\id HOS - Dawuro Full Bible Ethiopic Version
\ide UTF-8
\h ሆሰ
\toc1 ሆሰ ትምቢትያ
\toc2 ሆሰ
\toc3 ሆሰ
\mt1 ሆሰ ትምቢትያ
\imt ገሉዋ
\ip ሆሰ ትምቢቲ፥ ሳማሪ ክርስቶሳ የለታፐ ካሰ 721 ላይን ኩንዳናፐ ካሰቲደ፥ ሀኖታቱ መቶ ግድ ኡቴዳ ዎድያን፥ ትምቢትያ ኦዴዳ፤ እ ትምቢትያ ኦዴዳ ትምቢትያ ኦድያ አሞጻፐ ጉየ ግድሽን፥ ሁጲሳ ባጋ እስራኤልያ ካዉተን ኦዴዳ። ሆሰኤ ሎይ ዳርሲደ ኦዴዳዌ አሳይ ኤቃዉ ጎይኔዳዋነ ጾሳ አማንያ አማኑዋ ፓጭሴዳዋ። ሆሰኤ ሀዋ አሳይ ጾሳዉ አማነተናን አግያዋ ቆንጭሲደ ኦዳናዉ፥ እት አማነተና ምሽራቶ ማቼ ኦደ አኬዳዋ ሌምሱዋ ኦደ ጎኤቴ። አ ማቻታ ጎሜራ አዉ አማነተናን እጼዳዋዳን፥ ጾሳ አሳይካ ጾሳ አግ አጌዳ። ሄዋ ጋሱዋን እስራኤልያ አሳ ቦላ ፕርዳይ ያና ሀኔ። ግዶፐነ ዉርሰን ጾሳይ ባረ አሳ ሲቅያ ሲቁ ዳርያ ድራዉ፥ ባረ አሳ ባረኮ ዛሪደ፥ ባረነ ባረ አሳፐ ግዱዋን ደእያ ሲቁዋ ኦራጽሴ። አ ዎልቃማ ሲቁ ሀዋፐ ካልያ ሃሳያን ቆንጬዳ፤ “እስራኤልያ አሳቶ፥ ታን ህንተና ዋታ ኦሎ? ታን ህንተና ዋታ አደ እሞ? ታን ህንተና ሲቅያ ሲቁ ዎልቃማ ግድያ ድራዉ፥ ታን ሀዋ ኡባ ኦናዉ ታ ዎዛናይ ኤኖ ጌና” (11:8) ያጌዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ሆሰ ሶ አሳይ አማኑ ባንታ ጾሳ አሳዉ ሌምሶ ግዴድኖ \ior 1:1—3:5\ior*
\io1 2. ጾሳይ እስራኤልያ፥ ይሁዳነ ኡንቱንታ ካለያዋንታ ሴሬዳ \ior 4:1—5:15\ior*
\io1 3. አሳይ ጾሳኮ ስሞዋ ማላትሴዳ \ior 6:1—7:10\ior*
\io1 4. እስራኤልያ አሳይ ጾሳን አማነትቤና \ior 7:11—8:14\ior*
\io1 5. እስራኤልያ አሳይ በስያ ሙሩዋ ደማና \ior 9:1-16\ior*
\io1 6. እስራኤልያ አሳዉ እመቴዳ ሴራ \ior 9:17—10:15\ior*
\io1 7. ጾሳይ ባረ አሳዉ ደእያ ሲቁዋ \ior 11:1-11\ior*
\io1 8. ጾሳይ ባረ አሳ ቦላ አዳ ፕርዳ \ior 11:12—13:16\ior*
\io1 9. ናጋራ ማሮታነ አንጁዋ ህዶታ \ior 14:1-9\ior*
\c 1
\s1 ሆሰ ሶ አሳይ አማኑ ባይና ጾሳ አሳዉ ሌምሶ ግዴድኖ
\r (1:1—3:5)
\p
\v 1 ኦዝያነ፥ እዮኣታም፥ አካዝነ ህዝቂያስ ካል ካሊደ ይሁዳን ካተቴዳ ዎደ፥ ቃይ ዮኣሻ ናአይ እዮርባም እስራኤልያን ካተቴዳ ዎደ፥ ብኤራ ናኣ ሆሰኮ ዬዳ መና ጎዳ ቃላይ ሀዋ።\x - \xo 1:1 \xo*\xt 2 ካታ. 14:23—15:7፤ 15:32—16:20፤ 18:1—20:21፤ 2 ኦዱዋ 26:1—27:8፤ 28:1—32:33\xt*\x*
\s1 ሆሰ ማቻቶነ ናናቱዋ
\p
\v 2 መና ጎዳይ ኮይሮ ሆሰአ ባጋና ሃሳዬዳ ዎደ፥ መና ጎዳይ ሆሰአ፥ “ባ፤ ሻርሙጻ ምሽራቶ ነዉ አካ፤ ሻርሙጻትፐ ናናቱዋ የላ። አያዉ ጎፐ፥ ሻርሙጽያ ምሽራታ ባረ አስናፐ ሻከትያዋዳን፥ ታ አሳይ ታፐ ሻከቴዳ” ያጌ መና ጎዳይ።
\p
\v 3 ቢደ፥ ድብላይማ ናቶ ጎሜሮ አኬዳ፤ ሻሃራደ፥ አቱማ ናኣ አዉ የላዱ። 
\v 4 ያትና፥ መና ጎዳይ ሆሰአ፥ “ናኣ ሱን ‘እዝራኤላ’ ያጋደ ሱን። አያዉ ጎፐ፥ እዝራኤለን ጉኬዳ ሱ አጩዋ ታን ዬሁ ዛራቱዋ ቃን ዎድያን አቻና፤ እስራኤልያ ካዉተካ ይሳና።\x - \xo 1:4 \xo*\xt 2 ካታ. 10:11\xt*\x* 
\v 5 ሄ ጋላስ ታን እዝራኤላ ዛንጋራን እስራኤልያ ኦላንቻቱዋ መንሬና” ያጌዳ።
\p
\v 6 ጎሜራ ላኤንዋ ሻሃራደ፥ ማጫ ናቶ የላዱ። ያትና፥ መና ጎዳይ ሆሰአ፥ “እ ሱን ‘ሎሩሃሞ’ ያጋደ ሱን። አያዉ ጎፐ፥ ሀዋፐ ስንናዉ ታን እስራኤልያ አሳዉ ቃረትከ፤ ኡንቱንቶ ሙለካ አቶ ጊከ። 1:6 ሎሩሃሞ: ሎሩሃሞ ግያዌ ቃረተናኖ ግያዋ። 
\v 7 ሽን ታን ይሁዳ አሳዉ ቃረታና፤ ታን መና ጎዳን፥ ኡንቱንቱ ጾሳን፥ ኡንቱንታ አሻናፐ አትና፥ ዎንዳፍያን ዎይ ማሻን ዎይ ኦላን ዎይ ፓራቱዋን ዎይ ፓራ አሳቱዋን አሽከ” ያጌዳ።
\p
\v 8 ጎሜራ ሎሩሃሞ ን ዱዳዋፐ ጉይያን፥ ሀራ ሻሃራደ፥ አቱማ ናኣ የላዱ። 
\v 9 ያትና፥ መና ጎዳይ ሆሰአ፥ “አ ሱን ‘ሎኣማ’ ያጋደ ሱን። አያዉ ጎፐ፥ ህንተ ታ አሳ ግድክታ፤ ታንካ ህንተ ጾሳ ግድከ”\f + \fr 1:9 \fr*\fqa ሎኣማ፦ \fqa*\ft ሎኣማ ግያዌ ታ አሳ ግደና።\ft*\f* ግያዋ።
\s1 እስራኤልያ አሳይ ኦራጻና
\p
\v 10 ግዶፐነ “እስራኤልያ አሳይ ልካናዉነ ፓይዳናዉ ዳንዳየተና አባ ሻፍያ ኬሻ ግዳናዋ። ኡንቱንቶ፥ ‘ህንተ ታ አሳ ግድክታ’ ጌተት ኦደቴዳሳን፥ ‘ህንተ ደኡዋ ጾሳ ናናቱዋ’ ጌተታና።\x - \xo 1:10 \xo*\xt ሮመ 9:26\xt*\x* 
