\id EZK - Dawuro Full Bible Ethiopic Version
\ide UTF-8
\h ህዝቄላ
\toc1 ህዝቄላ ትምቢትያ
\toc2 ህዝቄላ
\toc3 ህዝ.
\mt1 ህዝቄላ ትምቢትያ
\imt ገሉዋ
\ip ትምቢትያ ኦድያ ህዝቄል የሩሳላመ ክርስቶሳ የለታፐ ካሰ፥ እቼሹ ጼታነ ሆስፑን ታማነ ኡሱፑን ላይን ላለታናፐ ካሰነ ላለቴዳዋፐ ጉየ፥ ኦሞዱዋን ባብሎነን ደኤዳ። እ ትምቢትያ ኦዴዳዌ ባብሎነን ኦሞዱዋን ደእያ አሳሳነ የሩሳላመን ደእያ አሳሳ። ህዝቄላ ማጻፋዉ ኦይዱ ክፍለቱ ደኢኖ።
\ili 1. ጾሳ ፕርዳይ አሳ ቦላ ያናዉ ማቴዳዋነ የሩሳላመ ኦይቀትያነ ላለትያ ዎዲ ጋኬዳዋ ምንሲደ ኤርስያ ኪታ።
\ili 2. ጾሳይ ባረ አሳ ኡቁኔዳነ ባለቴዳ ዱማ ዱማ ካዉተቱዋ ሙርይያዋ ግድያዋ ኦድያ ቃላቱዋ።
\ili 3. የሩሳላመ ኩንደፐ ስምና እስራኤልያ አሳ ምንናዉ እመቴዳ ኪታነ ስንፐካ ሎኦ ካጫይ ጋካናዉ ደእያዋ ኦድያ ህዶታ ቃላ።
\ili 4. ጌሻ ጎሊነ እስራኤልያ ካዉተይ በን ባረ ሳኣ ስማናዋ ህዝቄል ምስልያዳን በሴዳዋ። ህዝቄል ዎልቃማ አማኑነ አስ ቆፕያ ዎዛናይ ደእያ አሳ። ስንፐ ትምቢትያ እ ሳጻን በኤዳ። አ ኪታፐ ዳርያ ባጋይ ቆንጨ ግዴዳ ሌምሶ ኦሱዋን ኦደቴዳ። ህዝቄል አሳይ ባረ ግዶ አሳተን፥ ባረ ዎዛናንነ ባረ አያናን ኦራጻናዉ ኮሽያዋነ አሳይ ኡባይ ባረ ናጋራን ናጋራን ኦሸታናዉ ደእያዋ ምንሲደ ኦዴዳ። ሄዋናካ ጉጂደ፥ አሳ ደኡ ኦራጻናዉ ደእያ ህዶታ ቆንጭሴዳ። ህዝቄል ቄሰነ ትምቢትያ ኦድያዋ ግድያዋዳን፥ ጌሻ ጎልያባነ ጌሻተባ ዱማ ሀኖታን ጼልያ አሳ እ ግድያዋ በሴዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. ህዝቄል ናበተዉ ጼሰቱሳ \ior 1:1—3:27\ior*
\io1 2. የሩሳላመ ቦላ ጾሳ ፕርዳ \ior 4:1—24:27\ior*
\io1 3. አይሁዳ ግደና አሳ ቦላ ጾሳ ፕርዳ \ior 25:1—32:32\ior*
\io1 4. ጾሳይ ባረ አሳዉ እሞ ህዶታ \ior 33:1—37:28\ior*
\io1 5. ጎጋ ቦላ ኦደቴዳ ትምቢትያ \ior 38:1—39:29\ior*
\io1 6. ያናዉ ደእያ ጌሻ ጎልያነ ቢታ ሳፃ \ior 40:1—48:35\ior*
\c 1
\s1 ህዝቄል ናበተዉ ጼሰቱሳ
\r (1:1—3:27)
\p
\v 1 ሀታማን ላይን፥
\p ኦይደንያ አግናን፥ እቼሸንያ ጋላሳን፥ ታን ካባራ ሻፋን ኦሞደት ቤዳዋንቱ ግዶን ደእሽን፥ ሳሎቱ ዶየትና፥ ጾሳ ሳፃ በኣድ።\x - \xo 1:1 \xo*\xt ሳፃ 19:11\xt*\x* 
\v 2 ካቲ ዮኣኪን ኦሞደቶደፐ እቼሻንያ ላይን፥ ሄ አግናፐ እቼሸንያ ጋላሳን፥\x - \xo 1:2 \xo*\xt 2 ካታ. 24:10-16፤ 2 ኦዱዋ 36:9-10\xt*\x* 
\v 3 ባብሎነ ቢታን ካባራ ሻፋ ማታን ደእያ ታኮ፥ ቡዛ ናኣ፥ ቄስያ ህዝቄላኮ መና ጎዳ ቃላይ ዬዳ፤ ሄዋን መና ጎዳ ኩሺ ታና ሞዴዳ።
\p
\v 4 ታን ጼልያ ዎደ፥ ጎቲ ሁጲሳና ይያዋ በኣድ፤ ዎልቃማ ፖኡ ዎልቃማ ሻርያ ዶድ ዎዳ፤ ሄ ሻርያ ግዱዋን ዋልቃንይ ፖዡ ጌ። ዋልቃንዉ ግዶ ዎዛናይ ጶልያ ናስያ ማላቴ። 
\v 5 ሄዋ ግዶን ኦይዱ ፓጻ መታቱ ደኢኖ። ኡንቱንቱ አሳ ማላቲኖ፤\x - \xo 1:5 \xo*\xt ሳፃ 4:6\xt*\x* 
\v 6 ሽን ኡንቱንቶ እቶ እቶ ኦይዱ ኦይዱ ሶምኡነ ኦይዱ ኦይዱ ቀፊ ደኤ። 
\v 7 ኡንቱንቱ ገዲ ስት ጌዳዋ፤ ኡንቱንቱ ገድያ ያቻይ ማራ ገድያ ማላነ ቁጪደ ጌሼዳ ናስያ ብራታዳን ጶሌ። 
\v 8 ኡንቱንቱ ቀፍያፐ ጋርሳና ኦይዱ ባጋናካ አሳ ኩሽያ ማላትያ ኩሺ ደኤ። ሄ ኦይዳቶካ ዴሙነ ቀፊ ደኤ። 
\v 9 ኡንቱንቱ ቀፊ እቱ እቱዋ ቦቼ፤ ኡንቱንቱ ኡባይካ ያነ ሃነ ስመናን ስት ጊደ ስንዉ ቢኖ። 
\v 10 ኡንቱንቶ እቶ እቶ ስን ባጋና አሳ ሶምኢ ደኤ፤ ኡሸቻ ባጋና ጋሙዋ ሶምኢ ደኤ፤ ቃይ ሀድርሳ ባጋና ቦራ ሶምኢ ደኤ፤ ቃይ ጉየ ባጋና አርጋን ሶምኢ ደኤ፤\x - \xo 1:10 \xo*\xt ህዝ. 10:14፤ ሳፃ 4:7\xt*\x* 
\v 11 ኡንቱንቱ ሶምኢ ሄዋ ማላቴ። ኡንቱንቱ ቀፊ ቦላዉ ምጨት ኡቴዳ፤ ኡንቱንቱ እቶ እቶ ላኡ ቀፊ ላኡ ባጋናካ ህንኮ መታ ቀፍያ ቦቼ፤ ቃይ ላኡ ቀፊ ኡንቱንቱ ቦላ ቦላ ካሜ። 
\v 12 ኡንቱንቱ ኡባይካ ስት ጊደ ስንዉ ቤድኖ፤ ያነ ሃነ ስመናን፥ ጾሳ አያናይ ብያሳ ሀቃነ ቢኖ። 
\v 13 ሀ ፓጻ ደእያ መታቱ ግዶን እት ኤጽያ ታማ ቦንቁዋ ማላትያዌነ ስንዉነ ጉየ ቃጽያ፥ ኤጽያ ጾምፕያ ማላትያዌ ደኤ፤ ሄ ታማይ ጶሌነ አ ግዶፐካ ዋልቃንይ ከሴ። 
\v 14 ሀ ፓጻ መታቱ ዋልቃንዳን፥ ስንዉነ ጉየ ኤሌል ስመረቲኖ።
\p
\v 15 ሀ ኦይዱ መታቱዋ ታን ጼልሽን፥ ኡንቱንቱ ምየ ባጋ ሳኣን ደእያ ይንግረትያዋንታ በኣድ፤ እት እት መታ ምየ ባጋን እት እት ይንግረትያዌ ደኤ።\x - \xo 1:15-21 \xo*\xt ህዝ. 10:9-13\xt*\x* 
\v 16 ሀ ይንግረትያዋንቱ አልኦ ሹቻዳን ጶሊኖ፤ ኡንቱንቱ ኦይዱካ መንነ ማላን እቱ እቱዋ ማላቲኖ። እት ይንግረይ ላኡ ይንግረ ግዲደ መቴዳ፤ እቱ እቱዋ ግዱዋና ካን አዋ ማላቴ። 
\v 17 ኡንቱንቱ ብያ ዎደ ባረንቱ ስን ዛር ዎዳ ኦይዱ ባጋፐ እቱዋኮ ሀቃዋ ግዶፐነ ቢኖ፤ ሀ መታቱ ብያ ዎደ ይንግረትያዌ ዎራ ስመና። 
\v 18 ዎጋነ ያሽያ ኦይዱ ይንግረቱ ደኢኖ፤ ሄ ይንግረቱዋ ጋጻ ዩሹዋ ኡባን ጼልያ አይፊ ኩሜዳ።\x - \xo 1:18 \xo*\xt ሳፃ 4:8\xt*\x*
\p
\v 19 ሀ መታቱ ብያ ዎደ፥ ኡንቱንቱ ምይያን ሀ ይንግረቱ ጎንዶረቲኖ፤ ሄ መታቱ ቢታፐ ፑደ ደንድያ ዎደ፥ ሀ ይንግረቱካ ደንዲኖ። 
\v 20 ደኡዋ አያናይ ብያ ሀቃነ ሀ ይንግረቱካ ደንዲደ ቢኖ፤ አያዉ ጎፐ፥ ሀ ደኡዋ አያናይ ይንግረቱዋ ግዶን ደእያ ድራሳ። 
\v 21 ሀ መታቱ ብያ ዎደ፥ ይንግረቱካ ቢኖ፤ መታቱ ኤቂያ ዎደ፥ ይንግረቱካ ኤቂኖ፤ ቃይ መታቱ ቢታፐ ፑደ ደንድያ ዎደ፥ ይንግረቱ ኡንቱንቱና እትፐ ደንዲኖ። አያዉ ጎፐ፥ ደኡዋ አያናይ ይንግረቱዋ ግዶን ደኤ።
\p
\v 22 ሀ ፓጻ መታቱዋ ሁጲያፐ ቦላ ባጋና ማስቶትያዳን ጶሊደ አይፍያ ጫድያ ምጨቴዳ ሳሉዋ ጉፋንዋ ማላትያባይ ደኤ።\x - \xo 1:22 \xo*\xt ሳፃ 4:6\xt*\x* 
\v 23 ሄ ጉፋንዋፐ ጋርሳ ባጋና ኡንቱንቱ ቀፊ ስት ጊደ፥ እቱዋዌ እቱዋኮ ምጨት ኡቴዳ፤ ቃይ ኡንቱንቱ ኡባዉካ ኡንቱንቱ ቦላ ካምያ ላኡ ላኡ ቀፊ ደኤ። 
\v 24 ሀ መታቱ ፓልያ ዎደ፥ ኡንቱንቱ ቀፍያ ጊረይ ሃ ኩንዋ ጉንዳን፥ ቃይ ኡባ ዳንዳይያ ጾሳ ኮሻዳንነ ጮራ ኦላንቻቱዋ ጫቡዋዳን ሀንያዋ ስሳድ። ኡንቱንቱ ፓሉዋ አግያ ዎደ፥ ባረንቱ ቀፍያ ሺሽ አኪኖ።\x - \xo 1:24 \xo*\xt ሳፃ 1:15፤ 19:6\xt*\x*
\p
\v 25 ኡንቱንቱ ባረንቱ ቀፍያ ሺሽ አኪደ፥ ሄ ሳኣን ኤቂደእሽን፥ ኡንቱንቱ ሁጲያፐ ቦላ ባጋና ደእያ ሄ ጉፋንዋ ማላትያዋ ቦላ ባጋፐ ኮሻይ ዬዳ። 
\v 26 ሄ ጉፋንዋ ማላትያዋፐ ቦላ ባጋና ሳምፔርያ ግያ እንቁዋፐ መቴዳ ካዉተ አራታ ማላትያዌ ደኤ፤ ሄ ካዉተ አራታ ማላትያዋ ቦላ አሳ ማላትያዌ ኡቴዳ።\x - \xo 1:26 \xo*\xt ህዝ. 10:1፤ ሳፃ 4:2-3\xt*\x* 
\v 27 ታን አ በእያ ዎደ፥ አ ጼሳ ማላትያሳፐ ቦላ ባጋይ ታማን ቦንቄዳ ናስያ ብራታዳን ጶሌ፤ ቃይ ጼሳፐ ጋርሳ ባጋይ ታማ ማላቴ፤ አ ዩሹዋን ጶልያ ፖኡ ደኤ።\x - \xo 1:27 \xo*\xt ህዝ. 8:2\xt*\x* 
\v 28 አ ዩሹዋን ጶልያ ፖኡ እራ ጋላስ ሻርያን ኤቄዳ ዙሉዋ ማላቴ።
\p ሀዌ መና ጎዳ ቦንቹዋ ቆንጨ ማላቴ። ሄዋ በኤዳ ዎደ፥ ቢታን ዱገ ጉፋናደ፥ እቱ ሃሳይያ ኮሻ ስሳድ።
\c 2
\p
\v 1 እ ታና ሀዋዳን ያጌዳ፤ “ላ አሳ ናአዉ፥ ደንዳደ ነ ገድያን ኤቃ። ነዉ ኦዳና” ያጌዳ። 
\v 2 እ ሃሳዬዳ ዎደ ጾሳ አያናይ ታ ግዶ ገሊደ፥ ታና ታ ገድያን ኤሴዳ። እ ታዉ ኦድያዋካ ስሳድ።
\p
\v 3 ሀዋዳን ያጌዳ፤ “ኔኖ አሳ ናአዉ፥ ታን ኔና እስራኤልያ አሳኮ፥ ታ ቦላ ማካሌዳ ማካላንቻ ካዉተኮ ኪታይ፤ ኡንቱንቱነ ኡንቱንቱ አዎቱ ሀች ጋካናዉካ ታ ቦላ ማካሊደ ደኢኖ። 
\v 4 ኡንቱንቱ ዎዛና ሙመነ ዬላይ ባይናዋንታ ግድያ ድራዉ፥ ታን ኔና ኡንቱንቱኮ ኪታይ። ባደ፥ ‘ኡባ ሞድያ መና ጎዳይ ሀዋዳን ያጌ’ ያጋ። 
\v 5 ኡንቱንቱ ማካላንቻ አሳ ግድያ ድራዉ፥ ኡንቱንቱ ስስናካ እጽናካ፥ ናቢ ኡንቱንቱ ግዶን ደእያዋ ኡንቱንቱ ኤራና። 
\v 6 ኔኖ አሳ ናአዉ፥ ኡንቱንቶካ ኡንቱንቱ ቃላዉካ ያዮፓ! ኮናይ ደእያነ አጉንይ ነ ዩሹዋን ደእያዋ ግዶፐካ፥ ቃይ ሶጎቱዋ ግዱዋን ኔን ኡቶፐካ፥ ያዮፓ። ኡንቱንቱ ማካላንቻ አሳ ግድያ ድራዉ፥ ኡንቱንቱ ቃላዉ ያዮፓ፤ ዎይ ኡንቱንቶ ሻቢረቶፓ። 
\v 7 ኡንቱንቱ ማካላንቻ አሳ ግድያ ድራዉ፥ ስስናካ እጽናካ፥ ታ ቃላ ኡንቱንቶ ኦዳ።
\p
\v 8 “ሽን፥ አሳ ናአዉ፥ ታን ነዉ ኦድያዋ ስሳ! ሄ ማካላንቻቱዋዳን፥ ኔንካ ማካላንቻ ግዶፓ፤ ነ ዶና ዶያደ፥ ታን ነዉ እምያዋ ማ” ያጌዳ።
\p
\v 9 ሄዋፐ ጉይያን፥ ታን ጼልያ ዎደ፥ ኩሺ ታኮ ምጨት ኡቴዳዋ በኣድ፤ ሄ ኩሽያን ጻ ማጻፋይ ደኤ።\x - \xo 2:9-10 \xo*\xt ሳፃ 5:1\xt*\x* 
\v 10 እ ታ ስንን ሄ ጻ ማጻፋ ብሌዳ፤ ሄ ጻ ማጻፋን ላኡ ባጋናካ ዬኩ፥ ካዩነ ሴላ ዋሱ ጻፈት ኡቴዳ።
\c 3
\p
\v 1 ቃይ እ ታዉ ሀዋዳን ያጌዳ፤ “ላ አሳ ናአዉ፥ ሄ ነ ስንን ደእያዋ ማ፤ ሀ ጻ ማጻፋ ማ። ባደ፥ እስራኤልያ አሳዉ ኦዳ” ያጌዳ።\x - \xo 3:1-3 \xo*\xt ሳፃ 10:9-10\xt*\x* 
\v 2 ታን ሀንጋድ፤ ታን ማናዳን፥ ጻ ማጻፋ እ ታና ባርሴዳ። 
\v 3 ታና፥ “ላ አሳ ናአዉ፥ ሀ ታን ኔና ባርስያ ጻ ማጻፋ ማ፤ ነ ኡሉዋ አን ኩን” ያጌዳ። ታን ምያ ዎደ፥ ታ ዶናን ኤሳዳን ማልኤዳ።
\p
\v 4 ሄዋፐ ስሚደ፥ እ ታና ሀዋዳን ያጌዳ፤ “ኔኖ አሳ ናአዉ፥ ሀእ እስራኤልያ አሳኮ ባ፤ ታ ቃላ ኡንቱንቶ ኦዳ። 
\v 5 ኔን ኪተቴዳዌ እስራኤልያ አሳሳፐ አትና፥ ዶናይ ኤረተናነ ቃላይ ገለና ሃሳያይ አኬከተና አሳኮ ግደና። 
\v 6 ቃይ ታንካ ኔና ኡንቱንቱ ቃላይ ገለና፥ ኡንቱንቱ ሃሳያይካ ኤረተና ኡንቱንቱ ቃላ ኔን ኤራናዉ ዳንዳየና ዳሮ አሳኮ ኪታበይከ አላጋ ቢታ ቃላ ዴጹዋ ሃሳይያ ዳሮ አሳኮ ኪታበይከ። ቱሙ ታን ኔና ሄዋንቱኮ ኪታድታንቶ፥ ኡንቱንቱ ኔን ግያዋ ስሳና ሽን! 
\v 7 እስራኤልያ አሳይ ታን ኦድያዋ ስሳናዉ ኮየና ድራዉ፥ ኡንቱንቱ ኔን ኦድያዋካ ስስክኖ። አያዉ ጎፐ፥ ኩመን እስራኤልያ አሳይ ሞርጊ ዞዛነ ዬላይ ባይናዋንታ ግድያ ድራዉ፥ ነ ኦድያዋ ስስክኖ። 
\v 8 ሽን ታን ኔናካ ኡንቱንቱዋዳን ዎዛና ምኖነ ዬላይ ባይናዋ ኦና። 
\v 9 ታን ኔና ያሻይ ባይና አሳ ኦና፤ ዛላፐካ አ ምኖ ከሳና። ኡንቱንቱ ማካላንቻ አሳ ግዶፐካ፥ ኡንቱንቶ ያዮፓ፤ ዎይ ኡንቱንቶ ዳጋሞፓ” ያጌዳ።
\p
\v 10 ቃይ እ ታና ሀዋዳን ያጌዳ፤ “ላ አሳ ናአዉ፥ ታን ነዉ ኦድያ ቃላ ኡባ ምንሳደ ሀይዛነ ነ ዎዛናን ዎ። 
\v 11 ሀእ ደንዳ ባደ፥ ኦሞዱዋን ደእያ ነ አሳዉ ኦዳ። ኡንቱንቱ ስስና እጽናካ ኡንቱንቶ፥ ‘ኡባ ሞድያ መና ጎዳይ ሀዋዳን ያጌ’ ያጋደ ኦዳ” ያጌዳ።
\p
\v 12 ሄዋፐ ጉይያን፥ ታና አያናይ ፑደ ደንዳ፤ “መና ጎዳ ቦንቹ ደኢያሳፐ ደንድያ ዎደ” ታፐ ጉየና፥ ወልቃማ ኮሻ ስሳድ። 
\v 13 ቃይ ፓጻ መታቱ ቀፊ እቱ እቱዋና ሾጨትያ ኮሻይ፥ ኡንቱንቱ ምይያን ደእያ ይንግርያዋ ኮሻና ጋከቲደ፥ ጉጉን ኮሻዳን ሀንያ ኮሻ ስሳድ። 
\v 14 ሄዋፐ ጉይያን፥ አያናይ ታና ፑደ ደንደ፥ ሀራ ሳኣ አፌዳ። ያትና፥ ታን መና ጎዳ ዎልቃይ ታና ሞድ ደእሽን፥ ታ አያናን ጫመታደነ ይሎታደ ባድ። 
\v 15 ከባራ ሻፋ ማታን፥ ተል-አቢባን ኦሞደቴዳዋንቱኮ ጋካድ። ታን ሄዋን ዳጋማደ፥ ኡንቱንቱና ላፑን ጋላሳ ጋምኣድ።
\s1 ህዝቄል ዎችያ አሳ ግዴዳ
\r (ህዝ. 33:1-9)
\p
\v 16 ላፑን ጋላሳ ዉርሰን መና ጎዳ ቃላይ ታኮ ሀዋዳን ያጊደ ዬዳ፤ 
\v 17 “ኔኖ አሳ ናአዉ፥ ታን ኔና እስራኤልያ አሳዉ ዎችያዋ ኦድ። ታ ዶናፐ ከስያ ቃላ ስሴዳ ፓይዱዋ ኡባን፥ ኡንቱንቱካ ናገታናዳን ሴራ። 
\v 18 ታን ናጋራንቻ፥ ‘ቱሙዋ ኔን ሀይቃና’ ያግያ ዎደ፥ ኔን ባደ አ ሴራና ዮፐ፥ አ ሸምፑካ አታና ማላ፥ እ ባረ ናጋራ ኦግያፐ ስማናዳን ኔን አ፥ ‘ኔና የኤ!’ ጋና ዮፐ፥ ሄ ናጋራንቻይ ባረ ናጋራን ሀይቃና፤ ሽን አ ሱ ታን ኔፐ ጭገታና። 
\v 19 ሽን ኔን ናጋራንቻ ሴርና፥ እ ባረ ናጋራፐ ዎይ ባረ ኢታ ኦግያፐ ስመናን እጾፐ፥ እ ባረ ናጋራን ሀይቃና፤ ሽን ኔን ነ ሁጲያ አሻና።
\p
\v 20 “ቃይ ጽሎ አሳይ ባረ ጽሎተፐ ጉየ ስሚደ፥ ኢታ ኦያ ዎደ፥ ታን አ ስንን ብያ ዎና፥ እ ሀይቃና። እ ስማናዳን ኔን አ፥ ‘ኔና የኤ!’ ጋቤና ድራዉ፥ እ ባረ ናጋራን ሀይቃና፤ እ ካሰ ኦዳ ጽሎ ኦሱ ዛሪደ ቆፈተና፤ ሽን ታን አ ሱካ ኔፐ ጭገታና። 
\v 21 ቃይ ኔን ጽሎ አሳይ ናጋራ ኦናዳን ሴርና፥ እካ ናጋራፐ ባረና ናጎፐ፥ ቱማ እ ፓጻ ደአና። አያዉ ጎፐ፥ እ ኔን ሴሬዳዋ ስሴዳ፤ ኔንካ ነ ሁጲያ አሻና” ያጊደ ዬዳ።
\s1 ህዝቄላ ጾሳይ ዱድሴዳ
\p
\v 22 ሄ ሳኣን መና ጎዳ ዎልቃይ ታና ሞዴዳ፤ ቃይ እ ታና፥ “ደንዳ፤ ዛንጋራ ባ። ነዉ ያን ኦዳና” ያጌዳ። 
\v 23 ታን ደንዳደ፥ ዛንጋራ ባድ። ሄ ሳኣን ካሰ ካባራ ሻፋ ማታን ታን በኤዳዋዳን፥ ሄዋን መና ጎዳ ቦንቹ ኤቄዳዋ በኣድ፤ ታን ታ ሶምኡዋ ቢታ ጋደ ጉፋናድ።
\p
\v 24 ሄዋፐ ጉይያን፥ አያናይ ታ ግዶ ገሊደ፥ ታና ታ ገድያን ኤሲደ፥ ታና ሀዋዳን ያጌዳ፤ “ባ፤ ነ ጎለ ባደ፥ ነ ቦላ ካርያ ጎርዳደ ኡታሻ። 
\v 25 ኔኖ አሳ ናአዉ፥ ኔን ዎዶሩዋን ቃሸታና፤ ኔን አሳኮ ከሳናዉ ዳንዳያካ። 
\v 26 ቃይ ኔን ዱደ ግዳናዳንነ ኡንቱንታ ሴረናዳን፥ ታን ነ እንጻርሳ ነ ኮክያና ጋ ኦይና። አያዉ ጎፐ፥ ኡንቱንቱ ማካላንቻ አሳ። 
\v 27 ሽን ታን ነዉ ኦድያ ዎደ፥ ታን ነ ዶና ዶይና፥ ኔንካ ኡንቱንቶ፥ ‘ኡባ ሞድያ መና ጎዳይ ሀዋዳን ያጌ’ ያጋና። ስስያ ኦንነ ስሶ፤ ስሰናን እጽያ ኦንነ እጾ። አያዉ ጎፐ፥ ኡንቱንቱ ማካላንቻ አሳ።
\c 4
\s1 የሩሳላመ ቦላ ጾሳ ፕርዳ
\r (4:1—24:27)
\p
\v 1 “ኔኖ አሳ ናአዉ፥ ኡርቃፐ መዳ ጹብያ አካደ፥ ነ ስንን ዎ፤ ያታደ የሩሳላመ ካታማ ምስልያ አ ቦላ መ። 
\v 2 አ ዶዳ፤ ድርሳ ኦንነ ከስ አከናዳ ድራ፥ ካታማ ግምቢያ ዩሹዋን ቢታ ዶራ፤ ኦላንቻቱ ኤቂያሳ ጊግሳ፤ ግምቢያ ላልያ ኦላ ሚሻ ዩሹዋን ጊግሳ። 
\v 3 ቃይ ብራታ ባሽያ አካደ፥ ብራታ ጎዳዳን ኔፐነ ካታማፐ ግዱዋን ኤሳ። ነ ሶምኡዋካ ሀንቁዋን አኮ ዛራ። ሄ ካታማይ ዶደታና፤ ቃይ ዶዴዳዌካ ኔና። ሀዌ እስራኤልያ አሳዉ ማላ ግዳናዋ።
\p
\v 4 “ሄዋፐ ጉይያን፥ እስራኤልያ አሳዉ ሙሩዋ ማላ ግዳና ማላ ነ ሀድርሳ ምይያን ግሳ። ኔን ነ ሀድርሳ ምይያን ግሴዳ ጋላሳቱዋ ፓይዱዋ ኬሻ እስራኤልያ አሳ ኡንቱንቱ ዋን ሙረታነንቶ በሳሳ። 
\v 5 ቃይ ኔን ግሳደ እስራኤሊ ዎት ሙረታነንቶ በሳናዳን 390 ጋላሳ ነዉ እማድ። ሄ እት እት ጋላሳይ ኡንቱንቱ ሙረትያ እት እት ላይና ቃራ።
\p
\v 6 “ሄ ጋላሳ ነ ዉርሴዳዋፐ ጉይያን፥ ቃይ ዛራደ ነ ኡሸቻ ምይያን ይሁዳ አሳይ ዎት ሙረታነንቶ በሳናዉ ግሳ፤ እት እት ጋላሳይ እት እት ላይ ሙሩዋና ቃራ ግድያ ድራዉ፥ ሄዋዳን ኡንቱንቱ ኦዳ ናጋራ ሙሩዋ ኦይታሙ ጋላሳ ኔን ግሳናዳን፥ ታን ነዉ እማድ። 
\v 7 ነ ሶምኡዋ የሩሳላመ ዶደኮ ሀንቁዋን ዛራደ፥ ነ ኩሽያ ደን ማንዳደ፥ የሩሳላመ ቦላ ትምቢትያ ኦዳ። 
\v 8 ሄ ዶደን ኔን ጋምእያ ጋላሳይ ዉራናዉ፥ እት ምይያፐ ሀራ ምይያዉ አ ዎናዳን፥ ታን ኔና ዎዶሩዋን ቃቻና።
\p
\v 9 “ሀእ ኔን፥ ዛርጋነ ባንጋ፥ ባኤላነ ምስርያ፥ ማልዱዋነ ሞርገ ም አካደ፥ ካ ዎያ እት ባን ቆላደ፥ አፐ ነዉ ቁማ ካደ፤ ሄዋ ኔን ምይያን ግስያ 390 ጋላሳ ማና። 
\v 10 ሀች ሀች ኔን ምያ ኡክ ልካ፤ እካ 230 ግራምያ ዴጽያዋ ግዶ፤ ሄዋ አ ዎድያን ዎድያን ማ። 
\v 11 ቃይ ኔን ሀች ሀች ኡሽያ ሃካ ልካ፤ እካ ላኡ ቡርጩኮ ግዶ፤ ሄዋ አ ዎድያን ዎድያን ኡሻ። 
\v 12 ሄ ዋላኬዳ ካ ባንጋ ኡክ ኡክያዋዳን ኡካ፤ አሳይ ጼልሽን፥ አሳ ዎራ ሼሻ መላ ኤደ ኡካ፤ ያታደ ማ። 
\v 13 ሄዌ እስራኤልያ አሳይ ታን ኡንቱንታ ላልያ ካዉተቱዋ ግዶን ደኢድ፥ ቱኔዳ ቁማ ማናዎ ማላታ” ያጌዳ መና ጎዳይ።
\p
\v 14 ያትና፥ ታን ዛራደ ሀዋዳን ያጋድ፤ “ሀይ! ኡባ ሞድያ መና ጎዳዉ፥ ሄዌ ሀኖፖ! ታን ታና ቱንሳ ኤርከ። ታ ናአተፐ ዶማደ ሀች ጋካናዉ፥ ባኩታ ዎይ ባዞ ዶአይ ፑዚደ ዎዳዋ ማ ኤርከ፤ ቱኔዳ አሹ ታ ዶናኮ ሺቅ ኤረና” ያጋድ።
\p
\v 15 እ ዛሪደ፥ ታና ሀዋዳን ያጌዳ፤ “ዳሮ ሎአ፥ ያቶፐ፥ አሳ ዎራ ሼሻ መላን ኡክያዋ አጋደ፥ ሚዛ ኦሻ ከዊያን ነ ኡክ ኡካሳ” ያጌዳ።
\p
\v 16 እ ቃይካ ሀዋዳን ያጌዳ፤ “ኔኖ አሳ ናአዉ፥ በአ፤ የሩሳላመ ካታማ ካ ገለናዳን፥ ታን ድጋና ሀናይ። አሳይ ካ ህርጊደ፥ ማኪደ ማና፤ ቃይ ሃካ ያዪደ፥ ልኪደ ኡሻና። 
\v 17 ሄዎ ኡንቱንቶ ደእያ ካይነ ሃይ ዉራና፤ ኡንቱንቱ እቱ እቱዋ፥ ‘ፖራ!’ ጊደ ጼላና፤ ኡንቱንቱ ባረንቱ ናጋራ ሙሩዋን ግልቃና።
\c 5
\s1 የሩሳላመ ቦላ ይያ ባሻ ማላታ
\p
\v 1 “ኔኖ አሳ ናአዉ፥ ቃራ ማሻ አካደ፥ ነ ሁጲያነ ነ ቡቻ ሁጲያ ጊግስያዋንቱ ምላጭያዳን አን ሜዳ። ያታደ ሚዛናን ልካደ፥ ነ ብናና ሄዙ ከሳደ ሻካ። 
\v 2 ኔን ዶድያ ዎዲ ዉርያ ዎደ፥ ነ ሻኬዳ ብናናዉ እት ኩሽያ የሩሳላመ ካታማ ምስልያዉ ግዱዋን ታማን ጹጋ። ላኤን ኩሽያ ካታማ ዩሹዋን ኡባን ማሻን ቃንጸሬ። ሄዘን ኩሽያ ቃይ ጫርኮ ላላ፤ አያዉ ጎፐ፥ ታን ኡንቱንታ ማሻን የደርሳና። 
\v 3 ቃይ ሄዋፐ ጉ ብናና አካደ፥ ነ ማዩዋ ጼራን ቃቻ። 
\v 4 ሄ ኔን ቃቼዳዋፐ ጉ አካደ፥ ታማን ኦላደ ጹጋ። ሄዋን ዶሜዳ ታማይ እስራኤልያ አሳ ኡባ ጋካናዋ” ያጌዳ።
\p
\v 5 ኡባ ሞድያ መና ጎዳይ ሀዋዳን ያጌ፤ “ሀዌ የሩሳላመ ካታማ፤ ታን ቢታቱዋ እዝ ዩሹዋን ዎደ፥ ካዉተቱዋ ኡባዉ ግዶ ጉልአን እዞ ዎድ። 
\v 6 ሽን እዛ ባረ ኢታ ኦሱዋን፥ ባረ ዩሹዋን ደእያ ቢታቱዋፐነ ካዉተቱዋፐ ያ ኢታደ፥ ታ ህግያነ ታ ዎጋ ናገናን እጻዱ፤ ቱሙካ እዛ ታ ህግያዉ ማካላዱ፤ ታ ዎጋካ ካለናን እጻዱ” ያጌ።
\p
\v 7 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ህንተንቱ ህንተ ዩሹዋ ካዉተፐ አደ መቱዋ መድታ፤ ታ አዛዙዋ ካለናንነ ታ ዎጋ ናገናን እጼድታ። ሀራይ አቶ ሽን ህንተንቱ ዩሹዋን ደእያ ካዉተቱዋ ዎጋካ ናግበይክታ” ያጌ።
\p
\v 8 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ኔኖ፥ የሩሳላመ፥ ታን ነዉ ሞርከ፤ ሀራ ካዉተቱ ኡባይ በእሽና፥ ነ ቦላ ታ ፕርዳ አሀና። 
\v 9 ኔን ታን እጽያ ኤቃ ጎይና ኡባ ኦዳ ድራዉ፥ ታን ሀዋፐ ካሰ ሀንቤናዋ፥ ቃይ ሀዋፐ ስንዉካ ሀነና ፕርዳ ነ ቦላ አሀና። 
\v 10 ሄዋፐ ደንዴዳዋን፥ ህንተ ግዶን አዎቱ ባረንቱ ናናቱዋ ማና፤ ቃይ ናናቱካ ባረንቱ አዎቱዋ ማና። ታን ህንተ ቦላ ፕርዳ አሀና፤ ህንተፐ አቴዳዋንታካ ኦይዱ ጫርኩዋ ሚዛና ኡባዉ ላላና።\x - \xo 5:10 \xo*\xt ስቁዋ 4:10\xt*\x*
\p
\v 11 “ሄዋ ድራዉ፥ ታን ኡባ ሞድያ መና ጎዳይ ታ ደኡዋን ጫቃይ: ህንተ ህንተ ሸነይያ ኤቃቱዋንነ ቱና ኦሶቱዋን ታ ጌሻ ጎልያ ቱንሴዳ ድራዉ፥ ታንካ ህንተና ቡ ይሳና። ህንተዉ ቃረትከነ ህንተፐ እቱዋነ አሽከ። 
\v 12 ነ አሳፐ እት ኩሺ ካታማ ግዶን ኢታ ሀርግያን ዎይ ኮሻን ሀይቃና፤ ላኤን ኩሺ ካታማፐ ካረና ኦላን ዉራና፤ ቃይ ሄዘን ኩሽያ ታን ኦይዱ ጫርኩዋ ሚዛናዉ ኡባዉ ላላደ፥ ኡንቱንታ ማሻን የደርሳና።
\p
\v 13 “ታ ይሉ ዉራና፤ ታን ኡንቱንቱ ቦላ ሀንቀቴዳ ሀንቁካ ኤቃና፤ ያቶፐ ታ ሀንቁ ዶቻና። ታን ኡንቱንቱ ቦላን ሀንቀቴዳ ሀንቁዋ ዉርስያ ዎደ፥ ታን መና ጎዳይ ቃናትያን ሃሳዬዳዋ ኡንቱንቱ ኤራና።
\p
\v 14 “ህንተንቱ ዩሹዋን ደእያ ካዉተቱዋ ግዶንነ ህንተ ማታና አያ ኡባ ስንን ታን ህንተና ባዙዋነ ቅሊጭያዋ ኦና። 
\v 15 ታን ህንተና ታ ሀንቁዋን፥ ታ ይሉዋንነ ቃረታይ ባይና ሴራን ፕርድያ ዎደ፥ ህንተ ህንተ ዩሹዋን ደእያ ካዉተቶ ቅሊጮነ ሸቃዉ፥ ህንተና በኤዳ አሳዉ ናገትያባነ ዳጋምያባ ግዳና። ታን መና ጎዳይ ሀዋ ኦዳድ። 
\v 16 ታን ህንተ ቦላ ዎያነ ይስያ ኮሻ ዎንዳፍያ ዱክያ ዎደ፥ ህንተና ይሳናዉ ዱካና። ህንተዉ ኮሻ ያ ያ ዳርሳና፤ የሩሳላመ ካታማ ካይ ገለናዳን፥ ታን ድጋና። 
\v 17 ታን ኮሻነ ባዞ ዶኣ ህንተ ቦላ የድና፥ ኡንቱንቱ ህንተ ናናቱዋ ይሳና። ታን ኢታ ሀርግያ፥ ሱ ጉስያዋነ ኦላ ህንተ ቦላ አሀና። መና ጎዳይ ሀዋ ኦዳድ” ያጌ።\x - \xo 5:17 \xo*\xt ሳፃ 6:8\xt*\x*
\c 6
\s1 ጾሳይ ኤቃዉ ጎይንያዋ ፕርዴዳ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ኔኖ አሳ ናአዉ፥ እስራኤልያ ዞዘቱዋኮ ነ ሶምኡዋ ደረቃን ዛራደ፥ ኡንቱንቱ ቦላ ትምቢትያ ኦዳ። 
\v 3 ሀዋዳን ያጋ፥ ‘ህንተኖ፥ እስራኤልያ ዞዘቶ፥ ኡባ ሞድያ መና ጎዳ ቃላ ስስተ! ኡባ ሞድያ መና ጎዳይ እስራኤልያ ዞዘቶነ ከራቶ፥ ቡቡሀቶነ ዛንጋራቶ ሀዋዳን ያጌ፤ በእተ፥ ታን፥ ታ ማሻ ህንተ ቦላ የዳና፤ ቃይ ህንተ ኤቃ ጎይንያ ሳኣካ ይሳና። 
\v 4 ህንተ ያርሽያ ሳአቱ ኮለተና፤ ቃይ ህንተ እጻና ጩዋይያ ሚሻቱካ መኤረታና። ታን ህንተ አሳ ህንተ ኤቃቱዋ ስንን ዎና። 
\v 5 ታን እስራኤልያ አሳ አሃ ኡንቱንቱ ኤቃቱዋ ስንን ግስሳና፤ ህንተ መቀካ ህንተ ያርሽያ ሳአቱዋ ዩሹዋን ላላና። 
\v 6 ህንተ ደእያ ሳን ኡባን፥ ህንተ ካታማቱነ ህንተ ጎይንያ ሳአቱ ኮለተና። ሄዋዳንካ ህንተ ያርሽያ ሳአቱ ቱናናነ ላለታና፤ ህንተ ኤቃቱ መኤረታናነ ያና፤ ህንተ እጻና ጩዋይያ ሳአቱካ መኤረት ዎና፤ ህንተ ኦዳ ኦሱ ኡባይ ፕተት ያና። 
\v 7 ህንተ አሳይ ሹከቲደ፥ ህንተ ግዶን ኩንዳና። ታን መና ጎዳ ግድያዋ ህንተ ሄዋን ኤራና።
\p
\v 8 “ ‘ታን ህንተፐ አማሬዳዋንታ ፓጻ አሻና፤ ማሻፐ አቴዳዋንቱ ቢታነ ካዉተ ግዶን ላለታና። 
\v 9 ማሻፐ አቴዳዋንቱ ያን ኦሞዱዋን ደአና። ያን ደእያ ዎደ፥ ኡንቱንቱ ታና ሀሳያና፤ ቃይ ዎሹምያ ዎዛናንነ ባረንቱ አይፍያን ኤቃ ጎይናናዉ ጉየ ስምያዋን፥ ኡንቱንቱ ታ ዎዛና መንዳዋ ሀሳያና። ኡንቱንቱ ባረንቱ ኦዳ ኢታ ኦሱዋፐነ ኡንቱንታ ዬላይያ ሀኖታፐ ደንዴዳዋን፥ ባረና ባረ ሁጲያዉ ሻታና። 
\v 10 ቃይ ታን መና ጎዳ ግድያዋ ኡንቱንቱ ኤራና። ታን ኡንቱንቱ ቦላ ኢታባ አሀና ጌዳዌ ጮ መላ ባብሱዋ ግደና’ ” ያጌ።
\p
\v 11 ኡባ ሞድያ መና ጎዳይ ታና ሀዋዳን ያጌ፤ “ነ ብራያ ሀንቁዋን ጾርሳ! ይሉዋን ነ ገድያንካ ቢታ ቃካ! ቃይ ሀዋዳን ያጋ፤ ‘እስራኤልያ አሳ ሸነይያ ኦሶ አየ አና!’ ያጋ። አያዉ ጎፐ፥ ኡንቱንቱ ኦላን፥ ኮሻንነ ኢታ ሀርግያን ዉራና። 
\v 12 ሃኩዋን ደእያዌ ኢታ ሀርግያን ሀይቃና፤ ማታን ደእያዌ ኦላን ሀይቃና፤ ቃይ ፓጻ አቴዳዌ ኮሻን ሀይቃና። ሄዋዳን ኦደ፥ ታን ታ ሀንቁዋ ኡንቱንቱ ቦላ ዉርሳና። 
\v 13 ኡንቱንቱ አሳ አሃይ ኡንቱንቱ ኤቃቱዋ ግዱዋ ኡባን፥ ኡንቱንቱ ያርሽያ ሳ ዩሹዋ ኡባን፥ ቃ ዞዘቱዋ ቦላነ ደረቱዋ ኪክያ ኡባ ቦላን፥ እርጻ ም ጋርሳ ኡባን፥ ዳሮ ቦንጪ ደእያ ኤ ጋርሳ ኡባን፥ ባረንቱ ኤቃቶ ሳዊያ ያርሹዋ ጹጌዳ ሳኣ ኡባን ኩንዴዳ ዎደ፥ ኡንቱንቱ ታን መና ጎዳ ግድያዋ ኤራና። 
\v 14 ቃይ ታን ታ ኩሽያ ኡንቱንቱ ቦላ ምጫደ፥ ኡንቱንቱ ደእያ ቢታ ኡባ፥ ገድሳ ባጋ ባዙዋፐ ቢደ ሁጲሳ ባጋ ርብላ ግያ ካታማ ጋካናዉ፥ መላ ኦና። ታን መና ጎዳ ግድያዋ ኡንቱንቱ ሄዋን ኤራና ያጌ ያጋ” ያጊደ ዬዳ።
\c 7
\s1 እስራኤልያዉ ዉርሰይ ጋኬዳ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ኔኖ አሳ ናአዉ፥ ኡባ ሞድያ መና ጎዳይ እስራኤልያ ቢታዉ ሀዋዳን ያጌ፤ ‘ዉርሰ በእተ! ኡባ ባጋና ቢታ ቦላን ዉርሰይ ጋኬዳ። 
\v 3 ሄኮ፥ ዉርሰይ ህንተ ቦላ ጋኬዳ! ታን ታ ሀንቁዋ ህንተ ቦላ የዳና። ታን ህንተ ኦሱዋዳን፥ ህንተ ቦላ ፕርዳና፤ ህንተ ቱና ሀኖታዳን፥ ታን ህንተና ሙራና። 
\v 4 ታን ህንተዉ ቃረትከነ ህንተፐ እቱዋነ አሽከ። ህንተ ኢታ ኦሱዋ ድራዉካ ሙራና፤ ህንተ ግዱዋን ደእያ እጸቴዳ ኤቃ ጎይኑዋካ ቆንጭሳና። ታን መና ጎዳ ግድያዋ ህንተ ሄዋን ኤራና’ ያጌ።
\p
\v 5 “ኡባ ሞድያ መና ጎዳይ ሀዋዳን ያጌ፤ ‘ባሻ! ባሻ ቦላን ባሻይ ዬ። 
\v 6 ዉርሰይ ጋኬዳ! ዉርሰይ ጋኬዳ! እ ህንተ ቦላን ደንዴዳ። በእተ፥ እ ጋኬዳ! 
