\id EPH - Dawuro Full Bible Ethiopic Version
\ide UTF-8
\h ኤፈሶና
\toc1 ጳዉሎስ ኤፈሶና አሳዉ ጻፌዳ ኪታ
\toc2 ኤፈሶና
\toc3 ኤፈ.
\mt2 ጳዉሎስ
\mt1 ኤፈሶና አሳዉ
\mt2 ጻፌዳ ኪታ
\imt ገሉዋ
\ip ጳዉሎስ ኤፈሶናን ደእያ አሳዉ ጻፌዳ ኪታን ኡባባፐ አደ እ ጼሌዳዌ፥ “ጾሳ ቆፋ ኦሱዋን ፔሻናዌ ሳሉዋንነ ሳኣን ደእያባይ ኡባይ እትፐ ሺቂደ፥ እት ክርስቶሳ ማታ ጋርሳን አቅያ ዎዲ ጋካና” ያግያ ቆፋ (1:10)። ሄዋ ቦላንካ ጉጃይ የሱስ ክርስቶሳና እትፐ ግዲደ፥ አሳ ዛርያ ኡባይ እቱዋ ግዳና ማላ፥ ሀ ዎልቃማ ቆፋ ኦሱዋን ፔሻናዳን ጾሳ አሳ ሀሳይሴ።
\ip ኤፈሶና ኪታይ ኮይሮ ሳን ጻፊ እትፐተዋ ጻፋናዉ ዶሜዳዋ አሲደ፥ ጾሳይ አዉ ባረ አሳ ዎት ዶሬደንቶ፥ ኡንቱንቱካ አ ናኣ፥ የሱስ ክርስቶሳን ባረንቱ ናጋራፐ ማረቲደ፥ ዋን ላአ ከሴደንቶነ ጾሳ ዎልቃማ ህዶታ ቃላይ ጌሻ አያና ባጋና ዎት ኤረቴደንቶ ኦዴ። ላኤንያ ሻኩዋን ቃይ ጻፊ ሀ ኪታ ናባብያዋንቱ ባረንቱ እትፐተ ደኡዋን ክርስቶሳን ኡንቱንቶ ደእያ እትፐተይ ቱማ ግዳና ማላ ኡንቱንቱ ዋኒደ ደአናዉ በስንቶ ቆፍሴ።
\ip አሳይ ክርስቶሳን ደእያ እትፐተን ዋኒደ ደአናዉ ዳንዳይንቶ ዱማ ዱማ ሂላ ሃሳያን ቆንጬዳ። አማንያ አሳይ እት አሳተ ሌምሱዋ ግድያ ዎደ፥ ክርስቶስ ሄ አሳተዉ ሁጲያ ግዴ። አማንያ አሳይ ግምቢያ ጎልያን ሌምሰትያ ዎደ፥ ክርስቶስ ሄ ግምቢያ ጎለዉ ጎዳ ጻጱዋ ምንስያ ዋና ሹቻ ግዴ። አማንያ አሳይ ማችያዳን ሌምሰትያ ዎደ፥ ክርስቶስ አስናዳን ግዴ። ጻፍያዌ ክርስቶሳ ባጋና ቆንጬዳ ጾሳ አ ኬካተ ዳሮ ቂስ ናሽ ሃሳዪደ፥ ጪማቴዳ ቆፋ ሺሼ። እ ኡባባካ ክርስቶሳ ሲቁዋን፥ እ ያርሸቶዋን፥ አ ማሮተን፥ አ አ ኬካተንነ አ ሳሮተ ባጋና ጼሌ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-2\ior*
\io1 ክርስቶሳነ አማንያ አሳ \ior 1:3—3:21\ior*
\io1 ክርስቶሳን ቤትያ ኦራ ደኡዋ \ior 4:1—6:20\ior*
\io1 ዉርሰ ቁትያ \ior 6:21-24\ior*
\c 1
\p
\v 1 ታን ጾሳ ሸንያን ክርስቶስ የሱስ ኪቴዳ ጳዉሎስ፥ ኤፈሶናን ደእያ ጾሳ ናናዉ ቃይ ክርስቶሳ የሱሳዉ አማነቲደ ደእያዋንቶ ሀ ዳብዳቢያ ጻፋይ።
\p
\v 2 ጾሳ ኑ አዉዋፐነ ጎዳ የሱስ ክርስቶሳፐ አ ኬካተይነ ሳሮተይ ህንተንቶ ግዶ።
\s1 ክርስቶሳፐ ቤትያ አያና አንጁዋ
\p
\v 3 አያና አንጁዋ ኡባን ክርስቶሳ ባጋና ቦላ ሳሉዋን ኑና አንጄዳ ጾሳ፥ ኑ ጎዳ የሱስ ክርስቶሳ አዉዋ፥ ኑን ጋላቴቶ። 
\v 4 ኑን አ ስንን ጌሻቱዋነ ፖኩ ባይናዋንታ ግዳና ማላ፥ ጾሳይ ኑና ሳአይ መታናፐ ካሰ፥ ክርስቶሳ ባጋና ባረ ሲቁዋን ዶሬዳ። 
\v 5 ጾሳይ ባረ ሸንያን ባረ ዶሴዳዋዳን፥ የሱስ ክርስቶሳ ባጋና ኑና ባረ ናናቱዋ ኦናዉ ካሰቲደ ቆፕ ዎዳ። 
\v 6 ጾሳይ ባረ ሲቅያ ናኣ ባጋና ኑዉ ጮ እሜዳ አ ኬካተ ቦንቹዋ ድራዉ፥ ኑፐ ጋላታ አካናዉ ሄዋ ኦዳ።
\p
\v 7 ኑን ጾሳ አ ኬካተ ዳሩዋዳን፥ ክርስቶሳ ሱን ዎዘቴዶ፤ ሄዋን ጾሳይ ኑ ናጋራ አቶ ጌዳ። 
\v 8 ጾሳይ ባረ አዳ ኤራተ ኡባንነ ባረ ዎዛና ቆፋ ኡባን ባረ አ ኬካተ ኑዉ ዳርሲደ እሜዳ። 