\v 11 ይሁዳ አሳይነ እስራኤልያ አሳይ እትፐ ሺቃና፤ ባረዉ እት ካፑዋ ዶራና፤ ኦሞዱዋ ጋድያፐ ስማናነ እሻሊደ ደአና። አያዉ ጎፐ፥ እዝራኤላ\f + \fr 1:11 \fr*\fq እዝራኤላ፦ \fq*\ft ሀ ሱን ብለይ እብራዌዋን፥ “ጾሳይ ዘሬ” ጉሳ ግዲደ ጾሳይ ድችያዋነ እሻሉዋን ዎያዋ በሴ።\ft*\f* ጋላሳይ ዎልቃማ ጋላሳ ግዳናዋ።
\c 2
\p
\v 1 “ህንተ እሻቱዋ፥ ጾሳይ ህንተና፥ ‘አም (ታ አሳ ግያዋ) ያጌ’ ያግተ። ቃይ ህንተ ምቼቱዋ፥ ጾሳይ ህንተና፥ ‘ሩሃማታ (ህንተንቶ ቃረታይ ግያዋ) ያጌ’ ያግተ።
\s1 እስራኤልያ አሳይ ሻርሙጻት ጎሜር ማላ አማነተናዋ
\p
\v 2 “ህንተ ዳዮ ሴርተ፤ እዞ ሴርተ። አያዉ ጎፐ፥ አ ታ ማቼ ግዱኩ፤ ታንካ እ አስና ግድከ። እዛ ባረ ሶምኡዋ ሻርሙጻዳን በስያዋ አጉ፤ ባረ ሻርሙጻ ኦሱዋካ ባረ ንቱዋ ግዱዋፐ ድጉ። 
\v 3 ሄዌ ዮፐ፥ እዛ የለቴዳ ጋላሳዳን፥ ታን እዞ ጺራ ካሎ አሻና። ቃይ መሌዳ ቢታዳን እዞ ኦና፤ ታን እዞ ሳሙዋን ዎና። 
\v 4 ኡንቱንቱ ሻርሙጻትፐ የለቴዳ ናናቱዋ ግዴዳ ድራዉ፥ ታን እ ናናቶ ቃረትከ። 
\v 5 ኡንቱንቱ ዳያ ሻርሙጻዱ፤ ኡንቱንታ ባረ ኡሉዋን ቶኬዳና ካዉሻባ ሀናዱ። ዋናደ ጎፐ፥ እዛ፥ ‘ታን ታ ቁማነ ታ ሃ፥ ታ ሱፍያነ ታ ሊኑዋ፥ ታ ዛይትያነ ታ ኡሻ ታዉ እምያ ታ ላገቱዋ ካላደ ባና’ ያጋዱ።
\p
\v 6 “ሄዋ ድራዉ፥ ታን እ ኦግያ አጉንን ጎርዳና፤ እዛ ባረ ሎሱዋ ደመና ማላ፥ ታን ግምቢያ ግምባና። 
\v 7 እዛ ባረ ላገቱዋ ጌዱዋ ዎጻና፥ ሽን ጋኩኩ፤ ኡንቱንታ ኮያና፥ ሽን ደሙኩ። ሄዋፐ ጉይያን እዛ፥ ‘ታዉ ሀእ ደኡሳፐ በንዌ ኬክያ ድራዉ፥ ስማደ ታ ኮይሮ አስናኮ ባና’ ያጋና።
\p
\v 8 “ካ፥ ዎይንያ ኤሳነ ዛይትያ እዝዉ እሜዳዌነ ኡንቱንቱ ባኣላ ግያ ኤቃዉ ሺሽያ ብራነ ዎርቃ እዝዉ ዳርሴዳዌ ታና ግድያዋ እዛ ኤረናን እጻዱ። 
\v 9 ሄዋ ድራዉ፥ ካእያ ዎደ ታ ካ፥ ቃይ ቴርያ ዎደ ታ ዎይንያ ታን ኢፐ ዛራደ አካና። ሄዋዳንካ፥ እዝ ካሉዋ ማይዛናዉ፥ ሱፍያፐነ ሊኑዋፐ ዳደቴዳ ማዩዋካ ኢፐ ቃራ አካና። 
\v 10 ቃይ እዝ ሲቃቱዋ ስንን ታን እዝ ካሉዋ በሳና፤ ታ ኩሽያፐ ኦንነ እዞ አሸና። 
\v 11 ታን እዝ ናሸቻይ ኡባይ፥ እዝ ባላይ፥ እዝ አግናይ ጼርያ ጋላሳቱ፥ እዝ ሳምባታ ጋላሳቱ፥ ላይን ላይን ቦንቼትያ እዝ ባላቱ ኡባይ አታናዳን፥ ኦና። 
\v 12 እዛካ፥ ‘ታ ሲቃቱ ታዉ እሜዳ የዉ ሀዋ’ ያጌዳ እዝ ዎይንያ ቱራቱዋነ ባላስያ ጌተትያ ምቱዋ ታን ይሳና፤ ታን ኡንቱንታ ዎራ ኦና፤ ባዙዋ ዶአቱ ኡንቱንታ ማና። 
\v 13 እዛ ታና ዶጋደ፥ ባረ ሲቃቱዋ ካላደ፥ ጉቱቻቱዋንነ አሌቆቱዋን ባረዉ አሌቀታደ፥ ባኣላ ግያ ኤቃዉ እጻና ጩዋዬዳ ባላ ጋላሳቱዋ ድራዉ፥ ታን እዞ ሙራና። ታን መና ጎዳይ ሀዋ ኦዳድ።
\s1 ጾሳይ እስራኤልያ አሳ ሲቄዳ
\p
\v 14 “ሄዋ ድራዉ፥ ታን እዞ ላባደ መላ ቢታ አሀና፤ ታን እዝዉ ሲቁዋ ቃላን ኦዳና። 
\v 15 ያን ታን እዝ ዎይንያ ቱራ ሳኣ እዝዉ ዛራደ እማና፤ መቱዋ ዛንጋራ እዛ ህዶታን ናግያባይ ገልያ ፐንግያ ኦና። ግብጼ ጋድያፐ ከሴዳ ዎድያዳን፥ የጼዳዋዳ ባረ ዎዶሮተ ላይዳን፥ እዛ ያን የጻና” ያጌ።\x - \xo 2:15 \xo*\xt ኢያሳ 7:24-26\xt*\x*
\p
\v 16 ቃይካ መና ጎዳይ ሀዋዳን ያጌ፤ “ሄ ጋላስ እዛ ታና፥ ‘ታ አስና’ ያጋ ጼሳናፐ አትና፥ ሀዋፐ ስንናዉ፥ ‘ታ ባኣላ’ ያጋ ጼሱኩ። 
\v 17 አያዉ ጎፐ፥ ታን እዝ ዶናፐ ባኣላ ሱን ድጋና፤ ሀዋፐ ስንናዉ ታን እዞ ባኣላ ሱን ጼስስከ። 
\v 18 ሄ ጋላስ ታን ታ አሳ ድራዉ ሳኣ ዶአቱዋና፥ ሳሉዋ ካፎቱዋናነ ቢታና ጎሸትያ መታቱዋና ጫቁዋ ጫቀታና። ታን ጋድያፐ ዎንዳፍያ፥ ማሻነ ኦላ ይሳና፤ ያቶፐ ኡንቱንቱ ዎፑ ጊደ፥ ሳሮ ደአና።
\p
\v 19 “ታን ኔና መናዉ ታዉ ጊግሳና፤ ጽሎተንነ ሱረ ፕርዳን፥ አገና ሲቁዋንነ ማሮታን ታዉ ጊግሳና፤ 
\v 20 ታን አማነታደ ኔና ታዉ ጊግሳና። ኔንካ መና ጎዳ ኤራና” ያጌ።
\p
\v 21 ቃይካ መና ጎዳይ፥ “ሄ ጋላስ ታን ዛሩዋ እማና፤ ታን ሳሎቶ ዛሩዋ እምና፥ ኡንቱንቱ ሳአዉ ዛሩዋ እማና። 
\v 22 ሳአይካ ካዉ፥ ዎይንያ ኤሳዉነ ዛይትያዉ ዛሩዋ እማና፤ ኡንቱንቱ እዝራኤልያዉ ዛሩዋ እማና። 
\v 23 ታን እዞ ጋድያን ታዉ ቶካና።\x - \xo 2:23 \xo*\xt ሮመ 9:25፤ 1 ጰጽ. 2:10\xt*\x* ካሰ ታን ‘ሎሩሃማ ጎንዉ’ (ቃረታቤናንዉ) ሀእ ቃረታና። ቃይ ‘ሎኣም’ ጎዋዉ (ታ አሳ ግደናዋንታ)፥ ‘አም’ (ታ አሳ) ጋና፤ ኡንቱንቱካ ታና፥ ‘ኔን ኑ ጾሳ’ ያጋና” ያጌ።
\c 3
\s1 ሆሰአነ ሻርሙጻ ምሽራቶ
\p
\v 1 መና ጎዳይ ታና፥ “እስራኤልያ አሳይ ሀራ ጾሳቱዋኮ ስሚደ፥ ዎይንያ ቴራ መላ ኡክ ሲቅሽንካ መና ጎዳይ ኡንቱንታ ሲቅያዋዳን፥ ባ፤ ባደ ላገቱዋ ሲቃደ፥ ሻርሙጻደ ደእያ በን ነ ማቻቶ ኔንካ ዛረደ ሲቃ” ያጌዳ።
\p
