\id 2TI - Dawuro Full Bible Ethiopic Version
\ide UTF-8
\h 2 ጽሞቶሳ
\toc1 ጳውሎስ ጽሞቶሳዉ ጻፌዳ ላኤን ኪታ
\toc2 2 ጽሞቶሳ
\toc3 2 ጽሞ.
\mt2 ጳዉሎስ
\mt ጽሞቶሳዉ
\mt2 ጻፌዳ ላኤን ኪታ
\imt ገሉዋ
\ip ሀዌ ጳዉሎስ ጽሞቶሳዉ ጻፌዳ ላኤን ኪታይ፥ ጳዉሎስ ማታ ባረና ማድያነ ኦሱዋ ባረናና እትፐ ኦያ ዎዳላ፥ ጽሞቶሳ ዞሬዳ ዞርያ ኦይቄዳዋ። አ ዞርያፐ ዳርያ ባጋይ ዳንዳያን ገንጫና በሴ ግያዋ። ጽሞቶሳዉ ዞርያነ መንዋ ቃላይ እመቴዳዌ፥ የሱስ ክርስቶሳባ አማነትያዋ ግዲደ ማርካታናዳን፥ ምሽራቹዋ ቃላነ ኤጫ ቃላ ጫቁዋ ትምርትያ ምንሲደ ኦይቃናዳንነ መትያባይነ ኤቀትያባይ ዳሮፐካ ታማርስያዋንነ ምሽራቹዋ ቃላ ኦድያዋን ምናናሳ።
\ip ጽሞቶስ ኤያተን ኦሰትያ ፓና መላ ፓሉማፐ ሃካና ማላ፥ ዱማ ምኖ ኦዱ አዉ ኦደቴዳ። አያዉ ጎፐ፥ ሄዋ ማላ ኦዱ ስስያዋንታ ባይዝያዋፐ አትን፥ ሀራ እ እምያ ጎእ ባዋ።
\ip ሄዋን ኡባን ጽሞቶስ ሀሳያናዉ በስያባይ ጳዉሎሳ ደኡዋነ አ ሀኖታ ሎኦ ቆፋ፥ ሄዋፐካ አ አማኑዋ፥ አ ገንጩዋ፥ አ ሲቁዋ አ ዳንዳያነ የደሳን አ ጋኬዳ መቱዋ ሌምሱዋን ካላናዳና።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-2\ior*
\io1 ጽሞቶሳዉ እመቴዳ ማቁዋ \ior 1:3—2:13\ior*
\io1 አሳይ ካድያ ዎደ አማነት ቤቱሳ \ior 2:14—4:5\ior*
\io1 ሄ ዎደ ደእያባቱዋነ ኮሽያ ካለያ ኦጋቱዋ \ior 4:6-18\ior*
\io1 ዉርሰ ቁትያ \ior 4:19-22\ior*
\c 1
\p
\v 1 ታን ጳዉሎስ፥ ጾሳይ እማና ጌዳ ክርስቶስ የሱሳና ኑዉ ደእያ ደኡዋባ ኦዳናዉ፥ ጾሳይ ጌዳዋዳን፥ ክርስቶስ የሱስ ኪቴዳዌ፥ 
\v 2 ታ ሲቆ ናኣ ጽሞቶሳዉ ሀ ዳብዳቢያ ጻፋይ።
\s1 ጽሞቶሳዉ እመቴዳ ዞርያ
\p ጾሳ አዉዋፐነ ኑ ጎዳ ክርስቶስ የሱሳፐ፥ አ ኬካተይ፥ ማሮተይነ ሳሮተይ ነዉ ግዶ።
\p