\v 9 አያዉ ጎፐ፥ ጾሳይ ባረ ቆፔዳዋ ኦዳ፤ ቃይ ክርስቶሳ ባጋና ፖላናዉ ቆፕ ዎዳ ጹራ የዉዋ ኑና ኤርሴዳ። 
\v 10 ጾሳይ ዎድያ ዉርሰይ ጋክያ ዎደ ፖላናዉ ቆፔዳ ቆፋይ ክርስቶሳ ዋና ኦደ፥ ሳሉዋንነ ሳኣን ደእያ መታ ኡባ እትፐ አን ሺሻናዋ።
\p
\v 11 ኡባባይ ጾሳ ቆፋዳንነ እ ጌዳዋዳን ሀኔዳ፤ ጾሳይ ካሰቲደ ቆፕ ዎዳዋዳን፥ ክርስቶሳ ባጋና ኑን አዋንታ ግዳናዳን፥ ኑና ዶሬዳ። 
\v 12 ኑን ካሰቲደ፥ ክርስቶሳ ባጋና አካና ጊደ ናሸቻን ናግያዋንቱ፥ ጾሳ ቦንቹዋ ጋላቴቶ። 
\v 13 ህንተዉካ ቃይ ሄዋዳን ሀኔዳ፤ ቱሙ ኪታ፥ ህንተንቶ አቶተ አሄዳ ምሽራቹዋ ቃላ፥ ህንተ ስሴዳ ዎደ ክርስቶሳ አማኔድታ፤ ጾሳይ ህንተንቶ እማና ጌዳ ጌሻ አያና ባጋና፥ ህንተ አዋ ግድያዋ ኤርስያ ማታፋ ህንተ ቦላ ዎዳ። 
\v 14 ጾሳይ ባረ አሳዉ እማና ጌዳዋ ኑን ላታና ጋካናዉ፥ ጌሻ አያና ዋሰተ ኦይቄዶ። ሄዌ ቃይ አ ቦንቾ፥ ጋላታ ግዳናዋ።
\s1 ጳዉሎስ ኤፈሶና አሳዉ ዎሴዳ
\p
\v 15 ሄዋ ድራዉ፥ ጎዳ የሱሳ ህንተ አማንያዋነ ጌሻቱዋ ኡባ ህንተ ሲቅያዋ ታን ስሶደፐ ዶማደ፥ 
\v 16 ህንተንቶ ጾሳ ጋላትያዋ አጋበይከ፤ ጾሳ ዎሳደ ህንተዉካ ዎሳይ። 
\v 17 ቃይ ጎዳ የሱስ ክርስቶሳ ጾሳይ፥ ቦንቹዋ አዉ፥ ጾሳ ህንተ ኤራናዳን፥ ህንተና አዳ ኤራንቻ ኦያ ቃይ ጾሳ ህንተንቶ ቆንጭስያ ጌሻ አያና ህንተንቶ እማናዳን፥ ታን ዎሳይ። 
\v 18 ጾሳይ ህንተ አካና ጊደ፥ ናሸቻን ናግ ኡቴዳዎ ህንተና ጼሴዳዋነ እ ባረ አሳዉ እማና ግያ አንጁ አይ ኬና ዱረንቶ ህንተ ኤራናዳን፥ ጾሳይ ህንተ ዎዛና ዶይና፥ አ ፖኡዋ ህንተ በአናዳን፥ ታን ጾሳ ዎሳይ።
\p
\v 19-20 ቃይ አ አማንያ ኑናን አ ዎልቃይ ሎይ ኦ። ሀ ኑናን ደእያ ዎልቃይነ ሀይቁዋፐ ክርስቶሳ ደንደ፥ ሳሉዋ ሳኣን ጾሳፐ ኡሸቻ ባጋና\f + \fr 1:19-20 \fr*\fk ኡሸቻ ባጋ፦ \fk*\ft ዎልቃነ ቦንቹዋ ሳኣ።\ft*\f* ኡትሴዳ ዎልቃማ ዎልቃይ እቱዋ።\x - \xo 1:19-20 \xo*\xt ማዝ. 110:1\xt*\x* 
\v 21 ክርስቶስ ሳሉዋ ሱንቱዋፐ፥ ጎዳተይ ደእያዋንቱፐ፥ ዎልቃማቱዋፐነ ጎዳቱዋ ኡባፐ ቦላ ግዲደ ሞዴ፤ እ ሀእ ደእያ የለታ ጻላላን ግደናን፥ ስንፐ ያና የለታንካ ሀራ ሱንተ ኡባፐ ቄ። 
\v 22 ጾሳይ ኡባባ ክርስቶሳ ገድያፐ ጋርሳን ሞድሲደ፥ ቃይ ጾሳይ እ ኡባባን ኡባፐ ቦላና ጎዳ ግዳናዳን፥ ዎሳ ጎለዉ አ እሜዳ።\x - \xo 1:22 \xo*\xt ማዝ. 8:6\xt*\x*\x - \xo 1:22-23 \xo*\xt ቆል. 1:18\xt*\x* 
\v 23 ዎሳ ጎሊ ክርስቶሳ አሳተ፤ ዎሳ ጎሊ ክርስቶስ ኡባ ሳን ኡባባ ኩንያ አ ፖሉዋ።
\c 2
\s1 ክርስቶሳን ሀይቁዋፐ ደኦ ፕንያዋ
\p
\v 1 ህንተ አዛዘተናን እጼዳ ድራዉነ ህንተ ናጋራ ድራዉ፥ ካሰ ዎድያን አያና ሀይቁዋ ሀይቄድታ። 
\v 2 ሄ ዎደ ህንተ ሀ አላምያ የለታ ኢታ ኦግያ ሀመቴድታ፤ ጫርኩዋ ግዶን ደእያ ዎልቃማ አያናቱዋ ካፖ ቃይ ጾሳዉ አዛዘተና አሳ ሀእ ሞድያ አያናዉ አዛዘቴድታ። 
\v 3 ኑንካ ቃይ ኡባይ ሄ አሳ ማላ፤ ቃይ ኑን ኑ አሹዋ አሙዋዳን ደኤዶ፤ ኑ አሹነ ኑ ዎዛናይ ኮዬዳዋ ኦዶ። ኑንካ ሀራቱዋዳን፥ ኑ መታን ጾሳ ሀንቁዋ አካናዉ ደኤቶ።
