\id 2KI - Dawuro Full Bible Ethiopic Version
\ide UTF-8
\h 2 ካታቱዋ
\toc1 ላኤን ካታቱዋ ማጻፋ
\toc2 2 ካታቱዋ
\toc3 2 ካታ.
\mt1 ላኤን ካታቱዋ ማጻፋ
\imt ገሉዋ
\ip ካታቱዋ ማጻፋ ላኤንዋ ሻኩ፥ ካታቱዋ ማጻፋ ኮይሮ ሻኩ ኤቄዳ ሳኣፐ ዶሚደ፥ ላኡ እስራኤልያ ካዉተቱዋባ ኦዴ። ማጻፋ ላኡ ዋና ዋና ክፍለቱዋን ሻክ ጼላናዉ ዳንዳዬቶ።
\ili 1. ክርስቶሳ የለታፐ ካሰ ኡዱፑን ጼቱ ላይዉ ባጋፐ ዶሚደ ቢደ፥ ክርስቶሳ የለታፐ ካሰ ላፑን ጼታነ ላታማነ እት ላይን ሁጲሳ ባጋ ካዉተይ ኩንዳና ጋካናዉ ደእያ ላኡ ካዉተቱ ታርክያ፥
\ili 2. እስራኤልያ ካዉተ ኩንደፐ ቢደ፥ ክርስቶሳ የለታፐ ካሰ እቼሹ ጼታነ ሆስፑን ታማነ ኡሱፑን ላይን ካቲ ናቡካዳናጾረ የሩሳላመ ካታማ ኦይቂደ ላሌዳ ዎድያ ጋካናዉ ደእያ ይሁዳ ካዉተ ታርክያ። ማጻፋይ ጋዳሊ ባብሎና ሞዱዋ ጋርሳን ይሁዳ ቢታ ሞድያዋ ግዴዳዋነ ይሁዳ ካቲ ዮኣኪነ ባብሎና ቃሾ ጎልያፐ ከሴዳዋ ቆንጭስ ኦዲደ፥ ታርክያ ዉርሴ።
\ip ሀ ባሻ ኡባይ እስራኤልያ ቦላ ያናዉ ዳንዳዬዳዌ ይሁዳነ እስራኤልያ ካተቱነ አሳይ ጾሳዉ አማነትያ አማናቱዋ ፓጭሴዳ ግሻታሳ። የሩሳላመ ካታማይ ላለቴዳዌነ ይሁዳ አሳፐካ ዳርያ ባጋይ ባረ ጋድያፐ በቴዳዌ፥ እስራኤልያ አሳ ታርኪ ብያ ኬሻ ላማናዳን ኦዳ ጋሶቱዋፐ ዋናትያዋንታ።
\ip ካተቱ ማጻፋን ላኤን ግሹዋን ዳሮ ኤረቴዳ ብታኒ ኤላሳ ሳኣን ትምቢትያ ኦድያዋ ከሴዳ ኤልሳአ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሻከቴዳ ካዉተ \ior 1:1—17:41\ior*
\io2 ሀ. ናብያ ኤላሳ \ior 1:1—8:15\ior*
\io2 ለ. ይሁዳነ እስራኤልያ ካተቱዋ \ior 8:16—17:4\ior*
\io2 ሐ. ሳማርያ ኩንደ \ior 17:5-41\ior*
\io1 ይሁዳ ካዉተ \ior 18:1—25:30\ior*
\io2 ሀ. ህዝቂያሳፐ እዮስያሳ ጋካናዉ \ior 18:1—21:26\ior*
\io2 ለ. እዮስያሳ አይሱዋ \ior 22:1—23:30\ior*
\io2 ሐ. ዉርሰ ይሁዳ ካተቱዋ \ior 23:31—24:20\ior*
\io2 መ. የሩሳላመ ኩንደ \ior 25:1-30\ior*
\c 1
\ms ሻከቴዳ ካዉተ
\mr (1:1—17:41)
\s1 ናብያ ኤላሳ
\r (1:1—8:15)
\p
\v 1 አካብ ሀይቄዳዋፐ ጉይያን፥ ሞኣበ ቢታ አሳይ እስራኤልያ ቦላ ደንዴዳ።
\p
\v 2 ሄ ዎደ ካቲ አካዝያስ ሳማርያ ካታማን ቦላ ፖቅያ ባራንዳፐ ኩንዲደ ደሸቴዳ። ሄዋ ድራዉ አሳቱዋ፥ “ቢተ፤ ታን ሀ ደሸፐ ፓጻነንቶ፥ አጋነንቶ፥ ኤቅሮና ካታማ ጾሳ ብኤል-ዘቡላ አነ ታዉ ኦችተ” ያጊደ ኪቴዳ።
\p
\v 3 ሽን መና ጎዳ ኪታንቻይ ትስቢያ ኤላሳ ሀዋዳን ያጌዳ፤ “ባ፤ ፑደ ባደ፥ ሳማርያ ካቲ ኪቴዳ አሳቱዋና ጋከታ። ኡንቱንታ፥ ‘ህንተ ኤቅሮና ካታማ ጾሳ ብኤል-ዘቡላ ኦቻናዉ ቤዳዌ፥ እስራኤልያን ጾሳይ ይኔየ?’ ያጋ። 
\v 4 ሄዋ ድራዉ፥ መና ጎዳይ ሀዋዳን ያጌ፤ ‘ካትያዉ፥ ኔን ሀይቃናፐ አትና፥ ሀ ግሴዳ ግሱዋፐ ደንዳካ’ ያጌ” ያጌዳ። ኤላስ ቢደ፥ ኡንቱንቶ ኦዴዳ።
