\id JAS - Dawuro Full Bible Ethiopic Version
\ide UTF-8
\h ያቆባ ኪታ
\toc1 ያይቆብ ጻፌዳ ኪታ
\toc2 ያቆባ ኪታ
\toc3 ያቆባ
\mt1 ያቆብ
\mt2 ጻፌዳ ኪታ
\imt ገሉዋ
\ip ሀ ኪታ ጻፌዳ ያቆብ ጎዳ የሱሳ እሻፐ አትን ታማነ ላኡ የሱሳ ካልያዋንቱፐ እቱዋ ግደና። እካ የሩሳላመን ደእያ አማንያ አሳ ካለያ ጭማ (ጋል 2:9)። ሀ ኪታይ ጻፈቴዳዌ እት ዎሳ ጎላትዉ ግደናን ሮመ ካዉተ ግዶን ላለቴዳ አይሁዳ አማንያዋንቱ ኡባቱዋሳ ግዴዳ፥ ኑናካ ሀቼ ሀቼ ደኡዋ ካለያ ቆፋቱዋ ኦይቄዳ። ጻፈቴዳዌካ “አላምያ ኡባን ላለቴዳ ጾሳ አሳሳ”። ሀ ማጻፋ ጻፌዳዌ አዳ ኤራተ ኑን ኦሱዋን ፔሽያ ሂላነ አማንያ አሳ ኤሻነ ሀኖታ ታማርስያ ኦግያ ካለሱዋ እምያ የዋቱዋ ምስልያዳን ቆንጭያን በሴ።
\ip ህዬሳተባ፥ ዱረተባ፥ ፓጭያባ፥ ሎኦ ኤሻባ፥ ቃናትያባ፥ አማኑዋባነ ሎኦ ኦሱዋባ፥ እንጻርሳ ማዱዋባነ ቆሁዋባ፥ አዳ ኤራተባ፥ እቱ እቱዋና ዋላቀትያባ፥ ኦቶሩዋባነ አሽከተባ፥ ሀራ አሳ ቦላ ፕርድያዋ፥ ጬቁዋባ ዎይ አዩዋባ፥ ገንጫባነ ዎሳባ፥ አማንያ አሳይ ደአናዉ በስያ ኦግያ ኡባ ጻፌዳ።
\ip ኪታይካ ክርስትና ደኡዋን አማኑ ኦሱዋን ፔሻና ሀኖታባ ቆንጭሲደ በሴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ 1:1
\io1 አማኑዋነ አዳ ኤራተ \ior 1:2-8\ior*
\io1 ህዬሳተባነ ዱረተ \ior 1:9-11\ior*
\io1 ፓጭያ \ior 1:12-18\ior*
\io1 ጾሳ ቃላ ስሱሳነ ኦሱዋ ቦላ ፔሹሳ \ior 1:19-27\ior*
\io1 ሀነና ኦግያን እቱ ሀራዉ ማደና ማላ እመቴዳ ኦዱዋ \ior 2:1-13\ior*
\io1 አማኑዋነ ኦሱዋ \ior 2:14-26\ior*
\io1 አማንያ አሳነ እንጻርሳፐ ከስያ ሃሳያ \ior 3:1-18\ior*
\io1 አማንያ አሳነ ሀ አላምያ \ior 4:1—5:6\ior*
\io1 ዱማ ዱማ የዎ እመቴዳ ማቁዋ \ior 5:7-20\ior*
\c 1
\p
\v 1 ታን ያቆብ ጾሳ አይሊነ ጎዳ የሱስ ክርስቶሳ አይሊ፥ ቢታ ኡባን ላለቴዳ ታማነ ላኡ ዘረቶ\f + \fr 1:1 \fr*\fk ቢታ ኡባን ላለቴዳ ታማነ ላኡ ዘረቶ፦ \fk*\ft ያቆብ ጊደ ደእያ ቆፋይ፥ ጎዳ ካልያ አማንያዋንታ ግዲደ ታማነ ላኡ እስራኤልያ ዘረቱዋዳን ባረንቱ ሞርከቱዋን ቢታ ኡባ ላለት ጋኬዳዋንታ ጉሳ።\ft*\f* ሳሮታ ኪታይ።
