\id EXO - Dawuro Full Bible Ethiopic Version
\ide UTF-8
\h ከሳ
\toc1 ከሳ ማጻፋ
\toc2 ከሳ
\toc3 ከሳ
\mt1 ከሳ ማጻፋ
\imt ገሉዋ
\ip ከሳ ማጻፋይ “ከሳ” ጌተቶዌ እስራኤልያ አሳይ ግብጼ ጋድያ አይለተፐ ከሴዳ ድራሳ።
\ip ሀ ማጻፋዉ ኦይዱ ሁጰ ሻካቱ ደኢኖ።
\ili 1. እብራዌቱ አይለተፐ ከሴዳዋነ ሲና ደርያ ኡንቱንቱ ቤዳ ቡሳባ ኦዴ።
\ili 2. ጾሳይ ባረ አሳና ቃላ ጫቁዋ ገሌዳዋ፥ ኢታነ ኬካ ሻክ ኤርስያ ህግያ፥ አሳይ ካላናዉ በስያ ህጋቱዋነ አማኑዋ ህግያ እ ኡንቱንቶ እሜዳዋ ኦዴ።
\ili 3. እስራኤልያ አሳዉ፥ ቄሳቱዋ ኦሱዋስነ ጾሳዉ ጎይንያ ጎይናዉ እመቴዳ ህገቱዋባ ኦዴ።
\ili 4. ጾሳ ዱንካንያ ቶሳ ዎጋነ ጎይኑዋ ማራባ ኦዴ።
\ip ኡባባፐ አደ ሀ ማጻፋይ ጾሳይ አይለተን ደእያ ባረ አሳ ከስ ስሚደ፥ ኡንቱንቱ ዎደናዉ ህዶታይ ደእያ አሳ ግዳናዳን፥ እ ኡንቱንታ ዎት ኦደንቶ ኦዴ።
\ip ሀ ማጻፋን ዳርያ ባጋ ታርክያ ጎዳ ግዲደ ሺቄዳ አሳይ ባረ አሳ ግብጼፐ ከሳና ማላ፥ ጾሳይ ዶሬዳዌ ሙሳ። ማጻፋ ግዶን ዳሮፐ ኤረቴዳ ሸምፑ ታሙ አዛዛቱ ጻፈቴዳ ላታማን ሸምፑዋ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 እስራኤልያ አሳይ ግብጼፐ ከሱሳ \ior 1:1—15:21\ior*
\io2 ሀ. ግብጼን አይለተ \ior 1:1-22\ior*
\io2 ለ. ሙሴ የለቶዋነ ድቻ \ior 2:1—4:31\ior*
\io2 ሐ. ሙሴነ አሮነ ፓሮና ስንን \ior 5:1—11:10\ior*
\io2 መ. ፓስጋነ ግብጼፐ ከሱሳ \ior 12:1—15:21\ior*
\io1 ዞኦ አባፐ ሲና ደርያ ጋካናዉ \ior 15:22—18:27\ior*
\io1 ህግያነ ቃላ ጫቁዋ \ior 19:1—24:18\ior*
\io1 ጌሻ ዱንካንያነ ጎይና ዎጋ \ior 25:1—40:38\ior*
\c 1
\ms እስራኤልያ አሳይ ግብጼፐ ከሱሳ
\mr (1:1—15:21)
\s1 ግብጼን አይለተ
\r (1:1-22)
\p
\v 1 ያቆባና ግብጼ ቤዳ እስራኤልያ አቱማ ናና ሱንይ ሀዋፐ ካሊደ ጻፈቴዳ፤ ኡንቱንቱ ኡባይካ ባረንቱ ሶይ አሳ አኪደ ቤድኖ።\x - \xo 1:1 \xo*\xt ዶመ 46:8-27\xt*\x* 
\v 2 ሄዋንቱካ: ሮቤላ፥ ስሞና፥ ሌዋ፥ ይሁዳ፥ 
\v 3 ይሳኮራ፥ ዛብሎና፥ ቢንያማ፥ 
\v 4 ዳና፥ ንፍታሌማ፥ ጋዳነ አሴራ። 
\v 5 ያቆባ ዘረቱ ኡባይ ላፑን ታማ፤ ዮሴፎ ካሰካ ግብጼ ብ ኡቴዳ። 
\v 6 ዮሴፎ፥ አ እሻቱነ ሄ የለታ ኡባይ ሀይቄዳ፤ 
\v 7 ሽን እስራኤልያ ዘረይ አይፌድኖነ ሎይ ዳሬድኖ፤ ሄ ቢታ ኩማና ጋካናዉ ኡንቱንቱ ሎይ ጮራቴድኖ።\x - \xo 1:7 \xo*\xt ኪታ 7:17\xt*\x*
\p
\v 8 ሄዋፐ ጉይያን፥ ዮሴፎ ኤረና ኦራ ካቲ ግብጼ ጋድያን ደንዴዳ።\x - \xo 1:8 \xo*\xt ኪታ 7:18\xt*\x* 
\v 9 እ ባረ አሳ፥ “በእተ፤ ሀ እስራኤላቱ ኑፐ ሎይ ጮራቴድኖነ ዎልቃሜድኖ። 
\v 10 ሃ ዪተ፥ አነ ኑን ኡንቱንታ ሂላን ኦይቆይተ፤ ሄዌ ዮፐ ኡንቱንቱ ካሰዋፐ ያ ዳራና። ኦን ኤር ኦላይ ደንዶፐ፥ ኡንቱንቱ ኑ ሞርከቱዋና ዳንደ፥ ኑና ኦላናነ ጋድያ የጊደ ከስ አኪደ ባናዋንታ” ያጌዳ።\x - \xo 1:10 \xo*\xt ኪታ 7:19\xt*\x*
\p
\v 11 ሄዋ ድራዉ፥ ዴጾ ኪታን ኡንቱንታ ቱጋያና ማላ፥ ኡንቱንቱ ቦላ መቀ ባይና ካፖቱዋ ሱንድኖ። ኡንቱንቱ ካትያዉ ፒቶማነ ራምሳ ጌተትያ ሚሻ ምንጅያ ካታማቱዋ ኬጼድኖ። 
\v 12 ሽን ግብጼቱ ኡንቱንታ ኡንኡዋ ዳርያ ዎደ፥ ኡንቱንቱ ጮራት የለቴድኖነ ቢታ ጋኬድኖ። ሄዋ ድራዉ፥ ግብጼቱ እስራኤላቶ ያዬድኖ፤ 
\v 13 ቃረታይ ባይና ሀኖታን አይለተን ኪትሴድኖ። 
\v 14 ቃረታይ ባይና ዎልቃማ ኪታን፥ ስምንቱዋንነ ጹብያ መዋን፥ ቃይ ሾይቃን ኦያ ኡባ ቆሞ ኪታን፥ ኡንቱንቱ ደኡዋ ጫምሴድኖ።
\p
\v 15 ግብጼ ካቲ እብራዌ ማጫዋንታ ማርስያ ጽፓሮነ ፑሆ ጌተትያ ላኡ ማጫዋንታ ሀዋዳን ያጌዳ፤ 
\v 16 “እብራዌ ማጫ አሳቱ የልያ ዎደ ህንተንቱ ማርሲደ፥ የልሶዌ አቱማ ናኣ ግዶፐ፥ ዎተ፤ ሽን ማጫ ናቶ ግዶፐ ዎፕተ” ያጌዳ። 
\v 17 ሽን ማርስያዋንቱ ጾሳዉ ያዪደ፥ ግብጼ ካቲ ኡንቱንታ አዛዜዳዋዳን ኦበይክኖ። ኡንቱንቱ አቱማ ናና ሸምፑዋና አሼድኖ። 
\v 18 ሄዋፐ ጉይያን ግብጼ ካቲ ሄ ማርስያዋንታ ጼሲደ፥ “ህንተንቱ አያዉ ሀዋዳን ኦቴ? አቱማ ናና አያዉ ሸምፑዋና አጊቴ?” ያጊደ ኡንቱንታ ኦቼዳ። 
\v 19 ማርስያዋንቱ ዛሪደ፥ “እብራዌ ማጫ አሳቱ ግብጼ ማጫዋንቱ ማላ ግድክኖ፤ ኡንቱንቱ ምና ግድያ ድራዉ፥ ማርስያዋንቱ ጋካናፐ ካሰቲደ የል ድጊኖ” ያጌድኖ። 
\v 20 ሄዋ ድራዉ፥ ጾሳይ ማርስያዋንቶ ኬኬዳ። አሳ ፓይዱካ ጉጅ ጉጅ ቢደ፥ ካሰዋፐ ያ ጮራቴዳ። 
\v 21 ቃይ ማርስያዋንቱ ጾሳዉ ያዬዳ ድራዉ፥ ጾሳይ ኡንቱንቶ ሎኦባ ኦዳ። እቶ እቶካ ሶ አሳ እሜዳ።
\p
\v 22 ሄዋፐ ጉይያን ካቲ ባረ አሳ ኡባ፥ “እብራዋቱዋፐ የለትያ አቱማ ናና ኡባ ናይለ ሻፋ ሃን ኦልተ፤ ሽን ማጫ ናናይ የለቶፐ፥ ሸምፑዋና አግ ባሽተ” ያጊደ አዛዜዳ።\x - \xo 1:22 \xo*\xt ኪታ 7:19\xt*\x*
\c 2
\s1 ሙሴ የለታነ ድቻ
\r (2:1—4:31)
\p
\v 1 ሄ ዎደ እት ሌዊያ ቆሞ ግዴዳ ብታኒ ሌዋዌ ማጫውኖ አኬዳ፤ 
\v 2 እዛ ሻሃራደ አቱማ ናኣ የላዱ። ናአይ ማላ ሎኦ ናኣ ግድያዋ እዛ በኣደ፥ ሄዙ አግና ቆሳዱ። 
\v 3 ሽን እዛ ሄዋፐ ዳሩዋ ቆሳናዉ ዳንዳየናዋ ኤራደ፥ ጫርያፐ ቁንኣ አዉ ዳዳዱ፤ ያታደ ሃይ ገለና ማላ ሽድያን ማራጋደ፥ ናኣ አ ግዶን ዎዱ፤ ናይለ ሻፋ ጌተትያ ሃ ዶናን ጫርያ ግዶን ዎዱ። 
\v 4 አ ምቻታ እ ሀንያባ በአናዉ ሃኩዋን ኤቃዱ።
\p
\v 5 ግብጼ ካትያ ናታ ቦላ ሜጨታናዉ ናይለ ግያ ሻፋ ዎዱ፤ እዝ ማጫ ቆማቱ ሃ ዶናን ያነ ሃነ ሀመቲኖ፤ እዛ ቁንኣ ጫርያ ግዶን በኣደ፥ ባደ አካ ያና ማላ ባረ ቆማቶ ኪታዱ፤ 
\v 6 ቁንኣ ፖካደ፥ በእተ ሀዋን ቄር ናአይ ዬክ ደኤ፤ እዛ አዉ ቃረታደ፤ “ሀዌ እብራዌቱ ቄር ናናቱዋፐ እቱዋ” ያጋዱ።
\p
\v 7 ሄ ዎደ አ ምቻታ ካትያ ናቶ፥ “ነዉ ሀ ናኣ ንናዉ እብራዌ ማጫ አሳፐ እትኖ ጼሳናዉ ቦ?” ያጋደ ኦቻዱ።
\p
\v 8 እዛ፥ “ኤ፥ ባ” ያጋዱ። ናታ ባደ፥ ሄ ናኣ ዳዮ አሃዱ። 
\v 9 ካትያ ናታ ሄ ምሽራቶ፥ “ሀ ናኣ አፋደ፥ ታዉ ንሻ፤ ታን ነዉ ድርጉዋ ጭጋና” ያጋዱ። ምሽራታ ናኣ አፋደ፥ ንዱ። 
\v 10 ናአይ ድጭና፥ ካትያ ናትኮ አ አሃዱ፤ እ እዝዉ ናኣ ግዴዳ፤ “ታን ሃፐ አ ከሳድ” ጋደ፥ ሙሳ ጋ ሱንዱ።\x - \xo 2:10 \xo*\xt ኪታ 7:21\xt*\x*
\s1 ሙሴ ሚድያማ ቢታ ባቃቴዳ
\p
\v 11 ሙሴ ድጭ ዎጋ ግዲደ፥ እት ጋላስ ባረ አሳይ ደእያ ሳኣ ቢደ፤ ኡንቱንቱ ዴጾ ኪታ ኪተትሽን ጼሌዳ። ግብጼ ቢታ አሳ እቱ፥ እሻቱዋ ግዴዳ እብራዋቱዋፐ እቱዋ ዋሽን በኤዳ።\x - \xo 2:11 \xo*\xt እብራ. 11:24\xt*\x*\x - \xo 2:11-14 \xo*\xt ኪታ 7:23-28\xt*\x* 
\v 12 እ ያ ሃ ጼልና፥ ኦንነ ባይናዋ በኢደ፥ ሄ ግብጼ ብታንያ፤ ዎደ ሻፍያ ግዶን ቆሴዳ። 
\v 13 ዎንተ ጋላስ ከሲደ፥ በእተ! ሀቼ ቃይ ላኡ እብራዌቱ ዋቲኖ። ናቄዳዋ እ፥ “ኔን ነ እሻ ግዴዳ እብራውያ አያዉ ደቻይ?” ያጊደ ኦቼዳ። 
\v 14 ሄ ብታኒ፥ “ኔና ኑ ቦላ ሞድያዋነ ዳና ኦ ሱንዳዌ ኦኔ? ኔን ሄ ግብጼ ብታንያ ዎዳዋዳን፥ ታናካ ዎናዉ ቆፓይ?” ያጌዳ። ሙሴ ሄ ዎደ፥ “ታን ኦዳባይ ኤረት ድጌዳ” ያግ ቆፒደ ያዬዳ።
\p
\v 15 ካቲካ ሀዋ ስሴዳ ዎደ፥ ሙሳ ዎናዉ ኮዬዳ፤ ሽን ሙሴ ካትያፐ ባቃቲደ፥ ሚድያማ ጋድያን ደአናዉ ቢደ ሃ ኦላ ዶናን ኡቴዳ።\x - \xo 2:15 \xo*\xt ኪታ 7:29፤ እብራ. 11:27\xt*\x* 
\v 16 ሄ ዎደ ሚድያማ ቄሳቱዋፐ እቶ ላፑን ማጫ ናናይ ደኢኖ፤ ኡንቱንቱ ባረንቱ አዉዋ ዶርሳቱዋ ሃ ኡሻናዉ ዎንግርያን ሃ ዱቂ ኩንናዉ ዬድኖ። 
\v 17 ሄንንቻቱ ዪደ ማጫ ናና የደርሴድኖ፤ ሽን ሙሴ ደንድ ኤቂደ፥ ኡንቱንታ አሼዳነ ኡንቱንቱ ዶርሳቱዋ ሃ ኡሼዳ። 
\v 18 ኡንቱንቱ ባረንቱ አዉዋ ዮቶረኮ ዬዳ ዎደ፥ “ሀቼ ዋን ኤለካ ዬድቴ?” ያጊደ ኦቼዳ።\f + \fr 2:18\fr*\ft ዮቶረ ሙሴ ቦሉዋ፤ \ft*\ft አዉ ሀራ ሱንይ ራኡኤላ።\ft*\f* 
\v 19 ኡንቱንቱ ዛሪደ፥ “ግብጼ ጋደ አሳ እቱ ኑና ሄንንቻቱዋፐ አሼዳ፤ እ ኑዉ ሃካ ዱቂደ ዶርሳ ዉድያ ኡሼዳ” ያጌድኖ። 
\v 20 እ ባረ ማጫ ናና፥ “ያትና እ ሀቃን ደኢ? ህንተንቱ ሄ ብታንያ አያዉ አግ ባሼድቴ? አነ አ ጼሲደ፥ ምያባ ሾቢተ” ያጌዳ። 
\v 21 ሙሴ ሄ ብታንያና ያን ደአናዉ ማየቴዳ፤ ብታኒካ ባረ ናቶ ጽፓሮ ሙሴዉ ማቻቶ ኦደ እሜዳ። 
\v 22 ጽፓራ አቱማ ናኣ የልና፥ ሙሴ አ፥ “ታን አሳ ጋድያን በተ ግዳድ” ያጊደ፥ ገርሾማ ግ ሱንዳ።
\p
\v 23 ጮራ ላይፐ ጉይያን፥ ግብጼ ካቲ ሀይቄዳ። እስራኤላቱ ባረንቱ አይለተፐ ኡንኤቲደ ዋሴድኖ፤ ኡንቱንቱ ዋሴዳ ዋሱ ፑደ ጾሳኮ ጋኬዳ። 
\v 24 ጾሳይ ኡንቱንቱ ኡንኣ ዋሱዋ ስሲደ፥ እ አብራሃመና፥ ይሳቃናነ ያቆባና ጫቄዳ ጫቁዋ ሀሳዬዳ።\x - \xo 2:24 \xo*\xt ዶመ 15:13-14\xt*\x* 
\v 25 ሄዋ ድራዉ፥ ጾሳይ እስራኤላቱዋ ጼሊደ ኡንቱንቱ ድራዉ ቆፔዳ።\f + \fr 2:25 \fr*\fq ኡንቱንቱ ድራዉ ቆፔዳ፦ \fq*\ft እት በን ብለይ ኡንቱንቶ ባረና ቆንጭሴዳ ያጌ።\ft*\f*
\c 3
\s1 ጾሳይ ሙሳ ጼሴዳ
\p
\v 1 እት ዎደ ሙሴ ሚድያማ ጋደ ቄስያ፥ ባረ ቦሉዋ ዮቶራ ዶርሳቱዋ ሄሜ፤ እ ሄ ዉድያ ላግ አኪደ መላ ቢታ ጋጻ ጋካናዉ አፊደ ጾሳ ደርያ ሲና ጋኬዳ። 
\v 2 ሄ ሳኣን መና ጎዳ ኪታንቻይ አጫን፥ ኤጽያ ታማ ላጩዋ ግዶን አዉ ቤቴዳ፤ አጫይ ታማን ጹገትንቶካ፥ ታማይ አጫ ሜናዋ ሙሴ በኤዳ።\x - \xo 3:2-10 \xo*\xt ኪታ 7:30-34\xt*\x* 
\v 3 ሄዋ ድራዉ፥ ሙሴ፥ “ታን ያ ባደ፥ አጫይ አያዉ ታማን ሜተትቤነንቶ ሀ ኦራባ አነ በአና” ያጊደ ቆፔዳ።
\p
\v 4 እ በአናዉ ያ ቤዳዋ መና ጎዳይ በኢደ አጫ ግዶፐ ጾሳይ አ፥ “ሙሴ! ሙሴ!” ያጊደ ጼሴዳ።
\p ሙሴ፥ “አቤ” ጊደ ኮዬዳ።
\p
\v 5 ጾሳይ አ፥ “ሃ ሺቆፓ። ኔን ኤቄዳ ቢታይ ጌሻ ግድያ ድራዉ፥ ነ ገድያን ደእያ ጫማ ከሳ” ያጌዳ። 
\v 6 ቃይካ ጾሳይ አ፥ “ታን ነ አዉዋ ጾሳ፥ አብራሃሞ ጾሳ፥ ይሳቃ ጾሳ፥ ያቆባ ጾሳ” ያጌዳ። ሙሴ ጾሳ ጼላናዉ ያዬዳ ድራዉ፥ ባረ ዴሙዋ ገንዳ።
\p
\v 7 መና ጎዳይ ቃይካ ሀዋዳን ያጌዳ፤ “ታን ግብጼ ጋድያን ታ አሳይ ቱጋትያ ቱጋ ጌሻ በኣደ፥ ኡንቱንቱ ባረንቱ ካፖቱዋፐ ዋስያ ዋሱዋ ስሳደ፥ ታን ኡንቱንቱ መቱዋ ኡባ ሻድ። 
\v 8 ሄዋ ድራዉ፥ ታን ኡንቱንታ ግብጼ ጋድያ አሳቱዋ ኩሽያፐ አሻናዉነ ሄ ጋድያፐ ኡንቱንታ ከሳደ፥ አኮነ ሎኦ ጋድያ አሀናዉ ዎድ። ሄ ጋዲ ማይነ ኤሳይ ጎግያ ቢታ፤ ሄ ጋድያን ካናነቱ፥ ሂተቱ፥ አሞራዋናቱ፥ ፓርዛዋናቱ፥ ሂዌቱነ ያቡሳዋናቱ ሀእ ደኢኖ። 
\v 9 ሀእ እስራኤለቱዋ ዋሱ ታኮ ጋኬዳ፤ ግብጼ ጋድያ አሳቱ ኡንቱንታ ናቂያ ናቁዋ ታን በኣድ፤ 
\v 10 ሄዋ ድራዉ፥ ሀእ ባ፤ ታ አሳቱዋ፥ እስራኤላቱዋ ግብጼፐ ከሳና ማላ፥ ግብጼ ካትያኮ ታን ኔና ኪታይ” ያጌዳ።
\p
\v 11 ሽን ሙሴ ጾሳ፥ “ካትያኮ ባናዉነ እስራኤላቱዋ ግብጼፐ ከሳናዉ ታን ኦኔ?” ያጌዳ።
\p
\v 12 ጾሳይ አ፥ “ታን ኔናና ግዳና፤ ቃይ ታን ኔና ኪቴዳዎ ማላይ ሀዋ: ኔን ሄ አሳ ግብጼፐ ከሴዳ ዎደ፥ ሀ ደርያ ቦላን ህንተንቱ ጾሳዉ ጎይናንታ” ያጌዳ።
\p
\v 13 ሙሴ ጾሳ፥ “ግዶ ሽን፥ ታን እስራኤለቱዋኮ ባደ፥ ኡንቱንታ፥ ‘ህንተ አዎቱዋ ጾሳይ ታና ህንተንቱኮ ኪቴዳ’ ያግና፥ ኡንቱንቱ ታና፥ ‘አ ሱንይ ኦኔ?’ ያጊደ ኦቾፐ፥ ሄ ዎደ ታን ኡንቱንቶ ዋጋ ኦዶ?” ያጌዳ።\x - \xo 3:13 \xo*\xt ከሳ 6:2-3\xt*\x*
\p
\v 14 ጾሳይ ሙሳ፥ “ታን ታና፤ ኔን እስራኤለቶ፥ ‘ታና ጌተትያዌ ህንተንቱኮ ታና ኪቴዳ’ ያጋ” ያጌዳ።\x - \xo 3:14 \xo*\xt ሳፃ 1:4፣ 8\xt*\x*
\p
\v 15 ጾሳይ ሙሳ ቃይ፥ “ኔን እስራኤላቶ፥ ‘መና ጎዳይ ህንተንቱ አዎቱዋ ጾሳይ፥ አብራሃሞ ጾሳይ፥ ይሳቃ ጾሳይ፥ ያቆባ ጾሳይ፥ እ ታና ህንተንቱኮ ኪቴዳ’ ያጋ፤ ሀዌ የለታፐ የለታይ ጋካናዉ ታን ሀሳየትያ መናዉ ታ ሱን።
\p
\v 16 “ስም፤ ባደ እስራኤልያ ጭማቱዋ ሺሻደ፥ ‘መና ጎዳይ ህንተንቱ አዎቱዋ ጾሳይ፥ አብራሃሞ፥ ይሳቃነ ያቆባ ጾሳይ ታዉ ቆንጪደ፤ ታና፥ ታን ህንተንታ ጾሞሳድ፤ ግብጼን ህንተንቱ ቦላ ኦሰቴዳዋካ ታን በኣድ። 
\v 17 ታን ህንተንታ ግብጼ ጋድያ ቱጋፐ ከሳደ፥ ማይነ ኤሳይ ጎግያ ካናነቱዋ፥ ሂተቱዋ፥ አሞራዋናቱዋ፥ ፓርዛዋናቱዋ፥ ሂዌቱዋነ ያቡሳዋናቱዋ ጋድያ አፋና ጋ ኡታድ።’
\p
\v 18 “እስራኤልያ ጭማቱ ነ ቃላ ስሳናዋንታ፤ ሄዋፐ ጉይያን ኔንነ ሄ ጭማቱ ግብጼ ካትያኮ ቢደ አ፥ ‘መና ጎዳይ፥ እብራዌቱዋ ጾሳይ፥ ኑናና ጋከቴዳ። ሀእ ኑን ሄዙ ጋላሳ ኦግያ መላ ቢታ ሀመት ቢደ፥ መና ጎዳ፥ ኑ ጾሳዉ፥ ያርሹዋ ያርሻና ማላ ኑና የዳ’ ያግተ። 
\v 19 ሽን ዎልቃማ ኩሺ፥ አ፥ ዎልቃን የድሳና ዮፐ፥ ግብጼ ካቲ ህንተንታ የደናዋ ታን ኤራይ። 
\v 20 ሄዋ ድራዉ፥ ታን ታ ኩሽያ የዳደ፥ ኡንቱንቱ ግዶን ታን ኦያ ታ ማላታቱዋ ኡባን ግብጼቱዋ ሾጫና። ሄዋፐ ጉይያን እ ህንተንታ የዳናዋ።
\p
\v 21 “ቃይ ታን ግብጼቱዋን ሀ አሳ ሳቢሳና፤ ያቶፐ ህንተንቱ ከስያ ዎደ ኩሸ መላ ከስክታ።\x - \xo 3:21-22 \xo*\xt ከሳ 12:35-36\xt*\x* 
\v 22 እብራዌ ማጫውና ኡባታ ባረ ግብጼ ሾራትኮነ ባረ ሶን ደእያ ግብጼ ማጫ አሳ ኦናነ ግዶፐ ኢኮ ቢደ፥ ብራ ሚሻቱዋ፥ ዎርቃ ሚሻቱዋነ አቱማ ናናይነ ማጫ ናናይ ማያና ማዮቱዋ ‘እምተ’ ጊደ ኦቻናዋንታ። ሄዋዳን ኦደ ህንተንቱ ግብጼቱዋ ማጹዋ ቦንቃንታ” ያጌዳ።
\c 4
\s1 ሙሴዉ ጾሳይ እሜዳ ማላታቱዋ
\p
\v 1 ሙሴ ዛሪደ፥ “ኡንቱንቱ ታና አማነናን እጾፐ፥ ዎይ ታን ኦድያዋ ስሰናን እጺደ፥ ‘መና ጎዳይ ነዉ ቆንጭቤና’ ጎፐ ዋኖ?” ያግ ዛሬዳ። 
\v 2 መና ጎዳይ አ፥ “ሄ ነ ኩሽያን ደእያዌ አዬ?” ያጊደ ኦቼዳ። እካ “ጻምኣ” ያጌዳ። 
\v 3 መና ጎዳይ አ፥ “አነ ሄ ጻምኣ ሳኣን ኦላ” ያጌዳ። ሙሴ ሄ ጻምኣ ሳኣን ኦሌዳ ዎደ ሾሻ ግዴዳ፤ ያትና፥ ሙሴ አፐ ዎጼዳ። 
\v 4 ሄዋፐ ጉይያን መና ጎዳይ አ፥ “ነ ኩሽያ የዳደ፥ አ ዱፍያ ኦይቃ” ያጌዳ። ሙሴ የዲደ ሾሻ ኦይቂና፥ ሾሻይ አ ኩሽያን ስሚደ፥ ጻምአዉ ላመቴዳ። 
\v 5 መና ጎዳይ፥ “ሀዌ ሀኔዳዌ፥ መና ጎዳይ ነ አዎቱዋ ጾሳይ፥ አብራሃማ ጾሳይ፥ ይሳቃ ጾሳይነ ያቆባ ጾሳይ ነዉ ቆንጬዳዋ ኡንቱንቱ አማናናዳና” ያጌዳ። 
\v 6 ሄዋፐ ጉይያን መና ጎዳይ አ፥ “ነ ኩሽያ ነ ሾጵያን የዳ” ያግና፥ ሙሴ ባረ ኩሽያ ሾጵያን የዴዳ፤ እ ከስ ጼሊደ፥ “ታ ኩሺ ኦሎቲደ ሻቻዳን ቦጼዳ” ያጌዳ። 
\v 7 ጾሳይ አ፥ “ነ ኩሽያ ነ ሾጵያን ዛራደ የዳ” ያጌዳ። ሙሴ ባረ ኩሽያ ባረ ሾጵያን ዛር የዲደ ከስያ ዎደ፥ “ታ ኩሺ ስሚደ ህንኮ ቦላ ማላ ግዴዳ” ያጌዳ።
\p
\v 8 ቃይካ መና ጎዳይ አ፥ “ኡንቱንቱ ኔና አማነናን ዮፐነ ኮይሮ ማላታ አማነናን እጾፐ፥ ላኤን ማላታ ኡንቱንቱ አማናናዋንታ። 
\v 9 ሽን ኡንቱንቱ ሀ ላኡ ማላታቱዋ አማነናን ዮፐ፥ ዎይ ኔን ኦድያዋ ስሰናን እጾፐ፥ ናይለ ሻፋፐ ሃ አካደ፥ መላ ቢታን ጉሳ፤ ኔን ሻፋፐ አኬዳ ሃይ ቢታን ሱ ግዳናዋ” ያጌዳ።
\p
\v 10 ሙሴ መና ጎዳ፥ “አቤት መና ጎዳዉ፥ ታን ሀዋፐ ካሰካ፥ ዎይ ኔን ነ ቆማዉ ሃሳዮደፐ ዶምና ታን ሃሳያናዉ ዳንዳይከ፤ ታን ዴዶታደ ሃሳያይ፤ ቃይ ታ እንጻርሳይካ ሉፋ” ያጌዳ። 
\v 11 መና ጎዳይ አ፥ “አሳዉ ዶና መዳዌ ኦኔ? አ ዱደ፥ ዎይ ቱለ ኦያዌ ኦኔ? ጼልያዋነ ቆቃ ኦያዌ ኦኔ? ታና መና ጎዳ ግድክታየ? 
\v 12 ኔን ሀእ ባ፤ ታን ኔና ሃሳያናዳን ማዳና፤ ኔን ጋናባ ታን ኔና ታማርሳና” ያጌዳ።
\p
\v 13 ሽን ሙሴ፥ “አቤት ጎዳዉ፥ ሀያና፥ ሀዋ ኦናዉ ሀራ አሳ ኪታርኪ!” ያጌዳ። 
\v 14 ሄዋፐ ጉይያን መና ጎዳይ ሙሴዉ ሎይ ሀንቀቲደ አ፥ “ሌዊያ ግዴዳ ነ እሻ አሮኔ? እ ሎኦ ሃሳያና ዳንዳይያዋ ታን ኤራይ፤ ሀእ እ ኔናና ጋከታናዉ ዪደ ኦግያ ቦላን ደኤ፤ እ ኔና በእያ ዎደ አ ዎዛናይ ናሸታናዋ። 
\v 15 ኔን፥ ‘ያጋ፤ ያጋ’ ጋደ አዉ ኦዳና፤ ታን ህንተንታ ላኡዋካ ሃሳያናዉ ማዳናነ ህንተንቱ ኦናባ ታማርሳና። 
\v 16 እ አሳዉ ነ ድራ ሃሳያናዋ፤ ሄዌካ፥ እ ነዉ ዶና ማላ ግዳናዋ፥ ኔን አዉ ጾሳ ማላ ግዳናሳ ግያዋ። 
\v 17 ሽን ማላታቱዋ አን ኦናዉ፥ ኔን ሀ ጻምኣ አካደ ባ” ያጌዳ።
\s1 ሙሴ ግብጼ ስሜዳ
\p
\v 18 ሄዋፐ ጉይያን ሙሴ ባረ ቦሉዋ ዮቶረኮ ስም ቢደ፥ “ሀኖ ጋካናዉ ሸምፑዋና ደእያ አሳይ ደኦፐ በአናዉ፥ ታን ጉየ ታ አሳኮ ግብጼ ቦ?” ያጌዳ። ዮቶረ ሙሳ፥ “ኤ ባ፤ ሳሮ ጋካ” ያጌዳ። 
\v 19 ሙሴ ሚድያማ ጋድያን ደእሽን መና ጎዳይ አ፥ “ኔና ዎናዉ ኮዬዳ አሳቱ ኡባይ ሀይቂ ድጌዳ ድራዉ፥ ጉየ ግብጼ ጋድያ ስማደ ባ” ያጌዳ። 
\v 20 ሙሴ ባረ ማቻቶነ ባረ አቱማ ናና ሀርያ ቶግስ አኪደ፥ ጉየ ግብጼ ስሙሳ ዶሜዳ፤ ሙሴ ጾሳ ጻምኣ ባረ ኩሽያን ኦይቂደ ቤዳ።
\p
\v 21 መና ጎዳይ ሙሳ፥ “ኔን ግብጼ ስማደ ብያ ዎደ፥ ታን ነዉ እሜዳ ዎልቃን ኔን ኦና ማላታቱዋ ኡባ ግብጼ ካትያ ስንን ኔን ኦናዋ ባሎፓ። ያትናካ አሳ እ የደና ማላ፥ ታን አ ዎዛና ዶንጭልሳና። 
\v 22 ሄ ዎደ ታን መና ጎዳይ፥ ግያዋ ካትያዉ ሀዋዳን ያጋደ ኦዳ፤ ‘ “እስራኤሊ ታ ባይራ ናኣ። 
\v 23 እ ታዉ ጎይናና ማላ፥ ታ ናኣ ኔን የዳና ማላ፥ ታን ነዉ ኦዳድ፤ ሽን ኔን አ የደናን እጻዳ፤ ሄዋ ድራዉ፥ ታን ነ ባይራ አቱማ ናኣ ዎና” ያጌ’ ያጋደ ኦዳ” ያጌዳ።\x - \xo 4:23 \xo*\xt ከሳ 12:29\xt*\x*
\p
\v 24 ኦግያን ሸምፕያሳን መና ጎዳይ ሙሴና ጋከቴዳ፤ አ ዎና ሀኔዳ። 
\v 25 አ ማቻታ ጽፓራ ሳልያ አካደ፥ ባረ ናኣ ቃጻራዱ። ሄ ሾኩዋን ሙሴ ገድያ\f + \fr 4:25-26 \fr*\fqa ጌድያ፦ \fqa*\ft ሀዋ ጉሳይ “አ አቱን ቦቻዱ” ጉሳ።\ft*\f* ቦቻዱ። እዛ ሙሳ፥ “ኔን ታዉ ቱሙ ሱ ምሽራ” ያጋዱ። 
\v 26 መና ጎዳይ ሄዋ ድራዉ አ ዎናን አጌዳ። ሄ ዎደ ቃጻራ ማላታናዉ አ፥ “ኔን ታዉ ሱ ምሽራ” ያጋዱ።
\p
\v 27 መና ጎዳይ አሮና፥ “ኔን ሙሴና ጋከታናዉ መላ ቢታ ባ” ያጌዳ። እ ቢደ፥ ሙሴና ጾሳ ደርያን ጋከቲደ አ የሬዳ። 
\v 28 ሄዋፐ ጉይያን ሙሴ መና ጎዳይ ባረ ቦላ ኪቴዳ ቃላ ኡባነ ኦና ማላ፥ ባረና አዛዜዳ ኦራ ማላታቱዋ ኡባ አሮናዉ ኦዴዳ። 
\v 29 ሙሴነ አሮነ ቢደ፥ እስራኤለቱዋ ጭማቱዋ ኡባ ሺሼድኖ። 
\v 30 አሮነ መና ጎዳይ ሙሴዉ ኦዴዳ ቃላ ኡባ ኡንቱንቶ ኦዴዳ። ማላታቱዋካ ሄ አሳ ስንን ኦዳ። 
\v 31 ኡንቱንቱካ አማኔድኖ። መና ጎዳይ ኡንቱንቶ ቆፔዳዋነ ኡንቱንቱ ቱጋ በኤዳዋ ስሴዳ ዎደ፥ ኡንቱንቱ ጉፋኒደ ጎይኔድኖ።
\c 5
\s1 ሙሴነ አሮነ ፓሮና ስንን
\r (5:1—11:10)
\p
\v 1 ሄዋፐ ጉይያን ሙሴነ አሮነ ግብጼ ካትያኮ ዪደ አ፥ “መና ጎዳይ፥ እስራኤልያ ጾሳይ ሀዋዳን ያጌ፤ ‘ታ አሳይ ታዉ መላ ቢታን ባላ ቦንቻና ማላ፥ ኡንቱንታ የዳ’ ያጌ” ያጌድኖ። 
\v 2 ካቲ፥ “ታን አዉ አዛዘታደ እስራኤልያ የዳናዉ ሄ መና ጎዳይ ኦኔ? ታን መና ጎዳ ኤርከ፤ እስራኤልያካ የድከ” ያጌዳ። 
\v 3 ሄዋፐ ጉይያን ኡንቱንቱ፥ “እብራዌቱዋ ጾሳይ ኑናና ጋከቴዳ። ሀእ ኑን መና ጎዳ፥ ኑ ጾሳዉ፥ ያርሹዋ ያርሻናዉ ሄዙ ጋላሳ ኦግያ መላ ቢታ ግዶ ባናዉ ኑና የዳርኪ፤ ሄዌ ዮፐ፥ እ ኑና ኢታ ሀርግያን ዎይ ኦላን ዎናዋ” ያጌድኖ።
\p
\v 4 ሽን ግብጼ ካቲ ያጌዳ፤ “ሙሴ! አሮና! አሳ አያዉ ኪታ ድጊቴ? ህንተንቱ ኪታዉ ስሚደ ቢተ” ያጌዳ። 
\v 5 ካቲ ሄ ዎደ፥ “በእተ፥ ሀ ጋድያን አሳይ ጮራቴዳ፤ ቃይ ህንተንቱ ኡንቱንታ ኪታ ድጊታ” ያጌዳ። 
\v 6 ካቲ ሄ ጋላስ ግብጼቱዋ ካፖቱዋነ እስራኤለቱዋ ዳጉዋ ሱንቱዋ አዛዚደ፥ 
\v 7 “ሀሮደዋዳን ጹብያ መያ ኡቱላ አሳዉ እሞፕተ፤ ኡንቱንቱ ኡቱላ ባረንቶ ቢደ ሺሽኖ፤ 
\v 8 ሽን ኡንቱንቱ ፓይዱዋን ካሰዋ ኬሻ ጹብያ መደ፥ ሼናዳን አዛዝተ፤ ሄ ፓይዱዋፐ ፓጭሶፕተ፤ አያዉ ጎፐ፥ ኡንቱንቱ አዛላ፤ ኡንቱንቱ፥ ‘ኑን ኑ ጾሳዉ ያርሹዋ ያርሻና ማላ፥ ኑና የዳርኪ’ ያጊደ ዋስያዌ ሀዋሳ። 
\v 9 ኡንቱንቱ ኪታን ሼካና ማላነ ዎርዱዋ ሃሳያ ስሰናን አጋና ማላ፥ ኡንቱንቶ ኦሱዋ ዴጽስተ” ያጊደ አዛዜዳ።
\p
\v 10 ሄዋፐ ጉይያን፥ ሄ ካፖቱነ ሄ ሱንቱ ከሲደ አሳ፥ “ካቲ ሀዋዳን ያጌ፤ ‘ስም ታን ህንተንቶ ኡባካ ኡቱላ እምከ፤ 
\v 11 ህንተንቱ ኡቱላ ደማና ዳንዳይያሳፐ ህንተንቱ ሁጲያዉ ሺሽተ፤ ሽን ህንተንቱ ሼያ ጹብያ ፓይዱ ኡባካ ፓጨና’ ያጌዳ” ያጌድኖ። 
\v 12 አሳይ ኡቱላዉ ሀንያዋ ሺሻናዉ ግብጼ ቢታ ኡባን ላለቴዳ። 
\v 13 ግብጼቱዋ ካፖቱ ኡንቱንታ፥ “ህንተንቶ ኡቱላ እምያ ዎደ ህንተንቱ ሀቼ ሀቼ ኦያዋ ኬሻ ኦተ” ያጊደ ኡንቱንታ ጎደቴድኖ። 
\v 14 ግብጼቱዋ ካፖቱ እስራኤለቱዋ ዳጉዋ ሱንቱዋ ዋደ፥ “ህንተንቱ ካሰ ኦያዋ ኬሻ ጹብያ ዝኖ ዎይ ሀቼ አያዉ ኦ ዉርስበይክቴ?” ያጊደ ኦቼድኖ።
\p
\v 15 ሄዋፐ ጉይያን እስራኤልያ ሱንቱ ቢደ ካትያዉ ማጋኔድኖ፤ ኡንቱንቱ ባረንቱ መቱዋፐ ደንዶዋን አ፥ “ኔን ነ ቆማቱዋ ሀዋዳን አያዉ ኦይ? 
\v 16 ነ ቆማቶ ኡቱላ እምክኖ፤ ሽን፥ ‘ጹብያ መተ’ ያጊኖ፤ ኑና ነ ቆማቱዋ ዋኖ፤ ሽን ባላይ ነ አሳ ቦላና” ያጌድኖ። 
\v 17 ሽን ካቲ ኡንቱንታ፥ “ሀ አዛላቱ! ህንተንቱ አዛላ! ሄዋ ድራዉ፥ ህንተንቱ ዛር ዛሪደ፥ ‘ኑን መና ጎዳዉ ያርሻና ባናዉ ኑና የዳርኪ’ ያጊታ። 
\v 18 ሀእ ቢተ፤ ኦተ፤ ኡንቱንቱ ህንተንቶ አይ ኡቱላካ እምክኖ፤ ሽን ህንተንቱ ካሰዋ ኬሻ ጹብያ መታ” ያጌዳ። 
\v 19 እስራኤላቱዋ ሱንቱ፥ “ህንተንቱ ሀቼ ሀቼ መያ ጹብያ ፓይዱዋ ካሰዋፐ ፓጭሶፕተ” ጌዳ ዎደ፥ ኡንቱንቱ መቱዋን ገሌዳዋ አኬኬድኖ። 
\v 20 ኡንቱንቱ ካትያ ማታፐ ከሲደ፥ ሙሴነ አሮነ ኡንቱንቱና ጋከታናዉ ናግያዋንታ ደሜድኖ። 
\v 21 ኡንቱንቱ፥ “ህንተና መና ጎዳይ ጼሎ! ህንተንቱ ቦላ እ ፕርዶ! ህንተንቱ ኑና ካትያናነ አ ኦሳንቻቱዋን እጽሴድታ፤ ቃይ ኡንቱንቱ ኑና ዎና ማላ፥ ማሻ ኡንቱንቱ ኩሽያን ዎድታ” ያጌድኖ።
\s1 ሙሴ ጾሳዉ ማጋኔዳ
\p
\v 22 ሙሴ መና ጎዳኮ ስሚደ፥ “አቤት ጎዳዉ፥ ኔን ሀ አሳ ቦላ መቱዋ አያዉ አሃዲ? ኔን ታና ኪቴዳዌ ሀዋሴ? 
