\id ACT - Dawuro Full Bible Ethiopic Version
\ide UTF-8
\h ኪቴዳዋንቱ ኦሱዋ
\toc1 የሱስ ኪቴዳዋንቱ ኦሱዋ
\toc2 ኪታ
\toc3 ኪታ
\mt1 የሱስ ኪቴዳዋንቱ ኦሱዋ
\imt ገሉዋ
\ip የሱስ ኪቴዳዋንቱ ኦሱዋ ጌተትያ ማጻፋይ፥ ሉቃሳ ምሽራቹዋ ካሊደ ጻፈቴዳ ማጻፋ። አዉ ደእያ ሁጰ ቆፋይ ኮይሮ የሱሳ ካሌዳ አሳቱ ጌሻ አያናን ካለሰቲደ፥ አባ ኦድያ ምሽራቹዋ ቃላ “የሩሳላመን፥ ይሁዳ ጋድያ ኡባን፥ ሳማርያን፥ ሳኣ ጋጻ ጋካናዉ” ምሽራቹዋ ቃላ ዎት ጋድያ ኡባ ጋደንቶ ኦዳናሳ (ኪታ 1:8)። ማጻፋይ ክርስትና አማኑ አይሁዳ አሳቱዋ ግዶን ዶመቲደ፥ ኩመን አላምያን ደእያ አሳ ኡባ አማኑዋ ግዳና ጋካናዉ ዋን አኬደንቶ ኦድያ ታርክያ። ጻፊ፥ አማንያ አሳቱ ሮማ ካዉተ ኦላናዉ ጋርሳና ማቀትያ አሳ ግደናዋነ ክርስትና አማኑ አይሁዳቱዋ አማኑዋ ኩመን ኦያዋ ግድያዋ ኤርሳናዉ ዳርስ ዳቡሪደ ኦዳ።
\ip የሱስ ኪቴዳዋንቱ ኦሱ የሱሳባ ኦድያ ምሽራቹዋ ቃላይ ጋክያ ሳአይ ዎድያን ዎድያን አክ አክ ብያዋነ ዎሳ ጎሊ ኤቄዳዋ ቆንጭስያዋ ሄዙ ሁጰ ሳን ሻካናዉ ዳንዳየቴ:
\ili 1. ክርስትና አማኑ የሱስ ሳሉዋ ፑደ ብ ስምና ዶመቴዳባ፤
\ili 2. እስራኤልያ ጋድያ ኡባ ጋኬዳባነ፤
\ili 3. ሮመ ጉጂደ ሜድትራንያ አባ ዩሹዋን ደእያ ጋድያን አኬዳዋ ኦዴ።
\ip የሱስ ኪቴዳዋንቱ ኦሱዋ ማጻፋን ዳሮፐ ኤረቶዌ ጌሻ አያና ኦሱዋ ግድሽን፥ ጰንጸቆስተ ጋላስ የሩሳላመን ደእያ አማንያዋንቱ ቦላ ዎልቃፐ እ ዎዳዋ፥ ሀዋዳንካ ማጻፋ ግዶን ኦደቴዳ ኦሳቱዋ ኡባን ቤቴዳዋዳን፥ ጌሻ አያናይ ዎሳ ጎልያነ ዎሳ ጎልያ ካለያዋንታ ካለዳዋነ ምንሴዳዋ ጉጂደ ኦዴ። በን ዎደ ኦሰትያ ክርስትና ኪታይ ዱማ ዱማ ኦዴዳ ቃላ ግዶፐ ማጽ ከስና፥ ቃንን ሺቄዳ። የሱስ ኪቴዳዋንቱ ኦሱዋ ግዶን ፖለቴዳ ኪታቱካ ሄ ኦሱ አማንያ አሳ ደኡዋንነ አማንያዋንቱ እትፐተን ደእያ ዎልቃይ አይ ኬና ዳረንቶ ኦዴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ማርካተዉ ጊጉዋ \ior 1:1-26\ior*
\io1 ዉርሰን የሱስ እሜዳ አዛዙዋነ ህዶታ \ior 1:1-14\ior*
\io1 ይሁዳ ኮታ ገሌዳዋ \ior 1:15-26\ior*
\io1 የሩሳላመን ኦሰቴዳ ማርካተ \ior 2:1—8:3\ior*
\io1 ይሁዳንነ ሳማርያን ኦሰቴዳ ማርካተ \ior 8:4—12:25\ior*
\io1 ጳዉሎስ ኪተቴዳ ኦሱዋባ \ior 13:1—28:31\ior*
\io1 ጳዉሎስ ኪተቴዳ ኦሶ ኮይሮ ሀመታ \ior 13:1—14:28\ior*
\io1 የሩሳላመ ሺቁዋ \ior 15:1-35\ior*
\io1 ጳዉሎስ ኪተቴዳ ኦሶ ላኤን ሀመታ \ior 15:36—18:22\ior*
\io1 ጳዉሎስ ኪተቴዳ ኦሶ ሄዘን ሀመታ \ior 18:23—21:16\ior*
\io1 የሩሳላመን፥ ቄሳርያንነ ሮመን ሀኔዳ ጳዉሎሳ ቃሹዋ \ior 21:17—28:31\ior*
\c 1
\p
\v 1-2 ቶፍሎሳ፥\x - \xo 1:1-2 \xo*\xt ሉቃሳ 1:1-4\xt*\x* የሱስ ሳሉዋ ቤዳ ጋላሳይ ጋካናዉ፥ ኦናዉነ ታማርሳናዉ ዶሜዳዋ ኡባባ ታን ታ ኮይሮ ማጻፋን\f + \fr 1:1-2 \fr*\fk ታ ኮይሮ ማጻፋን፦ \fk*\ft ሉቃሳ ምሽራቹዋ ማጻፋ።\ft*\f* ጻፋድ። ሳሉዋ ባናፐ ካሰ እ ባረ ዶሪደ ኪቴዳዋንታ ጌሻ አያናን አዛዜዳ። 
\v 3 እ ባረ ኪቴዳዋንቶ ኦይታሙ ጋላሳ ቤቲድነ ቃይ ጾሳ ካዉተባ ኡንቱንቶ ኦዲደ፥ ባረ ዋይያፐ ጉይያን፥ ሀይቁዋፐ ደንዴዳዋ ስ ባይናን ሎይ አማንደ፥ ባረና ኡንቱንታ በሴዳ። 
\v 4 ኡንቱንቱና እትፐ ደኢደ፥ ኡንቱንታ ሀዋዳን ያጊደ አዛዜዳ፤ “የሩሳላመፐ ከሶፕተ፤ ሽን ህንተንቱ ታፐ ስሴዳ ታ አቡ ህንተንቶ እማና ጊደ ህዶቴዳዋ ናግተ።\x - \xo 1:4 \xo*\xt ሉቃሳ 24:49\xt*\x* 
\v 5 አያዉ ጎፐ፥ ዮሃንስ ሃን ጻማቄዳ፤ ሽን ጉ ዎድያፐ ጉይያን፥ ጌሻ አያናን ህንተንቱ ጻማቀታንታ” ያጌዳ።
\s1 የሱስ ሳሉዋ ቤዳ
\r (ማር. 16:19-20፤ ሉቃሳ 24:50-53)
\p
\v 6 የሱስ ኪቴዳዋንቱ የሱሳና ጋከቴዳ ዎደ አ፥ “ጎዳዉ፥ ሀ ዎድያን እስራኤላቶ ካዉተ ዛራኒ?” ያጊደ ኦቼድኖ።
\p
\v 7 የሱስ ኡንቱንታ፥ “ታ አቡ ባረ ጎዳተን ኬሬዳ አገናነ ዎድያ ህንተንቱ ኤራናሳ ግደና። 
\v 8 ሽን ጌሻ አያናይ ህንተንቱ ቦላ ዎያ ዎደ፥ ዎልቃ ህንተንቱ አካንታ፤ ያቲደ የሩሳላመንነ ይሁዳ ጋድያ ኡባን፥ ሳማርያንነ ጋድያ ጋጻ ኡባ ጋካናዉ ታዉ ማርካትያዋንታ ግዳንታ” ያጌዳ።
\p
\v 9 ሄዋ ጌዳዋፐ ጉይያን፥ ኡንቱንቱ ጼልሽን፥ ቁ ቁ ጊደ፥ ሳሉዋ ቢና፥ ኡንቱንቱ አይፍያፐ ሻሪ አ ገንዳ።
\p
\v 10 የሱስ ቦላዉ ደንድያ ዎደ፥ ኡንቱንቱ ሳሉዋ ጫድ ጼልሽን፥ ቦ ማዩዋ ማዬዳ ላኡ አሳቱ ኤለካ ኡንቱንቱ ማታን ኤቂደ፥ 
\v 11 “ጋሊላ አሳቶ፥ ሳሉዋ ጼሊደ፥ ህንተንቱ አያዉ ኤቄድቴ? ሀ ህንተንቱፐ ሳሉዋ ቤዳ የሱስ ሳሉዋ ብያዋ ህንተንቱ በኤዳዋዳንካ፥ ስሚደ ያናዋ” ያጌድኖ።
\s1 ይሁዳ ኮታ ማትያስ ዶረቴዳ
\r (ማቶሳ 27:3-10)
\p
\v 12 ሄዋፐ ጉይያን፥ የሱስ ኪቴዳዋንቱ ደብረ ዛይተ ጌተትያ ዎጋራ ም ደርያፐ የሩሳላመ ስሜድኖ። ዎጋራ ም ደሪ የሩሳላመፐ እት ኪሎ ምትርያ ኬና። 
\v 13 የሱስ ኪቴዳዋንቱ የሩሳላመ ገሊደ፥ ባረንቱ ደእያ ሳኣ ቃ ፑደ ከሴድኖ፤ ያ ከሴዳዋንቱ ሱንይ ጰጽሮሳ፥ ዮሃንሳ፥ ያቆባ፥ እንድራሳ፥ ፕልጶሳ፥ ቶማሳ፥ ባርታላሞሳ፥ ማቶሳ፥ እልፕዮሳ ናኣ ያቆባ፥ ባረ ጋድያዉ ሴለትያ\f + \fr 1:13 \fr*\fk ባረ ጋድያዉ ሴለትያ፦ \fk*\ft ሀ ሱንይ ካላፐ ሮመ አሳና ኤቀቲደ ኦለቴዳ አይሁደ አሳዉ እመቴዳዋ።\ft*\f* ስሞናነ ያቆባ ናኣ ይሁዳ። 
\v 14 ሀዋንቱ ኡባቱ ማጫዋንቱና፥ የሱሳ ዳይ ማይራምናነ የሱሳ እሻቱዋና ኡባይ እት ዎዛና ግዲደ፥ ኡባ ዎደ እትፐተን ዎሳዉ ሺቂኖ።
\p
\v 15 ሄ ዎደ፥ ጰጽሮስ ጼታነ ላታማ ግድያ አማንያ አሳ ሺቁዋን እትፐ ደእያ ባረ እሻቱዋ ግዶን ደንድ ኤቂደ፥ ሀዋዳን ያጌዳ፤ 
\v 16 “ታናዳን አማንያዋንቶ፥ የሱሳ ኦይቄዳዋንታ ካለዳ ይሁዳባ ጌሻ አያናይ ካሰ ዳዊተ ዶናን ኦዴዳ ጾሳ ማጻፋ ቃላይ ፖለታናዉ በሴ። 
\v 17 አያዉ ጎፐ፥ ይሁዳ አስቆሮቱ ኑናና ደኤ፤ ቃይ ኑናና እቱዋ ግድ ፓይደቲደ ኦሱዋ ባጋይ ደአና ማላ ዶረቴዳ” ያጌዳ።
\p
\v 18 ይሁዳ አስቆሮቱ ባረ ኢታ ኦሱዋን ደሜዳ ሚሻን ጋድያ ሻሜዳ፤ ስንዉ ጉፋኒደ ኩንድና፥ አ ኡሉ ግዱዋፐ ዳከቴዳ፤ አ ማራጪ ኡባይካ ካረዉ ጱልጸት ከስ አጌዳ። 
\v 19 ይሁዳ ቦላ ሀኔዳዋ የሩሳላመን ደእያ አሳይ ኡባይ ስሴዳ፤ ሄዋ ድራዉ፥ ሄ ጋድያ ባረንቱ ቃላን አከልዳማ ጊደ ሱንድኖ፤ ሄዋ ብለይ ሱ ጋድያ ግያዋ።
\p
\v 20 ጰጽሮስ ኦዲደ፥ አያዉ ጎፐ፥ ማዝሙርያ ማጻፋን፥\x - \xo 1:20 \xo*\xt ማዝ. 69:25፤ 109:8\xt*\x*
\q1 አ ጎሊ መላ አቶ፤
\q2 ኦንነ ሄዋን ደኦፖ
\m ቃይ
\q1 አ ሱንተካ ሀራይ አኮ
\m ጌተቲደ ጻፈቴዳ። 
\v 21-22 ሄዋ ድራዉ፥ እት አሳይ ጎዳ የሱሳ ደንዱዋ ማርካታናዉ፥ ኑናና ጋከታናዉ በሴ፤ ዮሃንስ ጻማቄዳ ዎድያፐ ዶሚደ፥ የሱስ ኑፐ ሳሉዋ ቤዳ ዎዲ ጋካናዉ፥ ጎዳ የሱስ ኑናና ሀመቴዳ ዎድያ ኡባን እ ኑናና ደእያዋንቱፐ እቱዋ ግድ ሱንታናዉ በሴ።
\p
\v 23 ሄዋፐ ጉየ አማንያ አሳይ ዶሮ ዮስጾሳ ግያ ባርሳባ ጌተትያ ዮሴፎነ ማትያሳ ላኡዋ ኤሴድኖ። 
\v 24-25 ሄዋፐ ጉይያን፥ ጾሳ ዎሲደ፥ “ኡባ ዎዛና ኤርያ ጎዳዉ፥ ይሁዳ አስቆሮቱ ባረሳ ባናዉ የጊደ ቤዳ ኦሱዋነ የሱስ ኪቴዳ ኦሱዋ ሀዳራ አካናዳን፥ ሀ ላኡ አሳቱዋፐ እቱዋ ኔን ዶሬዳዋ ኑና በሳ” ያጌድኖ። 
\v 26 ኡንቱንቱን ሳማ የጌድኖ፤ ሳማይ ማትያሳ ቦላን ዎና፥ ማትያስ የሱስ ኪቴዳ ታማነ እት ኪተታዋንቱና ፓይደቴዳ።
\c 2
\s1 የሱሳ ካልያዋንቱ ቦላ ጌሻ አያና ዎ
\p
\v 1 ጰንጸቆስተ\f + \fr 2:1 \fr*\fq ጰንጸቆስተ፦ \fq*\ft አይሁድያ አሳይ ፓስጋ ባላ ቦንቾደፐ እሻታሙ ጋላሳይ አ ስምና ቦንቼትያ ዛርጋ ቆይቻ ባላ ጌተትያዋ።\ft*\f* ግያ ጋላሳይ ጋኬዳ ዎደ፥ አማንያዋንቱ ኡባቱ እትፐ ግዲደ፥ እትሳ ሺቅ ደእሽን፥\x - \xo 2:1 \xo*\xt ዎጋ 23:15-21፤ ዛረ. 16:9-11\xt*\x* 
\v 2 ዎልቃማ ጎቱዋዳን ጉምያ ጉንይ ዎዛና አናን ሳሉዋፐ ዪደ፥ ኡንቱንቱ ኡቴዳ ጎልያ ኡባ ኩሜዳ። 
\v 3 ቃይ ታማ ላጩዋዳን ፖዱግያዌ ኡንቱንቶ ቤቲደ፥ ሻከት ሻከት፥ ኡንቱንቱ ኡባ ቦላ ዎዳ። 
\v 4 ኡንቱንቱ ኡባን ጌሻ አያናይ ኩሚደ፥ ዱማ ዱማ ቃላን ሃሳያና ማላ፥ ኡንቱንታ ዳንዳይስና፥ ሃሳያ ዶሜድኖ።
\p
\v 5 ሳኣን ደእያ አሳ ዘረ ኡባፐ ዪደ፥ ጾሳዉ ያይያ እትፐ ደእያ አይሁዳቱ የሩሳላመን ደኢኖ። 
\v 6 ሀ ጉን ስሴዳ ዎደ፥ አሳይ ኡባይ ሺቄዳ፤ ኡንቱንቱ ባረንቱ ቃላን ቃላን ሃሳይሽን ስሴዳ ድራዉ፥ ግያዋ ዬድኖ።
\p
\v 7 አሳይ ኡባይ ማላለቲደነ ሀዌ ኦራባ ጊደ፥ “በእተ፤ ሀ ሃሳይያዋንቱ ኡባቱ ጋሊላ አሳቱዋ ግድክኖ? 
\v 8 ያትና፥ ኑን ኑ የለቴዳ ጋደ ቃላን ኡንቱንቱ ሃሳይሽን ዋኒደ ስሴቶ? 
\v 9 ኑን ጳርተ አሳቱ፥ ሜዶነ አሳቱ፥ ኤላሜጸ አሳቱ፥ ላኡ ሻፋቱዋፐ ግዱዋን ደእያዋንቱ፥ ይሁዳን፥ ቃጳዶቅያን፥ ጳንጾሳን፥ ኢስያን፥ 
\v 10-11 ፕርግያን፥ ጵንፍልያን፥ ግብጼን፥ ቀሬና ባጋን ደእያ ሊብያ ዎራዳቱዋን ደእያዋንቱ፥ ሮመፐ ዬዳ እማቱ፥ አይሁዳቱ፥ አይሁዳተዉ ላመቴዳ ኑፐ አማሬዳዋንቱ፥ ቃርጼሰ አሳቱነ፥ አራብያ አሳቱ፥ ጾሳይ ኦዳ ዎልቃማ ኦሱዋ ኑ ቃላን ኡንቱንቱ ሃሳይሽን ስሴዶ” ያጌድኖ። 
\v 12 ኡባይካ ማላለቲደ፥ የዉ ባረንቶ ገለናን እጽና ባረንቱ ግዶን፥ “ላ ሀዌ ዋግያዌ?” ያጌድኖ። 
\v 13 ሽን ሀራ አሳቱ አማንያዋንቱ ቦላን ቅሊጪደ፥ “ሀዋንቱ ኡሺደ ማቴድኖ” ያጌድኖ። \fig ጴንጤቆስጤ|alt="Pentecost" src="dwr_Pentecost_B&W_Flat.indd" size="span" ref="2:9-11"\fig*
\s1 ጰጽሮሳ ሃሳያ
\p
\v 14 ሽን ጰጽሮስ፥ የሱስ ኪቴዳ ሀራ ታማነ እት ኪተቶዋንቱና ደንድ ኤቂደ፥ ባረ ኮሻ ቁ ኦደ፥ ኡንቱንቶ ሀዋዳን ያግ ኦዴዳ፤ “አይሁዳቶ፥ ቃይ የሩሳላመን ደእያ ኡባቶ፥ ታን ኦድያዋ ስስተ። ሀዌ ህንተንቶ ኤረቶ፤ ህንተንቱ ቆፕያዋዳን፥ ሀዋንቱ ማትበይክኖ። 
\v 15 አያዉ ጎፐ፥ ዎንታፐ ብሮ ሄዙ ሳተ ግዴ። 
\v 16 ሽን ሀዌ ናብያ ኢዩኤል ሃሳዬዳዋ።
\q1
\v 17 “እ ሃሳዪደ፥ ‘ጾሳይ ሀዋዳን ያጌዳ፤
\q2 ዎድያ ዉርሰን ሀዋዳን ሀናናዋ።
\q1 ታን አሳ ኡባ ቦላን ታ አያና ጉሳና።
\q2 ህንተንቱ አቱማ ናናይነ ህንተንቱ ማጫ ናናይ
\q2 ትምቢትያ ኦዳናዋንታ።
\q2 ህንተንቱ ዎዳላ ናናይካ ሳፃ በአናዋንታ፤
\q2 ህንተንቱ ጭማቱካ አኩሙዋ አኩመታናዋንታ።\x - \xo 2:17 \xo*\xt ኢዩ. 2:28-32\xt*\x*
\q1
\v 18 ሄ ጋላሳቱን ታ አቱማ ቆማቱዋ ቦላንነ
\q2 ታ ማጫ ቆማቱዋ ቦላን
\q1 ታን ታ አያና ጉሳና።
\q2 ሄዋፐ ጉየ ኡንቱንቱ ትምቢትያ ኦዳናዋንታ።
\q1
\v 19 ቃይ ታን ቦላ ሳሉዋን ኦራባ፥
\q2 ጋርሳ ሳንካ ማላታ በሳና።
\q1 ሱይ፥ ታማይነ ሻርያዳን፥
\q2 ካሜዳ ጩዋይ ደአና።
\q1
\v 20 ዎልቃማነ ቦንቾ ግዴዳ ጎዳ ጋላሳይ፥
\q2 ጋካናፐ ካሰ አዋይ ማና፤
\q2 አገናይካ ሱ ማላታና።
\q1
\v 21 ሄ ዎደ ሀዋዳን ሀናናዋ፤
\q2 ጎዳ ሱን ጼስያ ኦንነ አታና’
\m ያጌዳ።
\p
\v 22 “እስራኤልያ አሳቶ፥ ሀ ቃላ ስስተ፤ ናዝሬትያ የሱስ ህንተንቱ ግዶን ጾሳይ ባረናን ኦዳ ዎልቃማ ኦሱዋን፥ ኦራባንነ ማላታን ህንተንቶ ሽሴዳ አሳ፤ ሄዋ ህንተንቱካ ኤሪታ። 
\v 23 የሱስ ህንተንቶ እመታና ማላ፥ ጾሳይ ካሰ ባረ ሸንያንነ ባረ ኤራን ባረ ቆፋ ቃች ዎዳ፤ ያትና፥ አ ህንተንቱ ናጋራንቻቱዋ ኩሽያን ማስቃልያ ቦላ ምስማርያን ሽሲደ፥ ካቅስ ዎሴድታ። 
\v 24 ሽን ሀይቁ የሱሳ ኦይቃናዉ ዳንዳይቤና ድራዉ፥ ጾሳይ ሀይቁዋ ሴላ አፐ ይሲደ፥ አ ደንዳ። 
\v 25 አያዉ ጎፐ፥ ዳዊተ የሱሳባ ሀዋዳን ያጌዳ፤
\q1 “ ‘ታን መቶተናዳን፥
\q2 ጎዳይ ታ ኡሸቻን ደእያ ድራዉ፥
\q2 ታን ኡባ ዎደ ጎዳ ታ ማታን በአይ።\x - \xo 2:25 \xo*\xt ማዝ. 16:8-11\xt*\x*
\q1
\v 26 ሄዋ ድራዉ፥ ታ ዎዛናይ ናሸቴዳ፤
\q2 ታ እንጻርሳንካ ናሸቻይ ኩሜዳ።
\q1 ቃይ ታ ቦላይካ ሎኦ ደአና ጊደ፥
\q2 ናሸቻን ናጌ።
\q1
\v 27 አያዉ ጎፐ፥ ታ ሸምፑዋ፥
\q2 ስኦልያን አጋካ።
\q1 ቃይ ነ ጌሻ ናኣ አሃካ ዎቀካ።
\q1
\v 28 ኔን ታና ደኡዋ ኦግያ ኤርሳዳ።
\q2 ኔን ታናና ደእያዋን፥
\q2 ታን ዳሪ ናሸታይ’
\m ያጌዳ።
\p
\v 29 “እሻቶ፥ ኑ አዎቱዋ ካፑዋ ዳዊተባ ታን ህንተንቶ ጌሻደ ኦዳናዉ በሴ፤ ዳዊተ ሀይቂደ ሞገቴዳ፤ አ ዱፉ ሀቼ ጋካናዉካ ኑ ማታን ደኤ። 
\v 30 ዳዊተ ናብያ ግዴዳ ድራዉነ ጾሳይ አ ናና ዘረፐ እቱዋ አ ካዉተ ኦይድያን ኡትሳናዉ አዉ ጫቄዳዋ ኤሬዳ ድራዉ፥\x - \xo 2:30 \xo*\xt ማዝ. 132:11፤ 2 ሳሜላ 7:12-13\xt*\x* 
\v 31 ክርስቶሳ ደንዱዋ ስንዉ ጼሊደ፥ ‘አ ሸምፑ ስኦልያን አትቤና፤ አ ቦላይካ ዎቂቤና’ ጊደ ኦዴዳ።
\p
\v 32 “ጾሳይ የሱሳ ሀይቁዋፐ ደንዳዎ ኑን ኡባይ ማርካ። 
\v 33 ሄዋ ድራዉ፥ ጾሳይ ባረፐ ኡሸቻ ባጋን\f + \fr 2:33 \fr*\fk ኡሸቻ ባጋ፦ \fk*\ft ጉሳይ ቦንቹዋነ ዎልቃ በስያ ሳኣ።\ft*\f* አ ቁ ቁ ኦደ፥ አዉ ጌሻ አያና እማና ጌዳዋዳን፥ ጌሻ አያና አኪደ፥ ሀዋ ህንተንቱ ሀእ በእያዋነ ስስያዋ ኑ ቦላ ጉሴዳ።
\p
\v 34-35 “አያዉ ጎፐ፥ ዳዊተ ባረ ሁጰዉ ሳሉዋ ከስቤና፤ ሽን ያጌዳ፤
\q1 “ ‘ጎዳይ ታ ጎዳ፤ “ታን ነ ሞርከቱዋ፥
\q2 ኔን ገድያን የ ኤቂያዋ ኦና ጋካናዉ
\q2 ሀዋን ታፐ ኡሸቻ ባጋና ኡታ” ጌዳ’
\m ያጌዳ።\x - \xo 2:34-35 \xo*\xt ማዝ. 110:1\xt*\x*
\p
\v 36 “ሄዋ ድራዉ፥ ጾሳይ ማስቃልያ ቦላ ምስማርያን ሀ ህንተንቱ ሺደ ካቄዳ የሱሳ ጎዳነ ክርስቶሳ ኦዳዋ እስራኤልያ አሳ ዘረይ ኡባይ ቱሙፐ ኤሮ” ያጌዳ።
\p
\v 37 አሳይ ጰጽሮስ ጌዳዋ ስሴዳ ዎደ፥ አሳዉ ዎዛናይ ዳሮፐ ቦሸትና፥ ጰጽሮሳነ የሱስ ኪቴዳ ሀራቱዋ፥ “ኑ እሻቶ፥ ያትና ኑን አያ ኡዳኔ?” ያጌድኖ።
\p
\v 38 ጰጽሮስ ኡንቱንታ፥ “ህንተንቱ ናጋራይ አቶ ጌተታና ማላ፥ ናጋራፐ ስሚደ፥ ህንተንቱ ሁጲያን ሁጲያን የሱስ ክርስቶሳ ሱንን ጻማቀትተ። ጾሳይ እምያ ጌሻ አያና ህንተንቱ አካና። 
\v 39 አያዉ ጎፐ፥ ጾሳይ እማና ጌዳ ቃላይ ህንተንቱሳ፥ ህንተንቱ ናናቱዋሳነ ጎዳይ ኑ ጾሳይ ባረኮ ጼስያ ሃኩዋን ደእያዋንቱ ኡባሳ” ያጌዳ።
\p
\v 40 ጰጽሮስ ኡንቱንቶ ቃላ ሀራካ ጉጅ ማርካቲደ፥ “ሀ ዎድያ ጌላ አሳፐ ህንተንቱ ሁጲያ አሽተ” ያጊደ ዞሬዳ። 
\v 41 ጰጽሮስ ኦዴዳዋ አኬዳዋንቱ ጻማቀቴድኖ፤ ሄ ጋላስ ሄዙ ሻአ ግድያ አሳይ አማኔድኖ። 
\v 42 ኡንቱንቱ የሱስ ኪቴዳዋንቱ ትምርትያን፥ እትፐተን ኡክ መን ምያዋንነ ጾሳ ዎሳን ገንጪኖ።
\s1 አማንያ አሳይ እሻተንነ እትፐተን ደእያ ደኡዋ
\p
\v 43 የሱስ ኪቴዳዋንቱ ኩሽያን ዳሮ ኦራባይነ ማላታቱ ኦሰትና፥ አሳ ኡባ ያሻይ ኦይቄዳ። 
\v 44 አማኔዳ ኡባቱ እትፐ ደኢኖ፤ ቃይ ባረንቶ ደእያባ ኡባካ እትፐ ሻክ አኬድኖ። 
\v 45 ኡንቱንቱ ባረንቱ ጋድያነ ባረንቶ ደእያባ ዛልእ ዛልኢደ፥ ኦናነ ኮሼዳ ኬና ሚሻ ኡባዉ ሻኬድኖ። 
\v 46 ቃይ ኡባ ጋላስ፥ እት ዎዛና ግዲደ፥ ጌሻ ጎልያን ፓጨናን ጋከቲደ፥ ባረንቱ ጎለ ጎለ ጼሰቲደ ናሸቻንነ ፓሽካ ዎዛናን ቁማ ሚኖ። 
\v 47 ጾሳ ጋላቲደ፥ አሳ ኡባን ሳበቴድኖ። ቃይ ጎዳይ አማን አትያዋንታ ጋላስ ጋላስካ ኡንቱንቱ ቦላ ጉጄ።
\c 3
\s1 እት ዎባ ብታኒ ፓጼዳ
\p
\v 1 እት ጋላስ፥ ጰጽሮስነ ዮሃንስ ጾሳ ዎሳናዉ ኡዱፑ ሳትያን ጌሻ ጎልያ ቤድኖ። 
\v 2 የለቶደፐ ዶሚደ፥ ጉንዳ ግዲደ ደእያ እት ብታኒ ጌሻ ጎልያ ገልያ አሳፐ ሚሻ ዎሳናዉ፥ ኡባ ጋላስ ዳሪ ሎአ ግያ ጌሻ ጎልያ ፐንግያን አሳይ አፊደ ዎያዌ ደኤ። 
\v 3 ሄ ዎባ ብታኒ፥ ጰጽሮስነ ዮሃንስ ጌሻ ጎልያ ገላና ሀንሽን በኢደ፥ ሚሻ ኡንቱንታ ዎሴዳ።
\p
\v 4 ጰጽሮስ ዮሃንሳና አ ጫድ ጼሊደ፥ “ኑኮ ሃ ጼላ” ያጌዳ። 
\v 5 ዎባ ብታኒ ኡንቱንቱፐ እትባ አካናዉ ኮዪደ፥ ኡንቱንቱኮ ጼሌዳ። 
\v 6 ሽን ጰጽሮስ አ፥ “ታዉ ሚሻይ ባዋ፤ ሽን ታዉ ደእያባ ታን ነዉ እማና፤ ናዝሬትያ የሱስ ክርስቶሳ ሱንን ደንዳደ ሀመታ” ያጌዳ።
\p
\v 7 ያቲደ፥ ዎባ ብታንያ ባረ ኡሸቻ ኩሽያን ኦይቂደ፥ ፑደ ደንዳ፤ ኤለካ አ ገዲነ ሜሽ መቀይ ምን አጌዳ። 
\v 8 ብታኒ ፑደ ጉፒደ፥ ደንድ ኤቄዳ፤ ያነ ሃነ ሀመታ ዶሜዳ። ሄዋፐ ጉይያን ሀመቲደ፥ ጉፒድነ ጾሳ ጋላቲደ፥ ኡንቱንቱና እትፐ ጌሻ ጎልያ ገሌዳ።
\p
\v 9 እ ሀመትሺናነ ጾሳ ጋላትሽን፥ አሳይ ኡባይ አ በኤዳ። 
\v 10 ያቲደ፥ ሚሻ ዎሳናዉ ዳሪ ሎአ ግያ ጌሻ ጎልያ ፐንግያን ኡቴዳዌ አ ግዴዳዋ አኬኬድኖ፤ እ ሀኔዳዋ በኢደ ማላለቴድኖ።
\s1 ጰጽሮስ ጌሻ ጎልያን ሃሳዬዳ ሃሳያ
\p
\v 11 ብታኒ ጰጽሮሳነ ዮሃንሳ ኦይቂ ኡቴዳ ዎደ፥ አሳይ ኡባይ ማላለቲደ፥ ሶሎሞነ ባራንዳ\f + \fr 3:11 \fr*\fq ሶሎሞነ ባራንዳ፦ \fq*\ft ጌሻ ጎልያ አዋይ ዶልያ ስን ባጋና ጮራ አሳይ ሺቅያ አዱሳነ አኮ ሳኣ።\ft*\f* ግያ ሳን እትፐ ኡንቱንቱኮ ዎጼድኖ። 
\v 12 ጰጽሮስ አሳ በኤዳ ዎደ ኡንቱንቶ ያጌዳ፤ “እስራኤልያ አሳቶ፥ አያዉ ሀዎ ማላለቲቴ? ዎይ አያዉ ኑና ጫድ ጼሊቴ? ኑን ኑ ዎልቃን ዎይ ጾሳ ማላትያዋን ሀ ብታንያ ሀመዳዋ ህንተንቶ ማላቲ? 
\v 13 አብራሃሞ ጾሳይ፥ ይሳቃ ጾሳይ፥ ያቆባ ጾሳይ፥ ኑ አዎቱዋ ጾሳይ፥ ህንተንቱ አ እሜዳዋ ጵላጾስ ብላናዉ ቆፕ ኡቴዳ ዎደ፥ ህንተንቱ አ ስንን፥ ‘ኑን አ ኤሮኮ’ ጌዳ ባረ ናኣ የሱሳ ቦንቼዳ። 
\v 14 ሽን ህንተንቱ ጌሻነ ጽሉዋ፥ ‘ኑን አ ኤሮኮ’ ጊደ፥ ሸምፑዋ ዎዳዋ አ ድራ ህንተንቶ ብላናዉ ጵላጾሳ ዎሴድታ። 
\v 15 ደኡዋ እምያዋ ህንተንቱ ዎድታ፤ ሽን ጾሳይ ሀይቁዋፐ አ ደንዳዎ ኑን ማርካ። 
\v 16 ሀ ዎባ ብታንያ የሱሳ ሱን ዎልቃይ ምንሴዳ፤ ህንተንቱ በእያዌነ ኤርያዌካ እ አ ሱንን አማንያዋን ኦሰቴዳ፤ ሀ ህንተንቱ ኡባ ስንን አ ሀዋዳን ሎይዳዌ፥ የሱሳ እ አማንያዋ።
\p
\v 17 “ሀእካ ታናዳን አማንያዋንቶ፥ ህንተንቱካ ህንተንታ ካልያዋንቱዳን፥ ኤረናን ኦዳዋ ታን ኤራይ። 
\v 18 ሽን ጾሳይ በን፥ ናባቱዋ ኡባቱዋ ዶናን፥ ‘ክርስቶስ ዋየታና በሴ’ ያጊደ ኦዴዳ፤ ባረ ኦዴዳዋካ ሄዋዳን ፖሌዳ። 
\v 19-20 ስም ጾሳይ ህንተንቱ ናጋራ ማራናዳን፥ ጎዳ ማታፐ አያና ምኖተ ዎዲ ህንተንቶ ያናዳንነ ጾሳይ የሱስ ክርስቶሳ ካሰ ህንተንቶ ኦደቶዋዳን የዳናዳን፥ ህንተንቱ ናጋራ ፓጺደ ጾሳኮ ስምተ። 
\v 21 ጾሳይ ጌሻ ግዴዳ ባረ ናባቱዋ ዶናን በንፐ ዶሚደ ሃሳዬዳዋዳን፥ ኡባባይ ኦራጽያ ዎዲ ጋካናዉ፥ የሱስ ሳሉዋን ጋምአናዉ በሴ። 
\v 22 ሙሴ፥ ‘ጎዳይ ጾሳይ፥ ህንተንቱ ዛርያ ግዶፐ ህንተንቶ ታናዳን ናብያ ደንና፤ ህንተንቱ እ ግያዋ ኡባ ስስተ።\x - \xo 3:22 \xo*\xt ዛረ. 18:15፣ 18\xt*\x* 
\v 23 ሄ ናቢ ኦድያዋ ስሰና አሳይ ኦንነ አሳ ግዶፐ ሻከት ዮ’ ያጌዳ።\x - \xo 3:23 \xo*\xt ዛረ. 18:19\xt*\x*
\p
\v 24 “ቃይ ሳሜላፐ ዶሚደ፥ አፐ ካላ ደንዴዳ ናባቱ ኡባቱ፥ ሀ ዎድያባ ኦዴድኖ። 
\v 25 ህንተንቱ ናባቱዋ ናና፤ ቃይ ጾሳይ አብራሃሞ፥ ‘ሳኣን ደእያ አሳ ኡባ ታን ነ ዘረ ባጋና አንጃና’ ያጊደ ኑ አዎቱዋና ጫቄዳ ጫቁዋ ላትያ ናና።\x - \xo 3:25 \xo*\xt ዶመ 22:18\xt*\x* 
\v 26 ጾሳይ ህንተንታ ኡባቱዋ ህንተንቱ ኢታ ኦሱዋፐ ዛሪደ አንጃና ማላ፥ ባረ ቆማ\f + \fr 3:26 \fr*\fq ቆማ፦ \fq*\ft ጾሳ አዉዋን ዶረቴዳ ናኣ።\ft*\f* ደንደ፥ ህንተንቶ ኮይሮ የዴዳ” ያጌዳ።
\c 4
\s1 ጰጽሮስነ ዮሃንስ አይሁዳቱዋ ሻንጋቱዋ ስን ሺቄድኖ
\p
\v 1 ጰጽሮስነ ዮሃንስ አሳዉ ኦድሽን፥ ቄሳቱዋ ካፓቱ፥ ጌሻ ጎልያ ዎታዳራቱዋ አዛዝያዌነ ሳዱቃዋናቱ፥ 
\v 2 ኡንቱንቱ አሳ ታማርስያ ድራዉነ ሀራ አሳቱ ሀይቁዋፐ ደንዳናዎ ማርካ ግዳና ማላ፥ የሱስ ሀይቁዋፐ ደንዴዳዋ ኦዴዳ ድራዉ፥ ዳሪ ይሎቲደ፥ ኡንቱንቱኮ ዬድኖ። 
\v 3 ኡንቱንታ ኦይቂደ፥ ሳአይ ኦማርስድጎ ድራዉ ዎንታናዉ ቃሾ ጎለ ገልሴድኖ። 
\v 4 ሽን ቃላ ስሴዳዋንቱፐ ጮራቱ አማኔድኖ፤ አቱማ አሳ ፓይዱ እቼሹ ሻአ ኬና ግዴዳ።
\p
\v 5-6 ዎንተ ጋላስ፥ ኡንቱንታ ሞድያዋንቱ፥ አይሁዳ አሳ ጭማቱ፥ ሙሴ ህግያ ታማርስያዋንቱ፥ ቄሳቱዋ ኡባቱዋ ካፓቱ ሃን፥ ቃያፍ፥ ዮሃንስ እስክንድርነ ቄሳቱዋ ኡባቱዋ ካፓቱዋ ዳባቱ ኡባይ የሩሳላመን ሺቄድኖ። 
\v 7 የሱስ ኪቴዳዋንታ ባረንቱ ግዱዋን ኤሲደ፥ “አያ ዎልቃን ዎይ ኦ ሱንን ሀዋ ህንተንቱ ኦድቴ?” ያጊደ ኦቼድኖ።
\p
\v 8 ሄ ዎደ ጰጽሮስ ባረናን ጌሻ አያናይ ኩምና፥ ኡንቱንታ ሀዋዳን ያጌዳ፤ “አሳ ካለያዋንቶ፥ አይሁዳ አሳ ጭማቶ፥ 
\v 9 ሀቼ ሀ ሀርጋንቻ ብታንያዉ ኦሰቴዳ ሎኦ ኦሱዋባነ እ ዋን ፓጼደንቶ፥ ህንተንቱ ኑና ኦቾፐ፥ 
\v 10 ማስቃልያ ቦላ ምስማርያን ህንተንቱ ሺደ ካቂና፥ ጾሳይ ሀይቁዋፐ ደንዳ ናዝሬትያ የሱስ ክርስቶሳ ሱንን ሀ ብታኒ ፓጺደ፥ ህንተንቱ ስንን ኤቄዳዌ ህንተንቱ ኡባዉነ እስራኤልያ አሳ ኡባዉ ኤረቶ። 
\v 11 ጎልያ ኬጽያዋንቱ ህንተንቱ ካደ እጼዳ ቱሳይ ጎልያ ኡባ ቶክያ ኮሽያ ቱሳ ግዴዳ።\x - \xo 4:11 \xo*\xt ማዝ. 118:22\xt*\x* 
\v 12 አሳይ አቶተ የሱሳ ባጋና ደማናፐ አትን፥ ሀራ ኦ ባጋናነ ደመና፤ ኑን አ ሱንን ኦናዉ በሴ፤ አያዉ ጎፐ፥ ጾሳይ ሳሉዋፐ ጋርሳን አሳዉ እሜዳ ሀራ ሱንይ ባዋ” ያጌዳ።
\p
\v 13 ሺቁዋ አሳይ ጰጽሮስነ ዮሃንስ ጻሌዳ ጻላ በኤዳ ዎደ፥ ኡንቱንቱ ታማርቤና ጮ አሳ ግዴዳዋ አኬኪደ ማላለቴድኖ፤ ኡንቱንቱ የሱሳና ደእያዋካ ኤሬድኖ። 
\v 14 ቃይ ፓጼዳ ብታኒ ጰጽሮሳናነ ዮሃንሳና ኤቄዳዋ አሳይ በኢደ፥ ግያዋ ዬድኖ። 
\v 15 ሽን ጰጽሮስነ ዮሃንስ ሺቁዋፐ ካረ ከሳና ማላ አሳይ አዛዚደ፥ ባረ ግዶን ዞረቲደ፥ 
\v 16 “ሀ አሳቱዋ አያ ኡዳኔ? አያዉ ጎፐ፥ ኡንቱንቱ ኩሽያን ኦሰቴዳ ዎልቃማ ማላታቱ የሩሳላመን ደእያ ኡባዉ ቤቴዳ። ኑን ሄዋ ኤሮኮ ጋናዉ ዳንዳዮኮ። 
\v 17 ሽን የዉ አሳዉ ላለተና ማላ፥ ሀዋፐ ስንዉ ሀ አሳቱ የሱሳ ሱን ኦስነ ኦደናዳን፥ ምንሲደ ኡንቱንታ፥ ‘ህንተና ኤርተ’ ጎይተ” ያጌድኖ።
\p
\v 18 ኡንቱንቱ ጼሲደ፥ የሱሳ ሱን ሙለካ ደንናዳንነ አባ ታማርሰናዳን አዛዜድኖ። 
\v 19 ሽን ጰጽሮስነ ዮሃንስ ዛሪደ፥ “ጾሳዉ ኤኖ ግያዋ አጊደ፥ ህንተንቶ ኤኖ ግያዌ ጾሳ ስንን ሎኤንቶነ አነ ህንተ ፕርድተ። 
\v 20 አያዉ ጎፐ፥ ኑን በኤዳባነ ስሴዳባ ኦደናን አጋናዉ ዳንዳዮኮ” ያጊደ ሺቄዳ አሳዉ ኦዴድኖ።
\p
\v 21 ሺቄዳ አሳይ ኡንቱንታ ሙራናዉ ጋሶትያባይ ይና፥ ላኤንዋ ዳርስ ፓሉመቲደ፥ ሀኔዳባዉ አሳይ ኡባይ ጾሳ ጋላትያ ድራዉ፥ ኡንቱንታ ብሊደ የዴድኖ። 
\v 22 ሄ ሀርግያፐ ፓያ ማላታቱ አዉ ኦሰቴዳ ብታኒ የለቶደፐ ላይይ አዉ ኦይታሙዋፐ አዳ።
\s1 የሱስ ኪቴዳዋንቱነ ሀራ አማንያ አሳቱ ማ ዎደ ዎሴዳ ዎሳ
\p
\v 23 ጰጽሮስነ ዮሃንስ ብለቲደ፥ ባረንቱ ዳባቱዋኮ ቢደ፥ ቄሳቱዋ ካፓቱነ አይሁዳ ጭማቱ ባረንታ ጌዳባ ኡባ ኡንቱንቶ ኦዴድኖ። 
\v 24 ኡንቱንቱ ሄዋ ስሴዳ ዎደ፥ እት ዎዛና ግዲደ፥ ጾሳ ሀዋዳን ያጊደ ዎሴድኖ፤ “ኡባ ሞድያ ጎዳዉ፥ ሳሉዋ፥ ሳኣ፥ አባነ ኡንቱንቱ ግዶን ደእያ ኡባባ መዳዎ፥\x - \xo 4:24 \xo*\xt ከሳ 20:21፤ ናህ. 9:6፤ ማዝ. 146:6\xt*\x* 
\v 25 ኔን ነዉ ኦያ ኑ አዉዋ ዳዊተ ዶናን ጌሻ አያናን ሃሳያደ፥
\q1 “ ‘አይሁዳ ግደና አሳይ አያዉ ይሎቴዴ?
