\id EZR - Dawuro Full Bible Ethiopic Version
\ide UTF-8
\h እዝራ
\toc1 እዝራ ማጻፋ
\toc2 እዝራ
\toc3 እዝራ
\mt1 እዝራ ማጻፋ
\imt ገሉዋ
\ip እዝራ ማጻፋይ ሀኔዳዋ ኦድያ ላኡ ማጻፋቱዋ ካልያዋ። ሀ ማጻፋይ አይሁዳቱዋፐ ኦሞደቲደ ቤዳ አማሬዳ አሳቱ ባብሎነፐ ስሜዳዋነ የሩሳላመን አሳዉ ደኡካ ጎይኑካ ኦራጼዳዋ ኦዴ። ሀ ሀኖታቱ ሀዋፐ ካሊደ ጻፈቴድኖ።
\ili 1. ኦሞዱዋን ቤዳ አይሁዳቱዋፐ ፓርሰ ካትያ ቂሮሳ ሸንያን ኮይሮ ስምያዋንቱ ባብሎናፐ ስሜድኖ።
\ili 2. ጌሻ ጎሊ ዛሬ ኬጸቲደ አንጀቴዳ። ጾሳዉ ጎይናይካ ዛሬ ዶመቴዳ።
\ili 3. እት አማሬዳ ዎድያፐ ስሚደ፥ ጾሳ ህግያ ሎይደ ኤርያ እዝር ካለና፥ ሀራ አይሁዳቱ የሩሳላመ ስሜድኖ። እዝር እስራኤልያ አሳ አያና ደኡዋ ካሰ ሳኣ ዛራናዉ፥ አሳይ አያና ደኡዋነ እትፐተ ደኡዋ ዎ የጊደ ምንሳናዳን ማዴዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ኦሞዱዋፐ ኮይሮ ስሙዋ \ior 1:1—2:70\ior*
\io1 ጌሻ ጎልያ ዛረ ኬጻነ አንጁዋ \ior 3:1—6:22\ior*
\io1 እዝር ሀራ ኦሞደቴዳዋንቱና ስሙሳ \ior 7:1—10:44\ior*
\c 1
\ms ኦሞዱዋፐ ኮይሮ ስሙዋ
\mr (1:1—2:70)
\s1 አይሁዳ አሳይ ባረንቱ ቢታ ስማና ማላ ቂሮስ አዋዬዳ
\p
\v 1 ፓርሰ ካቲ ቂሮስ ካተቴዳ ኮይሮ ላይን፥ ትምቢትያ ኦድያ ኤርማሳ ባጋና መና ጎዳይ ሃሳዬዳዋ ፖሌዳ። ፓርሰ ካቲ ቂሮስ ባረ ካዉተ ግዶን ኡባ ሳን ሀዋዳን ያጊደ አዋያናዳንነ ጻፊደ ዎናዳን መና ጎዳይ አ አያና ደንዳ፤\x - \xo 1:1 \xo*\xt ኤር. 25:11፤ 29:10\xt*\x* 
\v 2 “ፓርሰ ካቲ ቂሮስ ሀዋዳን ያጌ፤ ‘መና ጎዳይ ሳሉዋ ጾሳይ ሳኣ ካዉተቱዋ ኡባ ታዉ እሜዳ፤ ቃይ ይሁዳን ደእያ የሩሳላመን ታን አዉ ጌሻ ጎልያ ኬጻናዳን ታና ሱንዳ።\x - \xo 1:2 \xo*\xt ኢሳ. 44:28\xt*\x* 
\v 3 ጾሳ አሳ ግዴዳ ኦንነ ያ ቦ። አ ጾሳይ አናና ግዶ! ህንተንቱ ይሁዳን ደእያ የሩሳላመ ቢደ፥ ያን የሩሳላመን ደእያ መና ጎዳ፥ እስራኤልያ ጾሳ ጌሻ ጎልያ ዛረደ ኬጽተ። 
\v 4 ዱማ ዱማ ቢታን ደእያ አሳይ ኡባይ አይሁዳቱዋፐ አቴዳዋንቱ ብራ፥ ዎርቃ፥ ዱማ ዱማ ሚሻቱዋነ መህያ እሚደ ማድኖ፤ ቃይ የሩሳላመን ደእያ ጾሳ ጎለውካ ባረንቱ ሸንያን እምያ እሞታ እምኖ’ ያጌዳ” ያጌ።
\p
\v 5 ሄዋፐ ጉይያን፥ ይሁዳ ዛራቱነ ቢንያማ ዛራቱዋ ካፓቱ፥ ቄሳቱ ነ ሌዋቱ፥ ቃይ ጾሳይ ኡንቱንቱ ዎዛና ደንዳ ኡባቱ የሩሳላመን መና ጎዳ ጎልያ ኬጻናዉ ባናዉ ደንዴድኖ። 
\v 6 ቃይ ኡንቱንቱ ሾሩዋን ደእያዋንቱካ ባረንቱ ሸንያን እሜዳዋ ቦላ ጉጂደ፥ ብራ ሚሻነ ዎርቃ ሻሉዋ፥ ሀራ ዱማ ዱማ ሚሻቱዋነ መህያ እሚደ፥ ኡንቱንታ ማዴድኖ። 
\v 7 ሄዋ ቦላካ ቃይ ካቲ ቂሮስ ናቡካዳናጾረ የሩሳላመፐ አፊደ ባረ ጾሳቱዋ ጎለን ዎዳ መና ጎዳ ጎልያ ሚሻቱዋ እሜዳ። 
\v 8 ፓርሰ ካቲ ቂሮስ ሚሻቱዋ ዎያ ጎልያ ካፑዋ ምትረዳታን ከስሲድነ ፓይድሲደ፥ ይሁዳ ሞድያ ሸሽባጻራ ኩሽያን ሼዳ። 
\v 9 ስሜዳ ሚሻ ፓይዱ ሀዋ: ሀታሙ ዎርቃ ሳነቱዋ፥ እት ሻአ ብራ ሳነቱዋ፥ ላታማነ ኡዱፑን ጎሎዶቱዋ፥ 
\v 10 ዎርቃፐ ኦሰቴዳ ሀታሙ ሚሻቱዋ፥ ብራፐ ኦሰቴዳ ኦይዱ ጼታነ ታሙ ሚሻቱዋነ እት ሻአ ሀራ ዱማ ዱማ ሚሻቱዋ። 
\v 11 ዎርቃ ሚሻቱነ ብራ ሚሻ ፓይዱ ኡባና እቼሹ ሻአነ ኦይዱ ጼታ፤ ሀ ሚሻቱዋ ኡባ ኦሞዱዋን ቤዳ አሳይ ባብሎነፐ የሩሳላመ ስምያ ዎደ ሸሽባጻር አኪደ ዬዳ።
\c 2
\s1 ኦሞዱዋፐ ስሜዳ እስራኤልያ አሳ ፓይዱዋ
\r (ናህ. 7:4-73)
\p
\v 1 ባብሎነ ካቲ ናቡካዳናጾረ ኦሞዲደ፥ ባረ ጋድያ አፌዳ አሳፐ ፑደ ባረንቱ ካታማ ካታማ፥ የሩሳላመነ ይሁዳ ስሜዳ አሳቱ ሀዋፐ ካልያዋንታ። 
\v 2 ኡንቱንቱ ዛሩባቤላ፥ ኢያሳ፥ ናህምያ፥ ሳራያ፥ ራኤላያ፥ ማርድክዮሳ፥ ብልሻና፥ ምስፓራ፥ ብግዋያ፥ ረሁማነ ባኣና።
\p ኦሞዱዋፐ ስሜዳ እስራኤልያ አሳ ፓይዱ ሀዋ።
\p
\v 3 ፓርኦሻ ያራቱ 2,172.
\m
\v 4 ሻፋጽያ ያራቱ 372.
\m
\v 5 አራሀ ያራቱ 775.
\m
\v 6 ኢያሱነ ዮኣባ ናና ግድያ ፓሀት-ሞኣባ ያራቱ 2,812.
\m
\v 7 ኤላማ ያራቱ 1,254.
\m
\v 8 ዛቱ ያራቱ 945.
\m
\v 9 ዛካያ ያራቱ 760.
\m
\v 10 ባና ያራቱ 642.
\m
\v 11 በባያ ያራቱ 623.
\m
\v 12 አዝጋዳ ያራቱ 1,222.
\m
\v 13 አዶንቃማ ያራቱ 666.
\m
\v 14 ብግዋያ ያራቱ 2,056.
\m
\v 15 አዲና ያራቱ 454.
\m
\v 16 ህዝቂያሳ ያራ ግድያ አጼራ ያራቱ 98.
\m
\v 17 በጻያ ያራቱ 323.
\m
\v 18 ዮራ ያራቱ 112.
\m
\v 19 ሀሹማ ያራቱ 223.
\m
\v 20 ግባራ ያራቱ 95.
\m
\v 21 ቤተሌመ አሳይ 123.
\m
\v 22 ናጾፋ ካታማ አሳይ 56.
\m
\v 23 አናቶታ ካታማ አሳይ 128.
\m
\v 24 አዝማዌታ ካታማ አሳይ 42.
\m
\v 25 ቅርያት-ይኣሪማ፥ ካፊራነ ባኤሮታ ካታማቱዋ አሳይ 743.
\m
\v 26 ራማነ ገባአ ካታማቱዋ አሳይ 621.
\m
\v 27 ምክማሳ ካታማ አሳይ 122.
\m
\v 28 ቤቴለነ አታ ካታማቱዋ አሳይ 223.
\m
\v 29 ናቦ ካታማ አሳይ 52.
\m
\v 30 ማግቢሻ ካታማ አሳይ 156.
\m
\v 31 ላኤን ኤላማ ካታማ አሳይ 1,254.
\m
\v 32 ሀሪማ ካታማ አሳይ 320.
\m
\v 33 ሎዳ፥ ሀዲዳነ ኦኖ ካታማቱዋ አሳይ 725.
\m
\v 34 እያርኮ ካታማ አሳይ 345.
\m
\v 35 ሳናአ ካታማ አሳይ 3,630.
\m
\v 36 ሀዋንቱ ኦሞዱዋፐ ስሜዳ ቄሳቱ ዋ:
\m ኢያሱ ያራ ግድያ ያዳያ ያራቱ 973፤
\m
\v 37 እሜራ ያራቱ 1,052፤
\m
\v 38 ፓሽሁራ ያራቱ 1,247፤
\m
\v 39 ሀሪማ ያራቱ 1,017።
\p
\v 40 ሀዋንቱ ኦሞዱዋፐ ስሜዳ ሌዋቱዋ:
\m ሆዳዊያ ያራ ግድያ ኢያሱነ ቃድምኤላ ያራቱ 74፤
\m
\v 41 አሳፋ ያራ ግድያ ማዝሙርያ የጽያዋንቱ 128፤
\m
\v 42 ፐንግያ ናግያ ሻሉማ፥ አጼራ፥ ጻልሞና፥ አቁባ፥ ሀጺጻነ ሾባያ ያራቱ 139.