\v 23 ታን ነ ሱንን ካትያዉ ሃሳያናዉ ቤዳ ዎደፐ ዶምና፥ እ ሀ አሳ ቦላ መቱዋ አሄዳ። ቃይ ኔንካ ነ አሳ ሙለ አሻባካ” ያጌዳ።
\c 6
\p
\v 1 ሄዋፐ ጉይያን መና ጎዳይ ሙሳ፥ “ታን ግብጼ ካትያ ኦናባ ኔን ሀእ በአና፤ ታ ዎልቃማ ኩሽያ ጋሱዋን እ ኡንቱንታ የዳናዋ፤ ታ ዎልቃማ ኩሽያ ጋሱዋን እ ኡንቱንታ ባረ ጋድያፐ ላጊደ ከሳና” ያጌዳ።
\s1 ሙሴ ጼሳ
\p
\v 2 ጾሳይ ቃይካ ሙሳ፥ “ታን መና ጎዳ፤\x - \xo 6:2-3 \xo*\xt ዶመ 17:1፤ 28:3፤ 35:11፤ ከሳ 3:13-15\xt*\x* 
\v 3 ታን አብራሃመዉ፥ ይሳቃዉነ ያቆባዉ ኡባ ዳንዳይያ ጾሳ ግዳደ ቆንጫድ፤ ሽን ታን፥ መና ጎዳ ግያ ታ ሱንን፥ ታናተ ኡንቱንታ ኤርሳበይከ። 
\v 4 ቃይ ታን ኡንቱንቶ ኡንቱንቱ በተ ግዲደ ደኤዳ ካናነ ጋድያ እማናዉ ታ ቃላ ጫቁዋ ኡንቱንቱና ጫቀታድ። 
\v 5 ቃይካ ግብጼ አሳቱ አይለይያ እስራኤለቱዋ ኦልያ ታን ስሳደ፥ ታ ቃላ ጫቁዋ ሀሳያድ።
\p
\v 6 “ሄዋ ድራዉ፥ ኔን እስራኤላቱዋ፥ ‘ታን መና ጎዳ፤ ታን ህንተንታ ግብጼቱዋ ናቁዋፐ ከሳና፤ ታን ህንተንታ ኡንቱንቱ አይለተፐካ ላአ ከሳና፤ ቃይ ታን ታ ዎልቃማ ዎልቃን ግብጼቱዋ ቦላ ኢታ ፕርዳ አሃደ ህንተንታ ዎዛና። 
\v 7 ታን ህንተንታ ታ ሁጰ አሳዳን አካናነ ታን ህንተንቱ ጾሳ ግዳና። ሄ ዎደ ህንተንቱ ታን መና ጎዳ ህንተንቱ ጾሳ ህንተንታ ግብጼቱዋ አይለተፐ ከሴዳዋ ግድያዋ ኤራና። 
\v 8 ቃይ ታን አብራሃመዉ፥ ይሳቃዉነ ያቆባዉ እማናዉ ጫቄዳ ቢታዉ አሀና፤ ሄ ጋድያ ታን ህንተንቶ ጋደ ኦደ እማና፤ ታን መና ጎዳ ያጋ’ ” ያጌዳ።
\p
\v 9 ሙሴ ሀዋ እስራኤለቶ ኦዴዳ፤ ሽን ኡንቱንቱ አያናይ መኤዳ ጋሱዋንነ መቀ ባይና አይለተ ጋሱዋን አ ቃላ ስስበይክኖ። 
\v 10 ሄዋፐ ጉይያን መና ጎዳይ ሙሳ፥ 
\v 11 “ባደ ግብጼ ካትያ፥ ‘እስራኤለቱዋ ነ ጋድያፐ ከሳደ የዳ’ ያጋደ ኦዳ” ያጌዳ። 
\v 12 ሽን ሙሴ መና ጎዳ፥ “ሀራይ አቶ እስራኤለቱ ታባ ስሰናን እጼድኖ ሽን ታን ዴዶትያ እንጻርሳን ሃሳይያዋ ካቲ ዎት ስሳኔ?” ያጌዳ። 
\v 13 መና ጎዳይ ሙሳነ አሮና፥ “ቢደ፥ ህንተንቱ እስራኤልያ አሳ ግብጼፐ ከሳና ማላ፥ ታን ህንተንታ የዴዳዋ እስራኤልያ አሳዉነ ግብጼ ካትያዉ ኦድተ” ያጊደ አዛዜዳ።
\s1 ሙሴነ አሮነ የለታ
\p
\v 14 ኡንቱንቱ ሶይ ሶይ ማይዛ አዎቱ ሀዋንታ። እስራኤልያዉ ባይራ ናኣ ሮቤላ አቱማ ናናይ፥ ሄኖካ፥ ፓሉ፥ ሄጽሮናነ ካርማ፤ ሀዋንቱ ሮቤላ ያራቱዋ።
\p
\v 15 ስሞና አቱማ ናናይ፥ ይሙኤላ፥ ያሚና፥ ኦሃዳ፥ ያኪና፥ ጾሃራነ ካናነ ጋደ ምሽራትፐ የለቴዳ ሻኡላ፤ ሀዋንቱ ስሞና ያራቱዋ።
\p
\v 16 ሌዊያ አቱማ ናናይ ባረንቱ የለታ ማራዳን ገርሾና፥ ቃሃታነ ማራራ። ሌዊ ጼታነ ሀታማነ ላፑን ላይ ደኤዳ።\x - \xo 6:16-19 \xo*\xt ፓይ. 3:17-20፤ 26:57-58፤ 1 ኦዱዋ 6:16-19\xt*\x*
\p
\v 17 ገርሾና አቱማ ናናይ ባረንቱ ያራን ያራን ሊብናነ ሽምአ ጌተቲኖ።
\p
\v 18 ቃሃተ አቱማ ናናይ አምራማ፥ ይጽሃራ፥ ከብሮናነ ኡዝኤላ። ቃሃተ ጼታነ ሀታማነ ሄዙ ላይ ደኤዳ።
\p
\v 19 ማራራ አቱማ ናናይ ማህላነ ሙሻ ግያዋንታ።
\p ባረንቱ የለታ ማራን ሀዋፐ ቆሞና ጼገቴዳ ሌዊያ ያራቱ ሀዋንታ።
\p
\v 20 አምራመ ባረ አዉዋ ምቻቶ ዮከቤዶ አኬዳ። እዛ አሮናነ ሙሳ አዉ የላዱ። አምራመ ጼታነ ሀታማነ ላፑን ላይ ደኤዳ።
\p
\v 21 ይጽሃራ አቱማ ናናይ፥ ቆራሀ፥ ነፌጋነ ዚክራ።
\p
\v 22 ኡዝኤላ አቱማ ናናይ፥ ምሻኤላ፥ ኤልጻፋናነ ሲትራ።
\p
\v 23 አሮነ አምናዳባ ናቶ፥ ናኣሶና ምቻቶ ኤልሼቦ አኬዳ። ያትና እዛ አዉ ናዳባ፥ አቢሀ፥ ኤልኣዛራነ እታማራ ጌተትያ አቱማ ናና የላዱ።
\p
\v 24 ቆረ አቱማ ናናይ፥ አሲራ፥ ኤልቃናነ አብያሳፋ፤ ሀዋንቱ ቆረ ያራቱዋ።
\p
\v 25 አሮና ናአይ ኤልኣዛረ ፑትኤላ ናናቱዋፐ እትኖ አኬዳ፤ እዛ አዉ ፒንሃሳ የላዱ።
\p ሀዋንቱ ባረንቱ ያራን ያራን ሌዋቱዋ ጎልያ ማይዛ አሳቱዋ።
\p
\v 26 መና ጎዳይ፥ “ግብጼ ጋድያፐ እስራኤላቱዋ ኦላዉ ጊጎ ጩጉዋዳን ጩጉዋዳን ከስተ” ያጌዳዌ ሀ ሙሳነ አሮና። 
\v 27 እስራኤላቱዋ ግብጼ ጋድያፐ ከስያዋ ግብጼ ካትያዉ ሃሳዬዳዋንቱ ኡንቱንታ። ሄዋንቱካ ሙሳነ አሮና። 
\v 28 መና ጎዳይ ግብጼን ሙሴዉ ሃሳዬዳ ዎደ አ፥ 
\v 29 “ታን መና ጎዳ፤ ታን ነዉ ኦድያዋ ኡባ ኔን ግብጼ ካትያዉ ኦዳ” ያጌዳ። 
\v 30 ሽን ሙሴ መና ጎዳ፥ “ታን ዴዶትያ እንጻርሳን ሃሳይያዋ ግድሽን፥ ካቲ ታን ኦድያዋ ዎት ስሳኔ?” ያጌዳ።
\c 7
\p
\v 1 ሄዋፐ ጉይያን መና ጎዳይ ሙሳ፥ “በአ፤ ታን ኔና ግብጼ ካትያዉ ጾሳ ማላ ኦድ፤ ነ እሻይ አሮነ ነ ናብያዳን ግዳናዋ፤ 
\v 2 ታን ኔና አዛዜዳ ኡባ ኔን አዉ ኦዳሳ፤ ነ እሻ አሮነ እስራኤላቱዋ ባረ ጋድያፐ ከስ የዳና ማላ፥ ካትያዉ ኦዴ። 
\v 3 ሽን ታን ካትያ ዎዛና ልሳና፤ ታን ግብጼ ጋድያን ታ ጮራ ማላታነ ማላልስያባ ዳርሳደ ኦንቶካ፥\x - \xo 7:3 \xo*\xt ኪታ 7:36\xt*\x* 
\v 4 እ ህንተንቱ ኦድያዋ ስሰና። ሄ ዎደ ታን ታ ኩሽያ ግብጼቱዋ ቦላ ደንና፤ ታን ታ ጩጉዋ፥ ታ አሳ እስራኤልያ፥ ግብጼ አሳ ቦላን ዎልቃማ ፕርዳ አሃደ ከሳና። 
\v 5 ሄዋፐ ጉይያን ግብጼቱ፥ ታን ታ ኩሽያ ግብጼ ቦላ ደንደ፥ እስራኤላቱዋ ኡንቱንቱ ግዶፐ ከሴዳ ዎደ፥ ታን መና ጎዳ ግድያዋ ኡንቱንቱ ኤራናዋንታ” ያጌዳ።
\p
\v 6 ሙሴነ አሮነ ልከ መና ጎዳይ ኡንቱንታ አዛዜዳዋዳን ኦድኖ። 
\v 7 ኡንቱንቱ ካትያዉ ኦድያ ዎደ፥ ሙሴ ሆስፑን ታሙ ላይ አሳ፤ አሮነ ቃይ ሆስፑን ታማነ ሄዙ ላይ አሳ።
\s1 አሮና ጻምአይ ሾሻ ግዴዳ
\p
\v 8 መና ጎዳይ ሙሳነ አሮና ሀዋዳን ያጌዳ፤ 
\v 9 “ካቲ ህንተንታ፥ ‘ጾሳይ ኦያ ማላታ ታና በስተ’ ግያ ዎደ፥ ኔን አሮና፥ ‘ነ ጻምኣ አካደ፥ ካትያ ስንን ኦላ’ ያጋ፤ ያቶፐ እ ሾሻ ከሳና” ያጌዳ። 
\v 10 ሙሴነ አሮነ ካትያኮ ገሊደ መና ጎዳይ ኡንቱንታ አዛዜዳዋዳን ኦድኖ፤ አሮነ ባረ ጻምኣ ካትያ ስንንነ አ ኦሳንቻቱዋ ስንን ኦልና ሾሻ ከሴዳ። 
\v 11 ሄዋፐ ጉይያን ካቲ ኤራንቻቱዋነ ብትያዋንታ ጼስስና ኡንቱንቱካ፥ ሀ ግብጼቱዋ ሻሬቾቱ ባረንቱ ማሹዋን ሄዋዳን ኦድኖ። 
\v 12 ኡንቱንቱ ኡባይካ ባረንቱ ጻምኣ ጻምኣ ኦልና፥ ጻምአቱ ሾሻ ከሴድኖ፤ ሽን አሮና ጻምአይ ኡንቱንቱ ጻምአቱዋ ምቴዳ። 
\v 13 ግዶፐነ መና ጎዳይ ኦዴዳዋዳንካ ካትያ ዎዛናይ ዶንጭሌዳ፤ እ ኡንቱንቱ ኦዱዋ ስሰናን እጼዳ።
\s1 ሃይ ሱዉ ላመቴዳ
\p
\v 14 መና ጎዳይ ሙሳ፥ “ካትያ ዎዛናይ ዶንጭሌዳ፤ አሳ እ የደናን እጼዳ። 
\v 15 ካቲ ሃኮ ብያ ዎደ፥ ጉራደ ኔን አኮ ባደ አናና ጋከታናዉ ናይለ ሻፋ ዶናን ኤአ፤ ሾሻዉ ላመቴዳ ጻምኣ ኦይቃ አካደ ባ። 
\v 16 ኔን አ፥ ‘መና ጎዳይ፥ እብራዌቱዋ ጾሳይ ኔና፥ መላ ቢታን ታዉ ጎይናና ማላ፥ ታ አሳ የዳ ያጊደ፥ ታና ኔኮ ኪቴዳ፤ ሽን ሀኖ ጋካናዉ ኔን ስሳበይካ። 
\v 17 መና ጎዳይ፥ ታን መና ጎዳ ግድያዋ ኔን ሀዋን ኤራና። ታን ናይለ ሻፋ ሃ ታ ኩሽያን ደእያ ጻምአን ሾጭና ሃይ ሱዉ ላመታናዋ።\x - \xo 7:17 \xo*\xt ሳፃ 16:4\xt*\x* 
\v 18 ናይለ ሻፋ ሞሊካ ሀይቃናዋ፤ ሻፋይካ ጽንቃናዋ፤ ግብጼቱ ሄ ሻፋ ሃ ኡሻናዉ ዳንዳይክኖ’ ያጋደ ኦዳ” ያጌዳ።
\p
\v 19 መና ጎዳይ ሙሳ ሀዋዳን ያጌዳ፤ “ኔን አሮና፥ ‘ነ ጻምኣ ኦይቃደ ግብጼ ሃቱዋ ቦላ፥ ሻፋቱዋ ቦላ፥ ዜሬቶ ሃቱዋ ቦላ፥ ድኡዋ ኦላ ቦላን ነ ኩሽያ ምጫ’ ያጋ፤ እ ምጭና ኡንቱንቱ ሱዉ ላመታናዋ፤ ግብጼ ቢታ ኡባን፥ ሀራይ አትና፥ ምፐነ ሹቻፐ ዎጪደ ከሴዳ ሃ ትግያ ሚሻ ኡባ ጋርሳን ደእያ ሃይ ሱዉ ላመታና” ያጌዳ።
\p
\v 20 ሙሴነ አሮነ መና ጎዳይ አዛዜዳዋዳን ኦድኖ። ካትያ ስንንነ አ ኦሳንቻቱዋ ስንን እ ባረ ጻምኣ ደንደ፥ ሻፋ ሃ ሾጭና ሃ ኡባይ ሱዉ ላመቴዳ። 
\v 21 ሄ ሻፋ ሃ ግዱዋን ደእያ ሞለቱ ሀይቄድኖ፤ ሻፋ ሃይ ሎይ ዜኤዳ ድራዉ፥ ግብጼ አሳይ ኡሻናዉ ዳንዳይቤና። ግብጼን ኡባ ሳን ሱይ ኩሜዳ። 
\v 22 ግብጼ ሻሬቾቱካ ባረንቱ ማሹዋን ሄዋዳን ኦድኖ፤ መና ጎዳይ ኦዴዳዋዳንካ ካትያ ዎዛናይ ዶንጭልና፥ ሙሴነ አሮነ ኦዴዳዋ ስሰናን እጼዳ። 
\v 23 ሄዋፐ ጉይያን ካቲ ሀዎ አይነ ህርገናን ባረ ሶ ስሚደ ቤዳ። 
\v 24 ግብጼ አሳይ ኡባይ ናይለ ሻፋ ሃ ኡሻናዉ ዳንዳይቤና ድራዉ፥ ኡሽያ ሃ ደማናዉ ናይለ ሻፋ ጋጻን ኦላ ቦኬድኖ።
\p
\v 25 መና ጎዳይ ሃ ሾጮደፐ ላፑን ጋላሳ ግዴዳ።
\c 8
\s1 ሸያ
\p
\v 1 ሄዋፐ ጉይያን መና ጎዳይ ሙሳ፥ “ባ፤ ግብጼ ካትያኮ ባደ፥ ‘መና ጎዳይ ሀዋዳን ያጌ፤ “ታዉ ጎይናና ማላ፥ ታ አሳ የዳ። 
\v 2 ኔን ኡንቱንታ የደናን እጾፐ፥ ታን ነ ቢታ ኡባን ሸያ ኩንና። 
\v 3 ናይለ ሻፋን ሸ ሾሀካታና። ኡንቱንቱ ሾሀካት ከሲደ ነ ሶ፥ ነ ስርጻ፥ ነ ግሱዋ ግዶ፥ ነ ኦሳንቻቱዋ ጎልያ ግዶ ገላና፤ ነ አሳ ቦላ ከሳና፤ ነ ጮጭያነ ነ ልያ ዎያ ከርያን ገላና። 
\v 4 ሸቱ ነ ቦላ፥ ነ አሳ ቦላነ ነ ኦሳንቻቱዋ ኡባ ቦላ ከሳና” ያጌ’ ያጋደ ኦዳ” ያጌዳ።
\p
\v 5 ሄዋፐ ጉይያን መና ጎዳይ ሙሳ፥ “ኔን አሮና፥ ‘ነ ጻምኣ ኦይቃደ፥ ሻፋቱዋ ቦላ፥ ዜሬቶ ሃቱዋ ቦላነ ድኡዋ ኦላ ቦላ ነ ኩሽያ ምጫደ ሸቱ ግብጼ ጋድያ ቦላን ከሳናዳን ኦ’ ያጋደ ኦዳ” ያጌዳ። 
\v 6 አሮነ ግብጼ ሃቱዋ ቦላ ባረ ኩሽያ ምጭና ሸቱ ከሲደ፥ ግብጼ ጋድያ ማዬድኖ። 
\v 7 ሻሬቻቱካ ባረንቱ ማሹዋን ሄዋዳን ኦድኖ፤ ኡንቱንቱካ ግብጼ ጋድያን ሸ ከሳናዳን ኦድኖ።
\p
\v 8 ካቲ ሙሳነ አሮና ጼስሲደ፥ “ሀ ሸቱዋ ታፐነ ታ አሳፐ ድጋና ማላ፥ መና ጎዳ ህንተንቱ ዎስተ፤ ያቶፐ መና ጎዳዉ ያርሹዋ ያርሻና ማላ፥ ታን አሳ የዳና” ያጌዳ። 
\v 9 ሙሴ ካትያ፥ “ካትያዉ ሸቱ ኔፐነ ነ ሶፐ ያና ማላነ ናይለ ሻፋ ጻላላን አታና ማላ፥ ታን ነዉ፥ ነ ኦሳንቻቶነ ነ አሳዉ ዎሳና ዎድያ ኔን ኬራ” ያጌዳ። 
\v 10 ካቲ፥ “ዎንታ” ያጌዳ። ሙሴ፥ “መና ጎዳ ኑ ጾሳ፥ ማላይ ኦንነ ባይናዋ ኔን ኤራና ማላ፥ ኔን ጌዳዋዳን ሀናናዋ። 
\v 11 ሄ ሸቱ ኔፐ፥ ነ ጎልያፐ፥ ነ ኦሳንቻቱዋፐነ ነ አሳፐ ያናዋንታ፤ ኡንቱንቱካ ናይለ ሻፋ ጻላላን አታናዋንታ” ያጌዳ። 
\v 12 ሙሴነ አሮነ ካትያ ማታፐ ከሴድኖ፤ ካትያ ቦላ መና ጎዳይ አሄዳ ሸቱዋባ ሙሴ መና ጎዳኮ ዎሴዳ። 
\v 13 መና ጎዳይ ሙሴ ኦቼዳዋዳን ኦዳ፤ ሸቱ ሶን ካረንነ ደምባን ሀይቄድኖ። 
\v 14 ግብጼ አሳይ ኡንቱንታ ሺሽ ሺሺደ ዶሬድኖ፤ ቢታይ ሄዋ ጽንቁዋን ዜኤዳ። 
\v 15 ሽን ካቲ ሸቱ ባይናዋ በኤዳ ዎደ አ ዎዛናይ ዶንጭሌዳ፤ መና ጎዳይ ኦዴዳዋዳንካ፥ እ ሙሴነ አሮነ ኦዴዳ ኦዱዋ ስሰናን እጼዳ።
\s1 ጩቻ
\p
\v 16 መና ጎዳይ ሄዋፐ ጉይያን፥ ሙሳ “ኔን አሮና፥ ‘ነ ጻምኣ ምጫደ፥ ቢታ ባና ሾጫ’ ያጋደ ኦዳ። ግብጼ ቢታ ኡባን ባናይ ጩቻ ከሳናዋ” ያጌዳ። 
\v 17 ኡንቱቱ ሄዋዳን ኦድኖ፤ አሮነ ጻምኣ ኦይቂደ ባረ ኩሽያ ምጪደ፤ ባረ ጻምአን ቢታ ባና ሾጭና አሳነ፥ መህያ ቦላ ጩቻይ ዬዳ። ግብጼ ጋድያን ሀ ጋጻፐ ያ ጋጻ ጋካናዉ፥ ባና ኡባይ ጩቻ ከሴዳ። 
\v 18 ሻሬቻቱካ ባረንቱ ማሹዋን ሄዋዳን ኦናዉ ባጸቴድኖ፤ ሽን ዳንዳይበይክኖ። ጩቻይ አሳ ቦላነ፥ መህያ ቦላ ኩሜዳ። 
\v 19 ሻሬቻቱ ካትያ፥ “ሀዌ ጾሳ ኦሱዋ” ያጌድኖ። ሽን ካትያ ዎዛናይ ዶንጭሌዳ፤ ጾሳይ ጌዳዋዳንካ፥ እ ኡንቱንቱ ኦድያዋ ስሰናን እጼዳ።\x - \xo 8:19 \xo*\xt ሉቃሳ 11:20\xt*\x*
\s1 ዱክያ ኡዱንጽያ
\p
\v 20 መና ጎዳይ ሙሳ፥ “ጉራን ደንዳደ፥ ካቲ ሻፋ ቢሽን አናና ጋከታደ ኔን አ፥ ‘መና ጎዳይ ያጌ፤ “ታዉ ኦና ማላ፥ ታ አሳ የዳ፤ 
\v 21 ኔን ታ አሳ የደናን እጾፐ፥ ታን ነ ቦላ፥ ነ ኦሳንቻቱዋ ቦላ፥ ነ አሳ ቦላነ ነ ጎለቱዋ ግዶ ኡዱንጽያ ዉድያ የዳና፤ ግብጼቱዋ ጎለንነ ኡንቱንቱ ደእያ ቢታ ኡባን ኡዱንጺ ኩማናዋ። 
\v 22 ሽን ሄ ጋላስ ታ አሳይ በተ ግዲደ ደእያ ጎሸና ጋድያን ኡዱንጺ ኩመናዳን ታን ተኣደ፥ ኡንቱንቱ ቢታ ሻካና፤ ታን መና ጎዳይ፥ ሀ ጋድያ ኡባን ደእያዋ ኔን ሄዋን ኤራና። 
\v 23 ታን ታ አሳነ ነ አሳ ሻካና፤ ሀ ዎልቃማ ማላታይ ዎንት ሀናና” ያጌ’ ያጋደ ኦዳ” ያጌዳ። 
\v 24 መና ጎዳይ ሄዋፐ ጉይያን፥ ጌዳዋዳን ኦዳ፤ ካትያ ሶንነ አ ኦሳንቻቱዋ ሶን ዳሮ ኡዱንጽያ ዉዲ ዬዳ፤ ግብጼ ጋድያ ኡባ ባይዜዳ።
\p
\v 25 ሄ ዎደ ካቲ ሙሳነ አሮና ጼስሲደ፥ “ቢተ፤ ሀ ጋድያን ህንተንቱ ጾሳዉ ያርሽተ” ያጌዳ። 
\v 26 ሽን ሙሴ፥ “ሄዌ ልከ ግደና፤ ኑን መና ጎዳ ኑ ጾሳዉ ሺሽያ ያርሾቱ ግብጼቱዋ ሸነይያዋ ግዳናዋ፤ ኑን ኡንቱንታ ሸነይያ ያርሾቱዋ ኡንቱንቱ ጼልሽን ያርሾፐ፥ ኡንቱንቱ ኑና ሹቻን ጫድክኖ? 
\v 27 ኑን መና ጎዳ፥ ኑ ጾሳዉ፥ ያርሾቱዋ ሺሻናዉ እ ኑና አዛዝያዋዳን፥ ሄዙ ጋላሳ ኦግያ መላ ቢታ ባና ኮሼ” ያጌዳ። 
\v 28 ካቲ፥ “መና ጎዳዉ፥ ህንተንቱ ጾሳዉ፥ ህንተንቱ መላ ቢታ ቢደ ያርሻና ማላ፥ ታን ህንተንታ የዳና፤ ሽን ህንተንቱ ሃኪደ ቦፕተ፤ ታዉ ሀእ ዎስተ” ያጌዳ። 
\v 29 ሙሴ፥ “ታን ነ ማታፐ ከሶ ሳኣናካ መና ጎዳ ዎሳና፤ ሀ ኡዱንጽያ ዉዲ ዎንት ካትያፐ፥ አ ኦሳንቻቱዋፐነ አ አሳፐ ክቻናዋ። ሽን መና ጎዳዉ ያርሻናዉ አሳ የደናን እጻናዉ ካቲ ኑና ዛር ጭመና ማላ አኬኮ” ያጌዳ። 
\v 30 ሄዋፐ ጉይያን ሙሴ ካትያ ማታፐ ከሲደ፥ መና ጎዳ ዎሴዳ። 
\v 31 መና ጎዳይ ሙሴ ኦቼዳዋዳን ኦዳ፤ ኡዱንያ ካትያፐ፥ አ ኦሳንቻቱዋፐነ አ አሳፐ እቱነ አተናን ክቼዳ። 
\v 32 ሽን ሀእካ ቃይ ካትያ ዎዛናይ ዶንጭልና፥ አሳ የደናን እጼዳ።
\c 9
\s1 መህያ ቦላ ቦሻይ ዎዳ
\p
\v 1 መና ጎዳይ ሙሳ ሀዋዳን ያጌዳ፤ “ግብጼ ካትያኮ ባደ፥ ‘መና ጎዳይ፥ እብራዌቱዋ ጾሳይ ኔና፥ “ኡንቱንቱ ታዉ ጎይናና ማላ ታ አሳ የዳ” ያጌ። 
\v 2 ኔን የደናን እጻደ፥ ኡንቱንታ ኦይቃ ኡትያዋ ግዶፐ፥ 
\v 3 መና ጎዳ ኩሺ ደርያን ደእያ ነ መህያ ቦላ፥ ፓራቱዋ ቦላ፥ ሀረቱዋ ቦላ፥ ጋሎቱዋ ቦላ፥ ምያ ቦላ፥ ዶርሳቱዋ ቦላነ ዴሻቱዋ ቦላ ዎልቃማ ኢታ ሀርግያ የዳና። 
\v 4 ሽን ታን መና ጎዳይ እስራኤልያ መህያ ግዱዋንነ ግብጼቱዋ መህያ ግዱዋን ሻኮታ መና። እስራኤላቱ መህያፐ እቱነ ሀይቀና’ ያጋ” ያጌዳ። 
\v 5 መና ጎዳይ ዎድያ ኬሪደ፥ “ታን ዎንት ሀዋ ሀ ጋድያ ቦላን ኦና” ያጌዳ። 
\v 6 ዎንተ ጋላስ መና ጎዳይ ሄዋ ኦዳ። ግብጼ አሳ መህያ ኡባይ ሀይቄዳ፤ ሽን እስራኤልያ አሳ መህያፐ እቱነ ሀይቂቤና። 
\v 7 ካቲ ሀ የዉዋ ፓጫናዉ አሳ ኪቲደ፥ እስራኤለቱዋ መህያፐ፥ ሀራይ አቶ፥ እቱነ ሀይቂቤናዋ ኤሬዳ። ግዶፐነ ካትያ ዎዛናይ ዶንጭሎ ሳኣፐ ስመናን እጽና፥ አሳ የደናን ድጌዳ።
\s1 ጺባ
\p
\v 8 ሜና ጎዳይ ሄዋፐ ጉይያን፥ ሙሳነ አሮና፥ “ህንተንቱ ኩሽያ ኩንደ ጮጭያፐ ብድን ኡጭተ፤ ሙሴ ካቲ ጼልሽን፥ ሄዋ ፑደ ጫርኮ ላሎ፤ 
\v 9 ሄዌ ግብጼ ቢታ ኡባ ቦላ ሊቆ ባና ግዳናዋ፤ ግብጼ ቢታ ኡባን አሳ ቦላነ መህያ ቦላ ጊይያ ጺባይ ዎናዋ” ያጌዳ። 
\v 10 ኡንቱንቱ ጮጭያፐ ብድን አኪደ፥ ካትያ ስንን ኤቄድኖ፤ ሙሴ ሄዋ ፑደ ጫርኩዋን ላልና፥ አሳ ቦላነ መህያ ቦላ ጊይያ ጺባይ ዎ አጌዳ።\x - \xo 9:10 \xo*\xt ሳፃ 16:2\xt*\x* 
\v 11 ሻሬቻቱካ ኡንቱንቱ ቦላነ ግብጼ አሳ ኡባ ቦላ ዎዳ ጺባይ ኤሱዋ ድግና፥ ሙሴ ስንን ኤቃናዉ ዳንዳይበይክኖ። 
\v 12 ሽን መና ጎዳይ ሙሴዉ ጌዳዋዳንካ፥ ካትያ ዎዛና ዶንጭልሴዳ ድራዉ፥ ሙሴነ አሮነ ኦድያዋ ካቲ ስሰናን እጼዳ።
\s1 ሻቻ
\p
\v 13 ሄዋፐ ጉይያን መና ጎዳይ ሙሳ፥ “ጉራን ደንዳ ባደ፥ ካትያና ጋከታደ አ፥ ‘መና ጎዳይ፥ እብራዌቱዋ ጾሳይ ኔና፥ “ታዉ ጎይናና ማላ ታ አሳ የዳ። 
\v 14 ሄዌ ዮፐ፥ ነ ቦላ፥ ነ ኦሳንቻቱዋ ቦላነ ነ አሳ ቦላ ታ ቦሻዉ ደእያ ኩመን ዎልቃ ታን ኪታና፤ ሳኣን ኡባን ታ ማል ባይናዋ ኔን ሄዋን ኤራናሳ። 
\v 15 ታን ሀኖደ ታ ኩሽያ የዳደ፥ ኔናነ ነ አሳ ኢታ ሀርግያን ሀ ሳኣ ቦላፐ ምልጽ ኡዳናሽን። 
\v 16 ታን ኔና ታ ዎልቃ በሳናዉነ ታ ሱንይ ሳኣ ኡባ ቦላን ኦደታናዉ፥ ሄዎ ታን ኔና ካተ ኦደ ዎድ።\x - \xo 9:16 \xo*\xt ሮመ 9:17\xt*\x* 
\v 17 ኔን ሀእካ ኦቶረታደ፥ ታ አሳ የደናን እጻዳ። 
\v 18 ሄዋ ድራዉ፥ ታን ዎንት ሀኖደ ግብጼ ግብጼ ግዶደፐ ሀቼ ጋካናዉ ኡባካ ዎ ኤረና፥ ዳሪ ዎልቃማ ሻቻ ቡክሳና። 
\v 19 ሀእ ኔን ነ መህያነ ጋደን ነዉ ደእያዋ ኡባ ኤለካ ሶ ገልሳናዳን አዛዛ፤ አያዉ ጎፐ፥ ሶይ ገለናን ብሮ ጋደን ደእያ አሳ ኡባ ቦላነ መህያ ኡባ ቦላ ሻቻይ ዎናዋ፤ ኡንቱቱ ሀይቃና” ያጌ’ ያጋ” ያጌዳ። 
\v 20 ካትያ ኦሳንቻቱዋፐ መና ጎዳ ቃላዉ ያዬዳዋንቱ ባረንቱ አይለቱዋነ ባረንቱ መህያ ኤሌሊደ ሶይ ገልሴድኖ። 
\v 21 ሽን መና ጎዳ ቃላ ካዳዋንቱ ባረንቱ አይለቱዋነ ባረንቱ መህያ ጋደን አግ ባሼድኖ።
\p
\v 22 ሄዋፐ ጉይያን መና ጎዳይ ሙሳ፥ “ግብጼ ቢታ ኡባ ቦላን: አሳ ቦላ፥ መህያ ቦላነ ግብጼ ጎሻቱዋን ድጭያባ ኡባ ቦላ ሻቻይ ዎናዳን፥ ነ ኩሽያ ሳሉዋ ደን” ያጌዳ። 
\v 23 ሙሴ ባረ ጋትማ ሳሉዋ ዛሪደ ደንዳ ዎደ፥ ጾሳይ ጉጉንነ ሻቻ የዴዳ፤ ዋልቃንይካ ዱገ ሳአዉ ዋልቃሜዳ። ጾሳይ ግብጼ ጋድያን ሻቻ ያት ቡክሴዳ። 
\v 24 ሻቻይ ዎዳ፤ ዋልቃንይ ያነ ሃነ ዋልቃሜዳ፤ ግብጼ ጋድያን ካቲ ካተቶደፐ ዶምና፥ ግብጼ ቢታ ኡባን ዎዳ ሻቻ ኡባፐ ሄዌ አያ ኢታ ሻቻ።\x - \xo 9:24 \xo*\xt ሳፃ 8:7፤ 16:21\xt*\x* 
\v 25 ሄ ሻቻይ ግብጼ ቢታ ኡባ ጋደን ደእያ ኡባባ፥ አሳካ መህያካ ሾጬዳ፤ ጋደን ዶሌዳባ ኡባ ዱገ ዛሪደ ብዶዬዳ፤ ም ኡባ መንሬዳ። 
\v 26 ሻቻይ ዎቤና ጋዲ እስራኤላቱ ኡቴዳ ጎሸና ጋድያ ጻላላ።
\p
\v 27 ካቲ ኪት ሙሳነ አሮና ጼስሲደ፥ “ሀእ ስም፥ ታን ናጋራ ኦድ፤ መና ጎዳይ ቱማንቻ፤ ታንነ ታ አሳይ ባይዛንቻ። 
\v 28 ኑዉ ጉጉንይነ ሻቻይ ዳሬዳ ድራዉ፥ መና ጎዳ ዎስተ። ታን ህንተንታ የዳና፤ ስም ሀዋፐ ስንን ህንተንቱ ሀዋን ጋምእክታ” ያጌዳ። 
\v 29 ሙሴ አ፥ “ታን ሀ ካታማፐ ከሴዳ ዎደ፥ ታን ዎሳናዉ ታ ኩሽያ መና ጎዳኮ ምጫና፤ ያቶፐ ጉጉንይ አጋናዋ፤ ቃይ ሻቻ ዎይ ኤቃና፤ ሳአይ መና ጎዳዋ ግድያዋ ኔን ሄዋን ኤራና። 
\v 30 ሽን ኔንነ ነ ኦሳንቻቱ መና ጎዳዉ ጾሳዉ ሀእካ ያየናዋ ታን ኤራይ” ያጌዳ። 
\v 31 ታልባይ ጪሼዳ ድራዉነ ባንጋይ ትሼዳ ድራዉ፥ ታልባይነ ባንጋይ ሻቻን ባዬድኖ። 
\v 32 ሽን ዛርጋይነ ሞርገ ምይ ካእያ ዎዲ ብራ ግዴዳ ድራዉ፥ ሻቻን ባይበይክኖ።
\p
\v 33 ሄዋፐ ጉይያን ሙሴ ካትያ ማታፐ ደንዲደ፥ ካታማፐ ጋጻ ከሴዳ። ባረ ኩሽያ መና ጎዳኮ ምጬዳ፤ ያትና ጉጉንይነ ሻቻይ አጌዳ፤ እራይካ ቢታ ቦላን ዱገ ትገትያዌ ኤቄዳ። 
\v 34 ሽን ካቲ እራይ፥ ሻቻይነ ጉጉንይ አጌዳዋ በኤዳ ዎደ ዛሪደካ ናጋራ ኦዳ፤ እካ አ ኦሳንቻቱካ ባረንቱ ዎዛና ዶንጭልሴድኖ። 
\v 35 መና ጎዳይ ሙሴ ዶናን ሃሳዬዳዋዳንካ ካትያ ዎዛናይ ዶንጭልና፥ እስራኤላቱዋ እ የደናን እጼዳ።
\c 10
\s1 ቦልያ
\p
\v 1-2 ሄዋፐ ጉይያን ሙሳ መና ጎዳይ ሀዋዳን ያጌዳ፤ “ግብጼ ካትያኮ ባ፤ አያዉ ጎፐ፥ ታን ግብጼቱዋ ግዶን ማላነ ዎልቃማ ማላታ ታ ዎታ ኦደንቶ ህንተንቱ ህንተንቱ ናናዉነ ህንተንቱ ናና ናናቶ ኦዳና ማላ፥ ቃይ ህንተንቱካ ታን መና ጎዳ ግድያዋ ኤራና ማላ፥ ታ ዎልቃማ ማላታ ኡንቱንቱ ግዶን ኦናዉ አ ዎዛናነ አ ኦሳንቻቱዋ ዎዛና ታን ዶንጭልሳ ዎድ” ያጌዳ።
\p
\v 3 ሙሴነ አሮነ ካትያኮ ገሊደ አ፥ “መና ጎዳይ፥ እብራዌቱዋ ጾሳይ ኔና ሀዋዳን ያጌ፤ ‘ኔን ታዉ አዛዘተናን አዉደ ጋካናዉ እጻይ? ታዉ ጎይናና ማላ ታ አሳ የዳ። 
\v 4 ኔን ኡንቱንታ የደናን እጾፐ፥ ነ ቢታ ቦላ ታን ዎንት ቦልያ አሀና፤ 
\v 5 ቦሊ ኦንነ ቢታ ደማናዉ ዳንዳየናዳን ቢታ ካማናዋ። ህንተንቶ ሻቻፐ አቴዳ ጉባ፥ ጋደን ድጭያ ምይካ አተናን ኡባ ማናዋ። 
\v 6 ነ ጎለን ነ ሱንቱዋ ጎለንነ ግብጼ አሳ ኡባ ጎለን ኡንቱንቱ ኩማናዋንታ፤ ሄዌ ነ አዎቱዋ፥ ዎይ ነ ማይዛ አዎቱ ሀ ቢታን ኡቶደፐ ሀኖ ጋካናዉ ሙለ በእቤናባ’ ያጌ” ያጌድኖ። ሄዋፐ ጉይያን ሙሴ ካትያ ስንፐ ከሲደ ቤዳ።
\p
\v 7 ካትያ ሱንቱ ካትያ፥ “ሀ ብታኒ ኑዉ አዉደ ጋካናዉ መቱዋ ጋሶ ግዳናዌ? ኡንቱንቱ መና ጎዳዉ፥ ባረንቱ ጾሳዉ፥ ጎይናና ማላ፥ ኔን አሳ የዳ፤ ግብጼ ቢታይ ባዬዳዋ ኔን ሀእካ አኬክኪ?” ያጌድኖ። 
\v 8 ሄዋ ድራዉ፥ ካቲ ሙሳነ አሮና ጉየ ዛሪደ፥ “ቢተ፤ መና ጎዳዉ፥ ህንተንቱ ጾሳዉ ጎይንተ፤ ሽን ብያዋንቱ ኦና ኦኔ?” ያጌዳ።
\p
\v 9 ሙሴ፥ “ኑን ኑ ጭማ አሳነ ኑ ጉ ናናቱዋና፥ ኑ ዶርሳ ዉደቱዋናነ ሚዛ ዉደቱዋና እትፐ ባና፤ አያዉ ጎፐ፥ ኑን ብያሳን መና ጎዳ ባላ ቦንቻናዉ ኮሼ” ያጌዳ።
\p
\v 10 ካቲ፥ “ታን ህንተንታ ህንተንቱ ናናነ ህንተንቱ ማቼቱዋ የድያዋ ግዶፐ፥ መና ጎዳይ ህንተንታ ናጋናዉ ኮሼ። ሽን በእተ፤ ህንተንቱ ህንተንቱ ዎዛናን ኢታባ ቆፔዳዌ ቆንጭያን ኤረቴ። 
\v 11 ቱይት፥ ህንተንቱ፥ ‘ጾሳዉ ጎይናና’ ጊደ ኦችያዋ ግዶፐ፥ አቱማ አሳ ጻላላይ ቢደ መና ጎዳዉ ጎይንተ” ያጌዳ። ሄዋፐ ጉይያን ሙሰነ አሮነ ካትያ ስንፐ የደርሰቲደ ከሴድኖ።
\p
\v 12 መና ጎዳይ ሙሳ፥ “ቦሊ ግብጼ ጋድያን ከሳናዳን፥ ሻቻፐ አቲደ ጋደን ድጭያባ ኡባ ልምእ ኦና ማላ፥ ነ ኩሽያ ግብጼ ጋድያ ቦላን ምጫ” ያጌዳ።
\p
\v 13 ሙሴ ባረ ጋትማ ግብጼ ጋድያ ቦላን ምጭና፥ መና ጎዳይ አዋይ ዶልያ ባጋ ጫርኩዋ ሄ ጋላሳነ ቃማ ኡባ ሄ ጋድያ ቦላን ጫርክሴዳ፤ ዎንቴዳ ዎደ ሄ ጫርኩ ቦልያ አሄዳ። 
\v 14 ቦሊ ግብጼ ቢታ ኡባ ቦላ ሻምእ ጊደ፥ ቢታ ኡባ ሳን ከስ ኡቴዳ። ሀዋ ኬሻ ቦልያ ቦሻይ ሄ ቢታን ሀዋፐ ካሰና ሀንቤና፤ ዎይ ሀዋፐ ስንዉነ ዛረደ ሀነና።\x - \xo 10:14-15 \xo*\xt ሳፃ 9:2-3\xt*\x* 
\v 15 ቢታይ ካረጻና ጋካናዉ ቦሊ ቢታ ኡባ ካሜዳ። ሄ ቦሊ ሻቻፐ አቲደ ጋደን ድጭያባ ኡባነ ም ቦላን ደእያ አይፍያ ኡባ ምልጽ ኦዳ። ያትና ም ቦላን እርጻ ሀይይ፥ ዎይ ጋደን አታክልቲ ግብጼ ቢታ ኡባን አያይነ አትቤና።
\p
\v 16 ካቲ ሙሳነ አሮና ኤለካ ጼስሲደ፥ “መና ጎዳ ህንተንቱ ጾሳነ ህንተንታ ታን ናቃድ፤ 
\v 17 ስም ህንተንቱ ታዉ ታ ናጋራ ሀ እት ገደ ጻላላዉ አቶ ጊተ፤ ሀ ዎያ ቦሻ ታፐ ድጋና ማላ፥ መና ጎዳ ህንተንቱ ጾሳ ዎስተ” ያጌዳ።
\p
\v 18 ሙሴ ካትያ ማታፐ ከሲደ፥ መና ጎዳ ዎስና፤ 
\v 19 መና ጎዳይ ሄ ጫርኩዋ አዋይ ዉልያ ባጋ ዎልቃማ ጫርኮ ላምና ቦልያ ቶክ፥ ዞኦ አባኮ አፌዳ። ግብጼ ቢታ ኡባን እት ቦሊነ አትቤና። 
\v 20 ግዶፐነ፥ መና ጎዳይ ካትያ ዎዛና ዶንጭልሴዳ ድራዉ፥ እስራኤላቱዋ የደናን እጼዳ።
\s1 ባራ ማ
\p
\v 21 መና ጎዳይ ሙሳ፥ “ግብጼ ጋድያን አሳይ ቦች በአናዉ ዳንዳይያ ኬሻ ማይ ማና ማላ፥ ነ ኩሽያ ሳሉዋ ደን” ያጌዳ። 
\v 22 ሙሴ ባረ ኩሽያ ሳሉዋ ደንዳ፤ ግብጼ ቢታ ኡባን ሄዙ ጋላሳ ኩመን ባራ ማይ ሜዳ።\x - \xo 10:22 \xo*\xt ማዝ. 105:28፤ ሳፃ 16:10\xt*\x* 
\v 23 ሄ ሄዙ ጋላሳቱዋን አሳይ ኦንነ እቱ እቱዋ በኤናን፥ ዎይ ባረ ሳኣፐ ደንዲደ ቤናን ታኬዳ። ሽን እስራኤለቱ ደእያ ሳኣን ኡባን ኡንቱንቶ ፖኡ ደኤ። 
\v 24 ካቲ ሙሳ ጼስሲደ፥ “ቢተ፤ መና ጎዳዉ ጎይንተ፤ ህንተንቱ ማቼቱካ ህንተንቱ ናናይካ ህንተናና ባናዉ ዳንዳዪኖ። ህንተንቱ ዶርሳ ዉድያነ ህንተንቱ ሚዛ ዉድያ ጻላላ የጊደ ቢተ” ያጌዳ። 
\v 25 ሽን ሙሴ አ፥ “ኑን ያርሹዋነ ጹጊደ ያርሽያ ያርሹዋ መና ጎዳ፥ ኑ ጾሳዉ፥ ሺሻናዉ፥ መህያ ኑዉ እማደ የድያዌ ኔና ጉሳካ? 