\p
\v 4 ሽን ጾሳ ማሮተይ ዳራ ግድያ ድራዉ፥ ባረ ሲቁዋ ዳሩዋዳን፥ 
\v 5 ኑን አዉ አዛዘተናን እጺደ፥ ሀራይ አቶ አያናን ሀይቄዳዋንታ ግድናካ፥ እ ክርስቶሳና ኑዉ ደኡዋ እሜዳ። ጾሳ አ ኬካተን ህንተ አቴድታ። 
\v 6 ኑን ክርስቶስ የሱሳና ሳሉዋነ ሳኣነ ሞዳናዳን፥ ጾሳይ ኑና አናና እትፐ ሀይቁዋፐ ደንዳ። 
\v 7 እ ስንፐ ያና ዎድያን፥ ኑዉ ክርስቶስ የሱሳን ደእያ ኬካተን፥ ኡባፐ አያ ባረ አ ኬካተ ቃተ በሳናዉ ሄዋ ኦዳ። 
\v 8 አያዉ ጎፐ፥ ህንተ ጾሳ አ ኬካተን፥ አማኑዋን አቴድታ፤ ሀዌ ጾሳ እሙዋፐ አትን፥ ህንተ ኦሱዋና ግደና። 
\v 9 ህንተ ዳቡራን ቤትቤና ድራዉ፥ ህንተ ጬቀትያባይ አያይነ ባዋ። 
\v 10 አያዉ ጎፐ፥ ኑን ጾሳ መታ፤ እ ኑዉ ካሰቲደ ጊግስ ዎዳ ሎኦ ኦሱዋ ኑን ኦናዳን፥ ክርስቶስ የሱሳ ባጋና ኑና መዳ።
\s1 ክርስቶሳን ቤትያ እትፐተ
\p
\v 11 ሄዋ ድራዉ፥ ህንተኖ ዛርያን አይሁዳ ግደና አሳቶ፥ ባረንቱ አሳተ ቦላ ኩሽያን ኦሰቴዳዋን፥ ባረና ቃጻረቴዳዋንታ ግያ አይሁዳቱ፥ ቃጻረትቤናዋንታ ጊደ ጼስያዋንቶ፥ ህንተ ካሰ ኦነንቶ አኬክተ። 
\v 12 ሄ ዎደ ህንተ ክርስቶሳፐ ሻከቴድታ፤ እማ ግዲደ፥ እስራኤልያ አሳፐ ሃኪደ ደኤድታ፤ ጾሳይ ባረ አሳዉ እማና ጊደ ጫቄዳ ጫቁዋፐ አይነ ደምበይክታ፤ ሀ ሳኣ ቦላ ህንተ ደማና ጊደ፥ ናሸቻን ናግ ኡቴዳዋ ደመናንነ ቃይ ጾሳይ ባይናን ደኤድታ። 
\v 13 ሽን ህንተ ካሰ ሃኪደ ደእያዋንቱ ሀእ ክርስቶሳ የሱሳና ደኢደ፥ ክርስቶሳ ሀይቁዋን ማታ ሺቄድታ።
\p
\v 14 አያዉ ጎፐ፥ ክርስቶስ አይሁዳ አሳነ አይሁዳ ግደና አሳ እቱዋ ኦደ፥ ኑዉ ሳሮተ አሄዳ። ኡንቱንቱ ላኡዋ ሻኪደ፥ ሞርከ ኦ ዎዳ ሞርከተ ጎዳ ባረ አሳተን ኮል የጌዳ። 
\v 15 እ ባረ ሁጰዉ ሀ ላኡ ዛራቱዋፐ እት ኦራ አሳ መደ ሳሮተ ዎናዉ፥ አይሁዳ አሳቱዋ ህግያ አ አዛዛቱዋነ ዎጋቱዋና እትፐ ይሴዳ። 
\v 16 ክርስቶስ ማስቃልያ ቦላ ምስማርያን ሸቲደ ሀይቄዳ ባረ ሀይቁዋን ሞርከተ ይሴዳ፤ ቃይ ማስቃልያ ባጋና ላኡ ዛራቱዋካ እት አሳ ኦ ስገደ፥ ጾሳኮ አሄዳ። 
\v 17 ክርስቶስ ዪደ፥ ጾሳፐ ሃኪደ ደእያ ህንተንቶ አይሁዳ ግደናዋንቶነ፥ አ ማታን ደእያ አይሁዳቶ ኡባዉ፥ ምሽራቹዋ ቃላ ሳሮተ ኦዴዳ።\x - \xo 2:17 \xo*\xt ኢሳ. 57:19\xt*\x* 
\v 18 አያዉ ጎፐ፥ ኑን ኡባይ፥ አይሁዳቱካ አይሁዳ ግደናዋንቱካ፥ እት ጌሻ አያናን ክርስቶሳ ባጋና አዉዋ ስን ሺቃናዉ ዳንዳዬቶ።
\p
\v 19 ስም ህንተ አይሁዳ ግደና አሳቱ ሀዋፐ ስንዉ አላጋ ዎይ እማ ግድክታ፤ ሀእ ህንተነ ጌሻቱ እት ቢታ አሳ፤ ቃይ ጾሳዉ ህንተ ሶይ አሳ። 
\v 20 የሱስ ኪቴዳዋንቱነ ትምቢትያ ኦድያዋንቱ ባሴዳ ባሱዋ ቦላ ህንተካ ኬጸቴድታ፤ ጎዳ ጻጱዋ ምንስያ ዋና ሹቻይ ክርስቶስ የሱሳ። 
\v 21 እ ጎልያ ኡባ እትፐ ሺሽ ኦይቂደ፥ ጾሳ ባጋና ጌሻ፥ ጾሳ ጌሻ ጎለ ግዳና ማላ ድቼ። 
\v 22 ህንተ ቃይ ጾሳይ ባረ አያናን ደእያ ጎልያ ግዳናዉ፥ ሀራቱዋ ኡባና እትፐ ክርስቶሳን ኬጸቲታ።
\c 3
\s1 ጳዉሎስ አማነና አሳዉ ኦዳ ኦሱዋ
\p