\v 3 ታ ዛራቱ ኦዳዋዳን፥ ታንካ ታና ዞርያ ጌሻ ዎዛናፐ ኦያ ጾሳ ቃማነ ጋላስ ዎስያ ዎሳን ኡባ ዎደ ኔና ሀሳይያ ድራዉ፥ አ ጋላታይ። 
\v 4 ታን ነ አፎ ሀሳያ ሀሳያደ ናሸታና ማላ፥ ኔና በአናዉ ዳሮ ላሞታይ።
\p
\v 5 ኔናን ደእያ ዎርዶ ባይና አማኑዋ ሀሳያይ። ሄ አማኑ በን ነ ዳይ ዳይ ሎይድንነ ነ ዳይ ኤዉኒቅን ደእያ አማኑዋ ማላ፤ ቃይ ኔናንካ ሄዌ ደእያዋ ኤራድ። 
\v 6 ሄዋ ድራዉ፥ ታን ታ ኩሽያ ላኡዋ ነ ቦላ ዎዳ ዎደ፥\f + \fr 1:6 \fr*\fq ታን ታ ኩሽያ ላኡዋ ነ ቦላ ዎዳ ዎደ፦ \fq*\ft ሀዌ በስያዌ፥ አማንያ አሳ ካለናዳን ጌሻ አያናይ ኦሶ ዶርና ቱማተን ካለያዋንቱ ቃላ ኦዳናዉ ዎይ ታማርሳናዉ ጾሳይ ኦኬዳዋንቱ ቦላን ባረንቱ ኩሽያ ዎደ ዎስያዋ በሴ። 1 ጽም። 1:4 ጼልተ።\ft*\f* ጾሳይ ነዉ እሜዳ እሙዋ ኔን ዶሽሰና ማላ፥ ኔና ሀሳይሳይ። 
\v 7 አያዉ ጎፐ፥ ጾሳይ ኑዉ ዎልቃ፥ ሲቁዋነ ኑ ሁጲያ ናግያዋ እምያ ጌሻ አያና እሜዳፐ አትን፥ ያሻ አያና እምቤና።
\p
\v 8 ስም፥ ኑ ጎዳዉ ማርካትያዋን ዎይ አ ድራዉ ቃሹዋን ደእያ ታዋንካ ዬላቶፓ። ሽን ጾሳይ ነዉ እምያ ዎልቃ ኬናን ታናና ምሽራቹዋ ቃላዉ ዋየታ። 
\v 9 ጾሳይ ባረ ቆፋንነ ባረ አ ኬካተን ኑና አሺደ፥ ባረ አሳ ኦናዉ ጼሶዋፐ አትን፥ ኑን ኦዳ ኦሱዋ ድራዉ ግደና። እ ሀ አ ኬካተ ክርስቶስ የሱሳ ባጋና ዎዲ ዶመታናፐ ካሰ ኑዉ እሜዳ። 
\v 10 ሽን ሀእ ሀ አ ኬካተይ ኑና አሽያ ክርስቶስ የሱሳ ዩሳን ኑዉ ቆንጬዳ። ቃይ ሀይቁዋ ዎልቃካ እ ይሴዳ። ዎንጋላ ምሽራቹዋ ባጋና ባየና ደኡዋ ኑዉ ቆንጭሴዳ።
\p
\v 11 ታን የሱስ ኪቴዳዋነ አይሁዳ ግደና አሳ ታማርስያዋ ግዳደ፥ ዎንጋላ ምሽራቹዋ ኦዳና ማላ፥ ጾሳይ ታና ዶሬዳ። 
\v 12 ቃይ ታን ሀ መቱዋ አክያዌ ሄዋ ድራሳ። ሽን ታን አማኔዳዋ ኤርያ ድራዉ፥ ዬላትከ። ቃይ እ ታዉ እሜዳ ሀዳራ ሄ ጋላሳይ ጋካናዉ፥ እ ናጋናዉ ዳንዳይያዋ ኤራይ።
\p
\v 13 ታን ኔና ታማርሴዳ ቱሙ ቃላ ሌምሱዋ ኡዳ ኦይቃደ፥ ክርስቶስ የሱሳን ኑዉ ደእያ አማኑዋንነ ሲቁዋን ደአ። 