\s1 ዳንዳያ፥ አማኑዋ፥ አዳ ኤራተ
\p
\v 2-3 ታናዳን ጾሳ ካልያዋንቶ፥ ህንተ አማኑ ፓጨትያዌ ህንተንቶ ዳንዳያ እማናዋ ኤሪደ፥ ዱማ ዱማ ፓጪ ህንተና ጋክያ ዎደ፥ ሄዋ ኩመን ናሸቻዳን ፓይድተ። 
\v 4 ህንተ ዳንዳያይ አይነ ባል ባይናን ህንተና ምኔዳዋንታነ ፓጭ ባይናዋንታ ኦደ፥ ባረ ኦሱዋ ፖሎ። 
\v 5 ሽን ህንተፐ ኦንነ ባረዉ አዳ ኤራተይ ዮፐ፥ ካናን ኡባዉ ኬካተን እምያ ጾሳ ዎሶ። እ አዉ እማና። 
\v 6 ሽን እ አያንነ ስናን አማኑዋን ጾሳ ዎሶ። አያዉ ጎፐ፥ ስያ ኡራይ ጫርኩ ሱግና ቃጽያ አባ ቤታ ማላ። 
\v 7-8 አያዉ ጎፐ፥ ላኡ ቆፋይ ደእያ ኡራይ፥ ባረ ኦግያ ኡባን ባረ ቆፋ ቃቼናዌ፥ ሄ ኡራይ ጎዳፐ አይነ ደማናዉ ቆፖፖ።
\s1 ህዬሳ አሳነ ዱረ አሳ ናሸቻ
\p
\v 9 ሽን ህዬሳ እሻይ ጾሳይ አ ቁ ኦዳ ዎደ ናሸቶ። 
\v 10 ቃይ ዱረ እሻይካ ጾሳይ አ ካዉሽሴዳ ዎደ ናሸቶ። አያዉ ጎፐ፥ ዱረ ብታኒ ማታ ግዶን ድጭያ ጪሻዳን ያና።\x - \xo 1:10-11 \xo*\xt ኢሳ. 40:6-7\xt*\x* 
\v 11 አያዉ ጎፐ፥ አዋይ ባረ ሴላና ከሲደ፥ ማታ መልስና፥ ጪሻይ ዬ፤ ቃይ አ ማላ ሎኦተይካ ዬ፤ ሄዋዳንካ ቃይ ዱረ ብታኒ ባረዋ ኦደ ያና።
\s1 አሳ ቦላ ጋክያ ፓጭያ
\p
\v 12 ዋይያን ገንጭያ ኡራይ አንጀቴዳዋ፤ አያዉ ጎፐ፥ ሄ ዋይያ ጾኔዳዋፐ ጉይያን፥ ጾሳይ ባረና ሲቅያዋንቶ እማና ጌዳ ደኡዋ ካላቻ\f + \fr 1:12 \fr*\fk ደኡዋ ካላቻ፦ \fk*\ft ቦንቼቴዳ ደኡዋ ጉሳ።\ft*\f* እ አካና። 
\v 13 ኦንነ ፓጨቴዳ ዎደ፥ “ታና ጾሳይ ፓጬ” ጎፖ። አያዉ ጎፐ፥ ጾሳይ ኢታን ፓጨታናዉ ዳንዳየና፤ ቃይ እ ባረ ሁጰዉ ኦናነ ፓጨና። 
\v 14 ሽን አሳይ ሁጲያን ሁጲያን ባረ ሁጰ ኢታ አሙዋን ጎሸትያ ዎደነ ጭመትያ ዎደ ፓጨቴ። 
\v 15 ሄዋፐ ጉይያን፥ አሙ ሻሃሪደ፥ ናጋራ የሌ፤ ቃይ ናጋራይ ድጪደ፥ ሀይቁዋ የሌ።
\p
\v 16 ታናዳን ጾሳ ካልያዋንቶ፥ ጭመቶፕተ። 
\v 17 ሎኦ እሙዋ ኡባይነ ኩመን ዎይታ ኡባይ ሳሉዋፐ ዬ። ሳሉዋ ፖኡዋ መዳ አዉዋፐ ዬ፤ ጾሳይ ባረ ሁጰዉ ዱማተናነ ዎይ ባረ ኩዋ ላመና። 
\v 18 ኑን እ መዳ መታቱዋ ግዶን ቃሳ አካናዳን፥ ኑና ባረ ሸንያን ቱሙ ቃላን የሌዳ።