\v 26 ኑ መሂ ኡባይካ ኑናና ባናዉ ኮሼ፤ ቅንጫፍለ እቱነ ጉየ አተና። መና ጎዳ፥ ኑ ጾሳዉ፥ ጎይንያ ጎይናዉ ሄ መህያፐ ዶሪደ አካናዉ ኮሼ፤ ኑን ያ ጋከናን ደኢደ፥ መህያፐ ሀቃዋ ሀቃዋ መና ጎዳዉ ያርሻነንቶ ኤራናዉ ዳንዳዮኮ” ያጌዳ። 
\v 27 ሽን መና ጎዳይ ካትያ ዎዛና ዶንጭልስና እ ኡንቱንታ የዳናዉ ኮይቤና። 
\v 28 ሄዋፐ ጉይያን ካቲ ሙሳ፥ “ታ ማታፐ ክቻ! ላኤን ታ ስንን ለምእ ጋደ ኔና ኤራ! ኔን ታ አይፍያ ታ ዴሙዋ በኤዳ ጋላሳይካ ነዉ ሀይቆ” ያጌዳ። 
\v 29 ሙሴ አ፥ “ቱማካ፤ ኔን ጌዳዋዳን ታን ኔና ላኤን ኡባካ በእከ” ያጌዳ።
\c 11
\s1 ባይራ የለቴዳዋንቱ ቦላ ዬዳ ቦሻ
\p
\v 1 ሙሴዉ መና ጎዳይ፥ “ታን ግብጼ ካትያ ቦላነ አ አሳ ቦላ እት ሀራ ቦሻ የዳና፤ ሄዋፐ ጉይያን እ ህንተንታ ሀ ጋድያፐ ከስ የዳናዋ፤ እ ህንተንታ እቱነ አተናን ኡባካ የደርሳናዋ። 
\v 2 እስራኤልያ አሳይ፥ ማጫዌ አቱማዌ ባረ ሾሮቱዋፐ ብራፐነ ዎርቃፐ መቴዳ ሚሻቱዋ ኦቻና ማላ፥ ኡንቱንቶ ኦዳ” ያጌዳ። 
\v 3 መና ጎዳይ እስራኤልያ አሳቱ ግብጼቱዋ ስንን ናሸታናዳን ኦዳ። ቃይ ሙሴ ባረ ሁጲያዉካ ግብጼ ጋድያን ካትያ ኦሳንቻቱዋንነ አሳን ሎይ ዳሮ ቦንቼቴዳ አሳዳን ጼለቴዳ።
\p
\v 4 ሙሴ ካትያ ሀዋዳን ያጌዳ፤ “መና ጎዳይ ሀዋዳን ያጌ፤ ‘ቃማ ግዶ ብላህያን ታን ግብጼ ግዱዋና አና፤ 
\v 5 ግብጼ ጋድያን ደእያ ባይራ አቱማ ናናይ ኡባይ፥ ካዉተ ኦይድያን ኡትያ ካትያ ባይራ ናኣፐ ዶሚደ፥ ዎጻን ጋጭያ ቆማት ባይራ ናኣ ጋካናዉ ባይራ የለቴዳ መሂካ አተናን ኡባይ ሀይቃናዋ። 
\v 6 ግብጼ ቢታ ኡባን ሀዋፐ ካሰ ባጋን ሀንቤናነ ስንፐካ ሀነና ዎልቃማ ዬኩ ዬከታናዋ። 
\v 7 ሽን እስራኤላቱ ግዱዋን፥ አሳ ቦላ ዎይ መህያ ቦላ ካናይነ ቦጨና’ ያጌ። ሄ ዎደ መና ጎዳይ ግብጼቱዋንነ እስራኤልያ ግዱዋን ሻኮታ መያዋ ኔን ኤራናሳ። 
\v 8 ሀ ነ ኦሳንቻቱ ኡባይ ታኮ ዪደ፥ ታ ስንን ጉፋን ጎይኒደ፥ ‘ከሳደ ባርኪ! ኔና ካልያ አሳይ ኡባይካ ቦ!’ ጋናዋንታ። ሄዋፐ ጉይያን ታን ባና” ያጌዳ። ሄዋፐ ጉይያን ሙሴ ሀንቁዋን ኤጸቲደ፥ ካትያ ስንፐ ከሲደ ቤዳ።
\p
\v 9 ሙሴዉ መና ጎዳይ ኮይሮ፥ “ታ ማላልስያ ማላታይ ግብጼ ጋድያን ዳራና ማላ፥ ካቲ ህንተንቱ ኦድያዋ ስሰናን እጻናዋ” ያግ ዎዳ። 
\v 10 ሙሴነ አሮነ ሀ ማላልስያ ማላታ ኡባ ካትያ ስንን ኦድኖ፤ ሽን መና ጎዳይ ካትያ ዎዛና ዶንጭልሴዳ፤ ያትና እ እስራኤላቱዋ ባረ ጋድያፐ የደናን እጼዳ።
\c 12
\s1 ፓስጋነ ግብጼፐ ከሱሳ
\r (12:1—15:21)
\p
\v 1 መና ጎዳይ ግብጼ ጋድያን ሙሳነ አሮና ሀዋዳን ያጌዳ፤\x - \xo 12:1-13 \xo*\xt ዎጋ 23:5፤ ፓይ. 9:1-5፤ 28:16፤ ዛረ. 16:1-2\xt*\x* 
\v 2 “ሀ አግናይ ህንተንቶ ላይዉ ኮይሮ አግና ግዶ፤ 
\v 3 እስራኤልያ አሳዉ ኡባዉ ሀዋ ኦድተ፤ ሀ አግናይ ገሌዳ ታማን ጋላሳን፥ እት አሳይ ባረ ሶይ አሳዉ እት ኮልያ ዶርሳ ዎይ እት ኮልያ ዴሻ አሆ። 
\v 4 ሄ ጎለ አሳ ፓይዱ ሄ ዶርሳ ዉርስ ማናዉ ጉጾፐ፥ እነ አዉ ኡባፐ ማታትያ ሾሩ ባረንቱ ሶ አሳ ፓይዲደ እት እት አሳይ ማናዉ ዳንዳይያ ኬሻ አኬኪደ፥ ሄ መህያ ሹኪደ እትፐ ሚኖ። 
\v 5 ህንተንቱ ዶር አክያ መሂ የለቶደፐ እት ላይ ግዴዳዋ፥ አ ቦላን አይ ፓጫይነ ባይና አቱማዋ ግዶ። ህንተንቱ ዶርሳፐ ዎይ ዴሻፐ አካናዉ ዳንዳዪታ። 
\v 6 ሀ አግናዉ ታማነ ኦይደን ጋላሳ ጋካናዉ ኡንቱንታ ሄምተ፤ ሄ ጋላስ ኦማርስ እስራኤልያ አሳይ ኡባይ ኡንቱንታ ሹካናዉ ኮሼ። 
\v 7 ያቲደ ሱፐ አማሬዳዋ አኪደ፥ ኡንቱንቱ ምያ ጎለዉ ላኡ ማቃንያነ ጉባንያ ኦክኖ፤ 
\v 8 አሹዋ ሄ ጋላስ ቃማ ታማን ጺጽ ጺጺደ፥ ጫምያ ቦንጭያናነ ኡኬዳ ኡክና ሚኖ። 
\v 9 አሹዋ ቃይያ ዎይ ዶይሲደ ሞፕተ፤ ሁጲያካ ገደቱዋካ ቃን ግዶ አሹዋካ ኡባ ቃንጸናን ሙምያ ጺጽተ፤ 
\v 10 ሄ አሹዋፐ ሳአይ ዎንታና ጋካናዉ አይነ አሾፕተ፤ ሽን አማሬዳዌ አቶፐ፥ ሄዋ ጹጋናዉ ኮሼ። 
\v 11 ሙሳ ሚደ፥ ኦግያዉ ጊግያ ማዩዋ ማዪደ፥ ህንተንቱ ጫማ ህንተንቱ ገድያን ዎደ፥ ህንተንቱ ጋትማ ህንተንቱ ኩሽያን ኦይቂደ ሚታ። ኤሌል ኤሌል ሚተ፤ ሀዌ መና ጎዳ ፓስጋ።
\p
\v 12 “ታን ሄ ጋላስ ቃማና ግብጼን አደ ባይራ የለቴዳ ኡባ፥ አሳካ፥ መህያካ ዎና፤ ግብጼ ኤቃቱዋ ኡባ ቦላካ ታን ፕርዳና፤ ታን መና ጎዳቴ። 
\v 13 ሄ ሱይ ህንተንቱ ደእያ ጎልያ ኤርስያ ማላ ግዳናዋ። ታን ሄ ሱ በኦ ዎደ፥ ህንተንታ አጋደ አና፤ ታን ግብጼ ጋድያ ቦሻን ሾጭያ ዎደ፥ ህንተንታ አይ ቦሻይካ ቦቼና።
\p
\v 14 “ሀ ጋላሳይ ህንተንቶ ቆፕ ቆፕ ቦንችያ ጋላሳ ግዶ፤ ህንተንቱ የለታይ ኡባይ መና ጎዳ ባላ ቦንችተ፤ ሀዋ ዎጋ ኦደ ኡባ ዎደ ቦንችተ።\x - \xo 12:14-20 \xo*\xt ከሳ 23:15፤ 34:18፤ ዎጋ 23:6-8፤ ፓይ. 28:17-25፤ ዛረ. 16:3-8\xt*\x*
\s1 እርሹ ገልቤና ኡክ ባላ
\p
\v 15 “ላፑን ጋላሳይ ጋካናዉ እርሹዋ የግቤና ኡክ ሚተ፤ ሽን ኮይሮ ጋላስ እርሹዋ ህንተንቱ ሶፐ ድግተ። ሄ ኮይሮ ጋላሳፐ ዶሚደ ላፑን ጋላስ ጋካናዉ፥ እርሹዋና ደእያ ኡክ ምያ አሳይ እስራኤልያ አሳ ግዶፐ ቦሄቶ።\f + \fr 12:15 \fr*\fk ቦሄቶ፦ \fk*\ft ግያዌ ሀይቁዋካ በሴ።\ft*\f* 
\v 16 ኮይሮ ጋላስ ጌሻ ሽቁዋ ሺቅተ፤ ሀራ ጌሻ ሽቁዋ ቃይ ላፑን ጋላሳን ሺቅተ፤ አሳይ ማናዉ ቁማ ካናዋፐ አትና፥ ሀ ጋላሳ ኡባን አይነ ኦፕተ፤ ህንተንቱ ኦናባይ ሄዋ ጻላላ።
\p
\v 17 “እርሹ ገልቤና ኡክ ባላ ቦንችተ፤ አያዉ ጎፐ፥ ታን ህንተንቱ ጩጉዋ ግብጼ ጋድያፐ ከሴዳዌ ሄ ጋላሳና። ሄ ጋላሳ፥ የለታፐ የለታይ ጋካናዉ ፕን ከስያ ዎጋ ኦደ ቦንችተ። 
\v 18 ኮይሮ አግናን፥ ሄ አግናዉ ታማነ ኦይደን ጋላሳ ኦማርሳፐ ዶሚደ፥ ላታማነ እተንዋ ኦማርስ ጋካናዉ እርሹ ገልቤና ኡክ ሚተ። 
\v 19 ላፑን ጋላሳይ ጋካናዉ እርሹ ህንተንቱ ሶን ቤቶፖ፤ እርሹ ገሌዳዋ ምያ አሳይ በተ ግድና ዎይ ሄ ቢታ አሳ ግድና፥ እስራኤልያ ግዶፐ ቦሄቶ። 
\v 20 እርሹ ገሌዳዋ አያነ ሞፕተ፤ ህንተንቱ ደእያ ሳኣን ሀቃንካ እርሹ ገልቤና ኡክ ማናዉ ኮሼ” ያጌዳ።
\s1 ኮይሮ ፓስጋ
\p
\v 21 ሄዋፐ ጉይያን ሙሴ እስራኤልያ ጭማቱዋ ኡባ ጼስሲደ ኡንቱንታ ሀዋዳን ያጌዳ፤ “ህንተንቱ ኤለካ ቢደ፥ ህንተንቱ ሶ አሳዉ ፓስጋዉ ኮልያ፥ ዶርሳ ዎይ ዴሻ ሹክተ። 
\v 22 ህሶጵያ ጌተትያ ሀይፐ ዳንክ አኪደ፥ ከርያን ደእያ ሱን ናቂ ከሲደ፥ ሄ ሱ ላኡ ማቃንያንነ ጉባንያ ኦክተ፤ ህንተንቱፐ እት አሳይነ ሳአይ ዎንታና ጋካናዉ ባረ ጎልያ ፐንግያፐ ካረ ከሶፖ። 
\v 23 መና ጎዳይ ግብጼቱዋ ሾጭ ዎናዉ ሄ ቢታና አያ ዎደ፥ ሱ ጉባንያንነ ላኡ ማቃንያን በአና፤ ያቲደ ካረና አና፤ ዎያዌ ህንተንቱ ሶ ገሊደ፥ ህንተንታ ዎናዳን አ ህንተንቱ ሶ ገልሰና።\x - \xo 12:23 \xo*\xt እብራ. 11:28\xt*\x* \fig ህሶጲያ|alt="Hyssop" src="HK00114B.TIF" size="col" ref="12:22"\fig*
\p
\v 24 “ህንተንቱ ሀ አዛዙዋ ህንተንቶነ ህንተንቱ ዘረዉ ኡባ ዎደ ዎጋ ኦደ አዛዘትተ። 
\v 25 መና ጎዳይ ካሰ እማና ጌዳዋዳን እ እምያ ቢታ ህንተንቱ ገልያ ዎደ፥ ሀ ዎጋ ናግተ። 
\v 26 ህንተንቱ ናናይ ህንተንታ፥ ‘ሀ ቦንቾ ባላ ብርሸይ አዬ?’ ያጊደ ኦችያ ዎደ፥ 
\v 27 ህንተንቱ ኡንቱንታ፥ ‘ሀዌ ጾሳ ቦንቻናዉ ያርሽያ ፓስጋ ያርሹዋ፤ አያዉ ጎፐ፥ መና ጎዳይ ግብጼ ጋድያን እስራኤልያ አሳ ጎልያ አግ አ ቢደ፥ ግብጼቱዋ ዎደ፥ ኑና አሼዳ ድራሳ’ ያግተ” ያጌዳ።
\p ሄዋፐ ጉይያን አሳይ ጉልባቲደ ጎይኔዳ። 
\v 28 እስራኤላቱ መና ጎዳይ ሙሳነ አሮና አዛዜዳዋዳን ኦድኖ።
\s1 ግብጼቱዋ ባይራ የለታቱ ሀይቂ ዉሮባ
\p
\v 29 ቃማ ግዶ ብላህያን መና ጎዳይ ግብጼን ባይራ የለቴዳ ኡባ፥ ካዉተ ኦይድያን ኡቴዳ ካትያ ባይራ ናኣፐ ዶሚደ፥ ቃሾ ጎለን ደእያ ኦሞደቴዳዋንቱ ባይራ ናኣ ጋካናዉ፥ ቃይ ባይራ የለቴዳ መህያ ኡባ ድፕ ኦዳ።\x - \xo 12:29 \xo*\xt ከሳ 4:22-31\xt*\x* 
\v 30 ካቲ፥ አ ኦሳንቻቱ ኡባይነ ግብጼ ጋድያ አሳይ ኡባይ ቃማ ደንዴድኖ። ግብጼ ጋድያን አሳይ ሀይቂቤና ጎሊ ኡባካ ባይና ድራዉ፥ አሳይ ኮሻ ቁ ኦደ ዎልቃማ ዬኩዋ ዬኬዳ። 
\v 31 ሄ ጋላስ ቃማ ካቲ ሙሳነ አሮና ጼሲደ፥ “ደንድተ! ህንተካ እስራኤልያ አሳይካ ታ አሳ ግዱዋፐ ከስ ቢደ ህንተንቱ ኦቼዳዋዳንካ መና ጎዳዉ ጎይንተ! 
\v 32 ህንተንቱ ጌዳዋዳንካ ህንተንቱ ዶርሳ ዉድያነ ህንተንቱ መህያ ዉድያ አኪደ ቢተ! ቃይ ታዉካ ዎስተ” ያጌዳ።
\p
\v 33 ግብጼ አሳይ እስራኤላቱ ጋድያፐ ኤለካ ከሳና ማላ ድርቢሴድኖ። አያዉ ጎፐ፥ ኡንቱንቱ፥ “ሄዌ ዮፐ፥ ኑን ኡባይካ ዉሬቶ” ያጌድኖ። 
\v 34 ሄዋ ድራዉ፥ እስራኤልያ አሳቱ ባረንቱ እርሹ ገልቤና ሙናቃ ከርያን ኩንደ፥ ባረንቱ ማዩዋን ጻጺደ፥ ሀሽያን ቶኬድኖ። 
\v 35 እስራኤለቱ ሙሴ ኡንቱንታ አዛዜዳዋዳን፥ ግብጼቱዋ ብራ ሚሻቱዋ፥ ዎርቃ ሚሻቱዋነ ማዩዋ፥ “እምተ” ጊደ ኦቼድኖ።\x - \xo 12:35-36 \xo*\xt ከሳ 3:21-22\xt*\x* 
\v 36 መና ጎዳይ ግብጼቱዋ ስንን ሄ አሳይ ሳበታናዳን ኦና፥ ግብጼቱ ኡንቱንቱ ኦቼዳዋ እሜድኖ። ሄዋዳን ያቲደ ኡንቱንቱ ግብጼ አሳቱዋ ማጹዋ ቦንቂ አኪደ ቤድኖ።
\s1 እስራኤላቱ ግብጼፐ ከሴድኖ
\p
\v 37 እስራኤላቱ ራምሳ ጌተትያ ካታማፐ ደንዲደ ሱኮታ ጌተትያ ሳኣ ገድያን ሀመቲደ ቤድኖ። አሳይ ናናነ ማጫዋንታ ጉጀናን ፓይድና፥ ኡሱፑን ጼቱ ሻአ። 
\v 38 ቃይ ኡንቱንቱና ሀራ ዳሮ አሳይ፥ ዳሮ መሂነ ዶርሳ ዴሻ ዉዲ ላገቲደ ቤዳ። 
\v 39 ግብጼፐ ኡንቱንቱ አኪደ ከሴዳ ሙናቃ እርሹ ገልቤና ኡክ ኡኬድኖ፤ አያዉ ጎፐ፥ ኡንቱንቱ ግብጼፐ ድርባን ከሴድኖ፤ ባረንቶ ሽንቃ ካናዉካ፥ ሙናቃይ ደንድና ኡካናዉካ ኡንቱንታ ጋቤና።
\p
\v 40 እስራኤላቱ ግብጼ ጋድያን ደኤዳ ላይይ ኦይዱ ጼታነ ሀታማ።\x - \xo 12:40 \xo*\xt ዶመ 15:13፤ ጋላ. 3:17\xt*\x* 
\v 41 ሄ ኦይዱ ጼታነ ሀታሙ ላይይ ዉርያ ሄ ዉርሰ ጋላሳን፥ መና ጎዳ ጩጉ ኡባይ ግብጼ ጋድያፐ ከሴዳ። 
\v 42 መና ጎዳይ ባረ አሳ ናጊደ፥ ግብጼ ጋድያፐ ከስያ ዎደ ሳአይ ቃማ፤ ሄ ቃማይ የለታፐ የለታ ጋካናዉ፥ እስራኤልያ አሳይ ቤጎቲደ ናጊደ አቅያ፥ መና ጎዳዉ ዱማቴዳ ቃማ።
\s1 ፓስጋ ጋላሳ ቦንችያ ዎጋ
\p
\v 43 መና ጎዳይ ሙሳነ አሮና፥ “ፓስጋ ጋላሳ ቦንችያ ዎጋይ ሀዋ፤ በተ አሳይ አፐ ኡባካ ሞፖ። 
\v 44 ህንተንቱ ሻሉዋን ሻሜዳ አይሊ ህንተንቱ አ ቃጻሮዋፐ ጉይያን አፐ ሞ። 
\v 45 ሽን እማተን ህንተናና ጋምእያ እማይነ ከራ ኦያ እማይ አፐ ኡባካ ሞፖ።
\p
\v 46 “ሀ ፓስጋ ህንተንቱ እት ጎለን ሚተ፤ ህንተንቱ ሄ አሹዋፐ አያነ ካረ ከሶፕተ። መቀቱዋፐ እቱዋነ መንፕተ።\x - \xo 12:46 \xo*\xt ፓይ. 9:12፤ ዮሃ. 19:36\xt*\x* 
\v 47 እስራኤልያ ማባራይ ኡባይ ፓስጋ ቦንቻናዉ ኮሼ።
\p
\v 48 “በቲ ዪደ ህንተንቱ ግዶን ደእያ አሳይ መና ጎዳ ፓስጋ ቦንቻናዉ ኮዮፐ፥ ኮይሮ ሄ አቱማ አሳይ ኡባይ ቃጻረቶ። ሄዋፐ ጉይያን እ ሄ ቢታን የለቴዳ አሳዳን ሺቂደ፥ ፓስጋ ቦንቻናዉ ዳንዳዬ። ሽን ቃጻረትቤና አሳይ ኡባካ አፐ ሞፖ። 
\v 49 ህንተንቱ ቢታን የለቴዳዎካ ህንተንቱ ግዶን በተ ግዲደ ደእያዋዉካ ሄ ዎጋይ እቱዋ” ያጌዳ።
\p
\v 50 እስራኤላቱ ኡባይ መና ጎዳይ ሙሳነ አሮና አዛዜዳዋዳንካ ኦድኖ። 
\v 51 ሄ ጋላስካ መና ጎዳይ እስራኤላቱዋ ኡንቱንቱ ጩጉዋን ጩጉዋን ግብጼ ጋድያፐ ከሴዳ።
\c 13
\s1 ባይራ የለቴዳ ኡባይ ጾሳዉ ዱማቴዳ
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “ባይራ የለቴዳ አቱማዋ ኡባ ታዉ ዱማያ። እስራኤልያ አሳ ግዶን ኡሉዋፐ የለቴዳ ባይራ ኡባይ፥ መህያ ግድና አሳ ግድና፥ ኡባይካ ታዋ” ያጌዳ።\x - \xo 13:2 \xo*\xt ፓይ. 3:13፤ ሉቃሳ 2:23\xt*\x*
\s1 እርሹ ገልቤና ኡክ ባላ
\p
\v 3 ሄዋፐ ጉይያን ሙሴ አሳ፥ “ግብጼፐ፥ አይለተ ጋድያፐ ህንተንቱ ከሴዳ ጋላሳ፥ ሀ ጋላሳ ሀሳይተ፤ አያዉ ጎፐ፥ መና ጎዳይ ባረ ዎልቃማ ኩሽያን ህንተንታ ከሴዳ፤ ሄዋ ድራዉ፥ እርሹ ገሌዳዋ ኡባካ ሞፕተ። 
\v 4 ህንተንቱ ሀቼ፥ ላይዉ ኮይሮ ግዴዳ አቢባ አግናን ከሲታ። 
\v 5 መና ጎዳይ ካናነቱዋ፥ ሂተቱዋ፥ አሞራዋናቱዋ፥ ሂዌቱዋነ ያቡሳዋናቱዋ ጋድያ ህንተንታ ጋያ ዎደ፥ ህንተንቱ ሀ ፓስጋ ሀ አግናን ቦንቺታ። ሄ ቢታይ ጾሳይ ህንተዉ እማና ማላ፥ ካሰ ህንተንቱ አዋቶ ጫቂ ዎዳ ቢታ። ሄ ቢታይ ማይነ ኤሳይ ጎግያ ቢታ። 
\v 6 ህንተንቱ ላፑን ጋላሳይ ጋካናዉ እርሹ የገትቤና ኡክ ማንታ፤ ላፑን ጋላሳይ መና ጎዳ ባላ ግዳናዋ። 
\v 7 ሄ ላፑን ጋላሳቱዋን እርሹ የገትቤና ኡክ ህንተንቱ ማና፤ ህንተንቱ ግዶን እርሹዋና ደእያባይ አያይነ ቤቶፖ፤ ነ ቢታ ዛዋን ሀቃንነ እርሹ ቤቶፖ።
\p
\v 8 “ሄ ጋላስ ኔን ነ ናአዉ፥ ‘ታን ሀዋ ኦያዌ፥ ታን ግብጼፐ ከስያ ዎደ፥ መና ጎዳይ ታዉ ኦዳዋ ሀሳያናሳ’ ያጋደ ኦዳ። 
\v 9 መና ጎዳይ ህንተንታ ባረ ዎልቃማ ኩሽያን ግብጼፐ ከሴዳ ድራዉ፥ መና ጎዳ ዎጋይ ህንተንቱ ዶናፐ ዎናዳን፥ ሀ ቦንቼትያ ጋላሳይ ነ ኩሽያን ቃቼዳነ ነ ዴሙዋን ዎዳ ሀሳይስያዋ ማላ ግዳና። 
\v 10 ሄዋ ድራዉ፥ ህንተንቱ ሀ ዎጋ ላይን ላይን አ ዎድያን ቦንችተ።
\s1 ባይራ ናኣ
\p
\v 11 “መና ጎዳይ ህንተንቱነ ህንተንቱ ማይዛ አዋቶ እማናዉ ጫቄዳዋዳን፥ እ ህንተንታ ካናነቱዋ ጋድያ ገልሲደ፥ ሄ ጋድያ ህንተንቶ እምያ ዎደ፥ 
\v 12 ኡሉዋፐ ባይራ የለቴዳ ኡባ መና ጎዳዉ ዱማያ፤ ነ ሚዛ ባይራ የለትያ አቱማዋ ኡባይ መና ጎዳዋ።\x - \xo 13:12 \xo*\xt ከሳ 34:19-20፤ ሉቃሳ 2:23\xt*\x* 
\v 13 ባይራ የለትያ ሀርያ ኡባ ዶርሳ ማራን ዎዛ አካ። ዎዘናዋ ግዶፐ፥ አ ሞርግያ መን፤ ነ አቱማ ናና ግዶን ባይራ የለቴዳዋንታ ኡባ ዎዛ። 
\v 14 ስንና ያና ዎድያን ነ ናአይ ኔና፥ ‘ሀዌ አዬ?’ ያጊደ ኦቾፐ፥ ኔን አ፥ ‘መና ጎዳይ ኑና ዎልቃማ ኩሽያን ግብጼፐ፥ አይለተ ጋድያፐ ከሴዳ፤ 
\v 15 ግብጼ ካቲ ዶንጭሊደ ኑና የደናን እጽና፥ መና ጎዳይ ግብጼ ጋድያን ደእያ ባይራ ኡባ፥ አሳፐ ዶሚደ መህያ ባይራ ጋካናዉ ዎዳ። ታን አት ኡሉዋፐ ኮይሮ የለቴዳ አቱማዋ ኡባ መና ጎዳዉ ያርሽያዌነ ታ ባይራ አቱማ ናና ታን ዎዝያዌ ሄዋሳ’ ያጋ። 
\v 16 መና ጎዳይ ኑና ባረ ዎልቃማ ኩሽያን ግብጼፐ ከሴዳዎ፥ ሀዌ ህንተንቶ ኩሽያን ቃቼዳነ ዴሙዋን ዎዳ ማላ ማላ ግዳናዋ” ያጌዳ።
\s1 ጾሳይ ባረ አሳ ካለ ሀኖታ
\p
\v 17 ካቲ አሳ የዴዳ ዎደ፥ ጾሳይ ኡንቱንታ ፕልስጼማ ቢታና አያ ኦጊ ማታ ግዶፐነ ሄ ኦግያና ካለቤና፤ አያዉ ጎፐ፥ ጾሳይ፥ “አሳይ ኦላ በኦፐ፥ ባረ ቆፋ ላሚደ፥ ጉየ ግብጼ ስመናዳን” ያጊደ ቆፔዳ። 
\v 18 ሄዋ ድራዉ፥ ጾሳይ አሳ መላ ቢታ ኦግያና ዩሺደ፥ ዞኦ አባኮ ካለዳ። እስራኤለቱ ግብጼ ጋድያፐ ኦላዉ ጊጊደ ፑደ ከሴድኖ። 
\v 19 ዮሴፎ እስራኤልያ አሳ ጫቀ ዎዳ ድራዉ፥ ሙሴ አ መቀ ባረናና አኪደ ቤዳ፤ ዮሴፎ ኡንቱንታ፥ “ጾሳይ ቱሙፐ ህንተንታ ማዳናዉ ያናዋ፤ ሄ ዎደ ህንተንቱ ታ መቀ ሀ ሳኣፐ ፑደ ህንተናና አኪደ ቢተ” ያጊደ ኦድ ዎዳ።\x - \xo 13:19 \xo*\xt ዶመ 50:25፤ ኢያሳ 24:32\xt*\x*
\s1 ታማነ ሻርያ ቱሳ
\p
\v 20 ኡንቱንቱ ሱኮተፐ ደንዲደ መላ ቢታ ዶናን ደእያ ኤታማን ኡቴድኖ። 
\v 21 መና ጎዳይ ኡንቱንቱ ጋላስነ ቃማ ሀመታና ማላ፥ ጋላሳን ኡንቱንታ ኦግያ በሳናዉ ሻርያ ቱሳን፥ ቃማን ኡንቱንቶ ፖእሳና ማላ ታማ ቱሳን ኡንቱንታ ካለዳ። 
\v 22 ጋላስ ሻርያ ቱሳይ ዎይ ቃማ ታማ ቱሳይ አሳ ስንፐ ክችቤና።
\c 14
\s1 ዞኦ አባ ፕኔድኖ
\p
\v 1-2 ሄዋፐ ጉይያን ሙሳ መና ጎዳይ፤ “ኡንቱንቱ ጉየ ስሚደ ምግዶላፐነ አባፐ ግዱዋን፥ ፕሃህሮታ ማታን ኡታናዳን ኦዳ፤ ኡንቱንቱ አባ ላንቂያን ባኣል-ጻፎና ስን መላ ቢታን ኡትኖ ያጌዳ። 
\v 3 ካቲ፥ ‘እስራኤላቱ መላ ቢታይ ጎርድና፥ ሀንያባ ዪደ ቢታን ጮ ቶይላካቲኖ’ ያጊደ ቆፓናዋ። 
\v 4 ታን ካትያ ዎዛና ዶንጭልሳና፤ እ ኡንቱንታ የደርሳና፤ ታን ካትያንነ አ ኦላንቻቱዋ ኡባን ቦንቼታና፤ ግብጼቱካ ታን መና ጎዳ ግድያዋ ኤራና” ያጌዳ። እስራኤላቱ እ ኦዴዳዋዳን ኦድኖ።
\s1 እስራኤላቱዋ ካትያ ፓራይ ካሌዳ
\p
\v 5 አሳይ ባቃት ድጌዳዋ ግብጼ ካትያዉ ኦድና፥ እነ አ ሱንቱ እስራኤላቶ ቆፔዳ ባረንቱ ቆፋ ላሚደ፥ “ኑን ሀዋ ዋቴቶ? ኑን እስራኤላቱዋ የዲደ፥ ኡንቱንቱ ኑዉ ኦያ ዎልቃፐ መላ አቴዶ” ያጌድኖ። 
\v 6 ሄዋ ድራዉ፥ እ ባረ ፓራ ጋርያ ኮሪደ፥ ባረ ኦላንቻቱዋ ባረናና አኪደ ደንዴዳ። 
\v 7 እ ኡሱፑን ጼቱ ዶረቴዳ ፓራ ጋረቱዋ፥ ግብጼ ጋድያን ደእያ ሀራ ጋረቱዋ ኡባና፥ ኡንቱንቱ ኡባዉ ካፑዋ ካፑዋ ሱንደ አኪደ ቤዳ። 
\v 8 መና ጎዳይ ግብጼ ጋደ ካትያ፥ ዎዛና ልስና፥ ጾሳ ዎልቃን ከሳ ቦላ ደእያ እስራኤልያ አሳ የደርሴዳ። 
\v 9 ሄዋፐ ጉይያን ግብጼ አሳቱ፥ ካትያ ፓራቱ ኡባይነ ፓራ ጋረቱ፥ ፓራ አሳቱነ ኦላንቻቱ እስራኤላቱዋ ካሊደ የደርሴድኖ። አባ ዶናን ባኣል-ጻፎና ስን ባዙዋን ደእያ ፕሃህሮታ ማታን ኡንቱንቱ ኡቴዳዋንታ ደሜድኖ።
\p
\v 10 ካቲ ማት ድግና፥ እስራኤላቱ ቁ ግ ጼልያ ዎደ፥ ግብጼቱ ኡንቱንቱ ጌዱዋ ካሊደ ዬዳዋ በኤድኖ፤ ያቲደ ዳሮፐ ያዪደ፥ መና ጎዳኮ ዋሴድኖ። 
\v 11 ኡንቱንቱ ሙሳ፥ “ኔን ኑና ግብጼን ዱፉ ይና መላ ቢታን ሀይቃናዳን ከሳዲየ? ኑና ግብጼፐ አያዉ አሃድ? 
\v 12 ግብጼን ደኢደ ኑን፥ ‘ኑና አጋ ባሻ፤ ኑን ግብጼቶ ሞደታና’ ያጊደ ነዉ ኦድበይኮየ? መላ ቢታን ሀይቃናፐ ኡንቱንቶ ሞደትያዌ ኑዉ ሎአ ሽን” ያጌድኖ።
\p
\v 13 ሽን ሙሴ አሳ፥ “ያዮፕተ፤ ምን ኤቂተ፤ መና ጎዳይ ሀቼ ህንተንታ አሽያ አሹዋ ህንተንቱ በአና። ሀቼ ህንተንቱ በእያ ግብጼቱዋ ላኤን ኡባካ በእክታ። 
\v 14 ህንተንቱ ድራዉ መና ጎዳይ ኦለታናዋ፤ ህንተንቱፐ ኮየትያዌ ጮኡ ጉሳ ጻላላ” ያጌዳ።
\p
\v 15 መና ጎዳይ ሙሳ፥ “ኔን ታኮ አያዉ ዋሳይ? እስራኤላቱ ስንዉ ሀመታና ማላ ኦዳ። 
\v 16 ነ ጻምኣ ደንደ አባ ቦላ ምጫ፤ ሃይ ላኡ ከሲደ ሻከታናዋ፤ እስራኤላቱካ መላ ቢታና አባ ፕኒደ ባናዋንታ። 
\v 17 ታን ግብጼቱዋ ዎዛና ዶንጭልስና፥ ኡንቱንቱ ህንተንቱ ጌዱዋ ካሊደ አባን ገላናዋንታ። ታን ካትያነ አ ኦላንቻቱዋ ኡባ ቦላን፥ አ ፓራ ጋረቱዋነ አ ፓራ አሳቱዋ ቦላን ቦንቹዋ ታዉ ደማና። 
\v 18 ታን ካትያ ቦላን፥ አ ፓራ ጋረቱዋ ቦላንነ አ ፓራ አሳቱዋ ቦላን ታዉ ቦንቹዋ ደሜዳ ዎደ፥ ታን መና ጎዳ ግድያዋ ግብጼቱ ኤራናዋንታ” ያጌዳ።
\p
\v 19 ሄዋፐ ጉይያን ጾሳ ኪታንቻይ፥ እስራኤልያ ኦላንቻቱዋፐ ስንና ሀመትያዌ፥ ጉየ አደ ኡንቱንቱፐ ጉየና ሀመቴዳ። ሻርያ ቱሳይካ ኡንቱንቱ ስንን ደእያ ሳኣፐ ጉየ ባጋ ዩዪደ፥ 
\v 20 ግብጼቱዋ ኦላንቻቱዋፐነ እስራኤለቱዋ ኦላንቻቱዋፐ ግዱዋን ኤቄዳ። ሄ ሻሪ ቃማ ኡባን እት ባጋና ምሲደ፥ ህንኮ ባጋና ፖእሴዳ፤ ያትና ቃማ ኡባ እቱ እቱዋኮ ሺቅበይክኖ።
\p
\v 21 ሄዋፐ ጉይያን ሙሴ አባ ቦላን ባረ ኩሽያ ምጬዳ፤ መና ጎዳይ ሄ ጋላስ ቃማ ኡባን አዋይ ዶልያ ባጋፐ ዎልቃማ ጫርኩዋ የዲደ፥ አባ ጉየ ዛሪደ መላ ቢታ ከሴዳ። ሃይ ሻከቴዳ። 
\v 22 እስራኤለቱ አባ ግዱዋና መላ ቢታን ሀመቲደ፥ ሃይ ኡንቱንቶ ኡሸቻናነ ሀድርሳና ጎዳዳን ኤቂና ቤድኖ።\x - \xo 14:22 \xo*\xt 1 ቆሮ. 10:1-2፤ እብራ. 11:29\xt*\x* 
\v 23 ግብጼቱ ኡንቱንታ የደርሴድኖ፤ ካትያ ፓራ ኡባቱ፥ አ ፓራ ጋረቱነ አ ፓራ አሳቱ ኡንቱንታ ካሊደ፥ አባ ግዶ ገሌድኖ። 
\v 24 ብሮ ዎንታ ባካሊ ዶላናፐ ካሰቲደ፥ መና ጎዳይ ታማነ ሻርያ ቱሳፐ ዱገ ዛሪደ፥ ግብጼቱዋ ኦላንቻቱዋ ጼሌዳ፤ ኡንቱንቱ ዎዛና ባይዜዳ። 
\v 25 ላጋይ ኡንቱንታ ዋይሳና ማላ፥ መና ጎዳይ ኡንቱንቱ ፓራ ጋረቱዋ ጎማ ቃዋ ድግና ግብጼቱ፥ “መና ጎዳይ ኡንቱንታ ማዲደ ግብጻ ኦልያ ድራዉ፥ አነ ኑን እስራኤልያ አሳፐ ባቃቶይተ” ያጌድኖ።
\p
\v 26 መና ጎዳይ ሙሳ፥ “ሃይ ግብጼቱዋ ቦላ፥ ኡንቱንቱ ፓራ ጋረቱዋ ቦላነ ኡንቱንቱ ፓራ አሳቱዋ ቦላ ጉየ ጎጋና ማላ፥ ነ ኩሽያ አባ ቦላን ምጫ” ያጌዳ።\fig ፓራይነ ፓራ ጋረቱ ኦላን|alt="Horses and chariots in battle" src="HK00191B.TIF" size="span" ref="14:6"\fig* 
\v 27 ሙሴ ባረ ኩሽያ አባ ቦላን ምጬዳ፤ ሳአይ ዎንትሽን፥ አባይ ባረ ካሰ ሳኣ ጉየ ስሜዳ፤ ግብጼቱ ያ አ ግዶ ባቃትሽን፥ መና ጎዳይ ግብጼቱዋ አባ ግዱዋን አ የጌዳ። 
\v 28 ሃይ ጉየ ስሚደ፥ ፓራ ጋረቱዋ ፓራ አሳቱዋና እስራኤላቱዋ ካሊደ አባ ገሌዳ ካትያ ኦላንቻቱዋ ኡባ ምት ባሼዳ፤ ኡንቱንቱፐ እቱነ አትቤና። 
\v 29 ሽን እስራኤለቱ አባ ግዱዋና መላ ቢታን ሀመቲደ፥ ሃይ ኡንቱንቶ ኡሸቻናነ ሀድርሳና ጎዳዳን ኤቂና ቤድኖ። 
\v 30 መና ጎዳይ ሄ ጋላስ እስራኤልያ አሳ ግብጼቱዋ ኩሽያፐ ሀዋዳን አሼዳ። ቃይ እስራኤለቱ ግብጼቱ ሀይቂደ ግሴዳዋንታ አባ ዶናን በኤድኖ። 
\v 31 እስራኤላቱካ መና ጎዳይ ግብጼቱዋ ቦላ በሴዳ ዎልቃማ ዎልቃ በኤዳ ዎደ፥ አሳይ መና ጎዳዉ ያዪደ አካ አ ቆማ ሙሳካ አማኔዳ።
\c 15
\s1 ሙሴ የ
\p
\v 1 ሄ ዎደ ሙሴነ እስራኤልያ አሳይ ሀ የ መና ጎዳዉ የጼድኖ፤
\q1 “ቦንቹዋን ሎይ ቁ ቁ ጌዳ ድራዉ፥
\q2 ታን መና ጎዳዉ ማዝሙርያ የጻና።
\q2 ፓራነ ፓራ ጋርያነ ቶጌዳዋንታ አባን ኦሌዳ።\x - \xo 15:1 \xo*\xt ሳፃ 15:3\xt*\x*
\q1
\v 2 መና ጎዳይ ታ ዎልቃነ ታ ማዝሙርያ፤
\q2 እ ታና አሽያዋ ግዴዳ።\x - \xo 15:2 \xo*\xt ማዝ. 118:14፤ ኢሳ. 12:2\xt*\x*
\q2 እ ታ ጾሳ፤ ታን አ ሳባና።
\q2 እ ታ አዉዋ ጾሳ፤
\q2 ታን አ ቁ ቁ ኦና።
\q1
\v 3 መና ጎዳይ ኤረቴዳ ኦላንቻ፤
\q2 አ ሱንይካ መና ጎዳ።
\q1
\v 4 ግብጼ ካትያ ፓራ ጋረቱዋነ
\q2 አ ኦላንቻቱዋ አባን ኦሌዳ።
\q2 ግብጼ ካትያ ካፓቱ፥
\q2 ኡባፐ አ ሎእያዋንቱ ዞኦ አባን ሙከቴድኖ።
\q1
\v 5 ጪሞ ሃይ ኡንቱንታ ካሜዳ፤
\q2 ኡንቱንቱ ሹቻዳን ጪሙዋን ምተቴድኖ።
\b
\q1
\v 6 “አቤት መና ጎዳዉ፥ ነ ኡሸቻ ኩሺ
\q2 ዎልቃን ጎቤዳዋ፤
\q2 መና ጎዳዉ፥ ነ ኡሸቻ ኩሺ
\q2 ሞርክያ መንሬዳ።
\q1
\v 7 ነ ቦንቹዋ ግታተን
\q2 ኔናና ጋዳቴዳዋንታ ኦላዳ።
\q2 ነ ኤጽያ ሀንቁዋ ኔን የድና፥
\q2 እ ኡንቱንታ ዳላዳን ሜዳ።
\q1
\v 8 ነ ሲያና ከስያ ሸምፑዋን
\q2 ሃይ ዶረቴዳ።
\q2 ጎግያ ሃይካ ጎዳዳን ምን ኤቄዳ፤
\q2 ጪሞ ሃይ አባ ጎምፓን እርኪደ ምኔዳ።
\b
\q1
\v 9 “ሞርኪ፥
\q2 ‘ታን ኡንቱንታ የደርሳደ ኦይቃና።
\q2 ታን ኡንቱንቱ ማጹዋ ሻካደ፥
\q2 ታ ኮዬዳዋ ኡባ አካና።
\q2 ታን ታ ማሻ ሾዳደ፥
\q2 ኡንቱንታ ይሳና’ ያጊደ ጬቀቴዳ።
\b
\q1
\v 10 “ሽን ነ ፔኑዋን ፑንና፥
\q2 አባይ ኡንቱንታ ካሜዳ።
\q2 ኡንቱንቱ ዎልቃማ ሃን
\q2 ብራታይ ምተትያዋዳን ምተቴድኖ።
\q1
\v 11 አቤት መና ጎዳዉ፥ ጾሳቱዋ ግዶን
\q2 ነ ማላይ ኦኔ?
\q2 ጌሻተን ቦንቼትያዌ፥
\q2 ቦንቹዋን ያየትያዌ፥
\q2 ማላልያባ ኦያዌ ነ ማላይ ኦኔ?
\q1
\v 12 ኔን ነ ኡሸቻ ኩሽያ ምጭና፥
\q2 ቢታይ ኡንቱንታ ምቴዳ።
\b
\q1
\v 13 “ኔን ዎዜዳ ነ አሳ
\q2 አገና ነ ሲቁዋን ካለዳ።
\q2 ኔን ነ ዎልቃን
\q2 ኡንቱንታ ኔን ደእያ ጌሻ ሳኣ ገልሳዳ።
\q1
\v 14 ካዉተቱ ሄዋ ስሲደ
\q2 ኮኮሬድኖ።
\q2 ፕልስጼማ ጋድያ አሳቱካ
\q2 የሉ ኦይቄዳዋዳን ኡንኤቴድኖ።
\q1
\v 15 ሄ ዎደ ኤዶማ ጋደ ካፓቱ ዳጋሜድኖ።
\q2 ሞኣበ ጋድያ ሞድያዋንታ
\q2 ያሻይ ኮኮርሴዳ።
\q2 ካናነ አሳቱዋ ሸኒ ሀይቄዳ።
\q1
\v 16 አቤት መና ጎዳዉ ዳጋማይነ ያሻይ ኡንቱንታ ኦይቂና፥
\q2 ኡንቱንቱ ነ ዎልቃ ግታተ በኢደ፥
\q2 ነ አሳይ አና ጋካናዉ፥
\q2 ኔን ዎዜዳ አሳይ አና ጋካናዉ፥
\q2 ሹቻዳን ሙሚደ ኤቂኖ።
\q1
\v 17 አቤት መና ጎዳዉ ኔን ኡንቱንታ አሃደ፥
\q2 ነ ቡዞ ጋደን ደእያ ደርያ ሁጲያን ቶከቴዳ ምዳ ዎ።
\q2 ሄ ሳአይ
\q2 ኔን ነዉ ደአናዉ ኦዳ ሳኣ፥
\q2 ሄ ጌሻ ሳአይ ኔን ነ ኩሽያን ምንሳደ ኤሴዳ ሳኣ።
\q1
\v 18 መና ጎዳይ መናፐ መናዉ ካዉታናዋ።”
\p
\v 19 ግብጼ ካትያ ፓራቱ፥ አ ፓራ ጋረቱነ አ ፓራ አሳቱ አባን ገሌዳ ዎደ፥ መና ጎዳይ ኡንቱንቱ ቦላ አባ ሃ ጉየ ዛሪደ ኡንቱንቱ ቦላ አሄዳ፤ ሽን እስራኤላቱ አባ ግዱዋና መላ ቢታን ሀመቲደ ቤድኖ ያግ የጼድኖ።
\s1 ማይራም የ
\p
\v 20 አሮና ምቻታ፥ ናባታ ማይራማ ዳርቢያ አካዱ፤ ማጫ አሳይ ኡባይ ዳርቢያ ባቂደነ የጺደ እዞ ካሌድኖ። 
\v 21 ማይራማ ኡንቱንቶ የ የጻደ፥
\q1 “መና ጎዳይ ሎይ ቁ ቁ ጌዳ ድራዉ፥
\q2 አዉ የጽተ።
\q1 ፓራነ ፓራ ቶጌዳዋ
\q2 እ አባን ኦሌዳ” ያጋደ የጻዱ።
\ms ዞኦ አባፐ ሲና ደርያ ጋካናዉ
\mr (15:22—18:27)
\s1 ጫምያ ሃነ ሎኦ ጮራ ፑልቱዋ
\p
\v 22 ሄዋፐ ጉይያን ሙሴ እስራኤልያ ዞኦ አባፐ ካለና፥ ኡንቱንቱ ሱር ጌተትያ መላ ቢታ ቤድኖ። ሄ መላ ቢታን ኡንቱንቱ ሃ ደመናን ሄዙ ጋላሳ ሀመቴድኖ። 
\v 23 ኡንቱንቱ ማራ ግያ ሳኣ ጋኬዳ ዎደ፥ ማራ ሃይ ጫሞ ግዴዳ ድራዉ፥ ኡሻናዉ ዳንዳይበይክኖ፤ ሄዋ ድራዉ፥ ሄ ሳአይ ማራ\f + \fr 15:23 \fr*\fq ማራ፦ \fq*\ft ሀ ሱን ብለይ እብራዌዋን “ጫሙዋ” ግያዋ።\ft*\f* ጌተቴዳ። 
\v 24 ሄዋ ድራዉ፥ አሳይ፥ “ኑን አያ ኡሻኔ?” ያጊደ ሙሴ ቦላ ዙዙሜዳ። 
\v 25 ሙሴ መና ጎዳዉ ዋሴዳ፤ መና ጎዳይ አ እት ም በሴዳ፤ ሙሴ ሄ ም ሃ ግዶ ኦልና፥ ሃይ ማልኤዳ። መና ጎዳይ ኡንቱንቶ ካለሰትያ ዎጋ እሜዳ፤ ያን ጾሳይ ኡንቱንታ ፓጬዳ። 
\v 26 እ ኡንቱንታ ሀዋዳን ያጌዳ፤ “መና ጎዳይ ህንተንቱ ጾሳይ ኦድያዋ ምንሲደ ስሶፐነ አ አይፍያ ስንን ልከባ ኦፐ፥ ህንተንቱ አ አዛዙዋ ሀይዞፐነ አ ዎጋ ኡባ ናጎፐ፥ ታን ግብጼቱዋ ቦላ አሄዳ ሀርግያፐ እቱዋነ ህንተንቱ ቦላ አህከ፤ አያዉ ጎፐ፥ ታን ህንተንታ ፓያ መና ጎዳቴ” ያጌዳ።
\p
\v 27 ሄዋፐ ኡንቱንቱ ኤላማ ጋድያ ዬድኖ፤ ያን ታማነ ላኡ ሃ ፑልቶቱነ ላፑን ታሙ ዛምባ ምቱ ደኢኖ። ኡንቱንቱ ያን ሃ ዶናን ኡቴድኖ።
\c 16
\s1 መና ጎዳይ ማናነ አካቱዋ ቡክሴዳ
\p
\v 1 ግብጼፐ ከሴዳ ላኤን አግናን፥ ታማነ እቼሻን ጋላሳን እስራኤልያ አሳ ኩመንይ ኤሊማፐ ደንዲደ፥ ኤሊማፐነ ሲናፐ ግዱዋን ደእያ “ሲን” ጌተትያ መላ ቢታ ዬዳ። 
\v 2 እስራኤልያ አሳ ኡባይ መላ ቢታን ሙሴ ቦላነ አሮና ቦላ ዙዙሜድኖ። 
\v 3 እስራኤላቱ ኡንቱንታ፥ “ኑን ግብጼ ጋድያን መና ጎዳ ኩሽያን ሀይቄዶ ግዴሮኮሻ! ያን ኑን ኑዋ አሹዋ ከርያ ዩይ አ ኡቲደ፥ ኑን ኮዮ ቁማ ኡባ ሜዶ፤ ሽን ህንተንቱ ኑና ከሲደ፥ ኡባቱዋ ኮሻን ዎናዉ መላ ቢታ አሄድቴ?” ያጌድኖ።
\p
\v 4 መና ጎዳይ ሙሳ፥ “ታን ህንተንቶ ሳሉዋፐ ኡክ ቡክሳና፤ አሳይ ኡባ ጋላስካ ከሲደ፥ ሀቼ ሀቼዉ ግድያዋ ጻላላ ማጻናዉ ኮሼ። አሳይ ታ አዛዙዋ ካልንቶ ካለነንቶ ታን ኡንቱንታ ሄዋን ፓጫና።\x - \xo 16:4 \xo*\xt ዮሃ. 6:31\xt*\x* 
\v 5 ኡሱፑን ጋላስ ኡንቱንቱ ሀሮደ ማጽያዎ ላኡ ኩሽያ ማጺደ፥ ካኖ” ያጌዳ።
\p
\v 6 ሄዋ ድራዉ፥ ሙሴነ አሮነ እስራኤልያ አሳ ኡባዉ፥ “ህንተና ግብጼ ጋድያፐ ከሴዳ መና ጎዳ ግድያዋ ኦማርስ ህንተንቱ ኤራና፤ 
\v 7 ቃይ መና ጎዳ ቦንቹዋ ዎንታ ህንተንቱ በአና፤ አያዉ ጎፐ፥ አ ቦላ ህንተንቱ ዙዙሜዳዋ እ ስሴዳ፤ ህንተንቱ ኑ ቦላ ዙዙማናዉ ኑን ኦኔ?” ያጌድኖ። 
\v 8 ሄዋፐ ጉይያን ሙሴ፥ “እ ህንተንቶ ማናዉ ኦማርስ አሹዋ እሚናነ ህንተንቱ ኮይያ ኡክ ኡባ ህንተንቶ ዎንታ እምና፥ እ መና ጎዳ ግድያዋ ህንተንቱ ሄዋን ኤራና። አያዉ ጎፐ፥ ህንተንቱ አ ቦላ ዙዙሜዳዋ እ ስሴዳ። ኑን ኦኔ? ህንተንቱ ኑ ቦላ ዙዙምክታ፤ ህንተንቱ መና ጎዳ ቦላ ዙዙሚታ” ያጌዳ።
\p
\v 9 ሙሴ አሮና፥ “ኔን እስራኤልያ አሳ ኡባ፥ ‘መና ጎዳይ ህንተንቱ ዙዙን ስሴዳ ድራዉ፥ መና ጎዳ ስን ሃ ሺቅተ’ ያጋ” ያጌዳ። 
\v 10 አሮነ እስራኤልያ አሳ ኡባዉ ኦድያ ዎደ፥ ኡንቱንቱ መላ ቢታኮ ስሚደ ጼሌድኖ፤ ሄዋን መና ጎዳ ቦንቹ ሻርያ ግዶን ቆንጭያዋ በኤድኖ። 
\v 11-12 መና ጎዳይ ሙሳ፥ “ታን እስራኤላቱ ዙዙን ስሳድ፤ ኔን ኡንቱንቶ፥ ‘ኦማርሳን አሹዋ ህንተንቱ ማና፤ ዎንታ ኡክ ህንተንቱ ካላና፤ ሄ ዎደ ህንተንቱ ታን መና ጎዳ ህንተንቱ ጾሳ ግድያዋ ኤራና’ ያጋደ ኦዳ” ያጌዳ።
\p
\v 13 ሄ ጋላስ ኦማርሳን አሹ ሜተትያ ካፎቱ ዪደ፥ እስራኤልያ አሳይ ደእያ ሳኣ ማዬድኖ፤ ቃይ ዎንታ ኡንቱንቱ ዱንካነቱዋ ዩሹዋን ከተርሳይ ኩም ኡቴዳ። \fig አሹ መተቲያ ካፎቱዋ|alt="Israelites gathering quail" src="CO00854B.TIF" size="col" ref="16:13"\fig* 
\v 14 ከተርሳይ ጽኤዳ ዎደ፥ ሳኣን ዎዳ ሻቻ ማላትያ ሱፓ ፖቁ መላ ቢታ ቦላን ቤቴዳ። 
\v 15 እስራኤለቱ ሄዋ በኤዳ ዎደ፥ ኡንቱንቱ እቱ እቱዋ፥ “ሀዌ አዬ?”\x - \xo 16:15 \xo*\xt 1 ቆሮ. 10:3\xt*\x* ያጌድኖ። አያዉ ጎፐ፥ ኡንቱንቱ እ አየንቶ ኤርበይክኖ።
\p ያትና ሙሴ ኡንቱንታ፥ “ህንተንቶ ማናዉ መና ጎዳይ እሜዳ ኡክይ ሀዋ። 
\v 16 መና ጎዳይ ሀዋዳን ያጊደ አዛዜዳ፤ ‘ጎለ አሳዉ አዎትያዌ፥ እቶ እቶ ማናዉ ኮሽያዋ ኬሻ ሺሾ፤ ህንተንቱ ዱንካንያ ግዶን ደእያ አሳይ ሁጲያን ሁጲያን ላኡ ጻሳ ግድያዋ አክተ’ ጌዳ” ያጌዳ።
\p
\v 17 እስራኤላቱ ሙሴ ኡንቱንቶ ኦዴዳዋዳን ኦድኖ፤ እቱ ዳርሲደ፥ እቱ ላፈደ ሺሼድኖ። 
\v 18 ኡንቱንቱ ጻሳን ማኬዳ ዎደ፥ ዳርሲደ ሺሼዳዎ ፓላህቤና፤ ላፋ ሺሼዳዎ ፓጭቤና፤ ኡባይካ ሁጲያን ሁጲያን ባረዉ ምያዋ ኬሻ ሺሼዳ።\x - \xo 16:18 \xo*\xt 2 ቆሮ. 8:15\xt*\x* 
\v 19 ሄዋፐ ጉይያን ሙሴ ኡንቱንታ፥ “ኦንነ አፐ ዎንትዉ አሾፖ” ያጌዳ። 
\v 20 ግዶ ሽን ኡንቱንቱፐ እቱ እቱ ሙሴ ኦድያዋ አከናን አጊደ፥ ሄዋ ዎንታ ጋካናዉ ዎድኖ፤ ሄዌ ጉጹኒደ ጽንቄዳ። ሄዋ ድራዉ፥ ሙሴ ኡንቱንታ ሀንቀቴዳ። 
\v 21 ዎንታ ዎንታ አሳይ ኡባይ ባረዉ ኮሽያዋ ሺሼዳ፤ አዋይ ሆእያ ዎደ ሳኣን አቴዳዌ ሲል አጌዳ።
\p
\v 22 ኡሱፑን ጋላሳን ኡንቱንቱ ካሰዋፐ ላኡ ኩሽያ ሺሼድኖ። ያትና ኡንቱንቱ ካፓቱ ኡባቱ ዪደ ሄዋ ሙሴዉ ኦዴድኖ። 
\v 23 እ ኡንቱንታ፥ “መና ጎዳይ አዛዜዳዌ ሀዋ፤ ዎንት ኪታይ ባይና ሸምፖ ጋላሳ፥ መና ጎዳዉ ጌሻ ሳምባታ። ሄዋ ድራዉ፥ ህንተንቱ ኡክያዋ ኡክተ፤ ህንተንቱ ዶይስያዋነ ዶይስተ፤ ፓላሄዳዋ ዎንትዉ አሽተ” ያጌዳ።\x - \xo 16:23 \xo*\xt ከሳ 20:8-11\xt*\x* 
\v 24 ሄዋ ድራዉ፥ ኡንቱንቱ ሙሴ አዛዜዳዋዳን ዎንትዉ ዎና ጽንቂቤና ዎይ ጉጹንቤና። 
\v 25 “ሀቼ ሚተ፤ አያዉ ጎፐ፥ ሀቼ መና ጎዳ ሳምባታ፤ ህንተንቱ አ ሀቼ ደምባን ደምክታ። 
\v 26 ህንተንቱ ኡሱፑን ጋላሳን አ ሺሻናዉ ዳንዳዪታ፤ ሽን ላፑን ጋላሳይ ሳምባታ። ሳምባታን አያይነ ደኤና” ያጌዳ።
\p
\v 27 ላፑን ጋላሳን እት እት አሳይ ሺሻናዉ ከሴዳ፤ ሽን ኡንቱንቱ አይነ ደምበይክኖ። 
\v 28 መና ጎዳይ ሙሳ፥ “ታ አዛዛቱዋነ ታ ህግያ ናግያዋ አዉደ ጋካናዉ እጺቴ? 
