\id COL - Dawuro Full Bible Ethiopic Version
\ide UTF-8
\h ቆላስያሳ
\toc1 ጳዉሎስ ቆላስያሳ አሳዉ ጻፌዳ ኪታ
\toc2 ቆላስያሳ
\toc3 ቆል.
\mt2 ጳዉሎስ
\mt1 ቆላስያሳ አሳዉ
\mt2 ጻፌዳ ኪታ
\imt ገሉዋ
\ip ጳዉሎስ ቆላስያሳ አሳዉ ጻፌዳ ኪታይ ጻፈቴዳዌ፥ ኤፈሶነ አሳዉ ጻፈቴዳ ኪታና እት ዎድያና ማላቴ። ሄዌካ ቄር ኢስያን፥ ኤፈሶነፐ አዋይ ዶልያ ባጋና ቤትያ ቆላስያሳን ደእያ አማንያ አሳቱዋሳ ግዲደ ላኡዋ ግዶን ደእያ ዱማተይ፥ ቆላስያሳ አሳዉ ጻፈቴዳ ኪታይ ክርስቶስ መታ ኡባዉ ሁጰ ግድያዋ በስያ ዎደ ኤፈሶና አሳዉ ጻፈቴዳ ኪታይ ቃይ ክርስቶስ ዎሳ ጎለዉ ሁጰ ግድያዋ በሴ። ሀ አሳቶ ቃላ ማርካቴዳዌ ጳዉሎሳ ግዳና ዮፐካ፥ ሮመ ጋድያን፥ ኢስያ ዋና ካታማ ግድያ ኤፈሶነፐ ኡንቱንቶ ኦያ አሳቱዋ ኪትያዌ አ ግድያ ድራዉ፥ ቆላስያሳዉካ አዎትያ ሀኖታይ አዉ ደኤ። ቆላስያሳ አማንያዋንቱ ግዶን፥ “ጾሳ ኤራናዉነ ኩመን አቶተ ደማናዉ፥ አሳይ ኡባይ አያና ዎልቃቶነ ማታይ ደእያዋንቶ ጎይናናዉ ኮሼ” ያግያ ዎርዶ አስታማራቱ ደእያዋ ጳዉሎስ ስሴዳ። ሀ አስታማራቱ ሀራባ ቃይ፥ “አሳይ ኡባይካ ቃጻራ ማላትያ ዎጋቶ ሞደታናዉነ ቁማ ዎጋነ ሀራ ዎጋቱዋ ኡባ ናጋናዉ ኮሼ” ያጊኖ።
\ip ጳዉሎስ ሀ ኪታ ጻፌዳዌ ቱማንቻ ግድያ ክርስትና ኪታ ኦድያዋን፥ ኡንቱንቱ ዎርዶ ትምርትያ ጳልቃናሳ። እ ዛሬዳ ዛሩዋፐ ዋናትያዌ “የሱስ ክርስቶስ ኩመን አቶተ እማናዉ ዳንዳዬ፤ ሀ ሀራ አማናቱነ ኦሳቱ አፐ ሃሳናዉ ዳንዳዪኖ” ያግያዋ። ጾሳይ ክርስቶሳ ባጋና ሀ አላምያ መዳ። ቃይ አ ባጋና ዛሪደ አ ባረኮ አሀና። ሀ አላምያዉ ክርስቶሳ ዎዛናፐ አማንያዋ ጻላላን አቶተ ህዶታይ ደኤ። ሀዋ ማራን ጳዉሎስ ሀ ዎልቃማ ትምርቲ አማንያ አሳ ደኡዋን ዋኒደ ኦሱዋን ፔሻናዉ ዳንዳይንቶ ኦዴ።
\ip ሀ ኪታ ጳዉሎሳፐ አኪደ፥ ቆላስያሳ ጋናዉ ኪተቴዳ ቲኪቆሳና እትፐ ቤዳዌ አናስሞሳ ግድያዋ በእያዌ ጎእያዋ። ዋኒደ ጎፐ፥ ጳዉሎስ ሀ አናስሞሳ ጌተትያ ባረ ኦሳንቻባ ደንደ፥ ፕልሞናዉ ሀራ ኪታ ጻፌዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-8\ior*