\s1 ስሴዳዋ ኦሱዋን ፔሽያዋ
\p
\v 19 ታናዳን ጾሳ ካልያዋንቶ፥ ሀዋ ሀሳይተ፤ አሳይ ኡባይ ስሳናዉ ኤሌሎ፤ ሽን ሃሳያናዉነ ሀንቀታናዉ ኤሌሎፖ። 
\v 20 አያዉ ጎፐ፥ አሳ ሀንቁ ጾሳይ ኮይያ ጽሎተ አሄና። 
\v 21 ሄዋ ድራዉ፥ ቱና ሀኖታ ኡባነ ኢታተ ኡባ ህንተፐ ይሲደ፥ ጾሳይ ህንተ ዎዛናን ቶኬዳ ህንተ ሸምፑዋ አሻናዉ ዳንዳይያ ቃላ አሽከተን አክተ።
\p
\v 22 ሽን ጾሳ ቃላ ኦሱዋን ፔሽተፐ አትን፥ ስሳ ጻላላን ህንተ ሁጲያ ጭሞፕተ። 
\v 23 አያዉ ጎፐ፥ ቃላ ስሲደ ኦና ኡራይ ደኦፐ፥ እ ባረ ማላ ማስቶትያ ጼልያ ኡራ ማላ። 
\v 24 እ ባረና ጼሊደ ቤ፤ ኤለካ እ አይ ማለንቶነ ዶግ አጌ። 
\v 25 ሽን ኦንነ አይለተፐ ከስያ ባል ባይና ህግያ ጼሊደ፥ አን አቅያዌ ቃይ አ ናግያዌ፥ ስሴዳዋካ ዶገናዌ፥ ሄ ኡራይ ባረ ኦያ ኦሱዋን አንጀታና።
\p
\v 26 ባረ እንጻርሳ ናገናን ባረና ጭሚደ፥ ባረዉ ጾሳ ጎይንያዋ ማላትያ ኡራይ ደኦፐ፥ አ ጎይናይ መላ። 
\v 27 ጾሳ አዉዋ ስንን ፖኩ ባይና ጌሻ ጎይናይ ሀዋ፤ ሄዌ ሀቃዌ ጎፐ፥ አታ አዉ ባይና ናናቱዋነ ዋየትያ አምኤቱዋ ማዳናዋነ ሳኣ ናጋራ ቅታፐ ባረ ሁጲያ ናጋናዋ።
\c 2
\s1 ህዬሳ ካናዉ በሰና
\p
\v 1 ታናዳን ጾሳ ካልያዋንቶ፥ ህንተ ኑ ቦንቾ ጎዳ የሱስ ክርስቶሳ አማን ደኢደ፥ ዴሙዋ ጼሊደ፥ አሳ ቦንቾፕተ። 
\v 2 አያዉ ጎፐ፥ ዎርቃ ምግዱዋ ዎደ፥ ሎኦ ማዩዋ ማዬዳ እት አሳይ ህንተ ሺቁዋ ዮፐ፥ ቃይ ጩርቃ ማዩዋ ማዬዳ ህዬሳ አስካ ዮፐ፥ 
\v 3 ሎኦ ማዩዋ ማዬዳ ብታንያ ህንተ አ ቦንቺደ አ፥ “ኔን ሀዋን ኡባፐ ሎእያ ኦይድያን ኡታ” ጊደ ቃይ ህዬሳ ብታንያ፥ “ኔን ህንና ኤቃሻ፤ ዎይ ሀዋን ታ ገድያ ማታን ሳኣን ኡታ” ጎፐ፥ 
\v 4 ያትና ህንተ ህንተ ግዶን ሻኮተ መያዋንታነ ኢታ ቆፋና ደእያ ዳናቱዋ ግድክቴዬ?
\p
\v 5 ታናዳን ጾሳ ካልያዋንቶ፥ ስስተ፤ ጾሳይ ሀ ሳኣን ደእያ ህዬሳ አሳይ አማኑዋን ዱረታናዉነ ባረና ሲቅያዋንቶ እማና ጌዳ ሳሉዋ ካዉተ ላታናዉ ዶርቤነዬ? 
\v 6 ሽን ህንተ ህዬሳቱዋ ቶቼድታ። ዱረቱ ህንተና ቱጋይያዋንታ ግድክኖዬ? ኡንቱንቱ ህንተና ዳናን ሞትያዋንታ ግድክኖዬ? 
\v 7 ህንተዉ እመቴዳ ሎኦ ሱን ቦርያዋንቱ ኡንቱንታ ግድክኖዬ?