\v 14 ኑ ግዶን ደእያ ጌሻ አያና ባጋና ነዉ ሀዳራ እሜዳ ሎኦባ ናጋ።
\p
\v 15 ኢስያ ግያ ቢታን ደእያ ኡባቱ ታፐ ባቃቴዳዋ ኤራሳ፤ ኡንቱንቱ ግዶን ፕገሉስነ ሄርሞገኔስ ደኢኖ።
\p
\v 16 ሄነስፎሩ ታና ዳሮ ዎደ መንዳ ድራዉ፥ ጎዳይ አ ሶይ አሳዉ ማሮተ እሞ። ቃይ ታን ቃሾ ጎለን ደእያዋ እ ዬላትቤና። 
\v 17 ሽን ሮመ ግያ ካታማ ጋኬዳሳና ታና ሎይ ኮዪደ ደሜዳ። 
\v 18 ሄ ጋላስ ጎዳፐ ማሮተ ደማናዳን፥ ጎዳይ አዉ እሞ። ቃይ ኤፈሶና ግያ ካታማን እ ታና አይ ኬና ማዴደንቶነ ኔን ሎይ ኤራሳ።
\c 2
\s1 ክርስቶሳዉ ሎኦ ዎታዳራ ግዲደ መቱዋ አክያዋ
\p
\v 1 ስም ታ ናአዉ፥ ክርስቶስ የሱሳን ደእያ አ ኬካተን ምና። 
\v 2 ቃይ ዳሮ ማርካቱ ደእያ ሳን ታፐ ኔን ስሴዳ የዋቱዋ ሀራቱዋ ታማርሳናዉ ዳንዳይያ አማነቴዳ አሳቶ ሀዳራ እማ።
\p
\v 3 ክርስቶሳ የሱሳዉ አማነቴዳ ዎታዳራዳን፥ ታናና ዋየታ። 
\v 4 ኦላ ብያ ዎታዳራይ ባረ ካፑዋ ናሸቻናዉ፥ ዎታዳራ ግደና አሳይ ኦያ ኪታን ዋላከተና። 
\v 5 ቃይ ዎን ኬሰትያ ኡራይካ ዎጋዳን ዎጻና ዮፐ፥ ዎይታ አከና። 
\v 6 ዳሮ ዳቡሪደ ኦዳ ቢታ ጎሽያ ብታኒ ሺቄዳ ካፐ ባረና ጋክያዋ ኮይሮ አካናዉ በሴ። 
\v 7 ኔን ኡባባ አኬካናዳን፥ ጎዳይ ኔና ዳንዳይሳና ድራዉ፥ ታን ግያዋ ቆፓ።
\p
\v 8 ታን ዎንጋላ ምሽራቹዋ ኦድያዋዳን፥ ሀይቁዋፐ ደንዴዳ ዳዊተ ዛርያ የሱስ ክርስቶሳ ቆፓ። 
\v 9 ታን ዎንጋላ ምሽራቹዋ ኦድያ ድራዉ፥ ኢታባ ኦዳዋዳን፥ ሀራይ አቶ ቃሸታና ጋካናዉ ዋየታይ። ሽን ጾሳ ቃላይ ቃሸተና። 
\v 10 ሄዋ ድራዉ፥ ታን ጾሳይ ዶሬዳ አሳቱካ ክርስቶስ የሱሳን ደእያ አቶተ መና ቦንቹዋና ደማናዳን፥ ኡንቱንቱ ድራዉ፥ ታን ኡባባን ዋየታይ።
\p
\v 11 ሀዌ፥
\q1 “ኑን አናና እትፐ ሀይቄዳዋ ግዶፐ፥
\q2 አናና እትፐ ደአና።
\q1
\v 12 ኑን ገንጮፐ፥
\q2 አናና እትፐ ካተታና።
