\id 2SA - Dawuro Full Bible Ethiopic Version
\ide UTF-8
\h 2 ሳሜላ
\toc1 ላኤን ሳሜላ ማጻፋ
\toc2 2 ሳሜላ
\toc3 2 ሳሜላ
\mt1 ላኤን ሳሜላ ማጻፋ
\imt ገሉዋ
\ip ሳመላ ማጻፋ ላኤን ክፍሊ፥ ሳመላ ማጻፋ ኮይሮ ክፍልያ ካልያዋ ግዶደ፥ ዳዊተ ኮይሮ ገድሳ ባጋ ይሁዳ ካትያ (1-4) ግዲደ፥ ታኪደ ቃይ ሁጲሳ ባጋ ክፍልያ ግዴዳ እስራኤልያ ጉጂደ፥ ኩመን ቢታዉ ካትያ ግዲደ ሞዴዳዋ ኦድያ ታርክያ ኦይቄዳዋ (5-24)። ማጻፋይ ዳዊተ ባረ ካዉተ አሳናዉነ ባረ ማታ ምንሳናዉ፥ ሶናነ ካረና ደእያ ሞርከቱዋና ኦለቴዳ ምኖ ኦላዋ ሎይደ ቆንጭሴዳ። ቃይ ዳዊተ ምኖ አማኑ ደእያነ ጾሳ ሲቅያ አሳ ግድያዋነ አሳይካ አዉ አማነትያ አሳ ግድያዋ ኦዴ። ሄዋ ቦላንካ ቃይ እት እት መቀ ባይና ኦሶቱዋካ እ ኦዳዋነ ባረ አሹዋ አሙዋ አላናዉ ፓላ ዎልቃማ ናጋራቱዋ እ ኦዳዋካ ቆንጭሴዳ። ግዶፐነ ጾሳ አይል፥ ትምቢትያ ኦድያ ናታን አኮ ሺቂደ፥ አ ናጋራ አ ሀሳይሴዳ ዎደ፥ እ ባረ ናጋራ ፓጺደ ጾሳ ሙሩዋ አኬዳ።
\ip ዳዊታ ደኡነ እ ኦዳ ኦሶቱ እስራኤልያ አሳ ሎይ ናሸቼዳ ድራዉ፥ አፐ ስምና ደኤዳ ላይቱዋን ኡንቱንቱ ቢታ ቦላ መቱ ጋክያ ዎደ ኡባን፥ ኡንቱንቱ ሀራ ካቲያ ኮዪደ፥ ዳዊታ ናአይ፥ ዎይ ዳዊታ ዛርያ ግዲደ፥ ዳዊታዋዳን ኡንቱንታ አይስያ አሳ ደማናዉ አሞቲኖ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ዳዊተ ይሁዳን ካተቱሳ \ior 1:1—4:12\ior*
\io1 እስራኤልያ ኡባ ቦላ ዳዊተ ካተቱሳ \ior 5:1—24:25\ior*
\io2 ሀ. ኮይሮ ላይቱዋ \ior 5:1—10:19\ior*
\io2 ለ. ዳዊታነ በርሳቤሆ \ior 11:1—12:25\ior*
\io2 ሐ. ዳዊታ መቱዋነ ቱጋ \ior 12:26—20:26\ior*
\io2 መ. ዉርሰ ላይቱዋ \ior 21:1—24:25\ior*
\c 1
\ms ዳዊተ ይሁዳን ካተቱሳ
\mr (1:1—4:12)
\s1 ዳዊተ ሳኦል ሀይቄዳዋ ስሴዳ
\p
\v 1 ሳኦል ሀይቄዳዋፐ ጉይያን፥ ዳዊተ አማሌቃ አሳቱዋ ጾኔዳ ሳፐ ስሜዳ፤ ጽቅላጋ ካታማን ላኡ ጋላሳ ታኬዳ። 
\v 2 ሄዛን ጋላስ እት ብታኒ ካዮ ባረ ማዩዋ ፔደ፥ ባረ ሁጲያን ባና ላሊደ፥ ሳኦላ ሄራፐ ዬዳ። ዳዊተኮ እ ዬዳ ዎደ፥ ሳኣን ግሲደ ጎይኔዳ። 
\v 3 ዳዊተ አ፥ “ኔን ሀቃፐ ያድ?” ያጊደ ኦቼዳ።
\p ሽን እ፥ “ታን እስራኤለቱዋ ሄራፐ ከሳ አካደ ያድ” ያጌዳ።
\p
\v 4 ዳዊተ አ፥ “አያይ ከሴደንቶ አነ ታዉ ኦዳ” ያጌዳ።
\p እ ዳዊታ፥ “ኑ ኦላንቻቱ ኦላፐ ባቃቴድኖ፤ ኑ አሳፐ ዳራቱ ሀይቄድኖ፤ ቃይ ሳኦልነ አ ናአይ ዮናታን ሀይቄድኖ” ያጌዳ።
\p
\v 5 ኦዱዋ አሄዳ ዎዳላ ዳዊተ፥ “ሳኦልነ አ ናኣ ዮናታን ሀይቄዳዋ ኔን አያን ኤራይ?” ያጊደ ኦቼዳ።
\p
\v 6 ዎዳላይ፥ “ካጫዳን ታን ግልቦአ ደርያን ደእሽን፥ ሳኦል ባረ ቶራ ጉፈቲደ ኤቄዳዋ በኣድ፤ ፓራ ጋረቱነ ፓራ አሳቱ ሳኦላኮ ማታቴድኖ።\x - \xo 1:6-10 \xo*\xt 1 ሳሜላ 31:1-6፤ 1 ኦዱዋ 10:1-6\xt*\x* 
\v 7 ሄ ዎደ ሳኦል ዩሽ ጼሊደ ታና በኤዳ፤ ታና ጼስና ታን፥ ‘አቤ!’ ያጋድ። 
\v 8 ሳኦል ታና፥ ‘ኔን ኦኔ?’ ያጊደ ኦቼዳ፤ ታን አዉ፥ ‘አማሌቃ አሳ’ ያጋደ ዛራድ። 
\v 9 ሄዋፐ ጉይያን ሳኦል ታና፥ ‘ታን ሎይ ማዱንጻደ፥ ሀይቆ ማታ ኡታድ፤ ኔን ታ ቦላ ከሳ ኤቃደ ታና ዎ’ ያጌዳ። 
\v 10 እ ኩንዴዳዋፐ ጉይያን፥ ሀይቁዋፐ አተናዋ ኤሬዳ ድራዉ፥ ታን አ ቦላ ከሳ ኤቃደ አ ዎድ፤ አ ሁጲያን ደእያ ካላቻነ አ ቀስያን ደእያ ሳጋይያ አካደ ኔኮ ታ ጎዳኮ አሃድ” ያጌዳ።
\p
\v 11 ሄዋፐ ጉይያን፥ ዳዊተነ ዳዊታ አሳይ ካዮቲደ፥ ባረንቱ ማዩዋ ዳፊደ ፔድኖ። 
\v 12 ኡንቱንቱ ሳኦል፥ ዮናታን፥ መና ጎዳ ኦላንቻቱነ እስራኤልያ አሳይ ኦላን ዉሬዳ ድራዉ፥ ኦማርስ ጋካናዉ ካዮቴድኖ፥ ዬኬድኖነ ጾሜድኖ።
\p
\v 13 ኦዱዋ አሄዳ ዎዳላ ዳዊተ፥ “ኔን ሀቃ አሴ?” ያጊደ ኦቼዳ።
\p ሽን እ ዳዊታ፥ “ታን በትያ አማሌቃ ብታንያ ናኣ” ያጌዳ።
\p
\v 14 ዳዊተ አ፥ “መና ጎዳይ ኦኬዳ ካትያ ዎናዉ ነ ኩሽያ ደንደ፥ አያዉ ያያበይኪ?” ያጌዳ። 
\v 15 ዳዊተ ባረ አሳቱዋፐ እቱዋ ጼሲደ፥ “ባ፤ አ ዎ!” ያጌዳ፤ እ አማሌቅያ ደቺደ ዎዳ። 
\v 16 ዳዊተ አማሌቅያ፥ “መና ጎዳይ ኦኬዳ ካትያ ታን ዎድ ያጋደ ኔን ነ ዶናን ማርካቴዳ ድራዉ፥ ነ ሱ ጎሚ ኔና ኦይቆ” ያጌዳ።
\s1 ዳዊተ ሳኦላዉነ ዮናታናዉ ዝላሌዳ ዝላሳ
\p
\v 17 ዳዊተ ሳኦላዉነ አ ናኣ ዮናታናዉ ሀዋዳን ያግ ዝላሌዳ። 
\v 18 ይሁዳ አሳይካ “ዎንዳፍያ” ጌተትያ ሀ ዝላሳ ታማራና ማላ ዳዊተ አዛዜዳ፤ ሀ ዝላሳይ ያሻራ ማጻፋን ጻፈቴዳ።\x - \xo 1:18 \xo*\xt ኢያሳ 10:13\xt*\x*
\b
\q1
\v 19 “ኔኖ እስራኤለዉ፥
\q2 ነ ካፓቱ ነ ቃ ግሹዋን ሀይቄድኖ።
\q1 ዎልቃማቱ ዋን ኩንዴድኖሻ!
\q1
\v 20 ሀዋ ጋተ ካታማን ኦዶፕተ፤
\q2 አስቃሎና ኦገቱዋንካ አዋዮፕተ።
\q1 ሄዋ ስሶፐ፥ ፕልስጼማቱዋ ማጫ ናናይ ናሸታና፤
\q2 ሻማቱዋ ማጫ ናናይ ‘ሀሹ ጋና!’
\b
\q1
\v 21 “ህንተንቶ ግልቦአ ደረቶ፥
\q2 ህንተንቱ ቦላን እራይ ቡኮፖ፤
\q2 ከተርሳይካ ዎፖ።
\q2 ሄ ቢታ ጎሻይካ ካ ሞኮፖ፤
\q2 አያዉ ጎፐ፥ ያን ዎልቃማ ጎንዳሊ ቱናባ ከሴዳ፤
\q2 ሳኦላ ጎንዳሊካ ዛይትያን ቁጨትያዋ አጌዳ።
\q1
\v 22 ጎራኤቴዳዋንቱ ሱፐነ፥
\q2 ዎልቃማቱዋ አሹዋፐ፥
\q1 ዮናታና ዎንዳፊ ጉየ ግቤና።
\q2 ቃይ ሳኦላ ማሻይ ካለናን ስምቤና።
\b
\q1
\v 23 “ሳኦልነ ዮናታን
\q2 አሳይ ሲቅያዋንታነ ሎእያዋንታ፤
\q2 ባረንቱ ሀይቁዋንካ ባረንቱ ፓጻንካ ሻከትበይክኖ።
\q2 ኡንቱንቱ አርጋንፐካ አደ ኤሌልያዋንታ፤
\q2 ጋሙዋፐካ አደ ምንያዋንታ።
\b
\q1
\v 24 “እስራኤልያ ማጫ አሳቶ፥
\q2 ሳኦላዉ፥ ህንተንታ ዞኦነ አሌቆ ማዩዋ ማይዜዳዋዎነ፥
\q2 ዎርቃን ህንተንቱ ማዩዋ አሌቂሴዳዎነ ዬክተ።
\b
\q1
\v 25 “ዎልቃማቱ ኦላን ዋን ኩንዴድኖሻ!
\q2 ዮናታን ነ ቃ ግሹዋን ጎራኤት ግሴዳ።
\q1
\v 26 ታ እሻ ዮናታና፥
\q2 ታን ነዉ ካዮታይ፤
\q2 ነ ታዉ ዳሮፐ አልኡዋ።
\q2 ኔን ታና ሲቅያ ሲቁ ማላልስያዋ፥
\q2 ማጫ አሳ ሲቁዋፐካ አደ ማላልስያዋ።
\b
\q1
\v 27 “ዎልቃማቱ ዋን ኩንዴድኖሻ!
\q2 ኦላ ሚሻይካ ዋን ድፕ ጌደ!”
\m ያጊደ ዳዊተ ዝላሌዳ።
\c 2
\s1 ዳዊተ ይሁዳ ቦላ ካተቴዳ
\p
\v 1 ሄዋፐ ጉይያን ዳዊተ፥ “ይሁዳ ካታማቱዋፐ እቱዋ ፑደ ቦ?” ያጊደ መና ጎዳ ኦቼዳ።
\p መና ጎዳይ አ፥ “ኤ፤ ባ” ያጌዳ።
\p ዳዊተ፥ “ሀቃ ቦ” ያጊደ ኦቼዳ።
\p መና ጎዳይ፥ “ከብሮነ ባ” ያጊደ ዛሬዳ።
\p
\v 2 ዳዊተ ባረ ማቼቱዋ ላአቱዋ፥ እዝራኤልያ አህኖኣሞነ ቃርመሎስያ፥ ናባላ አምአቶ አብጋሎነ አኪደ፥ ከብሮነ ካታማ ቤዳ።\x - \xo 2:2 \xo*\xt 1 ሳሜላ 25:42-43\xt*\x* 
\v 3 ዳዊተ ባረናና ደእያ አሳቱዋካ ኡንቱንቱ ሶ አሳ ኡባና አህና፥ ከብሮነንነ አ ሄራን ደእያ ጉ ካታማቱዋን ኡቴድኖ። 
\v 4 ይሁዳ አሳቱ ከብሮነ ካታማ ዪደ፥ ያን ኡንቱንቱ ዳዊታ ይሁዳ አሳ ቦላ ካተያናዉ ኦኬድኖ።
\p ሳኦላ ሞጌዳዋንቱ ያቤሻ ግልኣደ ካታማ አሳቱዋ ግዴዳዋ ዳዊተ ስሴዳ ዎደ፥\x - \xo 2:4 \xo*\xt 1 ሳሜላ 31:11-13\xt*\x* 
\v 5 አሳ ኪቲደ ኡንቱንታ፥ “ህንተንቱ ህንተንቱ ጎዳ ሳኦላ ሞጌዳ ኬካተ ድራዉ፥ መና ጎዳይ ህንተንታ አንጆ። 
\v 6 ሀእካ መና ጎዳይ አገና ሲቁዋነ ቱማተ ህንተንታ በሶ፤ ቃይ ህንተንቱ ሀ ኬካተ ኦዳ ድራዉ፥ ታንካ ህንተንቶ ሎኦተን ኩሽያ ዛራና። 
\v 7 ሀእ ዛር ምንተ፤ ጻልተ፤ አያዉ ጎፐ፥ ህንተንቱ ጎዳይ ሳኦል ሀይቂክቼዳ፤ ቃይ ይሁዳ አሳቱ ታና ኦኪደ፥ ባረንቱ ቦላ ካተዬድኖ” ያጌዳ።
\s1 እያቡስተ እስራኤልያ ቦላ ካተቴዳ
\p
\v 8 ሳኦላ ኦላንቻቱዋ ጋዳዋይ ኔራ ናኣ አባኔር ሳኦላ ናኣ እያቡስታ አኪደ፥ ማህናይማ ጌተትያ ሳኣ አፌዳ። 
\v 9 ሄዋፐ ካላ ጋላኣደ፥ አሴራ፥ እዝራኤላ፥ ኤፍሬማ፥ ቢንያማነ እስራኤልያ ቢታ ኡባ ቦላን ካተዬዳ። 
\v 10 ሳኦላ ናኣ እያቡስተ እስራኤልያ ቦላ ካተትያ ዎደ አዉ ኦይታሙ ላይ፤ እ ላኡ ላይ ካተቴዳ፤ ሽን፥ ይሁዳ አሳይ ዳዊታ ካሌዳ። 
\v 11 ዳዊተ ከብሮናን ይሁዳ አሳቱዋ ቦላ ላፑን ላይነ ኡሱፑን አግና ካተቴዳ።
\s1 እስራኤልያነ ይሁዳ ግዶን ደንዴዳ ኦላ
\p
\v 12 ኔራ ናኣ አባኔርነ ሳኦላ ናኣ እያቡስተ አሳይ ማህናይማፐ ጋባኦና ካታማ ቤድኖ። 
\v 13 ጻሩይ ናአይ እዮኣብነ ዳዊታ አሳይ ከስ ቢደ፥ ጋባኦና ዳጋቴዳ ሃ ማታን ኡንቱንቱና ጋከቴድኖ፤ እት ጭታይ ዳጋቴዳ ሃፐ ሄፍን ባጋና ኡትና፥ እት ጭታይ ሀፍን ባጋና ኡቴድኖ። 
\v 14 ያትና፥ አባኔር እዮኣባ፥ “አነ ዎዳላቱ ደንዲደ፥ ኑ ስንን ኦላ ጋከትኖ” ያጌዳ።
\p ሄዋፐ ጉየ ዮኣበ፥ “ኤኖ፥ ደንዲደ ጋከትኖ” ያጌዳ። 
\v 15 ሄዋ ድራዉ፥ ቢንያማ ባጋዉነ ሳኦላ ናኣ እያቡስተ ባጋዋ ታማነ ላኡ አሳቱ ፓይዱዋን ከሲደ፥ ዳዊታ ባጋዋ ኤቄዳ ታማነ ላኡ አሳቱዋና ኦላ ጋከቴድኖ። 
\v 16 እቱ እቱዋ ሁጲያ ኦይቂደ፥ ባረ ኦይቄዳዋ ምይያን ምይያን ማሻ ድርግንደ፥ እትፐ ሀይቄድኖ፤ ሄዋ ድራዉ፥ ጋባኦናን ደእያ ሄ ሳአይ ሄልካት-ሀዙርም (ማሻ ጋድያ) ጌተቴ። 
\v 17 ሄ ጋላስ ዎልቃማ ኦላይ ኦለትና፥ ዳዊታ አሳይ አባኔራነ እስራኤልያ አሳነ ጾኔዳ።
\p
\v 18 ጻሩይ ናናይ ሄዙ ዮኣበ፥ አብሻይነ አሳሄል ሄ ሳኣን ደኢኖ፤ አሳሄል ገንእያዳን ኤሌሊደ ዎጼ። 
\v 19 አሳሄል ኡሸቻ ዎይ ሀድርሳ ጌናን አባኔራ የደርሱዋ ስኬዳ። 
\v 20 አባኔር ጉየ ዛር ጼሊደ፥ “አሳሄላ፥ ላ ኔኔ?” ያጊደ ኦቼዳ።
\p አሳሄል፥ “ኤ ታና” ያጌዳ።
\p
\v 21 አባኔር አ፥ “እት ባጋ፥ ኡሸቻ ዎይ ሀድርሳ ስማ፤ አሳቱዋፐ እቱዋ ኦይቃደ አ ኦላ ሚሻ ቃራ አካ” ያጌዳ፤ ሽን አሳሄል አ የደርስያዋ አጋናዉ ኮይቤና።
\p
\v 22 ቃይካ አባኔር አሳሄላ፥ “ታን ኔና አያዉ ዎኦ? ታና የደርስያዋ አጋ! ኔና ዎደ፥ ታን ነ እሻ እዮኣባ ዴሙዋ ዎታደ ጼላኔ?” ያጊደ ሴሬዳ። 
\v 23 ሽን አሳሄል አ የደርስያዋ አገናን እጼዳ። ሄዋ ድራዉ፥ አባኔር ቶራ ጉየ ቱምኢደ፥ አሳሄላ ኡሉዋ ጫዴዳ፤ ቶራይ ዞክያና ፕን ከሴዳ፤ አሳሄል ሄ ሳኣን ኩንዲደ ሀይቄዳ። አሳሄል ሀይቄዳ ሳኣ ጋኬዳ አሳይ ኡባይ ሄዋን ኤቄዳ።
\p
\v 24 ሽን እዮኣብነ አብሻይ አባኔራ የደርሴድኖ፤ አዋይ ዉልያ ዎደ፥ ጋባኦና መላ ቢታ አፍያ ኦግያን ጊያሀ ካታማፐ ስን ባጋና ደእያ አማ ጌተትያ ዞዝያ ከሴድኖ። 
\v 25 ቢንያማ አሳቱ አባኔራ ጉየና ሺቄድኖ፤ ኡንቱንቱ እት ጭታ ግዲደ፥ እት ደርያ ሁጲያን ኤቄድኖ። 
\v 26 ሄዋፐ ጉይያን አባኔር እዮኣባ ጼሲደ፥ “መናዉ ኦለቲደ ደአኔየ? ሀዋ ዉርሰይ ጫሞ ግዳናዋ ኔን ኤርኪ? ነ አሳቱዋ፥ ‘ህንተ እሻቱዋ የደርስያዋ አግተ’ ጌናን አዉደ ጋይ?” ያጌዳ።
\p
\v 27 እዮኣበ አባኔራ፥ “ጾሳይ ኤሮ! ኔን ሃሳየናን አጌዳዋ ግድንቶ፥ ታ አሳይ ባረ እሻቱዋ ሳአይ ዎንታና ጋካናዉ የደርሳና ሽን” ያጌዳ። 
\v 28 ሄዋ ድራዉ፥ እዮኣበ ኡልቱዋ ፑኔዳ፤ አሳይ ኡባይ ኤቄዳ። እስራኤላቱዋካ ዛረደ የደርስበይክኖ ዎይ ኦልበይክኖ። 
\v 29 አባኔርነ አ አሳይ ሄ ጋላሳ ቃማ ኡባ ሳልፒደ አራባ ጋራራ ቤድኖ፤ ዮርዳኖሳ ሻፋ ፕኔድኖ። ጉራና ሀመቲደ ማህናይማ ስሜድኖ።
\p
\v 30 እዮኣበ አባኔራ የደርስያዋ ባሺደ፥ ባረ አሳ ኡባ እት ሳኣ ሺሼዳ፤ ጼልያ ዎደ፥ አሳሄል ባይናን ዳዊታ አሳፐ ታማነ ኡዱፑን አሳይ ፓጬዳ። 
\v 31 ሽን ዳዊታ አሳይ አባኔራ አሳፐነ ቢንያማ ዛራቱዋፐ ሄዙ ጼታነ ኡሱፑን ታሙ አሳቱዋ ዎድኖ። 
\v 32 አሳሄላ አሃ አኪደ፥ ቤተሌመ ካታማን ደእያ አ አዉዋ ዱፉዋን ሞጌድኖ፤ እዮኣብነ አ አሳይ ቃማ ሀመቲደ አቄድኖ፤ ዎንቱማን ከብሮነ ካታማ ጋኬድኖ።
\c 3
\p
\v 1 ሳኦላ አሳይነ ዳዊታ አሳይ ዳሮ ዎድያ ኦለቴድኖ፤ ዳዊተ ኦላን ምን ምኒደ ብያ ዎደ፥ ሳኦላ አሳይ ዳቡር ዳቡር ቤዳ።
\s1 ዳዊታ አቱማ ናና
\p
\v 2 ከብሮነ ካታማን ዳዊታዉ ናናይ የለቴድኖ፤ እዝራኤልያ አህኖኣማ የሌዳ ባይራ ናአይ አምኖና፤ 
\v 3 ቃርመሎስያ ናባላ አምአታ አብጋላ የሌዳ ናአይ ክልኣብ ላኤንዋ፤ ጋሹራ ካትያ ታልማያ ናታ ማእካ የሌዳ አበሴሎም ሄዘንዋ። 
\v 4 ኦይደን ሀጊት ናኣ አዶንያ፤ እቼሸን አቢጻል ናኣ ሻፋጽያ። 
\v 5 ኡሱፑን ዳዊታ ማቻት ኤግል ናኣ ይትራኣማ፤ ሀ ናናይ ኡባይ ከብሮናን ዳዊታዉ የለቴድኖ።
\s1 አባኔር ዳዊታና ጫቀቴዳ
\p
\v 6 ሳኦላ አሳናነ ዳዊታ አሳና ኦለትያ ዎደ፥ አባኔር ሳኦላ አሳቱዋ ግዶን ምን ምኒደ ቤዳ። 
\v 7 ሳኦላዉ አታ ናታ ርጽፎ ጌተትያ እት ጋራዳታ ደአዉ፤ እያቡስተ አባኔራ፥ “ታ አዉዋ ጋራዳትና አያዉ አቃዲ?” ያጊደ ኦቼዳ።
\p
\v 8 አባኔር አ ሃሳያን ዳርስ ይሎቲደ ያቡስታ፥ “ታና ኔን ይሁዳ ካና ሁጰ ጋድየ? ሀቼ ታን ነ አዉዋ ሳኦላዉ፥ አ እሻቶነ አ ዳቦቶ ሎኣድ፤ ታን ኔና ዳዊታ ኩሽያን አደ እማበይከ። ሽን ሀእ ኔን ታና ሀ ምሽራት ጋሱዋን ሞታዳ! 
\v 9-10 ሳኦላ ዛርያፐ ካዉተ ዎ አኪደ፥ ዳነፐ ቢደ በርሳበሀ ጋካናዉ፥ እስራኤልያ ቦላነ ይሁዳ ቦላ፥ ዳዊታ ካዉተ ኤሳናዉ መና ጎዳይ ጫቂ ዎዳ ሀ የዉዋ ታን ኦና ዮፐ፥ ጾሳይ አባኔራ ጉፋን” ያጌዳ።\x - \xo 3:9-10 \xo*\xt 1 ሳሜላ 15:28\xt*\x* 
\v 11 እያቡስተ አባኔራዉ ያዬዳ ድራዉ፥ ሀራ ቃላ ቃትቤና።
\p
\v 12 አባኔር ከብሮናን ደእያ ዳዊተኮ፥ “ቢታይ ኦሴ? ኔን ታናና ቃላ ጫቁዋ ጫቃ፤ እስራኤልያ አሳይ ኡባይ ኔኮ ስማናዳን ታን ኔና ማዳና” ያጊደ ኪታ የዴዳ።
\p
\v 13 ዳዊተ፥ “ሎኦ! ታን ኔናና ቃላ ጫቁዋ ዎና። ሽን ታን ኔና እትባ ኦቻይ፤ ኔን ታና በአናዉ ይያ ዎደ፥ ሳኦላ ናቶ ሚካሎ ታዉ አከናን ዮፓ” ያጌዳ። 
\v 14 ሄዋፐ ጉይያን፥ ዳዊተ ሳኦላ ናኣ እያቡሰቱዋኮ ኪቲደ፥ “ጼቱ ፕልስጼማቱዋ ቃራቱዋ ጭሎሻደ አኬዳ ታ ማቻቶ ሚካሎ ታዉ እማ” ያጌዳ።\x - \xo 3:14 \xo*\xt 1 ሳሜላ 18:27\xt*\x* 
\v 15 እያቡስተ ኪታ የዲደ፥ እ አስና ላውሻ ናኣ ፓልጽኤላፐ ዎ አኪደ አህሴዳ። 
\v 16 እ አስናይ ባሁሪማ ካታማ ጋካናዉ ዬኪደ እ ጌዱዋ ካሌዳ፤ አባኔር አ፥ “ጉየ ስማደ ሶ ባ” ያጌዳ፤ ብታኒ ጉየ ስሚደ ቤዳ።
\p
\v 17 አባኔር እስራኤልያ ጭማቱዋኮ ቢደ፥ ሀዋዳን ያጌዳ፤ “ዳዊተ ህንተንቱ ቦላ ካተታና ማላ፥ ዳሮ ዎድያ አሞቴድታ፤ 
\v 18 አነ ሄኮ ሀእ ፖልተ! አያዉ ጎፐ፥ መና ጎዳይ፥ ‘ታ አሳ እስራኤልያ፥ ታን ፕልስጼማ አሳቱዋ ኩሽያፐነ ኡንቱንቱ ሞርክያ ኡባቱዋ ኩሽያፐ ታ ቆማ ዳዊታ ባጋና አሻና’ ጌዳዋ ሀሳይተ” ያጌዳ። 
\v 19 አባኔር ቢንያማ ዛረቶ ዱማ ሃሳዬዳ፤ ሄዋፐ ጉይያን፥ እስራኤልያ አሳይነ ቢንያማ አሳይ ኡባይ ኦናዉ ኮዮዋ ኡባባ ዳዊታዉ ኦዳናዉ ከብሮነ ካታማ ቤዳ።
\p
\v 20 አባኔር ባረናና ላታሙ አሳቱዋ አኪደ፥ ከብሮነ ካታማ ቢና፥ ዳዊተ አስነ አ አሳዉ እሞታ ማኬዳ። 
\v 21 ሄዋፐ ጉይያን አባኔር ዳዊታ፥ “ኡንቱንቱ ኔናና ቃላ ጫቁዋ ጫቀታናዳንነ ነ ዎዛናይ አሞትያ ኡባ ሞዳናዳን፥ ታን ባደ እስራኤልያ አሳ ኡባ ካትያዉ ታ ጎዳዉ ሺሻይ” ያጌዳ፤ ዳዊተ አባኔራ ሞይዚደ ሳሮ የዴዳ።
\s1 እዮኣበ አባኔራ ዎዳ
\p
\v 22 ሄ ዎደ ዳዊታ አሳይነ እዮኣበ ኦላፐ ዳሮባ ኦሞዲደ ስሜድኖ፤ ሽን አባኔር ከብሮነ ካታማን ዳዊታና ደኤና፤ አያዉ ጎፐ፥ ዳዊተ የድና እ ሳሮ ቤዳ። 
\v 23 እዮኣብነ አናና ደእያ ኦላንቻቱ ጋክያ ዎደ፥ አሳይ እዮኣባ፥ “ኔራ ናኣ አባኔር ካትያ ዳዊታኮ ዪና፥ ካቲ አ የድና፥ እ ሳሮ ቤዳ” ያጊደ ኦዴዳ።
\p
\v 24 ሄዋ ድራዉ፥ እዮኣበ ካትያኮ ቢደ፥ “ዋናዲ! አባኔር ኔኮ ዪና፥ አያዉ ሳሮ የዳድ? ሄኮ እ ቤዳ! 