\v 1 ሄዋ ድራዉ፥ ህንተኖ አይሁዳ ግደና አሳቶ፥ ታን ጳዉሎስ ህንተ ድራዉ ክርስቶስ የሱሳ ቃሾ አሳ ግዴዳዌ፥ ጾሳ ዎሳይ። 
\v 2 ጾሳይ ባረ አ ኬካተን፥ ታን ህንተና ማዳናዳን፥ ሀ ኦሱዋ ታዉ እሜዳዋ ህንተ ሎይ ስሴድታ። 
\v 3 ጾሳይ ባረ ጹራ ቆፋ ታዉ ቆንጭሲደ፥ ታና ኤርሴዳ፤ ታን ሄዋ ቃንን ጻፋድ። 
\v 4 ቃይ ታን ጻፌዳዋ ህንተ ናባብያ ዎደ፥ ክርስቶሳ ጹራ ታን ዎታ አኬካድታንቶነ ኤራናዉ ዳንዳዪታ። 
\v 5 በን ዎደ አሳይ ሄ ጹራ የዉዋ ስስቤና፤ ሽን ጾሳይ ሄዋ የሱስ ኪቴዳ ጾሳ ናናቶነ ትምቢትያ ኦድያዋንቶ፥ ጌሻ አያናን ሀእ ቆንጭሴዳ። 
\v 6 ጹራ የዉ ሀዋ፤ አይሁዳ ግደና አሳይ ዎንጋላ ባጋና፥ ጾሳ አንጁዋ አይሁዳቱዋና እትፐ ላቲኖ፤ ኡንቱንቱ እት አሳተን ሻከተናን ደኢኖ፤ ቃይ ክርስቶስ የሱሳ ባጋና ጾሳይ እማና ጌዳዋ አይሁዳቱዋና ሻኪኖ።
\p
\v 7 ጾሳይ ባረ ኦሱዋ ዎልቃ ባጋና ታዉ እሜዳ አ ኬካተን ታን ሀ ዎንጋላዉ ቆማ ግዳድ። 
\v 8 ታን ጌሻቱዋ ኡባ ግዶን ላፍያዋ ግዶፐካ፥ አይሁዳ ግደና አሳዉ ዛዋይ ባይና ክርስቶሳ ዱረተ ምሽራቹዋ ቃላ ኦድያ ሀ ካጫ ጾሳይ ታዉ እሜዳ። 
\v 9-10 ቃይ ታን ሄዋን ጾሳ ጹራ ቆፋ አሳ ኡባዉ ቆንጭሳ ኦዳና፤ ኡባባ መዳ ጾሳይ ባረ ጹራ የዉዋ በን ዎደ ገን ዎዳ። ጾሳይ ሀእ ሄዋ ዎሳ ጎልያ ባጋና ሳሉዋ ሳኣን ደእያ ካፓቶነ ጎዳተይ ደእያዋንቶ ዛዋይ ባይና ባረ አዳ ኤራተ ቆንጭሳናዉ ኦዳ። 
\v 11 ጾሳይ ሄዋ ኑ ጎዳ ክርስቶስ የሱሳ ባጋና እ ፖሌዳ ባረ መና ቆፋዳን ኦዳ። 
\v 12 ኑን ክርስቶስ የሱሳና እትፐ ግዲደ፥ አ አማንያ አማኑዋን አማነቲደ፥ አይነ ያየናን ጾሳ ስን ሺቃናዉ ዳንዳዬቶ።
\p
\v 13 ሄዋ ድራዉ፥ ታን ህንተዋን መቶትያዋን ህንተ ህርገና ማላ፥ ህንተና ዎሳይ፤ አያዉ ጎፐ፥ ታን ህንተ ቦንቾ መቶታይ።
\s1 ክርስቶሳ ሲቁዋ
\p
\v 14-15 ሄዋ ድራዉ፥ ታን ሳሉዋንነ ሳኣን ደእያ አማንያ ጎልያ አሳይ ኡባይ አፐ ዬዳ\f + \fr 3:14-15 \fr*\fk አፐ ዬዳ፦ \fk*\ft አፐ ደንዶዋን፥ እቱዋ እቱዋ ሁጲያን ሁጲያን ኤርያዋሳ።\ft*\f* ጾሳ ስንን ጉልባታይ። 
\v 16-17 ጾሳይ ባረ ቦንቹዋ ዳሩዋዳን፥ ባረ ጌሻ አያናን፥ ህንተንቶ ህንተ ጋርሳ አሳተን ህንተ ምንያ ዎልቃ እማናዳንነ፥ ቃይ አማኑዋ ባጋና ክርስቶስ ህንተ ዎዛና ባረ ጎልያ መናዳን፥ ታን ጾሳ ዎሳይ፤ ቃይካ ህንተ ጻጱዋ የዲደ፥ ቶከቲደ ሲቁዋን ምናናዳን፥ ጾሳ ዎሳይ። 
\v 18 ቃይ ጌሻቱዋ ኡባና ክርስቶሳ ሲቁ አይ ኬና አከንቶ፥ አዱሰንቶ፥ ቀንቶነ ጪመንቶ\f + \fr 3:18 \fr*\fk አከንቶ፥ አዱሰንቶ፥ ቀንቶነ ጪመንቶ፦ \fk*\ft ሀዌ በስያዌ ሳሉዋን ደእያ የሩሳላሞ ዎይ ጾሳ ሲቁዋ ዎይ ጾሳ አ ኤራ ዎይ የሱሳ ማስቃልያዉ ደእያ ብለ።\ft*\f* ኤርያ ዎልቃ ህንተንቱ ደማናዳን፥ ታን ጾሳ ዎሳይ። 
\v 19 ኤራተፐ አያ ክርስቶሳ ሲቁዋ ህንተ ኤራናዳንነ ቃይ ጾሳዋ ግድያ ኡባባን ህንተ ፖል ኩማናዳን፥ ታን ጾሳ ዎሳይ።
\p
\v 20-21 ስም ኑ ግዶን ኦያ ባረ ዎልቃ ባጋና ኑን ዎስያዋ ዎይ ቆፕያዋ ኡባፐ ሎይ ዳርስ ኦናዉ ዳንዳይያ ጾሳዉ፥ ዎሳ ጎልያንነ ክርስቶስ የሱሳን ኡባ ዎደ መናፐ መና ጋካናዉ ቦንቹ ግዶ። አመንእ።
\c 4
