባራቅ ስሳራ ኮዪደ ዪና፥ ያኤላ አ ሞካናዉ ካረ ከሳደ፥ “ሃያ፤ ኔን ኮይያ ብታንያ ታን ኔና በሳና” ያጋዱ። እዝና ዱንካንያ ግዶ ገሊደ፥ ስሳራ ሀይ ካርያን ጉ ገልና፥ አ አሃይ ሳኣን ግሴዳዋ በኤዳ።
\p
\v 23 ሄ ጋላስ ጾሳይ እስራኤልያ አሳይ ካናነ ካትያ ያብና ጾናናዳን ኦዳ። 
\v 24 እስራኤልያ አሳይ ካናነ ካትያ ያብና ቦላ ምን ምኒደ ቢደ፥ ዉርሰን አ ይሴዳ።
\c 5
\s1 ድቦራነ ባራቃ የ
\p
\v 1 ሄ ጋላስ ድቦራነ አብኖኣማ ናአይ ባራቅ ሀ የ የጼድኖ።
\q1
\v 2 “እስራኤልያ አሳ
\q2 ካለያዋንቱ ካለዳ ድራዉ፥
\q1 አሳይካ ዶሲደ፥
\q2 ባረ ሁጲያ አደ እሜዳ ድራዉ፥
\q2 መና ጎዳ ጋላትተ!
\b
\q1
\v 3 “ህንተንቶ ካተቶ፥ ሀዋ ስስተ!
\q2 ህንተንቶ ደርያ ሞድያዋንቶ፥ ሀይዝተ!
\q1 ታን መና ጎዳዉ የጻና።
\q2 መና ጎዳዉ እስራኤልያ ጾሳዉ
\q2 ጋላታ የ የጻና።
\q1
\v 4 አቤት መና ጎዳዉ፥
\q2 ኔን ሰኢራ ደርያፐ ደንዴዳ ዎደ፥
\q1 ኔን ኤዶማ ቢታፐ ከሴዳ ዎደ፥
\q2 ቢታይ ቃጼዳ።
\q1 ሳሉዋፐ እራይ ቡኬዳ፤
\q2 ኤ፥ ሃይ ሻረቱዋፐ ዱገ ሶሶቴዳ።
\q1
\v 5 መና ጎዳ ስንን ደረቱ ቃጼድኖ፤
\q2 ሀራይ አትና፥ ሲና ደሪካ መና ጎዳ
\q1 እስራኤልያ ጾሳ ስንን ኮኮሬዳ።\x - \xo 5:5 \xo*\xt ከሳ 19:18\xt*\x*
\b
\q1
\v 6 “አናታ ናኣ ሻምጋና ዎደነ፥
\q2 ያኤላ ዎደ ጫና መህያ ላግያ፥
\q2 ዛልአንቻቱ ሄ ቢታና አበይክኖ።
\q2 ኦግያና ብያዋንቱካ ኦግያ አጊደ፥
\q2 ሎሱዋና ቤድኖ።
\q1
\v 7 እስራኤልያ ካታማቱ አሳይ ደኤና ሳኣ ግዴድኖ።
\q2 ታን ድቦራ፥ ታን እስራኤልያ አሳዉ፥
\q2 አቶ ግዳደ ደንዳና ጋካናዉ ኦንነ አትቤና።
\q1
\v 8 እስራኤልያ አሳይ አላጋ ጾሳቱዋ ዶሬዳ ዎደ፥
\q2 ጋድያን ኦላይ ደንዴዳ።
\q1 ኦይታሙ ሻአ እስራኤልያ ኦላንቻቱዋ ግዱዋን
\q2 እት ጎንዳሊ ዎይ እት ቶር ቤትቤና።
\q1
\v 9 ታ ዎዛናይ እስራኤልያ ኦላ ጋዳዋቱዋና ደኤ።
\q2 አሳ ግዶን ዶሲደ ባረንታ አደ እሜዳዋንቱና ደኤ።
\q1 መና ጎዳ ጋላትተ!
\q1
\v 10 ህንተንቶ፥ ቦ ሀረቱዋ ቶግያዋንቶ፥
\q2 ህንተንቶ፥ ግላስያ ቦላን ኡቴዳዋንቶ፥
\q2 ኦግያና ሀመትያዋንቶ፥
\q2 ሀዋ ስስተ!
\q1
\v 11 ሃ ኦላቱዋ ማታን ሺቄዳ የንቻቱዋ የ ስስተ።
\q1 ኡንቱንቱ መና ጎዳይ ጽሎተ ኦሱዋባ የጺኖ፤
\q2 ቃይ እስራኤልያ ኦላንቻቱዋ ጽሎተ ኦሱዋባ የጺኖ።
\b
\q1 “ሄዋፐ ጉይያን፥ መና ጎዳ አሳይ
\q2 ካታማ ገልያ ፐንገቱዋኮ ዱገ ዎዳ።
\q1
\v 12 ድቦሬ! ቤጎታ! ቤጎታ!
\q2 ቤጎታ! ቤጎታደ ማዝሙርያ የጻ።
\q1 ባራቃ፥ ደንዳ!
\q2 ኔኖ፥ አብኖኣማ ናአዉ፥ ነ ኦሞዱዋ አካደ ያ።
\b
\q1
\v 13 “ሄዋፐ ጉይያን፥ አቴዳ አሳቱ
\q2 ካፓቱዋኮ ዱገ ዎድኖ።
\q1 መና ጎዳ አሳቱ ኦለታናዉ ጊጊደ
\q2 ድቦርኮ ዬድኖ።
\q1
\v 14 አማሌቃ ዛራቱ በን ደኤዳ ሳኣን ደእያ፥
\q2 ኤፍሬማ አሳቱ ዬድኖ።
\q1 ቃይ ቢንያማ አሳቱ ኡንቱንታ ካሌድኖ።
\q2 ካፓቱ ማክራ ዛራቱዋፐነ፥
\q1 ኦላ ጋዳዋቱ ዛብሎና ዛራቱዋፐ ዱገ ዎድኖ።
\q1
\v 15 ይሳኮራ ካፓቱ ድቦርና ዬድኖ፤
\q2 ኤ፥ ይሳኮራ አሳይነ ባራቅካ ዬዳ፤
\q2 ኡንቱንቱ አ ጌዱዋ ካሊደ፥ ዛንጋራ ገሌድኖ።
\q2 ሽን ሮቤላ ዛራቱ ቆፋን ሻከቲደ፥
\q2 ያናዋ አጋናዋ ቃችበይክኖ።
\q1
\v 16 ኡንቱንቱ አያዉ አቴድኖ?
\q2 ዶርሳቱዋ ሄምያዋንቱ እምቢልታ ስሳናዉ አቴድኖየ?
\q2 ሮቤላ ዛራቱ ቆፋን ሻከቲደ፥
\q2 ያናዋ አጋናዋ ቃችበይክኖ።
\q1
\v 17 ጋላኣደ አሳቱ ዮርዳኖሳ ሻፋፐ ሄፍንን አቴድኖ።
\q2 ዳና ዛራቱ ማርካባቱ ማታን አቴድኖ።
\q1 አሴራ ዛራቱ ባረንቱ ደእያ ሳኣን፥
\q2 ሜድትራነ አባ ላንቂያን አቴድኖ።
\q1
\v 18 ዛብሎና ዛራቱ ባረንቱ ሸምፑዋ ሀይቆ አደ እሜዳ አሳቱዋ።
\q2 ንፍታሌማ ዛራቱካ ኡንቱንቱዋዳን ኦላ ደምባን ባረንቱ ሸምፑዋ አደ እሜድኖ።
\q1
\v 19 ካተቱ ዪደ፥ ማግዶ ፑልቶቱዋ ማታን ደእያ ታእናካን ኦለቴድኖ።
\q2 ሄ ካናነ ካተቱ ያን ኦለቲደ፥
\q2 ኦሞዳናዉ አያ ብራነ ደምቤይክኖ።
\q1
\v 20 ሳሉዋን ደእያ ጾልንተቱካ ኦለቴድኖ።
\q2 ባረንቱ ዩይያ ዩሻን ኡንቱንቱ ስሳራና ኦለቴድኖ።
\q1
\v 21 ቂሾና ሻፋይ፥ በንፐ፥
\q2 ኤረቴዳ ቂሾና ሻፋይ ኩንደ፥
\q2 ሄ ካተቱዋ ሾኪደ አፌዳ።
\q1 ታ ሸምፓቴ፥ ስም ምና፤
\q2 ስንዉ ጋልፋ።
\q1
\v 22 ሄዋፐ ጉይያን፥ ፓራ አሳቱ አንዳራሰቲደ ዬድኖ።
\q2 ፓራቱ ባረንቱ ኮትያን ጋድያ ጊርሴድኖ።
\q1
\v 23 መና ጎዳ ኪታንቻይ፥
\q2 ‘መሮዛ ሸቂተ!
\q1 ያን ደእያ አሳ ኢሲደ ሸቂተ!
\q2 አያዉ ጎፐ፥ ኡንቱንቱ መና ጎዳዉ ኤቃናዉ ይበይክኖ።
\q1 አ ዎልቃማ ሞርከቱዋና ኦለታናዉ ከስበይክኖ’ ያጌዳ።
\b
\q1
\v 24 “ቄና ሄቤራ ማቻታ
\q2 ያኤላ ማጫ አሳ ኡባፐ አንጀቴዳኖ ግዱ።
\q1 ዱንካነ ግዶን ደእያ ማጫ አሳ ኡባፐ እዛ አንጀቴዳኖ ግዱ።
\q1
\v 25 ስሳር እዞ ሃ ኦችና፥
\q2 ማ አዉ እማዱ።
\q1 ሎኦ ቃራባን መኤዳ ማ አሃዱ።
\q1
\v 26 እት ኩሽያ የዳደ ዱንካንያ ሽካልያ፥
\q2 ኡሸቻ ኩሽያን ኦሳንቻቱዋ ማርቴሉዋ ኦይቃዱ።
\q1 ስሳራ ሁጲያን ጋዱ፤
\q2 ሀይ ካርያና ካን ከሳዱ።
\q1
\v 27 ያትና፥ እ ቦልቁ ጊደ ኩንዴዳ።
\q2 እ ሄ እዝ ገድያ ማታን
\q2 ቦልቁ ጊደ ኩንዴዳ።
\q2 ሄ ኩንዴዳ ሳኣን ሀይቄዳ።
\q1
\v 28 ስሳራ ዳያ ማስኮትያና ጼላዱ።
\q2 ‘ታ ናኣ ፓራ ጋሪ አያዉ ጋምኤዴ?
\q1 ፓራቱ ኤሌሊደ አያዉ ስምበይክኖ?’
\q2 ያጋደ ኦቻዱ።
\q1
\v 29 እዝ አዳ ኤራንቻ ማጫ አሳቱ እዝ ኦሻ ዛሬድኖ።
\q2 ሽን እዛ ባረ ቆፋን ዛራ ዛራደካ ሀዋዳን ያጋዱ፤
\q1
\v 30 ኡንቱንቱ ኦሞዲደ ሻክያዋ ደመናን አግክኖ።
\q2 እት እት ኦላንቻ እት እት ዎይ ላኡ ላኡ ዎዶራቱ ጋከናን አግክኖ።
\q1 ስሳራዉ ኡንቱንቱ ሎእያ ማዩዋ እማና፤
\q2 ቃይ ታዉካ ቆያን ጻጻናዉ፥
\q2 ጽልፍያን አሌቀቲደ ሎእያ ማዮቱዋ
\q2 ኡንቱንቱ አሀና ያጋዱ።
\b
\q1
\v 31 “አቤት መና ጎዳዉ፥ ነ ሞርከቱ ኡባይ ሄዋዳን ሀይቂኖ!
\q2 ሽን ነ ሲቃቱ ጉራ ዶልያ አዋዳን ጶልኖ፤
\q2 አዋይ ባረ ዎልቃን ከስያዋዳን” ያጌድኖ።
\p ሄዋፐ ጉይያን፥ ጋዲ ኦይታሙ ላይ ዎፓ ደሜዳ።
\c 6
\s1 ጌዶና
\p
\v 1 እስራኤልያ አሳይ መና ጎዳ ስንን ዛረደ ኢታባ ኦዳ። ሄዋ ድራዉ፥ መና ጎዳይ ኡንቱንታ ሚድያማ አሳዉ አደ እሜዳ። ላፑን ላይ ኡንቱንታ ሞዴድኖ። 
\v 2 ምድያማ አሳይ እስራኤልያ አሳ ቦላ ምኔዳ፤ እስራኤልያ አሳይ ኡንቱንቱፐ አታናዉ ደርያ ቦላን ቆሰቲያሳ፥ ጎንጎሉዋነ ጌሱዋ ጊግሴዳ። 
\v 3 እስራኤልያ አሳይ ካ ዘሬዳ ዎደ ኡባን፥ ሚድያማ አሳይ አማሌቃ አሳናነ አዋይ ዶልያ ባጋ ጋድያን ደእያ አሳና ዪደ ኡንቱንታ ኦሊኖ። 
\v 4 ኡንቱንቱ ሄ ጋድያን ዱንካኒደ፥ ጋዛ ካታማ ጋካናዉ፥ ጋድያ ኡባ ቦላን ዶሌዳባ ይስኖ፤ ዶርሳ፥ መህያነ ሀርያ ላጊደ አፍያ ድራዉ፥ እስራኤልያ አሳዉ አያነ አሽክኖ። 
\v 5 ባረንቱ መህያነ ባረንቱ ዱንካንያ አኪደ፥ ቦሊ ይያዋዳን ጮራቲደ ዪኖ፤ ኡንቱንታነ ኡንቱንቱ ጋሎቱዋ ፓይዳናዉ ዳንዳየተና፤ ኡንቱንቱ ዪደ ጋድያ ባይዝኖ። 
\v 6 እስራኤልያ አሳይ ሚድያማ አሳ ጋሱዋን ካዉሼዳ፤ ያቲደ ማዱዋ ደማናዉ መና ጎዳኮ ዋሴዳ።
\p
\v 7 ሚድያማ አሳ ጋሱዋን እስራኤልያ አሳይ መና ጎዳኮ ዋሴዳ ዎደ፥ 
\v 8 መና ጎዳይ ኡንቱንቱኮ እት ትምቢትያ ኦድያዋ ኪቴዳ። ትምቢትያ ኦድያዌ ኡንቱንታ፥ “መና ጎዳይ እስራኤልያ ጾሳይ ሀዋዳን ያጌ፤ ‘ግብጼፐ፥ አይለተ ጋድያፐ ታን ህንተንታ ከሳድ። 
\v 9 ታን ህንተንታ ግብጼ አሳ ኩሽያፐነ ኡቁንያ አሳ ኡባ ኩሽያፐ አሻድ፤ ህንተንቱ ስንፐካ ኡቁንያ አሳ የደርሳደ፥ ኡንቱንቱ ጋድያ ህንተንቶ እማድ። 
\v 10 ያታደ ታን ህንተንታ፥ “ታን መና ጎዳ ህንተንቱ ጾሳተነ፤ ህንተንቱ ኡንቱንቱ ጋድያ ላቴዳ አሞራዋናቱዋ ጾሳቶ ጎይኖፕተ” ያጋደ ኦዳድ። ሽን ህንተንቱ ታ ቃላ ስሰናን እጼድታ’ ያጌ” ያጌዳ።
\p
\v 11 ሄዋፐ ጉይያን፥ መና ጎዳ ኪታንቻይ ኦፍራ ግያ ሳን ደእያ አብኤዘራ ያራ ዮኣሻ ዎላ ጋርሳን ኡቴዳ። ሄ ዎደ ዮኣሻ ናአይ ጌዶን ምድያማ አሳፐ ቆሰታናዉ ዎይንያ ኤሳ ጉምኢያሳን ዛርጋ ቡኬ። 
\v 12 ሄዋን መና ጎዳ ኪታንቻይ አዉ ቤቲደ፥ “ላ ነኖ፥ ምኖ ኦላንቻዉ፥ መና ጎዳይ ኔናና ደኤ” ያጌዳ።
\p
\v 13 ጌዶን አ፥ “ሀይ ታ ጎዳዉ! መና ጎዳይ ኑናና ደእያዋ ግዶፐ፥ ሀ መቱ ኡባይ ያትና ኑና አያዉ ጋኬዴ? ኑ አዎቱ፥ ‘መና ጎዳይ ኑና ግብጼ ጋድያፐ ከሴዳ’ ያጊደ ኑዉ ኦዴዳ ማላልስያ አ ኦሶቱ ኡባይ ሀቃን ደኢኖ? ሽን ሀእ መና ጎዳይ ኑና ሙለ አጊደ፥ ሚድያማ አሳዉ አደ እሜዳ” ያጌዳ።
\p
\v 14 ሄዋፐ ጉይያን መና ጎዳይ አኮ ስሚደ፥ “ነዉ ደእያ ዎልቃን ባደ፥ እስራኤልያ አሳ ሚድያማ አሳ ኩሽያፐ አሻ። በአ፥ ኔና ኪትያዌ ታና” ያጌዳ።
\p
\v 15 ጌዶን፥ “አቤት መና ጎዳዉ፥ ታን እስራኤልያ አሳ ዋታደ አሾ? ታ ያራይ ምናሰ ዛራቱዋ ኡባፐ አዳ ላፋ፤ ታንካ ታ አዉዋ ሶ አሳ ኡባፐ ጉ” ያጊደ ዛሬዳ።
\p
\v 16 መና ጎዳይ፥ “ቱሙፐ ታን ኔናና ግዳና፤ እት አሳ ሾጭያዋዳን፥ ኔን ሚድያማ አሳ ሾጫደ ጾናና” ያጌዳ።
\p
\v 17 ጌዶን፥ “ኔን ታናን ናሸቴዳዋ ግዶፐ፥ ታናና ሃሳይያዌ ኔን ቱሙፐ ጾሳ ግድያዋ ታን ኤራና ማላ፥ ማላታ ታና በሳ። 
\v 18 ታን ጉየ ስማ ባደ፥ ነዉ እምያዋ አሀና ጋካናዉ፥ ሀያና ሀዋፐ ቦፓ” ያጌዳ።
\p መና ጎዳይ፥ “ኔን ስማና ጋካናዉ፥ ታን ሀዋን ናጋና” ያጌዳ።
\p
\v 19 ጌዶን ባረ ሶ ገሊደ፥ ቦልትቦልታ ዴሻ ማራ ሹኪደ ካዳ፤ እት ታሙ ኪሎ ግራመ ግድያ ልያ አኪደ፥ እርሹዋ የገናን ኡክ ኡኬዳ። አሹዋ ማሶፍያን ዎደ፥ ጫባ ከርያን ትጌዳ፤ ኡባካ አኪደ አፊደ፥ ዎላ ጋርሳን ኡቴዳ ጾሳ ኪታንቻዉ ሺሼዳ። 
\v 20 ጾሳ ኪታንቻይ አ፥ “አሹዋነ እርሹ ገልቤና ኡክ አካደ፥ ሀ ሹቻ ቦላ ዎ፤ ጫባካ አ ቦላ ትጋ” ያጌዳ፤ ሄዋፐ ጉይያን ጌዶን ሄዋዳን ኦዳ። 
