\id 2PE - Dawuro Full Bible Ethiopic Version
\ide UTF-8
\h 2 ጰጽሮሳ ኪታ
\toc1 ጰጽሮስ ጻፌዳ ላኤን ኪታ
\toc2 2 ጰጽሮሳ ኪታ
\toc3 2 ጰጽ.
\mt1 ጰጽሮስ
\mt2 ጻፌዳ ላኤን ኪታ
\imt ገሉዋ
\ip የሱስ ኪቴዳ ጰጽሮስ ጻፌዳ ላኤን ኪታይ ጻፈቴዳዌ፥ ዱማ ዱማሳን ደእያ፥ በን አማንያ አሳቱዋሳ። ኪታዉ ሁጰ ቆፋይ ዎርዶ አስታማራቱዋ ኢታ ኦሱዋነ ኡንቱንቱ ትምርትያ ጋሱዋን መቴዳ ፖኮ ደኡዋ ኤቀትያዋ። መቴዳ መታቱዋ ቃራናዉ ማዶ ግድያዌ የሱሳ ባረንቱ አይፍያን በኤዳነ እ ታማርስያ ዎደ ባረንቱ ሀይን ስሴዳ አሳቱ ታማርሴዳ ትምርትያ ባጋና ጾሳባነ ጎዳ የሱስ ክርስቶሳዋ አማንያ ኤራ ደምያዋ። ጻፊ ዱማ ናጊደ ኦዴዳባይ፥ “ክርስቶስ ላኤን ዬና” ያግያ ዎርዱዋ ትምርትያባ። ሄዋ ጼልያዋን ሃሳዪደ፥ “ክርስቶስ ስሚደ ዬናን ጋምኤዳዌ፥ ጾሳይ፥ አሳይ ኡባይ ባረ ናጋራፐ ስማናዋፐ አትን፥ ኦንነ ያናዋ ኮየና ድራሳ” ያጌ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-2\ior*
\io1 አማንያ አሳ ጼሳ \ior 1:3-21\ior*
\io1 ዎርዶ አስታማራቱዋ \ior 2:1-22\ior*
\io1 የሱሳ ላኤን ዩሳ \ior 3:1-18\ior*
\c 1
\p
\v 1 ታን ስሞን ጰጽሮስ፥ የሱስ ክርስቶሳ ጽሎተ ባጋና ኑዋ ማላ አማኑዋ አኬዳዋንቶ፥ ሀ ዳብዳቢያ ጻፋይ።
\p
\v 2 ጾሳነ ኑ ጎዳ የሱሳ ህንተ ኤርያዋን አ ኬካተይነ ሳሮተይ ህንተንቶ ፓላሂደ ግዶ።
\s1 ጾሳ ጼሳነ አ ዶሩዋ
\p
\v 3 ኑን ጾሳ ቦንቹዋነ ሎኦተ ላታና ማላ፥ ኑና ጼሴዳዋ ኑን ኤርያዋን፥ ደኡዋስነ ጾሳ ማላቱሳዉ ኑና ኮሽያዋ ኡባ ጾሳ ዎልቃይ ኑዉ እሜዳ። 
\v 4 ህንተ አ እሙዋ ባጋና ሳኣን ደእያ ባይዝያ አሙዋፐ ከስ አካናዳንነ ጾሳ ጾሳተ ላታናዳን፥ እ ባረ እማና ጌዳ ዳሮ ዎልቃማነ አልኦ እሙዋ ኑዉ እሜዳ። 
\v 5 ሄዋ ድራዉ፥ ህንተና በስያዋ ኡባ ምን ኦደ፥ ህንተ አማኑዋ ቦላ ሎኦተ፥ ሎኦተ ቦላ ኤራተ፥ 
