\id HEB - Dawuro Full Bible Ethiopic Version
\ide UTF-8
\h እብራዌ
\toc1 እብራዌ አሳዉ ጻፈቴዳ ኪታ
\toc2 እብራዌ
\toc3 እብራ.
\mt1 እብራዌ አሳዉ
\mt2 ጻፈቴዳ ኪታ
\imt ገሉዋ
\ip ሀዌ ጳዉሎስነ ጰጽሮስ ጻፌዳዋዳን ኪታ ግደናን ትምርተ ግዲደ ጻፈቴዳዌ፥ ዎልቃማ ቱጋይ ጋክና፥ አማኑዋ አጋናዉ ማቴዳ አማንያ አሳቱዋሳ (10:32-39)። ሀ ማጻፋ ጻፌዳዌ ኦነንቶ ኤረተና። ሀ ጻፍያ ሁጰ ቆፋይ ኮይሮቲደ ኡንቱንቱን ደእያ ሲቁዋኮ ስማናዳን የሱሳ ቃተ በሲደ ኡንቱንታ ዞሬ። ሄ ጻፊ እብራዌ አማንያዋንቶ ምንስ ኦድያዌ የሱስ ክርስቶስ ቱማነ ጾሳ ፖሎ ቆንጨ ግድያዋና። ሀ አማንያዋንቱ ባረንቱ አማኑዋን ምናና ማላ፥ ኡንቱንታ መን። እ ሄዋ ኦደ ሄዙ ቱማቱዋ ቆንጭሲደ በሴ:
\ili 1. እ አኬዳ መቱዋ ባጋና ባረ አዎ ቱሙ አዛዘቴዳ የሱስ ጾሳዉ መና ናኣ። እ ጾሳ ናኣ ግዴዳ ድራዉ፥ ኤጫ ቃላ ጫቁዋ ዎድያን ትምቢትያ ኦድያዋንቱፐ፥ ኪታንቻቱዋፐነ፥ ሀራይ አትን፥ ሙሴፐካ ሎይ አያዋ።
\ili 2. የሱስ ኤጫ ቃላ ጫቁዋ ቄሳቱዋፐ ሎይ አያ፥ መና ቄሳ ግድያዋ ጾሳይ ባረ ሁጰዉ ኦዴዳ።
\ili 3. የሱሳ ባጋና አማንያዌ ናጋራፐ፥ ያሻተፐነ ሀይቁዋፐ አቴ። የሱስ ቄሳቱዋ ኡባቱዋ ካፑዋ ግድያ ድራዉ፥ ካሰ እብራዋቱዋ አማኑዋ ዎጋቱዋንነ መሄቱዋ ያርሹዋን ኩዋዳን ቤትያ አቶተ ሀእ ቱማ ግዳናዳን ኦዳ።
\ip ጻፊ እስራኤልያ አሳ ታርክያን ዳሮ ኤረቴዳ አሳ አማኑዋ ሌምሱዋዳን ጎኤቲደ (ሸምፑዋ 11)፥ ሀ ማጻፋ ናባብያ አሳቱ ባረንቱ አማኑዋን ምናናዳን ቆፍሴ። ሄዋዳንካ (ሸምፑዋ 12) ናባብያዋንቱ ባረንቱ አይፍያ የሱሳ ቦላን ትሽ ኦ ዎደ፥ ባረንቱ አማኑዋን ምናናዳንነ አይ ማላ መቱነ ዋዪ ጋኮፐካ፥ ኡንቱንቱ ገንጫናዳን ዞሬ። ዉርሰን ቃይ ዞርያነ አኬክሱዋ ቃላ እምያዋን ዉርሴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ: ጾሳይ የሱሳን ቆንጬዳዋ \ior 1:1-3\ior*
\io1 ክርስቶስ ኪታንቻቱዋፐ ቦላ ግድያዋ \ior 1:4—2:18\ior*
\io1 ክርስቶስ ሙሴፐነ ኢያሱፐ ቦላ ግድያዋ \ior 3:1—4:13\ior*
\io1 ክርስቶሳ ቄሳተ ቃተ \ior 4:14—7:28\ior*
\io1 ክርስቶሳ ቃላ ጫቁዋ ቃተ \ior 8:1—9:23\ior*
\io1 ክርስቶስ ያርሸቴዳዌ ኦዋፐነ ዳርያዋ \ior 9:23—10:39\ior*
\io1 አማኑዋ ዳሮተ \ior 11:1—12:29\ior*
\io1 ጾሳ ናሸቹሳ \ior 13:1-19\ior*
\c 1
\s1 ጾሳይ ባረ ናኣ ባጋና ሃሳዬዳ
\p
\v 1 ጾሳይ በን ዎደ፥ ኑ አዎቱ ናባቱዋ ባጋና ዱማ ዱማ ኦግያንነ ዳሮ ዎድያን ሃሳዬዳ። 
\v 2 ሽን ሀ ዉርሰ ዎድያን፥ ኡባባ አ ላትሲደ፥ የለታ አ ባጋና መዳ ባረ ናኣ ባጋና ኑዉ ሃሳዬዳ። 
\v 3 ናአይ ጾሳ ቦንቾ ፖኡዋ ጶሌ፤ ቃይ ኩመን ጾሳ ኤሻ አኪደ፥ ባረ ዎልቃማ ቃላን ሀ ሳኣ ናጌ፤ ያቲደ አሳ ናጋራፐ ጌሺደ፥ ኡባፐ ቦላ ጾሳፐ ኡሸቻ ባጋና\f + \fr 1:3 \fr*\fk ኡሸቻ ባጋና፦ \fk*\ft ቦንቹዋነ ዎልቃሳ ግድያዋ በሴ።\ft*\f* ሳሉዋን ኡቴዳ።
\s1 ጾሳ ናአይ ኪታንቻቱዋፐ ቦላ
\p
\v 4 ጾሳይ አዉ እሜዳ ሱንተይ ኪታንቻቱዋፐ ቃ ግድያዋዳንካ፥ ኡንቱንቱፐ አ ሎይ ቁ ኦዳ። 
\v 5 አያዉ ጎፐ፥ ጾሳይ ባረ ኪታንቻቱዋፐ ኦና፥
\q1 “ኔን ታ ናኣ፤
\q2 ታን ሀቼ ነዉ አዉዋ ግዳድ”
\m ጌዴ? ዎይ ቃይ ኦና፥
\q1 “ታን አዉ አዉዋ ግዳና፤
\q2 እካ ታዉ ናኣ ግዳና”
\m ጌዴ?\x - \xo 1:5 \xo*\xt ማዝ. 2:7፤ 2 ሳሜላ 7:14፤ 1 ኦዱዋ 17:13\xt*\x* 
\v 6 ቃይ ጾሳይ ባረ ባይራ ናኣ ሀ ሳኣ የዳና ሀኒደ፥
\q1 “ታ ኪታንቻቱዋ ኡባቱካ አዉ ጎይንኖ”
\m ያጌዳ።\x - \xo 1:6 \xo*\xt ዛረ. 32:43\xt*\x* 
\v 7 ጸሳይ ኪታንቻቱዋባ ሃሳዪደ፥
\q1 “ታን ታ ኪታንቻቱዋ ጫርኩዋ ከሳይ፤
\q2 ቃይ ታ ኦሳንቻቱዋካ ታማ ላጩዋ ከሳይ”
\m ያጌ።\x - \xo 1:7 \xo*\xt ማዝ. 104:4\xt*\x* 
\v 8 ሽን ባረ ናኣዋ ሃሳዪደ፥
\q1 “ጾሳዉ፥ ነ ካዉተ ኦይዲ፥
\q2 መ መናዉ ደኤ።
\q1 ነ ካዉተ ጽሎተን አሃሳ።\x - \xo 1:8-9 \xo*\xt ማዝ. 45:6-7\xt*\x*
\q1
\v 9 ኔን ጽሎተ ሲቃደ፤
\q2 ናቁዋ እጻዳ።
\q1 ጾሳይ፥ ነ ጾሳይ ኔና፥
\q2 ነ ላገቱዋፐ አደ፥
\q2 ናሸቻን እልልስያ ዛይትያ ኦኬዳዌ ሀዋሳ”
\m ያጌ። 
\v 10 ጾሳይ ሀዋዳን ያጌ፤
\q1 “ጎዳዉ፥ ኮይሮ ኔን ሳኣ መዳ፤
\q2 ሳሉዋካ ነ ኩሽያን መዳ።\x - \xo 1:10 \xo*\xt ማዝ. 102:25-27\xt*\x*
\q1
\v 11 ሄዋንቱ ኡባይ ያና፤
\q2 ሽን ኔን ደአና።
\q1 ኡንቱንቱ ኡባይካ አፍላዳን ዉራና።
\q1
\v 12 ኔን ኡንቱንታ ጋብያዳን ዳኮያና፤
\q2 ቃይ ኡንቱንቱ አፍላዳን ላመታናዋንታ።
\q1 ሽን ኔን ኔናካ፤
\q2 ነ ላይይ ኡባካ ዉረና”
\m ያጌ። 
\v 13 ሽን ጾሳይ ባረ ኪታንቻቱዋፐ እቱዋነ፥
\q1 “ታን ነ ሞርከቱዋ ኔን
\q2 ገድያን የያዋ ኦና ጋካናዉ፥
\q2 ሀዋን ታፐ ኡሸቻ ባጋን ኡታ”
\m ግቤና።\x - \xo 1:13 \xo*\xt ማዝ. 110:1\xt*\x* 
\v 14 ኪታንቻቱ ኡባይ ጾሳዉ ኦናዉነ አቶተ ደማና አሳቱዋ ማዳናዉ ጾሳይ ኪቴዳ አያናቱዋ ግድክኖዬ?
\c 2
\s1 ዎልቃማ አንጁዋ
\p
\v 1 ሄዋ ድራዉ፥ ኑን ስሴዳ ቱሙ የዉዋፐ ሱገት ዎራ ቤና ማላ፥ ሄ የዉዋ ሎይ ኦይቃናዉ በሴ። 
\v 2 አያዉ ጎፐ፥ ኪታንቻቱ ኦዴዳ ቃላይ ቱማ ግድያ ድራዉ፥ ናቂያ ዎይ አዛዘተና አሳይ ኡባይ ሙረቴዳዋ ግዶፐ፥ 
\v 3 ያትና፥ ኑን ሀ ዎልቃማ አቶተ ሸነኮ ጎፐ፥ ዋኒደ አታኔ? ጎዳይ ኮይሮ ባረ ሁጰዉ ሀ አቶተ ኦዴዳ፤ ቃይ እ ኦዴዳዋ ስሴዳዋንቱ ኑዉ ጌሺደ ኦዴድኖ። 
\v 4 ሄ ስሴዳዋንቱ ማርካቴዳዌ ቦላ ጾሳይካ ማላ፥ ኦራባነ ዱማ ዱማ ማላታ ኪተትያዋን ጉጅ ማርካቴዳ፤ ቃይ ጌሻ አያና እሙዋካ ባረ ኮዬዳዋዳን፥ ግሽ ጋዳ።
\s1 አቶተዉ ካለያዋ
\p
\v 5 አያዉ ጎፐ፥ ጾሳይ ኑን ሃሳይያ ስንፐ ያና አላምያ፥ ኪታንቻቱዋ ሞድስቤና። 
\v 6 ሽን ጾሳ ማጻፋይ እትሳን ሀዋዳን ያጌ፤
\q1 “ጾሳዉ፥ ኔን አሳዋ ቆፓናዉ አሳይ አዬ?