\v 7 ሀ ቢታን ደእያዋንቶ፥ ህንተ ፕርዳይ ጋኬዳ፤ ዎዲ ጋኬዳ፤ ጋላሳይ ማታቴዳ! ሄዌ ሻቢርሳ ጋላሳፐ አትና፥ ዞዝያ ቦላን ናሸቻን እልልያ ጋላሳ ግደና። 
\v 8 ሀእ ማታን ታን ታ ሀንቁዋ ህንተ ቦላ ጉሳና፤ ታ ይሉዋካ ህንተ ቦላን ዉርሳና። ታን ህንተ ኦሱዋዳን፥ ህንተ ቦላ ፕርዳና፤ ህንተ ቱና ሀኖታዳን፥ ህንተና ሙራና። 
\v 9 ታን ህንተዉ ቃረትከነ ህንተፐ እቱዋነ አሽከ። ህንተ ኢታ ኦሱዋ ድራዉካ ሙራና፤ ህንተ ግዱዋን ደእያ ኤቃ ጎይኑዋካ ቆንጭሳና። ያቶፐ ህንተ ህንተና ሾጬዳዌ ታና መና ጎዳ ግድያዋ ኤራና።
\p
\v 10 “ ‘ሄኮ ጋላሳይ! ሀዌሽ ጋኬዳ! ህንተ ባየይ ህንተ ፐንግያ ጋኬዳ! ህንተ ኢታተይ ኩኩሜዳ፤ ህንተ ኦቶሩካ ጪሼዳ። 
\v 11 ማካላ ጋሱዋን ኢታ ኦሱ ዳሬዳ፤ ኡንቱንቱፐ እቱነ አተና፤ ኡንቱንቱ ጮራተፐ፥ ዎይ ኡንቱንቱ ዱረተፐ፥ ዎይ ኡንቱንቱ ቦንቹዋፐ አይነ አተና። 
\v 12 ዎዲ ጋኬዳ፤ ጋላሳይካ ማታቴዳ! ሀንቁ አሳ ኡባ ቦላና ግድያ ድራዉ፥ ሻምያዌ ናሸቶፖ፤ ዎይ ዛልእያዌካ ካዮቶፖ። 
\v 13 ኡንቱንቱ ላኡ ፓጻ ደእያ ዎድያን፥ ዛልኤዳዌ ባረ ዛልኤዳዎ ጉየ ስመና። እራኤልያ አሳ ኡባ ቦላ ኦደቴዳ ሀ ሳጻይ ላመተና፤ ኡንቱንቱ ናጋራፐ ደንዴዳዋን ኡንቱንቱፐ እቱነ ባረ ሸምፑዋ አሸና። 
\v 14 ታ ሀንቁ አሳ ኡባ ቦላ ደእያ ድራዉ፥ ኡንቱንቱ ኦላዉ ኡልቱዋ ፑኒደ፥ ኡባባ ጊግሶፐካ፥ ኦንነ ኦላዉ ከሰና።
\s1 እስራኤልያ አሳ ናጋራ ጋሱዋን ይያ ሙሩዋ
\p
\v 15 “ ‘ካረና ኦላይ፥ ሶና ኢታ ሀርጊነ ኮሻይ ደኤ። ካታማፐ ጋጻን ደእያዌ ኦላን ሀይቃና፤ ካታማ ግዶን ደእያዋንቱ ኮሻንነ ኢታ ሀርግያን ዉራና። 
\v 16 ኡንቱንቱፐ አቴዳዋንቱ፥ ደምባ ጋድያፐ ያሻን ባቃቴዳ ሀራጰቱዋዳን ባረንቱ ናጋራ ጋሱዋን ደርያ ቦላን ኦላና። 
\v 17 ኩሽያ ኡባይ ዶንጭላና፤ ጉልባታይ ኡባይ ኮልድና ያሻን ሙሻና። 
\v 18 ኡንቱንቱ ማቃ ማያና፤ ቃይ ያሻን ኮኮራና። ኡንቱንቱ ኡባ ሶምኢካ ዬላ ማያና፤ ኡንቱንቱ ኡባ ሁጲካ ሜደታና። 
\v 19 ኡንቱንቱ ባረንቱ ብራ ኦግያን ኦላና፤ ኡንቱንቱ ዎርቃይካ ቱናባ ግዳናዋ። ኤጽያ መና ጎዳ ሀንቁዋ ጋላስ፥ ኡንቱንቱ ብራይነ ኡንቱንቱ ዎርቃይ ኡንቱንታ አሻናዉ ዳንዳየና። ኡንቱንቶ በ ግዲደ፥ ናጋራን ገልሴዳ ብራይነ ዎርቃይ ኡንቱንቱ ኡሉዋ ኩሚደ፥ ኡንቱንታ ኮሻፐ አሸና።
\p
\v 20 “ ‘ኡንቱንቱ ባረንቱ ሎኦ አሌቁዋን ኦቶረቴድኖ፤ ሄዋንታ ባረንቱ እጸቴዳ ቱና ኤቃነ ዬላይያ ምስልያ መናዉ ጎኤቴድኖ። ሄዋ ድራዉ፥ ታን ሄ ሎኦ አሌኤቁዋ ኡንቱንቶ ቱናባ ከሳድ። 
\v 21 ታን ኡንቱንቱ አሌቁዋ ኦሞዱዋ ኦደ፥ አላጋዉነ ቢታ ኡባን ደእያ ኢታቶ አደ እምና፥ ኡንቱንቱ አ ቱናባ ከሳና። 
\v 22 ሄ ዎደ ታን ታ ሶምኡዋ ዎራ ዛራና፤ ቃይ ታ ቦንቾ ጌሻ ጎልያ ፓንጋቱ ገሊደ ቱንሳና።
\p
\v 23 “ ‘ሱረ ፕርዳ ዩሳን፥ ቢታይ ኡባይ ሱን ኩሜዳ ድራዉነ ካታማይካ ማካላ ኦሱዋን ኩሜዳ ድራዉ፥ ሳንሳላታ ጊግሳ። 
\v 24 ኡንቱንቱ ጎለቱዋ ባረሳ ኦና ማላ፥ ታን ኡባፐ ኢታ ካዉተ አሀና። ዎልቃማቱዋ ኦቶሩዋካ ታን ይሳና፤ ኡንቱንቱ ጌሻ ሳአቱካ ቱናና። 
\v 25 ዳጋማይ ይያ ዎደ፥ ኡንቱንቱ ሳሩዋ ኮያና፤ ሽን ደምክኖ። 
\v 26 ባሻይ ባሻ ቦላ፥ ቃይ ኢታ ኦዱ ኢታ ኦዱዋ ቦላ ያና። ኡንቱንቱ ትምቢትያ ኦድያዋ፥ “ነ ሳፃ ኦዳ” ያጋና። ቄሳቶ ታማርስያ ትምርቲ ያና፤ ጭማቶካ ዞርያዌ ያና። 
\v 27 ካቲ ዬካና፤ ካፑ ህዶታ ቃንጻና፤ ሄ ቢታ አሳ ኩሺ ያሻን ኮኮራና። ታን ኡንቱንቶ ኡንቱንቱ ኦሱዋዳን ኦና፤ ኡንቱንቱ ፕርዳዳን፥ ኡንቱንቱ ቦላ ፕርዳና። ታን መና ጎዳ ግድያዋ ኡንቱንቱ ሄዋን ኤራና’ ያጌ” ያጊደ ዬዳ።
\c 8
\s1 ጌሻ ጎልያን ኤቃ ጎይና
\r (8:1—10:22)
\p
\v 1 ኑን ኦሞደቴዳ ኡሱፑን ላይን፥ ኡሱፑን አግናን፥ እቼሻን ጋላሳን፥ ታን ታ ሶን ኡት ደእሽን፥ ይሁዳ ጭማቱካ ታ ስንን ኡት ደእሽን፥ ኡባ ሞድያ መና ጎዳ ዎልቃይ ታና ሞዴዳ። 
\v 2 ታን ትሽ ኡዳደ ጼልያ ዎደ፥ አሳ ማላትያዋ በኣድ፤ አዉ ጼሳፐ ጋርሳ ባጋ ማላትያ ሳአይ ታማ ማላቴ፤ ቃይ ጼሳፐ ቦላ ባጋ ማላትያ ሳአይ ጶልያ ናስያ ብራታ ማላቴ።\x - \xo 8:2 \xo*\xt ህዝ. 1:27\xt*\x* 
\v 3 እ ኩሽያ ማላትያዋ ታኮ የዲደ፥ ታ ሁጲያ ብናና ኦይቄዳ። አያናይ ታና ሳኣፐነ ሳሉዋፐ ግዶ ፑደ ደንደ፥ ጾሳ ሳጻን ታና የሩሳላመ አፌዳ። ሁጲሳ ባጋና ጌሻ ጎልያ ግዶ ዳባባ ገልያ ፐንግያና ገልሲደ፥ ጾሳ ቃናትያ ደንያ ኤቃይ ኤቄዳዋ በሴዳ። 
\v 4 ካሰ ታን ካባራ ሻፋ ማታን ሳጻን በኤዳዋዳን፥ እስራኤልያ ጾሳ ቦንቹዋ ሄዋን በኣድ።\x - \xo 8:4 \xo*\xt ህዝ. 1:28\xt*\x*
\p
\v 5 ሄዋን እ ታዉ ሀዋዳን ያጌዳ፤ “ኔኖ አሳ ናአዉ፥ ሁጲሳ ባጋ ጼላ” ያጌዳ። ታን ጼልያ ዎደ፥ ጾሳ ቃናትያ ደንያ ኤቃ ምስልያ ስንን ደእያ ያርሽያ ሳ ማታን ደእያዋ በኣድ። 
\v 6 ቃይካ እ ታዉ ሀዋዳን ያጌዳ፤ “ኔኖ አሳ ናአዉ፥ ኡንቱንቱ ኦያዋ በአይ? ታና ታ ጌሻ ጎልያፐ ሃሳናዉ እስራኤልያ አሳይ ኦያ ዎልቃማ እጸትያ ኤቃ ጎይኑዋባ በአይ? ሄዋፐካ አያ ኢትያ ኤቃ ጾሳቱዋ ጎይና ኔን ብሮ በአና” ያጌዳ።
\p
\v 7 ሄዋፐ ጉይያን፥ ታና ጌሻ ጎልያ ዳባባ ፐንገ አሄዳ፤ ሄኮ ታን ጼልያ ዎደ፥ ጎዳን ጾኢ ደእያዋ በኣድ። 
\v 8 እ ታና፥ “ላ አሳ ናአዉ፥ ጎዳ ቦካ” ያጌዳ፤ ታን ቦክያ ዎደ፥ እት ፐንጊ ሄዋን ደእያዋ በኣድ። 
\v 9 ቃይ እ ታና፥ “ገላ፤ ኡንቱንቱ ሀዋን ኦያ ኢታነ ሸነይያ ኤቃ ጾሳቱዋ ጎይኑዋ በአ” ያጌዳ። 
\v 10 ታን ግዶ ገላደ ጼልያ ዎደ፥ ጎዳ ቦላን ዩይ አደ ቢታና ጎሸትያ መታቱ ምስሊ፥ ጌሻ ግደና ዶአቱዋ ምስሊ ኡባይነ እስራኤልያ አሳ ኤቃቱዋ ኡባ ምስሊ ኩሜዳዋ በኣድ። 
\v 11 ኡንቱንቱፐ ስን ባጋና እስራኤልያ አሳፐ ላፑን ታሙ ጭማቱ ኤቄድኖ፤ ቃይ ሻፋና ናኣ ያዛኒካ ኡንቱንቱ ግዶን ኤቄዳ። ኡባይካ እጻና ጩዋይያዋ ባረንቱ ኩሽያን ኦይቄድኖ፤ እጻና ጩዋይካ ቱሉ ጌ።
\p
\v 12 ቃይ እ ታና ሀዋዳን ያጌዳ፤ “ላ አሳ ናአዉ፥ ሀዋ እስራኤልያ አሳ ጭማቱ ኡባይካ ማን ባረንቱ ኤቃ ምስልያ ጎልያን ኡንቱንቱ ኦያዋ በአይ? አያዉ ጎፐ፥ ኡንቱንቱ፥ መና ጎዳይ ኑና በኤና፤ መና ጎዳይ ሀ ቢታ አጌዳ ያጊኖ” ያጌዳ። 
\v 13 ቃይካ እ ታና፥ “ሄዋፐካ አያ እጸቴዳ ኤቃ ጎይኑዋ ኔን ብሮ በአና” ያጌዳ።
\p
\v 14 ሄዋፐ ጉይያን፥ እ ታና ጌሻ ጎልያ ሁጲሳ ባጋ ፐንግያኮ አፍና፥ ሄዋን ታሙዛ ግያ ባረንቱ ጾሳዉ ኡቲደ ዬክያ ማጫ አሳቱዋ በኣድ። 
\v 15 እ ታና፥ “ኔኖ አሳ ናአዉ፥ ሀዋ በአይ? ሄዋፐ አያ እጸቴዳ ኤቃ ጎይና ኔን ብሮ በአና” ያጌዳ።
\p
\v 16 ሄዋፐ ጉይያን፥ እ ታና መና ጎዳ ጎልያ ግዶ ዳባባ አፌዳ፤ ሄዋን ጌሻ ጎልያ ፐንገን ባራንዳፐነ ያርሽያ ሳፐ ግዱዋን ላታማነ እቼሹ አቱማ አሳ ግድያዋ በኣድ። ኡንቱንቱ ባረንቱ ዞክያ መና ጎዳ ጌሻ ጎልያኮ፥ ባረንቱ ሶምኡዋ አዋይ ዶልያ ባጋ ዛሪደ፥ አዋይ ዶልያ ባጋና አዋዉ ጎይኒኖ።
\p
\v 17 እ ታና ሀዋዳን ያጌዳ፤ “ኔኖ አሳ ናአዉ፥ ሀዋ በኣድ? ይሁዳ አሳዉ ሀ እጸቴዳ ኤቃ ጎይኑዋ ሀዋን ኦያዌ ኡባይ ላፋባ ግዴዴ? ኡንቱንቱ ቢታ ማካላ ኦሱዋን ኩንደ፥ ዛር ዛሪደ ታና ሀንቀትሳናዉ በሲ? በአ፥ ኡንቱንቱ ባረንቱ ዳንዳዬዳ ኬናን ታና ኢሲደ ጫሺኖ። 
\v 18 ሄዋ ድራዉ፥ ታን ኡንቱንቱና ሀንቁዋን ጋከታና። ታን ኡንቱንቶ ቃረትከነ ኡንቱንቱፐ እቱዋነ አሽከ። ኡንቱንቱ ባረንቱ ኮሻ ቁ ኦደ፥ ታ ሀይን ዋስናካ፥ ታን ኡንቱንቶ ስስከ” ያጌዳ።
\c 9
\s1 ኤቃዉ ጎይንያዋንታ ዎድኖ
\p
\v 1 ሄዋፐ ጉይያን፥ ቃ ኮሻን፥ ታን ስስሽን፥ “ሀዋንቱ፥ ካታማቶ ሙራናዉ ኪተቴዳዋንቱ፥ ኡባይካ ባረንቱ ዎያ ኦላ ሚሻ ባረንቱ ኩሽያን ኩሽያን ኦይቂደ፥ ሃ ዪኖ” ያጌዳ። 
\v 2 ሄዋፐ፥ ሁጲሳ ጼልያ ቆሞ ባጋ ፐንግያና ዎያ ኦላ ሚሻ ኦይቂደ፥ ይያ ኡሱፑን አሳቱዋ በኣድ። ኡንቱንቱና እትፐ ሊኑዋፐ ዳደቴዳ ማዩዋ ማዪደ፥ ባረ ምይያን ጻፍያዋ ኮሮጁዋን ኦይቄዳ እት ብታኒ ደኤ። ኡንቱንቱ ግዶ ገሊደ፥ ናሃስያፐ ኦሰቴዳ ያርሽያ ሳ ማታን ኤቄድኖ።
\p
\v 3 እስራኤልያ ጾሳ ቦንቹ ካሰ ባረ ደእያ ክሩበቱዋፐ ደንዲደ፥ ጌሻ ጎልያ ፐንግያ ጉባንያኮ ቢደ ኤቄዳ። ሄዋን መና ጎዳይ ላይኑዋ ማዪደ፥ ባረ ምይያን ጻፍያዋ ኮሩጁዋን ኦይቄዳ ብታንያ ጼሴዳ። 
\v 4 አ ሀዋዳን ያጌዳ፤ “የሩሳላመ ካታማ ግዱዋ ባደ፥ ያን ኦሰትያ እጸቴዳ ኤቃ ጎይኑዋ ድራዉ፥ ኦሊድነ ካዮቲደ ደእያ አሳ ሶምኡዋን ማላ ዎ” ያጌዳ።\x - \xo 9:4 \xo*\xt ሳፃ 7:3፤ 9:4፤ 14:1\xt*\x*
\p
\v 5 ታን ስስሽን፥ እ ሀራቱዋካ ሀዋዳን ያጌዳ፤ “አ ጌዶ ካሊደ፥ ካታማ ግዱዋ አደ ዎተ! እቱዋነ አሾፕተ፤ ኦስነ ቃረቶፕተ። 
\v 6 ጭማቱዋ፥ ዎዳላቱዋነ ዎዶሮቱዋ፥ ማጫ አሳቱዋነ ናናቱዋ ኡባካ ሹክተ፤ ሽን ሶምኡዋን ማላይ ደእያ አሳ ኦናነ ቦቾፕተ። ዎዋ ታ ጌሻ ጎልያን ዶምተ” ያጌዳ። ኡንቱንታ ዎዋ ጌሻ ጎልያ ስንን ኤቄዳ ጭማቱዋን ዶሜድኖ። 
\v 7 ሄዋፐ ጉይያን፥ እ ኡንቱንታ ሀዋዳን ያጌዳ፤ “ጌሻ ጎልያ ቱንስተ፤ ዳባባቱዋካ አሃን ኩንተ፤ ከስተ” ያጌዳ። ኡንቱንቱ ከሲደ፥ ካታማ ግዶን ኡባን ዎዋ ዶሜድኖ።
\p
\v 8 ኡንቱንቱ ዎ ደእሽን፥ ታን ታረካ አታደ፥ ታ ሶምኡዋ ቢታ ጋ ጉፋናደ፥ ታ ቃላ ቁ ኦደ፥ “አቤት ኡባ ሞድያ መና ጎዳዉ፥ ሀ ኔን የሩሳላመ ቦላን ጉስያ ነ ሀንቁዋን፥ እስራኤልያፐ አቴዳ ሙልያካ ዉርሳየ?” ያጋድ።
\p
\v 9 እ ዛሪደ፥ ታዉ ሀዋዳን ያጌዳ፤ “እስራኤልያነ ይሁዳ ናጋራይ ሎይ ዳሬዳ፤ ቢታ ኡባይ ሱን ኩሜዳ፤ ቃይ ካታማ ኡባን ሱረ ፕርዳይ ባዋ። አያዉ ጎፐ፥ ‘አሳይ፥ መና ጎዳይ ሀ ቢታ አጌዳ፤ መና ጎዳይ በኤና’ ያጊኖ። 
\v 10 ሄዋ ድራዉ፥ ታን ኡንቱንቶ ቃረትከነ ኡንቱንቱፐ እቱዋነ አሽከ። ታን ኡንቱንቶ ኡንቱንቱ ኦግያዳ ኦና” ያጌዳ።
\p
\v 11 ሄዋፐ ጉይያን፥ ላይኑዋ ማዪደ፥ ባረ ምይያን ጻፍያዋ ኮሮጁዋን ኦይቄዳ ብታኒ ጉየ ስሚደ፥ “ኔን ታና አዛዜዳዋዳን ኦድ” ያጌዳ።
\c 10
\s1 ጾሳ ቦንቹ ጌሻ ጎልያፐ ሻከቴዳ
\p
\v 1 ታን ጼልያ ዎደ ሳምፔርያ ግያ እንቁዋፐ ኦሰቴዳ ካዉተ አራታ ማላትያ ክሩበቱዋ ሁጲያፐ ቦላ ባጋና ደእያ ምጨቴዳ ሳሉዋ ጉፋንዋ ማላትያዋን ደእያዋ በኣድ።\x - \xo 10:1 \xo*\xt ህዝ. 1:26፤ ሳፃ 4:2\xt*\x* 
\v 2 ሊኑዋ ማዬዳ ብታንያ መና ጎዳይ ሀዋዳን ያጌዳ፤ “ክሩበቱዋፐ ጋርሳ ባጋና ይንግርያዋን ግዱዋና አ ባ፤ ሄዋፐ ጺጹን ቦንቁዋ ነ ኩሽያን ኮጰታ አካደ፥ ካታማ ቦላ ላላ” ያጌዳ።\x - \xo 10:2 \xo*\xt ሳፃ 8:5\xt*\x*
\p ታን ጼልሽን፥ ታማ አካናዉ ገሌዳ። 
\v 3 ብታኒ ገልያ ዎደ፥ ክሩበቱ ጌሻ ጎልያፐ ገድሳ ባጋና ኤቄድኖ፤ ግዶ ዳባባካ ሻሪ ኩሜዳ። 
\v 4 መና ጎዳ ቦንቹ ክሩበቱዋ ቦላፐ ደንዲደ፥ ጌሻ ጎልያ ፐንግያ ጉባንያኮ ቢደ ኤቄዳ። ሻሪ ጌሻ ጎልያ ኩሜዳ፤ ዳባባይካ መና ጎዳ ቦንቹዋ ጶለን ኩሜዳ። 
\v 5 ክሩበቱዋ ቀፍያ ጊረይ ኡባ ሞድያ ጾሳይ ሃሳዮደ ስሰትያ ኮሻዳን፥ ካረ ዳባባን ስሰቴ።
\p
\v 6 ሊኑዋ ማዬዳ ብታንያ መና ጎዳይ፥ “ክሩበቱዋ ጋርሳ ባጋ ይንግርያዋ ግዶፐ ታማ አካ” ያጊደ አዛዝና፥ እ ገሊደ እት ይንግረትያዋ ምይያን ኤቄዳ። 
\v 7 ክሩበቱዋፐ እቱ ባረንቱ ግዶን ደእያ ታማኮ ባረ ኩሽያ የዲደ፥ አፐ ጉ አኪደ፥ ላይኑዋ ማዬዳ ብታንያ ኩሽያን ዎና፥ እካ አኪደ ከሴዳ። 
\v 8 ክሩበቱዋ ቀፍያፐ ጋርሳ ባጋና አሳ ኩሽያ ማላትያዌ ደኤ።
\p
\v 9 ታን ጼልያ ዎደ፥ ክሩበቱዋ ምየ ባጋ ኦይዱ ይንግሮቱ ደኢኖ፤ እት ክሩብያ ምይያን እት እት ይንግሪ ደእያዋ በኣድ፤ ሄ ይንግረቱ እንቁዋዳን ጶሊኖ። 
\v 10 ኡንቱንቱ ኦይዱካ እቱ እቱዋ ማላቲኖ፤ እት እርዙ ላኡ እርዙዋ ግዲደ መቴዳ፤ እቱ እቱዋ ግዱዋና ካን ኡቴዳ።\x - \xo 10:10 \xo*\xt ህዝ. 1:15-21\xt*\x* 
\v 11 ክሩበቱ ብያ ዎደ፥ ኦይዱ ባጋዉካ ያነ ሃነ ስመናን ቢኖ፤ እት ይንግረይ ቤዳ ጌዱዋ የንኮ ይንግረትያዋንቱ ያነ ሃነ ስመናን ኦይዱዋፐ እቱዋ ሁጲ ስሞ ሳኣ ስት ጊደ ቢኖ። 
\v 12 ኡንቱንቱ ኩመን ቦላን፥ ሄዌነ ኡንቱንቱ ዞኩዋን፥ ኡንቱንቱ ኩሽያን፥ ኡንቱንቱ ቀፍያንነ ኡንቱንቱ ኦይዱ ይንግረትያዋንቱን አይፊ ኩሜዳ።\x - \xo 10:12 \xo*\xt ሳፃ 4:8\xt*\x* 
\v 13 ታን ስስሽን፥ ይንግረትያዋንቱ ኤሌልያ ይንግረትያዋንታ ጌተት ጼሰቴድኖ። 
\v 14 እት እት ክሩብያዉ ኦይዱ ሶምኢ ደኤ። እት ሶምኢ ክሩብያ ሶምኡዋ፥ ላኤን አሳ ሶምኡዋ፥ ሄዘን ጋሙዋ ሶምኡዋነ፥ ኦይደን አርጋን ሶምኡዋ።\x - \xo 10:14 \xo*\xt ህዝ. 1:10፤ ሳፃ 4:7\xt*\x*
\p
\v 15 ሄዋፐ ጉይያን፥ ክሩበቱ ፑደ ደንዴድኖ። ሀዋንቱ ታን ካባራ ሻፋ ማታን በኤዳ ፓጻ ደእያ መታቱዋ። 
\v 16 ቃይ ክሩበቱ ብያ ዎደ፥ ኡንቱንቱ ምየ ባጋን ደእያ እርዞቱካ ቡሉሊኖ፤ ቃይ ክሩበቱ ቢታፐ ፑደ ደንዳናዉ ባረንቱ ቀፍያ ምጭያ ዎደካ ይንግረትያዋንቱ ኡንቱንቱ ምይያፐ ሻከትክኖ። 
\v 17 ኡንቱንቱ ኤቂያ ዎደ፥ ይንግረቱካ ኤቂኖ፤ ቃይ ኡንቱንቱ ቢታፐ ፑደ ደንድያ ዎደ፥ ኡንቱንቱካ ደንዲኖ። ሄዌካ ፓጻ ደእያ መታቱ አያናቱ ኡንቱንቱን ደእያ ድራሳ።
\p
\v 18 ሄዋፐ ጉይያን፥ መና ጎዳ ቦንቹ ጌሻ ጎልያ ፐንግያፐ ደንዲደ፥ ክሩበቱዋፐ ቦላ ባጋን ኤቄዳ። 
\v 19 ታን ጼልሽን፥ ክሩበቱ ባረንቱ ቀፍያ ምጪደ፥ ይንግረትያዋናካ እትፐ ቢታፐ ፑደ ደንዴድኖ። ኡንቱንቱ መና ጎዳ ጎልያ አዋይ ዶልያ ባጋን ደእያ ድርሳ ፐንግያና ኤቄድኖ፤ እስራኤልያ ጾሳ ቦንቹካ ኡንቱንቱፐ ቦላ ባጋና ደኤ።
\p
\v 20 ሀዋንቱ ካባራ ሻፋን ታን እስራኤልያ ጾሳፐ ጋርሳ ባጋና በኤዳ ፓጻ መታቱዋ፤ ቃይ ኡንቱንቱ ክሩበቱዋ ግድያዋ ታን ኤራድ። 
\v 21 ኡንቱንቶ ኡባዉካ ኦይዱ ኦይዱ ሶምኦቱነ፥ ኦይዱ ኦይዱ ቀፈቱ ደኢኖ፤ ኡንቱንቱ ቀፈቱዋፐ ጋርሳ ባጋና አሳ ኩሸቱዋ ማላትያዌ ደኤ። 
\v 22 ኡንቱንቱ ሶምኦቱ ካባራ ሻፋ ማታን ታን በኤዳ ሶምኦቱዋ ማላቲኖ። ኡንቱንቱ ኡባይካ ስት ጊደ፥ ስንዉ ቢኖ።
\c 11
\s1 የሩሳላመ ቦላ ጋኬዳ ፕርዳ
\p
\v 1 ሄዋፐ ጉይያን፥ አያናይ ታና ደንደ፥ አዋይ ዶልያ ባጋ ጼልያ መና ጎዳ ጎልያ ድርሳ ፐንገ አፌዳ። ሄዋን ሄ ፐንግያ ገልያሳን ላታማነ እቼሹ አቱማ አሳይ ደኤ፤ ኡንቱንቱ ግዶን አሳ ካለያ አዙራ ናኣ አዛንያነ ባናያ ናኣ ፓላጽያ በኣድ። 
\v 2 መና ጎዳይ ታና ሀዋዳን ያጌዳ፤ “ላ አሳ ናአዉ፥ ሀ አቱማ አሳቱ ሀ ካታማን ኢታ ሀልቹዋ ሀልችያዋንታነ ኢታ ዞርያ ዞርያዋንታ። 
\v 3 ኡንቱንቱ ሀዋዳን ያጊኖ፤ ‘ኑን ጎልያ ዛረ ኬጻና ዎዲ ሀአ ግደና። ሀ ካታማይ አሹዋ ጻሩዋ፤ ቃይ ኑን አሾ’ ያጊኖ። 
\v 4 ሄዋ ድራዉ፥ አሳ ናአዉ፥ ትምቢትያ ኦዳ! ኡንቱንቱ ቦላ ትምቢትያ ኦዳ!” ያጌዳ።
\p
\v 5 ሄዋፐ ጉይያን፥ መና ጎዳ አያናይ ታ ቦላ ዎደ፥ ታና ሀዋዳን ያጌዳ፤ “ኡንቱንታ ያጋ፤ መና ጎዳይ ሀዋዳን ያጌ፤ ‘እስራኤልያ አሳዉ፥ ህንተ ሄዋዳን ጊታ፤ ታን ህንተ አያ ቆፕንቶ ኤራይ። 
\v 6 ሀ ካታማን ህንተ ዳሮ አሳ ዎደ፥ ኦግያ ኡባን አሃ ኩንድታ ያጌ።
\p
\v 7 “ ‘ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ህንተ ዎደ ሄዋን ኦሌዳ አሃይ አሹዋ፤ ቃይ ሀ ካታማይካ አሹዋ ዶይስያ ጻሩዋ፤ ሽን ታን ህንተና ሀ ካታማፐ የደርሳደ ከሳና። 
\v 8 ህንተ ኦላዉ ያዬድታ፤ ታን ሄ ህንተ ያዬዳ ኦላ ህንተ ቦላ አሀና። ኡባ ሞድያ መና ጎዳይ ሀዋ ኦዳይ። 
\v 9 ታን ህንተና ሀ ካታማፐ ከሳደ፥ አላጋቱዋ ኩሽያን አ እማና፤ ታን ህንተ ቦላ ፕርዳና። 
\v 10 ህንተ ኦላን ዉራና፤ ታን ህንተና ህንተ ቢታን ፕርዳና። መና ጎዳ ግድያዋ ህንተ ሄዋን ኤራና። 
\v 11 ሀ ካታማይ ህንተዉ አሹዋ ጻሩዋ ግደና፤ ህንተካ አ ግዶን አሹዋ ግድክታ። ህንተ ቦላ እስራኤልያ ቢታን ፕርዳና። 
\v 12 መና ጎዳ ግድያዋ ህንተ ሄዋን ኤራና። አያዉ ጎፐ፥ ህንተ ታ አዛዙዋ ካለናን እጼድታ፤ ታ ዎጋካ ናገናን እጺደ፥ ህንተ ዩሹዋን ደእያ ካዉተቱዋ ዎጋዳን ደኤድታ” ያጌ’ ያጋ” ያጌዳ።
\p
\v 13 ታን ትምቢትያ ኦድሽን፥ ባናያ ናኣ ፓላጼ ሀይቄዳ፤ ታን ዱገ ጉፋናደ፥ ታ ቃላ ቁ ኦደ፥ ሀዋዳን ያጋደ ዋሳድ፤ “አቤት ኡባ ሞድያ መና ጎዳዉ፥ እስራኤልያፐ አቴዳዋንታ ኡባና ዉርሳና ሀናይዬ?” ያጋድ።
\s1 ጾሳይ ኦሞዱዋን ደእያዋንቶ እሜዳ ህዶታ
\p
\v 14 ሄዋፐ ጉይያን መና ጎዳ ቃላይ ታኮ ሀዋዳን ያጊደ ዬዳ፤ 
\v 15 “ላ አሳ ናአዉ፥ የሩሳላመን ደእያ እስራኤልያ አሳይ ነ እሻቱዋባነ ነ ዳቦቱዋባ፥ ኦሞዱዋን ደእያ እስራኤላቱዋባ ‘ኡንቱንቱ መና ጎዳፐ ሃኬድኖ፤ ሀ ቢታይካ ኑዉ ላታ ግዲደ እመቴዳ’ ያጊደ ሃሳዪኖ።
\p
\v 16 “ሄዋ ድራዉ፥ ኔን ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ኡንቱንታ ሃኮ ካዉተቱዋ ግዶ የዶፐካ፥ ቃይ ቢታቱዋን ላሎፐካ፥ ቤዳ ቢታቱዋን ጉ ዎድያዉ ታን ኡንቱንቱና ግዳና” ያጌ’ ያጋ።
\p
\v 17 “ሄዋ ድራዉ፥ ኔን ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ታን ህንተና ካዉተቱዋፐነ ህንተ ላለቴዳ ቢታቱዋፐ ሺሻና፤ ቃይ እስራኤልያ ቢታ ታን ዛራደ ህንተዉ እማና” ያጌ’ ያጋ።
\p
\v 18 “ኡንቱንቱ ጉየ ስሚደ ዪደ፥ ሸነይያ ምስልያነ ቱና ኤቃ ቢታፐ ይሳና። 
\v 19 ታንካ ኡንቱንቶ እት ዎዛና እማና፤ ቃይ ኦራ አያናካ ኡንቱንቱ ግዶን ዎና። ኡንቱንቱፐ ሹቻ ዎዛና ድጋደ፥ አሹዋ ዎዛና ኡንቱንቶ እማና።\x - \xo 11:19-20 \xo*\xt ህዝ. 36:26-28\xt*\x* 
\v 20 ሄ ዎድያን ኡንቱንቱ ታ ህግያ ካላና፤ ታ አዛዙዋካ ናጋና። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና። 
\v 21 ሽን ሄ ሸነይያ ምስልያዉነ ቱና ኤቃዉ ጎይናናዉ ዶሴዳዋንታ ግዶፐ፥ ታን ኡንቱንቱ ኦሱዋዳን ኡንቱንቶ ኦና። ታን ኡባ ሞድያ መና ጎዳይ ሀዋ ኦዳይ” ያጊደ ዬዳ።
\s1 ጾሳ ቦንቹ የሩሳላመፐ ሻከቴዳ
\p
\v 22 ሄዋፐ ጉይያን፥ ኡንቱንቱ ምይያን ይንግረትያዋንቱ ደእያ ክሩበቱ፥ ባረንቱ ቀፍያ ምጬድኖ፤ እስራኤልያ ጾሳ ቦንቹካ ኡንቱንቱፐ ቦላና ደኤ።\x - \xo 11:22-23 \xo*\xt ህዝ. 43:2-5\xt*\x* 
\v 23 መና ጎዳ ቦንቹ ካታማ ግዶፐ ደንዲደ፥ አዋይ ዶልያ ባጋ ደርያ ቦላ ኤቄዳ። 
\v 24 ጾሳ አያናይ ታዉ እሜዳ ሳጻን አያናይ ታና ቢታፐ ፑደ ደንደ፥ ባብሎነን ኦሞደቴዳዋንቱኮ አፌዳ። ሄዋፐ ጉይያን፥ ሳጻይ ታፐ ሻከቴዳ። 
\v 25 ታንካ መና ጎዳይ ታና በሴዳዋ ኡባ ኦሞዱዋን ደእያዋንቶ ኦዳድ።
\c 12
\s1 ህዝቄል አሳይ ኦሞደቲደ ብያዋ ማላታ በሴዳ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ኔን ማካላንቻ አሳ ግዶን ደኣሳ። ኡንቱንቱ ማካላንቻ አሳ ግድያ ድራዉ፥ ኡንቱንቶ አይፊ ደኤ፥ ሽን ደምክኖ፤ ኡንቱንቶ ሀይይ ደኤ፥ ሽን ስስክኖ።\x - \xo 12:2 \xo*\xt ኢሳ. 6:9-10፤ ኤር. 5:21፤ ማር. 8:18\xt*\x* 
\v 3 ሄዋ ድራዉ፥ አሳ ናአዉ፥ ኦሞዱዋን ብያ አሳዳን፥ ኔን አፋናዉ ዳንዳይያዋ ኡባ ሺሻ ቃቻደ፥ ጋላስ ኡንቱንቱ ጼልሽን ከሳደ፥ ነ ደኢያሳፐ ሀራ ሳኣ ባ። ኡንቱንቱ ማካላንቻ አሳ ግዶፐነ፥ ኦን ኤሪ፥ ኡንቱንቱ አኬካና። 
\v 4 ጋላስ ኡንቱንቱ ጼልሽን፥ ኦሞዱዋ ብያ አሳዳን፥ ኔን ቃቼዳዋ ካረ ከሳ፤ ቃይ ኦማርስ ኡንቱንቱ ጼልሽን፥ ኦሞዱዋ ብያ አሳዳን ከሳ። 
\v 5 ኡንቱንቱ ጼልሽን፥ ነ ጎልያ ጎዳ መንደ፤ ሄ መኦ ሳኣና ሙሉደ ከሳ። 
\v 6 ኔን ከሴዳ ሚሻ ኡንቱንቱ ጼልሽን፥ ነ ሀሽያን ቶካደ፥ ለምእ ለምእሽን ከሳ። ቢታ በኤናዳን፥ ነ ሶምኡዋ ካማ። ሀ ኔን ሀንያዌ እስራኤልያ አሳዉ ማላታ ግዳናዳን፥ ታን ኦድ” ያጌዳ።
\p
\v 7 ታንካ እ ታና አዛዜዳዋዳን ኦድ። ኦሞዶ ብያ አሳዳን፥ ጋላስ ታን ቃቼዳዋ ካረ ከሳድ። ኦማርሳን ቃይ ታ ጎልያ ጎዳ ታ ኩሽያን መንደ ከሳድ፤ ታን ከሴዳ ሚሻ ኡንቱንቱ ጼልሽን፥ ታ ሀሽያን ቶካደ፥ ለምእ ለምእሽና ባድ።
\p
\v 8 ዎንተ መና ጎዳ ቃላይ ታኮ ሀዋዳን ያጊደ ዬዳ፤ 
\v 9 “ላ አሳ ናአዉ፥ ሄ ማካላንቻ ዛራቱ፥ እስራኤልያ አሳቱ ኔና፥ ‘ኔን ኦያዌ አዬ?’ ጊደ ኦቼድኖ ግድክኖ? 
\v 10 ኔን ኡንቱንታ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ሀ ትምቢቲ የሩሳላመን ካፑዋባነ እስራኤልያ አሳ ኩመንባ” ያጋ’ ያጌ። 
\v 11 ኔን ኡንቱንታ፥ ‘ታን ህንተዉ ማላታ። ታን ኦዳዋዳን፥ ኡንቱንቱ ቦላ ሀናና፤ ኡንቱንቱ ኦሞደቲደ፥ ሀራ ቢታ ባና’ ያጋ።
\p
\v 12 “ኡንቱንቱ ግዶን ደእያ ካፑ ጎዳ ሉክ ከሲደ፥ ባረ ሚሻ ባረ ሀሽያን ቶኪደ፥ ለምእ ለምእሽና ባና፤ እ ቢታ በኤናዳን፥ ባረ ሶምኡዋ ካማና። 
\v 13 ታን ግትያ አ ስንን የጋና ታ ጲርያንካ ኦይቃና። ታን አ ባብሎነ ካታማ አሀና፤ ሽን እ ካላዳዌቱዋ ቢታ ባብሎነ ካታማ በኤናን ሀይቃና።\x - \xo 12:13 \xo*\xt 2 ካታ. 25:7፤ ኤር. 52:11\xt*\x* 
\v 14 አ ዩሹዋን ደእያ አ ማድያዋንታነ አ ኦላንቻቱዋ ኡባ ታን ኡባ ሳኣ ፕስክ ኦና፤ ታን ኡንቱንታ ማሻን የደርሳና።
\p
\v 15 “ኡንቱንታ ታን ሀራ ቢታቱነ ካዉተቱዋ ግዶ ላልያ ዎደ፥ ታን መና ጎዳ ግድያዋ ኡንቱንቱ ኤራና። 
\v 16 ኡንቱንቱ ባረንቱ ብያ ካዉተቱዋ ግዶን ባረንቱ ቱና ኦሱዋ ፓጻና ማላ፥ ታን ኡንቱንቱፐ አማሬዳዋንታ ኦላፐ፥ ኮሻፐነ ኢታ ሀርግያፐ ከስ አካናዳን ኦና። ሄ ዎደ ታን መና ጎዳ ግድያዋ ኡንቱንቱ ሄዋን ኤራና” ያጊደ ዬዳ።
\s1 ያሻ ኮኮርያ ትምቢትያ ኦድያዋ ማላታ
\p
\v 17 መና ጎዳ ቃላይ ታኮ ሀዋዳን ያጊደ ዬዳ፤ 
\v 18 “ላ አሳ ናአዉ፥ ነ ኡክ ዳጋማን ማ፤ ቃይ ነ ሃካ ያሻን ኮኮራደ ኡሻ። 
\v 19 ቢታን ደእያ አሳዉ ሀዋዳን ያጋ፤ ‘ኡባ ሞድያ መና ጎዳይ እስራኤልያ ቢታን ደእያ የሩሳላመ አሳባ ሀዋዳን ያጌ፤ “ኡንቱንቱ ባረንቱ ኡክ ህርጋን ማና፤ ባረንቱ ሃካ ሻቢርሳን ኡሻና። አያዉ ጎፐ፥ ያን አሳይ ኡባይ ገናንቻነ ማካላንቻ ግዴዳ ድራዉ፥ ኡንቱንቱ ቢታይ ኦና ግዳናዋ። 
\v 20 ሀእ አሳይ ኩሜዳ ካታማቱ ያና፤ ቃይ ቢታይካ ኦና ግዳናዋ። ሄ ዎደ ታን መና ጎዳ ግድያዋ ህንተ ሄዋን ኤራና” ያጌ’ ያጋ” ያጊደ ዬዳ።
\s1 አሳ ሌምሶ ጾሳይ እሜዳ ዛሩዋ
\p
\v 21 መና ጎዳ ቃላይ ታኮ ሀዋዳን ያጊደ ዬዳ፤ 
\v 22 “ላ አሳ ናአዉ፥ እስራኤልያ ቢታባዉ፥ ‘ጋላሳይ አዳ፤ ሳጻይ ኡባይካ መላ ግዴዳ’ ያጊደ ህንተንቱ ሌምስያዌ እ አዬ? 
\v 23 ሄዋ ድራዉ፥ ኡንቱንቶ ኔን፥ ‘ኡባ ሞድያ መና ጎዳይ ሀዋዳን ያጌ፤ “ታን ሀ ሌምሱ ላኤን ሀሳየተናዳን ኦና፤ ኡንቱንቱ ዛረደ፥ ሄዋ እስራኤልያ ቢታን ሌምስክኖ” ያጌ’ ያጋ። ቃይ ኡንቱንቶ፥ ‘ጋላሳይ ማታቴዳ፤ ሳጻይ ኡባይካ ፖለታና ሀኔ’ ያጋ። 
\v 24 ሀዋፐ ስንዉ እስራኤልያ አሳ ግዶን ዎርዱዋ ሳጻይነ ሙሩኑ ኡባይ ደኤና። 
\v 25 ታን መና ጎዳይ፥ ኦዳና ኮዮዋ ኦዳይ፤ ሄዌካ ጋምኤናን ፖለታና። ህንተኖ፥ ማካላንቻ አሳቶ፥ ታን ኦድያባ ኡባ ህንተ ላይን ታን ፖላና። ታን ኡባ ሞድያ መና ጎዳይ ሀዋ ኦዳይ” ያጊደ ዬዳ።
\p
\v 26 ቃይካ መና ጎዳ ቃላይ ታኮ ሀዋዳን ያጊደ ዬዳ፤ 
\v 27 “ላ አሳ ናአዉ፥ እስራኤልያ አሳይ ሀዋዳን ያጌ፤ ‘እ በኤዳ ሳጻይ ስንናዉ ዳሮ ላይሳ፤ ቃይ እ አዱሳ ዎድያን ሀናናዋ ኦዴ’ ያጌ። 
\v 28 ሄዋ ድራዉ፥ ኔን ኡንቱንቶ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ታን ኦድያ ቃላይ ፖለታናፐ አትና፥ እቱካ ጋምኤና። ታን ኡባ ሞድያ መና ጎዳይ ሀዋ ኦዳይ” ያጌ’ ያጋ” ያጊደ ዬዳ።
\c 13
\s1 ዎርዶ ትምቢትያ ኦድያ አቱማ አሳቶ ኦደቴዳ ትምቢትያ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ እስራኤልያን ሀእ ትምቢትያ ኦድያዋንቱ ቦላ ትምቢትያ ኦዳ። ባረንቱ ቆፋፐ ደንዲደ፥ ትምቢትያ ኦድያዋንታ ሀዋዳን ያጋ፤ ‘መና ጎዳ ቃላ ስስተ! 
\v 3 ኡባ ሞድያ መና ጎዳይ ሀዋዳን ያጌ፤ አያነ በኤናን ጮ ባረንቶ ደንድያ ቦዛ ትምቢትያ ኦድያዋንቶ አየ አና! 
\v 4 እስራኤልያ አሳዉ፥ ህንተ ትምቢትያ ኦድያዋንቱ ኮለቴዳ ካታማ ግዶን ደእያ ዎራካናቱዋ ማላ። 
\v 5 መና ጎዳ ጋላስ ድርሳይ ኦላን ምን ኤቃናዳን፥ እስራኤልያ አሳይ ድርሳ ግምቢያ ዛር ግምቢ ምንሳናዉ፥ ግምቢ ኮለቴዳሳ ፑደ ብበይክኖ። 
\v 6 ኡንቱንቱ ሳጻይ ዎርዱዋ፥ ቃይ ኡንቱንቱ ሙሩኑካ ዎርዱዋ። ኡንቱንቱ መና ጎዳይ ኪተናን፥ መና ጎዳይ ሀዋዳን ያጌ ያጊኖ። ያቲደ ኡንቱንቱ ኦዴዳዋ ጾሳይ ፖላና ያጊደ ናጊኖ። 
\v 7 ታን ኦደናን ደእሺና፥ መና ጎዳይ ሀዋዳን ያጌ ያጊደ ኦድያ ህንተ ዎርዱዋ ሳጻነ ዎርዱዋ ሙሩኑዋ በእበይክቴ?’ ” ያጌ።
\p
\v 8 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ህንተ ዎርዶባ ሃሳዬዳ ድራዉነ ህንተ በኤዳ ሳጻይ ዎርዶ ግዶ ድራዉ፥ ኡባ ሞድያ መና ጎዳይ ህንተዉ ሞርከ። 
\v 9 ታ ኩሺ፥ ዎርዶ ሳፃ በኢደ፥ ዎርዱዋ ሙሩንያዋንቱ ቦላ ፕርዳናዉ ደንዴዳ። ኡንቱንቱ ታ አሳ ዞርያ ግዶን ቆፋ ቃቻናዉ ገልክኖ፥ ዎይ እስራኤልያ አሳይ ጻፈቴዳ ማዝጎብያን ጻፈትክኖ፥ ዎይ ኡንቱንቱ እስራኤልያ ቢታካ ገልክኖ። ሄ ዎደ ታን ኡባ ሞድያ መና ጎዳ ግድያዋ ህንተ ሄዋን ኤራና።
\p
\v 10 “ሳሩ ባይናን ደእሺና፥ ኡንቱንቱ ታ አሳ፥ ‘ሳአይ ሳራ!’ ያጊደ ዎራ ካለድኖ። ቃይ አሳይ ሹቻ ጮ ኬሊደ ድርና፥ ኡንቱንቱ ቦሹንቻ ኦኪኖ።\x - \xo 13:10 \xo*\xt ኤር. 6:14፤ 8:11\xt*\x* 
\v 11 ሄዋ ድራዉ፥ ሄ ቦሹንቻ ኦክያዋንታ፥ ‘ሄ ህንተ ኦኬዳ ግምቢ ኩንዳና! ዎልቃማ እራይ ቡካና፤ ቃይ ታን ጾሳይ ኦርዶ ሻቻ ዱገ የጋና፤ ኢታ ጎቲካ ደንዳና’ ያጊደ ኦድተ። 
\v 12 ሄ ግምቢ ኩንዴዳ ዎደ፥ አሳይ ህንተና፥ ህንተ አ ኦኬዳ ቦሹንቻይ አነ?” ጊደ ኦቼናን አጋኔ? ያጌ።
\p
\v 13 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ታን ታ ሀንቁዋን ኢታ ጎትያ የዳና፤ ቃይ ግምቢያ ድርሳ ኮላናዉ ታ ይሉዋን ኦርዶ ሻቻነ ዎልቃማ እራ ሱልያ ሀንቁዋና ኪታና። 
\v 14 ህንተ ቦሹንቻ ኦኬዳ ግምቢያ ታን መንሬና፥ ቢታን ላላናነ ባሱዋ መላ አሻና። እ ኩንድያ ዎደ ህንተ አ ግዶን ሀይቃና። ሄ ዎደ ታን መና ጎዳ ግድያዋ ህንተ ሄዋን ኤራና። 
\v 15 ሄዋዳን ሀኒደ፥ ታ ሀንቁ ግምቢያ ቦላነ ግምቢያ ቦሹንቻ ኦኬዳ አሳቱዋ ቦላ ዎና። ታን ህንተና፥ ‘ሀእ ግምቢ ባዋ፤ ግምቢያ ቦሹንቻ ኦኬዳዋንቱካ ደእክኖ። 
\v 16 እስራኤልያን ደእያ፥ የሩሳላመባ ትምቢትያ ኦዴዳዋንቱ፥ ሳሩ ባይናን አዉ ሳሩዋ ሳፃ በኤዳዋንቱ፥ ኡንቱንቱ ደእክኖ’ ያጋይ። ታን ኡባ ሞድያ መና ጎዳይ ሀዋ ኦዳይ” ያጌ ያጋ።
\s1 ዎርዶ ትምቢትያ ኦድያ ማጫ አሳቶ ኦደቴዳ ትምቢትያ
\p
\v 17 “ላ አሳ ናአዉ፥ ባረንቱ ቆፋፐ ደንዲደ፥ ትምቢትያ ኦድያ ነ አሳ ማጫ አሳቱዋኮ ሀእ ነ ሶምኡዋ ደረቃን ዛራ፤ ኡንቱንቱ ቦላ ትምቢትያ ኦዳ። 
\v 18 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ሀራ አሳ ቦላን አሳዉ ዎልቃይ ደአናዳን፥ ኡንቱንቱ ኩሽያን ኡባን ሙሩኑዋባ ስኪደ ዎያነ አሳ ኡባዉ ሁጵያ ሻሽያ ጊግስያ ማጫ አሳቶ፥ ህንተዉ አየ አና! ህንተ ታ አሳ ሸምፑዋ ጲሪደ ህንተ ህንተ ሸምፑዋ አሻንቴ?። 
\v 19 እት ኮጵያ ባንጋ ዎይ እት ባሶ ኡክ ደማናዉ፥ ዬላይያዋ ኦደ፥ ታ አሳ ስንን ታና ካዉሽሲታ። ሄዋ ግያዌ ህንተ ሀይቃናዉ በሰናዋንታ ዎደ፥ አታናዉ በሰናዋንታ አሺታ ግያዋ። ያቲደ ታ አሳዉ ዎርዱዋ ኦዲታ፤ ኡንቱንቱካ ህንተ ዎርዱዋ ስሲኖ” ያጌ።
\p
\v 20 “ ‘ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ህንተ ሀራ አሳ ቦላን አሳዉ ዎልቃይ ደአናዳን፥ ህንተ ኩሽያን ዎዳ ሙሩኑዋ ታን ደንና። ታን አ ህንተ ኩሽያፐ ዱ ኦላና፤ ጲርያፐ ከስ አክያ ካፉዋዳን፥ ታን ኡንቱንታ ህንተ ዎልቃፐ አሻ አካና። 
\v 21 ታን ህንተ ቢታ ሻሽያካ ዳፋ አካደ፥ ታ አሳ መናዉ ህንተ ኩሽያፐ ዎ አካና። ሄ ዎደ ታን መና ጎዳ ግድያዋ ህንተ ሄዋን ኤራና። 
\v 22 ታን ካዮያቤና ጽሎ አሳ ዎዛና ህንተ ዎርዱዋን ካዮዪታ፤ ናጋራንቻቱካ ባረንቱ ኢታ ኦሱዋፐ ስሚደ፥ ባረንቱ ሸምፑዋ አሸናዳን፥ ህንተ ኡንቱንታ ምንድታ። 
\v 23 ሄዋ ድራዉ፥ ላኤን ዎርዶ ሳፃ በእክታ፤ ሙሩኑዋባካ ኦክታ። ታን ታ አሳ ህንተ ኩሽያፐ ዎ አካና። ሄ ዎደ ታን መና ጎዳ ግድያዋ ህንተ ሄዋን ኤራና” ያጌ’ ያጋ” ያጊደ ዬዳ።
\c 14
\s1 ጾሳይ ኤቃዉ ጎይንያዋንታ ይሳና
\p
\v 1 እስራኤልያ ጭማቱዋፐ አማሬዳዋንቱ ታኮ ዪደ፥ ታ ስንን ኡቴድኖ። 
\v 2 ያትና መና ጎዳ ቃላይ ታኮ ሀዋዳን ያጊደ ዬዳ፤ 
\v 3 “ላ አሳ ናአዉ፥ ሀ አሳቱ ባረንቱ ዎዛናን ኤቃ ኤሴድኖ፤ ቃይ ኡንቱንቱ ናጋራይ ኡንቱንቶ ቢያ ሹቻ ማላ ግዴዳ። ያትና፥ ታን ኡንቱንቱ ታና ኦቻናዳን ኦየ? 
\v 4 ሄዋ ድራዉ፥ ኔን ኡንቱንቶ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “እስራኤልያ አሳፐ ኦንነ ኤቃ ባረ ዎዛናን ዎፐ፥ አ ናጋራይ አዉ ቢያ ሹቻ ማላ ግዶፐ፥ ቃይ ትምቢትያ ኦድያዋኮ እ ቦፐ፥ ታን መና ጎዳይ ታ ሁጲያን አ ኤቃቱዋ ጮራተዳን አዉ ዛራና። 
\v 5 ሄ ኤቃቱ ኡባቱ እስራኤልያ አሳ ታፐ ዎራ ዛሬድኖ፤ ሽን ሀእ ታን ኡንቱንቶ እምያ ዛሩዋን ኡንቱንቱ ዎዛና ታኮ ዛራና” ያጌ’ ያጋ።
\p
\v 6 “ሄዋ ድራዉ፥ እስራኤልያ አሳዉ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ናጋራ ፓጽተ! ህንተ ኤቃፐ ስምተ! ህንተ ቱና ኦሱዋ ኡባፐካ ስምተ!
\p
\v 7 “ ‘ “እስራኤልያ አሳ ግድና፥ ዎይ እስራኤልያ ቢታን ደእያ አላጋ አሳ ግድናካ፥ ታፐ ሻከቲደ፥ ባረ ዎዛናን ኤቃ ዎፐ፥ አ ናጋራይ አዉ ቢያ ሹቻ ማላ ግዶፐ፥ ቃይ እ ታ ዞርያ ኦቻናዉ ትምቢትያ ኦድያዋኮ ቦፐ፥ ታን መና ጎዳይ ታ ሁጲያን አዉ ዛሩዋ እማና። 
\v 8 ታን ሄ ኡራና ኤቀታና፤ ታን አ ሌምሶነ ማላታ ኦና፤ ታን አ ታ አሳ ግዶፐ ይሳና። ሄ ዎደ ታን መና ጎዳ ግድያዋ ህንተ ሄዋን ኤራና።
\p
\v 9 “ ‘ “ትምቢትያ ኦድያዌ ጭመቲደ፥ ትምቢትያ ኦዶፐ፥ ሄ ትምቢትያ ኦድያዋ ጭሜዳዌ ታና መና ጎዳ። ታን አ ቦላ ታ ኩሽያ የዳደ፥ ታ አሳ ግዶፐ አ ይሳና። 
\v 10 ኡንቱንቱ ላኡካ ባረንቱ ናጋራ ናጋራ ሙሩዋ ቶካና፤ ትምቢትያ ኦድያዋ ሙሩነ ትምቢትያ ኦችያዋ ሙሩካ እት ማላ ግዳናዋ። 
\v 11 ሄዋ ድራዉ፥ እስራኤልያ አሳቱ ታፐ ዎራ ቢክኖ፤ ባረንቱ ናጋራን ኡባን ባረንታ ቱንስክኖ። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና። ሄ ዎደ ታን ኡባ ሞድያ መና ጎዳይ ሀዋ ኦዳይ” ያጌ’ ያጋ” ያጊደ ዬዳ።
\s1 ኖሀ፥ ዳኔላነ ኢዮባ
\p
\v 12 መና ጎዳ ቃላይ ታኮ ሀዋዳን ያጊደ ዬዳ፤ 
\v 13 “ላ አሳ ናአዉ፥ እት ቢታ አሳይ ናጋራ ኦደ፥ ታዉ አማነተናን እጾፐ፥ ታን ታ ኩሽያ የዳደ፥ ኡንቱንቶ ቁማ ይሳደ፥ ኮሻ አሀና፤ ሄ ቢታ አሳነ መህያ ዎና። 
\v 14 ሀራይ አቶ ሀ ሄዙ አሳቱ፥ ኖሄ፥ ዳኔልነ ኢዮብ ሄ ቢታን ደእንቶካ፥ ኡንቱንቱ ባረንቱ ጽሎተን ባረንቱ ሸምፑዋ ጻላላ አሻና። ታን ኡባ ሞድያ መና ጎዳይ ሀዋ ኦዳይ።
\p
\v 15 “ዎይ ታን ኡንቱንቱ ቢታ ቦላን ባዙዋ ዶአቱዋ የድና፥ ሄ ዶአቱ አን ደእያ አሳ ይስና፥ ሄ ዶአቱዋ ጋሱዋን ኦንነ ግዱዋና አናዳን፥ ሄ ቢታይ ኦና ግዶፐ፥ 
\v 16 ታን ኡባ ሞድያ ጾሳይ ታ ደኡዋን ጫቃይ: ሀራይ አቶ፥ ሀ ሄዙ አሳቱ ሄ ቢታን ደእንቶካ፥ ኡንቱንቱ ባረንቱ አቱማነ ባረንቱ ማጫ ናናቱዋ አሻናዉ ዳንዳይክኖ። ኡንቱንቱ ጻላላይ አታናዋ፤ ሽን ቢታይ ኦና ግዳናዋ። ታን ኡባ ሞድያ መና ጎዳይ ሀዋ ኦዳይ።
\p
\v 17 “ዎይ ታን ሄ ቢታ ቦላን ማሻ አሃደ፥ ሀ ቢታና ማሻይ አ ጋደ፥ አን አሳነ መህያ ዎፐ፥ 
\v 18 ታን ኡባ ሞድያ መና ጎዳይ ታ ደኡዋን ጫቃይ: ሀ ሄዙ አሳቱ ሄ ቢታን ደእንቶካ፥ ባረንቱ አቱማነ ባረንቱ ማጫ ናናቱዋ አሻናዉ ዳንዳይክኖ። ኡንቱንቱ ጻላላይ አታናዋ። ታን ጾሳይ ሀዋ ኦዳይ።
\p
\v 19 “ዎይ ታን ሄ ቢታ ቦላን ኢታ ሀርግያ የዳደ፥ ታ ሀንቁዋን አሳይ ሱ ጉሳና ማላ ኦፐ፥ አን ደእያ አሳነ መህያ ዎፐ፥ 
\v 20 ታን ኡባ ሞድያ መና ጎዳይ ታ ደኡዋን ጫቃይ: ሀራይ አቶ፥ ኖሄ፥ ዳኔልነ ኢዮብ ሄ ቢታን ደእንቶካ፥ ኡንቱንቱ ባረንቱ ጽሎተን ባረንቱ ሸምፑዋ ጻላላ አሻናፐ አትና፥ ባረንቱ አቱማነ ባረንቱ ማጫ ናናቱዋካ አሽክኖ። ታን ኡባ ሞድያ ጾሳይ ሀዋ ኦዳይ” ያጊደ ዬዳ።
\p
\v 21 ኡባ ሞድያ መና ጎዳይ ሀዋዳን ያጌ፤ “ታን አሳነ መህያ ዎናዉ የሩሳላመ ቦላ ታ ኦይዱ ኢታ ሙሮቱዋ፥ ማሻ፥ ኮሻ፥ ባዞ ዶኣነ ኢታ ሀርግያ የድያ ዎደ፥ እ አይ ኬሻ አ ኢታባ ግዳንዴሻ!\x - \xo 14:21 \xo*\xt ሳፃ 6:8\xt*\x* 
\v 22 ግዶ ሽን አቲደ ከሴዳ አማሬዳ አሳቱ ደአና፤ አቱማነ ማጫ ናናቱዋካ ያፐ ከሳና። ኡንቱንቱ ህንተኮ ይያ ዎደ፥ ኡንቱንቱ ሀኖታነ ኡንቱንቱ ኦሱዋ ህንተ በኢደ፥ ታን የሩሳላመ ቦላ አሄዳ ባሻይ ኡባይ በስያዋ ግድያዋ አኬካና። 
\v 23 ህንተ ኡንቱንቱ ሀኖታነ ኡንቱንቱ ኦሱዋ በኢደ፥ ታን ኡንቱንቱ ቦላ ጮ ፕርዳቤናዋ ኤራና። ታን ኡባ ሞድያ መና ጎዳ ሀዋ ኦዳይ” ያጌ።
\c 15
\s1 ዎይንያ ቱራ ሌምሱዋ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ዎይንያ አኑ ባዙዋን ደእያ ሀራ ምፐ አያን ኬኪ? 
\v 3 ጎአይ ደእያባ ኦናዉ አ አኑዋፐ ቃንጸት ኤሪ? አየንቶ ካቂያ ኮጫ አፐ ከሳ ኤራይ? 
\v 4 አ ኦይሰዋዳን ታማን የግና፥ ያ ባጋይነ ሀ ባጋይ ታማን ሜተትና፥ ግዱዋን አቴዳ ጺጹንይ አይ ማዳኔ? 
\v 5 ጹገተናን ደኢድ፥ ካሰ አየንቶ ማድቤናዌ፥ ታማይ ሚና ኤጽ ክቺደ አየንቶ ማደና።
\p
\v 6 “ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ታን ባዞ ም ግዶን ደእያ ዎይንያ አኑዋ ታማዉ ኦይሰ ኦደ እሜዳዋዳን፥ የሩሳላመን ደእያ አሳካ ሄዋዳን ኦና። 
\v 7 ታን ታ ሶምኡዋ ኡንቱንቱ ቦላን ዛራና። ኡንቱንቱ እት ታማፐ ከሶፐካ፥ ሀራ ታማይ ኡንቱንታ ማና። ታን ታ ሶምኡዋ ኡንቱንቱ ቦላ ዛርያ ዎደ፥ ታን መና ጎዳ ግድያዋ ህንተንቱ ኤራና። 
\v 8 ኡንቱንቱ ታናን አማነተናን አጌዳ ድራዉ፥ ታን ኡንቱንቱ ቢታ ኦና ከሳና። ታን ኡባ ሞድያ መና ጎዳይ ሀዋ ኦዳይ’ ያጌ” ያጊደ ዬዳ።
\c 16
\s1 አማነተና የሩሳላሞ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ የሩሳላሞ እ ቱና ኦሶቱዋ ኤርሳ። 
\v 3 ሀዋዳን ያጋ፤ ‘ኡባ ሞድያ መና ጎዳይ የሩሳላሞ ሀዋዳን ያጌ፤ “ነ ማይዛይነ ነ ሼሻይ ካናነ ቢታና፤ ነ አዉ አሞረ ቢታ አሳ፤ ነ አታካ ሂተ ቢታ አሳ። 
\v 4 ነ የለታይ ጋላስ ነ ጉልአይ ቃንጸትቤና፤ ዎይ ኔና ጌሻናዉ ሃን ሜጨታባካ፤ ዎይ ማጽንያን ጎርፐታደ ጫርቂያን ጻጸታባካ። 
\v 5 ሀ ጌተቴዳዋንቱፐ እቱዋነ ኦናዉ ነዉ ካዮቴዳዌ ባዋ። ኔን የለቴዳ ጋላስ ካቴዳ ድራዉ፥ ደምባን ኦለታዳፐ አትና፥ ነዉ ኦንነ ቃረትቤና።
\p
\v 6 “ ‘ “ሄዋና ታን ካንደ፥ ኔን ነ ሱ ግዶን ሙርቁቃደ ዞሄትሽና በኣድ፤ ኔን ነ ሱ ግዶን ግሳ ደእሺና፥ ፓጻ ደአ ያጋድ። 
\v 7 ታን ኔና ሾይቃን ደእያ ካዳን ድቻድ። ኔን ድጫ አዱቃደ፥ ጋማ ጋካዳ። ነ ንይ ኡቴዳ፤ ነ ብናናይካ ድጬዳ፤ ሽን ኔን ጺራ ካሎ አታዳ።
\p
\v 8 “ ‘ “ላኤንዋ ታን ሄዋና አደ፥ ኔና ጼልያ ዎደ፥ ኔን ዎዶሮ ጋካደ ቦርሴዳ አሳ ግዳዳ። ያትና፥ ታ ማዩዋ ነ ቦላ የጋደ፥ ነ ካሉዋ ካማድ። ታን ነዉ ጫቃደ ኔናና ጫቁዋ ጫቀትና፥ ኔን ታኖ ግዳዳ። ታን ኡባ ሞድያ መና ጎዳይ ሀዋ ኦዳይ።
\p
\v 9 “ ‘ “ታን ነ ቦላይ ሱን ባዬዳዋ ሃን ሜጫ ጌሻደ፥ ዛይትያን ኦካድ። 
\v 10 ታን ኔና ጽባብያ ቃምሽያ ማይዛድ፤ ቃይ ሎኦ ጋልባፐ ኦሰቴዳ ጫማካ ዎስሳድ፤ ቃይ ላይኑዋ ሻሽያካ ኔና ጎዝሳድ፤ ቃይ አልኦ ኩታካ ቁማይሳድ። 
\v 11 ኔና ታ አሌቁዋን አሌቃድ፤ ነ ኩሽያን ሳጋዩዋ ዎድ፤ ነ ቆያንካ ቆያ አሌቁዋ ዎድ። 
\v 12 ቃይ ነ ሲያን ጉትቻ፥ ነ ሀይንካ ጉትቻ፥ ነ ሁጲያንካ ሎኦ ካላቻ ዎድ። 
\v 13 ኔን ዎርቃንነ ብራን አሌቀታዳ፤ ነ ማዩ ኡባይ ፓጻ ላይኑዋ፥ አልኦ ኩታነ አሌቆ ቃምሽያ። ነ ምያ ቁማይ በርተ ልያ፥ ኤሳነ ዛይትያ። ኔን ሎይ ዳሪ ፑላንቻ ግዳደ፥ ካታቶ ከሳናዉ ደንዳዳ። 
\v 14 ኔን ፑላንቻ ግድያ ድራዉ፥ ካዉተቱዋን ኤረታዳ። አያዉ ጎፐ፥ ታን ነዉ እሜዳ ቦንቹ ኔና ሀዋዳን ፖሎ ኦዳ። ታን ኡባ ሞድያ መና ጎዳይ ሀዋ ኦዳይ።
\p
\v 15 “ ‘ “ሽን ኔን ነ ፑላን አማነታዳ፤ ሀራቱዋን ኤረቴዳዋፐ ደንዴዳዋን ሻርሙጻ ግዳዳ፤ ኦግያና አያ ኡባዉ ኔና አ እማዳ። 
\v 16 ነ ማዩዋፐ አማሬዳዋ አካደ፥ ጎይንያ ሳኣ መደ አሌቂሳዳ፤ ያታደ ያን ሻርሙጻዳ። ሄዋ ማላ ሀኖታይ ሀዋፐ ካሰ ሀንቤና፤ ሀዋፐ ስንናዉካ ሀናናዉ በሰና። 
\v 17 ነዉ እሜዳ ዎርቃፐነ ብራፐ ኦሰቴዳ ሎኦ አሌቁዋ፥ አቱማ ምስለቱዋ ኦደ መዳ፤ ያታደ ኡንቱንቱና ሻርሙጻዳ። 
\v 18 ታን እሜዳ አሌቆ ማዩዋ ሄ ምስለቱዋ ማይዛዳ። ቃይ ታ ዛይትያነ ታ እጻና ኡንቱንቶ ሺሻዳ። 
\v 19 ቃይ ታን ነዉ እሜዳ ቁማ፥ በርተ ልያ፥ ዛይትያነ ኤሳ ኡንቱንቱ ስንን ሳዉዋ ቶሹኩ ግያ ያርሹዋ ኦደ ሺሻዳ። ሀዌካ ሀኔዳ። ታን ኡባ ሞድያ መና ጎዳይ ሀዋ ኦዳይ።
\p
\v 20 “ ‘ “ቃይካ፥ ኔን ታዉ የሌዳ አቱማ ናናቱዋነ ማጫ ናናቱዋ አፋደ፥ ኤቃቱ ማና ማላ ቁማ ኦደ ያርሻዳ። ኔን ሻርሙጻ ከሴዳዌ ነዉ ጉጼዴ? 
