\id 3JN - Dawuro Full Bible Ethiopic Version
\ide UTF-8
\h 3 ዮሃንሳ ኪታ
\toc1 ዮሃንስ ጻፌዳ ሄዘን ኪታ
\toc2 3 ዮሃንሳ ኪታ
\toc3 3 ዮሃ.
\mt1 ዮሃንስ
\mt2 ጻፌዳ ሄዘን ኪታ
\imt ገሉዋ
\ip ዮሃንሳ ሄዘን ኪታ፥ የሱስ ኪቴዳ አማንያ አሳ ካለያ ጭማ ዮሃንስ ጻፌዳ። እ ጻፌዳዌካ ጋዮሳ ግያ እት ዎሳ ጎልያ ካለያዋሳ። ጻፊ፥ ጋዮስ ሀራ አማንያዋንታ ማዴዳ ድራዉ አ ጋላቴ፤ ሀራ ባጋና ቃይ ድዮትራፍሳ ጌተትያ መቱዋ መያ ብታንያፐ ናገታና ማላ አኬክሴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1-4\ior*
\io1 ጋዮስ ጋላተቶዋ \ior 5-8 \ior*
\io1 ድዮትራፍሰ ናገታናዳን ኦደቶዋ \ior 9-10\ior*
\io1 ድመጽሮስ ጋላተቶዋ \ior 11-12\ior*
\io1 ዉርሰ ቁትያ \ior 13-15\ior*
\c 1
\p
\v 1 ታን አማንያዋንታ ካለያ ጭማይ፥ ቱሙ ሲቅያ ታ ሲቁዋ ጋዮሳዉ ሀ ዳብዳቢያ ጻፋይ።\x - \xo 1 \xo*\xt ኪታ 19:29፤ ሮመ 16:23፤ 1 ቆሮ. 1:14\xt*\x* 
\v 2 ታ ሲቆ፥ ኔን ጾሳና ደእያ ደኡ ሎአ ግድያዋ ታን ኤርያዋዳን፥ ኔና አያይነ ዋይሰና ማላነ ቃይ ነ አሳተይ ፓጻ ግዳና ማላ፥ ጾሳ ዎሳይ። 
\v 3 አያዉ ጎፐ፥ አማሬዳ እሻቱ ዪደ፥ ኡባ ዎደ ኔን ቱማተን ደእያዋነ ነ ቱማተባ ማርካቴዳ ዎደ፥ ታን ዳሮ ናሸታድ። 
\v 4 ታ ናናይ\f + \fr 4 \fr*\fq ታ ናናይ፦ \fq*\ft ጎዳ አማኒደ ካልያዋንታ ጉሳ።\ft*\f* ቱማተን ደእያዋ ስስያዋፐ አደ፥ ታና ናሸችያባይ ባዋ።
\s1 ጋዮሳባ አሳይ ማርካቴ
\p
\v 5 ታ ሲቆ፥ ኑ እሻቱ እማ ግዶፐካ፥ ኔን ኡንቱንቶ ኦያ ኦሱዋ ኡባን አማነቴዳ ኦሱዋ ኦዳ። 
\v 6 ቃይ ኡንቱንቱ ነ ሲቁዋባ አማንያ አሳቶ ማርካቴድኖ፤ ኡንቱንቱ ቃንጸናን ባረ ኦግያ ባና ማላ ጾሳይ ዶስያዋዳን፥ ኔን ሎኦባ ኦደ ኡንቱንታ ማዳርኪ። 
\v 7 አያዉ ጎፐ፥ ጾሳ አማነናዉንቱፐ አይነ አከናን፥ ክርስቶሳ ሱን ድራዉ ከሴድኖ። 
\v 8 ሄዋ ድራዉ፥ ኑን ቱማተ ኡንቱንቱና እትፐ ኦና ማላ፥ ሀዋንቱ ማላ አሳቱዋ ማዳናዉ በሴ።
\s1 ድዮትራፍሰ ሴረቴዳ፤ ድመጽሮስ ሳበቴዳ
\p
\v 9 ታን አማንያዋንቶ፥ ዳብዳቢያ ጻፋድ፤ ሽን ኡንቱንቱ ካፑዋ ግዳናዉ ኮይያ ድዮትራፍሰ ኑን ግያዋ አከና። 
\v 10 ሄዋ ድራዉ፥ ታን ያ ብያ ዎደ፥ እ ኑ ቦላን ሃሳይያ ኢታ ሃሳያነ እ ኦዳ ኦሱዋ ህንተንቶ ኦዳና፤ ቃይ እ ሄዌ ጉጼዳ ጊደ፥ ኑ እሻቱ ይያ ዎደ ሞከና፤ ሀራይ አቶ ኡንቱንታ ሞካናዉ ኮይያዋንታካ ድጊደ፥ አማንያዋንቱ ግዶፐ ከሴ።
\p
\v 11 ታ ሲቆ፥ ሎኦባፐ አትን፥ ኢታባ ማላቶፓ። ሎኦባ ኦያ ኦንነ ጾሳ አሳ፤ ሽን ኢታባ ኦያ ኦንነ ጾሳ ኤረና።
\p
\v 12 ድመጽሮስ ሎአ ግድያዋ አሳይ ኡባይ ማርካቴ፤ ቱማተይ ባረ ሁጲያንካ አባ ማርካቴ። ኑንካ ቃይ አባ ማርካቴቶ፤ ኑ ማርካተይ ቱማ ግድያዋ ህንተካ ኤሪታ።
\s1 ዉርሰ ሳሮታ
\p
\v 13 ታን ነዉ ጻፋናዉ ኮዬዳ ዳሮባይ ደኤ፤ ሽን ዋራቃታንነ ቃላምያን ጻፋናዉ ኮይከ። 
\v 14 ሽን ታን ማታን ኔናና ጋከታናዉ ቆፓይ፤ ሄ ዎደ ኑን ጋከቲደ ሃሳያና።
\p
\v 15 ሳሮተይ ኔናና ግዶ።
\p ነ ዳባቱ ኔና ሳሮ ሳሮ ያጊኖ። ኑ ዳባቱዋ ኡባ ኡንቱንቱ ሱን ሱን ጼሳደ፥ ታና ሳሮ ሳሮ ጌዳ ያጋ።