\q1 ኑን አ ካዶፐ፥
\q2 እካ ኑና ካዳና።
\q1
\v 13 ኑን አማነተናን አጎፐካ፥
\q2 እ አማነትያዋ ግዲደ ደአናዋ።
\q1 አያዉ ጎፐ፥ እ ባረና ባረ ሁጰዉ
\q2 ኤርከ ጋናዉ ዳንዳየና”
\m ግያዌ ቱሙ ሃሳያ።
\s1 ምኖ ኦሳንቻ
\p
\v 14 ኔን ነ አሳ ሀዋ ሀሳይሳ፤ ኡንቱንቱ ቃላን ፓሉመተና ማላ፥ ጾሳ ስንን ዞራ። ሄዌ ስስያ አሳ ባይዝያዋፐ አትን፥ አይነ ጎኤና። 
\v 15 ኔን ጾሳ ቱማተ ቃላ ሱረተን ኦድያዋነ ቃይ አ ኦሶ ዬላተና ኦሳንቻ ግዳደ፥ ጾሳይ ሳቢያ አሳዳን፥ ነ ሁጲያ ጾሳዉ እማናዉ ምና። 
\v 16 ሽን ሀ ሳአዉ እንጀትያ ማደና ሃሳያፐ ኔና ናጋ። አያዉ ጎፐ፥ ሄዌ ጾሳፐ አሳ ሃሴ። 
\v 17 ቃይ ኡንቱንቱ ታማርስያዌ ቦላ ጭቱዋዳን ኡባሳ ጋካናሳ። ሄ ታማርስያዋንቱፐ ላአቱ ሄመነዮሳነ ፕሊጾሳ። 
\v 18 ኡንቱንቱ ቱሙዋ ኦግያ አጊደ፥ “ሀይቁዋፐ ደንድያዌ ካሰ አድጌዳ” ያጊደ አማሬዳ አማንያ አሳቱዋ አማኑዋ ባይዚኖ።
\p
\v 19 ግዶፐካ፥ ጾሳይ ኤሴዳ ምኖ ቱሳይ ቃጻና ዳንዳየና። ቃይ አ ቦላን፥ “ጎዳይ ባረዋንታ ኤሬ”፤ ቃይ “ጎዳዋ ግድያ ኦንነ ኢታ ኦሱዋ አጎ” ያግያ ቃላቱ ጻፈቴድኖ።\x - \xo 2:19 \xo*\xt ፓይ. 16:5\xt*\x*
\p
\v 20 እት ዎልቃማ ጎለን ዎርቃፐነ ብራፐ መቴዳ ሚሻ ጻላላ ግደናን፥ ምፐነ ኡርቃፐ መቴዳ ሚሻቱካ ደኢኖ። ሄዋንቱፐ ባጋቱ ቦንቾ ኦሱዋ ኡንቱንቱን ኦናዉ፥ ቃይ ባጋቱ ቶሸትያባ ኡንቱንቱን ኦናዉ መቴድኖ። 
\v 21 ሄዋ ድራዉ፥ ኦንነ ሀ ኢታባ ኡባፐ ባረና ጌሾፐ፥ እ ባረ ጎዳ ጎእያ ኦሱዋ ኦናዉ ባረና እሜዳ ድራዉ፥ ቦንቾ ኦሱዋ ኦያ ሚሻ ግዳናዋ። ቃይ ሎኦ ኦሱዋ ኡባ ኦናዉ ጊገቴዳዋ ግዳናዋ።
\p
\v 22 ሽን ኔን ኢታ ዎዳላተ አሙዋፐ ባቃታ። ባረንታ ማዳናዉ ጌሻ ዎዛናፐ ጎዳ ጼስስያዋንቱና እትፐ፥ ጽሎተ፥ አማኑዋ፥ ሲቆተነ ሳሮተ ምንሳደ ካላ።
\p
\v 23 ሽን ኤያቱዋ ፓሉሚነ አይነ ኤረናዋንቱ ፓሉሚ ዋላሳ ካለያዋ ኤራደ አፐ ባቃታ። 