\q2 ቃይ አሳይ አያዉ ዳንበናባዉ ማቀቴዴ?
\q1
\v 26 ሳኣ ካታቱ ጊገቴድኖ፤
\q2 ጋድያ ሞድያዋንቱ ጎዳ ቦላንነ
\q1 እ ኦኬዳ ክርስቶሳ ቦላ እትፐ ደንዴድኖ’
\m ያጋደ ሃሳያዳ።\x - \xo 4:26 \xo*\xt 2:1-2\xt*\x*
\p
\v 27 “አያዉ ጎፐ፥ ሄሮድስነ ጰንጸናውያ ጵላጾስ አይሁዳ ግደና አሳናነ እስራኤልያ አሳና፥ ኔን ኦኬዳ ክርስቶሳ ነ ጌሻ ናኣ የሱሳ ቦላ ደንዳናዉ፥ ሀ ካታማን ሺቄዳዌ ቱማ። 
\v 28 ቃይ ኔን ነ ዎልቃንነ ነ ሸንያን ሀናና ጋደ ቆፓ ኡቴዳባ ኡባ ኦናዉ ሺቄድኖ። 
\v 29 ሀእካ ጎዳዉ፥ ኡንቱንቱ ናስያ ጼላ፤ ኑን ኔና ካልያዋንቱ፥ ነ ቃላ ኩመን ቆንጨተን ኦዳናዳን፥ ኑና ዳንዳይሳ። 
\v 30 ፓናዉ ነ ዎልቃ በሳ፤ ቃይ ነ ጌሻ ናኣ የሱሳ ሱንን ኦራባነ ማላታ ኦስሳ” ጊደ ዎሴድኖ።
\p
\v 31 ኡንቱንቱ ጾሳ ዎሴዳዋፐ ጉይያን፥ ሄ ኡንቱንቱ ሺቄዳሳይ ቃጼዳ። ኡንቱንቱ ኡባን ጌሻ አያናይ ኩምና፥ ጾሳ ቃላ ቆንጨተን ኦዴድኖ።
\s1 ኮይሮ አማኔዳ አሳቱዋ እትፐተ ደኡዋ
\p
\v 32 አማንያዋንቱ ኡባቱ ቆፋንነ ዎዛናን እቱዋ ግዴድኖ። ኡንቱንቱ መሂ ኡባይ እትፐ ደእያዋፐ አትን፥ ባረዉ ደኤዳባ ኦንነ ባረንቱባ ግቤና። 
\v 33 የሱስ ኪቴዳዋንቱ ጎዳ የሱስ ሀይቁዋፐ ደንዴዳዋ ዎልቃማ ዎልቃን ማርካቲኖ፤ ቃይ ጾሳይ ኡንቱንቶ ኡባዉ አ ኬካተ ዳርሲደ እሜዳ። 
\v 34 አማንያዋንቱ ግዶን መቶታንቻይ እቱነ ባዋ፤ አያዉ ጎፐ፥ ቢታይ ዎይ ጎሊ ደእያዋንቱ ኡባቱ ዛልኢደ፥ አኬዳ ሚሻ አሂደ፥ 
\v 35 የሱስ ኪቴዳዋንቶ እሚኖ፤ ሄ ሚሻይ አሳዉ ኮሽያዋዳን ሻከት፥ ሁጲያን ሁጲያን እመቴ።
\p
\v 36 ቆጲሮሳ ጌተትያ ሳን የለቴዳ ዮሴፎ ግያ ሌዊያ ዛሪ እቱ ደኤ፤ አ ሱን የሱስ ኪቴዳዋንቱ ባርናባሳ ጌድኖ። ሄዋ ብለይ “መንያ ናኣ” ግያዋ። 
\v 37 ባርናባስ ባረዉ ደእያ ጋድያ ዛልኤዳ ሚሻ አሂደ፥ የሱስ ኪቴዳዋንቶ እሜዳ።
\c 5
\s1 ሀናንያነ አ ማቻት ሳጲሮ
\p
\v 1 እት ሀናንያ ጌተትያ ብታኒ ባረ ማቻት ሳጲርና ጋድያ ዛልኤዳ። 
\v 2 ሄ ዛልኤዳ ሚሻፐ ባረ ማቻታ ኤርሽን አሺደ፥ አቶዋ የሱስ ኪቴዳዋንቶ እሜዳ።
\p
\v 3 ሽን ጰጽሮስ ሀናንያ፥ “ኔን ጌሻ አያና ጭማደ ነ ጋድያ ዛልኤዳ ሚሻፐ ሻካ አሻና ማላ፥ ጻላሂ ነ ዎዛናን አያዉ ገሌዴ? 
\v 4 ኔን ዛልአናፐ ካሰ ጋዲ ነዋ ግደኔ? ቃይ ኔን ዛልአ ስምናካ ሚሻይ ኔሳ ግደኔ? ያትና፥ ሀዋ ማላባ ኦናዉ አያዉ ነ ዎዛናን ቆፓዲ? ኔን ጾሳዉ ዎርዶቶዋፐ አትን፥ አሳዉ ዎርዶታበይካ” ያጌዳ።
\p
\v 5 ሀናኒ ሄ ቃላ ስሴዳ ኤለካ ኩንዲደ ሀይቂ አጌዳ፤ ሄዋ ስሴዳ ኡባይ ዳሮ ያዬዳ። 
\v 6 ዎዳላ አሳቱ ሶይ ገሊደ፥ አ አሃ ጻጺደ፥ ካረዉ ከስ አ ሞጌድኖ።
\p
\v 7 ሄዙ ሳተ ግዶዋፐ ጉይያን፥ ሀናንያ ማቻታ ሄዋ ኤረናን ደኣደ ገላዱ። 
\v 8 ጰጽሮስ እዞ፥ “ህንተንቱ ጋድያ ሀን ኬና ሚሻን ዛልኤድቴ? አነ ታዉ ኦዳ” ያጌዳ።
\p እዛ፥ “ኤ ሀን ኬና ሚሻን ዛልኤዶ” ያጋዱ።
\p
\v 9 ጰጽሮስ ምሽራቶ፥ “ኔንነ ነ አስናይ ጎዳ አያና ፓጫናዉ አያዉ ዞረቴድቴ? በአ፤ ነ አስና ሞጌዳ አሳቱ ካረን ደኢኖ፤ ነ አሃካ ኡንቱንቱ ካረ ከሳና” ያጌዳ።
\p
\v 10 ምሽራታ ሄ ማንእያን ጰጽሮሳ ገድያ ማታን ኩንዳደ ሀይቃ አጋዱ፤ ዎዳላ አሳቱ ገልያ ዎደ ሀይቄዳዉኖ ደሚደ፥ ካረ ከሴዳዋፐ ጉየ፥ እዝ አስና ዱፉዋ ማታን ሞጌድኖ። 
\v 11 አማንያ አሳ ኡባይነ ሄዋ ስሴዳ ሀራ አሳይ ኡባይ ዳሪ ያዬዳ።
\s1 የሱስ ኪቴዳዋንቱ ኩሽያን ኦሰቴዳ ኦራባቱዋነ ማላልስያዋንታ
\p
\v 12 የሱስ ኪቴዳዋንቱ ዳሮ ማላታነ ኦራባ አሳ ግዶን ኦኖ፤ አማንያ ኡባቱ ሶሎሞነ ባራንዳን እትፐ ሺቂኖ። 
\v 13 ሀራ አሳፐ ኡንቱንቱና ጋከታናዉ ሀራይ አቶ እቱነ ጻልቤና፤ ሽን አሳይ ኡንቱንታ ቦንቼ። 
\v 14 አማንያ አቱማ አሳይነ ማጫ አሳይ ካሰዋፐ ጮራይ ጎዳዉ ጉጀቴ። 
\v 15 ሄዋ ድራዉ፥ አሳይ ሀርጋንቻቱዋ ሻንቻማንነ ሳሌናን ቀር ቶኪደ፥ ጰጽሮስ ሄዋና አያ ዎደ ሀራይ አቶ፥ አዉ ኩዌንቶነ ኡንቱንቱፐ እቱዋ እቱዋ ቦላና አና ማላ፥ ካታማ ኦግያ ዶና ከሲደ ዎ። 
\v 16 ቃይ ጮራ አሳይ የሩሳላመ ማታን ደእያ ካታማቱዋፐ ሀርጋንቻቱዋነ ኢታ አያናን ኦይቀቴዳ አሳቱዋ አክ ዬድኖ፤ ኡባቱካ ፓጼድኖ።
\s1 የሱስ ኪቴዳዋንቱ ቦላ የደሳይ ደንዴዳ
\p
\v 17 ሄዋፐ ስምና ቄሳቱዋ ካፑነ አናና ደእያ ሳዱቃዋናቱ ኡባቱ የሱስ ኪቴዳዋንታ ዳሮ ቃናቲደ፥ ኡንቱንቱ ቦላ ደንዴድኖ። 
\v 18 ቃይ የሱስ ኪቴዳዋንታ ኦይቂደ፥ ኡባ አሳ ቃችያ ጎልያን የጌድኖ። 
\v 19 ሽን ጎዳ ኪታንቻይ ቃማ ቃሾ ጎለ ፐንግያ ዶዪደ፥ የሱስ ኪቴዳዋንታ ካረ ከሲደ፥ 
\v 20 “ህንተንቱ ቢደ፥ ጌሻ ጎልያን ኤቂደ፥ ሀ ኦራ ደኡዋ ቃላ ኡባ አሳዉ ኦድተ” ያጌዳ። 
\v 21 የሱስ ኪቴዳዋንቱ ሄዋ ስሴዳ ዎደ፥ ዎንቱማን ጌሻ ጎልያ ገሊደ፥ ታማርሳናዉ ዶሜድኖ።
\p ቃይ ቄሳቱዋ ካፑነ አናና ደእያዋንቱ ዪደ፥ ሺቄዳ አሳና እስራኤልያ ጭማቱዋ ኡባቱዋ እትፐ ጼሲደ፥ የሱስ ኪቴዳዋንታ ባረንቱ ስን አሀና ማላ፥ ዎታዳራቱዋ ቃሾ ጎለ ኪቴድኖ። 
\v 22-23 ሽን ዎታዳራቱ ቃሾ ጎለ ቢደ፥ የሱስ ኪቴዳዋንታ ደምበይክኖ፤ ጉየ ስሚደ ሺቄዳ አሳዉ፥ “ኑን ብያ ዎደ ቃሾ ጎለ ካርያ ዳሮ ምንስ ቃችና፥ ናግያዋንቱካ ፐንግያን ኤቄዳዋንታ ደሜዶ፤ ሽን ኑን ቃሾ ጎልያ ዶይያ ዎደ፥ ጎለ ጋርሳን ሀራይ አቶ እት አሳይነ ባዋ” ያጌድኖ። 
\v 24 ጌሻ ጎልያ ዎታዳራቱዋ ኪትያዌነ ቄሳቱዋ ካፓቱ ሄዋ ስሴዳ ዎደ፥ “ሀዌ ዋኑዋሻ? ቃይ ግድን አዬ ሀናንዴሻ?” ያጊደ ህርጌድኖ።
\p
\v 25 ሄዋፐ ጉይያን፥ እት ብታኒ ኡንቱንቱኮ ዪደ፥ “በእተ፤ ቃሾ ጎልያን ህንተ ቃቼዳ አሳቱ ጌሻ ጎልያን ኤቂደ፥ አሳ ታማርሲኖ” ያጊደ ኡንቱንቶ ኦዴዳ። 
\v 26 ጌሻ ጎልያ ዎታዳራቱዋ አዛዝያዌ ዎታዳራቱዋና ቢደ፥ የሱስ ኪቴዳዋንታ አሄዳ፤ ሽን ኡንቱንቱ ባረንታ አሳይ ሹቻን ጫዳናዋንታ ጊደ ያዬዳ ድራዉ፥ ኡንቱንታ ሎዳን አሄድኖ።
\p
\v 27 ኡንቱንቱ የሱስ ኪቴዳዋንታ አሂደ፥ ሄዋ ሺቄዳ ሻንጉዋ ስንን ኤስና፥ ቄሳቱዋ ካፑ ኡንቱንታ፥ 
\v 28 “ህንተንታ ኑን ሄ ብታንያ ሱንን ታማርሰና ማላ ምንሲደ አዛዝበይኮ? በእተ፤ ህንተ ትምርትያ የሩሳላመ ካታማ ኡባ ጋድታ፤ ቃይ ሄ ብታንያ ሸምፑዋን ኑና ኦይናዉ ቆፒታ!” ያጊደ ኦቼዳ።
\p
\v 29 ጰጽሮስነ የሱስ ኪቴዳ ሀራንቱ ዛሪደ ያጌድኖ፤ “ኑን አሳዉ አዛዘታናፐ ጾሳዉ አዛዘታናዉ በሴ። 
\v 30 ማስቃልያ ቦላ ምስማርያን ሽ ካቂደ፥ ህንተ ዎዳ የሱሳ ኑ አዎቱዋ ጾሳይ ሀይቁዋፐ ደንዳ፤ 
\v 31 እስራኤላቶ ናጋራፐ ስማነ ናጋራ አቶ ጉሳ የሱስ እማና ማላ፥ ጾሳይ ሞድያዋነ አሽያዋ አ ኦደ፥ ባረፐ ኡሸቻ ባጋን ቁ ቁ ኦዳ። 
\v 32 ሄዎ ኑን ማርካ፤ ቃይ ጾሳይ ባረዉ አዛዘትያዋንቶ እሜዳ ጌሻ አያናይካ ማርካ” ያጌድኖ።
\p
\v 33 ሺቄዳ አሳይ ሄዋ ስሴዳ ዎደ፥ ዳሮ ይሎቲደ፥ የሱስ ኪቴዳዋንታ ዎናዉ ቆፔድኖ። 
\v 34 ሽን አሳ ኡባን ዳሮ ቦንቼቴዳ ጋማልያላ ጌተትያ፥ ህግያ ታማርስያ እት ፓርሳዊ፥ ሺቁዋን ደንድ ኤቂደ፥ የሱስ ኪቴዳዋንቱ ጉ ዎድያ ካረ ከሳና ማላ 
\v 35 አዛዚደ ሄዋን ሺቄዳ አሳ ሀዋዳን ያጌዳ፤ “እስራኤልያ አሳቶ፥ ህንተ ሀ አሳቱዋ ኦና ቆፕያዋን ህንተንታ ናግተ። 
\v 36 አያዉ ጎፐ፥ ሀዋፐ ካሰ ዎድያን ተዎዳሳ ጌተትያዌ ባረና ዎልቃማ ጊደ ደንዴዳ፤ ደንድና ኦይዱ ጼቱ ግድያ አሳቱ አናና ጋከቴድኖ፤ ሽን አ ዎና፥ አ ካሌዳ ኡባቱካ ላለቲደ፥ ማደና አሳ ግዲደ አቴድኖ። 
\v 37 ሄዋፐ ጉይያን፥ አሳይ ፓይደትያ ዎደ፥ ጋሊላ ይሁዳይ ደንዲደ፥ ዳሮ አሳ ፓኑዋ ኦደ ካለዳ፤ ሽን አካ ዎና፥ አ ካሌዳ አሳይ ኡባይ ላለቴዳ።
\p
\v 38 “ሀእካ ታን ህንተንቶ ኦዳይ፤ ሀ አሳቱዋፐ ሻከትተ፤ ኡንቱንታ ቦቾፕተ። አያዉ ጎፐ፥ ሀ ቆፋይነ ሀ ኦሱ አሳይ ኦዳዋ ግዶፐ ያና። 
\v 39 ሽን ሀ ቆፋይነ ሀ ኦሱ ጾሳፐ ዬዳዋ ግዶፐ፥ ህንተ ኡንቱንታ ይሳናዉ ዳንዳይክታ፤ ኦን ኤር ሀዋ ሀኒደ ጾሳና ህንተ ኢተተናዳን” ያጌዳ።
\p
\v 40 ሄዋፐ ጉየ ሺቄዳ አሳይ ጋማልያላ ዞርያ አኪደ፥ የሱስ ኪቴዳዋንታ ጼሲደ፥ ልሱዋን ሾጭሴድኖ፤ ሄዋፐ ጉይያን ኡንቱንታ፥ “የሱሳ ሱን ላኤንዋ ኡባካ ደንፕተ” ግ ብሊደ የዴድኖ። 
\v 41 የሱሳ ሱን ድራዉ፥ ኡንቱንቱ ኡጋቲደ ዬላታናዉ በስያባ ቆፔዳ ድራዉ፥ ሻንጉዋ ስንፐ ናሸቲደ ከሴድኖ። 
\v 42 ኡንቱንቱ ኡባ ጋላስ ጌሻ ጎልያንነ አሳ ሶይን የሱስ፥ ክርስቶሳ ግዴዳዋ ታማርስያዋነ ኦድያዋ ያ ጉጄድኖ።
\c 6
\s1 ዎሳ ጎልያ ማድያ ላፑ አሳቱ ዶረቴድኖ
\p
\v 1 ሄ ዎደ፥ ካልያዋንቱ ፓይዱ ዳር ዳር ቢሽን፥ ግሪከ ቃላ ሃሳይያ አይሁዳቱነ ይሁዳን ደእያ አይሁዳቱ ዋላቀቴድኖ፤ አያዉ ጎፐ፥ ግሪከ ቃላ ሃሳይያ አይሁዳቱ፥ “ኡባ ጋላስ ግሸትያ ቁማን ኑ አስናይ ሀይቆ ማጫዋንቱ ናቀቲኖ” ያጌድኖ። 
\v 2 የሱስ ኪቴዳ ታማነ ላአቱ ዎሳ ጎለ አሳ ኡባ ጼሲደ፥ ሀዋዳን ያጌድኖ፤ “ኑን ጾሳ ቃላ ኦድያዋ አጊደ፥ ቁማ ግሻናዉ ኑዉ በሰና። 
\v 3 እሻቶ፥ ሎአ ጌተትያዋንታ ጌሻ አያናይነ አ ኤራተይ ኩሜዳ ላፑ አሳቱዋ ህንተ ግዶፐ ዶርተ፤ ኑን ቃይ ኡንቱንታ ሀ ኦሶ ሱንና። 
\v 4 ሽን ኑን ጾሳ ዎሳንነ ቃላ ኦዱዋን ምናና” ያጌድኖ።
\p
\v 5 የሱስ ኪቴዳዋንቱ ሃሳዬዳ ሃሳያይ አሳ ኡባ ናሸቼዳ፤ ሄዋፐ ጉየ፥ አማኑነ ጌሻ አያናይ ኩሜዳ እስጽፋኖሳ፥ ፕልጶሳ፥ ጵሮኮሮሳ፥ ንቃሮና፥ ጽሞና፥ ጳርሜናነ አይሁዳቱዋ አማኑዋን ገሌዳ አንጾክያ ኒቆላዎሳ ዶሬድኖ። 
\v 6 ያቲደ የሱስ ኪቴዳዋንቱ ስንን ኡንቱንታ ኤስና፥ የሱስ ኪቴዳዋንቱ ጾሳ ዎሴዳዋፐ ጉይያን፥ ባረንቱ ኩሽያ ኡንቱንቱ ቦላ ዎድኖ።
\p
\v 7 ጾሳ ቃላይ አክ አክ ቤዳ፤ ካልያዋንቱ ፓይዱዋን የሩሳላመን ዳርስ ዳር ዳር ቤዳ፤ ቃይ ጮራ ቄሳቱካ አማኔድኖ።
\s1 ዎሳ ጎልያ ካለያ እስጽፋኖስ ኦይቀቴዳ
\p
\v 8 አ ኬካተይነ ዎልቃይ ኩሜዳ እስጽፋኖስ፥ አሳ ግዶን ኦራባነ ዎልቃማ ማላታ ኦ። 
\v 9 አይለተፐ ከሴዳ አሳ ግያ አይሁዳ አማንያዋንቱፐ፥ ቀሬናፐ፥ እስክንድርያ አሳቱዋፐ፥ ክልቂያፐነ ኢስያፐ ዬዳ እት እት አሳቱ ደንዲደ፥ እስጽፋኖሳና ፓሉመቴድኖ። 
\v 10 ሽን እስጽፋኖስ አ ኤራተንነ አያናን ሃሳይያዋ ድጋናዉ ዳንዳይበይክኖ።
\p
\v 11 ሄ ዎደ ኡንቱንቱ፥ “ሙሴ ቦላነ ጾሳ ቦላ እ ቦርያ ቃላ ሃሳይሽን ስሴዶ” ግያ ዎርዶ አሳቱዋ ሻሜድኖ። 
\v 12 አሳ ኡባ፥ ጭማቱዋነ ሙሴ ህግያ ታማርስያዋንታ ሀንቀድኖ፤ እስጽፋኖሳኮ ዪደ አ ኦይቂደ፥ ሺቄዳ አሳኮ አህና፥ 
\v 13 አ ቦላ ጼሴዳ ዎርዶ ማርካቱ፥ “ሀ ብታኒ ሀ ጌሻ ጎልያነ ሙሴ ህግያ ቦርያዋ አዉደነ አገና። 
\v 14 አያዉ ጎፐ እ፥ ‘ሀዌ ናዝሬትያ የሱስ ሀ ጌሻ ጎልያ ኮላና፤ ሙሴ ኑዉ እሜዳ ህግያካ ላማና’ ያግሽን፥ ኑን ስሴዶ” ያጌድኖ።
\p
\v 15 ሺቁዋን ኡቴዳ አሳይ ኡባይ እስጽፋኖሳ አኬኪደ ጼልያ ዎደ፥ አ ሶምእ ኪታንቻ ሶምእያ ማላቴ።
\c 7
\s1 እስጽፋኖሳ ሃሳያ
\p
\v 1 ቄሳቱዋ ኡባቱዋ ካፑ እስጽፋኖሳ፥ “ሀዌ ቱሜ?” ያጊደ ኦቼዳ።
\p
\v 2 እስጽፋኖስ፥ “ታናዳን አማንያዋንቶ፥ ታ አዋቶ፥ ስስተ! ኑ አዉዋ አብራሃሞ ብሮ ካራነ ባናፐ ካሰ ማስጰጾምያን ደእሽን፥ ቦንቾ ጾሳይ አዉ ቤቲደ፥\x - \xo 7:2 \xo*\xt ዶመ 12:1\xt*\x* 
\v 3 ‘ነ ቢታፐነ ነ ዳባቱዋፐ ሻከታደ፥ ታን ኔና በስያ ጋድያ ባ’ ያጌዳ። 
\v 4 ሄ ዎደ አብራሃሞ ካላዳዋቱ ጋድያፐ ከሲደ፥ ካራነን ደአናዉ ቤዳ። አ አቡ ሀይቄዳዋፐ ጉይያን፥ ጾሳይ አ ሀ ጋደ ህንተ ሀእ ደኢያሳ አሄዳ።\x - \xo 7:4 \xo*\xt ዶመ 11:31፤ 12:4\xt*\x* 
\v 5 እ ሀ ጋድያፐ ሀራይ አቶ፥ ገድያን የያ ሳኣካ አብራሃሞ እምቤና፤ ሽን አዉ ናአይ ዮፐካ፥ ጾሳይ አ፥ ‘ታን ነዉነ ኔፐ ጉይያን፥ ነ ዘረዉ ሀ ጋድያ ላታ ኦደ እማና’ ያጌዳ።\x - \xo 7:5 \xo*\xt ዶመ 12:7፤ 13:15፤ 15:18፤ 17:8\xt*\x* 
\v 6 ጾሳይ አብራሃሞ፥ ‘ነ ዛራቱ ሀራ ጋድያን ደአና፤ ያን ኦይዱ ጼቱ ላይዉ ኡንቱንቱ አይለታናነ ናቀታና።\x - \xo 7:6-7 \xo*\xt ዶመ 15:13-14\xt*\x* 
\v 7 ሽን ታን ነ ዘረ ሞድያ አሳ ቦላ ፕርዳና፤ ሄዋፐ ጉይያን፥ ኡንቱንቱ ሄ ጋድያፐ ከሲደ፥ ሀዋን ታዉ ጎይናና’ ያጌዳ።\x - \xo 7:7 \xo*\xt ከሳ 3:12\xt*\x* 
\v 8 ጾሳይ አብራሃመ ዘረይ ቃጻረታና ማላ አናና ጫቂና፥ ይሳቃ እ የሊደ፥ ሆስፑን ጋላስ ቃጻሬዳ፤ ይሳቅ ያቆባ ቃጻርና፥ ቃይ ያቆብ ታማነ ላኡ አዎቱዋ ካፓቱዋ ቃጻሬዳ።\x - \xo 7:8 \xo*\xt ዶመ 17:10-14፤ 21:2-4፤ 25:26፤ 29:31—35:18\xt*\x*
\p
\v 9 “አዎቱዋ ካፓቱ ዮሴፎ ቃናቲደ፥ ግብጼ ጋድያዉ አይለታናዳን፥ አ ዛልኤድኖ፤ ሽን ጾሳይ አናና እትፐ ደኤ።\x - \xo 7:9 \xo*\xt ዶመ 37:11፣ 28፤ 39:2፣ 21\xt*\x* 
\v 10 ጾሳይ ዋይያ ኡባፐካ አ ከሴዳ፤ ቃይ ግብጼ ካትያ ስንንካ ናሹዋነ አ ኤራተ አዉ እሜዳ፤ ግብጼ ካቲ ዮሴፎዉ ግብጼ ጋድያነ ባረ ጎልያ ኡባ ሞዳናዳን፥ ሱንተ እሜዳ።\x - \xo 7:10 \xo*\xt ዶመ 41:39-41\xt*\x*
\p
\v 11 “ግብጼ ጋድያንነ ካናነ ጋድያን ኡባን ኮሻይ ገሊደ፥ ጮራ አሳ መቶዳ፤ ሄ ጋሱዋን ኑ አዎቱ ቁማ ደምበይክኖ።\x - \xo 7:11 \xo*\xt ዶመ 42:1-2\xt*\x* 
\v 12 ያቆብ ግብጼ ጋድያን ካይ ደእያዋ ስሲደ፥ ኑ አዎቱዋ ኮይሮ ያ የዴዳ። 
\v 13 ላኤንዋ ቡሳን ዮሴፎ ባረ እሻቶ ኤረቴዳ፤ ቃይ ግብጼ ካቲካ ዮሴፎ ዛርያ ኤሬዳ።\x - \xo 7:13 \xo*\xt ዶመ 45:1፣ 16\xt*\x* 
\v 14 ዮሴፎ ባረ አዉዋ ያቆብነ ባረ ዳቡ ኡባይ ሙለካ ላፑን ታማነ እቼሹ አሳይ ባረኮ ያና ማላ፥ ኪቲደ ጼግሴዳ።\x - \xo 7:14 \xo*\xt ዶመ 45:9-10፣ 17-18፤ 46:27\xt*\x* 
\v 15 ያቆብ ግብጼ ጋድያ ዎደ ሀይቄዳ፤ ኑ አዎቱካ ያን ሀይቄድኖ።\x - \xo 7:15 \xo*\xt ዶመ 46:1-7፤ 49:33\xt*\x* 
\v 16 ኡንቱንቱ አሃይ ሄዋፐ ሰኬማ ጌተትያ ጋድያ ቶከቲደ፥ ያን አብራሃሞ ሀሞራ ናናፐ ዳሮ ብራን ሻሜዳ ዱፉዋን ሞገቴዳ።\x - \xo 7:16 \xo*\xt ዶመ 23:3-16፤ 33:19፤ 50:7-13፤ ኢያሳ 24:32\xt*\x*
\p
\v 17-18 “ሽን ጾሳይ አብራሃሞ እማና ጌዳዌ ፖለትያ ዎዲ ጋካና ማትና፥ ዮሴፎ ኤረና ሀራ ካቲ ግብጼ ጋድያን ደንዳና ጋካናዉ፥ አሳይ ዳር ዳር ቤዳ።\x - \xo 7:17-18 \xo*\xt ከሳ 1:7-8\xt*\x* 
\v 19 ሄ ካቲ ኑ ዛርያ ጭሚደ፥ ጉ ናናይ ሀይቃና ማላ፥ ካረ ኡንቱንታ ከስ ኦላናዳን፥ ኑ አዎቱዋ ኡንኤዳ።\x - \xo 7:19 \xo*\xt ከሳ 1:10-11፣ 22\xt*\x*
\p
\v 20 “ሙሴ የለቴዳዌ ሄ ዎደ፤ ጾሳ ስንን እ ዳሮ ሎኦ ናኣ ግዴዳ፤ ባረ አዉዋ ጎልያን ሄዙ አገና ጋካናዉ ድጬዳ።\x - \xo 7:20 \xo*\xt ከሳ 2:2\xt*\x* 
\v 21 ሙሴ ዎራ ኦለቴዳ ዎደ፥ ግብጼ ካትያ ናታ ደማደ ባረ ናኣዳን አ ድቻዱ።\x - \xo 7:21 \xo*\xt ከሳ 2:3-10\xt*\x* 
\v 22 ሙሴ ግብጻቱዋ አ ኤራተ ኡባ ታማሪደ፥ ቃላንነ ኦሱዋን ዎልቃማ አሳ ግዴዳ።
\p
\v 23 “ሽን ሙሴዉ የለቶደፐ ላይይ ኦይታሙዋ ኩሜዳ ዎደ፥ ባረ እሻቱዋ፥ እስራኤልያ አሳቱዋ በአናዉ ባረ ዎዛናን ቆፔዳ።\x - \xo 7:23-29 \xo*\xt ከሳ 2:11-15\xt*\x* 
\v 24 እስራኤላቱዋፐ እቱዋ ግብጼፐ እቱ ናቂሽን በኢደ፥ ሄ እስራኤልያ ማዴዳ፤ ሄ ናቄዳ ግብጼ ብታንያ ዎደ፥ አ ሀሉዋ ከሴዳ። 
\v 25 ሙሴ ባረ እሻቱዋ ባረ ባጋና ጾሳይ አሻና ሀንያዋ ኡንቱንቱ አኬኬድኖ ጊደ ቆፔዳ፤ ሽን ኡንቱንቱ አኬክበይክኖ።
\p
\v 26 “ዎንተ ጋላስ ላኡ እስራኤልያ አሳቱ እቱ እቱዋና ዋትያዋንታ ደሚደ፥ ኡንቱንታ ስገናዉ ኮዪደ፥ ‘አሳቶ፥ እሻቱ ህንተንቱ አያዉ እቱ እቱዋ ናቂቴ?’ ያጌዳ።
\p
\v 27 “ሽን ሄ ባረ ሾሩዋ ናቂያዌ ሙሳ፥ ‘ኔና ኑ ቦላ ሞድያዋነ ዳና ኦደ፥ ሱንዳዌ ኦኔ? 
\v 28 ኔን ዝኖ ግብጼ ብታንያ ዎዳዋዳን፥ ታናካ ዎናዉ ኮያይ?’ ያጊደ፥ ሙሳ ካረዉ ሱግ የጌዳ። 
\v 29 ሙሴ ሄዋ ስሴዳ ዎደ ግብጼፐ ከሲደ፥ ምድያማ ጋድያን በተ ግድ ደኢደ፥ ላኡ አቱማ ናና ያን የሌዳ።\x - \xo 7:29 \xo*\xt ከሳ 18:3-4\xt*\x*
\p
\v 30 “ጎዳ ኪታንቻይ ኦይታሙ ላይፐ ጉይያን፥ ሲና ደርያ ማታን ደእያ ባዙዋ ቡራን ኤጽያ ታማ ላጩዋ ግዶን ሙሴዉ ቤቴዳ።\x - \xo 7:30-34 \xo*\xt ከሳ 3:1-10\xt*\x* 
\v 31-32 ሙሴ ባረ በኤዳዎ ማላለቲደ፥ አኬክ ጼላናዉ ቡራ ማታን እ ሺቅ ደእሽን፥ ጎዳ ቃላይ፥ ‘ታን ነ አዎቱዋ ጾሳ፥ አብራሃመ ጾሳ፥ ይሳቃ ጾሳ፥ ያቆባ ጾሳ’ ያጊደ ሙሴኮ ዬዳ። ሙሴ ያሻ ኮኮሪደ፥ ጼላናዉ ጻልቤና።
\p
\v 33 “ጎዳይ ሙሳ፥ ‘ኔን ኤቄዳ ቢታይ ጌሻ ግድያ ድራዉ፥ ነ ገድያን ደእያ ጫማካ ከሳ። 
\v 34 ታን ግብጼን ደእያ ታ አሳ ዋይያ ጌሻ በኣደ፥ ቃይ ኡንቱንቱ ኦልያካ ስሳደ፥ ኡንቱንታ አሻናዉ ዎአድ። ሀእ ሃያ። ታን ኔና ግብጼ ኪታና’ ያጌዳ።
\p
\v 35 “ሄ ሙሳ እስራኤላቱ፤ ‘ኔና ኑና ሞድያዋነ ዳና ኦደ ሱንዳዌ ኦኔ?’ ያጊደ እጼድኖ፤ ቡራ ግዶን አዉ ቤቴዳ ኪታንቻን ሞድያዋነ አሽያዋ ግዳና ማላ፥ ጾሳይ አ ኪቴዳ።\x - \xo 7:35 \xo*\xt ከሳ 2:14\xt*\x* 
\v 36 ሄ ሙሴ እስራኤላቱዋ ግብጼ ጋድያን ዞኦ አባንነ መላ ቢታን፥ ኦይታሙ ላይዉ ኦራባነ ማላታ ኦደ፥ ግብጼፐ ካለዳ።\x - \xo 7:36 \xo*\xt ከሳ 7:5፤ 14:21፤ ፓይ. 14:33\xt*\x*
\p
\v 37 “እስራኤልያ አሳዉ፥ ‘ጾሳይ ታና ደንዳዋዳን፥ ህንተ ዛርያ ግዶፐ ታ ማላ ናብያ ህንተንቶ ደንናዋ’ ያጌዳዌ ሄ ሙሳ።\x - \xo 7:37 \xo*\xt ዛረ. 18:15፣ 18\xt*\x* 
\v 38 እ እስራኤልያ አሳ ማባራና እትፐ መላ ቢታን ደኤዳዋ፤ እ ኑ አዎቱዋናነ ሲና ደርያ ቦላን ባረዉ ሃሳዬዳ ኪታንቻና እትፐ ደኤዳ። ያቲደ ጾሳፐ ደኡዋ ቃላ ኑዉ እማናዉ አኬዳ።\x - \xo 7:38 \xo*\xt ከሳ 19:1—20:17፤ ዛረ. 5:1-33\xt*\x*
\p
\v 39 “ሙሴዉ ኑ አዎቱ አዛዘታናዉ ዶስበይክኖ፤ ሽን ገደ አ ሱግ ኦሊደ፥ ጉየ ግብጼ ስማናዉ አሞቴድኖ። 
\v 40 ቃይ አሮና፥ ‘ኑና ካለያ ጾሳቱዋ ኑዉ መ፤ አያዉ ጎፐ፥ ሀ ኑና ግብጼፐ አሄዳ ሙሴ ዋኔደንቶ ኑን ኤሮኮ’ ያጌድኖ።\x - \xo 7:40 \xo*\xt ከሳ 32:1\xt*\x* 
\v 41 ሚዛ ማራ ማላትሲደ፥ ሄ ዎደ ኤቃ ኦድኖ፤ ሄ ኤቃዉ ያርሹዋ ያርሺደ፥ ባረንቱ ኩሺ ኦዳ ኦሱዋን ናሸቴድኖ።\x - \xo 7:41 \xo*\xt ከሳ 32:2-6\xt*\x* 
\v 42 ሽን ጾሳይ ኡንቱንቶ ዞክያ ዛሬዳ፤ ኡንቱንቱ ሳሉዋ ጾልንትያዉ ጎይናናዳን፥ ኡንቱንታ አጌዳ፤ ናባቱዋ ማጻፋን፥
\q1 “ ‘እስራኤልያ አሳቶ፥ ኦይታሙ ላይ፥
\q2 አሳይ ባይና ሳን ሹኬዳ መህያነ ያርሹዋ፥
\q2 ታዉ ያርሼድቴ?