\s1 ቦላ እትፐተ
\p
\v 1 ሄዋ ድራዉ፥ ታን ጎዳዉ ኦያ ድራዉ ቃሸቴዳዌ ጾሳይ ህንተና ጼሴዳ ጼሳዉ በስያ ደኡዋ ህንተ ደአናዳን፥ ታን ህንተና ዎሳይ። 
\v 2 ኡባ ዎደ ህንተ ህንተ ሁጲያ ካዉሽያዋንታ፥ አሽከቱዋነ ዳንዳያንቻቱዋ ግድተ፤ እቱ እቱዋ ማድያዋን ህንተ ሲቁዋ በስተ። 
\v 3 ህንተና እትፐ ጋ ቃችያ ሳሮተን፥ ጌሻ አያናይ ህንተንቶ እምያ እትፐተ ናጋናዉ ምንተ። 
\v 4 ጾሳይ ህንተና ጼሴዳ ህዶታይ፥ ህንተ ደማና ጊደ ናግ ኡቴዳዌ መጽ እቱዋ ግዶዋዳን፥ እት አሳተይነ እት ጌሻ አያናይ ደኤ። 
\v 5 እት ጎዳይ፥ እት አማኑነ እት ጽንቃታይ ደኤ። 
\v 6 ኡባ ጎዳይ፥ ኡባ ባጋና ኦያዌ፥ ኡባ ግዶን ደእያዌ፥ እት ጾሳይ፥ ኡባ አዉ ደኤ።
\p
\v 7 ሽን ክርስቶስ እሜዳ እሙዋዳን፥ ኑን ሁጲያን ሁጲያን ዱማ እሙዋ አኬዶ። 
\v 8 ሄዋ ድራዉ፥ ጾሳ ማጻፋይ፥
\q1 “እ ፑደ ቃሳ ከሴዳ ዎደ፥
\q2 ኦሞደቴዳዋንታ አፌዳ፤
\q2 አሳዉካ እሞታ እሜዳ”
\m ያጌ።\x - \xo 4:8 \xo*\xt ማዝ. 68:18\xt*\x* 
\v 9 ያትና፥ “ፑደ ከሴዳ” ግያዌ ዋግያዌ? እ ኮይሮ ዱገ ዎዳ፤ ሄዌ ሳአዉ ህርክ ዉርሰሳ ዎዳ ግያዋ። 
\v 10 ሀ ዱገ ዎዳዌ ባረ ሁጰዉ አ፤ ሄ እ ኡባባ ኩማናዳን፥ ሳሉዋ ኡባፐ ቂያሳ ፑደ ከሴዳ።
\p
\v 11 አሳዉ እሞታ እሜዳዌ አ፤ እ እቱዋ እቱዋ የሱስ ኪቴዳዋንታ፥ ሀራቱዋ ትምቢትያ ኦድያዋንታ፥ ቃይ ሀራቱዋ ምሽራቹዋ ቃላ ኦድያዋንታ፥ ቃይካ ሀራቱዋ ዎሳ ጎልያ ካለያዋንታነ ታማርስያዋንታ ኦ ሱንዳ። 
\v 12 እ ሄዋ ጌሻቱ ኡባይ አማንያ አሳ ኦሱዋ ኦናዳንነ ክርስቶሳ ቦላን ኬጸታናዳን ጊግሳናዉ ኦዳ። 
\v 13 ቃይ ኑን ኡባይ ጾሳ ናኣ አማንናነ ኤርና ቤትያ እትፐተኮ ጋካና፤ ኑን ክርስቶሳ ፖሎ ድቻ ኬና ድጪደ፥ ዶንዛ አሳ ግዳናዳና።
\p
\v 14 ኑን ቤታን ያነ ሃነ ሾጨቲደ፥ ባረንቱ ጭምያ ሀኖታን አሳ ባላ ኦግያ ካለያ ገንያ አሳ ትምርትያ ጫርኩዋ ኡባን ሱገቲደ፥ ሀዋፐ ስንዉ ናኣ ግዳናዉ በሰና። 
\v 15 ሽን ኑን ሲቆተን ቱሙዋ ሃሳዪደ፥ ሁጰ ግድያ ክርስቶሳኮ ኡባባን ድጫናዉ በሴ። 
\v 16 ቦላ ግዶን ደእያ ዱማ ዱማ ሻኮታይ አን እትፐ ኦይቀቴድኖ፤ ቃይ ኩመን ቦላይ ባረዉ እመቴዳሳ ኡባን እቱ እቱዋና ጋከቲደ፥ እትፐ ኦይቀት ኡቴዳ፤ ሄ ዱማ ዱማ ሻኮታይ ኦናዉ በስያዋ ኦያ ዎደ፥ ኩመን ቦላይ ሲቁዋን ድጬነ ባረና ኬጼ።
\s1 ክርስቶሳን ቤትያ ኦራ ደኡዋ
\p
\v 17 ሄዋ ድራዉ፥ ታን ሀዋ ህንተንቶ ጎዳ ሱንን ኦዳይነ ማርካታይ። ህንተ ጎእ ባይና ቆፋ ቆፕያ አይሁዳ ግደና አሳቱዋዳን ደኦፕተ። 
\v 18 ኡንቱንቱ ዎዛናይ ማን ደኤ፤ ኡንቱንቱ አይነ ኤረናዋንታነ አዛዘተና ድራዉ፥ ጾሳይ እምያ ደኡዋፐ ሃኬድኖ። 
\v 19 ኡንቱንቱ ማታን ዬላ ግያዌ ባዋ፤ ኡንቱንቱ ዎሹማዉ ካጄላናዉ ባረንቱ ሁጲያ አ እሚኖ፤ ቃይ ቱናባ ኡባ ፓጭ ባይናን ኦናዉ ሎይ ዮራትያዋንታ።
\p
\v 20 ሽን ህንተ ክርስቶሳዋ ሄዋዳን ታማርበይክታ። 
\v 21 አባ ቱሙ ስሴድታ፤ ቃይ ቱማተይካ የሱሳን ደእያዋ፥ አፐ ታማሬድታ። 
\v 22 ህንተ ካሰ ደእያ ደኡዋ አግተ፤ ቃይ ባረ ጭምያ አሙዋን ይያ ህንተ ኤጫ አሳተ ይስተ። 