\v 24 ጎዳ ቆማይ ኡባዉ ኬክያዋ፥ ሎይ ታማርስያዋነ ዳንዳያንቻ ግዳናዉ በሴፐ አትን፥ ዋላቀታናዉ በሰና። 
\v 25 ቃይ እ ባረና እጽያዋንታ አሽከተን ሴርያዋ ግዳናዉ በሴ። ኡንቱንቱ ባረንቱ ናጋራፐ ስሚደ፥ ቱማተ ኤራናዳን ጾሳይ ኦነንቶ፥ ኦን ኤር። 
\v 26 ቃይ ኡንቱንቱ ባረንቱ ዎዛና ቆፋዉ ስሚደ፥ ኡንቱንታ ባረ ኮዬዳባዉ አዛዘታና ማላ ኦይቄዳ ጻላህያ ካፑዋ ዳባፐ ከስ አካና።
\c 3
\s1 ዉርሰ ጋላሳቱዋን ሀናናዉ ደእያ ኢታ የዋቱዋ
\p
\v 1 ሽን ዉርሰ ጋላስ ዋይስያ ዎዲ ያናዋ አኬካ። 
\v 2 አያዉ ጎፐ፥ አሳይ ባረና ሲቅያዋንታ፥ ሻሉዋ ሲቅያዋንታ፥ ጬቀትያዋንታ፥ አይያዋንታ፥ ቦርያዋንታ፥ ባረና የሌዳዋንቶ አዛዘተናዋንታ፥ ጋላተናዋንታ፥ ጌሻተይ ባይናዋንታ፥ 
\v 3 ሲቁ ባይናዋንታ፥ ስገተናዋንታ፥ ዝግርሳንቻቱዋ፥ ባረና ናገናዋንታ፥ ኬከናዋንታ፥ ሎኦባ ዶሰናዋንታ፥ 
\v 4 ኡባ ኤርከ ግያዋንታ፥ ድርቢያዋንታ፥ ኦቶሩዋን ሱገትያዋንታ፥ ቃይ ጾሳፐ አደ፥ እሻሉዋ ዶስያዋንታ ግዳና። 
\v 5 ኡንቱንቱ ጾሳዉ ጎይንያዋ ማላቲኖ፤ ሽን አ ዎልቃ ካዴድኖ። ሄዋንቱ ማላ አሳቱዋኮ ሺቆፓ።
\p
\v 6-7 አያዉ ጎፐ፥ ኡንቱንቱፐ እቱ እቱ አሳ ጎልያ ገሊደ፥ ናጋራይ ዴጼዳዋንታ፥ ዱማ ዱማ አሙዋን ሱገትያዋንታ፥ ኡባ ዎደ ታማሪደ፥ ቱማተ ኤራ አካናዉ ሙለ ዳንዳይቤና ዳቡራንቻ ማጫዋንታ ባለኖ። 
\v 8 ያኔስነ ያምባሬስ\f + \fr 3:8 \fr*\fq ያኔስነ ያምባሬስ፦ \fq*\ft ሀ ሱንቱ ኤጫ ጫቁዋ ማጻፋን ባዋ። ሽን ጮራ አሳይ ግያ ቆፋይ፥ “ሀዋንቱ ሙሴ እስራኤልያ አሳ ግብጼፐ ከሲደ ካለናዉ ቆፔዳ ዎደ፥ አናና ኤቀቴዳ ሙሩንያዋንታ” ያግያዋና። ከሳ 7:11፣ 12 ጼልተ።\ft*\f* ሙሴ የዉዋ ጳልቆዋዳን፥ ሄዋዳን ቃይ ሀዋንቱ፥ ሱረ ቆፋይ ባይናዋንታ አማኑዋን ኩንዴዳዋንቱ፥ ቱማተባ ጳልቂኖ።\x - \xo 3:8 \xo*\xt ከሳ 7:11\xt*\x* 
\v 9 ሽን ያኔሳ ኤያተይነ ያምባሬሳ ኤያተይ ቃይ ቆንጬዳዋዳን፥ ኡንቱንቱ ኤያተይካ አሳ ኡባዉ ቆንጫና ድራዉ፥ ኡንቱንቱ ካሰዋፐ አደ ድጭክኖ።