\v 25 ኔራ ናአይ አባኔር ኔና ጭማናዉ፥ ኔን ገልያሳነ ከስያ ሳኣ በአናዉነ ኔን ኦያ ኡባባ ኤራናዉ ዬዳ” ያጌዳ።
\p
\v 26 እዮኣበ ዳዊታ ስንፐ ከሲደ፥ አባኔራ ጌዱዋ ኪታ የዴዳ፤ ኡንቱንቱ አ ሲራ ሃ ኦላ ምያፐ ጉየ ዛሬድኖ፤ ሽን ዳዊተ ሀ የዉዋ ኤረና። 
\v 27 አባኔር ከብሮነ ካታማ ጉየ ስሚደ ዬዳ ዎደ፥ እዮኣበ አናና ዱማ ሃሳያናዋዳን ድርሳ ፐንግያ አ አፌዳ፤ ባረ እሻ አሳሄላ ሱ አቻናዉ አባኔራ ኡሉዋ ጫዴዳ፤ አባኔር ሄ ሳኣን ሀይቄዳ።
\p
\v 28 ዳዊተ ሀ የዉዋ ስሴዳዋፐ ጉይያን፥ “ታንነ ታ ካዉተይ ኔራ ናኣ አባኔራ ሱን መና ጎዳ ስንን መናዉካ ኦሸቶኮ። 
\v 29 አ ሱይ እዮኣባነ አ አዉዋ ሶ አሳ ኡባ ኦቾ፤ አሹዋ ቦላ ማዱይ ደእያ አሳይ፥ ዎይ ጋልባይ ሎይ ሳክያ አሳይ፥ ዎይ ዎቢያ አሳይ፥ ዎይ ማሻን ሀይቂያ አሳይ፥ ዎይ ኮሻቴዳ አሳይ እዮኣባ ዛርያን ኡባካ ዮፖ!” ያጌዳ። 
\v 30 ሄዋዳን ኦደ፥ ጋባኦና ካታማን ከሴዳ ኦላን ባረንቱ እሻ አሳሄላ አባኔር ዎዳ ድራዉ፥ እዮኣብነ አ እሻ አብሻይ አባኔራ ዎድኖ።
\p
\v 31 ዳዊተ እዮኣባነ አናና ደእያ አሳ ኡባ፥ “ህንተንቱ ማዩዋ ፔተ፤ ማቅያ ማይተ፤ አባኔራ ሻንቻማ ስንን ሀመቲደ ዬክተ” ያጌዳ። ካቲ ዳዊተ ሻንቻማ ካሊደ ቤዳ። 
\v 32 አባኔር ከብሮናን ሞገቴዳ፤ ካቲ ባረ ቃላ ቂሲደ ዱፉዋን ዬኬዳ፤ አሳይ ኡባይካ ዬኬዳ።
\p
\v 33 ካቲ አባኔራዉ፥
\q1 “አባኔር ኤያ አሳዳን ሀይቃናዉ በሲ?
\q1
\v 34 አ ኩሺ ቃሸት ቤና፤
\q2 አ ገዲካ ሳንሳላታን ቃሸት ቤና።
\q1 አሳይ ኢታ አሳቱዋ ኩሽያን ሀይቂያዋዳን እ ሀይቄዳ”
\m ያጊደ ዝላሌዳ።
\p አሳይ ኡባይ አባኔራዉ ዛረደካ ዬኬዳ።
\p
\v 35 ሳአይ ፖኦ ደእሽን፥ ዳዊተ ኡክ ማናዳን ሾባናዉ አሳይ ኡባይ አኮ ዬዳ፤ ሽን ዳዊተ፥ “አዋ አይፊ ዉለናን ደእሽን፥ ኡክ ዎይ ሀራባ ባረናና በኦፐ፥ ጾሳይ ታና ዎ” ያጊደ ጫቄዳ። 
\v 36 ካቲ ኦዳዋ አሳይ ኡባይ በኢደ ናሸቴዳ፤ ቱሙካ ካቲ ኦዳ ኡባባይ አሳ ኡባ ናሸቼዳ። 
\v 37 ሄዋ ድራዉ፥ ሄ ጋላስ ዳዊታ አሳይ ኡባይነ እስራኤልያ አሳይ ኡባይ ካቲ ኔራ ናኣ አባኔራ ዎስቤናዋ አኬኬድኖ።
\p
\v 38 ካቲ ባረ ቆማቱዋ ሀዋዳን ያጌዳ፤ “እስራኤልያ ቢታን ዎልቃማ አሳይነ ካፑ ሀይቄዳዋ ህንተንቱ አኬክክቴ? 
\v 39 ታን ኦከቴዳ ካትያ ግዶፐነ፥ ሀቼ ታዉ ምዪ ፓጬዳ። ሀዋንቱ ጻሩይ ናናይ ታዉ ምኔድኖ፤ ኢታ ኦዳዋንቶ መና ጎዳይ ኡንቱንቱ ኦሱዋዳን ዛሮ” ያጌዳ።
\c 4
\s1 ያቡስተ አሳ ኩሽያን ሀይቄዳ
\p
\v 1 ሳኦላ ናአይ ያቡስተ አባኔር ከብሮናን ሀይቄዳዋ ስሴዳ ዎደ፥ አ ዎዛናይ ያዬዳ፤ እስራኤልያ አሳይ ኡባይካ ዳጋሜዳ። 
\v 2 ሳኦላ ናኣ ያቡስተዉ ጩጉዋ ካለያ ላኡ ካፓቱ ደኢኖ፤ እቱዋ ሱንይ ባኣና፤ የንኩዋ ሱንይ ረካባ፤ ኡንቱንቱ ቢንያማ ዛርያ ግዴዳ ባኤሮትያ ርሞና ናና። ባኤሮታ ካታማይ ቢንያማ ባጋዳን ፓይደቴ፤ 
\v 3 አያዉ ጎፐ፥ ባኤሮታን ደኤዳ አሳቱ ግታይማ ጋድያ ባቃቲደ፥ ሄደፐ ሀቼ ጋካናዉ በትያዳን ያን ደኤድኖ።
\p
\v 4 ሳኦላ ናኣ ዮናታናዉ ላኡ ገዲ ስሌዳ ናአይ ደኤ፤ ሳኦላነ ዮናታና ዎሪ እዝራኤልያፐ ጋኬዳ ዎደ፥ እ እቼሹ ላይ ናኣ፤ ሄ ናኣ ድችያና አ አካደ ባቃታዱ፤ ሽን አ ባቃታናዉ ድርቢሽን፥ ናአይ ኩንዲደ ስላ ከሴዳ፤ ሄ ናኣ ሱንይ ማንፍቦሼታ።\x - \xo 4:4 \xo*\xt 2 ሳሜላ 9:3\xt*\x*
\p
\v 5 ባኤሮትያ ርሞና ናናይ ረካብነ ባኣን ያቡስተ ሶ ባናዉ ከሴድኖ፤ ኡንቱንቱ ቢደ ሴታ ጋላስ ጋኬድኖ፤ እ አዋፐ ሸምፔ። 
\v 6 ኡንቱንቱ ሶይ ገሊደ ዛርጋ አክያዋ ማላቲደ ያቡስታ ኡሉዋን ጫድና ሀይቄዳ። ረካብነ አ እሻ ባኣን ሌላን ገሌድኖ።
\p
\v 7 ኡንቱንቱ ሶይ ገልያ ዎደ፥ ያቡስተ ቆልኦን አርሳን ግሴዳዋ ደሚደ፥ አ ኡሉዋ ጫዲደ ዎድኖ፤ አ ቆያፐ ሙጬድኖ፤ ሙጬዳ ሁጲያ አኪደ፥ አራባ ጋራራ አፍያ ኦግያ ኦይቂደ፥ ቃማ ኡባ ሀመቴድኖ። 
\v 8 ያቡስተ ሁጲያ ከብሮናን ደእያ ዳዊተዉ አሂደ ካትያ፥ “ኔና ዎናዉ ኮዬዳ ነ ሞርክያ ሳኦላ ናኣ ያቡስተ ሁጲያ ሀዋ በአ፤ ሳኦላ ቦላንነ አ ናኣ ቦላን ካትያ ኑ ጎዳ ሀሉዋ መና ጎዳይ ሀቼ ከሴዳ” ያጌድኖ።
\p
\v 9 ሽን ባኤሮትያ ርሞና ናና ረካባነ አ እሻ ባኣና ዳዊተ ሀዋዳን ያጌዳ፤ “መቱዋ ኡባፐ ታና አሼዳ መና ጎዳይ ኤሮ! 
\v 10 እት ብታኒ ታኮ ዪደ፥ ምሽራቹዋ ኦድያዋዳን፥ ‘ሳኦል ሀይቄዳ’ ያጊደ ታዉ ኦድና፥ ታን አ ጽቅላጋን ኦይቃደ ዎሳድ፤ ታን አ ምሽራቾ እሜዳ ጋቲ ሄዋ።\x - \xo 4:10 \xo*\xt 2 ሳሜላ 1:1-16\xt*\x* 
\v 11 ባረ ሶን ባረ አርሳን ግሴዳ ጽሎ ብታንያ ዎዳ ኢታ አሳቶ አ ሀሉዋ ከስያዌ አይ ኬሻ ኢታንዴሻ! አ ሱ ታን ህንተንቱ ኩሽያፐ ሀእ አቻና፤ ህንተንታ ታን ቢታ ቦላፐ ይሳና!” ያጌዳ።
\p
\v 12 ረካባነ ባኣና ዎናዳን ዳዊተ ባረ ኦላንቻቱዋ አዛዜዳ፤ ኦላንቻቱ ኡንቱንታ ዎድኖ፤ ኡንቱንቱ ኩሽያነ ገድያ ቃንጽ ድጊደ፥ ዳልባን ሃ ማታን ከብሮነ ካታማን ካቄድኖ። ያቡስተ ሁጲያ አኪደ አፊደ፥ አባኔራ ዱፉዋን ከብሮናን ሞጌድኖ።
\c 5
\ms እስራኤልያ ኡባ ቦላ ዳዊተ ካተቱሳ
\mr (5:1—24:25፤ 1 ኦዱዋ 11:1-9፤ 14:1-7)
\s1 ኮይሮ ላይቱዋ
\r (5:1—10:19)
\p
\v 1 እስራኤልያ ዛርያ ኡባቱ ዳዊታኮ ከብሮነ ካታማ ዪደ፥ “ኑን ነ አሾነ ነ ሱ። 
\v 2 ካሰ ሳኦል ኑዉ ካትያ ግዲደ ደእያ ዎደካ፥ እስራኤልያ አሳ ኦላዉ ካለዳዌ ኔና። መና ጎዳይ ኔና፥ ‘ኔን ታ አሳ እስራኤልያ ሄማና፤ ኔን ኡንቱንቱ ቦላ ካተታና’ ያግ ዎዳ” ያጌድኖ። 
\v 3 ሄዋ ድራዉ፥ እስራኤልያ ጭማቱ ኡባይ ዳዊታኮ ከብሮነ ካታማ ዬድኖ፤ እ ኡንቱንቱና ከብሮናን መና ጎዳይ ስንን ቃላ ጫቁዋ ጫቀቴዳ፤ እስራኤልያ ቦላ ካተታናዳን ዳዊታ ኡንቱንቱ ኦኬድኖ።
\p
\v 4 ዳዊተ ካተትያ ዎደ አዉ ሀታሙ ላይ፤ ኦይታሙ ላይ እ ካተቴዳ።\x - \xo 5:4-5 \xo*\xt 1 ካታ. 2:11፤ 1 ኦዱዋ 3:4፤ 29:27\xt*\x* 
\v 5 ከብሮነ ካታማን ይሁዳ ቦላ ላፑን ላይነ ኡሱፑን አግና እ ካተቴዳ፤ የሩሳላመን እስራኤልያ ኡባቱዋ ቦላነ ይሁዳ ቦላ ሀታማነ ሄዙ ላይ ካተቴዳ።
\s1 ዳዊተ የሩሳላማ ጾኔዳ
\p
\v 6 የሩሳላመን ደእያ ያቡሳ አሳቱዋ ኦላናዉ ዳዊተነ ዳዊታ አሳይ ቤድኖ፤ ያቡሳ አሳቱ፥ “ዳዊተ ሀ ካታማ ገላናዉ ዳንዳየና” ጊደ ቆፔድኖ። ያቲደ ኡንቱንቱ አ፥ “ኔን ሀ ሳኣ ገላካ፤ ሀራይ አቶ ሽን፥ ቆቀቱዋነ ዎባቱ ኔና ተአናዉ ዳንዳዪኖ” ያጌድኖ።\x - \xo 5:6 \xo*\xt ኢያሳ 15:63፤ ዳና. 1:21\xt*\x* 
\v 7 ግዶፐነ፥ ዳዊተ ጽዮነን ደእያ ኡንቱንቱ ጌሱዋ ኦይቄዳ፤ ጽዮነ ዳዊታ ካታማ ጌተቴዳ።
\p
\v 8 ሄ ጋላስ ዳዊተ ባረ አሳ፥ “ያቡሳ አሳቱዋ ጾንያ አሳይ ኦንነ ዳዊታ ሞርከቱ፥ ሄ ‘ዎባቱነ ቆቃቱ’ ደእያ ሳኣ ጋካናዉ፥ ሃይ ጎጊደ ከስያ ጾእያና ገላናዉ ኮሼ” ያጌዳ። ሄዋ ድራዉ፥ “ቆቀቱነ ዎባቱ ካትያ ጎልያ ገልክኖ” ጌተቴዳ። 
\v 9 ዳዊተ ሄ ጌሱዋ ኦይቂደ፥ ያን ደኤዳ፤ ሄ ጌሱዋ ዳዊታ ካታማ ያጊደ ሱንዳ። ዳዊተ ሚሎፐ ዶሚደ፥ ሄ ካታማ ዩሽ አደ ግምቢሴዳ። 
\v 10 ኡባፐ ዎልቃማ መና ጎዳ ጾሳይ አናና ደእያ ድራዉ፥ ዳዊተ ምን ምኒደ ቤዳ።
\p
\v 11 ጺሮሳ ካቲ ኪራም ዳዊታዉ አሳ ኪቴዳ። ዝጋ ሙደ፥ አናጸቱዋነ ሹቻ ማስያዋንታ አዉ የዴዳ፤ አሳቱ ዳዊታዉ ጎልያ ኬጼድኖ። 
\v 12 መና ጎዳይ እስራኤልያ ቦላ አ ካትያ ኦደ ኤሴዳዋነ ባረ አሳ እስራኤልያ ድራዉ አ ካዉተ ቁ ኦደ ቦንቼዳዋ ዳዊተ ኤሬዳ።
\p
\v 13 ዳዊተ ከብሮናፐ የሩሳላመ ዬዳዋፐ ጉይያን፥ ሀራ ጋራዳቱዋነ ሀራ ማቼቱዋ ጉጂደ አኬዳ። ሀራ ማጫ ናናይነ አቱማ ናናይ አዉ የለቴድኖ። 
\v 14 ያን አዉ የለቴዳ አቱማ ናና ሱንይ ሻሙአ፥ ሾባባ፥ ናታና፥ ሶሎሞና፥ 
\v 15 ይብሃራ፥ ኤልሹአ፥ ነፌጋ፥ ያፍአ፥ 
\v 16 ኤልሻማአ፥ ኤልያዳአነ ኤልፈሌጻ።
\s1 ዳዊተ ፕልስጼማ አሳቱዋ ጾኔዳ
\r (1 ኦዱዋ 14:8-17)
\p
\v 17 ዳዊተ እስራኤልያ ቦላ ካትያ ግዲደ ኦከቴዳዋ ፕልስጼማ አሳቱ ስሴዳ ዎደ፥ ኡንቱንቱ ኡባይ ዳዊታ ኮያናዉ ከሴድኖ፤ ሽን ዳዊተ ሄዋ ስሲደ፥ ዱገ ግምቢያ ግዶ ቤዳ። 
\v 18 ፕልስጼማቱ ቃይካ ቢደ፥ ራፋይማ ዎምባን ላለቲደ ኡቴድኖ። 
\v 19 ሄዋ ድራዉ፥ ዳዊተ መና ጎዳዉ፥ “ታን ባደ ፕልስጼማቱዋ ኦሎ? ኔን ኡንቱንታ ታዉ አ እማኒ?” ያጊደ ኦቼዳ።
\p መና ጎዳይ ዳዊታ፥ “ኤ ኦላ። ታን ኡንቱንታ ነዉ አ እማና” ያጌዳ።
\p
\v 20 ዳዊተ ባኣል-ፓራጺማ ግያ ሳኣ ቢደ፥ ያን ኡንቱንታ ጾኔዳ። ያቲደ ዳዊተ፥ “ሃ ድኡ ስ አያዋዳን መና ጎዳይ ታ ሞርከቱዋ ግዱዋና ታና አዳ” ያጌዳ። ሄዋ ድራዉ፥ ሄ ሳኣ ሱንይ ባኣል-ፓራጺማ ጌተቴዳ።\f + \fr 5:20 \fr*\fk ባኣል-ፓራጺማ፦ \fk*\ft ሀ ሱን ብለይ “ሲደ ገሌዳ ጎዳ” ግያዋ።\ft*\f* 
\v 21 ፕልስጼማቱ ባረንቱ ኤቃቱዋ ሄ ሳኣን የጊደ ቤድኖ። ያትና ዳዊተነ አ አሳይ ሄ ኤቃቱዋ አኪደ አፌድኖ።
\p
\v 22 ፕልስጼማቱ ጉየ ስሚደ ቢደ፥ ላኤንዋ ራፋይማ ዎምባን ላለት ኡቴድኖ። 
\v 23 ዳዊተ መና ጎዳ ላኤንዋካ ኦችና፥ ጾሳይ አ፥ “ስት ጋደ ፑደ ኡንቱንቱ ቦላ ቦፓ፤ ኡንቱንቱ ጉየና ዩያ አ፥ ቦእያ ምፐ ስን ባጋና ኦላናዉ ጊጋ። 
\v 24 ቦእያ ሁጲያን ኦላ ኮሻ ኔን ስስያ ዎደ ኤሌላ። አያዉ ጎፐ፥ ሄዌ ፕልስጼማ ኦላንቻቱዋ ሾጫናዉ መና ጎዳይ ኔፐ ስንዉ አዳ ግያዋ” ያጌዳ። 
\v 25 ዳዊተ መና ጎዳይ አዛዜዳዋዳን ኦዳ፤ ገባአፐ ቢደ ገዜራ ጋካናዉ፥ ፕልስጼማ ኦላንቻቱዋ ዳዊተ ዎዳ።
\c 6
\s1 ጾሳ ታቦታይ የሩሳላመ ዬዳ
\r (1 ኦዱዋ 13:1-14፤ 15:25—16:6፣ 43)
\p
\v 1 እስራኤልያ ግዶፐ ዶረቴዳ ሀታሙ ሻአ አሳቱዋ ዳዊተ ላኤንዋ ጼሲደ ሺሼዳ። 
\v 2 እነ አ አሳይ ኡባይ ይሁዳን ደእያ ባኣላ (ቅርያትይ-አርም) ጌተትያ ካታማፐ ደንዲደ፥ ክሩበቱዋፐ ግዱዋን ባረ ካዉተ አራታ ቦላ ኡቴዳ ኡባፐ ዎልቃማ መና ጎዳ ሱንን ጼሰቴዳ ጾሳ ታቦታ ያፐ አሀናዉ ቤድኖ።\x - \xo 6:2 \xo*\xt ከሳ 25:22\xt*\x* 
\v 3 ኡንቱንቱ ጾሳ ታቦታ ኦራ ጋርያን ዎደ፥ ዞዝያ ሁጲያን ደእያ አብናዳባ ሶፐ አሄድኖ፤ አብናዳባ ናናይ ኡዝነ አህዮይ ኦራ ጋርያ ካለኖ።\x - \xo 6:3 \xo*\xt 1 ሳሜላ 7:1-2\xt*\x* 
\v 4 ያፐ ጾሳ ታቦታ አህያ ዎደ፥ አህዮ ታቦታፐ ስንና ሀመቴ። 
\v 5 ዳዊተነ እስራኤልያ አሳይ ኡባይ ዲነ ማስንቁዋ ዲጺደ፥ ካባሩዋ ባቂደነ ዳዋላነ ሻሾራ ቃደ፥ ባረንቶ ኩመን ዎልቃን መና ጎዳ ስንን ናሸቲደ ቦንቼድኖ።
\p
\v 6 ናኮና ካ ቡክያ ኡዱማ ጋክያ ዎደ፥ ቦራቱ በትና፥ ኡዝ ባረ ኩሽያ የዲደ፥ ጾሳ ታቦታ ኦይቄዳ። 
\v 7 ኡዝ ታቦታ ቦቼዳ ድራዉ፥ መና ጎዳ ሀንቁ ኡዛ ቦላ ኤጽ ከሴዳ። ጾሳይ አ ሾጭና፥ ሄ ሳኣን ጾሳ ታቦታ ምይያን ኤለካ እ ሀይቂ አጌዳ። 
\v 8 ጾሳ ሀንቁ ኡዛ ሾጬዳ ድራዉ፥ ዳዊተ ይሎቴዳ። ሄ ሳአይ ሀቼ ጋካናዉ፥ ፐሬዝ-ኡዛ (ኡዝ መኤዳ ሳኣ) ጌተቴ።
\p
\v 9 ሄ ጋላስ ዳዊተ መና ጎዳዉ ያዪደ፥ “መና ጎዳ ታቦታይ ታኮ ስም ዋን ያኔ?” ያጌዳ። 
\v 10 ሄዋ ድራዉ፥ ዳዊተ ጾሳ ታቦታ ባረናና ዳዊታ ካታማ አሀናዉ ኮይቤና፤ ሄዋ አጊደ ግታትያ ኦቤድ-ኤዶማ ግያ ብታንያ ሶ አፌዳ። 
\v 11 መና ጎዳ ታቦታይ ግታትያ ኦቤድ-ኤዶማ ሶን ሄዙ አግና ጋምኤዳ፤ መና ጎዳይ አነ አ ሶ አሳ ኡባ አንጄዳ።\x - \xo 6:11 \xo*\xt 1 ኦዱዋ 26:4-5\xt*\x*
\p
\v 12 ሄዋፐ ስሚደ፥ “ጾሳ ታቦታ ድራዉ፥ መና ጎዳይ ኦቤድ-ኤዶማ ሶ አሳነ አዉ ደእያ ኡባባ አንጄዳ” ያግያዋ ካቲ ዳዊተ ስሴዳ፤ ሄዋ ድራዉ፥ ዳዊተ ኦቤድ-ኤዶማ ሶ ቢደ፥ ጾሳ ታቦታ ዳዊታ ካታማ ናሸቻን አሄዳ። 
\v 13 መና ጎዳ ታቦታ ቶኬዳ አሳቱ ኡሱፑኑዋ ታንጌዳ ፓይዱዋን ፓይዱዋን ኡንቱንታ ኤሲደ፥ እት ኮሩማነ እት ቦልትቦልታ ማራ ዳዊተ ያርሼዳ። 
\v 14 ዳዊተ ሱፍያ ግያ ቃጭናፐ ዳደቴዳ ኤፉድያ ማዪደ፥ ባረዉ ደእያ ዎልቃ ኡባን መና ጎዳ ስንን ዱሬዳ። 
\v 15 እነ እስራኤልያ አሳቱ ኡባቱ ናሸቻን ሆምቦጪድነ ኡልቱዋ ፑኒደ መና ጎዳ ታቦታ ዳዊታ ካታማ አሄድኖ።
\p
\v 16 መና ጎዳ ታቦታይ ዳዊታ ካታማ ገልያ ዎደ፥ ሳኦላ ናታ መልኮላ ማስኮትያና ጼላደ፥ ካቲ ዳዊተ መና ጎዳ ስንን ጉፕሺንነ ዱርሽና በኣዱ፤ ዳዊታ ባረ ዎዛናን ካዱ።
\p
\v 17 ዳዊተ መና ጎዳ ታቦታ ዎናዉ ጌዳ ዱንካንያ ግዶን ታቦታ አሂደ ዎድኖ፤ ዳዊተ ጹግያ ያርሹዋነ እትፐተ ያርሹዋ መና ጎዳዉ ያርሼዳ። 
\v 18 ዳዊተ ጹግያ ያርሹዋነ እትፐተ ያርሹዋ ያርሽያዋ ፖሌዳዋፐ ጉይያን፥ ኡባፐ ዎልቃማ መና ጎዳ ሱንን አሳ አንጄዳ። 
\v 19 እስራኤልያ አሳዉ ኡባዉ፥ ማጫዎ አቱማዎ ሁጲያን ሁጲያን እት እት ኮምፖ ኡክ፥ እት እት ሙጾ አሹዋካ ዎይንያ ቴራ መላፐ ኑከቴዳ እት እት ኡክ ግሼዳ። ሄዋፐ ጉይያን አሳይ ኡባይ ባረ ሶ ባረ ሶ ስሜዳ።\x - \xo 6:19-20 \xo*\xt 1 ኦዱዋ 16:43\xt*\x*
\p
\v 20 ዳዊተ ባረ ሶ አሳ አንጃናዉ ሶ ስሜዳ ዎደ፥ ሳኦላ ናታ መልኮላ አ ሞካናዉ ከሳደ፥ “ሹፉሮ አሳቱ ካሎ ሀመትያዋዳን፥ ሀቼ እስራኤልያ ካቲ ባረ ቆማቱዋ ማጫ ቆማቱዋ ስንን ካሎቲደ፥ አያ ቦንቼቴደ!” ያጋዱ።
\p
\v 21 ዳዊተ፥ “ነ አዉዋፐነ አ ሶ አሳፐ አደ፥ ባረ አሳ እስራኤልያ ካለናዳን ታና ዶሬዳ መና ጎዳ ስንን ዱራድ። ታን መና ጎዳ ቦንቻናዉ ዱርያዋ አግከ። 
\v 22 ታን ሀዋፐ አደ ብሮካ ታና ቶቻና፤ ታን ታ ሁጲያ ዝቂ ኦና። ሽን ኔን ጌዳ ማጫ ቆማቱዋ ስንን ታን ቦንቼታና” ያጌዳ።
\p
\v 23 ሄዋ ድራዉ፥ ሳኦላ ናታ ሚካላ ሀይቃና ጋካናዉ፥ ናኣ የላበይኩ።
\c 7
\s1 ጾሳይ ዳዊተዉ እማና ጌዳ ህዶታ
\r (1 ኦዱዋ 17:1-15)
\p
\v 1 ካቲ ዳዊተ ባረ ካትያ ጎለን ኡቴዳዋፐ ጉይያንነ መና ጎዳይ አ፥ አ ሞርከቱዋ ኡባፐ ሸምፕሴዳዋፐ ጉይያን፥ 
\v 2 ትምቢትያ ኦድያ ናታና፥ “ታን ዝጋፐ ኬጸቴዳ ጎለን ደአይ፤ ሽን ጾሳ ታቦታይ ዱንካንያን ደኤ” ያጌዳ።
\p
\v 3 ናታን ዳዊታ፥ “ኦናዉ ነ ዎዛናይ ቆፔዳዋ ኡባ ኪተታ፤ መና ጎዳይ ኔናና ደኤ” ያጌዳ።
\p
\v 4 ሽን ሄ ጋላሳ ቃማ መና ጎዳ ቃላይ ናታናኮ ዪደ፥ 
\v 5 “ባ፤ ታ ቆማ ዳዊታ ሀዋዳን ያጋ፤ መና ጎዳይ ሀዋዳን ያጌ፤ ‘ታን ደአና ጎልያ ኬጻናዌ ታና ጋደ ቆፓይ? 