\q1
\v 43 ህንተንቱ ህንተንቶ ጎይናናዉ
\q2 ኦዳ ኤቃቱዋ፥ ሞሎካ ዱንካንያነ
\q1 ረፋና ግያ ህንተ ጾሳ ጾልንትያ ቶኬድታ።
\q2 ታን ህንተንታ ባብሎነፐ
\q2 ህን ባጋ የዳና’
\m ጌተቲደ ጻፈቴዳ።\x - \xo 7:43 \xo*\xt አሞጻ 5:25-27\xt*\x*
\p
\v 44 “ሙሴ ባረ በኤዳዋ ማላትሲደ፥ ጎዳይ አዉ ኦዴዳዋዳን መዳ ማርካ ዱንካኒ ኑ አዋቶ መላ ቢታን ደኤ።\x - \xo 7:44 \xo*\xt ከሳ 25:9፣ 40\xt*\x* 
\v 45 ቃይ ኑ አዎቱ ዱንካንያ ባረንቱ አዎቱዋፐ ካላን አኪደ፥ ጾሳይ ካሰ የደርሴዳ አይሁዳ ግደና አሳ ቢታ ኦይቄዳ ዎደ፥ ኢያሱና ገልሴድኖ፤ ሄ ዱንካኒ ዳዊተ ደእያ ዎዲ ጋካናዉካ ሄዋን ደኤዳ።\x - \xo 7:45 \xo*\xt ኢያሳ 3:14-17\xt*\x* 
\v 46 ዳዊተ ጾሳን ሳበቴዳ፤ ቃይ ያቆባ፥ ጎዳይ ደአና ጎልያ ኬጻናዉ ጾሳ ዎሴዳ።\x - \xo 7:46 \xo*\xt 2 ሳሜላ 7:1-16፤ 1 ኦዱዋ 17:1-14\xt*\x* 
\v 47 ሽን አዉ ጎልያ ኬጼዳዌ ሶሎሞና።\x - \xo 7:47 \xo*\xt 1 ካታ. 6:1-38፤ 2 ኦዱዋ 3:1-17\xt*\x*
\p
\v 48-50 “ሽን ናቢ፥
\q1 “ ‘ጎዳይ፥ “ሳሉ ታ ካዉተ ኦይድያ፤
\q2 ሳአይካ ታ ገዲ የያ ሳ።
\q1 ያትና፥ ታዉ አያ ማላ ጎልያ ኬጻንቴ?
\q2 ዎይ ታን ሸምፓናሳይ ሀቃኔ?
\q1 ሀ ኡባባ ታ ኩሽያን መበይክታ?” ያጌ’
\m ጌዳዋዳን፥ ኡባፐ ቦላ ጾሳይ አሳይ ኬጼዳ ጎልያን ደኤና።\x - \xo 7:48-50 \xo*\xt ኢሳ. 66:1-2\xt*\x*
\p
\v 51 “ህንተንቱ አይበ ሞርጊ ምኖ አሴ? ህንተንቱ ዎዛናይ ጾሳ ቃላ አካናዉ አይበ ዳሜዳዌ? ህንተንቱ ሀይይካ ዋን ቱሌዴ? ኡባ ዎደ ጌሻ አያናዉ አዛዘተናን እጺታ።\x - \xo 7:51 \xo*\xt ኢሳ. 63:10\xt*\x* 
\v 52-53 ናባቱዋን ህንተንቱ አዎቱ የደርስቤናዌ ኦኔ? ጾሳ ናአይ ጽሉ ያናዋ ካሰቲደ ኦዴዳዋንታካ ዎድኖ። ሀእ ህንተንቱካ ኪታንቻቱዋ ኩሽያፐ ጾሳ ህግያ አኪደ አዛዘትቤናዋንቱ፥ ጽሉዋ አ እሚደ ዎድታ” ያጌዳ።
\s1 እስጽፋኖሳ ሹቻን ደቺደ ዎድኖ
\p
\v 54 ኡንቱንቱ ሄዋ ስሴዳ ዎደ፥ ባረንቱ ዎዛናን እስጽፋኖሳዉ ዳሮ ይሎቲደ፥ ባረንቱ መተርሻ ሳኢደ ናሴድኖ። 
\v 55 ሽን እስጽፋኖስ ባረናን ጌሻ አያናይ ኩምና፥ ሳሉዋ ፑደ ጫድ ጼሊደ፥ ጾሳ ቦንቹዋነ የሱስ ጾሳፐ ኡሸቻ ባጋን ኤቄዳዋ በኤዳ። 
\v 56 ያቲደ፥ “ጼልተ፥ ታን ሳሉ ዶየትና፥ አሳ ናአይ ጾሳፐ ኡሸቻ ባጋን ኤቄዳዋ በአይ” ያጌዳ።
\p
\v 57 ኮሻ ቁ ኦ ዋሲደ፥ ባረንቱ ሀይ ቱጪደ፥ እትፐ ግድ አኮ ዎጼድኖ። 
\v 58 ካታማፐ ጋጻ አ ከሲደ፥ ሹቻን ጫዴድኖ። ማርካቱካ ባረንቱ ማዩዋ ከሲደ፥ እት ሳኦላ ጌተትያ ዎዳላ ማታን ዎድኖ።
\p
\v 59 እስጽፋኖስ፥ “ታ ጎዳ የሱሳ፥ ታ ሸምፑዋ አካ” ያጊደ ጼግሽን፥ ኡንቱንቱ ሹቻን አ ደቺኖ። 
\v 60 ሄ ዎደ እ ጉልባቲደ፥ ባረ ኮሻ ቁ ኦደ፥ “ታ ጎዳዉ፥ ሀ ናጋራ ኡንቱንቶ አቶ ጋ” ያጌዳ። ሄዋ ጊነ ሀይቂ አጌዳ።
\c 8
\s1 ሳኦል አማንያ አሳ የደርሴዳ
\p
\v 1 ሳኦል እስጽፋኖሰ ሀይቁ ሎአ ግ አኬዳ። ሄ ጋላስ የሩሳላመን ደእያ አማንያዋንቱ ቦላ ዎልቃማ የደርሱ ደንዴዳ፤ የሱስ ኪቴዳዋንቱፐ አትን፥ አማንያዋንቱ ኡባቱ ይሁዳ ጋድያንነ ሳማርያ ጋድያን ላለቴድኖ። 
\v 2 ጾሳ አሳቱ እስጽፋኖሳ ሞጌድኖ፤ ቃይ አዉ ዳሮ ዬኬድኖ። 
\v 3 ሽን ሳኦል አማንያ አሳ ይሳናዉ ባጸቴ፤ ኡባ ጎልያ ገል ገሊደ፥ አቱማ አሳነ ማጫ አሳ ጎች ጎቺደ፥ ቃሾ ጎለ የዴ።
\s1 ዎንጋላ ምሽራቹ ሳማርያን ኦደቴዳ
\p
\v 4 ላለቴዳ አማንያዋንቱ ቃላ ኦዲደ፥ ኡባሳ ቤድኖ። 
\v 5 ፕልጶስ ሳማርያ ካታማ ዎደ፥ ክርስቶሳባ አሳዉ ኦዴዳ። 
\v 6 ጮራ አሳይ ፕልጶስ ጌዳዋ ዳርስ አኬኪደ ስሴዳ፤ እ ኦያ ማላታካ በኤዳ። 
\v 7 አያዉ ጎፐ፥ ኢታ አያናቱ ኮሻ ቁ ኦ ሃሳዪደ፥ ጮራ አሳፐ ከሴድኖ፤ ቃይ ጮራ ስሌዳዋንቱነ ዎባቱ ፓጼድኖ። 
\v 8 ሄ ካታማን አሳይ ዳሮ ናሸቴዳ።
\p
\v 9 ሽን ስሞና ጌተትያ እት ብታኒ ካሰ፥ ባረና ዎልቃማ ግ ካዪድ፥ ሳማርያ አሳ፥ “ላ ሀዌ አይበ ኦራቤ” ጊሲደ ሄ ካታማን ደኤዳ። 
\v 10 ጉተፐ ዶሚደ፥ ዎጋተ ጋካናዉ፥ አሳይ ኡባይ፥ “ጾሳ ዎልቃይ ዳሮ ዎልቃማይ ሀዋ” ጊደ አባ ስሴ። 
\v 11 ዳሮ ዎድያፐ ዶሚደ፥ ካዩዋን ሳማርያ አሳ “ላ ሀዌ አይባ ኦራቤ” ጊሴዳ ድራዉ፥ አሳይ አባ ስሴ። 
\v 12 ሽን ፕልጶስ ጾሳ ካዉተባነ የሱስ ክርስቶሳ ሱንባ አቱማዋንቶነ ማጫዋንቶ ምሽራቹዋ ኦዲደ፥ ኡንቱንቱ አባ አማኒደ ጻማቀቴድኖ። 
\v 13 ቃይ ስሞንካ ባረ ሁጰዉ አማኒደ ጻማቀቴዳዋፐ ጉይያን፥ ፕልጶሳና እትፐ ደኢደ፥ ኦሰትያ ማላታነ ጾሳይ ኦዳ ዎልቃማ ማላታ በኢደ ማላለቴዳ።
\p
\v 14 የሱስ ኪቴዳ የሩሳላመን ደእያዋንቱ፥ ሳማርያ አሳይ ጾሳ ቃላ አኬዳዋ ስሴዳ ዎደ፥ ጰጽሮሳነ ዮሃንሳ ኡንቱንቱኮ የዴድኖ። 
\v 15 ጰጽሮስነ ዮሃንስ ዎደ፥ አማንያዋንቱ ጌሻ አያና አካና ማላ፥ ኡንቱንቶ ጾሳ ዎሴድኖ፤ 
\v 16 አያዉ ጎፐ፥ ሳማርያ አሳቱ ጎዳ የሱሳ ሱንን ጽንቃታ ጻላላ ጻማቀቴዳዋፐ አትን፥ ኡንቱንቱፐ እቱዋ ቦላንነ ጌሻ አያናይ ዎቤና። 
\v 17 ሄ ዎደ ጰጽሮስነ ዮሃንስ ባረንቱ ኩሽያ ኡንቱንቱ ቦላ ዎዋፐ ጉይያን ኡንቱንቱ ጌሻ አያና አኬድኖ።
\p
\v 18 የሱስ ኪቴዳዋንቱ ባረንቱ ኩሽያ ኡንቱንቱ ቦላ ዎና፥ ኡንቱንቶ ጌሻ አያናይ እመቴዳዋ ስሞን በኤዳ ዎደ፥ ጰጽሮሳስነ ዮሃንሳዉ ሚሻ አሂደ፥ 
\v 19 “ታንካ ታ ኩሽያ ዎያ ኡባይ ጌሻ አያና አካና ማላ፥ ሀ ማታ ታዉካ እሜርክቴ” ያጌዳ።
\p
\v 20 ሽን ጰጽሮስ አዉ ሀዋዳን ያጌዳ፤ “ኔን ጾሳ እሞታ ሚሻን ሻማናዉ ቆፔዳ ድራዉ፥ ነ ሚሻይ ኔናና ጮ ዮ። 
\v 21 ነ ዎዛናይ ጾሳ ስንን ሱረ ግደና ድራዉ፥ ነዉ ሀዋን ግሹ ባዋ። 
\v 22 ያቶዋፐ ጉይያን ሀ ነ ዎዛና ኢታ ቆፋ ድራዉ፥ ናጋራፐ ስማ፤ ኦን ኤር ነ ዎዛናን ደእያ ኢታ ቆፋ ጾሳይ አቶ ጋነንቶነ ጾሳ ዎሳ። 
\v 23 አያዉ ጎፐ፥ ኔን ዳሮ ቃናትያ ኦይቃደ ናጋራ ቃሹዋን ደእያዋ ታን በአይ” ያጌዳ።
\p
\v 24 ሄዋፐ ጉየ ስሞን ጰጽሮሳስነ ዮሃንሳዉ ዛሪደ፥ “ህንተንቱ ጌዳዋፐ እትባይነ ታና ጋከና ማላ፥ ህንተ ታዉ ጾሳ ዎስተ” ያጌዳ።
\p
\v 25 ጰጽሮስነ ዮሃንስ ማርካቴዳዋፐነ ጎዳ ቃላ ኦዴዳዋፐ ጉይያን፥ ጉየ የሩሳላመ ስሜድኖ፤ ያቲደ ሳማርያን ደእያ ዳሮ ቄር ካታማቱዋን ምሽራቹዋ ቃላ ኦዴድኖ።
\s1 ፕልጶስ ቶጵያ አሳ ግዴዳ ሹፋ ጻማቄዳ
\p
\v 26 ጎዳ ኪታንቻይ ፕልጶሳ፥ “ደንዳደ የሩሳላመፐ ጋዛ አፍያ አስ ባይና መላ ሳኣ ኦግያኮ ባ፤ ሄ ኦጊ አዋይ ከስያሳ ጼልያ ዎደ ኡሸቻ ዱገሃ ባጋና ደኤ” ያጌዳ። 
\v 27 ፕልጶስ ደንዲደ ቤዳ። ህንደኮ ጌተትያ ቶጵያ ካታትዉ ቢታ ሞድያ እ ሚሻ ኡባካ ናግያ ቶጵያ አሳ ግዴዳ እት ሹፋይ ደእያዌ ጎይናናዉ የሩሳላመ ቤዳ። 
\v 28 ፓራይ ጎችያ ጋርያን ኡቲደ፥ የሩሳላመፐ ጉየ ስሚደ፥ ናብያ ኢስያሳ ማጻፋ ናባቤ።
\p
\v 29 ጌሻ አያናይ ፕልጶሳ፥ “ሄ ጋርያኮ ሺቃደ እትፐ ግዳ” ያጌዳ።
\p
\v 30 ፕልጶስ ዎጽ ዪደ፥ ናብያ ኢስያሳ ማጻፋ ሹፋይ ናባብሽን ስሲደ አ፥ “ኔን ናባብያዋ አኬካይ?” ያጌዳ።
\p
\v 31 ሹፋይ፥ “ታዉ ኦዲደ አኬክስያ አሳይ ባይናን ዋኒደ አኬከቲ?” ያጌዳ፤ ቃይ ባረናና ጋርያን ከሲደ ኡታና ማላ፥ ፕልጶሳ ዎሴዳ። 
\v 32 ሹፋይ ናባብያ ማጻፋይ፥
\q1 “ዶርሳዳን እ ሹከታናዉ ላገቴ።
\q2 ዶርሳ ማራይ ባረ እስክያ
\q2 ቃንጽያዋ ስንን ጮኡ ግያዋዳን፥
\q2 እካ ባረ ዶና ፖክቤና።
\q1
\v 33 እ ካዉሼዳዋዳን አዉ ጽሎ ፕርዳይ ዬዳ።
\q2 የሱሳ ደኡ ሀ ሳኣፐ ፑደ አከት ድጌዳ ድራዉ፥
\q1 አ ዛርያባ ኦኔ ኦዳናዌ?”
\m ያጌዳ።\x - \xo 8:33 \xo*\xt ኢሳ. 53:7-8\xt*\x*
\p
\v 34 ሹፋይ ዛሪደ ፕልጶሳዉ፥ “ናቢ ሀዋ ኦዋ ኦዲ? ባረባ ኦድዬ ዎይ ሀራ አሳባ ኦዲ? ታዉ ኦዳርኪ” ያጌዳ። 
\v 35 ፕልጶስ ዛሪደ፥ ጾሳ ማጻፋ እ ናባብያሳፐ ዶሚደ፥ የሱሳባ ምሽራቹዋ ቃላ አዉ ኦዴዳ።
\p
\v 36 ኡንቱንቱ ኦግያ ኦይቂ ቢደ፥ ሃይ ደኢያሳ ጋኬድኖ፤ ሹፋይ፥ “ሃ ሀዋ በአ፤ ጻማቀትያዋ ታና ድግያዌ አዬ?” ያጌዳ።
\p
\v 37 ፕልጶስ አ፥ “ኔን ነ ኩመን ዎዛናፐ አማኖፐ፥ ዳንዳያ” ያጌዳ።
\p እ ዛሪደ፥ “የሱስ ክርስቶስ ጾሳ ናኣ ግድያዋ ታን አማናይ” ያጌዳ።
\p
\v 38 ጋር ኤቃና ማላ ሹፋይ አዛዝና፥ እነ ፕልጶስ ላአቱ ዱገ ዎደ፥ ሃን ገልና ፕልጶስ አ ጻማቄዳ። 
\v 39 ኡንቱንቱ ሃፐ ጋጻ ከሴዳ ዎደ፥ ጎዳ አያናይ ፕልጶሳ ልጵ ኦደ፥ አፍ አጌዳ፤ ላኤንዋ ሹፋይ ፕልጶሳ በእቤና፤ ሽን ባረ ኦግያ ናሸቲደ ቤዳ። 
\v 40 ፕልጶስ ባረ ሁጰዉ አዞጾሳን ደእያዋ ኤሬዳ፤ ቃይ ቂሳርያ ያና ጋካናዉካ፥ ካታማ ኡባን ዩዪደ ምሽራቹዋ ቃላ ኦዴ።
\c 9
\s1 ሳኦል ክርስቶሳን አማኔዳ
\r (22:6-16፤ 26:12-18)
\p
\v 1 ሽን ሳኦል ጎዳ ካልያዋንታ ዎናዉ ማንዲደ፥ ቄሳቱዋ ኡባቱዋ ካፑዋኮ ቤዳ። 
\v 2 ያቲደ ጎዳ ኦግያ ካልያ አሳቱዋ ማጫዋንታነ አቱማዋንታ ደሞፐ፥ ቃቺደ የሩሳላመ አሀናዉ፥ ዳማስቆን ደእያ አይሁዳ ዎሳ ጎለቶ ዳብዳቢያ ጻፋናዉ አ ዎሴዳ።
\p
\v 3 እ ቢደ፥ ዳማስቆ ካታማ ጋካና ማቶደ፥ ቆፐናን ሳሉዋፐ ዎልቃማ ፖኡ አ ዩሹዋ ኡባን ፖኤዳ። 
\v 4 ሳኦል ሳኣን ኩንድ ኡትና፥ “ሳኦላ ሳኦላ፥ አያዉ ታና ዋይሳይ?” ግያ ቃላ ስሴዳ።
\p
\v 5 ሳኦል፥ “ታ ጎዳዉ፥ ኔን ኦኔ?” ያጊደ ኦቼዳ።
\p የሱስካ፥ “ታን ኔን የደርሳደ ደእያ የሱሳ” ያጌዳ።
\p
\v 6 ሽን ሳኦል ኮኮሪድነ ማላለቲደ፥ “ታ ጎዳዉ፥ ታን አያ ኦናዳን ኮያይ?” ያጌዳ።
\p ጎዳይ አ፥ “ደንዳደ ካታማ ገላ፤ ኔን ኦናዉ በስያባይ ነዉ ያን ኦደታናዋ” ያጌዳ።
\p
\v 7 ሳኦላና ኦግያን ብያ አሳቱ አይነ ሃሳየናን ኤቂ አጊደ፥ ኮሻ ስሲኖ፤ ሽን ኦናነ በእበይክኖ። 
\v 8 ሳኦል ሳኣፐ ደንድና፥ አ አይፊ ዶየቴዳ ዎደ፥ አይነ ጼላናዉ ዳንዳይቤና፤ ሄዋ ድራዉ፥ ኡንቱንቱ አ ኩሽያ ኦይቂ ጎቺደ፥ ዳማስቆ ገልሴድኖ። 
\v 9 ሄዙ ጋላሳ ጋካናዉካ እ ጼልቤና፤ አይነ ምቤና፤ አያኔካ ኡሽቤና።
\p
\v 10 ዳማስቆን እት ሀናንያ ግያ ካልያዌ ደኤ፤ ጎዳይ ሳጻን አ፥ “ሀናነዉ” ያጌዳ።
\p ሀናኒ፥ “ታ ጎዳዉ፥ ሀዋን ደአይ” ያጌዳ።
\p
\v 11 ጎዳይ አ፥ “ደንዳደ ሱረ ጌተትያ ኦግያ ባደ፥ ይሁዳ ሶይን እት ሳኦላ ግያ ጸርሴሰፐ ዬዳ ብታንያ ኮያ፤ አያዉ ጎፐ፥ እ ዎሴ። 
\v 12 ቃይ ሀናንያ ግያ ብታኒ ገሊደ፥ ሳኦል ላኤንዋ ጼላናዳን፥ ባረ ኩሽያ አ ቦላ ዎያዋ ሳጻን በኤዳ” ያጌዳ።
\p
\v 13 ሀናኒ ዛሪደ፥ “ታ ጎዳዉ፥ የሩሳላመን ነ ጌሻ አሳ ቦላ ሄ ብታኒ አይ ኬና ኢታባ ኦደንቶ፥ ታን ዳሮ አሳፐ ስሳድ። 
\v 14 ቃይ ዳማስቆን ነ ሱን ጼስያዋንታ ኡባ ቃቻናዉ፥ ቄሳቱዋ ካፓቱ አዉ ማታ እሜድኖ” ያጌዳ።
\p
\v 15 ሽን ጎዳይ አ፥ “ሳኦል አይሁዳ ግደና አሳ ስንን፥ ካታቱዋ ስንንነ እስራኤልያ አሳ ስንን፥ ታ ሱን ኤርሳናዉነ ታዉ ኦናዳን ዶረቴዳ ሚሻ ግድያ ድራዉ፥ ኔን ባ። 
\v 16 አያዉ ጎፐ፥ ታ ሱን ድራዉ፥ እ አይ ኬና ዋየታናዉ በስንቶ፥ ታን አ በሳና” ያጌዳ።
\p
\v 17 ሀናኒ ቢደ፥ ሶይ ገሊደ፥ ባረ ኩሽያ ሳኦላ ቦላ ዎደ፥ “ታ እሻዉ ሳኦላ፥ ኔን ይያ ኦግያን ነዉ ቤቴዳ የሱስ፥ ኔን ጼላና ማላነ ጌሻ አያናይ ኔናን ኩማና ማላ፥ ታና ኪቴዳ” ያጌዳ። 
\v 18 ኤለካ፥ አየንቶ ፖቁዋ ማላይ ሳኦላ አይፍያፐ ዎና፥ ሳኦል ላኤንዋ ጼሌዳ፤ ቃይ ደንዲደ ጻማቀቴዳ። 
\v 19 ቁማ ሚደ ምነት፥ ዳማስቆን ደእያ ካልያዋንቱና አማሬዳ ጋላሳ ጋምኤዳ።
\s1 ሳኦል ዳማስቆን ታማርሴዳ
\p
\v 20 ኤለካ፥ “የሱስ ክርስቶስ ጾሳ ናኣ” ያጊደ፥ አይሁዳ ዎሳ ጎለቱዋን ቃላ ኦዴዳ።
\p
\v 21 ሄዋ ስሴዳ ኡባይ ማላለቲደ፥ “ሀዌ የሩሳላመን የሱሳ ሱን ጼስያዋንታ ይስያዋ ግደኔ? ቃይ ኡንቱንታ ቃቺደ፥ ቄሳቱዋ ካፓቱዋ ስን አፋናዉ ይቤኔየ?” ያጌድኖ።
\p
\v 22 ሽን ሳኦል ቃላ ኦድያ ኦዱ ምን ምን ቤዳ፤ የሱስ ቃይ ክርስቶሳ ግድያዋካ እ አኬክሲደ ኦዴዳ ድራዉ፥ ዳማስቆን ደእያ አይሁዳቱ አዉ ዛርያዋ ዬድኖ።
\p
\v 23 ጮራ ጋላሳፐ ጉይያን፥ አይሁዳቱ ሺቂደ፥ ሳኦላ ዎናዉ ዞረቴድኖ። 
\v 24 ሽን አይሁዳቱ ባረና ዎናዉ ቆፖዋ ሳኦል ስሴዳ፤ ኡንቱንቱ አ ዎናዉ ቃማነ ጋላስ ካታማ ፐንግያ ናጊኖ። 
\v 25 ሽን ካልያዋንታ አ ቃማ አፊደ፥ ድርሳ ሁጲያና ቁንኣን ዱገ ዎድኖ።
\s1 ሳኦል የሩሳላመን ታማርሴዳ
\p
\v 26 ሳኦል የሩሳላመ ጋኬዳ ዎደ፥ ካልያዋንቱና እትፐ ጋከታናዉ ሺቅ በኤዳ፤ ሽን ካልያዋ እ ግዴዳዋ ኡባይ አማነናን እጺደ፥ አዉ ያዬድኖ። 
\v 27 ሽን ባርናባስ ሳኦላ የሱስ ኪቴዳዋንቱኮ አፌዳ፤ ኦግያን ጎዳ እ ዋኒደ በኤደንቶ፥ አዉ ጎዳይ ዎት ሃሳዬደንቶነ ቃይ ሳኦል ዳማስቆን የሱሳ ሱንን ያየናን ዎት ቃላ ኦዴደንቶ፥ ኡንቱንቶ ጌሺደ ኦዴዳ። 
\v 28 ሳኦል የሩሳላመን ዩዪደነ ጎዳ የሱሳ ሱንን ያየናን ቃላ ኦዲደ፥ የሱስ ኪቴዳዋንቱና እትፐ ደኤዳ። 
\v 29 ቃይ ሳኦል ግሪከ ቃላ ሃሳይያ አይሁዳቱዋና ሃሳዬነ ፓሉመቴ፤ ሽን ኡንቱንቱ አ ዎናዉ ኮዬድኖ። 
\v 30 እሻቱ ሄዋ ስሲደ፥ ሳኦላ ዱገ ቂሳርያ አፊደ፥ ጸርሴሰ የዴድኖ።
\p
\v 31 ይሁዳን፥ ጋሊላንነ ሳማርያን ኡባን ደእያ አማንያ አሳቱ ሳሮተን ደኤድኖ፤ ቃይ ምኔድኖ፤ ጎዳዉ ያይያዋንነ ጌሻ አያና ማዱዋን ጌመቲደ፥ ፓይዱዋንካ ዳር ዳር ቤድኖ።
\s1 ጰጽሮስ ሊድያንነ ዮጰን ታማርሴዳ
\p
\v 32 ጰጽሮስ ኡባ ሳን ዩዪደ፥ ሊዳን ደእያ ጌሻ አሳቱዋኮ ቃይ ዎዳ። 
\v 33 ያቲደ ሄዋን ሆስፑን ላይ ስሊደ፥ አርሳን ግሲደ ደእያ እት ኤንያ ግያ ብታንያ ደሜዳ። 
\v 34 ጰጽሮስ ኤንያ፥ “ኤናዉ፥ የሱስ ክርስቶስ ኔና ፓ፤ ደንዳደ ነ ሂጻ የጋ”\f + \fr 9:34 \fr*\fk ሂጻ የጋ፦ \fk*\ft ሀዋ ጉሳይ ሜተትያባ ጊግሳ ጉሳ።\ft*\f* ያጌዳ። ሄዋፐ ጉየ ኤለካ ደንድ ኤቄዳ። 
\v 35 ሊዳንነ ሳሮናን ደእያ አሳይ ኡባይ ኤንያ በኢደ፥ ጎዳኮ ስሜድኖ።
\p
\v 36 ዮጰ ካታማን እት ጻቢቶ ጌተትያ አማነዉና ደአዉ፤ ጻቢቶ ጉሳይ ግሪከ ቃላን ዶርቆ ግያዋ። እዛ ባረ ደኤዳ ዎድያ ኡባን ሎኦባ ኦደነ ህዬሳ ማዳደ ደአዉ። 
\v 37 ሄ ዎደ እዛ ሀርጋደ ሀይቂና፥ አሳይ እዝ አሃ ሜጪደ፥ ፖእያ ፑደ ከሲደ ግስሴዳ። 
\v 38 ሊዳይ ዮጰዉ ማታ፤ ካልያዋንቱ ጰጽሮስ ሊድያን ደእያዋ ዮጰን ስሲደ፥ “ሀያና ኑኮ ኤለካ ያርኪ” ያግያ ኪታ ላኡ አሳቱዋ ቦላ አኮ ኪቴድኖ።
\p
\v 39 ሄዋፐ ጉየ ጰጽሮስ ደንዲደ፥ ኡንቱንቱና ብ ጋክና፥ ፖቅያ ፑደ አ ከሲደ፥ ክፍልያ ገልሴድኖ። አስን ባይና አምኤ ማጫዋንቱ ኡባይ ዬኪደነ ዶርቃ ኡንቱንቱና ደእያ ዎደ ኦዳ ቃምሻቱዋነ ማያቱዋ ኡባ ጰጽሮሳ በሲደ፥ አ ዩሹዋን ዩይ አደ ኤቄድኖ። 
\v 40 ጰጽሮስ ኡንቱንታ ኡባ ካረ ከሲደ፥ ጉልባት ጾሳ ዎሴዳ፤ ቃይ አሃኮ ስሚደ፥ “ጻቢቴ፥ ደንዳ” ያጌዳ፤ ጻቢታካ ባረ አይፍያ ዶያ ጰጽሮሳ በኣደ፥ ቃ ኡታዱ። 
\v 41 ጰጽሮስ እዞ ባረ ኩሽያን ማዲደ፥ ደን ኤሴዳ፤ ሄዋፐ ጉይያን፥ አማንያዋንታነ አስን ባይና አምኤ ማጫዋንታ ጼሲደ፥ ፓጼዳዉኖ ኡንቱንቶ እሜዳ።
\p
\v 42 ሀ የዉ ዮጰ ካታማ ኡባን ላለትና ጮራ አሳይ ጎዳ አማኔድኖ። 
\v 43 ጰጽሮስ ዮጰን እት ስሞና ግያ ጋልባ ቃጭያዋና ዳሮ ዎድያ ጋምኤዳ።
\c 10
\s1 ጰጽሮሳነ ቆርነልዮሳ
\p
\v 1 ቂሳርያን “ጻላቱዋ ኦላ አሳቱዋ” ጌተትያ ኦላንቻቶ እት ጼታቱዋ ካፑ ቆርነልዮሳ ግያዌ ደኤ። 
\v 2 ቆርነልዮስ ጾሳ ሎይደ አማንያ አሳነ፥ ባረ ሶይ አሳ ኡባና እትፐ ጾሳዉ ጎይንያ አሳ፤ አይሁዳ ህዬሳካ እ ዳሮ ማዴ፤ ቃይ ጾሳ ኡባ ዎደ ዎሴ። 
\v 3 እት ጋላስ ኡዱፑ ሳትያ ሄራን፥ “ቆርነልዮሳ” ጊደ ጼስያ ጾሳ ኪታንቻይ ባረኮ ገልሽን፥ ቆርነልዮስ ሳጻን ጌሺደ በኤዳ።
\p
\v 4 ቆርነልዮስ ያዪደ፥ ኪታንቻ ጫድ ጼሊደ፥ “ታ ጎዳዉ፥ እ አዬ?” ያጌዳ።
\p ኪታንቻይ ዛሪደ፥ ሀዋዳን ያጌዳ፤ “ነ ዎሳይነ ኔን ህዬሳ ማድያዌ ጾሳ ስንን ሀሳየታናዉ ሳሉዋ ቤዳ። 
\v 5 ሀእ ዮጰ አሳ ኪታደ፥ ጰጽሮሳ ጌተትያ ስሞና አህሳ። 
\v 6 ጰጽሮስ አባ ዶናን ደእያ ጋልባ ቃጭያ ስሞና ጎለን እማተን ኡቴዳ፤ ኔን ኦናዉ በስያዋ እ ነዉ ኦዳናዋ” ያጌዳ።
\p
\v 7 ቆርነልዮስ ባረዉ ኦዴዳ ኪታንቻይ ቢና፥ ባረ ቆማቱዋፐ ላአቱዋነ ጾሳዉ ጎይንያ ባረፐ ሻከተና ዎታዳራቱዋፐ እቱዋ ጼሲደ፥ 
\v 8 ኡንቱንቶ ኡባባ ኦዲደ፥ ኡንቱንታ ዮጰ ኪቴዳ።
\p
\v 9 ዎንተ ጋላስ ኡንቱንቱ ቢደ፥ ዮጰ ካታማኮ ማትሽን፥ ጰጽሮስ ኡሱፑን ሳትያ ሄራን ጎልያ ቦላን ደምባዪደ ኦዳሳ ጾሳ ዎሳናዉ ከሴዳ። 
\v 10 ቃይ ኮሻቲደ፥ ቁማ ማናዉ ኮዬዳ፤ ሽን ቁማይ ካእሽን፥ ሳፃ በኤዳ። 
\v 11 ሳሉ ዶየትና፥ ዎልቃማ ማዩዋ ማላትያባይ ኦይዱ ባጋና ኦይቀቲደ፥ ሳኣን ዎሽን፥ ጰጽሮስ በኤዳ። 
\v 12 ሄዋን ኦይዱ ገድያና ደእያ መሂ፥ ዶአይ፥ ሾሻይ፥ ዛሪነ ካፉ ኡባይ ደኤ። 
\v 13 “ጰጽሮሳ፥ ደንዳ ኤቃደ ሹካ ማ” ግያ ቃላይ አኮ ዬዳ።
\p
\v 14 ሽን ጰጽሮስ፥ “ታ ጎዳዉ፥ ሀነና! ታን ቱናባነ ሸነይያባ ኡባካ ማ ኤርከ” ያጌዳ።
\p
\v 15 ቃይ ላኤንዋ፥ “ጾሳይ ጌሼዳዋ ኔን ቱንሶፓ” ግያ ቃላይ አኮ ዬዳ። 
\v 16 ሄዙ ገደ ሄዋዳን ጌዳ፤ ሄዋፐ ጉይያን፥ ኤለካ ሄ ዎልቃማ ማዩዋ ማላትያዌ ፑደ ሳሉዋ አከት አጌዳ።
\p
\v 17 ጰጽሮስ ባረ በኤዳ ሳፃ ብለይ አያ ግዳንዴሻ? ያጊደ፥ ባረ ዎዛና ግዶን፥ “ላ ሀዌ አዬ?” ጊሽን፥ ቆርነልዮስ ኪቴዳ አሳቱ ስሞና ጎሊ ደኢያሳ ኮዪደ፥ አ ፐንግያን ኤቄድኖ። 
\v 18 ባረንቱ ኮሻ ቁ ኦደ፥ “ጰጽሮሳ ጌተትያ ስሞና ግያ እማይ ሄዋን ደኢ?” ያጊደ ኦቼድኖ።
\p
\v 19 ጰጽሮስ ሳጻን በኤዳባ አኬካናዉ ቆፋን ሼክደእሽን፥ ጌሻ አያናይ አ፥ “በአ፥ ሄዙ\f + \fr 10:19 \fr*\fk ሄዙ፦ \fk*\ft እት እት ማጻፋቱ ጮራ ጊኖ፤ እት ማጻፋይ ላኡ ያጌ።\ft*\f* አሳቱ ኔና ኮዪኖ፤ 
\v 20 ደንዳደ ዎ፤ ታን ኡንቱንታ ኪቴዳ ድራዉ፥ ስናን ኡንቱንቱና ባ” ያጌዳ።
\p
\v 21 ጰጽሮስ አሳቱዋኮ ዎደ፥ “ህንተንቱ ኮይያዌ ታና። አያ አካና ዬድቴ?” ያጌዳ።
\p
\v 22 ኡንቱንቱ፥ “ጾሳዉ ያይያ ጽሉ አይሁዳ አሳ ኡባን ዳሮ ቦንቼቴዳ ጼታቱዋ ካፑዋ ቆርነልዮስ፥ ኔና ባረ ሶይ አፍሲደ፥ ቃላ ኔፐ ስሳና ማላ፥ ጾሳ ጌሻ ኪታንቻይ አዉ ኦዴዳ” ያጌድኖ። 
\v 23 ጰጽሮስ አሳቱዋ እማ ኦ ሾባናዉ ሶይ ሞኬዳ።
\p ዎንተ ጋላስ፥ ደንዲደ ኡንቱንቱና ቤዳ፤ ዮጰ ካታማን ደእያ እሻቱዋፐ እቱ እቱ አናና እትፐ ቤድኖ። 
\v 24 ዎንተ ጋላስ፥ ቂሳርያ ጋኬድኖ፤ ቆርነልዮስ ባረ ዳባቱዋነ ባረ ላገቱዋ እትፐ ጼስ ሺሺደ፥ ጰጽሮሳ ናጌ። 
\v 25 ጰጽሮስ ገላና ሀንሽን፥ ቆርነልዮስ አናና ጋከቲደ፥ አ ስንን ኩንዲደ፥ አዉ ጎይኔዳ። 
\v 26 ሽን ጰጽሮስ፥ “ደንዳ! ታንካ ታ ሁጰዉ አሳ” ያጊደ አ ደንዳ።
\p
\v 27 ጰጽሮስ ቆርነልዮሳና ሃሳዪደ፥ ሶይ ገሌዳ፤ እ ገልያ ዎደ ጮራ አሳይ ሺቄዳዋ ደሚደ፥ 
\v 28 አሳ፥ “አይሁዳ አሳይ ሀራ ዛርያና እትፐተን ደአናዉ፥ ዎይ ጋከታናዉ ዎጋ ግደናዋ ህንተ ሁጰዉ ኤሪታ፤ ሽን ታን ኦናነ ቱና ዎይ ሸነይያባ ጌና ማላ፥ ጾሳይ ታና በሴዳ። 
\v 29 ሄዋ ድራዉ፥ ህንተ ታዉ ኪትና፥ ፓሉማይ ባይናን ያድ። ሀእ፥ ‘ታና አያዉ አህሴድቴ?’ ያጋደ ህንተንታ ኦቻይ” ያጌዳ።
\p
\v 30 ቆርነልዮስ ሀዋዳን ያጌዳ፤ “ታን ሀቼ ኦይዱ ጋላሳፐ ካሰ ሀ ሳትያን ኡዱፑ ሳትያ ዎሳ ታ ሶይን ጾሳ ዎስሽን፥ ጶልቂያ ማዩዋ ማዬዳ አሳይ ታ ስንን ኤቂደ፥ 
\v 31 ታና፥ ‘ቆርነልዮሳ፥ ጾሳይ ነ ዎሳ ስሴዳ፤ ኔን ህዬሳ ማድያዋካ ሀሳዬዳ። 
\v 32 ስም አሳ ዮጰ ኪታደ፥ ስሞን ጰጽሮሳ ግያዋ ጼስሳ፤ ስሞን ጰጽሮስ ስሞና ግያ ጋልባ ቃጭያዋ ጎለን አባ ዶናን እማተ ኡቴዳ’ ያጌዳ። 
\v 33 ሄዋ ድራዉ፥ ታን ኔኮ ኤለካ ኪታድ፤ ኔንነ ያደ ሎይዳ፤ ስም ኔን ኑዉ ኦዳናዉ ጾሳይ ኔና አዛዜዳዋ ኡባ ስሳናዉ ሀእ ኑን ኡባይ ሀዋን ጾሳ ስንን ደኤቶ” ያጌዳ።
\s1 ጰጽሮሳ ሃሳያ
\p
\v 34-35 ጰጽሮስ ሃሳያ ሀዋዳን ያግ ዶሜዳ፤ “ጾሳይ አሳ ሶምእያ ጼለና፤ ሽን ጋደ ኡባን ባረዉ ያይያዋነ ጽሎ ኦሱዋ ኦያዋ ጋላትያዋ ታን ቱሙ አኬካድ።\x - \xo 10:34-35 \xo*\xt ዛረ. 10:17\xt*\x* 
\v 36 ጾሳይ አሳ ኡባ ጎዳ፥ የሱስ ክርስቶሳ ባጋና፥ ሳሮተ ኦዲደ፥ ሀ ዎንጋላ ምሽራቹዋ እስራኤልያ አሳዉ ኪቴዳዋ ህንተንቱ ኤሪታ። 
\v 37 ዮሃንስ ቃላ ኦዴዳ ጽንቃታፐ ጉይያን፥ ጋሊላፐ ዶሚደ፥ ይሁዳ ጋድያ ኡባን ሀኔዳዋ ህንተ ኤሪታ። 
\v 38 ጾሳይ ናዝሬትያ የሱሳ ጌሻ አያናንነ ዎልቃን ኩንዳ፤ ጾሳይ አናና ደእያ ድራዉ፥ ሎኦባ እ ኦድነ ጻላህያ ካፖ ሞደቴዳ ኡባ ፓደ ዩዬዳ።
\p
\v 39 “አይሁዳ ጋድያንነ የሩሳላመን እ ኦዳ ኡባባዉ ኑን ማርካ። ኡንቱንቱ ማስቃልያ ቦላ ምስማርያን ሽ ካቂደ፥ አ ዎድኖ። 
\v 40 ሽን ጾሳይ ሄዘንያ ጋላሳን ሀይቁዋፐ አ ደንደ በሴዳ። 
\v 41 ጾሳይ ኮይሮ ዶሬዳ ማርካቱዋ ኑና፥ አ በሴዳፐ አትን፥ አሳ ኡባ ግደና፤ ሀይቁዋፐ እ ደንዴዳዋፐ ጉይያን፥ ኑን አናና ሜዶነ ኡሼዶ። 
\v 42 ጾሳይ ዎንጋላ ምሽራቹዋ አሳዉ ኑን ኦዳናዉነ፥ ፓጻ ደእያዋንቱ ቦላንነ ሀይቄዳዋንቱ ቦላን ፕርዳናዉ እ ሱንዳዌ የሱሳ ግዴዳዋ ኑን ማርካታናዉ ኑና አዛዜዳ። 
\v 43 ጾሳይ አን አማንያ ኡባ ናጋራ አ ሱንን አቶ ጋናዋ ናባቱ ኡባቱ ማርካቲኖ” ያጌዳ።
\s1 አይሁዳ ግደና አሳቱ አማኒደ ጌሻ አያና አኬድኖ
\p
\v 44 ጰጽሮስ ብሮ ሄ የዉዋ ኦድሽን፥ ቃላ ስስያ ኡባ ቦላ ጌሻ አያናይ ዎ አጌዳ። 
\v 45 ጰጽሮሳና ዮጰፐ ዬዳ፥ አማንያ ቃጻረቴዳ አይሁዳ ኡባቱ አይሁዳ ግደናዋንቱ ቦላንካ ጌሻ አያና እሞታይ ጉኬዳ ድራዉ ማላለቴድኖ። 
\v 46 አያዉ ጎፐ፥ ኡንቱንቱ ዱማ ዱማ ቃላን ሃሳይሺንነ ጾሳ ዳሮተ ሳቢሽን ስሴድኖ።
\p ሄ ዎደ ጰጽሮስ ዛሪደ፥ 
\v 47 “ሀዋንቱ ቃይ ኑናዳን ጌሻ አያና አኬዳዋንቱ ጻማቀተናዳን፥ ሃ ኡንቱንታ ድጋናዉ ዳንዳይያዌ ኦኔ?” ያጌዳ። 
\v 48 ኡንቱንቱ የሱስ ክርስቶሳ ሱንን ጻማቀታና ማላ፥ ኡንቱንታ አዛዜዳ፤ ሄዋፐ ጉይያን፥ ኡንቱንቱ ባረንቱና አማሬዳ ጋላሳ ኡታና ማላ፥ አ ዎሴድኖ።
\c 11
\s1 ጰጽሮስ አይሁዳ ግደና አሳፐ አማኔዳዋንቱ ሶይ አያዉ ገሌደንቶ ኦዴዳ
\p
\v 1 የሱስ ኪቴዳዋንቱነ ይሁዳ ኡባን ደእያ እሻቱ፥ አይሁዳ ግደናዋንቱካ ጾሳ ቃላ አኬዳዋ ስሴድኖ። 
\v 2 ጰጽሮስ የሩሳላመ ቤዳ ዎደ፥ ቃጻረቴዳ አሳቱ አናና ፓሉመቲደ፥ 
\v 3 አ፥ “ኔን ቃጻረትቤናዋንቱኮ ገላደ፥ ኡንቱንቱና ቁማ ማዳ” ያጌድኖ።
\p
\v 4 ሽን ጰጽሮስ ሀኔዳዋ ኮይሩዋፐ ዶሚደ፥ ማራን ማራን ሀዋዳን ያጊደ ኦዴዳ፤ 
\v 5 “ታን ዮጰ ካታማን ጾሳ ዎስሽን፥ ታን አያናን ግዳደ ሳፃ በኣድ፤ ዎልቃማ ማዩዋ ማላትያዌ ኦይዱ ባጋና ኦይቀቲደ፥ ሳሉዋፐ ዎደ፥ ታኮ ዬዳ። 
\v 6 ሄዋ ግዱዋ ታን ጫዳ ጼልያ ዎደ፥ ኦይዱ ገዲ ደእያ መህያ፥ ዱኣ፥ ሾሻ፥ ዛርያነ ካፉዋ በኣድ። 
\v 7 ቃይ፥ ‘ጰጽሮሳ፥ ደንዳ፤ ሹካ ማ’ ግያ ቃላ ታን ስሳድ።
\p
\v 8 “ሽን ታን፥ ‘ታ ጎዳዉ፥ ሀነና! ቱናባይ ዎይ ሸነይያባይ ኡባካ ታ ዶናኮ ሺቅ ኤረና’ ጋድ።
\p