\v 2 ታን እዞ ታማነ እቼሹ ጻጋራ ብራንነ ጼታነ እሻታሙ ኪሎ ግራመ ዴጽያ ዛርጋን ሻማድ። 
\v 3 እዞ፥ “ኔን ሻርሙጸናንነ ሀራ አሳና ደኤናን ታናና ዳሮ ዎድያ ደአናዉ ኮሼ። ታንካ ኔናና ደአና” ያጋድ።
\p
\v 4 ሄዋዳንካ፥ እስራኤልያ አሳይ ካቲ ዎይ ካፑ ባይናን፥ ያርሹ ዎይ ኤቃ ቱስ ባይናንነ ኤፉድያ ግያ ማዩ ዎይ ሶ ግዶ ኤቃ ምስሊ ባይናን ዳሮ ዎድያ ደአና። 
\v 5 ሄዋፐ ጉይያን፥ እስራኤልያ አሳይ ስሚደ፥ መና ጎዳ ባረንቱ ጾሳነ ዳዊታ ባረንቱ ካትያ ኮያና፤ ዉርሰ ጋላሳቱዋን ኡንቱንቱ ኮኮሪደ፥ መና ጎዳኮነ አ አንጁዋኮ ያና።
\c 4
\ms ጾሳይ እስራኤልያ፥ ይሁዳነ ኡንቱንታ ካለያዋንታ ሴሬዳ
\mr (4:1—5:15)
\s1 ጾሳይ እስራኤልያ ሞቴዳ
\p
\v 1 ህንተኖ፥ እስራኤልያ አሳቶ፥ መና ጎዳ ቃላ ስስተ! አያዉ ጎፐ፥ ሀ ጋድያን ደእያ አሳ ኡባ መና ጎዳይ ሞትያባይ ደኤ። ሄዌካ፥ ሀ ጋድያን አማኑ፥ ሲቁነ ጾሳ ኤርያዌ ባዋ። 
\v 2 ሀ ጋድያን ደእያባይ ሸቃ፥ ዎርዱዋ፥ አሳ ዎያዋ፥ ዉኤነ ሻርሙጻ ጻላላ። ኡንቱንቱ ጫቁዋ ኡባ ኮሌድኖ፤ አሳ ዎ ዎዋ ካሌ። 
\v 3 ሄዋ ጋሱዋን ቢታይ መላና፤ ጋድያን ደእያ ኡባይ ዳቡራና። ሳኣ ዶአቱካ፥ ሳሉዋ ካፎቱካ፥ ሀራይ አትና፥ አባ ሞለቱካ ሀይቃና።
\s1 ጾሳይ ቄሳቱ ዋ ሞቴዳ
\p
\v 4 ጾሳይ ሀዋዳን ያጌ፤ “ህንተኖ፥ ቄሳቶ፥ ታን ህንተና ሞትያባይ ደኤ። ሄዋ ድራዉ፥ ኦንነ ሀራ አሳና ፓሉመቶፖ፤ ቃይ ኦንነ ሀራ አሳ ሞቶፖ። 
\v 5 ህንተ ጋላስ በታና፤ ትምቢትያ ኦድያዋንቱካ ህንተናና ቃማ በታና። ሄዋ ድራዉ፥ ታን ህንተ ዳዮ ይሳና። 
\v 6 ታ አሳይ ኤራተይ ይና ባዬዳ። ህንተ ኤራተ እጼዳ ድራዉ፥ ታንካ ህንተ ታዉ ቄስያ ግዳናዋ እጻይ። ህንተ ጾሳ ህግያ ህንተ ዶጌዳ ድራዉ፥ ታንካ ህንተ ናናቱዋ ዶጋና።
\p
\v 7 “ቄሳቱ ዳር ዳር ቤዳ ኬና፥ ታና ዳርስ ናቄድኖ፤ ታንካ ኡንቱንቱ ቦንቹዋ ዬላዉ ላማና። 
\v 8 ታ አሳ ናጋራይ ኡንቱንቶ ቁማ ግዴዳ፤ ሄዋ ድራዉ፥ ኡንቱንቱ ታ አሳ ኢታባ ኦስሳናዉ ጃሚኖ። 
\v 9 ቄሳቱ ካ አሳይ ሀንያዋዳን ሀናና። ታን ኡንቱንቱ ሀኖታ ድራዉ፥ ኡንቱንታ ሙራና፤ ቃይ ኡንቱንቱ ኦሱዋዳን፥ ኡንቱንቶ ዛራና። 
\v 10 ኡንቱንቱ መና ጎዳ አጌዳ ድራዉ፥ ማና፥ ሽን ካልክኖ፤ ሻርሙጻና፥ ሽን ናናቱዋ ጮርስክኖ።
\s1 ጾሳይ ኤቃዉ ጎይንያዋ እጼ
\p
\v 11 “ሻርሙጻተይ፥ ጋምኤዳ ዎይንያ ኤሳይነ ያላጋ ዎይንያ ኤሳይ ታ አሳ ዎዛና ባይዜ። 
\v 12 ታ አሳይ ምፐ ኦሰቴዳ ኤቃ ምስልያ ዞርያ ኦቼ፤ ኡንቱንቱ ጻምአይ ኡንቱንቱ ኦሻ ዛሬ። ሻርሙጻ አያናይ ኡንቱንታ ባለ፤ ኡንቱንቱ ባረንቱ ጾሳፐ ሻከቲደ ሻርሙጼድኖ። 
\v 13 ደረቱዋ ሁጲያን ያርሹዋ ያርሺኖ፤ ዞዘቱዋ ቦላንካ ኩዋይ ሎኦ ግድያ አዱሳነ ዳሻ ምቱዋ ጋርሳንካ እጻና ጩዋዪኖ።
\p “ሄዋ ድራዉ፥ ህንተ ማጫ ናናይ ሻርሙጻ ግዲኖ፤ ህንተ ናናቱዋ ማጫ አሳቱካ ሻርሙጺኖ። 
\v 14 ህንተ ማጫ ናናይ ሻርሙጽያ ዎደነ ህንተ ናናቱ ማጫ አሳቱ ሻርሙጽያ ዎደ፥ ታን ቃጻይከ፤ አያዉ ጎፐ፥ አቱማ አሳቱ ባረንቱ ሁጲያን ሻርሙጽያዋንቱና ዙፐቲኖ፤ ሻርሙጽያዋንቱና ያርሹዋ ያርሺኖ። ሄዋ ድራዉ፥ አኬካይ ባይና አሳይ አ ዎና።
\p
\v 15 “እስራኤልያ አሳቶ፥ ህንተ ሻርሙጻ ከሶፐካ፥ ይሁዳ አሳይ ህንተዋዳን፥ ባይዛንቻ ግዶፖ። ገልጋላ ቦፕተ፤ ቤት-አዌነካ ፑደ ከሶፕተ፤ ደኡዋን ደእያ መና ጎዳይ ኤሮ! ያጊደ ጫቆፕተ። 
\v 16 እስራኤልያ አሳይ ማካላንቻ ኡሳትዋዳን ማካሌዳ። ያትና፥ መና ጎዳይ ኡንቱንታ አኮ ደምባን ዶርሳ ማራቱዋዳን ዋቲደ ሄማኔ? 
\v 17 ኤፍሬማ አሳይ ኤቃቱዋን ጋከቴዳ፤ ኡንቱንታ አግ ባሽተ። 
\v 18 ኡንቱንቱ ዳሮ ዎይንያ ኡሽ ስሚደ፥ ሻርሙጽያዋ አግክኖ፤ ኡንቱንታ ሞድያዋንቱካ ዬላይያዋ ሎይ ዶሲኖ። 
\v 19 ጫርኩ ኡንቱንታ አፋና፤ ባረንቱ ኤቃዉ ያርሼዳ ያርሾቱ ጋሱዋን ኡንቱንቱ ዬላታና።
\c 5
\p
\v 1 “ህንተኖ፥ ቄሳቶ፥ ሀዋ ስስተ! ህንተኖ፥ እስራኤልያ አሳቶ፥ ስስተ! ካትያ ጎልያ አሳቶ፥ አኬክተ! ሀ ፕርዳይ ህንተ ቦላ ፕርደቴዳ። ህንተ ምጽጳን ጲርያዳን ሀኔድታ፤ ታቦራ ደርያ ቦላካ ምጬዳ ግትያዳን ሀኔድታ። 
\v 2 ማካላንቻቱ ዎያ ዲዛዳን ሀኔድኖ፤ ሄዋ ድራዉ፥ ታን ኡንቱንታ ኡባ ሙራና። 
\v 3 ኤፍሬማዋ ታን ኤራይ፤ እስራኤልካ ታፐ ጌምቤና። ኤፍሬማ፥ ኔን ሀእ ሻርሙጻ ከሳዳ፤ እስራኤልካ ቱኔዳ” ያጌ።
\s1 ሆሰኤ አሳይ ኤቃዉ ጎይነናዳን ሴሬዳ
\p
\v 4 እስራኤልያ አሳይ ባረንቱ ጾሳኮ ስመናዳን፥ ኡንቱንቱ ኢታ ኦሱ ኡንቱንታ ተኤዳ፤ ሻርሙጻ አያናይ ኡንቱንቱ ግዶን ደኤ። ሄዋ ድራዉ፥ ኡንቱንቱ መና ጎዳ ኤርክኖ። 
\v 5 እስራኤልያ አሳ ኦቶሩ ኡንቱንቱ ቦላን ማርካቴ፤ ሄዋ ድራዉ፥ እስራኤልያ አሳይነ ኤፍሬማ አሳይ ባረንቱ ናጋራን በቲኖ፤ ይሁዳ አሳይካ ኡንቱንቱና በቴ። 