\v 21 መና ጎዳ ኪታንቻይ ባረ ኩሽያን ኦይቄዳ ጻምኣ ጼራን አሹዋካ እርሹ ገልቤና ኡክ ቦቼዳ፤ ታማይ ሹቻ ግዶፐ ከሲደ፥ አሹዋካ እርሹ ገልቤና ኡክ ሜዳ፤ ሄዋፐ ጉይያን፥ መና ጎዳ ኪታንቻይ አ ስንፐ ጌሜዳ።
\p
\v 22 ጌዶን በኤዳዌ መና ጎዳ ኪታንቻ ግድያዋ አኬኬዳ ዎደ፥ “አየ አና! ኡባ ሞድያ መና ጎዳዉ፥ ታን መና ጎዳ ኪታንቻ ታ አይፍያን በኣድ!” ያጌዳ።
\p
\v 23 ሽን መና ጎዳይ፥ “ሳሩ ነዉ ግዶ! ያዮፓ! ሀይቃካ” ያጌዳ። 
\v 24 ጌዶን መና ጎዳዉ ያርሽያ ሳኣ ያን ጊግሲደ፥ ሄ ሳኣ መና ጎዳይ ሳሮ ጾሳ ያጊደ ሱንዳ። ሄ ያርሽያ ሳአይ አብኤዘራ ያራቱዋሳ ግድያ ኦፍራን ሀቼ ጋካናዉ ኤቂደ ደኤ።
\p
\v 25 ሄ ጋላስ ቃማ መና ጎዳይ ጌዶና፥ “ነ አዉዋ ቦራ ላኤንዋ፥ ላይይ ላፑና ግዴዳዋ አካ። ነ አዉ ባኣላ ጌተትያ ኤቃዉ ያርሽያ ሳኣ ኮላ፤ አ ጋጻን ደእያ አሼሮ ጌተትያ ማጫ ጾሳቱ ምስልያካ ቃንጸሬ የጋ። 
\v 26 ሀ ደርያ ሁጲያን መና ጎዳዉ፥ ነ ጾሳዉ፥ ሹቻፐ ያርሽያ ሳኣ ሎይደ ጊግሳ፤ ሄዋፐ ጉይያን፥ ኔን ቃንጸሬዳ አሼሮ ጌተትያ ጾሳቱ ምስልያ ቆኡዋ ኤደ፥ ላኤን ቦራ ኡባና ጹግያ ያርሹዋ ኡዳደ ያርሻ” ያጌዳ። 
\v 27 ጌዶን ባረ ቆማቱዋፐ ታማቱዋ አኪደ፥ መና ጎዳይ አዉ ኦዴዳዋዳን ኦዳ። ሽን እ ባረ አዉዋ ሶ አሳዉነ ካታማን ደእያ አሳዉ ያዬዳ ድራዉ፥ ሄዋ ጋላሳን ኦያዋ አጊደ ቃማን ኦዳ።
\p
\v 28 ዎንታ ጉራን ካታማ አሳይ ደንዴዳ ዎደ፥ ባኣላ ጌተትያ ኤቃዉ ያርሽያ ሳአይ ኮለት ክቼዳዋነ አ ላንቂያን ደእያ አሼር ምስሊ ቃንጸቲደ ዎዳዋ በኤዳ። ቃይ ኡንቱንቱ ያርሽያ ሳአይ ጊጌዳዋነ አ ቦላ ላኤን ቦራይ ያርሸቴዳዋ በኤድኖ። 
\v 29 ባረንቱ ግዶን፥ “ላ ሀዋ ኦዳዌ ኦኔ?” ያጊደ እቱ እቱዋ ኦቼድኖ። ኡንቱንቱ ዩይ ዩዪደ ኦቺደ፥ ሄዋ ኦዳዌ ዮኣሻ ናኣ ጌዶና ግድያዋ ኤሬድኖ። 
\v 30 ሄዋፐ ጉይያን ካታማ አሳይ ዮኣሻ፥ “ባኣላ ጌተትያ ኤቃዉ ያርሽያ ሳኣ ኮሌዳ ድራዉነ አ ላንቂያን ደእያ አሼር ምስልያ ቃንጸረደ የጌዳ ድራዉ፥ ኑን አ ዎና ማላ፥ ነ ናኣ ሃ ከሳ” ያጌዳ።
\p
\v 31 ዮኣሽ ባረ ቦላን ደንዴዳ አሳ ኡባ፥ “ህንተንቱ ባኣላዉ ሞተቲቴ? ዎይ ህንተንቱ አ አሻናዉ አባካቴ? ህንተንቱ ግዶፐ አዉ ሞተትያ ኡራይ ደኦፐ፥ ሳአይ ዎንታናዉ እ ሀይቆ! ባኣል ጾሳ ግዶፐ፥ ባረ ያርሽያ ሳኣ ኮሌዳዋና እ ባረዉ ሞተቶ” ያጌዳ። 
\v 32 ያትና፥ ሄ ጋላስ ዮኣሽ፥ “ኮለቴዳዌ አዉ ያርሽያ ሳኣ ግዴዳ ድራዉ፥ አናና ባኣል ሞተቶ” ያጊደ ጌዶና ሱን የሩባኣላ ጊደ ሱንዳ።
\p
\v 33 ሄዋፐ ጉይያን፥ ሚድያማ ጋድያ አሳይ፥ አማሌቃ ጋድያ አሳይነ አዋይ ዶልያ ባጋ ጋድያ አሳይ ኡባይ እትፐ ሺቂደ፥ ዮርዳኖሳ ሻፋ ፕኔድኖ፤ እዝራኤላ ግያ ዎምባን ዱንካኔድኖ። 
\v 34 ሄዋፐ ጉይያን፥ መና ጎዳ አያናይ ጌዶና ቦላ ዎዳ፤ አብኤዘራ ያራ ግድያ አሳይ ኡባይ ባረና ካላና ማላ፥ ኡንቱንታ ጼሳናዉ ማላካታ ፑኔዳ። 
\v 35 ምናሰ ዛራቱዋ ኡባዉ አሳ ኪቲደ፥ ባረና ካላና ማላ ኡንቱንታካ ጼስሴዳ። ቃይ አሴራ ዛረቶ፥ ዛብሎና ዛረቶነ ንፍታሌማ ዛረቶ አሳ ኪትና፥ ኡንቱንቱካ አናና ኦላ ባናዉ ከሴድኖ።
\p
\v 36 ሄዋፐ ጉይያን ጌዶን ጾሳ፥ “ታን እስራኤልያ አሳ አሻና ማላ፥ ኔን ታና ዶሬዳዋ ታዉ ኦዴዳዋ ግዶፐ፥ 
\v 37 በአ፥ ዛርጋ ቡክያ ኡዱማን ዶርሳ አጎዛ ታን ዎና፤ ከተርሳይ ሄ ዶርሳ አጎዛ ጻላላን ደእና፥ ቢታ ኡባይ መላ ግዶፐ፥ ኔን ኦዴዳዋዳን፥ እስራኤልያ አሳ ኔን ታ ኩሽያን አሻናዋ ታን ኤራና” ያጌዳ። 
\v 38 እ ጌዳዋዳን ሀኔዳ። ዎንተ ጋላስ ጉራ ጉራና ደንዲደ፥ ዶርሳ አጎዛ ጉምኤዳ ዎደ፥ እት ኩይጻሮ ግድያ ሃይ አፐ ከሴዳ።
\p
\v 39 ያትና፥ ጌዶን ቃይካ ጾሳ፥ “ሀያና ሀንቀቶፓ! ታን ኔና ጉጃደካ እት ገደ ኦቻይ፤ ዶርሳ አጎዛ ቦላ ሀራ ማላታ በሳናዳን ታን ኔና ኦቻይ። ሀእ ቃይ ዶርሳ አጎዛይ መላ ግድና፥ ቢታይ እርጺደ ከተርሳታናዳን ኡዳርኪ” ያጌዳ። 
\v 40 ሄ ጋላስ ቃማ ጾሳይ ሄ ማላታ ኦዳ። ዎንተ ጋላስ ጉራ ዶርሳ አጎዛ መላ ግድና፥ ቢታ ኡባይ እርጺደ ከተርሳቴዳ።
\c 7
\s1 ጌዶን ሚድያማቱዋ ጾኔዳ
\p
\v 1 የሩባኣላ ጌተትያ ጌዶንነ አናና ደእያ አሳይ ኡባይ ዎንታ ጉራን ደንድ ቢደ፥ ሀሮዳ ጌተትያ ፑልትያ ማታን ዱንካኔዳ። ሚድያማ ጋደ አሳቱካ ህንቱቱፐ ሁጲሳ ባጋና ሞረ ጌተትያ ደርያ ማታን ደእያ ዎምባ ግዶን ዱንካኔድኖ።
\p
\v 2 መና ጎዳይ ጌዶና ሀዋዳን ያጌዳ፤ “ሚድያማ አሳ ታን ህንተንቱ ኩሽያን አደ እማናዉ፥ ኔናና ደእያ አሳይ ዳሬዳ፤ እስራኤልያ አሳይ፥ ‘ኑ ዎልቃን አቴዶ’ ጊደ ታ ቦላ ጬቀተና ማላ፥ ምድያማ አሳ ታን ኡንቱንቶ አደ እምከ። 
\v 3 ሄዋ ድራዉ፥ ሀእ አሳዉ፥ ‘ያሻን ኮኮርያ አሳይ ኦንነ ደኦፐ፥ ጋላኣደ ደርያፐ ስሚደ፥ ጉየ ባረ ሶ ባረ ሶ ቦ’ ያጋደ አዋያ” ያጌዳ። ያትና፥ ላታማነ ላኡ ሻአ አሳይ ጉየ ስሜዳ፤ ታሙ ሻአ አሳይ አቴዳ።\x - \xo 7:3 \xo*\xt ዛረ. 20:8\xt*\x*
\p
\v 4 ሄዋፐ ጉይያን መና ጎዳይ ጌዶና፥ “ሀእካ አሳይ ዳሬዳ። ኔን ኡንቱንታ ዱገ ሃዉ አፋ፤ ታን ኡንቱንታ ነዉ ያን ሻካና። ታን፥ ‘ሀዌ ኔናና ቦ’ ግያዌ ኔናና ቦ፤ ታን፥ ‘ሀዌ ኔናና ቦፖ’ ግያዌ ቦፖ” ያጌዳ።
\p
\v 5 ያትና፥ ጌዶን አሳ ሃኮ አፌዳ። መና ጎዳይ ጌዶና፥ “ሀ አሳ ግዶፐ ጉልባቲደ ሃ ኡሽያዋንታነ፥ ካናዳን ሃ እንጻርሳን ላባጭ ላባጭ ኦደ ኡሽያዋንታ ሻካ” ያጌዳ። 
\v 6 ባረንቱ ኩሽያን ሃ ኮጰቲደ ላባጭ ኦደ ኡሼዳዋንቱ ፓይዱ ሄዙ ጼታ፤ ሽን አቴዳዋንቱ ኡባይ ሃ ኡሻናዉ ጉልባቴድኖ።
\p
\v 7 መና ጎዳይ ጌዶና፥ “ባረንቱ ኩሽያን ሃ ኤቁዋን ኮጰቲደ ላባጭ ኦዳ ሄዙ ጼቱ አሳቱዋን ታን ህንተንታ አሻና፤ ሚድያማ አሳቱዋ ህንተንቶ አደ እማና። ሽን አቴዳ አሳይ ኡባይ ባረ ሶ ባረ ሶ ስሞ” ያጌዳ። 
\v 8 ያትና፥ ጌዶን አሳቱዋ ሽንቃነ ማላካታ አኬዳ ሄዙ ጼቱ አሳቱዋ ባረናና አሺደ፥ የንኮ አሳ ኡባ ኡንቱንቱ ሶ ኡንቱንቱ ሶ የዴዳ። ሀ ኡባባይ ሀንያ ዎደ፥ ሚድያማ ኦላንቻቱ ኡንቱቱፐ ህርክ ባጋና ዎምባን ዱንካኒደ ኡቴድኖ።
\p
\v 9 ሄ ጋላስ ቃማን መና ጎዳይ ጌዶና፥ “ታን ነዉ አደ እሜዳ ድራዉ፥ ደንዳደ ኡንቱንቱ ዱንካኔዳ ሳኣን ኡንቱንቱና ኦላ ጋከታ። 
\v 10 ኔን ባደ ኦላናዉ ያዮፐ፥ ነ ቆማ ፑራ አካደ፥ ኡንቱንቱ ዱንካኔዳ ሳኣ ዱገ ባደ፥ 
\v 11 ኡንቱንቱ ግያዋ ስሳ። ሄዋፐ ጉይያን፥ ኔን ኡንቱንታ ኦላናዉ ምናና” ያጌዳ።
\p ጌዶንነ አ ቆማይ ፑር፥ ምድያማቱ ዱንካኔዳ ሳኣ ጋጻን ናግያ ኦላንቻቱዋኮ ቤድኖ። 
\v 12 ሄ ዎደ ቦልያዳን ጮራቴዳ ሚድያማ አሳይ፥ አማሌቃ አሳይነ አዋይ ዶልያ ባጋና ደእያ አሳይ ኡባይ ዎምባ ግዶን ዱንካኒደ ኡቴድኖ። ኡንቱቱ ጋሎቱ አባ ዶናን ደእያ ሻፍያዳን ፓይዳናዉ ዳንዳየተናዋንታ።
\p
\v 13 ጌዶን ያ ጋክያ ዎደ፥ እት ብታኒ ባረ አኩመቴዳ አኩሙዋ ባረ ላግያዉ ኦዴ፤ “ስሳ፥ ታን አኩሙዋ አኩመታድ። እት ባንጋ ኡክይ ጎንዶረቲደ፥ ሚድያማቱ ዱንካኔዳ ሳኣ ዬዳ። ጋኪደ ዱንካንያ ዶምኤዳ፤ ዱንካኒ አ ዎደ ምጨቴዳ” ያጌዳ።
\p
\v 14 ሄዋፐ ጉየ አ ላጊ ዛሪደ፥ “ሄዌ እስራኤልያ ዮኣሻ ናኣ ጌዶና ማሻፐ አትና፥ ሀራባ ግደና። ጾሳይ ሚድያማነ ምድያማቱዋና ደእያ ኦላንቻቱዋ ኡባ ጌዶናዉ አደ እሜዳ” ያጌዳ።
\p
\v 15 ጌዶን ሄ ኦዴዳ አኩሙዋነ አኩሙዋ ብርሸ ስሴዳ ዎደ፥ ጉልባቲደ ጾሳዉ ጎይኔዳ። ሄዋፐ ጉይያን፥ እስራኤላቱ ዱንካኔዳ ሳኣ ጉየ ስሚደ፥ “ደንድተ! መና ጎዳይ ሚድያማ ኦላንቻቱዋ ህንተንቱ ኩሽያን አደ እሜዳ!” ያጌዳ። 
\v 16 ሄዙ ጼቱ አሳቱዋ ሄዙ ጭታን ሻኬዳ፤ ኡንቱንቶ ሁጲያን ሁጲያን እት እት ማላካታነ ግዶን ኤጽያ ጾምፒ ደእያ እት እት ጻሩዋ እሜዳ። 
\v 17 ኡንቱንታ፦ “ታኮ ሃ ጼሊደ፥ ታን ኦያዋ ኦተ። ታን ኡንቱንቱ ዱንካኔዳ ሳኣ ማታ ጋካደ ኦያዋዳን፥ ህንተንቱካ ኦተ። 
\v 18 ታንነ ታናና ደእያዋንቱ ኡባቱ ማላካታ ፑንያ ዎደ፥ ህንተንቱካ ኡንቱንቱ ዱንካኔዳ ሳኣ ዩይ አደ፥ ህንተንቱ ማላካታ ፑኒደ፥ ‘መና ጎዳዉነ ጌዶናዉ!’ ያጊደ ዋስተ” ያጌዳ።
\p
\v 19 ቃማዉ ግዶ ግሹዋ ግዳናዉ ጉ አትደእሽን፥ ናግያ ኦላንቻቱ ላመቴዳዋፐ ጉይያን፥ ጌዶንነ አናና ደእያ ጼቱ አሳቱ ቢደ፥ ሚድያማቱ ዱንካኔዳ ሳኣ ማታ ጋኪደ ባረንቱ ማላካታ ፑኔድኖ፤ ባረንቱ ኦይቄዳ ጻሩዋ ኡባካ መንድኖ። 
\v 20 ሀራ ባጋና ደእያ ላኡ ጭታቱካ ባረንቱ ማላካታ ፑኒደ፥ ጻሮቱዋካ መንድኖ፤ ሀድርሳ ኩሽያን ኤጽያ ጾምፕያ፥ ኡሸቻ ኩሽያን ማላካታ ኦይቂደ ፑኒደ፥ “መና ጎዳዉነ ጌዶናዉ ማሻን ኦለቴቶ!” ያጊደ ዋሴድኖ። 
\v 21 አሳይ ኡባይ ሚድያማቱ ዱንካኔዳ ሳኣ ዩሹዋን ባረ ሳኣን ሳኣን ኤቂደእሽን፥ ሚድያማ ኦላንቻቱ ኡባይ ዋሲደ ባቃቴድኖ። 
\v 22 ጌዶና አሳይ ሄዙ ጼቱ ማላካታ ፑኔዳ ዎደ፥ ሞርከቱዋ ኦላንቻቱ ባረንቱ ማሻን እቱ እቱዋ ዎናዳን መና ጎዳይ ኦዳ፤ ያትና፥ አቴዳ ኦላንቻቱ ጽሬራኮ ስሚደ፥ ቤትሺጻ ጌተትያ ካታማ ጋካናዉ፥ ሄዋፐካ አደ፥ ጻባታ ማታን ደእያ አቤል-ማሆላ ጋካናዉ ባቃቴድኖ።
\p
\v 23 ሄዋፐ ጉይያን ጌዶን፥ ንፍታሌማ ዛርያፐ፥ አሴራ ዛርያፐነ ምናሰ ዛራቱዋ ኡባፐ እስራኤልያ አሳ ጼሲደ ሺሽና፥ ኡንቱንቱ ሚድያማቱዋ የደርሴድኖ። 
\v 24 ኤፍሬማ ገዝያን ደእያ አሳ ኡባኮ ጌዶን አሳ ኪቲደ፥ “ሚድያማ አሳ ኦላናዉ ዱገ ዎተ፤ ቤትባና ጋካናዉ ደእያ ዮርዳኖሳ ሻፋነ አን ገልያ ቄር ሻፋቱዋ ኡንቱቱፐ ካሰቲደ ኦይቂተ” ያጌዳ። ሄዋፐ ጉየ ኤፍሬማ አሳይ ኡባይ ጼገት ሺቂደ፥ ቤትባራ ጋካናዉ ዮርዳኖሳ ሻፋነ አን ገልያ ቄር ሻፋቱዋ ኦይቄዳ። 
\v 25 ኦሬባነ ዛኤባ ጌተትያ ሚድያማቱዋ ካፓቱዋ ላኡዋ ኦሞዴድኖ፤ ኦሬባ ኦሬባ ዛላ ግያ ሳን ዎድኖ፤ ዛኤባ ቃይ ዛኤባ ዎይንያ ጉምእያ ሳኣ ግያ ሳኣን ዎድኖ። ሄዋፐ ጉየና አቴዳ ሚድያማቱዋ የደርሲደ፥ ኦሬባ ቆያነ ዛኤባ ቆያ ሙጬድኖ፤ ኡንቱንቱ ጉገቱዋ ጌዶናኮ አሄድኖ። ሄ ዎደ ጌዶን ዮርዳኖሳ ሻፋፐ ሄፍን አዋይ ዶልያ ባጋና ደኤዳ።
\c 8
\s1 ሚድያማቱ ዉርሰ ጾኑዋ ጾነቴድኖ
\p
\v 1 ሄዋፐ ጉይያን፥ ኤፍሬማ አሳይ ጌዶና፥ “ሚድያማቱዋ ኦላናዉ ባደ ኑና አያዉ ጼሳበይኪ? ኑና አያዉ ሀዋዳን ኦዲ?” ያጊደ ሎይ ፓሉመቴድኖ።
\p
\v 2 ሽን ጌዶን ዛሪደ፥ “ታን ኦዳዋፐ ህንተንቱ ኦዳዌ አነየ? ታ ያራቱ አብኤዘራቱ ሺሼዳ ሙለ ካፐ ህንተንቱ ኤፍሬማ ዛራቱ ቆሬዳ ቃርሚ ኬከነየ? 