\v 23 ህንተ ዎዛናይነ ቆፋይ ኡባና ኦራጻናዉ በሴ። 
\v 24 ቱሙ ጽሎተንነ ጌሻተን ጾሳ ሌምሱዋን መቴዳ ኦራ አሳተ ማይተ።
\p
\v 25 ስም ዎርዶቶፕተ። ኑን ኡባይ ክርስቶሳ አሳተን እት አሳ ግድያ ድራዉ፥ አሳይ ኡባይ ባረ እሻዉ ቱሙዋ ሃሳያናዉ በሴ።\x - \xo 4:25 \xo*\xt ዛካ. 8:16\xt*\x* 
\v 26 ሀንቀትተ፤ ሽን ህንተ ሀንቁዋን ናጋራ ኦፕተ። ህንተ ሀንቁዋን ደእሽን፥ አዋይ ዉሎፖ።\x - \xo 4:26 \xo*\xt ማዝ. 4:4\xt*\x* 
\v 27 ጻላሄዉ ጾእያ እሞፕተ። 
\v 28 ዉእያ ኡራይ ሀዋፐ ስንዉ ዉኦፖ፤ ሽን ሄዋ አጊደ፥ ህዬሳቱዋ ማዳናዉ፥ ባረ ኩሽያን ሎኦባ ኦደ ዳቡሮ።
\p
\v 29 ህንተ ሃሳያይ ስስያዋንታ ጎአና ማላ፥ ኮሽያዋዳን መንያ ሎኦ ቃላይ ህንተ ዶናፐ ከሶፐ አትን፥ ኢታ ቃላይ ሙለካ ከሶፖ። 
\v 30 ጾሳይ ህንተና ዎዝያ ጋላሳዉ ህንተ አታመት ኡቴዳ ጾሳ ጌሻ አያና ካዮዮፕተ። 
\v 31 እጽያ ሀኖታ፥ ይሉዋ፥ ሀንቁዋ፥ ዋሱዋነ ጫሻ ኡባ ኢታተ ኡባና ህንተፐ ይስተ። 
\v 32 እቱ እቶ ኬክተነ ቃረትተ፤ ቃይ ጾሳይ ክርስቶሳ ባጋና ህንተንቶ አቶ ጌዳዋዳን፥ ህንተካ እቱ እቱዋ አቶ ጊተ።
\c 5
\s1 ፖኡዋን ደእተ
\p
\v 1 ስም ጾሳይ ሲቅያ ናናቱዋዳን፥ አ ማላትተ። 
\v 2 ቃይ ክርስቶስ ኑና ሲቂደ፥ ባረ ሁጲያ ጾሳዉ ናሸችያ ያርሹዋዳንነ እሞታ ኦደ እሜዳዋዳን፥ ህንተካ ሲቁዋን ደአናዉ በሴ።\x - \xo 5:2 \xo*\xt ከሳ 29:18፤ ማዝ. 40:6\xt*\x*
\p
\v 3 ሽን ጾሳ ናናዉ በስያዋዳን፥ ህንተ ግዶን ዎሹምያዌነ ቱናተ ኡባይ፥ ዎይ ሚሻ አሞትያዌ ሙለካ ስሰቶፖ። 
\v 4 ዬላይያዌነ ኤያ ሃሳያይ ዎይ ፓና ቅ ህንተንቶ በሰናዋ ግድያ ድራዉ፥ ህንተ ማታን ኡባካ ደኦፖ፤ ህንተ ሄዋ ኡባ አጊደ፥ ጾሳ ጋላታናዉ በሴ። 
\v 5 ሀዋ ኤርተ፤ ኦንነ ዎሹምያዋ ዎይ ቱናባ ኦያዋ፥ ዎይ ሚሻ አሞትያዋ ግዶፐ፥ ክርስቶሳ ካዉተነ ጾሳ ካዉተ ላታናዉ ዳንዳየና፤ ሚሻ አሞትያዌ ኤቃዉ ጎይንያዋፐ ዱማተና።
\p
\v 6 ህንተና ኦንነ ፓና ሃሳያን ጭሞፖ፤ አያዉ ጎፐ፥ ሀዋ ጋሱዋን ጾሳ ሀንቁ አዛዘተና አሳ ቦላ ያና። 
\v 7 ስም ሄዋ ማላ አሳና ዙፐቶፕተ። 
\v 8 አያዉ ጎፐ፥ ካሰ ህንተ ማን ደኤድታ፤ ሽን ጎዳ ባጋና ሀእ ፖኡዋን ደኢታ፤ ፖኡዋን ደእያ አሳዳን ፖኡዋን ሀመትተ። 
\v 9 አያዉ ጎፐ፥ ፖኡ ሎኦተ፥ ጽሎተነ ቱማተ ኡባ አይፌ።
\p
\v 10 ጎዳ ናሸችያባይ አየንቶ ታማርተ። 
\v 11 ጎእ ባይና ማ ኦሱዋ ቆንጭስ በስተፐ አትን አናና ዋላከቶፕተ። 
\v 12 ኡንቱንቱ ጌማን ኦያዌ ሀራይ አቶ ሃሳይያዌካ ፖኬ። 
\v 13 ሽን ኡባባይ ፖኡዋ ከስያ ዎደ፥ ቆንጭያን ቤታና፤ አያዉ ጎፐ፥ ቆንጭያን ቤትያ ኡባባይ ፖኡዋ። 
\v 14 ሄዋ ድራዉ፥
\q1 “ገምእሽያዎ፥ ቤጎታ፤
\q2 ሀይቁዋፐካ ደንዳ፤
\q1 ክርስቶስ ነዉ ፖእሳናዋ”
\m ያጌ።\f + \fr 5:14 \fr*\ft ሀዌ ማዝሙርያ ግዲደ አማኔዳ አሳይ ጻማቀትያ ዎደ የጸትያዋ።\ft*\f*
\p
\v 15 ስም ህንተ ዋን ደእንቶ አኬክተ፤ አዳ ኤራተና ደእያ አሳዳን ደእተፐ አትን፥ አዳ ኤራተይ ባይና አሳዳን ደኦፕተ። 