\v 6 ኡንቱንቱ መና ጎዳዉ ያርሻናዉ ባረንቱ ዶርሳቱዋ ዉድያነ መህያ ዉድያ ላግ አኪደ ባና፤ ሽን ኡንቱንቱ አ ደምክኖ። አያዉ ጎፐ፥ እ ኡንቱንቱፐ ሻከቴዳ። 
\v 7 ኡንቱንቱ መና ጎዳዉ አማነትበይክኖ፤ ኡንቱንቱ የሌዳ ናናይካ ሻርሙጻ ናና። ሄዋ ድራዉ፥ ሀ አግናይ ጼራናዉ፥ ኡንቱንቱካ ኡንቱንቱ ቢታይካ ያና።
\s1 እስራኤልነ ይሁዳይ ኦለትያ ኦላ
\p
\v 8 ግብኣ ካታማን ማላካታ፥ ራማ ካታማን ጹሩምባ ፑንተ። “ቢንያማ አሳዉ፥ ህንተ ጉይያን ደእያባ ጼልተ፤ ሄዋ ኤርተ!” ያጊደ፥ ቤት-አዌናን ዋሱዋ ጹልስተ። 
\v 9 ቃጻየትያ ጋላስ ኤፍሬመ መላ አታና፤ እስራኤልያ ዛራቱ ግዶን ቱሙ ትምቢትያ ታን ኦዳይ።
\p
\v 10 ጾሳይ ሀዋዳን ያጌ፤ “ይሁዳ ካፓቱ ዛዋ ሹቻ ሱግያዋንቱ ማላ ግዴድኖ፤ ታን ታ ሀንቁዋ ኡንቱንቱ ቦላን ሃዳን ጉሳና። 
\v 11 ኤፍሬማ አሳይ ማዳናዉ ዳንዳየና ካዉተቱዋፐ ማዱዋ ኦቻናዉ ቃቼዳ ድራዉ፥ ናቀቴዳነ ፕርዳን ቆሄቴዳ። 
\v 12 ሄዋ ድራዉ፥ ታን ኤፍሬማ አሳዉ ብልኣ ማላ፥ ይሁዳ አሳዉካ ቁኑዋ ማላ።
\p
\v 13 “ኤፍሬመ ባረ ሀርግያ፥ ይሁዳይካ ባረ ማዱ በኤዳ ዎደ፥ ኤፍሬመ አሶረ ቢታ ቤዳ፤ ሄ ቢታ ሞድያ ዎልቃማ ካትያ ማዱዋ ኦቼዳ። ሽን እ ኡንቱንቱ ሀርግያ ላናዉ ዎይ ኡንቱንቱ ማዱ ፓናዉ ዳንዳይቤና። 
\v 14 ሄዋ ድራዉ፥ ታን ኤፍሬማዉ ጋሙዋዳን ሀናና፤ ይሁዳዉካ ዎዳላ ጋሙዋዳን ሀናና። ታን ኡንቱንታ መንሬደ፥ ቶካ አካደ ባና፤ ኦንነ ኡንቱንታ ታፐ ዎ አከና። 
\v 15 ኡንቱንቱ ባረንቱ ባይዙዋ አኬካና ጋካናዉነ ታና ኮያና ጋካናዉ፥ ታን ጉየ ታ ሳኣ ስማሻና። ኡንቱንቱ ባረንቱ ቱጋዉ ታና ምንሲደ ኮያና” ያጌ።
\c 6
\s1 አሳይ ጾሳኮ ስሞዋ ማላትሴዳ
\r (6:1—7:10)
\p
\v 1 እስራኤልያ አሳይ ሀዋዳን ያጌ፤ “ሃይተ! አነ መና ጎዳኮ ስሞይተ። እ ኑና መንሬዳ፥ ሽን እ ኑና ፓና፤ እ ኑና ማዱዳ፥ ሽን እ ኑ ማዱ ቃቻናዋ። 
\v 2 ላኡ ጋላሳፐ ጉይያን፥ እ ኑና ፓና፤ ሄዘን ጋላስ ኑን አ ስንን ደአና ማላ፥ እ ኑና ደንና። 
\v 3 መና ጎዳ አነ ኤሮይተ፤ አ ኤራና ማላ፥ ምንሲደ አነ አ ካሎይተ። አዋይ ሞክያዌ ቱማ ግድያዋዳን፥ እካ ቱሙ ቤታና። ባሳ እራዳን፥ ቢታ አልያ ባልጉዋ እራዳን፥ እ ኑኮ ያና” ያጌ።
\p
\v 4 ጾሳይ ሀዋዳን ያጌ፤ “ኤፍሬማ አሳዉ፥ ታን ህንተና ዋቶሻ! ይሁዳ አሳዉ፥ ታን ህንተና ዋቶሻ! አያዉ ጎፐ፥ ህንተ ሲቁ ዎንታ ሻርያ ማላ፤ ኤለካ ይያ ጉራ ከተርሳ ማላ። 
\v 5 ሄዋ ድራዉ፥ ታን ትምቢትያ ኦድያዋንቱ ባጋና ህንተና ቃንጸሬድ፤ ታ ዶናፐ ከሴዳ ቃላን ታን ህንተና ዎድ። ታ ፕርዳይካ ህንተ ቦላ ዋልቃንዳን ዋልቃማና። 
\v 6 አያዉ ጎፐ፥ ታን አገና ሲቁዋ ኮያይፐ አትና፥ ያርሹዋ ኮይከ፤ ጾሳ ኤርያዋ ኮያይፐ አትና፥ ጹግያ ያርሹዋ ኮይከ።\x - \xo 6:6 \xo*\xt ማቶሳ 9:13፤ 12:7\xt*\x*
\p
\v 7 “ሽን ኡንቱንቱ አዳመዋዳን፥ ጫቁዋ ኮሌድኖ፤ ያን ታዉ አማነተናን እጼድኖ። 
\v 8 ጋላኣደ ካታማይ ኢታ ኦሱዋ ኦያ አሳቱ ደእያ ካታማ፤ ሄ ካታማይ አሳ ሱን ባይ ኡቴዳ። 
\v 9 ፓንጋቱ አሳ ዎናዉ ቆሰት ኡቲደ ናግያዋዳን፥ ቄሳቱ ዋ ጭታይካ ሄዋዳን ናጌ፤ ሰኬማ ካታማ አፍያ ኦግያን አሳ ዎ። ኤ፥ ኡንቱንቱ ዬላይያ ኮባባ ኦኖ። 
\v 10 ታን እስራኤልያ አሳን ዳጋንያባ በኣድ። ኤፍሬማ ግዶን ሻርሙጻተይ ደኤ፤ እስራኤልካ ቱኔዳ።
\p
\v 11 “ይሁዳ ቢታ አሳቶ፥ ህንተናካ ሙራና ጋላሳ ታን ኬራ ዎድ።
\c 7
\p
\v 1 “ታን እስራኤልያ ፓናዉነ ዛረደ እሻልሳናዉ ኮይያ ዎደ፥ ኤፍሬማ ናጋራይነ ሳማርያ አሳ ኢታ ኦሱ ቆንጭ ቤቴ። አያዉ ጎፐ፥ ኡንቱንቱ ዎርዶቲኖ፤ ካይሳቱ ሶን ጎልያ መን ገሊደ ዉኢኖ፤ ፓንጋቱካ ካረን ቦንቂኖ። 
\v 2 ሽን ታን ኡንቱንቱ ኢታ ኦሱዋ ኡባ ሀሳይያዋ ኡንቱንቱ አኬክክኖ። ኡንቱንቱ ኢታ ኦሶቱ ኡንቱንታ ዶድ ዎድኖ፤ ሄ ኢታ ኦሶቱ ኡባ ዎደካ ታ ስንን ደኢኖ።
\s1 ካትያ ጎለን ደንዴዳ ማቁዋ
\p
\v 3 “ኡንቱንቱ ካትያ ባረንቱ ኢታተን፥ ካፓቱዋካ ባረና ዎርዱዋን ናሸቺኖ። 
\v 4 ኡንቱንቱ ኡባይካ ሻርሙጻቱዋ፤ ዳቡዋ ኡክያዌ ጮጭያን ኤዳ ታማዳን፥ ኡንቱንቱ ሀንቁዋን ኤጽ ከሲኖ። ሄ ኡክያዌ ሙናቂያዋ ፖሊደ፥ ሙናቃይ ደንዳና ጋካናዉ፥ ታማ ኤና። 
\v 5 ኑ ካትያ ባላ ቦንችያ ጋላስ፥ ማካላንቻቱ ካፓቱዋ ዎይንያ ኤሳን ማዪደ ሀርግሴድኖ፤ ኡክያዌ ባረ ኩሽያ ደንደ፥ ቅሊጭያዋንቶ ምጬ። 
\v 6 ኡንቱንቱ ዎዛናይ ታማ ጮጨ ማላ፤ ኡንቱንቱ ሺቂደ ማቀቴድኖ። ኡክያዌ ቃማ ኡባ ገምእሺደ አቄ፤ ሳአይ ዎንትያ ዎደ ታማ ላጩዋዳን፥ አ ሀንቁ ኤጽ ከሴ። 
\v 7 ኡንቱንቱ ኡባይካ ታማ ጮጭያዳን ምቺኖ፤ ባረና ሞድያዋንታ ሚኖ። ኡንቱንቱ ካተቱ ኡባይካ ኩንዴድኖ፤ ኡንቱንቱፐ ኦንነ ታና ጼስያዌ ባዋ።
