\id HAG - Dawuro Full Bible Ethiopic Version
\ide UTF-8
\h ሃገ
\toc1 ሃገ ትምቢትያ
\toc2 ሃገ
\toc3 ሃገ
\mt1 ሃገ ትምቢትያ
\imt ገሉዋ
\ip ትምቢትያ ኦድያ ሃገ ማጻፋን ጻፈቴዳ ቃን ቃን ኪታቱ ክርስቶሳ የለታፐ ካሰ፥ እቼሹ ጼታነ ላታሙ ላይን ጾሳይ ትምቢትያ ኦድያ ሃገ ባጋና ኦደቴዳዋንታ። አሳይ ኦሞዱዋፐ ስሚደ የሩሳላመን ደኡዋ ዶሞደፐ እት አማሬዳ ላይቱ አዳዋ ግዶፐነ፥ ጌሻ ጎሊ ላለቶሳናካ ደኤ። ሄዋ ድራዉ፥ ኪታይ አሳ ካለያዋንቱ ጌሻ ጎልያ ኦናዳን ደንያዋ። አሳይ ኦራጾፐነ ጌዮፐ፥ ስንፐ ጾሳይ ኡንቱንቶ ሳሩዋነ አንጁዋ እማናዋ ኦዴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. መና ጎዳይ ጌሻ ጎሊ ዛረ ኬጻናዳን አዛዙዋ \ior 1:1-15\ior*
\io1 2. ጎዳይ ባረ አሳዉ እሜዳ አንጁዋነ ምንዋ ህዶታ \ior 2:1-19\ior*
\io1 3. ጾሳይ ዛሩባቤላዉ እሜዳ ህዶታ \ior 2:20-23\ior*
\c 1
\s1 መና ጎዳይ ጌሻ ጎልያ ዛረደ ኬጻናዳን አዛዙዋ
\r (1:1-15)
\p
\v 1 ካቲ ዳርዮሰ ካተቴዳ ላኤን ላይ፥ ኡሱፑን አግናን ኮይሮ ጋላስ መና ጎዳ ቃላይ ትምቢትያ ኦድያ ሃገ ባጋና ሳላትያላ ናኣ፥ ይሁዳ ጋድያ ሞድያ ዛሩባቤላኮነ እዮጸዴቃ ናኣ፥ ቄሰ ኡባቱ ካፑዋ ኢያሱኮ ዬዳ፤\x - \xo 1:1 \xo*\xt እዝራ 4:24—5:2፤ 6:14\xt*\x* 
\v 2 ኡባፐ ዎልቃማ መና ጎዳይ፥ “ሀዌ አሳይ፥ ‘መና ጎዳ ጌሻ ጎልያ ዛረደ ኬጽያ ዎዲ ብሮ ጋክቤና’ ያጌ።”
\p
\v 3 ያትና፥ መና ጎዳ ቃላይ ትምቢትያ ኦድያ ሃገ ባጋና፥ 
\v 4 “ታ አሳዉ፥ ታ ጌሻ ጎሊ ኮለት ደእሽን፥ ህንተ ህንተ አሌቀቴዳ ጎለቱዋን ደአናዉ ሀዌ ህንተንቶ ዎዴየ?” ያጊድ ዬዳ።
\p
\v 5 ሄዋ ድራዉ፥ ኡባፐ ዎልቃማ መና ጎዳይ፥ “አነ ህንተ ህንተና ጋኪደ ደእያዋ ቆፕተ። 
\v 6 ህንተ ዳሩዋ ዘሬድታ፤ ሽን ጉ ሺሼድታ። ሚታ፥ ሽን ካልክታ፤ ኡሺታ፥ ሽን አልክታ። ማዪታ፥ ሽን ህንተና ሆኤና፤ ድርጉዋ አክያዌ ዳከቶ ቃርጪትያን የጋናዉ አኬ” ያጌ።