\p
\v 43 ጌሻ ጎልያን ኦያ ቆማቱዋ ያራቱዋ: ጺሀ ያራቱዋ፥ ሀሱፋ ያራቱዋ፥ ጻባኦታ ያራቱዋ፥ 
\v 44 ቄሮሳ ያራቱዋ፥ ስኣሀ ያራቱዋ፥ ፓዶና ያራቱዋ፥ 
\v 45 ላባና ያራቱዋ፥ ሀጋባ ያራቱዋ፥ አቁባ ያራቱዋ፥ 
\v 46 ሀጋባ ያራቱዋ፥ ሻምላያ ያራቱዋ፥ ሀናና ያራቱዋ፥ 
\v 47 ግዴላ ያራቱዋ፥ ጋሃራ ያራቱዋ፥ ራኣያ ያራቱዋ፥ 
\v 48 ራጺና ያራቱዋ፥ ናቆዳ ያራቱዋ፥ ጋዛማ ያራቱዋ፥ 
\v 49 ኡዛ ያራቱዋ፥ ፓሴሀ ያራቱዋ፥ በሳያ ያራቱዋ፥ 
\v 50 አስና ያራቱዋ፥ መኡኒማ ያራቱዋ፥ ናፍሲማ ያራቱዋ፥ 
\v 51 ባቅቡቃ ያራቱዋ፥ ሀቁፋ ያራቱዋ፥ ሀርሁራ ያራቱዋ፥ 
\v 52 ባጽሉታ ያራቱዋ፥ ማሂዳ ያራቱዋ፥ ሀርሻ ያራቱዋ፥ 
\v 53 ባርቆሳ ያራቱዋ፥ ስሳራ ያራቱዋ፥ ተማሀ ያራቱዋ፥ 
\v 54 ናጺሀ ያራቱዋነ ሀጺፋ ያራቱዋ።
\p
\v 55 ሶሎሞነ ቆማቱዋ ያራቱዋ: ሶጻያ ያራቱዋ፥ ሀሶፈሬታ ያራቱዋ፥ ፓሩዳ ያራቱዋ፥ 
\v 56 ያእላ ያራቱዋ፥ ዳርቆና ያራቱዋ፥ ግዴላ ያራቱዋ፥ 
\v 57 ሻፋጽያ ያራቱዋ፥ ሀጺላ ያራቱዋ፥ ፖከረት-ሀጻባይማ ያራቱዋነ አማ ያራቱዋ። 
\v 58 ጌሻ ጎልያን ኦያ ቆማቱዋ ያራቱነ ሶሎሞነ ቆማቱዋ ያራቱዋ ፓይዱ ኡባና ሄዙ ጼታነ ኡዱፑን ታማነ ላኡዋ።
\p
\v 59 ሀራቱካ ቃይ ተልመላሀ፥ ተልሀርሻ፥ ካሩባ፥ አዳናነ እሜራ ግያ ካታማቱዋፐ የሩሳላመ ፑደ ቤድኖ። ሽን ኡንቱንቱ፤ ባረንቱ አዎቱ እስራኤልያ ሼሻ ግድያዋ ኤርሳናዉ ዳንዳይበይክኖ። 
\v 60 ሄዋንቱ ዳላያ፥ ጾቢያነ ናቆዳ ያራቱዋ፤ ኡንቱንቱ ፓይዱካ ኡባና ኡሱፑን ጼታነ እሻታማነ ላኡዋ።
\p
\v 61 ቄሳቱ ዋፐ ሀባያ ያራቱ፥ ሀቆጻ ያራቱነ ባርዝላያ ያራቱ ስሜድኖ። ሀዌ ባርዝላያ ግያዌ ጋላኣደ ቢታ አሳ ግድያ ባርዝላያ ናቶ አኪደ፥ ባረ ቦሉዋ ሱንን ጼሰቴዳ። 
\v 62 ሀዋንቱ ባረንቱ የለታ ጻጱዋ ኤራናዉ የለታ ማጻፋን ኮዬድኖ፥ ሽን ደምበይክኖ። ሄዋ ድራዉ፥ ኡንቱንቱ ቱናዳን ፓይደቲደ፥ ቄሰተን ኦናዳንነ ቄሰ ግደናዳን ድገቴድኖ። 
\v 63 ቃይ ኡሪምያንነ ቱሚምያን ሻክ ፕርድያ ቄሲ ደንዳና ጋካናዉ፥ ኡንቱንቱ ጌሻ ቁማፐ ማናዉ ዳንዳየናዋ አይሁዳቱዋ ሞድያዌ ኡንቱንታ አዛዜዳ።\x - \xo 2:63 \xo*\xt ፓይ. 27:21\xt*\x*
\p
\v 64 ኦሞዱዋፐ ይሁዳ ቢታ ስሜዳ አሳ ፓይዱ ኡባና 42,360. 
\v 65 ሄዋ ቦላካ ቃይ 7,337 አቱማ ቆማቱነ ማጫ ቆማቱነ 200 አቱማዋነ ማጫ ማዝሙርያ የጽያዋንቱካ ስሜድኖ። 
\v 66 ኡንቱንቱ ፓራቱዋ ፓይዱ 736፤ ኡንቱንቱ ባቁሎቱ 245፤ 
\v 67 ኡንቱንቱ ጋሎቱ 435፤ ኡንቱንቱ ሀረቱ ቃይ 6,720.
\p
\v 68 ኡንቱንቱ የሩሳላመን ካሰ መና ጎዳ ጎሊ ደእያ ሳኣ ጋኬዳ ዎደ፥ ያራቱ ካፓቱዋፐ አማሬዳዋንቱ መና ጎዳ ጎሊ ካሰ ባረ ሳኣን ኬጸታና ማላ፥ ባረንቱ ሸንያን እሞታ እሜድኖ። 
\v 69 እቱ እቱ ባረዉ ዳንዳይያዋ ኬሻ ኬሻ ሀ ጾሳ ጎልያ ኦሶ እሜዳ፤ ኡንቱንቱ ኡባና 500 ኪሎ ግራምያ ዴጽያ ዎርቃ፥ 2,800 ኪሎ ግራምያ ዴጽያ ብራነ 100 ቄሳቱዋ ማዩዋ እሜድኖ።
\p
\v 70 ሄዋፐ ጉይያን ቄሳቱ፥ ሌዋቱነ አሳፐ አማሬዳዋንቱ የሩሳላመን ኡቴድኖ፤ ማዝሙርያ የጽያዋንቱ፥ ፐንግያ ናግያዋንቱነ ጌሻ ጎልያን ኦያ ቆማቱ የሩሳላመ ዩሹዋን ደእያ ካታማቱዋን ኡቴድኖ፤ ቃይ አቴዳ እስራኤልያ አሳቱ ኡባይ ባረንቱ ካታማቱዋን ካታማቱዋን ኡቴድኖ።\x - \xo 2:70 \xo*\xt 1 ኦዱዋ 9:2፤ ናህ. 11:3\xt*\x*
\c 3
\ms ጌሻ ጎልያ ዛረ ኬጻነ አንጁዋ
\mr (3:1—6:22)
\s1 ያርሽያ ሳኣ ኬጻነ ጎይንያ ዎጋ ዛረ ዶመባ
\p
\v 1 ላፑን አግናይ ጋክያ ዎደ እስራኤልያ አሳይ ባረንቱ ካታማ ካታማ ስሜድኖ፥ ኡንቱንቱ ኡባይ እት አሳዳን የሩሳላመን ሺቄድኖ። 
\v 2 ዮጸዴቃ ናኣ ኢያሱነ አ ካልያ ቄሳቱ ቃይ ሳላትያላ ናኣ ዛሩባቤልነ አ ዳቦቱ ጾሳ አሳ ሙሴ ህግያን ካሰ ጻፈቴዳዋዳን ጹግያ ያርሹዋ ያርሻናዉ፥ እስራኤልያ ጾሳዉ ያርሽያ ሳኣ ጊግሴድኖ።\x - \xo 3:2 \xo*\xt ከሳ 27:1\xt*\x* 
\v 3 ኡንቱንቱ ሄ ጋድያን ደእያ አሳዉ ያዮፐነ፥ አገናን ያርሹዋ ያርሽያ ሳኣ ካሰ እ ኮለቴዳ ሳኣን ዛረደ ኬጼድኖ። ጊግሲደ፥ ጹግያ ያርሹዋ መና ጎዳዉ ዎንታነ ኦማርስ ኡባ ዎደ ያርሼድኖ።\x - \xo 3:3 \xo*\xt ፓይ. 28:1-8\xt*\x* 
\v 4 ካሰ ጻፈቴዳዋዳንካ ኡንቱንቱ ዳስያ ባላ ቦንቼድኖ፤ ጹግያ ያርሹዋካ ሀቼዉ ሀቼዉ በስያዋ ፓይዱዋ ፓጭሰናን ያርሼድኖ።\x - \xo 3:4 \xo*\xt ፓይ. 29:12-38\xt*\x* 
\v 5 ቃይ ኡባ ዎደ ያርሽያ ጹግያ ያርሹዋ፥ አግናይ ጼርያ ዎደ ያርሽያ ያርሹዋነ መና ጎዳ ጌሻ ባላቱዋን ያርሽያ ያርሹዋ ኡባካ ያርሼድኖ። ሄዋ ቦላካ አሳይ ባረ ሸንያን መና ጎዳዉ እሜዳ እሞታ ኡባካ ያርሼድኖ።\x - \xo 3:5 \xo*\xt ፓይ. 28:11—29:39\xt*\x* 
\v 6 ላፑን አግናን ኮይሮ ጋላሳን ኡንቱንቱ መና ጎዳዉ ጹግያ ያርሹዋ ያርሽያዋ ዶሜድኖ፤ ሽን ሄ ዎደ መና ጎዳ ጌሻ ጎልያ ኬጽያ ባሱ ብሮ ባሰትቤና።
\s1 ጌሻ ጎልያ ዛረ ኬጽያዋ ዶሜድኖ
\p
\v 7 ሄዋፐ ጉይያን፥ ሹቻ ማስያዋንቶነ አናጸቶ ሻሉዋ ግሺደ ቃጻሬድኖ። ፓርሰ ካቲ ቂሮስ ኡንቱንቶ አዛዜዳ ድራዉ፥ ሊባኖሳፐ ዝጋ አባ ፕንደ፥ ዮጰ አሀናዉ ሲዶናነ ጺሮሳ ቢታ አሳዉ ቁማ፥ ኡሻነ ዛይትያ እሜድኖ።
\p
\v 8 ሄዋፐ ጉይያን፥ ኡንቱንቱ የሩሳላመን ደእያ ጾሳ ጎሊ ደእያ ሳኣ ጋኬዳ ላኤን ላይን ላኤን አግናን፥ ሳላትያላ ናአይ ዛሩባቤለ፥ ዮጸዴቃ ናኣ ኢያሱነ ኡንቱንቱ ዳቦቱ፥ ቄሳቱ፥ ሌዋቱነ ኦሞዱዋፐ ስሚደ፥ የሩሳላመ ዬዳ አሳይ ኡባይ ኪታ ዶሜድኖ። ቃይ መና ጎዳ ጎልያ ኪታ አዎተን ጼላና ማላ፥ ላታሙ ላይ ግዴዳዋንታነ ላታሙ ላይፐ አዳ ሌዋቱዋ ሱንድኖ። 
\v 9 ሌዊያ ዛርያ ግድያ ኢያሱ፥ አ ናናይነ አ ዳቦቱ፥ ሆዳዊያ ያራ ግድያ ቃድምኤልነ አ ናናይ እትፐ ግዲደ፥ ጾሳ ጎልያ ኪታ አዎተን ጼሌድኖ፤ ቃይ ሄናዳዳ ያራ ግድያ ሌዋቱካ ኡንቱንቱ ማዴድኖ።
\p
\v 10 ግምቢያዋንቱ መና ጎዳ ጌሻ ጎልያ ግምባናዉ ባሱዋ ባስ ዉርሴዳ ዎደ፥ ቄሳቱ ባረንቱ ማዩዋ ማይ ጹሩምባ ኦይቂደ፥ ቃይ አቱማ አሳ ግድያ አሳፋ ያራቱዋ፥ ሌዋቱካ፥ ዳላ ኦይቂደ፥ እስራኤልያ ካትያ ዳዊታ ዎጋዳን መና ጎዳ ጋላታናዉ ኤቄድኖ።\x - \xo 3:10 \xo*\xt 1 ኦዱዋ 25:1\xt*\x* 
\v 11 ኡንቱንቱ መና ጎዳ ጋላቲድነ ቃንጸናን ማዝሙርያን ሳቢደ፥ ሀዋዳን ያጊደ፥ አዉ የጼድኖ፤\x - \xo 3:11 \xo*\xt 1 ኦዱዋ 16:34፤ 2 ኦዱዋ 5:13፤ 7:3፤ ማዝ. 100:5፤ 106:1፤ 107:1፤ 118:1፤ 136:1፤ ኤር. 33:11\xt*\x*
\q1 “መና ጎዳይ ሎአ፤
\q2 እ እስራኤልያ ሲቅያ ሲቁ መናዋ” ያጌድኖ።
\m ቃይ መና ጎዳ ጎልያ ባሱ ባሰቴዳ ድራዉ፥ አሳይ ኡባይ ባረንቱ ቃላ ቁ ኦደ ሆምቦጪደ፥ መና ጎዳ ጋላቴድኖ። 