\p
\v 5 ኪቴዳ አሳቱ ካትያኮ ጉየ ስምና፥ እ ኡንቱንታ፥ “አያዉ ስሜድቴ?” ያጊደ ኦቼዳ።
\p
\v 6 ሽን ኡንቱንቱ አዉ ሀዋዳን ያጊደ ዛሬድኖ፥ “እት ብታኒ ኑናና ጋከታናዉ ዪደ፥ ህንተና ኪቴዳ ካትያኮ ስሚደ ቢተ።” አዉ ሀዋዳን ያግተ “መና ጎዳይ ኔና፥ ‘ኤቅሮና ጾሳ ብኤል-ዘቡላ ኦሽሳናዉ ኔን አሳ ኪትያዌ፥ እስራኤልያን ጾስ ይኔየ? ሄዋ ድራዉ፥ ኔን ሀይቃናፐ አትና፥ ሀ ግሴዳ ግሱዋፐ ደንዳካ ያጌ’ ያግተ ያጌዳ” ያጌድኖ።
\p
\v 7 ካቲ ኡንቱንታ፥ “ህንተንቱና ጋከታናዉ ዪደ፥ ሀ የዉዋ ህንተንቶ ኦዴዳ ብታኒ አይ ማላ አሴ?” ያጊደ ኦቼዳ።
\p
\v 8 ኡንቱንቱ፥ “መህያ እስክያን ዳደቴዳ ካባ ማዪደ፥ ባረ ጼሳን ዳፉዋ ዳንጬ” ያጊደ ዛሬድኖ።\x - \xo 1:8 \xo*\xt ማቶሳ 3:4፤ ማር. 1:6\xt*\x*
\p እ፥ “ሄዌ ትስቢያ ኤላሳ” ያጌዳ።
\p
\v 9 ሄዋፐ ጉይያን፥ ካቲ እሻታሙዋ ካፑዋ አ እሻታሙ ኦላንቻቱዋና ኪቴዳ። ካፑ ደርያ ሁጲያን ኡቴዳ ኤላሳኮ ፑደ ከሲደ፥ “ጾሳ አሳዉ፥ ካቲ ኔና፥ ‘ዱገ ዎ’ ያጌ” ያጌዳ።
\p
\v 10 ሽን ኤላስ እሻታሙዋ ካፖ፥ “ታን ጾሳ አሳ ግዶፐ፥ ታማይ ሳሉዋፐ ዎደ፥ ኔናነ ነ እሻታማቱዋነ ሞ” ያጊደ ዛሬዳ። ታማይ ሳሉዋፐ ዎደ፥ እሻታሙዋ ካፑዋነ አ እሻታማቱዋነ ሜዳ።\x - \xo 1:10-12 \xo*\xt ሉቃሳ 9:54\xt*\x*
\p
\v 11 ቃይ ካቲ ሀራ እሻታሙ ኦላንቻቱዋና ሀራ እሻታሙዋ ካፑዋ ኤላሳኮ ኪቴዳ። እሻታሙዋ ካፑ ኤላሳ፥ “ጾሳ አሳዉ፥ ካቲ ኔና፥ ኤለካ ዱገ ዎ ያጌ” ያጌዳ።
\p
\v 12 ኤላስ አዉ፥ “ታን ጾሳ አሳ ግዶፐ፥ ታማይ ሳሉዋፐ ዎደ፥ ኔናነ ነ እሻታማቱዋነ ሞ” ያጌዳ። ጾሳ ታማይ ሳሉዋፐ ዎደ፥ እሻታሙዋ ካፑዋነ አ እሻታማቱዋነ ሜዳ።
\p
\v 13 ቃይካ ካቲ እሻታሙ ኦላንቻቱዋና ሀራ ሄዘን እሻታሙዋ ካፑዋ ኪቴዳ። እሻታሙዋ ካፑ ፑደ ከሲደ፥ ኤላሳ ስንን ጉልባቲደ፥ “ጾሳ አሳዉ፥ ሀያና፥ ታናነ ታናና ደእያ ሀ እሻታሙ አሳቱዋ ማራ! ኑ ሸምፑዋካ ሀይቁዋፐ አሻ! 
\v 14 ታማይ ሳሉዋፐ ዎደ፥ ካሰ እሻታማቱዋ ካፑዋ አሳነ ኡንቱንታ እሻታማቱዋ ኡባነ ሜዳ። ሽን ሀእ ታና ማራ!” ያጊደ ዎሴዳ።
\p
\v 15 መና ጎዳ ኪታንቻይ ኤላሳዉ፥ “ያዮፓ! አናና ዱገ ዎ” ያጌዳ።
\p ኤላስ ደንዲደ፥ አናና ዱገ ዎዳ። 
\v 16 እ ካትያዉ፥ “መና ጎዳይ ኔና ሀዋዳን ያጌ፤ ‘ነዉ ኦቻናዉ እስራኤልያን ጾስ ይኔ፥ ኔን ኤቅሮና ጾሳ ብኤል-ዘቡላ ኦቻናዉ አሳ ኪቴዳዌ? ኔን ሀዋ ኦዳ ድራዉ፥ ሀይቃና! ነ ግሴዳ ግሱዋፐካ ደንዳካ’ ያጌ” ያጌዳ።
\p
\v 17 ኤላስ ሃሳዬዳ መና ጎዳ ቃላዳንካ አካዝያስ ሀይቄዳ፤ አካዝያሳዉ አቱማ ናእ ባይና ድራዉ፥ አ እሻይ ዮራመ አ ኮታን ካተቴዳ፤ ሄዌ ሀኔዳዌ ዮሳፌጻ ናአይ ዮራመ ይሁዳን ካዉቴዳ ላኤን ላይና። 
\v 18 አካዝያስ ሀኔዳ ሀራባይነ እ ኦዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
\c 2
\s1 ጾሳይ ኤላሳ ሳሉዋ አፌዳ
\p