\v 3 ሚድያማቱዋ ካፓቱዋ፥ ኦሬባነ ዛኤባ ጾሳይ ህንተንቱ ኩሽያን አደ እሜዳ። ህንተንቱ ኦዳዋ ማላ፥ ታን አይ ኦናዉ ዳንዳያይታ?” ያጌዳ። እ ሄዋዳን ጊና፥ ኡንቱንቱ ሀንቁዋፐ ዛርቤድኖ።\x - \xo 8:3-5 \xo*\xt ማዝ. 83:11\xt*\x*
\p
\v 4 ጌዶንነ አናና ደእያ ሄዙ ጼቱ አሳይ ዮርዳኖሳ ሻፋ ዪደ ፕኔድኖ፤ ኡንቱንቱ አይ ዳቡሮፐካ፥ ባረንቱ ሞርከቱዋ የደርስያዋ አግበይክኖ። 
\v 5 የደርሲደ ሱኮታ ጋኬዳ ዎደ፥ ጌዶን ካታማ አሳ፥ “ታ አሳይ ዳቡሬዳ ድራዉ፥ ሀያና አማሬዳ ኡክ እሜርክቴ። ታን ሚድያማቱዋ ካተቱዋ ዘባሀነ ጻልሙናአ የደርሳደ ደአይ” ያጌዳ።
\p
\v 6 ሄዋፐ ጉየ ሱኮታ ካታማ ካፓቱ፥ “ዘባሀነ ጻልሙናአ ኔን ኦሞዳበይካሽን፥ ነ ኦላንቻቶ አያዉ ኡክ እማኔ?” ያጌድኖ።
\p
\v 7 ያትና፥ ጌዶን፥ “ሎአ አይነ ባዋ! መና ጎዳይ ዘባሀነ ጻልሙናአ ታ ኩሽያን አደ እምያ ዎደ፥ ታን መላ ቢታ አጉንንነ ክንድቹዋን ህንተንታ ዋና” ያጌዳ። 
\v 8 ሄዋፐ ፓኑኤላ ግያ ሳኣ ቤዳ፤ ያን ደእያ አሳካ ሄ ኦሻ ኦቼዳ። ሽን ፓኑኤላ አሳይካ ሱኮታ ካታማ አሳይ ዛሬዳዋዳን ዛሬዳ። 
\v 9 ያትና፥ ፓኑኤላ አሳካ፥ “ታን ጾናደ ሳሮ ስምያ ዎደ፥ ህንተንቱ ካታማ ናግያ ሀ አዱሳ ግምቢያ ላላና” ያጌዳ።
\p
\v 10 ዘባህነ ጻልሙናእ አዋይ ዶልያ ባጋፐ ዬዳ ኦላንቻቱዋፐ አቴዳ ባረንቱ ታማነ እቼሹ ሻአ ኦላንቻቱዋና ቃርቆራ ጌተትያ ካታማን ደኢኖ። ካሰ አዋይ ዶልያ ባጋፐ ዬዳ ኦላንቻቱዋፐ ማሻን ኦለትያ እት እት ጼታነ ላታሙ ሻአ ግድያ ኦላንቻቱ ኦላን ሀይቂ ዉሬድኖ። 
\v 11 ጌዶን ኖባሀፐነ ዮግባሀፐ አዋይ ዶልያ ባጋን ደእያ ዛላናቱዋ ጋጻ ኦግያና ቢደ፥ ሄዋን ደእያ ኦላንቻቱዋ ቦላ ኡንቱንቱ አኬከናን ደእሽን ዎራጄዳ፤ 
\v 12 ኡንቱንቱ ኡባይ ዳጋሜድኖ። ሚድያማ ካተቱ ዘባህነ ጻልሙናእ ላአቱካ ባቃቴድኖ፤ ሽን ጌዶን ኡንቱንታ የደርስ ጋኪደ ኦሞዴዳ።
\p
\v 13 ዮኣሻ ናአይ ጌዶን ኦላፐ ሄሬሳ ፕኑዋና ስሜዳ። 
\v 14 ሱኮተፐ እት ዎዳላ ኦይቂደ ኦቼዳ። ዎዳላይ ሱኮታ ካፓቱነ ጭማቱዋ ላፑን ታማነ ላፑናቱዋ ሱን ጻፊደ አዉ እሜዳ። 
\v 15 ሄዋፐ ጉይያን፥ ጌዶን ሱኮታ አሳኮ ዪደ፥ “ ‘ዘባሀነ ጻልሙናአ ኔን ኦሞዳበይካሽን፥ ነ ዳቡሬዳ አሳዉ አያዉ ኡክ እማኔ?’ ጊደ ህንተንቱ ታና ቅሊጬድታ፤ ሽን ዘባሀነ ጻልሙናአ ሀዋንታ በእተ” ያጌዳ። 
\v 16 ሄዋፐ ጉይያን፥ መላ ቢታ አጉንንነ ክንድቹዋን ዋደ፤ ሱኮታ ካፓቱዋ ቃጻዬዳ። 
\v 17 ቃይ ፓኑኤላን ካታማ ናግያ አዱሳ ግምቢያ ላሊደ፥ ካታማን ደእያ አቱማ አሳ ዎዳ።
\p
\v 18 ያቲደ ጌዶን ዘባሀነ ጻልሙናአ፥ “ህንተንቱ ታቦራን ዎዳ አሳቱ አይ ማሌ?” ያጊደ ኦቼዳ።
\p ሽን ኡንቱንቱ፥ “ነ ማላ፤ ኡንቱንቱ ኡባይካ ካትያ ናና ማላትኖ” ያጊደ ዛሬድኖ።
\p
\v 19 ጌዶን፥ “ኡንቱንቱ ታ እሻቱዋ፤ ኡንቱንቱ ታ ዳይ ናና። መና ጎዳይ ኤሮ! ህንተንቱ ኡንቱንታ ዎቤናዋ ግድንቶ፥ ታንካ ህንተንታ ዎከ ሽን” ያጌዳ። 
\v 20 ባረ ባይራ ናኣ የተራ፥ “ደንዳ ኤቃደ፥ ሀዋንታ ዎ” ያጌዳ። ሄዋፐ ጉየ የተር ብሮ ያላጋ ግዴዳ ድራዉ ያዪደ፥ ባረ ማሻ ሾድቤና።
\p
\v 21 ሄዋፐ ጉይያን፥ ዘባህነ ጻልሙናእ ጌዶና፥ “ደንዳ ኤቃደ፥ ኔን ኑና ዎ። አቱማ አሳ ኦሱዋ ኦናዉ አቱማ አሳ ኮሼ” ያጌድኖ። ያትና፥ ጌዶን ደንዲደ፥ ኡንቱንታ ዎዳ፤ ኡንቱንቱ ጋላቱዋ ቆያን ደእያ አሌቁዋ ኡባ አኬዳ።
\p
\v 22 ሄዋፐ ጉይያን፥ እስራኤልያ አሳይ ጌዶና፥ “ኔን ኑና ሚድያማ አሳፐ አሼዳ ድራዉ፥ ኔን፥ ኔፐ ጉይያን ነ ናአይነ ነ ናኣ ናአይ ኑና ሞድተ” ያጌዳ።
\p
\v 23 ሄዋፐ ጉየ ጌዶን፥ “ታን ህንተንታ ሞድከ፤ ታ ናአይካ ህንተንታ ሞደና፤ መና ጎዳይ ህንተንታ ሞዶ” ያጌዳ። 
\v 24 ኡንቱንታ፥ “አነ ታን ህንተንታ እትባ ኦቻይ: ህንተንቱ ኡባይ ኦሞዲደ አሄዳ ሀይ ዎርቃ ታዉ እምተ” ያጌዳ። እስማኤላ አሳዳን፥ ሚድያማ ቢታ አሳቱካ ሀይን ዎርቃ ዎኖ።
\p
\v 25 እስራኤልያ አሳይ ዛሪደ፥ “ኤኖ፥ ኑ እማና” ያጌዳ። አፍላ ሂጺደ አሳይ ኡባይ ባረ ኦሞዴዳ ሀይ ዎርቃ ሂጸቴዳ አፍላ ቦላን ዎዳ። 
\v 26 ጌዶን አኬዳ ሀይ ዎርቃይ ላታሙ ኪሎ ግራመ ዴጽያዋ። ሄዌነ፥ ሀራ አሌቂያዋንታ፥ ቆያን አያ ሀብልያ፥ ምድያማቱዋ ካተቱ ማይያ ኦቻ ቴራ ማላትያ ማዮቱዋነ ኡንቱንቱ ጋሎቱዋ ቆያፐ አከቴዳ አሌቂያዋንታ ጉጀናና። 
\v 27 ጌዶን ዎርቃፐ ኤፉድያ ጊግሲደ፥ ባረ ደእያ ኦፍራ ካታማን ዎዳ። ጉየፐ እስራኤልያ አሳይ ኡባይ ጾሳ አጊደ፥ ሄ ኤፉድያዉ ጎይኔዳ፤ ጌዶናዉነ አ ሶ አሳዉ ሄዌ ጲረ ግዴዳ።
\p
\v 28 ሄዋዳን ሀኒደ፥ ሚድያማ አሳይ እስራኤልያ አሳዉ ሞደቴዳ፤ ኡንቱንቱ እስራኤልያ አሳ ቦላ ላኤንዋ ደንድበይክኖ። ጌዶን ሀይቃና ጋካናዉ፥ ኦይታሙ ላይ ጋዲ ዎፓ ደሜዳ።
\s1 ጌዶና ሀይቁዋ
\p
\v 29 ዮኣሻ ናአይ፥ የሩባኣላ ጌተትያ ጌዶን ባረ ሶ ጉየ ቢደ፥ ባረ ጎለን ደኤዳ። 
\v 30 ጌዶን ጮራ ማችያ አኬዳ ድራዉ፥ አዉ ላፑን ታሙ አቱማ ናናይ የለቴድኖ። 
\v 31 ቃይ ሰኬማ ካታማን ደእያ ቆማታ አቱማ ናኣ አዉ የልና፥ ሱን አብመሌካ ያጊደ ሱንዳ። 
\v 32 ዮኣሻ ናአይ ጌዶን ሎኦ ጭሚደ ሀይቄዳ፤ ባረ አዉዋ ዮኣሻ ዱፉዋን ሞገቴዳ። ሀ ዱፉ አብኤዘራ ያራቱ ደእያ ኦፍራ ካታማን ደኤ።
\p
\v 33 ጌዶን ሀይቄዳዋፐ ጉይያን፥ እስራኤልያ አሳይ ጾሳፐ ጉየ ስሚደ፥ ባኣላ ጌተትያ ጾሳቶ ጎይኔዳ፤ ባኣል-ባሪታ ጌተትያ ኤቃ ባረንቶ ጾሳ ኦድኖ። 
\v 34 ያቲደ እስራኤልያ አሳይ ኡንቱንቱ ዩሹዋን ደእያ ሞርከቱዋ ኡባፐ ኡንቱንታ አሼዳ መና ጎዳ ባረንቱ ጾሳ ሀሳይበይክኖ። 
\v 35 ቃይ ጌዶን እስራኤልያ አሳዉ ኦዳ ሎኦ ኦሱዋ ኡባዉ፥ ኡንቱንቱ አ ሶ አሳዉ ኬካን ኩሽያ ዛርበይክኖ።
\c 9
\s1 አብመሌካ
\p
\v 1 ጌዶና ናአይ አብመሌክ ሰኬማ ካታማን ደእያ ባረ ዳይ ዳቦቱዋኮ ቤዳ፤ ኡንቱንታነ ባረ ዳይ ዘረ ኡባቱዋ ሀዋዳን ያጌዳ፤ 
\v 2 “አነ ሰኬማ ካታማን ደእያ አሳ ኡባ ሀዋዳን ያጊደ ኦችተ፤ ‘ጌዶና ላፑን ታሙ ናናይ ኡባይ ህንተንታ ሞዶፐ ሎኤየ? ዎይ እት አሳይ ሞዶፐ ሎኤ?’ ያጊደ ኦችተ። ታን ህንተዉ አሹዋን ማታ ዳቦ ግድያዋ ቃይ ዶጎፕተ” ያጌዳ።
\p
\v 3 ሄዋፐ ጉየ እዝ ዳይ ዳቦቱ ሀ ቃላ ኡባ አ ድራዉ ሰኬማ ካታማ አሳዉ ኦዴድኖ፤ አብመሌክ ኡንቱንቶ ዳቦ ግዴዳ ድራዉ፥ ሰኬማ አሳይ አ ካላናዉ ቆፋ ቃቼዳ። 
\v 4 ያጊደ ኡንቱንቱ ባኣል-ባሪታ ኤቃ ጎልያፐ ላፑን ታሙ ጻጋራ ብራ አኪደ፥ አዉ እሜድኖ።
\p አብመሌክ ሄ ብራን ሹፉሮቱዋነ ቦንቂያዋንታ ቃጻሪደ፥ ባረና ካላናዳን ኦዳ። 
\v 5 ኦፍራ ግያ ሳን ደእያ ባረ አዉዋ ሶ ቢደ፥ ባረ እሻቱዋ፥ ጌዶና ናና ላፑን ታማቱዋ፥ እት ሹቻ ቦላን ሲፍሴዳ። ሽን ጌዶና ናአይ፥ ዉርሰ ቴፋይ፥ ዮኣታመ ቆሰቲደ፥ ሀይቀናን አቴዳ። 
\v 6 ሄዋፐ ጉይያን፥ ሰኬማ አሳይነ ቤትሚሎ አሳይ እትፐ ሺቂደ፥ ሰኬማን ደእያ ጎይንያ ዎላ ቱሳኮ ቤድኖ፤ ያን አብመሌካ ካተዬድኖ።
\p
\v 7 ዮኣታመ ሄዋ ስሴዳ ዎደ፥ ቢደ ጋሪዛማ ደርያ ጼራ ከሲደ፥ ባረ ቃላ ቁ ኦደ፥ ሀዋዳን ያጊደ ዋሴዳ፤ “ህንተንቶ ሰኬማ አሳቶ፥ ህንተንቱ ታን ኦድያዋ ስስተ! ጾሳይካ ህንተንቱ ኦድያዋ ስሳናዋ።
\p
\v 8 “እት ጋላስ ምቱ ኡባይ ሺቂደ፥ ባረንቱ ቦላ ካትያ ካተያናዉ ቢደ ዎጋራ፥ ‘ሃያ፥ ኑ ቦላ ካተታ’ ያጌድኖ። 
\v 9 ሽን አትክልትያ ሳአይ፥ ‘ታ ህንተንቱ ቦላ ካተታና ኮሽያዋ ግዶፐ፥ ጾሳቱዋነ አሳቱዋ ቦንችስያ ታ ዛይትያ እምያዋ አጋይ ግያዋ’ ያጊደ ዛሬዳ።
\p
\v 10 “ሄዋፐ ጉይያን፥ ምቱ ባላስያ ጌተትያ ም፥ ‘ሃያ፥ ኑ ቦላ ካተታ’ ያጌድኖ። 
\v 11 ሽን ባላሲ፥ ‘ታ ህንተንቱ ቦላ ካተታና ኮሽያዋ ግዶፐ፥ ማልእያ ሎኦ አይፍያ አይፍያዋ አጋይ ግያዋ’ ያጊደ ዛሬዳ።
\p
\v 12 “ያትና፥ ምቱ ዎይንያ ቱራ፥ ‘ሃያ፥ ኑ ቦላ ካተታ’ ያጌድኖ። 
\v 13 ሽን ዎይንያ ቱራይ፥ ‘ታ ህንተንቱ ቦላ ካተታና ኮሽያዋ ግዶፐ፥ ጾሳቱዋነ አሳቱዋ ናሸችያ ዎይንያ ኤሳ እምያዋ አጋይ ግያዋ’ ያጊደ ዛሬዳ።
\p
\v 14 “ያትና፥ ዉርሰን ምቱ ኡባይ ካሽያ፥ ‘ሃያ፥ ኑ ቦላ ካተታ’ ያጌድኖ። 
\v 15 ሄዋፐ ጉየ ካሺ፥ ‘ህንተ ቱሙፐ ታና ህንተንቱ ቦላ ካተያናዉ ኮዮፐ፥ ሃ ዪደ ታ ኩዋን ሸምፕተ። ሄዋ ህንተንቱ እጾፐ፥ ካሺያፐ ታማይ ከሲደ፥ ሊባኖሳ ዝጋቱዋ ሞ’ ያጌዳ።
\p
\v 16 “አብመሌካ ህንተንቱ ካተዬዳዌ ቱማተንነ ሱረተነ? ጌዶን ህንተንቶ ኦዳዋ አኬኪደ፥ አ ጎለ አሳዉ በስያዋዳን ኩሽያ ዛሬድቴ? 
\v 17 ታ አዉ ህንተንቶ ኦለቴዳዋ አኬክተ፤ ሚድያማ አሳፐ ህንተንታ አሻና ያጊደ፥ ባረና ሀይቆ አደ እሜዳ። 
\v 18 ሽን ህንተንቱ ሀቼ ታ አዉዋ ጎልያ አሳ ቦላን ደንዲደ፥ አ ላፑን ታሙ ናና እት ሹቻ ቦላን ሲፌድታ፤ ጌዶን ቆማትፐ የሌዳ አብመሌክ ህንተንቶ ዳቦ ግዴዳ ድራዉ፥ ሰኬማን ካተዬድታ። 
\v 19 ሀእ ስም ጌዶናዉነ አ ጎልያ አሳቶ ህንተንቱ ኦዳ ኪታይ ቱማተናነ ሱረተና ግዶፐ፥ አብመሌካና እትፐ ናሸትተ፤ እካ ህንተናና ናሸቶ። 
\v 20 ሽን ሄዋ ግዳና ዮፐ፥ አብመሌካፐ ታማይ ከሲደ፥ ሰኬማ አሳነ ቤትሚሎ አሳ ሞ፤ ሄዋዳንካ ቃይ፥ ሰኬማ አሳፐነ ቤትሚሎ አሳፐ ታማይ ከሲደ፥ አብመሌካ ሞ” ያጌዳ። 
\v 21 ዮኣታመ ባረ እሻ አብመሌካዉ ያዬዳ ድራዉ፥ ባቃቲደ ባኤራ ግያ ሳኣ ቢደ ያን ደኤዳ።
\p
\v 22 አብመሌክ እስራኤልያ ጋድያን ሄዙ ላይ ካተቴዳ። 
\v 23 ሄዋፐ ጉይያን፥ ጾሳይ አብመሌካፐነ ሰኬማ አሳፐ ግዱዋን ኢታ አያና ኪቴዳ፤ ሰኬማ አሳይ አብመሌካ ቦላ አማነተናን እጺደ ደንዴዳ። 
\v 24 ጾሳይ ሄዋ ኦዳዌ፥ አብመሌክ ባረ እሻቱዋ ዎዳ ድራሳነ ጌዶና ላፑን ታሙ ናና ሱ ሀሉዋ እ ጭገታናዳን ሰኬማ አሳይ አ ምንዳ ድራሳ። 
\v 25 ሰኬማ አሳይ አማሬዳ አሳ ዶሪደ፥ ደርያ ጼራን አብመሌካ ቦላ ሙጊደ ኡታናዳን ኦዳ። ሙግ ኡቴዳዋንቱ ኦግያና መንያ አሳ ኡባ ቦንቄድኖ፤ አብመሌክ ሄዋ ኡባ ስሴዳ።
\p
\v 26 ሄዋፐ ጉይያን፥ ኤቤዳ ናአይ ጋኣል ባረ እሻቱዋና ሰኬማ ዬዳ፤ ሰኬማ አሳይ አን አማነቴዳ። 
\v 27 ኡባይካ ባረንቱ ጋደ ቢደ፥ ዎይንያ ቴራ ማጼድኖ፤ ዎይንያ ኤሳ አጊደ፥ ዎልቃማ ባላ ከሴድኖ። ባረንቱ ኤቃ ጎልያ ገሊደ፥ ያን ሚድነ ኡሺደ አብመሌካ ሸቄድኖ። 
\v 28 ኤቤዳ ናአይ ጋኣል፥ “ኑን ሰኬማ አሳይ ሞደታናዉ አብመሌክ ኦኔ? እ ጌዶና ናኣ ግደኔ? ዛቡልካ ሀ ካታማ ሞዳናዳን አብመሌክ ሱንዳዋ ግደኔ? ሄዋፐ ሸኬማ አዉዋ ሀሞራ ዛረቶ አነ ሞደቴቶ። 
\v 29 ሀ አሳ ካለያዌ ታና ግዳርክታሻ! ያትንቶ ታን አብመሌካ ድጋና ሽን። አብመሌካ ጼሳደ፥ ‘ነ ኦላንቻቱዋ ዳርሳ አካደ፥ ኦለታናዉ ሃያ’ ያጋና ሽን” ያጌዳ።
\p
\v 30 ኤቤዳ ናአይ ጋኣል ጌዳዋ ካታማ ሞድያ ዛቡል ስሴዳ ዎደ፥ ሀንቁዋ ኤጽ ከሴዳ፤ 
\v 31 ያቲደ አሩማ ካታማን ደእያ አብመሌካኮ አሳ ኪቴዳ። ሄዋፐ፥ “ኤቤዳ ናአይ ጋኣልነ አ እሻቱ ሰኬማ ዬድኖ፤ ካታማን ደእያ አሳ ነ ቦላ ደንድኖ። 
\v 32 ሄዋ ድራዉ፥ ኔንነ ኔናና ደእያ አሳይ ቃማን ደንዲደ፥ ሾይቃን ሙጊደ ናግተ። 
\v 33 ዎንታ ጉራ አዋይ ኬሲያ ዎደ፥ ኡንቱንቱ አኬከናን ካታማ ቦላ ዎራጅተ፤ ጋኣልነ አናና ደእያ አሳይ ህንተንታ ኦላናዉ ከስያ ዎደ፥ ህንተንቶ ሀኔዳ ኬሻ ምኒደ ኦለትተ” ያጌዳ።
\p
\v 34 አብመሌክነ አናና ደእያ አሳይ ኡባይ ቃማን ደንዲደ፥ ሰኬማፐ ካረና ኦይዱ ጭታን ሻከቲደ ሙጌድኖ። 
\v 35 አብመሌክነ አናና ደእያ አሳይ ኤቤዳ ናአይ ጋኣል ከሲደ፥ ካታማ ገልያ ፐንግያን ኤቄዳዋ በኢደ፥ ቆሰቴዳ ሳፐ ከሴድኖ። 
\v 36 ጋኣል አሳ በኤዳ ዎደ ዛቡላ፥ “ጼላ! አሳይ ደረቱዋ ሁጲያፐ ዎ” ያጌዳ።
\p ሄዋፐ ጉየ ዛቡል፥ “ሄዋንቱ አሳ ግድክኖ፤ ደረቱዋ ኤሹ አሳ ማላትያዋ በኣደ ጋዳ” ያጊደ ዛሬዳ።
\p
\v 37 ጋኣል ዛረደ፥ “ጼላ! አሳይ ደርያዉ ግዱዋ ኦይቂደ ዎ፤ ሀራ ጭታይ ቃይ ሻሬቻቱ ዎላይ ደእያ ኦግያና ዬ” ያጌዳ።
\p
\v 38 ያትና፥ ዛቡል ጋኣላ፥ “ ‘ኑን አዉ ሞደታናዉ አብመሌክ ኦኔ?’ ያጌዳ ነ ዶናይ ሀእ ሀቃ ቤዴ? ሀዋንቱ ኔን ካዳ አሳቱዋ ግድክኖየ? ሀእ ከሳደ ኡንቱንቱና ኦለታ!” ያጌዳ። 
\v 39 ሄዋፐ ጉየ ጋኣል ሰኬማ አሳ ካለ ከሲደ፥ አብመሌካና ኦለቴዳ። 
\v 40 አብመሌክ የደርስና፥ ጋኣል ባቃቴዳ፤ ካታማ ገልያ ፐንግያ ጋካናዉ ዳራቱ ደሸቲደ ኩንዴድኖ። 
\v 41 አብመሌክ አሩማን ደእና፥ ዛቡል ጋኣላነ አ እሻቱዋ ሰኬማፐ የደርሲደ ከሴዳ።
\p
\v 42 ዎንተ ጋላስ ሰኬማ አሳይ ጎሻዉ ቤዳዋ አብመሌክ ስሴዳ፤ 
\v 43 ባረ አሳ አኪደ፥ ሄዙ ጭታን ሻክ፥ ሾይቃን ሙጊደ ናጋናዳን ኦዳ። ያቲደ አሳይ ካታማፐ ከስያዋ በኤዳ ዎደ፥ ኡንቱንታ ዎናዉ ቆሰቴዳ ሳፐ ከሴዳ። 
\v 44 አብመሌክነ አናና ደእያ ጭታይ ስንዉ ዎጽ ቢደ፥ ካታማ ገልያ ፐንግያን ኤቄድኖ፤ አቴዳ ላኡ ጭታቱ ጎሻን ደእያ አሳቱዋ ኦለቲደ ዎድኖ። 
\v 45 ጋላሳ ኡባ አብመሌክ ካታማ አሳና ኦለቲደ ካታማ ኦይቄዳዋፐ ጉይያን፥ ካታማን ደእያ አሳ ኡባ ዎዳ። ያቲደ ካታማ ክንቼዳ፤ ኡባ ጋድያ ቦላ ማጽንያ ዘሬዳ።
\p
\v 46 ሰኬማ አዱሳ ግምቢያ ግዱዋን ደእያ አሳይ ኡባይ ሄዋ ስሴዳ ዎደ፥ ኤል-ባሪታ ኤቃ ጎለን ደእያ ጌሱዋ ግዶ ገሌዳ። 
\v 47 ኡንቱንቱ ሄ ሳኣን ሺቄዳዋ አብመሌክ ስሴዳ። 
\v 48 እነ አናና ደእያ አሳይ ኡባይ ደርያ ጻልሞና ፑደ ከሴድኖ። አብመሌክ ካልታ አኪደ፥ ም ታሽያ ቃንጺደ፥ ባረ ሀሽያን ቶኬዳ፤ ባረናና ደእያ አሳቱዋ፥ “ታን ኦሽን በኤዳዋ፥ ህንተንቱካ ኤለካ ሀእ ኦተ” ያጌዳ። 
\v 49 ሄዋፐ ጉየ አሳይ ኡባይካ ም ታሽያ ቃንጽ አኪደ፥ አብመሌካ ካሌዳ፤ ሄ ታሸቱዋ ጌሱዋ ዩሹዋን ዘምፔስ ዎደ፥ አሳይ አ ግዶን ደእሽን ታማ ኦይድኖ፤ ያትና፥ ጌሱዋ ግዶን ደእያ አሳይ ኡባይ ሀይቂ ዉሬዳ። ሀይቄዳ አቱማ አሳነ ማጫ አሳ ፓይዱ እት ሻኣ ግዳናዋ።
\p
\v 50 ሄዋፐ ጉይያን፥ አብመሌክ ተበጻ ጌተትያ ካታማ ቢደ፥ ካታማ ዶዲደ ኦይቄዳ። 
\v 51 ሄ ካታማ ግዶን እት ምኖ አዱሳ ግምቢ ደኤ። ካታማ አሳይ ኡባይ፥ ማጫዌ አቱማዌ፥ ካለያዋንቱ አተናን ሄ አዱሳ ግምቢያኮ ያ ዎጺደ፥ አ ግዶ ገሌድኖ፤ ፐንግያ ጎርዲደ፥ ግምቢያ ቦላ ደምባዪደ ኬጼድኖ ፑደ ከሴድኖ። 
\v 52 አብመሌክ ኦለቲደ አዱሳ ግምቢያ ጋኪደ፥ ታማን ጹጋናዉ ፐንግያኮ ሺቄዳ። 
\v 53 ሽን እት ምሽራታ አብመሌካ ሁጲያን ዎጻ ማይድያ ጎንዶርሳ ኦላደ፥ አ ጉግያ ሆምፑ ኦዱ።\x - \xo 9:53 \xo*\xt 2 ሳሜላ 11:21\xt*\x* 
\v 54 ባረ ኦላ ሚሻ ቶክያ ዎዳላ ኤለካ ጼጊደ፥ “ታና አሳይ፥ ‘ኤበላ ማጫውና ዎዱ’ ጌና ማላ፥ ነ ማሻ ሾኩዋፐ ሾዳደ፥ ታና ዎ” ያጌዳ። ሄዋፐ ጉየ ዎዳላይ ማሻን ጫዲና እ ሀይቄዳ። 
\v 55 እስራኤልያ አሳይ ኡባይ አብመሌክ ሀይቄዳዋ በኢደ፥ ባረ ሶ ባረ ሶ ቤዳ።
\p
\v 56 አብመሌክ ባረ እሻቱዋ ላፑን ታማቱዋ ዎደ፥ ባረ አዉዋ ቦላ ኦዳ ጎምያ ጾሳይ አ ቦላ ዛሬዳ። 
\v 57 ሄዋዳንካ፥ ጾሳይ ሰኬማ አሳ ኢታተ ኡባ ኡንቱንቱ ቦላ ዛሬዳ። ሄዋዳን ሀኒደ፥ ጌዶና ናአይ ዮኣታመ ሸቄዳ ሸቃይ ኡንቱንታ ጋኬዳ።
\c 10
\s1 ቶላአ
\p
\v 1 አብመሌክ ሀይቄዳዋፐ ጉይያን፥ ዶዶ ናኣ ፑሀ ናአይ ቶላእ እስራኤልያ አሻናዉ ደንዴዳ። እ ይሳኮራ ዛርያ ግዴዳ፥ ኤፍሬማ ገዝያን ሻሚራ ግያ ሳን ደኤዳ። 
\v 2 ቶላእ እስራኤልያ አሳ ላታማነ ሄዙ ላይዉ ፕርድያ ዳና ግዴዳ። ቶላእ ሀይቂደ፥ ሻሚራን ሞገቴዳ።
\s1 ያኢራ
\p
\v 3 ቶላአፐ ካሊደ፥ ጋላኣድያ ያኢር ደንዴዳ፤ እስራኤልያ አሳ ላታማነ ላኡ ላይዉ ፕርድያ ዳና ግዴዳ። 
\v 4 ሀታሙ ሀረቱዋ ቶግያ ሀታሙ አቱማ ናናይ ደኢኖ፤ ኡንቱንቶ ጋላኣደ ጋድያን ሀታሙ ካታማቱ ደኢኖ። ሄ ካታማቱ ሀቼ ጋካናዉ ሀቦት-ያኢራ ካታማቱዋ ጌተቲደ ጼሰቲኖ። 
\v 5 ያኢር ሀይቂደ፥ ቃሞናን ሞገቴዳ።
\s1 ዮፍታሀ
\p
\v 6 እስራኤልያ አሳይ መና ጎዳ ስንን ቃይካ ኢታባ ኦዳ፤ ኡንቱንቱ ባኣላነ አስታሮታ ጌተትያ ኤቃቶነ ሶርያ ጾሳቶ፥ ሲዶና ጾሳቶ፥ ሞኣበ ጾሳቶ፥ አሞናቱዋ ጾሳቶነ ፕልስጼማ ጾሳቶ ጎይኔድኖ። ኡንቱንቱ መና ጎዳ አግ ባሼድኖ፤ አዉ ጎይንያዋካ አጌድኖ። 
\v 7 ያትና፥ ጾሳይ እስራኤልያ አሳ ቦላ ሀንቀቲደ፥ ኡንቱንታ ፕልስጼማ አሳቶነ አሞና አሳቶ አደ እሜዳ። 
\v 8 ሄ ላይን እስራኤልያ አሳ ኡንቱንቱ ናቄድኖነ ኡቁኔድኖ። ዮርዳኖሳ ሻፋፐ ሄፍን አዋይ ዶልያ ባጋን፥ አሞራዋናቱ ካሰ ደኤዳ ጋላኣደ ጋድያን ደኤዳ እስራኤልያ አሳ ኡባ ኡንቱንቱ ታማነ ሆስፑን ላይ ኡቁኔድኖ። 
\v 9 አሞና አሳቱ ቃይካ ይሁዳ፥ ቢንያማነ ኤፍሬማ ዘረ ኦላናዉ ዮርዳኖሳ ሻፋ ፕኔድኖ፤ ያትና፥ እስራኤልያ አሳይ ሎይ ኡንኤቴዳ።
\p
\v 10 ሄዋፐ ጉይያን እስራኤልያ አሳቱ፥ “ኑን ኔና ኑ መና ጎዳ አጊደ፥ ባኣላ ኤቃቶ ጎይኒደ፥ ኔና ናቄዶ” ያጊደ ጾሳዉ ዋሴድኖ።
\p
\v 11 መና ጎዳይ ኡንቱንቶ፥ “ግብጼቱ፥ አሞራዋናቱ፥ አሞናዋቱዋ፥ ፕልስጼማቱ፥ 
\v 12 ሲዶናቱ፥ አማሌቃቱነ ማኦናቱ ህንተንታ ኡቁንና፥ ታዉ ዋሴድታ፤ ታን ህንተንታ ኡንቱንቱ ኩሽያፐ አሻበይክታ? 