\q2 ዎይ ኔን አዉ ህርጋናዉ እ አዬ?\x - \xo 2:6-8 \xo*\xt ማዝ. 8:4-6\xt*\x*
\q1
\v 7 ኔን ኪታንቻቱዋፐ፥
\q2 አማሬዳ ዎድያ አ ጉዳ።
\q1 አ ሁጲያንካ ቦንቹዋነ፥
\q2 ሳባ ካላቻ ዎዳ።
\q1
\v 8 ቃይ ኡባባ አ ገድያፐ ጋርሳና ዎደ
\q2 ሞድሳዳ”
\m ያጌ። አያዉ ጎፐ፥ ጾሳይ ኡባባካ አ ሞድሴዳዋዳን አን ሞደትቤናዌ አያይነ ባዋ፤ ሽን ሀእ ኡባባይ አዉ ሞደትያዌ ኑዉ ቤተና። 
\v 9 ሽን ኑን የሱሳ በኤቶ፤ የሱስ ጾሳ አ ኬካተ ባጋና አሳ ኡባዉ ሀይቃና ማላ፥ አማሬዳ ዎድያ ኪታንቻቱዋፐ ጋርሳ ግዴዳ። ቃይ ሀይቁዋ ዋይያ እ ዋየቴዳ ድራዉ፥ ፖእያ ቦንቹዋነ ሳባ ካላቻ ዎዳዋ ሀእ ኑን በኤቶ። 
\v 10 ጾሳይ ኡባባ መዳዌ፥ ኡባባካ ናግያዌ፥ የሱስ ዳሮ ናና አሂደ፥ ባረናና ቦንችሳና ማላ፥ ዋይያ ባጋና የሱሳ ባላይ ባይናዋ ኦዳዋ በሴ፤ አያዉ ጎፐ፥ ሄ ናና አቶተዉ ካለያዌ የሱሳ።
\p
\v 11 አያዉ ጎፐ፥ አሳ ጌሽያ የሱሳዉካ ቃይ ሄ ጌዬዳ አሳ ኡባዉካ አዉ እቱዋ። የሱስ ኡንቱንታ፥ “ታ እሻቱዋ” ጊደ ዬላተናን ጼስያዌ ሀዋሳ። 
\v 12 የሱስ፥
\q1 “ታን ነ ሱን ታ እሻቶ አዋያና።
\q2 ማባራ ሺቁዋንካ ኔና ጋላታና”
\m ያጌ።\x - \xo 2:12 \xo*\xt ማዝ. 22:22\xt*\x* 
\v 13 ቃይ እ፥ “ታን ታ አማኑዋ ጾሳን ዎና” ቃይካ፥ “ጾሳይ ታዉ እሜዳ ናናቱዋና ታን ሀዋን ደአይ” ያጌ።\x - \xo 2:13 \xo*\xt ኢሳ. 8:17፣ 18\xt*\x*
\p
\v 14 ናና ጊደ እ ጼስያዋንቱ፥ አሹዋፐነ ሱፐ መቴዳ አሳቱዋ ግድያ ድራዉ፥ የሱስ ባረ ሁጰዉ ኡንቱንታ ማላቲደ፥ ኡንቱንቱ መታ አኬዳ፤ ቃይ እ ሄዋ ኦዳዌ፥ ጻላህያ ካፑዋ ሀይቁዋ ቦላ ማታይ ደእያዋ ባረ ሀይቁዋን ይሳናሳ። 
\v 15 ቃይ ባረንቱ ደኡዋ ኡባን ሀይቆ ያዪደ፥ ሀይቆ አይለቲደ ደእያዋንታ ኡባቱዋ አይለተፐ ከሴዳ።
\p
\v 16 አያዉ ጎፐ፥ አብራሃማ ዛርያ እ ማድያዋፐ አትን፥ ኪታንቻቱዋ ማደናዌ ኤረቴዳ።\x - \xo 2:16 \xo*\xt ኢሳ. 41:8-9\xt*\x* 
\v 17 ሄዋ ድራዉ፥ አሳ ናጋራይ አቶ ጌተታና ማላ፥ ጾሳ ኪታን አማነቴዳ ማርያ ቄሳቱዋ ኡባቱዋ ካፑዋ ግዳና ማላ፥ ኡባባን እ ባረ እሻቱዋ ማላታናዉ በሴ። 
\v 18 አያዉ ጎፐ፥ እ ባረ ሁጰዉ ፓጨቴዳ ድራዉነ ዋየቴዳ ድራዉ፥ ፓጨትያዋንታ ማዳናዉ ዳንዳዬ።
\c 3
\s1 የሱስ ሙሴፐ ቦላ
\p
\v 1 ሄዋ ድራዉ፥ ጾሳይ ጼሴዳ ጌሻ እሻቶ፥ ኑ ማርካተ ጾሳይ ኪቴዳዋ ቄሳቱዋ ኡባቱዋ ካፑዋ፥ የሱስ ክርስቶሳ ቆፕተ። 
\v 2 ሙሴ ባረ ኪታን ጾሳ ጎልያ ኡባን አማነቴዳዋ ግዴዳዋዳን፥ የሱስካ ባረና ዶሪደ፥ ሀ ኦሶ የዴዳ ጾሳዉ አማነቴዳዋ።\x - \xo 3:2 \xo*\xt ፓይ. 12:7\xt*\x* 
\v 3 አያዉ ጎፐ፥ ኬጸትያ ጎልያፐ ኬጽያ ብታኒ ቦንቼትያዋዳን፥ ሙሴዋፐ አያ ቦንቹዋ እ አካናዉ በስያዌ ኤረቴዳዋ። 
\v 4 አያዉ ጎፐ፥ ጎልያ ኡባ ኬጼዳዌ እት አሳ፤ ሽን ኡባባ ኬጼዳዌ ጾሳ። 
\v 5 ሙሴ ጾሳ ጎልያ ኡባን አማነቴዳ ኦሳንቻ ግዲደ፥ ጾሳይ ስንፐ ጋናዋ ማርካቴዳ። 
\v 6 ሽን ክርስቶስ ጾሳ ጎለን ናኣዳን አማነቴዳዋ፤ ኑን አካና ጊደ ናሸቻን ናግያዋ ጻላተንነ አማኑዋን ናጎፐ፥ ጾሳዉ ጎልያ ግዴቶ።
\s1 ጾሳ አሳይ ሸምፑዋ ደማና
\p
\v 7 ሄዋ ድራዉ፥ ጌሻ አያናይ ሀዋዳን ያጌ፤
\q1 “ጾሳ ቃላ ህንተንቱ ሀቼ ስስያባ ግዶፐ፥\x - \xo 3:7-11 \xo*\xt ማዝ. 95:7-11\xt*\x*
\q1
\v 8-9 ህንተንቱ አዎቱ ታዉ እጽ ማካሊደ፥
\q2 ኦይታሙ ላይ ታ ኦሱዋ በኤዳ ባዙዋ ፓጭያ ጋላሳዳን፥
\q2 ህንተንቱካ ዞርያ አከናን እጾፕተ።
\q1
\v 10 ሄዋ ድራዉ፥ ታን፥
\q2 ሄ አሳ ሀንቀታደ፥
\q1 ‘ኡንቱንቱ ኡባ ዎደ ባረንቱ ዎዛናን ባሊኖ።
\q2 ታ ኦግያካ ኤርበይክኖ’ ያጋድ።
\q1
\v 11 ሄዋዳንካ ቃይ፥
\q2 ታን ሀንቀታ ጫቃደ፥
\q1 ‘ታን ሸምፕያ ሳ ኡንቱንቱ፥
\q2 ኡባካ ገልክኖ’ ያጋድ”
\m ያጌ።
\p
\v 12 ታናዳን አማንያዋንቶ፥ ደኡዋ ጾሳፐ ህንተንታ ሻክያ ኢታ አማነና ዎዛናይ ህንተናን ኦናንነ ደኤና ማላ ናገትተ። 
\v 13 ሽን ጾሳይ ህንተንታ ኡባ ጋላስ ሀቼ ጊደ ጼስሽን፥ ህንተፐ ኦናነ ናጋራይ ባለና፥ ዞርያ አከናን እጸና ማላ፥ እቱ እቱዋ ዞርተ። 
\v 14 አያዉ ጎፐ፥ ኑን ኮይሮ ኑዉ ደእያ አማኑዋ ዉርሰይ ጋካናዉ ሎይ ናጎፐ፥ ክርስቶሳና እትፐ ሻካና። 
\v 15 ጾሳ ማጻፋይ፥
\q1 “ጾሳ ቃላ ህንተንቱ፥
\q2 ሀቼ ስስያዋ ግዶፐ፥
\q2 ሄ ዎደ ኡንቱንቱ እጽ ማካሌዳዋዳን፥
\q2 ዞርያ አከናን እጾፕተ”
\m ያጌዳ።\x - \xo 3:15 \xo*\xt ማዝ. 95:7-8\xt*\x*
\p
\v 16 ጾሳይ ግያዋ ስሲደ፥ አዉ ማካሌዳ አሳቱ ኦኔ? ሙሴ ግብጼፐ ካለና ከሴዳ ኡባቱዋ ግድክኖዬ?\x - \xo 3:16-18 \xo*\xt ፓይ. 14:1-35\xt*\x* 
\v 17 ጾሳይ ኦይታሙ ላይ ኦናን ሀንቀቴዴ? አሃይ ዎራን አቴዳ አሳቱዋ፥ ናጋራ ኦዳዋንታ ግድክኖዬ? 
\v 18 ቃይ ጾሳይ ባረዉ አዛዘተናን እጼዳዋንቱ እ ሸምፕያ ሳኣ ኡባካ ገለና ማላ፥ ኡንቱንቶ ጫቄዳዋፐ አትን፥ ኦስ ጫቄዴ? 
\v 19 ኡንቱንቱ አማንቤና ድራዉ፥ ሸምፕያ ሳ ገላናዉ ዳንዳይቤናዋ ኑን በኤቶ።
\c 4
\p
\v 1 ስም ጾሳይ ኑና ባረ ሸምፕያ ሳ፥ “ገልሳና” ጌዳዌ ብራ ግዶፐ፥ ህንተፐ ኦንነ ሄ ሸምፕያ ሳ ገለናን አተና ማላ ናገቶ። 
\v 2 አያዉ ጎፐ፥ ኡንቱንቱ ዎንጋላ ምሽራቹዋ ስሴዳዋዳን፥ ኑንካ ስሴዶ፤ ኡንቱንቱ ስሴድኖ፥ ሽን አማኒደ አክቤና ድራዉ፥ አይነ ኡንቱንታ ጎእቤና። 
\v 3 ግዶፐካ፥ ጾሳ ኪታይ ሳአይ መቶደፐ ዶምና ፖለቴዳዋ ግዶፐነ፥ ጾሳይ፥
\q1 “ታን ሀንቀታ ጫቃደ፥
\q2 ‘ኡንቱንቱ ታን ሸምፕያ ሳ
\q2 ኡባካ ገልክኖ’ ያጋድ”
\m ጌዳዋዳን፥ ኑን አማኔዳዋንቱ እ ሸምፕያ ሳ ገላና።\x - \xo 4:3 \xo*\xt ማዝ. 95:11\xt*\x* 
\v 4 አያዉ ጎፐ፥ ላፑን ጋላሳባ እትሳን ጾሳ ማጻፋይ፥ “ጾሳይ ላፑን ጋላሳን ባረ ኦሱዋ ኡባፐ ሸምፔዳ” ያጌዳ።\x - \xo 4:4 \xo*\xt ዶመ 2:2\xt*\x* 
\v 5 ቃይ ሄ ሳኣን፥ “ኡንቱንቱ ታን ሸምፕያ ሳ ኡባካ ገልክኖ” ያጌዳ።\x - \xo 4:5 \xo*\xt ማዝ. 95:11\xt*\x* 
\v 6 ዎንጋላ ምሽራቹዋ ኮይሮ ስሴዳዋንቱ አዛዘትቤና ድራዉ፥ ሸምፑዋ ሳኣ ገልበይክኖ፤ እት እት አሳቱ ያ ገላናዋንቱ ደኢኖ። 
\v 7 ጾሳይ ዳሮ ዎድያፐ ጉይያን፥ ዳዊታ ባጋና ላኤንዋ እት ጋላሳ፥ “ሀቼ” ግያ ቃላን ኬሪደ፥
\q2 “ጾሳ ቃላ ህንተንቱ ሀቼ ስስያዋ ግዶፐ፥
\q2 ዞርያ አከናን እጾፕተ”
\m ያጌዳ።\x - \xo 4:7 \xo*\xt ማዝ. 95:7-8\xt*\x* 
\v 8 ጾሳይ ሸምፕያ ሳ አሳ አፊደ ኢያሱ ሸምፕሴዳዋ ግድንቶ፥ ጾሳይ ሀራ ጋላሳዋ ጉየ ኬረና።\x - \xo 4:8 \xo*\xt ዛረ. 31:7፤ ኢያሳ 22:4\xt*\x* 
\v 9 ሄዋ ድራዉ፥ ጾሳ አሳዉ ሳምባታ ሸምፑ ናገት ኡቴዳ። 
\v 10 አያዉ ጎፐ፥ ጾሳይ ሸምፕያ ሳ ገልያ ኦንነ፥ ጾሳይ ባረ ኦሱዋፐ ሸምፔዳዋዳን፥ እካ ባረ ኦሱዋፐ ሸምፓና።\x - \xo 4:10 \xo*\xt ዶመ 2:2\xt*\x* 
\v 11 ስም እስራኤልያ አሳይ አዛዘተናን እጺደ፥ ጾሳና እትፐ ሸምፕያ ሳ ገለናን አቴዳዋዳን፥ ኑፐ ኦንነ ሄዋ ማላ ኤኖ ጌናን እጹዋን ያ ገለናን አተና ማላ ምኖይተ።
\p
\v 12 አያዉ ጎፐ፥ ጾሳ ቃላይ መናዉ ደእያዋኔ ኦያዋ፤ ላኡ ባጋና ሌፈቴዳ ማሻፐካ አደ ኩሴ። ሄ ቃላይ ሸምፑነ አያናይ፥ ኩሪነ ኮልዚ እትፐ ጋከትያሳ ሻካና ጋካናዉ ጫዴ። ቃይ አሳ ዎዛናን ደእያ ኮሻነ ቆፋ እ ሻኬ። 
\v 13 ኑን ኦያዋ ዎችያ ጾሳ ስንን ኡባባይካ ቤትያዋፐነ ቆንጭያን ደእያዋፐ አትን፥ አ አይፍያን ጌምያ መታይ አያይነ ባዋ።
\s1 የሱስ ቄሳቱዋ ኡባቶ ዎልቃማ ካፑዋ
\p
\v 14 ስም ሳሉዋ ቤዳ፥ ቄሳቱዋ ኡባቱዋ ዎልቃማ ካፑ፥ ጾሳ ናአይ የሱስ፥ ኑዉ ደእያ ድራዉ፥ ኑ አማኑዋ ሎይ ናጌቶ። 
\v 15 አያዉ ጎፐ፥ ኑ ቄሳቱዋ ኡባቱዋ ካፑ ኑን ዳቡርያ ዎደ ኑዉ ቃረታናዉ ዳንዳዬ፤ ናጋራ እ ኦቤናዋፐ አትን፥ ኑናዳን ኡባባንካ ፓጨቴዳ። 
\v 16 ስም ኑና ኮሽያ ዎደ ማድያ ማሮተ አካናዉነ አ ኬካተ ደማናዉ፥ አ ኬካተይ ደእያ ሳኣ ጾሳ አራታኮ፥ ያየናን ሺቆይተ።