\s1 እስራኤልያ አሳነ ሀራ ካዉተቱዋ አሳ
\p
\v 8 “ኤፍሬማ አሳይ ሀራ ካዉተቱዋ አሳና ዋላከቴዳ፤ ኤፍሬማ አሳይ አ የግቤና ኡክ ማላ ግዴዳ። 
\v 9 አላጋቱ አ ዎልቃ ሜድኖ፥ ሽን እ ሄዋ ኤርቤና፤ አ ሁጲካ ፑሉሜዳ፥ ሽን እ ሄዋ ኤርቤና። 
\v 10 እስራኤልያ አሳ ኦቶሩ ኡንቱንቱ ቦላን ማርካቴ። ሄዌ ኡባይ ሀንናካ ኡንቱንቱ መና ጎዳኮ፥ ባረንቱ ጾሳኮ፥ ስምበይክኖ ዎይ አ ኮይበይክኖ።
\s1 እስራኤልያ አሳይ ጾሳን አማነትቤና
\r (7:11—8:14)
\p
\v 11 “ኤፍሬማ አሳይ ቆፋይ ባይና ኤያ ሀራጵያ ማላ። ማዱዋ ደማናዉ እቶደን ግብጼ ጼሴ፤ እቶደን ቃይ አሶረኮ ስሜ። 
\v 12 ኡንቱንቱ ብያ ዎደ፥ ታን ኡንቱንቱ ቦላን ግትያ የጋና፤ ታን ኡንቱንቱ ሳሉዋ ካፎቱዋዳን፥ ዱገ ጎቻደ ዎና። ኡንቱንቱ ኢታ ኦሱዋ ድራዉ፥ ታን ኡንቱንታ ሙራና።
\p
\v 13 “ኡንቱንቶ አየ አና! አያዉ ጎፐ፥ ኡንቱንቱ ታፐ ዎራ ስሜድኖ። ኡንቱንታ ባይዝያባይ ዮ! አያዉ ጎፐ፥ ኡንቱንቱ ታ ቦላ ማካሌድኖ። ታን ኡንቱንቱ ዎዛናዉ ኮያድ፤ ሽን ኡንቱንቱ ታ ቦላ ዎርዱዋ ሃሳዪኖ። 
\v 14 ባረ ሂጻን ግሲደ ዝላሊኖፐ አትና፥ ባረንቱ ዎዛናፐ ታና ዎስክኖ። ካዉነ ዎይንያ ኤሳዉ ባረንቱ ቦላ ማሻን ቃንጺደ፥ ሀራ ጾሳቱዋ ዎሲኖ፤ ሽን ኡንቱንቱ ታ ቦላ ማካሌድኖ።
\p
\v 15 “ታን ኡንቱንታ ሎህሳድነ ምንሳድ፤ ያትናካ ታዉ ኢታባ ማቀቲኖ። 
\v 16 ኡንቱንቱ ስሚኖ፥ ሽን ታኮ ስምክኖ። ኡንቱንቱ ዎራ ጾንግያ ዎንዳፍያ ማላ። ኡንቱንቱ ካፓቱ ኢታባ ሃሳይያዋ ሀዳን፥ ማሻን ዉራና፤ ሄዋን ኡንቱንቱ ግብጼ አሳን ቅሊጨታና።
\c 8
\s1 መና ጎዳይ እስራኤልያ ኤቃ ጎይኑሳን ፕርዴዳ
\p
\v 1 “ማላካታ ፑና! አያዉ ጎፐ፥ ኡንቱንቱ ታ ጫቁዋ አደ፥ ታ ህግያ መንዳ ድራዉ፥ መና ጎዳ አሳ ቦላ ሞርኪ አርጋንዳን ኩዌዳ። 
\v 2 ኡንቱንቱ፥ ‘አቤት ኑ ጾሳዉ፥ ኑን እስራኤልያ አሳይ ኔና ኤሬቶ’ ያጊደ ታዉ ዋሲኖ። 
\v 3 ሽን እስራኤልያ አሳይ ሎኦባ እጼዳ ድራዉ፥ ሞርኪ ኡንቱንታ የደርሳና።
\p
\v 4 “ኡንቱንቱ ታና ኦቼናን ባረዉ ካተቱዋ ካተዬድኖ፤ ታን ኦደናን ደእሽን፥ ካፓቱዋ ዶሬድኖ። ባረ ዮ ጋሱዋ ግድያ ኤቃ ምስለቱዋ ባረንቱ ብራፐነ ዎርቃፐ መድኖ። 
\v 5 ሳማርያ አሳዉ፥ ማራ ማላትሲደ ህንተ መዳ ኤቃ ታን እጻድ፤ ታ ሀንቁ ህንተ ቦላ ኤጽ ከሴዳ። ኡንቱንቱ ጌሻ ግደናን አዉደ ጋካናዉ ደአኔ? 
\v 6 ኩሽያ ሂላንቻይ እስራኤልያፐ አ መዳፐ አትና፥ እ ጾሳ ግደና። ሳማርያ ኤቃ ምስሊ መኤረታና።
\p
\v 7 “ኡንቱንቱ ጫርኩዋ ዘሪኖ፤ ጎትያ ቆይጪኖ። ኤቁዋን ደእያ ኡንቱንቱ ካዉ አይፊ ባዋ፤ ሄዋ ድራዉ፥ ሊ ባዋ፤ ሊ ደእንቶካ አላጋቱ ማና። 
\v 8 እስራኤልያ አሳይ ምተቴዳ፤ ሀእ ኡንቱንቱ አላጋ አሳቱዋ ግዶን ደኢኖ፤ ኡንቱንቱ መኤዳ ሚሻዳን፥ ፓና አሳ ግዴድኖ። 
\v 9 ኡንቱንቱ ባዶ ሀርዲዳይ ባረካ ዩይያዋዳን ዩዪደ፥ አሶረ ቢታ ቤድኖ፤ ኤፍሬማ አሳይ ባረና ማድያ አሳ ሻሉዋን ሻሜዳ። 
\v 10 ታን ኡንቱንታ ሺሻና። ካረ ጋድያ ካተቱነ ካፓቱ ኡንቱንታ ኡቁኖፐ፥ ኡንቱንቱ ኤለካ ግልቃና።
\p
\v 11 “ኤፍሬማ አሳይ ናጋራ ያርሹዋ ያርሽያ ዳሮ ሳኣ ኬጼ፤ ሽን ሄ ያርሹዋ ሳአቱ ናጋራ ኦያ ሳ ግዴድኖ። 
\v 12 ታን ኡንቱንቶ ታ ህግያን ዳሮባ ጻፋድ፤ ሽን ኡንቱንቱ ሄ ህግያ አላጋባዳን ጼሌድኖ። 
\v 13 ኡንቱንቱ ያርሻናዉ ዶሲኖ፤ ያርሹዋ አሹዋካ ሚኖ፤ ሽን መና ጎዳይ ኡንቱንቱን ናሸትቤና። እ ሀእ ኡንቱንቱ ባይዙዋ ሀሳያና፤ ቃይ ኡንቱንቱ ናጋራ ግሻዉካ ኡንቱንታ ሙራና፤ ኡንቱንቱ ግብጼ ቢታ ባና። 
\v 14 እስራኤልያ አሳይ ባረና መዳዋ ዶጊደ፥ ካትያ ጎለቱዋ ኬጼ፤ ይሁዳ አሳይካ ግምበቴዳ ዳሮ ካታማቱዋ ኬጼ። ሽን ታን ሄ ካታማቱዋን ታማ የዳና፤ ኡንቱንቱ ጌሶቱዋ ማና” ያጌ።
\c 9
\s1 እስራኤልያ አሳይ በስያ ሙሩዋ ደማና
\r (9:1-16)
\p
\v 1 እስራኤልያ አሳቶ፥ ናሸቶፕተ! ሀራ ካዉተቱዋዳን፥ ፖጩ ጎፕተ! አያዉ ጎፐ፥ ህንተ ህንተ ጾሳፐ ሻከቲደ፥ ሻርሙጼድታ፤ ካ ቡክያ ኡዱማ ኡባን ሻርሙጻታ እምያ ጋትያ ዶሴድታ። 
\v 2 ሄዋ ሀዳን ህንተ ኡዱማፐ ካ፥ ዎይንያ ጉምኢያሳፐካ ኤሳ ደምክታ፤ ቃይ ዎይንያ ቱራይካ ኡንቱንቶ አይፈና። 
\v 3 ኡንቱንቱ መና ጎዳ ቢታንካ ጋምእክኖ። ሽን ኤፍሬመ ግብጼ ቢታ ስማና፤ ቃይ አሶረ ጋድያን ቱና ቁማ ማና።
\p
\v 4 ኡንቱንቱ መና ጎዳዉ ዎይንያ ኤሳ ያርሹዋ ጉስክኖ፤ ኡንቱንቱ ያርሹካ አ ናሸቼና። ሄ ያርሹ ኡንቱንቶ ሾቻ ማላ ግዳናዋ፤ ሄዋ ምያ ኡባይ ቱናና። ሄ ኡክይ ኡንቱንቱ ማናሳፐ አትና፥ መና ጎዳ ጌሻ ጎልያ ገለና። 
\v 5 ኬሬዳ ባላ ጋላስነ መና ጎዳ ቦንችያ ባላ ጋላስ፥ ህንተ አያ ኡዳንቴ? 