\v 1 መና ጎዳይ ኤላሳ ጎትያን ሳሉዋ አፋናዉ ሀንያ ዎደ፥ ኤላስነ ኤልሳእ ገልጋላፐ ደንዲደ ቤድኖ። 
\v 2 ኤላስ ኤልሳአ፥ “መና ጎዳይ ታና ቤቴለ ካታማ ኪቴዳ ድራዉ፥ ሀያና ኔን ሀዋን ታካሻ” ያጌዳ።
\p ሽን ኤልሳእ፥ “መና ጎዳይ ኤሮ! ነ ሸምፑ ኤሮ! ታን ኔፐ ሻከትከ” ያጌዳ። ኡንቱንቱካ ዱገ ቤቴለ ዎድኖ።
\p
\v 3 ቤቴለን ደእያ ትምቢትያ ኦድያዋንቱ ጭታይ ኤልሳአኮ ከሲደ፥ “መና ጎዳይ ሀቼ ነ ጎዳ ኔፐ ሻክ አፋናዋ ኔን ኤራይ?” ያጊደ ኦቼድኖ።
\p ኤልሳእ፥ “ኤ ኤራይ። ሽን ህንተንቱ ጮኡ ጊተ” ያጊደ ዛሬዳ።
\p
\v 4 ሄዋፐ ጉይያን፥ ኤላስ ኤልሳአ፥ “መና ጎዳይ ታና ያርኮ ኪቴዳ ድራዉ፥ ሀያና ኔን ሀዋን ታካሻ” ያጌዳ።
\p ሽን ኤልሳእ፥ “መና ጎዳይ ኤሮ! ነ ሸምፑ ኤሮ! ታን ኔፐ ሻከትከ” ያጊደ ዛሬዳ። ሄዋ ድራዉ፥ ኡንቱንቱ ያርኮ ቤድኖ።
\p
\v 5 ያርኮን ደእያ ትምቢትያ ኦድያዋንቱ ጭታይ ኤልሳአኮ ከሲደ፥ “መና ጎዳይ ሀቼ ነ ጎዳ ኔፐ ሻክ አፋናዋ ኔን ኤራይ?” ያጊደ ኦቼድኖ።
\p እ፥ “ኤ ኤራይ። ሽን ህንተንቱ ጮኡ ጊተ” ያጊደ ዛሬዳ።
\p
\v 6 ሄዋፐ ጉይያን፥ ኤላስ ኤልሳአ፥ “መና ጎዳይ ታና ዮርዳኖሳ ሻፋ ኪቴዳ ድራዉ፥ ሀያና ኔን ሀዋን ታካሻ” ያጌዳ።
\p ኤልሳእ፥ “መና ጎዳይ ኤሮ! ነ ሸምፑ ኤሮ! ታን ኔፐ ሻከትከ” ያጌዳ። ኡንቱንቱ ላአቱካ እትፐ ቤድኖ።
\p
\v 7 ትምቢትያ ኦድያዋንቱፐ እሻታሙ አሳቱ ኡንቱንታ ካሊደ፥ ዮርዳኖሳ ሻፋ ጋካናዉ ቤድኖ። ኤላስነ ኤልሳእ ሻፋ ዶናን ኤቂደእሽን፥ ትምቢትያ ኦድያዋንቱ ኡንቱንቱፐ ላፋ ሃኪደ ኤቄድኖ። 
\v 8 ሄ ዎደ ኤላስ ባረ ካባ አኪደ ጻጺደ፥ አን ሃ ሾጬዳ። ሃይ ያነ ሃነ ሻከቴዳ፤ መላ ቢታ የደ ፕኔድኖ። 
\v 9 ኤላስ ኤልሳአ፥ “ታን ኔፐ አከታክቻናፐ ካሰታደ፥ ነዉ አያ ኦና ማላ ኮያይ? አነ ኦዳ” ያጌዳ።\x - \xo 2:9 \xo*\xt ዛረ. 21:17\xt*\x*
\p ኤልሳእ፥ “ታን ኔና ኮችያ ዎደ፥ ነ አያናይ ታዉ ላኡ ዳኩዋ ግዳና ማላ፥ ታን ኔና ዎሳይ” ያጊደ ዛሬዳ።
\p
\v 10 ኤልሳአ፥ “ኔን መትያ ኦሻ ኦቻዳ። ሽን ታን ኔፐ ሻከታ ሳሉዋ ብያ ዎደ ኔን ታና ጼልያዋ ግዶፐ፥ ሄዌ ነዉ ሀናና። ሄዌ ዮፐ ሀነና” ያጌዳ።
\p
\v 11 ሄዋፐ ጉይያን፥ ኡንቱንቱ እትፐ ሃሳዪድ ሀመትሽን፥ ታማ ፓራቱነ ኡንቱንቱ ጎችያ ታማ ጋሪ አኬከናን ፑቱ ጊደ፥ ኡንቱንቱ ላኡዋፐ ግዱዋን ገሊደ፥ ሻኬዳ። ኤላስ ጎትያን ሳሉዋ ከሴዳ። 
\v 12 ኤልሳእ ሄዋ በኢደ፥ “ታ አዎ፥ ታ አዎ! ኔን እስራኤልያ አሳዉ ዎልቃነ ጎንዳለ ሽን!” ያጊደ ዋሴዳ። ሄዋፐ ስሚደ፥ እ ኤላሳ ኡባካ በእቤና።\x - \xo 2:12 \xo*\xt 2 ካታ. 13:14\xt*\x*
\p ኤልሳእ ሄዋን ካዮቲደ፥ ባረ ማዩዋ ላኡ ከሲደ፥ ፖሽ ኦሌዳ። 
\v 13 ያቲደ ኤላሳፐ ዎዳ ካባ እ ደንደ፥ ጉየ ስሜዳ፤ ዮርዳኖሳ ሻፋ ዶናን ኤቄዳ። 
\v 14 ኤላሳፐ ዎዳ ካባ አኪደ፥ ሃ አን ሾጪደ፥ “መና ጎዳይ ኤላሳ ጾሳይ ሀቃን ደኢ?” ያጌዳ። ኤልሳእ ሃ ሾጬዳ ዎደ፥ ሃይ ያነ ሃነ ሻከቴዳ፤ ሻፋ ፕኔዳ።
\p