\c 5
\p
\v 1 ቄሳቱዋ ኡባቱዋ ካፓቱ ሁጲያን ሁጲያን ባረ አሳ ግዶፐ ዶረቲደ፥ ሄ አሳ ግሻታዉ ጾሳዉ ኦናዉ፥ እሙዋ እማናዉነ ናጋራ ያርሹዋ ያርሻናዉ ሱንቴድኖ። 
\v 2 እ ባረ ሁጰዉ ዳቡራንቻ ግድያ ድራዉ፥ ታማርቤናዋንቶነ ባልያዋንቶ ቃረታናዉ ዳንዳዬ። 
\v 3 ሄዋ ድራዉ፥ ሄ ቄሳቱዋ ኡባቱዋ ካፑ አሳ ድራዉ ያርሹዋ ያርሽያዋዳን፥ ባረ ሁጰ ናጋራ ድራዉካ ያርሻናዉ በሴ።\x - \xo 5:3 \xo*\xt ዎጋ 9:7\xt*\x*
\p
\v 4 ጾሳይ አሮና ቄሳቱዋ ኡባቱዋ ካፑዋ ግዳና ማላ ጼሴዳዋዳን፥ ጾሳይ ጼሳናፐ አትን፥ ኦንነ ቄሳቱዋ ኡባቱዋ ካፑዋ ግድያ ቦንቹዋ ባረዉ አካናዉ ዳንዳየና።\x - \xo 5:4 \xo*\xt ከሳ 28:1\xt*\x* 
\v 5 ሄዋዳንካ፥ ክርስቶስ ቄሳቱዋ ኡባቱዋ ካፑዋ ግድያ ቦንቹዋ ባረዉ አክቤና፤ ሽን ጾሳይ አ፥
\q1 “ኔን ታ ናኣ።
\q2 ታን ሀቼ ነዉ አዉዋ ግዳድ”
\m ያጌዳ።\x - \xo 5:5 \xo*\xt ማዝ. 2:7\xt*\x* 
\v 6 ሄዋዳንካ ቃይ ሀራሳን፥
\q1 “ማልክ-ጸደቂ\f + \fr 5:6 \fr*\fq ማልክ-ጸደቂ፦ \fq*\ft ሀ ሱንይ ኤጫ ጫቁዋን ጼሰቴዳዌ፥ እ ቄሳ አሮነፐ ካሰና ደኤዳዌ ኤረቶ ድራሳ። አ ጉየ ዛርያባዉነ አ ሀይቁዋባዉ አይነ ጌተቶዌ ባዋ። 7:3፤ ዶመ 14:17-20 ጼልተ።\ft*\f* ቄሳ ግዴዳዋዳን፥
\q2 ኔንካ መናዉ ቄሳ ግዳና”
\m ያጌዳ።\x - \xo 5:6 \xo*\xt ማዝ. 110:4\xt*\x*
\p
\v 7 የሱስ ሳኣን ደእያ ዎደ፥ ባረና ሀይቁዋፐ አሻናዉ ዳንዳይያ ጾሳ ሎይ ዬኪደነ አፎጺደ ዎሴዳነ ኦቼዳ፤ ጾሳይ አ ዎሳ ስሴዳዌ፥ እ ባረና ቶቼዳዋሳነ አዉ ያዬዳዋሳ። 
\v 8 የሱስ ጾሳ ናኣ ግዶፐነ፥ ባረ ዋየቴዳ ዋይያን አዛዘትያዋ ታማሬዳ። 
\v 9 የሱስ ባረ ኦሱዋ ፖሌዳ ዎደ፥ ባረዉ አዛዘትያ ኡባዉ መና አቶተ ደማናዉ ጋሶ ግዴዳ። 
\v 10 ቃይ ጾሳይ ማልክ-ጸደቃ ሱንተዳን፥ ቄሳቱዋ ኡባቱዋ ካፑዋ ግዳና ማላ፥ አ ሱንዳ።
\s1 አሳይ ባለናዳን ኦደቴዳ ምኖ ኦዱዋ
\p
\v 11 ኑን ሀ የዉዋን ሃሳያናባይ ዳሮባይ ደኤ፤ ሽን ህንተንቱ አኬካናዉ አዛላ ግድያ ድራዉ፥ ህንተንቶ ኦድ ገልሳናዉ ዋይሴ። 
\v 12 አያዉ ጎፐ፥ ህንተንቱ ሀ ዎድያን ታማርስያዋንታ ግዳናዉ በሶፐካ፥ ጾሳ ቃላ ኮይሮ ትምርትያ ህንተንታ ዛር ታማርስያ እት ኡራ ኮሼ፤ ህንተንታ ኡሽያ ማ ኮሼፐ አትን፥ ጮምያ ቁማ ኮሸና። 
\v 13 ማ ፓከቲደ ደእያ ኦንነ ጋጭኖ ናኣ ግድያ ድራዉ፥ ጽሎተ ትምርትያዋ ኤረና። 
\v 14 ሽን ምኖ ቁማይ ኢታነ ኬካ ደኡዋ ዳሩዋን ሻክ ኤሬዳ ዎዛናማ አሳሳ።
\c 6
\p
\v 1-2 ሄዋ ድራዉ፥ ክርስቶሳ ትምርትያ ብሮ ዶምያዋ አጊደ፥ ዎዛናማ አሳ ትምርተዉ ስንዉ ቦይተ፤ ኮይሮ ኑን ታማራናዉ ኮሽያ ትምርትያ ዎ ኤቂደ ታማራናዉ ኑዉ በሰና፤ ሄ ትምርቲ አዬ ጎፐ፥ ማደና ኦሱዋፐ ስምያዋ፥ ጾሳ አማንያዋ፥ ጽንቃታቱዋባ፥\f + \fr 6:1-2 \fr*\fq ጽንቃታቱዋባ፦ \fq*\ft ሜቻቱዋባ ግያዋ ግዲደ ጌሻተባ ግሪከን ዱማ ዱማ ዎጋ ግድያዋ በሴ።\ft*\f* ኩሽያ ዎዋባ፥ ሀይቁዋፐ ደንዱዋባነ መና ፕርዳባ። 
\v 3 ጾሳይ ኦተ ጎፐ፥ ሄዋ ኑን ኦና።
\p
\v 4-5 አያዉ ጎፐ፥ እቶደካ ፖኡ ፖኤዳዋንታነ ሳሉዋ እሙዋ ባር በኤዳዋንታ፥ ቃይ ጌሻ አያናካ ሻክ አኬዳዋንታነ ጾሳ ቃላይ ሎአ ግዴዳዋ ስስ ኤሬዳዋንታ፥ ስንፐ ያና ሳኣ ዎልቃካ ቦች ጼሌዳዋንታ፥ 
\v 6 ሄዋፐ ጉየ ስሚደ ካዴዳዋንታ ናጋራፐ ላኤንዋ ዛራናዌ ዳንዳየተና። አያዉ ጎፐ፥ ሄዋንቱ ጾሳ ናኣ ማስቃልያ ቦላ ምስማርያን ሺደ ካቂያዋንታነ አሳ ስንን ካዉሽያዋንቱ ማላ።
\p
\v 7 ኡባ ዎደ ቡክያ እራ ኡሽና፥ ጎሼዳ ኡራ ጎእያ ካ ሞክያ ቢታ ጾሳይ አንጄ። 
\v 8 ሽን ቡሉዋነ ቡዙዋ ሞኮፐ፥ አይነ ጎኤና፤ ሸቃዉ ሺቅ ኡቴዳ። ቃይ ዉርሰን ጉደታና።\x - \xo 6:8 \xo*\xt ዶመ 3:17-18\xt*\x*
\p
\v 9 ሽን ኑ ሲቃቶ፥ ኑን ሀዋዳን ሃሳይያዋ ግዶፐነ፥ ህንተንቱ አቶተዉ ግድያ ሎኦባይ ህንተንቶ ደእያዋ ኤሬቶ። 
\v 10 አያዉ ጎፐ፥ ህንተንቱ ኦዳ ኦሱዋነ ቃይ አማንያዋንታ ማዴዳዋንነ ሀእካ ማድያዋን ጾሳ ሲቄዳ ሲቁዋ ጾሳይ ዶጋናዉ ማካላ ግደና። 
\v 11 ህንተንቱ ሁጲያን ሁጲያን ደማና ጊደ፥ ህዶታን ናግ ኡቴዳ ኩመን ቱማተ ዉርሰይ ጋካናዉ፥ ካሰዋዳን ምንሲደ ኦና ማላ አሞቴቶ። 
\v 12 ጾሳይ እማና ጌዳዋ አማኑዋንነ ገንጫን ላትያዋንቱ ማላ ህንተንቱ ግዳናዋ ኑን ኮይያዋፐ አትን፥ አዛላ ግዳናዋ ኮዮኮ።
\s1 ጾሳይ እሜዳ ህዶታይ ስሰናዋ
\p
\v 13 ጾሳይ አብራሃሞ እማና ጊደ ጫቄዳ ዎደ፥ ባረፐ አያ ዎልቃማይ ባይና ድራዉ፥ ባረ ሁጲያን ጫቄዳ። 
\v 14 ጾሳይ አ፥
\q1 “ታን ኔና አንጃና፤
\q2 ነ ዘረካ ጮርሳና”
\m ያጊደ ጫቄዳ።\x - \xo 6:14 \xo*\xt ዶመ 22:16-17\xt*\x* 
\v 15 ሄዋዳንካ፥ አብራሃሞ ገንጭ ናጊደ፥ ጾሳይ እማና ጌዳዋ አኬዳ።
\p
\v 16 አያዉ ጎፐ፥ አሳይ ባረፐ ቂያ ኡራን ጫቄ፤ ቃይ ሄ ጫቁ ፓሉምያ ኡባካ ተኤ። 
\v 17 ሄዋ ድራዉ፥ ጾሳይ ባረ እማና ጌዳዋ ላታናዋንቶ ባረ ቆፋ ኡባካ ላመናዋ ጌሽ ኦዳናዉ ሎይ ኮዪደ፥ ሄዌ ቱማ ግዴዳዎ ጫቄዳ። 
\v 18 ጾሳይ ዎርዶታናዉ ዳንዳየና ሀ ላኡ ላመተና የዋቱዋን፥ እ እማና ጌዳ ኑ ስንን ደእያዋ ኦይቃናዉ አኮ ባቃቴዳ ኑዉ ዎልቃማ መን ደኤ።
\p
\v 19 ሀ ኑን ደማና ጊደ ናሸቻን ናግ ኡቴዳዌ፥ ኑ ሸምፖ ማርካብያ ኦይቂያ ቃጸና ብራታ ማላ፤ ሄ ኑን ደማና ጊደ፥ ናሸቻን ናግ ኡቴዳዌ ኤረቴዳ ምኖ ግዲደ፥ ጋርዱዋ\f + \fr 6:19 \fr*\fk ጋርዱዋ፦ \fk*\ft ሀዌ ዱንካንያ ግዱዋን ጎይናዉ ማድያዋ። ሄዌካ “ጌሻ ሳ” ጌተቴዳዋፐ “ጌሻፐ ጌሻ ሳ” ሻካናዉ ጎእያዋ ግዲደ ቄሳቱዋ ካፖ ጻላላይ ገላናዉ ዳንዳይያሳ።\ft*\f* ግዶ ጌሻ ሳ ገሌ።\x - \xo 6:19 \xo*\xt ዎጋ 16:2\xt*\x* 
\v 20 ቃይ የሱስ ማልክ-ጸደቃ ሱንተዳን፥ መናዉ ቄሳቱዋ ኡባቱዋ ካፑዋ ግዲደ፥ ኑ ግሻታዉ ኑፐ ካሰቲደ፥ ሄ ሳኣ ገሌዳ።\x - \xo 6:20 \xo*\xt ማዝ. 110:4\xt*\x*
\c 7
\s1 ቄሳ ማልክ-ጸደቃ
\p
\v 1 ሀ ማልክ-ጸደቂ፥ ሳሌማ ካቲ፥ ኡባፐ ቦላ ጾሳ ቄሳይ፥ አብራሃሞ ካተቱዋ ዎደ ኦላፐ ስምሽን፥ አናና ጋከቲደ፥ አ አንጄዳ።\x - \xo 7:1-2 \xo*\xt ዶመ 14:17-20\xt*\x* 
\v 2 አብራሃሞ ባረ ኦሞዴዳ ኡባፐ አስራታ ከሲደ፥ አዉ እሜዳ፤ ማልክ-ጸደቃ ሱንዉ ኮይሮ ብለይ ጽሎተ ካትያ ግያዋ፤ ቃይ ሳሌማ ካትያ እ ግድያ ድራዉ፥ ላኤን ብለይ ሳሮተ ካትያ ግያዋ። 
\v 3 ማልክ-ጸደቃዉ ዳያ ዎይ አዉ፥ ዎይ አዉ ዛርያ ፓይዱ ባዋ፤ ቃይ አ የለታዉ ዶመይ ዎይ አ ሀይቆ ዉርሰይ ባዋ፤ ሽን ጾሳ ናኣ ማላቲደ፥ መናዉ ቄሳ ግዴዳ።
\p
\v 4 ኑ አዎቱዋ ካፑ አብራሃሞ ኦላን ኦሞዲደ፥ አሄዳዋፐ አስራታ እሜዳ ማልክ-ጸደቂ አይ ኬና ቁ ግያዌንቶ በእተ። 
\v 5 ቄሳ ግድያ ሌዊያ ዛራቱ እስራኤልያ አሳፐ፥ ሄዌነ ባረንቱ ጋደ አሳፐ ሀራይ አቶ ኡንቱንቱ አብራሃሞ ዛረ ግዶፐነ፥ አስራታ አካና ማላ፥ ህግያን አዛዘቴድኖ።\x - \xo 7:5 \xo*\xt ፓይ. 18:21\xt*\x* 
\v 6 ማልክ-ጸደቂ ሌዊያ ዛረ ግደና፤ ሽን አብራሃሞፐ አስራታ አኪደ፥ ጾሳይ እማና ጌዳዋ ናግያ አብራሃማ አንጄዳ። 
\v 7 ቃይ አንጅያዌ አንጀትያዋፐ ቁ ግያዌ ፓሉንና።
\p
\v 8 እት ባጋና፥ ሀይቂያ አሳይ አስራታ ከሴ፤ ሽን ሀራ ባጋና ቃይ፥ ሀይቀና ጊደ ማርካትያ ኡራይ አስራታ ከሴ። 
\v 9 ሀዋዳን ሃሳያናዉ ሀራይ አቶ፥ አስራታ ከስያ ሌዊካ አብራሃሞ ባጋና አስራታ እሜዳ። 
\v 10 አያዉ ጎፐ፥ ማልክ-ጸደቂ አብራሃሞና ጋከትያ ዎደ፥ ሌዊ ብሮ የለትቤና፤ ሽን ባረ ዛርያ አብራሃማ ጉልባታን ደኤ።
\p
\v 11 እስራኤልያ አሳዉ ህጊ ሌዊያ\f + \fr 7:11 \fr*\fq ሌዊያ፦ \fq*\ft ሀ ሱን ጼሰትያዋንቱ ቄሳቱዋፐነ ኡንቱንታ ማድያዋንቱፐ ዶረቴዳዋንታ።\ft*\f* ዘረቱዋ ቄሰተ ባጋና እመቴዳ። ሄ ቄሰተ ኪታይ ባላይ ባይናዋ ግዶፐ፥ አሮናዋ ማላ ግደናን ማልክ-ጸደቃ ማላ ሀራ ቄሳይ ሱንታናዉ አያዉ ኮሺ? 