\v 21 ኔን ታ ናናቱዋ ሹካደ፥ ኤቃዉ ታማን ያርሻዳ። 
\v 22 ኔን ቱናተንነ ነ ሻርሙጻን ኡባን ደኣደ፥ ካሰ ነ ያላጋተ ላይ፥ ጺራ ካሎ ነ ሱን ሙርቁቃደ፥ ዞሄቴዳ ዎድያ ዶጋዳ።
\p
\v 23 “ ‘ “አየ አና! ነዉ አየ አና! ታን ኡባ ሞድያ መና ጎዳይ ሀዋ ኦዳይ። ሀ ነ ኢታተ ኡባ ቦላ ቃይ፥ 
\v 24 ዳባባ ኡባን ቃ ሳኣ ግምባደ ኤቃዉ ጎይንያ ሳአቱዋ ነዉ ጊግሳዳ። 
\v 25 ኦገ ዶናን ኡባን ሻርሙጽያ ሳአቱዋ ኬጻዳ፥ ነ ፑላ ቱንሳዳ፤ ኦግያና ካንያ ኡባዉ ነ አሳተ አ እማደ፥ ሻርሙጹዋ ዳርሳዳ። 
\v 26 ኔን አሞ ጻላላን ኩሜዳ፥ ነ ሾሮ ግብጼቱዋና ሻርሙጻዳ፤ ነ ሻርሙጹዋ ዳሩዋንካ ታና ሀንቀዳ። 
\v 27 ሄዋ ድራዉ፥ ታን ታ ኩሽያ ነ ቦላ የዳድ፤ ኔና ጋክያ ነ ሻኩዋካ ጉድ። ታን ኔና ነ ፖኮ ሀኖታን ዬላትያ፥ ኮዮዋ ኦናዳን ነ ሞርከቱዋ ፕልስጼማ ማጫ አሳቱዋ ሸንያዉ አደ እማድ። 
\v 28 ኔን አለና አሳ ግድያ ድራዉ፥ አሶረ ቢታ አሳናካ ሻርሙጻዳ። ሄ ኡባንካ ሀዌ ታዉ ግዳና ጋባካ። 
\v 29 ሄዋፐ ቃይ፥ ዛልእያን አቄዳ ባብሎነቱዋናካ ሻርሙጽያዋ ዳርሳዳ፤ ሄዋንካ ግዳናዋ ጋባካ።
\p
\v 30 “ ‘ “ኔን ሀ ዬላይ ባይና ሻርሙጻቲዳን ሀንያና፥ ነ አይባ ላፋ አሴ! ታን ኡባ ሞድያ መና ጎዳይ ሀዋ ኦዳይ። 
\v 31 ኔን ኦግያ ዶናን ሻርሙጽያ ሳአቱዋ ነዉ ኬጻዳነ ዳባባ ኡባን ኤቃዉ ጎይንያ ሳአቱዋ ጊግሳዳ። ሽን ሀራ ሻርሙጻቱዋዳን፥ ሻርሙጻቱ አክያ ሚሻካ አካባካ።
\p
\v 32 “ ‘ “ሀነ ሀ ሻርሙጻ ማጫ ምሽራቴ፥ ኔን ነ አስና ጭማደ፥ አላጋቱዋና ግሳዳ! 
\v 33 አቱማ አሳይ ሻርሙጻቶ ሚሻ ጭጌ፤ ሽን ኔን ኔናና ግስያዋንቶ እሞታ እማሳ፤ ኡንቱንቱ ኡባ ሳፐ ኔኮ ያናዳን፥ ማጋንጻ ኡንቱንቶ እማሳ። 
\v 34 ሄዋን ነ ሻርሙጻተይ ሀራ ማጫ አሳቱዋፐ ዱማ፤ ኔናና ሻርሙጻናዉ ኔና ካልያዌ እቱነ ባዋ። ሀራይ ነዉ ጭገናን፥ ያ ጭጋደ ሻርሙጽያዋን፥ ሀራቱዋፐ ኔን ዱማ” ያጌ።
\s1 ጾሳይ የሩሳላመ ቦላ ፕርዳና
\p
\v 35 “ ‘ሄዋ ድራዉ፥ ሀኔ ሻርሙጻቴ፥ መና ጎዳ ቃላ ስሳ! 
\v 36 ኡባ ሞድያ መና ጎዳይ ሀዋዳን ያጌ፤ “ኔን ነ ሻርሙጻተ አሙዋን ነ ላገቶ ነ ቦላ ቃሬዳ ድራዉ፥ ነ ቱና ኤቃቱዋ ኡባ ድራዉነ ነ ናናቱዋ ሱ ኔን ኡንቱንቶ ጉሴዳ ድራዉ፥ 
\v 37 ኔን ኡንቱንቱን ናሸቴዳ ነ ላገቱዋ ኡባ፥ ኔን ሲቅያዋንታነ ኔን እጽያዋንታ ታን ነዉ ሞርከ ኦደ ሺሻና። ታን ኡንቱንታ ነ ቦላ ኡባ ሳና ሺሻደ፥ ኡንቱንቱ ስንን ኔና ሙልጹ ኦደ ቃራና፤ ኡንቱንቱ ነ ካሉዋ በአና። 
\v 38 ታን ሻርሙጼዳ ማጫ አሳቱዋ ቦላነ ሱ ጉሴዳ ማጫ አሳቱዋ ቦላ ፕርድያዋዳን፥ ነ ቦላ ፕርዳና፤ ታን ታ ሀንቁዋንነ ታ ምሹዋን ነ ቦላ ሀይቁዋ አሀና። 
\v 39 ታን ኔና ነ ላገቶ አ እማና፤ ኡንቱንቱ ነ ሻርሙጽያ ሳአቱዋነ ኤቃዉ ጎይንያ ሳአቱዋ ኮል ይሳና። ኡንቱንቱ ነ ማዩዋ ሙልጹ ኦ ቃሪደ፥ ነ ሎኦ አሌቁዋካ ዎ አኪደ፥ ኔና ካሎ ጺራ አሻና። 
\v 40 ኡንቱንቱ ኔና ሹቻን ጫድ ዎያነ ባረንቱ ማሻን ቃንጸሬያ ጉይተ አሳ ነ ቦላ ኡንቱንቱ አሀና። 
\v 41 ኡንቱንቱ ነ ጎልያ ጹጊደ፥ ዳሮ ማጫ አሳ ስንን ነ ቦላ ፕርዳና። ታን ነ ሻርሙጻተ አግሳና፤ ኔንካ ነ ላገቶ ላኤን ያ ሚሻ ጭጋካ። 
\v 42 ሄዋዳን ኦና፥ ታን ነ ቦላ ሀንቀቴዳ ሀንቁ ዛርባና፤ ታን ነ ሀኖታን ምሸቴዳ ምሹካ ሄዋን አና። ታን ሄዋን ዎፑ ጋደ፥ ላኤን ሀንቀትከ።
\p
\v 43 “ ‘ “ኔን ነ ያላጋተ ላይ ዶጋደ፥ ሀ ኢታ ኦሱዋ ኡባን ታና ሀንቀዳ። ሄዋ ድራዉ፥ ቱሙዋፐ ነ ኦዳዋ ኡባ ታን ነ ቦላን ዛራና። ኔን ነ ቱና ኦሶቱዋ ኡባ ቦላ ሻርሙጻተ አያዉ ጉጃዲ? ታን ኡባ ሞድያ መና ጎዳይ ሀዋ ኦዳይ።
\s1 ናታካ አትዳን
\p
\v 44 “ ‘ “ሀነ የሩሳላመ፥ አሳይ ነ ቦላ፥ ናታካ አት ማላ ጊደ ሌምሱዋ ኦዳና። 
\v 45 ቱሙ ኔን ባረ አስናነ ባረ ናናቱዋ ሸነቴዳ ነ አት ማላ፤ ቃይ ባረንቱ አስና አስናነ ባረንቱ ናናቱዋ ናናቱዋ ሸነቴዳ ነ ምቼቱዋ ማላ። ነ አታ ሂተ ቢታ አሳ፤ ነ አዉ ቃይ አሞረ ቢታ አሳ። 
\v 46 ነ ባይራ ምቻታ ባረ ማጫ ናናቱዋና ኔፐ ሁጲሳ ባጋና ደእያ ሳማርያ፤ ቃይ ኔፐ ቴፋ ምቻታ ባረ ማጫ ናናቱዋና ኔፐ ገድሳ ባጋና ደእያ ሳዶሞ። 
\v 47 ኔን ኡንቱንቱ ኦግያ ካሌዳዌነ ኡንቱንቱ ቱና ኦሶቱዋ ኦዳዌ ኔና አልቤና። ሽን ኔን ጉ ዎድያን ኦዳ ኦሱ ኡንቱንቱዋፐ ኢታ ዳሬ።
\p
\v 48 “ ‘ “ታን ኡባ ሞድያ መና ጎዳይ ታ ደኡዋን ጫቃይ: ኔንነ ነ ማጫ ናናቱ ኦዳዋዳን፥ ነ ምቻታ ሶዶማነ እ ማጫ ናናቱ ኦበይክኖ። 
\v 49 ነ ምቻታ ሶዶማ ኦዳ ናጋራይ ሀዋ: አነ እ ማጫ ናናቱ ኦቶራንቻ፥ ካሌዳዋንታነ እሻሉዋን ደእያዋንታ ግዶፐነ፥ ኡንቱንቱ ናቀቴዳዋንታነ ህዬሳ ማድበይክኖ። 
\v 50 ኡንቱንቱ ኦቶራንቻ ግዲደ፥ ታ ስንን ቱና ኦሶቱዋ ኦድኖ። ሄዋ ድራዉ፥ ህንተ በኤዳዋዳን፥ ታን ኡንቱንታ ይሳድ።
\p
\v 51 “ ‘ “ሳማራታ ኔን ኦዳ ናጋራዉ ባጋካ ኦበይኩ፤ ኔን ኡንቱንቱዋፐ አዳ ቱና ኦሶቱዋ ኦዳ። ያታደ ሄ ነ ኦዳ ቱና ኦሶቱዋ ኡባ ጋሱዋን፥ ነ ምቼቱ ጽሉዋ ማላታናዳን ኦዳ። 
\v 52 ኔን ነ ምቼቱዋ ሱረ አሳ ከሴዳ ድራዉ፥ ካዉሻ ማያ። አያዉ ጎፐ፥ ነ ናጋራይ ኡንቱንቱዋፐ አ ኢትና፥ ሄዋን ኡንቱንቱ ኔፐ ጽሎ ማላቴድኖ። ሄዋ ድራዉ፥ ዬላታደ፥ ካዉሻ ማያ።
\p
\v 53 “ ‘ “ግዶፐነ፥ ሳዶሞነ እ ማጫ ናናቱዋ፥ ቃይ ሳማርያነ እ ማጫ ናናቱዋ ታን ዛራደ እሻልስያ ዎደ፥ ኔናካ እሻልሳና። 
\v 54 ነባን ኔን ሎይ ዬላታና፤ ኔን ካዉሼዳዋን፥ ነ ምቼቱ ኔፐ ኬክያዋ ኤሪደ ምነታና። 
\v 55 ነ ምቼቱ፥ ሶዶማ ባረ ማጫ ናናቱዋና፥ ቃይ ሳማራታካ ባረ ማጫ ናናቱዋና ባረንቱ ካሰ እሻሎ ስማና፤ ኔንካ ነ ማጫ ናናቱዋና ህንተ ካሰ እሻሎ ስማና። 
\v 56 ነ ኢታተይ ቆንጫናፐ ካሰ፥ ነ ኦቶሩዋ ዎደ፥ ኔን ሀራይ አቶ፥ ነ ምቻት ሳዶም ቦላ ቅሊጫበይኪ? 
\v 57 ግዶፐነ፥ ሀእ ኔን ኤዶማ ማጫ ናናቱነ አ ሾሮ ኡባይ፥ ቃይ ፕልስጼማ ማጫ ናናቱነ ነ ዩሹዋን ደእያ፥ ኔና እጽያ ኡባይ ቅያባ ከሳዳ። 
\v 58 ነ ሻርሙጻተንነ ነ ቱና ኦሶቱዋ ጋሱዋን ሙረታና። ታን መና ጎዳይ ሀዋ ኦዳይ” ያጌ።
\p
\v 59 “ ‘ኡባ ሞድያ መና ጎዳይ ሀዋዳን ያጌ፤ “ኔን ቃላ ጫቁዋ ካ ድራዉነ ህዶታ ቃላ ኮሌዳ ድራዉ፥ ኔን ኦዳ ኦሱዋዳን፥ ታን ነዉ ኦና። 
\v 60 ግዶፐነ፥ ታን ነ ያላጋተ ዎድያን ኔናና ጫቀቴዳ ቃላ ጫቁዋ ሀሳያና፤ ቃይ መና ጫቁዋካ ኔናና ጫቀታናዋ። 
\v 61 ሄዋፐ ጉይያን፥ ታን ነ ባይራነ ነ ቴፋ ምቼቱዋ ኔኮ አህያ ዎደ፥ ኔን ነ ሄመታ ሀሳያደ ዬላታና። ታን ኡንቱንታ ነዉ ማጫ ናናቱዋ ኦደ እማና፤ ሽን ሄዌ ታን ኔናና ጫቀቴዳ ጫቁዋዳን ግደና። 
\v 62 ሄዎ ታን ታ ጫቁዋ ኔናና ዎና። ታን መና ጎዳ ግድያዋ ኔን ሄዋን ኤራና። 
\v 63 ታን ኔን ኦዳ ናጋራ ኡባ አቶ ያግያ ዎደ፥ ኔን ነ ኦዳዋ ሀሳያደ፥ ዬላዉ ነ ዶና ኦይቃና። ታን ኡባ ሞድያ መና ጎዳይ ሀዋ ኦዳይ” ያጌ’ ያጋ” ያጊደ ዬዳ።
\c 17
\s1 ላኡ አርጋንቱዋነ ዎይንያ ቱራ ሌምሱዋ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ እስራኤልያ አሳ ቃንእሽያ ቃንእሻ፤ ኡንቱንቶ ሌምሱዋን ኦዳ። 
\v 3 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ዱማ ዱማ ማላና ደእያ ባለቱነ ዎልቃማ ዎልቃማ ቀፈቱ ደእያ እት አርጋንይ ደኤ። ሄ አርጋንይ ሊባኖሳ ዪደ ዝጋ ጼራ ኦይቄዳ። 
\v 4 ሄ ዝጋ ልጩዋ መንዳ፤ ሄ መንዳ ልጩዋ አኪደ፥ ዛልኢ ዳርያ ቢታ፥ ዛልአንቻቱዋ ካታማ አፌዳ።
\p
\v 5 “ ‘ “እ እስራኤልያ ቢታፐ ዘረ አፊደ፥ ቱኤ ቢታን፥ ዳሮ ሃይ ደኢያሳ ማታን ቶኬዳ። 
\v 6 ፑደ አጬዳ ቱራይ ዳሪ አዱቀናን ዳሼዳ። አ ዳሻይ አርጋንኮ ስሚደ ዳሼዳ፤ ሽን አ ጻጱ ቢታ ግዶ ገሌዳ። ሄ ቱራይ ማራ የሌዳ፤ ሀይካ ከሴዳ።
\p
\v 7 “ ‘ “ሄዋዳንካ፥ ጮራ ቀፈቱነ ዎልቃማ ዎልቃማ ባለቱ ደእያ ሀራ እት አርጋንይ ደኤ። ሃ ደማና ጊደ፥ ሄ ቱራይ ባረ ቶከቴዳ ሳፐ ሄ አርጋንይ ደኢያሳኮ፥ ባረ ጻጱዋነ ባረ ዳሻ የዴዳ። 
\v 8 ሽን ኮይሮ አርጋንይ ቶከቴዳዌ አጫናዉ፥ አይፋናዉነ ሎይ ሎኦ ዎይንያ ግዳናዉ ዳንዳይያሳን፥ ቱኤ ቢታን፥ ዳሮ ሃይ ደኢያሳና” ያጌ’ ያጋ።
\p
\v 9 “ኡንቱንቶ ኔን ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ሄ ቱራይ ድጫኔ? ኮይሮ አ ቶኬዳ አርጋንይ አ ሾደኔ? አ አይፈቱዋ ቆቆፊደ፥ አ እርጻ ሀይቱዋ መልሰኔ? አ ሄ ሳኣፐ ጻጱዋና ፑደ ሾዳናዉ ዎልቃማ ዎልቃ፥ ዎይ ዳሮ አሳ ኮሸና። 
\v 10 አ ሾዲደ፥ ሀራ ሳኣን ቶክንቶ፥ እ ድጫኔ? አዋይ ዶልያ ባጋ ባዞ ጫርኩ ሾጭና፥ ባረ ቶከቴዳሳን ኡባና መለኔ?” ያጌ’ ያጋ” ያጊደ ዬዳ።
\s1 ሌምሱዋ ብለ
\p
\v 11 ሄዋፐ ጉይያን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 12 “ሀ ማካላንቻ አሳዉ ሀዋዳን ያጋ፤ ‘ሄ ሌምሱዋ ብለይ አየንቶ ኤርክቴ? ሄዌ አዬ ጎፐ፥ ባብሎነ ካቲ የሩሳላመ ዪደ፥ ኡንቱንቱ ካትያነ ኡንቱንቱ ካፖቱዋ ኦሞዲደ፥ ባብሎነ አፌዳ።\x - \xo 17:12-15 \xo*\xt 2 ካታ. 24:15-20፤ 2 ኦዱዋ 36:10-13\xt*\x* 
\v 13 ቃይ ካትያ ጎልያ አሳፐካ እቱዋ አኪደ፥ አናና እትፐ ጫቂደ ጫቀቴዳ፤ ያቲደ አሳ ግዶን ኤረቴዳዋንታ ኦሞዲደ አፌዳ። 
\v 14 ሄዋ ኦዳዌ ኡንቱንቱ ካዉተይ ዎልቃ ዪደ፥ ላኤን ደንደናዳን፥ ባረንቱ ጫቁዋ ጻላላ ናጊደ ደአናዳና። 
\v 15 ሽን ይሁዳ ካቲ ማካል ደንዲደ፥ ፓራቱዋነ ዳሮ ኦላንቻቱዋ የዳናዳን፥ ግብጼ ኪቴዳ። አዉ ሄዌ ሀናንዴሻ? ሀዋ ማላባ ኦዳዌ እ ባረዉ ከስ አካንዴ? ቃይ ጫቁዋ አደ፥ እ ባረዉ ከስ አካንዴ?
\p
\v 16 “ ‘ታን ኡባ ሞድያ መና ጎዳይ ታ ደኡዋን ጫቃይ: ባረና ካተዬዳ ካትያና ማየቴዳ ቃላ ድራዉነ ጫቁዋ ካዳ ድራዉ፥ ሄ ካትያ ቢታን፥ ባብሎነን እ ሀይቃና። 
\v 17 ባብሎነ ኦላንቻቱ ዳሮ አሳ ዎናዉ ግምቢያ ማታን ቢታ ድድቂደ ጊግሶፐነ ድሮፐካ፥ ግብጼ ካቲ ባረ ኦላንቻቱዋናነ ባረ ዳሮ አሳና ዪናካ፥ አይነ ማደና። 
\v 18 እ ጫቁዋ ካዳ፤ ጫቁዋ መንዳ። እ ባረ ኩሽያካ እሚደ፥ ባረ ጌዳዋ ፖልቤና። ሄዋ ድራዉ፥ አዉ ከስ አክያ ሳአይ ባዋ።
\p
\v 19 “ ‘ሄዋ ድራዉ፥ ታን ኡባ ሞድያ መና ጎዳይ ታ ደኡዋን ጫቃይ፤ እ ካዳ ታ ጫቁዋነ እ መንዳ ታ ጫቁዋ ታን አ ሁጲያ ቦላ ዛራደ አሀና። 
\v 20 ታን ታ ጲርያ አ ቦላ የጋና፥ እ ታ ጲርያን ኦይቀታና። እ ታዉ አማነተናን እጼዳ ድራዉ፥ ታን አ ባብሎነ አፋደ፥ ሄዋን አ ቦላ ፕርዳና። 
\v 21 ዶረቴዳ አ ኦላንቻቱ ኡባይ ማሻን ሀይቃና፤ ፓጻ አቴዳዋንቱ ዱማ ዱማ ሳኣ ላለታና። ሄ ዎደ ሀዋ ሃሳዬዳዌ ታና መና ጎዳ ግድያዋ ህንተ ኤራና።
\p
\v 22 “ ‘ኡባ ሞድያ መና ጎዳይ ሀዋዳን ያጌ፤ “ታን ታ ሁጲያዉ አዱሳ ዝጋ ጼራ ልጩዋፐ ጹንቃ አካደ፥ ቃነ አዱሳ ደርያ ሁጲያን ቶካና። 
\v 23 ታን አ እስራኤልያ ደርያ ሁጲያን ቶካና፤ ሄዋን ማራ የሊደ፥ አይፍያካ አይፋናነ ሎኦ ዝጋ ግዳናዋ። ካፎ ዛሪ ኡባይ አን ኬጻና፤ ኡንቱንቱ አ ቃንካ ኩዋን ሸምፓና። 
\v 24 ቃ ም ዝቂ ኦያዌ፥ ዝቃ ም ቁ ኦያዌ፥ እርጻ ም መልስያዌነ መላ ምካ አጭስያዌ፥ ታን መና ጎዳ ግድያዋ ባዞ ም ኡባይ ኤራና። ታን መና ጎዳይ ሀዋ ኦዳድ፤ ታን ኦዴዳዋ ታንካ ኦና” ያጌ’ ያጋ” ያጊደ ዬዳ።
\c 18
\s1 ጾሳይ አሳ አ ኦሱዋዳን ኦሱዋዳን ፕርዴ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “እስራኤልያ ቢታባ ህንተ፥ ‘አዎቱ ጋምኤ ዎይንያ ሚና፥ ናናቱዋ አቻይ ዝልኤዳ’ ጊደ ህንተ ሌምስያዌ አዬ?\x - \xo 18:2 \xo*\xt ኤር. 31:29\xt*\x* 
\v 3 ታን ኡባ ሞድያ መና ጎዳይ ታ ደኡዋን ጫቃይ: ሀዋፐ ስንዉ ህንተ እስራኤልያ ቢታን ሀ ሌምሱዋ ሌምስክታ። 
\v 4 አሳ ኡባ ሸምፑ ታዋ፤ አዉዋ ሸምፑካ ናኣ ሸምፑካ ታዋ። ናጋራ ኦያ ሸምፑ እ ባረዉ ሀይቃና።
\p
\v 5 “እት አሳይ ጽሎ ግዶፐ፥ ቱሙ ፕርዳነ ሱረተ ኦፐ፥ 
\v 6 እ ደርያ ቦላ ደእያ ኤቃዉ ጎይንያ ሳአቱዋን ማና ዮፐ፥ እ እስራኤልያ አሳ ኤቃዉ ጎይናና ዮፐ፥ ባረ ሾሩዋ ማጫ አሳ ቱንሳና ዮፐ፥ ቃይ ፒላይ ዬዳ ማጫሳና ግሳና ዮፐ፥ 
\v 7 ኦናነ ኡቁናና ዮፐ፥ አጮ ኦይቄዳዋ ጉየ ዛሮፐ፥ እት ኡራነ ቦንቃና ዮፐ፥ ባረዉ ደእያዋፐ ኮሻቴዳ አሳ ምዞፐ፥ ካሎቴዳዋ ማይዞፐ፥ 
\v 8 እ ዎያ አካናዉ ድቻዉ ታልአና ዮፐ፥ ባረ ኩሽያ ባላፐ ሺሽ አኮፐ፥ አሳ ግዶን ቱሙዋ ፕርዶፐ፥ 
\v 9 ታ ህግያን ሄመቶፐ፥ ታ ዎጋካ አማነቲደ ናጎፐ፥ ያቶፐ፥ እ ጽሎ አሳ፥ እ ቱሙ ፓጻ ደአና። ታን ኡባ ሞድያ መና ጎዳይ ሀዋ ኦዳይ።\x - \xo 18:9 \xo*\xt ዎጋ 18:5\xt*\x*
\p
\v 10 “ሀ ብታንያዉ ሸምፑዋ ዎያ፥ ዎይ ሀዋፐ ካሊደ ደእያዋንቱፐ ሀቃዋ ግድናካ ኦያ እት ኢታ ናአይ ደኦፐ፥ 
\v 11 ባረ አዉ ኦቤናዋ ኡባባ ኦ። እ ደርያ ቦላ ደእያ ኤቃዉ ጎይንያ ሳአቱዋን ሜ፤ እ ባረ ሾሩዋ ማጫ አሳ ቱንሴ፤ 
\v 12 እ ህዬሳነ ማንቁዋ ኡቁኔ፤ እ አሳባ ቦንቄ፤ አጮ ኦይቄዳዋ ዛረና፤ ኤቃዉካ ጎይኔ፤ ቱናባካ ኦ፤ 
\v 13 እ ድቻዉ ታልኢደ፥ ዎያ አኬ። ሄዋ ማላ አሳይ ፓጻ ደአኔ? ቱይት፥ እ ፓጻ ደኤና! እ ሄዋ ማላ ቱናባ ኦዳ ድራዉ፥ እ ቱማ ሀይቃና፤ አ ሱ አጩካ አ ቦላና ግዳናዋ።
\p
\v 14 “ሀ ኢታ ብታንያዉ ናአይ ደኦፐ ሄ ናአይ ባረ አዉ ኦያ ሀ ናጋራ ኡባ በኢደ፥ እ ሄዋ ማላባ ኦና ዮፐ፥ 
\v 15 እ ደርያ ቦላ ኤቃዉ ጎይንያ ሳአቱዋን ማና ዮፐ፥ እስራኤልያ አሳ ኤቃዉ ጎይናና ዮፐ፥ እ ባረ ሾሩዋ ማጫ አሳ ቱንሳና ዮፐ፥ 
\v 16 እ ኦናነ ኡቁናና ዮፐ፥ አጮ ኦይቄዳዋ ጉየ ዛሮፐ፥ እ አሳዋ ቦንቃና ዮፐ፥ ባረዉ ደእያዋፐ ኮሻቴዳዋንታ ምዞፐ፥ ካሎቴዳዋንታካ ማይዞፐ፥ 
\v 17 እ ባላፐ ኩሽያ ሺሽ አኮፐ፥ ዎያ አካናዉ ድቻዉ ታልአና ዮፐ፥ እ ታ ህግያ ናጎፐ፥ ታ ዎጋንካ ሀመቶፐ፥ ያቶፐ፥ እ ፓጻ ደአናፐ አትና፥ ባረ አዉዋ ናጋራን ሀይቀና። 
\v 18 ሽን አ አዉ አሳ ማታ ቦንችቤና ድራዉ፥ ባረ እሻቱዋካ ዎልቃን ቦንቄዳ ድራዉነ ባረ አሳ ግዶን ኢታ ኦዳ ድራዉ፥ ባረ ናጋራን ሀይቃና።
\p
\v 19 “ሽን ህንተ፥ ‘ናአይ ባረ አዉዋ ናጋራን አያዉ ሙረተኔ ያጊታ። ናአይ ቱሙ ፕርዳነ ሱረተ ኦደ፥ ታ ህግያ ምንሲደ ናጎፐ፥ እ ቱሙ ፓጻ ደአና። 
\v 20 ናጋራ ኦያ ሸምፑ እ ባረዉ ሀይቃና። ናአይ አዉዋ ናጋራን ሙረተና፤ ሄዋዳንካ፥ አዉ ናኣ ናጋራን ሙረታና። ጽሎ አሳ ጽሎተይ ሄ አዉዋሳ ግዳናዋ፤ ኢታ አሳ ኢታተይካ ሄ አዉዋሳ ግዳናዋ።\x - \xo 18:20 \xo*\xt ዛረ. 24:16\xt*\x*
\p
\v 21 “ ‘ሽን ናጋራንቻይ ባረ ኦዳ ናጋራ ኡባፐ ስሚደ፥ ታ አዛዙዋ ናጎፐነ ቱሙ ፕርዳነ ሱረተ ኦፐ፥ እ ቱሙ ፓጻ ደአናፐ አትና ሀይቀና። 
\v 22 እ ኦዳ ናጋራፐ እቱነ ቆፈተና። ባረ ኦዳ ጽሎ ኦሱዋ ድራዉ፥ እ ፓጻ ደአና። 
\v 23 ናጋራንቻይ ባረ ኦግያፐ ስሚደ፥ ፓጻ ደእያዋን ናሸታይፐ አትና፥ ታን ኡባ ሞድያ መና ጎዳይ አ ሀይቁዋን ናሸትከ።
\p
\v 24 “ ‘ሽን ጽሎ አሳይ ባረ ጽሎተፐ ጉየ ስሚደ፥ ናጋራንቻ አሳይ ኦያ ናጋራነ ቱና ኦሱዋ ኦፐ፥ እ ፓጻ ደአኔ? ቱይት፥ እ ኦዳ ጽሎ ኦሱዋፐ እቱነ ቆፈተና፤ እ አማነተናን እጼዳ ድራዉነ እ ኦዳ ናጋራ ኡባ ድራዉ፥ እ ሀይቃና።
\p
\v 25 “ ‘ሽን ህንተ፥ ጾሳ ኦጊ ሱረ ግደና’ ያጊታ። ህንተኖ፥ እስራኤልያ አሳቶ፥ ሀእ ስስተ! ሱረ ግደናዌ ታ ኦጌ? ሱረ ግደናዌ ህንተ ኦግያ ግደኔ? 
\v 26 ጽሎ አሳይ ባረ ጽሎተፐ ጉየ ስሚደ፥ ናጋራ ኦያ ዎደ፥ ባረ ናጋራን ሀይቄ። እ ባረ ኦዳ ናጋራ ድራዉ ደኡዋን ደኤና። 
\v 27 ሽን ኢታ አሳይ ባረ ኢታተፐ ጉየ ስሚደ፥ ቱሙ ፕርዳነ ሱረተ ኦያ ዎደ፥ እ ባረ ሸምፑዋ አሻና። 
\v 28 እ ባረ ኦዳ ናጋራ ኡባ አኬኪደ ስሜዳ ድራዉ፥ እ ቱሙ ፓጻ ደአናፐ አትና ሀይቀና። 
\v 29 ሽን እስራኤልያ አሳቱ፥ ጾሳ ኦጊ ሱረ ግደና ያጌድኖ። ህንተኖ፥ እስራኤልያ አሳቶ፥ ሱረ ግደናዌ ታ ኦጌ? ሱረ ግደናዌ ህንተ ኦግያ ግደኔ?
\p
\v 30 “ሄዋ ድራዉ፥ ህንተኖ፥ እስራኤልያ አሳቶ፥ ታን ህንተና ኡባካ ህንተ ኦግያዳን ኦግያዳን ፕርዳና። ናጋራይ ህንተ ዮ ጋሶ ግደናዳን ፓጽተ፤ ህንተ ባይዙዋ ኡባፐካ ስምተ። ታን ኡባ ሞድያ መና ጎዳይ ሀዋ ኦዳይ። 
\v 31 ህንተ ናቄዳ ናቁዋ ኡባ ህንተፐ ሃሲደ፥ ኦራ ዎዛናነ ኦራ አያና አክተ። ህንተኖ እስራኤልያ አሳቶ፥ አያዉ ሀይቂቴ? 
\v 32 ታን እት አሳ ሀይቁዋንነ ናሸትከ። ሄዋ ድራዉ፥ ህንተ ናጋራ ፓጽ ስሚደ፥ ፓጻ ደእተ! ታን ኡባ ሞድያ መና ጎዳይ ሀዋ ኦዳይ” ያጌዳ።
\c 19
\s1 እስራኤልያ ዳናቱዋ ዝላሳ
\p
\v 1 ጾሳይ ህዝቄላ፥ “እስራኤልያ ካፓቶ ሀዋዳን ያጋደ ዝላላ፤
\q1
\v 2 “ህንተ አታ ጋሞቱዋ ግዶን፥
\q2 እዛ አይባ ጋማቲ!
\q1 ያላጋ ጋሞቱዋ ግዶን ግሳደ፥
\q2 ባረ ማራቱዋ ድቻዱ።
\q1
\v 3 እዛ ባረ ማራቱዋፐ እቱዋ ድችና፥
\q2 ዎዳላ ጋሙዋ ከሴዳ።
\q1 እ ሻንካ ታማሪደ፥ አሳ ሜዳ።
\q1
\v 4 ካዉተቱ ኡባይ አባ ስሲደ፥
\q2 ኦላን ገሊደ ኦይቀቴዳ።
\q1 ኡንቱንቱ አ ማጋን ጎቺደ፥
\q2 ግብጼ ቢታ አፌድኖ።
\b
\q1
\v 5 “አ አታ ናጎዌ ፖለተናን እጽና፥
\q2 ህዶታይ ዬዳዋ በኣደ፥
\q2 ባረ ማራቱዋፐ ላኤንዋ ድቻደ፥
\q2 ዎዳላ ጋሙዋ ከሳዱ።
\q1
\v 6 እ ዎዳላ ጋሙዋ ግዲደ፥
\q2 ሀራ ጋሞቱዋ ግዶን፥
\q2 ያነ ሃነ ስመረቴዳ።
\q1 እ ሻንካ ታማሪደ፥ አሳ ሜዳ።
\q1
\v 7 እ ኡንቱንቱ ዎልቃማ ጌሱዋ መንሬደ፥
\q2 ካታማካ ባይዜዳ።
\q1 ቢታይነ ቢታን ደእያ አሳይ ኡባይ፥
\q2 አ ጉደን ሻቢረቴዳ።
\q1
\v 8 ዩሹዋን ደእያ ካዉተቱ ኡባይ፥
\q2 አ ኦይቃናዉ ጲርያ የጌድኖ።
\q1 ባረንቱ ግትያካ ምጬድኖ፤
\q2 ባረንቱ ኦላን አ ኦይቄድኖ።
\q1
\v 9 ኡንቱንቱ ባረንቱ ማጋን አ ጎቺደ፥
\q2 ኮዳን ጊጌዳ ጉ ጎልያን የጊደ፥
\q1 ባብሎነ ካትያኮ አፌድኖ።
\q2 ላኤን አ ጉደይ እስራኤልያ ደረቱዋን ስሰተናዳን፥
\q2 ኡንቱንቱ አ ቃሾ ጎልያ ገልሴድኖ።
\b
\q1
\v 10 “ ‘ነ አታ ሃ ዶናን፥
\q2 ቶከቴዳ ዎይንያ ቱራ ማላ።
\q1 ዳሮ ሃይ ደእያ ድራዉ፥
\q2 ሄ ዎይንያ ቱራይ አይፍያ ዳርጻጽ ኡቴዳ፤
\q2 ቃይ ዳሮ ዳሻና ደኤ።
\q1
\v 11 አ ማራቱዋፐ ምንያዌ፥
\q2 ሞድያዋንቱ ጻምኣ ግዴዳ።
\q1 አ ማራይ ዎልቃማ ማራቱዋፐ አዱቂደ፥
\q2 ቦላዉ አዳ።
\q1 ባረ ማራቱዋ ጮራተንነ
\q2 ቃተን ቦላና ቤቴዳ።
\q1
\v 12 ሽን ሄ ቱራይ ሀንቁዋን ሾደቲደ፥
\q2 ቢታን ኦለቴዳ።
\q1 አዋይ ዶልያ ጫርኩ አ አይፍያ መልስና ቆቆፈቴዳ፤
\q2 አ ምኖ ታሺ መልና፥ ታማይ ሜዳ።
\q1
\v 13 ሀእ ቃይ እ ሃ ባይና፥
\q2 መላ ቢታን ቶከቴዳ።
\q1
\v 14 ታማይ አ ማራቱዋፐ እቱዋ ኦይቂደ፥
\q2 አ አይፍያናካ ድፕ ኦደ ሜዳ።
\q1 ያትና፥ ካዉተ ጻምኣ ግድያ፥
\q2 አይ ምኖ ማራይካ አ ቦላን አትቤና።
\p “ ‘ሀዌ ዬኩዋ ዝላሳ፤ ሀዋ ዝላሳዳን ጎኤታናዉ በሴ’ ያጋ” ያጌዳ።
\c 20
\s1 ማካላንቻ እስራኤልያ
\p
\v 1 ኑን ኦሞደቴዳ ላፑን ላይን፥ እቼሻን አግናን፥ ታማን ጋላሳን፥ እስራኤልያ ጭማቱዋፐ አማሬዳዋንቱ መና ጎዳ ኦቻናዉ ዪደ፥ ታ ስንን ኡቴድኖ።
\p
\v 2 ያትና፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 3 “ላ አሳ ናአዉ፥ እስራኤልያ ጭማቶ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ህንተ ዬዳዌ ታና ኦቻናሴ? ታን ኡባ ሞድያ መና ጎዳይ ታ ደኡዋን ጫቃይ: ታን ህንተናን ኦሸትከ” ያጌ’ ያጋ።
\p
\v 4 “ኡንቱንቱ ቦላ ፕርዲቴ? ላ አሳ ናአዉ፥ ቱሙ ኡንቱንቱ ቦላ ፕርዲቴ? ሄዋ ግዶፐ፥ ኡንቱንቱ ማይዛ አዎቱዋ ቱና ኦሱዋ ኡንቱንታ ኤርሳ። 
\v 5 ኡንቱንቶ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ታን እስራኤልያ ዶሬዳ ዎደ ታ ኩሽያ ደንደ ጫቃድ፥ ያቆባ ዛረቶ ግብጼን ደእሺና፥ ታናተ ኤርሳደ፥ ታ ኩሽያካ ደንደ ጫቃደ፥ ታን መና ጎዳ ህንተ ጾሳ”\x - \xo 20:5-6 \xo*\xt ከሳ 6:2-8\xt*\x* ጋደ ኦዳድ። 
\v 6 ታን ህንተና ግብጼፐ ከሳደ፥ ህንተዉ ዶሬዳ ቢታ፥ ማይነ ኤሳይ ጎግያ ቢታ፥ ቢታ ኡባፐ አዳ ሎኦ ቢታ አሀና ጋደ ጫቃድ። 
\v 7 ቃይ ታን ኡንቱንታ፤ “ህንተፐ እቱ እቱ ባረ ሲቅያ ቱና ኤቃቱዋ ድጎ፤ ግብጼ ኤቃቱዋን ቱኖፕተ። ታን መና ጎዳ ህንተ ጾሳ” ያጋድ።
\p
\v 8 “ ‘ሽን ኡንቱንቱ ታዉ ማካሊደ፥ ታ ኦድያዋ ስሰናን እጼድኖ። ኡንቱንቱ ባረንቱ አሞቴዳ ቱና ኤቃቱዋ ድግበይክኖ፤ ግብጼ ኤቃዉካ ጎይንያዋ አግበይክኖ። ሄዋ ድራዉ፥ ኡንቱንቱ ግብጼን ደእሺና፥ ታ ሀንቁዋ ኡንቱንቱ ቦላ ጉሳናዉ፥ ታ ይሉዋካ ኡንቱንቱ ቦላ ዉርሳናዉ ቆፓድ። 
\v 9 ሽን ኡንቱንቱ ደእያ ካዉተቱዋ ግዶንነ እስራኤልያ አሳ ግብጼፐ ከስያዋን፥ ታን ታናተ ኤርሴዳ አሳ ስንን ታ ሱንይ ቱነናዳን ኦድ። 
\v 10 ሄዋ ድራዉ፥ ታን ኡንቱንታ ግብጼፐ ከሳደ፥ መላ ቢታ አሃድ። 
\v 11 አዛዘትያ ኡባዉ ደኡዋ እምያ ታ ዎጋ ታን ኡንቱንቶ እማድ፤ ታ ህግያካ ኡንቱንቱ ታማርሳድ።\x - \xo 20:11፣ 13 \xo*\xt ዎጋ 18:5\xt*\x* 
\v 12 ቃይ ኡንቱንታ ጌሽያዌ ታና መና ጎዳ ግድያዋ ኡንቱንቱ ኤራና ማላ፥ ታን ታ ሳምባታ ታፐነ ኡንቱንቱፐ ግዱዋን ማላ ኦደ እማድ።\x - \xo 20:12 \xo*\xt ከሳ 31:13-17\xt*\x*
\p
\v 13 “ ‘ሽን እስራኤልያ አሳይ ሀ መላ ቢታንካ ታ ቦላን ማካሌድኖ። አዛዘቴዳ ኡባዉ ደኡዋ እምያ ታ ዎጋዳን ሀመትበይክኖ፤ ታ ህግያካ መንድኖ፤ ታ ሳምባታካ ዳሮ ቱንሴድኖ። ያትና፥ ታን መላ ቢታን ታ ሀንቁዋ ኡንቱንቱ ቦላ ጉሳደ፥ ኡንቱንታ ዉርሳናዉ ቆፓድ። 
\v 14 ሽን ታን ኡንቱንታ ግብጼፐ ከስያዎ በኤዳ ካዉተቱዋ ስንን ታ ሱንይ ቱነናዳን፥ ኡንቱንታ ይሳበይከ። 
\v 15 ቃይ ኡንቱንቶ እሜዳ ቢታ፥ ማይነ ኤሳይ ጎግያ ቢታ፥ ቢታ ኡባፐ ሎእያ ቢታ ኡንቱንታ ገልሰናዳን መላ ቢታን ደእሽን ጫቃድ።\x - \xo 20:15 \xo*\xt ፓይ. 14:26-35\xt*\x* 
\v 16 አያዉ ጎፐ፥ ኡንቱንቱ ኤቃዉ ጎይኒደ፥ ታ ህግያ እጼዳ ድራሳ፥ ታ ዎጋዳን ሀመትቤና ድራሳነ ታ ሳምባታካ ቱንሴዳ ድራሳ። 
\v 17 ግዶፐነ፥ ታን ኡንቱንቶ ቃረቴዳ ድራዉ፥ መላ ቢታን ኡንቱንታ ዉርሳ ይሳበይከ።
\p
\v 18 “ ‘ኡንቱንቱ መላ ቢታን ደእሺና፥ ታን ኡንቱንቱ ናናቱዋ ሀዋዳን ያጋድ፤ “ህንተ አዎቱዋ ዎጋዳን ሀመቶፕተ፤ ኡንቱንቱ ህግያካ ናጎፕተ፤ ዎይ ኡንቱንቱ ኤቃቱዋን ቱኖፕተ። 
\v 19 ታን መና ጎዳ ህንተ ጾሳ። ታ ዎጋዳን ሀመትተ፤ ታ ህግያካ ናግተ። 
\v 20 ታፐነ ህንተፐ ግዱዋን ማላ ግዳና ማላነ ታን መና ጎዳ ህንተ ጾሳ ግድያዋ ህንተ ኤራና ማላ፥ ሳምባታ ሀራ ጋላሳፐ ዱማይተ” ያጋድ።
\p
\v 21 “ ‘ሽን ሄ ናናቱካ ታ ቦላን ማካሌድኖ፤ አዛዘትያ አሳ ኡባዉ ደኡዋ እምያ ታ ዎጋዳን ሀመትበይክኖ፤ ታ ህግያካ ኡንቱንቱ ናግበይክኖ፤ ታ ሳምባታካ ቱንሴድኖ። ያትና፥ ታን መላ ቢታን ታ ሀንቁዋ ኡንቱንቱ ቦላ ጉሳናዉ፥ ታ ይሉዋካ ኡንቱንቱ ቦላ ዉርሳናዉ ኮያድ። 
\v 22 ሽን ታን ታ ኩሽያ ሺሻ አካድ። ታን ኡንቱንታ ግብጼፐ ከስያዋ በኤዳ ካዉተቱዋ ስንን ታ ሱንይ ቱነናዳን፥ ኡንቱንታ ይሳበይከ። 
\v 23 ቃይ ኡንቱንታ ሀራ ካዉተቶነ ሀራ ቢታቶ ላላናዉ መላ ቢታን ጫቃድ።\x - \xo 20:23 \xo*\xt ዎጋ 26:33\xt*\x* 
\v 24 አያዉ ጎፐ፥ ኡንቱንቱ ታ ዎጋዉ አዛዘተናን እጼድኖ፤ ታ ህግያካ መንድኖ፤ ታ ሳምባታ ቱንሴድኖነ ባረንቱ አዎቱዋ ኤቃ አሞቴድኖ። 
\v 25 ሄዋዳንካ፥ ቃይ ኡንቱንቶ ሎኦ ግደና ዎጋቱዋነ ደኡዋ እመና ህገቱዋ እማድ። 
\v 26 ኡንቱንቱ ባረንቱ ያርሹዋን ቱናናዳን፥ ባረንቱ ባይራ ናናቱዋ ያርሻናዳን፥ ታን ኡንቱንታ የዳ በሳድ። ታን ሄዋ ኦዳዌ ኡንቱንታ ዳጋንናሳነ ታን መና ጎዳ ግድያዋ ኡንቱንታ ኤርሳናሳ ያጌ’ ያጋ።
\p
\v 27 “ሄዋ ድራዉ፥ አሳ ናአዉ፥ እስራኤልያ አሳዉ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ ህንተ አዎቱካ ታናን አማነተናን እጺደ፥ ሄ የዎቱዋን ታና ቦሬድኖ። 
\v 28 ኡንቱንቶ እማናዉ ታ ኩሽያ ደን ጫቄዳ ቢታ ኡንቱንታ አሄዳ ዎደ፥ ኡንቱንቱካ ቃ ደርያ ኡባነ እርጻ ም ኡባ በኤድኖ። ኡንቱንቱን ኡባን ባረንቱ ያርሹዋ ያርሼድኖ። ባረንቱ ጩዋይያ እጻናንነ ባረንቱ ጉስያ ኡሻ ያርሹዋን ታና ሀንቀድኖ። 
\v 29 ያትና፥ ታን ኡንቱንታ፥ ሀዌ ህንተ ብያ ቃ ሳአይ አዬ? ያጋደ ኦቻድ። ሀች ጋካናዉ ሄ ሳአይ ባማ ጌተቴ፤ ሄዋ ጉሳይካ ጎይንያ ቃ ሳኣ ጉሳ’ ” ያጌ ያጋ።
\p
\v 30 ሄዋ ድራዉ፥ እስራኤልያ አሳዉ ሀዋዳን ያጋደ ኦዳ፤ “ኡባ ሞድያ ጾሳይ ሀዋዳን ያጌ፤ ‘ህንተ ማይዛ አዎቱ ኦዳ ናጋራ ኡባ ኦደ፥ አያዉ ህንተና ቱንሲቴ? ኡንቱንቱ ቱና ኤቃ ጎይናናዉ አሞቲደ አያዉ ካሊቴ? 
\v 31 ሀችካ ሄዋ ማላ እሙዋ ሺሽያ ዎደነ ህንተ አቱማ ናናቱዋ ታማን ጹጊደ ያርሽያ ዎደ፥ ህንተ ኤቃን ኡባን ህንተና ቱንሲታ። ህንተኖ፥ እስራኤልያ አሳቶ፥ ታን ህንተናን ኦሸቶ? ታን ኡባ ሞድያ መና ጎዳይ ታ ደኡዋን ጫቃይ: ታን ህንተናን ኦሸትከ። 
\v 32 ህንተ፥ “ኑን ምዉነ ሹቻዉ ጎይንያ ሀራ ካዉተቱዋ ማላነ ጾሳ አማነና አሳ ማላ ግዳና” ያጊደ ቆፒታ። ሽን ህንተ ቆፋይ ኡባካ ሀነና።
\s1 ጾሳይ ሙሬነ ማሬ
\p
\v 33 “ ‘ታን ኡባ ሞድያ መና ጎዳይ ታ ደኡዋን ጫቃይ: ታን ታ ምኖ ቀስያን፥ ታ ሙራናዉ ደንዳ ኩሽያንነ ታ ጉሴዳ ሀንቁዋን ህንተ ቦላ ካተታና። 
\v 34 ካዉተቱዋ ግዶፐ ታን ህንተና ከሳና፤ ህንተ ላለቴዳ ቢታ ኡባፐ ታ ምኖ ቀስያን፥ ታ ምጨቴዳ ኩሽያንነ ታ ጉሴዳ ሀንቁዋን ታን ህንተና ሺሻና። 
\v 35 ታን ህንተና ካዉተቱዋ መላ ቢታ ግያ ባዙዋ አሀና፤ ህንተና ታ ስንን ኤሳደ፥ ህንተ ቦላ ፕርዳና። 
\v 36 ግብጼ ቢታ ባዙዋን ህንተ ማይዛ አዎቱዋ ቦላ ፕርዴዳዋዳን፥ ሄዋዳንካ ህንተ ቦላ ፕርዳና። ታን ኡባ ሞድያ መና ጎዳይ ሀዋ ኦዳይ። 
\v 37 ታን ህንተና ታ ካዉተ ጻምኣ ጋርሳን ዎና፤ ታ ጫቁዋ ህንተ ናጋናዳን፥ ታን ህንተና ኦና። 
\v 38 ማካላንቻቱዋነ ናጋራንቻቱዋ ታን ህንተ ግዶፐ ድጋና፤ ሀእ ኡንቱንቱ ደእያ እማተ ቢታፐ ታን ኡንቱንታ ከሳና፤ ሽን ኡንቱንቱ እስራኤልያ ቢታ ገለናዳን ድጋና። ሄ ዎደ ታን መና ጎዳ ግድያዋ ህንተ ሄዋን ኤራና’ ያጌ።
\p
\v 39 “ኡባ ሞድያ መና ጎዳይ ሀዋዳን ያጌ፤ ‘ህንተኖ፥ እስራኤልያ አሳቶ፥ ህንተ ሀእ ታን ኦድያዋ ስሰናን እጾፐ፥ ቢደ ኡባይካ ህንተ ኤቃዉ ጎይንተ። ሽን ሄዋፐ ጉይያን፥ ህንተ እሙዋንነ ህንተ ኤቃን ታ ጌሻ ሱን ቱንስክታ። 
\v 40 ታ ጌሻ ደርያን፥ ቁ ጌዳ እስራኤልያ ደርያ ቦላን ህንተ እስራኤልያ አሳይ ኩመንይ ታዉ፥ ኡባ ሞድያ መና ጎዳዉ ሄ ቢታን ጎይናና። ታንካ ህንተና ሞካ አካና፤ ህንተ ያርሹዋ፥ ህንተ ዶረቴዳ እሙዋነ ህንተ ጌሻ እሙዋ ታን ህንተፐ ኮያይ። 
\v 41 ህንተ ላለቴዳ ካዉተቱዋ ግዶፐ ታን ህንተና አህያ ዎደነ ሀራ ቢታቱዋፐ ታን ህንተና ሺሽያ ዎደ፥ ሳዉዋ ቶሹኩ ግያ ያርሹዋ አክያዋዳን፥ ታን ህንተና አካና። ካዉተቱ ጼልሽን፥ ታን ህንተ ግዶን ጌሻ ግድያዋ ኤርሳና። 
\v 42 ታን ካሰ ህንተ ማይዛ አዋቶ እማና ጋደ ጫቄዳ እስራኤልያ ቢታ ህንተና ዛራደ አሄዳ ዎደ፥ ታን መና ጎዳ ግድያዋ ህንተ ኤራና። 
\v 43 ህንተ ህንተ ኢታ ሀመታነ ህንተ ቱና ኦሱዋ ህንተ ሄ ሳኣን ሀሳያና፤ ህንተ ኦዳ ኢታ ኦሱዋ ኡባ ህንተ ሸነታና። 
\v 44 ህንተኖ፥ እስራኤልያ አሳቶ፥ ታን ህንተ ኢታ ሀመታዳንነ ህንተ ቱና ኦሱዋዳን ግደናን፥ ታ ሱን ድራዉ ታን ኦያ ዎደ፥ ታን ጾሳ ግድያዋ ህንተ ኤራና። ታን ኡባ ሞድያ መና ጎዳይ ሀዋ ኦዳይ ያጌ’ ያጋ” ያጊደ ዬዳ።
\s1 ገድሳ ባጋ ታማ ፕርዳ
\p
\v 45 መና ጎዳ ቃላይ ታኮ ሀዋዳን ያጊደ ዬዳ፤ 
\v 46 “ላ አሳ ናአዉ፥ ገድሳ ባጋ ስማደ ጼላ፤ ገድሳ ባጋዉ ኦዳ፤ ገድሳ ዎራ ቦላ ትምቢትያ ኦዳ። 
\v 47 ገድሳ ዎራዉ ሀዋዳን ያጋ፤ መና ጎዳ ቃላ ስሳ! ኡባ ሞድያ መና ጎዳይ ሀዋዳን ያጌ፤ ‘ታን ነ ግዶን ታማ ኦይና፤ ሄ ታማይ ነ እርጻ ምካ ነ መላ ምካ ኡባ ማና። ሄ ኤጽያ ታማይ ቶኤና፤ ገድሳፐ ቢደ፥ ሁጲሳ ጋካናዉ ደእያ አሳ ሶምኡዋ ኡባ ሄ ላጩ ላባና። 
\v 48 ታን መና ጎዳይ ኦይዳ ታማ ግድያዋ አሳይ ኡባይ በአና። ሄ ታማይ ቶኤና ያጌ’ ያጋ” ያጊደ ዬዳ።
\p
\v 49 ታን ዛራደ፥ “ሀእ ኡባ ሞድያ መና ጎዳዉ፥ ሀዋ ታ ኦዳናዉ ታና አዛዞፓ። ኡንቱንቱ ታና፥ ‘እ ኡባቶ ሌምሱዋ ኦዴ ግደኔ?’ ያጊደ ሃሳዪኖ” ያጋድ።
\c 21
\s1 መና ጎዳ ማሻ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ነ ሶምኡዋ የሩሳላመኮ ዛራደ፥ አሳይ ጎይንያ ሳአቱዋ ቦላ ቃላ ኦዳ፤ እስራኤልያ ቢታ ቦላን ትምቢትያ ኦዳ። 
\v 3 ሀዋዳን ያጋ፤ መና ጎዳይ ሀዋዳን ያጌ፤ ‘ታን ነዉ ሞርከ። ታን ታ ማሻ ሾኩዋፐ ሾዳደ፥ ጽሎ አሳነ ኢታ አሳ ኡባ ነ ግዱዋፐ ዉርሳና። 
\v 4 ጽሉዋነ ናጋራንቻ ኡባ ይሳናዉ ሁጲሳፐ ገድሳ ጋካናዉ ደእያ አሳ ኡባ ቦላ ታ ማሻ ሾዳና። 
\v 5 ሄዋን ታን መና ጎዳይ ታ ማሻ አ ሾኩዋፐ ሾዴዳዋነ ጉየ ዛረናዋ አሳይ ኡባይ ኤራና’ ያጌ” ያጋ።
\p
\v 6 ሄዋ ድራዉ፥ “አሳ ናአዉ፥ አሳይ ኡባይ ጼልሽን፥ ነ ዎዛናይ መእና ኦላ፥ ጫሞ ኡንአን ኦላ። 
\v 7 ኡንቱንቱ ኔና፥ ‘አያዉ ኦላይ?’ ጊደ ኦችያ ዎደ፥ ሀዋዳን ያጋ፤ ‘ስንና ይያ ኢታ ኦዶ ኦላይ። ዎዛን ኡባይ ያሻን ሙሻና፤ ኩሽያ ኡባይ አርጋጫና፤ ኡንቱንቱ ጎባተይ ኡባይ ኡንቱንቱፐ ክቻና፤ ጉልባታይ ኡባይካ ኮኮራና። ሄ ዎዲ ጋኬዳ! እ ኤለ ፖለታና! ታን ኡባ ሞድያ መና ጎዳይ ሀዋ ኦዳይ’ ያጋ” ያጊደ ዬዳ።
\p
\v 8 መና ጎዳ ቃላይ ታኮ ሀዋዳን ያጊደ ዬዳ፤ 
\v 9 “ላ አሳ ናአዉ፥ ሀዋዳን ያጋደ ትምቢትያ ኦዳ፤ ጾሳይ ሀዋዳን ያጌ፤ ‘ማሻ! ሌፈቴዳነ ቁጨቴዳ ማሻ! 