\s1 ዉርሰ ዞርያ
\p
\v 10 ሽን ኔን ታ ትምርትያ፥ ታ ሀኖታነ ታ ቆፋ፥ ታ አማኑዋነ ታ ዳንዳያ፥ ታ ሲቁዋነ ታ ገንጩዋ፥ 
\v 11 ታ የደሳነ ታ ዋይያ በኣዳ። አንጾክያነ፥ እቆንዮነነ ልስጽራ ግያ ካታማቱዋን ታና ጋኬዳባነ ታን ዳንዳዬዳ የደሳ ኤራሳ። ጎዳይ ታና ሄ ኡባፐ አሼዳ። 
\v 12 ቱማተን ክርስቶስ የሱሳን ጾሳ ማላቲደ ደአናዉ ዶስያ ኡባይ የደርሰታና። 
\v 13 ሽን ኢታ አሳቱነ ባለያዋንቱ ሀራቱዋ ባለደነ ባረንቱ ሁጰዉ ባሊደ፥ ካሰፐ ኢት ኢት ቢኖ።
\p
\v 14 ሽን ኔን ሄ ቱማተ ኦፐ ታማሬደንቶነ ኤራደ፥ ኔን ታማሬዳዋንነ ኤሬዳዋን ምናደ ደአ። 
\v 15 ኔን ጉ ናአተፐ ዶማደ ክርስቶስ የሱሳ አማናደ፥ አቶተይ ቤትያ አዳ ኤራ እማናዉ ዳንዳይያ ጌሻ ማጻፋቱዋ ኤራዳ። 
\v 16-17 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦያ አሳይ ኩመንነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተ ደኦ ዞርያ እማናዉ ማዲኖ።
\c 4
\p
\v 1 ታን ኔና ጾሳ ስንንነ፥ ደኡዋን ደእያ አሳነ ሀይቄዳ አሳ ፕርዳናዉ ደእያ ክርስቶስ የሱሳ ስንን፥ ቃይ አ ዩሳንነ አ ካዉተን ኔና ዞራይ። 
\v 2 ቃላ ኦዳ። ዎዲ እንጀትና እንጀታና ይና፥ ምናደ ኦዳ። ዳሮ ዳንዳያን አሳ ታማርሳደ ሱርሳ፥ ሴራነ ዞራ። 
\v 3 አያዉ ጎፐ፥ አሳይ ቱሙ ትምርትያ ስሰናን እጽያ ዎዲ ያናዋ። ሽን አሳይ ባረንቱ አሙዋ ካሊደ፥ ስሳናዉ ናሸችያዋ ኦድያ ታማርስያዋንታ ጉጅ ጉጅ ሺሻና። 
\v 4 ኡንቱንቱ ቱሙ የዉዋ ስስያዋ አጊደ፥ ቶሳ ስሳናዉ ባረንቱ ሀይ ዎራ ዛራና። 
\v 5 ሽን ኔን ኡባባን ነ ሁጲያ ናጋናዉ በሴ። ዋይያ ዳንዳያ። ዎንጋላ ምሽራቹዋ ኦድያዌ ኦያ ኦሱዋ ኦ። ጾሳ ቆማዳን፥ ነ ኦያ ኦሱዋ ኡባ ፖላ።
\p
\v 6 ታና ግዶፐ፥ ታ ሱይ ጉኪደ ያርሸትያ ዎዲነ ቃይ ሀ ደኡዋ አጋደ ብያ ዎዲ ጋኬዳ። 