\v 12 አያዉ ጎፐ፥ ቄሰተይ ላመትያ ዎደ፥ ህጊካ ቃይ ላመታናዉ ኮሼ። 
\v 13 ሀ የዉ ሃሳየቴዳ ኡራይ ሀራ ዛሪ፤ አ ዛርያፐ ኦንነ ያርሽያሳን ቄሳዳን ኦቤና። 
\v 14 ኑ ጎዳይ ይሁዳ ዛርያፐ ዬዳዌ ኤረቴዳዋ ግድያ ድራዉ፥ ሙሴ ቄሳቱዋባ ሃሳዪደ፥ ሄ ዛርያባ አይነ ሃሳይቤና።
\s1 ክርስቶስ ማልክ-ጸደቃ ማላ ቄሳ
\p
\v 15 ማልክ-ጸደቃ ማላ ሀራ ቄሳይ ዬዳዋ ግድንቶ፥ ሀዌ አደ ኤረታናዋ። 
\v 16 እ አሳ ህግያንነ ዎጋን ቄሳ ግድቤና፤ ሽን ዉረና ደኡዋ ዎልቃን ቄሳ ግዴዳ። 
\v 17 አያዉ ጎፐ፥ ጾሳ ማጻፋይ፥
\q1 “ማልክ-ጸደቂ ቄሳ ግዴዳዋዳን፥
\q2 ኔንካ መናዉ ቄሳ ግዳናዋ”
\m ያጊደ ማርካቴ።\x - \xo 7:17 \xo*\xt ማዝ. 110:4\xt*\x* 
\v 18 በን ደእያ ህጊ ላፋነ ማደናዋ ግድያ ድራዉ አቴዳ። 
\v 19 አያዉ ጎፐ፥ ሙሴ ህጊ አያነ ባላይ ባይናዋ ኦናዉ ዳንዳየና፤ ቃይ ኑን አ ባጋና ጾሳኮ ሺቃና ጊደ ናሸቻን ናግ ኡቴዳ ኡባፐ አያዌ ዬዳ።
\p
\v 20 ሄዋ ቦላን ቃይ ጾሳ ጫቁካ ደኤ፤ ሀራቱ ቄሳ ግዴዳ ዎደ፥ ሄዋ ማላ ጫቁ ባዋ። 
\v 21 ሽን የሱስ ጫቁዋን ቄሳ ግዴዳ፤ ጾሳይ አ፥
\q1 “ጎዳይ ጫቄዳ፤ እ ባረ ቆፋ ላመና።
\q2 ‘ኔን መናዉ ቄሳ ግዳና’ ጌዳ”
\m ያጌዳ።\x - \xo 7:21 \xo*\xt ማዝ. 110:4\xt*\x* 
\v 22 ሄዋ ድራዉ፥ የሱስ ኡባፐ አያ ጫቆ ዋሰ ግዴዳ።
\p
\v 23 ካሰ ቄሳቱዋ ፓይዱ ጮራ፤ አያዉ ጎፐ፥ ኡንቱንቱ ኦና ኦሱዋ ሀይቁ ድጌዳ። 
\v 24 ሽን የሱስ መናዉ ደእያ ድራዉ፥ አ ቄሰተይ ላመተና። 
\v 25 ሄዋ ድራዉ፥ እ ኡንቱንቱ ግሻታዉ ጋናታናዉ መናዉ ደእያ ድራዉ፥ ጾሳኮ ባረ ባጋና ይያዋንታ ኡባቱዋ አሻናዉ ዳንዳዬ።
\p
\v 26 ኑዉ ጊግያ ሀዋ ማላ፥ ቄሳቱዋ ኡባቱዋ ካፑ ደአናዉ ኮሼ፤ እ ጌሻ፤ አን ገኒነ ካያባይ ባዋ፤ ናጋራንቻቱዋና እ ጋከተና፤ ቃይ ቃ ሳሉዋንካ እ ቦንቼቴዳ። 
\v 27 ሀራ ቄሳቱዋ ኡባቱዋ ካፓቱዋዳን፥ እ ኮይሮ ባረ ሁጰ ናጋራዉ ያርሺደ፥ ቃይ ጉየፐ አሳ ናጋራዉ ሀቼ ሀቼ ያርሻናዉ ኮሸና፤ እ ባረና ያርሼዳ ዎደ፥ ላኤንናን እት ገደ ያርሼዳ።\x - \xo 7:27 \xo*\xt ዎጋ 9:7\xt*\x* 
\v 28 አያዉ ጎፐ፥ ሙሴ ህጊ ዳቡራንቻ አሳ ቄሳቱዋ ኡባቱዋ ካፑዋ ኦደ ሱን፤ ሽን ጾሳይ እማና ጊደ ጫቄዳ ህግያፐ ጉየ ዬዳ ቃላይ መናዉ ባላይ ባይናዋ፥ ጾሳ ናኣ ሱን።
\c 8
\s1 የሱስ ኦራ ቃላ ጫቁዋ ቄሳቱዋ ኡባቱዋ ካፑዋ
\p
\v 1 ኑን ሃሳይያ ዎልቃማባይ ሀዋ፤ ሳሉዋን ኡባፐ ቦላ ጾሳይ ኡትያ ካዉተ ኦይድያፐ ኡሸቻ ባጋና ኡቴዳ ቄሳቱዋ ኡባቱዋ ካፑ፥ ሀዋ ማላይ ኑዉ ደኤ።\x - \xo 8:1 \xo*\xt ማዝ. 110:1\xt*\x* 
\v 2 ጌሻ ሳኣንነ ቱሙ ዱንካንያን እ ኦ፤ ሄ ዱንካኒ አሳይ ኤሴዳዋ ግደናን፥ ጾሳይ ኤሴዳዋ።
\p
\v 3 ቄሳቱዋ ኡባቱዋ ካፑ ኡባይ እሙዋነ ያርሹዋ ጾሳዉ እማናዉ ሱንቴዳ ድራዉ፥ ሀ ቄሳቱዋ ኡባቱዋ ካፖካ ያርሻናዉ እትባይ ደአናዉ ኮሼ። 
\v 4 ስም ሳኣን እ ደእያዋ ግዶፐ፥ ኡባካ ቄሳ ግደና፤ አያዉ ጎፐ፥ ህጊ አዛዝያዋዳን፥ እሙዋ እምያ ቄሳቱ ደኢኖ። 
\v 5 ኡንቱንቱ ቄሳቱዋዳን ኦያ ኪታይ ሳሉዋን ደእያ ኦሶ ቱሙ ሌምሱዋነ ኤሹዋ፤ አያዉ ጎፐ፥ ሙሴ ዱንካንያ ኤሳና ሀንሽን፥ ጾሳይ አ፥ “አኬካ፤ ኡባባካ ታን ኔና ደርያ ሁጲያን በሴዳ ሌምሱዋ ካላደ ኦ” ያጌዳ።\x - \xo 8:5 \xo*\xt ከሳ 25:40\xt*\x* 
\v 6 ሽን የሱስ ጋናትያ ጫቁ ካሰዋፐ አያዋዳንካ፥ አዉ እመቴዳ ኦሱካ ኡንቱንቱዋፐ አ፤ አያዉ ጎፐ፥ ሄ ጫቁ ጾሳይ እማና ጌዳ ኡባፐ አያ ኪታን ኦሰቴዳ።
\p
\v 7 አያዉ ጎፐ፥ ኮይሮ ጫቁዋን ባላይ ባይናዋ ግድንቶ፥ ላኤን ጫቁዋ ኮሸና። 
\v 8 ሽን ኡንቱንታ ቦሪደ፥ ጎዳይ ሀዋዳን ያጌ፤
\q1 “ታን እስራኤልያ አሳናነ ይሁዳ አሳና፥
\q2 ኦራ ጫቁዋ ጫቀትያ ጋላሳቱ ያናዋ።\x - \xo 8:8 \xo*\xt ኤር. 31:31-34\xt*\x*
\q1
\v 9 ሄ ጫቁ ታን ግብጼ ጋድያፐ፥
\q2 ኡንቱንቱ አዎቱዋ ኩሽያ ኦይቃደ፥ ጎቻ ከሴዳ ዎደ፥
\q2 ኡንቱንቱና ጫቀቴዳ ጫቁዋ ማላ ግደና።
\q2 ኡንቱንቱ ታ ጫቁዋን አማነትቤና ድራዉ፥
\q2 ታንካ ኡንቱንታ አጋድ።
\q2 ታን፥ ጎዳይ፥ ሀዋ ኦዳይ።
\q1
\v 10 አያዉ ጎፐ፥ ሄ ጋላሳቱዋፐ ጉይያን፥
\q2 ታን እስራኤልያ አሳና ጫቀታና ጫቁ ሀዋ:
\q1 ታን ታ ህግያ ኡንቱንቱ ቆፋን ዎና፤
\q2 ቃይ ኡንቱንቱ ዎዛናንካ ጻፋና።
\q1 ታን ኡንቱንቱ ጾሳ ግዳና፤ ኡንቱንቱካ ታ አሳ ግዳና።
\q1
\v 11 ኡንቱንቱፐ ኦንነ ባረ ሾሩዋ፥
\q2 ዎይ ባረ እሻ፥
\q1 ‘ጎዳ ኤራ’ ያጊደ ታማርሰና።
\q2 አያዉ ጎፐ፥ ኡንቱንቱ ናኣፐ ጭማ ጋካናዉ ኡባይ ታና ኤሪኖ።
\q1
\v 12 ታን ኡንቱንቱ ናቁዋ ማራና፤
\q2 ኡንቱንቱ ናጋራካ ላኤን ሀሳይከ”
\m ያጌ። 
\v 13 ጾሳይ ኦራ ጫቁዋ ጊደ ሃሳይያዋን ኮይሮዋ ኤጭሴዳ፤ ቃይ ኤጭያባይነ ዉርያባይ ኤለካ ያና።
\c 9
\s1 ሳሉዋን ኦሰትያ አያና ኦሱ ሳኣን ኦሰትያ አያና ኦሱዋፐ አ
\p
\v 1 ኮይሮ ጫቆ ጾሳዉ ጎይንያ ዎጋይነ አሳይ ኦዳ ጌሻ ጎሊ ደኤ። 
\v 2 አያዉ ጎፐ፥ ኮይሮ ዱንካኒ ኤቄዳ፤ አ ግዱዋን ሙቃዳ ዎያዌ፥ ጻራጴዛይነ ጎዳ ስንን ዎያ ኡክይ ደኤ፤ ሄ ሳአይ ጌሻ ሳ ጊደ ጼሴቴ።\x - \xo 9:2 \xo*\xt ከሳ 26:1-30፤ 25:31-40፤ 25:23-30\xt*\x* 
\v 3 ላኤን ጋርዱዋ ጉየ ባጋና ኡባፐ አያ ጌሻ ሳኣ ጌተትያ ዱንካኒ ደኤ።\x - \xo 9:3 \xo*\xt ከሳ 26:31-33\xt*\x* 
\v 4 አ ግዱዋን እጻና ጩዋያናዉ ዎርቃፐ ኦዳ ሳጽኒነ ኡባ ሳና ዎርቃን ሼሼዳ ቃላ ጫቁዋ ታቦታይ ደኤ። ሄ ቃላ ጫቁዋ ታቦታን ማናይ ደእያ ዎርቃ ጻሩ፥ አሮና ጻምአይ አጬዳዌነ ቃይ ሙሴ ህጊ ጻፈቴዳ ላኡ ማሰቴዳ ሹቻቱ ደኢኖ።\x - \xo 9:4 \xo*\xt ከሳ 30:1-6፤ 25:10-16፤ 16:33፤ ፓይ. 17:8-10፤ ዛረ. 10:3-5\xt*\x* 
\v 5 ሄ ቃላ ጫቁዋ ታቦታፐ ቦላ ባጋና አቶ ግያ ሳኣ ቁምእያ ባረንቱ ቀፍያን ገንያ ቦንቾ ክሩበቱ ደኢኖ፤ ሽን ሀ ኡባባ ሀእ ዉርስ ኦዳናዉ ዳንዳዮኮ።\x - \xo 9:5 \xo*\xt ከሳ 25:18-22\xt*\x*
\p
\v 6 ሄዌ ሄዋዳን ጊግ ደእሽን፥ ቄሳቱ ኡባ ዎደ፥ ባረንቱ ኦሱዋ ኦናዉ ኮይሮ ዱንካንያ ገሊኖ።\x - \xo 9:6 \xo*\xt ፓይ. 18:2-6\xt*\x* 