\v 6 ኡንቱንቱ ባሻፐ ከስ አኮፐካ፥ ግብጼ ኡንቱንታ ሺሻና፤ መምፒሳ ግያ ካታማይ ኡንቱንታ ሞጋና። ኡንቱንቱ ሺሼዳ ብራ ሚሻ ኡባይ ሻራፋ ማይ አታና፤ ኡንቱንቱ ዱንካንያ ግዶንካ ቡሉ ቡዙ ሞካና።
\p
\v 7 ሙሩዋ ጋላሳይ ዬዳ፤ ጾሳይ አሳዉ አ ኦሱዋዳን ኦሱዋዳን ዛርያ ዎዲ ጋኬዳ። እስራኤልያ አሳይ ሄዋ ኤሮ! ህንተ ኢታ ናጋራ ድራዉነ ህንተ ሞርከተ ድራዉ ህንተ፥ “ትምቢትያ ኦድያዋንቱ ኤያ፤ ሳፃ በእያዋንቱካ ጎይያዋንታ” ያጌድታ።\x - \xo 9:7 \xo*\xt ሉቃሳ 21:22\xt*\x* 
\v 8 ትምቢትያ ኦድያዌ ታ ጾሳና እትፐ ግዲደ፥ ኤፍሬማ ናግያዋ። ሽን ሀመትያ ኦገ ኡባን ኤፍሬማዉ ካፉዋ ኦይቂያዋዳን፥ ጲሪ ዎ ኡቴዳ፤ አ ጾሳ ጎልያንካ ሞርከተይ ደኤ። 
\v 9 በን ግብኣ ካታማን ሀኔዳዋዳን፥ ኡንቱንቱ ሎይ ቱኔድኖ። ጾሳይ ኡንቱንቱ ባይዙዋ ሀሳያና፤ ኡንቱንቱ ናጋራ ሙራና።\x - \xo 9:9 \xo*\xt ዳና. 19:1-30\xt*\x*
\s1 እስራኤልያ አሳ ናጋራነ አ ካልያ ፕርዳ
\p
\v 10 ጾሳይ ሀዋዳን ያጌ፤ “ታን እስራኤልያ አሳ መላ ቢታን ዎይንያ ቴራ ደምያዋዳን ደማድ። ታን ህንተ አዎቱዋ ባላስያ ግያ ምን ደእያ ኮይሮ አይፍያ በእያዋዳን በኣድ። ሽን ኡንቱንቱ ባኣል-ፓኦራ ግያሳ ዪደ፥ ባኣላ ግያ ኤቃዉ ጎይኔድኖ፤ ያቲደ ባረንቱ ዶሴዳ ኤቃዳንካ ቱኔድኖ።\x - \xo 9:10 \xo*\xt ፓይ. 25:1-5\xt*\x* 
\v 11 ኤፍሬማ ቦንቹ ካፉዋዳን ፓል ያና፤ ሀዋፐ ስንናዉ የልያባይ ባዋ፤ ሻሃራይካ ባዋ፤ ሻሃርያባይ ባዋ። 
\v 12 ኡንቱንቱ ናናቱዋ የሊደ ድቾፐካ፥ እቱነ አተናን ዎ ድጋደ፥ ኡንቱንቱ የሉ ባይና አሳ ከሳና። ታን ኡንቱንቱፐ ሃኬዳ ዎደ፥ ኡንቱንቶ አየ አና። 
\v 13 ኤፍሬማ አሳይ ሎይ ሎእያ ታየረ ቢታ ማትያዋ በኣድ፤ ኤፍሬማ አሳይ ባረንቱ ናናቱዋ ሹክያዋንቶ ከሲደ እማናዉ ኮሼ” ያጌ።
\p
\v 14 አቤት መና ጎዳዉ፥ ኡንቱንቶ እማ! ኔን ኡንቱንቶ አያ እማኒ? ኔን ኡንቱንቶ ቦሸትያ ቃንነ መሌዳ ን እማ።
\p
\v 15 ጾሳይ ሀዋዳን ያጌ፤ “ኡንቱንቱ ኢታተ ኡባይ ገልጋላ ግያ ሳና፤ ታን ኡንቱንታ እጽያዋ ያን ዶማድ። ኡንቱንቱ ኦሱዋ ኢታተ ድራዉ፥ ታን ኡንቱንታ ታ ጎልያፐ የደርሳና፤ ሀዋፐ ስንናዉ ታን ኡንቱንታ ሲቅከ፤ ኡንቱንታ ሞድያዋንቱካ ማካላንቻ። 
\v 16 ኤፍሬማ አሳይ ደሸትና፥ ኡንቱንቱ ጻጱ መሌዳ፤ አይፍያካ አይፍክኖ። ኡንቱንቱ ናናቱዋ የሎፐካ፥ ታን ኡንቱንቱ ሲቅያ ናናቱዋ ዎና” ያጌ።
\s1 እስራኤልያ አሳዉ እመቴዳ ሴራ
\r (9:17—10:15)
\p
\v 17 ኡንቱንቱ ታን ጾሳይ ግያዋ ስሰና ድራዉ፥ እ ኡንቱንታ ፕጽ ኦላና፤ ኡንቱንቱ ካዉተቱዋ ግዶን ቶይላካትያዋንታ ግዳና።
\c 10
\p
\v 1 እስራኤልያ አሳይ ዳሼዳ ዎይንያ ቱራ ማላ፤ ኡንቱንቱ ባረዉ አይፍያ አይፊኖ። ኡንቱንቱ አይፍያ አይፊ ዳሬዳ ኬና ያርሽያ ሳኣ ዳርስ ኬጼድኖ። ኡንቱንቱ ቢታይ ዱረቴዳ ኬና፥ ጎይንያ ኤቃ ቱሳቱዋ አሌቂሲደ መድኖ። 
\v 2 ኡንቱንቱ ዎዛናን ገኒ ኩሜዳ፤ ሀእ ኡንቱንቱ ባረንቱ ባይዙዋ ሙሩዋ አካናዉ ኮሼ። መና ጎዳይ ኡንቱንቱ ያርሽያ ሳኣ ላላና፤ ኡንቱንቱ ኤቃ ቱሳቱዋ ይሳና።
\p
\v 3 ሄ ዎደ ኡንቱንቱ፥ “ኑን መና ጎዳዉ ያይቤና ድራዉ፥ ኑዉ ካቲ ባዋ፤ ሽን ኑዉ ዎን ካቲ ደእንቶነ አያ ኦኔ?” ያጋና። 
\v 4 ኡንቱንቱ ሀዳባ ሃሳዪኖ፤ ጫቁዋ ጫቀቲደካ ዎርዱዋን ጫቂኖ። ሄዋ ድራዉ፥ ዎያ ሻራፋይ ሾይቃን ዶልያዋዳን፥ ኡንቱንቱ ቦላን ፕርዳይ ዶላና። 
\v 5 ሳማርያ ካታማን ደእያ አሳይ ቤት-አዌናን ደእያ ማራ ምስልያዉ ያዪኖ። አ ቦንቹ አፐ ሻከት ክቼዳ ድራዉ፥ አሳይ አዉ ዬካና፤ ሄ ኤቃ ምስልያዉ ኦያ ቄሳቱ ካ ዋሳና። 
\v 6 ሄ ኤቃ ምስሊ አሶረ ቢታ ቶከት ቢደ፥ ዎልቃማ ካትያዉ ጊራዳን እመታና። ኤፍሬማ አሳይ ዬላታና፤ እስራኤልያ አሳይካ ባረ ኤቃ ምስለቱዋ ሀዳን ካዉሻና።
\p
\v 7 ሳማርያ ካቲ ሃ ቦላን ቃይጼሪ ቶከትያዋዳን፥ ቶከት ያና። 
\v 8 ቃይ እስራኤልያ አሳይ አዌና ግያ ካታማን ኤቃዉ ጎይኒደ፥ ናጋራ ኦያ ቃ ሳአቱካ ኮለታና፤ ኡንቱንቱ ያርሽያሳን አጉንይነ ጎምኦሪ ሞካና። ያትና፥ ኡንቱንቱ ደረቱዋ፥ “ኑና ገንተ!” ያጋና። ከራቱዋካ፥ “ኑ ቦላ ኩንድተ!” ያጋና።\x - \xo 10:8 \xo*\xt ሉቃሳ 23:30፤ ሳፃ 6:16\xt*\x*
\s1 ጾሳይ እስራኤልያ ቦላ ፕርዴዳ
\p
\v 9 ጾሳይ ሀዋዳን ያጌ፤ “እስራኤላቶ፥ ህንተ ግብአን ናጋራ ኦዳ ጋላሳፐ ዶሚደ፥ ናጋራ ኦያዋ አግበይክታ። ሄዋ ድራዉ፥ ግብኣ ካታማን ህንተ ቦላ ኦላይ ደንዳና።\x - \xo 10:9 \xo*\xt ዳና. 19:1-30\xt*\x* 
\v 10 ታን ኮይያ ዎደ፥ ሄ ማካላንቻቱዋ ሙራና። ኡንቱንቱ ኦዳ ላኡ ናጋራ ጋሱዋን ታን ኡንቱንታ ሙሪያ ዎደ፥ ካዉተቱ ኡንቱንቱ ቦላን ሺቃና።
\p
\v 11 “ኤፍሬመ ካ የ ዶስያ፥ ዋደ ከሴዳ ኮሩማ ማላ፤ ሽን ታን አ ፑላ ሞርግያን ሞርገ ም ዎደ ዋጻና። ይሁዳ አሳይ ጎሻናዉ ኮሼ፤ ያቆባ አሳይካ ጋድያ ጳልቃናዉ ኮሼ። 