\v 6 ኤራተ ቦላ ህንተና ናግያዋ፥ ህንተና ናግያዋ ቦላ ገንጫ፥ ገንጫ ቦላ ጾሳ ማላትያዋ፥ 
\v 7 ጾሳ ማላትያዋ ቦላ እሻተ ሲቁዋ፥ እሻተ ሲቁዋ ቦላ ሲቁዋ ጉጅተ። 
\v 8 አያዉ ጎፐ፥ ሀዋንቱ ህንተንቶ ሎይ ዳርያዋ ግዶፐ፥ ህንተና ጎዳ የሱስ ክርስቶሳ ኤራተን ትሻነ አይፍያና ደእያዋንታ ኦና። 
\v 9 ሽን ሄዋንቱ ባይና ኡራይ ባረ ማታን ደእያዋ ጻላላ ደሜ፤ ቃይ እ ቆቃ፤ እ ካሰ ኦዳ ናጋራይ አቶ ጌተቴዳዋ ዶጌዳ።
\p
\v 10 ሄዋ ድራዉ፥ ታናዳን ጾሳ ካልያዋንቶ፥ ህንተና ጾሳይ ጼሴዳዋነ ዶሬዳዋ ሎይ ኤርሳናዉ፥ ካሰዋፐ አ ምንተ፤ አያዉ ጎፐ፥ ህንተ ሄዋ ኦያዋ ግዶፐ፥ በትክታ።\f + \fr 1:10 \fr*\fk በትክታ፦ \fk*\ft ናጋራን ኩንድክታ።\ft*\f* 
\v 11 ሄዋዳን ቃይ ኑ ጎዳነ ኑና አሽያ የሱስ ክርስቶሳ መና ካዉተ ገልያ ኩመን ማታይ ህንተንቶ እመታና።
\p
\v 12 ሄዋ ድራዉ፥ ህንተ ሀ የዋቱዋ ኤርያዋ ግዶፐካ፥ ቃይ ህንተ ኦይቄዳ ቱሙዋን ምኔዳዋንታ ግዶፐካ፥ ታን ህንተና ሀ የዋቱዋ ኡባ ዎደ ሀሳይስያዋ አግከ። 
\v 13 ታን ፓጻ ደኤዳ ኬናን፥ ህንተና ሀሳይሳደ ቃሰናዉ ኮሽያዋ ታዉ ማላቴ። 
\v 14 ኑ ጎዳይ የሱስ ክርስቶስ ታዉ ቆንጭያን ኦዴዳዋዳን፥ ታን ሀ ሀይቂያ አሳተ ጋምኤናን ቃራ ኦላናዋ ኤራይ። 
\v 15 ታን ሀይቄዳዋፐ ጉይያን ግድናካ፥ ህንተ ሀ የዋቱዋ ኡባ ዎደ ቆፓናዉ ዳንዳያና ማላ፥ ታዉ ዳንዳየቴዳዋ ኡባ ኦና።
\s1 ክርስቶሳ ቦንቹዋ ባረ አይፍያን በኤዳ ማርካቱዋ
\p
\v 16 ኑን አ ዎልቃማ ቦንቹዋ ኑ አይፍያን በኢደ ኦደቶፐ አትን፥ መ አኬዳ ቶሳን ኑ ጎዳ ክርስቶሳ ዎልቃነ ዩሳ ህንተንቶ ኦድበይኮ። 
\v 17 አያዉ ጎፐ፥ ዳሮ ዎልቃማ ቦንቹዋፐ፥ “ታን አን ዳሮ ናሸትያ ታ ሲቆ ናአይ ሀዋ” ያግያ ኮሻይ ዬዳ ዎደ፥ ጾሳ አዉዋፐ ቦንቹዋነ ጋላታ እ አኬዳ። 
\v 18 ቃይ ኑንካ ጌሻ ደርያ ቦላን አናና ደኢደ፥ ሄ ኮሻይ ሳሉዋፐ ዬዳዋ ስሴዶ።