\v 29 መና ጎዳይ ህንተንቶ ሳምባታ እሜዳዋ አኬክተ፤ ኡሱፑን ጋላሳን እ ህንተንቶ ላኡ ጋላሳ ኡክ እምያዌ ሄዋ ድራሳ። ላፑን ጋላስ ኡባይ ባረ ደእያ ሳኣን ደእያ ሳኣን ጋምኦ፤ ኦንነ ካረ ከሶፖ” ያጌዳ። 
\v 30 ሄዋ ድራዉ፥ አሳይ ላፑን ጋላሳን ሸምፔዳ።
\p
\v 31 እስራኤልያ አሳይ ሄ ኡክ ማና\f + \fr 16:31 \fr*\fq ማና፦ \fq*\ft ሀ ቃላ ብለይ እብራዌዋን “ሀዌ አዬ” ግያዋ።\ft*\f* ጊደ ሱንዳ። ማናይ ዴቡዋ አይፍያዳን ቦ፤ ኤሳና ኡኬዳ ኡክዳን ማልኤ። 
\v 32 ሙሴ እስራኤልያ አሳ፥ “መና ጎዳይ አዛዜዳዌ ሀዋ፤ ‘ታን ህንተንታ ግብጼ ጋድያፐ ከሴዳ ዎደ፥ ዎራን ምዜዳ ኡክ ኡንቱንቱ በአና ማላ፥ ማናፐ ላኡ ጻሳ ግድያዋ ህንተንቱ ያና የለታዉ አሽ ዎተ’ ያጊደ አዛዜዳ” ያጌዳ።
\p
\v 33 ሙሴ አሮና፥ “እት ጻሩዋ አካደ ላኡ ሊትሮ ኩመን ማና አን ቆላ፤ ያታደ ያና የለታዉ ምንጀታና ማላ፥ መና ጎዳ ስንን ዎ” ያጌዳ።\x - \xo 16:33 \xo*\xt እብራ. 9:4\xt*\x*
\p
\v 34 መና ጎዳይ ሙሳ አዛዜዳዋዳን ምንጀታና ማላ፥ አሮነ ማና ጾሳ ስንን ዎዳ። 
\v 35 እስራኤላቱ ባረንቱ ደእያ ጋደ ያና ጋካናዉ ኦይታሙ ላይ ማና ሜድኖ፤ ኡንቱንቱ ካናነ ጋደ ባጋ ጋካናዉ ማና ሚደ ደኤድኖ።\x - \xo 16:35 \xo*\xt ኢያሳ 5:12\xt*\x* 
\v 36 አሳይ ማክያ ኤረቴዳ ቁንአይ ላኡ ጻሳፐ ታሙ ዳኩዋ ዳሬ።
\c 17
\s1 ዛላፐ ሃይ ፑልቴዳ
\r (ፓይ. 20:1-13)
\p
\v 1 እስራኤለቱዋ ማባራ ኡባይ መና ጎዳይ አዛዜዳዋዳን፥ እት ሳኣፐ ሀራ ሳኣ ዩዪደ፥ ሲን መላ ቢታፐ ደንድ ቢደ፥ ራፍዲማ ጌተትያ ሳኣን ኡቴድኖ። ሽን አሳይ ኡሻናዉ ሃይ ሄ ሳኣን ዬዳ። 
\v 2 ኡንቱንቱ ሙሴና ዋላቀቲደ አ፥ “ኑዉ ኡሻናዉ ሃ እማ” ያጌድኖ።
\p ሙሴ ዛሪደ፥ “ህንተንቱ ታናና አያዉ ዋላቀቲቴ? መና ጎዳ ህንተንቱ አያዉ ፓጪቴ?” ያጌዳ።
\p
\v 3 ሽን አሳይ ያን ሃ ሳመቲደ፥ ሙሴ ቦላ ዙዙሜድኖ። ኡንቱንቱ አ፥ “ኔን ኑና፥ ኑ ናናነ ኑ መህያ ሳሙዋን ዎናዉ ግብጼፐ ከሳደ ፑደ አያዉ አሃድ?” ያጌድኖ።
\p
\v 4 ሙሴ፥ “ታን ሀ አሳ ዋቶ? ኡንቱንቱ ታና ሹቻን ጫዳና ሀኒኖ” ያጊደ መና ጎዳኮ ዋሴዳ።
\p
\v 5 መና ጎዳይ ሙሳ፥ “ኔን አሳፐ ስንዉ ሀመታ፤ እስራኤልያ አሳ ጭማቱዋፐ ኔናና አፋ፤ እን ኔን ናይለ ሻፋ ሃ ሾጬዳ ጻምኣ ነ ኩሽያን ኦይቃደ ባ። 
\v 6 ታን ሲና ደርያ ዛላ ቦላ ነ ስንን ኤቃና፤ ኔን ሄ ዛላ ሾጫ፤ አሳይ ኡሻናዉ አፐ ሃይ ከሳናዋ” ያጌዳ። ሙሴ እስራኤልያ ጭማቱዋ ስንን ሄዋዳን ኦዳ።
\p
\v 7 እስራኤላቱ፥ “መና ጎዳይ ኑ ግዶን ደኢየ ባዌ?” ያጊደ ዋላቀቴዳ ድራዉነ መና ጎዳ ፓጬዳ ድራዉ፥ ሄ ሳአይ ማሳሀነ ማሪባ ጌተቲደ ሱንቴዳ።
\s1 እስራኤላቱ አማሌቃቱዋ ጾኔድኖ
\p
\v 8 አማሌቃቱ ዪደ፥ ራፊድማን እስራኤላቱዋና ኦላ ጋከቴድኖ። 
\v 9 ሙሴ ኢያሳ፥ “ኔን ኑዉ አሳ ዶራደ፥ ከሳደ አማሌቃቱዋና ኦለታ፤ ታን ዎንት ጾሳ ጻምኣ ኦይቃደ፥ ዞዝያ ሁጲያን ኤቃና” ያጌዳ።
\p
\v 10 ሄዋፐ ጉየ ኢያሱ ሙሴ ጌዳዋዳን፥ አማሌቃቱዋና ኦለቴዳ። ሙሴ፥ አሮነነ ሁር ዞዝያ ሁጲያ ከሴድኖ። 
\v 11 ሙሴ ባረ ኩሽያ ደን ጋምኤዳ ኬናን ኡባን እስራኤላቱ ጾኒኖ፤ ሽን እ ባረ ኩሽያ ዱገ ዎዳ ዎደ አማሌቃቱ ጾኒኖ። 
\v 12 ሙሴ ኩሺ አርጋጬዳ ዎደ፥ ኡንቱንቱ ሹቻ አክ ዪደ፥ ሙሳ አ ቦላ ኡትሴድኖ። አሮነነ ሁር እቱ እት ባጋና እቱ ህንኮ ባጋና ግዲደ፥ አ ኩሽያ ስት ኦደ ኦይቄድኖ። ያትና አዋይ ዉላና ጋካናዉ አ ኩሺ ስት ጊደ ታኬዳ። 
\v 13 ሄዋ ድራዉ፥ ኢያሱ አማሌቃቱዋ ኦላንቻቱዋ ማሻን ጾኔዳ።
\p
\v 14 ሄዋፐ ስምና፥ ሙሳ መና ጎዳይ ሀዋዳን ያጌዳ፤ “ሀዌ ኡባ ገደ ቆፈታና ማላ ሀዋ ማጻፋን ጻፋ። ያታደ ኢያሳ ስሰናን አጎፓ፤ አያዉ ጎፐ፥ ሳሉዋፐ ጋርሳን ታን አማሌቃ አሳቱዋ ዛር ቆፈተናዳን ጭራና ይሳና” ያጌዳ።\x - \xo 17:14 \xo*\xt ዛረ. 25:17-19፤ 1 ሳሜላ 15:2-9\xt*\x* 
\v 15 ሙሴ ያርሹዋ ያርሽያ ሳኣ ኬጺደ፥ “መና ጎዳይ ታዉ ጾኑዋ እሜ” ጊደ ሱንዳ። 
\v 16 እ ሀዋዳን ያጌዳ፤ “ኩሸቱ ፑደ መና ጎዳ ካዉተ አራታኮ ደንዴድኖ፤ የለታፐ የለታ ጋካናዉካ መና ጎዳይ አማሌቃቱዋና ኦለታናዋ” ያጌዳ።
\c 18
\s1 ዮቶረ ሙሳ ጾሞሴዳ
\p
\v 1 ሚድያማ ጋደ ቄሲ፥ ሙሴ ቦሉ ዮቶረ፥ ጾሳይ ሙሴዉነ አ አሳ እስራኤልያዉ ኦዳባ ኡባነ መና ጎዳይ እስራኤልያ ግብጼፐ ከሴዳዋ ስሴዳ።
\p
\v 2-3 ሄ ዎደ ሙሴ ቦሉ፥ ዮቶረ፥ ሙሴ አኮ የዲደ ቤዳ አ ማቻቶ ጽፓሮነ እዝ ላኡ ናና አሄዳ። ኡንቱንቱፐ እቱዋ ሱንይ ገርሾማ፤\f + \fr 18:2-3 \fr*\fq ገርሾማ፦ \fq*\ft ሀ ሱን ብለይ እብራዌዋ ቃላን “በትያ” ግያዋ።\ft*\f* አያዉ ጎፐ፥ ሙሴ፥ “ታን አሳ ጋድያን በተ ግዳድ” ያጌዳ።\x - \xo 18:2-3 \xo*\xt ከሳ 2:21-22\xt*\x* 
\v 4 ላኤንዋ ሱንይ ኤልኣዛራ፤\f + \fr 18:4 \fr*\fq ኤልኣዛራ፦ \fq*\ft ሀ ሱን ብለይ እብራዌዋ ቃላን “ጾሳይ ታና ማዴ” ግያዋ።\ft*\f* አያዉ ጎፐ፥ እ፥ “ታ አዉዋ ጾሳይ ታና ማዴዳዋ፤ እ ታና ግብጼ ካትያ ማሻፐ አሼዳ” ያጌዳ።
\p
\v 5 ሙሴ ቦሉ ዮቶረ አ አቱማ ናናነ አ ማቻትና ጾሳ ደርያ ማታን ደእያ ሙሴኮ መላ ቢታ ዬዳ። 
\v 6 እ ሙሳ፥ “ታን፥ ነ ቦሉ ዮቶረ፥ ነ ማቻትናነ እዝ ላኡ ናናቱዋና ኔኮ ያይ” ያጊደ አኮ ኪት ዎዳ።
\p
\v 7 ሄዋ ድራዉ፥ ሙሴ ባረ ቦሉዋና ጋከታናዉ ከሲደ፥ አዉ ጎይኔዳ፥ አ የሬዳ። ኡንቱንቱ እቱ እቱዋ ሳሮደ፥ ዱንካንያ ግዶ ገሌድኖ። 
\v 8 መና ጎዳይ እስራኤልያ አሳ ድራዉ፥ ካትያ ቦላነ ግብጼቱዋ ቦላ ኦዳ ኡባ፥ ኦግያን ኡንቱንታ ጋኬዳ ዳቡራባ ኡባነ መና ጎዳይ ኡንቱንታ አሼዳዋ ሙሴ ባረ ቦሎ ኦዴዳ።
\p
\v 9 እስራኤልያ አሳ ግብጼቱዋ ኩሽያፐ አሻናዉ መና ጎዳይ ኦዳ ሎኦ ኦሶቱዋባ ኡባ ስሲደ፥ ዮቶረ ናሸቴዳ። 
\v 10 ያቲደ “ህንተና ግብጼቱዋ ኩሽያፐነ ካትያ ኩሽያፐ አሼዳ መና ጎዳይ፥ ግብጼቱዋ ኩሽያፐ አሳ ከስ አኬዳዌ፥ እ ጋላተቶ። 
\v 11 መና ጎዳይ ሀራ ጾሳቱዋፐ ኡባፐ ዎልቃማ ግድያዋ ታን ሀእ ኤራድ፤ አያዉ ጎፐ፥ እ ሀ እስራኤልያ አሳ ቦላ ኦተረቴዳ ግብጼ ጾሳቱዋ ቦላ ሀዋ ኦዳ” ያጌዳ። 
\v 12 ሄዋፐ ጉይያን ዮቶረ፥ ሙሴ ቦሉ፥ ሹከቲደ ፖሎ ጹገትያ እት መህያ ያርሹዋነ ሀራ ያርሾ ሹከቴዳ አሹ ሜተትያ መህያ ያርሹዋ ጾሳዉ አሄዳ፤ አሮነነ እስራኤልያ ጭማቱ ኡባይ ጾሳ ስንን ሙሴ ቦሉዋና ቁማ ማናዉ ዬድኖ።
\s1 ዳናቱ ሱንቴድኖ
\r (ዛረ. 1:9-18)
\p
\v 13 ዎንተ ጋላስ ሙሴ አሳዉ ፕርዳናዉ ኡቴዳ፤ አሳይ ሙሴ ዩሹዋን ዎንታፐ ኦማርስ ጋካናዉ ኤቄዳ። 
\v 14 ሙሴ ቦሉ ሙሴ አሳዉ ኦያዋ ኡባ በኢደ፥ “ኔን ሀ አሳዉ ኦያዌ ሀዌ አዬ? አሳይ ኡባይ ዎንታፐ ዶሚደ ኦማርስ ጋካናዉ ነ ዩሹዋን ኤቂደእሽን፥ ኔን ኔረካ ዳናዳን አያዉ ኡታድ?” ያጌዳ።
\p
\v 15 ሙሴ ባረ ቦሉዋ፥ “አሳይ ጾሳ ሸንያ ኦቻናዉ ታኮ ይያ ድራሳ። 
\v 16 ኡንቱንቶ የዉ ደኦፐ ታኮ ዪኖ፤ ታን እት ኡራ ግዱዋንነ አ ሾሩዋ ግዱዋን ፕርዳይ፤ ጾሳ አዛዙዋነ ዎጋ ኡንቱንታ ኤርሳይ” ያጌዳ።
\p
\v 17 ሙሴ ቦሉ፥ “ሀዌ ኔን ኦያባይ ሎኤና። 
\v 18 ኔንነ ኔናና ደእያ አሳይ ዳቡራ ጻላላ ግዲታ፤ ሀ ኪታይ ነዉ ሎይ ዴጾ፤ ኔን ሀዋ ኔረካ ኦናዉ ዳንዳያካ። 
\v 19 አነ ሀእ ታን ኦድያዋ ስሳ፤ ታን ኔና ዞራና፤ ጾሳይ ኔናና ግዶ። ኔን ሀ አሳ ድራዉ ጾሳ ስን አ፤ ኔን ኡንቱንቱ የዉዋ ጾሳኮ አሀ። 
\v 20 አዛዙዋነ ዎጋ ኡንቱንታ ኔን ታማርሳ፤ ኡንቱንቱ ደአና ማራነ ኦና ኦሱዋ ኡባ ኡንቱንታ በሳ። 
\v 21 ቃይ አሳ ኡባ ግዶን ዳንዳይያ አሳቱዋ፥ ጾሳዉ ያይያዋንታ፥ አማነቴዳዋንታነ ማጋንጻ ምያዋ እጽያዋንታ ዶራደ ኡንቱንቱፐ አሳዉ ሻኣ ካፓቱዋ፥ ጼቱዋ ካፓቱዋ፥ እሻታሙዋ ካፓቱዋነ ታሙዋ ካፓቱዋ ሱን። 
\v 22 ኡንቱንቱ ኡባ ዎደ አሳዉ ፕርድኖ፤ ሽን ዋይስያ የዉዋ ኡባ ኔኮ አህኖ፤ ዋይሰና የዉዋ ኡባ ኡንቱንቱ ዉርስኖ። ኡንቱንቱ ኔናና ሻከትያ ድራዉ፥ ቶኩ ነዉ ካዉሻናዋ። 
\v 23 ኔን ሄዋዳን ኦፐነ ሀዌ ጾሳ አዛዞ ግዶፐ፥ ኔን ዳንዳያና። ቃይ ሀ አሳይ ኡባይካ ባረ አላሊ ፖለትና፥ ባረ ሶ ባረ ሶ ባናዋ” ያጌዳ።
\p
\v 24 ሙሴ ባረ ቦሉዋ ቃላ ስሴዳ፤ እ ጌዳዋ ኡባካ ኦዳ። 
\v 25 ሙሴ እስራኤልያ ኡባ ግዶፐ ዳንዳይያ አሳቱዋ ዶሪደ አሳ ካለያ ሻኣ ካፓቱዋ፥ ጼቱዋ ካፓቱዋ፥ እሻታሙዋ ካፓቱዋነ ታሙዋ ካፓቱዋ ሱንዳ። 
\v 26 ኡንቱንቱ አሳዉ ኡባ ዎደ ፕርዴድኖ፤ ኡንቱንቱ ባረና ዴጼዳ የዉዋ ሙሴኮ አሄድኖ፤ ሽን ዴጸና የዉዋ ኡባ ኡንቱንቱ ዉርሴድኖ።
\p
\v 27 ሄዋፐ ጉይያን ሙሴ ባረ ቦሉዋ ሞይዝና ዮቶረ ባረ ጋድያ ስሜዳ።
\c 19
\ms ህግያነ ቃላ ጫቁዋ
\mr (19:1—24:18)
\s1 ጾሳይ ሲና ደርያን ቆንጬዳ
\p
\v 1 እስራኤልያ አሳይ ግብጼፐ ከሴዳ ሄዘን አግናን ሄ ኮይሮ ጋላሳን ሲና መላ ቢታ ጋኬድኖ። 
\v 2 ኡንቱንቱ ራፊድመፐ ደንዲደ ሲና መላ ቢታ ቢደ፥ ሄዋን ደእያ ደርያ ስን መላ ቢታን ኡቴድኖ።
\p
\v 3 ሙሴ ጾሳኮ ፑደ ደርያ ሁጲያ ከስና፥ መና ጎዳይ ደርያ ሁጲያን አ ጼሲደ፥ “ኔን ያቆባፐ የለቴዳ እስራኤልያ አሳዉ ሀዋዳን ያጋደ ኦዳ፤ 
\v 4 ‘ታን ግብጼቱዋ ቦላ አያ ኦድታንቶነ ቃይ አርጋን ቀፍያን ታን ህንተንታ ዋታ ቶካደ ታኮ አሃድታንቶነ ህንተንቱ ህንተንቱ ሁጲያዉ በኤድታ። 
\v 5 ስም ሀእ ህንተንቱ ታዉ ሎይ አዛዘቶፐነ ታ ቃላ ጫቁዋ ናጎፐ፥ አሳ ኡባ ግዶን ህንተንቱ ታዉ ቡዞ ግዳና። ኩመን ሳአይ ታዋ ግዶፐነ\x - \xo 19:5 \xo*\xt ዛረ. 4:20፤ 7:6፤ 14:2፤ 26:18፤ ቲቶ 2:14\xt*\x*\x - \xo 19:5-6 \xo*\xt 1 ጰጽ. 2:9\xt*\x* 
\v 6 ህንተንቱ ታ ካዉተ ቄሳቱዋነ ጌሻ አሳ ግዳና’ ያጋ፤ ኔን እስራኤላቶ ኦዳና ቃላይ ሀዋ” ያጌዳ።\x - \xo 19:6 \xo*\xt ሳፃ 1:6፤ 5:10\xt*\x*
\p
\v 7 ሙሴ ጉየ ስም ቢደ፥ አሳ ካለያዋንታ ጼስ ሺሺደ፥ መና ጎዳይ ኦዳ ጌዳ ሀ ቃላቱዋ ኡባ ኡንቱንቶ ኦዴዳ። 
\v 8 አሳይ ኡባይ እት ዶና ግዲደ፥ “መና ጎዳይ ጌዳዋ ኡባ ኑን ኦና” ያጌድኖ። ሙሴካ ኡንቱንቱ ጌዳዋ መና ጎዳኮ አፌዳ።
\p
\v 9 መና ጎዳይ ሙሳ፥ “ታን ኔናና ሃሳይሽን አሳይ ስሳናዳንነ ኡንቱንቱ ኔናን ኡባ ዎደካ አማነታናዳን፥ ታን ኔኮ ዎልቃማ ሻርያ ግዱዋና ያና” ያጌዳ። ሄዋፐ ጉይያን ሙሴ አሳይ ጌዳዋ መና ጎዳዉ ኦዴዳ።
\p
\v 10 መና ጎዳይ ሙሳ፥ “ኔን አሳኮ ባደ ሀቼነ ዎንት ኡንቱንቱ ጌያናዳን ኦዳ። ኡንቱንቱ ባረንቱ ማዩዋ ሜጪደ፤ 
\v 11 ሄዘን ጋላሳዉ ጊግኖ። አያዉ ጎፐ፥ ሄዘን ጋላሳን አሳይ ኡባይ በእሽን፥ መና ጎዳይ ሲና ደርያ ቦላን ዎናዋ። 
\v 12 ኔን ሀ ደርያ ዩሹዋን አሳዉ ዛዋ ዎደ ኡንቱንቶ፥ ‘ደርያ ፑደ ከሰናዳን ዎይ ደርያ ጻጱዋ ቦቼናዳን ህንተንታ ኤርተ። ደርያ ቦቼዳ ኦንነ ቱሙፐ ሀይቃናዋ።\x - \xo 19:12-13 \xo*\xt እብራ. 12:18-20\xt*\x* 
\v 13 ሄ ኡራይ ሹቻን ጫደቲደ ዎይ ዎንዳፍያን ጫደቲደ ሀይቆፐ አትን፤ እ ኩሽያን ቦሸቶፖ። መሄ፥ ዎይ አሳ ግዶፐነ እ ሸምፑዋና አተና’ ያጋ። ማላካታይ ፑነትያ ዎደ፥ ሄ ዎደ ኡንቱንቱ ደርያ ፑደ ከሳና ጎፐ ከስኖ” ያጌዳ።
\p
\v 14 ሙሴ ደርያፐ አሳኮ ዱገ ዎዳዋፐ ጉይያን ኡንቱንታ ጌያናዳን ኦድና፥ ኡንቱንቱ ባረንቱ ማዩዋ ሜጬድኖ። 
\v 15 ሄዋፐ ጉይያን አሳ እ፥ “ሄዘን ጋላሳዉ ጊግተ፤ ማችያና አቆፕተ” ያጌዳ።
\p
\v 16 ሄዘን ጋላስ ዎንታ ጉጉን ጉንይ ስሰቴዳ። ዋልቃንይነ ዎልቃማ ሻሪ ደርያ ማዪደ ቤቴዳ፤ ማላካታይካ ፑነትያ ዎልቃማ ኮሻይ ስሰቴዳ። ሄዋ ድራዉ፥ ባረ ደእያ ሳኣን አሳይ ኡባይ ኮኮሬዳ።\x - \xo 19:16 \xo*\xt ሳፃ 4:5\xt*\x*\x - \xo 19:16-18 \xo*\xt ዛረ. 4:11-12\xt*\x* 
\v 17 ሄዋፐ ጉይያን ሙሴ አሳ ጾሳና ጋናዉ ኡንቱንቱ ደእያ ዱንካንያፐ ከሴዳ፤ ኡንቱንቱ ደርያ ጋርሳ ደምባን ኤቄድኖ። 
\v 18 መና ጎዳይ ሲና ደርያ ቦላን ታማና ዎዳ ድራዉ፥ ሲና ደሪ ጩዋን ካመቴዳ። ዎልቃማ ጉዱዋፐ ጩዋይ ከስያዋዳን፥ አፐ ጩዋይ ፑደ ከሴዳ። አሳይ ኡባይ ሎይ ኮኮሬዳ። 
\v 19 ማላካታ ፑኑ ሎይ ዳር ዳር ቤዳ ዎደ፥ ሙሴ ሃሳይና፥ ጾሳ ኮሻይ አዉ ዛሪደ ሃሳዬዳ። 
\v 20 መና ጎዳይ ሲና ደርያ ኪክያን ዎደ፥ ሙሳ ፑደ ደርያዉ ኪክያ ጼስና ሙሴ ፑደ ከሴዳ። 
\v 21 መና ጎዳይ አ፥ “ኔን ዱገ ባደ አሳይ መና ጎዳ በአና ጊደ፥ ዛዋ አናዳንነ ኡንቱንቱፐ ዳሩ ሀይቀናዳን አሳ ሴራ። 
\v 22 ሀራይ አቶ መና ጎዳ ማታ ሺቅያ ቄሳቱካ ባረና ጌሻናዉ ኮሼ፤ ሄዌ ዮፐ፥ መና ጎዳይ ኡንቱንታ ሙራና” ያጌዳ።
\p
\v 23 ሙሴ መና ጎዳ፥ “አሳይ ደርያ ፑደ ያናዉ ዳንዳየና፤ አያዉ ጎፐ፥ ኔን ነ ሁጲያዉ፥ ‘ሀ ሳኣ ጌሻዳን ዱማዪደ፥ ሀ ደርያ ዩሹዋን ዛዋ ዎተ’ ጋደ ኑዉ ኦዳ ዎዳ” ያጌዳ።
\p
\v 24 መና ጎዳይ አ፥ “ኔን ዱገ ባደ አሮና ኔናና ፑደ አካደ ያ። ቄሳቱዋነ አሳ መና ጎዳይ ሙረናዳን፥ ኡንቱንቱ ዛዋ አደ ፑደ መና ጎዳኮ ዮፕኖ” ያጌዳ። 
\v 25 ሄዋ ድራዉ፥ ሙሴ ዱገ አሳኮ ዎደ፥ ጾሳይ ጌዳዋ ኡንቱንቶ ኦዴዳ።
\c 20
\s1 ታሙ አዛዛቱዋ
\p
\v 1 ጾሳይ ሀ ቃላቱዋ ኡባ ሀዋዳን ያጊደ ሃሳዬዳ፤ 
\v 2 “ኔና ግብጼፐ አይለተ ጋድያፐ ከሴዳ መና ጎዳይ ነ ጾሳይ ታና።
\p
\v 3 “ታፐ አትና፥ ሀራ ጾሳዉ ጎይኖፓ።
\p
\v 4 “ቦላ ሳሉዋን ደእያ፥ ዎይ ጋርሳ ሳኣን ደእያ፥ ዎይ ሳኣፐ ጋርሳን ሃ ግዶን ደእያ አያነ ማላትሳደ ነዉ ጎይንያ ምስለቱዋ ኦፓ።\x - \xo 20:4-5 \xo*\xt ከሳ 34:17፤ ዎጋ 19:4፤ 26:1፤ ዛረ. 4:15-18፤ 27:15\xt*\x* 
\v 5 ኡንቱንቶ ሆኮፓ ዎይ ኡንቱንቶ ጎይኖፓ። አያዉ ጎፐ፥ ታን፥ መና ጎዳይ ነ ጾሳይ ቃናታንቻ ጾሳ፤ ታና እጽያዋንታ አዎቱዋ ናጋራ ድራዉ፥ ናና ሄዘን የለታነ ኦይደን የለታ ጋካናዉ ሙርያዋ።\x - \xo 20:5-6 \xo*\xt ከሳ 34:6-7፤ ፓይ. 14:18፤ ዛረ. 7:9-10\xt*\x* 
\v 6 ቃይ ታና ሲቅያነ ታ አዛዙዋ ናግያዋንቶ ሻአ የለታይ ጋካናዉ ላመተና ሲቁዋ በስያ መና ጎዳ።
\p
\v 7 “መና ጎዳ ነ ጾሳ ሱን ጮ ደንፓ፤ አያዉ ጎፐ፥ ጾሳይ ባረ ሱን ጮ ደንያዋ ሙራና።\x - \xo 20:7 \xo*\xt ዎጋ 19:12\xt*\x*
\p
\v 8 “ጌሻ ኦደ፥ ሳምባታ ጋላሳ ናጋ።\x - \xo 20:8 \xo*\xt ከሳ 16:23-30፤ 31:12-14\xt*\x* 
\v 9 ኔን ኦያ ኦሱዋ ኡባ ኡሱፑን ጋላሳቱዋን ኦ።\x - \xo 20:9-10 \xo*\xt ከሳ 23:12፤ 31:15፤ 34:21፤ 35:2፤ ዎጋ 23:3\xt*\x* 
\v 10 ሽን ላፑን ጋላሳይ መና ጎዳ ነ ጾሳዉ ሳምባታ። ሄ ጋላስ አይ ኦሱዋነ ኦፓ፤ ኔን፥ ዎይ ነ አቱማ ናአይ፥ ዎይ ነ ማጫ ናና፥ ዎይ ነ ማጫነ አቱማ ቆማቱ፥ ዎይ ነ ሚዛይ፥ ዎይ ህንተንቱና ደእያ እስራኤልያ ግደና አሳይ ሄ ጋላሳን አይ ኪታካ ኪተቶፖ። 
\v 11 አያዉ ጎፐ፥ ኡሱፑን ጋላሳ ግዶን መና ጎዳይ ሳሉዋነ፥ ሳኣ፥ አባነ ኡንቱንቱ ግዶን ደእያ ኡባ መዳ፤ ሽን ላፑን ጋላሳን ሸምፔዳ። ሄዋ ድራዉ፥ መና ጎዳይ ሳምባታ ጋላሳ አንጄዳነ ጌሼዳ።\x - \xo 20:11 \xo*\xt ዶመ 2:1-3፤ ከሳ 31:17\xt*\x*
\p
\v 12 “መና ጎዳይ ነ ጾሳይ ነዉ እምያ ቢታን ነ ላይይ አዱቃና ማላ፥ ነ አባነ ነ ዳዮ ቦንቻ።\x - \xo 20:12 \xo*\xt ዛረ. 27:16፤ ማቶሳ 15:4፤ 19:19፤ ማር. 7:10፤ 10:19፤ ሉቃሳ 18:20፤ ኤፈ. 6:2፣ 3\xt*\x*
\p
\v 13 “አሳ ዎፓ።\x - \xo 20:13 \xo*\xt ዶመ 9:6፤ ዎጋ 24:17፤ ማቶሳ 5:21፤ 19:18፤ ማር. 10:19፤ ሉቃሳ 18:20፤ ሮመ 13:9፤ ያቆባ 2:11\xt*\x*
\p
\v 14 “ዎሹሞፓ።\x - \xo 20:14 \xo*\xt ዶመ 9:6፤ ዎጋ 24:17፤ ማቶሳ 5:21፤ 19:18፤ ማር. 10:19፤ ሉቃሳ 18:20፤ ሮመ 13:9፤ ያቆባ 2:11\xt*\x*
\p
\v 15 “ዉኦፓ።\x - \xo 20:15 \xo*\xt ዎጋ 19፤ 11፤ ማቶሳ 19:18፤ ማር. 10:19፤ ሉቃሳ 18:20፤ ሮመ 13:9\xt*\x*
\p
\v 16 “ነ ሾሩዋ ቦላን ዎርዱዋ ማርካቶፓ።\x - \xo 20:16 \xo*\xt ከሳ 23:1፤ ማቶሳ 19:18፤ ማር. 10:19፤ ሉቃሳ 18:20\xt*\x*
\p
\v 17 “ነ ሾሩዋ ጎልያ አሞቶፓ፤ ነ ሾሩዋ ማቻቶ፥ ዎይ አ ቆማ፥ ዎይ አ ቆማቶ፥ ዎይ አ ቦራ፥ ዎይ አ ሀርያ፥ ዎይ አዉ ደእያዋ አያነ አሞቶፓ” ያጌዳ።\x - \xo 20:17 \xo*\xt ሮመ 7:7፤ 13:9\xt*\x*
\s1 አሳ ያሻ
\r (ዛረ. 5:22-33)
\p
\v 18 አሳይ ኡባይ ጉጉንይ ጉጉምያዋነ ዋልቃንይ ዎልቃምያዋ በኤዳ፤ ማላካታ ዋሱዋ ስሴዳ፤ ቃይ ደሪ ጩዋትያዋካ በኤዳ፤ አሳይ ያሻን ኮኮሪደ፥ ሃኩዋን ኤቄዳ።\x - \xo 20:18-19 \xo*\xt እብራ. 12:18-19\xt*\x* 
\v 19 ኡንቱንቱ ሙሳ፥ “ኔን ኑዉ ሃሳያ፤ ኑን ስሳና፤ ሽን ኑን ሀይቀናዳን፥ ጾሳይ ኑዉ ሃሳዮፖ” ያጌድኖ። 
\v 20 ሙሴ አሳ፥ “ጾሳይ ህንተንታ ፓጫናዉ፥ ናጋራ ህንተንቱ ኦና ማላ፥ አ ያሻይ ህንተንቱ ዎዛናን ደአናዳን፥ እ ዬዳ ድራዉ ያዮፕተ” ያጌዳ። 
\v 21 አሳይ ሃክ ኤቂደእሽን፥ ጾሳይ ደእያ ሳኣ ዎልቃማ ማኮ ሙሴ ሺቄዳ።
\s1 ያርሽያ ሳአቱዋን ጎኤትያ ዎጋቱዋ
\p
\v 22 ሄዋፐ ጉይያን፥ መና ጎዳይ ሙሳ፥ “እስራኤልያ አሳዉ ሀዋዳን ያጋደ ኦዳ፤ ‘ታን ሳሉዋፐ ህንተንቶ ሃሳዬዳዋ ህንተንቱ ህንተንቱ ሁጲያዉ በኤድታ። 
\v 23 ታ ማታን አይ ኤቃነ ኦፕተ፤ ብራ ኤቃ ዎይ ዎርቃ ኤቃ ህንተንቶ ኦፕተ።
\p
\v 24 “ ‘ኔን ታዉ ያርሹዋ ያርሽያ ሳኣ ኡርቃፐ መደ ነ ጹግያ ያርሹዋ፥ ነ እትፐተ ያርሹዋ፥ ነ ዶርሳቱዋነ ነ ዴሻቱዋፐ ነ ሚዛቱዋ አ ቦላ ያርሻ። ታ ሱንይ ቆፈታና ማላ ኦዳ ሳኣ ኡባን፥ ታን ህንተንቱኮ ያደ፥ ህንተንታ አንጃና። 
\v 25 ኔን ታዉ ያርሹዋ ያርሽያ ሳኣ ሹቻፐ መፐ፥ ማሰቴዳ ሹቻፐ መፓ፤ አያዉ ጎፐ፥ ኔን ማስያ ሚሻን አ ቦቾፐ፥ ነ አ ቱንሳሳ።\x - \xo 20:25 \xo*\xt ዛረ. 27:5-7፤ ኢያሳ 8:31\xt*\x* 
\v 26 ታ ያርሹዋ ሳኣ ፑደ ጋይያን ከሶፓ፤ አያዉ ጎፐ፥ ኔን ከስያ ዎደ፥ ነ ካሉ ቤተ’ ያጋደ ኦዳ።
\c 21
\s1 አይለቱዋ ኦይቂያ ዎጋ
\r (ዶመ 15:12-18)
\p
\v 1 “ኔን ኡንቱንቶ እማና ዎጋይ ሀዋ። 
\v 2 ኔን እብራዌ አይልያ ሻሞፐ፥ እ ነዉ ኡሱፑን ላይ ኦ፤ ሽን ላፑን ላይን እ አይነ ቃንጸናን፥ አይለተፐ ጮ ከሲደ ቦ።\x - \xo 21:2 \xo*\xt ዎጋ 25:39-46\xt*\x* 
\v 3 እ ባረካ ዬዳዋ ግዶፐ ባረካ ቦ፤ ባረ ማቻትና ዬዳዋ ግዶፐ፥ አ ማቻታካ አናና ቡ። 
\v 4 አ ጎዳይ አዉ ማቻቶ እሜዳዋ ግዶፐነ ማቻታ አዉ አቱማ ናና ዎይ ማጫ ናና የሌዳዋ ግዶፐ፥ ሄ ማቻታነ እዝ ናናይ አ ጎዳዋ፤ እ ባረካ ከሲደ ቦ። 
\v 5 ሽን ሄ አይሊ፥ ‘ታን ታ ጎዳ፥ ታ ማቻቶነ ታ ናና ሲቃይ፤ ታን አይለተፐ ከስከ ጎፐ፥’ 
\v 6 አ ጎዳይ አ ፕርድያዋንቱ ስን አ፤ ሄዋፐ ጉይያን ፐንገ ዎይ ፐንገ ማቃንያኮ አ አፊደ፥ አ ሀይ ጎን ሉኮ። ስም እ ባረ ደኡዋ ላይ ኡባን አዉ አይልያ ግዳናዋ።
\p
\v 7 “አሳይ ባረ ማጫ ናቶ አይለተዉ ዛልኦፐ፥ አቱማ አይለቱ አይለተፐ ከስያዋዳን እዛ ከሱፑ። 
\v 8 እዛ ባረና ማቼተዉ ዶሪደ አፌዳ ጎዳዉ ሎአና ዮፐ፥ ጎዳይ እዞ ዎዝሳናዉ ኮሼ። እ እዝዉ አማነትቤና ድራዉ፥ እዞ አላጋዉ ዛልአናዉ አዉ ማታይ ባዋ። 
\v 9 እ እዞ ባረ ናአዉ እማናዉ ዶሮፐ፥ ማጫ ናትዉ በስያዋ እዝዉ ኦ። 
\v 10 እ ባረዉ ሀራ ማቻቶ አኮፐ፥ ኮይሮ ማቻትዉ ቁማ፥ ማዩዋ ዎይ አስናተነ ማቼተ ማታ ፓጭሶፖ። 
\v 11 እ ሀ ሄዙባቱዋ እዝዉ እማና ዮፐ፥ አይነ ሻሉዋ ጭገናን አይለተፐ ከሳደ ቡ።
\s1 ኢታቱ ሙረትያ ዎጋ
\p
\v 12 “አሳ ሾጪደ ዎያ አሳ ቱሙፐ ዎናዉ በሴ።\x - \xo 21:12 \xo*\xt ዎጋ 24:17\xt*\x* 
\v 13 ሽን ኤሪደ ግደናን እ ዎያ ዎደ፥ ታን፥ ጾሳይ ጮኡ ጌዳዋ ግዶፐ፥ እ ባቃታና ሳኣ ኡንቱንቶ ታን ጊግሳና።\x - \xo 21:13 \xo*\xt ፓይ. 35:10-34፤ ዛረ. 19:1-13፤ ኢያሳ 20:1-9\xt*\x* 
\v 14 ሽን ኦነ ቆፒደ ኤሪደ ሀራ ብታንያ ዎፐ፥ ሄ ኡራ ታ ያርሹዋ ሳኣፐ ድጋደ፥ ሀራ ሳኣን ዎ።
\p
\v 15 “ባረ አባ ዎይ ባረ ዳዮ ደችያ ኡራይ ኦንነ ቱሙፐ ሀይቆ።
\p
\v 16 “አሳ ዎልቃን ኦይቂደ ዛልእያ ኡራይ ዎይ ዎልቃን ኦይቄዳ አሳይ አ ኩሽያን ቤቴዳ አሳይ ቱሙፐ ሀይቃናዉ በሴ።\x - \xo 21:16 \xo*\xt ዛረ. 24:7\xt*\x*
\p
\v 17 “ባረ አባ ዎይ ባረ ዳዮ ሸቂያዌ ቱሙፐ ሀይቆ።\x - \xo 21:17 \xo*\xt ዎጋ 20:9፤ ማቶሳ 15:4፤ ማር. 7:10\xt*\x*
\p
\v 18-19 “ላኡ አሳቱ ዋላቀቶፐ፥ እቱ የንኩዋ ሹቻን ጫዶፐ ዎይ ቦክሶፐ፥ ሄ ደሸቴዳዌ ሀይቀናን አቶዋ ግዶፐነ ሀርጊደ ግሱዋን ጋምኦፐ፥ ደንዲደ ጉፍያና ካረ ሄራን ሀመቶፐ፥ ሄ ደቼዳዌ ሀይቁዋፐ አቴ፤ ግዶፐነ እ አ ኪታ ድጌዳ ድራዉ፥ ሻሉዋ ጭጋናዉነ አ ፓናዉ ማዳና ኮሼ።
\p
\v 20 “አሳይ ባረ አቱማ አይልያ ዎይ ማጫ አይላቶ ጻምአን ሾጮፐነ ሄዋ ጋሱዋን ሄ ኡራይ ሄ ጎዳ ኩሽያን ሀይቂንቶ፥ ሾጬዳዌ ቱሙፐ ሙረታናዉ በሴ። 
\v 21 ሽን ሄ ደሸቴዳዌ እት ዎይ ላኡ ጋላሳን ደንዶፐ፥ ሄ አይሊ አ ሚሻ ግድያ ድራዉ፥ እ ሙረተና።
\p
\v 22 “ላኡ አሳቱ እቱ እቱዋና ዋቲደ ሻሃራ ምሽራቶ ደቾፐነ እዛ ቦሸቶፐ፥ ሄዋፐ ሀራ ኢታ ደሸይ ዮፐ፥ ሄ ምሽራት አስናይ ኦቼዳዋነ ዳናቱ ፕርዴዳዋ አያነ ጭጎ። 
\v 23 ሽን እዝዉ ደሸይ ዳሮፐ፥ ሸምፑ ሀይቂንቶ ሸምፑዋ፥ 
\v 24 አይፍያ ድራዉ አይፍያ፥ አቻ ድራዉ አቻ፥ ኩሽያ ድራዉ ኩሽያ፥ ገድያ ድራዉ ገድያ፥ 
\v 25 ጹገ ድራዉ ጹገ፥ ማዱ ድራዉ ማዱ፥ ቆኤዳ ድራዉ ቆኡዋ አካናዉ ኮሼ።\x - \xo 21:25 \xo*\xt ዎጋ 24:19-20፤ ዛረ. 19:21፤ ማቶሳ 5:38\xt*\x*
\p
\v 26 “እት አሳይ ባረ አቱማ አይልያዉ ዎይ ማጫ አይላትዉ አይፍያ ባቂደ ቶይሶፐ፥ ሄ አይፍያ ድራዉ አይለተፐ ከስ የዶ። 
\v 27 ሄዋዳንካ፥ ባረ አይልያ አቻ ዎይ ባረ አይላት አቻ መንፐ፥ ሄ አቻ ድራዉ አይለተፐ ከስ የዶ።
\s1 መህያ ጎዳቱ ፖልያባቱዋ
\p
\v 28 “ቦራይ ማጫ አሳ ዎይ አቱማ አሳ ቃይጪደ ዎፐ፥ ሄ ቦራይ ሹቻን ጫደቲደ ሀይቆ፤ አ አሹ ሜተቶፖ። ሽን ቦራ ጎዳይ ሙረቶፖ። 
\v 29 ሽን ቦራይ ካሰካ ቃይጭያ ሜዚ ደእያዋ ግዲና፥ አሳይ አ ጎዳዉ ኦድ ዎና፥ አ ጎዳይ ቃቼናን እጽና፥ ቦራይ አቱማ አሳ ዎይ ማጫ አሳ ዎፐ፥ ሄ ቦራይ ሹቻን ጫደቲደ ሀይቆ፤ ቃይ አ ጎዳይካ ሀይቆ። 
\v 30 ሽን እ ባረና ዎዛናዳን ኦሸቶፐ፥ ኡንቱንቱ ኦቼዳዋ አያነ ጭጊደ፥ ባረ ሸምፑዋ ዎዞ። 
\v 31 ቦራይ አቱማ ናኣ ዎይ ማጫ ናቶ ቃይጪደ ዎፐካ፥ ፕርዳይ እት ማላ ግዶ። 
\v 32 ቦራይ አቱማ አይልያ ዎይ ማጫ አይላቶ ቃይጪደ ዎፐ፥ ቦራ ጎዳይ አይልያ ጎዳዉ ሀታሙ ብራ ሳንትምያ ጭጎ። ቦራይ ሹቻን ጫደቲደ ሀይቆ።
\p
\v 33 “እት አሳይ ኦላ ቁምእያ ፖኪደ፥ ዎይ ኦላ ቦኪደ ቁምኤናን አጎፐ፥ ቦራይ ዎይ ሀሪ ሄ ኦላን ኩንዶፐ፥ 
\v 34 ሄ ኦላ ጎዳይ መህያ ጋትያ ጭጎ። እ አ ጎዳዉ ጋትያ ጭጊደ፥ ሀይቄዳ መህያ ባረዉ አኮ።
\p
\v 35 “እት አሳ ቦራይ ሀራ ቦራ ቃይጪደ ዎፐ፥ ፓጻ ቦራ ዛልኢደ፥ አ ጋትያነ ሀይቄዳ ቦራ ልክያን ሻክ አክኖ። 
\v 36 ሽን ሄ ቦራይ ቃይጭያዋ ግድያዌ ካሰት ኤረትሽን፥ አ ጎዳይ አ ቃቼናን አጌዳዋ ግዶፐ፥ አ ጎዳይ ቦራ ጭጎ። ያቲደ ሄ ሀይቄዳዋ ባረዉ አኮ።
\c 22
\s1 አሳይ ባረዉ ደእያዋ ናግያ ዎጋ
\p
\v 1 “እት አሳይ ቦራ ዎይ ዶርሳ ዉኢደ ሹኮፐ፥ ዎይ ዛልኦፐ፥ ቦራ ድራዉ እቼሹ ቦራ፥ ዶርሳ ድራዉ ኦይዱ ዶርሳ ጭጎ።
\p
\v 2 “ካይሱ ጎልያ ቦኪደ ኦይቀቶፐነ ሾጨቲደ ሀይቂንቶ፥ ሾጬዳዌ ሱ ጉሴዳዎ ኦሸተና። 
\v 3 ሽን ሄዌ ጻልቂ ዶል ክችና ሀኖፐ፥ እ ሄ ጉኬዳ ሱ አጩዋን ኦሸቴ። ካይሱ ባረ ዉኤዳዋ ዛሮ፤ ሽን አዉ አያይነ ዮፐ፥ ባረ ዉኤዳዋ ዛራናዉ እ ዛልኤቶ። 
\v 4 እ ዉኤዳ መሂ ፓጻ ደኢደ አ ኩሽያን ቤትንቶ፥ ቦራ፥ ዎይ ሀርያ፥ ዎይ ዶርሳ ግዶፐነ፥ እ ባረ ዉኤዳዋ ላኡ ኩሽያ አደ ጭጎ።
\p
\v 5 “እት አሳይ ባረ መህያ ደምባን ዎይ ዎይንያ ቱራ ግዶን ሄምሽን፥ መሂ ሀራ አሳ ሾይቃፐ ሞፐ፥ እ ባረ ሾይቃፐ ዎይ ባረ ዎይንያ ቱራ ኡባፐ ሎእያዋ አፍላማ ጭጎ።
\p
\v 6 “ጻራጋይ ደንዲደ አጉን ቡራና ላኢደ፥ ዶርያን ደእያ ካ፥ ዎይ ኤቁዋን ደእያ ካ፥ ዎይ ጎሻ ኡባ ምያዋ ግዶፐ፥ ኮይሮ ጻራጋ ኦይዳ ብታኒ አጫ ጭጎ።
\p
\v 7 “እት አሳይ ብራ ዎይ ሀራ ሚሻ ናግሳናዉ ባረ ሾሮ ሀዳራ እምና፥ ሾሩዋ ሶፐ ሄ ሚሻይ ዉኤቶፐነ ካይሱ ኦይቀትንቶ፥ ካይሱ ሄ ሚሻዉ ላኡ ኩሽያ አደ ጭጎ። 