\v 6 አያዉ ጎፐ፥ ታን እስራኤላቱዋ ግብጼ ጋድያፐ ከሴዳ ጋላሳፐ ዶማደ ሀቼ ጋካናዉ ጎለን ደአበይከ፤ ታን ዱንካንያን ያነ ሃነ ዩያደ ደኣድ። 
\v 7 ታን እስራኤልያ አሳ ኡባና ዩዬዳ ሳኣ ኡባን፥ ታ አሳ እስራኤልያ ሄማና ማላ፥ ታን ሱንዳዋንቱፐ እቱዋነ ታዉ ዝጋ ጎልያ አያዉ ኬጻበይኪ? ጋደ ኦቻበይከ’ ” ያጌ ያጋ።
\p
\v 8 “ሄዋ ድራዉ፥ ሀእካ ታ ቆማ ዳዊታዉ ኦዳ፤ ‘ኡባፐ ዎልቃማ መና ጎዳይ ኔና ሀዋዳን ያጌ፤ “ታን ኔና ሄን ጋደፐ፥ ዶርሳ ሄምያ ሳፐ ደንደ፥ ታ አሳ እስራኤልያ ካለናዳን አካድ። 
\v 9 ኔን ቤዳ ሳኣ ኡባን ታን ኔናና ግዳድ፤ ነ ሞርከቱዋ ኡባ ታን ነ ስንፐ ድጋድ። ሀእ ስም ታን ሀ ሳኣን ኤረቴዳ ዎልቃማ አሳቱዋ ሱንዳን ነ ሱን ግታያና። 
\v 10-11 ቃይ ታን ታ አሳዉ እስራኤልያዉ ሳኣ እማደ፥ ኡንቱንታ ሄ ሳኣን ቶካና። ሄዋ ድራዉ፥ ኡንቱንቱ ባረንቱ ሳኣን ደአና፤ ላኤን ኡንቱንቱ ሻባረትክኖ። በን ዎድያንነ ታ አሳ እስራኤልያ ቦላ ዳናትያዋንታ ታን ሱንዳ ዎድያዳን፥ ኢታቱ ኡንቱንታ ዛረደ ናቂክኖ። ቃይ ታን ኔና ነ ሞርከቱዋ ኡባፐ ሸምፕሳና።
\p “ ‘ “ሄዋ ቦላንካ መና ጎዳይ ባረ ሁጲያዉ ነ ዛራቱ ደአናዳን ነዉ ጎልያ ኬጻናዋ ኦዴ። 
\v 12 ነ ላይይ ዉርና ሀይቃደ፥ ነ ማይዛ አዎቱዋን ጋከትያ ዎደ፥ ነ ጉልባታፐ የለቴዳ ናኣ ታን ደንና፤ አ ካዉተ ምንሳና።\x - \xo 7:12 \xo*\xt ማዝ. 89:2-4፤ 132:11፤ ዮሃ. 7:42፤ ኪታ 2:30\xt*\x* 
\v 13 ታ ሱንዉ ጎልያ ኬጻናዌ አ፤ ታን አ ካዉተ አራታ መናዉ ምንሳ ኤሳና። 
\v 14 ታን አዉ አዉዋ ግዳና፤ እካ ታዉ ናኣ ግዳናዋ። እ ባልያ ዎደ፥ ታን አ አሳ ጻምአን፥ አሳይ ሾጭያ ልሱዋን አ ሴራና።\x - \xo 7:14 \xo*\xt ማዝ. 89:26-27፤ 2 ቆሮ. 6:18፤ እብራ. 1:5\xt*\x* 
\v 15 ሽን ታን ነ ስንፐ ድጌዳ ሳኦላፐ ታ ሲቁ አከቴዳዋዳን፥ አፐ ኡባካ አከተና። 
\v 16 ነ ዛራቱነ ነ ካዉተይ ታ ስንን መናዉ ጋምአና፤ ነ ካዉተ አራታይካ መናዉ ምን ኤቃና” ያጌ’ ያጋ” ያጌዳ።\x - \xo 7:16 \xo*\xt ማዝ. 89:36-37\xt*\x*
\p
\v 17 ናታን ጾሳይ አዉ ሳጻን ቆንጭሴዳ ቃላ ኡባ ዳዊታዉ ኦዴዳ።
\s1 ዳዊታ ዎሳ
\r (1 ኦዱዋ 17:16-27)
\p
\v 18 ሄዋፐ ጉይያን፥ ካቲ ዳዊተ ዱንካንያ ገሊደ፥ መና ጎዳ ስንን ኡቴዳ። ሀዋዳን ያጊደ ዎሴዳ፤ “አቤት ኡባ ሞድያ መና ጎዳዉ፥ ኔን ሀዋ ኡባ ታዉ ኦናዉ ታን ኦኔ? ታ ሶ አሳይካ አዬ? 
\v 19 አቤት ኡባ ሞድያ መና ጎዳዉ፥ ሀዌ ነ አይፍያ ስንን ጉ ማላትና፥ ስንፐ ነ ቆማ ዛረቶ ሀናናዋካ ሃሳያዳ። ኡባ ሞድያ መና ጎዳዉ፥ ሀዌ ኔን አሳዉ ኦዉካ ኦያ ኦሱዋ ግደና።
\p
\v 20 “ሀዋፐ አያዋ ታን ዳዊተ ነዉ አይ ጋናዉ ዳንዳያይታ? ኡባ ሞድያ መና ጎዳዉ፥ ኔን ታና ነ ቆማ ኤራሳ። 
\v 21 ኔን ነ ቃላ ድራዉ፥ ነ ዎዛና ቆፋዳን ሀ ዎጋባ ኦደ፥ ታና ነ ቆማ ኤርሳዳ።
\p
\v 22 “አቤት ኡባ ሞድያ መና ጎዳዉ፥ ኔን አይ ኬሻ ግቴሻ! ነ ማል እቱነ ባዋ፤ ኑን ኑ ሀይን ስሴዳዋዳንካ፥ ኔፐ አትና ሀራ ጾሳይ ባዋ። 
\v 23 ኔን ነ አሳ ኦናዉ ዎዜዳ ነ አሳ እስራኤልያ ማላትያ ሀራ ካዉተ ሳኣ ቦላን ባዋ። ኔን ኡንቱንቶ ኦዳ ግታነ ማላልስያ ኦሶቱ ጋሱዋን ነ ሱንይ ቢታን ሳኣን ኤረቴዳ። ኔን ነ አሳ ስንፐ ሀራ ካዉተቱዋነ ኡንቱንቱ ጾሳቱዋ ላጋዳ።\x - \xo 7:23 \xo*\xt ዛረ. 4:34\xt*\x* 
\v 24 ኔን ነ አሳ እስራኤልያ መናዉ ነዋ ኦዳ። አቤት መና ጎዳዉ፥ ኔንካ ኡንቱንቱ ጾሳ ግዳዳ።
\p
\v 25 “መና ጎዳ ጾሳዉ፥ ስም ሀእ ኔን ነ ቆማዉነ አ ዘረዉ ኦና ጌዳዋ መናዉ ናጋ፤ ኔን ኦና ጌዳዋዳንካ ኪተታ። 
\v 26 ሄዋን ነ ሱንይ መናዉ ግታታና፤ አሳይካ ኔና፥ ‘ኡባፐ ዎልቃማ ጾሳይ እስራኤልያ ጾሳ’ ያጋና። ነ ቆማ ዳዊታ ዛራቱካ ነ ስንን ምኒደ ኤቃና።
\p
\v 27 “አቤት ኡባፐ ዎልቃማ መና ጎዳዉ፥ እስራኤልያ ጾሳዉ፥ ኔን ሀዋ፥ ‘ታን ነ ዛራቱ ደአናዳን ኦና’ ያጋደ ታዉ ነ ቆማዉ ቆንጫዳ፤ ሄዋ ድራዉ፥ ታን ነ ቆማይ ኔና ሀ ዎሳ ዎሳናዉ ጻላድ። 
\v 28 አቤት ኡባ ሞድያ መና ጎዳዉ፥ ኔን ጾሳቴ! ነ ቃላይካ አማነትያዋ፤ ኔን ሀ ሎኦ ቃላ ታዉ ነ ቆማዉ ኦና ጋዳ። 
\v 29 ነ ስንን ያ መናዉ ጋምአናዳን፥ ነ ቆማ ዛርያ አንጃናዉ ህዶታዳ። አያዉ ጎፐ፥ አቤት ኡባ ሞድያ መና ጎዳዉ፥ ሄዋ ሃሳያዳ፤ ቃይ ነ አንጁዋን ነ ቆማ ዛራቱ መናዉካ አንጀታና” ያጋ ዎዳ።
\c 8
\s1 ዳዊተ ኦላን ደሜዳ ጾኑዋ
\r (1 ኦዱዋ 18:1-17)
\p
\v 1 ሄዋፐ ጉይያን፥ ካቲ ዳዊተ ፕልስጼማቱዋ ጾኒደ ሞዴዳ፤ ያቲደ መተግኣማ ግያ ካታማ ፕልስጼማ አሳቱዋ ኩሽያፐ ዎ አኬዳ።
\p
\v 2 ቃይ ሞኣበ አሳቱዋካ ዳዊተ ጾኔዳ። ጋድያን እ ኡንቱንታ ግስሲደ ዎዶሩዋን ልኬዳ፤ ላኡ ዎዶሩዋን ልከቴዳ ኡባቱዋ ዎዳ፤ ሄዘን ዎዶሩዋን ልከቴዳዋንታ ፓጻ አጌዳ። ያትና ሞኣበ አሳቱ ዳዊታዉ ሞደቲደ ጊራ ጊሬድኖ።
\p
\v 3 ራሆባ ናአይ፥ ጾባ ካቲ ሀዳድኤዘረ ኤፍራጺሳ ሻፋ ማታን ደእያ ባረ ዛዋ ዛር አካናዉ ቢደ፥ ዳዊታና ኦለትና፥ ዳዊተ አ ጾኔዳ። 
\v 4 ዳዊተ አ አሳፐ እት ሻአነ ላፑን ጼቱ ፓራአ አሳቱዋና ላታሙ ሻአ ገድያ አሳቱዋ ኦሞዴዳ። ዳዊተ ጋረቱዋ ጎቻናዉ ጼቱ ፓራቱዋ አሺደ፥ ሀራ ፓራቱዋ ኡባዉ ጋዱዋ ቃንጼዳ።
\p
\v 5 ዳማስቆ ካታማን ደእያ ሶርያ ኦላንቻቱ ጾባ ካትያ ሀዳድኤዘራ ማዳናዉ ዬዳ ዎደ፥ ዳዊተ ኡንቱቱፐ ላታማነ ላኡ ሻአቱዋ ዎዳ። 
\v 6 ሄዋፐ ጉይያን፥ ዳዊተ ሶርያ ካዉተንነ ዳማስቆ ካታማን ኦላንቻቱዋ ጌሱዋ መዳ። ያትና ሶርያ አሳቱ ዳዊታዉ ሞደቲደ፥ ጊራ ጊሬድኖ። ዳዊተ ቤዳ ሳኣ ኡባን መና ጎዳይ አዉ ጾኑዋ እሜዳ።
\p
\v 7 ሀዳድኤዘራ ኦላ ጋዳዋቱ ኦይቂያ ዎርቃ ጎንዳልያ ዳዊተ አኪደ፥ የሩሳላመ አሄዳ። 
\v 8 በጻሀነ በሮታያ ጌተትያ ሀዳድኤዘራ ካታማቱዋፐ ካቲ ዳዊተ ናሃስያ ግያ ብራታ ሎይ ዳሩዋ አኬዳ።
\p
\v 9 ሀዳድኤዘራ ኦላንቻቱዋ ኡባ ዳዊተ ጾኔዳዋ ሀማታ ካቲ ቶእ ስሴዳ። 
\v 10 ሀዳድኤዘራ ኦለቲደ ጾኔዳ ድራዉ፥ አ ሀሹ ጋናዉነ ሳሮታናዉ ባረ ናኣ ዮራማ ካትያ ዳዊታኮ ኪቴዳ። አያዉ ጎፐ፥ ሀዳድኤዘረ ቶኣራ ኦለቲደ ጋምኤዳ። ዮራመ ዪደ ዎርቃፐ፥ ብራፐነ ናሃስያፐ መቴዳ ሚሻቱዋ ዳዊታዉ አሄዳ። 
\v 11-12 ካቲ ዳዊተ ሀ ሚሻቱዋ መና ጎዳዉ ዱማይ ዎዳ። ቃይ ዳዊተ ባረ ጾኔዳ ካዉተቱዋፐ ኡባፐ፥ ሶርያፐ፥ ሞኣበፐ፥ አሞና አሳቱዋፐ፥ ፕልስጼማ አሳቱዋፐነ አማሌቃ አሳቱዋፐ አኬዳ ዎርቃነ ብራ ራሆባ ናኣ፥ ጾባ ካትያ ሀዳድኤዘረፐ አኬዳ ኦሞዱዋ ካሰዋዳንካ ጾሳዉ ዱማይ ዎዳ።
\p
\v 13 ማጽንያ ዛንጋራን ታማነ ሆስፑን ሻአ ኤዶማ አሳቱዋ ዳዊተ ዎ ስሜዳዋፐ ጉይያን፥ እ ሀይቴዳ።\x - \xo 8:13 \xo*\xt ማዝ. 60 (ሁጲያ)\xt*\x* 
\v 14 ዳዊተ ኤዶማ ቢታ ኡባን ኦላንቻቱ ጌሱዋ መዳ፤ ያትና ሄ ቢታ አሳይ ኡባይ ዳዊታዉ ሞደቴዳ። ዳዊተ ቤዳ ሳኣ ኡባን መና ጎዳይ አዉ ጾኑዋ እሜዳ።
\s1 ዳዊተ ባረ ካዉተን ሱንዳ አሳቱዋ
\p
\v 15 ሄዋዳን ኦደ፥ ዳዊተ እስራኤልያ ኡባ ቦላ ካተቴዳ፤ ባረ አሳ ኡባ ጽሎተንነ ሱረ ፕርዳን አኬዳ። 
\v 16 ጻሩይ ናአይ ዮኣበ ኦላንቻቱ ጋዳዋ፤ አህሉዳ ናአይ ዮሳፌጸ ሀኔዳባ ጻፍያዋ። 
\v 17 አህጹባ ናአይ ጻዶቅነ አብያታራ ናአይ አብመሌክ ቄሳቱ ዋ፤ ሳራይ ቃይ ጻፍያ፤ 
\v 18 ዮዳሄ ናአይ ባናይ ካልታዋቱዋነ ፈልታዋቱዋ (ካትያ ናግያዋንቱ) ቦላ ካፑዋ። ዳዊታ አቱማ ናናይ ቄሳቱዋ።
\c 9
\s1 ዳዊታነ ማንፍቦሼታ
\p
\v 1 እት ጋላስ ዳዊተ፥ “ዮናታና ድራዉ፥ ታን አዉ ኬካናዳን ሀኖ ጋካናዉ ሳኦላ ቃንፐ አቴዳ አሳይ ደኢሻ?” ያጊደ ኦቼዳ።\x - \xo 9:1 \xo*\xt 1 ሳሜላ 20:15-17\xt*\x*
\p
\v 2 ሄ ዎደ ጺባ ግያ እት ቆማይ ሳኦላ ሶን ደኤ፤ እ ዳዊታ ስን ያናዳን ጼሴድኖ፤ ዪና ካቲ አ፥ “ኔን ጺቤ?” ያጊደ ኦቼዳ።
\p እካ፥ “ኤ ታን ጺባ፥ ነ ቆማ” ያጌዳ።
\p
\v 3 ሄዋፐ ጉየ ካቲ አ፥ “ጾሳ ኬካተ ታን ኬካናዳን፥ ሳኦላ ቃንፐ ፓላሄዳ እት አሳይነ ባዌ?” ያጌዳ።\x - \xo 9:3 \xo*\xt 2 ሳሜላ 4:4\xt*\x*
\p ጺብ ካትያ፥ “ዮናታና ናናቱዋፐ እቱ ሀኖ ጋካናዉ ደኤ፤ ሄ ናአዉ ላኡ ገደቱካ ስላ” ያጌዳ።
\p
\v 4 ካቲ፥ “እ ሀቃን ደኢ?” ያጌዳ።
\p ጺብ፥ “ሎዳባራ ግያ ሳኣን አምኤላ ናኣ ማክራ ሶን ደኤ” ያጌዳ።
\p
\v 5 ሄዋፐ ጉየ ካትያ ዳዊተ ኪቲደ፥ ሎዳባራፐ አምኤላ ናኣ ማክራ ሶፐ አህሴዳ።
\p
\v 6 ሳኦላ ናኣ ዮናታና ናአይ ማንፍቦሼተ ዳዊታኮ ዬዳ፤ ይ ጋኪደ፥ ዳዊታ ስንን ጾነታድ ጊደ ግሴዳ።
\p ያትና፥ ዳዊተ አ፥ “ማንፍቦሼታ!” ያጊደ ጼሴዳ።
\p እ፥ “አቤ ታ ጎዳዉ፥ ታን ነ ቆማ” ያጌዳ።
\p
\v 7 ዳዊተ አ፥ “ያዮፓ፤ ነ አዉዋ ዮናታና ድራዉ፥ ታን ነዉ ኬካና። ነ አዉዋ አዉዋ ሳኦላ ጋድያ ኡባ ታን ነዉ ዛራና፤ ቃይ ኔን ኡባ ዎደ ታ ማሶፍያፐ ማና” ያጌዳ።
\p
\v 8 ሄዋፐ ጉየ ማንፍቦሼተ ላኤንዋ ግሲደ፥ “ሀይቄዳ ካና ማላ ታና ኔን ዶሳደ ጼላናዉ፥ ነ ቆማይ ታን ኦኔ?” ያጌዳ።
\p
\v 9 ካቲ፥ ሳኦላ ቆማ ጺባ ጼሲደ፥ “ሳኦለዋነ ሳኦላ ሶ አሳዋ ግዴዳዋ ኡባ ታን ነ ጎዳ ናኣ ናአዉ እማድ። 
\v 10 ነ ጎዳ ናኣ ናአይ ማናዳን ኔን፥ ነ ናናይነ ነ ቆማቱ አዉ ጋድያ ጎሽተ፤ ዶልያ ካ አዉ አህተ። ግዶፐካ፥ ነ ጎዳ ናኣ ናአይ ማንፍቦሼተ ኡባ ዎደ ታ ማሶፍያፐ ማና” ያጌዳ። ጺባዉ ታማነ እቼሹ አቱማ ናናይነ ላታሙ ቆማቱ ደኢኖ።
\p
\v 11 ጺብ ካትያ፥ “ኔን ታ ጎዳይ ካቲ ነ ቆማ አዛዜዳ ኡባባ ታን ነ ቆማይ ፖላና” ያጌዳ። ሄዋ ድራዉ፥ ማንፍቦሼተ ካትያ ናናቱዋፐ እቱዋዳን ካትያ ማሶፍያፐ ሜዳ።
\p
\v 12 ማንፍቦሼታዉ ሚካ ግያ ጉ ናአይ ደኤ። ጺባ ሶን ደእያ አሳቱ ኡባቱ ማንፍቦሼታዉ ቆማ ግዴድኖ። 
\v 13 ማንፍቦሼተ ኡባ ዎደ ካትያ ማሶፍያፐ ምያ ድራዉ፥ እ የሩሳላመን ደኤ። አ ገዲ ላአቱካ ስላ።
\c 10
\s1 ዳዊተ አሞናቱዋነ ሶረቱዋ ጾኔዳ
\r (1 ኦዱዋ 19:1-19)
\p
\v 1 ሄዋፐ ጉይያን፥ አሞናቱዋ ካትያ ናኦስ ሀይቄዳ፤ አ ናአይ ሀኑን አ ኮታን ካተቴዳ። 
\v 2 ዳዊተ፥ “አ አዉ ታዉ ኬከዳዋዳን ናኦሳ ናኣ ሀኑናዉ ታንካ ኬካና” ያጌዳ። ሄዋ ድራዉ፥ አ ምንናዉ ዳዊተ ባረ አሳ አኮ ኪቴዳ።
\p ዳዊታ አሳይ አሞና ጋድያ ጋኬዳ ዎደ፥ 
\v 3 አሞና አሳ ካፓቱ ባረንቱ ጎዳ ሀኑና፥ “ዳዊተ ኔና ምንናዉ ሀ አሳቱዋ ኪቴዳዌ ነ አዉዋ ቦንቹዋ ድራሳ ጋድየ? እ ባረ አሳ ኪቴዳዌ ሀ ካታማ ጼላናሳ፥ ዎቻናሳነ ኦለቲደ ጾናናሳ” ያጌድኖ። 
\v 4 ሀኑን ዳዊተ ኪቴዳዋንታ ኦይቂደ፥ ኡንቱንቱ ቡቻፐ ባጋ ሜዴዳ፤ ኡንቱንቱ ማዩዋካ ኡትያ ዱልያ ባጋፐ ቃንጽ አኪደ፥ ኡንቱንታ የዴዳ።
\p
\v 5 ሄዋ ድራዉ፥ አሳቱ ዳሮ ዬላቴድኖ። ዳዊተ ሄዋ ስሲደ፥ እ ኡንቱንቱና ጋከትያ አሳ ኪቴዳ፤ ኡንቱንቱኮ ኪቲደ፥ “ህንተንቱ ቡቻይ ድጫና ጋካናዉ፥ ያርኮ ካታማን ደእሽተ፤ ሄዋፐ ጉይያን ሃ ዪተ” ያጌዳ።
\p
\v 6 አሞናቱ ባረንቱ ኪታን ዳዊተ ኡንቱንታ ሞርካናዳን ኦዳዋ ኤሬዳ ዎደ፥ ቤት-ራሆባነ ጾባ ካታማቱዋን ደእያ ሶርያ አሳቱዋፐ ላታሙ ሻአ ገድያ አሳቱዋ፥ ቶባ ጋድያፐ ታማነ ላኡ ሻአ አሳቱዋነ ማእካ ቢታ ካትያፐ እት ሻአ አሳቱዋ ቃጻሬድኖ።
\p
\v 7 ዳዊተ ሄዋ ስሴዳ ዎደ፥ ዮኣባነ ደእያ ኦላንቻቱዋ ኡባ ኡንቱንቱ ቦላ የዴዳ። 
\v 8 አሞናቱ ከሲደ፥ ካታማ ፐንግያን ኦላዉ ሳልፔድኖ፤ ጾባፐነ ራሆባፐ ዬዳ ሶርያ አሳቱ፥ ቶባ አሳቱነ ማእካ አሳቱ ደምባን ባረካ ደኢኖ።
\p
\v 9 ዮኣበ ባረና ኦላይ ስንናነ ጉየና ዶዴዳዋ በኤዳ፤ እስራኤላቱ ግዶፐ ኡባፐ ምንያ ኦላንቻቱዋ ዶር አኪደ፥ ሶርያ አሳቱዋ ስንን ሳልፕሴዳ። 
\v 10 አቴዳ አሳቱዋ ባረ እሻይ አብሻይ አዛዛና ማላ ኦደ፥ አሞና አሳቱዋ ስንን ሳልፕሴዳ። 
\v 11 ዮኣበ ባረ እሻ፥ “ሶርያ አሳቱ ታዉ ዎልቃሞፐ፥ ኔን ያደ፥ ታና ማዳ። ቃይ አሞና አሳቱ ነዉ ዎልቃሞፐ፥ ታን ያደ፥ ኔና ማዳና። 
\v 12 ስም ምና! ኑ አሳ ድራዉነ ኑ ጾሳ ካታማቱዋ ድራዉ፥ አነ ምን ኦለቶይተ። መና ጎዳይ ባረና ሎእያዋ ኦ” ያጌዳ።
\p
\v 13 ሄዋፐ ጉይያን፥ ዮኣብነ አናና ደእያ አሳይ ሶርያ አሳቱዋና ኦለታናዉ ላዉሁ ጌድኖ። ያትና፥ ሶርያ አሳቱ አ ስንፐ ባቃቴድኖ። 
\v 14 ሶርያ አሳቱ ባቃቴዳዋ አሞና አሳቱ በኤዳ ዎደ፥ ኡንቱንቱካ አብሻያ ስንፐ ባቃቲደ፥ ካታማ ገሌድኖ። ዮኣበ አሞና አሳቱዋና ኦለትያዋ አጊደ፥ የሩሳላመ ስሜዳ።
\p
\v 15 ሶርያ አሳቱ እስራኤልያ አሳቱ ኡንቱንታ ጾኔዳዋ ኤሬዳ ዎደ፥ ባረንቱ ኦላንቻቱዋ ኡባ ዛሪደ ሺሼድኖ። 
\v 16 ካቲ ሀዳድኤዘረ ሶርያ አሳቱዋ ኤፍራጺሳ ሻፋፐ ሄፍን ባጋፐ ኪቲደ አህሴዳ፤ ሄላማ ቤድኖ። ሀዳድኤዘራ ኦላንቻቱ ጋዳዋይ ሾባክ ኡንቱንታ ካለ።
\p
\v 17 ዳዊተ ሄዋ ስሴዳ ዎደ፥ እስራኤልያ ኦላንቻቱዋ ሺሺደ፥ ዮርዳኖሳ ሻፋ ፕኔዳ፤ ሄላማ ጋኬዳ። ሶርያ አሳቱ ዳዊታና ጋከታናዉ ሳልፒደ፥ አናና ኦለቴድኖ። 
\v 18 ሽን ሶርያ አሳቱ እስራኤላቱ ስንፐ ባቃቴድኖ፤ ዳዊተ ሶርያ ኦላንቻቱዋፐ ፓራ ጋርያ ላግያ ላፑን ጼቱ አሳቱዋነ ኦይታሙ ሻአ ፓራ አሳቱዋ ዎዳ፤ ኡንቱንቱ ኦላ ጋዳዉዋ ሾባካካ ሾጭና፥ ሄ ሳኣን ሀይቄዳ። 
\v 19 ሀዳድኤዘራዉ ሞደቲደ ደእያ ካተቱ እስራኤላቱ ኡንቱንታ ጾኔዳዋ ኤሬዳ ዎደ፥ እስራኤላቱዋና ስገቲደ፥ ኡንቱንቶ ሞደቴድኖ። ሄዋፐ ስሚደ፥ ሶርያ አሳቱ አሞና አሳቱዋ ማዳናዉ ያዬድኖ።
\c 11
\s1 ዳዊታነ በርሳቤሆ
\r (11:1—12:25)
\p
\v 1 ኦፍንን፥ ካተቱ ኦላዉ ከስያ ዎደ፥ ዳዊተ ባረ አሳናነ እስራኤልያ ኦላንቻቱዋና ዮኣባ የዴዳ። ቢደ አሞና ቢታ ባይዜድኖ፤ ራባ ካታማ ዶዴድኖ፤ ሽን ዳዊተ የሩሳላመን ታኬዳ።\x - \xo 11:1 \xo*\xt 1 ኦዱዋ 20:1\xt*\x*
\p
\v 2 እት ጋላሳ ኦማርስ ዳዊተ ባረ ግሱዋፐ ደንዲደ፥ ካትያ ጎልያ ቦላን ደምባዪደ ኦዳ ሳኣን ሀመቴዳ፤ ቦላ ሜጨትያ እት ምሽራቶ በኤዳ፤ ሄ ምሽራታ ዳሮ ማላ ሎአ። 
\v 3 ዳዊተ አሳ ኪቲደ፥ አ ኦነንቶ ኦሽሴዳ፤ ሄ ምሽራታ፥ “ሀና ኤሊኣማ ናቶ ሂትያ ኦርዮና ማቻቶ በርሳቤሆ” ያጌዳ። 
\v 4 ዳዊተ አሳ ኪቲደ፥ እዞ ጼስስ አህሲደ፥ እዝና አቄዳ። ሄ ዎደ ሄ ምሽራታ ፒላይ ዪደ አና፥ ጌዮ ሳና ደአዉ። ሄዋፐ ጉይያን፥ አ ባረ ሶ ስማደ ባዱ። 
\v 5 ምሽራትዉ ሻሃራይ አትና፥ ዳዊታኮ ኪታ የዳደ፥ “ታዉ ሻሃራይ አቴዳ” ያጋዱ።
\p
\v 6 ሄዋፐ ጉይያን ዳዊተ፥ “ሂትያ ኦርዮና ታዉ ሃ የዳ” ያጊደ እዮኣበዉ ኪቴዳ፤ እዮኣበ ኦርዮና ዳዊታዉ የዴዳ። 
\v 7 ኦርዮን ዪና ዳዊተ አ፥ “እዮኣበ አይ ማሌ? ኦላንቻቱካ አይ ማሌ? ቃይ ኦላይ ዋኒ?” ያጊደ ኦቼዳ። 
\v 8 ሄዋፐ ጉይያን ዳዊተ ኦርዮና፥ “ሶይ ባ፤ ባደ ሸምፓ አካ” ያጌዳ፤ ሄዋፐ ጉይያን ኦርዮን ካትያ ጎልያፐ ከሲደ ቤዳ፤ ካቲ ኦርዮናዉ አየንቶ እምያዋ አ ጌዱዋ የዴዳ። 
\v 9 ሽን ኦርዮን ሶ ቤናን ካትያ ጎልያ ድርሳ ፐንግያን ባረ ጎዳ ቆማቱዋ ኡባና ግስ አቄዳ።
\p
\v 10 “ኦርዮን ባረ ሶ ብቤና” ግያዋ ዳዊተ ስሴዳ፤ ኦርዮና፥ “ኔን ሃኮ ሳፐ ያዳ ግድኪ? ነ ሶ አያዉ ባበይኪ?” ያጊደ ኦቼዳ።
\p
\v 11 ኦርዮን ዳዊታ፥ “ታቦታይ፥ እስራኤልያ አሳይ፥ ይሁዳ አሳይ፥ ታ ጎዳ እዮኣብነ ታ ጎዳ አሳይ ደምባን ዱንካንያን ደኢኖ። ያትና ታን ዋናደ ሶ ባደ ሞ፥ ኡሾ፥ ቃይ ታ ማቻትና አቆ? ነ ሸምፑ ኤሮ! ታን ሀዋ ማላ ኦከ” ያጊደ ዛሬዳ።
\p
\v 12 ሄዋፐ ጉየ ዳዊተ ኦርዮና፥ “እት ጋላሳ ሀዋን ጋምአ፤ ዎንት ኔና ጉየ የዳና” ያጌዳ፤ ኦርዮን ሄ ጋላስነ ዎንተ ጋላስ የሩሳላመን ታኬዳ። 
\v 13 ዳዊተ ሾቢና፥ ኦርዮን አናና ሜዳነ ኡሼዳነ። ዳዊተ አ ማዬዳ። ሽን ሄ ኦማርስ ኦርዮን ባረ ሶ ቤናን፥ ባረ ግሱዋ ሂጺደ፥ ባረ ጎዳ ቆማቱዋ ግዶን አቄዳ።
\p
\v 14 ዎንትና ጉራ ዳዊተ እዮኣባዉ ዳብዳቢያ ጻፊደ፥ ኦርዮና ቦላ የዴዳ። 
\v 15 ዳዊተ ዳብዳቢያን እዮኣባ፥ “ኦላይ ተኡዋ ዳርያ ሳኣን፥ ስን ባጋና ኦርዮና ዎ፤ ሄዋፐ ጉይያን፥ እ ሾጨቲደ ሀይቃና ማላ፥ አ ማታፐ ክችተ” ያጌዳ።
\p
\v 16 እዮኣበ ሄ ካታማ ዶዲደ፥ ሞርክያ ኦላንቻቱዋፐ ምኖቱ ደእያ ሳኣ ኤሪደ፥ ኦርዮና ያን ዎዳ። 
\v 17 ካታማ አሳቱ ከሲደ ዮኣባና ኦለትና፥ ዳዊታ ኦላንቻቱዋፐ አማራቱ ሀይቄድኖ፤ ሂትያ ኦርዮንካ ሀይቄዳ።
\p
\v 18 እዮኣበ ኦላን ሀኔዳባ ኡባ ዳዊታዉ ኪቴዳ። 
\v 19 ብያ ብታንያ እዮኣበ፥ “ኦላን ሀኔዳባ ኡባ ኔን ካትያዉ ኦዳ ዉርስሽን፥ 
\v 20 ኦን ኤሪ፥ ካቲ ሀንቁዋ ኤጽ ከሳና፤ ሀንቀቲደ ኔና፥ ‘ህንተ ኡንቱንቱና ኦለታናዉ ካታማኮ አያዉ ሎይ ሺቄድቴ? ኡንቱንቱ ግምቢያ ጼራና ዎንዳፍያን ዱካናዋ ኤርበይክተየ? 
