\id DEU - Dawuro Full Bible Ethiopic Version
\ide UTF-8
\h ዛረዋ
\toc1 ዛረዋ ማጻፋ
\toc2 ዛረዋ
\toc3 ዛረ.
\mt1 ዛረዋ ማጻፋ
\imt ገሉዋ
\ip “ዛረዳ ዎጋ” ጌተትያ ሀ ማጻፋይ፥ እስራኤልያ አሳዉ ሀዋፐ ካሰና ኦደቴዳ ዎጋነ ማራ ዛረ ዛረ ሀሳይስያ ማጻፋ።
\ip “ዛረዳ ዎጋ” ማጻፋን ማዝጎበቲደ ደእያ፥ እት እት ዳሮ ጎእያ የዎቱ ሀዋፐ ካሊደ ጻፈቴዳዋንታ።
\ipi 1. ሙሴ አዳ ኦይታሙ ላይቱዋ ግዶን ፖለቴዳ፥ ዎልቃማ ዎልቃማ ኦሶቱዋ ሀሳዪደ ኦዴ። ጎዳይ ኡንቱንታ ባዙዋን ዎት ካለደንቶ አሳ ሀሳይሲደ፥ ኡንቱንቱ ጾሳዉ አማነቴዳዋንታ ግዳና ማላነ ሱረ ኦሱዋን አዛዘታና ማላ፥ ኡንቱንታ ቆፍሴ።
\ipi 2. ሙሴ ታሙ አዛዞቱዋ ዛር ዛሪደ ኦዲደ፥ ሄዋንቱፐካ ኮይሮ አዛዙዋ ብለ ኡንቱንቶ ቆንጭሴዳ። አሳይ ጾሳ ጻላላዉ ጎይናናዳንካ ሀሳይሴ። ሄዋና ኦይደ፥ እስራኤልያ አሳይ ህዶታ ጋድያን አዛዘታናዉ በስያ ዱማ ዱማ ዎጋ ቦች ቦች አኪደ ኦዴ።
\ipi 3. ሙሴ፥ ጎዳይ ኡንቱንቱና ጫቀቴዳ ጫቁ አይ ማለንቶ ኡንቱንቶ ብሊደ፥ ኡንቱንቱ ሄ ጫቆ ኦራደ አማነታናዳን፥ ቆፍሴ።
\ipi 4. ኢያሱ ሙሴ ሳኣን ገሊደ ጾሳ አሳ ካለያ አሳ ግዳናዉ ሱንቴ። ሙሴ ጎዳይ አማነትያዋ ግድያዋ ሳባናዉ ከሲደ ማዝሙርያ የጼዳዋፐነ እስራኤልያ ዛርያ ኡባ አንጄዳዋፐ ጉይያን፥ ዮርዳኖሳ ሻፋፐ አዋይ ዉልያ ባጋና ደእያ ሞኣባ ጋድያን ሀይቄዳ።
\ip ማጻፋዉ ሁጰ ቆፋይ ጎዳይ ባረ ሲቅያነ ባረ ዶሬዳ አሳ አሼዳዋነ አንጄዳዋ ኦዴ። አሳይካ ጾሳ አንጁ ኡንቱንቱፐ ሻከተናን ፓጻ ደአናዉ ዳንዳያና ማላ፥ ጎዳይ ኡንቱንቶ ኦዳዋ ኡባ ሀሳይሲደ፥ ኡንቱንቱ ኡባ ዎደካ ጾሳ ሲቃናዉነ አዉ አዛዘታናዉ ኡንቱንታ ኤርሴ።
\ip ማጻፋዉ ዋና ቆፋ ኦይቄዳ ጽቅሰቱ: 6:4-6 ደእያዋንታ ግድያ ዎደ፥ ኡንቱንቱካ፥ የሱስ፥ “አዛዞ ኡባፐ አያ ዎልቃማ አዛዞ” ጊደ ኦዴዳ ቃላቱዋ ኦይቄዳዋንታ። ሄዋንቱነ፥ “ጾሳ ነ ጾሳ ነ ፖሎ ዎዛናፐ፥ ነ ፖሎ ሸምፑዋፐነ ነ ፖሎ ዎልቃፐ ሲቃ” ያግያዋንታ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሀ. ኮይሮ ሙሴ ሃሳያ \ior 1:1—4:49\ior*
\io1 ለ. ላኤን ሙሴ ሃሳያ \ior 5:1—26:19\ior*
\io2 1. ታሙ አዛዞቱዋ \ior 5:1—10:22\ior*
\io2 2. ህግያ፥ ዎጋነ ሴራ \ior 11:1—26:19\ior*
\io1 ሐ. ካናነ ገላናፐ ካሰቲደ እመቴዳ አዛዙዋ \ior 27:1—28:68\ior*
\io1 መ. ቃላ ጫቁዋ ኦራጹሳ \ior 29:1—30:20\ior*
\io1 ሰ. ሙሴ ዉርሰ ሃሳያ \ior 31:1—33:29\ior*
\io1 ረ. ሙሴ ሀይቁዋ \ior 34:1-12\ior*
\c 1
\ms ኮይሮ ሙሴ ሃሳያ
\mr (ፓይ. 1:1—4:49)
\s1 ሲና ደርያፐ ባናዳን እመቴዳ አዛዙዋ
\p
\v 1 ሀ ማጻፋን ጻፈቴዳ ቃላ ኡባይ ዮርዳኖሳ ሻፋፐ ሄፍን አዋይ ዶልያ ባጋና ደእያ መላ ቢታን ኡንቱንቱ ደእሽን፥ ሙሴ እስራኤልያ አሳዉ ኦዴዳ ቃላ። ሙሴ ሀ ቃላ ኡንቱንቶ ኦድያ ዎደ፥ ኡንቱንቱ ሱፋ ጌተትያ ሳኣን ስን ባጋና፥ ፓራና ካታማዉ እት ባጋናነ ሄዋዳንካ ቃይ ቶፌላ፥ ላባና፥ ሀጸሮታነ ዲዛሃባ ጌተትያ ካታማቱዋ ግዱዋን ደእያ ዮርዳኖሳ ዛንጋራን ደኢኖ። 
\v 2 ኤዶማ ደርያ ኦግያና ቦፐ፥ ሲና ደርያፐ ቃዴሳ-ባርነ ጋካናዉ ገድያን ታማነ እት ጋላሳ ኦገ።
\p
\v 3 ግብጼፐ ኡንቱንቱ ከሴዳ ኦይታማን ላይን፥ ታማነ እተን አግናን፥ አግናዉ ኮይሮ ጋላሳን፥ ሙሴ መና ጎዳይ ኡንቱንቱዋ አ አዛዜዳዋ ኡባ እስራኤላቶ ኦዴዳ። 
\v 4 ሄዌ ሀሰቦና ካታማን ኡቲደ ካተቴዳ አሞረቱ ካዉዋ ስሆናነ፥ አስታሮታንነ ኤድራአን ኡቲደ ካተቴዳ ባሳነ ካትያ ኦጋ፥ ሙሴ ጾኔዳዋፐ ጉይያና።\x - \xo 1:4 \xo*\xt ፓይ. 2:21-34\xt*\x*
\p
\v 5 አሳይ ዮርዳኖሳፐ አዋይ ዶልያ ባጋና ሞኣበን ደእሽን፥ ሙሴ ሀ ህግያ ሀዋዳን ያጊደ ቆንጭስያዋ ዶሜዳ።
\p
\v 6 “ኑን ሲና ደርያን ደእሽን፥ መና ጎዳይ ኑ ጾሳይ ኑና ሀዋዳን ያጌዳ፤ ‘ህንተ ሀ ደርያ ቦላን ሎይ ጋምኤድታ። 
\v 7 ዱንካንያ ኮሊደ ደንድተ፤ ደረትያ አሞረቱ ቢታነ አራባን ደእያ ኡንቱንቱ ሾሮ ቢታ ኡባ ቢተ፤ ሄዌካ ዮርዳኖሳ ዛንጋራ፥ ደረትያሳነ ባርጎትያ ቢታቱዋኮ፥ ገድሳ ባጋዉነ ሜድተራነ አባ ጋጻዉ አተ። ካናነ ጋድያኮ ቢተ፤ ሊባኖሳ ደረቱዋ አደ፥ ኤፍራጺሳ ሻፋ ጋካናዉ ቢተ። 
\v 8 በእተ፥ ታን ህንተንቶ ሀ ቢታ እማድ። ቢደ ህንተ አዋቶ፥ አብራሃማዉ፥ ይሳቃዉ፥ ያቆባዉነ፥ ኡንቱንቱፐ ጉይያን፥ ኡንቱንቱ ዛርያዉ እማናዉ መና ጎዳይ ጫቄዳ ቢታ ላትተ’ ያጌዳ” ያጌዳ።
\s1 ሙሴ ካፓቱዋ ሱንዳ
\r (ከሳ 18:13-27)
\p
\v 9 ቃይካ ሙሴ አሳዉ ሀዋዳን ያጌዳ፤ “ሄ ዎደ ታን ህንተንቶ ሀዋዳን ያጋደ ኦዳድ፤ ‘ታን ታረካ ህንተና ቶካናዉ ዳንዳይከ። 
\v 10 መና ጎዳይ ህንተ ጾሳይ ህንተ ፓይዱዋ ሳሉዋ ጾልንትያዳን ዳርሴዳ። 
\v 11 መና ጎዳይ ህንተ አዎቱዋ ጾሳይ፥ ህንተና ሀዋፐ ሻአ ገደ ጉጂደ ዳርሶነ እ ጌዳዋዳን ህንተና አንጆ። 
\v 12 ሽን ህንተ መቱዋ፥ ህንተ ፓሉማነ ህንተ ኦሻ ኡባ ታን ታረካ ቶካናዉ ዋና ዳንዳያይታ? 
\v 13 ህንተ ዛርያፐ ዛርያፐ አዳ ኤራንቻ፥ አኬካንቻነ ኦሱዋ ሜዚ ደእያ አሳቱዋ ዶርተ፤ ታን ህንተ ቦላ ኡንቱንቱ ካፑዋ ሱንና’ ያጋድ።
\p
\v 14 “ህንተካ ታና፥ ‘ኑን ኦናዳን ኔን ጌዳዌ ሎአ’ ያጌድታ። 
\v 15 ሄዋ ድራዉ፥ ታን ህንተ ዛርያፐ ዛርያፐ አዳ ኤራንቻነ ኦሱዋ ሜዚ ደእያ አሳቱዋ አካድ፤ ሻላቃ፥ ጼቱዋ ካፑዋ፥ እሻታሙዋ ካፑዋ፥ ታሙዋ ካፑዋነ ሞድያዋንታ ኦደ ህንተ ዛርያን ዛርያን ህንተ ቦላን ሱንድ።
\p
\v 16 “ያታደ ታን ኡንቱንታ፥ ‘ህንተ እሻንቱ ግዱዋን ደእያ ሞቱዋ ስስተ፤ ሄ ሞቱ እት እስራኤልያ አሳፐነ አ እሻፐ ግዱዋን ዎይ እስራኤልያ አሳፐነ ሀራ ጋደ አሳፐ ግዱዋን ደእያዋ ግዶፐካ፥ ስሲደ ጽሉዋ ፕርድተ። 
\v 17 ህንተ ፕርዳን እት ባጋ ማዶፕተ፤ ዎልቃማዋ ስስያዋዳንካ፥ ጉዋካ ሄዋዳን ስስተ፤ አሳ ሶምኦ ያዮፕተ፤ አያዉ ጎፐ፥ ፕርዳይ ጾሳዋ። ቃይ ህንተንቶ ዳሮ ዴጾ ግዴዳ ሞቱዋ ታኮ አህተ፤ ሄዋ ታን ፕርዳና’ ያጋድ። 
\v 18 ቃይ ህንተካ ኦናዋ ኡባ ታን ሄ ዎደ ህንተና አዛዛድ።
\s1 ሙሴ ዎችያዋንታ ኪቴዳ
\r (ፓይ. 13:1-33)
\p
\v 19 “ሄዋፐ ጉይያን፥ ኑን ሲና ደርያፐ ደንዴዶ፤ መና ጎዳይ ኑ ጾሳይ ኑና አዛዜዳዋዳን፥ ደረትያ አሞረቱ ቢታ ብያ ኦግያን ደእያ ሄ ህንተ በኤዳ ግታነ ያሽያ መላ ቢታ አደ፥ ቃዴሳ-ባርነ ጋኬዶ። 
\v 20 ሄ ዎደ ታን ህንተንቶ ሀዋዳን ያጋድ፤ ‘መና ጎዳ ኑ ጾሳይ ኑና ላትስያ ደረትያ አሞረቱ ቢታ ሄኮ ሀእ ጋኬድታ። 
\v 21 በእተ፥ መና ጎዳይ ህንተ ጾሳይ ሀ ቢታ ህንተንቶ እሜዳ። መና ጎዳይ ህንተ አዎቱዋ ጾሳይ ህንተንቶ ኦዴዳዋዳን ከሲደ፥ ሀ ቢታ ላትተ፤ ያዮፕተ፤ ህዶታ አጎፕተ’ ያጋድ።
\p
\v 22 “ህንተ ኡባይ ታኮ ዪደ ታና፥ ‘ሄ ቢታ ዎቺደ፥ ኑን ባናዉ በስያ ኦግያባነ፥ ኑን ገላና ካታማቱዋ ኦዱዋ ኑዉ አህያ አሳቱዋ ኑፐ ስንዉ የዶይተ’ ያጌድታ።
\p
\v 23 “ሄ ቆፋይ ታዉ ሎአ ማላቴዳ፤ ያትና፥ ህንተፐ ታማነ ላኡ አሳ፥ ዛርያፐ ዛርያፐ እት አሳ ዶራድ። 
\v 24 ኡንቱንቱ ቤድኖ፤ ሄ ደረትያ ቢታ ፑደ ከሴድኖ፤ ቃይ ኤሽኮላ ዛንጋራኮካ ቢደ፥ ቢታ ዎቼድኖ። 
\v 25 ሄ ጋድያን ሞክያባፐ አማሬዳ አይፍያ ባረንቱ ኩሽያን ኦይቂደ፥ ኑኮ አክ ዬድኖ፤ ቃይ፥ ‘መና ጎዳ ኑ ጾሳይ ኑዉ እምያ ቢታይ ሎአ’ ያግያ ኦዱዋካ አሂደ ኦዴድኖ።
\p
\v 26 “ሽን ህንተ መና ጎዳ ህንተ ጾሳ አዛዞ ማካሊደ፥ ከሰናን እጼድታ። 
\v 27 ህንተ ዱንካንያ ግዶን እቱ እቱዋና፥ ሀዋዳን ያጊደ ዙዙሜድታ፤ ‘መና ጎዳይ ኑና እጼዳ ድራዉ፥ ይሳናዉ አሞረ ቢታ አሳቱ ኩሽያን አ እማናዉ፥ ግብጼ ጋድያፐ ከሴዳ። 
\v 28 ኑን ሀቃ ከሴቶ? ኑ እሻቱ “ሄ ጋድያን ደእያ አሳይ ኑፐ ዳሪኖነ አዱቂኖ። ካታማቱካ ግታነ ሳሉዋ ጋካናዉ ግምበቴዳዋንታ። ሄዋ ቦላካ ቃይ አናቀቱዋ ጌተትያ ዳሮ አዱሳ አሳቱዋ ያን በኤዶ” ያጊደ፥ ኑ ዎዛና እርጽሴድኖ ያጌድታ።
\p
\v 29 “ ‘ሄዋፐ ጉይያን፥ ታን ሀዋዳን ያጋድ፤ ኡንቱንቶ ያዮፕተ ዎይ ሻባረቶፕተ። 
\v 30 ህንተፐ ስንና ብያ መና ጎዳይ ህንተ ጾሳይ ካሰ ግብጼን ህንተ አይፍያ ስንን እ ህንተንቶ ኦዳዋዳን፥ ሀእካ ህንተንቶ እ ኦለታና። 
\v 31 ቃይ መላ ቢታን፥ ህንተ ሀ ሳኣ ጋካናዉ ዬዳ ኦገ ኡባን፥ አሳይ ባረ ናኣ ቶክያዋዳን፥ መና ጎዳይ ህንተ ጾሳይ ህንተና ቶኬዳዋ በኤድታ’ ያጋድ።\x - \xo 1:31 \xo*\xt ኪታ 13:18\xt*\x*
\p
\v 32-33 “ሀ ኡባ ታ ኦድንካ፥ ህንተ ዱንካናና ሳኣ በሳናዉነ ህንተ ባና ኦግያ በሳናዉ ቃማ ታማ ቱሳን፥ ጋላስ ሻርያ ቱሳን ህንተና ካለዳ መና ጎዳ፥ ህንተ ጾሳን፥ አማንበይክታ።\x - \xo 1:32-33 \xo*\xt እብራ. 3:19\xt*\x*
\s1 ጾሳይ እስራኤላቱዋ ሙሬዳ
\r (ፓይ. 14:20-45)
\p
\v 34 “መና ጎዳይ ህንተ ሃሳያ ስሲደ ሀንቀቴዳ፤ ሀዋዳን ያጊደ ጫቄዳ፤\x - \xo 1:34-35 \xo*\xt እብራ. 3:18\xt*\x* 
\v 35 ‘ታን ህንተ ማይዛ አዋቶ እማና ጋደ ጫቄዳ ሀ ሎኦ ቢታ፥ ሀ ኢታ የለታፐ እቱነ በኤና። 
\v 36 ሄ ቢታ በአናዌ ይፉነ ናኣ ካሌባ ጻላላ። እ የዳ ቢታ አዉነ አ ዛርያዉ ታን እማና፤ አያዉ ጎፐ፥ እ ባረ ኩመን ዎዛናፐ መና ጎዳ ካሌዳ’ ያጊደ ጫቄዳ።
\p
\v 37 “ህንተ ጋሱዋን መና ጎዳይ ታ ቦላካ ሀንቀቲደ፥ ሀዋዳን ያጌዳ፤ ሙሴ፥ ሀራይ አቶ ኔንካ ሄ ቢታ ገላካ። 
\v 38 ሽን ኔና ማድያዌ፥ ኔዌ ናአይ ኢያሱ ሄ ቢታ ገላና። እ እስራኤልያ አሳ ሄ ቢታ ላትሳናዉ ደእያ ድራዉ፥ ኔን አ ምን። 
\v 39 ቃይ ህንተ፥ ‘ኑ ናናይ ኦሞደታና’ ጌዳ ጉቱነ ኢታ ሎይ ሻክ ኤርቤና ህንተ ናናይ ሄ ቢታ ገላና። ታን ሄ ቢታ ኡንቱንቶ እማና፤ ኡንቱንቱካ አ ላታና። 
\v 40 ሽን ህንተና ግዶፐ፥ ህንተ ጉየ ስሚደ፥ ዞኦ አባ አፍያ ኦግያ ኦይቂደ፥ መላ ቢታ ቢተ ያጌዳ።
\p
\v 41 “ህንተ ዛሪደ ታዉ ሀዋዳን ያጌድታ፤ ‘ኑን መና ጎዳ ቦላ ናጋራ ኦዶ፤ ሀእ ኑን መና ጎዳይ ኑ ጾሳይ አዛዜዳዋዳን፥ ከሲደ ኦለታና’ ያጌድታ። ህንተ ኡባይ ኦላ ሚሻ ግጼድታ፤ ቃይ ገዘ ቢታ ከሲደ ኦለታናዋካ ላፋባዳን ቆፔድታ።
\p
\v 42 “ሽን መና ጎዳይ ታና፥ ‘ታን ኡንቱንቱና ደኤና ድራዉ፥ ኡንቱንቱ ከሲደ ኦለተናዳን ኦዳ፤ ሄዌ ዮፐ ኡንቱንቱ ሞርከቱ ኡንቱንታ ጾናና’ ያጌዳ። 
\v 43 ታን ህንተንቶ ኦዳድ፤ ሽን ህንተ መና ጎዳ አዛዞ ማካሌድታፐ አትና፥ ታን ኦዴዳዋ ስስበይክታ፤ ያቲደ ህንተ ኦቶሩዋን ገዘ ቢታ ከሴድታ። 
\v 44 ያትና፥ ሄ ገዘ ጋድያን ደእያ አሞራቱ ህንተናና ኦላ ጋከቲደ፥ ህንተና ማይ የደርስያዋዳን የደርሲደ፥ ሄ ኤዶማ ጋድያን ቢደ ሆርማ ጋካናዉ ሾጬድኖ። 
\v 45 ህንተካ ጉየ ስሚደ፥ መና ጎዳ ስንን ዬኬድታ፤ ሽን ጾሳይ ህንተ ዬኩዋ ስስቤና ዎይ ሀይዝቤና። 
\v 46 ያትን ቃዴሳን ሄ ህንተ ጋምኦ ኬሻ ጋላሳ ጋምኤድታ።
\c 2
\s1 መላ ቢታን ቱጋቴዳ ዎደቱዋ
\p
\v 1 “ሄዋፐ ጉይያን ኑን፥ መና ጎዳይ ታና አዛዜዳዋዳን፥ ዞኦ አባ አፍያ ኦግያ ኦይቂደ፥ ጉየ ስሚደ፥ መላ ቢታ ቤዶ፤ ሄዋን መቶቲደ፥ ደረትያ ኤዶማ ጋድያን ዳሮ ጋላሳ ዩዬዶ።\x - \xo 2:1 \xo*\xt ፓይ. 21:4\xt*\x*
\p
\v 2 “ሄዋፐ ጉይያን፥ መና ጎዳይ ታና ሀዋዳን ያጌዳ፤ 
\v 3 ‘ሀ ደረትያ ቢታ ዩሻይ ህንተንቶ ግዳናዋ፤ ጉየ ስሚደ፥ ሁጲሳ ባጋ ቢተ። 
\v 4 አሳ ኔን ሀዋዳን ያጋደ አዛዛ፤ “ኤዶማን ደእያ ህንተ እሻቱዋ ግድያ ኤሳ ናናቱ ቢታና ህንተ አታ። ኡንቱንቱ ህንተንቶ ያያና፤ ሽን ህንተ ሎይ ናገትተ።\x - \xo 2:4 \xo*\xt ዶመ 36:8\xt*\x* 
\v 5 ታን ኡንቱንቱ ጋድያፐ ገዲ የያ ሳ ኬሻነ ህንተንቶ እመና ድራዉ፥ ኡንቱንቱና ዋለቀቶፕተ፤ አያዉ ጎፐ፥ ታን ደረትያ ኤዶማ ቢታ ላታ ኦደ ኤሳዉ እማ ድጋድ። 
\v 6 ህንተ ምያ ቁማነ ኡሽያ ሃ፥ ኡንቱንቱፐ ሻሉዋን ሻምተ ያጋደ አዛዛ” ያጌዳ።
\p
\v 7 “ ‘መና ጎዳይ ህንተ ጾሳይ ህንተ ኦዳዋ ኡባ አንጄዳ፤ ህንተ ሀ ዎልቃማ መላ ቢታን ሀመትያ ዎደ፥ ህንተና ናጌዳ። ሀ ኦይታሙ ላይ ኡባን መና ጎዳይ ህንተ ጾሳይ ህንተናና ደኤዳ። አያነ ህንተንቶ ፓጭስቤና።
\p
\v 8 “ ‘ሄዋ ድራዉ፥ ኑን ኑ እሻቱዋ ግድያ ኤሳ ናናይ ደእያ ኤዶማ ቢታና አደ ቤዶ። ቃይ ኤላታነ ኤጽዮን-ጋብራ ግያ ካታማቱዋፐ ደንዲደ፥ አራባኮ ጋያ ኦግያ አጊደ፥ ሞኣባ መላ ቢታ አዶ።
\p
\v 9 “ ‘መና ጎዳይ ታና ሀዋዳን ያጌዳ፤ “ታን ኡንቱንቱ ጋድያፐ አያነ ህንተንቶ እመና ድራዉ፥ ሞኣባ አሳና ዋለቀቶፕተ ዎይ ኡንቱንታ ኦሎፕተ፤ አያዉ ጎፐ፥ ኤራ ካታማ ታን ላታ ኦደ ሎጸ ዛረቶ እማ ድጋድ” ያጌዳ’ ያጌዳ።”\x - \xo 2:9 \xo*\xt ዶመ 19:37\xt*\x*
\p
\v 10 (ሄ ጋድያን ካሰ ምኖነ ጮራ ግዴዳ፥ ቃይ አናቀ ዛራቱዋዳን አዱሳ ግዴዳ ኤመታ ጌተትያ አሳቱ ደኤድኖ። 
\v 11 ኡንቱንቱ አናቀቱዋዳንካ ራፋየቱዋ ጌተቲኖ። ሽን ሞኣባ አሳይ ኡንቱንታ ኤመታ ጊደ ጼሴ። 
\v 12 ሆራ ቢታ አሳይ ቃይ ካሰ ኤዶማን ደኤዳ፤ ሽን እስራኤላቱ ላታናዳን መና ጎዳይ ኡንቱንቶ እሜዳ ጋድያን ኡንቱንቱ ኦዳዋዳን፥ ኤሳ ዛራቱ ሆራታ ኡንቱንቱ ጋድያፐ ሾዴድኖ፤ ቃይ ባረንቱ ስንፐ ኡንቱንታ ይሲደ፥ ኡንቱንቱ ሳኣን ኡቴድኖ።)
\p
\v 13 ሙሴ፥ “መና ጎዳይ ኑና፥ ‘ሀእ ደንድተ፤ ዘሬዳ ሻፋ ፕንተ’ ያግና፥ ኑን ዘሬዳ ሻፋ ፕኔዶ። 
\v 14 ኑን ቃዴሳ-ባርነፐ ደንዲደ፥ ዘሬዳ ሻፋ ፕናና ጋካናዉ ደእያ ዎዲ ሀታማነ ሆስፑን ላይ፤ ሄ ዎደ መና ጎዳይ ኡንቱንቶ ጫቄዳዋዳን፥ ኦላዉ ጋኬዳ ሄ የለታ አቱማዋንቱ ኡባይ ዉሬድኖ።\x - \xo 2:14 \xo*\xt ፓይ. 14:28-35\xt*\x* 
\v 15 ዱንካኔዳ ሳፐ ኡንቱንቱ ኡባና ድምእ ጊደ ያና ጋካናዉ፥ መና ጎዳ ኩሺ ኡንቱንቱ ቦላ ደኤ።
\p
\v 16 “ኦላዉ ጋኬዳ አቱማ አሳይ ኡባይ ኡባና ዬዳዋፐነ አሳ ግዶፐ ሀይቂዴ ዉሬዳዋፐ ጉይያን፥ 
\v 17 መና ጎዳይ ታና ሀዋዳን ያጌዳ፤ 
\v 18 ‘ኤራ ኦግያና ሀች ህንተ ሞኣባ ቢታ አታ። 
\v 19 ህንተ አሞና አሳቱ ቢታ ጋክያ ዎደ፥ ኡንቱንታ ቃሰረፕተ ዎይ ኡንቱንቱና ዋላቀቶፕተ። አያዉ ጎፐ፥ አሞና አሳቱ ጋድያፐ አያነ ታን ህንተንቶ ላታ ኦደ እምከ። ታን ሄ ቢታ ሎጸ ዛርያዉ ላታ ኦደ እማ ድጋድ’ ያጌዳ።\x - \xo 2:19 \xo*\xt ዶመ 19:38\xt*\x*
\p
\v 20 “(ሄ ቢታይ ካሰ ያን ደእያ አሳይ ጼሰትያ ሱንን ራፋየቱዋ ቢታ ጌተቲደ ጼሰቴ። ቃይ አሞናቱ ኡንቱንታ ዛምዙሚም ጊደ ጼሲኖ። 
\v 21 ኡንቱንቱካ አናቀቱዋዳን አዱሳ፥ ምኖነ ጮራ ጋደ፤ ሽን መና ጎዳይ ኡንቱንታ ይስና፥ አሞናቱ ኡንቱንቱ ቢታ ላቲደ ኡቴድኖ። 
\v 22 መና ጎዳይ ኤዶማን ደእያ ኤሳ ዛረቶ ኦዳዋዳን፥ ኡንቱንቶካ ኦዳ፤ ሄዌካ እ ሄ ጋድያን ደእያ ሆራታ ይስና፥ ኤሳ ዛራቱ ኡንቱንቱ ቢታ ላቲደ ሀቼ ጋካናዉ ኡቴድኖ። 
\v 23 ጋዛ ጋካናዉ ደእያ ሄራቱዋን ደእያ አዎቱዋ ግዶፐ፥ ካፍቶራ ግያ ጋድያፐ ዬዳ ካፍቶረቱ ኡንቱንታ ይሲደ፥ ኡንቱንቱ ሳኣን ኡቴድኖ።)
\p
\v 24 “ቃይካ ጾሳይ ኑና ሀዋዳን ያጌዳ፤ ‘ደንድተ፤ አርኖና ሻፋ ፕንተ። በእተ፥ አሞረ ቢታ አሳ ግድያ ሀሰቦና ካትያ ስሆናነ አ ቢታ ታን ህንተ ኩሽያን አደ እማድ፤ አ ኦሊደ አ ቢታ ላትያዋዳን ዶምተ። 
\v 25 ሀቼፐ ዶሚደ ሳሉዋፐ ጋርሳና ደእያ አሳይ ኡባይ ህንተንቶ ያያናዳን ታን ኦና፤ ኡንቱንቱ ህንተዋ ስስያ ዎደ ኡባን፥ ያሻን ኮኮራና’ ያጌዳ።
\s1 እስራኤልያ አሳይ ካትያ ስሆና ጾኔዳ
\r (ፓይ. 21:21-30)
\p
\v 26 “ሄዋፐ ጉይያን፥ ቅደሞታ መላ ቢታፐ ሀሰቦና ካትያ ስሆናዉ ሳሮ ቃላ ኪተትያዋንቱ ቦላ ሀዋዳን ያጋደ ኪታድ፤ 
\v 27 ‘ኑና ነ ቢታና አርኪ! ኑን ዎጋ ኦገ ጻላ ኦይቂደ ባና፤ አፐ ኡሸቻ ዎይ ሀድርሳ ስሞኮ። 
\v 28 ኑን ምያ ቁማዉነ ኡሽያ ሃው ሚሻ ቃንጻና። ኑ ኮይያዌ ነ ቢታና አናዋ ጻላላ። 
\v 29 ኤዶማን ደእያ ኤሳ ዛራቱነ፥ ኤራን ደእያ ሞኣባ ዛራቱ ኑና አዋዳን፥ መና ጎዳይ ኑ ጾሳይ፥ ኑዉ እምያ ቢታዉ ዮርዳኖሳ ሻፋ ኑን ፕናና ጋካናዉ፥ ኦገ ጻላላና ኑና አ’ ያጋድ።
\p
\v 30 “ሽን ሀሰቦና ካቲ ስሆን ኑና አናን ድጌዳ። አያዉ ጎፐ፥ መና ጎዳይ ህንተ ጾሳይ ሀች ህንተ በእያዋዳን፥ አ ህንተ ኩሽያን አደ እማናዉ አ ዎዛና ምንሲደ፥ አ ሞርግያ ዞዱ ኦዳ።
\p
\v 31 “ሄዋፐ ጉይያን መና ጎዳይ ታና፥ ‘በአ፥ ስሆናነ አ ቢታ ታን ነዉ እሙሳ ዶማድ፤ ሀእ ጾናደ፥ አ ቢታ ላታ’ ያጌዳ።
\p
\v 32 “ያትና፥ ስሆን ባረ አሳ ኡባ አኪደ፥ ያሃጻ ግያ ሳን ኑናና ኦለታናዉ ደንዴዳ። 
\v 33 ሽን መና ጎዳይ ኑ ጾሳይ ኑዉ አ አ እሜዳ፤ አ፥ አ አቱማ ናናቱዋነ አ አሳ ኡባ ኑን ዎዶ። 
\v 34 ሄ ዎደ ኑን አ ካታማቱዋ ኡባ ኦሞዲደ፥ ሙለ ካታማቱዋካ፥ አን ደእያ አቱማ አሳና፥ ማጫ አሳናነ ናናቱዋና ይሴዳ፤ አያነ አሽበይክኖ። 
\v 35 ኡንቱንቱ መህያነ ኑን ኦይቄዳ ካታማቱዋፐ ኦሞዴዳባቱዋ ጻላላ ኑዉ አኬዶ።
\p
\v 36 “አርኖና ዛንጋራ ጋጻን ደእያ አሮኤራፐነ ሄ ዛንጋራ ግዶን ደእያ ካታማፐ ዶሚደ ቢደ ጋላኣደ ቢታ ጋካናዉ፥ ኑዉ ምኔዳ እት ካታምነ ደእቤና። መና ጎዳይ ኑ ጾሳይ ኡንቱንታ ኡባ ኑ ኩሽያን አ እሜዳ። 
\v 37 ሽን ኑን አሞና ዛራቱዋ ጋድያኮ፥ ሄዌካ ያቦቃ ሻፋ ዶና ኡባኮ፥ ደረትያ ቢታ ካታማቱዋኮነ መና ጎዳይ ኑ ጾሳይ ኑን ባናዳን አዛዝቤና ሳ ኡባኮ ሺቅበይኮ።
\c 3
\s1 እስራኤላቱ ባሳነ ካትያ ኦጋ ጾኔድኖ
\r (ፓይ. 21:31-35)
\p
\v 1 “ሄዋፐ ጉይያን ኑን ስሚደ፥ ባሳነ አፍያ ኦግያና ከሲደ፤ ያትና፥ ባሳነ ቢታ ካቲ ኦግ ባረ ኦላንቻቱዋ ኡባና ኤድራአ ግያ ካታማን ኑናና ኦለታናዉ ከሴዶ። 
\v 2 ሽን መና ጎዳይ ታና፤ ‘አዉ ያዮፓ! አያዉ ጎፐ፥ ታን አ፥ አ ኦላንቻቱዋ ኡባናነ አ ቢታና ነ ኩሽያን አደ እማድ። ሀሰቦናን ኡቲደ ካተቴዳ አሞረቱ ካትያ ስሆና ቦላ ኦዳዋዳን፥ ኔን አ ቦላካ ኦና’ ያጌዳ።
\p
\v 3 “ሄዋ ድራዉ፥ መና ጎዳይ ኑ ጾሳይ ባሳነ ቢታ ካትያ ኦጋነ አ አሳ ኡባ ኑ ኩሽያን አደ እሜዳ፤ ኑን ኡንቱንቱፐ እቱዋነ አሸናን ዉርስ ዎዶ። 
\v 4 ሄ ዎደ ኑን አ ካታማቱዋ ኡባ ኦይቄዶ፤ ኑን ኦይቂቤና እት ካታማይካ ባዋ፤ ሄዋንቱካ ባሳነ ካትያ ኦግ አርጎባ ጋድያን አይስያ ኡሱፑን ታሙ ካታማቱዋ። 
\v 5 ሀ ካታማቱ ኡባይካ አዱሳ ግምቢያን ድረቴዳዋንታነ ፐንግያናነ ጎርድያ ምና ደእያዋንታ። ቃይ ግምቢያ ድርሳይ ባይና ሎይ ዳሮ ሞቱካ ደኢኖ። 
\v 6 ሀሰቦና ቢታ ካትያ ስሆና ቦላ ኦዳዋዳን፥ ኑን ኡንቱንታ ኡባና ይሴዶ። ኡንቱንቱ ካታማቱዋ ኡባ፥ ኡንቱንቱን ደእያ አቱማዋና ማጫዋነ ናናቱዋናካ ሙለ ይሴዶ። 
\v 7 ሽን መህያ ኡባነ ካታማቱዋፐ ቦንቄዳ ኦሞዱዋ ኦደ፥ ኑዉ አኬዶ።
\p
\v 8 “ሄ ዎደ ኑን አርኖና ሻፋፐ ቢደ ሄርሞነ ደርያ ጋካናዉ ደእያ ቢታ ዮርዳኖሳ ሻፋፐ አዋይ ዶልያ ባጋና ደእያዋ ሄ ላኡ አሞረ ቢታ ካተቱዋፐ አኬዳ። 
\v 9 (ሲዶና ቢታ አሳይ ሄርሞነ ደርያ ስርዮነ ደርያ ጊደ ጼጊኖ፤ አሞረ ቢታ አሳይ ቃይ ሳኒራ ጊደ ጼጊኖ።) 
\v 10 ኑን ደምባ ጋድያን ደእያ ካታማቱዋ ኡባ፥ ጋላኣደ ቢታ ኡባ፥ ባሳነ ቢታ ኡባነ ባሳነ ጋድያን ኦግ ሞድያ ሳላካነ ኤድራአ ካታማቱዋ ጋካናዉ ደእያ ሳኣ ኦይቄዶ። 
\v 11 (ራፋየቱዋፐ አቴዳዌ ባሳነ ቢታ ካትያ ኦጋ ጻላላ። አ አርሳይ ብራታ አርሳ፤ ሄ አርሳይ ሀቼ ጋካናዉካ ራባ ጌተትያ አሞናቱዋ ካታማን ደኤ፤ አዉ ጌሳይ ኡዱፑን ዋ፤ ጎምፓይካ ኦይዱ ዋ።)
\s1 ዮርዳኖሳ ሻፋፐ ዶላሃ ባጋና ኡቴዳ ያራቱዋ
\r (ፓይ. 32:1-42)
\p
\v 12 “ሄ ቢታ ኑን ላቴዳዋፐ ጉይያን፥ አርኖና ሻፋ ዶናን ደእያ አሮኤራ ካታማፐ ዶሚደ ደእያ ሳኣነ፥ ደረትያ ጋላኣደ ጋድያፐ ባጋ አ ካታማቱዋናካ ሮቤላ ዛረቶነ ጋዳ ዛረቶ ታን እማድ። 
\v 13 ጋላኣደፐ አቴዳዋነ ኦግ ሞድያ ባሳነ ቢታ ኡባ፥ ሄዌካ አርጎባ ካዉተ ቃይ ምናሰ ዛርያፐ ባጋቶ እማድ። (ሄ ባሳነ ቢታይ ኡባይ ራፋየቱዋ ቢታ ጌተት ጼሰቴዳ። 
\v 14 ምናሰ ዛርያፐ ያኢር፥ ኩመን አርጎባ ቢታ ላቴዶ፤ ሄዌካ ጋሹራቱነ ማእካቱ ቢታ ጋጻ ጋካናዉ ደእያ ባሳነ ቢታ። እ ቄር ካታማቱዋ ባረ ሱንን ጼሰታናዳን ኦዳ፤ ሄዋ ድራዉ፥ ኡንቱንቱ ሀቼ ጋካናዉ፥ ሀቦት-ያኢራ ካታማቱዋ ጌተት ጼሰቲኖ።)
\p
\v 15 “ቃይ ጋላኣደ ቢታካ ምናሰ ዛረ ግድያ ማኪራሳዉ እማድ። 
\v 16 ሮቤላነ ጋዳ ዛርያዉ ጋላኣደፐ ቢደ አርኖና ሻፋ ማታ ጋካናዉ ደእያ ቢታ እማድ። ገድሳ ባጋና ኡንቱንቶ አርኖና ሻፋዉ ባጋይ ዛዋ፤ ቃይ ሁጲሳ ባጋና አሞናቱዋ ቢታ ጋጻ ግድያ ያቦቃ ሻፋይ ዛዋ። 
\v 17 አዋይ ዉልያ ባጋና፥ ኡንቱንቱ ዛዋይ አራባን ደእያ ዮርዳኖሳ ሻፋ ጋኬ፤ ሄዌካ ጋሊላ አባፐ ዶሚደ ፕስጋ ደርያ ጻጱዋን ደእያ ሀይቁዋ አባ፥ ሄዌነ ማጽንያ አባ ጋካናሳ።
\p
\v 18 “ሄ ዎደ ታን ህንተና ሀዋዳን ያጋደ አዛዛድ፤ ‘መና ጎዳ ህንተ ጾሳይ ሀ ቢታ ህንተ ላታናዳን ህንተንቶ እሜዳ። ስም ህንተንቶ ደእያ ቶራንቻ አሳ ኡባ ኦላ ሚሻ ግጽሲደ፥ ህንተ እሻቱዋ ግድያ እስራኤልያ አሳፐ ስንና ኦለታናዉ አተ።\x - \xo 3:18-20 \xo*\xt ኢያሳ 1:12-15\xt*\x* 
\v 19 ህንተዉ ዳሮ መሂ ደእያዋ ታን ኤራይ፤ ሄዋ ድራዉ፥ ህንተ ማቼቱ፥ ህንተ ጉ ናናይነ ህንተ መሂ ታን ህንተንቶ እሜዳ ካታማቱዋን ደእሽኖ። 
\v 20 ሄዌነ፥ መና ጎዳይ ህንተና ሸምፕሴዳዋዳን፥ ህንተ እሻቱዋካ ሸምፕሳና ጋካናዉነ፥ ቃይ ዮርዳኖሳ ሻፋ ሄፍንን፥ መና ጎዳይ ህንተ ጾሳይ ኡንቱንቶ እምያ ቢታ ኡንቱንቱ አካና ጋካናሳ። ሄዋፐ ጉይያን፥ ህንተ ሁጲያን ሁጲያን፥ ታን ህንተንቶ እሜዳ ቢታ ስሚታ’ ያጋድ።
\p
\v 21 “ታን ሄ ዎደ ያሳ ሀዋዳን ያጋደ አዛዛድ፤ ‘መና ጎዳይ፥ ህንተ ጾሳይ፥ ሀ ላኡ ካተቱ ቦላ ኦዳዋ ኡባ ኔን ነ አይፍያን በኣዳ፤ ህንተ ኦይቃናዉ ብያ ካዉተቱዋ ኡባ ቦላካ መና ጎዳይ ሄዋዳን ኦና። 
\v 22 ህንተ ድራዉ ኦለትያዌ፥ መና ጎዳ ህንተ ጾሳ ግድያ ድራዉ፥ ኡንቱንቶ ያዮፕተ’ ያጋድ።
\s1 ሙሴ ካናነ ገለናዳን ድገቴዳ
\p
\v 23 “ሄ ዎደ ታን ሀዋዳን ያጋደ መና ጎዳ ሎይደ ዎሳድ፤\x - \xo 3:23-27 \xo*\xt ፓይ. 27:12-14፤ ዛረ. 32:48-52\xt*\x* 
\v 24 ‘ኡባ ሞድያ መና ጎዳዉ፥ ነ ግታተነ ነ ምኖ ኩሽያ ታና፥ ነ ቆማ በሳናዉ ዶማዳ፤ አያዉ ጎፐ፥ ነዋዳን ሀዋ ማላ ኦሶቱዋነ ዎልቃማባ ኦናዉ ዳንዳይያዌ ሳሉዋን ግድና ሳኣን አይ ጾሳይ ደኢ? 