\v 8 ሽን ካይሱ ቤተናን ዮፐ፥ ጎልያ ጎዳይ ፕርድያዋንቱኮ ሺቂደ ባረ ሾሩዋ ሚሻ ቦላ ባረ ኩሽያ ዎቤናዋ ጫቆ።
\p
\v 9 “አሳይ አይ ሞቱዋንካ፥ ቦራ ጋሱዋን፥ ዎይ ሀርያ ጋሱዋን፥ ዎይ ዶርሳ ጋሱዋን፥ ዎይ ማዩዋ ጋሱዋን፥ ዎይ ሀራ ባዬዳዋ ጋሱዋን፥ ‘ሀዌ ታዋ’ ጊደ ሞተቶፐ፥ ላኡ ባጋይካ ባረንቱ ሞቱዋ ፕርድያዋንቱ ስን አኖ፤ ፕርድያዋንቱ ባይዛንቻ ጌዳ ኡራይ ባረ ሾሮ ላኡ ኩሽያ አደ ጭጎ።
\p
\v 10 “አሳይ ባረ ሾሮ ሀርያ፥ ዎይ ቦራ፥ ዎይ ዶርሳ፥ ዎይ ሀራ መህያ ናግሳናዉ ሀዳራ እምና ሀይቂንቶ፥ ዎይ ደሸትንቶ፥ ዎይ ኦንነ በኤናን ቦንቃንቻይ አፎፐ፥ 
\v 11 ሀዳራ ናግያዌ ባረ ሾሩዋ መህያ ቦላ ባረ ኩሽያ ዎቤናዋ መና ጎዳ ስንን ጫቂና፥ ኡንቱንቱ ግዶን ደእያ የዉ ማየቶ። ሄ መህያ ጎዳይ ጫቁዋ አኮ፤ ጭጋ እማናዉ ኮሸና። 
\v 12 ሽን መሂ ሾሩዋፐ ዉኤቴዳዋ ግዶፐ፥ እዛዎ ጭጎ። 
\v 13 ሄ መህያ ዶአይ መንሬደ ሜዳዋ ግዶፐ፥ ማርካ ግዳናዳን ዶአይ ሚሽን አቴዳዋፐ አኪደ ዮ፤ ያቲደ መኤረቴዳ መህያ ድራዉ ጭጎፖ።
\p
\v 14 “አሳይ ባረ ሾሩዋፐ መህያ ጋርጾፐነ አ ጎዳይ ባይና ሳኣን ሄ መሂ ደሸቶፐ ዎይ ሀይቆፐ፥ ሄ መህያ ጭጎ። 
\v 15 ሽን አ ጎዳይ አናና ደኦፐ፥ ጋርጼዳዌ ጭጎፖ፤ ከራዉ አኬዳዋ ግዶፐ፥ ከራዉ ጭግያ ሻሉ አጩዋ ጭጌዳ።
\s1 ጌሻ ደኡዋነ አማኑዋ ዎጋ
\p
\v 16 “እት አሳይ አስናዉ ጊጋቤና ዎዶራቶ ጭሚደ፥ እዝና ግስያዋ ግዶፐ፥ እዞ ጭሎሺደ ባረዉ ማቻቶ ኦ።\x - \xo 22:16-17 \xo*\xt ዛረ. 22:28-29\xt*\x* 
\v 17 እዝ አቡ እዞ አዉ እማናዉ እጾፐ፥ ዎዶራቶ አክያ ኡራይ ጭሎሽያዋ ኬሻ ብራ እ አቦ እሞ።
\p
\v 18 “ብትያ ምሽራቶ ፓጻ ዎፓ።\x - \xo 22:18 \xo*\xt ዛረ. 18:10፣ 11\xt*\x*
\p
\v 19 “መህያና ግስያ ኦንነ ቱሙፐ ሀይቆ።\x - \xo 22:19 \xo*\xt ዎጋ 22:19፤ 20:15-16፤ ዛረ. 27:21\xt*\x*
\p
\v 20 “መና ጎዳ ጻላላሳፐ አትና፥ ሀራ ጾሳዉ ያርሽያዌ ኦንነ ሙለ ዮ።\x - \xo 22:20 \xo*\xt ዛረ. 17:2-7\xt*\x* 
\v 21 በቲደ ዬዳ አሳ ቆሆፕተ ዎይ ኡንኦፕተ፤ አያዉ ጎፐ፥ ህንተንቱካ ግብጼ ጋድያን በተ ግዲደ ደኤድታ።\x - \xo 22:21-22 \xo*\xt ከሳ 23:9፤ ዎጋ 19:33-34፤ ዛረ. 24:17-18፤ 27:19\xt*\x* 
\v 22 አስናይ ሀይቄዳ አምአቶነ አዉ ሀይቄዳ ህዬሳ ኡንኦፕተ። 
\v 23 ህንተንቱ ኡንቱንታ ኡንኤና፥ ኡንቱንቱ ታኮ ዋሶፐ፥ 
\v 24 ታን ኡንቱንቱ ዋሱዋ ቱሙፐ ስሳና፤ ሄ ዎደ ታ ሀንቁ ህንተንቱ ቦላ ደንዳና፤ ታን ህንተንታ ማሻን ዉርሳና፤ ህንተንቱ ማቻቱ አምኤ ህንተንቱ ናናይካ አዉ ሀይቆዋንታ ግዳናዋንታ።
\p
\v 25 “ህንተንቱ ግዶን ደእያ ታ አሳፐ እት ህዬሳዉ ሻሉዋ ታልኦፐ፥ ሻሉዋ ድቻዉ እምያ አሳዳን ሀኖፕተ፤ ኔን ድቻ አ ኦቾፓ።\x - \xo 22:25 \xo*\xt ዎጋ 25:35-38፤ ዛረ. 15:7-11፤ 23:19-20\xt*\x* 
\v 26 ኔን አጩዋ ድራዉ ነ ላግያ ማዩዋ ኦይቆፐ፥ አዋይ ዉለናን ደእሽን አዉ ዛራ፤\x - \xo 22:26-27 \xo*\xt ዛረ. 24:10-13\xt*\x* 
\v 27 አያዉ ጎፐ፥ እ ባረ ቦላ ካምያዌ ሄን ጻላላና፤ ሀራባ አያ ማዪደ አቃናዉ ዳንዳዪ? እ ታዉ ዋሶፐ፥ ታን ቃረትያዋ ግድያ ድራዉ፥ ስሳና።
\p
\v 28 “ጾሳ ቦላ ሸቃ ቃላ ሃሳዮፓ፥ ዎይ ነ ደርያ ሞድያዋ ሸቆፓ።\x - \xo 22:28 \xo*\xt ኪታ 23:5\xt*\x* 
\v 29 ነ ካ ጼራፐነ ነ ዎይንያ ጉምኤ ኩመንፐ ታዉ ያርሹዋ ሺሻ።
\p “ኔን ነ አቱማ ናና ግዶን ባይራትያ ናኣ ታዉ እማናዉ ኮሼ። 
\v 30 ሚዛፐካ ዶርሳፐካ ሄዋዳን ኦ። ኡንቱንቱ ላፑን ጋላሳይ ጋካናዉ፥ ባረንቱ አየቱዋና አየቱዋና ጋምእኖ፤ ሆስፑን ጋላስ ኡንቱንታ ታዉ እማ።
\p
\v 31 “ህንተንቱ ታዉ ጌሻ አሳ ግዳናዉ ኮሼ፤ ሄዋ ድራዉ፥ ባዙዋ ዶአይ መንሬደ ዎዳ መህያ አሹዋ ሞፕተ፤ ሄዋ ካናዉ ኦልተ።\x - \xo 22:31 \xo*\xt ዎጋ 17:15\xt*\x*
\c 23
\s1 ሱረ ፕርዳ
\p
\v 1 “ዎርዶ ኦዱዋ ፑኮፓ፤ ዎርዱዋ ማርካ ግዳደ፥ ኢታ አሳ ማዶፓ።\x - \xo 23:1 \xo*\xt ከሳ 20:16፤ ዎጋ 19:11-12፤ ዛረ. 5:20\xt*\x* 
\v 2 ኢታባ ኦናዉ ጮራ አሳ ካሎፓ፤ ፕርዳ ጌላያናዉ ጮራ አሳና እታ ግዳደ ማርካቶፓ። 
\v 3 ህዬሳይ ፕርዳዉ ሺቆፐ፥ ሞቱዋን አ መቱዋ ጼላደ ማዶፓ።\x - \xo 23:3 \xo*\xt ዎጋ 19:15\xt*\x*
\p
\v 4 “ነ ሞርክያ ቦራይ ዎይ ሀሪ ባዬዳዋ ደሞፐ፥ ዛራደ አዉ አፋ።\x - \xo 23:4-5 \xo*\xt ዛረ. 22:1-4\xt*\x* 
\v 5 ኔና እጽስያ ብታንያ ሀሪ ጫናና ኩንዴዳዋ በኦፐ፥ ሄዋን አጎፓ፤ ማዳደ አናና ደን።
\p
\v 6 “ፕርዳ ዳባባን ማዳደ፥ ህዬሳ አሳ ፕርዳ ጌላዮፓ።\x - \xo 23:6-8 \xo*\xt ዎጋ 19:15፤ ዛረ. 16:19\xt*\x* 
\v 7 ዎርዶ የዉዋ ኡባፐ ሃካ፤ ጌሻ ዎይ ጽሉዋ ዎፓ፤ አያዉ ጎፐ፥ ኮባ ኦዳዋ ታን ሳሮ የድከ። 
\v 8 ማታይያ (ማጋንጻ) አኮፓ፤ አያዉ ጎፐ፥ ማታዪ ጼልያዋንቱ አይፍያ ቆቅሴነ ጽላቱዋ ቃላ ምርቄ።
\p
\v 9 “በትያ ናቆፕተ፤ በተ ግድያዌ አይ ኬሻ ካዮይንቶ ኤሪታ፤ አያዉ ጎፐ፥ ህንተንቱ ህንተንቱ ሁጲያዉ በተ ግዲደ ግብጼ ጋድያን ደኤድታ።\x - \xo 23:9 \xo*\xt ከሳ 22:21፤ ዎጋ 19:33-34፤ ዛረ. 24:17-18፤ 27:19\xt*\x*
\s1 ላፑን ላይነ ላፑን ጋላሳ
\p
\v 10 “ኔን ነ ጋድያ ኡሱፑን ላይዉ ጎሻደ፥ ዘራደ ካ ቆይጫ አካ።\x - \xo 23:10-11 \xo*\xt ዎጋ 25:1-7\xt*\x* 
\v 11 ላፑን ላይን ጋድያ ጎሸናን ሻቻ፤ ያቶፐ፥ ነ አሳ ግዶን ደእያ ህዬሳቱ ሄዋፐ ምያባ ደማና፤ ቃይ ኡንቱንቱፐ አትያዋ ዶአቱ ማና። ኔን ነ ዎይንያ ቱራካ ነ ዎጋራካ ሄዋዳን ኦ። 
\v 12 ኡሱፑን ጋላሳ ነ ኪታ ኪተታ፤ ነ ቦራይነ ነ ሀሪ ሸምፓና ማላነ ነ ሶን የለቴዳ አይሊነ በቲ፥ ሸምፓና ማላ፥ ላፑን ጋላስ ኦሱዋ ኦፓ።\x - \xo 23:12 \xo*\xt ከሳ 20:9-11፤ 31:15፤ 34:21፤ 35:2፤ ዎጋ 23:3፤ ዛረ. 5:13-14\xt*\x*
\p
\v 13 “ታን ህንተንታ ጌዳዋ ኡባ ምንሲደ ኦተ፤ ሀራ ጾሳቱዋ ሱን ጼሶፕተ፤ ህንተንቱ እንጻርሳፐ ሄዌ ስሰቶፖ።
\s1 ዎልቃማ ባላቱዋ
\r (34:18-26፤ ዛረ. 16:1-17)
\p
\v 14 “ላይን ሄዙ ገደ ህንተንቱ ታዉ ባላ ቦንችተ። 
\v 15 ማጋገ ኡክ ባላ ቦንችተ፤ ታን ህንተንታ አዛዜዳዋዳን፥ ላፑን ጋላሳ እርሹዋ የግቤና ኡክ ሚተ፤ ህንተንቱ አቢባ ጌተትያ አግናን ኬሬዳ ጋላሳቱዋን ሀ ባላ ቦንችተ፤ አያዉ ጎፐ፥ ህንተንቱ ግብጼፐ ከሴዳዌ ሄ አግናና።
\p “ህንተፐ እት አሳይነ ታ ስንን መላ ኩሸ ቤቶፖ።\x - \xo 23:15 \xo*\xt ከሳ 12:14-20፤ ዎጋ 23:6-8፤ ፓይ. 28:17-25\xt*\x*
\p
\v 16 “ቃይ ህንተንቱ ህንተንቱ ጋደን ዘርና፥ ኮይሮ ጋኬዳ ካ ጫክያ ዎደ፥ ካ ጫክያ ባላ ቦንችተ።\x - \xo 23:16 \xo*\xt ዎጋ 23:15-21፣ 39-43፤ ፓይ. 28:26-31\xt*\x*
\p “ቃይካ ላይ ዉርሰን፥ ካ አይፍያ ጋደፐ ሺሽያ ዎደ፥ ሺሹዋ ባላ ቦንችተ። 
\v 17 አቱማ አሳይ ኡባይ ኡባ ሞድያ መና ጎዳ ስንን ላይን ሄዙ ገደ ቤቶ።
\p
\v 18 “ኔን ያርሹዋ ሱ ታዉ ሺሻደ፥ እርሹዋ የጊደ ኡኬዳ ኡክና ሺሾፓ። ታ ባላ ቦንችያ ጋላስ ያርሸቴዳ ሞዋፐ ዎንታዉ አይነ አቶፖ። 
\v 19 ነ ጋደን ባይራ ካኤዳ ካፐ ኡባፐ ሎእያዋ መና ጎዳ ሶ፥ ነ ጾሳ ሶ አሀ።\x - \xo 23:19 \xo*\xt ከሳ 34:26፤ ዛረ. 14:21፤ 26:2\xt*\x* ዴሻ ማራ አ ዳይ ማን ዶይሶፓ።
\s1 ህዶታ ቃላቱዋነ ካልያ ዎጋቱዋ
\p
\v 20 “ነ ኦግያን ኔና ናጋና ማላነ ታን ነዉ ጊግሴዳ ሳኣ ኔና አፋና ማላ፥ ታን ኪታንቻ ነ ስንን ኪታና። 
\v 21 እ ኦድያዋ ሀይዛ አዉ አዛዘታ፤ አ ቦላ ማካሎፓ፤ ታ ሱንይ አ ቦላ ደእያ ድራዉ፥ ህንተንቱ ናጋራ ኦያዋ ግዶፐ፥ ህንተንቶ እ አቶ ጌና። 
\v 22 እ ኦድያዋ ህንተንቱ ምንሲደ ሀይዞፐነ ታን ኦድያዋ ኡባ ኦፐ፥ ህንተንቱ ሞርከቱዋ ታን ሞርካና፤ ህንተናና ኤቀትያዋንቱና ታንካ ኤቀታና። 
\v 23 ታ ኪታንቻይ ህንተፐ ስንና ቢደ፥ ህንተንታ አሞራዋናቱዋ ጋድያ፥ ሂተቱዋ ጋድያ፥ ፓርዛዋናቱዋ ጋድያ፥ ካናነቱዋ ጋድያ፥ ሂዌቱዋ ጋድያነ ያቡሳዋናቱዋ ጋድያ አሀና። ታን ኡንቱንቱ ኡባ ይሳና። 
\v 24 ኡንቱንቱ ጾሳቱዋ ስንን ሆኮፕተ፥ ዎይ ጎይኖፕተ፥ ዎይ ኡንቱንቱ ሀኑዋ ቁሎፕተ። ህንተንቱ ኡንቱንቱ ጾሳቱዋነ ኡንቱንቱ ሹቻ ምስለቱዋ መንሬናዉ ኮሼ። 
\v 25 መና ጎዳ፥ ህንተንቱ ጾሳዉ፥ ጎይንተ፤ ያቶፐ፥ እ ህንተንቱ ቁማነ ህንተንቱ ሃ አንጃናዋ፤ ታን ሀርግያ ህንተንቱ ግዶፐ ድጋና። 
\v 26 ህንተንቱ ቢታን አይ ማጫ አሳይነ ቦሸተና፤ ማይነና። ታን ህንተንቱ ደአና ላይ ፓይዱዋ አዱሳና።
\p
\v 27 “ታን ታ ያሻ ህንተንቱ ስንን የዳና፤ ህንተናና ጋከትያ ካዉተ ኡባ ዳጋንና፤ ህንተንቱ ሞርከቱ ኡባይ ህንተንቶ ዞኪያ ዛሪደ፥ ባቃታናዳን ታን ኦና። 
\v 28 ታን ህንተፐ ስንዉ ዱክያ ካጅያ የዳና፤ ሂዌቱዋ፥ ካናነቱዋነ ሂተቱዋ ህንተንቱ ስንፐ ላጋደ ከሳና። 
\v 29 ሽን ቢታይ መላ አተናዳንነ ባዙዋ ዶአይ ህንተንታ ዋይሰናዳን፥ እት ላይን ኡንቱንታ የደርስከ። 
\v 30 ሽን ህንተንቱ ፓይዱዋን ዳሪደ፥ ሄ ጋድያ ላታና ጋካናዉ፥ ታን ኡንቱንታ ላፋ ላፋ ላጋደ ህንተንቱ ስንፐ ከሳና። 
\v 31 ታን ህንተንቱ ዛዋ ዞኦ አባፐ ፕልስጼማ አባ፥ መላ ቢታፐ ኤፍራጺሳ ሻፋ ጋና። ሄ ጋድያን ደእያ ኡባ ታን ህንተንቱ ኩሽያን አደ እማና፤ ህንተንቱካ ኡንቱንታ ህንተንቱ ስንፐ ላጊደ ከሳና። 
\v 32 ኡንቱንቱና ዎይ ኡንቱንቱ ጾሳቱዋና ጫቁዋ ዎፕተ። 
\v 33 ኡንቱንታ ህንተንቱ ጋድያን ዎፕተ፤ ሄዌ ዮፐ ኡንቱንቱ ህንተንታ ታ ቦላ ናጋራ ኦስሳናዋንታ፤ አያዉ ጎፐ፥ ኡንቱንቱ ጾሳቶ ጎይንያዌ ቱሙፐ ህንተንቶ ጲረ ግዳናዋ” ያጌዳ።
\c 24
\s1 ጾሳይ ባረ አሳዉ ገሌዳ ቃላ ጫቁዋ ምንሴዳ
\p
\v 1 ሄዋፐ ጉየ መና ጎዳይ ሙሳ፥ “ኔን፥ አሮነ፥ ናዳበ፥ አቢህነ እስራኤልያፐ ላፑን ታሙ ጭማ አሳቱ መና ጎዳኮ ደርያ ሁጲያ ፑደ ከሲደ ሃኩዋን ጎይንተ። 
\v 2 ሽን ሙሴ፥ ኔን ኔረካ መና ጎዳኮ ሺቃ፤ ሀራ ጭማቱ ታ ማታ ዮፕኖ። ቃይ አሳይካ ኔናና ፑደ ከሶፖ” ያጌዳ።
\p
\v 3 ሙሴ ዪደ፥ መና ጎዳ ቃላ ኡባነ አ ዎጋ ኡባ አሳዉ ኦድና አሳይ ኡባይ እት ቃላን፥ “መና ጎዳይ ኦዴዳዋ ኡባ ኑን ኦና” ያጌድኖ። 
\v 4 ሙሴ መና ጎዳይ ኦዴዳዋ ኡባ ጻፌዳ።
\p ዎንተ ጋላስ ዎንታ ጉራን ደንዲደ፥ ደርያ ጻጱዋን ያርሽያ ሳኣ ግምቢደ እስራኤልያ አሳ ያራ ታማነ ላኡዋ ሱንን፥ ታማነ ላኡ ሹቻ ቱሳ ኤሴዳ። 
\v 5 እ እስራኤላቱዋፐ ያላጋ አቱማ አሳ ኪትና፥ ኡንቱንቱ ቢደ ጹግያ ያርሹዋ ሺሼድኖ፤ ቃይ እትፐተ ያርሾ ኮሩማቱዋ መና ጎዳዉ ያርሼድኖ። 
\v 6 ሙሴ ሱፐ ባጋ አኪደ ከርያን ትጌዳ፤ አቴዳ ባካ ሱ እ ያርሽያ ሳኣን ጫጫፌዳ። 
\v 7 ሄዋፐ ጉይያን ቃላ ጫቁዋ ማጻፋ አኪደ፥ አሳዉ ናባቤዳ፤ ኡንቱንቱ፥ “መና ጎዳይ ኦዴዳዋ ኡባ ኑን ኦና፤ ኑን አዛዘታና” ያጌድኖ።
\p
\v 8 ሄዋፐ ጉይያን ሙሴ ሄ ሱ አኪደ፥ አሳ ቦላ ጫጫፊደ ኡንቱንታ፥ “በእተ፥ መና ጎዳይ ሀ ቃላ ኡባን ህንተናና ዎዳ ቃላ ጫቁዋ ሱይ ሀዋ” ያጌዳ።\x - \xo 24:8 \xo*\xt ማቶሳ 26:28፤ ማር. 14:24፤ ሉቃሳ 22:20፤ 1 ቆሮ. 11:25፤ እብራ. 9:19-20፤ 10:29\xt*\x*
\p
\v 9 ሙሴ፥ አሮነ፥ ናዳበ፥ አቢህነ እስራኤልያ ጭማቱዋፐ ላፑን ታሙ ፑደ ከሴድኖ። 
\v 10 እስራኤልያ ጾሳ በኤድኖ፤ አ ገድያፐ ጋርሳና ሳሉዋዳን ጌዬዳ ሳምፔርያ ጌተትያ ጶልያ ሹቻፐ ኦሰቴዳዋ ማላትያ ዉይግያ ማላባይ ደኤ። 
\v 11 ሽን ጾሳይ እስራኤልያ አሳ ካፓቱዋ ዎቤና። ኡንቱንቱ ጾሳ በኤድኖ፤ አ ስንን ሜድኖነ ኡሼድኖ።
\s1 ሙሴ ሲና ደርያ ሁጲያ ቦላ
\p
\v 12 መና ጎዳይ ሙሳ፥ “ኔን ደርያ ፑደ ሃ ታኮ ከሳደ፥ ሀዋን ጋምአ፤ ያቶፐ ኔን ኡንቱንታ ታማርሳና ማላ፥ ታን ዎጋነ አዛዙዋ ጻፌዳ ሹቻ ነዉ እማና” ያጌዳ።
\p
\v 13 ሄዋፐ ጉይያን ሙሴ ባረ ቆማ ኢያሱና ባናዉ ደንዴዳ፤ ሙሴ ጾሳ ደርያ ፑደ ከሴዳ። 
\v 14 እስራኤልያ አሳ ጭማቱዋ እ፥ “ኑን ህንተንቱኮ ስማናዉ ሀዋን ደእሽተ፤ አሮነነ ሁር ሀዋን ህንተናና ደኢኖ፤ የዉ ደእያ ኦንነ ኡንቱንቱኮ ቦ” ያጌዳ።
\p
\v 15 ሙሴ ደርያ ፑደ ከሴዳ ዎደ፥ ሻሪ ደርያ ካሜዳ። 
\v 16 ቃይ መና ጎዳ ቦንቹ ሲና ደርያ ቦላን ኡቴዳ፤ ሄ ሻሪ ኡሱፑን ጋላሳ ማዬዳ፤ ላፑን ጋላሳን ሄ ሻርያ ግዶፐ መና ጎዳይ ሙሳ ጼሴዳ። 
\v 17 እስራኤላቶ መና ጎዳ ቦንቹ ደርያ ሁጲያን ጹግያ ታማ ማላቲደ ቤቴዳ። 
\v 18 ሄዋፐ ጉይያን ሙሴ ሄ ሻርያ ግዶ ገሊደ፥ ደርያ ፑደ ከሲደ ደርያ ሁጲያን ኦይታሙ ጋላሳነ ኦይታሙ ቃማ ጋምኤዳ።\x - \xo 24:18 \xo*\xt ዛረ. 9:9\xt*\x*
\c 25
\ms ጌሻ ዱንካንያነ ጎይና ዎጋ
\mr (25:1—40:38)
\s1 ጾሳ ዱንካንያ ቶካናዉ እመቴዳ እሞታ
\r (ከሳ 35:4-9)
\p
\v 1 መና ጎዳይ ሙሴዉ ሀዋዳን ያጌዳ፤ 
\v 2 “ታዉ እምያዋ አሀናዳን ኔን እስራኤላቶ ኦዳ፤ ታዉ እማናዉ አ ዎዛናይ አ እማ እማ ግያ አሳ ኡባ እሞታ ኔን ታዉ አካ። 
\v 3 ህንተንቱ ኡንቱንቱፐ አካና እሞታይ ሀዋ: ዎርቃ፥ ብራ፥ ናሃስያ ብራታ፥ 
\v 4 ሳሉዋ ማላትያ፥ ኦቻ ቴራ ማላትያነ፥ ዞኦ ሊቆ ቃጭና፥ ዴሻ እስክያ፥ 
\v 5 ዶርሳ ኦርግያ ጋልባ ዞኦ ቃላምያን የግ ከሴዳዋ፥ ሀራ ጋልባ፥ ኦዶሩዋ፥ 
\v 6 ጾምፕያዉ ዎጋራ ዛይትያ፥ ኦክያ ዛይትያነ እጻና ሳዌያ ቅማምያ፤ 
\v 7 ቄሳቱዋ ካፑዋ ኤፉድያንነ ትራን ዎያዋን የግያ ማርግድያ ጌተትያ ሹቻቱዋነ ሀራ ጶልያ አልኦ ሹቻቱዋ አሆ።
\p
\v 8 “ያቲደ ታን ኡንቱንቱ ግዶን አቃናዳን፥ ኡንቱንቱ ታዉ ጌሻ ሳኣ ጊግስኖ። 
\v 9 ልከ ታን ኔና በሴዳ ሌምሱዋ ኡባዳን ጾሳ ዱንካንያነ አ ግዶን ደእያ ሚሻቱዋ ኦተ።
\s1 ቃላ ጫቁዋ ታቦታ
\r (37:1-9)
\p
\v 10 “ኡንቱንቱ ኦዶሩዋ ምፐ አዱሳተይ ላኡ ዋነ ባጋ፥ ጎምፓይ እት ዋነ ባጋ፥ ጌሳይ ቃይ እት ዋነ ባጋ ግዴዳ ታቦታ መኖ። 
\v 11 ሶያነ ካርያ ዋላካይ ባይና ዎርቃን ሼሻ፤ አ ዩሹዋካ ዎርቃ ትገን ዩሻ አ። 
\v 12 ሄ ታቦታዉ ኦይዱ ዎርቃ ሳጋየቱዋ ትጋደ ኦይዱ ገደቱዋን እት ባጋና ላኡ ሳጋየቱዋ፥ ቃይ የንኮ ባጋና ላኡ ሳጋየቱዋ አ። 
\v 13 ሄዋፐ ጉይያን ኦዶሩዋፐ ካሱዋ ከሳደ ዎርቃን ሼሻ። 
\v 14 ታቦታ ቶካናዉ፥ ታቦታ ምይያን ደእያ ሳጋየቱዋን ካሱዋ አ። 
\v 15 ቶክያ ካሶቱ ታቦታ ሳጋየቱዋ ግዶን ደእኖ፤ ኡንቱንቱ ሄዋፐ ኡባካ ከሶፕኖ። 
\v 16 ታቦታ ግዶን ታን ነዉ እምያ፥ ታሙ አዛዛቱ ጻፈት ኡቴዳ ላኡ ማሰቴዳ ማርካተ ሹቻቱዋ ዎ።
\p
\v 17 “ዋላካይ ባይና ዎርቃፐ ላኡ ዋነ ባጋ አዱቂያ፥ እት ዋነ ባጋ አክያ አቶ ግያ ሳኣ ቁምእያ መ።\x - \xo 25:17 \xo*\xt እብራ. 9:5\xt*\x* 
\v 18 ቁምእያዉ ዉርሰ ላኡ ባጋ ጋጻን ላኡ ክሩቤልያ፥ ቆጸቴዳ ዎርቃፐ መ። 
\v 19 እት ክሩብያ እት ባጋ ጋጻን፥ ላኤን ክሩብያ የንኮ ባጋ ጋጻን ላኡዋካ ቁምእያና ጋ ኦይደ መ። 
\v 20 ክሩበቱ ባረንቱ ቀፍያ ደንደ፥ አቶ ግያ ሳኣ ቁምእያ ባረንቱ ቀፍያን ኩዋይ ዎኖ፤ ቃይ እቱ እቱዋኮ ስም ኡቲደ፥ ቁምእያ ጼልኖ። 
\v 21 ቁምእያ ታቦታዉ ቦላ ባጋን ዎ፤ ቃይ ታን ነዉ እምያ አዛዛቱ ጻፈቲደ ማሰቴዳ ሹቻቱዋ ታቦታ ግዶን ዎ። 
\v 22 ማርካተ ታቦታ ቦላ ቁምእያ ቦላ ደእያ ላኡ ክሩበቱዋፐ ግዱዋን ታን ኔናና ጋከታደ እስራኤልያ አሳዉ ታን እምያ አዛዙዋ ኡባ ያን ነዉ እማና።
\s1 ኡክ ዎያ ጻርጴዛ
\r (37:10-16)
\p
\v 23 “ኦዶሩዋ ምፐ አዱሳተ ላኡ ዋ፥ ጎምፓይ እት ዋ፥ ጌሳይ ቃይ እት ዋነ ባጋ ግድያ እት ጻርጴዛ መ። 
\v 24 ያታደ ዋላካይ ባይና ዎርቃን ሼሻ፤ ቃይ አ ዩሹዋን ዎርቃ ትገ ዩሻ አ። 
\v 25 ሄዋዳንካ፥ ቃይ ጎምፓይ ታካ ግዴዳ ሻሽያ አ ቦላ ዩሻ አ። ያታደ አ ቦላ ዎርቃ ትገ ዩሻ። 
\v 26 ሄ ጻርጴዛዉ ኦይዱ ዎርቃ ሳጋየቱዋ መደ፥ ጻርጴዛ ገደቱ ደእያ ኦይዱ ጋጻን ዎ። 
\v 27 ጻርጴዛ ቶካናዉ ካሱዋ አያ ሳጋየቱ ጻርጴዛዉ ሻሽያ ጋጻን ሺቂደ ደእኖ። 
\v 28 ሄ ቶክያ ካሱዋ ኦዶሩዋፐ ከሳደ፥ ዎርቃን ኡንቱንታ ሼሻ። 
\v 29 ሄዋዳንካ፥ ቃይ ሻታቱዋነ ጭልፓቱዋ፥ ዱቂያባቱዋነ ጹአቱዋ ዋላካይ ባይና ዎርቃፐ መ። 
\v 30 ታ ስን አያ ጌሻ ኡክይ ኡባ ዎደካ ጻርጴዛ ቦላ ዮፖ።\x - \xo 25:30 \xo*\xt ዎጋ 24:5-8\xt*\x*
\s1 ጾምፕያ ዎያ ባላ
\r (37:17-24)
\p
\v 31 “ጾምፕያ ዎያ ባላ ቆጸቴዳ ዋላካይ ባይና ዎርቃፐ መ፤ ሄ ባላይ ኤቂያ ገዲካ፥ ቃይ ግዶ ቶማይካ ኡባይ ቆጸቴዳ ዎርቃፐ ኦሰታናዉ ኮሼ። አ ዋንጫቱ፥ አ ኩኩሞቱ አ ጪሻቱ ኡባይ አናና እትፐ ኦይቀት መታናዉ ኮሼ።\fig ላፑን ካጨያና ደእያ ጾምፕያ ዎያ ባላቱዋ|alt="Seven-branched candlestick or lampstand" src="HK00264B.TIF" size="col" ref="25:31"\fig* 
\v 32 ምይያና ኡሱፑን ማራቱ አዉ ከሲኖ፤ ማራቱዋፐ ሄዛቱ እት ባጋና፥ ቃይ ሄዛቱ የንኮ ባጋና ደእኖ። 
\v 33 ኡሱፑን ማራቶካ ሁጲያን ሁጲያን ሄዙ ሄዙ ኩኩሙነ ጪሻይ ደእያ ላዉዝያ ጪሻ ማላትያ ዋንጫይ ደኦ። 
\v 34 ጾምፕያ ዎያ ባላዉ ግዶ ቶማይ፥ ኩኩሞቱዋ ጪሻቱ ደእያ ላዉዝያ ጪሻ ማላትያ ኦይዱ ዋንጫይ ደኦ። 
\v 35 ላኡ ላኡ እትፐ ዋን ደእያ ሄዙ ማራቱዋፐ ጋርሳና እት እት ኩኩሙ ደኦ። 
\v 36 ኩኩማቱነ ማራቱ ኡባይ ጾምፕያ ዎያ ባላና እትፐ፥ ኦይቀት እቱዋ ግዲደ፥ ዋላካይ ባይና ዎርቃፐ ቆጸቲደ መትኖ።
\p
\v 37 “ሄዋፐ ጉይያን ጾምፕያ ዎያ ባላዉ ላፑን ጾምፐቱዋ ጊግሳደ፥ ኡንቱንቱ ስን ግዶዉ ፖአና ማላ ቁ ኦደ ዎ። 
\v 38 ጾምፕያ ቶይስያ ቃጰቱዋነ ኡንቱንታ ዎያዋንታ ዋላካይ ባይና ዎርቃፐ መ። 
\v 39 ጾምፕያ ዎያ ባላይነ አን ጎኤትያ ሚሻ ኡባይ ሀታማነ እቼሹ ኪሎ ግራመ ግዴዳ ዋላካይ ባይና ዎርቃፐ መቲኖ። 
\v 40 አኬካ፤ ታን ኔና ደርያ ሁጲያን በሴዳዋዳን ኪተታ።\x - \xo 25:40 \xo*\xt ኪታ 7:44፤ እብራ. 8:5\xt*\x*
\c 26
\s1 ጾሳ ዱንካንያ
\r (36:8-38)
\p
\v 1 “ቃይ ሊቆ ፑቱዋፐ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐ ዳደቴዳ ታሙ ጋርዳቱዋ ጾሳ ዱንካንያ ጊግሳ። ሄ ጋርዳቱዋን እት ሂላን ክሩበቱዋ ምስልያ ዳድሳ። 
\v 2 ጋርዶቱ ኡባይ እት ልከ ግድኖ፤ ጌሳይ ላታማነ ሆስፑን ዋ፤ ጎምፓይ ኦይዱ ዋ ግዶ። 
\v 3 እቼሹ ጋርዳቱዋ እትፐ ጋደ ስካ፤ የንኮ አቴዳ እቼሹ ጋርዳቱዋካ ኡንቱንቱዋዳን ኪተታ። 
\v 4 እትፐ ጋከቲደ ስከቴዳ ጋርዳቱዋፐ እት ጋርዱዋ ዉርሰ ጋጻን ሳሉዋ ማላትያ ጫርቂያፐ ማጫራ መ፤ ቃይ እትፐ ጋከት ስከቴዳ የንኮ ጋርዱዋንካ ሄዋዳን ኪተታ። 
\v 5 እትፐ ጋከቴዳ እት ጋርዱዋ ቦላ እሻታሙ ማጫራ፥ ቃይ እትፐ ጋከቴዳ የንኮ ጋርዱዋ ቦላካ እሻታሙ ማጫራ መ፤ ሄ ማጫራቱ ኡባይካ እቱ እቶ ማራን ደእኖ። 
\v 6 ሄዋፐ ጉይያን ዎርቃፐ እሻታሙ ኦይቂያዋንታ መደ ጾሳ ዱንካኒ እቱዋ ግዳና ማላ፥ ሄ ጋርዳቱዋ ጋጻ ጋጻ ሄ ኦይቂያዋንቱን ኦይ።
\p
\v 7 “ቃጭናፐ መቴዳ ጾሳ ዱንካንያ ቦላና ካማና ማላ፥ ታማነ እት ጋርዳቱዋ ዴሻ እስክያፐ ዳዳደ፥ እት ዱንካንያ መ። 
\v 8 ታማነ እት ጋርዳቱካ እት ልከ ግድኖ፤ እት እት ጋርዱዋ ጌሳይ ሀታሙ ዋ፥ ጎምፓይ ኦይዱ ዋ ግዶ። 
\v 9 እቼሹ ጋርዳቱዋ እት ባጋና፥ ኡሱፑን ጋርዳቱዋ ቃይ የንኮ ባጋና ጋደ ስካ። ኡሱፑን ጋርዱ ዳኮቲደ፥ ዱንካንያዉ ስን ባጋና ዳቡለቶ። 
\v 10 ጋ ስኬዳ ጋርዳቱዋፐ እት ጋርዱዋ ጋጻን እሻታሙ ማጫራ መ፤ ቃይ ጋ ስኬዳ የንኮ ጋርዳቱዋፐ ጋጻን እሻታሙ ማጫራ መ። 
\v 11 እሻታሙ ናሃስያ ኦይቂያዋ መደ፥ ማጫራቱዋ ግዶ ገልሳ፤ ያታደ ዱንካንያ እትፐ ጋ ኦይ። ያቶፐ ሀ ላኡ ኦይቀቴዳ ካምያዋንቱ እቱዋ ግዳና። 
\v 12 ሀ ዱንካንያ ጋርዳቱዋፐ ፓላሄዳ ባጋ ጋርዱ ጾሳ ዱንካንያዉ ጉየና ካቀቶ። 
\v 13 ዱንካንያ ጋርዶቱ ላኡ ባጋናካ እት እት ዋ ኬሻ ፓላህኖ፤ ሄ ፓላሄዳዋንቱ ጾሳ ዱንካንያ ካማና ማላ፥ ላኡ ባጋ ምይያና ካቀትኖ።
\p
\v 14 “ዴሻ አጎዛፐ መቴዳ ዱንካንያ ቦላና ካማናዉ ዶርሳ ኦርግያ ጋልባ ዞኦ ቃላምያን የግ ከሴዳዋ ጊግሳ፤ ቃይ አ ቦላና ካማናዉ ቁምእያ ሀራ ጋልባፐ ጊግሳ።
\p
\v 15 “ጾሳ ዱንካንያ ጻጋግያዋንታ ስት ጌዳ ኦዶሩዋፐ ከሳ። 
\v 16 እት እት ጻጋግያዉ ጌሳይ ታሙ ዋ፥ ጎምፓይ እት ዋነ ባጋ ግዶ። 
\v 17 እት እት ጻጋግያዉ እቱዋ እቱዋና ጋ ኦይያ ላኡ ፖ መ። ጾሳ ዱንካንያ ጻጋገቱዋ ኡባካ ሄዋዳን ኪተታ፤ 
\v 18 ጾሳ ዱንካንያዉ ገድሳ ባጋና ላታሙ ጻጋግያዋ መ። 
\v 19 እት እት ጻጋግያዉ ላኡ ፖይ ገልያ ኦይታሙ ሉኩዋ፥ ኡባካ ብራፐ ጊግሳ። 
\v 20 ጾሳ ዱንካንያዉ ሁጲሳ ባጋና፥ ላታሙ ጻጋግያዋ መ። 
\v 21 እት እት ጻጋግያዉ ላኡ ገደቱ፥ ሙለ ኦይታሙ ገደቱ፥ ብራፐ ጊግኖ። 
\v 22 ቃይ ጾሳ ዱንካንያዉ ጉየ ጋጻን አዋይ ዉልያ ባጋና ኡሱፑን ጻጋግያ መ። 
\v 23 ጉየን ደእያ ጋጻቶ ላኡ ጻጋግያ ጊግሳ። 
\v 24 ሄዋ ድራዉ፥ እት ጻጱዋን ላኡ ፖ ጊጋ ጼራ ጋካናዉ እታ ግድ ምግዱዋን ኦይቀታናዉ በሴ፤ ላኡ ጋጻ ኦይያ ጻጋጋቱካ ሀራ ጻጋጊ ኦሰቶዋዳን ኦሰታናዉ በሴ። 
\v 25 ሄዋ ድራዉ እት እት ጻጋግያዉ ጋርሳና ላኡ ላኡ ፖይ ገልያ ሉካቱ ደኢኖ፤ ኡባና ሆስፑን ጻጋገቱነ ብራፐ ኦሰቴዳ ታማነ ኡሱፑን ፖይ ገልያ ሉካቱ ደኢኖ።
\p
\v 26 “ቃይ ኦዶሮቱዋፐ ቱቁመትያ ሜጋ ከሳ። ጾሳ ዱንካንያዉ እት ባጋ ምይያን ደእያ ጻጋገቶ እቼሹ ቱቁመትያ ሜጋ፥ 
\v 27 ቃይ የንኮ ባጋ ምይያን ደእያ ጻጋገቶ እቼሹ ቱቁመትያ ሜጋቱዋ ጊግሳ። ሄዋዳንካ፥ ጾሳ ዱንካንያዉ ጉየ አዋይ ዉልያ ባጋና ዉርሰ ጋጻን ደእያ ጻጋገቶ እቼሹ ቱቁመትያ ሜጋ መ። 
\v 28 ግዶ ቱቁመትያ ሜጋይ ጻጋገቶ ግዶ ሄራና ሀ ጋጻፐ ያ ጋጻ ጋካናዉ ፕን ከሳናዉ ኮሼ። 
\v 29 ጻጋገቱዋ ዎርቃን ሼሻደ፥ ቱቁመትያ ሜጋቱ አያ ሳጋየቱዋ ዎርቃፐ መ፤ ቃይ ቱቁመትያ ሜጋቱዋካ ዎርቃን ሼሻ። 
\v 30 ጾሳ ዱንካንያ ታን ኔና ደርያ ቦላን በሴዳዋዳን ኦደ ቶካ።
\p
\v 31 “ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ እት ጋርዱዋ ኪተታ፤ ሄ ጋርዱዋ ቦላ እት ሂላን ክሩበቱዋ ምስልያ ስክሳ። 
\v 32 ያታደ ዎርቃን ሼሼዳ ኦይዱ፥ ኦዶሩዋ ቱሳቱዋን ደእያ ዎርቃፐ ኦሰቴዳ ካቂያዋን ካቃ። ሄ ኦይዱ ቱሳቱ ብራፐ መዳ ኦይዱ ፖይ ገልያሳን ገልኖ። 
\v 33 ሄ ጋርዱዋ ጾሳ ዱንካንያ ካራን ደእያ ኦይቂያዋንቱፐ ጋርሳና ካቄዳ፥ ቃላ ጫቁዋ ታቦታ ጋርዱዋፐ ጉየ ባጋን ዎ፤ ያቶፐ ሄ ጋርዱ ጌሻ ሳኣ ኡባፐ አዳ ጌሻ ሳኣፐ ሻካና።\x - \xo 26:33 \xo*\xt እብራ. 6:19፤ 9:3-5\xt*\x* 
\v 34 አቶ ግያ ሳኣ ቁምእያ ኡባፐ አዳ ጌሻ ሳኣን ደእያ ቃላ ጫቁዋ ታቦታ ቦላ ዎ። 
\v 35 ጻርጴዛ ጋርዱዋፐ ካረና፥ ጾሳ ዱንካንያን ጌሻ ሳኣ ግዱዋን ሁጲሳ ባጋን ዎ፤ ጾምፕያ ዎያ ባላ ቃይ አ ባጋን ገድሳ ባጋና ዎ።
\p
\v 36 “ዱንካንያ ገልያ ፐንግያዉ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ጽልፕያን አሌቅስያዋን ኦሰቴዳ ጋርዱዋ መ። 
\v 37 ጋርዱዋ እቼሹ ቱሳቱዋ ኦዶሮቱዋፐ ከሳደ፥ ዎርቃን ሼሻ፤ ካቂያዋንቱካ ዎርቃፐ ኦሰቴዳዋንታ ግድኖ፤ ቱሳቶ ናሃስያ ብራታፐ ትጋደ እቼሹ ፖቱ ገልያዋ መ።
\c 27
\s1 ጹግያ ያርሹዋ ያርሽያ ሳኣ
\r (38:1-7)
\p
\v 1 “ኦዶሩዋፐ ያርሽያ ሳኣ ኬጻ። ሄ ያርሽያ ሳአዉ ጌሳይ እቼሹ ዋ ግዶ፤ ጎምፓይነ እት ልከ፥ እቼሹ እቼሹ ዋ፤ ቃተይ ሄዙ ዋ፥ ኦይዱ ጋጻና ደኦ። 
\v 2 ዉርሰ ጋጻን ጋጻን እት እት ካጭያ መ፤ ካጨቱ ያርሽያ ሳኣና እትፐ ኦይቀቲደ መትኖ። ያታደ ያርሽያ ሳኣ ናሃስያ ብራታን ሼሻ። 
\v 3 አን ጎኤትያ ሚሻቱዋ፥ ብድን ከስያ ባልደቱዋ፥ አካፋቱዋ፥ ሱ ትግያ ኩይጻሮቱዋ፥ ቃጲያ፥ ሴልያባ ኦይቂያ ሚሻ ናሃስያ ብራታፐ መ። 
\v 4 ያታደ ናሃስያ ብራታፐ ዛዝርያ መ፤ ቃይ አ ኦይዱ ጋጻን ኦይዱ ሳጋየቱዋ መ። 
\v 5 ያታደ ያርሽያ ሳአዉ ግዶ ባጋን ኦይደ ዎ 
\v 6 ኦዶሩዋፐ ያርሽያ ሳአዉ ካሶቱዋ ከሳደ፥ ናሃስያ ብራታን ሼሻ። 
\v 7 ያርሽያ ሳኣ ቶክያ ዎደ ማዳና ማላ፥ ሄ ካሱዋ ላኡ ምይያና ደእያ ሳጋየቱዋን አ። 
\v 8 ታን ኔና ደርያ ቦላን በሴዳዋዳን፥ ያርሽያ ሳኣ ጻዉላፐ መደ፥ ጎምፓ መላ ከስኖ።
\s1 ጾሳ ዱንካንያዉ ዳባባ ዩሹዋ
\r (38:9-20)
\p
\v 9 “ጾሳ ዱንካንያዉ አሳይ ሺቅያ ዳባባ ጊግሳ። ዳባባይ ገድሳ ባጋና ጼቱ ዋ አዱቆ፤ ሄ ዳባባዉ ሊቆ ሊኑዋፐ ዳደቴዳ ጋርዳቱዋ ጊግሳ። 