\v 16 ዎዲ ኢታ ግድያ ድራዉ፥ ህንተ ዎድያ ህንተዉ ዳንዳየቶዋዳን ሎኦተዉ ጎኤትተ። 
\v 17 ሄዋ ድራዉ፥ ጎዳይ ኮይያዌ አየንቶ አኬክተፐ አትን፥ ኤያ ግዶፕተ።
\p
\v 18 ቃይ ህንተናን ጌሻ አያናይ ቃንጸናን ኩሞፐ አትን፥ ህንተና ባይዝያ ዎይንያ ግያ ኤሳ ኡሺደ ማቶፕተ። 
\v 19 ማዝሙርያ የን፥ ጋላቲደ የጽያዋንነ አያና የን እቱ እቱዋና ሃሳይተ፤ ቃይ ጋላትያ የንነ ማዝሙርያ የጽያዋን ህንተ ዎዛናን ጎዳ ጋላቲደ የጽተ። 
\v 20 ኑ ጎዳ የሱስ ክርስቶሳ ሱንን፥ አዉዋ ጾሳ ኡባባዉ ኡባ ዎደ ጋላትተ።
\s1 አስናባነ ማቻትባ
\p
\v 21 ክርስቶሳዉ ያዪደ፥ እቱ እቶ ሞደትተ።
\p
\v 22 ማቼቶ፥ ጎዳዉ ሞደትያዋዳን፥ ህንተ አስናዉ ሞደትተ። 
\v 23 አያዉ ጎፐ፥ ክርስቶስ ዎሳ ጎለዉ ሁጰ ግድያዋዳን፥ አስናይካ ባረ ማቻትዉ ሁጰ፤ ቃይ ክርስቶስ ባረ ሁጲያን፥ ባረ ቦላ ግድያ ዎሳ ጎልያ አሽያዋ። 
\v 24 ሽን ዎሳ ጎሊ ክርስቶሳዉ ሞደትያዋዳን፥ ማቼቱ ቃይ ባረንቱ አስናዉ ኡባባን ሞደታናዉ በሴ።
\p
\v 25 አስናቶ፥ ክርስቶስ ዎሳ ጎልያ ሲቂደ፥ ባረ ሁጲያ እዝዉ እሜዳዋዳን፥ ህንተካ ህንተ ማቻቱዋ ሲቅተ። 
\v 26 እ ዎሳ ጎልያ ባረ ቃላንነ ሃን ሜጭ ጌሺደ፥ ጾሳዉ ዱማያናዉ ሀዋ ኦዳ። 
\v 27 ክርስቶስ ዎሳ ጎልያ ቅታይ ዎይ ዴሙዋ ጭስያዌ ዎይ ሄዋ ማላትያዌ ባይናን፥ አ ኩመን ቦንቹዋና ጌሻነ ቦረተናዋ ኦደ፥ ባረ ሁጰዉ ሺሻናዉ ኮዬዳ። 
\v 28 ስም ቃይ አስናይ ባረ ማቻቶ ባረ ቦላዳን ሲቃናዉ በሴ፤ ባረ ማቻቶ ሲቅያዌ ባረና ሲቄ። 
\v 29 አያዉ ጎፐ፥ ባረ ቦላ እጽያ አሳይ ሙለካ ባዋ፤ ሽን ክርስቶስ ዎሳ ጎልያ ሙዝያዋዳንነ ናግያዋዳን ኦንነ ባረ ቦላ ሙዜነ ናጌ። 
\v 30 አያዉ ጎፐ፥ ኑን አ ቦላ ዱማ ዱማ አሳተ።
\p
\v 31 ጾሳ ማጻፋይ፤ “ሄዋ ድራዉ፥ አቱማዌ ባረ አዉዋነ ባረ ዳዮ አጊደ፥ ባረ ማቻትና እትፐ ደአና፤ ኡንቱንቱ ላኡካ እት አሹዋ ግዳና” ያጌ።\x - \xo 5:31 \xo*\xt ዶመ 2:24\xt*\x* 
\v 32 ሀ ጹራይ ዎልቃማ ቱማተ፤ ሽን ታን ሀዌ ክርስቶሳባነ ዎሳ ጎልያባ ኦዴ ያጋይ። 
\v 33 ግዶፐካ፥ ቃይ አስናይ ሁጲያን ሁጲያን ማችያ ባረ ሁጲያዳን ሲቃናዉ በሴ፤ ማቻታካ ባረ አስና ቦንቻናዉ በሴ።
\c 6
\s1 የሌዳዋንቱባነ የለቴዳ ናናቱዋባ
\p
\v 1 ናቶ፥ ህንተና የሌዳዋንቶ ጎዳ ቦንችያዋዳን አዛዘትተ፤ አያዉ ጎፐ፥ ሀዌ ኦናዉ በስያዋ።\x - \xo 6:1 \xo*\xt ቆል. 3:20\xt*\x* 
\v 2-3 “ነዉ ኡባባይ ሎአናዳንነ ሳኣን ነ ላይይ አዱቃናዳን፥ ነ አዉዋነ ነ ዳዮ ቦንቻ” ግያ አዛዙ ጾሳይ እማና ጌዳ ህዶታና ደእያ ኮይሮ አዛዙዋ።\x - \xo 6:2-3 \xo*\xt ከሳ 20:12፤ ዛረ. 5:16\xt*\x*
\p
\v 4 አዋቶ፥ ህንተ ህንተ ናናቱዋ ጎዳ ሴራንነ ዞርያን ድችተፐ አትን፥ ኡንቱንታ ሀንቀፕተ።\x - \xo 6:4 \xo*\xt ቆል. 3:21\xt*\x*
\s1 ጎዳቱዋባነ አይላቱዋባ
\p
\v 5 አይላቶ፥ ክርስቶሳዉ ኦያዋዳን፥ ህንተ ጎዳቶ ያሻተንነ ኮኮርሳን ሱረ ዎዛናፐ አዛዘትተ።\x - \xo 6:5-8 \xo*\xt ቆል. 3:22-25\xt*\x* 