\v 12 ሽን ካሰ ጎልያ በኤዳ ጭማ ቄሳቱ ዋፐ፥ ጭማ ሌዋቱዋፐነ ጭማ ጎልያ ካፓቱዋፐ ዳራቱ ሀእ ጌሻ ጎልያ ግምባናዉ ባሰቴዳ ባሱዋ በኤዳ ዎደ፥ ባረንቱ ቃላ ቁ ኦደ ዬኬድኖ፤ ሀራቱ ማታ ናሸቲደ ሆምቦጬድኖ። 
\v 13 ሄዋ ድራዉ፥ ናሸቲደ ሆምቦጭያዋ ዬክያዋፐ ሻክ ኤራናዉ ዳንዳየትቤና። አያዉ ጎፐ፥ ኡንቱንቱ ሎይ ኮሹምያ ድራዉ፥ ኡንቱንቱ ኮሹንቻይካ ሃኮ ሳን ስሰቴ።
\c 4
\s1 ጌሻ ጎልያ ዛረ ኬጸና ማላ ድጋናዉ ደንዴዳዋንታ
\p
\v 1 ኦሞዱዋፐ ስሜዳ አሳቱ መና ጎዳዉ፥ እስራኤልያ ጾሳዉ ጌሻ ጎልያ ኬጽያዋ ይሁዳነ ቢንያማ ሞርከቱ ስሴድኖ። 
\v 2 ዛሩባቤላኮነ ጎልያ ካፓቱዋኮ ዪደ፥ ሀዋዳን ያጌድኖ፤ “አሶረ ካቲ አስራዶን\f + \fr 4:2 \fr*\fq አስራዶን፦ \fq*\ft ሀ ቃላ ብለይ እብራዌዋን፥ “ኤሳር-ሃዶን” ግያዋ።\ft*\f* ኑና ሀ ሳአዉ አሄዳ ጋላሳፐ ዶሚደ፥ ኑንካ ህንተንቱ ጾሳ ኮዬቶነ ያርሼቶ። ሄዋ ድራዉ፥ ኑንካ ህንተናና እትፐ አነ ኬጾይተ” ያጌድኖ።\x - \xo 4:2 \xo*\xt 2 ካታ. 17:24-41\xt*\x*
\p
\v 3 ሽን ዛሩባቤለ፥ ኢያሱነ እስራኤልያ ዛራቱዋ ካፓቱ ኡንቱንቶ ዛሪደ፥ ሀዋዳን ያጌድኖ፤ “ኑ ጎልያ ኬጻናዉ ኑዉነ ህንተንቶ አይ እትፐተነ ባዋ። ሽን ፓርሰ ካቲ ቂሮስ አዛዜዳዋዳን፥ ኑ ጻላላይ መና ጎዳዉ እስራኤልያ ጾሳዉ ኬጻና” ያጌድኖ።
\p
\v 4 ሄዋፐ ጉይያን፥ ይሁዳ ቢታ አሳቱ ኬጸናዳን፥ ሄ ጋድያን ደእያ አሳቱ ሀሽያ ሾጬድኖነ ያሽሴድኖ። 
\v 5 ቃይ ፓርሰ ካትያ ቂሮሳ ላይይ ዉራናዉነ አፐ ስሚደ ዳርዮስ ፓርሰን ካተቴዳ ዎዲ ጋካናዉ፥ ኡንቱንቱ ይሁዳ አሳቱዋ ዞረታ ላላናዉ ዞረትያዋንታ ማታዬድኖ።\f + \fr 4:5 \fr*\fk ዳርዮስ፦ \fk*\ft ዳርዮሳ ታርኪ ፓይዱዋ 24ፐ ዶሚደ ጻፈቴዳ። ፓይዱዋ 6-23 ጋካናዉ ጻፈቴዳ ታርኪ ጌሻ ጎሊ ኬጸቶደፐ እት ጼቱ ላይ ግድያዋ ጋምእና ሀኔዳባ።\ft*\f*
\s1 የሩሳላመ ላኤንዋ ኬጸተናዳን ድገቴዳ
\p
\v 6 አርጸክስሰ ካዉተ ዶመን፥ ኡንቱንቱ ይሁዳነ የሩሳላመ አሳ ሞታናዉ ፓይልያ ዶዬድኖ።\x - \xo 4:6 \xo*\xt አስ. 1:1\xt*\x*
\p
\v 7 አርጸክስሰ ካተት ደእሽን፥ ብሽላም፥ ምትረዳት፥ ጻብኤልነ ኡንቱንቱና እትፐ ኦያዋንቱና ግዲደ፥ ፓርሰ ካትያ አርጸክስሳዉ ዳብዳቢያ ጻፌድኖ፤ ሄ ዳብዳቢ ሶርያ ጋደ ፕዶልያንነ ቃላን ጻፈቴዳ።
\p
\v 8 ዎታዳራ ሞድያ ረሁምነ ጻፍያ ሽምሻይ የሩሳላመባ ሀዋዳን ያጊደ፥ ካትያ አርጸክስሳዉ ዳብዳቢያ ጻፌድኖ፤ 
\v 9 “ሀ ዳብዳቢ ቢታ ሞድያ ረሁማፐ፥ ጻፍያ ሽምሻያፐ፥ በን ኤላማ ቢታን ደእያ ሱሳፐ፥ ኤሬካፐነ ባብሎነፐ ዬዳ ፕርድያነ ዳናትያ ኡንቱንቱ ያራቱዋፐነ 
\v 10 ግታነ ቦንቼቴዳ ካትያ አሳናፋር ኦሞድ አሂደ፥ ሳማርያንነ ኤፍራጺሳ ሻፋፐ አዋይ ዉልያ ባጋ ጋድያን ዎዳ አሳ ኡባፐ ጻፌቴዳ” ያጌድኖ።\f + \fr 4:10 \fr*\fk አሳናፋር፦ \fk*\ft እብራዌዋን “ኦስናፓር” ጌተቴ። ሀ ካቲ ቃይ “አሱርባንፓል” ጌተቴ።\ft*\f*
\p
\v 11 ኡንቱንቱ አዉ ኪቴዳ ዳብዳቢ ሀዋዳን ያጌ፤ “ካትያ አርጸክስሳዉ፥ ኤፍራጺሳ ሻፋፐ አዋይ ዉልያ ባጋ ጋድያን ደእያ ነ ቆማቱዋፐ፦
\p
\v 12 “ካትያዉ፥ ነ ማታፐ ሃ ኑኮ ዬዳ አይሁዳቱ የሩሳላመ ቢደ፥ ሄ ማካላንቻነ ኢታ ካታማ ዛሪደ ኬጽ ደእያዋ ኤራ። አ ግምቢያ ኦራጽሲኖ፤ አ ጻጱዋካ ኦራጽሲኖ። 
\v 13 ቃይ ካትያዉ፥ ሀ ካታማይ ኬጸትያባ ግዶፐነ አ ግምቢያካ ኦራጽስያባ ግዶፐ፥ ሄዋፐ ጉይያን፥ ኡንቱንቱ ጊራነ ቃራጻ ቃንጸናዋ ኤራ። ሄዋፐ ደንዴዳዋን ካትያ ጎለዉ ገልያ ሚሻይ ፓጫ ግዳና። 
\v 14 ኑን ካቲ ሱንና ኦያዋንታ ግድያ ግሻዉነ ካቲ ካዉሽሽን በአናዉ ኮየና ድራዉ፥ ሀዋ ኔን ኤራና ማላ ጊደ ኪቴቶ። 
\v 15 ሄዋ ድራዉ፥ ካሰ ነ አዎቱዋ ታርክያ ማጻፋይ ኮየቲደ ጼለቶ፤ ሄዋን ጻፈቴዳዋፐ ኔን ሀ ካታማይ በንፐካ ዶሚደ፥ ማካላንቻ ካታማ ግድያዋነ ካተቶነ ቢታቶ መቱዋ መዳዋ ግድያዋ ኤራናዉ ዳንዳያሳ። ሄዋፐ ደንዴዳዋን እ ኮለቴዳ። 
\v 16 ሄዋ ድራዉ፥ ሀ ካታማይ ኬጸትያዋ ግዶፐነ አ ግምቢያካ ኦራጽስያዋ ግዶፐ፥ ኤፍራጺሳ ሻፋፐ አዋይ ዉልያ ባጋ ቢታይ ነ ኩሽያፐ ከሴዳዋ ኤራ” ያጌድኖ።
\p
\v 17 ካቲ ሀዋዳን ያግያ ዛሩዋ ኡንቱንቶ የዴዳ፤ “ዎታዳራቱዋ ሞድያ ረሁማ፥ ጻፍያ ሽምሻያ፥ ሳማርያንነ ኤፍራጺሳ ሻፋፐ አዋይ ዉልያ ባጋ ጋድያን ደእያ ኡንቱንቱና ኦያ አሳ ኡባዉ፥ ህንተንታ ሳሮ ጋይ። 
\v 18 ህንተንቱ ታዉ የዴዳ ዳብዳቢ ብለቲደ ናባበቴዳ። 
\v 19 ታን አዛዝና፥ ካሰ ታርኪ ኮየቲደ ጼለቴዳ፤ ሀ ካታማይ በንፐካ ዶሚደ፥ ካተቶ ማካላንቻ ግድያዌነ መቱዋ መያዋንቱ ደእያ ሳኣ ግድያዌ ኤረቴዳ። 
\v 20 የሩሳላመን ዎልቃማ ካተቱ ካዉቴድኖ፤ ኤፍራጺሳ ሻፋፐ አዋይ ዉልያ ባጋ ቢታፐካ ሄ ካተቱ ጊራነ ቃራጻ አኬድኖ። 
\v 21 ሄዋ ድራዉ፥ ታን ኡንቱንቶ ኦተ ግያ አዛዙዋ እማና ጋካናዉ፥ ሀ አሳቱ ሄ ካታማ ኬጽያዋ ኤሳና ማላ ኦድተ። 
\v 22 ህንተንቱ ሀ የዉዋ ሸነኮ ጌና ማላ ናገትተ። አያዉ ጎፐ፥ ካተቶ መቱዋ ዳርሳናዉ ኮሸና” ያጊደ ኪቴዳ።
\p
\v 23 ካትያ አርጸክሲሳ ዳብዳቢ ረሁማዉ፥ ጻፍያ ሽምሻያዉነ ኡንቱንቱና ኦያ ኡባቶ ናባበቴዳ ዎደ፥ የሩሳላመን ደእያ አይሁዳ አሳቱዋኮ ኤሌል ቢደ፥ ኡንቱንቱ ኬጽያዋ ዎልቃን ተኤድኖ።
\p
\v 24 የሩሳላመን ደእያ ጾሳ ጎልያ ኪታይ ፓርሳ ካቲ ዳርዮሰ ካተቴዳ ላኤን ላይይ ጋካናዉ፥ ኤቆ ሳኣን አት አጌዳ።\x - \xo 4:24—5:1 \xo*\xt ሃገ 1:1፤ ዛካ. 1:1\xt*\x*
\c 5
\s1 ጌሻ ጎልያ ኦሱ ዛረ ዶመቱሳባ
\p
\v 1 ሄ ዎድያን ትምቢትያ ኦድያዋንቱ ሃገነ እዶ ናአይ ዛካራስ ይሁዳንነ የሩሳላመን ደእያ አይሁዳ አሳቶ እስራኤልያ ጾሳ ሱንን ትምቢትያ ኦዴድኖ። 
\v 2 ሳላትያላ ናአይ ዛሩብ-ባቤልነ ዮጸዴቃ ናአይ ኢያሱ ደንዲደ፥ የሩሳላመን ደእያ ጾሳ ጎልያ ዛረደ ኬጻናዉ ዶሜድኖ። ትምቢትያ ኦድያዋንቱካ ኡንቱንቱና እትፐ ግዲደ፥ ኡንቱንታ ማዴድኖ።\x - \xo 5:2 \xo*\xt ሃገ 1:12፤ ዛካ. 4:6-9\xt*\x*
\p
\v 3 ሄ ዎደ፥ ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናያ ግያዌ፥ ሻታርቦዝና ግያዌነ ኡንቱንቱና ኦያዋንቱ ዪደ፥ “ህንተንቱ ሀ ጎልያ ኬጻና ማላነ ፖላና ማላ፥ ህንተንቶ ኦኔ ኦዴዳዌ?” ያጊደ ኦቼድኖ። 
\v 4 ኡንቱንቱ ቃይ፥ “ሀዋ ግምቢያ አሳቱዋ ሱንይ ኦና ኦኔ?” ያጊደ ኦቼድኖ። 
\v 5 ሽን ሄ የዉ ዳርዮሳኮ ጋክና፥ አ ማታፐ ዳብዳቢ ጻፈቲደ ያና ጋካናዉ፥ ኡንቱንቱ ባረንቱ ኦሱዋ አግበይክኖ፤ አያዉ ጎፐ፥ ኡንቱንቱ ጾሳ አይፊ አይሁዳ ጭማቱዋ ቦላን ደኤ።
\p
\v 6 ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናይ፥ ሻታርቦዝንነ ኡንቱንቱና ኦያዋንቱ ካትያ ዳርዮሳዉ ኪቴዳ ዳብዳቢ 
\v 7 ሀዋዳን ያጌ፦
\p “ካትያ ዳርዮሳ፥ ኩመን ሳሮተይ ነዉ ግዶ!