\io1 ክርስቶሳ ኤሻነ ኦሱዋ \ior 1:9—2:19\ior*
\io1 የሱሳን ቤትያ ኦራ ደኡዋ \ior 2:20—4:6\ior*
\io1 ዉርሰ ቁትያ \ior 4:7-18\ior*
\c 1
\p
\v 1 ታን ጳዉሎስ፥ ጾሳ ሸንያን ክርስቶስ የሱስ ኪቴዳዋ ግዴዳዌነ ኑ እሻይ ጽሞቶስ፥ 
\v 2 ቆላስያሳ ግያ ካታማን ደእያ ጾሳ ናናቶ፥ ክርስቶሳን አማነቴዳ እሻቶ ሀ ዳብዳቢያ ጻፌቶ።
\p ጾሳ ኑ አዉዋፐነ ጎዳ የሱስ ክርስቶሳፐ፥ አ ኬካተይነ ሳሮተይ ህንተንቶ ግዶ።
\s1 ጳዉሎስ ዎሴዳ ጋላታ ዎሳ
\p
\v 3 ኑን ህንተንቶ ዎሲደ፥ ኑ ጎዳ የሱስ ክርስቶሳ አዉዋ፥ ጾሳ ኡባ ዎደ ጋላቴቶ። 
\v 4 አያዉ ጎፐ፥ ኑን ክርስቶስ የሱሳ ህንተንቱ አማንያዋነ ጾሳ አሳቱዋ ኡባ ሲቅያዋ ስሴዶ። 
\v 5 ቱሙ ኪታይ ዎንጋላይ ኮይሮ ህንተኮ ዬዳ ዎደ፥ ጾሳይ ስንፐ እማና ጌዳዋ ስሴድታ። ስም ህንተንቱ አማኑነ ሲቁ ሳሉዋን ጊጊደ ናግያ፥ ጾሳይ ስንፐ እማና ጌዳዋን ዶመቴዳ። 
\v 6 ሄ ዎንገሊ ህንተኮ ጋኬዳ፤ ህንተንቱ አ ስሶደፐነ ጾሳ አ ኬካተ ቱማተን ኤሮደፐ ዶሚደ፥ ህንተንቱ ግዶን ደእያዋዳንካ፥ ቢታ ኡባን አንጁዋ አሄነ ኡባሳ አኬ።
\p
\v 7 ህንተንቱ ሄዋ ኑናና እትፐ ቆማ ግዴዳ ሲቆ ኤፓፍራፐ ታማሬድታ፤ እ ኑ ድራዉ ክርስቶሳዉ አማነቲደ ኦያዌ፥ 
\v 8 ጾሳ አያናን ሀራቱዋ ህንተንቱ ሲቅያዋ ኑዉ ኦዴዳ።
\p
\v 9 ሄዋ ድራዉ፥ ኑን ቃይ ሄዋ ስሴዳ ጋላሳፐ ዶሚደ፥ ጾሳይ ህንተንቶ ባረ ሸንያ ኤርያ ኤራተ፥ ጾሳ አያናይ እምያ አዳ ኤራተናነ አኬካና እትፐ ኩንደ እማናዳን፥ ኡባ ዎደ ባለናን ጾሳ ዎሴቶ። 
\v 10 ሄዋፐ ጉይያን፥ ጎዳይ ኮይያዋዳን ህንተንቱ ደአናዉነ፥ ኡባ ዎደ አ ናሸችያባ ኦናዉ ዳንዳያና፤ ህንተንቱ ኦያ ሎኦ ኦሱዋ ኡባን ህንተንቱ ደኡ ጎአና ደእያዋ ግዳናዋ፤ ቃይ ጾሳ ኤርያዋን ድጭ ድጭ ባንታ።
\p
\v 11 ህንተንቱ ኡባባን ናሸቻን ገንጫናዳንነ ዳንዳያናዳን፥ ጾሳይ ባረ ቦንቹዋ ግታተዳን እምያ ዎልቃ ኡባን ምንተ። 
\v 12 ቃይ ጾሳ ናናቶ ጊጌዳ ፖኦ ካዉተ ላታናዉ፥ ኑና ዳንዳይሴዳ ጾሳ አዉዋ ጋላትተ። 
\v 13 እ ኑና ማ ዎልቃፐ አሺደ፥ ባረ ሲቅያ ናኣ ካዉተኮ ፕንዳ። 