\v 21 ጌዶና ናኣ አብመሌካ ኦን ዎዴ? ጋጭያ ማይድያ ግምቢያ ጼራና ዱገ ኦላደ፥ ተበጻ ግያ ሳኣን እት ማጫውና ዎዱ ግደኬ? ያትና፥ ህንተንቱ ግምቢያኮ አያዉ ሺቄድቴ?’ ያጊደ ኦችያዋ ግዶፐ ኔን ካትያ፥ ‘ነ ቆማይ፥ ሂትያ ኦርዮንካ ሀይቄዳ’ ያጋ” ያጊደ አዛዜዳ።\x - \xo 11:21 \xo*\xt ዳና. 9:53\xt*\x*
\p
\v 22 ኪተቴዳዌ ደንዲደ ብ ጋኪደ፥ እዮኣበ ባረና ኪቴዳዋ ኡባ ዳዊታዉ ኦዴዳ። 
\v 23 ብታኒ ዳዊታ፥ “ኑ ሞርከቱ ኑፐ ዎልቃ ሜድኖ፤ ኑናና ኦለታናዉ ካታማፐ ጋጻ ደምባ ከሴድኖ፤ ሽን ኑን ኡንቱንቱ ካታማ ፐንግያ ጋካናዉ፥ ጉየ ዛሪደ የደርሴዶ። 
\v 24 ሄዋፐ ጉይያን፥ ዎንዳፍያ ዱክያዋንቱ ግምቢያ ጼራና ነ ቆማቱዋ ቦላ ዱኬድኖ፤ ካትያ አሳቱዋፐ አማሬዳዋንቱ ሀይቄድኖ፤ ቃይ ነ ቆማይ፥ ሂትያ ኦርዮንካ ሀይቄዳ” ያጌዳ።
\p
\v 25 ዳዊተ ኪተቲደ ዬዳዋ፥ “ኔን እዮኣባ ሀዋዳን ያጋ፤ ‘ሀዎ ሀንቀቶፓ፤ አያዉ ጎፐ፥ ማሻይ እት ገደ ሀዋ፥ እት ገደ ቃይ ሀራ ዎዳ፤ ካታማ ኦላደ ኦይቃናዉ ምና’ ያጋደ አ ምን” ያጌዳ።
\p
\v 26 ኦርዮና ማቻታ ባረ አስናይ ሀይቄዳዋ ስሴዳ ዎደ፥ አዉ ዬካዱ። 
\v 27 እዛ ካዮትያ ዎዲ ፖለቶዋፐ ጉይያን፥ ዳዊተ እዞ ባረ ሶ ኪቲደ አህሴዳ። እዛ አዉ ማቻቶ ግዳዱ፤ ያታደ አዉ አቱማ ናኣ የላዱ። ሽን ዳዊተ ኦዳ ኪታይ መና ጎዳ ስንን ኢታባ ግዴዳ።
\c 12
\s1 ናታን አሄዳ ኪታነ ዳዊታ ናጋራ ፓጸ
\p
\v 1 መና ጎዳይ ናታና ዳዊታኮ ኪቴዳ፤ ናታን አኮ ዪደ፥ ሀዋዳን ያጌዳ፤ “እት ካታማን ላኡ አሳቱ ደኢኖ፤ ኡንቱቱፐ እቱ ዱረ፤ ቃይ እቱ ማንቁዋ።\x - \xo 12:1 \xo*\xt ማዝ. 51 (ሁጲያ)\xt*\x* 
\v 2 ዱረ ብታንያዉ ዳሮ ዶርሳይነ ሚዛይ ደኤ፤ 
\v 3 ሽን ማንቆ ብታንያዉ እ ሻሚደ ሄምያ እት ዶርሳ ማራትፐ ሀራባይ አያይነ ባዋ። ሄ ዶርሳታ አናናነ አ ናናቱዋና ድጫዱ፤ እዛ አ ቁማፐ ማዉ፤ አ ዋንጫፐ ኡሻዉነ አ ክዉዋን ግሳዉ። ሄ ዶርሳታ አዉ ማጫ ናኣ ማላ።
\p
\v 4 “እት ጋላስ እት እማይ ሄ ዱረ ብታንያ ሶ ዬዳ፤ ሽን ዱሪ ባረ ዶርሳፐ ዎይ ባረ ሚዛፐ አኪደ ሹኪደ፥ ባረ ሶ ዬዳ እማ ሞካናዉ ኮይቤና። እ ሄ ማንቆ ብታንያ ዶርሳቶ አኪደ፥ ሄ ሶ ዬዳ እማ ምዝያዋ ካዳ” ያጌዳ።
\p
\v 5 ዳዊተ ሄ ዱረ ብታንያ ቦላ ሀንቁዋ ኤጽ ከሲደ ናታና፥ “መና ጎዳይ ኤሮ! ሀዋ ኦዳ ብታኒ ሀይቃናዉ በሰ። 
\v 6 ቃይ እ ሄ ዶርሳ ማራት ድራዉ ኦይዱ ኩሽያ አደ ጭጋናዉ ኮሼ፤ አያዉ ጎፐ፥ ቃረታ ዪደ እ ሄዋ ኦዳ” ያጌዳ።
\p
\v 7 ናታን ዳዊታ፥ “ሄ ብታኒ ኔና! መና ጎዳይ እስራኤልያ ጾሳይ ሀዋዳን ያጌ፤ ‘ታን ኔና እስራኤልያ ቦላ ኦካደ ካተያድ፤ ሳኦላ ኩሽያፐካ ታን ኔና አሻድ፤ 
\v 8 ታን ነ ጎዳ ጎልያ ነዉ እማድ፤ ነ ጎዳ ማጫ አሳቱዋካ ነ ክዉዋን የጋድ፤ እስራኤልያ ጎልያ አሳነ ይሁዳ ጎልያ አሳ ታን ነዉ እማድ። ሀዌ ኡባይካ ጉጾፐ፥ ታን ነዉ ሀራካ ጉጃ እማና ሽን። 
\v 9 ሀዋ ማላ ኢታባ አ ስንን ኦደ፥ አያዉ መና ጎዳ ቃላ ካዲ? ሂትያ ኦርዮና ማሻን ዎዳ፤ ያታደ አ ማቻቶ ነዉ አካዳ። ኤ፥ አሞና አሳቱዋ ማሻን አ ዎዳ። 
\v 10 ኔን ታና ካደ፥ ሂትያ ኦርዮና ማቻቶ ነዉ አኬዳ ድራዉ፥ ነ ዛርያፐ ማሻይ ኡባካ ሻከተና’ ያጌ።
\p
\v 11 “ሄዋ ድራዉ መና ጎዳይ፥ ‘ታን ነ ሶ አሳ ግዶፐ ነ ቦላ ኢታባ አሀና፤ ነ ማቻቱዋ ኔን ጼልሽን ደንደ፥ ነዉ ማታትያ ኡራዉ እማና፤ ሴታ ጋላሳን ሄ ብታኒ ነ ማጫ አሳቱዋና ግሳናዋ።\x - \xo 12:11-12 \xo*\xt 2 ሳሜላ 16:22\xt*\x* 
\v 12 ኔን ሄዋ ጌማን ኦዳ፤ ሽን ታን ሀዋ ሴታ ጋላስ እስራኤልያ አሳ ኡባ ስንን ኦና’ ያጌ” ያጌዳ።
\p
\v 13 ዳዊተ ናታና፥ “ታን መና ጎዳ ቦላ ናጋራ ኦ ክቻድ” ያጌዳ።
\p ናታን፥ “መና ጎዳይካ ነ ናጋራ አቶ ግ ድጌዳ፤ ኔን ሀይቃካ። 
\v 14 ኔን ሀዋ ኡዳደ፥ መና ጎዳ ሞርከቱ አ ካናዳን ኦዳ ድራዉ፥ ነዉ የለቴዳ ናአይ ሀይቃና” ያጌዳ።
\p
\v 15 ናታን ባረ ሶ ቤዳዋፐ ጉይያን፥ ኦርዮና ማቻታ ዳዊታዉ የሌዳ ናኣ መና ጎዳይ ሾጭና እ ሀርጌዳ። 
\v 16 ዳዊተ ሀ ናአዉ ጾሳ ዎሴዳ፤ ዳዊተ ካ ሜናን ጾሜዳነ ባረ ሶ ገሊደ፥ ቃማ ቃማ ቢታን ግስ አቄዳ። 
\v 17 አ ሶ ጭማቱ አ ቢታፐ ደንናዉ አ ማታን ኤቄድኖ፤ ሽን ቢታፐ ደንደናን እጼዳ፤ እ ኡንቱንቱና ቁማ ምቤና።
\p
\v 18 ላፑን ጋላስ ናአይ ሀይቄዳ። ዳዊታ ቆማቱ ናኣ ሀይቁዋ ኦዳናዉ ያዬድኖ፤ “ናአይ ፓጻ ደእሽን ኑን ዳዊታ ሃሳይሴዶ፤ ሽን ስሰናን እጼዳ። ያትና፥ ናአይ ሀይቄዳዋ ኑን አዉ ዋቲደ ኦዳናዉ ዳንዳየቶ? ኦን ኤሪ፥ እ ባረና ቆሀነንቶነ” ያጌድኖ።
\p
\v 19 ባረ ቆማቱ እቱ እቱዋና ሳሱከትያዋ ዳዊተ በኤዳ ዎደ፥ ቄር ናአይ ሀይቄዳዋ ኤሬዳ። ዳዊተ ኡንቱንታ፥ “ቄር ናአይ ሀይቄዴ?” ያጊደ ኦቼዳ።
\p ኡንቱንቱ፥ “ኤ ሀይቄዳ” ያጌድኖ።
\p
\v 20 ዳዊተ ቢታፐ ደንድ ኤቄዳ። ሜጨቲደ፥ ኦከቲደነ ባረ ማዩዋ ላሚደ፥ መና ጎዳ ጎልያ ገሌዳ፤ ጎይኔዳ። ሄዋፐ ጉይያን ባረ ሶ ቢደ፥ ቁማ ኦችና ኡንቱንቱ አ ስን አድኖ፤ ቁማ ሜዳ።
\p
\v 21 አ ቆማቱ አ፥ “ኔን ሀዋዳን አያዉ ሀናድ? ናአይ ፓጻ ደእሽን ጾማዳነ ዬካዳ፤ ሽን ናአይ ሀይቂና ደንዳደ፥ ቁማ ማዳ!” ያጌድኖ።
\p
\v 22 ዳዊተ ኡንቱንታ፥ “ናአይ ፓጻ ደእሽን ታን ጾማድነ ዬካድ፤ አያዉ ጎፐ፥ ‘ኦን ኤሪ፥ መና ጎዳይ ታና ማርና፥ ናአይ ፓጻነንቶነ’ ያጋደ ቆፓድ። 
\v 23 ሽን ናአይ ሀእ ሀይቂና፥ ታን አያዉ ጾሞ? ታን ናኣ ጉየ ዛራና ዳንዳያይታ? ታን አኮ ባናፐ አትና፥ እ ታኮ ስመና” ያጌዳ።
\p
\v 24 ሄዋፐ ጉይያን፥ ዳዊተ ባረ ማቻቶ በርሳቤሆ ምንዳ። ዳዊተ ኢኮ ገሊደ እዝና አቄዳ፤ ያትና፥ አ አዉ አቱማ ናኣ የላዱ፤ ናኣ ሶሎሞና ሱንዳ፤ መና ጎዳይ ሄ ናኣ ሲቄዳ። 
\v 25 መና ጎዳይ ናኣ ሲቄዳ ድራዉ፥ ናኣ “ይዲድያ” ጊደ ሱንና ማላ፥ ትምቢትያ ኦድያ ናታና ቦላ ኪቴዳ።
\ms ዳዊታ መቱዋነ ቱጋ
\mr (2 ሳሜላ 12:26—20:26)
\s1 ዳዊተ ራባ ካታማ ኦሊደ ኦይቄዳ
\r (1 ኦዱዋ 20:1-3)
\p
\v 26 ሄ ዎደ ዮኣበ አሞናቱዋ ካታማ ራባ ኦለቲደ፥ ካትያ ጌሱዋ ኦይቄዳ። 
\v 27 እዮኣበ ዳዊታኮ ኪታ የዲደ፥ “ታን ራባ ካታማ ኦላደ፥ ሃ ዱቂያ ሳኣ ኦይቃድ። 
\v 28 ሄዋ ድራዉ፥ አቴዳ ኦላንቻቱዋ ሺሻደ ካታማ ኦላደ ኦይቃ። ሄዌ ዮፐ፥ ታን ካታማ ኦይቃይ። ያቶፐ፥ እ ታ ሱንን ጼገታና” ያጌዳ።
\p
\v 29 ዳዊተ ባረ ኦላንቻቱዋ ኡባ ሺሺደ፥ ራባ ካታማ ቢደ፥ ኦለቲደ ኦይቄዳ። 
\v 30 ኡንቱንቱ ካትያ ካላቻካ አ ሁጲያፐ አኬዳ። ሄ ዎርቃ ካላቻይ ሀታማነ ኦይዱ ኪሎ ግራምያ ዴጼ፤ አ ግዶን አልኦ ሹቻይ ደኤ። ሄ ካላቻ ዳዊታ ሁጲያን ዎዳ። ካታማፐ ሎይ ዳሮ ኦሞዱዋ ዳዊተ ኦሞዲደ አሄዳ። 
\v 31 ሄ ካታማ አሳ ያፐ ከሲደ፥ ማጋዝያን፥ ብራታ ሻልክያንነ ብራታ ካልታን ኦናዳን ኦዳ፤ ቃይ ኡንቱንታ ኡርቃፐ ጹብያ መናዳን ኦዳ። አሞናቱዋ ካታማቱዋ ኡባን ደእያ አሳ እ ሄዋዳን ኦዳ። ሄዋፐ ጉይያን፥ ዳዊተነ አ ኦላንቻቱ ኡባይ የሩሳላመ ስሜድኖ።
\c 13
\s1 አምኖናነ ታማሮ
\p
\v 1 እት ዎደ ሀዋዳን ሀኔዳ። ዳዊታ ናኣ አበሰሎማዉ ታማሮ ግያ እት ማላ ሎኦ ምቻታ ደአዉ፤ ዳዊታ ናአይ አምኖን ታማሮ ሲቄዳ። 
\v 2 አ ምቻታ ታማራ ዎዶሮ ግዴዳ ድራዉነ እ እዞ አይነ ኦናዉ ዳንዳየናባ አዉ ማላቴዳ ድራዉ፥ አምኖን ታማሮ ቆፒደ ግልቄዳ።
\p
\v 3 ሽን አምኖናዉ ዳዊታ እሻ ሻማ ናኣ ዮናዳባ ጌተትያ ላጊ ደኤ፤ ዮናዳብ ዳሮ ሂላንቻ አሳ። 
\v 4 ዮናዳብ አምኖና፥ “ኔን ካትያ ናኣ፤ ያትና፥ ጋላስ ጋላስ አያዉ ግልቃይ? ኔን ታዉ አያዉ ኦድኪ?” ያጊደ ኦቼዳ።
\p ሽን አምኖን አ፥ “ታ እሻ አበሰሎማ ምቻቶ ታማሮ ታን ዶሳይ” ያጌዳ።
\p
\v 5 ዮናዳብ አምኖና፥ “ባ፤ ሳከትያዋ ማላታደ ግሱዋን ግሳ ባሻ። ነ አዉ ኔና በአናዉ ይያ ዎደ፥ ‘ታ ምቻታ ታማራ ያደ ታዉ ምያባ እሙ፤ ታን እዞ ጼልሽን ቁማ ታ ስንን ካደ ታና ባርሱ’ ያጋደ ኦቻ” ያጌዳ።
\p
\v 6 አምኖን ሳከቴዳዋ ማላት ቢደ ግሱዋን ግሴዳ። ካቲ አ በአናዉ ዬዳ ዎደ፥ አምኖን አ፥ “ታ ምቻታ ታማራ ያደ፥ ታዉ እት ሎኦ ኡክ ታ ጼልሽን ኡካንቶነ ታን እ ኩሽያፐ ምንቶ ዶሳይ ሽን” ያጌዳ።
\p
\v 7 ዳዊተ ታማርኮ ካትያ ሶ ኪቲደ፥ “ነ እሻ አምኖና ሶ ሀእ ባደ፥ አዉ ቁማ ካ” ያጌዳ። 
\v 8 ታማራ ባረ እሻ አምኖና ሶ ባዱ፤ ሄ ዎደ እ ግሴዳ። ታማራ አማሬዳ ልያ ሙናቃደ፥ አምኖን ጼልሽን ኡክ ኡካዱ። 
\v 9 ታማራ ባሽያፐ ኡክ ከሳደ አዉ አዱ፤ ሽን እ ሜናን እጼዳ።
\p አምኖን፥ “አሳ ኡባ ሀዋፐ ከስ ድግተ” ያጌዳ፤ አሳይ ኡባይ አ ማታፐ ከሴዳ። 
\v 10 ሄዋፐ ስሚደ አምኖን ታማሮ፥ “ታን ነ ኩሽያፐ ማናዳን ቁማ ሃ ታ ሲርጻ አካደ ያ” ያጌዳ፤ ታማራ ባረ ኡኬዳ ኡክ አካደ፥ ባረ እሻ አምኖና ሲርሳ ገልሳዱ። 
\v 11 ታማራ ቁማ አኮ ሺሼዳ ዎደ፥ እዞ ኦይቂደ፥ “ታ ምቻተ፥ ሃያ! ታናና ግሳ” ያጌዳ።
\p
\v 12 እዛ፥ “ታ እሻዉ፥ ክቻ ሀነና! ታና ዎልቃንፓ! ሀዋ ማላባይ እስራኤልያ ቢታን ኦሰታናዉ በሰናባ፤ ሀዋ ማላ ኢታባ ኦፓ። 
\v 13 ታ ፖኩዋ ታን ዋታደ ገንናዉ ዳንዳያይታ? ቃይ ኔንካ እስራኤልያ ግዶን ካዉሻ አሳ ግዳና። ሀያና ካትያ ሀእ ኦቻ። እ ታን ኔና ገላናዉ ድገና” ያጋዱ። 
\v 14 ሽን እዛ ኦድያዋ ስሰናን እጼዳ። እ ኢፐ ዎልቃማ ግድያ ድራዉ፥ እዞ ዎልቃን ኦይቂደ ባይዜዳ።
\p
\v 15 ሄዋፐ ጉይያን፥ አምኖን እዞ ሎይ እጼዳ፤ ካሰ እዞ ሲቄዳዋፐ አደ እጼዳ። አምኖን እዞ፥ “ከሳ! ከሳደ ባ!” ያጌዳ።
\p
\v 16 እዛ፥ “ቢከ! ኔን ታና ሀእ ካረ የደርስያ ባላይ ኔን ሀኖ ጋካናዉ ታ ቦላ ኦዳ ባላፐ አ” ያጋዱ።
\p ሽን እ እዝዉ ስሰናን እጼዳ። 
\v 17 አምኖን ባረ ቆማ ጼሲደ፥ “ሀ ምሽራቶ ታ ስንፐ ከሳ፤ እዞ ካረ ከሳ ድጋደ፥ ካርያ ጎርዳ” ያጌዳ። 
\v 18 ቆማይ ምሽራቶ ካረ ከሲደ፥ ካርያ ጎርዴዳ።
\p አ ዳሮ አሌቁዋና ደእያ ማዩዋ ማያዱ፤ አያዉ ጎፐ፥ ካትያ ማጫ ናናይ ዎዶራቱ ሄዋ ማላ ማዩዋ ማዪኖ። 
\v 19 ታማራ ብድን ባረ ሁጲያን ቆላደ፥ ባረ ማዬዳ አሌቁዋና ደእያ ማዩዋ ፔዱ፤ ባረ ሁጲያ ኦይቃደ፥ ዋሱዋ ጹላደ ባዱ።
\p
\v 20 እ እሻ አበሴሎም እዞ በኤዳ ዎደ፥ “ነ እሻይ አምኖን ኔና ባይዜዴ? ታ ምቻተ፥ ኔን ሀእ ጮኡ ጋ። እ ነ እሻ፤ ሀ የዉዋ ኔን ኡሉዋን ኦይቆፓ” ያጌዳ። ሄዋ ድራዉ፥ ታማራ ካዮታደ ባረ እሻ አበሰሎማ ሶን፥ አሳን ጋከተናን ደኣዱ።
\p
\v 21 ካቲ ዳዊተ ሀ የዉዋ ስሴዳ ዎደ፥ ሎይ ሀንቀቴዳ። 
\v 22 አበሴሎም አምኖናዉ ማልኡዋ ጫሙዋካ ቃትቤና። ባረ ምቻቶ ታማሮ ባይዜዳ ድራዉ፥ አምኖና ሞርኬዳ።
\s1 አበሴሎም አምኖና ዎዳ
\p
\v 23 ላኡ ላይፐ ጉይያን፥ ኤፍሬማ ዛዋ ማታን ባኦል-ሀጾራ ግያ ሳኣን አበሴሎም ዶርሳ እስክያ ሜድሴ፤ ካትያ ናናይ ኡባይ ሄ ሳኣ ያናዳን አበሴሎም ኡንቱንታ ጼሴዳ። 
\v 24 አበሴሎም ካትያኮ ዪደ፥ “ታ ካትያዉ፥ ታን ነ ቆማይ ታ ዶርሳቱዋ እስክያ ሜድሳይ፤ ኔንነ ነ ኦሳንቻቱ ኑናና ደንዴርክተ!” ያጌዳ።
\p
\v 25 ካቲ አበሰሎማ፥ “ቱይት ታ ናአዉ! ኑን ኡባይ ቦፐ፥ ነዉ ቶኮ ግዳናዋ” ያጌዳ። አበሴሎም ካትያ ዳሮፐ ሾቤዳ፤ ካቲ ቡሳ እጼዳ፤ ሽን አበሰሎማ አንጄዳ።
\p
\v 26 አበሴሎም ካትያ፥ “ኔን ባና ዮፐ፥ ታ እሻ አምኖን ኑናና ቦ” ያጌዳ።
\p ካቲ፥ “እ ኔናና አያዉ ባኔ?” ያጌዳ። 
\v 27 ሽን አበሴሎም ሾቢደ አገናን እጽና፥ ዳዊተ አምኖናነ ባረ አቱማ ናና የንኮቱዋ አናና የዴዳ።
\p
\v 28 አበሴሎም ባረ ቆማቱዋ፥ “ስስተ! አምኖን ዎይንያ ኤሳ ኡሺደ ካልያ ዎደነ ታን ህንተንታ፥ ‘አምኖና ሾጭተ’ ያግያ ዎደ፥ ህንተንቱ አ ዎተ። ያዮፕተ! ህንተና አዛዜዳዌ ታና። ምንተ! ጻልተ!” ያጊደ አዛዜዳ። 
\v 29 አበሰሎማ ቆማቱ እ አዛዜዳዋዳን አምኖና ኦድኖ። ሄዋፐ ጉይያን፥ ካትያ አቱማ ናናይ ኡባቱ ደንዲደ፥ ባረንቱ ባቁሉዋ ባቁሉዋ ቶጊደ ባቃቴድኖ።
\p
\v 30 ኡንቱንቱ ብሮ ኦግያን ደእሽን፥ “አበሴሎም ካትያ ናና ኡባ ዉርሴዳ፤ ኡንቱቱፐ እቱነ አትቤና” ጌተትያ ኦዱ ዳዊታኮ ጋኬዳ። 
\v 31 ካቲ ደንድ ኤቂደ፥ ካዮ ባረ ማዩዋ ፔዳ፤ ያቲደ ቢታን ግሴዳ። አ ቆማቱ ኡባቱካ ባረንቱ ማዩዋ ፔደ፥ አ ማታን ኤቄድኖ።
\p
\v 32 ዳዊታ እሻ ሻማ ናአይ ዮናዳብ፥ “ታ ጎዳዉ፥ ኡንቱንቱ ካትያ ናና ኡባ ዎ ድጌድኖ ጋደ ቆፖፓ፤ አምኖና ጻላላይ ሀይቄዳ። አያዉ ጎፐ፥ አምኖን ባረ ምቻቶ ታማሮ ባይዜዳ ጋላሳፐ ዶሚደ፥ አበሴሎም አ ቦላን ፖላናዉ ሀልቼዳዋ ግዴዳ። 
\v 33 ሀእካ ታ ጎዳይ ካቲ ባረ ዎዛናን፥ ‘ካትያ ናናይ ኡባቱ ሀይቄድኖ’ ያጊደ ኦዴዳ ኦዱዋ ቱማ ጎፖ፤ አምኖና ጻላላይ ሀይቄዳ” ያጌዳ።
\p
\v 34 ሄ ዎደ አበሴሎም ባቃቴዳ።
\p ናግያ ብታኒ ቁ ጊደ ጼልያ ዎደ፥ ባረፐ አዋይ ዉልያ ባጋና ደእያ ኦግያና ደርያ ላንቂያ ኦይቂደ፥ ጮራ አሳይ ይያዋ በኢደ ካትያዉ ኦዴዳ። 
\v 35 ሄ ዎደ ዮናዳብ ካትያ፥ “በአ! ታን ነ ቆማይ ኦዴዳዋዳን ካትያ ናናይ ዬድኖ” ያጌዳ።
\p
\v 36 እ ሃሳዪደ ዉርስና ካትያ ናናይ ገሊደ ባረንቱ ቃላ ቁ ኦደ ዋሴድኖ። ቃይ ካቲነ አ ኦሳንቻቱ ኡባይ ይባታ ዬኩዋ ዬኬድኖ።
\p
\v 37 አበሴሎም ባቃቲደ፥ አምሁዳ ናኣ ታልማያኮ፥ ጋሹራ ቢታ ካትያኮ ቤዳ፤ ሽን ካቲ ዳዊተ ኡባ ጋላስ ባረ ናአዉ ዬኬዳ።\x - \xo 13:37 \xo*\xt 2 ሳሜላ 3:3\xt*\x*
\p
\v 38 አበሴሎም ባቃቲደ ጋሹራ ጋድያ ቤዳዋፐ ጉይያን፥ ያን ሄዙ ላይ ደኤዳ። 
\v 39 ካቲ ዳዊተ አበሰሎማ በአናዉ አሞቴዳ፤ አያዉ ጎፐ፥ አምኖና ሀይቆ ካዮትያዋፐ እ ምነቴዳ።
\c 14
\s1 አበሴሎም የሩሳላመ ስሜዳ
\p
\v 1 ጻሩይ ናአይ እዮኣበ ካቲ ዳዊተ አበሰሎማ ላሞቴዳዋ ኤሬዳ። 
\v 2 ሄዋ ድራዉ፥ ዮኣበ ታቆአ ካታማ ኪቲደ፥ ያፐ እት ኤራንቻ ምሽራቶ አህሲደ እዞ፥ “ኔን ካዮትያ አሳዳን ሀና፤ ካዩዋ ማዩዋ ማያ፤ ሽጭስያዋ ኦከቶፓ፤ ዳሮ ዎደፐ ዶሚደ፥ ሀይቄዳ አሳዉ ካዮትያ ማጫ አሳዳን ሀና። 
\v 3 ያታደ ካትያኮ ባደ ሀ ቃላቱዋ አዉ ኦዳ” ያጌዳ። እዮኣበ አ ካትያዉ ኦዳናዋ እዝዉ ኦዴዳ።
\p
\v 4 ታቆአ ካታማ ምሽራታ ካትያኮ ቤዳ ዎደ፥ ቢታን ግሳ ጉፋናደ፥ “ካትያዉ፥ ታና ማዳርኪ!” ያጋዱ።
\p
\v 5 ካቲ እዞ፥ “ኔና አዬ መቴዳዌ?” ያጊደ ኦቼዳ።
\p እዛ፥ “ታን አስናይ ሀይቄዳ ማጫ አሳ። 
\v 6 ታዉ ነ ቆማትዉ ላኡ አቱማ ናናይ ደኢኖ። ኡንቱንቱ እቱ እቱዋና ደምባን ዋቴድኖ፤ ኡንቱንታ ሻካናዉ እት አሳይነ ይና፥ እቱ የንኩዋ ሾጪደ ዎዳ። 
\v 7 ሀእ ታ ዳቦቱ ኡባይ ታ ቦላ ደንዲደ፥ ‘ባረ እሻ እ ዎዳ ድራዉ፥ ኑን አ ዎናዳን ባረ እሻ ዎዳዋ ኑዉ ሀማ፤ ያቲደ ኑን ላትያዋ ይሳና ያጌድኖ።’ ያቶፐ፥ ኡንቱንቱ ታዉ ላታዉ አቴዳ እት ጺፋ ቶይሲኖ፤ ታ አስና ሱንካ አ ዘረ ቢታፐ ይሲኖ” ያጋዱ።
\p
\v 8 ካቲ ሄ ምሽራቶ፥ “ነ ሶ ባ፤ ታን ነዉ አዛዛና” ያጌዳ።
\p
\v 9 ሽን ታቆአ ካታማ ምሽራታ ካትያ፥ “ታ ጎዳዉ ካትያዉ፥ ጎሚ ታናነ ታ አዉዋ ጎልያ አሳ ኦይቆ፤ ሽን ካቲነ አ ካዉተ አራታይ ጌሻ ግዶ” ያጋዱ።
\p
\v 10 ካቲ ምሽራቶ፥ “ነ ቦላ ቃላ ቃትያ ኦናነ ታኮ አሀ፤ እ ኔና ላኤን ቦቼና” ያጌዳ።
\p
\v 11 ምሽራታ ካትያ፥ “ሱ አችያዌ ባሻ ቦላ ባሻ ጉጀናዳንነ ታ ናኣካ ዎናዳን ካቲ መና ጎዳ ባረ ጾሳ ሱንን ታዉ ጫቆ” ያጋዱ።
\p ካቲ እዞ፥ “መና ጎዳይ ኤሮ! ነ ናኣ ሁጲያ ብናናፐ እቱካ ቢታን ዎና” ያጌዳ።
\p
\v 12 ሄዋፐ ጉይያን፥ ምሽራታ ካትያ፥ “ታ ጎዳ ካትያዉ ታን እት ቃላ ሃሳያይ” ያጋዱ።
\p ካቲ፥ “ሃሳያ” ያጌዳ።
\p
\v 13 ሄ ምሽራታ ካትያ፥ “ያትና፥ ኔን ጾሳ አሳ ቦላ ሀዋ ማላ አያዉ ኦዲ? ካቲ የደርሰዳ ባረ ናኣ ጉየ ዛርቤና ድራዉ፥ ባረ ሃሳዬዳ ቃላዉ ካቲ ባይዛንቻ ግደኔ? 