\p
\v 19 አሳይ ሄዋፐ ሎይ አያ ትምቢትያ ኦድያዋንቱ ሃሳዬዳ ኑና ሎይ አማንያ ቃላይ ኑዉ ደኤ፤ ህንተ ሄ ቃላ ናግያዋ ግዶፐ ሎይድታ። አያዉ ጎፐ፥ ሄዌ ሳአይ ዎንታና ጋካናስነ ዎንታ ጾልንትያ ፖኡ ህንተ ዎዛናን ፖአና ጋካናዉ፥ ማን ፖእያ ፖኡዋ ማላ። 
\v 20 ኡባፐ ካሰቲደ፥ ሀዋ ኤርተ፤ ጾሳ ማጻፋን ጻፈቴዳ ትምቢትያ ኦዴዳዋ ኦንነ ባረካ ብላናዉ ዳንዳየና። 
\v 21 አያዉ ጎፐ፥ ትምቢትያ ኦዴዳዌ ኡባይ ጌሻ አሳቱ ጌሻ አያናይ ካለና፥ ጾሳ ቃላ ሃሳዬድኖፐ አትን፥ አሳ ሸንያን ሃሳየትቤና።
\c 2
\s1 ዎርዶ አስታማራቱዋ
\p
\v 1 ሽን ትምቢትያ ኦድያ ዎርዳቱ አሳ ግዶን ካሰ ደእያዋዳን፥ ህንተ ግዶንካ ዎርዱዋ ታማርስያዋንቱ ደአና። ኡንቱንቱ ባረና ዎዜዳ፥ ጎዳ ካዲደ፥ ባይዝያ ዎርዶ ትምርትያ አሀና፤ ቃይ ኡንቱንቱ አኬከና ባሻ ባረንቱ ቦላ አሀና። 
\v 2 ቃይ ዳሮ አሳይ ዬላይያ ኡንቱንቱ ኢታ ኦግያ ካላና፤ ኡንቱንቱ ጋሱዋን ቱሙዋ ኦጊ ቦረታና። 
\v 3 ዎርዱዋ ታማርስያ ሄዋንቱ ሻሎ ያረትያዋን ባረንቱ መ አኬዳ ቶሳን ህንተና ቦንቃና፤ በንፐ ዶሚደ፥ ኡንቱንቱ ፕርዳይ ጊግ ኡቴዳ፤ ኡንቱንታ ይስያዌ ቤጎቲደ ናጌ።
\p
\v 4 ናጋራ ኦዳ ኪታንቻቶ ጾሳይ ቃረተናን፥ ፕርዳ ጋላሳይ ጋካናዉ ማ ኦላን ኡንቱንቱ ቃሸት ኡቴዳ ጋናምያን የጌዳ። 
\v 5 ጾሳይ ናጋራንቻቱዋ ቦላ ባሻ ሃ የዴዳፐ አትን፥ በን አሳዉ ኬክቤና፤ ሽን ጽሎተባ ኦዴዳ ኖሀነ ሀራ ላፑ አሳቱዋ አሼዳ።\x - \xo 2:5 \xo*\xt ዶመ 6:1—7:24\xt*\x* 
\v 6 ጾሳይ ሶዶማነ ጋሞራ ግያ ካታማቱዋ ቢታ ብድን ኦደ፥ ጉድ ይሲደ፥ ናጋራንቻ ግድያዋንታ ጋካናባዉ ሌምሱዋ ኦዳ።\x - \xo 2:6 \xo*\xt ዶመ 19:24\xt*\x* 
\v 7 ህገዉ አዛዘተና ቱናተ ኦያ አሳቱዋ ግዶን ቱጋቲደ ደእያ ጽሉዋ ሎጻ ጾሳይ አሼዳ።\x - \xo 2:7 \xo*\xt ዶመ 19:1-16\xt*\x* 