\v 10 ሹካናዉ ሌፈቴዳ። ዋልቃንዳን ጶልቁ ጋናዉ ቁጨቴዳ። ታ አሳይ እመቴዳ ሴራነ ሙሩዋ ኡባ እጼዳ ድራዉ፥ ሀዋፐ ጉይያን፥ ኦንነ ናሸተና። 
\v 11 ጎኤታናዉ ማሻይ ቁጨቴዳ፤ ሌፈቲደነ ቁጨቲደ፥ ሹክያዎ እመቴዳ።
\p
\v 12 “ ‘ላ አሳ ናአዉ፥ ዬካነ ዝላላ! አያዉ ጎፐ፥ ሄ ማሻይ ጊገቴዳዌ ታ አሳ ቦላናነ እስራኤልያ ካፖቱዋ ኡባ ቦላና። ካፓቱካ ታ አሳና እትፐ ማሻን ሀይቃና። ሄዋ ድራዉ፥ ነ ትራ ባቃ። 
\v 13 ታን ታ አሳ ፓጫና፤ ኡንቱንቱ ናጋራ ፓጸናን እጾፐ፥ ሀ መቱ ኡባይ ኡንቱንቱ ቦላ ጋካናዋ። ታን ኡባ ሞድያ መና ጎዳይ ሀዋ ኦዳይ ያጌ ያጋ።
\p
\v 14 “ ‘ሀእካ አሳ ናአዉ፥ ትምቢትያ ኦዳ፤ ነ ኩሽያካ ባቃ። ሄ ዎደ ማሻይ ላኡ ሄዙ ዛሪደ ሾጫና፤ ሄዌካ ዩሹዋ ኡባና ዩዪደ፥ ዳጋንያ፥ ዎያነ ሹክያ ማሻ። 
\v 15 ሄዌ ኡንቱንቱ ዎዛናይ ሙሻናዳንነ ኡንቱንቱፐ ዳሮቱ በታናዳን ኦና። አየ አና! ማሻይ ኡባይ ገልያ ግምቢያ ፐንገቱዋን ዋልቃንዳን ጶልቁ ጌ፤ ሾኩዋፐ ሾደቲደ ሹካናዉ ቁጨቴዳ። 
\v 16 ኔኖ፥ ቃራ ማሻዉ፥ ኡሸቻዉነ ሀድርሳዉ፥ ነ ስሜዳ ባጋ ኡባ ቡሳካ። 
\v 17 ታንካ ቃይ ታ ኩሽያ ባቃና፤ ታ ሀንቁካ ዶቻና።’ ታን መና ጎዳይ ሀዋ ኦዳድ” ያጊደ ዬዳ።
\s1 ባብሎነ ካትያ ማሻ
\p
\v 18 መና ጎዳ ቃላይ ታኮ ሀዋዳን ያጊደ ዬዳ፤ 
\v 19 “ላ አሳ ናአዉ፥ ባብሎነ ካትያ ማሻይ ይያ ላኡ ኦገቱዋን ማላ ዎ። ላኡ ኦገቱካ እት ቢታፐ ደንዲኖ። ላኡ ኦገቱ ጋከትያ ዳንዋን ካታማኮ አፍያ ሳኣን ማላ ግድያ ቱሳ ኤሳ። 
\v 20 እት ኦግያን ደእያ ማላይ ራባ ግያ አሞናቱዋ ካታማ ብያሳ ማሌ፤ ህንኩ ቃይ ይሁዳን ግምበቴዳ የሩሳላመ ካታማ ብያሳ ማሌ። 
\v 21 ባብሎነ ካቲ ኦገቱ ጋከትያ ዳንዋን፥ ማላ ቱሳቱዋ ማታን ኤቄ። እ ሀቃ ኦግያ ባነንቶ ኤራናዉ፥ ዎንዳፍያ ማሻቱዋ ሳማ የጋና፤ ባረ ኤቃቱዋና ዞረታና፤ መህያ ማራጭያካ ጼላና። 
\v 22 ድርሳ ግምበቱዋ ፐንግያ ላልያ ዱሩማ አሀና ማላ፥ ዎናዉ አዛዙዋ አና ማላ፥ ጬቁዋ ጬቀታና ማላ፥ ድርሳ ግምበቱዋ ፐንግያ ላልያ ዱሩማቱዋ ካታማ ፐንግያን ኤሳና ማላነ ቢታ ኬላና ማላ፥ ግምቢያና ጋደ ሚጻ ጊግሳና ማላ፥ የሩሳላመ ሳማይ አ ኡሸቻ ኩሽያን ዎዳ። 
\v 23 የሩሳላመ አሳይ ባብሎነ ካትያና ጫቀቴዳ ድራዉ፥ ሀዌ ባረንቱ ቦላ ጋኬ ጊደ ቆፕበይክኖ። ሽን ባብሎነ ካቲ ኡንቱንታ ኡንቱንቱ ናጋራ ሀሳይሲደ፥ ኦሞዶ አፋና።
\p
\v 24 “ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ህንተ ናጋራይ ቆንጬዳ፤ ህንተ ባይዛንቻ አሳ ግድያዋ አሳይ ኡባይ ኤሬ፤ ህንተ ኦሱ ህንተ ናጋራንቻ ግድያዋ በሴ። ሄዋ ድራዉ፥ ህንተ ባይዙ ሀሳየታና፤ ህንተካ ህንተ ሞርክያዉ አደ እመታና’ ያጌ።
\p
\v 25 “ኔኖ ኢታነ ቱና ግዴዳ እስራኤልያ ካፖ፥ ነ ዉርሰ ፕርዳ ጋላሳይ ጋኬዳ። 
\v 26 ኡባ ሞድያ መና ጎዳይ ሀዋዳን ያጌ፤ ‘ነ ሁጲያፐ ካላቻ ደን፤ ነ ሁጲያን ጻጼዳዋካ ቃራ። ሀዋፐ ስንናዉ ካሰዋዳን ሀናናዌ ባዋ፤ ዝቂ ጌዳዌ ቁ ጋና፤ ቁ ጌዳዌካ ዝቂ ጋና። 
\v 27 ባሻ! ባሻ! ታን ሀ ካታማ ባይዛና! ፕርድያ ማታይ ደእያዌ ያና ጋካናዉ፥ ሀ ካታማይ ላኤን ኬጸተና። እ ይያ ዎደ ታን አዉ አደ እማና’ ያጌ።
\p
\v 28 “ላ አሳ ናአዉ፥ ሀዋዳን ያጋደ ትምቢትያ ኦዳ፤ ‘እስራኤልያ ቦርያ አሞናቶ ኡባ ሞድያ መና ጎዳይ ሀዋዳን ያጌ፤ “ማሻ! ማሻይ ዎናዉ ሾኩዋፐ ሾደቴዳ፤\x - \xo 21:28-32 \xo*\xt ኤር. 49:1-6፤ ህዝ. 25:1-7፤ አሞጻ 1:13-15፤ ሶፎ. 2:8-11\xt*\x* ዉርሳናዉነ ዋልቃንዳን ጶልቁ ጋናዉ ቁጨቴዳ። 
\v 29 ህንተ በእያ ሳጻይ ዎርዱዋ፤ ህንተ ኦድያ ትምቢቲካ ዎርዱዋ። ህንተ ኢታነ ቱና አሳ፤ ህንተ ዉርሰ ፕርዳ ጋላሳይ ጋኬዳ። ህንተ ቆያን ማሻይ ዎና ሀኔ። 
\v 30 ማሻ ሾኩዋን ዛርተ። ህንተ መቴዳ ሳኣን፥ ህንተ የለቴዳ ቢታን ታን ህንተ ቦላ ፕርዳና። 
\v 31 ታ ሀንቁዋ ህንተ ቦላ ጉሳና፤ ታ ሀንቁዋ ታማይ ህንተ ቦላ ኤጽ ከሳና። ህንተና ባይዝያዋን ሎሄዳ፥ መቀ ባይና አሳቶ አ እማና። 
\v 32 ህንተ ታማዉ ኤያ ም ግዳና፤ ህንተ ሱይ ህንተ ቢታን ጉካና፤ ህንተ ላኤን ሀሳየትክታ። ታን መና ጎዳይ ሀዋ ኦዳድ” ያጌ’ ያጋ” ያጊደ ዬዳ።
\c 22
\s1 የሩሳላመ ናጋራ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ሱ ጉስያዋንቱ ኩሜዳ ካታማ ቦላ ፕርዳናዉ ጊጋዲ? ያቶፐ፥ እ ኦዳ ቱና ኦሱዋ ኡባ አዉ ኦዳ። 
\v 3 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ኔን ዳሮ አሳ ሱ ጉሴዳ ድራዉነ ኤቃዉ ጎይንያዋን ኔና ቱንሴዳ ድራዉ፥ ነ ዎዲ ዬዳ። 
\v 4 ኔን ጉሴዳ ሱን ባይዛንቻ ግዳዳ፤ ነ መዳ ኤቃንካ ቱናዳ። ያትና፥ ነ ፕርዳ ጋላሳይ ማታቴዳ፤ ነ ዉርሰ ላይይካ ጋኬዳ። ሄዋ ድራዉ፥ ታን ኔና ካዉተቶ ካያዋነ ሀራ ቢታቶካ ቅሊጭያዋ ከሳና። 
\v 5 ኔኖ፥ ሱን ባዬዳነ ሻቢረቴዳ ካታማትዉ፥ ማታንነ ሃኩዋን ደእያዋንቱ ኔና ቅሊጫና።
\p
\v 6 “ ‘ “ነ ግዶን ደእያ እስራኤልያ ካፓቱ ኡባቱ ሱ ጉሳናዉ ባረንቱ ዎልቃ አይ ኬሻ ጎኤትንቶ በአ። 
\v 7 ነ ግዶን ደእያዋንቱ ባረንቱ አዉዋነ ባረንቱ አቶ ቦንችክኖ፤ ኡንቱንቱ በተቱዋካ ኡቁኔድኖ፤ አምኤቱዋነ አዉ አታ ባይና ናናቱዋ ናቂኖ።\x - \xo 22:7 \xo*\xt ከሳ 20:12፤ 22:21-22፤ ዛረ. 5:16፤ 24:17\xt*\x* 
\v 8 ኡንቱንቱ ታ ጌሻ የዎቱዋ ካኖነ ታ ሳምባታካ ቱንሲኖ።\x - \xo 22:8 \xo*\xt ዎጋ 19:30፤ 26:2\xt*\x* 
\v 9 ነ ግዶን ደእያዋንቱፐ እቱ እቱ ሀራቱዋ ዎሳናዉ ዎርዱዋ ኦዲኖ፤ ሀራቱ ደርያ ቦላ ደእያ ኤቃዉ ጎይንያ ሳአቱዋን ሚኖ፤ ቃይ ሀራቱ ኡባባን ቱንያዋንቱ ነ ግዶን ደእኖ። 
\v 10 ነ ግዶን ደእያዋንቱፐ እቱ እቱ ባረ አዉዋ ማቻትና ግሲኖ፤ ሀራቱ ቃይ ፒላይ ዬዳ ማጫ ምሽራትና ዎልቃን ጋከቲኖ።\x - \xo 22:10-11 \xo*\xt ዎጋ 18:7-20\xt*\x* 
\v 11 ነ ግዶን ደእያዋንቱፐ እቱ እቱ ባረ ሾሩዋ ማቻትና ግሲኖ፤ ባረ ናኣ ማቻትና ግሲኖ፤ ባረ አዉዋ ናት፥ ባረ ምቻትና ዎልቃን ግሲኖ። 
\v 12 ነ ግዶን ደእያዋንቱፐ እቱ እቱ ሚሻ አኪደ፥ ሸምፑዋ ዎኖ፤ ሀራቱ ባረንቱ ሚሻ ድቻዉ እሚኖነ፥ ባረንቱ ሾሩዋ ሚሻ ያሽሲደ አኪኖ። ቃይ ህንተ ታና ኡባካ ዶጌድታ። ታን ኡባ ሞድያ መና ጎዳይ ሀዋ ኦዳይ።\x - \xo 22:12 \xo*\xt ከሳ 22:25፤ 23:8፤ ዎጋ 25:36-37፤ ዛረ. 16:19፤ 23:19\xt*\x*
\p
\v 13 “ ‘ “ነ ግዶን ደእያ አሳይ በሰና ሚሻ አክያ ድራዉነ ሸምፑዋ ዎያ ድራዉ፥ ታን ሀንቁዋን ታ ኩሽያ ባቃና። 
\v 14 ታን ኔና ሙርያ ጋላስ ነ ጎባተይ ኔናና ደአኔ? ዎይ ነ ኩሺ ምኖ ግዳኔ? ታን መና ጎዳይ ሀዋ ኦዳድ፤ ታን ኦዴዳዋ ታንካ ኦና። 
\v 15 ታን ነ አሳ ካዉተቱዋ ግዶንነ ሀራ ቢታቱዋ ግዶን ላላና፤ ነ ቱናተካ ታን ነ ቦላፐ ይሳና። 
\v 16 ሀራ ካዉተቱዋ ስንን ኔን ካዉሻና፤ ሽን ሄ ዎደ ታን መና ጎዳ ግድያዋ ኔን ኤራና” ያጌ’ ያጋ” ያጊደ ዬዳ።
\s1 ጾሳ ታማይ ጌሼ
\p
\v 17 ሄዋፐ ጉይያን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 18 “ላ አሳ ናአዉ፥ እስራኤልያ አሳይ አይነ ፓና ብራታ ሽኣ ማላ፤ ኡንቱንቱ ኡባይካ ብራ ሙሽሲደ ጌሽያ ዎደ፥ ሽኣ ግዲደ አትያ ናሃስያ፥ ቆርቆሩዋ፥ ብራታነ እርሳስያ ማላ። 
\v 19 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ህንተ ኡባይካ ብራታ ሽኣ ማላ ግዴዳ ድራዉ፥ ታን ህንተና ኡባካ የሩሳላመ ግዶ ሺሻና። 
\v 20 አሳይ ብራ፥ ናስያ፥ ብራታ፥ እርሳስያነ ቆርቆሩዋ ታማ ጮጭያኮ ሺሺደ ዎምፒናን ፑኒደ ሙሽስያዋዳን፥ ታን ታ ሀንቁዋንነ ታ ይሉዋን ህንተና ሺሻደ፥ ካታማ ግዶን ሙሽሳና። 
\v 21 ታን ህንተና ሺሻደ፥ ታ ሀንቁዋ ታማ ህንተ ቦላ ዎምፒና ፑንና፥ ህንተ ሄዋን ሙሻና። 
\v 22 ብራይ ጮጭያን ሙሽያዋዳን፥ ህንተ የሩሳላመን ሙሻና። ሄ ዎደ ታን መና ጎዳይ ታ ሀንቁዋ ህንተ ቦላ ጉሴዳዋ ህንተ ኤራና’ ያጌ” ያጊደ ዬዳ።
\s1 እስራኤልያ አሳ ካለያዋንቱ ናጋራ
\p
\v 23 መና ጎዳ ቃላይ ታኮ ዛሪደካ ሀዋዳን ያጊደ ዬዳ፤ 
\v 24 “ላ አሳ ናአዉ፥ ኡንቱንቱ ቢታይ ቱኔዳ ድራዉ፥ ታ ሀንቁዋን እራይ ቡከናዳን ድጋደ፥ ታን እስራኤልያ አሳ ሙሩዋ ዶሞዋ ኡንቱንቶ ኦዳ። 
\v 25 ኡንቱንቱ ካፓቱ ባረ ዎዳዋ ጉዲደ መንሬያ ጋሙዋ ማላ፤ ኡንቱንቱ አሳ ዎኖ፤ አልኦ ሚሻ ግድና፥ ሀራ ዱረታ ግድና፥ ኡባ ባረንቶ አኪኖ፤ ኡንቱንቱ ሄ ቢታን ዳሮ ማጫ አሳ አምኤ ከሴድኖ። 
\v 26 ቄሳቱ ታ ህግያ መንድኖ፤ ታ ጌሻባካ ቱንሴድኖ። ጌሻነ ቱና ሻክክኖ፤ ቃይ ቱናፐነ ቱና ግደናዋፐ ግዱዋን ደእያ ዱማተ ታማርስክኖ፤ ታ ሳምባታዉ ጋትያ እምበይክኖ። ሄዋፐ ደንዴዳዋን፥ ታን እስራኤልያ አሳ ግዶን ቦንቼታበይከ።\x - \xo 22:26 \xo*\xt ዎጋ 10:10\xt*\x* 
\v 27 አ ግዶን ደእያ ካፓቱ ባረንቱ ዎዳዋ ዱሰረያ ኦኮሮቱዋ ማላ፤ ኡንቱንቱ ባረንቶ በሰና ዱረተ ደማናዉ ሸምፑዋ ዎኖ። 
\v 28 የሩሳላመ ካታማን ትምቢትያ ኦድያዋንቱ ጎዳ ቦሹንቻ ኦክያ አሳዳን፥ ዎርዱዋ ሳፃ በእያዋንነ ዎርዱዋ ትምቢትያ ኦድያዋን፥ ኡንቱንቱ ናጋራ ገንኖ። መና ጎዳይ ኦደናን ደእሺና፥ ‘ኡባ ሞድያ መና ጎዳይ ሀዋዳን ያጌ’ ያጊኖ። 
\v 29 ሄ ቢታ አሳቱ ቦንቂኖ፤ ዛራፍኖ፤ ህዬሳቱዋነ መቶታንቻቱዋ ኡቁኒኖ፤ ኡንቱንቱ በተቱዋካ ኡንኤደ ሱረ ፕርዳ ጌላዪኖ።
\p
\v 30 “ታን ቢታ ይሰናዳን፥ ድርሳ ግምቢያ ኬጽያ፥ ኮለቴዳ ድርሳ ፐንግያ ባጋና ኤቂደ ናግያ እት አሳ ኮያድ፤ ሽን ኦናነ ደማበይከ። 
\v 31 ሄዋ ድራዉ፥ ታ ሀንቁዋ ኡንቱንቱ ቦላ ጉሳና፤ ታን ታ ሀንቁዋ ታማን ኡንቱንታ ይሳና፤ ታን ኡንቱንቱ ኦዳ ኦሱዋ ኡንቱንቱ ቦላ ዛራና። ኡባ ሞድያ መና ጎዳይ ሀዋ ኦዳይ” ያጊደ ዬዳ።
\c 23
\s1 ላኡ ሻርሙጽያ ምቼቱዋ ሌምሱዋ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ እት አትፐ የለቴዳ ላኡ ማጫ አሳቱ ደኢኖ። 
\v 3 ኡንቱንቱ ግብጼን ደኢድ፥ ባረንቱ ያላጋተፐካ ዶሚደ፥ ሻርሙጻ ግዴድኖ። ሄ ቢታን ኡንቱንቱ ንን አቱማ አሳይ ካኤዳ፤ ኡንቱንቱ ዎዶሮተይካ አከቴዳ። 
\v 4 ኡንቱንቱፐ ባይራት ሱንይ ኦሆሎ\f + \fr 23:4 \fr*\fq ኦሆሎ፦ \fq*\ft ሀ ሱን ብለይ እብራዌዋን፥ “እ ጌሻ ጎልያ” ግያዋ።\ft*\f* ቃይ እ ምቻት ቴፋት ሱንይ ኦሆልቦ\f + \fr 23:4 \fr*\fq ኦሆልቦ፦ \fq*\ft ሀ ሱን ብለይ እብራዌዋን፥ “ታ ጌሻ ጎሊ እዝና” ግያዋ።\ft*\f* ኡንቱንቱ ላኡዋካ ታን አክና፥ ታዉ አቱማነ ማጫ ናናቱዋ የሌድኖ። ኦሆላ ሳማራቶ፤ ኦሆልባ ቃይ የሩሳላሞ።
\p
\v 5 “ኦሆላ ታዉ ማቻቶ ግዳደ ደኣደካ ሻርሙጻዱ፤ እዛ ባረ ላገት አሶረ ዎታዳራቱዋ አሙዋን ጹገታደ ካላዱ። 
\v 6 ኡንቱንቱ ሳሉዋ ማላትያ ማዩዋ ማዬዳ ኦላንቻቱዋ፥ ቢታ ሞድያዋንታነ ኦላ ጋዳዋቱዋ፤ ኡንቱንቱ ኡባይካ ማልሳሳ፥ ያላጋ አቱማ አሳቱዋነ ፓራ ቶግያ ፓራ አሳቱዋ። 
\v 7 እዛ ባረና ሻርሙጻ ኦደ፥ ኡባፐ ሎእያ አሶረ አቱማ አሳቶ እማዱ። እ ሻርሙጻተይ አሶረ ቢታ ኤቃቶ ጎይናደ፥ ቱናናዳን እዞ ኦዳ። 
\v 8 አ ግብጼን ዶሜዳ ሻርሙጻተ ሀእካ አጋ በይኩ፤ እ ያላጋተፐ ዶሚደ፥ አቱማ አሳቱ እ ን ካኢኖነ ኢናና ሻርሙጺኖ።
\p
\v 9 “ሄዋ ድራዉ፥ እዛ ምንሳደ አሙዋን ሲቅያ አሶረ ቢታ ላገቶ ታን እዞ አደ እማድ። 
\v 10 ኡንቱንቱ እዞ ቃሪደ ካሎዬድኖ፤ እዝ አቱማነ ማጫ ናናቱዋ ኦሞድ ኦይቄድኖ፤ እዞካ ማሻን ዎድኖ። ባረና ጋኬዳ ፕርዳ ጋሱዋን፥ ማጫ አሳቱዋ ግዶን ቅሊጭያዋ ግዳዱ።
\p
\v 11 “እ ምቻታ ኦሆልባ ሀዋ በኣዱ፤ እዛ ባረ አሙዋንነ ባረ ሻርሙጻን ባረ ምቻትፐ ቱና ዳራዱ። 
\v 12 አካ ቃይ አሶረ ቢታ ሞድያዋንታ፥ ኦላ ጋዳዋቱዋ፥ ሎኦ ማዩዋ ማዬዳ ኦላንቻቱዋነ ፓራ ቶግያ ፓራ አሳቱዋ፥ ኡባቱካ አሞይያ፥ ያላጋ አሳቱዋ ምንሳደ ሲቃዱ። 
\v 13 አካ ባረና ቱንሴዳዋ በኣዱ፤ ኡንቱንቱ ላኡካ እት ኦግያ ቢኖ።
\p
\v 14 “እዛ ባረ ሻርሙጻተ ያ ዳርሳዱ፤ እዛ አቱማ አሳቱዋ ምስሊ ጎዳ ቦላን ዎጨት መቴዳዋ፥ ዞኦ ቃላምያን ኦከት ኡቴዳዋ በኣዱ። 
\v 15 ኡንቱንቱ ባረንቱ ጼሳን ዝናርያ ዳንጬዳዋንታነ ባረንቱ ሁጲያንካ ሎእያ ጫርቂያ ጻጼዳዋንታ። ኡንቱንቱ ኡባይካ ካላዳዋናቱዋ ቢታፐ ዬዳ ባብሎነ ካፖቱዋ ማላቲኖ። 
\v 16 እዛ ኡንቱንቱ ምስለቱዋ በኦሳናካ ዳሮ አሙዋ ጹገታደ፥ ኡንቱንታ ጼሳናዉ ባብሎነ ቢታ አሳ ኪታዱ። 
\v 17 ያትና፥ ባብሎነቱ ኢኮ ዪደ፥ ኢናና ሻርሙጺደ፥ እዞ ቱንሴድኖ። ቱኔዳዋፐ ጉይያን፥ እዛ ኡንቱንታካ ሸነታደ፥ ዎራ ስማዱ። 
\v 18 እዛ ባረ ሻርሙጻተ ቆንጭያን ኦዳ ዎደነ ባረ ካሉዋ ቃራ በሴዳ ዎደ፥ ታን እ ምቻትፐ ዎራ ስሜዳዋዳን፥ ኢፐካ ሸነታደ ዎራ ስማድ። 
\v 19 ሽን እዛ ግብጼን ሻርሙጻ ግዳደ ደእያ፥ ባረ ያላጋተ ዎድያ ሀሳያደ፥ ባረ ሻርሙጻ ካሰዋፐ ያ ዳርሳዱ። 
\v 20 ኡንቱንቱ አቱማተይ ሀርያዋ ማላ፥ ኡንቱንቱፐ ከስያ ዘረይካ ፓራዋ ማላ ግዴዳ ባረ ላገቱዋ አሙዋን ካላዱ። 
\v 21 (ኔኖ፥ ኦሆልቤ፥ ነ ያላጋተ ዎደ፥ አቱማዋንቱ ነ ንን ካእሽና፥ ነ ዎዶሮተካ አክሽና፥ ኔን ፖሌዳ ሻርሙጻተ ዛራደካ ሀእ ኦናዉ አሞታሳ።)
\s1 መና ጎዳይ ላኡ ምቼቱዋ ቦላ ፕርዴዳ
\p
\v 22 “ሄዋ ድራዉ፥ ኦሆልቤ፥ ኡባ ሞድያ መና ጎዳይ ሀዋዳን ያጌ፤ ‘ታን ነ ላገቱዋ፥ ሄ ኔን ሸነታደ ዎራ ስሜዳዋንታ ነ ቦላ ደንና፤ ታን ኡንቱንታ ነ ቦላ ኡባ ሳና አሀና። 
\v 23 ኡንቱንቱካ ባብሎነቱዋነ ካላዳዌቱዋ ኡባ፥ ፓቆዳ፥ ሾአነ ቆኣና አቱማ አሳቱዋ፥ አሶረቱዋ ኡባ፥ አሞይያ ያላጋ አሳቱዋ፥ ቢታ ሞድያዋንታ፥ ኦላ ጋዳዋቱዋ፥ ኦላንቻቱዋ፥ ካፓቱዋነ ፓራ ቶግያ ፓራ አሳቱዋ። 
\v 24 ኡንቱንቱ ኦላ ፓራ ጋረቱዋና፥ ጫና ጋረቱዋናነ ዳሮ ኦላንቻቱዋና ሁጲሳ ባጋፐ ህንተ ቦላ ያና። ኡንቱንቱ ዎጋ ጎንዳልያነ ቄር ጎንዳልያ ኦይቂደ፥ ብራታ ቆብያ ዎደ፥ ነ ዩሹዋን ሳልፓና። ታን ኔና ኡንቱንቱን ፕርድሳና፤ ኡንቱንቱካ ኔና ባረንቱ ዎጋዳን ፕርዳና። 
\v 25 ሀንቁዋ ነ ቦላ የዳና፤ ኡንቱንቱካ ኔናና ሀንቁዋ ሱሉዋን ጋከታና። ኡንቱንቱ ነ ሲያነ ነ ሀይ ቃንጻና፤ ኔፐ አቴዳዋንቱካ ማሻን ቡሳከታና። ኡንቱንቱ ነ አቱማ ናናቱዋነ ነ ማጫ ናናቱዋ ኦይቃና፤ ኔፐ አቴዳዋንታካ ታማን ጹጋና። 
\v 26 ኡንቱንቱ ነ ማዩዋ ኡባ ኔፐ ቃር አካና፤ ነ አሌቆ ኡባካ ኔፐ ከስ አካና። 
\v 27 ሄዋዳን ኦደ፥ ኔን ግብጼፐ አሄዳ ሻርሙጻተ ቃቃነ ነ ሻርሙጻተ ኡባ ታን ኔና አግሳና። ኔን ላኤን ግብጼቱዋ ኤቃ ምስለቱዋ ቁ ጋደ ጼለናዳን፥ ዎይ ኡንቱንታ ሀሳየናዳን፥ ታን ኔና ኦና’ ያጌ።
\p
\v 28 “ኡባ ሞድያ መና ጎዳይ ሀዋዳን ያጌ፤ ‘ታን ኔና ኔን እጽያዋንቶ፥ ኔን ሸነታደ፥ ኡንቱንቱፐ ዎራ ስሜዳዋንቶ አደ እማና። 
\v 29 ኡንቱንቱ ኔና እጻናነ ኔን ዳቡራደ ደሜዳዋ ቦንቂ ድጊደ፥ ኔና ካሎ ጺራ አሻና። ነ ሻርሙጻተ ፖኩ ቆንጫናዳን ኦና። ነ ዚታይነ ነ ሻርሙጻተ አሙ፥ 
\v 30 ሀዋ ነ ቦላ አሄዳ። አያዉ ጎፐ፥ ኔን ካዉተቱዋና ሻርሙጻዳ፤ ኡንቱንቱ ኤቃቱዋን ኔና ቱንሳዳ። 
\v 31 ነ ምቻታ ቤዳ ኦግያ ኔንካ ባዳ። ሄዋ ድራዉ፥ ኔናካ ታን እ ጹኣ ኡሻና’ ያጌ።
\p
\v 32 “ኡባ ሞድያ መና ጎዳይ ሀዋዳን ያጌ፤ ‘ኔን ነ ምቻት ጹኣፐ ኡሻና፤ ሄ ጹአይካ ዎልቃማነ ጭንአ። እ ትግና፥ ዳሩዋ አክያ ድራዉ፥ ነ ቦላ ቅያነ ሚቻ አሀና። 
\v 33 ኔን ማዋ ጆላናነ ካዮታና። ሄዌ ሄ ነ ምቻት ሳማርያ ጹአይ ዳጋማነ ባየ ጹኣ። 
\v 34 ነ አ ጭንግርሳደ ኡሻና፤ ጹኣካ መንና፤ መንዳ ኮንአንካ ነ ን ጋራና። ኡባ ሞድያ መና ጎዳይ ሀዋ ኦዳይ’ ያጌ።
\p
\v 35 “ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ኔን ታና ዶጌዳ ድራዉነ ታዉ ዞክያ ዛሬዳ ድራዉ፥ ኔን ነ አሙዋነ ነ ሻርሙጹዋ ጋትያ አካና’ ያጌ” ያጊደ ዬዳ።
\p
\v 36 መና ጎዳይ ታና ሀዋዳን ያጌዳ፤ “ላ አሳ ናአዉ፥ ኦሆል ቦላነ ኦሆልብ ቦላ ፕርዲቴ? ፕርዶፐ፥ ኡንቱንቱ ኦዳ ቱና ኦሱዋ ኡንቱንቶ ኦዳ። 
\v 37 ኡንቱንቱ ላኡካ ሻርሙጼድኖነ ሸምፑዋ ዎድኖ። ኡንቱንቱ ባረንቱ ኤቃዉ ጎይኔድኖ። ሀራይ አትና፥ ኡንቱንቱ ታዉ የሌዳ ባረንቱ አቱማ ናናቱዋካ ባረንቱ ኤቃቶ ቁማ ኦደ ያርሼድኖ። 
\v 38 ሄዋፐካ ሀራባ ኡንቱንቱ ታ ቦላ ኦድኖ፤ ኡንቱንቱ ታ ጌሻ ጎልያ ቱንሴድኖ፤ ኤቃቶ ያርሼዳ ጋላስ ታ ሳምባታካ ሻሬድኖ። 
\v 39 ኡንቱንቱ ባረንቱ ናናቱዋ ኤቃቶ ያርሼዳ ጋላስ፥ ሄ ጋላስ ኡንቱንቱ ታ ጌሻ ጎልያ ገሊደ ቱንሴድኖ። ኡንቱንቱ ታ ጎልያን ኦዳዌ ሀዋ።
\p
\v 40 “ሄዋዳንካ ቃይ፥ ኡንቱንቱ ሃኮ ሳፐ አቱማ አሳቱ ያናዳን፥ አሳ ኪቴድኖ፤ ኡንቱንቱካ ዬድኖ። ህንተ ላኡ ምቼቱ ህንተ ቦላ ሜጨቴድታ፤ ህንተ አይፍያካ ቃላምያ ኦኬድታ፤ አሌቁዋካ ዎድታ። 
\v 41 ጻርጴዛይ ስንን ደእያ ሎኦ አርሳ ቦላ ኡቴድታ፤ ህንተ ሄ ጻርጴዛ ቦላን ታ እጻናነ ታ ዎጋራ ዛይትያ ዎድታ። 
\v 42 ህርግ ባይና አሳ ኮሻይ ህንተ ማታን ስሰቴ፤ ማቴዳዋንቱካ ማራይ ባይና አሳና ባዙዋፐ ዬድኖ። ህንተ ኩሽያን ሳጋየቱዋ ዎድኖ፤ ቃይ ሎእያ ካላቻቱዋካ ህንተ ሁጲያን ዎድኖ።
\p
\v 43 “ታን ታ ዎዛናን፥ ‘ሀዋንቱ አቱማ አሳቱ ሀ ቦላይ ሻርሙጻን ዉር ክቼዳ ማጫ አሳቱዋና ደኡካ አ ግዴዳዋንቱና ሻርሙጻና ጊደ ሀኒኖ?’ ያጋድ። 
\v 44 አቱማ አሳይ ሻርሙጻትና ሻርሙጽያዋዳን፥ ኡንቱንቱ ኡንቱንቱና ሻርሙጼድኖ። ኤ፥ ኡንቱንቱ ሄ ሻርሙጻናዉ ቃቃትያ ኦሆሊናነ ኦሆሊብና ሻርሙጼድኖ። 
\v 45 ኡንቱንቱ ሻርሙጻ ግድያ ድራዉነ ሸምፑዋ ዎያ ድራዉ፥ ጽሎ አሳቱ ሻርሙጻቱዋ ቦላነ ሸምፑዋ ዎያዋንቱ ቦላ ፕርድያ ፕርዳ ኡንቱንቱ ቦላ ፕርዲኖ” ያጌዳ።
\p
\v 46 ኡባ ሞድያ መና ጎዳይ ሀዋዳን ያጌ፤ “ኡንቱንቱ ቦላ ዳሮ አሳቱዋ ደን አካደ ያ። ኡንቱንታ ሻቢርስያነ ኡንቱንታ ቦንቂያ አሳቶ አደ እማ። 
\v 47 ሀ ሻቢርያ አሳቱ ዪደ፥ ኡንቱንታ ሹቻን ጫድኖነ ማሻን ቡሳክኖ፤ ኡንቱንቱ ኡንቱንቱ አቱማነ ማጫ ናናቱዋ ዎና፤ ኡንቱንቱ ጎልያካ ታማን ጹግኖ። 
\v 48 ማጫ አሳይ ኡባይ ህንተና ቁለናዳን ዱናዉ፥ ታን ቢታ ኡባፐ ሻርሙጻተ ኤሳና። 
\v 49 ህንተ ላኡ ምቼቱ ህንተ ሻርሙጻተ ሙሩዋነ ኤቃቶ ህንተ ጎይኔዳ ናጋራ ጋትያ አካና። ሄ ዎደ ታን ኡባ ሞድያ መና ጎዳ ግድያዋ ህንተ ሄዋን ኤራና” ያጌ።
\c 24
\s1 ድስትያ ሌምሱዋ
\p
\v 1 ኑን ኦሞደቴዳ ኡዱፑን ላይን፥ ታማን አግናን፥ ታማን ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ሀዋ ሀች ጋላሳ ማዝጎብያን ጻፋ። አያዉ ጎፐ፥ ባብሎነ ካቲ የሩሳላመ ዶዴዳዌ ሀቻ።\x - \xo 24:2 \xo*\xt 2 ካታ. 25:1፤ ኤር. 52:4\xt*\x* 
\v 3 ሀ ማካላንቻ አሳዉ ሀ ሌምሱዋ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ማዳብያ ድስትያ ታማን ዎደ፥ ሃ አን ትጋ። 
\v 4 ያታደ ገድያነ አንጎሱዋ ማላትያ ሎኦ አሹዋ ኡባ ሙጻደ፥ አን የጋ፤ ሎኦ መቀካ ቃንጸሬደ፥ አን ኩን። 
\v 5 ሄዎ ኔን አካና ዶርሳይነ ዴሻይ ዉድያፐ ዶረቴዳዋ ግዶ። ም ድስትያፐ ጋርሳና ማራደ፥ አሹዋካ መቀካ ካአና ጋካናዉ ዶይሳ” ያጌ’ ያጋደ ኦዳ።
\p
\v 6 “ኡባ ሞድያ መና ጎዳይ ሀዋዳን ያጌ፤ ‘ሱ ጉስያዋንቱ ካታማትዉ አየ አና! ሽኢደ ኡባካ ጌየናን እጼዳ ማዳብያ ድስትያ ማላ እዛ ግዳዱ። እ ግዶን ደእያ ሙጸቴዳ አሹዋ ኡባ ሳማ የገናን ኩሽያን ጋከቴዳዋ፥ እቱዋ እቱዋ ከሳደ አካ።
\p
\v 7 “ ‘አያዉ ጎፐ፥ ሄ ካታማታ ዎዳ አሳ ሱይ ሀኖ ጋካናስካ ኢናን ደኤ፤ ሱ ጉሳደ፥ ባናን ካማናዉ ቢታን ጉሰናን፥ አያይነ ካመና ዛላ ቦላን ጉሳዱ። 
\v 8 ሀሉዋ ከሳናዉ፥ ታ ሀንቁዋ ደንናዳን፥ እ ካመተና ማላ፥ እዛ ጉሴዳ ሱ ታን ዛላ ቦላን ዎድ’ ያጌ።
\p
\v 9 “ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ሱ ጉስያ ካታማትዉ አየ አና! ታንካ ም ሎይ ጉፓና። 
\v 10 ሄዋ ድራዉ፥ ዳሮ ም ዎ፤ ታማካ ኤ። አሹዋ ሎይደ ዶይሳ፤ ጫባካ ማልኤ፤ መቀይ ጹገቶ። 
\v 11 እ ሱሊደ ፐንትና፥ አ ቦላን ደእያ ማዳቢካ ቦንቂና፥ አ ቦላን ደእያ ቅታይ ሴራናዳንነ አ ቦላን ደእያ ሽአይ ጹገት ያናዳን፥ መላ ድስትያ ታማ ቦንቁዋ ቦላ ዎ። 
\v 12 ሄ ዳቡራይ ኡባይ ጮ መላ ግዴዳ፤ አ ቦላን ደእያ ዳሮ ሽአይ ሀራይ አቶ፥ ታማንካ ክችቤና። 
\v 13 ሀነ የሩሳላመ፥ ኔን ቱኔዳዌ ነ ኢታ ኦሱዋና። ታን ኔና ጌሻናዉ ዳቡርናካ፥ ኔን ነ ቱናተፐነ ነ ኢታ ኦሱዋፐ ጌየናን እጼዳ ድራዉ፥ ነ ቦላን ታ ሀንቁ ዉራና ጋካናዉ፥ ኔን ላኤን ጌያካ። 
\v 14 ታን መና ጎዳይ ሀዋ ኦዳድ፤ ሀዌ ሀናና። ታን ጉየ ስምከ፤ ቃረትከ፤ ታ ቆፋ ላምከ። ነ ኦግያዳንነ ነ ኦሱዋዳን፥ ታን ኔና ፕርዳና። ታን ኡባ ሞድያ መና ጎዳይ ሀዋ ኦዳይ’ ያጌ” ያጊደ ዬዳ።
\s1 ህዝቄላ ማቻታ ሀይቃዱ
\p
\v 15 መና ጎዳ ቃላይ ቃይካ ታኮ ሀዋዳን ያጊደ ዬዳ፤ 
\v 16 “ላ አሳ ናአዉ፥ ኔን ሲቅያነ ነ አይፍያዉ ሎእያ ነ ማቻቶ ታን እት ኩን ዎ አጋና። ሄዋን ካዮቶፓ፥ ዬኮፓነ አፎጾፓ። 
\v 17 ኦላ፥ ሽን ነ ኦልያ አሳይ ስሶፖ፤ ሀይቄዳዎ ካዮቶፓ። ኔን ነ ሁጲያን ጻጽያዋ ጻጻ፤ ነ ገድያንካ ጫማ ዎ። ነ ዶና ካሞፓ፤ ሾቻካ ሞፓ” ያጊደ ዬዳ።
\p
\v 18 ዎንታ ታን አሳዉ ኦዳድ፤ ሄ ጋላስ ኦማርስ ታ ማቻታ ሀይቃዱ። ዎንተ ጋላስ ዎንታ ጾሳይ ታና አዛዜዳዋዳን ኦድ። 
\v 19 ያትና፥ አሳይ ታና፥ “ሀ ኔን ኦያዎ ብለይ አየንቶ ኑዉ አያዉ ኦድኪ?” ያጊደ ኦቼዳ።
\p
\v 20 ታን ኡንቱንቶ ሀዋዳን ያጋደ ዛራድ፤ “መና ጎዳ ቃላይ ታኮ ሀዋዳን ያጊደ ዬዳ፤ 
\v 21 ‘እስራኤልያ አሳ ሀዋዳን ያጋ፤ ኡባ ሞድያ መና ጎዳይ ሀዋዳን ያጌ፤ ህንተ ጬቀትያ፥ ህንተ አይፍያዉ ሎእያነ ህንተ ሸምፑ አሞትያ ታ ጌሻ ጎልያ ታን ቱንሳና ሀናይ። ህንተ ጉየ አሼዳ ህንተ አቱማ ናናቱነ ህንተ ማጫ ናናቱ ማሻን ዉራና። 
\v 22 ሄ ዎደ ታን ኦዳዋዳን፥ ህንተካ ኦና። ህንተ ዶና ካምክታ፤ ሾቻካ ሚክታ። 
\v 23 ህንተ ሁጲያ ጻጺታ፤ ህንተ ገድያን ጫማ ዎታ። ካዮትክታ ዎይ ዬክክታ። ሽን ህንተ ህንተ ናጋራ ጋሱዋን ግልቃናነ እቱ እቶ ኦላና። 
\v 24 ሄ ዎድያን ህዝቄል ህንተዉ ማላታ ግዳናዋ፤ ኡባባካ እ ኦዳዋዳን፥ ህንተ ኦና። ሀዌ ሀንያ ዎደ፥ ታን ኡባ ሞድያ መና ጎዳ ግድያዋ ህንተ ኤራና’ ያጌ” ያጋ።
\p
\v 25 ጾሳይ ታና ሀዋዳን ያጌዳ፤ “ላ አሳ ናአዉ፥ ታን ኡንቱንቱ ናሸቻነ ቦንቹዋ፥ ኡንቱንቱ አይፍያዉ ሎእያባነ ኡንቱንቱ ዎዛናይ አሞትያባ፥ ቃይ ምኖ ግዴዳ ጌሻ ጎልያ፥ ኡንቱንቱ አቱማ ናናቱዋነ ኡንቱንቱ ማጫ ናናቱዋ ኡንቱንቱፐ ዎ አካና። 
\v 26 ሄ ጋላስ ነዉ ዎርያ ኦዳናዉ እት ከስ አኪደ አቴዳ አሳይ ያና። 
\v 27 ሄ ጋላስ ነ ዶናይ ዶየታና፤ ኔንካ አናና ሃሳያና፤ ላኤን ዱደ ከሳካ። ሄዋዳን ሀናደ፥ ኔን አሳዉ ማላታ ግዳናሳ። ታን መና ጎዳ ግድያዋ ኡንቱንቱ ሄዋን ኤራና ያጌዳ ያጊደ ዬዳ” ያጋድ።
\c 25
\ms አይሁዳ ግደና አሳ ቦላ ኦደቴዳ ፕርዳ
\mr (ህዝ. 25:1—32:32)
\s1 አሞናቱዋ ቦላ ኦደቴዳ ትምቢትያ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤\x - \xo 25:1-7 \xo*\xt ኤር. 49:1-6፤ ህዝ. 21:28-32፤ አሞጻ 1:13-15፤ ሶፎ. 2:8-11\xt*\x* 
\v 2 “ላ አሳ ናአዉ፥ ነ ሶምኡዋ አሞና ቢታኮ ዛራደ፥ አሞናቱዋ ቦላ ትምቢትያ ኦዳ። 
\v 3 ሀዋዳን ያጋ፤ ‘ኡባ ሞድያ መና ጎዳ ቃላ ስስተ። ኡባ ሞድያ መና ጎዳይ ሀዋዳን ያጌ፤ “ህንተ ታ ጌሻ ጎሊ ቱንያ ዎደ፥ እስራኤልያ ቢታይ መላ አትያ ዎደነ ይሁዳ አሳይ ኦሞዶ ብያ ዎደ፥ ሀሹ! ጌዳ ድራዉ፥ 
\v 4 ታን ህንተና አዋይ ዶልያ ባጋ ቢታ አሳዉ ላታ ኦደ እማና። ያቶፐ ኡንቱንቱ ህንተ ግዶን ካምቢያ ኬጻና፤ ደአና። ህንተ ማና ቴራ ኡንቱንቱ ማና፤ ህንተ ማካ ኡንቱንቱ ኡሻና። 
\v 5 ታን ራባ ካታማ ጋሎቱ ሄመትያ ሳኣ ከሳና፤ አሞናቱዋ ጋድያካ ዶርሳ ዉዲ አላጽያ ሳኣ ኦና። ታን መና ጎዳ ግድያዋ ህንተ ሄዋን ኤራና” ያጌ።
\p
\v 6 “ ‘አያዉ ጎፐ፥ ኡባ ሞድያ መና ጎዳይ ሀዋዳን ያጌ፤ “ህንተ እስራኤልያ ባሻን ኩሽያ ባቄዳ ድራዉ፥ ጉፔዳ ድራዉነ ናሸቲደ ቅሊጬዳ ድራዉ፥ 
\v 7 ታን ህንተ ቦላ ታ ኩሽያ የዳድ። ህንተና ካዉተቶ ኦሞዱዋ ኦደ እማና። ታን ህንተና አሳ ግዶፐ ሾዳና፤ ካዉተቱዋ ግዶፐካ ይሳና። ታን መና ጎዳ ግድያዋ ህንተ ሄዋን ኤራና” ያጌ።
\s1 ሞኣባ ቢታ ቦላ ኦደቴዳ ትምቢትያ
\p
\v 8 “ ‘ኡባ ሞድያ መና ጎዳይ ሀዋዳን ያጌ፤ “ሞኣብነ ሰኢር፥ በእተ፥ ይሁዳይ ሀራ ካዉተቱዋ ማላ ያጌዳ ድራዉ፥\x - \xo 25:8-11 \xo*\xt ኢሳ. 15:1—16:14፤ 25:10-12፤ ኤር. 48:1-47፤ አሞጻ 2:1-3፤ ሶፎ. 2:8-11\xt*\x* 
\v 9 ታን ሞኣባ ቢታ ቦላን ገላደ፤ ዎራጃደ አ ዛዋ ናግያ፥ ቤት-ያሽሞታ፥ ባኣል-ማኦናነ ቅርያታይማ ጌተትያ፥ ኤረቴዳ ካታማቱዋ ይሳና። 
\v 10 ሀዋፐ ስንናዉ አሞናቱዋናካ ጉጃደ፥ ኡንቱንቱ ካዉተቱዋ ግዶን ሀሳየተናዳን፥ ታን ኡንቱንታ አዋይ ዶልያ ባጋ ቢታፐ ዬዳ አሳቶ ዱረታዳን አደ እማና። 
\v 11 ታን ሞኣባ ፕርዳና። ሄ ዎደ ታን መና ጎዳ ግድያዋ ኡንቱንቱ ሄዋን ኤራና” ያጌ።
\s1 ኤዶማ ቢታ ቦላ ኦደቴዳ ትምቢትያ
\p
\v 12 “ ‘ኡባ ሞድያ መና ጎዳይ ሀዋዳን ያጌ፤ “ኤዶማቱ ይሁዳ ቦላ ሀሉዋ ከሴዳ ድራዉነ ዳሮ ባይዛንቻ ግዴዳ ድራዉ፥\x - \xo 25:12-14 \xo*\xt ኢሳ. 34:5-17፤ 63:1-6፤ ኤር. 49:7-22፤ ህዝ. 35:1-15፤ አሞጻ 1:11-12፤ አብድ. 1-14፤ ሚልክ. 1:2-5\xt*\x* 
\v 13 ታን ኡባ ሞድያ መና ጎዳይ ታ ኩሽያ ኤዶማ ቦላ የዳና። አን ደእያ አሳነ መህያ ሙለ ይሳና፤ ይሳደ መላ ከሳና። ተማና ካታማፐ ቢደ፥ ዳዳና ካታማ ጋካናዉ፥ ኡንቱንቱ ማሻን ቡሳከታና። 
\v 14 ታን ኤዶማዉ ታ አሳ እስራኤልያ ባጋና ሀሉዋ ከሳና። እስራኤላቱ ኡንቱንቱ ቦላ ታ ሀንቁዋነ ታ ሀንቁዋ ኬሻ ኦና። ታን ሀሉዋ ከሴዳዋ ኡንቱንቱ ኤራና። ታን ኡባ ሞድያ መና ጎዳይ ሀዋ ኦዳይ” ያጌ።
\s1 ፕልስጼማቱዋ ቦላ ኦደቴዳ ትምቢትያ
\p
\v 15 “ ‘ኡባ ሞድያ መና ጎዳይ ሀዋዳን ያጌ፤ “ፕልስጼማቱ ባረንቱ ዎዛና ኢታተን ሀሉዋ ከሴዳ ድራዉነ ጋምኤዳ ሞርከተን ይሁዳ ካደ ይሳናዉ ኮዬዳ፥\x - \xo 25:15-17 \xo*\xt ኢሳ. 14:29-31፤ ኤር. 47:1-7፤ ኢዩ. 3:4-8፤ አሞጻ 1:6-8፤ ሶፎ. 2:4-7፤ ዛካ. 9:5-7\xt*\x* 
\v 16 ሄዋ ድራዉ ኡባ ሞድያ መና ጎዳይ ሀዋዳን ያጌ፤ ታን ታ ኩሽያ ፕልስጼማቱዋ ቦላ የዳደ ከሊታዌቱዋ ቃንጻና። ታን ኡንቱንታነ አባ ዶናን አቴዳዋንታ ኡባ ይሳና። 
\v 17 ታን ኡንቱንቶ ዎልቃማ ሀሉዋ ከሳና፤ ታ ሀንቁዋን ኡንቱንታ ሙራና። ታን ኡንቱንቶ ሀሉዋ ከስያ ዎደ፥ ታን መና ጎዳ ግድያዋ ኡንቱንቱ ኤራና” ያጌ’ ያጋ” ያጊደ ዬዳ።
\c 26
\s1 ጺሮሳ ካታማ ቦላ ኦደቴዳ ትምቢትያ
\p
\v 1 ኑን ኦሞደቴዳ ታማነ እተን ላይን፥ አግናዉ ኮይሮ ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤\x - \xo 26:1—28:19 \xo*\xt ኢሳ. 23:1-18፤ ኢዩ. 3:4-8፤ አሞጻ 1:9-10፤ ዛካ. 9:1-4፤ ማቶሳ 11:21-22፤ ሉቃሳ 10:13-14\xt*\x* 
\v 2 “ላ አሳ ናአዉ፥ ጺሮሳ ካታማ አሳይ ናሸቲደ፥ ‘ሀሹ! የሩሳላመ ኩንዳዱ፤ እዛ ላለታደ ዬዳነ፥ እዝ ፐንጊ ዋጋግ ጊደ ዶየቴዳ ድራዉ ሀዋፐ ስንን ኑን ዱረታና’ ያጊኖ። 
\v 3 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ኔኖ፥ ጺሮሳ ካታማቴ፥ ታን ነዉ ሞርከ። አባ ቤታይ ይያዋዳን፥ ታን ዳሮ ካዉተቱዋ ነ ቦላን አሀና። 
\v 4 ኡንቱንቱ ነ ድርሳ ግምቢያ ኮላና፤ ነ ሚጻካ ላላና። ታን ኔና ቢታ ኡባ ቁጭ አፍ ድግና፥ ካሎ ደእያ ዛላ ኦና። 
\v 5 ያቶፐ ኔን አባ ግዶን አሳቱ ባረንቱ ሞልያ ግትያ መልሳናዉ ምጭያ ሳኣ ግዳና። ታን ኡባ ሞድያ መና ጎዳይ ሀዋ ኦዳይ። ሀራ ካዉተቱ ጺሮሳ ካታማ ቦንቃናዋንታ። 
\v 6 ሄ ቢታን ሁጰትያ ካታማቱዋን ደእያ ቄር ካታማቱ አባፐ ጉ ሃክያዋንቱ ማሻን ዉርሳና። ሄ ዎደ ታን መና ጎዳ ግድያዋ ኡንቱንቱ ሄዋን ኤራና’ ያጌ።
\p
\v 7 “ኡባ ሞድያ ጾሳይ ሀዋዳን ያጌ፤ ‘ጺሮሳ ቦላ ኦላ ደንና ማላ፥ ካተቶ ካትያ ግድያ ባብሎነ ካትያ ናቡካዳናጾራ ታን ሁጲሳ ባጋፐ አሀና፤ አ ታን ፓራቱዋና፥ ፓራ ጋረቱዋና፥ ፓራ አሳቱዋናነ ዳሮ ኦላንቻቱዋና አሀና። 
\v 8 ኡንቱንቱ ሁጰትያ ቢታን ቄር ካታማቱዋ ማሻን ዉርሳና፤ ኡንቱንቱ ኔና ዶዲደ፥ ነ ድርሳ ግምቢያና ጋደ፥ ቢታ ካፋና። ያቲደ ባረንቱ ጎንዳልያ ነ ቦላ ደንና። 
\v 9 ድርሳ ግምበቱዋ ዶምኢደ ላልያ ሚሻን ድርሳ ግምቢያ መንሬና፤ ባረንቱ ኦላ ሚሻንካ ነ ሚጻ ላላና። 
\v 10 አ ፓራቱ ዳሮ ግድያ ድራዉ፥ ኡንቱንቱ ደንያ ባናይ ኔና ካማና። ፓራቱነ ፓራቱዋ ጋረቱ ላለቴዳ ካታማ ድርሳ ፐንግያ ገልያዋዳን፥ ገልያ ዎደ፥ ኡንቱንቱ ስስያ ጋርማሱነ ጊረይ ነ ድርሳ ግምቢያ ቃና። 
\v 11 ኡንቱንቱ ፓራቱ ነ ግዶን ደእያ ኦገቱዋ ኡባ የና። ነ አሳካ ማሻን ዉርሳና፤ ነ ዎልቃማ ቱሳቱካ ሳኣን ኩንዳና። 
\v 12 ባብሎነቱ ነ አቁዋነ ነ ዛልእያ ሚሻቱዋ ቦንቃናዋንታ። ነ ድርሳ ግምበቱዋነ ነ ሎኦ ኬቱዋ ኡባ ኮላና፤ ሄ ሹቻ፥ ሄ ምነ ሄ ላለቴዳ ቡርጨ ኡባ አፊደ፥ አባን ኦላና። 
\v 13 ነ ማልኦ የ ታን ድጋና፤ ነ ዲ ኮሻይካ ላኤን ስሰተና።\x - \xo 26:13 \xo*\xt ሳፃ 18:22\xt*\x* 
\v 14 ታን ኔና ካሎ ደእያ ዛላ ኦና፤ ቃይ ኔን አሳቱ ባረንቱ ሞልያ ግትያ መልሳናዉ ምጭያ ሳኣ ግዳና። ታን መና ጎዳይ ሀዋ ኦዴዳ ድራዉ፥ ኔን ላኤን ኬጸታካ። ታን ኡባ ሞድያ መና ጎዳይ ሀዋ ኦዳይ’ ያጌ።
\p
\v 15 “ኡባ ሞድያ መና ጎዳይ ጺሮሳ ካታማዉ ሀዋዳን ያጌ፤ ‘ነ ሞርከቱ ነ ቦላን ገልያ ዎደ፥ አባ ዶና ቢታቱዋን ደእያ ነ አሳይ ሲፈቲድ ጊርምያ ጊርን ስሲደ፥ ያሻዉ ኮኮራና። 
\v 16 ሄዋፐ ጉይያን፥ አባ ዶና ቢታቱዋን ደእያ ሞድያዋንቱ ባረንቱ ኦይድያፐ ዎና። ባረንቱ ቁማዩዋነ ኩሽያን ስኪደ አሌቂሴዳ ባረንቱ ማዩዋ ቃራና፤ ያሻዉ ኮኮሪደ፥ ቢታን ኡታና። ነ ቦላ ጋኬዳ መቱዋ ቆፒደ፥ ኡንቱንቱ ዳሮ ሻቢረታና፤ ኮኮርሳይካ ኡንቱንታ አገናን እጻና።\x - \xo 26:16-18 \xo*\xt ሳፃ 18:9-10\xt*\x*
\p
\v 17 “ ‘ሄዋፐ ጉይያን፥ ኡንቱንቱ ነዉ ሀዋዳን ያጊደ ዝላላና፤
\q1 “ ‘አየ፥ ኤረቴዳ ካታማቴ፥
\q2 አባ ግዶን ዎልቃምያ አሳቱ ደእያ ካታማቴ፥
\q2 ኔን ዋና ላለታዲ!