\p
\v 8 ሽን ጾሳ ማጻፋን፥ “ነ ሾሩዋ ነ ሁጲያዳን ሲቃ” ጌተቲደ ጻፈቴዳ ካትያ ህግያ\f + \fr 2:8 \fr*\fk ካትያ ህግያ፦ \fk*\ft ኡባፐ አዋን ጎእያ ህግያ፤ ሀዋ ብለይ፥ ካትያፐ እመቴዳዋ ጉሳ። ካቲ ኦኔ ጎፐ ጾሳፐ እመቴዳ ህግያ።\ft*\f* ህንተ ፖሎፐ፥ ሎኦባ ኦታ።\x - \xo 2:8 \xo*\xt ዎጋ 19:18\xt*\x* 
\v 9 ሽን ህንተ አሳ ዴሙዋ ጼሊደ ቦንቾፐ፥ ናጋራ ኦታ፤ ቃይ ህጊ ህንተ ቦላ፥ ህግያ መንዳዋንቱዳን ፕርዳና። 
\v 10 አያዉ ጎፐ፥ ኦንነ ህግያ ኡባ ናጊደ፥ እትኖ መንያዋ ግዶፐ፥ ሄ ኡራይ ህግያ ኡባ መን። 
\v 11 አያዉ ጎፐ፥ “ዎሹሞፓ” ጌዳዌ ቃይ “ዎፓ” ጌዳ፤ ሽን ኔን ዎሹማና ዮፐካ፥ ዎዳዋ ግዶፐ፥ ህግያ መንዳ።\x - \xo 2:11 \xo*\xt ከሳ 20:13፣ 14፤ ዛረ. 5:17፣ 18\xt*\x* 
\v 12 አሳ አይለተፐ ከስያ ህግያን፥ ፕርዳ አካና አሳቱዋዳን ሃሳይተነ ኡንቱንቱዋዳን ኦተ። 
\v 13 አያዉ ጎፐ፥ አሳ ማርቤና ኡራ ጾሳይ ማረናን ፕርዳና፤ ማሮተይ ፕርዳ ጾኔ።
\s1 አማኑዋነ ኦሱዋ
\p
\v 14 ታናዳን ጾሳ ካልያዋንቶ፥ እት ኡራይ ባረዉ አማኑ ደኤ ጎፐ፥ ቃይ አ አማኑዋ አ ኦሱ ኤርሳና ዮፐ፥ አ አይ ጎአኔ? አ አማኑ አ አሻናዉ ዳንዳዪ? 
\v 15 እት እሻይ፥ ዎይ እት ምቻታ ካሎቶፐ፥ ቃይ ኡንቱንቶ ኡባ ጋላስ ምያባይ ዮፐ፥ 
\v 16 ህንተፐ እት ኡራይ ኡንቱንታ፥ “ሳሮ ቢተ። ታማ ሆእተ። ካሊደ ሚተ” ጊደ፥ ኡንቱንቶ ኮሽያዋ እማና ዮፐ፥ ኡንቱንታ አይ ጎአኔ? 
\v 17 ሄዋ ድራዉ፥ አማኑ ኦሱ ባይናን ባረካ ደኦፐ ሀይቄዳዋ።
\p
\v 18 ሽን እት ኡራይ፥ “ነዉ አማኑ ደኤ፤ ቃይ ታዉ ኦሱ ደኤ። ኔን ነ አማኑዋ ነ ኦሱዋፐ ሻካደ ታና በሳ፤ ታንካ ታ አማኑዋ ታ ኦሱዋን ኔና በሳና” ጋና። 
\v 19 ኔን እት ጾሳይ ደእያዋ አማናሳ፤ ሄዌ ሎአ። ጻላሄቱካ ቃይ አማኒኖ፤ ያሻን ኮኮሪኖ። 
\v 20 ኔን ኤያይ! አማኑ ኦሱዋፐ ሻከቲደ ጎኤናዋ\f + \fr 2:20 \fr*\fk ጎኤናዋ፦ \fk*\ft ሀዋ ጉሳይ ሀይቄዳዋ ጉሳ።\ft*\f* ኤራናዉ ኮያይ? 
\v 21 ኑ አቡ አብራሃሞ ባረ ናኣ ይሳቃ ያርሽያ ሳኣ ቦላ ዎዳ ዎደ፥ ባረ ኦሱዋን ጽልቤኔ?\x - \xo 2:21 \xo*\xt ዶመ 22:1-14\xt*\x* 
\v 22 አ አማኑነ አ ኦሱ እትፐ ኦዳዋነ አ አማኑ አ ኦሱዋን ፖለቴዳዋ በእኪ? 