\v 8 ሄ ሎኦ ብታኒ ኡንቱንቱ ግዶን ደኢደ፥ ኡንቱንቱ ኦያ ኢታ ኦሱዋ ጋላስ ጋላስ በኤዳ ዎደነ ስሴዳ ዎደ አ ሎኦ ዎዛናይ ኡንኤቴዳ። 
\v 9-10 ሄዋ ግዶፐ፥ ጎዳይ ጾሳዉ ጎይንያ አሳቱዋ ፓጭያፐ ዎት አሻነንቶ ኤሬ፤ ናጋራንቻቱዋ ቃይ ኡባፐ አደ፥ ቱና አሙዋን አሹዋ አሙዋ ካልያዋንታነ ቃይ ጾሳ ዎልቃ ካያዋንታ፥ ፕርዳ ጋላሳይ ጋካናዉ ጎዳይ ሙሪደ ዎናዋካ ኤሬ።
\p ዎርዱዋ ታማርስያ ሄዋንቱ ጻላነ ኦቶራንቻ ግዴዳዋን፥ ቦላን ደእያ ቦንቾ መታ ቦሪኖፐ አትን፥ ቦንችክኖ። 
\v 11 ሄ ዎርዱዋ ታማርስያ አሳቱዋፐ ዳሮ ምኖነ ዎልቃማ ግድያ ኪታንቻቱካ ኡንቱንታ ጎዳ ስንን ቦርያን ሞታናዉ ኮይክኖ። 
\v 12 ሽን ሄ አሳቱ ኦይቀቲደ ያናዉ የለቴዳ ባረንቱ መታን ዎዛናይ ባይና ዎራ ዶአቱዋዳን ሀኒኖ፤ ኡንቱንቱ ኤረናባ ቦሪኖ፤ ቃይ ባረንቱ ባይዙዋን፥ ኡንቱንቱ ጮ ያና። 
\v 13 ኡንቱንቱ ባረንቱ መዳ መቱዋን መቶታና፤ ጋላስ የጺደ ዱርያዋ ናሸችያባ ጊደ ቆፒኖ፤ ኡንቱንቱ ካዉሽስያዋንታነ ቱናቱዋ ግድ ኡቲደ፥ ህንተናና ምያ ቁማ ሙሳን ናሸቲኖ። 
\v 14 ጫራትያ ማጫ አሳ ጼልያዋ አገና አይፊ ኡንቱንቶ ደኤ፤ ቃይ ናጋራ ኦያዋካ አግክኖ። አማኑዋን ምንቤና አሳ ጭሚኖ። አሙዋ ዶዬዳ ዎዛናይ ኡንቱንቶ ደኤ፤ ኡንቱንቱ ሸቀቴዳዋንታ። 
\v 15 ሱረ ኦግያ አጊደ ባሌድኖ። ብኦራ ናኣ ባላማ ኦግያና ቤድኖ፤ ባላም ማካላን ሚሻ አካናዉ ኮዬዳ።\x - \xo 2:15 \xo*\xt ፓይ. 22:4-35\xt*\x* 
\v 16 እ ትምቢትያ ኦድያዋ፤ ሽን አ ናጋራ ድራዉ፥ አ ሀሪ አሳዳን ሃሳያን ሴሪደ፥ ጎሻ ማላ ሀኑዋፐ አ ተኤዳ።
\p
\v 17 ሄ አሳቱ መል ድጌዳ ፑልቱዋ ማላ፤ ቃይ ጎቱ ቶኪደ አፍያ ሻርያ ማላ፤ ጾሳይ ኡንቱንቶ ሳካና ማ ጊግስ ዎዳ። 
\v 18 አያዉ ጎፐ፥ ኡንቱንቱ መላነ ኦቶሮ ሃሳያ ሃሳዪኖ፤ ባሊደ ደእያ አሳፐ ከስ ዬዳዋንታ ዎልቃማ አሹዋ አሙዋን ጭሚኖ። 
\v 19 ኡንቱንቱ ባረዉ ባሻ አሙዋና ደኢደ ኡንቱንታ፥ “ህንተ አይለተፐ ከሳና” ያጊኖ፤ አያዉ ጎፐ፥ እት አሳይ ባረና ጾኔዳባዉ አያዉነ አይልያ። 