\p
\v 8 “ኑን ይሁዳ ጋድያን ደእያ ዎልቃማ ጾሳ ጎልያኮ ቤዶ። ሄ ሹቻን ኬጸቴዳ፤ ቃይ ግምቢያ ጋርሳንካ ምይ ዎዳ። ኦሱካ ዎልቃማ አኬካንነ ኤሌል ኦሰቲደ ደኤ።
\p
\v 9 “ኡንቱንቱ ጭማቱዋ ኑን ሀዋዳን ያጊደ ኦቼዶ፤ ‘ሀ ጎልያ ኬጻና ማላነ ፖላና ማላ፥ ህንተንቶ ኦኔ ኦዴዳዌ?’ ያጊደ ኦቼዶ። 
\v 10 ቃይ ነዉ ጻፊደ ኤርሳና ማላ፥ ኡንቱንታ ሀ ኪታን ካለያዋንቱ ሱንይካ ኦነንቶ ኦቼዶ።
\p
\v 11 “ኡንቱንቱ ሀዋዳን ያጊደ ዛሬድኖ፤ ‘ኑን ሳሉዋነ ሳኣ ጾሳ ቆማቱዋ፤ ቃይ ኑን እስራኤልያ ካትያ ግታይ ዳሮ ላይፐ ካሰ ባጋን ኬጽ ፖሌዳ ጌሻ ጎልያ ዛረ ኬጸቶ። 
\v 12 ኑ አዎቱ ሳሉዋ ጾሳ ሀንቀዳ ድራዉ፥ እ ኡንቱንታ ባብሎነ ካትያ ናቡካዳናጾራ ኩሽያን አ እምና፥ እ ሀ ጎልያ ኮል አጌዳ፤ አሳካ ባብሎነ ጋድያ ኦሞዶ አኪደ ቤዳ።\x - \xo 5:12 \xo*\xt 2 ካታ. 25:8-12፤ 2 ኦዱዋ 36:17-20፤ ኤር. 52:12-15\xt*\x*
\p
\v 13 “ ‘ሽን ባብሎነ ካቲ ቂሮስ ባረ ካተቴዳ ኮይሮ ላይን፥ ጾሳ ጎልያ፥ ሀዋ ዛረ ኬጻና ማላ፥ አዋዩዋ ከሴዳ።\x - \xo 5:13 \xo*\xt እዝራ 1:2-11\xt*\x* 
\v 14 ናቡካዳናጾረ የሩሳላመን ደእያ ጾሳ ጎልያፐ አክ አፊደ፥ ባብሎነ ቢታን ደእያ ባረ ጾሳቱዋ ጎለን ዎዳ ዎርቃነ ብራ ሚሻቱዋካ ቂሮስ ዛሪደ የዴዳ።
\p “ ‘ሄ ሚሻቱ ካቲ ቂሮስ ይሁዳ ቢታ ሞዳና ማላ ዶሬዳ ሸሽባጻራ ኩሽያን ሼቴድኖ። 
\v 15 ካቲ ቂሮስ አ ሀዋዳን ያጌዳ፤ “ሀ ሚሻቱዋ አካ አፋደ የሩሳላመን ደእያ ጌሻ ጎልያን ዎ፤ ቃይ ጾሳ ጎልያካ ካሰ እ ደእያ ሳኣን ኬጻ” ያጌዳ። 
\v 16 ሄዋፐ ጉይያን፥ ሸሽባጻር ዪደ፥ ጾሳ ጎልያ የሩሳላመን ባሴዳ። እ ሀእካ ዉርቤናዋ ግዶፐነ፥ ሄ ዎደፐ ዶሚደ፥ ኬጸቲደ ደኤ’ ያጌድኖ።
\p
\v 17 “ሀእ ስም ሀ የዉ ካትያ ናሸችያባ ግዶፐ፥ አነ ካቲ ቂሮስ ሀ ጎልያ የሩሳላመን ኬጻና ማላ፥ ቱሙካ አዋዩዋ ከሴደንቶ ኤራናዉ ካሰ አዳ ባብሎነ ካተቱዋ ታርክያ ማዝጎባይ ኮየቲደ ጼለቶ። ሄዋፐ ጉይያን፥ ካቲ ኑን ሀ የዉዋ ዋታናዉ በስንቶ ቃቼዳ ቆፋ ኑዉ ኪቶ” ያጊደ ጻፌድኖ።
\c 6
\s1 ቂሮስ ካሰ አዛዜዳ አዛዙ ኮየቲደ ቤቴዳ
\p
\v 1 ሄዋ ድራዉ፥ ካቲ ዳርዮስ አዛዝና፥ ባብሎነ ሚሻቱዋ ዎያ ጎለን ደእያ ታርክያ ማዝጋባቱዋ ኡንቱንቱ ኮዬድኖ። 
\v 2-3 ሽን ባብሎነ ካታማን ግደናን ደእሽን፥ ሜዶና ጋድያን ደእያ አህምታ ግያ ካታማን እት ጻጸቶ ማጻፋይ ቤቴዳ። ሄ ማጻፋን ጻፈቴዳባይ ሀዋዳን ያጌ፤\f + \fr 6:2-3 \fr*\fk አህምታ፦ \fk*\ft ሀ ካታማይ ቃይ ኤክባታና ጌተቴ።\ft*\f* “ዎደናዉ ዶገተናዳን፥ ካቲ ቂሮስ ባረ ካተቴዳ ኮይሮ ላይን፥ የሩሳላመን ደእያ ጾሳ ጎልያ ድራዉ፥ ሀዋዳን ያግያ አዋዩዋ ከሴዳ፤ ጾሳ ጎልያ ግድያ፥ ያርሹዋ ያርሽያ ሳአይ ዛረደ ኬጸቶ፤ አ ባሱካ ባሰቶ። ሄ ጌሻ ጎሊ ኡሱፑን ታሙ ዋ አዱሳነ ኡሱፑን ታሙ ዋ አካ ግዶ። 
\v 4 ቃይ ሄዙ ማራን ዎልቃማ ሹቻይ ዎና፥ ሄ ማራቱዋ ቦላን ቦላና እት ማራ ምይ ዎ። ሄዎ ኮሽያ ሚሻይ ኡባይ ካትያ ጎለን ሚሻ ዎያ ጎልያፐ እመቶ። 
\v 5 ናቡካዳናጾረ፤ ‘የሩሳላመን ደእያ ጾሳ ጎልያፐ ባብሎነ አሄዳ ጾሳ ጌሻ ጎልያ ዎርቃነ ብራ ሚሻቱ ጾሳ ጎልያዉ ጉየ የሩሳላመ ስሚደ፤ ጾሳ ጌሻ ጎልያን ደእኖ’ ያጌዳ።
\s1 ካትያ ዳርዮስ ኦሱ ኦሰታናዳን አዛዜዳ
\p
\v 6 “ህንተንቶ ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናያ፥ ሻታርቦዝናነ ኡንቱንቱና ኦያ ኡባደ፥ ሄ ጎልያኮ ሺቆፕተ። 
\v 7 ሀ አሳቱ ኬጽያ ጾሳ ጎልያ ኦሶ በ ግዶፕተ። አይሁዳቱዋ ሞድያዌነ አይሁዳ ጭማቱ ጾሳ ጎልያ ካሰ እ ደእያ ሳኣን ዛሪደ ኬጽኖ።
\p
\v 8 “ቃይ ሀ አይሁዳ ጭማቱ ጾሳ ጎልያ ኬጽያ ዎደ፥ ኡንቱንቱ ኦያ ኪታይ ኤቀና ማላ፥ ኡንቱንቶ ኮሽያ ሻሉዋ ኡባ ኤፍራጺሳ ሻፋፐ አዋይ ዉልያ ባጋ ቢታፐ ሺሼዳ ካትያ ጊራ ሚሻፐ ህንተንቱ ኡንቱንቶ እማና ማላ፥ ታን አዛዛድ። 
\v 9 የሩሳላመን ደእያ ቄሳቱ ሳሉዋ ጾሳዉ ጹግያ ያርሹዋ ያርሻናዉ ኮሽያባይ ኮሩማቱዋ ግድና፥ ዶርሳ ኮልያ ግድና ቃይ ዶርሳ ማራቱዋ ግዶፐነ ኡንቱንቶ እምተ። ቃይ አያነ ፓጭሰናን ኡንቱንቱ ኮይያ ዛርጋ፥ ማጽንያ፥ ዎይንያ ኤሳነ ዛይትያ ኡንቱንቶ ሀቼ ሀቼ እምተ። 
\v 10 ሄዋ ህንተንቱ እምያዌ ኡንቱንቱ ሳሉዋ ጾሳ ሎይ ናሸችያ ያርሹዋ ያርሻናሳነ ካትያነ አ ናና ደኡዋ ድራዉካ ዎሳናዳና።
\p
\v 11 “ሀ አዋዩዋ ላምያ ኦንነ ደኦፐ፥ ‘አ ጎልያ ቱሳ ሾዲደ፥ ሄ ቱሳ ጼራ ፖጼዳዋን ሉከቲደ ሀይቆ፤ አ ኬይካ ፕቱዋ ኦልያ ሳኣ ግዶ’ ጋደ ጉጃደካ አዛዛድ። 
\v 12 ሀ አዛዙዋ ላማናዉነ ቃይ የሩሳላመን ደእያ ጾሳ ጎልያ ኮላናዉ ኩሽያ ደንያ አይ ካትያ ዎይ አሳ ግድና፥ ባረ ሱንይ ጼሰታና ማላ የሩሳላመ ዶሬዳ ጾሳይ አ ይሶ። ታን ዳርዮስ ሀዋ አዛዛድ። ሀ የዉዋ አሳይ ኡባይ ምኖተን ፖሎ” ያጌ።
\s1 ጌሻ ጎልያ አንጁዋ ባላ
\p
\v 13 ሄዋፐ ጉይያን፥ ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናይ፥ ሻታርቦዝንነ ኡንቱንቱና ኦያ ኡባቱ ካቲ ዳርዮስ አዛዜዳዋዳን ምኖተን ኦደ ፖሌድኖ። 
\v 14 ሄዋ ድራዉ፥ አይሁዳ ጭማቱ ባረንቱ ኪታ አገናን ኦድኖ፤ ቃይ ትምቢትያ ኦድያዌ ሀዌነ እዶ ናአይ ዛካራስ ኦዴዳ ቃላንካ ምንሴድኖ። እስራኤልያ ጾሳይ አዛዜዳዋዳንነ ፓርሰ ቢታ ካተቱ ቂሮስ፥ ዳርዮስነ አርጸክሲሰ አዋዬዳዋዳን ጌሻ ጎሊ ኬጸቲደ ዉሬዳ።\x - \xo 6:14 \xo*\xt ሃገ 1:1፤ ዛካ. 1:1\xt*\x* 
\v 15 ዳርዮስ ካተቴዳ ኡሱፑን ላይን አዳረ ጌተትያ አግናን ሄዘን ጋላሳን፥ ጎልያ ኪታይ ፖለቴዳ።
\p
\v 16 ሄዋፐ ጉይያን፥ እስራኤልያ አሳይ፥ ቄሳቱ፥ ሌዋቱነ ኦሞዱዋፐ ስሜዳ አሳይ ኡባይ ጾሳ ጎልያ አንጁዋ ባላ ናሸቻን ቦንቼድኖ። 
\v 17 ሄ ጾሳ ጎልያ አንጁዋ ባላ ቦንችያ ዎደ፥ ኡንቱንቱ እት ጼቱ ኮሩማቱዋ፥ ላኡ ጼቱ ዶርሳ ኦርገቱዋነ ኦይዱ ጼቱ ዶርሳ ማራቱዋ ያርሼድኖ፤ ቃይ ናጋራ ያርሾ ታማነ ላኡ እስራኤልያ ዛራቱዋ ፓይዱዋን ታማነ ላኡ ዴሻ ኦርገቱዋካ ያርሼድኖ። 