\v 23 ጾሳ ማጻፋይ “አብራሃሞ ጾሳ አማኔዳ። ጾሳይካ ሄዋ አዉ ጽሎተን ፓይዴዳ” ጌዳዌ ፖለቴዳ፤ ቃይ ጾሳ ዳቦ ጌተቲደ እ ጼሰቴዳ።\x - \xo 2:23 \xo*\xt ዶመ 15:6፤ 2 ኦዱዋ 20:7፤ ኢሳ. 41:8\xt*\x* 
\v 24 አሳይ አማኖ ጻላላና ግደናን፥ ኦሱዋን ጽልያዋ ህንተ በኢታ።
\p
\v 25 ሄዋዳንካ ቃይ ጫራታ ራኣባ ኪተቶዋንታ ሞካደ ሀራ ኦግያና ኡንቱንታ ሞይዜዳ ዎደ፥ ባረ ኦሱዋን ጽላበይኬ?\x - \xo 2:25 \xo*\xt ኢያሳ 2:1-21\xt*\x*
\p
\v 26 አያዉ ጎፐ፥ ሸምፑ ሻከቴዳ ቦላይ ሀይቄዳዋ ግድያዋዳን፥ ሄዋዳንካ ቃይ ኦሱ ሻከቴዳ አማኑ ሀይቄዳዋ።
\c 3
\s1 እንጻርሳ ናግያዋ
\p
\v 1 ታናዳን ጾሳ ካልያዋንቶ፥ ኑን ሀራቱዋፐ አያ ፕርዳ አካናዋ ህንተ ኤርያ ድራዉ፥ ህንተፐ ጮራቱ ታማርስያዋንታ ግዶፕተ። 
\v 2 ኑን ኡባይካ ዳሮባን ባሌቶ፤ እት ኡራይ ባረ ሃሳያን ሙለካ ባላና ዮፐ፥ እ ባረና ናጋናዉ ዳንዳይያ ባል ባይና አሳ። 
\v 3 ፓራቱ ኑዉ አዛዘታና ማላ፥ ብጻላ ባርሲደ፥ ኑን ኮይያሳ ኡባ ኡንቱንታ አፌቶ። 
\v 4 በእተ፥ ማርካባቱካ ቃይ ሄዋ ኬና ዎልቃማ ግዲደ፥ ጎቱዋ ጫርኩዋን ላገቶፐካ፥ ኡንቱንታ ላግያዌ ባረዋ ኮይያሳ ዛሪደ ላግያ ቄር ጉ ምን ላገቲደ ቢኖ። 
\v 5 ሄዋዳን እንጻርሳይ ቦላ ግዶን ጉ አሳተ ግዶፐካ፥ ዳሮ ዎልቃማባን ጬቀቴ።
\p ጉ ታማይ ዋኒደ ዎልቃማ ዎራ ጉዲ! አኬክተ። 
\v 6 እንጻርሳይካ ታማ ማላ። እ ኑ አሳተ ግዶን ኢታባ ኡባ ኦና ዳንዳዬ፤ አሳተ ኡባ ቱንሴ። ቃይ ኑ ደኡዋ ዎካ ታማን ጉዴ፤ ጋናምያ ታማን እ ጉደታናዋ። 
\v 7 አያዉ ጎፐ፥ ዶአቱዋ፥ ካፋቱዋ ዛርያ፥ ትራን ጎሸትያ ሾሻቱ ዛርያነ አባን ደእያ መታቱዋ ዛርያ ኡባ አሳይ አድሴዳ፤ ቃይ ኡንቱንቱካ አዴድኖ። 
\v 8 ሽን ኦንነ እንጻርሳ አድሳናዉ ዳንዳይቤና፤ እንጻርሳይ ዎያ ማርዚ ኩሜዳ ጮኡ ጌና ኢታ መታ። 
\v 9 ኑን እንጻርሳን ኑ ጎዳነ አዉዋ ጋላቴቶ፤ ቃይ አንካ ጾሳ ማላቲደ መቴዳ አሳ ሸቄቶ።\x - \xo 3:9 \xo*\xt ዶመ 1:26\xt*\x* 
\v 10 እት ዶናፐ ጋላታይነ ሸቃይ ከሴ። ታናዳን ጾሳ ካልያዋንቶ፥ ሄዌ ሄዋዳን ሀናናዉ በሰና። 
\v 11 ፑልቱ እት ኦላፐ ማልእያ ሃነ ጫምያ ሃ ፑልታናዉ ዳንዳዪ? 