\v 15 ያርኮፐ ዬዳ ትምቢትያ ኦድያዋንቱ ጭታይ ኤልሳአ በኤዳ ዎደ፥ “ኤላሳ አያናይ ኤልሳአ ቦላ ሸምፔዳ” ያጌድኖ። ኡንቱንቱ አናና ጋከታናዉ ዪደ፥ አ ስንን ሳኣን ጉፋኔድኖ። 
\v 16 ያቲደ ኡንቱንቱ አ፥ “በአ፥ ኑን ነ ቆማቱ እሻታሙ ምኖ አሳቱ ሀዋን ደኤቶ። ሀያና ኑን ነ ጎዳ ኮያናዉ ባና። ኦን ኤሪ፥ መና ጎዳ አያናይ አ አኪደ፥ እት ደርያ ሁጲያን ዎይ ዛንጋራ ግዶን የጌደንቶነ” ያጌድኖ።
\p ኤልሳእ፥ “ሀነና፥ ቦፕተ!” ያጌዳ።
\p
\v 17 ሽን እጻድ ጋናዌ አ ዬላያና ጋካናዉ፥ ኡንቱንቱ አ ዎሲደ አገናን እጽና፥ “ቢተ” ያጌዳ። ኡንቱንቱ እሻታሙ ቤድኖ። ሄዙ ጋላሳ ኮዪደ፥ አ ደምቤይክኖ። 
\v 18 ኤልሳእ ያርኮን ታክ ደእሽን፥ ኡንቱንቱ አኮ ስሚደ ዪና፥ “ዎን ታን ህንተንታ ‘ቦፕተ’ ያጋበይክታ?” ያጌዳ።
\s1 ኤልሳእ ኦዳ ማላልስያባቱዋ
\p
\v 19 ሄዋፐ ጉይያን፥ ያርኮ ካታማን ደእያ አሳቱ ኤልሳአ፥ “ኔን ኑ ጎዳይ በእያዋዳን ሀ ካታማይ ደእያ ሳአይ ሎአ። ሽን ሃይ ኢታ፤ ቃይ ቢታይካ አይፈና” ያጌድኖ።
\p
\v 20 እ ኡንቱንታ፥ “አነ ኦራ ከርያን ማጽንያ ቆሊደ፥ ታዉ አኪደ ዪተ” ያጊደ አዛዜዳ፤ አዉ አሄድኖ። 
\v 21 ኤልሳእ ፑልትያ ቢደ፥ ማጽንያ አን የጊደ፥ “መና ጎዳይ፥ ‘ታን ሀ ሃ ፓድ፤ ሀዋፐ ስንናዉ ሀ ሃይ ሀይቁዋስ ጋሶ ግደና፤ ቢታይካ አይፋናዋ’ ያጌ” ያጌዳ። 
\v 22 ኤልሳእ ሃሳዬዳዋዳንካ ሀቼ ጋካናዉ፥ ሄ ሃይ ጽሎ ግዴዳ።
\p
\v 23 ኤልሳእ ያፐ ደንዲደ፥ ፑደ ቤቴለ ከሴዳ። እ ኦግያን ቢሽን፥ ያላጋ አቱማ ናናይ ካታማፐ ከሲደ፥ “ላ ሀ ሁጲያና ቦአዉ፥ ፑደ ከሳ! ላ ሀ ሁጲያና ቦአዉ፥ ፑደ ከሳ!” ያጊደ አ ቦላ ቅሊጬድኖ።
\p
\v 24 ጉየ ስም ጼሊደ፥ ኡንቱንታ መና ጎዳ ሱንን ሸቄዳ። ያትና ባባን ጌተትያ ላኡ ማጫ ዶአቱ ዎራፐ ከሲደ፥ ናናቱዋፐ ኦይታማነ ላኡ ያላጋቱዋ ፑዘረደ ዎድኖ።\fig ባባን|alt="Bear" src="LB00048B.TIF" size="col" ref="2:24"\fig* 
\v 25 ኤልሳእ ሄዋፐ ደንዲደ፥ ቃርመሎሳ ደርያ ቤዳ፤ ቃይ ሄዋፐካ ሳማርያ ስሜዳ።
\c 3
\s1 ሞኣበ እስራኤልያና ኦለቴዳ
\p
\v 1 ይሁዳ ካቲ ዮሳፌጸ ካተቴዳ ታማነ ሆስፑን ላይን አካባ ናአይ ዮራመ ሳማርያን እስራኤልያ ቦላ ካተቴዳ፤ እ ታማነ ላኡ ላይ ካተቴዳ። 
\v 2 እ መና ጎዳ ስንን ኢታ ኦዳ። ሽን ባረ አዉዋነ ባረ ዳይ ኤልዛቤል ኬሻ ኢታ ግደና፤ አያዉ ጎፐ፥ አ አዉ ኦዳ ባኣላ ኤቃ እ ቆሌዳ። 
\v 3 ግዶፐነ ናባጻ ናአይ እዮርባም እስራኤልያ አሳ ኦስሴዳ ናጋራ እ ካሌዳፐ አትና ይስቤና።
\p
\v 4 ሞኣበ ቢታ ካቲ ሜሻእ ዶርሳ ሄሜ። እ እስራኤልያ ካትያዉ ጼቱ ሻአ ቦልትቦልታ ዶርሳቱዋነ ጼቱ ሻአ ኮልያ ዶርሳቱዋ እስክያ ላይን ላይን ጊሬ። 
\v 5 ሽን እስራኤልያ ካትያ አካብ ሀይቄዳዋፐ ጉይያን፥ ሞኣበ ካቲ ሜሻእ እስራኤልያ ቦላ ማካሌዳ።
\p
\v 6 ሄ ዎደ ካቲ ዮራመ ሳማርያፐ ከሲደ፥ እስራኤልያ ኡባ ሺሼዳ። 
\v 7 ቃይ ይሁዳ ካትያ ዮሳፌጻኮ ኪታ የዲደ፥ “ሞኣበ ካቲ ታ ቦላ ማካሌዳ፤ ሞኣበና ኦለታናዉ ኔን ታናና ባኒ?” ያጌዳ።