\p
\v 7 ቃይካ ኡባፐ ዎልቃማ መና ጎዳይ፥ “አነ ህንተ ህንተና ጋኪደ ደእያዋ ቆፕተ። 
\v 8 ስም ደርያ ፑደ ከሲደ፥ ም ቃንጺደ አህተ፤ ጌሻ ጎልያ ዛረደ ኬጽተ። ያቶፐ ታን አን ናሸታናነ ቦንቼታና” ያጌ መና ጎዳይ።
\p
\v 9 ቃይካ ኡባፐ ዎልቃማ መና ጎዳይ፥ “ህንተ ዳሮ ካ ሺሻናዉ ሀልቼድታ፤ ሽን ጉ ግዴዳ፤ አካ ህንተ ጎለ ገልሴዳ ዎደ፥ ታን ፑንያዋን ይ አጌዳ። ሀዌ አያዉ ሀኔዴ? ታን ሀዋ ኦዳዌ፥ ህንተ ኡባይካ ህንተ ጎልያ ጎልያ ኦሶ ዎጽሽን፥ ታ ጎሊ ኮለቲደ አቴዳ ግሻሳ። 
\v 10 ሄዋ ድራዉ፥ ቦላ ሳሉ እራ እመናን፥ ቢታይካ ካ ሞከናን እጼድኖ። 
\v 11 ቃይ ቢታነ ደረቱዋ ቦላ፥ ካ ቦላ፥ ዎይንያ ቱራነ ዛይትያ ዎጋራቱ ቦላ፥ ቢታይ ፑደ ሞክያዋ ቦላ፥ አሳነ መህያ ቦላነ ህንተ ዳቡሪደ ኦዳዋ ኡባ ቦላ ታን እራ ይሳድ” ያጌ።
\s1 አሳይ ጾሳዉ አዛዘቴዳ
\p
\v 12 ሄዋፐ ጉይያን፥ ሳላትያላ ናአይ ዛሩባቤል፥ እዮጸዴቃ ናአይ፥ ቄስያ ኡባቱ ካፑ ኢያሱነ ሀራ አሳይ ኡባይ መና ጎዳ ባረንቱ ጾሳ ቃላዉነ መና ጎዳይ ኡንቱንቱ ጾሳይ ትምቢትያ ኦድያ ሃገ ባጋና ኪቴዳ ቃላዉ አዛዘቴድኖ፤ አሳይካ መና ጎዳዉ ያዬድኖ። 
\v 13 ያትና፥ መና ጎዳይ ኪቴዳ ሀጊ አሳ፥ “አሳዉ፥ መና ጎዳይ ህንተና፥ ‘ታን ህንተናና ደአይ’ ያጌ” ያግ መና ጎዳ ኪታ አሳዉ ኦዴዳ።
\p
\v 14 ያትና፥ መና ጎዳይ ሳላትያላ ናኣ፥ ይሁዳ ቢታ ሞድያ ዛሩባቤላ፥ እዮጸዴቃ ናኣ፥ ቄስያ ኡባቱ ካፑዋ ኢያሳነ ሀራ አሳ ኡባ ደንዳ፤ ኡንቱንቱ ዪደ፥ ኡባፐ ዎልቃማ መና ጎዳ፥ ባረንቱ ጾሳ ጌሻ ጎልያ ኬጹዋ ዶሜድኖ። 
\v 15 ሀዌ ሀኔዳዌ ካቲ ዳርዮሰ ካተቴዳ ላኤን ላይን፥ ኡሱፑን አግናን ላታማነ ኦይደን ጋላሳና።
\c 2
\s1 ጎዳይ ባረ አሳዉ እሜዳ ምንዋነ አንጁዋ ህዶታ
\r (2:1-19)
\p
\v 1 ሄ ላይን ላፑን አግናን ላታማነ እተን ጋላሳን መና ጎዳ ቃላይ ትምቢትያ ኦድያ ሃገ ባጋና ሀዋዳን ያጊድ ዬዳ፤ 
\v 2 “ሳላትያላ ናኣ፥ ይሁዳ ሞድያ ዛሩባቤላዉ፥ እዮጸዴቃ ናኣ፥ ቄስያ ኡባቱ ካፑዋ ኢያሱዉነ ሀራ አሳዉ ሀዋዳን ያጋደ ኦዳ፤ 