\v 10 አዉ ናሃስያ ብራታፐ ላታሙ ቱሳቱዋነ ቱሳቱ ኤቂያ ላታሙ ፖይ ገልያ ሉኩዋ ኦ፤ ኡንቱንቱ ሁጲያን ቃይ ብራፐ ካቂያዋንታነ ቱሳቱዋ ሁጲያን ቃችያዋንታ ኦ። 
\v 11 ሄዋዳንካ፥ ዳባባዉ ሁጲሳ ባጋና ጼቱ ዋ አዱቆ፤ ቃይ ላታሙ ቱሳቱዋናነ ሄ ቱሳቶ ላታሙ ናሃስያ ፖይ ገልያ ሉኮቱዋና ደእያ ጋርዱ ደኦ። ያቲደ ብራፐ ኦሰቴዳ ካቂያዋንቱነ ቱሳቱዋ ሁጲያን ቃችያዋንቱ ዳባባዉ ደእኖ።
\p
\v 12 “ዳባባዉ አዋይ ዉልያ ባጋ ጎምፓይ እሻታሙ ዋ አኮ፤ ታሙ ቱሳቱነ፥ ቱሳቶ ታሙ ፖይ ገልያ ሉካቱ ደእያ ጋርዶቱ አዉ ደእኖ። 
\v 13 ቃይ አዋይ ዶልያ ባጋ ዳባባ ጎምፓይካ እሻታሙ ዋ ግዶ። 
\v 14 ዳባባ ገልያ ሳኣፐ አዋይ ዶልያ ባጋና ታማነ እቼሹ ዋ አዱቂያ ጋርዶቱ ደእኖ፤ ኡንቱንቶ ሄዙ ቱሳቱነ ሄዙ ፖይ ገልያ ሉኮቱ ደእኖ። 
\v 15 ሄዋዳንካ፥ ህንኮ ባጋና ጋርዶቱ ታማነ እቼሹ ዋ አዱቂያ ጋርዶቱ ደእኖ፤ ኡንቱንቶ ሄዙ ቱሳቱነ ቱሳቶ ሄዙ ፖይ ገልያ ሉኮቱ ደእኖ።
\p
\v 16 “ዳባባ ገልያ ሳአዉ ላታሙ ዋ አዱቂያ ጋርዱዋ ጊግሳ፤ ሄዌካ ሳሉዋ ማላትያ፥ ኦቻ ቴራ ማላትያነ፥ ሾሎላ ዞኦ ቃጭናፐነ ሊቆ ሊኑዋፐ ዳደቴዳዋ፥ ጽልፕያን አሌቅስያዋን ጊግሳ። ኦይዱ ቱሳቱዋነ ቱሳቶ ኦይዱ ፖይ ገልያ ሉኮቱዋ ጊግሳ። 
\v 17 ዳባባ ዩሹዋን ደእያ ቱሳቱዋ ኡባዉ ብራፐ ኦሰቴዳ ቃችያዋንቱነ ካቂያዋንቱ፥ ናሃስያፐ ኦሰቴዳ ፖይ ገልያ ሉኮቱ ደእኖ። 
\v 18 ዳባባይ አዱሳተይ ጼቱ ዋ፥ ጎምፓይ እሻታሙ ዋ ግዶ፤ ፑድያ እቼሹ ዋ ቂያ ሊቁዋን ዳደቴዳ ሊኑዋፐ ኦሰቴዳ ጋርዶቱ ደእኖ፤ ያቲደ ቱሳቱዋ ናሃስያፐ ኦሰቴዳ ፖይ ገልያ ሉኮቱ ግድኖ።
\p
\v 19 “ጾሳ ዱንካንያን ኦያ ኦሶ ጎኤትያ ሚሻ ኡባይ፥ ኡንቱንቱ ጎአይ አያ ግዶፐነ፥ ጾሳ ዱንካንያ ገቱ ኡባናነ ዳባባ ገቱ ኡባናካ ጉጅና፥ ናሃስያ ብራታፐ መቲኖ።
\s1 ጾምፕያ ዛይትያ
\r (ዎጋ 24:1-4)
\p
\v 20 “ጾምፒ ቶኤናን ኤጺደ ደአና ማላ፥ አዉ ኮሽያ ጽሎ ዛይትያ ዎጋራ ቴራ ጫዲደ ጉምእና ከሴዳዋ ነዉ አሀና ማላ፥ እስራኤላቱዋ አዛዛ። 
\v 21 አሮነነ አ ናናይ፥ ጾምፒ ጾሳ ስንን ቃሜዳ ሳአይ ዎንታና ጋካናዉ ፖአና ማላ፥ መና ጎዳ ዱንካንያ ግዶን፥ ማርካተ ታቦታ ስንን ደእያ ጋርዱዋፐ ካረና ኤኖ። ሀዌ እስራኤልያ አሳዉ መናዉ ዎ ዎጋ ግዲደ ደኦ።
\c 28
\s1 ቄሳቱዋ ካፓቱዋ ማዩዋ
\r (39:1-7)
\p
\v 1 “ነ እሻ አሮናነ አ ናና ናዳባ፥ አቢሀ፥ ኤልኣዛራነ እታማራ ኔኮ አሃደ፤ ኡንቱንቱ ቄሳቱዋ ግዲደ ታዉ ኦና ማላ፥ እስራኤልያ አሳ ግዶፐ ኡንቱንታ ዱማያ። 
\v 2 አዉ ቦንቹዋነ ፑላ እማና ማላ፥ ነ እሻ አሮናዉ ቄሳተ ማዮቱዋ ጊግሳ። 
\v 3 ታን አዳ ኤራ እሜዳ ኩሽያ ሂላ ኤርያ አሳ ኡባ ጼሳደ፥ አሮናዉ ማዮቱዋ ጊግሳና ማላ ኦዳ፤ እ ቄሴ ግዲደ፥ ታዉ ኦናዉ ዱማታናዋ። 
\v 4 ኡንቱንቱ ጊግሳና ማዮቱካ ሀዋንታ: ትራን ዎያዋ፥ ኤፉድያ፥ አዱሳ ማዩዋ፥ አሌቀቲደ ዳደቴዳ አዱሳ ሻምጭያ፥ ሻሽያነ ሀራ ዳንጩዋ። ነ እሻይ አሮነነ አ ናናይ ቄሳቱዋ ግዲደ ታዉ ኦደ ጌሻ ማዮቱዋ ማያና ማላ፥ ስክያዋንቱ ጊግሲኖ። 
\v 5 ኩሽያ ሂላ ኤርያዋንቱካ ሀ ማዮቱዋ ጊግሳናዉ ዎርቃ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናነ ሊቆ ሊኑዋ ጎኤትኖ።
\s1 ኤፉድያ
\p
\v 6 “ኤፉድያ ጌተትያ ማዩዋ ዎርቃፐ፥ ሳሉዋ ማላትያ ቃጭናፐ፥ ኦቻ ቴራ ማላትያ ቃጭናፐ፥ ሾሎላ ዞኦ ቃጭናፐነ ሊቆ ሊኑዋ ቃጭናፐ ኩሽያ ሂላንቻቱ አሌቂሲደ ጊግሲኖ። 
\v 7 ላኡ ባጋይ ጋከቲደ እቱዋ ግዳና ማላ፥ ላኡ ሀሽያ ቦላ ጋደ ኦይያ ጫርቂ ደኦ። 
\v 8 ሂላንቻይ አሌቂሲደ ዳዴዳ ዳንጩካ ኤፉድያና እታ ግዲደ፥ ዎርቃፐ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሌእስ ባቄዳ ሊኑዋፐ ኦሰቶ።
\p
\v 9 “ማርግድያ ጌተትያ ላኡ ሹቻቱዋ አሃደ፥ እስራኤልያ ናናቱዋ ሱን ኡንቱንቱ ቦላ ዎጫደ ጻፋ። 
\v 10 ኡንቱንቱ የለታ ማራዳን እት ሹቻ ቦላ ኡሱፑን ሱን፥ ህንኮ ሹቻ ቦላ ቃይ አቴዳ ኡሱፑናቱዋ ሱን ዎጫደ ጻፋ። 
\v 11 ማታፋ ቦላ ሱን ዎጪደ ጻፍያዋዳን፥ ሄ ላኡ ሹቻቱዋ ቦላ እስራኤልያ ናናቱዋ ሱን ዎጫደ ጻፋ፤ ሄ ሹቻቱዋ ዎርቃፐ መዳ ሹቻ ኦይቂያዋ ቦላ ዎ። 
\v 12 ያታደ ታማነ ላኡ እስራኤልያ ዘረ ሀሳይያዋ ግዳና ማላ፥ ሀ ላኡ ሹቻቱዋ ኤፉድያና ኦይዳ ሀሽያ ጫርቂያን ዎ፤ ያቶፐ መና ጎዳ ስንን ኡባደ ቆፈታና ማላ፥ ሀ ሱንቱዋ አሮነ ባረ ሀሽያን ቶኮ። 
\v 13 ሄ ሹቻቱዋ ኦይቂያዋ ዎርቃፐ መ። 
\v 14 ቃይ ዋላካይ ባይና ዎርቃፐ ዎዶሩዋዳን ዶቄዳ ላኡ ሳንሳላታቱዋ ጊግሳደ፥ ሄ ላኡ ሹቻ ኦይቂያዋንቱና ጋ ኦይ።
\s1 ትራን ዎያዋ
\r (39:8-21)
\p
\v 15 “ጾሳ ሸኒ አየንቶ ኦቺደ ኤርያ ትራን ዎያዋ ኩሽያ ሂላንቻን ኦስሳ። ሄ ትራን ዎያዋ ኤፉድያ ዳዴዳዋዳን፥ ዎርቃፐ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳዳ። 
\v 16 አዉ ኦይዱ ጋጻይ ደኤ፤ ጌሳይካ ጎምፓይ እት እት ታካ ግዲደ ዳኮቶ። 
\v 17 ሄዋፐ ጉይያን አ ቦላ ኦይዱ ማራን አልኦ ሹቻቱዋ ዎ፤ ኮይሮ ማራን ዎዳ ሹቻይ፥ ሳርድዮና፥ ቶጳዝዮንያነ ጶልያ እንቁዋ። 
\v 18 ላኤን ማራን ባሉርያ፥ ሳምፔርያነ አልማዝያ ግያ አልኦ ሹቻቱዋ፤ 
\v 19 ሄዘን ማራን ያክንትያ፥ ከልቀዶንያነ አመተስጽኖስያ፤ 
\v 20 ኦይደን ማራን ብራል፥ ማርግድያ፥ ያስጲድያ። ሀዋንቱ ኡባይ ዎርቃፐ ኦሰቴዳ ሹቻ ኦይቂያዋ ቦላ ኡትኖ። 
\v 21 እስራኤልያ ናናቱዋ ሱን ፓይዱዋዳን፥ ሹቻቱዋ ፓይዱካ ታማነ ላኡዋ ግድኖ፤ እቱ እቱ ማታፋዳን ዎጨቲደ፥ ታማነ ላኡ ዛራቱዋ ሱንይ ሄ ሹቻቱዋን ጻፈቶ።
\p
\v 22 “ትራን ዎያዎ ዎዶሩዋዳን ዶቀቴዳ ሳንሳላታ ዋላካይ ባይና ዎርቃፐ መ። 
\v 23 ላኡ ዎርቃ ምግዳቱዋ መደ፥ ትራን ዎያዎ ቆሞ ጋጻ ጋደ ኦይ ዎ። 
\v 24 ሄ ላኡ ዎርቃ ሳንሳላታቱዋ ትራን ዎያዎ ጋጻን ደእያ ምግዶቱዋና ጋደ ኦይ። 
\v 25 ሄ ሳንሳላታቶ የንኮ ባጋ ጼራ ቃይ ኤፉድያዉ ስን ባጋና፥ ሀሽያ ጫርቂያን ደእያ ሹቻ ኦይቂያዋንቱና ጋ ቃቻ። 
\v 26 ቃይካ ላኡ ዎርቃ ምግዳቱዋ መደ፥ ኤፉድያፐ ጋርሳን ካሊደ ደእያ ትራን ዎያዎ ሶ ባጋና ደእያ ላኡ ጋጻ ጼራን አ። 
\v 27 ሄዋዳንካ፥ ዎርቃፐ ሀራ ላኡ ምግዳቱዋ መደ፤ ኤፉድያዉ ስን ባጋና፥ ሀሽያ ጫርቂያፐ ጋርሳ ባጋና፥ ኤፉድያ ጼሳን ቃችያዋፐ ቆሞና፥ ስኩ ጋከቴዳ ሳኣ ማታን ካረና ኡንቱንታ ኦይ። 
\v 28 ትራን ዎያዋን ደእያ ምግዳቱዋ ኤፉድያን ደእያ ምግዶቱዋና ጋደ፥ ሳሉዋ ማላትያ ባቀን ቃቻ፤ ያቶፐ፥ ትራን ዎያዌ ጼሳፐ ቆሞና ደእያ ድራዉ፥ ቃሹ ሾልኤና።
\p
\v 29 “አሮነ ጌሻ ሳኣ ገልያ ዎደ፥ ሀ ትራን ዎያ መና ጎዳ ሸንያ በስያዌ ደእያ እስራኤልያ ዛራቱዋ ሱንቱዋ ቶኮ። ያቶፐ ታን መና ጎዳይ ኡባደ ታ አሳ ሀሳያና። 
\v 30 ቃይ ኡሪምያነ ቱሚምያ ጌተትያዋንታ ትራን ዎያዋን የጋ። አሮነ መና ጎዳ ስን አደ፥ ባረ ትራን ዎ አኪደ ገሎ። ታ ሸኒ አየንቶ እስራኤልያ አሳ ኤርሳና ማላ፥ እ ታ ስንን ኦናዉ ገልያ ዎደ ኡባን ባረ ትራ ኪስያፐ ይሶፖ።\x - \xo 28:30 \xo*\xt ፓይ. 27:21፤ ዛረ. 33:8፤ እዝራ 2:63፤ ናህ. 7:65\xt*\x*
\s1 ሀራ ቄሳቱዋ ካፑዋ ማዩዋነ ቄሳቱዋ ማዩዋ
\r (39:22-31)
\p
\v 31 “ኤፉድያፐ ጋርሳና ማይያ አዱሳ ማዩዋ ኡባ ሳሉዋ ማላትያ ጫርቂያፐ ጊግሳ። 
\v 32 ሄ አዱሳ ማዮ ቆያ አያ ሳኣ መ። ሄ ሳአይ ፔተናዳን፥ ዩሻ አደ ጉጃ ጉጃ ስካ። 
\v 33 አዱሳ ማዩዋ ዱገ ባጋ ማጫራ ዩሹዋን ሳሉዋ ማላትያ፥ ኦቻ ቴራ ማላትያነ ሾሎላ ዞኦ ሮማንያ አይፍያ ቴራ ምስለቱዋ መ። ያታደ ኡንቱንቱ ግዱዋን ዎርቃፐ ኦሰቴዳ ዳዋላቱዋ ዋላካን ኦ። 
\v 34 ዎርቃ ዳዋላቱነ ሮማንያ ቴራ ምስለቱ ሄ አዱሳ ማዩዋ ዱገ ባጋ ጼራዉ ዩሹዋን ዋላካን አኖ። 
\v 35 አሮነ ቄሳተን ኦያ ዎደ፥ ሀ አዱሳ ማዩዋ ማዮ፤ መና ጎዳ ስን ጌሻ ሳኣ ገልያ ዎደነ ከስያ ዎደ፥ ዳዋላይ ዋሳና። ሄዋ ድራዉ እ ሀይቀና።
\p
\v 36 “ዋላካይ ባይና ዎርቃፐ እት አሌቁዋ መደ ማታፋ ቦላ ዎጭያዋዳን፥ አ ቦላ ዎጫደ፥ ‘መና ጎዳዉ ጌሻ ግዲደ ዱማቴዳ’ ያጋደ ጻፋ። 
\v 37 ሁጲያን ጻጽያ ሻሽያፐ ጻደና ዴሙዋን ቃቻና ማላ፥ ሳሉዋ ማላትያ ባቀ አን አ። 
\v 38 አሮነ አ ባረ ዴሙዋን ዎ፤ ሄዋን እስራኤልያ አሳይ መና ጎዳዉ ጌሻ ያርሾ እምያዋን ፓጫይ ደኦፐ፥ ሄ ባይዙዋ አሮነ ቶኬ። አሳይ አህያዋ ኡባ መና ጎዳይ አካና ማላ፥ እ ሄዋ ኡባ ገደካ ባረ ደሙዋን ዎናዉ ኮሼ።
\p
\v 39 “አሮና አዱሳ ሻምጭያ ሊቆ ሊኑዋፐ ዳዳ፤ ሁጲያን ጻጽያ ሻሽያካ ሊኑዋፐ ጊግሳ። ቃይ ዳንጩዋ ጽልፕያን አሌቅስያዋን ስክሳ። 
\v 40 አሮና ናናዉ ቦንቾነ አሌቆ ግዳና ማላ፥ አዱሳ ሻምጭያ፥ ዳንጮቱዋነ ሁጲያን ጻጽያ ሻሸቱዋ ጊግሳ። 
\v 41 ኔን ሀ ማዮቱዋ ነ እሻ አሮናነ አ ናና ማይዜዳዋፐ ጉይያን፥ ኡንቱንታ ቄሰተን ሱንደ ታዉ ኦና ማላ ኦካደ ዱማያ።
\p
\v 42 “ኡንቱንቱ ካሉ ካመታና ማላ ጋርሳና ማይያ ማዩዋ፥ ጼሳፐ ቢደ ዎድርያ ጋካናዉ ካምያዋ፥ ሊቆ ሊኑዋ ቃጭናፐ ዳዳደ ጊግሳ። 
\v 43 አሮነነ አ ናናይ ጾሳ ዱንካንያ ገልያ ዎደ፥ ዎይ ያርሹዋ ያርሽያ ጌሻ ሳኣን ቄሳተን ኦናዉ ሺቅያ ዎደ፥ ሀ ማዮቱዋ ማይኖ። ሄዋዳን ሀኖፐ፥ ኡንቱንቱ ባረንቱ ቦላ ባይዙዋነ ሀይቁዋ አህክኖ።
\p “ሀዌ አሮናዉነ አ ዛረቶ መናዉ ዎጋ ግዶ።
\c 29
\s1 ቄሳተ ሱን እሚደ ፖልያ ዎጋቱዋ
\r (ዎጋ 8:1-36)
\p
\v 1 “አሮነነ አ ናናይ ቄሳቱዋ ግዲደ ታዉ ኦና ማላ፥ ኔን ኡንቱንታ ዱማያናዉ ሀዋዳን ኦ፤ ትላ ቦላና ደእያ እት ኮሩማ፥ ላኡ ዶርሳ ኮለቱዋ አካ፤ 
\v 2 ሙሩታ ዛርጋ ልያ አካደ፥ እርሹዋ የገናን ኡክ ኡካ፤ ቃይ እርሹዋ የገናን ዛይትያን ኮምፑዋ ኮምፓ፤ ሄዋዳንካ፥ እርሹዋ የገናን ሌኦ ኡክ ኡካደ፥ ዛይትያ ኦካ። 
\v 3 ኔን ኡንቱንታ ሳምፓን ዎደ፥ ኮሩማናነ ላኡ ዶርሳ ኮለቱዋና እትፐ ታዉ ሺሻ።
\p
\v 4 “ያታደ አሮናነ አ ናና ጾሳ ዱንካንያ ፐንገ አሃደ፥ ሃን ኡንቱንታ ሜጫ። 
\v 5 ሄዋፐ ጉይያን ማዮቱዋ አካደ፥ አዱሳ ሻምጭያ፥ ኤፉድያ ጋርሳና ማይያ አዱሳ ማዩዋ፥ ኤፉድያነ ትራን ዎያዋ አሮና ማይዛደ ኤፉድያ ሂላን ዳደቴዳ ዳንጩዋን ዳንጭሳ። 
\v 6 ሻሽያካ አ ሁጲያን ጻጻደ፥ ‘ጾሳዉ ጌሻ ግዲደ ዱማቴዳ’ ያግያዌ ጻፈቴዳ አሌቁዋ ስን ደሙዋን ሻሽያ ምይያን አ። 
\v 7 ኦክያ ዛይትያካ አካደ፥ አ ሁጲያን ትጋደ ኦካ። 
\v 8 አ ናናካ አሃደ አዱሳ ሻምጭያ ማይዛ። 
\v 9 ሻሽያካ ኡንቱንቱ ሁጲያን ጻጻ። ሄዋፐ ጉይያን አሮናነ አ ናና ዳንጩዋ ዳንጭሳ። ቄሳተይ ኡንቱንቶ መና ዎጋ ግዶ። ስም አሮናነ አ ናና ያታደ ቄሳቱዋ ኦሳ።
\p
\v 10 “ኮሩማ፥ ጾሳ ዱንካንያ ስን ኔን አህና፥ አሮነነ አ ናናይ አ ሁጲያን ባረንቱ ኩሽያ ዎኖ። 
\v 11 ኮሩማ፥ መና ጎዳ ዱንካንያ ገልያ ፐንግያን መና ጎዳ ማታን ሹካ። 
\v 12 ኮሩማ ሱፐ አማሬዳዋ ነ ብራያን አካደ፥ ያርሽያ ሳኣ ቦላ ደእያ ካጨቱዋ ኦክሽን አቴዳዋ ያርሽያ ሳኣፐ ጋርሳ ባጋና ጉሳ። 
\v 13 ሄዋፐ ጉይያን ቃን አሹዋ ካሜዳ ሞያ ኡባ፥ ትርያ ጼራ ቦላ ደእያ ሞያ፥ ላኡ ክላሆቱዋነ ኡንቱንታ ካሜዳ ሞያ አካደ፥ ያርሽያ ሳኣ ቦላ ጹጋ። 
\v 14 ሽን ኮሩማ አሹዋ፥ አ ጋልባነ አ ማራጭያን ደእያ ቶጪያ አሳይ ኡቶ ሄራፐ ሃሳደ ጹጋ፤ ሄዌ ናጋራ ድራዉ ያርሽያ ያርሹዋ።
\p
\v 15 “ላኡ ዶርሳ ኮለቱዋፐ እቱዋ ኔን አክና፥ አሮነነ አ ናናይ ባረንቱ ኩሽያ አ ሁጲያን ዎኖ። 
\v 16 ያቶፐ ዶርሳ ኮልያ ሹካደ፥ ሱ ያርሽያ ሳኣ ምይያን ኡባ ሳኣን ፑሻካ። 
\v 17 ዶርሳ ኮልያ አሹዋ ቃንጸሬደ፥ ቃን አሹዋካ ገድያ ሜጫደ ሁጲያ ቦላነ ሀራ ቆሞ አሾቱዋ ቦላ ኡንቱንታ ዎ፤ 
\v 18 ሄዋፐ ጉይያን፥ ዶርሳ ኮልያ ኡባና ያርሽያ ሳኣን ጹጋ፤ ሄዌ መና ጎዳዉ ጹገትያ ያርሹዋ፥ ሳዉዋ ቶሽኩ ግያ ያርሹዋነ መና ጎዳዉ ታማን ያርሽያ ያርሹዋ።\x - \xo 29:18 \xo*\xt ኤፈ. 5:2፤ ፕልጵ. 4:18\xt*\x*
\p
\v 19 “ቃይ የንኮ ዶርሳ ኮልያ አሮነነ አ ናናይ ባረንቱ ኩሽያ አ ሁጲያን ዎና ማላ ኔን አሀ። 
\v 20 ሄ ዶርሳ ኮልያ ሹካደ፥ አ ሱፐ አማሬዳዋ አካደ፥ አሮናዉነ አ ናናዉ ኡሸቻ ሀይቱዋ ጼራ፥ ኡንቱንቱ ኡሸቻ ኩሸቶ ዎጋ ብራቱዋነ ኡንቱንቱ ኡሸቻ ገደቶ ዎጋ ብራቱዋ ኦካ፤ ሄዋፐ ጉይያን፥ አቴዳ ሱ ያርሽያ ሳኣ ምይያን ኡባ ሳኣን ፑሻካ። 
\v 21 ያርሽያ ሳኣን ደእያ ሱፐ አማሬዳዋነ ትግያ ዛይትያፐካ አማሬዳዋ አካ፥ አሮና ቦላነ አ ማዩዋ ቦላ፥ አ ናናቱዋ ቦላነ ኡንቱንቱ ማዩዋ ቦላ ፑሻካ። እነ አ ናናይ፥ ኡንቱንቱ ማዩ ጾሳ ኦሶ ዱማታናዋ።
\p
\v 22 “ሀ ዶርሳ ኮልያፐ ሞዋ፥ ናስያ፥ ቃን አሹዋ ቦላ ደእያ ሞያ፥ ትርያ ጼራ ቦላ ደእያ ሞያ፥ ላኡ ክላሆቱዋ፥ ኡንቱንታ ካሜዳ ሞያነ ኡሸቻ ባጋና ደእያ ጉየ ገድያ አካ፤ ሀዌ ቄሳተ ሱን እምያ ዎደ ሹክያ ዶርሳ። 
\v 23 መና ጎዳ ስንን ዎዳ እርሹ ገልቤና ኡክ፥ ሳምፓፐ ዛይቲ ዋላከትቤና ኡክ፥ ዛይትያና ኡኬዳ እት ኮምፑዋነ እት ሌኦ ኡክ አካ። 
\v 24 ኔን ሀ ቁማ ኡባ አሮና ኩሽያንነ አ ናናቱዋ ኩሽያን ዎደ ዉጻካናዳን ኦ። ኡንቱንታ መና ጎዳ ስንን ፑደነ ዱገነ ቃኖ። 
\v 25 ሄዋፐ ጉይያን ኡንቱንቱ ኩሽያፐ ሀዋንታ አካደ፥ ያርሽያ ሳኣ ቦላ ዎደ፥ ጹግያ ያርሹዋና ጋደ፥ መና ጎዳዉ ሳዉዋ ቶሽኩ ጋናዳን፥ ያርሽያ ሳኣ ቦላ ታማን ጹጋ። 
\v 26 አሮነ ቄሳ ግዲደ ሱንትያ ዎደ ሹኬዳ ዶርሳ ኮልያ አንጎሱዋ አካደ፥ መና ጎዳ ስንን ቃያ ያርሹዋዳን ቃ፤ ሄዌ ኔና ጋክያ ነ ምያ ግሹዋ ግዳናዋ።
\p
\v 27 “ሄ ሹኬዳ ዶርሳ አሹዋ ቆሞቱዋፐ፥ ያርሹዋ ኦደ ቃዳ አንጎሱዋነ ጾሳ ስንን ፑደ ቶኬዳ ገድያ ጌሻ፤ ሄዋንቱ አሮናዉነ አ ናናዉ ግሹዋ ግዳናዋንታ። 
\v 28 እስራኤላቱ መና ጎዳዉ እምያ እትፐተ ያርሹዋፐ ቃያ ባጋዉ ዎጋይ፥ ኡባ ገደካ እስራኤልያ አሳፐ ሺቆደ አሮናዉነ አ ናናዉ ጋክያ ግሹዋ ግዶ።
\p
\v 29 “አሮና ቄሳተ ጌሻ ማዩ አ ሀይቁዋፐ ጉይያን አ ዛረቶ ደኦ፤ ኡንቱንቱ ቄሳቱዋ ካፑዋ ግድያ ዎደ ሀ ማዩዋ ኦከታናዉነ ዱማታናዉ ማይኖ። 
\v 30 አ ናናቱዋፐ አ ሳኣን ቄሳቱዋ ግዲደ፥ ጌሻ ሳኣን ኦናዉ ጾሳ ዱንካንያ ይያ ናአይ፥ ሄ ማዩዋ ላፑን ጋላሳዉ ማዮ።
\p
\v 31 “አሮነነ አ ናናይ ቄሳቱዋ ግዲደ ሱንትያ ዎደ ሹከቴዳ ዶርሳ ኮልያ አሹዋ አካደ፥ ጌሻ ሳኣን ዶይሳ። 
\v 32 አሮነነ አ ናናይ ዶርሳ ኦርግያ አሹዋካ ማሶፍያን ደእያ ኡክ ጾሳ ዱንካንያ ገልያ ፐንግያን ሚኖ። 
\v 33 ኡንቱንቱ ቄሳቱዋ ግዲደ ሱንታናዉነ ዱማታናዉ ናጋራይ አቶ ጌተታናዳን ያርሸቴዳ ሀ ያርሾቱዋ ሚኖ። ሽን ሄ ያርሾቱ ጌሻ ግዴዳ ድራዉ፥ ሀራ አሳይ ኦነ ሞፖ። 
\v 34 ቄስያ ግዲደ ሱንትያ ዎደ ሹኬዳ ዶርሳ ኮልያ አሹዋፐ ዎይ ኡክፐ ዎንታ ጋካናዉ ፓላሂደ አቆፐ፥ ታማን ጹገቶ፤ ጌሻ ግዴዳ ድራዉ ሜተቶፖ።
\p
\v 35 “አሮነነ አ ናናይ ቄሳቱዋ ግዲደ ሱንትያ ዎደ ዎያ ዎጋ ልከ ታን ኔና አዛዜዳዋዳን ኦደ፥ ላፑን ጋላሳ ጋርሳን ፖላ። 
\v 36 ናጋራይ አቶ ጌተታናዳን ሀቼ ሀቼ ናጋራ ያርሹዋዳን እት ኮሩማ ያርሻ። ሄዋን ያርሽያ ሳኣ ጌሻ፤ ያታደ ያርሽያ ሳኣ ዱማያናዉ ኦካ። 
\v 37 ያርሽያ ሳኣ ናጋራ አቶ ግያ ዎጋ ላፑን ጋላሳን ፖላደ፥ አ ዱማያ። ያቶፐ ያርሽያ ሳአይ ጌሻ ኡባፐ እቱዋ ግዴዳ ጌሻ። አ ቦችያ ኡባይካ ጌያና።
\s1 ሀቼ ሀቼ ሺሽያ ያርሹዋ
\r (ፓይ. 28:1-8)
\p
\v 38 “ያርሽያ ሳኣን ኔን ሀቼ ሀቼ ሺሻና ያርሹ ሀዋ። የለቶደፐ እት ላይ ግዴዳ ላኡ ዶርሳ ኦርገቱዋ ያርሻ። 
\v 39 ዶርሳ ኮለቱዋፐ እቱዋ ዎንታ፥ ቃይ ላኤንዋ ኦማርስ ያርሻ። 
\v 40 ኮይሮ ዶርሳ ማራና እት ኪሎ ግራመ ግዴዳ ሙሩታ ዛርጋ ልያ እት ሊትሮ ጉምኤቴዳ ዛይትያን ሙናቃደ ያርሻ፤ እት ሊትሮ ዎይንያ ኤሳካ ኡሻ ያርሹዋ ኦደ ያርሻ። 
\v 41 ላኤን ዶርሳ ኦርግያ ኦማርስ ያርሻደ ዎንታዋ ኬሻ፥ ልያ፥ ዛይትያነ ዎይንያ ኤሳ ሺሻ። ሄዌ መና ጎዳዉ ታማን ያርሸትያ፥ ሳዉዋ ቶሽኩ ግያ ያርሹዋ ግዳናዋ።
\p
\v 42 “ሀ ጹግያ ያርሹ ይያ የለታ ኡባን ጾሳ ዱንካንያ ገልያ ፐንግያን መና ጎዳ ስንን ፓጭ ባይናን ያርሸታናዉ ኮሼ። ታን ያን ህንተንቱና ጋከታደ፥ ኔናና ሃሳያና። 
\v 43 ቃይ ያን ታን እስራኤላቱዋና ጋከታናዉ፥ ታ ቦንቹካ ሄ ሳኣ ዱማ ሳኣ ከሳና።
\p
\v 44 “ሄዋ ድራዉ፥ ታን ጾሳ ዱንካንያነ ያርሽያ ሳኣ ዱማያና፤ ኡንቱንቱ ታዉ ቄሳቱዋ ግዲደ ታዉ ኦና ማላ፥ አሮናነ አ ናና ታን ዱማያና። 
\v 45 ያታደ ታን እስራኤለቱዋ ግዶን ደአና፤ ቃይ ታን ኡንቱንቱ ጾሳ ግዳና። 
\v 46 ታን ኡንቱንቱ ግዶን ደአና ማላ፥ ግብጼፐ ኡንቱንታ ከሴዳ መና ጎዳ ኡንቱንቱ ጾሳ ግድያዋ ኡንቱንቱ ኤራና። ኤ፥ ታን መና ጎዳ ኡንቱንቱ ጾሳ።
\c 30
\s1 እጻና ጩዋይያ ሚሻ
\r (37:25-28)
\p
\v 1 “እጻና ጩዋይያ ሚሻ ኦዶሮቱዋፐ መ፤ 
\v 2 አዉ ኦይዱ ጋጻይ ደኦ፤ አዱሳተይ እት ዋ፥ ጎምፓይ እት ዋ፥ ጌሳይ ላኡ ዋ ግዶ፤ ካጨቱካ አናና እቱዋ ግዲደ ኦይቀት መትኖ። 
\v 3 አዉ ቦላ ዶና፥ ኦይዱ ባጋ ኡባነ አ ካጨቱዋ ዋላካይ ባይና ዎርቃን ሼሻ፤ አ ዩሹዋንካ ዎርቃ ትገ ዩሻ አ። 
\v 4 ሄ ዎርቃ ትገፐ ጋርሳና እጻና ጩዋይያ ሳጽንያዉ ዎርቃፐ ላኡ ሳጋየቱዋ መ፤ ያታደ ያ ባጋናነ ሀ ባጋና ላኡዋ ላኡዋ ኦይ። ሄዋንታ ቶክያ ዎደ ካሱዋ አናዉ ማዳናሳ። 
\v 5 ካሶቱዋ ኦዶሮቱዋፐ ከሳደ፥ ኡንቱንታ ዎርቃን ሼሻ። 
\v 6 ሀ ያርሽያ ሚሻ ቃላ ጫቁዋ ታቦታ ስንን ካቀቴዳ ጋርዱዋፐ ካረ ባጋና፥ ሄዋካ ታን ኔናና ጋከትያ ቃላ ጫቁዋ ታቦታ ቦላ ደእያ አቶ ግያ ሳኣ ቁምእያ ስንን ዎ።
\p
\v 7 “አሮነ ዎንታ ዎንታ ጾምፐቱዋ ጊግሳናዉ ይያ ዎደ፥ ሳዊያ እጻና ያርሽያ ሳኣን ጩዋዮ። 
\v 8 አሮነ ኦማርስ ጾምፐቱዋ ፖእስያ ዎደ፥ ዛረደካ እጻና ጩዋዮ፤ ያቶፐ፥ እጻናይ መና ጎዳ ስንን ይያ የለታዉ ኡባደ ጩዋታና። 
\v 9 ሀ እጻና ጩውስያ ሚሻን ሀራ አይ እጻናነ፥ ዎይ ጹግያ ያርሹዋ፥ ዎይ ካ ያርሹዋ ያርሾፓ፤ ኡሻ ያርሹዋካ አ ቦላ ትጎፖ። 
\v 10 አሮነ ላይፐ እት ገደ ናጋራፐ ማረታናዉ ሹክያ መህያ ሱ አኪደ፥ ሄ ያርሽያ ሳኣ ቦላ ደእያ ካጨቱዋ ቦላ ዎ። ያቲደ ጌሽያ ዎጋ ፖሎ። ሀ ዎጋይ ስንና ያና ዎደቱዋ ኡባን ላይን ላይን ፖለቶ። ሀ እጻናይ ጩውያ ሚሻይ መና ጎዳዉ ዱማት ሎይ ጌዬዳዋ ግዶ” ያጌዳ።
\s1 ዱንካንያዉ ሺቅያ ሚሻ
\p
\v 11 ሄዋፐ ጉይያን መና ጎዳይ ሙሳ ሀዋዳን ያጌዳ፤ 
\v 12 “ኔን እስራኤልያ አሳ ፓይዱዋን አካናዉ ኡንቱንታ ፓይድያ ዎደ፥ እት እት ኡራይ ፓይደቲደ፥ ባረ ሸምፑዋ ዎዛናዉ መና ጎዳዉ ሻሉዋ ጭጎ። ኔን ኡንቱንታ ፓይድያ ዎደ፥ ኡንቱንቱ ቦላ ቦሻይ ዬና። 
\v 13 ፓይዱዋን ገልያ አሳይ ሁጲያን ሁጲያን ዱንካንያን ኤረትያ ሚዛና ልክያን ብራ ጭጎ። እት እት ኡራይ ሀዋ መና ጎዳዉ እሞታ ኦደ እሞ።\x - \xo 30:13 \xo*\xt ከሳ 38:25-26፤ ማቶሳ 17:24\xt*\x* 
\v 14 ፓይዱዋን ገልያ አሳይ ላይይ ላታሙ ኩሜዳዌነ ሄዋፐ ቦላ ኡባይ፥ መና ጎዳዉ እምያዋ አሆ። 
\v 15 ህንተንቱ ህንተንቱ ናጋራፐ ማረታናዉ መና ጎዳዉ እሙዋ እምሽን፥ ዱሪካ ማንቁካ እት ልክያ እማናፐ አትና፥ ዱሪ ዳርሲደ ዎይ ማንቁ ላፈደ እሞፖ። 
\v 16 ናጋራፐ ማረታናዉ ጭግያ ሻሉዋ እስራኤልያ አሳፐ አካደ፥ መና ጎዳ ዱንካንያ ግዶ ኦሶ ፔሻ። ሀ ሻሉ ህንተንቱ ናጋራፐ ማረታናዉ፥ መና ጎዳ ስንን እስራኤልያ አሳዋ ሀሳይያዋ ግዳናዋ” ያጌዳ።
\s1 ሜቻ ከርያ
\p
\v 17 ሄዋፐ ጉይያን መና ጎዳይ ሙሳ ሀዋዳን ያጌዳ፤ 
\v 18 “ሜቻ ከርያነ አ ዎያዋ ናሃስያፐ መደ ጾሳ ዱንካንያፐነ ያርሽያ ሳኣፐ ግዱዋን ዎ፤ አን ሃ ትጋ።\x - \xo 30:18 \xo*\xt ከሳ 38:8\xt*\x* 
\v 19 አሮነነ አ ናናይ ባረንቱ ኩሽያነ ባረንቱ ገድያ ሜጨታና። 
\v 20 ኡንቱንቱ ሀይቀና ማላ፥ ጾሳ ዱንካንያ ገልያ ዎደ፥ አዉደነ ሄ ሃን ሜጨትኖ። ቃይ መና ጎዳዉ ታማን ያርሹዋ ያርሻናዉ ያርሽያ ሳኣ ማታ ሺቄዳ ዎደ፥ 
\v 21 ኡንቱንቱ ሀይቀና ማላ፥ ባረንቱ ኩሽያነ ባረንቱ ገድያ ሜጨትኖ። ሀዌ አሮናዉነ አ ዛረቶ፥ ይያ የለታ ኡባዉ መናዉ ዎጋ ግዳናዋ” ያጌዳ።
\s1 ኦከትያ ዛይትያ
\p
\v 22 መና ጎዳይ ሙሳ ሀዋዳን ያጌዳ፤\x - \xo 30:22-38 \xo*\xt ከሳ 37:29\xt*\x* 
\v 23 “ሙሩታ ቅማመቱዋ፥ ሄዋንቱካ፥ ኡሱፑን ኪሎ ግራመ ጉክያ ካርቢያ፥ ሄዙ ኪሎ ግራመ ሳዊያ ቃራፋ፥ ሄዙ ኪሎ ግራመ ሳዊያ ጉንጨቻነ 
\v 24 ኡሱፑን ኪሎ ግራመ ዝምባኑዋ አካ። ሀ ኡባይካ ዱንካንያን ኤረትያ ሚዛና ልክያን ግዶ። ሄዋ ቦላካ ኦይዱ ሊትሮ ዎጋራ ዛይትያ ጉጃ። 
\v 25 ሀዋንታ ሽቱዋ ኦያ ኤራን ዋላካደ፥ ሳዊያ ጌሻ ኦክያ ዛይተ ከሳ። 
\v 26 ያታደ ጾሳ ዱንካንያ፥ ቃላ ጫቁዋ ታቦታ፥ 
\v 27 ጻርጴዛነ አ ቦላ ዎያ ሚሻ ኡባ፥ ጾምፕያ ዎያ ባላነ አ ሚሻቱዋ፥ እጻና ጩዋይያ ሚሻ፥ 
\v 28 ጹግያ ያርሹዋ ያርሽያ ሳኣነ አን ደእያ ኡባ ሚሻቱዋ፥ ሜቻ ከርያነ አ ዎያዋ ኦካ። 
\v 29 ኡንቱንቱ ሎይ ጌሻ ግዳና ማላ፥ ኔን ኡንቱንታ ዱማያ፤ ኡንቱንታ ቦችያዌ ኡባይካ ጌሻ ግዳናዋ።
\p
\v 30 “ሄዋፐ ጉይያን አሮነነ አ ናናይ ቄሳቱዋ ግዲደ ታዉ ኦና ማላ፥ ኡንቱንታ ኦካደ ዱማያ፤ 
\v 31 እስራኤልያ አሳዉ ሀዋዳን ያጋደ ኦዳ፤ ‘ሀዌ ይያ የለታዉካ ኦከትያ ታ ጌሻ ዛይተ ግዶ፤ 
\v 32 ሀ ዛይትያ አሳ ቦላን ጉሶፓ፤ ቃይ አይ ዛይቲካ ሄዋ ኦዳ ልክያን ኦፓ። እ ጌሻ ግዴዳ ድራዉ፥ ህንተንቱካ አ ጌሻባዳን ቆፕተ። 
\v 33 ሀዋ ማላ ሽቱዋ ጊግስያ ኡራይነ ቄሳቱዋ ግደና ሀራ አሳ ኦክያ ኡራይ ኦንነ ባረ አሳ ግዶፐ ቦሄቶ’ ያጋ” ያጌዳ።
\s1 እጻናባ
\p
\v 34 ሄዋፐ ጉየ መና ጎዳይ ሙሳ ሀዋዳን ያጌዳ፤ “ሳዊያ ቅማመቱዋ: ም ጮሻ፥ ያ ጎለን ደእያ ሽቱዋ፥ ሳዊያ ሽድያነ ሳዊያ ጌሻ እጻና አካ፤ ኡንቱንቱ ኡባ ዴጹካ እት ልከ ግዶ። 
\v 35 ሽቱዋዳን ዋላከቴዳ እጻና ኦደ፥ ኡንቱንቱን ጎኤታ፤ ዋላካይ ባይናዋነ ጌሻ ግዳናዳን፥ አን ማጽንያ የጋ። 
\v 36 አፐ አማሬዳዋ አካደ ሊቅሳደ ጫዳ፤ ያታደ ታን ኔናና ጋከትያ ጾሳ ዱንካንያ ግዶን ቃላ ጫቁዋ ታቦታ ስንን ዎ። እ ነዉ ሎይ ጌሻ ግዳናዋ። 
\v 37 ሀዋ መዳዋ ልክያን ሀራ እጻና መፕተ። ሄዌ መና ጎዳዉ ዱማ ጌሻ ግድያዋ ኤርተ። 
\v 38 ሀዋ ማላትያዋ መደ፥ አ ሳዉዋ ስንጊደ ናሸታናዉ ኮይያ ኡራይ ደኦፐ፥ እ ባረ አሳ ግዶፐ ቦሄቶ” ያጌዳ።
\c 31
\s1 ባጻልኤላነ ኦሆልኣባ
\r (35:30—36:1)
\p
\v 1 መና ጎዳይ ሙሳ ሀዋዳን ያጌዳ፤ 
\v 2 “በአ፤ ታን ይሁዳ ዛረ ግዴዳ ሁራ ናኣ ናኣ፥ ኡራ ናኣ፥ ባጻልኤላ ዶራድ። 
\v 3 አ ታን ጾሳ አያናን፥ ሂላን፥ አኬካንነ ኦሱዋ ኡባ ኦያ ኤራን ኩንድ፤ 
\v 4 ሄዌካ ሂላን ኪታ ሀልቹዋ ከሲደ፥ ዎርቃፐ፥ ብራፐነ ናሃስያፐ ዱማ ዱማባ እ ኦናሳ። 
\v 5 ሄዋዳንካ፥ ሹቻ ማሲደ ጊግሳናዳንነ፥ ም ማሳናዉ ሀራ ኦሱዋ ኡባ እ ኦናሳ።
\p
\v 6 “ሄዋ ቦላካ ቃይ አ ማዳና ማላ፥ ዳና ዛረ ግዴዳ አህሳማካ ናኣ ኦሆልኣባ ሱንድ። ታን ኔና አዛዜዳዋ ኡባ ኡንቱንቱ ኦና ማላ፥ ኩሽያ ሂላ ኤርያዋንቶ ኡባቶ ኤራ እማድ። 
\v 7 ኡንቱንቱ ኦናዉ: ጾሳ ዱንካንያ፥ ቃላ ጫቁዋ ታቦታ፥ አ ቦላ ዎያ አቶ ግያ ሳኣ ቁምእያ፥ ጾሳ ዱንካንያ ግዶን ጎኤትያ ሚሻ ኡባ፥ 
\v 8 ጻርጴዛነ አ ሚሻቱዋ፥ ጾምፕያ ዎያ ባላ ዋላካይ ባይና ዎርቃፐ ኦሰቴዳዋነ አ ሚሻ ኡባና፥ እጻና ጩውስያ ሚሻ፥ 
\v 9 ጹግያ ያርሹዋ ያርሽያ ሳኣነ አ ሚሻ ኡባና፥ ሜጨትያ ከርያነ አ ዎያዋና፥ 
\v 10 ዳደቴዳ ማዩዋ፥ ቄሳቱዋ ኡባቱዋ ካፑ አሮነ ማያና ጌሻ ቄሳተ ማዮቱዋነ አ አቱማ ናናይ ቄሳተ ኦደ ማያና ማዩዋ፥ 
\v 11 ቃይ ኦከትያ ዛይትያነ ጌሻ ሳአዉ ሳዉዋ ቶሽኩ ግያ እጻና። ኡንቱንቱ ሀዋ ኡባ ታን ኔና አዛዜዳዋዳን ኦኖ” ያጌዳ።
\s1 ሳምባታ
\p
\v 12 ሄዋፐ ጉይያን መና ጎዳይ ሙሳ ሀዋዳን ያጊደ አዛዜዳ፤ 
\v 13 “እስራኤልያ አሳ ኔን፥ ‘ታ ሳምባታ ቦንችተ። ሄዌ ታን መና ጎዳይ ህንተንታ ታዉ ጌሻ ኦደ ዶሬዳዋ በስያዋ ግዲደ፥ ያና የለታ ኡባዉ ታፐነ ህንተፐ ግዱዋን ማላታ ግዳናዋ። 
\v 14 ህንተንቶ እ ጌሻ ግድያ ድራዉ፥ ሳምባታ ቦንችተ። አ ቱንስያዌነ ሄ ጋላሳን ኦያ አሳይ ኡባይ አሳ ግዶፐ ሀይቁዋን ቦሄቶ። 
\v 15 ኡሱፑን ጋላሳቱዋን ኔን ኦሱዋ ኦ፤ ሽን ላፑን ጋላሳይ መና ጎዳዉ ዱማቴዳ ሸምፖ ሳምባታ፤ ሳምባታ ጋላሳን አይ ኦሶነ ኦያ ኦንነ ሀይቆ።\x - \xo 31:15 \xo*\xt ከሳ 20:8-11፤ 23:12፤ 34:21፤ 35:2፤ ዎጋ 23:3፤ ዛረ. 5:12-14\xt*\x* 
\v 16 እስራኤላቱ ሀ ሳምባታ ጋላሳ የለታፐ የለታዉ መና ቃላ ጫቁዋ ኦደ ቦንችኖ። 
\v 17 መና ጎዳይ ኡሱፑን ጋላሳቱዋን ሳሉዋነ ሳኣ መዳ ድራዉነ ቃይ ላፑን ጋላሳን ታን ኪታ አጋደ ሸምፔዳ ድራዉ፥ ታ ግዱዋንነ እስራኤላቱ ግዱዋን ሀዌ መናዉ ማላታ ግዳና’ ያጋ” ያጌዳ።\x - \xo 31:17 \xo*\xt ከሳ 20:11\xt*\x*
\p