\p ዮሳፌጸ፥ “ኤ ታን ባና። ታን ነ ማላ፤ ታ አሳይካ ነ አሳ ማላ፤ ቃይ ታ ፓራቱካ ነ ፓራቱዋ ማላ” ያጊደ ዛሬዳ። 
\v 8 ዮሳፌጸ ቃይ፥ “ኑን ሀቃ ኦግያና ቢደ ኡንቱንታ ኦላኔ?” ያጊደ ኦቼዳ።
\p ካትያ ዮራመ፥ “ኤዶማ ዎራን ደእያ ኦግያና ቢደ ኦላና” ያጊደ ዛሬዳ።
\p
\v 9 ሄዋ ድራዉ፥ እስራኤልያ ካቲ፥ ይሁዳ ካቲነ ኤዶማ ካቲ ኦላዉ ከሴድኖ። ኡንቱንቱ ላፑን ጋላሳ ኦግያ ዩዬዳዋፐ ጉይያን፥ ኦላንቻቶካ ኡንቱንታ ካሌዳ መህያዉካ አይ ሃነ ባዋ። 
\v 10 ሄ ዎደ እስራኤልያ ካቲ፥ “አየ አና! መና ጎዳይ ኑና ሀ ሄዙ ካተቱዋ እትፐ ሞኣበ ካትያዉ አደ እማናዉ ጼሴዳ” ያጌዳ። 
\v 11 ሽን ዮሳፌጸ፥ “ኑን አ ባጋና መና ጎዳ ኦቻናዳን ሀዋን ትምቢትያ ኦድያዌ ባዌ?” ያጊደ ኦቼዳ።
\p እስራኤልያ ካትያ ኦላ ጋዳዋቱዋፐ እቱ፥ “ኤላሳ ማዲደ ደኤዳ ሻፋጻ ናአይ ኤልሳእ ሀዋን ደኤ” ያጊደ ዛሬዳ።
\p
\v 12 ዮሳፌጸ፥ “ኤ፥ እ ቱሙ ትምቢትያ ኦድያዋ” ያጌዳ። ሄዋፐ ጉይያን፥ እስራኤልያ ካቲ፥ ዮሳፌጽነ ኤዶማ ካቲነ ኤልሳአኮ ዱገ ዎድኖ።
\p
\v 13 ኤልሳእ እስራኤልያ ካትያ፥ “ታናናነ ኔናና አዬ ጋያዌ? ባ፤ ባደ ነ አዉነ ነ ዳያነ ኦቼዳ ትምቢትያ ኦድያዋንታ ኦቻ” ያጌዳ።
\p እስራኤልያ ካቲ ዛሪደ፥ “ቱይት፥ አያዉ ጎፐ፥ ሀ ሄዙ ካተቱዋካ እትፐ ሞኣበ ካትያዉ አደ እማናዉ ኑና ጼሴዳዌ መና ጎዳቴ!” ያጌዳ።
\p
\v 14 ኤልሳእ፥ “ታን አዉ ኦያ ኡባፐ ዎልቃማ መና ጎዳይ ኤሮ! ይሁዳ ካትያ ዮሳፌጻ ድራይ ባይናዋ ግድንቶ፥ ታን ኔና አይፍያንነ ጼልከነ በእከ ሽን። 
\v 15 አነ ታዉ ሀእ ዲ ዲጽያዋ አህተ” ያጌዳ።
\p ዲጽያዌ ዲጽሽን፥ መና ጎዳ ዎልቃይ አ ቦላ ዎዳ። 
\v 16 ኤልሳእ፥ “መና ጎዳይ፥ ‘ሀ መላ ዛንጋራ ኡባን ኦላ ቦክተ’ ያጌ። 
\v 17 አያዉ ጎፐ፥ መና ጎዳይ፥ ጫርኩዋ ዎይ እራ በእክታ፤ ሽን ሀ ቦኬዳ ዛንጋራን ሃይ ኩማና፤ ህንተንቱ፥ ህንተንቱ ሚዛይነ ህንተንቱ ሀራ መሂ ኡሻና ያጌ። 
\v 18 ሀዌ መና ጎዳ ስንን ላፋባ፤ ቃይ መና ጎዳይ ሞኣባካ ህንተንቶ አደ እማና። 
\v 19 ግምበቴዳ ካታማቱዋነ ዎልቃማ ካታማቱዋ ኡባ ህንተንቱ ጾናና። ሎኦ ምቱዋ ኡባካ ቃንጻና፤ ሃ ፑልቶቱዋ ኡባቱዋካ ህንተንቱ ባራና፤ አራዳ ሾይቃቱዋ ኡባ ቦላን ሹቻ ላሊደ ባይዛና” ያጌዳ።
\p
\v 20 ዎንተ ጋላስ ዎንታ ያርሹዋ ያርሽያ ዎዲ ጋክና፥ ኤዶማ ባጋና ሃይ ጎጌዳ፤ ሃይ ቢታን ኤሌዳ።
\p
\v 21 ሞኣበ ቢታ አሳይ ሄዙ ካተቱ ኡንቱንታ ኦላናዉ ዬዳዋ ስሴዳ። ናናይ፥ ጭማይ ኦላ ሚሻ ቶካናዉ ዳንዳይያ አሳይ ኡባይ ጼሰት ዪደ፥ ባረንቱ ቢታ ዛዋ ናጌድኖ። 
\v 22 ኡንቱንቱ ዎንታ ጉራና ደንድያ ዎደ፥ ሃ ቦላ ዎዳ ጻልቂ ዞኢደ፥ ኡንቱንቶ ሱ ማላቲደ ቤቴዳ። 
\v 23 ያትና ኡንቱንቱ፥ “በእተ፥ ሀዌ ሱ! ካተቱ ባረንቱ ግዶን እቱ እቱዋና ኦለቲደ፥ ሀይቂ ዉሬድኖ። ሞኣበ አሳዉ፥ አነ ቢደ፥ ኡንቱንታ አቁዋ ቆጭሬቶ” ያጌድኖ።
\p
\v 24 ሞኣበ ቢታ አሳይ እስራኤላቱ አቁዋ ቤዳ፤ እስራኤላቱ ደንዲደ፥ ኡንቱንታ ሾጬድኖ። ኡንቱንቱ ጋድያ ቦላን ማዬድኖ፤ ሞኣበ አሳ ዎድኖ። 