\v 18 ሙሴ ማጻፋን ጻፈቴዳዋዳን፥ የሩሳላመን ደእያ ጾሳዉ ኦና ማላ፥ ቄሳቱ ዋ ባረንቱ ማራዳንነ ሌዋቱዋካ ኡንቱንቱ ዘረዳን ዎድኖ።
\s1 ፓስጋ ባላ
\p
\v 19 ኦሞዱዋፐ ስሜዳ አሳቱ ኮይሮ አግናን ታማነ ኦይደን ጋላሳን ፓስጋ ባላ ቦንቼድኖ።\x - \xo 6:19 \xo*\xt ከሳ 12:1-20\xt*\x* 
\v 20 ቃይ ቄሳቱ ነ ሌዋቱ ባረና ጌሼድኖ፤ ሄዋ ድራዉ፥ ኡንቱንቱ ኡባይካ ጌሻ። ሄዋፐ ጉይያን፥ ሌዋቱ ኦሞዱዋፐ ስሜዳ ኡባዉ፥ ቄሳቶነ ባረንቱ ሁጲያዉ ፓስጋ ዶርሳ ሹኬድኖ። 
\v 21 ኦሞዱዋፐ ስሜዳ እስራኤልያ አሳይነ አይሁዳ ግደና አሳቱ ኦያ ቱናተፐ ባረንታ ሻክ፥ መና ጎዳኮ፥ እስራኤልያ ጾሳኮ ስሜዳ አሳይ ኡባይ ፓስጋ ሜድኖ። 
\v 22 ቃይ ኡንቱንቱ ላፑን ጋላሳዉ ማጋገ ኡክ ባላ ናሸቻን ቦንቼድኖ፤ አያዉ ጎፐ፥ መና ጎዳይ ኡንቱንቱ ናሸቼዳ፤ ቃይ መና ጎዳ፥ ሄዌካ እስራኤልያ ጾሳ ጎልያ ኡንቱንቱ ኬጺደ ፖላና ማላ፥ አሶረ ካትያ ቆፋ ጾሳይ ላምና፥ ካቲ ኡንቱንታ ማዴዳ።
\c 7
\s1 እዝር ሀራ ኦሞደቴዳዋንቱና ስሙሳ
\r (7:1—10:44)
\p
\v 1 ሄዋፐ ስሚደ፥ ዳሮ ዎድያፐ ጉይያን፥ ፓርሰ ቢታን አርጸክስስ ካተቴዳ ዎድያን እዝራ ጌተትያ እት አሳይ ደኤዳ። እ ሳራያ ናኣ፤ ሳራይ አዛርያ ናኣ፤ አዛሪ ህልቂያ ናኣ፤ ህልቂ ሻሉማ ናኣ፤ 
\v 2 ሻሉም ጻዶቃ ናኣ፤ ጻዶቀ አህጹባ ናኣ፤ አህጹብ አማርያ ናኣ፤ 
\v 3 አማር አዛርያ ናኣ፤ አዛሪ ማራዮታ ናኣ፤ ማራዮት ዛራህያ ናኣ፤ 
\v 4 ዛራሂ ኡዛ ናኣ፤ ኡዝ ቡቃ ናኣ፤ 
\v 5 ቡቅ አብሹአ ናኣ፤ አብሹእ ፒንሃሳ ናኣ፤ ፒንሃስ ኤልኣዛራ ናኣ፤ ኤልኣዛረ ቄሰ ኡባቱዋ ካፑዋ አሮና ናኣ።
\p
\v 6 ሀ እዝር ባብሎነፐ ፑደ ዬዳ። እ መና ጎዳይ፥ እስራኤልያ ጾሳይ እሜዳ ሙሴ ህግያ ሎይ ጻናዬዳ ኤራንቻ ጻፍያ። መና ጎዳ አ ጾሳ ኩሺ አ ቦላ ደእያ ድራዉ፥ እ ኦቼዳዋ ኡባ ካቲ አዉ እሜዳ። 
\v 7 እስራኤልያ አሳፐ አማሬዳዋንቱነ ቃይ ቄሳቱ ዋፐ፥ ሌዋቱዋፐ፥ ማዝሙርያ የጽያዋንቱፐ፥ ፐንግያ ናግያዋንቱፐነ ጌሻ ጎልያ ቆማቱዋፐ አማሬዳዋንቱ ካቲ አርጸክስስ ካተቴዳ ላፑን ላይን እዝራና እትፐ ፑደ የሩሳላመ ቤድኖ። 
\v 8 ካቲ ካተቴዳ ላፑን ላይን እቼሻን አግናን እዝር የሩሳላመ ጋኬዳ። 
\v 9 ኮይሮ አግናን ኮይሮ ጋላሳን ባብሎነፐ ፑደ ቡሳ ዶሚደ፥ እቼሻን አግናን ኮይሮ ጋላሳን የሩሳላመ ጋኬዳ። አያዉ ጎፐ፥ አ ጾሳ ሎኦ ኩሺ አ ቦላን ደኤ። 
\v 10 ሄዋ ጻላላ ግደናን እዝር መና ጎዳ ህግያ ጻናያናዉነ ኦናዉ፥ ቃይ እስራኤልያን አ ዎጋነ አ ፕርዳ ታማርሳናዉ ባረ ዎዛና ጊግስ ዎዳ።
\s1 ካቲ አርጸክስስ እዝራዉ ጻፊ እሜዳ ዳብዳቢያ
\p
\v 11 መና ጎዳይ እስራኤልያዉ እሜዳ ህግያ ጻናዪደ፥ ሎይ ኤርያ ቄሰነ ጻፍያ ግድያ እዝራዉ ካቲ አርጸክሲሰ ዱቅ እሜዳ ዳብዳቢ ሀዋዳን ያጌ፦
\p
\v 12 “ካተቱዋ ካትያ አርጸክስሳፐ፥ ቄስያነ ሳሉዋ ጾሳ ህግያ ሎይ ጻፍያ እዝራ፥ ሳሮተይ ነዉ ግዶ!
\p
\v 13 “ታ ካዉተ ግዱዋን ደእያ እስራኤልያ አሳፐ ኦንነ፥ ቄሳቱ ዋፐ ዎይ ሌዋቱዋፐ ግዶፐነ፥ የሩሳላመ ባናዉ ኮይያ አሳይ ኡባይ ኔናና እትፐ ባናዳን ታን ኦዳድ። 
\v 14 ታንነ ታናና ዞረትያ ላፑን አሳቱ እትፐ ግዲደ፥ ኔን ነ ኩሽያን ደእያ ጾሳ ህግያዳን፥ ባደ ይሁዳንነ የሩሳላመን ደእያ ሀኖታይ አይ ማለንቶ ኦቻናዳን ኔና ኪቴቶ። 
\v 15 አዉ ደእያ ሳአይ የሩሳላመን ደእያ እስራኤልያ ጾሳዉ፥ ታን ካቲነ ታናና ዞረትያ አሳቱ ኑ ሸንያን እሜዳ ዎርቃነ ብራ እሞታቱዋ ኔን አካደ ባ። 
\v 16 ሄዋ ቦላካ ቃይ ኔን ባብሎነ ቢታ ኩመንፐ ደሜዳ ብራነ ዎርቃ ኡባ፥ ቃይ አሳይነ ቄሳቱ የሩሳላመን ደእያ ባረንቱ ጾሳ ጎልያዉ ባረንቱ ሸንያን እሜዳ እሞታካ አካደ ባ። 
\v 17 ሀ ሚሻን ኮሩማቱዋ፥ ዶርሳ ኦርገቱዋነ ዶርሳ ማራቱዋ፥ ቃይ ካ ያርሾነ ኡሻ ያርሾ ሻማነንቶ ኤራ፥ የሩሳላመን ደእያ ህንተንቱ ጾሳ ጎልያን ያርሽያ ሳኣን ያርሻ።
\p
\v 18 “ሄዋፐ ፓላሂደ አቴዳ ብራነ ዎርቃ ኔንነ ኔናና ደእያ ነ ቢታ አሳቱ ኦናዉ ኮይያዋ ህንተንቱ ጾሳ ሸንያዳን ኦተ። 
\v 19 ቃይ ህንተንቱ ጾሳ ጎልያ ግዶን ኦሰትያ ኦሶ ህንተንቱ ጎኤታና ማላ፥ ኑን ነዉ እሜዳ ሚሻቱዋ ኡባ የሩሳላመ ጾሳ ስንን ዎ። 
\v 20 ሀዋፐ ሀራባይ ህንተንቱ ጾሳ ጎልያዉ ኮሽያባይ አያነ ግዶፐ፥ ሄዎ ኮሽያ ሻሉዋ ካትያ ጎለን ሻሉዋ ዎያ ጎልያፐ አካናዉ ዳንዳያሳ።
\p
\v 21 “ሄዋ ድራዉ፥ ሀእ ታን ካቲ አርጸክስስ ኤፍራጺሳ ሻፋፐ አዋይ ዉልያ ባጋ ቢታን ደእያ ሻሉዋ ጎለን አዎተይ ደእያ ኡባቶ ሀ አዛዙዋ እማድ። ቄስያ ግድያነ ሳሉዋ ጾሳ ህግያ ሎይ ጻፍያ እዝር ህንተንታ ኦችያዋ አያነ ግዶፐነ አዉ እምተ። 
\v 22 ቃይ ሄዙ ሻአነ ኦይዱ ጼቱ ኪሎ ግራመ ዴጽያ ብራ፥ እት ጼቱ ኩንታለ ዛርጋ፥ ላኡ ሻአ ሊትሮ ዎይንያ ኤሳነ ላኡ ሻአ ሊትሮ ዎጋራ ዛይትያ፥ ቃይ ኮሽያ ኬሻ ማጽንያና ኡባ እዝራዉ እምተ። 
\v 23 ካትያ ቦላነ ካትያ ናና ካዉተ ቦላ ሀንቁ ዬና ማላ፥ ሳሉዋ ጾሳይ አዛዜዳዋ ኡባ ሳሉዋ ጾሳ ጎልያዉ አያነ አሸናን እምተ። 
\v 24 ቃይ ቄሳቱ ዋፐ፥ ሌዋቱዋፐ፥ ማዝሙርያ የጽያዋንቱፐ፥ ፐንግያ ናግያዋንቱፐ፥ ጾሳ ጎልያ ቆማቱዋፐነ ዱማ ዱማ ኦሱዋ ኦያ አሳ ኡባፐ ህንተንቱ ጊራነ ቃራጻ አካናዉ ህንተንቶ አይ ማትነ ባዋ።
\p
\v 25 “ኔኖ እዝራ፥ ኔን ቃይ፥ ነዉ ጾሳይ እሜዳ ኤራተዳን ኤፍራጺሳ ሻፋፐ አዋይ ዉልያ ባጋ ቢታን ደእያ ነ ጾሳ ህግያ ኤርያ አሳ ቦላ ፕርዳና ማላ፥ ዳናቱዋነ ፕርድያዋንታ ሱን። ቃይ ሄ ህግያ ኤረናዋንቱ ደኦፐ፥ ኡንቱንቱ ታማርስተ። 
\v 26 ነ ጾሳ ህግያዉነ ካትያ ህግያዉ አዛዘተና ኦንነ ደኦፐ፥ እ ኤለካ ሀይቁዋን፥ የደሳን፥ አ ሻሉዋ ቦንቂያዋን ዎይ ቃሹዋን ሙረቶ” ያጌ።
\s1 እዝር ጾሳ ጋላቴዳ
\p
\v 27 የሩሳላመን ደእያ መና ጎዳ ጎልያ ሀዋዳን ሎይና ማላ፥ ካትያ ዎዛናን ሀ ቆፋ ዎዳ መና ጎዳዉ፥ ኑ አዎቱዋ ጾሳዉ ጋላታይ ግዶ! 