\v 9 “ቃላይ ሳሉዋፐ ላኤንዋካ፥ ‘ጾሳይ ጌሼዳዋ ኔን ቱና ጎፓ’ ያጊደ ታዉ ዛሬዳ።
\p
\v 10 “ሄዌ ሄዙ ገደ ሀንና፥ ዉርሰን ኡባባይ ሳሉዋ ፑደ ጎሸቴዳ። 
\v 11 ሄ ማንእያን ሄዙ አሳቱ ቂሳርያፐ ታኮ ኪተቲደ፥ ታን ደእያ ጎልያ ጋክ አጌድኖ። 
\v 12 ታንካ ስናን ኡንቱንቱና ባና ማላ፥ ጌሻ አያናይ ታዉ ኦዴዳ። ቃይ ሀ ኡሱፑን እሻቱ ዮጰፐ ታናና ቂሳርያ ቢና፥ ኑን ቆርነልዮሳ ሶይ ገሌዶ። 
\v 13-14 ኪታንቻይ ባረ ሶይን ኤቂደ ባረና፥ ‘ጰጽሮሳ ጌተትያ ስሞና ጼሳናዉ አሳ ዮጰ ኪታ፤ ኔንነ ነ ጎለ አሳይ ኡባይ አትያ ቃላ እ ነዉ ኦዳናዋ’ ጌዳዋ ቆርነልዮስ ዎት ስሴደንቶ፥ ኑዉ ኦዴዳ።
\p
\v 15 “ታን ሃሳያናዉ ዶምያዋን ጌሻ አያናይ ኮይሮ ኑ ቦላ ዎዳዋዳን፥ ኡንቱንቱ ቦላካ ዎ አጌዳ። 
\v 16 ጎዳይ፥ ‘ዮሃንስ ሃን ጻማቄዳ፤ ሽን ህንተንቱ ጌሻ አያናን ጻማቀታንታ’ ያጌዳ ቃላ ታን ሀሳያድ። 
\v 17 ጾሳይ ኑዉ ጎዳ የሱስ ክርስቶሳ አማኔዳዋንቶ እሜዳ እሞታ ማላ አይሁዳ ግደናዋንቶካ ቃይ እሞፐ፥ ስም ጾሳ ድጋናዉ ታን ኦኔ?” ያጌዳ።
\s1 አማንያዋንቱ ክርስታነ ጌተቴድኖ
\p
\v 18 ኡንቱንቱ ሀዋ ስሴዳ ዎደ ባረንቱ ፓሉማ አጊደ፥ “ያትና፥ ጾሳይ አይሁዳ ግደናዋንቱካ ቃይ ናጋራፐ ስሚደ ደአናዳን፥ ኡንቱንታ ካጬዳ” ያጊደ ጾሳ ጋላቴድኖ።
\p
\v 19 እስጽፋኖሳ ቦላ ጋኬዳ ዋይያ ጌዱዋን ላለቴዳ አማንያዋንቱ ቃላ አይሁዳቱዋ ጻላላፐ አትን፥ ሀራዉ እቶነ ኦደናን፥ ፕንቀ፥ ቆጲሮሳነ አንጾክያ ጋካናዉ ዩዬድኖ። 
\v 20 ሽን ቆጲሮሳፐነ ቀሬናፐ ዬዳ እት እት አማንያ አሳቱ አንጾክያ ቢደ፥ ጎዳ የሱሳ ዎንጋላ ምሽራቹዋ ኦዲደ፥ ግሪከ አሳዉካ\f + \fr 11:20 \fr*\fq ግሪከ አሳ፦ \fq*\ft ሀዋ ጉሳይ ግሪከ ቃላ ሃሳይያ አይሁደ ዎይ ሀራ አሳ።\ft*\f* ኦዴድኖ። 
\v 21 ጎዳ ዎልቃይ ኡንቱንቱና ደኤ፤ ቃይ ጮራ አሳይ አማኒደ፥ ጎዳኮ ስሜድኖ።
\p
\v 22 ሀ የዉ የሩሳላመን ደእያ አማንያ አሳዉ ስሰትና፥ አማንያ አሳይ ባርናባሳ አንጾክያ ኪቴዳ። 
\v 23 ባርናባስ አንጾክያ ቤዳ ዎደ፥ ጾሳ አ ኬካተ ኦሱዋ በኢደ ናሸቴዳ፤ ኡንቱንቱ ኡባይ ጎዳን ባረንቱ ኩመን ዎዛናፐ ምን ደአናዳን፥ ኡንቱንታ ዞሬዳ። 
\v 24 አያዉ ጎፐ፥ ባርናባስ ጌሻ አያናይነ አማኑ ኩሜዳ ሎኦ አሳ፤ ሄ ጋሱዋን ጮራ አሳይ ጎዳኮ ዬድኖ።
\p
\v 25 ሄዋፐ ጉይያን፥ ባርናባስ ሳኦላ ኮያናዉ ጸርሴሰ ቤዳ። 
\v 26 ያቲደ ሳኦላ ደሜዳ ዎደ፥ አንጾክያ አሄዳ። ባርናባስነ ሳኦል አማንያ አሳና እት ላይ ኩመን ኡቲደ፥ ጮራ አሳ ታማርሴድኖ፤ ካልያዋንቱ አንጾክያን አማንያ አሳ ጌተቲደ፥ ኮይሮ ጼሰቴድኖ።
\p
\v 27 ናባቱ የሩሳላመፐ አንጾክያ ሄ ዎደ ዎድኖ። 
\v 28 ኡንቱንቱ ግዶፐ አጋቦሳ ግያዌ ደንዲደ፥ ሳኣ ኡባን ዎልቃማ ኮሻይ ደንዳናዋ አያና ዎልቃን ትምቢትያ ኦዴዳ፤ ሄዌ ሀኔዳዌ ቃላዉደዮሳ ካዉተ ዎድያና። 
\v 29 ካልያዋንቱ ሁጲያን ሁጲያን ባረንቱ ዎልቃ ኬና ሚሻ ከሲደ፥ ይሁዳን ደእያ ባረንቱ እሻቶ ማዱዋ የዳናዉ ቆፋ ቃቼድኖ። 
\v 30 ኡንቱንቱ ሄዋዳን ኦደ፥ ሚሻ ባርናባሳ ቦላንነ ሳኦላ ቦላ ዎሳ ጎለ ጭማቶ የዴድኖ።
\c 12
\s1 ዎሳ ጎለን ዎልቃማ ኢታ የደሳይ ዶሜዳ
\p
\v 1 ካትያ ሄሮድሰ\f + \fr 12:1 \fr*\fq ሄሮድሰ፦ \fq*\ft ሀዋ ጉሳይ ሄሮድሰ አግሪጳ ኮይሩዋ ግዲደ፥ ፓላስቲነ ግያ ጋድያ ኡባ ሞድያዋ። ሄዌኔካ ዎጋ ሄሮድሰ ሄዘ የለታ።\ft*\f* ሄ ዎደ ዎሳ ጎለ አሳፐ አማሬዳዋንታ ዋይሱዋ ዶሜዳ። 
\v 2 ዮሃንሳ እሻ ያቆባ ማሻን ዎሴዳ። 
\v 3 ሄዌ አይሁዳቱዋ ናሸቼዳዋ በኢደ፥ ጉጅ ጰጽሮሳካ ኦይቄዳ፤ ሄዌ ማጋገ ኡክ ባላ ቦንችያ ጋላሳቱዋና። 
\v 4 ጰጽሮሳ ኦይቂደ ቃቼዳ። ፓስጋ ባላ ቦንችያ ጋላሳቱዋፐ ጉይያን፥ ጋደ አሳ ስን አናዉ ቆፒደ፥ ኦይዱ ኦይዱ ዎታዳራቱ አ ናጋናዳን፥ ታማነ ኡሱፑን ዎታዳራቶ አደ እሜዳ።\x - \xo 12:4 \xo*\xt ከሳ 12:1-27\xt*\x* 
\v 5 ሄዋ ድራዉ፥ ጰጽሮስ ቃሾ ጎልያን ናገቴ፤ ሽን ዎሳ ጎለ አሳይ አዉ ምንሲደ ጾሳ ዎሴ።
\s1 ኪታንቻይ ጰጽሮሳ ቃሾ ጎለፐ ከሴዳ
\p
\v 6 ሄሮድሰ ጰጽሮሳ አሳ ስን አናዉ ቆፓናፐ ካሰ ቃማ፥ ጰጽሮስ ላኡ ሳንላታን ቃሸቲደ፥ ላኡ ዎታዳራቱዋፐ ግዱዋን ገምእሼዳ፤ ናግያዋንቱካ ቃሾ ጎለ ፐንግያን ኤቂደ ናጊኖ። 
\v 7 አኬከናን ደእሽን፥ ጎዳ ኪታንቻይ ሄዋን ኤቂ አጌዳ፤ ቃሾ ጎለንካ ፖኡ ፖኢ አጌዳ። ኪታንቻይ ጰጽሮሳ ምይያ ደች ቤጎደ አ፥ “ኤለ ደንዳ” ያጌዳ፤ ሄ ማንእያን ሳንላታይ አ ኩሽያፐ ዎ አጌዳ። 
\v 8 ኪታንቻይ አ፥ “ነ ሱርያ ዳንጫ፤ ነ ጫማካ ዎ” ያግና፥ ጰጽሮስ ሄዋዳን ኦዳ፤ ኪታንቻይ፥ “ነ ማዩዋ ማያደ ታና ካላ” ያጌዳ።
\p
\v 9 ጰጽሮስ ቃሾ ጎልያፐ ከሲደ፥ ኪታንቻ ካሌዳ፤ አዉ ሳፃ በእያዋ ማላቴዳፐ አትን፥ ኪታንቻይ ኦያባይ ቱማ ግዴዳዋ ኤርቤና። 
\v 10 ኪታንቻይነ ጰጽሮስ ኮይሮ ዎታዳራፐነ ላኤን ዎታዳራፐ አደ፥ ካታማ አፍያ ብራታ ፐንግያኮ ጋኬድኖ፤ ፐንጊካ ኡንቱንቶ ባረካ ዶየት አጌዳ፤ ኡንቱንቱ ከሲደ እት ኦግያና ቢሽን፥ ኪታንቻይ ኤለካ ጰጽሮሳፐ ሻከት አጌዳ።
\p
\v 11 ጰጽሮስ ባረና ጋኬዳባ አኬኪደ፥ “ታና ጎዳይ ባረ ኪታንቻ ኪቲደ፥ ሄሮድሳ ኩሽያፐነ አይሁዳ አሳይ ናግ ኡቴዳ ኡባባፐ አሼዳዋ ሀእ ቱሙ ኤራድ” ያጌዳ።
\p
\v 12 እ ሄዋ አኬኬዳ ዎደ፥ ጮራ አሳይ እትፐ ሺቂደ ጾሳ ዎስያሳ፥ ማርቆሳ ግያ ዮሃንሳ ዳይ ማይራም ሶይ 
\v 13 ቢደ ፐንግያን ጼስና፥ እት ሮዶ ግያ ቆማታ ዶያናዉ ያዱ። 
\v 14 ሮዳ ጰጽሮሳ ቃላ ግዴዳዋ ኤሬዳ ዎደ፥ ባረና ናሸችና፥ ፐንግያ ዶየናን ጉየ ዎጻደ፥ ጰጽሮስ ካረን ኤቄዳዋ አሳዉ ኦዳዱ።
\p
\v 15 አሳይ እዞ፥ “ሀነ፥ ኔን ጎያ” ያጌዳ። ሮዳ ጰጽሮሳ ግዴዳዋ ጌሻደ ኦዳዱ። ኡንቱንቱ፥ “ሄዌ አ ኪታንቻ”\f + \fr 12:15 \fr*\fq አ ኪታንቻ፦ \fq*\ft አ ናግያ ኪታንቻ ግደናን አገና ጉሳ።\ft*\f* ያጌድኖ።
\p
\v 16 ሽን ጰጽሮስ ካረን ጼሲደ አገናን እጽና፥ አሳይ ካርያ ዶይ፥ አ በኢደ ማላለቴድኖ። 
\v 17 ሽን ኡንቱንቱ ጮኡ ጋና ማላ፥ ጰጽሮስ ባረ ኩሽያን ጾርሲደ፥ ጎዳይ ቃሾ ጎልያፐ አ ዎት ከሴደንቶ፥ ኡንቱንቶ ቆንጭስ ኦዲደ፥ “ሀዋ ያቆባዉነ\f + \fr 12:17 \fr*\fq ያቆባ፦ \fq*\ft ጎዳ እሻ።\ft*\f* እሻቶ\f + \fr 12:17 \fr*\fk እሻቶ፦ \fk*\ft አማንያ ሀራቶ።\ft*\f* ኦድተ” ጊደ፥ ከስ ሀራሳ ቤዳ።
\s1 ሄሮድሳ ሀይቁዋ
\p
\v 18 ሳአይ ዎንቴዳ ዎደ፥ ጰጽሮስ ሀቃ ብድጌደንቶ ጊና ዎታዳራቱዋ ግዶን ዳሮ ዋላሳይ ከሴዳ። 
\v 19 ሄሮድሰ ጰጽሮሳ ኮይሽን፥ እ ዬዳ ዎደ፥ ናግያዋንታ ቆሪደ፥ ኡንቱንታ ዎና ማላ አዛዜዳ፤ ሄዋፐ ጉይያን፥ ይሁዳፐ ቂሳርያ ዎደ፥ ሄዋን አማሬዳ ዎድያ ኡቴዳ።
\p
\v 20 ሄሮድሰ ጺሮሳ አሳዉነ ሲዶና አሳዉ ሎይ ሀንቀቴዳ፤ ኡንቱንቱ ጋደ አሳይ ካ ሄሮድሳ ጋደ አሳፐ ደምያ ድራዉ፥ ኡንቱንቱ እትፐ ግዲደ፥ አ ጎልያ ካፑዋ ብላስጾሳ ባረንቱ ባጋ ኦደ፥ ስገታና ማላ ዎሳናዉ ሄሮድሳኮ ቤድኖ።
\p
\v 21 ሄሮድሰ ሱንቴዳ ጋላስ፥ ባረ ካዉተ ማዩዋ ማዪደ፥ ካዉተ ኦይድያን ኡቲደ፥ አሳዉ ሃሳዬዳ። 
\v 22 አሳይ፥ “ሀዌ ጾሳ ቃላ፤ አሳ ቃላ ግደና” ያጊደ ኮሻ ቂሲደ ሃሳዬዳ። 
\v 23 ሄሮድሰ ጾሳ ቦንችቤና ድራዉ፥ ሄ ማንእያን ጎዳ ኪታንቻይ አ ደችና፥ ጉጹንያን ሜተቲደ፥ ሀይቂ አጌዳ።
\p
\v 24 ሽን ጾሳ ቃላይ ድጬነ ዳር ዳር ቤ።
\p
\v 25 ባርናባስነ ሳኦል ባረንቱ ኦሱዋ ፖሊደ፥ ማርቆሳ ግያ ዮሃንሳ ባረንቱና አኪደ፥ የሩሳላመፐ ስሜድኖ።
\c 13
\s1 ባርናባስነ ሳኦል ጌሻ አያናይ ዶርና፥ ታማርሳናዉ ኪተቴድኖ
\p
\v 1 አንጾክያን ደእያ አማንያ አሳ ግዶን ናባቱነ ታማርስያዋንቱ ደኢኖ፤ ኡንቱንቱካ ባርናባሳ፥ ካረ ግያ ስሞና፥ ቀሬናፐ ዬዳ ሉቅዮሳ፥ ጋድያ ሞድያ ሄሮድሳና\f + \fr 13:1 \fr*\fq ሄሮድሳ፦ \fq*\ft ሄሮድ አንትጳሳ ጌተትያ ዎጋ ሄሮድሰ ናኣ። ሄዌኔካ ጋሊላ ግያ ጋድያ ሞድያዋ። ሉቅ። 3:1 ጼልተ።\ft*\f* ድጬዳ ምናሀነ ሳኦላ። 
\v 2 ኡንቱንቱ ጎዳዉ ጎይንሽናነ ጾምሽን፥ ጌሻ አያናይ፥ “ታን ጼሴዳ ኦሶ ባርናባሳነ ሳኦላ ታዉ ዱማይተ” ያጌዳ።
\p
\v 3 ኡንቱንቱ ጾሜዳዋፐነ ዎሴዳዋፐ ጉይያን፥ ባረንቱ ኩሽያ ባርናባሳ ቦላንነ ሳኦላ ቦላን ዎደ፥ ኡንቱንታ የዴድኖ።
\s1 ባርናባስነ ሳኦል ቆጲሮሳ ቤድኖ
\p
\v 4 ሄዋ ድራዉ፥ ጌሻ አያናይ ኡንቱንታ ኪትና፥ ሴሉቅያ ዎድኖ፤ ሄዋፐ ዎንግርያን ገሊደ፥ ቆጲሮሳ ሃን ዶደቴዳሳ ቤድኖ። 
\v 5 ኡንቱንቱ ስልማና ጋኪደ፥ አይሁዳ ዎሳ ጎለቱዋን ጾሳ ቃላ ኦዴድኖ፤ ኡንቱንታ ማዳናዉ ዮሃንስ\f + \fr 13:5 \fr*\fqa ዮሃንሳ፦ \fqa*\ft ሀራ ሱንይ \ft*\xt ማር. 12:12፣ 25\xt* ጼልተ።\f* ኡንቱንቱና ደኤ።
\p
\v 6 ኡንቱንቱ ቆጲሮሳ ሃን ዶደቴዳ ሳኣ ኡባ ጳፉ ጋካናዉ ዩዪደ፥ ናብያ እት ዎርዳንቻ፥ አይሁዳ አሳ ባር-የሱሳ ግያ ሻሬቹዋ ደሜድኖ። 
\v 7 ሄ ሻሬቹ ጋድያ ሞድያ ሳርግዮሳ ጳዉሎሳ ግያ አኬካንቻ ብታንያና ደኤ። ሳርግዮሳ ጳዉሎሳ ባርናባሳነ ሳኦላ ባረኮ ጼሲደ፥ ጾሳ ቃላ ስሳናዉ ኮዬዳ። 
\v 8 ሽን ሻሬቹዋ ኤልማስ (ግሪከ ቃላን ሄዌ አ ሱን) ጋድያ ሞድያዋ አማኑዋ ድጋናዉ ኮዪደ፥ ኡንቱንቱ ሃሳያ ጳልቄዳ።
\p
\v 9 ሽን ጳዉሎሳ ግያ ሳኦል ባረናን ጌሻ አያናይ ኩምና፥ ሻሬቹዋ ጫድ ጼሊደ፥ 
\v 10 አ፥ “ላ ሀ ጻላህያ ካፑዋ ናአዉ፥ ገነተይ ኡባይነ ኢታተይ ኡባይ ኩሜዳዎ፥ ጽሎተ ኡባ ሞርከዉ፥ ጎዳ ኦግያ ሱርያ ጌላይያዋ አግኪ? 
\v 11 በአ፤ ሀእ ጎዳ ኩሺ ነ ቦላ ደኤ፤ ኔን ቆቃ ግዳና፤ አማሬዳ ዎዲ ጋካናዉ፥ አዋ ፖኡዋ በአካ” ያጌዳ።
\p ሄ ማንእያን ሻኖቻይነ ማይ አ አይፍያ ጎዝና፥ ባረ ኩሽያ ኦይቂደ፥ ካለያ ኡራ ኮዪደ ዩዬዳ። 
\v 12 ሄ ዎደ ጋድያ ሞድያዌ ሄዋ በኤዳ ዎደ፥ ጎዳይ ታማርስያዋን ማላለቲደ አማኔዳ።
\s1 ባርናባስነ ጳዉሎስ ጲሲድያን ደእያ አንጾክያ ቤድኖ
\p
\v 13 ጳዉሎስነ አናና ደእያዋንቱ ጳፉፐ ደንዲደ፥ ጵንፍልያን ደእያ ጰርገ ዎንግርያን ቤድኖ፤ ዮሃንስ ኡንቱንቱፐ ሻከት፥ የሩሳላመ ስሜዳ። 
\v 14 ሽን ኡንቱንቱ ጰርገፐ አደ፥ ጲሲድያን ደእያ አንጾክያ ጋኬድኖ፤ ሳምባታ ጋላሳን አይሁዳ ዎሳ ጎለ ገሊደ ኡቴድኖ። 
\v 15 ሙሴ ህጊነ ናባቱዋ ማጻፋይ ናባበቴዳዋፐ ጉይያን፥ አይሁዳ ዎሳ ጎለ ካፓቱ፥ “ኑ እሻቶ አሳ ምንስያ ቃላይ ህንተንቶ ደኦፐ፥ አሳዉ ሃሳዬርክቴ” ያጊደ ኡንቱንቶ ኪቴድኖ።
\p
\v 16 ጳዉሎስ ደንድ ኤቂደ፥ ባረ ኩሽያን ጾርሲደ፥ ሀዋዳን ያጌዳ፤ “እስራኤልያ አሳቶ፥ ጾሳዉ ያይያዋንቶ ስስተ። 
\v 17 ሀ እስራኤልያ አሳ ጾሳይ ኑ አዎቱዋ ዶሪደ፥ ግብጼ ጋድያን እማተን ኡንቱንቱ ደእሽን፥ ኡንቱንታ ጮርሴዳ፤ ባረ ዎልቃማ ዎልቃንካ ግብጼ ጋድያፐ ኡንቱንታ ከሴዳ።\x - \xo 13:17 \xo*\xt ከሳ 1:7፤ 12:51\xt*\x* 
\v 18 ባዙዋን ኦይታሙ ላይ ኬና ኑ አዎቱዋ እ ዳንዳዬዳ።\x - \xo 13:18 \xo*\xt ፓይ. 14:34፤ ዛረ. 1:31\xt*\x* 
\v 19 ካናነ ግያ ጋድያን አይሁዳ ግደና ላፑ ካዉተ ይሲደ፥ ኡንቱንቱ ጋድያ ባረ አሳ ላትሴዳ።\x - \xo 13:19 \xo*\xt ዛረ. 7:1፤ ኢያሳ 14:1\xt*\x* 
\v 20 ሄዋፐ ጉይያን፥ ናብያ ሳሜላ ዎድያ ጋካናዉ፥ ኦይዱ ጼታነ እሻታሙ ላይ ኬና ዳናቱዋ ኡንቱንቶ እሜዳ።\x - \xo 13:20 \xo*\xt ዳኔላ 2:16፤ 1 ሳሜላ 3:20\xt*\x* 
\v 21 ሄዋፐ ጉይያን፥ ኡንቱንቱ ባረንቶ ካትያ እማና ማላ ዎስና፥ ጾሳይ ቢንያማ ዛርያፐ ቂሳ ናኣ ሳኦላ ኦይታሙ ላይዉ ካተታና ማላ፥ ኡንቱንቶ እሜዳ።\x - \xo 13:21 \xo*\xt 1 ሳሜላ 8:5፤ 10:21\xt*\x* 
\v 22 ጾሳይ ሳኦላ ሻሬዳዋፐ ጉይያን፥ ኡንቱንቱ ቦላ ዳዊተ ካተታና ማላ፥ አ ደንዳ፤ ዳዊተባ ማርካቲደ፥ ‘ታን ኮይያ ኡባባ ታ ዎዛናዳን ኦያ እሰይ ናኣ ዳዊታ ደማድ’ ያጌዳ።\x - \xo 13:22 \xo*\xt 1 ሳሜላ 13:14፤ 16:12፤ ማዝ. 89:20\xt*\x*
\p
\v 23 “ጾሳይ፥ ‘ታን ዳዊታ ዛርያፐ እስራኤልያ አሳ አሽያዋ አሀና’ ቃላ ገሌዳዋዳንካ፥ የሱሳ አሄዳ። 
\v 24 የሱስ ያናፐ ካሰ እስራኤልያ አሳይ ኡባይ ባረንቱ ናጋራፐ ስሚደ ጻማቀታና ማላ፥ ዮሃንስ ቃላ ኦዴዳ።\x - \xo 13:24 \xo*\xt ማር. 1:4፤ ሉቃሳ 3:3\xt*\x* 
\v 25 ቃይ ዮሃንስ ባረ ኦሱዋ ዉርሳና ሀኒደ አሳ፥ ‘ታና ኦና ጊደ ቆፒቴ? ታን ህንተ ናግያዋ ግድከ፤ ሽን በእተ፥ አ ገድያ ጫማ ቃሹዋካ ገድያፐ ብላናዉ ታዉ በሰናዌ ታፐ ጉየና ዬ’ ያጌዳ።
\p
\v 26 “ታናዳን አማንያዋንቶ፥ አብራሃመ ዘረቶ፥ ቃይ ሀዋን አይሁዳ ግደናዋንቶ ጾሳዉ ያይያዋንቶ፥ ሀ አቶተ ቃላይ ኑዉ ኪተቴዳ። 
\v 27 አያዉ ጎፐ፥ የሩሳላመን ደእያ አሳይነ ኡንቱንቱ ካፓቱ የሱሳነ ሳምባታ ጋላሳ ኡባን ናባበትያ ናባቱዋ ቃላ አኬክቤና ድራዉ፥ አ ቦላ ፕርዲደ፥ ናባቱዋ ቃላ ፖሌድኖ። 
\v 28 የሱሳ ዎሳናዉ እት ጋሱካ ኡንቱንቶ ቤተናን እጽና፥ ጵላጾስ አ ዎና ማላ ዎሴድኖ።
\p
\v 29 “ኡንቱንቱ የሱሳባይ ጾሳ ማጻፋን ጻፈቴዳዋ ኡባ ፖሌዳ ዎደ፥ ማስቃልያፐ አ ዎደ ሞጌድኖ። 
\v 30 ሽን ጾሳይ ሀይቁዋፐ የሱሳ ደንዳ። 
\v 31 ሄዋፐ ጉይያን እ ባረናና ጋሊላፐ የሩሳላመ ዬዳ አሳቶ ጮራ ጋላሳ ቤቴዳ ኡንቱንቱ ሀእ አባ አሳዉ ማርካቲኖ።
\p
\v 32 “ጾሳይ ኑ አዋቶ እማና ጌዳ ዎንጋላ ምሽራቹዋ ኑን ህንተንቶ ኦዴቶ። 
\v 33 ዳዊተ ማዝሙርያ ማጻፋን ላኤን ሸምፑዋን፥
\q1 “ ‘ኔን ታ ናኣ።
\q2 ሀቼ ታን ነ አዉዋ ግዳድ’
\m ጌተቲደ ጻፈቴዳዋዳን፥ ጾሳይ የሱሳ ደንደ፥ ኑ አዋቶ እማና ጌዳዋ ኑዉ ኡንቱንቱ ናናዉ ፖሌዳ።\x - \xo 13:33 \xo*\xt ማዝ. 2:7\xt*\x* 
\v 34 ላኤንዋ እ ሀይቀና ማላ፥ ሀይቁዋፐ አ ደንዳዎ ጾሳይ፥ ‘ታን ዳዊተዉ እማና ጌዳ አማነቴዳ ጌሻ አንጁዋ ህንተንቶ እማና’ ያጊደ ሃሳዬዳ። 
\v 35 ሄዋ ድራዉ፥ ማዝሙርያ ማጻፋን ሀራሳን ቃይ፥ ‘ነ ጌሻ ናኣ አሃካ ሙስሳካ’ ያጌዳ።\x - \xo 13:35 \xo*\xt ማዝ. 16:10\xt*\x* 
\v 36 አያዉ ጎፐ፥ ዳዊተ ባረ ዎድያን ጾሳ ቆፋ ኦዳዋፐ ጉይያን ሀይቂደ፥ ባረ አዎቱዋና ሀይቂ ሙሴዳ። 
\v 37 ሽን ጾሳይ ሀይቁዋፐ ደንዳዌ ሙስቤና።
\p
\v 38-39 “ሄዋ ድራዉ፥ ታናዳን አማንያዋንቶ፥ ናጋራ አቶ ጌተቴዳዌ ህንተንቶ የሱሳ ባጋና ኦደቴዳዌነ፥ ሙሴ ህግያን ጽላናዉ ህንተንቶ ዳንዳየተና ኡባባፐ አን አማንያ ኡባይ ጽላናዌ ህንተንቶ ኤረቶ። 
\v 40 ሄዋ ድራዉ፥ ናባቱ ጌዳዌ ህንተ ቦላ ጋከና ማላ ናገትተ፤
\q1
\v 41 “ ‘ጾሳይ ጌዳባ ቅሊጭያዋንቶ፥\x - \xo 13:41 \xo*\xt እምባ. 1:5\xt*\x*
\q2 በእተ፤ ሀራይ አቶ እት ኡራይ ህንተንቶ ኦድንቶካ፥
\q2 ህንተ አማነና ኦሱዋ ታን ህንተንቱ ዎድያን፥
\q2 ኦያ ድራዉ፥ ፖራ ጊተ፤ ሀይቂተ’
\m ጌድኖ” ያጌዳ።
\p
\v 42 ጳዉሎስነ ባርናባስ አይሁዳ ዎሳ ጎልያፐ ከስሽን፥ አሳይ ኡንቱንታ ላኤንዋ ሳምባታንካ ሄዋ ጉጂደ ኦዳና ማላ ዎሴድኖ። 
\v 43 ሺቁ ላለቴዳዋፐ ጉይያን፥ ጮራ አይሁዳቱነ አይሁዳቱዋ አማኑዋን ገሊደ ጾሳዉ ያይያ ጮራቱ፥ ጳዉሎሳነ ባርናባሳ ካሌድኖ፤ የሱስ ኪቴዳዋንቱ ጾሳ አ ኬካተን ምን ደአና ማላ፥ ኡንቱንቶ ኦዲደ ምንሴድኖ።
\p
\v 44 ላኤንዋ ሳምባታን አማሬዳ አሳቱዋፐ አትን፥ ካታማ አሳይ ኡባይ ጾሳ ቃላ ስሳናዉ ሺቄዳ። 
\v 45 ሽን አይሁዳቱ ጮራ አሳ በኤዳ ዎደ፥ ጳዉሎሳ ቃናቴድኖ፤ አ ሃሳያ ጳልቂደ፥ አ ቦሬድኖ።
\p
\v 46 ጳዉሎስነ ባርናባስ ጻሊደ፥ “ጾሳ ቃላይ ካሰቲደ ህንተንቶ ኦደታናዉ ኮሼ፤ ሽን ቃላ ህንተ እጼዳ ድራዉነ መና ደኡዋ አካናዉ ህንተንቶ በሰና ጊደ፥ ህንተ ህንተንቱ ሁጲያን ፕርዴዳ ድራዉ፥ በእተ፥ ኑን አይሁዳ ግደናዋንቱኮ ስሜቶ። 
\v 47 አያዉ ጎፐ፥ ጎዳይ ኑና፥\x - \xo 13:47 \xo*\xt ኢሳ. 42:6፤ 49:6\xt*\x*
\q1 “ ‘አሳይ ኡባይ ህንተ ባጋና አታና ማላ፥
\q2 ህንተንታ ታን፥
\q1 አይሁዳ ግደናዋንቶ ፖኡዋ ኦድ’ ያግ አዛዜዳ”
\m ያጌድኖ።
\p
\v 48 አይሁዳ ግደናዋንቱ ሄዋ ስሴዳ ዎደ፥ ናሸቲደ ጾሳ ቃላ ቦንቼድኖ፤ ቃይ መና ደኦ ዶረቴዳ ኡባይ አማኔድኖ።
\p
\v 49 ጎዳ ቃላይ ሄ ጋድያ ኡባ ጋኬዳ። 
\v 50 ሽን አይሁዳቱ ጾሳዉ ጎይንያ ቦንቼቴዳ ማጫዋንታነ ካታማን ደእያ ዎልቃማ አሳቱዋ ጳዉሎሳ ቦላንነ ባርናባሳ ቦላ ደንና፥ አሳቱ ኡንቱንታ የደርሱዋ ዶሚደ፥ ባረንቱ ጋድያፐ ከሴድኖ። 
\v 51 ሽን የሱስ ኪቴዳዋንቱ ኡንቱንታ እጽያዋንቶ ማላታ ግዳና ማላ፥ ባረንቱ ገድያፐ ባና ሾጪደ፥\f + \fr 13:51 \fr*\fk ባረንቱ ገድያፐ ባና ሾጪደ፦ \fk*\ft ሀዌ አሳይ አከናን እጾዋ በስያ ኦግያ።\ft*\f* እቆንዮነ ካታማ ቤድኖ። 
\v 52 ቃይ አንጾክያን ደእያ ካልያዋንቱንካ ጌሻ አያናይነ ናሸቻይ ኩሜዳ። \fig ጳዉሎሳ ኮይሮ ኦጊያ|alt="Paul's 1st Journey" src="dwr_Paul1_B&WFlat.indd" size="span" loc="ACT 13:1—14:28" ref="13:1—14:28"\fig*
\c 14
\s1 ጳዉሎስነ ባርናባስ እቆንዮነ ቤድኖ
\p
\v 1 ካሰዋዳንካ ጳዉሎስነ ባርናባስ እቆንዮነን አይሁዳቱዋ ዎሳ ጎለ ገሊደ፥ ቃላ ኦዴድኖ፤ ሄዋፐ ጉይያን ጮራ አይሁዳቱነ አይሁዳ ግደናዋንቱ አማኔድኖ። 
\v 2 ሽን አማንቤና አይሁዳቱ አይሁዳ ግደናዋንቱ ዎዛና ላሚደ፥ እሻቱዋ ቦላ ሀንቀድኖ። 
\v 3 የሱስ ኪቴዳዋንቱ ሄዋን ዳሮ ዎድያ ጋምኤድኖ፤ ኡንቱንቱ ጎዳባ ያየናን ኦዴድኖ፤ ጎዳይ ማላታነ ኦራባ ኡንቱንቱ ኦና ማላ፥ ኡንቱንቶ ዎልቃ እሜዳዋን ባረ አ ኬካተ ቃላባይ ቱማ ግዴዳዋ ማርካቴዳ። 
\v 4 ሽን ካታማ አሳይ ሻከት፥ ባጋይ አይሁዳቱዋኮ፥ ባጋይ የሱስ ኪቴዳዋንቱኮ ስሜድኖ።
\p
\v 5 አይሁዳ ግደናዋንቱነ አይሁዳቱ ባረንቱ ካፓቱዋና እትፐ የሱስ ኪቴዳዋንታ ቆሀናዉነ ሹቻን ጫዳናዉ ቆፔዳ ዎደ፥ 
\v 6 የሱስ ኪቴዳዋንቱ ሄዋ ኤሪደ፥ ልስጽራነ ደርበ ጌተትያ ልቃኦንያ ካታማቱዋነ ኡንቱንቱ ሄራን ደእያ ጋድያ ብ አጌድኖ፤ 
\v 7 ሄዋን ዎንጋላ ምሽራቹዋ ኦዲኖ።
\p
\v 8 ባረ ዳይ ኡሉዋፐ የለቶደፐ ዶሚደ፥ ላኡ ገዲ ስልና፥ ኡባካ ሀመተና እት ብታኒ ልስጽራን ደኤ። 
\v 9 ሄ ብታኒ ጳዉሎስ ኦድሽን ስሴ፤ ጳዉሎስ አ ጫድ ጼልያ ዎደ፥ ፓጻናዉ አዉ አማኑ ደእያዋ በኢደ፥ 
\v 10 ኮሻ ቂሲደ አ፥ “ስት ጋደ ነ ገድያን ኤቃ” ያጌዳ፤ ጉፕ ደንዲደ፥ ሀመታ ዶሜዳ።
\p
\v 11 ጳዉሎስ ኦዳዋ አሳይ በኢደ፥ ባረ ኮሻ ልቃኦንያ ቃላን ቁ ኦደ፥ “ጾሳቱ አሳ ማላቲደ ኑኮ ዎድኖ” ያጌዳ። 
\v 12 አሳይ ባርናባሳ፥ “ድያ”\f + \fr 14:12 \fr*\fq ድያ፦ \fq*\ft ጉሳይ ግሪካቱዋ ጾሳቱዋ ኡባቱዋፐ ቦላ ጌተት ፓይደትያ ኡንቱንቱ ኤቃ።\ft*\f* ጊደ፥ ጳዉሎስ ሃሳያዉ ዋናትያ ድራዉ፥ አ፥ “ሄርሜሳ” ጊደ ሱንዳ። 
\v 13 ጌሻ ጎሊ ካታማ ማታን ደእያ ድያ ቄሳይነ አሳይ ኮሩማቱዋነ ዳሪ ሎእያ ጪሻቱዋ የሱስ ኪቴዳዋንቶ ያርሹዋ ያርሻናዉ ኮዪደ፥ ፐንግያ አሄድኖ።
\p
\v 14 ሽን የሱስ ኪቴዳ ባርናባስነ ጳዉሎስ ሄዋ ስሴዳ ዎደ ባረንቱ ማዩዋ ፔደ፥ አሳ ግዶ ዎጺደ፥ 
\v 15 ባረንቱ ኮሻ ቁ ኦደ፥ ሀዋዳን ያጌድኖ፤ “አሳዉ፥ ሀዋ አያዉ ኦቴ? ኑንካ ህንተንቱዋዳን መቴዳ አሳ፤ ሀ ፓና የዉዋፐ ሳሉዋነ ሳኣ፥ አባነ ኡንቱንቱ ግዶን ደእያ ኡባባ መዳ ደኡዋ ጾሳኮ ህንተ ስማና ማላ፥ ህንተንቶ ኑን ዎንጋላ ምሽራቹዋ ኦዴቶ።\x - \xo 14:15 \xo*\xt ከሳ 20:11፤ ማዝ. 146:6\xt*\x* 
\v 16 እ በን አሳ ዘረይ ኡባይ ባረንቱ ኦግያ ባና ማላ የድ አጌዳ። 
\v 17 ህንተንቶ እራ ሳሉዋፐ ቡክሴዳ፤ ካካ እ ዎድያን እሜዳ፤ ቃይ ቁማ እሚደ፥ ህንተንታ ሎይ ናሸቼ፤ ያቲደ ህንተንቶ ሎኦባ ኦደ፥ ኡባ ዎደካ ባረዉ ማርካ ይቤና” ያጌድኖ። 
\v 18 የሱስ ኪቴዳዋንቱ ሄዋ ጊደ፥ ባረንቶ አሳይ ያርሸና ማላ፥ መቶቲደ ድጌድኖ።
\p
\v 19 አንጾክያፐነ እቆንዮነፐ ዬዳ አይሁዳቱ አሳ ባረንቱ ባጋ ዛሪደ፥ ሹቻን ጳዉሎሳ ጫዴድኖ፤ ኡንቱንቶ ሀይቄዳዋ ማላትና፥ ካታማፐ ካረዉ አ ጎች ከሴድኖ። 
\v 20 ሽን ካልያዋንቱ አ ማታን ዩይ አደ ኤቂሽን፥ እ ደንዲደ፥ ካታማ ገሌዳ። ዎንተ ጋላስ ባርናባሳና እትፐ ደርበ ቤዳ።
\s1 ጳዉሎስነ ባርናባስ አንጾክያ ስሜድኖ
\p
\v 21-22 ኡንቱንቱ ደርበ ካታማን ዎንጋላ ምሽራቹዋ ኦዲደ፥ ጮራ አሳይ የሱሳ አማናና ማላ ኦዳዋፐ ጉይያን፥ ልስጽራ፥ እቆንዮነነ ጲሲድያን ደእያ አንጾክያ ስሜድኖ፤ ያቲደ ሄዋን ካልያዋንታ ምንሲደነ ኡንቱንቱ አማኑዋን ምን ደአና ማላ ዞሪደ፥ “ኑን ጾሳ ካዉተ ገላናዉ ሎይ ዋየታና በሴ” ያጌድኖ። 
\v 23 ቃይ አማንያዋንቶ ደእያ ሳን ደእያ ሳን ጭማቱዋ ዶሪደ፥ ጾሜዳዋፐነ ዎሴዳዋፐ ጉይያን፥ ኡንቱንቱ አማኔዳ ጎዳዉ ኡንቱንታ ሀዳራ እሜድኖ።
\p
\v 24 ጲሲድያ ጋድያፐ አደ፥ ጵንፍልያ ዬድኖ፤ 
\v 25 ጰርገን ቃላ ኦዴዳዋፐ ጉይያን፥ አጻልያ ቤድኖ። 
\v 26 ሄዋፐ ኡንቱንቱ ባረንቱ ፖሌዳ ኦሱዋ ድራዉ፥ አሳይ ኡንቱንቱ ሀዳራ ጾሳ አ ኬካተዉ እሜዳ አንጾክያ ማርካብያን ስሜድኖ።
\p
\v 27 አንጾክያ ጋኬዳ ዎደ አማንያ አሳ ሺሺደ፥ ጾሳይ ባረንቱና እትፐ ኦዳ ኡባባነ፥ አይሁዳ ግደና አሳይ አማናና ማላ፥ ኡንቱንቶ ፐንግያ ዶዬዳዋ፥ አሳዉ ኦዴድኖ። 
\v 28 ያቲደ ሄዋን ካልያዋንቱና ዳሮ ዎድያ ጋምኤድኖ።
\c 15
\s1 የሩሳላመ ሺቁዋ
\p
\v 1 እት እት አሳቱ ይሁዳፐ አንጾክያ ዎደ፥ “ሙሴ ዎጋዳን፥ ህንተ ቃጻረተናዋ ግዶፐ፥ አታናዉ ዳንዳይክታ” ያጊደ እሻቱዋ ታማርሱዋ ዶሜድኖ።\x - \xo 15:1 \xo*\xt ዎጋ 12:3\xt*\x* 
\v 2 ጳዉሎስነ ባርናባስ ኡንቱንቱና ዳርስ ዋላቀቲደ ፓሉመትና፥ አንጾክያን ደእያ እት እት ሀራ አሳቱ ሄ ፓሉማ ድራዉ፥ ጳዉሎሳናነ ባርናባሳና የሩሳላመ ቢደ፥ የሱስ ኪቴዳዋንቱናነ ጭማቱዋና ጋከታናዉ ቆፋይ ቃሸቴዳ።
\p
\v 3 አማንያ አሳቱ ኡንቱንታ ኪቲደ ኦግያን ማድሽን፥ አይሁዳ ግደናዋንቱ ጾሳኮ ስሜዳዋ ኦዲደ፥ ፕንቂያናነ ሳማርያና አድኖ፤ ሄዌ እሻቱዋ ኡባ ሎይ ናሸቼዳ። 
\v 4 ኡንቱንቱ የሩሳላመ ጋኬዳ ዎደ፥ አማንያዋንቱ፥ የሱስ ኪቴዳዋንቱነ ጭማቱ ኡንቱንታ ሞኬድኖ፤ ጾሳይ ባረንቱን ኦዳዋ ኡባ ኦዴድኖ። 
\v 5 ሽን ፓርሳዋቱዋ ባጋፐ አማኔዳ እት እት አሳቱ ደንድ ኤቂደ፥ “ህንተንቱ ኡንቱንታ ቃጻራናዉነ ሙሴ ህግያ ናጋና ማላ አዛዛናዉ በሴ” ያጌድኖ።
\p
\v 6 የሱስ ኪቴዳዋንቱነ ጭማቱ ሄዋ ዞረታናዉ ሺቄድኖ። 
\v 7 ሎይ ሃሳዬዳዋፐ ጉይያን፥ ጰጽሮስ ደንድ ኤቂደ፥ ኡንቱንታ ሀዋዳን ያጌዳ፤ “ታናዳን አማንያዋንቶ፥ አይሁዳ ግደናዋንቱ ዎንጋላ ምሽራቹዋ ቃላ ታ ዶናፐ ስሲደ አማናና ማላ፥ ታና ጾሳይ ህንተ ግዶፐ በን ዶሬዳዋ ህንተንቱ ኤሪታ። 
\v 8 አሳ ዎዛና ኤርያ ጾሳይ ጌሻ አያና ኑዉ እሜዳዋዳን፥ ኡንቱንቶካ እሚደ ቱማዬዳ። 
\v 9 ኡንቱንቱ አማኔዳ ድራዉ፥ እ ኡንቱንቱ ዎዛና ጌሺደ፥ ኑ ግዱዋንነ ኡንቱንቱ ግዱዋን ዱማተ ዎቤና። 
\v 10 ሄዋ ድራዉ፥ ኑ አዎቱነ ኑን ቶካናዉ ዳንዳይቤና ዎልቃማ ቶኩዋ ካልያዋንቱ ሞርግያን ዎደ፥ ሀእ ህንተ አያዉ ጾሳ ፓጪቴ? 