\v 12 መና ጎዳይ ዪደ፥ ጽሎተ ህንተ ቦላ እራዳን ቡክሳና ጋካናዉ፥ ህንተ አ ኮይያ ዎደ ግድያ ድራዉ፥ ህንተዉ ጽሎተ ዘርተ፤ አገና ሲቁዋ ጫክተ፤ ኦ ቢታካ ጳልቂተ።\x - \xo 10:12 \xo*\xt ኤር. 4:3\xt*\x*
\p
\v 13 “ህንተ ኢታተ ዘሪደ፥ ናጋራ ጫኬድታ፤ ህንተ ዎርዱዋ አይፍያካ ሜድታ።
\p “ህንተ ህንተ ዎልቃንነ ህንተ ዳሮ ኦላንቻቱዋን አማነቴዳ ድራዉ፥ 
\v 14 ህንተ አሳ ቦላ ኦላ ድርባይ ደንዳና፤ በን ኦላ ዎደ ካቲ ሻልማን ቤት-አርቤላ ካታማ ኦሊደ ባይዜዳዋዳንነ አየቱዋናነ ናናቱዋና ጋ መንሬዳዋዳን፥ ህንተ ጌሶቱ ሄዋዳን ኦልና ባያና። 
\v 15 ህንተኖ፥ ቤቴለ ካታማ አሳቶ፥ ህንተ ዎልቃማ ኢታተ ሀዳን ህንተ ቦላካ ሀዋ ማላባይ ጋካና። ሄ ጋላስ ሳአይ ዎንትያ ዎደ፥ እስራኤልያ ካቲ ኡባና ያና።
\c 11
\s1 ጾሳይ ባረ አሳዉ ደእያ ሲቁዋ
\r (11:1-11)
\p
\v 1 “እስራኤሊ ናአተን ደእያ ዎደ፥ ታን አ ሲቃድ፤ ታን ታ ናኣ ግብጼ ጋድያፐ ጼሳድ። 
\v 2 ታን ኡንቱንታ ዳርሳደ ጼስና፥ ኡንቱንቱ ታፐ ዳሮ ሃኪደ ቤድኖ። ባኣላ ጌተትያ ኤቃቶ ያርሹዋ ያርሼድኖ፤ ቃይ ኤቃ ምስለቶ እጻና ጩዋዬድኖ። 
\v 3 ኤፍሬማ አሳ ሀራቅያ ኦይቃደ ሀመ ታማርሴዳዌ ታና፤ ሽን ኡንቱንቱ ፓዳዌ ታና ግድያዋ ኡንቱንቱ ኤርክኖ። 
\v 4 ታን ኡንቱንቱ ቃረታንነ ሲቁዋ ዎዶሩዋን ጎቻድ፤ ኡንቱንቱ ሞርግያፐ ሞርገ ም ደንድ፤ ሆካደ ኡንቱንታ ሙዛድ።
\p
\v 5 “ኡንቱንቱ ታኮ ስመናን እጼዳ ድራዉ፥ ግብጼ ቢታ ስማና፤ ቃይ አሶረ ቢታ ካቲ ኡንቱንቱ ቦላ ካተታና። 
\v 6 ኡንቱንቱ ሞርክያ ማሻይ ኡንቱንቱ ካታማቱዋ ኦላና። ኡንቱንቱ ካታማቱዋ ፐንገቱዋካ መንሬና፤ ኡንቱንቱ ዞረታይካ ላለታና። 
\v 7 ታ አሳይ ታፐ ሃኪደ ባናዉ ቆፋ ቃቼዳ። ሁቁና ሞርገ ም ጋሱዋን ኡንቱንቱ ዋሳና፤ ሽን ኦንነ ሄ ሞርገ ም ኡንቱንቱ ሞርግያፐ ደንና።
\p
\v 8 “ኤፍሬማ፥ ታን ኔና ዋታደ አጎ? እስራኤልያዉ፥ ታን ኔና ዋታደ አ እሞ?\x - \xo 11:8 \xo*\xt ዛረ. 29:23\xt*\x* ታን ኔና ዋታደ አዳማ ግያ ካታማዳን ኦ? ታን ኔና ዋታደ ጻቦይማ ግያ ካታማዳን ኦ? ታን ኔና ሎይ ሲቅያ ድራዉ፥ ታ ዎዛናይ ሄዋ ኤኖ ጌና። 
\v 9 ታን ታ ሱልያ ሀንቁዋን ኡንቱንታ አይነ ኦከ፤ ቃይ ኤፍሬማ ላኤንዋ ይስከ። አያዉ ጎፐ፥ ታን ጾሳፐ አትና፥ አሳ ግድከ። ታን ጌሻ ጾሳይ ህንተ ግዶን ደአይ፤ ህንተኮ ሱሎ ሀንቁዋን ዪከ።
\p
\v 10 “ኡንቱንቱ መና ጎዳ ካላና፤ እካ ጋሙዋዳን ጉዳና። እ ጉድያ ዎደ፥ አ ናናይ አዋይ ዉልያ ባጋፐ ያና፤ 
\v 11 ግብጼ ጋድያፐ ካፎቱዋዳን፥ አሶረ ቢታፐካ ሀራጰቱዋዳን፥ ፓሊደ ያና። ታን ኡንቱንታ ኡንቱንቱ ጎልያን ጎልያን ዎና። ታን መና ጎዳይ ሀዋ ኦዳድ” ያጌ።
\s1 ጾሳይ ባረ አሳ ቦላ አዳ ፕርዳ
\r (11:12—13:16)
\p
\v 12 ኤፍሬማ አሳይ ዎርዱዋን፥ እስራኤልያ አሳይካ ጭሙዋን ታና ዶዴድኖ። ይሁዳ አሳይካ አማንያ ጌሻ ጾሳ ቦላ ጻልታሜዳ።
\c 12
\p
\v 1 ኤፍሬማ አሳይ ዎንታፐ ኦማርስ ጋካናዉ ኦያባይ ኡባይ፥ አዋይ ዉልያ ባጋፐ ይያ ጫርኩዋ ኩጭያዋዳን ዎይ የደርስያዋ ማላ ጎኤና። ኡንቱንቱ ዎርዱዋነ ማካላ ኦሱዋ ዳርሲኖ፤ አሶረ ቢታና ጫቁዋ ጫቀቲኖ፤ ዎጋራ ዛይትያ ግብጼ ቢታ የዲኖ።
\p
\v 2 መና ጎዳዉ ይሁዳ አሳና ሞቱ ደኤ፤ እ ያቆባ አሳ ኡንቱንቱ ኦግያዳን ሙራና፤ ኡንቱንቱ ኦሱዋዳንካ አዉ ዛራና። 
\v 3 ያቆብ ባረ ዳይ ኡሉዋን ደኢደ፥ ባረ እሻ ግንድያ ኦይቄዳ። ቃይ ጋማ ጋኪደ፥ ጾሳና ባጸቴዳ፤\x - \xo 12:3-4 \xo*\xt ዶመ 32:24-26\xt*\x* 
\v 4 ኪታንቻናካ ባጸቴዳ ጾኔዳ። ባረና ኬካ አይፍያን ጼላናዳን፥ ዬኪደ ዎሴዳ። ያቆብ ጾሳ ቤቴለን ደሜዳ፤ ጾሳይ ያን አናና ሃሳዬዳ።\x - \xo 12:4 \xo*\xt ዶመ 28:10-22\xt*\x* 
\v 5 ሄዌ መና ጎዳ፥ ኡባፐ ዎልቃማ ጾሳ። እ ኤረቴዳ ሱንይካ መና ጎዳ ጌተቴ። 
\v 6 ሄዋ ድራዉ፥ ህንተ ጾሳኮ ስምተ፤ ሲቁዋነ ሱረ ፕርዳ ምንስ ኦይቂተ፤ ህንተ ጾሳይ ኦናዉ ናግተ።
\p
\v 7 ዛልአንቻ ኩሽያን ዎርዶ ሚዛናይ ደኤ፤ አሳ እ ጭምያዋ ዶሴ። 
\v 8 ኤፍሬመ፥ “ታን ዳሮ ዱረ፤ ታን ታዉ ዱረታ ደማድ። ታ አቁዋ ኡባ ግዶን ታናን ኡንቱንቱ ባላ ዎይ ናጋራ ግድያባ ደምክኖ” ያጌዳ።
\p
\v 9 መና ጎዳይ ሀዋዳን ያጌ፤ “ታን ህንተና ግብጼ ጋድያፐ ከሳደ አሄዳ መና ጎዳ ህንተ ጾሳ፤ ዳስያ ባላ ጋላሳዳን፥ ታን ህንተና ላኤንዋካ ዱንካንያን ዎና።\x - \xo 12:9 \xo*\xt ዎጋ 23:42-43\xt*\x* 
\v 10 ታን ትምቢትያ ኦድያዋንቶ ሃሳያድ። ዳሮ ሳጻካ ኡንቱንቶ እማድ፤ ቃይ ኡንቱንቱ ባጋና ዳሮ ሌምሳቱዋ ኦዳድ” ያጌ።
\p
\v 11 ጋላኣደን ናጋራይ ደኤ፤ ጋላኣደ አሳቱ ቱሙዋፐ ፓናዋንታ። ኡንቱንቱ ገልጋላን ኮሩማቱዋ ያርሺኖ። ሄዋ ድራዉ፥ ኡንቱንቱ ያርሽያ ሳአቱ ጎሻ ግዶን ኬሌዳ ሹቻ ማላ ግዳናዋ።
\p
\v 12 ያቆብ ሶርያ ቢታ ባቃቴዳ፤ እስራኤሊ ማጫ አሳ አካናዉ ከራ ኦዳ። ማጫ አሳ አካና ድራዉ፥ እ ያን ዶርሳ ሄሜዳ።\x - \xo 12:12 \xo*\xt ዶመ 29:1-20\xt*\x* 
