\id GEN - Dawuro Full Bible Ethiopic Version
\ide UTF-8
\h ዶመ
\toc1 ዶመ ማጻፋ
\toc2 ዶመ
\toc3 ዶመ
\mt1 ዶመ ማጻፋ
\imt ገሉዋ
\ip ሀ ማጻፋይ “ዶመ” ጌተቲደ ጼሰቴዳ ጋሱ የዉዋ ኡባ ዶመ በስያ ድራሳ።
\ip ዶመባ ጌተትያ ማጻፋይ ሀ አላሚ ዎት መቴደንቶ: ሳሎቱነ ሳአይ መቴዳ መታባ፥ አሳ ዛሪ ዬዳ ዩሳባ፥ ናጋራነ ናጋራ ማሮታባ፥ አንጁነ ሸቃይ ዶመቴዳ ዶመባ፥ ጾሳናነ አሳ ዛራቱዋና ደእያ ጋከተባ ኦዴ። ዶመባይ ላኡ ሁጰ ግሹዋን ሻከቲደ ጼለታናዉ ዳንዳዬ።
\ip ሸምፑዋ እቱዋፐ ቢደ ታማነ እቱዋ ጋካናዉ ደእያ ሳአይ፥ ሳሉነ ሳአይ መቴዳ መታባነ አሳ ዛርያ ኮይሮ ታርክያ ኦዴ። አዳመነ ሄዋን ታርኪ፥ ቃዬላነ አቤላ ታርኪ፥ ኖሄነ ባሻ ሃ ታርኪ፥ ሄዋዳንካ ባብሎነ ግምቢያ ታርኪ ደእያዌ ሀ ሻኩዋና።
\ip ሸምፑዋ ታማነ ላኡዋፐ ቢደ እሻታሙዋ ጋካናዉ ደእያ ሳአይ እስራኤልያ አሳዉ በን ማይዛ አዎቱዋ ታርክያ ኦዴ። ኡንቱቱ ግዱዋን ኮይሮ ባረ አማኑዋንነ ጾሳዉ አዛዘትያ ሀኖታን ኤረቴዳዌ አብራሃማ። ሄዋፐ ቃይ አ ናኣ ይሳቃ፥ አ ናኣ ናኣ ያቆባነ ያቆባ ናና ታማነ ላአቱዋ ታርኪ ካሌዳ። ሀዋንቱ ያቆባ ናናይ ታማነ ላአቱ፥ ታማነ ላኡ እስራኤልያ ዛረቶ አኖ ግዴዳዋንታ። ሀዋንቱ ሀ ታማነ ላኡ እስራኤልያ ናናቱዋ ግዶንካ ዮሴፋ ዱማዪደ፥ ሄዋዳንካ ቃይ ያቆባነ አ ናና የንኮቱዋ ኡንቱቱ ጎለ አሳና ግብጼ ጋድያ አፌዳ ሀኖታቱዋ ምንሲደ ጼሌ።
\ip ሀ ማጻፋይ አሳ ታርክያ ኦድያዋ ግዶፐነ፥ ኡባፐ አደ እ ኦድያዌ ጾሳይ ኦዳ ኦሱዋባ። ጾሳይ ሳሎቱዋነ ሳኣ መዳ ታርክያ ኦዱዋ ዶሚደ ጾሳይ ባረ አሳዉ ቆፕያዋ አገናዋ ኦድያ ህዶታን ፖሌ። ሀ ማጻፋ ግዶን ሀ ጋጻፐ ያ ጋጻ ጋካናዉ ኦደትያ ታርክያ ጎዳይ፥ ባላባ ሀንያዋንታ ፕርድያዌነ ሙርያዌ፥ ባረ አሳ ካለያዌነ ማድያዌ፥ ኡንቱቱ ታርክያ ታንጉዋካ ጊግስያዌ ባረ ሁጲያን ጾሳ። ሀዌ በን ማጻፋይ ጻፈቴዳዌ አሳ አማኑዋ ታርክያ ማዝጋቢደ ኦይቃናሳነ ሄ አማኑካ ፓጻ ደአናዳን ኦናሳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 መታ ዶመባ \ior 1:1—2:3\ior*
\io1 ኤደን ገነትያባ \ior 2:4-25\ior*
\io1 ናጋራነ ናጋራ ማሮታባ \ior 3:1-24\ior*
\io1 አዳማፐ ኖሀ ጋካናዉ \ior 4:1—5:32\ior*
\io1 ኖሀነ ባሻ ሃ \ior 6:1—10:32\ior*
\io1 ባብሎና ግምቢያ \ior 11:1-9\ior*
\io1 ሴማፐ አብራማ ጋካናዉ \ior 11:10-32\ior*
\io1 አብራማ፥ ይሳቃነ ያቆባ ታርክያ \ior 12:1—35:29\ior*
\io1 ኤሳ የለታ \ior 36:1-43\ior*
\io1 ዮሰፋነ አ እሻቱዋ \ior 37:1—45:28\ior*
\io1 እስራኤላቱ ግብጼ ጋድያን \ior 46:1—50:26\ior*
\c 1
\s1 መታ ዶመባ
\r (1:1—2:3)
\p
\v 1 ጾሳይ ሳሎቱዋነ ሳኣ ኮይሮ መዳ። 
\v 2 ሄ ዎደ ሳአይ ጊግቤናነ አያይነ ባይና መላ፤ ጪሙዋ ቦላን ማይ ደኤ፤ ጾሳ አያናይ\f + \fr 1:2 \fr*\fqa ጾሳ አያናይ፦ \fqa*\ft ጾሳ ዎልቃ፤ ጾሳፐ ግዴዳ ጫርኩዋ።\ft*\f* ሃፐ ቦላና ማይ ኡቴዳ።
\p
\v 3 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ፖኡ ሀኖ” ያጌዳ፤ ፖኡካ ሀኔዳ።\x - \xo 1:3 \xo*\xt 2 ቆሮ. 4:6\xt*\x* 
\v 4 ፖኡ ሎአ ግዴዳዋ ጾሳይ በኤዳ፤ ያቲደ ፖኡዋ ማፐ ሻኬዳ። 
\v 5 ጾሳይ ፖኡዋ “ጋላሳ” ጊደ ሱንዳ፤ ማ “ቃማ” ጊደ ሱንዳ። ሳአይ ቃሜዳነ ዎንቴዳ፤ ሄዌነ ኮይሮ ጋላሳ።
\p
\v 6-7 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ቦላና ደእያ ሃ ጋርሳና ደእያ ሃፐ ሻክያ ሳሉዋ ጉፋን ሀኖ” ያጌዳ፤ ጌተቶዋዳንካ ሀኔዳ። ጾሳይ ሳሉዋ ጉፋንዋ ጊግሲደ፥ ሳሉዋ ጉፋንዋፐ ቦላና ደእያ ሃ ጋርሳና ደእያ ሃፐ ሻኬዳ።\x - \xo 1:6-8 \xo*\xt 2 ጰጽ. 3:5\xt*\x* 
\v 8 ጾሳይ ሄ ጉፋንዋ “ሳሉዋ” ጊደ ሱንዳ። ሳአይ ቃሜዳነ ዎንቴዳ፤ ሄዌነ ላኤን ጋላሳ።
\p
\v 9 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ሳሉዋፐ ጋርሳና ደእያ ሃይ እትሳን ኤሎ፤ መላ ሳአይ ቆንጮ” ያጌዳ፤ ሄዋፐ ጉይያን ሀኔዳ። 
\v 10 ጾሳይ ሄ መላ ሳኣ “ቢታ” ጊደ ሱንዳ፤ ቃይ እት ሳኣን ኤሌዳ ሃ “አባ” ጊደ ሱንዳ። ያቲደ ጾሳይ ሄዌ ሎአ ግዴዳዋ በኤዳ። 
\v 11 ሄዋፐ ስሚደ ጾሳይ፥ “ቢታይ ም ማታ ዶልሶ፤ ዘረ አይፊ ደእያ ካነ ዘረ አይፍያና ደእያ ቴርያ ም ዶልሶ” ያጌዳ፤ ሄዌካ ሀኔዳ። 
\v 12 ቢታይ፥ ም ማታ አ ቆሙዋን ቆሙዋን ዶሌዳ። ጾሳይ ሄዌ ሎአ ግዴዳዋ በኤዳ። 
\v 13 ሳአይ ቃሜዳነ ዎንቴዳ፤ ሄዌነ ሄዘን ጋላሳ።
\p
\v 14 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ጋላሳ ቃማፐ ሻካናዉ ፖኦቱ ሳሉዋ ጉፋንዋን ሀንኖ፤ ኡንቱቱ ጋላሳ፥ ዎድያነ ላይ ኤርሳናዉ ማላ ግድኖ፤ 
\v 15 ሳኣ ቦላን ፖእሳና ማላ ኡንቱቱ ሳሉዋ ጉፋንዋን ፖእኖ” ያጌዳ፤ ሄዋፐ ጉይያን ሀኔዳ። 
\v 16 ጾሳይ ላኡ ዎልቃማ ፖኦቱዋ፥ ዳርያዌ ጋላሳ ሞዳናዳንነ ቄራእያዌ ቃማ ሞዳናዳን መዳ፤ ጾልንተቱዋካ እ መዳ። 
\v 17-18 ጾሳይ ኡንቱቱ ሀ ሳኣ ቦላን ፖእሳና ማላ፥ ጋላሳነ ቃማ ሞዳና ማላነ ፖኡዋ ማፐ ሻካና ማላ፥ ሳሉዋ ጉፋንዋን ኡንቱንታ ዎዳ። ያቲደ ጾሳይ ሄዌ ሎአ ግዴዳዋ በኤዳ። 
\v 19 ሳአይ ቃሜዳነ ዎንቴዳ፤ ሄዌነ ኦይደን ጋላሳ።
\p
\v 20 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ደኡዋን ደእያ ዱማ ዱማ መታቱ ሃን ዳርኖ፤ ካፉካ ሳኣፐ ቦላናነ ሳሉዋ ጉፋንዋፐ ጋርሳና ፓሎ” ያጌዳ። 
\v 21 ያቲደ ጾሳይ አባን ደእያ ዎልቃማ ዶአቱዋ፥ ሃ ግዶን ዎጽ ቃጽያ መታ ኡባነ ቀፍያና ደእያ ካፉዋ ኡባ አ ቆሙዋን ቆሙዋን መዳ። ጾሳይ ሄዌ ሎአ ግዴዳዋ በኤዳ። 
\v 22 ጾሳይ ኡንቱንታ፥ “የለትተ፤ ጮርተ፤ አባ ሃ ኩምተ፤ ካፉካ ቢታ ቦላን ጮራቶ” ያጊደ አንጄዳ። 
\v 23 ሳአይ ቃሜዳነ ዎንቴዳ፤ ሄዌነ እቼሸን ጋላሳ።
\p
\v 24 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ደኡዋን ደእያ መታቱ ባረንቱ ቆሙዋን ቆሙዋን: መሄቱ፥ ቢታና ጎሸትያ መታቱነ ዶአቱ ባረንቱ ቆሙዋን ቆሙዋን ቢታ ቦላን ከስኖ” ያጌዳ፤ ሀኔዳ። 
\v 25 ጾሳይ ዶአቱዋ ኡንቱንቱ ቆሙዋን ቆሙዋን፥ መሄቱካ ኡንቱንቱ ቆሙዋን ቆሙዋን፥ ቢታና ጎሸትያ መታቱዋካ ኡባ ኡንቱንቱ ቆሙዋን ቆሙዋን መዳ። ጾሳይ ሄዌ ሎአ ግድያዋ በኤዳ።
\p
\v 26 ሄዋፐ ስሚደ ጾሳይ፥ “አሳ ኑ ሌምሱዋን ኑና ማላትሲደ አነ መይተ፤ ኡንቱንቱ አባ ሞልያ፥ ሳሉዋ ካፉዋ፥ ቢታ ቦላ ዎጽ ቃጽያ መታ ኡባ ሞድኖ” ያጌዳ። 
\v 27 ሀዋዳን ጾሳይ አሳ ባረ ሌምሱዋን መዳ፤ እ አሳ ጾሳ ሌምሱዋን መዳ፤ እ ኡንቱንታ አቱማ አሳነ ማጫ አሳ ኦደ መዳ።\x - \xo 1:27 \xo*\xt ማቶሳ 19:4፤ ማር. 10:6\xt*\x*\x - \xo 1:27-28 \xo*\xt ዶመ 5:1-2\xt*\x*
\p
\v 28 ጾሳይ ኡንቱንታ ሀዋዳን ያጊደ አንጄዳ፤ “የለትተ፤ ጮርተ፤ ሀ ሳኣ ኩምተነ ሞድተ፤ አባ ሞልያ፥ ሳሉዋ ካፉዋነ ቢታ ቦላ ዎጽ ቃጽያ፥ ደኡዋን ደእያ መታ ኡባ ሞድተ” ያጌዳ።
\p
\v 29 ሄዋፐ ስሚደ ጾሳይ፥ “በእተ! ታን ሀ ቢታ ኡባ ቦላን ዘረ አይፊያና ደእያ ካ ኡባነ ዘረ አይፊያና ደእያ ቴርያ ም ኡባ ህንተንቶ እማድ፤ ኡንቱንቱ ህንተንቶ ቁማ ግዳና። 
\v 30 ቃይካ ሀ ሳኣን ደእያ መህያዉነ ዶኣ ኡባዉ፥ ሳሉዋ ካፉዋ ኡባዉ፥ ቢታና ጎሸትያ መታ ኡባዉነ ሸምፑዋና ደእያ መታ ኡባዉ ምያዋ ግዳናዳን፥ እርጻ ምነ ማታ እማድ” ያጌዳ፤ ሀኔዳ። 
\v 31 ጾሳይ ባረ መዳ ኡባባካ ጼሌዳ፤ ዳሮ ሎአ ግዴዳዋ በኤዳ። ሳአይ ቃሜዳነ ዎንቴዳ፤ ሄዌነ ኡሱፑን ጋላሳ።
\c 2
\p
\v 1 ሳሎቱነ ሳአይ ኡንቱንቱን ደእያዌ ኡባባይ ሀዋዳን መት ፖለቴዳ። 
\v 2 ጾሳይ ባረ ኦዳ ኦሱዋ ኡሱፑን ጋላስ ፖሊደ፥ ባረ ኦዳ ኦሱዋ ኡባፐ ላፑን ጋላስ ሸምፔዳ።\x - \xo 2:2 \xo*\xt እብራ. 4:4፣ 10\xt*\x* 
\v 3 ቃይ ጾሳይ ላፑን ጋላሳ አንጄዳነ ጌሻ ኦዳ፤ አያዉ ጎፐ፥ ጾሳይ ባረ ኦያ ኦሱዋ ዉርሲደ ሸምፔዳዌ ሄ ጋላሳና።
\s1 ኤደነ ገነትያባ
\r (2:4-25)
\p
\v 4 ሳሉነ ሳአይ መቴዳዌ ሀዋዳና።
\p መና ጎዳይ ጾሳይ ሳኣነ ሳሉዋነ መዳ ዎደ፥ 
\v 5 ሳኣ ቦላን ምይነ ማታይ ዶልቤና፤ ጫርሻይነ ጫርቤና፤ አያዉ ጎፐ፥ መና ጎዳይ ጾሳይ እራ ቡክስቤና፤ ቃይ ቢታ ኦያ አሳይካ ባዋ። 
\v 6 ግዶፐነ ሳኣፐ ሃይ ፑደ ከሲደ፥ ቢታ ኡባ እርጽሴ። 
\v 7 ሄዋፐ ጉየ፥ መና ጎዳይ ጾሳይ ቢታ ባናፐ እት አሳ\f + \fr 2:7 \fr*\ft አሳ: “አሳ” ጉሳይ እብራዋቱዋ ቃላን “አዳማ” ጌተቴ፤ “አዳማ” ጉሳይ “ቢታ” ጉሳ፤ ሄዎ ላኡ ቃላቱ እቱ እቱዋ ማላቲኖ።\ft*\f* መደ አ ሲያን ደኡዋ ሸምፑዋ ሸምፕ ገልሴዳ፤ ያትና ብታኒ ደኡዋን ደእያ አሳ ግዴዳ።
\p
\v 8 መና ጎዳይ ጾሳይ አዋይ ዶልያ ባጋና ኤደነ ግያ ሳኣን ገነትያ ቶኬዳ፤ ያን ባረ መዳ ብታንያ ዎዳ። 
\v 9 መና ጎዳይ ጾሳይ ጼላናዉ ሎእያ፥ ማናዉካ ማልእያ ኡባ ቆሞ ም ቢታፐ ዶልሴዳ። ገነትያ ግዱዋን ደኡዋ ምነ ሎኡዋነ ኢታ ኤርስያ ም ዎዳ።\x - \xo 2:9 \xo*\xt ሳፃ 2:7፤ 22:2፣ 14\xt*\x*
\p
\v 10 ገነትያ ኡሽያ ሻፋ ሃይ ኤደነፐ ጎጌ። ኤደነፐ ከሴዳዋፐ ጉየ፥ ኦይዱ ሻፋ ከስ ሻከቴ። 
\v 11 ኮይሮ ሻፋ ሱንይ ፕሶና፤ ፕሶን ዎርቃይ ደእያ ኤዉላጻ ግያ ቢታ ኡባ ቦላን ጎጌ። 
\v 12 ሄ ቢታ ዎርቃይ ጌሻ ዎርቃ፤ ቃይ አልኦ ሽቱነ ሎይ ሎእያ ሹቻይ ያን ደኤ። 
\v 13 ላኤን ሻፋ ሱንይ ግዮና፤ ግዮን ቶጵያ\f + \fr 2:13 \fr*\fq ቶጵያ፦ \fq*\ft እብራዋቱዋ ማጻፋን “ኩሽ” ጌተቴ። ሄዌካ ግብጼ ጋድያ ዱገሃ፥ ሀእ ደእያ ቶጵያ ጋድያነ ሱዳነ ጋድያ ጉሳ።\ft*\f* ቢታ ኡባ ቦላን ጎጌ። 
\v 14 ሄዘን ሻፋ ሱንይ ጸግሮሳ፤ ጸግሮስ አሶረፐ አዋይ ዶልያ ባጋና ጎጌ። ቃይ ኦይደን ሻፋይ ኤፍራጺሳ።
\p
\v 15 ብታኒ ኤደነ ገነትያ ኦና ማላነ ናጋና ማላ፥ መና ጎዳይ ጾሳይ አ አፊደ ዎዳ። 
\v 16 መና ጎዳይ ጾሳይ ብታንያ፥ “ገነትያ ም ቴራ ኡባፐ ኔን ማና ጎፐ ማ፤ 
\v 17 ሽን ሎኡዋነ ኢታ ኤርስያ ም ቴራፐ ሞፓ፤ አያዉ ጎፐ፥ ኔን አፐ ሜዳ ጋላስ ቱሙ ሀይቃና” ያጊደ አዛዜዳ።
\p
\v 18 ሄዋፐ ጉየ መና ጎዳይ ጾሳይ፥ “ብታኒ ባረካ ደእያዌ ሎአ ግደና፤ ታን አዉ እንጀትያኖነ አ ማድያኖ መና” ያጌዳ።
\p
\v 19 መና ጎዳይ ጾሳይ መሄቱዋ ኡባ፥ ዶአቱዋ ኡባነ ሳሉዋ ካፎቱዋ ኡባ ቢታፐ መዳ፤ ቃይ ብታኒ ኡንቱንታ ዋግ ሱንነንቶነ በአናዉ አኮ አሄዳ፤ ብታኒ ደኡዋን ደእያ መታ ኡባ ሱንዳ ሱንይ ኡንቱንቱ ሱን ግዲደ አቴዳ። 
\v 20 ሄዋዳን ብታኒ መሄቱዋ ኡባ፥ ሳሉዋ ካፎቱዋነ ባዙዋ ዶአቱዋ ኡባ ሱንዳ፤ ሽን አዳማዉ\f + \fr 2:20 \fr*\ft አዳማ: እብራዋቱ ቃላን “አዳማ” ግያ ሱንይ “አሳ” ግያዋ።\ft*\f* እንጀትያነ አ ማድያዌ ቤትቤና። 
\v 21 ሄዋ ድራዉ መና ጎዳይ ጾሳይ ብታንያ ገምእሹዋ ካይሮዬዳ፤ እ ገምእሹዋ ካይሮት ደእሽን፥ አ ምይያ መቀፐ\f + \fr 2:21 \fr*\ft ምይያ መቀፐ: አዳማ ምየ አሹዋፐ አከቴዳዋ ጉሳ።\ft*\f* እቱዋ አኪደ፥ ሄ ሳኣ አሹዋ ኩንዳ። 
\v 22 መና ጎዳይ ጾሳይ ብታንያፐ አኬዳ መቀ ማጫውኖ ኦዳ፤ ያቲደ እዞ ብታንያኮ አሄዳ። 
\v 23 ያትና ብታኒ፥ “ሀያናሾ! ሀ መቀታ ታ መቀፐ፥ ሀ አሻታካ ታ አሹዋፐ አከቴዳውኖ፤ እዛካ አቱማ አሳፐ\f + \fr 2:23 \fr*\ft አቱማ አሳ: ጉሳይ እብራዋቱዋ ቃላን “እሽ” ጌተቴ፤ “ማጫ አሳ” ጉሳይ “እሻህ” ጌተቴ፤ ሄዎ ላኡ ቃላቱ እቱ እቱዋ ማላቲኖ።\ft*\f* አከቴዳ ድራዉ፥ ማጫውኖ ጌተቱ” ያጌዳ። 
\v 24 ሄዋ ድራዉ አሳይ ባረ አዉዋነ ባረ አቶ አጊደ፥ ባረ ማቻትና እትፐ ደአና፤ ኡንቱንቱ ላኡ እት አሾ ግዳናዋንታ።\x - \xo 2:24 \xo*\xt ማቶሳ 19:5፤ ማር. 10:7-8፤ 1 ቆሮ. 6:16፤ ኤፈ. 5:31\xt*\x* 
\v 25 ብታኒነ አ ማቻታነ ላአቱካ ካሎ ጺራ ደእኖ፤ ሽን እቱ እቶ ዬላትክኖ።
\c 3
\s1 ናጋራነ ናጋራ ማሮታባ
\r (3:1-24)
\p
\v 1 ሾሻይ መና ጎዳይ ጾሳይ መዳ ዶኣ ኡባፐ አዳ ገናንቻ። እት ጋላስ ሾሻይ ሄ ምሽራቶ፥ “ጾሳይ ቱሙ ህንተንታ፥ ‘ገነትያን ደእያ ም ቴራ ኡባፐ ሞፕተ’ ጌዴ?” ያጊደ ኦቼዳ።\x - \xo 3:1 \xo*\xt ሳፃ 12:9፤ 20:2\xt*\x*
\p
\v 2-3 ምሽራታ ሾሻዉ ዛራደ፥ “ቱይት፥ ጾሳይ ሀዋዳን ግቤና፤ ኑን ገነትያን ደእያ ምቱዋ ቴራ ማናዉ ዳንዳዬቶ፤ ሽን ጾሳይ ኑና፥ ገነትያ ግዱዋን ደእያ ም ቴራ ሞፕተ፤ ቦቾፕተ፤ ሄዌ ዮፐ ህንተንቱ ሀይቃንታ ጌዳ” ያጋዱ።
\p
\v 4 ሾሻይ ምሽራቶ፥ “ቱይት፥ ህንተንቱ አይነ ሀይቂክታ፤ 
\v 5 ጾሳይ ሄዋ ጌዳዌ፥ ሄ ም ቴራ ህንተንቱ ሞፐ፥ ህንተንቱ አይፊ ዶየትና፥ ሎኡዋነ ኢታ ጾሳዳን\f + \fr 3:5 \fr*\fq ጾሳዳን፦ \fq*\ft ጾሳቱዋዳን።\ft*\f* ህንተንቱ ኤራናዋ እ ኤርያ ድራሳ” ያጌዳ።
\p
\v 6 ምሽራታ ሄ ም ቴራይ ማናዉ ማልእያዋ፥ ጼላናዉ ሎእያዋ፥ ቃይ አሳይ አዳ ኤራ ደማናዉ አሞይያዋ ግድያዋ በኣዱ፤ ሄ ም ቴራፐ አካደ ማዱ፤ ቃይ ባረናና ደእያ ባረ አስናዉካ ሄዋፐ እምና፥ እካ ሜዳ።
\p
\v 7 ሄዋፐ ኡንቱንቱ ላኡዋ አይፊካ ዶየቴዳ፤ ያትና ኡንቱንቱ ባረንቶ ካሎ ጺራ ደእያዋ ኤሬድኖ፤ ባላስያ ግያ ም ሀይ ስኪደ፥ ባረንቶ ቃንን ዳንጬድኖ።
\p
\v 8 ሳአይ ኦማርሴዳ ዎደ፥ ገነትያ ግዱዋን መና ጎዳይ ጾሳይ ሀመትሽን፥ አ ኮሻ ብታኒነ አ ማቻታ ስሴድኖ፤ ኡንቱንቱ ገነትያ ም ግዶን መና ጎዳ ጾሳፐ ቆሰቴድኖ። 
\v 9 ሽን መና ጎዳይ ጾሳይ ብታንያ ጼሲደ፥ “አዳማ፥ ሀቃን ደአይ?” ያጌዳ።
\p
\v 10 ብታኒ፥ “ገነትያ ግዱዋን ነ ኮሻ ስሳደ፥ ታን ካሎ ደእያ ድራዉ፥ ያያደ ቆሰታድ” ያጌዳ።
\p
\v 11 መና ጎዳይ ጾሳይ አ፥ “ ‘ኔን ካሎ ደኣሳ’ ጊደ ነዉ ኦዴዳዌ ኦኔ? ታን ኔና፥ ‘ሞፓ’ ጋደ አዛዜዳ ም ቴራፐ ማድዬ?” ያጊደ ኦቼዳ።
\p
\v 12 ሽን እ፥ “ታናና ደአናዳን ኔን እሜዳ ማጫውና ሄ ም ቴራፐ ታዉ እምና ማድ” ያጌዳ።
\p
\v 13 መና ጎዳይ ጾሳይ ሄዋፐ ጉየ ማቻቶ፥ “ኔን ሄዋ አያዉ ኦድ?”\x - \xo 3:13 \xo*\xt 2 ቆሮ. 11:3፤ 1 ጽሞ. 2:14\xt*\x* ያጊደ ኦቼዳ።
\p ምሽራታ፥ “ታና ሾሻይ ጭምና ማድ” ያጋዱ።
\s1 ጾሳ ፕርዳ
\p
\v 14 መና ጎዳይ ጾሳይ ሄዋፐ ጉየ ሾሻ፥ “ኔን ሀዋ ኦዳ ድራዉ፥ መህያ ኡባነ ዶኣ ኡባ ጋርሳን ነ ጻላላይ ሸቀቴዳዋ! ኔን ነ ኡሉዋን ቢታና ጎሸታና፤ ነ ደኡዋ ላይ ኡባን ባና ላጫና። 
\v 15 ታን ኔናነ ምሽራቶ፥ ነ ዘረነ እዝ ዘረ\f + \fr 3:15 \fr*\fq እዝ ዘረ፦ \fq*\ft ኡንቱንቱ ዘረ።\ft*\f* ሞርከ ከሳና፤ እ ነ ሁጲያ ቆጻና፤ ኔንካ አ ግንድያ ዱካናሳ” ያጌዳ።\x - \xo 3:15 \xo*\xt ሳፃ 12:17\xt*\x*
\p
\v 16 ምሽራቶካ መና ጎዳይ ጾሳይ፥ “ነ ሻሃሮ ዎደ ዳሮ ቱጋታና፤ ቃይ ኔን ዎልቃማ ኦይን ናና የላና። ግዶፐነ ኔን ነ አስናና ደአናዉ አሞታና፤ እ ኔና ሞዳና” ያጌዳ።
\p
\v 17 ብታንያካ መና ጎዳይ ጾሳይ ሀዋዳን ያጌዳ፤ “ኔን ነ ማቻት ኦዱዋ ስሴዳ ድራዉነ ታን ኔና፥ ‘ሄ ም ቴራ ሞፓ’ ጋደ አዛዜዳ ም አይፍያ ኔን ሜዳ ድራዉ፥ ቢታይ ነ ጋሱዋን ሸቀቴዳዋ ግዶ! ኔን ነ ደኡዋ ላይ ኡባን ዎልቃማ ዳቡራን ቢታ ጎሻደ ማና።\x - \xo 3:17-18 \xo*\xt እብራ. 6:8\xt*\x* 
\v 18 ቢታይ ነዉ አጉንነ ካሽያ ዶላና፤ ኔን ዎራን ዶሌዳዋ ማና። 
\v 19 ኔን ቢታዉ ስማና ጋካናዉ፥ ዳቡራን ነ ሶምእ ጫዋትና ኦዳ ነ ቁማ ማና፤ አያዉ ጎፐ፥ ኔን ቢታፐ አከታዳ፤ ኔን ባና፤ ኔን ባናዉ ስማና” ያጌዳ።
\p
\v 20 አዳመ ባረ ማቻቶ ሄዋኖ\f + \fr 3:20 \fr*\ft ሄዋኖ: ሀ ሱን ብለይ “ደእያኖ” ግያዋ።\ft*\f* ጊደ ሱንዳ፤ አያዉ ጎፐ፥ እዛ ደኡዋን ደእያ አሳ ኡባዉ አቶ።
\p
\v 21 መና ጎዳይ ጾሳይ አዳማዉነ አ ማቻትዉ ጫላ ጊግሲደ ኡንቱንታ ማይዜዳ።
\p
\v 22 ሄዋፐ ጉየ መና ጎዳይ ጾሳይ፥ “ስም አሳይ ኑፐ እቱዋዳን ሎኡዋነ ኢታ ኤርያዋ ግዴዳ። እ ባረ ኩሽያ የዲደ፥ ደኡዋ ምፐ አኪደ፥ ቃይ ሜና ማላነ መናዉ ደኡዋን ደኤና ማላ ተኤታናዉ ኮሼ” ያጌዳ። 
\v 23 ሄዋ ድራዉ፥ እ ባረ አከቴዳ ቢታ ኦና ማላ፥ መና ጎዳይ ጾሳይ ኤደነ ገነትያፐ አ ከሴዳ። 
\v 24 አ ከስ ድጊደ፥ ደኡዋ ምኮ አፍያ ኦግያ ናጋና ማላ፥ ክሩቤላ ግያ ኪታንቻቱዋነ አ አ ዎያ ታማ ላጩዋ ማሻ ኤደነ ገነትያፐ አዋይ ዶልያ ባጋና ዎዳ።
\c 4
\ms አዳማፐ ኖሀ ጋካናዉ
\mr (ዶመ 4:1—5:32)
\s1 ቃዬላነ አቤላ
\p
\v 1 አዳም ባረ ማቻት ሄዋንና አቄዳ፤ እዛ ሻሃሮ ዎደ አቱማ ናኣ የላዱ፤ “መና ጎዳይ ታና ማድና፥ አቱማ ናኣ ደማድ” ጋደ አ ቃዬላ\f + \fr 4:1 \fr*\ft ቃዬላ: እብራዌ ቃላን “ቃይን” ጌተቴ። ብለይ “ደማድ” ግያዋ።\ft*\f* ሱንዱ። 
\v 2 ቃይ አ እሻ አቤላ የላዱ።
\p አቤል ዶርሳ ሄሜ፤ ቃይ ቃዬል ቢታ ጎሼ። 
\v 3 ኡንደና ዎድያፐ ጉየ፥ ቃዬል ባረ ጋደን ዶልያ ካፐ መና ጎዳዉ ያርሹዋ ያርሼዳ፤ 
\v 4 ሽን አቤል ባረ ዶርሳ ዉድያ ግዶን ባይራ የለቴዳ ማራቱዋፐ አክ ሹኪደ፥ ኡንቱንቱ አሹዋፐ ሞያዋ ያርሼዳ። መና ጎዳይ አቤላነ አ ያርሹዋ አኬዳ፤\x - \xo 4:4 \xo*\xt እብራ. 11:4\xt*\x* 
\v 5 ሽን ቃዬላነ አ ያርሹዋ አክቤና። ሄዋ ድራዉ፥ ቃዬል ሎይ ይሎቴዳ፤ ባረ ዴሙዋካ ምሴዳ።
\p
\v 6 ያትና መና ጎዳይ ቃዬላ፥ “አያዉ ይሎታይ? ነ ዴሙካ አያዉ ሜዴ? 
\v 7 ኔን ሎኦባ ኦዋ ግድንቶ፥ ነ ሶምእ ፓሽከኔ?\f + \fr 4:7 \fr*\fqa ነ ሶምኢ ፓሽከኔ፦ \fqa*\ft ታ ነ ያርሹዋ አካናሽን።\ft*\f* ሽን ኔን ሎኦባ ኦና ዮፐ፥ ናጋራይ ዶኣዳን ነ ፐንግያን ሙጌ፤ እ ኔና ሞዳና ኮዬ፤ ሽን ኔን አ ጾናና በሴ” ያጌዳ።
\p
\v 8 ሄዋፐ ጉየ፥ ቃዬል ባረ እሻ አቤላ፥ “አነ ደምባ ቦይተ” ያጌዳ። ኡንቱንቱ ደምባን ደእሽን፥ ቃዬል ባረ እሻ አቤላ ቦላ ደንዲደ ዎዳ።\x - \xo 4:8 \xo*\xt ማቶሳ 23:35፤ ሉቃሳ 11:51፤ 1 ዮሃ. 3:12\xt*\x*
\p
\v 9 መና ጎዳይ ቃዬላ፥ “ነ እሻይ አቤል ሀቃኔ?” ያጊደ ኦቼዳ።
\p ቃዬል ዛሪደ፥ “ታን ኤርከ፤ ታ እሻ ናግያዌ ታኔየ?” ያጌዳ።
\p
\v 10 መና ጎዳይ ቃዬላ፥ “ሀዋ አያዉ ኦድ? በአ፤ ነ እሻ ሱይ ቢታፐ ታኮ ዋሴ።\x - \xo 4:10 \xo*\xt እብራ. 12:24\xt*\x* 
\v 11 ነ ኩሽያፐ ነ እሻ ሱ አኪደ፥ ምታናዉ ሀንጌዳ ቢታፐ ሀእ ኔን ሸቀቴዳዋ። 
\v 12 ኔን ጎሽናካ ቢታይ ነዉ አይፈና፤ በትያዳን ኔን ሳኣ ቦላን ቶይላካታናሳ” ያጌዳ።
\p
\v 13 ቃዬል መና ጎዳ፥ “ፖራ! ኔን ታና ሙርያ ሙራይ ታን ኡባካ ዳንዳየናዋ። 
\v 14 ሄኮ ኔን ታና ሀቼ ሀ ቢታፐ የደርሳሳ፤ ታን ነ ስንፐ ቆሰታና፤ በትያዳን ታን ሳኣ ቦላን ቶይላካታና፤ ታና ደሞዌ ኦንነ ዎና” ያጌዳ።
\p
\v 15 መና ጎዳይ አ፥ “ኔና ኦንነ ዎና፤ ዎፐ፥ ነ ሀሉዋ አን ላፑን ኩሽያ ከሳና” ያጌዳ። ሄዋ ድራዉ፥ ደሞዌ ኦንነ አ ዎናዳን መና ጎዳይ አ ቦላ ማላታ ዎዳ። 
\v 16 ቃዬል መና ጎዳ ስንፐ ከሲደ፥ ኤደነ ባጋፐ አዋይ ዶልያ ባጋና ደእያ ኖዳ ቢታን ደኤድኖ።\f + \fr 4:16 \fr*\fqa ኖድ፦ \fqa*\ft ሀ ሱን ብርሸይ “ቶይላካትያ ሳኣ” ግያዋ ግያ ጋድያን ደኤዳ።\ft*\f*
\s1 ቃዬላ የለታ
\p
\v 17 ቃዬል ባረ ማቻትና አቄዳ፤ እዛ ሻሃሮ ዎደ ሄኖካ የላዱ። ቃዬል ካታማ ሄ ዎደ ኬጺደ፥ ሄ ካታማ ባረ ናኣ ሱንን “ሄኖካ” ጊደ ሱንዳ። 
\v 18 ሄኖክ እራዳ የሌዳ፤ እራድ ማሁያኤላ የሌዳ፤ ማሁያኤል ማቱሻኤላ የሌዳ፤ ማቱሻኤል ላሜካ የሌዳ።
\p
\v 19 ላሜክ አዶነ ጺሎ ግያ ላኡ ማቻቱዋ ዳዉ አኬዳ። 
\v 20 አዳ ያባላ የላዱ፤ ያባል መህያ ሞድያ፥ ዱንካንያን ደእያ አሳቱዋ አዉዋ። 
\v 21 አ እሻ ሱንይ ዩባላ፤ ዩባል ቃይ ዲ ዲጽያነ ኡልዱድያ ፑንያ አሳቱዋ ኡባ አዉዋ፤ 
\v 22 ጺላ ቃይ ቱባልቃይና ግያ ናኣ የላዱ፤ ቱባልቃይን ናሃስያፐነ ብራታፐ ዱማ ዱማ ሚሻቱዋ ቆጽያዋ።\f + \fr 4:22 \fr*\fq ናሃስያፐነ ብራታፐ ዱማ ዱማ ሚሻቱዋ ቆጽያዋ፦ \fq*\ft እት በን ቱርጉሚ ብራታ ቆጽያዋንቱ ኡባ ማይዛ አዉዋ ያጌ።\ft*\f* ቱባልቃይና ምቻታ ናእሞ።
\p
\v 23 እት ጋላስ ላሜክ ባረ ማቼቱዋ፥ “አዴ፥ ጺሌ፥ ስስተ፤ ታ ማቻቶ፥ አነ ታን ኦድያዋ ሀይዝተ። እት ብታኒ ታና ደቼዳ ድራዉ፥ ታን አ ዎድ፤ ኤ፥ ታን ሄ ታና ማሱንዳ ዎዳላ ዎድ። 
\v 24 ቃዬላ ሀሉዋ ከሳናዉ ላፑን ኩሺ ኮሾፐ፥ ላሜካ ሀሉዋ ከሳናዉ ላፑን ታማነ ላፑን ኩሺ ኮሼ” ያጌዳ።
\s1 ሴታነ ሄኖሳ
\p
\v 25 አዳመ ባረ ማቻትና ግስና ሀራ ናኣ የላደ፥ “ቃዬል ዎዳ አቤላ ድራዉ ጾሳይ ታዉ ሀራ ናኣ እሜዳ” ጋደ፥ አ ሴታ\f + \fr 4:25 \fr*\fq ሴታ፦ \fq*\ft ሀ ሱን ብርሸይ “እሜዳ” ግያዋ።\ft*\f* ጋደ ሱንዱ። 
\v 26 ሴትካ አቱማ ናኣ የሌዳ፤ አ “ሄኖሳ” ጊደ ሱንዳ። አሳይ መና ጎዳ ሱን ጼሲደ ጎይንያዋ ሄ ዎደ ዶሜዳ።
\c 5
\s1 አዳማ የለታ
\r (1 ኦዱዋ 1:1-4)
\p
\v 1 አዳማ የለታይ ሀዋፐ ካሊደ ጻፈቴዳ። ጾሳይ አሳ መዳ ጋላስ ባረና ማላትሲደ መዳ።\x - \xo 5:1-2 \xo*\xt ዶመ 1:27-28\xt*\x* 
\v 2 እ አቱማ አሳነ ማጫ አሳ ኦ መደ፥ ኡንቱንታ አንጄዳ። ኡንቱንታ መደ አሳ\f + \fr 5:2 \fr*\fq አሳ፦ \fq*\ft እብራዌ ቃላን “አሳ” ጉሳይ “አዳማ” ግያዋ።\ft*\f* ጊደ ሱንዳ።
\p
\v 3 አዳም 130 ላይ ደኢደ፥ ባረና ማላትያ አቱማ ናኣ የሌዳ፤ አ “ሴታ” ጊደ ሱንዳ። 
\v 4 አዳም ሴታ የሌዳዋፐ ጉየ፥ 800 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 5 አዳም ሙለ 930 ላይ ደኢደ ሀይቄዳ።
\p
\v 6 ሴት 105 ላይ ደኢደ፥ ሄኖሳ የሌዳ፤ 
\v 7 ሴት ሄኖሳ የሌዳዋፐ ጉየ፥ 807 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 8 ሴት ሙለ 912 ላይ ደኢደ ሀይቄዳ። 
\v 9 ሄኖስ 90 ላይ ደኢደ፥ ቃይናና የሌዳ፤ 
\v 10 ሄኖስ ቃይናና የሌዳዋፐ ጉየ፥ 815 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 11 ሄኖስ ሙለ 905 ላይ ደኢደ ሀይቄዳ።
\p
\v 12 ቃይናን 70 ላይ ደኢደ፥ ማላልኤላ የሌዳ፤ 
\v 13 ቃይናን ማላልኤላ የሌዳዋፐ ጉየ፥ 840 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 14 ቃይናን ሙለ 910 ላይ ደኢደ ሀይቄዳ።
\p
\v 15 ማላልኤል 65 ላይ ደኢደ፥ ያሬዳ የሌዳ፤ 
\v 16 ማላልኤል ያሬዳ የሌዳዋፐ ጉየ፥ 830 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 17 ማላልኤል ሙለ 895 ላይ ደኢደ ሀይቄዳ።
\p
\v 18 ያሬድ 162 ላይ ደኢደ፥ ሄኖካ የሌዳ፤ 
\v 19 ያሬድ ሄኖካ የሌዳዋፐ ጉየ፥ 800 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 20 ያሬድ ሙለ 962 ላይ ደኢደ ሀይቄዳ።
\p
\v 21 ሄኖክ 65 ላይ ደኢደ፥ ማቱሳላ የሌዳ፤ 
\v 22 ማቱሳላ የሌዳዋፐ ጉየ፥ ሄኖክ 300 ላይ ጾሳና ሀመቲደ ደኤዳ፤ ሀራ አቱማ ናናነ ማጫ ናና የሌዳ። 
\v 23 ሄኖክ ሙለ 365 ላይ ደኤዳ፤ 
\v 24 እ ጾሳና ሀመቲደ ዬዳ፤ አያዉ ጎፐ፥ ጾሳይ አ አፌዳ።\x - \xo 5:24 \xo*\xt እብራ. 11:5፤ ይሁዳ 14\xt*\x*
\p
\v 25 ማቱሳል 187 ላይ ደኢደ፥ ላሜካ የሌዳ፤ 
\v 26 ማቱሳል ላሜካ የሌዳዋፐ ጉየ፥ 782 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 27 ማቱሳል ሙለ 969 ላይ ደኢደ ሀይቄዳ።
\p
\v 28 ላሜክ 182 ላይ ደኢደ፥ አቱማ ናኣ የሌዳ። 
\v 29 “ሀ ናአይ መና ጎዳይ ሸቄዳ ቢታ ቦላን ኑና ኑ ኩሽያ ኦሱዋ ዳቡራፐ ሸምፕሳና” ጊደ ኖሀ\f + \fr 5:29 \fr*\fq ኖሀ፦ \fq*\ft ሀ ሱንይ “ሸምፕሴዳ” ግያዋ ማላቴ።\ft*\f* ሱንዳ። 
\v 30 ላሜክ ኖሀ የሌዳዋፐ ጉየ፥ 595 ላይ ደኤዳ፤ ሀራ አቱማ ናናነ ማጫ ናና የሌዳ። 
\v 31 ላሜክ ሙለ 777 ላይ ደኢደ ሀይቄዳ።
\p
\v 32 ኖሄ 500 ላይ ደኢደ፥ ሴማ፥ ካማነ ያፌታ የሌዳ።
\c 6
\ms ኖሀነ ባሻ ሃ
\mr (6:1—10:32)
\s1 አሳ ኢታተ
\p
\v 1 አሳይ ሳኣ ቦላን ዳሬዳ ዎደ፥ ኡንቱንቶ ማጫ ናናይ የለቴድኖ፤\x - \xo 6:1-4 \xo*\xt ኢዮባ 1:6፤ 2:1\xt*\x* 
\v 2 “ሳሉዋ መታቱዋ”\f + \fr 6:2 \fr*\fq ሳሉዋ መታቱዋ፦ \fq*\ft ጾሳ ናናቱዋ፤ ጾሳቱዋ ናናቱዋ።\ft*\f* ጌተትያዋንቱ ሀ አሳ ማጫ ናናይ ማላ ሎአ ግድያዋ በኤድኖ፤ ያቲደ ኡንቱንቱፐ ባረንቶ ዶሬዳዋንታ አኬድኖ። 
\v 3 መና ጎዳይ፥ “ታ አያናይ አሳን መናዉ ደኤና፤ አያዉ ጎፐ፥ አሳይ ሀይቂያዋ፤ አ ላይቱካ እት ጼታነ ላታማ ግዳና” ያጌዳ። 
\v 4 ሄ ዎደነ ሄዋፐ ጉየ ሳሉዋ መታቱ አሳ ማጫ ናና አክና፥ ናናይ የለቴዳ ዎደ፥ ዎጋ አዱሳ አሳቱ ሳኣ ቦላን ደኤድኖ። ኡንቱንቱነ በን ዎደ ኦላዉ ምናነ ኤረቴዳ አሳ።
\p
\v 5 መና ጎዳይ ሄ ዎደ ሳኣ ቦላን ደእያ አሳ ኢታተይ ዳሬዳዋነ ኡንቱንቱ ዎዛናይ ቆፕያባይ ኡባይ ኡባ ዎደካ ኢታ ጻላላ ግዴዳዋ በኤዳ፤\x - \xo 6:5-8 \xo*\xt ማቶሳ 24:37፤ ሉቃሳ 17:26፤ 1 ጰጽ. 3:20\xt*\x* 
\v 6 መና ጎዳይ አሳ ሀ ሳኣ ቦላን መዳዎ ካዮቴዳ፤ ባረ ዎዛናን ሎይ ሴለቴዳ። 
\v 7 ሄዋ ድራዉ መና ጎዳይ፥ “ታን መዳ አሳ ሀ ሳኣ ቦላፐ ሙለ ይሳና፤ አሳ፥ መህያ፥ ዶኣ፥ ቢታና ጎሸትያ መታቱዋነ ሳሉዋ ካፎቱዋ ይሳና፤ አያዉ ጎፐ፥ ታን ኡንቱንታ መዳዎ ካዮታድ” ያጌዳ። 
\v 8 ሽን ኖሄ መና ጎዳ ስንን ናሸቴዳ።
\s1 ኖሀ
\p
\v 9 ኖሄ ሀኔዳባይ ሀዋፐ ካሊደ ጻፈቴዳ። ኖሄ ጽሎ አሳ፤ እ ባረ ዎድያን ደኤዳ አሳ ግዶን ሱረ አሳ፤ ኖሄ ጾሳና ሀመቴዳ። 
\v 10 ኖሄ ሴማ፥ ካማነ ያፌታ ግያ ሄዙ አቱማ ናና የሌዳ።\x - \xo 6:10 \xo*\xt 2 ጰጽ. 2:5\xt*\x*
\p
\v 11 ሄ ዎደ ቢታይ ሳአይ ጾሳ ስንን ቱኔዳ፤ ሳአይ ኡባይ ማካላን ኩሜዳ። 
\v 12 ጾሳይ ሀ ሳኣ ጼሌዳ፤ ሳአይ ቱኔዳዋ በኤዳ፤ አያዉ ጎፐ፥ ሳኣን ደእያ አሳይ ኡባይ ባረ ኦግያ ቱንስ ዎዳ።
\p
\v 13 ሄዋ ድራዉ፥ ጾሳይ ኖሀ ሀዋዳን ያጊደ አዛዜዳ፤ “ታን አሳ ኡባ ይሳና ሀናይ፤ ኡንቱንቱ ጋሱዋን ሳአይ ማካላን ኩሜዳ ድራዉ፥ ታን ቱሙፐ አሳካ ሳኣካ ይሳና። 
\v 14 ሄዋ ድራዉ፥ ምኖ ምፐ ነዉ ማርካብያ ኬጻ፤ ሄ ማርካብያ ግዶን ጮራ ቆልኦቱዋ ከሳ፤ ያታደ ሶናነ ካረና ሽድያን ባራ። \fig ኖሀ ማርካብያ|alt="The Ark of Noha" src="CO00628B.TIF" size="span" ref="6:14"\fig* 
\v 15 ማርካብያ ሀዋዳን ያታደ ኬጻ፤ አዱሳተ ሄዙ ጼቱ ዋ፥ ጎምፓ እሻታሙ ዋ፥ ጌሳ ሀታሙ ዋ ኦ፤ 
\v 16 ማርካብያዉ ካራ\f + \fr 6:16 \fr*\fq ካራ፦ \fq*\ft ማስኮትያ።\ft*\f* መ፤ ካራፐነ ጎዳፐ ግዱዋን እት ዋ ግድያ ሳ ካሎ አጋ ባሻ፤ ፐንግያ ማርካብያዉ ምይያና ከሳ፤ ማርካብያ ሄዙ ፖቅያ ከሳደ ኬጻ።
\p
\v 17 “ታን ሳሉዋፐ ጋርሳን ደኡዋ ሸምፑዋና ደእያ መታ ኡባ ይሳናዉ፥ ሀ ሳኣ ቦላን ባሻ ሃ የዳና፤ ሀ ሳኣን ደእያባይ ኡባይ ያና። 
\v 18 ሽን ታን ታ ቃላ ጫቁዋ ኔናና ጫቀታና። ኔን ነ ማቻቶ፥ ነ አቱማ ናናነ ነ አቱማ ናና ማቻቱዋ ኔናና አካደ ማርካብያ ግዶ ገላ። 
\v 19 ኡንቱንቱ ኔናና ሸምፑዋና አታና ማላ፥ ሸምፑ ደእያ መታ ኡባፐ ቆሙዋን ቆሙዋን አቱማዋነ ማጫዋ ላኡዋ ላኡዋ አካደ፥ ማርካብያ ግዶ ገልሳ። 
\v 20 ዱማ ዱማ ቆሞ ካፉዋፐ፥ ዱማ ዱማ ቆሞ መህያፐነ ቢታና ጎሸትያ ዱማ ዱማ ቆሞ መታቱዋ ኡባፐ ላኡዋ ላኡዋ ግዲደ፥ ሸምፑዋና አታና ማላ ኔኮ ያና። 
\v 21 ቃይ ኔንነ ኔናና ደእያዋንቱ ማናዉ፥ ዱማ ዱማ ቆሙ ምያ ካ አፋደ፥ ማርካብያ ግዶን ቆላ” ያጌዳ።
\p
\v 22 ኖሄ ኡባባካ ጾሳይ አዛዜዳዋዳን ኦዳ።\x - \xo 6:22 \xo*\xt እብራ. 11:7\xt*\x*
\c 7
\p
\v 1 መና ጎዳይ ሄዋፐ ጉየ ኖሀ ሀዋዳን ያጌዳ፤ “ኔን ነ ሶ አሳ ኡባና ማርካብያ ግዶ ገላ፤ አያዉ ጎፐ፥ ታን ሀ ዎድያ የለታ ግዶን ኔን ጽሎ ግዴዳዋ በኣድ። 
\v 2-3 ኔን ጌሻ ግዴዳ መህያነ ዶኣ ኡባፐ አ ቆሙዋፐ ቆሙዋፐ አቱማዋነ ማጫዋ ላፑኑዋ ላፑኑዋ፥ ጌሻ ግደና መህያነ ዶኣ ኡባፐ አ ቆሙዋፐ ቆሙዋፐ እት አቱማዋነ እት ማጫዋ፥ ቃይ ሳሉዋ ካፉዋፐ አ ቆሙዋፐ ቆሙዋፐ አቱማዋነ ማጫዋ ላፑኑዋ ላፑኑዋ ኦደ፥ ሳኣ ኡባ ቦላን ዱማ ዱማ ዘረይ ሸምፑዋና አታና ማላ ኔናና አካደ ገላ። 
\v 4 አያዉ ጎፐ፥ ላፑን ጋላሳፐ ጉየ፥ ታን ኦይታሙ ጋላሳነ ኦይታሙ ቃማ ሀ ሳኣ ቦላን እራ ቡክሳና፤ ያታደ ታን መዳ መታ ኡባ ሳኣ ቦላፐ ይሳና” ያጌዳ።
\p
\v 5 ኖሄ መና ጎዳይ አ አዛዜዳ ኡባባ ኦዳ።
\p
\v 6 ባሻ ሃይ ሀ ሳኣ ቦላ ዬዳ ዎደ፥ ኖሄ ላይይ ኡሱፑን ጼታ። 
\v 7 ኖሄ፥ አ አቱማ ናናይ፥ አ ማቻታነ አ ናና ማቼቱ ባሻ ሃፐ አታናዉ ማርካብያ ግዶ ገሌድኖ።\x - \xo 7:7 \xo*\xt ማቶሳ 24:38-39፤ ሉቃሳ 17:27\xt*\x* 
\v 8 ጌሻ መህያፐነ ዶኣፐ፥ ጌሻ ግደና መህያፐነ ዶኣፐ፥ ካፉዋፐነ ቢታና ጎሸትያዋንቱ ኡባፐ 
\v 9 ጾሳይ ኖሀ አዛዜዳዋዳንካ አቱማዌነ ማጫዌ ላኡዋ ላኡዋ ግድ፥ ኖሄኮ ዪደ ማርካብያ ግዶ ገሌድኖ። 
\v 10 ላፑን ጋላሳፐ ጉየ፥ ባሻ ሃይ ሀ ሳኣ ቦላን ዬዳ።
\p
\v 11 ኖሄ ኡሱፑን ጼቱ ላይ ደእና፥ ላኤን አግናን፥ ታማነ ላፑን ጋላሳን፥ ሄ ጋላሳን ቢታ ግዶን ደእያ ዎልቃማ ጪማ ፑልቱዋ ኡባይ ቂ አጌዳ፤ ሳሉዋን ደእያ ሃ ፐንገቱካ ዶየት ዎድኖ፤\x - \xo 7:11 \xo*\xt 2 ጰጽ. 3:6\xt*\x* 
\v 12 እራይ ሀ ሳኣ ቦላን ኦይታሙ ጋላሳነ ኦይታሙ ቃማ ቡኬዳ። 
\v 13 ሄ ጋላሳን ኖሄነ አ አቱማ ናናይ፥ ሴመ፥ ካመነ ያፌት፥ ኖሄ ማቻታነ አ ናና ሄዛቱዋ ማቻቱ እትፐ ማርካብያ ግዶ ገሌድኖ። 
\v 14 ኡንቱንቱነ ዶኣ ኡባፐ ባረ ቆሙዋን ቆሙዋን፥ መህያ ኡባፐ ባረ ቆሙዋን ቆሙዋን፥ ሳኣና ጎሸትያዋንቱ ኡባፐ ባረ ቆሙዋን ቆሙዋን፥ ካፉዋ ኡባፐ ባረ ቆሙዋን ቆሙዋን፥ ኡንቱንቱና እትፐ ገሌድኖ፤ 
\v 15 ደኡዋ ሸምፑዋና ደእያዋንቱ ኡባይ ላኡዋ ላኡዋ ግድ፥ ኖሄኮ ዪደ ማርካብያን ገሌድኖ፤ 
\v 16 ጾሳይ ኖሀ አዛዜዳዋዳን፥ መታ ኡባፐ አቱማዋነ ማጫዋ ግዲደ፥ ማርካብያ ግዶ ገል ስሞዋን፥ መና ጎዳይ ማርካብያ ፐንግያ ጎርዴዳ።
\p
\v 17 ባሻ ሃይ ኦይታሙ ጋላሳ ሳኣ ቦላን ቡኪደ ጋምኤዳ፤ ሃይ ዳሪደ፥ ማርካብያ ቢታፐ ፑደ ደንዳ። 
\v 18 ሃይ ቢታ ቦላን ሎይ ዳርና፥ ማርካቢ ሃ ቦላን ቶከቴዳ። 
\v 19 ሳሉዋፐ ጋርሳና ደእያ ቃ ደረቱ ኡባይ ምተታና ጋካናዉ፥ ሃይ ሀ ሳኣ ቦላን ሎይ ዎልቃፐ ዳሬዳ። 
\v 20 ሃይ ደረቱዋ ጼራፐ አደ፥ ታማነ እቼሹ ዋ ጋካናዉ ቶኬዳ። 
\v 21 ያትና ሳኣ ቦላን ሸምፑዋና ቃጽያ መታቱ ኡባይ: ካፉ፥ መሂ፥ ዶአይ፥ ሳኣ ቦላን ሻምእ ግያ መታ ኡባይነ አሳይ ኡባይ ሀይቄዳ። 
\v 22 ኤ፥ መላ ቢታ ቦላን ደእያ፥ ባረ ሲያን ደኡዋ ሸምፑዋ ሸምፕያ ኡባይካ ሀይቄዳ። 
\v 23 ሀ ሳኣን ፓጻ ደእያባይ ኡባይ: አሳይ፥ መሂነ ዶአይ፥ ቢታና ጎሸትያ መታቱነ ሳሉዋ ካፎቱ ኡባይካ ሳኣፐ ዬድኖ። ኖሄ ጻላላይነ አናና ማርካብያ ግዶን ደእያዋንቱ አቴድኖ። 
\v 24 ሄ ሃይ ጼታነ እሻታሙ ጋላሳ ጋካናዉ ሳኣ ቦላን ጋምኤዳ።
\c 8
\s1 ባሻ ሃይ ሾሬዳ
\p
\v 1 ሽን ጾሳይ ኖሀ፥ አናና ማርካብያ ግዶን ደእያ ዶኣ ኡባነ መህያ ኡባ ቆፔዳ፤ ሳኣ ቦላን ጫርኩዋ ጫርክሴዳ፤ ሄ ሃይ ዎ ዎ ቤዳ። 
\v 2 ቃይ ቢታ ግዱዋን ደእያ ጪሙዋ ፑልቱነ ሳሉዋን ደእያ ሃ ፐንገቱ ጎርደቴድኖ፤ እራይካ ሳሉዋን ኤቄዳ። 
\v 3 ያትና ሃይ ዎ ዎ ቤዳ። ሄ ጼታነ እሻታሙን ጋላሳፐ ጉየ፥ ሃይ ዎዳ። 
\v 4 ሃይ ዎና ማርካቢ ላፑን አግናን፥ ታማነ ላፑን ጋላሳን አራራተ ግያ ደረቱዋ ቦላ ኡቴዳ። 
\v 5 ሃይ ታማን አግናይ ጋካናዉ ዎ ዎ ቤዳ፤ ታማን አግናዉ ኮይሮ ጋላስ ደረቱ ጼራይ ቤቴዳ።
\p
\v 6 ኦይታሙ ጋላሳፐ ጉየ፥ ኖሄ ባረ ኬጼዳ ማርካብያ ማስኮትያ ዶዬዳ፤ 
\v 7 ያቲደ እት ቁሩዋ ካረ የድና፤ ቁሩ ሃይ ቢታ ቦላፐ መላና ጋካናዉ፥ ያነ ሃነ ፓሊደ ጋምኤዳ። 
\v 8 ቃይ ኖሄ ሃይ ቢታ ቦላፐ ዎ ዉሬደንቶነ በአናዉ እት ሀራጳቶ ካረ የዴዳ፤ 
\v 9 ሽን ሄ ሀራጳታ ሃይ ቢታ ኡባ ቦላን ሀእካ ደእያ ድራዉ፥ ሸምፕያ ሳኣ ደማበይኩ። ሄዋ ድራዉ ስማደ፥ ማርካብያ ግዶን ደእያ ኖሄኮ ያዱ፤ እ ባረ ኩሽያ የዲደ፥ ባረኮ ማርካብያ ግዶ አኬዳ።
\p
\v 10 ሄዋፐ ጉየ፥ ሀራ ላፑን ጋላሳ ጋምኢደ፥ ዶጎማቶ ዛሪደካ ማርካብያ ግዶፐ ከሲደ የዴዳ። 
\v 11 ሄ ሀራጳታ ሳአይ ኦማርስያ ዎደ አኮ ስማደ ያዱ፤ ዎጋራ ማላትያ ምፐ ዱዳ እርጻ ሀይ ባረ ዶናን ሳአ አካደ ያዱ። ሄዋ ድራዉ፥ ሃይ ቢታ ቦላፐ ዎዳዋ ኖሄ ኤሬዳ። 
\v 12 ቃይ ኖሄ ሀራ ላፑን ጋላሳ ጋምኢደ፥ ሄ ሀራጳቶ ዛረደ የዴዳ፤ ሽን ሄ ሀራጳታ አኮ ስማደ ያበይኩ።
\p
\v 13 ኖሄ ኡሱፑን ጼታነ እት ላይ ደእና፥ ኮይሮ አግናን ኮይሮ ጋላስ፥ ሃይ ቢታ ቦላፐ ጽኤዳ፤ ኖሄ ማርካብያ ቁምእያ ዶይ ጼሊደ፥ ቢታይ ጽኤዳዋ በኤዳ። 
\v 14 ላኤን አግናን ላታማነ ላፑን ጋላሳን፥ ቢታይ ሙለ መሌዳ።
\p
\v 15 ጾሳይ ሄ ዎደ ኖሀ ሀዋዳን ያጊደ አዛዜዳ፤ 
\v 16 “ኔን ነ ማቻቶ፥ ነ አቱማ ናናነ ነ ናና ማቻቱዋ አካደ ማርካብያ ግዶፐ ከሳ። 
\v 17 ኡንቱንቱ የለቲደ፥ ዳሪደ ጮራና ማላ፥ ሸምፑ ደእያ መታ ኡባፐ ኔናና ደእያዋንታ: ካፎቱዋ፥ መሄቱዋ፥ ዶአቱዋነ ቢታና ጎሸትያ ኡባ ኔናና ከሳ” ያጌዳ። 
\v 18 ኖሄ ባረ አቱማ ናናቱዋናኔ፥ ባረ ማቻትናነ ባረ ናና ማቼቱዋና ማርካብያ ግዶፐ ከሴዳ። 
\v 19 መህያነ ዶኣ ኡባይ፥ ቢታና ጎሸትያ መታ ኡባይ፥ ካፉዋ ኡባይነ ሳኣ ቦላን ዎጽ ቃጽያባ ኡባይ ባረ ቆሙዋን ቆሙዋን ማርካብያ ግዶፐ ከሴድኖ።
\p
\v 20 ኖሄ መና ጎዳዉ ያርሽያ ሳኣ ግምቤዳ፤ ጌሻ መህያነ ዶኣ ኡባፐነ ጌሻ ካፉዋ ኡባፐ አኪደ፥ ያርሽያ ሳኣን ጹጊደ ያርሼዳ። 
\v 21 ያትና መና ጎዳይ ያርሹዋ ፔኑዋ ሳዊያዋ ስንጊደ፥ ባረ ዎዛናን ሀዋዳን ያጌዳ፤ “ናአተፐ ዶምና፥ አሳይ ዎዛናን ቆፕያባይ ኡባይ ኢታ ግዶፐነ፥ ታን አሳ ድራዉ ጋደ ላኤን ኡባካ ሀ ሳኣ ሸቂከ። ቃይ ታን ሀእ ኦዳዋዳን ፓጻ ደእያ መታ ኡባ ላኤን ኡባካ ይስከ። 
\v 22 ሀ ሳአይ ደኤዳ ኬሻ ኡባን፥ ዘርያ ዎዲነ ጫክያ ዎዲ፥ ሜጉነ ሆምቢ፥ ቦኒነ ባልጉ፥ ጋላሳይነ ቃማይ ኡባደካ ደአና” ያጌዳ።
\c 9
\s1 ጾሳይ ኖሄና ገሌዳ ቃላ ጫቁዋ
\p
\v 1 ጾሳይ ኖሀነ አ አቱማ ናና ሀዋዳን ያጊደ አንጄዳ፤ “የለትተ፤ ጮርተ፤ ሳኣ ኡባ ኩምተ።\x - \xo 9:1 \xo*\xt ዶመ 1:28\xt*\x* 
\v 2 ሳኣ ዶአቱ ኡባይ፥ ሳሉዋ ካፋቱ ኡባይ፥ ጋድያን ዎጽ ቃጽያባ ኡባይነ አባን ደእያ ሞለቱ ኡባይ ህንተንቶ ያይኖነ ዳጋምኖ። ኡንቱንቱ ህንተንቶ አደ እመቴድኖ፤ 
\v 3 ታን ሞክያ ዱማ ዱማ ካቱዋ ህንተንቶ እሜዳዋዳንካ፥ ሸምፑ ደእያ ዎጽ ቃጽያ መታ ኡባይ ህንተንቶ ቁማ ግዳና። 
\v 4 ሽን ሱ ግዶን ሸምፑ ደእያ ድራዉ ሱይ አ ግዱዋን ደእያ አሹዋ ሞፕተ።\x - \xo 9:4 \xo*\xt ዶመ 17:10-14፤ ዎጋ 19:26፤ ዛረ. 12:16፣ 23፤ 15:23\xt*\x* 
\v 5 ታን ህንተንቱ ሸምፑዋና ደእያ ህንተንቱ ሱ ዶኣ ኡባፐ ቱሙ አቻና፤ ቃይ አሳ ኡባፐ፥ አ ማላ አሳ ሱ አቻና። 
\v 6 ጾሳይ አሳ ባረና ማላትሲደ መዳ ድራዉ፥ አሳ ሱ ጉስያ ኦናነ ግዶፐነ፥ አ ሱይካ አሳ ኩሽያን ጉካናዋ።\x - \xo 9:6 \xo*\xt ዶመ 1:26፤ ከሳ 20:13\xt*\x* 
\v 7 ህንተንቱ የለትተ፤ ጮርተ፤ ሳኣን ዳርተ፤ አን ጮርተ” ያጌዳ።\x - \xo 9:7 \xo*\xt ዶመ 1:28\xt*\x*
\p
\v 8 ሄዋፐ ጉየ፥ ጾሳይ ኖሀነ አናና ደእያ አ አቱማ ናና፥ 
\v 9-10 “ስም ሀእ፥ ታን ታ ጫቁዋ ህንተናና፥ ህንተፐ ጉየ ህንተንቱ ዘረናነ ፓጻ ኔናና ደእያ መታ ኡባና ጫቀታይ፤ ኤ፥ ታን ታ ጫቁዋ ካፉዋና፥ መህያና፥ ሳኣ ዶኣ ኡባናነ፥ ማርካብያፐ ህንተናና ከሴዳ፥ ሸምፑዋና ደእያ መታ ኡባና ጫቃይ። 
\v 11 ታን ህንተናና ታ ጫቁዋ ጫቀታይ፤ ሀዋፐ ስንን ሸምፑ ደእያባይ ኡባይ ባሻ ሃን ኡባካ ባየና፤ ሀ ሳኣ ባይዝያ ሃይ ሀዋፐ ስንን ኡባካ ደኤና” ያጌዳ።
\p
\v 12 ቃይካ ጾሳይ፥ “ታን ታፐነ ህንተፐ፥ ህንተናና ደእያ ፓጻ መታቱዋ ኡባፐ ግዱዋን ያና የለታ ኡባና ጫቀትያ ጫቁዋ ማላታይ ሀዋ፤ 
\v 13 ታን ታ ዙሉዋ ሻርያን ኤሳድ፤ እ ታፐነ ሀ ሳኣፐ ግዱዋን ደእያ ጫቆ ማላ ግዳና። 
\v 14 ታን ሳኣፐ ቦላን ሻርያ አሄዳ ዎደነ ሻርያን ዙሉ ቤቴዳ ዎደ፥ 
\v 15 ታፐነ ህንተፐ ሸምፑ ደእያ ዱማ ዱማ ቆሞ መታ ኡባፐ ግዱዋን ጫቀቴዳ ታ ጫቁዋ ሀሳያና፤ ፓጻ ደእያዋ ኡባ ይሳናዉ ሀዋፐ ስንን ኡባካ ባሻ ሃይ ዬና። 
\v 16 ዙሉ ሻርያን ቤቴዳ ዎደ አዉደነ፥ ታን አ በአና፤ ታፐ ጾሳፐነ ሀ ሳኣ ቦላን ሸምፑዋና ደእያ ዱማ ዱማ ቆሞ መታ ኡባፐ ግዱዋን ጫቀቴዳ መና ጫቁዋ ታን ሀሳያና” ያጌዳ።
\p
\v 17 ጾሳይ ኖሀ፥ “ታን ታፐነ ሀ ሳኣ ቦላን ሸምፑዋና ደእያዋ ኡባፐ ግዱዋን ጫቀቴዳ ጫቁዋ ማላይ ሀዋ” ያጌዳ።
\s1 ኖሀነ አ ናና
\p
\v 18 ማርካብያፐ ከሴዳ ኖሄ አቱማ ናናይ ሴማ፥ ካማነ ያፌታ፤ ካመ ካናነ አዉዋ። 
\v 19 ሀዋንቱ ሄዙካ ኖሄ ናና፤ ሳኣን ኡባን ደእያ አሳይ ኡንቱንቱፐ የለቴዳ።
\p
\v 20 ኖሄ ጎሻንቻ፤ እ ዎይንያ ቱራ ቶከ ዶሜዳ። 
\v 21 እት ጋላስ እ ሄ ዎይንያ ኤሳ ኡሺደ ማቴዳ፤ ባረ ዱንካንያ ግዶን ካሎ ጺራ ግሴዳ። 
\v 22 ካናነ አዉዋ ካመ ባረ አዉዋ ካሉዋ በኤዳ፤ ካረ ከሲደ፥ ባረ ላኡ እሻቶ ኦዴዳ። 
\v 23 ሽን ሴምነ ያፌት አፍላ እቱዋ አኪደ፥ ላአቱካ ባረንቱ ሀሽያና ሀሽያና ጋ ኦይቂደ፥ ጉየጉን ሀመት ገሊደ፥ ባረንቱ አዉዋ ካሉዋ ካሜድኖ፤ ኡንቱንቱ ባረንቱ አዉዋ ካሉዋ በኤና ማላ ባረንቱ ዴሙዋ ዎራ ዛሬድኖ።
\p
\v 24 ኖሄ ማ አና ቤጎቲደ፥ አ ናአይ ኡባፐ ቴፋይ አ ኦዳዋ ኤሬዳ። 
\v 25 አ፥
\q1 “ካናነ ሸቀቴዳዋ ግዶ!