\q2 ኔንነ ነ ግዶን ደኤዳ አሳቱ
\q2 አባ ላንቂያን ደእያ አሳ ኡባ ያሽሴድታ ሽን!
\q1
\v 18 ኔን ኩንድያ ጋላስ፥
\q2 አባ ጋጻን ደእያዋንቱ ኮኮሬድኖ።
\q1 አባ ግዶን ደእያ አሳቱካ፥
\q2 ኔን ላለቴዳ ጋሱዋን ዳጋሜድኖ’
\m ያጋናዋ ያጌ።
\p
\v 19 “ኡባ ሞድያ መና ጎዳይ ሀዋዳን ያጌ፤ ‘ሀእ አሳይ ደኤና ካታማቱዋዳን፥ ታን ኔና መላ ከሳና። ቃይ ታን ጪማ አባ ነ ቦላን አህና፥ ሄ ዳሮ ሃይ ኔና ካማና። 
\v 20 ሄ ዎደ ታን ኔና ዱገ ጪማ ኦላዉ ብያዋንቱና እትፐ፥ አዱሳ ዎድያፐ ካሰ ሀይቄዳ አሳቱዋኮ ዱገ የጋና። ኔን ቢታፐ ጋርሳን፥ በን ሞገቴዳ ቡርጨቱ ደእያ ሳን፥ ጪማ ኦላዉ ብያዋንቱና እትፐ ደአናዳን፥ ታን ኔና ኦና። ኔን ላኤን አሳይ ደእያ ካታማ ከሳካ፤ ፓጻ ደእያዋንቱ ቢታንካ ስማደ፥ ነ ሳኣ ኦይቃካ። 
\v 21 ታን ነ ዉርሰ ዳጋንያ ዉርሰ ኦና፤ ኔን ላኤን ኡባካ ደአካ። አሳይ ኔና ኮያና፤ ሽን ኔን ላኤን ኡባካ ቤታካ። ታን ኡባ ሞድያ መና ጎዳይ ሀዋ ኦዳይ’ ያጌ” ያጊደ ዬዳ።\x - \xo 26:21 \xo*\xt ሳፃ 18:21\xt*\x*
\c 27
\s1 ጺሮሳዉ ከሴዳ ዝላሳ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ጺሮሳዉ ዝላላ። 
\v 3 አባ ዶናን ደእያነ አባ ዶና ዳሮ ቢታቱዋን ደእያ አሳና ዛልእያ፥ ሄ ካታማዉ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ኔኖ ጺሮሳ፥ ኔን፥ ታን ፑላን ልከትያዌ ባይና ኩመን ያጋደ ኦቶረታዳ። 
\v 4 ነ ዛዋይ አባ ጉልኣና፤ ኔና ኬጽያዋንቱ ኔና ሎይደ ኬጼድኖ። 
\v 5 ነ ሳንቃ ሳኒራ ግያ ሳኣፐ ቃንጼዳ ጺዳን ኦድኖ፤ ነ ማርካብያ ቱሳ ሊባኖሳፐ ዬዳ ዝጋፐ ጊግሴድኖ። 
\v 6 ማርካብያ ሶልድሳናዉ ሃ ጉየ ፑሻክያ ነ ሞቀቱዋ ባሳነ ኤፐ ኦድኖ፤ ነ ዉይግያ ቆጲሮሳፐ ዬዳ ዱማ ጺዳ ሳንቃን ኦድኖ፤ ሄ ዉይግያ ዳንጋርሳ ዛልያን አሌቀቴዳ። 
\v 7 ነ ሻራይ ባንድራዳን ሃኩዋን ቤታና ማላ፥ ኩሽያን ስኪደ አሌቂሴዳ ግብጼቱዋ ሊኑዋፐ ኦሰቴዳዋ፤ ኔና ካምያ ጋርዶቱካ ኤሊሻ ዎምባፐ ዬዳ፥ ሳሉዋ ማላትያነ ኦቻ ቴራ ማላትያ ጫርቂያፐ ኦሰቴዳዋንታ። 
\v 8 ነ ማርካብያ ሶልድስያዋንቱ ሲዶናነ አርዋዳ ጌተትያ ካታማቱዋፐ ዬዳዋንታ፤ ነ ማርካብያ ላግያዋንቱ ሎሄዳ ነ አሳቱዋ። 
\v 9 ማርካብያ ግዶን ዛኤዳሳ ሽድያዋንቱ ገባላፐ ዬዳ ጭማቱዋነ ኤራንቻ አሳቱዋ፤ አባን ብያ ማርካብያ ኡባን ደእያ ኦሳንቻቱ ነ ግዶን ዎ ዎይ ጉጃ ጊደ ፓሉመቲደ ዛልኢኖ።
\p
\v 10 “ ‘ “ፓረሳፐ፥ ሊድያፐነ ሊብያፐ ዬዳ ኦላንቻቱ ነ ኦላንቻቱዋ ማዲደ ኦለቴድኖ፤ ባረንቱ ጎንዳልያነ ባረንቱ ኦላ ቆብያ ነ ግዶን ካቄድኖ፤ ኡንቱንቱ ኔና ቦንችሴዳዋንታ። 
\v 11 አርዋደፐነ ሄሌካፐ ዬዳ ኦላንቻቱ ነ ድርሳ ግምቢያን ናጊኖ፤ ጋማዳፐ ዬዳ አሳቱ ነ አዱሳ ግምቢያን ናጊኖ። ኡንቱንቱ ባረንቱ ጎንዳልያ ነ ግምቢያ ዩሹዋን ካቄድኖ፤ ነ ፑላና ልከትያዌ ባይና ኩመን ግዳናዳን ኦዳዋንቱ ኡንቱንታ።
\p
\v 12 “ ‘ “ነ ዱረተ ዳሩዋ ጋሱዋን ታርሴስ ኔናና ዛልኤዳ፤ እ ብራ፥ ብራታ፥ ቆርቆሩዋነ እርሳስያ እሚደ፥ ነ ሚሻና ላሜዳ። 
\v 13 ግሪኪ፥ ቱባልነ መሸክ ኔናና ዛልኤድኖ፤ አይለቱዋነ ናስያ ብራታፐ ኦሰቴዳ ሚሻ እሚደ፥ ነ ሚሻና ላሜድኖ። 
\v 14 ቤት-ቶጋርም ቶግያ ፓራቱዋ፥ ኦላ ፓራቱዋነ ባሉቆቱዋ እሚደ፥ ነ ሚሻና ላሜዳ። 
\v 15 ሮዳ ቢታ አሳይ ኔናና ዛልኤዳ፤ ቃይ አባ ዶና ቢታቱዋን አሳይ ዳንጋርሳ ዛልያነ ዞጵያ ግያ ም አሂደ፥ ነዉ ቃንጼዳ።
\p
\v 16 “ ‘ “ነ ዱረተ ዳሩዋ ጋሱዋን፥ ሶርያ አሳቱካ ኔናና ዛልኤድኖ፤ ኡንቱንቱ ማታ ማላትያ እንቁዋ፥ ዞኦ እንቁዋ፥ የሌሉዋፐ ኦሰቴዳ አሌቁዋ፥ ኦቻ ቴራ ማላትያ ጫርቂያ፥ ሌኦ ሊኑዋነ አሌቁዋ ስኬዳ ማዩዋ እሚደ፥ ነ ሚሻና ላሜድኖ። 
\v 17 ይሁዳነ እስራኤልያ አሳቱ ኔናና ዛልኤድኖ፤ ኡንቱንቱ ምንተ ጋደ ዛርጋ፥ ማልዱዋ፥ ኤሳ፥ ዛይትያነ ባላሳመ ግያ ልያ ዛይትያ እሚደ፥ ነ ሚሻና ላሜድኖ። 
\v 18 ነ ዱረተ ዳሩዋ ጋሱዋንነ ነ ሺሼዳ ዱማ ዱማ ሚሻቱዋ ጋሱዋን ዳማስቆ አሳቱ ኔናና ዛልኤድኖ፤ ኡንቱንቱ ሄልቦና ዎይንያ ኤሳነ ሳሆራ ዶርሳ እስክያ እሚኖ። 
\v 19 ኡዛላን ደእያ ዳናዌቱነ ግሪከ አሞናቱ ነ ሚሻና ላሜድኖ። ሄዋዳንካ ቃይ፥ ቆጼዳ ብራታነ ዱማ ዱማ ቅማመቱዋ ነዉ እሚደ ላሜድኖ።
\p
\v 20 “ ‘ “ዳዳና አሳቱ ኮራ ግላስያ አሂደ ዛልኤድኖ። 
\v 21 አራባቱነ ቄዳረ ቢታ ካፓቱ ኡባይ ነ ዛልእያ ሚሻዉ ዶርሳ ማራቱዋ፥ ዶርሳ ኦርገቱዋነ ዴሻቱዋ አሂደ ዛልኤድኖ። 
\v 22 ሳባነ ራእማ ዛልአንቻቱ እንቁዋ፥ ዎርቃነ ሎኦ ዶረቴዳ ቅማመቱዋ እሚደ፥ ነ ሚሻና ላሜድኖ። 
\v 23 ካራነ፥ ካኔሀ፥ ኤደነ፥ ሳባ፥ አሶረነ ክልማዳ ጌተትያ ካታማቱ ኡባይ ኔናና ዛልኤድኖ። 
\v 24 ኡንቱንቱ ሎኦ ማዮቱዋ፥ ሳሉዋ ማላትያ ማዩዋ፥ አሌቁዋ ስኬዳ ማዩዋ፥ ጋዛ ምንጻፈቱዋ፥ ሎይ ዶቄዳ ባቀነ ዎዶሩዋ እሚደ፥ ነ ገያን ሚሻና ላሜድኖ።
\p
\v 25 “ ‘ “ነ ሚሻቱ ተርሴሰ ዛልአንቻቱዋ ዎልቃማ ማርካባቱዋን ጫነቲደ ቤድኖ። ኔንካ ዳሮባይ ጫነትና ኩማደ፥ አባ ቦላን ብያ ማርካብያ ማላ ግዳዳ።\x - \xo 27:25-36 \xo*\xt ሳፃ 18:11-19\xt*\x* 
\v 26 ነ ማርካብያ ሶልድስያዋንቱ ኔና አኪደ፥ አባዉ ግዶ ግሻቻ አፌድኖ፤ ሽን አዋይ ዉልያ ባጋ ጫርኩ ኔና አባዉ ግዶ ግሸቻን መንሬዳ። 
\v 27 ኔን መኤረቴዳ ጋላስ ነ ዱረተይነ ነ ዛልእያ ሚሻይ ኡባይ፥ ነ ማርካብያ ሶልድስያዋንቱ፥ ነ ማርካብያ ላግያዋንቱ፥ ነ ማርካብያ ግዶን ዛኤዳሳ ሽድያዋንቱ፥ ነ ዛልአንቻቱነ ነ ግዶን ኦላንቻቱ ኡባይ አባ ግዶ ሙከቴድኖ። 
\v 28 ማርካብያን ብያ አሳቱዋ ዋሱዋ ኮሻይ አባ ጋጻ ጋካናዉ ስሰቴ።
\p
\v 29 “ ‘ “ማርካብያ ሶልድስያዋንቱነ ላግያዋንቱ ኡባይ ባረንቱ ማርካበቱዋፐ ከሲደ፥ አባ ጋጻን ኤቄድኖ። 
\v 30 ኡንቱንቱ ኡባይካ ባረንቱ ሁጲያን ባና ቆሊደ፥ ብድንን ጎንዶረቲደ፥ ነ ባየ ድራዉ፥ ኢታ ዬኩዋ ዬኬድኖ። 
\v 31 ነዉ ካዮቲደ፥ ባረንቱ ሁጲያ ሜዲደ፥ ማቃ ማዬድኖ፤ ኡንቱንቱ ዳሮ ሴለቲደ፥ ነዉ ዬኬድኖ። 
\v 32 ነዉ ኡንቱንቱ ሀዋዳን ያጊደ ዝላሌድኖ፤
\q1 “ ‘ “ሀእ አባ ግዶን ስርጵ ጌዳ፥
\q2 ጺሮሳና ልከትያዌ ኦኔ?
\q1
\v 33 ነ ዛልእያ ሚሻይ አባ ፕኒደ ይያ ዎደ፥
\q2 ቢታን ደእያ ዳሮ አሳ ካልሳዳ፤
\q2 ነ ማጹዋን ካተቱ ዱረቴድኖ።
\q1
\v 34 ሽን ሀእ አባ ጪማን መኤረታዳ።
\q2 ነ ዛልእያ ሚሻይካ፥ ነዉ ኦያ አሳቱ ኡባቱካ፥
\q2 ኔናና አባ ግዶን ሙከቲደ ዬድኖ።
\q1
\v 35 አባ ዶና ቢታቱዋን ደእያ አሳይ ኡባይ፥
\q2 ነ ቦላ ጋኬዳዋ በኢደ ዳጋሜድኖ።
\q1 ኡንቱንቱ ካተቱካ ዳሮ ያዬድኖ፤
\q2 ኡንቱንቱ ሶምኢ ያሻ ኤርሴ።
\q1
\v 36 ነ ዉርሰይ ዳጋንያዋ ግዴዳ፤
\q2 ኔን ላኤን ኡባካ ደአካ።
\q1 ሄዋ ድራዉ፥ ቢታ ኡባን ደእያ፥
\q2 ዛልአንቻቱ፥ ፖራ! ጌድኖ
\m ያጊደ ዝላሌድኖ” ያጌ’ ያጋ” ያጊደ ዬዳ።
\c 28
\s1 ጺሮሳ ሞድያዋንቱ ቦላ ያና ፕርዳ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ጺሮሳ ካፑዋ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ነ ዎዛናይ ኦቶረቴዳ ድራዉ፥ ታን ጾሳ፤ ታን አባ ግዶ ግሸቻን፥ ጾሳቱዋ አራታን ኡታድ ያጋዳ። ኔን፥ ታን ጾሳዳን፥ አዳ ኤራንቻ ከሳድ ጋደ ቆፖፐነ፥ ኔን አሳፐ አትና፥ ጾሳ ግዳካ። 
\v 3 ኔን ዳኔላፐካ አዳ ኤራንቼ? አይ ጹራይካ ኔፐ ጌመኔ? 
\v 4 ቱሙካ ኔን ነ አዳ ኤራንነ ነ አኬካን ዱረ ግዳዳ፤ ብራነ ዎርቃ ነ ዱረታ ምንጅያ ጎልያ ሺሻዳ። 
\v 5 ነ ዛልእያ ኤራን ዳሮ ዎያ ደማዳ፤ ነ ዱረታፐ ደንዴዳዋን ነ ዎዛናይ ኦቶረቴዳ” ያጌ።
\p
\v 6 “ ‘ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ኔን፥ ታን ጾሳዳን፥ አዳ ኤራንቻ ጋደ ቆፕያ ድራዉ፥ 
\v 7 ታን ነ ቦላ ካዉተቱዋ ኡባፐ መቀ ባይና፥ ኢታ ሞርከቱዋ አሀና፤ ኔን ነ አዳ ኤራን ሺሼዳ ማጹዋ ኡባ ኡንቱንቱ ባረንቱ ማሻን ይሳና፤ ነ ቦንቹዋካ ኡንቱንቱ ቱንሳና። 
\v 8 ኔና ኡንቱንቱ ዎደ፥ አባ ጪማን ኦላና። 
\v 9 ያትና፥ ኔና ዎና ሀንያዋ ስንን ኔን፥ ቱሙ ታን ጾሳ ጋኒ? ኔና ዎያዋንቱ ኩሽያን ኔን አሳፐ አትና፥ ጾሳ ግዳካ። 
\v 10 ኔን አላጋቱዋ ኩሽያን አማነና አሳይ ሀይቂያ ሀይቁዋ ሀይቃና። ታን ኡባ ሞድያ መና ጎዳይ ሀዋ ኦዳድ” ያጌ’ ያጋ” ያጊደ ዬዳ።
\s1 ጺሮሳ ካትያ ኩንደ
\p
\v 11 ቃይካ መና ጎዳ ቃላይ ታኮ ሀዋዳን ያጊደ ዬዳ፤ 
\v 12 “ላ አሳ ናአዉ፥ ጺሮሳ ካትያዉ ሀዋዳን ያጋደ ዝላላ፤ ‘ኡባ ሞድያ መና ጎዳይ ሀዋዳን ያጌ፤ “ኔን ካሰ አዳ ኤራን ኩሜዳዋ፤ ኔን አሳይ ሌምሲደ ኦድያ አዳ ፑላንቻ ግዳዳ። 
\v 13 ኔን ኤደነን፥ ጾሳ ገነትያን ካሰ ደኣዳ፤ ሳርድዮነ፥ ቶጳዝዮነ፥ አልማዘ፥ ብራለ፥ ማርግደ፥ ያስጲደ፥ ሳምፔረነ ባሉራ ጌተትያ አልኦ ሹቻን አሌቀታደ፥ ሎኦ ዎርቃ አሌቁዋ ካሰ ማያዳ፤ ኔን መቴዳ ጋላስ ሀዌ ኡባይ ነዉ ጊጌዳ። 
\v 14 ታን ኔና ናግያ ክሩበ ኦደ ሱንድ፤ ያታደ ኔና ኦካድ። ታ ጌሻ ደርያ ቦላን ኔን ደኣዳ፤ ቃይ ታማዳን ጶልያ አልኦ ሹቻቱዋ ግዶን ስመረታዳ።
\p
\v 15 “ ‘ “ኔን መቴዳ ጋላሳፐ ዶማደ፥ ኢታባይ ነ ቦላ ቤቴዳ ጋላሳይ ጋካናዉ፥ ነ ኦግያ ኡባን ቶሺ ባይናን ደኣዳ። 
\v 16 ነ ዳሮ ዛልእያፐ ደንዴዳዋን፥ ማካላን ኩማደ፥ ናጋራ ኦዳ። ሄዋ ድራዉ፥ ታ ጌሻ ደርያፐ ቱናባዳን፥ ኔና ዎልቃን ከሳድ። ኔኖ፥ ናግያ ክሩብያዉ፥ ሄ ታማዳን ጶልያ አልኦ ሹቻቱዋ ግዶፐ ታን ኔና የደርሳድ። 
\v 17 ኔን ፑላንቻ ግድያ ድራዉ፥ ዳሮ ኦቶረታዳ፤ ነ ቦንቹዋ ጋሱዋን፥ ነ አዳ ኤራ ቱንሳዳ። ሄዋ ድራዉ፥ ታን ኔና ሳኣን ኦላድ፤ ሀራ ካተቱ ኔና በኢደ ሴረታናዳን ኦድ። 
\v 18 ነ ናጋራ ዳሩዋንነ ነ ጭሙዋ ዛልእያን፥ ነ ጎይንያ ሳአቱዋ ኡባ ቱንሳዳ። ሄዋ ድራዉ፥ ታን ታማይ ነ ግዶፐ ከሳናዳን ኦድ፤ እካ ኔና ሜዳ። ኡባቱ ጼልሽን፥ ታን ኔና ሳኣ ቦላን ብድን ከሳድ። 
\v 19 ኔና ካሰ ኤርያ ካዉተቱ ኡባይ ነባን ዳጋሜድኖ። ነ ዉርሰይ ያሽያዋ ግዴዳ፤ ኔን ላኤን ኡባካ ደአካ” ያጌ’ ያጋደ ዝላላ” ያጊደ ዬዳ።
\s1 ሲዶና ቦላ ያና ፕርዳ
\p
\v 20 መና ጎዳ ቃላይ ታኮ ሀዋዳን ያጊደ ዬዳ፤\x - \xo 28:20-26 \xo*\xt ኢዩ. 3:4-8፤ ዛካ. 9:1-2፤ ማቶሳ 11:21-22፤ ሉቃሳ 10:13-14\xt*\x* 
\v 21 “ላ አሳ ናአዉ፥ ነ ሶምኡዋ ሲዶና ካታማኮ ዛራደ፥ አ ቦላ ትምቢትያ ኦዳ። 
\v 22 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ኔኖ፥ ሲዶና፥ ታን ነዉ ሞርከ! ነ ቦላ ኦያዋን ታ ቦንቹ ቆንጫና። ነ ግዶን ደእያዋንታ ፕርድያዋን ታን ታ ጌሻተ በስያ ዎደ፥ ታን መና ጎዳ ግድያዋ ኡንቱንቱ ኡባይ ኤራና። 
\v 23 ታን ነ ግዶን ኢታ ሀርግያ የዳና፤ ነ ኦግያን ሱይ ጉካናዳን ኦና። ኡባ ባጋና ይያ ኦላ ጋሱዋን ነ አሳይ ማሻን ሀይቃና። ታን መና ጎዳ ግድያዋ ኡንቱንቱ ሄዋን ኤራና።
\p
\v 24 “ ‘ “ሀዋፐ ስንናዉ እስራኤልያ ዩሹዋን ደእያ፥ አ ካደ ጼልያ ቢታ ኡባፐ፥ አጉን ማላነ ካሽያ ማላ ግዲደ ቆህያባይ ኦንነ ደኤና። ታን ኡባ ሞድያ መና ጎዳ ግድያዋ ኡንቱንቱ ሄዋን ኤራና” ያጌ’ ያጋ” ያጊደ ዬዳ።
\s1 እስራኤልያ አሳ አንጁዋ
\p
\v 25 ኡባ ሞድያ መና ጎዳይ ሀዋዳን ያጌ፤ “እስራኤልያ አሳ ኡንቱንቱ ላለቴዳ ካዉተ ኡባፐ ሺሻደ፥ ታን አህያ ዎደነ ኡንቱንቱ ሄ ካዉተቱዋ ኡባ ስንን ታን ታ ጌሻተ በስያ ዎደ፥ ታን ታ ቆማ ያቆባዉ እሜዳ ባረንቱ ቢታን ኡንቱንቱ ደአና። 
\v 26 ሄዋን ኡንቱንቱ ሳሩዋን ደአና፤ ጎልያ ኬጻና፤ ዎይንያ ቱራካ ቶካና። ኡንቱንታ ካደ ጼልያ ኡንቱንቱ ሾሮቱዋ ኡባካ ታን ፕርድያ ዎደ፥ እስራኤልያ አሳይ ሳሩዋን ደአና። ሄ ዎደ ታን መና ጎዳይ ኡንቱንቱ ጾሳ ግድያዋ ኡንቱንቱ ሄዋን ኤራና” ያጌ።
\c 29
\s1 ግብጼ ቦላ ያና ፕርዳ
\p
\v 1 ኑን ኦሞደቴዳ ታማን ላይን፥ ታማን አግናን፥ ታማነ ላኤን ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤\x - \xo 29:1—32:32 \xo*\xt ኢሳ. 19:1-25፤ ኤር. 46:2-26\xt*\x* 
\v 2 “ላ አሳ ናአዉ፥ ነ ሶምኡዋ ግብጼ ካትያኮ ዛራደ፥ አ ቦላነ ግብጼ ቢታ ኡባ ቦላ ትምቢትያ ኦዳ። 
\v 3 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ኔኖ፥ ፓርኦና፤ ናይለ ሻፋ ግዶን ግሴዳ፥ ሎይ ዎልቃማነ ያሽያ ዶአዉ፥ ናይለ ሻፋይ ታዋ፤ አ መዳዌ ታና ያግያ ግብጼ ካትያዉ፥ ታን ነዉ ሞርከ! 
\v 4 ታን ነ ጎጎጩዋን ህንግ ገልሳና፤ ነ ሻፋን ደእያ ሞለቱ ነ ጋልባ ፖቁዋና ኦይቀታናዳን ኦና፤ ሞለቱ ነ ጋልባና ኦይቀት ኡት ደእሽን፥ ታን ኔና ሃቱዋፐ ጎቻደ ጋጻ ከሳና። 
\v 5 ታን ኔናነ ነ ሻፋን ደእያ ሞለቱዋ ኡባ መላ ቢታን ኦላና፤ ነ አሃይ ደምባን ኦለት አታናዋ፤ ነ አሃ ሺሺደ ሞግያዌ ያና። ታን ኔና ሳሉዋ ካፎቶነ ሳኣ ዶአቶ ቁማ ኦና። 
\v 6 ግብጼን ደእያ አሳይ ኡባይ ታን መና ጎዳ ግድያዋ ሄዋን ኤራና።\x - \xo 29:6 \xo*\xt ኢሳ. 36:6\xt*\x*
\p “ ‘ “ኔን እስራኤልያ አሳዉ ማቃ ጉፍያ ግዳዳ፤ 
\v 7 ኡንቱንቱ ኔና ኦይቄዳ ዎደ መአደ፥ ኡንቱንቱ ሀሽያ ጫዳዳ፤ ኡንቱንቱ ኔናን ዘምፔዳ ዎደ መአደ፥ ኡንቱንቱ ዞክያ ዱዳ። 
\v 8 ሄዋ ድራዉ፥ ታን ኡባ ሞድያ መና ጎዳይ ነ ቦላን ማሻ ደንያዋንታ አሀና፤ ኡንቱንቱ ነ አሳነ ነ መህያ ኡባ ዉርሳና። 
\v 9 ግብጼ ቢታይ አሳይ ባይና መላነ ኦና ቢታ ግዳና። ታን መና ጎዳ ግድያዋ ኡንቱንቱ ሄዋን ኤራና።
\p “ ‘ “ሄዌካ ኔን፥ ናይለ ሻፋይ ታዋ፤ አ መዳዌ ታና ያጌዳ ድራዉ፥ 
\v 10 ታን ነ ቦላነ ነ ሻፋ ቦላ ደንዳድ። ታን ሁጲሳ ባጋና ምግዶላፐ ዶማደ፥ ገድሳ ባጋና አስዋነ ካታማ፥ ሄዋፐካ ቶጵያ ዛዋ ጋካናዉ ግብጼ ኡባ አሳይ ባይና መላነ ኦና ሳኣ ከሳና። 
\v 11 አሳ ግድና መህያ ግድና፥ ሄዋና አና፤ ኦይታሙ ላይይ ዉራና ጋካናዉ፥ አያይነ ሄዋን ደኤና። 
\v 12 ታን ግብጼ ቢታይ ቢታ ኡባፐ አዳ መላነ ኦና ቢታ ኦና፤ አ ካታማቱካ ኦይታሙ ላይይ ዉራናዉ፥ ሀራ ኮለቴዳ ካታማ ኡባፐ አዋ ኮለቲደ ደአና። ግብጼ አሳ ታን ካዉተቱዋ ግዶንነ ሀራ አሳ ግዶን ላላና” ያጌ።
\p
\v 13 “ ‘ኡባ ሞድያ መና ጎዳይ ሀዋዳን ያጌ፤ “ኦይታሙ ላይፐ ጉይያን፥ ታን ግብጼቱዋ ላሌዳ ካዉተቱዋ ግዶፐ ሺሻና። 
\v 14 ታን ኡንቱንታ ዛራደ እሻልሳና፤ ኡንቱንቱ የለቴዳ ገድሳ ግብጼን ደእያ ፓትሮሳ ቢታ ዛራና፤ ሄዋን ኡንቱንቱ ላፋ ካዉተ ግዲደ ደአና። 
\v 15 ግብጼ ሀራ ካዉተቱዋ ኡባፐ አዳ ላፋ ካዉተ ግዳና። ላኤን ሀራ ካዉተቱዋ ቦላ ባረና ቁ ቁ ኦና። ላኤን እ ሀራ ካዉተ ሞደናዳን፥ ታን እዞ ጉና። 
\v 16 እስራኤልያ አሳይ ላኤን ማዱዋ ደማናዉ ኡንቱንቱን አማነተና፤ ግብጼን አማነቴዳዌ አይ ኬሻ ባይዘንቶ እስራኤልያ አሳይ አኬካና። ኡባ ሞድያ መና ጎዳ ግድያዋ ኡንቱንቱ ሄዋን ኤራና” ያጌ’ ያጋ” ያጊደ ዬዳ።
\s1 ካቲ ናቡካዳናጾር ግብጼ ጾናና
\p
\v 17 ኑን ኦሞደተዳ ላታማነ ላፑን ላይን፥ ኮይሮ አግናን፥ ኮይሮ ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 18 “ላ አሳ ናአዉ፥ ባብሎነ ካቲ ናቡካዳናጾር ጺሮሳ ቦላ ኦላ ደንናዉ ጊጌዳ፤ ኡንቱንቶ ሁጲ ቦአታና ጋካናስነ ሀሺካ ማዱጻና ጋካናዉ፥ ኦላንቻቱ ዴጾ ቶኩዋ ቶካናዳን ኦድኖ፤ ግዶ ሽን፥ ካዉካ ኦላንቻቱካ ሀ ዳቡራ ኡባን ኡንቱንቱ ጺሮሳፐ ደሜዳዌ ባዋ። 
\v 19 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ታን ግብጼ ቢታ ባብሎነ ካትያ ናቡካዳናጾራዉ አደ እማና፤ እካ ባረ ኦላንቻቱዋ ድርጉዋ ግዳና ማላ፥ ኦሞዱዋንነ ቦንቂያን አኬዳዋ ኡባ አኪደ ባና። 
\v 20 እነ አ ኦላንቻቱ ታዉ ኦዳ ድራዉ፥ ታን አዉ ግብጼ ቢታ ኡንቱንቱ ዳቡራዉ ድርጉዋ ኦደ እማና። ታን ኡባ ሞድያ መና ጎዳይ ሀዋ ኦዳይ’ ያጌ።
\p
\v 21 “ሄ ጋላስ ታን እስራኤልያ አሳ ምንና። ህዝቄላ፥ ኔንካ አሳዉ ኦዳናዳን፥ ታን ኔና ምንና። ታን መና ጎዳ ግድያዋ ኡንቱንቱ ሄዋን ኤራና” ያጊደ ዬዳ።
\c 30
\s1 ጾሳይ ግብጻ ሙራና
\p
\v 1 ቃይካ መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ሀዋዳን ያጋደ ትምቢትያ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ሄ ጋላሳዉ፥ አየ አና! ያጊደ ዝላልተ! 
\v 3 አያዉ ጎፐ፥ ሄ ጋላሳይ ማቴዳ! መና ጎዳ ጋላሳይ ጋኬዳ! ሄ ጋላሳይ ሻሪ ስኬዳ ጋላሳነ ካዉተቱዋ ኡባዉ መቶ ጋላሳ ግዳናዋ። 
\v 4 ግብጼ ቦላ ኦላይ ያና፤ ቶጵያ ቦላንካ ቱጋይ ያና። ዳሮቱ ግብጼ ቢታን ሀይቃና፤ ሄ ቢታ ዱረተይ ቦንቀታና፤ አ ባሱካ ባያና። 
\v 5 ሄ ኦላይ ቶጵያ፥ ሊድያ፥ ሊብያ፥ አራባነ ታ ጫቆ ቢታ አሳ ኡባ ግብጼና ጋደ ዉርሳና” ያጌ።
\p
\v 6 “ ‘መና ጎዳይ ሀዋዳን ያጌ፤ “ግብጼ ማድያዋንቱ ኩንዳና፤ አ ኦቶረትያ ዎልቃይ ዉራና። ምግዶላፐ ቢደ አስዋነ ጋካናዉ፥ ኡንቱንቱ ማሻን ሀይቃና። ታን ኡባ ሞድያ መና ጎዳይ ሀዋ ኦዳይ። 
\v 7 ግብጼ ቢታይ ቢታ ኡባፐ አዳ መላ ቢታ ግዳናዋ፤ አ ካታማቱካ ሀራ ኮለቴዳ ካታማ ኡባፐ አዋ ኮለቲደ ደአና። 
\v 8 ታን ግብጼ ታማን ኦይያ ዎደነ አ ማድያዋንቱ ኡባይ ሀይቂ ዉርያ ዎደ፥ ታን መና ጎዳ ግድያዋ ኡንቱንቱ ኤራና።
\p
\v 9 “ ‘ “ሄ ጋላስ ታን ሳሮ ደእያ ቶጵያ አሳ ዳጋንናዉ አሳቱዋ ማርካብያን ኪታና። ግብጼ ሙረትያ ጋላስ ቶጵያ አሳ ቦላ ቱጋይ ያና። በእተ፥ ሄ ጋላሳይ ጋኬዳ!” ያጌ።
\p
\v 10 “ ‘ኡባ ሞድያ መና ጎዳይ ሀዋዳን ያጌ፤ “ባብሎነ ካትያ ናቡካዳናጾራ ኩሽያን ታን ግብጼ ዱረተ ይሳና። 
\v 11 ካዉተቱዋ ኡባፐ አደ፥ መቀ ኢትያ ኦላንቻቱዋ ካለደ ዪደ፥ እ ቢታ ይሳና፤ ኡንቱንቱ ግብጼ አሳ ቦላን ማሻ ሾዲደ፥ ቢታን አሃ ኩንና። 
\v 12 ናይለ ሻፋ ታን መልሳና፤ ታን ግብጼ ኢታ አሳቱዋ ኩሽያን አደ እማና፤ ኡንቱንታ፥ ሄ ቢታነ አን ደእያዋ ኡባ አላጋቱዋ ኩሽያን ይሳና። ታን መና ጎዳይ ሀዋ ኦዳድ” ያጌ።
\p
\v 13 “ ‘ኡባ ሞድያ መና ጎዳይ ሀዋዳን ያጌ፤ “መምፒሳ ካታማን ደእያ ኤቃቱዋነ ምስለቱዋ ኡባ ታን ይሳና፤ ግብጼ ቢታን ላኤን ካፖ ግድያዌ ደኤና፤ ቢታ ኡባ ታን ያሽሳና። 
\v 14 ታን ፓትሮሳ ግያ ገድሳ ባጋ ግብጼ መላ ከሳና፤ ሁጲሳ ባጋና ደእያ ጾኣነ ካታማን ታማ የዳና፤ ቴብሳ ካታማካ ሙራና። 
\v 15 ግብጼዉ ጌሶ ግዴዳ ፐሉስያማን ታ ሀንቁዋ ጉሳና፤ ቴብሳ አሳ ኡባ ዉርሳና። 
\v 16 ታን ግብጼን ታማ ኦይና፤ ፐሉስያምካ ሎይ ቱጋታና፤ ቴብሳ ድርሳ ግምቢ ኮለታና፤ መምፒሳ ካታማን ዱጸና መቱ ጋካናዋ። 
\v 17 ኦና ካታማ ያላጋ አሳቱነ ብባስታ ካታማን ደእያ ያላጋይ ኡባይ ማሻን ዉራና፤ ሄ ካታማቱካ ኦሞደቲደ ባና። 
\v 18 ግብጼ ዎልቃ ታን መንሬያ ዎደ፥ ጻፍናሳን ጋላሳይ ቃማና፤ እ ኦቶረትያ ዎልቃይ ዉራና፤ ግብጻ ሻሪ ካማና፤ ጻፍናሳ ዩሹዋን ደእያ ካታማቱዋ ኡባን ደእያ አሳይ ኦሞዱዋን ባና። 
\v 19 ታን ግብጻ ሄዋዳን ሙራና። ሄ ዎደ ታን መና ጎዳ ግድያዋ ኡንቱንቱ ሄዋን ኤራና” ያጌ’ ያጋ” ያጊደ ዬዳ።
\s1 ግብጼ ካቲ ጾነቴዳ
\p
\v 20 ኑን ኦሞደተዳ ታማነ እተን ላይን፥ ኮይሮ አግናን፥ ላፑን ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 21 “ላ አሳ ናአዉ፥ ታን ግብጼ ካትያ ቀስያ መንድ፤ አ ዎሻንነ ጩርቃን ጻጽ ኮሊደ ፓያ ሂላይካ ባዋ፤ ሀዋፐ ስንናዉ እ ምኖተ አሂደ፥ ማሻ ኦይቃናዉ ዳንዳየና። 
\v 22 ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ ‘ታን ግብጼ ካትያዉ ሞርከ። አዉ ካሰ መኦ ቀስያነ ፓጻ ደእያ ቀስያ ላኡዋካ ታን መንና፤ አ ማሻይካ አ ኩሽያፐ ሳኣን ዎናዳን ኦና። 
\v 23 ግብጼቱዋ ካዉተቱዋ ግዶንነ ሀራ ቢታቱዋን ላላና።
\p
\v 24 “ ‘ታን ባብሎነ ካትያ ላኡ ቀስያ ምንሳደ፥ ታ ማሻ አ ኦይና። ሽን ግብጼ ካትያ ቀስያ መንና፤ ባረ ሞርክያ ስንን እ ሀይቃና ሀንያዌ ኦልያዋዳን ኦላና። 
\v 25 ኤ፥ ታን ግብጼ ካትያ ላኡ ቀስያ ዳቡርሳደ፥ ባብሎነ ካትያ ቀስያ ምንና። ታን ባብሎነ ካትያ ታ ማሻ ኦይያ ዎደነ እ ግብጼ ቦላ አ ደንያ ዎደ፥ ግብጼቱ ታን መና ጎዳ ግድያዋ ኤራና። 
\v 26 ግብጼቱዋ ታን ካዉተቱዋ ግዶንነ ቢታ ኡባን ላላና። ሄ ዎደ ታን መና ጎዳ ግድያዋ ኡንቱንቱ ሄዋን ኤራና’ ያጌ” ያጊደ ዬዳ።
\c 31
\s1 ግብጼ ዝጋን ሌምሰቴዳ
\p
\v 1 ኑን ኦሞደቴዳ ታማነ እተን ላይን፥ ሄዘን አግናን፥ ኮይሮ ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ግብጼ ካትያዉነ አሳ ኡባዉ ሀዋዳን ያጋደ ኦዳ፤ ‘ነ ግታተን ኔና ታን ኦናና ልኮ?
\p
\v 3 “ ‘ኔን ሎኦ ዳሻ ኩዋይ ደእያ ሊባኖሳ ዝጋ ማላ። እ አዱቂደ ድጬዳ፤ አ ጼራይካ ሻርያ ጋኬዳ። 
\v 4 ሄዋን አ ድችያ ሃይ ደኤ፤ ጪሙዋፐ ከስያ ፑልቶቱካ እ ቶከቴዳ ሳኣን ዩሹዋን ኡባን ጎጊኖ፤ ሄ ፑልቶቱ ምይ ሞክያሳ ኡባ ጋኪደ ኡሺኖ። 
\v 5 ሄ ምይ ሃይ ዳሬዳ ድራዉ፥ ዎራን ደእያ ሀራ ም ኡባፐ ጌሳ አዱቄ፤ አ ዳሻቱካ ኦርደነ አዱሳ። 
\v 6 ሳሉዋ ካፎቱ ኡባይ አ ዳሻን ባረንቱ ጎልያ ኬጼድኖ፤ ባዙዋ ዶአቱካ አ ዳሻ ጋርሳን ማራ የሌድኖ፤ ዎልቃማ ካዉተቱ ኡባይ አ ኩዋን ኡቲኖ። 
\v 7 ሄ ምይ ባረ ግታተናነ ባረ ዳሻ አዱሳተና አያ ሎኢ! ባረ ጻጱዋካ ሃ ጪማዉ ዱገ የድ ዎዳ። 
\v 8 ሀራይ አቶ ጾሳ ጋናትያንካ ሄ ዝጋና ልከትያ ዝግ ባዋ፤\x - \xo 31:8 \xo*\xt ዶመ 2:2-9\xt*\x* አዋ ማላ ዳሻይ ደእያ ጺዳይካ ባዋ፤ ሄዋ ማላ ቦእያ ምካ ባዋ። ጾሳ ጋናትያንካ ሄዋ ማላ ሎኦ ምይ ባዋ።
\p
\v 9 “ ‘ታን አ ዳሮ ዳሻን ፑላንቻ ኦድ። ኤደነ ግያ ጾሳ ገነትያን ደእያ ምቱ ኡባይ አ ቃናቴድኖ።
\p
\v 10 “ ‘ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “ሄ ምይ አዱቂደ ድጬዳ ድራዉ፥ አ ጼራይካ ሻርያ ጋኬዳ ድራዉነ እ ባረ ጌሳን ኦቶረቴዳ ድራዉ፥ 
\v 11 ታን አ አጋ አጋድ፤ ያታደ ዎልቃማ፥ አላጋ ካዉተዉ አደ እማድ። ሄ ካዉተይ አዉ አ ኢታተዳን ኦና። 
\v 12 መቀ ኢታ አላጋቱ ሄ ም ቃንጽ ኦላና፤ ቃንጼዳ ታሸቱ ደረቱዋን፥ ዎምባቱዋንነ ዛንጋራቱዋን ኦለት አታና። አ ኩዋን ኡትያ ሀራ ካዉተቱ ኡባይ ሄ ሳኣ አጊደ ባና። 
\v 13 ሳሉዋ ካፎቱ ዪደ ኩንዴዳ ም ቦላ ኡታና፤ ባዙዋ ዶአቱካ አ ታሸቱዋ የና። 
\v 14 ሃ ማታን ድጭያ ምቱ ግዶን አዋዳን አዱቂደ፥ ጼራይ ሻርያ ጋክያ ምይ ደኤና። ሀይቂያ አሳ ቦላ ጋክያ ሀይቁዋ ፕርዳይ ሄ ም ቦላ ጋካናዋ፤ ሄ ፕርዳይ እ ሀይቂደ፥ ዱፉዋን ገልያዋንቱና ስኦልያን ገላናሳ” ያጌ።
\p
\v 15 “ ‘ኡባ ሞድያ መና ጎዳይ ሀዋዳን ያጌ፤ “ሄ ምይ ስኦልያን ገልያ ጋላስ ጪሙዋፐ ከስያ ፑልቶቱ አዉ ካዮታናዳን ታን ኦና፤ ሄ ፑልቶቱዋ ሃይ ጎገናዳን ታን ኦና፤ ሊባኖስካ አ ድራዉ ካዮታናዳን ኦና። ቃይ ዎራ ምይ ኡባይ ሹላና። 
\v 16 ታን ሄ ም ስኦልያን ኦልያ ዎደ፥ አ ኩንደ ኮሻን ካዉተይ ኡባይ ቃጻና። ኩንዲደ ስኦልያን ገሌዳ ኤደነ ምቱነ ሃ ኡሽያ ዶረቴዳነ ሎኦ ሊባኖሳ ምቱ ኡባይ አ ኩንደን ምነታና። 
\v 17 ካዉተቱዋ ግዶን አናና ማደቴዳነ አ ኩዋን ኡቴዳ ኡባይ ካሰ ማሻን ሀይቄዳዋንቱና ጋከታናዉ አናና እትፐ ስኦልያን ገላና። 
\v 18 ኤደነ ጋናትያ ግዶ ምቱዋንካ ሄዋ ኬሻ ግታይነ ሎኡ ባዋ፤ ሽን ሀእ ኤደነ ምቱዋዳን፥ እካ ሀይቂ ስኦልያን ገሌ፤ ሄዋን እ ማሻን ሀይቄዳ አማንቤናዋንቱ ኡባን ጋከታና።
\p “ ‘ “ሄ ምይ ግብጼ ካትያነ አ አሳ ኡባ ሌምሶ። ታን ኡባ ሞድያ መና ጎዳይ ሀዋ ኦዳይ” ያጌ’ ያጋ” ያጊደ ዬዳ።
\c 32
\s1 ግብጼ ጻድያን ሌምሰቴዳ
\p
\v 1 ኑን ኦሞደቴዳ ታማነ ላኤን ላይን፥ ታማነ ላኤን አግናን፥ ኮይሮ ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ግብጼ ካትያዉ ዝላላ! ሀዋዳን ያጋ፤ ‘ኔን ካዉተቱዋ ግዶን ኔና ጋሙዋ ከሳዳ፤ ሽን ኔን አባ ግዶን ደእያ ጻድያ ማላ። ኔን ሃቱዋፐ ከሳዳ፤ ነ ገደቱዋን ፑርቻካደ፥ ሃ ቡሉቃዳ።
\p
\v 3 “ ‘ኡባ ሞድያ መና ጎዳይ ሀዋዳን ያጌ፤ “ዳሮ አሳይ ሺቅያ ዎደ፥ ታን ታ ግትያን ኔና ኦይቃና፤ ሄ አሳይ ኔና ጎቺደ፥ ሃፐ ጋጻ ከሳና። 
\v 4 ታን ኔና ቢታን ኦላ አጋና፤ ደምባ ቦላካ ምጫና፤ ያታደ ሳሉዋ ካፎቱዋ ኡባይ ነ ቦላ ኡትሳና፤ ቢታ ኡባን ደእያ ባዙዋ ዶአቱዋካ ነ አሹዋ ካልሳና። 
\v 5 ታን ነ አሹዋ ደረቱዋ ቦላን ላላና፤ ነ ዎምባቱዋካ ነ አሃን ኩንና። 
\v 6 ደረቱዋ ካሚደ፥ ሻፋቱዋ ኩማና ጋካናዉ፥ ነ ሱይ ጉካናዳን ኦና። 
\v 7 ታን ኔና ይስያ ዎደ፥ ሳሉዋ ጎዛና፤ ጾልንተቱዋካ ምሳና፤ አዋካ ሻርያን ካማና፤ አግናይካ ባረ ፖኡዋ ድጋና።\x - \xo 32:7 \xo*\xt ኢሳ. 13:10፤ ማቶሳ 24:29፤ ማር. 13:24-25፤ ሉቃሳ 21:25፤ ሳፃ 6:12-13፤ 8:12\xt*\x* 
\v 8 ኔፐ ቦላና ደእያ ሳሉዋ ፖኦቱዋ ኡባ ይሳደ፥ ነዉ ቢታ ምሳና። ታን ኡባ ሞድያ መና ጎዳይ ሀዋ ኦዳይ።
\p
\v 9 “ ‘ “ታን ነ ቦላ ጋኬዳ ባየ ኦዱዋ ኔን ኤረና ካዉተቱዋ ኡባ ስስያ ዎደ፥ ጮራ አሳ ዎዛናይ ሻቢረታና። 
\v 10 ታን ነ ቦላ ጋያዌ ካዉተቱዋ ኡባ ዳጋንና። ታን ታ ማሻ ኡንቱንቱ ስንን ለለስያ ዎደ፥ ካተቱ ያሻን ኮኮራና፤ ኔን ኩንድያ ጋላስ ኡንቱንቱ ኡባይካ ባረንቱ ሸምፖ ሸምፖ ያያና” ያጌ።
\p
\v 11 “ ‘ኡባ ሞድያ መና ጎዳይ ግብጼ ካትያዉ ሀዋዳን ያጌ፤ “ባብሎነ ካትያ ማሻይ ነ ቦላን ያና። 
\v 12 ሀራ ካዉተፐ አደ፥ መቀ ኢትያ ኦላንቻቱ ባረንቱ ማሻን ነ ጮራ አሳ ዉርሳናዳን ታን ኦና። ኡንቱንቱ ግብጼ ኦቶሩዋ ይሳና፤ አ ጮራ አሳይካ ዉራና። 
\v 13 ዳሮ ሃ ማታን ደእያ መህያ ኡባካ ታን ይሳና፤ ሄዋፐ ጉይያን፥ ሃ ቡሉቂያ አሳ ግድና መህያ ግድና፥ ኡባካ ደኤና። 
\v 14 ሄ ዎደ ታን ነ ሃቱዋ ጽልሳና፤ ነ ሻፋቱዋካ ዎፑ ኦደ ጎግሳና። ታን ኡባ ሞድያ መና ጎዳይ ሀዋ ኦዳይ። 
\v 15 ታን ግብጼ መላ ከስያ ዎደ፥ አን ደእያዋ ኡባ ቁጫደ ይስያ ዎደነ አን ደእያ አሳ ኡባ ሾጭያ ዎደ፥ ታን መና ጎዳ ግድያዋ ኡንቱንቱ ኤራና።
\p
\v 16 “ ‘ “ሄዌ ኡባይ ኡንቱንቶ ዝላልያ ዝላሳ ግዳናዋ። ካዉተቱዋ ማጫ አሳቱ ግብጼስነ አ ጮራ አሳዉ ዝላላና። ታን ኡባ ሞድያ መና ጎዳይ ሀዋ ኦዳይ” ያጌ’ ያጋ” ያጊደ ዬዳ።
\s1 ዱፉዋ ገልያ አሳቱዋባ
\p
\v 17 ኑን ኦሞደቴዳ ታማነ ላኤን ላይን፥ ሄ አግናን፥ ታማነ እቼሸን ጋላሳን፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 18 “ላ አሳ ናአዉ፥ ግብጼ ጮራ ኦላንቻቱዋ ድራዉ ዬካ! ግብጼነ ዎልቃማ ካዉተቱዋ ማጫ ናናቱዋ፥ ሀራ ሀይቂደ ዱፉዋን ገሌዳዋንቱና እትፐ ስኦልያ ሞይዛ። 
\v 19 ኡንቱንቱ፥ ‘ህንተኖ ግብጼቶ፥ ህንተ ሀራቱዋፐ አ ሎኢቴ? ህንተ ስኦልያን ገላና፤ ሄዋን ህንተ ጾሳ አማንቤናዋንቱና እትፐ ሞገታና።’
\p
\v 20 “ግብጼ ቢታዉ ማሻይ ሾደት ኡቴዳ ድራዉ፥ ኡንቱንቱ ማሻን ሀይቄዳዋንቱ ግዶ ኩንዳና፤ ግብጼ ባረ ጮራ አሳ ኡባና ዱገ ጎሸታና። 
\v 21 ስኦልያን ደእያ ዎልቃማ ካፓቱ ግብጼባነ ግብጼ ማዴዳዋንቱባ ሃሳዪደ፥ ‘ኡንቱንቱ ሃ ዱገ ዬድኖ፤ ጾሳ አማነናን፥ ማሻን ሀይቄዳዋንቱና ኡንቱንቱ ግሴድኖ’ ያጊኖ።
\p
\v 22 “አሶረ ስኦልያን ደኤ። ኦላን ሀይቄዳ አሶረ ኦላንቻቱዋ ዱፎቱ አ ዩሹዋን ዶድ ኡቴድኖ። 
\v 23 ሄ ዱፎቱ ጪማ ኦላቱዋፐ ዉርሰን ደኢኖ። አ ኦላንቻቱ፥ ካሰ ካዉተቱዋ ኡባ ያሻን ኮኮርሴዳዋንቱ፥ ሀእ አ ኦላንቻቱ ዱፉዋ ዩሹዋን ሺቄድኖ። ደኡዋን ደእያዋንቱ ቢታን ሻብረ መዳዋንቱ ኡባቱ ማሻን ዉሬድኖ።
\p
\v 24 “ኤላምካ ስኦልያን ደኤ። ኤላማ ኦላንቻቱ ኡባይ አ ዱፉዋ ዩሹዋን ዶድ ኡቴድኖ። ኡባቱ ሹከቴድኖ፥ ማሻን ኩንዴድኖ፤ ደኡዋን ደእያ አሳ ቢታን ሻባርሳ ደንዳ ኡባይ አማነናዋንታ ግዲደ ዬላን ቢታ ጋርሳ አድኖ፤ ዱፉዋ ጋርሳ ገሊደ ግሴድኖ። 
\v 25 ሀይቄዳዋንቱ ግዱዋን ኤላማዉ ሳአይ ጊግ ኡቴዳ። ኤላማ ኦላንቻቱዋ ኡባ ዱፎቱ አ ዩሹዋን ደኢኖ፤ ኡንቱንቱ ኡባይካ ማሻን ሀይቄድኖ። ኡንቱንቱ ኡባይካ ጾሳ አማንቤናዋንታ። ኡንቱንቱ ደኡዋን ደእያዋንቱ ግዶን ሻብረ ደንዳ ድራዉ ዱፉዋ ገሌዳዋንቱና እትፐ ግሴድኖ።
\p
\v 26 “መሸክነ ቱባል ኦላንቻቱዋ አሳቱዋ ዱፉ እትፐ ሄዋን ደኢኖ፤ ኡንቱንቱ ካሰ ደኡዋን ደእያዋንቱ ቢታን ካዉተቱዋ ኡባ ያሻን ሻባርሴዳዋንታ ግዶፐካ፥ ኡንቱንቱ ኡባይካ ማሻን ሀይቄድኖ። ኡንቱንቱ ኡባይካ ጾሳ አማነናዋንታ። 
\v 27 ካሰ ኦላንቻቱ ሞገትያዌ ባረንቱ ኩመን ኦላ ሚሻና፤ ኡንቱንቱ ጎንዳለቱዋ ኡንቱንቱ ትራን ዎና፥ ኡንቱንቱ ማሻቱዋ ኡንቱንቱ ሁጲሳን ዎና፥ ሞገቴድኖ። ሽን ሀዋንቱ ሄዋ ማላ ኩመን ቦንቹ እመትና ሞገትበይክኖ። ኡንቱንቱ ካሰ ደኡዋን ደእያዋንቱ ካዉተቱዋ ሻባርሴድኖ።
\p
\v 28 “ህንተ ግብጼ አሳቱካ ጾነታናነ ማሻን ሀይቄዳ፥ አማነና አሳቱዋና እትፐ ግሳና።
\p
\v 29 “ኤዶም ባረ ካተቱዋናነ ባረ ሞድያዋንቱና እትፐ ስኦልያን ደኤ፤ ኡንቱንቱካ ካሰ ምኖ ኦላንቻቱዋ፤ ሽን ሀእ ኦላን ሀይቄዳ፥ አማነና አሳቱዋና ጪማ ኦላን ገሌድኖ።
\p
\v 30 “ሁጲሳ ባጋ ካፓቱነ ሲዶና አሳቱ ኡባይ ዱፉዋን ደኢኖ። ኡንቱንቱ ካሰ ባረንቱ ዎልቃን አሳ ያሽሴድኖ፤ ሽን ሀእ ኡንቱንቱካ ሹከቴዳዋንቱና ባረንቱ ዬላና ያ ገሌድኖ። ጾሳ አማነናዋንታ ግዲደ፥ ማሻን ሀይቄዳ አሳቱዋና እትፐ ጋከቲደ፥ ዬላቲደ ዱፉዋ ገሊኖ።
\p
\v 31 “ግብጼ ካዉነ አ ኦላንቻቱ ማሻን ሀይቄዳ ኦላንቻቱዋ ያን በኢደ ምነታና። ታን ኡባ ሞድያ መና ጎዳይ ሀዋ ኦዳይ። 
\v 32 ታን ሀዋፐ ካሰ ካዉተቱ ኡባይ ግብጼ ካትያዉ ደኡዋን ደእያዋንቱ ቢታን ያያናዳን ኦዳዋ ግዶፐካ፥ እነ አ ኦላንቻቱ ጾሳ አማነናን፥ ማሻን ሀይቄዳ አሳቱዋና እትፐ ግሳና። ታን ኡባ ሞድያ መና ጎዳይ ሀዋ ኦዳይ” ያጌዳ።
\c 33
\ms ጾሳይ ባረ አሳዉ እሞ ህዶታ
\mr (33:1—37:28)
\s1 ጾሳይ ህዝቄላ ዎችያ አሳ ኦደ ሱንዳ
\r (ህዝ. 3:16-21)
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ነ ቢታ አሳዉ ሀዋዳን ያጋደ ኦዳ፤ ‘ታን እት ቢታ ቦላን ኦላ አህያ ዎደ፥ ሄ ቢታ አሳይ ባረንቱ ቦላ ይያዋ ዎችያ አሳ ዶሮ። 
\v 3 ሄ ዎችያዌ ሞርኪ ይያዋ በእነ አሳይ ናገታናዳን፥ ማላካታ ፑኖፐ፤ 
\v 4 አይ አሳይነ ሄ ማላካታ ኮሻ ስሲደ፥ ናገተናን እጽና፥ ኦላይ ዪደ አ ዎፐ፥ ሱ አጩ አዋ። 
\v 5 እ ማላካታ ኮሻ ስሲደ፥ ናገተናን እጼዳ ድራዉ፥ አ ሱ አጩ አ ቦላና። እ ስሲደ ናገቴደንቶ፥ ሀይቁዋፐ አትያዋ ሽን! 