\v 20 ኡንቱንቱ ኑ ጎዳነ ኑና አሽያ የሱስ ክርስቶሳ ኤራተን ሀ ሳኣ ቱናተፐ ከስ አኬዳዋፐ ጉይያን፥ ጉየ ስሚደ፥ አን በቲደ ጾነትያዋ ግዶፐ፥ ካሰ ደእያ ደኡዋፐ ጉየዌ ኡንቱንቶ ኢታና። 
\v 21 አያዉ ጎፐ፥ ኡንቱንቶ እመቴዳ ጌሻ አዛዙዋ ኤሪደ አግያዋፐ ኡንቱንቱ ጽሎተ ኦግያ ኤረናን አግንቶ ሎአ ሽን። 
\v 22 “ካናይ ባረ ጮሻኮ ጉየ ስሜ” ግያ ሌምሱነ ቃይ፥ “ሜጨቴዳ ጉዱንይ ጉየ ስሚደ፥ ኡርቃን ጎንዶረቴ” ግያ ሌምሱ ቱማ ግድያዋ ኡንቱንታ ጋኬዳዌ በሴ።\x - \xo 2:22 \xo*\xt ሌም. 26:11\xt*\x*
\c 3
\s1 ጎዳይ የሱስ ያና ናሸቻ
\p
\v 1 ታ ሲቃቶ፥ ሀዌ ታን ህንተንቶ ጻፌዳ ላኤን ዳብዳቢያ፤ ታን ሄ ላኡ ዳብዳበቱዋካ ህንተ ሱረ ቆፋ ቆፓናዳን ደንናዉ ህንተና ሀሳይሳናዳን ጻፋድ። 
\v 2 ጌሻ ግዴዳ ናባቱ በን ኦዴዳ ቃላ ህንተ ሀሳያና ማላነ ጎዳይ ህንተና አሽያዌ፥ ባረ ኪቴዳዋንቱ ባጋና ህንተና አዛዜዳ አዛዙዋ ህንተ ሀሳያና ማላ ኮያይ። 
\v 3 ዎድያ ዉርሰን፥ አሳ ቶችያ ባረንቱ አሙዋዳን ደእያዋንቱ አሳ ቶቺደ ደንዳናዋ ኡባፐ ካሰቲደ ኤርተ። 
\v 4 ኡንቱንቱ፥ “እ ‘ያና’ ያጌዳ። ግቤኔ? ያትና ሀቃን ደኢ? አያዉ ጎፐ፥ ኑ አዎቱ ሀይቂ ድጌድኖ፤ ሽን ኡባባይካ ሳአይ መቶደፐ ዶሚደ ደእያዋዳንካ ደኤ” ያጋና። 
\v 5 ዳሮ ዎድያፐ ካሰ ጾሳይ ሃሳይና፥ ሳሉነ ሳአይ መቴዳዋ ኤሪደ፥ ኡንቱንቱ አኬከናን እጼድኖ። ሳአይ ሃፐነ ሃን መቴዳ።\x - \xo 3:5 \xo*\xt ዶመ 1:6-9\xt*\x* 
\v 6 ቃይ ሄዋ ጋሱዋን፥ ሄ ዎደ ደእያ ሳአይ ሄ ሃን ምተት ዬዳ።\x - \xo 3:6 \xo*\xt ዶመ 7:11\xt*\x* 
\v 7 ሽን ሀእ ደእያ ሳሉነ ሳአይ፥ ጾሳዉ ጎይነና አሳቱ ፕርደትያ ጋላሳይነ ይያ ጋላሳይ ጋካናዉ ታኪደ፥ ሄ ቃላን ታማ ናጊኖ።
\p
\v 8 ሽን ታ ሲቃቶ፥ ሀ እት የዋቶ ዶጎፕተ፤ ጎዳ ማታን፥ እት ጋላሳይ ሻአ ላይ ማላ ግድያዋነ፥ ቃይ ሻአ ላይይ እት ጋላሳ ማላ ግድያዋ ዶጎፕተ።\x - \xo 3:8 \xo*\xt ማዝ. 90:4\xt*\x* 
\v 9 እቱ እቱ ቆፕያዋዳን፥ ጎዳይ ባረ ኦና ጌዳዋ ኦናዉ ታከና፤ ሽን ኦንነ ባረ ናጋራፐ ስማናዳን ኮዬፐ አትን፥ ኦንነ ያና ማላ ኮየና ድራዉ፥ ህንተዉ ጊደ ዳንዳያን ጋምኤ።
\p
\v 10 ሽን ጎዳ ጋላሳይ ካይሱዋዳን ያና። ሄ ጋላስ ሳሎቱ ዎልቃማ ጉንን ያና፤ ሳሉዋ መታቱ ዎልቃማ ሴላን ሲላና፤ ሳአይነ አ ቦላን ደእያ ኡባባይ ያና። 
\v 11 ኡባባይካ ሄዋዳን ይያዋ ግዶፐ፥ ህንተ አይ ማላ አሳ ግዳናዉ በሲ? ህንተ ደኡ ጌሻነ ጾሳ ማላትያዋ ግዳናዉ ኮሼ። 
\v 12 ህንተ ጾሳ ጋላሳ ናግሽና፥ ሄ ጋላሳይ ኤለካ ጋካናዳን፥ ህንተንቶ ዳንዳየትያዋ ኦተ፤ ሄ ጋላስ ሳሎቱ ጉደቲደ ያናነ ሳሉዋ መታቱካ ዎልቃማ ሴላን ሲላና። 
\v 13 ሽን ኑን ጾሳይ እማና ጌዳ ኦራ ሳሉዋነ ኦራ ሳኣ ጽሉ ደአናሳ ናጌቶ።\x - \xo 3:13 \xo*\xt ኢሳ. 65:17፤ 66:22፤ ሳፃ 21:1\xt*\x*
\p
\v 14 ሄዋ ድራዉ፥ ታ ሲቃቶ፥ ሄ ጋላሳ ናጊደ፥ ፖኩነ ዬላይያባይ ባይናዋንታ ግዲደ፥ አናና ሳሮተን ደአና ማላ ሎኦባ ኡባ ኦተ። 
\v 15 ጎዳ ዳንዳያይ አቶተ ግድያዋ ህንተ ዎዛናን ቆፕተ፤ ሄዋዳን ቃይ ኑ ሲቆ እሻይ ጳዉሎስ፥ ጾሳይ ባረዉ እሜዳ አዳ ኤራተን ህንተንቶ ጻፌዳ። 
\v 16 ባረ ጻፍያ ዳብዳቢያን፥ ሄ የዉዋባ ጻፍያ ዎደ፥ ታማርቤና አሳቱነ ምንቤና አሳቱ ሀራ ጾሳ ማጻፋቱዋ ጌላይያዋዳንካ፥ ሄ ዳብዳቢያ ግዶን ደእያ አኬካናዉ ዋይስያ የዉዋ ጌላዪኖ። ኡንቱንቱ ሄዋ ኦያዋን ባረንቱ ቦላ ባሻ አሂኖ።
\p
\v 17 ሄዋ ድራዉ፥ ታ ሲቃቶ፥ ህንተ ሄዋ ኤርያ ድራዉ፥ ማካላንቻቱዋ ባላን ጭመቲደ፥ ዎራ ቤና ማላነ፥ ቃይ ምኒደ ደእያ ሳኣፐ ኩንደና ማላ ናገትተ። 
\v 18 ሽን ህንተ ኑ ጎዳ፥ ኑና አሽያ የሱስ ክርስቶሳ አ ኬካተንነ ኤራተን ድጭተ። አዉ ሀእነ መና ጋላሳይ ጋካናዉ ጋላታይ ጋኮ። አመንእ።