\v 25 ካታማቱዋካ ኦለቲደ ባይዜድኖ። አሳይ ኡባይ ሁጲያን ሁጲያን እት እት ሹቻ አኪደ፥ አራዳ ሾይቃቱ ኡባቱ ካመታና ጋካናዉ፥ ኡንቱንቱ ቦላ ኦሌዳ። ፑልቶ ኡባ ባሪደ፥ ሎኦ ም ኡባካ ቃንጼድኖ። ቂርሄሬሳ ጌተትያ እት ካታማ ግምበ ጻላላይ ኤቁዋን አቴዳ፤ ሽን ያምባርሻን ኦልያ አሳቱ ሄ ካታማካ ዶዲደ ሾጬድኖ።
\p
\v 26 ሞኣበ ካቲ ኦላይ ባረ ቦላ ጎቤዳዋ በኤዳ ዎደ፥ ማሻ ዳንጪደ ላፑን ጼቱ አሳቱዋ አኬዳ። ኦላ ግዱዋን ዳኪደ፥ ኤዶማ ካትያኮ ፕናናዉ ደንዴዳ፤ ሽን አዉ ሀነናን እጼዳ። 
\v 27 ሄዋፐ ጉይያን፥ ባረ ሳኣን ካተታናዉ ደእያ ባረ ባይራ ናኣ አኪደ፥ ካታማ ግምቢያ ቦላን ታማን ጹጊደ ያርሼዳ። ሞኣባቱ እስራኤላቱ ቦላ ሀንቁዋ ሱሌድኖ። ያትና እስራኤላቱ ሄ ካታማ አጊደ፥ ባረንቱ ጋድያ ስሜድኖ።
\c 4
\s1 ኤልሳእ እት ህዬሳ አምአቶ ማዴዳ
\p
\v 1 ትምቢትያ ኦድያዋንቱፐ እቱዋ ማቻታ ኤልሳአኮ ባደ፥ “ነ ቆማይ ታ አስናይ ሀይቄዳ። እ መና ጎዳዉ ያይያ አሳ ግድያዋ ኔን ኤራሳ። ሽን ሀእ አ አጮ ታ ናና ላኡዋ ባረዉ አይለ ከሳናዉ ዬዳ” ያጋደ አዉ ዋሳዱ።
\p
\v 2 ኤልሳእ እዝዉ፥ “ያትና ታን ነዉ አይ ኦ? ነ ሶን አያይ ደኢ? አነ ታዉ ኦዳ” ያጌዳ።
\p ምሽራታ፥ “ታዉ ነ ቆማትዉ እት ኦቱዋን ዛይቲ ደእያዋፐ አትና፥ ሀራባይ አያይነ ባዋ” ያጋዱ።
\p
\v 3 ኤልሳእ እዞ፥ “ባ፤ ነ ሾሮቱዋ ኡባፐ መላ ኦቶቱዋ ጋርጻ። ላፋ ጋርጾፓ። 
\v 4 ሄዋፐ ጉይያን፥ ሶ ገላደ፥ ነ ቦላነ ነ ናናቱዋ ቦላ እፍ ጎርዳ። ኦቶቱዋ ኡባን ዛይትያ ትጋ፤ ዛይቲ ኩሜዳ ኦቱዋ ኦቱዋ እት ባጋ ዛራ” ያጌዳ።
\p
\v 5 ምሽራታ ባደ፥ ካርያ ባረ ቦላነ ባረ ናናቱዋ ቦላ ጎርዳዱ። ኡንቱንቱ እዝዉ ኦቶቱዋ ሺሽና፥ አ ዛይትያ ትገ ኦይቃዱ። 
\v 6 ኦቱዋ ኡባይ ኩሜዳ ዎደ፥ ምሽራታ ባረ ናኣ፥ “አነ ታዉ ሀራ ኦቱዋ አካደ ያ” ያጋዱ።
\p ሽን ናአይ ዛሪደ፥ “ሀር እት ኦቱነ አትቤና” ያጌዳ። ሄዋፐ ጉይያን፥ ዛይቲ ጎግያዋ አግ ባሼዳ።
\p
\v 7 ምሽራታ ስማደ ባደ፥ ኤልሳኤዉ ኦዳዱ። እ፥ “ባደ ዛይትያ ዛልኣደ፥ ነ አጩዋ ጭጋ። አቴዳዋን ኔንነ ነ ናናይነ ጎኤቲደ ደአናዉ ዳንዳዪታ” ያጌዳ።
\s1 ኤልሳአነ ሹኔማ ካታማን ደእያ ምሽራቶነ
\p
\v 8 እት ጋላስ ኤልሳእ እት ዱረ ምሽራታ ደእያ ሹኔማ ጌተትያ ካታማ ቤዳ። ምሽራታ አ ሾባደ፥ ቁማ ምዛዱ። ሄ ጋላሳፐ ዶሚደ፥ እ ሄዋና አያ ዎደ ኡባን፥ ቁማ ማናዉ እ ሶ ገሌ። 
\v 9 አ ባረ አስና፥ “ሀ ኡባ ዎደ ኑ ማታና አያ ብታኒ ጾሳ አሳ ግድያዋ ታን ኤራይ። 
\v 10 ሄዋ ድራዉ፥ አነ እት ጉ ክፍልያ ቦላ ፖቅያን አዉ ኬጾይተ፤ አ ግዱዋን ግሱዋ፥ አራታ፥ ጻራጴዛነ ጾምፕያ ዎይተ። ሄዋፐ ጉይያን፥ እ ኑኮ ዬዳ ዎደ ኡባን፥ ሄዋን ገላና ዳንዳዬ” ያጋዱ።
\p
\v 11 እት ጋላስ ኤልሳእ ሹኔማ ካታማ ዪደ፥ ባረ ክፍልያ ፑደ ከሲደ፥ ያን ሸምፔዳ። 
\v 12 ሄዋፐ ጉይያን፥ ባረ ቆማ ግያዛ፥ “ባ፤ ሄ ምሽራቶ ጼሳ” ያጌዳ፤ ግያዝ ጼስና፥ አ ያደ ኤልሳአ ስንን ኤቃዱ። 