\v 6 ሽን ሄ ዎችያዌ ሞርኪ ይያዋ በኢደ፥ ማላካታ ፑነናን አጎፐነ አሳ ኤርሳና ዮፐ፥ ኦላይካ ዪደ፥ ሄ አሳፐ እት ኡራ ዎፐ፥ ሄ ኡራይ ባረ ናጋራን ሀይቄ፤ ሽን ታን አ ሱ ዎችያዋ አቻና’ ያጋ።
\p
\v 7 “ላ አሳ ናአዉ፥ ታን ኔና እስራኤልያ አሳዉ ዎችያዋ ኦድ፤ ታን ነዉ ኦድያዋ ስሳደ አሳካ ኤርሳ። 
\v 8 እት ኢታ አሳ ታን፥ ‘ላ ኔን ቱሙ ሀይቃና’ ያግያ ዎደ፥ እ ባረ ናጋራፐ ስማና ማላ፥ ኔን አዉ ኦዳና ዮፐ፥ ሄ ናጋራንቻይ ባረ ናጋራን ሀይቄ፤ ሽን ታን አ ሱ ኔፐ ጭገታና። 
\v 9 ሽን ናጋራንቻይ ባረ ናጋራፐ ስማናዳን ኔን ኦድና፥ እ እጾፐ፥ ባረ ናጋራን ሀይቄ፤ ሽን ኔን ነ ሸምፑዋ አሻዳ።
\s1 ጾሳይ ልክያ ፕርዴ
\p
\v 10 “ላ አሳ ናአዉ፥ እስራኤልያ አሳዉ ሀዋዳን ያጋ፤ ‘ህንተ፥ “ኑን ኦዳ ናጋራይነ ናቁ ኑ ቦላ ደኤ፤ ሄዋፐ ደንዴዳዋን ኑን ግልቂ ዉሬዶ። ያትና፥ ኑን ዋኒደ ፓጻ ደአናዉ ዳንዳዬቶ?” ያጊታ። 
\v 11 ታን መና ጎዳይ ደኡዋን ሀዋዳን ያጋደ ጫቃይ፤ “ናጋራንቻይ ባረ ናጋራ አጊደ፥ ፓጻ ደአና ማላ ኮያይፐ አትና፥ ናጋራንቻ ሀይቁዋን ናሸትከ። ታን ኡባ ሞድያ መና ጎዳይ ሀዋ ኦዳይ። ህንተኖ፥ እስራኤልያ አሳዉ፥ ስምተ፤ ህንተ ኢታ ኦሱዋፐ ጉየ ስምተ! አያዉ ሀይቃናዉ ኮዪቴ?” ያጋይ’ ያጋ።
\p
\v 12 “ላ አሳ ናአዉ፥ ነ ቢታ አሳዉ ሀዋዳን ያጋደ ኦዳ፤ ‘ጽሎ አሳይ ናጋራ ኦፐ፥ አ ጽሎተይ አ አሸና፤ ቃይ ናጋራንቻይ ባረ ናጋራፐ ስም ክቾፐ፥ ካሰ ናጋራን እ ሙሬተና። ጽሎ አሳይካ ናጋራ ኦፐ፥ ካሰ ጽሎተ ድራዉ ደኡዋን ደአናዉ ዳንዳየና። 
\v 13 ታን ጽሎ አሳ፥ “ኔን ቱሙ ፓጻ ደአና” ያጌዳ ዎደ፥ እ ባረ ጽሎተን አማነቲደ ናጋራ ኦፐ፥ ባረ ኦዳ ናጋራን እ ሀይቃናፐ አትና፥ ካሰ ጽሎተይ አዉ ቆፈተና። 
\v 14 ቃይ ታን ናጋራንቻ አሳ፥ “ኔን ቱማ ሀይቃና” ያጌዳ ዎደ፥ እ ባረ ናጋራፐ ስሚደ፥ ፕርዳነ ሱረ ኦሱዋ ኦፐ፥ 
\v 15 ሚሻ ታልአናዉ ኦይዳዋ ዛሮፐ፥ ዉኤዳባካ ጉየ ዛሮፐ፥ ናጋራ ኦያዋ አጊደ፥ ደኡዋ እምያ ህግያ ካሎፐ፥ ያቶፐ፥ እ ቱማ ፓጻ ደአናፐ አትና ሀይቀና። 
\v 16 እ ካሰ ኦዳ ናጋራይ እቱነ ቆፈተና፤ ሀእ ፕርዳነ ሱረ ኦሱዋ ኦዳ ድራዉ፥ እ ቱማ ፓጻ ደአና።
\p
\v 17 “ ‘ሽን ነ ቢታ አሳይ፥ “ጎዳ ኦጊ ልከ ግደና” ያጊኖ፤ ሽን ልከ ግደናዌ ኡንቱንቱ ኦግያ። 
\v 18 ጽሎ አሳይ ባረ ጽሎተ አጊደ፥ ናጋራ ኦፐ፥ እ ባረ ናጋራን ሀይቃና። 
\v 19 ቃይ ናጋራንቻ አሳይ ባረ ናጋራፐ ስሚደ፥ ፕርዳነ ሱረ ኦሱዋ ኦፐ፥ ሄ ኦሱዋን እ ፓጻ ደአና። 
\v 20 ሽን ህንተ፥ “ጎዳ ኦጊ ልከ ግደና” ያጊታ። እስራኤልያ አሳዉ፥ ታን እቱዋ እቱዋ ቦላ ህንተ ኦሱዋዳን ኦሱዋዳን ፕርዳና’ ያጋ” ያጊደ ዬዳ።
\s1 የሩሳላመ ኩንደይ ኦደቴዳ
\p
\v 21 ኑን ኦሞደቲደ ታማነ ላኤን ላይን፥ ታማን አግናን፥ እቼሸን ጋላሳን፥ የሩሳላመፐ ከስ አክ ዬዳ እት አሳይ ካታማይ ኩንዴዳዋ ታዉ ኦዴዳ።\x - \xo 33:21 \xo*\xt 2 ካታ. 25:3-10፤ ኤር. 39:2-8፤ 52:4-14\xt*\x* 
\v 22 ሄ ብታኒ ያናፐ እት ጋላሳ ካሰቲደ ደእያ ኦማርስ መና ጎዳ ኩሺ ታ ቦላን ሸምፔዳ፤ ታ ዶናይካ ዶየቴዳ፤ ዎንተ ጋላስ ሄ ብታኒ ታኮ ጋካናፐ ካሰታደ፥ ታንካ ሃሳያናዉ ዳንዳያድ።
\p
\v 23 ያትና፥ መና ጎዳ ቃላይ ታኮ ሀዋዳን ያጊደ ዬዳ፤ 
\v 24 “ላ አሳ ናአዉ፥ እስራኤልያ ቢታን ኮለቴዳ ካታማቱዋን ደእያ አሳቱ ሀዋዳን ያጊኖ፤ ‘አብራሃመ ባረካ ደእያ እት አሳ፤ ሀ ቢታ ላቴዳ፤ ሽን ኑን ጮራ፤ ቢታይካ ቱማ ኑዉ ላታ ጋድያ ግዲደ እመቴዳ’ ያጊኖ።
\p
\v 25 “ሄዋ ድራዉ፥ ኡንቱንቶ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ህንተ ሀእካ ሹኪደ፥ ሱይ ከስቤና አሹዋ ሚታ፤ ቃይ ኤቃዉ ጎይኒታ፤ ሸምፑዋ ዎታ። ሀዋ ኡባ ኦደ፥ ቱሙ ህንተ ቢታ ላቲቴ? 
\v 26 ህንተ ህንተ ማሻን አማነቲታ፤ ህንተ ቱና ኦሱዋ ኦታ፤ ህንተ ኡባይካ ህንተ ሾሩዋ ሾሩዋ ማጫ አሳ ቱንሲታ። ሄዋ ኡባ ኦደ፥ ቱሙ ህንተ ቢታ ላቲቴ?” ያጌ’ ያጋ።
\p
\v 27 “ኡንቱንቶ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ታን ታ ደኡዋን ጫቃይ: ኮለቴዳ ካታማቱዋን ደእያ አሳቱ ማሻን ሀይቃና፤ ካታማፐ ጋጻን ደእያ አሳቱዋ ታን ባዙዋ ዶአዉ ቁማ ኦደ እማና፤ ደረቱዋ ቦላ ጎንጎሎቱዋን ደእያ አሳቱ ኢታ ሀርግያን ሀይቃና። 
\v 28 ታን ሄ ቢታ ባዬዳነ መላ ቢታ ከሳና፤ ኡንቱንቱ ኦቶረትያ ዎልቃይ ዉራና፤ እስራኤልያ ደረቱ አይ አሳይነ አና መላ ሳኣ ግዳና። 
\v 29 ኡንቱንቱ ኦዳ ቱናባ ጋሱዋን ታን ቢታ ባዬዳነ መላ ቢታ ከስያ ዎደ፥ ታን መና ጎዳ ግድያዋ ኡንቱንቱ ኤራና” ያጌ’ ያጋ።
\p
\v 30 “ላ አሳ ናአዉ፥ አሳይ ካታማ ድርሳ ምይያንነ ባረንቱ ጎለቱዋ ፐንግያን ኤቂደ፥ እቱ እቱዋና ሀዋዳን ያጊደ፥ ነባ ሃሳዬ፤ ‘ሃይተ፤ መና ጎዳ ማታፐ ዬዳ ቃላይ አየንቶ አነ ስሴቶ’ ያጊኖ። 
\v 31 ኡንቱንቱ ካሰ አሳይ ይያዋዳን ኔኮ ዪኖ፤ ታ አሳዳን ነ ስንን ኡቲኖ፤ ኔን ኦድያዋካ ስሲኖ፤ ሽን ኦክኖ። ኡንቱንቱ ሲቁዋባ ሃሳዪኖ፤ ሽን ኡንቱንቱ ዎዛናይ ጎኣ ጻላላዉ ያረቴ። 
\v 32 በአ፥ ኔን ኡንቱንቶ እት ሲቁዋ ማዛሙርያ ሎኦ ኮሻን የጽያነ ዲ ሎይደ ዲጽያ አሳ ማላ። አያዉ ጎፐ፥ ኡንቱንቱ ኔን ኦድያዋ ስሲኖ፤ ሽን እቱዋካ ኦክኖ።
\p
\v 33 “ሽን ኔን ኦዴዳዌ ቱሙ ፖለታና፤ ፖለትያ ዎደ፥ ትምቢትያ ኦድያዌ ኡንቱንቱ ግዶን ደእያዋ ኡንቱንቱ ኤራና” ያጊደ ዬዳ።
\c 34
\s1 እስራኤልያ ሄንንቻቱዋ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ እስራኤልያ ሄንንቻቱዋ ቦላን ሀዋዳን ያጋደ ትምቢትያ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ህንተኖ፥ ህንተና ሄምያ እስራኤልያ ሄንንቻቶ፥ ህንተዉ አየ አና! ህንተ ዉድያ ሄማናዉ በሰኔ? 
\v 3 ኡንቱንቱ ማ ኡሺታ፤ ኡንቱንቱ እስክያፐ ዳደቴዳ ሱፍያ ማዪታ፤ ኡንቱንቱፐ ሞዳዋንታ ሹኪደ ሚታ፤ ሽን ዉድያ ሱረ ሄምክታ። 
\v 4 ዳቡሬዳዋንታ ምንስበይክታ፤ ሀርጌዳዋንታ ፓበይክታ፤ መኤዳዋንታ ኮልበይክታ፤ ዎራ ቤዳዋንታ ዛርበይክታ፤ ባዬዳዋንታ ኮይበይክታ። ህንተ ኡንቱንታ ዎልቃን መቀ ኢቲደ ሞዴድታ። 
\v 5 ዉዲ ኡባይ ሄምያዌ ይና ላለቴድኖ፤ ባዙዋ ዶአቶ ኡባዉ ቁማ ግዴድኖ።\x - \xo 34:5 \xo*\xt ፓይ. 27:17፤ 1 ካታ. 22:17፤ ማቶሳ 9:36፤ ማር. 6:34\xt*\x* 
\v 6 ታ ዉደቱ ላለቴድኖ፤ ኡንቱንቱ ዞዘቱዋ ኡባ ቦላነ ቃ ደረቱዋ ኡባ ቦላ ብቻሬድኖ። ቢታ ኡባ ጋጻ ጋካናዉ ላለቴድኖ፤ ሽን ኡንቱንታ ጾሞስያዌ ዎይ ኮይያዌ ባዋ” ያጌ።
\p
\v 7 “ ‘ሄዋ ድራዉ፥ ህንተኖ፥ ሄንንቻቶ፥ መና ጎዳ ቃላ ስስተ! 
\v 8 ኡባ ሞድያ መና ጎዳይ ሀዋዳን ያጌ፤ “ታን ታ ደኡዋን ጫቃይ: ታ ዉድያ ሄምያዌ ይና፥ ታ ዶርሳቱ ኦይቀቲደ፥ ባዙዋ ዶአቶ ኡባዉ ቁማ ግዴድኖ። ታ ሄንንቻቱ ታ ዉደቱዋ ኮይቤና ድራዉነ ኡንቱንቱ ታ ዉደቱዋ ሄመናን አጊደ፥ ባረንታ ሄሜዳ ድራዉ፥ 
\v 9 ህንተኖ፥ ሄንንቻቶ፥ መና ጎዳ ቃላ ስስተ! 
\v 10 ታን ህንተ ሄንንቻቶ ሞርከ፤ ታ ዉደቱዋ ታን ህንተፐ አካና፤ ታን ህንተና ላኤን ኡንቱንቶ ሄንንቻ ከስከ። ሀዋፐ ስንዉ ህንተ ህንተ ጻላላ ሄሚደ ደእክታ። ታ ዉደቱዋ ታን ህንተፐ ዎ አካና፤ ሀዋፐ ስንን ኡንቱንቱ ህንተዉ ቁማ ከስክኖ። ታን ኡባ ሞድያ መና ጎዳይ ሀዋ ኦዳይ” ያጌ።
\s1 ሎኦ ሄንንቻ
\p
\v 11 “ ‘አያዉ ጎፐ፥ ኡባ ሞድያ መና ጎዳይ ሀዋዳን ያጌ፤ “ታን ታ ሁጲያን ታ ዉደቱዋ ጾሞሳናነ ኮያና። 
\v 12 ሄንንቻይ ባረ ዉደቱዋፐ ባይና ኮይያዋዳን፥ ታንካ ታ ዉደቱዋ ኮያና፤ ሻሪ ጎዜዳነ ማይ ስኬዳ ጋላስ ኡንቱንቱ ላለቴዳ ሳኣ ኡባፐ ታን ኡንቱንታ ሺሻና። 
\v 13 ቃይ ታን ካዉተቱዋ ግዶፐነ ሀራ ቢታ ኡባፐ ከሳደ ሺሻና፤ ኡንቱንቱ ቢታ አሀና። እስራኤልያ ደረቱዋን፥ ፑልቶቱዋንነ አሳይ ደእያ ሳአቱዋ ኡባን ታን ኡንቱንታ ሄማና። 
\v 14 ታን ኡንቱንታ ሎኦ ቆሩዋን ሄማና፤ ቃይ እስራኤልያ ቃ ደረቱ ኡንቱንቱ ሄመትያ ሳኣ ግዳናዋ። ሄዋን ኡንቱንቱ ሎኦ ቆሩ ደእያ እስራኤልያ ዞዘቱዋ ቦላ ሄመታናነ አላጻና። 
\v 15 ታን ታ ሁጲያን ታ ዉደቱዋ ሄማናነ አላጽሳና። ታን ኡባ ሞድያ መና ጎዳይ ሀዋ ኦዳይ። 
\v 16 ባዬዳዋ ኮያና፤ ዎራ ቤዳዋ ዛራና፤ መኤዳዋ ኮላና፤ ሀርጌዳዋካ ፓና። ሽን ሞዳዋነ ምኔዳዋ ይሳና፤ አያዉ ጎፐ፥ ታን ሱረ ፕርድያ ሄንንቻ” ያጌ።
\p
\v 17 “ ‘ህንተኖ፥ ታ ዉድያ ዶርሳቶ፥ ህንተባ ግዶፐ፥ ኡባ ሞድያ መና ጎዳይ ሀዋዳን ያጌ፤ “ህንተና ኡባካ ታን ፕርዳና፤ ኬካ ኢታፐ፥ ዶርሳ ዴሻፐ ታን ሻካና። 
\v 18 ህንተ ሎኦ ቆሩዋን ሄመትያዌ ግዳና ይኔ፥ አቴዳ ማታ ህንተ ገድያን የሬያዌ? ቃይ ህንተ ጽሎ ሃ ኡሽያዌ ግዳና ይኔ፥ አቴዳ ሃ ገድያን ቡሉቂያዌ? 
\v 19 ታ ዉደቱ ህንተ ህንተ ገድያን የሬዳ ማታ ማናዉነ ህንተ ህንተ ገድያን ቡሉቆየዳ ሃ ኡሻናዉ በሲ?” ያጌ።
\p
\v 20 “ ‘ሄዋ ድራዉ፥ ኡንቱንቶ፥ ኡባ ሞድያ መና ጎዳይ ሀዋዳን ያጌ፤ “በእተ፥ ሞ መህያ ግዶነ ግልቃ መህያ ግዱዋን ታን ታ ሁጲያዉ ፕርዳና። 
\v 21 ላፋቱዋ ህንተ ህንተ ምይያንነ ህንተ ሞርግያን ሱግያ ድራዉነ ጋጻ ከሳና ጋካናዉ፥ ህንተ ኡንቱንታ ህንተ ካጭያን ቃይጭያ ድራዉ፥ 
\v 22 ታን ታ ዉደቱዋ አሻና። ሀዋፐ ስንዉ ኦንነ ኡንቱንታ ኦይቀና፤ ታ ኬካ መህያፐነ ታ ኢታ መሄቱዋፐ ግዱዋን ታን ፕርዳና። 
\v 23 ታን ኡንቱንቱ ቦላን እት ሄንንቻ፥ ታ ቆማ ዳዊታ ሱንና፤ እ ኡንቱንታ ሄማናነ ኡንቱንቶ ሄንንቻ ግዳናዋ።\x - \xo 34:23 \xo*\xt ሳፃ 7:17\xt*\x* 
\v 24 ሄዋፐ ስንን ታን መና ጎዳይ ኡንቱንቱ ጾሳ ግዳና፤ ታ ቆማይ ዳውት ኡንቱንቱ ግዶን ካፑዋ ግዳና። ታን መና ጎዳይ ሀዋ ኦዳድ።\x - \xo 34:24 \xo*\xt ህዝ. 37:24\xt*\x*
\p
\v 25 “ ‘ “ታን ኡንቱንቱና ሳሮተ ጫቁዋ ጫቀታና፤ ኢታ ዶአቱዋካ ታን ቢታፐ ድጋና፤ ያቶፐ ታ ዉዲ ባዙዋን ሳሮ ደአና፤ ዎራ ጋርሳንካ ህርግ ባይናን አላጻና። 
\v 26 ኡንቱንታነ ታ ደርያ ዩሹዋን ደእያ ሳአቱዋ አንጃና። ኡንቱንቶ ኮሽያ እራካ ዎድያን እማና፤ ሄ እራይ ኡንቱንቶ አንጆ ግዳና። 
\v 27 ጋደን ደእያ ምቱ አይፋና፤ ቢታይካ ካ ሞካና። አሳይ ኡባይ ባረንቱ ቢታን ሳሮ ደአና። ታን ኡንቱንቱ ሞርገ ም መንደ፥ ኡንቱንታ አይለዬዳዋንቱ ኩሽያፐ ከስያ ዎደ፥ ታን መና ጎዳ ግድያዋ ኡንቱንቱ ኤራና። 
\v 28 ሄዋፐ ጉይያን፥ ኡንቱንቱ ሀራ ካዉተቶ ቦንቂያባ ግድክኖ፤ ቢታን ደእያ ዶአቱካ ኡንቱንታ ሚክኖ። አያይነ ዳጋንናን፥ ኡንቱንቱ ሳሮ ደአና። 
\v 29 ታን ኡንቱንቶ አራዳ ጋድያ እማና፤ ኡንቱንቱ ላኤን ኮሻን ዉርክኖ፤ ዎይ ቃይ ሀራ ካዉተቶ ሸቂያባ ከስክኖ። 
\v 30 ሄ ዎደ ኡንቱንቱ ታን መና ጎዳይ፥ ኡንቱንቱ ጾሳይ ኡንቱንቱና ደእያዋነ እስራኤልያ አሳይ ታ አሳ ግድያዋ ኤራና። ኡባ ሞድያ ጾሳይ ሀዋ ኦዳይ። 
\v 31 ህንተኖ፥ እስራኤልያ አሳቶ፥ ህንተ ታ ዉደቱዋ፤ ታ ቆሩዋን ምያ ዉደቱዋ፤ ህንተ ታ አሳ፤ ታንካ ህንተ ጾሳ። ታን ኡባ ሞድያ መና ጎዳይ ሀዋ ኦዳይ” ያጌ’ ያጋ” ያጊደ ዬዳ።
\c 35
\s1 ኤዶማ ፕርዳ
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤\x - \xo 35:1-15 \xo*\xt ኢሳ. 34:5-17፤ 63:1-6፤ ኤር. 49:7-22፤ ህዝ. 25:12-14፤ አሞጻ 1:11-12፤ አብድ. 1-14፤ ሚልክ. 1:2-5\xt*\x* 
\v 2 “ላ አሳ ናአዉ፥ ኤዶማ ቢታን ደእያ ሰኢራ ደርያ ቦላ ነ ሶምእያ ዛራደ ትምቢትያ ኦዳ። 
\v 3 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ ኔኖ፥ ሰኢራ ደርያዉ፥ ታን ነዉ ሞርከ፤ ታን ታ ኩሽያ ነ ቦላ የዳደ፥ ኔና ባዬዳነ መላ ሳኣ ከሳና። 
\v 4 ታን ነ ካታማቱዋ ኮላና፤ ኔንካ መላ ግዳና። ታን መና ጎዳ ግድያዋ ኔን ሄዋን ኤራና።
\p
\v 5 “ ‘ነዉ እስራኤልያና ዉረና ሞርከተይ ደእያ ድራዉ፥ ኡንቱንቱ መቱዋ ዎደ፥ ኡንቱንቱ ዉርሰ ሙሩዋ ዎደ፥ ኡንቱንታ ኔን ማሻዉ አደ እሜዳ ድራዉ፥ 
\v 6 ታን ኡባ ሞድያ መና ጎዳይ ታ ደኡዋን ጫቃይ፤ ታን ኔና ሀይቁዋን ሙራና፤ ኔን ሀይቁዋፐ ከሳ አካናዉ ኡባካ ዳንዳያካ! ኔን አሳ ዎያዋ እጸና ድራዉ፥ ኔና ዎያ አሳይ ኔና ካላና! 
\v 7 ታን ሰኢራ ደርያ ባዬዳ መላ ከሳና፤ ቃይ ሄዋና ያነ ሃነ አያ ኡባካ ድጋና። 
\v 8 ታን ነ ደረቱዋ ኡባ አሃን ኩንና፤ ነ ዞዝያ፥ ነ ዎምባቱነ ነ ዛንጋራቱ ማሻን ሀይቄዳዋንቱ አሃን ካመታና። 
\v 9 ታን ኔና መናዉ መላ ኦና፤ ነ ካታማቱ ኦና ግዳና። ታን መና ጎዳ ግድያዋ ህንተ ሄ ዎደ ኤራና።
\p
\v 10 “ ‘ታን መና ጎዳይ እስራኤልያነ ይሁዳ ቢታቱዋን ደእሺና ህንተ፥ ሀ ላኡ ካዉተቱዋነ ሀ ላኡ ቢታቱዋ ኑን ኦይቃና፤ ኡንቱንቱ ኑሳ ግዳና ጌዳ ድራዉ፥ 
\v 11 ታን ኡባ ሞድያ መና ጎዳይ ታ ደኡዋን ጫቃይ፤ ህንተ ኡንቱንታ ሞርኪደ፥ ኡንቱንቱ ቦላ ይሎተዳ ይሉዋዳንነ ቃናቴዳ ቃናትያዳን፥ ታን ህንተዉ ዛራና። ታን ህንተና ፕርድያ ዎደ፥ ታን ታናተ ህንተና ኤርሳና። 
\v 12 ቃይ ህንተ፥ እስራኤልያ ደረቱ መላ አቴድኖ፤ ኑን ኡንቱንታ ማና ማላ፥ ኑዉ እመቴድኖ’ ጊደ፥ ሃሳዬዳ ቦርያ ኡባ ታን መና ጎዳይ ስሴዳዋ ህንተ ሄ ዎደ ኤራና። 
\v 13 ኔን ታ ቦላ ኦቶረታዳነ ዳርሳደ ሃሳያዳ፤ ታንካ ሄዋ ስሳድ” ያጌ።
\p
\v 14 ኡባ ሞድያ መና ጎዳይ ሀዋዳን ያጌ፤ “ቢታይ ሳአይ ናሸታና ማላ፥ ታን ህንተና መላ ከሳና። 
\v 15 እስራኤልያ አሳ ላታይ መላ ግዴዳዋን ህንተ ናሸቴዳ ድራዉ፥ ሰኢራ ደርያነ ኤዶማ ቢታ ኡባ ታን መላ ኦና። ታን መና ጎዳ ግድያዋ ህንተ ሄዋን ኤራና ያጌ ያጋ።”
\c 36
\s1 ጾሳይ እስራኤልያ አንጃና
\p
\v 1 “ላ አሳ ናአዉ፥ እስራኤልያ ደረቶ ትምቢትያ ሀዋዳን ያጋደ ኦዳ፤ ‘ህንተኖ፥ እስራኤልያ ደረቶ፥ መና ጎዳ ቃላ ስስተ! 
\v 2-3 ኡባ ሞድያ መና ጎዳይ ህንተ ሞርከቱ፥ ሀሹ! “በን ቃ ደረቱ ኡባይ ኑዉ ላታ ግዴድኖ!” ያጌድኖ። ሄዋ ድራዉ ያግ ትምቢትያ ኦድተ፥ ኡንቱንቱ ህንተና ኡባ ሳኣና መንሬደ መላ ኦዳ ድራዉ፥ ህንተ ጮራ ካዉተቱዋን ሞደታናዳን ኦዳ ድራዉ፥ ህንተ ዳሮ ቦረትያባነ ቅሊጨትያባ ኦሰቴድታ ያጌ ኡባ ሞድያ መና ጎዳይ። 
\v 4 መና ጎዳ ቃላ ስስተ! ኡባ ሞድያ መና ጎዳይ ደረቶነ ዞዘቶ፥ ዛንጋራቶነ ዎምባቶ፥ ዩሹዋን ደእያ ሀራ ካዉተቱ ኦይቄዳነ ቅሊጬዳ ሳአቶነ ባዬዳነ መላ ግዴዳ ካታማቶ ሀዋዳን ያጌ። 
\v 5 ኡባ ሞድያ መና ጎዳይ ቱሙዋፐ ሀዋዳን ያጌ፤ “ታን ታ ኤጽያ ሀንቁዋን ሀራ ካዉተቱዋ ቦላነ ኤዶማ ኡባ ቦላ ሃሳያድ። ኡንቱንቱ ዎዛናፐ ናሸቲደነ ካደ፥ ታ ቢታ ባረንቶ አኬድኖ፤ ሄን ጋደቱዋካ ላቴድኖ። 
\v 6 ሄዋ ድራዉ፥ እስራኤልያ ቢታባ ትምቢትያ ኦዳ። ካዉተቱዋ ቦርያ ድራዉ፥ ኡባ ሞድያ መና ጎዳይ ሀንቁዋን ምሸታደ ግያዋ ኡባ ደረቶ ዞዘቶ፥ ዛንጋራቶነ ዎምባቶ ኦዳ። 
\v 7 ዩሹዋን ደእያ ካዉተቱ ኡባይ ቦረታናዋ ታን ኡባ ሞድያ መና ጎዳይ ቱሙዋፐ ጫቃደ ኦዳይ።
\p
\v 8 “ ‘ “ሽን ህንተኖ፥ እስራኤልያ ደረቶ፥ ህንተ ዳሻና፤ ታ አሳዉ እስራኤልያዉ አይፋና። አያዉ ጎፐ፥ ኡንቱንቱ ኤለካ ባረንቱ ቢታ ስማና። 
\v 9 ታን ህንተናና ደአይ፤ ታን ህንተኮ ስማና፤ ህንተ ቢታይ ጎሸታናነ ዘረታና። 
\v 10 ታን እስራኤልያ አሳ ፓይዱዋ ሀ ቢታን ዳርሳና፤ ካታማቱዋን አሳይ ደአና፤ ላለቴዳ ሳአቱ ስሚደ ግምበታና። 
\v 11 ታን አሳካ መህያካ ህንተ ቦላ ዳርሳና፤ ኡንቱንቱ የለታናነ ጮራታና። በንዋዳንካ ህንተ ቦላ አሳይ ደአናዳን ታን ኦና። ታን ህንተዉ ካሰዋፐ አያ ሎኦባ ኦና። ታን መና ጎዳ ግድያዋ ህንተ ሄዋን ኤራና። 
\v 12 ታን ታ አሳይ እስራኤሊ ህንተ ቦላን ዛር ደአናዳን ኦና። ላኤን ሄ ቢታይ ህንተ ናናቱዋ ይሰና። ኡንቱንቱ ህንተና ላታና፤ ህንተካ ኡንቱንቶ ላታ ግዳና” ያጌ።
\p
\v 13 “ ‘ኡባ ሞድያ መና ጎዳይ ሀዋዳን ያጌ፤ አሳይ ሄ ቢታ፥ ህንተ ካዉተይካ ናአይ ባይናዋ ኦዳ ህንተ ቢታይካ አሳ ምያዋ ያግያዌ ቱማ። 
\v 14 ሄዋ ድራዉ፥ ሀዋፐ ስንናዉ ሀ ቢታቱ አሳ ሚክታነ ህንተ ካዉተ ናአይ ባይናዋ ከስክታ። ታን ኡባ ሞድያ መና ጎዳይ ሀዋ ኦዳይ። 
\v 15 ቃይ ካዉተቱዋ ቦርያ ሀዋፐ ስንናዉ ታን ህንተና ስስከ፤ ህንተ አሳ ዬላካ ሀዋፐ ስንናዉ ቶክክታ፤ ቃይ ሄ ቢታይ ህንተዉ በ ግዳና። ኡባ ሞድያ መና ጎዳይ ሀዋ ኦዳይ ያጌ’ ያጋ” ያጊደ ዬዳ።
\p
\v 16 ቃይካ መና ጎዳ ቃላይ ታኮ ሀዋዳን ያጊደ ዬዳ፤ 
\v 17 “ላ አሳ ናአዉ፥ እስራኤልያ አሳቱ ባረንቱ ቢታን ደእያ ዎደ፥ ኡንቱንቱ ባረንቱ ኦግያንነ ባረንቱ ኦሱዋን ቢታ ቱንሴድኖ፤ ታ ስንን ኡንቱንቱ ኤሻይ ማጫ አሳ ፒላ ቱናተ ማላ። 
\v 18 ኡንቱንቱ ቢታን ሱ ጉሴዳ ድራዉነ ባረንቱ ኤቃን ቢታ ቱንሴዳ ድራዉ፥ ታ ሀንቁዋ ኡንቱንቱ ቦላን ጉሳድ። 
\v 19 ታን ኡንቱንታ ካዉተቱዋ ግዶን ላላድ፤ ኡንቱንቱካ ቢታ ኡባን ላለቴድኖ። ታን ኡንቱንታ ኡንቱንቱ ኤሻዳንነ ኡንቱንቱ ኦሱዋዳን ፕርዳድ። 
\v 20 ኡንቱንቱ ቤዳ ሳኣ ኡባን አሳይ ኡንቱንታ፥ ‘ሀዋንቱ መና ጎዳ አሳቱዋ፤ ሽን ኡንቱንቱ አ ቢታፐ ከሴዳዋንታ’ ያጌ፤ ሄዋን ኡንቱንቱ ታ ጌሻ ሱን ቱንሴድኖ። 
\v 21 ሽን እስራኤልያ አሳይ ቤዳ ካዉተቱዋ ኡባ ግዶን ቱንሴዳ ታ ጌሻ ሱንባይ ታና ምቼ።
\p
\v 22 “ሄዋ ድራዉ፥ ኔን እስራኤልያ አሳዉ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ታን ሀዋ ኦያዌ፥ ህንተ ቤዳ ካዉተቱዋ ኡባ ግዶን ቱንሴዳ ታ ጌሻ ሱን ድራሳፐ አትና፥ ህንተ ድራሳ ግደና። 
\v 23 ህንተ ቱንስና፥ ካዉተቱዋ ግዶን ቱኔዳ ታ ዎልቃማ ሱን ጌሻተ ታን በሳና። ኡንቱንቱ ጼልሽን፥ ህንተ ባጋና ታን ታ ጌሻተ በስያ ዎደ፥ ታን መና ጎዳ ግድያዋ ኡንቱንቱ ኤራና። ታን ኡባ ሞድያ መና ጎዳይ ሀዋ ኦዳይ።
\p
\v 24 “ ‘ “አያዉ ጎፐ፥ ታን ህንተና ካዉተቱዋ ግዶፐ ከሳና፤ ቢታ ኡባፐካ ሺሻና። ህንተ ቢታ ዛራደ አሀና። 
\v 25 ታን ህንተና ጽሎ ሃን ፑሻካና፤ ህንተካ ጌያና፤ ያታደ ህንተና ህንተ ቱናተ ኡባፐነ ህንተ ኤቃ ኡባፐ ጌሻና።
\p
\v 26 “ ‘ “ታን ህንተዉ ኦራ ዎዛና እማና፤ ኦራ አያናካ ህንተ ግዶን ዎና፤ ቃይ ሹቻ ዎዛና ህንተፐ ከሳደ፥ አሹዋ ዎዛና እማና።\x - \xo 36:26-28 \xo*\xt ህዝ. 11:19-20\xt*\x* 
\v 27 ታን ታ አያና ህንተ ግዶን ዎና፤ ያታደ ህንተ ታ ዎጋ ካላናዳንነ ታ ህግያ ምንሲደ ናጋናዳን ኦና። 
\v 28 ታን ህንተ ማይዛ አዋቶ እሜዳ ቢታን ህንተ ደአና፤ ህንተ ታ አሳ ግዳና፤ ታንካ ህንተ ጾሳ ግዳና። 
\v 29 ህንተ ቱናተ ኡባፐ ታን ህንተና አሻና፤ ካይ ህንተዉ ዳራናዳን ኦና፤ ኮሻካ ላኤን ህንተ ቦላ አህከ። 
\v 30 ኮሻ ጋሱዋን ህንተ ካዉተቱዋ ግዶን ካዉሸናዳን፥ ታን ህንተ ም አይፍያነ ህንተ ሾይቃ ካ ዳርሳና። 
\v 31 ሄ ዎደ ህንተ ህንተ ኢታ ኦግያነ ህንተ ሎኦ ግደና ኦሱዋ ሀሳያና፤ ህንተ ናጋራነ ህንተ ቱና ኦሱዋ ድራዉ፥ ህንተ ህንተና ሸነታና። 
\v 32 ታን ሀዋ ኡባ ኦያዌ ህንተ ድራሳ ግደናዋ ኤርተ። ህንተኖ፥ እስራኤልያ አሳቶ፥ ህንተ ህንተ ሀኖታን ዬላትተነ ካዉሽተ። ታን ኡባ ሞድያ መና ጎዳይ ሀዋ ኦዳይ” ያጌ።
\p
\v 33 “ ‘ኡባ ሞድያ መና ጎዳይ ሀዋዳን ያጌ፤ “ታን ህንተና ህንተ ናጋራ ኡባፐ ጌሽያ ጋላስ፥ ህንተ ካታማቱዋን ዛረደ አሳይ ደአናዳን ኦና፤ ኮለቴዳዋንቱካ ስሚደ ግምበታና። 
\v 34 አ ማታና አያ አሳ ስንን መላ ግዲደ ደእያ ቢታይ መላ ግድያዋ አጊደ ጎሸታና። 
\v 35 አሳይ ሃሳዪደ፥ ሀዌ ካሰ መላ ግዴዳ ቢታይ ሀእ ኤደነ ገነትያ ማላ ግዴዳ፤ ካሰ ኮለቴዳ፥ አሳይ ደኤናነ መላ ካታማቱካ ሀእ ዩሹ ግምበቴዳነ አሳይ ደእያ ካታማቱዋ ግዴድኖ ያጋና። 
\v 36 ሄ ዎደ ህንተ ዩሹዋን ደእያ አቴዳ ካዉተቱ፥ ታን መና ጎዳይ ኮለቴዳ ካታማቱዋ ዛራደ ኬጼዳዋነ መላ ቢታይ ስሚደ ካ ሞካናዳን ኦዳዋ ኤራና። ታን መና ጎዳይ ሀዋ ኦዳድ፤ ታን ኦዴዳዋ ታንካ ኦና” ያጌ።
\p
\v 37 “ ‘ኡባ ሞድያ መና ጎዳይ ሀዋዳን ያጌ፤ “እስራኤልያ አሳይ ቃይካ እት ገደነ ታና ማዱዋ ኦቻናዳን ኦና፤ ያታደ ኡንቱንቱ ፓይዱዋ ዉድያዳን ጮርሳና። 
\v 38 ያርሽያ መህያ ዉድያዳን፥ የሩሳላመን ባላ ጋላሳን ያርሾ ሺሼዳ ዉድያዳን፥ ኡንቱንቱ ኮለቴዳ ካታማቱዋን አሳ ዉዲ ኩማና። ታን መና ጎዳ ግድያዋ ኡንቱንቱ ሄ ዎደ ኤራና” ያጌዳ’ ያጋ” ያጊደ ዬዳ።
\c 37
\s1 መላ መቀይ ደእያ ዛንጋራ
\p
\v 1 መና ጎዳ ኩሺ ታ ቦላ ዎዳ፤ እ ታና መና ጎዳ አያናን ከሲደ፥ መቀይ ኩም ኡቴዳ ዎምባን ዎዳ። 
\v 2 እ ታና ኡንቱንቱ ግዶን ያነ ሃነ ካለዳ፤ ታንካ ክንችል መሌዳ ዳሮ መቀቱ ኩሜዳዋንታ ዎምባ ግዶን በኣድ። 
\v 3 እ ታና፥ “ላ አሳ ናአዉ፥ ሀ መቀቱ ስሚደ፥ ፓጻ ሸምፑዋና ደአናዉ ዳንዳዪኖ?” ያጌዳ።
\p ታን፥ “ኡባ ሞድያ መና ጎዳዉ፥ ሀዋ ኔን ኤራሳ” ያጋድ።
\p
\v 4 እ ታና ሀዋዳን ያጌዳ፤ “ሀ መቀቶ ሀዋዳን ያጋደ ትምቢትያ ኦዳ፤ ‘ህንተኖ፥ መላ መቀቶ መና ጎዳ ቃላ ስስተ፥ 
\v 5 ኡባ ሞድያ መና ጎዳይ ሀ መቀቶ ሀዋዳን ያጌ፤ “ታን ሸምፑዋ ህንተ ግዶ ገልሳና፤ ያቶፐ ህንተ ፓጻ ደአና። 
\v 6 ታን ህንተ ቦላ ግልዳይያ (ጻጶቱዋ) ዎደ፥ አሹካ ህንተ ቦላ ስማናዳን ኦደ፥ ህንተና ጋልባ ማይዛና። ህንተ ፓጻ ሸምፑዋና ደአና ማላ፥ ታን ህንተ ግዶ ሸምፑዋ ገልሳና። ሄ ዎደ ህንተ ታን መና ጎዳ ግድያዋ ኤራና” ያጌ’ ያጋ” ያጌዳ።
\p
\v 7 እ ታና አዛዜዳዋዳን ትምቢትያ ኦዳድ፤ ታን ትምቢትያ ኦድሽን፥ ቃልጭቃልጭያ ኮሻይ ስሰቴዳ፤ ቃይ መቀቱ ሺቂደ፥ ባረ ሳኣን ሳኣን ኦይቀቴድኖ። 
\v 8 ታን ጼልያ ዎደ፥ ኡንቱንቱ ቦላን ጻጶቱ ደኢኖ፤ አሹካ ኡንቱንቱ ቦላን ስሜዳ፤ ጋልባካ ማዬድኖ፤ ሽን ሸምፑ ኡንቱንቱን ደኤና።
\p
\v 9 ያትና፥ እ ታና ሀዋዳን ያጌዳ፤ “ላ አሳ ናአዉ፥ ጫርኮ ትምቢትያ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ኔኖ፥ ጫርኮ፥ ኦይዱ ዞዝያናካ ሃያ፤ ኡንቱንቱ ሸምፑዋና ደአናዳን፥ ሀ ሀይቄዳዋንቱ ግዶ ዛራደ ፑና” ያጌ’ ያጋ” ያጌዳ። 
\v 10 እ ታና አዛዜዳዋዳንካ፥ ታን ትምቢትያ ኦዳድ፤ ሸምፑ ኡንቱንቱ ግዶ ገልና ፓጺደ፥ ሎይ ዳሮ ኦላንቻቱዋ ግዲደ ኤቄድኖ።\x - \xo 37:10 \xo*\xt ሳፃ 11:11\xt*\x*
\p
\v 11 ሄዋፐ ጉይያን፥ እ ታዉ ሀዋዳን ያጌዳ፤ “ላ አሳ ናአዉ፥ ሀ መቀቱ ኩመን እስራኤልያ አሳ ሌምሶ፤ እስራኤልያ አሳይካ፥ ‘ኑ መቀቱ መሌድኖ፤ ኑ ስን ናሸቻይካ ክቼዳ፤ ኑን ኡባና ዬዶ’ ያጊኖ። 
\v 12 ሄዋ ድራዉ፥ ኡንቱንቶ ሀዋዳን ያጋደ ትምቢትያ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ህንተኖ፥ ታ አሳቶ፥ ታን ህንተ ዱፉዋ ዶያና፤ ህንተና ሄዋፐ ከሳና፤ ታን ህንተና ዛራደ፥ እስራኤልያ ቢታ አሀና። 
\v 13 ታ አሳቶ፥ ታን ህንተ ዱፉዋ ዶይያ ዎደነ ህንተና ከስያ ዎደ፥ ታን መና ጎዳ ግድያዋ ህንተ ኤራና። 
\v 14 ታን ታ አያና ህንተ ግዶን ዎና፤ ህንተ ፓጻ ደአና። ቃይ ታን ህንተና ህንተ ቢታን ዎና። ሄ ዎደ ታን መና ጎዳይ ኦድያዋነ ኦዳደ ኦዳዋ ህንተ ኤራና። ታን መና ጎዳይ ሀዋ ኦዳይ” ያጌ’ ያጋ” ያጌዳ።
\s1 እት ካትያነ እት አሳ
\p
\v 15 ዛሪደካ መና ጎዳ ቃላይ ታኮ ሀዋዳን ያጊደ ዬዳ፤ 
\v 16 “ላ አሳ ናአዉ፥ እት ም ጻምኣ አካደ፥ አ ቦላ፥ ‘ሀዌ ይሁዳዋነ አናና ደእያ እስራኤልያ አሳዋ’ ያግያዋ ጻፋ። ቃይ ሀራ ጻምኣ አካደ፥ አ ቦላ፥ ‘ሀዌ ኤፍሬማዋ፤ እካ ቃይ ዮሴፎዋነ አናና ደእያ እስራኤልያ አሳዋ’ ያግያዋ ጻፋ። 
\v 17 ሄዋፐ ጉይያን፥ ኡንቱንቱ ነ ኩሽያን እት ጋትማ ግዳናዳን፥ ኡንቱንቱ ላኡዋ እትፐ ጋ።
\p
\v 18 “ነ ቢታ አሳይ ኔና፥ ‘ሀዌ ኔን ኦያዌ አዬ? ኑዉ ብለ ኦዳ’ ያጊደ ኦችያ ዎደ፥ 
\v 19 ኡንቱንቶ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “ታን ኤፍሬማ ኩሽያን ደእያ ዮሴፎ ጋትማነ አናና ደእያ እስራኤልያ ዛራቱዋ አካናዉ ሀናይ፤ አካደ ኡንቱንቱ ላኡዋ እት ጋትማ ኦናዉ፥ ይሁዳ ጋትማና ጋና። ያቶፐ ኡንቱንቱ ላኡ ታ ኩሽያን እቱዋ ግዳና” ያጌ’ ያጋ።
\p
\v 20 “ሄ ኔን ኡንቱንቱ ቦላ ጻፌዳ ላኡ ጋትማቱዋ ኡንቱንቱ ስንን ኦይቃደ፥ 
\v 21 ኡንቱንታ ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ “እስራኤልያ አሳ ኡንቱንቱ ቤዳ ካዉተቱዋ ግዶፐ ከሳና፤ ታን ኡንቱንታ ኡባ ሳፐ ሺሻደ፥ ኡንቱንቱ ቢታ ዛራደ አሀና። 
\v 22 እስራኤልያ ደረቱዋ ቦላ፥ ኡንቱንቱ ቢታን ታን ኡንቱንታ እት ካዉተ ኦና፤ ኡንቱንቱ ኡባ ቦላ እት ካቲ ካተታና። ቃይ ኡንቱንቱ ላኤን ላኡ ቢታ ከስክኖ፤ ዎይ ላኡ ካዉተ ግዲደ ሻከትክኖ። 
\v 23 ሄዋፐ ጉይያን፥ ኡንቱንቱ ባረንቱ ኤቃቱዋንነ ባረንቱ ሸነይያባቱዋን፥ ዎይ ባረንቱ ናቁዋን ባረንታ ቱንስክኖ። ዋኒደ ጎፐ፥ ታን ኡንቱንታ ኡንቱንቱ ጉየ ስሜዳ ናጋራ ኡባፐ አሻና፤ ቃይ ታን ኡንቱንታ ጌሻና። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና።
\p
\v 24 “ ‘ “ታ ቆማይ ዳውት ኡንቱንቶ ካትያ ግዳና፤ ኡንቱንቶ ኡባዉ እት ሄንንቻ ጻላላይ ደአና። ኡንቱንቱ ታ ህግያ ካላና፤ ታ ዎጋካ ምንሲደ ናጋና።\x - \xo 37:24 \xo*\xt ህዝ. 34:24\xt*\x* 
\v 25 ታን ታ ቆማ ያቆባዉ እሜዳነ ህንተ ማይዛ አዎቱ ደኤዳ ቢታን ኡንቱንቱ ደአና። ሄ ቢታን ኡንቱንቱ፥ ኡንቱንቱ ናናቱነ ኡንቱንቱ ናናቱዋ ናናቱ መናዉ ደአና፤ ታ ቆማይ ዳውት ኡንቱንቱ ቦላን መናዉ ካፑዋ ግዳና። 
\v 26 ታን ኡንቱንቱና ሳሮተ ጫቁዋ ጫቀታና፤ ሄ ጫቁካ ኡንቱንቱና መና ጫቁዋ ግዳናዋ። ታን ኡንቱንታ ምንሳደ ኤሳና፤ ኡንቱንቱ ፓይዱዋካ ጮርሳና፤ ታ ጌሻ ጎልያካ መናዉ ኡንቱንቱ ግዶን ዎና። 
\v 27 ያታደ ታን ሄዋን ኡንቱንቱና ደአና። ታን ኡንቱንቱ ጾሳ ግዳና፤ ኡንቱንቱካ ታ አሳ ግዳና።\x - \xo 37:27 \xo*\xt 2 ቆሮ. 6:16፤ ሳፃ 21:3\xt*\x* 
\v 28 ታ ጌሻ ጎሊ ኡንቱንቱ ግዶን መናዉ ደእያ ዎደ፥ እስራኤላቱዋ ጌሽያዌ ታና፥ መና ጎዳ ግድያዋ ካዉተቱ ኤራና” ያጌ’ ያጋ” ያጊደ ዬዳ።
\c 38
\s1 ጎጋ ቦላ ኦደቴዳ ትምቢትያ
\r (38:1—39:29)
\p
\v 1 መና ጎዳ ቃላይ ታኮ ሀዋዳን ያጊደ ዬዳ፤ 
\v 2 “ላ አሳ ናአዉ፥ ማጎጋ ቢታን ደእያ ጎጋኮ፥ መሸካነ ቱባላ አሳዉ ዋና ካፑዋኮ ስማደ፥ አ ቦላ ትምቢትያ ኦዳ።\x - \xo 38:2 \xo*\xt ሳፃ 20:8\xt*\x* 
\v 3 ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ ላ ጎጋ፥ መሸካነ ቱባላ አሳዉ ዋና ካፖ፥ ታን ነዉ ሞርከ። 
\v 4 ታን ኔና ጉየ ዛራና፤ ነ ጎጎጩዋን ማጋ ገልሳደ፥ ኔና ነ ኩመን ኦላንቻቱዋና፥ ነ ፓራቱዋና፥ ኩመን ኦላ ሚሻ ማዬዳ ነ ፓራ አሳቱዋናነ ባረንቱ ማሻ ለለስያ፥ ዎልቃማነ ጉ ጎንዳልያ ኦይቄዳ ጉይተ አሳና ኔና ጎቻደ ከሳና። 
\v 5 ፓርሰፐ፥ ቶጵያፐነ ሊብያፐ ዬዳ አሳይ ጎንዳልያ ኦይቂደ፥ ሁጲያን ብራታ ቆብያ ዎደ፥ ኡንቱንቱና ግዳና።\f + \fr 38:5 \fr*\fk ሊብያፐ፦ \fk*\ft እብራዌዋን ሄ ቢታይ “ፑጻ” ጌተቴ።\ft*\f* 
\v 6 ቃይ ጎመርነ አ ኦላንቻቱ ኡባይ፥ ሁጲሳ ጋጻን ቤት-ቶጋርምነ አ ኦላንቻቱ ጉይቲ፥ ሄ ጮራ አሳቱ ኔናና ግዳና።
\p
\v 7 “ ‘ኔንነ ኔኮ ሺቄዳ አሳይ ኡባይ ጊግተ፤ ህንተና ማክተ። ያታደ ኔን ኡንቱንታ አዛዝያዋ ግዳ። 
\v 8 ዳሮ ዎድያፐ ጉይያን፥ ኔን ኮየታና፤ ስንፐ ያና ላይቱዋን ኔን ዳሮ ዎድያ መላ ግዲደ ደኤዳ ቢታ፥ ኦላፐ ሸምፔዳ ቢታ፥ አን አሳይ ዳሮ ካዉተቱዋፐ እስራኤልያ ደረቱዋኮ ሺቄዳ ቢታ ገሌዳ። ኡንቱንቱ ዳሮ ካዉተቱዋፐ ሺቄዳዋንታነ ኡባይካ ሀእ ሳሩዋን ደእያዋንታ። 
\v 9 ኔን፥ ነ ኦላንቻቱነ ኔናና ደእያ ዳሮ ካዉተቱ ጎትያዳን ደንዳና፤ ህንተ ሻርያዳን፥ ቢታ ካማና’ ” ያጌ።
\p
\v 10 ኡባ ሞድያ መና ጎዳይ ሀዋዳን ያጌ፤ “ሄ ዎደ ቆፋይ ነ ዎዛና ግዶ ዪና፥ ኔን ኢታባ ሀልቻና። 
\v 11 ኔን ሀዋዳን ያጋና፤ ‘ታን ሄ ድረትቤና ቄር ካታማቱ ደእያ ቢታ ገላደ፤ ሄ ዎፑ ጊደ፥ ህርግ ባይናን ደእያ አሳቱዋ፥ ኡንቱንቶ ኡባዉካ ድርሳ፥ ፐንጊ ዎይ ኩሉቡ ባይናዋንታ ታን ኦላና። 
\v 12 ታን ኡንቱንታ ኦሞዳናነ ቦንቃና፤ ካሰ መላ ግዴዳ ቢታ ስሚደ ኡቴዳ፥ ካዉተቱዋ ግዶፐ ሺቄዳ፥ ሚዛነ ሚሻ ሞዴዳ፥ ቢታዉ ጉልአን ኡቴዳ አሳ ቦላን ታ ኩሽያ ደንና ያጋና። 
\v 13 ሳባ አሳይ፥ ዳዳና አሳይነ ታርሴሰ ካታማቱዋ ዛልአንቻቱ ያላጋ ኦላንቻቱ ኡባይ፥ ኔን ቦንቃናዉ ያድ? ኔን ነ ኦላንቻቱዋ ኦሞዱዋ ቶሳናዉ፥ ብራነ ዎርቃ አፍሳናዉ፥ ሚዛነ ሚሻ አካናዉነ ሎይ ዳሮ ኦሞዱዋ ኦይቃናዉ ሺሻዲ? ያጋና’ ያጌ” ያጋ።
\p
\v 14 ሄዋ ድራዉ፥ “አሳ ናአዉ፥ ጎጋ ቦላ ትምቢትያ ኦዳ። ሀዋዳን ያጋ፤ ‘ኡባ ሞድያ መና ጎዳይ ሀዋዳን ያጌ፤ ሄ ዎደ፥ ታ አሳይ እስራኤሊ ህርግ ባይናን ደእያ ዎደ፥ ኔን አኬካና። 
\v 15 ኔን ደእያ ሁጲሳ ጋጻ ቢታፐ ያና። ኔንነ ኔናና ጮራ ካዉተቱ ፓራ ቶጊደ፥ ምኖ ኦላንቻ ግዲደ፥ ጉይቲ ያና። 