\v 11 ሽን ጎዳ የሱስ ክርስቶሳ አ ኬካተን ኡንቱንቱ አቴዳዋዳን፥ ኑንካ አቴዳዋ አማኔቶ” ያጌዳ።
\p
\v 12 አሳይ ኡባይ ጮኡ ጊደ፥ ባርናባስነ ጳዉሎስ አይሁዳ ግደና አሳ ግዶን ባረንቱ ባጋና ጾሳይ ኦዳ ማላታነ ኦራባ ኡባ ኦድሽን ስሴ።
\p
\v 13 ኡንቱንቱ ሃሳያ ዉርሴዳዋፐ ጉይያን፥ ያቆብ ሀዋዳን ያጊደ ዛሬዳ፤ “እሻቶ፥ ታን ግያዋ ስስተ። 
\v 14 ጾሳይ አይሁዳ ግደናዋንቱ ግዶፐ ባረዉ ሀንያ አሳ አካናዉ አይሁዳ ግደናዋንቶ ኮይሮ ዎት ቆፔደንቶ ስሞን ኦዴዳ። 
\v 15-18 ናብያ ቃላይ ሀዋና ጊጌ፤ ጎዳይ ዳሮ ዎድያፐ ዶሚደ፥ አሳ ሀዋ ኤርሲደ፥ ጾሳ ማጻፋን ሀዋዳን ያጌዳ፤\x - \xo 15:15-18 \xo*\xt አሞጻ 9:11-12\xt*\x*
\q1 “ ‘ሀዋፐ ጉይያን፥ ሳኣን ደእያ ሀራ አሳይ ኡባይ፥
\q2 ታዋ ግዳናዉ፥
\q2 ታን ጼሴዳ አይሁዳ ግደና አሳይ ኡባይ፥
\q2 ጎዳ ኮያና ማላ፥ ታን ስማና።
\q1 ታን ኮለቲደ ኩንዴዳ ጎልያዳን፥
\q2 ሀኔዳ ዳዊተ ካዉተ ደንና።
\q1 ኮለቴዳዋካ ዛራደ ኬጻና፤
\q2 ታን ላኤንዋ አ ኤሳና’
\m ያጌዳ።
\p
\v 19 “ሄዋ ድራዉ፥ ታ ቆፋ ግዶፐ፥ አይሁዳ ግደናዋንቱፐ ጾሳኮ ስምያዋንታ ኑን መቶናዉ ኮሸና። 
\v 20 ሽን ኡንቱንቱ ኤቃን ቱኔዳዋ ሜና ማላ፥ ዎሹመና ማላ፥ ባኩቴዳ መህያ አሹዋ ሜና ማላነ ሱ ኡሸና ማላ፥ ኡንቱንቶ ኑን ዳብዳቢያ ጻፋናዉ ኮሼ።\x - \xo 15:20 \xo*\xt ከሳ 34:15-17፤ ዎጋ 17:10-16፤ 18:6-23\xt*\x* 
\v 21 አያዉ ጎፐ፥ ሙሴ ህግያ ካሰ የለታፐ ዶሚደ ሳምባታን ሳምባታን አይሁዳ ዎሳ ጎለቱዋን ናባቢደ፥ አ ቃላ ካታማ ኡባን ኦድያዋንቱ ደኢኖ” ያጌዳ።
\p
\v 22 ሄዋፐ ጉይያን፥ የሱስ ኪቴዳዋንቱነ ጭማቱ ዎሳ ጎለ አሳ ኡባና እትፐ ባረንቱ ግዶፐ አማሬዳ አሳቱዋ ዶሪደ፥ ጳዉሎሳናነ ባርናባሳና አንጾክያ የዳናዉ ቆፋ ቃቼድኖ፤ ኡንቱንቱ ዳሮ ቦንቼቴዳ ላኡ አሳቱዋ ባርሳባ ጌተትያ ይሁዳነ ስላሳ ዶሬድኖ። 
\v 23 ያቲደ ሀዋዳን ግያ ዳብዳቢያ ጻፊደ፥ ኡንቱንቱ ቦላ ኪቴድኖ፤ “ኑን የሱስ ኪቴዳዋንቱነ ጭማቱ ህንተ እሻቱ፥ አንጾክያን፥ ሶርያንነ ክልቂያን ደእያ አይሁዳ ባጋ ግደና እሻቶ ኑ ሳሮታ ኪቴቶ።
\p
\v 24 “ኑን አዛዝቤና አሳቱ ኑ ግዶፐ ቢደ፥ ‘ህንተንቱ ቃጻረታናዉነ ሙሴ ህግያ ናጋናዉ በሴ’ ጊደ፥ ህንተንታ መቶዳዋነ ይሎዬዳዋ ስሲደ፥ 
\v 25-26 ኑ ጎዳ የሱስ ክርስቶሳ ሱን ድራዉ፥ ባረንቱ ሸምፑዋ ኦሌዳ ኑን ሲቅያ ባርናባሳናነ ጳዉሎሳና ዶረቴዳ አሳቱዋ ህንተንቱኮ ኪታናዉ እት ዎዛናን ኑ ቆፋ ቃቼዶ። 
\v 27 ሄዋ ድራዉ፥ ኑን ጻፌዳዋ ኡንቱንቱ ባረንቱ ሁጰዉ ባረንቱ ዶናን ህንተንቶ ኦዳና ማላ፥ ይሁዳነ ስላሳ ኪቴዶ።
\p
\v 28-29 “አያዉ ጎፐ፥ ኤቃዉ ያርሼዳዋ ሞፕተ፤ ሱ ኡሾፕተ፤ ባኩቴዳ መህያ አሹዋ ሞፕተ፤ ዎሹሞፕተ። ሀ ኮሽያዋንቱፐ አትን፥ ሀራ ዴጽያ የዉዋ ህንተንታ ቶሰና ማላ፥ ኑንነ ጌሻ አያናይ የዉዋ ኤኖ ጊደ አኬዶ፤ ሀ ኡባባፐ ህንተ ሁጲያ ናጎፐ፥ ህንተንቱ ሎኦባ ኦታ። ስም ሳሮ ደእተ” ያጌድኖ።
\p
\v 30 ሄዋ ድራዉ፥ ኪተቴዳዋንቱ ሞይዘት፥ አንጾክያ ዎደ፥ አማንያ አሳ ሺሺደ፥ ዳብዳቢያ አሳዉ እሜድኖ። 
\v 31 ኡንቱንቱ ሄ ምንስያ ዳብዳቢያ ናባቤዳ ዎደ፥ ናሸቴድኖ። 
\v 32 ቃይ ይሁዳይነ ስላሰ ባረንቱ ሁጰዉ ናባቱዋ ግድያ ድራዉ፥ እሻቱዋ ሎይ ማቂደ ምንሴድኖ። 
\v 33 ኡንቱንቱ አንጾክያን አማሬዳ ጋላሳ ኡቴዳዋፐ ጉይያን፥ እሻቱ ሳሮተን ሞይዝና፥ ባረንታ ኪቴዳዋንቱኮ ስሜድኖ። 
\v 34 ሽን ስላሰ ያን አታናዉ ባረ ቆፋ ቃቼዳ።\f + \fr 15:34 \fr*\ft ስላሰ አንጾክያን አታናዉ ባረ ቆፋ ቃቼዳ፥ ግያዌ ጮራ ሀራ ቃላ ብለን ባዋ።\ft*\f*
\p
\v 35 ቃይ ጳዉሎስነ ባርናባስ ሀራ ጮራ አሳቱዋና እትፐ ጎዳ ቃላ ታማርሲደነ ዎንጋላ ምሽራቹዋ ኦዲደ፥ አንጾክያን ኡቴድኖ።
\s1 ጳዉሎስነ ባርናባስ ሻከቴድኖ
\p
\v 36 አማሬዳ ጋላሳፐ ጉይያን፥ ጳዉሎስ ባርናባሳ፥ “ኑን ጎዳ ቃላ ኦዴዳ ካታማ ኡባን ኑ እሻቱ ዎት ደኢኖንቶ፥ ጉየ ስሚደ፥ ጾሞስ በኦይተ” ያጌዳ። 
\v 37 ሄዋፐ ጉየ ባርናባስ ማርቆሳ ጌተትያ ዮሃንሳ ባረንቱና አፋናዉ ኮዬዳ። 
\v 38 ሽን ጳዉሎስ ማርቆሳ ባረንቱና አፋናዉ ኮይቤና፤ አያዉ ጎፐ፥ እ ኡንቱንቱፐ ጵንፍልያን ሻከቴዳ፤ ቃይ ኡንቱንቱና ኦሶ ብቤና። 
\v 39 ኡንቱንቱ ግዱዋን ሎኤና ዋላሳይ ከስና፥ እቱ እቱዋፐ ሻከቴዳ፤ ባርናባስ ማርቆሳ አኪደ፥ ማርካብያን ቆጲሮሳ ቤዳ። 
\v 40 ሽን ጳዉሎስ ስላሳ አክና፥ እሻቱ አ ሀዳራ ጾሳ አ ኬካተዉ እሜዳዋፐ ጉይያን ቤዳ። 
\v 41 ያቲደ አማንያ አሳቱዋ ምንሲደ፥ ሶርያናነ ክልቂያና አዳ። \fig ጳዉሎሳ ላኤን ኦጊያ|alt="Paul's 2nd Journey" src="dwr_Paul2_B&WFlat.indd" size="span" loc="ACT 15:36—18:22" ref="15:36—18:22"\fig*
\c 16
\s1 ጽሞቶሰ ጳዉሎሳናነ ስላሰና ጋከቴዳ
\p
\v 1 ጳዉሎስ ቃይ ደርበነ ልስጽራ ቤዳ፤ ሄዋን ጽሞቶሳ ጌተትያ ካልያዌ፥ እት አማንያ አይሁዳ ምሽራት ናአይ ደኤ፤ አ አቡ ግሪከ አሳ። 
\v 2 ልስጽራንነ እቆንዮነን ደእያ እሻቱ ጽሞቶሳባ ሎይ ማርካቴድኖ። 
\v 3 ጳዉሎስ አ ጽሞቶሳ ባረናና አፋናዉ ኮዪደ፥ አ አቡ ግሪከ\f + \fr 16:3 \fr*\fqa አ አቡ ግሪከ አ ኦይቂደ ቃጻሬዳ፦ \fqa*\ft ግሪከ አሳይ ባረንቱ ናና ቃጻርክኖ። ሽን ጽሞቶሰ ቃጻረታና ዮፐ፥ አይሁደ አሳይ አ አከና ድራዉ፥ ጳዉሎስ አ ኦይቂደ ቃጻሬዳ።\ft*\f* አሳ ግዴዳዋ ሄዋን ደእያ አይሁዳ ኡባይ ኤርያ ድራዉ፥ አ ኦይቂደ ቃጻሬዳ። 
\v 4 ኡንቱንቱ ካታማቱዋና ቢደ፥ የሱስ ኪቴዳ የሩሳላመን ደእያዋንቱነ ጭማቱ ዎዳ ህግያ አማንያዋንቱ ናጋና ማላ፥ ኡንቱንቶ ኦዲደ አድኖ። 
\v 5 ሄዋ ድራዉ፥ አማንያዋንቱ አማኑዋን ምን፥ ፓይዱዋንካ ጋላሳፐ ጋላሳን ዳር ዳር ቤድኖ።
\s1 ጳዉሎስ ማቅዶንያ ባናዳን ጼገቴዳ
\p
\v 6 ኢስያን ቃላ ኦደና ማላ፥ ጌሻ አያናይ ኡንቱንታ ድጌዳ ድራዉ፥ ፕርግያ ጋድያናነ ጋላትያ ጋድያና አድኖ። 
\v 7 ኡንቱንቱ ሚስያ ዛዋ ጋኬዳ ዎደ፥ ቢታንያ ባናዉ ኮዬድኖ፤ ሽን የሱሳ አያናይ ኡንቱንታ ድጌዳ። 
\v 8 ሄዋ ድራዉ፥ ኡንቱንቱ ሚስያ ማታና አደ፥ ጽሮኣዳ ዎድኖ። 
\v 9 ጳዉሎስ ቃማ ሳጻን እት ማቅዶንያ ብታኒ ባረና፥ “ማቅዶንያ ፕናደ ኑና ማዳርኪ” ያጊደ ኤቂ ዎስሽን በኤዳ። 
\v 10 ሳፃ እ በኤዳዋፐ ጉይያን፥ ኑን ኤለካ ማቅዶንያ ባናዉ ኮዬዶ፤ አያዉ ጎፐ፥ ዎንጋላ ምሽራቹዋ ያን ደእያ አሳዉ ኦዳናዉ፥ ጾሳይ ኑና ጼሴዳዋ ኑዉ ማላቴዳ።
\s1 ሊዳ ፕልጵስዮሳን ክርስቶሳ አማናዱ
\p
\v 11 ሄዋ ድራዉ፥ ጽሮኣዳፐ ደንዲደ፥ ስት ጊደ ማርካብያን ሳሞትራቀ ቤዶ፤ ዎንተ ጋላስ ናጱለ ቤዶ። 
\v 12 ሄዋፐ ፕልጵስዮሳ ቤዶ፤ ፕልጵስዮስ ማቅዶንያ ቢታዉ ሁጰ ካታማ፤ ቃይ ሮመ አሳይ ደእያ ካታማ፤ ኑን ሄ ካታማን አማሬዳ ጋላሳ ኡቴዶ።
\p
\v 13 ሳምባታ ጋላስ፥ ካታማፐ ጋጻን ሻፋ ዶናን አይሁዳቱ ጾሳ ዎስያ ሳአይ ደእያዋ አኬኪደ ቤዶ፤ ሄዋን ኡቲደ ሺቄዳ ማጫ አሳዉ ቃላ ኦዴዶ።
\p
\v 14 እት ሊድያ ጌተተዉና፥ ትያጽሮና ካታማፐ ያደ ጾሳ አማነዉና፥ ዞኦ ማዩዋ ዛልእያ ምሽራታ፥ ኑን ኦድያዋ ስሳዱ፤ ጳዉሎስ ኦድያዋካ እዛ ስሳና ማላ ጾሳይ እ ዎዛና ዶዬዳ። 
\v 15 ሊድያ ባረ ሶይ አሳና እትፐ ጻማቀቴዳዋፐ ጉይያን ኑና፥ “ህንተንቱ ታና ጎዳ ቱማተን አማናዉ ጊደ ቆፖፐ፥ ታ ሶይን ደእሽተ” ጋደ ዎሳዱ፤ ምንሳደ ሾባዱ።
\s1 ጳዉሎስነ ስላሰ ቃሸቴድኖ
\p
\v 16 ኑን ጾሳ ዎስያሳ ቢሽን፥ ኢታ አያናይ እዝ ቦላ አቅና ካይያ እት ቆማ ናታ ኑናና ጋከታዱ፤ ሄ ናታ ካያደ ዳሮ ሚሻ ባረ ጎዳቶ ደማዱ። 
\v 17 ጋከታደ ጳዉሎሳነ ኑና ካላደ፥ “ሀዋንቱ ህንተንቶ አታና ኦግያ ኦድያዋንቱ፥ ኡባፐ ቦላ ጾሳ አይለቱዋ” ጋደ ኮሻ ቁ ኦደ ሃሳያዉ።
\p
\v 18 ኡባ ጋላስ ሄዋዳን ጋዉ፤ ሽን ጳዉሎስ ይሎቲደ ጉየ ስም፥ ሄ ኢታ አያና፥ “ኔን ኢፐ ከሳና ማላ የሱስ ክርስቶሳ ሱንን ኔና አዛዛይ” ያጌዳ፤ ሄ ማንእያን ኢታ አያናይ ኢፐ ከስ አጌዳ።
\p
\v 19 ሽን እዝ ጎዳቱ ባረንቱ ሚሻ ደማና ኦጊ ዬዳዋ በኢደ፥ ጳዉሎሳነ ስላሳ ኦይቂደ፥ ገያ ሳኣን ደእያ ዳናቱዋ ስን ጎች ከሴድኖ። 
\v 20 ዳናቱዋ ስን ኡንቱንታ አፊደ፥ “ሀዋንቱ አይሁዳ አሳ ግዲደ፥ ኑ ካታማ አሳ ሎይ መቶኖ። 
\v 21 ኑን ሮመ ጋድያ አሳ ግዲደ፥ አካናዉነ ኦናዉ ዎጋ ግደናባ ታማርሲኖ” ያጌድኖ።
\p
\v 22 አሳይ እት ባጋ ግዲደ፥ ጳዉሎሳ ቦላንነ ስላሳ ቦላ ደንዴዳ፤ ዳናቱካ ኡንቱንቱ ማዩዋ ቃር አኪደ፥ ጻምኣን ኡንቱንታ ሾጫና ማላ አዛዜድኖ። 
\v 23 ኡንቱንቱ ዳርስ ዋዳዋፐ ጉይያን፥ ቃሾ ጎልያን የጌድኖ። ቃሾ ጎልያ ናግያዌካ ኡንቱንታ ምንስ ናጋናዳን አዛዜድኖ። 
\v 24 ቃሾ ጎልያ ናግያዌ ሄ አዛዙዋ አኪደ፥ ጳዉሎሳነ ስላሳ ቃሾ ጎልያ ቆልኦ ገልሴዳ፤ ኡንቱንቱ ገድያካ ምና ጋ ዳራጺደ ቃቼዳ።
\p
\v 25 ሽን ቃማ ብላሄ ግድያ ሄራን ጳዉሎስነ ስላሰ ጾሳ ዎሲደ፥ ማዝሙርያ የጺደ ጾሳ ጋላቲኖ፤ ቃሸቶ አሳይ ኡንቱንቱ ግያዋ ስሴ። \fig ጳዉሎስነ ሲላሰ ቃሾ ጎለን|alt="Paul and Silas in stocks" src="LB00337B.TIF" size="span" ref="16:24"\fig* 
\v 26 ቃሾ ጎልያ ጻጱ ቃጻና ጋካናዉ ዎዛና አናን ቢታይ ዳርስ ቃጼዳ፤ ሄ ማንእያን ፐንጊካ ኡባይ ዶየት አግና፥ ቃሸቴዳ አሳ ኡባ ሳንላታይ ብለት ዎዳ። 
\v 27 ቃሾ ጎልያ ናግያዌ ገምእሹዋፐ ቤጎትያ ዎደ፥ ቃሾ ጎልያ ፐንጊካ ኡባይ ዶየቴዳዋ በኢደ፥ ቃሸቶ አሳይ ከስ አኪደ ብድጌዳዋ አዉ ማላትና፥ ባረና ዎናዉ ቆፒደ፥ ጩብያ አኬዳ። 
\v 28 ሽን ጳዉሎስ ኮሻ ቁ ኦደ፥ “ኔን ኔና አያነ ኦፓ፤ አያዉ ጎፐ፥ ኑን ኡባይ ሀዋን ደኤቶ” ያጌዳ።
\p
\v 29 ቃሾ ጎልያ ናግያዌ ጾምፕያ ዎስ አኪደ፥ ኤለካ ቆልኦ ዎጼዳ፤ ኮኮሪደ ጳዉሎሳ ስንንነ ስላሰ ስንን ጉፋኔዳ፤ 
\v 30 ኡንቱንታ ካረ ከሲደ፥ “ታ ጎዳቶ፥ ታን አታናዉ አያ ኦና በሲ?” ያጌዳ።
\p
\v 31 ጳዉሎስነ ስላሰ አ፥ “ጎዳ የሱስ ክርስቶሳ አማና፤ ኔን አታና፤ ነ ሶይ አሳይካ” ያጌድኖ። 
\v 32 ኡንቱንቱ አዉነ አ ሶይን ደእያ ኡባዉ ጎዳ ቃላ ኦዴድኖ። 
\v 33 ቃማ ሄ ሳትያንካ ቃሾ ጎልያ ናግያዌ ኡንቱንታ አፊደ ኡንቱንቱ ማይ ሜጬዳ፤ ሄ ማንእያን ባረ ሶይ አሳ ኡባና ጻማቀት አጌዳ። 
\v 34 ጳዉሎሳነ ስላሳ ፑደ ባረ ሶይ አፊደ፥ ኡንቱንቶ ቁማ አዳ፤ እ ባረ ሶይ አሳ ኡባና ጾሳ አማኔዳ ድራዉ፥ ናሸቴዳ።
\p
\v 35 ዎንትና ዳናቱ፥ “ሄ አሳቱዋ ብላ” ያጊደ፥ ፖልስያ ካፓቱዋ አኮ ኪቴድኖ። 
\v 36 ሄዋፐ ጉየ ቃሾ ጎልያ ናግያዌ፥ “ህንተንቱ ብለታና ማላ፥ ዳናቱ ታዉ ኪቴድኖ፤ ስም ሀእ ከሲደ ሳሮተን ቢተ” ያጊደ ሄ ኪታ ጳዉሎሳዉ ኦዴዳ።
\p
\v 37 ሽን ጳዉሎስ ሄ ፖልስያ ካፓቱዋ፥ “ኑን ሮመ ጋደ አሳ\f + \fr 16:37 \fr*\fq ሮመ ጋደ አሳ፦ \fq*\ft ሮመ ካዉተን ኤረቲደ ደእያ ጉ አሳይ ሄ ጋደ አሳቱዋ ጌተቲኖ። ሄዋንቶካ ቃይ ሀራቱዋፐ ዱማትያ ማታይነ ካጫይ ደኤ።\ft*\f* ግድሽን፥ ኡንቱንቱ ኑና ፕርዳይ ባይናን አሳ ስንን ዋደ፥ ቃሾ ጎልያን የጌድኖ። ሀእ ኑና ጌማን ከስ የዲኖ? ሀነና፤ ኡንቱንቱ ባረንቱ ሁጰዉ ዪደ፥ ኑና ከስኖ” ያጌዳ።
\p
\v 38 ፖልስያ ካፓቱ ዳናቶ ሄዋ ኦድና፥ ጳዉሎስነ ስላሰ ሮመ ጋደ አሳ ግዴዳዋ ስሴዳ ዎደ፥ ያዬድኖ። 
\v 39 ሄዋ ድራዉ፥ ዳናቱ ዪደ ኡንቱንታ፥ “ኑን ህንተንታ ናቄዶ” ጌድኖ። ቃሾ ጎልያፐ ካረ ኡንቱንታ ከሲደ፥ ካታማፐ ከሲደ ባና ማላ ዎሴድኖ። 
\v 40 ጳዉሎስነ ስላሰ ቃሾ ጎልያፐ ከሲደ፥ ሊድያ ሶይ ቤድኖ፤ ያን እሻቱዋና ጋከቲደ፥ ኡንቱንታ ምንሲደ ሄዋፐ ቤድኖ።
\c 17
\s1 ተሰሎንቀን ደንዴዳ ዋላሳ
\p
\v 1 ጳዉሎስነ ስላሰ፥ አምፕጶሊሳናነ አጶሎንያና አደ፥ ተሰሎንቀ ዬድኖ፤ ተሰሎንቀን አይሁዳ ዎሳ ጎሊ ደኤ። 
\v 2 ጳዉሎስ ባረ ዶያዳንካ ያ ገሌዳ፤ ሄዋን ሄዙ ሳምባታ ጋላሳቱዋን ጾሳ ማጻፋቱዋፐ አሳና ሃሳዬዳ፤ 
\v 3 ክርስቶስ ዋይያ አካናዉነ ሀይቁዋፐ ደንዳናዉ በስያዋ ኡንቱንቶ ብሊደ ኦዲድነ ቱማ ግዴዳዋካ ኡንቱንታ ኤርሲደ፥ “የሱስ ሀ ታን ህንተንቶ ኦድያዌ ክርስቶሳ” ያጌ። 
\v 4 ኡንቱንቱፐ እቱ እቱ የዉ ቱማ ግዴዳዋ አኬኪደ፥ ጳዉሎሳናነ ስላሰና ጋከቴድኖ፤ ሀዋዳንካ፥ ጾሳዉ ጎይንያ ጮራ ግሪከ አሳይነ ጮራ ቦንቼቴዳ ማጫዋንቱ፥ ጳዉሎሳናነ ስላሰና ጋከቴድኖ።
\p
\v 5 ሽን አይሁዳቱ ቃናቲደ፥ እት እት ኦሱ ባይና ኢታ አሳቱዋ ቆጫፐ ሺሺደ ካታማ አሳ ዋላሴድኖ፤ ጳዉሎሳነ ስላሳ አሳኮ ከሳና ማላ ኮዪደ፥ ያሶና ጎልያ ዶዴድኖ። 
\v 6 ጳዉሎስነ ስላሰ ኡንቱንቶ ቤተናን እጽና፥ ያሶናነ እት እት እሻቱዋ ካታማ ካፓቱዋኮ አፊደ፥ “ሀዋንቱ ጋድያ ኡባ መቶዳዋንቱ፥ ሀዋካ ዬድኖ። 
\v 7 ያትና ያሶን ኡንቱንታ ባረ ሶይን ዎዳ፤ ሀዋንቱ ኡባይ፥ ‘የሱሳ ግያ ሀራ ካቲ ደኤ’ ጊደ ቄሳረ አዛዙዋ ምንሲኖ” ያጊደ፥ ኮሻ ቂሲደ ሃሳዬድኖ።
\p
\v 8 ሺቄዳ አሳይነ ካታማ ካፓቱ ሄዋ ስሲደ መቶቴድኖ። 
\v 9 ካፓቱ ያሶናነ ሀራቱዋ ዋስያን ብሌድኖ።
\s1 ጳዉሎስነ ስላሰ ቤርያ ቤድኖ
\p
\v 10 አማንያዋንቱ ጳዉሎሳነ ስላሳ ሳአይ ቃምያዋን ኤለካ ቤርያ የዴድኖ። ያ ጋኪደ፥ አይሁዳ ዎሳ ጎለ ገሌድኖ። 
\v 11 ቤርያ አሳቱ ተሰሎንቀን ደእያ አሳቱዋፐካ አ ዶየቶ ዎዛናይ ደእያ ድራዉ፥ “ጳዉሎስ ጌዳዌ ቱመንቶነ” ያጊደ፥ ኡባ ጋላስ ጾሳ ማጻፋቱዋ ታማሪደ፥ ቃላ ኩመን ላሞታን አኬድኖ። 
\v 12 ሄዋ ድራዉ፥ ኡንቱንቱፐ ጮራቱ፥ ግሪካቱዋፐ ቦንቼቴዳ ጮራ ማጫዋንቱነ ጮራ አቱማ አሳቱ አማኔድኖ።
\p
\v 13 ሽን ተሰሎንቀን ደእያ አይሁዳቱ ጳዉሎስ ጾሳ ቃላ ቤርያንካ ኦዴዳዋ ስሴዳ ዎደ፥ ቤርያ ዪደ፥ አሳ አናና ዋላሴድኖ። 
\v 14 ሄዋፐ ጉይያን፥ እሻቱ ኤለካ ጳዉሎሳ አባ ማታን የድ አጌድኖ፤ ሽን ስላሰነ ጽሞቶሰ ቤርያን አቴድኖ። 
\v 15 ጳዉሎሳ ሞይዜዳ አሳቱ አቴና ጋድኖ፤ ሄ አሳቱ ስላሰነ ጽሞቶሰ ባረንቶ ዳንዳየቴዳዋዳን፥ ኤለካ ባረኮ ያና ማላ፥ ጳዉሎስ ኪቴዳ ኪታ አኪደ፥ ቤርያ ስሜድኖ።
\s1 ጳዉሎስ አቴና ቤዳ
\p
\v 16 ጳዉሎስ አቴናን ስላሳነ ጽሞቶሳ ናጊደ፥ ካታማን ኤቃይ ኩሜዳዋ በኢደ ይሎቴዳ። 
\v 17 ሄዋ ድራዉ፥ አይሁዳ ዎሳ ጎልያን አይሁዳቱዋናነ ጾሳዉ ጎይንያ አይሁዳ ግደና አሳቱዋና ፓሉመቴ፤ ቃይ ኡባ ጋላስ ገያን ባረናና ጋከትያ አሳናካ ፓሉመቴ። 
\v 18 ቃይ ኤፕቆሮሳፐነ\f + \fr 17:18 \fr*\fq ኤፕቆሮሳ፦ \fq*\ft ሀዌ ጋድያ ግዲደ፥ ሀ ጋድያን ደእያ አሳቱ ናሸችያ አሳ ደኦ ኮይሮ ሳኣ ኦይቄዳ ያግ ታማርስያ ኤፕቆሮሳ ግያ ብታንያ ትምርትያ ካልያዋንታ።\ft*\f* እስጾእክያፐ\f + \fr 17:18 \fr*\fq እስጾእክያ፦ \fq*\ft ሀዌካ ጋድያ ግዲደ፥ ሀ ጋደን ደእያ አሳቱ፥ ባረና ሞዱሳነ ባረ ቆፋን ካለሰትያዋ አሳይ ታማራና በሴ፥ ያግያ ትምርትያ ታማርስያ ዜኖ ያገትያ ብታንያ ትምርትያ ካልያዋንታ።\ft*\f* ዬዳ እት እት ኤራንቻቱ ጳዉሎሳና ፓሉመቴድኖ፤ ኡንቱንቱፐ እቱ እቱ፥ “ሀ ቶፊናይ አያ ሃሳያናዉ ኮዪ?” ያጌድኖ።
\p ሀራቱ ጳዉሎሳ የሱሳባነ ሀይቁዋፐ እ ደንዴዳዋ ባረንቶ ኦድያ ድራዉ፥ “ኦራ ጾሳቱባ ኦድያዋ ማላቴ” ያጌድኖ።
\p
\v 19-20 ጳዉሎሳ ኦይቂደ፥ “ሀ ኔን ታማርስያ ኦራ የዉ አየንቶ ኑና ኤርሳርኪ? አያዉ ጎፐ፥ ኔን ኑዉ ኦራባ ኦዳሳ፤ ስም ሀዌ አየንቶ ኑን ኤራናዉ ኮዬቶ” ያጊደ ጳዉሎሳ አርዮስፓጎሳ ጌተትያሳ አፌድኖ። 
\v 21 አቴና አሳይ ኡባይነ ሄዋን ደእያ እማቱ ኦራባ ሃሳዪድነ ስሲደ ፔሽያዋፐ አትን፥ ሀራባን ፔሽክኖ።
\p
\v 22 ጳዉሎስ አርዮስፓጎሳን ደእያ ሺቁዋ ስንን ኤቂደ፥ ሀዋዳን ያጌዳ፤ “አቴና አሳቶ፥ ጾሳቶ ኡባባን ህንተንቱ ዳሪ ያይያዋ ታን በአይ። 
\v 23 አያዉ ጎፐ፥ ታን ህንተንቱ ጎይንያዋ ጼላደ አሽን፥ ‘ኤረተና ጾሳዉ’ ጌተቲደ ጻፈቴዳ ያርሹዋ ሳኣ ቃይ ደማድ፤ ሄዋ ድራዉ፥ ሀ ህንተ ኤረናን ጎይንያዋ ታን ህንተንቶ ኦዳይ።
\p
\v 24 “አላምያነ አላምያን ደእያ ኡባባ መዳ ጾሳይ ሳሉዋነ ሳኣ ጎዳይ፥ አሳይ ኬጼዳ ጌሻ ጎልያን ደኤና።\x - \xo 17:24 \xo*\xt 1 ካታ. 8:27፤ ኢሳ. 42:5፤ ኪታ 7:48\xt*\x* 
\v 25 አየንቶ ፓጬዳ አሳዳን፥ አሳ ኩሽያ እ ጼለና፤ አያዉ ጎፐ፥ እ ባረ ሁጰዉ ደኡዋ ሸምፑዋነ ኡባባ አሳ ኡባዉ እሜዳ። 
\v 26 ጾሳይ አሳ ዛርያ ኡባ እት ኡራፐ መደ፥ ጋድያ ኡባን ዎዳ፤ እ ባረ ሁጰዉ ኡንቱንቱ ደአና ዎድያነ ሳኣ ካሰ ዛዋዬዳ።
\p
\v 27 “እ ሄዋ ኦዳዌ ኡንቱንቱ ኦይቂ ኦይቂ ጼሊደ፥ ባረና ኮዪደ፥ ኦን ኤር ደማናዋንቴሻ ግያዋና፤ ግዶፐነ፥ ጾሳይ ኑፐ ኦስነ ሃኮ ግደና። 
\v 28 አያዉ ጎፐ፥ ህንተንቱፐ እት እት ኤራንቻቱ፥ ‘ኑን አ ናና’ ጌዳዋዳን፥ ኑን አን ፓጻ ደኤቶነ ቃጸቴቶ። 
\v 29 ስም ኑን ጾሳ ናና ግዴዳ ድራዉ፥ ጾሳይ አሳ ጭንጫተንነ ቆፋን ዎርቃፐ ዎይ ብራፐ ዎይ ሹቻፐ ኦሰቴዳዋ ማላቴ ያጊደ፥ ቆፓናዉ በሰና። 
\v 30 ሄዋ ድራዉ፥ ጾሳይ አሳይ ኤርቤና ዎድያ አዳ፤ ሽን ሀእ ኡባ ሳን አሳይ ኡባይ ናጋራፐ ስማና ማላ አዛዜዳ። 
\v 31 አያዉ ጎፐ፥ ጾሳይ ዎድያ ኬር ዎዳ፤ ሄ ዎድያን ባረ ዶሬዳ ኡራን ሳኣን ደእያ አሳ ኡባ ቦላ ጽሎ ፕርዳ እ ፕርዳና፤ አሳ ኡባዉ ሀይቁዋፐ የሱሳ ደንዳዋን ሄዋ ቱማዬዳ” ያጌዳ።
\p
\v 32 ኡንቱንቱፐ እት እት አሳቱ ሀይቁዋፐ ደንዱዋባ ጳዉሎሳፐ ስሲደ፥ አ ቦላ ቅሊጬድኖ፤ ሽን ሀራ አሳቱ አ፥ “ኑን ሀዋ ኔፐ ጉጂደ ስሳና ኮዬቶ” ጌድኖ። 
\v 33 ሄዋ ድራዉ፥ ጳዉሎስ ኡንቱንቱ ግዶፐ ከሴዳ። 
\v 34 ሽን እት እት አቱማ አሳቱ ጳዉሎሳና ጋከቲደ አማኔድኖ፤ ኡንቱንቱ ግዱዋን አርዮስፓጎሳን ደእያ ፕርዳ ጎለ ዳናይ ድዮናስዮስ፥ ዳማሪሶ ጌተትያ እት ምሽራትና ሀራ አሳቱ ደኢኖ።
\c 18
\s1 ጳዉሎስ ቆሮንቶሳ ቤዳ
\p
\v 1 ሄዋፐ ጉይያን፥ ጳዉሎስ አቴናፐ ከሲደ፥ ቆሮንቶሳ ቤዳ። 
\v 2 ሄዋን አቂላ ግያ እት አይሁዳ ብታንያ ደሜዳ፤ አቂላይ ጳንጾሳን የለቴዳ፤ አይሁዳ አሳይ ኡባይ ሮመፐ ከሳና ማላ፥ ቃላዉደዮስ አዛዜዳ ድራዉ፥ አማሬዳ ዎድያፐ ካሰ፥ እ ባረ ማቻት ጵርስቂላና ጻልያፐ ዬዳ፤ ጳዉሎስ ኡንቱንቱና ጋከታናዉ ቤዳ። 
\v 3 አ ኦሱነ ኡንቱንቱ ኦሱ እት ማላ ዱንካንያ ስካ ግድያ ድራዉ፥ ኡንቱንቱና ኡቲደ፥ እትፐ ኦዳ። 
\v 4 ጳዉሎስ ሳምባታ ኡባን አይሁዳቱዋና ግሪካቱዋ አማንናዉ አይሁዳ ዎሳ ጎልያን ፓሉመቴ።
\p
\v 5 ስላሰነ ጽሞቶሰ ማቅዶንያፐ ዬዳ ዎደ፥ ጳዉሎስ አይሁዳቶ የሱስ ባረ ሁጰዉ ክርስቶሳ ግዴዳዎ ቃላ ኦዱዋ ቶሌዳ። 
\v 6 ሽን ኡንቱንቱ ጳዉሎሳ ሃሳያ ጳልቂናነ አ ቦርና፥ ጳዉሎስ ባረ ማዩዋፐ ባና ቆቆፊደ፥\f + \fr 18:6 \fr*\fk ማዩዋፐ ባና ቆቆፊደ፦ \fk*\ft ሀዋ ጉሳይ ገድያፐ ባና ቆቆፍያዋና እታ።\ft*\f* “ህንተንቱ ኢታተይ ህንተንታ ኦይቆ፤ ታን ሄዋን ገልከ፤ ሀዋፐ ህን ባጋን ታን አይሁዳ ግደና አሳኮ ባይ” ያጌዳ።
\p
\v 7 ሄዋፐ ከሲደ፥ ጾሳዉ ጎይንያ ዮስጾሳ ግያ ብታንያ ሶይ ቤዳ፤ ዮስጾሳ ጎሊ አይሁዳ ዎሳ ጎልያ ማታን ደኤ። 
\v 8 አይሁዳ ዎሳ ጎለ ካፑ ቃርስጶስ ባረ ሶይ አሳ ኡባና ጎዳ አማኔዳ፤ ቆሮንቶሳ አሳቱዋፐካ ጮራቱ ጾሳ ቃላ ስሴዳ ዎደ፥ አማኒደ ጻማቀቴድኖ።
\p
\v 9-10 ጎዳይ እት ቃማ ሳጻን ጳዉሎሳ፥ “ያዮፓ፤ ኦዳ፤ ጮኡ ጎፓ። ታን ኔናና ደእያ ድራዉ፥ ኔና ቆሀናዉ ኢታባን የጋና አሳይ ኦንነ ባዋ፤ አያዉ ጎፐ፥ ታዉ ሀ ካታማን ጮራ አሳይ ደኤ” ያጌዳ። 
\v 11 ጳዉሎስ ጾሳ ቃላ አሳ ታማርሲደ፥ እት ላይነ ኡሱፑን አገና ኡንቱንቱና ኡቴዳ።
\p
\v 12 ጋልዮሰ አካይያ ጋድያ ሞድያ ዎደ፥ አይሁዳቱ እትፐ ጳዉሎሳ ቦላ ደንዲደ፥ ፕርዳ ጎለ አ አፊደ፥ 
\v 13 “ሀ ብታኒ ሙሴ ህግያ እጺደ፥ አሳይ ጾሳዉ ጎይናና ማላ ጭሜ” ያጌድኖ።
\p
\v 14 ጳዉሎስ ሃሳያና ሀንሽን፥ ጋልዮሰ አይሁዳቱዋ፥ “አይሁዳቶ፥ ሄዌ ባላ ኦሱዋ ዎይ ኢታ ናቆ ግዶፐ፥ ታን ህንተንቱባ ዳንዳያደ ስሳናዉ በሴ። 
\v 15 ሽን ቃላዉ ሱንዉነ ህንተ ሁጰ ህግያዉ ህንተንቱ ፓሉመቶፐ፥ ህንተ ሁጰዉ ኤርተ፤ ሀዋ ታን ፕርድከ” ያጌዳ። 
\v 16 ፕርዳ ጎልያፐ ካረዉ ኡንቱንታ ከሴዳ። 
\v 17 ሄዋፐ ጉይያን፥ ግሪከ አሳይ ኡባይ አይሁዳ ዎሳ ጎለ ካፑዋ ሶስተኒሳ ኦይቂደ፥ ፕርዳ ጎልያ ስንን ሾጬድኖ፤ ሽን ጋልዮሳ ሄዌ አይነ መትቤና።