\v 25 ጾሳዉ! ታን ባደ ዮርዳኖሳ ሻፋፐ፥ ሄፍንን ደእያ ሄ ሎኦ ደረትያ ቢታነ ሊባኖሳ በአናዳን ታና የዳርኪ!’ ያጋድ።
\p
\v 26 “ሽን መና ጎዳይ ህንተ ጋሱዋን ታና ሀንቀቲደ፥ ታዉ ስሰናን እጼዳ፤ መና ጎዳይ ታና ሀዋዳን ያጌዳ፤ ‘ስም ነዉ ግዳናዋ፤ ሀ የዉዋ ደንደ ላኤን ታዉ ሃሳዮፓ። 
\v 27 ሄዋ አጋደ ደንዳ፥ ፕስጋ ደርያ ሁጲያ ከሳ፤ ሄዋን ኤቃደ ቢታዉ አዋይ ዶልያ ባጋ፥ ሁጲሳ፥ ገድሳነ አዋይ ዉልያ ባጋ ነ አይፍያ ደንደ ጼላ። አያዉ ጎፐ፥ ኔን ሀ ዮርዳኖሳ ሻፋ ሙለካ ፕናካ። 
\v 28 ማታ ኔን ኢያሱዉ አዛዙዋ እማ፤ አ ጻልሳነ ምን፤ አያዉ ጎፐ፥ እ ሀ አሳ ካለደ ፕንናነ ሀ ኔን በእያ ቢታ እ ኡንቱንታ ላትሳናዋ’ ያጌዳ።
\p
\v 29 “ሄዋ ድራዉ፥ ኑን ቤት-ፓኦራ ካታማ ስንን ደእያ ዛንጋራን ጋምኤዶ” ያጌዳ።
\c 4
\s1 ሙሴ እስራኤላቱዋ አዛዘታናዳን ኦዴዳ
\p
\v 1 ሄዋፐ ጉይያን፥ ሙሴ አሳ ሀዋዳን ያጌዳ፤ “ሀእካ እስራኤልያ አሳዉ፥ ህንተ ደኡዋን ደአናዳንነ መና ጎዳይ፥ ህንተ ማይዛ አዎቱዋ ጾሳይ፥ ህንተንቶ እምያ ቢታ ህንተ ላታናዳን፥ ታን ህንተና ታማርስያ አዋዩዋነ ህግያ ስስተነ ኦተ። 
\v 2 ታን ህንተና አዛዝያ መና ጎዳ ህንተ ጾሳ አዛዙዋ ናግተፐ አትና፥ አ ቦላ አይነ ጉጆፕተ፤ ቃይ አፐ አይነ ፓጭሶፕተ።\x - \xo 4:2 \xo*\xt ሳፃ 22:18-19\xt*\x* 
\v 3 ባኣል-ፓኦራ ደርያ ቦላን መና ጎዳይ ኦዳዋ ህንተ ህንተ አይፍያን በኤድታ፤ መና ጎዳይ ህንተ ጾሳይ ባኣል-ፓኦራን ደእያ ባኣላዉ ጎይኔዳዋንታ ኡባ ህንተ ግዶፐ ይሴዳ።\x - \xo 4:3 \xo*\xt ፓይ. 25:1-9\xt*\x* 
\v 4 ሽን ህንተ መና ጎዳዉ፥ ህንተ ጾሳዉ፥ አማነቴዳ ድራዉ፥ ሀች ጋካናዉ ኡባይካ ደኡዋን ደኢታ።
\p
\v 5 “በእተ፥ ህንተ ላታናዉ ገልያ ጋድያን ኦና ማላ፥ መና ጎዳይ፥ ታ ጾሳይ ታና አዛዜዳዋዳን፥ አዋዩዋነ ህግያ ታን ህንተና ታማርሳድ። 
\v 6 ህንተ ኡንቱንታ ናግተነ ኦተ፤ ሄዋ ህንተ ኦፐ፥ ህንተ አይ ኬሻ አዳ ኤራንቼንቶነ ሀራ አሳይ ህንተና በአና። ኡንቱንቱ ሀ አዋዩዋባ ስስያ ዎደ፥ ‘ቱሙካ ሀ ዎልቃማ ካተተይ አዳ ኤራንቻነ አኬካንቻ ካዉተ’ ያጋና።
\p
\v 7 “ኑን አ ጼስያ ዎደ አዉደነ፥ መና ጎዳይ ኑ ጾሳይ ኑዉ ማታ ግድያዋዳን፥ ማታ ጾስ አዉ ደእያ አይ ዎልቃማ ካዉተይ ደኢ? 
\v 8 ታን ሀች ህንተ ስንን ዎያ ሀ ህገ ኡባዳን ጽሎ ግዴዳ አዋዩነ ህጊ ደእያ ሀራ አይ ዎልቃማ ካዉተይ ደኢ?
\p
\v 9 “ስም ህንተ ደእያ ላይ ኡባን ሀ ህንተ በኤዳዋ ኡባ ዶገናዳንነ ህንተ ሁጲያፐ ይሰናዳን ናገትተ፤ ህንተ ናናቱዋነ ህንተ ናናቱ ናናቱዋ ታማርስተ። 
\v 10 ሲና ደርያ ቦላን መና ጎዳ ህንተ ጾሳ ስንን ህንተ ኤቄዳ ዎደ፥ ጾሳይ ታና፥ ‘ሀ ሳኣን ደኤዳ ዎደ ኡባን፥ ኡንቱንቱ ታዉ ያይያዋ ታማራናዳንነ ባረንቱ ናናቱዋካ ሄዋ ታማርሳናዳን፥ ታን ታ ቃላ ኡንቱንታ ስሳና ማላ፥ አሳ ታኮ ሺሻ’ ጌዳዋ ሀሳይተ።
\p
\v 11 “ሄ ዎደ ህንተ ሺቂደ ደርያ ጻጱዋን ኤቄድታ፤ ሳሎ ግዱዋ ጋካናዉ፥ ሄ ደርያ ቦላን ታማይ ኤጼ፤ ሄ ደርያ ጻጱ ሳካና ማንነ ሻራን ጎዘት ኡቴዳ።\x - \xo 4:11-12 \xo*\xt ከሳ 19:16-18፤ እብራ. 12:18-19\xt*\x* 
\v 12 መና ጎዳይካ ታማ ግዶፐ ህንተንቶ ሃሳዬዳ፤ ህንተ አ ኮሻ ስሴድታፐ አትና፥ አ በእበይክታ። 
\v 13 ህንተ ኦናዳን እ ህንተና አዛዜዳ ባረ ጫቁዋ ህንተንቶ ኦዴዳ፤ ሄዋንቱካ ታሙ አዛዞቱዋ። እ ኡንቱንቱ ላኡ ማሰቴዳ ሹቻቱ ቦላ ጻፌዳ።\x - \xo 4:13 \xo*\xt ከሳ 31:18፤ 34:28፤ ዛረ. 9:10\xt*\x* 
\v 14 ህንተ ላታናዉ ብያ ጋድያን ኦናዳን፥ አዋዩዋነ ህግያ ህንተና ታማርሳና ማላ፥ መና ጎዳይ ታና ሄ ዎደ አዛዜዳ።\x - \xo 4:14 \xo*\xt ከሳ 21:1\xt*\x*
\s1 ኤቃ ምስልያዉ ጎይነናዳን እመቴዳ አዛዙዋ
\p
\v 15 “መና ጎዳይ ሲና ደርያ ቦላን ታማ ግዶፐ ህንተንቶ ሃሳዬዳ ጋላስ፥ ህንተ አ በእቤና ድራዉ፥ ሎይ ናገትተ። 
\v 16 አቱማ ዎይ ማጫ ማላን ኦሰቴዳዋ ግድና\x - \xo 4:16 \xo*\xt ከሳ 20:4፤ ዎጋ 26:1፤ ዛረ. 5:8\xt*\x* 
\v 17 ሳኣን ደእያ ዶኣ ኡባ ሌምሱዋ ግድና፥ ሳሉዋ ጉፋንዋን ፓልያ ካፉዋ ኡባ ሌምሱዋ ግድና፥\x - \xo 4:17-18 \xo*\xt ሮመ 1:23\xt*\x* 
\v 18 ሳኣ ቦላን ቃጽያባቱ ሌምሱዋ ግድና፥ ቢታፐካ ጋርሳና ሃ ግዶን ደእያ ሞልያ ሌምሱዋ ግድናካ፥ ህንተ ቱነናዳን ማሰቴዳዋ ህንተንቶ ጾሳ ኦደ ጎይኖፕተ። 
\v 19 ቃይ ሳሉዋ ፑደ ጼሊደ፥ መና ጎዳይ ህንተ ጾሳይ ሳሉዋፐ ጋርሳና ደእያ ካዉተቶ ኡባዉ እሜዳ አዋ፥ አግና፥ ጾልንተቱዋነ ሳሉዋ መታቱዋ ኡባ በኢደ፥ ህንተ ኡንቱንቶ ጎይኒደ፥ ባለናዳን ናገትተ። 
\v 20 ሽን መና ጎዳይ ህንተና ሀች ህንተ ግድያዋዳን፥ ባረዉ ዱማቴዳ አሳ ኦናዉ ብራታ ጮጭያ ማላ ግድያ ግብጼፐ ከሲደ አሄዳ።\x - \xo 4:20 \xo*\xt ከሳ 19:5፤ ዛረ. 7:6፤ 14:2፤ 26:18፤ ቲቶ 2:14፤ 1 ጰጽ. 2:9\xt*\x*
\p
\v 21 “ቃይ ህንተ ጋሱዋን መና ጎዳይ ታና ሀንቀቲደ፤ ታን ዮርዳኖሳ ፕነናዳንነ፥ መና ጎዳይ፥ ህንተ ጾሳይ፥ ላታ ኦደ ህንተንቶ እምያ ሎኦ ቢታ ታን ገለናዳን ጫቄዳ።\x - \xo 4:21 \xo*\xt ፓይ. 20:12\xt*\x* 
\v 22 ሄዋ ድራዉ፥ ታን ዮርዳኖሳ ሻፋ ፕነናን ሀ ጋድያን ሀይቃና፤ ሽን ህንተ ፕኒደ፥ ሄ ሎኦ ቢታ ላቲታ። 
\v 23 ሄዋ ድራዉ፥ መና ጎዳይ ህንተ ጾሳይ ህንተናና ጫቀቴዳ ጫቁዋ ዶጎፕተ። ቃይ መና ጎዳይ ህንተ ጾሳይ ህንተና ኦፕተ ጌዳ አይ ማላን ማሰቴዳ ምስልያ ግዶፐነ ህንተንቶ ኤቃ ኦናዳን ናገትተ። 
\v 24 አያዉ ጎፐ፥ መና ጎዳይ ህንተ ጾሳይ ምያ ታማነ ቃናትያ ጾሳ።\x - \xo 4:24 \xo*\xt እብራ. 12:29\xt*\x*
\p
\v 25 “ህንተ ናናቱዋነ፥ ናናቱ ናናቱዋ የሊደ ሄ ጋድያን አዱሳ ዎድያ ደእያ ዎደ፥ አይ ማላን ግዶፐነ ማሰቴዳ ምስልያዉ ጎይኒደ ቱኖፐ፥ ቃይ መና ጎዳ ህንተ ጾሳ ሀንቀናዉ አ ስንን ኢታባ ኦፐ፥ 
\v 26 ህንተ ዮርዳኖሳ ሻፋ ፕኒደ ላታናዉ ብያ ጋድያፐ እቱነ አተናን፥ ኤለ ያናዉ፥ ታን ህንተ ቦላን ሀች ሳሉዋነ ሳኣ ማርካያይ። ህንተ ኡባናካ ያናፐ አትና፥ ሄ ጋድያን አዱሳ ዎድያ ደእክታ። 
\v 27 መና ጎዳይ ህንተና ሀራ አሳ ግዶን ላላና፤ ሄ ህንተና መና ጎዳይ ላልያ ካዉተቱዋ ግዶን ህንተ ፓይዱ ጉ ግዳናዋ።\x - \xo 4:27-28 \xo*\xt ዛረ. 28:36\xt*\x* 
\v 28 ሄዋን ህንተ ምፐነ ሹቻፐ አሳ ኩሽያን ጊጌዳ በኤና፥ ስሰና፥ ሜናነ ስንገና ጾሳቶ ጎይናና። 
\v 29 ሽን ሄዋን ደኢደ፥ ህንተ መና ጎዳ፥ ህንተ ጾሳ ኮያና፤ ህንተ አ ህንተ ኩመን ዎዛናፐነ ህንተ ኩመን ሸምፑዋፐ ኮዮፐ ደማና።\x - \xo 4:29 \xo*\xt ኤር. 29:13\xt*\x* 
\v 30 ሀ ኡባ መቱዋ ግዶን ህንተ ኡንኤቲደ ደኢደ፥ ዎድያ ዉርሰን መና ጎዳኮ፥ ህንተ ጾሳኮ፥ ህንተ ስማናነ አ ቃላዉካ አዛዘታና። 
\v 31 መና ጎዳይ ህንተ ጾሳይ ማሮተን ኩሜዳ ጾሳ ግድያ ድራዉ፥ እ ህንተና አገና፤ ዎይ ይሰና፤ ህንተ አዋቶ እ ጫቄዳ ጫቁዋካ ዶገና።
\p
\v 32 “ጾሳይ ጋድያን አሳ መዳ ጋላሳፐ ዶሚደ፥ ህንተፐ ካሰ አዳ ዎድያ አነ ፓይድተ፤ ሀዋ ማላ ግታባይ ሙለካ ሀን ኤርንቶ ዎይ ስሰት ኤርንቶ፥ ሳሎ ሀ ጋጻፐ ያ ጋጻ ጋካናዉ አነ ኦችተ። 
\v 33 ታማ ላጩዋ ግዶና ጾሳይ ስሲደ፥ ህንተ የናን ደኡዋን ደኤዳዋዳን፥ ጾሳይ ስሲደ፥ ደኡዋን ደኤዳ ሀራ አሳይ ደኢ? 
\v 34 ዎይ መና ጎዳይ ህንተ ጾሳይ ህንተ ጼልሽን፥ ግብጼ ጋድያን ህንተንቶ ኦዳዋዳን፥ ፓጭያን፥ ማላታን፥ ማላልስያዋን፥ ኦላን ዎልቃማ ኩሽያንነ ምጨቴዳ ቀስያን፥ ቃይ ዎልቃማ ያሻን ሀራ ካዉተ ግዶ ገሊደ፥ እት ካዉተ ባረዉ አካናዉ ባጸቴዳ ሀራ ጾስ ደኢ? 
\v 35 መና ጎዳይ ጾሳ ግድያዋ ህንተ ኤራና ማላ፥ ሄዋ እ ህንተና በሴዳ፤ አፐ አትና ሀራይ ባዋ።\x - \xo 4:35 \xo*\xt ማር. 12:32\xt*\x* 
\v 36 እ ህንተና ታማርሳናዉ ኮዬዳ ድራዉ፥ ባረ ኮሻ ሳሉዋፐ ህንተና ስሴዳ። ቃይ ሀ ሳኣን ባረ ዎልቃማ ታማ ህንተና በሴዳ፤ ሄ ታማ ግዶፐ ህንተ አ ቃላ ስሴድታ። 
\v 37 እ ሄዋ ኦዳዌ ህንተ አዎቱዋ ሲቄዳዋፐ ደንዴዳዋን፥ ኡንቱንቱፐ ጉይያን የለትያ ኡንቱንቱ ዛራቱዋ ዶሬዳ ግሻሳ። ቃይ ህንተናካ ግብጼፐ ባረ ዎልቃማ ዎልቃን ከሴዳ ግሻሳ። 
\v 38 ሀቼ ህንተ በእያዋዳን፥ ህንተና ገልሳናዉነ ኡንቱንቱ ቢታ ህንተንቶ ላታ ኦደ እማናዉ፥ ህንተፐ ዳርያነ ዎልቃምያ ካዉተቱዋ ህንተ ስንፐ የደርሴዳ።
\p
\v 39 “ስም ሄዋ ግዶፐ፥ ቦላ ሳሉዋን ግድና፥ ጋርሳ ሳኣን ግድና፥ መና ጎዳይ ጾሳ ግድያዋ ኤርተ፤ ህንተ ዎዛናንካ ዎተ፤ ሀራ ጾሳይ ባዋ። 
\v 40 ሄዋ ድራዉ፥ ህንተንቱነ ህንተፐ ጉይያን ህንተ ናናዉ ኡባባይ ሎኦ ግዳናዳን፥ ቃይ መና ጎዳይ ህንተ ጾሳይ ህንተንቶ መናዉ እምያ ጋድያን ህንተ ህንተረ አዱቃናዳን፥ ታን ሀች ህንተና አዛዝያ አዋዩዋነ ህግያ ናግተ” ያጌዳ።
\s1 ሸምፑዋ ዎዳዋንቱ ባቃቲደ አትያ ካታማቱዋ
\p
\v 41 ሄዋፐ ጉይያን፥ ሙሴ ዮርዳኖሳ ሄፍንን አዋይ ዶልያ ባጋና ሄዙ ካታማቱዋ ዱማዬዳ።\x - \xo 4:41-43 \xo*\xt ኢያሳ 20:8-9\xt*\x* 
\v 42 ሄዋ እ ዱማዬዳዌ ካሰ ሞርከተይ ባይናን ደእሽን፥ ኤረናን፥ ባረ ሾሩዋ ዎዳ አሳይ ያ ባቃታናሳ። ሄ ካታማቱዋፐ እቶ ባቃቲደ፥ ሄ ብታኒ ባረ ሸምፑዋ አሻናዉ ዳንዳዬ። 
\v 43 ሄዋ ድራዉ፥ ሮቤላ ዛርያዉ መላ ቢታን ቃሳን ደእያ ቤጸራ ካታማ፥ ጋዳ ዛርያዉ ጋላኣደን ደእያ ራሞታነ ምናሰ ዛርያዉ ባሳነን ደእያ ጎላና ካታማቱዋ ዱማዬዳ።
\s1 ህጊ እመትያዋ ኤርሱዋ
\p
\v 44 ሙሴ እስራኤልያ አሳዉ እሜዳ ጾሳ ህጊ ሀዋ። 
\v 45-46 ሀ ዎጋ፥ አዋዩዋነ ህግያ ኡንቱንቱ ግብጼፐ ከሲደ፥ ቤት-ፓኦራ ካታማ ስንን ደእያ፥ ዮርዳኖሳፐ አዋይ ዶልያ ባጋና ደእያ ዛንጋራን ደእሽን፥ ኡንቱንቶ እሜዳ። ሄ ሳአይ ሀሰቦናን ኡቲደ አሞረ ሞድያ ካትያ ስሆና ቢታ ግዶና። ሙሴነ እስራኤልያ አሳይ ግብጼፐ ከሴዳ ዎደ፥ ስሆና ኦሊደ ጾኔድኖ። 
\v 47 ሄ ዎደ ኡንቱንቱ አ ቢታነ ባሳነ ካትያ ኦጋ ቢታ፥ ሄዌካ ቃይ ዮርዳኖሳፐ አዋይ ዶልያ ባጋና ደእያ ላኡ አሞረ ካተቱ ቢታ ላቴድኖ። 
\v 48 ሄ ቢታይ አርኖና ሻፋ ዶናን ደእያ አሮኤራ ካታማፐ ቢደ፥ ስርዮነ ደርያ ጋኬ፤ ሄ ስርዮነ ጌተት ጼሰትያ ደሪ ሄርሞነ ግያ ደርያ። 
\v 49 ቃይካ ሄ ቢታይ ዮርዳኖሳፐ አዋይ ዶልያ ባጋና ደእያ አራባ ቢታ ኡባ አኪደ ቢደ፥ ፕስጋ ደርያ ጻጱዋን ደእያ ሀይቁዋ አባ ጋኬ።
\c 5
\ms ላኤን ሙሴ ሃሳያ
\mr (5:1—26:19)
\s1 ታሙ አዛዞቱዋ
\r (ከሳ 20:1-17)
\p
\v 1 ሙሴ እስራኤልያ አሳ ኡባ እትፐ ጼሲደ፥ ሀዋዳን ያጌዳ፤ “ህንተኖ እስራኤልያ አሳዉ፥ ታን ሀች ህንተንቶ ኦድያ አዋዩዋነ ህግያ ስስተ፤ ህንተ ኡንቱንታ ታማርተነ ምንሲደ ኦተ። 
\v 2 መና ጎዳይ ኑ ጾሳይ ሲና ደርያ ቦላን ኑናና ጫቁዋ ጫቀቴዳ። 
\v 3 መና ጎዳይ ሀ ጫቁዋ ጫቀቴዳዌ ኑ አዎቱዋ ጻላላና ግደና፤ ሀች ደኡዋን ደእያ ኑ ኡባናካ ጫቀቴዳ። 
\v 4 ሄ ደርያ ቦላን ኤጽያ ታማ ግዶን ግዲደ፥ መና ጎዳይ ህንተ ስንን ኤቂደ ህንተናና ሃሳዬዳ። 
\v 5 ታንካ ሄ ዎደ መና ጎዳይ ግያዋ ህንተንቶ ኦዳናዉ፥ ጾሳፐነ ህንተፐ ግዱዋን ኤቃድ፤ አያዉ ጎፐ፥ ህንተ ታማዉ ያዪደ፥ ደርያ ፑደ ከስበይክታ። ጾሳይካ ሀዋዳን ያጌዳ፤
\p
\v 6 “ግብጼ ጋድያፐ አይለተ ጎልያፐ ኔና ዎዜዳዌ ታን መና ጎዳ ነ ጾሳ።
\p
\v 7 “ታፐ አትና፥ ሀራ ጾሳቱ ነዉ ደኦፕኖ።
\p
\v 8 “ቦላ ሳሉዋን ደእያዋ ግድና፥ ዎይ ጋርሳ ሳኣን ደእያዋ ግድና፥ ዎይ ሳኣፐ ጋርሳና ደእያ ሃ ግዶን ደእያዋ ግድናካ፥ አያ ምስልያነ ነዉ ኤቃ ኦፓ።\x - \xo 5:8-9 \xo*\xt ዎጋ 26:1፤ ዛረ. 4:15-18፤ 27:15\xt*\x* 
\v 9 ኔን ኡንቱንቶ ሆኮፓ፤ ዎይ ኡንቱንቶ ጎይኖፓ፤ አያዉ ጎፐ፥ ታን ታና እጽያዋንታ አዎቱዋ ናጋራ ድራዉ፥ ናናቱዋ ሄዘንነ ኦይደን የለታ ጋካናዉ ሙርያዋ፤ ታን፥ መና ጎዳይ ነ ጾሳይ ቃናትያ ጾሳ።\x - \xo 5:9-10 \xo*\xt ከሳ 34:6-7፤ ፓይ. 14:18፤ ዛረ. 7:9-10\xt*\x* 
\v 10 ሽን ታን ታና ሲቅያዋንታነ ታ አዛዙዋ ናግያዋንታ ሻአ የለታ ጋካናዉ ታ አገና ሲቁዋ በሳይ።
\p
\v 11 “መና ጎዳ ነ ጾሳ ሱን ጮ ጼሶፓ፤ አያዉ ጎፐ፥ መና ጎዳይ ባረ ሱን ጮ ጼስያዋ ሙረናን አገና።\x - \xo 5:11 \xo*\xt ሳፃ 19:12\xt*\x*
\p
\v 12 “መና ጎዳይ ነ ጾሳይ ኔና አዛዜዳዋዳን፥ ጌሻ ኦደ ሳምባታ ጋላሳ ናጋ።\x - \xo 5:12 \xo*\xt ከሳ 16:23-30፤ 31:12-14\xt*\x* 
\v 13 ኔን ኦያ ኦሶ ኡባ ኡሱፑን ጋላሳን ኦ።\x - \xo 5:13-14 \xo*\xt ከሳ 23:12፤ 31:15፤ 34:21፤ 35:2፤ ዎጋ 23:3\xt*\x* 
\v 14 ሽን ላፑን ጋላሳይ መና ጎዳዉ፥ ነ ጾሳዉ ሳምባታ። ሄ ጋላስ አይ ኦሶነ ኦፓ፤ ኔን ዎይ ነ አቱማ ናአይ፥ ዎይ ነ ማጫ ናታ፥ ዎይ ነ ቆማይ፥ ዎይ ነ ቦራይ፥ ዎይ ነ ሀሪ፥ ዎይ ነ ሀራ መሄቱ፥ ዎይ ነ ካታማን ደእያ በቲ፥ ሄ ጋላስ አያ ኦሶነ ኦፕተ። ኔን ሸምፕያዋዳን ነ አቱማነ ማጫ ቆማቱካ ሸምፕኖ። 
\v 15 ኔን ግብጼ ጋድያን አይልያ ግዳደ ደኤዳዋ ዶጎፓ፤ ቃይ መና ጎዳይ ነ ጾሳይ ባረ ዎልቃማ ኩሽያንነ ባረ ምጨቴዳ ቀስያን ያፐ ኔና ከሴዳዋ ዶጎፓ። መና ጎዳይ ነ ጾሳይ ሳምባታ ጋላሳ ኔን ናጋናዳን፥ ኔና አዛዜዳዌካ ሄዋ ግሻሳ።
\p
\v 16 “መና ጎዳይ ነ ጾሳይ ነዉ እምያ ጋድያን ነ ኔረካ አዱቃና ማላነ ነዉ ሎአና ማላ፥ መና ጎዳይ ነ ጾሳይ ኔና አዛዜዳዋዳን፥ ነ አዉዋነ ነ ዳዮ ቦንቻ።\x - \xo 5:16 \xo*\xt ዛረ. 27:16፤ ማቶሳ 15:4፤ 19:19፤ ማር. 7:10፤ 10:19፤ ሉቃሳ 18:20፤ ኤፈ. 6:2-3\xt*\x*
\p
\v 17 “አሳ ዎፓ።\x - \xo 5:17 \xo*\xt ዶመ 9:6፤ ዎጋ 24:17፤ ማቶሳ 5:21፤ 19:18፤ ማር. 10:19፤ ሉቃሳ 18:20፤ ሮመ 13:9፤ ያቆባ 2:11\xt*\x*
\p
\v 18 “ሻርሙጾፓ።\x - \xo 5:18 \xo*\xt ዎጋ 20:10፤ ማቶሳ 5:27፤ 19:18፤ ማር. 10:19፤ ሉቃሳ 18:20፤ ሮመ 13:9፤ ያቆባ 2:11\xt*\x*
\p
\v 19 “ዉኦፓ።\x - \xo 5:19 \xo*\xt ዎጋ 19:11፤ ማቶሳ 19:18፤ ማር. 10:19፤ ሉቃሳ 18:20፤ ሮመ 13:9\xt*\x*
\p
\v 20 “ነ ሾሩዋ ቦላን ዎርዱዋ ማርካቶፓ።\x - \xo 5:20 \xo*\xt ከሳ 23:1፤ ማቶሳ 19:18፤ ማር. 10:19፤ ሉቃሳ 18:20\xt*\x*
\p
\v 21 “ነ ሾሩዋ ማቻቶ አሞቶፓ፤ አ ጎልያ፥ አ ሾይቃ፥ አ አቱማ ቆማ፥ ዎይ አ ማጫ ቆማቶ፥ ዎይ አ ቦራ፥ ዎይ አ ሀርያ፥ ዎይ አዉ ደእያዋ አያነ አሞቶፓ ያጌዳ።\x - \xo 5:21 \xo*\xt ሮመ 7:7፤ 13:9\xt*\x*
\p
\v 22 “ደርያ ቦላን ታማ ግዶፐ፥ ሻርያ ግዶፐነ ጎርዴዳ ማ ግዶፐ መና ጎዳይ ቁ ጌዳ ኮሻን ሺቁዋ ኡባዉ ኦዴዳ ቃላቱ ሀዋንታ፤ እ ኡንቱንቱ ቦላን አያነ ጉጅቤና። ቃይ ኡንቱንታ እ ላኡ ማሰቴዳ ሹቻቱ ቦላ ጻፊደ፥ ታዉ እሜዳ።\x - \xo 5:22-27 \xo*\xt እብራ. 12:18-19\xt*\x*
\s1 አሳ ያሻ
\r (ከሳ 20:18-21)
\p
\v 23 “ደሪ ታማን ጹገትሽን፥ ማ ግዶፐ ኮሻ ህንተ ስሴዳ ዎደ፥ ህንተ ዛርያ ካፓቱነ ህንተ ጭማቱ ታኮ ዪደ፥ 
\v 24 ሀዋዳን ያጌድታ፤ ‘በአ፥ ኑን መና ጎዳ ኑ ጾሳ ኮሻ ታማ ግዶፐ ስሴዳ ዎደ፥ መና ጎዳይ ኑ ጾሳይ ባረ ቦንቹዋነ ባረ አንጋ ኑና በሴዳ። ቃይ ኑን ጾሳይ አናና ሃሳዪደ አሳይ ደኡዋን ደአናዉ ዳንዳይያዋ ሀቼ በኤዶ። 
\v 25 ሽን ሀ ዎልቃማ ታማይ ኑና ይሳናዉ ዳንዳዬ፤ ያትና፥ ኑን አያዉ ሀይቄቶ? መና ጎዳ ኑ ጾሳ ቃላ ኑን ላኤን ስሶፐ፥ ኑን ሀይቄቶ። 
\v 26 አያዉ ጎፐ፥ አሹዋ ማዬዳዋን፥ ኑን ስሴዳዋዳን ታማ ግዶን ግዲደ ሃሳይሽን፥ ደኦ ጾሳ ቃላ ስሲደ፥ ፓጻ ደኤዳ አሳይ ኦኔ? 
\v 27 ሄዋ ድራዉ፥ ሙሴ! ኔን ሺቃደ፥ መና ጎዳይ ኑ ጾሳይ ግያዋ ኡባ ስሳ፤ መና ጎዳይ ኑ ጾሳይ ነዉ ኦድያዋ ኡባ ኔን ኑዉ ኦዳ፤ ኑንካ ስሲደ ኦና’ ያጌድታ።
\p
\v 28 “ህንተ ታዉ ሃሳይሽን፥ መና ጎዳይ ህንተ ግያዋ ስሲደ፥ መና ጎዳይ ታና ሀዋዳን ያጌዳ፤ ‘ሀ አሳይ ነዉ ኦዴዳዋ ኡባ ስሳድ፤ ኡንቱንቱ ጌዳዋ ኡባ ልከ ጌድኖ። 
\v 29 ኡንቱንቱዉነ ኡንቱንቱ ናናዉ መናዉ ኡባባይ ሎአ ግዳናዳን፥ ታዉ ያያናዉነ ታ አዛዞቱዋ ናጋናዉ ኡንቱንቶ ኡባቶካ ሀዋ ማላ ዎዛናይ ደእ ኤረኔሻ! 