\v 14 ቃይ እ ባረ ናኣን ኑና ዎዚደ፥ ኑ ናጋራ አቶ ጌዳ።
\s1 ክርስቶሳ ጾሳተነ አ ኦሱዋ
\p
\v 15 ክርስቶስ ቤተና ጾሳ ቆንጭስያዋ፤ እ መቴዳዋ ኡባፐ አያ ባይራ ናኣ። 
\v 16 አያዉ ጎፐ፥ ኡባባይካ አን መቴዳ፤ ቤትያዋንቱ፥ ቤተናዋንቱ፥ አያናቱዋፐ ቤትያ ዎልቃይነ ጎዳተይ፥ ቃተይነ ማታይ፥ ሳሉዋንነ ሳኣን ደእያ ኡባባይካ አንነ አዉ መቴዳ። 
\v 17 እ ኡባባፐ ካሰ ደኤዳ፤ ኡባባይካ አን ባረ ሳኣ ሳኣ ኦይቂደ ደኤ። 
\v 18 እ ባረ ሁጰዉ፥ ዎሳ ጎለዉ ሁጰነ ደኦ፤ እ ኡባፐ ቦላ ግዳና ማላ፥ ካሰቲደ ሀይቁዋፐ ደንዴዳ ባይራ ናኣ ግዴዳ።
\p
\v 19 አያዉ ጎፐ፥ ጾሳይ ኮዬዳዋዳን፥ አን ጾሳተ ኩመንይ ደኤ። 
\v 20 ያትና ጾሳይ ክርስቶሳ ባጋና ኡባባ ባረናና ስገናዉ የዉዋ ቃቼዳ፤ ባረ ናአይ ማስቃልያ ቦላን ጉሴዳ ሱን ሳሉዋንነ ሳኣን ደእያ ኡባባ ባረናና ስገዳ።
\p
\v 21 ሀዋፐ ካሰ፥ ህንተንቱ ኢታባ ቆፔዳ ድራዉነ ኦዳ ድራዉ፥ ጾሳፐ ሻከቲደ፥ አናና ሞርከቴድታ። 
\v 22 ሽን ጾሳይ ሀእ ህንተንታ ፖኮባይ ባይናዋንታነ ቃይ ጌሻቱዋ ኦደ፥ ባረ ስን ሺሻናዉ፥ ባረ ናኣ ሀይቄዳዋ አሳተን ባረናና ህንተንታ ስገዳ። 
\v 23 ሄዌ ህንተንቱ ቱሙ አማኑዋን ምን ኤቂደ፥ ምሽራቹዋ ቃላ ስሲደ፥ ስንፐ አካና ጌዳዋፐ ቃጸናን ምኒደ ደኦፐ ሀናና፤ ሄ ዎንጋላ ምሽራቹ ሳኣን ደእያ መታ ኡባ ማታን ኦደቴዳ። ታን ጳዉሎስካ ምሽራቹዋ ቃላ ኦድያዋ ግዳድ።
\s1 ጳዉሎስ የሱስ ኪቴዳዋ ግዲደ ኦዳ ኦሱዋ
\p
\v 24 ታን ህንተንቶ ዋየቴዳ ድራዉ፥ ሀእ ናሸታይ፤ ክርስቶስ ባረ ሁጰዉ፥ ሄዋ ግያዌ ዎሳ ጎለዉ፥ ዋየትሽን ፓጬዳዋ ታን ታ ቦላ ሳኩዋን ኩንይ። 
\v 25 ጾሳይ ታና ህንተንታ ማድያዋነ አ ቃላ ፖላደ ኦድያ ቆማተ ኪታ ታዉ እሜዳ። 
\v 26 ሀ ቃላይ ሀዋፐ ካሰ ባጋ ኡባን፥ አሳ ኡባዉ ኤረተናን ጌሚደ ደኤ፤ ሽን ባረና አማንያዋንቶ ጾሳይ ሀእ ቆንጭሴዳ። 
\v 27 ጾሳይ አይሁዳ ግደና አሳዉ ዎዳ ሀ አሳዉ ቆንጭቤና ቦንቹዋነ ዱረ የዉ አየንቶ ጌሻቱዋ ኤርሳናዉ ኮዬዳ፤ ሀ አሳዉ ሀእ ቆንጬዳዌ አዬ ጎፐ፥ ክርስቶስ ህንተንቱን ደእያዋ፤ ሄዋ ግያዌ ጾሳ ቦንቹዋ አናና ህንተንቱ አካናዋ።