\v 16 ቢታ ካምያ ሻርያዳን፥ ኔን ታ አሳ እስራኤልያ ቦላ ኦላና። ላ ጎጋ፥ ስንፐ ያና ዎደ፥ ታን ኔና ታ ቢታ ቦላ ዎራጅሳና። ሄዋ ታን ኦያዌ ካዉተቱ ታና ኤራናሳነ ታን ነ ባጋና ኦያዋን ታ ጌሻተይ ኡንቱንቱ ስንን ቤታናሳ’ ” ያጌ።
\p
\v 17 ኡባ ሞድያ መና ጎዳይ ሀዋዳን ያጌ፤ “ታን ታ ቆማቱዋ ባጋና፥ እስራኤልያን ትምቢትያ ኦድያዋንቱ ባጋና ካሰ አዳ ዎደ ኦዴዳዌ ኔና። ኡንቱንቱ ሄ ዎደ ዳሮ ላይ ታን ኔና ኡንቱንቱ ቦላ አሀናዋ ኦዴድኖ” ያጌ።
\s1 ጎጋ ቦላ ይያ ፕርዳ
\p
\v 18 ኡባ ሞድያ መና ጎዳይ ሀዋዳን ያጌ፤ “ጎግ እስራኤልያ ቦላ ገልያ ዎደ፥ ታ ሀንቁ ሱላና። 
\v 19 ሄ ዎደ እስራኤልያ ቢታን ዎልቃማ ቢታ ቃይ ሀናና፤ ሄዋ ታን ታ ምሹዋንነ ታ ኤጽያ ሀንቁዋን አዋያይ። 
\v 20 አባ ሞሊ፥ ሳሉዋ ካፉ፥ ደርያን ደእያ መሂነ ዶአይ፥ ሳኣ ቦላን ዎጽ ቃጽያ መታ ኡባይነ ሳኣን ደእያ አሳይ ኡባይ ታ ስንን ኮኮራና። ደረቱ ኩንዳና፤ አፎቱካ ዎዳና፤ ቃይ ድርሳ ግምቢ ኡባይካ ኮለተና። 
\v 21 ታን ታ ደረቱዋ ኡባን ጎጋ ቦላ ማሻይ ደንዳናዳን ኦና፤ ኦላንቻቱ ባረንቱ ማሻ ባረንቱ ቦላ ዛሪደ፥ እቱ እቱዋ ሲፋና። ታን ኡባ ሞድያ መና ጎዳይ ሀዋ ኦዳይ። 
\v 22 ታን ኢታ ሀርግያንነ ሀይቁዋን አ ሙራና፤ ቃይ ዎልቃማ እራ፥ ሻቻ፥ ኤጽያ ዲንያ ታን አ ቦላ፥ አ ኦላንቻቱዋ ቦላነ አናና ደእያ ጮራ ካዉተቱዋ ቦላ ቡክሳና። 
\v 23 ሄዋዳን ኦደ፥ ታን ታ ግታተነ ታ ጌሻተ በሳና። ቃይ ዳሮ ካዉተቱዋ ታን ታናተ ኤርሳና። ታን መና ጎዳ ግድያዋ ኡንቱንቱ ሄዋን ኤራና” ያጌ ያጋ።
\c 39
\s1 ጎግ ጾነታና
\p
\v 1 “ኡባ ሞድያ መና ጎዳይ ሀዋዳን ያጌ፤ ‘ላ አሳ ናአዉ፥ ጎገ ቦላ ትምቢትያ ኦዳ። ሀዋዳን ያጋ፤ “መሸካነ ቱባላ አሳዉ ዋና ካፖ ጎጋ፥ ታን ነዉ ሞርከ። 
\v 2 ታን ኔና ጉየ ዛራና፤ ሁጲሳ ሃኮ ቢታፐ ጎቻ ከሳደ፥ እስራኤልያ ደረቱዋ ቦላ ታን ኔና አሀና። 
\v 3 ሄዋፐ ጉይያን፥ ታን ነ ሀድርሳ ኩሽያፐ ዎንዳፍያ፥ ነ ኡሸቻ ኩሽያፐ ዎንዳፍያ ፖ ሾጫደ ኦልሳና። 
\v 4 ኔን፥ ነ ኦላንቻቱነ ኔናና ደእያ ካዉተቱ ኡባይ እስራኤልያ ደርያ ቦላን ኩንድ አታና። ታን ህንተ አሹዋ ምያ ካፎቶነ ባዙዋ ዶአቶ ቁማ ኦደ እማና። 
\v 5 ታን ኡባ ሞድያ መና ጎዳይ ኦዴዳ ድራዉ፥ ህንተ ምልጽ ጌዳ ደምባን ኩንድ አታና። 
\v 6 ማጎጋ ቢታንነ አባ ዶናን፥ ህርግ ባይናን ኡቴዳ አሳ ቦላን ታን ኤጽያ ታማ የዳና። ታን መና ጎዳ ግድያዋ ኡንቱንቱ ሄዋን ኤራና። 
\v 7 ታን ታ ጌሻ ሱንይ ታ አሳ እስራኤልያ ግዶን ኤረታናዳን ኦና። ሀዋፐ ስንናዉ ታ ጌሻ ሱንይ ሸቀተና። ሄዋፐ ጉይያን፥ ካዉተቱ ታን መና ጎዳ፥ እስራኤልያ ጌሻ ግድያዋ ኤራና” ያጋ’ ያጌ።
\p
\v 8 “ኡባ ሞድያ መና ጎዳይ ሀዋዳን ያጌ፤ ‘ “ሄ ጋላሳይ ያና፤ አተና” ያጋደ ታን ኦዴዳ ጋላሳይ ሀዋ። 
\v 9 ሄ ዎደ እስራኤልያ ካታማቱዋን ደእያ አሳይ ከሲደ፥ ኦላ ሚሻቱዋ ኡባ ታማን ኤና፤ ሄዋንቱካ ዎልቃማነ ጉ ጎንዳለቱዋ፥ ዎንዳፈቱዋነ ማሻቱዋ፥ ቶራቱዋነ ዱላቱዋ። ላፑን ላይ ኩመን ኡንቱንቱ ሄዋንታ ኤያ ም ከሲደ ጎኤታና። 
\v 10 ኡንቱንቱ ም ምጻናዉ ዎይ ዎራፐ ኤያ ም ቃንጻናዉ ኮሸና። አያዉ ጎፐ፥ ኡንቱንቱ ሺሼዳ ኦላ ሚሻቱዋ ኤያ ም ኦደ ጎኤታና። ባረንታ ቦንቄዳዋንታ ኡንቱንቱ ቦንቃና፤ ባረንቱባ አኬዳዋንቱፐ ኡንቱንቱዋ አካና። ታን ኡባ ሞድያ መና ጎዳይ ሀዋ ኦዳይ።
\p
\v 11 “ ‘ሄ ጋላስ ጎግ ሞገትያ ሳኣ ታን አዉ እስራኤልያ ቢታን እማና። ሄ ሳአይ አባፐ አዋይ ዶልያ ባጋና ደእያ ኦግያ አሳቱዋ ዎምባ ግያ ዎምባ ግዶና ግዳናዋ። ጎግነ አ ኦላንቻቱ ኡባይ ሄዋን ሞገትያ ድራዉ፥ ኡንቱንቱ ዱፉ ሄዋና ሀመትያ አሳዉ ኦግያ ጎርዳና። ሄ ሳአይካ ቃይ፥ “ጎጋ ኦላንቻቱዋ ዎምባ” ጌተቲደ ጼገታና። 
\v 12 ሄዋፐ ጉይያን፥ እስራኤልያ አሳይ ቢታ ጌሻናዉ፥ ላፑን አግና ኩመን ሄ አሃ ሞጊደ ጋምአና። 
\v 13 ሄ ቢታን ደእያ አሳይ ኡባይ አሃ ሞግያዋን ማደታና፤ ሄዋ ድራዉ፥ ታን ታ ቦንቹዋ ቆንጭስያ ዎደ ኡንቱንቶ ቦንቾ ሱን ግዳናዋ። ታን ኡባ ሞድያ መና ጎዳይ ሀዋ ኦዳይ። 
\v 14 ላፑን አግናፐ ጉይያን፥ አቴዳ አሃይ ደኦፐ፥ ቢታይ ጌያናዳን፥ ዩይ ዩዪደ አቴዳ አሃ ኮይ ሞጋናዉ፥ አሳይ ዶረታና። 
\v 15 ኡንቱንቱ ቢታን ዩይሽና፥ አሳ መቀይ ቤቶፐ፥ ሄ መቀ ምይያን ማላታ ዎና። ሞግያዋንቱ ዪደ፥ ጎጋ ኦላንቻቱዋ ዎምባን ሞጋና። 
\v 16 ሄዋዳን ኦና ቢታይ ስሚደ ጌያና። ሄዋ ሄራን፥ “ኦላንቻቱዋ ካታማ” ጌተት ጼገትያ ካታማይ ደአና’ ያጌ።
\p
\v 17 “ኡባ ሞድያ መና ጎዳይ ሀዋዳን ያጌ፤ ‘ላ አሳ ናአዉ፥ ካፉዋ ዛረ ኡባነ ሳኣ ዶአቱዋ ኡባ ሀዋዳን ያጋደ ጼሳ፤ “ታን ህንተዉ እስራኤልያ ደረቱዋ ሁጲያን ጊግሴዳ ዎልቃማ ያርሹዋ ኡባ ሳፐ ሺቂደ፥ እትፐ ሃይተ። ሄዋን ህንተ አሹዋ ማና፤ ሱካ ኡሻና።\x - \xo 39:17-20 \xo*\xt ሳፃ 19:17-18\xt*\x* 
\v 18 ህንተ ምኖ አሳቱዋ አሹዋ ማና፤ ቢታ ካፖቱዋ ሱካ ኡሻና። ኡንቱንቱ ህንተዉ ዶርሳ ጋልሳ፥ አንቃራ ዶርሳ፥ ዴሻ ኮልያነ ኦርዶ ቦራ ማላ ግዳና። ኡንቱንቱ ኡባይካ ከቴዳ ባሳነ መሄቱዋ ማላ። 
\v 19 ታን ህንተዉ ጊግስያ ያርሹዋፐ ካላና ጋካናዉ፥ ሞዋ ህንተ ማና፤ ቃይ ማታና ጋካናዉ፥ ሱ ህንተ ኡሻና። 
\v 20 ታን ህንተዉ አያ ማዳፐ ፓራቱዋ፥ ፓራ አሳቱዋ፥ ምኖ አሳቱዋነ ዱማ ዱማ ቆሞ ዎታዳራቱዋ ህንተ ጋንጂ ካላና ጋካናዉ ህንተ ማና” ያጋደ ጼሳ። ኡባ ሞድያ መና ጎዳይ ሀዋ ኦዳይ።
\p
\v 21 “ ‘ታን ካዉተቱዋ ግዶን ታ ቦንቹዋ ቆንጭሳና። ቃይ ታን ሙርያ ሙሩዋነ ታን ኡንቱንቱ ቦላን ደንዳ ታ ኩሽያ ካዉተቱ ኡባይ በአና። 
\v 22 ሄ ጋላሳፐ ዶሚደ፥ እስራኤልያ አሳይ ታን መና ጎዳ ኡንቱንቱ ጾሳ ግድያዋ ኤራና። 
\v 23 ቃይ እስራኤልያ አሳይ ኦሞዱዋን ቤዳዌ ባረንቱ ናጋራ ጋሱዋና ግድያዋ ሀራ ካዉተቱ ኤራና። ኡንቱንቱ ታዉ አማነተናን እጼዳ ድራዉ፥ ታን ታ ሶምኡዋ ኡንቱንቱፐ ገንደ፥ ኡንቱንታ ኡንቱንቱ ሞርከቶ አደ እማድ፤ ኡንቱንቱ ኡባይካ ኦላን ሀይቂ ዉሬድኖ። 
\v 24 ኡንቱንቱ ቱናተነ ኡንቱንቱ ኢታተ ኬሻ ኡንቱንቶ በስያ ሙሩዋ ሙራድ፤ ታ ሶምኡዋካ ኡንቱንቱፐ ገንድ’ ያጌ።
\p
\v 25 “ኡባ ሞድያ መና ጎዳይ ሀዋዳን ያጌ፤ ‘ሀእ ታን ያቆባ ዛራቱዋ ኦሞዱዋፐ ዛራደ ዱረያና፤ ቃይ እስራኤልያ አሳ ኡባዉ ቃረታና። ታን ታ ጌሻ ሱንይ ሸቀተናዳን ኦና። 
\v 26 ኡንቱንቱ ኡንቱንታ ያሽያዌ እቱነ ባይና ሳን፥ ባረንቱ ቢታን ሳሮ ደኡሳ ዶምያ ዎደ፥ ካሰ ባረንቱ ዬላነ ታዉ ኡንቱንቱ አማነተናን እጼዳዋ ዶጋና። 
\v 27 ታን ኡንቱንቱ ካዉተቱዋ ኡባ ግዶፐ ዛራደ አሀና፤ ቃይ ኡንቱንቱ ሞርከቱዋ ቢታፐካ ኡንቱንታ ሺሻና። ሄዋዳን ኦደ፥ ታን ጌሻ ግድያዋ ኡንቱንቱ ባጋና ካዉተቱዋ ኡባ በሳና። 
\v 28 ታን ኡንቱንቱ ካዉተቱዋ ግዶ ኦሞዶ የዴዳ ድራዉነ ኡንቱንታ ሺሻደ፥ ኡንቱንቱ ቢታ ዛሬዳ ድራዉ፥ ታን መና ጎዳ ኡንቱንቱ ጾሳ ግድያዋ ኡንቱንቱ ኤራና። ታን ኡንቱንቱፐ እቱዋነ ካዉተቱዋ ግዶን አግከ። 
\v 29 ታን ታ አያና እስራኤልያ አሳ ቦላ ጉሳና፤ ላኤን ታ ሶምኡዋ ኡንቱንቱፐ ኡባካ ገንከ። ታን ኡባ ሞድያ መና ጎዳይ ሀዋ ኦዳይ’ ያጌ” ያጊደ ዬዳ።
\c 40
\ms ያናዉ ደእያ ጌሻ ጎልያነ ቢታ ሳፃ
\mr (40:1—48:35)
\s1 ህዝቄል ሳጻን የሩሳላመ ቤዳ
\p
\v 1 ኑን ኦሞደቴዳ ላታማነ እቼሸን ላይን፥ የሩሳላመ ጾነቴዳ ታማነ ኦይደን ላይን፥ ኦራ ላይይ ገሌዳ ኮይሮ አግናን ታማን ጋላሳን፥ መና ጎዳ ዎልቃይ ታ ቦላ ደኤ። እ ታና ደንደ የሩሳላመ አፌዳ። 
\v 2 ጾሳ ሳጻን እ ታና እስራኤልያ ቢታ አፊደ፥ እት ዳሮ ቃ ደርያ ሁጲያን ኤሴዳ። ሄ ደርያፐ ገድሳ ባጋና ካታማ ማላትያ ግምቢያ ጎለቱዋ በኣድ።\x - \xo 40:2 \xo*\xt ሳፃ 21:10\xt*\x* 
\v 3 እ ታና ያ አኪደ አፌዳ፤ ታን ናስያ ብራታዳን ጶልያ እት ብታንያ በኣድ። ሄ ብታኒ ሊኑዋፐ ኦሰቴዳ ሜትርያነ ልክያ ጻምኣ ኦይቂደ፥ ድርሳ ፐንገን ኤቄዳ።\x - \xo 40:3 \xo*\xt ሳፃ 11:1፤ 21:15\xt*\x* 
\v 4 እ ታና ሀዋዳን ያጌዳ፤ “ላ አሳ ናአዉ፥ ኔና ታን ሀ ሳኣ አሄዳዌ ታን ኔና በስያዋ ኡባ ኔን ምንሳ አኬካናሳ። ሄዋ ድራዉ፥ ነ አይፍያን ጼላ፤ ነ ሀይን ስሳ፤ ነ ዎዛናን ዎ። ኔን በእያዋ ኡባ እስራኤልያ አሳዉ ኦዳ” ያጌዳ።
\s1 አዋይ ዶልያ ባጋ ፐንግያ
\p
\v 5 ታን ጌሻ ጎልያ ኡባና ዩይ አዳ ድርሳ ግምቢያ በኣድ። ሄ ብታንያ ኩሽያን ልክያ ኡሱፑን አዱሳ ዋ ጻምአይ ደኤ። እት አዱሳ ዋይ እት ዋ ቦላ ኦይዱ ብራቱዋ ጉጄዳዋ። እ ግምቢያ ልኬዳ፤ ግምቢያዉ ጌሳይ 6 ዋ፤ ጎምፓይካ 6 ዋ ግዴዳ።\x - \xo 40:5—42:20 \xo*\xt 1 ካታ. 6:1-38፤ 2 ኦዱዋ 3:1-9\xt*\x*
\p
\v 6 ሄዋፐ ጉይያን፥ አዋይ ዶልያ ባጋና ደእያ ድርሳ ፐንግያኮ ቤዳ። ደቱዋ ፑደ ከሲደ፥ ፐንግያ ጎጭላ ልክና 6 ዋ ግዴዳ። 
\v 7 ሄዋፐ አና፥ ሎሱነ ኡሸቻናነ ሀድርሳና ፐንግያ ናግያዋንቱ ኤቂያ ሄዙ ሄዙ ክፍለቱ ደኢኖ፤ እት እት ክፍሊ 6 ዋ አዱሳነ 6 ዋ አካ። ኡንቱንቱ ግዶን ደእያ ጎዳቱ 5 ዋ ኦርዱዋ። ፐንግያ ናግያዋንቱ ክፍለቱዋፐ ያ ባጋና፥ ጌሻ ጎልያ ጼልያ ባራንዳ ጎጭላይ 6 ዋ።
\p
\v 8 ሄዋፐ ጉይያን፥ ሄ ብታኒ ገልያሳ ባራንዳ ልኬዳ፤ 8 ዋ ግዴዳ። 
\v 9 ሄዌ ጌሻ ጎልያ ጼልያ ፐንግያ ዉርሰን ደኤ። ሄ ባራንዳ ቆስለቱዋ ኦርዶተይ ላኡ ላኡ ዋ። 
\v 10 አዋይ ዶልያ ባጋ ፐንግያን ሶ ባጋና፥ ገልያ ሎሱዋ ፐንግያ ናግያዋንቱ ክፍለቱ፥ ሀ ባጋና ሄዙ ያ ባጋና ሄዙ ደኢኖ። ኡንቱንቱ ጎምፓይ ኡባዌካ ቃራ፤ ኡንቱንታ ሻክያ ድርሳ ግምቢያ ኦርዶተይካ ቃራ።
\p
\v 11 ሄዋፐ ጉይያን፥ ሄ ብታኒ ድርሳ ፐንግያ አያ ሳኣ ጎምፓ ልኬዳ፤ ኡባና 10 ዋ ግዴዳ። ፐንገቱዋፐ ግዱዋን ደእያ ሎሱ 13 ዋ። 
\v 12 እት እት ፐንግያ ናግያዋንቱ ክፍልያ ስንን ደእያ ግምቢያ ጌሳይ እት ዋ፥ ጎምፓይካ እት ዋ ግዴዳ ጎዳይ ደኤ፤ ናግያዋንቱ ክፍለቱ ላኡ ባጋናካ ኡሱፑን ኡሱፑን ዋ።
\p
\v 13 ሀፍንን ደእያ ናግያዋንቱ ክፍለቱዋ ጉየ ጋጻፐ ሄፍንን ደእያ ናግያዋንቱ ክፍለቱዋ ጉየ ጋጻ ጋካናዉ ደእያ ሳኣ ልክና 25 ዋ ግዴዳ። 
\v 14 ሄ ብታኒ ዳባባ ጼልያ ዉርሰ ክፍልያ ልክና 20 ዋ ግዴዳ። 
\v 15 ፐንግያ ገልያ ሳፐ ቢደ፥ ህን ዉርሰን ደእያ አ ባራንዳ ጋካናዉ ደእያ አዱሳተይ 50 ዋ። 
\v 16 ክፍለቱዋ ኡባን ካረ ባጋ ጼልያ ጉ ጉ ማስኮተቱ ደኢኖ፤ ቃይ ክፍለቱዋፐ ግዱዋን ደእያ ጎዳዉካ ማስኮተቱ ደኢኖ። ያነ ሃነ ሻክያ ጎዳቱዋ ቦላን ዛምባ ምስሊ መት ኡቴዳ።
\s1 ካረ ዳባባ
\p
\v 17 ሄዋፐ ጉይያን፥ ሄ ብታኒ ታና ካረ ዳባባኮ አፌዳ። ሄዋን ታን ዳባባ ዩሹዋን ሹቻ ሂጸቴዳ ባሱዋነ ሄ ባሱዋ ዩሹዋን ኬጸቴዳ ሀታሙ ክፍለቱዋ በኣድ። 
\v 18 ሹቻይ ሂጸቴዳ ባሱ ዳባባ ዩሹዋ ኡባ ጋኬዳ፤ ሄዌ ካረ ዳባባይ ግዶ ዳባባፐ ዝቄ። 
\v 19 ግዶ ዳባባኮ ጋያ፥ ቃን ኦሰቴዳ፥ ድርሳ ፐንጊ ደኤ። ሄ ብታኒ ላኡ ፐንገቱዋፐ ግዱዋን ደእያ ሳኣ ልክና ሁጲሳ ባጋነ ገድሳ ባጋ ጎምፓይ 100 ዋ ግዴዳ።
\s1 ሁጲሳ ፐንግያ
\p
\v 20 ሄዋፐ ጉይያን፥ ሄ ብታኒ ታና ሁጲሳ ባጋ አፌዳ። ሁጲሳ ባጋ ጼልያ ድርሳ ፐንግያ ጉታራነ ጎምፓ እ ልኬዳ። ሄ ድርሳ ፐንጊ ካረ ዳባባኮ ጋያዋ። 
\v 21 ሎሱዋፐ ኡሸቻነ ሀድርሳ ባጋና ደእያ ሄዙ ሄዙ ናግያዋንቱ ክፍለቱ፥ ኡንቱንቱፐ ግዱዋን ደእያ ጎዳቱነ አ ባራንዳይ ኮይሮ አዋይ ዶልያ ፐንግያ ባጋን ልኬዳዋንቱና ብጸ ላገ ግዴድኖ። ድርሳ ፐንግያ ጉታራይ ኡባና 50 ዋ፤ ጎምፓይካ 25 ዋ። 
\v 22 ባራንዳይ፥ ማስኮተቱነ መቴዳ ዛምባ ምስሊ ካሰ አዋይ ዶልያ ፐንግያ ባጋን በኤዳዋንቱና እት ማላ። ያ ጋያ ላፑን ደቱ ደኢኖ። ባራንዳይ ዳባባ ስንን ዉርሰ ባጋና ደኤ። 
\v 23 አዋይ ዶልያ ባጋዳን፥ ሀ ሁጲሳ ባጋንካ ግዶ ዳባባዉካ ሀራ ፐንጊ ደኤ። ሄ ብታኒ ሀ ላኡ ድርሳ ፐንገቱዋፐ ግዱዋን ሳኣ ልክና 100 ዋ ግዴዳ።
\s1 ገድሳ ፐንግያ
\p
\v 24 ሄዋፐ ስሚደ፥ ሄ ብታኒ ታና ገድሳ ባጋ ድርሳ ፐንገ ካለና ባደ፥ ሄዋን ሀራ ድርሳ ፐንግያ በኣድ። እ አ ልክያ ዎደ፥ ግዶ ግምበቱዋነ ሀራቱዋ ልክና እካ ሀራቱዋ ኬሻ ግዴዳ። 
\v 25 ልክያ ሀራቱዋዳን፥ ሀ ድርሳ ፐንግያ ማታን ደእያ ክፍለቶ ኡባዉ ማስኮተቱ ደኢኖ። ድርሳ ፐንግያ አዱሳተይ 50 ዋ፤ ጎምፓይካ 25 ዋ። 
\v 26 ያ ጋያ ላፑን ደቱ ደኢኖ። ባራንዳይ ዳባባ ስንን ዉርሰ ባጋና ደኤ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። 
\v 27 ግዶ ዳባባዉካ ሀራ ፐንጊ ደኤ። ሄ ብታኒ ሀ ላኡ ድርሳ ፐንገቱዋፐ ግዱዋን ደእያ ሳኣ ልክና 100 ዋ ግዴዳ።
\s1 ግዶ ዳባባዉ ገድሳ ባጋ ፐንግያ
\p
\v 28 ሄ ብታኒ ታና ገድሳ ድርሳ ፐንግያ ባጋና ህን ግዶ ዳባባኮ አፌዳ። እ ድርሳ ፐንግያ ልክና፥ ሀራ ፐንገቱዋና ልከ ግዴዳ። 
\v 29 ሄዎ ናግያዋንቱ ክፍለቱ፥ ጎዳቱነ ባራንዳቱ ኡባይ ሀራ ድርሳ ፐንገቱዋና እት ማላ። ሄ ድርሳ ፐንግያ ዩሹዋን ክፍለቱዋ ኡባዉ ማስኮተቱ ደኢኖ። ሀ ፐንግያ አዱሳተይ 50 ዋ፤ ጎምፓይካ 25 ዋ። 
\v 30 አ ዩሹዋን ባራንዳቱ ደኢኖ፤ ኡንቱንቱ አዱሳተይ 25 ዋ፤ ጎምፓይካ 5 ዋ። 
\v 31 ሄ ባራንዳቱ ካረ ባጋ ዳባባ ጼሊኖ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። ያ ጋያ ሆስፑን ደቱ ደኢኖ።
\s1 ግዶ ዳባባዉ አዋይ ዶልያ ባጋ ፐንግያ
\p
\v 32 ሄ ብታኒ ታና አዋይ ዶልያ ባጋ ድርሳ ፐንግያና ህን ግዶ ዳባባኮ አፌዳ። እ ሄ ድርሳ ፐንግያ ልክና፥ ሀራ ፐንገቱዋና ልከ ግዴዳ። 
\v 33 ናግያዋንቱ ክፍለቱ፥ ጎዳቱነ ባራንዳይ ኡባይ ሀራ ድርሳ ፐንገቱዋና እት ማላ። ሄ ድርሳ ፐንግያ ዩሹዋን ደእያ ክፍለቱዋ ኡባዉ ማስኮተቱ ደኢኖ። ሄ ፐንግያ አዱሳተይ 50 ዋ፤ ጎምፓይካ 25 ዋ። 
\v 34 ባራንዳይ ካረ ባጋ ዳባባ ጼሌ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። ያ ጋያ ሆስፑን ደቱ ደኢኖ።
\s1 ግዶ ዳባባዉ ሁጲሳ ባጋ ፐንግያ
\p
\v 35 ሄ ብታኒ ታና ሁጲሳ ባጋ ድርሳ ፐንግያኮ አፌዳ። እ ሄ ድርሳ ፐንግያ ልክና፥ እካ ሀራ ፐንገቱዋና ልከ ግዴዳ። 
\v 36 ናግያዋንቱ ክፍለቱ፥ ጎዳቱነ ባራንዳይ ኡባይ ሀራ ድርሳ ፐንገቱዋና እት ማላ። ሄ ድርሳ ፐንግያ ዩሹዋን ማስኮተቱ ደኢኖ። ሄ ፐንግያ አዱሳተይ 50 ዋ፤ ጎምፓይካ 25 ዋ። 
\v 37 ባራንዳይ ካረ ባጋ ዳባባ ጼሌ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። ያ ጋያ ሆስፑን ደቱ ደኢኖ።
\s1 ያርሹዋ ጊግስያ ክፍለቱዋ
\p
\v 38 ካረ ዳባባዉ ሁጲሳ ባጋና፥ ግዶ ድርሳ ፐንግያ ባራንዳና ኦይቀቴዳ፥ ሀራ ክፍሊካ ደኤ። ጹግያ ያርሾ አህያ መህያ አሹ ሜጨትያዌ ሄ ክፍልያና። 
\v 39 ሄ ባራንዳን ሀ ባጋና ላኡ ጻርጴዛቱ፥ ያ ባጋናካ ላኡ ጻርጴዛቱ ደኢኖ፤ ጹግያ ያርሾ፥ ናጋራ ያርሾነ ናቁዋ ያርሾ ሹክያ መህያ ኡባይ ሹከትያዌ ሄ ጻርጴዛቱዋ ቦላና። 
\v 40 ባራንዳፐ ካረ ባጋና ሁጲሳ ድርሳ ፐንግያ ማታን ላኡ ጻርጴዛቱ ሀ ባጋና፥ ላኡ ጻርጴዛቱ ያ ባጋና ደኢኖ። 
\v 41 ሄዋ ድራዉ፥ ያርሾ ሺቄዳ መሂ ሹከትያ ኡባና ሆስፑን ጻርጴዛቱ ደኢኖ፤ ኡንቱንቱፐ ኦይዳቱ ባራንዳን ደኢኖ፤ ኦይዳቱ ቃይ ካረ ዳባባን ደኢኖ። 
\v 42 ቃይ ጹግያ ያርሹዋ ዎናዉ ጊግሴዳ፥ ሹቻፐ ማሰቲደ ኦሰቴዳ ኦይዱ ጻርጴዛቱ ደኢኖ። ኡንቱንቶ ጌሳይ እት ዋ፤ አዱሳተይ እት ዋነ ታካ፤ ቃይ ጎምፓይካ እት ዋነ ታካ። ጹግያ ያርሹዋነ ሀራ ያርሾቱዋ ኡባ ሹክያ ሚሻቱ ሄ ጻርጴዛቱዋ ቦላን ኡቲኖ። 
\v 43 ኦይዱ ብራያ አዱቂያ ካቂያ ማጋቱ ጎዳ ቦላ ዩይ አደ ሸት ኡቴድኖ። ያርሾ ሺሽያ አሹ ኡባይ ሄ ጻርጴዛቱዋ ቦላ ዎ።
\p
\v 44 ሄዋፐ ጉይያን፥ ሄ ብታኒ ታና ግዶ ዳባባ ገልሴዳ። ሄዋን ፐንገቱ ግዶ ዳባባኮ ዶየትያ ላኡ ክፍለቱ ደኢኖ። ኡንቱንቱፐ እት ክፍሊ ሁጲሳ ድርሳ ፐንግያ ማታና ገድሳ ባጋ ጼሌ፤ ላኤን ቃይ ገድሳ ድርሳ ፐንግያ ማታና ሁጲሳ ባጋ ጼሌ። 
\v 45 ሄ ብታኒ ታና ሀዋዳን ያጌዳ፤ “ገድሳ ባጋ ጼልያ ክፍሊ ጌሻ ጎልያን ኦያ ቄሳቱ ዋ። 
\v 46 ሁጲሳ ባጋ ጼልያ ክፍሊ ቃይ ያርሽያሳን ኦያ ቄሳቱ ዋ። ቄሳቱ ኡባይ ጻዶቃ ያራፐ የለቴዳ ሌዋቱዋ፤ መና ጎዳኮ ሺቂደ፥ አስ ኦናዉ በሲኖ ጌተቴዳዌ ኡንቱንቱ ጻላላ” ያጌዳ።
\s1 ግዶ ዳባባነ ጌሻ ጎልያ
\p
\v 47 ሄ ብታኒ ዳባባ ልክና አዱሳተይ 100 ዋ፥ ጎምፓይካ 100 ዋ ግዴዳ። ዳባባን ጌሻ ጎልያፐ ስን ባጋና እት ያርሽያሳይ ደኤ። 
\v 48 ሄዋፐ ጉይያን፥ እ ታና ጌሻ ጎልያ ባራንዳ አፌዳ። ባራንዳ ገልያ ቆስለ ልክና ጌሳይ 5 ዋ፤ ጎምፓይካ 14 ዋ። ሀድርሳናነ ኡሸቻና ደእያ ጎዳቱዋ ኦርዶተይ ሄዙ ሄዙ ዋ ግዴዳ። 
\v 49 ባራንዳ አዱሳተይ 20 ዋ፤ ጎምፓይካ 12 ዋ። ያ ጋያ 10 ደቱ ደኢኖ። ገልያሳን ኡሸቻናነ ሀድርሳና ኤቄዳ ላኡ ቱቀቱ ደኢኖ።
\c 41
\p
\v 1 ሄዋፐ ስሚደ፥ ሄ ብታኒ ታና ጌሻ ጎልያን ደእያ ጌሻ ሳኣ ገልሴዳ። ሄ ጌሻ ሳኣ ጎዳ ኦርዶተ ልክና 6 ዋ ግዴዳ። 
\v 2 ፐንግያ ጎምፓይ ቃይ 10 ዋ ግዴዳ። ሀድርሳናነ ኡሸቻና ደእያ ጎዳቱዋ ጎምፓይ እቼሹ እቼሹ ዋ። ቃይ እ ጌሻ ሳኣ ልክና 40 ዋ፥ ጎምፓይካ 20 ዋ ግዴዳ።
\p
\v 3 ሄዋፐ ጉይያን፥ ቆልኦ ገሌዳ። ሄ ገልያ ፐንግያ ጎዳ ኦርዶተ ልክና 2 ዋ ግዴዳ። ፐንግያ ጎምፓይ 6 ዋ ግዴዳ፤ ሀድርሳናነ ኡሸቻና ደእያ ጎዳቱዋ አኮተይ ላፑን ላፑን ዋ። 
\v 4 ቃይ እ ቆልኡዋ ልክና አዱሳተይ 20 ዋ፥ ጎምፓይካ 20 ዋ ግዴዳ። ሄዋፐ ጉይያን እ ታና፥ “ሀዌ ኡባፐ አያ ጌሻ ሳኣ” ያጌዳ።
\s1 ጌሻ ጎልያ ዩሹዋን ኬጸቴዳ ክፍለቱዋ
\p
\v 5 ሄ ብታኒ ጌሻ ጎልያ ጎዳ ልክና ኦርዶተይ 6 ዋ ግዴዳ። ሄ ጎዳና ኦይቀቲደ፥ ጌሻ ጎልያ ዩሹዋን ኬጸቴዳ ኦይዱ ኦይዱ ዋ አክያ ዳሮ ክፍለቱ ደኢኖ። 
\v 6 ሄ ክፍለቱ እቱ እቱዋ ቦላ ኬጸቴዳ ሄዙ ፖቀ ግድሽና፥ እት እት ፖቅያዉ ሀታሙ ክፍለቱ ደኢኖ። ዞንጎልስ የግያ ምይ ጌሻ ሳኣ ግዶ ገለና ማላ፥ ኮይሮ ጎዳና ኦይሰደ፥ ሀራ ሹቻ ዎድኖ። 
\v 7 ሄ ሹቻይ ጋርሳ ዉርሰ ፖቅያን ኦርዴዳ ድራዉነ ፑደ ሺቂደ ሌእያ ድራዉ፥ ክፍለቱካ ፑደ ሺቅያ ዎደ፥ አክ አኪደ ቢኖ። ኮይሮ ዉይግያፐ ግዶ ፖቅያና አደ፥ ክል ዉርሰ ፖቅያ ጋካናዉ አፍያ ደቱ ደኢኖ።
\p
\v 8 ታን ጌሻ ጎልያ ዩሹዋን ቁ ጌዳ ባሱ ደእያዋ በኣድ። አ ዩሹዋን ደእያ ክፍለቱ ሄ ባሱዋ ቦላን ኬጸቴድኖ፤ ሄ ባሱ ግዶ ዳባባፐ 6 ዋ ቄ። 
\v 9-11 ሄ ክፍለቱዋ ካረ ባጋ ጎዳ ኦርዶተይ 5 ዋ። ክፍለቱዋ ገልያ ላኡ ፐንገቱ፥ እቱ ሁጲሳ ባጋና፥ እቱ ቃይ ገድሳ ባጋና ደኢኖ፤ ቃይ ሄ ክፍለቱዋ ዩሹዋን ደእያ ባሱዋ አኮተይ 5 ዋ። ጌሻ ጎልያ ባሱዋፐነ ግዶ ዳባባን ደእያ ክፍለቱዋፐ ግዱዋን ደእያ መላ ሳአይ 20 ዋ።
\s1 አዋይ ዉልያ ባጋና ኬጸቴዳ ጎልያ
\p
\v 12 ጌሻ ጎልያፐ አዋይ ዉልያ ባጋና ደእያ መላ ሳኣፐ ሄፍን ባጋና እት ጎሊ ደኤ። ሄ ጎልያ 90 ዋ፤ ጎምፓይካ 70 ዋ። ሄ ጎልያ ጎዳይ 5 ዋ ኦርዳ።
\s1 ጌሻ ጎሊ ልከቴዳ
\p
\v 13 ሄ ብታኒ ጌሻ ጎልያ ካረ ባጋ ልክና አዱሳተይ 100 ዋ። ጌሻ ጎልያ ዞክሳፐ ቢደ፥ ህን አዋይ ዉልያ ባጋ ጎልያ ዞክሳ ጋካናዉ ሳኣ ልክና፥ 100 ዋ ግዴዳ። 
\v 14 አዋይ ዶልያ ባጋና ደእያ ጌሻ ጎልያ ጎምፓይ ላኡ መላ ሳአቱዋ ጉጂደ ልክና፥ 100 ዋ አኬ። 
\v 15 ላኡ ባጋናካ ደእያ አያ ሳአቱዋ ጉጂደ፥ አዋይ ዉልያ ባጋና ደእያ ጎልያ ልክና 100 ዋ ግዴዳ።
\s1 ጌሻ ጎልያዉ ግዶ ኦሶቱዋ
\p ጌሻ ጎልያ ጌሻ ሳአይ፥ አ ቆልኡነ አ ባራንዳይ 
\v 16 ዉይግያፐ ቢደ፥ ማስኮተቱዋ ጋካናዉ፥ ምን ሌጸት ኡቴዳ፤ ማስኮተቱካ ምን ሌጸት ኡቴድኖ። 
\v 17-18 ጌሻ ጎልያዉ ሶ ባጋ ክፍለቱዋ ጎዳይ ፐንገቱዋፐ ቦላዉ አና ጋካናዉ፥ ዛምባቱዋነ ክሩበቱዋ ምስለቱዋን አሌቀት ኡቴዳ፤ ክፍልያን ዩይ አናዉካ ዛምባ ምስሊነ ክሩብያ ምስሊ ዋላካን መት ኡቴዳ። ክሩበቶ ኡባዉ ላኡ ላኡ ሶምኢ ደኤ። 
\v 19 እት ባጋና አሳ ሶምኡዋ ማላትያዌ ዛምባ ምስልያኮ ጼሌ፤ ቃይ ሀራ ባጋና ጋሙዋ ሶምኡዋ ማላትያዌ ዛምባ ምስልያኮ ጼሌ። 
\v 20 ዉይግያፐ ደንድ ቢደ፥ ፐንገቱዋፐ ቦላ ባጋን ደእያ ሳኣ ጋካናዉ፥ ጎዳ ዩሹዋ ኡባይ ሄዋዳን አሌቀቴዳ። 
\v 21 ጌሻ ጎልያ ፐንገ ቆስለቱ ኡባይ ኦይዱ ማረ ግዲደ ማሰቴዳዋንታ፤ ኡንቱንቱ ኡባይካ እት ልከ።
\s1 ምፐ መዳ ያርሽያ ሳ
\p ኡባፐ አዳ ጌሻ ሳኣ ገልያሳ ስንን 
\v 22 ምፐ መቴዳ ያርሽያ ሳ ማላትያዌ ቤቴ። እካ ኦይዱ ማረ ግዲደ፥ አዱሳተይ ጎምፓይካ ቃራ፤ ኡንቱንቱ ላኡካ ላኡ ላኡ ዋ፤ አዉ ጌሳይ ቃይ ሄዙ ዋ። ማዛናቱዋ ቱሳቱ፥ ገደቱነ ምይያና ደእያ ሳንቃቱ ኡባይካ ምፐ ኦሰቴዳዋንታ። ሄ ብታኒ ታና፥ “ሀዌ መና ጎዳ ስንን ደእያ ጻርጴዛ” ያጌዳ።
\s1 ጌሻ ጎልያ ፐንገቱዋ
\p
\v 23 ጌሻ ሳአዉ እት ፐንጊ ደኤ፤ ቃይ ኡባፐ አዳ ጌሻ ሳአዉ እት ፐንጊ ደኤ። 
\v 24 እት እት ፐንግያዉ ግዱዋን ዳኮቲደ ዶየትያ ላኡ ሳንቃቱ ደኢኖ። 
\v 25 ጌሻ ሳኣ ጎዳቱዋ ቦላ መቴዳዋዳን፥ ፐንገቱዋ ሳንቃቱዋ ቦላካ ክሩበቱዋነ ዛምባቱዋ ምስሊ መት ኡቴዳ። ባራንዳፐ ቦላ ባጋና ስንና ደእያ ሳንቃ ካራይ ምፐ ኦሰቴዳዋ። 
\v 26 ሄ ባራንዳ ጎዳቱዋ ምይያን ማስኮተቱ ደኢኖ። ላኡ ባጋ ጎዳቱካ ዛምባ ምስልያን አሌቀቴድኖ። ሀድርሳ ባጋናነ ኡሸቻ ባጋና ደእያ ደ ክፍለቶ ካሜዳ ካራይ ደኤ።
\c 42
\s1 ጌሻ ጎልያ ማታን ኬጸቴዳ ላኡ ጎለቱዋ
\p
\v 1 ሄዋፐ ጉይያን፥ ሄ ብታኒ ታና ሁጲሳ ባጋ ፐንግያና ካረ ዳባባ ካለደ ጌሻ ጎልያ ግዶ ዳባባ ግምቢያና ኦይቀቴዳ ጎልያኮ፥ ታና አሄዳ። 
\v 2 ሄ ጎልያ ፐንጊ ፑደ ባጋ ስሚደ፥ ሄ ጎሊ 100 ዋ አዱሳነ 50 ዋ አኮ። 
\v 3 ግዶ ዳባባፐ ላታሙ ዋ ሃኪደ፥ ቃይ ስን ባጋና ካረ ዳባባን ደእያ ሂጸቴዳ ሹቻፐ ስን ባጋና እቱ እቱዋና ጼለትያ ሄዙ ደይ ደእያ ፖቂ ደኤ። 
\v 4 ሄ ክፍለቱዋ ፐንገቱ ሁጲሳ ጼሊኖ። ኡንቱንቱፐ ስን ባጋና 10 ዋ አኮነ 100 ዋ አዱሳ ግዴዳ፥ ግዱዋና አያ ኦጊ ደኤ። 
\v 5 ሄ ጎልያ ቦላ ሄዘን ፖቂ ላኤንዋፐ ጹሜ፤ ላኤን ቃይ ኮይሩዋፐ ጹሜ። ጋሶታይካ ኡንቱንቱ እቱ እቱዋፐ ጉየ ሺቅ ሺቂደ ግምበቴዳ ድራሳ። 
\v 6 ቃይ ኡንቱንቱ ሄዙ ፖቅያን ደእያ ክፍለቱ ቆሞዋንቱፐ ጋርሳዋንቱነ ግዶ ዛዋን ደእያ ክፍለቱ ጹምያ ድራዉ ካረ ዳባባን ደእያ ሀራ ጎለቱዋዳን፥ ኡንቱንቶ ቱሳይ ባዋ። 
\v 7 ሄ ክፍለቱዋፐ ስን ባጋና፥ 50 ዋ አዱቂያ ካረ ዳባባ ባጋና ደእያ እት ግምቢ ደኤ። 
\v 8 ካረ ዳባባ ባጋና ደእያ ክፍለቱዋ አዱሳተይ 50 ዋ አዱቂያዋ ግድሽን ጌሻ ጎልያ ስንን ደእያ ክፍልያ አዱሳተይ 100 ዋ። 
\v 9 ካረ ዳባባፐ ሶ ገልያ ዎደ አዋይ ዶልያ ባጋና ጋርሳ ክፍለቱዋ ገልያ ፐንጊ ደኤ።
\p
\v 10 ሄዋዳንካ፥ ጌሻ ጎልያፐ ገድሳ ባጋና ካረ ዳባባ ግምቢያ ካሊደ ጌሻ ጎልያ ዳባባና ኦይቀቴዳነ ካረ ዳባባኮ ጼልያ ሀራ ክፍለቱ ደኢኖ። 
\v 11 ሄ ጎልያ ክፍለቱዋ ስንን አሳይ ሀመትያ ኦጊ ደኤ። ሄ ጎሊ ሁጲሳ ባጋን ደእያ ጎልያና እት ማላ፤ አዱሳተይ፥ አኮተይ፥ ክፍለቱነ ፐንገቱ ኡባይ እት ማላ። 
\v 12 ድርሳ ግምቢ ዉርያ አዋይ ዶልያ ባጋ ጋጻፐ ዶሚደ ግምቢ ዶምያ ገድሳ ባጋና ደእያ ክፍለቱዋ ገልያ ፐንጊ ደኤ።
\p
\v 13 ሄዋፐ ጉይያን፥ ሄ ብታኒ ታና ሀዋዳን ያጌዳ፤ “ሀዋንቱ ክፍለቱ፥ ሁጲሳናነ ገድሳና ጌሻ ጎልያ ካረ ዳባባኮ ጼልያዋንቱ ቄሳቱ ዋ ክፍለቱዋ። ኡንቱንቱ ግዶን መና ጎዳ ስንን ኦያ ቄሳቱ ኡባፐ አዳ ጌሻ ቁማ ማና። ሄ ክፍለቱ ጌሻ ግዴዳ ድራዉ፥ ኡባፐ አዳ ጌሻ እሞታ፥ ሄዋንቱነ ካ ያርሹዋ፥ ናጋራ ያርሹዋነ ናቁዋ ያርሹዋ ኡባ፥ ኡንቱንቱ ሄዋን ዎና። 
\v 14 ጌሻ ጎልያ ገሌዳ ቄሳቱ ካረ ዳባባ ከስያ ዎደ፥ ጾሳዉ ኦያ ዎደ ማዬዳ ጌሻ ማዩዋ ከሲደ፥ ሄ ክፍለቱዋን ዎናን ከስክኖ። አያዉ ጎፐ፥ ማዮቱ ጌሻ። ኡንቱንቱ ካረ አሳኮ ከሲደ፥ ካሰ ማይያ ሀራ ማዮቱዋ ማዪደ ከሳናዉ ኮሼ” ያጌዳ።
\s1 ጌሻ ጎልያ ዩሹዋ ልክያ
\p
\v 15 ሄ ብታኒ ጌሻ ጎልያ ጋርሳ ዳባባን ደእያ ኬቱዋ ልኪ ዉርሲደ፥ አዋይ ዶልያ ባጋ ጼልያ ድርሳ ፐንግያና ታና ካረ ከሴዳ። ጌሻ ጎልያ ዩሽ አደ ልኬዳ። 
\v 16 ጻምኣ አኪደ፥ አዋይ ዶልያ ባጋ ልክና፥ 500 ዋ ግዴዳ። 
\v 17 ስሚደ ሁጲሳ ባጋ ሄ ጋትማን ልክና 500 ዋ ግዴዳ። 
\v 18 ስሚደ ገድሳ ባጋ ልክና 500 ዋ ግዴዳ። 
\v 19 ስሚደካ አዋይ ዉልያ ባጋ ልኬዳ፤ እካ 500 ዋ ግዴዳ። 
\v 20 ሄዋዳን ኦደ፥ እ ኦይዱ ባጋቱዋካ ልኬዳ። አ ዩሹዋን 500 ዋ አዱቂደ፥ 500 ዋ አክያ ድርሳ ግምቢ ደኤ። ሄ ግምቢ ጌሻ ሳኣ የንኮ ጮ ሳኣፐ ሻካናሳ።
\c 43
\s1 ጾሳ ቦንቹ ጌሻ ጎልያ ስሜዳ
\p
\v 1 ሄዋፐ ጉይያን፥ ሄ ብታኒ ታና አዋይ ዶልያ ባጋ ጼልያ ፐንግያኮ አሄዳ። 
\v 2 ታን እስራኤልያ ጾሳ ቦንቹ አዋይ ዶልያ ባጋፐ ይያዋ በኣድ። አ ዩሳ ኮሻይ ዳሮ ሃ ኩንዋ ጉን ማላ፤ ቃይ ቢታይካ አ ቦንቹዋን ፖኤዳ።\x - \xo 43:2 \xo*\xt ህዝ. 10:3-4፣ 18-19፤ 11:22-23፤ ሳፃ 1:15\xt*\x* 
\v 3 በኤዳ ሳጻይ ካሰ ጾሳይ የሩሳላመ ካታማ ይሳናዉ ዬዳ ዎደ በኤዳ ሳፃ ማላቴ፤ ቃይ ኮባራ ሻፋ ማታን ታን በኤዳ ሳጻካ ማላቴ። ሄዋ በኣደ፥ ታን ታ ሶምኡዋ ቢታ ጋደ ጉፋናድ። 
\v 4 መና ጎዳ ቦንቹ አዋይ ዶልያ ባጋ ጼልያ ፐንግያና ጌሻ ጎልያ ግዶ ገሌዳ። 
\v 5 ሄ ዎደ ጾሳ አያናይ ታና ፑደ ደንደ፥ ግዶ ዳባባ ገልሴዳ፤ በአ! መና ጎዳ ቦንቹ ጌሻ ጎልያ ኩሜዳ።
\p
\v 6 ሄዋን ሄ ብታኒ ታ ምይያን ኤቂደእሽን፥ እቱ ጌሻ ጎልያ ግዶፐ ታዉ ሃሳይሽን ስሳድ። 
\v 7 እ ሀዋዳን ያጌዳ፤ “ላ አሳ ናአዉ፥ ሀዌ ታ አራታ ሳነ ታ ገዲ የያ ሳኣ። ታን እስራኤልያ አሳ ግዶን መናዉ ደአና። ሀዋፐ ስንዉ እስራኤልያ አሳ ግድና፥ ኡንቱንቱ ካተቱዋ ግድና፥ ሀራ ጾሳቶ ጎይንያዋን፥ ዎይ ሸምፑ ባይና ባረንቱ ካተቱዋ ሀዉልትያዉ ጎይንያዋን ታ ጌሻ ሱን ቱንስክኖ። 
\v 8 ዋቲደ ጎፐ፥ እት ጎዳ ጻላላይ ታናነ ኡንቱንታነ ሻክና፥ ባረንቱ ፐንግያ ታዋ ምይያን፥ ባረንቱ ፐንገ ምካ ታዋ ምይያን ኤሴድኖ። ባረንቱ ሸነይያ ኦሱዋን ታ ጌሻ ሱን ቱንሴድኖ። ሄዋ ድራዉ፥ ታን ታ ሀንቁዋን ኡንቱንታ ይሳድ። 
\v 9 ሀእ ስም ሀራ ጾሳቶ ጎይንያዋ አግኖ፤ ባረንቱ ካተቱዋ ሀዉልትያ ጎይንያዋ ታ ማታፐ ድግኖ። ያቶፐ፥ ታን ኡንቱንቱ ግዶን መናዉ ደአና።
\p
\v 10 “ላ አሳ ናአዉ፥ ታን ኔና በሴዳ ጌሻ ጎልያባ እስራኤልያ አሳዉ ኦዳ፤ ኡንቱንቱ ባረንቱ ኦዳ ናጋራን ዬላታና ማላ፥ አ መባነ እ ኬጸቴዳ ማራ ኡንቱንቶ ኦዳ። 
\v 11 ኡንቱንቱ ባረንቱ ኦዳባን ዬላትያዋንታ ግዶፐ፥ ጌሻ ጎልያ ማላ፥ እ ኬጸቴዳ ማራ፥ ከስያ ሳአቱዋ፥ ገልያ ሳአቱዋነ አ ኩመን ምስልያ ኡንቱንቶ ቆንጭሳ። ሄዋዳንካ ቃይ፥ አ ዎጋ ኡባነ አ ህግያ ኡባ ኡንቱንታ ኤርሳ። ቃይካ ሄ ጎሊ ዎት ኬጸቴደንቶነ ኡንቱንቱ አ ዎጋ ኡባነ ህግያ ኡባ ናጋናዉነ ፖላናዉ ዳንዳያና ማላ፥ ኔን ኡንቱንቱ ጼልሽን ጻፋ።
\p
\v 12 “ጌሻ ጎልያ ህጊ ሀዋ: ጌሻ ጎሊ ኬጸቴዳ ደርያ ሁጲነ አ ዩሹዋን ደእያ ሄራይ ኡባይ ኡባፐ አዳ ጌሻ ግዳናዋ። ኤ፥ ጌሻ ጎልያ ህጊ ሀዋ።
\s1 ያርሽያ ሳአ
\p
\v 13 “ያርሽያሳይ ካሰ ጌሻ ጎልያ ልክያዳንካ፥ እት ዋ ቦላ ኦይዱ ብራቱዋ ጉጄዳ፥ አዱሳ ዋን ልከቴዳ። ያርሽያ ሳአ ባሱዋ ዩሹዋን እት ዋ ዝቂያነ እት ዋ አክያ ኦላይ ደኤ፤ ሄ ኦላዉ ካረ ባጋ ደይ እት ታካያ ቄ። ያርሽያ ሳአ ጌሳይ ሀዋ ማላ:\x - \xo 43:13-17 \xo*\xt ህዝ. 27:1-2፤ 2 ኦዱዋ 4:1\xt*\x* 
\v 14 ባሱዋፐ ቢደ፥ ኮይሮ ደ ጋካናዉ 2 ዋ፤ ላኤን ደይ እት ዋ ያርሽያ ሳኣኮ ሺቅ ዶሚደ፥ 4 ዋ ቄ፤ ቃይካ እት ዋ ያርሽያ ሳኮ ሺቂደ፥ 
\v 15 ያርሹ ጹገትያ ጮጪ ደእያ ሄዘን ደይ 4 ዋ ቄ። እ ኦይዱ ምዛና ግዲደ፥ ኦይዱ ማርያንካ እት እት ካጪ ደኤ። 
\v 16 ያርሹዋ ጹግያ ጮጪ ኦይዱ ሚዛናን ግዲደ፥ 12 ዋ፥ ጎምፓይካ 12 ዋ። 
\v 17 ላኤን ደይካ ሄዋ ማላ ኦይዱ ምዛና ግዲደ፥ 14 ዋ፥ ጎምፓይካ 14 ዋ። ሄ ደዉ ካረ ባጋ ጋጻይ እት ታካ ቄ። ዩሹዋ ኡባን እት ዋ ግዴዳ ኦላይ ደኤ። ያርሽያ ሳ ፑደ አፍያ ደቱ አዋይ ዶልያ ባጋን ደኢኖ” ያጌዳ።
\p
\v 18 ቃይካ እ ታና ሀዋዳን ያጌዳ፤ “ላ አሳ ናአዉ፥ ኡባ ሞድያ መና ጎዳይ ሀዋዳን ያጌ፤ ‘ያርሽያ ሳአ ዎጋይ ሀዋ። ጹግያ ያርሹዋ ያርሻናዉነ ሱ ፑሻካዉ፥ ያርሽያ ሳአ ግምቢደ ፖልያ ጋላስ፥ 
\v 19 ታኮ ሺቂደ፥ ታዉ ኦያ ጻዶቃ ያራፐ የለቴዳ ሌዊያ ዛረ ቄሳቶ ናጋራ ያርሹዋ ኦደ፥ እት ኮሩማ እማ። ኡባ ሞድያ መና ጎዳይ ሀዋ ኦዳይ። 
\v 20 ኔን ሄ ሱፐ አካደ፥ ኦይዱ ካጨቱዋ፥ ላኤን ደ ኦይዱ ሚዛናነ ሄ ደዉ ጋጻ ኦካ። ሄዋዳን ኦደ፥ ያርሽያ ሳአ ቱናተፐ ጌሻ። 
\v 21 ቃይ ናጋራ ያርሾ እመቴዳ ሄ ኮሩማ አካደ፥ ጌሻ ጎልያዋ ግዲደ፥ ጌሻ ሳኣፐ ካረ ባጋና አዉ አዛዘቴዳ ሳኣን ጹጋ።
\p
\v 22 “ ‘ዎንተ ጋላስ ትላ ቦላና ደእያ እት ዴሻ ኦርግያ አካደ፥ ናጋራ ያርሾ ያርሻ። ካሰ ኮሩማ ሱን ጌሼዳዋዳን፥ ሄ ዴሻ ኦርግያ ሱን ያርሽያ ሳአ ጌሻ። 
\v 23 ጌሽያዋ ፖላደ፥ ትላ ቦላና ደእያ እት ኮሩማነ ትላ ቦላና ደእያ እት ዶርሳ ኦርግያ አካደ፥ 
\v 24 ላኡዋካ መና ጎዳ ስን ሺሻ። ያቶፐ ቄሳቱ ኡንቱንቱ ቦላ ማጽንያ ቆሊደ፥ መና ጎዳዉ ጹግያ ያርሹዋ ኦደ ያርሽኖ።