\v 28 ቃይ ካትያ፥ ካትያና ዞረትያዋንቱነ አናና ኦያ ዎልቃማ ካፓቱዋ ኡባ ስንን ባረ አገና ሲቁዋ ታዉ በሴዳ መና ጎዳ፥ ታ ጾሳ ኩሺ ታናና ደእያ ድራዉ፥ ታን ምነታድ። ቃይ እስራኤልያ ካፓቱዋፐ ታናና ፑደ ቢደ፥ የሩሳላመ ባና ማላ ሺሻይ።
\c 8
\s1 እዝራና እትፐ ኦሞዱዋፐ ስሜዳ አሳ ፓይዱዋ
\p
\v 1 ካቲ አርጸክስስ ካተቴዳ ዎደ ታናና እትፐ ባብሎነ ቢታፐ ፑደ ዬዳ፥ የሩሳላመ ዬዳ ዛራቱዋ ካፓቱ ሀዋንታ፤ ኡንቱንቱ የለታ ማራይካ ሀዋ:
\li
\v 2 ፒንሃሳ ያራፐ ገርሾማ፥ እታማራ ያራፐ ዳኔላ፥ ዳዊታ ያራፐ ሀጹኡሻ፥
\li
\v 3 ሸካንያ ያራፐ፥ ፓርኦሻ ያራፐ ዛካራስነ ኡንቱንቱ የለታ ማራይ ጻፈቴዳ ሀራ እት ጼታነ እሻታሙ አቱማዋንታ፥
\li
\v 4 ፓሀት-ሞኣባ ያራፐ ዛራህያ ናኣ ኤልዮኤናያነ አናና እትፐ ሀራ ላኡ ጼቱ አቱማዋንታ፥
\li
\v 5 ዛቱ ያራፐ ያሃዝኤላ ናኣ ሸካንያነ አናና እትፐ ሀራ ሄዙ ጼቱ አቱማዋንታ፥
\li
\v 6 አዲና ያራፐ ዮናታና ናኣ ኤቤዳነ አናና እትፐ ሀራ እሻታሙ አቱማዋንታ፥
\li
\v 7 ኤላማ ያራፐ አታልያ ናኣ ይሻእያነ አናና እትፐ ሀራ ላፑን ታሙ አቱማዋንታ፥
\li
\v 8 ሻፋጽያ ያራፐ ምካኤላ ናኣ ዛባድያነ አናና እትፐ ሀራ ሆስፑን ታሙ አቱማዋንታ፥
\li
\v 9 ዮኣባ ዛርያፐ ይህኤላ ናኣ ኦባድያነ አናና እትፐ ሀራ ላኡ ጼታነ ታማነ ሆስፑን አቱማዋንታ፥
\li
\v 10 ባና ያራፐ ዮሲፍያ ናኣ ሻሎሚታነ አናና እትፐ ሀራ እት ጼታነ ኡሱፑን ታሙ አቱማዋንታ፥
\li
\v 11 በባያ ያራፐ በባያ ናኣ ዛካራሳነ አናና እትፐ ሀራ ላታማነ ሆስፑን አቱማዋንታ፥
\li
\v 12 አዝጋዳ ያራፐ ሀቃጻና ናኣ ዮሀናናነ አናና እትፐ ሀራ እት ጼታነ ታሙ አቱማዋንታ፥
\li
\v 13 አዶንቃማ ያራፐ ዉርሰን ስሜዳዋንቱ፥ ኤልፈሌጻ፥ ይኡኤላ፥ ሻማእያነ ኡንቱንቱና እትፐ ሀራ ኡሱፑን ታሙ አቱማዋንታነ፥
\li
\v 14 ቃይ ብግዋያ ያራፐካ ኡታያ፥ ዛኩራነ ኡንቱንቱና እትፐ ሀራ ላፑን ታሙ አቱማዋንታ።
\s1 እዝር ጌሻ ጎልያን ኦያ ሌዋቱዋ ደሜዳ
\p
\v 15 ታን እዝር ኡንቱንቱ አሃዋ ግያ ሳኣኮ ጎግያ ሻፋ ኤለካ ሺሻይ። ኑን ሄ ሳኣን ዱንካኒደ፥ ሄዙ ጋላሳ ታኬዶ። ቃይ ታን ሄ ሳኣን ደእያ አሳነ ቄሳቱ ዋ ቆፕያ ዎደ፥ ሌዊያ ዛራቱዋፐ እቱዋነ ደማበይከ። 
\v 16 ሄዋ ድራዉ፥ ካፑዋ ኤልኤዛራ፥ አርኤላ፥ ሻማእያ፥ ኤልናታና፥ ያሪባ፥ ኤልናታና፥ ናታና፥ ዛካራሳነ ማሹላማ ግያዋንታነ ቃይ አዳ ኤራንቻ አሳ ግድያ ዮያሪባነ ኤልናታና ጼሳድ። 
\v 17 ኑ ጾሳ ጎልያን ኦያ አሳ ኑዉ የዳና ማላ፥ ካስፍያ ግያ ሳኣን ደእያ ሌዋቶ ካፑዋ ግድያ እዶኮነ አ አቱማ ዳቦቱዋኮ፥ ሄዋንቱካ ጌሻ ጎልያ ቆማ ግድያዋንቱኮ ኡንቱንታ ኪታድ። 
\v 18 ኑ ጾሳ ሎኦ ኩሺ ኑ ቦላን ደእያ ድራዉ፥ ሸረብያ አ ናናነ አ እሻቱዋና፥ ኡባና ታማነ ሆስፑኑዋ ኡንቱንቱ ኑዉ የዴድኖ። እ እስራኤልያ ናኣ ሌዊያ ዛርያ ግድያ ማህላ ያራነ ሎይ አኬካይ ደእያ አሳ። 
\v 19 ቃይ ሀሻብያ፥ ማራራ ያራ ግድያ ይሻእያራ፥ አ ናናነ አ እሻቱዋ ላታሙዋና የዴድኖ። 
\v 20 ሄዋ ቦላካ ሌዋቱዋ ማዳናዳን ጊደ፥ ዳዊተነ አናና ኦያ ካፓቱ ሱንዳ ጌሻ ጎልያ ቆማቱዋፐካ ላኡ ጼታነ ላታሙዋ የዴድኖ። ሄዋንቱ ኡባቱ ባረንቱ ሱንን ጻፈቴድኖ።
\s1 እዝር አሳይ ዎሳናዳንነ ጾማናዳን አዛዜዳ
\p
\v 21 ሄዋፐ ጉይያን፥ ኑ ጾሳ ስንን ኑ ሁጲያ ካዉሺደ፥ እ ኑ ኦግያን ኑዉ፥ ኑ ናናቱዋነ ኑ ማጹዋ ኡባዉ ሳሮተ እማናዳን ዎሳና ማላ፥ ሄዋን አሃዋ ሻፋን ኤለካ ታን ጾማ አዋያድ። 
\v 22 አያዉ ጎፐ፥ ካትያዉ ኑን ካሰ፥ “ኑ ጾሳ ሎኦ ኩሺ አ ኮይያዋንቱና እትፐ ደኤ፤ ሽን አ ዎልቃማ ሀንቁ አ አግያዋንቱ ቦላን ደኤ” ያጊደ ኦዴዳ ድራዉ፥ ኑን ብያ ኦግያን ደእያ ሞርከቱዋፐ ኑና ናጋናዳን ኦላንቻቱዋነ ፓራ አሳቱዋ እማናዳን ካትያ ኦቻናዉ ታን ዬላታድ።
\s1 ጌሻ ጎልያ እሞታባ
\p
\v 23 ሄዋ ድራዉ፥ ኑን ጾሚደ፥ ጾሳ ዎሴዶ፤ እ ኑ ዎሳ ስሴዳ።
\p
\v 24 ቄሳቱ ዋ ካፓቱዋፐ ሸረብያ፥ ሀሻብያነ ሀራ ኡንቱንቱ ዳቦ ግዴዳ ታሙ አቱማ አሳቱዋ ታን ዶራድ። 
\v 25 ካቲ፥ ካትያና ዞረትያዋንቱ፥ ካትያና ኦያዋንቱነ እስራኤልያ ኡባይ ኑ ጾሳ ጎልያዉ እሜዳ ብራ ዎርቃነ፥ ሚሻቱዋ ኡባ ልካደ ኡንቱንቱ ኩሽያን ሼድ። 
\v 26 ታን ኡንቱንቶ ልኬዳባይ ሀዋ: ላታማነ ላኡ ሻአ ኪሎ ግራመ ዴጽያ ብራ፥ ሄዙ ሻአነ ኦይዱ ጼቱ ኪሎ ግራመ ዴጽያ ብራፐ ኦሰቴዳ ጼቱ ሚሻቱዋ፥ ሄዙ ሻአነ ኦይዱ ጼቱ ኪሎ ግራመ ዴጽያ ዎርቃ፥ 
\v 27 ሆስፑን ኪሎ ግራመነ ኦይዱ ጼቱ ግራመ ዴጽያ ዎርቃፐ ኦሰቴዳ ላታሙ ሳነቱዋነ ዎርቃዳን አልኦነ ሙሩታ ግዴዳ ናሃስያፐ ኦሰቴዳ ላኡ ሳነቱዋ።
\p
\v 28 ሄዋፐ ጉይያን፥ ታን ኡንቱንቶ ሀዋዳን ያጋድ፤ “ህንተነ ሀ ሚሻቱ ኡባይካ መና ጎዳዉ ዱማቴድታ፤ ሀ ብራይነ ዎርቃይ አሳይ ባረ ሸንያን መና ጎዳዉ፥ ህንተንቱ አዎቱዋ ጾሳዉ እሜዳዋ። 
\v 29 የሩሳላመን ደእያ መና ጎዳ ጎልያን ሻሉዋ ዎያ ጎልያ ጋኪደ፥ ቄስያ ካፓቱዋ ስንን፥ ሌዋቱዋ ስንንነ እስራኤልያ ዛራቱዋ ካፓቱዋ ስንን እማና ጋካናዉ፥ ሀ ሚሻቱዋ ሎይ ናግተ” ያጋድ። 