\v 13 ሽን ህንተንቱ ታና አጊደ፥ ሀራ ጾሳቶ ጎይኔድታ። ሄዋ ድራዉ፥ ታን ህንተንታ ኡባካ አሽከ። 
\v 14 ቢደ ህንተንቱ ዶሬዳ ጾሳቶ ዋስተ። ህንተንቱ መቱዋ ዎድያን ኡንቱንቱ ህንተንታ አሺኖ” ያጊደ ዛሬዳ።
\p
\v 15 ሽን እስራኤልያ አሳይ ዛረደ መና ጎዳ፥ “ኑን ናጋራ ኦዶ። ነዉ ሎኦ ማላትያዋ ኑ ቦላ ኪተታ፤ ሽን ሀያና፥ ሀቼ ኑና አሻ” ያጌዳ። 
\v 16 አላጋ ጾሳቱዋ ባረንቱ ግዶፐ ድጊደ፥ መና ጎዳዉ ጎይኔድኖ። እስራኤልያ አሳይ ቱጋቴዳዎ ጾሳይካ ሴለቴዳ።
\p
\v 17 ሄዋፐ ጉይያን፥ አሞናቱዋ ኦላንቻቱ ኦላዉ ጊጊደ፥ ጋላኣደን ሺቄድኖ፤ እስራኤልያ አሳይካ እትፐ ሺቂደ፥ ጋላኣደን ምጽጳ ግያ ሳን ሺቄዳ። 
\v 18 ጋላኣደ ጋድያ አሳይነ ካፓቱ ባረንቱ ግዶን፥ “አሞናቱዋ ኦላንቻቱዋና ኮይሮቲደ ኦላ ጋከታናዌ ኦኔ? ሄ ኡራይ ጋላኣደ ጋድያን ደእያ አሳዉ ኡባዉ ካፑዋ ግዳናዋ” ያጌድኖ።
\c 11
\p
\v 1 ጋላኣድያ ዮፍታሄ ምኖ ኦላንቻ። አ አዉ ጋላኣደ፤ ሽን አ ዳያ ሻርሙጽያ ማጫ አሳ። 
\v 2 ጋላኣደ አኬዳ ማቻታካ አዉ አቱማ ናና የላዱ። ኡንቱንቱ ድጭ ጋኬዳ ዎደ፥ ባረንቱ እሻ ዮፍታሀ፥ “ኔን ሀራ ምሽራት ናኣ ግዴዳ ድራዉ፥ ኑ አዉዋ ቢታፔ አያነ ላታካ” ያጊደ ሶይፔ የደርሴድኖ። 
\v 3 ያትና፥ ዮፍታሄ ባረ እሻቱዋፐ ባቃቲደ፥ ጾባ ጌተትያ ጋድያን ደኤዳ። ያን እ ደእሽን፥ አማሬዳ ሹፉሮ አሳቱ አኮ ሺቂደ፥ አ ካሌድኖ።
\p
\v 4 አማሬዳ ዎድያፐ ጉይያን፥ አሞናቱ እስራኤላቱዋና ኦለቴድኖ። 
\v 5 አሞናቱ እስራኤልያ አሳና ኦለቴዳ ዎደ፥ ጋላኣደ ጋድያ ጭማቱ ጾባ ጋድያፐ ዮፍታሀ ዛር አሀናዉ ቤድኖ። 
\v 6 ኡንቱንቱ አ፥ “ሃያ፥ አሞናቱዋ ኑን ኦላና ማላ፥ ያደ ኑዉ ጋዳዋ ግዳ” ያጌድኖ።
\p
\v 7 ሄዋፐ ጉየ ዮፍታሄ ጋላኣደ ጭማቱዋ፥ “ታና እጺደ፥ ታ አዉዋ ጎልያፐ የደርሴዳዌ ህንተንታ ግድክቴ? ሀእ መቱዋን ገሊደ፥ ታኮ አያዉ ዬድቴ?” ያጌዳ።
\p
\v 8 ሄዋፐ ጉየ ጋላኣደ ጭማቱ አ፥ “ግዶፐነ፥ ሀእ ኑን ኔኮ ስሜዶ፤ አያዉ ጎፐ፥ ኔን ኑናና ኦላ ባደ፥ አሞናቱዋ ኑ ኦላና ማላነ ጋላኣደ አሳ ኡባዉ ኔን ካፑዋ ግዳና ማላ፥ ኑን ኮዬቶ” ያጌድኖ።
\p
\v 9 ሄዋፐ ጉየ ዮፍታሄ፥ “አሞናቱዋና ኦለታናዉ ህንተንቱ ታና ጉየ ሶ ዛርና፥ መና ጎዳይ ኡንቱንታ ታ ኩሽያን አደ እሞፐ፥ ታን ቱሙ ህንተንቱ ካፑዋ ግዳና” ያጌዳ።
\p
\v 10 ጋላኣደ ጭማቱ ዮፍታሀ፥ “መና ጎዳይ ኑ ግዱዋን ማርካ! ኔን ግያዋ ቱሙ ኑን ኦና” ያጊደ ዛሬድኖ። 
\v 11 ያትና፥ ዮፍታሄ ጋላኣደ ጭማቱዋና ቤዳ፤ አ ባረንቱ ካፑዋነ ጋዳዋ ኦድኖ። ዮፍታሄ ምጽጳን መና ጎዳ ስንን ሀ የዉዋ ኡባ ሃሳዬዳ።
\p
\v 12 ሄዋፐ ጉይያን፥ ዮፍታሄ አሞናቱዋ ካትያኮ አሳ ኪቲደ፥ “ኔን ኑ ጋድያ ቦላን ዎራጄዳዌ አያ ጋሱዋኔ?” ያጊደ ኦሽሴዳ።
\p
\v 13 ዮፍታሄ ኪቴዳ አሳቶ አሞናቱዋ ጋድያ ካቲ ዛሪደ፥ “እስራኤልያ አሳይ ግብጼ ጋድያፐ ከሴዳ ዎደ፥ አርኖና ሻፋፐ ዶሚደ፥ ያቦቃ ሻፋ ጋካናዉ፥ ቃይ ዮርዳኖሳ ሻፋ ጋካናዉ ደእያ ታ ጋድያ አኬዳ። ሀእ ታ ጋድያ ሳሩዋን ዛርተ” ያጌዳ።
\p
\v 14 ዮፍታሄ ላኤንዋ አሞናቱዋ ካትያኮ አሳ ኪቴዳ። 
\v 15 ሀዋዳን ያጌዳ፤ “እስራኤልያ አሳይ ሞኣበ ጋድያ ዎይ አሞና ጋድያ አክቤና። 
\v 16 እስራኤልያ አሳይ ግብጼ ጋድያፐ ከሴዳ ዎደ፥ መላ ቢታ አ ቢደ፥ ዞኦ አባ ጋኬዳ፤ ሄዋፐ ቃይ ቃዴሳ ግያ ሳኣ ዬዳ። 
\v 17 እስራኤልያ አሳይ ኤዶማ ጋድያ ካትያኮ አሳ ኪቲደ፥ ‘ነ ቢታና ኑና አርኪ’ ያጌዳ፤ ሽን ኤዶማ ካቲ አናን እጼዳ። ሄዋዳንካ፥ ሞኣበ ካትያኮ ኪትና፥ እካ አናን እጼዳ። ያትና፥ እስራኤልያ አሳይ ቃዴሰን ጋምኤዳ።\x - \xo 11:17 \xo*\xt ፓይ. 20:14-21\xt*\x*
\p
\v 18 “ሄዋፐ ጉይያን መላ ቢታና አደ፥ ኡንቱንቱ ኤዶማነ ሞኣበ ቢታቱዋ ዩዪደ፥ ሞኣበ ጋድያፐ አዋይ ዶልያ ባጋና ዬድኖ፤ አርኖና ሻፋፐ ሄፍን ባጋና ደእያ ሳኣን ዱንካኔድኖ፤ ሽን አርኖና ሻፋይ ሞኣበ ዛዋ ግዴዳ ድራዉ፥ ሞኣበ ባጋ ፕንበይክኖ።\x - \xo 11:18 \xo*\xt ፓይ. 21:4\xt*\x*
\p
\v 19 “ሄዋፐ ጉይያን፥ እስራኤልያ አሳይ ሃሰቦና ጌተትያ ካታማን ደእያ አሞራዋናቱዋ ካትያ ስሆናኮ አሳ ኪቲዴ ኡንቱንቱ፥ ‘ሀያና፥ ነ ቢታና ኑና ኑ ጋድያ አርኪ’ ያጌድኖ።\x - \xo 11:19-22 \xo*\xt ፓይ. 21:21-24\xt*\x* 
\v 20 ሽን ስሆን እስራኤልያ አሳ አናዉ አማንቤና። እ ባረ አሳ ኡባ ሺሺደ፥ ያሃጻ ግያ ሳን ዱንካኒደ፥ እስራኤልያ አሳና ኦለቴዳ። 
\v 21 መና ጎዳይ እስራኤልያ ጾሳይ ስሆናነ አ አሳ ኡባ እስራኤልያ አሳ ኩሽያን አደ እምና፥ ኡንቱንታ ጾኔድኖ፤ ያን ደኤዳ አሞራዋናቱዋ ቢታ ኡባ ላቴድኖ። 
\v 22 አርኖና ሻፋፐ ቢደ፥ ያቦቃ ሻፋ ጋካናስነ መላ ቢታፐ ቢደ፥ ዮርዳኖሳ ሻፋ ጋካናዉ ደእያ አሞራዋናቱዋ ጋድያ ኡባ ኦሞዲደ አኬድኖ።
\p
\v 23 “ሄዋዳን ኦደ፥ መና ጎዳይ እስራኤልያ ጾሳይ ባረ አሳ እስራኤልያ ስንፐ አሞራዋቱዋ የደርሲደ ይሴዳ። ያትና፥ ኔን ነዉ አካናዉ ዋና ቆፓዲ? 
\v 24 ኔን ነ ጾሳይ ካሞሽ ነዉ እምያዋ አክኪ? ሄዋዳንካ፥ ኑን መና ጎዳይ ኑ ጾሳይ ኑዉ እሜዳዋ ኡባ ላቲደ ደአና።
\p
\v 25 “ኔን ጽፖራ ናኣ ሞኣበ ካትያ ባላቃፐ ምናይ? እ እስራኤልያ አሳና ዋላቀቲደ ዎይ ኦለቴዴ?\x - \xo 11:25 \xo*\xt ፓይ. 22:1-6\xt*\x*
\p
\v 26 “እስራኤልያ አሳይ ሃሰቦና፥ አሮኤራነ ኡንቱንቱ ዩሹዋን ደእያ ካታማቱዋ ኡባ፥ ሄዋዳንካ፥ ቃይ አርኖና ሻፋ ጋጻን ደእያ ካታማቱዋ ኡባ ላቲደ፥ ሄዙ ጼቱ ላይ ደኤድኖ። ያትና፥ ሄ ዎደ አያዉ ዎ አክበይክቴ? 
\v 27 ታን ታ ባጋና ህንተንታ አያነ ናቃበይከ፤ ሽን ታና ኦላ ኦላደ ናቂያዌ ኔና። ፕርድያ መና ጎዳይ ሀቼ እስራኤልያ አሳፐነ አሞና አሳፐ ግዱዋን ፕርዶ” ያጌዳ።
\p
\v 28 ሽን ዮፍታሄ ኪቴዳ ኪታ አሞናቱዋ ካቲ ስሰናን እጼዳ።
\p
\v 29 ሄ ዎደ መና ጎዳይ አያናይ ዮፍታሄ ቦላ ዎና፥ ጋላኣደነ ምናሰ ቢታቱዋ ፕን ቢደ፥ ጋላኣደ ጋድያን ደእያ ምጽጳ ስሜዳ፤ ሄዋፐ ኦላንቻቱዋ ካለደ፥ አሞናቱዋ ጋድያ ቤዳ። 
\v 30 መና ጎዳ ሺቁዋ ሺቀቲደ፥ “ኔን አሞናቱዋ ታ ኩሽያን አደ እሞፐ፥ 
\v 31 ኦላን ጾናደ ታን ሶ ስምያ ዎደ፥ ታና ሞካናዉ ታ ሶፐ ከስያዌ አያነ ግድና ኔሳ፤ ታን አ ነዉ ጹግያ ያርሹዋ ኡዳደ ሺሻና” ያጌዳ።
\p
\v 32 ሄዋፐ ጉይያን፥ ዮፍታሄ አሞናቱዋ ኦላናዉ ያ ባጋ ሃ ፕኒደ ቤዳ፤ መና ጎዳይ ኡንቱንታ አ ኩሽያን አደ እሜዳ። 
\v 33 አሮኤራፐ ዶሚደ፥ ቢደ ሚኒታነ አቤል-ካራሚማ ማታ ጋካናዉ፥ ላታሙ ካታማቱዋ ኦለቲደ ባይዜዳ፤ ዳሮ አሳ ዎ ዉርሴዳ። ሄዋፐ ጉይያን፥ አሞናዋቱ እስራኤላቶ ሞደቴድኖ።
\s1 ዮፍታሄ ናቶ
\p
\v 34 ዮፍታሄ ምጽጳን ደእያ ባረ ሶ ስሜዳ ዎደ፥ ኮይሮታደ አ ናታ ካባሩዋ ኦይቃደ የጻደነ ዱራደ አ ሞካናዉ ከሳዱ። አዉ ኢፐ ሀራ ናእ ባዋ። 
\v 35 እ እዞ በኤዳ ዎደ፥ ካዩዋን ባረ ማዩዋ ፔደ፥ “ሀይ ፖራ ታ ናተ! ታና ካዉሻ ድጋዳ፤ ታና ጋክያ መቶ ኔን ጋሶ ግዳዳ። አያዉ ጎፐ፥ ታን መና ጎዳዉ ሺቀታ ኡታድ፤ ሄዋ ሺቁዋ ጋናን አጋናዉ ዳንዳይከ!” ያጌዳ።\x - \xo 11:35 \xo*\xt ፓይ. 30:2\xt*\x*
\p
\v 36 ሄዋፐ ጉየ ናታ፥ “ታ አዎ፥ ኔን መና ጎዳው ሺቀቴዳዋ ግዶፐ፥ መና ጎዳይ ነ ሞርከቱዋ፥ አሞናቱዋ ቦላ ነ ሀሉዋ ከሴዳ ድራዉ፥ ኔን ሺቀቴዳዋ ታ ቦላ ፖላ” ያጋዱ። 
\v 37 ቃይካ አ ባረ አዉዋ፥ “ታዉ እትባ ኦርኪ። ታን ሙለ አስና ገለናን አትያ ድራዉ፥ ታ ላገቱዋና ባደ ደረቱዋ ቦላ ታ ዎዶሮተዉ ዬካና ማላ፥ ላኡ አግናዉ ታና የዳርኪ” ያጋደ ኦቻዱ።
\p
\v 38 እ፥ “ባ” ያጊደ፥ ላኡ አግናዉ የዴዳ፤ እዛ ባረ ላገቱዋና ደርያ ሁጲያ ከሳደ ባረ ዎዶሮተዉ ኡንቱንቱና ዬካዱ። 
\v 39-40 ላኡ አግናፐ ጉይያን፥ ባረ አዉዋኮ ስማደ ያዱ፤ ጾሳዉ ባረ ሺቀቴዳ ሺቁዋ ጋዳ። እዛ ኡባካ አቱማ አሳን ጋከተናን አታዱ።
\p ሄ ዎድያፐ ዶሚደ፥ እስራኤላቱ ማጫ ናናይ ላይን ላይን ኦይዱ ጋላሳ ባረንቱ ሶፐ ሃክ ቢደ፥ ጋላኣድያ ዮፍታሄ ናትዉ ዬክያዌነ ካዮትያዌ ሜዘ ግዴዳ።
\c 12
\s1 ዮፍታሀነ ኤፍሬማ አሳ
\p
\v 1 ኤፍሬማ አሳይ ኦላ ባናዉ ጼገቲደ፥ ዮርዳኖሳ ሻፋ ፕኒደ፥ ጻፎና ጌተትያ ካታማ ጋኬዳ ዎደ፥ ዮፍታሀ፥ “አሞናቱዋ ኦላናዉ ዛዋ ፕናደ ባደ፥ ኔናና ባናዳን አያዉ ኑና ጼሳበይኪ? ኑንካ ነ ጎልያ ነ ቦላ ታማን ጹጋና” ያጌድኖ።
\p
\v 2 ሄዋፐ ጉየ ዮፍታሄ ኡንቱንታ፤ “ታንነ ታ አሳይ አሞናቱዋና ሎይ ዋቴዳ ዎደ፥ ታን ህንተንታ ጼሳድ፤ ሽን ህንተንቱ ታና ኡንቱቱፐ አሽበይክታ። 
\v 3 ህንተንቱ ታና አሸናዋ በኤዳ ዎደ፥ ዛዋ ፕናደ ታ ሸምፖ ቃረተናን አሞናቱዋ ኦላናዉ ባድ፤ መና ጎዳይ ኡንቱንታ ታ ኩሽያን አደ እሜዳ። ያትና፥ ህንተንቱ ሀቼ አያዉ ታና ኦላናዉ ዬድቴ?” ያጌዳ።
\p
\v 4 ሄዋፐ ጉይያን፥ ዮፍታሄ ጋላኣደ አሳ ኡባ ሺሺደ፥ ኤፍሬማ አሳና ኦለቴዳ፤ ጋላኣደ አሳቱ ጾኔድኖ። አያዉ ጎፐ፥ ኤፍሬማ አሳይ ካሰ ኡንቱንታ፥ “ህንተንቱ ጋላኣደን ደእያ አሳቱ ካሰ ኤፍሬማ ዛራቱዋፐነ ምናሰ ዛራቱዋፐ በቲደ ዬዳዋንታፐ አትና፥ ሀራቱዋ ግድክታ” ያግ ዎዳ።
\p
\v 5 ኤፍሬማ አሳይ ባቃተናዳን፥ ዮርዳኖሳ ሻፋ ፕኑዋ ኡባ ጋላኣደቱ ኦይቄድኖ፤ ባቃታናዉ ኮይያ ኤፍሬማ አሳይ ኦንነ ፕናናዉ ኦችያ ዎደ ጋላኣደቱ፥ “ኔን ኤፍሬማ አሴ?” ያጊደ ኦችና፥ “ግድከ” ጎፐ፥ 
\v 6 “አነ፥ ‘ሽቦለቱዋ’ ጋ” ያጊኖ። ሽን እ፥ “ሽ” ግያ ፕዶልያ ሎይ ጼጋናዉ ዳንዳየና ድራዉ፥ “ስቦለቱዋ” ያጌ። ሄ ዎደ ኦይቂደ፥ ዮርዳኖሳ ሻፋ ፕንያሳን ዎኖ። ሄ ዎደ ያን ኤፍሬማ አሳፐ ኦይታማነ ላኡ ሻአ አሳይ ሀይቄዳ።
\p
\v 7 ዮፍታሄ እስራኤልያ አሳ ቦላን ዳናቲደ፥ ኡሱፑን ላይ ፕርዴዳ። ሄዋፐ ጉይያን፥ ጋላኣድያ ዮፍታሄ ሀይቄዳ፤ ጋላኣደን ደእያ ባረ ካታማን ሞገቴዳ።
\s1 እብጻና
\p
\v 8 ዮፍታሄፐ ካሊደ፥ ቤተሌመ እብጻን እስራኤልያ አሳ ቦላ ፕርድያ ዳና ግዴዳ። 
\v 9 እብጻናዉ ሀታሙ አቱማዋ ናናይነ ሀታሙ ማጫ ናናይ ደኢኖ፤ እ ባረ ማጫ ናና ባረ ያራ ግደና አቱማ ናናቶ እሜዳ፤ ባረ አቱማ ናናቶካ ባረ ያራ ግደና ማጫ ናና ጊግሲደ አሄዳ። እብጻን እስራኤልያ ቦላ ላፑን ላይ ዳናቲደ ፕርዴዳ። 
\v 10 ሄዋፐ ጉይያን ሀይቂደ፥ ቤተሌመ ካታማን ሞገቴዳ።
\s1 ኤሎና
\p
\v 11 እብጻናፐ ካሊደ፥ ዛብሎንያ ኤሎን እስራኤልያ አሳ ቦላ ዳናቲደ፥ ታሙ ላይ ፕርዴዳ። 
\v 12 ሄዋፐ ጉይያን ሀይቄዳ፤ ዛብሎና ጋድያን ደእያ አያሎና ካታማን ሞገቴዳ።
\s1 አብዶና
\p
\v 13 ኤሎናፐ ካሊደ፥ ህሌላ ናአይ አብዶን፥ ፕርኣቶና ግያ ሳን ደኤዳዌ፥ እስራኤልያ ቦላ ፕርድያ ዳና ግዴዳ። 
\v 14 አብዶናዉ ላፑን ታሙ ሀረቱዋ ቶግያ ኦይታሙ አቱማ ናናይነ ሀታሙ ናናቱዋ ናናይ ደኢኖ፤ አብዶን እስራኤልያ አሳ ቦላ ዳናቲደ፥ ሆስፑን ላይ ፕርዴዳ። 
\v 15 ሄዋፐ ጉይያን፥ ህሌላ ናአይ አብዶን ሀይቄዳ፤ አማሌቃቱዋ ገዝያን ኤፍሬማ ጋድያን ደእያ ፕርኣቶናን ሞገቴዳ።
\c 13
\s1 ሳምሶን የለቴዳ
\p
\v 1 እስራኤልያ አሳይ መና ጎዳ ስንን ቃይካ ኢታባ ኦዳ። ያትና፥ መና ጎዳይ ኡንቱንታ ኦይታሙ ላይዉ ፕልስጼማ አሳ ኩሽያን አደ እሜዳ።
\p
\v 2 ሄ ዎደ ጾርአ ጌተትያ ካታማን ማኑሀ ጌተትያ እት ብታኒ ደኤ። እ ዳና ዛረ፤ አ ማቻታ ማንቶ ግዴዳ ድራዉ፥ ናኣ የላበይኩ። 
\v 3 እት ጋላስ መና ጎዳ ኪታንቻይ ሄ ማቻትዉ ቤቲደ፥ ሀዋዳን ያጌዳ፤ “በአ፥ ኔን ናኣ የላቤና ማንቶ፤ ሽን ነዉ የሉ አታናዋ፤ ኔን አቱማ ናኣ የላና። 
\v 4 ሄዋ ድራዉ፥ ዎይንያ ኤሳ ዎይ ማይያ ኡሻ ኡሸናዳንነ ቱናባ አያነ ሜናዳን ናገታ። 
\v 5 ነዉ የሉ አትና፥ ኔን አቱማ ናኣ የላና። ናአይ የለትያ ዎድያፐ ዶሚደ፥ ጾሳዉ ዱማቴዳ ናዝራዌ ግድያ ድራዉ፥ አ ብናና ኡባካ ሜዶፓ። እ እስራኤልያ ፕልስጼማ አሳ ኩሽያፐ አሻናዉ ዶማና” ያጌዳ።\x - \xo 13:5 \xo*\xt ፓይ. 6:1-5\xt*\x*
\p
\v 6 ሄዋፐ ጉይያን ምሽራታ ባደ፥ ባረ አስናዉ ሀዋዳን ያጋደ ኦዳዱ፤ “ጾሳ አሳ እቱ ታኮ ዬዳ፤ አዉ ማላይካ ጾሳ ኪታንቻ ማላ ማላ ሎይ ያሽያዋ። እ ሀቃፐ ዬደንቶካ ታን አ ኦቻበይከ፤ እካ ባረ ሱን ታዉ ኦድቤና። 
\v 7 ሽን እ ታና፥ ‘ነዉ የሉ አትና፥ ኔን አቱማ ናኣ የላና። ናአይ የለቶደፐ ዶሚደ ሀይቃና ጋካናዉ፥ ጾሳዉ ዱማቴዳ ናዝራዌ ግድያ ድራዉ፥ ዎይንያ ኤሳ ዎይ ማይያ ኡሻ ኡሾፓ፤ አያነ ቱኔዳባ ሞፓ’ ያጌዳ” ያጋደ ኦዳዱ።
\p
\v 8 ሄዋፐ ጉይያን ማኑሄ፥ “አቤት መና ጎዳዉ፥ ናአይ የለትያ ዎደ አያ ኦናዉ ኮሽንቶ ኤርሳና ማላ፥ ኔን ካሰና ኪቴዳ ጾሳ አሳይ ኑኮ ስሚደ ያናዳን ኦርኪ” ያጊደ ጾሳ ዎሴዳ።
\p
\v 9 መና ጎዳይ ማኑሄ ዎሳ ስሴዳ። ማጫ ምሽራታ ጋደን ኡታ ደእሽን ላኤንዋ ዬዳ፤ ሽን ሄ ዎደ እ አስናይ ማኑሄ እዝና ደኤና። 
\v 10 ማጫ ምሽራታ ኤለካ ባረ አስናኮ ባደ፥ “በአ፥ እን ጋላስ ታኮ ዬዳ ብታኒ ሀችካ ሀዋን ደኤ” ያጋዱ።
\p
\v 11 ሄዋፐ ጉየ ማኑሄ ኡቴዳ ሳፐ ደንዲደ፥ ባረ ማቻቶ ካሊደ ቤዳ፤ ጋኪደ፥ ብታንያ፥ “እን ታ ማቻትና ሃሳዬዳዌ ኔኔ?” ያጊደ ኦቼዳ።
\p ብታኒ፥ “ኤ ታና” ያጌዳ።
\p
\v 12 ሄዋፐ ጉየ ማኑሄ፥ “ኔን ኦዴዳ ቃላይ ፖለትያ ዎደ፥ የለታና ናኣ ደኦነ ኦሶ ዎጋይ አዬ?” ያጊደ አ ኦቼዳ።
\p
\v 13 ሄዋ ድራዉ መና ጎዳ ኪታንቻይ፥ “ነ ማቻታ ታን ኦዴዳ ኡባባፐ ናገቱ። 
\v 14 ዎይንያ ቱራፐ ከስያባ አያነ ሙፑ፤ ዎይንያ ኤሳ ዎይ ማይያ ኡሻ ኡሹፑ፤ አያነ ቱኔዳባ ሙፑ። ታን እዞ አዛዜዳዋ ኡባ ፖሉ” ያጊደ ዛሬዳ።
\p
\v 15 ማኑሄ ቃይ መና ጎዳ ኪታንቻ፥ “ኑን ነዉ እት ያላጋ ዴሻ ሹኪደ ጊግሳናዉ፥ ሀያና ታካርኪ” ያጌዳ።
\p
\v 16 መና ጎዳ ኪታንቻይ ዛሪደ፥ “ታን ታክንቶካ፥ ነ ቁማ ሚከ። ሽን ኔን ጹግያ ያርሹዋ ጊግሳና ኮዮፐ፥ መና ጎዳዉ ያርሻናዉ ዳንዳያሳ” ያጌዳ። እ መና ጎዳ ኪታንቻ ግድያዋ ማኑሄ ኤርቤና።
\p
\v 17 ማኑሄ ቃይካ ጾሳ ኪታንቻ፥ “ኔን ኦዴዳ ቃላይ ፖለትያ ዎደ፥ ኑን ኔና ቦንቻና ማላ፥ ነ ሱንይ ኦኔ?” ያጌዳ።
\p
\v 18 ጾሳ ኪታንቻይ አ፥ “ታ ሱንይ ማላልስያዋ ግድያ ድራዉ፥ ኔን ታ ሱን አያዉ ኦቻይ?” ያጊደ ዛሬዳ።
\p
\v 19 ሄዋፐ ጉየ ማኑሄ ሄ ዴሻነ አ ካ ያርሹዋ አኪደ፥ ዛላ ቦላ መና ጎዳዉ ያርሼዳ። ማኑሄነ አ ማቻታ ጼልሽን፥ መና ጎዳይ ማላልስያባ ኦዳ። 
\v 20 ያርሹዋ ያርሽያ ሳፐ ታማ ላጩ ፑደ ፖሎላትሽን፥ መና ጎዳ ኪታንቻይ ታማ ላጩዋ ግዱዋና ሳሉዋ ከሴዳ። ማኑሄነ አ ማቻታ ሄዋ በኢደ፥ ዴሙዋ ሳኣ ጋደ ጉፋኔድኖ።
\p
\v 21 መና ጎዳ ኪታንቻይ ማኑሄዉነ አ ማቻትዉ ላኤንዋ ቤተናን አግና፥ እ መና ጎዳ ኪታንቻ ግዴዳዋ ማኑሄ ሄ ዎደ አኬኬዳ። 
\v 22 ማኑሄ ባረ ማቻቶ፥ “ኑን ጾሳ በኤዳ ድራዉ፥ ኑን ሀይቂያዌ ጌሻ” ያጌዳ።
\p
\v 23 ሽን አ ዛራደ፥ “መና ጎዳይ ኑና ዎናዉ ኮዬዳዋ ግድንቶ፥ ጹግያ ያርሹዋነ ካ ያርሹዋ ኑ ኩሽያፐ አከና፥ ዎይ ሄ ኡባባ ኑና በሰና፥ ዎይ ሀዋ ኑ ኦደና” ያጋዱ።
\p
\v 24 ማጫ ምሽራታ አቱማ ናኣ የላደ ሳምሶና ጋደ ሱንዱ። ናአይካ ድጬዳ፤ መና ጎዳይካ አ አንጄዳ። 
\v 25 ናአይ ጾርአፐነ ኤሽታኦላፐ ግዱዋን ደእያ ዳና ሞን ደእሽን፥ መና ጎዳ አያናይ አ ደንዋ ዶሜዳ።
\c 14
\s1 ሳምሶን ማቻቶ አኬዳ
\p
\v 1 እት ጋላስ ሳምሶን ትምና ግያ ሳኣ ዎዳ፤ ያን እት ፕልስጼማ ዎዶራቶ በኤዳ። 
\v 2 ሶይ ስሚደ ባረ አዉዋነ ባረ ዳዮ፥ “ታን ትምናን እት ፕልስጼማ ዎዶራቶ በኣድ፤ ሀእ እዞ ታዉ ኦቺደ እምተ” ያጌዳ።
\p
\v 3 ሽን አ አዉነ አታ አ፥ “ማቻቶ ኦቻናዉ ሀ ቃጻረትቤና ፕልስጼማቱዋኮ ባናዉ ኔና አያዉ ኮሼዴ? ኑ ዳባቱ ግዶን ዎይ ኑ አሳ ኡባ ግዶን ነዉ ሀንያ እት ማጫ ናኣ ደማናዉ ዳንዳያበይኪ?” ያጊደ ኦቼድኖ።
\p ሽን ሳምሶን ባረ አዉዋ፥ “ታዉ እዛ ሎእያ ድራዉ፥ እዞ ጊግሳደ ታዉ እማ” ያጌዳ። 
\v 4 ፕልስጼማቱዋ ኦላናዉ መና ጎዳይ ጋሱዋ ኮዪደ፥ ሀዋ ኡንቱንቱ ቦላ ኦያዋ ሳምሶና አዉነ አታ ኤርበይክኖ። ሄ ዎደ ፕልስጼማቱ እስራኤልያ አሳ ሞዲኖ።
\p
\v 5 ሄዋፐ ጉይያን፥ ሳምሶን ባረ አዉዋናነ ባረ አትና ትምና ዎዳ። ያን ዎይንያ ቱራ ግዱዋና እ አደ ቢሽን፥ እት ዎዳላ ጋሙ ጉዲደ አ ቦላ ከሴዳ። 
\v 6 መና ጎዳ አያናይ ሳምሶና ቦላን ዎልቃፐ ዎዳ፤ ዴሻ ማራ ዱሰረያዋዳን፥ ባረ ኩሽያን አያነ ኦይቀናን ጋሙዋ ዱሰረ የጌዳ። ሄ ባረ ኦዳዋ ባረ አዎነ ባረ አትዉ ኦድቤና። 
\v 7 ሄዋፐ ጉይያን ቢደ፥ ዎዶራቶ ሃሳይሴዳ፤ እዛ አዉ ሎኣዱ።
\p
\v 8 ጉ ዎድያፐ ጉይያን፥ እዞ ቡላቻናዉ ያ ስሚደ ቤዳ፤ ባረ ዎዳ ጋሙዋ በአናዉ ኦግያፐ ሸርእ ጊደ ብያ ዎደ፥ ጋሙዋ አሃ ግዶን ማይ ኤሳ ኤሴዳዋ በኤዳ። 
\v 9 ኤሳፐ አማሬዳዋ ካሽ አኪደ፥ ኦግያን ሚደ ቤዳ። ባረ አዉዋኮነ ባረ ዳይኮ ጋኪደ፥ ባረ ኦይቄዳ ኤሳፐ አማሬዳዋ እምና፥ ኡንቱንቱካ ሜድኖ፤ ሽን ሳምሶን ሄ ኤሳ ጋሙዋ አሃ ግዶፐ አኬዳዋ ኡንቱንቶ ኦድቤና።
\p
\v 10 አ አዉ ምሽራት ሶ ቢና፥ ሳምሶን ያን ባላ ጊግሴዳ። ሄዋ ማላ ግብራይ ቡላቻዉ ካሰፐካ ኦያ ዎጋ። 
\v 11 ሄ አሳይ አ በኤዳ ዎደ፥ አናና ጋምአናዳን ሀታሙ ዎዳላ ናና ዶሬዳ። 
\v 12 ሳምሶን ኡንቱንታ፥ “አነ ህንተንቱ ኤርንቶነ እት ቃንእሽያ ታን ህንተንታ ቃንእሻይ፤ ቡላቻ ባላይ ቦንቼትያ ላፑን ጋላሳ ግዱዋን ሀ ቃንእሽያ ብርሸ ታዉ ህንተንቱ ኦድያዋ ግዶፐ፥ ታን ህንተዉ ሀታሙ ሱፍያ ቃምሸቱዋነ ሀታሙ ኩመን ማዮቱዋ እማና። 
\v 13 ሽን ህንተንቱ ታዉ ብርሸ ኦዳናዉ ዳንዳያና ዮፐ፥ ህንተንቱ ታዉ ሀታሙ ሱፍያ ቃምሸቱዋነ ሀታሙ ኩመን ማዮቱዋ እሚታ” ያጌዳ።
\p ሄዋፐ ጉየ ኡንቱንቱ፥ “ኤኖ፥ ነ ቃንእሽያ አነ ኑ ኦዳ” ያጌድኖ።
\p
\v 14 እ ኡንቱንታ፥
\q1 “ምያዋፐ ምያባይ ቤቴዳ፤
\q2 ምኑዋ ግዶፐ ማልእያባይ ከሴዳ” ያጌዳ።
\m ሄዛን ጋላስ ጋካናዉ ኡንቱንቱ ቃንእሽያ ብርሸ እማናዉ ዳንዳይበይክኖ።
\p
\v 15 ኦይደን ጋላስ ኡንቱንቱ ሳምሶና ማቻቶ፥ “አነ ነ አስና ጭማደ ቃንእሽያ ብርሸ እ ኑዉ ኦዳናዳን ኦ። ሄዌ ዮፐ፥ ኑን ኔናነ ነ አዉዋ ጎልያ ታማን ጹጋና። ህንተንቱ ኑና ጼሴዳዌ ኑና ማንቀናሴ?” ያጌድኖ።
\p
\v 16 ያትና፥ ሳምሶና ማቻታ ዬካደ አኮ ሺቃደ፥ “ኔን ታና ሲቃካ! ኔን ታና ሎይ እጻሳ! አያዉ ጎፐ፥ ኔን ታ ጋድያ አሳ ቃንእሽያ ቃንእሻደ፥ አ ብርሸ ታዉ ኦዳበይካ” ያጋዱ።
\p ሄዋፐ ጉየ እ ዛሪደ፥ “በአ፥ ሀዋ ታን ታ አዎካ ታ አትዉካ ኦዳበይከ። ያትና፥ ነዉ አያዉ ኦዶ?” ያጌዳ። 
\v 17 ሄዋፐ ጉየ ቡላቻ ባላይ ቦንቼትያ ላፑን ጋላሳ ኡባን ዬካደ ሸምፑዋ ድግና፥ ላፑን ጋላስ ቃንእሽያ ብርሸ እዝዉ ኦዴዳ። አካ ባደ ባረ ጋደ አሳዉ ኦዳዱ።
\p
\v 18 ያትና፥ ላፑን ጋላስ አዋይ ዉላናፐ ካሰ ካታማ አሳቱ ባረ ዛሩዋ አኪደ ዪደ፥ ሳምሶና፥
\q1 “ኤሳፐ አደ ማልእያባይ አዬ?
\q2 ጋሙዋፐ አደ ምንያባይ አዬ?” ያጌድኖ።
\p ሄዋፐ ጉየ ሳምሶን ኡንቱንታ፥
\q1 “ህንተንቱ ታ ኡሳትን ጎሸናባ ግድንቶ፥
\q2 ታ ቃንእሽያ ብርሸ ኤርክታ ሽን” ያጌዳ።
\p
\v 19 ሄዋፐ ጉይያን፥ መና ጎዳ አያናይ አ ቦላን ዎልቃፐ ዎና፥ አስቃሎና ካታማ ዎደ፥ ሀታሙ አሳቱዋ ዎዳ፤ ኡንቱንቱ ማዩዋ ቃር አኪደ፥ ቃንእሽያ ብሊደ አሳቶ አሂደ እሜዳ። ሀኔዳባን ኡባን ሀንቁዋ ኤጸቲደ፥ ባረ አዉዋ ሶ ስሚደ ቤዳ። 
\v 20 ሳምሶና ማቻታ አ ላግያዉ፥ አ ዋና ሚዝያዉ እመታዱ።
\c 15
\p
\v 1 ጉ ታክሽን፥ ዛርጋ ጫክያ ዎደ፥ ሳምሶን ባረ ማቻቶ በአናዉ እት አንቃራ ዴሻ አኪደ ቤዳ፤ እ አዉዋ፥ “ታን ታ ማቻታ ደእያ ክፍልያ ገላናዉ ኮያድ” ያጌዳ።
\p ሽን እ ገለናዳን፥ እዝ አዉ ድጌዳ። 
\v 2 እዝ አዉ ሳምሶና፥ “ኔን እዞ ኡባ እጼዳዋ ማላትና፥ ነ ሚዝያዉ እማድ። ሽን እ ቴፋ ምቻታ ኢፐካ አ ሎአ፤ እዝ ድራዉ እዞ አካ” ያጌዳ።
\p
\v 3 ሄዋፐ ጉየ ሳምሶን ኡንቱንቶ፥ “ሀእ ስም ፕልስጼማ ጋድያ አሳ ቦላ ታን ኢታባ ኦፐ፥ ባይዛንቻ ግድከ” ያጌዳ። 
\v 4 ቢደ፥ ሄዙ ጼቱ ዎራካናቱዋ ኦይቂደ ላኡዋ ላኡዋ ዱፍያ እትፐ ጋደ፥ ዱፈቱዋፐ ግዱዋን ዪጨቴዳ ጾምፕያ ዎደ ቃቼዳ። 
\v 5 ሄዋፐ ጉይያን፥ ቃሸቴዳ ጾምፕያን ታማ ኦይደ፥ ብሮ ጫከትቤና ፕልስጼማ አሳ ካ ግዶ ዎራካናቱዋ የዴዳ፤ ጫከቴዳ ካ፥ ኤቁዋን ደእያ ካ፥ ዎይንያ ቱራቱዋነ ዎጋራ ጹጌዳ።
\p
\v 6 ፕልስጼማቱ፥ “ሀዋ ኦዳዌ ኦኔ?” ያጊደ ኦቼድኖ።
\p ሽን አሳይ፥ “ሳምሶን ኦዳ፤ አያዉ ጎፐ፥ ትምና አሳ ግድያ አ ቦሉ፥ አ ማቻቶ አ ሚዝያዉ እሜዳ ድራሳ” ያጌዳ። ፕልስጼማቱ ቢደ፥ ኦዉነ እ አዉዋ ታማን ጹጌድኖ።
\p
\v 7 ሳምሶን ኡንቱንቶ፥ “ህንተንቱ ሄዋ ኦዳ ድራዉ፥ ሀሉዋ ከሰናን አግከ” ያጌዳ። 
\v 8 ኡንቱንታ ዎልቃማ ሾቻ ሾጪደ፥ ዳሮቱዋ ዎዳ። ሄዋፐ ጉይያን ቢደ፥ ኤጻማ ጌተትያ ኮሽያን ደእያ ዛላ ጎንጎሉዋ ግዶን ጋምኤዳ።
\s1 ሳምሶን ፕልስጼማቱዋ ጾኔዳ
\p
\v 9 ሄዋፐ ጉይያን፥ ፕልስጼማ አሳይ ዪደ፥ ይሁዳን ዱንካኒደ ሌሀ ጌተትያ ካታማ ኦሌዳ። 
\v 10 ይሁዳ አሳይ ኡንቱንታ፥ “አያዉ ኑና ኦላናዉ ዬድቴ?” ያጊደ ኦቼዳ።
\p ሽን ኡንቱንቱ፥ “ኑን ሳምሶና ኦይክ ቃቻናዉነ እ ኑ ቦላ ኦዳዋዳን አ ቦላ ኦናዉ ዬዶ” ያጊደ ዛሬድኖ። 
\v 11 ያትና፥ ይሁዳፐ ሄዙ ሻአ አሳቱ ኤጻማ ጌተትያ ሳኣን ደእያ ዛላ ጎንጎሉዋ ቢደ ሳምሶና፥ “ኑና ሞድያዋንቱ ፕልስጼማ አሳቱዋ ግድያዋ ኤርኪየ? ያትና፥ ኑ ቦላ ሀዋ አያ ኢታባ ኦይ?” ያጌድኖ።
\p ሄዋፐ ጉየ እ ዛሪደ፥ “ኡንቱንቱ ታ ቦላ ኦዳዋዳን፥ ታንካ ኡንቱንቱ ቦላ ኦድ” ያጌዳ።
\p
\v 12 ኡንቱንቱካ ዛረደ፥ “ኑን ሀዋ ዬዳዌ ኔና ቃቺደ፥ ፕልስጼማቶ አደ እማናሳ” ያጌድኖ።
\p ሳምሶን ኡንቱንታ፥ “ህንተንቱ ህንተንቱ ሁጲያዉ ታና ዎናዳን ጫቂተ” ያጌዳ።
\p
\v 13 ኡንቱንቱ፥ “ኤኖ፥ ኑን ኔና ቃቺደ፥ ኡንቱንቶ አደ እማናፐ አትና፥ ዎኮ” ያጊደ አዉ ዛሬድኖ። ሄዋፐ ጉይያን፥ ላኡ ኦራ ዎዶሩዋን ቃቺደ፥ ዛላ ጎንጎሉዋፐ ከሲደ አፌድኖ።
\p
\v 14 ሳምሶን ሌሀ ቤዳ ዎደ፥ ፕልስጼማ አሳቱ ናሸቻን ዋሲደ፥ አናና ጋከታናዉ ዬድኖ። መና ጎዳ አያናይ አ ቦላ ዎልቃፐ ዎዳ፤ አ ኩሽያ ቃች ዎዳ ዎዶሩዋ፥ ሻሉ ታማ በኢደ ዱጽያዋዳን፥ ዱሰረ የጌዳ። 
\v 15 ያቲደ ማታ ዎደ ሀይቄዳ እት ሀርያ ጎጎጩዋ ደም አኪደ፥ አን ሻአ አሳ ዎዳ።
\p
\v 16 ሳምሶን ሀዋዳን ያጌዳ፤
\q1 “ሀርያ ጎጎጩዋን፥
\q2 ታን አሃ ቦላን አሃ ዶራድ።
\q1 ሀርያ ጎጎጩዋን ሻአ አሳ ዎድ” ያጌዳ።
\p
\v 17 ሃሳይያዋ ዉርሴዳዋፐ ጉይያን፥ ባረ ኦይቄዳ ጎጎጩዋ ኩሽያፐ ኦሊደ ሄ ሳኣ ራማት-ሌሀ\f + \fr 15:17 \fr*\fq ራማት-ሌሀ፦ \fq*\ft ሀ ሱን ብለይ እብራዌዋን፥ “ጎጎጩዋ ደርያ” ግያዋ።\ft*\f* ያጊደ ሱንዳ።
\p
\v 18 ሄዋፐ ጉይያን፥ ሳምሶን ሎይ ሳመቲደ፥ መና ጎዳዉ ዋሲደ፥ “ኔን ሀዋ ማላ ዎልቃማ ጾኑዋ ታዉ ነ ቆማዉ እማዳ። ያትና፥ ታን ሀእ ሳሙዋን ሀይቆ? ቃይ ሀ ቃጻረትቤናዋንቱ ኩሽያን ኩንዶ?” ያጊደ ዋሴዳ። 
\v 19 ያግና ጾሳይ ሌሀን ደእያ ጋድያ ጳልቂና፥ አፐ ሃይ ከሴዳ። ሳምሶን ሄ ሃፐ ኡሺደ አሌዳ ድራዉ፥ አዉ ሸምፑ ስሜዳ። ያትና፥ ሄ ሳኣ አይን-ሀቆረ\f + \fr 15:19 \fr*\fq አይን-ሀቆረ፦ \fq*\ft ሀ ሱን ብለይ፥ “ዋስያዋ ፑልቱዋ” ግያዋ።\ft*\f* ያጊደ ሱንዳ። ሄዌ ሀቼ ጋካናዉ ሌሀን ደኤ።
\p
\v 20 ፕልስጼማ አሳይ ጋድያ ሞዴዳ ዎደ፥ ሳምሶን እስራኤላን ላታሙ ላይዉ ፕርድያ ዳና ግዴዳ።
\c 16
\s1 ሳምሶን ጋዛን ኦዳባ
\p
\v 1 እት ጋላስ ሳምሶን ጋዛ ጌተትያ ፕልስጼማቱዋ ካታማ ቤዳ፤ ያን እት ሻርሙጻ ምሽራቶ በኢደ፥ እዝና አቃናዉ እ ጎልያ ገሌዳ። 
\v 2 ጋዛ ካታማን ደእያ አሳይ ሳምሶን ኡንቱንቱ ካታማ ዬዳዋ ስሲደ፥ ካታማ ዩይ አደ፥ ቃማ ኡባ ካታማ ፐንግያ ናጊደ አቄዳ፤ “ሳአይ ዎንታናዉ ናጊደ፥ ኑን አ ዎና” ያጊደ ቃማ ኡባ ጮኡ ጌድኖ። 
\v 3 ሽን ሳምሶን ያን ግሴዳዌ ብላሄ ጋካናዉ ጻላላ። ብላሄ ደንዲደ፥ ካታማ ድርሳ ፐንግያ ኦይኪደ፥ ሳንቃ፥ ጉባንያ፥ ማቃንያነ ጎርድያ ሽካላቱዋ ሾዴዳ። ሄ ኡባካ ሀሽያን ቶኪደ፥ ከብሮናፐ ስን ባጋና ደእያ ደርያ ሁጲያ ከሴዳ።
\s1 ሳምሶናነ ዳሊሎ
\p
\v 4 ሄዋፐ ጉይያን፥ ሳምሶን ሶሬቃ ግያ ዛንጋራን ደእያ እት ዳሊሎ ግያ ምሽራቶ ሲቄዳ። 
\v 5 ያትና፥ ፕልስጼማቱዋ ካፓቱ ኢኮ ዪደ፥ “ኔን አ ጭማደ፥ ሄ ዎልቃ ኡባ አያፐ እ ደሜደንቶነ ቃይ ኑን አ ዎት ጾኒደ ቃቻናዉ ዳንዳይንቶ ኦቻ። እቱ እቱ ኑን ነዉ እት ሻአነ እት ጼቱ ጻጋራ ብራ እማና” ያጌድኖ።
\p
\v 6 ዳሊላ ሳምሶና፥ “ሀዋ ኬሻ ዎልቃ ኔን ሀቃፐ ደማድንቶ፥ ሀያና ታዉ ኦዳርኪ! እት አሳይ ኔና ቃቺደ፥ ዋቲደ ነ ዎልቃ ዳቡርሳናዉ ዳንዳዪ?” ያጋዱ።
\p
\v 7 ሳምሶን፥ “ታና ላፑን እርጻ ዳፎቱዋን አሳይ ቃቾፐ፥ ዳቡራደ፥ ሀራ አሳዳን ሀናና” ያጊደ ዛሬዳ።
\p
\v 8 ሄዋፐ ጉይያን፥ ፕልስጼማቱዋ ካፓቱ ዳሊልዉ ላፑን እርጻ ዳፎቱዋ አህና አ ሳምሶና ቃቻዱ። 
\v 9 ባረ ቆልኦን አሳ ቆሳ ዎደ፥ “ሳምሶና፥ ፕልስጼማቱ ይክቼድኖ” ጋደ ጼሳዱ። ሽን ሻሉ ታማይ ኦይቂና ዱጸረትያዋዳን፥ ዳፎቱዋ ዱሰረ የጌዳ። ያትና፥ እ ዋን ዎልቃሚንቶ ጹራይ ኤረትቤና።
\p
\v 10 ያትና፥ ዳሊላ ሳምሶና፥ “ሄኮ ኔን ታናን ካኣሳ፤ ኔን ታዉ ዎርዱዋ ኦዳዳ። ሀእካ ኔን ቃሸታናዌ አያነንቶ፥ ሀያና ታዉ ኦዳርኪ!” ያጋዱ።
\p
\v 11 እ እዞ፥ “አሳይ ጎኤትቤና ኦራ ዎዶሩዋን ታና ቃቾፐ፥ ዳቡራደ፥ ሀራ አሳዳን ሀናና” ያጌዳ።
\p
\v 12 ዳሊላ ኦራ ዎዶሩዋ አካደ፥ ሳምሶና ቃቻዱ። ቃይካ ባረ ቆልኦን አሳ ቆሳ ዎደ፥ “ሳምሶና፥ ፕልስጼማቱ ይክቼድኖ” ያጋዱ። ሽን እ ዎዶሩዋ ቀስያፐ ሻሉዋዳን ዱሰረ የጌዳ።
\p
\v 13 ያትና፥ ዳሊላ ሳምሶና፥ “ሀእ ጋካናዉ ኔን ታናን ካኣዳ፤ ኔን ታዉ ዎርዱዋ ኦዳዳ። ሀእካ ኔን ቃሸታናዌ አያነንቶ ሀያና ታዉ ኦዳርኪ!” ያጋዱ።
\p ሄዋፐ ጉየ እ እዞ፥ “ታ ሁጲያ ላፑን ዳ ብናና ቃጭናና ጋደ፥ ሀርባን ዋላካደ፥ ሙኩካ ጾንጋ ጾንጋደ ዳዶፐ፥ ታን ዳቡራደ፥ ሀራ አሳዳን ሀናና” ያጌዳ።
\p
\v 14 ሄዋፐ ጉይያን፥ ሳምሶን ገምእሽሽን፥ ዳሊላ አ ሁጲያ ላፑን ዳ ብናናናነ ቃጭናና ጋ ዋላካደ ዳዳዱ። ሄዋፐ ጉይያን፥ “ሳምሶና፥ ፕልስጼማቱ ይክቼድኖ” ያጋዱ። ሄዋፐ ጉየ እ ገምእሹዋፐ ቤጎቲደ፥ ባረ ብናና ዳደቴዳ ማዩዋፐነ ሀርባፐ ሾድ አኬዳ።
\p
\v 15 ያትና አ፥ “ነ ዎዛናይ ታናና ደኤናን፥ ‘ታን ኔና ሲቃይ’ ዋታደ ጋይ? ታናን ሀዋና ሄዙ ገደ ካኣዳ። ኔን ሀ ዎልቃ አያፐ ደማድንቶ፥ ታዉ ኦዳባካ” ያጋዱ። 
\v 16 ሀቼ ሀቼ ዛራ ዛራ ኦቻደ ዋይስና፥ ሀንያባ ዬዳ።
\p
\v 17 ያትና፥ “ታ አት ኡሉዋፐ ዶምና፥ ታን ጾሳዉ ዱማቴዳ ናዝራዌ አሳ ግዴዳ ድራዉ፥ ታ ሁጲያ ብናናይ ሜደት ኤረና። ታ ብናናይ ሜደቶፐ፥ ታ ዎልቃይ ታፐ ይና፥ ታን ዳቡራደ፥ ሀራ አሳዳን ሀናና” ያጊደ፥ ባረ ዎዛናን ደእያዋ ኡባ እዝዉ ኦዴዳ።
\p
\v 18 ባረ ዎዛናን ደእያዋ ኡባ እ ኦዴዳዋ ዳሊላ በኤዳ ዎደ፥ “ባረ ዎዛናን ደእያዋ ኡባ ታዉ ኦዴዳ ድራዉ፥ አነ እት ገደ ስሚደ ዪተ” ያጋደ ፕልስጼማቱዋ ካፓቶ ኪታ የዳዱ። ኡንቱንቱ ብራ አኪደ፥ ኢኮ ዬድኖ። 
\v 19 ዳሊላ ሳምሶና ባረ ክዉዋን ገምእሽሳዱ፤ እት አሳ ጼስና ዪደ፥ አ ሁጲያ ላፑን ዳ ብናና ሜዴዳ፤ አ ዎልቃይ አፐ ዬዳ። ሄዋፐ ጉይያን፥ አ ዋይስያዋ ዶማዱ፤ 
\v 20 “ሳምሶና፥ ፕልስጼማቱ ይክቼድኖ!” ያጋዱ።
\p ገምእሹዋፐ ቤጎቲደ፥ ካሰዋዳን ዱሰሬደ ባና ያጊደ ቆፔዳ፤ ሽን መና ጎዳይ አፐ ሻከት ክቼዳዋ እ ኤርቤና።
\p
\v 21 ፕልስጼማቱ አ ኦይቄዳዋፐ ጉይያን፥ አ ላኡ አይፈቱዋ ዎጭ ከሲደ፥ ጋዛ ካታማ አፌድኖ። ሄዋፐ ካላ ናሃስያ ሳንሳላታን ቃቼድኖ፤ ቃሾ ጎለን ደእያ ዎጻን ካ ጋጫናዳን ኦድኖ። 
\v 22 ኡንቱንቱ አ ሁጲያ ብናና ሜዴዳዋፐ ጉይያን፥ ብናናይ ስሚደ ዶሉዋ ዶሜዳ።
\s1 ሳምሶና ሀይቁዋ
\p
\v 23 ፕልስጼማቱዋ ካፓቱ፥ “ኑ ጾሳይ ኑ ሞርክያ ሳምሶና ኑ ኩሽያን አደ እሜዳ” ያጊደ ባረንቱ ጾሳ ዳጎናዉ ዎልቃማ ያርሹዋ ያርሻናዉነ ናሸታናዉ እትፐ ሺቄድኖ።
\p
\v 24 አሳይ ኡባይ አ በኤዳ ዎደ፥ “ኑ ጋድያ ባይዜዳ፥ ኑ አሳፐ ዳሩዋ ዎዳ ኑ ሞርክያ ኑ ጾሳይ ኑ ኩሽያን አደ እሜዳ” ያጊደ ባረንቱ ጾሳ ጋላቴድኖ። 
\v 25 ኡንቱንቱ ሎይ ናሸቴዳ ድራዉ፥ “ካኢደ ኑና ናሸቻና ማላ፥ ሳምሶና ጼስተ” ያጌድኖ። ሄዋፐ ጉየ ሳምሶና ቃሾ ጎልያፐ ጼሲደ አህና፥ እ ኡንቱንቱ ስንን ካኤዳ፤ ካኤዳዋፐ ጉይያን፥ ቱሳቱዋፐ ግዱዋን ኤሴድኖ።
\p
\v 26 ሳምሶን አ ኩሽያ ኦይቂደ ካለያ ናኣ፥ “ታን ኡንቱንቱን ዘምፓደ ኤቃና ማላ፥ ጎልያ ቶኬዳ ቱሳቱዋ ታና ቦሽሳ” ያጌዳ። 
\v 27 ጎልያ ግዱዋን አቱማ አሳቱነ ማጫ አሳቱ ኩም ኡቴድኖ፤ ቃይ ሄዋን ፕልስጼማቱዋ ካፓቱ ኡባቱካ ደኢኖ። ሳምሶን ካእሽን፥ ጎልያ ቦላን ደምባዪደ ኬጼዳ ሳኣን ኡቲደ፥ ሄዙ ሻአ ግድያ አቱማ አሳቱነ ማጫ አሳቱ በኢኖ።
\p
\v 28 ሄ ዎደ ሳምሶን መና ጎዳ ዎሲደ፥ “አቤት ኡባ ሞድያ መና ጎዳዉ፥ ሀይ ታና ሀሳያርኪ! አቤት ጾሳዉ፥ ፕልስጼማቱ ታ ላኡ አይፈቱዋ ከሴዳዋ፥ ሀሉዋ ታን ከሳናዳን፥ ሀይ ታና እት ገደ ምንርኪ!” ያጌዳ። 
\v 29 ሳምሶን ጎልያ ቶኬዳ ግዶ ቱሳቱዋ ላኡዋካ ኦይቄዳ። ኡሸቻ ኩሽያን እቱዋ፥ ሀድርሳ ኩሽያን እቱዋ ኦይቄዳዋፐ ጉይያን፥ 
\v 30 “አነ ታን ፕልስጼማቱዋና እትፐ ሀይቃይ!” ያጊደ ዋሴዳ። ባረዉ ደእያ ዎልቃ ኡባን ሱግና፥ ኬይ ካፓቱ ቦላነ ግዱዋን ደእያ አሳ ኡባ ቦላ ኩንዴዳ። ሳምሶን ሀይቂደ ዎዳ አሳይ፥ እ ፓጻ ደኢደ ዎዳ አሳፐ ዳሬዳ።
\p
\v 31 ያትና፥ አ እሻቱነ አ ዳቦቱ ኡባይ ዪደ፥ አ አሃ አፌድኖ፤ ጾርአ ካታማፐነ ኤሽታኦላ ካታማፐ ግዱዋን፥ አ አዉዋ ማኑሄ ዱፉዋን ሞጌድኖ። ሳምሶን እስራኤላን ላታሙ ላይ ዳናቲደ ፕርዴዳ።
\c 17
\ms አማኑዋነ አማኑዋ ኦሱዋ ዎጋ ባየ
\mr (17:1—21:25)
\s1 ምካ ኤቃ ምስለቱዋ
\p
\v 1 ኤፍሬማ ገዝያን ሚካ ግያ እት ብታኒ ደኤ። 
\v 2 እት ጋላስ ሚክ ባረ አቶ፥ “ኔፐ እት አሳይ እት ሻአነ እት ጼቱ ጻጋራ ብራ ዉኤዳ ዎደ፥ ኔን ሄ ዉኤዳ ብታንያ ሸቂሽን ታን ስሳድ። በአ፥ ሄ ሚሻይ ታ ማታን ደኤ፤ ታን አካድ” ያጌዳ።
\p ሄዋፐ ጉየ አ ዳያ፥ “ታ ናአዉ፥ ኔና መና ጎዳይ አንጆ” ያጋዱ። 
\v 3 ሄዋፐ ጉየ ናአይ እት ሻአነ እት ጼቱ ጻጋራ ብራ ባረ አትዉ ዛሬዳ፤ አ ዳያ፥ “ሸቃይ ታ ናኣ ጋከናዳን፥ ታን ሀ ሚሻ ታ መና ጎዳዉ ዱማያና። ያቶፐ ብራ ሲልሲደ፥ ምፐ ማሰቲደ ጊጌዳ ኤቃ ምስልያ አን ሼሻናዉ ጎኤታና። ሄዋ ድራዉ፥ ብራ ታን ነዉ ዛራና” ያጋዱ።
\p
\v 4 ናአይ ባረ አትዉ ሻሉዋ ዛርና፥ አ ዳያ ሄ ጻጋራ ብራፐ ላኡ ጼቱዋ አካደ፥ ም ማሲደ ብራን ሼሽ ሼሺደ ኤቃ ምስልያ መያ እት ሂላንቻዉ እማዱ፤ እ ኦዳ ምስሊ ሚካ ሶን ደኤዳ።
\p
\v 5 ሄ ምካዉ ኤቃዉ ጎይንያ ኬይ ደኤ። እ ኤፉድያነ ሶ ግዶ ኤቃ ምስለቱዋ ጊግሲደ፥ ሄ ጎለን ባረ ናናቱዋፐ እቱዋ ቄሳ ኦደ ሱንዳ። 
\v 6 ሄ ዎደ እስራኤልያ ጋድያን ካቲ ባዋ፤ አሳይ ኡባይ ባረዉ ልከ ማላቴዳዋ ጮ ኦዳ።\x - \xo 17:6 \xo*\xt ዳና. 21:25\xt*\x*
\p
\v 7 ሄ ዎደ ይሁዳ ጋድያን ቤተሌመ ካታማን እት ዎዳላይ ደኤ፤ እ ሌዊያ ዛረ። 
\v 8 ሀ ብታኒ ባረዉ ደእያ ሳኣ ኮያናዉ ቤተሌመ ካታማፐ ደንዲደ ቤዳ፤ ኤፍሬማ ገዝያን ደእያ ሚካ ሶ ጋኬዳ። 
\v 9 ሚክ፥ “ሀቃፐ ያድ?” ያጌዳ።
\p ሄዋፐ ጉየ ብታኒ፥ “ታን ይሁዳ ጋድያን ቤተሌመ ካታማፐ ያድ፤ ታን ሌዊያ ዛረ። ሀእ ታዉ ደእያ ሳኣ ኮያደ ደአይ” ያጊደ አዉ ዛሬዳ።
\p
\v 10 ምክ አ፥ “ታናና ደአ፤ ታዉ አዉዋነ ቄሰ ግዳ። ታን ነዉ ላይን ላይን ታሙ ጻጋራ ብራ፥ ኩመን ማዩዋነ ምያባ እማና” ያጌዳ። 
\v 11 ሌዊያ ዎዳላይ ምካና እትፐ ደአናዉ ጊጌዳ፤ ምካዉ የሌዳ ናኣዳን ሀኔዳ። 
\v 12 ምክ አ ባረ ቄሳ ኦደ ሱንና፥ አ ሶን ደኤዳ። 
\v 13 ምክ፥ “እት ሌዊ ታዉ ቄሰ ግዴዳ ድራዉ፥ መና ጎዳይ ታዉ ኡባባ ሎይናዋ ኤራይ” ያጌዳ።
\c 18
\s1 ምካነ ዳና ዘረ
\p
\v 1 ሄ ዎደ እስራኤልያ ጋድያን ካቲ ባዋ። ሄ ዎደ ጋካናዉ ዳና ዛረቶ እስራኤልያ ዛራቱዋ ግዱዋን ላቴዳ ጋዲ ባዋ። ሄዋ ድራዉ፥ ኡንቱንቱ ባረንቱ ደእያ ጋድያ ኮዪደ ደኢኖ። 
\v 2 ሄዋ ድራዉ፥ ዳና ዛራቱ ባረንቱ ዛራቱዋፐ እቼሹ ምኖ አሳቱዋ ዶሪደ፥ ጋድያ ዎቺደነ አኬኪደ ስማናዳን፥ ጾርአነ ኤሽታኦላ ጌተትያ ካታማቱዋፐ ኡንቱንታ ኪቴድኖ።
\p ኡንቱንቱ ኤፍሬማ ገዝያ ጋኪደ፥ ምካ ሶን አቄድኖ። 
\v 3 ኡንቱንቱ ምካ ሶን ደኤዳ ዎደ፥ ሌዊያ ዛረ ግዴዳ ያላጋ አ ሃሳያን ኤሬድኖ። ኡንቱንቱ አኮ ሺቂደ፥ “ኔና ሀዋ አሄዳዌ ኦኔ? ሀዋ አያዉ ያድ? ሀዋን አያ ኦይ?” ያጊደ ኦቼድኖ።
\p
\v 4 እ፥ “ምክ ታዉ ሀዋ ሀዋ ኦዳ፤ እ ታዉ ድርጉዋ ጭግና፥ ታን አዉ ቄሰ ግዳደ ኦይ” ያጊደ ኡንቱንቶ ዛሬዳ።
\p
\v 5 “ኑን ብያ ኦጊ ኑዉ ጊገናን አጋነንቶነ ሀያና አነ ኑዉ ጾሳ ኦቻርክ” ያጌድኖ።
\p
\v 6 ሄዋፐ ጉየ ቄሲ ኡንቱንቶ፥ “ሳሮ ጋክተ፤ ህንተንቱ ብያ ኦግያን መና ጎዳይ ህንተናና ግዳናዋ” ያጊደ ዛሬዳ።
\p
\v 7 ሄዋፐ ጉይያን፥ እቼሹ አሳቱ ያፐ ደንዲደ፥ ላይሻ ጌተትያ ካታማ ቤድኖ፤ ያን ደእያ አሳይ ሲዶና ጋድያ አሳዳን ሳሩዋን ደእያዋ በኤድኖ፤ አሳቱ ኦናነ ስና ዎፓ አሳ፤ ኡንቱንቱ አያይነ ፓጨናን፥ ኡባባይ ኩሜዳ አሳ። ኦናናነ ጋከተናን ሲዶና ጋድያ አሳፐ ሃኪደ፥ ባረካ ዱማ ደኢኖ።
\p
\v 8 እቼሹ አሳቱ ጾርአነ ኤሽታኦላ ካታማቱዋን ደእያ ባረንቱ እሻቱዋኮ ስሜድኖ፤ ኡንቱንቱ እሻቱ፥ “አያ ኦዱዋ አኪደ ዬድቴ?” ያጌድኖ።
\p
\v 9 ሄዋፐ ጉየ ኡንቱንቱ ዛሪደ፥ “ቢታይ ሎይ አራዳ ግድያዋ ኑን በኤዶ። ሄዋ ድራዉ ደንዲደ፥ ላይሻ ካታማን ደእያ አሳ ኦሌቶ! ሃዋን ኦሱዋ ዪደ ጮ ኡቶፕተ፤ ኤለካ ቢደ ኦይቂተ። 
\v 10 ህንተንቱ ያ ቢደ፥ ኦናነ ስናን ሳሮ ኡቴዳ አሳኮ ጋካኒታ። አሳዉ ኮሽያ ኡባባይ ሄ ጋድያን ደኤ። ጾሳይ ሄ ጋድያ ህንተንቶ እሜዳ” ያጌድኖ።
\p
\v 11 ያትና፥ ዳና ዛራቱዋፐ ኡሱፑን ጼቱ አሳቱ ኦላ ሚሻ ኦይቂደ፥ ጾርአነ ኤሽታኦላ ካታማቱዋፐ ደንዲደ ቤድኖ። 
\v 12 ይሁዳ ጋድያን ደእያ ቅርያት-ይኣሪማ ጌተትያ ካታማፐ አዋይ ዉልያ ባጋና ኡቴድኖ። ሄዋ ድራዉ፥ ሄ ሳአይ ሀቼ ጋካናዉ ዳና ሞ ጌተቲደ ሱንቴዳ። 
\v 13 ሄዋፐ ደንዲደ፥ ኤፍሬማ ገዝያን ደእያ ምካ ሶ ዬድኖ።
\p
\v 14 ላይሻ ጋድያ ዎቻናዉ ቤዳ እቼሹ አሳቱ ባረንቱ እሻቱዋ፥ “ሀ ሳኣን፥ ሀ ኬቱዋፐ እቱዋን ኤፉዲ፥ ሶ ግዶ ኤቃ ምስለቱነ ምፐ ማሰቲደ ብራን ሼሸቴዳ ምስሊ ደእያዋ ኤሪቴ? አነ አይ ኦናዉ ኮሽንቶ ቆፕተ” ያጌድኖ። 
\v 15 ሄዋፐ ጉየ ኦግያፐ ስሚደ፥ ሌዊያ ዛረ ግዴዳ ያላጋ ቄሲ ደእያ ምካ ሶ ቢደ፥ አ ሳሮቴድኖ። 
\v 16 ሄ ዎደ ኡሱፑን ጼቱ ዳና አሳቱ ኦላ ሚሻ ኦይቂደ፥ ገልያ ፐንግያን ኤቄድኖ። 
\v 17 ኡንቱንቱ ሄ ቄስያና ያን ኤቂደእሽን፥ ጋድያ ዎቼዳ እቼሹ አሳቱ ምካ ሶ ገሊደ፥ ምፐ ማሰቲደ ብራን ሼሸቴዳ ምስልያ፥ ኤፉድያነ ሶ ግዶ ኤቃ ምስለቱዋ አኬድኖ።
\p
\v 18 ሄ ዎደ ቄሲ ኡንቱንታ፥ “ዋቲቴ?” ያጌዳ።
\p
\v 19 ሄዋፐ ጉየ ኡንቱንቱ አ፥ “ሀይዛ! እት ቃላነ ቃቶፓ! ኑናና ባደ ኑዉ አዉዋነ ቄሰ ግዳ። እት ጎልያ አሳዉ ቄሰ ግድያዋፐ እስራኤልያ ግድያ እት ዛረ አሳዉ ቄሰ ግድያዌ ነዉ ኬከኔ?” ያጌድኖ። 
\v 20 ሄዋፐ ጉየ ቄሲ ናሸቲደ ኤፉድያ፥ ሶ ግዶ ኤቃ ምስለቱዋነ ምፐ ማሰቴዳ ምስልያ አኪደ፥ አሳቱዋና እትፐ ቤዳ።
\p
\v 21 ሄዋፐ ደንዲደ፥ ባረንቱ ናና፥ ባረንቱ መህያነ ባረንቶ ደእያዋ ስንን ዎደ ቤድኖ። 
\v 22 ኡንቱንቱ ምካ ጎልያፐ ሃኪደ ቤዳዋፐ ጉይያን፥ ምክ ባረ ሾሩዋን ደእያ አሳቱዋ ጼስና፥ ኦላዉ ከሴድኖ፤ ዳና አሳቱዋ ካሊደ ጋኬድኖ። 
\v 23 ዋስና፥ ዳና አሳቱ ጉየ ስሚደ ምካ፥ “ዋናዲ? ሀ አሳ ኡባ አያዉ ሺሻዲ?” ያጊደ ኦቼድኖ።
\p
\v 24 ሽን ምክ ዛሪደ፥ “ታን መዳ ታ ጾሳቱዋነ ታዉ ኦያ ቄስያ አኪደ ይክቼድታ። ታዉ ሀራይ አዬ አቴዳዌ? ህንተንቱ ታና አያዉ፥ ‘ዋናዲ?’ ጊቴ?” ያጌዳ።
\p
\v 25 ዳና አሳቱ፥ “እት ቃላ ቃታደ ኔና ኤራ! ሀ ይሉዋና ደእያ አሳ ኔን ደንፐ፥ ኡንቱንቱ ነ ቦላ ደንዳናነ ነ ሶ አሳ ኡባ ዉርሳና” ያጌድኖ። 
\v 26 ዳና አሳቱ ባረንቱ ኦግያ ቤድኖ። ምክካ ኡንቱንቱ ባረፐ ሎይ ዎልቃምያዋ በኢደ፥ ባረ ሶ ስሚደ ቤዳ።
\p
\v 27 ዳና አሳቱ ምክ መዳ ጾሳቱዋነ አ ቄስያ አኪደ፥ ላይሻ ካታማን ኦናነ ስናን ሳሮ ደእያ አሳቱዋኮ ቤድኖ፤ ካታማን ደእያ ኡባ ቃራ ማሻን ዎደ፥ ካታማ ታማን ጹጌድኖ። 
\v 28 ላይሻ ካታማይ ሲዶና ካታማፐ ሃኪደ ደእያ ድራዉነ አሳይ ሀራ አሳና ጋከት ኤረና ድራዉ፥ ኡንቱንታ አሻናዉ ኦንነ ዳንዳይቤና። ላይሻ ካታማይ ቤት-ራሆባ ግያ ሳኣ ማታን ደእያ ዎምባ ግዶን ደኤ።
\p ዳና አሳቱ ካታማ ዎ የግ ኬጺደ፥ ያን ደኤድኖ። 
\v 29 ካታማ ሱንካ በን ባረንቱ ማይዛ አዉዋ፥ ያቆባ ናኣ ዳና ሱንን ላሚደ፥ ዳና ያጊደ ሱንድኖ፤ ሽን ኮይሮ ሄ ካታማይ ላይሻ ጌተቴ።
\p
\v 30 ዳና አሳቱ ባረንቶ ሄ ማሰቴዳ ምስልያ ዎደ፥ ሙሴ ናኣ ገርሾማፐ የለቴዳ ዮናታና ባረንቱ ቄሳቱዋ ኦድኖ። አ ዛራቱ አሳይ ኦሞደቲደ ቤዳ ዎዲ ጋካናዉ፥ ያን ቄሳቱዋ ግዴድኖ። 
\v 31 ሄዋዳን ሀኒደ፥ ጾሳ ዱንካኒ ሴሎን ደኤዳ ላይቱዋን ኡባን ምክ ማስሴዳ ምስለቱ ያን ጋምኤድኖ።
\c 19
\s1 እት ሌዊያነ እ አኬዳ ቆማቶ
\p
\v 1 እስራኤልያ ጋድያን ካቲ ባይና ዎደ፥ ኤፍሬማ ገዝያን፥ ሃኮ ሳኣን ሌዊያ ዛረ ግድያ እት ብታኒ ደኤ። ሄ ብታኒ ይሁዳ ጋድያን ቤተሌመ ካታማፐ እት ናቶ ቆማቶ አሄዳ። 
\v 2 ሽን አዉ አማነተናን እጻደ፥ ይሁዳ ጋድያን ቤተሌመ ካታማን ደእያ ባረ አዉዋ ሶይ ባዱ፤ ያን ኦይዱ አገና ኡታዱ። 
\v 3 እ ጎዳይ እዝዉ ኦድ አማንናዉነ፥ ሶይ ዛራናዉ ደንዲደ፥ ባረ ቆማነ ላኡ ሀረቱዋ አኪደ ቤዳ፤ አ ሞካ አካደ፥ ባረ አዉዋ ሶይ ገልሳዱ። እዝ አዉ አ በኤዳ ዎደ፥ ናሸቲደ ሞኬዳ። 
\v 4 ናት አዉ ብታንያ የደናን ድግና፥ ያን አናና ሚድነ ኡሺደ ሄዙ ጋላሳ ታኬዳ። 
\v 5 ኦይደን ጋላስ ዎንታ ጉራን ደንዲደ፥ ባናዉ ጊጌድኖ። ሽን ናት አዉ ባረ ናት ጎዳ፥ “ጉ ቁማ ማደ፥ ምኔዳዋፐ ጉይያን ባሳ” ያጌዳ።
\p
\v 6 ሄዋፐ ጉየ ላኡ አቱማ አሳቱካ ኡቲደ፥ እትፐ ሜድኖነ ኡሼድኖነ። ሄዋፐ ጉይያን ናት አዉ አ፥ “ሀያና፥ ሀቼ ናሸታደ ሀዋን አቃ” ያጌዳ። 
\v 7 ሌዊያ ዛሪ ባናዉ ደንድና፥ ቤናን አቃና ማላ ዎሴዳ፤ እ አኪያ ቆማት አዉ አ ዎስና፥ ቃይካ ያን አቄዳ።
\p
\v 8 እቼሻን ጋላስ ባናዉ ዎንታ ጉራን ደንድና፥ ናት አዉ፥ “ሀያና፥ ምነታ ታካደ፥ ኦማርስ ባሳ” ያጌዳ። ሄዋፐ ጉየ ኡንቱንቱ ላአቱካ ቁማ እትፐ ሜድኖ።
\p
\v 9 ብታኒ ባረ አኪያ ቆማትናነ ባረ ቆማና ባናዉ ከስና፥ ናት አዉ ሀዋዳን ያጌዳ፤ “በእተ፥ ሳአይ ቃም ድጌዳ! ናሸቲደ ሀዋን አቅ አግተ። ዎንታ ጉራና ደንዲደ፥ ህንተንቱ ሶይ ቢታ” ያጌዳ።
\p
\v 10 ሽን እ ሄ ጋላስ ያን አቃናዉ ኮይቤና። ሄዋ ድራዉ፥ ደንዲደ ቤዳ፤ ያቡሳ ጌተትያ የሩሳላመ ካታማ ማታ ጋኬዳ፤ እ አኪያ ቆማታነ ላኡ ጫኔዳ ሀረቱ አናና ደኢኖ። 
\v 11 ኡንቱንቱ ያቡሳ ማትና፥ ሳአይ ሎይ ኦማርሴዳ፤ ያትና፥ ቆማይ ባረ ጎዳ፥ “ብያዋ አጊደ አያዉ ሀ ያቡሳዋናቱዋ ካታማን አቆኮ?” ያጌዳ።
\p
\v 12 ሄዋፐ ጉየ አ ጎዳይ አዉ ዛሪደ፥ “ሀዋ እስራኤልያ አሳይ ባይና አላጋ ካታማ ቦኮ። ግብኣ ካታማ ጋካናዉ ኑን ባና” ያጌዳ። 
\v 13 ቃይ ዛረደ ባረ ቆማ፥ “ሃያ፥ ኑን ግብኣ ካታማን ዎይ ራማ ካታማን አቅያ ሳኣ ደማና” ያጌዳ። 
\v 14 ያቲደ ባረንቱ ኦግያ ኦይቂደ ቤድኖ። ቢንያማ ጋድያን ደእያ ግብኣ ካታማ ማትና፥ አዋይ ኡንቱንቶ ዉሌዳ። 
\v 15 ኡንቱንቱ ግብኣ ካታማ ገሊደ አቃናዉ፥ ያ ቤድኖ፤ ካታማ አሳይ ሽቁዋ ኡትያ ሳኣን ኡቴድኖ፤ ሽን ያፐ ኡንቱንታ ባረ ሶይ አፊደ አይስያ አሳይ ቤትቤና።
\p
\v 16 ኡንቱንቱ ሄዋን ኡት ደእሽን፥ ጋደን ኦያ ሳፐ ሳአይ ኦማርስና፥ ባረ ሶይ ስምያ እት ጭማ ብታኒ ኡንቱንቱ ማታና አዳ። ሀ ብታኒ ካሰ ኤፍሬማ ገዝያፐ ዬዳ አሳ፤ ሽን ሀእ እ ደእያዌ ግብኣ ግያ ካታማና፤ ሄ ጋድያን ቢንያማ ዛርያፐ የለቴዳ አሳቱ ደኢኖ። 
\v 17 ሄ ጭማ ብታኒ ካታማ አሳይ ሽቁዋ ኡትያ ሳኣን ኡቴዳ ብታንያ በኢደ፥ “ሀቃፐ ያድ? ሀቃ ባይ?” ያጊደ ኦቼዳ።
\p
\v 18 ሌዊያ ዛሪ ዛሪድ፥ “ኑን ይሁዳ ጋድያን ደእያ ቤተሌመ ካታማፐ ዬዶ። ሀእ ኤፍሬማ ገዝያፐ ሄፍን ባጋን ደእያ ኑ ሶይ ቦይተ፤ ቃይ መና ጎዳ ጎለካ ቦይተ። ያኔዳዋንቱ ኑና ባረ ሶይ አፊደ አይስያ አሳ ደምበይኮ። 
\v 19 ኑ ሀረቶ ኡቱላይነ ዳላይ ደኤ፤ ታዉ፥ ታ አኪያ ቆማትዉነ ታ ቆማዉ ግድያ ኡክይነ ዎይንያ ኤሳይ ደኤ፤ ኑ ኮሽያዋ ኡባ ኦይቄዶ” ያጌዳ።
\p
\v 20 ሄዋፐ ጉየ ጭማ ብታኒ፥ “ሳሩ ህንተንቶ ግዶ፤ ህንተንቱ ኮይያዋ ኡባ ታን ህንተንቶ እማና፤ አያ ግዶፐነ፥ ሀ ካታማ አሳይ ሽቁዋ ኡትያ ሳኣን አቃናዉ ኮሸና” ያጌዳ። 
\v 21 ኡንቱንታ ባረ ሶይ አፌዳ፤ ኡንቱንቱ ሀረቶካ ምያባ የጌዳ። ሄዋፐ ጉይያን፥ እማቱ ባረንቱ ገድያ ሜጨቲድ፥ ካዉዋ ሜድኖ።
\p
\v 22 ኡንቱንቱ ናሸትሽን፥ ካታማፐ ሹፉሮ አሳቱ ዪደ፥ ጎልያ ዩሹዋን ዶዲደ፥ ፐንግያ ቆጸ ዶሜድኖ፤ ኡንቱንቱ ሄ ጎልያ ጎዳ፥ ሄ ጭማ ብታንያ፥ “ሄ ነ ሶ ገሌዳ ብታንያ ሃ ኬሳ፤ ኑን አናና ግሳናዉ ኮዬቶ!” ያጌድኖ።\x - \xo 19:22-24 \xo*\xt ዶመ 19:5-8\xt*\x*
\p
\v 23 ሄዋፐ ጉየ ጎልያ ጎዳይ ካረ ከሲደ ኡንቱንታ፥ “ሀይ ታ እሻቶ፥ ሄዋ ማላ ፓላባ ኦፕተ፤ ሀ ብታኒ ታ እማ። 
\v 24 በእተ፥ ታ ዎዶሮ ናታነ እ አኪያ ቆማታ ሀዋን ደኢኖ። ታን ኡንቱንታ ህንተንቶ ካረ ኬሳና፤ ያቶፐ ኡንቱንታ ህንተንቱ ኮዬዳዋ ኦተ፤ ሽን ሀ ብታንያ ቦላ ሄዋ ማላ ኢታባ ኦፕተ” ያጌዳ።
\p
\v 25 ሽን አሳቱ እ ጌዳዋ ስሰናን እጼድኖ። ያትና፥ ቢታኒ ባረ አኪያ ቆማቶ ካረ ኬሲደ፥ ኡንቱንቶ እሜዳ፤ ሳአይ ዎንታና ጋካናዉ፥ ቃማ ኡባ ካላን ካላን እዝና ዎልቃን ግሲደ፥ እዞ ፓጻ ካኢዴ አቄድኖ፤ ያቲደ ሳአይ ዎንታና ሀንሽን፥ እዞ የዴድኖ። 
\v 26 ሳአይ ዎንታናዉ ሆልጆጅ ዞእያ ዎደ ሄ ምሽራታ ያደ፥ እዝ ጎዳይ አቄዳ ጭማ ብታንያ ጎልያ ፐንግያን ኩንዳዱ፤ ጻልቂ ዶላና ጋካናዉ ሄዋን ግሳዱ።
\p
\v 27 ሄ ጋላስ ጉራ እ ጎዳይ ደንዲደ፥ ባረ ኦግያ ባናዉ ጎልያ ፐንግያ ዶዪደ ከሴዳ ዎደ፥ እ ማችያ ቆማታ ጎልያ ፐንግያን ባረ ኩሽያ ፐንገ ጎጭላ ቦላ ምጫደ፥ ግሴዳውኖ በኤዳ። 
\v 28 እዞ፥ “አነ ደንዳ፤ ቦይተ” ያጌዳ፤ ሽን እዛ አዉ አይነ ዛራበይኩ። ሄዋፐ ጉይያን፥ እዚ አሃ ሀርያን ጫኒደ፥ ባረ ሶይ ቤዳ። 
\v 29 ሶይ ጋኪደ፥ ማሻ አኪደ፥ ባረ አኪያ ቆማት አሃ ታማነ ላኡዋ ከሲደ ቃንጸሬዳ። እት እት ግሹዋ እት ዛረዉ፥ ኡባና ታማነ ላኡ እስራኤልያ ዛረቶ የደዳ።\x - \xo 19:29 \xo*\xt 1 ሳሜላ 11:7\xt*\x*
\p
\v 30 ሄዋ በኤዳ ኡባይ፥ “እስራኤልያ አሳይ ግብጼ ጋድያፔ ከሰዳሳፐ ሀቼ ጋካናዉ፥ ሀዋ ማላትያባይ ኡባካ ሀንቤና፤ ኑንካ በእበይኮ። አነ ሀዋ እትፐ አኬክ ዞረቶይቴ፥ እትባ ኦይተ” ያጌድኖ።
\c 20
\s1 እስራኤልያ አሳይ ኦላዉ ጊጉሳ
\p
\v 1 ፑደሃ ዳናፐ ዱገሃ በርሳበሀ ጌተትያ ጋካናስነ ዶላሃ ጋላኣደን ዴእያ እስራኤልያ አሳይ ኡባይ እት አሳዳን ምጽጳ መና ጎዳ ስንን እትፐ ሺቄዳ። 
\v 2 ሄ ሺቄዳ ጾሳ አሳና እስራኤልያ ዛራቱዋ ኡባ ካፓቱካ ደኢኖ። ኡንቱንቱ ግዶን ማሻን ኦለታናዉ ዳንዳይያ ኦይዱ ጼቱ ሻአ ኦላንቻቱ ደኢኖ። 
\v 3 ሄ ዎደ እስራኤልያ አሳይ ምጽጳን ሺቄዳዋ ቢንያማ አሳቱ ስሴድኖ።
\p እስራኤልያ አሳይ፥ “ሀ ኢታባይ አነ ዋኒደ ሀኔደንቶ፥ ኑ ኦድተ” ያጌዲኖ።
\p
\v 4 ሄዋፐ ጉየ ሀይቄዳ ቆማት ጎዳይ፥ ሌዊያ ዛሪ ኡንቱንቶ ሀዋዳን ያጊደ ዛሬዳ፤ “ታንነ ታ ቆማታ ቃማ አቃናዉ ቢንያማ ጋድያን ደእያ ግብኣ ግያ ካታማ ዬዶ። 
\v 5 ግብኣ ካታማ አሳቱ ታና ዎናዉ ዪደ፥ ቃማን ጎልያ ዩይ አደ ኤቄድኖ፤ ሽን ጉየፐ ታ ቆማቶ አኪደ፥ ዎልቃን እዝና ኡንቱንቱ ግስሽን፥ እዛ ሀይቃዱ። 
\v 6 ታን እ አሃ አካደ ቃንጸሬዳዋፐ ጉይያን፥ ኡንቱንቱ ሀ ቱናባነ ፖኮባ እስራኤልያን ኦዳ ድራዉ፥ እስራኤልያ አሳይ ላቴዳ ቢታ ኡባ እት እት ቃንጹዋ የዳዲ። 
\v 7 በእተ፥ ህንተንቱ ኡባይ እስራኤልያ አሳ፤ ዞረቲደ ህንተንቱ ፕርዳ እምተ” ያጌዳ።
\p
\v 8 ሄዋፐ ጉየ አሳይ ኡባይ እትፐ ደንድ ኤቂደ፥ “ኑ ግዶፐ ኦንነ ባረ ዱንካንያ ዎይ ባረ ጎልያ ጉየ ቤና። 
\v 9 ኑን ግብኣ ኦናዌ ሀዋ፤ ሳማ የጊደ፥ ግብኣ ካታማ አሳ ኦላናዉ ባና አሳቱዋ ዶራና። 
\v 10 እስራኤልያ ዛሪያ ኡባፔ ኦላ ኦለታናዉ ብያ ኦላንቻቱዋፐ ጼቱዋፐ ታማቱ፥ ሻኣፐ ጼታቱ፥ ታሙ ሻኣፐ ቃይ ሻአቱ ሽንቃ አሳዉ ጊግስኖ። አቴዳ ኦላንቻቱ ቢንያማ ጋድያን ደእያ ግብኣ ካታማ ቢደ፥ ግብኣ አሳይ እስራኤልያ ቦላ ሀዋ ማላ ቱናባ ኦዳዋ ሀሉዋ፥ ግብኣ ካታማን ደእያ አሳቱዋ ሙራና” ያጌድኖ። 
\v 11 እስራኤልያ አሳይ ኡባይ ካታማ ኦላናዉ እትፐ ሺቄዲኖ።
\p
\v 12 እስራኤልያ ዛራቱ ቢንያማ ዛራቱዋ ኡባዉ ሀዋዳን ያጊደ አሳ ኪቴድኖ፤ “ህንተንቱ ግዶን ሀኔዳ ሀ ኢታባይ አዬ? 