\v 30 ሀእ ኔን ባደ፥ ኡንቱንቱ ባረንቱ ዱንካንያዉ ስማናዳን ኦዳ። 
\v 31 ሽን ኔን ሀዋን ታ ማታን ኤቃሻ፤ ኡንቱንቱ ላታናዳን ታን ኡንቱንቶ እምያ ጋድያን ኡንቱንቱ ኦና ማላ፥ ኔን ኡንቱንታ ታማርሳና ታ አዛዙዋ፥ ታ አዋዩዋነ ታ ህግያ ኡባ ታን ነዉ ኦዳና’ ያጌዳ።
\p
\v 32 “ህንተኖ እስራኤልያ አሳዉ፥ ሄዋ ግዶፐ መና ጎዳይ ህንተ ጾሳይ ህንተና አዛዜዳዋ ኡባ ኦናዉ ናገትተ፤ አፐ ኡሸቻ ዎይ ሀድርሳ ጎፕተ። 
\v 33 ህንተ ደኡዋን ደአና ማላ፥ ኡባባይ ህንተንቶ እንጀታና ማላ፥ ቃይ ህንተ ላትያ ቢታንካ ህንተ አዱቂደ ደአና ማላ፥ መና ጎዳይ ህንተ ጾሳይ ህንተና አዛዜዳ ኦገ ኡባን ሄመትተ።
\c 6
\s1 ዎልቃማ አዛዙዋ
\p
\v 1 “ህንተ ላታናዉ ብያ ጋድያን ህንተ ኦናዳን ታን ህንተና ታማርሳና ማላ፥ መና ጎዳይ ህንተ ጾሳይ ታና አዛዜዳ አዛዞቱ አዋዮቱነ ህገቱ ሀዋንታ። 
\v 2 ህንተ ላይይ አዱሳ ግዳና ማላ፥ ህንተ፥ ህንተ ናናቱነ ህንተ ናናቱ ናናይካ ታን ሀች ህንተና አዛዝያ ጾሳ አዋዩዋነ ህግያ ናግያዋን ህንተ ላይን ኡባን መና ጎዳዉ፥ ህንተ ጾሳዉ ያይተ። 
\v 3 ህንተኖ እስራኤልያ አሳዉ፥ ኡባባይ ህንተንቶ ሎአ ግዳናዳንነ መና ጎዳይ፥ ህንተ አዎቱዋ ጾሳይ፥ ህንተንቶ ጌዳዋዳን፥ ማነ ኤሳ ጎግያ ጋድያን ህንተ ሎይ ጮራታናዳን፥ ሀ ህገቱዋ ስስተነ ምንሲደ ኦተ።
\p
\v 4 “ኔኖ እስራኤልያዉ፥ ስሳ፤ መና ጎዳይ ኑ ጾሳይ እት መና ጎዳ።\x - \xo 6:4 \xo*\xt ማር. 12:29\xt*\x* 
\v 5 ኔን መና ጎዳ ነ ጾሳ ነ ኩመን ዎዛናፐ፥ ነ ኩመን ሸምፑዋፐነ ነ ኩመን ዎልቃፐ ሲቃ።\x - \xo 6:5 \xo*\xt ማቶሳ 22:37፤ ማር. 12:30፤ ሉቃሳ 10:27\xt*\x* 
\v 6 ሀቼ ታን ኔና አዛዝያ ሀ አዛዞቱዋ ነ ዎዛናን ዎ።\x - \xo 6:6-9 \xo*\xt ዛረ. 11:18-20\xt*\x* 
\v 7 ሀ አዛዛቱዋ ኔን ነ ናናቱዋ ታማርሳ፤ ኔን ነ ሶን ኡትያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ ኡንቱንታ ሃሳያ። 
\v 8 ማላታ ኦደ ነ ኩሽያን ኡንቱንታ ቃቻ፤ ቃይ ነ ሶምእያንካ ማላታዳን ዎ። 
\v 9 ነ ፐንግያ ማቃንያ ቦላንነ ነ ድርሳ ፐንግያ ቦላን ኔን ኡንቱንታ ጻፋ።
\s1 አዛዘተናዋንቶ እመቴዳ ሴራ
\p
\v 10-11 “መና ጎዳይ ህንተ ጾሳይ ህንተንቶ እማና ጊደ ህንተ አዋቶ፥ አብራሃማዉ፥ ይሳቃዉነ ያቆባዉ ጫቄዳ፥ ህንተ ኬጽቤና ግታነ ሎኦ ካታማቱ ኩሜዳ ቢታ እማና። ህንተ ኩንቤና ዱረታይ ኩሜዳ ጎለቱዋ፥ ህንተ ቦክቤና ኦላቱዋ፥ ህንተ ቶክቤና ዎይነቱዋነ ዛይትያ ዎጋራቱዋ ህንተንቶ እምያ ዎደ፥ ህንተካ ሚደ ካሌዳ ዎደ፥\x - \xo 6:10-11 \xo*\xt ዶመ 12:7፤ 26:3፤ 28:13\xt*\x* 
\v 12 ህንተና ግብጼፐ፥ አይለተ ጋድያፐ ከሴዳ መና ጎዳ ዶገናዳን ናገትተ። 
\v 13 መና ጎዳዉ፥ ህንተ ጾሳዉ፥ ያይተ፤ አ ጻላላዉ ጎይንተ፤ አ ሱንንካ ጫቂተ።\x - \xo 6:13 \xo*\xt ማቶሳ 4:10፤ ሉቃሳ 4:8\xt*\x* 
\v 14 ህንተ ዩሹዋን ደእያ አሳይ ጎይንያ ሀራ ጾሳቶ ጎይኖፕተ። 
\v 15 አያዉ ጎፐ፥ ህንተ ግዶን ደእያ መና ጎዳይ ህንተ ጾሳይ ቃናትያ ጾሳ፤ አ ሀንቁ ህንተ ቦላን ኤጽ ከሳና፤ እ ህንተና ቢታ ቦላፐካ ፕቲደ ይሳና።
\p
\v 16 “ማሳሀን ህንተ አ ፓጬዳዋዳን፥ መና ጎዳ ህንተ ጾሳ ፓጮፕተ።\x - \xo 6:16 \xo*\xt ከሳ 17:1-7፤ ማቶሳ 4:7፤ ሉቃሳ 4:12\xt*\x* 
\v 17 መና ጎዳይ ህንተ ጾሳይ ህንተና አዛዜዳ አ አዛዞቱዋ፥ አ ዎጋቱዋነ አ አዋዮቱዋ ምንሲደ ናግተ። 
\v 18 ህንተዉ ኡባባይ ሎአ ግዳና ማላ፥ መና ጎዳ ስንን ህንተ ልከባነ ሎኦባ ኦተ። ያቶፐ፥ ህንተንቶ እማናዉ መና ጎዳይ ህንተ አዋቶ ጫቄዳ፥ ሄ ሎኦ ቢታ ህንተ ላታና። 
\v 19 መና ጎዳይ ባረ ጌዳዋዳን ህንተ ሞርከቱዋ ኡባ ህንተ ስንፐ የደርሳና።
\p
\v 20 “ስንፐ ህንተ ናናይ፥ መና ጎዳይ ኑ ጾሳይ ህንተና አዛዜዳ ሀ ዎጋ፥ አዋዩዋነ ህግያ ብለይ አዬ? ያጊደ ህንተና ኦችያ ዎደ፥ 
\v 21 ህንተ ኡንቱንቶ ሀዋዳን ያጊደ ዛርተ፤ ‘ኑን ግብጼ ጋድያን ግብጼ ካትያ አይለቱዋ፤ ሽን መና ጎዳይ ባረ ምኖ ኩሽያን ኑና ግብጼፐ ከሴዳ። 
\v 22 ቃይ መና ጎዳይ ኑ ጼልሽን፥ ግብጼ ቢታ ቦላን፥ ግብጼ ካትያ ቦላንነ አ ሱንቱዋ ኡባ ቦላን ግታነ ያሽያ ማላታቱዋነ ማላልስያባቱዋ ኦዳ። 
\v 23 ሽን እ ኑ ማይዛ አዋቶ እማና ጊደ ጫቄዳ ቢታ ኑና ገልሲደ፥ ኑዉ እማናዉ ኑና ግብጼፐ ከሴዳ። 
\v 24 ያቲደ ሀች በእያዋዳን፥ ኑዉ ኡባ ዎደካ ሎአ ግዳና ማላነ ኑን ደኡዋን ደአና ማላ፥ መና ጎዳይ ኑና ሀ አዋዮቱዋ ኡባ ናጋናዳንነ መና ጎዳዉ፥ ኑ ጾሳዉ፥ ያያናዳን አዛዜዳ። 
\v 25 እ ኑና አዛዜዳዋዳን፥ መና ጎዳ፥ ኑ ጾሳ፥ ስንን ሀ አዛዞቱዋ ኡባ ምንሲደ ናጎፐ፥ ሄዌ ኑዉ ጽሎተ ግዳና’ ያግተ።
\c 7
\s1 ጾሳይ ዶሬዳ አሳ
\r (ከሳ 34:11-16)
\p
\v 1 “መና ጎዳይ ህንተ ጾሳይ ህንተ ላታናዉ ብያ ቢታ ህንተና ገልስያ ዎደነ፥ ቃይ ህንተፐ ዎልቃምያነ ምንያ ላፑን ካዉተቱዋ፥ ሄዋንቱካ ሂተቱዋ፥ ገርጌሰቱዋ፥ አሞረቱዋ፥ ካናነቱዋ፥ ፓርዘቱዋ፥ ሂዌቱዋነ ያቡሳቱዋ ህንተ ስንፐ ቆልያ ዎደ፥\x - \xo 7:1 \xo*\xt ኪታ 13:19\xt*\x* 
\v 2 ኡንቱንቱካ መና ጎዳይ ህንተ ጾሳይ ህንተ ኩሽያን አ እምና፥ ህንተ ኡንቱንታ ጾንያ ዎደ፥ ኡንቱንታ ኡባና ሱፑ ኦደ ይስተ። ኡንቱንቱና አያ ጫቁዋነ ጫቀቶፕተ። ኡንቱንቶ አይነ ቃረቶፕተ። 
\v 3 ህንተ ኡንቱንቱና አከቶፕተነ ገለቶፕተ። ህንተ ማጫ ናናቱዋ ኡንቱንቱ አቱማ ናናዉ እሞፕተ። ዎይ ኡንቱንቱ ማጫ ናናቱዋካ ህንተ አቱማ ናናዉ አኮፕተ። 
\v 4 አያዉ ጎፐ፥ ኡንቱንቱ ህንተ ናናቱዋ ታና ካልያዋፐ ሀራ ኤቃቱዋ ጎይናናዳን፥ ዎራ ዛራና። ሄ ዎደ መና ጎዳ ሀንቁ ህንተ ቦላ ኤጽ ከሳና፤ ህንተናካ ኤለካ ይስ ባሻና። 
\v 5 ሄዋ ድራዉ፥ ኡንቱንቱ ያርሽያ ሳኣ ኮልተ። ኡንቱንቱ ጎይንያ ሹቻቱዋ መንሬተ። አሼሮ ግያ ማጫ ጾሳት ምስልያ ክንቼሬተ፤ ኡንቱንቱ ማሰቴዳ ምስለቱዋካ ታማን ጹግተ።\x - \xo 7:5 \xo*\xt ዛረ. 12:3\xt*\x* 
\v 6 አያዉ ጎፐ፥ ህንተ መና ጎዳዉ፥ ህንተ ጾሳዉ፥ ጌሻ አሳ። መና ጎዳይ ህንተ ጾሳይ ህንተና ባረዉ ዱማ አልኦ ሚሻ ግድያ አሳ ኦደ፥ ቢታ ቦላን ደእያ አሳ ኡባፐ ዶሬዳ።\x - \xo 7:6 \xo*\xt ከሳ 19:5፤ ዛረ. 4:20፤ 14:2፤ 26:18፤ ቲቶ 2:14፤ 1 ጰጽ. 2:9\xt*\x*
\p
\v 7 “መና ጎዳይ ህንተና ሲቄዳዌነ ዶሬዳዌ ህንተ ሀራ አሳፐ ፓይዱዋን ዳሬዳ ግሻሳ ግደና። ህንተ ሀራ አሳ ኡባፐካ ፓይዱዋን ጉጽያዋንታ። 
\v 8 ሽን መና ጎዳይ ህንተና ሲቄዳ ግሻዉነ ህንተ ማይዛ አዋቶ ጫቄዳ ጫቁዋ ናጌዳ ድራዉ፥ እ ህንተና አይለተ ጋድያፐ፥ ግብጼ ካትያ ኩሽያፐ፥ ባረ ዎልቃማ ኩሽያን ከሴዳነ ዎዜዳ። 
\v 9 ሄዋ ድራዉ፥ መና ጎዳይ ህንተ ጾሳይ ጾሳ ግድያዋ ኤርተ። እ ባረና ሲቅያዋንቶነ ባረ አዛዙዋ ናግያዋንቶ ሻአ የለታ ጋካናዉ፥ ባረ አገና ሲቁዋ ጫቁዋ ናግያ፥ አማነትያ ጾሳ።\x - \xo 7:9-10 \xo*\xt ከሳ 20:5-6፤ 34:6-7፤ ፓይ. 14:18፤ ዛረ. 5:9-10\xt*\x* 
\v 10 ሽን እ ባረና እጽያዋንቶ ኡንቱንቱ ታልእያ ዛሬ፤ እ ኡንቱንቱ ታልእያ ዛራናዉ ጋምኤና። 
\v 11 ሄዋ ድራዉ፥ ታን ሀች ህንተንቶ እምያ አዛዞቱዋ፥ አዋዮቱዋነ ህገቱዋ ናግተ።
\s1 ጾሳዉ አዛዘትና ቤትያ አንጁዋ
\r (28:1-14)
\p
\v 12 “ህንተ ሀ አዛዞቱዋ ስሲደ፥ ኡንቱንታ ምንስ ናጎፐ፥ መና ጎዳይ ህንተ ጾሳይ ህንተ ማይዛ አዋቶ ጫቄዳዋዳን፥ ባረ አገና ሲቁዋ ጫቁዋ ህንተንቶ ናጋና።\x - \xo 7:12-16 \xo*\xt ዛረ. 11:13-17\xt*\x* 
\v 13 እ ህንተና ሲቃና፤ ህንተና አንጃና፤ ህንተ ፓይዱዋ ዳርሳና። ቃይ እ ህንተንቶ እማናዉ ህንተ ማይዛ አዋቶ ጫቄዳ ጋድያን ህንተ ኡሉዋ አይፍያ፥ ህንተ ቢታ አይፍያ፥ ካ፥ ዎይንያ፥ ዛይትያ፥ ህንተ መህያ ማራቱዋነ ህንተ ዶርሳ ማራቱዋ ጮርሲደ አንጃና። 
\v 14 ህንተ ሀራ አይ አሳፐነ አደ አንጀቴዳዋንታ ግዳና። እቱነ አቱማ ግድና፥ ማጫ ግድና ማይነና። ህንተ መሂካ ማይነና። 
\v 15 መና ጎዳይ ሀርገ ኡባፐ ህንተና ናጋና። ህንተ ኤርያ ግብጼ ቢታ ኢታ ሀርግያ ህንተ ቦላ አሄና፤ ሽን እ ህንተና እጽያ ኡባ ቦላን ሄ ሀርግያ አሀና። 
\v 16 መና ጎዳይ ህንተ ጾሳይ ህንተንቶ አ እምያ አሳ ኡባ ይስተ፤ ኡንቱንቶ አይነ ቃረቶፕተ። ኡንቱንቱ ጾሳቱዋዉካ ጎይኖፕተ። አያዉ ጎፐ፥ ሄዌ ህንተንቶ ጲረ ግዳና።
\p
\v 17 “ህንተ ህንተ ዎዛናን፥ ‘ሀ ካዉተቱ ኑፐ ምኒኖ፤ ያትና፥ ኑን ኡንቱንታ ዋቲደ የደርስ ከሳኔ?’ ጋናዉ ዳንዳዪታ። 
\v 18 ሽን ኡንቱንቶ ያዮፕተ። መና ጎዳይ፥ ህንተ ጾሳይ፥ ግብጼ ካትያ ቦላነ ግብጼ ቢታ ኡባ ቦላ ኦዳዋ ሀሳይተ። 
\v 19 መና ጎዳይ ህንተ ጾሳይ ህንተና ግብጼፐ ከስያ ዎደ ኦዳ ዎልቃማ ቦሻቱዋ፥ ማላታቱዋ፥ ማላልስያባቱዋ፥ አ ዎልቃማ ኩሽያነ አ ምጨቴዳ ቀስያ ህንተ ህንተ አይፍያን በኤድታ። ሀእ ህንተ ያይያ አሳ ኡባ ቦላንካ መና ጎዳይ፥ ህንተ ጾሳይ ሄዋዳን ኦና። 
\v 20 ቃይ ኡንቱንቱፐ አደ ባቃቲደ፥ ህንተፐ ቆሰቴዳዋንቱካ ያና ጋካናዉ፥ መና ጎዳይ ህንተ ጾሳይ ኡንቱንቱ ግዶን ሻብረ የዳና።
\p
\v 21 “ሄዋ ድራዉ፥ ህንተ ኡንቱንቶ ያዮፕተ፤ አያዉ ጎፐ፥ ህንተናና ደእያ መና ጎዳይ፥ ህንተ ጾሳይ፥ ግታነ ያሽያ ጾሳ። 
\v 22 መና ጎዳይ ህንተ ጾሳይ ሄ ካዉተቱዋ ጉ ጉ ቆሊደ፥ ህንተ ስንፐ ይሳና። ህንተ ኡንቱንታ ኡባ እት ኩን ይስክታ፤ ሄዋ ህንተ ኦፐ፥ ጋድያን ደእያ ዶአቱ ዳሪደ፥ ህንተና ዋይሳና። 
\v 23 ሽን መና ጎዳይ ህንተ ጾሳይ ኡንቱንታ ህንተ ኩሽያን አ እማና፤ ኡንቱንቱ ያና ጋካናዉ፥ እ ኡንቱንታ ሻቢራና። 
\v 24 ቃይ ኡንቱንቱ ካተቱዋካ እ ህንተ ኩሽያን አ እማና። ህንተካ ኡንቱንቱ ሱን ሳሉዋፐ ጋርሳ ባጋፐ ፕቲደ ይሳና። ኦንነ ህንተናና ኤቀት ዳንዳየና፤ ህንተ ኡንቱንታ ይሳና።
\p
\v 25 “ማሰቴዳ ኡንቱንቱ ጾሳቱዋ ምስለቱዋ ታማን ጹግተ። ሄ ምስለቱዋ ቦላን ደእያ ብራ ዎይ ዎርቃ አሞቶፕተ። ሄዌ መና ጎዳዉ፥ ህንተ ጾሳዉ፥ ቱና ግድያ ድራዉ፥ ህንተ አ ጲርያን ኦይቀተናዳን፥ አ ህንተንቶ አኮፕተ። 
\v 26 ህንተ ሄ ቱና ኤቃቱዋ ህንተ ጎለ ገልሲደ፥ ኡንቱንቱዳን ሸቀቴዳዋንታ ግዶፕተ። ህንተ ኡንቱንታ ኡባናካ እጽተነ ሻተትተ፤ አያዉ ጎፐ፥ ኡንቱንቱ ባረንቱ ሁጲያዉ ሸቀቴዳዋንታ።
\c 8
\s1 ላትያ ሎኦ ቢታ
\p
\v 1 “ህንተ ደኡዋን ደአና ማላ፥ ህንተ ፓይዱካ ዳራና ማላነ መና ጎዳይ ካሰ ህንተ ማይዛ አዋቶ እማና ጊደ ጫቄዳ ቢታ ገሊደ፥ ህንተ ላታና ማላ፥ ሀች ታን ህንተና አዛዝያ አዛዙዋ ኡባ ምንሲደ ናግተ። 
\v 2 መና ጎዳይ ነ ጾሳይ ነዉ እሜዳ አዛዙዋ ነ ናግንቶ ናገነንቶ፥ ነ ዎዛና ቆፋ ኤራናዉ፥ ኔና ፓጫናዉነ ኔና ዝቂ ኦናዉ፥ ኦይታሙ ላይ ኩመን እ ኔና ባዙዋን ካለዳ ኦገ ኡባ ሀሳያ። 
\v 3 እ ኔና ዝቂ ኦዳነ ኮሻይሴዳ፤ ሄዋፐ ስሚደ ኔና ግድና፥ ዎይ ነ ማይዛ አዎቱዋ ግድናካ፥ ኤረና ማና ኔና ምዜዳ። ሄዋ እ ኦዳዌ አሳይ መና ጎዳይ ሃሳይያ ቃላ ኡባናፐ አትና፥ ኡክ ጻላላን ደኤናዋ ኔና ታማርሳናሳ።\x - \xo 8:3 \xo*\xt ማቶሳ 4:4፤ ሉቃሳ 4:4\xt*\x* 
\v 4 ሀ ኦይታሙ ላይቱዋ ግዶን ኔን ማዬዳ ማዩ ዉርቤና፤ ነ ገዲካ ጋፍቤና። 
\v 5 ያቶፐ፥ አሳይ ባረ ናኣ ሴርያዋዳን፥ መና ጎዳይ ነ ጾሳይካ ኔና ሴርያዋ ነ ዎዛናን አኬካ።
\p
\v 6 “አ ኦግያን ሀመትያዋንነ አ ቦንችያዋን መና ጎዳ ነ ጾሳ አዛዞቱዋ ናጋ። 
\v 7 አያዉ ጎፐ፥ መና ጎዳይ ነ ጾሳይ ኔና ዛንጋራፐነ ደርያፐ ፑልትያ ቄር ሻፋቱነ ጎግያ ፑልቶቱ ደእያ ሎኦ ቢታ ገልሳናዉ አሄ። 
\v 8 ሄ ቢታይ ዛርጋይነ ባንጋይ፥ ዎይኒ፥ ባላሲነ ሮማኒ፥ ዎጋራ ዛይቲነ ኤሳይ ኩሜዳ ቢታ። 
\v 9 ቃይካ ሄ ቢታይ ኡክይ ፓጨናን ኔን ምያ ቢታ፤ አያይነ ነዉ ፓጨና ቢታ። ሄ ቢታይ ሹቻይ ብራታ ግዴዳ ቢታ። ደርያፐካ ማዳብያ ግያ ብራታ ቦኪደ አክያ ቢታ። 
\v 10 ኔን ሄዋን ማደ ካላና፤ ያታደ፥ እ ነዉ እሜዳ ሎኦ ቢታ ድራዉ፥ መና ጎዳ ነ ጾሳ ጋላታና።
\s1 ጾሳ ዶግያዋንቶ እመቴዳ ሴራ
\p
\v 11 “ታን ሀች ኔና አዛዝያ አ አዛዞቱዋ፥ አ ህገቱዋነ አ አዋዮቱዋ ናገናን አጋደ፥ መና ጎዳ ነ ጾሳ ዶገናዳን፥ ናገታ።\x - \xo 8:11-16 \xo*\xt ሆሰ 13:5-6\xt*\x* 
\v 12 ኔን ማደ ካልያ ዎደ፥ ሎኦ ጎልያ ኬጻደ አን ኡትያ ዎደ፥ 
\v 13 ነ መህያነ ዶርሳ ዉዲ ዳርያ ዎደ፥ ነዉ ብራይነ ዎርቃይ ዳጋትያ ዎደ፥ ቃይ ነዉ ደኤዳባይ ኡባይ ዳርያ ዎደ፥ 
\v 14 ሄ ዎደ ነ ዎዛናይ ኦቶረተናዳን፥ ኔንካ ግብጼ ጋድያፐ፥ አይለተ ጎልያፐ ኔና ዎዜዳ መና ጎዳ ነ ጾሳ ዶገናዳን ናገታ። 
\v 15 እ ኔና ማርዝያና ደእያ ሾሻይነ ማስማሱ ኩሜዳ፥ ሃይ ባይና፥ ሄ ግታነ ያሽያ መላ ቢታና ካለዳ፤ እ ነዉ መላ ባዙዋን ዛላፐ ሃ ሴዳ። 
\v 16 ነ ማይዛ አዎቱ ኤረና ማና መላ ቢታን ኔና ምዜዳዌ፥ ኔና ዝቂ ኡዳናሳነ ኔና ፓጫናሳ፤ እ ሄዋ ኦዳዌ ዉርሰን ነዉ ኡባባይ ሎኦ ግዳናዳና። 
\v 17 ኔን፥ ‘ታ ዎልቃይነ ታ ኩሽያ ምኖተይ ሀ ዱረተ ታዉ አሄዳ’ ጌናዳን ናገታ። 
\v 18 ሽን ኔን መና ጎዳ ነ ጾሳ ሀሳያ፤ አያዉ ጎፐ፥ ሀች ኔን በእያዋዳን፥ ነ ማይዛ አዎቱዋና ጫቀቴዳ ጫቁዋ ምንናዉ፥ ኔን ዱረታ ደማናዳን ነዉ ዎልቃ እሜዳዌ አቴ።
\p
\v 19 “ኔን መና ጎዳ ነ ጾሳ ዶጎፐ፥ ሀራ ጾሳቱዋ ካሎፐ፥ ቃይ ኡንቱንቶ ኦፐነ ጎይኖፐ፥ ኔን ቱሙ ያናዋ ታን ሀች ማርካታይ። 
\v 20 መና ጎዳዉ፥ ነ ጾሳዉ፥ ኔን አዛዘተናን እጼዳ ድራዉ፥ መና ጎዳይ ነ ስንፐ ይሴዳ ካዉተቱዋዳን ኔንካ ያና።
\c 9
\s1 አሳይ አዛዘተናን እጼዳዋ
\r (ከሳ 32:1-35)
\p
\v 1 “ህንተኖ እስራኤልያ አሳዉ ስስተ፤ ህንተ ህንተፐ ግታትያነ ዎልቃምያ ካዉተቱዋ፥ ቃይ ዩሹዋ ግምቢ ሳሉዋ ጋኬዳ ዎልቃማ ካታማቱዋካ ላታናዉ ሀች ዮርዳኖሳ ፕኒታ። 
\v 2 ሄ ጋድያን ደእያ አሳይ ምኖነ አዱሳ፤ ኡንቱንቱ፥ ‘ኦንነ ኡንቱንቱና ኤቀታናዉ ዳንዳየና አናቀ ዛራቱዋ’ ጊሽና፥ ህንተ ስሴድታ። 
\v 3 ሽን ምያ ታማዳን ህንተፐ ስንና ብያዌ መና ጎዳ ህንተ ጾሳ ግድያዋ ሀች ኤርተ። እ ኡንቱንታ ይሳናነ ህንተ ስንን ኡንቱንታ ካዉሻና። መና ጎዳይ ህንተንቶ ጌዳዋዳን ህንተ ኡንቱንታ የደርሲደ ከሳናነ ባሱዋናካ ይሳና።
\p
\v 4 “መና ጎዳይ ህንተ ጾሳይ ኡንቱንታ ህንተ ስንፐ የደርሴዳዋፐ ጉይያን፥ ህንተ ህንተ ዎዛናን፥ ‘ኑን ጽሎ ግድያ ድራዉ፥ ሀ ቢታ ኑን ላታና ማላ፥ መና ጎዳይ ኑና ገልሴዳ’ ያጎፕተ። መና ጎዳይ ኡንቱንታ ህንተ ስንፐ የደርሲደ ከስያዌ፥ ኡንቱንቱ ኢታ ግድያ ግሻሳ። 
\v 5 ህንተ ኡንቱንቱ ቢታ ላታናዉ ገልያዌ ህንተ ጽሎነ ሱረ ግድያ ድራሳ ግደና፤ ሽን ጾሳይ ህንተ ጾሳይ ኡንቱንታ ህንተ ስንፐ የደርስያዌ ሀ ካዉተቱ ኢታ ግድያ ድራሳነ በን ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ ጫቄዳ ቃላ ናጋናሳ። 
\v 6 ስም ሄዋ ግዶፐ ህንተ ሀዋ አኬክተ፤ መና ጎዳይ ህንተ ጾሳይ ሀ ሎኦ ቢታ ህንተና ላትስያዌ ህንተ ጽሎተ ግሻሳ ግደና፤ አያዉ ጎፐ፥ ህንተ ሞርግያ ዞዱ ጌዳ አሳ።
\p
\v 7 “ህንተ መና ጎዳ ህንተ ጾሳ መላ ቢታን ዎት ሀንቀድተንቶ ዶጎፕተ፤ ህንተ ግብጼ ጋድያፐ ከሴዳ ጋላሳፐ ዶሚደ፥ ሀች ሀ ሳኣ ጋኬዳ ጋላሳይ ጋካናዉ፥ መና ጎዳ ቦላ ማካሌድታ። 
\v 8 ሲና ደርያ ቦላካ መና ጎዳይ ህንተና ይሳናዉ ደንዳና ጋካናዉ፥ ህንተ መና ጎዳ ሀንቀድታ። 
\v 9 መና ጎዳይ ህንተናና ጫቀቴዳ ጫቁ ጻፈቴዳ ማሰቴዳ ሹቻቱዋ አካናዉ ታን ደርያ ሁጲያ ከሴዳ ዎደ፥ ሄዋን ካ ሜናንነ ሃ ኡሸናን፥ ኦይታሙ ጋላሳነ ኦይታሙ ቃማ ጋምኣድ።\x - \xo 9:9 \xo*\xt ከሳ 24:18\xt*\x* 
\v 10 ሄዋፐ ጉይያን፥ ጾሳ ብራያን ጻፈቴዳ ላኡ ማሰቴዳ ሹቻቱዋ መና ጎዳይ ታዉ እሜዳ። ሄ ማሰቴዳ ሹቻቱ ቦላ ህንተ ሺቁዋ ኦዳ ጋላስ ደርያ ቦላን ታማ ግዶን ግዲደ፥ መና ጎዳይ ህንተንቶ ሃሳዬዳ ቃላቱ ኡባይ ጻፈት ኡቴድኖ። 
\v 11 ሄ ኦይታሙ ጋላሳፐነ ኦይታሙ ቃማፐ ጉይያን፥ መና ጎዳይ ባረ ጫቁ ጻፈቴዳ ላኡ ማሰቴዳ ሹቻቱዋ ታዉ እሜዳ።
\p
\v 12 “ሄዋፐ ጉይያን፥ መና ጎዳይ ታና ሀዋዳን ያጌዳ፤ ‘ሀዋፐ ኤለካ ዎ፤ አያዉ ጎፐ፥ ኔን ግብጼፐ ከሴዳ ነ አሳይ ቱን ክቼዳ፤ ታን ኡንቱንታ አዛዜዳ አዛዙዋፐ ኤለካ ዎራ ስሚደ፥ ሲልሲደ መዳ ኤቃ ባረንቶ ጎይናናዉ ጊግሴድኖ’ ያጌዳ።
\p
\v 13 “መና ጎዳይ ቃይካ ታና፥ ‘ታን ሀ አሳ በኣድ፤ ኡንቱንቱ ቱሙካ ሞርግያ ዞዛ አሳ። 
\v 14 ያቶፐ፥ ታን ኡንቱንታ ይሳናዋነ ኡንቱንቱ ሱንካ ሳሉዋፐ ጋርሳ ባጋፐ ቁጫናዋ ታና ድጎፓ። ያታደ ኔና ኡንቱንቱፐ ምንያነ ጮራትያ ካዉተ ከሳና’ ያጌዳ።
\p
\v 15 “ታን ጫቁዋ ቃላይ ጻፈቴዳ ላኡ ማሰቴዳ ሹቻቱዋ ላኡ ኩሽያን ቶካደ ደርያፐ ዎአድ፤ ሄ ዎደ ደርያ ቦላ ታማ ላጩ ቤቴ። 
\v 16 ታ ጼልያ ዎደ፥ ህንተ መና ጎዳ ህንተ ጾሳ ቦላ ናጋራ ኦዳዋ በኣድ፤ ህንተ ሲልሲደ መዳ ኮሩማ ምስልያ ህንተንቶ ኤቃ ኦደ ጊግሴድታ። ህንተ መና ጎዳይ ህንተና አዛዜዳ ኦግያፐ ኤለካ ዎራ ስሜድታ። 
\v 17 ያትና፥ ታን ታ ላኡ ኩሽያን ኦይቄዳ ላኡ ማሰቴዳ ሹቻቱዋ ኦላደ፥ ህንተ ጼልሽን መንድ።
\p
\v 18 “ሄዋፐ ጉይያን፥ ታን ህንተ ኦዳ ናጋራ ኡባ ድራዉ፥ ሄዌነ መና ጎዳ ሀንቀናዉ ህንተ አ ስንን ኢታባ ኦዳ ድራዉ፥ ካሰዋዳንካ ኦይታሙ ጋላሳነ ኦይታሙ ቃማ መና ጎዳ ስንን ጉፋናደ ጋምኣድ፤ ሄ ዎደ ታን ቁማ ማበይከ፤ ሃካ ኡሻበይከ። 
\v 19 መና ጎዳይ ህንተ ቦላን ሀንቀቴዳ አ ኤጽያ ሀንቆ ታን ያያድ፤ አያዉ ጎፐ፥ እ ህንተና ይሳናዉ ጊጌዳ፤ ሽን መና ጎዳይ ዛረደካ ታዉ ስሴዳ።\x - \xo 9:19 \xo*\xt እብራ. 12:21\xt*\x* 
\v 20 ቃይ መና ጎዳይ አሮናካ ይሳናዉ ሎይ ሀንቀቴዳ፤ ያትና፥ ሄ ዎደ ታን አሮናዉካ ዎሳድ። 
\v 21 ታን ህንተ መዳ ሄ ናጋራን ኩሜዳ ኮሩማ ምስልያ አካደ፥ ታማን ጹጋድ፤ ያታደ አ ክንቼሬደ እ ባናዳን ሊቃና ጋካናዉ ጋጫድ፤ ሄ ባና ደርያፐ ጎግያ ሃን ኦላድ።
\p
\v 22 “ህንተ ቃይካ ታብኤራን፥ ማሳሃንነ ቅብሮተ-ሀታዋን (አሙዋ ዱፉዋን) መና ጎዳ ሀንቀድታ።\x - \xo 9:22 \xo*\xt ፓይ. 11:3፣ 34፤ ከሳ 17:7\xt*\x* 
\v 23 መና ጎዳይ ህንተና፥ ‘ቢተ፥ ታን ህንተንቶ እሜዳ ቢታ ላትተ’ ያጊደ፥ ቃዴሳ-ባርነፐ የዴዳ ዎደካ፥ ህንተ መና ጎዳ ህንተ ጾሳ አዛዙዋ እጺደ ማካሌድታ፤ አን አማነትበይክታ ዎይ አ ቃላዉካ አዛዘትበይክታ።\x - \xo 9:23 \xo*\xt ፓይ. 13:25—14:38፤ ዛረ. 1:21፣ 26፤ እብራ. 3:16\xt*\x* 
\v 24 ታን ህንተና ኤሮደፐካ ዶሚደ፥ ህንተ መና ጎዳ ቦላን ማካላንቻ።
\p
\v 25 “መና ጎዳይ ህንተና ይሳና ጌዳ ድራዉ፥ ታን ሄ ኦይታሙ ጋላሳነ ኦይታሙ ቃማ መና ጎዳ ስንን ጉፋናደ ጋምኣድ። 
\v 26 ታን መና ጎዳ ሀዋዳን ያጋደ ዎሳድ፤ ‘አቤት ኡባ ሞድያ መና ጎዳዉ፥ ኔን ነ ዎልቃማ ዎልቃን ዎዜዳነ ነ ምኖ ኩሽያን ግብጼፐ ከሴዳ፥ ነዉ ላታ ግድያ ነ አሳ ይሶፓርኪ! 
\v 27 ነ ቆማቱዋ፥ አብራሃማ ይሳቃነ ያቆባ ቆፓ፤ ሀ አሳ ሞርግያ ዞዱ ኦያዋ፥ ኡንቱንቱ ኢታተነ ኡንቱንቱ ናጋራ ፓይዶፓ። 
\v 28 ሄዌ ዮፐ፥ ኔን ኑና ያፐ ከሴዳ ግብጼ ቢታ አሳይ፥ “መና ጎዳይ ኡንቱንታ ገልሳና ጌዳ ቢታ ገልሳናዉ ዳንዳይቤና ድራዉነ ኡንቱንታ እጼዳ ድራዉ፥ መላ ቢታን ዎና ጊደ ከሴዳ” ያጋና። 
\v 29 ግዶ ሽን፥ ሀ አሳይ ኔን ነ ዎልቃማ ዎልቃንነ ነ ምጨቴዳ ቀስያን ግብጼፐ ከሴዳ ነ ላታ ግድያ ነ አሳቴ’ ያጋድ።
\c 10
\s1 ሙሴ ታሙ አዛዞቱዋ ላኤንዋ አኬዳ
\r (ከሳ 34:1-10)
\p
\v 1 “ሄ ዎደ መና ጎዳይ ታና ሀዋዳን ያጌዳ፤ ‘ኮይሮዋንቱ ማላ ላኡ ማሰቴዳ ሹቻቱዋ ጊግሳ። ያታደ ታኮ ደርያ ሃ ፑደ ከሳ፤ ቃይ ም ታቦታካ መ። 
\v 2 ካሰ ኔን መንዳ ማሰቴዳ ሹቻቱ ቦላ ደእያ ቃላቱዋ ሀ ማሰቴዳ ሹቻቱ ቦላ ታን ጻፋና፤ ኔንካ ኡንቱንታ ታቦታ ግዶን ዎሳ’ ያጌዳ።
\p
\v 3 “ታን ኦዶሩዋፐ ታቦታ መድ። ካሰዋንቱ ማላ ላኡ ማሰቴዳ ሹቻቱዋካ ጊግሳድ፤ ያታደ ሄ ላኡ ማሰቴዳ ሹቻቱዋ ታ ኩሽያን ኦይቃደ፥ ደርያ ፑደ ከሳድ። 
\v 4 ህንተ ሺቁዋ ኦዳ ጋላስ፥ ደርያ ቦላን ታማ ግዶፐ መና ጎዳይ ህንተንቶ ኦዴዳ ቃላቱዋ፥ ሄዋንቱካ ታሙ አዛዞቱዋ፥ ካሰ ጻፌዳዋዳንካ ሀ ማሰቴዳ ሹቻቱ ቦላ መና ጎዳይ ጻፌዳ፤ ያቲደ እ ኡንቱንታ ታዉ እሜዳ። 
\v 5 ሄዋፐ ጉይያን፥ ታን ደርያፐ ዱገ ዎደ፥ መና ጎዳይ ታና አዛዜዳዋዳን፥ ሄ ማሰቴዳ ሹቻቱዋ ታን መዳ ታቦታ ግዶን ዎድ፤ ሀእካ ኡንቱንቱ ያን ደኢኖ።
\p
\v 6 “እስራኤልያ አሳይ ያእቃና አሳቱ ሃ ኦላይ ደኢያሳፐ ደንዲደ፥ ሞሰር ቤድኖ። አሮን ያን ሀይቂደ ሞገቴዳ፤ አ ናአይ ኤልኣዛር አ ላቲደ፥ አ ሳኣን ቄስያ ከሴዳ።\x - \xo 10:6 \xo*\xt ፓይ. 20:28፤ 33:38\xt*\x* 
\v 7 ኡንቱንቱ ሄዋፐ ጉድጎዳ ግያሳ ቤድኖ፤ ያፐ ቃይ ጎግያ ሃቱ ደእያ ቢታ ዮጽባታ ግያሳ ቤድኖ። 
\v 8 ሄ ዎደ፥ መና ጎዳ ጫቁዋ ታቦታ ቶካና ማላ፥ መና ጎዳዉ ኦና ማላ፥ አ ስንን ኤቃና ማላነ፥ ሀች ጋካናዉካ ኡንቱንቱ ኦያዋዳን መና ጎዳ ሱንን አንጃና ማላ፥ ሌዊያ ዛራቱዋ መና ጎዳይ ባረዉ ዱማዬዳ።\x - \xo 10:8 \xo*\xt ፓይ. 3:5-8\xt*\x* 
\v 9 ሄዋ ድራዉ፥ ኡንቱንቱ እሻቱዋና ሻክና፥ ኡንቱንታ ጋክያባይ ዎይ ላታይ ሌዊያ ዛረቶ ባዋ፤ መና ጎዳይ ህንተ ጾሳይ ኡንቱንቶ ኦዴዳዋዳንካ፥ ኡንቱንቱ ላታይ መና ጎዳ።
\p
\v 10 “ታን ካሰዋዳንካ ኦይታሙ ጋላሳነ ኦይታሙ ቃማ ደርያ ቦላን ጋምኣድ፤ መና ጎዳይ ሀእካ ታ ዎሳ ስሲደ፥ ህንተና ይሳናዉ ኮይቤና።\x - \xo 10:10 \xo*\xt ከሳ 34:28\xt*\x* 
\v 11 መና ጎዳይ ታና፥ ‘ታን እማና ጋደ ኡንቱንቱ አዋቶ ጫቃ ዎዳ ቢታ ኡንቱንቱ ገላናዳንነ ላታናዳን፥ ሀ አሳፐ ስንና ኡንቱንታ ካለ’ ያጌዳ።
\s1 ጾሳይ ኮይያዌ አዛዘትያዋ
\p
\v 12 “እስራኤልያ አሳዉ፥ መና ጎዳ ህንተ ጾሳይ ህንተፐ ኮይያዌ ሀዋ: መና ጎዳዉ፥ ህንተ ጾሳዉ፥ ያይተ፤ አ ኦግያን ኡባን ሀመትተ፤ አ ሲቅተ፤ ህንተ ኩመን ዎዛናፐነ ኩመን ሸምፑዋፐ መና ጎዳዉ፥ ህንተ ጾሳዉ ኦተ። 
\v 13 ህንተዉ ሎአናዳን፥ ታን ሀች ህንተንቶ እምያ መና ጎዳ አዛዞቱዋነ አዋዮቱዋ ናግተ።
\p
\v 14 “ሳሉነ ሳሉዋፐ ቦላና ደእያ ሳሎቱ፥ ቃይ ሳአይነ ሳኣን ደእያ ኡባባቱ ጾሳ ህንተ መና ጎዳባቱዋ። 
\v 15 ግዶፐነ መና ጎዳይ ህንተ ማይዛ አዎቱዋን ናሸቲደ፥ ኡንቱንታ ሲቄዳ፤ ቃይ ሀች ህንተ በእያዋዳን፥ ኡንቱንቱፐ ጉይያን ኡንቱንቱ ዘረቱዋ ግድያ ህንተና ካዉተቱዋ ኡባፐ ዶሬዳ። 
\v 16 ሄዋ ድራዉ፥ ህንተ ዎዛና ሾኩዋ ቃጻርተ፤ ቃይ ሀዋፐ ስንናዉ ሞርግያ ዞዛ ግዶፕተ። 
\v 17 አያዉ ጎፐ፥ መና ጎዳይ ህንተ ጾሳይ ጾሳቱዋ ጾሳነ ጎዳቱዋ ጎዳ። እ ዎልቃማ ጾሳ፤ እ ዎልቃማነ ያሽያ ጾሳ። እ ዴሙዋ ጼል ፕርደናዋነ ማጋንጻ አከናዋ።\x - \xo 10:17 \xo*\xt 1 ጽሞ. 6:15፤ ሳፃ 17:14፤ 19:16፤ ኪታ 10:34፤ ሮመ 2:11፤ ጋላ. 2:6፤ ኤፈ. 6:9\xt*\x* 
\v 18 እ አዉ ባይና ናናቶነ አምኤቶ ኡንቱንቱ ፕርዳ ከሴ፤ በትያካ ሲቂደ፥ ቁማነ ማዩዋ አዉ እሜ። 
\v 19 ህንተካ በተቱዋ ሲቅተ፤ አያዉ ጎፐ፥ ህንተ ህንተ ሁጲያዉካ በተ ግዲደ ግብጼን ደኤድታ። 
\v 20 መና ጎዳዉ፥ ህንተ ጾሳዉ፥ ያይተ፤ አዉ ኦተ፤ አናና ኦይቀትተ፤ አ ሱንንካ ጫቂተ። 
\v 21 ህንተ ህንተ አይፍያን በኤዳ ሄ ግታነ ያሽያ ማላልስያባቱዋ፥ ህንተንቶ ኦዳዌ እ ህንተ ጋላታቴ፤ ቃይ ህንተ ጾሳ። 
\v 22 ግብጼ ቢታ ዎዳ ህንተ ማይዛ አዎቱ ኡባና ላፑን ታማ፤ ሀእ መና ጎዳይ ህንተ ጾሳይ ህንተና ሳሉዋ ጾልንተቱዋዳን ጮራዬዳ።\x - \xo 10:22 \xo*\xt ዶመ 15:5፤ 22:17፤ 46:27\xt*\x*
\c 11
\s1 አዛዘቱሳን ቤትያ አንጁዋ
\p
\v 1 “ስም መና ጎዳ ህንተ ጾሳ ሲቅተ፤ እ ህንተፐ ኮይያ አ አዋዮቱዋ፥ አ ህገቱዋነ አ አዛዞቱዋ፥ ኡባ ዎደ ናግተ። 