\v 7 ሽን ቄሳቱዋ ኡባቱዋ ካፑዋ ጻላላይ ላኤን ዱንካንያ ላይፐ እት ገደ ገሊደ ባረ ድራዉነ ኤረናን አሳይ ኦዳ ናጋራ ድራዉ፥ ጾሳዉ ያርሽያ ሱ አኪደ ገሌ።\x - \xo 9:7 \xo*\xt ዎጋ 16:2-34\xt*\x* 
\v 8 ኮይሮ ዱንካኒ ኤቂደእሽን፥ ኡባፐ አያ ጌሻ ሳኣ አፍያ ኦጊ ብሮ ዶየትቤናዋ ጌሻ አያናይ ሄዋን ኤርሴ።
\p
\v 9 ሄ ዱንካኒ ሀ ዎደዉ ሌምሱዋ፤ ሄዋ ግያዌ ጾሳዉ እምያ እሙነ ያርሹ ጎይንያዋ ሱረ ዎዛና ባላይ ባይናዋ ኦናዉ ዳንዳይክኖ። 
\v 10 ሄዋንቱ ሙሳባ፥ ኡሻባነ ዱማ ዱማ ሜቻባ ኦድያ ካረ ባጋ ዎጋቱዋ፤ ኡንቱንቱ ኦራጽያ ዎዲ ጋካናዉ ኦሰትያ ዎጋቱዋ።
\p
\v 11 ሽን ክርስቶስ ሀዋን ደእያ ሎኦባዉ ቄሳቱዋ ኡባቱዋ ካፑዋ ግዲደ ይ ድጌዳ። እ ገሊደ ኦያ ዱንካኒ ኡባፐ አያዋነ ባላይ ባይናዋ፤ ቃይ ሄ ዱንካንያ አሳይ ኦቤና፤ ሀ መቴዳ ሳኣባካ ግደና። 
\v 12 ክርስቶስ ኡባፐ አያ ጌሻ ሳኣ ገልያ ዎደ፥ ዴሻ ሱነ ጋሎ ማራ ሱ ኦይቂደ ገልቤና፤ ሽን ባረ ሱ ኦይቂደ፥ ኑዉ መና አቶተ እሚደ፥ ላኤናን እት ገደ ገሌዳ። 
\v 13 ቱኔዳ አሳ ቦላ ኮሩማ ሱነ ዴሻ ሱ ጫጫፊደ፥ ጉደቴዳ ኡሳት ብድን ቆልና፥ ሄ ኡራ ቱናተፐ ጌሻናዉ ዳንዳዮፐ፥\x - \xo 9:13 \xo*\xt ዎጋ 16:15-16፤ ፓይ. 19:9፣ 17-19\xt*\x* 
\v 14 መና ጌሻ አያና ባጋና ባላይ ባይና ያርሹዋዳን፥ ጾሳዉ ባረና እሜዳ ክርስቶሳ ሱይ፥ ኑን ደኡዋ ጾሳዉ ኦና ማላ፥ ካሰ ኑ ሀይቄዳ ኦሱዋፐ ኑ ሱረ ዎዛና ዎት ጌሻንዴሻ!
\p
\v 15 ሄዋ ድራዉ፥ ጾሳይ ጼሴዳዋንቱ እ እማና ጌዳ መና አንጁዋ ላታና ማላ፥ ክርስቶስ ኦራ ጫቆ ጋናቴዳ፤ ሄዌ ሀናና ዳንዳይያዌ፥ አሳይ ኮይሮ ጫቁዋፐ ጋርሳን ደኢደ ኦዳ ባላ አይለተፐ ከስያ ሀይቁ ደእያ ድራሳ።
\p
\v 16 አያዉ ጎፐ፥ ሀይቂያ ኡራይ ዎይቴዳዌ ደኦፐ፥ ሄ ኡራይ ሀይቆዌ ኤረታናዉ ኮሼ። 
\v 17 አያዉ ጎፐ፥ ዎይቴዳ ኡራይ ሀይቄዳ ዎደ፥ እ ዎይቴዳዌ ፖለቴዳ፤ ሄ ዎይቴዳዌ ፓጻ ደእሽን፥ አይነ ፖለተና።
\p
\v 18 ሀራይ አቶ፥ ኮይሮ ጫቁካ ሱይ ባይናን እንጀትቤናዌ ሀዋሳ። 
\v 19-20 አያዉ ጎፐ፥ ህግያን ደእያ አዛዙዋ ኡባ ሙሴ አሳ ኡባዉ ኦዴዳ፤ ሄዋፐ ጉይያን፥ ጋሎ ማራ ሱነ ዴሻ ሱ፥ ሃና፥ ዞኦ ዶርሳ እስክያናነ ህሶጵያ ግያ ም ቦንጭያና እትፐ አኪደ፥ “ሀዌ ህንተንታ ጾሳይ አዛዜዳ ጫቁዋ ሱ” ያጊደ፥ ህግያ ማጻፋ ቦላነ አሳ ኡባ ቦላ ጫጫፌዳ።\x - \xo 9:19-20 \xo*\xt ከሳ 24:6-8\xt*\x* 
\v 21 ሄዋዳንካ፥ ዱንካንያ ቦላነ ኦያ ሚሻ ኡባ ቦላ ሱ ሙሴ ጫጫፌዳ።\x - \xo 9:21 \xo*\xt ዎጋ 8:15\xt*\x* 
\v 22 ህጊ ግያዋዳን፥ ቱሙካ አማሬዳዋፐ አትን፥ ኡባባይካ ሱን ጌዬ፤ ሱይ ጉካና ዮፐ፥ አቶተይ ባዋ።
\s1 ክርስቶስ ያርሸቴዳዌ ናጋራ ቁጭ ይሴ
\p
\v 23 ሄዋ ድራዉ፥ ሳሉዋን ደእያዋንታ ማላትያዋንቱ ሄ ያርሹዋን ጌያናዉ ኮሼ፤ ሽን ሳሉዋን ደእያዋንቱካ ባረንቱ ሁጰዉ ጌያናዉ አያ ያርሹዋ ኡንቱንታ ኮሼ።
\p
\v 24 አያዉ ጎፐ፥ ክርስቶስ ቱሙ ጌሻ ሳን ሌምሰትያ አሳይ ኦዳ ጌሻ ሳ ገልቤና፤ ሽን እ ሀእ ኑ ግሻታዉ ጾሳ ስንን ቤታናዉ ያ ሳሉዋ ገሌዳ። 
\v 25 ቄሳቱዋ ኡባቱዋ ካፑ ላይን ላይን ባረ ሱ ግደናዋ ኦይቂደ፥ ጌሻ ሳኣ ገልያዋዳን፥ ክርስቶስ ባረና ኡባደ ያርሻናዉ ገልቤና። 
\v 26 ሄዋ ግድንቶ፥ ክርስቶስ ሳአይ መቶደፐ ዶሚደ ዳሮ ገደ ዋየታናዉ ኮሼ፤ ሽን ሀእ ዎድያ ዉርሰን ናጋራ ይሳናዉ ባረና ያርሺደ፥ ላኤናን እት ገደ ቤቴዳ።
\p
\v 27 አሳይ ኡባይ እት ገደ ሀይቃናዉ በሴ፤ ሄዋፐ ጉይያን ጾሳይ አሳ ፕርዳና። 
\v 28 ሄዋዳንካ፥ ቃይ ክርስቶስ ዳሮ አሳ ናጋራ ይሳናዉ እት ገደ ያርሸቴዳ፤ ቃይ እ ባረና ሎይ ናግያዋንታ አሻናዉ ቤታናፐ አትን፥ ላኤን ናጋራ ቶካናዉ ቤተና።\x - \xo 9:28 \xo*\xt ኢሳ. 53:12\xt*\x*
\c 10
\p
\v 1 አያዉ ጎፐ፥ ህገዉ ያና ሎኦባ ኤሹዋ ጻላላይ ደኤ፤ አዉ ቱሙ ሌምሱ ባዋ። ኡባ ዎደ ላይን ላይን እት ማላ ያርሹ ያርሸቴ፤ ሄዋ ድራዉ፥ ህጊ ጾሳኮ ሺቅያ አሳ ሄ ያርሹዋን ባላይ ባይና አሳ ኦናዉ ኡባካ ዳንዳየና። 
\v 2 ጾሳዉ ጎይንያ አሳይ ባረ ናጋራፐ ኡባና ጌዬዳባ ግድንቶ፥ ሱረ ዎዛናን ላኤንዋ ናጋራ ቆፐና፤ ቃይ ያርሽያዋካ አጋና። 
\v 3 ሽን አሳይ ላይን ላይን ሄ ያርሹዋን ባረ ናጋራ ሀሳዬ። 
\v 4 አያዉ ጎፐ፥ ኮሩማ ሱይነ ዴሻ ሱይ ናጋራ ይሳናዉ ኡባካ ዳንዳየና።
\p
\v 5 ሄዋ ድራዉ፥ ክርስቶስ ሀ አላምያ ያና ሀኒደ፥ ሀዋዳን ያጌዳ፤
\q1 “ኔን ያርሹዋነ እሙዋ ኮያበይካ፤
\q2 ሽን ታዉ ቦላ ጊግሳዳ።\x - \xo 10:5 \xo*\xt ማዝ. 40:6-8\xt*\x*
\q1
\v 6 ኔን ጹግያ ያርሹዋንነ፥
\q2 ናጋራ ያርሹዋን ኡባካ ናሸታካ።
\q1
\v 7 ታን ሄ ዎደ፥ ‘ጻ ማጻፋን ታባይ ጻፈቴዳዋዳንካ፥
\q2 ጾሳዉ፥ ታን ኔን ኮይያዋ ኦናዉ ያድ’ ያጋድ”
\m ያጌዳ። 
\v 8 ያርሹ ያርሸታና ማላ፥ ህጊ አዛዝያዋ ግዶፐነ፥ ክርስቶስ ኮይሮ፥ “ኔን ያርሹዋ፥ እሞታ፥ ጹግያ ያርሹዋነ ናጋራ ያርሹዋ ኡባካ ኮያበይካ፤ ሄዋንቱን ናሸታካ” ያጌዳ። 
\v 9 ሄዋፐ ጉይያን ክርስቶስ፥ “ጾሳዉ፥ ታን ኔን ኮይያዋ ኦናዉ ያድ” ያጌዳ። ሄዋ ድራዉ፥ ክርስቶስ ላኤንዋ ኤሳናዉ ኮይሮዋ ይሴ። 
\v 10 የሱስ ክርስቶስ ጾሳይ ኮዬዳዋ ኦዳ ድራዉ፥ ባረ አሹዋ ላኤንናን እት ገደ ያርሼዳዋን ኑን ኑ ናጋራፐ ጌይ አጌዶ።
\p
\v 11 ቄሳቱዋ ኡባቱ ሀቼ ሀቼ ኤቂደ፥ ባረ ኦሱዋ ኦኖ፤ ቃይ ናጋራ ይሳናዉ ኡባካ ዳንዳየና እት ማላ ያርሹዋ ዛር ዛሪደ ያርሺኖ።\x - \xo 10:11 \xo*\xt ከሳ 29:38\xt*\x* 
\v 12 ሽን ክርስቶስ ናጋራ ድራዉ፥ ኡባ ዎደዉ ግዴዳ እት ያርሹዋ ያርሺደ፥ ጾሳፐ ኡሸቻ ባጋና ኡት አጌዳ።\x - \xo 10:12 \xo*\xt ማዝ. 110:1\xt*\x* 
\v 13 ጾሳይ ስንፐ ክርስቶሳ ሞርከቱዋ ክርስቶሳዉ ገድያን የያዋ ኦና ጋካናዉ፥ ያን ናጌ። 
\v 14 አያዉ ጎፐ፥ እ እት ገደ ያርሼዳዋን፥ ናጋራፐ ጌዬዳዋንታ መናዉ ባላይ ባይናዋንታ ኦዳ።
\p
\v 15 ቃይ ጌሻ አያናይ ኑዉ ማርካቲደ፥ ሀዋዳን ያጌ፤
\q1
\v 16 “ታን ሄ ጋላሳቱዋፐ ጉይያን፥
\q2 ኡንቱንቱና ጫቀትያ ጫቁ ሀዋ:
\q1 ታን ታ ህግያ ኡንቱንቱ ቆፋን ዎና፤
\q2 ቃይ ኡንቱንቱ ዎዛናንካ ጻፋና”
\m ያጌ።\x - \xo 10:16 \xo*\xt ኤር. 31:33\xt*\x*
\q1
\v 17 ቃይ ሄዋፐ ጉየና፥
\q2 “ታን ኡንቱንቱ ናጋራነ፥
\q2 ኡንቱንቱ ማካላ ኦሱዋ ላኤን ሀሳይከ”