\v 14 ኑን ኡባይ ሀይቃና፤ ቢታን ጉኬዳ ሃይ ስመናዋዳን፥ ኑን ላኤን ስሞኮ። ሽን ጾሳይ ቦሄቴዳ አሳይ ኡባካ የና ማላ፥ አዉ ኦግያ ጊግሴፐ አትና፥ እ ጮ ያናዳን ኮየና።
\p
\v 15 “ታና አሳይ ያሽስያ ድራዉ፥ ታ ጎዳዉ ካትያዉ ታን ሀዋ ኦዳናዉ ሀእ ያድ። ታን ነ ቆማታ፥ ‘ታን ካትያዉ ሃሳያና፤ ኦን ኤሪ፥ ታን አ ቆማታ ኦችያዋ ካቲ ፖላነንቶነ፤ 
\v 16 ጾሳይ ኑዉ እሜዳ ላታፐ ታናነ ታ ናኣ ይሳናዉ ኮይያ አሳ ኩሽያፐ ካቲ ስሲደ አሻነንቶነ’ ያጋደ ቆፓይ። 
\v 17 ቃይካ ታን ነ ቆማ፥ ‘ሎኡዋነ ኢታ ሻካናዉ ታ ጎዳይ ካቲ ጾሳ ኪታንቻ ማላ ግድያ ድራዉ፥ ታ ጎዳ ካትያ ቃላይ ታና ዎፕሶ። መና ጎዳይ ነ ጾሳይ ኔናና ግዶ’ ያጋይ” ያጋዱ።\x - \xo 14:17 \xo*\xt 2 ሳሜላ 19:27\xt*\x*
\p
\v 18 ካቲ ምሽራትዉ፥ “ታን ኔና ኦቻና ሀንያባ ዛሩዋ ኔን ታፐ ቆሶፓ” ያጌዳ።
\p ምሽራታ፥ “ታ ጎዳይ ካቲ ሃሳዮ” ያጋዱ።
\p
\v 19 ካቲ ምሽራቶ፥ “ሄዋን ኡባን እዮኣባ ኩሺ ኔናና ደኢ?” ያጊደ ኦቼዳ።
\p ምሽራታ፥ “ታ ጎዳዉ ካትያዉ፥ ነ ሸምፑ ኤሮ! ኔን ታ ጎዳይ ካቲ ሃሳዬዳ ኡባባፐ ኡሸቻ ዎይ ሀድርሳ ጋናዉ ዳንዳይያ እት አስካ ባዋ። ኤ፤ ሀዋ ታና አዛዜዳዌ፥ ታ ዶናን፥ ነ ቆማት ዶናን ሀዋ ዎዳዌ ነ ቆማ እዮኣባ። 
\v 20 ሀእ ደእያ ሀኖታ ላማናዉ ነ ቆማይ እዮኣበ ሀዋ ኦዳ። ጾሳ ኪታንቻዉ ደእያ አዳ ኤራ ማላይ ታ ጎዳዉ ደኤ፤ ቢታን ሀንያዋ ኡባባ እ ኤሬዳ” ያጋዱ።
\p
\v 21 ካቲ እዮኣባ፥ “ዳሮ ሎአ! ታን ሀዋ ኦና! ባ፤ ሄ ያላጋ ብታንያ አበሰሎማ አካደ ያ” ያጌዳ።
\p
\v 22 እዮኣበ ካትያ ስንን ግስ ጉፋኒደ፥ ካትያ ሀዋዳን ያጊደ አንጄዳ፤ “ታ ጎዳዉ ካትያዉ፥ ነ ስንን ናሸቴዳዋ ነ ቆማይ ሀቼ ኤሬዳ፤ አያዉ ጎፐ፥ ካቲ ባረ ቆማይ ኦቼዳዋ ስሴዳ” ያጌዳ።
\p
\v 23 ሄዋፐ ጉይያን፥ ዮኣበ ደንዲደ ጋሹራ ጋድያ ቢደ አበሰሎማ የሩሳላመ አክ ዬዳ። 
\v 24 ሽን ካቲ፥ “እ ባረ ሶ ባናዉ በሰ፤ እ ታ ዴሙዋ በኦፖ” ያጌዳ፤ አበሴሎም ባረ ሶ ቤዳ፤ ካትያ ዴሙዋካ በእቤና።
\s1 ዳዊተ አበሴሎማና ስገቴዳ
\p
\v 25 እስራኤልያ ኡባ ግዶን ማላ ሎኡነ አበሴሎማዳን ሳበቴዳ እት አሳይነ ባዋ። አ ሁጲያፐ ቢደ ገድያ ጹጉንይ ጋካናዉካ አን ካያባይ ባዋ። 
\v 26 እ ባረና ዴጽያ ዎደ ባረ ሁጲያ ብናና ቃንጽሴ፤ ባረ ሁጲያ ብናና ቃንጽስያ ዎደ ኡባን ሚዛንያን ዎደ ማዛኔ፤ ካትያ ሚዛና ልክያን ላኡ ክሎነ ሄዙ ጼቱ ግራምያ ዴጼ። 
\v 27 አበሰሎማዉ ሄዙ አቱማ ናናይነ እት ማጫ ናታ የለቴድኖ፤ ማጫ ናት ሱንይ ታማሮ፤ ሄ ናታ ማላ ሎኦ ማጫ አሳ ግዳዱ።
\p
\v 28 አበሴሎም ላኡ ላይ ኩመን ካትያ ዴሙዋ በኤናን የሩሳላመን ደኤዳ። 
\v 29 “ታን ኔና ካትያኮ ኪታና ማላ፥ ታኮ ሃያ” ያጊደ አበሴሎም እዮኣባዉ ኪቴዳ፤ ሽን እዮኣበ ዬናን እጼዳ። ላኤንዋካ ኪቴዳ፤ ሽን እዮኣበ አኮ ዬናን እጼዳ። 
\v 30 ሄዋፐ ጉይያን፥ አበሴሎም ባረ ቆማቱዋ፥ “ስስተ! ታ ጎሻ ማታን እዮኣባዉ ጎሻይ ደኤ፤ አዉ ሄዋን ባንጋይ ደኤ። ቢደ ታማ ኦይተ” ያጌዳ። አበሰሎማ ቆማቱ እዮኣባ ባንጋ ታማ ኦይድኖ።
\p
\v 31 ያትና፥ እዮኣበ ደንዲደ፥ አበሰሎማ ሶ ቢደ “ነ ቆማቱ ታ ባንጋ አያዉ ታማ ኦይድኖ?” ያጌዳ።
\p
\v 32 አበሴሎም እዮኣባ፥ “ኔን ታን ኪትና ዬናን እጼዳ ድራሳ። ኔን ካትያኮ ባደ፥ ‘አበሰሎም ሀዋዳን ያጌ፤ “ታን ጋሹራ ጋድያፐ አያዉ ያድታ? ታን ሀኖ ጋካናስካ ያን ደኤዳዋ ግድንቶ ታዉ ሎአ ሽን” ያጌ’ ጋደ ታዉ ኦቻናዳን ኮያድ። ሀእካ ታን ካትያ ዴሙዋ በአናዉ ኮያድ፤ ታን ባይዛንቻ ግዶፐ፥ እ ታና ዎ” ያጌዳ።
\p
\v 33 እዮኣበ ካትያኮ ቢደ፥ አበሴሎም ጌዳዋ ኦዴዳ። ካቲ አበሰሎማ ጼስስና አበሴሎም ሶ ገሊደ፥ ካትያ ስንን ሳኣን ግሲደ ጎይኔዳ፤ ያትና፥ ካቲ አበሰሎማ የሬዳ።
\c 15
\s1 አበሰሎማ ማቁዋ
\p
\v 1 ሄዋፐ ጉይያን፥ አበሴሎም ፓራ ጋርያ፥ ፓራቱዋነ ባረ ስንን ዎጻናዉ እሻታሙ አሳቱዋ ጊግሴዳ። 
\v 2 አበሴሎም ዎንታ ጉራና ደንዲደ፥ ካታማ ፐንገ አፍያ ኦግያ ዶናን ኤቄ። ሞቱ ደእያ አይ አሳይነ ካትያ ስን ፕርዳዉ ዬዳ ዎደ፥ አበሴሎም ሄ ብታንያ ጼሲደ፥ “ኔን ሀቃ ካታማፐ ያድ?” ያጊደ ኦቼ። ሄ ብታኒ፥ “ታን ነ ቆማይ እስራኤልያ ዛራቱዋፐ እቱዋፐ ያድ” ያጊደ አዉ ዛሬ። 
\v 3 አበሴሎም አ፥ “በአ! ነ የዉ ሎአነ ሱረ፤ ሽን ካትያ ባጋፐ ነዉ ስስያዌ ባዋ” ያጌ። 
\v 4 አበሴሎም ጉጂደካ፥ “ታን እስራኤልያ ቢታን ፕርዳናዉ ሱንቴዳዋ ግዳርክታሻ! ሄዋ ግድንቶ፥ ሞቱ ዎይ የዉ ደእያ ኡባይ ታኮ ዪና፥ ታን አዉ ሱረ ፕርዳ ፕርዳና ሽን” ያጌ።
\p
\v 5 ኦንነ አኮ ዪደ አዉ ሆክያ ዎደ፥ አበሴሎም ባረ ኩሽያ የዲደ፥ ሄ ኡራ ኦይቂደ የሬ። 
\v 6 ፕርደታናዉ ካትያኮ ይያ እስራኤለቱዋ ኡባዉ አበሴሎም ሄዋዳን ሀኔዳ፤ ያቲደ እስራኤልያ አሳ ዎዛና አበሴሎም ዉኤዳ።
\p
\v 7 ኦይዱ ላይፐ ጉይያን፥ አበሴሎም ካትያ፥ “ታን መና ጎዳዉ ሺቄዳዋ ጋናዉ ከብሮነ ጋድያ ባና። 
\v 8 ታን ነ ቆማይ ጋሹራ ጋድያን ሶርያ ቢታን ደኣደ፥ ‘ታና መና ጎዳይ የሩሳላመ ጉየ አፍያዋ ግዶፐ፥ ከብሮነ ካታማን ታን መና ጎዳዉ ጎይናና’ ያጋደ ሺቃ ኡታድ” ያጌዳ።
\p
\v 9 ካቲ አበሰሎማ፥ “ሳሮ ባ” ያግና፥ እ ደንዲደ ከብሮነ ካታማ ቤዳ።
\p
\v 10 ሽን አበሴሎም እስራኤልያ ዛራቱዋ ኡባኮ ቆሱዋን ኪታ የዲደ፥ “ማላካታ ፑና ህንተንቱ ስሴዳ ዎደ፥ ‘አበሰሎም ከብሮናን ካተቴዳ’ ያግተ” ያጌዳ። 
\v 11 አበሴሎም ጼስና፥ የሩሳላመፐ አናና እትፐ ቤዳ እማቱ ላኡ ጼቱ አሳ፤ ሄ አሳቱ አይነ ኤረናን ጮ አሽከተን ቤድኖ። 
\v 12 አበሴሎም ያርሹዋ ያርሺደ፥ ዳዊታ ዞርያ አክጾፌላ ጊሎ ካታማፐ ጼስሴዳ፤ ካትያ ቦላ ደንዴዳ ማቁ ጎቤዳ፤ አበሰሎማ ካልያዋንቱካ ጮራት ጮራት ቤድኖ።
\s1 ዳዊተ የሩሳላመፐ ባቃቴዳ
\p
\v 13 እት ኪተቴዳዌ ዪደ ዳዊታ፥ “እስራኤልያ አሳ ዎዛናይ አበሰሎማኮ ስም ክቼዳ” ያጌዳ።
\p
\v 14 ሄዋፐ ጉይያን፥ ዳዊተ ባረናና እትፐ የሩሳላመን ደእያ ባረ ኦሳንቻቱዋ፥ “ደንድተ! ኑን ባቃቶይተ! ሄዌ ዮፐ፥ ኑ ግዶፐ አይ አሳይነ አበሰሎማፐ ከስ አከና። ኑን ኤሌሊደ ባና ኮሼ፤ ሄዌ ዮፐ፥ እ ኤሌል ዪደ ኑና ይሳና፤ ኑ ካታማ ማሻን ቡሳካና” ያጌዳ።
\p
\v 15 ካትያ ኦሳንቻቱ አ፥ “ኔን ኑ ጎዳይ ካቲ ዶሬዳ ኡባባ ኑን ነ ቆማቱ ኦናዉ ጊግ ኡቴዶ” ያጌድኖ።
\p
\v 16 ካቲ ከሲደ ቤዳ፤ አ ሶ አሳይ ኡባይ አናና እትፐ ቤዳ፤ ሽን ባረ ጎልያ ናጋናዳን ታሙ ባኮቱዋ አሼዳ። 
\v 17 ካቲ ከስና፥ አሳይ ኡባይ አናና ቤዳ፤ ካታማዉ ዉርሰ ጎልያ ላንቂያን ኤቄድኖ። 
\v 18 አ ኦሳንቻቱ ኡባይ አፐ ስንና ሳልፒደ አድኖ፤ ኡንቱንታ ካሊደ ካትያ ናግያዋንቱ (ካልታዋቱነ ፓልታዋቱ) ሳልፔድኖ፤ ቃይ ኡንቱንታ ካሊደ ጋተ ካታማፐ ዬዳ ኡሱፑን ጼቱ አሳቱ፥ ካትያ ስንና ሳልፒደ አድኖ።
\p
\v 19 ካቲ ጋትያ እታያ፥ “ኔን ኑናና አያዉ ያይ? ጉየ ስማደ፥ ካትያ አበሰሎማና ደአሻ። ኔን አሳ ቢታ አሳ፤ ኔን በተ። 
\v 20 ኔን ሳኣ ዝኖ ያዳ፤ ታን ታ ሁጲያዉ ብያሳኣ ኤረናን ደኣደ፥ ኔና ሀቼ ዋታደ ታናና ዩሾ? ጉየ ስማ፤ ነ ጋደ አሳቱዋካ ኔናና አፋ። ጾሳይ ነዉ ኬኮነ አማነቶ!” ያጌዳ።
\p
\v 21 እታይ ካትያ፥ “መና ጎዳይ ኤሮ! ታ ጎዳይ ካቲ ኤሮ! ታ ጎዳይ ካቲ ደእያ ሳኣን ሀቃን ግድናካ፥ እ ታዉ ሀይቆ ግድና፥ ፓጻ ግድናካ፥ ታን ነ ቆማይ ኔናና ደአና” ያጌዳ።
\p
\v 22 ዳዊተ እታያ፥ “ሎአ! ባደ ሳልፓ” ያጌዳ፤ ግታትያ እታይ ባረ አሳቱዋ ኡባናነ ባረ ሶ አሳ ኡባና ሳልፔዳ።
\p
\v 23 ሄ ኡባ አሳይ አሽን፥ ሄ ጋደ አሳይ ኡባይ ባረንቱ ቃላ ቂሲደ ዬኬድኖ፤ ካቲ ቀድሮና ሻፋ ፕኔዳ፤ አሳይ ኡባይካ ባዙዋ ስሚደ ቤዳ።
\p
\v 24 ቄስያ ጻዶቅካ ሄ ሳኣን ደኤ፤ ጾሳ ቃላ ጫቁዋ ታቦታ ቶክያ ሌዋቱካ አናና እትፐ ደኢኖ። አሳይ ኡባይ ካታማፐ ከስ ዉራና ጋካናዉ፥ ጾሳ ታቦታ ቢታን ዎና፥ ቄስያ አብያታረ ያርሹዋ ያርሼዳ።
\p
\v 25 ሄዋፐ ጉይያን ካቲ ጻዶቃ፥ “ጾሳ ታቦታ ካታማ ጉየ አፋ። መና ጎዳይ ታናን ናሸትያዋ ግዶፐ፥ ታና እ ዛረ አሂደ፥ ባረ ታቦታነ ባረ ደእያ ሳኣ ላኤንዋ በሳና። 
\v 26 ሽን እ፥ ታን ኔናን ናሸትከ ጎፐ፥ ‘እ ባረና ሎእያዋ ኦ፤’ ታን ሀዋን ደአይ” ያጌዳ።
\p
\v 27 ቃይካ ካቲ ቄስያ ጻዶቃ፥ “ስሳ፤ ኔን ነ ናኣ አህማኣጻነ አብያታራ ናኣ ዮናታና አኬዳ ካታማ ሳሮ ባ። 
\v 28 ህንተንቱ ታና ኤርሳናዉ ቃላ ኪታና ጋካናዉ፥ ታን ዎራን ደእያ ሻፋ ፕኑዋን ደአሻና” ያጌዳ። 
\v 29 ሄዋ ድራዉ፥ ጻዶቅነ አብያታረ ጾሳ ታቦታ የሩሳላመ ጉየ አፌድኖ፤ ያን ደኤድኖ።
\p
\v 30 ሽን ዳዊተ ዬኪደ ዳብረ ዛይተ ፑደ ከሴዳ። እ ካዮ ባረ ሁጲያ ጉሎት ኡቴዳ፤ እ መላ ገድያን ሀመቴዳ፤ አናና ደእያ አሳቱካ ጉሎት ዬኪደ ፑደ ከሴድኖ። 
\v 31 አሳይ ዳዊታው፥ “አክጾፌልካ አበሰሎማና ማቀትያዋንቱ ግዶን ደኤ” ያጊደ ኦዴድኖ።
\p ዳዊተ፥ “አቤት መና ጎዳዉ፥ አክጾፌላ ዞርያ ኤያተዉ ላማ” ያጊደ ዎሴዳ።
\p
\v 32 ዳዊተ አሳይ ጾሳዉ ጎይንያ ሳኣ፥ ደርያ ሁጲያ ጋኬዳ ዎደ፥ አርክያ ሁሻይ ካዮ ባረ ማዩዋ ፔደ፥ ባረ ሁጲያንካ ባና ቆሊደ፥ ዳዊታና ጋከታናዉ ዬዳ። 
\v 33 ዳዊተ አ፥ “ኔን ታናና ብያዋ ግዶፐ፥ ኔን ታዉ ቶኮ ከሳና። 
\v 34 ሽን ኔን ካታማ ጉየ ስማደ አበሰሎማ፥ ‘ካትያዉ፥ ታን ነ ቆማ ግዳና፤ ሀዋፐ ካሰ ነ አዉዋ ቆማ ግዴዳዋዳንካ ነዉካ ቆማ ግዳና’ ያጎፐ፥ አክጾፌላ ዞርያ ሀልሳደ ታና ማዳና። 
\v 35 ቄሳቱ ጻዶቅነ አብያታረ ኔናና ያን እትፐ ደአናዋ ግድክኖ? ኔን ካትያ ሶን ስስያዋ ኡባ ኡንቱንቶ ኦዳ። 
\v 36 ጻዶቃ ናኣ አህማኣጽነ አብያታራ ናኣ ዮናታን ያን ኡንቱንቱና ደኢኖ፤ ኔን ስስያዋ አያነ ኡንቱንቱ ቦላ ታዉ ኪታ” ያጌዳ።
\p
\v 37 አበሴሎም የሩሳላመ ገልሽን፥ ዳዊታ ላጊ ሁሻይካ ካታማ ጋኬዳ።
\c 16
\s1 ዳዊታነ ጺባ
\p
\v 1 ዳዊተ ደርያ ሁጲያፐ ሄፍን ባጋና አሽን፥ ጺባ ጌተትያ ማንፍቦሼታ ቆማይ አናና ጋከቴዳ፤ ላኡ ጼቱ ባሶ ኡክ፥ ዎይንያ ቴራ ኡክ ጼቱዋ፥ ባላስያ ቴራ ኡክ ጼቱዋነ እት ኦጎሩዋ ዎይንያ ኤሳ ላኡ ሀረቱዋን ጫኔዳ።\x - \xo 16:1 \xo*\xt 2 ሳሜላ 9:9-10\xt*\x*
\p
\v 2 ካቲ ጺባ፥ “ሀዋ አያዉ አሃድ?” ያጊደ ኦቼዳ።
\p ጺብ፥ “ሀረቱ ካትያ ሶ አሳይ ቶጋናዉ፤ ኡክይነ ዱማ ዱማ አይፍያ አሳቱ ማናዳና፤ ቃይ ዎይንያ ኤሳይ ዎራን ዳቡርያዋንታ ኡሻናዉ” ያጌዳ።
\p
\v 3 ሄዋፐ ጉይያን ካቲ ጺባ፥ “ነ ጎዳ ናኣ ናአይ ሀቃን ደኢ?” ያጊደ ኦቼዳ።
\p ጺብ፥ “እ፥ ‘እስራኤልያ አሳይ ታ አዉዋ አዉዋ ካዉተ ሀቼ ታዉ ዛር እማና’ ያጊደ የሩሳላመን ኡቴዳ” ያጌዳ።\x - \xo 16:3 \xo*\xt 2 ሳሜላ 19:26-27\xt*\x*
\p
\v 4 ካቲ ጺባ፥ “በአ! ማንፍቦሼታዉ ደእያባይ ኡባይ ሀእ ኔሳ” ያጌዳ።
\p ጺብ፥ “ኤኖ ታ ጎዳዉ ካትያዉ! ታን ቢታን ጉፋናይ፤ ታን ኔና ናሸችያዋ ኦና” ያጌዳ።
\s1 ሽምእ ዳዊታ ሸቄዳ
\p
\v 5 ካቲ ዳዊተ ባሁሪማ ጌተትያ ካታማ ዬዳ ዎደ፥ ሳኦላ ዳቦ ግድያ እት ብታኒ ሄዋፐ ከሴዳ። አ ሱንይ ጌራ ናኣ ሽምአ። እ ዳዊታ ሸቂደ ከሴዳ። 
\v 6 ዳዊታ ቦላነ ካትያ ኦሳንቻቱ ቦላ ሹቻ ኦሌ፤ እ ሄዋ ኦያ ዎደ፥ ኦላንቻቱ ኡባይነ ካትያ ናግያዋንቱ ኡሸቻናነ ሀድርሳና ካትያ ዳዊታ ዶድ ዎድኖ። 
\v 7 ሽምእ ዳዊታ ሸቂደ፥ “ክቻ፤ ክቻ! ሀ ሱ ጉስያዌ! ሀ ፓናዌ! 