\v 2 መና ጎዳ ሴራ ህንተ ኤሬዳዋ ኬና አባ ህንተ ታማሬዳዋ ኡባ ሀች ሀሳይተ፤ ሄዋ ኤርያዋንቱ ህንተናፐ አትና፥ ህንተ ናናቱዋ ግድክኖ፤ መና ጎዳ አንጋ፥ አ ዎልቃማ ኩሽያነ አ ምጨቴዳ ቀስያ፥ 
\v 3 እ ኦዳ ማላታቱዋነ እ ግብጼ ካትያ ቦላነ አ ቢታ ኡባ ቦላ ኦዳዋ በኤድታ።\x - \xo 11:3 \xo*\xt ከሳ 7:8-13\xt*\x* 
\v 4 ቃይ ኡንቱንቱ ህንተና ካሊደ የደርሴዳ ዎደ፥ መና ጎዳይ ግብጼ ቢታ ኦላንቻቱዋ፥ ኡንቱንቱ ፓራቱዋነ ፓራ ጋረቱዋ ዞኦ አባን ምትሲደ፥ ሀች ጋካናዉ፥ ኡንቱንታ ኡባና ይሴዳዋ በኤድታ።\x - \xo 11:4 \xo*\xt ከሳ 14:28\xt*\x* 
\v 5 ህንተ ሀ ሳኣ ጋካናዉ፥ መላ ቢታን ጾሳይ ህንተንቶ ኦዳዋ ህንተ ኤሪታ። 
\v 6 ቃይ ሮቤላ ዛርያፐ ኤልኣባ ናናቱዋ ግድያ ዳታና ቦላነ አቢራማ ቦላ ጾሳይ ኦዳዋ ሀሳይተ። እስራኤልያ አሳይ ኡባይ ጼልሽን፥ ቢታይ ዶየቲደ፥ ኡንቱንታ፥ ኡንቱንቱ ሶ አሳ፥ ኡንቱንቱ ዱንካንያነ ኡንቱንቶ ደእያ ሸምፑዋና ደእያዋ ኡባ ምቴዳ።\x - \xo 11:6 \xo*\xt ፓይ. 16:31-32\xt*\x* 
\v 7 ኤ! መና ጎዳይ ኦዳ ሀ ዎልቃማ ኦሶ ኡባ ህንተ አይፍያን በኤዳዋንቱ ህንተና።
\s1 እማና ጌዳ ቢታ አንጁዋ
\p
\v 8 “ሄዋ ድራዉ፥ ህንተ ምኖ ግዳናዳንነ ዮርዳኖሳ ፕኒደ ህንተ አካናዉ ብያ ቢታ ህንተ ላታናዳን፥ ታን ሀች ህንተና አዛዝያ አዛዙዋ ኡባ ናግተ። 
\v 9 ያቶፐ፥ መና ጎዳይ ህንተ ማይዛ አዋቶነ ኡንቱንቱ ዛረቶ እማና ጊደ ጫቄዳ፥ ማይነ ኤሳይ ጎግያ ጋድያን ህንተ አዱሳ ላይ ደአና። 
\v 10 ህንተ ላታናዉ ገልያ ቢታይ ህንተ ከሲደ ዬዳ ግብጼ ቢታ ማላ ግደና፤ ግብጼን ህንተ ካ ዘሪደ፥ ሾይቃ ኡባ አታክልትያ ሳኣዳን ገድያን ሃ ኡሺታ። 
\v 11 ሽን ዮርዳኖሳ ፕኒደ ህንተ ላታናዉ ብያ፥ ቢታይ ዞዘቱነ ዛንጋራቱ ደእያ፥ ሳሉዋ እራን አልያ ቢታ። 
\v 12 ሄ ቢታይ መና ጎዳይ ህንተ ጾሳይ ጾሞስያ ቢታ፤ ላይ ዶመፐ ቢደ ላይ ዉርሰ ጋካናዉ፥ መና ጎዳ ህንተ ጾሳ አይፊ አ ቦላን ደእያ ቢታ።
\p
\v 13 “ሄዋ ድራዉ፥ ህንተ መና ጎዳ ህንተ ጾሳ ሲቃናዳንነ ህንተ ህንተ ኩመን ዎዛናፐነ ህንተ ኩመን ሸምፑዋፐ አዉ ኦናዳን፥ ታን ህንተንቶ ሀች እምያ አዛዞቱዋ ህንተ ፖሎፐ፥\x - \xo 11:13-17 \xo*\xt ዎጋ 26:3-5፤ ዛረ. 7:12-16፤ 28:1-14\xt*\x* 
\v 14 ህንተ ካ፥ ዎይንያነ ዛይትያ ፓጨናን ሺሻና ማላ፥ ኦፍን እራነ ባልጉዋ እራ፥ አ ዎድያን ዎድያን ጾሳይ ህንተ ጋድያን ቡክሳና። 
\v 15 ጾሳይ ህንተ መህያዉ ደምባን ማታ ዳርሳና። ቃይ ህንተካ ማናነ ካላና።
\p
\v 16 “ህንተ ዎዛናይ ባልና ዎራ ስሚደ፥ ህንተ ሀራ ጾሳቶ ኦናዳንነ ኡንቱንቶ ጎይነናዳን ናገትተ። 
\v 17 ሄዌ ዮፐ፥ መና ጎዳ ሀንቁ ህንተ ቦላ ኤጽ ከሳና፤ እራይ ቡከናዳንነ ቢታይካ ሞከናዳን እ ሳሉዋ ጎርዳና፤ ህንተካ መና ጎዳይ ህንተንቶ እምያ ሎኦ ጋድያፐ ኤለካ ያና።
\p
\v 18 “ስም፥ ሀ አዛዞቱዋ ታዋንታ፥ ህንተ ዎዛናንነ ህንተ ቆፋን ዎተ። ማላታዳን ኡንቱንታ ህንተ ኩሽያን ቃችተ፤ ቃይ ማላታዳን ህንተ ሶምእያንካ ዎተ። 
\v 19 ሄዋንታ ህንተ ናናቱዋካ ታማርስተ። ህንተ ሶን ደእያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ፥ ኡንቱንቶ ኦድተ። 
\v 20 ህንተ ፐንግያ ቆስለቱዋ ቦላንነ ህንተ ድርሳ ፐንግያ ቦላን ህንተ ኡንቱንታ ጻፍተ።\x - \xo 11:20 \xo*\xt ዛረ. 6:6-9\xt*\x* 
\v 21 ያቶፐ፥ መና ጎዳይ ህንተ ማይዛ አዋቶ እማና ጊደ ጫቄዳ ጋድያን ህንተ ላይይነ ህንተ ናናቱ ላይይ ሳኣፐ ቦላና ደእያ ሳሉ ደእያዋ ኬሻ ግዳናዋ።
\p
\v 22 “ህንተ መና ጎዳ ህንተ ጾሳ ሲቃናዳን፥ አ ኦገ ኡባን ሀመታናዳንነ አዉ አማነታናዳን፥ ታን ሀች ህንተንቶ እምያ አዛዞቱዋ ህንተ ምንሲደ ናጎፐ፥ 
\v 23 መና ጎዳይ ሀ ካዉተቱዋ ኡባ ህንተ ስንፐ የደርሲደ ከሳና፤ ህንተካ ህንተፐ ግታትያነ ዎልቃምያ ካዉተቱዋ ቢታ ዎ አካና። 
\v 24 ህንተ ገድያን ህንተ የዳ ቢታ ኡባይ ህንተሳ ግዳናዋ። ህንተ ዛዋይ መላ ቢታፐ ቢደ ሊባኖሳ ጋካናዉነ ኤፍራጺሳ ሻፋፐ ቢደ አዋይ ዉልያ ባጋ ሜድተራነ አባ ጋካናሳ ግዳናዋ።\x - \xo 11:24-25 \xo*\xt ኢያሳ 1:3-5\xt*\x* 
\v 25 ህንተናና አይ አሳይነ ኤቀታናዉ ዳንዳየና፤ መና ጎዳይ ህንተ ጾሳይ ህንተንቶ ጌዳዋዳን፥ ህንተ ብያሳን ኡባን አሳይ ህንተና በኢደ ዳጋማናዳንነ ህንተዉ ያያናዳን ኦና።
\p
\v 26 “በእተ፥ ሀች ታን ህንተ ስንን አንጁዋነ ሸቃ ዎይ። 
\v 27 ታን ሀች ህንተና አዛዝያ መና ጎዳ ህንተ ጾሳ አዛዞቱዋ ናጎፐ፥ ህንተ አንጀታና። 
\v 28 ሽን ታን ህንተና ሀች አዛዝያ መና ጎዳ ህንተ ጾሳ አዛዞቱዋ ናገናን እጺደ፥ ህንተ ኤርቤና ሀራ ጾሳቶ ጎይናናዉ አ ኦግያፐ ዎራ ስሞፐ፥ ህንተ ሸቀታና። 
\v 29 መና ጎዳይ ህንተ ጾሳይ ህንተ ላታናዉ ብያ ቢታ ህንተና ገልስያ ዎደ፥ ጋሪዛማ ደርያን አንጁዋ ኤባላ ደርያ ቦላን ሸቃ አዋያና።\x - \xo 11:29 \xo*\xt ዛረ. 27:11-14፤ ኢያሳ 8:33-35\xt*\x* 
\v 30 ሀ ላኡ ደረቱ ዮርዳኖሳ ሻፋፐ ሄፍንና ኦግያፐ አዋይ ዉልያ ባጋን፥ አራባን ደእያ ካናነቱዋ ጋድያን ደኢኖ፤ ኡንቱንቱ ቃይ ገልጋላ ካታማ ስንን ደእያ ሞረ ምዉካ ማታን ደኢኖ። 
\v 31 ህንተ ሀእ መና ጎዳይ ህንተ ጾሳይ ህንተንቶ እምያ ቢታ ላታናዉ ዮርዳኖሳ ሻፋ ፕናና ሀኒታ። ህንተ ሄ ቢታ አኪደ ያን ደእያ ዎደ፥ 
\v 32 ታን ሀች ህንተንቶ እምያ አዋዮቱዋነ ህገቱዋ ኡባ ምንሲደ ናግተ።
\c 12
\s1 አሳይ ጎሸትያ መጽ እት ሳኣ
\p
\v 1 “ህንተ ላታናዳን፥ መና ጎዳይ ህንተ አዎቱዋ ጾሳይ ህንተንቶ እሜዳ ጋድያን ህንተ ደኤዳ ኬሻን ኡባን ህንተ ባለናን ኦና አዋዮቱነ ህገቱ፥ ሀዋንታ። 
\v 2 ህንተ ላትያ ካዉተቱ ደርያ ቦላን፥ ዞዚያ ቦላንነ ምቱዋ ጻጱዋን ባረንቱ ጾሳቶ ጎይንያ ሳኣ ኡባ ኡባና ይስተ። 
\v 3 ኡንቱንቱ ያርሽያ ሳኣ ኮልተ፤ ኡንቱንቱ ጎይንያ ሹቻቱዋካ መንሬተ፤ አሼሮ ግያ ኡንቱንቱ ጾሳት ምስልያ ታማን ጹግተ፤ ማሰቴዳ ኡንቱንቱ ጾሳቱዋ ምስለቱዋ ይስተ፤ ኡንቱንቱ ሱንቱዋካ ሄ ሳአቱዋፐ ቁጭ ድግተ።\x - \xo 12:3 \xo*\xt ዛረ. 7:5\xt*\x*
\p
\v 4 “መና ጎዳ ህንተ ጾሳዉ ኡንቱንቱ ባረንቱ ጾሳዉ ጎይንያዋዳን ጎይኖፕተ። 
\v 5 መና ጎዳይ ህንተ ጾሳይ ዛረ ኡባይ ደኢያሳፐ ባረ ሱንይ ሄዋን ጼሰታናዳን ዶሬዳ ሳኣ ኮይተ። ሄ ሳኣ ህንተ ባናዉ ኮሼ። 
\v 6 ህንተ ህንተ ጹግያ ያርሹዋ፥ ሀራ ያርሹዋ፥ ህንተ አስራታ፥ ህንተ እሙዋ፥ ህንተ ሺቁዋ፥ ህንተ ዶሲደ እምያ እሙዋ፥ ህንተ መህያነ ዶርሳፐ ባይራ ሄ ሳኣ አህተ። 
\v 7 ሄዋን መና ጎዳይ ህንተ ጾሳይ ደእያ ሳን ህንተነ ህንተ ሶ አሳይ ማና፤ ቃይ ህንተ ኩሺ ኦዳባን ኡባንነ መና ጎዳይ ህንተ ጾሳይ ህንተና አንጄዳባን ህንተ ናሸታና።
\p
\v 8 “ሀእ ሀዋን ህንተ ኦያዋዳን፥ ሄ ዎደ ህንተ አይፍያን ሎአ ማላትያባ ኦክታ። 
\v 9 አያዉ ጎፐ፥ መና ጎዳይ ህንተ ጾሳይ ህንተንቶ እምያ ሸምፖ ቢታ ብሮን ጋክበይክታ። 
\v 10 ሽን ህንተ ዮርዳኖሳ ፕኒደ፥ መና ጎዳይ ህንተ ጾሳይ እምያ ሄ ቢታ ላቲደ፥ ህንተ ያን ኡታና። ህንተና ዶዴዳ ሞርከቱዋፐ ህንተና እ ሸምፕስያ ድራዉ፥ ህንተ ዎፑ ጊደ ሄዋን ደአና። 
\v 11 ሄ ዎደ መና ጎዳይ ህንተ ጾሳይ ባረ ሱንይ ሄዋን ጼገታናዉ ዶሬዳ ሄ ሳኣ፥ ታን ህንተና አዛዝያዋ ኡባ፥ ጹግያ ያርሹዋ፥ ሀራ ያርሹዋ፥ ህንተ አስራታ፥ ህንተ እሙዋነ ህንተ መና ጎዳዉ ሺቄዳዋ ኡባ ሄዎ አሂታ። 
\v 12 ህንተ፥ ህንተ አቱማነ ማጫ ናናይ፥ አቱማነ ማጫ ቆማቱነ ህንተናና ላታ አክቤና ህንተ ካታማን ደእያ ሌዋቱዋናካ እትፐ ሄዋን መና ጎዳ ህንተ ጾሳ ስንን ናሸትተ። 
\v 13 ህንተ ጹግያ ያርሹዋ ህንተ ኮዬዳ ሀቃንነ ጮ ያርሸናዳን ናገትተ። 
\v 14 ህንተ ህንተ ዛራቱ ደኢያሳ ኡባፐ እቱዋን፥ መና ጎዳይ ዶሬዳ ሳኣን ህንተ ጹግያ ያርሾ ያርሽተ፤ ታን ህንተና አዛዝያዋ ኡባካ ሄዋን ኦተ።
\p
\v 15 “ሽን ህንተ ደእያ ሳን ሀቃንነ ህንተ መህያፐ መና ጎዳይ ህንተና አንጄዳዋዳን ሹኪደ ሚተ፤ ዎጋን ጌሻ አሳ ግድና ዎይ ጌየና አሳ ግድናካ ኡባይካ ጋራ አሹዋነ ገንእያ አሹዋ ምያዋዳን ህንተ መህያፐ ሹኪደ ሚተ። 
\v 16 ሽን ሱ ሃዳን ሳኣን ጉስተፐ አትና ሞፕተ።\x - \xo 12:16 \xo*\xt ዶመ 9:4፤ ዎጋ 7:26-27፤ 17:10-14፤ 19:26፤ ዛረ. 15:23\xt*\x*
\p
\v 17 “ህንተ ህንተ ካፐ፥ ዎይንያፐነ ዛይትያፐ እምያ አስራታ፥ ህንተ መህያፐነ ዶርሳ ዉድያፐ ባይራ፥ ጾሳዉ እማናዉ ሺቄዳዋ ኡባነ ህንተ ህንተ ዶሱዋን ጮ እምያ እሙዋ ኡባ ህንተ ደእያ ሄራን ሙለካ ሞፕተ። 
\v 18 ሽን ህንተ፥ ህንተ አቱማነ ማጫ ናናይ፥ ህንተ አቱማነ ማጫ ቆማቱነ ህንተ ካታማቱዋን ደእያ ሌዋቱዋናካ እትፐ፥ መና ጎዳይ ህንተ ጾሳይ ዶሬዳ ሳኣን መና ጎዳ ህንተ ጾሳ ስንን ሀ ያርሹዋ ኡባቱዋ ሚተ፤ ሄዋን ህንተ ዳቡራን ሺሼዳዋን መና ጎዳ ህንተ ጾሳ ስንን ናሸትተ። 
\v 19 ህንተ ህንተ ጋድያን ደእያ ላይ ኡባን ሌዋቱዋ ሸነኮ ጌናዳን ናገትተ።
\p
\v 20 “እ ህንተንቶ ገሌዳ ቃላዳን መና ጎዳይ ህንተ ጾሳይ ህንተ ዛዋ አስያ ዎደ፥ ህንተና አሹዋ ማናዉ ኮሽያ ዎደ፥ ህንተ ኮዬዳ ኬና ሚተ። 
\v 21 ሽን መና ጎዳይ ህንተ ጾሳይ ባረ ሱንይ ሄዋን ጼሰታናዳን ዶሬዳ ሄ እት ሳአይ ህንተንቶ ሃኮፐ፥ መና ጎዳይ ህንተንቶ እሜዳ ህንተ መህያ ዎይ ዶርሳ ዉድያፐ ሀቃዋ ግድናካ፥ ታ ህንተና አዛዜዳዋዳን፥ ህንተ ኮዬዳ ኬና ህንተ ካታማን ሹኪደ ሚተ። 
\v 22 ዎጋን ጌሻ አሳ ግድና፥ ዎይ ጌየናዋ ግድናካ፥ አይ አስካ ጋራ ግድና፥ ገንእያ አሹዋ ካሰ ምያዋዳን ሞ። 
\v 23 ሽን ሱይ ደእያ አሹዋ ሜናዳን ናገትተ፤ አያዉ ጎፐ፥ ሸምፑ ሱን ደኤ፤ ሄዋ ድራዉ፥ ደኡዋ አሹዋና ሞፕተ።\x - \xo 12:23-24 \xo*\xt ዎጋ 17:10-14\xt*\x* 
\v 24 ሱ ሃዳን ጋድያን ጉስተፐ አትና ኡሾፕተ። 
\v 25 ህንተ መና ጎዳ ስንን ህንተ ሎኦባ ኦያዌ ህንተዉ፥ ህንተፐ ጉይያን፥ ህንተ ናናቶካ ሎኦ ግዳና ማላ፥ ሱ ኡሾፕተ።
\p
\v 26 “ሽን ህንተ ዱማዬዳዋነ ሺቄዳዋ አኪደ፥ መና ጎዳይ ዶሬዳ ሳአዉ ቢተ። 
\v 27 ቢደ ህንተ ጹግያ ያርሹዋ፥ አሹዋነ ሱ፥ መና ጎዳዉ፥ ህንተ ጾሳዉ፥ ያርሽያሳን ሺሽተ፤ ህንተ ያርሹዋ ሱ መና ጎዳዉ፥ ህንተ ጾሳዉ፥ ያርሽያ ሳኣ ማታን ጉስተ፤ አሹዋ ህንተ ሚተ። 
\v 28 ታን ህንተና አዛዝያ ዎጋ ምንሲደ ናግተ፤ ሄዋ ኦፐ፥ ህንተንቶነ ህንተ ናናዉ ሎአ ግዳናዋ፤ አያዉ ጎፐ፥ ህንተ ልከባነ መና ጎዳ ህንተ ጾሳ ናሸችያ ሎኦባ ኦታ።
\s1 ኤቃ ምስልያዉ ጎይነናዳን እመቴዳ ሴራ
\p
\v 29 “ህንተ ላታናዉ ብያ ካዉተ መና ጎዳይ ህንተ ጾሳይ ህንተ ስንፐ ይስያ ዎደነ ህንተካ ኡንቱንቱ ቢታ ላቲደ ደእያ ዎደ፥ 
\v 30 ኡንቱንቱ ህንተ ስንፐ ይክችና ህንተ ኡንቱንታ ካላናዉ፥ ኡንቱንታ ጲርያን ኦይቀተናዳን ናገትተ፤ ‘ኑንካ ኡንቱንቱዳን ጎይናናዉ፥ ሀ ካዉተቱ ባረንቱ ጾሳቶ ዎት ጎይኒኖ’ ያጊደ፥ ካል ኦቼናዳን ናገትተ። 
\v 31 ኡንቱንቱ ባረንቱ ጾሳቶ ጎይንያ ዎደ፥ መና ጎዳይ እጽያ ቱናባ ኡባ ኦያ ድራዉ፥ ህንተ መና ጎዳዉ፥ ህንተ ጾሳዉ፥ ሄዋዳን ጎይናናዉ በሰና። አያዉ ጎፐ፥ ኡንቱንቱ ሀራይ አቶ ባረንቱ የሌዳ አቱማነ ማጫ ናናቱዋ ባረንቱ ጾሳቶ ያርሺደ፥ ታማን ጹጊኖ።
\p
\v 32 “ስም ህንተ ታ ህንተና አዛዜዳዋ ኡባ ኦተ፤ አ ቦላ አያነ ጉጆፕተ፤ አፐ አያነ ፓጭሶፕተ።\x - \xo 12:32 \xo*\xt ዛረ. 4:2፤ ሳፃ 22:18-19\xt*\x*
\c 13
\p
\v 1 “ህንተ ግዶን ትምቢትያ ኦድያዌ ዎይ አኩሙዋ ብልያ አሳይ ደንዲደ፥ ማላታነ ማላልስያባ ኦፐ፥ 
\v 2 እ ኦዴዳ ማላታይ ዎይ ማላልስያባይ ቱሙ ግዲደ ፖለትና፥ እ ህንተና፥ ‘አነ ካሰ ህንተ ኤረና ሀራ ጾሳቶ ጎይኖይተ’ ያጎፐ፥ 
\v 3 ህንተ አ ሙለካ ስሶፕተ። ህንተ አ ኩመን ዎዛናፐነ ኩመን ሸምፑዋፐ መና ጎዳ ህንተ ጾሳ ዶስንቶነ ጊደ፥ ህንተና እ ፓጫናዉ ሄዋ ኦ። 
\v 4 መና ጎዳ ህንተ ጾሳ ካልተ፤ አዉ ያይተ፤ አ አዛዙዋ ናግተ፤ አ ቃላካ ስስተ፤ አዉ ጎይንተ፤ አፐ ዱጾፕተ። 
\v 5 ህንተና ግብጼፐ ከሲደ፥ አይለተፐ ህንተና ዎዜዳ መና ጎዳ ህንተ ጾሳ ቦላ ህንተ ማካላናዳን ታማርስያ ትምቢትያ ኦድያዋ፥ ዎይ አኩሙዋ ብልያዋ ዎተ፤ ሄዋ ማላ አሳይ ህንተና መና ጎዳ ህንተ ጾሳ አዛዙዋፐ ዎራ ባናዳን ኦያ ድራዉ፥ ሄዋ ማላ ዎደ፥ ኢታ ህንተ ግዶፐ ድግተ።
\p
\v 6 “ሀራይ አቶ ነ ዳይ ናአይ ነ እሻይ፥ ነ አቱማነ ማጫ ናእ፥ ነ ሲቅያ ነ ማቻታ፥ ዎይ ነ ሲቆ ላጊ ኔና፥ ‘ደንዳ፥ ካሰ ኔንነ ነ ማይዛ አዎቱ ጎይን ኤረና ጾሳዉ ጎይናና’ ጎፐ፥ 
\v 7 ቢታዉ ሀ ጋጻፐ ያ ጋጻ ጋካናዉ ደእያ፥ ነ ዩሹዋ ኡባን ማታንነ ሃኩዋን ደእያ አሳይ ኡባይ ጎይንያ ጾሳቶ፥ ‘ደንዳ ቢደ ኡንቱንቶ ጎይናና’ ጊደ ባለፐ፥ 
\v 8 አዉ ኤኖ ጎፓ፤ እ ግያዋካ ስሶፓ። አዉ ቃረታደ አ ጉየ አሾፓ፤ 
\v 9 አ ዎናዉ ኮሼ። አ ዎናዉ ኮይሮ ነ ዶማ፤ ሄዋፐ ጉይያን፥ አሳይ ኡባይ ባረ ኩሽያ አ ቦላ ዎደ ዎ። 
\v 10 እ ሀይቃና ጋካናዉ፥ ሹቻን ጫድተ፤ አያዉ ጎፐ፥ እ ህንተና ግብጼ ጋድያፐ፥ አይለተ ጎልያፐ ከሴዳ መና ጎዳፐ፥ ህንተ ጾሳፐ፥ ህንተና ሻካናዉ ኮዬዳ። 
\v 11 እስራኤልያ አሳይ ኡባይ ሄዋ ስሲደ ያያና፤ ቃይ ሄዋ ማላ ኢታባካ ላኤን ህንተ ግዶን ኦንነ ኦና።
\p
\v 12 “መና ጎዳይ ህንተ ጾሳይ ህንተ ደአናዳን እምያ ካታማፐ እቱዋን ህንተ ደእያ ዎደ፥ 
\v 13 ህንተ አሳ ግዶን ኢታቱ ደንዲደ፥ አሳ፥ ‘ደንድተ! ቢደ ህንተ ኤረና ጾሳቶ ጎይኔቶ’ ያጊደ ባለያዋ ስሶፐ፥ 
\v 14 ሄ የዉዋባ ኦችተ፤ ምንሲደ ፓይድተ። ቆርና ሄ ህንተ ግዶን ቱናባይ ኦሰቴዳዌ ቱማ ግዶፐ፥ 
\v 15 ሄ ካታማን ደእያ አሳ ኡባ ማሻ ቃራን ዉርስተ፤ ሄ ካታማነ አን ደእያ መህያናካ አሸናን ይስተ። 
\v 16 ሄ ካታማፐ ህንተ አኬዳ ኦሞዱዋ ኡባ ካታማ ዳባባ ሺሽተ። ሄ ካታማነ አ ኦሞዱዋ ኡባ መና ጎዳዉ፥ ህንተ ጾሳዉ፥ ጹግያ ያርሹዋ ኦደ ዉርስ ጹግተ። እ መናዉካ ላኤን ኬጸተና፤ ላለቴዳ ሳ ግዲደ፥ ሄ ሳአይ አታና። 
\v 17 ቱና ጌተቴዳ ሚሻፐ አያይነ ህንተ ኩሽያን ቤቶፖ። ያቶፐ፥ መና ጎዳይ ባረ ዎልቃማ ሀንቁዋፐ ስሚደ፥ ህንተና ማራና፤ እ ህንተንቶ ቃረታና። ካሰ ህንተ ማይዛ አዋቶ ጫቄዳ ጫቁዋዳን፥ ህንተ ፓይዱዋ ዳርሳና። 
\v 18 አያዉ ጎፐ፥ ታን ሀች ህንተና አዛዝያ አዛዞ ኡባ ህንተ ናግያዋን መና ጎዳዉ፥ ህንተ ጾሳዉ አዛዘቶፐ፥ ቃይ መና ጎዳ ህንተ ጾሳ ስንንካ ልከ ግድያባ ኦፐ፥ ሄ ጌዳዌ ህንተንቶ ቱሙ ፖለታና።
\c 14
\s1 ዬኩዋ ዎደ ድገቴዳ ዶያቱዋ
\p
\v 1 “ህንተ መና ጎዳ ህንተ ጾሳ ናናቱዋ፤ ህንተ ሀይቄዳ አሳዉ ህንተና ጎምኦሮፕተነ ስን ባጋ ሁጲያ ሜዶፕተ።\x - \xo 14:1 \xo*\xt ዎጋ 19:28፤ 21:5\xt*\x* 
\v 2 አያዉ ጎፐ፥ ህንተ መና ጎዳዉ፥ ህንተ ጾሳዉ፥ ጌሻ አሳ፤ መና ጎዳይ ህንተና ባረዉ አልኦ ሚሻ ግዳናዳን፥ ጋድያን ደእያ አሳ ኡባፐ ዶሪደ ዎዳ።\x - \xo 14:2 \xo*\xt ከሳ 19:5-6፤ ዛረ. 4:20፤ 7:6፤ 26:18፤ ቲቶ 2:14፤ 1 ጰጽ. 2:9\xt*\x*
\s1 ሜተትያነ ሜተተና መሄቱዋነ ዶአቱዋ
\r (ዎጋ 11:1-47)
\p
\v 3 “ህንተ ቱናባ አያነ ሞፕተ። 
\v 4 ህንተ ማና መሄቱነ ዶአቱ ሀዋንታ፤ ቦራ፥ ዶርሳ፥ ዴሻ፥ 
\v 5 ገንእያ፥ ዶግያ፥ ዋሻ፥ ዎራ ዴሻ፥ ጮጎሹዋ፥ ጋራነ ደርያ ዶርሳ። 
\v 6 ጹጉንይ ዉር ጳልቀቴዳዋንታ፥ ዋሞትያ መሄቱዋነ ዶአቱዋ ኡባ ሚተ። 
\v 7 ሽን ዋሞትያዋንታ ግዲደ፥ ጹጉንይ ጳልቀትቤናዋንታ ሞፕተ፤ ሄዋንቱካ ጋሉዋ፥ ሀርባይንያነ ጉፓልያ። ሀዋንቱ ዋሞቲኖ፤ ሽን ኡንቱንቱ ጹጉንይ ጳልቀትቤና ድራዉ፥ ኡንቱንቱ ህንተንቶ ቱና። 
\v 8 ጉዱንይካ ጹጉንይ ጳልቀ ግዶፐነ ዋሞተና ድራዉ፥ እ ህንተንቶ ቱና። አ አሹዋ ሞፕተ፤ አ ባኩታካ ቦቾፕተ።
\p
\v 9 “ሃ ግዶን ደእያ መታቱዋ ኡባፐ ህንተ ማናዋንቱ ሀዋንታ፤ ሞልያ ማላ ቀፊነ ፖቁ ደእያ ኡባ ሚተ። 
\v 10 ሽን ሞልያዋ ማላ ቀፊነ ፖቁ ባይና ሀቃዋነ ሞፕተ። ሄዋንቱ ህንተንቶ ቱና።
\p
\v 11 “ጌሻ ግዴዳ ካፉዋ ኡባ ሚተ፤ 
\v 12 ሽን ካፎቱዋፐ ህንተ ሜናዋንቱ ሀዋንታ: አርጋን፥ ባዙዋ አንኩዋ፥ ካረ አንኩዋ፥ 
\v 13 ጎሉዋ፥ ጽንግልያ ዛረ ኡባ፥ 
\v 14 ቁሩዋ ዛረ ኡባ፥ 
\v 15 ያንቻ፥ ጫንጭያ ጉቱዋ፥ ሃ ካፉዋ፥ ጋጭያ ዛርያ ኡባ፥ 
\v 16 ቄር ጉቱዋ፥ ዎጋ ጉቱዋ፥ ሃ ኩቱዋ፥ 
\v 17 ባዙዋ ጉቱዋ፥ ይንዱዋ፥ ጋንጋኑዋ፥ አዱሳ ቆ ደእያ ሃ ካፉዋ፥ 
\v 18 ሳቢሳ ግያ ካፉዋ ዛረ ኡባ፥ ጅንጅላትያነ ሻልያ። 
\v 19 ቀፍያና ደእያ ቄር መታቱ ኡባይ ህንተንቶ ቱና፤ ኡንቱንታ ሞፕተ። 
\v 20 ሽን ሄ ቀፍያና ደእያባቱዋፐ ጌሻ ግድያዋንታ ሚተ።
\p
\v 21 “ህንተ መና ጎዳዉ፥ ህንተ ጾሳዉ፥ ጌሻ አሳ ግድያ ድራዉ፥ ባኩቴዳዋ ኡባ አያነ ሞፕተ። ሄዋ ህንተ ካታማን ደእያ በተቱ ማናዳን ኡንቱንቶ እማናዉ ዳንዳዪታ፤ ዎይ ሀራ ቢታ አሳዉ ዛልአናዉ ዳንዳዪታ።\x - \xo 14:21 \xo*\xt ከሳ 23:19፤ 34:26\xt*\x*
\p “ዴሻ ማራ አ ዳይ ማን ዶይሶፓ።
\s1 አስራታ ከስያ ዎጋ
\p
\v 22 “ህንተ ህንተ ጋደፐ ላይን ላይን ጋክያ ካ አይፍያ ኡባፐ አስራታ ከስተ።\x - \xo 14:22-29 \xo*\xt ዎጋ 27:30-33፤ ፓይ. 18:21\xt*\x* 
\v 23 ህንተ ኡባ ዎደ፥ መና ጎዳዉ፥ ህንተ ጾሳዉ፥ ያይያዋ ታማራና ማላ፥ እ ባረ ሱንይ ጼሰታና ማላ ዶሬዳ ሳኣን፥ መና ጎዳ ህንተ ጾሳ ስንን፥ ህንተ ካ፥ ዎይንያ ኤሳነ ዛይትያ አስራታ፥ ህንተ ዶርሳፐነ መህያፐ ባይራ የለቴዳዋ ሄዋን ሚተ። 
\v 24 መና ጎዳይ ህንተ ጾሳይ ባረ ሱንይ ጼሰታና ማላ ዶሬዳ ሳአይ፥ ህንተ ደኢያሳፐ ሎይ ሃኮ ግዶፐ፥ መና ጎዳይ ህንተና አንጃና ማላ፥ ህንተ ህንተ አስራታ ያ ቶካናዉ ዳንዳየናን እጾፐ፥ 
\v 25 ዛልእተ፤ ሄ ሚሻ ኩሽያን ኦይቂደ፥ መና ጎዳይ ህንተ ጾሳይ ዶሬዳ ሳኣ ቢተ። 
\v 26 ቢደ ሄ ሻሉዋን ህንተ ኮዬዳዋ ሀቃዋነ፥ ሚዛ ግድና፥ ዶርሳ ግድና፥ ዎይንያ ኤሳ ግዶ፥ ዎይ ሀራ ምኖ ኡሻ፥ ዎይ ሀራ ህንተ ኮይያዋ አያነ ሻሚደ፥ ህንተነ ህንተ ሶ አሳይ ኡባይ መና ጎዳ ህንተ ጾሳ ስንን ሄዋ ሚተነ ናሸትተ።
\p
\v 27 “ሄዋ ህንተ ኦያ ዎደ፥ ህንተ ካታማን ደእያ ሌዋቱዋ ዶጎፕተ፤ አያዉ ጎፐ፥ ኡንቱንቱ ህንተናና ግሽ አኬዳ ሀራ ላታይ ባዋ። 
\v 28 ሄዘን ላይን ላይን ኡባ ዎደ፥ ህንተ ካ አስራታ አሂደ፥ ህንተ ካታማን ሺሽተ። 
\v 29 ሄዋ ህንተ ካታማን ደእያ ህንተናና ግሽ አኬዳ፥ ሀራ ላታይ ባይና ሌዋቱ፥ በተቱ፥ አዉ ባይና ናናቱነ አምኤ ማጫ አሳቱ ዪደ ሚኖ፤ ሚድካ ካልኖ። ያቶፐ፥ ህንተ ኦያ ህንተ ኩሽያ ኦሶ ኡባን መና ጎዳይ ህንተ ጾሳይ ህንተና አንጃና።
\c 15
\s1 አጩ ማረትያ ላይ
\r (ዎጋ 25:1-7)
\p
\v 1 “ላፑን ላይ ላይ ዉርሰን ህንተፐ ታልኤዳዋንቶ ኡንቱንቱ አጩዋ ማርተ። 
\v 2 ህንተ አጩዋ ማራና ዎጋይ ሀዋ: ባረ ላገ እስራኤልያዉ ታልኤዳ አይ አሳይነ ሄ አጩዋ ማሮ። መና ጎዳ ማሮተይ አዋየቴዳ ድራዉ፥ ታልኤዳዌ ባረ ላገ እስራኤላዉ ዎይ ባረ እሻዉ ታልኤዳባ ኦቾፖ። 
\v 3 ሀራ ቢታ አሳዉ ህንተ ታልኤዳ አጩዋ አካናዉ ዳንዳዪታ፤ ሽን ህንተ ህንተ ዛረቶ ታልኤዳባ ኡባ ማርተ።
\p
\v 4-5 “ህንተ መና ጎዳ ህንተ ጾሳ ቃላዉ አዛዘቶፐ፥ ታን ሀች ህንተና አዛዝያ አዛዞ ኡባ ባለናን ኦፐ፥ ህንተ ግዶን እት አሳይነ ህዬሰና። አያዉ ጎፐ፥ ህንተ ላታናዳን መና ጎዳይ ህንተ ጾሳይ ህንተዉ አቆ ኦደ እምያ ጋድያን መና ጎዳይ ህንተና አንጃና። 
\v 6 መና ጎዳይ ህንተ ጾሳይ ህንተንቶ ጌዳዋዳን፥ እ ህንተና አንጃና፤ ዳሮ ካዉተይ ህንተፐ ታልአና፤ ሽን ህንተ እቱዋፐነ ታልእክታ። ቃይ ህንተ ካዉተቱዋ ሞዳና፥ ሽን እቱነ ህንተና ሞደና።
\p
\v 7 “መና ጎዳይ ህንተ ጾሳይ ህንተንቶ እምያ ጋድያን ደእያ ቄር ካታማቱዋፐ ሀቃዋንነ ደእያ ህንተ ላገ እስራኤላቱዋ ግዶን እት አሳይ ህዬሶፐ፥ አዉ መቀ ኢቶፕተ፤ ቃይ ህንተ ኩሽያካ ሺሽ አኮፕተ።\x - \xo 15:7-8 \xo*\xt ዎጋ 25:35\xt*\x* 
\v 8 ህንተ ኩሽያ አዉ ብርሽተ፤ አ ኮሽያዋ አያነ አዉ ታልእተ። 
\v 9 ‘አጩዋ ማርያ ላፑን ላይይ ማቴዳ’ ጋደ፥ ህዬሳ እስራኤልያዉ ኢታ አይፍያን ጼላደ፥ አዉ አያነ ታልእያዋ ድጋናዉ ኢታ ቆፋይ ነ ዎዛናን ገለናዳን ናገታ። ሄዌ ዮፐ፥ እ ኔፐ መና ጎዳዉ ዋሳና፤ ሄዌ ነዉ ናጋራ ግዳናዋ። 
\v 10 ኔን አዉ ጮ እማ፤ ኔን አዉ እምያ ዎደ፥ ነ ዎዛናን አያዉ እማይታ ጎፓ፤ ያቶፐ፥ ህንተ ኦሶ ኡባን፥ ህንተ ኦይቄዳዋን የዳባን ኡባን መና ጎዳይ ህንተ ጾሳይ ህንተና አንጃና። 
\v 11 ሄ ጋድያን ኡባ ዎደካ ህዬስ የና ድራዉ፥ ታን ኔና እስራኤላቶ፥ ነ ጋድያን ደእያ ህዬሳቶነ መቶታንቻቶ ኬካ ግዳናዳን አዛዛይ።\x - \xo 15:11 \xo*\xt ማቶሳ 26:11፤ ማር. 14:7፤ ዮሃ. 12:8\xt*\x*
\s1 አይለቱዋ ላአ ከስያ ማራ
\r (ከሳ 21:1-11)
\p
\v 12 “ኔን አቱማ ግድና ማጫ ግድና፥ ነ ዳቦ እስራኤልያ አሳ አይልያ ኦደ ሻሞፐ፥ እ ነዉ ኡሱፑን ላይ ኦ፤ ላፑን ላይን አይለተፐ ከሳ የዳ።\x - \xo 15:12-18 \xo*\xt ዎጋ 25:39-46\xt*\x* 
\v 13 ኔን አይለተፐ አ ከሳ የድያ ዎደ፥ መላ ኩሸ የዶፓ። 
\v 14 ኔን ነ ዉድያፐ፥ ነ ኡዱማፐነ ነ ዎይንያ ጉምኢያሳፐ አዉ ኬካተን እማ፤ መና ጎዳይ ነ ጾሳይ ኔና አንጄዳዋ ኬና አዉ እማ። 
\v 15 ህንተካ ግብጼ ጋድያን ካሰ አይልያ ግዴዳዋነ መና ጎዳይ ህንተ ጾሳይ ህንተና ያፐ ዎዜዳዋ ዶጎፕተ። ታን ህንተና ሀች አዛዝያዌ ሄዋሳ።
\p
\v 16 “ሽን ሄ አይልያ ኔናነ ነ ጎልያ አሳ ዶሴዳ ድራዉነ ኔናና አዉ ደኡ ሎኦ ግድያ ድራዉ፥ ‘ታን ነ ጎለፐ ከሳደ ቢከ’ ያጎፐ፥ 
\v 17 ፐንገ አ አፋደ፥ ጎ አካደ፥ አ ሀይ ሉካ። ያቶፐ እ ነዉ መናዉካ አይልያ ግዳናዋ። ቃይ አይልያ ግድያ ማጫንዉካ ሄዋዳን ኦ። 
\v 18 አ ኔን አይለተፐ ከሳ የድያ ዎደ፥ ኔን ቆሄቴዳዋዳን ቆፖፓ፤ አያዉ ጎፐ፥ እ ሀ ኡሱፑን ላይ ግዶን ከራዉ ኦያባይ ኦያዎ ዳኩዋ ዳሩዋ ነዉ ኦዳ። ሄዋ ድራዉ፥ ኔን ኦያባን ኡባን መና ጎዳይ ነ ጾሳይ ኔና አንጃና።
\s1 ሚዛይነ ዶርሳይ የልያ ባይራ ማራቱዋ
\p
\v 19 “ኔን ነ መህያፐነ ነ ዶርሳ ዉድያፐ ባይራ የለቴዳ አቱማዋ ኡባ መና ጎዳዉ፥ ነ ጾሳዉ፥ ዱማያ። ነ ዱማዬዳ መህያፐ ባይራ የለቴዳዋ አያነ ጎኤቶፓ፤ ነ ዶርሳ ዉድያፐ ባይራ የለቴዳዋ እክስያካ ሜዶፓ።\x - \xo 15:19 \xo*\xt ከሳ 13:12\xt*\x* 
\v 20 ኔንነ ነ ሶ አሳይ ጾሳይ ዶርያ ሳኣን መና ጎዳ ህንተ ጾሳ ስንን ሄዋንታ ላይን ላይን ሚተ። 
\v 21 ሽን ነ ያርሽያ መህያ ቦላይ ትላና ዮፐ፥ እ ስሌዳዋ ዎይ ቆቀ ግዶፐ፥ ዎይ ቃይ ሀራ ኢታ ፖኮባይ አ ቦላን ደኦፐ፥ ሄዋ መና ጎዳዉ፥ ነ ጾሳዉ፥ ያርሾፓ። 
\v 22 ሄዋ ህንተ ደእያ ህንተ ካታማን ሚተ፤ ዎጋን ጌሻ አሳ ግድና፥ ዎይ ቱና አሳ ግድናካ ገንእያነ ጋራ አሹዋዳን ሞ። 
\v 23 ሽን ህንተ አ ሱ ሃዳን ሳኣን ጉስተፐ አትና፥ ሞፕተ።\x - \xo 15:23 \xo*\xt ዶመ 9:4፤ ዎጋ 7:26-27፤ 17:10-14፤ 19:26፤ ዛረ. 12:16፣ 23\xt*\x*
\c 16
\s1 ፓስጋ ባላ
\r (ከሳ 12:1-20)
\p
\v 1 “አቢባ አግናን መና ጎዳ ህንተ ጾሳ ፓስጋ ባላ ቦንችተ፤ አያዉ ጎፐ፥ መና ጎዳይ ህንተ ጾሳይ ህንተና አቢባ አግናን ቃማ ግብጼፐ ከሴዳ።\x - \xo 16:1-8 \xo*\xt ዎጋ 23:5-8፤ ፓይ. 28:16-25\xt*\x* 
\v 2 ህንተ ዶርሳ ዉድያፐነ መህያ ዉድያፐ መና ጎዳይ ባረ ሱንይ ጼሰታናዳን ዶርያ ሳኣን፥ መና ጎዳዉ፥ ህንተ ጾሳዉ፥ ፓስጋዉ ያርሽተ። 
\v 3 ሄ ያርሹዋ ህንተ ምያ ዎደ፥ እርሹዋ የግ ኡኬዳ ኡክና ሞፕተ፤ ሽን ላፑን ጋላሳ ኩመን እርሹዋ የግቤና ኡክና ሚተ። ህንተ ግብጼፐ ኤለካ ከሴዳ ድራዉነ ህንተ ደእያ ላይ ኡባን ህንተ ግብጼፐ ከሴዳ ጋላሳ ሀሳያናዳን፥ ሄ መቱዋ ኡክ ሚተ። 