\v 6 ጾሳይ ጌዳዋ ኦያዋንቱዳን፥ ክርስቶሳ አይላቱዋዳን፥ ዎዛናፐ ኦተፐ አትን፥ አሳ ናሸቻናዉ ኦያዋዳን፥ አሳይ በኦ ጊደ ኦፕተ። 
\v 7 አሳዉ ግደናን ጎዳዉ ኦያዋዳን፥ በናን ዎዛናፐ ኦተ። 
\v 8 አይለ ግድና ዎይ ዎማኑዋ ግድና፥ እ ኦያ ሎኦ ኦሶ ኡባዉ ጎዳይ ሁጲያን ሁጲያን ዎይታናዋ ኤሪታ።
\p
\v 9 ጎዳቶ፥ ህንተ አይለቱዋ ናስያዋ አጊደ፥ ኡንቱንቶ ሄዋዳን ኦተ፤ ህንተናነ ኡንቱንታ ጋ ሞድያ ጎዳይ፥ ኦናነ ማድ ፕርደናዌ፥ ሳሉዋን ደእያዋ ኤሪታ።
\s1 ጾሳ ኦላ ሚሻቱዋባ
\p
\v 10 ዉርሰን፥ ጎዳንነ አ ዎልቃማ ዎልቃን ኡባ ዎደ ምንተ። 
\v 11 ጻላህያ ኢታ ጭሙዋ ተአናዉ ህንተ ዳንዳያና ማላ፥ ጾሳይ ህንተንቶ እምያ ኦላ ማዩዋ ኡባ ማይተ። 
\v 12 አያዉ ጎፐ፥ ኑን ቦላ ሳሉዋ ደእያ ኢታ አያና ዎልቃቱዋና፥ ሞድያዋንቱና፥ ጎዳተይ ደእያዋንቱናነ ሀ ማ ቢታ ሞድያዋንቱና ኦለትያዋፐ አትን፥ አሳና ኦለቶኮ።
\p
\v 13 ሄዋ ድራዉ፥ ኢታ ጋላሳን\f + \fr 6:13 \fr*\fk ኢታ ጋላሳን፦ \fk*\ft ሀእ ደእያ ዎድያ ዎይ ሀይቁዋ ጋላሳ ዎይ ዉርሰ ፕርዳ ዎይ ሙራ ጋላሳ ግያዋ።\ft*\f* ተአናዉነ ቃይ ዉርሰይ ጋካናዉ ዋቶዋፐ ጉይያን፥ ምን ኤቃናዉ ህንተ ዳንዳያና ማላ፥ ጾሳ ኦላ ሚሻ ኡባ ኦይቂተ። 
\v 14-15 ሄዋ ድራዉ፥ ጼሳን ሳቂያ ዳንጭያዋዳን ቱማተ ዳንጪደ፥ ትራን ዎያ ኦላ ሚሻዳን ጽሎተ ማዪደ፥ ህንተ ገድያን ጫማ ዎያዋዳን ሳሮተ ምሽራቹዋ ቃላ ኦዳናዉ ጊጊደ፥ ምን ኤቂተ።\x - \xo 6:14-15 \xo*\xt ኢሳ. 52:7\xt*\x* 
\v 16 ሄ ኡባፐ አደ፥ ጻላሂ የድያ ዎንዳፍያ ታማ ኡባ ቶይሳናዉ፥ አማኑዋ ኡባ ዎደ ጎንዳልያዳን ኦይቂተ። 
\v 17 አቶተ ሁጲያን ዎያ ብራታ ቆብያዳን ዎተ፤ ቃይ ጌሻ አያና ማሻ ግዴዳ ጾሳ ቃላ ኦይቂተ።\x - \xo 6:17 \xo*\xt ኢሳ. 59:17\xt*\x* 
\v 18 ጾሳ ዎሲደነ አ ማዱዋ ኦቺደ፥ ኡባ ዎደ ጌሻ አያናን ጾሳ ዎስተ። ሄዋ ድራዉ፥ ምንተ፤ ሳለቶፕተ፤ ጌሻቱዋ ኡባዉ ጾሳ ኡባ ዎደ ዎስተ። \fig ሮማዌ ዎታዳራይ ኦላ ማዩዋ ማዪደ|alt="Roman soldier in armor" src="LB00196B.TIF" size="span" ref="6:13-18"\fig*
\p
\v 19 ቃይ ታን ያየናን ዎንጋላ ጹራ ኦዳናዉ፥ ጾሳይ ታ ዶና ዶዪደ፥ ሃሳይያዋ እማናዳን፥ ታዉካ ጾሳ ዎስተ። 
\v 20 ታን ሀእ ቃሹዋን ደኦፐካ፥ ሀ ዎንጋላ ድራዉ ታን ኪተቴዳዋ፤ ታን አባ ታዉ በስያዋዳን ያየናን ኦዳና ማላ፥ ታዉ ጾሳ ዎስተ።
\s1 ዉርሰ ሳሮታ
\p
\v 21 ሽን ታን ዋና ደእንቶነ አያ ኦይታንቶ ህንተካ ኤራናዳን፥ ኑ ሲቆ እሻይ፥ ጎዳ ኦሱዋን አማነቴዳ ቆማይ ትክቆስ፥ ታዋ ኡባ ህንተንቶ ኦዳናዋ።\x - \xo 6:21 \xo*\xt ኪታ 20:4፤ 2 ጽሞ. 4:12\xt*\x*\x - \xo 6:21-22 \xo*\xt ቆል. 4:7-8\xt*\x* 
\v 22 ኑን ኡባይ ዋን ደእንቶ ህንተንቶ ኦዲደ፥ ህንተና ምንሳና ማላ፥ ታን አ ህንተኮ ኪታድ።
\p
\v 23 ጾሳ አዉዋፐነ ጎዳ የሱስ ክርስቶሳፐ ሳሮተይነ ሲቆተይ አማኑዋና እትፐ እሻቱዋ ኡባዉ ግዶ፤ 
\v 24 ዶቼና ሲቁዋን ኑ ጎዳ የሱስ ክርስቶሳ ሲቅያ ኡባቱዋና ጾሳ አ ኬካተይ ግዶ። አመንእ።