\v 13 ኑን ኡንቱንታ ዎደ፥ እስራኤልያፐ ሀ ኢታ ይሳና ማላ፥ ግብኣ ካታማን ደእያ ሄ ሹፉሮ አሳቱዋ ከሲደ፥ ኑ አደ እምተ” ያጌድኖ።
\p ሽን ቢንያማ አሳቱ እስራኤልያ አሳይ ኦድያዋ ስሰናን እጼድኖ። 
\v 14 ኡንቱንቱ እስራኤልያ አሳና ኦለታናዉ ባረንቱ ካታማቱዋፐ ከሲደ፥ እትፐ ግብኣ ካታማ ሺቄድኖ። 
\v 15 ሄ ጋላስካ ቢንያማ ካታማቱዋፐ ዬዳ ማሻን ኦለትያ ላታማነ ኡሱፑን ሻአ ኦላንቻቱዋ ሺሼድኖ። ሄዋ ፓይዱ ግብኣ ካታማን ደእያ አሳ ግዶፐ ዱማ ዶረቴዳ አሳቱዋ ጉጀናና። ግብአፐ ዶረቴዳዋንቱ ላፑን ጼታ። 
\v 16 ሄ ኡባቱዋ ግዶፐ ላፑን ጼቱ አሳቱ ሀድርሳ ኩሽያን ኦልያዋንታ፤ ሀ ኡባቱካ ያምባርሻን ሹቻ ኦሊደ፥ ሀራይ አቶ እት ብናናካ ሀልክኖ። 
\v 17 ቢንያማ አሳይ ባይናን፥ እስራኤልያ አሳይ ማሻን ኦለትያ ኦይዱ ጼቱ ሻአ ኦላንቻቱዋ ሺሼዳ፤ ሄ ኡባቱካ ኦላዉ ጊጌዳዋንታ።
\s1 ቢንያማ ዛራቱዋ ቦላን ደንዴዳ ኦላ
\p
\v 18 እስራኤልያ አሳይ ደንዲደ፥ ቤቴለ ቤዳ፤ “ቢንያማ አሳ ኦላናዉ ኑፐ ስንቲደ ከሳናዉ ኮሽያዌ ኦኔ?” ያጊደ ጾሳ ኦቼዳ።
\p ሽን መና ጎዳይ፥ “ይሁዳ ዛሪ ስንቲደ ቦ” ያጌዳ።
\p
\v 19 ሄዋፐ ጉየ ዎንተ ጋላስ ዎንታ ጉራን እስራኤልያ አሳይ ደንዲደ፥ ግብኣ ካታማ ማታን ዱንካኔዳ። 
\v 20 ሄዋፐ እስራኤልያ አሳይ ቢንያማ አሳና ኦለታናዉ ቤዳ፤ ግብኣ ካታማ ማታን ኡንቱንቱና ኦለታናዉ ሳልፔዳ። 
\v 21 ቢንያማ አሳቱ ግብኣ ካታማፐ ከሲደ፥ ሄ ጋላስ እስራኤልያፐ ላታማነ ላኡ ሻአ ኦላንቻቱዋ ዎድኖ። 
\v 22-23 እስራኤልያ አሳይ ቢደ ሳአይ ቃማና ጋካናዉ፥ መና ጎዳ ስንን ዬኪደ፥ “ኑ እሻቱዋና፥ ቢንያማ አሳቱዋና ኦለታናዉ ላኤንዋ ፑደ ባኔ?” ያጊደ መና ጎዳ ኦቼዳ።
\p ሽን መና ጎዳይ፥ “ኤ፥ ኡንቱንቱና ኦለታናዉ ፑደ ቢተ” ያጌዳ። ሄዋፐ ጉየ እስራኤልያ አሳይ እቱ እቱዋ ምንደ፥ ኮይሮ ጋላስ ኡንቱንቱ ኦላዉ ሳልፔዳ ሳኣን ላኤንዋ ሳልፔድኖ።
\p
\v 24 ላኤን ጋላስ እስራኤልያ አሳይ ቢንያማ አሳና ኦለታናዉ ሺቄዳ። 
\v 25 ላኤን ጋላስካ ቢንያማ አሳይ ግብኣ ካታማፐ ከሲደ፥ እስራኤልያ አሳፐ ታማነ ሆስፑን ሻአ አሳቱዋ ዎዳ፤ ኡባቱካ ማሻን ኦለትያዋንታ።
\p
\v 26 ሄዋፐ ጉይያን፥ እስራኤላቱ ኡባይ ቤቴለ ቢደ ዬኬድኖ፤ ያን ጾሚደ ሳአይ ቃማና ጋካናዉ፥ መና ጎዳ ስንን ኡቴድኖ፤ መና ጎዳ ስንን ጹግያ ያርሹዋነ እትፐተ ያርሹዋ ሺሼድኖ። 
\v 27-28 ሄ ዎደ ጾሳ ቃላ ጫቁዋ ታቦታይ ቤቴለ ካታማን ደኤ፤ ሄ ታቦታ ናግያዌ አሮነ የሌዳ ኤልኣዛራ ናኣ ፒንሃሳ። እስራኤልያ አሳይ መና ጎዳ፥ “ቢንያማ አሳ ግድያ ኑ እሻቱዋና ኦለታናዉ ቃይካ ፑደ ባኔየ ቦፓነ?” ያጊደ ኦቼዲኖ።
\p ሽን መና ጎዳይ፥ “ቢደ ኦለትተ! ታን ኡንቱንታ ዎንት ህንተንቱ ኩሽያን አደ እማና” ያጌዳ።
\p
\v 29 ሄዋፐ ጉየ እስራኤልያ አሳይ አማሬዳ ኦላንቻቱዋ ግብኣ ካታማ ዩሹዋን ሙጊደ ናጋና ማላ ኦዳ። 
\v 30 ሄዛን ጋላስ እስራኤልያ ኦላንቻቱ ካሰዋዳንካ ቢንያማ ኦላንቻቱዋ ኦላናዉ ቢደ፥ ግብኣ ካታማፐ ስን ባጋና ሳልፔድኖ። 
\v 31 ቢንያማ አሳቱ ኡንቱንቱና ኦለታናዉ ካታማፐ ከሲደ፥ ኡንቱንታ ካሊደ፥ ሃኪደ ቤድኖ። ካሰዋዳንካ ቤቴለነ ግብኣ አፍያ አኮ ኦገቱዋንነ ደምባቱዋን እስራኤልያ አሳፐ ሀታሙ ግድያ አሳቱዋ ዎድኖ። 
\v 32 ቢንያማ አሳቱ፥ “ኑን ካሰዋዳንካ ኡንቱንታ ጾኔዶ!” ያጌድኖ።
\p ሽን እስራኤልያ አሳቱ ካሰ፥ “ኡንቱንቱ ካታማፐ ሃኪደ፥ ኦገቱዋኮ ከሳና ማላ፥ አነ ኑን ባቃቶይተ” ያግ ዎድኖ። 
\v 33 ያትና፥ እስራኤልያ አሳይ ኡባይ ባረንቱ ሳፐ ደንዲደ፥ ባኣል-ታማራ ግያ ሳን ሳልፕያ ዎደ፥ እስራኤላቱ ባረንቱ ሙግ ኡቴዳ ገባአ ደምባፐ ከሴድኖ፤ 
\v 34 እስራኤልያ ኡባፐ ዶረቴዳ ታሙ ሻአ አሳቱ ግብኣ ቦላ ኦላ ደንድኖ፤ ኦላይ ሎይ ዎልቃሜዳ። ሄ ኡባይ ሀንያ ዎደ፥ ባረንቶ ባሻይ ማታቴዳዋ ቢንያማ አሳቱ አይነ ኤርቤይክኖ። 
\v 35 እስራኤላቱ ቢንያማ አሳቱዋ ቦላ ጾኑዋ ደማናዳን መና ጎዳይ ኦዳ። ሄ ጋላስ እስራኤልያ አሳይ ቢንያማ አሳፐ ላታማነ እቼሹ ሻአነ እት ጼቱ ኦላንቻቱዋ ዎዳ፤ ኡባቱካ ማሻን ኦለትያዋንታ። 
\v 36 ሄዋ ድራዉ፥ እስራኤልያ አሳይ ባረንታ ጾኔዳዋ ቢንያማ አሳይ ኤሬዳ።
\p እስራኤልያ አሳይ ግብኣ ካታማ ዩሹዋን ሙግ ኡቴዳ ኦላንቻቱዋን አማነቴዳ ድራዉ፥ ቢንያማ አሳን ጾነቴዳዋ ማላቲደ ጉየ ሺቄዳ። 
\v 37 ሙጊደ ናግያ ኦላንቻቱ ግብኣ ካታማ ኤለካ ዎጽ ገሊደ፥ ካታማ ግዶን ደሜዳ ኡባ ዎድኖ። 
\v 38 ሙጊደ ናግያ እስራኤልያ ኦላንቻቱ ካታማ ግዶፐ ዳሮ ጩዋ ሻርያዳን ፑደ ደንና ማላነ ሄዌ ማላታ ግዳና ማላ፥ ካሰ ሃሳይ ዎድኖ። ሄዋ ድራዉ፥ ዳሮ ጩዋ ሻሪ ካታማፐ ከስያዋ በኤዳ ዎደ፥ 
\v 39 ኦላ ደምባን ደእያ እስራኤልያ አሳቱ ባቃትያሳፐ ጉየ ስሚደ፥ ኡንቱንታ ኦሌድኖ።
\p ቢንያማ አሳቱ እስራኤልያ አሳፐ ሀታሙ ግድያ አሳቱዋ ዎደ፥ “ካሰዋዳን ሀእካ ኑን ኡንቱንታ ጾኔዶ” ያጌድኖ። 
\v 40 ሽን ማላታ ጩዋይ ካታማፐ ፑደ ከሳ ዶሜዳ፤ ቢንያማ አሳቱ ባረንቱ ጉየ ጼሎ ዎደ፥ ካታማይ ኡባና ታማን ጹገትና፥ ታማ ጩዋይ ፑደ ከስያዋ በኤድኖ። 
\v 41 ሄዋፐ ጉይያን፥ እስራኤላቱ ቢንያማ አሳቱዋ ቦላ ጉየ ስሜድኖ፤ ቢንያማ አሳቱ ዳጋሜድኖ፤ አያዉ ጎፐ፥ ኡንቱንቱ ዉራና ሀንያዋ ኤሬድኖ። 
\v 42 ሄዋ ድራዉ፥ ኡንቱንቱ እስራኤልያ አሳ ስንፐ መላ ቢታ ስሚደ ባቃቴድኖ፤ ሽን ኦላይ ኡንቱንታ ካሊደ ጋኬዳ። ካታማቱዋፐ ከሴዳ እስራኤልያ ኦላንቻቱ ግዱዋን ኡንቱንታ ዎ ዉርሴድኖ። 
\v 43 እስራኤላቱ ቢንያማ አሳቱዋ ዶዲደ፥ ግብኣ ካታማፐ አዋይ ዶልያ ባጋና ደእያ ሳኣ ጋካናዉ ካሊደ የደርሴድኖ፤ ጮራቱ ኦግያን ደእሽን ዎድኖ። 
\v 44 ሄዋን ቢንያማ አሳፐ ታማነ ሆስፑን ሻአ ምኖ ኦላንቻቱ ሀይቄድኖ፤ 
\v 45 ኡንቱቱፐ አቴዳዋንቱ ጉየ ስሚደ፥ መላ ቢታ አደ፥ ርሞና ግያ ዛላኮ ባቃቴድኖ፤ እስራኤላቱ ኡንቱቱፐ እቼሹ ሻአ አሳቱዋ ኦግያን ዎድኖ፤ ኡንቱንቱፐ አቴዳዋንታ ጊድኦማ ግያ ሳኣ ጋካናዉ የደርሲደ፥ ላኡ ሻኣ ዎድኖ። 
\v 46 ሄ ጋላስ ቢንያማ ጋድያፐ ማሻን ኦለትያ ላታማነ እቼሹ ሻአ አሳቱ ሀይቄድኖ፤ ሄ ኡባቱካ ምኖ ኦላንቻቱዋ።
\p
\v 47 ሽን ኡሱፑን ጼቱ አሳቱ መላ ቢታ አደ፥ ርሞና ዛላኮ ባቃቲደ፥ ያን ኦይዱ አገና ጋምኤድኖ። 
\v 48 እስራኤልያ አሳይ አቴዳ ቢንያማ አሳኮ ጉየ ዛሪደ፥ አቱማ አሳነ ማጫ አሳ፥ ናናነ መህያ ኡባ ዎዲኖ፤ ደሜዳ ካታማቱዋ ኡባ ታማን ጹጌዲኖ።
\c 21
\s1 ቢንያማ ዛረቶ ማችያ እማናዉ ኮሼዳ
\p
\v 1 እስራኤልያ አሳይ ምጽጳ ግያ ሳን ሺቄዳ ዎደ፥ “ኑ ግዶፐ ኦንነ ቢንያማ አሳዉ ባረ ናቶ ማቻቶ ኦደ እመና” ያጊደ ጫቂ ዎዳ። 
\v 2 እስራኤላቱ ቤቴለ ካታማ ቢደ፥ ያን ሳአይ ቃማና ጋካናዉ ጾሳ ስንን ኡቲደ፥ ባረንቱ ቃላ ቁ ኦደ፥ ሴላ ዬኩዋ ዬኬድኖ። 
\v 3 ሄዋፐ “አቤት መና ጎዳዉ፥ እስራኤልያ ጾሳዉ፥ ሀ የዉ አያዉ እስራኤላን ሀኔዴ? ሀቼ እስራኤልያ አሳ ግዶፐ እት ዛሪ አያዉ ፓጪ?” ያጌድኖ።
\p
\v 4 ዎንተ ጋላስ ዎንታ ጉራና ኡንቱንቱ ደንዲደ፥ ያርሽያ ሳኣ ያን ጊግሲደ ጹግያ ያርሾቱዋነ እትፐተ ያርሾቱዋ ሺሼድኖ። 
\v 5 ያቲደ እስራኤላቱ፥ “እስራኤልያ ዛርያ ኡባፐ መና ጎዳ ስንን ሺቅያሳ ይቤና ዛሪ ኦኔ?” ያጊደ ኦቼድኖ። ኡንቱንቱ ሄዋ ኦቼዳ ጋሶታይ፥ ምጽጳ ካታማን መና ጎዳ ስንን ሺቃናዉ ይቤና አሳይ ኦንነ፥ “እ ኡባና ሀይቆ” ያጊደ ካሰ ጫቄዳ ድራሳ።
\p
\v 6 እስራኤልያ አሳቱ ባረንቱ እሻቶ፥ ቢንያማ ዛረቶ ቃረቲደ፥ “ሀቼ እስራኤልያፐ እት ዛሪ ቦሄቴዳ። 
\v 7 ኑን ኑ ማጫ ናና ኡንቱንቶ እመናዳን መና ጎዳን ጫቄዳ ድራዉ፥ ሀይቁዋፐ አቴዳ ቢንያማ ዛራቱ ማጫ አሳ አካና ማላ፥ ኑን አይ ኦኔ?” ያጌድኖ።
\p
\v 8 ቃይካ ኡንቱንቱ፥ “እስራኤልያ ዛራቱዋፐ ምጽጳ ካታማን መና ጎዳ ስን ይቤናዌ ኦኔ?” ያጊደ ኦቼድኖ። ጋላኣደን ደእያ ያቤሻ ግያ ካታማፐ እት አሳይነ ሺቁዋ ይቤናዋ ኤሬድኖ። 
\v 9 ኡንቱንቱ አሳ ፓይዴዳ ዎደ፥ ጋላኣደን ደእያ ያቤሻፐ እት አሳይነ ቤትቤና።
\p
\v 10 ሄዋ ድራዉ፥ ማባራይ ታማነ ላኡ ሻአ ምኖ ኦላንቻቱዋ ጋላኣደን ደእያ ያቤሻ ካታማ ኪቲደ፥ “ቢተ፤ ያቤሻን ደእያዋንታ ኡባ ማሻን ቡሳክተ፤ ማጫ አሳካ ጉ ናናካ አሾፕተ። 
\v 11 ሀዋዳን ኦተ፤ አቱማ አሳ ኡባነ አቱማ አሳና ግሴዳ ማጫ አሳ ኡባ ዎተ” ያጊደ አዛዜድኖ። 
\v 12 ያቤሻ ካታማን ደእያ አሳ ግዶፐ አቱማ አሳና ግስቤና፥ ኦይዱ ጼቱ ዎዶሮ ማጫ ናና ደሚደ ካናነ ጋድያን፥ ሴሎን ደእያ ዱንካኔዳ ሳኣ አኪደ አሄድኖ።
\p
\v 13 ሄዋፐ ጉይያን፥ ኩመን ማባራይ ርሞና ዛላ ግያ ሳን ደእያ ቢንያማ አሳቱዋኮ ስጋ ኪቴድኖ። 
\v 14 ቢንያማ አሳቱ ስሚደ ዬድኖ። እስራኤልያ አሳይ ያቤሻ ካታማፐ ዎናን አሄዳ ዎዶሮ ናና ኡንቱንቶ እሜዳ። ሽን ዎዶሮ ናናይ አቱማ አሳ ኡባ ጋክበይክኖ።
\p
\v 15 እስራኤልያ ዛራቱዋ ግዶን ደእያ እትፐተይ ዱጻናዳን መና ጎዳይ ኦዳ ድራዉ፥ አሳይ ቢንያማ አሳዉ ሎይ ቃረቴዳ። 
\v 16 ማባራ ጭማቱ፥ “ቢንያማ ዛራቱዋፐ ማጫ ናናይ ሀይቂ ዉሬዳ ድራዉ፥ ሀይቁዋፐ አቴዳ አቱማ አሳዉ ኑን ማችያ ዎት እማኔ? 
\v 17 እስራኤልያ አሳ ግዶፐ ፕተት ባየና ማላ፥ ቢንያማ ዛራቱዋፐ አቴዳዋንቶ ላትያ ናናይ ደአናዉ ኮሼ። 
\v 18 ግዶፐነ፥ ኑን ኑ ማጫ ናናቱዋፐ ኡንቱንቶ እማናዉ ዳንዳዮኮ፤ አያዉ ጎፐ፥ እስራኤልያ አሳይ ካሰ፥ ‘ባረ ናቶ ቢንያማ ዛርያዉ እምያ ኡራይ ሸቀቴዳዋ ግዶ’ ያጊደ ጫቀ ዎዳ” ያጌድኖ።
\p
\v 19 ሄዋፐ ጉይያን፥ ማባራ ካለያ ጭማቱ፥ “በእተ፥ ላይን ላይን ሴሎን መና ጎዳ ቦንችያ ባላይ ማቴዳ” ያጌድኖ። ሴሎ ቤቴለፐ ሁጲሳ ባጋና፥ ላቦናፐ ገድሳ ባጋና፥ ቤቴለፐ ሰኬማ አፍያ ኦግያፐ አዋይ ዶልያ ባጋና ደኤ። 
\v 20 ሄ ማባራ ካለያ ጭማቱ ቢንያማ አሳቱዋ ሀዋዳን ያጊደ አዛዜድኖ፤ “ቢተ፤ ዎይንያ ቱራ ግዱዋን ሙጊደ፥ 
\v 21 ናግተ። ሴሎ ካታማ ማጫ ናናይ ባላ ጋላስ ካባሩዋ ኦይቂደ፥ የጺድነ ዱሪደ ይያ ዎደ፥ ህንተንቱ ዎይንያ ቱራ ግዶፐ ከስተ። ኡባይካ ሴሎ ማጫ ናናቱዋፐ ህንተንቶ ዳፊደ፥ ቢንያማ ጋድያ አኪደ ቢተ። 
\v 22 ኡንቱንቱ አዎቱ ዎይ ኡንቱንቱ እሻቱ ኑኮ ማጋናናዉ ይያ ዎደ፥ ኑን ኡንቱንታ፥ ‘ሀይ ሀያና፥ ኡንቱንታ ኑዉ እም አግተ፤ አያዉ ጎፐ፥ ኑን ኡንቱንታ ሁጲያን ሁጲያን ጋክያ ማጫ አሳ ኦላ ሳፐ ደምበይኮ። ህንተንቱ ዶሲደ እምቤና ድራዉ፥ ባይዛንቻ ግድክታ’ ያጋና” ያጌድኖ።
\p
\v 23 ቢንያማ አሳቱካ እስራኤልያ ጭማቱ ጌዳዋዳን ኦድኖ፤ ኡባይካ ሴሎን ዱርያ ማጫ ናናቱዋፐ ባረንቱ ፓይዱዋ ኬሻቱዋ ዳፊደ አፌድኖ። ኡንቱንቱ ባረንቱ ላታ ጋድያ ስሚደ፥ ካታማቱዋ ዎ የግ ኬጺደ፥ ያን ደኤድኖ። 
\v 24 ሄ ዎደ እስራኤልያ አሳይ ያፐ ብያ ዎደ፥ ኡባይካ ባረ ዛርያኮ ዛርያኮነ ባረ ሶ አሳኮ አሳኮ ቤዳ።
\p
\v 25 ሄ ዎደ እስራኤልያ ጋድያን ካቲ ባዋ፤ አሳይ ኡባይ ባረዉ ልከ ማላቴዳዋ ጮ ኦ።\x - \xo 21:25 \xo*\xt ዳና. 17:6\xt*\x*