\v 12 ታናዳን ጾሳ ካልያዋንቶ፥ ባላስያ ግያ ምይ ዎጋራ አይፋናዉ ዳንዳዪ? ዎይ ዎይንያ ቱራይ ባላስያ ግያ ም አይፋናዉ ዳንዳዪ? ማጽነ ማጽነ ግያ ሃፐካ ማልኦ ሃይ ከሳና ዳንዳየና።
\s1 ሳሉዋ አዳ ኤራነ ሳኣ አዳ ኤራ
\p
\v 13 ህንተ ግዶን አዳ ኤራንቻይነ አኬካንቻይ ኦኔ? ባረ ሎኦ ደኡዋን ኦሰቴዳ ባረ ኦሱዋ አዳ ኤራተፐ ይያ አሽከተን በሶ። 
\v 14 ሽን ህንተ ዎዛናን ጫምያ ቃናቲነ ይርጊ ደኦፖ። ቃይ ቱማተ ቦላካ ዎርዶቶፕተነ ኦቶረቶፕተ። 
\v 15 ሄዋ ማላ አዳ ኤራተይ ሳሉዋፐ ዎያዋ ግደና፤ ሽን ሄዌ ሳኣባ፥ አሳዋ፥ ጻላሀቱዋ። 
\v 16 አያዉ ጎፐ፥ ቃናቲነ ይርጊ ደእያ ሳን ዋላሳይነ ኢታ ኦሶ ኡባይ ደኤ። 
\v 17 ሽን ቦላፐ ይያ አዳ ኤራተይ ኡባፐ ካሰ ጌሻ። ቃይ ሳሮተ ዶስያዋ፥ አሽከነ ኤኖ ግያዋ፤ ቃይ ማሮተይነ ሎኦ አይፊ ኩሜዳዋ። ስነ ሎኦ ማላትያ ኢታተይ ባይናዋ። 
\v 18 ጽሎተ አይፊ ሳሮተ ኦያዋንቱ ሳሮተን ዘሬዳ ዘረፐ ቤቴዳ።
\c 4
\s1 ሀ አላምያ ኢታተ ዶሰናን አጋናዋ
\p
\v 1 ኦላይነ ዋላሳይ ህንተ ግዱዋ ሀቃፐ ዪ? ኡንቱንቱ ዬዳሳይ ህንተ ቦላ ግዶን ኦለትያ ህንተ ናሸታናዉ ዎልቃማ አሙዋ አሞትያዋፐ ግደኔ? 
\v 2 ህንተ አሞቲታ፤ ሽን ደምክታ፤ ዎታ። ሎይ ኮዪታ፤ ሽን ደማናዉ ዳንዳይክታ፤ ዋላቀቲታነ ኦለቲታ። ሽን ጾሳ ዎሰና ድራዉ፥ ህንተ ኮይያዋ ደምክታ። 
\v 3 ጾሳ ዎሲታ፥ ሽን ደምክታ፤ ጋሱካ ባላ ኦግያን ዎሲታ። ሄዋ ህንተና ናሸችያዋን ፔሻናዉ ኮይያ ድራሳ። 
\v 4 ስም ዎሹምያዋንቶ፥ ሀ አላምያና ዳቦትያዌ ጾሳዉ ሞርከ ግድያዋ ኤርክቴ? አያዉ ጎፐ፥ ሀ አላምያና ዳቦታናዉ ኮይያዌ ኦንነ ጾሳና ሞርከቴ። 
\v 5 ዎይ ጾሳ ማጻፋይ፥ “ጾሳይ ኑናን ዎዳ አያናይ ዎልቃማ አሙዋ ኑዉ አሞቴ” ግያዋ ህንተንቶ ጮ ግያዋ ማላቲ? 