\q2 እ ባረ እሻቶ ዉርሰ አይልያ ግዶ” ያጌዳ።
\q1
\v 26 ቃይካ ኖሄ፥
\q2 “መና ጎዳይ፥ ሴማ ጾሳይ ጋላተቶ!
\q1 ካናነ ሴማ አይልያ ግዶ፤
\q1
\v 27 ጾሳይ ያፌታ\f + \fr 9:27 \fr*\fq ያፌታ፦ \fq*\ft እብራዌዋን ሀ ሱን ብለይ፥ “ጉጆ” ግያዋ ማላቴ።\ft*\f* ቢታ አሶ።
\q2 ያፌታ ዛራቱ ሴማ ዛራቱዋ ግዶን ደእኖ፤
\q1 ካናነ ያፌታ አይልያ ግዶ” ያጌዳ።
\p
\v 28 ባሻ ሃፐ ጉየ፥ ኖሄ 350 ላይ ደኤዳ። 
\v 29 ኖሄ ሙለ 950 ላይ ደኢደ ሀይቄዳ።
\c 10
\s1 ኖሄ ናናቱዋ የለታ
\r (1 ኦዱዋ 1:5-23)
\p
\v 1 ኖሄ ናና፥ ሴማ፥ ካማነ ያፌታ የለታይ ሀዋፐ ካሊደ ጻፈቴዳዋ፤ ባሻ ሃፐ ጉየ፥ ኡንቱንቶ አቱማ ናናይ የለቴድኖ።
\s1 ያፌታ ናና
\p
\v 2 ያፌታ አቱማ ናናይ: ጎመራ፥ ማጎጋ፥ ማዳያ፥ ያዋና፥ ቱባላ፥ መሸካነ ቲራሳ።
\p
\v 3 ጎመራ አቱማ ናናይ: አሽካናዛ፥ ሪፋታነ ቶጋርማ።
\p
\v 4 ያዋና አቱማ ናናይ: ኤሊሻ፥ ታርሴሰ፥ ክቲማነ ሮዳ።
\p
\v 5 ሀዋንቱፐ አባ ዶናን ደእያ አሳይ ኡባይ ባረ ጋድያን ጋድያን፥ ባረ ቃላን ቃላን፥ ባረ ያራን ያራንነ፥ ባረ ካዉተን ካዉተን ሻከቴድኖ።
\s1 ካማ ናና
\p
\v 6 ካማ አቱማ ናናይ: ኩሻ፥ ምጽራይማ፥ ፑጻነ ካናና።
\p
\v 7 ኩሻ አቱማ ናናይ: ሳባ፥ ኤዉላጻ፥ ሳብታ፥ ራእማነ ሳብታካ።
\p ራእማ አቱማ ናናይ: ሳባነ ዳዳና።
\p
\v 8 ኩሽ ናምሩዳ የሌዳ፤ ናምሩድ ሀ ሳኣን ኮይሮ ዎልቃማ ኦላንቻ ግዴዳ፤ 
\v 9 መና ጎዳ ስንንካ እ ዎልቃማ ሻንካንቻ ግዴዳ፤ “ናምሩዳዳን መና ጎዳ ስንን ዎልቃማ ሻንካንቻ ግዴዳ” ጉሳይ ሄዋ ድራሳ። 
\v 10 አ ካዉተይ ኮይሮ ካታማት ሳናኦረ ጋድያን ደእያ ባብሎነ፥ ኤሬካ፥ አካዳነ ካልና። 
\v 11-12 እ ሄ ቢታፐ አሶረ ቢደ፥ ነነዌ፥ ሮሆቦታነ ካላሀ ኬጼዳ፤ ቃይ ናናዌፐነ ካላሀፐ ግዱዋን ደእያ ረሴና ግያ ዎልቃማ ካታማካ ኬጼዳ።
\p
\v 13-14 ምጽራይመ ሉደቱዋ፥ አናማዋቱዋ፥ ላሃበቱዋ፥ ናፍቱሄቱዋ፥ ፓትሮሳቱዋ፥ ካስሉሄቱዋነ ፕልስጼማቱዋ ዘረቱዋ የሌዳ ካፍቶረቱዋ የሌዳ። 
\v 15-18 ካናነ ባረ ባይራ ናኣ ሲዶናነ ሄታ የሌዳ፤ ቃይ ካናነ ያቡሳ አሳ፥ አሞረ አሳ፥ ገርጌሰ አሳ፥ ሂዌ አሳ፥ አርቀ አሳ፥ ሲና አሳ፥ አርዋደ አሳ፥ ጻማረ አሳነ ሀማታ አሳ የሌዳ።
\p ሄዋፐ ጉየ፥ ካናነ ዛራቱ ላለትና፥ 
\v 19 ካናነ ቢታ ዛዋይ ሲዶናፐ ዶሚደ፥ ጌራራናነ ጋዛና አደ፥ ሶዶማነ ጋሞራ፥ አዳማነ ጻቦይማ ቢደ፥ ላሻአን ዛዋቴ። 
\v 20 ካመ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ቢታን ቢታንነ ባረንቱ ካዉተን ካዉተን ጻፈቴዳዋንቱ ሀዋንታ።
\s1 ሴማ ናና
\p
\v 21 ሴማዉ ናናይ የለቴድኖ፤ እ ያፌታዉ ባይራ እሻነ ኤቦራ ናና ኡባዉ ማይዛ አዉዋ። 
\v 22 ሴማ አቱማ ናናይ: ኤላማ፥ አሶራ፥ አርፋክሳዳ፥ ሉዳነ አራማ።
\p
\v 23 አራማ አቱማ ናናይ: ኡጻ፥ ሁላ፥ ገቴራነ መሸካ።
\p
\v 24 አርፋክሳድ ሸላሀ የሌዳ።
\p ሸላህ ኤቦራ የሌዳ።
\p
\v 25 ኤቦራዉ ላኡ አቱማ ናናይ የለቴድኖ። እቱዋ ሱንይ ፔሌጋ፤ አያዉ ጎፐ፥ ሳኣን ደእያ አሳይ አ ዎድያን ሻከቴዳ፤ አ እሻ ሱንይ ዮቅጻና።
\p
\v 26 ዮቅጻን ናና የሌዳ። ኡንቱንቱነ: አልሞዳዳ፥ ሸሌፋ፥ ሀጻርማዌታ፥ የራሀ፥ 
\v 27 ሀዶራማ፥ ኡዛላ፥ ዲቅላ፥ 
\v 28 ኦባላ፥ አብማኤላ፥ ሳባ፥ 
\v 29 ኦፊራ፥ ሀዊላነ ዮባባ። ሀዋንቱ ኡባይካ ዮቅጻና አቱማ ናና።
\p
\v 30 ኡንቱንቱ ደኤዳ ሄራይ ሜሻፐ ቢደ አዋይ ዶልያ ባጋና ደእያ ደሪ ዳርያ ጋድያን ሳፋራ ጋኬ። 
\v 31 ሴማ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ጋድያን ጋድያንነ ባረንቱ ካዉተን ካዉተን ጻፈቴዳዋንቱ ሀዋንታ።
\p
\v 32 ሀዋንቱ ባረንቱ ያራን ያራንነ ባረንቱ ካዉተን ካዉተን ጻፈቴዳ ኖሄ አቱማ ናና ዛራቱዋ። ባሻ ሃፐ ስሚደ፥ ካዉተቱዋ ሀዋንቱፐ ሳኣ ኡባዉ የለት አኬድኖ።
\c 11
\s1 ባብሎና ግምቢያ
\r (11:1-9)
\p
\v 1 ሳኣ ቦላን ደእያ አሳይ ኡባይ ኮይሮ እት ዶናነ እት ቃላ ሃሳዪኖ። 
\v 2 አሳቱ አዋይ ከስያ ባጋ ስሚደ ቤዳ ዎደ፥ ሳናኦረ ግያ ጋድያን ደምባ እቱዋ ደሚደ ያን፥ ኡቴድኖ።
\p
\v 3 ኡንቱንቱ እቱ እቱዋ፥ “ሃ ዪተ፤ ጹብያ መደ፥ ታማን ጹጎይተ” ያጌድኖ። ኡንቱንቱ ሹቻ ድራዉ ጹብያ፥ ኡርቃ ድራዉ ሽድያ አኬድኖ፤ 
\v 4 “ሃ ዪተ፤ ኑ ሱን ጼስሳናዉነ ቃይ ኑን ሀ ሳኣ ኡባ ቦላን ላለተናን አታናዉ እት ዎልቃማ ካታማነ ጼራይ ሳሉዋ ጋክያ እት ፖቅያ ኑዉ ኬጾይተ” ያጌድኖ።
\p
\v 5 ሽን ጎዳይ አሳቱ ኬጼዳ ዎልቃማ ካታማነ ፖቅያ በአናዉ ዱገ ዎዳ፤ 
\v 6 መና ጎዳይ “ሄኮ ኡንቱንቱ እት አሳ፤ ቃይ ኡንቱንቱ ኡባይካ እት ቃላን ሃሳዪኖ፤ ኡንቱንቱ ሀእ ሀዋ ኦናዉ ዶሞዋፐ ጉየ፥ ኡንቱንቱ ባረንቶ ኦናዉ ቆፖዋ ኡንቱንቶ ዳንዳየተናዌ አያይነ ባዋ። 
\v 7 ሃ ዪተ፤ ዱገ ዎደ ኡንቱንቱ እቱ ሃሳይያ ቃላ እቱ ኤረና ማላ፥ ኡንቱንቱ ቃላ ዱማዮይተ” ያጌዳ። 
\v 8 መና ጎዳይ ኡንቱንታ ሄዋፐ ሳኣ ኡባ ቦላን ላልና፥ ኡንቱንቱ ሄ ዎልቃማ ካታማ ኬጽያዋ አጊሼድኖ። 
\v 9 መና ጎዳይ ሳኣ አሳ ቃላ ያን ዱማዬዳ ድራዉ፥ ሄ ካታማይ ባቤላ\f + \fr 11:9 \fr*\fq ባቤላ፦ \fq*\ft እብራዌዋን ሀ ሱን ብለይ ዋላከቴዳዋ ግያዋ ማላቴ።\ft*\f* ጌተቴዳ። ጎዳይ ኡንቱንታ ሄዋፐ ሳኣ ኡባ ቦላን ላሌዳ።
\s1 ሴማፐ አብራማ ጋካናዉ
\r (11:10-32)
\p
\v 10 ሴማ የለታይ ሀዋፐ ካሊደ ጻፈቴዳዋ። ባሻ ሃፐ ጉየ፥ ላኡ ላይ ግድና፥ ሴማ ላይይ 100 ግዴዳ ዎደ፥ ሴም አርፋክሳዳ የሌዳ። 
\v 11 ሴም አርፋክሳዳ የሌዳዋፐ ጉየ፥ 500 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 12 አርፋክሳድ 35 ላይ ደኢደ፥ ሸላሀ የሌዳ፤ 
\v 13 አርፋክሳድ ሸላሀ የሌዳዋፐ ጉየ፥ 403 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 14 ሸላህ 30 ላይ ደኢደ፥ ኤቦራ የሌዳ፤ 
\v 15 ሸላህ ኤቦራ የሌዳዋፐ ጉየ፥ 403 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 16 ኤቦር 34 ላይ ደኢደ፥ ፔሌጋ የሌዳ፤ 
\v 17 ኤቦር ፔሌጋ የሌዳዋፐ ጉየ፥ 430 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 18 ፔሌግ 30 ላይ ደኢደ፥ ራአ የሌዳ፤ 
\v 19 ፔሌግ ራአ የሌዳዋፐ ጉየ፥ 209 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 20 ራኡ 32 ላይ ደኢደ፥ ሳሩጋ የሌዳ፤ 
\v 21 ራኡ ሳሩጋ የሌዳዋፐ ጉየ፥ 207 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 22 ሳሩግ 30 ላይ ደኢደ፥ ናኮራ የሌዳ፤ 
\v 23 ሳሩግ ናኮራ የሌዳዋፐ ጉየ፥ 200 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 24 ናኮር 29 ላይ ደኢደ፥ ታራ የሌዳ፤ 
\v 25 ናኮር ታራ የሌዳዋፐ ጉየ፥ 119 ላይ ደኤዳ፤ ሀራ አቱማ ናናካ ማጫ ናናካ የሌዳ።
\p
\v 26 ታር 70 ላይ ደኢደ፥ አብራማ፥ ናኮራነ ሃራና የሌዳ።
\s1 ታራ የለታ
\p
\v 27 ታራ የለታይ ሀዋፐ ካሊደ ጻፈቴዳዋ። ታር አብራማ፥ ናኮራነ ሃራና የሌዳ፤ ሃራን ሎጻ የሌዳ። 
\v 28 ሃራን ባረ አዉ ታር ፓጻ ደእሽን፥ ባረ የለቴዳ ካላዳዌቱዋ ጋድያን፥ ኡራ ግያ ዎልቃማ ካታማን ሀይቄዳ። 
\v 29 አብራምነ ናኮርነ ላአቱካ አኬድኖ፤ አብራሞ ማቻት ሱንይ ሳሮ፤ ቃይ ናኮራ ማቻት ሱንይ ምልኮ፤ ምልካ ሃራና ናቶ፤ ሃራን ምልክዉነ ይስካንዉ አዉዋ። 
\v 30 ሳራ ማንቶ፤ እዝዉ ናእ ባዋ።
\p
\v 31 ታር ባረ ናኣ አብራማ፥ ባረ ናኣ ሃራና ናኣ ሎጻነ፥ ባረ ናኣ አብራሞ ማቻቶ ሳሮ አኪደ ከስና፥ ኡንቱንቱ እትፐ ካናነ ጋድያ ባናዉ ኡር ግያ ካላዳዌቱዋ ካታማፐ ደንዴድኖ፤ ሽን ኡንቱንቱ ካራነ ግያ ካታማ ጋካናዉ ቢደ፥ ያን ኡቴድኖ። 
\v 32 ታር 205 ላይ ደኢደ፥ ካራነን ሀይቄዳ።
\c 12
\ms አብራማ፥ ይሳቃነ ያቆባ ታርክያ
\mr (12:1—35:29)
\s1 አብራሞ ጼሳ
\p
\v 1 መና ጎዳይ አብራማ ያጌዳ፤ “ኔን ነ ጋድያፐ፥ ነ ዳቦቱዋፐነ ነ አዉዋ ጎለ አሳፐ ሻከታደ፥ ታን ኔና በስያ ጋድያ ባ።\x - \xo 12:1 \xo*\xt ኪታ 7:2-3፤ እብራ. 11:8\xt*\x* 
\v 2 ታን ኔና ዎልቃማ ካዉተ ኦና፤ ቃይ ታን ኔና አንጃና፤ ታን ነ ሱን ግታያና፤ ያትና ኔን አንጆ ግዳና፤ 
\v 3 ታን ኔና አንጅያዋንታ አንጃና፤\x - \xo 12:3 \xo*\xt ጋላ. 3:8\xt*\x* ቃይ ኔና ሸቂያዋንታ ታን ሸቃና፤ ሀ ሳኣ ቦላን ደእያ አሳይ ኡባይ ነ ባጋና አንጀታና”\f + \fr 12:3 \fr*\fq ነ ባጋና አንጀታና፦ \fq*\ft ኔና አንጆዋዳ አንጃና ማላ ኡባይ ዎሳና።\ft*\f* ያጌዳ።
\p
\v 4 አብራመ መና ጎዳይ አዉ ኦዴዳዋዳን ደንዲደ ቤዳ፤ ሎጸካ አናና ቤዳ፤ አብራመ ካራነፐ ቤዳ ዎደ፥ አዉ ላይይ ላፑን ታማነ እቼሻ። 
\v 5 አብራመ ባረ ማቻቶ ሳሮ፥ ባረ እሻ ናኣ ሎጻ፥ ያን ሺሼዳ ባረንቱ ማጹዋ ኡባነ፥ ካራነን ኡንቱንቱ ደሜዳ ቆማቱዋ አኪደ፥ ካናነ ጋድያ ባናዉ ደንዴዳ፤ ቢደ ኡንቱንቱ ካናነ ጋድያ ጋኬድኖ።
\p
\v 6 አብራመ ሄ ጋድያን ሰኬማ ግያ ሳኣን ደእያ ሞረ ግያ ዎልቃማ ዎላ ጋካናዉ ሀመቲደ ቤዳ። ሄ ዎደ ካናነ አሳቱ ሄ ጋድያን ደእኖ። 
\v 7 ሽን መና ጎዳይ አብራማዉ ቆንጪደ አ፥ “ሀ ጋድያ ታን ነ ዘረዉ እማና” ያጌዳ። እ ባረዉ ቆንጬዳ መና ጎዳዉ ሄ ሳኣን ያርሽያ ሳኣ ኬጺደ ጎይኔዳ።\x - \xo 12:7 \xo*\xt ኪታ 7:5፤ ጋላ. 3:16\xt*\x* 
\v 8 ሄዋፐ ደንዲደ፥ ቤቴለፐ አዋይ ዶልያ ባጋና ደእያ ደረትያ ሳኣ ቢደ፥ ሄዋን ቤቴለ አዋይ ዉልያ ባጋ አጊደ፥ ቃይ አይ አዋይ ዶልያ ባጋ አጊደ፥ ግዱዋን ባረ ዱንካንያ ጌዳ፤ ሄዋን መና ጎዳዉ ያርሽያ ሳኣ ኬጺደ፥ መና ጎዳ ሱን ጼሴዳ። 
\v 9 ሄዋፐ ጉየ፥ አብራመ ያፐ ደንድ ቢደ ኔጌባ ባዙዋ ጋኬዳ።
\s1 አብራመ ግብጼ ቤዳ
\p
\v 10 ሄ ዎደ ሄ ጋዲ ኮሻቴዳ፤ ኮሻይ ጺጽ ደእያ ድራዉ፥ አብራመ አማሬዳ ዎድያ ደአናዉ ዱገ ግብጼ ዎዳ። 
\v 11 ግብጼ ገላና ሀንሽን፥ አብራመ ባረ ማቻቶ ሳሮ ሀዋዳን ያጌዳ፤ “ስሳ፤ ኔን ሎይ ማላ ሎኦ ማጫ አሳ ግድያዋ ታን ኤራይ። 
\v 12 ግብጼ አሳቱ ኔና በእያ ዎደ ኡንቱንቱ፥ ‘ሀና አ ማቻቶ’ ያጊደ ኡንቱንቱ ታና ዎና፤ ሽን ኔና ፓጻ አጋና። 
\v 13 ስም ኡንቱንቱ ታዉ ነ ጋሱዋን ኬካና ማላነ፥ ቃይ ታን ሀይቀናን ነ ጋሱዋን አታና ማላ ኔን፥ ‘ታን አ ምቻቶ’ ያጋ”\x - \xo 12:13 \xo*\xt ዶመ 20:2፤ 26:7\xt*\x* ያጌዳ።
\p
\v 14 አብራመ ግብጼ ቢታ ገሌዳ ዎደ፥ ግብጼ አሳቱ ሄ ምሽራታ ዳሮ ማላ ሎኦ ማጫ አሳ ግድያዋ በኤድኖ። 
\v 15 ቃይ ግብጼ ካትያዉ ኦያ ካፓቱካ እዞ በኤዳ ዎደ፥ ካትያ ስንን እዞ ናሼድኖ፤ ያቲደ እዞ ካትያ ጎለ አፌድኖ። 
\v 16 ያትና እዝ ጋሱዋን ካቲ አብራማ ሎኦ አይፍያን ጼሌዳ፤ አብራማዉ ዶርሳቱዋነ ቦራቱዋ፥ አቱማ ሀረቱዋነ ማጫ ሀረቱዋ፥ አቱማ ቆማቱዋነ ማጫ ቆማቱዋ፥ ጋሉዋ እሜዳ።
\p
\v 17 ሽን መና ጎዳይ አብራሞ ማቻት ሳር ጋሱዋን ግብጼ ካትያ ቦላነ አ ሶ አሳ ቦላ ዳሮ ካእያ ሀርግያ የዴዳ። 
\v 18 ያትና ካቲ አብራማ ጼሲደ፥ “ኔን ሀዋ አያዉ ታ ቦላ ኦድ? እዛ ነ ማቻቶ ግዴዳዋ አያዉ ታዉ ኦዳበይኪ? 
\v 19 ኔን እዞ፥ ‘እዛ ታ ምቻቶ’ ጋደ ታዉ አያዉ ኦዳዲ? ታን እዞ ታዉ ማቼ ኦናዉ አኬዳዌ ሄዋ ድራሳ። ስም ሀእ ነ ማቻቶ ሀኖ በአ፤ እዞ አካደ ባ” ያጌዳ። 
\v 20 ባረ አሳ አዛዝና፥ ኡንቱንቱ አብራማ አ ማቻትናነ አዉ ደእያ ኡባባና ከሲደ የዴድኖ።
\c 13
\s1 አብራምነ ሎጸ ሻከቴድኖ
\p
\v 1 ሄዋ ድራዉ አብራመ ባረ ማቻትናነ፥ ባረዉ ደእያዋ ኡባና ግብጼፐ ነጌባ ባዙዋ ቤዳ፤ ሎጸካ አናና ቤዳ። 
\v 2 አብራመ ሄ ዎደ ሚዛ፥ ብራንነ ዎርቃን ዳሪ ዱረቴዳ።
\p
\v 3 እ ነጌባፐ ደንዲደ ቤቴለ ጋካናዉ ቤዳ፤ ሄ ሳአይነ ቤቴለፐነ አይፐ ግዱዋን እ ኮይሮ ባረ ዱንካንያ ጌዳ ሳኣነ 
\v 4 ያርሽያ ሳኣ እ ኮይሮ ኬጼዳ ሳኣ። ያን አብራመ መና ጎዳ ሱን ጼሴዳ።
\p
\v 5 አብራመና ዩይያ ሎጸዉካ ሚዛይ፥ ዶርሳ ዉዲነ ዱንካኒ ደኤ። 
\v 6 ሽን ኡንቱንቱ እትፐ ደአናዉ ኡንቱንቶ ቢታይ ግድቤና፤ ኡንቱንቶ ዳሮ መሂ ደእያ ድራዉ፥ ኡንቱንቱ እትፐ ደአናዉ ዳንዳይበይክኖ። 
\v 7 ሄዋ ጋሱዋን አብራሞ ዉድያ ሄምያዋንቱ ግዶንነ ሎጸ ዉድያ ሄምያዋንቱ ግዶን ዋላሳይ ከሴዳ። ሄ ዎደ ካናናቱነ ፓርዘቱ ሄ ጋድያን ደእኖ።
\p
\v 8 ያንና አብራመ ሎጻ፥ “ኑን እሻቱዋ ግድያ ድራዉ፥ ታ ግዶንነ ነ ግዶን፥ ታ ዉድያ ሄምያዋንቱ ግዶንነ ነ ዉድያ ሄምያዋንቱ ግዶን ዋላሳ ከሶፓ። 
\v 9 ቢታ ኡባይ ነ ስንን ደኤኔ? አነ ኑን ሻከቶይተ፤ ኔን ሀድርሳ ባጋ ቦፐ፥ ታን ኡሸቻ ባጋ ባና፤ ኔን ኡሸቻ ባጋ ቦፐ፥ ታን ሀድርሳ ባጋ ባና” ያጌዳ።
\p
\v 10 ሎጸ ዩይ አ ጼሊደ፥ ዮርዳኖሳ ሻፋ ዎምባይ ኡባይ ቢደ ዞኣራ ጋካናዉ፥ መና ጎዳ ገነትያ\f + \fr 13:10 \fr*\fq መና ጎዳ ገነትያ፦ \fq*\ft ኤደነ ገነትያ በስያዋ።\ft*\f* ዎይ ግብጼ ቢታ ማላ ዳሮ ሃይ ደእያዋ ግድያዋ በኤዳ። (ሄዌነ መና ጎዳይ ሶዶማነ ጋሞራ ጌተትያ ካታማቶ ይሳናፐ ካሰ)።\x - \xo 13:10 \xo*\xt ዶመ 2:10\xt*\x* 
\v 11 ሄዋ ድራዉ ሎጸ ባረዉ ዮርዳኖሳ ዎምባ ኡባ ዶሪደ፥ አዋይ ዶልያ ባጋ ቤዳ፤ ያትና ኡንቱንቱ እቱ እትዋፐ ሻከቴድኖ። 
\v 12 አብራመ ካናነ ጋድያን ደኤዳ፤ ሽን ሎጸ ዎምባን ደእያ ዎልቃማ ካታማቱዋ ግዱዋን ኡቲደ፥ ሶዶማ ካታማ ማታን ባረ ዱንካንያ ጌዳ። 
\v 13 ሄ ዎደ ሶዶማ አሳቱ ኢታነ መና ጎዳ ቦላ ፓላ ናጋራ ኦያዋንታ።
\p
\v 14 ሎጸ አብራመፐ ሻከቴዳዋፐ ጉየ፥ መና ጎዳይ አብራማ ሀዋዳን ያጌዳ፤ “ቁ ጋደ ኔን ደኢያሳፐ አዋይ ዶልያ ባጋነ አዋይ ዉልያ ባጋ፥ ቃይ ሁጲሳ ባጋነ ገድሳ ባጋ ጼላ። 
\v 15 ሀ ኔን ጼልያ ቢታ ኡባ ታን ነዉነ ነ ዛርያዉ መናዉ እማና፤\x - \xo 13:15 \xo*\xt ኪታ 7:5\xt*\x* 
\v 16 ታን ነ ዛርያ ሳኣ ሻፍያዳን ዳርሳና፤ ኦንነ ሳኣ ሻፍያ ፓይዳና ዳንዳዮፐ፥ ነ ዛሪካ ፓይደታና። 
\v 17 ደንዳ፤ ቢታ ጎምፓን ፑደነ ዱገነ ህንነ ሃነ ሀመታደ በአ፤ አያዉ ጎፐ፥ ታን ሀ ቢታ ነዉ እማና” ያጌዳ።
\p
\v 18 አብራመ ባረ ዱንካንያ ሾዲደ፥ ከብሮነ ካታማን ደእያ ማምረ ዎላቱዋ ዎጋቱዋ ማታን ደአናዉ ቤዳ። ሄዋን መና ጎዳዉ ያርሽያ ሳኣ ኬጼዳ።
\c 14
\s1 አብራመ ሎጻ ዎ አኬዳ
\p
\v 1 ሄ ዎደ ሳናኦረ ካቲ አምራፌል፥ ኤላሳራ ካቲ አርዮክ፥ ኤላማ ካቲ ካዶርላኦመርነ ጎይማ ካቲ ትድኣል ኦይዱ፥ 
\v 2 ሶዶማ ካትያ ቤራኣራ፥ ጋሞራ ካትያ ብርሻራ፥ አዳማ ካትያ ሽንአባራ፥ ጻቦይማ ካትያ ሸመቤራራነ (ጾኣሮ ጌተትያ) በላአ ካትያና ኦላዉ ሳልፔድኖ። 
\v 3 ሀዋንቱ እቼሹ ካተቱ ጋከቲደ እት ዎልቃ ግዲደ፥ (ማጽነ አባ ግያ) ሲድማ ዎምባን ሺቄድኖ። 
\v 4 ኡንቱንቱ ካሰ ታማነ ላኡ ላይ ካዶርላኦመራዉ ሞደቴድኖ፤ ሽን ታማነ ሄዘን ላይን አዉ ማካሌድኖ።
\p
\v 5 ታማነ ኦይደን ላይን ካዶርላኦመርነ አናና ዙፐቴዳ ካተቱ ባረንቱ ኦላንቻቱዋ አክ ቢደ፥ አስታሮት ጻርናይማን ደእያ ራፋየታ፥ ሃማን ደእያ ዙዘታነ ሻዌ-ቅርያታይማን ደእያ ኤመታ ኦሊደ ጾኔድኖ። 
\v 6 ሆራ ቢታ አሳቱዋካ ሰኢራ ደርያን ኦሊደ፥ ባዙዋ ማታን ደእያ ኤልፓራና ግያ ሳኣ ጋካናዉ የደርሴድኖ። 
\v 7 ሄዋፐ ጉየ ስሚደ፥ አይን-ምሽፓጻ ዬድኖ። (ሀእ ሄ ሳአይ ቃዴሳ ጌተቴ።) ኡንቱንቱ አማሌቃቱዋ ቢታ ኡባነ ቃይ ሀጻጾነ ታማራ ግያ ሳኣን ደእያ አሞረቱዋ ኦሊደ ጾኔድኖ።
\p
\v 8 ሄዋፐ ስሚደ፥ ሶዶማ ካቲ፥ ጋሞራ ካቲ፥ አዳማ ካቲ፥ ጻቦይማ ካቲነ (ጾኣሮ ጌተትያ) በላአ ካቲ ደንዴድኖ፤ ሲድማ ዎምባን ሳልፔድኖ። 
\v 9 ሀዋንቱ ኡባይ ኤላማ ካትያና፥ ጎይማ ካትያና፥ ሳናኦረ ካትያናነ ኤላሳራ ካትያና (ሀ እቼሹ ካተቱ ኦይዱ ካተቱዋና) ኦለቴድኖ። 
\v 10 ሲድማ ዎምባን ሄ ዎደ፥ ሽድያዳን ኦይቂያባይ ኩሜዳ ኦላይ በሴዳ፤ ሶዶማ ካቲነ ጋሞራ ካቲ ባረንቱ ኦላንቻቱዋና ኦላፐ ባቃትሽን፥ ኡንቱንቱፐ አማሬዳዋንቱ ሄ ኦላቱዋን ኩንዴድኖ፤ ሽን አቴዳዋንቱ ደርያ ባቃቴድኖ። 
\v 11 ኦይዱ ካተቱ ሶዶማነ ጋሞራ ካታማቱዋ ማጹዋ ኡባነ ኡንቱንቱ ቁማ ኡባ ቦንቂደ አኬድኖ። 
\v 12 አብራሞ እሻ ናአይ ሎጸ ሶዶማን ደእያ ድራዉ፥ አካ አ ማጹዋካ አኬድኖ።
\p
\v 13 ሄዋፐ ጉየ፥ እት ብታኒ ባቃት ዪደ እብራዊያ አብራማዉ ሀዋ ኦዴዳ። አብራመ ሄ ዎደ፥ ኤሽኮላነ አኔራ እሻ አሞርያ ማምረ ዎላ ማታን ደኤ። ኡንቱንቱ ኡባይካ ኦላ ዛራናዉ አብራመና ጫቁዋ ጫቀት ኡቴድኖ። 
\v 14 አብራመ ባረ ዳቡ ኦሞደቴዳዋ ስሴዳ ዎደ፥ ኦላ ኤርያ ባረ ሶን የለቴዳ 318 አሳ ደንዳ፤ ሄ ኦይዱ ካተቱዋ ካሊደ ዳን ግያ ካታማ ጋካናዉ ቤዳ። 
\v 15 ቃማን ባረ አሳ ጩጉዋን ጩጉዋን ሻክ፥ ባረ ሞርከቱዋና ኦለቲደ ኡንቱንታ ጾኔዳ። ደማስቆፐ ሁጲሳ ባጋና ደእያ ሆባ ግያ ሳኣ ጋካናዉ የደርሴዳ። 
\v 16 ማጹዋ ኡባ፥ ቃይ ባረ ዳቡዋ ሎጻነ አ ማጹዋ፥ ማጫ አሳነ ሀራ አሳ ዎ አኬዳ።
\p
\v 17 አብራመ ካዶርላኦመራነ አናና ዙፐቴዳ ካተቱዋ ጾኒደ ስሜዳዋፐ ጉየ፥ ሶዶማ ካቲ፥ (ካተቱዋ ዎምባ ግያ) ሻዌሀ ዎምባን አ ሞካናዉ ከሴዳ።
\s1 ማልካ-ጸደቂ አብራማ አንጄዳ
\p
\v 18 ሄ ዎደ፥ ሳሌመ ካቲ ማልካ-ጸደቂ ኡክነ ዎይንያ ኤሳ አኪደ ዬዳ፤ እ ኡባፐ ቂያ ጾሳ ቄስያ።\x - \xo 14:18-20 \xo*\xt እብራ. 7:1-10\xt*\x* 
\v 19 እ አብራማ ሀዋዳን ያጊደ አንጄዳ፤
\q1 “ኡባፐ ቂያ ጾሳይ፥
\q2 ሳሉዋነ ሳኣ መዳዌ አብራማ አንጆ።
\q1
\v 20 ቃይ ኡባፐ ቂያ ጾሳይ፥
\q2 ነ ሞርከቱዋ ነ ኩሽያን
\q2 አ እሜዳዌ ጋላተቶ” ያጌዳ።
\m አብራመ ኡባባፐ አስራታ ከሲደ፥ ማልካ-ጸደቃዉ እሜዳ።
\p
\v 21 ሶዶማ ካቲ አብራማ፥ “አሳ ታዉ እማደ፥ ማጹዋ ነዉ አካ” ያጌዳ።
\p
\v 22 ሽን አብራመ ሶዶማ ካትያ፥ “ታን መና ጎዳዉ፥ ኡባፐ ቂያ ጾሳዉ፥ ሳሉዋነ ሳኣ መዳዎ፥ ታ ኩሽያ ደንደ ጫቃድ። 
\v 23-24 ታ አሳይ ሜዳዋፐነ ታናና ቤዳ አኔራ፥ ኤሽኮላነ ማምረ ጋክያዋፐ አትና፥ ኔን፥ ‘አብራማ ታን ዱረያድ’ ኡባካ ጌና ማላ፥ ታን ነዋፐ ሀራይ አቶ ቁንጩትያ ዎይ ጫማ ቃችያዋነ አክከ። ኡንቱንቱ ባረና ጋክያዋ አክኖ” ያጌዳ።
\c 15
\s1 መና ጎዳይ አብራመና ጫቀቴዳ
\p
\v 1 ሄዋፐ ጉየ፥ መና ጎዳ ቃላይ ሳጻን አብራመኮ ዪደ፥ “አብራማ፥ ያዮፓ! ታን ነዉ ጎንዳለ፤ ነ ጋቲ ሎይ ዳራ” ያጌዳ።
\p
\v 2 አብራመ፥ “አቤት ኡባ ሞድያ መና ጎዳዉ፥ ታዉ ኡባካ ናእ ባይና ድራዉ፥ ኔን እምያ ጋቲ ታዉ አይሴ? ደማስቆ ኤልኤዛር ታና ላታና ሽን”\f + \fr 15:2 \fr*\fk ኤልኤዛር ታና ላታና፦ \fk*\ft እብራዌዋን ቆንጨ ግደና።\ft*\f* ያጌዳ። 
\v 3 ቃይካ አብራመ፥ “ኔን ታዉ ናኣ እማባካ፤ ሄዋ ድራዉ ታ ሶን ደእያ ቆማይ ታና ላትያዋ” ያጌዳ።
\p
\v 4 መና ጎዳ ቃላይ አኮ ዪደ፥ “ሀ ቆማይ ኔና ላተና፤ ሽን ነ ጉልባታፐ ከስያዌ ኔና ላታና” ያጌዳ። 
\v 5 ስሚደ ካረ አ ከሲደ፥ “ሳሉዋ ፑደ ጼላ፤ ኔን ጾልንተቱዋ ፓይዳናዉ ዳንዳዮፐ ፓይዳ፤ ነ ዘረይካ ሀዋ ኬሻ ግዳና” ያጌዳ።\x - \xo 15:5 \xo*\xt ሮመ 4:18፤ እብራ. 11:12\xt*\x*
\p
\v 6 አብራሞ መና ጎዳ አማኔዳ፤ መና ጎዳይ ሄዋ አዉ ጽሎተዳን ፓይዴዳ።\x - \xo 15:6 \xo*\xt ሮመ 4:3፤ ጋላ. 3:6፤ ያቆባ 2:23\xt*\x*
\p
\v 7 መና ጎዳይ ቃይካ አ፥ “ታን ኔን ሀ ቢታ ላታና ማላ ነዉ እማናዉ ኡር ግያ ካላዳዌቱዋ ካታማፐ ኔና ከሳ አሄዳ መና ጎዳቴ” ያጌዳ።
\p
\v 8 ሽን አብራሞ አ፥ “አቤት ኡባ ሞድያ መና ጎዳዉ፥ ታን ሀ ቢታ ላታናዋ አያን ኤሮ?” ያጌዳ።
\p
\v 9 መና ጎዳይ አ፥ “ሄዙ ላይ ኡሳ፥ ሄዙ ላይ ዴሻ፥ ሄዙ ላይ ዶርሳነ ላኡ ቆሞ ሀራጰቱዋ ታዉ አካደ ያ” ያጌዳ። 
\v 10 እ ሀዋንታ ኡባ አዉ አፌዳ፤ ኡንቱንታ ጳልቂደ ላኡ ከሴዳ፤ ላኡዋ ከሴዳዋ እቱዋ እቱዋ ባጋን ዎዳ፤ ሽን ካፎቱዋ ላኡ ከስ ጳልቂቤና። 
\v 11 ሄ ዎደ አንኮቱ ሄ አሹዋ ቦላ ዎድኖ፤ ሽን አብራመ ኡንቱንታ የደርሴዳ።
\p
\v 12 አዋይ ዉልያ ዎደ አብራማ ዎልቃማ ገምእሹ ኦይቄዳ፤ ጵ ጌዳ ማይ አ ቦላ ዎዳ።\x - \xo 15:12 \xo*\xt ኢዮባ 4:13፣ 14\xt*\x* 
\v 13 ያትና መና ጎዳይ አ፥ “ነ ዘረይ ሀራ ጋድያን በተ ግዲደ ደአናዋ ኔን ቱሙፐ ኤራ፤ ኡንቱንቱ አይለቲደ ኦይዱ ጼቱ ላይ ናቀታና።\x - \xo 15:13 \xo*\xt ከሳ 1:1-14፤ ኪታ 7:6\xt*\x* 
\v 14 ሽን አይለዪደ ኡንቱንታ ሞድያ ካዉተ ታን ሙራና፤ ሄዋፐ ጉየ፥ ኡንቱንቱ ዳሮ አቁዋና ሄ ቢታፐ ከሳና።\x - \xo 15:14 \xo*\xt ከሳ 12:40-41፤ ኪታ 7:7\xt*\x* 
\v 15 ኔና ግዶፐ፥ ኔን ነ ማይዛ አዎቱዋኮ ሳሮተን ባና፤ ኔን ሎይ ጭማደ ሀይቃናነ ሞገታና። 
\v 16 ሽን ኦይደን የለታን ነ ዘረይ ሀ ጋድያ ስማና፤ አያዉ ጎፐ፥ አሞረቱ ናጋራይ ብሮ ልክያ ጋክቤና” ያጌዳ።
\p
\v 17 አዋይ ዉልና ሳአይ ሜዳ፤ ጮጭያ ጩዋይነ ታማ ላጩ አኬከናን ቤቲደ፥ ሄ ላኡ ከስ ጳልቀቴዳዋንቱፐ ግዱዋና አዳ። 
\v 18 ሄ ጋላስ መና ጎዳይ አብራመና ሀዋዳን ያጊደ ጫቁዋ ጫቀቴዳ፤ “ግብጼ ሻፋፐ ዶሚደ ኤፍራጺሳ ግያ ዎልቃማ ሻፋ ጋካናዉ፥ ሀ ቢታ ታን ነ ዘረዉ እማድ፤\x - \xo 15:18 \xo*\xt ኪታ 7:5\xt*\x* 
\v 19-21 ሀ ቢታይ ቄናቱዋ፥ ቀኒዘቱዋ፥ ቃድሞነቱዋ፥ ሂተቱዋ፥ ፓርዘቱዋ፥ ራፋየቱዋ፥ አሞረቱዋ፥ ካናነቱዋ፥ ገርጌሰቱዋነ ያቡሳቱዋ ቢታ” ያጌዳ።
\c 16
\s1 አጋሮነ እስማኤላ
\p
\v 1 አብራሞ ማቻታ ሳራ አዉ ናኣ የላበይኩ፤ ሽን እዝዉ ግብጼፐ ዬዳ አጋሮ ግያ እት አይላታ ደአዉ። 
\v 2 ሄዋ ድራዉ ሳራ አብራማ ጼሳደ፥ “በአ፥ መና ጎዳይ ታዉ የሉዋ ድጌዳ። ኔን ባደ፥ ታ አይላትና ግሳ፤ ኦን ኤሪ፥ ታን እዝ ባጋና ናኣ ዳዮ ግዳነንቶነ” ያጋዱ። አብራመ ሳር ቃላ ስሲደ ማዬዳ። 
\v 3 አብራመ ካናነ ጋድያን ታሙ ላይ ኡቴዳዋፐ ጉየ፥ አብራሞ ማቻታ ሳራ ግብጼፐ አሄዳ ባረ አይላቶ አጋሮ፥ ባረ አስና አብራማዉ ማቼተዉ እማዱ። 
\v 4 አጋሮ አኬዳ፤ እዛ ሻሃራዱ። እዛ ባረዉ ሻሃራይ አቴዳዋ ኤሬዳ ዎደ፥ ባረ ጎዳቶ ካያ ዶማዱ።
\p
\v 5 ሄ ዎደ ሳራ አብራማ፥ “ታና ሀ ናቁዋ ናቂስያዌ ኔና፤\f + \fr 16:5 \fr*\fqa ታና ሀ ናቁዋ ናቅስያዌ ኔና፦ \fqa*\ft ኔን ታ ቦላ ኦዌ ነ ቦላ ፔሾ ጉሳ።\ft*\f* ታን ታ አይላቶ ነዉ እምና፥ እዛ ሀእ ባረዉ ሻሃራይ አቴዳዋ ኤራደ፥ ታና ካዉ። ነባነ ታባ መና ጎዳይ ፕርዶ” ያጋዱ።
\p
\v 6 አብራመ ሳሮ፥ “ሀኖ በአ፤ ነ አይላታ ነ ኩሽያና፤ ኔን እዞ ነዉ ሎኦዋ ኦ” ያጌዳ። ሄዋፐ ጉየ፥ ሳራ አጋሮ ናቂና፥ እዛ ከሳደ ኢፐ ባቃታዱ።
\p
\v 7 መና ጎዳ ኪታንቻይ ፑልቱዋ ማታን ዎራን አጋሮ ደሜዳ፤ ሄ ፑልቱ ሹራ ግያ ጋድያ አፍያ ኦግያ ማታና። 
\v 8 እ አጋሮ፥ “ሀነ ሳር አይላቴ አጋሬ፥ ሀቃፐ ያድ? ቃይ ሀቃ ባይ?” ያጊደ ኦቼዳ።
\p እዛ፥ “ታን ታ ጎዳት ሳርፐ ባቃታይ” ያጋዱ።
\p
\v 9 መና ጎዳ ኪታንቻይ እዝዉ፥ “ኔን ነ ጎዳትኮ ጉየ ስማደ ባ፤ እዝዉ ሞደታ” ያጊደ ኦዴዳ። 
\v 10 ቃይካ መና ጎዳ ኪታንቻይ እዞ፥ “ነ ዛሪ ፓይዳናዉ ዳንዳየተናዋ ኬና ታን ጮርሳና” ያጌዳ። 
\v 11 ቃይካ መና ጎዳ ኪታንቻይ እዞ፥ “ሀእ ኔን ሻሃራ፤ ኔን አቱማ ናኣ የላና፤ አ እስማኤላ\f + \fr 16:11 \fr*\fq እስማኤላ፦ \fq*\ft ሀ ሱን ብለይ ጾሳይ ስሴዳ ጉሳ።\ft*\f* ጋደ ሱንና፤ አያዉ ጎፐ፥ መና ጎዳይ ነ ዋሱዋ ስሴዳ። 
\v 12 እ ዎራን የዳ ደእያ ሀርያ ማላ አሳ ግዳና፤ አሳ ኡባና እ ኤቀታና፤ ቃይ አሳይ ኡባይካ አናና ኤቀታና፤ እ ባረ እሻቱዋ ኡባና እጾ ግዲደ ደአና” ያጌዳ።
\p
\v 13 አጋራ፥ “ታን ታና በእያዋ በኣደ ፓጻ አታኔ?” ያጋዱ፤ እዛ ባረዉ ሃሳዬዳ መና ጎዳ፥ “ኔን ታና በእያ ጾሳ” ያጋደ ሱንዱ። 
\v 14 ሄዋ ድራዉ ሄ ፑልቱዋ ኦላይ፥ “ታና በእያ ደኡዋ ጾሳ ፑልቱዋ” ጌተቴዳ፤ ሄ ኦላይ ሀኖ ጋካናዉ ቃዴሰፐነ ባሬዳፐ ግዱዋን ደኤ።
\p
\v 15 አጋራ አብራማዉ አቱማ ናኣ የላዱ፤ አብራመ አጋራ የሌዳ ናኣ እስማኤላ ጊደ ሱንዳ።\x - \xo 16:15 \xo*\xt ጋላ. 4:22\xt*\x* 
\v 16 አጋራ እስማኤላ አብራመዉ የሌዳ ዎደ፥ አብራሞ ላይይ ሆስፑን ታማነ ኡሱፑና።
\c 17
\s1 ቃጻራ፥ ጫቁዋ ማላ
\p
\v 1 አብራሞ ላይይ ኡዱፑን ታማነ ኡዱፑና ግድያ ዎደ፥ መና ጎዳይ አዉ ቆንጪደ አ፥ “ታን ኡባ ዳንዳይያ ጾሳ፤ ኔን ታ ስንን ሀመታ፤ ሱረ ግዳ። 
\v 2 ታን ታፐነ ኔፐ ግዱዋን ታ ጫቁዋ ዎይ፤ ታን ኔና ሎይ ጮርሳና” ያጌዳ። 
\v 3 አብራመ ባረ ዴሙዋን ዱገ ጉፋኔዳ፤ ጾሳይ አዉ ሀዋዳን ያጌዳ፤ 
\v 4 “ስም፥ ታን ኔናና ጫቀትያ ጫቁ ሀዋ፤ ኔን ዳሮ ካዉተ አዉዋ ግዳና። 
\v 5 ሀዋፐ ዶሚደ ነ ሱንይ አብራማ ጌተተና፤ ሽን ነ ሱንይ አብራሃማ\f + \fr 17:5 \fr*\fq አብራሃማ፦ \fq*\ft ሀ ሱን ብለይ ዳሮ ካዉተዉ አዉዋ ግያዋ ማላቴ።\ft*\f* ግዳና። አያዉ ጎፐ፥ ታን ኔና ዳሮ ካዉተ አዉዋ ኦድ።\x - \xo 17:5 \xo*\xt ሮመ 4:17\xt*\x* 
\v 6 ታን ኔና ሎይ ጮርሳና፤ ታን ኔፐ ካዉተቱዋ መና፤ ካተቱካ ኔፐ ከሳና። 
\v 7 ታን ታፐነ ኔፐ፥ ኔፐ ጉየ ነ ዘረፐነ ግዱዋን፥ የለታፐ የለታ ጋካናዉ ታ ጫቁዋ ጫቀታይ፤ ሀ ጫቁ ታን ነዉነ ኔፐ ጉየ ነ ዘረዉ ጾሳ ግዳና ማላ መና ጫቁዋ።\x - \xo 17:7 \xo*\xt ሉቃሳ 1:55\xt*\x* 
\v 8 ሀእ ኔን በተ ግዳደ ደእያ ካናነ ቢታይ ኡባይ ነዉነ ኔፐ ጉየ ነ ዘረዉ መናዉ ላታ ግዳና ማላ ታን እማና፤ ቃይ ታን ኡንቱንቱ ጾሳ ግዳና” ያጌዳ።\x - \xo 17:8 \xo*\xt ኪታ 7:8\xt*\x*
\p
\v 9 ቃይካ ጾሳይ አብራሃማ፥ “ኔና ግዶፐ፥ ኔን ታ ጫቁዋ ናጋ፤ ኔንካ ኔፐ ጉየ ነ ዘረይካ፥ የለታፐ የለታ ጋካናዉ ናግተ። 
\v 10 ታፐነ ኔፐነ፥ ኔፐ ጉየ ነ ዘረፐ ግዱዋን ህንተንቱ ናጋና ታ ጫቁ ሀዋ፤ ህንተንቱ ግዱዋን ደእያ አቱማዌ ኡባይ ቃጻረቶ።\x - \xo 17:10 \xo*\xt ኪታ 7:8፤ ሮመ 4:11\xt*\x* 
\v 11 ህንተንቱ አቱማተ ሾኩዋ ቃጻረቲታ፤ ሄዌ ታፐነ ህንተፐ ግዱዋን ደእያ ጫቆ ማላ ግዳናዋ። 
\v 12 ህንተንቱ ግዶን ስንፐ የለታና አቱማ ናናይ ኡባይ የለቴዳ ሆስፑን ጋላሳን ቃጻረታናዉ ኮሼ። ነ ሶን የለቴዳዋንታ ግድና፥ ዎይ አላጋፐ ሻሉዋን ሻመቴዳ አይለቱዋ ግድና፥ ነ ዘረ ግደናዋንታካ አቱማዋንታ ቃጻራናዉ ኮሼ። 
\v 13 ነ ሶን የለቴዳዋንቱ ነ ሻሉዋን ሻመቶዋንቱ ቃጻረትኖ። ሀዌ ህንተንቱ አሹዋን ደእያ ታ ጫቁ መና ጫቁዋ ግዳና። 
\v 14 ቃጻረትቤና፥ ባረ ሾኩዋና ደእያ አቱማ አሳይ ኡባይ ባረ አሳፐ ዱጻና፤ አያዉ ጎፐ፥ እ ታ ጫቁዋ መንዳ” ያጌዳ።
\p
\v 15 ቃይካ ጾሳይ አብራሃመ፥ “ስም፥ ነ ማቻት ሳር ሱን ሳራይ ጎፓ፤ ሀዋፐ ስንዉ እዝ ሱንይ ሳሮ።\f + \fr 17:15 \fr*\fq ሳሮ፦ \fq*\ft ሀ ሱን ብለይ ካዉተ አቶ ጉሳ።\ft*\f* 
\v 16 ታን እዞ አንጃና፤ ታን ኢፐ ነዉ አቱማ ናኣ ቱሙ እማና። እዞ ታን አንጃና፤ እዛ ካዉተቱዋ አቶ ግዳና፤ አሳ ካተቱ ኢፐ ያና” ያጌዳ።
\p
\v 17 አብራሃመ ባረ ዴሙዋን ጉፋኔዳ፤ እ ሚጪደ ባረ ዎዛናን፥ “ጼቱ ላይ አሳይ ቱሙ ናኣ የላኔ? ቃይ ኡዱፑን ታሙ ላይ ግዴዳ ሳራ ናኣ የላኔ?” ያጊደ ቆፔዳ። 
\v 18 አብራሃመ ጾሳ፥ “እስማኤል ታና ላትያዋ ግዳናዉ ዳንዳየኔ?” ያጌዳ።
\p
\v 19 ሽን ጾሳይ፥ “ቱይት፥ ነ ማቻታ ሳራ ነዉ አቱማ ናኣ ቱሙፐ የላና፤ ኔን ይሳቃ\f + \fr 17:19 \fr*\fq ይሳቃ፦ \fq*\ft ሀ ሱን ብለይ እ ሚጬዳ ግያዋ።\ft*\f* ጋደ አ ሱንና። አፐ ጉየ፥ አ ዘረዉ መና ጫቁዋ ግዳና ማላ፥ ታን አናና ታ ጫቁዋ ጫቀታና። 
\v 20 ቃይ እስማኤላባ ግዶፐነ፥ ኔን ኦቼዳዋ ታን ስሳድ፤ ታን አካ አንጃና፤ ታን አ አንጃናነ አ ዘረ ሎይ ጮርሳና፤ እ ታማነ ላኡ የለታቱዋ የላና፤ ታን አ ዘረ ዎልቃማ ካዉተ ኦና። 
\v 21 ሽን ታን ታ ጫቁዋ ላይ ሀኖደ ሳራ ነዉ የልያ ይሳቃና ጫቀታና” ያጌዳ። 
\v 22 ጾሳይ አብራሃማና ሃሳዪደ ዉርሴዳዋፐ ጉየ፥ አብራሃመፐ ሻከቲደ ፑደ ቤዳ።
\p
\v 23 ሄ ጋላሳን አብራሃመ ባረ ናኣ እስማኤላ፥ ባረ ሶን የለቴዳ ኡባ፥ ባረ ሻሉዋን ሻሜዳዋንታ ኡባ፥ ባረ ሶን ደእያ አቱማ አሳ ኡባ፥ ጾሳይ አዉ ኦዴዳዋዳን ኡንቱንቱ አቱማተ ቃጻሬዳ። 
\v 24 አብራሃመ ባረ አቱማተ ቃጻረትያ ዎደ፥ ኡዱፑን ታማነ ኡዱፑን ላይ አሳ፤ 
\v 25 አ ናአይ እስማኤል ባረ አቱማተ ቃጻረትያ ዎደ፥ ታማነ ሄዙ ላይ ናኣ። 
\v 26 አብራሃመነ አ ናአይ እስማኤል ላአቱካ ሄ ጋላስ ቃጻረቴድኖ። 
\v 27 አብራሃመ ሶን ደእያ አቱማ አሳይ ኡባይ፥ አ ሶን የለቴዳዋንቱነ ሻሉዋን ሻሜዳዋንቱ ኡባይ አናና ቃጻረቴድኖ።
\c 18
\s1 ሄዙ እማቱዋ
\p
\v 1 አብራሃመ ማምረ ዎላቱዋ ዎጋቱዋ ጋርሳን ባረ ዱንካንያ ፐንግያን ሴታ ጋላስ ኡት ደእሽን፥ መና ጎዳይ አዉ ቆንጬዳ። 
\v 2 አብራሃመ ቁ ጊደ ጼሊደ ሄዙ አሳቱ አ ማታን ኤቄዳዋንታ በኤዳ፤ ኡንቱንቱና ጋከታናዉ ባረ ዱንካንያ ፐንግያፐ ደንድ ዎጼዳ፤ ጋኪደ፥ ገድያን ሆኪደ፥ ኡንቱንቱ ስንን ጎይኔዳ።\x - \xo 18:2 \xo*\xt እብራ. 13:2\xt*\x* 
\v 3 ስሚደ እ፥ “አቤት ታ ጎዳው፥ ታን ነ ስንን ናሸቴዳዋ ግዶፐ፥ ታና ነ ቆማ አጋደ አፓ። 
\v 4 ሀያና ጉ ሃይ ዮ፤ ህንተንቱ ገዲ ሜጨትና፥ ሀ ም ኩዋን ሸምፕ አክተ። 
\v 5 ህንተንቱ ሀእ ታኮ ህንተንቱ ቆማኮ ዬዳ ድራዉ፥ ካምእ ጊደ ህንተንቱ ብያሳኣ ባና ማላ፥ ታን ህንተንቶ ምያዋ አሀይ” ያጌዳ።
\p ኡንቱንቱ፥ “ዳሮ ሎአ፤ ኔን ግያዋዳን ኦ” ያጌድኖ።
\p
\v 6 አብራሃመ ዱንካንያ ግዶ ሳርኮ ኤሌል ቢደ፥ “ኤሌላደ ሊቆ ልያፐ ሄዙ ከረ ግድያዋ አካ ሙናቃደ ኡክ ኡካ” ያጌዳ። 
\v 7 ቃይ፥ አብራሃመ ባረ መህያኮ ዎጽ ቢደ፥ ሎኦ ቦልትቦልታ ቦልትቦልታ ማራ ዶሪደ፥ እት ቆማዉ እምና፥ እ ኤሌል ሹኪደ ጊግሴዳ። 
\v 8 ያትና አብራሃመ መኤዳ ማነ ጊግሴዳ ማራ አሹዋ እማቱዋ ስን አዳ፤ ኡንቱንቱ ሚሽን፥ እ ሄ ም ጋርሳን ኡንቱንቱ ማታን ኤቄዳ።
\p
\v 9 ኡንቱንቱ አ፥ “ነ ማቻታ ሳራ ሀቃኔ?” ያጊደ ኦቼድኖ።
\p እዛ፥ “ህን ዱንካንያ ግዱዋን ደአዉ” ያጌዳ።
\p
\v 10 መና ጎዳይ አ፥ “ታን ላይ ሀኖደ ቱሙ ኔኮ ስማና፤ ሄ ዎደ ነ ማቻታ ሳራ አቱማ ናኣ የላና” ያጌዳ።
\p ሳራ ሄ ዎደ አፐ ጉየ ባጋና ደእያ ዱንካንያ ፐንግያን ደእያና ሄዋ ስሳዱ።\x - \xo 18:10 \xo*\xt ሮመ 9:9\xt*\x* 
\v 11 አብራሃመነ ሳራ ባረንቱ ላይ ሎይ ሱጊደ ጭሜድኖ። ሳርዉ ፒላይ ይያዋ አጌዳ። 
\v 12 ሄዋ ድራዉ ሳራ ባረ ዎዛናን፥ “ታን ሀእ ጭማ ዉራ ክቾዋፐ ጉይያንነ ታ ጎዳይ ጭሞዋፐ ጉየ፥ ሀእ ታዉ አቱማ አሳና ጋከትያዌ ዋን ሀናኔ?” ያጋደ ሚጫዱ።\x - \xo 18:12 \xo*\xt 1 ጰጽ. 3:6\xt*\x*
\p
\v 13 መና ጎዳይ አብራሃመ ሄ ዎደ፥ “ ‘ታን ጭማ ክቾዋፐ ጉየ፥ ቱሙ ናኣ የላንታየ?’ ጋደ፥ ሳራ አያዉ ሚጫደ? 
\v 14 መና ጎዳዉ ዳንዳየተናባይ ቱሙ ደኢ? ላይ ሀኖደ ታን ኔኮ ስማና፤ ሄ ዎደ ሳራ አቱማ ናኣ የላና” ያጌዳ።\x - \xo 18:14 \xo*\xt ሉቃሳ 1:37\xt*\x*
\p
\v 15 ሳራ ሎይ ያዬዳ ድራዉ፥ “ታን ሚጫበይከ” ያጋደ ላካዱ።
\p ሽን እ፥ “ኤ፥ ኔን ቱሙ ሚጫዳ” ያጌዳ።
\s1 አብራሃመ ሶዶማ ድራዉ ጋናቴዳ
\p
\v 16 ሄዋፐ ጉየ አሳቱ ደንዲደ ብ፥ ሶዶማ ካታማ ዱገ ዛር ጼሌድኖ፤ አብራሃመነ ኡንቱንታ ሞይዚደ ኡንቱንቱና ቤዳ። 
\v 17 መና ጎዳይ ሄ ዎደ፥ “ታን ታ ኦናዉ ሀንያባ አብራሃመፐ ቆስከ። 
\v 18 አብራሃመ ቱሙፐ ግታነ ዎልቃማ ካዉተ ግዳና፤ ሀ ሳኣ ካዉተቱ ኡባይ አ ባጋና አንጀታና።\f + \fr 18:18: \fr*\fqa ካዉተ ኡባይ አ ባጋና አንጀታና፦ \fqa*\ft ካዉተይ ኡባይ ኔና አንጆዋዳን ባረናካ አንጃናዳን ታና ዎሳናዋንታ ግያዋ።\ft*\f* 
\v 19 አያዉ ጎፐ፥ ጽሎተነ ፕርዳ ኦደ፥ መና ጎዳ ኦግያ ናጋናዳን ባረ ናናነ ባረፐ ጉየ፥ ባረ ሶ አሳ እ ዞራና ማላ፥ ታን አ ዶራድ፤ ሄዌነ መና ጎዳይ አብራሃመዉ እማና ጌዳዋ ኡባ ፖላናሳ” ያጌዳ።
\p
\v 20-21 መና ጎዳይ አብራሃመ፥ “ሶዶማፐነ ጋሞራፐ ዋስያ ዋሱ ሎይ ዳሬዳ ድራዉነ ኡንቱንቱ ናጋራይ ሎይ ዴጼዳ ድራዉ፥ ኡንቱንቱ ኦዳባይ ታኮ ጋኬዳ ዋሱዋ ኬሻ ኢተንቶነ በአናዉ አነ ታን ዱገ ዎይ፤ ሄዋ ማላ ኢታ ግዳና ይንቶነ ኤራና” ያጌዳ።
\p
\v 22 ሄዋፐ ጉየ፥ ላኡ አሳቱ ሶዶማኮ ስሚደ ቤድኖ፤ ሽን አብራሃመ መና ጎዳ ስንን ዎስ ደኤ። 
\v 23 ሄ ዎደ አብራሃመ መና ጎዳኮ ሺቂደ ያጌዳ፤ “ቱሙ ኔን ጽሎቱዋ ኢታቱዋና ይሳይ? 
\v 24 ሄ ዎልቃማ ካታማን እሻታሙ ጽሎቱ ደእንቶካ፥ ኔን ይሳይ? ኔን አን ደእያ እሻታሙ ጽሎቱዋ ድራዉ ሄ ካታማ አሽኪ? 
\v 25 ሄዌ ኔፐ ሃኮ፤ ጽሎቱዋ ኢታቱዋና ዎያዌነ ጽሎቱዋነ ኢታቱዋ እት አይፍያን ጼልያዌ ኔፐ ሃኮ። ሀ ሳኣ ኡባ ፕርድያዌ ጽሉዋ ፕርደኔየ?” ያጌዳ።
\p
\v 26 መና ጎዳይ፥ “ሄ ሶዶማ ካታማን እሻታሙ ጽሎቱ ደኦፐ፥ ሄ ሳኣ ኡባ ኡንቱንቱ ድራዉ ታን አሻና” ያጌዳ።
\p
\v 27 ሄዋፐ ጉየ አብራሃመ፥ “ታን ቢታነ ብድን ግዳደ ታ ጎዳና ጻላደ ሃሳያናዉ ስም ዶማ ክቻድ፤ 
\v 28 እሻታሙ ጽሎቱዋፐ እቼሹ ፓጭንቶ፥ ኔን ሄ እቼሻቱዋ ድራዉ ሄ ካታማ ኡባ ይሳይ?” ያጌዳ።
\p መና ጎዳይ፥ “ታን ያን ኦይታማነ እቼሹ ጽሎቱዋ ደምንቶ፥ ሄ ካታማ ይስከ” ያጌዳ።
\p
\v 29 አብራሃመ ዛረደካ፥ “ያን ኦይታሙ ጻላላይ ቤትንቶ ሽን?” ያጌዳ።
\p እ፥ “ታን ሄ ኦይታማቱዋ ድራዉ፥ ሄ ካታማ ይስከ” ያጌዳ።
\p
\v 30 ሄዋፐ ጉየ እ፥ “ሀይ ጎዳይ ታዉ ሀንቀቶፖ፤ ታን ጉጃደካ ሃሳያይ። ያን ሀታሙ ጻላላይ ቤትንቶ ሽን?” ያጌዳ።
\p መና ጎዳይ፥ “ታን ያን ሀታሙዋ ደምንቶ፥ ሄ ካታማ ይስከ” ያጌዳ።
\p
\v 31 አብራሃመ ቃይካ፥ “ታን ጎዳና ጻላደ ሃሳያናዉ ዶማ ክቻድ፤ ያን ላታሙዋ ጻላላይ ቤትንቶ ሽን?” ያጌዳ።
\p መና ጎዳይ፥ “ሄ ላታማቱዋ ድራዉ ታን አ ይስከ” ያጌዳ።
\p
\v 32 ሄዋፐ ጉየ አብራሃመ፥ “ሀይ ጎዳይ ታዉ ሀንቀቶፖ፤ ታን መጽ እት ገደ ሃሳያይ፤ ያን ታሙ ጻላላይ ቤትንቶ ሽን?” ያጌዳ።
\p መና ጎዳይ፥ “ሄ ታማቱዋ ድራዉ ታን ሄ ካታማ ይስከ” ያጌዳ።
\p
\v 33 መና ጎዳይ አብራሃመና ሃሳያ ዉርሴዳዋፐ ጉየ ቤዳ፤ አብራሃመካ ባረ ሶ ስሜዳ።
\c 19
\s1 ሶዶማ ናጋራ
\p
\v 1 ሄ ላኡ ኪታንቻቱ ኦማርስ ሶዶማ ካታማ ጋኬድኖ፤ ሄ ዎደ ሎጸ ሄ ካታማ ፐንግያን ኡቴዳ። ሎጸ ኡንቱንታ በእነ ኡንቱንቱና ጋከታናዉ ኤቂደ ቤዳ፤ ባረ ዴሙዋ ሳኣ ጋደ ጎይኔዳ፤ 
\v 2 “ታ ጎዳቶ፥ ህንተንቱ ቆማ ሶ ስሜርክቴ፤ ህንተንቱ ገድያ ሜጨቲደ ቃማ አቅተ፤ ጉራን ደንዲደ ህንተንቱ ብያሳኣ ባንታ” ያጌዳ።
\p ኡንቱንቱ፥ “ቱይት፤ ኑን ሀ ካታማ ዳባባን አቃና” ያጌድኖ።
\p
\v 3 ሽን እ ኡንቱንታ ሎይ ሾቤዳ ድራዉ፥ አናና ቢደ አ ሶ ገሌድኖ፤ እ ኡንቱንቶ ቁማ ካደ፥ ጫለና ኡክ ኡኪደ አና፥ ኡንቱንቱ ሜድኖ።
\p
\v 4 ኡንቱንቱ ግሰናን ደእሽን፥ ሶዶማ ካታማ አቱማ አሳይ ኡባይ፥ ናናቱዋፐ ጭማ ጋካናዉ፥ እቱነ አተናን ዪደ፥ ጎልያ ዩይ አ ዶዴድኖ። 
\v 5 ሎጻ ጼሲደ ያጌድኖ፤ “ሀቼ ቃማ ነ ሶ ዬዳ አቱማ አሳቱ ሀቃን ደኢኖ? ኑን ኡንቱንቱና ሻርሙጻና ማላ ኡንቱንታ ኑኮ ካረ ከሳ” ያጌድኖ።\x - \xo 19:5-8 \xo*\xt ዳና. 19:22-24\xt*\x*
\p
\v 6 ሎጸ ኡንቱንቱና ጋከታናዉ ካረ ከሲደ፥ ካርያ ጉየ ጎርዴዳ፤ 
\v 7 ኡንቱንታ ሀዋዳን ያጌዳ፤ “ታ እሻቶ፥ ሀ ኢታ ኦሱዋ ኦፕተ። 
\v 8 ስም ታዉ ላኡ ማጫ ናናይ፥ አቱማ አሳ ኤርቤና ዎዶራቱ ደኢኖ፤ ታን ኡንቱንታ ህንተንቶ ካረ ከሳይ፤ ህንተንቱ ኡንቱንታ ህንተዉ ሎኦዋዳን ኦና ዳንዳዪታ። ሽን ሀ አሳቱዋ ቦላ አይነ ኦፕተ፤ አያዉ ጎፐ፥ ኡንቱንቱ ታ ጎለ ገሊደ ታ ካራ ጋርሳን ደኢኖ” ያጌዳ።
\p
\v 9 አሳቱ አ፥ “ኑ ስንፐ ክቻ!” ያጌድኖ፤ ቃይካ ኡንቱንቱ፥ “ሀ ብታኒ ሀ ጋድያን በተ ግድ ዪደ፥ ሀእ ኑ ቦላ ፕርዳናዉ ካጄሌዳ! ሀእ ኑን ኔና ኡንቱንቱ ቦላ ኦናዉ ቆፔዳዋፐ ኢታ ኦና!” ያጌድኖ። ኡንቱንቱ ሎጻ ጉየ ሱግ የጊደ ፐንግያ መንናዉ ሺቄድኖ። 
\v 10 ሽን ሄ ላኡ አሳቱ ባረንቱ ኩሽያ ካረ የዲደ፥ ሎጻ ሶ ጎች ገልሲደ ፐንግያ ጎርዴድኖ። 
\v 11 ሄዋፐ ጉየ፥ ኡንቱንቱ ጎለ ፐንግያን ደእያ አሳ፥ ጉፐ ግታ ጋካናዉ ቆቅሴድኖ። ያትና ኡንቱንቱ ፐንግያ ደማናዉ ኮዪደ ዳቡሬድኖ።\x - \xo 19:11 \xo*\xt 2 ካታ. 6:18\xt*\x*
\s1 ሎጸ ሶዶማፐ ከሲደ ቤዳ
\p
\v 12 ሄ ላኡ አሳቱ ሎጻ፥ “ነዉ ሀዋን ነ ማጫ ናና ጊግሴዳዋንቱ፥ ነ አቱማ ናናይ ዎይ ነ ማጫ ናናይ ዎይ ነባ ግዴዳ አሳይ ኦና ግዶፐነ ሀ ካታማን ደኢ? ኡንቱንታ ሀዋፐ ከሳ ድጋ። 
\v 13 አያዉ ጎፐ፥ ኑን ሀ ሳኣ ይሳና ሀኔቶ። ኡንቱንቱ ዋስያ ዋሱ ጎዳ ስንን ሎይ ዳሬዳ ድራዉ፥ መና ጎዳይ ኑና ሀ ካታማ ይሳናዉ ኪቴዳ” ያጌድኖ።
\p
\v 14 ሄዋ ድራዉ ሎጸ ከሲደ፥ ባረ ማጫ ናና ጊግሴዳዋንቱኮ ቢደ ኡንቱንታ፥ “ኤሌል ደንዲደ ሀዋፐ ከስተ፤ አያዉ ጎፐ፥ መና ጎዳይ ሀ ካታማ ይሳና ሀኔ” ያጌዳ። ሽን አ ማጫ ናና ጊግሴዳዋንቱ እ ቅዳ ጊደ ቆፔድኖ።
\p
\v 15 ሳአይ ዎንታናዉ ሆልጆጅ ዞእያ ዎደ፥ ሄ ኪታንቻቱ ሎጻ፥ “ደንዳ! ነ ማቻቶነ ሀዋን ደእያ ነ ላኡ ማጫ ናና አካደ ኤሌላ ከሳ! ሄዌ ዮፐ፥ ሀ ካታማይ ፕርደትያ ዎደ ኔንካ ያሳ” ያጊደ ድርቢሴድኖ። 
\v 16 ሽን ሎጸ ያት ጊና፥ ሄ አሳቱ አ ኩሽያ፥ አ ማቻት ኩሽያነ አ ማጫ ናና ላኡዋ ኩሽያ ኦይቂደ፥ ሄ ካታማፐ ኡንቱንታ ከሴድኖ፤ አያዉ ጎፐ፥ መና ጎዳይ ኡንቱንቶ ቃረቴዳ።\x - \xo 19:16 \xo*\xt 2 ጰጽ. 2:7\xt*\x* 
\v 17 ኪታንቻቱ ኡንቱንታ ካታማፐ ከሴዳ ሳናካ፥ ሄ ኪታንቻቱዋፐ እቱ ያጌዳ፤ “ህንተንቱ ሸምፑዋ አኪደ ባቃትተ! ጉየ ጼሎፕተ! ቃይ ሀ ዎምባን ሀቃንካ ኤቆፕተ! ደርያኮ ባቃትተ! ህንኮደ ህንተንቱ ያና” ያጌዳ።
\p
\v 18 ሽን ሎጸ ኡንቱንቶ ያጌዳ፤ “ቱይት! ሀይ ታ ጎዳቶ፥ ያጎፕተ። 
\v 19 ታን ህንተንቱ ቆማይ ህንተንቱ ስንን ናሸቴዳዋ ድራዉ፥ ታና አሻናዉ ታዉ ዳሮፐ ሎይ ማዴድታ። ሽን ታን ደርያኮ ባቃታናዉ ዳንዳይከ፤ ሀዌ ባሻይ ጋኪደ ታና ሙካናነ ታንካ ሀይቃና። 
\v 20 ጼልተ፤ ሀዋን እት ካታማይ ደኤ፤ እ ዎጻናዉ ማታነ ጉ ካታማ። ታን ያ ባቃቶ? እ ቄር ጉ ካታማ ግደኔ? ታ ሸምፑ ያን አታናዋ” ያጌዳ።
\p
\v 21 ኪታንቻይ፥ “ኤ፥ ታን ነ ኦሻ ስሳና፤ ታን ኔን ግያ ካታማ ይስከ። 
\v 22 ሽን ያ ኤሌላ ባቃታ፤ አያዉ ጎፐ፥ ኔን ያ ጋካናዉ፥ ታን አይነ ኦናዉ ዳንዳይከ” ያጌዳ። ሄዋ ድራዉ ሄ ካታማ ሱንይ ዞኣሮ\f + \fr 19:22 \fr*\fq ዞኣሮ፦ \fq*\ft ሀ ሱን ብለይ እብራዌዋ ቃላን “ጉ” ግያዋ ማላቴ።\ft*\f* ጌተቴዳ።
\s1 ሶዶማነ ጋሞራ ካታማቱ ዬድኖ
\p
\v 23 ሎጸ ጾኣሮ ጋኬዳ ዎደ፥ ብሮ ጻልቂ ዶሌዳ። 
\v 24 መና ጎዳይ ሄ ዎደ ታማነ ኤጽያ ዲንያ ሶዶማነ ጋሞራ ቦላን መና ጎዳ ማታፐ ሳሉዋፐ ቡኪደ ባይዜዳ።\x - \xo 19:24-25 \xo*\xt ማቶሳ 10:15፤ 11:23-24፤ ሉቃሳ 10:12፤ 17:29፤ 2 ጰጽ. 2:6፤ ይሁዳ 7\xt*\x* 
\v 25 ሄዋዳን ኦደ መና ጎዳይ ሄ ካታማታ፥ ሄ ዎምባ ኡባ፥ ሄ ካታማቱዋ ግዶን ደእያ ኡባነ ሄ ጋድያን ደእያ ም ማታ ይሴዳ። 
\v 26 ሽን ሎጸ ማቻታ ጉየ ጼላደ ማጽነ ቱሳ ግዳዱ።\x - \xo 19:26 \xo*\xt ሉቃሳ 17:32\xt*\x*
\p
\v 27 ዎንተ ጋላስ ዎንታ ጉራን አብራሃመ ደንዲደ፥ መና ጎዳ ስንን ካሰ እ ኤቄዳ ሳኣ ስሚደ ቤዳ። 
\v 28 እ ሶዶማነ ጋሞራ ሄ ዛንጋራን ደእያ ቢታ ኡባ ዱገ ጼሌዳ፤ ሄ ዎደ ጩዋይ ጮጭያ ታማ ጩዋዳን ሄ ቢታፐ ደንድያዋ በኤዳ።
\p
\v 29 ጾሳይ ሄ ዛንጋራ ካታማቱዋ ይሴዳ ዎደ፥ አብራሃማ ሀሳዬዳ፤ ሎጸ ደኤዳ ካታማቱዋ ይሲደ ሎጻ ባሻፐ ከሴዳ።
\s1 ሎጸ የለታ
\p
\v 30 ሎጸ ዞኣራን ኡታናዉ ያዬዳ ድራዉ፥ ባረ ማጫ ናና ላኡዋና ደርያ ከሴዳ፤ ጎንጎሎ ግዶን ባረ ላኡ ማጫ ናናቱዋና ኡቴዳ። 
\v 31 እት ጋላስ ባይራ ናታ ቴፋቶ፥ “ኑ አዉ ጭሜዳ፤ ሳኣ ኡባን\f + \fr 19:31 \fr*\fq ሳኣ ኡባን፦ \fq*\ft ሀ ቢታን ግያዋ።\ft*\f* ደእያ ዎጋዳን ኑናና ግሳናዉ ሀ ጋድያን ኡባካ አቱማ አሳይ ባዋ። 
\v 32 ሃያ፤ ዎይንያ ኤሳ ኑ አዉዋ ኡሺደ፥ አናና ግሲደ፥ ኑ አዉዋፐ ኑ ዛርያ ቱራ አሾይተ” ያጋዱ። 
\v 33 ሄ ጋላሳ ቃማ ባረንቱ አዉዋ ዎይንያ ኤሳ ኡሼድኖ፤ ባይራታ ገላደ አናና ግሳዱ፤ እዛ አናና ግስያ ዎደካ ደንድያ ዎደካ እ ኤርቤና።
\p
\v 34 ዎንተ ጋላስ ባይራታ ቴፋቶ፥ “ስሳ፤ ዝኖ ታን ታ አቡና ግሳድ፤ ሀቼ ቃማ ቃይ ዎይንያ ኤሳ ኡሽና፥ ኔንካ ገላደ አናና ግሳ፤ ያቲደ ኑን ኑ አዉዋፐ ኑ ዛርያ ቱራ አሾይተ” ያጋዱ። 
\v 35 ሄ ጋላስ ቃማ ቃይካ ዎይንያ ኤሳ ኡሼድኖ፤ ቴፋታካ ገላደ አናና ግሳዱ፤ እዛ አናና ግስያ ዎደካ ደንድያ ዎደካ እ ኤርቤና። 
\v 36 ያትደ ሎጸ ማጫ ናናይ ላአቱካ ባረንቱ አዉዋፐ ሻሃሬድኖ። 
\v 37 ባይራታ አቱማ ናኣ የላዱ፤ አ ሱን ሞኣባ\f + \fr 19:37 \fr*\fq ሞኣባ፦ \fq*\ft ሀ ሱን ብለይ እብራዌዋን “ታ አዉዋፐ ግያዋ ማላቴ”\ft*\f* ጋደ ሱንዱ፤ እነ ሀቼ ጋካናዉ ሞኣባቱዋ አዉዋ። 
\v 38 ቃይ ቴፋታካ አቱማ ናኣ የላዱ፤ አ ሱን በንኣማ\f + \fr 19:38 \fr*\fq በንኣማ፦ \fq*\ft ሀ ሱን ብለይ እብራዌዋን “ታ አሳቱዋ ናኣ ግያዋ”።\ft*\f* ጋደ ሱንዱ፤ እነ ሀቼ ጋካናዉ አሞናቱዋ አዉዋ።
\c 20
\s1 አብራሃመነ አብመሌካ
\p
\v 1 አብራሃመ ማምረፐ ደንዲደ፥ ነጌባ ግያ ጋድያ ቤዳ፤ ቃዴሳነ ሹራ ግያ ካታማቱዋፐ ግዱዋን ደኤዳ፤ ጋራራንካ አማሬዳ ዎድያ ታኬዳ። 
\v 2 ያን አብራሃመ ባረ ማቻቶ ሳሮ፥ “አ ታ ምቻቶ” ያጌዳ። ጋራራ ካቲ አብመሌክ ኪቲደ ሳሮ አፌዳ።\x - \xo 20:2 \xo*\xt ዶመ 12:13፤ 26:7\xt*\x* 
\v 3 ሽን ጾሳይ እት ቃማን አኩሙዋን አብመሌከኮ ዪደ፥ አ ሀዋዳን ያጌዳ፤ “ኔን አሄዳ ማቻት ጋሱዋን ሀይቃሳ፤ አያዉ ጎፐ፥ እዛ አሳ ማቻቶ” ያጌዳ።
\p
\v 4 ሽን አብመሌክ ኢኮ ሺቅቤና። ያቴዳዌ፥ “ጎዳዉ፥ ኔን ጽሎ ካዉተ ይሳኒየ? 
\v 5 እ፥ ‘እዛ ታ ምቻቶ’ ግቤነየ? ቃይ እዛ፥ ‘እ ታ እሻ’ ጋበይኬ? ታን ታ ዎዛና ሱረተንነ ታ ኩሽያ ጌሻተን ሀዋ ኦድ” ያጌዳ።
\p
\v 6 ሄዋፐ ጉየ፥ ጾሳይ አኩሙዋን አ ያጌዳ፤ “ኤ፥ ኔን ነ ዎዛና ጌሻተን ኦዳዋ ታን ኤራድ፤ ሄዋ ድራዉ፥ ኔን እዞ ቦቼና ማላነ ታ ስንን ናጋራ ኦና ማላ ኔና ታን ተኣድ። 
\v 7 ሀእ ሀ ብታንያ ማቻቶ ዛራ፤ አያዉ ጎፐ፥ እ ትምቢትያ ኦድያዋ፤ እ ነዉ ጾሳ ዎሳና፤ ኔን ፓጻ ደአና። ሽን እዞ ዛራና ዮፐ፥ ኔንነ ነዉ ደእያባይ ኡባይ ሀይቂያዋ ቱሙፐ ኤራ” ያጌዳ።
\p
\v 8 አብመሌክ ዎንተ ጋላስ ዎንታ ባረ ካዉተ ካፓቱዋ ኡባ ጼሴዳ፤ ሀ የዉዋ ኡባ ኡንቱንቶ ኦድና፥ ኡንቱንቱ ሎይ ዳሮ ያዬድኖ። 
\v 9 ያትና አብመሌክ አብራሃማ ጼሲደ፥ “ኔን አያ ኑ ቦላ ኦዲ? ኔን ታ ቦላነ ታ ካዉተ ቦላ ዎልቃማ ናጋራ አሀናዉ ታን ነዉ አይ ኢታባ ኦድታ? ኔን ታ ቦላ ኦሰታናዉ በሰናባ ኦዳ” ያጌዳ። 
\v 10 ቃይካ አብመሌክ አብራሃማ፥ “ኔና ሀዋ ኦስሴዳዌ አዬ?” ያጊደ ኦቼዳ።
\p
\v 11 አብራሃመ ያጌዳ፤ “ ‘ጾሳዉ ያይያ እት አሳይነ ሀ ሳኣን ባዋ’ ጋደ ቆፔዳ ድራሳነ፥ ‘ታ ማቻት ጋሱዋን ኡንቱንቱ ታና ዎና’ ጋደ ቆፔዳ ድራሳ። 
\v 12 ሄዋ ቦላ እዛ ቱሙካ ታ ምቻቶ፤ ታ አት ናቶ ግዱኩፐ አትን፥ ታ አቡ ናቶ፤ ቃይ እዛ ታ ማቻቶ ግዳዱ። 
\v 13 ጾሳይ ታና ታ አዉዋ ጎልያፐ ከሴዳ ዎደ ታን እዝዉ፥ ‘ኑን ቤዳ ጋድያን ኡባን ኔን ታዉ ኦና ኬካተይ ሀዋ፤ “እ ታ እሻ” ጋደ ታባ ሃሳያ’ ያጋድ” ያጌዳ።
\p
\v 14 ሄዋፐ ጉየ አብመሌክ ዶርሳ፥ መህያ፥ ማጫ አይለቱዋነ አቱማ አይለቱዋ አሂደ፥ አብራሃመዉ እሜዳ፤ ቃይ አ ማቻቶ ሳሮ አዉ ዛሬዳ። 
\v 15 አብመሌክ፥ “ስም ታ ቢታይ ነ ስንና፤ ኔና ሎኦሳን ደአ” ያጌዳ። 
\v 16 ሳሮካ፥ “ታን ነ እሻዉ እት ሻአ ጻጋራ ብራ\f + \fr 20:16 \fr*\fk እት ሻአ ጻጋራ ብራ፦ \fk*\ft ሀዌ ታማነ እታነ ባካ ኪሎ ግራመ ዴጼ።\ft*\f* እማይ፤ ሀዌ ስም ኔናና ደእያ ኡባ ስንን ኔን ጽላቶ ግድያዋነ ኔን ሻትሜዳዋ ኤርስያዋ ግዶ” ያጌዳ።
\p
\v 17-18 መና ጎዳይ አብራሃመ ማቻት ሳር ጋሱዋን አብመሌካ ጎለ አሳ ኡባ ቃን ማይንስ ዎዳ ድራዉ፥ አብራሃመ ጾሳ ዎስና፥ አብመሌክ፥ አ ማቻታነ አ ማጫ ቆማቱዋ ናኣ የላና ማላ ጾሳይ ኡንቱንታ ፓዳ።
\c 21
\s1 ይሳቅ የለቴዳ
\p
\v 1 ጾሳይ ባረ ኦዴዳዋዳን ሳርኮ ዬዳ፤ ጾሳይ ሳሮ ባረ ጌዳዋዳን ኦዳ። 
\v 2 ሳራ ሻሃራደ፥ ጭሜዳ አብራሃመዉ ጾሳይ ጌዳ ዎዲ ጋክና፥ አቱማ ናኣ የላዱ። 
\v 3 ሳራ አዉ የሌዳ ባረ ናኣ ሱን አብራሃመ “ይሳቃ” ያጊደ ሱንዳ።\x - \xo 21:3 \xo*\xt እብራ. 11:11\xt*\x* 
\v 4 አብራሃመ ባረ ናኣ ይሳቃ ጾሳይ አዛዜዳዋዳን ሆስፑን ጋላሳን ቃጻሬዳ።\x - \xo 21:4 \xo*\xt ዶመ 17:12፤ ኪታ 7:8\xt*\x* 
\v 5 አ ናኣ ይሳቅ አዉ የለቴዳ ዎደ፥ አብራሃመ ላይይ ጼታ። 
\v 6 ሳራ፥ “ጾሳይ ታዉ ሚቻ\f + \fr 21:6 \fr*\fq ሚቻ፦ \fq*\ft ሀ ሱን ብለይ “እ ሚጬ” ግያዋ (ጉጅ ጼልተ 17:17-19)\ft*\f* እሜዳ፤ ቃይ ሀዋ ስስያዌ ኡባይ ታናና ሚጫና” ያጋዱ። 
\v 7 ቃይካ ሳራ፥ “አብራሃመዉ ሳራ ናኣ ንና ጌዳዌ ኦኔ? ግዶፐነ ታን ሀእ አዉ እ ጭሜዳ ዎድያን ናኣ የላድ” ያጋዱ።
\s1 አጋራነ እስማኤል የደርሰቴድኖ
\p
\v 8 ጉ ናአይ ድጪደ፤ ን ዱዳ፤ አብራሃመ ይሳቅ ን ዱዳ ጋላስ ዎልቃማ ባላ ከሴዳ። 
\v 9 ሽን ግብጼፐ ዬዳ አጋራ አብራሃመዉ የሌዳ ናአይ ይሳቃና ካእያዋ ሳራ በኣዱ። 
\v 10 አብራሃማ፥ “ሀ አይላት ናአይ ታ ናኣ ይሳቃና ኡባካ ላተና ድራዉ፥ አይላቶነ እዝ ናኣ ከሳ የዳ” ያጋዱ።\x - \xo 21:10 \xo*\xt ጋላ. 4:29-30\xt*\x*
\p
\v 11 ሀ የዉ ባረ ናኣ ቦችያ ድራዉ፥ አብራሃመ ሎይ መቶቴዳ። 
\v 12 ሽን ጾሳይ አብራሃመ፥ “ናአዉነ ነ አይላትዉ ሎይ መቶቶፓ፤ ሳራ ነዉ ኦድያዋ ኡባ ስሳ፤ አያዉ ጎፐ፥ ነ ዘረይ ይሳቃ ባጋና ጼሰታናዋ።\x - \xo 21:12 \xo*\xt ሮመ 9:7፤ እብራ. 11:18\xt*\x* 
\v 13 ቃይ አይላት ናኣ ታን ካዉተ ከሳና፤ አያዉ ጎፐ፥ እካ ነ ዛረ” ያጌዳ።
\p
\v 14 ዎንታ ጉራን አብራሃመ ደንዴዳ፤ ቁማነ ኦጎሩዋን ሃ አኪደ፥ አጋሮ ሀሽያን ቶሲደ፥ እዝ ናኣካ እዝዉ እሚደ ከስ የዴዳ። እዛ ባደ፥ በርሳበሄ ግያ ዎራን ቶይላካታዉ። 
\v 15-16 ሃይካ ኦጎሩዋን ዉሬዳ ዎደ እዛ፥ “ናአይ ሀይቂሽን፥ ኡታደ በእከ” ያጋደ፥ ናኣ እት ቡራ ጋርሳን ዎደ፥ ላኡ ጼቱ ዋ ግድያዋ ኬሻ ባደ ኡታዱ። ማታን ኡታደ፥ ባረ ቃላ ቂሳደ ዬካዱ።
\p
\v 17 ጾሳይ ናኣ ዋሱዋ ስሴዳ፤ ጾሳ ኪታንቻይ አጋሮ ሳሉዋፐ ጼሲደ፥ “አጋሬ፥ ዋናዲ? ጾሳይ ናአይ ግሴዳ ሳኣን ዋስያዋ ስሴዳ ድራዉ ያዮፓ፤ 
\v 18 ደንዳ ኤቃ፤ ናኣነ ነ ኩሽያን ደን፤ አያዉ ጎፐ፥ ታን አ ዎልቃማ ካዉተ ኦና” ያጌዳ። 
\v 19 ጾሳይ እዝ አይፍያ ዶይና፥ ሃ ኦላ በኣዱ፤ ባደ ኦጎሩዋን ሃ ኩንዱ፤ ናኣካ ኡሻዱ። 
\v 20 ናአይ ድጭያ ዎደ፥ ጾሳይ አናና ግዴዳ፤ እ ዎራን ደኢደ፥ ዎንዳፍያ ዱክያ አሳ ግዴዳ። 
\v 21 እ ፓራና ግያ ዎራን ደእሽን፥ አ ዳያ ግብጼፐ አዉ ማቻቶ ደማዱ።
\s1 አብራሃመፐነ አብመሌከፐ ግዱዋን ዎዳ ጫቁዋ
\p
\v 22 ሄ ዎደ፥ አብመሌክ ባረ ዎታዳራቱዋ ካፑዋ ፕኮላና አብራሃመኮ ቢደ፥ “ኔን ኦያ ኡባባን ጾሳይ ኔናና ደኤ።\x - \xo 21:22 \xo*\xt ዶመ 26:26\xt*\x* 
\v 23 ኔን ታ ቦላ ዎይ ታ ናና ቦላ ዎይ ታ ዘረ ቦላ ገነባ ኦና ማላ፥ ሀእ ሀዋን፥ ጾሳ ስንን ታዉ ጫቃ፤ ታን ነዉ ኬኬዳዋዳን፥ ኔንካ ታዉነ ኔን እማተን ደእያ ሀ ቢታዉ ሎአ” ያጌዳ።
\p
\v 24 አብራሃመ፥ “ታን ጫቃይ” ያጌዳ።
\p
\v 25 ሄ ዎደ፥ አብራሃመ አብመሌካ ቆማቱ አኬዳ ሃ ኦላባ አብመሌካዉ ማጋኔዳ። 
\v 26 ሽን አብመሌክ፥ “ሄዋ ኦን ኦደንቶ ታን ኤርከ፤ ኔንካ ቃይ ታዉ ኦዳባካ፤ ታን ሀቼ ጋካናዉ ሄዋ ስሳበይከ” ያጌዳ።
\p
\v 27 ሄዋፐ ጉየ አብራሃመ ዶርሳነ ሚዛቱዋ አሂደ፥ አብመሌካዉ እምና፥ ኡንቱንቱ ላኡ ጫቁዋ ጫቀቴድኖ። 
\v 28 አብራሃመ ላፑን ማጫ ዶርሳ ማራቱዋ ዉድያፐ ሻኬዳ፤ 
\v 29 አብመሌክ አብራሃማ፥ “ሀ ኔን ዱማ ሻካ ዎዳ ላፑን ማጫ ዶርሳ ማራቱዋ አያዉ ሻካዲ?” ያጊደ ኦቼዳ።
\p
\v 30 አብራሃመ፥ “ታን ሀ ሃ ኦላ ቦኬዳዎ ማርካ ግዳና ማላ፥ ሀ ላፑን ማጫ ዶርሳ ማራቱዋ ታ ኩሽያፐ አካ” ያጌዳ።
\p
\v 31 ሄዋን ሄ ላኡ አሳቱ ጫቀቴዳ ድራዉ፥ ሄ ሳአይ በርሳበሄ\f + \fr 21:31 \fr*\fq በርሳበሄ፦ \fq*\ft ሀ ሱን ብለይ፥ “ጫቁዋ ሃ ኦላ” ዎይ “ላፑን ሃ ኦላ” ግያዋ (ጉጅ ጼልተ 26:33)\ft*\f* ጌተቴዳ።
\p
\v 32 በርሳበሄን ጫቁዋ ጫቀቴዳዋፐ ጉየ፥ አብመሌከነ አ ዎታዳራቱ ካፑዋ ፕኮል ደንዲደ፥ ፕልስጼማ ቢታ ስሜድኖ። 
\v 33 አብራሃመ በርሳበሄን ታማርስከ ጌተትያ ም ቶኬዳ። ሄዋን ጎዳ፥ መና ጾሳ፥ ሱን ጼሴዳ። 
\v 34 አብራሃመ ፕልስጼማ ጋድያን ዳሮ ዎድያ ደኤዳ።
\c 22
\s1 ይሳቃ ባረዉ ያርሻናዳን ጾሳይ አብራሃማ አዛዜዳ
\p
\v 1 ሄዋፐ ስሚደ፥ ጾሳይ አብራሃማ ፓጬዳ፤ እ አ፥ “አብራሃሜ” ያጊደ ጼሴዳ።
\p እ፥ “አቤ” ያጊደ ኮዬዳ።\x - \xo 22:1-23 \xo*\xt እብራ. 11:17-19\xt*\x*
\p
\v 2 ጾሳይ፥ “ኔን ሲቅያ ነ መጽ እት ናኣ ይሳቃ አካደ፥ ሞርያ ግያ ጋድያ ባ፤ ያን ታን ነዉ ኦድያ እት ደርያ ቦላን አ ጹግያ ያርሹዋ ኦደ ታዉ ያርሻ” ያጌዳ።\x - \xo 22:2 \xo*\xt 2 ኦዱዋ 3:1\xt*\x*
\p
\v 3 ዎንተ ጋላስ አብራሃመ ጉራን ደንዲደ፥ ባረ ሀርያ ጫኔዳ፤ ባረ ቆማቱዋፐ ላኡዋነ ባረ ናኣ ይሳቃ ባረናና አኪደ፥ ጹግያ ያርሹዋ ም ጳልቂ አኪደ፥ ጾሳይ አዉ ኦዴዳ ሳኣ ባናዉ ደንዴዳ። 
\v 4 ቢደ ሄዘን ጋላስ አብራሃመ ቁ ጊደ፥ ሄ ሳኣ ሃኩዋን በኤዳ። 
\v 5 አብራሃመ ባረ ቆማቱዋ፥ “ሀ ሀርያና ሀዋን ደእሽተ፤ ታንነ ታ ናአይ ያ ቢደ ጾሳዉ ጎይኒደ፥ ህንተንቱኮ ስማና” ያጌዳ።
\p
\v 6 አብራሃመ ያርሹዋ ም ደንደ፥ ባረ ናኣ ይሳቃ ቶሴዳ፤ ታማነ ማሻ እ ባረዉ ኦይቄዳ። ኡንቱንቱ ላኡ እትፐ ቢሽን፥ 
\v 7 ይሳቅ ባረ አዉዋ አብራሃማ፥ “ታ አዎ” ያጌዳ።
\p አብራሃመ፥ “አቤ፥ ታ ናአዉ” ያጌዳ።
\p እ፥ “ታማይነ ምይ ሀዌሽ፤ ሽን ጹጊደ ያርሽያ ዶርሳ ማራይ ሀቃኔ?” ያጌዳ።
\p
\v 8 አብራሃመ፥ “ታ ናአዉ፥ ጹጊደ ያርሽያ ዶርሳ ማራ ጾሳይ ጊግሳና” ያጌዳ። ኡንቱንቱ ላኡ እትፐ ቤድኖ።
\p
\v 9 ኡንቱንቱ ጾሳይ አዉ ኦዴዳ ሳኣ ጋኬዳ ዎደ፥ አብራሃመ ያርሹዋ ያርሽያ ሳኣ ያን ግምቢደ፥ ም ማር የጌዳ፤ ባረ ናኣ ይሳቃ ቃቺደ፥ ሄ ም ቦላን ግስሴዳ።\x - \xo 22:9 \xo*\xt ያቆባ 2:21\xt*\x* 
\v 10 አብራሃመ ባረ ናኣ ሹካናዉ ባረ ኩሽያ የዲደ ማሻ አኬዳ። 
\v 11 ሽን መና ጎዳ ኪታንቻይ ሳሉዋፐ አ፥ “አብራሃሜ፥ አብራሃሜ” ያጊደ ጼሴዳ።
\p እ፥ “አቤ” ጊደ ኮዬዳ።
\p
\v 12 አ፥ “ናኣ ቦላን ነ ኩሽያ ዎፓ፤ አ አይነ ኦፓ፤ ኔን ነ መጽ እት ናኣካ ታና ድጋቤና ድራዉ፥ ኔን ጾሳዉ ያይያዋ ግድያዋ ታን ሀእ ኤራይ” ያጌዳ።
\p
\v 13 አብራሃመ ቁ ግ ጼሊደ፥ ሄዋን ዶርሳ እቱ ካጪ ቡራን ገል ቃጸት ኡቴዳዋ በኤዳ። አብራሃመ ቢደ ሄ ዶርሳ አኪደ፥ ባረ ናኣ ድራዉ ጹግያ ያርሹዋ ኦደ ያርሽ ባሼዳ። 
\v 14 ሄዋ ድራዉ አብራሃመ፥ “መና ጎዳይ እማና”\f + \fr 22:14 \fr*\fq መና ጎዳይ እማና፦ \fq*\ft መና ጎዳይ ጼሌ።\ft*\f* ያጊደ ሄ ሳኣ ሱንዳ፤ ሀቼ ጋካናስካ፥ “መና ጎዳ ደርያን እመታና” ጌተቴ።
\p
\v 15 መና ጎዳ ኪታንቻይ ሳሉዋፐ ላኤንደ አብራሃማ ጼሲደ ያጌዳ፤ 
\v 16 “መና ጎዳይ፥ ‘ሀዋዳን ያጋደ ነዉ ታን ታ ሁጲያን ጫቃይ፤ ኔን ሀዋ ኦዳ ድራዉነ ነ መጽ እት ናኣካ ታና ድጋቤና ድራዉ፥\x - \xo 22:16-17 \xo*\xt እብራ. 6:13-14\xt*\x* 
\v 17 ታን ኔና ቱሙ አንጃና፤ ነ ዘረካ ታን ሳሉዋ ጾልንትያ ኬናነ አባ ዶና ሻፍያ ኬና ኦደ ጮርሳና። ነ ዘረቱ ባረንቱ ሞርከቱዋ ካታማቱዋ ላታና።\x - \xo 22:17 \xo*\xt እብራ. 11:12\xt*\x* 
\v 18 ኔን ታዉ አዛዘቴዳ ድራዉ፥ ሀ ሳኣ ካዉተቱ ኡባይ ነ ዘረ ባጋና አንጀታና’ ያጌ” ያጌዳ።\x - \xo 22:18 \xo*\xt ኪታ 3:25\xt*\x*
\p
\v 19 ሄዋፐ ጉየ፥ አብራሃመ ባረ ቆማቱዋኮ ስሚደ፥ ኡንቱንቱ ኡባይ እትፐ በርሳበሄ ደንዲደ ቤድኖ። አብራሃመ በርሳበሄን ደኤዳ።
\s1 ናኮራ የለታ
\p
\v 20 ሄዋፐ ስሚደ አብራሃመዉ፥ “ምልካ ነ እሻ ናኮራዉ ናና የላዱ፤ 
\v 21 ኡንቱንቱነ ባይራይ ኡጻ፤ ኡጻ እሻቱ ቡዛ፥ 
\v 22 አራማ አዉዋ ቃሙኤላ፥ ኬሳደ፥ ሃዞ፥ ፕልዳሻ፥ ይድላፋነ ባቱኤላ። 
\v 23 ሀዋንታ ሀ ሆስፑን ናናካ ምልካ አብራሃመ እሻ ናኮራዉ የላዱ፤ ባቱኤል ርብቆ የሌዳ። 
\v 24 ራኡማ ግያ አ ቆማታ ቃይ ጸባሀ፥ ጋሃማ፥ ታሃሻነ ማእካ የላዱ” ያጊደ ኦዴድኖ።
\c 23
\s1 ሳር ሀይቁዋ
\p
\v 1 ሳራ ጼታነ ላታማነ ላፑን ላይ ደኣዱ። 
\v 2 ሄዋፐ ጉየ እዛ ካናነ ጋድያን ደእያ (ከብሮነ ግያ) ቅርያት-አርባአ ካታማን ሀይቃዱ። አብራሃመ ሳርዉ ዬካናዉነ ካዮታናዉ ቤዳ።
\p
\v 3 ዬክ ስሚደ፥ አብራሃመ ባረ ማቻት አሃ ማታፐ ደንድ ቢደ፥ ሂተቱዋ ሀዋዳን ያጌዳ፤ 
\v 4 “ታን ህንተንቱ ግዶን በተነ እማ፤ ታ ማቻት አሃ ሞጋናዉ ታዉ ህንተንቱ ጋድያፐ ዱፉዋ ዛልኤርክቴ!” ያጌዳ።\x - \xo 23:4 \xo*\xt እብራ. 11:9፣ 13፤ ኪታ 7:16\xt*\x*
\p
\v 5-6 ሂተቱ አዉ፥ “ጎዳዉ፥ ኑን ኦድያዋ ስሳ፤ ኔን ኑ ግዶን ዎልቃማ ካፑዋ፤ ኔን ነ ማቻት አሃ ኑ ዱፉዋፐ ነዉ ሎኤዳዋን ሞጋ፤ ኔን ነ ማቻት አሃ ሞጋናዉ ባረ ዱፉዋ ኦንነ ኔና ድገና” ያግ ዛሬድኖ።
\p
\v 7 ያግና አብራሃመ ደንድ ኤቂደ፥ ሂተቱዋ ስንን ጎይኔዳ። 
\v 8-9 እ ኡንቱንቶ፥ “ህንተንቱ ታና፥ ‘ነ ማቻት አሃ ሞጋ’ ጎፐ ስስተ፤ ጾሃራ ናኣ ኤፍሮናዉ አ ጋድያ ጋጻን ደእያ ማክጴላ ግያ ጎንጎሉዋ ታዉ ዱፉዋ ከሳናዉ ዛልአና ማላ ኩመን ጋትያን ኑና ዛልእሴርክተ” ያጌዳ።
\p
\v 10 ሂትያ ኤፍሮነ ሄ ዎደ ካታማ ፐንግያን ሺቄዳ ባረ አሳ ግዶን ኡቴዳ፤ ሂተቱ ኡባይ ስስሽን፥ አብራሃመዉ ያጌዳ፤ 
\v 11 “ሄዋዳን ግደና፤ ታ ጎዳዉ፥ ታ ኦድያዋ ስሳ፤ ታን ጋድያካ አ ግዶን ደእያ ጎንጎሉዋካ ነዉ እማይ፤ ታን ነዉ አ ታ አሳ ስንን እማይ፤ ኔን ነ ማቻት አሃ ሞጋ” ያጌዳ።
\p
\v 12 አብራሃመ ሄ ጋደ አሳ ስንን ዛረ ጎይኔዳ፥ 
\v 13 አሳይ ስስሽን ኤፍሮና፥ “ታ ኦድያዋ ስሳርኪ! ታን ሄ ጋድያ ጋትያ ጭጋና፤ ኔን ታፐ አካርኪ! ሄዋን ታን ታ ማቻት አሃ ሞጋና” ያጌዳ።
\p
\v 14-15 ኤፍሮነ አብራሃመዉ ዛሪደ፥ “ታ ጎዳዉ፥ ታን ኦድያዋ ስሳ፤ ጋዲ ኦይዱ ጼቱ ጻጋራ ብራ\f + \fr 23:14-15 \fr*\fk ኦይዱ ጼቱ ጻጋራ ብራ፦ \fk*\ft ሀዌ ኦይዱ ኪሎ ግራመነ ባካ ዴጼ።\ft*\f* ከስያዋ፤ ሽን ሄዌ ነ ግዶንነ ታ ግዶን አይነ ግደና፤ ነ ማቻት አሃ ሞጋ” ያጌዳ። 
\v 16 አብራሃመ ሂተቱ ስስሽን፥ ኤፍሮነ ጌዳ ጋትያ ማዬዳ፤ ሄ ዎደ ሻሉዋን ኦይዱ ጼቱ ጻጋራ ብራ ኤፍሮናዉ እሜዳ።
\p
\v 17 ማምረ ካታማ ማታን ማክጴላን ደእያ ኤፍሮና ጋዲ፥ ሄዋን ደእያ ጎንጎሉነ ሄ ጋድያን ደእያ ም ኡባይ፥ 
\v 18 ካታማ ፐንግያን ሺቄዳ ሂተቱዋ ኡባ ስንን ህግያን አብራሃመ ጋደ ግዴዳ።
\p
\v 19 ሄዋፐ ጉየ፥ አብራሃመ ባረ ማቻቶ ሳሮ ካናነ ጋድያን (ከብሮነ ግያ) ማምረ ካታማ ማታን ደእያ ማክጴላ ግያ ጋደ ጎንጎሉዋን ሞጌዳ። 
\v 20 ሄዋ ድራዉ ሄ ጋዲነ ሄዋን ደእያ ጎንጎሉ ሂተቱዋ ስንን ህግያን አብራሃመዉ ዱፉዋ ግዴዳ።
\c 24
\s1 ይሳቃዉ ማቻታ ኦሸታዱ
\p
\v 1 አብራሃመ ሎይ ላይ ሱጊደ ጭሜዳ፤ መና ጎዳይ አ ኡባባንካ አንጄዳ። 
\v 2 አብራሃመ ባረ ቆማ፥ ባረ ሶ አሳ ኡባዉ ካፖትያ፥ ባረ አሳ ኡባዉ ጎዳትያዋ ሀዋዳን ያጌዳ፤ “ነ ኩሽያን ታ ጉልባታ ኦይቃ፤\f + \fr 24:2 \fr*\fq ነ ኩሽያን ታ ጉልባታ ኦይቃ፦ \fq*\ft ሀዋ ጉሳይ ጫቁ ፖሎ ላመተናዋ በሴ።\ft*\f* 
\v 3 ታን ኡንቱንቱ ግዶን ደእያ ካናነቱዋ ማጫ ናናቱዋፐ ታ ናአዉ ማቻቶ ኦቼና ማላ፥ መና ጎዳን፥ ሳሉዋ ጾሳንነ ሳኣ ጾሳን ታን ኔና ጫቀይ፤ 
\v 4 ሽን ኔን ታ የለቴዳ ቢታ፥ ታ ዳቦቱዋኮ ባደ፥ ታ ናኣ ይሳቃዉ ማቻቶ ኦቻ” ያጌዳ።
\p
\v 5 አ ቆማይ፥ “ማጫውና ታናና ያናዉ ዶሰናባ ግዶፐ፥ ነ ናኣ ኔን ዬዳ ጋድያ ጉየ አፎ?” ያጊደ ኦቼዳ።
\p
\v 6 አብራሃመ፥ “ታ ናኣ ያ አፈናዳን ኔና ኤራ! 