\s1 ጳዉሎስ አንጾክያ ቤዳ
\p
\v 18 ጳዉሎስ ዳሮ ዎድያ ቆሮንቶሳን ኡቴዳዋፐ ጉይያን፥ እሻቱዋ ሳሮቲደ፥ ጵርስቂልናነ አቂላና ማርካብያን ሶርያ ቤዳ፤ ባረዉ ሺቄዳ ጋሱ ደእያ ድራዉ፥ ክንክርያ ካታማን ባረ ሁጲያ ሜደቴዳ።\f + \fr 18:18 \fr*\fk ሁጲያ ሜደቴዳ፦ \fk*\ft ጳዉሎስ ጉ ዎድያዉ “ዱማታና” ጊደ ጫቄዳ። ሀዋ ጉሳይ፥ ባረ ሁጲያካ ሜደተና፤ ዎይንያካ ኡሸና ጉሳ። ሽን እ ጫቄዳ ዎዲ ዉሮደ፥ ባረ ሁጲያ ሜደቲደ ጾሳዉ ያርሹዋ ያርሻናዉ በሴ ጉሳ።\ft*\f*\x - \xo 18:18 \xo*\xt ፓይ. 6:18\xt*\x* 
\v 19 ኡንቱንቱ ኤፈሶነ ጋኬዳ ዎደ፥ ጳዉሎስ ጵርስቂሎነ አቂላ ያን የግ ዬዳ፤ ሽን ባረዉ አይሁዳ ዎሳ ጎለ ገሊደ፥ አይሁዳቱዋና ፓሉመቴዳ። 
\v 20 ኡንቱንቱ ባረንቱና ዳሮ ዎድያ ኡታና ማላ ጳዉሎሳ ዎስና እ እጼዳ። 
\v 21 ሽን ኡንቱንቱፐ ሻከቲደ፥ “ጾሳይ ጎፐ፥ ላኤንዋ ህንተንቱኮ ስማና” ያጊደ ኤፈሶናፐ ማርካብያን ቤዳ። 
\v 22 ቂሳርያ ጋኬዳ ዎደ የሩሳላመ ቢደ፥ አማንያ አሳ ሳሮቴዳዋፐ ጉይያን፥ አንጾክያ ዎዳ።
\p
\v 23 ያን አማሬዳ ዎድያ ጋምኢደ ቤዳ፤ ካልያዋንታ ኡባ ምንሲደ፥ ጋላትያናነ ፕርግያና አዳ።
\s1 አጲሎስ ኤፈሶናነ ቆሮንቶሳ ቤዳ
\p
\v 24 እስክንድርያን የለቴዳ አይሁዳ አሳ እት አጲሎሳ ግያ ሎኦ ሃሳይያዌ ኤፈሶነ ቤዳ፤ ጾሳ ማጻፋቱዋ እ ዳርስ ኤርያ አሳ። 
\v 25 ጎዳ ኦግያካ ታማሬዳ አሳ፤ ዮሃንሳ ጽንቃታ ጻላላ ኤሪደ፥ አያናን ባረ ጋርሳን ኤጸቲደ፥ የሱሳባ ሱርሲደ ሃሳዬዳነ ታማርሴዳ። 
\v 26 ያቲደ አይሁዳ ዎሳ ጎልያን ያየናን ሃሳያ ዶሜዳ። ጵርስቂላይነ አቂላይ እ ኦድያዋ ስሴዳ ዎደ፥ ባረንቱና ሶይ አ አፊደ፥ ጾሳ ኦግያ ካሰፐ ሱርሲደ፥ አዉ ጌሽ ኦዴድኖ።
\p
\v 27 አጲሎስ አካይያ ፕናና ኮይና፥ እሻቱ አ ምንሲደ፥ አካይያን ደእያ ካልያዋንቱ አ ሞካና ማላ፥ ኡንቱንቶ ዳብዳቢያ ጻፌድኖ፤ እ ያ ጋኪደ፥ ጾሳ አ ኬካተን አማንያዋንታ ዳሮ ማዴዳ። 
\v 28 አያዉ ጎፐ፥ የሱስ ባረ ሁጰዉ ክርስቶሳ ግዴዳዋ አይሁዳቶ ጾሳ ማጻፋቱዋፐ ቆንጭሲደ፥ አሳ ስንን ምንሲደ ኦዴዳ። \fig ጳዉሎሳ ሄዘን ኦጊያ|alt="Paul's 3rd Journey" src="dwr_Paul3_B&WFlat.indd" size="span" loc="ACT 18:23—21:17" ref="18:23—21:17"\fig*
\c 19
\s1 ጳዉሎስ ኤፈሶነ ቤዳ
\p
\v 1 አጲሎስ ቆሮንቶሳን ደእሽን፥ ጳዉሎስ ቆሞ ባጋና አደ፥ ኤፈሶነ ቤዳ፤ እት እት ካልያዋንታ ደሜዳ። 
\v 2 ጳዉሎስ ኡንቱንታ፥ “ህንተንቱ አማኔዳ ዎደ ጌሻ አያና አኬድቴ?” ያጊደ ኦቼዳ።
\p ኡንቱንቱ፥ “ቱይት፥ አክበይኮ፤ ሀራይ አቶ፥ ጌሻ አያናይ ደእያዋካ ስስበይኮ” ያጌድኖ።
\p
\v 3 ጳዉሎስ ኡንቱንታ፥ “ያትና፥ አያን ጻማቀቴድቴ?”\f + \fr 19:3 \fr*\fq አያን ጻማቀቴድቴ? \fq*\ft ሀዋ ጉሳይ ኦ ሱንን ጻማቀቴድቴ፥ ጉሳ።\ft*\f* ያጌዳ።
\p ኡንቱንቱ፥ “ኑን ዮሃንሳ ጽንቃታን ጻማቀቴዶ” ያጊደ ዛሬድኖ።
\p
\v 4 ጳዉሎስ፥ “ዮሃንስ ባረፐ ጉይያን ይያ የሱስ ክርስቶሳን አሳይ አማናና ማላ፥ አሳዉ ኦዲደ፥ ናጋራፐ ስምያ ጽንቃታን ጻማቄዳ” ያጌዳ።
\p
\v 5 ኡንቱንቱ ሄዋ ስሴዳ ዎደ፥ ጎዳ የሱስ ክርስቶሳዉ ግዳናዉ ጻማቀቴድኖ። 
\v 6 ጳዉሎስ ባረ ኩሽያ ኡንቱንቱ ቦላ ዎዳ ዎደ ጌሻ አያናይ ኡንቱንቱ ቦላን ዎና፥ ዱማ ዱማ ቃላን ሃሳዬድኖ፤ ቃይ ትምቢትያካ ኦዴድኖ። 
\v 7 ሄዋን ታማነ ላኡ አሳቱዋ ግድያዋንቱ ደኢኖ።
\p
\v 8 ጳዉሎስ አይሁዳ ዎሳ ጎለ ገሊደ፥ ጾሳ ካዉተባ ፓሉመቲድነ አኬክሲደ፥ አሳና ሄዙ አገና ግድያዋ ኬና ያየናን ሃሳዬ። 
\v 9 ሽን ኡንቱንቱፐ እቱ እቱ ማካሊደ፥ ጮራ አሳ ስንን ጎዳ ኦግያ ቦሪደ አማነናን እጽና፥ ጳዉሎስ ኡንቱንቱፐ ሻከት፥ ባረና ካልያዋንታ ባረናና አፌዳ፤ ጽራኖሳ ግያ ትምርተ ጎልያን ኡባ ጋላስ ፓሉመቴ። 
\v 10 ጳዉሎስ ላኡ ላይ ጋካናዉ ቃላ ኦዴዳ፤ ሄዋ ድራዉ፥ ኢስያን ደእያ አሳይ ኡባይ፥ አይሁዳቱካ አይሁዳ ግደናዋንቱካ ጎዳ ቃላ ስሴድኖ።
\s1 ጾሳይ ጳዉሎሳ ኩሽያን ኦዳ ኦራባ
\p
\v 11 ጾሳይ ጳዉሎሳ ባጋና ዱማ ማላታ ኦዳ። 
\v 12 ሄዋ ድራዉ፥ አሳይ አ ቦላይ ቦቼዳ ማራብያ ዎይ ማዩዋ ሀርጋንቻቶ አፌ፤ ሀርጋንቻቱካ ፓጺኖ፤ ኢታ አያናቱካ ኡንቱንቱፐ ከሲኖ።
\p
\v 13 ኢታ አያናቱዋ ከሲደ ዩይያ አይሁዳቱዋፐ እቱ እቱ፥ “ጳዉሎስ ቃላ ኦድያ የሱሳ ሱንን ኑን ህንተንታ ከስተ ጊደ አዛዜቶ” ያጊደ፥ ኢታ አያናቱ ደእያ አሳቱዋ ቦላን ጎዳ የሱሳ ሱን ጼስ በኤድኖ። 
\v 14 ቄሳቱዋ ካፑዋ አስቄዋ ግያ እት አይሁዳ ብታንያዉ ሄዋ ኦዳ ላፑ ናናይ ደኢኖ።
\p
\v 15 ኢታ አያናይ ኡንቱንቶ ዛሪደ፥ “ታን የሱሳ ኤራይ፤ ጳዉሎሳካ ኤራይ። ሽን ህንተንቱ ኦኔ?” ያጌዳ።
\p
\v 16 ኢታ አያናይ ደእያ ብታኒ ኡንቱንቱ ቦላ ጉፕ ዎና፥ ኡንቱንቱ ማሱንጺደ፥ ሄ ጎልያፐ ካሎ ዎጻና ጋካናዉ፥ ዎልቃሚደ ጾኔዳ። 
\v 17 ኤፈሶነን ደእያ አይሁዳቱነ አይሁዳ ግደናዋንቱ ኡባይ ሄዋ ስሲደ ኡባይ ዳሮ ያዬድኖ፤ ጎዳ የሱሳ ሱንይካ ዳሮ ቦንቼቴዳ። 
\v 18 አማንያዋንቱፐ ጮራ አሳቱ ባረንቱ ኦዳዋ ፓጺድነ ቆንጭያን ኦዲደ ዪኖ። 
\v 19 ብትያዋንቱፐ ጮራቱ ባረንቱ ማጻፋቱዋ ሺሺደ፥ አሳ ኡባ ስንን ጉዴድኖ፤ ሄ ማጻፋቱዋ ጋትያ ሄትያ ዎደ፥ እሻታሙ ሻአ ብራ ሳንትምያ ግዴዳ። 
\v 20 ሄዋ ማላ ዎልቃማ ኦግያን ጾሳ ቃላይ ድጬነ አኬ።
\s1 ኤፈሶነ ካታማን ዋላሳይ ደንዴዳ
\p
\v 21 ሄዌ ፖለቴዳዋፐ ጉይያን ጳዉሎስ፥ “ታን የሩሳላመ ባደ ሮመካ ቃይ በአናዉ በሴ”\f + \fr 19:21 \fr*\ft ጳዉሎስ ሀዋ አያና ጌሻን ካለሰቲደ ሃሳዬዳዋ።\ft*\f* ያጊደ፥ ማቅዶንያናነ አካይያና አደ፥ የሩሳላመ ባናዉ ቆፋ ቃቼዳ። 
\v 22 ቃይ ባረና ማድያዋንቱፐ ላአቱዋ ጽሞቶሳነ ኤራስጾሳ ማቅዶንያ ኪቲደ፥ ባረዉ ኢስያን አማሬዳ ዎድያ ጋምኤዳ።
\p
\v 23 ጎዳ ኦግያ ድራዉ፥ ሄ ዎደ ዳሮ ዋላሳይ ከሴዳ። 
\v 24 አያዉ ጎፐ፥ ጻጋራ ብራ ሙሽሲደ ትግ መያ ድመጽሮሳ ግያ እት ብታኒ አርጸሚስ ጌሻ ጎልያ ምስልያ ብራፐ ትግ ትጊደ፥ ኦሳንቻቶ ዳሮ ዎያ ደሜ። 
\v 25 ሄዋንታነ ኡንቱንቱዋ ማላ ኦሱዋ ኦያዋንታ እትፐ ሺሺደ፥ ሀዋዳን ያጌዳ፤ “አሳዉ፥ ኑ ዱረተይ ሀ ኦሱዋና ግድያዋ ህንተ ኤሪታ። 
\v 26 ሄዌ ጳዉሎስ፥ ‘አሳ ኩሺ መዳዋንቱ ጾሳቱዋ ግድክኖ’ ያጊደ፥ ኤፈሶነ ጻላላን ግደናን አማሬዳ ጋዳቱዋፐ አትን፥ ኢስያን ኡባን ጮራ አሳዉ ኦድ አማንዳዋ ህንተንቱ በኤድታነ ስሴድታ። 
\v 27 ሎኤናባይ፥ ኑ ኦሱ ካታናዋ ጻላላ ግደና፤ ሽን ኢስያን ደእያ ኡባቱነ ሳኣ ኡባን ደእያዋንቱ ጎይንያ ዎልቃማ ጾሳቶ ጌተትያ አርጸሚስ ጌሻ ጎሊ ቦንቼተናን አታናዋነ፥ እዝ ዳሮተይ ኩንዳናዋ” ያጌዳ።
\p
\v 28 አሳይ ሄዋ ስሴዳ ዎደ ሎይ ሀንቀቲደ “ኤፈሶነ አርጸሚሳ ዎልቃማ” ያጊደ ጫቦቴድኖ። 
\v 29 ካታማ ኡባን ዋላሳይ ደንዴዳ፤ ጳዉሎሳና ሀመትያ ማቅዶንያ አሳቱዋ ጋዮሳነ አርስጽሮኮሳ ባረንቱና ኦይቂ አኪደ፥ እትፐ ካሳ ሳኣ ዎጼድኖ። 
\v 30 ጳዉሎስካ አሳይ ሺቄዳሳ ገላናዉ ኮዬዳ። ሽን ካልያዋንቱ አ ድጌድኖ። 
\v 31 ኢስያ ጋድያ ካፓቱዋፐ ጳዉሎሳ ላገቱዋፐ እቱ እቱ ጳዉሎሳዉ ኪቲደ፥ ካሳ ሳኣን ቆንጭያ ከሲደ እ ቤተና ማላ፥ አ ዎሴድኖ።
\p
\v 32 ሺቁዋን ዋላሳይ ደንድና፥ ዳርያ ባጋ አሳይ ሀራይ አቶ አያዉ ሺቄደንቶ ኤረና ድራዉ፥ እቱ እትባዉ ዋላቀትያ ዎደ፥ የኩ ቃይ ሀራባዉ ዋላቀቴ። 
\v 33 አይሁዳቱ እስክንድራ አ በስና፥ እት እት አሳይ እ ሃሳያና ማላ፥ አሳ ግዶፐ ስንዉ አ አዳ፤ አሳይ ጮኡ ጋና ማላ፥ እ ባረ ኩሽያን ጾርስ በሲደ፥ አሳዉ ሞተታናዉ ኮዬዳ። 
\v 34 ሽን እስክንድረ አይሁዳ አሳ ግዴዳዋ አሳይ ኤሬዳ ዎደ፥ ላኡ ሳተ ግድያዋ ኬና ኡባይ እት ቃላን፥ “ኤፈሶነ አርጸሚሳ ዎልቃማ” ያጊደ ጫቦቴድኖ።
\p
\v 35 ካታማዉ ጻፈ ግዴዳዌ አሳ ጮኡ ኦደ፥ ሀዋዳን ያጌዳ፤ “ኤፈሶነ አሳዉ፥ ኤፈሶነ ካታማይ ዎልቃማ አርጸሚስስነ ሳሉዋፐ ዎዳ ኤቃ ሹቻዉ ኤቃ ጎልያ ናግያዋ ግዴዳዋ ኤረና አሳይ ኦኔ? 
\v 36 ሀዋ ካድያ አሳይ ባይና ድራዉ፥ ህንተንቱ ዎፑ ጋናዉነ ድርበናን አጋናዉ በሴ። 
\v 37 አያዉ ጎፐ፥ ሀዋንቱ ጌሻ ጎልያ ሚሻ ዉእቤናዋንታ ኑ ጾሳቱዋካ ቦርቤናዋንታ አሄድታ። 
\v 38 ሄዋ ድራዉ፥ ድመጽሮስነ አናና ደእያ ኦሳንቻቱ አሳ ሞታናዉ ኮዮፐ፥ ፕርዳ ጎሊ ዶያ ደኤ፤ ቃይ ጋድያ ሞድያዋንቱካ ደኢኖ፤ ኡንቱንቱ ባረንቱ ግዶን ሞተቲኖ። 
\v 39 ሽን ህንተ ሀራ የዉዋ ኮዮፐ፥ ህግያ ሺቁዋን የዉዋ ቃቻና። 
\v 40 አያዉ ጎፐ፥ ሀቼ ሀኔዳዋ ሻቢረ ጊደ፥ ሮመ ጋድያ አሳቱ ኑና ሞታና፤ ሀ ሺቆካ ጋሱ ባይና ድራዉ፥ ኑን ጋሱዋ ኦዳናዉ ዳንዳዮኮ” 
\v 41 ያጊደ ሺቁዋ ላሌዳ።
\c 20
\s1 ጳዉሎስ ማቅዶንያነ ግሪከ ቤዳ
\p
\v 1 ዋላሳይ እርጼዳዋፐ ጉይያን፥ ጳዉሎስ ካልያዋንታ አህሲደ ዞሬዳ፤ ኡንቱንታ፥ “ሳሩዋን ደእተ” ጊደ፥ ማቅዶንያ ባናዉ ከሴዳ። 
\v 2 ሄ ጋድያና አደ፥ ቃላ ኦዲደ፥ አሳ ሎይ ምንሴዳዋፐ ጉይያን፥ ግሪከ ጋደ ዬዳ። 
\v 3 እ ሄዋን ሄዙ አገና ኡቲደ፥ ማርካብያን ሶርያ ባናዉ ቆፕሽን፥ አይሁዳቱ ባረና ዎናዉ ኮይያዋ በኢደ፥ ማቅዶንያና ጉየ ስማናዉ ባረ ቆፋ ቃቼዳ።
\p
\v 4 ጳዉሎሳ ሞይዜዳዋንቱ፥ ቤርያፐ ጳርሃሳ ናኣ ሶሲጳጽሮሳ፥ ተሰሎንቀፐ አርስጽሮኮሳነ ስኮንድሳ፥ ደርበፐ ጋዮሳነ ኢስያፐ ትክቆሳነ ጽሮፍሞሳ፥ ቃይ ጽሞቶሳ። 
\v 5 ሄዋንቱ ስንዉ ቢደ፥ ኑና ጽሮኣዳን ናጊኖ። 
\v 6 ኑን ኡክ ባላ ጋላሳ ቦንቾዋፐ ጉይያን፥ ፕልጵስዮሳ ግያ ጋድያፐ ማርካብያን ደንዲደ፥ እቼሹ ጋላሳን ጽሮኣዳን ኡንቱንታ ጋኪደ፥ ያን ላፑ ጋላሳ ኡቴዶ።
\s1 ጳዉሎስ ጽሮኣዳ ቤዳ
\p
\v 7 ኑን ዎጋ ጋላስ\f + \fr 20:7 \fr*\fq ዎጋ ጋላስ፦ \fq*\ft ግሪክያ ማጻፋን፥ ሳምባታቱዋፐ እቱዋን ያጌ።\ft*\f* ኡክ መንናዉ ሺቅ ደእሽን፥ ጳዉሎስ ዎንትና ባናዉ ቆፔዳ ድራዉ፥ ኡንቱንቶ ቃላ ኦዲደ፥ ቃማ ብላሂ ጋካናዉ የዉዋ አዱሴዳ። 
\v 8 ኑን ሺቅ ኡቴዳ ፖቅያን ጮራ ጾምፒ ደኤ። 
\v 9 ኤዉጽኮሳ ግያ እት ዎዳላይ ማስኮትያ ቦላ ኡቲደ፥ ዳርስ ገምእሼዳ። ጳዉሎስ ሃሳያ አዱሴዳ ዎደ፥ ኤዉጽኮስ ገምእሹዋን ሀይሬዳዌ ሄዘንያ ፖቅያፐ ሳኣን ኩንዲደ ሀይቄዳዋ አሳይ ደንዳ። 
\v 10 ሽን ጳዉሎስ ዎደ፥ አ ቦላ ጉፋኔዳ። አ እድሚደ፥ “አ ሸምፑ ከስቤና ድራዉ ህርጎፕተ” ያጌዳ። 
\v 11 ያቲደ ፑደ ፖቅያ ከሲደ፥ ኡክ መንደ ሜዳ፤ ሳአይ ዎንታና ጋካናዉ፥ ዳሮ ዎድያ ሃሳዬዳዋፐ ጉይያን ቤዳ። 
\v 12 ዎዳላይ ፓጽና፥ ሶይ አፊደ፥ ዳርስ ናሸቴድኖ።
\s1 ጳዉሎስ ጽሮኣዳፐ ምሊጸ ቤዳ
\p
\v 13 ሽን ጳዉሎስ ባረና ያፐ ኑን ሞካና ማላ፥ ኑዉ ኦዴዳ ድራዉ፥ ካሰቲደ ማርካብያኮ ቢደ፥ አሶሳ ባናዉ ደንዴዶ፤ አያዉ ጎፐ፥ ገድያን ባናዉ እ ቆፔዳ ድራዉ ኑና ሄዋዳን አዛዜዳ። 
\v 14 እ ኑናና አሶሳን ጋከትና፥ ማርካብያን አ አኪደ ምጽሊነ ዬዶ። 
\v 15 ዎንተ ጋላስ ያፐ ማርካብያን ደንዲደ፥ ክዮሳ ሄራ ጋኬዶ፤ ቃይ ዎንተ ጋላስ ሳሞሳ ፕኔዶ፤ ትሮግልዮመን አቂደ፥ ዎንትና ምሊጸ ዬዶ። 
\v 16 አያዉ ጎፐ፥ ጳዉሎስ ኢስያን ዳሪ ጋምኤናን ኤፈሶነ ላንቂያና አናዉ ባረ ቆፋ ቃቼዳ፤ ባረዉ ዳንዳየቶፐ፥ ጰንጸቆስተ ጌተትያ ጋላስ የሩሳላመ ጋካናዉ ኤሌሌ።
\s1 ጳዉሎስ ኤፈሶነ ጭማቶ ዉርሰ ሃሳያ ሃሳዬዳ
\p
\v 17 ጳዉሎስ ምሊጸፐ ኤፈሶነ ኪቲደ፥ አማንያ አሳ ካለያዋንታ ጼግሴዳ። 
\v 18-19 ዎሳ ጎለ ጭማቱ ጳዉሎሳኮ ዪና፥ ኡንቱንታ እ ሀዋዳን ያጌዳ፤ “ታን ኢስያ ገሌዳ ኮይሮ ጋላሳፐ ዶምና፥ ካዉሻተንነ ዳሮ አፎን ጎዳዉ ኦደ፥ አይሁዳቱዋ ሺቁዋፐ ታና ጋኬዳ ፓጨ ግዴዳ ዎድያ ኡባን ህንተንቱና ዋናደ ደኣድታንቶ ህንተንቱ ኤሪታ። 
\v 20-21 ናጋራፐ ጾሳኮ ስምያዋነ ኑ ጎዳ የሱስ ክርስቶሳ አማንያዋ አይሁዳቶነ አይሁዳ ግደናዋንቶ ማርካታደ፥ ሺቁዋንካ ህንተንቱ ጎለን ጎለንካ ህንተንቶ ኦዳደ ታማርሴዳዋፐ አትን፥ ህንተንታ ጎእያባፐ እትባነ ፓጭሳ በይከ።
\p
\v 22 “በእተ፤ ሀእካ ታን ጌሻ አያናዉ አዛዘታደ፥ የሩሳላመባይ፤ ያን ታዉ አዬ ከሳነንቶነ ኤርከ። 
\v 23 ጌሻ አያናይ ቃሹነ ዋዪ ታና ናግያዋ ካታማ ኡባን ታዉ ኦዴ። 
\v 24 ሽን ታ ዎ ፖላናዉነ ጎዳ የሱስ ክርስቶሳፐ ታን አኬዳ ኦሱዋ ጾሳ አ ኬካተ ዎንጋላ ምሽራቹዋ ማርካትያዋ ፖላናዉ፥ ታ ሸምፑዋ ማደናዋዳን ፓይዳይ።
\p
\v 25 “በእተ፤ ታን ሀእካ ጾሳ ካዉተባ ኦዳደ፥ ህንተንቱ ኡባ ግዶን ዩያድ፤ ስም ሀዋፐ ስንዉ ህንተንቱፐ ኦንነ ታና በኤናዋ ኤራይ። 
\v 26 ሄዋ ድራዉ፥ ህንተንቱፐ እት ኡራይ ባዮፐካ ታን ሄዋን ገለናዋ ሀቼ ህንተንቶ ጌሻደ ኦዳይ። 
\v 27 አያዉ ጎፐ፥ ጾሳይ ኦናዉ ቆፔዳዋ ኡባ ህንተንቶ አይነ አሸናን ኦዳድ።
\p
\v 28 “የሱስ ባረ ሱን ዎዜዳ ጾሳ አማንያዋንታ ናግተ፤ ቃይ ጌሻ አያናይ ህንተንታ ካፓቱዋ ኦደ ሱንዳ ዉድያ ኡባነ ህንተንቱ ሁጲያ ናግተ። 
\v 29-30 ታን ቤዳዋፐ ጉይያን፥ ዉድያዉ ቃረተና ኢታ ዎራካናቱ ህንተንቱ ግዶ ገላናዋንታነ፥ ካልያዋንታ ባረንቱ ጌዱዋ ካለናዉ ዎርዱዋ ሃሳይያ አሳቱ ህንተንቱ ግዶፐ ደንዳናዋ ኤራይ። 
\v 31 ሄዋ ድራዉ፥ ታን ሄዙ ላይ ቃማነ ጋላሳ አፎን ህንተንታ ሁጲያን ሁጲያን ምንስያዋ አጋቤናዋ ቆፒደ ገንጭተ።
\p
\v 32 “ሀእካ ህንተንታ ምንሳናዉነ ጌሻ አሳ ኡባ ግዶን ላትሳናዉ ዳንዳይያ ጾሳዉነ አ አ ኬካተ ቃላዉ ህንተንታ ሀዳራ እማይ።
\p
\v 33 “ታን ኦፐነ ብራ ዎይ ዎርቃ ዎይ ማዩዋ አሞታበይከ፤ 
\v 34 ታን ሀ ታ ኩሽያን ታናነ ታናና እትፐ ደእያዋንታ ኮሼዳዋ ኦዳዋ ህንተንቱ ህንተንቱ ሁጰዉ ኤሪታ። 
\v 35 ህንተንቱ ሀዋዳን ዳቡር ኦደ፥ ዳቡራንቻቱዋ ማዳናዉነ ጎዳ የሱስ ባረ ሁጰዉ፥ ‘አክያዋፐ እምያዌ አንጀቴዳዋ’ ጌዳዋዳን፥ አ ቃላ ህንተንቱ ዎዛና አናዉ በስያዋ ታን ጮራ ኦግያን ህንተንታ በሳድ” ያጌዳ።
\p
\v 36 ጳዉሎስ ሄዋ ሃሳይ ዉርሲደ፥ ኡንቱንቱ ኡባና እትፐ ጉልባቲደ፥ ጾሳ ዎሴዳ። 
\v 37 ኡንቱንቱ ኡባይ ጳዉሎሳ እድሚደ፥ ዬኪደ የሬድኖ። 
\v 38 ኡባፐ እ፥ “ታና ላኤንዋ ኡባካ በእክታ” ያጌዳ ቃላይ ኡንቱንታ ዳሮ ቃረና ማርካብያ ጋካናዉ አ ሞይዜድኖ።
\c 21
\s1 ጳዉሎስ የሩሳላመ ቤዳ
\p
\v 1 ኑን ኤፈሶነ ጭማቱዋፐ ሻከቲደ፥ ቆሳ ጌተትያ ሃን ዶደቶ ሳኣ ዪ አጌዶ፤ ዎንትሳ ጋላስ ሮዳ ጋኬዶ፤ ሄዋፐ ጳጽራ ቤዶ። 
\v 2 ፕንቀ ፕንያ ማርካብያ ደሚደ፥ አን ገሊደ ባናዉ ደንዴዶ። 
\v 3 ኑን ቆጲሮሳፐ በአናዉ ዳንዳይያሳ ዪደ፥ አዋይ ከስያሳ ጼልያ ዎደ ቆጲሮሳ ሀድርሳ ባጋ የጊደ፥ ሶርያ ቤዶ፤ ሄዋፐ ጉይያን ጺሮሳ ጋኬዶ፤ አያዉ ጎፐ፥ ማርካቢ ባረ ጫና ጺሮሳን ዎ። 
\v 4 ያን ካልያዋንታ ደሚደ፥ ኡንቱንቱና ላፑ ጋላሳ ኡቴዶ፤ ጳዉሎስ የሩሳላመ ቤና ማላ፥ ኡንቱንቱ አዉ አያናን ኦዴድኖ። 
\v 5 ኑን ኡንቱንቱና ኡትያ ዎዲ ዉርና፥ ከሲደ ቤዶ፤ ኡንቱንቱ ኡባቱ ባረንቱ ማጫዋንቱናነ ባረንቱ ናናና እትፐ ካታማፐ ካረዉ ከሳና ጋካናዉ፥ ኑና ሞይዜድኖ፤ ኑን አባ ዶናን ጉልባቲደ፥ ጾሳ ዎሴዶ። 
\v 6 ሄዋፐ ጉይያን፥ እቱ እቱዋ ሳሮቲደ፥ ማርካብያን ገሌዶ፤ ኡንቱንቱ ባረንቱ ሶይ ስሜድኖ።
\p
\v 7 ኑን አባ ኦግያ ዉርሲደ፥ ጺሮሳፐ ጰጸለማይሰ ጋኬዶ፤ እሻቱዋ ሳሮቲደ፥ ኡንቱንቱ ማታን እት ጋላሳ ፔሼዶ። 
\v 8 ዎንትሳ ጋላስ ከሲደ፥ ቂሳርያ ቤዶ፤ ዎንጋላ ምሽራቹዋ ኦድያ ፕልጶሳ ሶይ ጋኪደ፥ አ ማታን ኡቴዶ፤ የሩሳላመን ዶረቴዳ ላፑናቱዋፐ እ እቱዋ። 
\v 9 ፕልጶሳዉ ናባቱዋ ግዴዳ ኦይዱ ዎዶሮ ማጫ ናናቱ ደኢኖ።
\p
\v 10 ኑን ኡንደኔዳ ጋላሳ ኡቴዳ ዎደ፥ ናብያ አጋቦሳ ግያ ብታኒ ይሁዳፐ ቂሳርያ ዬዳ። 
\v 11 ኑኮ ዪደ፥ ጳዉሎሳ ሳቂያ አኪደ ባረ ኩሽያነ ባረ ገድያ ቃቺደ፥ “ጌሻ አያናይ ግያዌ ሀዋ፤ ሀ ሳቂያ ጎዳ የሩሳላመን አይሁዳቱ ሀዋዳን ቃቺደ፥ አይሁዳ ግደና አሳቶ አደ እማና” ያጌዳ።
\p
\v 12 ኑን ሄዋ ስሴዳ ዎደ፥ ኑንነ ያን ደእያ አሳቱ ጳዉሎስ የሩሳላመ ቤና ማላ ዎሴዶ። 
\v 13 ሽን ጳዉሎስ ዛሪደ፥ “ህንተንቱ ዬኪደነ ታ ዎዛና ቃረትሲደ ዋኒቴ? ታን ጎዳ የሱሳ ሱን ድራዉ ቃሸታናዋ ጻላላ ግደናን፥ ሀራይ አቶ የሩሳላመን ሀይቃናዉካ ጊጋ ኡታድ” ያጌዳ።
\p
\v 14 ዞርያ እ አከናን እጽና፥ “ጎዳይ ጌዳዌ ሀኖ” ያጊደ ጮኡ ጌዶ።
\p
\v 15 ያን አማሬዳ ዎድያ ጋምኤዳዋፐ ጉይያን፥ ጊገቲደ የሩሳላመ ባናዉ ከሴዳ። 
\v 16 ቂሳርያን ደእያ ካልያዋንቱፐ አማሬዳዋንቱ ቃይ ኑናና ቤድኖ፤ ኡንቱንቱ ኑን አቃናሳ ምናሶና ግያ ቆጲሮሳ ብታንያ ሶይ ኑና አፌድኖ፤ ምናሶን ዳሮ ዎድያፐ ዶሚደ ካልያዋ።
\s1 ጳዉሎስ የሩሳላመን ያቆባ ኦቼዳ
\p
\v 17 ኑን የሩሳላመ ጋኬዳ ዎደ፥ እሻቱ ኑና ናሸቻን ሞኬድኖ። 
\v 18 ዎንትሳ ጋላስ፥ ጳዉሎስነ ኑን ያቆባና ጋከታናዉ ቤዶ። ዎሳ ጎለ ጭማቱ ኡባቱካ ደኢኖ። 
\v 19 ጳዉሎስ ኡንቱንታ ሳሮቴዳዋፐ ጉይያን፥ አይሁዳ ግደና አሳ ግዶን ባረ ባጋና ጾሳይ ኦዳዋ ኡንቱንቶ ዉርሲደ ኦዴዳ።
\p
\v 20 ኡንቱንቱ ሄዋ ስሴዳ ዎደ ጾሳ ጋላቲደ፥ ጳዉሎሳ ሀዋዳን ያጌድኖ፤ “ኑ እሻዉ፥ አይሁዳቱዋ ግዶን ጾሳ አማኔዳዋንቱፐ አፑን ሻአይ ደኢኖንቶ በኣሳ፤ ኡንቱንቱ ኡባይ ህግያ ምንስ ናጊኖ። 
\v 21 የሩሳላመ አይሁዳቱ፥ አይሁዳ ግደናዋንቱ ጋድያን ደእያ አይሁዳ ኡባቱ ባረንቱ ናና ቃጻረና ማላ፥ ዎይ አይሁዳቱ ኦያዋ ካለና ማላ፥ ሙሴ ህግያካ ባይዛና ማላ ኔን ታማርስያዋ ስሴድኖ። 
\v 22 ያትና፥ አዬ ሎኡ? ኔን ዬዳዋ ጮራቱ ስስያ ድራዉ፥ ሺቀናን አግክኖ።
\p
\v 23 “ሄዋ ድራዉ፥ ሀዋ ኑን ነዉ ኦድያዋ ኦ፤ እትፐ ሺቁ ደእያ ኦይዱ አሳቱ ኑ ማታን ደኢኖ።\x - \xo 21:23 \xo*\xt ፓይ. 6:13-21\xt*\x* 
\v 24 ኡንቱንታ አካደ ኡንቱንቱና ጌያ፤ ቃይ ኡንቱንቱ ባረንቱ ሁጲያ ሜደታና ማላ፥ ኡንቱንቶ ሚሻ እማ፤ ኡንቱንቱ ኡባይ ነዋ ሲሴዳዌ ቱማ ግደናዋነ ኔን ነ ሁጰዉካ ቃይ ሙሴ ህግያ ናጋደ ማራን ደእያዋ ኤራና።
\p
\v 25 “ሽን አማኔዳ አይሁዳ ግደና አሳቱዋ ግዶፐ፥ ኡንቱንቱ ኤቃዉ ያርሼዳዋ ሜና ማላነ ሱ ኡሸና ማላ፥ ባኩቴዳ መህያ አሹዋ ሜና ማላነ ዎሹመና ማላ፥ ኑን የዉዋ ቃቺደ፥ ኡንቱንቶ ዳብዳቢያ ጻፌዶ” ያጌድኖ።
\p
\v 26 ሄዋፐ ጉይያን፥ ጳዉሎስ ዎንትሳ ጋላስ አሳቱዋ አኪደ፥ ኡንቱንቱና ጌዬዳ፤ እ ባረንታ ጌሹሳ አዉደ ፖልንቶ ኤርሳናዉነ ቃይ ያርሹዋ ሁጲያን ሁጲያን አዉደ እማነንቶ ኤርሳናዉ ጌሻ ጎልያ ገሌዳ።
\s1 ጳዉሎስ ጌሻ ጎልያን ኦይቀቴዳ
\p
\v 27-28 ላፑ ጋላሳይ ዉራና ሀኖደ፥ ኢስያፐ ዬዳ አይሁዳቱ ጌሻ ጎልያን ጳዉሎሳ በኢደ፥ አሳ ኡባ ሀንቀደ፥ “እስራኤልያ አሳዉ፥ ኑና ማድተ፤ እስራኤልያ አሳ፥ ሙሴ ህግያነ ሀ ጌሻ ጎልያ እጺደ፥ ኡባ ሳን አሳ ኡባ ታማርስያዌ ሀ ብታንያ፤ ጉጂደ ቃይ ግሪከ አሳካ ጌሻ ጎልያ ገልሲደ፥ ሀ ጌሻ ሳኣ ቱንሴዳ” ያግ ዋሲደ፥ ጳዉሎሳ ኦይቄድኖ። 
\v 29 ኡንቱንቱ ካሰ ኤፈሶነን ደእያ ጽሮፍሞሳ ጳዉሎሳና ካታማን በኤዳ ድራዉ፥ ጌሻ ጎልያ ጳዉሎስ አ ገልሴዳዋ ኡንቱንቶ ማላቴዳ።
\p
\v 30 ካታማ ኡባይ ሻቢረቴዳ፤ አሳይ ኡባይ ሺቂደ ጳዉሎሳ ኦይቂደ፥ ጌሻ ጎልያፐ ካረዉ ጎች ከሴዳ፤ ሄ ማንእያን ጌሻ ጎልያ ፐንገቱ ቃሸት አጌድኖ። 
\v 31 አሳይ ጳዉሎሳ ዎና ሀንሽን፥ “የሩሳላመ ካታማይ ሙለካ ሻቢረት ድጌዳ” ግያ ሃሳያይ ሮመ ጋድያ ኦላ ካፖ ጋኬዳ። 
\v 32 ሄ ኦላ ካፑ ዎታዳራቱዋነ ጼታቱዋ ካፓቱዋ እትፐ አኪደ፥ ዎጺደ አሳ ቦላ ከስ ዎዳ፤ አሳይ ኦላ ካፑዋነ ዎታዳራቱዋ በኤዳ ዎደ፥ ጳዉሎሳ ሾጭያዋ ባሽ አጌዳ።
\p
\v 33 ሄ ዎደ፥ ሄ ኦላ ካፑ ሺቅ፥ ጳዉሎሳ ኦይቂደ፥ ላኡ ሳንላታን ቃሸታና ማላ አዛዚደ፥ እ ኦነንቶነ ቃይ አያ ኦደንቶነ አሳ ኦቼዳ። 
\v 34 አሳፐ ባጋይ እትባዉ ዋስያ ዎደ፥ ባጋይ ሀራባዉ ዋሴ፤ ዋሱ ጮሬዳ ድራዉ፥ ኦላ ካፖ ቱሙዋ ኤራናዉ ዳንዳየተናን እጽና፥ ዎታዳራቱ ጳዉሎሳ ባረንቱ ደኢያሳ አፋና ማላ፥ ኡንቱንታ አዛዜዳ። 
\v 35 የደ ከስያ ደ ጳዉሎስ ጋኬዳ ዎደ፥ አሳ ሱገ ድራዉ፥ ዎታዳራቱ አ ቶኬድኖ። 
\v 36 አያዉ ጎፐ፥ ጮራ አሳይ፥ “አ ዎ!” ያጊድነ ዋሲደ ካሌ።
\s1 ጳዉሎስ ሞቶ ዛሩዋ እሜዳ
\p
\v 37 ዎታዳራቱ ጳዉሎሳ ባረንቱ ደኢያሳ አፋና ሀንሽን ጳዉሎስ ኦላ ካፑዋ፥ “ታን ነዉ እትባ ኦዶ?” ያጌዳ።
\p ሄ ኦላ ካፑ ጳዉሎሳ፥ “ኔን ግሪከ ቃላ ኤራይ? 
\v 38 ኔን ሀዋፐ ካሰ ዎደ፥ ዋላሳ ከሳደ ሸምፑዋ ዎዳዋንቱፐ ኦይዱ ሻአ አሳቱዋ አሳይ ባይና መላ ሳኣ ካለዳ ግብጼ ብታንያ ግድኪ?” ያጌዳ።
\p
\v 39 ሽን ጳዉሎስ፥ “ታን አይሁዳ አሳ፤ ቃይ ክልቂያን ደእያ ጸርሴሰን የለቴዳ ሁጰ ካታማን ደእያ አሳ። ሀያና ታና አሳዉ ሃሳይሳርኪ?” ያጌዳ።
\p
\v 40 ኦላ ካፑ አ፥ “ሃሳያ” ያግና፥ ጳዉሎስ የደ ከስያ ደን ኤቂደ፥ አሳይ ጮኡ ጋና ማላ፥ ባረ ኩሽያን አሳኮ ጾርሴዳ። አሳይ ጮኡ ጊና፥ እብራይስጸ ቃላን ሃሳዪደ፥ ሀዋዳን ያጌዳ።
\c 22
\p
\v 1 “ታናዳን አማንያዋንቶ፥ ታ አዋቶ፥ ታን ሀእ ህንተንቶ ኦድያ የዉዋ ስስተ!” 
\v 2 ጳዉሎስ ኡንቱንቶ እብራይስጸ ቃላን ሃሳይያዋ ስሲደ፥ ካሰፐ ሎይ ጮኡ ጊና እ ሀዋዳን ያጌዳ።
\p
\v 3 “ታን ክልቂያን ደእያ ጸርሴሰን የለታደ፥ ሀ ካታማን ጋማልያል ታና ታማርስና ድጫደ፥ ኑ አዎቱዋ ህግያካ ምንሳ ታማራደ፥ ሀቼ ህንተ ኡባይ ሀንያዋዳንካ፥ ታን ጾሳ የዎ ሴለትያ አይሁዳ አሳ። 
\v 4 ታን ማጫ አሳነ አቱማ አሳ ኦይቃ ኦይቃደ ቃሾ ጎለን የጌዳ አሳነ፥ ሀ ኦግያ ካልያ አሳ ዎሳና ጋካናዉ መቶዳ አሳ። 
\v 5 ሀዋዳንካ፥ ቃይ፥ ቄሳቱዋ ኡባቱዋ ካፑነ ጭማ ኡባ ሺቁ ታዋ ማርካታናዉ ዳንዳዬ፤ ታን ዳማስቆን ደእያ ኡንቱንቱ እሻቱዋ አይሁዳቶ፥ ኡንቱንቱፐ ዳብዳቢያ አካደ፥ ሄዋን ደእያ አሳቱ ቆሄቲደ ሙረታናዳን፥ የሩሳላመ ኡንቱንታ አሀናዉ ያ ባድ።
\s1 ጳዉሎስ ክርስቶሳኮ ስሜዳ ባረ ስማባ ኦዴዳ
\r (9:1-19፤ 26:12-18)
\p
\v 6 “ታን ባደ ዳማስቆ ማቴዳ ዎደ፥ ሴታ ጋላሳ ግድሽን፥ ቆፐናን ሳሉዋፐ ዎልቃማ ፖኡ ታ ማታን ዩይ አደ ፖኤዳ። 
\v 7 ታን ሳኣን ኩንዳ ኡታደ፥ ‘ሳኦላ፥ ሳኦላ፥ ታና አያዉ የደርሳይ?’ ግያ ቃላ ስሳድ።
\p
\v 8 “ታን ዛራደ፥ ‘ታ ጎዳዉ፥ ኔን ኦኔ?’ ያጋድ።
\p “ሄዋፐ ጉየ፥ ‘ታን ኔን የደርስያ ናዝሬትያ የሱሳ’ ያጌዳ። 
\v 9 ታናና እትፐ ደእያዋንቱ ፖኡዋ በኢደ ያዬድኖ፤ ሽን ታዉ ሃሳይያዋ ቃላ ስስበይክኖ።
\p
\v 10 “ ‘ታ ጎዳዉ፥ ታን አያ ኦ?’ ያጋድ።
\p “ጎዳይ ታና፥ ‘ደንዳደ ዳማስቆ ባ። ኔን ኦናዉ ጾሳይ ቆፔዳ ኡባባይ ነዉ ያን ኦደታናዋ’ ያጌዳ። 
\v 11 ሄ ዎልቃማ ፖኡዋ ድራዉ፥ ታ አይፊ ቆቅና፥ ታናና ደእያ አሳቱ ታ ኩሽያ ኦይቂደ፥ ታና ጎችና፥ ዳማስቆ ጋካድ።
\p
\v 12 “ዳማስቆን ደእያ አይሁዳ ኡባይ ሎይ ቦንችያ እት ሀናንያ ግያ ብታኒ፥ ኑ ህግያዉ አዛዘቲደ፥ ጾሳዉ እመቴዳ አሳ። 
\v 13 ሀናኒ ታኮ ዪደ፥ ታ ማታን ኤቂደ ታና፥ ‘ታ እሻዉ ሳኦላ፥ ጼላ’ ያጌዳ። ታን ሄ ዎደ ሄ ማንእያን አኮ ጼላ አጋድ።
\p
\v 14 “እ ታና ሀዋዳን ያጌዳ፤ ‘ኑ አዎቱዋ ጾሳይ ኔን አ ቆፋ ኤራናዉ፥ አ ጽሎ ናኣ በአናዉነ አ ዶናፐካ ሃሳያ ስሳናዉ ኔና ካሰና ዶሬዳ። 
\v 15 አያዉ ጎፐ፥ ኔን በኤዳባነ ስሴዳባ አሳ ኡባ ስንን አዉ ማርካታናሳ። 
\v 16 ሀእካ አያዉ ጋምአይ? ደንዳደ ጻማቀታ፤ አ ሱን ጼሳደ፥ ነ ናጋራፐካ ሜጨታ’ ያጌዳ።
\p
\v 17 “ታን ጉየ የሩሳላመ ስማደ ጌሻ ጎልያን ዎስሽን፥ ታ አያናን ግዳድ። 
\v 18 ጎዳይ ታና፥ ‘ኤሌላደ፥ የሩሳላመ ከሳ አያዉ ጎፐ፥ ኔን ታዉ ሀዋን ማርካትያዋ አሳይ አከና’ ያግሽን ታን አ በኣድ።
\p
\v 19 “ታን፥ ‘ታ ጎዳዉ፥ አይሁዳ ዎሳ ጎልያ ኡባን ኔና አማንያዋንታ ኦይቃደ ዋዳዋነ ቃሾ ጎልያን የጌዳዋ ኡንቱንቱ ኤሪኖ። 
\v 20 ኡንቱንቱ ነ ማርካ እስጽፋኖሳ ዎያ ዎደ፥ ታን ሄ የዉዋ ኤኖ ጋድ። ቃይ ኡንቱንቱ ምይያን ኤቃደ፥ አ ዎያዋንቱ ማዩዋ ናጋይ’ ያጌዳ።
\p
\v 21 “ጎዳይ ታና፥ ‘ታን ኔና አይሁዳ ግደና አሳኮ ሃኮ ሳ ኪትያ ድራዉ ባ’ ጌዳ” ያጌዳ።
\s1 ጳዉሎስ ሮመ አሳ ግድያዋ ቆንጭሴዳ
\p
\v 22 ጳዉሎስ ሄ ቃላ ሃሳያና ጋካናዉ አሳይ እ ግያዋ ስሴ፤ ሄዋፐ ጉይያን፥ ባረንቱ ኮሻ ቁ ኦደ፥ “ሀዋ ጋድያፐ ይሳ፤ እ ደአናዉ በሰና” ያጌድኖ።
\p
\v 23-24 ኡንቱንቱ ዋስሽን፥ ባረንቱ ማዩዋ ቦላዉ ኦልሺንነ ባና ጫርኩዋን ላልሽን፥ ኦላ ካፑ ዎታዳራቱ ጳዉሎሳ ባረንቱ ደኢያሳ አፋና ማላ አዛዜዳ። ቃይ አሳይ አያዉ ሄዋዳን አ ቦላ ዋሴድኖንቶ ኤራናዉ፥ ጳዉሎሳ ልሱዋን ሾጫና ማላ፥ ኡንቱንታ አዛዜዳ። 
\v 25 ሽን ዎታዳራቱ ጳዉሎሳ ዳፉዋን ምንስ ቃቼዳ ዎደ፥ ጳዉሎስ ባረ ማታን ኤቄዳ ጼታቱዋ ካፑዋ፥ “ሮመ ጋድያ አሳ ፕርዳይ ባይናን ሾጭያዌ ህንተንቶ ዎጌ?” ያጌዳ።
\p
\v 26 ሄዋ ጼታቱዋ ካፑ ስሴዳ ዎደ፥ ኦላ ካፑዋኮ ቢደ፥ “ሀ ብታኒ ሮመ አሳ። ኔን አያ ኦና ቆፓይ?” ያጊደ ኦቼዳ።
\p
\v 27 ኦላ ካፑ ጳዉሎሳኮ ሺቂደ፥ “ኔን ሮመ አሴ? ታዉ ኦዳ” ያጌዳ።
\p ጳዉሎስ፥ “ኤ” ያጌዳ።
\p
\v 28 ኦላ ካፑ ጳዉሎሳዉ ዛሪደ፥ “ታን ሀ ዛረተ ዳሮ ሚሻን ሻማድ” ያጌዳ።
\p ሽን ጳዉሎስ፥ “ታን ሄ ዘረፐ የለታድ” ያጌዳ።
\p
\v 29 ሄዋ ድራዉ፥ ጳዉሎሳ ብዳናዉ ቆፔዳዋንቱ ኤለካ አፐ ሻከት አጌድኖ። ኦላ ካፑካ ጳዉሎስ ሮመ አሳ ግዴዳዋ ኤሬዳ ዎደ ያዬዳ፤ አያዉ ጎፐ፥ ሳንላታን አ ቃሽስ ዎዳ።
\s1 ጳዉሎስ አይሁዳቱዋ ሻንጋቱዋኮ ሺቄዳ
\p
\v 30 ዎንተ ጋላስ ኦላ ካፑ፥ አይሁዳቱ ጳዉሎሳ አያዉ ሞቴድኖንቶነ ጌሺደ ኤራናዉ ኮዪደ፥ ጳዉሎሳ ብሌዳ። ያቲደ ቄሳቱዋ ካፓቱነ አሳይ ኡባይ ሺቃና ማላ አዛዜዳ፤ ቃይ ጳዉሎሳ ዱገ ዎደ፥ ኡንቱንቱ ስንን ኤሴዳ።
\c 23
\p
\v 1 ጳዉሎስ ሄዋን ሺቄዳ አሳ ጫድ ጼሊደ፥ “ታናዳን አማንያዋንቶ፥ ታን ሀቼ ጋካናዉካ ጾሳ ስንን ታ ደኡዋ ኡባን ትላ ዎዛናን ደኣድ” ያጌዳ። 
\v 2 ቄሳቱዋ ኡባቱዋ ካፑ ሀናኒ፥ ጳዉሎሳ ዶና ባቃና ማላ፥ አ ማታን ኤቄዳዋንታ አዛዜዳ። 
\v 3 ጳዉሎስ ሄ ዎደ አ፥ “ላ ሀ ቦሽንቻን ኦኬዳ\f + \fr 23:3 \fr*\fk ቦሽንቻን ኦኬዳ፦ \fk*\ft እት ኡራይ ሎአ ማላታና ማላ ኦሱሳ፥ ሽን ግደና።\ft*\f* ጎዳዉ፥ ጾሳይ ኔና ባቃና። ኔን ታ ቦላ ህግያን ፕርዳናዉ ኡታደ፥ ዎጋይ ባይናን ታና ባቃና ማላ አዛዛይ?” ያጌዳ።
\p
\v 4 ጳዉሎሳ ማታን ኤቄዳዋንቱ አ፥ “ኔን ጾሳ ቄሳቱዋ ኡባቱዋ ካፑዋ ቦራይ?” ያጌድኖ።
\p
\v 5 ሄዋፐ ጉየ ጳዉሎስ፥ “ታናዳን አማንያዋንቶ፥ እ ቄሳቱዋ ኡባቱዋ ካፑዋ ግዴዳዋ ታን ኤራበይከ፤ አያዉ ጎፐ፥ ‘ነ ጋድያ ሞድያዋ ቦላ ኢታ ቃላ ሃሳዮፓ’ ጌተቲደ ጾሳ ማጻፋን ጻፈቴዳ” ያጌዳ።\x - \xo 23:5 \xo*\xt ከሳ 22:28\xt*\x*
\p
\v 6 ሽን ጳዉሎስ ባጋቱ ሳዱቃዋናቱዋ፤ ባጋቱ ፓርሳዋቱዋ ግዴዳዋ በኢደ፥ “ታናዳን አማንያዋንቶ፥ ታን ፓርሳዊያነ ፓርሳዊያ ናኣ፤ ‘ሀይቄዳዋንቱ ሀይቁዋፐ ደንዳናዋንታ’ ጋደ ታን ናሸቻን ናግያ ድራዉ፥ ኡንቱንቱ ታ ቦላ ፕርዲኖ” ያጊደ፥ ቁ ኦደ ሃሳዬዳ።
\p
\v 7 ጳዉሎስ ሄዋ ያግና፥ ፓርሳዋቱዋ ግዶንነ ሳዱቃዋናቱዋ ግዶን ዋላሳይ ከስና፥ ሺቄዳ አሳይ ላለቴዳ። 
\v 8 አያዉ ጎፐ፥ ሳዱቃዋናቱ፥ “ሀይቄዳ አሳይ ደንደና፤ ኪታንቻይካ አያናይካ ባዋ” ያጌድኖ፤ ፓርሳዋቱ ቃይ ላኡካ ደእያዋ አማኒኖ። 
\v 9 ዎልቃማ ዋላሳይ ደንዴዳ፤ ፓርሳዋቱዋ ባጋፐ ሙሴ ህግያ ታማርስያዋንቱ ደንድ ኤቂደ፥ “ሀ ብታንያ ቦላ አይነ ባላ ደምበይኮ፤ አዉ አያናይ ዎይ ኪታንቻይ ሃሳየናን አገና” ያጊደ ፓሉመቴድኖ።
\p
\v 10 ዋላሳይ ዳርና፥ ኦላ ካፑ ጳዉሎሳ ኡንቱንቱ መንሬነንቶነ ግ ያዪደ፥ ባረ ዎታዳራቱ ዎደ፥ ኡንቱንቱ ግዶፐ አ ኤለካ ከሲደ፥ ባረንቱ ደኢያሳ አፋና ማላ አዛዜዳ።
\p
\v 11 ሄ ቃማ ጎዳይ ጳዉሎሳ ማታን ኤቂደ፥ “ጳዉሎሳ፥ ኔን ታዉ የሩሳላመን ማርካቴዳዋዳን፥ ሮመንካ ማርካታናዉ በሴ፤ ምና፤ አይነ ባዋ” ያጌዳ።
\s1 ጳዉሎሳ ዎናዉ ኦሰቴዳ ማቁዋ
\p
\v 12 ዎንትሳ ጋላስ፥ አይሁዳቱ ጳዉሎሳ ዎና ጋካናዉ፥ ሜናዳንነ ኡሸናዳን፥ ጫቀቲደ ጊገቴድኖ። 
\v 13 ጳዉሎሳ ቦላ ሄዋ ማቀቴዳ አሳቱ ኦይታሙዋፐ ዳሪኖ። 
\v 14 ኡንቱንቱ ቄሳቱዋ ካፓቱዋኮነ ጭማቱዋኮ ዪደ፥ “ኑን ጳዉሎሳ ዎና ጋካናዉ፥ አይነ ባረናዳን፥ ጊገት ኡቴዶ። 
\v 15 ሄዋ ድራዉ፥ ህንተንቱነ ሺቄዳ አሳይ ጳዉሎሳባ ጌሺደ ብድያዋ ማላቲደ፥ ኦላ ካፑ አ ህንተንቱኮ ዱገ ዎና ማላ ኦችተ፤ ኑን እ ሃ ሺቃናፐ ካሰና አ ዎናዉ ጊግ ኡቴዶ” ያጌድኖ።
\p
\v 16 ሽን ጳዉሎሳ ምቻት ናአይ ሄ ማቁዋ ስሴዳ ዎደ፥ ቢደ ዎታዳራቱ ደኢያሳ ገሊደ፥ ጳዉሎሳዉ ኦዴዳ። 
\v 17 ጳዉሎስ ጼታቱዋ ካፓቱዋፐ እቱዋ ጼሲደ፥ “ሀ ናኣ ኦላ ካፑዋኮ አፋ፤ አያዉ ጎፐ፥ ኦላ ካፖ እ ኦድያዌ ደኤ” ያጌዳ።
\p
\v 18 ሄዋ ድራዉ፥ ጼታቱዋ ካፑ ናኣ ኦላ ካፑዋኮ አፊደ፥ “ቃሾ ጎለን ደእያ ጳዉሎስ፥ ሀ ናአይ ነዉ አየንቶ ኦድያባይ ደእያ ድራዉ፥ ታና ባረኮ ጼሲደ፥ አ ኔኮ አሀናዳን፥ ታና ዎሴዳ” ያጌዳ።
\p
\v 19 ኦላ ካፑ ናኣ ኩሽያ ኦይቂደ፥ ዱማ ጋጻ ከሲደ፥ “ኔን ታዉ ኦዳናባይ አዬ?” ያጊደ ኦቼዳ።
\p
\v 20 ናአይ ኦላ ካፖ፥ “አይሁዳቱ ጳዉሎሳባ ካሰፐ ምንስ ኦችያዋ ማላቲደ፥ ኔን ሺቁዋ አ ኡትሳናዳን፥ ኔና ዎንት ዎሳናዉ ዞረታ ቃቼድኖ። 
\v 21 ሽን ኔን ኡንቱንቱ ግያዋ ስሶፓ፤ አያዉ ጎፐ፥ ኦይታሙዋፐ ዳርያ አሳቱ ጳዉሎሳ ዎና ጋካናዉ፥ ቁማ ሜናዳንነ ሃ ኡሸናዳን፥ ጫቀቲደ ጌመት ኡቲደ አ ናጊኖ፤ ኔን ግያዋ ስሳናዉ ሀእካ ጊገት ኡቲደ ናጊኖ” ያጌዳ።
\p
\v 22 ሄዋ ድራዉ፥ ኦላ ካፑ ናኣ፥ “ሀ የዉዋ ኔን ታና ኤርሴዳዋ ኦስነ ኦዶፓ” ያጊደ አዛዜዳዋፐ ጉይያን፥ አ የዴዳ።
\s1 ጳዉሎስ ጋድያ ሞድያ ፍልክሳ ስን ሺቄዳ
\p
\v 23 ኦላ ካፑ ጼታቱዋ ካፓቱዋፐ ላኡዋ ጼሲደ፥ “ቂሳርያ ባናዉ፥ ላኡ ጼቱ ዎታዳራቱዋ፥ ላፑን ታሙ ፓራ ኦይቄዳ አሳቱዋነ ላኡ ጼቱ ቶራንቻቱዋ ቃማፐ ሄዙ ሳትያን ጊግስተ፤ 
\v 24 ጋድያ ሞድያ ፍልክሳኮ ጳዉሎሳ ሳሮተን ጋናዉ ቶግስያ መህያነ ጊግስተ” ያጊደ፥ ኡንቱንታ አዛዜዳ። 
\v 25 ኦላ ካፑ ሀዋዳን ግያ ዳብዳቢያ ጻፌዳ።
\p
\v 26 “ቃላዉደዮሳ ሉስዮሳፐ፤ ጋድያ ሞድያ ቦንቼቴዳ ፍልክሳ! ሳሮተይ ነዉ ግዶ። 
\v 27 አይሁዳቱ ሀ ብታንያ ኦይቂደ ዎና ሀንሽን፥ ሮመ ካታማ አሳ እ ግዴዳዋ ኤራደ፥ ዎታዳራቱዋና ጋካደ አ አሻድ። 
\v 28 ኡንቱንቱ አ አያዉ ሞቴድኖንቶ ኤራናዉ ኮያደ፥ ዱገ ኡንቱንቱ ሺቆ አ አፋድ። 
\v 29 ኡንቱንቱ ባረንቱ ህግያባ እ ኦቼዳዎ አ ሞቴዳዋፐ አትን፥ አ ዎስያ ዎይ ቃሽስያ ሞቶ ግደና። 
\v 30 ኡንቱንቱ ሀ ብታንያ ቦላ ማቀት ኡቴዳ ዝግርሳይ ታና ጋክና፥ ታን ሄ ማንእያን አ ኔኮ የዳ አጋድ፤ አ ሞትያዋንቱካ ቢደ፥ ነ ስንን ሞታና ማላ ኦዳድ፤ ሳሮ ደአ” ያጌዳ።
\p
\v 31 ሄዋ ድራዉ፥ ዎታዳራቱ አዛዘቴዳዋዳንካ ጳዉሎሳ አኪደ፥ ቃማ አንትጳጽሪሳ ጋድኖ። 
\v 32 ዎንትሳ ጋላስ አናና ባና ማላ ፓራ ቶጎ አሳቱዋ ዎደ፥ ገድያን ብያዋንቱ ጉየ ዎታዳራቱ ደኢያሳ ስሜድኖ። 
\v 33 ፓራዋንቱ ቂሳርያ ገሊደ፥ ዳብዳቢያ ጋድያ ሞድያዎ እሚደ፥ ጳዉሎሳ አ ስን አድኖ። 
\v 34 ጋድያ ሞድያዌ ዳብዳቢያ ናባቤዳዋፐ ጉይያን፥ ጳዉሎስ ሀቃ አዉራጃ አሰንቶ አ ኦቼዳ፤ ክልቂያ አሳ እ ግዴዳዋ ኤሬዳ ዎደ፥ 
\v 35 “ታን ነባ ኔና ሞትያዋንቱ ይያ ዎደ ስሳና” ያጊደ፥ ዎታዳራቱ ሄሮድሳ ካዉተ ጎለን አ ናጋና ማላ አዛዜዳ።
\c 24
\s1 ጳዉሎሳ አይሁዳቱ ሞቴድኖ
\p
\v 1 እቼሹ ጋላሳፐ ጉይያን፥ ቄሳቱዋ ኡባቱዋ ካፑ፥ ሀናንያ፥ ጭማቱዋናኔ ጻርጻሉሳ ግያ እት ጻባቃና ዱገ ቂሳርያ ዎዳ፤ ኡንቱንቱ ጋድያ ሞድያዋ ቦላ ጳዉሎሳ ሞቴድኖ። 
\v 2-3 ጳዉሎስ ጼሰቴዳ ዎደ፥ ጻርጻሉሰ አ ሀዋዳን ያጊደ፥ ሞቱዋ ዶሜዳ።
\p “ቦንቼቴዳ ፍልክሳ፥ ኑን ነ ባጋና ዳሮ ሳሮተ ደሜዶሽን፥ ነ ቆፋን ሀ ጋድያዉ ኡባባን ኡባሳንካ ሎኦ ላሚ ቤትያዎ ኔና ሎይ ጋላቲደ፥ ሀዋ አኬቶ። 
\v 4 ሽን ታን ኔና ጋምኤናን፥ ዶያ ግዴዳ ነ ኬካተን ኑባ ኔን ቃንን ስሳና ማላ፥ ኔና ዎሳይ። 
\v 5 አያዉ ጎፐ፥ ሀ ብታኒ ቦ ግዲደ፥ ሳኣ ኡባን ደእያ አይሁዳቱዋ ግዶን ዋላሳ ደንዳ፥ ናዝራዋቱ ባጋ አሳ ካለያዋ ግዴዳዋ ኤሬዶ። 
\v 6 ሀራይ አቶ ጌሻ ጎልያካ ቱንሳናዉ ኮይሽን አ ኦይቂደ፥ ኑ ህግያዳን፥ አ ቦላ ፕርዳናዉ ቆፔዶ፤ 
\v 7 ሽን ኦላ ካፑዋ ሉስዮስ ዪደ፥ ዎልቃን ኑ ኩሽያፐ አ ዎ አኬዳ። 
\v 8 አ ሞትያዋንቱካ ኔኮ ያና ማላ አዛዜዳ፤ ኔን ነ ሁጰዉ ሀ ብታንያ ብዳደ፥ ኑን አ ሞትያ የዉዋ ኡባ ኤራናዉ ዳንዳያ” ያጌዳ።
\p
\v 9 አይሁዳቱካ ቃይ፥ “ሀ የዉ ቱማ” ጊደ፥ አ ቆፋ አኬድኖ።
\s1 ጳዉሎስ ፍልክሳ ስንን ሞቶ ዛሩዋ እሜዳ
\p
\v 10 ጋድያ ሞድያዌ ጳዉሎሳ ያናዳን ዉትና፥ እ ሀዋዳን ያጊደ ዛሬዳ፤ “ኔን ዳሮ ዎድያፐ ዶማደ፥ ሀ አሳዉ ፕርዳደ ደእያዋ ታን ኤራደ፥ ታ የዉዋ ናሸቻን ዛራይ። 
\v 11 ታን የሩሳላመ ጎይናናዉ ከሶደፐ ታማነ ላኡ ጋላሳፐ ዳረናዋ ኔን ነ ሁጰዉ ኤራና ዳንዳያ። 
\v 12 አይሁዳቱ ታና ጌሻ ጎልያን ግድና፥ አይሁዳ ዎሳ ጎለን ግድና፥ ካታማን ግድና፥ ኦናናነ ፓሉመትሽን ዎይ አሳ ሺሻደ ማቂሽን፥ እት ኡራናነ በእበይክኖ። 
\v 13 ኡንቱንቱ ሀእካ ታና ሞትያዋ ሻትማናዉ ዳንዳይክኖ።
\p
\v 14 “ሽን ታን ሀዋ ነዉ ኦዳይ፤ ታን ሙሴ ህግያን ደእያዋነ ናባቱ ጻፌዳ ኡባባ አማናናዳን፥ ኑ አዎቱዋ ጾሳዉ ኡንቱንቱ ዎርዶ ግያ ኦግያን ጎሸታይ። 
\v 15 ሀዋንቱ ባረንቱ ሁጰዉ፥ ‘አሳይ ኡባይ፥ ዎርዱካ ጽሉካ ሀይቁዋፐ ደንዳናዋንታ’ ግያዋዳን፥ ታንካ ኡንቱንቱ ደንድያዋ ጾሳን ህዶታ ዎደ አሙዋን ናጋይ። 
\v 16 ሄዋ ድራዉ፥ ታን ቃይ፥ ጾሳ ስንንነ አሳ ስንን ኡባ ዎደ፥ ፖኩ ባይና ትላ ዎዛናይ ታዉ ደአና ማላ ምናይ።
\p
\v 17 “ታን የሩሳላመፐ ከሶደፐ ጮራ ላይፐ ጉይያን፥ ታ ጋደ ህዬሳዉ ሚሻ እማናዉነ ያርሹዋ ያርሻናዉ የሩሳላመ ባድ። 
\v 18 ሄዋ ኦሽን፥ አሳይ ሺቀናን፥ ዋላሳይ ደንደናን፥ ታን ጌሻ ጎልያን ጌይሽን፥ ኡንቱንቱ ታና ደሜድኖ። 
\v 19 ሽን ኢስያፐ ዬዳ እት እት አይሁዳቱ ሄዋን ደኢኖ፤ ኡንቱንቱ ታ ቦላ የዉዋ ኮዮፐ፥ ዪደ ታና ነ ቦላን ሞታናዉ በሴ። 
\v 20-21 ዎይ ታን ኡንቱንቱ ግዶን ኤቃደ፥ ‘ሀይቄዳዋንቱ ደንዳናዋ አማንያ ድራዉ፥ ሀቼ ህንተ ስንን ታ ቦላ ፕርዲኖ’ ጋደ ሃ ቂሳደ ሃሳዬዳ እት ቃላፐ አትን፥ ሺቁዋ ስንን ኤቂሽን፥ ታ ቦላ እት ባይዙዋ ደሜዳዋ ግዶፐ፥ ሀዋንቱ ባረንቱ ሁጰዉ ሀዋን ኦዳናዋንታ” ያጌዳ።
\p
\v 22 ሽን ፍልክሰ ጾሳ ኦግያባ ጌሽ ኤሬዳ ድራዉ፥ “ታን ህንተ የዉዋ ኦላ ካፑዋ ሉስዮስ ይያ ዎደ ኦግያ ኦይና” ያጊደ፥ ፕርድያ ዎድያ ስንዉ ኬሬዳ። 
\v 23 ፍልክሰ ቃይ ጳዉሎሳ ቃቼናን ናጋና ማላነ አ ዳባቱዋፐ ኦንነ አዉ ኦሽን፥ ዎይ አኮ ዪሽን ድገና ማላ፥ ጼታቱዋ ካፑዋ አዛዜዳ።
\s1 ጳዉሎስ ፍልክሳነ ድሩስላ ስን ሺቄዳ
\p
\v 24 አማሬዳ ጋላሳፐ ጉይያን፥ ፍልክሰ አይሁዳ አሳ ዛረ ግዴዳ ባረ ማቻት ድሩስልና ዪደ፥ ጳዉሎሳ ኪት አህሲደ፥ የሱስ ክርስቶሳን አማንያ ኦግያ እ ሃሳይሽን ስሴዳ። 
\v 25 ጳዉሎስ ጽሎተባ፥ ባረ ሁጲያ ናጉዋባነ ያና ፕርዳባ ሃሳይሽን፥ ፍልክሰ ያዪደ፥ “ኔን ሀእዉ ባ፤ ታዉ ሚኬዳ ዎደ፥ ኔና ኪታደ ጼግሳና” ያጌዳ። 
\v 26 ሄ ዎደ ቃይ ጳዉሎስ ብለታናዉ፥ ባረዉ ማጋንጻ እማንዴሻ ጊደ ቆፔዳ፤ ሄዋ ድራዉ፥ ዳሮ ዎደ አ አህስ አህሲደ፥ አናና ሃሳዬ።
\p
\v 27 ላኡ ላይ ኩሜዳዋፐ ጉይያን፥ ፍልክሳ ኮታ ጶርቂዮሳ ፕስጾስ አኬዳ። ፍልክሰ አይሁዳቱዋ ናሸቻናዉ ኮዪደ፥ ቃሾ ጎለን ጳዉሎሳ ባሽ አጌዳ።
\c 25
\s1 ጳዉሎስ ሮመ ካትያኮ ባረ የዉዋ አኪደ ባናዉ ኦቼዳ
\p
\v 1 ፕስጾስ አዉራጃ ገሌዳ ሄዘንያ ጋላሳፐ ጉይያን፥ ቂሳርያፐ የሩሳላመ ቤዳ። 
\v 2 ያን ቄሳቱዋ ካፓቱነ አይሁዳቱዋ ካለያዋንቱ ጳዉሎሳ ሞቴድኖ። 
\v 3 ኡንቱንቱ ጳዉሎሳ ዎናዉ ኦግያን ቆሰት ኡታናዉ፥ ባረንቶ ሎኦባ ኦደ አ የሩሳላመ አሀና ማላ፥ ፕስጾሳ ዎሴድኖ። 
\v 4 ፕስጾስ ኡንቱንቶ፥ “ጳዉሎስ ቂሳርያን ቃሸት ኡቴዳ፤ ታን ታ ሁጰዉካ ኤለካ ያ ጉየ ስማናዉ ቆፓ ኡታድ። 
\v 5 ሄዋ ድራዉ፥ እ አየንቶ ባይዜዳዌ ደኦፐ፥ ህንተንቱ ግዶን አዎትያዋንቱ ታናና ቂሳርያ ቢደ፥ አ ሞትኖ” ያጊደ ዛሬዳ።
\p
\v 6 ፕስጾስ የሩሳላመን ሆስፑን ዎይ ታሙ ጋላሳፐ አናን ኡቲደ፥ ቂሳርያ ቤዳ፤ ዎንትሳ ጋላስ ፕርድያሳን ኡቲደ፥ ጳዉሎሳ አሀና ማላ አዛዜዳ። 
\v 7 እ ጋኬዳ ዎደ፥ የሩሳላመፐ ዬዳ አይሁዳቱ አ ማታን ዩይ አ ኤቂደ፥ ባረንቶ ሻትማናዉ ዳንዳየተና ዳሮ ዴጾ ሞቱዋ አ ቦላ ዎድኖ። 
\v 8 ጳዉሎስ ሞተቲደ፥ “ታን አይሁዳቱዋ ህግያካ ጌሻ ጎልያካ ሮመ ካትያ ቄሳራካ አይነ ናቃበይከ” ያጌዳ።
\p
\v 9 ፕስጾስ አይሁዳቱዋ ናሸቻናዉ ኮዪደ ጳዉሎሳ፥ “ፑደ የሩሳላመ ከሳደ፥ ሀ የዉዋባ ያን ታ ስንን ኦሸታናዉ ኮያይ?” ያጊደ ኦቼዳ።
\p
\v 10 ሽን ጳዉሎስ፥ “ታን ኦሸታናዉ በስያ ቄሳራ ፕርዳ ጎለን ኤቃድ። ኔንካ ሎይ ኤርያዋዳን፥ ታን አይሁዳቱዋ አይነ ናቃበይከ። 
\v 11 ስም ታን ናቄዳዋ ዎይ ሀይቃናዉ በስያዋ ኦዳዋ ግዶፐ፥ ሀይቁዋፐ አታና ጊከ፤ ሽን ኡንቱንቱ ታና ሞትያ ሞቱ መላ ግዴዳዋፐ ህን ባጋን፥ ኦንነ ታና ኡንቱንቶ አደ እማናዉ ዳንዳየና፤ ቄሳረ ታባ ፕርዶ ጋደ ኦቻይ” ያጌዳ።
\p
\v 12 ሄዋፐ ጉይያን፥ ፕስጾስ ባረናና ዞረትያዋንቱና ዞረት ስሚደ አ፥ “ኔን ቄሳረ ታባ ፕርዶ ጋደ ኦቻዳ፤ ቄሳራኮ ባናሳ” ያጊደ ዛሬዳ።
\s1 ፕስጾስ ጳዉሎሳባ አግርጳና ማቀቴዳ
\p
\v 13 አማሬዳ ጋላሳፐ ጉይያን፥ ካትያ አግሪጳይነ ባርኒቀ ፕስጾሳ ሳሮታናዉ ቂሳርያ ቤድኖ። 
\v 14 ያን ኡንቱንቱ ጮራ ጋላሳ ኡት ደእሽን፥ ፕስጾስ ካትያዉ ጳዉሎሳባ ሀዋዳን ያጊደ ኦዴዳ፤ “ሀዋን ፍልክሰ ቃቺደ ባሽ ቤዳ እት ብታኒ ደኤ። 
\v 15 ታን የሩሳላመን ደእሽን፥ ቄሳቱዋ ካፓቱነ አይሁዳ ጭማቱ አ ቦላ ፕርዳና ማላ፥ ታና ዎሲደ፥ አባ ታዉ ኦዴድኖ። 
\v 16 ታን፥ ‘ሞተቴዳ ኡራይ ባረና ሞትያዋንቱና እትፐ ኤቀናንነ ባረና ሞቴዳ የዎ ዛሩዋ እመናን፥ ኦና ግዶፐነ አደ እምያዌ ሮመ አሳዉ ዎጋ ግደና’ ያጋደ ኡንቱንቶ ዛራድ።
\p
\v 17 “ሄዋ ድራዉ፥ ኡንቱንቱ ሀዋን ሺቄዳ ዎደ፥ ታን ጋምኤናን ዎንትሳ ጋላስ፥ ፕርዳ ጎለ ገላደ ጳዉሎሳ አሀና ማላ አዛዛድ። 
\v 18 አ ሞትያዋንቱ ኤቂደ፥ ኢታባን አ ሞተናን አግክኖ ጋደ ታን ቆፔዳዋዳን፥ አይነ አ ሞትበይክኖ። 
\v 19 ሽን ኡንቱንቱ ባረንቱ አማኔዳባንቱባነ ጳዉሎስ፥ ‘ፓጻ ደኤ’ ግያ ሀይቄዳ እት የሱሳ ጌተትያ ብታንያባ አናና ፓሉመቴድኖ። 
\v 20 ታን ሀ የዉዋ ዎታደ ብዳ ደማንታንቶ፥ ቆፋ ቃቼናን ደኣደ፥ ጳዉሎስ የሩሳላመ ቢደ፥ ሀ የዉዋ ያን ኦሸታናዉ ኮይንቶነ ጋደ አ ኦቻድ፤ 
\v 21 ሽን ጳዉሎስ ባረ የዉዋ አዉግስጾሰ ቄሳረ ኦግያ ኦይና ጋካናዉ ናገታናዳን ኦችና፥ ታን አ ቄሳራኮ የዳና ጋካናዉ፥ እ ቃሸታና ማላ አዛዛድ” ያጌዳ።
\p
\v 22 ሄዋፐ ጉየ አግሪጳይ ፕስጾሳ፥ “ታን ታ ሁጰዉካ ቃይ ሄ ብታኒ ግያዋ ስሳና ኮያይ” ያጌዳ።
\p ፕስጾስ አ፥ “ኔን ዎንት እ ግያዋ ስሳናሳ” ያጌዳ።
\p
\v 23 ዎንትሳ ጋላስ፥ አግሪጳይነ ባርኒቀ ዳሮ ቦንቹዋን ኦላ ካፓቱዋናነ ካታማን ደእያ ዎልቃማ አሳና ዪደ፥ ፕርዳ ጎለ ገሌድኖ፤ ፕስጾስ ጳዉሎሳ አሀና ማላ አዛዝና አሄድኖ። 
\v 24 ፕስጾስ ሀዋዳን ያጌዳ፤ “ካትያ አግሪጳ፥ ሀዋን ኑናና ደእያ አሳ ኡባዉ፥ አይሁዳ አሳይ ኡባይ የሩሳላመንካ ሀዋንካ ዋሲደ፥ ‘እ ሀዋፐ ስንዉ ፓጻ ደአናዉ በሰና’ ያጊደ፥ ታና ዎሴዳ ብታንያ ሀዋ በኢታ። 
\v 25 ሽን እ አይነ ሀይቃናዉ በስያዋ ኦዳዋ ታን ደማበይከ፤ እ ባረ ሁጰዉ፥ ‘አዉግስጾሰ ቄሳረ ታባ ፕርዶ ያጋደ ኦቻድ’ ጌዳ ድራዉ፥ ቄሳራኮ አ የዳናዉ ታን ቆፓድ። 
\v 26 ታን አባ ታ ጎዳ አዉግስጾሰ ቄሳረዉ ጻፋናዉ ቱሙ የዉ ታዉ አይነ ባዋ፤ ሄዋ ድራዉ፥ እ ሎይ ኦሸቶዋፐ ጉይያን፥ ታን ጻፍያባ ደማና ማላ፥ ህንተንቱ ስን፥ ካትያ አግሪጳ፥ ኡባ ነ ስን አ አሃድ። 
\v 27 አያዉ ጎፐ፥ ቃሸቴዳ ኡራ ኪትያ ዎደ፥ አ አያዉ ሞቴደንቶ፥ ኤርሰናን ጮኡ ግ ባሽያዌ ታዉ ኤያተ ማላቴ” ያጌዳ።
\c 26
\s1 ጳዉሎስ አግሪጳ ስንን ሃሳዬዳ ሃሳያ
\p
\v 1 አግሪጳይ ጳዉሎሳ፥ “ኔን ነባ ሃሳያናዉ ዳንዳያ” ያጌዳ። ሄ ዎደ ጳዉሎስ ባረ ኩሽያ ምጪደ ሀዋዳን ያግ ዛሬዳ።
\p
\v 2-3 “ካትያ አግሪጳ፥ አይሁዳቱዋ ዎጋነ ፓሉማ ኡባ ኔን ሎይደ ኤርያ ድራዉ፥ ታና አይሁዳቱ ሞትያ የዉዋ ኡባ ሀቼ ታን ነ ስንን ዛርያዎ ታ ካጫይ ዳርስ ሎአ ያጋደ ቆፓይ፤ ሄዋ ድራዉ፥ ኔን ታ ሃሳያ ሳለተናን ስሳና ማላ፥ ኔና ዎሳይ።
\p
\v 4 “ታን ናአተፐ ዶማደ ታ አሳ ግዶንነ የሩሳላመን ደኤዳ ታ ደኡዋ አይሁዳ ኡባቱ ካሰፐ ዶሚደ ኤሪኖ። 
\v 5 ታን ኮይሮፐ ዶማደ፥ ኑ አማኑዋ ህግያ ኦፐነ ምንሲደ ናግያ ፓርሳዋቱዋ ባጋ ፓርሳዌ ግዳደ ደእያዋ፥ ኡንቱንቱ ማርካታናዉ ኮዮፐ ኤሪኖ። 
\v 6 ታን ሀእካ ጾሳይ ኑ አዋቶ እማና ጌዳዋ ናሸቻን ናግያ ድራዉ፥ ፕርደታናዉ ሀዋን ኤቃይ። 
\v 7 ቃይ ታማነ ላኡ ኑ አዎቱዋ ዛራቱ ጾሳዉ ቃማነ ጋላስ ኡባደ ምንስ ጎይኒደ፥ ጾሳይ እማና ጌዳዋ አካናዉ ናሸቻን ናጊኖ፤ ካትያ አግሪጳ፥ አይሁዳቱ ታና ሞትያዌ ታን ሄዋ ናሸቻን ናግያ ድራሳ። 
\v 8 አይሁዳቶ፥ ጾሳይ ሀይቄዳዋንታ ደንያዋ አያዉ አማንክቴ?
\p
\v 9 “ታን ታ ሁጰዉካ ናዝሬትያ የሱሳ ኤቀታናዉ በሴ ጋደ ካሰ ቆፓድ። 
\v 10 ታን የሩሳላመን ኦዳዌ ሀዋ፤ ቄሳቱዋ ካፓቱዋፐ ማታ አካደ፥ ጾሳ አሳቱዋፐ ጮራቱዋ ቃሽሳድ፤ ኡንቱንታ ዎያ ዎደካ ኡንቱንቱ ሀይቂያዋ ዶሳድ። 
\v 11 አይሁዳ ዎሳ ጎለ ኡባን ዳሮ ዎደ ኡንቱንታ ሙራደ፥ ባረንቱ አማኑዋ ኡንቱንቱ አጋና ማላ ጎደታድ፤ ታን ዎጋይ ባይናዋ ኡንቱንቶ ሀንቀታደ፥ ሀራይ አቶ፥ ሀራ ጋድያ ካታማ ጋካናዉካ ኡንቱንታ መቶይ።
\s1 ጳዉሎስ ባረ ሁጰዉ ክርስቶሳ ዎት አማኔደንቶ ኦዴዳ
\r (9:1-19፤ 22:6-16)
\p
\v 12 “ታን ሀ የዎ ቄሳቱዋ ካፓቱዋፐ ማታነ አዛዙዋ አካደ ዳማስቆ ባድ። 
\v 13 ካተዉ፥ ታን ሴታ ጋላስ ኦግያን ደእሽን፥ አዋ ፖኡዋፐ ሎይ አያ ፖኡ ታናነ ታናና ቤዳዋንታ ዩይ አደ፥ ሳሉዋፐ ፖእሽን በኣድ። 
\v 14 ኑን ኡባይ ሳኣን ኩንዴዳ ዎደ፥ እብራይስጸ ቃላን፥ ‘ሳኦላ፥ ሳኦላ፥ ታና አያዉ የደሳን መቶይ? ኔን ታና እጹሳን ኔና ቆሃሳ’ ያጊደ ታዉ ኦድሽን ስሳድ።
\p
\v 15 “ያታደ፥ ‘ታ ጎዳዉ፥ ኔን ኦኔ?’ ያጋድ።
\p “ጎዳይ፥ ‘ታን ኔን የደሳን መቶያ የሱሳ። 
\v 16 ሽን ደንዳ ኤቃ፤ አያዉ ጎፐ፥ ሀቼ ኔን ታና ቤኤዳዋነ ታን ኔና ስንፐ በሳናዋ ሀራንቶ ማርካታና ማላ፥ ታዉ ኦያዋ ኡዳደ ኔና ሱንናዉ ነዉ ቆንጫድ። 
\v 17-18 ኡንቱንቱ ታና አማንና፥ ኡንቱንቱ ናጋራይ አቶ ጌተታናዳን፥ ጾሳይ ዶሬዳ አሳ ግዶን ኡንቱንቱ ባረንቱ ደኢያሳ ደማናዳን፥ ቃይ ማፐ ፖኡዋ ስማናዳንነ ጻላህያ ጎዳተፐካ ጾሳኮ ስማናዳን፥ ኡንቱንቱ አይፍያ ኔን ዶያና ማላ፥ እስራኤልያ አሳፐነ ታን ኔና ኡንቱንቱኮ ኪትያ አይሁዳ ግደናዋንቱፐ ኔና አሻና’ ያጌዳ።
\p
\v 19 “ካትያ አግሪጳ፥ ሄዋ ድራዉ፥ ታዉ ሳሉዋፐ ቤቴዳ ሳጻዉ ታን አዛዘታናዋ እጻበይከ። 
\v 20 ሽን ታን ካሰታደ፥ ዳማስቆንነ የሩሳላመን ሄዋፐ ጉይያን፥ ይሁዳ ጋድያ ኡባን ደእያዋንቱስነ አይሁዳ ግደናዋንቶ ባረንቱ ናጋራፐ ስማና ማላ፥ ቃይ ናጋራፐ ስማናዉ በስያዋ ኦደ፥ ጾሳኮ ስማና ማላ ቃላ ኦዳድ። 
\v 21 ሄዋ ድራዉ፥ አይሁዳቱ ታና ጌሻ ጎልያን ኦይቂደ ዎናዉ ኮዬድኖ። 
\v 22-23 ሄዋ ድራዉ፥ ታን ጾሳ ማዱዋ አካደ፥ ዳሮነ ጉዉ ሀቼ ጋካናዉካ ኤቃደ ማርካታይ። ናባቱነ ሙሴ፥ ‘ክርስቶስ መቶታናዉ በሴ፤ ቃይ ሀይቁዋፐ ኮይሮ ደንዲደ፥ አይሁዳቶነ አይሁዳ ግደናዋንቶ አቶተ ፖኡዋ ኦዳናዉ በሴ’ ጌዳዋዳን፥ ታንካ ኡንቱንቱ ሃሳዬዳዋፐ ሀራ እትባነ ሃሳዬዳባይ ባዋ” ያጌዳ።\x - \xo 26:22-23 \xo*\xt ኢሳ. 42:6፤ 49:6፤ 1 ቆሮ. 15:20\xt*\x*
\p
\v 24 ጳዉሎስ ባረንቱባ ሀዋዳን ያጊደ ዛርሽን፥ ፕስጾስ ኮሻ ቁ ኦደ አ ሃሳያ ባናዉ፥ “ጳዉሎሳ፥ ኔን ጎያ፤ ኔን ዳሪ ታማሬዳዌ ኔና ጎሻና ሀኔ” ያጌዳ።
\p
\v 25 ሽን ጳዉሎስ ሀዋዳን ያጌዳ፤ “ቦንቼቴዳ ፕስጾሳ፥ ታን ቱማተን ሎኦ የዉዋነ ዎዛና ቆፋ ሃሳይያዋፐ አትን ጎይከ። 
\v 26 ታን ካትያ አግሪጳዉ ሀ የዉዋ ቆንጭያን ኦድያዋ እ ኤሬ፤ አያዉ ጎፐ፥ ሀ የዉ ጌማን ኦሰትቤና ድራዉ፥ ሀዋፐ እቱነ አፐ ጌመናዋ ታን ጌሻደ ኤራይ።
\p
\v 27 “ካትያ አግሪጳ፥ ኔን ናባቱ ጌዳዋ አማናይ? ኔን ኡንቱንቱ ጌዳዋ አማንያዋ ታን ኤራይ” ያጌዳ።
\p
\v 28 ካትያ አግሪጳይ ጳዉሎሳ፥ “ሀእ ሀ ቃን ዎዳትንካ ታና አማንናዉ ኮያይ?” ያጌዳ።
\p
\v 29 ሄዋፐ ጉየ ጳዉሎስ፥ “ዳሮ ዎደ ግድና፥ ጉ ዎደ ግድና፥ ነ ጻላላ ግዳካ፤ ሽን ሀቼ ታን ኦድያዋ ስስያ ኡባይ ቃይ ታዋዳን ቃሸቶፕኖ አትን፥ ታ ማላ ግዳናዳን ጾሳ ዎሳይ” ያጌዳ።
\p
\v 30 ሄዋፐ ጉይያን ካቲ፥ ሞድያ ፕስጾሰ፥ ባርኒቀነ፥ ኡንቱንቱና ደእያ ኡባይ ደንድ፥ 
\v 31 እት ባጋ ስሚደ፥ እቱ እቱዋና፥ “ሀ ብታኒ ሀይቁሳይ አቶ ሽን፥ ቃሹዋስካ በስያባ ኦቤና” ያግ ሃሳዬድኖ። 
\v 32 አግሪጳይ ፕስጾሳ፥ “ሀ ብታኒ፥ ‘ቄሳሪ ታባ ፕርዶ’ ግቤነንቶ፥ ብለታናዉ ዳንዳዬ ሽን” ያጌዳ።
\c 27
\s1 ጳዉሎስ ሮመ ቤዳ
\p
\v 1 ኑን ማርካብያን ጻልያ ባናዉ ቆፕ ኡቴዳ ዎደ፥ ጳዉሎሳነ ሀራ አማሬዳ ቃሸቴዳ አሳቱዋ አዉግስጾሳ ዎታዳራቱዋ ግያዋንቱፐ እት ዩልዮሳ ግያ ጼታቱዋ ካፖ አደ እሜድኖ። 
\v 2 ኢስያ ጋጻን ደእያ ጋዳቱዋ ብያ አድራምጽዮና ማርካብያን ገሊደ ቤዶ፤ ማቅዶንያ አሳ ግድያ ተሰሎንቀ አርስጽሮኮስ ኑናና ደኤ።
\p
\v 3 ዎንትሳ ጋላስ ኑን ሲዶና ጋክሽን፥ ዩልዮስ ጳዉሎሳዉ ዳሮፐ አ፥ “ነ ዳባቱ ኔና ኮሽያባ ማዳና ማላ፥ ኔን ኡንቱንቱኮ ባናዉ ዳንዳያ” ያጌዳ። 
\v 4 ሄዋፐ ደንዲደ፥ ስንና ኑ ቦላ ጫርክያ ድራዉ፥ ቆጲሮሳ ሃን ዶደቴዳ ሳኣን ጫርከና ባጋ ቤዶ። 
\v 5 ክልቂያ ማታንነ ጵንፍልያ ማታን ደእያ አባ ፕኒደ፥ ልቅያን ደእያ ሙራ ጋኬዶ። 
\v 6 ሄዋን ጼታቱዋ ካፑ ጻልያ ብያ እስክንድርያ ማርካብያ ደሚደ፥ አን ኑና ገልሴዳ።
\p
\v 7 ኑን ጮራ ዎድያ ሎዳን ቢደ፥ ዳሮ መቱዋን ቀንዶሳ ካታማ ጋኬዶ፤ ሄዋና ባናዉ ኑና ጫርኩ ድግና ሳልሞናና አደ፥ ሃን ዶደቴዳ ቃርጼሳን ጫርኩዋፐ ተኤቲደ ቤዶ። 
\v 8 ቃይካ ዳሮ መቱዋን ጋጻና ጋጻና አደ፥ ላስያ ካታማ ማታን ደእያ አባ ዶናን ማርካቢ ዎፑ ጊደ ሸምፕያ ሳ ጌተትያሳ ዬዶ።
\p
\v 9 ኑን ሄዋን ጮራ ዎድያ ጋምኤዳዋፐ ጉይያን፥ ጾማይ ብለት ድጌዳ ድራዉ፥ ማርካብያን ብያዌካ ህርግሽን ጳዉሎስ ኡንቱንታ ዞሪደ፥ 
\v 10 “አሳዉ፥ ኑ ቡሳን ዎልቃማ ቦሻይነ ዳሮ ባሻይ ደአናዌ ታዉ ቤቴ፤ ባሻይ ይያዌ ጫና ቦላነ ማርካብያ ቦላ ጻላላን ግደና፤ ኑ ሸምፑዋ ቦላካ ያናዋ” ያጌዳ። 
\v 11 ሽን ጼታቱዋ ካፑ ጳዉሎስ ጌዳዋፐ አደ፥ ማርካብያን ደእያዋንታ አዛዝያዌነ ማርካብያ ጎዳይ ግያዋ አማኔ። 
\v 12 ሄ አባ ማታ ካታማይ ባልጉዋ ሻጫናዉ ኡንቱንቶ ሚከና ካታማ፤ ሄዋ ድራዉ፥ ጮራ አሳቱ ባረንቶ ዳንዳየቶፐ፥ ፕንቀ ግያ ካታማ ጋኪደ፥ ባልጉዋ ያን ሻጫና ማላ፥ ያፐ ደንዳናዉ ዞረቴድኖ፤ ፕንቀን ደእያ ማርካቢ ሸምፕያ ሚኮ ሳአይ ዶየቴዳዌ፥ አዋይ ዉልያሳፐነ ኡሸቻ ባጋፐ ግዱዋን፥ ቃይ ዉልያሳፐነ ሀድርሳፐ ግዱዋና።
\s1 አባ ቦላን ጎቱ ደንዴዳ
\p
\v 13 አዋይ ከስያሳ ጼልያ ዎደ ኡሸቻ ዱገሃ ባጋ ጫርኩ ሎዳን ጫርኬዳ ዎደ፥ ባረንቱ ቆፔዳዋዳን ሀኔዳዋ ኡንቱንቶ ማላትና ደንዴድኖ፤ ማርካቢ ቤና ማላ ኦይቂያ ብራታ ፑደ ዳፊደ፥ ቃርጼሳ ማታቲደ፥ ላንቂያና አድኖ። 
\v 14 ሽን ዳሪ ጋምኤናን፥ “አዉራቂስ”\f + \fr 27:14 \fr*\fq “አዉራቂስ” \fq*\ft ጌተትያ ዎልቃማ ጎቱ ክል ፑደሃፐ ዉላሃ ባጋ ጫርክያዋ ግድያዋ በሴ።\ft*\f* ግያ ዳሮ ዎልቃማ ጎቱ ሃ ግዶን ደእያ ሳኣፐ ዱገ ኡንቱንቱ ቦላ ደንዴዳ። 
\v 15 ሄ ጎቱ ማርካብያ ደቺደ አናን ድግና፥ ባናዉ ኑዉ ዳንዳየተናን እጼዳ ድራዉ፥ ማርካብያ እ አፍያሳ አጊደ ቤዶ።
\p
\v 16 ኑን ቄዳ ግያ ሃን ዶደቴዳ ጫርኩዋፐ ጌሜዳ ሳና አያ ዎደ፥ ዳርስ መቶቲደ ማርካብያ ዎንግርያን ናግ አሻናዉ ዳንዳዬዶ። 
\v 17 ኡንቱንቱ ዎንግርያ ፑደ ከሴዳዋፐ ጉይያን፥ ጋድያን ማርካብያ ጻጺደ፥ ምንስ ቃቼድኖ፤ ስርጽሳ ግያ ሻፊ ኩሜዳ ሳን ባረንታ ኩንድሳነንቶነ ጊደ ህርጊደ፥ ማርካብያ አፍያ ሻራ ዎደ፥ ጫርኩዋን ማርካብያ ጮ የድ አጌድኖ።
\p
\v 18 ጎቱ ዎልቃሚደ ኑ ቦላን ዎልቃሜዳ ድራዉ፥ ዎንትሳ ጋላስ ጫናፐ አባን ኦሉዋ ዶሜድኖ። 
\v 19 ሄዘንያ ጋላስካ ማርካብያን ደእያ ሚሻ ኡንቱንቱ ባረንቱ ኩሽያን ኦሌድኖ። 
\v 20 ኑን ዳሮ ዎድያ አዋነ ጾልንትያ በኤናን፥ ዎልቃማ ኡሹ ኑ ቦላ ቡክሽን፥ ስንፐ የናን አቶኮ ጊደ ቆፔዶ።
\p
\v 21 ኡንቱንቱ ዳሮ ዎድያ ቁማ ሜናን ጋምኤዳዋፐ ጉይያን፥ ጳዉሎስ ሄ ዎደ ኡንቱንቱ ግዶን ደንድ ኤቂደ፥ ሀዋዳን ያጌዳ፤ “አሳዉ፥ ህንተንቱ ታ ዞርያ አኬደንቶነ ቃርጼሳፐ ደንደናን አቴደንቶ፥ ሀዋ ማላ ባየይነ ቆሁ ኑና ጋከና። 
\v 22 ሽን ሀእካ ታን ህንተንታ ያዮፕተ ጋደ ዞራይ፤ አያዉ ጎፐ፥ ሀ ማርካቢ ባያናፐ አትን፥ ህንተንቱፐ እት ኡራ ሸምፑካ ባየና። 
\v 23 አያዉ ጎፐ፥ ጾሳ ኪታንቻይ፥ ታና ሞዴዳ ታን ጎይንያ ጾሳዌ፥ ዝኖ ቃማ ታ ማታን ኤቂደ፥ 
\v 24 ‘ጳዉሎሳ፥ ያዮፓ፤ ኔን ሮመ ጋድያ ካትያ ቄሳራ ስንን ኤቃናዉ በሴ፤ በአ፥ ጾሳይ ባረ ኬካተን ኔናና ብያ አሳ ኡባ ሸምፑዋ አሻና’ ያጌዳ። 
\v 25 ሄዋ ድራዉ አሳዉ፥ ያዮፕተ። አያዉ ጎፐ፥ ሄ ኪታንቻይ ታዉ ኦዴዳዋዳን ሀናናዋ ታን ጾሳ አማናይ፤ 
\v 26 ሽን ጫርኩ ኑና እት ሃን ዶደቴዳ ሳኣን አባ ዶናን ዶምእሳና” ያጌዳ።
\p
\v 27 ታማነ ኦይደን ጋላስ ሜድትራንያ አባን ኑና ጫርኩ ያነ ሃነ ሱግሽን፥ ማርካብያን ኦያዋንቶ ቃማ ብላሂ ቢታኮ ማቴዳዋ ማላቴዳ። 
\v 28 ኡንቱንቱ ልክያ ጋድያ ጼራን ዴጽያባ ቃቺደ፥ ሃን የግና፥ ሃይ ኦይታሙ ምትርያ ጪማቴዳዋ ኤሬድኖ። ጉ ጋምኢደ፥ ላኤንዋ የጊደ፥ ሀታሙ ምትርያ ጪማቴዳዋ ኤሬድኖ። 
\v 29 ኡንቱንቱ ሹቻትያሳን ኩንደና ማላ ያዪደ፥ ማርካቢ ቤና ማላ ኦይቂያ ኦይዱ ብራታ ማርካብያፐ ጉየና አባን የጊደ፥ ሳአይ ዎንታና ማላ፥ ባረንቱ ጾሳቱዋ ዎሲኖ። 
\v 30 ማርካብያን ኦያዋንቱ ማርካብያፐ ክቻናዉ ኮዪደ፥ ማርካቢ ቤና ማላ ኦይቂያ አማሬዳ ብራታቱዋ ማርካብያፐ ስን ባጋና አባን የግያዋ ማላቲደ፥ ዎንግርያ አባን ዎዳ ዎደ፥ 
\v 31 ጳዉሎስ ጼታቱዋ ካፑዋነ ዎታዳራቱዋ፥ “ሀዋንቱ ማርካብያ ግዶን ደአና ዮፐ፥ ህንተንቱ አታናዉ ዳንዳይክታ” ያጌዳ። 
\v 32 ሄዋፐ ጉይያን፥ ዎታዳራቱ ዎንግሪ ቃሸቴዳ ጋድያ ቃንጺደ፥ የድ አጌድኖ።
\p
\v 33 ሳአይ ዎንታና ሀንሽን፥ ጳዉሎስ ኡባይ ቁማ ማና ማላ፥ ሀዋዳን ያጊደ ዎሴዳ፤ “ህንተንቱ ሀቼና ታማነ ኦይዱ ጋላሳ ናጌድታ፤ ቃይ ሄ ኡባንካ ቁማ ምበይክታ። 
\v 34 ሄዋ ድራዉ፥ ጉ ቁማ ህንተንቱ ማና ማላ፥ ታን ህንተንታ ዎሳይ፤ አያዉ ጎፐ፥ ህንተንቱ ፓጻ ደአናዉ ጉ ቁማ ማና ኮሼ፤ ሀራይ አቶ ህንተንቱ ሁጲያ ብናናፐ እቱካ ባየና” ያጌዳ። 
\v 35 ጳዉሎስ ሀዋ ጊደ፥ ኡክ አኪደ፥ ኡባ ስንን ጾሳ ጋላቴዳ፤ መን ሙሳ ዶሜዳ። 
\v 36 ሄዋፐ ጉይያን ኡባይ ሎይ፥ ባረንቶ ቃይ ቁማ ሜድኖ። 
\v 37 ኑን ማርካብያን ደእያዋንቱ ላኡ ጼታነ ላፑን ታማነ ኡሱፑና። 
\v 38 ኡንቱንቱ ሚደ ካሌዳ ዎደ፥ ጫና ዛርጋ አባን ኦሊደ ማርካብያ ዴጹዋ ካዉሽሴድኖ።
\s1 ማርካብያ መኡሳ
\p
\v 39 ሳአይ ዎንቴዳ ዎደ፥ ማርካብያን ኦያዋንቱ ጋድያ ኤርበይክኖ፤ ሽን ሃይ ጎጊደ አባን ገሌዳሳ ምይያን ደእያ ሻፍያ አኬካን ጼሌድኖ። ባረንቶ ዳንዳየትንቶ፥ ማርካብያ ሄ ሻፍያኮ ላጋናዉ ባረንቱ ቆፋ ቃቼድኖ። 
\v 40 ያቲደ ማርካቢ ቤና ማላ ኦይቂያ ብራታቱዋ ብሊደ፥ አባ ግዶ የጌድኖ፤ ሄ ዎደ፥ ማርካብያ ኮዬዳሳ ዛሪደ ላግያ ም ቃቼዳ ጋድያ ብሌድኖ፤ ሄዋፐ ጉይያን፥ ጫርኩ ማርካብያ ስንዉ ሱጋና ማላ፥ ማርካብያ አፍያ ሻራ ስን ባጋና ቁ ኦደ፥ ቡሳ ዶሜድኖ። 
\v 41 ሽን ማርካቢ ጪሙ ደኢያሳፐ አደ ሃን ዶደቴዳ ሳኣ ማታን ደእያ ደሳን ዶምኤት ኤቄዳ፤ ማርካብያዉ ጉየ ባጋይ ቤታ ሱገን መኤረትሽን፥ ስን ባጋይ ዱገ ሸቲደ፥ ቃጸናን እጽ አጌዳ።
\p
\v 42 ዎታዳራቱ ቃሸቴዳ አሳፐ እቱነ ሃ ዋደ ከስ አክቤና ማላ፥ ኡንቱንታ ዎናዉ ዞረቴድኖ። 
\v 43 ሽን ጼታቱዋ ካፑ ጳዉሎሳ አሻናዉ ኮዪደ፥ ዎታዳራቱዋ ማቁዋ እጼዳ፤ ሃ ዋ ኤርያ ኡባይ ማርካብያፐ ሃን ጉፕ ጉፒደ ካሰቲደ ጋጻ ከሳና ማላ አዛዜዳ። 
\v 44 አቴዳዋንቱፐ አማሬዳዋንቱ ሳንቃን፥ አማሬዳዋንቱ ቃይ ማርካብያ መኡዋን ከሳና ማላ አዛዜዳ፤ ሄዋዳን ኡባቱካ ጋጻ ሳሮተን ከሴድኖ። \fig ጳዉሎሳ ኦሮመ ኦጊያ|alt="Paul's Journey to Rome" src="dwr_Paul4_B&WFlat.indd" size="span" loc="ACT 27:1—28:14" ref="27:1—28:14"\fig*
\c 28
\s1 ጳዉሎስ ማልታ ግያ ሃን ዶደቴዳ ሳኣ ቤዳ
\p
\v 1 ኑን ጋጻ ሳሮተን ከሴዳ ዎደ፥ ሄ ሃን ዶደቴዳ ሳአይ ማልታ ጌተትያዋ ኤሬዶ። 
\v 2 ሃን ዶደቴዳ ሳኣን ደእያ አሳቱ ኑዉ ዳሮ ኬካተ ኬኬድኖ፤ እራይ ቡካናዉ ዶሜዳ ድራዉነ ሜጉዋ ድራዉ፥ ታማ ኤደ፥ ኑና ኡባ ሞኬድኖ።
\p
\v 3 ጳዉሎስ ዳሮ ቃይጼርያ ም ምጺደ ታማን የግሽን፥ ማርዛማ ሾሻይ ሴላ ድራዉ ከሲደ፥ አ ኩሽያን ጻጸቲደ፥ አ ዱኬዳ። 
\v 4 ሃን ዶደቴዳ ሳኣን ደእያ አሳቱ ቅርጫንትያ ሾሻይ ጳዉሎሳ ኩሽያን ጻጸቴዳዋ በኤዳ ዎደ እቱ እቶ፥ “ቱሙ ሀ ብታኒ ሸምፑዋ ዎያ አሳ፤ ሀራይ አቶ አባፐ እ አትናካ ኑ ጾሳ ፕርዳይ አ ፓጻ ደኦ ግቤና” ያጌድኖ።
\p
\v 5 ሽን ጳዉሎስ ባረ ኩሽያፐ ቅርጫንትያ ሾሻ ዉጻኪደ፥ ታማን ኦሌዳ፤ አ አይነ ኦቤና። 
\v 6 ኡንቱንቱ፥ “አ ቦላይካ ጋፌ፤ ዎይ አኬከናን ኩንዲደ ሀዬ” ያጊደ አ ናጊኖ፤ ሽን ጮራ ዎድያ ናጊደ፥ አ ቦላን አይነ ዱማቴዳባይ ይና፥ “ሀዌ ጾሳ” ያጊደ ባረንቱ ቆፋ ባሽ አጌድኖ።
\p
\v 7 ሄዋ ሄራን ሃን ዶደት ኡቴዳ ሳኣ ካፑዋ ፑፕልዮሳ ግያዎ ጋዲ ደኤ፤ እ ኑና እማተ፥ ሄዙ ጋላሳ ሲቁዋን ሞክ ሞይዜዳ። 
\v 8 ፑፕልዮሳ አቡ ቆጹዋ፥ ሴላነ ኡሉዋ ካ ሳከት ግሲደ ደኤ፤ ጳዉሎስ አ ሶይ ገሊደ፥ አዉ ጾሳ ዎሴዳ፤ ባረ ኩሽያ አ ቦላ ዎደ፥ አ ፓዳ። 
\v 9 ሄዋፐ ጉይያን፥ ሄ ሃን ዶደቴዳ ሳኣን ሀርግያ ሀራ ኡባ አሳይካ ቃይ ዪደ ፓጼዳ። 
\v 10 ሄዋፐ ስምና ኑና ዳሮ ቦንቹዋ ቦንቼድኖ፤ ኑን ማርካብያን ባናዉ ደንዴዳ ዎደ፥ ኦገዉ ኑና ኮሽያባ ኑዉ እሜድኖ።
\s1 ጳዉሎስ ማልታፐ ሮመ ቤዳ
\p
\v 11 ሄዙ አገናፐ ጉይያን፥ ሃን ዶደቴዳ ሳኣን ባልጉዋ አደ፥ “ማንተ ጾሳ”\f + \fr 28:11 \fr*\fk ማንተ ጾሳ፦ \fk*\ft ሀዋንቱ ላኡ አቱማ ናናቱ፥ ካስቶርነ ፓሎክሳ ጌተትያዋንቱ ዘዉሰ ናናቱዋ ግዲደ፥ ማርካብያን ደእያ አሳቱዋ ናግያ ጾሳቱዋ ጌተቲደ ጼሰቲኖ።\ft*\f* ግያ እስክንድርያ ማርካብያን ባናዉ ደንዴዶ። 
\v 12 ኑን ስራኩሰ ግያ ካታማ ገሊደ፥ ያን ሄዙ ጋላሳ ኡቴዶ። 
\v 13 ሄዋፐ ዩዪደ፥ ረጊዩመ ግያ ካታማ ጋኬዶ። እት ጋላሳፐ ጉይያን፥ አዋይ ከስያሳ ጼልያ ዎደ ኡሸቻ ዱገሃ ባጋ ጫርኩ ጫርክና፥ ዎንትሳ ጋላስ ፑትያሉሳ ግያ ካታማ ዬዶ። 
\v 14 ሄዋን ኑን እት እት አማንያዋንታ ደምና፥ ባረንቱና ላፑ ጋላሳ ኡታና ማላ፥ ኑና ዎሴድኖ፤ ሄዋፐ ቃይ ሮመ ዬዶ።
\p
\v 15 ሮመን ደእያ አማንያዋንቱ ኑባ ስሲደ፥ አፍያሳ ገያነ “ሄዙ አቅያሳ ጌተትያሳ” ጋካናዉ ኑና ሞካናዉ ዬድኖ፤ ጳዉሎስ ኡንቱንታ በኤዳ ዎደ ጾሳ ጋላቲደ፥ ዎዛናን ምንሴዳ።
\s1 ጳዉሎስ ሮመን ታማርሴዳ
\p
\v 16 ኑን ሮመ ገሌዳ ዎደ፥ ጳዉሎስ ባረና ናግያ ዎታዳራና ባረካ ደአናዳን ኦሰቴዳ።
\p
\v 17 ሄዙ ጋላሳፐ ጉይያን፥ ጳዉሎስ አይሁዳቱዋ ካፓቱዋ ባረኮ ጼሴዳ፤ ኡንቱንቱ ሺቄዳ ዎደ፥ ኡንቱንታ ሀዋዳን ያጌዳ፤ “ታናዳን አማንያዋንቶ፥ ታን ኑ አሳ ዎይ ኑ አዎቱዋ ዎጋ ኢታባ አይነ ኦናን፥ ታና የሩሳላመን ቃቺደ፥ ሮመ አሳዉ አደ እሜድኖ። 
\v 18 ኡንቱንቱ ታና ብዴዳዋፐ ጉየ፥ ሀይቃናዉ በስያባይ ታ ቦላ አይነ ባይና ድራዉ፥ ታና ብላናዉ ኮዬድኖ። 
\v 19 ሽን ሄዋ አይሁዳቱ ኤኖ ጌናን እጼዳ ዎደ፥ ‘ታባ ቄሳረ ፕርዶ’ ጋናዌ ታና ኮሼዳፐ አትን፥ ታን ታ ዛርያ ሞትያባይ ታዉ ደእና ግደና። 
\v 20 ታን ህንተንቱና ጋከታናዉነ ሃሳያናዉ ህንተንታ ጼሴዳዌ ሄዋሳ፤ አያዉ ጎፐ፥ እስራኤልያ አሳይ ናሸቻን ናግያዋ ድራዉ ታን ሀ ሳንላታን ቃሸታድ” ያጌዳ።
\p
\v 21 አይሁዳ ጭማቱ ጳዉሎሳ፥ “ኑን ይሁዳፐ ነባዉ ዳብዳቢያ አክበይኮ። ኑ እሻቱዋፐካ ሀራይ አቶ፥ እቱካ ዪደ፥ ነባ ኦድቤና፤ ዎይ ነ ሱን ባይዚደ፥ ኑዉ ኦድቤና። 
\v 22 ሽን ሄ አሳ ሱን ኡባ ሳን አሳይ ባይዚደ ሃሳይያዋ ኑን ኤርያ ድራዉ፥ ነ ቆፋ ስሳናዉ ኮዬቶ” ያጌድኖ።
\p
\v 23 ኡንቱንቱ ባረንቱ ያና ጋላሳ ጳዉሎሳዉ ኬሪደ፥ ሄ ጋላስ ጮሪደ እ ደኢያሳ ዬድኖ፤ እካ ኡንቱንቶ ጾሳ ካዉተባ ማርካቴዳ። ቃይ ኡንቱንቱ የሱሳባ አማናና ማላ፥ ሙሴ ህግያፐነ ናባቱ ጻፌዳዋፐ አኪደ ኡንቱንታ ታማርሲደ፥ ዎንታፐ ኦማርስ ጋካናዉ ሎይ ኦዴዳ። 
\v 24 ባጋቱ ጳዉሎስ ጌዳዋ አማኔድኖ፤ ሽን ባጋቱ አማንበይክኖ። 
\v 25 ኡንቱንቱ ባረንቱ ግዶን የዉዋ ኤኖ ጌናን እጼዳ ዎደ፥ ጳዉሎስ እትባ ጌዳዋፐ ጉይያን ቤድኖ፤ እ ሀዋዳን ያጌዳ፤ “ጌሻ አያናይ ኑ አዋቶ ናብያ ኢስያሳ ማጻፋን፥
\q1
\v 26 “ ‘ኔን ሄ አሳኮ ባደ ሀዋዳን ጋ፤
\q2 “ህንተንቱ ስሳ ስሳና፥
\q2 ሽን ህንተንቶ ገለና፤
\q2 ህንተንቱ ጼላ ጼላና፥
\q2 ሽን በእክታ።
\q1
\v 27 አያዉ ጎፐ፥ ሀ አሳ ዎዛናይ ጉዙሜዳ፤
\q2 ባረንቱ ሀይ ቱልሴድኖ፤
\q2 ባረንቱ አይፍያካ ጪሉሜድኖ።
\q2 ሄዌ ባዌንቶ፥ ባረንቱ አይፍያን በአና፤
\q2 ኡንቱንቱ ሀይይካ ስሳና፤
\q2 ኡንቱንቱ ዎዛናይካ አኬካና፤
\q2 ኡንቱንቱ ታኮ ጾሳኮ ስማና።
\q2 ቃይ ታንካ ኡንቱንታ ፓና”
\m ያጋ’ ያጌዳ።\x - \xo 28:27 \xo*\xt ኢሳ. 6:9-10\xt*\x*
\p
\v 28 “ስም ሀዌ ጾሳ አቶተይ፥ አይሁዳ ግደናዋንቶ ኪተቴዳዌ ህንተንቶ ኤረቶ። ቃይ ኡንቱንቱካ ስሳና” ያጌዳ።
\p
\v 29 [ጳዉሎስ ሄዋ ጌዳዋፐ ጉይያን፥ አይሁዳቱ ባረንቱ ግዶን ዳሮ ፓሉመቲደ ቤድኖ።]\f + \fr 28:29 \fr*\ft ዱማ ዱማ ማጻፋቱ ሀዋ ጉጅያዌ፥ ጳዉሎስ ሀዋ ጌዳዋፐ ጉይያን ግያዋና።\ft*\f*
\p
\v 30 ጳዉሎስ ክራ ጎልያን ላኡ ላይ ኩመን ደኢደ፥ ባረኮ ይያ ኡባ ሞኬ። 
\v 31 ባረና ኦንነ ድገናን ጾሳ ካዉተባነ ጎዳ የሱስ ክርስቶሳባ ኦዲደ፥ ያየናን ዳሪ ቆንጭሲደ ታማርሴዳ።