\p
\v 25 “ ‘ላፑን ጋላሳ ኩመን፥ ሀች ሀች እት ዴሻ ኮልያ ናጋራ ያርሾ፥ ቃይ ትላ ቦላና ደእያ እት ኮሩማነ ትላ ቦላና ደእያ እት ዶርሳ ኦርግያ ሺሻ። 
\v 26 ቄሳቱ ላፑን ጋላሳ ኩመን ያርሽያ ሳአ ቱናተፐ ጌሽኖ። ያቲደ ጾሳዉ አ ዱማይኖ። 
\v 27 ሀ ጋላሳቱ ዉርያ ዎደ፥ ሆስፑን ጋላሳፐ ዶሚደ፥ ቄሳቱ ህንተ ጹግያ ያርሹዋነ ህንተ እትፐተ ያርሹዋ ያርሽያ ሳአ ቦላን ያርሽኖ። ሄ ዎደ ታን ህንተናን ናሸታና። ታን ኡባ ሞድያ መና ጎዳይ ሀዋ ኦዳይ’ ያጌ” ያጌዳ።\x - \xo 43:27 \xo*\xt ከሳ 29:35-37\xt*\x*
\c 44
\s1 አዋይ ዶልያ ፐንግያ ዎጋ
\p
\v 1 ሄዋፐ ጉይያን፥ ሄ ብታኒ ታና ጉየ ዛሪደ፥ ጌሻ ጎልያዉ አዋይ ዶልያ ባጋና ደእያ ካረ ባጋ ድርሳ ፐንግያኮ አህያ ዎደ፥ ድርሳ ፐንጊ ጎርደት ኡቴዳ። 
\v 2 መና ጎዳይ ታና ሀዋዳን ያጌዳ፤ “ሀ ፐንጊ ጎርዱዋን ደእ ባሻናፐ አትና፥ ላኤን ዶየተና። አሳይካ አናና ገለና፤ አያዉ ጎፐ፥ መና ጎዳይ እስራኤልያ ጾሳይ አናና ገሌዳ። ሄዋ ድራዉ፥ ሄ ፐንጊ ጎርዱዋን ደአና። 
\v 3 ግዶፐነ፥ እስራኤልያ ቄስያ ጻላላይ መና ጎዳ ስንን ኡክ ማናዉ ሄዋን ኡታና ዳንዳዬ። ፐንግያ ባራንዳና እ ገላናዉነ ከሳናዉ ዳንዳዬ” ያጌዳ።
\s1 ጌሻ ጎልያ ገልያ ዎጋ
\p
\v 4 ሄዋፐ ጉይያን፥ ሄ ብታኒ ታና ሁጲሳ ፐንግያኮ አፍያ ኦግያና አፊደ፥ ጌሻ ጎልያ ስን ባጋ ጋዳ። ሄዋን ታን ጼልያ ዎደ፥ መና ጎዳ ቦንቹ መና ጎዳ ጎልያ ኩም ኡቴዳዋ በኣድ፤ ሄኮ፥ ታ ሶምኡዋ ቢታ ጋደ ጉፋናድ።
\p
\v 5 ያትና፥ መና ጎዳይ ታና ሀዋዳን ያጌዳ፤ “ላ አሳ ናአዉ፥ መና ጎዳ ጌሻ ጎልያ ዎጋቱዋ ኡባነ አ ህገቱዋ ኡባ ጼልያዋን ታን ነዉ ኦድያዋ ነ ሀይን ሎይደ ስሳ፤ ነ አይፍያንካ ሎይደ ጼላ። ጌሻ ጎልያ ገላናዉነ ከሳናዉ በስያ አሳቱነ በሰና አሳቱ ሀቃዋንተንቶ ሎይደ አኬካ። 
\v 6 ማካላንቻ እስራኤልያ አሳዉ ሀዋዳን ያጋደ ኦዳ፤ ‘ኡባ ሞድያ መና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ህንተ ኦያ ቱና ኦሱ ኤቆ። 
\v 7 ህንተ ታዉ ታ ቁማ፥ ሞዋነ ሱ ያርሹዋ ኦደ ሺሽያ ዎደ፥ ዎዛናይነ አሹ ቃጻረትቤና አላጋ አሳቱዋ ታ ጌሻ ጎልያ ገልሲደ፥ ኡንቱንቱ አ ቱንሳናዳን ኦድታ። ህንተ ቱናተ ኡባ ቦላንካ ጉጂደ፥ ታ ቃላ ጫቁዋ ኮሌድታ። 
\v 8 ቃይ ታ ጌሻ ሚሻቱዋ ቦላ አዎተናን እጺደ፥ ታ ጌሻ ጎልያን አላጋቱዋ አዎዬድታ” ያጌ።
\p
\v 9 “ ‘ሄዋ ድራዉ፥ ኡባ ሞድያ መና ጎዳይ ሀዋዳን ያጌ፤ “እስራኤልያ አሳ ግዶን ደእያ አላጋ አሳይ፥ ባረ ዎዛናንነ ባረ አሹዋን ቃጻረትቤናዌ፥ ኦንነ ታ ጌሻ ጎልያ ገሎፖ።
\s1 ሌዋቱ አክያ ሙሩዋ
\p
\v 10 “ ‘ “ታፐ ሃኬዳ ሌዋቱ፥ እስራኤልያ አሳይ ታና አጊደ ዎራ ስምና፥ ባረንቱ ኤቃቶ ጎይናናዉ ዎራ ስሜዳዋንቱ፥ ባረንቱ ሙሩዋ አክኖ። 
\v 11 ግዶፐነ፥ ኡንቱንቱ ታ ጌሻ ጎልያን ኦሳንቻ ግድኖ፤ ታ ጌሻ ጎልያ ድርሳ ፐንገቱዋ ናግኖ፤ ጌሻ ጎልያ ኦሱዋካ ኦኖ። ኡንቱንቱ ጹግያ ያርሹዋነ አሳይ አህያ ሀራ ያርሹዋ ሹክኖ፤ ቃይ አሳዉ ኦናዉ፥ ኡንቱንቱ አሳኮ ሺቅኖ። 
\v 12 ሽን ኡንቱንቱ ካሰ እስራኤልያ አሳ ኤቃቶ ጎይንሴዳ ድራዉነ አሳ ናጋራን ኩንድስያ በ ግዴዳ ድራዉ፥ ኡንቱንቱ ባረንቱ ናጋራ ሙሩዋ አካናዳን፥ ታን ኩሽያ ደንደ ጫቃድ። ታን ኡባ ሞድያ መና ጎዳይ ሀዋ ኦዳይ። 
\v 13 ኡንቱንቱ ቄስያ ግዲደ ኦናዉ ታኮ ሺቆፕኖ፤ ዎይ ታዉ ዱማቴዳ ጌሻባኮነ ኡባፐ አዳ ጌሻባኮ ሺቆፕኖ። ኡንቱንቱ ባረንቱ ኦዳ ቱና ኦሱዋ ድራዉ፥ ዬላ ማይኖ። 
\v 14 ግዶፐነ፥ ኡንቱንቱ ጌሻ ጎልያን አዎታናዳንነ አ ግዶን ኦናዉ ደእያ ኦሱዋ ኡባካ ኦናዳን፥ ታን ኡንቱንታ ሱንና።
\s1 ቄሳቱ ዋ ዎጋ
\p
\v 15 “ ‘ “ሽን እስራኤልያ አሳይ ታና አጊደ፥ ዎራ ስሜዳ ዎደ፥ ታ ጌሻ ጎልያ ዎጋ አማነቲደ ፖሌዳ፥ ሌዊያ ዛረ ቄሳቱ፥ ጻዶቃ ያራቱ፥ ኡንቱንቱ ታዉ ኦናዉ ታኮ ሺቅኖ። ሞዋነ ሱ ሺሺደ፥ ኡንቱንቱ ታ ስንን ኦኖ። ታን ኡባ ሞድያ መና ጎዳይ ሀዋ ኦዳይ። 
\v 16 ታ ጌሻ ጎልያ ኡንቱንቱ ገልኖ፤ ታዉ ኦናዉ ታ ያርሽያ ሳ ኡንቱንቱ ሺቅኖ፤ አዎተካ ኡንቱንቱ ኦይቂኖ። 
\v 17 ኡንቱንቱ ጌሻ ጎልያዉ ግዶ ዳባባ ገልያ ዎደ፥ ሊኑዋፐ ዳደቴዳ ማዩዋ ማይኖ፤ ግዶ ዳባባ ፐንገን ዎይ ጌሻ ጎልያ ግዶን ኦያ ዎደ፥ ሱፍያ ማዩዋ ማዮፕኖ።\x - \xo 44:17-18 \xo*\xt ከሳ 28:39-43፤ ዎጋ 16:4\xt*\x* 
\v 18 ኡንቱንቱ ባረንቱ ሁጲያን ላይኑዋ ሻሽያ ጻጽኖ፤ ባረንቱ ጼሳንካ ላይኑዋ ቃን ሱርያ ዳንጭኖ። ባረንታ ጫዋይያዋ አያነ ማዮፕኖ። 
\v 19 አሳይ ደእያ ካረ ዳባባ ኡንቱንቱ ከስያ ዎደ፥ ጌሻ ጎልያን ኦደ ማዬዳ ማዩዋ ቃሪደ፥ ጌሻ ክፍለቱዋን ዎኖ። ሄዌ ዮፐ፥ ኡንቱንቱ ባረንቱ ጌሻ ማዩዋን አሳ ጾሳዉ ጌሻና።\x - \xo 44:19 \xo*\xt ዎጋ 16:23\xt*\x*
\p
\v 20 “ ‘ “ቄሳቱ ባረንቱ ሁጲያ ሜደቶፕኖ፥ ዎይ ባረንቱ ብናና አዱሶፕኖ፤ ባረንቱ ሁጲያ ልክያን ቃንጽስኖ።\x - \xo 44:20 \xo*\xt ዎጋ 21:5\xt*\x* 
\v 21 አይ ቄሲነ ግዶ ዳባባ ገልያ ዎደ፥ ዎይንያ ኤሳ ኡሾፖ።\x - \xo 44:21 \xo*\xt ዎጋ 10:9\xt*\x* 
\v 22 ኡንቱንቱ አስናይ ሀይቄዳ፥ ዎይ የደቴዳ ማጫ አሳ አኮፕኖ። እስራኤልያ አሳፐ ጌላያቶ አክኖ፤ ዎይ አስናይ ቄስያ ግዲደ ደኢድ ሀይቄዳ ማጫ አሳ አክኖ።\x - \xo 44:22 \xo*\xt ዎጋ 21:7፣ 13-14\xt*\x*
\p
\v 23 “ ‘ “ቄሳቱ ጾሳዉ ዱማቴዳዋፐነ ዱማተናን ጮ ደእያዋፐ ግዱዋን ደእያ ዱማተ ታ አሳ ታማርስኖ። ቃይ ጌሻፐነ ቱናፐ ግዱዋን ደእያ ዱማተ ኡንቱንቱ በስኖ።\x - \xo 44:23 \xo*\xt ሳፃ 10:10\xt*\x* 
\v 24 አይ ሞቱ ደንዶፐካ፥ ቄሳቱ ታ ህጊ ኦድያዋዳን ፕርድኖ። ታ ህግያነ ታ ዎጋ ናጊደ፥ ታ ባላቱዋ ቦንችኖ፤ ታ ሳምባታካ ዱማዪደ ቦንችኖ።
\p
\v 25 “ ‘ “ቄሲ ሀይቄዳ አሃኮ ሺቂደ፥ ባረና ቱንሶፖ። ግዶፐነ፥ ሀይቄዳዌ አዉዋ፥ ዎይ አቶ፥ ዎይ የሌዳ አቱማ ናኣ፥ ዎይ ማጫ ናኣ፥ ዎይ እሻ፥ ዎይ አስና ገላቤና ምቻቶ ግዶፐ፥ አሃ ቦቻናዉ ዳንዳዬ።\x - \xo 44:25 \xo*\xt ዎጋ 21:1-4\xt*\x* 
\v 26 እ ባረ ቱናተፐ ጌዬዳዋፐ ጉይያን፥ ላፑን ጋላሳ ፓይዲደ ታኮ። ሄዋፐ ጉይያን፥ እ ጌሻ ግዳና። 
\v 27 ሄዋፐ ስሚደ፥ ጌሻ ሳኣን ኦናዉ ግዶ ዳባባ ብያ ጋላስ፥ ባረ ናጋራ ያርሹዋ ሺሾ። ታን ኡባ ሞድያ መና ጎዳይ ሀዋ ኦዳይ።
\p
\v 28 “ ‘ “ቄሳቶ ላታይ ባዋ፤ ታን ኡንቱንቶ ላታ። እስራኤልያ ቢታን ኡንቱንቶ አይ ላታነ እሞፕተ፤ ኡንቱንቱ ላታይ ታና።\x - \xo 44:28 \xo*\xt ፓይ. 18:20\xt*\x* 
\v 29 ኡንቱንቱ ካ ያርሹዋ፥ ናጋራ ያርሹዋነ ናቁዋ ያርሹዋ ሚኖ። እስራኤልያ ቢታን መና ጎዳዉ ዱማዬዳዌ ኡባይ ኡንቱንቱሳ።\x - \xo 44:29-30 \xo*\xt ፓይ. 18:8-19\xt*\x* 
\v 30 ኮይሮ ጋክያ ዱማ ዱማ ካዉ ኮይሮ አይፊነ ህንተ ጾሳዉ እምያ እሞታ ኡባይ ቄሳቱ ዋሳ። ህንተ ጎልያን አንጁ ሸምፓና ማላ፥ ህንተ ልያፐ ኮይሮ ኩሽያ ኡንቱንቶ እምተ። 
\v 31 ቄሳቱ ባኩቴዳዋ ዎይ ዶአይ ዎዳዋ ካፉዋ አሹዋ ግድና፥ መህያ አሹዋ ግድና፥ አያነ ሞፕኖ።\x - \xo 44:31 \xo*\xt ዎጋ 22:8\xt*\x*
\c 45
\s1 መና ጎዳዉ ዱማዬዳ ሳማ
\p
\v 1 “ ‘ “ቢታ ህንተ ላታናዉ ሳማን ሻክያ ዎደ፥ ሄ ቢታፐ እት ሳማ መና ጎዳዉ ዱማዪደ ዎተ። ሄዌካ ታማነ ላኡ ክሎ ሜትረነ ባጋ አዱቂያነ ታሙ ክሎ ሜትረ አክያ ሳኣ ግዶ። ሄ ሳአይ ኡባይካ ጌሻ ሳኣ ግዶ። 
\v 2 ሄ ሳኣፐ ኦይዱ ማዛን ቃራ ግዴዳ አዱሳተይ 500 ዋ፥ ጎምፓይካ 500 ዋ ግዴዳ ሳአይ ጌሻ ጎልያሳ ግዶ፤ አ ዩሹዋን 50 ዋ ግዴዳ መላ ሳአይ ደኦ። 
\v 3 ሄ ጾሳዉ ዱማዬዳ ሳኣፐ አዱሳተይ ታማነ ላኡ ክሎ ሜትረነ ባጋ፥ ጎምፓይ ቃይ እቼሹ ክሎ ሜትረ ግዴዳ ሳኣ ልካደ ሻካ። ሄዋን ጌሻ ጎሊ፥ እካ፥ ኡባፐ አዳ ጌሻይ ደእያ ጌሻ ጎልያዉ ሳኣ ግዲደ ደኦ። 
\v 4 ሄዌ ጌሻ ጎልያ ግዶን መና ጎዳዉ ኦናዉ፥ አኮ ሺቅያ ቄሳቶ ዱማቴዳ ጌሻ ሳኣ ግዶ፤ ቃይ ኡንቱንቱ ባረንቱ ጎልያ ኬጽያ ሳነ ጌሻ ጎልያዉካ ጌሻ ሳኣ ግዶ። 
\v 5 ቃይ አትያ ታማነ ላኡ ክሎ ሜትረ ባጋ አዱቂያነ እቼሹ ክሎ ሜትረ ባጋ አክያ ሳአይ ጌሻ ጎልያን ኦያ ሌዋቱዋሳ ላታ ግዶ፤ ኡንቱንቱ ባረንቶ ደእያ ካታማቱዋ ሄዋን ኬጽኖ።
\p
\v 6 “ ‘ “ሄ መና ጎዳዉ ዱማዬዳ ሳኣ ምይያን ታማነ ላኡ ክሎ ሜትረነ ባጋ አዱቂያነ ላኡ ክሎ ሜትረነ ባጋ አክያ ሳአይ ካታማ ኬጻናዉ ደኡዋ፤ ሄ ሳአይ እስራኤልያ አሳዉ ኡባዉ ግዶ።
\s1 እስራኤልያ ካፖ እመቴዳ ሳማ
\p
\v 7 “ ‘ “እስራኤልያ ካፖ እመቴዳ ሳማይ ላኡ ባጋናካ ጾሳዉ ዱማዬዳ ሳኣንነ ካታማ ሳኣን ዛዋቴ። እ አዋይ ዉልያ ባጋና ሜድተራነ አባ ጋኬ፤ አዋይ ዶልያ ባጋና እስራኤልያ ቢታ ዛዋ ጋኬ። አዉ እስራኤልያ ዛርያፐ እቱዋ ሳማዳን፥ አዋይ ዉልያ ባጋ ዛዋፐ ቢደ፥ አዋይ ዶልያ ባጋ ዛዋ ጋኬ። 
\v 8 ሄ ሳማይ እስራኤልያ ቢታ ካፖ ላታ ጋድያ ግዶ። ሀዋፐ ስንን ታ ካፓቱ ታ አሳ ኡቁኖፕኖ፤ ኡንቱንቱ እስራኤልያ አሳይ ኡባይ ባረ ዛርያን ዛርያን ጋድያ አካናዳን ኦኖ” ያጌ።
\s1 ካፑ አዛዘትያ ህግያ
\p
\v 9 “ ‘ኡባ ሞድያ መና ጎዳይ ሀዋዳን ያጌ፤ “ህንተኖ፥ እስራኤልያ ካፓቶ፥ ህንተዉ ሀእ ግዳና! ህንተ ሻቢረነ አሳ ኡቁንያዋ አግተ፤ ሱረ ፕርዳነ ጽሎተ ኦተ። ታ አሳ ኡንቱንቱ ላታ ቢታፐ ቆሊደ የደርስያዋ አግተ። ታን ኡባ ሞድያ መና ጎዳይ ሀዋ ኦዳይ።
\p
\v 10 “ ‘ “ህንተ ኡባዉካ ልከ ሚዛናይነ ቃራ ግዴዳ ማክያባይ ደኦ።\x - \xo 45:10 \xo*\xt ዎጋ 19:36\xt*\x* 
\v 11 ልክያባቱ ኡባዉ ግዶ ግድያ ጎሞረ\f + \fr 45:11 \fr*\fk ጎሞረ፦ \fk*\ft እት ጎሞረ 220 ክሎ ግራመ ዎይ 220 ሊትሮ ግዴ።\ft*\f* ያግያ ልክያ ሚሻ ግዶ። መላባ ማክያ ኤፋ ግያ ሚሻይ ጎሞረ ኦይቂያዎ ታሙዋፐ እት ኩሽያ ግዶ፤ ቃይ ጉክያዋ ማክያ ባትያ ግያ ሚሻይካ ጎሞርያዉ ታሙዋፐ እት ኩሽያ ግዶ። ሄዋ ግያዌ አፋይነ ባቲ ብጸ ላገ ግያዋ። 
\v 12 ጉባ ልክያ ዎደ፥ ህንተ ልክያ ሚሻይ ሳቅለ\f + \fr 45:12 \fr*\fk ሳቅለ፦ \fk*\ft እት ሳቅሊ ታማነ እት ግራመነ ባጋ ዴጼ።\ft*\f* ግዶ። ላታሙ ጌራይ እት ሳቅለ ግዶ፤ ቃይ ኡሱፑን ታሙ ሳቅሊ እት ምናነ ግዶ።
\p
\v 13 “ ‘ “ህንተ እሙዋ እሚደ፥ ሀዋዳን እምተ። ህንተ ቆጽ ሺሽያ ዛርጋፐ ኡሱፑን ታሙዋፐ እት ኩሽያ፥ ባንጋፐ ኡሱፑን ታሙዋፐ እት ኩሽያ፥ 
\v 14 ቃይ ዎጋራ ዛይትያፐ ጼቱዋፐ እት ኩሽያ እምተ። ሀዋንታ ልክያ ዎደ፥ ኔን ማክያ ሚሻይ ባተ ግዶ። ታሙ ባቲ እት ጎሞረ ዎይ እት ኮረ ግዴ። 
\v 15 እስራኤልያ አሳይ ሄምያ ላኡ ላኡ ጼቱ መህያ ዉዲ ደእያዋፐ እት ዉድያፐ እት እት ዶርሳ እምተ። ሄዋንቱ አሳ ናጋራ አቶ ጊሳናዉ፥ ካ ያርሹዋ፥ ጹግያ ያርሹዋነ እትፐተ ያርሾ ግድኖ። ታን ኡባ ሞድያ መና ጎዳይ ሀዋ ኦዳይ። 
\v 16 ቢታን ደእያ አሳይ ኡባይ ሀዋ ኡባ እስራኤልያ ካፖ እሞ። 
\v 17 ካፑ ኦናዉ በስያ ኦሱ፥ እስራኤልያ አሳይ ቦንችያ ባላቱዋን፥ አግናይ ጼርያ ጋላሳትዋንነ ሳምባታቱዋን ጹግያ ያርሾቶ፥ ካ ያርሾቶነ ኡሻ ያርሾቶ ኮሽያዋ እሞ። እስራኤልያ አሳ ናጋራ አቶ ጊሳናዉ፥ ናጋራ ያርሾቱዋ፥ ካ ያርሾቶ፥ ጹግያ ያርሾቶነ እትፐተ ያርሾቶ ኡባዉ ኮሽያዋ እ እሞ” ያጌ።
\p
\v 18 “ ‘ኡባ ሞድያ መና ጎዳይ ሀዋዳን ያጌ፤ “ኮይሮ አግናን፥ ኮይሮ ጋላስ ትላ ቦላና እት ኮሩማ ጌሻ ጎልያ ጌሻናዉ ሺሻ። 
\v 19 ቄሲ ሀ ናጋራ ያርሹዋ ሱፐ አኪደ፥ ጌሻ ጎልያ ፐንግያ ቆስለቱዋ፥ ያርሽያ ሳ ዩሹዋን ደእያ ደዉ ኦይዱ ምዛናዉነ ግዶ ዳባባ አፍያ ድርሳ ፐንግያ ቆስለቱዋ ኦኮ። 
\v 20 ኦንነ ቆፐናን ዎይ ኤራና ዪደ ኦዳ ናጋራ አቶ ጊሳናዉ፥ አግናዉ ላፑን ጋላሳን ሄዋዳንካ ኦ። ያታደ ጌሻ ጎልያ ቱናተፐ ጌሻ።
\p
\v 21 “ ‘ “ኮይሮ አግናን፥ ታማነ ኦይደን ጋላሳን ፓስጋ ባላ ቦንችተ፤ ቃይ ላፑን ጋላስ ጋካናዉ፥ እርሹ ገልቤና ኡክ ሚተ።\x - \xo 45:21 \xo*\xt ከሳ 12:1-20፤ ፓይ. 28:16-25\xt*\x* 
\v 22 ሄ ኮይሮ ጋላሳን ካፑ ባረ ግሻነ ባረ አሳ ድራዉ ናጋራ ያርሹዋ ኦደ ኮሽያዋ፥ እት ኮሩማ እሞ። 
\v 23 ሄ ባላይ ቦንቼትያ ላፑን ጋላሳቱዋን ሀች ሀች ላፑን ኮሩማቱዋነ ላፑን ዶርሳ ኦርገቱዋ ኡባይካ ትላ ቦላና ደእያዋንታ ጹግያ ያርሹዋ ኦደ፥ መና ጎዳዉ ኮሽያዋ እሞ። ሄዋናካ እትፐ ናጋራ ያርሾ ሀች ሀች እት ዴሻ ኦርግያ እሞ። 
\v 24 እት እት ኮሩማነ እት እት ዶርሳ ኦርግያ ያርሽያ ዎደ፥ ካ ያርሾ 17 ክሎ ግራመ ዛርጋነ ሄዙ ሊትሮ ዛይትያ እሞ።
\p
\v 25 “ ‘ “ላፑን አግናን፥ ታማነ እቼሻን ጋላሳን ዶምያ ላፑን ጋላሳ ባላ ዎድያን ኡባን፥ ናጋራ ያርሹዋ፥ ጹግያ ያርሹዋ፥ ካ ያርሹዋነ ዛይትያ ካሰዋፐ ዱማየናን ካፑ እሞ” ያጌ።\x - \xo 45:25 \xo*\xt ዎጋ 23:33-36፤ ፓይ. 29:12-38\xt*\x*
\c 46
\s1 ያርሹዋ ዎጋ
\p
\v 1 “ ‘ኡባ ሞድያ መና ጎዳይ ሀዋዳን ያጌ፤ “ግዶ ዳባባ ገልስያ አዋይ ዶልያ ባጋ ድርሳ ፐንጊ ኦሱዋ ጋላሳቱዋን ኡሱፑናቱዋንካ ጎርደቲደ ጋምኦ፤ ሽን ሳምባታ ጋላስነ አግናይ ጼርያ ጋላስ ዶየቶ። 
\v 2 እስራኤልያ አሳ ካፑ ድርሳዉ ፐንገ ባጋ ዳባባፐ ገልያ ባራንዳ ባጋና ገሊደ፥ ድርሳ ፐንገ ም ማታን ኤቆ። ቄሳቱ እ እሜዳ ጹግያ ያርሹዋነ እትፐተ ያርሹዋ ያርሽኖ። እ ሄዋን ድርሳ ፐንገን ጎይኒደ፥ ስሚደ ካረ ከሶ። ሽን ድርሳ ፐንጊ ኦማርሳናስካ ጎርደቶፖ። 
\v 3 ሄ ቢታ አሳይካ ሳምባታንነ አግናይ ጼርያ ዎድያን ግዶ ዳባባ ድርሳ ፐንግያ ገልያሳን፥ መና ጎዳ ስንን ጎይንኖ።
\p
\v 4 “ ‘ “ካፑ ሳምባታ ጋላስ መና ጎዳዉ ጹግያ ያርሹዋ ኦደ፥ ኡሱፑን ዶርሳ ማራቱዋነ እት ዶርሳ ኦርግያ፥ ኡባይካ ትላ ቦላና ደእያዋንታ እሞ። 
\v 5 እት ዶርሳ ኦርግያና 17 ክሎ ግራመ ካ ያርሹዋ እሞ። ዶርሳ ማራቱዋና ሺቅያ ካ ያርሹ ካፑ ባረዉ ሺሻናዉ ኮዬዳዋ ኬሻ ግዶ። ቃይ እት እት 17 ክሎ ግራመ ካና ሄዙ ሄዙ ሊትሮ ዛይትያ እሞ።
\p
\v 6 “ ‘ “አግናይ ጼርያ ጋላስ ጋላስ ቃይ እት ኮሩማ፥ ኡሱፑን ዶርሳ ማራቱዋነ እት ዶርሳ ኦርግያ፥ ኡባይካ ትላ ቦላና ደእያዋንታ እሞ። 
\v 7 እት እት ኮሩማነ እት እት ዶርሳ ኦርግያ ያርሽያ ዎደ፥ ካ ያርሾ እት እት 17 ክሎ ግራመ ዛርጋነ ሄዙ ሄዙ ሊትሮ ዛይትያ እሞ። ዶርሳ ማራቱዋና ሺቅያ ካ ያርሹ ካፑ ባረዉ ሺሻናዉ ኮዬዳዋ ኬሻ ግዶ። 
\v 8 ካፑ ገሊደ፥ ድርሳ ፐንግያ ባራንዳና አደ ገሎ፤ ከሲደካ ሄዋና ከሶ።
\p
\v 9 “ ‘ “ሽን ሄ ቢታ አሳይ ባላ ጋላስ መና ጎዳ ስንን ጎይናናዉ ይያ ዎደ፥ ጎይኖ ሁጲሳ ፐንግያና ገሌዳዋንቱ ገድሳ ፐንግያና ከስኖ፤ ቃይ ገድሳ ፐንግያና ገሌዳዋንቱ ሁጲሳ ፐንግያና ከስኖ። አይ አሳይነ ባረ ስንን ደእያ ፐንግያና ስት ጊደ ከሶፐ አትና፥ ባረ ገሌዳ ሳና ከሶፖ። 
\v 10 ኡንቱንቱ ገልያ ዎደ፥ ካፑ ኡንቱንቱና ገሎ፤ ኡንቱንቱ ከስያ ዎደካ፥ ኡንቱንቱና ከሶ።
\p
\v 11 “ ‘ “ናሸቻ ጋላሳትዋንነ ላይ ባላቱዋን እት እት ኮሩማናነ እት እት ዶርሳ ኦርግያና ሺቅያ ካ ያርሹ እት እት 17 ክሎ ግራመ ዛርጋነ ሄዙ ሄዙ ሊትሮ ዛይተ ግዶ። ቃይ ዶርሳ ማራቱዋና ሺቅያ ያርሹ ካፑ ባረዉ ሺሻናዉ ኮዬዳዋ ኬሻ ግዶ። 
\v 12 ካፑ ባረ ዶሱዋን እምያ ያርሹዋ፥ ጹግያ ያርሹዋ፥ ዎይ እትፐተ ያርሹዋ መና ጎዳዉ አህያ ዎደ፥ አዋይ ዶልያ ባጋ ግዶ ዳባባ ድርሳ ፐንጊ አዉ ዶየቶ። ባረ ጹግያ ያርሹዋ ዎይ እትፐተ ያርሹዋ ሳምባታ ጋላስ እ እምያዋዳን እሞ። ያቲደ እ ከሲደ ቢና፥ ድርሳ ፐንጊ ጎርደቶ።
\s1 ሀች ሀች ሺሽያ ያርሹዋ
\p
\v 13 “ ‘ “ካፑ ሀች ሀች ትላ ቦላና ደእያ እት ላይ ግዴዳ እት ዶርሳ ጹግያ ያርሹዋ ኦደ፥ መና ጎዳዉ እሞ፤ እ ሄዋ ዎንታ ዎንታ ፓጨናን አሆ። 
\v 14 ሄዋናካ ላኡ ክሎ ግራመ ሊ እት ሊትሮ ዛይትያን ሙናቀቲደ፥ ዎንታ ዎንታ ካ ያርሹዋ ግዲደ ሺቆ። ሀዌ ህንተ መና ጎዳዉ ሀች ሀች ሺሽያ ያርሹዋ ዎጋ። 
\v 15 ሀዌ ስም ኦርገ ዶርሳይ፥ ካ ያርሹነ ዛይቲ ፓጭ ባይናን ዎንታ ዎንታ ሺቃናዉ በስያ ጹገትያ ያርሹዋ” ያጌ።
\s1 ካፑዋ ጋድያባዉ እመቴዳ ዎጋ
\p
\v 16 “ ‘ኡባ ሞድያ መና ጎዳይ ሀዋዳን ያጌ፤ “ካፑ ባረ ጋድያፐ ሻኪደ፥ ባረ አቱማ ናናቱዋፐ እቶ እሞፐ፥ ሄዌ ሄ ናኣሳነ አ ናናቱዋስ ላታ ግዴ። 
\v 17 ሽን ካፑ ባረ ጋድያፐ ሻኪደ፥ ባረ ቆማቱዋፐ እቶ እሞፐ፥ እሻታማን ላይ ባላይ ጋካናዉ፥ ሄ ጋዲ አዋ። ሄዋፐ ጉይያን፥ ካፖ ስሞ፤ ሄዌ ካፖ ግድያ ድራዉ፥ መናዉ አሳነ አ ናናቶ ላታ ግዴ።\x - \xo 46:17 \xo*\xt ዎጋ 25:10\xt*\x* 
\v 18 ካፑ አሳ ሱጊደ፥ አሳ ላታ ጋድያ ዎልቃን አኮፖ። ታ አሳይ ባረ ላታ ጋድያፐ ቆለተና ማላ፥ እ ባረ አቱማ ናናቶ ባረ ጋድያፐ እሞ” ያጌ’ ያጋ” ያጌዳ።
\s1 ያርሹዋ ዶይስያ ሳአቱዋ
\p
\v 19 ሄዋፐ ጉይያን፥ ሄ ብታኒ ታና ሁጲሳ ጼልያ፥ ቄሳቱ ዋ ጌሻ ክፍለቱዋኮ ገልያሳ አሄዳ። ሄዋንቱካ ግዶ ዳባባዉ ጋያ ዱገ ባጋ ድርሳ ፐንግያ ማታን ደእያዋንታ። ኡንቱንቱፐ አዋይ ዉልያ ባጋና ታን እት ሳኣ በኣድ። እ ታና ሀዋዳን ያጌዳ፤ 
\v 20 “ሀ ሳአይ ቄሳቱ ናጋራ ያርሹዋነ ናቁዋ ያርሹዋ ዶይስያ ሳነ ካ ያርሹዋ ኡክያ ሳኣ። ሀ ሳኣን ጎኤትያ ጋሱ ሄ ጌሻ ያርሾቱዋ አሳኮ ካረ ዳባባ ከስና፥ አሳይ ጌሻባ ቦቺደ ጌየናዳን ናጋናሳ” ያጌዳ።
\p
\v 21 ሄዋፐ ጉይያን፥ ሄ ብታኒ ታና ካረ ባጋ ዳባባዉ አፊደ፥ ሄ ዳባባዉ ኦይዱ ማዛንያ ታና ዩሼዳ። ሄ ዳባባ ማርያን ኡባንካ ቄር ዳባባቱ ደእያዋንታ በኣድ። 
\v 22 ኡንቱንቶ ኡባዉካ 40 ዋ፤ ጎምፓይካ 30 ዋ፤ ኦይዱ ማርያን ደእያ ዳባባቱካ እት ላገ። 
\v 23 ሄ ኦይዱ ዳባባቱዋ ዩሹዋንካ ሹቻ ግምቢ ደኤ፤ ቃይ ግምቢያ ላንቂያን አኮ ሺቂደ ኦሰቴዳ፥ ታማ ኤያ ሳአቱ ደኢኖ። 
\v 24 ሄ ብታኒ ታና፥ “ሀዋንቱ ኡባይ ጌሻ ጎልያን ኦያዋንቱ አህያ ያርሹዋ ዶይስያ ሳአቱዋ” ያጌዳ።
\c 47
\s1 ጌሻ ጎልያ ጋርሳፐ ፑልትያ ሃ
\p
\v 1 ሄ ብታኒ ዛሪደ፥ ታና ጌሻ ጎልያ ገልያሳ አፌዳ። ጌሻ ጎልያ ገልያ ፐንግያፐ ጋርሳና ሃይ ፑልቲደ፥ ጌሻ ጎልያፐ አዋይ ዶልያ ባጋ ጎጌ። ጋሱካ መና ጎዳ ጌሻ ጎሊያ ፐንጊ አዋይ ዶልያ ባጋፐ ስንና ደኤ። ጌሻ ጎልያዉ ገድሳ ባጋና ዱገ ጎጊደ፥ ያርሽያ ሳፐ ገድሳ ባጋና አ።\x - \xo 47:1 \xo*\xt ዛካ. 14:8፤ ዮሃ. 7:38፤ ሳፃ 22:1\xt*\x* 
\v 2 እ ታና ሁጲሳ ፐንግያ ባጋና ከሲደ፥ አዋይ ዶልያ ባጋ ጼልያ ፐንግያ ዩሹዋና ካለደ አፌዳ። ሄ ፐንግያፐ ገድሳ ባጋና ሃይ ጎጌ።
\p
\v 3 ሄ ብታኒ ልክያ ሜትርያ ባረ ኩሽያን ኦይቂደ፥ አዋይ ዶልያ ባጋ ቢደ፥ ጎግያ ሃ ካሊደ፥ 1,000 ዋ ልኬዳ። ታና ሃ ግዱዋና ካለዳ፤ ሃይ ታዉ ሜሽ መቀ ጋኬ። 
\v 4 ላኤንዋካ 1,000 ዋ ልኪደ፥ ሃ ግዱዋና ታና ካለዳ። ሃይ ታዉ ጉልባታ ጋኬዳ። ቃይ 1,000 ዋ ልኪደ፥ ታና ሃ ግዱዋና ካለዳ። ሄ ዎደ ሃይ ታዉ ጼሳ ጋኬዳ። 
\v 5 እ ቃይካ 1,000 ዋ ልኬዳ። ሽን ሄ ሃይ ዳሮ ጪማ ግዴዳ ድራዉ፥ ታን ፕናናዉ ዳንዳያበይከ፤ እ አሳይ ዋናን ፕናናዉ ዳንዳየና ሻፋ ግዴዳ። 
\v 6 ሄ ብታኒ ታና፥ “ላ አሳ ናአዉ፥ ሀዋ በኣድ?” ያጌዳ።
\p ሄዋፐ ጉይያን፥ እ ታና ሻፋ ጋጻዉ ጉየ ዛሬዳ። 
\v 7 ታን ስማደ ያ ጋክያ ዎደ፥ ሻፋ ዶናን ሀ ባጋናነ ያ ባጋና ሎይ ዳሮ ምይ ደእያዋ በኣድ። 
\v 8 እ ታና ሀዋዳን ያጌዳ፤ “ሀ ሃይ አዋይ ዶልያ ባጋ ቢታዉ ጎጊደ፥ አራባ ዎምባን ገሌ። እ ሄዋን ጎገና ማጽንያ አባን ገልያ ዎደ፥ ሄ ሃይ ኦራጺደ፥ ጽሎ ሃ ከሴ። 
\v 9 ሀ ሻፋይ ጎጊደ ብያ ሳኣን ደእያ፥ ሻምእ ግያ መታቱ ኡባይ ፓጻ ደአና፤ ቃይ ሄ ሻፋይ ያ ጎጊደ፥ አባ ሃ ኦራጽሲደ ጽልስያ ድራዉ፥ ፓይዱዋን ዳሮ ጮራቴዳ ሞለቱ ያን ደአና። ሄዋፐ ደንዴዳዋን፥ ሄ ሻፋይ ጎግያሳን ደእያባይ ኡባይ ፓጻ ደአና። 
\v 10 ሞልያ ኦይቂያዋንቱ አባ ዶናን ኤቃና፤ ኤንጋዳፐ ቢደ ኤን-ኤግላይማ ጋካናዉ ደእያ ሳአይ ግትያ ምጭያ ሳኣ ግዳና። ሜድተራነ አባን ደእያ ሞለቱዋዳን፥ ሄዋንካ ዳሮ ዱማ ዱማ ቆሞ ሞለቱ ደአና። 
\v 11 ሽን አባ ዶናን ደእያ ጫሪነ ሃይ ኩሞ ኦላይ ማጽነ ግዲደ አታናፐ አትና፥ ኦራጽክኖ። 
\v 12 ሄ ሻፋ ዶናን ሀ ባጋናነ ያ ባጋና ምያ አይፍያ አይፍያ፥ ዳሮ ዱማ ዱማ ቆሞ ምቱ ደአና። ኡንቱንቱ ሀይይ ቆቆፈተና፤ አይፍያዋካ አግክኖ። ጌሻ ጎልያፐ ከስያ ሃይ ኡንቱንቱኮ ጎግያ ድራዉ፥ ኡንቱንቱ አግናን አግናን ኦራ አይፍያ አይፋና። ኡንቱንቱ አይፌዳ አይፊ ቁማ ግዳናዋ፤ ኡንቱንቱ ሀይይካ ለ ግዳናዋ” ያጌ።\x - \xo 47:12 \xo*\xt ሳፃ 22:2\xt*\x*
\s1 ቢታ ዛዋቱዋ
\p
\v 13 ኡባ ሞድያ መና ጎዳይ ሀዋዳን ያጌ፤ “እስራኤልያ ዛረቶ ታማነ ላአቶ ቢታ ላታ ጋድያ ኦደ፥ ኔን ሻካና ዛዋይ ሀዋ። ዮሴፎ ዛረቶ ላኡ ሳማይ እመቶ። 
\v 14 ታን ካሰ ህንተ ማይዛ አዋቶ ሀ ቢታ ላትሳናዉ ታ ኩሽያ ደንደ ጫቃድ፤ ሀእ ህንተ ኡባይካ ልክያን ሻኪደ ላትተ።
\p
\v 15 “ቢታዉ ሁጲሳ ባጋ ዛዋይ ሀዋ: ሜድተራነ አባፐ ደንዲደ፥ ሄትሎና ካታማነ ሀማታ ፕኑዋ አደ፥ ጸዳደ ካታማ ጋኬ። 
\v 16 ሄዋፐ ቃይ ዳማስቆፐነ ሀማታፐ ግዶ ዛዋን ደእያ በሮታነ ስብራይማ ካታማቱዋ አደ፥ ሀዉራና ዛዋን ደእያ ቲኮና\f + \fr 47:16 \fr*\fk ቲኮና፦ \fk*\ft እብራዌዋን ሀዘር-ሀትኮን ጌተቴ።\ft*\f* ካታማ ጋኬ። 
\v 17 ሄዎ እስራኤልያ ቢታዉ ዛዋይ ሀማታ ቢታ ሁጲሳ ባጋዉ አጊደ፥ ሜድተራነ አባፐ አዋይ ዶልያ ባጋ ቢደ፥ ዳማስቆ ቢታ ዛዋን ደእያ ሀጻር-ኤናና ካታማ ጋኬ።
\p
\v 18 “አዋይ ዶልያ ባጋ ዛዋይ ሀጻር-ኤናናፐ ደንዲደ፥ ዳማስቆፐነ ሀዉራናፐ ግዱዋና አ። ሄዋፐ ቃይ እስራኤልያፐነ ጋላኣደፐ ግዱዋን ደእያ ዮርዳኖሳ ሻፋን ዛዋቲደ፥ ማጽንያ አባ አደ ቢደ፥ ታማራ ካታማ ጋኬ።
\p
\v 19 “ገድሳ ባጋ ዛዋይ ታማራፐ ደንዲደ ቢደ፥ ማሪባ-ቃዴሳን ደእያ ፑልቱዋ ጋኬ። ሄዋፐ ሁጲሳና አዋይ ዉልያ ባጋ ኦይቅክቂደ፥ ግብጼ ሻፋ ካሊደ ቢደ፥ ሜድትራንያ አባ ጋኬ።
\p
\v 20 “አዋይ ዉልያ ባጋ ዛዋይ ሜድተራነ አባ ግዲደ፥ ሁጲሳ ባጋና አደ ሀማተን ዛዋቴ።
\p
\v 21 “ሄዋ ድራዉ፥ ሀ ቢታ እስራኤልያ ዛራቱዋ ፓይዱዋ ልክያን ሻክ አክተ። 
\v 22 ህንተዉነ ህንተ ግዶን ናናቱዋ የሊደ ደእያ በተቶ ቢታ ላታ ኦደ ሻክተ። ኡንቱንታ ህንተ ህንተ ቢታን የለቴዳ እስራኤልያ አሳዳን ጼልተ። ኡንቱንቱ ህንተናና እትፐ እስራኤልያ ዛራቱዋና ጋድያ ሳማን አክኖ። 
\v 23 በቲ እስራኤልያን አይ ዛርያና ደኦፐካ፥ ሄ እ ደእያ ዛርያ ግዶን አዉ ላታ ቢታ እምተ። ታን ኡባ ሞድያ መና ጎዳይ ሀዋ ኦዳይ።
\c 48
\s1 ቢታ ሻኩዋ
\p
\v 1 “ቢታ ሻካናዉ ማዝጋበቴዳ ዛራቱዋ ሱንይ ሀዋ: ሁጲሳ ባጋና እት ሳማይ ዳና ዛርያዉ እመቶ። ሄዌካ ሄትሎናፐ ሀማታዉ አፍያ ኦግያ ካሊደ፥ ሄዋፐካ ዳማስቆ ዛዋን ደእያ ሀጻር-ኤናና ማታ ካታማ አደ ሀማተ ማታን ዛዋቴ። ሄዌ አዋይ ዶልያ ባጋፐ ቢደ አዋይ ዉልያ ባጋ ጋካናዉ ደእያ ሳአዉ ሁጲሳ ባጋ ዛዋ ግዳና። 
\v 2 ዳና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ አሴራ ዛርያዉ እመቶ። 
\v 3 አሴራ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ ንፍታሌማ ዛርያዉ እመቶ። 
\v 4 ንፍታሌማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ ምናሰ ዛርያዉ እመቶ። 
\v 5 ምናሰ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ እት ሳማይ ኤፍሬማ ዛርያዉ እመቶ። 
\v 6 ኤፍሬማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ እት ሳማይ ሮቤላ ዛርያዉ እመቶ። 
\v 7 ሮቤላ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ እት ሳማይ ይሁዳ ዛርያዉ እመቶ።
\p
\v 8 “ይሁዳ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማ ዱማያ ዎ። አዉ ጎምፓይ ታማነ ላኡ ክሎ ሜትረነ ባጋ ግዴ። አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ዛርያ ሻክና ጋክያ ሳማና ቃራ። አዉ ግዶ ግሸቻን ጌሻ ጎሊ ደኤ።
\p
\v 9 “ሄ ሳማፐ ኔን መና ጎዳዉ ዱማያደ ዎያ ሳአይ ታማነ ላኡ ክሎ ሜትረነ ባጋ አዱሳነ ታሙ ክሎ ሜትረ አኮ ግዶ። 
\v 10 ሄ ሳአይ ቄሳቶ ዱማዬዳ ሳኣ ግዶ፤ እ ሁጲሳ ባጋና ታማነ ላኡ ክሎ ሜትረነ ባጋ አዱሳ፤ አዋይ ዉልያ ባጋና እቼሹ ክሎ ሜትረ አኮነ አዋይ ዶልያ ባጋናካ እቼሹ ክሎ ሜትረ አኮ፤ ቃይ ገድሳ ባጋና ታማነ ላኡ ክሎ ሜትረነ ባጋ አዱሳ። መና ጎዳ ጌሻ ጎሊ አዉ ግዶ ግሸቻን ደኤ። 
\v 11 ሀ ዱማይ ዎዳ ሳአይ እስራኤልያ አሳይ ታ ኦግያፐ ዎራ ስምያ ዎደ፥ ኡንቱንቱና ዎራ ስሜዳ ሌዋቱዋዳን ግደናን፥ አማነቲደ ታዉ ኦደ ጋምኤዳ፥ ጌሻ ቄሳቶ፥ ጻዶቃ ያራቶ እመቶ። 
\v 12 ሄዌ መና ጎዳዉ ዱማዬዳ ቢታፐ ኡንቱንቶ ዱማ ሳማ፤ እ ኡባፐ አዳ ጌሻ። ኡንቱንቱ ሳማይ ሌዋቶ ሳማን ዛዋቶ።
\p
\v 13 “ቄሳቱ ዋ ዛዋና ኦይቀቲደ፥ ሌዋቶካ አዱሳተ ታማነ ላኡ ክሎ ሜትረነ ባጋ፥ ጎምፓይካ እቼሹ ክሎ ሜትረ ግዴዳ እት ሳማይ እመቶ። 
\v 14 ኡንቱንቱ ሄ ጋድያፐ አያነ ባይዞፕኖ ዎይ ላሞፕኖ። ሄዌ ቢታ ኡባን ዱማቴዳዋ ግድያ ድራዉ፥ ሀራ አሳ ኩሽያን ገላናዉ በሰና፤ መና ጎዳዉ እ ጌሻ ሳኣ።
\p
\v 15 “አቴዳ ላኡ ክሎ ሜትረነ ባጋ አኮነ ታማነ ላኡ ክሎ ሜትረነ ባጋ አዱሳ ሳአይ ካታማ አሳይ ኡባይ ኮን ጎኤትያ ጎልያ ኬጽያነ መህያ ሄምያ ሳኣ ግዶ፤ ካታማይ ሄ ቢታዉ ግዶ ግሸቻን ደኦ። 
\v 16 ሄ ካታማይ ኦይዱ ሚዛናን ደኤ። ሁጲሳ ባጋይ 4 ክሎ ሜትረነ ባጋ፤ ገድሳ ባጋይ 4 ክሎ ሜትረነ ባጋ፤ አዋይ ዶልያ ባጋይ 4 ክሎ ሜትረነ ባጋ፤ አዋይ ዉልያ ባጋይካ 4 ክሎ ሜትረነ ባጋ። 
\v 17 ካታማዉ ሄን ጋዲ ደኦ፤ ሄ ጋዲ ሁጲሳ ባጋና፥ ገድሳ ባጋና፥ አዋይ ዶልያ ባጋናነ አዋይ ዉልያ ባጋና 250 ዋ አኮ ግዶ። 
\v 18 ጌሻ ሳኣ ባጋና አቴዳ ሳአይ አዋይ ዶልያ ባጋ ዋያ ዎደ፥ አዱሳተይ እቼሹ ክሎ ሜትረ፤ አዋይ ዉልያ ባጋ ዋያ ዎደ፥ አዱሳተይ እቼሹ ክሎ ሜትረ። ሄ ሳኣን ሞኬዳዌ ኡባይ ሄ ካታማን ኦያዋንቶ ቁማ ግዳና። 
\v 19 እስራኤልያ ዛረ ኡባፐ ሄ ካታማን ኦናዉ ይያዋንቱ ሄ ቢታ ጎሽኖ። 
\v 20 ህንተ ዱማይያ ሳአይ ኡባና ኦይዱ ማርያናካ ታማነ ላኡ ክሎ ሜትረነ ባጋ አዱቄ። ሄ ሳአይ ካታማይ ኬጸቴዳ ሳኣነ ጌሻ ሳኣ ባረናን ጉጄ።
\p
\v 21-22 “ጌሻ ጎልያፐ፥ ቄሳቱ ዋ ሳማፐ፥ ሌዋቱዋ ሳማፐነ ካታማ ሳኣፐ አዋይ ዶልያ ባጋናነ አዋይ ዉልያ ባጋና ደእያ አቴዳ ቢታይ ካፖ ግዶ። ሄ ቢታዉ ጎምፓይ ታማነ ላኡ ክሎ ሜትረነ ባጋ። ሄ ካፑዋ ቢታይ ሁጲሳ ባጋና ይሁዳ ጋኬዳ ሳማን፥ ገድሳ ባጋና ቢንያማ ጋኬዳ ሳማን ዛዋቴ። 
\v 23 አቴዳ ዛረቶ ቢታይ ሀዋዳን ሻከቴ። አዋይ ዶልያ ባጋፐ አዋይ ዉልያ ባጋ ጋካናዉ፥ እት ሳማይ ቢንያማ ዛርያዉ እመቶ። 
\v 24 ቢንያማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ስሞና ዛርያዉ እመቶ። 
\v 25 ስሞና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ይሳኮራ ዛርያዉ እመቶ። 
\v 26 ይሳኮራ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ዛብሎና ዛርያዉ እመቶ። 
\v 27 ዛብሎና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ጋዳ ዛርያዉ እመቶ። 
\v 28 ጋዳ ገድሳ ዛዋይ ታማራ ካታማፐ ደንዲደ፥ ማሪባ-ቃዴሳን ደእያ ፑልቱዋና አደ፥ ግብጼ ሻፋ ካሊደ ቢደ፥ ሜድተራነ አባ ጋኬ።
\p
\v 29 “ህንተ እስራኤልያ አሳዉ ላታ ኦደ ሻካና ቢታይ ሀዋ፤ ሀዋንቱ ኡንቱንታ ጋካና ሳማቱዋ። ታን ኡባ ሞድያ መና ጎዳይ ሀዋ ኦዳይ።
\s1 ካታማ ፐንገቱዋ
\p
\v 30 “ካታማፐ ከስያ ፐንገቱ ሀዋንታ። ኡንቱንቱ እስራኤልያ ዛራቱዋ ሱንን ጼገታና። ሁጲሳ ድርሳ ግምቢ 4,500 ዋ አዱቃና፤\x - \xo 48:30-34 \xo*\xt ሳፃ 21:12-13\xt*\x* 
\v 31 ካታማ ፐንገቱ እስራኤልያ ዘረ ሱንን ጼገታና። ሁጲሳ ባጋና፤ ሮቤላ ፐንግያ፥ ይሁዳ ፐንግያነ ሌዊያ ፐንግያ ጌተትያ ሄዙ ፐንገቱ ደአና። 
\v 32 አዋይ ዉልያ ድርሳ ግምቢ 4,500 ዋ አዱቃና፤ ሄ ግምቢያን ዮሴፎ ፐንግያ፥ ቢንያማ ፐንግያነ ዳና ፐንግያ ጌተትያ ሄዙ ፐንገቱ ደአና። 
\v 33 ገድሳ ድርሳ ግምቢ 4,500 ዋ አዱቃና፤ ሄ ግምቢያን ስሞና ፐንግያ፥ ይሳኮራ ፐንግያነ ዛብሎና ፐንግያ ጌተትያ ሄዙ ፐንገቱ ደአና። 
\v 34 አዋይ ዉልያ ድርሳ ግምቢ 4,500 ዋ አዱቃና፤ ሄ ግምቢያን ጋዳ ፐንግያ፥ አሴራ ፐንግያነ ንፍታሌማ ፐንግያ ጌተትያ ሄዙ ፐንገቱ ደአና።
\p
\v 35 “ካታማ ዩሹ ኡባና ልክና፥ 18,000 ዋ ግዳናዋ። ሄ ዎድያፐ ዶሚደ ሄ ካታማይ፥ ‘መና ጎዳይ ሄዋን ደኤ’ ያጌቲደ ጼሰታና” ያጌ።