\v 13 መና ጎዳይ እስራኤልያ አሳ ትምቢትያ ኦድያዋ ባጋና ግብጼ ጋድያፐ ከሴዳ፤ ሄ ትምቢትያ ኦድያዋ ባጋና ኡንቱንታ ናጌዳ።\x - \xo 12:13 \xo*\xt ከሳ 12:50-51\xt*\x* 
\v 14 ሽን ኤፍሬመ ጾሳ ሎይ ሀንቀሴዳ፤ ሱ እ ጉሴዳዋ አጩዋ አ ጎዳይ አ አቻና፤ ቃይ አ ጫሻ አዉ ዛራና።
\c 13
\s1 እስራኤልያ ዉርሰ ፕርዳ
\p
\v 1 ኤፍሬማ አሳይ ሃሳዬዳ ዎደ፥ ስሴዳ አሳይ ያሻዉ ኮኮሬዳ፤ እስራኤልያ ጋድያን ኡንቱንቱ ቦንቼቴዳ አሳ። ሽን ባኣላ ግያ ኤቃዉ ጎይኔድኖ፤ ሄ ባይዙዋ ጋሱዋን ሀይቄድኖ። 
\v 2 ሀእካ ናጋራ ቦላ ናጋራ ኦኖ፤ ቃይ ባረዉ ጎይናናዉ፥ ሲልሲደ ምስለቱዋ መኖ። ሄ ምስለቱ ሂላን ብራፐ መቴዳዋንታ፤ ኡንቱንቱ ኡባይካ ኩሽያ ሂላይ መዳዋንታ። ኡንቱንቱዋ አሳይ ሃሳዪደ፤ “አሳ ያርሹዋ ያርሽተ፤ ሀ ማራ ምስልያካ የርተ” ያግኖ። 
\v 3 ሄዋ ሀዳን ኡንቱንቱ ዎንታ ሻርያ ማላ፥ ዎይ ጉራን ቆለትያ ዎንታ ከተርሳ ማላ ዎይ ጫርኩ ኡዱማፐ ደንደ አፍያ ሱላ ማላ ዎይ ማስኮትያና ከስያ ፔኑዋ ማላ ግዳናዋ።
\p
\v 4 ጾሳይ ሀዋዳን ያጌ፤ “ታን ህንተና ግብጼ ጋድያፐ ከሳደ አሄዳ መና ጎዳ ህንተ ጾሳ። ህንተ ታፐ አትና፥ ሀራ ጾሳ ኤርክታ፤ አሽያዌካ ታፐ አትና፥ ሀራይ ባዋ። 
\v 5 መላ ቢታን፥ መላ ጋድያን ታን ህንተና ናጋድ።\x - \xo 13:5-6 \xo*\xt ዛረ. 8:11-17\xt*\x* 
\v 6 ታን ህንተና ምዝና፥ ሚደ ካሌድታ፤ ካሊደ ኦቶረቴድታ፤ ሄዋፐ ጉይያን፥ ታና ዶጌድታ። 
\v 7 ሄዋ ድራዉ፥ ታን ህንተ ቦላ ጋሙዋ ማላ ግዳናዋ፤ ቃይ ማህያዳን፥ ኦግያ ዶናን ዙጋና። 
\v 8 ማራቱዋ ዎ አኬዳ ማሀቲዳን፥ ታን ህንተናና ጋከታና፤ ህንተና ዳከሬና። ቃይ ታን ህንተና ጋሙዋዳን ያን ማና፤ ባዙዋ ዶኣዳን፥ ህንተና ፖሸረና።
\p
\v 9 “እስራኤልያ አሳቶ፥ ህንተ ታ ቦላ፥ ህንተና ማድያዋ ቦላ ሞርከተን ደንድያ ድራዉ፥ ታን ህንተና ይሳና። 
\v 10 ህንተ ታና፥ ‘ኑዉ ካትያነ ጋድያ ሞድያዋንታ እማ’ ያጊደ ኦቼድታ። ህንተና አሻናዉ ህንተ ካቲ አኔ? ህንተ ጋድያ ሞድያዋንቱ ህንተ ካታማቱዋ ግዶን ሀቃን ደኢኖ?\x - \xo 13:10 \xo*\xt 1 ሳሜላ 8:5-6\xt*\x* 
\v 11 ታን ታ ሀንቁዋን ህንተንቶ ካትያ እማድ፤ ታ ይሉዋን አ ድጋድ።\x - \xo 13:11 \xo*\xt 1 ሳሜላ 10:17-24፤ 15:26\xt*\x*
\p
\v 12 “ኤፍሬማ ባይዙነ ናጋራይ ጻፈቲደ፥ ማዝጎባ ጎልያን ኡቴዳ። 
\v 13 የሉ ኦይቄዳ ምሽራታ ቱጋትያዋ ማላ ቱጋይ አ ቦላ ያና። ሽን እ ኤር ባይና ናኣ፤ አያዉ ጎፐ፥ እ የለትያ ዎዲ ጋክና፥ ባረ ዳይ ኡሉዋፐ ዎናን እጽያ ናኣ ማላ። 
\v 14 ኡንቱንታ ታን ዱፉዋፐ አሻና፤ ሀይቁዋ ዎልቃፐካ ዎዛና። ሀይቆ፥ ነ ኢታ ሀርገቱ ሀቃነ? ዱፎ፥ ነ ባሻይ ሀቃነ?\x - \xo 13:14 \xo*\xt 1 ቆሮ. 15:55\xt*\x*
\p “ታን ታ አሳዉ ቃረትከ። 
\v 15 ኤፍሬመ ባረ እሻቱዋ ግዶን ምንንቶካ፥ መና ጎዳይ የዴዳ አዋይ ዶልያ ባጋ ጫርኩ መላ ቢታፐ ጫርኪደ ያና። አ ፑልቶቱ ቶአና፤ አ ሃ ኦላቱካ መላና። እ ምንጅያ ጎለቱዋን ደእያ አልኦ ሚሻ ኡባይ ቦንቀታናዋ። 
\v 16 ሳማርያ አሳይ ባረንቱ ጾሳ ቦላ ማካሌዳ ድራዉ፥ ባረንቱ ባይዙዋ ሙራ አካናዉ በሰ። ኡንቱንቱ ማሻን ቡሳከታና፤ ኡንቱንቱ ጉ ናናይካ ክንቼታና፤ ኡንቱንቱ ሻሃራ ማጫ አሳቱዋ ኡሉካ ጳልቀታና” ያጌ።
\c 14
\s1 ናጋራ ማሮታነ አንጁዋ ህዶታ
\r (14:1-9)
\p
\v 1 እስራኤልያ አሳዉ፥ ህንተ ናጋራ ጋሱዋን በቲደ ኩንዴድታ። ህንተ ሀእ መና ጎዳኮ፥ ህንተ ጾሳኮ ስምተ። 
\v 2 መና ጎዳኮ ስሚደ፥ ሀዋዳን ያጊደ ዎስተ፤ “ኑ ናጋራ ኡባፐ ኑና ማራ፤ ኔን ኑና ነ ኬካተን ሺሻ አካ፤ ያትና ኑን ኑ እንጻርሳን ኔና ጋላታና። 
\v 3 አሶረ ጋዲ ኑና አሸና፤ ኑን ኦላ ፓራቱዋካ ቶጎኮ። ኑን ኑ ኩሽያን መዳ ኤቃ ምስለቱዋ ሙለካ፥ ‘ሀዋንቱ ኑ ጾሳቱዋ’ ጎኮ። አዉ ባይናዋንቶ ቃረያዌ ኔና” ያግተ።
\s1 ጾሳይ እስራኤልያ አሳ ኦራጽሳናዉ ህዶታ እሜዳ
\p
\v 4 ጾሳይ ሀዋዳን ያጌ፤ “ታ ሀንቁ ኡንቱንቱፐ ስሜዳ፤ ሄዋ ድራዉ፥ ታን ኡንቱንቱ ማካላ ሀኑዋፐ ኡንቱንታ ፓና፤ ኡንቱንታ ዎዛናፐ ሲቃና። 
\v 5 ታን እስራኤልያ አሳዉ ጮኩዋ ማላ ግዳና፤ ኡንቱንቱ ጪሻዳን ጪሺደ፥ ሊባኖሳ ዝጋዳን፥ ጻጱዋ የዳና። 
\v 6 ኡንቱንቱ ያላጋ ማራቱ ዳሻና፤ ዎጋራዳን ኡንቱንቱ ሎአና። ኡንቱንቱ ሳዉካ ሊባኖሳ ዝጋዳን ቶሹኩ ጋና። 
\v 7 አሳይ ስሚደ፥ ታ ኩዋ ጋርሳን ደአና፤ ካ ጫርሻዳን፥ ኡንቱንቱ ሳልክሳልካና፤ ቃይ ኡንቱንቱ ዎይንያ ቱራዳን ጪሻና፤ ሊባኖሳ ዎይንያ ኤሳዳን፥ ደሪ ኤርያዋ ግዳናዋ። 
\v 8 ሀዋፐ ስንን ኤፍሬማ አሳይ ኤቃ ምስላትና ጋከተና፤ ታን ህንተ ዎሳ ስሳናነ ህንተና ናጋና። ታን እርጻ ዝጋ ማላ፤ ህንተንቶ አንጆ ኡባይ ታፐ ቤታና” ያጌ።
\p
\v 9 አዳ ኤራይ ደእያ ኦንነ ሀዋ አኬኮ፤ ዎዛን ደእያ ኦንነ ሀዋ ኤሮ። መና ጎዳ ኦጊ ሱረ፤ ጽሎቱ ሄ ኦግያና ሀመቲኖ። ሽን ናጋራንቻቱ አን በቲኖ።