\v 8 ኔን ሳኦላ ካዉተ ዉኣደ ካተታዳ፤ ኔን ጉሴዳ ሳኦላ አሳ ሱ ኡባ መና ጎዳይ ነ ቦላ ዛሬዳ፤ ቃይ መና ጎዳይ ካዉተ ነ ናኣ አበሰሎማዉ ሼዳ። ኔን ሱ ጉሴዳ አሳ ግድያ ድራዉ፥ ኔን ይያ ዎዲ ጋኬዳ” ያጌዳ።
\p
\v 9 ሄዋፐ ጉይያን፥ ጻሩይ ናአይ አብሻይ ካትያ፥ “ሀ ካና ባኩታይ ታ ጎዳ ካትያ አያዉ ሸቂ? ታን ባደ አ ቆያ ሙጫይ” ያጌዳ።
\p
\v 10 ካቲ፥ “ህንተንቶ፥ ጻሩይ ናቶ፥ ህንተንታ ጋያዌ አዬ? መና ጎዳይ አ፥ ዳዊታ ሸቃ ያጌዳ ድራዉ እ ሸቂያዋ ግዶፐ፥ ‘ኔን አያዉ ሀዋ ኦይ?’ ያጊደ ኦቻናዉ ዳንዳይያዌ ኦኔ?” ያጌዳ።
\p
\v 11 ሄዋፐ ጉይያን፥ ዳዊተ አብሻያነ ባረ ቆማቱዋ ኡባቱዋ፥ “ታ ናአይ፥ ታ አሹ፥ ታና ዎናዉ ኮዬ፤ ያትና፥ ሀ ቢንያማ አሳይ ዎት አጊቴ! አ ቦቾፕተ፤ እ ባሽና ሸቆ! አያዉ ጎፐ፥ መና ጎዳይ አ አዛዜዳ። 
\v 12 ኦን ኤሪ፥ መና ጎዳይ ታ መቱዋ በኢደ፥ ታን ሀቼ አክያ ሸቃ ድራዉ ታዉ ኬካ ዛራነንቶነ” ያጌዳ።
\p
\v 13 ዳዊተነ አ አሳይ ኦግያ ኦይቂደ ቢኖ። ሽምእካ ደርያፐ ህን ባጋና፥ ዳዊታ ሄራና ቢደ አ ሸቄነ ሹቻ አ ቦላ ኦሌ፤ ባናካ አ ቦላ ላሌ። 
\v 14 ካቲነ አናና ደእያ አሳቱ ባረንቱ ብያሳኣ ዳቡሪደ ጋኬድኖ። ካቲ ያን ሸምፔዳ።
\s1 አበሰሎማነ አ ዞርያዋንታ
\p
\v 15 አበሰሎምነ እስራኤልያ አሳቱ ኡባይ የሩሳላመ ገሌድኖ፤ አክጾፌልካ ኡንቱንቱና እትፐ ደኤ። 
\v 16 ዳዊታ ላጊ አርክያ ሁሻይ አበሰሎማኮ ዪደ፥ “ካትያ ሸምፑ ጋምኦ! ካትያ ሸምፑ ጋምኦ!” ያጌዳ።
\p
\v 17 አበሴሎም ሁሻያ፥ “ኔን ነ ላግያ ሲቄዳ ሲቁ ሀዌካ? ነ ላግያና አያዉ ባበይኪ?” ያጌዳ።
\p
\v 18 ሁሻይ አበሰሎማ፥ “ቱይት! መና ጎዳይነ ሀ አሳይ ቃይ እስራኤልያ አሳይ ኡባይነ ዶሬዳዎ ታን አቃና፤ ታን አናና አታና። 
\v 19 ሄዋፐካ ቃይ ታን ኦዉ ኦኔ? አ ናአዉ ኦናዉ በስክታየ? ታን ነ አዎ ኦዳዋዳን ሀእ ነዉካ ኦና” ያጌዳ።
\p
\v 20 አበሴሎም አክጾፌላ፥ “ኔን አነ ኑና ዞራ፤ ኑን አይ ኦነ?” ያጌዳ።
\p
\v 21 አክጾፌል አበሰሎማ፥ “ካትያ ጎልያ ናጋናዉ አቴዳ ነ አዉዋ ባኮቱዋና ባደ ግሳ፤ ኔን ነ አዉዋ ሲያን ጽንቄዳዋ እስራኤልያ አሳይ ኡባይ ስሳና፤ ኔናና እትፐ ደእያ ኡባቱዋ ኩሺ ሄዋን ምናና” ያጌዳ። 
\v 22 ካትያ ጎልያ ቦላን ደምባዪደ ኦዳ ሳኣን፥ አበሰሎማዉ ዱንካንያ ቶሌድኖ፤ አሳይ ኡባይ ጼልሽን አበሴሎም ገሊደ፥ ባረ አዉዋ ባኮቱዋና ግሴዳ።\x - \xo 16:22 \xo*\xt 2 ሳሜላ 12:11-12\xt*\x*
\p
\v 23 ሄ ጋላሳቱዋን አክጾፌል አ ዞሬዳ ዞርያ እት አሳይ ጾሳ ኦቺደ አክያ ዞርያ ማላ። ዳዊተነ አበሰሎምነ ላአቱካ አክጾፌላ ዞርያ ኡባ አኬዳዌ ሀዋዳና።
\c 17
\p
\v 1 ሄዋፐ ጉይያን አክጾፌል አበሰሎማ፥ “ሀቼ ቃማ ታን ታማነ ላኡ ሻአ አሳቱዋ ዶራደ፥ ዳዊታ የደርሳደ ኦይቃናዉ ከሳይ። 
\v 2 እ ዳቡርናነ ጻላልና፥ ታን አ ቦላ ከሳና። ታን አ ዳጋንና፤ ሄዋን አናና ደእያ አሳይ ኡባይካ ባቃታና፤ ታን ካትያ ጻላላ ሾጫና። 
\v 3 ያታደ ታን አሳ ኡባ ኔኮ ዛራና። ኔን እት አሳ ጻላላ ዎናዉ ኮያሳ፤ ሀራ አሳይ ሳሮ አታና” ያጌዳ። 
\v 4 አክጾፌላ ዞሪ አበሰሎማነ እስራኤልያ ጭማቱዋ ኡባ ናሸቼዳ።
\p
\v 5 ሄዋፐ ጉይያን አበሴሎም፥ “አርክያ ሁሻያ ቃይ ጼስተ፤ አነ እ ግያዋ ስሶይተ” ያጌዳ። 
\v 6 ሁሻይ አኮ ዬዳ ዎደ፥ አበሴሎም አ፥ “አክጾፌል ዞሬዳ ዞሪ ሀዋ፤ ኑን እ ግያዋ ኦናዉ በሲ? በሰናዋ ግዶፐ፥ ነ ቆፋይ አዬ?” ያጌዳ።
\p
\v 7 ሁሻይ አበሰሎማ፥ “አክጾፌል ዞሬዳ ዞሪ ሀ ዎድያን ሎአ ግደና። 
\v 8 ነ አዉነ ነ አዉዋ አሳቱ ምኖ ኦላንቻቱዋ ግድያዋነ ባረ ማራቱዋ ቦንቀቴዳ ማህያ ማላ ያሽያዋንታ ግድያዋ ኔን ኤራሳ። ነ አዉ ኦላዉ ሜዘ አሳ፤ እ ቃማ ባረ ኦላንቻቱዋናካ አቀና። 
\v 9 በአ፥ እ ሀኖደ ጎንጎሉዋ ግዶን ዎይ ሀራ ሳኣን ቆሰት ኡቴዳ። እ ህንተንቱ ጭታ ቦላ ኮይሮ ደንዶፐ፥ ሄዋ ስሴዳ አሳይ ኦንነ፥ ‘አበሰሎማ ካል ቤዳ አሳቱ ሾጨቴድኖ’ ያጋና። 
\v 10 ነ አዉ ቶራ ቃራ ግድያዋነ አናና ደእያ አሳቱካ ምኖ ግድያዋ እስራኤልያ አሳይ ኡባይ ኤርያ ድራዉ፥ ሀራይ አቶ ጋሙዋዳን ጻልያ ምኖቱ ዎዛናይካ ያሻን ሴራና።
\p
\v 11 “ሽን ታን ኔና ዞርያዌ ሀዋ፤ እስራኤልያ ዛዋን ዳናፐ ቢደ በርሳበሀ ጋካናዉ ደእያ እስራኤልያ ኡባ፥ አባ ዶናን ደእያ ሻፍያ ኬሻ ኔኮ ሺሻ፤ ያታደ ኔን ነ ሁጲያዉ ኡንቱንታ ኦላዉ ካለ። 
\v 12 ያቶፐ ኑን አ ደሜዳ ሀቃንነ ሾጫና፤ ከተርሳይ ሳኣን ዎያዋዳን ኑን አ ቦላ ዎና። አ ግድናካ ዎይ አናና ደእያ አሳ ግድናካ እቱነ ፓጻ አተና። 
\v 13 እ ካታማ ግዶ ገሎፐካ፥ እስራኤልያ አሳይ ኡባይ ዎዶሩዋ ሄ ካታማ አሂደ፥ ካታማ ግዶን እት ሹቻይካ ቤተናዳን ኑን ሄ ካታማ ዛንጋራዉ ዱገ ጎቻና” ያጌዳ።
\p
\v 14 አበሰሎምነ እስራኤልያ አሳይ ኡባይ፥ “አርክያ ሁሻያ ዞሪ አክጾፌላ ዞርያፐ ሎአ” ያጌድኖ። ሄዌ ሀኔዳዌ፥ መና ጎዳይ አበሰሎማ ቦላ ኢታባ አሀና ማላ፥ አክጾፌላ ዞርያ ሎኡዋ ሀልሳናዉ ቃቼዳ ድራሳ።
\p
\v 15 ሄዋፐ ጉይያን፥ ሁሻይ ቄሳቱ ዋ ጻዶቃነ አብያታራ፥ “አክጾፌል አበሰሎማነ እስራኤልያ ጭማቱዋ ሀዋ ሀዋ ጊደ ዞሬዳ፤ ታንካ ኡንቱንታ ሀዋ ሀዋ ጋደ ዞራድ። 
\v 16 ሀእካ ዳዊታኮ ኤለካ ኪቲደ፥ ‘ባዙዋ ፕኑዋን ሀቼ ቃማ አቆፓ፤ ሄፍን ፕና ክቻ! ህና ዮፐ፥ ካቲነ አናና ደእያ አሳይ ኡባይ ያና’ ያጊደ ኦድተ” ያጌዳ።
\p
\v 17 ዮናታንነ አህማኣጽ ቆንጭያን የሩሳላመ ካታማ ገልሽን ኡንቱንታ አሳይ በኤና ማላ፥ ኤንሮጌላ ግያ ሳኣን ኡቲደ ናጋናዉነ እት ቆማታ ያ ያደ ኡንቱንቶ ኦድና፥ ኡንቱንቱ ቢደ ካትያ ዳዊታዉ ኦዳናዉ ቆፔድኖ። 
\v 18 ሽን እት ዎዳላይ ኡንቱንታ በኤዳ፤ አበሰሎማዉ ኦዴዳ። ሄዋ ድራዉ፥ ኡንቱንቱ ላአቱካ ሄ ሳፐ ኤለካ ክች ቢደ፥ ባሁሪማ ካታማን እት ብታንያ ሶ ጋኬድኖ። ሄ ብታንያዉ ድርሳፐ ሶ ባጋና ሃ ኦላይ ደኤ፤ ኡንቱንቱ ሄ ኦላ ግዶ ዱገ ገሌድኖ። 
\v 19 አያይነ ኤረተናዳን ብታንያ ማቻታ ካምያዋ አካደ ኦላ ዶናን ሂጻዱ፤ ያታደ አ ቦላ ካ ምጫዱ።
\p
\v 20 አበሰሎማ ቆማቱ ብታንያ ሶ ዪደ ምሽራቶ፥ “አህማኣጽነ ዮናታን ሀቃን ደኢኖ?” ያጊደ ኦቼድኖ።
\p ምሽራታ፥ “ኡንቱንቱ ሻፋ ፕኒደ ቤድኖ” ያጋዱ፤ ኡንቱንቱ ኮይና ቤተናን ይና፥ የሩሳላመ አጊደ ስሜድኖ።
\p
\v 21 ሄ አሳቱ ቤዳዋፐ ጉይያን፥ ላኡ አሳቱ ኦላፐ ከሲደ፥ ካትያ ዳዊታዉ ኦዳናዉ ቤድኖ፤ ዳዊታ፥ “ኤሌል ደንዲደ ሻፋ ፕንተ፤ አያዉ ጎፐ፥ አክጾፌል ህንተንቱ ቦላ ሀዋ ሀዋ ጊደ ዞር ዎዳ” ያጌድኖ። 
\v 22 ዳዊተነ አናና እትፐ ደእያ አሳይ ኡባይ ዮርዳኖሳ ፕኒደ ቤድኖ። ዎንትያ ዎደ ዮርዳኖሳ ፕነናን አቴዳ እት አሳይነ ባዋ።
\p
\v 23 አክጾፌል ባረ ዞሪ አከትቤናዋ በኤዳ ዎደ፥ ባረ ሀርያ ኮሪደ፥ ባረ ደእያ ካታማ ቤዳ፤ አክጾፌል ባረ ሶያ ጊግሲደ፥ ባረካ ሱለቲደ ሀይቄዳ፤ ባረ አዉዋ ዱፉዋን ሞገቴዳ።
\p
\v 24 ዳዊተ ማህናይማ ካታማ ጋኬዳ ዎደ፥ አበሰሎምነ አናና ደእያ አሳይ ኡባይ ዮርዳኖሳ ሻፋ ፕኔድኖ። 
\v 25 አበሴሎም ባረ ኦላንቻቱ ቦላ እዮኣባ ኮታን አማሳ ሱንዳ። አማስ እስራኤልያ የተራ ናኣ፤ የተር አብጋሎ አኬዳዋ፤ አብጋላ ናኦሳ ናትዉነ እዮኣባ ዳይ ጻሩይ ምቻቶ። 
\v 26 እስራኤላቱነ አበሴሎም ጋላኣደ ቢታን ኡቴድኖ።
\p
\v 27 ዳዊተ ማህናይማ ካታማ ጋክያ ዎደ፥ አሞና ጋድያፐ ራባፐ ዬዳ ናኦሳ ናአይ ሾቢ፥ ሎዳባራ ካታማፐ ዬዳ አምኤላ ናአይ ማኪርነ ሮጋሊማ ካታማፐ ዬዳ ጋላኣድያ ባርዝላይ 
\v 28 ሂጽያዋንታ፥ ሳምፓቱዋነ ኡርቃ ሚሻቱዋ አሄድኖ። ቃይ ኡንቱንቱ ዛርጋነ ባንጋ፥ ልያነ ሻሻ፥ ባኤላነ ምስርያ፥ 
\v 29 ኤሳነ መኤዳ ማ፥ ሚዛ ማ ፕላነ ዶርሳ ዳዊተነ አ አሳይ ማናዳን አኪደ ዬድኖ። ሄዋ ኡንቱንቱ አሄዳዌ፥ “አሳይ ዎራን ኮሻቴዳ፥ ዳቡሬነ ሳመቴ” ጊደ ቆፔዳ ድራሳ።
\c 18
\s1 አበሴሎም ጾነቲደ ሀይቄዳ
\p
\v 1 ዳዊተ ባረ አሳቱዋ ኡባ እትፐ ሺሺደ ሻላቃቱዋነ ጼቱዋ ካፓቱዋ ኡንቱንቱ ቦላ ሱንዳ። 
\v 2 ዳዊተ አሳ ሄዙ ጩጉዋን ሻኬዳ፤ እት ጩጉዋ እዮኣበ አዛዜዳ፤ ላኤን ጩጉዋ እዮኣባ እሻይ፥ ጻሩይ ናአይ አብሻይ አዛዜዳ፤ ሄዘን ጩጉዋ ቃይ ጋትያ እታይ አዛዜዳ። ካቲ አሳ፥ “ታን ታ ሁጲያዉካ ህንተናና እትፐ ባና” ያጌዳ።
\p
\v 3 ሽን አሳይ አ፥ “ኔን ባናዉ በሰና! ኑን ባቃትንቶነ፥ ኡንቱንቱ ኑባ ኮይክኖ፤ ሀራይ አቶ ኑን ባጋይ ሀይቂንቶነ፥ ኑባ ኡንቱንቱ ጉዳ ጊክኖ። ሽን ኔን ኑፐ ታሙ ሻአቱዋፐ ዳራሳ፤ ሄዋ ድራዉ፥ ኔን ካታማን ኡታደ፥ ኑዉ ማዱዋ ኪቶፐ ሎአ” ያጌዳ።
\p
\v 4 ካቲ ኡንቱንታ፥ “ህንተና ሎኤዳባ ታን ኦና” ያጌዳ።
\p ዳዊተ ድርሳ ፐንግያን ኤቂደእሽን፥ አሳይ ኡባይ ጼቱ ጼቱ፥ ሻአይ ሻአይ ባረ ጩጉዋን ጩጉዋን ሳልፒደ ከሴዳ። 
\v 5 ያትና፥ ካቲ እዮኣባ አብሻያነ እታያ፥ “ታ ድራዉ ጊደ፥ ሄ ያላጋ ብታንያ አበሰሎማ ቆሆፕተ” ያጊደ አዛዜዳ። ካቲ አበሰሎማባ ጋዳዋቱ ኡባዉ ኦድያ ዎደ፥ ኦላንቻቱ ኡባይ ስሴድኖ።
\p
\v 6 ዳዊታ ኦላንቻቱ እስራኤላቱዋና ኦለታናዉ ጋጻርያን ሳልፔድኖ፤ ኦላ ሳአይ ኤፍሬማ ዎራና። 
\v 7 ሄ ሳኣን ዳዊታ ኦላንቻቱ እስራኤልያ ኦላንቻቱዋ ጾኔድኖ፤ ሄ ጋላስ ሎይ ዳሮ አሳይ፥ ላታሙ ሻአ አሳይ ሀይቄዳ። 
\v 8 ኦላይ ጋጻርያ ኡባ ጋኬዳ፤ ሄ ጋላስ ዎራይ ዉርሴዳ አሳይ ማሻይ ዉርሴዳ አሳፐ ዳራ።
\p
\v 9 አበሴሎም አኬከናን ደኢደ ዳዊታ አሳቱዋና ጋከቴዳ፤ አበሴሎም ባረ ባቁሉዋ ቶጊደ፥ ዳሮ ዳሻይ ደእያ ዎላ ጋርሳ ባቁሉ ገሌዳ፤ አበሰሎማ ሁጲ ዎላ ባላን ኦይቀቴዳ። አበሴሎም ሳኣፐነ ሳሉዋፐ ግዱዋን ካቀት ደእሽን፥ እ ቶጌዳ ባቁሉ ስንዉ ብ አጌዳ። 
\v 10 አሳፐ እቱ ሄዋ በኢደ እዮኣባ፥ “በአ! አበሴሎም እት ዎላ ቦላ ካቀቴዳዋ ታን በኣድ” ያጊደ ኦዴዳ።
\p
\v 11 እዮኣበ ባረዉ ኦዴዳ ብታንያ፥ “ሄ? በኣድ ጋይ? አያዉ ቢታዉ ዱገ ሾጫበይኪ? ኔን ሾጬዳዋ ግድንቶ፥ ታን ነዉ ታሙ ጻጋራ ብራነ እት ሳቂያ እማናዋ ሽን” ያጌዳ።
\p
\v 12 ብታኒ፥ “ኔን ሻአ ጻጋራ ብራ ታ ኩሽያን ዎንቶካ፥ ታን ካትያ ናኣ ቦላ ታ ኩሽያ ደንከ! ኑን ኡባይ ስስሽን፥ ካቲ ኔናነ አብሻያ እታያ፥ ‘ታ ድራዉ ጊደ፥ ያላጋ ብታንያ አበሰሎማ አሽተ’ ያጊደ አዛዜዳ። 
\v 13 ታን ካትያ አዛዙዋ ሻራደ አበሰሎማ ዎዳዋ ግድንቶ፥ ካቲ ኡባባ ስስያዋዳን ሄዋካ ስሳናዌ አተና። ኔን ሄ ዎደ ታፐ ሃኩዋን ኤቃና” ያጌዳ።
\p
\v 14 እዮኣበ አ፥ “ታን ኔናና ሀዋዳን ጋምእከ” ያጌዳ፤ ሄዙ ቶራ ባረ ኩሽያን አኪደ፥ አበሴሎም ዎላን ካቀቲደ ፓጻ ደእያዋ ዎዛና አይፍያን ጫዴዳ። 
\v 15 እዮኣባ ኦላ ሚሻ ቶክያ ታማቱ አበሰሎማ ዶዲደ፥ ሾጭ ዎድኖ።
\p
\v 16 ሄዋፐ ጉይያን፥ እዮኣበ ኦላ ኤሳናዉ ማላካታ ፑኔዳ፤ አሳይ እስራኤላቱዋ የደርስያዋ አጌዳ። 
\v 17 ኡንቱንቱ አበሰሎማ አክ አፊደ፥ ዎራን ደእያ ዎልቃማ ኦላ ግዶን የጊደ፥ ዳሮ ሹቻ አ ቦላ ዶሬድኖ። ሄ ዎደ እስራኤልያ አሳይ ኡባይ ባረ ሶ ባረ ሶ ባቃቴዳ።
\p
\v 18 አበሴሎም ፓጻ ደኢደ፥ “ታ ሱን ሀሳይስያ ናእ ታዉ ባዋ” ያጊደ፥ ባረና ሀሳይስያ ሹቻ ማሴዳ ቱሳ ካትያ ሀዉልትያ ኤሴዳ፤ ሄ ቱሳ ባረ ሱንን ጼሴዳ። ሀቼ ጋካናዉ፥ ሄ ቱሳይ “አበሰሎማ ቱሳ” ጌተቴ።
\s1 ዳዊተ አበሴሎም ሀይቄዳዋ ስሲደ ዬኬዳ
\p
\v 19 ሄዋፐ ጉይያን፥ ጻዶቃ ናኣ አህማኣጽ እዮኣባ፥ “አ ሞርከቱዋ ኩሽያፐ መና ጎዳይ አ አሼዳ ምሽራቹዋ ስሳናዉ፥ ታን ካትያኮ ዎጻ ባደ ኦዳይ” ያጌዳ።
\p
\v 20 እዮኣበ አህማኣጻ፥ “ቱይት! ሀቼ ኔን ምሽራቹዋ ኦድያ ጋላሳ ግደና፤ ሀራ ጋላስ ኦዳናዉ ዳንዳያሳ። ካትያ ናአይ ሀቼ ሀይቄዳ ድራዉ፥ ኔን ሀቼ ኦዳናዉ ኮሸና” ያጌዳ።
\p
\v 21 እዮኣበ ቶጵያ አሳ ግድያ እት ብታንያ ጼሲደ፥ “ባ፤ ኔን በኤዳዋ ካትያዉ ኦዳ” ያጌዳ፤ ሄ ብታኒ እዮኣባዉ ጎይኒደ ዎጼዳ።
\p
\v 22 ጻዶቃ ናአይ አህማኣጽ ላኤንዋ እዮኣባ፥ “አይነ ሀኖ፤ ታን ሀ ቶጵያ ብታንያ ጌዱዋ ዎጻይ” ያጌዳ።
\p እዮኣበ፥ “ታ ናአዉ፥ ነዉ ዎይታ አህያ ኦዱ ባይናሽን፥ ኔን አያዉ ዎጻናዉ ኮያይ?” ያጌዳ።
\p
\v 23 አህማኣጽ እዮኣባ፥ “አይነ ሀኖ፤ ታን ዎጻናዉ ኮያድ” ያጌዳ።
\p እዮኣበ አ፥ “ያኖፐ ዎጻ” ያጌዳ። ሄዋ ድራዉ፥ አህማኣጽ ደምባ ኦግያ ኦይቂደ ዎጼዳ፤ ቶጵያ ብታንያ የጊደ አዳ።
\p
\v 24 ግምቢያ ፐንግያዉ ካረ ዶየትያ ሳንቃፐነ ሶ ዶየትያ ሳንቃፐ ግዱዋን አኮ ሳኣን ዳዊተ ኡት ደእሽን፥ ናግያ ብታኒ ግምቢያና ኦይቀቴዳ ፐንግያ ጼራ ሁጲያ ፑደ ከሴዳ፤ ጼሊደ፥ እት ብታኒ ባረካ ዎጽያዋ በኤዳ። 
\v 25 ናግያ ብታኒ ካትያ ጼሲደ ኦዴዳ።
\p ካቲ፥ “እ ባረካ ደኦፐ፥ ምሽራቹዋ አኪደ ዬ” ያጌዳ። ዎጽያ ብታኒ ኡንቱንቱኮ ማቲደ ዬዳ።
\p
\v 26 ናግያዌ ሀራ አስካ ዎጽያዋ በኤዳ፤ ፐንግያ ናግያ ብታንያ፥ “በአ! ሀራ ብታኒካ ባረካ ዎጼ” ያጌዳ።
\p ካቲ፥ “ሀ ብታኒካ ቃይ ምሽራቹዋ አኪደ ዬ” ያጌዳ።
\p
\v 27 ናግያዌ፥ “ኮይሮ ብታንያ ዎይ ጻዶቃ ናኣ አህማኣጻ ዎ ታዉ ማላቴ” ያጌዳ።
\p ካቲ፥ “እ ሎኦ አሳ፤ እ ሎኦ ኦዱዋና ዬ” ያጌዳ።
\p
\v 28 አህማኣጽ ካትያ ጼሲደ፥ “ኡባባይካ ሎኦ!” ያጌዳ። ካትያ ስንን ግስ ጉፋኒደ፥ “ታ ጎዳ ካትያ ቦላ ባረንቱ ኩሽያ ደንዳ አሳቱዋ ነዉ አደ እሜዳ መና ጎዳይ ነ ጾሳይ ጋላተቶ” ያጌዳ።
\p
\v 29 ካቲ፥ “ያላጋ ብታኒ አበሴሎም ሳሬ?” ያጊደ ኦቼዳ።
\p አህማኣጽ፥ “እዮኣበ ታና ኪታና ሀንያ ዎደ፥ ዎልቃማ ጉሩባይ ደእያዋ በኣድ፤ ሽን እ አዬንቶነ ታን ኤራበይከ” ያጌዳ።
\p
\v 30 ካቲ አ፥ “ያ ሺቃ ኤአ” ያጌዳ፤ እ ያቶፐ ሺቂደ ኤቄዳ።
\p
\v 31 ሄዋፐ ጉይያን፥ ቶጵያ ብታኒ ጋኪደ ካትያዉ፥ “ታ ጎዳዉ ካትያዉ፥ ምሽራቹዋ! ነ ቦላ ደንዴዳዋንቱ ኡባ ኩሽያፐ መና ጎዳይ ሀቼ ኔና አሼዳ” ያጌዳ።
\p
\v 32 ካቲ ቶጵያ ብታንያ፥ “ያላጋ ብታኒ አበሴሎም ሳሬ?” ያጊደ ኦቼዳ።
\p ቶጵያ ብታኒ ካትያ፥ “ታ ጎዳዉ ካትያዉ፥ ነ ሞርከቱነ ነ ቦላ ኢታባ ኦናዉ ደንድያዋንቱ ኡባቱ ሄ ያላጋ ብታንያዳን ሀንኖ” ያጌዳ።
\p
\v 33 ካቲ ዳሮፐ ካዮቴዳ፤ ግምቢያ ፐንግያ ሁጲያን ደእያ ጎልያ ገሊደ ዬኬዳ፤ ካቲ ቢደ፥ “አየ ታ ናአዉ አበሰሎማ! ታ ናአዉ! ታ ናአዉ አበሰሎማ! ነ ድራዉ ታን ሀይቃርክታሻ! አየ ታ ናአዉ አበሰሎማ! ታ ናአዉ!” ያጊደ ዬኬዳ።
\c 19
\p
\v 1 “አበሰሎማዉ ካቲ ዬኬነ ዝላሌ” ያጊደ እዮኣባዉ ኦዴድኖ። 
\v 2 ኦላንቻቱ ኡባይ፥ “ካቲ ባረ ናአዉ ዬኬ” ግያዋ ስሴዳ ድራዉ፥ ሄ ጋላስ ኡንቱንቱ ኡባይ ጾኔዳ ጾኑ ዬኮ ላመቴዳ። 
\v 3 ኦላፐ ባቃቲደ ዬላቴዳ ኦላንቻቱዋዳን፥ አሳይ ሄ ጋላስ ዉኤቲደ ካታማ ገሌዳ። 
\v 4 ካቲ ባረ ዴሙዋ ጉሎቴዳ፥ ባረ ቃላ ቂሲደ፥ “አየ ታ ናአዉ አበሰሎማ! አየ አበሰሎማ ታ ናአዉ! ታ ናአዉ!” ያጊደ ዝላሌዳ።
\p
\v 5 ሄዋፐ ጉይያን፥ እዮኣበ ሄ ጎልያ ቢደ ካትያ፥ “ነ ሸምፑዋ፥ ነ አቱማ ናናቱዋን ነ ማጫ ናናቱዋ ሸምፑዋ፥ ነ ማቼቻቱዋነ ነ ባኮቱዋ ሸምፑዋ ሀቼ አሼዳ ነ አሳ ኡባ ኔን ሀቼ ካዉሻዳ። 
\v 6 ኔና እጽያዋንታ ኔን ሲቃሳ፤ ኔና ሲቅያዋንታ ኔን እጻሳ። ነ ኦላንቻቱነ ኡንቱንቱ ካፓቱ ነዉ አያነ ግደናዋ ኔን ሀቼ ቆንጭሳዳ። ኑን ኡባይ ሀይቂና፥ አበሴሎም ሀቼ ፓጻ አቴደንቶ፥ ኔን ናሸታናዋ ታን በኣድ። 
\v 7 ሀእ ደንዳ! ካረ ከሳደ ነ አሳ ምን። መና ጎዳይ ኤሮ! ኔን ከሳና ዮፐ፥ ሀቼ ቃማ ኔናና እት አሳይነ አተና። ነ ያላጋተፐ ሀቼ ጋካናዉ፥ ኔና ጋኬዳ ኢታ ኡባፐ ሀዌ ነዉ አያ ኢታ ግዳና” ያጌዳ።
\p
\v 8 ካቲ ደንዲደ ግምቢያ ፐንግያን ኡቴዳ። “ካቲ ፐንግያን ኡቴዳ” ግያዋ አሳቱ ኡባይ ስሴዳ ዎደ፥ ካትያ ስን ዬድኖ።
\s1 ዳዊተ የሩሳላመ ስሜዳ
\p ሄ ዎደ እስራኤልያ አሳቱ ኡባይ ባረንቱ ሶ ባረንቱ ሶ ባቃቴድኖ። 
\v 9 እስራኤልያ ዛራቱ ኡባይ እቱ እቱዋና ሀዋዳን ያጊደ ፓሉመቲኖ፤ “ካቲ ዳዊተ ኑና ኑ ሞርከቱዋ ኩሽያፐ አሼዳ፤ ኑና ፕልስጼማ አሳቱዋ ኩሽያፐ ዎ አኬዳ፤ ሽን እ ሀእ አበሰሎማ ጋሱዋን ቢታ አጊደ ባቃቴዳ። 
\v 10 ኑ ቦላ ካተታናዳን ኑን ኦኬዳ አበሴሎም ኦላን ሀይቂክቼዳ። ያትና፥ ካትያ ጉየ አሀናዉ ህንተንቱ አያዉ ጮኡ ጌድቴ?” ያጌድኖ።
\p
\v 11 ካቲ ዳዊተ ቄሳቶ ጻዶቃዉነ አብያታራዉ ኪታ የዲደ፥ “ይሁዳ ጭማቱዋ ሀዋዳን ያግተ፤ ‘ዳዊተ ሀዋዳን ያጌ፤ “እስራኤልያ አሳይ ኡባይ ሃሳይያዌ ካትያ ጋኬዳ። ካትያ አ ጎልያ ዛር አሀናዉ ህንተንቱ አያዉ ሀራቱዋፐ ጉየ አቲቴ? 
\v 12 ህንተንቱ ታ እሻቱዋ፤ ህንተንቱ ታ አሾነ ታ ሱ። ያትና፥ ካትያ ጉየ ዛር አሀናዉ ህንተንቱ አያዉ ሀራቱዋፐ ጉየ አቲቴ?” ያጌ’ ያግተ። 
\v 13 ቃይ አማሳዮዉካ፥ ‘ዳዊተ ኔና፥ “ኔን ታ አሾነ ታ ሱ ግድኪ? ሀችፐ ዶምና፥ ታን ኔና እዮኣባ ሳኣን ታ ኦላንቻቶ ጋዳዋ ከሳና ዮፐ፥ ጾሳይ ታና ዎ!” ያጌ’ ያግተ” ያጌዳ።
\p
\v 14 ካትያ ሃሳያይ ይሁዳ አሳቱዋ ኡባ ዎዛና እቱዋ ኦደ ማይዜዳ። ሄዋ ድራዉ፥ ኡንቱንቱ ካትያኮ ኪቲደ፥ “ኔንካ ነ አሳይ ኡባይካ ሃ ስምተ” ያጌድኖ። 
\v 15 ካቲ ስሚደ፥ ዮርዳኖሳ ሻፋ ጋካናዉ ዬዳ። ይሁዳ አሳቱ ካትያ ሞካናዉነ ዮርዳኖሳ ሻፋ ፕንናዉ፥ ገልጋላ ግያ ሳኣ ዬድኖ።
\p
\v 16 ባሁሪማ ካታማፐ ዬዳ ቢንያማ ዛሪ፥ ጌራ ናአይ ሽምእ ዳዊታ ሞካናዉ ኤሌሊደ፥ ይሁዳ አሳቱዋና ቤዳ።\x - \xo 19:16 \xo*\xt 2 ሳሜላ 16:5-13\xt*\x* 
\v 17 አናና ቢንያማ ዛረ ግዴዳ ሻአ አሳቱ፥ ሳኦላ ሶ ቆማይ ጺብ፥ አ ናናይ ታማነ እቼሻቱነ አ ቆማቱ ላታማቱ ደኢኖ። ኡንቱንቱ ካቲ ደእያ ሳኣ ዮርዳኖሳ ሻፋ ጃሚደ ቤድኖ። 
\v 18 ካትያ ሶ አሳ ፕንናዉነ ካትያ ናሸችያዋ ኦናዉ ፕኑዋና ፕኒደ ቤድኖ።
\p ጌራ ናአይ ሽምእ ዮርዳኖሳ ሻፋ ፕኔዳ ዎደ፥ ካትያ ስንን ጉፋኒደ፥ 
\v 19 ሀዋዳን ያጌዳ፤ “ታ ባይዙዋ ካቲ አቶ ጎ። ታ ጎዳይ ካቲ የሩሳላመፐ ከስያ ጋላስ ታን ነ ቆማይ ባሌዳ ባላ ኔን ሀሳዮፓ። ሄዋ ነ ኡሉዋን ኦይቆፓ። 
\v 20 አያዉ ጎፐ፥ ነ ቆማይ ታን ናጋራ ኦዳዋ ኤራይ፤ ሽን ኔና ታ ጎዳ ካትያ ሞካናዉ፥ ዮሴፎ ሶ አሳ ኡባፐ ኮይሮታደ ታን ሀቼ ያድ” ያጌዳ።
\p
\v 21 ሄዋፐ ጉይያን፥ ጻሩይ ናአይ አብሻይ፥ “ሽምእ መና ጎዳይ ኦኬዳ ካትያ ሸቄዳ ድራዉ፥ እ ሀይቃናዉ በሰኔየ?” ያጌዳ።
\p
\v 22 ዳዊተ አብሻያ፥ “ህንተንቶ፥ ጻሩይ ናቶ፥ ህንተንታ ጋያዌ አዬ? ህንተንቱ ሀቼ ታዉ ሞርከ ግዲቴ! ሀቼ እስራኤላን አይ አሳይነ ሀይቀና! ሀቼ እስራኤልያ ካቲ ታናቴ!” ያጌዳ።
\p
\v 23 ካቲ ሽምአ፥ “ኔን ሀይቃካ” ያጊደ አዉ ጫቄዳ።
\p
\v 24 ቃይ ሳኦላ ናአይ ማንፍቦሼተ ካትያ ሞካናዉ ዱገ ዎዳ። ካቲ ቤዳ ጋላሳፐ ዶሚደ፥ እ ሳሮተን ጉየ ስምያ ጋላስ ጋካናዉካ፥ ማንፍቦሼተ ባረ ገድያ ሜጭቤና፤ ባረ ቡቻ ሜድቤና፤ ቃይ ባረ ማዩዋካ ሜጭቤና።\x - \xo 19:24 \xo*\xt 2 ሳሜላ 9:1-13፤ 16:1-14\xt*\x* 
\v 25 ማንፍቦሼተ ካትያና ጋከታናዉ የሩሳላመፐ ዬዳ ዎደ፥ ካቲ አ፥ “ማንፍቦሼታ፥ ኔን ታናና አያዉ ባበይኪ?” ያጊደ ኦቼዳ።
\p
\v 26 እ፥ “ታ ጎዳዉ ካትያዉ፥ ታን ነ ቆማይ ስላ ግድያ ድራዉ፥ ‘ታን ቶጋደ ካትያና ባናዳን ታ ሀርያ ኮራ’ ያጋድ። ሽን ታ ቆማይ ጺብ ታና ጭሜዳ፤ 
\v 27 ታና ነ ቆማ ታ ጎዳዉ ካትያዉ ዝግሬዳ። ኔን ታ ጎዳይ ካቲ ጾሳ ኪታንቻ ማላ፤ ሄዋ ድራዉ፥ ኔና ናሸችያዋ ኪተታ። 
\v 28 ታ አዉዋ አዉዋ አሳይ ኡባይ ሀራባ ግደናን፥ ታ ጎዳይ ካቲ በን ዎናዉ በስያ አሳ፤ ሽን ታን ነ ቆማይ ነ ማዳፐ ምያዋንቱና ማናዳን ኔን ታዉ ሳኣ እማዳ። ያትና፥ ታን ሀዋፐ አያዋ ካትያ ኦቻናዉ ታዉ አይባ ማታይ ደኢ?” ያጌዳ።
\p
\v 29 ካቲ አ፥ “ኔን ዳሮባ ሃሳያናዉ ኮሸና። ኔንነ ጺብ ጋድያ ሻክ አካና ማላ ታን አዛዛይ” ያጌዳ። 
\v 30 ማንፍቦሼተ ካትያ፥ “ታ ጎዳይ ካቲ ሳሮ ሶ ስማፐ አትና፥ ኡባባካ ጺብ አኮ” ያጌዳ።
\p
\v 31 ጋላኣድያ ባርዝላይ ካትያና እትፐ ዮርዳኖሳ ሻፋ ፕናናዉነ ያፐ አ ሞይዛናዉ ሮጋሊማ ግያ ሳፐ ዬዳ።\x - \xo 19:31 \xo*\xt 2 ሳሜላ 17:27-29\xt*\x* 
\v 32 ባርዝላይ ላይይ ሆስፑን ታሙዋ ግዴዳ ጭማ አሳ። እ ዳሮ ዱረ አሳ ግድያ ድራዉ፥ ካቲ ማህናይማ ካታማን ደእያ ዎደ፥ ካትያዉ ኮሽያዋ እሜዳ። 
\v 33 ካቲ ባርዝላያ፥ “ኔን ታናና የሩሳላመ ደንዳ፤ ታን ኔው ያን ኮሽያዋ እማና” ያጌዳ።
\p
\v 34 ሽን ባርዝላይ ካትያ፥ “ታን ሀዋፐ ስንን ዳሮ ላይ ደእከ፤ ያትና፥ ታን ካትያና የሩሳላመ አያዉ ቦ? 
\v 35 ታን ሀእ ሆስፑን ታሙ ላይ አሳ፤ ታን ሀእ ኢታነ ሎኡዋ ሻካደ ኤራናዉ ዳንዳያይታ? ታን ነ ቆማይ ታ ምያዋነ ኡሽያዋ ማልኡዋ ሻካደ ኤራናዉ ዳንዳያይታ? አቱማዋንቱነ ማጫዋንቱ የጽያ የ ታን ስሳናዉ ዳንዳያይታ? ያትና፥ ታን ነ ቆማይ ታ ጎዳዉ ካትያዉ አያዉ ጉጃ ቶኮ ግዶ? 
\v 36 ታን ነ ቆማይ ዮርዳኖሳ ሻፋ ፕናደ ኔና ላፋ ሞይዛና። ሽን ካቲ ታዉ ሄዋዳን ኩሸ ዛራናዉ አያዉ ኮሺ? 
\v 37 ታን ታ አዉዋነ ታ ዳይ ዱፉዋ ማታን ታ ካታማን ሀይቃና ማላ ስማይ። ታ ናአይ ክምሃም ሀዌሽ፤ ታ ጎዳና ካትያና እትፐ እ ቦ፤ ኔና ናሸችያዋ ኔን አዉ ኪተታ” ያጌዳ።
\p
\v 38 ካቲ፥ “ክምሃም ታናና ፕኖ፤ ኔና ናሸችያዋ ታን አዉ ኦና። ቃይ ኔን ታና ኦችያዋ አያነ ታን ነዉ ኦና” ያጌዳ። 
\v 39 ሄዋፐ ጉይያን፥ አሳይ ኡባይ ዮርዳኖሳ ሻፋ ፕኔዳ፤ ካቲካ ፕኔዳ። ባርዝላያ የሪደ አንጄዳ፤ ያትና፥ ባርዝላይ ባረ ሶ ስሜዳ።
\p
\v 40 ካቲ ፕኒደ ገልጋላ ብያ ዎደ፥ ክምሃምካ አናና እትፐ ቤዳ። ይሁዳ ኦላንቻቱ ኡባቱነ እስራኤልያ ኦላንቻቱዋፐ ባጋቱ ካትያና እትፐ ቤድኖ።
\p
\v 41 ሄዋፐ ጉይያን፥ እስራኤላቱ ኡባይ ካትያኮ ቢደ፥ “ኑ እሻቱ ይሁዳ አሳቱ ካትያነ አ ሶ አሳ አያዉ ዉኤድኖ? ቃይ አ አሳ ኡባና እትፐ ዮርዳኖሳ ሻፋ አያዉ ፕንድኖ?” ያጌድኖ።
\p
\v 42 ይሁዳ አሳቱ ኡባይ እስራኤላቱዋ፥ “ካቲ ኑዉ ማታ ዳቦ ግድያ ድራዉ፥ ኑን ሀዋ ኦዶ፤ ያትና፥ ህንተንቱ ሄዎ አያዉ ሀንቀትተ? ኑን ካትያ ቁማፐ አየንቶ ሜድኖየ? ዎይ ኑን አፐ አየንቶ ኑዉ አኬዶየ?” ያጌድኖ።
\p
\v 43 እስራኤልያ አሳቱ ይሁዳ አሳቱዋ፥ “ካትያፐ ታሙ ኩሺ ኑና ጋ፤ ሄዋ ድራዉ፥ ዳዊታ ማታን ኑዉ ህንተፐ አ ማታይ ደኤ! ያትና፥ ህንተንቱ ኑና አያዉ ካድቴ? ኑ ካትያ ጉየ ዛሪደ አሀናዉ ካሰቲደ ሃሳዬዳዌ ኑና ግዶኮ?” ያጌድኖ።
\p ሽን እስራኤልያ አሳቱዋፐ ይሁዳ አሳቱ ሃሳያ ሎይ ዎልቃንድኖ።
\c 20
\s1 ሸባእ ዳዊታ ቦላ ደንዴዳ
\p
\v 1 ቢንያማ ዛረ ግድያ ቢክራ ናአይ ሸባአ ጌተትያ እት ሾር ባይና ብታኒ ያን ደኤ። ሄ ብታኒ ማላካታ ፑኒደ፥ “ኑን ዳዊታና አክያ ኤጻይ ባዋ! እሰያ ናኣና ኑን ላታናባይ ባዋ! እስራኤልያ አሳቶ፥ ኡባይካ ህንተንቱ ሶ ህንተንቱ ሶ ገልተ!” ያጌዳ።\x - \xo 20:1 \xo*\xt 1 ካታ. 12:16፤ 2 ኦዱዋ 10:16\xt*\x* 
\v 2 እስራኤልያ አሳቱ ኡባይ ዳዊታ አጊደ፥ ቢክራ ናኣ ሸባኣና ቤድኖ። ሽን ይሁዳ አሳቱ አማነቲደ፥ ዮርዳኖሳፐ የሩሳላመ ጋካናዉ፥ ባረንቱ ካትያ ካሌድኖ።
\p
\v 3 ዳዊተ ባረ ሶ የሩሳላመ ስሜዳ ዎደ፥ ካትያ ጎልያ ናጋናዉ አሼዳ ታሙ ባኮቱዋ አክ አፊደ፥ እት ጎለን ናግስ ዎዳ፤ ኡንቱንቶ ኮሽያዋ እሜዳ፤ ሽን እ ኡንቱንቱና አቅቤና። ኡንቱንቱ ሄ ጎለን ናገቲደ፥ ባረንቱ ሀይቁዋ ጋላሳይ ጋካናዉ አምእያዳን ደኤድኖ።\x - \xo 20:3 \xo*\xt 2 ሳሜላ 16:22\xt*\x*
\p
\v 4 ሄዋፐ ጉይያን ካቲ አማሳ፥ “ይሁዳ አሳ ኡባ ሄዙ ጋላሳን ታዉ ጼሳደ ሺሻ፤ ያታደ ኔንካ ነ ሁጲያዉ ኡንቱንቱና ሺቃ” ያጌዳ። 
\v 5 አማስ ይሁዳ አሳቱዋ ጼሳናዉ ቤዳ፤ ሽን ካቲ አዉ ኬሬዳ ጋላሳፐ ጋምኤዳ።
\p
\v 6 ዳዊተ አብሻያ፥ “ሀእ ቢክራ ናኣ ሸባእ አበሰሎማዋፐካ አደ ኑና ቆሀናዋ። ነ ጎዳ ቆማቱዋ አካደ ኔን አ ቃታማ ካላ። ሄዌ ዮፐ፥ እ ግምበቴዳ ካታማቱዋ ደሚደ ኑፐ ከስ አካና” ያጌዳ። 
\v 7 እዮኣባ አሳቱ፥ ካትያ ናግያዋንቱነ ምኖ ኦላንቻቱ ኡባይ አብሻያና ቢክራ ናኣ ሸባአ የደርሳናው የሩሳላመፐ ከሲደ ቤድኖ።
\p
\v 8 ኡንቱንቱ ቢደ ጋባኦናን ደእያ ዎጋ ዛላ ጋክያ ዎደ፥ አማስ ኡንቱንቱና ጋከታናዉ ዬዳ፤ እዮኣበ ኦላ ማዩዋ ማይ ኡቴዳ፤ ባረ ጼሳን ማሻ ሾኩዋና አ ዎዳ ሳቂያ ዳንጬዳ። እ ስንዉኮ ታንግሽን፥ ሄ ማሻይ ሾኩዋፐ ከስ አኪደ ዎዳ።
\p
\v 9 እዮኣበ አማሳ፥ “ታ እሻዉ፥ ኔን ሳሮ ደአይ?” ያጌዳ፤ እዮኣበ አማሳ የራናዉ ባረ ኡሸቻ ኩሽያን አ ቡቻ ኦይቄዳ። 
\v 10 ሽን አማስ እዮኣባ ሀድርሳ ኩሽያን ደእያ ማሻ በእቤና፤ ሄዋ ድራዉ፥ አፐ ናገትቤና። እዮኣበ አ ኡሉዋ ጫዲደ፥ አ ማራጭያ ቢታን ቆቆፌዳ፤ ላኤንዋ ጫደተናንካ አማስ ኤለካ ሀይቂ ባሼዳ።
\p ሄዋፐ ጉይያን፥ እዮኣብነ አ እሻ አብሻይ ቢክራ ናኣ ሸባአ ቃታማ ካሌድኖ። 
\v 11 እዮኣባ አሳቱዋፐ እቱ አማሳ አሀ ማታን ኤቂደ፥ “እዮኣባ ዶስያዌነ ዳዊተዋ ግድያዌ ኦንነ እዮኣባ ካሎ” ያጌዳ። 
\v 12 አማስ ኦግያ ግዶ ባጋን ኩንዲደ፥ ባረ ሱን ባዪደ ግሴዳ። ኦላንቻቱ ኡባይ ዪደ፥ ሄ ሳኣን ኤቄዳዋ ሄ ብታኒ በኤዳ ሳናካ አማሳ አሃ ኦግያፐ ጋጻ ሾይቃዉ ጎች የጊደ፥ አ ቦላ ማዩዋ ኦሌዳ። 
\v 13 አማሳ ኦግያፐ ድጌዳዋፐ ጉይያን፥ ቢክራ ናኣ ሸባአ ፓና ካላናዉ ኦላንቻቱ ኡባይ እዮኣባና ቤድኖ።
\p
\v 14 ሸባእ እስራኤልያ ዛራቱዋ ኡባ ቢታና አደ፥ አቤል-ቤትማእካ ግያ ካታማ ጋኬዳ። ቤራቱዋ ቢታና አሽን፥ አሳይ ኡባይ ሺቂደ አ ካሌዳ። 
\v 15 እዮኣባና ደእያ አሳቱ ኡባይ ጋኪደ፥ ሸባአ አቤል-ቤትማእካ ካታማን ዩይ አደ ዶዴድኖ። ኡንቱንቱ ካታማ ግምቢያን ዘምፕሲደ ቢታ ዶሬድኖ። ቃይ እዮኣባና ደእያ አሳቱ ኡባይ ግምቢያ ኮላናዉ ቦክኖ። ኡንቱንቱ ቦክሽን፥ 
\v 16 ካታማፐ እት ኤራንቻ ምሽራታ ኡንቱንታ ጼሳደ፥ “ስስተ! ስስተ! ቢደ፥ እዮኣባ ጼግተ። ታን አዉ ኦድያባይ ደኤ” ያጋዱ። እ ምሽራትኮ ቢና አ፥ 
\v 17 “ኔን እዮኣቤ?” ያጋደ ኦቻዱ።
\p እ፥ “ኤ፥ ታና” ያጌዳ።
\p ምሽራታ አ፥ “ታን ነ ቆማታ ግያዋ ስሳ” ያጋዱ።
\p እዮኣበ፥ “ታን ስሳይ” ያጌዳ።
\p
\v 18 ምሽራታ እዮኣባ፥ “በን ዎደ አሳይ ‘አቤላ ካታማፐ ነ ኦሻዉ ዛሩዋ ደማ’ ያጌ፤ ሄዋን የዉ ዉሬ። 
\v 19 እስራኤልያ ግዶን ሳሮ ደእያ አማነትያ አሳይ ኑና። እስራኤልያ ቢታን ደእያ አየ ካታማ ኔን ባይዛናዉ ማላሳ። ኔን መና ጎዳ ቡዞ ቢታ አያዉ ይሳናዉ ኮያይ?” ያጋደ ሃሳያዱ።
\p
\v 20 እዮኣበ እዞ፥ “ሄዌ ታፐ ሃኮ! ባይዝያዌ ዎይ ይስያዌ ታፐ ሃኮ! 
\v 21 የዉ ሄዋ ግደና፤ ኤፍሬማ ገዝያፐ ቢክራ ናኣ ሸባአ ጌተትያ እት ብታኒ ካትያ ዳዊታ ቦላ ባረ ኩሽያ ደንዳ። ሄ ብታንያ ታዉ ሼተ፤ ያቶፐ፥ ታን ካታማፐ ባና” ያጌዳ።
\p ምሽራታ እዮኣባ፥ “አ ሁጲ ግምቢያ ጼራና ነዉ ኦለታና” ያጋዱ።
\p
\v 22 ሄዋፐ ጉይያን፥ ምሽራታ ባረ ኤራ ዞርያና አሳ ኡባኮ ባዱ። ሄዋ ድራዉ፥ አሳይ ቢክራ ናኣ ሸባአ ቆያፐ ሁጲያ እዮኣባዉ ኦሌዳ። ያትና፥ እዮኣበ ማላካታ ፑኔዳ፤ አሳይ ኡባይ ካታማፐ ከሲደ፥ ባረ ሶ ባረ ሶ ቤዳ፤ እዮኣበ ካትያኮ የሩሳላመ ስሜዳ።
\s1 ዳዊታ ኦሳንቻቱዋ
\p
\v 23 እዮኣበ እስራኤልያ ኦላንቻቱ ኡባዉ ጋዳዋ፤ ዮዳሄ ናአይ ባናይ ዳዊታ ናግያ ኦላንቻቱ ካፑዋ። 
\v 24 አዶንራም ዎልቃን ጮ ኦያዋንቱ ካፑዋ፤ አህሉዳ ናአይ ዮሳፌጸ ሀኔዳባ ጻፍያዋ። 
\v 25 ሱስ ዋና ጻፍያ፤ ጻዶቅነ አብያታረ ቄሳቱ ዋ።\f + \fr 20:25 \fr*\fk ሱስ፦ \fk*\ft እብራዌዋን “ሻዋ” ጌተቴ፤ ሀ ብታኒ እብራዌዋን ኦይዱ ዱማ ዱማ ሱንን ጼሰቴ።\ft*\f* 
\v 26 ያኢራ ካታማ አሳ ግድያ እርካ ዳዊታዉ ቄሳቱዋ።
\c 21
\ms ዉርሰ ላይቱዋ
\mr (21:1—24:25)
\s1 ሳኦላ ያራቱዋ ቦላ ዎዳ ፕርዳ
\p
\v 1 ዳዊተ ካተቴዳ ዎደ፥ ሄዙ ላይ ኩመን ቢታይ ኮሻቴዳ። ሄዋ ድራዉ፥ ዳዊተ መና ጎዳ ኦቼዳ፤ መና ጎዳይ አ፥ “ሄዌ ሀኔዳዌ ሳኦላ አሳይ ጉሴዳ ሱ ድራሳ፤ አያዉ ጎፐ፥ እ ጋባኦና አሳቱዋ ዎዳ” ያጌዳ።
\p
\v 2 ሄዋ ድራዉ፥ ካቲ ጋባኦና አሳቱዋ ጼሲደ ሃሳይሴዳ። ጋባኦና አሳቱ እስራኤልያ ዛርያ ግድክኖ፤ ኡንቱንቱ አሞረ ቢታ አሳቱዋፐ አቴዳዋንታ። እስራኤላቱ ኡንቱንታ አሻናዉ ኡንቱንቱና ጫቀቴድኖ፤ ሽን ሳኦል እስራኤልያዉነ ይሁዳዉ ምሸቴዳ ድራዉ፥ ኡንቱንታ ኡባና ይሳናዉ ዶሜዳ።\x - \xo 21:2 \xo*\xt ኢያሳ 9:3-15\xt*\x* 
\v 3 ዳዊተ ጋባኦና አሳቱዋ፥ “ታን ህንተንቶ አያ ኦ? መና ጎዳ ቡዞ ቢታ ህንተንቱ አንጃና ማላ፥ ታን ህንተንቶ አያ አጮ?” ያጌዳ።
\p
\v 4 ጋባኦና አሳቱ ዛሪደ ካትያ፥ “ኑፐነ ሳኦላፐ ግዱዋን፥ ዎይ ኑፐነ ሳኦላ ጎልያ አሳፐ ግዱዋን ደእያ የዉ ዎርቃ ዎይ ብራ የዉዋ ግደና፤ ቃይ ኑን እስራኤልያ ግዶን እት ኡራነ ዎናዉ ኑዉ ማታይ ባዋ” ያጌድኖ።
\p ዳዊተ ኡንቱንታ፥ “ያትና፥ ታን ህንተንቶ አያ ኦናዉ ኮዪቴ?” ያጊደ ኦቼዳ።
\p
\v 5 ኡንቱንቱ ካትያ፥ “ሳኦል ኑና ይሴዳ፤ ኑፐ አይ አሳይነ እስራኤልያ ዛዋን ሀቃንነ ፓጻ አተናዳን ማቀቴዳ። 
\v 6 ሄዋ ድራዉ፥ ሳኦላ ያራፐ ላፑን አቱማ አሳቱዋ ኑዉ አደ እማ፤ መና ጎዳይ ዶሪደ ካተዬዳ ሳኦላ ካታማን ግብአን መና ጎዳ ስንን ኑን ኡንቱንታ ካቃና” ያጌድኖ።
\p ካቲ ኡንቱንታ፥ “ታን ኡንቱንታ ህንተንቶ አደ እማና” ያጌዳ።
\p
\v 7 ሳኦላ ናአይ ዮናታንነ ዳዊተ መና ጎዳ ስንን ጫቄዳ ጫቁዋ ድራዉ፥ ሳኦላ ናኣ ዮናታና ናኣ ማንፍቦሼታ ካቲ አሼዳ።\x - \xo 21:7 \xo*\xt 1 ሳሜላ 20:15-17፤ 2 ሳሜላ 9:1-7\xt*\x* 
\v 8 ሽን ዳዊተ አታ ናታ ርጽፋ ሳኦላዉ የሌዳ ላኡ አቱማ ናና፥ አርሞናነ ማንፍቦሼታ፥ ቃይ ሳኦላ ናታ መራባ ማሆላ ካታማፐ ዬዳ ባርዝላያ ናኣ አድሪኤላዉ የሌዳ እቼሹ ናና አኬዳ።\x - \xo 21:8 \xo*\xt 1 ሳሜላ 18:19\xt*\x* 
\v 9 ጋባኦና አሳቶ አደ እሜዳ፤ ኡንቱንቱ ኡንቱንታ መና ጎዳ ስንን ደርያ ሁጲያን ካቄድኖ፤ ላፑናቱካ እትፐ ሀይቄድኖ፤ ካ ጫካን፥ ባንጋ ጫካይ ዶምያ ዎድያን ኡንቱንታ ዎድኖ።
\p
\v 10 አታ ናታ ርጽፋ ማቅያ አካደ፥ ዛላ ቦላ ባረዉ ሂጻዱ፤ ካ ጫክያ አግናይ ዶምያ ጋላሳፐ ቢደ አሃቱዋ ቦላ እራይ ሳሉዋፐ ዎናዋ ጋካናዉ፥ ጋላስ ሳሉዋ ካፎቱ ዎይ ቃማ ሳኣ ዶአቱ ቦቼናዳን ናጋዱ።
\p
\v 11 ሳኦላ ባካታ፥ አታ ናታ ርጽፋ ኦዳዌ ዳዊታዉ ኦደቴዳ። 
\v 12 ዳዊተ ቢደ፥ ሳኦላ መቀነ አ ናኣ ዮናታና መቀ ጋላኣደን ደእያ ያቤሻ ካታማ አሳቱዋፐ አኬዳ። ፕልስጼማ አሳቱ ሳኦላነ አ ናና ግልቦአ ደርያን ዎደ፥ ቤትሻና ጉታራን ካቄዳዋፐ ጉይያን፥ ሄ ጉታራፐ ጋላኣደን ደእያ ያቤሻ አሳቱ ቆሱዋን አኬድኖ።\x - \xo 21:12 \xo*\xt 1 ሳሜላ 31:8-13\xt*\x* 
\v 13 ዳዊተ ሳኦላ መቀነ አ ናኣ ዮናታና መቀ ሄ ሳፐ አሄዳ፤ ቃይ ሱለቴዳ ላፑን አሳቱዋፐ መቀካ ሺሼድኖ። 
\v 14 ሳኦላ መቀነ አ ናኣ ዮናታና መቀ ቢንያማ ቢታን ጸላአ ካታማን ደእያ አ አዉዋ ቂሳ ዱፉዋን ሞጌድኖ። ካቲ አዛዜዳዋ ኡባ ኡንቱንቱ ፖሌድኖ፤ ሄዋፐ ጉይያን፥ ኡንቱንቱ ሄ ቢታዉ ዎሴዳ ዎሳ ጾሳይ ስሴዳ።
\s1 ፕልስጼማ አሳቱዋና ኦለቴዳ ኦላቱዋ
\r (1 ኦዱዋ 20:4-8)
\p
\v 15 ፕልስጼማ አሳቱዋናነ እስራኤልያ አሳቱዋና ላኤንዋ ኦላይ ደንዴዳ፤ ዳዊተ ባረ አሳቱዋና ቤዳ። ፕልስጼማቱዋና ኦለቲደ ዳዊተ ዳቡሬዳ። 
\v 16 አዱሳ ምኖ አሳቱዋ ያራፐ ግድያ ይሽብባኖባ ግያ እት ብታኒ ደኤ፤ እ ኦይቄዳ ቶራይ ሄዙ ኪሎ ግራመነ ባጋ ዴጽያ፥ ናሃስያ ጌተትያ ብራታፐ ቆጸቴዳዋ፤ እ ኦራ ማሻ ዳንጭ ኡቴዳ። ያቴዳዌ “ታን ዳዊታ ዎና” ጌዳ፤ 
\v 17 ሽን ጻሩይ ናአይ አብሻይ ዳዊታ አሼዳ፤ ፕልስጼምያ ሾጪደ ዎዳ። ሄዋፐ ጉይያን ዳዊታ አሳቱ ዳዊታ፥ “እስራኤልያ ጾምፒ ቶኤናዳን ኔን ላኤን ኡባካ ኑናና ኦላዉ ባካ” ያጊደ ጫቄድኖ።\x - \xo 21:17 \xo*\xt 1 ካታ. 11:36፤ ማዝ. 132:17\xt*\x*
\p
\v 18 ሄዋፐ ጉይያን፥ ጎባ ጌተትያ ሳኣን ፕልስጼማ አሳቱዋና ኦላይ ኦለቴዳ፤ ሁሻፐ ዬዳ ስባካይ አዱሳ ምኖ አሳቱዋ ያራፐ ግድያ ሳፋ ዎዳ። 
\v 19 ቃይካ ሄ ሳኣን ፕልስጼማ አሳቱዋና ሀራ ኦላይ ኦለቴዳ፤ ቤተሌመፐ ዬዳ ያኢራ ናአይ ኤልሀናን፥ ቶራ ቶማይ ሸማይንያ ዎንዳራሽያ ኬሻቶ፥ ጋተ ካታማፐ ዬዳ ጎልያዳ ዎዳ።
\p
\v 20 ቃይካ ጋተ ካታማን ሀራ ኦላይ ኦለቴዳ። ሄ ሳኣን እት ዎጋ አዱሳ ብታኒ ደኤ። ሄ ብታንያዉ እት እት ኩሽያን ኡሱፑን ብራቱ፥ እት እት ገድያንካ ኡሱፑን ብራቱ፥ ኡባና ላታማነ ኦይዱ ብራቱ ደኢኖ። እካ አዱሳ ምኖ አሳቱዋ ያራፐ ግድያ አሳ። 
\v 21 ሄ ብታኒ እስራኤልያ ናሴዳ ዎደ፥ ዳዊታ እሻ ሻማ ናአይ ዮናታን አ ዎዳ።
\p
\v 22 ሄ ኦይዳቱ ጋተ ካታማን ደእያ አዱሳ ምኖ አሳቱዋ ያራቱዋ። ኡንቱንታ ዳዊተነ አ አሳቱ ዎድኖ።
\c 22
\s1 ዳዊተ ጾን ስሚደ የጼዳ የ
\r (ማዝ. 18)
\p
\v 1 መና ጎዳይ አ ሞርከቱዋ ኡባ ኩሽያፐነ ሳኦላ ኩሽያፐ አሼዳ ጋላስ ዳዊተ መና ጎዳዉ ሀ የ የጼዳ።
\b
\q1
\v 2 “መና ጎዳይ ታዉ ዎጋ ዛላ፤
\q2 ታን ኦላፐ ናገትያ ሚጻ፤
\q1 እ ታና አሽያዋ።
\q1
\v 3 ታ ጾሳይ ታን አኮ ባቃትያ ታ ዎጋ ዛላ።
\q2 እ ታ ጎንዳልያ፤
\q1 እ ታና አሽያ ዎልቃማ።
\q2 እ ታን ቆሰታ አትያ ሳኣ፤
\q1 እ ታና ማካላንቻ አሳቱዋፐ አሼ።
\q1
\v 4 ጋላታይ በስያ መና ጎዳ ታን ጼሳይ፤
\q2 እ ታ ሞርከቱዋፐ ታና አሼ።
\b
\q1
\v 5 “ሀይቁዋ ቤታይ ታ ሄራን ስርመቴ፤
\q2 ባሻይ ድኡዋዳን ታና ሙኬዳ።
\q1
\v 6 ዱፉዋ ዎዶሩ ታና ቃቻና ሀኔ፤
\q2 ሀይቁ ጲርያዳን ታና ኦይቄዳ።
\q1
\v 7 ታና መቱ ኢስና መና ጎዳ ጼሳድ፤
\q2 ‘ታና ማዳ’ ጋደ ታ ጾሳዉ ዋሳድ።
\q1 እ ባረ ጌሻ ጎልያን ታ ኮሻ ስሴዳ፤
\q2 ታን ዋሴዳ ዋሱ አ ሀይን ዎዳ።
\b
\q1
\v 8 “ጾሳይ ሀንቀቴዳ ድራዉ፥
\q2 ቢታይ ዪቂዪቂደ ቃጼዳ፤
\q2 ደረቱዋ ጻጱ ጋጅ ጋጅ ኮኮሬዳ።
\q1
\v 9 አ ሲያፐ ሀንቁዋ ጩዋይ ጩዋቴዳ፤
\q2 አ ዶናፐ ምያ ታማ ላጩነ ጹግያ ቦንቁ ከሴዳ።
\q1
\v 10 ሳሉዋ እ ጳልቂደ፥ ዱገ ዎዳ።
\q2 ሄ ዎደ አ ገድያፐ ጋርሳና መዳ ሻሪ ደኤ።
\q1
\v 11 ቀፍያና ደእያ ኪታንቻቱዋን፥
\q2 ክሩበቱዋን ኡቲደ ፓሌዳ፤
\q2 ጫርኩዋ ቀፍያ ቦላን ቤቴዳ።
\q1
\v 12 ባረና ማን ካሜዳ፤
\q2 አ ዱንካኒ እራና መዳ ሻርያ።
\q1
\v 13 አ ስንን ደእያ ዎልቃማ ፖኡዋፐ
\q2 ታማ ላጩ ከሴዳ።
\b
\q1
\v 14 “ቃይ መና ጎዳይ ጉጉንዳን ሳሉዋፐ ጉሜዳ።
\q2 ኡባፐ ቂያ ጾሳይ ባረ ኮሻ ስሴዳ።
\q1
\v 15 ባረ ዎንዳፍያ አዳ የዲደ፥
\q2 ባረ ሞርከቱዋ ላሌዳ።
\q1 ዋልቃን ፖኡዋ ኪቲደ፥
\q2 ኡንቱንታ የደርሴዳ።
\q1
\v 16 መና ጎዳይ ሴሬዳ ዎደነ፥
\q2 ሀንቀቲደ ፔኑቄዳ ዎደ፥
\q1 አባ ሃይ ግሴዳ ቢታይ በቴዳ።
\q2 ቃይ ሳኣ ባሱካ ቆንጬዳ።
\b
\q1
\v 17 “ጾሳይ ቦላፐ ኩሽያ ዱገ የዲደ፥ ታና ኦይቄዳ፤
\q2 ጪማ ሃፐ ታና ከሴዳ።
\q1
\v 18 እ ታና ታ ዎልቃማ ሞርክያፐነ