\v 4 ህንተ ጋድያን ኡባን ላፑን ጋላሳዉ አያ እርሹነ ቤቶፖ። ቃይ ህንተ ኮይሮ ጋላሳ ኦማርስ ያርሼዳ አሹዋፐ ዎንታዉ አያይነ አቶፖ።
\p
\v 5 “ህንተ ፓስጋ ያርሹዋ መና ጎዳይ ህንተ ጾሳ ህንተንቶ እምያ አይ ካታማንነ ጮ ሹኮፕተ። 
\v 6 መና ጎዳይ ህንተ ጾሳይ ባረ ሱንይ ጼሰታናዳን ዶርያ ሳኣን ህንተ ፓስጋ ያርሹዋ ሹክተ፤ ቃይ አዋይ ዉልያ ዎደ ህንተ ግብጼፐ ከሴዳ ድራዉ፥ ሄ ሳትያን ሹክተ። 
\v 7 መና ጎዳይ ህንተ ጾሳይ ዶርያ ሳኣን፥ ሄዋን ካደ ሚተ፤ ያቲደ ሳአይ ዎንትያ ዎደ፥ ህንተ ዱንካንያ ዱንካንያ ቢተ። 
\v 8 ኡሱፑን ጋላሳ ኩመን እርሹዋ የግቤና ኡክ ሚተ፤ ላፑን ጋላሳን መና ጎዳዉ፥ ህንተ ጾሳዉ፥ ጎይናናዉ ጌሻ ሺቁዋ ሺቅተ፤ ሄ ጋላስ አያ ኦሶነ ኦፕተ።
\s1 ቆይቻ ባላ
\r (ከሳ 34:22፤ ዎጋ 23:15-21)
\p
\v 9 “ህንተ ካ ጫካናዉ ኮይሮ ዶሜዳ ዎድያፐ ዶሚደ፥ ላፑን ሳምንታ ኩመን ፓይድተ።\x - \xo 16:9-12 \xo*\xt ፓይ. 28:26-31\xt*\x* 
\v 10 ያቲደ መና ጎዳይ ህንተ ጾሳይ ህንተና አንጄዳዋ ኬና ህንተ ህንተ ዶሱዋን ጮ እምያ እሙዋ አሂደ፥ መና ጎዳዉ፥ ህንተ ጾሳዉ፥ ቆይቻ ባላ ቦንችተ። 
\v 11 ሄዋን ህንተ፥ ህንተ አቱማ ናናይ፥ ህንተ ማጫ ናናይ፥ ህንተ አቱማ ቆማቱነ ህንተ ማጫ ቆማቱ፥ ህንተ ካታማቱዋን ደእያ ሌዋቱ፥ በተቱ፥ አዉ ባይና ናናቱነ ህንተ ግዶን ደእያ አምኤቱ ኡባይ መና ጎዳይ ህንተ ጾሳይ ባረ ሱንይ ጼሰታናዳን ዶርያ ሳኣን፥ ናሸትተ። 
\v 12 ህንተ ግብጼ ጋድያን አይልያ ግዴዳዋ ሀሳዪደ፥ ሀ ዎጋ ባለናን ናግተ።
\s1 ዳስያ ባላ
\r (ዎጋ 23:33-43)
\p
\v 13 “ህንተ ኡዱማፐ ህንተ ካ፥ ቃይ ዎይንያ የያሳፐካ ህንተ ዎይንያ ሺሼዳዋፐ ጉይያን፥ ላፑን ጋላሳ ዳስያ ባላ ቦንችተ።\x - \xo 16:13-15 \xo*\xt ፓይ. 29:12-38\xt*\x* 
\v 14 ህንተ፥ ህንተ አቱማ ናናቱነ ማጫ ናናይ፥ ህንተ አቱማ ቆማቱነ ማጫ ቆማቱ፥ ህንተ ካታማቱዋን ደእያ ሌዋቱ፥ በተቱ፥ አዉ ባይና ናናቱነ አምኤቱ ኡባይ ሀ ባላን ሎይ ናሸትተ። 
\v 15 መና ጎዳይ ዶርያ ሳኣን ላፑን ጋላሳ መና ጎዳዉ፥ ህንተ ጾሳዉ፥ ባላ ቦንችተ፤ አያዉ ጎፐ፥ ህንተ ኡባይካ እትፐ ናሸታና ማላ፥ ህንተ አይፍሴዳባን ኡባንነ ህንተ ኩሺ ኦያባን ኡባን መና ጎዳይ ህንተ ጾሳይ ህንተና አንጃና።
\p
\v 16 “ህንተ ጋድያን አቱማ አሳ ግዴዳ ኡባይ ላይን ሄዙ ገደ፥ ማጋገ ኡክ ባላ ዎደ፥ ሳምንታቱዋ ባላ ዎደነ ዳስያ ባላ ዎደ፥ መና ጎዳ ህንተ ጾሳ ስንን እ ዶርያ ሳኣን ቤቶ። ኡንቱንቱ መና ጎዳ ስን ዪደ፥ መላ ኩሸ ዮፕኖ። 
\v 17 መና ጎዳይ ህንተ ጾሳይ አንጄዳዋ ኬና ኡባይካ ባረ ዳንዳይያዋ ኬና እሞ።
\s1 ጽሎ ፕርዳ ፕርድያዋ
\p
\v 18 “ህንተ ዛራቱ ኡባዉ መና ጎዳይ ህንተ ጾሳይ እምያ ካታማቱዋን ኡባን ህንተ ዳናቱዋነ ካፓቱዋ ሱንተ፤ ኡንቱንቱካ አሳዉ ጽሎ ፕርዳ ፕርድኖ። 
\v 19 ጽሎ ፕርዳ ጌላዮፕተ፤ ሶምኡዋ ጼሊደ ማዶፕተ። ማጋንጻ አኮፕተ፤ አያዉ ጎፐ፥ ማጋንጻይ አዳ ኤራንቻቱዋ አይፍያካ ቆቅሲደ፥ ጽሎቱዋ ቃላካ ጌላዬ።\x - \xo 16:19 \xo*\xt 23:6፤ ዎጋ 19:15\xt*\x* 
\v 20 ህንተ ደኡዋን ደአና ማላነ መና ጎዳይ ህንተ ጾሳይ ህንተንቶ እምያ ቢታ ህንተ ላታና ማላ፥ ጽሎ ፕርዳ ፕርድተ።
\p
\v 21 “ህንተ መና ጎዳዉ፥ ህንተ ጾሳዉ፥ ኬጽያ ያርሽያ ሳኣ ማታን አሼሮ ግያ ጾሳትዉ ምፐ መቴዳ ምስልያ ማላ አያነ ኤሶፕተ።\x - \xo 16:21 \xo*\xt ከሳ 34:13\xt*\x* 
\v 22 ህንተ መና ጎዳይ ህንተ ጾሳይ እጽያ ጎይንያ ሹቻ ህንተንቶ ኤሶፕተ።\x - \xo 16:22 \xo*\xt ዎጋ 26:1\xt*\x*
\c 17
\p
\v 1 “መና ጎዳዉ፥ ህንተ ጾሳዉ፥ ትላ ቦላና ደኤና መህያ፥ ዎይ ህንተ ዶርሳ ያርሹዋ ኦደ ሺሾፕተ፤ ሄዌ አ ስንን ሸነይያባ።
\p
\v 2 “መና ጎዳይ ህንተ ጾሳይ ህንተንቶ እምያ ካታማቱዋፐ ሀቃዋንካ አቱማዋ ግድና ማጫዋ ግድና አ ጫቁዋ ኮሊደ፥ መና ጎዳ ህንተ ጾሳ ስንን ኢታ ኦዳ አሳይ ህንተ ግዶን ቤቶፐ፥ 
\v 3 ቃይ ታ አዛዙዋ መንደ፥ ሀራ ጾሳቶ ጎይኔዳ ኡራይ፥ አዋዉ፥ ዎይ አግናዉ፥ ዎይ ሳሉዋ ጾልንተቶ ጎይኔዳ ኡራይ ደኦፐ፥\x - \xo 17:3 \xo*\xt ከሳ 22:20\xt*\x* 
\v 4 ሄዋ ማላባ ህንተ ስሶፐ፥ ሄ የዉዋ ምንሲደ ፓይድተ። ህንተ ቆርና፥ ሄዋ ማላ ቱናባይ እስራኤልያ ግዶን ኦሰቴዳዌ ቱማነ ጌሻ ግዶፐ፥ 
\v 5 ሄ ኢታ ኦዳ ብታንያ ዎይ ምሽራቶ ህንተ ካታማፐ ጋጻ ከሲደ፥ ሹቻን ጫዲደ ዎተ። 
\v 6 ሄ ዎያ አሳይ ሀይቃናዉ በስያዌ ላኡ ዎይ ሄዙ ማርካይ ማርካትና ግዶ፤ እት አሳ ማርካ ቃላን አይ አሳይነ ሀይቆፖ።\x - \xo 17:6 \xo*\xt ፓይ. 35:30፤ ዛረ. 19:15፤ ማቶሳ 18:16፤ 2 ቆሮ. 13:1፤ 1 ጽሞ. 5:19፤ እብራ. 10:28\xt*\x* 
\v 7 አ ዎናዉ ማርካቱ ኮይሮ ሹቻን አ ጫድኖ፤ ኡንቱንታ ካሊደ አሳይ ኡባይ አ ጫዶ። ሄዋዳን ኦደ፥ ኢታ ህንተ ግዶፐ ድግተ።\x - \xo 17:7 \xo*\xt 1 ቆሮ. 5:13\xt*\x*
\p
\v 8 “ህንተ ህንተ ካታማቱዋን ፕርዳናዉ ሎይ ዴጽያ ሸምፑዋ ሞቱዋ ግድና፥ ሾቻ ማዱ ሞቱዋ፥ ዎይ ቃይ ታዉ በሰ ግያ አቆ ሞቱዋ ግድናካ ደንዶፐ፥ ሄ ዎደ ህንተ መና ጎዳይ ህንተ ጾሳይ ዶሬዳ ሳኣ አህተ። 
\v 9 ሄዋን ሌዋቱዋፐ ቄሰ ግድያዋኮነ ሄ ዎድያን ዳና ግዲደ ፕርድያዋኮ ሺሽተ፤ ሄ የዉዋ ኡንቱንቱ ፕርዳና። 
\v 10 መና ጎዳይ ዶሬዳ ሳኣን ኡንቱንቱ ፕርዴዳዋዳን ኦተ፤ ኡንቱንቱ ፕርዴዳዋፐ አሸናዳን ናገትተ። 
\v 11 ኡንቱንቱ ህንተና ታማርሴዳ ህግያዳንነ ኡንቱንቱ ኦዴዳ ፕርዳዳን ኦተ፤ ኡንቱንቱ ፕርዴዳ ፕርዳፐ ኡሸቻነ ሀድርሳ አይነ ሸርእ ጎፕተ። 
\v 12 ሄዋን መና ጎዳዉ፥ ህንተ ጾሳዉ፥ ኦያ ዳናዉ፥ ዎይ ቄስያዉ አዛዘተናን እጺደ፥ ኦቶረትያ አሳይ ደኦፐ፥ ሄ አሳይ ሀይቆ፤ ሄዋዳን ኦደ፥ ኢታ እስራኤልያ ግዶፐ ድግተ። 
\v 13 ሄዋፐ ጉይያን ሄዋ ስሲደ፥ አሳይ ኡባይ ያያና፤ ላኤን ኦቶረተና።
\s1 ካትያ ጼልያ ዎጋቱዋ
\p
\v 14 “መና ጎዳይ ህንተ ጾሳይ ህንተንቶ እምያ ቢታ ላቲደ፥ ያን ደኡዋ ዶምያ ዎደ፥ ህንተ ዩሹዋን ደእያ ካዉተቱዋዳን፥ ህንተካ፥ ‘አነ ኑንካ ኑ ቦላን ካትያ ካተዬቶ’ ያጊደ ቆፖፐ፥ 
\v 15 ህንተ ካተያናዌ መና ጎዳይ ህንተ ጾሳይ ህንተንቶ ዶሬዳዋ ግድያዋ ኤርተ። ሄዌካ ህንተ አሳ ግዶፐ ዶረቴዳዋ ግዶፐ አትና፥ ሀራ ቢታ አሳ ህንተ ቦላ ካተዮፕተ። 
\v 16 ሄ ካቲ ፓራ ዳሩዋ ሺሻናዉ በሰና፤ ቃይ አሳይካ ፓራ ጮራያናዉ ላኤን ግብጼ ስማናዳን ኦፖ። አያዉ ጎፐ፥ መና ጎዳይ፥ ‘ሄ ኦግያና ላኤን ሙለካ ስሞፕተ’ ያጌዳ።\x - \xo 17:16 \xo*\xt 1 ካታ. 10:28፤ 2 ኦዱዋ 1:16፤ 9:28\xt*\x* 
\v 17 አ ዎዛና ባለናዳን፥ ካቲ ጮራ ማጫ አሳ አኮፖ። ዎርቃካ ብራካ ዳሪ ሺሾፖ።\x - \xo 17:17 \xo*\xt 1 ካታ. 10:14-22፣ 27፤ 11:1-8፤ 2 ኦዱዋ 1:15፤ 9:27\xt*\x*
\p
\v 18 “እ ባረ ካዉተ አራታን ኡትያ ዎደ፥ ሌዊያ ዛረ ግድያ ቄሳቱ ናግያ ማጻፋፐ ሀ ህግያ ዱቂደ ባረዉ አኮ። 
\v 19 እ ሀ ህግያ ቃላነ ዎጋ ናግያዋንነ ኡንቱንታ ኦያዋን መና ጎዳዉ፥ ባረ ጾሳዉ፥ ያይያዋ ታማራና ማላ፥ ሀ ማጻፋይ አናና ደኦ፤ እካ ሀ ማጻፋ ባረ ደኦ ላይን ኡባን ናባቦ። 
\v 20 ያቶፐ፥ እ ባረ ዎዛናን፥ ‘ታን ታ ላገቱዋፐ አይ’ ጊደ ባረ እሻቱዋ ቦላ ኦቶረተና። እካ ጾሳ ህግያፐ ሀድርሳነ ኡሸቻ ጌና። እ ባረ ካዉተን አዱቂደ ደአና፤ አ ናናይካ እስራኤልያ ጋድያን ካትያ ግዳናዋ።
\c 18
\s1 ግሹዋን ቄሳቱ ዋ ጋክያዋ
\p
\v 1 “ቄሰተን ኦያ ኩመን ሌዊያ ዛረቶ እስራኤልያ ግዶን ቢታ ላታይ ባዋ። ኡንቱንቱ አሳይ መና ጎዳዉ ሺሽያ ታማን ጹግያ ያርሹዋፐ ሚደ ደእያዌ ኡንቱንቶ ላታ። 
\v 2 ኡንቱንቶ ኡንቱንቱ እሻንቱ ግዶን ላታይ ደኤና፤ መና ጎዳይ ኡንቱንቶ ገፔዳዋዳንካ እ ኡንቱንቱ ላታ።\x - \xo 18:2 \xo*\xt ፓይ. 18:20\xt*\x*
\p
\v 3 “ኮሩማ ዎይ ዶርሳ አሳይ ያርሾ ሺሼዳዋፐ ቄሳቶ በስያዌ ሀዋ: ምሳ፥ ላኡ ባጋ ጎጎንጩዋነ ኡሉዋ ግዶ አሹዋ ኡንቱንቶ እምኖ። 
\v 4 ህንተ ካፐ፥ ዎይንያፐነ ዛይትያፐ ኮይሮ ጋኬዳ አይፍያነ ህንተ ዶርሳ እክስያፐ ባይራቱዋ ቄሳቶ እሚታ። 
\v 5 አያዉ ጎፐ፥ ኡንቱንቱነ ኡንቱንቱ ናናይ መና ጎዳ ሱንን ኤቂደ፥ መናዉ ቄሴ ግዲደ ኦና ማላ፥ ህንተ ዛርያ ኡባ ግዶፐ መና ጎዳይ ህንተ ጾሳይ ኡንቱንታ ዶሬዳ።
\p
\v 6 “ሌዊያ ዛረ ግድያ እት አሳይ እስራኤልያ ጋድያን አይ ካታማፐነ ደንዲደ፥ መና ጎዳይ ዶርያ ሳአዉ ዮፐ፥ 
\v 7 እ ብያሳን ደእያ ሌዋቱ መና ጎዳ ስንን ኤቂደ ኦያዋዳን፥ እካ መና ጎዳ ባረ ጾሳ ስንን ኤቂደ ኦ። 
\v 8 ቃይ ባረ አዉዋ አቁዋ ባይዝና፥ ባረና ጋክያዋ አኬዳዋ ግዶፐካ፥ ሌዋቱ ጎኤትያዋ ኡባ ኡንቱንቱና ልከ ሻኪደ አኮ።
\s1 ኢታ ሜዝያፐ ናገታናዳን እመቴዳ ሴራ
\p
\v 9 “መና ጎዳይ ህንተ ጾሳይ ህንተንቶ እሜዳ ቢታ ገልያ ዎደ፥ ሄ ጋድያን ደእያ አሳይ ኦያ ቱና ኦሱዋ ኦፕተ። 
\v 10 ባረ አቱማ ናኣ ዎይ ማጫ ናቶ ያርሾ ጊደ፥ ታማን ጹግያ አይ አሳይነ ህንተ ግዶን ቤቶፖ። ብትያዌ፥ ማራጭያ ጼልያዌ፥ ሙሩንያዌነ ካጫ ኦድያዌ ቃይ ህንተ ግዶን ደኦፖ።\x - \xo 18:10 \xo*\xt ዎጋ 19:26፤ ከሳ 22:18\xt*\x* 
\v 11 አያንቲያዌ፥ አያናቱዋ ጼግያዌ፥ ሻሬችያዌነ ሀይቄዳ አሳ አያና ጼግያዌ ህንተ ግዶን ደኦፖ።\x - \xo 18:11 \xo*\xt ዎጋ 19:31\xt*\x* 
\v 12 ሄዋ ማላባ ኦያ አይ አሳይነ መና ጎዳ ማታን እጸቴዳ አሳ። ኡንቱንቱ ሄዋ ማላ ቱና ኦያ ድራዉ፥ መና ጎዳይ ህንተ ጾሳይ ሄ ካዉተ ህንተ ስንፐ የደርሳና። 
\v 13 ሽን ህንተ መና ጎዳ ህንተ ጾሳ ስንን ኩመን ፖኮባይ ባይናዋንታ ግድተ።\x - \xo 18:13 \xo*\xt ማቶሳ 5:48\xt*\x*
\s1 ጾሳይ ናብያ ኪታና ጌዳዋ
\p
\v 14 “ሀ ህንተ ላታናዉ ብያ ጋድያን ደእያ ካዉተቱ ሙሩንያዋንቱነ ማራጭያ ጼልያዋንቱ ኦድያዋ ስስያዋንታ። ሽን ህንተ ሄዋ ኦናዳን መና ጎዳይ ህንተ ጾሳይ ህንተና ተኤዳ። 
\v 15 መና ጎዳይ ህንተ ጾሳይ፥ ህንተ ዛርያ ግዶፐ፥ ታ ማላ ትምቢትያ ኦድያዋ ህንተንቶ ደንና። ህንተ እ ግያዋ ስስተ።\x - \xo 18:15 \xo*\xt ኪታ 3:22፤ 7:37\xt*\x* 
\v 16 ህንተ ሲና ደርያ ቦላን ሺቄዳ ዎደ፥ መና ጎዳ ህንተ ጾሳ ሀዋዳን ያጊደ ኦቼድታ፤ ‘ኑን ሀይቀናዳን፥ መና ጎዳ ኑ ጾሳ ኮሻ ዛር ስሶኮ፤ ቃይ ሀ ዎልቃማ ታማካ ላኤን በኦኮ’ ያጌድታ።
\p
\v 17 “መና ጎዳይ ታዉ ሀዋዳን ያጌዳ፤ ‘ኡንቱንቱ ጌዳዋ ኡባ ልከ ጌድኖ። 
\v 18 ታን ኡንቱንቱ ዛራቱ ግዶፐ፥ ነ ማላ ትምቢትያ ኦድያዋ ኡንቱንቶ ደንና፤ ታ ቃላ አ ዶናን ዎና፤ እካ ታን አ አዛዝያ ኡባ ኡንቱንቶ ኦዳና። 
\v 19 እ ታ ሱንን ኦድያ ታ ቃላ ስሰና ኦስነ ሀሉዋ ታን ከሳና።\x - \xo 18:19 \xo*\xt ኪታ 3:23\xt*\x* 
\v 20 ሽን ታ አዛዛቤናዋ ጻሊደ ታ ሱንን ኦድያዌ ዎይ ሀራ ጾሳቱዋ ሱንን ኦድያ ሄ ትምቢትያ ኦድያዌ ሀይቆ’ ያጌዳ።
\p
\v 21 “ህንተ፥ ‘ትምቢትያ ኦድያዌ ኦድያ ቃላይ መና ጎዳፐ ግደናዋ አያን ሻክ ኤራኔ?’ ያጎፐ፥ 
\v 22 ሄ ትምቢትያ ኦድያዌ መና ጎዳ ሱንን፥ እ ኦዴዳ ቃላይ ፖለተናን እጾፐ፥ ሄዌ መና ጎዳይ ኦድቤና ቃላ ግድያዋ ኤሪታ። ሄ ትምቢትያ ኦድያዌ ዎርዱዋን ኦዴዳ ድራዉ፥ አዉ ያዮፕተ።
\c 19
\s1 ባቃቲደ አትያ ካታማቱዋ
\r (ፓይ. 35:9-34፤ ኢያሳ 20:1-9)
\p
\v 1 “መና ጎዳይ ህንተ ጾሳይ ህንተንቶ እምያ ጋድያን ደእያ ካዉተ ይስያ ዎደ፥ ቃይ ህንተካ ኡንቱንታ የደርሲደ፥ ኡንቱንቱ ካታማቱዋንነ ኡንቱንቱ ጎለቱዋን ደኡዋ ዶምያ ዎደ፥ 
\v 2 መና ጎዳይ ህንተ ጾሳይ ላታ ኦደ እምያ ጋድያን ደእያ ካታማቱዋፐ ሄዙ ካታማቱዋ ህንተንቶ ዱማይተ። 
\v 3 መና ጎዳይ ህንተ ጾሳይ ህንተንቶ ላታ ኦደ እምያ ቢታ ሄዙ ከሲደ ሻክተ። ያቲደ አሳ ዎዳ ኦንነ ሄ ካታማቱዋኮ ባቃታናዳን ኦግያ ጊግስተ።
\p
\v 4 “እት አሳይ ካሰ ሞርከተይ ባይናን ደእሽን፥ ኤረናን ባረ ሾሩዋ ዎፐ፥ እ ሄ ካታማቱዋፐ እቶ ባቃቲደ፥ ባረ ሸምፑዋ አሾ። 
\v 5 ላኡ አሳይ ም ቃንጻናዉ ዎራ ቢና፥ እቱ ም ቃንጽሽን፥ ቱትያፐ አይፊ ኮለት ዎደ ህንኩዋ ዎፐ፥ ሄ ዎዳዌ ሀ ሄዙ ካታማቱዋፐ እቱዋ ባቃቲደ፥ ባረ ሸምፑዋ አሾ። 
\v 6 ቆሰት አትያ ካታማይ እቱዋ ጻላላ ግዶፐ፥ ዎጺደ ኤለካ ጋካናዉ ኦጊ አዱቄዳ ጋሱዋን ሱ አችያዌ ሱልያ ሀንቁዋን ደንዲደ፥ የደርስ ጋኪደ፥ ሀይቃናዉ በሰናዋ ዎናዉ ዳንዳዬ፤ አያዉ ጎፐ፥ እ ባረ ሾሩዋ ዎዳዌ ካሰ ሞርከተይ ደእያ ድራሳ ግደና። 
\v 7 ህንተ ሄዙ ካታማቱዋ ዱማይ ዎናዳን፥ ታን ህንተና አዛዜዳዌ ሄዋሳ።
\p
\v 8 “መና ጎዳይ ህንተ ጾሳይ ካሰ ህንተ ማይዛ አዋቶ ጫቄዳዋዳን ህንተ ዛዋ አሶፐ፥ ቃይ ህንተ ማይዛ አዋቶ እማና ጌዳ ቢታ ኡባ ህንተንቶ እሞፐ፥ 
\v 9 ሀ ሄዙ ካታማቱዋፐ ሀራ ሄዙ ካታማቱዋ ጉጂታ። ሀቼ ታን ህንተና አዛዝያዋ ኡባ ህንተ ፖሎፐ፥ መና ጎዳ ህንተ ጾሳ ዶሶፐነ እ ህንተና ታማርሴዳ ኦግያን ምኒደ ደኦፐ፥ ሀ ቢታይ ህንተንቶ እመታና። 
\v 10 ሄዋ ኦፐ፥ መና ጎዳይ ህንተ ጾሳይ ላታ ኦደ ህንተንቶ እምያ ጋድያን ጌሻ አሳ ሱይ ጉከና፤ ቃይ ህንተካ ሱ ጉስያ ናጋራፐ አቲታ።
\p
\v 11 “ሽን እት አሳይ ባረ ሾሩዋ እጺደ፥ ዙግ ናጊደ አ ዎደ፥ ሀ ካታማቱዋፐ እቶ ባቃቶፐ፥ 
\v 12 አ ካታማ ጭማቱ እ ባቃቴዳ ካታማፐ ኪት አሂሲደ፥ ሀሉዋ ከሳናዉ አ ኮይያዎ አ እምኖ። 
\v 13 አዉ አይነ ቃረቶፕተ፤ ህንተንቶ ኡባባይ ሎአ ግዳና ማላ፥ ጌሻ ሱ ጉስያዋ እስራኤልያ ግዶፐ ይስተ።
\s1 በን ዛዋቱዋ
\p
\v 14 “መና ጎዳይ ህንተ ጾሳይ ህንተ ላታናዳን እምያ ጋድያን፥ በን አሳይ ኤሴዳ ነ ሾሩዋ ቢታ ዛዋ ሾዶፓ።\x - \xo 19:14 \xo*\xt ዛረ. 27:17\xt*\x*
\s1 ማርካቱዋባ
\p
\v 15 “እት አሳ ባይዛንቻ ጋናዉ እት ማርካ ጻላላይ ግደና። ላኡ ዎይ ሄዙ ማርካይ ማርካትና፥ ሄ ሞቱ ፕርደታናዉ ኮሼ።\x - \xo 19:15 \xo*\xt ፓይ. 35:30፤ ዛረ. 17:6፤ ማቶሳ 18:16፤ ዮሃ. 8:17፤ 2 ቆሮ. 13:1፤ 1 ጽሞ. 5:19፤ እብራ. 10:28\xt*\x*
\p
\v 16 “እት አሳይ ሀራ ዎርዱዋን ሞታናዉ ደንዶፐ፥ 
\v 17 ሄ ሞትያዌነ ሞተትያዌ ላኡካ መና ጎዳ ስንን፥ ቄሳቱ ዋ ስንንነ ሄ ዎደ ፕርድያ ዳናቱዋ ስንን ኤቂኖ። 
\v 18 ያቶፐ ዳናቱ ሄ የዉዋ ምንሲደ ብድኖ፤ ሄ ሞትያዌ ባረ እሻ ዎርዱዋን ሞቴዳዋ ግዶፐ፥ 
\v 19 እ ሄ ሞቱዋን ባረ እሻ ሙርሳናዉ ቆፔዳ ሙራ ባረዉ ሙረቶ፤ ሄዋዳን ኦደ፥ ሄዋ ማላ ኢታ ህንተ ግዶፐ ድግተ። 
\v 20 ያቶፐ፥ ሀራ አሳይ ሄዋ ስሲደ ያያና፤ ሄዋ ማላ ኢታ ኦሱዋ ላኤን ኦና። 
\v 21 ሄዋ ማላ ኢታ ኦዳዎ አይነ ቃረቶፕተ፤ ሸምፑዋ ዎዳዌ ሀይቆ፤ አይፍያ ድራዉ አይፍያ፤ አቻ ድራዉ አቻ፤ ኩሽያ ድራዉ ኩሽያ፤ ገድያ ድራውካ ገድያ።\x - \xo 19:21 \xo*\xt ከሳ 21:23-25፤ ዎጋ 24:19-20፤ ማቶሳ 5:38\xt*\x*
\c 20
\s1 ኦላባ
\p
\v 1 “ህንተ ሞርክያና ኦለታናዉ ብያ ዎደ፥ ኡንቱንቱ ፓራቱ፥ ፓራ ጋረቱነ ኡንቱንቱ ኦላንቻቱ ህንተፐ ዳርና በኢደ፥ ኡንቱንቶ ያዮፕተ፤ አያዉ ጎፐ፥ ህንተና ግብጼፐ ከሴዳ መና ጎዳይ ህንተ ጾሳይ ህንተናና ደኤ። 
\v 2 ህንተ ኦላ ዶማናፐ ካሰቲደ፥ ቄሲ ስንዉ አደ ሀዋዳን ያጎ፤ 
\v 3 ‘ህንተኖ እስራኤልያ አሳቶ፥ ስስተ፤ ህንተ ሀች ህንተ ሞርክያና ኦለታናዉ ሀኒታ። ስም ህንተ ዎዛናይ ዳጋሞፖ፤ ያዮፕተ፤ ኡንቱንቱ ስንን ኮኮሮፕተነ ሻባረቶፕተ። 
\v 4 አያዉ ጎፐ፥ መና ጎዳይ ህንተ ጾሳይ ህንተናና ብያ ድራዉ፥ ህንተ ሞርክያ ኦሊደ፥ ህንተንቶ ጾኑዋ እማና’ ያጎ።
\p
\v 5 “ኦላ ጋዳዋቱ ኡንቱንታ ሀዋዳን ያግኖ፤ ‘ኦራ ጎልያ ኬጺደ ገልቤና አሳይ ደኦፐ፥ እ ሀ ኦላን ሀይቂና፥ ሀራ አሳይ አ ጎልያ ገለናዳን፥ እ ጎለ ስሞ። 
\v 6 ዎይ ዎይንያ ቶኪደ፥ አ አይፍያን ናሸትቤና ኡራይ ደኦፐ፥ እ ሀ ኦላን ሀይቂና፥ ሀራ አሳይ አ ዎይንያ አይፍያን ናሸተናዳን፥ እ ባረ ጎለ ስሞ። 
\v 7 ማጫ አሳ ጊግሲደ አክቤና አሳይ ደኦፐ፥ እ ሀ ኦላን ሀይቂና፥ ሀራ አሳይ እዞ ማችያ አከናዳን፥ እ ባረ ጎለ ስሞ’ ያግኖ።
\p
\v 8 “ጋዳዋቱ ጉጂድካ አሳዉ ሀዋዳን ያግኖ፤ ‘ሀ አሳ ግዶን ያይያ አሳይነ ህርግያ አሳይ ኦንነ ደኦፐ፥ እ ባረ ላገቱዋ ዎዛናካ ያሻን ሴርሰናዳን እ ባረ ጎለ ስሞ’ ያግኖ። 
\v 9 ጋዳዋቱ ሀዋ አሳዉ ኦድ ዉርስያ ዎደ፥ ጭታዉ ጭታዉ ኦላ ጋዳዋቱዋ ዶርኖ።
\p
\v 10 “እት ካታማ ኦላናዉ ቢደ ህንተ አኮ ማትያ ዎደ፥ ኮይሮቲደ ሳሩዋን ኡንቱንቱ ኩሽያ እማናዳን ኦችተ። 
\v 11 ኡንቱንቱ ሳሩዋን ባረንቱ ኩሽያ እሚደ፥ ባረንቱ ግምቢያ ፐንግያ ዶዪደ ህንተና ገልሶፐ፥ ሄ ካታማን ደእያ አሳይ ኡባይ ህንተንቶ ሀጋዝኖነ ዴጾ ኦሱዋ ህንተንቶ ኦኖ። 
\v 12 ሽን ሄ ካታማ አሳይ ህንተንቶ ሳሩዋን ኩሽያ እመናን እጺደ፥ ህንተናና ኦላዉ ጊጎፐ፥ ህንተ ሄ ካታማ ዩሹዋ ዶድተ። 
\v 13 መና ጎዳይ ህንተ ጾሳይ ኡንቱንታ ህንተንቶ አ እምያ ዎደ፥ ሄ ካታማን ደእያ አቱማ አሳ ኡባ ማሻን ዉርስተ። 
\v 14 ሽን ማጫ አሳ፥ ናናቱዋ፥ መህያነ ካታማ ግዶን ደእያ ኡባባ ኦሞዱዋ ኦደ ህንተንቶ አኪተ። ቃይ መና ጎዳይ ህንተ ጾሳይ ህንተንቶ እምያ ህንተ ሞርከቱዋ ኦሞዱዋን ጎኤትተ። 
\v 15 ህንተ ደኢያሳፐ ሃኪደ ደእያ ካታማቱዋካ ኦይቂያ ዎደ፥ ሄዋዳን ኦታ።
\p
\v 16 “ሽን መና ጎዳይ ህንተ ጾሳይ ህንተንቶ ላታ ኦደ እምያ ጋድያን ሸምፑዋና ደእያዋ እትባነ አሸናን ዎተ። 
\v 17 መና ጎዳይ ህንተ ጾሳይ አዛዜዳዋዳን፥ ሂተቱዋ፥ አሞረቱዋ፥ ካናነቱዋ፥ ፓርዘቱዋ፥ ሂዌቱዋነ ያቡሳቱዋ ዉርሲደ ዎተ። 
\v 18 ሄዌ ዮፐ፥ ኡንቱንቱ ባረንቱ ጾሳቶ ጎይንያ ቱና ኦሱዋ ህንተ ኦናዳን ህንተና ታማርሳና፤ ሄዋን ህንተ መና ጎዳ ህንተ ጾሳ ቦላ ናጋራ ኦና።
\p
\v 19 “ካታማ ኦይቃናዉ ዩሹዋ ዶድ፥ ዳሮ ጋላሳ ኦለቲደ ጋምእያ ዎደ፥ አን ደእያ አይፍያ እምያ ም ካልታን ቃንጾፕተ፤ ኡንቱንቱ አይፍያ ሚተፐ አትና፥ ኡንቱንታ ቃንጾፕተ። አያዉ ጎፐ፥ ህንተ ዩሹዋን ዶዲደ ኦልያዌ አሳፐ አትና፥ ደምባን ደእያ ም ግደና። 
\v 20 ሽን ህንተ ኤርያ አይፍያ እመና ሀራ ምቱዋ ቃንጺደ፥ ህንተናና ኦለትያ ካታማይ ኩንዳና ጋካናዉ፥ ሄዋን ዶድያ ጌሱዋ ኬጽተ።
\c 21
\s1 ዎዳ ኡራይ ኤረትቤና ዎንጃላ
\p
\v 1 “ህንተ ላታናዳን መና ጎዳይ ህንተ ጾሳይ ህንተንቶ እምያ ጋድያን፥ ኦን ዎደንቶ ኤረና አሃይ ኩንዲደ ቤቶፐ፥ 
\v 2 ህንተ ዳናቱነ ህንተ ጭማቱ ቢደ፥ ሄዋ ዩሹዋን ደእያ ካታማቱዋፐነ ሄ አሃፐ ግዱዋን ደእያ ሃኮተ ልክኖ። 
\v 3 ሄዋፐ ጉይያን፥ አሃይ ኩንዴዳሳ ማታትያ ካታማ ጭማቱ፥ ኦሶ ጋካቤና፥ እ ሞርግያን ቃምባራይ ዎቤና ኡሳቶ አክኖ። 
\v 4 ጎግያ ሃይ ደእያ ጎሸትቤና ሳነ ዘረትቤና ዛንጋራ አፊደ፥ ሄ ኡሳት ሞርጊያ ምርቂደ መንኖ። 
\v 5 ያቶፐ ሌዊያ ናናይ፥ ቄሳቱ ሄ ሳኣ እትፐ ቢኖ፤ አያዉ ጎፐ፥ ሀዋ ማላ ኢታ ሀይቁዋነ ሞቱዋ ሻኪደ ፕርዳናዉ፥ መና ጎዳይ ህንተ ጾሳይ ባረ ስንን ኦናዉ፥ መና ጎዳ ሱንንካ አንጃናዉ ኡንቱንታ ዶሬዳ። 
\v 6 ሄዋፐ ጉይያን፥ ሄ አሃይ ኩንዴዳሳ ማታትያ ካታማ ጭማቱ ኡባይ፥ ዛንጋራን ሞርጊያ ምርቂደ ዎዳ ኡሳት ቦላ ባረንቱ ኩሽያ ሜጨቲደ፥ ሀዋዳን ያግኖ፦ 
\v 7 ‘ኑ ኩሺ ሀ ሱ ጉስቤና፤ ኑ አይፊካ ሀዋ ኦዳዋ በእቤና። 
\v 8 አቤት መና ጎዳዉ፥ ኔን ዎዜዳ ነ አሳ፥ እስራኤልያ ማራ፤ ሀ ጌሻ ሱ ነ አሳ ቦላ ናቁዋ ኦደ ፓይዶፓ ያግኖ’። ሄ ሱ ድራዉ፥ ኡንቱንቶ አቶ ጌተታና። 
\v 9 ህንተ መና ጎዳ አይፍያ ስንን ሄዋዳን ኦደ፥ ጌሻ ሱይ ጉኬዳ ናጋራ ህንተ ግዶፐ ድግተ።
\s1 ኦላን ኦሞደቴዳ ማጫ አሳቱዋባ
\p
\v 10 “ህንተ ሞርክያና ህንተ ኦለታናዉ ከስና፥ መና ጎዳይ፥ ህንተ ጾሳይ፥ ኡንቱንታ ህንተ ኩሽያን አ እምና፥ ኡንቱንታ ኦሞድያ ዎደ፥ 
\v 11 ኦሞደቴዳ አሳ ግዶን እት ማላንቻ ምሽራቶ በኣደ፥ እዞ አሞታደ፥ ማቼ ኡዳናዉ ኮዮፐ፥ 
\v 12 ነ ጎለ አያ፤ እ ሁጲያ ሜዳ፤ እ ጹጉንካ ጭጋ። 
\v 13 ኦሞደትያ ዎደ ደእያ ማዩዋ ቃራ ድጋደ፥ ነ ሶን ኡታደ፥ ባረ አዎነ ባረ ዳይዉ እት አግና ኩመን ካዮቱ። ሄዋፐ ጉይያን፥ እዞ አካ። 
\v 14 ያታ ስምና፥ እዝና ደእያዌ ኔና ናሸቼናን ዮፐ፥ አ ባረ ኮዮሳ ባናዳን የዳ አጋ። ኔን እዞ ማቼ ኦደ እትፐ አቄዳ ድራዉ፥ እዞ ሻሉዋን ዛልአናዉ ዎይ ካዉሻናዉ በሰና።
\s1 ባይራ ናአይ ላትያ ማታ
\p
\v 15 “እት አሳዉ እ ዶስያነ እጽያ ላኡ ማጫ አሳቱ ደኦፐ፥ ቃይ ሀ ላአቱካ አዉ አቱማ ናናቱዋ የሌዳዋንታ ግድሽን፥ ባይራ የለቴዳዌ ሀ እጽያ ማጫ ምሽራትፐ የለቴዳዋ ግዶፐ፥ 
\v 16 ባረ ናናዉ ባረ አቁዋ እ ላትስያ ዎደ፥ እ እጽያንፐ የለቴዳ ባይራይ ደእሽን፥ እ ዶስያንፐ የለቴዳ ቴፋ ባይራያናዉ በሰና። 
\v 17 ሀራ ናናዉ እምያዋፐ ላኡ ኩሽያ አ እምያዋን ሀ እጽያን ናአይ ባይራ ግድያዋ ኤርሳናዉ በሰ። አያዉ ጎፐ፥ ሄ ናአይ አዉ ኩሽያ ገድያ ጳልቄዳ ባይራ ግድያ ድራዉ፥ ባይራቱዋ እ አካናዉ በሰ።
\s1 አዎነ አትዉ አዛዘተናን እጼዳ ናኣ
\p
\v 18 “አዎነ አትዉ አዛዘተናን እጼዳ፥ ኡንቱንቱ ሴርናካ ስመና ሞርግያ ዞዳነ ማካላንቻ ግዲደ ስመና ናእ ደኦፐ፥ 
\v 19 አዉነ አታ ሄ ካታማ ፐንግያን ደእያ ጭማቱዋኮ አ ኦይቂ አክ አህኖ። 
\v 20 ጭማቶ ሀዋዳን ያግኖ፤ ‘ሀዌ ኑ ናአይ ሞርግያ ዞዳነ ማካላንቻ፤ እ ኑዉ ሙለካ አዛዘተና፤ ሚሻ ላል ካእያዋነ ኡሻንቻ’ ያጊደ ኦድኖ። 
\v 21 ሄዋፐ ጉይያን፥ ሄ ካታማን ደእያ አቱማ አሳይ ኡባይ እ ሀይቃና ጋካናዉ፥ ሹቻን ጫዲደ አ ዎኖ። ሄዋዳን ኦያዋን ህንተ ግዶፐ ኢታ ይስተ። ያቶፐ እስራኤልያ ኡባይ ሄዋ ስሲደ ያያና።
\s1 ዱማ ዱማ ህገቱዋ
\p
\v 22 “እት አሳይ ሀይቁዋ ፕርድስያ ዳባ ኦና፥ ህንተ አ ምን ካቂ ዎፐ፥ 
\v 23 ሄ ካቀቴዳ ምን አ አሃይ አቆፖ፤ አ ሄ ጋላስ ሞግተ። አያዉ ጎፐ፥ ም ቦላን ካቀት ሀይቂያ ኦንነ ጾሳን ሸቀቴዳዋ። መና ጎዳይ ህንተ ጾሳይ ህንተንቶ ላታ ኦደ እምያ ህንተ ቢታ ህንተ ቱንሶፕተ።\x - \xo 21:23 \xo*\xt ጋላ. 3:13\xt*\x*
\c 22
\p
\v 1 “እስራኤልያ አሳ ቦራይ ዎይ ዶርሳይ ባዪደ ዎራ ቢሺና በኦፐ፥ ሸነኮ ጋደ አጋ አጎፓ፤ አ ጎዳዉ ላጋ አሃደ እማ።\x - \xo 22:1-4 \xo*\xt ከሳ 23:4-5\xt*\x* 
\v 2 ሄ መህያ ጎዳይ ነ ሄራ ግዳና ዮፐ፥ ዎይ አ ጎዳይ ኦነንቶ ኔን ኤራና ዮፐ፥ አ ጎዳይ ኮዪደ ያና ጋካናዉ፥ ነ ጎለ አካደ አፋ፤ እ ዪደ፥ ደምያ ዎደ፥ አዉ እማ። 
\v 3 ሄዋዳን ሀርያ ግድና፥ ማዩዋ ዎይ አያነ ባዬዳዋ ደሞፐ፥ አ ጎዳዉ ዛራፐ አትና፥ ሸነኮ ጎፓ።
\p
\v 4 “እስራኤልያ አሳ ሀሪ ዎይ ቦራይ ኦግያን ኩንዴዳዋ በኦፐ፥ ማዳደ ደንፐ አትና፥ ሸነኮ ጋደ አጋ አጎፓ።
\p
\v 5 “ማጫ አሳይ አቱማ አሳ ማዩዋ ማዮፕኖ፤ አቱማ አሳይካ ማጫ አሳ ማዩዋ ማዮፕኖ። አያዉ ጎፐ፥ ሄዋ ማላባ ኦያ ኦናነ መና ጎዳይ ህንተ ጾሳይ ሻቴ።
\p
\v 6 “ኦግያን ነ ቢሺና፥ ምን ግድና፥ ሳኣን ባረ ማራ ዎይ ቁቁልያ ሀጳ ኡቴዳ ካፋቶ ደሞፐ፥ እዞ እ ማራና ጋ ኦይቃደ ነ ጎለ አፎፓ። 
\v 7 ማራቱዋ አካ አፋናዉ ዳንዳያሳ፤ ሽን ዳዮ ባናዳን የዳ አጋ። ሄዋዳን ኦፐ፥ ኔን ዱረታደ አዱሳ ላይ ደአና።
\p
\v 8 “ኦራ ጎልያ ኬጽያ ዎደ፥ ቃ ካራፐ አሳይ ኩንድ ሀይቂና ነ ኦሸተናዳን፥ ዘምፒደ አትያዋ ጊግሳ።
\p
\v 9 “ነ ዎይንያ ሾይቃን ላኡ ቆሞ ካ ዘሮፓ፤ ሄዋዳን ኦፐ፥ ነ ዘሬዳ ካይነ ዎይኒ ላኡካ ባያና።\x - \xo 22:9-11 \xo*\xt ዎጋ 19:19\xt*\x*
\p
\v 10 “ቦራነ ሀርያ እትፐ ዋጻደ ጎሾፓ።
\p
\v 11 “ሱፍያፐነ ሊኑዋፐ ዋላካን ዳደቴዳ ማዩዋ ማዮፓ።
\p
\v 12 “ነ ማዬዳ ማዮ ኦይዱ ባጋናካ ማጫራይ ደኦ።\x - \xo 22:12 \xo*\xt ፓይ. 15:37-41\xt*\x*