\v 13 ኤልሳእ ግያዛ፥ “ሀ ምሽራቴ ‘ኔን ኑ ድራዉ፥ ሀዋ ኡባ መቶታዳ። ያትና ኑን ነዉ አይ ኦነ? ነዉ ኑን ቢደ፥ ካትያ ዎይ ኦላ ጋዳዋ ሃሳይስያብ ደኢ?’ ያጋደ እዞ ኦቻ” ያጌዳ።
\p ምሽራታ፥ “ታን ሀዋን ታ አሳ ግዶን ደእሽን፥ ታና መትያባይ ባዋ” ያጋዱ።
\p
\v 14 ሄዋፐ ጉይያን፥ ኤልሳእ ግያዛ፥ “ያትና ኑን እዝዉ አይ ኦኔ?” ያጊደ ኦቼዳ።
\p ግያዝ፥ “እዝዉ ናእ ባዋ፤ እ አስናይካ ጭሜዳ” ያጌዳ።
\p
\v 15 ኤልሳእ፥ “ምሽራቶ ቃይካ ጼሳ” ያጌዳ። እዞ ጼሴዳ፤ እዛ ያደ፥ ፐንግያን ኤቃዱ። 
\v 16 ኤልሳእ ምሽራቶ፥ “ላይ ሀኖደ ኔን አቱማ ናኣ እድማና” ያጌዳ።
\p ምሽራታ፥ “ሀይ ታ ጎዳዉ፥ ኔን ጾሳ አሳ ግድኪ፥ ታዉ ዎርዶቶፓ!” ያጋዱ።\x - \xo 4:16 \xo*\xt ዶመ 18:14\xt*\x*
\p
\v 17 ሽን ምሽራታ ሻሃራዱ፤ ኤልሳእ እዝዉ ኦዴዳዋዳን ላይን ሄ ዎደ አቱማ ናኣ የላዱ።
\p
\v 18 ሄ ናአይ ድጬዳ፤ እት ጋላስ ካ ጫክያ አሳቱዋና ደእያ ባረ አዉዋኮ ቤዳ። 
\v 19 ባረ አዎ፥ “ዎ ታ ሁጲያዉ! ዎ ታ ሁጲያዉ!” ያጌዳ።
\p አ አዉ እት ቆማዉ፥ “ቶካደ አ ዳይኮ አፋ” ያጊደ ኦዴዳ።
\p
\v 20 ቆማይ ናኣ አኪደ፥ አትኮ አፍና ጋላሳ ሴታይ ጋካናዉ ናአይ ባረ ዳይ ክዉዋን ኡቴዳ፤ ሄዋፐ ጉይያን፥ ናአይ ሀይቂ አጌዳ። 
\v 21 ምሽራታ ናኣ ፑደ አፋደ፥ ጾሳ አሳ አርሳን ግስሳዱ። ያታደ አ ቦላ እፍ ጎርዳደ ባዱ።
\p
\v 22 ሄዋፐ ጉይያን፥ ባረ አስና ጼሳደ፥ “ታን ጾሳ አሳኮ ኤለካ ባደ ያና ማላ፥ ቆማቱዋፐ እቱዋነ ሀረቱዋፐ እቱዋነ ታዉ የዳ” ያጋዱ።
\p
\v 23 እ፥ “ሀቼ አግና ጼሩዋ ጋላሳ ዎይ ሳምባታ ግደናባ፥ አዬ ኔና አኮ አፍያዌ?” ያጌዳ።
\p አ፥ “አያይነ ባዋ” ያጋዱ። 
\v 24 ሄዋፐ ጉይያን፥ ሀርያ ኮራደ፥ ባረ ቆማዉ፥ “ሀርያ ላጋ! ታን ነዉ ኦዳና ጋካናዉ፥ ሎዳን ላጎፓ” ያጋዱ። 
\v 25 ምሽራታ ሄዋፐ ደንዳደ፥ ቃርመሎሳ ደርያን ደእያ ጾሳ አሳኮ ባዱ።
\p ኤልሳእ ምሽራታ ይያኖ ሃኩዋን በኢደ፥ ባረ ቆማ ግያዛዉ፥ “በአ፥ ሹኔማ ካታማን ደእያ ምሽራታ ያዉ። 
\v 26 ኦ ሞካናዉ ዎጻ ባደ፥ ‘ኔን ሳሬ? ነ አስናይ ሳሬ? ነ ናአይ ሳሬ?’ ያጋደ ኦቻ” ያጌዳ።
\p ምሽራታ፥ “ኑን ኡባይካ ሳራ” ያጋዱ።
\p
\v 27 ምሽራታ ደርያ ቦላን ደእያ መና ጎዳ አሳኮ ጋኬዳ ዎደ፥ ሆካደ አ ገድያ ኦይቃዱ።
\p ግያዝ ምሽራቶ ድጋናዉ ሺቄዳ፤ ሽን ጾሳ ብታኒ አ፥ “አጋ! አ ዎልቃማ መቱዋን ደአዉ፤ ሽን መና ጎዳይ ታፐ ሄዋ ገንዳ። እ መቱዋ ታዉ ኦድቤና” ያጌዳ።
\p
\v 28 ሄዋፐ ጉይያን ምሽራታ፥ “ታ ጎዳዉ፥ ኔን ታዉ ናኣ እማናዳን ታን ኔና ኦቻድታ? ታን ኔና፥ ‘ታና ጮ መላ ቃቃዮፓ’ ያጋበይክታ?” ያጋዱ።
\p
\v 29 ኤልሳእ ግያዛ፥ “ነ አዱሳ ማዩዋ ነ ሳቂያን ስርቃ፤ ያታደ ታ ጋትማ አካደ ኤሌላ፥ ኦግያን ኦናናነ ጋከቶፐ፥ ሳሮቶፓ፤ ኦንነ ኔና ሳሮቶፐ፥ ዛራደ ሳሮቶፓ። ታ ጋትማ ናኣ ዴሙዋን ዎ” ያጌዳ።
\p