\m ያጌ።\x - \xo 10:17 \xo*\xt ኤር. 31:34\xt*\x* 
\v 18 ጾሳይ ሄ ናጋራ አቶ ጌዳ ዎደ፥ ናጋራ ይሳናዉ ሀዋፐ ስንዉ ያርሹዋ ኮሸና።
\s1 ጾሳኮ ሺቃናዉ ኮሼ
\p
\v 19 ስም ታናዳን አማንያዋንቶ፥ ኑን የሱሳ ሱ ባጋና ኡባፐ አያ ጌሻ ሳኣ ገላናዉ ኑዉ ጻላተይ ደኤ። 
\v 20 ክርስቶስ ኑዉ ኦራ ኦግያነ ደኡዋ ኦግያ ጋርዱዋ ባጋና፥ ሄዋ ጉሳይ ባረ ቦላ ባጋና ዶዬዳ። 
\v 21 ኑዉ ጾሳ ጎለን ሱንቴዳ ዎልቃማ ቄሳይ ደእያ ድራዉ፥ 
\v 22 ኑን ሱረ ዎዛናና፥ ቱሙ አማኑዋና፥ ኢታ ዎዛናፐ ጌዬዳ ዎዛናናነ ቃይ ጽሎ ሃን ሜጨቴዳ ቦላና ጾሳኮ ሺቆይተ።\x - \xo 10:22 \xo*\xt ዎጋ 8:30፤ ህዝ. 36:25\xt*\x*
\p
\v 23 ኑዉ እማና ጌዳ ጾሳይ አማንያ ድራዉ፥ ኑን ደማና ጊደ ናሸቻን ናግ ኡቴዳዋ ሎይ ኦይቆይተ። 
\v 24 እቱ እቱዋና ዋን ሲቀታነንቶነ ቃይ ሎኦ ኦሱዋ ዎት ኦነንቶ፥ እቱ እቶ ቆፔቶ። 
\v 25 እቱ እቱ ሺቁዋ ዶያ ኦደ ሺቅያዋዳን፥ ኑንካ እትፐ ሺቅያዋ አጎኮ፤ ሽን ጎዳ ጋላሳይ ማታትያዋ ህንተንቱ በእያ ድራዉ፥ እቱ እቱዋ መንቶ።
\p
\v 26 ኑን ቱማተ ኤራ አክ ድጊደ፥ ኤሪደ ናጋራ ኦያዋ ግዶፐ፥ ሀዋፐ ስንዉ ናጋራ ይስያ ያርሹ እትባይነ ባዋ። 
\v 27 ሽን ያሽያ ፕርዳ ናግያዌነ ጾሳ እጽያ ኡባ ማናዉ ዎልቃማ ታማይ ደኤ።\x - \xo 10:27 \xo*\xt ኢሳ. 26:11\xt*\x* 
\v 28 ሙሴ ህገዉ አዛዘተና ኡራይ፥ ላኡ ኡራይ ዎይ ሄዙ ኡራይ አ ቦላ ማርካቶፐ፥ ቃረት ባይናን ሀይቄ።\x - \xo 10:28 \xo*\xt ዛረ. 17:6፤ 19:15\xt*\x* 
\v 29 ጾሳ ናኣ ካዳ ኡራይ፥ ባረና ናጋራፐ ጌሼዳ ጾሳ ጫቁዋ ሱ ቱናባዳን ቆፔዳ ኡራይ፥ ቃይ አ ኬካተ ጌሻ አያና ቦርያ ኡራይ፥ አይ ኬና ኢታ ፕርዳ አካናዉ በስንቶነ አነ ቆፕተ።\x - \xo 10:29 \xo*\xt ከሳ 24:8\xt*\x*
\p
\v 30 አያዉ ጎፐ፥ “ታን ሀሉዋ ከሳናነ ኩሽያ ዛራና” ጌዳዋ ኑን ኤሬቶ፤ ቃይካ፥ “ጎዳይ ባረ አሳ ፕርዳና” ያጌዳ።\x - \xo 10:30 \xo*\xt ዛረ. 32:35፣ 36\xt*\x* 
\v 31 ደኡዋ ጾሳ ኩሽያን ኩንዳናዌ ዳሮ ያሽያዋ።
\p
\v 32 ህንተንቶ ጾሳ ፖኡ ፖኤዳዋፐ ጉይያን፥ ህንተንቱ ዳሮባን ዋየቲደ፥ ዎልቃማ ዋታን ገንጬዳ በን ዎድያ ሀሳይተ። 
\v 33 እት እት ገደ ህንተንታ አሳ ስንን ቦሬድኖነ ፓጻ ካኤድኖ፤ ቃይ ሀራ ዎደ ሄዋዳን ኦዳዋንቱናነ እትፐ ደኤድታ። 
\v 34 አያዉ ጎፐ፥ ቃሹዋን ደእያ አሳቶ ህንተንቱ ቃረቴድታ፤ ያቲደ ህንተንቶ መናዉ ዉረና ኡባፐ አያ ሻሉ ሳሉዋን ደእያዋ ህንተንቱ ሁጰዉ ኤሬዳ ድራዉ፥ ህንተባ ኡባ አክ ድጎፐ ህዶታን ገንጬድታ።
\p
\v 35 ሄዋ ድራዉ፥ ዎልቃማ ዎይታና ደእያ ህንተንቱ ጻላተ ኦሎፕተ። 
\v 36 ጾሳይ ኮይያዋ ኦደ፥ እ ህንተንቶ እማና ጌዳዋ አካናዉ ገንጫና ኮሼ። 
\v 37 አያዉ ጎፐ፥ ጾሳ ማጻፋይ፥
\q1 “አማሬዳ ዎዲ አቴዳ።
\q2 ይያዌ ያናዋ፤ ጋምኤና።\x - \xo 10:37 \xo*\xt እምባ. 2:3-4\xt*\x*
\q1
\v 38 ታ ጽሉ አማነቲደ ደአናዋ።
\q2 ሽን ኦንነ ጉየ ስሞፐ፥
\q2 ታና ናሸቼና”
\m ያጌ። 
\v 39 ኑን አማነቲደ አቴዳዋንቱ ባጋ ግድያዋፐ አትን፥ ጉየ ስሚደ ዬዳዋንቱ ባጋ ግዶኮ።
\c 11
\s1 አማኑዋ
\p
\v 1 አማኑዋ ግያዌ፥ ደማና ጊደ ናሸቻን ናግ ኡቴዳባይ አማንያዋነ በአናዉ ዳንዳየናባ ኤርስያዋ። 
\v 2 ጾሳይ በን ጭማ አሳዉ ማርካታዌ፥ ኡንቱንቱ አማኔዳዋና።
\p
\v 3 ሳሉነ ሳአይነ ጾሳ ቃላን መቴዳዋ አማኑዋን ኑን ኤሬቶ፤ ሄዋ ድራዉ፥ ቤትያባይ ቤተናባፐ መቴዳ።\x - \xo 11:3 \xo*\xt ዶመ 1:1፤ ማዝ. 33:6፣ 9፤ ዮሃ. 1:3\xt*\x*
\p
\v 4 አቤል ቃዬላዋፐ አያ ያርሹዋ ጾሳዉ ያርሼዳዌ አማኑዋና። ጾሳይ አ እሙዋባ ማርካቲደ፥ እ ጽሉዋ ግዴዳዋካ ማርካቴዳ፤ አቤል ሀራይ አቶ ሀይቄዳሽንካ፥ ባረ አማኑዋን ሀእ ጋካናዉ ሃሳዬ።\x - \xo 11:4 \xo*\xt ዶመ 4:3-10\xt*\x*
\p
\v 5 ሄኖክ ሀይቀናን ሳሉዋ ቤዳዌ አማኑዋና፤ ጾሳይ አፌዳ ድራዉ፥ ኦንነ አ በአናዉ ዳንዳይቤና። ጾሳ ማጻፋይ፥ “ሄኖክ ሳሉዋ ባናፐ ካሰ ጾሳ ናሸቼዳ” ያጌ።\x - \xo 11:5 \xo*\xt ዶመ 5:21-24\xt*\x* 
\v 6 አማኑ ባይናን ኦንነ ጾሳ ናሸቻናዉ ዳንዳየና፤ አያዉ ጎፐ፥ ጾሳኮ ይያ ኦንነ ጾሳይ ደእያዋነ ባረና ኮይያዋንቶ ዎይታ እምያዋ አማናናዉ ኮሼ።
\p
\v 7 ኖሄ በአናዉ ዳንዳየና ስንፐ ሀናናባዉ ጾሳይ፥ “ኔና ናጋ” ጊና፥ ጾሳዉ ያዪደ፥ ባረናነ ባረ ሶይ አሳ አሻናዉ ማርካብያ መዳዌ አማኑዋና፤ ያቲደ ሄዋን ሀ ሳኣ ቦላ ፕርዲደ፥ አማኑዋን ቤትያ ጽሎተካ ጾሳፐ አኬዳ።\x - \xo 11:7 \xo*\xt ዶመ 6:13-22\xt*\x*
\p
\v 8 አብራሃሞ ላታናዳን፥ ጾሳይ ባረዉ እማና ጌዳ ጋድያ ባና ማላ፥ ጾሳይ ባረና ጼሴዳ ዎደ፥ አዛዘቴዳዌ አማኑዋና፤ እ ባረ ጋድያፐ ከሲደ ብያ ዎደ፥ ሀቃ ብንቶነ ኤረናን ከሴዳ።\x - \xo 11:8 \xo*\xt ዶመ 12:1-5\xt*\x* 
\v 9 አብራሃሞ ጾሳይ ባረዉ እማና ጌዳ ጋድያን ሀራ ቢታ አሳዳን ደኤዳዌ አማኑዋና፤ ጾሳይ ሄ እማና ጌዳዋ ባረናና እትፐ ላታና ይሳቃናነ ያቆባና ዱንካንያን ደኤዳ።\x - \xo 11:9 \xo*\xt ዶመ 35:27\xt*\x* 
\v 10 አያዉ ጎፐ፥ አብራሃሞ ጾሳይ ሎኦ ባሱዋን ቆፒደ ኬጼዳ ካታማ ናጌ።
\p
\v 11 ሳራ ባረ ሁጰዉ ሀራይ አቶ ኤጫደካ፥ እማና ጌዳ ጾሳይ አማነቴዳዋ ግዴዳዋ ኤሬዳ ድራዉ፥ ናኣ ሻሃራናዉ ዎልቃ ደሜዳዌ አማኑዋና።\x - \xo 11:11 \xo*\xt ዶመ 18:11-14፤ 21:2\xt*\x* 
\v 12 ሄዋ ድራዉ፥ ሀይቄዳ አሳ ማላትያ እት ብታንያፐ ሳሉዋን ደእያ ጾልንትያ ኬና፥ አባ ጋጻን ደእያ ፓይዱ ባይና ሻፍያ ኬና ዛራቱ የለቴድኖ።\x - \xo 11:12 \xo*\xt ዶመ 18:11-14፤ 21:2\xt*\x*
\p
\v 13 ሄ አሳቱ ኡባቱ አማኑዋን ሀይቄድኖ፤ ባረንቶ ጾሳይ እማና ጌዳዋካ አክበይክኖ፤ ሽን ሃኩዋን ሄዋ በኢደ፥ ሳሮቴድኖ። ቃይ ኡንቱንቱ ሳኣን እማነ የደርሰቲደ ከሴዳ አሳቱዋ ግዴዳዋ ኤሬድኖ።\x - \xo 11:13 \xo*\xt ዶመ 23:4፤ 1 ኦዱዋ 29:15፤ ማዝ. 39:12\xt*\x* 
\v 14 አያዉ ጎፐ፥ ሄዋዳን ግያ አሳቱ ባረንቱ ሁጰ ጋድያ ኮይያዋ ኤርሲኖ። 
\v 15 ኡንቱንቱ ሄ የጊደ ከሴዳ ጋድያ ስማናዉ ቆፔዳዋ ግድንቶ፥ ጉየ ስምያ ካጫ ደመናን አግክኖ፤ ሽን 
\v 16 ኡንቱንቱ ሄዋ አጊደ፥ ሎእያ ጋድያ ላሞቲኖ፤ ሄዌ ሳሉዋ ጋድያ። ሄዋ ድራዉ፥ ጾሳይ ኡንቱንቱ ጾሳ ጌተታናዉ ዬላተና። አያዉ ጎፐ፥ እ ኡንቱንቶ ካታማ ጊግስ ዎዳ።
\p
\v 17-18 አብራሃሞ ይሳቃ ያርሻነንቶ ዎይ ያርሸነንቶ፥ ጾሳይ ኤራናዉ ጾሞሴዳ ዎደ፥ አብራሃሞ አማኑዋን አ ያርሼዳ። ጾሳይ አብራሃማ፥ “ነ ዛሪ ይሳቃ ባጋና ጼሰታናዋ” ጌዳሽንካ፥ አብራሃሞ ባረ ናኣ ይሳቃ ያርሻናዉ ጊጌዳ።\x - \xo 11:17-18 \xo*\xt ዶመ 22:1-14\xt*\x* 
\v 19 አብራሃሞ ጾሳይ ይሳቃ ሀራይ አቶ፥ ሀይቁዋፐካ ፓናዉ ዳንዳይያዋ ኤሬዳ፤ ሄዋ ድራዉ፥ ሀይቁዋፐ ጉየ አ ዛሪደ አኬዳ።
\p
\v 20 ይሳቅ ስንፐ ሀናናባዉ ያቆባነ ኤሳ አንጄዳዌ አማኑዋና።\x - \xo 11:20 \xo*\xt ዶመ 27:27-29፣ 39-40\xt*\x*
\p
\v 21 ያቆብ ሀይቃና ሀኒደ፥ ዮሴፎ ናና ሁጲያን ሁጲያን አንጄዳዌነ ጋትማን ጉፈቲደ፥ ጾሳዉ ጎይኔዳዌ አማኑዋና።\x - \xo 11:21 \xo*\xt ዶመ 47:31\xt*\x*
\p
\v 22 ዮሴፎ ሀይቃናዉ ማቲደ፥ እስራኤልያ አሳይ ግብጼፐ ከሳናዋ ሃሳዬዳዌነ ባረ መቀ ኦናባ ኡንቱንታ አዛዜዳዌ አማኑዋና።\x - \xo 11:22 \xo*\xt ዶመ 50:24-25፤ ከሳ 13:19\xt*\x*
\p
\v 23 ሙሴ የለቴዳዋፐ ጉይያን፥ አዉነ አታ ማላ ሎኦ ናኣ ግዴዳዋ በኢደ፥ ሄዙ አገና ቆሴዳዌ አማኑዋና፤ ኡንቱንቱ ካትያ አዋዮካ ያይበይክኖ።\x - \xo 11:23 \xo*\xt ከሳ 2:2፤ 1:22\xt*\x*
\p
\v 24 ሙሴ ድጬዳዋፐ ጉይያን፥ ግብጼ ካትያ ናት ናኣ ጌተታናዋ እጼዳዌ አማኑዋና።\x - \xo 11:24 \xo*\xt ከሳ 2:10-12\xt*\x* 
\v 25 ናጋራን ሙሴ ጉ ዎድያ ናሸታናዋፐ፥ ጾሳ አሳና ዋየታናዋ ዶሬዳ። 
\v 26 ዎደፐ ደማና ዎይታ እ ትሽ ኦደ ጼሎ ድራዉ፥ ግብጼ ጋድያ ሻሉዋ ኡባፐ ክርስቶሳ ድራዉ ቦረትያዌ ዳሮ አያ ዱረተ ግዴዳዋ ቆፔዳ።
\p
\v 27 ካትያ ሀንቆ ሙሴ ያየናን፥ ግብጼ ጋድያፐ ከሴዳዌ አማኑዋና፤ አያዉ ጎፐ፥ ቤተና ጾሳ በኤዳዋዳን፥ ገንጪደ ስንዉ ቤዳ። 
\v 28 ሀይቁዋ ኪታንቻይ እስራኤልያ አሳዉ ባይራ ናና ቦቼናዳን፥ ሙሴ ፓስጋ ቦንቼዳዌነ ጉባንያን ሱ ጫጫፍሴዳዌ አማኑዋና።\x - \xo 11:28 \xo*\xt ከሳ 12:21-30\xt*\x*
\p
\v 29 እስራኤልያ አሳይ መላ ቢታን ሀመትያዋዳን፥ ዞኦ አባ ፕኔዳዌ አማኑዋና፤ ሽን ግብጼ አሳቱ ፓጨዉ ገልሽን፥ ሃይ ኡንቱንታ ምት አጌዳ።
\p
\v 30 እስራኤልያ አሳይ እያርኮ ግያ ካታማ ሹቻ ድርሳ ላፑ ጋላሳ ዩይ ዩይ አዋፐ ጉይያን፥ ሄ ሹቻ ድርሳይ ኩንዴዳዌ አማኑዋና።\x - \xo 11:30 \xo*\xt ኢያሳ 2:1-21፤ 6:22-25\xt*\x* 
\v 31 ጫራታ ራኣባ የዉዋ ቆርያዋንታ ሎይ ሞኬዳ ድራዉ፥ ጾሳዉ አዛዘተናን እጼዳ አሳና ሀይቀናን አቴዳዌ አማኑዋና።
\p
\v 32 ስም ሀራባ ጉጃደ አያ ኦዶ? ጌዶናባ፥ ባራቃባ፥ ሳምሶናባ፥ ዮፍታሄባ፥ ዳዊተባነ ሳሜላባ፥ ቃይ ናባቱዋባ ኦዳናዉ ታዉ ዎዲ ግደና።\x - \xo 11:32 \xo*\xt ዳኔላ 6:11—8:27፤ ዳና. 4:6—5:31፤ ዳና. 13:2—16:31፤ ዳና. 11:1—12:7፤ 1 ሳሜላ 16:1—1 ካታ. 2:11፤ 1 ሳሜላ 1:1—25:1\xt*\x* 
\v 33 ኡንቱንቱ ካትያ ኡባና ኦለቲደ ጾኔዳዌነ ጽሎባ ኦዳዌ አማኑዋና፤ ያቲደ ጾሳይ እማና ጌዳዋ አኬድኖ፤ ጋሞቱዋ ዶናካ ጎርዴድኖ።\x - \xo 11:33 \xo*\xt ዳኔላ 6:1-27\xt*\x* 
\v 34 ዎልቃማ ታማ ቶይሴድኖ፤ ኩሳ ማሻፐ አቴድኖ፤ ኡንቱንቱ ዳቡራንቻ፤ ሽን ምኔድኖ፤ ቃይ ኦላን ምኒደ፥ ሀራ ጋድያ ኦላ አሳ የደርሴድኖ።\x - \xo 11:34 \xo*\xt ዳኔላ 3:1-30\xt*\x* 
\v 35 ማጫዋንቱ ባረንቱ ሀይቄዳዋንታ ሀይቁዋፐ ደንድና አኬድኖ።
\p ቃይ ሀራንቱ ቃሹዋፐ ብለታናዋ እጺደ፥ ኬክያ ደኦ ሀይቁዋፐ ደንዳናዉ፥ ኡጋቲደ ሀይቄድኖ።\x - \xo 11:35 \xo*\xt 1 ካታ. 17:17-24፤ 2 ካታ. 4:25-37\xt*\x* 
\v 36 ሀራቱዋ ቦላ አሳይ ቅሊጭ ካኤዳ፤ ልሱዋን ሾጨቴድኖነ ሳንላታን ቃሸቲደ፥ ቃሾ ጎልያ ገሌድኖ።\x - \xo 11:36 \xo*\xt 1 ካታ. 22:26-27፤ 2 ኦዱዋ 18:25-26፤ ኤር. 20:2፤ 37:15፤ 38:6\xt*\x* 
\v 37 ሹቻን ጫደቴድኖ፤ ማጋዝያን ላኡ ከሲደ ጳልቀቴድኖ፤ ፓጨቴድኖ፤ ማሻን ሀይቄድኖ፤ ኡንቱንቶ ኡባባይካ ይና፥ ዋየቲደ ቱጋቲደ፥ ዶርሳ ጫላነ ዴሻ ጫላ ማዪደ ዩዬድኖ።\x - \xo 11:37 \xo*\xt 2 ኦዱዋ 24:21\xt*\x* 
\v 38 ኡንቱንቶ ሀ አላሚ ጊገናን እጽና፥ ዎራን፥ ደርያን፥ ጎንጎሉዋ ግዶንነ ኦላ ግዱዋን ዩዬድኖ።
\p
\v 39 ጾሳይ ኡንቱንቱ አማኑዋ ማርካቶፐካ፥ ሄዋንቱ ኡባቱ እ፥ እማና ጌዳዋ አክበይክኖ። 
\v 40 ጾሳይ ኑዉ እት ሎኦ ቆፋ ቆፕ ዎዳ ድራዉ፥ ኡንቱንቱ ኑን ባይናን ባላይ ባይናዋንታ ግድክኖ።
\c 12
\s1 ጾሳይ ኑዉ አዉዋ
\p
\v 1 ስም ኑዉ ሀዋ ኬና ዳሮ አሳይ፥ ሻርያዳን ኑ ማታን ዩይ አደ ማርካትያዌ ደእሽን፥ ኑና ቢያ ኡባባነ ባቂ ኦይቂያ ናጋራ ድጊደ ኑ ስንን ደእያ ኑን ዎጻና ዎ ገንጪደ ዎጾይተ። 
\v 2 ኑን ኑ አማኖ ኦግያ ዶዬዳዋነ ፖልስያዋ ግዴዳ የሱሳ ጼሎይተ። የሱስ ዬላ ካደ፥ ስንፐ አዉ ደእያ ናሸቻ ድራዉ፥ ማስቃልያ ቦላ ምስማርያን ሸቲደ ሀይቃናዋ ገንጪደ፥ ጾሳ ካዉተ ኦይድያፐ ኡሸቻ ባጋና ኡቴዳ።
\p
\v 3 ህንተንቱ ህንተንቱ ዎዛና ባይዚደ ዳቡረና ማላ፥ ናጋራንቻቱ ባረና ዳሮ እጽናካ ገንጬዳ የሱሳ ቆፕተ። 
\v 4 ናጋራና ህንተንቱ ባጸቲደ፥ ሱ ጉሳና ጋካናዉ ብሮ ኦለት ድግበይክታ። 
\v 5 ጾሳይ ባረ ናናዳን፥ ህንተንታ ዞርያዋ ዶጌድቴ? ጾሳይ ህንተንታ፥
\q1 “ታ ናአዉ፥ ጾሳይ ኔና ሙርያ ዎደ፥ ላፋባዳን ቆፖፓ።
\q2 እ ኔና ሴርያ ዎደካ ያዮፓ።\x - \xo 12:5-6 \xo*\xt ኢዮባ 5:17፤ ሌም. 3:11-12\xt*\x*
\q1
\v 6 አያዉ ጎፐ፥ እ ባረ ሲቅያ ኡራ ሙሬ፤
\q2 ቃይ ባረ ናኣዳን አክያ ኡባካ ልሱዋን ሾጬ”
\m ያጌዳ። 
\v 7 ጾሳይ ህንተንታ ሙርያ ዎደ ገንጭተ። አያዉ ጎፐ፥ እ ህንተንታ ናናዳን ኦ። አዉ ሴረና ናአይ ደኢ? 
\v 8 ናና ኡባ ሴርያዋዳን፥ ህንተንታ ሙረናን አጎፐ፥ ካረን የለቴዳዋንታ ግዲታፐ አትን፥ ቱሙ ናና ግድክታ። 
\v 9 ሄዋ ቦላን ቃይ፥ ኑና የሌዳ ኑ አዎቱ ኑና ሙሬዳ ዎደ፥ ኑን ኡንቱንታ ቦንቼዶ። ያትና፥ ኑን ዋኒደ አያና አቦ ሎይ ዳርስ ሞደቲደ ደኦኮ? 