\s1 ገሉዋ አኩዋ ጌሻተን ናግያዋ
\p
\v 13 “እት አሳይ ማቻቶ አኪደ፥ እዝና አቅ ስሚደ፥ እዞ ዶሳና ዮፐ፥ 
\v 14 ‘ሀኖ ታ አካደ እዝና አቅያ ዎደ፥ ህጊ እዝዉ ባዋ’ ያጊደ እዞ ባይዚደ ሃሳዮፐ፥ 
\v 15 ሄ ናት አዉነ ዳያ እ ህግያ ማላታ አክ አፊደ፥ ካታማ ፐንግያን ደእያ ጭማቱዋ በስኖ። 
\v 16 ናት አዉ ጭማቶ ሀዋዳን ያጊደ ኦዶ፥ ‘ታን ታ ናቶ ሀዎ ማቼ ኦደ እማድ፤ ሽን እ እዞ እጼዳ። 
\v 17 እ፥ “ነ ናትን ህጊ ባዋ” ያጊደ እዞ ባይዚደ ሃሳየ፤ ሽን ታ ናት ህግያ ማላታ ሀዋ በእተ’ ያጊደ፥ እዝ ህግያ ኤርስያ ጫርቂያ በሶ። 
\v 18 ያትና ሄ ካታማ ጭማቱ አ ሙርኖ። 
\v 19 እ እስራኤልያ ዎዶራት ሱን ባይዜዳ ድራዉ፥ ጭማቱ አ ጼቱ ጻጋራ ብራ ሙሪደ፥ ሄዋ ናት አዎ እምኖ። ናታካ አዉ ማቼ ግዳደ ደኡ፤ ባረ ደኦ ላይ ኡባን እ እዞ የዳናዉ በሰና።
\p
\v 20 “አ ሞቱ ቱማ ግዲደ፥ ናትን ዎዶሮተይ ዮፐ፥ 
\v 21 ናቶ እዝ አዉዋ ካረ አሂደ፥ ሄ ካታማ አቱማ አሳይ እዞ ሹቻን ጫዲደ ዎ። አያዉ ጎፐ፥ አ ባረ አዉዋ ሶን ደኣደ ሻርሙጻ ግዳደ፥ እስራኤልያ ግዶን ሀ ፖኮባ ኦዱ፤ ሄዋዳን ኦደ ህንተ ግዶፐ ኢታ ድግተ።
\p
\v 22 “አይ አሳይነ ሀራ አሳ ማጫ አሳና ሻርሙጺደ ኦይቀቶፐ፥ እካ አናና ሻርሙጼዳ ማጫ ምሽራታካ ሀይቂኖ። ሄዋዳን ኦደ፥ ህንተ ግዶፐ ኢታ ድግተ።
\p
\v 23 “አይ አሳይነ ሀራዉ ጊጌዳ ዎዶራቶ ካታማ ግዶን ደሚደ እዝና ሻርሙጾፐ፥ 
\v 24 ኡንቱንታ ላኡዋካ ካታማፐ ጋጻ ከሲደ፥ ሹቻን ጫዲደ ዎተ። አያዉ ጎፐ፥ ናታ ካታማን ደኣደ፥ አሳይ አሻናዳን ዋሳበይኩ። እ ሀይቂያዌ ቃይ ሀራ አሳዉ ጊጋ ኡቴዳ ዎዶራቶ ባይዜዳ ግሻሳ። ሄዋዳን ኦያዋን ህንተ ግዶፐ ኢታ ድግተ።
\p
\v 25 “እት አሳይ አሳዉ ጊጌዳ ዎዶራቶ አሳይ ባይና ሳኣን ዎልቃን ኦይቂደ፥ እዝና ግሶፐ፥ አ ጻላላይ ሀይቆ። 
\v 26 ናቶ አይነ ኦፕተ፤ እዞ ዎናዉ በስያ ናጋራ ኦበይኩ። ሀዌ እት አሳይ ጮ ባረ ሾሩዋ ቦላ ደንዲደ፥ ዎያ አሳ ፕርዳ ማላ ፕርዳ። 
\v 27 አያዉ ጎፐ፥ እ እዞ አሳይ ባይና ሳኣን ደሚደ ኦይቂና፥ ሄ ዎዶሮ ናታ ዋሳዱ፤ ሽን እዞ አሽያ አሳይ ደእቤና።
\p
\v 28 “አይ አሳይነ አሳዉ ጊጋቤና ዎዶራቶ ኦይቂደ፥ እ ህግያ አክ ድጊደ ኦይቀቶፐ፥\x - \xo 22:28-29 \xo*\xt ከሳ 22:16-17\xt*\x* 
\v 29 ናት አዎ እሻታሙ ጻጋራ ብራ ጭጎ። ያቲደ ናቶ ባረዉ ማቼ ኦ። ባረ ደኦ ላይ ኡባን እዞ የዶፖ።
\p
\v 30 “አይ አሳይነ ባረ አዉዋ ማቻቶ አኪደ፥ ባረ አዉዋ ካዉሾፖ።\x - \xo 22:30 \xo*\xt ዎጋ 18:8፤ 20:11፤ ዛረ. 27:20\xt*\x*
\c 23
\s1 አሳ ማባራፐ ሻክያ ሀኖታ
\p
\v 1 “ሳንግሰቴዳ ዎይ ቃራተቴዳ አቱማ አሳይ፥ መና ጎዳ ሺቁዋ ግዶን ቤቶፖ።
\p
\v 2 “ሻርሙጻን የለቴዳ አሳይ መና ጎዳ አሳ ማባራ ገሎፖ፤ ሀራይ አቶ ቢደ ታማን የለታ ጋካናዉካ፥ አ ዛርያፐ ኦንነ መና ጎዳ አሳ ማባራ ግዶ ገሎፖ።
\p
\v 3 “አሞና አሳ ግድና፥ ዎይ ሞኣባ አሳ ግድናካ፥ መና ጎዳ አሳ ማባራ ገሎፖ፤ ሀራይ አቶ ቢደ ታማን የለታ ጋካናዉካ፥ ኡንቱንቱ አሳ ግዴዳ ኦንነ መናዉካ መና ጎዳ አሳ ማባራ ገሎፖ።\x - \xo 23:3-5 \xo*\xt ናህ. 13:1-2\xt*\x* 
\v 4 አያዉ ጎፐ፥ ህንተ ግብጼፐ ከሲደ ሄመትሽን፥ ኡንቱንቱ ህንተና ካናነ ሃና ሞክበይክኖ። ሄዋዳንካ፥ ማስጰጾምያን ፓቶራ ግያ ካታማን ደእያ ብኦራ ናኣ ባላም ህንተና ሸቃና ማላ ቃጻሬድኖ።\x - \xo 23:4 \xo*\xt ፓይ. 22:1-6\xt*\x* 
\v 5 መና ጎዳይ፥ ህንተ ጾሳይ፥ ባላም ግያዋ ስሳናዉ ኮይቤና፤ አ ሸቃ ህንተንቶ አንጆ ላሜዳ። አያዉ ጎፐ፥ መና ጎዳይ ህንተ ጾሳይ ህንተና ሲቄ።\x - \xo 23:5 \xo*\xt ፓይ. 23:7—24:9\xt*\x* 
\v 6 ህንተ ደኦ ላይ ኡባን መናዉካ ኡንቱንቱ ሳሮ ደአናዳንነ ኡንቱንቱ ዱረታናዳን አሞቶፕተ።
\p
\v 7 “ህንተዉ ኡንቱንቱ ዳቦ ግድያ ድራዉ፥ ኤዶማቱዋ ካደ እጾፕተ፤ ቃይ ግብጼቱዋካ እጾፕተ። አያዉ ጎፐ፥ ህንተ ኡንቱንቱ ጋድያን በተ ግዲደ ደኤድታ። 
\v 8 ኡንቱንቶ ሄዘን የለታ ናናይ መና ጎዳ አሳ ማባራ ገላናዉ ዳንዳዪኖ።
\s1 ኦላዉ ዱንካኔዳ ሳኣ ዎጋዳን ጌሻን ናጉሳ
\p
\v 9 “ህንተ ህንተ ሞርክያ ኦላናዉ ከሲደ እትሳን ካምቡዋ መ ዎደ፥ ህንተና ቱንስያዋፐ ኡባፐ ሻከትተ። 
\v 10 ቃማ አኩሙዋን ማጫ አሳና ጋከቴዳዋ ኤርስያ እርጻባይ አን ደእያ አይ አሳይነ ደኦፐ፥ ዱንካኔዳ ሳኣፐ ጋጻ ከሲደ ያን ጋምኦ። 
\v 11 ሳአይ ኦማርስያ ዎደ፥ ባረ ቦላ ሜጨቲደ፥ ለለምእያ ዎደ ዱንካኔዳሳ ስሞ።
\p
\v 12 “ህንተ ሼሻዉ ኡትያሳ ዱንካኔዳ ሳኣፐ ካረና ጊግስተ። 
\v 13 ሼሻዉ ኡትያሳ ቦካናዉ ዞሩዋ ህንተ ኦላ ሚሻና ጋ ኦይቂተ፤ ሼሻዉ ኡት ስሚደ፥ ኦላን ቢታ ዛርተ። 
\v 14 አያዉ ጎፐ፥ መና ጎዳይ ህንተ ጾሳይ ህንተና ናጋናዉነ ህንተ ሞርከቱዋ ህንተ ኩሽያን አ እማናዉ፥ ህንተ ሄራን ያነ ሃነ ሀመቴ። ሄዋን እ ሸነይያባ አያነ በኢደ፥ ህንተፐ ዎራ ስመናዳን፥ ህንተ ሄራን ጌሻ ግዳናዉ ኮሼ።
\s1 ዱማ ዱማ ህገቱዋ
\p
\v 15 “ባረ ጎዳፐ ባቃቲደ፥ ኔኮ ዬዳ አይልያ ዛራደ አ ጎዳዉ እሞፓ። 
\v 16 እ ህንተ ካታማቱዋፐ ባረ ኮዬዳዋን ደኦ፤ አ ኡቁኖፕተ።
\p
\v 17 “እስራኤልያ አሳፐ ኦንነ አቱማ ግድና፥ ማጫ ግድናካ፥ አላጋ ጾሳዉ ጎይንያዋንቱ ኦያዋዳን፥ ሻርሙጽያዋ ግዶፖ።\x - \xo 23:17 \xo*\xt ዎጋ 19:29\xt*\x* 
\v 18 ሄዋዳንካ፥ አቱማዋ ግድና፥ ማጫውኖ ግድና፥ ሻርሙጻን ደሜዳ ሚሻ ሺቁዋ ጋናዉ መና ጎዳ ህንተ ጾሳ ጎልያ አሆፕኖ። አያዉ ጎፐ፥ ኡንቱንቱ ላኡዋካ መና ጎዳይ ህንተ ጾሳይ ሻቴ።
\p
\v 19 “ነ ዛረ ግድያ እስራኤልያ አሳዉ ሚሻ፥ ካ ግድና ሀራባ ታልአደ ድቻ አኮፓ።\x - \xo 23:19-20 \xo*\xt ከሳ 22:25፤ ዎጋ 25:36-37፤ ዛረ. 15:7-11\xt*\x* 
\v 20 ሀራ ቢታ አሳፐ ድቻ ኦቻናዉ ዳንዳያሳ፤ ሽን ኔን ላታናዉ ገልያ ጋድያን ኔን ኦያባን ኡባን መና ጎዳይ ነ ጾሳይ ኔና አንጃና ማላ፥ ነ ዛረ ግድያ እስራኤልያ አሳዉ ድቻዉ ታልኦፓ።
\p
\v 21 “መና ጎዳዉ፥ ነ ጾሳዉ፥ እማናዉ ገፔዳዋ እማናዉ ጋምኦፓ። መና ጎዳይ ነ ጾሳይ ኔን ገፔዳዋ ኩመንን ኔፐ ኮይያ ድራዉ፥ ፖላና ዮፐ፥ ነዉ ናጋራ ግዳና።\x - \xo 23:21 \xo*\xt ፓይ. 30:1-16፤ ማቶሳ 5:33\xt*\x* 
\v 22 ሽን ኔን ገፓና ዮፐ፥ ሄዋን ነዉ ናጋራይ ባዋ። 
\v 23 መና ጎዳዉ፥ ነ ጾሳዉ፥ እማና ጋደ ኔን ዶናን ሃሳዬዳዋ ነ ዶሱዋን እማና ጌዳ ድራዉ፥ ነ እንጻርሳን ሃሳዬዳዋ ፖላ።
\p
\v 24 “ነ ሾሩዋ ዎይንያ ግዱዋና አያ ዎደ፥ ዎይንያፐ ነ ኮዬዳ ኬና ማፐ አትና፥ አፐ አያነ ነ ኦይቄዳ ሚሻን የጎፓ። 
\v 25 ነ ሾሩዋ ሾይቃና ካንያ ዎደ፥ ሄ ሾይቃን ደእያ ትሻፐ ዱደ ማፐ አትና፥ ነ ሾሩዋ ካ ባጫን ጫካደ ጎለ አፎፓ።
\c 24
\s1 ማቻቶ የድያዋነ ላኤን አኩዋ
\p
\v 1 “እት አሳይ ማቼ አክ ስሚደ፥ እት ኢታባ እ ቦላ ደሚደ እዞ እጾፐ፥ እዝዉ ፓራማ ጻፍ እሚደ፥ ባረ ጎለፐ ከሲደ የዶፐ፥\x - \xo 24:1 \xo*\xt ማቶሳ 5:31፤ 19:7፤ ማር. 10:4\xt*\x* 
\v 2 እዛ አ ጎለፐ ከሳደ፥ ሀራ አስና ገሎፐ፥ 
\v 3 ሄ ላኤን አስናይካ እዞ ዶሰናን እጺደ፥ ፓራማ እዝዉ ጻፍ እሚደ፥ ባረ ጎለፐ እዞ ከሲደ የዶፐ፥ ዎይ እዞ አኬዳ ሄ ላኤን አስናይ ሀይቆፐ፥ 
\v 4 አ ቱኔዳ ድራዉ፥ ኮይሮ ፓራሜዳ አስናይ ላኤን እዞ ዛሪደ አኮፖ። ሄዌ መና ጎዳ ማታን እጸቴዳዋ፤ ቃይ ህንተካ መና ጎዳይ ህንተ ጾሳይ ህንተንቶ እምያ ጋድያን ሀዋ ማላ ናጋራ ኦፕተ።
\p
\v 5 “ኦራ ማቼ አኬዳ አሳይ ኦላዉ ቦፖ፤ ሀራ ዴጾ ኦሱዋካ አዉ እሞፕተ። እት ላይይ አና ጋካናዉ፥ ሀቃነ ቤናን ባረ አኬዳ ማቻቶ ናሸቾ።
\s1 ዱማ ዱማ ህገቱዋ
\p
\v 6 “አይ አሳይነ አጮ ዎጻ ዎይ ማይድያ ኦይቆፓ፤ አያዉ ጎፐ፥ ሄዌ ጎልያ አሳይ ጋጭያባ ዪደ፥ ሀይቂኖ ግያዋ።
\p
\v 7 “ባረ እሻ ግድያ እስራኤልያ አሳ ዉእ አፊደ፥ አይልያ ከስያ አሳይ ዎይ ሀራዉ ዛልእያ አይ አሳይነ ሀይቆ። ሄዋዳን ኦያዋን ህንተ ግዶፐ ኢታ ድጊታ።\x - \xo 24:7 \xo*\xt ከሳ 21:16\xt*\x*
\p
\v 8 “ዎልቃማ ጋልባ ሀርግያን ሳከትያ አሳዉ ሌዊያ ዛረ ግድያ ቄሳቱ ህንተና ታማርሴዳዋዳን ኡባባ ፖልተ፤ ታ ኡንቱንታ አዛዜዳዋ ሄዋዳን ኦናዉ ናገትተ።\x - \xo 24:8 \xo*\xt ዎጋ 13:1—14:54\xt*\x* 
\v 9 ህንተ ግብጼፐ ከሲደ ኦግያን ደእሽን፥ መና ጎዳይ ህንተ ጾሳይ ሚርያም ቦላ ኦዳዋ ሀሳይተ።\x - \xo 24:9 \xo*\xt ፓይ. 12:10\xt*\x*
\p
\v 10 “ኔን ነ ሾሮ እትባ ታልኣደ፥ እ ኦይያዋ ኦቻናዉ አ ጎለ ገሎፓ።\x - \xo 24:10-13 \xo*\xt ከሳ 22:26-27\xt*\x* 
\v 11 ኔን ካረን ኤቃ ደእሽን፥ ነ ታልኤዳ ብታኒ ኦይያዋ ባረ ጎለፐ ከሲደ ነዉ እሞ። 
\v 12 እ ህዬሳ ግዶፐ፥ ነ አጮ ኦይቄዳ አ ማዩዋ ነ ሶን አይሶፓ። 
\v 13 እ ማዪደ አቃናዳን፥ ኦማርስ ዎደ አዉ ጉየ ዛራ፤ እ ሄዋን ኔና ጋላታና። ሄዌ መና ጎዳ ነ ጾሳ ማታንካ ነዉ ጌሻተ ግዳናዋ።
\p
\v 14 “ነ እሻ ግድያ እስራኤልያ አሳ ግድና፥ ዎይ ነ ቢታ ካታማፐ እቱዋን ደእያ ካረ ቢታ አሳ ህዬሳ ቃጻራደ ናቆፓ።\x - \xo 24:14-15 \xo*\xt ዎጋ 19:13\xt*\x* 
\v 15 እ ሀች ኦዳዋ ሀች አካናዉ ምንሲደ ኮይያ ድራዉ፥ አዋይ ዉለናን ሀች ጭጋ። ሄዌ ዮፐ፥ መቶታንቻይ ኔፐ መና ጎዳዉ ዋስና፥ ነዉ ናጋራ ግዳናዋ።
\p
\v 16 “ናናይ ኦዳ ናጋራ ድራዉ፥ አዎቱዋ ዎናዉ በሰና፤ ቃይ አዎቱ ኦዳ ናጋራ ድራዉካ፥ ናናቱዋ ዎናዉ በሰና። አሳይ ኡባይ ባረ ኦዳ ናጋራን ናጋራን ሀይቃናዉ በሰ።\x - \xo 24:16 \xo*\xt 2 ካታ. 14:6፤ 2 ኦዱዋ 25:4፤ ህዝ. 18:20\xt*\x*
\p
\v 17 “ካረ ቢታ አሳቱ ፕርዳነ አዉ አታ ባይናዋንቱ ፕርዳ ደሽሶፓ፤ አምአት ማዩዋ አ ታልኤዳዎ ጋደ ኦይቆፓ።\x - \xo 24:17-18 \xo*\xt ከሳ 23:9፤ ዎጋ 19:33-34፤ ዛረ. 27:19\xt*\x* 
\v 18 ህንተካ ግብጼ ጋድያን አይልያ ግዴዳዋነ መና ጎዳይ ህንተ ጾሳይ ህንተና ያፐ ዎዚደ ከሴዳዋ ሀሳይተ። ታን ሀዋ ህንተና አዛዝያዌ ሄዋ ድራሳ።
\p
\v 19 “ነ ሾይቃፐ ካ ጫክያ ዎደ፥ ነ ዶጌዳ ምርቂያ ቆራናዉ ጉየ ቦፓ። መና ጎዳይ ነ ጾሳይ ነ ኩሽያ ኦሶ ኡባን ኔና አንጃና ማላ፥ ሄዋ በትያዉ፥ አታ አዉ ባይና ናናቶነ አምኤቶ አጋ።\x - \xo 24:19-21 \xo*\xt ዎጋ 19:9-10፤ 23:22\xt*\x* 
\v 20 ነ ዎጋራ አይፍያ ማጽያ ዎደ፥ እቱነ አተናን ዉርሳደ ማጻናዉ ላኤንዋ ጉየ ስሞፓ፤ አቴዳዋ በትያዉ፥ አታ አዉ ባይና ናናቶነ አምኤቶ አጋ። 
\v 21 ነ ዎይንያ አይፍያ ማጽያ ዎደ፥ አቴዳዋ ቃርማናዉ ላኤንዋ ጉየ ቦፓ፤ ሄዋ በትያዉ፥ አታ አዉ ባይና ናናቶነ አምኤቶ አጋ። 
\v 22 ህንተካ ግብጼ ጋድያን አይልያ ግዲደ ደኤዳዋ ዶጎፕተ። ታን ሀዋ ህንተና አዛዝያዌ ሄዋ ድራሳ።
\c 25
\p
\v 1 “ላኡ አሳቱ ዋላቀቲደ ፕርዳ ጎልያ ዮፐ፥ ዳናቱ ጌሻ ነ ልከ ጊደ፥ ናቄዳዋ ነ ባይዛንቻ ጊደ ፕርድኖ። 
\v 2 ባይዛንቻይ ዋ በስያዋ ግዶፐ፥ ትራን ግስሲደ ዞክያ ሾጫናዉ ዳናይ አዛዞ፤ ያቶፐ ባይዛንቻይ ዳና ስንን ባረ ባይዙዋ ኬና ሾጨቶ። 
\v 3 እ ኦይታሙዋ ጋካናዉ ሾጨቶፐ አትና፥ ሄዋፐ ዳሩዋ ሾጨቶፖ። ሄዋፐ ዳሩዋ አ ሾጮፐ፥ ነ እሻይ ነ ስንን ካዉሻና።\x - \xo 25:3 \xo*\xt 2 ቆሮ. 11:24\xt*\x*
\p
\v 4 “ኡዱማን ካ የያ ቦራ ዶና ቃቾፓ።\x - \xo 25:4 \xo*\xt 1 ቆሮ. 9:9፤ 1 ጽሞ. 5:18\xt*\x*
\s1 ሀይቄዳ እሻዉ ኦናዉ በስያባቱዋ
\p
\v 5 “እትፐ ደእያ እሻቱዋፐ እቱ ናኣ የለናን ሀይቆፐ፥ አ ማቻታ ሀራ ባደ ገሉፑ፤ እዝ አስና እሻይ እዞ አኮ፤ እዝዉ ኮሽያዋ ፖሎ።\x - \xo 25:5-6 \xo*\xt ማቶሳ 22:24፤ ማር. 12:19፤ ሉቃሳ 20:28\xt*\x* 
\v 6 ያቶፐ ሀ ሀይቄዳዋ ሱንይ እስራኤልያፐ ፕተት የናዳን፥ አ ኮይሮ የልያ አቱማ ናአይ ሀ ሀይቄዳዋ ሱንን ጼገቶ።
\p
\v 7 “ግዶ ሽን፥ እ ባረ እሻ ማቻቶ አካናዉ ኮያና ዮፐ፥ እዛ ካታማ ፐንግያን ኡቴዳ ጭማቱዋኮ ባደ፥ ‘ታ አስና እሻይ ባረ እሻ ሱንይ እስራኤልያን ደአናዉ ኮይቤና፤ ታና አኪደ፥ ታዉ ኮሽያዋ ኩንናን እጼዳ’ ያጋደ ማጋኑ።\x - \xo 25:7-10 \xo*\xt ኡሩቶ 4:7-8\xt*\x* 
\v 8 ካታማ ጭማቱ አ ጼጊደ ኦችኖ፤ ሀእካ፥ ‘ታን እዞ አክከ’ ጊደ እጾፐ፥ 
\v 9 ሄ ሀይቄዳዋ ማቻቶ ጭማቱዋ ስንን አኮ ሺቃደ፥ አ ገድያ ጫማፐ እቱዋ ከሳደ፥ አ ሶምኡዋን ጩቻ ጩቻደ ሀዋዳን ያጉ፤ ‘ባረ እሻዉ ዘረይ ደአናዉ ኮየና አሳ ቦላ፥ ሀዋ ማላ ካዉሻይ ጋካናዉ በሴ’ ያጉ። 
\v 10 አ ዛሪ እስራኤልያን፥ ‘ጫማ ከሴዳዋንቱ ሶያ’ ጌተት ጼገቲደ ደአና።
\s1 ሀራ ህገቱዋ
\p
\v 11 “ላኡ አሳቱ ዋትሽን፥ እቱዋ ማቻታ ያደ፥ ባረ አስና ሾጭያዋ ኩሽያፐ አሻናዉ፥ ባረ ኩሽያ የዳደ ህንኩዋ አቱማተ ኦይቆፐ፥ 
\v 12 እዝዉ አይነ ቃረተናን እ ኩሽያ ቃንጽተ።
\p
\v 13 “ነ ኬሻ ግዶን ዴጾነ ካዉሻ ግዴዳ ላኡ ሚዛናቱ ደኦፕኖ።\x - \xo 25:13-16 \xo*\xt ዎጋ 19:35-36\xt*\x* 
\v 14 ነ ሶን ዳርሲደነ ጉደ ልክያ ላኡ ማክያባይ ደኦፖ። 
\v 15 መና ጎዳይ ነ ጾሳይ ነዉ እምያ ጋድያን አዱሳ ላይ ነ ደአናዳን ኩመንነ ልከ ሚዛናይነ ማክያባይ ነዉ ደኦ። 
\v 16 አያዉ ጎፐ፥ መና ጎዳይ ነ ጾሳይ ሄዋ ማላባ ኦደ፥ ባለያ አሳ ኡባ ሻቴ።
\s1 አማሌቃቱዋ ዎናዉ እመቴዳ አዛዙዋ
\p
\v 17 “ህንተ ግብጼፐ ከሲደ ቢደ ደእሽን፥ አማሌቃቱ ህንተ ቦላ ኦዳዋ ሀሳይተ።\x - \xo 25:17-19 \xo*\xt ከሳ 17:8-14፤ 1 ሳሜላ 15:2-9\xt*\x* 
\v 18 ኡንቱንቱ ጾሳዉ ያየና አሳ፤ ህንተ ኦግያን ህንተናና ኤቀቴድኖ። ህንተ ሄመትሽን፥ ዳቡሪደ ጉየ አቴዳ አሳ ኡባ ዎድኖ። 
\v 19 ሄዋ ድራዉ፥ መና ጎዳይ ህንተ ጾሳይ ህንተና ሄ ቢታ ላትሲደ፥ ህንተ ዩሹዋን ደእያ ሞርከቱዋ ኡባፐ ህንተና ሸምፕስያ ዎደ፥ ሀ ጋድያን ኡንቱንታ ሀሳይያ አሳይ ያና ጋካናዉ፥ አማሌቃቱዋ ኡባ ሳሉዋ ጉፋንፐ ይስተ፤ ሄዋ ኦናዋ ሙለካ ዶጎፕተ።
\c 26
\s1 ባይራ ካ ያርሹዋ
\p
\v 1 “መና ጎዳይ ህንተ ጾሳይ ህንተና ላትስያ ቢታ ገሊደ ኡትያ ዎደ፥ 
\v 2 መና ጎዳይ ህንተ ጾሳይ ህንተንቶ እምያ ጋድያን ሞኬዳ ካ ኡባፐ ባይራትያዋ ቁንኣና መና ጎዳይ ህንተ ጾሳይ ባረ ሱንይ ሄዋን ጼሰታናዳን ዶሬዳ ሳአዉ አኪደ ቢተ።\x - \xo 26:2 \xo*\xt ከሳ 23:19\xt*\x* 
\v 3 ያቲደ ሄ ዎድያን አዎትያ ቄስያኮ ቢደ፥ ሀዋዳን ያግተ፤ ‘መና ጎዳይ ኑ እማና ጊደ ካሰ ኑ ማይዛ አዋቶ ጫቄዳ ሳኣ ታና ገልሴዳ መና ጎዳዉ፥ ኑ ጾሳዉ፥ ሀች ታን ማርካታይ’ ያጎ።
\p
\v 4 “ያቶፐ ቄሲ ካይ ኩሜዳ ቁንኣ ነ ኩሽያፐ አኪደ፥ መና ጎዳዉ፥ ነ ጾሳዉ ያርሽያ ሳኣ ስንን ዎ። 
\v 5 ሄዋፐ ጉይያን፥ መና ጎዳ ነ ጾሳ ስንን ሀዋዳን ያጋደ ሃሳያ፤ ‘ታ ማይዛ አዉ ደኢያሳ ዪደ መቶቴዳ ሶርያ ቢታ አሳ፤ እ መቶቲደ፥ ፓይዱዋን ጉ አሳቱዋና ግብጼ ዎደ ያን ደኤዳ። ሄዋን ደኢደ እ ዎልቃማ ዎልቃማነ ፓይዱዋን ጮራ ጋደ ከሴዳ። 
\v 6 ሄዋ በኢደ፥ ግብጼቱ ኑዉ መቀ ኢቴድኖ፤ ኑና ኡንኤድኖ። ኑ ኦናዳን ዴጾ ኦሱዋ ኑ ቦላ ጫኔድኖ። 
\v 7 ያትና፥ ኑን መና ጎዳዉ፥ ኑ አዎቱዋ ጾሳዉ፥ ዋሴዶ። መና ጎዳይ ኑ ዋሱዋ ስሴዳ፤ ኑ ኡንኡዋ፥ ኑ ዳቡራነ ኑ ኡቁና በኤዳ። 
\v 8 መና ጎዳይ ባረ ዎልቃማ ኩሽያንነ ባረ ምጨቴዳ ቀስያን፥ ዎልቃማ ዳጋማን፥ ማላታንነ ማላልስያ ኦራባ ኦያዋን፥ ኑና ግብጼፐ ከሴዳ። 
\v 9 ሀ ሳኣ ኑና አሂደ፥ ማነ ኤሳ ጎግያ ሀ ቢታ ኑዉ እሜዳ። 
\v 10 ሄኮ ታን መና ጎዳይ እሜዳ ቢታ አይፍያፐ ኮይሩዋ አሃድ’ ያጋደ፥ ቁንኣ መና ጎዳ ነ ጾሳ ስንን ዎደ፥ አ ስንን ጎይና። 
\v 11 ነዉነ ነ ሶ አሳዉ መና ጎዳይ ነ ጾሳይ እሜዳዋን ናሸቲደ፥ ጋላትተ፤ ሌዋቱነ ህንተ ግዶን ደእያ በተቱ ኡባይካ ህንተናና ናሸትኖ።
\p
\v 12 “አስራታ ከስያ ሄዛን ላይን ላይን ሞኬዳዋ ኡባፐ አስራታ ከሳደ ፖልያ ዎደ፥ ነ ካታማን ደእያ ሌዋቶ፥ በተቶ፥ አታ አዉ ባይናዋንቶነ አምኤቶ እማ፤ ያቶፐ ኡንቱንቱ ህንተ ካታማን ባረዉ ኮሽያ ካ ማናነ ካላና።\x - \xo 26:12 \xo*\xt ዛረ. 14:28-29\xt*\x* 
\v 13 ሄዋፐ ጉይያን መና ጎዳዉ፥ ነ ጾሳዉ፥ ሀዋዳን ያጋ፤ ‘ታን ታ ጎለፐ ጾሳዉ ዱማቴዳ ካ ከሳደ፥ ኔን ታና አዛዜዳ ነ አዛዙዋዳን ሌዋቶ፥ በተቶ፥ አታ አዉ ባይና ናናቶነ አምኤቶ እማድ። ታን ነ አዛዙዋፐ እቱዋነ መንበይከ፤ ቃይ እቱዋነ ዶጋ አጋበይከ። 
\v 14 ታ ካዩዋ ዎደካ፥ ሄ አስራታፐ አይነ ማበይከ፤ ታን ዎጋን ጌሻ ግደና ዎደካ፥ አፐ ካረ ከሴዳዌካ ባዋ፤ ሀይቄዳ አሳዉካ አጫ ሄዋፐ ዎበይከ። ታን መና ጎዳዉ፥ ታ ጾሳዉ፥ አዛዘታድ፤ ቃይ ኔን ታና አዛዜዳዋ ኡባ ፖላድ። 
\v 15 ኔን ደእያ ጌሻ ሳኣፐ፥ ሳሉዋፐ ሃ ዱገ ጼላ፤ ነ ደርያ እስራኤላነ ካሰ ኑ ማይዛ አዋቶ ነ እማና ጋደ ጫቄዳዋዳን ኑዉ እሜዳ ሀ ማይነ ኤሳይ ጎግያ ቢታ አንጃ’ ያጋ።
\s1 ጾሳዉ ዱማቴዳ አሳ
\p
\v 16 “ኔን ሀ አዋዮቱዋነ ዎጋቱዋ ናጋናዳን፥ መና ጎዳይ ነ ጾሳይ ኔና ሀች አዛዜዳ፤ ሄዋ ድራዉ፥ ኔን ኡንቱንታ ነ ኩመን ዎዛናፐነ ኩመን ሸምፑዋፐ ናጋ። 
\v 17 መና ጎዳይ ነዉ ጾሳ ግዴዳዋ፥ ነ አ ኦግያን ሀመትያዋ፥ አ ዎጋ፥ አ አዛዙዋነ አ ህግያ ኔን ፖልያዋ ሀች ኤርሳዳ። 
\v 18 ቃይ መና ጎዳይካ ባረ ገሌዳ ቃላዳን ኔን አ አሳ ግድያዋ፥ አዉ ቡዞ ሚሻ ግድያዋነ ኔን አ አዛዞ ኡባ ናጋናዋ ኤርሴዳ።\x - \xo 26:18 \xo*\xt ከሳ 19:5፤ ዛረ. 4:20፤ 7:6፤ 14:2፤ ቲቶ 2:14፤ 1 ጰጽ. 2:9\xt*\x* 
\v 19 ሄዋ ኔን ኦፐ፥ እ መዳ አሳ ኡባፐ ኔና ጋላታን፥ ሱንንነ ቦንቹዋን ዎልቃማ ጋደ ኦና መና ጎዳይ ገሌዳ ቃላዳን ኔንካ አዉ ጌሻ ጋደ ግዳናዋ ሀች ኤርሴዳ” ያጌዳ።
\c 27
\ms ካናነ ገላናፐ ካሰቲደ እመቴዳ አዛዙዋ
\mr (27:1—28:68)
\s1 ሹቻቱዋ ቦላ ጻፈቴዳ ህገቱዋ
\p
\v 1 ሄዋፐ ጉይያን፥ ሙሴ እስራኤልያ ጭማቱዋና ግዲደ፥ አሳ ሀዋዳን ያጌዳ፤ “ታን ሀች ህንተና አዛዝያ አዛዙዋ ናግተ። 
\v 2 ዮርዳኖሳ ሻፋ ፕኒደ፥ መና ጎዳይ ህንተ ጾሳይ ህንተንቶ እምያ ቢታ ገልያ ዎደ፥ ዎልቃማ ሹቻቱዋ ኤሲደ፥ ቦሹንቻን ኦክተ።\x - \xo 27:2-8 \xo*\xt ኢያሳ 8:30-32\xt*\x* 
\v 3 መና ጎዳይ ህንተ አዎቱዋ ጾሳይ ህንተንቶ እማና ጌዳዋዳን፥ ኤሳይነ ማይ ጎግያ ቢታ፥ መና ጎዳይ ህንተ ጾሳይ ህንተንቶ እምያ ቢታ ህንተ ፕንያ ዎደ፥ ሀ ህግያ ቃላቱዋ ኡባ ሄ ሹቻቱ ቦላ ጻፍተ። 
\v 4 ህንተ ዮርዳኖሳ ፕኔዳ ዎደ፥ ታን ህንተና ሀች አዛዜዳዋዳን፥ ሀ ሹቻቱዋ ኤባላ ደርያ ቦላን ኤሲደ፥ ኡንቱንታ ቦሹንቻን ኦክተ። 
\v 5 ሄ ሳኣን መና ጎዳዉ፥ ህንተ ጾሳዉ፥ ብራታ ሚሻይ ቦችቤና ሹቻፐ ያርሽያ ሳኣ ኦተ።\x - \xo 27:5-6 \xo*\xt ከሳ 20:25\xt*\x* 
\v 6 ሄ ህንተ መና ጎዳዉ፥ ህንተ ጾሳዉ፥ ያርሽያ ሳኣ ማሰትቤና ሹቻፐ ኦተ፤ ያቲደ ሄዋ ቦላን መና ጎዳዉ፥ ህንተ ጾሳዉ፥ ጹግያ ያርሹዋ ሺሽተ። 
\v 7 እትፐተ ያርሹዋካ፥ ሄዋን ሚደ፥ መና ጎዳ ህንተ ጾሳ ስንን ናሸትተ። 
\v 8 ሀ ህግያ ቃላቱዋ ኡባ ቆንጭያን ቤትያዋዳን ኦደ፥ ሀ ህንተ ኤሴዳ ሹቻቱ ቦላ ጻፍተ” ያጌዳ።
\p
\v 9 ሙሴ ቃይካ ሌዊያ ግድያ ቄሳቱ ዋና እትፐ ግዲደ፥ እስራኤልያ አሳ ኡባዉ ሀዋዳን ያጌዳ፤ “ህንተኖ እስራኤልያ አሳዉ፥ ጮኡ ጊደ ስስተ! ሄኮ ሀች ህንተ መና ጎዳ ህንተ ጾሳ አሳ ግዴድታ። 
\v 10 ሄዋ ድራዉ፥ ሀች ታን ህንተንቶ እምያ አዛዙዋነ አዋዩዋ ናግያዋን፥ መና ጎዳ ህንተ ጾሳ ቃላዉ አዛዘትተ” ያጌዳ።
\s1 አዛዘተናን እጽያዌ አህያ ሸቃ
\p
\v 11 ሄ ጋላስካ ሙሴ አሳ ሀዋዳን ያጊደ አዛዜዳ፤ 
\v 12 “ህንተ ዮርዳኖሳ ፕኔዳ ዎደ፥ ጋሪዛማ ደርያ ቦላ ኤቂደ አሳ አንጃናዋንታ: ስሞና፥ ሌዊያ፥ ይሁዳ፥ ይሳኮራ፥ ዮሴፎነ ቢንያማ ዛራቱዋ።\x - \xo 27:12 \xo*\xt ዛረ. 11:29፤ ኢያሳ 8:33-35\xt*\x* 
\v 13 ቃይ አሳ ሸቃናዉ ኤባላ ደርያ ቦላ ኤቃናዋንቱ: ሮቤላ፥ ጋዳ፥ አሴራ፥ ዛብሎና፥ ዳናነ ንፍታሌማ ዛራቱዋ። 
\v 14 ሌዋቱ ባረንቱ ቃላ ቁ ኦደ፥ እስራኤልያ አሳዉ ሀዋዳን ያግኖ።
\p
\v 15 “ ‘መና ጎዳ ስንን ቱና ግዴዳዋ፥ ኩሽያ ሂላንቻይ ማሲደ ከሴዳ ም ግድና፥ ዎይ ብራታ ትጊደ መዳ ኤቃ ግድና፥ አዉ ጌማን ጎይንያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:15 \xo*\xt ከሳ 20:4፤ 34:17፤ ዎጋ 19:4፤ 26:1፤ ዛረ. 4:15-18፤ 5:8\xt*\x*
\p
\v 16 “ ‘ባረ አዉዋ ዎይ ባረ ዳዮ ካዉሽያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:16 \xo*\xt ከሳ 20:12፤ ዛረ. 5:16\xt*\x*
\p
\v 17 “ ‘ባረ ሾሩዋ ዛዋ ሱግያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:17 \xo*\xt ዛረ. 19:14\xt*\x*
\p
\v 18 “ ‘ቆቃይ ባናዉ በስያ ኦግያፐ ባላሳ ዛርያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:18 \xo*\xt ዎጋ 19:14\xt*\x*
\p
\v 19 “ ‘በትያ፥ አታ አዉ ባይና ናናቱዋ ፕርዳነ አምአት ፕርዳ ገላየዳ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ’ ያጎ።\x - \xo 27:19 \xo*\xt ከሳ 22:21፤ 23:9፤ ዎጋ 19:33-34፤ ዛረ. 24:17-18\xt*\x*
\p
\v 20 “ ‘ባረ አዉዋ ማቻትና ግሲደ፥ ባረ አዉዋ ቦንቹዋ ካዉሽያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:20 \xo*\xt ዎጋ 18:8፤ 20:11፤ ዛረ. 22:30\xt*\x*
\p
\v 21 “ ‘አይ መህያናካ ግስያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:21 \xo*\xt ከሳ 22:19፤ ዎጋ 18:23፤ 20:15\xt*\x*
\p
\v 22 “ ‘ባረ ምቻቶ ግድያ፥ አዉዋ ናትና ግድና፥ ባረ ዳይ ናትና ግስያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:22 \xo*\xt ዎጋ 18:9፤ 20:17\xt*\x*
\p
\v 23 “ ‘ባረ ቦሎታትና ግስያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።\x - \xo 27:23 \xo*\xt ዎጋ 18:17፤ 20:14\xt*\x*
\p
\v 24 “ ‘ባረ ሾሩዋ ጌማን ዎያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
\p
\v 25 “ ‘ሻሉዋን ሻመቲደ፥ ጽሎ አሳ ዎያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
\p
\v 26 “ ‘ሀ ህግያ ቃላቱዋ ፖሊደ ምንሰና አሳይ ሸቀቴዳዋ ግዶ’ ያግና፥\x - \xo 27:26 \xo*\xt ጋላ. 3:10\xt*\x*
\p “አሳይ ኡባይ ‘አመንእ!’ ” ያጎ።
\c 28
\s1 አዛዘትና ቤትያ አንጁዋ
\r (ዎጋ 26:3-13፤ ዛረ. 7:12-24)
\p
\v 1 “መና ጎዳዉ፥ ነ ጾሳዉ፥ ፖሎ አዛዘቶፐ፥ ሀች ታን ነዉ እምያ አዛዙዋ ኡባ ሎይደ ካሎፐ፥ መና ጎዳይ ነ ጾሳይ ጋድያን ደእያ ካዉተቱዋ ኡባፐ ኔና ቁ ቁ ኦና።\x - \xo 28:1-14 \xo*\xt ዛረ. 11:13-17\xt*\x* 
\v 2 መና ጎዳዉ፥ ነ ጾሳዉ፥ ኔን አዛዘቶፐ፥ ሀዋፐ ካሊደ ደእያ አንጁ ኡባይ ነዋ ግዳናዋ።
\b
\q1
\v 3 “ኔን ካታማን አንጀቴዳዋ ግዳናዋ፤
\q2 ጋጻርያንካ አንጀቴዳዋ ግዳናዋ።
\q1
\v 4 ነ ኡሉዋ አይፊ፥ ነ ሾይቃ አይፊ፥