\q2 ታና እጽያዋንቱፐ አሼዳ፤
\q2 አያዉ ጎፐ፥ ኡንቱንቱ ታዉ ሎይ ዳሮ ዎልቃማ።
\q1
\v 19 ታ ዋይያ ጋላስ፥
\q2 ኡንቱንቱ ታ ቦላ ደንዴድኖ፤
\q1 ሽን መና ጎዳይ ታና ዘምፕስያዋ።
\q1
\v 20 እ ታና አኮ ሳኣ ከሴዳ፤
\q2 ታናን ናሸቴዳ ድራዉ፥ ታና አሼዳ።
\b
\q1
\v 21 “ታ ጽሎተዳን መና ጎዳይ ታዉ ጭጌዳ፤
\q2 ታ ኩሽያ ጌሻተዳን እ ታዉ ዛሬዳ።
\q1
\v 22 ታን መና ጎዳ ኦግያ ካላድ፤
\q2 ታን ታ ጾሳ አጋደ ዎራ ባበይከ።
\q1
\v 23 ታን አ ህግያ ኡባ ናጋድ፤
\q2 አ ዎጋ ፖልያዋ አጋበይከ።
\q1
\v 24 ታን አ ስንን ሱረ ደኣድ፤
\q2 ታን ታና ናጋራፐ ናጋድ።
\q1
\v 25 ሄዋ ድራዉ፥ መና ጎዳይ ታዉ
\q2 ታ ጽሎተዳንነ ታ ጌሻተዳን ዛሬዳ።
\b
\q1
\v 26 “አቤት ጾሳዉ፥ አማነትያዋንቶ ኔን አማነትያዋ፤
\q2 ሱረቶ ኔንካ ሱረ።
\q1
\v 27 ጌሻቶ ኔንካ ጌሻ፤
\q2 ሽን ጌላቶ ኔን ጭንጫ።
\q1
\v 28 ባረንታ ዝቂስያዋንታ አሻሳ፤
\q2 ሽን ባረንታ ቂስያዋንታ ዝቂሳናዉ ኔን ኡንቱንታ ጼላሳ።
\q1
\v 29 አቤት መና ጎዳዉ፥ ታ ጾምፒ ኔና፤
\q2 መና ጎዳይ ፖእስና፥ ታ ማይ ክቼ።
\q1
\v 30 ነ ማዱዋን ታን ታ ሞርከ ኦላንቻቱ ቦላ ዎራጃይ፤
\q2 ታ ጾሳን ታን ኡንቱንታ ሚጻ ጼራና ጉፓ አይ።
\q1
\v 31 ጾሳ ኦጊ ሱረ።
\q2 መና ጎዳ ቃላይ አማነትያዋ።
\q1 አኮ ባቃትያ ኡባቶ እ ጎንዳለ።
\q1
\v 32 መና ጎዳፐ አትና፥ ሀራ ጾስ ባዋ፤
\q2 ኑ ጾሳፐ አትና፥
\q2 ሀራ ዎጋ ዛል ባዋ።
\q1
\v 33 ታዉ ዎልቃ እምያዌነ
\q2 ታ ኦግያ ሳሮ ኦያዌ
\q1 ጾሳቴ።
\q1
\v 34 እ ታ ገድያ
\q2 ገንእያ ገድያዳን ምንሴ።\x - \xo 22:34 \xo*\xt እብራ. 3:19\xt*\x*
\q1 ታና ቃ ግሹዋን ሳሮተን ዎ።
\q1
\v 35 እ ታ ኩሽያ ኦላ ሜዘዬ፤
\q2 ሄዋ ድራዉ፥ ታን ታ ቀስያን፥
\q2 ናሃስያ ግያ ብራታ ዎንዳፍያን ዳፋደ ዱካይ።
\b
\q1
\v 36 “ታና አሽያ ነ ጎንዳልያ
\q2 ኔን ታዉ እማዳ፤
\q1 ነ ሎኦ ኦካይ ታና ግታዬ።
\q1
\v 37 ታን ሀመትያ ሳኣ አሳሳ፤
\q2 ሄዋ ድራዉ፥ ታ ገዲ ሀልጽቤና።
\q1
\v 38 ታ ሞርከቱዋ ታን የደርሳደ መንሬድ፤
\q2 ታን ኡንቱንታ ይሰናን ደኣደ ጉየ ስማበይከ።
\q1
\v 39 ታን ኡንቱንታ ላኤን ደንደናዳን ሾጫድ፤
\q2 ኡንቱንቱ ታ ገድያን ኩንዴድኖ።
\q1
\v 40 ኦላዉ ታና ዎልቃ ዳንጭሳዳ፤
\q2 ታናና ጋዳትያዋንታ ታዉ ጉልባትሳዳ።
\q1
\v 41 ታ ሞርከቱዋ ታ ስንፐ ጉየ ባቃትሳዳ፤
\q2 ታና እጽያዋንታ ታን ይሳድ።
\q1
\v 42 ባረንታ ማድያዋ ኮዬድኖ፤
\q2 ሽን ኦንነ ኡንቱንታ አሽቤና።
\q1 መና ጎዳካ ኡንቱንቱ ጼሴድኖ፤
\q2 ሽን እ ኡንቱንቶ ኮይቤና።
\q1
\v 43 ታን ኡንቱንታ ባናዳን ሊቅሳድ፤
\q2 ኦግያን ደእያ ኡርቃዳንካ ኡንቱንታ ድርጸሬደ የድ።
\b
\q1
\v 44 “ታ አሳ ማካላፐ ታና አሻዳ።
\q2 ካዉተቱዋ ቦላ ሱንደ፥ ታና ናጋዳ፤
\q2 ታን ኤረና አሳይ ታዉ ሞደቴዳ።
\q1
\v 45 አላጋ ጋደ አሳይካ ታ ስንን ጉልባቴ።
\q2 ኡንቱንቱ ታ ዋርያ ስሲደ፥
\q2 ታዉ አዛዘቲኖ።
\q1
\v 46 ኡንቱንቱ ዎዛና ካሃ ባዪኖ።
\q2 ባረንቱ ናገትያ ሚጻፐ ኮኮሪደ ዪኖ።
\b
\q1
\v 47 “መና ጎዳይ ደኤ! ጾሳይ፥
\q2 ታ ዎጋ ዛላይ ጋላተቶ።
\q1 ጾሳይ፥ ታና አሽያ ዛላይ፥
\q2 ቁ ቁ ጎ።
\q1
\v 48 እ ታ ሀሉዋ ከስያ ጾሳ፤
\q2 ካዉተቱዋ ታፐ ጋርሳና ዎያዋ።
\q1
\v 49 ታ ሞርከቱዋፐ ታና ከስ አክያዋ።
\q2 አቤት ጾሳዉ፥ ኔን ታናና ጋዳትያዋንቱ ቦላን
\q2 ታና ቁ ቁ ኦሳ።
\q2 ማካላንቻ አሳቱዋፐ ኔን ታና አሻሳ።
\q1
\v 50 ሄዋ ድራዉ፥ ታን
\q2 መና ጎዳ ካዉተቱዋ ግዶን ጋላታና፤\x - \xo 22:50 \xo*\xt ሮመ 15:9\xt*\x*
\q2 ታን ነ ሱንካ ሳባና።
\b
\q1
\v 51 “ጾሳይ ባረ ካትያዉ
\q2 ጾኑዋ ቦላን ጾኑዋ እሜ።
\q1 ባረ ኦኬዳዎ፥ ዳዊተዉነ አ ዘረዉ፥
\q2 አገና ሲቁዋ መናዉ በሰ”
\m ያጊደ የጼዳ።
\c 23
\s1 ዳዊተ ዉርሰን ሃሳዬዳ ቃላቱዋ
\p
\v 1 ሀዋንቱ ዳዊተ ዉርሰን ሃሳዬዳ ቃላቱዋ።
\q1 እሰያ ናአይ ዳዊተ ሃሳዬ፤
\q2 ጾሳይ ቁ ቁ ኦዳዌ፥
\q1 ያቆባ ጾሳይ ኦኪደ ካተዬዳዌ፥
\q2 እስራኤላን ሎኦ ማዝሙርያ ከሴዳዌ ሀዋዳን ያጌ፦
\b
\q1
\v 2 “መና ጎዳ አያናይ ታ ባጋና ሃሳዬ፤
\q2 አ ቃላይ ታ እንጻርሳን ደኤ።
\q1
\v 3 እስራኤልያ ጾሳይ ሃሳዬዳ፤
\q2 እስራኤልያ ዛላይ ታና ሀዋዳን ያጌዳ፤
\q1 ‘ጽሎተን ጋድያ ሞድያ ካቲ፥
\q2 ጾሳዉ ያዪደ ካተትያ ካቲ፥
\q1
\v 4 ሻሪ ባይና ጉራን ዶልያ ጻልቂያ ፖኡዋ ማላ።
\q2 ሄ ኡራይ እራይ ቡክ ስምና፥
\q2 ቢታፐ ማታ ዶልስያ ቦቃልሳ ማላ’ ያጌዳ።
\b
\q1
\v 5 “ቱሙ ታ ጎልያ አሳይ ጾሳ ስንን ሱረ።
\q2 እ ታናና መና ቃላ ጫቁዋ ጫቀቴዳ፤
\q2 ኡባባይካ ሀ ቃላ ጫቁዋ ግዶን ጊጊደነ ምኒደ ኡቴዳ።
\q2 ጾሳይ ታዉ ጾኑዋ እማና፤
\q2 ቃይ ታን አሞቴዳዋ ኡባ እ ቱሙፐ ፖላና።
\q1
\v 6 ሽን ኢታ አሳቱ ኡባይ
\q2 ኩሽያን ሺሻናዉ ሀነና አጉንቱዋዳን
\q2 ዎራ ኦለታና።
\q1
\v 7 አጉንቱዋ ቦችያ ኦንነ
\q2 ብራታ ዎይ ቶራ ቶማ ባረ ኩሽያን ኦይቃናዉ ኮሼ።
\q1 ሄ አጉንይ ባረንቱ ደእያ ሳኣን ኤጻና”
\m ያጌዳ።
\s1 ዳዊታ ምኖ አሳቱዋ
\r (1 ኦዱዋ 11:10-41)
\p
\v 8 ዳዊታ አሳቱዋ ምኖቱ ሱንይ ሀዋፐ ካሊደ ጻፈቴዳ። ኡንቱንቱፐ ሄዛቱ ሎይ ኤረቴዳዋንታ። ሄዛቱዋፐ ኮይሩ ታህክሞናፐ ዬዳ ዮሸብ-ባሸቤታ ጌተቴ፤ እ እት ገደ ኦላን ባረ ቶራን ሆስፑን ጼቱ አሳ ዎዳ።
\p
\v 9 ሄዙ ምኖ አሳቱዋ ግዶን አ ካሊደ ደእያዌ አሆህያ ዶዶ ናኣ ኤልኣዛራ። እት ጋላስ እነ ዳዊተ ኦላዉ ሺቄዳ ፕልስጼማቱዋ ናሴድኖ፤ ሄዋፐ ጉይያን፥ እስራኤልያ አሳይ ጉየ ስሜዳ። 
\v 10 ሽን እ ባረ ሳኣን ምን ኤቂደ፥ አ ኩሺ ጻላሊደ፥ ማሻና ኦይቀታና ጋካናዉ፥ ፕልስጼማ አሳቱዋ ሾጬዳ። ሄ ጋላስ መና ጎዳይ ዎልቃማ ጾኑዋ እሜዳ። ኦላይ ኤቂና፥ ኦላንቻቱ ኤልኣዛራኮ ስሚደ ዬድኖ፤ ሽን ኡንቱንቱ ሀይቄዳ ፕልስጼማቱዋፐ ኦላ ማዩዋ ቃሬድኖፐ አትና፥ ሀራባ ኦበይክኖ።
\p
\v 11 አፐ ካልያዌ ቃይ ሃራራፐ ዬዳ አገ ናኣ ሻማ። እት ጋላስ ፕልስጼማ አሳቱ ምስሪ ኩም ኡቴዳ ሾይቃን ሺቄድኖ፤ እስራኤልያ አሳቱ ኡንቱንቱ ስንፐ ባቃቴድኖ። 
\v 12 ሽን ሻም ሾይቃዉ ግዶ ባዙዋን ምን ኤቂደ ኦለቴዳ። ፕልስጼማ አሳቱዋ ሾጪደ ድፕ ኦዳ። መና ጎዳይ ዎልቃማ ጾኑዋ እሜዳ።
\p
\v 13 ካ ጫካን ሀታሙ ምኖ አሳቱዋፐ ሄዛቱ ዳዊታኮ አዱላማ ካታማ ማታን ደእያ ጎንጎሉዋ ቤድኖ። ሄ ዎደ ፕልስጼማ ኦላንቻቱ ራፋይማ ዎምባን ሺቅ ኡቴድኖ። 
\v 14 ሄ ዎደ ዳዊተ ጌሱዋ ግዶን ደኤ፤ ፕልስጼማ ኦላንቻቱ ጭታይ ቃይ ቤታልሄመን ደኤ። 
\v 15 ዳዊተ ሃ ኡሻናዉ አሞቲደ፥ “ቤተሌመ ካታማ ፐንግያ ላንቂያን ደእያ ፑልቱዋ ሃፐ ታና ኦን ኡሻንዴሻ!” ያጌዳ። 
\v 16 ሄዙ ምኖ አሳቱ ፕልስጼማ ኦላንቻቱ ሞ አደ፥ ቤተሌመ ካታማ ፐንግያን ደእያ ፑልቱዋፐ ሃ ዱቂደ ዳዊታዉ አሄድኖ። ሽን እ ኡሸናን እጼዳ፤ መና ጎዳ ስንን ትጊደ፥ 
\v 17 “አቤት መና ጎዳዉ፥ ሀዋ ኡሻናዌ ታፐ ሃኮ! ሀ ሃይ ባረንቱ ሸምፑዋ ሸነኮ ጊደ ጻሊደ ቤዳ አሳቱዋ ሱ ግደኔ?” ያጊደ ኡሸናን እጼዳ።
\p ሀ ሄዙ ምኖ አሳቱ ሀዋ ኦድኖ።
\p
\v 18 ጻሩይ ናኣ እዮኣባ እሻይ አብሻይ ሀታማቶ ካፑዋ፤ እ ሄዙ ጼቱ አሳቱዋ ባረ ቶራን ኦለቲደ ዎዳ፤ ያቲደ እካ ሀራ ሄዛቱዋዳን ኤረቴዳ። 
\v 19 እ ሀታማቱዋፐ አደ ቦንቼቴዳ አሳ፤ እ ኡንቱንቶ ካፑዋ ግዴዳ። ግዶፐነ፥ እ ሄ ሄዛቱዋ ፓይዱዋን ባዋ።
\p
\v 20 ቃይ ቃብጽኤላፐ ዬዳ ዮዳሄ ናአይ ባናይካ ምኖ አሳ። እ ምኖ ኦሳቱዋ ኦዳ። እ ላኡ ኤረቴዳ ሞኣበ አሳቱዋ ዎዳ። ቃይ ሻቻይ ዳርያ እት ጋላስ ኦላ ዱገ ገሊደ፥ ጋሙዋ ዎዳ። 
\v 21 ቃይ ግብጼ ብታንያ እት ዎልቃማ ዎዳ፤ ግብጼ ብታኒ ቶራ ኦይቄዳ፤ ሽን እ ዱላ ኦይቂደ አ ቦላ ቤዳ፤ አ ኩሽያፐ ቶራ ቦንቂ አኪደ፥ አ ቶራን አ ዎዳ። 
\v 22 ዮዳሄ ናአይ ባናይ ሀዋንታ ኦዳ። አ ሱንይካ ሄ ሄዛቱዋዳን ኤረቴዳ። 
\v 23 እ ሀታማቱዋ ግዶን ዳሮ ቦንቼቴዳ፤ ሽን እ ሄዛቱዋ ፓይዱዋን ባዋ። ዳዊተ አ ባረና ናግያ ኦላንቻቶ ካፑዋ ከሴዳ።
\p
\v 24 ሄ ሀታማቱዋ ግዶን ደእያዋንቱ: ዮኣባ እሻ አሳሄላ፥ ቤተሌመፐ ዬዳ ዶዶ ናኣ ኤልሀናና፥ 
\v 25 ሀሮዳፐ ዬዳ ሻማነ ኤሊቃ፥ 
\v 26 ፓልጻ ያራ ግድያ ሄሌጻ፥ ታቆአፐ ዬዳ እቄሻ ናኣ እራ፥ 
\v 27 አናቶታፐ ዬዳ አብኤዘራ፥ ሁሻፐ ዬዳ ማቡናያ፥ 
\v 28 አሆሀ ያራ ግድያ ጻልሞና፥ 
\v 29 ናጾፋፐ ዬዳ ማህራያነ ባኣና ናኣ ሄሌባ፥ ቢንያማ ቢታፐ፥ ግብአፐ ዬዳ ርባያ ናኣ እታያ፥ 
\v 30 ፕርኣቶናፐ ዬዳ ባናያ፥ ጋኣሻ ዛንጋራ ማታፐ ዬዳ ህዳያ፥ 
\v 31 አራባፐ ዬዳ አብአልቦና፥ ባህሩማፐ ዬዳ አዝማዌታ፥ 
\v 32 ሻአልቦናፐ ዬዳ ኤልያህባ፥ ያሼና ናና፥ ዮናታና፥ 
\v 33 ሃራራፐ ዬዳ ሻማ፥ ሃራራፐ ዬዳ ሻራራ ናኣ አህኣማ፥ 
\v 34 ማእካፐ ዬዳ አሀሳባያ ናኣ ኤልፈሌጻ፥ ጊሎፐ ዬዳ አክጾፌላ ናኣ ኤሊኣማ፥ 
\v 35 ቃርመሎሳፐ ዬዳ ሄጽራ፥ አራባ ካታማፐ ዬዳ ፓአራያ፥ 
\v 36 ጾባ ካታማፐ ዬዳ ናታና ናኣ ይግኣላ፥ ጋዳፐ ዬዳ ባና፥ 
\v 37 አሞናፐ ዬዳ ጸለቃ፥ ጻሩይ ናኣ ዮኣባ ኦላ ሚሻ ቶክያ ባኤሮታፐ ዬዳ ናህራያ፥ 
\v 38 ያትራ ያራ ግድያ እራ፥ ያትራ ያራ ግድያ ጋሬባነ 
\v 39 ሂትያ ኦርዮና። ኡንቱንቱ ኡባና ሀታማነ ላፑና።
\c 24
\s1 ዳዊተ አሳ ፓይድሴዳ
\r (1 ኦዱዋ 21:1-27)
\p
\v 1 ቃይካ መና ጎዳ ሀንቁ እስራኤልያ ቦላ ኤጽ ከሴዳ፤ ያትና፥ ጾሳይ ዳዊታ ኡንቱንቱ ቦላ ደንደ፥ “ባ፤ እስራኤላነ ይሁዳ አሳ ፓይዳ” ያጌዳ። 
\v 2 ሄዋ ድራዉ፥ ካቲ እዮኣባነ አናና ደእያ ኦላንቻቱዋ ካፓቱዋ ሀዋዳን ያጌዳ፤ “እስራኤልያ ዛራቱዋ ግዶ ዳናፐ ቢደ በርሳበሀ ጋካናዉ ቢደ ኡንቱንቱ አፑነንቶ ታን ኤራና ማላ፥ እስራኤልያ አሳ ፓይድተ” ያጌዳ።
\p
\v 3 ሽን እዮኣበ ካትያ፥ “መና ጎዳይ ነ ጾሳይ ሀ ደእያ አሳ ቦላ ጼቱ ኩሽያ ጉጆ! ሄዋ ነ አይፊ፥ ታ ጎዳ ካትያ አይፊ በኦ! ሽን ታ ጎዳይ ካቲ አያዉ ሄዋ ማላ ኦናዉ ኮዪ?” ያጌዳ። 
\v 4 ሽን ካትያ ቃላይ እዮኣባነ ኦላንቻቱ ካፓቱዋ ጾኔዳ። ኡንቱንቱ ካትያ ስንፐ ከሲደ፥ እስራኤልያ አሳ ፓይዳናዉ ቤድኖ።
\p
\v 5 ኡንቱንቱ ዮርዳኖሳ ሻፋ ፕኔዳዋፐ ጉይያን፥ ዛንጋራፐ ገድሳ ባጋን ደእያ አሮኤራ ካታማን ኡቴድኖ፤ ሄዋፐ ቃይ ጋደ አደ ያእዜራ ጋኬድኖ። 
\v 6 ሄዋፐ ጉይያን፥ ኡንቱንቱ ጋላኣደነ ሂተቱዋ ቢታን ደእያ ቃዴሳ ቤድኖ፤ ሄ ሳፐ ቃይ ዳና ካታማ ቤድኖ፤ ሄዋና ሲዶና ካታማ ቤድኖ። 
\v 7 ሄ ሳፐ ደንዲደ፥ ጺሮሳ ካታማ ጌሱዋነ ሂዌቱዋነ ካናነቱ ካታማ ኡባ ቤድኖ። ዉርሰን ቃይ ይሁዳ ኔጌባን ደእያ በርሳበሀ ካታማ ቤድኖ።
\p
\v 8 ኡንቱንቱ ቢታ ኡባ ዩዪደ፥ ኡዱፑን አግናነ ላታሙ ጋላሳ ጋምኤዳዋፐ ጉይያን፥ የሩሳላመ ካታማ ስሜድኖ።
\p
\v 9 እዮኣበ ፓይዴዳ አሳ ፓይዱዋ ካትያ ኤርሴዳዋዳን እስራኤላን ማሻን ኦለታናዉ ዳንዳይያ ሆስፑን ጼቱ ሻአ፤ ምኖ ኦላንቻቱ ደኢኖ፤ ይሁዳን ቃይ እቼሹ ጼቱ ሻአይ ደኢኖ።
\p
\v 10 አሳ ፓይዴዳዋፐ ጉይያን፥ ዳዊታ ዎዛናይ ሻበረቴዳ፤ ሄዋ ድራዉ፥ ዳዊተ መና ጎዳ፥ “ታን ሀ ኪታን ዎልቃማ ናጋራ ኦድ። ሽን ሀእ አቤት መና ጎዳዉ፥ ታን ኔና ዎሳይ፤ ታ ባይዙዋ፥ ነ ቆማ ባይዙዋ ቁጫ። ታን ዳሮ ኤያባ ሀናድ” ያጌዳ።
\p
\v 11 ዎንተ ጋላስ ጉራ፥ ዳዊተ ግሱዋፐ ደንዴዳ ዎደ፥ ዳዊታዉ ትምቢትያ ኦድያ ጋዳኮ መና ጎዳ ቃላይ ዪደ፥ 
\v 12 “ባ፤ ዳዊታ፥ ‘መና ጎዳይ ኔና፥ “ታን ኔና ሄዙባፐ ዶሩዋ በሳይ፤ ታን ነ ቦላ ፖላናዉ ታዉ ኡንቱቱፐ እቱዋ ዶራ” ያጌ’ ያጋ” ያጌዳ።
\p
\v 13 ጋድ ዳዊታኮ ቢደ፥ “ሄዙ ላይ ነ ቢታይ ኮሻታናዋ ዶራይ? ዎይ ነ ሞርከቱ ኔና የደርስሽን፥ ሄዙ አግና ኔን ኡንቱንቱ ስንፐ ባቃታናዋ ዶራይ? ዎይ ነ ቢታ ቦላ ሄዙ ጋላሳ ኢታ ሀርጊ ያናዋ ዶራይ? አነ ሀእ ቆፋ ቃቻደ፥ ታን ታና ኪቴዳዎ ዛርያዋ ኦዳ” ያጌዳ።
\p
\v 14 ሄዋፐ ጉይያን ዳዊተ ጋደ፥ “ታን ሎይ ኡንኤታድ። መና ጎዳ ማሮተይ ዎልቃማ ግድያ ድራዉ፥ ኑን አነ አ ኩሽያን ኩንዶይተ፤ ታና አሳቱዋ ኩሽያን ኩንድሶፓ” ያጌዳ።
\p
\v 15 ሄዋ ድራዉ፥ ዎንታፐ ቢደ ባረ ጌዳ ጋላሳይ ጋካናዉ፥ መና ጎዳይ እስራኤልያ ቢታን ኢታ ሀርግያ ኪቴዳ፤ እስራኤልያ ዛዋን ዳናፐ ቢደ በርሳበሀ ጋካናዉ፥ ላፑን ታሙ ሻአ አሳይ ሀይቄዳ። 
\v 16 የሩሳላመ ካታማ ይሳናዉ ኪታንቻይ ባረ ኩሽያ የዴዳ ዎደ፥ መና ጎዳይ ሄ ጋኬዳ ቦሻዉ ካዮቴዳ፤ አሳ ሾጭያ ኪታንቻ፥ “አጋ! ሄዌ ግዳና!” ያጌዳ። መና ጎዳ ኪታንቻይ ሄ ዎደ ያቡስያ ኦርና ኡዱማን ደኤ።
\p
\v 17 አሳ ሾጭያ ኪታንቻ ዳዊተ በኤዳ ዎደ፥ መና ጎዳ፥ “በአ! ናጋራ ኦዳዌ ታና፤ ታን ባይዛድ! ሀ ዶርሳቱ፥ ኡንቱንቱ አይ ኦድኖ? ሀያና፥ ታናነ ታ አዉዋ ሶ አሳ ኔን ሙራና ማላ ታን ዎሳይ” ያጌዳ።
\p
\v 18 ሄ ጋላስ ጋድ ዳዊታኮ ዪደ፥ “ባ፤ ፑደ ያቡስያ ኦርና ኡዱማ ባደ፥ መና ጎዳዉ ያርሽያ ሳኣ ያን ግምባ” ያጌዳ። 
\v 19 ዳዊተ መና ጎዳይ ጋደ ባጋና አዛዜዳዋዳን ፑደ ቤዳ። 
\v 20 ኦርን ዱገ ጼልያ ዎደ፥ ካቲነ አ አሳቱ ባረኮ ይያዋንታ በኤዳ፤ ጋጻ ከሲደ፥ ባረ ዴሙዋ ሳኣ ጋደ፥ ካትያዉ ጎይኔዳ።
\p
\v 21 ዝጊደ ኦርን፥ “ታ ጎዳይ ካቲ ባረ ቆማኮ፥ ታኮ አያዉ ዬዴ?” ያጌዳ።
\p ዳዊተ፥ “አሳ ቦላፐ ቦሻይ ክቻናዳን ታን መና ጎዳዉ ያርሽያ ሳኣ ግምባናዉ፥ ነ ኡዱማ ሻማናዉ ያድ” ያጌዳ።
\p
\v 22 ኦርን፥ “ታ ጎዳይ ካቲ ባረ ኮዬዳዋ አያነ አኪደ ያርሾ! በአ፤ ጹግያ ያርሾ ቦራቱ፥ ኤያ ምዉ ቃይ ካ ቡክያ ሚሻቱነ ቦራ ሞርገ ምቱ ሀዋንቱሽ። 
\v 23 ካትያዉ፥ ሀዋ ኡባ ታን ኦርን ካትያዉ እማይ” ያጌዳ። ቃይካ ኦርን ካትያ፥ “መና ጎዳይ ነ ጾሳይ ነ ያርሹዋ አኮ” ያጌዳ።
\p
\v 24 ሽን ካቲ ኦርና፥ “ቱይት፥ ሃኮ! ታን ቱሙፐ ሚሻን ሻማና፤ አያዉ ጎፐ፥ ሚሻ አክቤና ጹግያ ያርሹዋ ታን መና ጎዳዉ፥ ታ ጾሳዉ፥ ያርሽከ” ያጌዳ።
\p ሄዋ ድራዉ፥ ካቲ ኡዱማፐ ቦራቱዋ ኦርናፐ እሻታሙ ጻጋራ ብራን ሻሜዳ። 
\v 25 ዳዊተ ሄ ሳኣን ያርሽያ ሳኣ ግምቢደ፥ ጹግያ ያርሹዋነ እትፐተ ያርሹዋ መና ጎዳዉ ያርሼዳ፤ ያትና፥ መና ጎዳይ ሄ ቢታ ድራዉ ዎሰቲደ ዎሳ ስሲደ፥ ቦሻ እስራኤልያፐ ድጌዳ።