\v 7 መና ጎዳይ፥ ሳሉዋ ጾሳይ፥ ታና ታ አዉዋ ሶፐነ ታ የለቴዳ ቢታፐ ከሴዳዌ ታዉ፥ ‘ነ ዛርያዉ ታን ሀ ቢታ እማና’ ያጊደ ጫቄዳዌ፥ ኔን ታ ናአዉ ያፐ ማቻቶ ደማና ማላ፥ እ ባረ ኪታንቻ ኔፐ ስንዉ ኪታና። 
\v 8 ምሽራታ ኔናና ጉየ ያናዉ ዶሰናባ ግዶፐ፥ ሀ ታን ኔና ጫቀዳ ጫቁ ነዉ ጎመተና፤ ሽን ታ ናኣ ያ ጉየ ኡባካ አፎፓ” ያጌዳ። 
\v 9 ቆማይ ባረ ጎዳ አብራሃመ ጉልባታ ኦይቄዳ፤ ሀ የዎ ጫቄዳ።
\p
\v 10 ሄዋፐ ጉየ፥ ቆማይ ባረ ጎዳ ጋሎቱዋፐ ታሙዋ አኪደ፥ ባረ ጎዳ ሚሻፐካ ሙሩታ ሙሩታ አኪደ ቤዳ፤ ማስጰጾምያ ግያ ጋድያን ናኮራ ካታማ ጋኬዳ። 
\v 11 ኦማርስ፥ ማጫ አሳይ ሃ ትካናዉ ይያ ዎድያን፥ ካታማፐ ጋጻን ሃ ኦላ ማታን ባረ ጋሎቱዋ ጉልባትሴዳ።
\p
\v 12 ያቲደ እ ሀዋዳን ያጊደ ዎሴዳ፤ “መና ጎዳዉ፥ ታ ጎዳ አብራሃመ ጾሳዉ፥ ሀቼ ታን ቆፓደ ዬዳባ ታዉ እንጀያ፤ ቃይ ታ ጎዳ አብራሃመዉ ሎኦባ ኦ። 
\v 13 በአ! ታን ሀ ሃ ፑልትያ ማታን ኤቃይ፤ ሀ ካታማ አሳ ማጫ ናናይ ሃ ትካናዉ ሃ ያና። 
\v 14 ታን፥ ‘አነ ኦቱዋ ሆክሳደ ታና ሃ ኡሻ’ ግያ ዎደ፥ እዛካ፥ ‘ሄይ ኡሻ፤ ቃይ ነ ጋሉዋ ታን ኡሻና’ ያግያና፥ ሄና ነ ቆማ ይሳቃዉ ኔን ዶሬዳኖ ግዱ፤ ኔን ታ ጎዳዉ ሎኦባ ኦዳዋ ታን ሄዋን ኤራና” ያጌዳ።
\p
\v 15 ብሮ እ ዎሳ ዉርሰናን ደእሽን፥ ርብቃ ሃ ኦቱዋ ቶካደ ፑቱ ጋዱ። እዞ ባቱኤል የሌዳ፤ ባቱኤል ምልካ ናኣ፤ ምልካ አብራሃመ እሻ ናኮራ ማቻቶ። 
\v 16 ርብቃ ሎይ ፑላንቻነ አቱማ አሳይ ቦችቤና ዎዶራቶ። ፑልቱዋ ዱገ ዎደ፥ ባረ ኦቱዋ ኩንደ ከሳዱ። 
\v 17 ሄ ቆማይ ኢኮ ዎጽ ቢደ እዞ፥ “ነ ኦቱዋፐ ታና ጉ ሃ ኡሻርኪ!” ያጌዳ።
\p
\v 18 እዛ፥ “ኤኖ ታ ጎዳዉ፥ ኡሽኪ” ያጋዱ። ኤሌላደ ኦቱዋ ባረ ሀሽያፐ ዎደ፥ ገደ ዛራ ኦይቃደ አ ኡሻዱ። 
\v 19 አ ኡሼዳዋፐ ጉየ፥ “ነ ጋላቱዋካ አላና ጋካናዉ ታን ኡንቱንቶ ሃ ዱቃና” ያጋዱ። 
\v 20 አቴዳ ሃ ኤሌላ ዎንግርያን ትጋደ፥ ሀራ ሃ ዱቃናዉ ኦላ ዎጻዱ፤ ጋላቱ ኡባይ አላና ጋካናዉ፥ ሃ ኦላፐ ዱቃ ዱቃደ አሃደ ዎንግርያን ትጋደ ኡሻዱ። 
\v 21 እ ቆፒደ ዬዳ ቆፋ መና ጎዳይ እንጀዪደ ደእንቶ ኤራናዉ ብታኒ ጮኡ ጊደ እዞ ጼሌ።
\p
\v 22 ጋሎቱ ሃ ኡሽ ስሚና፥ ብታኒ እቼሹ ግራመነ ባካ ግዴዳ ዎርቃ ምግዱዋነ፥ ጼታነ ታሙ ግራመ ግዴዳ ላኡ ዎርቃ ሳጋየቱዋ ከሴዳ፤ 
\v 23 እዞ፥ “ኔን ኦ ናት? አነ ታዉ ኦዳ፤ ነ አዉዋ ሶን ኑዉ አቅያ ሳአይ ደአኔ?” ያጌዳ።
\p
\v 24 እዛ፥ “ታን ባቱኤላ ናቶ፤ ባቱኤል ምልካ ናኮራዉ የሌዳ ናኣ። 
\v 25 ኑዋን ግድያ ዳላይነ ባሱ ደኤ፤ ቃይ ህንተንቱ አቃናዉካ ሳአይ ደኤ” ያጋዱ።
\p
\v 26 ብታኒ ጉልባት መና ጎዳዉ ጎይኒደ፥ 
\v 27 ሀዋዳን ያጌዳ፤ “ታ ጎዳዉ ኬክያዋነ አማነትያዋ አግቤና መና ጎዳይ፥ ታ ጎዳ አብራሃማ ጾሳይ ጋላተቶ! ታን ዪሽን፥ መና ጎዳይ ታና ታ ጎዳ ዳባቱዋ ሶይ ካለዳ” ያጌዳ።
\p
\v 28 ናታ ዎጻ ባደ፥ ባረ አት ሶን ደእያ አሳዉ ሀኔዳባ ኦዳዱ። 
\v 29 ርብቅዉ ላባና ግያ እሻይ ደኤ፤ ላባን ካረ ከሲደ፥ ሃ ፑልቱዋ ማታን ደእያ ብታንያኮ ዎጼዳ። 
\v 30 ምግዱዋነ ባረ ምቻት ኩሽያን ደእያ ሳጋየቱዋ በኤዳሳና ርብቃ ብታኒ ባረና ጌዳዋ ኦድና ስሶሳና፥ ከሲደ ብታንያኮ ብ በኤዳ፤ ብታንያ ጋሎቱዋና ፑልቱዋ ማታን ኤቄዳዋ ደሜዳ። 
\v 31 አ፥ “መና ጎዳይ ኔና አንጄዳዎ፥ ሃያ! ኔን ሀዋን ካረን አያዉ ኤቃይ? ታን ነዉ ጎልያነ ጋሎቶካ ሳኣ ጊግሳድ” ያጌዳ።
\p
\v 32 ብታኒ ሶ ገሌዳ፤ ላባን ጋሎቱዋ ጫና ብሌዳ፤ ዳላነ ባሱዋ ጋሎቶ የጌዳ። ገድያ ሜጫናዉ አስነ አናና ደእያ አሳቶ ሃ አሄዳ፤ 
\v 33 ቁማይካ አ ስን አዳ። ሽን እ፥ “ታን ታና አሄዳባ ህንተንቶ ኦደናን ደኣደ ቁማ ሚከ” ያጌዳ።
\p ላባን፥ “ያቶፐ ኦዳ” ያጌዳ።
\p
\v 34 ሄዋ ድራዉ እ፥ “ታን አብራሃመ ቆማ። 
\v 35 መና ጎዳይ ታ ጎዳ ሎይ አንጅና፥ እ ዱረቴዳ፤ ዶርሳ፥ ሚዛ፥ ብራ፥ ዎርቃ፥ አቱማ ቆማቱዋ፥ ማጫ ቆማቱዋ፥ ጋሎቱዋነ ሀረቱዋ አዉ እሜዳ። 
\v 36 ታ ጎዳ ማቻታ ሳራ ባረ ጪማተ ላይን አዉ አቱማ ናኣ የላዱ፤ እ ባረዉ ደእያዋ ኡባ አዉ እሜዳ። 
\v 37 ታ ጎዳይ ታና ሀዋዳን ጫቂሴዳ፤ ‘ታን ደእያ ካናነ ቢታ ማጫ ናናቱዋፐ ታ ናአዉ ማቻቶ ኦቾፓ፤ 
\v 38 ሽን ታ አዉዋ አሳኮ፥ ታ ዛራቱዋኮ ባደ፥ ታ ናአዉ ማቻቶ ኦቻ’ ያጌዳ። 
\v 39 ታን ታ ጎዳ፥ ‘ናታ ታናና ያናዉ ዶሰናን አጎፐ ሽን?’ ያጋድ። 
\v 40 እ፥ ‘መና ጎዳይ፥ ታን አ ስንን ሀመቴዳዌ ኔናና ባረ ኪታንቻ ኪታና፤ ኔን ታ ናአዉ ታ አዉዋ አሳፐ፥ ታ ዛራቱዋፐ ማቻቶ ደማና ማላ፥ ነ ብያሳካ እንጀያና። 
\v 41 ኔን ታ ዛራቱዋኮ ቢና፥ ኡንቱንቱ ነዉ እዞ እመናን እጾፐ፥ ሄ ዎደ ነዉ ጫቁ ጎመተና’ ያጌዳ።
\p
\v 42 “ታን ሀቼ ሀ ፑልቱዋኮ ዬዳ ዎደ ያጋድ፤ ‘መና ጎዳዉ፥ ታ ጎዳ አብራሃመ ጾሳዉ፥ ነ ሸነ ግዶፐ፥ ታን ብያ የዉዋ እንጀያ። 
\v 43 በአ፤ ታን ሀ ፑልቱዋ ማታን ኤቃይ፤ ወዶራታ እትና ሃ ትካናዉ ዮፐ፥ ታን እዞ፥ “ታና ነ ኦቱዋፐ ጉ ሃ ኡሻርኪ!” ያጋና። 
\v 44 እዛ ታና፥ “ኤኖ ኡሻ፤ ቃይ ነ ጋሎቶካ ታን ሃ ዱቃና” ያግያና፥ መና ጎዳይ ታ ጎዳ ናአዉ ዶሬዳኖ ግዱ’ ያጋድ።
\p
\v 45 “ታን ታ ዎዛናን ዎስያዋ ዉርሰናን ደእሽን፥ ርብቃ ባረ ኦቱዋ ቶካ አካደ፥ ፑቱ ጋዱ፤ ፑልቱዋ ዱገ ዎደ ሃ ዱቃዱ፤ ታን እዞ፥ ‘ታና ሃ ኡሻርኪ’ ያጋድ።
\p
\v 46 “እዛ ኤሌላ ባረ ሀሽያፐ ኦቱዋ ዎደ፥ ‘ሄኮ ኡሻ፤ ቃይ ታን ነ ጋሎቱዋ ኡሻና’ ያጋዱ። ታን ኡሻድ፤ ቃይ ታ ጋሎቱዋ እዛ ኡሻዱ።
\p
\v 47 “ታን እዞ፥ ‘ኔን ኦ ናት?’ ያጋድ።
\p “እዛ፥ ‘ታን ባቱኤላ ናቶ፤ ባቱኤል፥ ምልካ ናኮራዉ የሌዳ ናኣ’ ያጋዱ።
\p “ታን እዝዉ ምግዱዋ አድ፤ እዝ ኩሽያንካ ሳጋየቱዋ ዎድ። 
\v 48 ሄዋፐ ጉየ ታን ጉልባታደ፥ መና ጎዳዉ ጎይናድ፤ ታን መና ጎዳ፥ ታ ጎዳ አብራሃመ ጾሳ፥ ታ ጎዳ እሻ ናኣ ናቶ አ ናአዉ አካናዉ ታና ልከ ኦግያ ካለዳዋ ጋላታይ። 
\v 49 ሀእካ ህንተንቱ ታ ጎዳዉ ኬካናባነ አማነታናዋ ግዶፐ፥ ታዉ ኦድተ፤ ግዳና ይንቶነ ኦድተ፤ ሄዋፐ ስንን ታን ሀናናዋ ኤራና” ያጌዳ።
\p
\v 50 ላባንነ ባቱኤል ዛሪደ ያጌድኖ፤ “ሀ የዉ መና ጎዳፐ ዬዳ፤ ኑን ነዉ ያ ሃ ጋናዉ ዳንዳዮኮ። 
\v 51 ርብቆ ሀኖ በአ፤ አካደ ባ፤ መና ጎዳይ ጌዳዋዳን ነ ጎዳ ናአዉ ማቻቶ ግዱ” ያጌድኖ።
\p
\v 52 አብራሃማ ቆማይ ኡንቱንቱ ግያዋ ስሴዳ ዎደ፥ ሳኣን ጉልባቲደ መና ጎዳዉ ጎይኔዳ። 
\v 53 ቆማይ ብራ አሌቁዋነ ዎርቃ አሌቁዋ፥ ማዩዋካ ከሲደ፥ ርብቅዉ እሜዳ፤ ቃይ አልኦ ሚሻቱዋ እዝ እሻዉነ እዝ አትዉ እሜዳ።
\p
\v 54 ሄዋፐ ጉየ፥ እነ አናና ደእያዋንቱ ሜድኖነ ኡሼድኖ፤ ያቲደ ያን አቄድኖ፤ ኡንቱንቱ ጉራን ደንዲደ፥ “ታና ታ ጎዳኮ የድተ” ያጌዳ።
\p
\v 55 እዝ እሻይነ እዝ አታ፥ “ናታ እት ታሙ ጋላሳ ኬሻ ኑናና ታኩ፤ ሄዋፐ ጉየ እዛ ባና” ያጌድኖ።
\p
\v 56 ሽን እ፥ “መና ጎዳይ ታን ዬዳዋ እንጀይ ድግና፥ ህንተንቱ ታና ጋምኤፕተ፤ ታን ታ ጎዳኮ ባና ማላ ታና ሞይዝተ” ያጌዳ።
\p
\v 57 ኡንቱንቱ፥ “ናቶ ጼሲደ አነ እዞ ኦቾይተ” ያጌድኖ። 
\v 58 ርብቆ ጼሲደ፥ “ሀ ብታንያና ባኒ?” ያጊደ ኦቼድኖ።
\p እዛ፥ “ኤ፤ ታን ባና” ያጋዱ።
\p
\v 59 ኡንቱንቱ ባረንቱ ምቻቶ ርብቆ፥ እዞ ድችያንና፥ አብራሃማ ቆማናነ አ አሳቱዋና ሞይዜድኖ። 
\v 60 ኡንቱንቱ ርብቆ፥
\q1 “ኑ ምቻት ርብቄ፥
\q2 ሻኣፐ ሻኣ ጋካናዉ ጮራታ።
\q1 ነ ዛራቱ ባረንቱ ሞርከቱዋ ካታማቱዋ ላትኖ” ያጊደ አንጄድኖ።
\m
\v 61 ሄዋፐ ጉየ፥ ርብቃነ እዝ ዳንጋጽረቱ ደንዲደ፥ ጋሎቱዋ ቶጊደ፥ ብታንያና ቤድኖ። ያትና ቆማይ ርብቆ አኪደ ቤዳ።
\p
\v 62 ሄ ዎደ ይሳቅ፥ “ታና በእያ ደኡዋ ጾሳ ፑልቱዋ” ግያ ፑልቱዋ ማታ ቢደ፥ ኔጌባ ዎራን ደኤ። 
\v 63 እት ጋላስ ኦማርስ ይሳቅ ባረ ዎዛናን ቆፒደ ደምባ ከሲደ ዩዬ፤ እ ቁ ጊደ ጼልያ ዎደ፥ ጋላቱ ይያዋንታ በኤዳ። 
\v 64 ርብቃካ ቁ ጋደ ጼልያ ዎደ፥ ይሳቃ በኣዱ፤ ጋሉዋፐ ዎዱ። 
\v 65 ቆማ፥ “ሀ ኑናና ጋከታናዉ ደምባና ይያ ብታኒ ኦኔ?” ያጋዱ።
\p ቆማይ፥ “እ ታ ጎዳቴ” ያጌዳ። እዛ ባረ ሻሽያ አካደ ጉሎታዱ።
\p
\v 66 ቃይ ቆማይ ባረ ኦዳዋ ኡባ ይሳቃዉ ኦዴዳ። 
\v 67 ይሳቅ ርብቆ ባረ አት ሳር ዱንካንያ አፌዳ። እዞ አኬዳ፤ እዛካ አዉ ማቻቶ ግዳዱ። ያትና እ እዞ ሲቄዳነ ባረ አት ሀይቁዋን ካዮትያዋፐ ምነቴዳ።
\c 25
\s1 አብራሃመ ሀራ ናና የሌዳ
\r (1 ኦዱዋ 1:32-33)
\p
\v 1 ቃይ አብራሃመ ቃጹሮ ጌተትያ ሀራ ማቻቶ አኬዳ። 
\v 2 እዛ ዚምራና፥ ዮቅሻና፥ ማዳና፥ ምድያማ፥ ይሽባቃነ ሹሀ አዉ የላዱ።
\p
\v 3 ዮቅሻን ሳባነ ዳዳና የሌዳ። ዳዳን አሾረታ፥ ለጹሸታነ ለኣማታ የሌዳ።
\p
\v 4 ምድያማ ናናይ አፋ፥ አፋደ፥ ሀኖካ፥ አቢዳአነ ኤልዳአ። ሀዋንቱ ኡባይካ ቃጹር ናና።
\p
\v 5 አብራሃመ ባረዋ ኡባ ይሳቃ ላትሴዳ። 
\v 6 ሽን እ ብሮ ፓጻ ደኢደ፥ ባረ ሀራ ማቻቱዋፐ የሌዳ ናናቶ ባረዉ ደእያዋፐ ዎይቴዳ። ባረ ናኣ ይሳቃፐ ኡንቱንታ ሻክ፥ አዋይ ዶልያ ባጋ ቢታዉ የዴዳ።
\s1 አብራሃመ ሀይቁዋ
\p
\v 7 አብራሃመ ሙለ እት ጼታነ ላፑን ታማነ እቼሹ ላይ ደኤዳ። 
\v 8 አብራሃመ ዳሮ ዎድያ ደኢደ፥ ሎኦ ጭሚደ ሀይቄዳ፤ ባረ ማይዛቱዋና ጋከቴዳ። 
\v 9 አ ናናይ ይሳቅነ እስማኤል አ ማክጴላ ግያ ጎንጎሎ ዱፉዋን ሞጌድኖ፤ ሄ ጎንጎሉ ማምረ ማታን፥ ሂትያ ጾሃራ ናኣ ኤፍሮና ጋድያን ደኤ። 
\v 10 ሄዌነ አብራሃመ ሂተቱዋፐ ሻሜዳ ጋድያ። አብራሃመ ባረ ማቻታ ሳራ ሞገቴዳ ሳኣን ሞገቴዳ።\x - \xo 25:10 \xo*\xt ዶመ 23:3-16\xt*\x* 
\v 11 አብራሃመ ሀይቄዳዋፐ ጉየ፥ ጾሳይ አ ናኣ ይሳቃ አንጄዳ። ሄ ዎደ ይሳቅ፥ “ታና በእያ ደኡዋ ጾሳ ፑልቱዋ” ግያ ፑልቱዋ ማታን ደኤ።
\s1 እስማኤላ የለታ
\p
\v 12 ሳር አይላታ፥ ግብጼፐ ዬዳ አጋራ፥ አብራሃመዉ የሌዳ ናኣ እስማኤላ የለታይ ሀዋፐ ካሊደ ጻፈቴዳዋ። 
\v 13 እስማኤላ ናናይ ባረንቱ ሱንንነ ባረንቱ የለታ ማራን ሀዋንታ፤ ሄዋንቱነ: ናባዮታ፥ ቄዳራ፥ አድብኤላ፥ ምብሳማ፥ 
\v 14 ምሽማአ፥ ዱማ፥ ማሳ፥ 
\v 15 ሀዳዳ፥ ቴማ፥ ይጹራ፥ ናፊሻነ ቄድማ። 
\v 16 እስማኤላ ናናይ ሀዋንታ፤ ኡንቱንቱ ሱንይ ኡንቱንቱ ሞንነ ደእያ ሳኣን ሀዋ። ኡንቱንቱ ባረንቱ ያራን ታማነ ላኡ ካፓቱዋ። 
\v 17 እስማኤል ሙለ ጼታነ ሀታማነ ላፑን ላይ ደኢደ፥ ሀይቄዳ፤ ባረ ማይዛቱዋና ጋከቴዳ። 
\v 18 እስማኤላ ዛራቱ ግብጼፐ አዋይ ዶልያ ባጋን ደእያ ሀዊላፐነ ሹራፐ ግዱዋን፥ አሶራ አፍያ ኦግያ ማታን ደኤድኖ። ኡንቱንቱ ባረንቱ እሻቱዋ ኡባና ሞርክያን ደኤድኖ።
\s1 ያቆብነ ኤሳይ የለቴዳ
\p
\v 19 አብራሃማ ናኣ ይሳቃ የለታይ ሀዋፐ ካሊደ ጻፈቴዳዋ። አብራሃመ ይሳቃ የሌዳ። 
\v 20 ይሳቃዉ ላይይ ኦይታሙዋ ግዴዳ ዎደ፥ ርብቆ አኬዳ፤ እዛ ማስጰጾምያን ደእያ ሶርያ ባቱኤላ ናትዉነ ሶርያ ላባና ምቻቶ። 
\v 21 ይሳቅ ባረ ማቻታ ማንቶ ግዴዳ ድራዉ፥ እዝዉ መና ጎዳ ዎሴዳ፤ መና ጎዳይ አ ዎሳ ስሴዳ። ያትና አ ማቻታ ርብቃ ሻሃራዱ። 
\v 22 ሽን እዝ ኡሎ ግዶን ደእያ ናናይ ማንተ ግድ ኡቲደ፥ እቱ እቱዋና ሱገቴድኖ፤ ያትና እዛ፥ “ሀዌ ታዉ አያዉ ሀኒ?” ያጋዱ። ሄዋ ድራዉ መና ጎዳ ኦቻናዉ ባዱ።
\p
\v 23 መና ጎዳይ እዝዉ፥\x - \xo 25:23 \xo*\xt ሮመ 9:12\xt*\x*
\q1 “ነ ኡሉዋን ላኡ ካዉተይ ደኤ፤
\q2 ቃይ ነ ግዱዋን ደእያ ላኡ ጋደ አሳቱ እቱ እቱዋፐ ሻከታና፤
\q1 እት ጋደ አሳቱ ህንኮቱዋፐ ምናና፤
\q2 ቃይ ባይራይ ቴፋዉ አዛዘታና” ያጌዳ።
\p
\v 24 እዛ የልያ ዎዲ ጋክና፥ እዝ ኡሉዋን ማንተ አቱማ ናናይ ደኢኖ። 
\v 25 ኮይሮ የለቴዳዌ አርሳ፤ አ ቦላ ኡባ እስኪ ማዬዳ፤ ሄዋ ድራዉ ኡንቱንቱ አ ኤሳዉ\f + \fr 25:25 \fr*\fq ኤሳዉ፦ \fq*\ft ሀ ሱን ብለይ፥ “እስካማ” ግያዋ።\ft*\f* ጊደ ሱንድኖ። 
\v 26 ሄዋፐ ጉየ፥ አ እሻይ የለቴዳ፤ እ ባረ ኩሽያን ኤሳዉ ግንድያ ኦይቂ ኡቴዳ፤ ሄዋ ድራዉ አ ያቆባ\f + \fr 25:26 \fr*\fqa ያቆብ፦ \fqa*\ft ሀ ሱን ብለይ፥ ግንድያ ኦይቂያዋ ግያዋ።\ft*\f* ጊደ ሱንድኖ። ርብቃ ኡንቱንታ የሌዳ ዎደ፥ ይሳቃዉ ኡሱፑን ታሙ ላይ ግዴዳ።
\p
\v 27 ናናይ ድጬድኖ፤ ኤሳይ ሻንካ ሂላ ኤርያ ባዙዋ አሳ ግዴዳ፤ ሽን ያቆብ ዱንካንያን ደእያ ዎፓ አሳ ግዴዳ። 
\v 28 ይሳቅ ኤሳ ሲቄዳ፤ አያዉ ጎፐ፥ እ ሻንካቴዳባፐ ማናዉ ዶሴዳ፤ ሽን ርብቃ ያቆባ ሲቃዱ።
\p
\v 29 እት ገደ ያቆብ ዎጽያ ካሽን፥ ኤሳይ ኮሻይ ዎዳዌ፥ ዎራፐ ዬዳ። 
\v 30 ኤሳይ ያቆባ፥ “ታና ሀ ዞኦ ዎጽያፐ ምዛ፤ ታና ኮሻይ ዎዳ” ያጌዳ። (ሄዋ ድራዉ ቃይ አ ሱንይ ኤዶማ\f + \fr 25:30 \fr*\fq ኤዶማ፦ \fq*\ft ሀ ሱንይ እብራዌዋን፥ “ዞኡዋ” ግያዋ።\ft*\f* ጌተቴዳ)።
\p
\v 31 ያቆብ አ፥ “ኮይሮ ታዉ ነ ባይራተ ዛልአ” ያጌዳ።
\p
\v 32 ኤሳይ፥ “በአ! ታን ሀይቃና ሀናይ፤ ሀ ባይራተይ ታዉ አያ ጎእ ደኢ?” ያጌዳ።
\p
\v 33 ያቆብ ዛሪደ፥ “አነ ታዉ ኮይሮ ኔን ጫቃ”\x - \xo 25:33 \xo*\xt እብራ. 12:16\xt*\x* ያጌዳ።
\p እ ጫቄዳ፤ ባረ ባይራተ ያቆባዉ ዛልኤዳ። 
\v 34 ያቆብ ኤሳዉ ሶሉዋነ ምስርያ ዎጽያ እሜዳ፤ እ ሜዳነ ኡሼዳ፤ ሄዋፐ ጉየ ደንዲደ ቤዳ። ኤሳይ ባረ ባይራተ ሀዋዳን ካዳ።
\c 26
\s1 ይሳቃነ አብመሌካ
\p
\v 1 ሄ ጋድያን ካሰ አብራሃመ ዎድያን ደእያ ኮሻ ቦላ ሀራ ኮሻይ ደንዴዳ፤ ያትና ይሳቅ ፕልስጼማ ካትያ አብመሌከኮ ጋራራ ቤዳ። 
\v 2 መና ጎዳይ ይሳቃዉ ቆንጪደ ሀዋዳን ያጌዳ፤ “ግብጼ ጋድያ ዱገ ቦፓ፤ ታን ነዉ ኦዴዳ ጋድያን ደአ። 
\v 3 ሀ ጋድያን አማሬዳዋ ታካሻ፤ ታን ኔናና ግዳና፤ ኔና አንጃና፤ አያዉ ጎፐ፥ ሀ ቢታ ኡባ ታን ነዉነ ነ ዘረዉ እማና፤ ታን ነ አዉዋ አብራሃመዉ ጫቄዳ ጫቁዋ ምንሳና።\x - \xo 26:3-4 \xo*\xt ዶመ 22:16-18\xt*\x* 
\v 4 ነ ዘረ ሳሉዋ ጾልንትያዳን ዳርሳና፤ ሀ ቢታ ኡባ ታን ኡንቱንቶ እማና፤ ሳኣ ካዉተ ኡባይ ነ ዘረ ባጋና አንጀታና። 
\v 5 አያዉ ጎፐ፥ አብራሃመ ታ ቃላ ስሴዳ፤ ታ ፕርዳቱዋነ ታ አዛዙዋ፥ ታ አዋዮቱዋነ ታ ህግያ ናጌዳ” ያጌዳ። 
\v 6 ሄዋ ድራዉ ይሳቅ ጋራራን ኡቴዳ።
\p
\v 7 ሄ ቢታ አሳይ ርብቅባ ደንደ ይሳቃ፥ “ሀና ነዉ አዬ?” ያጊደ ኦቼዳ።
\p እ፥ “ሀና ታዉ ምቻቶ” ያጌዳ። አያዉ ጎፐ፥ እ ርብቃ ዳሮ ፑላንቻ ግድያ ድራዉ፥ “ታን፥ ‘እዛ ታ ማቻቶ ጎፐ’፥ ሀ ጋደ አሳይ እዝ ጋሱዋን ታና ዎነንቶነ” ያግ ቆፒደ ያዬዳ።\x - \xo 26:7 \xo*\xt ዶመ 12:13፤ 20:2\xt*\x* 
\v 8 ይሳቅ ሄዋን ዳሮ ዎድያ ደኦዋፐ ጉየ፥ ፕልስጼማ ካቲ አብመሌክ ማስኮትያና ዱገ ጼሊደ፥ ይሳቅ ባረ ማቻት ርብቅና ጋከትሽን በኤዳ። 
\v 9 ሄዋ ድራዉ አብመሌክ ይሳቃ ጼሲደ፥ “ሄኮ እዛ ቱሙ ነ ማቻቶ! ኔን አያዉ፥ ‘እዛ ታ ምቻቶ’ ጋዲ?” ያጊደ ኦቼዳ።
\p ይሳቅ፥ “ ‘እዛ ታ ማቻቶ ጎፐ’፥ እዝ ጋሱዋን አሳይ ታና ዎና ጋደ ጋድ” ያጌዳ።
\p
\v 10 አብመሌክ፥ “ሀዌ ኔን ኑ ቦላን ኦዳባይ አዬ? ታ አሳፐ እት አሳይ ነ ማቻትና ግስ ድጌዳሽን፤ ኔን ኑ ቦላን ጎምያ አሃዳሽን” ያጌዳ። 
\v 11 ሄዋ ድራዉ አብመሌክ ባረ አሳ ኡባ፥ “ሀ ብታንያ ዎይ አ ማቻቶ ቦችያ ኦንነ ቱሙ ሀይቃና” ያጊደ አዛዜዳ።
\p
\v 12 ይሳቅ ሄ ጋድያን ካ ዘሪደ፥ ሄ ላይን ጼቱ ኩሽያ ጫኬዳ፤ አያዉ ጎፐ፥ መና ጎዳይ አ አንጄዳ። 
\v 13 እ ዱረቴዳ፤ ዱረታ ቦላ ዱረታይ አዉ ዳር ዳር ቤዳ። 
\v 14 ይሳቃዉ ዶርሳ ዉዲ፥ ሚዛ ዉዲነ ቆማቱ ሎይ ዳሬዳ ድራዉ፥ ፕልስጼማ አሳቱ አ ቃናቴድኖ። 
\v 15 ሄዋ ድራዉ፥ አ አዉዋ አብራሃመ ዎድያን፥ አ አዉዋ ቆማቱ ቦኬዳ ሃ ኦላ ኡባ ፕልስጼማ አሳቱዋ ቢታ ዛሪደ ባሬድኖ።
\p
\v 16 ሄ ዎደ አብመሌክ ይሳቃ፥ “ኑፐ ሻከታደ ባ፤ ኔን ኑፐ አ ምናዳ” ያጌዳ። 
\v 17 ይሳቅ ሄዋፐ ደንዲደ፥ ጋራራ ዎምባ ቢደ ያን ኡቴዳ። 
\v 18 ይሳቅ ባረ አዉዋ አብራሃመ ዎድያን ቦከቴዳ ሃ ኦላቱዋ፥ አብራሃመ ሀይቄዳዋፐ ጉየ፥ ፕልስጼማ አሳቱ ባሬዳዋንታ ዛር ቦክ ከሲደ፥ አ አዉ ሱንዳ ሱንን ኡንቱንታ ጼሴዳ።
\p
\v 19 ይሳቃ ቆማቱ ዎምባን ቦኪደ፥ ፑልትያ ሃ ኦላ ያን ደሜድኖ። 
\v 20 ሽን ጋራራ ሄንንቻቱ ይሳቃ ሄንንቻቱዋና፥ “ሃይ ኑዋ” ያጊደ ዋላቀቴድኖ። ኡንቱንቱ አናና ፓሉመቴዳ ድራዉ፥ ይሳቅ ሄ ሃ ኦላ፥ “ፓሉምያ” ጊደ ሱንዳ።
\p
\v 21 ሄዋፐ ጉየ፥ ኡንቱንቱ ሀራ ሃ ኦላካ ቦኬድኖ፤ ሽን ኡንቱንቱ ሄ ሃ ኦላ ጌዱዋን ዋላቀቴድኖ፤ ሄዋ ድራዉ እ ሄ ሃ ኦላ “ሞርከቲታ” ጊደ ሱንዳ። 
\v 22 ሄዋፐ ጉ ዛርዳኢደ፥ ሀራ ሃ ኦላ ቦክሴዳ፤ አ ጋሱዋን ኦንነ ዋላቀትቤና፤ “ጾሳይ ሀእ ኑዉ አሴዳ፤ ኑን ሀ ጋድያን ጮራና” ጊደ አ፥ “አኮ ሳኣ” ጊደ ሱንዳ።
\p
\v 23 ሄዋፐ ደንዲደ፥ ፑደ በርሳበሄ ቤዳ። 
\v 24 ሄ ቤዳ ጋላስ ቃማ መና ጎዳይ አዉ ቆንጪደ አ፥ “ታን ነ አዉዋ አብራሃመ ጾሳ፤ ታን ኔናና ደእያ ድራዉ፥ ኔን ያዮፓ፤ ታን ኔና አንጃና፤ ታ ቆማ አብራሃመ ድራዉ ነ ዘረ ታን ጮርሳና” ያጌዳ። 
\v 25 ይሳቅ ሄዋን ያርሽያ ሳኣ ኬጺደ፥ መና ጎዳ ሱን ጼሴዳ። ያን እ ባረ ዱንካንያ ጌዳ፤ ቃይ ያን አ ቆማቱ ሃ ኦላ ቦኬድኖ።
\p
\v 26 ሄዋፐ ጉየ፥ አብመሌክ ባረና ዞርያ አሁዛታነ ባረ ዎታዳራቱዋ ካፑዋ ፕኮላ አኪደ፥ ጋራራፐ ይሳቃኮ ዬዳ።\x - \xo 26:26 \xo*\xt ዶመ 21:22\xt*\x* 
\v 27 ይሳቅ ኡንቱንታ፥ “ህንተንቱ ካሰ ታና እጺደ፥ ህንተንቱ ቢታፐ ከስ የዴድታ፤ ሀእ ቃይ ታኮ አያ አካና የድቴ?” ያጌዳ።
\p
\v 28-29 ኡንቱንቱ አ፥ “መና ጎዳይ ኔናና ደእያዋ ኑን ቆንጭያን በኤዶ። ሄዋ ድራዉ ጫቆ ጫቁ ኑ ግዶንነ ነ ግዶን ደአና ኮሼ ያገቶ። ኑን ኔና ቦችበይኮ፤ ሽን ኑን ነዉ ኬካተ ጻላላ ኦደ፥ ኔና ሳሮተን ሞይዝ የዴዶ። ሄዋዳንካ ኔን ኑ ቦላ ኢታባ ኦና ማላ፥ አነ ኔናና ጫቁዋ ጫቀቶይተ። ሀእ ኔን መና ጎዳይ አንጄዳዋ” ያጌድኖ። 
\v 30 ሄ ዎደ ይሳቅ ኡንቱንቶ ባላ ጊግስና፥ ሜድኖነ ኡሼድኖ። 
\v 31 ዎንተ ጋላስ ዎንታ ጉራን ደንዲደ፥ ኡንቱንቱ እቱ እቱዋና ጫቀቴድኖ። ይሳቅ ኡንቱንታ ሞይዝና፥ ኡንቱንቱ አፐ ሳሮ ሻከቲደ ቤድኖ።
\p
\v 32 ሄ ጋላስ ይሳቃ ቆማቱ ዪደ፥ ባረንቱ ቦኬዳ ሃ ኦላባ አዉ ኦዴድኖ፤ “ኑን ሃ ደሜዶ” ያጌድኖ። 
\v 33 እ ሄ ሃ ኦላ ሳበህ ጊደ ሱንዳ፤ ሄዋ ድራዉ ሄ ካታማ ሱንይ ሀቼ ጋካናዉ በርሳበህ\f + \fr 26:33 \fr*\fqa በርሳበሄ፦ \fqa*\ft ሀ ሱን ብለይ እብራዌዋን፥ “ጫቁዋ ሃ ኦላ” ግያዋ (ጉጃ ጼላ 21:31)\ft*\f* ጌተቴ።
\s1 ኤሳይ ሂተቱዋ ማቻቱዋ አኬዳ
\p
\v 34 ኤሳ ላይይ ኦይታሙዋ ግድያ ዎደ፥ ሂትያ ብኤዶ ናቶ ዮድቶነ ሂትያ ኤሎና ናቶ ባሰማቶ አኬዳ። 
\v 35 ኡንቱንቱ ይሳቃነ ርብቆ ካዮዪደ ደኤድኖ።
\c 27
\s1 ይሳቅ ያቆባ አንጄዳ
\p
\v 1 ይሳቅ ጭምና፥ አ አይፊ ጼላ እጼዳ ዎደ፥ ባረ ባይራትያ ናኣ ኤሳ ጼሲደ አ፥ “ታ ናአዉ” ያጌዳ።
\p እ፥ “አቤ” ጊደ ኮዬዳ።
\p
\v 2 እ፥ “በአ፥ ሀእ ታን ጭማድ፤ ታን ሀይቃና ጋላሳ ኤርከ። 
\v 3 ያትያ ድራዉ፥ ሀእ ነ ሻንካትያ ዎንዳፍያነ ዙቢያ አካደ፥ ባዙዋ ባ፤ ዶኣ ታዉ ሻንካታደ፥ አሹዋ አካደ ያ። 
\v 4 ማልኦ ቁማ፥ ታን ዶስያዋ ካደ አ፤ ሄዌነ ታን ሀይቃናፐ ካሰ ኔና አንጃናሳ” ያጌዳ።
\p
\v 5 ርብቃ ይሳቅ ባረ ናኣ ኤሳዉ ኦድያ ዎደ ስሳዱ። ኤሳይ ዶኣ ሻንካቲደ አሀናዉ ባዙዋ ቤዳዋፐ ጉየ፥ 
\v 6 ርብቃ ባረ ናኣ ያቆባ፥ “ነ አዉ ነ እሻ ኤሳዉ፥ 
\v 7 ‘ዶኣ ሻንካታ አሃደ፥ ታዉ ማልኦ ቁማ ታን ማናዉ ካ፤ ሄዌነ ታን ሀይቃናፐ ካሰታደ፥ መና ጎዳ ስንን ኔና አንጃናሳ’ ያግያዋ ታን ስሳድ። 
\v 8 ታ ናአዉ፥ ሀእ ታን ኔና አዛዝያዋ ሎይደ ስሳ። 
\v 9 ዉድያ ጋርሳ ባደ፥ ላኡ ቦልትቦልታ ዴሻ ማራቱዋ ታዉ አካደ ያ፤ ታን ነ አቦው ማልኦ ቁማ እ ዶስያዋዳን ካና። 
\v 10 ነ አዉ ሚደ ሀይቀናን ካሰቲደ ኔና አንጃና ማላ፥ አዉ አሳ” ያጋዱ።
\p
\v 11 ሽን ያቆብ ባረ አቶ ርብቆ፥ “ታ እሻ ኤሳ ቦላን እስኪ ደኤ፤ ሽን ታ ቦላይ ሊቆ። 
\v 12 ታ አዉ ታና ኦይቂ በኦፐ ሽን? ታን አ ጭምያዋ አዉ ማላትና፥ ታን አንጁዋ ድራዉ ሸቃ ታ ቦላ አሀነንቶነ” ያጌዳ።
\p
\v 13 አ ዳያ አ፥ “ታ ናአዉ፥ ሄ ሸቃይ ታና ጋኮ። ታን ነዉ ኦድያዋ ኦ፤ ባደ ዴሻ ማራቱዋ ታዉ አካደ ያ” ያጋዱ።
\p
\v 14 ብ አሂደ ባረ ዳይዉ እሜዳ፤ አ ዳያ ማልኦ ቁማ አ አዉ ዶስያዋዳን ካዱ። 
\v 15 ሄዋፐ ጉየ፥ ርብቃ ሶን ባረ ማታን ደእያ ባረ ባይራ ናኣ ኤሳ ማዩዋ ሎኡዋ አሃደ፥ ባረ ቴፋ ናኣ ያቆባ ማይዛዱ። 
\v 16 ቃይ ሄ ዴሻቱዋ ጋልባ አ ኩሽያነ አ ሊቆ ቆያ ማይዛዱ። 
\v 17 ባረ ካዳ ማልኦ ቁማነ ኡክ ባረ ናኣ ያቆባ ኩሽያን ዎዱ።
\p
\v 18 ያትና እ ባረ አዉዋኮ ቢደ ገሊደ፥ “ታ አዎ” ያጌዳ።
\p እ፥ “አቤ! ታ ናአዉ፥ ኔን ኦኔ?” ያጌዳ።
\p
\v 19 ያቆብ ባረ አዉዋ፥ “ታን ነ ባይራ ናኣ ኤሳ፤ ኔን ታና አዛዜዳዋዳን ታን ኦድ፤ ደንዳ፤ ደንዳ ኡታደ፥ ታን ሻንካፐ አሄዳዋ ማ፤ ያታደ ታና አንጃ” ያጌዳ።
\p
\v 20 ይሳቅ ባረ ናኣ፥ “ታ ናአዉ፥ ዋታ ኤሌላ ደማድ?” ያጊደ ኦቼዳ።
\p እ፥ “መና ጎዳይ ነ ጾሳይ ታና ማዴዳ” ያጌዳ።
\p
\v 21 ይሳቅ ያቆባ፥ “ታ ናአዉ፥ ኔን ቱሙ ታ ናኣ ኤሰንቶነ ታን ኦይቃ በአናዉ አነ ታኮ ሺቃ” ያጌዳ። 
\v 22 ያቆብ ባረ አዉዋ ይሳቃኮ ሺቅና ኦይቂ በኢደ፥ “ሀ ቃላይ ያቆባ ቃላ፤ ሽን ኩሺ ኤሳ ኩሽያ” ያጌዳ። 
\v 23 አ ኩሺ አ እሻ ኤሳ ኩሽያዳን እስክያና ደእያ ድራዉ፥ ኤርቤና፤ እ ኤረናን አ አንጄዳ። 
\v 24 አ፥ “ቱሙ ኔን ታ ናኣ ኤሰዬ?” ያጊደ ኦቼዳ።
\p እ፥ “ኤ፥ ታናቴ” ያጌዳ።
\p
\v 25 እ፥ “ታ ናአዉ፥ ታን ኔን ሻንካቴዳዋ ማናዉ ሃ አ፤ ማደ ታን ኔና አንጃና” ያጌዳ። ያቆብ አና፥ እ ሜዳ፤ ቃይ እ አዉ ዎይንያ ኤሳ አህና ኡሼዳ።
\p
\v 26 ሄዋፐ ጉየ አ አዉዋ ይሳቅ፥ “ታ ናአዉ፥ ሃያ፤ ሺቃደ ታና የራ” ያጌዳ።
\p
\v 27 ያቆብ ሺቂደ አ የሬዳ፤ ይሳቅ አ ማዩዋ ስንግ ስሲደ፥ ሀዋዳን ያጊደ አንጄዳ፤ “ታ ናኣ ፔኑ መና ጎዳይ አንጄዳ ጎሻዳን ሳዌ።\x - \xo 27:27-29 \xo*\xt እብራ. 11:20\xt*\x* 
\v 28 ጾሳይ ሳሉዋ ጮኩዋነ ሳኣ ሽጫ፥ ካነ ኦራ ዎይንያ ኤሳ ዳርሲደ ነዉ እሞ። 
\v 29 ካዉተቱ ነዉ ሞደትኖ፤ አሳቱ ነዉ ጉልባትኖ። ኔን ነ እሻቶ ጎዳ ግዳ፤ ነ አት ዛራቱ ነዉ ጉልባትኖ። ኔና ሸቂያዌ ሸቀቴዳዋ ግዶ፤ ኔና አንጅያዌ አንጀቴዳዋ ግዶ” ያጌዳ።\x - \xo 27:29 \xo*\xt ዶመ 12:3\xt*\x*
\p
\v 30 ይሳቅ ያቆባ አንጅ ዉርሴዳዋፐ ጉየ፥ ያቆብ ባረ አዉዋ ይሳቃ ስንፐ ከሶዋን ኤሳይ ሻንካፐ ፑቱ ጌዳ። 
\v 31 እካ ቃይ ማልኦ ቁማ ካደ፥ ባረ አዎ አዳ። አ፥ “ታ አዎ፥ ደንዳ፤ ደንዳ ኡታደ፥ ታን ሻንካቴዳዋፐ ማ፤ ያታደ ታና አንጃ” ያጌዳ።
\p
\v 32 አ አዉ ይሳቅ አ፥ “ኔን ኦኔ?” ያጊደ ኦቼዳ።
\p እ፥ “ታን ነ ናኣ፥ ነ ባይራ ናኣ ኤሳ” ያጌዳ።
\p
\v 33 ይሳቅ ዳጋሚደ ኮኮሪደ፤ “ያትና ዶኣ ሻንካቴዳዋ አኪደ ታዉ አዳዌ ኦኔ? ታን ሀእ ኔን ያና ስንን ማደ፥ አ አንጃ ድጋድ፤ ቱሙካ እ አንጀቴዳዋ ግዳናዋ” ያጌዳ።
\p
\v 34 ኤሳይ ባረ አዉዋ ቃላ ስሴዳ ዎደ፥ ባረ ቃላ ቁ ኦደ፥ ዳሮ ይባታ ዬኩዋ ዬኪደ ባረ አዉዋ፥ “ታና አንጃ፤ ታ አዎ፥ ታናካ አንጃ!” ያጌዳ።
\p
\v 35 ሽን እ፥ “ነ እሻይ ዪደ ጭሚደ፥ ነ አንጁዋ አክ ድጌዳ” ያጌዳ።
\p
\v 36 ኤሳይ፥ “አ ኤሪደ ያቆባ\f + \fr 27:36 \fr*\fq ያቆባ፦ \fq*\ft ሀ ሱን ብለይ እብራዌዋን፥ “ጭሜዳ” ግያዋ።\ft*\f* ሱንዳ፤ እ ታና ጭሞደ፥ ሀዌ ላኤንዋ፤ እ ታ ባይራተ አኬዳ፤ ቃይ ሀእ ታ አንጁዋ አኬዳ” ያጌዳ። ቃይ እ፥ “ኔን ታዉ አንጁዋፐ አያነ አሻበይኪ?” ያጊደ ኦቼዳ።
\p
\v 37 ይሳቅ ኤሳ፥ “ታን አ ነዉ ጎዳ ኦድ፤ አ እሻቱዋ ኡባካ አ ቆማቱዋ ኦድ፤ ቃይ ታን ካንነ ኦራ ዎይንያ ኤሳን አ ምንሳድ። ያትና፥ ታ ናአዉ፥ ነዉ ታን አያ ኦ?” ያጌዳ።
\p
\v 38 ኤሳይ ባረ አዉዋ፥ “ታ አዎ፥ ነዉ እት አንጆ ጻላላይ ደኢ? ታ አዎ፥ ታናካ ቃይ አንጃ” ያጌዳ። ሄዋፐ ጉየ፥ ኤሳይ ባረ ቃላ ቁ ኦደ ዬኬዳ።\x - \xo 27:38 \xo*\xt እብራ. 12:17\xt*\x*
\p
\v 39 አ አዉዋ ይሳቅ ዛሪደ፥\x - \xo 27:39-40 \xo*\xt እብራ. 11:20\xt*\x*
\q1 “ነ ደእያ ሀ ሳኣ ዱረተፐ ሃካደ ደአና፤
\q2 ሳሉዋ ጮኩካ ነዉ ዎና፤
\q1
\v 40 ኔን ነ ማሻን አቃና፤\x - \xo 27:40 \xo*\xt ዶመ 36:8፤ 2 ካታ. 8:20\xt*\x*
\q2 ኔን ነ እሻዉ ሞደታና።
\q1 ሽን ኔን አናና ኤቀትያ ዎደ፥
\q2 አ ሞርገ ም ነ ሞርግያፐ ኦላና” ያጌዳ።
\p
\v 41 ያቆባ አ አዉ አንጄዳ ድራዉ፥ ኤሳይ ባረ ኡሉዋን አ ሞርኬዳ፤ እ ባረ ዎዛናን፥ “ታ አዉ ሀያና ማቴዳ፤ ታን አዉ ካዮታ ስማደ፥ ታ እሻ ያቆባ ዎና” ያጌዳ።
\p
\v 42 ሽን ርብቃ ሀ ባረ ባይራ ናኣ ኤሳ ቃላ ስሴዳ ድራዉ፥ ባረ ቴፋ ናኣ ያቆባ ጼስሳ አሃደ ሀዋዳን ያጋዱ፤ “ነ እሻይ ኤሳይ ኔና ዎደ ሀሉዋ ከሳናዉ ሀልቼዳ። 
\v 43 ሀያና ታ ናአዉ፥ ታን ነዉ ኦዶዋ ኦ። ደንዳ! ካራነን ደእያ ታ እሻ ላባናኮ ባቃታ! 