\v 10 አያዉ ጎፐ፥ ኑና የሌዳ ኑ አዎቱ ባረንታ ሎኦዋዳን፥ አማሬዳ ዎድያ ኑና ሙሬድኖ፤ ሽን ጾሳይ ኑን አ ጌሻተ አካና ማላ፥ ኑና ማዳናዉ ሙሬ። 
\v 11 ኑን ሙረትያ ዎደ፥ ሀእዉ ይሎዬ፤ ናሸቼና። ሽን ሙሬዳዋንቶ ጉየፐ ሄ ሙራይ ጽሎተ ደኡዋ ሳሮተ ዎይታ እማና።
\s1 ዞርያነ ሴራ
\p
\v 12 ሄዋ ድራዉ፥ ህንተንቱ አርጋጬዳ ኩሽያነ ህንተንቱ ዳቡሬዳ ጉልባታ መንተ።\x - \xo 12:12 \xo*\xt ኢሳ. 35:3\xt*\x* 
\v 13 ዎቢያ ገዲ ፓጻናፐ አትን፥ ቡርቀና ማላ፥ ሱረ ኦግያን ሀመትተ።\x - \xo 12:13 \xo*\xt ሌም. 4:26\xt*\x*
\p
\v 14 አሳ ኡባና ሳሮ ደአናዉ ምንተ፤ ቃይ ጌሻ ደኡዋ ደእተ። አያዉ ጎፐ፥ ጌሻተይ ባይናን ኦንነ ጎዳ በአናዉ ዳንዳየና። 
\v 15 ጾሳ አ ኬካተ ኦንነ አከናን አተና ማላ ናገትተ፤ ቃይ ዶላደ፥ ባረ ማርዝያን አሳ ዋይስያ ጫሞ ምዳን ሀኒደ፥ ኦንነ ዳሮ አሳ ቱንሰና ማላ ናገትተ።\x - \xo 12:15 \xo*\xt ዛረ. 29:18\xt*\x* 
\v 16 ዎሹማናዉ ካጄልያ አሳይ ኦንነ ደኤና ማላ፥ ዎይ ቃይ እት ገደ ምያባዉ ባረ ባይራተ ዛልኤዳ፥ አያናባ ካዉሽስያ ኤሳ ማላ አሳይካ ደኤና ማላ ናገትተ።\x - \xo 12:16 \xo*\xt ዶመ 25:29-34\xt*\x* 
\v 17 ሄዋፐ ጉይያን፥ ኤሳይ ባረ አቡ አንጁዋ አካናዉ ኮዬዳዋ ኤሪታ፤ ሽን አ አቡ አ አንጀናን እጼዳ፤ አያዉ ጎፐ፥ ናጋራፐ ስምያ ኦግያ እ ሀራይ አቶ፥ አፎጽ ኮዪደካ ደማናዉ ዳንዳይቤና።\x - \xo 12:17 \xo*\xt ዶመ 27:30-40\xt*\x*
\p
\v 18 ህንተንቱ ቦቻናዉ ዳንዳይያ ደርያኮነ ኤጽያ ታማኮ፥ ማኮ፥ ሻርያኮነ ጎቱዋኮ፥\x - \xo 12:18-19 \xo*\xt ከሳ 19:16-22፤ 20:18-21፤ ዛረ. 4:11-12፤ 5:22-27\xt*\x* 
\v 19 ቃይ ማላካታ ዋሱዋኮነ ቃላ ኮሻኮ ይበይክታ። አሳይ ሄ ኮሻ ስሴዳ ዎደ፥ ሀራ ጉጅ ስሰና ማላ ዎሴዳ። 
\v 20 አያዉ ጎፐ፥ ጾሳይ ኡንቱንታ፥ “ሀራይ አቶ፥ ዶአይካ ሄ ደርያ ቦቾፐ፥ ሹቻን ጫደቲደ ሀይቆ” ያጌዳ አዛዙዋ ኡንቱንቱ ገንጫናዉ ዳንዳይበይክኖ።\x - \xo 12:20 \xo*\xt ከሳ 19:12-13\xt*\x* 
\v 21 አይፍያን ቤትያዌ ዳሮ ዳጋንያዋ ግድያ ድራዉ ሙሴ፥ “ታን ያሻን ኮኮራይ” ያጌዳ።\x - \xo 12:21 \xo*\xt ዛረ. 9:19\xt*\x*
\p
\v 22 ሽን ህንተንቱ ጽዮነ ደርያ፥ ደኦ ጾሳይ ደእያ ካታማ፥ እትፐ ሺቂደ ናሸትያ ዳሮ ሻአ ኪታንቻቱዋኮ ሳሉዋ የሩሳላመ ዬድታ። 
\v 23 ጾሳ ባይራ ናናቱዋኮ፥ እትፐ ሺቄዳዋንቱኮ፥ ኡንቱንቱ ሱንይ ሳሉዋን ጻፈቴዳዋንቱኮ ዬድታ፤ ቃይ አሳ ኡባ ፕርድያ ጾሳኮነ፥ ባላይ ባይናዋንታ ኦዳ ጽሎ አሳቱዋ አያናቱዋኮ ዬድታ። 
\v 24 ኦራ ጫቆ ጋናትያ የሱሳነ አቤላ ሱፐ አያዋ ኦድያ ጉኬዳ ሱኮ ዬድታ።\x - \xo 12:24 \xo*\xt ዶመ 4:10\xt*\x*
\p
\v 25 ህንተንቶ ኦድያ ኡራ የዉዋ ስስያዋ ህንተንቱ እጸና ማላ፥ ህንተንታ ናግተ። ጾሳ ኪታ ሳኣን ባረንቶ ኦድያዌ ኦድያዋ ስሰና እጼዳዋንቱ አታና ዮፐ፥ ሳሉዋን፥ “ህንተና ናግተ” ግያ ጾሳፐ ኑን ዋኒደ አታኔ?\x - \xo 12:25 \xo*\xt ከሳ 20:22\xt*\x* 
\v 26 ሄ ዎደ አ ኮሻይ ሳኣ ቃዳ፤ ሽን እ ሀእ፥ “ታን ሳኣ ጻላላ ግደናን፥ እት ገደ ጉጃደ ሳሉዋካ ቃና” ያጌዳ።\x - \xo 12:26 \xo*\xt ሃገ 2:6\xt*\x* 
\v 27 “እት ገደ ጉጃደ” ግያ ቃላይ ቃጸናባይ ምኒደ ደአና ማላ፥ መቴዳባይ ቃጻናዋነ ክቻናዋ ጌሺደ በሴ።
\p
\v 28 ኑን ቃጻናዉ ዳንዳየና ካዉተ አክያ ድራዉ፥ አነ ጾሳ ጋላቶይተነ አ ናሸቾይተ፤ አዉ በስያዋዳን ቦንቹዋንነ ያሻተን አዉ ጎይኖይተ። 
\v 29 አያዉ ጎፐ፥ ኑ ጾሳይ ቱሙ ባይዝያ ታማ።\x - \xo 12:29 \xo*\xt ዛረ. 4:24\xt*\x*
\c 13
\s1 ጾሳ ኑን ዎት ናሸቻናዉ በስንቶ
\p
\v 1 ህንተንቱ እሻቱዋ ሲቅያዋ አጎፕተ። 
\v 2 እማ ሞክያዋካ ዶጎፕተ። አያዉ ጎፐ፥ ያትያዋን እት እት አሳይ ኤረናን ኪታንቻቱዋ ሞኬዳ።\x - \xo 13:2 \xo*\xt ዶመ 18:1-8፤ 19:1-3\xt*\x* 
\v 3 ቃሾ ጎለን ደእያዋንቱባ ህንተንቱካ ኡንቱንቱና እትፐ ቃሾ ጎለን ደእያዋዳን ቆፕተ፤ ቃይ ህንተንቱ ህንተንቱ ሁጰዉ ዋየትያዋዳን፥ ዋየትያዋንቱባ ቆፕተ።
\p
\v 4 አክያዋነ ገልያዋ አሳይ ኡባይ ቦንቻናዉ በሴ፤ ቃይ አስናይነ ማቻታ እቱ እቶ አማነታናዉ በሴ፤ አያዉ ጎፐ፥ ጾሳይ ዎሹማናዉ ካጄልያዋንታነ ዎሹምያዋንታ ፕርዳና።
\p
\v 5 ሚሻ ሲቁዋፐ ህንተንታ ናግተ፤ ህንተንቶ ደእያዌ ህንተንቶ ግዶ። አያዉ ጎፐ፥ ጾሳይ ባረ ሁጰዉ፥
\q1 “ታን ኔና ኡባካ የግከ
\q2 ዎይ አግከ”
\m ያጌዳ።\x - \xo 13:5 \xo*\xt ዛረ. 31:6፣ 8፤ ኢያሳ 1:5\xt*\x*
\q1
\v 6 ሄዋ ድራዉ፥ ኑን ጻሊደ፥
\q2 “ጎዳይ ታና ማድያዋ፤
\q2 ታን ያይከ።
\q2 አሳይ ታና አይ ኦ?”
\m ያጌቶ።\x - \xo 13:6 \xo*\xt ማዝ. 118:6\xt*\x*
\p
\v 7 ጾሳ ቃላ ህንተንቶ ኦዴዳ ህንተንታ ካለዳዋንታ ሀሳይተ፤ ኡንቱንቱ ዋን ደኤድኖንቶነ ሀሳይተ፤ ቃይ ኡንቱንቱዋዳን አማንተ።
\p
\v 8 የሱስ ክርስቶስ ዝኖካ ሀቼካ መናዉካ ላመተና። 
\v 9 ዱማ ዱማ ኦራ ትምርትያን ዎራ ቦፕተ። ኑ ዎዛናይ ጾሳ አ ኬካተን ምኖፐ ሎኦ ግድያዋፐ አትን፥ ቁማ ዎጋቶ አዛዘትያዋ ግደና፤ ሄዎ አዛዘቴዳዋንቱካ ማደትበይክኖ።
\p
\v 10 ኑዉ ያርሽያሳይ ደኤ፤ ዱንካንያ ግዶን ኦያዋንቱ ሄ ያርሽያ ሳፐ ማናዉ ኡንቱንቶ ማታይ ባዋ። 
\v 11 ቄሳቱዋ ኡባቱዋ ካፑ ናጋራ ድራዉ፥ መህያ ሱ ያርሻናዉ ኡባፐ አያ ጌሻ ሳኣ አፌ፤ ሽን ሄ መህያ አሹዋ ቃይ ድርሳፐ ካረና ጉዴ።\x - \xo 13:11 \xo*\xt ዎጋ 16:27\xt*\x* 
\v 12 ሄዋ ድራዉ፥ የሱስካ ቃይ ናጋራፐ አሳ ባረ ሱን ጌሻናዉ፥ ካታማ ፐንግያፐ ካረና ዋየቴዳ። 
\v 13 ስም ኑን እ ቦረቴዳ ቦርያ አኪደ፥ ድርሳፐ ካረ አኮ ከሶይተ። 
\v 14 አያዉ ጎፐ፥ ኑዉ ሀዋን መናዉ ደእያ ካታማይ ባዋ፤ ሽን ኑን ያና ካታማ ናጌቶ።
\p
\v 15 ስም ጾሳዉ የሱሳ ባጋና ኡባ ዎደ ጋላታ ያርሹዋ እሞይተ፤ ሄዋ ግያዌ መተርሻይ አ ሱንዉ እምያ ጋላታ ግያዋ። 
\v 16 ሎኦባ ኦያዋነ እቱ እቱዋ ማድያዋ ዶጎፕተ። አያዉ ጎፐ፥ ጾሳ ናሸችያዌ ሄዋ ማላ ያርሹዋ።
\p
\v 17 ህንተና ካለያዋንቶ አዛዘትተ፤ ቃይ ኡንቱንቱ አዛዝያዋካ ኦተ። ኡንቱንቱ ባረንቱ ኦዳዋ ጾሳዉ ኦዳና ድራዉ፥ ህንተንቱ ሸምፑዋ ሎይ ናጊኖ፤ ህንተንቱ ኡንቱንቶ አዛዘቶፐ፥ ባረንቱ ኦሱዋ ናሸቲደ ኦና፤ ሄዌ ዮፐ፥ ኡንቱንቱ ይሎቲደ ኦና፤ ሄዌ ህንተንታ አይነ ማደና።
\p
\v 18 ኑዉ ጾሳ ዎስተ። ኑን ኡባ ዎደ ሎኦባ ኦናዉ ኮይያ ድራዉ፥ ኑና ዞርያ ሎኦ ዎዛናይ ኑዉ ደኤ። 
\v 19 ጾሳይ ታና ህንተንቱኮ ኤለካ ዛራና ማላ፥ ጾሳ ህንተንቱ ሎይ ዎሳናዳን፥ ታን ህንተንታ ሎይ ዎሳይ።
\s1 ዎሳ
\p
\v 20 ሳሮተ ጾሳይ፥ ኑ ጎዳ የሱሳ፥ ዶርሳቱዋ ሄንንቻ ዎልቃማ፥ መና ጫቁዋ ሱን ሀይቁዋፐ ደንዳ። 
\v 21 ጾሳይ የሱስ ክርስቶሳ ባጋና ባረ ስንን ባረና ናሸችያዋ ህንተንታ ኦስሲደ፥ ህንተንቱካ እ ኮዬዳዋ ኦና ማላ፥ ሎኦ ኦሱዋ ኡባን ህንተንታ እ ጊግሶ፤ ጾሳይ መ መናዉ ቦንቼቶ። አመንእ።
\s1 ቁተ ቃላ
\p
\v 22 ታናዳን አማንያዋንቶ፥ ታን ሀ ዳብዳቢያ ህንተንቶ ቃንን ጻፌዳ ድራዉ፥ ህንተንቱ ሀ ዞርያ ሳለተናን ስሳና ማላ፥ ታን ህንተንታ ዎሳይ።
\p
\v 23 ኑ እሻይ፥ ጽሞቶስ ቃሹዋፐ ብለቴዳዋ ኤርተ። ኤሌል እ ሃ ዮፐ፥ ታን አናና ባደ ህንተንታ በአና።
\p
\v 24 ህንተና ካለያ ኡባቱዋነ ጾሳ አሳቱዋ ኡባ ሳሮ ሳሮ ጊተ። ጻልያፐ ዬዳ አማንያዋንቱ ህንተንታ ሳሮ ሳሮ ጊኖ።
\p
\v 25 አ ኬካተይ ህንተናና ኡባና እትፐ ግዶ። አመንእ።