\v 30 ሄዋ ድራዉ፥ ቄሳቱ ነ ሌዋቱ የሩሳላመን ደእያ ኑ ጾሳ ጎልያዉ አፋናዉ ብራ፥ ዎርቃነ ሀራ ሚሻቱዋ ኡባ ሚዛንያን ልኪደ ሼቴድኖ።
\s1 የሩሳላመ ስማባ
\p
\v 31 ሄዋፐ ጉይያን፥ ኑን ኮይሮ አግናን ታማነ ላኤን ጋላሳን የሩሳላመ ባናዉ አሃዋ ሻፋ ማታፐ ደንዴዶ። ብያ ዎደ፥ ኑ ቦላን ደእያ ኑ ጾሳ ሎኦ ኩሺ ኑ ብያ ኦግያን ደእያ ሞርከቱዋፐነ ፓኖቱዋፐ ኑና ናጌዳነ አሼዳ። 
\v 32 ኑን የሩሳላመ ጋኪደ፥ ያን ሄዙ ጋላሳ ኡቴዶ።
\p
\v 33 ኦይደን ጋላስ ብራ፥ ዎርቃነ ሀራ ሚሻቱዋ ኡባካ ልኪደ፥ ኦርዮና ናኣ ቄስያ ማረሞታዉ ሼዶ። ፒንሃሳ ናኣ ኤልኣዛረ፥ ሌዊያ ግድያ ኢያሱ ናኣ ዮዛባድነ ቢኑያ ናኣ ኖኣደ አናና እትፐ ደኢኖ። 
\v 34 ኡባባይካ ፓይደቴዳነ ልከቴዳ፤ ኡባና አያ ኬሻ ግዴደንቶ፥ ሄ ዎደ ጻፈቴዳ።
\p
\v 35 ሄዋፐ ጉይያን፥ ኦሞዱዋፐ ስሜዳ አሳይ እስራኤልያ ጾሳዉ ጹግያ ያርሹዋ ያርሼድኖ። ኡንቱንቱ እስራኤልያ ኡባ ድራዉ፥ ታማነ ላኡ ኮሩማቱዋ፥ ኡዱፑን ታማነ ኡሱፑን ዶርሳ ኦርገቱዋነ ላፑን ታማነ ላፑን ዶርሳ ማራቱዋ፥ ቃይ ናጋራ ያርሾካ ታማነ ላኡ ዴሻ ኦርገቱዋ ያርሼድኖ። ሀዌ ኡባይ ጹግያ ያርሹዋ ግዲደ፥ መና ጎዳዉ ሺቄዳ። 
\v 36 ኡንቱንቱ ቃይ ካቲ አዛዜዳ አዛዙዋካ ካትያፐ ጋርሳና ቢታ ሞድያዋንቱነ ኤፍራጺሳ ሻፋፐ አዋይ ዉልያ ባጋ ቢታ ሞድያዋንቶ እሜድኖ፤ ኡንቱንቱ እስራኤልያ አሳነ ጾሳ ጎልያ ኪታ ማዴድኖ።
\c 9
\s1 እዝር አይሁዳ ግደና አሳቱዋና ፖለቴዳ አካነ ገሉዋ ሴሬዳ
\p
\v 1 ሀ ኡባባይ ሀኔዳዋፐ ጉይያን፥ አሳ ካለያዋንቱ ታኮ ዪደ፥ ሀዋዳን ያጌድኖ፤ “እስራኤልያ አሳይ፥ ሀራይ አቶ ቄሳቱ ካ ሌዋቱካ፥ ባረንቱ ሄራን ደእያ አይሁዳ ግደና አሳቱዋፐ ባረንታ ሻክበይክኖ። ኡንቱንቱካ ካናነቱ፥ ሂተቱ፥ ፓርዛዋናቱ፥ ያቡሳዋናቱ፥ አሞናቱ፥ ሞኣባቱ፥ ግብጼቱነ አሞራዋናቱ ኦያዋዳን ቱና ኦሱዋ ኦኖ። 
\v 2 ቃይ ባረንቶነ ባረንቱ ናናዉ አይሁዳ ግደና ማጫ ናናቱዋፐ ማቻቶ ኦደ አኬድኖ፤ ሄዋፐ ደንዴዳዋን ጌሻ ዘረቱ አይሁዳ ግደናዋንቱና ዋላከቴድኖ። ካለያዋንቱነ ካፓቱ አማነተናዋንታ ግዲደ፥ ሀዋ ማላ ኦናዉ ስን ጼራ ግደድኖ”።
\p
\v 3 ታን ሀ የዉዋ ስሴዳ ዎደ፥ ታ ማዩዋነ ታ ቁማዩዋ ፔድ፤ ታ ሁጲያ ብናናነ ታ ቡቻካ ሾዳድ፤ ቃይ ዳሮ ዳጋማደ ኡታ አጋድ። 
\v 4 ኦሞዱዋፐ ስሜዳ አሳይ ኦዳ ናጋራ ድራዉ፥ እስራኤልያ ጾሳይ ኦዴዳ ቃላዉ ያዪደ አሳይ ኡባይ ታን ደእያ ሳኣ ታኮ ሺቄዳ። ኦማርሳ ያርሹዋ ያርሽያ ዎዲ ጋካናስካ ዳጋማደ ኡቶ ሳኣፐ ታን ደንዳበይከ።
\p
\v 5 ሽን ኦማርስ ያርሹዋ ያርሽያ ዎዲ ጋክያ ዎደ፥ ታ ማዩነ ታ ቁማዩ ፖሸት ኡት ደእሽን፥ ታን ካዉሻደ ኡቶ ሳኣፐ ደንዳድ። ቃይ ጉልባታደ መና ጎዳ፥ ታ ጾሳኮ፥ ታ ኩሽያ ደንደ፥ ሀዋዳን ያጋደ ዎሳድ፤ 
\v 6 “አቤት ታ ጾሳዉ፥ ታን ታ ስን ኔኮ ፑደ ደንናዉካ ያያይነ ዬላታይ፤ አያዉ ጎፐ፥ ኑ ናጋራይ ዶረቲደ፥ ኑ ሁጲያፐ ፑደ አዳ፤ ኑ ናቁካ ሳሉዋ ጋኬዳ። 
\v 7 ኑን ኑ ማይዛ አዎቱዋ ዎድያፐ ዶሚደ፥ ሀቼ ጋካናዉ፥ ኔና ሎይ ናቄዶ። ኑ ናጋራፐ ደንደዳዋን ኑን፥ ኑ ካተቱነ ኑ ቄሳቱ ሀእዋዳንካ አላጋ ካተቱዋ ኩሽያን ማሻዉ፥ ኦሞዶ፥ ቦንቂያዋነ ዉርሰ ዬላዉ አደ እመቴዶ።
\p
\v 8 “ሽን ሀእ ኑዉ ጉ ማሮተ ዎዲ እመቴዳ፤ አያዉ ጎፐ፥ መና ጎዳይ ኑ ጾሳይ ኑፐ አማሬዳ ዘረቱ አታና ማላ ኦዳ፤ ሀ ጌሻ ሳኣን እ ኑና ሳሮተን ዎዳ። ኑ ጾሳይ ኑ አይፍያ ዶዬዳ፤ ቃይ ኑ አይለተፐካ ኑዉ ጉ ኦራ ደኡዋ እሜዳ። 
\v 9 ኑን አይልያ ግዶፐነ፥ ኑ ጾሳይ ኑና አይለተን አግቤና፤ ኑ ደኡዋ ኦራዳ። ቃይ ኑ ጾሳ ጎልያ ኬጻና ማላ፥ ኮለቴዳዋ ኦራና ማላነ ይሁዳንነ የሩሳላመን ኑን ሳሮተን ደአና ማላ፥ ፓርሰ ቢታ ካተቱዋ ስንን ኑዉ ባረ አገና ሲቁዋ በሴዳ።
\p
\v 10 “ሽን ኑ ጾሳዉ፥ ሀእ ያትና፥ ኑን ዋጋናዉ ዳንዳዬቶ? አያዉ ጎፐ፥ ኑን ሀእካ ነ አዛዙዋ አግ አጌዶ። 
\v 11 ትምቢትያ ኦድያ ነ ቆማቱዋ ባጋና ኔን ሀዋዳን ያጋዳ፤ ‘ህንተ ላታናዉ ገልያ ጋዲ ሄ ጋድያን ደእያ አሳ ቱናተፐ ደንዴዳዋን ቱኔዳ፤ ሀ ጋጻፐ ቢደ፥ ህን ጋጻ ጋካናዉ፥ ኡንቱንቱ አ ባረንቱ ቱና ኪታን ኩንድኖ። 
\v 12 ሄዋ ድራዉ፥ ህንተንቱ ምኖ ግዳና ማላ፥ ሄ ጋድያ አይፍያ ማና ማላነ መናዉ ህንተንቱ ናናቶ ላትሳና ማላ፥ ህንተንቱ ማጫ ናና ኡንቱንቱ አቱማ ናናዉ እሞፕተ፤ ኡንቱንቱ ማጫ ናናካ ህንተንቱ አቱማ ናናዉ አኮፕተ። ኡንቱንቱ ሳሮተንነ ዱረተን ደአና ማላካ አሞቶፕተ’።\x - \xo 9:12 \xo*\xt ከሳ 34:11-16፤ ዛረ. 7:1-5\xt*\x*
\p
\v 13 “ኑ ቦላ ጋኬዳ ኢታባይ ኡባይ ኑ ኢታ ኦሱዋፐነ ኑ ዎልቃማ ናቁዋፐ ደንዴዳዋና። ግዶፐነ፥ ኔን ኑ ጾሳይ ኑ ናጋራ ዳሩዋ ኬሻ ኑና ፕርዳበይካ፤ ሽን ኑፐ አማሬዳዋንታ ዘረዉ አሻዳ። 
\v 14 ያትና፥ ኑን ሀእካ ዛረደ፥ ሀዋ ማላ ቱናባ ኦያ አሳቱዋና እሙዋንነ አኩዋን ዋላከቲደ፥ ነ አዛዙዋ እጼዶ ጋኔ? ቃይ ሀ አቴዳ ጉ ዘረቱካ ያና ጋካናዉ፥ ነ ሀንቁ ኑ ቦላን ዳረኔየ? 