\v 3 ‘ሀ ጌሻ ጎልያ ቦንቹ ካሰ አያ ማለንቶ በኤዳ አሳፐ አቴዳዌ ህንተ ግዶን ደኢ? ሀቼ ህንተ አ ጼልያ ዎደ፥ ዋን ኡቴዴ? ህንተ አይፍያን እ ባይናዋ ማላቴ ግደኔ?\x - \xo 2:3 \xo*\xt እዝራ 3:12\xt*\x*
\p
\v 4 “ ‘ዛሩባቤላ፥ ሀእ ምና! ታን መና ጎዳይ ሀዋ ኦዳይ። እዮጸዴቃ ናአዉ፥ ቄስያ ኡባቱ ካፖ ኢያሱ፥ ኔንካ ምና! ቢታን ደእያ አሳ ኡባዉ፥ ህንተካ ምንተ! ምኒደ ኦተ፤ አያዉ ጎፐ፥ ታን ህንተናና ደአይ። ታን ኡባፐ ዎልቃማ መና ጎዳይ ሀዋ ኦዳይ። 
\v 5 ህንተ ግብጼፐ ከስያ ዎደ፥ ታን ህንተናና ጫቀቴዳ ጫቁዋዳን፥ ታ አያናይ ህንተናና ደእያ ድራዉ ያዮፕተ!\x - \xo 2:5 \xo*\xt ከሳ 29:45-46\xt*\x*
\p
\v 6 “ ‘ቃይካ ታን ኡባፐ ዎልቃማ መና ጎዳይ ሀዋ ኦዳይ። ታን ማታ ዎድያን እት ገደ ጉጃደ፥ ሳሎቱዋነ ሳኣ፥ አባነ መላ ቢታካ ቃና።\x - \xo 2:6 \xo*\xt እብራ. 12:26\xt*\x* 
\v 7 ካዉተቱዋ ኡባካ ቃና፤ ካዉተቱዋ ኡባን ደእያ ዱረታይ ሃ ያናዳን ኦና። ታን ኡባፐ ዎልቃማ መና ጎዳይ ሀ ጌሻ ጎልያ ቦንቹዋን ኩንና። 
\v 8 ብራይ ታዋ፤ ዎርቃይካ ታዋ። 
\v 9 ኮይሮዋ ቦንቹዋፐ ሀ ላኤን ጌሻ ጎልያ ቦንቹ ዳራና፤ ታን ኡባፐ ዎልቃማ መና ጎዳይ ሀ ሳኣን ሳሮተካ እማና’ ያጋደ ኦዳ” ያጌዳ መና ጎዳይ።
\p
\v 10 ዳርዮሰ ካተቴዳ ላኤን ላይን፥ ኡዱፑን አግናን ላታማነ ኦይደን ጋላሳን መና ጎዳ ቃላይ ትምቢትያ ኦድያ ሃገ ባጋና ሀዋዳን ያጊድ ዬዳ፤ 
\v 11 “ኡባፐ ዎልቃማ መና ጎዳይ ሀዋዳን ያጌ፤ ‘ህጊ ዋግንቶ ኤራናዉ አነ ቄሳቱ ዋ ሀዋ ኦቻ: 
\v 12 እት ኡራይ ያርሾ ጌሽ ዎዳ አሹዋ ባረ አፍላ ጼራን ጻጽ አኪደ አፍሽን፥ ሄ አፍላ ጼራይ ኡክ፥ ዎይ ዎጽያ፥ ዎይ ዎይንያ ኤሳነ ዛይትያ፥ ዎይ ሀራ አያ ቆሞ ቁማነ ቦቾፐ፥ ሄ ቦሸቴዳ ቁማይ ቱሙ ጌሻ ግዳናዉ ዳንዳዪ?’ ያጋ” ያጌዳ።
\p ቄሳቱ፥ “ግዳናዉ ዳንዳየና” ያጊደ ዛሬድኖ።
\p