\q2 ነ መህያ ማራቱነ
\q2 ነ ዶርሳነ ነ ዴሻ ዉድያ ማራቱ፥
\q2 ጮራቲደ አንጀቴዳዋንታ ግዳና።
\q1
\v 5 ነ ካ ቁንአይነ ነ ሙናቃ ከሪ
\q2 አንጀቴዳዋንታ ግዳናዋ።
\q1
\v 6 ኔን ገላደካ ከሳደካ
\q2 አንጀቴዳዋ ግዳና።
\p
\v 7 “ነ ቦላን ደንድያ ነ ሞርከቱዋ መና ጎዳይ ነ ስንን ጾነቴዳዋንታ ኦና። ኡንቱንቱ ነ ቦላ እት ኦግያና ያና፤ ሽን ላፑን ኦግያና ነ ስንፐ ባቃቲደ ያና።
\p
\v 8 “መና ጎዳይ ነ ኩሺ ኦይቄዳዋ ኡባነ ነ ድይያ አንጃና፤ መና ጎዳይ ነ ጾሳይ ነዉ እ እምያ ጋድያን ኔና አንጃና።
\p
\v 9 “ኔን መና ጎዳ ነ ጾሳ አዛዙዋ ናጎፐነ አ ኦግያን ሀመቶፐ፥ እ ነዉ ካሰ ጫቄዳዋዳን፥ መና ጎዳይ ኔና ባረዉ ዱማቴዳ ጌሻ ጋደ ኦደ ኤሳና። 
\v 10 ሄዋፐ ጉይያን፥ ጋድያን ደእያ አሳይ ኡባይ መና ጎዳ ሱንይ ኔናን ጼገቴዳዋ በኢደ ያያና። 
\v 11 መና ጎዳይ ነዉ እማናዉ ካሰ ነ ማይዛ አዋቶ ጫቄዳ ሄ ጋድያን፥ ነ ኡሉዋ አይፍያ፥ ነ መህያ አይፍያነ፥ ነ ሾይቃ አይፍያ ዳርሲደ ኔና አንጃና።
\p
\v 12 “ነ ኩሽያ ኦሱዋ ኡባ አንጃናዉነ፥ መና ጎዳይ ነ ቢታዉ እራ ዎድያን ቡክሳናዉ ባረ ምንጃ ጎልያ፥ ሳሉዋ ፐንግያ ነዉ ዶያና፤ ቃይ ኔን ዳሮ ካዉተቶ ታልአናፐ አትና፥ ኦፐነ ሃ ታልአካ። 
\v 13 መና ጎዳይ ኔና ሁጰ ከሳናፐ አትና፥ ጉየ ዱፈ ከሰና። ሀቼ ታን ነዉ እምያ፥ መና ጎዳ ነ ጾሳ አዛዙዋ ስሳደ፥ ሄዋ ሎይደ ካሎፐ፥ ኔን ቦላ ግዳናፐ አትና፥ ጋርሳ ግዳካ። 
\v 14 ታን ነዉ ሀች እሜዳ አዛዙዋፐ ሀድርሳነ ኡሸቻ ጋደ፥ ሀራ ጾሳቱዋ ካሎፓነ ኡንቱንቶ ኦፓ።
\s1 አዛዘተናን እጽያዌ አህያ ሸቃ
\r (ዎጋ 26:14-46)
\p
\v 15 “ሽን ኔን መና ጎዳ ነ ጾሳ ቃላዉ አዛዘተናን እጻደ፥ ሀች ታን ኔና አዛዝያ ዎጋነ አዛዙዋ ኡባ ናገናን አጎፐ፥ ሀዋፐ ካሊደ ደእያ ሸቃቱ ኡባይ ነ ቦላ ያናነ ኔና ኡንቱንቱ ደማና።
\p
\v 16 “ኔን ካታማን ሸቀቴዳዋ ግዳና፤ ጋጻርያንካ ኔን ሸቀቴዳዋ ግዳና።
\p
\v 17 “ነ ካ ቁንአይነ ነ ሙናቃ ከሪ ሸቀቴዳዋ ግዳና።
\p
\v 18 “ነ ኡሉዋ አይፊ፥ ነ ሾይቃ አይፊ፥ ነ መህያ ዉዲ፥ ነ ዶርሳነ ዴሻ ዉዲ ሸቀቴዳዋ ግዳና።
\p
\v 19 “ኔን ገላደካ ከሳደካ ሸቀቴዳዋ ግዳና።
\p
\v 20 “ኔን ነ ኢታ ኦሱዋን ታና አጌዳ ድራዉ፥ ኤለካ ኔን ያና ጋካናዉ፥ ነ ኦያ ኦሶ ኡባን መና ጎዳይ ሸቃ፥ ሻቢርሳነ ሴራ የዳና። 
\v 21 ኔን ላታናዉ ብያ ጋድያፐ ያና ጋካናዉ፥ መና ጎዳይ ኢታ ሀርጊ ኔፐ ዱጸናዳን ኦና። 
\v 22 መና ጎዳይ ኔና ግልቃተን፥ ምሹዋንነ ማዱን፥ ጹግያ ሀርጊያንነ ኮሻን፥ ጫርኩዋንነ ዱማ ዱማ ካ ሀርግያን ኔን ያና ጋካናዉ ሾጫና። 
\v 23 ኔፐ ቦላና ነ ልክያን ደእያ ሳሉ ናሃሰ ብራታ ግዳናዋ፤ ነ ቢታይካ ብራታ ግዳናዋ። 
\v 24 መና ጎዳይ ነ ጋድያን ቡክያ እራ ልያነ ባና ከሳና፤ ኔን ጋድያፐ ያና ጋካናዉ፥ ባናይ ሳሉዋፐ ዱገ ቡካና።
\p
\v 25 “መና ጎዳይ ኔና ነ ሞርከቱዋን ጾንሳና፤ ኔን ኡንቱንታ ኦላናዉ እት ኦግያና ከሳና፤ ሽን ላፑን ኦግያና ነ ኡንቱንቱ ስንፐ ባቃታና። ቢታን ደእያ ካዉተ ኡባይ ነ ቦላ ጋኬዳዋ በኢደ፥ ያሻን ሻቢረታና። 
\v 26 ነ አሃይ ሳሉዋ ካፉዋ ኡባዉነ ባዙዋ ዶአዉ ቁማ ግዳና፤ ኡንቱንታ የደርስያባይካ ደኤና።
\p
\v 27 “መና ጎዳይ ኔና ሊ ባይና ግብጼ ማዱን፥ ክጻን፥ እላሁዋንነ ፑሱዋን ኔና ሀርግሳና። 
\v 28 መና ጎዳይ ኔና ጎሻን፥ ቆቀተንነ ዳጋማን ሾጫና። 
\v 29 ጋላሳ ሴታን ኔን ቆቂ ማን ታታፍያዋዳን ታታፋና፤ ነ ኦያባይ ኡባይ ነዉ ጊገናን እጻና። ነ ደኦ ላይ ኡባን ኡቁነታደነ ቦንቀታደ ደአና። ኔና ማድያ አሳካ ደማካ።
\p
\v 30 “ኔን ማጫ ናቶ ጊግሳና ሽን፥ ሀራይ እዞ ቦንቂደ አፋና። ጎልያ ኔን ኬጻና፤ ሽን አን ደአካ። ዎይንያ ነ ቶካና፤ ሽን አ አይፍያ ማካ። 
\v 31 ነ ቦራይ ነ ስንን ሹከታና፤ ሽን አ አሹዋ ማካ። ነ ሀሪ ኔፐ ላገቲደ አከታና፤ ሽን ነዉ ጉየ ስመና። ነ ዶርሳይ ነ ሞርክያዉ እመታና፤ ሄዋ አሻናዉ ኔና ማድያዌ ባዋ። 
\v 32 ነ አይፍያ ስንን ነ አቱማ ናናቱነ ማጫ ናናይ ሀራ ካዉተዉ እመታና፤ ኡንቱንቱ ስምና በአና ጋደ ጼልሽን፥ ነ አይፊ ጋልጃና፤ ሄዋ ድጋናዉ ነዉ አይ ዎልቃይነ ደኤና። 
\v 33 ነ ቢታ አይፍያነ ነ ዳቡሬዳዋ ኡባ ነ ኤረና አሳይ ማና፤ ነ ደኦ ኡባን ኡቁነቴዳዋነ ናቀቴዳዋ ግዳና። 
\v 34 ነ በእያ ኢታይ ኔና ጎሻና። 
\v 35 መና ጎዳይ ሊ ባይና ኢታ ማዱን ነ ጉልባታነ ነ ዎድርያ ሀርግሳና፤ የያ ገድያፐ ሁጲያ ጋካናዉ፥ ኔና ሄ ማዱን ሾጫና።
\p
\v 36 “መና ጎዳይ ኔናነ ነ ካትያ፥ ኔና ግድና፥ ነ ማይዛ አዎቱዋ ግድናካ ኤርቤና አሳ ጋደ አፋና። ሄዋን ኔን ምፐነ ሹቻፐ መቴዳ ሀራ ጾሳቶ ጎይናና። 
\v 37 መና ጎዳይ ኔና ላልያ ሀራ ካዉተቱዋ ኡባ ግዶን ፖራ ሀዋንቱዋ ጊደ፥ ቅሊጭያዋነ ካእያዋ ግዳናሳ።
\p
\v 38 “ኔን ዳሮ ካ ነ ሾይቃን ዘራና፤ ሽን ቦሊ ም ድግና፥ ጉ ካ ሺሻና። 
\v 39 ዎይንያ ቶካደ፥ አ ኦና፤ ሽን ጉጹኒ አ ም ድግና፥ አፐ አይነ ማጻካ፤ አጋደካ አፐ ኡሻካ። 
\v 40 ነ ቢታ ኡባን ዛይትያ ዎጋራይ ሞካና፤ ሽን አይፊ ቆቆፈት ክችና፥ ዎጋራ ዛይትያ ደማካ። 
\v 41 አቱማነ ማጫ ናናቱዋ ነ የላና፤ ሽን ኦላይ ኦሞድ አፍ ድግና፥ ኡንቱንቱ ኔናና ደእክኖ። 
\v 42 ነ ም ኡባነ ነ ቢታ አይፍያ ቦሊ ዉርሳና።
\p
\v 43 “ነ ግዶን ደእያ በቲ ነ ቦላ ቁ ቁ ጋና፤ ሽን ኔን ጉየ ያደ ዝቂ ዝቂ ጋና። 
\v 44 እ ነዉ ታልአናፐ አትና፥ ኔን አዉ ታልአካ፤ እ ሁጰ ግዳናዋ፤ ኔን ዱፈ ግዳናሳ።
\p
\v 45 “መና ጎዳዉ፥ ነ ጾሳዉ፥ አዛዘተናን እጼዳ ድራዉነ እ አዛዜዳ አዛዙዋነ ዎጋ ናገናን እጼዳ ድራዉ፥ ኔን ያና ጋካናዉ፥ ሀ ሸቃቱ ኡባይ ነ ቦላ ዎና፤ ኔና ኡንቱንቱ የደርሳና። 
\v 46 ሀ ሸቃቱ ነ ቦላንነ ነ ዛራቱ ቦላን መናዉ ማላታነ ማላልስያዋ ግዳናዋ። 
\v 47 ነዉ ሳአይ እንጀቴዳ ዎደ፥ መና ጎዳዉ፥ ነ ጾሳዉ፥ ናሸቻንነ ጋላታን ጎይናባካ። 
\v 48 ሄዋ ድራዉ፥ ኔና ኮሻን፥ ሳሙዋን፥ ካሉዋንነ መቱዋን ኡባባ ያደ፥ መና ጎዳይ ነ ቦላ የድያ ነ ሞርከቶ ሞደታና፤ መና ጎዳይ ኔና ይሳና ጋካናዉ፥ ነ ሞርግያን ብራታ ሞርገ ም ዋጻና።
\p
\v 49 “መና ጎዳይ ኔን ኡንቱንቱ ቃላ ኤረና ካዉተ አንኩ ፓልያዋዳን ኤሌልሲደ፥ ቢታ ጋጻፐ፥ ሃኩዋፐ ነ ቦላ አሀና። 
\v 50 ኡንቱንቱ ሀንቁዋ ሶምኡዋና ደእያዋንታ፤ ጭማ ቦንቼናዋንታ፤ ጉቶካ ቃረተናዋንታ። 
\v 51 ኔን ያና ጋካናዉ፥ ነ መህያ ማራነ፥ ነ ቢታ አይፍያ ማና። ኡንቱንቱ ኔን ያና ጋካናዉ፥ ነ ካ፥ ነ ዎይንያ ኤሳ፥ ነ ዛይትያ፥ ነ ሚዛነ ነ ዶርሳ ዉድያ ዉርሳና። 
\v 52 ነ ጋድያን ደእያ ኔን አማነትያ፥ አዱሳ፥ ምኖ ድርሳቱ ሙለሳና ኮለታና ጋካናዉ፥ ነ ካታማ ዩሹዋን ዶዲደ፥ ኔና ኡንኤና። መና ጎዳይ ነ ጾሳይ ነዉ እሜዳ ቢታ ኡባ ዩሹዋን ዶዲደ ኔና ኡንኤና።
\p
\v 53 “ነ ሞርከቱ ካታማ ዶዲደ ኔና ኡንኤያ ዎደ፥ ምያዋ ያደ፥ መና ጎዳይ ነ ጾሳይ ነዉ እሜዳ፥ ነ ኡሉዋ አይፍያ ግድያ፥ ነ አቱማ ናናቱነ ነ ማጫ ናናቱ አሹዋ ኔን ማና። 
\v 54 ነ ግዶን ሀራይ አቶ ካሰ ሱረተንነ አሽከተን ደኤዳ ግያ አስካ ባረ እሻዉ፥ ባረ ሲቅያ ማቻትዉነ ባረ የሌዳ ናናቶ ቃረተና። 
\v 55 ሞርከቱ ካታማ ዶዲደ ኡንኤዳዋፐ ደንዴዳዋን፥ ሀራባይ ማናዉ ባይና ድራዉ፥ ባረ ምያ ባረ ናናቱ አሹዋፐ ሀራዉ ኦስነ እመና። 
\v 56 ነ ግዶን ካሰ ሱረተንነ አሽከተን ደኣዱ ግያ፥ ባረ ዱረተፐ ደንዴዳዋን ሳኣ የናዉ ሻተትያ ማጫ ምሽራታካ፥ ባረ ሲቅያ አስናዉ ባረ አቱማነ ማጫ ናናቶ ቃረተናን፥ 
\v 57 አ ባረ የሌዳ ናኣና ዬዳ ጉየባ ባረ ሲቅያ አስናካ ባረ የሌዳ ናናቱዋካ ጋናን፥ ኡዘታደ ጌማን ባረካ ማድጋና። አያዉ ጎፐ፥ ሞርኪ አ ደእያ ካታማ ዶዲደ እዞ ኡንኤዳነ ቱጋዬዳ ድራዉ፥ እዝዉ ምያባይ ሀራባይ አያይነ ባዋ።\x - \xo 28:57 \xo*\xt 2 ካታ. 6:28-29፤ ሴላ 4:10\xt*\x*
\p
\v 58 “ሀ ማጻፋን ጻፈቴዳ ህግያ ቃላቱዋ ኡባ ኔን ናጋና ዮፐ፥ መና ጎዳይ ነ ጾሳይ ማላልስያነ ያሽያ ሱን ቦንቼናን አጎፐ፥ 
\v 59 ነ ቦላነ ነ ዛርያ ኡባ ቦላ መና ጎዳይ ያሽያ ቦሻ፥ ስመና ባሻነ ሊ ባይና ኢታ ሀርግያ ነ ቦላ የዳና።
\p
\v 60 “ካሰ ግብጼ አሳ ቦላ በኣደ፥ ኔን ያዬዳ ግብጼ ሀርግያ ኡባ ዛሪደ፥ ነ ቦላ አሀና፤ ሄ ሀርጊ ኔና የደና። 
\v 61 ቃይ ሀ ህግያ ማጻፋን ጻፈትቤና ሀርገ ኡባነ ቦሻ ኡባ ነ ያና ጋካናዉ፥ መና ጎዳይ ነ ቦላ አሀና። 
\v 62 መና ጎዳ ህንተ ጾሳ ቃላ ስሰናን እጼዳ ድራዉ፥ ሳሉዋ ጾልንትያዳን ጮራቴዳ ህንተፐ ጉይ አታና። 
\v 63 መና ጎዳይ ህንተንቶ ሎኦባ ኦያ ዎደነ ህንተ ፓይዱዋ ጮራይያ ዎደ ዶሴዳዋዳን፥ ሀእ ህንተ ቦላን ባሻ አህያ ዎደካ ህንተና ላልያ ዎደካ ናሸታና፤ ህንተ ላታናዉ ብያ ቢታፐካ ሾደቲደ ያና።
\p
\v 64 “መና ጎዳይ ህንተና ቢታዉ ሀ ጋጻፐ ያ ጋጻ ጋካናዉ፥ ቢታ ኡባን ላላና። ሄዋን ህንተና ግድና፥ ዎይ ህንተ ማይዛ አዎቱ ኤርቤና፥ ሀራ ምነ ሹቻ ጾሳቶ ጎይናና። 
\v 65 ሄ ካዉተቱዋ ግዶን ህንተ ዎፓ ደምክታ፤ ህንተ ገድያ ጫማይ የያ ሳኣ ኬሻ ጋዲካ ህንተንቶ ደኤና። ሄዋን መና ጎዳይ ህንተንቶ መቶባ ቆፋ ጻላላን ኩሜዳ ሁጲያ፥ አሞ ጻላላን ዳቡሬዳ አይፍያነ ህዶታ ቃንጹዋን ኩሜዳ ዎዛና እማና። 
\v 66 ህንተ ደኡ ኡባይ ህርጋና ግዳናዋ፤ ጋላስነ ቃማ ሻቢርሳንነ ሀይቁዋ ያሻን ኡንኤቲደ ደአና። 
\v 67 ህንተ ዎዛናን ኩሜዳ ያሻፐነ ህንተ አይፊ በእያ ፓላፐ ደንዴዳዋን፥ ህንተ ዎንትያ ዎደ፥ ‘አዉደ ቃማንዴሻ’ ቃይ ቃምያ ዎደ፥ ‘አዉደ ዎንታንዴሻ’ ያጋና። 
\v 68 ታን ህንተና፥ ‘ላኤን ሀ ኦግያ ቢክታ’ ጌዳ ኦግያና መና ጎዳይ ህንተና ዛሪደ ማርካብያን ጉየ ግብጼ የዳና። ሄዋን ህንተ አይልያ ግዳናዉ፥ ህንተ ሞርከቶ ህንተና ዛልአናዉ ኮያና፤ ሽን ህንተና አይለያናዉካ ሻምያዋ ደምክታ” ያጌዳ።
\c 29
\s1 ቃላ ጫቁዋ ኦራጹሳ
\r (29:1—30:20)
\p
\v 1 መና ጎዳይ ሲና ደርያን እስራኤላቱዋና ጫቀቴዳ ጫቁዋ ቃላ ቦላ ሀራ ሞኣበን ኡንቱንቱና ጫቀታናዉ ሙሳ አዛዜዳ ጫቁዋ ቃላቱ ሀዋንታ። 
\v 2 ሙሴ እስራኤልያ አሳ ኡባ ጼስ ሺሺደ፥ ኡንቱንቶ ኦድያባይ ሀዋ፦
\p “መና ጎዳይ ህንተ ስንን ግብጼ ካትያ ቦላ፥ አ ኦላንቻቱዋ ኡባ ቦላነ አ ቢታ ኡባ ቦላ ኦዳዋነ ጋዳዋ ህንተ አይፍያን በኤድታ። 
\v 3 ሄ ኢታ መቶቱዋ፥ ዎልቃማ ማላልስያዋንታነ ኦራባቱዋ ህንተ አይፍያን በኤድታ። 
\v 4 ሽን ሀች ጋካናዉ፥ መና ጎዳይ ህንተንቶ አኬክያ ዎዛና፥ ጼልያ አይፍያነ ስስያ ሀይ እምቤና። 
\v 5 ጾሳይ ኦይታሙ ላይ ኩመን ህንተና ቢታ ባዙዋን ካለያ ዎደ፥ ህንተ ማዩ ህንተ ቦላፐ ዉርቤና፥ ህንተ ጫማይካ ህንተ ገድያፐ ዉርቤና። 
\v 6 ህንተ ምያ ኡክይ፥ ኡሽያ ዎይንያ ኤሳይ፥ ዎይ ሀራ ማይያ ኡሻይ ባዋ፤ ዮፐካ መና ጎዳይ ህንተንቶ ጾሳ ግድያዋ ኤርሳድ።
\p
\v 7 “ኑን ሀ ሳኣ ጋኬዳ ዎደ፥ ሀሰቦና ካቲ ስሆንነ ባሳነ ካቲ ኦግ ኑናና ኦለታናዉ ዬድኖ፤ ሽን ኑን ኡንቱንታ ጾኔዶ።\x - \xo 29:7 \xo*\xt ፓይ. 21:21-35\xt*\x* 
\v 8 ኡንቱንቱ ቢታ አኪደ፥ ሮቤላነ ጋዳ ዛራቱ ቃይ ምናሰ ዛርያፐ ባጋዉ ላታ ኦደ እሜዶ።\x - \xo 29:8 \xo*\xt ፓይ. 32:33\xt*\x*
\p
\v 9 “ህንተ ኦይቆባይነ የባይ ህንተንቶ አንጀታና ማላ፥ ሀ ጫቁዋ ቃላቱዋ አማነቲደ ፖልተ። 
\v 10 ሀቼ ህንተ ኡባይ፥ ዛርያ ካፓቱ፥ ጭማቱ፥ ሱንቱነ እስራኤልያ አሳይ ኡባይ ሀዋን መና ጎዳ ስንን፥ 
\v 11 ህንተ ናናቱዋና፥ ህንተ ማጫ አሳና ህንተ ግዶን ደእያ ካረ ቢታ አሳናነ ህንተ ሶን ም ቆርያነ ሃ ትክያ ኦሳንቻቱዋና እትፐ፥ ሀዋን ኤቄድታ። 
\v 12 መና ጎዳና፥ ህንተ ጾሳና፥ ቃላ ጫቁዋ ገላናዉ፥ መና ጎዳና ጫቁዋን ማዬዳዋ ፖላናዉ ጊጊደ ሺቄድታ። 
\v 13 መና ጎዳይ ህንተና ባረ አሳ ኦደ ምንሳና፤ ህንተንቶነ በን ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ ገሌዳ ጫቁዋ ቃላዳን፥ እ ህንተንቶ ጾሳ ግዳናዋ። 
\v 14 ታን ሀ ጫቁዋ ሚኖ ቃላ ጫቁዋ ኡዳ ዎያዌ ህንተ ጻላላና ግዲደ፥ 
\v 15 ሀቼ ሀዋን ኑናና መና ጎዳ ኑ ጾሳ ስንን ኤቄዳ ኑ ኡባናነ ስንናዉ ያና ኑ የለታ ኡባና ዎይ።
\p
\v 16 “ኑን ግብጼን ዋን ደኤደንቶነ ቃይ ሀዋ ጋካናዉ፥ ኦግያን ደእያ ካዉተቱዋ ግዱዋና ዋን አደ ዬደንቶ ኤሪታ። 
\v 17 ኡንቱንቱ ግዶን ደእያ ቱና ኤቃ፥ ማሴዳ ም፥ ሹቻ፥ ብራነ ዎርቃ ኤቃ ምስለቱዋ በኤድታ። 
\v 18 ሀ ህንተፐ ኦንነ አቱማዋ ግድና ማጫዋ ግድና፥ እት ጎልያ አሳ ግድና ዛረ ግድና፥ መና ጎዳፐ፥ ኑ ጾሳፐ፥ ሸርእ ጊደ፥ ሀራ ካዉተቱዋ ጾሳቶ ጎይነናዳን ናገትተ። ሄዋ ኦያ አሳይ ጫምያነ ዎያ አይፍያ አይፍያ ም ጻጱዋ ግዳናዋ።\x - \xo 29:18 \xo*\xt እብራ. 12:15\xt*\x*
\p
\v 19 “ሀ ጫቁዋ ቃላ ስሲደ፥ ባረ ዎዛናን፥ ‘ታ ሸንያን ታን ቦፐካ፥ አያ መቱነ ባዋ’ ያጊደ ባረና ጭሞፐ፥ ሄዋ ማላ አሳይ ሎኦቱዋ ቦላነ ኢታቱዋ ቦላ ባሻ አሀና። 
\v 20 መና ጎዳ ሀንቁነ ቃናቲ ሄዋ ማላ አሳ ቦላ ኤጽ ከሳናፐ አትና፥ መና ጎዳይ አ ማረና። ሀ ማጻፋን ጻፈቴዳ ሸቃ ኡባይ አ ቦላ ያና፤ ሳሉዋፐ ጋርሳ ባጋፐ አ ሱን መና ጎዳይ ይሳና። 
\v 21 መና ጎዳይ ሀ ህግያ ማጻፋን ጻፈቴዳ ሸቃ ጫቁዋዳን ሄ አሳ እስራኤልያ አሳፐ ሻኪደ ይሳና።
\p
\v 22 “ስንፐ ይያ የለታይ፥ ህንተ ዛሪነ ሃኮ ደርያፐ ይያ ሀራ ቢታ አሳይ መና ጎዳይ ህንተ ቦላ አሄዳ ቦሻነ ሀርግያ በአና። 
\v 23 ቢታ ኡባይ ዲንያንነ ማጽንያን ካመቲደ፥ አያ ጎአነ እመናዋ ግዳናዋ፤ አያነ ዘራናዉነ ሞክሳናዉ ዳንዳየተና፤ እን ማታይ ምይ ድጨና። መና ጎዳይ ባረ ሀንቁዋን ይሴዳ ሶዶማዳንነ ጋሞራዳን፥ አዳማዳንነ ጻቦይማ ካታማቱዋዳን ሀናና።\x - \xo 29:23 \xo*\xt ዶመ 19:24-25\xt*\x* 
\v 24 ካዉተ ኡባይ ሀዋዳን ያጋና፤ ‘መና ጎዳይ ሀ ጋድያን ሀዋ ማላባ አያዉ ኦዴ? ሀ ዎልቃማ ሀንቁዎ ጋሶ ግዴዳባይ አዬ?’ ያጋና።
\p
\v 25 “አሳይ ዛሪደ፥ ‘ኡንቱንቱ መና ጎዳይ፥ ኡንቱንቱ አዎቱዋ ጾሳይ፥ ኡንቱንታ ግብጼፐ ከስያ ዎደ፥ ኡንቱንቱና ገሌዳ ጫቁዋ ቃላ መንዳ ድራሳ። 
\v 26 ቃይ ኡንቱንቱ ቢደ፥ ኤረና ጾሳቶነ እ ኡንቱንታ ጎይኖፕተ ጌዳ ጾሳቶ ጎይኔድኖ። 
\v 27 ሄዋ ድራዉ፥ መና ጎዳይ ሀንቀቲደ፥ ሀ ማጻፋን ጻፈቴዳ ሸቃ ኡባ ኡንቱንቱ ቦላ አሄዳ። 
\v 28 መና ጎዳይ ዎልቃማ ሀንቁዋ ሀንቀቲደ፥ ኡንቱንቱ ጋድያፐ ኡንቱንታ ሾዲደ፥ ሀዋዳን ሀራ ቢታ የደርሴዳ’ ያጋና።
\p
\v 29 “ጹራ የዎቱ መና ጎዳ ኑ ጾሳሳ፤ ሽን ኑን ሀ ህግያ ቃላ ኦናዳን፥ ቆንጬዳ የዎቱ መናዉ ኑሳነ ኑ ናናቱዋሳ።
\c 30
\s1 ጾሳኮ ስሙሳን ቤትያ አንጁዋ
\p
\v 1 “ሀ ታ ህንተ ስንን ዎዳ አንጁነ ሸቃይ ህንተ ቦላን ጋክያ ዎደ፥ መና ጎዳይ ህንተ ጾሳይ ህንተና ላልያ ሀራ ካዉተቱዋ ግዶን ደኢደ፥ ሀዋ ህንተ ሀሳያና። 
\v 2 ሄ ዎደ ህንተነ ህንተ ናናይ መና ጎዳኮ፥ ህንተ ጾሳኮ፥ ስሚደ፥ ህንተ ኩመን ዎዛናፐነ ህንተ ኩመን ሸምፑዋፐ ታን ሀች ህንተና አዛዜዳ ቃላዉ አዛዘቶፐ፥ 
\v 3 ሄዋን መና ጎዳይ ህንተ ጾሳይ ህንተ ኦሞዱዋ ዛራና፤ እ ህንተንቶ ቃረታና። መና ጎዳይ ህንተ ጾሳይ ህንተና ላሌዳ ካዉተቱዋ ኡባ ግዶፐካ ዛሪደ ሺሻና። 
\v 4 ቢታ ጋጻ ጋካናዉ ላለቶፐካ፥ ሄዋፐ መና ጎዳይ ህንተ ጾሳይ ህንተና ዛሪደ ሺሻና። 
\v 5 ህንተ አዎቱ ካሰ ላቴዳ ቢታ ህንተካ ላታናዳን ጾሳይ ህንተ ጾሳይ ህንተና ሄ ቢታዉ አሀና። ያን ህንተና ህንተ አዎቱዋፐ አደ ዱረያናነ ህንተ ፓይዱዋ ዳርሳና።
\p
\v 6 “ህንተ ደኡዋን ደአና ማላነ መና ጎዳ ህንተ ጾሳ ህንተ ኩመን ዎዛናፐነ ህንተ ኩመን ሸምፑዋፐ ሲቃናዳን፥ እ ህንተንቶነ ህንተ ናናዉ አዛዘትያ ዎዛና እማና። 
\v 7 መና ጎዳይ ህንተ ጾሳይ ሀ ሸቃ ኡባ ህንተ ሞርከቱነ ህንተና የደርስያዋንቱ ቦላ አሀና። 
\v 8 ህንተካ ዛሪደ መና ጎዳዉ፥ ህንተ ጾሳዉ፥ አዛዘታና፤ ታን ሀች ህንተና አዛዝያ አ አዛዙዋካ ናጋና። 
\v 9-10 ህንተ ሀ ህግያ ማጻፋን ጻፈቴዳ መና ጎዳ ህንተ ጾሳ አዛዞቱዋነ አ ዎጋቱዋ ናጋናዉ መና ጎዳዉ፥ ህንተ ጾሳዉ፥ አዛዘቶፐ፥ ቃይ ህንተ ህንተ ኩመን ዎዛናፐነ ህንተ ኩመን ሸምፑዋፐ መና ጎዳኮ፥ ህንተ ጾሳኮ፥ ስሞፐ፥ እ ህንተና ህንተ ኩሽያ ኦሶ ኡባን፥ ህንተ ኡሉዋ አይፍያን፥ ህንተ መህያ አይፍያንነ ህንተ ቢታ አይፍያን ዳርሲደ አንጃና። አያዉ ጎፐ፥ ካሰ ህንተ አዎቱዋ አንጅያዋን ናሸቴዳዋዳን፥ መና ጎዳይ ሀእ ህንተና አንጅያዋንካ ናሸታና።
\p
\v 11 “ታን ሀች ህንተና አዛዝያ ሀ አዛዙ ሄዋ ኬሻ ዴጾ ግደና፤ ህንተፐ ሃኮካ ግደና። 
\v 12 ህንተ፥ ‘ኑን ስሲደ አዛዘታናዳን፥ ሳሉዋ ከሲደ ኑዉ ዎናዌ ኦኔ?’ ጌናዳን ሳሉዋን ደኤና።\x - \xo 30:12-14 \xo*\xt ሮመ 10:6-8\xt*\x* 
\v 13 ‘ኑን ስሲደ አዛዘታናዳን፥ ኑዉ አባ ፕኒደ አሀናዌ ኦኔ?’ ጌናዳን አባ ሄፍንን ደኤና። 
\v 14 ቃላይ ህንተንቶ ሎይ ማታን ደኤ፤ ህንተ ኦናዳን፥ ቃላይ ህንተ ዎዛናንነ ህንተ ዶናን ደኤ።
\p
\v 15 “በእተ፥ ታን ሀች ህንተ ስንን ደኡዋነ ሎኦተ፥ ሀይቁዋነ ባሻ ዎድ። 
\v 16 ህንተ መና ጎዳ ህንተ ጾሳ ሲቅያዋን አ ኦግያን ሀመትያዋንነ አ አዛዙዋ፥ አ አዋዩዋነ አ ዎጋ ናግያዋን፥ ታን ሀች ህንተና አዛዝያ መና ጎዳዉ፥ ህንተ ጾሳዉ፥ አዛዘቶፐ፥ ህንተ ደኡዋን ደአናነ ጮራታና፤ ቃይ ህንተ ላታናዉ ገልያ ጋድያን መና ጎዳይ ህንተ ጾሳይ ህንተና አንጃና።
\p
\v 17 “ሽን ህንተ ዎዛናይ ዎራ ስምና፥ ህንተ አዛዘተናን እጾፐ፥ ሀራ ጾሳቶ ጎይኖፐ፥ ቃይ ኡንቱንቶ ኦፐ፥ 
\v 18 ህንተ ዉር ያናዋ ታን ሀች ህንተንቶ ኦዳይ። ዮርዳኖሳ ፕኒደ፥ ህንተ ላታናዉ ብያ ጋድያን ህንተ ላይይ አዱቀና።
\p
\v 19 “ታን ህንተ ስንን ደኡዋነ ሀይቁዋ፥ አንጁዋነ ሸቃ ዎዳዎ ሀች ሳሉዋነ ሳኣ ህንተ ቦላ ማርካያና፤ ስም ህንተነ ህንተ ዛሪ ደኡዋን ደአና ማላ፥ ደኡዋ ዶርተ። 
\v 20 መና ጎዳ ህንተ ጾሳ ሲቅተ፤ አ ቃላ ስስተ፥ አዉ አዛዘትተ፤ አናና ኦይቀትተ። ሄዋዳን ሀኖፐ፥ መና ጎዳይ ህንተዉ ደኡዋ። ካሰ ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ እማናዉ ጫቄዳ ጋድያን ህንተነ ህንተ ናናይ አዱሳ ላይ ደአና” ያጌዳ።\x - \xo 30:20 \xo*\xt ዶመ 12:7፤ 26:3፤ 28:13\xt*\x*
\c 31
\ms ሙሴ ዉርሰ ሃሳያ
\mr (31:1—33:29)
\s1 ኢያሱ ሙሴ ኮታን ሱንቴዳ
\r (ፓይ. 27:12-23)
\p
\v 1 ሙሴ ጉጂድካ እስራኤልያ አሳዉ ሀዋዳን ያጌዳ፤ 
\v 2 “ሀእ ታዉ ጼታነ ላታሙ ላይ ግዴዳ ድራዉ፥ ሀዋፐ ስንናዉ ህንተና ካለናዉ ዳንዳይከ፤ ሄዋ ቦላካ መና ጎዳይ ታና፥ ‘ኔን ዮርዳኖሳ ሄፍን ፕናካ’ ያጊደ ኦዴዳ።\x - \xo 31:2 \xo*\xt ፓይ. 20:12\xt*\x* 
\v 3 መና ጎዳይ ህንተ ጾሳይ ህንተ ስንን ሀመቲደ ህንተና ካለና። ሄዋን ደእያ ካዉተቱዋ እ ዉርስያ ድራዉ፥ ኡንቱንቱ ቢታ ህንተ ላታና። ቃይ መና ጎዳይ ጌዳዋዳን ኢያሱ ህንተና ካለና። 
\v 4 መና ጎዳይ አሞረ ካተቱዋ ስሆናነ ኦጋ ጾኒደ፥ ኡንቱንቱ ቢታ ይሴዳዋዳን፥ ህንተ ሞርከቱዋካ ሄዋዳን ኦና።\x - \xo 31:4 \xo*\xt ፓይ. 21:21-35\xt*\x* 
\v 5 መና ጎዳይ ኡንቱንታ ህንተንቶ አ እማና፤ ህንተ ኡንቱንቱ ቦላ ታን ህንተና አዛዜዳዋዳን ኦና። 
\v 6 ምንተ፤ አይነ ባዋ፤ ያዮፕተ። ኡንቱንታ በኢደ ዳጋሞፕተ። አያዉ ጎፐ፥ መና ጎዳይ ህንተ ጾሳይ ህንተናና ግዳናዋ። እ ህንተና የገና ዎይ አገና” ያጌዳ።
\p
\v 7 ሄዋፐ ጉይያን፥ ሙሴ ኢያሳ ጼሲደ፥ እስራኤልያ አሳ ኡባ ስንን ሃዋዳን ያጌዳ፥ “ምና፤ ገንጫ። አያዉ ጎፐ፥ ኔን ሀ አሳና እትፐ መና ጎዳይ ኡንቱንቱ ማይዛ አዋቶ እማና ጊደ ጫቄዳ ቢታ ገልሳሳ፤ ሄ ቢታካ ኡንቱንታ ላትሳሳ። 
\v 8 እ መና ጎዳይ ባረ ሁጲያዉ ኔናና ግዲደ ኔና ካለና። እ ኔና ኦለና፤ አይነካ ኔና አገና። ሄዋ ድራዉ፥ ያዮፓ፤ ነ ዎዛናን ዳጋሞፓ” ያጌዳ።\x - \xo 31:8 \xo*\xt ኢያሳ 1:5፤ እብራ. 13:5\xt*\x*
\s1 ህጊ ላፑን ላፑን ላይን ናባበታናዉ ኮሼ
\p
\v 9 ሙሴ ሀ ህግያ ጻፊደ፥ መና ጎዳ ጫቁዋ ታቦታ ቶክያ ቄሰ ግድያ ሌዊያ ናናቶነ እስራኤልያ ጭማቶ ኡባዉ እሜዳ። 
\v 10 ሙሴ ኡንቱንታ ሀዋዳን ያጊደ አዛዜዳ፤ “አጩ ኡባይ አቶ ጌተትያ ላፑን ላይ ዉርሰን፥ ቦንቼትያ ዳስያ ባላ ጋላሳን፥\x - \xo 31:10 \xo*\xt ዛረ. 15:1፤ 16:13-15\xt*\x* 
\v 11 መና ጎዳ ህንተ ጾሳ ስን እ ዶሬዳ ሳኣ አዉ ጎይናናዉ እስራኤልያ አሳይ ኡባይ ሺቅያ ዎደ፥ ኡንቱንቱ ስስያዋዳን ናባብተ። 
\v 12 ኡንቱንቱ ኡባይካ ስሲደ፥ መና ጎዳዉ፥ ህንተ ጾሳዉ፥ ያይያዋ ታማራና ማላ፥ ሀ ህግያ ቃላ ኡባ አማነቲደ ፖላና ማላ፥ አሳ፥ አቱማነ ማጫ፥ ናናቱዋነ ህንተ ጋድያን ደእያ ካረ ቢታ አሳ እትፐ ሺሽተ። 
\v 13 ሀ ህግያ ቃላ ኤረና ኡንቱንቱ ናናይካ ዮርዳኖሳ ፕኒደ፥ ህንተ ላታናዉ ብያ ጋድያን ህንተ ደእያ ላይ ኡባን ሀ ህግያ ስስኖ፤ መና ጎዳዉ፥ ህንተ ጾሳዉ፥ ያይያዋ ታማርኖ” ያጌዳ።
\s1 ጾሳይ ሙሳ ዉርሰ አዛዙዋ አዛዜዳ
\p
\v 14 ሄዋፐ ጉይያን፥ መና ጎዳይ ሙሳ ሀዋዳን ያጌዳ፤ “በአ፥ ኔን ሀይቂያ ጋላሳይ ማቴዳ። እ ካለሰትያ አዛዙዋ አዉ ታን እማና ማላ፥ ኢያሳ ጼሳደ፥ ኔን አናና እትፐ ዱንካንያ ግዶ ገልተ” ያግና፥ ሙሴነ ኢያሱ ዱንካንያኮ ሺቄድኖ።
\p
\v 15 መና ጎዳይ ሄ ዱንካንያን ሻርያ ቱሳን ኡንቱንቶ ቆንጬዳ፤ ሄ ሻርያ ቱሳይካ ዱንካንያ ፐንግያን ኤቄዳ።
\p
\v 16 መና ጎዳይ ሙሳ ሀዋዳን ያጌዳ፤ “ኔን ማታን ሀይቃደ ነ አዎቱዋን ጋከታሳ። ኔፐ ጉይያን፥ ሀ አሳይ ታዉ አማነተናዋ ግዳና፤ ታን ኡንቱንቱና ዎዳ ጫቁዋ መንና። ኡንቱንቱ ታና አጊደ፥ ሻርሙጻቱዋዳን፥ ባረንቱ ላትያ ጋድያን ደእያ ኤቃቱዋ ካላና። 
\v 17 ሄዌ ሀንያ ዎደ፥ ታ ሀንቁ ኡንቱንቱ ቦላ ኤጽ ከሳና። ታንካ ኡንቱንታ አጋ አጋና፤ ታ ሶምኡዋ ኡንቱንቱፐ ዎራ ዛራና። ያትና፥ ኡንቱንቱ ያና፤ ጮራ መቱነ ባሻይ ኡንቱንቱ ቦላ ያና። ሄ ዎድያን ኡንቱንቱ፥ ‘ቱሙ ሀ መቱ ጋኬዳዌ ኑ ጾሳይ ኑ ግዶን ባይናዋ ግሻሳ ግደኔ?’ ያጊደ ኦቻና። 
\v 18 ሀራ ጾሳቶ ጎይኒደ፥ ኡንቱንቱ ሀኔዳ ኢታባ ድራዉ፥ ታን ሄ ጋላስ ታ ሶምኡዋ ሙለካ ኡንቱንቱፐ ዎራ ዛራና።
\p
\v 19 “ሄዋ ድራዉ፥ ሀእ ሀ ማዝሙርያ ጻፋደ፥ እስራኤልያ አሳ ኡባ ታማርሳ። ሀ ማዝሙሪ ታዉ እስራኤልያ አሳ ቦላ ማርካ ግዳና ማላ፥ ኡንቱንታ የጽሳ። 
\v 20 ኡንቱንቱ ማይዛ አዋቶ ገሌዳ ቃላዳን፥ ማይነ ኤሳይ ጎግያ ቢታ ታን ኡንቱንታ ገልሴዳዋፐ ጉይያንነ ኡንቱንቱ ም ካሊደ፥ ዎዛናይ ሙሜዳዋፐ ጉይያን፥ ሀራ ጾሳቶ ጎይኒደ፥ ታና ካና፤ ታ ጫቁዋካ መንና። 
\v 21 ዳሮ መቱነ ባሻይ ኡንቱንቱ ቦላ ጋኬዳ ዎደ፥ ሀ ማዝሙሪ ኡንቱንቱ ናናቱ ዶናፐ ድገተና ድራዉ፥ ኡንቱንቱ ቦላ ማርካ ግዳናዋ። አያዉ ጎፐ፥ ታን ጫቄዳ ቢታ ኡንቱንታ ብሮ ገልሰናን ደእሽን፥ ሃናናካ ኡንቱንቱ ቆፕያ ቆፋ ኤራክቻድ” ያጌዳ። 
\v 22 ሙሴ ሄ ጋላስ ሄ ማዝሙርያ ጻፊደ፥ እስራኤልያ አሳ ታማርሴዳ።
\p
\v 23 ሄዋፐ ጉይያን፥ መና ጎዳይ ኔዌ ናኣ ኢያሳ ሀዋዳን ያጊደ አዛዜዳ፤ “ምና፥ ገንጫ፤ ታን ኡንቱንቶ እማናዉ ቃላ ገሌዳ ቢታ እስራኤልያ አሳ አፋደ ገልሳሳ። ታንካ ኔናና እትፐ ግዳና” ያጌዳ።\x - \xo 31:23 \xo*\xt ፓይ. 27:3፤ ኢያሳ 1:6\xt*\x*
\p
\v 24 ሙሴ ሀ ህግያ ቃላቱዋ ኮይሮፐ ዉርሰ ጋካናዉ፥ ጻፊደ ዉርሴዳዋፐ ጉይያን፥ 
\v 25 መና ጎዳ ጫቁዋ ታቦታ ቶክያ ሌዋቱዋ ሀዋዳን ያጊደ አዛዜዳ፤ 
\v 26 “ህጊ ጻፈቴዳ ሀ ማጻፋ አፍተ፤ መና ጎዳ ህንተ ጾሳ ጫቁዋ ታቦታ ማታን ዎተ። ሄዋን እ ህንተ ቦላ ማርካ ግዳና ማላ ያን ዎተ። 
\v 27 ህንተ ዎይሳ ማካላንቼንቶነ ዎይሳ ሞርግያ ሌፈንቶ ታን ኤራይ። በእተ፥ ታ ህንተናና ደኤዳ ላይ ኡባን ህንተ መና ጎዳዉ ኢታ ማካላ፤ ሽን ታን ሀይቃ ክችና፥ ኡባ ዎይሳ ማካላንቴ? 