\p
\v 28 ሄዋ ድራዉ፥ ኑን አሳ ኡባዉ ክርስቶሳዋ ኦዴቶ፤ አሳ ኡባ ክርስቶሳን ኩመን አሳ ኦደ፥ ጾሳኮ ሺሻና ማላ፥ ኑዉ አዳ ኤራተ ኡባን ህንተንታ ሴረቶነ ታማርሴቶ። 
\v 29 ታን ሀዋ ፖላናዉ፥ ታናን ኦያ ክርስቶስ ታዉ እምያ ዎልቃን ባጸታይነ ዳቡራይ።
\c 2
\p
\v 1 ታን ህንተንቶነ ሎዶቅያ ግያ ካታማን ደእያ አሳቶነ ቃይ ታና በእቤና አማንያዋንቶ ኡባቶ አይ ኬና ባጸታድታንቶ ህንተንቱ ኤራና ማላ ኮያይ። 
\v 2 ኡንቱንቱ ዎዛናይ ምናና ማላ፥ ሲቁዋን እትፐ ግዲደ፥ ቱሙ አኬካን ቤትያ ዱረተ ኡባ ኡንቱንቱ አካና ማላነ ቃይ ኡንቱንቱ ጾሳይ አሳዉ ቆንጭስቤናዋ፥ ክርስቶሳ አ ሁጰዉ ኤራና ማላ፥ ታን ዳቡራይ። 
\v 3 ጌማን ጾሳይ ምንጄዳ ኤራይነ አዳ ኤራተይ ኡባይ አን ደኤ።
\p
\v 4 ኦንነ ህንተንታ ጭምያ ቃላን ባለና ማላ፥ ታን ህንተንታ ሀሳይሳይ። 
\v 5 አያዉ ጎፐ፥ ታን ህንተንቱ ማታፐ ሃካደ ደኦፐካ፥ አያናን ህንተንቱና ደአይ፤ ህንተንቱ ደእያ ማራነ ክርስቶሳ ህንተንቱ ምኒደ አማንያዋ በኣደ ናሸታይ።
\s1 ክርስቶሳን ቤትያ ኩመን ደኡዋ
\p
\v 6 ስም ህንተንቱ ጎዳ ክርስቶስ የሱሳ አኬዳዋዳን፥ አን ደእተ። 
\v 7 አን ጻጱዋ የዲደ ድጭተ፤ ህንተንቱ ታማሬዳዋዳን አማኑዋን ምንተ፤ ጾሳ ኡባ ዎደ ጋላትተ።
\p
\v 8 ክርስቶሳፐ ግደና ትምርትያን፥ ሀ ሳኣ ሞድያ አያናቱዋ ትምርትያንነ፥ አሳፐ ዬዳ ኤራተን፥ ቃይ መላ ጭሙዋን ህንተንታ ኦንነ ኦሞደና ማላ ናገትተ። 
\v 9 አያዉ ጎፐ፥ ክርስቶሳ አሳተ ቦላን ጾሳተ መታ ኩመንይ ደኤ። 
\v 10 ቃይ ኡባ አያናቱዋ ካፖተዉነ ጎዳተዉ ኡባዉ ሁጰ ግድያ ክርስቶሳፐ ኩመን ደኡዋ ደሜድታ።
\p
\v 11 ህንተንቱ ክርስቶሳና እት አሳ ማላ ግዲደ፥ አሳ ቃጻራ ማላ ግደናን፥ ህንተንቱ ናጋራንቻ መታ ድግያ ቃጻራ፥ ሀዌካ አሹዋ ቃጻራ ግደናን ክርስቶስ ኦዳዋ። 
\v 12 ህንተንቱ ጻማቀቴዳ ዎደ፥ ክርስቶሳና ሞገቲደ፥ ክርስቶሳ ሀይቁዋፐ ደንዳ ጾሳ ዎልቃ አማኔዳ ድራዉ፥ ኦራ ደኦ ጽንቃታን ክርስቶሳና እትፐ ደንዴድታ።
\p