\v 15 መና ጎዳዉ፥ እስራኤልያ ጾሳዉ፥ ኔን ጽሉዋ። ኑ ናቁዋፐ ደንዴዳዋን ኑፐ እቱነ ነ ስንን ኤቃናዉ ዳንዳየናዋ ግዶፐነ፥ ኑን ዘረዉ አቴዳዋንቱ ሀቼ ሀዋን ነ ስንን ደኤቶ” ያጋድ።
\c 10
\s1 አሳይ እዝራዉ እሞ ዛሩዋ
\p
\v 1 እዝር ጾሳ ጎልያ ስንን ኩንድ ዬኪደ ዎስያ ዎደነ ናጋራካ ፓጽያ ዎደ፥ እስራኤልያ አሳፐ ዳሩ፥ ማጫዌ፥ አቱማዌነ ናናይ ኡባይ አኮ ሺቂደ፥ ምሻ ዬኩዋ አናና ዬኬድኖ። 
\v 2 ሄዋፐ ጉይያን፥ ኤላማ ያራ ግዴዳ ይህኤላ ናአይ ሻካነ ሀዋዳን ያጌዳ፤ “ኑን ሀ ቢታን ደእያ አይሁዳ ግደና ማጫዋንታ አኬዳ ድራዉ፥ ኑ ጾሳዉ አማነትበይኮ። ግዶፐነ፥ ቃይ እስራኤልያዉ ሀእካ ህዶታይ ደኤ። 
\v 3 ሄዋ ድራዉ ታ ጎዳዉ፥ ኔንነ ኑ ጾሳ አዛዞ ያይያዋንቱ ዞሬዳዋዳን ኑን ሀ ማቻቱዋነ ኡንቱቱፐ የለቴዳ ናና ኡባ የዳናዉ ኑ ጾሳና ጫቀቶይተ። ሀዌ ኡባይ ህጊ ግያዋዳን ፖለቶ። 
\v 4 ሀ የዉዋ ኑን ዎት ኦነንቶ፥ ኑና ካለናዌ ነ ኦሱዋ ግድያ ድራዉ፥ ደንዳ! ምና! ኑንካ ኔና ማዳና”።
\p
\v 5 እዝር ደንድ ኤቂደ፥ ካለያ ቄሳቱ ዋ፥ ሌዋቱዋነ እስራኤልያ አሳ ኡባ ሀ ጌተቴዳዋዳን ኦና ማላ ጫቂሴዳ፤ ኡንቱንቱካ ጫቄድኖ። 
\v 6 ሄዋፐ ጉይያን፥ እዝር ጾሳ ጎልያ ስንፐ ደንዲደ፥ ኤልያሽባ ናአይ ያሆሀናን ደእያ ክፍልያ ገሌዳ። ኩመን ቃማ ኦሞዱዋፐ ስሜዳ አሳቱዋ ናጋራዉ ዬኪደ አቄዳ ድራዉ፥ ሄ ሳኣን ቁማ ምቤና፤ ሃካ ኡሽቤና።
\p
\v 7 ሄዋፐ ጉይያን፥ ኦሞዱዋፐ ስሜዳ አሳይ ኡባይ የሩሳላመ ሺቃና ማላ፥ ይሁዳ ኡባንነ የሩሳላመን አዋዩዋ አዋዬድኖ። 
\v 8 ሀ ሄዙ ጋላሳ ግዶን ሄ ሳኣ ሺቀና ኦንነ ደኦፐ፥ አዉ ደእያባይ ኡባይ አፐ አከታናዳንነ እካ ኦሞዱዋፐ ስሜዳ ሺቁዋፐ ሻከቲደ የደርሰታናዳን ካፓቱነ ጭማቱ ኩሼድኖ።
\p
\v 9 ሄ ጌተቴዳ ሄዙ ጋላሳቱ ዉረናን ደእሽን፥ ኡዱፑን አግናን ላታማን ጋላሳን ይሁዳነ ቢንያማ አሳይ ኡባይ የሩሳላመ ሺቂደ፥ ሀ ዴጾ የዉዋፐነ ዎልቃማ እራፐ ደንደዳዋን ኮኮሪደ፥ ጾሳ ጎልያ ስንን ደእያ ዳባባን ኡቴድኖ። 
\v 10 ሄዋፐ ጉይያን እዝር ደንድ ኤቂደ፥ ኡንቱንታ ሀዋዳን ያጌዳ፤ “አይሁዳ ግደና ማጫ አሳቱዋፐ ማቼቱዋ አኪደ ናቄድታ፤ ሄ ጋሱዋን እስራኤልያ አሳ ናቁዋ ካሰዋፐካ ያ ዳርሴድታ። 
\v 11 ሀእ ህንተንቱ ናጋራ መና ጎዳዉ፥ ህንተንቱ ማይዛ አዎቱዋ ጾሳዉ ፓጽተ፤ እ ዶስያባካ ኦተ። ሄ ቢታን ደእያ አይሁዳ ግደና አሳቱዋፐነ አይሁዳ ግደና ህንተንቱ ማቼቱዋፐ ሻከትተ”።
\p
\v 12 ሄ ሳኣን ሺቄዳ ሺቁ ባረንቱ ኮሻ ቁ ኦደ፥ ሀዋዳን ያጌድኖ፤ “ኔን ኑዉ ኦዴዳዋዳን ኑን ኦናዉ በሰ። 
\v 13 ሽን አሳ ፓይዱ ጮራ፤ እራይ ዎልቃም ቡክያ ባልጉዋ። ያትያ ድራዉ፥ ኑን እራፐ አትያ ሳአይ ባይና ሳኣን ሀዋን ኤቃናዉ ዳንዳዮኮ። ቃይ ኑን ሀ የዉዋን ሎይ ናቄዳ ድራዉ፥ ሀዌ እት ጋላሳን ዎይ ላኡ ጋላሳን ጊግያባ ግደና። 
\v 14 ሄዋ ድራዉ፥ ሀ ሺቄዳ አሳ ኮታን ኑ ካፓቱ ኮሽያዋ ኦኖ። ሀ የዉዋፐ ደንዴዳዋን ኑ ጾሳ ዎልቃማ ሀንቁ ኑፐ ስማና ጋካናዉ፥ ኑ ካታማቱዋን ደእያ አይሁዳ ግደና ማጫዋንታ አኬዳ ኡባይ ኬሬዳ ዎድያን የሩሳላመ ዪኖ፤ ቃይ ሄ ካታማቱዋ ጭማቱነ ፕርድያዋንቱካ ኡንቱንቱና ዪኖ” ያጌድኖ። 
\v 15 አሳሄላ ናአይ ዮናታንነ ቲቅዋ ናአይ ያህዛይ ጻላላይ ኡንቱንቱ ቆፋ ጳልቄድኖ፤ ቃይ ማሹላምነ ሌዊያ ግዴዳ ሻባታይ ጳልቂያዋንታ ማዴድኖ።
\p
\v 16 ሄዋ ድራዉ፥ ኦሞዱዋፐ ስሜዳ አሳይ ሄ ጌዳዋዳን ኦድኖ። ቄሲ እዝር ኡባ ዛራቱዋፐካ ካፓቱዋ ኡንቱንቱ ሱንን ሱንን ዶሬዳ። ታማን አግናን ኮይሮ ጋላሳን ካፓቱ የዉዋ ቆር ጼላናዉ ዶሜድኖ። 
\v 17 ኮይሮ አግናን ኮይሮ ጋላሳይ ጋክያ ዎደ፥ አይሁዳ ግደና ማጫዋንታ አኬዳ አሳቱዋ ኡባ ቆሪደ ዉርሴድኖ።
\s1 አይሁዳ ግደናዋንቱፐ ማችያ አኬዳ አሳ ሱን
\p
\v 18 አይሁዳ ግደና ማጫ አሳቱዋፐ ማችያ አኬዳዋንቱ ሀዋፐ ካሊደ ጻፈቴዳዋንታ።
\p ቄሳቱ ዋፐ: ዮጸዴቃ ናና ግዴዳ ኢያሱነ አ እሻቱዋ ያራፐ ማእሴያ፥ ኤልኤዛራ፥ ያሪባነ ጋዳልያ። 
\v 19 ሀዋንቱ ባረንቱ አይሁዳ ግደና ማቼቱዋ የዳናዉ ጫቄድኖ፤ ቃይ ባረንቱ ናቁዋ ድራዉ፥ ዉድያፐ እት ዶርሳ ኦርግያ ናቁዋ ያርሹዋ ኦደ ያርሼድኖ። 
\v 20 እሜራ ያራን አይሁዳ ግደና ማቼቱዋ አኬዳዋንቱ ሀናናነ ዛባድያ። 
\v 21 ሀሪማ ያራቱዋፐ ማእሴያ፥ ኤላሳ፥ ሻማእያ፥ ይህኤላነ ኦዝያና። 
\v 22 ፓሽሁራ ያራቱዋፐ ኤልዮኤናያ፥ ማእሴያ፥ እስማኤላ፥ ናታንኤላ፥ ዮዛባዳነ ኤልኣሳ።
\p
\v 23 ሌዋቱዋፐ: ዮዛባዳ፥ ሻማእያ፥ ቃሊጻ ግያ ቀላያ፥ ፓታህያ፥ ይሁዳነ ኤልኤዛራ።
\p
\v 24 ማዝሙርያ የጽያዋንቱፐ: ኤልያሽባ።
\p ፐንግያ ናግያዋንቱፐ: ሻሉማ፥ ጸለማነ ኡራ።
\p
\v 25 ቃይ ሀራ እስራኤልያ አሳፐ: ፓርኦሻ ያራቱዋፐ ራምያ፥ ይዝያ፥ ማልክያ፥ ምያሚና፥ ኤልኣዛራ፥ ማልክያነ ባናያ።
\p
\v 26 ኤላማ ያራቱዋፐ ማታንያ፥ ዛካራሳ፥ ይህኤላ፥ አብዳ፥ ይረሞታነ ኤላሳ።
\p
\v 27 ዛቱ ያራቱዋፐ ኤልዮኤናያ፥ ኤልያሽባ፥ ማታንያ፥ ይረሞታ፥ ዛባዳነ አዚዛ።
\p
\v 28 በባያ ያራቱዋፐ ያሆሀናና፥ ሀናንያ፥ ዛባያነ አትላያ።
\p
\v 29 ባና ያራቱዋፐ ማሹላማ፥ ማሉካ፥ አዳያ፥ ያሹባ፥ ሻኣላነ ይረሞታ።
\p
\v 30 ፓሀት-ሞኣባ ያራቱዋፐ አድናሀ፥ ካላላ፥ ባናያ፥ ማእሴያ፥ ማታንያ፥ ባጻልኤላ፥ ቢኑያነ ምናሳ።
\p
\v 31 ሀሪማ ያራቱዋፐ ኤልኤዛራ፥ ይሽያ፥ ማልክያ፥ ሻማእያ፥ ሽምኦና፥ 
\v 32 ቢንያማ፥ ማሉካነ ሻማርያ።
\p
\v 33 ሀሹማ ያራቱዋፐ ማታናያ፥ ማታታ፥ ዛባዳ፥ ኤልፈሌሳ፥ የረማያ፥ ምናሳነ ሽምአ።
\p
\v 34 ባና ያራቱዋፐ ማእዳያ፥ አምራማ፥ ኡኤላ፥ 
\v 35 ባናያ፥ በድያ፥ ካሉሀ፥ 
\v 36 ዋንያ፥ ማረሞታ፥ ኤልያሽባ፥ 
\v 37 ማታንያ ማታናያነ ያእሳ።
\p
\v 38 ቢኑያ ያራቱዋፐ ሽምአ፥ 
\v 39 ሸሌምያ፥ ናታና፥ አዳያ፥ 
\v 40 ማክናዳባያ፥ ሻሻያ፥ ሻራያ፥ 
\v 41 አዛርኤላ፥ ሸሌምያ፥ ሻማርያ፥ 
\v 42 ሻሉማ፥ አማርያነ ዮሴፎ።
\p
\v 43 ናቦ ያራቱዋፐ ይእኤላ፥ ማቲትያ፥ ዛባዳ፥ ዛቢና፥ ያዳያ፥ ዩኤላነ ባናያ።
\p
\v 44 ሀዋንቱ ኡባቱ አይሁዳ ግደና ማቼቱዋ አኬዳዋንታ። እቱ እቱ ሀራይ አቶ ናናካ የሌድኖ።