\v 6 ሽን ጾሳይ አ ኬካተ አደ እሜ። ሄዋ ድራዉ፥ ጾሳ ማጻፋይ፥ “ጾሳይ ኦቶረትያዋንታ እጼ፤ ሽን ባረና ካዉሽያዋንቶ አ ኬካተ እሜ” ያጌ።\x - \xo 4:6 \xo*\xt ሌም. 3:34\xt*\x*
\p
\v 7 ስም፥ ህንተ ጾሳዉ ሞደትተ። ያቲደ ጻላህያና ኤቀትተ፤ እ ህንተፐ ባቃታና። 
\v 8 ጾሳኮ ሺቅተ፤ እካ ህንተኮ ሺቃና። ህንተኖ ናጋራንቻቶ፥ ህንተ ኩሽያ ሜጨትተ። ላኡ ቆፋይ ደእያዋንቶ፥ ህንተ ዎዛና ጌሽተ። 
\v 9 ቱጋትተ፤ ካዮትተነ ዬክተ። ህንተ ሚቻ ዬኮ ላምተ፤ ህንተ ናሸቻካ ካዮ ላምተ። 
\v 10 ጎዳ ስንን ህንተ ሁጲያ ቶችተ፤ ቃይ እ ህንተና ቁ ቁ ኦና።
\s1 አሳ ቦላ ፕርደናን አጋናዋ
\p
\v 11 ታናዳን ጾሳ ካልያዋንቶ፥ እቱ እቱዋ ዝግሮፕተ። ባረ እሻ ዝግርያዌነ አ ቦላ ፕርድያዌ ህግያ ዝግሬነ ህግያ ቦላ ፕርዴ። ኔን ህግያ ቦላ ፕርዶፐ፥ ህግያ ቦላ ፕርድያዋ ግዳሳፐ አትን፥ ህገዉ አዛዘትያዋ ግዳካ። 
\v 12 ህግያ እምያዌነ ፕርድያዌ ጾሳ ጻላላ፤ እ አሻናዉነ ይሳናዉ ዳንዳዬ፤ ሽን ነ ሾሩዋ ቦላ ፕርድያዌ ኔን ኦኔ?
\s1 ጬቀተናዳን እመቴዳ ዞርያ
\p
\v 13 ህንተኖ፥ “ኑን ሀቼ ዎይ ዎንት ሄ ካታማ ባና፤ ሄዋን ላይ ኡታና፤ ዛልአናነ ቃይ ሚሻ ዎሳና” ግያዋንቶ፥ በእተ።\x - \xo 4:13-14 \xo*\xt ሌም. 27:1\xt*\x* 
\v 14 ዎንት ህንተ ደኡ አያ ሀናነንቶነ ኤርክታ፤ ጉ ዎደዉ ህንተ ቤቲደ፥ ጉየፐ ይያ ፔኑዋ ማላ። 
\v 15 ሄዋ አጊደ፥ “ጎዳይ ጎፐ፥ ኑን ደአና፤ ሀዋ ዎይ ሄዋ ኦና” ጋናዉ በሴ። 
\v 16 ሽን ህንተ ሀእ ህንተንቱ ቃተን ጬቀቲታ፤ ሄዋ ማላ ጬቁ ኡባይ ኢታ።
\p
\v 17 ሄዋ ድራዉ፥ ሎኦባ ኦናዉ ኤሪደ ኦና ኡራዉ ሄዌ ናጋራ።
\c 5
\s1 ዱረ አሳስ እመቴዳ ምኖ ዞርያ
\p
\v 1 ሀእካ ህንተኖ ዱረ አሳቶ፥ ህንተ ቦላ ይያ ቱጋዉ “አየ! አየ!” ያጊደ ዬክተነ ዝላልተ። 
\v 2 ህንተ ዱረተይ ባይ ድጌዳ፤ ቃይ ህንተ አፍላካ ብልአይ ም ድጌዳ። 
\v 3 ህንተ ዎርቃይነ ህንተ ብራይ ሽእ ድጌዳ። ቃይ ሄ ሽአይ ህንተ ቦላ ማርካታና፤ ህንተ ቦላካ ታማዳን ማና። ህንተ ህንተ ሚሻ ስንዉ ዳጋይ ደኢታ። 
\v 4 አኬክተ፤ ህንተ ጋደን ካ ቆይጬዳ አሳቶ ጭግቤና ክራ ሚሻይ ዋሴ፤ ኡንቱንቱ ዋሱ ዎልቃማ ጎዳ ሀይን ስሰቴዳ።\x - \xo 5:4 \xo*\xt ዛረ. 24:14-15\xt*\x* 
\v 5 ህንተዉ እንጀትና፥ ሳኣን እሻሊደ ደኤድታ፤ ሹካ ጋላሳዉ ክያዋዳን፥ ህንተ ቦላ ኬድታ። 
\v 6 ጽሎ አሳ ቦላ ፕርዴድታ፤ ቃይ አ ዎድታ፤ እ ህንተናና ኤቀተና።