\v 13 ህንተንቱ ህንተንቱ ናቁዋንነ ህንተንቱ ኤጫ አሳተ ቃጻረተናን አጌዳዋን ሀይቂደ ደእያ ዎደ፥ ጾሳይ ህንተንቱ ናቁዋ አቶ ጊደ፥ ክርስቶሳና ህንተንታ ፓጻ ዎዳ። 
\v 14 ኑና እጽያ፥ አጩዋ ፓራማ አ ጫቁዋና እትፐ ጾሳይ ዳኬዳ፤ ማስቃልያ ቦላን ሺደ፥ ኦግያፐ ድጌዳ። 
\v 15 ክርስቶስ ሄ ማስቃልያን ካፓቱዋፐነ ጎዳቱዋፐ ዎልቃ ዎ አኪደ፥ ባረ ጾኑዋነ ኦሞደቴዳዋንታ ቆንጭያን በሴዳ።
\p
\v 16 ሄዋ ድራዉ፥ ሙሳን ዎይ ኡሻን፥ ባላ ጋላሳ ዎይ አገናይ ጼርያ ዎድያ ቦንችያዋን፥ ዎይ ሳምባታ ቦንችያዋን፥ ኦንነ ህንተንቱ ቦላ ፕርዶፖ። 
\v 17 ሀዋንቱ ስንፐ ያና የዋቶ ኤሹዋ፤ ሽን ቱማተይ ክርስቶሳዋ። 
\v 18 ዎርዱዋ አሽከ ማላታናዉነ ኪታንቻዉ ጎይናናዉ ኮይያዌ፥ በእቤናዋ ሳጻን በኣድ ጊደ ኦቶረትያዌ፥ አሳተ ቆፋን ጮ አይያዌ፥ ኦንነ ህንተንቱ ቦላ ፕርዶፖ። 
\v 19 ሄዋ ማላ አሳይ ሁጰ ግድያ ክርስቶሳ ምንስ ኦይቄዳዋ ለፕሴ። ቦላ ኡባይ ሄ ሁጲያፐ ዎልቃ ደሚደ፥ ቦላን ደእያ ኩርያናነ ጻጱዋና እትፐ ኦይቀቲደ፥ ጾሳይ ድችያ ድሹዋዳን ድጬ።
\s1 ሀይቁዋንካ ፓጻንካ ክርስቶሳና ደእያዋ
\p
\v 20-21 ህንተንቱ ሀ ሳኣ ሞድያ አያናቱዋፐ ሃኪደ፥ ክርስቶሳና ሀይቄድታ፤ ያትና፥ አያዉ ሀ ሳኣ ዎጋን ደእያ አሳዳን ደኢቴ? “ኦይቆፓ፤ ባራ በኦፓ፤ ቦቾፓ” ያግያ ህገቶ አያዉ አዛዘቲቴ? 
\v 22 ሀ ኡባባይካ አሳይ መዳ ህገነ ትምርተ ግድያ ድራዉ፥ ዎድያፐ ጉይያን ያና። 
\v 23 ኡንቱንቱ ኪታንቻዉ ጎይንያዋንነ ዎርዱዋ አሽከ ማላትያዋን ቃይ ባረንቱ አሳተ ግልቂስያዋን አዳ ኤራንቻ ማላቲኖ፤ ሽን አሹዋ አሙዋ ድጋናዉ ጎኤና።
\c 3
\p
\v 1 ስም ህንተንቱ ክርስቶሳና ሀይቁዋፐ ደንዴዳዋ ግዶፐ፥ ጾሳፐ ኡሸቻ ባጋና ኡቴዳ ክርስቶስ ደእያ ሳን ሳሉዋን ደእያዋ ምንስ ኮይተ። 
\v 2 ሳሉዋን ደእያዋ ህንተንቱ ቆፓናፐ አትን፥ ሳኣን ደእያዋ ቆፖፕተ። 
\v 3 አያዉ ጎፐ፥ ህንተንቱ ሀይቄድታ፤ ቃይ ህንተንቱ ሸምፑ ጾሳን ክርስቶሳና ጌሜዳ። 
\v 4 ህንተዉ ደኦ ግዴዳ ክርስቶስ ቆንጭያ ዎደ፥ ሄ ዎደ ህንተካ አናና ቦንቹዋን ቆንጫና።
\s1 ኤጫነ ኦራ ደኡዋ
\p
\v 5 ሄዋ ድራዉ፥ ህንተንቱን ደእያ ሀ ሳኣ አሞቱዋ ዎተ፤ ሄዋንቱካ ዎሹምያዋ፥ ቱናተ፥ ዎሹማናዉ ኮይያዋ፥ ኢታ አሙዋ፥ ሚሻ አሞትያዋ። ዮራንቻ ግዱሳይ ኤቃዉ ጎይንያዋፐ ዱማተና። 