\v 18 መና ጎዳይ ሙሴዉ ሲና ደርያ ቦላን ሃሳይያዋ ዉርሴዳ ዎደ፥ ጾሳይ ባረ ብራያን ጻፌዳ ታሙ አዛዙዋ ኦይቂደ ላኡ ማሰቴዳ ቃላ ጫቁዋ ሹቻቱዋ ሙሴዉ እሜዳ።
\c 32
\s1 ዎርቃፐ መቴዳ ማራ
\r (ዛረ. 9:6-29)
\p
\v 1 አሳይ ሙሴ ደርያፐ ዎናን ሎይ ጋምኤዳዋ በኤዳ ዎደ፥ አሮና ዩሹዋን ሺቂደ፥ “ሃያ፤ ኔን ኑና ካለያ ጾሳቱዋ ኑዉ መ። ግብጼ ጋድያፐ ኑና ከሴዳ ሙሳ ግዶፐ፥ እ ዋኔደንቶነ ኑን ኤሮኮ!” ያጌድኖ።\x - \xo 32:1 \xo*\xt ኪታ 7:40\xt*\x* 
\v 2 አሮነ ኡንቱንታ፥ “ህንተንቱ ማቻቱዋ ሀይንነ ህንተንቱ አቱማ ናናነ ማጫ ናናቱዋ ሀይን ደእያ ዎርቃ ከሲደ፥ ታዉ አኪደ አህተ” ያጌዳ። 
\v 3 ሄዋፐ ጉይያን አሳይ ኡባይ ባረ ሀይ ዎርቃ ከሲደ፥ አሮናዉ አሄድኖ። 
\v 4 እ ሄዋ ኡንቱንቱ ኩሽያፐ አኪደ፥ ሲልሴዳዋፐ ጉይያን ቆጽያባን ቆጺደ፥ ማራ ማላትያ ኤቃ ኦደ መዳ።\x - \xo 32:4 \xo*\xt 1 ካታ. 12:28፤ ኪታ 7:41\xt*\x*
\p አሳይ፥ “እስራኤላቶ፥ ህንተንታ ግብጼ ጋድያፐ ከሴዳ ህንተንቱ ጾሳቱ ሀዋንታ” ያጌዳ። 
\v 5 አሮነ ሀዋ በኤዳ ዎደ፥ ሄ ማራ ስንን ያርሽያ ሳኣ ግምቢደ፥ “ዎንታ መና ጎዳ ባላ ጋላሳ ግዳናዋ” ያጊደ ኤርሴዳ። 
\v 6 ሄዋ ድራዉ፥ ዎንተ ጋላስ አሳይ ጉራን ደንዲደ፥ ጹግያ ያርሹዋ ሺሼዳ፤ እትፐተ ያርሹዋካ ያርሼዳ። ያቲደ አሳይ ማናዉነ ኡሻናዉ ኡቴዳ። ም ኡሽ ስሚደ፥ ቃይ ዱራናዉ ደንዴዳ።\x - \xo 32:6 \xo*\xt 1 ቆሮ. 10:7\xt*\x*
\p
\v 7 ያንና መና ጎዳይ ሙሳ፥ “ኔን ኤለካ ዱገ ዎ፤ አያዉ ጎፐ፥ ነ አሳይ፥ ኔን ግብጼፐ ከሳደ አሄዳዌ ናጋራ ኦደ፥ ባረንቱ ሁጲያ ቱንሴድኖ። 
\v 8 ታን ኡንቱንታ አዛዜዳ ኦግያፐ ኡንቱንቱ ኤለካ ሸርእ ጌድኖ። ዎርቃ ሲልሴዳ ማራ ማላትሲደ፥ ባረንቶ ኤቃ መደ አዉ ጎይኔድኖ፤ አዉ ያርሼድኖ። ኡንቱንቱ፥ ‘እስራኤላቶ፥ ህንተንታ ግብጼ ጋድያፐ ከሴዳ ህንተንቱ ጾሳቱ ሀዋንታ’ ያጌድኖ” ያጌዳ።
\p
\v 9 መና ጎዳይ ሙሳ፥ “ታን ሀ አሳ በኣድ፤ ኡንቱንቱ ሞርጊ ሌፋቴዳ አሳ። 
\v 10 ሀእ ታ ሀንቁ ኡንቱንቱ ቦላ ኤጽ ከስና፥ ታን ኡንቱንታ ባይዛናዋ ኔን ታና ድጎፓ። ያታደ ታን ኔና ዎልቃማ ካዉተ ኦና” ያጌዳ።
\p
\v 11 ሽን ሙሴ መና ጎዳ ባረ ጾሳ ሀዋዳን ያጊደ ዎሴዳ፤ “አቤት መና ጎዳዉ ኔን ነ ዎልቃማ ዎልቃንነ ነ ምኖ ኩሽያን ግብጼፐ ከሳደ አሄዳ ነ አሳ ቦላ ነ ሀንቁ አያዉ ኤጽ ከስ?\x - \xo 32:11-14 \xo*\xt ፓይ. 14:13-19\xt*\x* 
\v 12 ግብጼቱ፥ ‘ጾሳይ ኡንቱንታ ደረቱዋ ቦላን ዎናዉነ ጋድያፐ ፕት ይሳናዉ፥ ኢታ ሀልቹዋን ከሴዳ’ አያዉ ግኖ? ነ ያሽያ ሀንቁዋፐ ስማ፤ ነ አሳ ይሳናዉ ቆፖዋ አጋ ባሻ። 
\v 13 ነ አይለቱዋ አብራሃማ፥ ይሳቃነ ያቆባ ሀሳያ፤ ኔን ኡንቱንቶ፥ ‘ታን ህንተንቱ ዛርያ ሳሉዋ ጾልንተቱዋዳን ዳርሳና፤ ሀ ታን ህንተንቶ እማና ጌዳ ጋድያ ኡባካ ህንተንቱ ዛርያዉ እማና፤ ኡንቱንቱ ሄ ጋድያ መናዉ ላታና’ ጋደ ነ ሁጲያን ኔን ጫቄዳ ቃላ ሀሳያ” ያጌዳ።\x - \xo 32:13 \xo*\xt ዶመ 22:16-17፤ 17:8\xt*\x* 
\v 14 ሄዋ ድራዉ፥ መና ጎዳይ ባረ አሳ ቦላ ኢታባ አሀናዉ ኦዴዳዋ አጊደ፥ ኡንቱንታ ማሬዳ።
\p
\v 15 ሄዋፐ ጉይያን ሙሴ ታሙ አዛዛቱ ኡንቱንቱን ጻፈት ኡቴዳ ላኡ ማርካተ ሹቻቱዋ ባረ ኩሽያን ኦይቂደ፥ ደርያፐ ዱገ ዎዳ። ሄ ሹቻቱ ላኡ ባጋናካ ጻፈቴድኖ። 
\v 16 ሄ ማሰቴዳ ሹቻቱዋ ጊግሴዳዌ ጾሳ፤ ሹቻ ቦላ ዎጪደ ጻፌዳዌካ ጾሳ።
\p
\v 17 ኢያሱ አሳ ጫቡዋ ስሴዳ ዎደ፥ ሙሳ ሀዋዳን ያጌዳ፤ “ዱንካኔዳ ሳኣን ኦላ ዋሱ ስሰቴ” ያጌዳ።
\p
\v 18 ሙሴ ዛሪደ፥ “ታን ስስያዌ ሀዌ የፐ አትና፥ ጾኔዳዋንቱ ኮሻ ዎይ ጾነቴዳዋንቱ ኮሻ ግደና” ያጌዳ።
\p
\v 19 ሙሴ ዱንካኔዳ ሳኣ ማቴዳ ዎደ፥ ማራነ ዱሩዋ በኢደ ሎይ ሀንቀቲደ ባረ ኩሽያን ኦይቆ ማርካተ ሹቻቱዋ ደርያ ጻጱዋን ኦሊደ መንሬዳ። 
\v 20 ኡንቱንቱ መዳ ማራካ አኪደ፥ ታማን ጹጌዳ፤ ሄዋፐ ጉይያን ሊቃና ጋካናዉ ጋጪደ ሃ ቦላ ላሊደ፥ እስራኤልያ አሳይ ኡሻናዳን ኦዳ።
\p
\v 21 ሄዋፐ ጉይያን፥ ሙሴ አሮና፥ “ሀ አሳይ ኔና ዋትኔ ኔን ኡንቱንታ ሀዋ ማላ ዎልቃማ ናጋራዉ ካለዳዌ?” ያጌዳ።
\p
\v 22 አሮንካ ዛሪደ፥ “ታ ጎዳዉ፥ ሀንቀቶፓ፤ ሀ አሳይ ኢታ ኦናዉ አይ ኬሻ ኮይንቶ ኔን ኤራሳ። 
\v 23 ኡንቱንቱ ታና፥ ‘ኑና ካለያ ጾሳቱዋ ኑዉ መ። አያዉ ጎፐ፥ ሀ ኑና ግብጼፐ አሄዳ ሙሴ እ ዋኔደንቶነ ኑን ኤሮኮ!’ ያጌድኖ። 
\v 24 ታን ኡንቱንታ፥ ‘ህንተ ቦላ ደእያ ዎርቃ ከሲደ፥ ሀምተ’ ያጋድ። ሄዋፐ ጉይያን ኡንቱንቱ ታዉ እሜዳ ዎርቃ ታን ታማን የግና፥ ሀ ማራይ ከሴዳ” ያጌዳ።
\p
\v 25 አሮነ አሳ ገደ ጮ የድ አግና፥ አሳይ ባረ ሞርከቱዋ ስንን ካዉሺደ ካቴዳዋ ሙሴ በኤዳ። 
\v 26 ሄዋ ድራዉ፥ ሙሴ ዱንካኔዳ ሳኣ ገልያ ፐንግያን ኤቂደ ሀዋዳን ያጌዳ፤ “መና ጎዳ ባጋ ግዴዳ አሳይ ኦንነ ታኮ ዮ!” ያጌዳ። ሌዋቱ ኡባይ አኮ ሺቄድኖ።
\p
\v 27 ሄዋፐ ጉይያን እ ኡንቱንታ፥ “መና ጎዳይ እስራኤልያ ጾሳይ ሀዋዳን ያጌ፤ ‘አሳይ ኡባይ ማሻ ባረ ጼሳን ጼሳን ዳንጮ፤ ዱንካኔዳ ሳኣን ጋጻፐ ጋጻ ጋካናዉ፥ ጉየዉነ ስንዉነ ስመረቶ፤ እቱ እቱ ባረ እሻ፥ ባረ ላግያነ ባረ ሾሩዋ ዎ ያጌ’ ” ያጌዳ። 
\v 28 ሌዋቱ ሙሴ አዛዜዳዋዳን ኦድኖ፤ ሄ ጋላስ አሳፐ ሄዙ ሻኣ ኬሻይ ሀይቄዳ። 
\v 29 ሄዋፐ ጉይያን ሙሴ ሌዋቱዋ፥ “ሀቼ ህንተንቱ ጾሳዉ ዱማቴድታ፤ አያዉ ጎፐ፥ ህንተንቱ ህንተንቱ ናናነ ህንተንቱ እሻቱዋ ዎናዉካ አዛዘቴድታ፤ ሀቼ መና ጎዳይ ህንተንታ አንጃና” ያጌዳ።
\s1 ሙሴ እስራኤልያ አሳዉ ዎሴዳ
\p
\v 30 ዎንትሳ ጋላስ ሙሴ አሳ፥ “ህንተንቱ ዎልቃማ ናጋራ ኦድታ፤ ሽን ሀእ ታን መና ጎዳኮ ፑደ ደርያ ከሳና፤ ህንተንቱ ናጋራ ታን አቶ ጊሳንታንቶነ” ያጌዳ። 
\v 31 ያትና ሙሴ መና ጎዳኮ ስም ቢደ ሀዋዳን ያጌዳ፤ “ሀ አሳይ ዎልቃማ ናጋራ ኦዳ፤ ኡንቱንቱ ባረንቶ ዎርቃፐ ጾሳቱዋ መድኖ። 
\v 32 ሽን ሀያና፥ ሀእ ኡንቱንቱ ናጋራ አቶ ያጋ፤ ሄዌ ዮፐ፥ ኔን ጻፌዳ ማዝጎብያፐ ታና ቁጫ” ያጌዳ።\x - \xo 32:32 \xo*\xt ማዝ. 69:28፤ ሳፃ 3:5\xt*\x*
\p
\v 33 መና ጎዳይ ዛሪደ ሙሳ፥ “ታን ታ ማዝጋባፐ ቁጫናዌ ታ ቦላ ናጋራ ኦዳ አሳቱዋ ሱን። 
\v 34 ሀእ ባደ፥ ሀ አሳ ታን ነዉ ኦዴዳ ሳኣ ካለ፤ ታ ኪታንቻይካ ኔና ካለና፤ ሽን ታን ሙራናዉ ዎዲ ጋክና፥ ኡንቱንታ ኡንቱንቱ ናጋራ ድራዉ ሙራና” ያጌዳ።
\p
\v 35 አሮነ ዎርቃፐ ማራ ምስልያ መናዳን አሳይ ኦዳ ድራዉ፥ መና ጎዳይ አሳ ቦላ ዎልቃማ ቦሻ የዴዳ።
\c 33
\p
\v 1 ሄዋፐ ጉይያን መና ጎዳይ ሙሳ ሀዋዳን ያጌዳ፤ “ኔንነ ኔን ግብጼፐ ከሴዳ አሳይ ሀ ሳኣፐ ደንድተ፤ ‘ታን ህንተንቱ ያራቶ እማና’ ያጋደ ዎዳ ጋድያ ቢተ። ሄ ጋዲ ታን አብራሃመዉ፥ ይሳቃዉነ ያቆባዉ እማና ያጋደ ጫቃ ዎዳ ጋድያ።\x - \xo 33:1 \xo*\xt ዶመ 12:7፤ 26:3፤ 28:13\xt*\x* 
\v 2 ታን ህንተንቱ ስንን ኪታንቻ ኪታደ፥ ካናነቱዋ፥ አሞረቱዋ፥ ሂተቱዋ፥ ፓርዘቱዋ፥ ሂዌቱዋነ ያቡሳቱዋ የደርሳና። 
\v 3 ማይነ ኤሳይ ጎግያ ሄ ጋድያ ቢተ። ሽን ህንተንቱ ሞርጊ ሌፋቶ አሳ ግዴዳ ድራዉ፥ ታን ህንተንታ ኦግያን ይሳናዉ፥ ህንተናና ቢከ” ያጌዳ።
\p
\v 4 አሳይ ሄ ያሽያ ኦዱዋ ስሲደ ሎይ ዬኬዳ። ሄ ዎድያፐ ዶሚደ ኡባይካ ባረ አሌቁዋ አያዋ አግ ባሼዳ። 
\v 5 አያዉ ጎፐ፥ መና ጎዳይ ሙሳ ሀዋዳን ያግ ዎዳ፤ “እስራኤልያ ሀዋዳን ያጋ፤ ‘ህንተ ሞርጊ ሌፋቶ አሳ። ታን ህንተናና ሀራይ አቶ ጉ ዎድያ ብንቶካ፥ ታን ህንተንታ ይሳና። ሀእ ስም ህንተንቱ አሌቁዋ ከስ ድግተ፤ ያቶፐ ታን ህንተንታ ኦናባ ቃቻና’ ያጋ” ያጌዳ። 
\v 6 እስራኤላቱ ሲና ደርያፐ ዶሚደ ባረንቱ አሌቆቱዋ ከስ ዎድኖ።
\s1 ጋከትያ ዱንካንያ
\p
\v 7 ሙሴ ዱንካንያ አክ አፊደ፥ አሳይ ዱንካኖ ሳኣፐ ካረና ሃሲደ ጌዳ። ሄ ዱንካኒ፥ “ጋከትያ ዱንካንያ” ጌተቲደ ጼሰቴዳ። መና ጎዳ ኦቻናዉ ኮይያ ኡባይ ዱንካኖ ሳኣፐ ካረና ደእያ ጋከትያ ዱንካንያ ቤ። 
\v 8 ሙሴ ሄ ዱንካንያ ቤዳ ዎደ፥ አዉደነ አሳይ ኡባይ ደንዲደ፥ ባረ ዱንካንያ ፐንግያን ፐንግያን ኤቄ፤ ሙሴ ሄ ዱንካንያ ገላና ጋካናዉ አ ጼሌ። 
\v 9 ሙሴ ጋከትያ ዱንካንያ ግዶ ገሌዳ ዎደ፥ ሻርያ ቱሳይ ዱገ ዎ፤ መና ጎዳይ ሙሴና ሻርያፐ ሃሳይሽን፥ ሄ ዱንካንያ ፐንግያን ጋምኤ። 
\v 10 ሻርያ ቱሳ ሄ ዱንካንያ ገልያ ፐንግያን በኤዳ ዎደ ኡባን፥ አሳይ ኡባይ ባረ ዱንካንያ ፐንግያን ፐንግያን ጾሳዉ ጎይኔ። 
\v 11 አሳይ ባረ ላግያና ሃሳይያዋዳን መና ጎዳይ ሙሴና ስንን ኤቂደ፥ ሃሳዬ። ሄዋፐ ጉይያን ሙሴ አሳይ ዱንካኔዳ ሳኣ ጉየ ስሜ፤ ሽን አ ማድያ ያላጋይ፥ ነዊ ናኣ ኢያሱ፥ ጋከትያ ዱንካንያፐ ሻከተና።
\s1 ሙሳነ መና ጎዳ ቦንቹዋ
\p
\v 12 ሙሴ መና ጎዳ ሀዋዳን ያጌዳ፤ “ኔን ታና፥ ‘ሀ አሳ ካለ’ ያጋዳ፤ ሽን ታናና ኔን ኦና ኪታንንቶ፥ ታና ኤርሳበይካ። ኔን፥ ‘ታን ኔና ሱንን ኤራይ፤ ቃይካ ኔን ታናን ናሸታዳ’ ያጋዳ። 
\v 13 ኔን ታና ናሼዳዋ ግዶፐ፥ ታን ኔና ኤራና ማላነ ስንዉካ ኔና ናሸቻደ ደአና ማላ፥ ነ ኦግያ ታና በሳ። ሀ አሳይ ነ አሳ ግድያዋ ሀሳያ” ያጌዳ።
\p
\v 14 መና ጎዳይ ዛሪደ፥ “ታን ኔናና ባና፤ ታን ኔና ሸምፕሳና” ያጌዳ።
\p
\v 15 ያትና ሙሴ አ፥ “ኔን ኑናና ቤናዋ ግዶፐ፥ ሀዋፐ ኑና የዶፓ። 
\v 16 ኔን ኑናና ቤናን ዮፐ፥ ታናንነ ነ አሳን ኔን ናሸቴዳዋ አሳይ ኡባይ ዎት ኤራናዌ? ቢታ ኡባን ደእያ ሀራ አሳ ኡባፐ ታናነ ነ አሳ ዱማይያዌ ሀራባይ አዬ?” ያጌዳ።
\p
\v 17 መና ጎዳይ ሙሳ፥ “ታን ኔናን ናሸቴዳ ድራዉነ ኔና ነ ሱንን ኤርያ ድራዉ፥ ኔን ታና ኦቼዳ ሀ የዉዋ ታን ኦና” ያጌዳ።
\p
\v 18 ያትና ሙሴ፥ “ነ ቦንቹዋ ታና በሳርኪ?” ያጌዳ።
\p
\v 19 መና ጎዳይ፥ “ታን ታ ሎኦተ ኡባ ነ ስንና አና፤ ታ ጌሻ ሱንካ ነ ስንን አዋያና። ታን መና ጎዳ፤ ታን ሎአናዉ ኮይያዋንቶ ሎአና፤ ቃይ ቃረታናዉ ኮይያዋንቶካ ቃረታና።\x - \xo 33:19 \xo*\xt ሮመ 9:15\xt*\x* 
\v 20 ሽን ኔን ታ ዴሙዋ በአካ፤ አያዉ ጎፐ፥ ኦንነ ታና በኢደ ሸምፑዋና ደኤና” ያጌዳ።
\p
\v 21 ሄዋፐ ጉይያን መና ጎዳይ፥ “ኔን ዛላ ቦላ ኤቃናዉ ሀዋን ታ ማታን ሳአይ ደኤ። 
\v 22 ታ ቦንቹ አያ ዎደ፥ ታን ኔና ጳልቀቴዳ ዛላ ግዶን ዎና፤ ታን አና ጋካናዉ፥ ታ ኩሽያን ኔና ካማና። 
\v 23 ሄዋፐ ጉይያን ታን ታ ኩሽያ ድግና፥ ኔን ታ ዞኪያ በአናሳ፤ ሽን ታ ሶምእ በኤተና” ያጌዳ።
\c 34
\s1 ላኤንዋ መቴዳ ማሰቴዳ ሹቻቱዋ
\r (ዛረ. 10:1-5)
\p
\v 1 መና ጎዳይ ሙሳ ሀዋዳን ያጌዳ፤ “ኮይሮዋንታ ማላትያ ላኡ ሹቻቱዋ ማሳደ ጊግሳ፤ ያቶፐ ታን ሄ ማሰቴዳ ሹቻቱዋ ቦላ ካሰ ኔን መንዳ ሹቻቱዋ ቦላን ደእያ ቃላቱዋ ጻፋና። 
\v 2 ዎንታ ዎንታ ፑደ ሲና ደርያ ከሳናዉ ጊጋ፤ ያታደ ታና ያን ደርያ ሁጲያን ኤቃ ናጋ። 
\v 3 ኔናና ኦንነ ከሶፖ፤ ዎይ ደርያ ቦላ ሀቃንካ ቤቶፖ፤ ሀራይ አቶ ዶርሳ ዉዲ ዎይ መህያ ዉዲካ ደርያ ስንን ሄመቶፖ” ያጌዳ።
\p
\v 4 ሄዋ ድራዉ፥ ሙሴ ኮይሮ ሹቻቱዋ ማላትያ ላኡ ሹቻቱዋ ማሲደ መና ጎዳይ አዛዜዳዋዳን፥ ሹቻቱዋ ባረ ኩሽያን ኦይቂደ፥ ዎንታ ጉራና ፑደ ሲና ደርያ ከሴዳ። 
\v 5 መና ጎዳይ ሻርያን ዱገ ዎደ፥ አናና ያን ኤቄዳ፤ “ታን መና ጎዳ” ያጊደ ባረ ሱን አዋዬዳ። 
\v 6 መና ጎዳይ ሙሴ ስንና ሀዋዳን ያጊደ አዋዪደ አዳ፤ “ታን መና ጎዳ፤ ታን መና ጎዳ፤ ቃረታይነ ማሮተይ ኩሜዳ ጾሳ፥ ዳንዳያንቻ፥ አገና ሲቁ ዳሬዳዋነ ዳሪ አማነትያዋ።\x - \xo 34:6 \xo*\xt ከሳ 20:5-6፤ ፓይ. 14:18፤ ዛረ. 5:9-10፤ 7:9-10\xt*\x* 
\v 7 ታን ታ አገና ሲቁዋ ሻአቶ ናግያዋ፤ ኢታተ፥ ማካላነ ናጋራ አቶ ያግያዋ። ግዶፐካ፥ ባይዞዋ ሙረናን አገናዋ፤ አዎቱዋ ናጋራ ድራዉ ናናነ ናናቱዋ ናና፥ ሄዘን የለታነ ኦይደን የለታ ጋካናዉ ሙርያዋ” ያጊደ አዋዬዳ።
\p
\v 8 ሄዋፐ ጉየ ሙሴ ኤለካ ቢታን ጉፋኒደ ጎይኔዳ፤ 
\v 9 “አቤት ጎዳዉ፥ ኔን ታናን ናሸቴዳዋ ግዶፐ፥ ኑናና እትፐ ደንዳ። ሀዌ አሳይ ሞርጊ ሌፋቴዳዋ ግዶፐነ፥ ኑ ኢታተነ ኑ ናጋራ አቶ ያጋደ፥ ኑና ነ አሳ ኦ” ያጌዳ።
\s1 ቃላ ጫቁ ኦራጼዳ
\r (ከሳ 23:14-19፤ ዛረ. 7:1-5፤ 16:1-17)
\p
\v 10 ያትና መና ጎዳይ ሀዋዳን ያጌዳ፤ “ታን ህንተናና ቃላ ጫቁዋ ገላድ፤ ሀዋፐ ካሰ ሳኣ ኡባን ደእያ ካዉተ ኡባን ሀን ኤረና ማላልስያባ ነ አሳ ኡባ ስንን ኦና፤ ታን መና ጎዳይ፥ ህንተንቶ ኦያ ኪታይ አይ ኬሻ ማላልስያበንቶ ኔን ኡንቱንቱ ግዶን ደእያ አሳይ ኡባይ በአና። 
\v 11 ሀቼ ታን ህንተንታ አዛዝያ አዛዙዋ ናግተ፤ ህንተንቱ ስንፐ አሞረቱዋ፥ ካናነቱዋ፥ ሂተቱዋ፥ ፓርዘቱዋ፥ ሂዌቱዋነ ያቡሳቱዋ ታን የደርሳና። 
\v 12 ኡንቱንቱ ህንተንቶ ጲረ ግደና ማላ፥ ህንተንቱ ብያ ጋድያን ደእያ አሳና ቃላ ጫቁዋ ገሎፕተ። 
\v 13 ኡንቱንቱ ያርሽያ ሳኣ ኮልተ፤ ኡንቱንቱ ጎይንያ ሹቻቱዋካ መንሬተ፤ ቃይ አሼሮ ጌተትያ ኡንቱንቱ ማጫ ጾሳት ካሻ ቃንጸሬ ኦልተ።\x - \xo 34:13 \xo*\xt ዛረ. 16:21\xt*\x* 
\v 14 ታን መና ጎዳይ ቃናትያ ጾሳ ግድያ ድራዉ፥ ታፐ ሀራ ጾሳቶ ጎይኖፕተ።
\p
\v 15 “ሄ ጋድያን ደእያ አሳቱዋና አያ ቃላ ጫቁዋካ ገሎፕተ፤ አያዉ ጎፐ፥ ኡንቱንቱ ታናን አማነተናን እጺደ ባረንቱ ጾሳቱዋ ካልያ ዎደነ ኡንቱንቶ ያርሽያ ዎደ፥ ኡንቱንቱ ህንተናካ ሾባና፤ ህንተንቱ ኡንቱንቱ ያርሾቱዋ ማና። 
\v 16 ቃይ ህንተንቱ ኡንቱንቱ ማጫ ናናቱዋፐ ዶሪደ፥ ህንተንቱ አቱማ ናናቶ እማና፤ ሄ ዎደ ሄ ማጫ ናናይ ታናን አማነተናን እጺደ፥ ባረንቱ ጾሳቱዋ ካሊደ፥ ህንተንቱ አቱማ ናናካ ባረንቱዋዳን ኦስሳናዋንታ።
\p
\v 17 “ህንተንቶ ጎይንያ ጾሳቱዋ አያፐካ ሲልሲደ መፕተ።\x - \xo 34:17 \xo*\xt ከሳ 20:4፤ ዎጋ 19:4፤ ዛረ. 5:8፤ 27:15\xt*\x*
\p
\v 18 “ማጋገ ኡክ ባላ ቦንችተ፤ ታን ህንተንታ አዛዜዳዋዳን፥ ላፑን ጋላሳዉ እርሹ ገለናን ኡከቴዳ ኡክ ሚተ፤ ሄዋካ ህንተንቱ ግብጼፐ ከሴዳ አቢባ አግናን ኦተ።\x - \xo 34:18 \xo*\xt ከሳ 12:14-20፤ ዎጋ 23:6-8፤ ፓይ. 28:16-25\xt*\x*
\p
\v 19 “አት ኡሉዋፐ ባይራ የለትያ አቱማ ናኣ ኡባይ ታዋ፤ ህንተንቱ መህያ ኡባፐ ቦራ ግድና፥ ዎይ ዶርሳ ግድና፥ ባይራይ ታዋ፤\x - \xo 34:19 \xo*\xt ከሳ 13:2\xt*\x* 
\v 20 ኮይሮ የለቴዳ ሀርያ ማራ ዶርሳ ማራና ላማደ ዎዛ፤ ዎዛና ዮፐ፥ አ ቆያ መንደ ዎ። ነ ናናቱዋፐ ባይራ የለቴዳ አቱማ ናኣ ኡባ ዎዛ።\x - \xo 34:20 \xo*\xt ከሳ 13:13\xt*\x*
\p “ኦንነ እምያዋ ኦይቀናን፥ መላ ኩሽያና ታ ስንን ቤቶፖ።
\p
\v 21 “ኡሱፑን ጋላሳ ኦተ፤ ሽን ላፑን ጋላሳን ሸምፕተ፤ ጎሽያ ዎድያን ቃይ ካ ጫክያ ዎድያን ላፑን ጋላሳን ሸምፕተ።\x - \xo 34:21 \xo*\xt ከሳ 20:9-10፤ 23:12፤ 31:15፤ 35:2፤ ዎጋ 23:3፤ ዛረ. 5:13-14\xt*\x*
\p
\v 22 “ባይራ ዘረቴዳ ዛርጋ ህንተንቱ ጫክያ ዎደ፥ ሳምንታቱዋ ባላ ቦንችተ፤ ላይ ዉርሰ ካ ሺሽያ ዎደካ፥ ሺሹዋ ባላ ቦንችተ።\x - \xo 34:22 \xo*\xt ዎጋ 23:15-21፤ ፓይ. 28:26-31\xt*\x* 
\v 23 ላይን ሄዙ ገደ እስራኤልያ አቱማ አሳይ ኡባይ ኡባ ሞድያ ጾሳ፥ እስራኤልያ መና ጎዳ ስንን ቤትኖ። 
\v 24 ካዉተቱዋ ታን ህንተንቱ ስንፐ የደርሳደ ከሳና፤ ያታደ ህንተንቱ ዛዋ ታን አሳና። መና ጎዳ ህንተንቱ ጾሳ ስንን ህንተንቱ ላይን ሄዙ ገደ ቤታናዉ ፑደ ከስያ ዎደ፥ ኦንነ ህንተንቱ ጋድያ አሞተና።
\p
\v 25 “ህንተንቱ ታዉ ሱ ያርሹዋ ያርሽያ ዎደ፥ እርሹዋ የጊደ ኡኬዳ ኡክና ያርሾፕተ። ፓስጋ ቦንችያ ጋላሳዉ ያርሼዳ ያርሹዋፐ ዎንትዉ አያይነ አቶፖ።\x - \xo 34:25 \xo*\xt ከሳ 12:10\xt*\x*
\p
\v 26 “ህንተንቱ ጋደን ባይራ ካኤዳ ካፐ ኮይሮ ሙሩታ መና ጎዳ ህንተንቱ ጾሳ ጎልያ አህተ።\x - \xo 34:26 \xo*\xt ዛረ. 24:21፤ 26:2\xt*\x*
\p “ዴሻ ማራ አ አት ማን ዶይሶፕተ” ያጌዳ።
\p
\v 27 መና ጎዳይ ሙሳ፥ “ታን ኔናናነ እስራኤልያ አሳና ቃላ ጫቁዋ ገልያዌ ሀ ቃላቱ ግያ ማራና ግድያ ድራዉ፥ ሀ ቃላቱዋ ጻፋ” ያጌዳ። 
\v 28 ሙሴ ቁማ ሜናንነ ሃ ኡሸናን፥ ኦይታሙ ጋላሳነ ኦይታሙ ቃማ መና ጎዳና ያን ጋምኤዳ፤ ቃላ ጫቁዋ ቃላቱዋ፥ ታሙ አዛዙዋ ማሰቴዳ ሹቻን ጻፌዳ።
\s1 ሙሴ ሶምእ ፖኤዳ
\p
\v 29 ሙሴ ጾሳና ሃሳዪደ ጋምኤዳ ድራዉ፥ ሄ ላኡ ማርካተ ሹቻቱዋ እ ባረ ኩሽያን ኦይቂደ ሲና ደርያፐ ዱገ ዎዳ ዎደ፥ አ ሶምኢ ፖኤዳ፤ ሽን እ ሄዋ ኤርቤና።\x - \xo 34:29-35 \xo*\xt 2 ቆሮ. 3:7-16\xt*\x* 
\v 30 አሮነነ እስራኤልያ አሳይ ኡባይ ሙሳ ጼሊደ፥ አ ሶምኢ ጶልያዋ በኤድኖ፤ ኡንቱንቱ አኮ ሺቃናዉ ያዬድኖ። 
\v 31 ሽን ሙሴ ኡንቱንታ ጼስና አሮነነ ሽቁዋ ካለያ ካፓቱ ኡባይ አኮ ስሜድኖ፤ እ ኡንቱንታ ሃሳይሴዳ። 
\v 32 ሄዋፐ ጉይያን እስራኤልያ አሳይ ኡባይ አኮ ሺቅና መና ጎዳይ አዉ ሲና ደርያን እሜዳ አዛዙዋ ኡባ እ ኡንቱንቶ እሜዳ።
\p
\v 33 ሙሴ ኡንቱንቶ ኦድያዋ ዉርሴዳ ዎደ፥ ባረ ዴሙዋ ናጻላን ካሜዳ። 
\v 34 ሽን ሙሴ መና ጎዳ ስን አናና ሃሳያናዉ ገልያ ዎደ አዉደነ ከሳና ጋካናዉ፥ ናጻላ ባረ ሶምኡዋፐ ቃር ድጌ። ሄዋፐ ከሲደ፥ መና ጎዳይ አዛዜዳዋ እስራኤልያ አሳዉ ኦዴ። 
\v 35 ኦድያ ዎደ፥ ኡንቱንቱ አ ሶምኢ ጶልያዋ በኤድኖ። ሄዋ ድራዉ፥ ሙሴ መና ጎዳና ሃሳያናዉ ባና ጋካናዉ፥ ባረ ዴሙዋ ዛረደካ ናጻላን ካሜ።
\c 35
\s1 ሳምባታ ቦንችያ ዎጋ
\p
\v 1 ሙሴ እስራኤልያ አሳ ሽቁዋ ኡባ ሺሺደ ሀዋዳን ያጌዳ፤ “ህንተንቱ ኦና ማላ፥ መና ጎዳይ አዛዜዳዌ ሀዋ: 
\v 2 ሳምንታ ግዶን ኡሱፑን ጋላሳ ኪታ ኪተትተ፤ ሽን ላፑን ጋላሳይ ህንተንቶ ጌሻ ጋላሳ፤ መና ጎዳዉካ ሸምፖ ሳምባታ። ሄ ጋላሳን አይ ኦሶነ ኦያ ኡራይ ኦንነ ሀይቃናዉ በሴ።\x - \xo 35:2 \xo*\xt ከሳ 20:8-11፤ 23:12፤ 31:15፤ 34:21፤ ዎጋ 23:3፤ ዛረ. 5:12-14\xt*\x* 
\v 3 ሳምባታ ጋላሳን ህንተንቱ ሶን ሶን ታማ ኤፕተ” ያጌዳ።
\s1 ጾሳ ዱንካንያ ኦሶ ሺሽያ ሚሻ
\r (25:1-9)
\p
\v 4 ሙሴ እስራኤልያ ማባራዉ ሙልያዉ ሀዋዳን ያጌዳ፤ “መና ጎዳይ ሀዋዳን ያጊደ አዛዜዳ: 
\v 5 ህንተንቶ ደእያዋፐ መና ጎዳዉ እምያዋ አህተ፤ መና ጎዳዉ እምያዋ አሀናዉ ኮይያ ኦንነ ዎርቃ፥ ብራ፥ ናሃስያ፥ 
\v 6 ሳሉዋ ማላትያ ቃጭና፥ ኦቻ ቴራ ማላትያ ቃጭና፥ ሾሎላ ዞኦ ቃጭናነ ሊቆ ሱፍያ፥ ዴሻ ጋልባ፥ 
\v 7 ዶርሳ ኮልያ ጋልባ ዞኦ ቃላምያን የግ ከሴዳዋ፥ ቁምእያ፥ ኦዶሩዋ፥ 
\v 8 ጾምፕያዉ ዎጋራ ዛይትያ፥ ኦከትያ ዛይትያነ እጻና ሳዌያ ቅማምያ፤ 
\v 9 ኤፉድያንነ ትራን ዎያዋን የግያ ማርግድያ ጌተትያ ሹቻቱዋነ ሀራ ጶልያ አልኦ ሹቻቱዋ አሆ።
\s1 ጾሳ ዱንካንያ ኦናዉ እመቴዳ አዛዙዋ
\r (39:32-43)
\p
\v 10 “ህንተንቱ ግዶን ደእያ ኩሽያ ሂላ ኤራንቻ ኡባቱ ዪደ፥ መና ጎዳይ አዛዜዳ ኡባ ኦኖ: 
\v 11 መና ጎዳ ዱንካንያ፥ አ ካምያ ዱንካንያነ አ ካምያዋ፥ ኦይቂያዋ፥ ጻጋገቱዋ፥ ሽካላቱዋ፥ ቱሳቱዋነ ኡንቱንቱ ኤቂያ ሉኮቱዋ፥ 
\v 12 ታቦታነ አ ቶክያ ካሱዋ፥ አቶ ግያ ሳኣ ቁምእያዋነ ታቦታ ገንያ ጋርዱዋ፤ 
\v 13 ጻርጴዛነ አ ቶክያ ካሱዋ፥ አ ሚሻቱዋ ኡባነ ጾሳ ስንን ዎያ ጌሻ ኡክ፤ 
\v 14 ጾምፕያ ዎያ ባላነ አን ማራና ደእያ ጾምፐቱዋ፥ ሚሻቱዋ፥ ጾምፕያ ዛይትያ፥ 
\v 15 እጻና ጩዋይያ ሳጽንያነ አ ቶክያ ካሱዋ፥ ኦከትያ ዛይትያነ ሳዊያ እጻና፥ ጾሳ ዱንካንያ ፐንግያ ጋርዱዋ፤ 
\v 16 ጹግያ ያርሹዋ ያርሽያ ሳኣነ አ ናሃስያ ዛዝርያ፥ አ ቶክያ ካሶቱዋነ አ ሚሻቱዋ ኡባ፥ ናሃስያፐ ኦሰቴዳ ሜቻ ከርያነ አ ዎያዋ፤ 
\v 17 ሶይ ዳባባ ጎዳ ጋርዳቱዋ፥ ቱሳቱዋነ ኡንቱንቱ ገደቱዋ፥ ዳባባ ሶ ግዶ ገልያ ፐንግያ ጋርዱዋ፤ 
\v 18 ጾሳ ዱንካንያ ግያ ሽካላቱዋ፥ ዳባባ ግዶ ገቱዋ ኡንቱንቱ ዎዶሮቱዋ፤ 
\v 19 ጌሻ ሳኣን ኦደ ጎኤታናዉ ዳደቴዳ ማዮቱዋ፥ ቄሲ አሮነ ማይያ ጌሻ ማዩዋ አ ናናይ ቄሰተ ኪታ ኦደ ማይያ ማዩዋ መኖ” ያጌዳ።
\s1 አሳይ አሄዳ እሞታ
\p
\v 20 ሄዋፐ ጉይያን እስራኤልያ ማባራይ ኡባይ ሙሴ ስንፐ ከሴዳ። 
\v 21 እማናዉ ኮዬዳዋንቱነ ኡንቱንቱ ዎዛናይ ኡንቱንታ እማ እማ ጌዳዋንቱ ኡባይ ዬድኖ፤ መና ጎዳ ዱንካንያዉ፥ አ ግዶን ኦያ ኦሱዋ ኡባዉነ ጌሻ ማዮ ኮሽያዋ ኡባ አሄድኖ። 
\v 22 እማና ኮዬዳ አቱማዋ ኡባይነ ማጫዌ ኡባይ ዪደ፥ ዎርቃፐ መዳ አሌቂያዋንታ፥ ሀይ ጉድቻቱዋ፥ ምግዳቱዋ፥ ሀራ ዎርቃ አሌቂያዋንታ አሂደ መና ጎዳዉ እሞታ ኦደ እሜድኖ። 
\v 23 ሳሉዋ ማላትያ ቃጭናይ፥ ኦቻ ቴራ ማላትያ ቃጭናይ፥ ሾሎላ ዞኦ ቃጭናይ፥ ዎይ ሊኑዋ ጌተትያ ሊቆ ቃጭናይ፥ ዎይ ዴሻ አጎዛ፥ ዶርሳ ኦርግያ ጋልባ ዞኦ ቃላምያን የግ ከሴዳዌ፥ ዎይ ማንቻላይ ደእያ አሳይ ኡባይ አሄዳ። 
\v 24 ብራ ዎይ ናሃስያ እማናዉ ዳንዳይያ ኡባይ ባረንቱ እሙዋ መና ጎዳዉ እሜድኖ፤ ቃይ ኦዶሩ ደእያ አሳይ ኡባይ ዱማ ዱማ ኦሶ ኦዶሩዋ አሄዳ።
\p
\v 25 ኩሽያ ሂላ ኤርያ ማጫ አሳይ ኡባይ ባረንቱ ኩሽያን ሱቄዳ ሳሉዋ ማላትያ ቃጭና፥ ኦቻ ቴራ ማላትያ ቃጭና፥ ሾሎላ ዞኦ ቃጭናነ ሊቆ ሊኑዋ አሄድኖ። 
\v 26 ቃይካ እሙዋ እማናዉ ኮዬዳ ማጫ አሳይ ኡባይ ዴሻ አጎዛ ዳዴድኖ። 
\v 27 ካፓቱ ኤፉድያንነ ትራን ዎያዋን ዎያ ማርግድያነ ሀራ ቦንቼቴዳ ሹቻቱዋ አሄድኖ። 
\v 28 ኡንቱንቱ ቃይካ ጾምፕያዉ፥ ሳዊያ እጻናዉነ ኦካናዉ ሀንያ ዎጋራ ዛይትያነ ቅማምያ አሄድኖ። 
\v 29 እስራኤላቱ አሳይ ኡባይ፥ አቱማዌነ ማጫዌ፥ ኡንቱንቱ ኦናዳን መና ጎዳይ ሙሴ ባጋና አዛዜዳ ኦሶ ሀንያ እሙዋ ኡባ ባረንቱ ሸንያን መና ጎዳዉ አሄድኖ።
\s1 ጾሳ ዱንካንያ ኦያ ኩሽያ ሂላንቻቱዋ
\r (31:1-11)
\p
\v 30 ሙሴ እስራኤልያ አሳ ሀዋዳን ያጌዳ፤ “በእተ፤ መና ጎዳይ ይሁዳ ዛርያፐ ሁራ ናኣ ናኣ፥ ኡራ ናኣ፥ ባጻልኤላ ዶሬዳ። 
\v 31 መና ጎዳይ አ ጾሳ አያናን፥ ሂላን፥ አኬካንነ ኦሱዋ ኡባ ኦያ ኤራን ኩንዳ። 
\v 32 ሄዌካ ሂላን ኪታ ሀልቹዋ ከሲደ፥ ዎርቃፐ፥ ብራፐነ ናሃስያፐ ዱማ ዱማባ እ ኡዳናሳ። 
\v 33 ሄዋዳንካ፥ አልኦ ሹቻ ማሲደ ጊግሳናሳ፤ ም ማሳናሳነ ኡባ ቆሞ ኦሱዋ ሂላን ኦናሳ። 
\v 34 ሄዋ ቦላካ ቃይ አስነ ዳና ዛርያ አህሳማካ ናኣ ኦሆልኣባዉ፥ ሀራ አሳ ታማርስያ ኤራ እሜዳ። 
\v 35 ኡንቱንቱ ኡባ ቆሞ ኦሱዋ ኦናዳን፥ ሂላን ኦያዋንታ፥ ኦሱዋ ሀልቹዋ ከስያዋንታ፥ ሳሉዋ ማላትያ ቃጭናን፥ ኦቻ ቴራ ማላትያ ቃጭናን፥ ሾሎላ ዞኦ ቃጭናንነ ሊኑዋ ቃጭናን አሌቁዋ ዳድያዋንታነ ሸማይነቱዋ ግዳናዳን፥ ጾሳይ ኡንቱንቱ ኤራተን ኩንዳ። ኡንቱንቱ ኡባይካ ኡባ ቆሞ ኦሱዋ ሉጺደ ኤርያ ኤራንቻ ግዴድኖ።
\c 36
\p
\v 1 “ሄዋ ድራዉ፥ ባጻልኤል፥ ኦሆልኣብነ መና ጎዳ ዱንካንያ ኬጻና ማላነ ኦሶ ግድያ ኤራ መና ጎዳይ እምና፥ ሉጼዳ አሳይ ኡባይ መና ጎዳይ አዛዜዳዋዳን ኡባባ ኦና” ያጌዳ።
\s1 አሳይ እሜዳ እሞታ ጮራተ
\p
\v 2 ሄዋፐ ጉይያን ሙሴ ባሳልኤላ፥ ኦሆልኣባነ መና ጎዳይ ዱማ ኤራ እሜዳዋንቱ ኦሱዋ ኦናዉ ያና ኮይያ ኡባ ጼሲደ ሺሼዳ። 
\v 3 እስራኤልያ አሳይ ጾሳ ዱንካንያ ኦናዉነ ኦሶ ግድያ እሞታ ኡባ ሙሴፐ አኬድኖ። ቃይ አሳይ ባረ ሸንያን ጮ እምያ እሞታ ዎንታ ዎንታ ጉጅ ጉጂደ አህያዋ አግቤና። 
\v 4 ያትና ጾሳ ዱንካንያ ኦያ ኤራይ ኩሜዳ አሳይ ኡባይ ባረንቱ ኦሱዋ አግ ባሺደ፥ 
\v 5 ሙሳ ሀዋዳን ያጌድኖ፤ “አሳይ መና ጎዳይ አዛዜዳ ኦሶ ኮሽያዋፐ ሎይ ዳርያዋ አሂደ ደኤ” ያጌድኖ።
\p
\v 6 ሙሴ ዱንካኔዳ ሳኣን ደእያ አሳዉ ሀዋዳን ያጊደ አዛዜዳ፤ “ላኤን አይ አቱማ አሳይካ አይ ማጫ አሳይካ ጾሳ ዱንካንያ ኦሶ እምያዋ እማናዉ አሆፖ” ያግና፥ አሳይ አህያዋ አግ ባሼዳ። 
\v 7 አያዉ ጎፐ፥ ኡንቱንቱ አሄዳ እሞታይ ኦሱዋ ኡባ ኦናዉ ግዲደ ፓላሄ።
\s1 ጾሳ ዱንካንያ ኦሱዋባ
\r (26:1-37)
\p
\v 8 ኦሱዋ ኦያዋንቱ ግዶፐ ሂላ ዳርያዋንቱ ኡባቱ ሊቆ ሊኑዋፐነ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐ ዳደቴዳ ታሙ ጋርዱቱዋፐ ጾሳ ዱንካንያ ጊግሴድኖ። ሄ ጋርዳቱዋን እት ሂላይ ክሩበቱዋ ምስልያ ዳዴዳ። 
\v 9 ጋርዶቱ ኡባይ እት ልከ ግዲደ፥ ጌሳይ ላታማነ ሆስፑን ዋ፤ ጎምፓይ ኦይዱ ዋ። 
\v 10 እቼሹ ጋርዳቱዋ እትፐ ጋደ ስኬድኖ፤ ቃይ የንኮ አቴዳ እቼሹ ጋርዳቱዋካ ኡንቱንቱዋዳን ኦድኖ። 
\v 11 እትፐ ጋደ ስኬዳ ጋርዱቱዋፐ እት ጋርዱዋ ዉርሰ ጋጻን ሳሉዋ ማላትያ ጫርቂያፐ ማጫራ መድኖ። ቃይ እትፐ ጋከት ስከቴዳ የንኮ ጋርዱዋንካ ሄዋዳን ኦድኖ። 