\v 44 ያታደ ነ እሻ ሀንቁ ዶቻና ጋካናዉ፥ አማሬዳ ዎድያ አናና ደአሻ። 
\v 45 ነ እሻይ ነዉ ሀንቀትያዋ አግያ ዎደነ፥ ኔን አ ቦላ ኦዳዋ እ ዶግያ ዎደ፥ ታን ኪታደ ኔና ያፐ አህሳና። ታን እት ጋላስ ህንተንቱ ላኡዋፐ መላ ከሳና ኮይከ” ያጋዱ።
\s1 ይሳቅ ያቆባ ላባናኮ የዴዳ
\p
\v 46 ሄዋፐ ጉየ ርብቃ ይሳቃ፥ “ኤሳይ አኬዳ ሂተቱዋ ማጫ ናና ጋሱዋን ታን ታ ደኡዋ ሸነታድ፤ ቃይ ያቆብካ ሀዋንቱ ማላ ሂተቱዋ ማጫ ናናቱዋፐ ማቻቶ አኮፐ፥ ታን ስም ሀይቃናዉ ኮያድ” ያጋዱ።
\c 28
\p
\v 1 ሄዋ ድራዉ፥ ይሳቅ ያቆባ ጼሲደ ሀዋዳን አንጄዳነ አዛዜዳ፤ “ካናነ ጋድያ ማጫ ናናቱዋፐ ነዉ ማቻቶ አኮፓ። 
\v 2 ደንዳ! ነ ዳይ አዉዋ ባቱኤላኮ፥ ማስጰጾምያ ጋድያ ባደ ያፐ ነ ዳይ እሻ ላባና ማጫ ናናቱዋፐ እትኖ ነዉ ማቻቶ ኦደ አካ። 
\v 3 ኡባ ዳንዳይያ ጾሳይ ኔና አንጆ፤ እ ኔ የለታ አሶ፤ ኔን እት ደረ አሳ ኬና ጋካናዉ ኔና ጮርሶ። 
\v 4 ኔን ሀእ በተተን ኡቴዳ ሀ ቢታ ነዋ ኦና ማላ ነዉነ ነ ዘረዉ ጾሳይ አብራሃመ አንጁዋ እሞ” ያጌዳ።\x - \xo 28:4 \xo*\xt ዶመ 17:4-8\xt*\x* 
\v 5 ይሳቅ ያቆባ የዴዳ፤ ያቆብ ማስጰጾምያ ጋድያ ላባናኮ ቤዳ። ላባን ያቆባነ ኤሳ የሌዳ አት ርብቃ እሻነ ሶርያ ባቱኤላ ናኣ።
\s1 ኤሳይ ሀራ ማችያ ጉጂደ አኬዳ
\p
\v 6 ይሳቅ ያቆባ አንጄዳዋነ፥ ያፐ ማቻቶ አካናዉ ማስጰጾምያ ጋድያ አ የዴዳዋ፥ ቃይ እ ያቆባ አንጄዳ ዎደ፥ “ካናነ ማጫ አሳ አኮፓ” ያጊደ አዛዜዳዋነ፥ 
\v 7 ያቆብ ባረ አዉዋነ ባረ አቶነ አዛዘቲደ፥ ማስጰጾምያ ጋድያ ቤዳዋ ኤሳይ ኤሬዳ። 
\v 8 ኤሳይ ሄዋን ካናነ ቢታ ማጫውና ባረ አዉዋ ይሳቃ አይ ኬሻ ኢትንቶ አኬኬዳ። 
\v 9 ሄዋ ድራዉ ኤሳይ አብራሃመ ናኣ እስማኤለኮ ቢደ፥ አ ናቶ ማህላቶ ባረ ማቻቱዋ ቦላ ጉጂደ አኬዳ። እዛ ናባዮታ ምቻቶ።
\s1 ያቆብ ቤቴለን በኤዳ አኩሙዋ
\p
\v 10 ያቆብ በርሳበሄፐ ካራነ ባናዉ ደንዴዳ። 
\v 11 እ እት ሳኣ ጋክና አዋይ ዉልና፥ ያን ቃማ አቄዳ። ሄ ሳኣን ደእያ ሹቻቱዋፐ እቱዋ አኪደ፥ ባረ ሁጲያን ቦርኮቲደ ሄ ሳኣን ገምእሼዳ። 
\v 12 እ አኩሙዋ አኩመቴዳ፤ ሄ አኩሙዋን ጋይያ እቱ ቢታን ኤቂና፥ አዉ ጼራይ ሳሉዋ ጋክያዋን፥ ጾሳ ኪታንቻቱ ግእሺናነ ዎሽን በኤዳ፤\x - \xo 28:12 \xo*\xt ዮሃ. 1:51\xt*\x* 
\v 13 ጋይያዉ ቦላ ጼራን መና ጎዳይ ኤቂደ አ፥ “ታን መና ጎዳ፥ ነ አዉዋ አብራሃማ ጾሳ፥ ይሳቃ ጾሳ። ሀ ኔን ግሴዳ ቢታ ነዉነ ነ ዘረዉ እማና፤\x - \xo 28:13 \xo*\xt ዶመ 13:14-15\xt*\x* 
\v 14 ነ ዘረይ ሳኣ ሻፍያዳን ዳራና፤ ኔን አዋይ ዉልያ ባጋናነ፥ አዋይ ዶልያ ባጋና፥ ሁጲሳናነ ህርክ ባጋና ደእያ ሳኣ ጋካናዉ አካና፤ ሳኣ ቦላን ደእያ አሳይ ኡባይ ነ ባጋናነ ነ ዘረ ባጋና\f + \fr 28:14 \fr*\fq ነ ባጋናነ ነ ዘረ ባጋና፦ \fq*\ft ሳኣ ቦላን ደእያ አሳይ ኡባይ ኔናነ ነ ዘረ አንጆዋዳን አንጃና ማላ ታና ዎሳና ጉሳ።\ft*\f* አንጀታና 
\v 15 ታን ኔናና ደአይ፤ ኔን ብያሳኣ ኡባን ታን ኔና ናጋና፤ ቃይ ታን ኔና ሀ ጋድያ ጉየ ዛራደ አሀና፤ ታን ነዉ ኦና ጌዳዋ ኦና ጋካናዉ ኔና የግከ” ያጌዳ።
\p
\v 16 ያቆብ ገምእሹዋፐ ቤጎቴዳ ዎደ፥ “መና ጎዳይ ቱሙ ሀ ሳኣን ደኤ፤ ታን ኤራበይከፐ አትን” ያጌዳ። 
\v 17 እ ያዪደ፥ “ሀ ሳአይ ዎት ያሺ! ሀ ሳአይ ጾሳ ጎልያፐ አትን፥ አይነ ሀራ ሳኣ ግደና፤ ሀዌ ሳሉዋ ፐንግያ” ያጌዳ።
\p
\v 18 ዎንተ ጋላስ ዎንታ ጉራን ያቆብ ደንዲደ፥ ባረ ቦርኮቴዳ ሹቻ አኪደ፥ ቱሳዳን ኤሲደ፥ ጾሳዉ ዱማያናዉ አ ቦላ ዛይትያ ትጌዳ። 
\v 19 ያቆብ ሄ ሳኣ ቤቴለ\f + \fr 28:19 \fr*\fk ቤቴለ፦ \fk*\ft ሀ ሱን ብለይ እብራዌዋን፥ “ጾሳ ጎልያ” ግያዋ።\ft*\f* ጊደ ጼሴዳ። ሽን ሄ ካታማይ ሄዋፐ ካሰ ሎዛ ጌተቴ።
\p
\v 20-21 ያቆብ ሀዋዳን ያጊደ ሺቄዳ፤ “ታ አዉዋ ሶ ታን ሳሮ ስማና ማላ ጾሳይ ታናና ግዶፐ፥ ታን ብያ ሀ ቡሳን ታና ናጎፐነ ታዉ ምያ ቁማነ ማይያ ማዩዋ እሞፐ፥ መና ጎዳይ ታ ጾሳ ግዳና፤ 
\v 22 ታን ቱሳዳን ኤሴዳ ሀ ሹቻይ ጾሳ ጎልያ ግዳና። ኔን ታዉ እምያዋ ኡባፐ ታሙዋፐ እቱዋ ታን ነዉ እማና” ያጌዳ።
\c 29
\s1 ያቆብ ላባና ሶ ጋኬዳ
\p
\v 1 ሄዋፐ ጉየ፥ ያቆብ ደንድ ቢደ፥ አዋይ ዶልያ ባጋ አሳቱዋ ጋድያ ጋኬዳ። 
\v 2 እት ሃ ኦላይ ደምባን ደእያዋ በኤዳ፤ ሄዙ ዶርሳ ዉዲ ቃይ ሄ ኦላ ማታን ግሴድኖ። አያዉ ጎፐ፥ ዉዲ ኡባይ ሃ ኡሽያዌ ሄ ኦላፐ። ሄ ሃ ኦላ ዶናን ደእያ ሹቻይ ዎልቃማ። 
\v 3 ዶርሳ ዉዲ ኡባይ ሄዋን ዳጋቴዳ ዎደ፥ ሄ ዉድያ ሄምያዋንቱ ሃ ኦላ ዶናፐ ሄ ሹቻ ጎንዶርሲደ ዶርሳ ኡሺኖ። ሄ ሹቻ ኦላ ዶናን ዛሪደ ዎኖ።
\p
\v 4 ያቆብ ኡንቱንታ፥ “ታ እሻቶ፥ ህንተንቱ ሀቃፐ የድተ?” ያጊደ ኦቼዳ።
\p ኡንቱንቱ፥ “ኑን ካራነፐ ዬዶ” ያጌድኖ።
\p
\v 5 እ፥ “ናኮራ ናኣ ናኣ ላባና ህንተንቱ ኤሪተየ?” ያጌዳ።
\p ኡንቱንቱ፥ “ኤ፥ አ ኤሬቶ” ያጌድኖ።
\p
\v 6 ያቆብ ኡንቱንታ፥ “እ ሎኦ ደኢ?” ያጊደ ኦቼዳ።
\p ኡንቱንቱ፥ “ኤ፥ ሎአ፤ አ ናታ ራሄላ ዶርሳ አካደ የውኖ ሀኖ በአ” ያጌድኖ።
\p
\v 7 ያቆብ ኡንቱንታ፥ “በእተ፤ አዋይ ሀእ ዉልቤና፤ ዉድያ መሂ ሶ ሺቅያ ዎዲ ብሮ ጋክቤና፤ ዶርሳ ሀእ ኡሽ አፊደ፥ ሄምተ” ያጌዳ።
\p
\v 8 ሽን ኡንቱንቱ፥ “ዉዲ ኡባይ ሺቃና ጋካናዉ፥ ሹቻ ሃ ኦላ ዶናፐ ጎንዶርሳና ጋካናዉ፥ ኑን ኡሻናዉ ዳንዳዮኮ። ሄዋፐ ጉየ፥ ኑን ዶርሳ ኡሻና” ያጌድኖ።
\p
\v 9 እ ብሮ ሃሳይሽን፥ ላባና ናታ ራሄላ ባረ አዉዋ ዶርሳቱዋ ላጋ አካደ ጋካዱ፤ አያዉ ጎፐ፥ እዛ ዶርሳ ሄንንቻ። 
\v 10 ያቆብ ባረ አት እሻ ላባና ናቶ ራሄሎ በኤዳ ዎደነ፥ ባረ አት እሻ ላባና ዶርሳ በኤዳ ዎደ፥ ቢደ ኦላ ዶናፐ ሹቻ ጎንዶርሴዳ፤ ባረ አት እሻ ዶርሳቱዋ ሃ ኡሼዳ። 
\v 11 ያቆብ ራሄሎ የሪደ፥ ናሸቻዉ ባረ ቃላ ቂሲደ ዬኬዳ። 
\v 12 ያቆብ እዝዉ አዉዋ ዳቦነ ርብቅ ናኣ ግድያዋ ራሄልዉ ኦዴዳ። ሄዋ ድራዉ እዛ ዎጻ ባደ ባረ አዎ ኦዳዱ።
\p
\v 13 ላባን ባረ ምቻት ናኣ ያቆባ ዎርያ ስሴዳ ሳናካ፥ አናና ጋከታናዉ ዎጼዳ። አ እድም የሪደ፥ ባረ ሶ አፌዳ። ያን ያቆብ ሀኔዳዋ ኡባ ላባናዉ ኦዴዳ። 
\v 14 ላባን አ፥ “ኔን ቱሙ ታ አሾነ ታ ሱ” ያጌዳ። ያቆብ አናና እት አግና ኩመን ኡቴዳ።
\s1 ያቆብ ራሄል ድራዉነ ልያ ድራዉ ላባዉ ኦዳ
\p
\v 15 ሄዋፐ ጉየ ላባን አ፥ “ኔን ታዉ ዳቦ ግዴዳ ድራዉ፥ ታዉ ጮ መላ ኦንዬ? አነ ነዉ አያ ጭጋናዉ በስንቶ ታዉ ኦዳ” ያጌዳ። 
\v 16 ላባናዉ ላኡ ማጫ ናናቱ ደኢኖ፤ ባይራት ሱንይ ልዮ፥ ቴፋትዌ ራሄሎ። 
\v 17 ልያ አይፍያና ጩጫ፤ ሽን ራሄላ ጌሳንቻነ ማላ ሎአ።
\p
\v 18 ያቆብ ራሄሎ ሲቂደ አ፥ “ታን ነ ቴፋ ናት ራሄል ድራዉ ነዉ ላፑን ላይ ኦና” ያጌዳ።
\p
\v 19 ላባን፥ “እዞ ሀራ አሳዉ እማናፐ ነዉ እምያዌ ሎአ፤ ኔን ታናና ሀዋን ደአ” ያጌዳ። 
\v 20 ሄዋ ድራዉ ያቆብ ራሄሎ አካናዉ ላፑን ላይ ኦዳ፤ ሽን እ እዞ ሲቅያ ድራዉ፥ አዉ አማሬዳ ጋላሳ ማላቴዳ።
\p
\v 21 ሄዋፐ ጉየ ያቆብ ላባና፥ “ታ ማቻቶ ታዉ እማ፤ ታ ዎዲ ፖለቴዳ፤ ታን እዞ አካናዉ ኮያድ” ያጌዳ። 
\v 22 ሄዋ ድራዉ ላባን ሄዋን ደእያ አሳ ኡባ ጼሲደ፥ ቡላቻ ከሴዳ። 
\v 23 ሽን ሳአይ ቃምና፥ እ ባረ ናቶ ልዮ አፊደ ያቆባዉ እሜዳ። ያቆብ እዞ አኬዳ። 
\v 24 ቃይ ላባን ባረ ቆማቶ ዝልፖ ባረ ናት ልይዉ ዳንጋጽረ ግዳናዳን እሜዳ።
\p
\v 25 ሳአይ ዎንትና ጼልያ ዎደ፥ ሄኮ ልዮ! ያትና ያቆብ ላባና፥ “ሀዌ ኔን ታ ቦላ ኦዳዌ አዬ? ታን ነዉ ኦዳዌ ራሄል ድራሳ ግደኔየ? ታና አያዉ ጭማድ?” ያጌዳ።
\p
\v 26 ላባን አ፥ “ኑ ቢታን ባይራታ ደእሽን፥ ቴፋቶ አስናዉ እምያዌ ዎጋ ግደና። 
\v 27 ሄ ምሽራ ሳምንታ ዉርሳ፤ ቃይ ቴፋትያኖካ ኑን ነዉ እማና፤ ሄዋፐ ጉየ፥ ሀራ ላፑን ላይ ታዉ ኦሳ” ያጌዳ።
\p
\v 28 ያቆብ ሄዋዳን ሀኒደ ሄ ሳምንታ ዉርሴዳ፤ ሄዋፐ ጉየ፥ ላባን ባረ ናቶ ራሄሎ አዉ እሜዳ። 
\v 29 ቃይ ላባን ባረ ቆማቶ ባሎ ባረ ናት ራሄልዉ ዳንጋጽረ ግዳናዳን እሜዳ። 
\v 30 ያቆብ ራሄሎ አኬዳ። ራሄሎ ልይፐ አደ ሲቄዳ። ሀራ ላፑን ላይ ላባናዉ ኦዳ።
\s1 ያቆባዉ ናናይ የለቴድኖ
\p
\v 31 መና ጎዳይ ልያ ሲቀታቤናዋ በኢደ፥ እዝዉ የልያ ኡሉዋ ዶዬዳ፤ ሽን ራሄላ ማንቶ። 
\v 32 ልያ ሻሃራደ አቱማ ናኣ የላዱ። አ ሱንካ ሮቤላ\f + \fr 29:32 \fr*\fk ሮቤላ፦ \fk*\ft ሀ ሱን ብርሸይ “ሀሹ! አቱማ ናኣ!” ዎይ “ታ መቱዋ በኤዳ” ግያዋ።\ft*\f* ሱንዱ፤ አያዉ ጎፐ እዛ፥ “መና ጎዳይ ታ መቱዋ በኤዳ፤ ሀእ ቱሙ ታና ታ አስናይ ሲቃና” ያጋዱ።
\p
\v 33 እዛ ሀራካ ሻሃራደ አቱማ ናኣ የላዱ። እዛ፥ “መና ጎዳይ ታን ሲቀታቤናዋ ስሴዳ ድራዉ፥ ታዉ ሀዋካ ጉጄዳ” ያጋደ፥ አ ስሞና\f + \fr 29:33 \fr*\fq ስሞና፦ \fq*\ft ሀ ሱን ብለይ እብራዌዋን፥ “ስሴዳ” ግያዋ።\ft*\f* ሱንዱ።
\p
\v 34 አ ሀራካ ሻሃራደ አቱማ ናኣ የላዱ። እዛ፥ “ታን አዉ ሄዙ አቱማ ናና የሌዳ ድራዉ፥ ታ አስናይ ሀእ ታናና ዋጸታና” ያጋደ፥ አ ሌዊ\f + \fr 29:34 \fr*\fq ሌዊ፦ \fq*\ft ሀ ሱን ብለይ እብራዌዋን፥ “ዋጸታና” ግያዋ።\ft*\f* ሱንዱ።
\p
\v 35 አ ሀራካ ሻሃራደ አቱማ ናኣ የላዱ። እዛ፥ “ሀችዋን ታን መና ጎዳ ጋላታና” ያጋዱ። ሄዋ ድራዉ አ ይሁዳ\f + \fr 29:35 \fr*\fq ይሁዳ፦ \fq*\ft ሀ ሱን ብለይ እብራዌዋን፥ “ጋላታ” ግያዋ።\ft*\f* ሱንዱ። ሄዋፐ ጉየ የሉዋ ኤሳዱ።
\c 30
\p
\v 1 ራሄላ ያቆባዉ ናና የላቤናዋ በኤዳ ዎደ፥ ባረ ምቻቶ ቃናታዱ፤ ሄዋ ድራዉ ያቆባ፥ “ታዉ ናና እማ፤ ሄዌ ዮፐ፥ ታን ሀይቃና” ያጋዱ።
\p
\v 2 ያቆብ ራሄሎ ሀንቀቲደ፥ “ታና ነዉ የሉዋ ድጌዳ ጾሳ ጋድየ?” ያጌዳ።
\p
\v 3 እዛ፥ “ታ ዳንጋጽራቶ ባሎ ህኖ በአ፤ እዛ ታ ድራዉ የላና ማላ ኔን እዞ አካ፤ ያቶፐ እዝ ባጋና ታንካ ናኣ ዳዮ ግዳና” ያጋዱ። 
\v 4 ባረ ዳንጋጽራቶ ባሎ ማቻቶ ኦደ አካና ማላ፥ አዉ እማዱ፤ ያቆብ እዞ አኬዳ። 
\v 5 ባላ ሻሃራደ አቱማ ናኣ ያቆባዉ የላዱ። 
\v 6 ያትና ራሄላ፥ “ጾሳይ ታዉ ዳናቴዳ፤ ታ ዎሳካ ስሲደ፥ ታዉ አቱማ ናኣ እሜዳ” ያጋዱ። ሄዋ ድራዉ አ ዳና\f + \fr 30:6 \fr*\fq ዳና፦ \fq*\ft ሀ ሱን ብለይ እብራዌዋን፥ “ጾሳይ ታዉ ዳናቴዳ” ግያዋ።\ft*\f* ሱንዱ።
\p
\v 7 ራሄል ዳንጋጽራታ ባላ ሀራ ሻሃራደ፥ ያቆባዉ ላኤንዋ አቱማ ናኣ የላዱ። 
\v 8 ራሄላ፥ “ታን ታ ምቻትና ዎልቃማ ባጽያ ባጸታደ ጾናድ” ያጋዱ። ሄዋ ድራዉ አ ንፍታሌማ\f + \fr 30:8 \fr*\fq ንፍታሌማ፦ \fq*\ft ሀ ሱን ብለይ እብራዌዋን፥ “ባጽያ” ግያዋ።\ft*\f* ሱንዱ።
\p
\v 9 ልያ ባረዉ የሉ ኤቄዳዋ በኣደ፥ ባረ ዳንጋጽራቶ ዝልፖ አፋደ ያቆብ እዞ አካና ማላ እማዱ። 
\v 10 ልያ ዳንጋጽራታ ዝልፓ አቱማ ናኣ ያቆባዉ የላዱ። 
\v 11 ልያ፥ “ላ ሀዌ አያ ሎኦ ካጬ!” ያጋዱ። ሄዋ ድራዉ ጋዳ\f + \fr 30:11 \fr*\fq ጋዳ፦ \fq*\ft ሀ ሱን ብለይ እብራዌዋን፥ “ሎኦ ካጫ” ግያዋ።\ft*\f* ሱንዱ።
\p
\v 12 ልያ ዳንጋጽራታ ዝልፓ ያቆባዉ ላኤንዋ አቱማ ናኣ የላዱ። 
\v 13 ልያ፥ “ታን አይ ኬሻ ናሸታይታሻ! ማጫ አሳይ ታና ናሸትያኖ ጋና” ያጋዱ። ሄዋ ድራዉ አ አሴራ\f + \fr 30:13 \fr*\fq አሴራ፦ \fq*\ft ሀ ሱን ብለይ እብራዌዋን፥ “ናሸቻ” ግያዋ።\ft*\f* ሱንዱ።
\p
\v 14 ዛርጋ ጫክያ አግናን ሮቤል ጋደ ቢደ፥ እንኮይያ ግያ ትማትምያ ማላትያ ቴራ ደሚደ፥ ባረ አት ልይዉ አሄዳ። ራሄላ ልዮ፥ “ነ ናኣ እንኮይያፐ ታዉ እማ” ያጋዱ።
\p
\v 15 ሽን ልያ፥ “ታ አስና ኔን ዎ አኬዳዌ ግደናን እጽና፥ ቃይ ታ ናኣ እንኮይያ\f + \fr 30:15 \fr*\fq እንኮይያ፦ \fq*\ft የሉዋነ ሲቁዋ እሜ ጊደ ቆፈትያ ም።\ft*\f* አካይ?” ያጋዱ።
\p ራሄላ፥ “ያቶፐ፥ ነ ናኣ እንኮይያ ድራዉ ያቆብ ሀቼ ቃማ ኔናና አቆ” ያጋዱ።
\p
\v 16 ሄ ጋላሳ ኦማርስ ያቆብ ዎራፐ ዬዳ ዎደ፥ ልያ አ ሞካናዉ ከሳደ አ፥ “ኔን ታናና አቃና ኮሼ፤ አያዉ ጎፐ፥ ታን ታ ናኣ እንኮይያን ኔና ከራዉ አካ ድጋድ” ያጋዱ። ሄዋ ድራዉ እ ሄ ጋላሳ ቃማ እዝና አቄዳ።
\p
\v 17 ጾሳይ ልያ ዎሳ ስሴዳ፤ እዛ ሻሃራደ፥ እቼሻን አቱማ ናኣ ያቆባዉ የላዱ። 
\v 18 ልያ፥ “ታን ታ ዳንጋጽራቶ ታ አስናዉ እሜዳ ድራዉ፥ ጾሳይ ሄዋ ከራ ታዉ ጭጌዳ” ያጋዱ። ሄዋ ድራዉ አ ይሳኮራ\f + \fr 30:18 \fr*\fq ይሳኮራ፦ \fq*\ft ሀ ሱን ብለይ እብራዌዋን፥ “ከራ ታዉ ጭጌዳ” ግያዋ።\ft*\f* ጋደ ሱንዱ። 
\v 19 ልያ ሀራካ ሻሃራደ፥ ኡሱፑን አቱማ ናኣ ያቆባዉ የላዱ። 
\v 20 ልያ፥ “ጾሳይ ታዉ አልኦ እሞታ እሜዳ፤ ታን ታ አስናዉ ኡሱፑን ናና የሌዳ ድራዉ፥ ሀእ እ ታና ቦንቻናዋ” ያጋዱ። ሄዋ ድራዉ አ ዛብሎና\f + \fr 30:20 \fr*\fq ዛብሎና፦ \fq*\ft ሀ ሱን ብለይ እብራዌዋን፥ “ቦንቹዋ” ግያዋ።\ft*\f* ሱንዱ። 
\v 21 ሄዋፐ ጉየ እት ማጫ ናቶ የላዱ፤ እዞ ዲኖ ሱንዱ።
\p
\v 22 ጾሳይ ራሄሎ ሀሳዬዳ፤ እዝ ዎሳ ስሲደ እዝ የልያ ኡሉዋ ዶዬዳ። 
\v 23 እዛ ሻሃራደ አቱማ ናኣ የላዱ፤ “ጾሳይ ታ ዬላ ቃሬዳ። 
\v 24 መና ጎዳይ ታዉ ሀራ አቱማ ናኣካ ጉጄረኔሻ” ያጋዱ። ሄዋ ድራዉ አ ዮሴፎ\f + \fr 30:24 \fr*\fq ዮሴፎ፦ \fq*\ft ሀ ሱን ብለይ እብራዌዋን፥ “ጉጆ” ዎይ “ቃሬዳ” ግያዋ።\ft*\f* ሱንዱ።
\s1 ያቆብ ላባና ድርጉዋን ፓሉመቴዳ
\p
\v 25 ራሄላ ዮሴፋ የሌዳዋፐ ጉየ፥ ያቆብ ላባና፥ “ታን ታ አዉዋ ጋድያ ስማና ማላ፥ ታና ሞይዛ። 
\v 26 ታን ኡንቱንቱ ድራዉ ነዉ ኦዳ ታ ማቻቱዋነ ታ ናና ሀማ፤ ታን ባና፤ አያዉ ጎፐ፥ ታን ነዉ አይ ኬሻ ኦሱዋ ኦደንቶ ኔን ኤራሳ” ያጌዳ።
\p
\v 27 ሽን ላባን አ፥ “ታን ነዉ እትባ ኦዳይ፤ መና ጎዳይ ነ ጋሱዋን ታና አንጄዳዋ ታን በኣድ። 
\v 28 ነ ድርጉዋ ታዉ ኦዳ፤ ታን ነዉ ጭጋና” ያጌዳ።
\p
\v 29 ያቆብ፥ “ታን ነዉ ዋታ ኦደንቶ፥ ነ መሂካ ዋን የለቴደንቶ ኔን ኤራሳ። 
\v 30 ታን ያናፐ ካሰ ነዉ ደእያ ጉይ ሀእ ሎይ ዳሬዳ፤ መና ጎዳይ ኔና ታን አዳ ሳኣን ኡባን አንጄዳ። ሽን ሀእ፥ ታን ታ ሶ አሳዉ ኦናዌ አዉዴ?” ያጌዳ።
\p
\v 31 ላባን፥ “ታን ነዉ አያ እሞ?” ያጊደ አ ኦቼዳ።
\p ያቆብ፥ “ታዉ አይነ እሞፓ፤ ሽን ኔን ታዉ እትባ ኦፐ፥ ታን ነ ዉድያ ቃይካ ሄማናነ ናጋና። 
\v 32 ታን ሀቼ ነ ዉድያ ኡባ ግዱዋና አና፤ ሄዋን ነ ዶርሳፐ ፑንጫርያ ዎይ ጋዛ ኡባ፥ ካረ ዶርሳ ማራ ኡባነ ዴሻፐ ጋዛነ ፑንጫርያ ኡባ ታን ሻካና፤ ኡንቱንቱ ታ ድርጉዋ ግዳና። 
\v 33 ሄዋ ድራዉ ታ ጽሎተይ ኔን ታዉ ጭጌዳ ድርጉዋ ፓይዳናዉ ስንፐ ይያ ዎደ፥ ታዉ ማርካታና፤ ታ ዴሻፐ ጋዛ ዎይ ፑንጫረ ግደናዌ ዎይ ካረ ግደና አይ ዶርሳ ማራይነ ታ ማታን ቤትንቶ፥ ዉኤቴዳዋዳን ፓይደታና” ያጌዳ።
\p
\v 34 ላብ፥ “ማያድ፤ ኔን ጌዳዋዳን ግዶ” ያጌዳ። 
\v 35 ሽን ሄ ጋላሳን ላብ ዳንጫ ዎይ ጋዛ ግዴዳ አቱማ ዴሻ ኡባ፥ ፑንጫረ ዎይ ጋዛ ግዴዳ ማጫ ዴሻ ኡባ፥ ቦ ግዴዳ ኡባነ ካረ ዶርሳ ማራ ኡባ ከሲደ፥ ባረ አቱማ ናና ሄንዳ። 
\v 36 ያቲደ ሄ ዉድያና ሄዙ ጋላሳ ኦግያ ያቆባፐ ሃኪደ ቤዳ። ሽን ያቆብ አቴዳ ላባና ዉድያ ሄሜዳ።
\p
\v 37 ያቆብ ዴሻ ሎምያፐ፥ ጉማርያፐነ ጻንቃርሳፐ ቃየ ጋትማ ከሲደ፥ ፖቁዋ ፖቂ ፖቂደ፥ ግዶ ቦ ባጋ ቃሪደ ጋዛዬዳ። 
\v 38 ዉዲ ሃ ኡሻናዉ ይያ ሳኣ ኡባን፥ ዎንግርያን፥ ዉድያ ስንን ፖቄዳ ጋትማቱዋ ዎዳ። ካሆዋንቱ ሃ ኡሻናዉ ዪደ፥ 
\v 39 ሄ ጋትማቱዋ ስንን ብራሴድኖ፤ ኡንቱንቱ ዳንጫ፥ ፑንጫረነ ጋዛ ማራቱዋ የሌድኖ። 
\v 40 ያቆብ ማራቱዋ ዉድያፐ ሻክ ዱማ ዎዳ፤ አቴዳ ዉድያ ዳንጫነ ካረ ግዴዳ ላባና መህያ ስን ዛሬዳ። ያቲደ ባረዉ ዉድያ ዱማዬዳ፤ ላባና መሄቱዋና ኡንቱንታ ጋቤና።
\p
\v 41 ፓጻነ ምኖ ማጫዋንቱ ካህያ ዎደ አዉደነ፥ ኡንቱንቱ ሄ ጋትማቱዋ ማታን ብራሳና ማላ፥ ያቆብ ሄ ጋትማቱዋ ሃ ዎንግርያን፥ ሚዛቱዋ ስንን ዎ። 
\v 42 ሽን መሄቱ ላፋ ግዶፐ፥ ኡንቱንቱ ስንን ጋትማቱዋ ዎና። ሄዋ ድራዉ ላፍያ መሄቱ ላባዋ ግድና፥ ዳርያዋንቱ ያቆባዋ ግዴድኖ። 
\v 43 ሀዋዳን ሀኒደ፥ ያቆብ ሎይ ዱረቲደ፥ ዳሮ ዉድያ፥ ማጫ ቆማቱዋነ አቱማ ቆማቱዋ፥ ዳሮ ጋሎቱዋነ ሀረቱዋ ሞዴዳ።
\c 31
\s1 ያቆብ ላባፐ ባቃቲደ ቤዳ
\p
\v 1 ያቆብ ላባና ናናይ ባረና፥ “ያቆብ ኑ አዉዋ ኡባ አክ ድጌዳ፤ ሀ ዱረታ ኡባ ኑ አዉዋፐ ደሜዳ” ግያዋ ስሴዳ። 
\v 2 ያቆብ ላባና ሶምእ ባረዉ ካሰዋ ማላ ግደናዋ በኤዳ።
\p
\v 3 ሄ ዎደ መና ጎዳይ ያቆባ፥ “ኔን ነ አዎቱዋ ጋድያ፥ ነ ዳቦቱዋኮ ጉየ ስማ፤ ታን ኔናና ግዳና” ያጌዳ።
\p
\v 4 ያቆብ ራሄሎነ ልዮ ባረ ዉዲ ደእያ ሳኣ ደምባ ያና ማላ ኪቲደ ጼስሴዳ። 
\v 5 እ ኡንቱንታ፥ “ህንተንቱ አዉዋ ሶምእ ታዉ ካሰዋ ማላ ግደናዋ ታን በአይ፤ ሽን ታ አዉዋ ጾሳይ ታናና ደኤ። 
\v 6 ታን ታ ዎልቃ ኡባን ህንተንቱ አዉ ኦዳዋ ህንተንቱ ኤሪታ፤ 
\v 7 ሽን ህንተንቱ አዉ ታና ጭሚደ፥ ታ ድርጉዋ ታሙ ገደ ላሜዳ። ግዶፐነ ጾሳይ ታና እ ቆሄናዳን ድጌዳ። 
\v 8 እ፥ ‘ፑንጫረቱ ነ ድርጉዋ ግዳና’ ጊና፥ ዉዲ ኡባይ ፑንጫርያ የሌዳ፤ ቃይ እ፥ ‘ሻቻቱ ነ ድርጉዋ ግዳና’ ጊና፥ ዉዲ ኡባይ ሻቻ የሌዳ። 
\v 9 ጾሳይ ሀዋዳን ህንተንቱ አዉዋ መህያ ዎ አኪደ ታዉ እሜዳ።
\p
\v 10 “መሄቱ ካህያ አግናን፥ ታን እት አኩሙዋ አኩመታድ፤ ሄ አኩሙዋን ታን ጼልያ ዎደ፥ ዉድያ ብራስያ ዴሻ ኮለቱ ዳንጫ፥ ፑንጫረነ ጋዛ። 
\v 11 ጾሳ ኪታንቻይ አኩሙዋን ታና፥ ‘ያቆባ’ ያጌዳ፤ ታን፥ አቤ ያጋደ ኮያድ። 
\v 12 ታና እ፥ ቁ ጋደ ዉድያ ጻልያ ዴሻ ኮልያ ኡባ ሻቻ፥ ፑንጫርያነ ጋዛ በአ፤ አያዉ ጎፐ፥ ላብ ነ ቦላ ኦያዋ ኡባ ታን በኣድ። 
\v 13 ኔን ኤሴዳ ሹቻ ኦካደ፥ ታዉ ሺቀቴዳ ቤቴለ ጾሳይ ታና ሀእ ደንዳ፤ ሀ ቢታፐ ከሳ፤ ጉየ ነ የለታ ጋድያ ስማ ያጌዳ” ያጌዳ።\x - \xo 31:13 \xo*\xt ዶመ 28:18-22\xt*\x*
\p
\v 14 ሄዋፐ ጉየ፥ ራሄላነ ልያ ሀዋዳን ያጊደ ዛሬድኖ፤ “ኑ አዉዋፐ ኑና ጋካናባይ አዬ? 
\v 15 እ ኑና አላጋዳን ጼሌ ግደኔ? እ ኑና ዛልእ አኬዳ፤ ዛልኢደ አኬዳዋካ ም ይሴዳ። 
\v 16 ጾሳይ ኑ አዉዋፐ ዎ አኬዳ ማጹ ኡባይ ቱሙካ ኑዋነ ኑ ናናዋ። ሄዋ ድራዉ ጾሳይ ነዉ ኦዴዳዋ ኡባ ኦ” ያጌድኖ።
\p
\v 17-18 ያቆብ ካናነ ጋድያን ደእያ ባረ አዉዋ ይሳቃኮ ባናዉ ደንዴዳ፤ እ ባረ ናናነ ባረ ማቻቱዋ ጋሉዋ ቶግሴዳ፤ ዉድያ ኡባ ባረፐ ስንና ላጊደ፥ ማስጰጾምያን ደኢደ እ ሺሼዳ ማጹዋ ኡባ አኪደ ቤዳ። 
\v 19 ላብ ባረ ዶርሳቱዋ እስክያ ቃንጻናዉ ብድጌዶሽን፥ ራሄላ ባረ አዉዋ ሶ ምስለቱዋ ዉኣዱ። 
\v 20 ቃይ ያቆብ ሶርያ ላባናዉ ባረ ባቃትያዋ ኦደናን ጭሜዳ። 
\v 21 እ ባረዉ ደእያዋ ኡባ አኪደ ባቃቴዳ፤ ኤፍራጺሳ ሻፋ ፕኒደ፥ ጋላኣደ ግያ ገዝያኮ ስሚደ ቤዳ።
\s1 ላብ ያቆባ ካሌዳ
\p
\v 22 ሄዘን ጋላሳን፥ ላብ ያቆብ ባቃት ብ ክቼዳዋ ስሴዳ። 
\v 23 ባረ ዳቦቱዋ ባረናና አኪደ፥ ላፑን ጋላሳ ኦግያ ያቆባ ጌዱዋ ካሊደ፥ ጋላኣደ ገዝያን አ ጋኬዳ። 
\v 24 ሄ ዎደ ጾሳይ ቃማ ሶርያ ላባናኮ አኩሙዋን ዪደ አ፥ “ኔን ያቆባ ቦላ ኢታ ግድና፥ ሎአ ግድና፥ አይነ ሃሳየናዳን ኔና ኤራ!” ያጌዳ። 
\v 25 ላብ ጋክያ ዎደ፥ ያቆብ ጋላኣደ ገዝያን ዱንካኒደ ኡቴዳ፤ ቃይ ላብነ አ ዳቦቱ ያን ዱንካኔድኖ።
\p
\v 26 ሄዋፐ ጉየ ላብ ያቆባ፥ “ኔን ሀዋዳን አያዉ ኦዲ? ኔን ታና ጭማደ፥ ታ ማጫ ናና ኦላን ኦሞደቴዳዋዳን ላጋደ ከሳዳ። 
\v 27 ኔን አያዉ ቆሱዋን ታፐ ከሳ አካደ፥ ታና ጭማዲ? ታን ኔና ናሸቻንነ የን፥ ካራቡዋንነ ዲን ሞይዛና ማላ ታዉ አያዉ ኦዳበይኪ? 
\v 28 ኔን ሀራይ አቶ፥ ታ ናና ናናነ ታ ማጫ ናና ታን የራ አከና ማላ ድጋዳ። ኔን ኤያባ ኦዳ። 
\v 29 ታን ኔና ገናናዉ ታዉ ዎልቃይ ደኤ፤ ሽን ነ አዉዋ ጾሳይ ዝኖ ቃማ ታና፥ ‘ያቆባ ቦላ ኢታ ግድና፥ ሎአ ግድና፥ አይነ ሃሳየናዳን ኔና ኤራ!’ ያጊደ ታዉ ኦዴዳ። 
\v 30 ሀእ ግዶፐነ፥ ኔን ነ አዉዋ ሶ ባናዉ ሎይ ላሞቴዳ ድራዉ ከሳዳ። ሽን ታ ሶ ምስለቱዋ ኔን አያዉ ዉኣዲ?” ያጌዳ።
\p
\v 31 ያቆብ ላባና፥ “ኔን ነ ናና ታፐ ዎልቃን ዎ አካንንቶነ ጋደ ቆፔዳ ድራዉነ ያዬዳ ድራዉ፥ ሀዋዳን ኦድ። 
\v 32 ሽን ነ ሶ ምስለቱዋ ኦይቄዳ አሳ ኦናነ ኔን ደሞፐ፥ ሄ ኡራይ ሲፈቶ! ነዋ ግዴዳዌ ታ ማታን ቤትንቶ፥ ኑ ዳባቱዋ ስንን ኮያ፤ ነዋ ግዶፐ አካ” ያጌዳ፤ አያዉ ጎፐ፥ ያቆብ ራሄላ ሄ ሶ ምስለቱዋ ዉኤዳዋ ኤርቤና።
\p
\v 33 ሄዋ ድራዉ ላብ ያቆባ ዱንካንያ ግዶ፥ ልያ ዱንካንያ ግዶን ላኡ ቆማቱዋ ዱንካንያ ግዶ ገሌዳ፤ ሽን አይነ ደምቤና። ልያ ዱንካንያፐ ከሲደ፥ ራሄል ዱንካንያ ገሌዳ። 
\v 34 ራሄላ ሶ ምስለቱዋ አካደ፥ ጋሉዋ ኮራ ጋርሳን ቆሳደ፥ አ ቦላ ኡታዱ። ላብ ዱንካንያን ደእያዋ ኡባ ቡሉቂ ኮዬዳ፤ ሽን አይነ ደምቤና። 
\v 35 ራሄላ ባረ አዉዋ፥ “ታ ጎዳዉ፥ ታና ሀንቀፓ፤ ታን ነዉ ኤቃና ዳንዳይከ፤ ታዉ ፒላይ ይ ኡቴዳ” ያጋዱ። እ ኮዬዳ፤ ሽን ሶ ምስለቱዋ ደምቤና።
\p
\v 36 ያቆብ ላባና ሀንቀቲደ ዎቃሴዳ፤ ያቆብ ላባና፥ “ታን አያ ባይዛድታ? ሀዋ ኔን ታና ካላናዉ፥ ታን ኦዳ ናጋራይ አዬ? 
\v 37 ሀእ ኔን ታ ሚሻ ኡባ ቡሉቃደ ኮያዳ፤ ነ ሶ ሚሻፐ አያ ደማድ? ኡንቱንቱ ኑ ላኡዋ ግዱዋን ፕርዳና ማላ፥ ታ ዳባቱዋ ስንንነ ነ ዳባቱዋ ስንን ሀዋን ዎ።
\p
\v 38 “ታን ኔናና ላታሙ ላይ ኩመን ደኣድ፤ ነ ዶርሳይካ ነ ዴሻይካ ቦሸትቤና፤ ዎይ ነ ዉድያፐ ጻቦትያ ማበይከ። 
\v 39 ዶአይ መንዳዋነ ነዉ አሀበይከ፤ ሽን ሄዋ ታናን ፓይዳድ። ጋላስ ዉኤቴዳዋ ዎይ ቃማ ዉኤቴዳዋ ታና ጭግሳዳ። 
\v 40 ጋላሳ ሱሉ፥ ቃማ ሜጉ ታና ቆሄዳ፤ ገምእሹ ታፐ ዬዳ። 
\v 41 ታን ሀዋዳን ነ ሶን ላታሙ ላይ ደኣድ፤ ታማነ ኦይዱ ላይ ነ ላኡ ማጫ ናና ድራዉነ ኡሱፑን ላይ ነ ዉድያ ድራዉ ነዉ ኦደ ደኣድ፤ ሽን ኔን ታ ድርጉዋ ታሙ ገደ ላማዳ። 
\v 42 ታ አዉዋ ጾሳይ፥ አብራሃመ ጾሳይ፥ ይሳቅ ያዬዳዌ ታናና ግድቤናዋ ግድንቶ፥ ስ ባይናን ኔን ታና መላ ኩሸ ከሳ የዳዳ፤ ሽን ጾሳይ ታ ቱጋነ ታ ኩሽያ ኦሱዋ በኢደ፥ ዝኖ ቃማ ኔና ሴሬዳ” ያጌዳ።
\s1 ያቆብነ ላብ ጫቀቴዳ ጫቁዋ
\p
\v 43 ላብ ያቆባ፥ “ማቻቱ ታ ማጫ ናና፤ ናናይካ ታ ናና፤ ዉዲካ ታ ዉድያ፤ ኔን በእያ ኡባይ ታዋ። ሀቼ ሀ ማጫ ናና ታዋንቱ ቦላነ ኡንቱንቱ የሌዳ ናና ቦላ አያ ኦናዉ ዳንዳያይታ? 
\v 44 ሀእ ሃያ፤ ኔንነ ታን ጫቁዋ ጫቀቶይተ፤ ሄዌ ኔፐነ ታፐ ግዱዋን ማርካ ግዶ” ያጌዳ።
\p
\v 45 ሄዋ ድራዉ ያቆብ እት ሹቻ አኪደ ቱሳዳን ኤሴዳ። 
\v 46 እ ባረ ዳቦቱዋ፥ “ሹቻ ሺሽተ” ያጌዳ፤ ኡንቱንቱ ሹቻ ሺሺደ ኬሌድኖ፤ ሄ ኬላ ላንቂያን ሜድኖ። 
\v 47 ላብ ሄ ኬላ፥ ይጋር-ሳሃዱታ\f + \fr 31:47 \fr*\fq ይጋር-ሳሃዱታ፦ \fq*\ft ሀ ሱን ብለይ አራማይስጸ ቃላን፥ “ማርካተ ኬላ” ግያዋ።\ft*\f* ጊደ ሱንዳ፤ ቃይ ያቆብ አ ጭሜዳ ጊደ ሱንዳ። 
\v 48 ላብ፥ “ሀ ኬላይ ኔፐነ ታፐ ግዱዋን ሀቼ ማርካ” ያጌዳ። ሄዋ ድራዉ አ ሱንይ ጭሜዳ ጌተቴዳ።
\p
\v 49 ቃይ እ ሄ ሹቻ ቱሳ ምጽጳ\f + \fr 31:49 \fr*\fk ምጽጳ፦ \fk*\ft ሀ ሱን ብለይ እብራዌዋን፥ “ናግያ ሳኣ” ግያዋ።\ft*\f* ጊደ ሱንዳ፤ አያዉ ጎፐ፥ ላብ፥ “ኑን እቱ እቱዋፐ ሃኪደ ደእያ ዎደ፥ መና ጎዳይ ነ ግዱዋንነ ታ ግዱዋን ግዲደ ናጎ። 
\v 50 ኔን ታ ማጫ ናና ናቆፐ፥ ዎይ ኔን ታ ማጫ ናና ቦላ ሀራ ማቻቱዋ አኮፐ፥ ኑናና ሀእ ኦንነ ባይናዋ ግዶፐነ ነ ግዱዋንነ ታ ግዱዋን ጾሳይ ማርካ ግድያዋ ሀሳያ” ያጌዳ።
\p
\v 51 ላብ ቃይካ ያቆባ፥ “ኬለቴዳ ሹቻይ ሀዌሽ፤ ቃይ ታን ነ ግዱዋንነ ታ ግዱዋን ኤሴዳ ሹቻ ቱሳይ ሀዌሽ። 
\v 52 ታን ሀ ኬላፐ ኔና ገናናዉ ኔኮ አናዳን፥ ኔንካ ታና ገናናዉ ሀ ኬላፐነ ሀ ሹቻ ቱሳፐ አናዳን፥ ሀ ኬላይነ ሀ ሹቻ ቱሳይ ማርካ። 
\v 53 አብራሃመ ጾሳይ፥ ናኮራ ጾሳይ፥ ኡንቱንቱ አዉዋ ጾሳይ፥ ኑ ግዱዋን እ ፕርዶ” ያጌዳ። ያቆብ ባረ አዉ ይሳቅ ያዬዳዋ ሱንን ጫቄዳ። 
\v 54 ያቆብ ደርያ ቦላን ያርሹዋ ያርሼዳ፤ ባረ ዳቦቱዋካ ቁማ ማናዉ ጼሴዳ። ኡንቱንቱ ሚደ ደርያ ቦላን አቄድኖ።
\p
\v 55 ዎንተ ጋላስ ጉራን ላብ ደንዲደ፥ ባረ ናና ናናነ ባረ ማጫ ናና የሬዳ፤ ቃይ ኡንቱንታ አንጄዳ። ባረ ሶ ስሜዳ።
\c 32
\s1 ያቆብ ኤሳና ጋከታናዉ ጊጌዳ
\p
\v 1 ያቆብ ደንዲደ ባረ ኦግያ ቢሽን፥ ጾሳ ኪታንቻቱ አናና ጋከቴድኖ። 
\v 2 ያቆብ ኡንቱንታ በኤዳ ዎደ፥ “ሀዌ ጾሳይ አቅያ ሳኣ” ያጊደ፥ ሄ ሳኣ ማህናይማ\f + \fr 32:2 \fr*\fq ማህናይማ፦ \fq*\ft ሀ ሱን ብለይ እብራዌዋን፥ “ላኡ ጩጉ አቅያ ሳኣ” ግያዋ።\ft*\f* ጊደ ሱንዳ።
\p
\v 3 ያቆብ ሰኢራ ግያ ሳኣን፥ ኤዶማ ቢታን ደእያ ባረ እሻ ኤሳኮ ኪታ ባረፐ ስንዉ ኪቴዳ። 
\v 4 እ ኡንቱንታ ሀዋዳን ያጊደ አዛዜዳ፤ “ህንተንቱ ታ ጎዳ ኤሳዉ ጋናዌ ሀዋ፤ ‘ነ ቆማይ ያቆብ፥ “ታን ላባና ማታን ደኣደ ሀኖ ጋካናዉ ጋምኣድ። 
\v 5 ታዉ ሚዛይነ ሀሪ፥ ዶርሳይነ ዴሻይ፥ አቱማ ቆማቱነ ማጫ ቆማቱ ደኢኖ፤ ሀእ ታን ሀ ኪታ ታ ጎዳ ስንን ናሸታና ማላ ኪታድ” ያጌዳ’ ያግተ” ያጌዳ።
\p
\v 6 ኪተቴዳዋንቱ ያቆባኮ ስሚደ አ፥ “ኑን ነ እሻ ኤሳኮ ቤዶ፤ ሀእ እ ቃይ ኔናና ጋከታናዉ ዬ፤ አናና ኦይዱ ጼቱ አሳይ ደኤ” ያጌድኖ።
\p
\v 7 ያቆብ ያዪደ ባትባቴዳ፤ ባረናና ደእያ አሳ ላኡ ጭታን ሻኬዳ፤ ቃይ ባረ ዶርሳ፥ ዴሻ፥ ሚዛነ ጋሉዋ ላኡ ጭታን ሻኬዳ። 
\v 8 እ፥ “ኤሳይ ዪደ እት ጭታ ኦልያዋ ግዶፐ፥ አቴዳ ጩጉ ከስ አኮፐነ” ያጊደ ቆፔዳ።
\p
\v 9 ሄ ዎደ ያቆብ ሀዋዳን ያጊደ ዎሴዳ፤ “አቤት መና ጎዳዉ፥ ታ አዉዋ አብራሃመ ጾሳዉ፥ ታ አዉዋ ይሳቃ ጾሳዉ፥ ታና፥ ‘ነ ጋድያ፥ ነ ዳቦቱዋኮ ስማ፤ ታን ነዉ ሎኦባ ኦና’ ጌዳዎ፥ 
\v 10 ኔን ነ ቆማዉ ኦዳ ኬካተዉነ ቱማተዉ ኡባዉ ታን በሰናዋ። ታን ሀ ዮርዳኖሳ ሻፋ ፕኔዳ ዎደ፥ ታዉ እት ጻምኣ ጻላላይ ደኤ፤ ሽን ሀእ ታን ላኡ ጩጎ ግዳድ። 
\v 11 ታን ኔና ዎሳይ፤ ታ እሻ ኤሳ ኩሽያፐ ታና አሻ፤ አያዉ ጎፐ፥ እ ዪደ፥ ታናነ ማጫዋንታ ኡንቱንቱ ናናቱዋካ ይሳናዌንቶነ ጋደ ያያድ። 
\v 12 ሽን ኔን ታና፥ ‘ታን ነዉ ቱሙ ሎኦባ ኦና፤ ታን ነ ዘረነ ፓይዳናዉ ዳንዳየተና አባ ሻፍያ ኬሻ ኦና’ ጌዳዋ ቆፓ” ያጌዳ።\x - \xo 32:12 \xo*\xt ዶመ 22:17\xt*\x*
\p
\v 13 ሄ ጋላሳ ቃማ እ ያን አቄዳ፤ ባረዉ ደእያዋ ኡባፐ ባረ እሻ ኤሳዉ እምያዋ ቆሪደ ከሴዳ፤ 
\v 14-15 እ ከሴዳዋንቱ ላኡ ጼቱ ማጫ ዴሻቱዋነ ላታሙ ዴሻ ኮለቱዋ፥ ላኡ ጼቱ ማጫ ዶርሳቱዋነ ላታሙ ዶርሳ ኮለቱዋ፥ ሀታሙ ንያ ጋሎቱዋ ኡንቱንቱ ማራቱዋና፥ ኦይታሙ ማጫ ሚዛቱዋ፥ ታሙ ኮሩማ ቦራቱዋ፥ ላታሙ ማጫ ሀረቱዋነ ታሙ አቱማ ሀረቱዋ። 
\v 16 ሀዋንታ ዉድያን ዉድያን ሻክ፥ ባረ ቆማቱዋ ኩሽያን ዎደ፥ ባረ ቆማቱዋ፥ “ታፐ ስንዉ ቢደ፥ ዉድያ ዉድያፐ ሃኩዋን ሃኩዋን ላግተ” ያጌዳ።
\p
\v 17 ስንን ካለያዋ፥ “ታ እሻይ ኤሳይ ኔናና ጋከቲደ ኔና፥ ‘ኔን ኦሴ? ኔን ሀቃ ባይ? ነ ስንን ደእያ መህያ ኡባይ ኦሴ?’ ያጊደ ኦችያዋ ግዶፐ፥ 
\v 18 ኔን አዉ፥ ‘ሀዋንቱ ነ ቆማ ያቆባዋ፤ ኡንቱንቱ ታ ጎዳ ኤሳዉ እማናዉ የዴዳዋንታ፤ ቃይ እካ ኑፐ ጉየና ይደኤ’ ያጋ” ያጊደ አዛዜዳ።
\p
\v 19 ቃይ እ ላኤን ሄዛንዋነ ዉድያ ካልያ ሀራቱዋ ኡባቱዋ ሀዋዳን አዛዜዳ፤ “ህንተንቱ ኤሳና ጋከትያ ዎደ፥ ሀንዳንካ ጊታ፤ 
\v 20 ‘ነ ቆማ ያቆብ ኑፐ ጉየና ይደኤ’ ጌናን አጎፕተ” ያጌዳ። አያዉ ጎፐ እ፥ “ታን ታፐ ስንዉ እማናዉ ኪቴዳዋን አ ዶሽሳና፤ ኦን ኤሪ፥ ሄዋፐ ጉየ ታን አናና ጋከትያ ዎደ፥ እ ታና ሞክ አካነንቶነ” ያጊደ ቆፔዳ። 
\v 21 ሄዋ ድራዉ ባረ እምያዋ ባረፐ ስንዉ የዴዳ። ሽን እ ባረ ሁጲያዉ ሄ ጋላስ ቃማ ያን አቄዳ።
\s1 ያቆብ ጾሳና ባጸቴዳ
\p
\v 22-23 ሄ ጋላስ ቃማ ያቆብ ደንዲደ፥ ባረ ላኡ ማቻቱዋ፥ ባረ ላኡ ቆማቱዋነ ባረ ናና ታማነ እታቱዋ አኪደ፥ ያቦቃ ግያ ፕኑዋ ጋኬዳ፤ እ ኡንቱንታ ሻፋ ፕንዳ፤ ባረዉ ደእያዋ ኡባካ ፕንደ የዴዳ፤ 
\v 24 ሽን ያቆብ ባረካ አቴዳ።\x - \xo 32:24-26 \xo*\xt ሆሰ 12:3-4\xt*\x*
\p ሄ ዎደ እት አሳይ ሳአይ ዎንታና ጋካናዉ አናና ባጸቴዳ። 
\v 25 ሄ አሳይ አ ጾናናዉ ዳንዳይቤናዋ በኤዳ ዎደ፥ ያቆባዉ ሙቄቻ መቀ ቦቼዳ፤ አ ሙቄቻ መቀይ ከስ ዎዳ። 
\v 26 ያትና ብታኒ አ፥ “ሳአይ ዎንቴዳ ድራዉ፥ ታና የዳ” ያጌዳ።
\p ሽን ያቆብ አ፥ “ኔን ታና አንጀናን ታን ኔና የድከ” ያጌዳ።
\p
\v 27 ብታኒ አ፥ “ነ ሱንይ ኦኔ?” ያጊደ ኦቼዳ።
\p እ፥ “ያቆባ” ያጊደ ዛሬዳ።
\p
\v 28 ብታኒ አ፥ “ሀዋፐ ስንዉ ነ ሱንይ እስራኤልያ\f + \fr 32:28 \fr*\fq እስራኤልያ፦ \fq*\ft ሀ ሱን ብለይ እብራዌዋን፥ “ጾሳና ባጸቴዳ” ግያዋ።\ft*\f* ጌተቶፐ አትና፥ ያቆባ ጌተቶፖ፤ አያዉ ጎፐ፥ ኔን ጾሳናነ አሳና ባጸታደ ጾናዳ”\x - \xo 32:28 \xo*\xt ዶመ 35:10\xt*\x* ያጌዳ።
\p
\v 29 ያቆብ አ፥ “ነ ሱንይ ኦኔ?”\x - \xo 32:29 \xo*\xt ዳና. 13:17-18\xt*\x* ያጊደ ኦቼዳ።
\p ሽን ብታኒ፥ “ኔን ታ ሱን አያዉ ኦቻይ?” ያጌዳ ጊደ አ አንጄዳ።
\p
\v 30 ሄዋ ድራዉ ያቆብ ሄ ሳኣ ጲንኤላ\f + \fr 32:30 \fr*\fq ጲንኤላ፦ \fq*\ft ሀ ሱን ብለይ እብራዌዋን፥ “ጾሳ ዴሙዋ” ግያዋ።\ft*\f* ጊደ ሱንዳ፤ አያዉ ጎፐ እ፥ “ታን ጾሳ ባዙዋን ጼላድ፤ ግዶፐነ ታን ፓጻ አታድ” ያጌዳ። 
\v 31 እ ጲንኤላፐ ደንድያ ዎደ፥ አ ቦላ ጻልቂ ዶሌዳ። እ ባረ ሙቄቻ መቀ ድራዉ ዶጌ። 
\v 32 ያቆባ ሙቄቻ አሹዋ ማታን ቦሸቴዳ ድራዉ፥ እስራኤልያ አሳይ መህያ ሙቄቻ አሹዋ ሀቼ ጋካናዉ ሜና።
\c 33
\s1 ያቆብ ኤሳና ጋከቴዳ
\p
\v 1 ያቆብ ቁ ግ ጼሊደ፥ ኤሳይ ባረ ኦይዱ ጼቱ አሳና ይያዋ በኤዳ። ሄዋ ድራዉ ናና ልይዉ፥ ራሄልዉነ ላኡ ቆማቱዋኮ ሻኬዳ። 
\v 2 ቆማቱዋነ ኡንቱንቱ ናና ስንን፥ ልዮነ እ ናና ኡንቱንቱ ጌዱዋን፥ ራሄሎነ ዮሴፋ ዉርሰን ዎዳ። 
\v 3 ሽን እ ባረ ሁጲያዉ ስንዉ አደ፥ ባረ እሻኮ ማቲደ፥ ሳኣ ጋክ ጋኪደ ላፑን ካላ ጎይኔዳ።
\p
\v 4 ሽን ኤሳይ አናና ጋከታናዉ ዎጺደ፥ አ ቆያ ቆም የሬዳ። ኡንቱንቱ ዬኬድኖ። 
\v 5 ያትና ኤሳይ ቁ ግ ጼሊደ፥ ማቻቱዋነ ናና በኤዳ፤ እ፥ “ሀ ኔናና ደእያዋንቱ ኦኔ?” ያጊደ ኦቼዳ።
\p ያቆብ፥ “ኡንቱንቱ ጾሳይ ነ ቆማዉ ኬካተን እሜዳ ናና” ያጌዳ። 
\v 6 ቆማቱ ባረንቱ ናናቱዋና ሺቂደ ጎይኔድኖ። 
\v 7 ሄዋፐ ጉየ፥ ልያነ እዝ ናናይ ዪደ ጎይኔድኖ፤ ዉርሰን ዮሴፎነ ራሄላ ዪደ ጎይኔድኖ።
\p
\v 8 ኤሳይ፥ “ሀ ስንን ታናና ጋከቴዳ ዉዲ ኡባይ ቃይ አዬ?” ያጊደ ኦቼዳ።
\p እ፥ “ታ ጎዳዉ፥ ሄዌ ታን ነ ስንን ናሸታናሳ” ያጌዳ።
\p
\v 9 ሽን ኤሳይ፥ “ታ እሻዉ፥ ታዉ ዳሮባይ ደኤ፤ ነዌ ኔሳ ግዶ” ያጌዳ።
\p
\v 10 ያቆብ፥ “ቱይት፥ ሀእ ታን ነ ስንን ናሸቴዳዋ ግዶፐ፥ ሀ ታን እምያዋ ታፐ አካ። ኔን ታና ሞካ አኬዳ ድራዉ፥ ታን ነ ዴሙዋ በእያዌ ጾሳ ዴሙዋ በእያዋ ማላ። 
\v 11 ታን ነዉ አሄዳ ሀ እሙዋ አካ፤ አያዉ ጎፐ፥ ጾሳይ ኬኪደ እምና፥ ታዉ በሴዳ” ያጌዳ። ያቆብ ሾብያ ቶሌዳ ድራዉ፥ ኤሳይ ሄዋ አኬዳ።
\p
\v 12 ሄዋፐ ጉየ ኤሳይ፥ “አነ ደንዳ፤ ኑ ኦግያ ቦይተ፤ ታን ኔናና እትፐ ባና” ያጌዳ።
\p
\v 13 ሽን ያቆብ አ፥ “ታ ጎዳዉ፥ ናናይ ሹጋ ግድያዋ ኤራሳ፤ ቃይ ታን ባረንቱ ጋሎ ማራቱዋ ንያ ዶርሳቱዋነ ሚዛ ናጋና ኮሼ፤ አሳይ ኡንቱንቱ እት ጋላሳ ድርቢስ ላጎፐ፥ መህያ ኡባይ ሀይቃና። 
\v 14 ሄዋ ድራዉ፥ ታ ጎዳዉ፥ ነ ቆማፐ ስንታደ ባ፤ ታን ሰኢራን ታ ጎዳ ጋካናዉ፥ ታ ስንን ደእያ መህያ ሄመታ ኬናነ ናና ሄመታ ኬና ሎዳን ካላና” ያጌዳ።
\p
\v 15 ኤሳይ አ፥ “ያቶፐ ታን ታ አሳፐ አማሬዳዋ ነዉ አሻይ” ያጌዳ።
\p ሽን ያቆብ አ፥ “ሄዌ አይሴ? ታን ታ ጎዳ ስንን ናሸትያዌ ታዉ ግዳና” ያጌዳ።
\p
\v 16 ሄዋ ድራዉ ኤሳይ ሄ ጋላስ ኦግያን ገሊደ፥ ሰኢራ ስሜዳ። 
\v 17 ሽን ያቆብ ሱኮታ ቤዳ፤ ያን ባረዉ ጎልያ ኬጼዳ፤ ባረ መሄቶካ ዳስያ ዳሴዳ። ሄዋ ድራዉ ሄ ሳኣ ሱኮታ\f + \fr 33:17 \fr*\fq ሱኮታ፦ \fq*\ft ሀ ሱን ብለይ እብራዌዋን፥ “ዳስያ” ግያዋ።\ft*\f* ጊደ ሱንዳ።
\p
\v 18 ያቆብ ማስጰጾምያፐ ስሜዳ ዎደ፥ ካናነ ቢታን ደእያ ሰኬመ ግያ ካታማ ሳሮተን ጋኬዳ፤ እ ሄ ካታማዉ ባዙዋን ኡቴዳ። 
\v 19 ባረ ዱንካንያ ጌዳ ጋድያ ሸኬማ አዉዋ ሀሞራ ናናቱዋፐ ጼቱ ጻጋራ ብራን ሻሜዳ።\x - \xo 33:19\xo*\xt ኢያሳ 24:32፤ ዮሃ. 4:5\xt*\x* 
\v 20 ያን ያርሽያ ሳኣ ኬጺደ አ፥ “ጾሳ፥ እስራኤልያ ጾሳ” ጊደ ሱንዳ።
\c 34
\s1 ሸኬመ ዲኖ ሆሬዳ
\p
\v 1 ልያ ያቆባዉ የሌዳ ናታ ዋና፥ ሄ ዎደ ሄ ጋድያ ማጫዋንታ በአናዉ ከሳዱ። 
\v 2 ሄ ጋድያ ሞድያ ህውያ ሀሞራ ናኣ ሸኬመ እዞ በኢደ፥ እዞ ሆር አፊደ ባይዜዳ። 
\v 3 አ ዎዛናይ ያቆባ ናቶ ዲኖ አሞቴዳ፤ እ እዞ ሲቄዳ፤ እዝዉ ሎእያዋ ሃሳዬዳ። 
\v 4 ሸኬመ ባረ አዉዋ ሀሞራ፥ “ታዉ ሀ ናቶ ማቼተዉ ኦቻርክ” ያጌዳ።
\p
\v 5 ያቆብ ባረ ናታ ዳና ባዬዳዋ ስስያ ዎደ፥ አ አቱማ ናናይ ዎራን መህያና ደእኖ፤ ሄዋ ድራዉ ኡንቱንቱ ጋካናዉ ጮኡ ጌዳ።
\p
\v 6 ሄዋፐ ጉየ፥ ሸኬማ አዉዋ ሀሞር ያቆባና ሃሳያናዉ ዬዳ። 
\v 7 ያቆባ አቱማ ናናይ ሄዋ ስሴዳ ሳና ዎራፐ ዬድኖ፤ ኡንቱንቱ ካዮቴድኖነ ሀንቀቴድኖ፤ አያዉ ጎፐ፥ ሸኬመ ያቆባ ናቶ ሆር አፊደ ባይዝያዋ፥ እስራኤልያ ቦላ ፖኮባ፥ ኦናዉ በሰናባ ኦዳ።
\p
\v 8 ሽን ሀሞር ኡንቱንታ፥ “ታ ናአይ ሸኬመ ህንተንቱ ናትዉ ዳርስ ዳጋሜዳ፤ ሀያና እዞ አዉ ማቼተዉ እሜርክቴ! 