\v 13 ሀጊ ቃይካ፥ “አሃ ቦቺደ ቱኔዳ እት ኡራይ ሀዋንቱፐ እት ቆሞ ቁማነ ቦቾፐ፥ ሄ ቁማይ ቱሙ ቱናኔ?” ያጊደ ኦቼዳ።\x - \xo 2:13 \xo*\xt ፓይ. 19:11-22\xt*\x*
\p ቄሳቱ፥ “ኤ ቱናና” ያጊደ ዛሬድኖ።
\p
\v 14 ያትና፥ ሀጊ ዛረደ፥ “መና ጎዳይ ሀዋዳን ያጌ፤ ‘ሀ አሳይነ ሀ ካዉተይ ታ ስንን ሄዋካ ማላ፤ ኡንቱንቱ ኦያ ኦሱነ ኡንቱንቱ ሺሽያ ያርሹ ኡባይካ ሄዋካ ማላ ቱና’ ያጌ” ያጌዳ።
\s1 ጾሳይ ባረ አሳ አንጃና
\p
\v 15 ጾሳይ፥ “ሀቼፐ ዶሚደ፥ ህንተ ቦላን ጋኬዳዋአ አኬክተ! መና ጎዳ ጌሻ ጎልያ ግምበቱዋ ዶማናፐ ካሰ፥ 
\v 16 ህንተ ላኡ ኩንታለ ካ አካና ጊደ፥ ካ ዎሳ ቤድታ፤ ሽን እት ኩንታለ ጻላላ ደሜድታ። ቃይ እት ጼቱ ሊትሮ ዎይንያ ኤሳ አካናዉ ዎይንያ ጉምእያ ኦላኮ ቤድታ፤ ሽን ህንተ መጽ ኦይታሙ ሊትሮ ጻላላ ዎይንያ ኤሳ ደሜድታ። 
\v 17 ታን ህንተ ኩሺ ኦዳ ኦሱዋ ኡባ ቦላን መልስያ ጫርኩዋ፥ ካ ሀርግያነ ሻቻ የዳደ ይሳድ። ሽን ህንተ ሀ ኡባንካ ታኮ ስምበይክታ” ያጌ መና ጎዳይ።
\p
\v 18 “ሀቼ ጋላሳፐ፥ ሀ ኡዱፑን አገናን ላታማነ ኦይደን ጋላሳፐ ዶሚደ፥ አነ አኬክተ፤ ቃይ መና ጎዳ ጌሻ ጎልያ ባሱ ባሰቴዳ ጋላሳፐ ዶሚደ ቆፕተ። 
\v 19 ሀእ ዘረዉ ሀንያ ካይ ህንተ ዬስያን ዮፐ፥ ቃይ ዎይንያ ቱራይ፥ ባላስያ ጌተትያ ም፥ ሮማንያ ጌተትያ ምነ ዎጋራ ዛይትያ ምይካ ሀቼ ጋካናዉ አይፍያ አይፋና ዮፐ፥ ሀቼፐ ዶማደ ታን ህንተና አንጃና” ያጌ።
\s1 ጾሳይ ዛሩባቤላዉ እሜዳ ህዶታ
\r (2:20-23)
\p
\v 20 ሄ አገናን ላታማነ ኦይደን ጋላሳን መና ጎዳ ቃላይ ላኤንዋ ሃገኮ ሀዋዳን ያጊድ ዬዳ፤ 
\v 21 “ይሁዳ ሞድያ ዛሩባቤላዉ ሀዋዳን ያጋደ ኦዳ፤ ‘ታን ሳሎቱዋነ ሳኣ ቃና፤ 
\v 22 ካዉተቱዋ አራታቱዋ አ የጋና፤ ኡንቱንቱ ዎልቃ ይሳና። ፓራ ጋረቱዋ ኡንቱንቱ ላግያዋንቱና አ የጋና፤ ፓራቱነ ፓራ አሳቱካ ኡባይ ባረንቱ ግዶን ሀይቀታና። 
\v 23 ታ ቆማዉ፥ ሳላትያላ ናአዉ ዘሩባቤላ፥ ታን ኡባፐ ዎልቃማ መና ጎዳይ ኔና ሄ ጋላስ አካደ ታ ማታፋ ምግዱዋ ማላ ኦና። አያዉ ጎፐ፥ ታን ኔና ዶራድ’ ያጋደ ኦዳ” ያጌ ኡባፐ ዎልቃማ መና ጎዳይ።