\v 6 ሀዋንቱ ጋሱዋን፥ ጾሳይ አዛዘተና አሳቱዋ ሀንቀታናዋ። 
\v 7 ካሰ ህንተንቱ ሀ ኢታ ቆፋቱዋን ደእያ ዎደ ኡንቱንቱን ሞደቴድታ።
\p
\v 8 ሽን ሀእ ህንተንቱ ቃይ ሀንቁዋ፥ ይሉዋ፥ እጹዋ፥ ህንተንቱ ዶናፐ ከስያ ጫሻነ ዬላይያ ሃሳያ ሀዋንታ ኡባ ህንተፐ ይስተ። 
\v 9 እቱ እቶ ዎርዶቶፕተ፤ አያዉ ጎፐ፥ ናጋራንቻ መታ አ ኦሱዋና ህንተፐ ይስ ድጊደ፥\x - \xo 3:9 \xo*\xt ኤፈ. 4:22\xt*\x* 
\v 10 ጾሳይ፥ አ መዳዌ፥ ባረና ማላትሳናዉነ ባረዉ ደእያ ኤራተ ኡባ እማናዉ፥ ኡባ ዎደ ኦራያ ኦራ መታ ማዬድታ።\x - \xo 3:10 \xo*\xt ዶመ 1:26፤ ኤፈ. 4:24\xt*\x* 
\v 11 ሀ ኦራ መታን፥ ግሪከ አሳ ዎይ አይሁዳ አሳ፥ ቃጻረቴዳዋ ዎይ ቃጻረትቤናዋ፥ እማቱዋነ አይነ ታማርቤናዋ፥ አይልያ ዎይ ዎማኑዋ ጊደ ሻክያባይ ባዋ፤ ሁጰ አላሊ ክርስቶሳ፤ እ ኡባንካ ደኤ።
\p
\v 12 ሄዋ ድራዉ፥ ጾሳይ ዶሬዳዋንቱዳን፥ ጌሻነ ሲቅያዋንታ ግዲደ፥ ማሮተ፥ ቃረታ፥ ኬካተ፥ ህንተንቱ ሁጲያ ካዉሽያዋ፥ አሽከተነ ዳንዳያ ማይተ። 
\v 13 እቱ እቱዋዋ ዳንዳይተ፤ ኦንነ ባረ ላግያ ቦላ ሀንቀቴዳዌ ደኦፐ፥ እቱ እቶ አቶ ያጎ። ክርስቶስ ህንተንቶ አቶ ጌዳዋዳን፥ ህንተካ አቶ ጊተ። 
\v 14 ሄዋ ኡባ ቦላ፥ ኡባባ እትፐ ሺሽ ቃችያ ሲቁዋ ማይተ። 
\v 15 ክርስቶስ እምያ ሳሮተይ ህንተንታ ሞዶ፤ አያዉ ጎፐ፥ ጾሳይ ህንተንታ እት አሳ ኦደ፥ ሄ ሳሮተዉ ጼሴዳ ጾሳ ጋላትተ።
\p
\v 16 ክርስቶሳ ቃላይ ህንተንቱ ዎዛናን ኩሚደ ደኦ፤ ህንተንቶ ደእያ አዳ ኤራተ ኡባን እቱ እቱዋ ታማርስተነ ዞርተ፤ ህንተንቱ ዎዛናን ጾሳ ጋላቲደ፥ ዎሳነ ማዝሙርያ፥ ጾሳ ሱን ቁ ኦያ የ የጽተ።\x - \xo 3:16-17 \xo*\xt ኤፈ. 5:19-20\xt*\x* 
\v 17 ህንተ አይ ሃሳይያዋ ዎይ አይ ኦያዋ ግዶፐካ፥ አዉዋ ጾሳ የሱሳ ባጋና ጋላቲደ፥ ኦያዋ ኡባ ጎዳ የሱሳ ሱንን ኦተ።
\s1 አማንያ አሳቱዋ ጎለን ደአናዉ በስያ ዎጋ
\p
\v 18 ማቼቶ፥ አማንያ አሳዉ በስያዋዳን፥ ህንተንቱ አስናዉ ሞደትተ።\x - \xo 3:18 \xo*\xt ኤፈ. 5:22፤ 1 ጰጽ. 3:1\xt*\x*
\p
\v 19 አቱማ አሳቶ፥ ህንተንቱ ማጫ አሳ ሲቅተ፤ ኡንቱንቱና ዎፑ ጊደ ደእተ።\x - \xo 3:19 \xo*\xt ኤፈ. 5:25፤ 1 ጰጽ. 3:7\xt*\x*
\p
\v 20 ናቶ፥ ህንተንታ የሌዳዋንቶ ኡባባን አዛዘትተ። አያዉ ጎፐ፥ ህንተንቱ ኡንቱንቶ አዛዘትያዌ ጾሳ ዳሮ ናሸቼ።\x - \xo 3:20 \xo*\xt ኤፈ. 6:1\xt*\x*
\p
\v 21 አዋቶ፥ ህንተንቱ ናናይ ዎዛና ባየና ማላ፥ ኡንቱንታ ይሎዮፕተ።\x - \xo 3:21 \xo*\xt ኤፈ. 6:4\xt*\x*
\p
\v 22 አይለቶ፥ ሳኣን ህንተንቶ ጎዳ ግድያዋንቶ ኡባባን አዛዘትተ፤ ጎዳዉ ያዪደ፥ ሱረ ዎዛናን ኦተፐ አትን፥ አሳ ናሸቻናዉነ አሳይ በኦ ግያዋን አዛዘትያዋንታ ግዶፕተ።\x - \xo 3:22-25 \xo*\xt ኤፈ. 6:5-8\xt*\x* 
\v 23 ህንተ ኦያ ኦሱ ኡባ አሳዉ ግደናን ጎዳዉ ኦያዋዳን፥ ዎዛናፐ ኦተ። 
\v 24 ጎዳ ክርስቶሳዉ ህንተንቱ ኦያ ድራዉ፥ እ ባረዋንቶ እማናዉ ጊግስ ዎዳዋ ህንተንቱ ላታናዋ አኬክተ። 
\v 25 ባላባ ኦዳ ኡራይ ኦንነ፥ ባረ ኦዳ ባላዳን ዎይታ አካና፤ አያዉ ጎፐ፥ ጾሳይ ፕርዲደ፥ ኦናነ ማደና።\x - \xo 3:25 \xo*\xt ዛረ. 10:17፤ ኤፈ. 6:9\xt*\x*
\c 4
\p
\v 1 ጎዳቶ፥ ህንተዉካ ሳሉዋን ጎዳይ ደእያዋ ኤሪደ፥ ህንተንቱ አይለቶ ጽሎተንነ ሱረተን ኮሽያዋ ኦተ።
\s1 ዞርያ
\p
\v 2 ጾሳ አገናን ዎስተ፤ ቃይ ዎሲደ አዛለናን፥ አ ጋላቲደ ዎስተ። 
\v 3 ቃይ ህንተንቱ ዎስያ ዎደ ኡባን፥ ካሴደፐ አሳዉ ቆንጭቤናዋ፥ ክርስቶሳዋ ኑን ኦዳና ማላ፥ ጾሳይ ኑዉ እንጀያናዳን፥ ኑዉካ ጾሳ ዎስተ፤ አያዉ ጎፐ፥ ሀእ ታን ቃሾ ጎልያን ደእያዌ ሄዋሳ። 
\v 4 ቃይካ ታን በስያዋ ኬና ቆንጭሳደ ሀ የዉዋ ኦዳና ማላ፥ ታዉ ጾሳ ዎስተ።
\p
\v 5 ህንተዉ ደእያ ዎድያ ጎእ ባይናሳን ይሰናን፥ አማነናዋንቱ ማታን ጭንጫተን ደእተ። 
\v 6 ህንተንቱ አሳ ኡባዉ ዎት ዛራናዉ በስንቶ ኤራና ማላ፥ ህንተንቱ ሃሳያይ ኡባ ዎደ፥ ስሳናዉ ሎእያዋነ ናሸችያዋ ግዳናዉ በሴ።
\s1 ዉርሰ ሳሮታ
\p
\v 7 ኑ ሲቆ እሻይ ትክቆስ፥ ታናና እትፐ ጎዳ ኦሱዋን ቆማ ግዴዳ አማነትያ ኦሳንቻይ፥ ታ ደኡዋባ ህንተንታ ኤርሳና። 
\v 8 ታን አ ህንተኮ ኪትያዌ፥ ኑን ዋን ደእንቶ ህንተንቶ እ ኦዲደ፥ ህንተንታ መንና ድራሳ። 
\v 9 አናስሞስ፥ አማነትያ ሲቆ እሻይ፥ ህንተንቱ ጋደዌ፥ አናና እትፐ ህንተኮ ቤ፤ ኡንቱንቱ ሀዋን ሀንያ ኡባባ ህንተንታ ኤርሳና።\x - \xo 4:9 \xo*\xt ፕል. 10-12\xt*\x*
\p
\v 10 ታናና ቃሹዋን ደእያ አርስጽሮኮስነ ባርናባሳዉ አዉዋ ግዴዳ ማርቆስ ህንተንታ ሳሮቲኖ፤ ታን ህንተንታ ካሰ አዛዜዳዋዳን፥ ማርቆስ ህንተኮ ቦፐ፥ ዎዛናፐ አ ሞክተ።\x - \xo 4:10 \xo*\xt ኪታ 19:29፤ 27:2፤ ፕል. 24፤ ኪታ 12:12፣ 25፤ 13:13፤ 15:37-39\xt*\x* 
\v 11 ዮስጾሳ ግያ የሱስካ ህንተንታ ሳሮ ሳሮ ጌ፤ አይሁዳ አሳቱዋፐ ታናና ጾሳ ካዉተዉ ኦያዌ፥ ሀ ሄዙ አሳቱዋፐ ሀራይ ባዋ፤ ሀዋንቱ ታና ዳሮ ማዴድኖ።
\p
\v 12 ኤፓፍር፥ ህንተንቱ ጋደዌ፥ ክርስቶስ የሱሳ ቆማይ፥ ህንተንታ ሳሮ ሳሮ ጌ። እ ህንተንቱ ጾሳን ምኒደ ኤቃናዳንነ ጾሳይ ኮይያዌ ኡባይ አየንቶ ኤሪደ፥ ፖል አማናናዳን፥ ኡባ ዎደ ጾሳ ምንስ ዎሴ።\x - \xo 4:12 \xo*\xt ቆል. 1:7፤ ፕል. 23\xt*\x* 
\v 13 አያዉ ጎፐ፥ እ ህንተንቶ፥ ሎዶቅያ አሳዉነ ህራፖሊሳ ግያ ካታማ አሳዉ ዳሮ ዳቡርያዋ ታን ማርካታይ።
\p
\v 14 ኑ ሲቆ ዶቶሪ ሉቃስነ ዴማስ ህንተንታ ሳሮ ደኢቴ ያጊኖ። 
\v 15 ሎዶቅያን ደእያ ኑ እሻቶነ ንምፕዉ ቃይ እዝ ጎልያን ሺቅያ አማንያ አሳቶ ኑ ሳሮታ ኦድተ።
\p
\v 16 ሀ ዳብዳቢያ ህንተንቱ ናባቤዳዋፐ ጉይያን፥ ሎዶቅያ አማንያዋንቶካ ናባብስተ፤ ህንተካ ሎዶቅያ አማንያዋንቱካ ህንተንቶ የድያ ዳብዳቢያ ናባብተ። 
\v 17 ቃይ አርክፖሳዉ፥ “ጎዳይ ነዉ እሜዳ ኦሱዋ ፖላናዋ ዶጎፓ” ያጊደ ኦድተ።\x - \xo 4:17 \xo*\xt ፕል. 2\xt*\x*
\p
\v 18 ታን ጳዉሎስ፥ ታ ኩሽያን ሳሮታ ጻፌዳዋ ሀዋ በእተ፤ ታን ቃሹዋን ደእያዋ ዶጎፕተ።
\p ጾሳ አ ኬካተይ ህንተንቱና ግዶ።