\v 12 ኡንቱንቱ እትፐ ጋከቴዳ እት ጋርዱዋ ቦላ እሻታሙ ማጫራ፥ ቃይ እትፐ ጋከቴዳ የንኮ ጋርዱዋ ቦላካ እሻታሙ ማጫራ መድኖ። ሄ ማጫራቱ ኡባይካ እቱ እቶ ማራን ደኢኖ። 
\v 13 ሄዋፐ ጉይያን፥ ዎርቃፐ እሻታሙ ኦይቂያዋ መድኖ። ዱንካኒ እቱዋ ግዳና ማላ፥ ሄ ጋርዳቱዋ ጋጻ ጋጻ ሄ ኦይቂያዋንቱን ኦይድኖ።
\p
\v 14 ጾሳ ዱንካንያ ቦላና ካምያ ዱንካንያዉ ታማነ እት ጋርዳቱዋ ዴሻ አጎዛፐ ዳዴድኖ። 
\v 15 ታማነ እት ጋርዳቱካ እት ልከ፤ እት እት ጋርዱዋ ጌሳይ ሀታሙ ዋ፥ ጎምፓይ ኦይዱ ዋ። 
\v 16 እቼሹ ጋርዳቱዋ እት ባጋና፥ ኡሱፑን ጋርዳቱዋ ቃይ የንኮ ባጋና ጋደ ስኬድኖ። 
\v 17 ሄዋፐ ጉይያን ጋ ስኬዳ ጋርዳቱዋፐ እት ጋርዱዋ ጋጻን እሻታሙ ማጫራ መድኖ። ቃይካ ጋ ስኬዳ የንኮ ጋርዳቱዋፐ ዉርሰ ጋርዱዋ ጋጻን እሻታሙ ማጫራ መድኖ። 
\v 18 ላኡ ባጋና ደእያ ጋርዳቱዋ ጋደ እት ዱንካነ ኦናዉ ናሃስያፐ እሻታሙ ኦይቂያዋ መድኖ። 
\v 19 ሄዋፐ ጉይያን ዱንካንያ ካማናዉ ዶርሳ ኦርግያ ጋልባ ዞኦ ቃላምያን የግ ከሴዳዋ ጊግሴድኖ፤ ቃይ አ ቦላና ካማናዉ ቁምእያ ጊግሴድኖ።
\p
\v 20 ጾሳ ዱንካንያ ጻጋግያዋንታ ስት ጌዳ ኦዶሮቱዋፐ ከሴድኖ። 
\v 21 እት እት ጻጋግያዉ ጌሳይ ታሙ ዋ፤ ጎምፓይ እት ዋነ ባጋ። 
\v 22 እት እት ጻጋግያዉ እቱዋ እቱዋና ጋ ኦይያ ላኡ ፖቱዋ መድኖ። ጾሳ ዱንካንያ ጻጋገቱዋ ኡባካ ሄዋዳን ኦድኖ። 
\v 23 ጾሳ ዱንካንያዉ ገድሳ ባጋና ላታሙ ጻጋገቱዋ መድኖ። 
\v 24 እት እት ጻጋግያዉ ላኡ ገደቱዋ፥ ኡባና ኦይታሙ ፖይ ገልያ ሉካቱዋ ብራፐ ጊግሴድኖ። 
\v 25 ጾሳ ዱንካንያዉ ሁጲሳ ባጋና ላታሙ ጻጋገቱዋ መድኖ። 
\v 26 እት እት ጻጋግያዉ ላኡ ፖይ ገልያ ሉካቱዋ፥ ኡባና ኦይታሙ ፖይ ገልያ ሉካቱዋ ብራፐ ጊግሴድኖ። 
\v 27 ጾሳ ዱንካንያዉ ጉየ ጋጻን አዋይ ዉልያ ባጋና ኡሱፑን ጻጋገቱዋ መድኖ። 
\v 28 ጾሳ ዱንካንያ ጉየ ጋጻን ደእያ ጋጻቶ ላኡ ጻጋገቱዋ ጊግሴድኖ። 
\v 29 ሀ ላኡ ጋጻቱዋን ደእያ ጻጋገቱዋ ጻጱዋፐ ጼራ ጋካናዉ ዳቡላ ግድ ቢደ፥ ጼራን እት ሳጋይያን ገል ኦይቀቴድኖ። ኡንቱንቱ ላአቱካ ሄዋዳን ሀኔድኖ። 
\v 30 ሄዋ ድራዉ፥ እት እት ጻጋግያዉ ጋርሳና ላኡ ላኡ ገደቱ ደኢኖ፤ ኡባና ሆስፑን ጻጋገቱነ ብራፐ ኦሰቴዳ ታማነ ኡሱፑን ገደቱ ደኢኖ።
\p
\v 31 ቃይ ኡንቱንቱ ኦዶሮቱዋፐ ሽካላቱዋ ከሴድኖ፤ ጾሳ ዱንካንያዉ እት ባጋ ምይያን ደእያ ጻጋገቶ እቼሹ ሽካላቱዋ፥ 
\v 32 ቃይ የንኮ ባጋ ምይያን ደእያ ጻጋገቶ እቼሹ ሽካላቱዋ ጊግሴድኖ። ሄዋዳንካ፥ ጾሳ ዱንካንያዉ ጉየ አዋይ ዉልያ ባጋና ዉርሰ ጋጻን ደእያ ጻጋገቶ እቼሹ ሽካላቱዋ መድኖ። 
\v 33 ግዶ ሽካሊ ጻጋገቶ ግዶ ሄራና፥ ሀ ጋጻፐ ያ ጋጻ ጋካናዉ ፕን ከሳናዳን ኦድኖ። 
\v 34 ጻጋገቱዋ ዎርቃን ሼሺደ፥ ሽካላቱ አያ ሳጋየቱዋ ዎርቃፐ መድኖ፤ ቃይ ሽካላቱዋካ ዎርቃን ሼሼድኖ።
\p
\v 35 ሳሉዋ ማላትያ፥ ኦቻ ቴራ ማላትያነ፥ ሾሎላ ዞኦ ቃጭናፐነ ሊቆ ሊኑዋፐ እት ጋርዱዋ ኦድኖ። ሄ አ ቦላ እት ሂላይ ክሩበቱዋ ምስልያ ስኬዳ። 
\v 36 ጋርዱዋ ኦይዱ ቱሳቱዋ ኦዶሩዋፐ ጊግሲደ፥ ዎርቃን ሼሼድኖ። ያቲደ ዎርቃ ካቂያዋንታ ኡንቱንቶ ጊግሴድኖ። ቃይ ቱሳቱዋ ኤስያ ኦይዱ ገደቱዋ ብራፐ መድኖ። 
\v 37 ጾሳ ዱንካንያ ገልያ ፐንግያዉ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳደቴዳዋ፥ ጽልፕያ አሌቅስያዋን ጋርዱዋ ጊግሴድኖ። 
\v 38 ቃይ ኡንቱንታ ካቂያ እቼሹ ቱሳቱዋ፥ ካቂያ ባላና ደእያዋንታ መድኖ። ቱሳቱ ጉምቦቱዋነ ቃችያዋንታ ዎርቃን ሼሼድኖ። ቃይ ኡንቱንቱ ፖይ ገልያ ሉኮቱዋ እቼሻቱዋካ ናሃስያፐ መድኖ።
\c 37
\s1 ታቦታ ኦሱዋባ
\r (25:10-22)
\p
\v 1 ባጻልኤል ኦዶሩዋ ምፐ ታቦታ ጊግሴዳ። ሄ ታቦታይ አዱሳተይ ላኡ ዋነ ባጋ አዱቄ፤ ጎምፓይ እት ዋነ ባጋ አኬ፤ ጌሳይካ እት ዋነ ባጋ ቄ። 
\v 2 ሄ ታቦታ ጊግሲደ፥ ሶያነ ካርያ ዋላካይ ባይና ዎርቃን ሼሼዳ፤ ዩሹዋካ ዎርቃ ትገን ዩሽ አዳ። 
\v 3 ቃይ ኦይዱ ዎርቃ ሳጋየቱዋ ትጊደ፥ ታቦታዉ ኦይዱ ገደቱዋን፥ እት ባጋና ላኡ ሳጋየቱዋ፥ ቃይ የንኮ ባጋና ላኡ ሳጋየቱዋ አዳ። 
\v 4 ያቲደ ኦዶሮቱዋፐ ካሱዋ ከሲደ ኡንቱንታካ ዎርቃን ሼሼዳ። 
\v 5 ታቦታ ቶካናዉ፥ ታቦታ ምይያን ደእያ ሳጋየቱዋን ካሱዋ አዳ።
\p
\v 6 ዋላካይ ባይና ዎርቃፐ ላኡ ዋነ ባጋ አዱቂያ፥ እት ዋነ ባጋ አክያ አቶ ግያ ሳኣ ቁምእያ መዳ። 
\v 7 ቁምእያዉ ዉርሰ ላኡ ባጋ ጋጻን ላኡ ክሩቤላቱዋ ቆጸቴዳ ዎርቃፐ መዳ። 
\v 8 እት ክሩብያ እት ባጋ ጋጻን፥ ላኤን ክሩብያ የንኮ ባጋ ጋጻን፥ ላኡዋካ ቁምእያና ጋ ኦይደ መዳ። 
\v 9 ክሩበቱ ባረንቱ ቀፍያ ደንደ፥ አቶ ግያ ሳኣ ካምያ ቁምእያ ባረንቱ ቀፍያን ኩዋይ ዎድኖ፤ ቃይ እቱ እቱዋኮ ስም ኡቲደ፥ ቁምእያ ጼሊኖ።
\s1 ጻርጴዛ
\r (25:23-30)
\p
\v 10 ቃይ አዱሳተይ ላኡ ዋ፥ ጎምፓይ እት ዋ፥ ጌሳይካ እት ዋነ ባጋ ግዴዳ ጻርጴዛ ኦዶሩዋፐ መዳ። 
\v 11 ዋላካይ ባይና ዎርቃን ሼሼዳ። ዩሹዋካ ዎርቃ ትገ ዩሽ አዳ። 
\v 12 ሄዋዳንካ፥ ጎምፓይ ታካ ግዴዳ ሻሽያ አ ቦላ ዩሽ አዳ። ያቲደ አ ቦላ ዎርቃ ትገ ዩሼዳ። 
\v 13 ኦይዱ ዎርቃ ሳጋየቱዋ መደ ኦይዱ ገደቱ መቴዳ ኦይዱ ጋጻቱዋና ኦይዳ። 
\v 14 ጻርጴዛ ቶካናዉ ካሱዋ አያ ሳጋየቱ ጻርጴዛዉ ሻሽያ ጋጻን ሺቂደ መቴድኖ። 
\v 15 ጻራጴዛ ቶክያ ካሶቱዋካ ኦዶሩዋፐ ከሲደ፥ ዎርቃን ሼሼዳ። 
\v 16 ሄዋዳንካ፥ ጻርጴዛ ቦላ ዎያ ዱማ ዱማ ሚሻቱዋ ዋላካይ ባይና ዎርቃፐ መዳ፤ ሄዋንቱካ ሳነቱዋነ ጭልፓቱዋ፥ ቃይ ኡሻ ያርሹዋ ትግያ ከረቱዋነ ጹአቱዋ።
\s1 ጾምፕያ ዎያ ባላ
\r (25:31-40)
\p
\v 17 ሄዋፐ ጉይያን እ ጾምፕያ ዎያ ባላ ቆጸቴዳ ዋላካይ ባይና ዎርቃፐ መዳ፤ ሄ ባላ ኤስያ ገድያካ፥ ግዶ ቶማካ ቆጼዳ ዎርቃፐ መዳ። አ ኩኩሞቱዋ፥ አ ልጮቱዋን አ ጪሻቱዋ ኡባ አናና እትፐ ጾምፒደ መዳ። 
\v 18 ምይያና ኡሱፑን ማራቱዋ መዳ፤ ማራቱዋ ሄዛቱዋ እት ባጋና፥ ቃይ ሄዛቱዋ የንኮ ባጋና ከሴዳ። 
\v 19 ኡሱፑን ማራቶካ ሁጲያን ሁጲያን ሄዙ ሄዙ ኩኩሙነ ጪሻቱ ደእያ ላዉዝያ ጪሻ ማላትያ ዋንጫ መዳ፤ 
\v 20 ጾምፕያ ዎያ ባላዉ ግዶ ቶማይ፥ ኩኩሞቱዋ ጪሻቱ ደእያ ጪሻ ማላትያ ኦይዱ ዋንጫን አሌቀት ኡቴዳ። 
\v 21 ላኡ ላኡ እትፐ ዋን ደእያ ሄዙ ማራቱዋፐ ጋርሳና እት እት ኩኩማይ መት ኡቴዳ ኡባይካ ኡሱፑን ኩኩሞ። 
\v 22 ኩኩማቱነ ማራቱ ኡባይ ጾምፕያ ዎያ ባላና እትፐ ኦይቀት እቱዋ ግዲደ፥ ዋላካይ ባይና ዎርቃፐ ቆጸቲደ መቴድኖ።
\p
\v 23 እ ቃይ ጾምፕያ ዎያ ባላዉ ላፑን ጾምፐቱዋ፥ ጾምፕያ ቶይስያ ቃጰቱዋነ ኡንቱንታ ዎያዋንታ ዋላካይ ባይና ዎርቃፐ መዳ። 
\v 24 ጾምፕያ ዎያ ባላነ አን ጎኤትያ ሚሻ ኡባ መናዉ ሀታማነ እቼሹ ኪሎ ግራመ ግዴዳ ዋላካይ ባይና ዎርቃ ዉርሴዳ።
\s1 እጻና ጩዊስያ ሳጽንያ
\r (30:1-5)
\p
\v 25 ቃይ እጻና ጩውስያ ሳኣ ኦዶሩዋፐ መዳ። አዉ ኦይዱ ጋጻይ ደኤ፤ አዱሳተይ እት ዋ፤ ጎምፓይ እት ዋ፥ ጌሳይ ላኡ ዋ። አ ካጨቱካ አናና እቱዋ ግዲደ ኦይቀት መቴዳዋንታ። 
\v 26 አዉ ቦላ ዶና፥ ኦይዱ ባጋ ኡባነ አ ካጨቱዋ ዋላካይ ባይና ዎርቃን ሼሺደ፥ አ ዩሹዋካ ዎርቃ ትገ ዩሽ አዳ። 
\v 27 ሄ ዎርቃ ትገፐ ጋርሳና እጻና ጩውስያ ሳጽንያ ዎርቃፐ ላኡ ሳጋየቱዋ መዳ፤ ያቲደ ያ ባጋናነ ሀ ባጋና ላኡዋ ላኡዋ ኦይዳ። ሄዋንቱ ቶክያ ዎደ ካሱዋ አናዉ ማዳናዳና። 
\v 28 ካሶቱዋ ኦዶሩዋፐ ከሲደ፥ ኡንቱንታ ዎርቃን ሼሼዳ።
\s1 ዛይትያነ እጻና
\r (30:22-38)
\p
\v 29 ቃይ ጌሻ ኦከትያ ዛይትያነ ሳዉዋ ቶሽኩ ግያ ሎኦ እጻና ሽቱዋ ኦያ ኤራን ጊግሴዳ።\x - \xo 37:29 \xo*\xt ከሳ 30:22-38\xt*\x*
\c 38
\s1 ጹግያ ያርሹዋ ያርሽያ ሳኣ
\r (27:1-8)
\p
\v 1 ኦዶሩዋፐ ጹግያ ያርሹዋ ያርሽያ ሳኣ ኬጼዳ። ሄ ያርሽያ ሳአዉ ጌሳይ ሄዙ ዋ፥ ጎምፓይነ አዱሳተይ እት ልከ፥ እቼሹ እቼሹ ዋ ግዲደ፥ ኦይዱ ጋጻና ደእያዋ ኦድኖ። 
\v 2 ኦይዱ ጋጻቱዋ ዉርሰ ጋጻን ጋጻን እት እት ካጭያ መዳ። ሄ ካጨቱ ያርሽያ ሳኣና እትፐ ኦይቀቲደ ኦሰቴድኖ። ያትና ያርሽያ ሳኣ ናሃስያ ብራታን ሼሼዳ። 
\v 3 አን ጎኤትያ ኡባ ሚሻቱዋ፥ ባልደቱዋ፥ አካፋቱዋ፥ ብድን ሺሽያ ኩይጻሮቱዋ፥ አሹዋ ኦይቂያ ዛምቤልያነ ታማ ጮጨቱዋ ኡባ ናሃስያ ብራታፐ መዳ። 
\v 4 ያቲደ ናሃስያ ብራታፐ ዛዝርያ ያርሽያ ሳአዉ ጊግሲደ ያርሽያ ሳአዉ ዱገ ግዶ ባጋን ደእያ ሻሽያ ቦላ ዎዳ። 
\v 5 ናሃስያ ብራታፐ መዳ ዛዝርያዉ ኦይዱ ጋጻን ካሱዋ አናዉ ኦይዱ ሳጋየቱዋ መዳ። 
\v 6 ኦዶሩዋፐ ያርሽያ ሳአዉ ካሱዋ ከሲደ፥ ናሃስያ ብራታን ሼሼዳ። 
\v 7 ያርሽያ ሳኣ ቶክያ ዎደ ማዳና ማላ፥ ሀ ካሱዋ ላኡ ምይያና ደእያ ሳጋየቱዋን አዳ። ያርሽያ ሳኣ ግዱዋ ኮፋ ከሲደ፥ ጻዉላፐ መዳ።
\s1 ሜቻ ከርያ
\r (30:18)
\p
\v 8 ናሃስያ ብራታፐ ሜቻ ከርያነ አ ዎያዋ መዳ፤ ሄ ብራታይ ጋከ ዱንካንያ ፐንግያን ኦያ ማጫ አሳቱ አሄዳ ሄረጋፐ አከቴዳ።
\s1 ጾሳ ዱንካንያ ዳባባ
\r (27:9-19)
\p
\v 9 ሄዋፐ ጉይያን ዳባባ ጊግሴዳ። ዳባባዉ ገድሳ ባጋ አዱሳተዉ ጼቱ ዋ ኦደ፥ ሊቆ ሊኑዋፐ ዳደቴዳ ጋርዳቱዋ ጊግሴዳ። 
\v 10 አዉ ናሃስያ ብራታፐ ላታሙ ቱሳቱዋነ ቱሳቱ ኤቂያ ናሃስያ ሉካቱዋ ኦዳ፤ ኡንቱንቱ ሁጲያን ቃይ ብራፐ መቴዳ ካቂያዋንታነ ቱሳቱዋ ሁጲያን ቃችያዋንታ ኦዳ። 
\v 11 ዳባባዉ ሁጲሳ ባጋ አዱሳተይ ጼቱ ዋ አዱሳ፤ ቃይ ላታሙ ቱሳቱነ ሄ ቱሳቶ ላታሙ ናሃስያ ገደቱ ደኢኖ። ያቲደ ብራፐ መቴዳ ካቂያዋንቱነ ቱሳቱዋ ሁጲያን ቃችያዋንቱ ደኢኖ። 
\v 12 አዋይ ዉልያ ባጋ ዳባባ ጎምፓይ እሻታሙ ዋ አካ ግዲደ፥ ታሙ ቱሳቱነ ቱሳቶ ታሙ ገደቱ ደእያ ጋርዳቱዋ ጊግሴዳ፤ ሄ ቱሳቱዋ ሁጲያን ብራፐ መቴዳ ካቂያዋንታነ ቱሳቱዋ ሁጲያን ቃችያዋንታ ኦዳ። 
\v 13 ቃይ አዋይ ዶልያ ባጋ ዳባባ ጎምፓይ እሻታሙ ዋ አካ። 
\v 14 ዳባባ ገልያ ሳኣፐ እት ባጋና ታማነ እቼሹ ዋ አዱቂያ ጋርዶቱ፥ ሄዙ ቱሳቱነ ቱሳቶ ሄዙ ገደቱ ደኢኖ። 
\v 15 ሄዋዳንካ፥ ዳባባ ገልያ ሳኣፐ ህንኮ ባጋና፥ ታማነ እቼሹ ዋ አዱቂያ ጋርዶቱ፥ ኡንቱንቶ ሄዙ ቱሳቱነ ቱሳቶ ሄዙ ገደቱ ደኢኖ። 
\v 16 ዳባባ ዩሹዋን ደእያ ጋርዶቱ ኡባይ ሊቆ ሊኑዋፐ ዳደቴዳዋንታ። 
\v 17 ሄ ቱሳቱዋ ገደቱ ናሃስያፐ፥ ካቂያዋንቱነ ቱሳቱዋ ሁጲያን ቃችያዋንቱ ብራፐ ኦሰቴድኖ፤ ኡንቱንቱ ሁጲ ብራን ሼሸቴዳ። ሄዋ ድራዉ፥ ዳባባ ዩሹዋን ደእያ ቱሳቱዋ ኡባ ሁጲያን ብራፐ ኦሰቴዳ ቃችያዋንቱ ደኢኖ። 
\v 18 ዳባባ ገልያ ሳኣን ካቂያ ጋርዱ ሳሉዋ ማላትያ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳድያዋ ጽልፕያን አሌቂስያዋን ጊግሴዳዋ። አዉ አዱሳተይ ላታሙ ዋ፤ ጌሳይ ዳባባ ጋርዳቱዋ ልከ፥ እቼሹ ዋ። 
\v 19 ናሃስያ ብራታፐ ኦሰቴዳ ኦይዱ ቱሳቱነ ቱሳቶ ኦይዱ ገደቱ ደኢኖ። ኡንቱንቱ ካቂያዋንቱነ ቱሳቱዋ ሁጲያን ቃችያዋንቱ ብራፐ መቴድኖ፤ ኡንቱንቱ ሁጰቱካ ብራን ሼሸቴድኖ። 
\v 20 ጾሳ ዱንካንያ ሽካላቱ ኡባይነ አ ዩሹዋን ደእያ ዳባባ ሽካላቱ ኡባይ ናሃስያ ብራታፐ መቴዳዋንታ።
\s1 ጾሳ ዱንካንያን ጎኤትያ ሚሻቱዋ
\p
\v 21 ጾሳ ዱንካንያዉ፥ ሄዌካ ቃላ ጫቁዋ ዱንካንያዉ፥ ጎኤቴዳ ሚሻቱዋ ሌዋቱ ፓይዴድኖ። ሄ ሚሻቱዋ ቄስያ አሮና ናኣ እታማራ ካፖተ ጋርሳን ደእያ ሌዋቱ ማዝጋባን ጻፋናዳን ሙሴ አዛዜዳ።
\p
\v 22 ይሁዳ ዛረ ግዴዳ ሆራ ናኣ ናኣ፥ ኡራ ናኣ፥ ባጻልኤል መና ጎዳይ ሙሳ አዛዜዳ ኡባ ኦዳ። 
\v 23 ዳና ዛረ ግዴዳ አህሳማካ ናኣ ኦሆልኣብ አናና ደኤ፤ እ ኩሽያ ሂላንቻነ ኦያባዉ ኮይሮ ሀልቹዋ ከስያዋ፤ ቃይ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናንነ ሊቆ ሊኑዋን ዳዲደ፥ ጽልፕያን አሌቂስያ አሳ።
\p
\v 24 ጾሳ ዱንካንያ ኦሶ ጾሳዉ እመቴዳ ዎርቃይ ጾሳ ዱንካንያን ኤረትያ ሚዛናን ዎና፥ እት ሻአ ኪሎ ግራምያ ዴጼዳ። 
\v 25 ፓይዱዋን ደእያ ማባራ አሳፐ ቤቴዳ ብራይ ጾሳ ዱንካንያን ኤረትያ ሚዛናን ዎና፥ 3,430 ኪሎ ግራምያ ዴጼዳ።\x - \xo 38:25-26 \xo*\xt ከሳ 30:11-16\xt*\x* 
\v 26 አሳ ፓይድያ ዎደ ፓይደቴዳ አቱማ አሳይ ኡባይ ሁጲያን ሁጲያን ጾሳ ዱንካንያን ኤረትያ ሚዛናን ዎና፥ ኡሱፑን ግራመ ኬሻ እሜዳ። ፓይደቴዳ አሳይ ላታሙ ላይ ኩሜዳዌነ ላታሙዋፐ ቦላና ደእያዌ ኡባይ 603,550.\x - \xo 38:26 \xo*\xt ማቶሳ 17:24\xt*\x* 
\v 27 ጾሳ ዱንካንያ ጋርዱዋ ኤሴዳ ጼቱ ፖይ ገልያ ሉኮቱ 3,400 ኪሎ ግራመ ብራን ኦሰቴድኖ። ሄዌካ እት እት ገድያዉ ሀታማነ ኦይዱ ኪሎ ግራመ ብራ። 
\v 28 አቴዳ ሀታሙ ኪሎ ግራመ ትግያ ብራ ቱሳቱዋን ካቂያዋንታ መናዉ፥ ቱሳቱዋ ሁጲያን ሼሻናዉነ ኡንቱንቱ ሁጲያን ቃችያዋንታ መናዉ ጎኤቴድኖ። 
\v 29 ሄዋዳንካ፥ አሳይ ጾሳዉ አሄዳ ናሃስያ ብራታይ 2,425 ኪሎ ግራመ። 
\v 30 ሄ ናሃስያ ብራታፐ ጾሳ ዱንካንያ ገልያ ሳኣን ኤቂያ ቱሳቱዋ ገደቱ፥ ናሃስያ ያርሽያ ሳኣ ግያ ያርሽያ ሳአይ፥ አ ግዶን ሂጼዳ ናሃስያ ዛዝሪነ አ ግዶን ጎኤትያ ዱማ ዱማ ሚሻ ኡባይ መቴ። 
\v 31 ሄዋዳንካ፥ ቃይ ዳባባ ዩሹዋን ደእያ ድርሳነ ገልያ ሳኣ ፐንጊ ኤቄዳ ገደቱ፥ ቃይ ጾሳ ዱንካኒነ አ ዩሹዋን ደእያ ዳባባ ድርሳይ ገቴዳ ሽካላቱ ኡባይ ሄ ናሃስያ ብራታፐ መቴድኖ።
\c 39
\s1 ቄሳቱ ማይያ ማዩዋ
\r (28:1-14)
\p
\v 1 ቄሳቱ ጾሳ ዱንካንያን ኦያ ዎደ ጎኤትያ ማዩዋ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐ ዳዴድኖ። አሮነ ማይያ ጌሻ ቄሳተ ማዩዋካ መና ጎዳይ ሙሳ አዛዜዳዋዳን ኦድኖ።
\s1 ኤፉድያ
\p
\v 2 እ ኤፉድያ፥ ዎርቃፐ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳዴዳ። 
\v 3 ኡንቱንቱ ዎርቃ ቆጺደ፥ ሌእያ ዬቻዳ፥ አፐ ቃራር ቃራሪደ፥ ቃጭና ከሴድኖ። ያቲደ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናነ ሊቆ ሊኑዋ ጋደ፥ ኩሽያ ሂላንቻቱ ዳዴድኖ። 
\v 4 ላኡ ባጋይ ጋከቲደ እቱዋ ግዳና ማላ፥ ላኡ ሀሽያ ቦላ ጋደ ኦይያ ጫርቂያ ጊግሴድኖ። 
\v 5 መና ጎዳይ ሙሳ አዛዜዳዋዳን፥ ሂላይ አሌቂሲደ ዳዴዳ ዳንጩካ ኤፉድያና እታ ግዲደ፥ ዎርቃፐ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳደቴዳ።
\p
\v 6 ኡንቱንቱ ማርግድያ ጌተትያ ላኡ ሹቻቱዋ ጊግሲደ፥ ዎርቃፐ መዳ ሹቻ ኦይቂያዋ ቦላ ማራና ዎድኖ። ማታፋ ቦላ ሱን ዎጪደ ጻፍያዋዳን፥ ሄ ሹቻቱዋ ቦላ ታማነ ላኡ እስራኤልያ ናናቱዋ ሱን ዎጪደ ጻፌድኖ። 
\v 7 ጾሳይ ሙሳ አዛዜዳዋዳን፥ ታማነ ላኡ እስራኤልያ ዘረ ሀሳይያዋ ግዳና ማላ፥ ሀ ሹቻቱዋ ኤፉድያና ኦይዳ ሀሽያ ጫርቂያን ዎዳ።
\s1 ትራን ዎያዋ
\r (28:15-30)
\p
\v 8 እ ትራን ዎያዋ ኩሽያ ሂላንቻን ኦስሴዳ። ሄ ትራን ዎያዋ ኤፉድያ ዎርቃፐ ዳዴዳዋዳን፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳድሴዳ። 
\v 9 አዉ ኦይዱ ጋጻይ ደኤ፤ ጌሳይነ ጎምፓይ እት እት ታካ፤ ግዴዳዋ ዳኮዬድኖ። 
\v 10 ሄዋፐ ጉይያን አ ቦላ ኦይዱ ማራን አልኦ ሹቻቱዋ ዎድኖ፤ ኮይሮ ማራን ዎዳ ሹቻይ፥ ሳርድዮና፥ ቶጳዝዮንያነ ጶልያ እንቁዋ፤ 
\v 11 ላኤን ማራን ባሉራ፥ ሳምፔርያነ አልማዝያ ጌተትያ አልኦ ሹቻቱዋ፤ 
\v 12 ሄዘን ማራን ያክንትያ፥ ከልቀዶንያነ አመተስጽኖስያ፤ 
\v 13 ኦይደን ማራን ብራል፥ ማርግድያነ ያስጲድያ። ሄዋንታ ኡባ ዎርቃፐ ኦሰቴዳ ሹቻ ኦይቂያዋ ቦላ ዎድኖ። 
\v 14 እስራኤልያ ናናቱዋ ሱን ፓይዱዋዳን፥ ሹቻቱዋ ፓይዱካ ታማነ ላኡዋ፤ እቱ እቱ ማታፋዳን ዎጨቲደ፥ ታማነ ላኡ ዛራቱዋ ሱንይ ሄ ሹቻቱዋን ጻፈቴዳ።
\p
\v 15 ትራን ዎያዎ ዎዶሩዋዳን ዶቀቴዳ ሳንሳላታ ዋላካይ ባይና ዎርቃፐ መድኖ። 
\v 16 ላኡ ዎርቃፐ መዳ ሹቻ ኦይቂያዋንታ ኦድኖ፤ ያቲደ ላኡ ዎርቃ ምግዳቱዋ መዳዋንታ፥ ትራን ዎያዎ ቆሞ ጋጻ ጋጻቱዋና ጋደ ኦይሰድኖ። 
\v 17 ሄ ላኡ ዎርቃ ሳንሳላታቱዋ ትራን ዎያዎ ጋጻቱዋን ደእያ ምግዶቱዋና ጋ ኦይድኖ። 
\v 18 ሄ ሳንሳላታቶ ህንኮ ባጋ ጼራ ቃይ ኤፉድያዉ ስን ባጋና፥ ሀሽያ ጫርቂያን ደእያ ሹቻ ኦይቂያዋንቱና ጋ ቃቼድኖ። 
\v 19 ቃይካ ላኡ ዎርቃ ምግዳቱዋ መደ፥ ኤፉድያፐ ካሊደ ደእያ ትራን ዎያዎ ሶይ ባጋና ደእያ ላኡ ጋጻቱዋ ጼራን አድኖ። 
\v 20 ሄዋዳንካ፥ ዎርቃፐ ሀራ ላኡ ምግዳቱዋ መደ፥ ኤፉድያዉ ስን ባጋና፥ ሀሽያ ጫርቂያፐ ጋርሳ ባጋና ኤፉድያ ጼሳን ቃችያዋፐ ቆሞና፥ ስኩ ጋከቴዳ ሳኣ ማታን ካረና ኡንቱንታ ኦይድኖ። 
\v 21 መና ጎዳይ ሙሳ አዛዜዳዋዳን፥ ትራን ዎያዋን ደእያ ምግዳቱዋ ኤፉድያን ደእያ ምግዳቱዋና ጋደ፥ ሳሉዋ ማላትያ ባቀን ቃችና ትራን ዎያዌ ጼሳፐ ቆሞና ደእያ ድራዉ፥ ቃሹ ሾልኤና።
\s1 ቄሳቱ ማይያ ሀራ ማዮቱዋ
\r (28:31-43)
\p
\v 22 ኤፉድያፐ ጋርሳና ማይያ አዱሳ ማዩዋ እ ሳሉዋ ማላትያ ጫርቂያፐ ጊግሴዳ፤ ሄዌ ሸማይንያ ኦሱዋ። 
\v 23 ሄ አዱሳ ማዮ ቆያ አያ ሳኣ መድኖ፤ ሄ ሳአይ ፔተናዳን፥ ዩሽ አደ ጉጅ ጉጅ ስኬድኖ። 
\v 24 ኡንቱንቱ አዱሳ ማዩዋ ዱገ ባጋ ማጫራ ዩሹዋን ሳሉዋ ማላትያ፥ ኦቻ ቴራ ማላትያነ ሾሎላ ዞኦ ዶቀቴዳ ሮማንያ ቴራ ምስለቱዋ መድኖ። 
\v 25 ኡንቱንቱ ቃይ ዎርቃፐ ዳላቱዋ መደ፥ አዱሳ ማዮ ዱገ ባጋ ጋጻ ዩሽ አደ፥ ሮማንያ ምስለቱዋ ግዱዋን፥ ዋላካን አድኖ። 
\v 26 አሮነ ሄ ማዮ ዱገ ባጋ ማጫራ ዩሽ አደ፥ ዳላነ ሮማንያ ቴራ ምስልያ ዋላኪደ አድኖ። ሄዌ መና ጎዳይ ሙሳ አዛዜዳዋዳን፥ ኡንቱንቱ ጾሳ ዱንካንያ ኦሱዋ ኦደ ማያናሳ።
\p
\v 27 ኡንቱንቱ አሮናዉነ አ ናናዉ ሼማይንያ ሊኑዋፐ አዱሳ ሻምጭያ ጊግሴድኖ። 
\v 28 ቃይ አሮነ ሁጲያን ጻጽያ ሻሽያ፥ አ ናናዉ ቆበቱዋነ ጋርሳና ማይያ ማዮቱዋ ሊቆ ሊኑዋፐ ዳዲደ ጊግሴድኖ። 
\v 29 ኡንቱንቱ መና ጎዳይ ሙሳ አዛዜዳዋዳን ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳዲደ፥ ኩሽያ ሂላን አሌቂሲደ፥ ዳንጩዋ ጊግሴድኖ።
\p
\v 30 ኡንቱንቱ ጌሻ አለቁዋ ምስልያ ዋላካይ ባይና ዎርቃፐ መደ፥ ማታፋ ቦላ ዎጭያዋዳን፥ አ ቦላ፥ “መና ጎዳዉ ጌሻ ግዲደ ዱማቴዳ” ያግያዋ ዎጪደ ጻፌድኖ። 
\v 31 ሄዋፐ ጉይያን ሁጲያን ሻሽያፐ ጻደን ቃቻናዳን፥ መና ጎዳይ ሙሳ አዛዜዳዋዳን ሳሉዋ ማላትያ ባቀ አን አደ ቃቼድኖ።
\s1 ሙሴ ኦሱዋ ኡባ ጾሞሴዳ
\r (35:10-19)
\p
\v 32 ጾሳ ዱንካንያ ኪታይ ኡባይ ፖለቴዳ። እስራኤላቱ ኡባባካ መና ጎዳይ ሙሳ አዛዜዳዋዳን ኦድኖ። 
\v 33 ሄዋፐ ጉይያን ኡንቱንቱ ጾሳ ዱንካንያ ሙሴኮ አሄድኖ፤ ሄዌካ: ዱንካንያነ አ ሚሻ ኡባ፥ ጋ ኦይያዋ፥ ጻጋገቱዋ፥ ሽካላቱዋነ፥ ቱሳቱ ኤቂያ ሳጽነቱዋ፥ 
\v 34 ቦላ ካማደ ዶርሳ ኦርግያ ጋልባ ዞኦ ቃላምያን የግ ከሴዳዋ፥ ሀራ ጋልባፐ መዳ ቁምእያ፥ ታቦታ ገንያ ጋርዱዋ፥ 
\v 35 ቃላ ጫቁዋ ታቦታ፥ አ ቶክያ ካሶቱዋነ አቶ ግያ ሳኣ ቁምእያ፥ 
\v 36 ጻርጴዛነ አ ሚሻ ኡባ ጾሳ ስንን ዎያ ጌሻ ኡክ፥ 
\v 37 ዋላካይ ባይና ዎርቃፐ ኦሰቴዳ ጾምፕያ ዎያ ባላነ አን ማራን ደእያ ጾምፐቱዋ፥ ኡንቱንቱ ሚሻቱዋ ኡባነ ጾምፕያ ዛይትያ፥ 
\v 38 እጻና ጩዋይያ ዎርቃ ሳጽንያ፥ ኦከትያ ዛይትያ፥ ሳዊያ እጻና፥ ጾሳ ዱንካንያ ፐንግያ ጋርዱዋ፥ 
\v 39 ናሃስያፐ ኦዳ ያርሽያ ሳኣ፥ አ ናሃስያ ዛዝሪያና፥ አ ቶክያ ካሱዋ፥ አ ሚሻቱዋ ኡባ፥ ሜቻ ከርያነ አ ዎያዋ፥ 
\v 40 ዳባባ ገንያ ጋርዳቱዋ፥ አ ቱሳቱዋ፥ ኡንቱንቱ ኤቂያ ሳጽነቱዋ፥ ዳባባ ገልያ ፐንገቱዋ ጋርዱዋ፥ ዳባባ ዎዶሮቱዋነ ሽካላቱዋ፥ ጾሳ ዱንካንያ መናዉ ኮሽያ ሚሻቱዋ ኡባ፤ 
\v 41 ቄሳቱ ጌሻ ሳኣን ኦደ ጎኤታናዉ ዳደቴዳ ማዮቱዋ፥ አሮነ ጌሻ ማዩዋነ አ ናናይ ቄሳተ ኦደ ማይያ ማዮቱዋ።
\p
\v 42 እስራኤላቱ ኦሱዋ ኡባካ መና ጎዳይ ሙሳ አዛዜዳዋዳን ኡባባ ኦድኖ። 
\v 43 ሙሴ ኦሱዋ ኡባ ጾሞስ ጼሊደ፥ ኡንቱንቱ መና ጎዳይ አዛዜዳዋዳን ኦዳዋ በኤዳ። ሄዋ ድራዉ፥ ሙሴ ኡንቱንታ አንጄዳ።
\c 40
\s1 ጾሳ ዱንካንያ ቶከ
\p
\v 1 ሄዋፐ ጉይያን መና ጎዳይ ሙሳ፥ 
\v 2 “ኮይሮ አግናዉ ኮይሮ ጋላስ፥ ኔን መና ጎዳ ዱንካንያ ቶካ። 
\v 3 ቃላ ጫቁዋ ታቦታ አ ግዶን ዎ፤ ሄ ታቦታ ጋርዱዋን ካማ። 
\v 4 ጻርጴዛ ገልሳደ፥ አ ቦላ ዎናዉ ኮሽያባ ኡባ ጊግሳደ አ ቦላ ዎ። ያታደ ጾምፐቱዋ ዎያ ባላ ሶ ገልሳደ፥ አ ቦላ ጾምፐቱዋ ኤ። 
\v 5 እጻና ጩዋይያ ዎርቃ ሳጽንያ ቃላ ጫቁዋ ታቦታፐ ስንና ዎደ፥ ጾሳ ዱንካንያ ገልያ ጋርዱዋ ሶታ።
\p
\v 6 “ጹግያ ያርሹዋ ያርሽያ ሳኣ ጾሳ ዱንካንያፐ ስንና ዎ። 
\v 7 ሜቻ ከርያ ጾሳ ዱንካንያፐነ ያርሽያ ሳኣፐ ግዱዋን ዎደ፥ አን ሃ ትጋ። 
\v 8 ጾሳ ዱንካንያፐ ካረና ዩሻ አደ ዳባባ ጊግሳደ ዳባባ ገልያ ሳኣን ጋርዱዋ ሶታ።
\p
\v 9 “ኦክያ ዛይትያ አካደ፥ ጾሳ ዱንካንያነ አ ግዶን ደእያ ኡባባ ኦካ፤ አነ አ ግዶን ጎኤትያ ሚሻ ኡባ ዱማያ፤ ያቶፐ እ ጌሻ ግዳናዋ። 
\v 10 ሄዋፐ ጉይያን ጹግያ ያርሹዋ ያርሽያ ሳኣነ አዉ ጎኤትያ ሚሻ ኡባ ኦካ፤ ያርሽያ ሳኣ ዱማያ፤ ያቶፐ እ ኡባፐ አያ ጌሻ ግዳናዋ። 
\v 11 ሜቻ ከርያነ አ ኡትስያ ሚሻ ኦካደ ኡንቱንታ ዱማያ።
\p
\v 12 “ኔን አሮናነ አ ናና ጾሳ ዱንካንያ ገልያ ፐንገ አሃደ፥ ሃን ኡንቱንታ ሜጫ። 
\v 13 ሄዋፐ ጉይያን ቄሰተ ጌሻ ማዩዋ አሮና ማይዛደ፥ እ ታዉ ቄሰተን ኦናዳን፥ አ ኦካደ ዱማያ። 
\v 14 አ አቱማ ናናካ አሃደ ሻምጭያ ማይዛ። 
\v 15 ኡንቱንቱ ታዉ ቄሰተን ኦናዳን፥ ኡንቱንቱ አዉዋ ኦኬዳዋዳን፥ ኡንቱንታካ ኦካ። ኡንቱንቱ ኦካይ ኡንቱንታካ ኡንቱንቱ ስን የለታ ኡባ ቄሳቱዋ ኦያዋ” ያጌዳ።
\p
\v 16 ሙሴ ኡባባካ ጾሳይ ባረና አዛዜዳዋዳን ኦዳ።
\p
\v 17 ሄዋ ድራዉ፥ ግብጼፐ ኡንቱንቱ ከሴዳ ላኤን ላይን፥ ኮይሮ አግናዉ ኮይሮ ጋላሳን ጾሳ ዱንካኒ ቶኬቴዳ። 
\v 18 ሙሴ ጾሳ ዱንካንያ ኤስያ ዎደ፥ ሳጽነቱዋ ኡንቱንቱ ሳኣን ሳኣን ዎዳ፤ ጻጋገቱዋነ ቱሳ አዳ፤ ሽካላቱዋካ ገልሴዳ። 
\v 19 ሄዋፐ ጉየ ሙሴ መና ጎዳይ አዛዜዳዋዳን፥ ሀ ኤሴዳዋ ቦላን ዱንካንያ ጌዳ፤ ሄ ኤሱዋ ቦላን ካሙዋ ካሜዳ።
\p
\v 20 ያቲደ ታሙ አዛዛቱ ጻፈቴዳ ማርካተ ቃላ አፊደ፥ ታቦታ ግዶን ዎዳ፤ ቶክያ ካሱዋ ታቦታን አዳ፤ አቶ ግያ ሳኣ ቁምእያ ታቦታ ቦላ ዎዳ። 
\v 21 ሄዋፐ ጉይያን ታቦታ ጾሳ ዱንካንያ ገልሴዳ፤ ገንያ ጋርዱዋ ሶቲደ፥ መና ጎዳይ አዛዜዳዋዳን ቃላ ጫቁዋ ታቦታ ካሜዳ።
\p
\v 22 መና ጎዳይ ሙሳ አዛዜዳዋዳን፥ ሙሴ ጻርጴዛ መና ጎዳ ዱንካንያን ገልሲደ፥ ጋርዱዋፐ ካረና ሁጲሳ ባጋና ዎዳ። 
\v 23 አ ቦላ መና ጎዳ ስንን ዎያ ጌሻ ኡክ ጊግሴዳ።
\p
\v 24 መና ጎዳይ ሙሳ አዛዜዳዋዳን፥ ጾምፕያ ዎያ ባላ ጾሳ ዱንካንያ ግዶ ገልሲደ፥ ጻርጴዛ ሄፍንና፥ ጾሳ ዱንካንያዉ ገድሳ ባጋና ዎዳ፤ 
\v 25 ቃይ ጾምፐቱዋ መና ጎዳ ስንን ኦይዳ።
\p
\v 26 መና ጎዳይ አዛዜዳዋዳን፥ እጻና ጩዋይያ ዎርቃ ሳጽንያ ጾሳ ዱንካንያ ግዶን ጋርዱዋ ስን ባጋና ዎዳ፤ 
\v 27 አ ቦላ ሳዊያ እጻና ጩዋዬዳ። 
\v 28 ሄዋፐ ጉይያን ጾሳ ዱንካንያ ፐንግያን ጋርዱዋ ሶቴዳ።
\p
\v 29 ጹግያ ያርሹዋ ያርሽያ ሳኣ ጾሳ ዱንካንያ ገልያ ፐንግያ ምይያን ዎዳ፤ አ ቦላ ጹግያ ያርሹዋነ ካ ያርሹዋ መና ጎዳይ አዛዜዳዋዳን ያርሼዳ።
\p
\v 30 ጾሳይ ሙሳ አዛዜዳዋዳን፥ ሜቻ ከርያ ጾሳ ዱንካንያፐነ ያርሽያ ሳኣፐ ግዱዋን ዎዳ። ያቲደ ሜጨታናዉ ሃ አን ትጌዳ። 
\v 31 ሙሴ፥ አሮነነ አ ናናይ ባረንቱ ኩሽያነ ገድያ አን ሜጨቲኖ። 
\v 32 መና ጎዳይ ሙሳ አዛዜዳዋዳን፥ ኡንቱንቱ ጾሳ ዱንካንያ ገሌዳ ዎደ ዎይ ያርሽያ ሳኣኮ ሺቄዳ ዎደ አዉደነ ሜጨቲኖ።
\p
\v 33 ጾሳ ዱንካንያነ ያርሽያ ሳኣ ዩሽ አደ ዳባባ ከሴዳ፤ ሄ ዳባባ ፐንግያን ጋርዱዋ ሶቴዳ። ሄዋዳን ኦደ፥ ሙሴ ኦሱዋ ፖሌዳ።
\s1 ጾሳ ቦንቹ ጾሳ ዱንካንያ ኩሜዳ
\r (ፓይ. 9:15-23)
\p
\v 34 ሄዋፐ ጉይያን ሻሪ ጾሳ ዱንካንያ ካሜዳ፤ መና ጎዳ ቦንቹካ አ ኩሜዳ።\x - \xo 40:34 \xo*\xt 1 ካታ. 8:10-11፤ ኢሳ. 6:4፤ ህዝ. 43:4-5፤ ሳፃ 15:8\xt*\x* 
\v 35 ሻሪ ጾሳ ዱንካንያ ቦላ ኡቴዳ ድራዉነ መና ጎዳ ቦንቹ አ ግዶን ኩሜዳ ድራዉ፥ ሙሴ አ ግዶ ገላናዉ ዳንዳይቤና።
\p
\v 36 እስራኤላቱ ባረንቱ ኦግያ ኡባን፥ ሄ ሻሪ ጾሳ ዱንካንያፐ ደንድያ ዎደ አዉደነ አ ካሊደ ሀመታ ዶምኖ። 
\v 37 ሽን ሄ ሻሪ ደንዳና ዮፐ፥ እ ደንድያ ጋላሳይ ጋካናዉ ኡንቱንቱካ ቃጽክኖ። 
\v 38 ኡንቱንቱ ኦግያ ኡባን መና ጎዳ ሻሪ እስራኤልያ አሳይ ኡባይ በእሽን፥ ጋላስ ጋላስ ጾሳ ዱንካንያ ካሜነ ቃማ ቃማ ቃይ ታማይ ሄ ሻርያ ግዶን ኤጼ።