\v 7 ታን ሎኦ ባጽያ ባጸታድ፤ ዎ ዎጻደ ዉርሳድ፤ አማኑዋካ ናጋድ። 
\v 8 ስንፐ ታዉ ጽሎተ ካላቻይ ጊግ ኡቴዳ። ሄዋ ጽሎ ፕርዳ ፕርድያ ጎዳይ ሄ ጋላስ ታዉ እማና። ቃይ ክርስቶስ ቆንጫናዋ ዶስያ ኡባ ሳፐ አትን፥ ታ ጻላላሳ ግደና።
\s1 አ ቡዞ አላላቱዋባ
\p
\v 9 ታኮ ኤለካ ያናዉ ምና። 
\v 10 አያዉ ጎፐ፥ ዴማስ ሀ አላምያ ዶሲደ፥ ታና አጊደ፥ ተሰሎንቀ ግያ ካታማ ቤዳ። ቀርቂስ ጋላትያ ግያ ጋድያ ቢና፥ ቃይ ቲቶ ድልማጽያ ግያ ጋድያ ቤዳ። 
\v 11 ሉቃሳ ጻላላይ ታናና ደኤ። ማርቆስ ታና ኪታን ሎይ ማዳናዉ ዳንዳይያ ድራዉ፥ አ ደማደ ኔናና አካደ ያ። 
\v 12 ሽን ታን ትክቆሳ ኤፈሶና ግያ ካታማ ኪታድ። 
\v 13 ኔን ያደ፥ ጽሮኣዳ ግያ ካታማን ካርፖሳዋን ታን የጋደ ዬዳ ታ ጋብያነ ቃይ ማጻፋቱዋ ታዉ አካደ ያ። ሽን ዱማያደ ጋልባን ጻፈቴዳ ማጻፋቱዋ አያ ግዶፐነ፥ አከናን ዮፓ።
\p
\v 14 ብራታ ቆጽያ እስክንድር ታና ዳሮ ቆሄዳ፤ ጎዳይ አዉ አ ኦሱዋዳን ዛራና። 
\v 15 እ ኑን ኦድያዋ ሎይ ጳልቂያ ድራዉ፥ ኔን አፐ ኔና ናጋ።
\p
\v 16 ኮይሮ ታና ሞትያ ዎደ፥ ኡባይካ አጌዳዋፐ አትን፥ ታና ኦንነ ማድቤና። ጾሳይ ሄዋ ኡንቱንቶ ፓይዶፖ። 
\v 17 ሽን ታን ኩመን ኪታ አይሁዳ ግደና አሳይ ኡባይ ስሳናዉ ኦዳና ማላ፥ ጎዳይ ታ ማታን ኤቂደ፥ ታዉ ዎልቃ እሜዳ። ቃይ ጋሙዋ ዶናፐካ ታና አሼዳ። 
\v 18 ጎዳይ ታና ኢታባ ኡባፐ አሺደ፥ ባረ ሳሉዋ ካዉተ ሳሮተን አፋና፤ አዉ መ መናዉ ቦንቹ ግዶ። አመንእ።
\s1 ዉርሰ ሳሮታ
\p
\v 19 ጵርስቂልዉ፥ አቂላስነ ሄነስፎሩ ሶይ አሳዉ ታ ሳሮታ ኦዳ። 
\v 20 ኤራስጾስ ቆሮንቶሳ ግያ ካታማን አቴዳ። ሽን ጽሮፊሞስ ሳከቴዳ ድራዉ፥ ምሊጸ ግያ ካታማን አ ዎድ። 
\v 21 ባልጉ ዎናፐ ካሰ ያናዉ ምና።
\p ኤዉቡሉስ፥ ጱዴስ፥ ሊኖስነ ቅላዉደ ቃይ ሀራ እሻቱ ኡባይካ ኔና ሳሮ ሳሮ ጊኖ።
\p
\v 22 ጎዳይ ነ አያናና ግዶ። አ ኬካተይ ህንተናና ኡባና ግዶ። አመንእ።