\v 30 ሽን ናኣ ዳያ፥ “መና ጎዳይ ኤሮ! ነ ሸምፑ ኤሮ! ታን ኔና የጋደ ቢከ” ያጋዱ። ኤልሳእ ደንዲደ፥ እዞ ካሌዳ። 
\v 31 ግያዝ ኡንቱቱፐ ስንቲደ ቢደ ጋትማ ናኣ ዴሙዋን ዎዳ፤ ሽን ኮሻይ ዎይ ሸምፑ ባዋ። ያትና ግያዝ ኤልሳኤና ጋከታናዉ ስም ዪደ፥ “ናአይ ቤጎትቤና” ያጊደ ኦዴዳ።
\p
\v 32 ኤልሳእ ሶ ገሊደ፥ ሄ ናኣ አሃይ አ አርሳን ግሴዳዋ በኤዳ። 
\v 33 ባረ ቦላነ ናኣ ቦላነ ካርያ ጎርዲደ፥ መና ጎዳ ዎሴዳ። 
\v 34 ሄዋፐ ጉይያን፥ ናኣ አሃ ቦላ ከሲደ፥ ባረ ዶና አ ዶናን፥ ባረ አይፍያ አ አይፍያን፥ ባረ ኩሸቱዋካ አ ኩሸቱዋን ጋ ዎደ ግሴዳ። ናኣ ቦላይ ሆኤዳ።\x - \xo 4:34-35 \xo*\xt 1 ካታ. 17:21\xt*\x* 
\v 35 ኤልሳእ ደንዲደ፥ ሶ ግዶን ያነ ሃነ ስመረቴዳ። ላኤንዋካ ስሚደ፥ ናኣ ቦላ ጮጎቲደ ግሴዳ። ያትና ናአይ ላፑ ገደ ሄሼዳዋፐ ጉይያን ጼሌዳ።
\p
\v 36 ያትና ኤልሳእ ግያዛ ጼሲደ፥ “አነ ሀ ሹኔማቶ ጼሳ” ያጌዳ። ግያዝ እዞ ጼሴዳ። እዛ ዬዳ ዎደ፥ ኤልሳእ እዞ፥ “ነ ናኣ አካ” ያጌዳ። 
\v 37 ሄዋፐ ጉይያን፥ ምሽራታ ኤልሳአ ገድያን ኩንዳደ፥ ቢታን ጉፋናዱ። ያታደ ባረ ናኣ አካደ ካረ ከሳዱ።
\s1 ሀራ ላኡ ማላልስያባቱዋ
\p
\v 38 ኤልሳእ ገልጋላ ስሚደ ዬዳ ዎደ፥ ቢታይ ኮሻት ኡቴዳ። ትምቢትያ ኦድያዋንቱ ጭታይ አ ስንን ኡት ደእሽን፥ እ ባረ ቆማ፥ “ዎጋ ከርያ ታማን ዎደ፥ ሀ አሳቶ ዎጽያ ካ” ያጌዳ። 
\v 39 ኡንቱንቱፐ እቱ ሳን ማላትያ ቦንጨቱዋ ማጺደ አሀናዉ ጋደ ቤዳ። ዶልያ ጎስያ ቱራ ደሜዳ፤ ቶካናዉ ዳንዳይያዋ ኬሻ ዳሮ ጎስያ አኪደ ዬዳ። እ አየንቶ ኤረናን አንጬዳ፥ ከርያን የጌዳ። 
\v 40 አሳቱ ማና ማላ፥ ዎጽያ ትጌድኖ። ኡንቱንቱ ዎጽያ ቱሽ አ ም በኤዳ ዎደ፥ “ጾሳ አሶ፥ ሀ ከርያን ዎያባይ ደኤ!” ያጊደ ዋሴድኖ። አሳቱ ማናዉ ዳንዳይበይክኖ።
\p
\v 41 ኤልሳእ፥ “ያቶፐ ታዉ ልያ አኪደ ዪተ” ያጌዳ። ሄ ልያ ከርያን ቆሊደ፥ “አሳይ ማናዳን ዎጽያ ትግተ” ያጌዳ። ሄዋፐ ስሚደ፥ ከርያን ኢታባይ ቤትቤና።
\p
\v 42 ኮይሮ ጋኬዳ ካፐ ኡከቴዳ ላታሙ፥ ባንጋ ኮምፑዋ፥ ትሻ ካና እትፐ ባረ ኦጎሩዋን የግ አኪደ፥ ጾሳ አሳዉ አህያ እት ብታኒ ባኣል-ሻሊሻ ግያ ሳኣፐ ዬዳ። ኤልሳእ ባረ ቆማ፥ “ማናዉ አሳዉ አ” ያጌዳ።
\p
\v 43 አ ቆማይ፥ “ታን ጼቱ አሳ ስን ሀዋ ዋታ አ?” ያጊደ ኦቼዳ።
\p ሽን ኤልሳእ፥ “ማናዉ አሳዉ አ፤ አያዉ ጎፐ፥ መና ጎዳይ ኡንቱንቱ ሚና ዶካይካ አታናዋ ያጌ” ያጌዳ። 
\v 44 ሄዋ ድራዉ፥ ቆማይ ኡንቱንቱ ስን አና፥ ኡንቱንቱ ሜድኖ። መና ጎዳይ ጌዳዋዳን፥ ዶካይ አቴዳ።
\c 5
\s1 ንእማነ ዎልቃማ ኦሉዋ ሀርግያፐ ፓጼዳ
\p
\v 1 ሶርያ ካትያ ኦላ ጋዳዉ ንእማነ ባረ ጎዳን ዳሮፐ ዶሰቴዳነ ቦንቼቴዳ አሳ። አያዉ ጎፐ፥ አ ባጋና መና ጎዳይ ሶርያ ኦላንቻቶ ጾኑዋ እሜዳ። ንእማነ ቶራዉ ቃራ አሳ፤ ግዶፐነ ዎልቃማ ኦሉዋ ሀርጊ አ ኦይቂ ኡቴዳ።\x - \xo 5:1-14 \xo*\xt ሉቃሳ 4:27\xt*\x*
\p
\v 2 እት ዎደ ሶርያ ቢታፐ ