\id AMO - Dawuro Full Bible Ethiopic Version
\ide UTF-8
\h አሞጻ
\toc1 አሞጻ ትምቢትያ
\toc2 አሞጻ
\toc3 አሞጻ
\mt1 አሞጻ ትምቢትያ
\imt ገሉዋ
\ip ሀ ትምቢትያን ኦደቴዳ ኪታይ ጌሻ ማጻፋ ግዶን ሀራቱዋፐ አዱሳ ዎድያፐ ካሰና ጻፈቴዳ ማጻፋይ አሞጻ ትምቢትያ ማጻፋ። አሞጽ ይሁዳን ደእያ እት ካታማፐ ዬዳ አሳ ግዶፐነ፥ ክርስቶሳ የለታፐ ካሰ፥ ሆስፑን ጼቱ ላይዉ ባጋ ሄራን ሀ ኪታ ሁጲሳ ባጋና ደእያ እስራኤልያ ካዉተዉ አዳ። ሄ ዎዲ ዳሮ ዱረተይ፥ አያና ደኡዋንካ አሳይ ድጬዳነ አማንያ ሀኖተይ ቤቴዳ ዎደ። ግዶፐነ አሞጽ ዱረተይ ዱረ አሳ ጻላላዉ እመቴዳዋ በኤዳ፤ ቃይ ሀራ ባጋና ሱረ ፕርዳይ ይያዌነ ህዬሳቱዋ ኡቁንያዌ ጋድያን ዳሬዳዋ በኤዳ። አማኑዋ ኦይቀ ግዶፐካ ቱሙዋፐ ሃኬዳዋ፥ ሎኦ ማላትያ ኢታይ ኩሜዳዋነ አኑ ባይና ሳሮተይ ደእያዋካ በኤዳ። ሄዋ ጋሱዋን ጾሳይ ባረ አሳ ቦላ ሙሩዋ አሀናዋ ሀንቁዋንነ ጻላን ኩሚደ ኦዴዳ። ሄዋናካ፥ “ሱረ ፕርዳይ ሻፋ ሃዳን ጎጎ” ያጊደ ቆፍሴዳ። ሄዋዳን ሀኖፐ፥ “ኡባ ሞድያ ጎዳይ አቴዳ እስራኤልያ አሳዉ ቃረቲደ ማራነንቶነ ኦን ኤሪ!” ያጌዳ (5:15)።
\iot ሸምፓቱዋ ኡባቶ እመቴዳ ቃን ቆፋቱዋ
\io1 1. አሳ ዘረ ኡባይ ባረ ዎንጃላን ኦሸትያዋ \ior 1:1—3:2\ior*
\io1 2. እስራኤልያነ ሳማርያ ባሻ \ior 3:3—6:14\ior*
\io1 3. እስራኤልያ ሙሩዋባ አሞጽ በኤዳ እቼሹ ሳጻቱዋ \ior 7:1—9:10\ior*
\io1 4. እስራኤልያ ፖኦ ህዶታ \ior 9:11-15\ior*
\c 1
\s1 አሳ ዘረ ኡባይ ባረ ዎንጃላን ኦሸትያዋ
\r (1:1—3:2)
\p
\v 1 ኦዝያነ ይሁዳ ጋድያን ካትያ፥ ቃይ ዮኣሻ ናአይ እዮርባም እስራኤልያ ጋድያን ካትያ ግዲደ ደኤዳ ላይን ታቆአ ጋድያን ዶርሳ ሄምያዋንቱፐ እቱ አሞጽ፥ ቢታይ ቃጻናፐ ላኡ ላይፐ ካሰ እስራኤልያባ በኤዳ ሳጻይ ሀዋ።\x - \xo 1:1 \xo*\xt 2 ካታ. 15:1-7፤ 2 ኦዱዋ 26:1-23፤ 2 ካታ. 14:23-29\xt*\x*
\p
\v 2 እ ሀዋዳን ያጌዳ፤\x - \xo 1:2 \xo*\xt ኢዩ. 3:16\xt*\x* “መና ጎዳይ ጽዮነ ደርያን ጉዴ፤ የሩሳላመ ካታማንካ ባረ ኮሻ ስሴ። ሄንንቻቱ መህያ ሄምያ ሄን ጋደቱ መሊኖ፤ ቃርመሎሳ ደርያ ሁጲያን ደእያ እርጻይካ ሹሌ” ያጌዳ።
\ms እስራኤልያ ዩሹዋን ደእያ ጋደቱዋ ቦላን ጾሳይ ፕርድያ ፕርዳ
\ms ሶርያ
\p
\v 3 መና ጎዳይ ሀዋዳን ያጌ፤ “ዳማስቆ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ጋላኣደ ቢታ አሳ ብራታ አቻና ደእያ ጋርያን የሲደ ቆጼድኖ።\x - \xo 1:3-5 \xo*\xt ኢሳ. 17:1-3፤ ኤር. 49:23-27፤ ዛካ. 9:1\xt*\x* 
\v 4 ሄዋ ድራዉ፥ ታን ካትያ ሀዛኤላ ጎልያን ታማ የዳና፤ የድና ሄ ታማይ ካትያ በንሀዳዳ ጌሱዋካ ማና። 
\v 5 ታን ዳማስቆ ካታማ ፐንግያ ኩልቡዋ መንና፤ አዌና ዛንጋራን ደእያ አሳ የደርሳናነ ካተቱዋ ጻምኣ ኦይቄዳዋካ ቤት-ኤዴናፐ ይሳና፤ ቃይ ሶርያ ጋድያ አሳይካ ኦሞደቲደ፥ ቂራ ግያሳ ባና” ያጌ መና ጎዳይ።
\s1 ፕልስጼማ
\p
\v 6 መና ጎዳይ ሀዋዳን ያጌ፤ “ጋዛ ካታማ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ጋድያን ደእያ አሳ ኡባ ኦሞዲደ፥ ኤዶማ ጋድያ አሳዉ ባይዜድኖ።\x - \xo 1:6-8 \xo*\xt ኢሳ. 14:29-31፤ ኤር. 47:1-7፤ ህዝ. 25:15-17፤ ኢዩ. 3:4-8፤ ሶፎ. 2:4-7፤ ዛካ. 9:5-7\xt*\x* 
\v 7 ሄዋ ድራዉ፥ ታን ጋዛ ካታማ ድርሳን ታማ የዳና፤ ሄ ታማይ ካታማ ጌሱዋካ ማና። 
\v 8 አሽዶዳን ደእያ አሳ ታን የደርሳናነ ካተቱዋ ጻምኣ ኦይቄዳዋካ አስቀሎናፐ ይሳና። ኤቅሮና ካታማን ደእያ አሳካ ሙራና፤ ቃይ ፕልስጼማ ጋድያ አሳፐ አቴዳዋንቱካ ሀይቃና። ታን ኡባ ሞድያ መና ጎዳይ ሀዋ ኦዳይ” ያጌ።
\s1 ጺሮሳ
\p
\v 9 መና ጎዳይ ሀዋዳን ያጌ፤ “ጺሮሳ ካታማ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ጫቀቴዳ እሻተ ጫቁዋ አደ፥ ኦሞደቴዳ አሳ ኡባ ኤዶማ አሳዉ ባይዜድኖ።\x - \xo 1:9-10 \xo*\xt ኢሳ. 23:1-18፤ ህዝ. 26:1—28:19፤ ኢዩ. 3:4-8፤ ዛካ. 9:1-4፤ ማቶሳ 11:21-22፤ ሉቃሳ 10:13-14\xt*\x* 
\v 10 ሄዋ ድራዉ፥ ታን ጺሮሳ ካታማ ድርሳን ታማ የዳና፤ ሄ ታማይ ካታማ ጌሱዋካ ማና” ያጌ።
\s1 ኤዶማ
\p
\v 11 መና ጎዳይ ሀዋዳን ያጌ፤ “ኤዶማ ጋድያ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ባረንቱ እሻቱዋ እስራኤላቱዋ ማሻን የደርሴድኖ፤ ኡንቱንቱ ኡንቱንቶ ቃረትበይክኖ። ኡንቱንቱ ኡባ ገደ ሀንቀቲኖ፤ ኡንቱንቱ ይሉ መናዉካ ስመና።\x - \xo 1:11-12 \xo*\xt ኢሳ. 34:5-17፤ 63:1-6፤ ኤር. 49:7-23፤ ህዝ. 25:12-14፤ 35:1-15፤ አብድ. 1-14፤ ሚልክ. 1:2-5\xt*\x* 
\v 12 ሄዋ ድራዉ፥ ታን ቴማና ካታማ ቦላ ታማ የዳና፤ ሄ ታማይ ቦጽራ ካታማ ጌሶቱዋ ማና” ያጌ።
\s1 አሞና
\p
\v 13 መና ጎዳይ ሀዋዳን ያጌ፤ “አሞና ጋድያ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ባረንቱ ዛዋ አሳናዉ ጋላኣደ ጋድያን ደእያ ሻሃራ ማጫ አሳቱ ኡሉዋ ዳኬድኖ።\x - \xo 1:13-15 \xo*\xt ኤር. 49:1-6፤ ህዝ. 21:28-32፤ 25:1-7፤ ሶፎ. 2:8-11\xt*\x* 
\v 14 ሄዋ ድራዉ፥ ታን ራባ ካታማ ድርሳን ታማ የዳና፤ ሄ ታማይ ካታማ ጌሶቱዋ ማና። ሄዋፐ ጉይያን፥ ኦላ ጋላስ ዋሱ ዳራና፤ ቃይ ኦላንቻቱ ጎትያዳን ዎልቃማና። 
\v 15 ኡንቱንቱ ካቲነ አናና ኦያ ካፓቱ ኡባይ ኦሞደቲደ እትፐ ባና” ያጌ መና ጎዳይ።
\c 2
\s1 ሞኣባ
\p
\v 1 መና ጎዳይ ሀዋዳን ያጌ፤ “ሞኣባ ጋድያ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ኤዶማ ጋድያ ካትያ መቀ ብድን ከሳና ጋካናዉ ጹጌድኖ።\x - \xo 2:1-3 \xo*\xt ኢሳ. 15:1—16:14፤ 25:10-12፤ ኤር. 48:1-47፤ ህዝ. 25:8-11፤ ሶፎ. 2:8-11\xt*\x* 
\v 2 ሄዋ ድራዉ፥ ታን ሞኣባ ጋድያን ታማ የዳና፤ ሄ ታማይ ቅርዮታ ካታማ ጌሶቱዋ ማና። ሞኣባ ጋድያ አሳይ ሻቢርሳ ግዶን፥ ኦላ ዋሱዋ ግዱዋንነ ማላካታ ፑኑዋ ግዶን ሀይቂ ዉራና። 
\v 3 ታን ሞኣባ ጋድያ ሞድያዋ ይሳና፤ ቃይ ካፓቱዋ ኡባካ አናና እትፐ ዎና” ያጌ መና ጎዳይ።
\p
\v 4 መና ጎዳይ ሀዋዳን ያጌ፤ “ይሁዳ ጋድያ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ መና ጎዳ ህግያ እጼድኖ፤ አ አዛዙዋካ ናግበይክኖ። ኡንቱንቱ አዎቱ ካሌዳ ዎርዶ ጾሳቱ ኡንቱንታካ ባለድኖ። 
\v 5 ሄዋ ድራዉ፥ ታን ይሁዳ ጋድያ ቦላ ታማ የዳና፤ ሄ ታማይ የሩሳላመ ጌሶቱዋ ማና” ያጌ።
\s1 እስራኤልያ ቦላን ጾሳይ ፕርድያ ፕርዳ
\p
\v 6 መና ጎዳይ ሀዋዳን ያጌ፤ “እስራኤልያ አሳይ ዛር ዛሪደ ኦዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ሚሻ አካና ድራዉ፥ ጽሉዋ ዛልኢኖ፤ ቃይ ጫማ አጩዋ አካና ግሻዉካ ህዬሳ ዛልኢኖ። 
\v 7 ማንቆቱዋ ጋድያ ባናን ኩንድሲደ፥ ኡንቱንቱ ሁጲያ የኖ፤ ናቀቴዳዋንቱ ፕርዳካ ጌላዪኖ። ቃይ አዉነ ናአይ ላኡ እት ምሽራቶ ዎሹምያዋን ታ ጌሻ ሱን ሎይ ቱንሲኖ። 
\v 8 ኡንቱንቱ አሳፐ አጮ ኦይቄዳ ማዩዋ ያርሽያ ሳኣን ኡባ ማታን ሂጺደ፥ አን ግሲኖ፤ ቃይ አሳፐ ማቃጮ ኦደ አኬዳ ዎይንያ ኤሳ ባረንቱ ጾሳ ጎልያን ኡሺኖ።
\p
\v 9 “ግዶፐነ፥ ዝጋዳን አዱቂደ፥ ዎላዳን ምኔዳ አሞረ ጋድያ አሳቱዋ ኡንቱንቱ ስንፐ ይሴዳዌ ታና። ታን ኡንቱንቶ ቦላ አይፍያናካ ጋርሳ ጻጱዋናካ ኡባ ይሳድ።\x - \xo 2:9 \xo*\xt ዛረ. 3:8-11\xt*\x* 
\v 10 ታን ህንተና ግብጼ ጋድያፐ ከሳደ፥ ባዙዋን ኦይታሙ ላይ ካለድ፤ ቃይ አሞረቱ ቢታካ ህንተንቶ ላታ ኦደ እማድ።
\p
\v 11 “ህንተ አቱማ ናናቱ ግዶፐ ትምቢትያ ኦድያዋንታ፥ ህንተ ያላጋ አሳ ግዶፐካ ባረና ጾሳዉ ዱማዬዳ ናዝራዌቱዋ ደንድ። ህንተኖ፥ እስራኤልያ አሳቶ፥ ሀዌ ቱማ ግደኔ? ሀዋ ታን ጾሳይ ኦዳድ።\x - \xo 2:11 \xo*\xt ፓይ. 6:1-8\xt*\x* 
\v 12 ሽን ህንተ ሄ ናዝራዌቱዋ ጫቁዋ ኮልሲደ፥ ዎይንያ ኤሳ ኡሼድታ፤ ትምቢትያ ኦድያዋንታካ፥ ‘ትምቢትያ ኦዶፕተ’ ያጊደ አዛዜድታ።
\p
\v 13 “በእተ፥ ካ ዳርሲደ ጫኔዳ ጋሪ መእያዋዳን፥ ታን ህንተና መንና። 
\v 14 ፓላ ዎጽያዌ ባቃቲደ ከስ አከና፤ ምኖ ዎልቃይ እጻና፤ ኦላንቻይካ ባረ ሸምፑዋ አሸና። 
\v 15 ዎንዳፍያን ዱክያዌ ባረ ሳኣን ኤቃናዉ ዳንዳየና፤ ገድያ ኤሱካ ከስ አከና፤ ፓራዉካ ባረ ሸምፑዋ አሸና። 
\v 16 ሄ ጋላስ ሀራይ አቶ ኦላንቻቱዋ ግዶን ሎይ ጻላንቻ ግያዋንቱካ ካሎ ጺራ ባቃታና” ያጌ መና ጎዳይ።
\c 3
\p
\v 1 ህንተኖ እስራኤልያ አሳቶ፥ መና ጎዳይ ህንተ ቦላ፥ ግብጼ ጋድያፐ እ ከሴዳ አሳ ኡባ ቦላ ሃሳዬዳዋ ስስተ። 
\v 2 “ሳኣን ደእያ አሳ ኡባፐ ታን ህንተ ጻላላ ዶራድ። ሄዋ ድራዉ፥ ህንተ ኦዳ ናጋራ ኡባዉ ታን ህንተና ሙራና” ያጌ።
\s1 እስራኤልያነ ሳማርያ ባሻ
\r (3:3—6:14)
\p
\v 3 ላኡ አሳቱ ቆፋይ እታ ግደናን ደኢደ እትፐ ሀመቲኖ?
\p
\v 4 ጋሙ ኦይቂያዋ ደመናን ዎራን ጮ ጉዲየ? ዎይ ዎዳላ ጋሙ አየንቶ የደርሲደ ኦይቀናን ባረ ጌሱዋን ዳሪየ?
\p
\v 5 ኦይቃናዉ የጌዳ ግትያ ግዶን ካይ ዮፐ፥ ካፉ ጮ ኦይቀቲ? ዎይ ጲሪ አየንቶ ኦይቂያባይ ባይናን ጮ ፕሪ?
\p
\v 6 ካታማ ግዶን ኦላ ማላካታይ ፑነትያ ዎደ፥ አሳይ ያሻን ኮኮረኔየ? ዎይ መና ጎዳይ ኪተናን ደእሽን፥ ባሻይ እት ካታማ ቦላን ዪየ?
\p
\v 7 ቱሙዋፐ ኡባ ሞድያ መና ጎዳይ ባረ ጹራ ትምቢትያ ኦድያ ባረ ቆማቶ ካሰቲደ ቆንጭሰናን ደኢደ፥ አያነ ኦና።
\p
\v 8 ጋሙ ጉድና፥ ያየናዌ ኦኔ? ኡባ ሞድያ መና ጎዳይ ኦድና፥ ትምቢትያ ኦደናዌ ኦኔ?
\s1 ሳማርያ ኩንደ
\p
\v 9 አሽዶዳ ካታማንነ ግብጼ ካትያ ጎለቱዋን ደእያ ኡባቶ ሀዋዳን ያጊደ አዋይተ፤ “ሳማርያ ደረቱዋ ቦላ ሺቅተ፤ ሺቂደ ያን ሀንያ ዎልቃማ ዋጨነ ሱገ ኦሱዋ በእተ” ያግተ።
\p
\v 10 መና ጎዳይ ሀዋዳን ያጌ፤ “ሀ አሳቱ ሱረባ ኦያዋ ኤርክኖ፤ ሱገንነ ቦንቂደ አሄዳ ሻሉዋን ባረንቱ ጎልያ ኩን ዎድኖ” ያጌ። 
\v 11 ሄዋ ድራዉ፥ ኡባ ሞድያ ጾሳይ ሀዋዳን ያጌ፤ “ሞርኪ ህንተ ቢታ ዶዳና፤ ህንተ ጌሱዋ ላላና፤ ህንተ ዱረቱዋ ጎልያካ ቦንቃና” ያጌ።
\p
\v 12 መና ጎዳይ ሀዋዳን ያጌ፤ “ሄንንቻይ ጋሙዋ ዶናፐ ዶርሳ ዎ አክያ ዎደ፥ ዶርሳዉ ላኡ ገደቱዋ ዎይ ዱጻ ሀይ ዎ አክያዋዳን፥ ሄዋዳንካ ሳማርያ ጋድያን እሻሉዋን ኡቴዳ እስራኤልያ አሳፐ አማሬዳዋንቱ ጻላላይ አታና” ያጌ።
\p
\v 13 መና ጎዳይ፥ ኡባፐ ዎልቃማ ጾሳይ መና ጎዳይ ሀዋዳን ያጌ፤ “ሀዋ ስስተ፤ ያቆባ ዛራቱዋ ቦላ ማርካትተ። 
\v 14 ታን እስራኤልያ አሳ ኡንቱንቱ ናጋራ ድራዉ ሙሪያ ጋላስ፥ ቤቴለ ካታማን ደእያ ያርሽያ ሳኣ ኮላና፤ ያርሽያ ሳኣን ደእያ ካጨቱካ መኢደ፥ ሳኣን ዎና።\x - \xo 3:14 \xo*\xt 2 ካታ. 23:15\xt*\x* 
\v 15 ባልጉዋን ኡንቱንቱ ደእያ ጎልያነ ቦንያን ኡንቱንቱ ደእያ ጎልያ ኡባ ታን ይሳና። ዳንጋርሳ ዛልያን አሌቂሲደ፥ ኡንቱንቱ ኬጼዳ ጎሊካ ኮለታና፤ ቃይ ዎልቃማ ዎልቃማ ጎለቱ ኡባይካ ያና” ያጌ መና ጎዳይ።
\c 4
\p
\v 1 ህንተኖ፥ ሳማርያ ማጫዋንቶ፥ ባሳነ ጋድያ ማጫ ሚዛቱዋዳን ሞዳዋንቶ፥ ሀዋ ስስተ! ህንተ ህዬሳቱዋ ኡቁኒታ፤ ማንቆቱዋካ ቱጋዪታ። ህንተ አስናቱዋካ፥ “ኑዉ ኡሻ ሀምተ” ያጊታ። 
\v 2 ኡባ ሞድያ መና ጎዳይ ሀዋዳን ያጊደ፥ ባረ ጌሻተን ጫቃ፤ “ህንተ ማጋን ኦይቂደ ጎሸታና ጋላሳይነ ህንተፐ አቴዳ አማሬዳዋንቱካ ማጋን ኦይቂደ ብያ ሞለቱዋዳን ሀናና ጋላሳይ ያና። 
\v 3 ህንተ ኡባይካ ድርሳ ጾእያና ጎችና ከሲደ፥ ሄርሞነን ኦለታና” ያጊደ ጫቄዳ መና ጎዳይ።
\s1 እስራኤልያ አሳይ ባረ ባላፐ ታማራናዉ ዳንዳይበይክኖ
\p
\v 4-5 ኡባ ሞድያ መና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ቢተ፤ ቤቴለ ቢደ፥ ናጋራ ኦተ፤ ጋልጋላካ ቢደ፥ ናጋራ ጉጂደ ኦተ። ዎንታ ዎንታ ህንተ ያርሹዋ ያርሽተ፤ ሄዘን ጋላስ ጋላስ ህንተ አስራታ አህተ። እርሹዋ የጊደ ኡኬዳ ኡክ ጹጊደ፥ ጋላታ ያርሹዋ ያርሽተ። ህንተ ህንተ ዶሱዋን እምያዋ ድራዉ፥ ኦቶረቲደ አዋይተ። አያዉ ጎፐ፥ ህንተ ኦናዉ ዶስያዌ ሄዋ” ያጌ።
\p
\v 6 ቃይካ መና ጎዳይ ሀዋዳን ያጌ፤ “ህንተ ካታማ ኡባን ታን ኮሻ የዳደ፥ ሀራይ አቶ ህንተ ማታን ዳጽያባካ ይሳድ፤ ሽን ህንተ ሄዋንካ ታኮ ስምበይክታ። 
\v 7 ካ ጫክያ ዎዲ ጋካናዉ ብሮ ሄዙ አግናይ ደእሽን፥ ታን ህንተንቶ እራ ተኣድ። ታን እት ካታማን እራ ቡክሳደ ሀራ ካታማን ቡከናዳን ድጋድ፤ እት ሾይቃን ቡኬዳ፤ ሀራ ቡክቤና ሾይቃይ ቃይ መሌዳ። 
\v 8 ሄዋ ድራዉ፥ ላኡ ዎይ ሄዙ ካታማቱዋ አሳይ ሃ ኡሻናዉ እት ካታማ ቤድኖ፤ ሽን አልበይክኖ። ሄዋንካ ቃይ ህንተ ታኮ ስምበይክታ” ያጌ መና ጎዳይ።
\p
\v 9 መና ጎዳይ፥ “ታን ህንተ ካ ቦላን ሀርግያ የዳድ፤ ህንተ አታክልትያነ ህንተ ዎይንያ ቱራ፥ ህንተ ባላስያ ምነ ህንተ ዎጋራ ኡባ ቦሊ ሜዳ፤ ሽን ህንተ ሄዋንካ ታኮ ስምበይክታ” ያጌ።
\p
\v 10 መና ጎዳይ፥ “ታን ግብጼ አሳቱዋ ቦላ ኢታ ሀርግያ የዴዳዋዳን፥ ህንተ ቦላንካ ቦሻ የዳድ፤ ህንተ ዎዳላ ናናቱዋ ማሻን ዎድ፤ ህንተ ፓራቱካ ኦሞደታናዳን ኡዳድ። ህንተ ሞን ሀይቄዳ አሳ አሃ ጽንቁዋን ህንተና ኡላድ፤ ሽን ህንተ ሄዋንካ ታኮ ስምበይክታ” ያጌ።
\p
\v 11 መና ጎዳይ፥ “ሶዶማነ ጋሞራ ካታማቱዋ ይሴዳዋዳን፥ ህንተፐካ ዳሮቱዋ ይሳድ፤ ሀ አቴዳ ህንተካ ታማፐ ኤጺደ አቴዳ ጺፋ ማላ፤ ሽን ህንተ ሄዋንካ ታኮ ስምበይክታ” ያጌ።\x - \xo 4:11 \xo*\xt ዶመ 19:24\xt*\x*
\p
\v 12 ጾሳይ፥ “ሄዋ ድራዉ፥ እስራኤልያ አሳቶ፥ ታን ህንተና ሄዋዳን ኦደ ሙራና ሀናይ። ታን ህንተና ሀዋዳን ኦደ ሙራና ሀንያ ድራዉ፥ እስራኤልያ አሳዉ፥ ህንተ ጾሳና ጋከታናዉ ጊግተ” ያጌ።
\p
\v 13 ደረቱዋ ጊግሴዳዌ፥ ጫርኩዋካ መዳዌ፥ ባረ ዎዛና ቆፋ አሳዉ ቆንጭስያዌ፥ ዎንታ ፖኡዋ ማዉ ላምያዌ፥ ጋድያን ደእያ ቃ ደረቱዋ የያዌ፥ አዉ ሱንይ መና ጎዳ፥ ኡባፐ ዎልቃማ ጾሳ።
\c 5
\s1 እስራኤልያ አሳይ ናጋራ ፓጻና ማላ ኦደቴዳ
\p
\v 1 እስራኤልያ አሳቶ፥ ታን ህንተ ቦላ ዝላልያ ዝላሳ ስስተ!
\b
\q1
\v 2 “ወዶሮ እስራኤላታ ኩንዳዱ፤
\q2 ስም ላኤን ደንዱኩ።
\q1 ሳኣን ኦለታዱ፤
\q2 እዞ ደንያዌካ ባዋ!” ያጋድ።
\p
\v 3 ኡባ ሞድያ መና ጎዳይ ሀዋዳን ያጌ፤ “ሻኡ ኦላንቻቱዋ ኦላዉ የድያ እስራኤልያ ካታማዉ ጼቱ ኦላንቻቱዋ ጻላላይ አታና፤ ጼቱ ኦላንቻቱዋ ኦላዉ የድያ እስራኤልያ ካታማዉ ቃይ ታሙ ኦላንቻቱዋ ጻላላይ አታና” ያጌ።
\p
\v 4 መና ጎዳይ እስራኤልያ አሳዉ ሀዋዳን ያጌ፤ “ታና ኮይተ፤ ያቶፐ፥ ህንተ ደኡዋን ደአና። 
\v 5 ሽን ቤቴለ ኮዮፕተ። ገልጋላ ገሎፕተ። በርሳበሄ ፕኖፕተ። አያዉ ጎፐ፥ ገልጋል ኦሞደታና፤ ቤቴልካ ያና” ያጌ።
\p
\v 6 መና ጎዳ ኮይተ፤ ያቶፐ፥ ህንተ ደኡዋን ደአና። ሄዌ ዮፐ፥ እ ዮሴፎ ዛርያ ታማዳን ጹጋና፤ ቤቴለን ደእያ አሳካ ታማይ ማና። ሄ ታማ ኡንቱንቶ ኦንነ ቶይሰና።
\p
\v 7 ህንተኖ፥ ሱረ ፕርዳ ጌላዬዳዋንቶ፥ ጽሎተካ ሳኣን ኦልያዋንቶ፥ ሀዋ ስስተ።
\p
\v 8 ፕልያድሳ ጌተትያ ላፑን ጾልንተቱዋነ ኦርዮና ጌተትያ ጾልንተቱዋ ጭታ መዳዌ፥\x - \xo 5:8 \xo*\xt ኢዮባ 9:9፤ 38:31\xt*\x* ባራ ማ ዎንታዉ፥ ጋላሳ ፖኡዋካ ቃማዉ ላምያዌነ አባን ደእያ ሃቱዋ ፑደ ሳሉዋ ጼሲደ፥ ሳኣ ምጨ ቦላ ዱገ ትግያዌ፥ አዉ ሱንይ መና ጎዳ። 
\v 9 እ ጌሶቱዋ ላላናዉ ዎልቃማቱዋ ቦላ ባሻ አዬ።
\p
\v 10 ህንተ ፕርዳ ጉታራን ሴርያዋ እጺታ፤ ቱሙዋ ኦድያዋካ ሸነቲታ። 
\v 11 ህንተ ህዬሳቱዋ የደ፥ ኡንቱንቱ ካካ ኡንቱንቱፐ ቦንቂደ አኬድታ። ያቲደ ማሰቴዳ ሹቻን ጎለቱዋ ግምቤድታ፤ ሽን ህንተ ሄ ጎለቱዋን ደእክታ። ሎእያ ዎይንያ ቱራቱዋካ ቶኬድታ፤ ሽን ህንተ ሄ ዎይንያ ኤሳ ኡሽክታ። 
\v 12 አያዉ ጎፐ፥ ህንተ ናቁ አፑነንቶነ ህንተ ናጋራይካ አይ ኬሻ ዎልቃመንቶ ታን ኤራይ። ህንተ ጽሎቱዋ ናቂታ፤ ማታይያካ አኪታ፤ ቃይ ጉታራን ህዬሳቱዋ ፕርዳ ጌላዪታ። 
\v 13 ሄዋ ድራዉ፥ ሀዋ ማላ ዎድያን ጭንጫ አሳይ ጮኡ ጌ፤ አያዉ ጎፐ፥ ዎዲ ኢታ።
\p
\v 14 ደኡዋን ደአናዉ ሎኦባፐ አትና፥ ኢታባ ኦፕተ፤ ያቶፐ፥ ህንተ ግያዋዳን፥ መና ጎዳይ፥ ኡባፐ ዎልቃማ መና ጎዳይ ህንተናና ግዳናዋ። 
\v 15 ኢታባ እጽተ። ሎኦባ ዶስተ። ፕርዳ ጉታራንካ ሱረ ፕርዳ ፕርድተ። ያቶፐ፥ ኦን ኤሪ፥ ጾሳይ፥ ኡባፐ ዎልቃማ ጾሳይ ዮሴፎ ዘረቱዋፐ አቴዳ አማሬዳዋንቶ ቃረታነንቶነ።
\p
\v 16 ሄዋ ድራዉ፥ ጎዳይ፥ ኡባፐ ዎልቃማ መና ጎዳይ ሀዋዳን ያጌ፤ “ዳባባ ኡባን ዋሱ ከሳና፤ ኦገ ኡባንካ አሳይ፥ ‘አየ፥ አየ!’ ጋና። ጎሻንቻቱ ዬኮ፥ ዝላልያዋንቱካ ዝላሳዉ ጼሰታና። 
\v 17 ዎይንያ ቱራ ሳ ኡባን ዬኩ ደአና፤ አያዉ ጎፐ፥ ታን ህንተና ሙራናዉ ህንተ ግዶና አና” ያጌ መና ጎዳይ።
\p
\v 18 ህንተኖ፥ መና ጎዳ ጋላሳይ ያናዳን አሞትያዋንቶ፥ ህንተንቶ አየ አና! መና ጎዳ ጋላሳ አያዉ አሞቲቴ? ሄ ጋላሳይ ማፐ አትና፥ ፖኦ ጋላሳ ግደና። 
\v 19 ሄ ጋላስ ህንተ ጋሙዋፐ ባቃት አትያ ዎደ፥ ማሂ ጋከትያ አሳ ማላ፥ ሄዋፐካ ቃይ ባቃት ባረ ጎለ ገሊደ፥ ባረ ኩሽያ ጎዳን ዘምፕስያ ዎደ፥ ሾሻይ ዱክያ አሳ ማላ ግዳናዋ። 
\v 20 መና ጎዳ ጋላሳይ ማፐ አትና፥ ፖኦ ግደና፤ ባራ ማፐ አትና፥ ፖኦ ሾራይ ሙለካ ባዋ!
\p
\v 21 ጾሳይ ሀዋዳን ያጌ፤ “ታን ህንተ ቦንችያ ባላቱዋ እጻድነ ሸነታድ፤ ህንተ ጌሻ ሺቁካ ታና ናሸችክኖ።\x - \xo 5:21-22 \xo*\xt ኢሳ. 1:11-14\xt*\x* 
\v 22 ህንተ ታዉ ጹግያ ያርሹዋነ ካ ያርሹዋካ ያርሺታ፤ ሽን ታን ሄዋ አክከ። ቃይ ህንተ ታዉ ጋላታዉ አህያ እትፐተ ያርሹዋ ሞ መሄቱዋካ ጼልከ። 
\v 23 ህንተ ማዝሙርያ ጫንጨ ታ ማታፐ ሃስተ፤ ህንተ ዲጽያ ዲካ ስስከ። 
\v 24 ሽን ሱረ ፕርዳይ ፑልቶ ሃዳን፥ ጽሎተይካ ቶኤና ሻፋ ሃዳን ጎጎ።
\p
\v 25 “ህንተኖ፥ እስራኤልያ አሳቶ፥ ታን ህንተና ባዙዋን ኦይታሙ ላይ ካለያ ዎደ፥ ታዉ ያርሹዋ ያርሼድቴ? ዎይ እሞታ እሜድቴ?\x - \xo 5:25-27 \xo*\xt ኪታ 7:42-43\xt*\x* 
\v 26 ሄ ዎደ ህንተ ህንተ ኩሽያን መዳ ካትያ ሳኩታ ግያ ኤቃነ ኬዋና ግያ ህንተ ጾልንትያ ጾሳ ኤቃ ቶኬድታ። 
\v 27 ሄዋ ድራዉ፥ ታን ህንተና ኦሞድሳደ ዳማስቆ ካታማፐ አደ ሃኮ ሳ የዳና” ያጌ። ሀዋ ግያዌ አዉ ሱንይ ኡባፐ ዎልቃማ ጾሳ ጌተትያ መና ጎዳቴ።
\c 6
\s1 እስራኤልያ ዩዋ
\p
\v 1 ህንተኖ፥ እስራኤልያ አሳይ ማዱዋ ኦችያ ቦንቼቴዳ እስራኤልያ ጋድያ ካፓቶ፥ ህንተኖ፥ ጽዮነን እሻሉዋን ደእያዋንቶ፥ ሳማርያ ካታማንካ ህርግ ባይናን ኡቴዳዋንቶ፥ ህንተንቶ አየ አና! 
\v 2 አነ ካልነ ግያ ካታማ ቢደ በእተ። ሄዋፐ ቃይ ሀማታ ግያ ዎልቃማ ካታማ ቢደ፥ ያና ቃይ ዱገ ፕልስጼማቱዋ ካታማ ጋተ ዎተ። ኡንቱንቱ ህንተ ላኡ ካዉተቱዋፐ ኬኪኖ? ኡንቱንቱ ጋዲ ህንተ ጋድያፐ አኪ? 
\v 3 ህንተኖ፥ ኢታ ጋላሳይ ኤለካ ዬና ጊደ፥ ሱገ ኦሱዋ ኦያዋንቶ፥ 
\v 4 ዳንጋርሳ ዛልያፐ ኦዳ አርሳን ግስያዋንቶ፥ ምንጻፍያንካ እንጀቲደ ኡትያዋንቶ፥ ቃይ ዶርሳ ዉድያፐ ቦልት ቦልታቱዋነ ሚዛ ዛዳሉዋፐ ሞ ማራ አሹዋ ምያዋንቶ፥ 
\v 5 ዳዊተዳን የ ሚሻ ህንተንቶ ጊግሲደ፥ ማስንቁዋን ዱማ ዱማ የ የጽያዋንቶ፥ 
\v 6 ዎይንያ ኤሳ ከርያና ጋንያዋንቶ፥ ሎይ አልኦ ሽቱዋካ ኦከትያዋንቶ፥ ዮሴፎ ዛራቱዋ ባይዛድ አይነ ካዮተናዋንቶ፥ ህንተንቶ አየ አና! 
\v 7 ሄዋ ድራዉ፥ ኦሞደቲደ ባናዋንቱፐ ኮይሮቱ ህንተና ግዳና፤ ሄ ዎደ ህንተ እንጀ ደኡሳይነ ህንተ እሻልያዌ አታና።
\p
\v 8 መና ጎዳይ፥ ኡባፐ ዎልቃማ መና ጎዳይ ጾሳይ ሀዋዳን ያጊደ፥ ባረካ ባረናን ጫቄዳ፤ “ታን ያቆባ ኦቶሩዋ እጻይ፤ ኡንቱንቱ ጌሱዋካ ሸነታድ፤ ታን ካታማነ ካታማን ደእያ ኡባ ኡንቱንቱ ሞርከቶ አደ እማና” ያጌዳ።
\p
\v 9 እት ጎልያን ታሙ አሳይ አቶፐ፥ ኡንቱንቱካ ሀይቃና። 
\v 10 ኡንቱንቱ ዳቦቱዋፐ እቱ አሃ ሞጋናዉ ጎለፐ ከሲደ አፋና፤ ሄ ጎልያ ቆልኦን ደእያ ብታንያ፥ “ኔናና አቴዳ ሀራ አሳይ ደኢ?” ያጊደ ኦቻና። እ ዛሪደ፥ “ባዋ” ያጋና። ኦችያዌ፥ “ሀይዛ፥ ሀይዛ! መና ጎዳ ሱን ኑን ጼሳናዉ ኮሸና” ያጋና።
\p
\v 11 መና ጎዳይ አዛዝና፥ ዎጋ ጎለቱ ኮለታና፤ ቄር ጎለቱካ መኤረታና። 
\v 12 ፓራቱ ዛላ ቦላን ጋልፋናዉ ዳንዳዪኖ? ዎይ ቃይ ጎሻንቻይ ቦራ ዋጺደ፥ አባ ጎሻናዉ ዳንዳዪ? ሽን ህንተ ቱሙ ፕርዳ ማርዝያዉ፥ ጽሎተ አይፍያካ ጫሞ ላሜድታ። 
\v 13 ህንተ ሎዳባራ ካታማ ጾኔዳ ድራዉ ናሸቲታ፤ ቃይ፥ “ኑን ቃርናይማ ካታማካ ኑ ምኖተን ኦይቄዶ” ያጊታ።
\p
\v 14 መና ጎዳይ፥ ኡባፐ ዎልቃማ ጾሳይ ሀዋዳን ያጌ፤ “ህንተኖ፥ እስራኤልያ አሳቶ፥ ታን ህንተ ቦላ እት ካዉተ ደንና፤ ኡንቱንቱ ህንተና ሀማታ ፕኑዋፐ ዶሚደ፥ አራባ ዎምባ ጋካናዉ ቱጋያና” ያጌ።
\c 7
\ms እስራኤልያ ሙሩዋባ አሞጽ በኤዳ እቼሹ ሳጻቱዋ
\mr (7:1—9:10)
\s1 ቦሊ ያናዋ በስያ ሳፃ
\p
\v 1 ኡባ ሞድያ መና ጎዳይ ታና ሳፃ በሴዳ። ሄ ሳጻን ታን ካትያ ጋክያ ካይ ጫከቴዳዋፐ ጉይያን፥ ላኤንዋ ጫሬዳ ጫርሻ ቦላ እ ቦልያ ዉድያ መሽን በኣድ። 
\v 2 ኡንቱንቱ እርጻባ ኡባ ሚደ ዉርሴዳ ዎደ ታን፥ “አቤት ኡባ ሞድያ መና ጎዳዉ፥ ሀያና አቶ ጋርኪ! ያቆባ ዛራቱ ዋኒደ አታናዉ ዳንዳዪኖ? ኡንቱንቱ ቄር ጉቱዋቴ!” ያጋድ።
\p
\v 3 ሄዋ ድራዉ፥ መና ጎዳይ ቃረቴዳ፥ ባረ ቆፋ ላሜዳ፤ ላሚደ ሀዋዳን ያጌዳ፤ “ሀ ኔን በኤዳባይ ፖለተናዋ” ያጌዳ መና ጎዳይ።
\s1 ታማን ፕርዳናዋ በስያ ሳፃ
\p
\v 4 ኡባ ሞድያ መና ጎዳይ ታና ሀራ ሳፃ በሴዳ። ኡባ ሞድያ መና ጎዳይ ባረ አሳ ፕርዳናዉ ታማ ጼሴዳ፤ ሄ ታማይ ዎልቃማ ጪማ አባ ም ድጊደ፥ ቢታካ ጹጋናዉ ዶሜዳ። 
\v 5 ያትና ታን ሀዋዳን ያጋድ፤ “አቤት ኡባ ሞድያ መና ጎዳዉ፥ ሀያና ሀ ታማ ቶይሳርኪ! ያቆባ ዛራቱ ዋኒደ አታናዉ ዳንዳዪኖ? ኡንቱንቱ ቄር ጉቱዋቴ!” ያጋድ።
\p
\v 6 ሄዋ ድራዉ፥ መና ጎዳይ ቃረቴዳ፥ ባረ ቆፋ ላሜዳ፤ ላሚደ ኡባ ሞድያ መና ጎዳይ ሀዋዳን ያጌዳ፤ “ሀዌካ ቃይ ፖለተናዋ” ያጌዳ።
\s1 ግምቢያ ስታተ ልክያ ቱምቢያ በስያ ሳፃ
\p
\v 7 ቃይካ እ ታና ሀራ ሳፃ በሴዳ። ታን ሄ ሳጻን በእያ ዎደ፥ ጎዳይ ግምቢያ ስታተ ልክያ ቱምቢያ ኦይቂደ፥ ቱምቢያን ልከቲደ ግምበቴዳ ግምቢያ ማታን ኤቄዳ። 
\v 8 መና ጎዳይ ታና፥ “አሞጻ፥ ሀ ኔን ጼልያዌ አዬ?” ያጊደ ኦቼዳ።
\p ታን፥ “ቱምቢያ” ያጋድ።
\p መና ጎዳይ ታና፥ “በአ፥ ታን ታ አሳ እስራኤልያ ግዶን ቱምቢያ የጋይ፤ ታን ኡንቱንታ ሙረናን አከ። 
\v 9 ይሳቃ ዛራቱ ጎይንያ ቃ ሳአቱ ኮለታና፤ እስራኤልያ ጌሻ ሳአቱካ ያና፤ ቃይ እዮርባማ ካዉተ ቦላካ ታን ማሻና ደንዳና” ያጌዳ።
\s1 አሞጻነ አሜስያሳ
\p
\v 10 ቤቴለ ካታማን ቄስያ ግዲደ ደእያ አሜስያሴ እስራኤልያ ካትያ እዮርባመኮ ሀዋዳን ያጊደ ኪቴዳ፤ “አሞጽ እስራኤልያ አሳ ግዶን ደኢደ፥ ነ ቦላ ማቀቴዳ፤ እ ባረ ኦዱዋን ጋድያ ባይዜ። 
\v 11 አያዉ ጎፐ፥ እ ሀዋዳን ያጌ፤ ‘እዮርባም ማሻን ሀይቃና፤ እስራኤልያ አሳይካ ባረንቱ ጋድያፐ ኦሞደቲደ ባና’ ያጌ” ያጌዳ።
\p
\v 12 ያትና አሜስያሴ አሞጻ ሀዋዳን ያጌዳ፤ “ኔኖ ትምቢትያ ኦድያዎ፥ ባ፤ ህን ይሁዳ ቢታ ባቃታ ባደ፥ ያን ቁማ ማ፤ ትምቢትያ ያን ኦዳ። 
\v 13 ሽን ሀዌ ቤቴለ ካቲ ጎይንያ ሳኣነ ካዉተ ጌሻ ሳ ግድያ ድራዉ፥ ላኤን ሀ ሳኣን ትምቢትያ ኦዶፓ” ያጌዳ።
\p
\v 14 አሞጽ ዛሪደ፥ አማስያስ ሀዋዳን ያጌዳ፤ “ታን መህያ ሄምያዋነ ኡንቱንቱ አይፍያ ማጽያዋፐ አትና፥ ትምቢትያ ኦድያዋ ዎይ ትምቢትያ ኦድያዋ ናኣ ግድከ። 
\v 15 ሽን መና ጎዳይ ታና ዶርሳ ዉድያ ሄምያ ሳፐ አኪደ፥ ‘ባደ ታ አሳዉ እስራኤልያዉ ትምቢትያ ኦዳ’ ያጌዳ። 
\v 16 ሀእ ስም መና ጎዳይ ግያዋ ስሳ! ኔን፥ ‘እስራኤልያ ቦላ ትምቢትያ ኦዶፓ፤ ይሳቃ ዛራቱዋ ቦላካ ማርካቶፓ’ ያጋዳ። 
\v 17 ሄዋ ድራዉ፥ መና ጎዳይ ሀዋዳን ያጌ፤ ‘ነ ማቻታ ካታማ ግዶን ሻርሙጻ ግዳናዋ፤ ነ አቱማ ናናቱነ ነ ማጫ ናናይ ማሻን ሀይቃና፤ ነ ቢታይካ ዎዶሩዋን ሻከታና፤ ቃይ ኔን ነ ሁጲያዉካ አላጋ ጋድያን ሀይቃና። እስራኤልያ አሳይካ ባረንቱ ጋድያፐ ኦሞደቲደ ቱማ ባና’ ያጌ” ያጌዳ።
\c 8
\s1 ቴራይ ኩሜዳ ኬሻ በስያ ሳፃ
\p
\v 1 ኡባ ሞድያ መና ጎዳይ ታና ሀራ ሳፃ በሴዳ፤ ሄዌካ፥ ቴራይ ኩሜዳ ኬሻ። 
\v 2 እ ታና፥ “አሞጻ፥ ሀ ኔን በእያዌ አዬ?” ያጊደ ኦቼዳ።
\p ታን፥ “ቴራይ ኩሜዳ ኬሻ በአይ” ያጋድ።
\p ያትና መና ጎዳይ ታዉ ሀዋዳን ያጌዳ፤ “ታ አሳ እስራኤላዉ ዉርሰይ\f + \fr 8:2 \fr*\fqa ዉርሰይ፦ \fqa*\ft ግያዌ እብራይስጸ ቃላን “ቴራ” ማላቴ።\ft*\f* ጋኬዳ፤ ሀዋፐ ስንናዉ ታን ኡንቱንታ ሙረናን አከ” ያጌዳ።
\p
\v 3 ኡባ ሞድያ መና ጎዳይ ሀዋዳን ያጌ፤ “ሄ ጋላስ ካትያ ጎልያን የጽያ የይ ዬኮ ላመታናዋ፤ ሀይቄዳ አሳ አሃይ ሙለ ሳኣን ዳራና፤ ቃይ ጮኡ ጊና፥ ያን ሃን ኦለታና” ያጌ።
\s1 እስራኤልያ ኩንደ
\p
\v 4 ህንተኖ፥ መቶታንቻቱዋ የያዋንቶ፥ ጋድያን ደእያ ህዬሳቱዋካ ይሳናዉ ኮይያዋንቶ፥ ሀዋ ስስተ! 
\v 5 ህንተ ሀዋዳን ያጊታ፤ “ኑን ካ ዛልአናዉ አግናይ ጼርያ ባላይ አዉደ አኔ! ቃይ ኑን ኑ ዛልእያ ዶማናዉ ሳምባታይ አዉደ አንዴሻ! ያትንቶ ኑን ካ ጉባን ማክ ማኪደ፥ ዳሮ ሚሻ አኪደ ባይዛና። ቃይ ዎርዶ ሚዛናን ልኪ ልኪደ፥ አሳ ጭማና። 
\v 6 ኑን ህዬሳ ብራን፥ መቶታንቻካ መጽ ላኡ ገድያ ጫማን ሻማና፤ ቃይ ዛርጋ ሀርቁዋ ሙሩታ ዛርጋ ጋትያን ባይዛና” ያጊታ።
\p
\v 7 መና ጎዳይ ያቆብ ጬቀትያ ባረ ሱንን ሀዋዳን ያጊደ ጫቄዳ፤ “ታን ኡንቱንቱ ኦዳ ኢታ ኦሱዋ ሙለካ ዶግከ። 
\v 8 ቢታይ ቃጽያዌነ ጋድያን ደእያ አሳይ ኡባይ ዬክያዌ ሄዋ ጋሱዋና ግደኔየ? ኤ ናይለ ሻፋይ ኩንደ ቃጽያዋዳን፥ ቢታ ኡባይ ቃጺደ ባልቡቀታና፤ ቃይ ሄ ኩን ዎያዋዳን ዎና” ያጌዳ።
\p
\v 9 ኡባ ሞድያ መና ጎዳይ ሀዋዳን ያጌ፤ “ሄ ጋላስ ታን አዋ ሴታ ጋላስ ዉልሳና፤ ሳኣካ ጋላስ ምሳና። 
\v 10 ታን ህንተ ባላ ናሸቻ ካዮ፥ ህንተ የካ ዬኮ ላማና። መጽ እት ናአይ ሀይቂና ዬክያ አሳዳን፥ ህንተ ህንተ ሁጲያ ሜደቲደ ዋሩዋ ማያናዳን፥ ታን ህንተና ኦና። ሄ ጋላሳ ዉርሰይ ዳሮ ጫሞ ግዳናዋ” ያጌ።
\p
\v 11 ኡባ ሞድያ መና ጎዳይ ሀዋዳን ያጌ፤ “በእተ፥ ታን ቢታ ኡባ ቦላን ኮሻ የድያ ጋላሳቱ ዪኖ። ታን ኮሻ የድያ ጋላስ፥ አሳይ ስሳናዉ መና ጎዳ ቃላ ዪደ ኮሻታናፐ አትና፥ ካ ዪደ ኮሻተና ዎይ ሃ ዪደ ሳመተና። 
\v 12 አሳይ አዋይ ዉልያ ባጋ አባፐ አዋይ ዶልያ ባጋ አባ ጋካናዉነ ሁጲሳፐ ገድሳ ጋካናዉ ብቻራና። ኡንቱንቱ መና ጎዳ ቃላ ኮያናዉ ያነ ሃነ ዎጻና፥ ሽን ደምክኖ። 
\v 13 ሄ ጋላስ ማላ ሎኦ ዎዶራቱነ ዎዳላቱ ሳሙዋን ዚል አጋና። 
\v 14 ሳማርያ ኤቃቱዋን ጫቂያዋንቱ፥ ‘ዳና ጾሳይ ኤሮ!’ ያግያዋንቱነ፥ ‘በርሳቤሀ ጾሳይ ኤሮ’ ያግያዋንቱ ኩንዳና። ኡንቱንቱ ላኤን ሙለካ ደንድክኖ” ያጌ።
\c 9
\s1 ጾሳ ፕርዳ
\p
\v 1 ያርሽያ ሳኣ ማታን ጎዳይ ኤቃ ደእሽን፥ ታን በኣድ። እ ታና ሀዋዳን ያጌዳ፤ “ባሱ ቃጻናዳን፥ ጌሻ ማቅዳስያ ጉምቡዋ ሾጫ፤ አሳ ኡባ ሁጲያን መንሬ። ሄዋፐ አትያ አሳ ታን ማሻን ዎና። ባቃትያ አሳይ ከስ አከና፤ ከስ አኬዳ አስካ ፓጻ አተና። 
\v 2 ኡንቱንቱ ጋድያ ቦኪደ፥ ስኦልያዉ ዱገ ዎፐካ፥ ታን ኡንቱንታ ሄዋፐ ከሳና። ሳሉዋ ፑደ ከሶፐካ፥ ታን ኡንቱንታ ሄዋፐ ዱገ ዎና። 
\v 3 ኡንቱንቱ ቃርመሎሳ ደርያ ጼራን ቆሰቶፐካ፥ ታን ኡንቱንታ ኮያደ ሄዋፐ ከሳና። አባ ጪሙዋ ግዶ ገሊደ፥ ታ ስንፐ ጌሞፐካ፥ ታን ዳዊያ አዛዝና፥ እ ኡንቱንታ ዱካና። 
\v 4 ቃይ ባረንቱ ሞርከቱዋን ኦሞደቲደ፥ ኡንቱንቱ ቦፐካ፥ ያን ኡንቱንቱ ማሻን ሀይቃናዳን፥ ታን አዛዛና፤ ታን ኡንቱንታ ኢታ አይፍያን ጼላናፐ አትና፥ ሎኦ አይፍያን ጼልከ” ያጌዳ።
\p
\v 5 ጎዳይ፥ ኡባፐ ዎልቃማ መና ጎዳይ ሳኣ ቦቼ፤ ሳአይ ሴሬ፤ ቃይ ሳኣን ደእያባይ ኡባይካ ዬኬ። ናይለ ሻፋይ ኩንደ ባልቡቀትያዋዳን፥ ቢታ ኡባይ ባልቡቀቴ፤ ቃይ ሄ ኩን ዎያዋዳንካ ዎ። 
\v 6 እ ባረዉ ደእያ ሳኣ ሳሉዋን ጊግሴ፤ አ ባሱዋካ ሳኣን ባሴ። ቃይ እ አባ ሃቱዋ ጼሲደ፥ ጋድያ ቦላን ዱገ ጉሴ፤ አዉ ሱንይ መና ጎዳ።
\p
\v 7 መና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ህንተ ታዉ ቶጵያ አሳ ማላ ግድክቴየ? ታን ህንተና ግብጼ ጋድያፐ ከሴዳዋዳን፥ ፕልስጼማ አሳ ካፍቶራፐ፥ ቃይ ሶርያ አሳካ ቂራፐ ከሳድ” ያጌ።
\p
\v 8 መና ጎዳይ ሀዋዳን ያጌ፤ “በእተ፥ ኡባ ሞድያ መና ጎዳ አይፊ ናጋራንቻ ካዉተ ቦላን ደኤ። ታን አ ጋድያ ቦላፐ ይሳና፤ ሽን ታን ያቆባ ዛርያ ኡባና ይስከ።
\p
\v 9 “በእተ፥ ካ ዛዝርያን ዛዝርያዋዳን፥ እስራኤልያ አሳ ካዉተቱዋ ኡባ ግዶን ዛዝራናዳን፥ ታን አዛዛና፤ ሽን ኡንቱንቱ ግዶን አማነትያዋንቱፐ እቱነ ሳኣን ዎደ የና። 
\v 10 ‘ኑና አያ ኢታባይነ ጋከና ዎይ ደመና’ ያግያ ታ አሳ ግዶን ደእያ ናጋራንቻቱ ኡባይ ማሻን ዉራና” ያጌ።
\s1 እስራኤልያ ፖኦ ህዶታ
\r (9:11-15)
\p
\v 11 ቃይካ ጾሳይ፥ “ሄ ጋላስ ታን ኮለቲደ ኩንዴዳ ጎልያዳን ሀኔዳ ዳዊታ ካዉተ ደንና፤ ጾኤቴዳ ሳአቱዋካ ባራና፤ ቃይ ኮለቴዳሳካ ኦራና፤ ታን አ በንዋዳን ኦደ ኬጻና።\x - \xo 9:11-12 \xo*\xt ኪታ 15:16-18\xt*\x* 
\v 12 ሄዌነ እስራኤልያ አሳይ ኤዶማ ጋድያፐ አቴዳዋንታነ ታ ሱንን ጼሰቴዳ ካዉተቱዋ ኡባ ላታናሳ” ያጌ። ሀዋ ኦያዌ ታና መና ጎዳ።
\p
\v 13 መና ጎዳይ ሀዋዳን ያጌ፤ “በእተ፥ ካ ጫክያዋንቱ ጫኪደ ዉርሰናን ደእሽን፥ ጋድያ ጎሽያዋንቱ ጋክያ ዎዲ፥ ዎይንያ ቴራ ጉምእያዋንቱካ ጉምኢደ ዉርሰናን ደእሽን፥ ዎይንያ ዘርያዋንቱ ጋክያ ጋላሳቱ ያና። ሄ ዎደ ደረቱ ማልኦ ዎይንያ ኤሳ ጾካና፤ ዞዘቱዋ ኡባፐካ ዎይንያ ኤሳይ ጎጋና። 
\v 14 ኦሞዱዋን ቤዳ ታ አሳ እስራኤልያ ዛራደ እሻልሳና። ኡንቱንቱ ኮለቴዳ ካታማቱዋ ዛረ ኬጺደ፥ ኡንቱንቱን ደአና። ዎይንያ ቱራካ ቶኪደ፥ አፐ ዎይንያ ኤሳ ኡሻና። ቃይ አታክልተቱዋካ ቶኪደ፥ ኡንቱንቱ አይፍያ ማና። 
\v 15 ታን እስራኤልያ ኡንቱንቱ ጋድያን ቶካና፤ ኡንቱንቱ ታን ኡንቱንቶ እሜዳ ጋድያፐ ላኤን ሙለካ ሾደትክኖ” ያጌ። ሀዋ ኦድያዌ መና ጎዳ ህንተ ጾሳ።