\v 9 ኑናና አከትተነ ገለትተ፤ ህንተንቱ ማጫ ናና ኑዉ እምተ፤ ኑ ማጫ ናናነ ህንተንቶ አክተ። 
\v 10 ህንተንቱ ኑ ግዶን ኡታናዉ ዳንዳዪታ፤ ቢታይ ሎይ አካ፤ አን ደእተ፤ ዛልእተ፤ አን ማጹዋ ደምተ” ያጌዳ።
\p
\v 11 ሄ ዎደ ሸኬመ ዲን አዉዋነ እ እሻቱዋ፥ “ታን ህንተንቱ ስንን ናሸቶፐ፥ ህንተንቱ ኦችያዋ አያ ግዶፐነ እማና። 
\v 12 ህንተንቱ ምሽራ ናትዉ እምያዋነ ጭሎሻ ህንተንቱ ኮዮዋ ኬሻ ዳርሲደ ታና ኦችተ፤ ታን ህንተንቱ ታና ኦቼዳዋ አያነ እማና፤ ሽን ታን አካናዳን ናቶ ታዉ እሜርክቴ!” ያጌዳ።
\p
\v 13 ባረንቱ ምቻቶ ዲኖ ሸኬመ ቱንሴዳ ድራዉ፥ ያቆባ አቱማ ናናይ ሸኬማዉነ አ አዉዋ ሀሞራዉ ዎርዱዋ ኦዴድኖ፤ 
\v 14 ኡንቱንታ ሀዋዳን ያጌድኖ፤ “ኑን ሄዋ ማላ ኦና ዳንዳዮኮ፤ ኑን ኑ ምቻቶ ቃጻረትቤና አሳዉ እሞኮ፤ ሄዌ ኑና ካዉሽያዋ። 
\v 15 ኑን ህንተንቱ እትባ ኦፐ ህንተንቶ፥ ‘ኤኖ’ ጋና፤ ሄዌ አዬ ጎፐ፥ ህንተንቱ ጋድያ አቱማ አሳይ ኡባይ ቃጻረቲደ ኑናዳን ሀኖፐ፥ 
\v 16 ኑን ኑ ማጫ ናና ህንተንቶ እማናዉ ‘ኤኖ’ ጋና፤ ህንተንቱ ማጫ ናናካ ኑዉ አካና። ኑን ህንተንቱ ግዶን ኡቲደ፥ ህንተናና እት አሳ ግዳና። 
\v 17 ሽን ህንተንቱ ቃጻረታናዉ ኤኖ ጌናዋ ግዶፐ፥ ኑን ኑ ምቻቶ አኪደ ባና” ያጌድኖ።
\p
\v 18 ኡንቱንቱ ጌዳዌ ሀሞራዉነ አ ናኣ ሸኬማዉ ሎአ ማላቴዳ። 
\v 19 ሄ ዎዳላይ፥ ባረ አዉዋ ጎለን ደእያ ኡባፐ አ ቦንቼቴዳዌ፥ ያቆባ ናትን ናሸቴዳ ድራዉ፥ ኡንቱንቱ ጌዳዋ ኦናዉ ጋምእቤና። 
\v 20 ሄ ዎደ ሀሞርነ አ ናአይ ሸኬመ ባረንቱ ካታማ ጉታራ ቢደ፥ ባረንቱ ካታማ አሳዉ ሀዋዳን ያጊደ ኦዴድኖ፤ 
\v 21 “ሀ አሳቱ ኑናና ስጋ፤ ኡንቱንቱ ኑ ቢታን ደኢኖነ ዛልኢኖ፤ ቢታይ ሎይ አካ። ኡንቱንቱ ማጫ ናናካ ኑን አካና፤ ኡንቱንቱካ ኑ ማጫ ናና አካና። 
\v 22 ሽን ኑናና ኡንቱንቱ እት አሳዳን ደአናዉ ኑን እትባ ማየታናዉ ኮሼ፤ ሄዌነ፥ ኡንቱንቱ ቃጻረቴዳዋዳን ኑ አቱማ አሳይ ኡባይ ቃጻረታናዋ። 
\v 23 ኑን ሄዋዳን ኦፐ፥ ኡንቱንቱ ሚዛይ፥ ኡንቱንቱ ማጹነ ኡንቱንቱ ሀራ መሂ ኡባይ ኑዋ ግደኔ? ሄዋ ድራዉ አነ ኑን ኡንቱንቱ ግያዋ ኤኖ ጎይተ፤ ኡንቱንቱካ ኑ ግዶን ደአና” ያጌድኖ።
\p
\v 24 ካታማ ጉታራ ሺቄዳ አሳቱ ኡባይ ሀሞራዉነ አ ናኣ ሸኬማዉ፥ “ኤኖ” ጌድኖ። ያትና ሄ ካታማ አቱማ አሳቱ ኡባይ ቃጻረቴድኖ።
\p
\v 25 ሄዘን ጋላስ፥ ኡንቱንቱ ኡባይ ባረንቱ ቃጻራ ማዱን ሳከት ደእሽን፥ ያቆባ አቱማ ናናቱዋፐ ላኡ፥ ስሞንነ ሌዊ፥ ዲን እሻቱ፥ ባረንቱ ማሻ አኪደ፥ ኦንነ ኤረናን ካታማ ገሊደ፥ አቱማ አሳቱዋ ኡባ ዎድኖ። 
\v 26 ሀሞራነ አ ናኣ ሸኬማ ማሻን ዎደ፥ ባረንቱ ምቻቶ ዲኖ ሸኬማ ጎልያፐ አኪደ አፌድኖ። 
\v 27 ያቆባ አቱማ ናናይ ሄ አሃቱዋ ቦላ ገሊደ፥ ባረንቱ ምቻቶ ዲኖ ቱንሴዳ ካታማ ቦንቄድኖ። 
\v 28 ኡንቱንቱ ዶርሳ ዉድያ፥ ሚዛ ዉድያ፥ ሀርያ፥ ካታማ ግዶን ደእያዋነ ጋጻን ደእያዋ ኡባ አኬድኖ። 
\v 29 ኡንቱንቱ ማጹዋ ኡባ፥ ኡንቱንቱ ናና ኡባነ ማቻቱዋ ኡባ ኦሞዴድኖ፤ ጎለን ደኤዳዋ ኡባ ቦንቄድኖ።
\p
\v 30 ያቆብ ስሞናነ ሌዊያ፥ “ህንተንቱ ታ ቦላ መቱዋ አህ ክቼድታ፤ ሀ ጋድያን ደእያ ካናናቱነ ፓርዘቱ ታና እጻናዋንታ፤ ኑን ፓይዱዋን ጉ፤ ኡንቱንቱ እትፐ ግዲደ ታ ቦላ ደንዶፐ፥ ታንነ ታ ሶ አሳይ ያና” ያጌዳ።
\p
\v 31 ሽን ኡንቱንቱ፥ “ያትና እ ኑ ምቻቶ ሻርሙጻዳን ኦና በሲ?” ያጌድኖ።
\c 35
\s1 ያቆብ ቤቴለ ስሜዳ
\p
\v 1 ጾሳይ ሄዋፐ ጉየ ያቆባ፥ “ደንዳደ ፑደ ቤቴለ ባደ ያን ደአ። ኔን ነ እሻ ኤሳፐ ባቃትያ ዎደ ነዉ ቆንጬዳ ጾሳዉ ያን ያርሽያ ሳኣ ኬጻ” ያጌዳ።\x - \xo 35:1 \xo*\xt ዶመ 28:11-17\xt*\x*
\p
\v 2 ያቆብ ባረ ሶ አሳነ ባረናና ደእያዋንታ ኡባ፥ “ህንተንቱ ግዱዋን ደእያ አላጋ ጾሳቱዋ ምስለቱዋ ድግተ፤ ህንተንቱ ቦላ ጌሽተ፤ ህንተንቱ ማዩዋነ ላምተ። 
\v 3 አነ ደንዲደ፥ ፑደ ቤቴለ ቦይተ፤ ታ መቱዋ ጋላስ ታና ስሴዳ፥ ታን ቤዳ ሳኣን ኡባን ታናና ግዴዳ ጾሳዉ፥ ታን ያን ያርሽያ ሳኣ ኬጻና” ያጌዳ። 
\v 4 ሄዋ ድራዉ ኡንቱንቱ ባረንቶ ደእያ አላጋ ጾሳቱዋ ምስለቱዋ ኡባነ ባረንቱ ሀይን ደእያ ጉድቻ ኡባ ያቆባዉ እሜድኖ፤ ያቆብ ሄዋንታ ሰኬማን ደእያ ዎላ ጋርሳን ሞጌዳ።
\p
\v 5 ሄዋፐ ጉየ፥ ያቆብነ አ አቱማ ናናይ ደንዲደ ቢሽን፥ እት ኡራይነ ኡንቱንታ ኦይቃናዉ ካልቤና፤ አያዉ ጎፐ፥ ኡንቱንቱ ቢሽን፥ ኡንቱንቱ ዩሹዋን ደእያ ካታማ አሳ ኡባ ቦላ ጾሳ ዳጋማይ ዎዳ።
\p
\v 6 ያቆብነ አናና ደእያ አሳይ ኡባይ ካናነ ጋድያን ደእያ (ቤቴለ ግያ) ሎዛ ጋኬድኖ። 
\v 7 ያን እ ያርሽያ ሳኣ ኬጼዳ፤ እ ሄ ሳኣ ኤል-ቤቴለ ጊደ ሱንዳ፤ አያዉ ጎፐ፥ እ ባረ እሻፐ ባቃቲደ ብያ ዎደ፥ ጾሳይ አዉ ቆንጬዳ ሳአይ ሄዋ።
\p
\v 8 ርብቆ ድችያ ደቦራ ያን ሀይቃዱ፤ ቤቴለፐ ህርክና ደእያ ዎላ ጋርሳን እዛ ሞገታዱ፤ ሄዋ ድራዉ ሄ ም ሱንይ ዬኩዋ ዎላ ጌተቴዳ።
\p
\v 9 ያቆብ ማስጰጾምያፐ ስሜዳዋፐ ጉየ፥ ጾሳይ አዉ ዛረ ቆንጪደ፥ አ አንጄዳ፤ 
\v 10 ጾሳይ አ፥ “ነ ሱንይ ያቆባ፤ ሽን ሀዋፐ ስንናዉ ኔን ኡባካ ያቆባ ጌተታካ፤ ነ ሱንይ እስራኤልያ ግዳና” ያጊደ እ አ እስራኤልያ ሱንዳ።\x - \xo 35:10 \xo*\xt ዶመ 32:28\xt*\x*
\p
\v 11 ቃይ ጾሳይ ያቆባ፥ “ታን ኡባ ዳንዳይያ ጾሳ፤ ኔን የለታ፤ ጮራታ፤ ካዉተቱነ ካዉተ አሳይ ኔፐ ከሳና፤ ካተቱካ ነ ጉልባታፐ ከሳና።\x - \xo 35:11-12 \xo*\xt ዶመ 17:4-8\xt*\x* 
\v 12 ታን አብራሃመዉነ ይሳቃዉ እሜዳ ቢታ፥ ቃይ ነዉ እማይ፤ ኔፐ ጉየና ታን ሀ ቢታ ነ ዘረዉ እማና” ያጌዳ። 
\v 13 ሄዋፐ ጉየ፥ ጾሳይ አናና ሃሳዬዳ ሳኣፐ ፑደ ከሴዳ።
\p
\v 14 ያቆብ ጾሳይ ባረናና ሃሳዬዳ ሳኣን ሹቻ ኤሲደ፥ አ ቦላ ኡሻ ያርሹዋ ትጌዳ፤ ዛይትያካ ቦላ ትጌዳ።\x - \xo 35:14-15 \xo*\xt ዶመ 28:18-19\xt*\x* 
\v 15 ያቆብ ጾሳይ ባረናና ሃሳዬዳ ሳኣ “ቤቴለ” ጊደ ሱንዳ።
\s1 ራሄልነ ይሳቃ ሀይቁዋ
\p
\v 16 ኡንቱንቱ ሄዋፐ ጉየ፥ ቤቴለፐ ደንዴድኖ። ኡንቱንቱ ኤፍራታ ጋካናዉ ላፋ አሽያ ዎደ፥ ራሄሎ የሉ ኦይቄዳ፤ የሉዋን እዛ ሎይ ዋየታዱ። 
\v 17 የሉ እዞ ዋይሴዳ ዎደ እዞ የልስያና፥ “ያዮፓ፤ ሀዌካ አቱማ ናኣ” ያጋዱ። 
\v 18 ሽን እዛ ሀይቃደ፥ ሸምፑ ከስሽን፥ ባረ ናኣ ቤንኦና\f + \fr 35:18: \fr*\fq ቤንኦና፦ \fq*\ft ሀ ሱን ብለይ እብራዌዋን፥ “ታ መቱዋ ናኣ” ግያዋ።\ft*\f* ሱንዱ፤ ሽን አ አዉ አ ቢንያማ\f + \fr 35:18 \fr*\fq ቢንያማ፦ \fq*\ft ሀ ሱን ብለይ እብራዌዋን፥ “ታ ኡሸቻ ኩሽያ ናኣ” ግያዋ።\ft*\f* ሱንዳ።
\p
\v 19 ሄዋፐ ጉየ፥ ራሄላ ሀይቃ ባሻዱ፤ ቤተሌመ ግያ ኤፍራታ አፍያ ኦግያ ዶናን ሞገታዱ። 
\v 20 ያቆብ እዝ ዱፉዋን ሀዉልትያ ሹቻ ኤሴዳ፤ ሄ ሀዉልቲ ሀቼ ጋካናዉ ራሄል ዱፉዋ ኤርሴ።
\p
\v 21 እስራኤሊ ሄዋፐ ደንዲደ፥ ኤደራ ግምቢያፐ ሄፍንን ባረ ዱንካንያ ቶኬዳ። 
\v 22 እስራኤሊ ሄ ጋድያን ደእሽን፥ ሮቤል ቢደ፥ ባረ አዎ የሌዳ ቆማቲ ባልና ግሴዳ። እስራኤሊ ሀ የዉዋ ስሴዳ።\x - \xo 35:22 \xo*\xt ዶመ 49:4\xt*\x*
\p ያቆባ አቱማ ናናይ ታማነ ላአ። 
\v 23 ልያ ናናይ ያቆባ ባይራ ናኣ ሮቤላ፥ ስሞና፥ ሌዋ፥ ይሁዳ፥ ይሳኮራነ ዛብሎና። 
\v 24 ራሄል አቱማ ናናይ ዮሴፋነ ቢንያማ። 
\v 25 ራሄል ዳንጋጽራት ባል አቱማ ናናይ ዳናነ ንፍታሌማ። 
\v 26 ልያ ዳንጋጽራት ዝልፕ አቱማ ናናይ ጋዳነ አሴራ። ሀዋንቱ ማስጰጾምያን ያቆባዉ የለቴዳ አ አቱማ ናና።
\p
\v 27 ያቆብ (ከብሮና ግያ) ቅርያት-አርባአ ማታን ማምረን ደእያ፥ ባረ አዉዋ ይሳቃ ሶ ዬዳ፤ ሄ ሳአይ ካሰ አብራሃመነ ይሳቅ ደኤዳ ሳኣ።\x - \xo 35:27 \xo*\xt ዶመ 13:18\xt*\x* 
\v 28 ይሳቅ ጼታነ ሆስፑን ታሙ ላይ ደኤዳ፤ 
\v 29 እ ዳሮ ዎድያ ደኢደ፥ ሎኦ ጭም ሀይቂደ ባረ ማይዛን ጋከቴዳ። አ ናናይ ኤሳይነ ያቆብ አ ሞጌድኖ።
\c 36
\s1 ኤሳ የለታ
\r (36:1-43፤ 1 ኦዱዋ 1:34-37)
\p
\v 1 ኤዶማ ግያ ኤሳ የለታይ ሀዋፐ ካሊደ ጻፈቴዳዋ። 
\v 2 ኤሳይ ካናነ ቢታ ማጫ ናናቱዋፐ ባረዉ ማቼቱዋ አኬዳ፤ ኡንቱንቱነ ሂትያ ኤሎና ናቶ አዶ፥ ሂውያ ጽባኦና ናአይ አን የሌዳ ኦሆሊባሞነ\x - \xo 36:2 \xo*\xt ዶመ 26:34\xt*\x* 
\v 3 እስማኤላ ናቶ፥ ናባዮታ ምቻቶ ባሰማቶ።\x - \xo 36:3 \xo*\xt ዶመ 28:9\xt*\x* 
\v 4 አዳ ኤሳዉ ኤልፋዛ የላዱ፤ ባሰማታካ ራኡኤላ የላዱ፤ 
\v 5 ኦሆሊባማ ያኡሻ፥ ያእላማነ ቆራሀ የላዱ፤ ካናነ ጋድያን ኤሳዉ የለቴዳ አቱማ ናናይ ሀዋንታ።
\p
\v 6 ኤሳይ ባረ ማቼቱዋ፥ ባረ አቱማ ናናነ ማጫ ናና፥ ባረ ሶ አሳ ኡባ፥ ባረ ሚዛቱዋነ ባረ መህያ ኡባ ካናነ ጋድያን እ ሞዴዳዋ ኡባ አኪደ፥ ባረ እሻ ያቆባፐ ሃክያ ጋድያ ቤዳ። 
\v 7 ኡንቱንቱ ማጹ ዳሬዳ ድራዉ፥ ኡንቱንቱ እትፐ ደአናዉ ዳንዳይበይክኖ፤ ኡንቱንቱ መሂ ዳሬዳ ድራዉ፥ ኡንቱንቱ ደእያ ቢታይ ኡንቱንቱ መህያው ግዳናዉ ዳንዳይቤና።
\p
\v 8 ያትና ኤዶማ ግያ ኤሳይ ሰኢራ ግያ ገዝያን ኡቴዳ።
\p
\v 9 ሰኢራ ገዝያን ደኤዳ ኤዶማቱዋ አዉዋ ኤሳ የለታይ ሀዋፐ ካሊደ ጻፈቴዳዋ። 
\v 10 ሀዌ ኤሳ አቱማ ናና ሱን፤ ሄዋንቱነ ኤሳ ማቻት አድ ናኣ ኤልፋዛነ ኤሳ ማቻት ባሰማት ናኣ ራኡኤላ።
\p
\v 11 ኤልፋዛ ናናይ ተማና፥ ኦማራ፥ ጻፋ፥ ጋእታማነ ቃናዛ። 
\v 12 ቃይ ትምናአ ኤሳ ናኣ ኤልፋዛዉ ቆማቱዋ፤ እዛ ኤልፋዛዉ አማሌቃ የላዱ። ሀዋንቱ ኤሳ ማቻት አድ ናኣ ናና።
\p
\v 13 ራኡኤላ አቱማ ናናይ ናሃታ፥ ዛራሀ፥ ሻማነ ሚዛ፤ ሀዋንቱ ኤሳ ማቻት ባሰማት ናኣ ናና።
\p
\v 14 ጽባኦና ናአይ አን የሌዳ ኦሆሊባማ አቱማ ናናይ ሀዋንታ፤ እዛ ኤሳዉ ያኡሻ፥ ያእላማነ ቆራሀ የላዱ።
\p
\v 15 ኤሳ የለታ ካፓቱ ሀዋፐ ካሊደ ጻፈቴዳዋንታ። ኤሳዉ ባይራ ናኣ ኤልፋዛ አቱማ ናናይ፥ ካፑዋ ግዴዳዋንቱ ተማና፥ ኦማራ፥ ጻፋ፥ ቃናዛ፥ 
\v 16 ቆራሀ፥ ጋእታማነ አማሌቃ፤ ኤዶማ ቢታን ኤልፋዝ የሌዳ ካፓቱ ሀዋንታ፤ ሀዋንቱ ኡባይ አድ ናኣ ናና።
\p
\v 17 ኤሳ ናኣ ራኡኤላ አቱማ ናናይ፥ ካፑዋ ግዴዳዋንቱ ናሃታ፥ ዛራሀ፥ ሻማነ ሚዛ፤ ኤዶማ ቢታን ራኡኤል የሌዳ ካፓቱ ሀዋንታ፤ ኡንቱንቱ ኤሳ ማቻት ባሰማት ናኣ ናና።
\p
\v 18 ኤሳ ማቻት ኦሆሊባም አቱማ ናናይ፥ ካፑዋ ግዴዳዋንቱ ያኡሻ፥ ያእላማነ ቆራሀ፤ ኡንቱንቱ አና ናት፥ ኤሳ ማቻት ኦሆሊባምፐ የለቴዳ ካፓቱዋ።
\p
\v 19 ኤዶማ ግያ ኤሳ አቱማ ናናይ ሀዋንታ፤ ኡንቱንቱ ካፓቱካ ሀዋንታ።
\s1 ሰኢራ የለታ
\r (1 ኦዱዋ 1:38-42)
\p
\v 20 ኤዶማ ጋድያን ደእያ ሆርያ ሰኢራ አቱማ ናናይ ሀዋፐ ካሊደ ጻፈቴዳዋንታ፤ ሄዋንቱካ ሎጻና፥ ሾባላ፥ ጽባኦና፥ አና፥ 
\v 21 ድሾና፥ ኤጼራነ ድሻና፤ ሄዋንቱ፥ ኤዶማ ጋድያን ደእያ ሰኢራ አቱማ ናናይ፥ ሆረቱዋ ካፓቱዋ።
\p
\v 22 ሎጻና አቱማ ናናይ ሆራነ ሄማማ፤ ሎጻና ምቻታ ትምናኦ።
\p
\v 23 ሾባላ አቱማ ናናይ አልዋና፥ ማናሃታ፥ ኤባላ፥ ሸፋነ ኦናማ።
\p
\v 24 ጽባኦና አቱማ ናናይ አያነ አና፤ ሀዌ አን ዎራን ባረ አዉዋ ጽባኦና ሀረቱዋ ሄሚደ ሃ ቦልኡዋ ደሜዳዋ።
\p
\v 25 አና ናአይ ድሾና፤ ናታ ቃይ ኦሆሊባሞ።
\p
\v 26 ድሾና አቱማ ናናይ ሄምዳና፥ ኤሽባና፥ ይትራናነ ካራና።
\p
\v 27 ኤጼራ አቱማ ናናይ ብልሃና፥ ዛእዋናነ አቃና።
\p
\v 28 ድሻና አቱማ ናናይ ኡጻነ አራና።
\p
\v 29 ሆረቱዋ ካፓቱ ሀዋንታ፤ ሎጻና፥ ሾባላ፥ ጽባኦና፥ አና፥ 
\v 30 ድሾና፥ ኤጼራነ ድሻና። ሀዋንቱ ሰኢራ ቢታን ባረንቱ ያራን ያራን ሻከቴዳ ሆረቱዋ ካፓቱዋ።
\s1 ኤዶማ ካተቱዋ
\r (1 ኦዱዋ 1:43-54)
\p
\v 31 እስራኤላን ካቲ ካዉታናፐ ካሰ ኤዶማ ቢታን ካተቴዳ ካተቱ ሀዋፐ ካሊደ ጻፈቴዳዋንታ።
\p
\v 32 ባኦራ ናአይ በላእ ኤዶማን ካተቴዳ፤ አ ካታማ ሱንይ ድናባ ጌተቴ።
\p
\v 33 በላእ ሀይቂና፥ ቦጽራፐ ዬዳ ዛራሀ ናአይ ዮባብ ካተቴዳ።
\p
\v 34 ዮባብ ሀይቂና፥ ተማና ቢታፐ ዬዳ ሁሻም ካተቴዳ።
\p
\v 35 ሁሻም ሀይቂና፥ ባዳዳ ናአይ ሀዳድ፥ ምድያማ አሳ ሞኣበ ጋድያን ጾኔዳዌ ካተቴዳ፤ አ ካታማ ሱንይ አዊታ ጌተቴዳ።
\p
\v 36 ሀዳድ ሀይቂና፥ ማስሬቃፐ ዬዳ ሳምል ካተቴዳ።
\p
\v 37 ሳምል ሀይቂና፥ ሻፋ ማታን ደእያ ራሆቦታፐ ዬዳ ሻኡል ካተቴዳ።
\p
\v 38 ሻኡል ሀይቂና፥ አክቦራ ናአይ ባኣልሀናን ካተቴዳ።
\p
\v 39 አክቦራ ናኣ ባኣልሀናን ሀይቂና፥ ሀዳር ካተቴዳ፤ አ ካታማ ሱንይ ፓኡ ጌተቴ፤ አ ማቻታ መዛሃባ ናታ ማጽሬዳ የሌዳ ማሄጻብኤሎ ጌተታዉ።
\p
\v 40 ኤሳ የለታ ካፓቱ ባረንቱ ያራን ያራን፥ ባረንቱ ሳኣን ኤለካ ባረንቱ ሱንን ሱንን ሀዋንታ፤ ትምናአ፥ አልዋ፥ የቴታ፥ 
\v 41 ኦሆሊባማ፥ ኤላ፥ ፒኖና፥ 
\v 42 ቃናዛ፥ ተማና፥ ምብጻራ፥ 
\v 43 ማግድኤላነ እራማ። ሀዋንቱ ባረንቱ ሞድያ ቢታን፥ ባረንቱ ደእያ ሳኣን ደእያ ሳኣን ኤዶማ ካፓቱዋ። ሀዌ ኤሳይ፥ ኤዶማቱዋ አዉዋ።
\c 37
\s1 ዮሴፋነ አ እሻቱዋ
\r (37:1—45:28)
\p
\v 1 ያቆብ ባረ አዉ ደኤዳ ካናነ ቢታን ኡቴዳ።
\p
\v 2 ያቆባ ናናይ ሀኔዳባይ ሀዋፐ ካሊደ ጻፈቴዳዋ።
\p ዮሴፎ ታማነ ላፑን ላይ ናኣ ግዴዳ ዎደ፥ ባረ አዎ ሀራ ማቼቱዋፐ፥ ባልፐነ ዝልፕፐ የለቴዳ ባረ እሻቱዋና ዉድያ ሄመ። ሄ ዎደ እ ባረ አዎ ኡንቱንቱ ኦዳ ኢታባ ኦዴዳ።
\p
\v 3 እስራኤሊ ዮሴፋ ጭሚደ የሌዳ ድራዉ፥ ባረ ሀራ አቱማ ናና ኡባፐ አደ ሲቄ። እ አዉ አሌቄዳ ማዩዋ ጊግሴዳ። 
\v 4 አ እሻቱ ባረንቱ አዉ አ ኡንቱንቱፐ አደ ሲቅያዋ በኤዳ ዎደ፥ ኡንቱንቱ አ እጺደ፥ ሎኦ ቃላ አዉ ሃሳያናዉ ዳንዳይበይክኖ።
\p
\v 5 ዮሴፎ አኩሙዋ አኩመቲደ፥ ባረ እሻቶ ኦዴዳ፤ ኡንቱንቱ አ ያ ዳርሲደ እጼድኖ። 
\v 6 እ ኡንቱንታ፥ “ታን አኩመቴዳ አኩሙዋ ስስተ። 
\v 7 ኑን ጋደን ፖችያ ቃችሽን፥ ታ ምርቂ እት ኩን ደንዲደ ስት ግ ኤቂሽና፥ ህንተንቱ ምርቀቱ ዩይ አደ ታ ምርቂያዉ ጎይኔድኖ” ያጌዳ።
\p
\v 8 አ እሻቱ አ፥ “ኔን ኑ ቦላን ካተታና ሀናይዬ? ዎይ ኑና ቱሙ ሞዳና ሀናይዬ?” ያጌድኖ። ኡንቱንቱ አ አኩሙዋ ድራዉነ አ ኦዱዋ ድራዉ፥ ያ ዳርሲደ እጼድኖ።
\p
\v 9 ቃይ ዮሴፎ ሀራ አኩሙዋ አኩመቲደ፥ ባረ እሻቶ ኦዴዳ፤ “ስስተ፤ ታን ሀራ አኩሙዋካ አኩመታድ። ሄ አኩሙዋን አዋይ፥ አግናይነ ታማነ እት ጾልንተቱ ታዉ ጎይኒኖ” ያጌዳ።
\p
\v 10 ባረ አዎነ ባረ እሻቶ ሄ አኩሙዋ ኦዴዳ ዎደ፥ አ አዉ አ፥ “ሀዌ ኔን አኩመቴዳዌ አያ አኩሜ? ቱሙ ታን፥ ነ ዳያነ ነ እሻቱ ዪደ፥ ነ ስንን ሳኣን ጉፋኒደ ነዉ ጎይናነየ?” ያጊደ ሴሬዳ። 
\v 11 አ እሻቱ አ ቃናቴድኖ፤ ሽን አ አዉ ሀ የዉዋ ባረ ዎዛናን ዎዳ።\x - \xo 37:11 \xo*\xt ኪታ 7:9\xt*\x*
\s1 እሻቱ ዮሴፋ ዛልኤድኖ
\p
\v 12 እት ጋላስ አ እሻቱ ሰኬማ ማታን ባረንቱ አዉዋ ዶርሳ ሄማናዉ ቤድኖ። 
\v 13 እስራኤሊ ዮሴፋ፥ “ነ እሻቱ ሰኬማን ዉድያ ሄምያዋ ኤራሳ። ሃያ፤ ታን ኔና ኡንቱንቱኮ ኪታና” ያጌዳ።
\p ዮሴፎ፥ “ኤኖ” ያጌዳ።
\p
\v 14 እ አ፥ “ባ፤ ነ እሻቱዋነ ዉዲ ሳራ ግድያዋ በአ፤ ኡንቱንቱባ ታዉ ኦዳሳ” ያጌዳ። አ ከብሮና ድልባፐ ኪቴዳ።
\p እ ሰኬማ ቤዳ። 
\v 15 ያን ደምባ ግዶን ያ ሃ ስመረትሽን፥ እት አሳይ አ ደሚደ፥ “ላ አያ ኮያይ?” ያጊደ ኦቼዳ።
\p
\v 16 እ፥ “ታ እሻቱዋ ኮያይ፤ ኡንቱንቱ ዉድያ ሄምያ ሳአይ ሀቃነንቶ ሀያና ታዉ ኦዳርኪ!” ያጌዳ።
\p
\v 17 ብታኒ፥ “ሀዋፐ ደንድ ክቼድኖ፤ ኡንቱንቱ፥ ‘ኑን ዶታና በቶ’ ጊሽን ስሳድ” ያጌዳ። ሄዋ ድራዉ፥ ዮሴፎ ባረ እሻቱዋ ጌዱዋ ቢደ፥ ኡንቱንታ ዶታናን ደሜዳ።
\p
\v 18 ሽን እ ሃኩዋን ደእሽን፥ ኡንቱንቱ አ በኤድኖ፤ እ ኡንቱንቱኮ ጋከናን ደእሽን፥ ኡንቱንቱ አ ዎናዉ አ ቦላ ማቀቴድኖ። 
\v 19 እቱ እቱዋ፥ “በእተ! አኩሙዋው የ። 
\v 20 ሃይተ፤ አ ዎደ፥ ሀ ኦላቱዋፐ እቱዋ ግዶ የጎይተ። ሄዋፐ ጉየ፥ ‘ኢታ ዶአይ አ ሜዳ’ ያጋና፤ ያቲደ አ አኩሙ አህያዋ በአና” ያጌድኖ።
\p
\v 21 ሮቤል ሄዋ ስሴዳ ዎደ፥ ኡንቱንቱ ኩሽያፐ አ አሻናዉ ኮዪደ፥ “አ ዎናን አጎይተ። 
\v 22 ሱ ጉሶፕተ፤ አ ህንተንቱ ዎራን ደእያ ሀ ኦላ ግዶ ኦልተ፤ አ ቦላ ኩሽያ ዎፕተ” ያጌዳ። ሮቤል ሀዋ አ ኡንቱንቱፐ አሺደ ጉየ አ አዉዋኮ የዳናዉ ጌዳ።
\p
\v 23 ዮሴፎ ባረ እሻቱዋኮ ጋኬዳ ዎደ፥ እ ማዬዳ አሌቄዳ ማዩዋ አፐ ቃር አኬድኖ፤ 
\v 24 አ አፊደ ሃይ ባይና መላ ኦላን የጌድኖ።
\p
\v 25 ኡንቱንቱ ባረንቱ ቁማ ማናዉ ኡት ደእሽን፥ እስማኤላ አሳቱ ግብጼ ባናዉ ጋላኣደፐ ይያዋንታ ቁ ጊደ በኤድኖ፤ ኡንቱንቱ ባረንቱ ጋሉዋን ሳዉዋ፥ ባላሳነ ግያ ልያነ ካርቢያ ጫን ዎድኖ።
\p
\v 26 ይሁዳይ ባረ እሻቱዋ፥ “ኑን ኑ እሻ ዎደ አ ሱ ቆስያዋ ግዶፐ ኑና አያ ጎኢ? 
\v 27 ሃይተ፤ አ እስማኤላቶ ዛልኦይተ፤ አ ቦላ ኑ ኩሽያ ዎኮ፤ አያዉ ጎፐ፥ እ ኑ እሻ፥ ኑ አሹዋ” ያጌዳ። አ እሻቱ ማየቴድኖ። 
\v 28 ሄዋ ድራዉ ምድያማ ቢታ ዛልአንቻቱ ሄዋና አሽን፥ አ እሻቱ ዮሴፋ ኦላፐ ከሲደ፥ እስማኤላ አሳቶ ላታሙ ጻጋራ ብራን ዛልኤድኖ። ኡንቱንቱ ዮሴፋ ግብጼ ጋድያ አፌድኖ።\x - \xo 37:28 \xo*\xt ኪታ 7:9\xt*\x*
\p
\v 29 ሮቤል ኦላኮ ስሚደ፥ ዮሴፎ ያን ባይናዋ በኤዳ ዎደ፥ ካዮቲደ ባረ ማዩዋ ፖሼዳ። 
\v 30 እ ጉየ ባረ እሻቱዋኮ ቢደ፥ “ናአይ ያን ባዋ፤ ሀእ ታን ሀቃ ቦሻ!” ያጌዳ።
\p
\v 31 ሄዋፐ ጉየ ኡንቱንቱ ዮሴፎ ማዩዋ አኪደ፥ ዴሻ ኦርግያ ሹኪደ፥ ሄ ሱን ናቄድኖ። 
\v 32 አሌቄዳ አ ማዩዋ ባረንቱ አዉዋኮ አፊደ አ፥ “ኑን ሀዋ ደሜዶ፤ ሀዌ ነ ናኣ ማየንቶነ አነ ጼላ” ያጌድኖ።
\p
\v 33 ማዩዋ እ ኤሪደ፥ “ሀዌ ታ ናኣ ማዩዋ! ዎራ ዶአይ አ ም ድጌዳ። ዮሴፎ ቱሙካ ዱጸረት ክቼዳ” ያጌዳ።
\p
\v 34 ያቆብ ካዮቲደ፥ ባረ ማዩዋ ፔዳ፤ ባረ ጼሳን ዋሩዋ ዳንጪደ፥ ባረ ናአዉ ዳሮ ጋላሳ ዬኬዳ። 
\v 35 አ አቱማ ናናይነ ማጫ ናናይ ኡባይ አ ምንናዉ ዬድኖ፤ ሽን እ ምነናን እጺደ፥ “ቱይት፥ ታን ዬካደ ታ ናኣኮ ባደ፥ ዱፉዋን ገላና” ያጊደ፥ አ አዉ አዉ ዬኬዳ።
\p
\v 36 ሄ ዎደ ሚድያማ ቢታ አሳቱ ዮሴፋ ግብጼ ካትያ ኦሳንቻ ጶጽፋራዉ ግብጼን ዛልኤድኖ፤ እ ናግያዋንቱ ካፑዋ።
\c 38
\p
\v 1 ሄ ዎደ ይሁዳይ ባረ እሻቱዋፐ ሻከቲደ፥ አዱላማ ግያ ካታማን ደእያ ሂራ ግያ ብታንያና ደአናዉ ቤዳ። 
\v 2 ያን ይሁዳይ ሹአ ግያ ካናነ ናትና ጋከቴዳ፤ እ እዞ አኬዳ። 
\v 3 እዛ አዉ ሻሃራደ አቱማ ናኣ የላዱ፤ አ ኤራ ሱንዱ። 
\v 4 ቃይካ ሻሃሮ ዎደ አቱማ ናኣ የላዱ፤ አ ኦናና ሱንዱ። 
\v 5 ቃይ ጉጃደካ አቱማ ናኣ የላዱ፤ አ ሼላ ሱንዱ። እዛ የሌዳዌ አክዚባ ግያ ቢታና።
\p
\v 6 ይሁዳይ ባረ ባይራ ናኣ ኤራዉ ትእማሮ ግያ ማቻቶ እሜዳ። 
\v 7 ይሁዳ ባይራ ናአይ፥ ኤር፥ መና ጎዳ ስንን ኢታ አሳ ግድያ ድራዉ፥ መና ጎዳይ አ ዎዳ።
\p
\v 8 ይሁዳይ ኦናና፥ “ነ እሻ ማቻትኮ ገላደ፥ እዞ አካ፤ ነ እሻዉ ናኣ የላደ አ ጼስሳ” ያጌዳ። 
\v 9 ሽን ኦናን የለትያ ናናይ ባረዋንታ ግደናዋ ኤሬዳ፤ ሄዋ ድራዉ ባረ እሻ ማቻትና ግስያ ዎደ አዉደነ፥ ባረ እሻዉ ናእ የለተና ማላ፥ ባረ ዘረ ቢታን ጉሴ። 
\v 10 እ ኦዳባይ መና ጎዳ ስንን ኢታባ ግዴዳ ድራዉ፥ መና ጎዳይ አካ ዎዳ።
\p
\v 11 ሄዋፐ ጉየ፥ ይሁዳይ ባረ ናኣ ማቻቶ ትእማሮ፥ “ታ ናአይ ሼል ድጫና ጋካናዉ ነ አዉዋ ሶ ባደ፥ አምኤተን ደአሻ” ያጌዳ። ሄዋ እ አያዉ ጌደ ጎፐ፥ እካ ባረ እሻቱዋዳን ሀይቃነንቶነ ጊደ ህርጌዳ ድራሳ። ሄዋ ድራዉ ትእማራ ባደ ባረ አዉዋ ሶን ደኣዱ።
\p
\v 12 ዳሮ ዎድያፐ ጉየ ይሁዳ ማቻታ፥ ሹአ ናታ ሀይቃዱ። ይሁዳይ ባረ ካዩዋፐ ምነቴዳ ዎደ፥ ባረ ዶርሳ እስክያ ሜድያ አሳቱዋኮ ትምና ከሴዳ፤ ቃይ አ ላገ፥ አዱላምያ ሂር አናና ቤዳ።
\p
\v 13 አሳይ ትእማሮ፥ “በአ፤ ነ ቦሉ ይሁዳይ፥ ባረ ዶርሳቱዋ እስክያ ሜዳናዉ ትምና ከሴዳ” ያጊደ ኦዴዳ። 
\v 14 እዛ ባረ አምኤተ ማዩዋ ቃራዱ፤ ባረና ባለናዉ ሻሽያ አካደ ጉሎታዱ። ትምና አፍያ ኦግያ ዶናን ደእያ ኤናይማ ካታማ ፐንግያን ኡታዱ። ሄዋ እዛ ኦዳዌ፥ ሼል ድጭ ጋክንካ እዛ አዉ ማቻቶ ግዳናዉ እመታቤናዋ ኤሬዳ ድራሳ።
\p
\v 15 ይሁዳይ እዞ በኤዳ ዎደ፥ ሻርሙጻቶ ጊደ ቆፔዳ፤ አያዉ ጎፐ፥ እዛ ባረ ዴሙዋ ጉሎታ ኡታዱ። 
\v 16 ባረ ናኣ ማቻቶ ግድያዋ ኤረናን ደኢደ፥ ኦግያ ጋጻ ኢኮ ሺቂደ እዞ፥ “ታናና ግሳርኪ!” ያጌዳ።
\p እዛ፥ “ታን ኔናና ግሶፐ፥ ኔን ታዉ አያ እማኒ?” ያጋደ ኦቻዱ።
\p
\v 17 እ፥ “ታን ታ ዉድያፐ እት ዴሻ ማራ ነዉ የዳና” ያጌዳ።
\p እዛ፥ “ኔን ሄዋ ታዉ የዳና ጋካናዉ አያ ኦኒ?” ያጋዱ።
\p
\v 18 እ፥ “አያ ኦ?” ያጌዳ።
\p እዛ፥ “ነ ማታፋ ዎያ ምግዱዋ፥ አ አያ ሳቂያነ ነ ኩሽያን ደእያ ጋትማ ኦይ” ያጋዱ። እ ሄዋንታ እሚደ፥ እዝና ግስና፥ እዛ አዉ ሻሃራዱ። 
\v 19 እዛ ሄዋፐ ደንዳደ ቤዳዋፐ ጉየ፥ ባረ ጉሎ ሻሽያ ቃራደ፥ ባረ አምኤተ ማዩዋ ማያዱ።
\p
\v 20 ይሁዳይ ባረ ኦይዳዋ ሄ ምሽራትፐ ዛር አካናዉ ዴሻ ማራ ባረ ላግያ አዱላማ ቦላ እዝዉ ኪቴዳ፤ ሽን እ እዞ ደምቤና። 
\v 21 እ ሄ ቢታ አሳ፥ “ኤናይማ ካታማን፥ ኦግያ ዶናን ኡቴዳ ሻርሙጻ ምሽራታ ሀቃኔ?” ያጊደ ኦቼዳ።
\p አሳይ፥ “ሻርሙጻ ማጫውና ሀዋን ኡባካ ባዋ” ያጌዳ።
\p
\v 22 እ ይሁዳኮ ስሚደ አ፥ “ታን እዞ ደማበይከ፤ ሄዋ ቦላካ ሄ ቢታ አሳይ፥ ‘ሻርሙጻ ማጫውና ሀዋን ኡባካ ባዋ’ ያጌዳ” ያጌዳ።
\p
\v 23 ይሁዳይ፥ “ባረ ኦይቄዳዋ ባረዉ አኩ፤ ሄዌ ዮፐ፥ አሳይ ኑና ሚጫና። ስም ታን እዝዉ ዴሻ ማራ የዳድ፤ ሽን ኔን እዞ ደማበይካ” ያጌዳ።
\p
\v 24 ሄዙ አግና ኬሻፐ ጉየ አሳይ፥ “ነ ናኣ ማቻታ ትእማራ ሻርሙጻደ ሻሃራዱ” ያጊደ ይሁዳዉ ኦዴዳ።
\p ይሁዳይ፥ “እዞ ካረ ከሲደ ታማን ጹግተ” ያጌዳ።
\p
\v 25 እዞ ካረ ከስያ ዎደ፥ “ታን ሻሃሬዳዌ ሀ ሚሻ ጎዳሳ፤ በአ፤ ሀ ማታፋ ዎያ ምግዱ፥ አ አያ ሳቂነ ጋትማይ ኦዌንቶ ኤራና ዳንዳዮፐ ኤራ” ያጋደ ባረ ቦሎ ኪታ ኪታዱ።
\p
\v 26 ይሁዳይ ሄ ሚሻቱዋ ኤሪደ፥ “ታፐ እዛ ጽላ፤ አያዉ ጎፐ፥ ታን እዞ ታ ናኣ ሼላዉ እማበይከ” ያጌዳ። ሄዋፐ ጉየ፥ እ እዝና ዛር ግስቤና።
\p
\v 27 እዛ የላና ሀንያ ዎደ፥ እዝ ኡሉዋን ማንተ አቱማ ናናይ ደኢኖ። 
\v 28 እዛ የልሺን፥ ኡንቱንቱፐ እቱ ባረ ኩሽያ ከሴዳ፤ ማርስያና፥ “በእተ፤ ሀዌ ኮይሮ ከሴዳ” ጋናዉ ዞኦ ቁንጩትያ አካደ አ ኩሽያን ቃቻዱ። 
\v 29 ሽን እ ባረ ኩሽያ ጉየ አኬዳ ዎደ፥ አ እሻይ ከሴዳ፤ እዛ፥ “ኔን ዋና ፖር ጋደ ከሳዲ!” ያጋዱ። ሄዋ ድራዉ፥ ፓሬሳ\f + \fr 38:29 \fr*\fq ፓሬሳ፦ \fq*\ft ሀ ሱን ብለይ እብራዌዋን፥ “ፖር ጌዳ” ግያዋ።\ft*\f* ጋደ አ ሱንዱ። 
\v 30 ሄዋፐ ጉየ፥ አ ኩሽያን ዞኦ ቁንጩቲ ደእያ አ እሻይ ከሴዳ፤ አ ሱንይ ዛራሀ\f + \fr 38:30 \fr*\fq ዛራሀ፦ \fq*\ft ሀ ሱን ብለይ እብራዌዋን፥ “ዞኡዋ” ግያዋ።\ft*\f* ጌተቴዳ።
\c 39
\s1 ዮሴፋነ ጶጽፋራ ማቻቶ
\p
\v 1 እስማኤላ አሳቱ ዮሴፋ ግብጼ አፍ ዎድኖ። ግብጻዌ ጶጽፋር፥ ካትያ ኦሳንቻቱዋፐ እቱ፥ ናግያዋንቱ ካፑ ዮሴፎ እስማኤለቱዋፐ ሻሜዳ።
\p
\v 2 መና ጎዳይ ዮሴፎና ደኤ፤ ሄዋ ድራዉ፥ እ ኦያዋ ኡባ አዉ እንጀዬዳ፤ ያትና ባረ ጎዳ፥ ግብጻዊያ ሶን ደኤዳ።\x - \xo 39:2 \xo*\xt ኪታ 7:9\xt*\x* 
\v 3 መና ጎዳይ አናና ደእያዋነ መና ጎዳይ እ ኦዳዋ ኡባ አዉ ሱርስያዋ ጶጽፋር በኤዳ ዎደ፥ 
\v 4 ዮሴፎ አ ስንን ናሸቴዳ፤ እ አዉ ኪተቴዳ። ጶጽፋር አ ባረ ጎለ አሳ ቦላ ሱንዳ፤ ባረዉ ደእያዋ ኡባ አ ኩሽያን ዎዳ። 
\v 5 ጶጽፋር ባረ ጎለን ደእያዋ ኡባ ቦላነ ባረ ማጹዋ ኡባ ቦላ ሱንዳ ዎድያፐ ዶሚደ፥ መና ጎዳይ ግብጼ ብታንያ ጎሊያ ዮሴፎ ድራዉ አንጄዳ። መና ጎዳ አንጁ ጶጽፋራ ሶንነ ጋደን ደኤዳ ኡባባ ቦላ ዎዳ። 
\v 6 ሄዋ ድራዉ ባረዉ ደእያ ኡባባ ዮሴፎዉ ሼዳ፤ እ ባረ ምያ ቁማፐ አትና፥ አይነ ቆፐና።
\p ዮሴፎ ጌሳንቻነ ማላ ሎኦ አሳ። 
\v 7 አማሬዳ ዎድያፐ ጉየ፥ አ ጎዳ ማቻታ ዮሴፋ ጼላ በኣደ፥ “ሃያ፤ ታናና ግሳ” ያጋዱ።
\p
\v 8 ሽን እ እጼዳ። ባረ ጎዳ ማቻቶ፥ “በአ፤ ታ ጎዳይ ታዉ ሼደ ባረ ሶን ደእያባዉ አያዉነ ህርገና፤ ባረዉ ደእያዋ ኡባ ታ ኩሽያን ዎዳ። 
\v 9 ሀ ሶን ታፐ ግታትያዌ ኦንነ ባዋ። ኔን አ ማቻቶ ግድያ ድራዉ ነ ጻላላፐ አትና፥ ታ ጎዳይ ታዉ እምቤናባይ ባዋ። ያትና ታን ዋታደ ሀዋ ማላ ዳሮ ኢታባ ሀናደ ጾሳ ቦላ ናጋራ ኦ?” ያጌዳ። 
\v 10 እዛ ሀ የዉዋ ሀቼ ሀቼ ዮሴፎዉ ኦዶፐነ፥ እ እዝና ግሰናን ዎይ እዝ ማታን ኡተናን እጼዳ።
\p
\v 11 እት ጋላስ እ ባረ ኦሱዋ ኦናዉ ሶ ገልያ ዎደ፥ ሶ ቆማቱዋፐ ኦንነ ሶን ባዋ። 
\v 12 እዛ ዮሴፎ አፍላ ኦይቃደ፥ “ታናና ግሳ” ያጋዱ። ሽን እ ባረ አፍላ እ ኩሽያን የጊደ፥ ሶፐ ካረ ዎጺደ ከሴዳ።
\p
\v 13 ዮሴፎ ባረ አፍላ እ ኩሽያን የጊደ፥ ሶፐ ካረ ዎጽ ከሶዋ እዛ በኤዳ ዎደ፥ 
\v 14 ባረ ሶ ቆማቱዋ ጼሳደ ኡንቱንታ፥ “በእተ፤ ታ አስናይ አሄዳ ሀ እብራዌ ብታኒ ታና ባለ ድጊደ አሼዳ፤ እ ታናና ግሳናዉ ሀዋ ገሌዳ፤ ሽን ታን ታ ኮሻ ቂሳደ ዋሳድ። 
\v 15 ታን ዋስና ስሴዳ ዎደ፥ እ ባረ አፍላ ታ ማታን የጊደ፥ ሶፐ ካረ ዎጺደ ከሴዳ” ያጋዱ።
\p
\v 16 አ ጎዳይ ሶ ያና ጋካናዉ እዛ ዮሴፎ አፍላ ባረ ማታን ዎዱ። 
\v 17 ሄዋፐ ጉየ፥ እዛ አዉ ሀዋዳን ያጋደ ኦዳዱ፤ “ሄዌ ኔን ኑዉ አሄዳ እብራዌ አይሊ ታናና ግሳናዉ ታኮ ገሌዳ፤ 
\v 18 ሽን ታን ታ ቃላ ቂሳደ ዋሶዌ፥ ባረ አፍላ ታ ማታን የጊደ፥ ሶፐ ካረ ዎጼዳ” ያጋዱ።
\p
\v 19 አ ጎዳይ ባረ ማቻታ፥ “ነ አይሊ ታና ሀዋዳን ኦዳ” ያጋደ ኦዴዳ ቃላ ስሲደ፥ ሀንቁዋን ፐንቴዳ። 
\v 20 ዮሴፋ አ ጎዳይ አፊደ፥ ካትያ ቃሹዋ ሳአይ ደእያ ቃሾ ጎለን የጌዳ።
\p
\v 21 ሽን ዮሴፎ ያን ቃሾ ጎለን ደእያ ዎደ፥ መና ጎዳይ አናና ደኤ። እ አዉ ቃረቴዳ፤ ቃሾ ጎለ ካፑዋ ስንን አዉ ናሹዋ እሜዳ።\x - \xo 39:21 \xo*\xt ኪታ 7:9\xt*\x* 
\v 22 ያትና ቃሾ ጎለ ካፑ ቃሹዋ አሳ ኡባ ዮሴፎ ኩሽያን ዎዳ፤ ሄዋን ኦሰትያዋ ኡባ ኦያዌ አ። 
\v 23 ቃሾ ጎለ ካፑ ዮሴፎ ኩሽያን ደእያባዉ አያዉነ ህርገና፤ አያዉ ጎፐ፥ መና ጎዳይ አናና ደኤ፤ እ ኦያዋካ ኡባ አዉ እንጀዬዳ።
\c 40
\s1 ዮሴፎ ቃሹዋ አሳቱዋ አኩሙዋ ብሌዳ
\p
\v 1 አማሬዳ ዎድያፐ ጉየ፥ ግብጼ ካትያው ኤሳ ትግያዌነ ኡክ ኡክያዌ ባረንቱ ጎዳ ግብጼ ካትያ ናቄድኖ። 
\v 2 ካቲ ኤሳ ትግያዋንቱ ካፑዋነ ኡክ ኡክያዋንቱ ካፑዋ ላኡዋካ ሎይ ሀንቀቴዳ። 
\v 3 ዮሴፎ ቃሸቴዳ ቃሾ ጎለን፥ ናግያዋንቱ ካፑዋ ሶን ኡንቱንታ ዎዳ። 
\v 4 ናግያዋንቱ ካፑ ኡንቱንታ ዮሴፎዉ ሼዳ፤ እ ኡንቱንቶ ኦ። ኡንቱንቱ ቃሾ ጎለን አማሬዳ ዎድያ ኡቴድኖ።
\p
\v 5 ግብጼ ካትያዉ ኤሳ ትግያዌነ ኡክ ኡክያዌ፥ ቃሾ ጎለን ደእያ ላአቱካ፥ እት ቃማ ዱማ ዱማ አኩሙዋ አኩመቴድኖ። ቃይ አኩሞቶ ሁጲያን ሁጲያን ኡንቱንቱ ብለይ ደኤ። 
\v 6 ዮሴፎ ዎንታ ኡንቱንቱኮ ገሌዳ ዎደ፥ ካዮት ኡቴዳዋንታ በኤዳ። 
\v 7 ሄዋ ድራዉ ባረ ጎዳ ሶን ባረናና ቃሾ ጎለን ደእያ ካትያ ኦሳንቻቱዋ፥ “ሀቼ ህንተንቱ ደሙ አያዉ ሜዴ?” ያጊደ ኦቼዳ።
\p
\v 8 ኡንቱንቱ አ፥ “ኑን ላኡ አኩሙዋ አኩመቴዶ፤ ሽን ኑዉ ብልያዌ ዬዳ” ያጌድኖ።
\p ዮሴፎ ኡንቱንታ፥ “አኩሙዋ ብለይ ጾሳዋ ግደኔየ? ህንተንቱ አኩሙዋ ታዉ ኦድተ” ያጌዳ።
\p
\v 9 ኤሳ ትግያዋንቱ ካፑ ባረ አኩሙዋ ዮሴፎዉ ሀዋዳን ያጊደ ኦዴዳ፤ “ታን ታ አኩሙዋን እት ዎይንያ ቱራ ታ ስንን በኣድ። 
\v 10 ቃይ ሄ ዎይንያ ቱራዉ ሄዙ ታሺ ደኤ። እ ማራ የሊደ፥ ጪሻ ጪሺደ፥ ዉርጩዋ ዉርጬዳ፤ ዉርጩነ ቴሬዳ። 
\v 11 ካትያ ዋንጫይ ታ ኩሽያን ደኤ፤ ታን ዎይንያ ቴራ አካደ፥ ካትያ ዋንጫን ጉምኣደ፥ ሄ ዋንጫ አ ኩሽያን ዎድ” ያጌዳ።
\p
\v 12 ዮሴፎ፥ “ሄዋ ብርሸይ ሀዋ፤ ሄዙ ታሸቱ ሄዙ ጋላሳቱዋ። 
\v 13 ሄዙ ጋላሳ ግዱዋን ካቲ ኔና ደንና፤ እ ኔና ካሰ ነ ሱንተዉ ዛራና፤ ካሰ ኔን ኤሳ ትግያ ዎደ ኦዳዋዳን፥ ኔን ካትያ ዋንጫ አ ኩሽያን ዎና። 
\v 14 ሽን ነዉ ሳአይ ሎኤዳ ዎደ ታና ዶጎፓ፤ ታዉ ሎአ፤ ታባ ካትያዉ ኦዳደ፥ ሀ ቃሾ ጎልያፐ ታና ከስሳ፤ 
\v 15 አያዉ ጎፐ፥ ታና እብራዌቱዋ ቢታፐ ግዲደ አሄድኖ፤ ሀራይ አቶ ሀዋንካ ታና ቃሽስያዋ አይነ ኦበይከ” ያጌዳ።
\p
\v 16 ኡክ ኡክያዋንቱ ካፑ ዮሴፎ አኩሙዋ ሎይ ብሌዳዋ በኤዳ ዎደ ዮሴፎ፥ “ታንካ አኩሙዋ አኩመታድ፤ ታ ሁጲያን ሄዙ ሳምፓ ኡክይ ደኤ፤ 
\v 17 ቦላ ባጋ ሳምፓን ግብጼ ካትያዉ ኡከቴዳ ኡባ ቆሞ ኡክይ ደኤ። ሽን ካፉ ሄዋ ታ ሁጲያን ደእያ ሳምፓፐ ሜ” ያጌዳ።
\p
\v 18 ዮሴፎ፥ “ሄዋ ብርሸይ ሀዋ፤ ሄዙ ሳምፓቱ ሄዙ ጋላሳቱዋ። 
\v 19 ሄዙ ጋላሳ ግዶን ካቲ ኔና ደንና፤ ነ ቆያ ሙጭሲደ ምን ካቅሳና፤ ነ አሹዋካ ካፉ ማና” ያጌዳ።
\p
\v 20 ሄዘን ጋላሳን ግብጼ ካቲ ባረ የለቴዳ ጋላስ ባረ ኦሳንቻቱዋ ኡባዉ ባላ ጊግሴዳ። ኤሳ ትግያዋንቱ ካፑዋነ ኡክ ኡክያዋንቱ ካፑዋ ደንደ፥ ባረ ኦሳንቻቱዋ ግዶን ኤሴዳ። 
\v 21 ኤሳ ትግያዋንቱ ካፑዋ አ ሱንተዉ ዛርና፥ እ ካትያ ኩሽያን ዋንጫ ዎዳ። 
\v 22 ሽን ካቲ ኡክ ኡክያዋንቱ ካፑዋ ኡንቱንቱ አኩሙዋ ብለ ዮሴፎ ኦዴዳዋዳንካ ካቅሴዳ። 
\v 23 ሽን ኤሳ ትግያዋንቱ ካፑ ዮሴፎ ሀሳይቤና፤ ዶጊሼዳ።
\c 41
\s1 ዮሴፎ ግብጼ ካትያ አኩሙዋ ብሌዳ
\p
\v 1 ላኡ ላይ ኩመንይ አዳ ዎደ፥ ግብጼ ካቲ አኩሙዋ አኩመቴዳ፤ አኩሙዋን እ ናይለ ሻፋ ዶናን ኤቄዳ፤ 
\v 2 ላፑን ኦርደነ ሞ ሚዛቱ ናይለ ሻፋፐ ከስ ዎደ፥ ማቃ ግዱዋን ምያዋንታ በኤዳ። 
\v 3 ኡንቱንቱፐ ስሚደ፥ ሀራ ላፑን ማላ ኢታነ ግልቃ ሚዛቱ ናይለ ሻፋፐ ከሴድኖ፤ ሻፋ ዶናን ደእያ ሀራ ሚዛቱ ማታን ኤቄድኖ። 
\v 4 ሄ ማላ ኢታነ ግልቃ ሚዛቱ ላፑን ኦርዳነ ሞ ሚዛቱዋ ሜድኖ። ሄዋፐ ጉየ ካቲ ቤጎቴዳ።
\p
\v 5 እ ዛረ ገምእሺደ፥ ላኤን አኩሙዋካ አኩመቴዳ፤ ላፑን ሎአነ ሙሩታ ትሻቱ እት አኑዋን ድጬድኖ። 
\v 6 ኡንቱንቱፐ ስሚደ፥ ጬጨዳነ አዋይ ዶልያ ባጋ ጫርኩዋን ሹሌዳ ሀራ ላፑን ትሻቱ ከሴድኖ። 
\v 7 ሄ ጬጬዳ ትሻቱ ሎአነ ሙሩታ ትሻቱዋ ምቴድኖ። ሄዋፐ ጉየ ካቲ ቤጎቲደ፥ አኩሙዋ ግድያዋ ኤሬዳ። 
\v 8 ሳአይ ዎንትና፥ አ ዎዛናይ ሻቢረቴዳ፤ ሄዋ ድራዉ ግብጼን ደእያ ብትያዋንቱ ኡባዉነ አዳ ኤራንቻቱዋ ኡባዉ ኪቲደ ጼስሴዳ፤ ካቲ ኡንቱንቶ ባረ አኩሙዋ ኦዴዳ፤ ሽን አዉ ሄ አኩሙዋ ብርሽያዌ ዬዳ።\x - \xo 41:8 \xo*\xt ዳኔላ 2:2\xt*\x*
\p
\v 9 ኤሳ ትግያዋንቱ ካፑ ሄ ዎደ ግብጼ ካትያ ሀዋዳን ያጌዳ፤ “ታን ታ ባይዙዋ ሀቼ ሀሳያይ። 
\v 10 እት ገደ ካቲ ባረ ቆማቶ ሀንቀቲደ፥ ታናነ ኡክ ኡክያዋንቱ ካፑዋ ቃሾ ጎለን የጌዳ። 
\v 11 ያን ደኢደ ኑን ሁጲያን ሁጲያን አኩሙዋ አኩመቴዶ፤ አኩሞ ዱማ ዱማ ብርሸይ ደኤ። 
\v 12 ሄ ዎደ ናግያዋንቱ ካፑ፥ ቆማይ፥ እብራዌ ዎዳላይ ኑናና ቃሾ ጎለን ደኤ። ኑን ኑ አኩሙዋ አዉ ኦዴዶ፤ እ ኑዉ ሁጲያን ሁጲያን አኩሙዋ ብርሼዳ። 
\v 13 ያንና ሄ የዎቱ እ ኑዉ ብሌዳዋዳንካ ሀኔድኖ። ሄዌ አዬ ጎፐ፥ ታን ታ ሱንተዉ ስማድ፤ ህንኮ ብታኒ ካቀቴዳ” ያጌዳ።
\p
\v 14 ግብጼ ካቲ ዮሴፎዉ ኪቲደ ጼስሴዳ። ኡንቱንቱ አ ቃሾ ጎልያፐ ኤለካ አሄድኖ። እ ሜደቲደ ባረ ማዩዋ ላሚደ፥ ካትያኮ ገሌዳ። 
\v 15 ካቲ ዮሴፎ፥ “ታን አኩሙዋ አኩመታድ፤ ሽን አ እቱነ ብላናዉ ዳንዳይቤና። ሽን ታን፥ ‘ዮሴፎ አኩሙዋ ስሶፐ፥ ብላናዉ ዳንዳዬ’ ግያዋ ስሳድ” ያጌዳ።
\p
\v 16 ዮሴፎ፥ “ታን ሄዋ ዳንዳይከ፤ ሽን ጾሳይ ካትያዉ ልከ ብርሸ እማና” ያጌዳ።
\p
\v 17 ካቲ፥ “ታን ታ አኩሙዋን ናይለ ሻፋ ዶናን ኤቃ ደእሽን፥ 
\v 18 ላፑን ኦርዳነ ሞ ሚዛቱ ናይለ ሻፋፐ ከሲደ፥ ማቃ ግዱዋን ሚኖ። 
\v 19 ኡንቱንቱፐ ስሚደ፥ ሀራ ላፑን ማላ ኢታ፥ ግልቃነ ላፋ ሚዛቱ ከሴድኖ፤ ታን ሄዋ ማላ ማላ ኢታ ሚዛ ግብጼ ጋድያን ኡባካ በአ ኤርከ። 
\v 20 ማላ ኢታነ ላፋ ሚዛቱ ኮይሮዋንታ፥ ላፑን ሞ ሚዛቱዋ ሜድኖ። 
\v 21 ሽን ኡንቱንታ ሜዳዋፐ ጉየና፥ ኡንቱንቱ ሜዳዋ ኦንነ ኤራናዉ ዳንዳይቤና፤ አያዉ ጎፐ፥ ኡንቱንቱ ማላይ ካሰዋዳንካ ኢት ኡቴዳ። ሄዋፐ ጉየ ታን ቤጎታድ።
\p
\v 22 “ታን ታ አኩሙዋን ቃይ ላፑን ሎአነ ሙሩታ ትሻቱዋ እት አኑዋን ድጬዳዋንታ በኣድ። 
\v 23 ኡንቱንቱፐ ስሚደ፥ ጬጨዳነ አዋይ ዶልያ ባጋ ጫርኩዋን ሹሌዳ ሀራ ላፑን ትሻቱ ከሴድኖ። 
\v 24 ሄ ጬጬዳ ትሻቱ ላፑን ሎኦ ትሻቱዋ ምቴድኖ። ታን ሀ አኩሙዋ ብትያዋንቶ ኦዳድ፤ ሽን ታዉ አኩሙዋ ብልያዌ ቤትቤና” ያጌዳ።
\p
\v 25 ሄዋፐ ጉየ ዮሴፎ ግብጼ ካትያ፥ “ካትያ አኩሞቱ እቱዋ። ጾሳይ ባረ ኦና ሀንያዋ ካትያዉ ቆንጭሴዳ። 
\v 26 ሄ ላፑን ሎኦ ሚዛቱ ላፑን ላይቱዋ፤ ቃይ ላፑን ሎኦ ትሻቱ ላፑን ላይቱዋ፤ ሀ አኩሙ እቱዋ። 
\v 27 ሄ ላፑን ማላ ኢታነ ላፋ ሚዛቱ ላፑን ላይቱዋ፤ ቃይ አዋይ ዶልያ ባጋ ጫርኩዋን ሹሌዳ፥ ጬጮ ላፑን ትሻቱ ላፑን ኮሻ ላይቱዋ።
\p
\v 28 “ታን ካትያዉ ኦዴዳዋዳንካ፥ ጾሳይ ባረ ኦና ሀንያዋ ካትያዉ በሴዳ። 
\v 29 ላፑን ዳሮ ካሎ ላይቱ ግብጼ ቢታዉ ኡባዉ ያና፤ 
\v 30 ሽን ላፑን ኮሻ ላይይ ሄዋ ካላና። ሄ ዎደ ግብጼ ካሉ ኡባይ ዶገታና፤ ኮሻይ ቢታ ጺጻና። 
\v 31 ሄ ቢታ ካሉ ሀሳየተናን አታናዋ፤ አያዉ ጎፐ፥ ሄዋ ካሌዳ ኮሻይ ሎይ ሱላና። 
\v 32 ላኡ ኦግያን ካትያዉ ሄ አኩሙ ቤቴዳዌ አያሴ ጎፐ፥ ሀ የዉዋ ጾሳይ ምንሲደ ቃቾ ድራሳ፤ ጾሳይ ሄዋ ኤለካ ኦና።
\p
\v 33 “ሀእ ስም፥ ካቲ አዳ ኤራንቻነ ጭንጫ አሳ ኮዪደ፥ ግብጼ ቢታን ሱን። 
\v 34 ካቲ ቢታን ሱንቱዋ ላፑን ካሎ ላይን ቡክያ ካፐ እቼሹ ኩሽያፐ እቱዋ ሺሻናዉ ሱን። 
\v 35 ኡንቱንቱ ይያ ካሎ ላይቱዋን ካ ሺሺደ፥ ካትያ አዎተን ምንጅኖ፤ ሄ ካ ካታማቱዋን ናግኖ። 
\v 36 ቢታይ ኮሻን የና ማላ፥ ሀ ካይ ግብጼ ቢታን ላፑን ላይን ደንዳና ኮሻዉ ምንጀቲደ ደኦ” ያጌዳ።
\s1 ካቲ ዮሴፋ ግብጼ ቢታ ኡባ ቦላን ሱንዳ
\p
\v 37 ሀ የዉ ግብጼ ካትያዉነ አ ኦሳንቻቶ ሎአ ግዲደ ቤቴዳ። 
\v 38 ሄዋ ድራዉ ካቲ ኡንቱንታ፥ “ኑን ጾሳ አያናና ደእያ ሀዋ ማላ ሀራ አሳ ደማኔየ?” ያጊደ ኦቼዳ።
\p
\v 39 ሄዋፐ ጉየ ካቲ ዮሴፎ፥ “ጾሳይ ሀዋ ኡባ ኔና ኤርሴዳ ድራዉ፥ ነ ማላ አዳ ኤራይነ ጭንጫተይ ደእያዌ ኦንነ ባዋ። 
\v 40 ታን ኔና ታ ጎለን ሱንይ፤ ታ አሳይ ኡባይ ነዉ አዛዘታና፤ ታን ኔፐ አያዌ ታ ካዉተ አራታ ጻላላና ግዶ” ያጌዳ።\x - \xo 41:40 \xo*\xt ኪታ 7:10\xt*\x*
\p
\v 41 ሄዋ ድራዉ ካቲ ዮሴፎ፥ “በአ፤ ታን ኔና ግብጼ ጋድያ ኡባ ቦላን ሱንድ” ያጌዳ። 
\v 42 ሄዋፐ ጉየ፥ ካቲ ባረ ፓራምያ ምግዱዋ ባረ ብራያፐ ከሲደ፥ ዮሴፎ ብራያን ዎዳ። ታልባፐ ዳደቴዳ ማዩዋ እ አ ማይዚደ፥ አ ቆያንካ ዎርቃ ሳንሳላታ አዳ።\x - \xo 41:42 \xo*\xt ዳኔላ 5:29\xt*\x* 
\v 43 ካቲ ባረ ላኤን ፓራ ጋርያ ዮሴፋ ቶግሴዳ፤ ቆማቱ፥ “ጎይንተ! ጎይንተ!” ያጊደ አፐ ስንና ሀመቴድኖ። ሀዋዳን ኦደ፥ ካቲ አ ግብጼ ቢታ ኡባ ቦላን ሱንዳ።
\p
\v 44 ሄዋፐ ጉየ ካቲ ዮሴፎ፥ “ታን ካትያ፤ ሽን ኔን ደን ጌናን ግብጼ ቢታ ኡባን ኦንነ ኩሽያ ዎይ ገድያ ደንና” ያጌዳ። 
\v 45 ካቲ ዮሴፋ፥ “ጻፍናት-ፓእናሀ” ጊደ ሱንዳ፤ እ አዉ ኦና ግያ ካታማ ቄስያ ጶጽፋራ ናቶ አስናቶ ማቼ ኦ እሜዳ። ያትና ዮሴፎ ግብጼ ቢታ ኡባ ሳና አዳ።
\p
\v 46 ዮሴፎ ግብጼ ካትያዉ ኦናዉ ዶምያ ዎደ፥ አዉ ላይይ ሀታማ። ቃይ ዮሴፎ ካትያ ስንፐ ከሲደ፥ ግብጼ ቢታ ኡባ ግዱዋ ሀመቴዳ። 
\v 47 ሄ ላፑን ካሎ ላይቱዋን ቢታይ ዳሮ ካ ዶሌዳ። 
\v 48 ዮሴፎ ግብጼ ቢታን ሄ ላፑን ካሎ ላይ ካ ኡባ ሺሺደ፥ ካታማቱዋን ምንጄዳ። እት እት ካታማ ዩሹዋን ደእያ ጎሻ ካ ኡባ ሄ ካታማቱዋን ምንጄዳ። 
\v 49 ዮሴፎ አባ ሻፍያ ኬሻ ዳሮ ካ ምንጄዳ፤ ካይ ዳርና፥ ማካናዉ ዳንዳይቤና ድራዉ፥ ማክ ማክ ቆልያዋ አግ ባሼዳ።
\p
\v 50 ኮሻ ላይይ ያናፐ ካሰ፥ ኦና ካታማ ቄስያ ጶጽፋራ ናት አስናትፐ ዮሴፎ ላኡ አቱማ ናና የሌዳ። 
\v 51 ዮሴፎ ባረ ባይራ ናኣ ምናሳ\f + \fr 41:51 \fr*\fq ምናሳ፦ \fq*\ft እብራዌዋን ጾሳይ ታ መቱዋ ኡባነ ታ አዉዋ ሶ አሳ ኡባ ዶግሴዳ ግያዋ።\ft*\f* ሱንዳ። 
\v 52 ላኤን ናኣ ኤፍሬማ\f + \fr 41:52 \fr*\fq ኤፍሬማ፦ \fq*\ft ሀ ሱን ብለይ እብራዌዋን “ጾሳይ ታን ቱጋቴዳ ቢታን ታና አይፍሴዳ” ያግያዋ።\ft*\f* ሱንዳ።
\p
\v 53 ግብጼ ቢታን ደእያ ሄ ላፑን ካሎ ላይቱ ዉሬድኖ። 
\v 54 ቃይ ዮሴፎ ኦዴዳዋዳን ላፑን ኮሻ ላይቱ ዶሜድኖ። ሀራ ቢታን ኡባን ኮሻይ ደንዴዳ፤ ሽን ግብጼ ቢታ ኡባን ካይ ደኤ።\x - \xo 41:54 \xo*\xt ኪታ 7:11\xt*\x* 
\v 55 ግብጼ ቢታይ ኡባይ ኮሻቴዳ ዎደ፥ አሳይ ካዉ ካትያ ዋሴዳ። ካቲ ግብጼ አሳ ኡባ፥ “ዮሴፎኮ ቢተ፤ እ ኦድያዋ ኦተ” ያጌዳ።\x - \xo 41:55 \xo*\xt ዮሃ. 2:5\xt*\x*
\p
\v 56 ኮሻይ ግብጼ ቢታ ኡባ ጋኬዳ ዎደ፥ ዮሴፎ ካ ምንጄዳ ጎልያ ኡባ ዶዪደ፥ ካ ግብጼ አሳዉ ዛልኤዳ፤ አያዉ ጎፐ፥ ግብጼን ኮሻይ ፐንቴዳ። 
\v 57 ሳኣ ኡባን ኮሻይ ጺጽ ደእያ ድራዉ፥ ሳኣን ደእያ አሳይ ኡባይ ካ ዮሴፎፐ ዎማናዉ ግብጼ ዬዳ።
\c 42
\s1 ዮሴፎ እሻቱ ግብጼ ቤድኖ
\p
\v 1 ያቆብ ግብጼን ካይ ደእያዋ ስሴዳ ዎደ፥ ባረ አቱማ ናና፥ “ህንተንቱ እቱ እቱዋ አያዉ ጼሊቴ? 
\v 2 በእተ! ግብጼን ካይ ደእያዋ ታን ስሳድ፤ ያ ዱገ ቢደ፥ ኑን ሀይቀናን ፓጻ ደአና ማላ፥ ያፐ አማሬዳዋ ኑዉ ዎምተ” ያጌዳ።\x - \xo 42:2 \xo*\xt ኪታ 7:12\xt*\x* 
\v 3 ዮሴፎ እሻቱ ታማቱ ካ ዎማናዉ ዱገ ግብጼ ቤድኖ። 
\v 4 ሽን ያቆብ ዮሴፎ እሻ ቢንያማ አ እሻቱዋና የድቤና፤ አያዉ ጎፐ፥ እ ቆሄታነንቶነ ጊደ ቆፔዳ። 
\v 5 ካናነ ቢታን ዎልቃማ ኮሻይ ደእያ ድራዉ፥ ካ ዎማናዉ ዬዳዋንቱና እስራኤልያ አቱማ ናናይ ግብጼ ገሌድኖ።
\p
\v 6 ሄ ዎደ ዮሴፎ ሄ ቢታ አይስያዋንታነ ቢታን ደእያ አሳዉ ኡባዉ ካ ዛልእያዋ፤ ሄዋ ድራዉ ዮሴፎ እሻቱ ጋኬዳ ዎደ፥ ባረንቱ ዴሙዋ ሳኣ ጋደ አዉ ጎይኔድኖ። 
\v 7 ዮሴፎ ባረ እሻቱዋ በኦ ሳን ኤር አጌዳ፤ ሽን እ ኡንቱንታ ኤረናዋዳን ላመቴዳ፤ እ ኡንቱንታ፥ “ህንተንቱ ሀቃፐ ዬድቴ?” ያጊደ ኦቼዳ።
\p ኡንቱንቱ፥ “ካ ዎማናዉ፥ ካናነ ቢታፐ ዬዶ” ያጌድኖ።
\p
\v 8 ዮሴፎ ባረ እሻቱዋ ኤሬዳ፤ ሽን ኡንቱንቱ አ ኤርበይክኖ። 
\v 9 ሄዋፐ ጉየ፥ ዮሴፎ ኡንቱንቱዋ አኩመቴዳ ባረ አኩሙዋ ሀሳዪደ ኡንቱንታ፥ “ህንተንቱ ጌድ ጼልያ አሳ፤ ህንተንቱ ኑ ቢታን ናጉ ለፕያ ባጋይ ሀቃዌንቶ በአናዉ ዬድታ” ያጌዳ።\x - \xo 42:9 \xo*\xt ዶመ 37:5-10\xt*\x*
\p
\v 10 ኡንቱንቱ፥ “ቱይት፥ ኑ ጎዳዉ፥ ኑን ጌድ ጼልያ አሳ ግዶኮ፤ ኑን ነ ቆማቱ ካ ዎማናዉ ዬዶ። 
\v 11 ኑን ኡባይካ እት አዉዋ ናና። ኑን ነ ቆማቱ አማነትያ አሳ” ያጌድኖ።
\p
\v 12 ዮሴፎ ኡንቱንታ፥ “ቱይት፤ ህንተንቱ ኑ ቢታን ናጉ ለፕያ ባጋይ ሀቃዌንቶ በአናዉ ዬድታ” ያጌዳ።
\p
\v 13 ሽን ኡንቱንቱ፥ “ኑን ነ ቆማቱ ታማነ ላኡ እሻቱዋነ ካናነ ቢታን ደእያ እት ብታንያ ናና። ዉርሰ ን ዱሱ ሀእ ኑ አቡና ደኤ፤ እቱ ዬዳ” ያጌድኖ።
\p
\v 14 ዮሴፎ ኡንቱንታ፥ “ታን ህንተንቶ ኦዴዳዋዳንካ ህንተንቱ ቢታ ጌድያዋንታ። 
\v 15 ቃይ ህንተንቱ ፓጨታናዌ ሀዋና፤ ቱሙዋፐ ካቲ ሀይቆ፤ ህንተንቱ ዉርሰ ቴፋ እሻይ ሀዋ ያና ዮፐ፥ ህንተንቱ ሀዋፐ ቢክታ። 
\v 16 ህንተንቱ ኦድያዌ ቱማ ግድያዋ ፓጫናዉ፥ ህንተፐ እቱዋ ኪትተ፤ እ ህንተንቱ እሻ አኪደ ዮ፤ አቴዳዋንቱ ቃሾ ጎለን ጋምኢታ። ሄዋ ግዳና ዮፐ፥ ካቲ ሀይቆ፤ ህንተንቱ ቢታ ጌድያዋንታ” ያጌዳ። 
\v 17 ኡንቱንታ ሄዙ ጋላሳዉ ቃሾ ጎለን የጌዳ።
\p
\v 18 ሄዘን ጋላሳን ዮሴፎ ኡንቱንታ፥ “ታን ጾሳዉ ያይያ አሳ፤ ህንተንቱ እትባ ኦፐ፥ ፓጻ ደአና። 
\v 19 ህንተንቱ ቱሙካ አማነትያ አሳ ግዶፐ፥ ህንተንቱ እሻቱዋፐ እቱ ሀዋን ቃሾ ጎለን ደኦ፤ አቴዳዋንቱ ኮሻትያ ህንተንቱ ሶ አሳዉ ካ አኪደ አፍተ፤ 
\v 20 ሽን ህንተንቱ ቃላ ቱማያና ማላነ ህንተንቱ ሀይቀና ማላ ህንተንቱ ህንተንቱ ዉርሰ ቴፋ እሻ ታኮ አሀና ኮሼ” ያጌዳ። ኡንቱንቱነ ሀ የዉዋ ማዬድኖ።
\p
\v 21 ኡንቱንቱ እቱ እቱዋ፥ “ቱሙ ኑን ኑ እሻዉ ኦዳባይ ኑና ካኤ። እ ባረ ሸምፖ ሀንያባይ እጽና፥ ኑዉ ዋትዋትያ ዎደ፥ ኑን ስሲደ እጼዶ፤ ሀ ዋዪ ኑና ጋኬዳዌ ሄዋ ድራሳ” ያጌድኖ።
\p
\v 22 ሮቤል፥ “ታን ህንተንታ፥ ‘ናኣ ቦላ ናጋራ ኦፕተ’ ጋደ ኦዳበይክታ? ሽን ህንተንቱ ስሰናን እጼድታ። ስም ሀእ፥ አ ሱይ ኑና አቼ” ያጌዳ።\x - \xo 42:22 \xo*\xt ዶመ 37:21-22\xt*\x* 
\v 23 ኡንቱንቱ ግያባ ዮሴፎ ኤሬዳዋ ኡንቱንቱ አኬክበይክኖ፤ አያዉ ጎፐ፥ እ ኡንቱንቱና ዎካልያን ሃሳይያ ድራሳ። 
\v 24 እ ኡንቱንቱፐ ዎራ ስሚደ ዬኬዳ፤ ሽን ቃይ ኡንቱንቱኮ ስሚደ፥ ኡንቱንቶ ጉጂደ ሃሳዬዳ። እ ስሞና ኡንቱንቱፐ ዱ አሺደ ኡንቱንቱ በእሽን ቃቼዳ።
\s1 ዮሴፎ እሻቱ ካናነ ቢታ ስሜድኖ
\p
\v 25 ዮሴፎ ባረ ቆማቱዋ፥ “ካ ኡንቱንቱ ኦጎሩዋ ኩንተ፤ ኡንቱንቱ ብራካ ዛሪደ፥ ኡንቱንቱ ኦጎሩዋን ኦጎሩዋን ዎተ፤ ቃይ ኡንቱንቱ ኦግያዉ ሽንቃ እምተ” ያጊደ አዛዜዳ። 
\v 26 እ ጌዳዋዳን ኦዳዋፐ ጉየ፥ ዮሴፎ እሻቱ ካ ባረንቱ ሀረቱዋን ጫኒደ፥ ደንዲደ ቤድኖ።
\p
\v 27 ኡንቱንቱ ቃማ አቃናዉ ስሜድኖ ኡንቱንቱፐ እቱ ባረ ሀርያዉ ካፐ የጋናዉ ባረ ኦጎሩዋ ብሊደ፥ ሄ ኦጎሩዋ ዶናን ደእያ ባረ ብራ በኤዳ። 
\v 28 እ ባረ እሻቱዋ፥ “ታ ብራይ ታዉ ስሜዳ፤ ቱሙ ሀዋ በእተ! ታ ኦጎሩዋን ደኤ” ያጌዳ።
\p ኡንቱንቱ ዎዛናይ ዳጋምና፥ ኮኮሪደ እቱ እቱዋኮ ስሚደ፥ “ጾሳይ ኑ ቦላ ኦዳባይ ሀዌ አዬ?” ያጌድኖ።
\p
\v 29 ኡንቱንቱ ካናነ ቢታን ደእያ ባረንቱ አዉዋ ያቆባኮ ዬዳ ዎደ፥ ባረና ጋኬዳዋ ኡባ አዉ ኦዴድኖ። 
\v 30 ኡንቱንቱ አዉ፥ “ሄ ቢታዉ ጎዳ ግዴዳ ብታኒ ኑና ሀንቀቴዳ። ሄዋፐ ጉየ፥ እ ኑና ሄ ቢታ ገድያዋዳን ጎዳቴዳ። 
\v 31 ሽን ኑን አ፥ ‘ኑን አማነትያ አሳ፤ ቢታ ጌድያዋንታ ግዶኮ። 
\v 32 ኑን ታማነ ላኡ እሻቱ እት አዉዋ ናና፤ እቱ ዬዳ፤ ዉርሰ ቴፋይ ካናነ ቢታን ሀእ ኑ አቡና ደኤ’ ያጌዶ። 
\v 33 ሄ ቢታዉ ጎዳ ግዴዳ ብታኒ ኑና፥ ‘ህንተ አማነትያ አሳ ግድያዋ ታን ሀዋን ኤራና፤ ህንተንቱ እሻቱዋፐ እቱዋ ሀዋን ታ ማታን የጊደ፥ ኮሻትያ ህንተንቱ ሶ አሳዉ ካ አኪደ ቢተ። 
\v 34 ህንተንቱ ቢታ ጌድያዋንታ ግደናን፥ አማነትያ አሳ ግድያዋ ታን ኤራና ማላ፥ ህንተንቱ ዉርሰ ቴፋ እሻ ታኮ አክ ዪተ። ያቶፐ ታን ሃን አቴዳ ህንተንቱ እሻ ህንተንቶ ዛራደ እማና፤ ህንተነ ሀ ቢታን ዛልኢታ’ ጌዳ” ያጌድኖ።
\p
\v 35 ኡንቱንቱ ባረንቱ ኦጎሩዋፐ ካ ቆሊደ፥ ባረንቱ ኦጎሩዋን ኦጎሩዋን ባረንቱ ብራ ቃሹዋና ኡቴዳዋ ደሜድኖ። ኡንቱንቱነ ኡንቱንቱ አዉ ሄ ቃሹዋና ደእያ ብራ በኢደ ያዬድኖ። 
\v 36 ኡንቱንቱ አዉዋ ያቆብ ኡንቱንታ፥ “ህንተንቱ ታና ታ ናናቱዋፐ መላ ከሴድታ፤ ዮሴፎ ባዋ፥ ስሞን ባዋ፤ ቃይ ህንተንቱ ቢንያማ አፋና ኮዪታ። ኡባባይ ታዉ ትራን ስት ጌዳ” ያጌዳ።
\p
\v 37 ሄዋፐ ጉየ ሮቤል ባረ አዉዋ፥ “ታን ቢንያማ ነዉ ዛራደ አሀና ዮፐ፥ ታ አቱማ ናና ላኡዋካ ዎ፤ ታና አማነታደ አ ታ ኩሽያን ዎ፤ ቃይ ታን አ ዛራደ አሀና” ያጌዳ።
\p
\v 38 ሽን ያቆብ ኡንቱንታ፥ “ታ ናአይ ህንተናና ያ ዱገ ቤና፤ አ እሻይ ሀይቂና፥ አቴዳዌ አ ጻላላ፤ ህንተንቱ አፍሽን፥ ኦግያን ኢታባይ አ ጋክያዋ ግዶፐ፥ ህንተንቱ ታ ፑሉን ሁጲያ ካዩዋን ዱፉዋን የጊታ” ያጌዳ።
\c 43
\s1 ዮሴፎ እሻቱ ቢንያማና ስሚደ ግብጼ ቤድኖ
\p
\v 1 ሀእነ ኮሻይ ካናነ ቢታን ዎልቃሜዳ። 
\v 2 ያትና ኡንቱንቱ ግብጼፐ አሄዳ ካ ኡባ ም ዉርስ ድግና፥ ኡንቱንቱ አዉ፥ “ቃይካ ጉየ ቢደ ኑዉ አማሬዳ ካ ዎምተ” ያጌዳ።
\p
\v 3 ሽን ይሁዳይ አ፥ “ሄ ብታኒ ኑና፥ ‘ህንተ እሻይ ህንተናና ያና ዮፐ፥ ታ ዴሙዋ ዛር በእክታ’ ያጊደ ሎይ ኦዴዳ። 
\v 4 ኔን ኑ እሻ ኑናና የዶፐ፥ ኑን ዱገ ቢደ ነዉ ካ ሻማና። 
\v 5 ሽን ኔን አ የደናዋ ግዶፐ፥ ኑን ዱገ ቦኮ፤ አያዉ ጎፐ፥ ሄ ብታኒ ኑና፥ ‘ህንተ እሻይ ህንተናና ያና ዮፐ፥ ህንተንቱ ታ ዴሙዋ ዛር በእክታ’ ጌዳ” ያጌዳ።
\p
\v 6 እስራኤሊ፥ “ህንተንቱ፥ ‘ኑዉ ሀራ እሻይ ደኤ’ ጊደ ኦዲደ ሀ መቱዋ ታ ቦላ አያዉ አሄድቴ?” ያጌዳ።
\p
\v 7 ኡንቱንቱ አ፥ “ሄ ብታኒ ኑባነ ኑ ሶ አሳባ ሎይ ኦቼዳ። እ ኑና፥ ‘ህንተ አዉ ሀእካ ፓጻ ደኢ? ህንተንቶ ሀራ እሻይ ደኢ?’ ያጊደ ኦቼዳ። ኑን እ ኦቼዳዋ አዉ ዛሬዶ። እ ኑና፥ ‘ህንተ እሻ ዱገ ሃ አህተ’ ጋናዋ ኑን አያን ኤራኔ?” ያጌድኖ።
\p
\v 8 ይሁዳይ ባረ አዉዋ እስራኤልያ፥ “ኑንካ ኔንካ ኑ ናናይካ ፓጻ ደአና ማላነ ሀይቀናን አታና ማላ፥ ናኣ ታናና የዳ፤ ኑን ኤለካ ባና። 
\v 9 ናኣ ታ ዋሰተን እማ፤ አባን ታና ኦቻ፤ ታን አ ነዉ ሳሮ ዛራደ አሀና ዮፐ፥ ታ ደኡዋ ኡባን ነ ሸቃይ ታና ጋኮ! 
\v 10 ኑን ጋምእቤናዋ ግድንቶ፥ ሀኖደ ላኤንዋ ያ ጋኪደ ስማና ሽን” ያጌዳ።
\p
\v 11 ሄዋፐ ጉየ ኡንቱንቱ አዉ እስራኤለ ኡንቱንታ፥ “ሄዋ ግዶፐ፥ ያትተ፤ ሄ ብታንያዉ ኩሽያ ገንያዋ ሀ ቢታን ዶሌዳዋ ኡባፐ ሎእያዋ ዶርተ፤ ሄዌነ ባላሳነ ግያ ልያ፥ ኤሳ፥ ሳዉዋ፥ ካርቢያነ ታምረ ላዉዝያ ግያ ምቱዋ ቴራ ህንተንቱ ኦጎሩዋን የጊደ አክ ቢተ። 
\v 12 ህንተንቱ ኦጎሩዋ ዶናን ስሜዳ ብራይ ባለዳዋ ግዳናዉ ዳንዳይያ ድራዉ፥ ብራካ ላኡ ኩሸ ኦደ አክ ቢተ። 
\v 13 ቃይ ህንተንቱ እሻነ አኪደ፥ ሄ ብታንያኮ ኤለካ ጉየ ቢተ። 
\v 14 እ ህንኮ ህንተንቱ እሻ የዳና ማላ፥ ቢንያመነ ህንተናና ያና ማላ፥ ኡባ ዳንዳይያ ጾሳይ ሄ ብታኒ ህንተንቶ ቃረታናዳን ኦ። ታና ግዶፐ፥ ታ ናናቱዋፐ መላ አቶፐነ አታድ” ያጌዳ።
\p
\v 15 ሄዋ ድራዉ ሄ አሳቱ እሞታነ ላኡ ኩሸ ብራነ ቃይ ቢንያማነ አኬድኖ። ኡንቱንቱ ዱገ ግብጼ ቢደ፥ ዮሴፎ ስን ሺቄድኖ። 
\v 16 ዮሴፎ ቢንያማ ኡንቱንቱና በኤዳ ዎደ፥ ባረ ጎለ ካፑዋ፥ “ሄ አሳ ታ ሶ አካደ ባ፤ እት መህያ ሹካደ ጊግሳ፤ ኡንቱንቱ ሴታ ጋላሳን ላጻ ታናና ሚኖ” ያጊደ አዛዜዳ።
\p
\v 17 ያትና እ ዮሴፎ አዉ ኦዴዳዋዳን ሄ አሳ ዮሴፎ ሶ አፌዳ። 
\v 18 አሳቱ ዮሴፎ ሶ ቤዳ ድራዉ፥ ያዬድኖ፤ ኡንቱንቱ፥ “ኑን ሀዋ ዬዳዌ ኮይሮ ኦጎሩዋና ስሚደ ቤዳ ብራ ድራሳ፤ እ ኑና ዋናዉ፥ አይለተን ሞዳናዉነ ኑ ሀረቱዋ አካናዉ ሀኔዳ” ያጊደ ቆፔድኖ።
\p
\v 19 ሄዋ ድራዉ ኡንቱንቱ ዮሴፎ ጎለ ፐንግያ ጋኪደ፥ ጎልያ ካፑዋ ሃሳይሴድኖ፤ 
\v 20 “ታ ጎዳዉ፥ ኑን ኮይሮ ካ ዎማናዉ ሀዋ ዬዶ፤ 
\v 21 ስሚደ ኑን ቃማ አቅያ ሳኣን ኦጎሩዋ ብሊደ፥ ሁጲያን ሁጲያን ኑ ብራይ ፓጨናን ኑ ኦጎሩዋ ዶናን ደእያዋ ደሜዶ፤ ሄዋ ድራዉ ሀእ ኑን አ ጉየ አኪደ ዬዶ። 
\v 22 ቃይ ኑን ካ ዎማናዉ ሀራ ብራካ አሄዶ። ኑ ብራ ኑ ኦጎሩዋ ኦጎሩዋ ዶናን ኦን ዎደንቶነ ኤሮኮ” ያጌድኖ።
\p
\v 23 እ ኡንቱንታ፥ “ሄዌ አይነ ባዋ፤ ያዮፕተ! ህንተንቱ ጾሳይ፥ ህንተንቱ አዉዋ ጾሳይ፥ ህንተንቱ ኦጎሩዋ ግዶን ህንተንቶ ብራ እሜዳ፤ ታን ህንተንቱ ብራ አካድ” ያጌዳ። ሄዋፐ ጉየ፥ እ ስሞና ኡንቱንቱኮ ከሴዳ።
\p
\v 24 ሄ ብታኒ ሄ አሳ ዮሴፎ ሶ አፊደ፥ ኡንቱንቱ ገድያዉ ሃ አይና፥ ባረንቱ ገድያ ሜጨቴድኖ። ኡንቱንቱ ሀረቶ ሀርቁዋ የጌዳ። 
\v 25 ዮሴፎ ሴታ ጋላስ ዪና እማናዉ፥ ኡንቱንቱ ባረንቱ እሞታ አዉ ጊግሴድኖ፤ አያዉ ጎፐ፥ ኡንቱንቱ ያን ማናዋ ስስ ኡቴድኖ።
\p
\v 26 ዮሴፎ ባረ ሶ ገሌዳ ዎደ፥ ኡንቱንቱ ሶ አሄዳ ባረንቱ እምያዋ ሶን አዉ እሜድኖ፤ ኡንቱንቱ አ ስንን ሳኣ ጋኪደ ጎይኔድኖ። 
\v 27 እ ኡንቱንቱ ሳሮተ ኦች ስሚደ፥ “ህንተንቱ ታዉ ኦዴዳ ህንተንቱ አዉ ጭማይ ሎኤ? ሀእካ እ ፓጻ ደኢ?” ያጌዳ።
\p
\v 28 ኡንቱንቱ፥ “ኤ፥ ነ ቆማይ፥ ኑ አዉ ሀእካ ፓጻ ደኤ፤ እ ሎአ” ያጊደ ሆኪደ አዉ ጎይኔድኖ።
\p
\v 29 እ ባረ አት ናኣ ቢንያማ በኤዳ ዎደ ኡንቱንታ፥ “ህንተንቱ ኦዴዳ ዉርሰ ቴፋ ህንተንቱ እሻይ ሀዌ?” ያጌዳ። ቃይ እ ቢንያማ፥ “ታ ናአዉ፥ ኔና ጾሳይ አንጆ” ያጌዳ። 
\v 30 ዮሴፎ አ እሻይ አዉ ጎምፓይ ምሸቴዳ ድራዉ፥ ዬካናዉ እት ሳኣ ላዉሁ ጌዳ። እ ባረ ዱማ ቆልኡዋ ገሊደ ያን ዬኬዳ።
\p
\v 31 እ ባረ ዴሙዋ ሜጨቶዋፐ ጉየ ከሲደ፥ ባረና ምንደ፥ “ቁማ አተ” ያጌዳ።
\p
\v 32 ኡንቱንቱ አዉ ዱማ፥ ሄ እሻቶ ዱማ፥ ሄዋን አናና ምያ ግብጼ አሳቶ ዱማ አድኖ፤ አያዉ ጎፐ፥ ግብጼ አሳቱ እብራዌ አሳቱዋና እትፐ ሚክኖ። ሄዌ ግብጼ ቢታ አሳ ሸነይያዋ። 
\v 33 ኡንቱንቱ ዮሴፎ ስንን ባይራይ ባረ ባይራተዳን፥ ቴፋይ ባረ ቴፋተዳን ማራን ኡቴድኖ። ኡንቱንቱ እቱ እቱዋ ጼሊደ፥ ኡንቱንታ ዎት ኡትሴድኖንቶ በኢደ ማላለቴድኖ። 
\v 34 ዮሴፎ ማዳፐ ኡንቱንቶ ቁማ ግሽያ ዎደ፥ ቢንያመዉ ጋኬዳዌ ሀራቱዋፐ እቼሹ ኩሽያ ዳሬ፤ ያትና ኡንቱንቱ ናሸቲደ አናና ሜድኖነ ኡሼድኖ።
\c 44
\s1 ዮሴፎ ብራ ዋንጫ
\p
\v 1 ዮሴፎ ባረ ጎለ ካፑዋ፥ “ኔን ሀ አሳቱዋ ኦጎሩ አክያዋ ኬሻ ካ ኡንቱንቶ ኩን፤ ኡንቱንቱ ኡባ ብራካ ኡንቱንቱ ኦጎሩዋ ኦጎሩዋ ዶናን ዎ፤ 
\v 2 ያታደ ዉርሰ ቴፋ ኦጎሩዋ ዶናን ታ ብራ ዋንጫነ አ ካ ብራ ዎ” ያጊደ አዛዜዳ፤ እ ዮሴፎ ጌዳዋዳን ኦዳ።
\p
\v 3 ሳአይ ዎንትና ሄ አሳቱ ባረንቱ ሀረቱዋ አኪደ ባናዉ ሞይዘቴድኖ። 
\v 4 ኡንቱንቱ ሄ ካታማፐ ከሲደ ሃክ ቤናን ደእሽን፥ ዮሴፎ ባረ ጎለ ካፑዋ፥ “ደንዳ! ሀ አሳቱዋ ጌዱዋ ካላ፤ ኔን ኡንቱንታ ጋኬዳ ዎደ ኡንቱንቱ፥ ‘ህንተ አያዉ ኬካ ኢታን ዛሬድቴ? 
\v 5 ሀዌ ታ ጎዳይ ኡሽያነ ቃይ ጹራባ ደምያ ዋንጫ ግደኔ? ሀዌ ህንተንቱ ኦዳባይ ባላባ’ ያጋ” ያጌዳ።
\p
\v 6 እ ኡንቱንቱ ጌዱዋ ጋኪደ፥ ሀ ጌዳዋዳንካ ኡንቱንቶ ኦዴዳ። 
\v 7 ሽን ኡንቱንቱ፥ “ታ ጎዳይ ሀዋ ማላ ቃላ አያዉ ሃሳዪ? ሄዋ ማላ ኦያዌ ኑፐ ነ ቆማቱዋፐ ሃኮ! 
\v 8 ኑን ሀራይ አቶ ኑ ኦጎሩዋ ዶናፐ ደሜዳ ብራ ካናነ ቢታፐ ጉየ ነዉ ዛር አሄዶ። 
\v 9 ነ ጎዳ ጎልያፐ ኑን ዎርቃ ዎይ ብራ ዎት ዉኤቶ? ነ ቆማቱዋ ግዶን ሄ ዋንጫይ ቤቴዳ ኡራይ ሀይቆ፤ ቃይ አቴዳ ኑን ኑ ጎዳዉ አይለ ግዳና” ያጌድኖ።
\p
\v 10 እ ኡንቱንታ፥ “ሄዋ ግዶፐ ሎአ፤ ህንተንቱ ጌዳዋዳን ዋንጫ አኬዳ ኦንነ ታ አይለ ግዳና፤ ህንኮ አቴዳ ህንተንቱ ቦርያፐ ሳሮ አታና” ያጌዳ።
\p
\v 11 ሄዋፐ ጉየ፥ ኡንቱንቱ ኤለካ ባረንቱ ኦጎሩዋ ኦጎሩዋ ሳኣን ዎደ ብሌድኖ። 
\v 12 ሄ ካፑ ኡባፐ ባይራትያዋ ኦጎሩዋፐ ዶሚደ ዉርሰ ቴፋ ጋካናዉ ኮዬዳ፤ ሄ ዋንጫ ቢንያማ ኦጎሩዋ ግዶፐ ደሜዳ። 
\v 13 ሄዋን ኡንቱንቱ ካዮቲደ፥ ባረንቱ ማዩዋ ፔድኖ፤ ባረንቱ ኦጎሩዋ ባረንቱ ሀረቱዋን ጫኒደ፥ ጉየ ካታማ ስሜድኖ።
\p
\v 14 ይሁዳይ ባረ እሻቱዋና ዮሴፎኮ ገልያ ዎደ፥ ዮሴፎ ሶን ደኤ፤ ኡንቱንቱ አ ስንን ሳኣን ጉፋኔድኖ። 
\v 15 ዮሴፎ ኡንቱንታ፥ “ህንተንቱ አያ ኢታባ ኦድተ? ታ ማላ አሳይ ጹራባ ደምያዋ ኤርክቴየ?” ያጌዳ።
\p
\v 16 ይሁዳይ፥ “ታ ጎዳዉ ኑን አያ ጋኔ? ኑን አያ ሃሳያኔ? ዎይ ኑን ጽሉዋ ግድያዋ ዎት በሳኔ? ጾሳይ ነ አይለቱዋ ባይዙዋ ቆንጭስ ድጌዳ። ስም ኑንካ ሄ ዋንጫይ አፐ ቤቴዳዌካ ታ ጎዳዉ አይለ ግዴዳ” ያጌዳ።
\p
\v 17 ሽን ዮሴፎ፥ “ሀዋ ማላ ኦያዌ ታፐ ሃኮ፤ ታ ዋንጫይ አፐ ቤቴዳ ብታንያ ጻላላይ ታ አይለ ግዳና። ህንኮ ህንተንቱ ህንተንቱ አዉዋኮ ጉየ ሳሮ ስምተ” ያጌዳ።
\p
\v 18 ይሁዳይ አኮ ሺቂደ አ፥ “ታ ጎዳዉ፥ ታን እት ቃላ ሃሳያና ማላ ኔና ዎሳይ፤ ታና ነ አይልያ ሀንቀቶፓ፤ አያዉ ጎፐ፥ ኔን ካትያ ማላ። 
\v 19 ኔን ታ ጎዳይ ኑና ነ አይለቱዋ፥ ‘ህንተንቶ አዉ ደኢየ ዎይ እሻይ ደኢ?’ ያጋደ ኦቻዳ። 
\v 20 ኑንካ፥ ‘ኑዉ ጭሜዳ አዉ ደኤ፤ እ ጭም ክቺደ የሌዳ ቴፋ ናአይካ ደኤ፤ ሄ ናኣ እሻይ ሀይቄዳ፤ ባረ አትዉ እት አ ጻላላይ አቴዳ፤ አ አዉ አ ሲቄ’ ያጌዳ።
\p
\v 21 “ኔን ነ አይለቱዋ፥ ‘ታን አ በአና ማላ ታዉ አህተ’ ያጋዳ። 
\v 22 ኑን ታ ጎዳ፥ ‘ሄ ናአይ ባረ አዉዋፐ ሻከታናዉ ዳንዳየና፤ ሻከቶፐ አ አዉ ሀይቃንታ’ ያጌዳ። 
\v 23 ሽን ኔን ነ አይለቱዋ፥ ‘ህንተ ቴፋ እሻይ ህንተናና ዱገ ያና ዮፐ፥ ላኤንዋ ታ ዴሙዋ በእክታ’ ያጋዳ። 
\v 24 ኑን ነ አይላቱ ኑ አዉዋኮ ስሚደ ቤዳ ዎደ፥ ታ ጎዳይ ጌዳዋ አዉ ኦዴዶ።
\p
\v 25 “ኑ አዉ፥ ‘ጉየ ቢደ አማሬዳ ካ ዎምተ’ ያግና፥ 
\v 26 ኑን አ፥ ‘ኑ ቴፋ እሻይ ኑናና ቦፐ አትን፥ ዱገ ባናዉ ዳንዳዮኮ፤ አያዉ ጎፐ፥ ኑ እሻይ ቴፋይ ኑናና ቤናዋ ግዶፐ፥ ኑን ሄ ብታንያ ዴሙዋ በአናዉ ዳንዳዮኮ’ ያጌዶ።
\p
\v 27 “ኑ አዉ ነ አይል ኑና፥ ‘ታ ማቻታ ራሄላ ታዉ ላኡ አቱማ ናና የሌዳዋ ህንተንቱ ኤሪታ፤ 
\v 28 ኡንቱንቱፐ እቱ ታፐ ሻከቲደ ቢና፥ “ቱሙ አ ዶአይ ፑዘሬ ሜዳ” ያጋድ፤ ሀቼ ጋካናዉ ታን አ በአበይከ። 
\v 29 ሀዋ ቃይ ህንተንቱ ታፐ ሻክ አፍና፥ ኢታባይ አ ጋኮፐ፥ ህንተንቱ ታ ፑሉን ሁጲያ ካዩዋን ዱፉዋን የጋና’ ያጌዳ።
\p
\v 30-31 “ሄዋ ድራዉ፥ ሀእ ታን ጉየ ነ አይልያ ታ አዉዋኮ ብያ ዎደ፥ ታ አዉ፥ ናኣ ባረ ሸምፑዋዳን ሲቅያዌ፥ ናአይ ኑናና ባይናዋ በኦፐ ሀይቂ አጋና። ኑን ነ አይለቱ ኑ አዉዋ ፑሉን ሁጲያ ካዩዋን ዱፉዋን የጌቶ። 
\v 32 ታን ነ አይል ናኣ ታ ዋሰተን አካድ፤ ታን አ፥ ‘ታ አዎ፥ ታን አ ነዉ ሳሮ ዛራደ አሀና ዮፐ፥ ታ ደኡዋ ኡባን ነ ሸቃይ ታና ጋኮ!’ ያጋ ዎድ።
\p
\v 33 “ያቴዳ ድራዉ፥ ታን ነ አይል ታ ጎዳዉ ናኣ ድራዉ አይለታደ፥ ሀዋን አትና፥ ናአይ ባረ እሻቱዋና ጉየ ስሞ። 
\v 34 ናአይ ባይናን ታን ዋናደ ጉየ ታ አዉዋኮ ስማኔ? ቱይት፥ ታና ታ አዉ ሴለታና ሴላ በሶፓ” ያጌዳ።
\c 45
\s1 ዮሴፎ ባረና ባረ እሻቶ ኤርሴዳ
\p
\v 1 ሄ ዎደ ዮሴፎ ሄ አሳ ኡባ ስንን ገንጫና ዳንዳይቤና፤ “አሳ ኡባ ታ ስንፐ ከስተ” ያጊደ ዋሴዳ። ሄዋ ድራዉ ዮሴፎ ባረና ባረ እሻቶ ኤርሴዳ ዎደ፥ አናና ኦንነ ባዋ።\x - \xo 45:1 \xo*\xt ኪታ 7:13\xt*\x* 
\v 2 እ ባረ ቃላ ቂሲደ፥ ግብጼቱ አ ስሳና ጋካናዉ ሎይ ዬኬዳ። ካትያ ሶ አሳይ ሄ ዎርያ ስሴዳ።
\p
\v 3 ዮሴፎ ባረ እሻቶ፥ “ታን ዮሴፋቴ! ታ አዉ ሀኖ ጋካናዉ ፓጻ ደኢየ?” ያጊደ ኦቼዳ። ሽን አ እሻቱ ሎይ ዳጋሜዳ ድራዉ፥ አዉ ዛራና ዳንዳይበይክኖ።
\p
\v 4 ያትና ዮሴፎ ባረ እሻቱዋ፥ “ታኮ ሃ ሺቅተ” ያጌዳ። ኡንቱንቱ አኮ ሺቄድኖ፤ እ ኡንቱንታ፥ “ታን ህንተንቱ እሻ ዮሴፋ፤ ህንተንቱ ግብጼ ቢታዉ ዛልኤዳዋ። 
\v 5 ቃይ ህንተንቱ ታና ሀዎ ዛልኤዳ ድራዉ፥ ቁምኤቶፕተነ ካዮቶፕተ፤ አያዉ ጎፐ፥ ጾሳይ ታና ህንተፐ ስንዉ ኪቴዳዌ አሳ ሸምፑዋ አሻናሳ። 
\v 6 ሀ ቢታ ኮሻይ ገሎደፐ ላኤን ላይ፤ ቃይ ይያ እቼሹ ላይቱዋን አሳይ ጎሸና ዎይ ጫከና። 
\v 7 ሽን ታን ሳኣን ህንተንቶ ዘረ አሻና ማላነ ህንተንቱ ደኡዋ ዳርሳ አሻና ማላ፥ ጾሳይ ታና ህንተፐ ስንዉ ኪቴዳ። 
\v 8 ስም ታና ሀ ሳኣ ኪቴዳዌ ጾሳ ግድያዋፐ አትና፥ ህንተንታ ግድክታ። እ ታና ግብጼ ካትያዉ አዉዋ፥ አዉ ደእያዋ ኡባዉ ጎዳነ ግብጼ ቢታ ሞድያዋ ኦዳ።
\p
\v 9 “ሀእ ኤሌል ጉየ ታ አዉዋኮ ቢደ አ፥ ‘ነ ናአይ ዮሴፎ ሀዋዳን ያጌ፤ “ጾሳይ ታና ግብጼ ቢታ ኡባ ቦላን ጎዳ ከሴዳ፤ ኔን ታኮ ዱገ ሃያ፤ ጋምኦፓ።\x - \xo 45:9-11 \xo*\xt ኪታ 7:14\xt*\x* 
\v 10 ኔን ገሴመ ቢታን ኡታሳ፤ ቃይ ኔን፥ ነ ናናይ፥ ነ ናና ናናይ፥ ነ ዶርሳ ዉዲ፥ ነ ሚዛ ዉዲነ ነዉ ደእያባይ ኡባይ ታ ማታን ደኢታ። 
\v 11 ብሮ እቼሹ ኮሻ ላይቱ አቴድኖ፤ ኔና፥ ነ ሶ አሳነ ነ መህያ ኮሻይ ኦይቀና ማላ፥ ታን ኔና ምዛና” ያጌዳ’ ያግተ” ያጌዳ።
\p
\v 12 ቃይካ ዮሴፎ ኡንቱንታ፥ “ህንተካ ታ እሻ ቢንያመካ፥ ሀ ህንተናና ሃሳይያዌ ቱሙ ታና ዮሴፋ ግድያዋ ህንተንቱ አይፍያን በኢታ። 
\v 13 ታዉ ግብጼ ቢታን ደእያ ቦንቹዋ ኡባነ ህንተንቱ በኤዳዋ ኡባ ታ አዎ ኦድተ፤ ታ አዉዋነ ኤለካ ሃ ዱገ አክ ዪተ” ያጌዳ።
\p
\v 14 ባረ እሻ ቢንያማ ቆያ ቆም ዬኬዳ፤ ቢንያመካ ባረ እሻ ቆም ዬኬዳ። 
\v 15 ዮሴፎ ባረ እሻቱዋ ኡባ የሪደ፥ ኡንቱንቱ ቦላንካ ዬኬዳ። ሄዋፐ ጉየ፥ አ እሻቱ አናና ሃሳዬድኖ።
\p
\v 16 ዮሴፎ እሻቱ ዬዳ ዎሪ ካትያ ጎለ ጋኬዳ ዎደ፥ ካቲነ አ ኦሳንቻቱ ናሸቴድኖ። 
\v 17 ካቲ ዮሴፎ፥ “ኔን ነ እሻቱዋ ያትተ ጋ፤ ‘ህንተ መህያ ጫኒደ፥ ካናነ ጋድያ ስምተ፤ 
\v 18 ህንተንቱ አዉዋነ ህንተንቱ ሶ አሳ አኪደ፥ ጉየ ታኮ ሃ አህተ። ታን ህንተንቶ ግብጼ ቢታን ኡባ ሳኣፐ ሎእያ ሳኣ እምና፥ ህንተንቱ ሀ ቢታ ሞዋ ካሻና’ ያጋ። 
\v 19 ቃይካ ኔን ነ እሻቱዋ፥ ‘ፓራ ጋርያ ህንተንቱ ናናቱዋነ ህንተንቱ ማጫ አሳቱዋ አህያዋንታ ግብጼፐ አኪደ ቢተ፤ ህንተንቱ አዉዋነ አኪደ ዪተ። 
\v 20 ግብጼ ቢታን ደእያ ኡባፐ አ ሎእያዌ ህንተሳ ግድያ ድራዉ፥ ህንተንቱ ማጹዋ ቆፖፕተ’ ያጋደ ኦዳ” ያጌዳ።
\p
\v 21 እስራኤልያ አቱማ ናናይ ጌዳዋዳን ኦድኖ። ዮሴፎ ካቲ አዛዜዳዋዳን ፓራ ጋረቱዋነ ኦግያዉ ሽንቃ ኡንቱንቶ እሜዳ። 
\v 22 ኡንቱንቶ ኡባዉካ ሁጲያን ሁጲያን ኦራ ማዩዋ እሜዳ፤ ሽን ቢንያመዉ ሄዙ ጼቱ ጻጋራ ብራነ እቼሹ ኩመን ማዩዋ እሜዳ። 
\v 23 እ ባረ አዎ የዴዳዌ ሀዋ፤ ግብጼን ደእያ ኡባባፐ ሎእያዋ ታሙ ሀርያን ጫኒደ፥ ቃይ ኦግያዉ ካ፥ ኡክነ ሀራ ሽንቃ ታሙ ማጫ ሀረቱዋን ጫኒደ የዴዳ። 
\v 24 ዮሴፎ ባረ እሻቱዋ ሞይዜዳ። ኡንቱንቱ ቢሽን እ ኡንቱንታ፥ “ኦግያን ቢደ ዋላቀቶፕተ” ያጌዳ።
\p
\v 25 ኡንቱንቱ ግብጼፐ ከሲደ ቤድኖ፤ ካናነ ቢታ ቢደ፥ ባረንቱ አዉዋ ያቆባኮ ጋኬድኖ። 
\v 26 ኡንቱንቱ አዉ ሀዋዳን ያጊደ ኦዴድኖ፤ “ዮሴፎ ፓጻ ደኤ! እ ሄዋፐነ ግብጼ ቢታ ኡባ ሞድያዋ” ያጌድኖ፤ ያቆባ ዳጋማይ ዎዛና ባይዜዳ ድራዉ፥ ኡንቱንታ አማንቤና። 
\v 27 ሽን ኡንቱንቱ ዮሴፎ ባረንቶ ኦዴዳዋ ኡባ አዉ ኦድናነ አ አክ አሀና ማላ ዮሴፎ ኪቴዳ ፓራ ጋረቱዋ እ በእና፥ ኡንቱንቱ አዉዋ ያቆባ ሸምፑ ስሜዳ። 
\v 28 እስራኤሊ፥ “ሄዌ ታዉ ግዴ፤ ታ ናኣ ዮሴፎ ሀኖ ጋካናዉ ፓጻ ደኤ! ታን ሀይቃናፐ ካሰ ባደ፥ አ በአና” ያጌዳ።
\c 46
\ms እስራኤላቱ ግብጼ ጋድያን
\mr (46:1—50:26)
\s1 ያቆብነ አ ሶ አሳይ ዱገ ግብጼ ቤድኖ
\p
\v 1 እስራኤሊ ባረዉ ደእያዋ ኡባ አክ ደንዲደ፥ በርሳበሀ ጋኬዳ፤ እ ባረ አዉዋ ይሳቃ ጾሳዉ ያርሹዋ ያርሼዳ። 
\v 2 ጾሳይ ቃማ አኩሙዋን አ፥ “ያቆባ፥ ያቆባ” ያጌዳ።
\p እ፥ “አቤ” ጊደ ኮዬዳ።
\p
\v 3 አ፥ “ታን ጾሳ፥ ነ አዉዋ ጾሳ፤ ኔን ዱገ ግብጼ ባናዉ ያዮፓ፤ አያዉ ጎፐ፥ ታን ኔና ያን ዎልቃማ ካዉተ ከሳና። 
\v 4 ታን ኔናና እትፐ ግብጼ ባና፤ ቃይ ታን ነ ዘረ ያፐ ከሳና። ዮሴፎ ባረ ኩሽያን ነ አይፍያ ሺሻና” ያጌዳ።
\p
\v 5 ሄዋፐ ጉየ፥ ያቆብ በርሳበሄፐ ደንዴዳ፤ እስራኤልያ አቱማ ናናይ ባረንቱ አዉዋ ያቆባ፥ ባረንቱ ናናነ ባረንቱ ማቻቱዋ ግብጼ ካቲ ኡንቱንቶ ኪቴዳ ፓራ ጋርያን ዎደ አፌድኖ። 
\v 6 ኡንቱንቱ ካናነ ቢታን ሞዴዳ ማጹዋነ መህያ ኡባ አፌድኖ። ያቆብነ አ ዘረ ኡባይ አናና ግብጼ ቤድኖ።\x - \xo 46:6 \xo*\xt ኪታ 7:15\xt*\x* 
\v 7 እ ባረ አቱማ ናናነ ባረ ናና አቱማ ናና፥ ባረ ማጫ ናናነ ባረ ናና ማጫ ናና፥ ሄዌነ ባረ ዘረ ኡባ ባረናና ግብጼ አፌዳ።
\s1 ያቆባ የለታ
\p
\v 8 እስራኤላና ግብጼ ጋድያ ቤዳ እስራኤልያ ናና ሱንይ ሀዋፐ ካሊደ ጻፈቴዳዋ።
\p ያቆባ ባይራ ናአይ ሮቤላ፤ 
\v 9 ሮቤላ አቱማ ናናይ ሀኖካ፥ ፓሉ፥ ሄጽሮናነ ካርማ። 
\v 10 ስሞና አቱማ ናናይ ይሙኤላ፥ ያሚና፥ ኦሃዳ፥ ያኪና፥ ጾሃራነ ካናነ ምሽራት ናኣ ሻኡላ። 
\v 11 ሌዊ አቱማ ናናይ ገርሾና፥ ቃሃታነ ማራራ። 
\v 12 ይሁዳ አቱማ ናናይ ኤራ፥ ኦናና፥ ሼላ፥ ፓሬሳነ ዛራሀ፤ ሽን ኤርነ ኦናን ካናነ ቢታን ሀይቄድኖ። ፓሬሳ አቱማ ናናይ ሄጽሮናነ ሀሙላ። 
\v 13 ይሳኮራ አቱማ ናናይ ቶላአ፥ ፑዋ፥ ያሹባነ ሽምሮና። 
\v 14 ዛብሎና አቱማ ናናይ ሰሬዳ፥ ኤሎናነ ያህላኤላ። 
\v 15 ሀዋንቱ ልያ ማስጰጾምያን ያቆባዉ የሌዳ አቱማ ናና፤ እ ማጫ ናታ ዲኖ። ሀዋንቱ አ ናናይነ ናና ናናይ ሙሊ ሀታማነ ሄዛ።
\p
\v 16 ጋደ አቱማ ናናይ ጻፎና፥ ሀጋ፥ ሹና፥ ኤጽቦና፥ ኤር፥ አሮዳነ አርኤላ። 
\v 17 አሴራ አቱማ ናናይ ይምና፥ ይሽዋ፥ ይሽዋሀነ ባሪአ፤ ኡንቱንቱ ምቻታ ሰራሆ። ባሪአ አቱማ ናናይ ሄቤራነ ማልክኤላ። 
\v 18 ላባን ባረ ናት ልዮ እሜዳ ዝልፓ ያቆባዉ የሌዳ ናናይ ሀዋንታ፤ ኡንቱንቱ ሙሊ ታማነ ኡሱፑና።
\p
\v 19 ያቆባ ማቻት ራሄል አቱማ ናናይ ዮሴፎነ ቢንያማ። 
\v 20 ኦና ካታማ ቄስያ ጶጽፋራ ናታ አስናታ ዮሴፎዉ ግብጼን ምናሳነ ኤፍሬማ የላዱ።\x - \xo 46:20 \xo*\xt ዶመ 41:50-52\xt*\x* 
\v 21 ቢንያማ ናናይ በላአ፥ በኬራ፥ አሽቤላ፥ ጌራ፥ ናእማና፥ ኤሀ፥ ሮሻ፥ ሙፒማ፥ ሁፒማነ አራዳ። 
\v 22 ያቆባዉ የለቴዳ ራሄል አቱማ ናናይ ሀዋንታ፤ ኡንቱንቱ ሙሊ ታማነ ኦይዳ።
\p
\v 23 ዳና አቱማ ናአይ ሁሺማ። 
\v 24 ንፍታሌማ አቱማ ናናይ ያህጽኤላ፥ ጉና፥ የጼራነ ሺሌማ። 
\v 25 ላባን ባረ ናት ራሄልዉ እሜዳ ባላ ያቆባዉ የሌዳ ናናይ ሀዋንታ፤ ኡንቱንቱ ሙሊ ላፑና።
\p
\v 26 ያቆባና ግብጼ ቤዳ፥ አ ጉልባታፐ የለቴዳዋንቱ፥ አ ናና ማቻቱዋ ጉጀናን፥ ሙሊ ኡሱፑን ታማነ ኡሱፑና። 
\v 27 ግብጼን ዮሴፎዉ የለቴዳ ላኡ ናና ጉጅና፥ ግብጼ ቤዳ ያቆባ ሶ አሳይ ሙሊ ላፑን ታማ።\x - \xo 46:27 \xo*\xt ኪታ 7:14\xt*\x*
\s1 ያቆብነ አ ሶ አሳይ ግብጼን ደኤድኖ
\p
\v 28 ገሴመ ቢታን ሞካና ማላ፥ ያቆብ ይሁዳ ባረፐ ስንዉ ዮሴፎኮ ኪቴዳ፤ ኡንቱንቱ ገሴመ ጋኬዳ ዎደ፥ 
\v 29 ዮሴፎ ባረ ፓራ ጋርያ ጊግሲደ፥ ባረ አዉዋ እስራኤላና ጋከታናዉ ገሴመ ቤዳ። ዮሴፎ ባረ አዉዋ ደሜዳ ሳናካ አ ቆያን ጻጸት ቆም፥ ዳሮ ዎድያ ዬኬዳ።
\p
\v 30 እስራኤሊ ዮሴፎ፥ “ኔን ፓጻ ደእሽን፥ ታን ነ አይፍያ በኤዳ ድራዉ፥ ሀእ ታን ሀይቂንቶነ አይነ ባዋ” ያጌዳ።
\p
\v 31 ሄዋፐ ጉየ፥ ዮሴፎ ባረ እሻቱዋነ ባረ አዉዋ ሶ አሳ፥ “ታን ግብጼ ካትያኮ ባና፤ አዉ፥ ‘ካናነ ቢታን ደእያ ታ እሻቱዋነ ታ አዉዋ ሶ አሳይ ታኮ ዬድኖ። 
\v 32 ኡንቱንቱ ዶርሳ ሄንንቻ፤ ኡንቱንቱ መህያ ሄምኖ፤ ኡንቱንቱ ባረናና ባረንቱ ዶርሳቱዋ፥ ባረንቱ ምያቱዋነ ባረንቶ ደእያዋ ኡባ አኪደ ዬድኖ’ ያጋና። 
\v 33 ካቲ ህንተንታ ጼስሲደ፥ ‘ህንተ ኪታይ አዬ?’ ያጊደ ኦቾፐ፥ 
\v 34 ህንተንቱ አዉ፥ ‘ኑን ነ ቆማቱ ናአተፐ ዶሚደ፥ ኑ አዎቱዋዳን መህያ ሄሜቶ’ ያግተ። እ ህንተንታ ገሴመ ጋድያን ዎናዋ፤ አያዉ ጎፐ፥ ዶርሳ ሄንንቻ ኡባይ ግብጼ አሳን ካቴዳዋ” ያጌዳ።
\c 47
\p
\v 1 ዮሴፎ ገሊደ ግብጼ ካትያዉ ሀዋዳን ያጊደ ኦዴዳ፤ “ታ አዉነ ታ እሻቱ፥ ባረንቱ ዶርሳ ዉድያና፥ ባረንቱ ምያ ዉድያናነ ባረንቶ ደእያዋ ኡባና ካናነ ቢታፐ ዪደ፥ ሀእ ገሴመ ቢታን ደእኖ” ያጌዳ። 
\v 2 እ ባረ እሻቱዋፐ እቼሻቱዋ ዶሪደ ካትያ ስን አዳ።
\p
\v 3 ካቲ ሄ እሻቱዋ፥ “ህንተንቱ ኪታይ አዬ?” ያጊደ ኦቼዳ።
\p ኡንቱንቱ ካትያዉ፥ “ኑን ነ ቆማቱ ኑ አዎቱዋዳንካ ዶርሳ ዉድያ ሄሜቶ” ያጊደ ዛሬድኖ። 
\v 4 ቃይ ኡንቱንቱ አዉ፥ “ካናነ ቢታን ኮሻይ ጺጽ ደእያ ድራዉነ ነ ቆማቱዋ መህያዉ ምያባይ አይነ ባይና ድራዉ፥ ኑን ሀዋን አማሬዳ ዎድያ ደአናዉ ዬዶ፤ ሀያና ኑና ነ ቆማቱዋ ገሴመን ዎርኪ!” ያጌድኖ።
\p
\v 5 ካቲ ዮሴፎ፥ “ነ አዉነ ነ እሻቱ ኔኮ ዬድኖ። 
\v 6 ስም ግብጼ ቢታይ ነ ኩሽያን ደኤ፤ ሀ ጋድያን ኡባ ሳፐ አደ ሎኢያሳን ነ አዉዋነ ነ እሻቱዋ ዎ፤ ኡንቱንቱ ገሴመ ቢታን ደኢኖ። ኔን ኤርና፥ ኡንቱንቱ ግዶፐ ዱማ ኤራተይ ደእያዋንቱ ደኦፐ፥ ሄዋንታ ታ መህያ ቦላ ሱን” ያጌዳ።
\p
\v 7 ሄዋፐ ጉየ፥ ዮሴፎ ባረ አዉዋ ያቆባ ገልሲደ፥ ካትያ ስን አዳ። ያቆብ ግብጼ ካትያ አንጄዳዋፐ ጉየ፥ 
\v 8 ካቲ ያቆባ፥ “ነዉ ዎይሳ ላይ?” ያጊደ ኦቼዳ።
\p
\v 9 ያቆብ ካትያ፥ “ታን ዩያደ ደኤዳ ላይይ ጼታነ ሀታማ፤ ታ ላይይ በን ታ አዎቱ ዩዪደ ደኤዳ ላይቱዋፐ ጉነ መቱ ዳሬዳዋ” ያጌዳ። 
\v 10 ሄዋፐ ጉየ፥ ያቆብ ካትያ አንጂደ፥ አ ስንፐ ካረ ከሴዳ።
\p
\v 11 ዮሴፎ ባረ አዉዋነ ባረ እሻቱዋ ግብጼ ቢታን ዎዳ፤ ካቲ አዛዜዳዋዳን ግብጼ ቢታን ራምሳ ግያ ካታማ ማታን ደእያ፥ ኡባ ሳፐ አደ ሎእያ ጋድያ ኡንቱንቶ እሜዳ። 
\v 12 ዮሴፎ ቃይ ባረ አዎ፥ ባረ እሻቶነ ባረ አዉዋ ሶ አሳ ኡባዉ ኡንቱንቱ ናና ፓይዱዋዳን ካ እሜዳ።
\s1 ግብጼን ኮሻይ ሱሌዳ
\p
\v 13 ግዶፐነ ኮሻይ ጺጽ ደእያ ድራዉ፥ ሄ ቢታ ኡባን ካ ባዋ። ሄ ኮሻን ግብጼነ ካናነ ቢታይ ላአቱካ ቆሄቴድኖ። 
\v 14 ዮሴፎ ግብጼ ካ ዛልኢደ፥ ግብጼነ ካናነ ቢታቱዋን ደእያ ሚሻ ኡባ ሺሼዳ፤ ግብጼ ካትያ ጎለ ገልሴዳ። 
\v 15 ግብጼነ ካናነ ሻሉ ዉሬዳ ዎደ፥ ግብጼ አሳይ ኡባይ ዮሴፎኮ ዪደ አ፥ “ኑዉ ካ እማ፤ ኑ ሻሉ ዉሬዳ ድራዉ፥ ኑን ነ ስንን አያዉ ሀይቄቶ?” ያጌድኖ።
\p
\v 16 ዮሴፎ ኡንቱንታ፥ “ያቶፐ ህንተንቱ መህያ አክ ዪተ፤ ህንተንቱ ሻሉ ዉር ክቼዳዋ ግዶፐ፥ ታን ካ ህንተንቱ መህያና ላማና” ያጌዳ። 
\v 17 ሄዋ ድራዉ ኡንቱንቱ ባረንቱ መህያ ዮሴፎዉ አሄድኖ። ዮሴፎ ኡንቱንቱ ፓራ፥ ዶርሳ፥ ዴሻ፥ ምያነ ሀርያ ካና ላሜዳ፤ እ ሄ ላይ ኡንቱንቱ መህያ ኡባና ካ ላሚደ ኡንቱንታ ምዝ ሻቼዳ።
\p
\v 18 ሄ ላይይ ዉርና፥ ኡንቱንቱ ላኤን ላይን አኮ ዪደ አ፥ “ኑን ኑ ጎዳፐ ቆስያባይ ባዋ፤ ኑ ሚሻ ኡባይ ዉር ድግና፥ ኑ መህያካ ነዉ ሼደ፥ ኑ ቦላፐነ ኑ ጋድያፐ አትን፥ ኑ ጎዳዉ አቴዳባይ ሀራባይ ባዋ። 
\v 19 ኑን ነ ስንን አያዉ ሀይቄቶ? ኑ ጋዲካ አያዉ ዪ? ኑናካ ኑ ጋድያካ ካን ሻማ፤ ኑን ካትያዉ አይለታና፤ ኑ ጋዲካ አዋ ግዶ፤ ኑን ፓጻ አታና ማላ፥ ሀይቀና ማላነ ኑ ጋዲካ ኦጸና ማላ፥ ዘረ ኑዉ እማ” ያጌድኖ።
\p
\v 20 ዮሴፎ ግብጼ ቢታ ኡባ ካትያዉ ሻሜዳ። ግብጼቱ ኡባይ ኮሻይ ጺጽ ደእያ ድራዉ፥ ባረንቱ ጋድያ ዛልኤድኖ፤ ጋዲ ካትያዋ ግዴዳ። 
\v 21 ዮሴፎ አሳ ኡባ ግብጼዉ ሀ ጋጻፐ ዶሚደ ህን ጋጻ ጋካናዉ ካትያዉ አይለ ከሴዳ። 
\v 22 ግዶፐነ እ ቄሳቱ ዋ ጋድያ ሻምቤና፤ አያዉ ጎፐ፥ ካቲ ቄሳቶ ካ እሜዳ። ሄዋ ድራዉ ባረንቱ ጋድያ ዛልእበይክኖ።
\p
\v 23 ዮሴፎ አሳ፥ “ስም ሀቼ ታን ህንተናነ ህንተንቱ ጋድያ ካትያዉ ሻማድ። ዘረ አፊደ፥ ጋደን ዘርተ። 
\v 24 ሽን ካ ጫክ ገልስያ ዎደ፥ አይፌዳዋፐ እቼሹ ኩሽያፐ እት ኩሽያ ካትያዉ እምተ። እቼሹ ኩሽያፐ አቴዳ ኦይዱ ኩሺ ህንተንቱ ጋድያ ዘረነ ህንተንቶ፥ ህንተንቱ ሶ አሳዉነ ህንተንቱ ናናዉ ቁማ ግዶ” ያጌዳ።
\p
\v 25 ኡንቱንቱ፥ “ኔን ኑና አሻዳ! ኑ ጎዳ ስንን ኑን ሳባ ደሜሮኮሻ፤ ኑን ካትያዉ አይለታና” ያጌድኖ። 
\v 26 ሄዋ ድራዉ፥ ዮሴፎ ግብጼን ቢታፐ አይፌዳዋፐ እቼሹ ኩሽያፐ እቱዋ ካትያዉ እምያዋ ህግያ ከሴዳ። ሄ ህጊ ሀቼ ጋካናዉ ኤቂደ ደኤ። ካትያዋ ግድቤና ጋዲ ቄሳቱዋ ጋድያ ጻላላ።
\p
\v 27 እስራኤለቱ ግብጼ ቢታን ገሴመ ግያ ሳን ኡቴድኖ፤ ኡንቱንቱ ያን ማጹዋ ደሜድኖ፤ ኡንቱንቱ የለቴድኖነ ዳሮ ጮራቴድኖ።
\p
\v 28 ያቆብ ግብጼ ቢታን ታማነ ላፑን ላይ ደኤዳ። ያቆብ ደኤዳ ላይይ ጼታነ ኦይታማነ ላፑና። 
\v 29 እስራኤለ ሀይቂያ ዎዲ ማታትና፥ ባረ ናኣ ዮሴፋ ጼስሲደ ሀዋዳን ያጌዳ፤ “ታን ነ ስንን ሳበቴዳዋ ግዶፐ፥ ነ ኩሽያ ታ ጉልባታን ዎደ፥\f + \fr 47:29 \fr*\fq ነ ኩሽያ ታ ጉልባታን ዎደ፦ \fq*\ft ሀዋ ጉሳይ ታና ግብጼን ሞገናዳን ገፓ ግያዋ።\ft*\f* አነ ገፓ።\x - \xo 47:29-30 \xo*\xt ዶመ 49:29-32፤ 50:6\xt*\x* 
\v 30 ሽን ታን ታ ማይዛን ጋከትያ ዎደ፥ ታና ግብጼፐ አፋደ፥ ኡንቱንቱ ሞገቴዳ ሳኣን ሞጋ” ያጌዳ።
\p ዮሴፎ፥ “ታን ኔና ኔን ጌዳዋዳን ኦና” ያጌዳ።
\p
\v 31 ያቆብ አ፥ “አነ ታዉ ጫቃ” ያጌዳ። ዮሴፎ አዉ ጫቄዳ፤ ሄዋፐ ጉየ፥ እስራኤሊ ባረ ሂጻን ጉፋኒደ፥ ጾሳዉ ጎይኔዳ።
\c 48
\s1 ምናሳነ ኤፍሬማ
\p
\v 1 ሄዋፐ ጉየ አሳይ ዮሴፎዉ፥ “ነ አዉ ሳከቴዳ” ያጊደ ኦዴዳ። እ ባረ ላኡ አቱማ ናና ምናሳነ ኤፍሬማ አኪደ ቤዳ። 
\v 2 አሳይ ያቆባ፥ “በአ፤ ነ ናአይ ዮሴፎ ኔኮ ዬዳ” ያጌዳ፤ እስራኤሊ ምነቲደ ባረ ሂጻን ኡቴዳ።
\p
\v 3 ያቆብ ዮሴፎ፥ “ኡባ ዳንዳይያ ጾሳይ ካናነ ቢታን ሎዛ ግያ ሳኣን ታዉ ቆንጪደ፥ ያን ታና አንጄዳ።\x - \xo 48:3-4 \xo*\xt ዶመ 28:13-14\xt*\x* 
\v 4 እ ታና፥ ‘ታን ኔና የለትሳናነ ጮርሳና፤ ታን ኔና ዳሮ ደረ ኦና። ሀ ቢታ ታን ኔፐ ጉየ፥ ነ ዘረዉ መና ላታ ኦደ እማና’ ያጌዳ።
\p
\v 5 “ስም ሀእ፥ ነ ላኡ አቱማ ናናይ፥ ታን ኔኮ ሀዋ ያናፐ ካሰ ግብጼን ነዉ የለቴዳዋንቱ ታዋንታ፤ ኤፍሬምነ ምናሰ ታዉ ሮቤላነ ስሞና ማላ። 
\v 6 ኡንቱንቱፐ ጉየ ነዉ የለቴዳዋንቱ ነዋንታ፤ ኡንቱንቱ ላታና ቢታይ ኤፍሬማነ ምናሳ ሱንን ግዶ። 
\v 7 ታን ማስጰጾምያፐ ስምሽን፥ ኤፍራታ ጋካናዉ ላፋ አሽያ ዎደ፥ ራሄላ ካናነ ቢታን ሀይቃዱ። ታን እዞ ቤተሌመ ግያ ኤፍራታ አፍያ ኦግያ ዶናን ሞጋድ” ያጌዳ።\x - \xo 48:7 \xo*\xt ዶመ 35:16-19\xt*\x*
\p
\v 8 እስራኤሊ ዮሴፎ አቱማ ናና ላአቱዋ በኤዳ ዎደ፥ “ሀዋንቱ ኦኔ?” ያጊደ ኦቼዳ።
\p
\v 9 ዮሴፎ ባረ አዉዋ፥ “ሀዋንቱ ጾሳይ ታዉ ሀዋን እሜዳ ታ ናና” ያጌዳ።
\p እስራኤሊ፥ “ታን ኡንቱንታ አንጃና ማላ፥ ኡንቱንታ ታኮ ሃ ሺሻ” ያጌዳ።
\p
\v 10 እስራኤሊ ጭምና አ አይፊ ላባኔዳ ድራዉ፥ ጼላናዉ ዳንዳየና። ሄዋ ድራዉ ዮሴፎ ባረ አቱማ ናና አኮ ሺሽና፥ አ አዉ ኡንቱንታ እድሚደ የሬዳ። 
\v 11 እስራኤለ ዮሴፋ፥ “ታን ነ ዴሙዋ በአና ጋደ ቆፓበይከ፤ ሽን ጾሳይ ሄኮ ነ ናናካ ታና በሴዳ” ያጌዳ። 
\v 12 ዮሴፎ ኡንቱንታ አ ጉልባታፐ ደንደ፥ ባረ ዴሙዋ ሳኣ ጋደ ጎይኔዳ።
\p
\v 13 ዮሴፎ ባረ ላኡ አቱማ ናና፥ ኤፍሬማ ባረ ኡሸቻ ባጋን እስራኤልያዉ ሀድርሳ ባጋና፥ ምናሳ ባረ ሀድርሳ ባጋን እስራኤልያዉ ኡሸቻ ባጋና አኪደ፥ አኮ ሺሼዳ። 
\v 14 ኤፍሬመ ቴፋ ግዶፐነ፥ እስራኤሊ ባረ ኡሸቻ ኩሽያ የዲደ አ ሁጲያን ዎዳ፤ ቃይ ምናሰ ባይራ ግዶፐነ፥ እስራኤሊ ባረ ኩሽያ የዲደ፥ ባረ ሀድርሳ ኩሽያ ምናሰ ሁጲያን ዎዳ።
\p
\v 15 ሄዋፐ ጉየ፥ ያቆብ ዮሴፋ ሀዋዳን ያጊደ አንጄዳ፤
\q1 “ታ አዎቱ አብራሃመነ ይሳቅ
\q2 አ ስንን ሄመቴዳ ጾሳይ፥
\q1 ታ ደኡዋ ኡባን ሀቼ ጋካናዉ
\q2 ታና ሄሜዳ ጾሳይ፥
\q1
\v 16 ኢታባ ኡባፐ ታና አሼዳ ኪታንቻይ፥
\q2 ሀ ናና አንጆ።
\q1 ታ ሱንይነ
\q2 ታ አዎቱዋ አብራሃማነ ይሳቃ ሱንይ ኡንቱንቱን ጼሰቶ።
\q1 ኡንቱንቱ ሳኣ ቦላን ጮራትኖ” ያጊደ አንጄዳ።
\p
\v 17 ዮሴፎ ባረ አዉ ባረ ኡሸቻ ኩሽያ ኤፍሬማ ሁጲያን ዎዳዋ በኤዳ ዎደ ዶስቤና። ሄዋ ድራዉ፥ ኤፍሬማ ሁጲያፐ ደንደ፥ ምናሰ ሁጲያን ዎናዉ ባረ አዉዋ ኩሽያ ኦይቄዳ። 
\v 18 ዮሴፎ ባረ አዉዋ፥ “ታ አዎ፥ ሄዋ ግደና፤ ባይራይ ሀዋተ፤ ነ ኡሸቻ ኩሽያ ሀዋ ቦላ ዎ” ያጌዳ።
\p
\v 19 ሽን አ አዉ እጺደ አ፥ “ታን ኤራይ፤ ታ ናአዉ፥ ታን ኤራይ፤ እካ ዎልቃማ ደረ ግዳና። ግዶፐነ አ ቴፋ እሻይ አፐ አ ግታታና፤ አ ዘረይካ ዳሪ ዎልቃማ ካዉተ ግዳና” ያጌዳ።
\q1
\v 20 እ ሄ ጋላስ ኡንቱንታ አንጂደ፥
\q2 “እስራኤላቱ አንጅያ ዎደ፥
\q2 ‘ጾሳይ ህንተንታ ኤፍሬመዳንነ ምናሰዳን ኦ’
\q2 ያጊደ ህንተንቱ ሱንን አንጃና” ያጌዳ።
\m ኤፍሬማ ምናሰፐ ስንዬዳ።\x - \xo 48:20 \xo*\xt እብራ. 11:21\xt*\x*
\p
\v 21 ሄዋፐ ጉየ እስራኤሊ ዮሴፎ፥ “ታን ሀያና ሀናይ፤ ሽን ጾሳይ ህንተናና ግዳና፤ ቃይ እ ህንተንቱ አዎቱዋ ጋድያ ህንተንታ ጉየ ዛራና። 
\v 22 ቃይ ኔና ነ እሻቱዋና ጋክያ ቢታፐ እት ሳማ ዳርሳደ ነዉ እማይ፤ ሄዌነ ታን አሞራቱዋፐ ታ ማሻንነ ታ ዎንዳፍያን አኬዳ ቢታ” ያጌዳ።
\c 49
\s1 ያቆብ ባረ ናና አንጄዳ
\p
\v 1 ሄዋፐ ጉየ፥ ያቆብ ባረ አቱማ ናና ጼስሲደ ሀዋዳን ያጌዳ፤ “ስንፐ ህንተንቶ ሀናናባ ታን ህንተንቶ ኦዳና ማላ ሺቅተ።”
\q1
\v 2 “ህንተንቶ ያቆባ ናናቶ፥
\q2 እትፐ ሺቂደ ስስተ፤
\q2 ህንተንቱ አዉ እስራኤሊ ህንተንቶ ኦድያዋ ሀይዝተ።
\b
\q1
\v 3 “ሮቤላ፥ ታ ባይራ ናአዉ፥
\q2 ኔን ታ ዎልቃ፤
\q2 ታ ምኖተዉ ኮይሩዋ።
\q2 ኔን ቦንቹዋንካ ዎልቃንካ ኡባፐ አያዋ።
\q1
\v 4 ኔን ድኡዋ ማላ፤ ኤቆሳአን ደአካ፤
\q2 ኔን ኡባፐ አያዋ ግዳካ።
\q2 አያዉ ጎፐ፥ ኔን ነ አዉዋ ግሱዋ ከሳዳ፤
\q2 ነ አዉዋ ግሱዋ ቱንሳዳ።
\b
\q1
\v 5 “ስሞንነ ሌዊ እሻቱዋ፤
\q2 ኡንቱንቱ ማሻይ ማካላተዉ ኦላ ሚሻ።
\q1
\v 6 ታን ኡንቱንቱ ዞረታን ገልከ፤
\q2 ታን ኡንቱንቱ ሺቁዋንካ ኡትከ፤
\q2 አያዉ ጎፐ፥ ኡንቱንቱ ባረንቱ ሀንቁዋን
\q2 አሳ ዎድኖ ባረና አካ አካ ጊና፥
\q3 ቦራቱዋ ቃንጼድኖ።
\q1
\v 7 ኡንቱንቱ ሱሎ ሀንቁ
\q2 ኡንቱንቱ መቀ ኢታተይነ ሸቀቴዳዋ ግዶ!
\q2 ታን ኡንቱንታ ያቆባ አሳ ግዱዋን ላላና፤
\q2 እስራኤልያ ቢታን ትስክ ኦና።
\b
\q1
\v 8 “ይሁዳዉ፥ ነ እሻቱ ኔና ጋላታና።
\q2 ነ ኩሺ ነ ሞርከቱዋ ፕላንትያ ኦይቃና።
\q2 ነ አዉዋ ናናይ ነዉ ሆኪደ ጎይናና።
\q1
\v 9 ይሁዳዉ፥ ኔን ዎዳላ ጋሞ።\x - \xo 49:9 \xo*\xt ፓይ. 24:9፤ ሳፃ 5:5\xt*\x*
\q2 ታ ናአዉ፥ ኔን ሻንካፐ ዎ ስሚደ፥
\q2 ጮጎቲደ ግሴዳ ጋሙዋ ማላ።
\q2 ኔን አሳ ቦሸረናዉ ኮየና ማጫ ጋማት ማላ።
\q1
\v 10 አይስያዌ ያና ጋካናዉ፥
\q2 ካዉተ ጻምአይ ይሁዳፐ፥
\q2 ደርያ አይስያዋንቱ ጋትማይ አ ገድያ ግዶፐ ሻከተና።
\q2 ቃይ ደርያ አሳይ አዉ አዛዘታና።
\q1
\v 11 እ ባረ ሀርያ ዎይንያ አኑዋን፥
\q2 ባረ ሀረ ማራ ሙሩታ ዎይንያ ቱራን ቃቻና።
\q2 እ ባረ አፍላ ዎይንያ ኤሳን፥
\q2 ባረ ማዩዋ ሱ ማላትያ ዎይንያ ኤሳን ሜጫና።
\q1
\v 12 አ አይፊ ዎይንያ ኤሳፐ አ ዞአና፤
\q2 አ አቻይካ ማፐ አ ቦጻና።
\b
\q1
\v 13 “ዛብሎነ አባ ዶናን ደአና፤
\q2 እ አባ ዶናን ማርካባቱ ኤቂያ ሳኣ ግዳና፤
\q2 አ ዛዋይ ሲዶና ጋካናዋ።
\b
\q1
\v 14 “ይሳኮረ ምኖ ሀርያ፤
\q2 ጫንያ ላኡ ዶንያቱዋ ግዱዋን ግስ ባሼ
\q1
\v 15 እ ባረ ሸምፕያሳ ሎአ ግድያዋነ
\q2 ባረ ቢታይ ናሸችያዋ ግድያዋ በእያ ዎደ፥
\q2 ጫና ቶካናዉ ባረ ሀሽያ ሆክሲደ፥
\q2 አይለተ ኦሱዋ ኦና።
\b
\q1
\v 16 “ዳን እስራኤልያ ዛራቱዋፐ
\q2 እቱዋ ግዴዳ ባረ አሳ ቦላ ዳናታናዋ።
\q1
\v 17 ዳን ኦግያ ዶናን ደእያ ሾሻ፤
\q2 ፓራ ቶጌዳዌ ጉየ ኩንዳና ማላ
\q2 ፓራ ግንድያ ዱክያ፥
\q2 ኦግያን ደእያ ሀሱዋ።
\q1
\v 18 አቤት መና ጎዳዉ፥ ታን ኔን አሻናዳን ናጋይ።
\q1
\v 19 ጋድ ቦንቂያዋንቱን ደሸታናዋ፤
\q2 ሽን እካ ኡንቱንቱ ቃታማ ካሊደ
\q2 ኡንቱንታ ቦንቃናዋ።
\q1
\v 20 አሴራ ኡክይ ኦርዱዋ፤
\q2 ካትያዉ እ ሎኦ ቁማ እማና።
\q1
\v 21 ንፍታሌመ ቃሸተናን የዳ ደእያ፥
\q2 ሎኦ ማራቱዋ የልያ ገንእያ።
\q1
\v 22 ዮሴፎ አይፍያና ዮንዶዴዳ ዎይንያ ቱራ።
\q2 እ ፑልቱዋ ማታን ዮንዶዳ አይፍያና ደእያ፥
\q2 ዳሻይካ ጎዳፐ ቦላና ዛእያ ዎይንያ ቱራ።
\q1
\v 23 ዎንዳፍያ ዱክያዋንቱ
\q2 አ ቦላ ዶዴድኖ፤
\q2 ባረንቱ ዎንዳፍያንካ፥
\q2 ዱኬድኖነ ማይትሴድኖ።
\q1
\v 24 አ ዎንዳፊ ምን ኡቴዳ፤
\q2 አ ዎልቃይካ ምኒደ ጋምኤዳ።
\q2 ሄዌካ ያቆባ ጾሳ ዎልቃማ ኩሽያ ጋሱዋና፥
\q2 ነ ሄንንቻ፥ እስራኤልያ ዛላ ጋሱዋና፥
\q1
\v 25 ኔና ማድያ ነ አዎቱዋ ጾሳ ጋሱዋንነ፥
\q2 ኔና ቦላ ሳሉዋ አንጁዋን፥
\q2 ጋርሳ ጪማ አንጁዋን፥ ን አንጁዋንነ
\q2 የልያ ኡሉዋ አንጁዋን አንጅያ፥
\q2 ኡባ ዳንዳይያ ጾሳ ጋሱዋና።
\q1
\v 26 ነ አዉዋ አንጁ በን ደረቱዋ አንጁዋፐካ
\q2 መናፐ ደእያ አንጁዋፐካ አ።
\q2 ሀዌ ኡባይ ዮሴፎ ሁጲያን፥
\q2 ባረ እሻቱዋ ግዱዋን ካፑዋ ግድያዋ ሊጲያን ሸምፖ።
\q1
\v 27 ቢንያመ ቦንቂያ ዋልያ።
\q2 ባረ ሻንካቴዳዋ ዎንታ ሜ፤
\q2 ባረ ኦሞዴዳዋ ኦማርስ ሻኬ” ያጌዳ።
\p
\v 28 ሀዋንቱ ታማነ ላኡ እስራኤልያ ዛራቱዋ፤ ቃይ ኡንቱንቱ አዉ ኡንቱንታ ሁጲያን ሁጲያን ኡንቱንቶ በስያ አንጁዋ አንጂደ ኡንቱንቶ ጌዳዌ ሀዋ።
\s1 ያቆባ ሀይቁዋ
\p
\v 29 ሄዋፐ ጉየ፥ እ ኡንቱንታ ሀዋዳን ያጊደ አዛዜዳ፤ “ታን ታ ማይዛ አሳቱዋን ጋከታናዉ ሀናይ፤ ታና ሂትያ ኤፍሮና ጋደን ደእያ ጎንጎሉዋን፥ ታ አዎቱዋና ሞግተ። 
\v 30 ሄዌካ ካናነ ቢታን፥ ማምረ ማታን ደእያ፥ ማክጴላ ግያ ጎንጎሉዋ፤ ሄዌ አብራሃመ ሂትያ ኤፍሮናፐ አ ጋድያና ሻሜዳ ጎንጎሉዋ።\x - \xo 49:30 \xo*\xt ዶመ 23:3-20\xt*\x* 
\v 31 አብራሃመነ አ ማቻታ ሳራ ያን ሞገቴድኖ፤ ይሳቅነ አ ማቻታ ርብቃ ያን ሞገቴድኖ፤ ታን ቃይ ልዮ ያን ሞጋድ።\x - \xo 49:31 \xo*\xt ዶመ 25:9-10፤ 35:29\xt*\x* 
\v 32 ሄ ጋዲነ አን ደእያ ጎንጎሉ ሂተቱዋፐ ሻመቴዳዋ” ያጌዳ።
\p
\v 33 ያቆብ ባረ ናናዉ አዛዙዋ ዉርሴዳ ዎደ፥ ባረ ገድያ ፑደ ባረ ሂጻዉ ሺሽ አኪደ፥ ሀይቂ አጌዳ፤ ባረ ማይዛን ጋከቴዳ።\x - \xo 49:33 \xo*\xt ኪታ 7:15\xt*\x*
\c 50
\p
\v 1 ዮሴፎ ባረ አዉዋ አሃ ቦላ ኩንዲደ፥ ዬኬዳነ አ የሬዳ። 
\v 2 ሄዋፐ ጉየ፥ ዮሴፎ ልያ ሺሽያ ባረ ኦሳንቻቱዋ ባረ አዉዋ እስራኤልያ አሃ ሳዊያ ሽቱዋ ኦኪደ መልሳና ማላ አዛዜዳ፤ ኡንቱንቱ ኦኪደ መልሴድኖ። 
\v 3 ሽቱዋ ኦክያዌ ኦይታሙ ጋላሳ ኩመን ዉርሴዳ፤ አያዉ ጎፐ፥ ሄዌ ጋድያ ዎጋን ኦይታሙ ጋላሳ አኬዳ። ግብጼ አሳቱ አዉ ላፑን ታሙ ጋላሳ ዬኬድኖ።
\p
\v 4 ዬኩዋ ጋላሳቱ አዳ ዎደ፥ ዮሴፎ ግብጼ ካትያ ጎለ አሳ፥ “ታን ህንተንቱ ስንን ናሸቴዳዋ ግዶፐ፥ ህንተንቱ ካትያዉ ሀዋዳን ያጊደ ኦድተ፤ 
\v 5 ‘ታ አዉ ታና እት ጫቁዋ ጫቂሴዳ፤ እ ታና፥ “ታን ሀያና ሀናይ፤ ታን ታዉ ካናነ ቢታን ቦኬዳ ጎንጎሎ ዱፉዋን ታና ሞጋ” ያጌዳ። ሄዋ ድራዉ ሀእ ታን ፑደ ባደ ታ አዉዋ ሞጋና ማላ የዳርኪ! ሄዋፐ ጉየ ታን ስማና’ ያግተ” ያጌዳ።\x - \xo 50:5 \xo*\xt ዶመ 47:29-31\xt*\x*
\p
\v 6 ካቲ፥ “እ ኔና ጫቂሴዳዋዳን ፑደ ባደ ነ አዉዋ ሞጋ” ያጌዳ።
\p
\v 7 ዮሴፎ ባረ አዉዋ ሞጋናዉ ፑደ ቤዳ። ካትያ ኦሳንቻቱ ኡባይ፥ አ ካትያ ጎለን ደእያ ዎልቃማ አሳይ ኡባይነ ግብጼ ቢታን ደእያ ዎልቃማ አሳይ ኡባይ ዮሴፋ ካሊደ ቤድኖ። 
\v 8 ቃይ ዮሴፎ ሶ አሳይ ኡባይ፥ አ እሻቱዋነ አ አዉዋ ሶ አሳይ ቤድኖ፤ ኡንቱንቱ ናናይ፥ ኡንቱንቱ ሚዛይነ ኡንቱንቱ ዶርሳ ዉዲ ጻላላይ ገሴመን አቴዳ። 
\v 9 ፓራ ጋረቱካ ፓራ አሳቱካ አናና ፑደ ቤድኖ፤ አ ካሊደ ቤዳ አሳይ ሎይ ዳራ።
\p
\v 10 ኡንቱንቱ ዮርዳኖሳ ሻፋ ማታን ደእያ አጻደ ግያ ኡዱማ ጋኪደ፥ ባረንቱ ቃላ ቁ ኦደ፥ አዉ ዝላሌድኖነ ዬኬድኖ፤ ያን ዮሴፎ ባረ አዉዋ ዬኩዋን ላፑን ጋላሳ ኡቴዳ። 
\v 11 ሄ ቢታን ደእያ ካናነ አሳቱ አጻደ ግያ ኡዱማን ሄ ዬኩዋ በኤዳ ዎደ፥ “ግብጼቱ አያ ይባታ ዬኩዋ ዬክኖ!” ያጌድኖ። ሄዋ ድራዉ ዮርዳኖሳ ማታን ደእያ ሄ ሳአይ፥ አቤል-ምጽራይማ ጌተቴዳ።
\p
\v 12 ያቆባ ናናይ ባረንቱ አዉ ኡንቱንታ አዛዜዳዋዳን ኦድኖ፤ 
\v 13 ኡንቱንቱ አ አሃ ካናነ ጋድያ አፊደ፥ ማምረ ማታን ደእያ ማክጴላ ግያ ጎንጎሉዋን፥ አብራሃመ ሂትያ ኤፍሮናፐ ሞጎ ሻሜዳ ጋድያን አ ሞጌድኖ።\x - \xo 50:13 \xo*\xt ኪታ 7:16\xt*\x* 
\v 14 ዮሴፎ ባረ አዉዋ ሞጌዳዋፐ ጉየ፥ ባረ እሻቱዋናነ አ አዉዋ ሞጋናዉ አናና ቤዳ ሀራ አሳቱዋ ኡባቱዋና ግብጼ ስሜዳ።
\s1 ዮሴፎ ባረ እሻቱዋ ዎፕሴዳ
\p
\v 15 ኡንቱንቱ አዉ ሀይቂ ድጌዳዋ በኢደ፥ ዮሴፎ እሻቱ ባረንቱ ግዱዋን፥ “ኦን ኤሪ ዮሴፎ ኑና ባረ ኡሉዋን ሞርኮፐነ ኑን አዉ ኦዳ ኢታባ ኡባዉ ሀሉዋ ከሳና ኮዮፐ፥ ኑን ዋናኔ?” ያጌድኖ። 
\v 16 ሄዋ ድራዉ ዮሴፎኮ ሀዋ ማላ ኪታ ኪቴድኖ፤ “ነ አዉ ሀይቃናፐ ካሰ፤ 
\v 17 ‘ህንተ ዮሴፎ፥ “ኔን ነ እሻቱዋ ናጋራነ ኡንቱንቱ ኔና ናቄዳ ኢታ ናቁዋ ሀያና አቶ ያጋ” ያጌዳ ጊደ ኦድተ’ ያጌዳ። ሄዋ ድራዉ ሀእ ሀያና፥ ኑ ናጋራ፥ ነ አዉዋ ጾሳ ቆማቱዋ ናጋራ አቶ ያጋ” ያጌድኖ። ኪታይ ባረኮ ጋኬዳ ዎደ፥ ዮሴፎ ዬኬዳ።
\p
\v 18 ሄዋፐ ጉየ አ እሻቱ ባረንቱ ሁጲያዉ አኮ ዪደ፥ አ ስንን ጉፋኒደ፥ “ኑን ነ አይለቱዋ” ያጌድኖ።
\p
\v 19 ሽን ዮሴፎ ኡንቱንታ፥ “ያዮፕተ፤ ታና ህንተንቶ ጾሳ ጌድተየ? 
\v 20 ህንተንቱ ታዉ ኢታናዉ ኦድታ፤ ሽን ሀቼዋዳን ዳሮ አሳይ ሀይቀናን አታና ማላ፥ ጾሳይ ሎኦተዉ ሀዋ ኦዳ። 
\v 21 ሄዋ ድራዉ ስም ህንተንቱ ያዮፕተ፤ ታን ህንተናነ ህንተንቱ ናና ምዛና” ያጊደ፥ እ ኡንቱንታ ምንደ ሎኦ ቃላ ሃሳዬዳ።
\s1 ዮሴፎ ሀይቁዋ
\p
\v 22 ዮሴፎ ባረ አዉዋ ሶ አሳ ኡባና ግብጼን ጋምኤዳ፤ እ ጼታነ ታሙ ላይ ደኤዳ፤ 
\v 23 ኤፍሬማ ናና፥ ሄዘን የለታ በኤዳ፤ ቃይ ምናሰ ናኣ ማኪና ናናነ እ ባረ ናና ኦዳ።
\p
\v 24 ሄዋፐ ጉየ ዮሴፎ ባረ እሻቱዋ፥ “ታን ሀያና ሀናይ፤ ሽን ጾሳይ ህንተንታ ማዳናዉ ቱሙ ጾሞሳና፤ እ ህንተንታ ሀ ቢታፐ ከሲደ፥ አብራሃመዉ፥ ይሳቃዉነ ያቆባዉ እማና ጊደ ጫቄዳ ቢታ አፋና” ያጌዳ። 
\v 25 ዮሴፎ እስራኤልያ ናና፥ “ጾሳይ ህንተንታ ማዳናዉ ቱሙ ጾሞስያ ዎደ፥ ህንተንቱ ታ መቀ ሀ ቢታፐ ፑደ አኪደ ቢተ” ያጊደ ጫቂሴዳ።\x - \xo 50:25 \xo*\xt ከሳ 13:19፤ ኢያሳ 24:32፤ እብራ. 11:22\xt*\x*
\p
\v 26 ዮሴፎ ጼታነ ታሙ ላይ ደኢደ ሀይቄዳ፤ ኡንቱንቱ ሽቱዋን አ አሃ ኦኪደ መልሴዳዋፐ ጉየ፥ ግብጼ ቢታን ሳጽንያን የጌድኖ።