\v 28 ሄዋ ድራዉ፥ ሀዋ ኡባ ታ ኡንቱንቶ ኦዳናዉ፥ ሳሉዋነ ሳኣ ታ ኡንቱንቱ ቦላ ማርካያናዉ፥ ህንተ ዛርያ ካፓቱዋ ኡባነ ደርያ ካለያ አሳ ኡባ ታዉ ሺሽተ። 
\v 29 ታ ሀይቄዳዋፐ ጉይያን፥ ህንተ ሙለ ኢታ አሳ ግዳናዋነ ታን ህንተና ታማርሴዳ አዛዙዋፐ ዎራ ስማናዋ ታን ኤራይ። እ ኦፕተ ጌዳ ኢታባ ህንተ ኩሽያን ኦደ፥ መና ጎዳ ሀንቀያ ድራዉ፥ ስንፐ ይያ ዎድያን ህንተ ቦላ ኢታ ቦሻ አሀና” ያጌዳ።
\p
\v 30 ሄዋፐ ጉይያን፥ ሙሴ ሀ ማዝሙርያ ቃላቱ ዉራና ጋካናዉ፥ ሺቄዳ እስራኤልያ ሺቁዋ ኡባ ስሲደ ኦዴዳ።
\c 32
\s1 ሙሴ ማዝሙርያ
\p
\v 1 ህንተኖ፥ ሳሎቶ፥ ታን ኦድያዋ ስስተ፤ ቢታይካ ታ ዶና ቃላ ስሶ። 
\v 2 ታ ትምርቲ እራዳን ቡኮ፤ ታ ቃላቱካ ከተርሳዳን፥ ጾኩ ማታ ቦላን ዎያ ፑሰ እራዳንነ ጫርሻ ቦላን ዎያ ፑስያዳን ዎ።
\p
\v 3 ታን መና ጎዳ ሱን አዋያና፤ ግታተ ኑ ጾሳዉ እምተ። 
\v 4 እ ኑ ዛላቴ፥ አ ኦሱዋን ፖኩ ባዋ፤ አ ኦገ ኡባይካ ሱረ። ኑ ጾሳይ አማነትያዋነ ኢታተይ ባይናዋ፤ እ ቱማንቻነ ሱረ።
\p
\v 5 ህንተ አማነተናነ አያዉነ ፓና፥ ናጋራንቻነ ባለያ የለታ ግድያ ድራዉ፥ አ አሳ ግዳናዉ ህንተ በስክታ። 
\v 6 ህንተኖ ኤያነ አኬክ ባይና አሳዉ፥ ህንተ መና ጎዳዉ እምያ ዛሩ ሀዌ? እ ህንተና መዳ ህንተ አዉዋ ግደኔ? እ ህንተና መደ፥ ምንስ ኤሴዳ።
\p
\v 7 ካሰ ዎድያ ቆፕተ፤ ዳሮ የለታቱ ላይካ አኬክተ። ህንተ አዎቱዋ ኦችተ፤ ኡንቱንቱ ህንተና በሳና። ህንተ ጭማቱዋካ ኦችተ፤ ኡንቱንቱ ህንተንቶ ኦዳና። 
\v 8 ኡባፐ ዎልቃማይ ካዉተቶ ኡንቱንቱ ደኢያሳ ላትሴዳ ዎደ፥\x - \xo 32:8 \xo*\xt ኪታ 17:26\xt*\x* አሳ ናናቱዋ ኡንቱንቱ ዛርያን ዛርያን ሻኬዳ ዎደ፥ እስራኤልያ አሳ ፓይዱዋዳን፥ ኡንቱንቱ ዛዋ ኤሴዳ። 
\v 9 አያዉ ጎፐ፥ ሻኩዋን መና ጎዳ ጋኬዳዌ እስራኤልያ፤ ያቆብካ አ ጋኬዳ ላታ።
\p
\v 10 ቢታ መላ ቢታን ኡንቱንቱ ሳሙዋን ደእሽን፥ ጫርኩዋ ጻላላይ ሱራግያሳን ብቻርሽን፥ ኡንቱንታ ደሜዳ። ያቲደ ባረ አይፍያ ቡሉዋዳን፥ ኡንቱንቶ ጎንዳለ ግዲደ፥ ኡንቱንታ ምንሲደ ናጌዳ። 
\v 11 አርጋንይ ባረ ማራ ፓሉዋ ታማርስያዋዳን፥ ባረ ምጬዳ ቀፍያን ጋክ ኦይቂደ አሽያዋዳን፥ ሄዋዳን ጾሳይ ባረ ቀፍያን ሀጲደ ኡንቱንታ አሼዳ። 
\v 12 ሀራ አላጋ ጾስ ባይናን፥ መና ጎዳ ጻላላይ ባረ አሳ ካለዳ።
\p
\v 13 እ ቢታዉ ቃ ሳኣ ኡንቱንታ ከሴዳ። ሾይቃን ሞኬዳ አይፍያ ኡንቱንታ ምዜዳ። ዛላ ጳልቀፐ ኡንቱንታ ኤሳ ምዜዳ፤ ሹቻ ጋድያፐ ዛይትያ ምዜዳ። 
\v 14 ኡንቱንቱ መህያ ዉድያፐ መኤዳ ማነ ዴሻ ዉድያፐካ ማ፥ ዶርሳ አንቃራነ ጋልሳ ሜድኖ፤ ቃይ ባሳነ ዶርሳ ዉድያነ ዴሻ፥ ሎኦ ዛርጋ ሜድኖ፤ ሱ ማላትያ ዎይንያ ኤሳካ ኡሼድኖ።
\p
\v 15 ያኒደ ይሽሩን ኦርዴዳ፤ ማካሌዳ፤ ም ሚደ፥ ቦቦርጬዳ። ባረና መዳ ጾሳ አጌዳ፤ ባረ አቶተ ዛላ ካዳ። 
\v 16 ኡንቱንቱ አላጋ ጾሳቶ ጎይንያዋን አ ምሽሴድኖ፤ ባረንቱ ቱና ኤቃቱዋን አ ሀንቀድኖ። 
\v 17 ጾሳ ግደና ጻላሄቶ፥ ካሰ ኡንቱንቱ ኤርቤና ጾሳቶ፥ ዝኖ ከሴዳዋንቶ፥ ኡንቱንቱ አዎቱ ያይቤና ጾሳቶ ያርሼድኖ።\x - \xo 32:17 \xo*\xt 1 ቆሮ. 10:20\xt*\x* 
\v 18 ኡንቱንቱ ደኡዋ እሜዳ ዛላ ቆፕበይክኖ፤ ቃይ የል ድቼዳ ጾሳ ዶጌድኖ።
\p
\v 19 መና ጎዳይ ሄዋ በኢደ፥ ኡንቱንቱ ቦላ ሀንቀቴዳ። አ አቱማነ ማጫ ናናቱዋ እጼዳ። 
\v 20 ያቲደ ሀዋዳን ያጌዳ፤ “ታን ታ ሶምኡዋ ኡንቱንቱፐ ገንና፤ ኡንቱንቱ ጌላነ አማነተና አሳ ግድያ ድራዉ፥ ኡንቱንቱ ኦማርሳ ጮኡ ጋደ ጼላና። 
\v 21 ጾሳ ግደናዋን ታና ምሽሴድኖ፤\x - \xo 32:21 \xo*\xt 1 ቆሮ. 10:22፤ ሮመ 10:19\xt*\x* ባረንቱ ኤቃቱዋን ታና ሀንቀድኖ። ታንካ ኡንቱንቱ ዛረ ግደናዋንቱን ምሽሳና፤ ኤያ አሳ ዛራቱዋን ታን ኡንቱንታ ሀንቀትሳና። 
\v 22 ታ ሀንቁ ታማዳን ኤጺደ፥ ጋድያን ደእያዋ ኡባ ጹጋና። ሄ ታማይ ስኦልያን ደእያዋናካ ጋደ ጹጋና፤ ደርያ ባሱዋ ጋካናዉ፥ ሄ ታማይ ማና።
\p
\v 23 “ታን ኡንቱንቶ መቱዋ መቱዋ ቦላ ዶራና፤ ታ ዎንዳፍያን ኡንቱንታ ዱካና። 
\v 24 ኡንቱንቱ ኮሻን፥ ጹግያ ምሹዋንነ ኢታ ሀርግያን ዉራና። ኡንቱንቱ ቦላ መቶ ጋያ ባዙዋ ዶአቱዋነ ኡንቱንታ ዱክያ አላጋ ሾሻቱዋ ኡንቱንቱ ቦላ የዳና። 
\v 25 ቶራይ ኦገ ኡባን ኡንቱንቱ ናናቱዋ ዉርሳና። ጎልያ ኡባን ሻቢርሳይነ ዳጋማይ ካተታና። ያላጋ አቱማዋንቱነ ማጫዋንቱ ዉራና፤ ጉ ናናይካ ጭማቱካ አትክኖ። 
\v 26 ኡንቱንታ ታን ሃኮ ሳአ ላላና፤ ሄዋፐ ጉይያን፥ ኡንቱንታ ሀሳይያባይ ያና። 
\v 27 ሽን ኡንቱንቱ ሞርከቱ፥ ‘ኑ ዎልቃይ ኡንቱንታ ጾኔዳ፤ ሀዋ ኡባ መና ጎዳይ ኦቤና’ ያጊደ ኦቶሩዋን ጬቀተናን አግክኖ ያጋደ ቆፓድ” ያጌዳ።
\p
\v 28 እስራኤልያ አሳይ ዞረት ባይና አሳ፤ አኬክ ኡንቱንቶ ባዋ። 
\v 29 ኡንቱንቱ ጾነቴዳዌ አያነንቶ በአናዉ ኡንቱንቶ እጸቴዳ፤ ባረንቱ ዉርሰይካ አየንቶካ ኤርክኖ። 
\v 30 እት ሻአ አሳይ እት አሳን፥ ታሙ ሻአ አሳይ ላኡ አሳን፥ ዋን ጾነቴዴ? ኡንቱንቱ ዛላይ ኡንቱንታ ዛልኤዳ ግሻሳነ መና ጎዳይ ኡንቱንታ አ እሜዳ ድራሳ ግደኔ! 
\v 31 ኡንቱንቱ ሞርከቱ ባረንቱ ጾሳይ ላፋ ግድያዋነ እስራኤልያ ጾሳዳን ዎልቃማ ግደናዋ ኤሪኖ። 
\v 32 ኡንቱንቱ ዎይኒ ሶዶማ ዎይንያፐነ፥ ጋሞራ ሾይቃፐ ዬዳዋ። ኡንቱንቱ ቴራይ ማርዘ፤ ኡንቱንቱ ዉርጩካ ጫምያዋ። 
\v 33 ኡንቱንቱ ዎይንያ ኤሳይ ሾሻ ማርዘ፤ ዎያ ማርዚ ደእያ ሀሱዋ።
\p
\v 34 ጾሳይ፥ ሀዋ ታን ናጋደ ታ ማዝጎብያን አታማበይክታ? 
\v 35 ኡንቱንቱ ባሻ ጋላሳይ ማታቴዳ፤ ኡንቱንቱ ቦላ ጋካናባይ ኤሌሌ። ሄ ዎደ ኡንቱንቱ ገዲ በታና። ታን ኡንቱንቶ ሀሉዋ ከሳናነ ኩሽያ ዛራና ያጌዳ።\x - \xo 32:35 \xo*\xt ሮመ 12:19፤ እብራ. 10:30\xt*\x*
\p
\v 36 ኡንቱንቱ ዎልቃይ ዳቡሬዳዋነ ኡንቱንታካ ማድያዌ ባይናዋ በኤዳ ዎደ፥ መና ጎዳይ ባረ አሳዉ ፕርዳና፤\x - \xo 32:36 \xo*\xt ማዝ. 135:14\xt*\x* ባረ ቆማቶካ ቃረታና። 
\v 37 እ ኡንቱንታ ሀዋዳን ያጋና፤ ኡንቱንቱ አማነትያ ኡንቱንቱ ጾሳቱ ሀቃነ? ኡንቱንቱ ባቃቲደ አ ግዶን ቆሰትያ ኡንቱንቱ ዛላይ ሀቃነ? 
\v 38 ኡንቱንቱ ያርሹዋ ሞዋ ሜዳዋንቱ፥ ኡንቱንቱ ኡሻ ያርሹዋ ዎይንያ ኤሳ ኡሼዳዋንቱ ሀእ ደንዲደ፥ አነ ኡንቱንታ ማድኖ፤ አነ ኡንቱንታ አሽኖ።
\p
\v 39 ጾሳይ ታናቴ። ታ ጻላላይ ጾሳ። ታፐ አትና፥ ሀራ ጾስ ባዋ። ዎያዌ፥ ደኡዋካ እምያዌ ታና፤ ታን ማዱጽሳደ፥ ታን ፓና፤ ታ ኩሽያፐ ኦንነ አሸና። 
\v 40 ታ ኩሽያ ፑደ ደንደ ሀዋዳን ያጋና፤ “ታን መናዉካ ደኦ። 
\v 41 ጶሉጶሉ ግያ ታ ማሻ ሌፋደ፥ ፕርዳናዉ ታ ኩሽያን ኦይቂያ ዎደ፥ ታ ሞርከቱዋ ቦላ ታ ሀሉዋ ከሳና፤ ታና እጽያዋንቶ ኡንቱንቱ ኩሽያ ዛራና። 
\v 42 ታ ዎንዳፈቱ ኡንቱንቱ ሱን ማታና፤ ታ ማሻይካ ኡንቱንቱ አሹዋ ማና። ታና እጽያ ኡባካ ማርከ። ሀራይ አቶ ማዱጼዳዋንቱነ ኦሞደቴዳዋንቱካ ሀይቃና” ያጋና ያጌዳ።
\p
\v 43 ህንተኖ ካዉተቶ፥ ጾሳ አሳና ናሸትተ።\x - \xo 32:43 \xo*\xt ሮመ 15:10፤ ሳፃ 19:2\xt*\x* እ ባረ ቆማቱ ሱ አቻና፤ ባረ ሞርከቱዋ ቦላንካ ሀሉዋ ከሳና። ቢታን ደእያ ባረ አሳ ናጋራካ አቶ ጋና ያጌዳ።
\p
\v 44 ሙሴነ ኔዌ ናአይ ኢያሱ እስራኤልያ አሳ ስሲደ፥ ሀ ማዝሙርያ ቃላ ኡባ ሃሳዬድኖ።
\s1 ሙሴ እሜዳ ዉርሰ ዞርያ
\p
\v 45 ሙሴ ሀ ቃላ ኡባ እስራኤልያ አሳ ኡባዉ ኦድ ዉርሴዳ ዎደ፥ 
\v 46 ኡንቱንታ ሀዋዳን ያጌዳ፤ “ሀ ህግያ ቃላ ኡባ ኡንቱንቱ ናጋናዳንነ ኦናዳን ህንተ ናናቱዋ አዛዛና ማላ፥ ሀች ታ ህንተንቶ ማርካትያ ቃላ ኡባ ህንተ ዎዛናን ዎተ። 
\v 47 ሀ ቃላይ ህንተንቶ ደኦፐ አትና፥ ጮ መላ ቃላ ግደና። ሀ ቃላ ናጎፐ፥ ህንተ ዮርዳኖሳ ፕኒደ ላታና ቢታንካ አዱሳ ላይ ደአና” ያጌዳ።
\p
\v 48 ሄ ጋላሳንካ መና ጎዳይ ሙሳ ሀዋዳን ያጌዳ፤\x - \xo 32:48-52 \xo*\xt ፓይ. 27:12-14፤ ዛረ. 3:23-27\xt*\x* 
\v 49 “ሞኣበን እያርኮ ካታማፐ ስን ባጋና ደእያ አባርማ ደረቱዋፐ እቱዋ፥ ህን ናቦ ደርያ ከሳ፤ ሄዋን እስራኤልያ አሳ ታ ላትሳና ካናነ ቢታ ሄፍን ጼላ። 
\v 50 ነ እሻ አሮን ሆራ ደርያን ሀይቂደ፥ ባረ ማይዛ አዎቱዋን ጋከቴዳዋዳን፥ ኔንካ ሀ ከሴዳ ደርያን ሀይቃደ፥ ነ ማይዛ አዎቱዋን ጋከታና። 
\v 51 አያዉ ጎፐ፥ ህንተ ላኡካ እስራኤልያ አሳ ስንን ታዉ አማነትበይክታ፤ ጺና መላ ቢታን፥ ቃዴሳ ካታማ ማታን ደእያ ማሪባ ሃ ማታን፥ ታ ጌሻተ እስራኤልያ አሳ በስበይክታ። 
\v 52 ሄዋ ድራዉ፥ ቢታ ሃኩዋን ሄፍን ጼላናፐ አትና፥ ታን እስራኤልያ አሳ ላትሳና ቢታ ገላካ” ያጌዳ።
\c 33
\s1 ሙሴ እስራኤልያ ዛራቱዋ ኡባ አንጄዳ
\p
\v 1 ጾሳ አሳ ግድያ ሙሴ ሀይቃናፐ ካሰቲደ፥ እስራኤልያ አሳ አንጄዳ አንጁዋ ቃላይ ሀዋ። 
\v 2 እ ሀዋዳን ያጌዳ፤ “መና ጎዳይ ሲና ደርያፐ ዬዳ፤ ኤዶማፐ ኑ ቦላን ሃ ፖኤዳ፤ ፓራና ደርያፐ ባረ አሳዉ ፖኤዳ። ሻአን ፓይደትያ ኪታንቻቱ አናና ደኢኖ። አ ኡሸቻ ባጋና ታማ ላጩ ደኤ። 
\v 3 ጾሳዉ ኔን ነ አሳ ሲቃዳ። ጌሻቱ ኡባይ ነ ኩሽያን ደኢኖ፤ ነ ገድያ ጻጱዋን ጉልባቲደ ጎይኒኖ፤ ያቲደ ኔፐ አዛዙዋ አኪኖ። 
\v 4 ሙሴ እሜዳ ህጊ ያቆባ አሳዉ ላታ። 
\v 5 እስራኤልያ ዛራቱ ኡባይነ ይሹሩና ዛርያ ካፓቱ ሺቄዳ ዎደ፥ ጾሳይ ባረ አሳ፥ እስራኤልያ ቦላ ካተቴዳ።
\p
\v 6 “ሮቤል ሀይቆፖ፤ እ ፓጻ ደኦ። አ አሳይካ ፓይዱዋን ጮራቶ” ያጌዳ።
\p
\v 7 ሙሴ ይሁዳ ዛርያባ ሀዋዳን ያጌዳ፤ “አቤት መና ጎዳዉ፥ ይሁዳ ዋሱዋ ስሳ፤ ሀራ ባረ ዳቦቱዋና ኡንቱንቱ ጋከታናዳን ኦ። ኡንቱንቱ ኩሽያ ምን፤ ኡንቱንቱ ባረንቱ ሞርክያና ኦለትያ ዎደ፥ ኔን ኡንቱንታ ማዳ!” ያጌዳ።
\p
\v 8 ሙሴ ሌዊያ ዛርያባ ሀዋዳን ያጌዳ፤\x - \xo 33:8 \xo*\xt ከሳ 17:7፤ 28:30፤ ፓይ. 20:13\xt*\x* “ነ ቱሚምነ ኡሪሚ ነ ዶሴዳ አሳሳ። ኔን ማሳሀን ፓጬዳ፥ ማሪባ ሃን ፓሉመቴዳ አሳሳ። 
\v 9 ባረና የሌዳዋንቱፐ፥ ባረ እሻቱዋፐነ ባረንቱ ናናቱዋፐ አደ፥ ኡንቱንቱ ነዉ አማነቴዳዌ አ፤ ነ ጫቁዋ ቃላዉ ኡንቱንቱ አማነቴድኖ። 
\v 10 ኡንቱንቱ ነ ዎጋ ያቆባ፥ ነ ህግያካ እስራኤልያ ታማርሲኖ። ነ ስንን እጻና ጩዋዪኖ፤ ነዉ ያርሽያሳን ኡባና ጹግያ ያርሹዋ ያርሺኖ። 
\v 11 አቤት መና ጎዳዉ ኡንቱንቱ ኩሺ ኦዳዋ አንጃ፤ ኡንቱንቱ ኦያ ኡባባን ነ ናሸትያዋ ኡንቱንቶ ቆንጭሳ። ኡንቱንቱ ቦላ ደንድያዋ መንሬ ኦላ፤ ኡንቱንቱ ሞርከቱዋ ላኤን ደንፓ” ያጌዳ።
\p
\v 12 ቢንያማ ዛርያባ ሀዋዳን ያጌዳ፤ “መና ጎዳይ ሲቄዳ አሳይ አን አማነቲደ ደኤ። ጋላሳ ኩመንን ኡንቱንታ መና ጎዳይ ናጌ፤ ባረ ሀሽያን ቶኪደ ሸምፕሴ” ያጌዳ።
\p
\v 13 ዮሴፎ ዛርያባ ሀዋዳን ያጌዳ፤ “መና ጎዳይ እራ እምያዋን፥ ጋድያፐ ሃ ፑልትስያዋን፥ ኡንቱንቱ ቢታ አንጆ። 
\v 14 አዋይ ካያ ዶረቴዳ አይፍያንነ ዎድያን ዎድያን ካእያ አይፍያን አንጀቶ። 
\v 15 በንፐ ደእያ ኡንቱንቱ ደረቱነ ዞዜቱ ሎኦ አይፍያን አንጀትኖ። 
\v 16 ኡንቱንቱ ቢታይ ሎኦባ ጻላላ ኩሜዳዋ ግዶ፤ ቡራን ኤጽያ ታማ ግዶን ሃሳዬዳ፥ ጾሳፐ ቤትያ አንጆ ጻላላን ኩሜዳዋ ግዶ። ሀ አንጆቱ ኡባይ ዮሴፎ ዛርያ ጋክኖ፤ አያዉ ጎፐ፥ እ ባረ እሻንቱ ግዶን ካፑዋ። 
\v 17 ዮሴፎ ኮይሮ የለቴዳ ኮሩማዳን ምኖ፤ አ ካጨቱ መን ካጭያዳን ምኖ። አ ካጨቱ ሻአን ፓይደትያ ምናሰ ዛራቱዋ፤ ታሙ ሻአን ፓይደትያ ኤፍሬማ ዛራቱዋ። ሄ ካጨቱዋን እ ካዉተቱዋ ቃይጫና፤ ቢታ ጋጻ ጋካናዉ ኡንቱንታ እ ሱጋና” ያጌዳ።
\p
\v 18 ዛብሎና ዛርያባ ሀዋዳን ያጌዳ፤ “ኔኖ ዛብሎና፥ ኔን ነ ከሳን ናሸታ፤ ይሳኮራ፥ ኔንካ ነ ዱንካንያን ናሸታ። 
\v 19 ኡንቱንቱ ካረ ጋደ አሳ ባረንቱ ደርያኮ ጼሳና፤ ሄዋን ኡንቱንቱ ጌሻተ ያርሹዋ ያርሻና። ባረ አቁዋነ ባረንቱ ዱረተ፥ አባፐነ አባ ማታ ሻፍያፐ ደማና” ያጌዳ።
\p
\v 20 ጋዳ ዛርያባ ሀዋዳን ያጌዳ፤ “ኡንቱንቱ ቢታ አሴዳ ጾሳይ ጋላተቶ፤ ጋድ ሞርክያ ሶምኡዋ መንናዉ፥ ጋሙዋዳን ሻንካቴ። 
\v 21 ካፓቶ ጌዳ ሎኦ ቢታ ኡንቱንቱ አኬድኖ፤ እስራኤልያ ካፓቱ ሺቄዳ ዎደ፥ ኡንቱንቱ መና ጎዳ ሸንያን ጌሻ ፕርዳ ፕርዴድኖ” ያጌዳ።
\p
\v 22 ዳነ ዛርያባ ሀዋዳን ያጌዳ፤ “ዳን ዎዳላ ጋሙዋ ማላ፤ እ ባሳነፐ ጉፒደ ከሳና” ያጌዳ።
\p
\v 23 ንፍታሌማ ዛርያባ ሀዋዳን ያጌዳ፤ “ንፍታሌም መና ጎዳ አ ኬካተንነ አንጁዋን ዱረቴዳ፤ ኡንቱንቱ ቢታይ ጋሊላ አባፐ ቢደ ገድሳ ባጋ ጋኬ” ያጌዳ።
\p
\v 24 አሴራ ዛርያባ ሀዋዳን ያጌዳ፤ “አሴር ሀራ ዛራቱ ኡባፐ አደ አንጀቴዳዋ። ባረ እሻቱዋንካ ዶሰቴዳዋ ግዶ። አ ቢታይ ዛይትያን ዱረቶ። 
\v 25 ኡንቱንቱ ካታማቱካ ብራታ ካርያን ጎርደቲደ ናገትኖ፤ ባረ ላይ ኡባን እ ዎልቃማ ግድኖ።
\p
\v 26 “ኔኖ ይሽሩና፥ ሳሉዋፐ ህንተና ማዳናዉ፥ ባረ ግታተን ሻራን ሀመትያ ህንተ ጾሳ ማላ ጾስ ባዋ። 
\v 27 መና ጾሳይ ህንተንቶ ደኡዋ፤ አ መና ኩሸቱ ህንተፐ ጋርሳና ደኢኖ። እ ህንተ ስንፐ ህንተ ሞርከቱዋ የደርሴዳ፤ ህንተ ኡንቱንታ ዉርስ ይሳናዳን ህንተንቶ ኦዴዳ። 
\v 28 ሄዋ ድራዉ፥ እስራኤልያ አሳይ፥ ቦችያዌ ባይናን ሳሮተን ደአና፤ ያቆባ ፑልቱ ቁማይነ ዎይንያ ኤሳይ ኩሜዳ ጋድያን ደአና፥ ሳሉዋ እራይ ቡክያሳን ደአና። 
\v 29 ህንተኖ እስራኤልያ አሳዉ! ህንተ ዎት አንጀቴድቴ! መና ጎዳይ አሼዳ ህንተ ማላይ ኦኔ? እ ህንተንቶ ጎንዳለነ ህንተና ማድያዋ፤ አን ህንተ ጾንያ ማሻ። ህንተ ሞርከቱ ህንተ ስንን ጉፋናና፤ ህንተካ ኡንቱንቱ ጌሱዋ ላላና” ያጌዳ።
\c 34
\s1 ሙሴ ሀይቁዋ
\r (34:1-12)
\p
\v 1 ሙሴ ሞኣባ ደምባፐ ደንዲደ፥ ናቦ ደርያ ሁጲያ፥ ቃይ ያርኮፐ አዋይ ዶልያ ባጋና ደእያ ፕስጋ ደርያ ሁጲያ ጋኬዳ። ሄዋን መና ጎዳይ ዳና ጋካናዉ ደእያ ጋላኣደ ቢታ፥ 
\v 2 ንፍታሌማ ቢታ ኡባ፥ ኤፍሬማነ ምናሰ ቢታ፥ አዋይ ዉልያ ባጋና ቢደ ሜድተራነ አባ ጋካናዉ ደእያ ይሁዳ ቢታነ 
\v 3 ገድሳ ባጋና ጾኣራፐ ደንዲደ፥ ዛምባይ ደእያ እያርኮ ካታማ፥ ዛንጋራን ደእያ ደምባ ኡባ በሴዳ። 
\v 4 መና ጎዳይ ሙሳ ሀዋዳን ያጌዳ፤ “አብራሃመዉ ይሳቃዉነ ያቆባዉ፥ ‘ታን ህንተ ዛርያዉ እማና’ ያጋደ ጫቄዳ ቢታይ ሀዋ። ሀእ ኔን ነ አይፍያን በአናዳን ታን ኦድ፤ ሽን ኔን ያ ፕናካ” ያጌዳ።\x - \xo 34:4 \xo*\xt ዶመ 12:7፤ 26:3፤ 28:13\xt*\x*
\p
\v 5 መና ጎዳ ቆማ ሙሴ መና ጎዳይ ጌዳዋዳን፥ ሄዋን ሞኣባ ጋድያን ሀይቄዳ። 
\v 6 መና ጎዳይ ቤት-ፓኦራ ካታማፐ ስን ባጋን ሞኣባ ዛንጋራን አ ሞጌዳ፤ ሽን ሀች ጋካናዉ፥ እ ሞገቴዳ ሳኣ ኤርያ አሳይ ባዋ። 
\v 7 ሙሴ ሀይቂያ ዎደ፥ አ ላይይ ጼታነ ላታማ፤ ሽን አዉ አይፊ እጽቤና፤ አ ዎልቃይካ እጽቤና። 
\v 8 እስራኤልያ አሳይ ሞኣባ ደምባን ሀታሙ ጋላሳ ሙሴዉ ዬኬድኖ። ሄዋፐ ጉይያን፥ ሙሴዉ ዬክያነ ካዮትያ ዎዲ ዉሬዳ።
\p
\v 9 ኔዌ ናአይ ኢያሱ አዳ ኤራተ አያናን ኩሜዳ፤ አያዉ ጎፐ፥ ሙሴ ባረ ኮታን እ ኦናዳን፥ አ ቦላ ባረ ኩሽያ ዎዳ። እስራኤልያ አሳይ ኢያሱዉ አዛዘቴዳ፤ መና ጎዳይ ሙሴ ባጋና እሜዳ አዛዙዋካ ናጌዳ።
\p
\v 10 መና ጎዳይ ሶምኡዋን ዱማዪደ ኤሬዳ ሙሴ ማላ ትምቢትያ ኦድያ አሳይ እስራኤልያን ሙለካ ደንድቤና።\x - \xo 34:10 \xo*\xt ከሳ 33:11\xt*\x* 
\v 11 መና ጎዳይ ሙሳ ግብጼ ካትያኮ፥ አናና ኦያ ካፓቱዋኮነ ኩመን አሳኮ የዲደ፥ አ ባጋና ኦራባነ ማላልስያባ ኡባ ኦዳ፥ ሙሴ ማላ ትምቢትያ ኦድያ ሀራ አሳይ ኦንነ ባዋ። 
\v 12 እስራኤልያ ኡባ ስንን ዎልቃማ ዎልቃን ማላልስያባ ኦዳ ሙሴ ማላ አሳይ ኦንነ ባዋ።