\s1 ጎዳ ላኤን ዩሳ ዳንዳያን ናግያዋ
\p
\v 7 ሄዋ ድራዉ፥ ታናዳን ጾሳ ካልያዋንቶ፥ ጎዳይ ያና ጋካናዉ ገንጭተ፤ ቢታ ጎሽያዌ አድልያ እራይነ አሱራ እራይ ያና ጋካናዉ ገንጪደ፥ አልኦ ካ እ ዎት ናጊደ ጋ አክንቶ በእተ። 
\v 8 ህንተካ ቃይ ገንጭተ፤ ህንተ ዎዛና ምንስተ። አያዉ ጎፐ፥ ጎዳ ዩሳይ ማታቴዳ።
\p
\v 9 ታናዳን ጾሳ ካልያዋንቶ፥ ጾሳይ ህንተ ቦላ ፕርደና ማላ፥ እቱ እቱዋ ቦላ ዙዙሞፕተ። በእተ፥ ፕርድያዌ ፐንግያን ኤቄዳ። 
\v 10 ታናዳን ጾሳ ካልያዋንቶ፥ ዋይያስነ ገንጫዉ ሌምሱዋ ግዴዳዋንታ፥ ጎዳ ሱንን ሃሳዬዳ ናባቱዋ ሀሳይተ። 
\v 11 በእተ፥ ዳንዳዪደ ገንጬዳዋንታ ኑን አንጀቴዳዋንታ ጌቶ። ኢዮባ ገንጫ ህንተ ስሴድታ፤ ቃይ ጎዳይ አዉ ዉርሰን እሜዳዋካ ቤድታ። አያዉ ጎፐ፥ ጎዳይ ማሮታይነ ቃረታይ ኩሜዳዋ።\x - \xo 5:11 \xo*\xt ኢዮባ 1:21-22፤ 2:10፤ ማዝ. 103:8\xt*\x*
\p
\v 12 ሽን ኡባፐ ካሰ፥ ታናዳን ጾሳ ካልያዋንቶ፥ ሳሉዋን ግድና፥ ዎይ ሳኣን ግድና፥ ዎይ ሀራ ጫቁዋን ግድና፥ አያንካ ጫቆፕተ። ሽን ጾሳ ፕርዳን ህንተ ገለናዳን፥ ህንተ የዉ ኤ ግያዋ ግዶፐ፥ “ኤ” ጊተ፤ ግደና ግያዋ ግዶፐ፥ “ግደና” ጊተ።
\p
\v 13 ህንተ ግዶን ዋየትያ ኡራይ ኦንነ ደኦፐ፥ ጾሳ ዎሶ፤ ናሸትያ ኡራይ ኦንነ ደኦፐ፥ የጺደ ጋላቶ። 
\v 14 ህንተፐ ሳከትያ ኡራይ ኦንነ ደኦፐ፥ አማንያ አሳ ካለያ ጭማቱዋ ባረኮ ጼሶ፤ ኡንቱንቱ ጎዳ ሱንን ዛይትያ አ ኦኪደ፥ አዉ ጾሳ ዎስኖ። 
\v 15 አማኑዋን ጾሳ ዎሴዳ ዎሳይ ሀርጋንቻ ፓና፤ ጎዳይካ አ ሀርግያፐ ደንና፤ ቃይ ናጋራ እ ኦዳዋ ግዶፐካ ጎዳይ አዉ አቶ ጋና። 
\v 16 ሄዋ ድራዉ፥ ህንተ ፓጻና ማላ፥ ህንተ ናጋራ እቱ እቶ ፓጽተነ እቱ እቶ ጾሳ ዎስተ፤ ጽሎ አሳ ዎሳይ ዎልቃማ ኦሱዋ ኦ። 
\v 17 ኤላስ ኑ ማላ አሳ። እራይ ሳኣን ቡከናዳን፥ እ ምንሲደ፥ ጾሳ ዎስና ሄዙ ላይነ ኡሱፑን አገና ሳኣን እራይ ቡክቤና።\x - \xo 5:17 \xo*\xt 1 ካታ. 17:1፤ 18:1\xt*\x* 
\v 18 ላኤንዋ ጾሳ እ ዎስና፥ ሳሉዋፐ እራይ ቡኬዳ፤ ሳአይካ ባረ ካ ሞኬዳ።\x - \xo 5:18 \xo*\xt 1 ካታ. 18:42-45\xt*\x*
\p
\v 19 ታናዳን ጾሳ ካልያዋንቶ፥ ህንተፐ ኦንነ ቱሙዋፐ ዎራ ቦፐ፥ ቃይ እቱ አ ጉየ ሄ ቱሙዋኮ ዛሮፐ፥ 
\v 20 ናጋራንቻ አ ባላ ኦግያፐ ዛርያ ኦንነ አ ሸምፑዋ ሀይቁዋፐ አሻናዋነ ዳሮ ናጋራ ካማናዋ ኤሮ።\x - \xo 5:20 \xo*\xt ሌም. 10:12፤ 1 ጰጽ. 4:8\xt*\x*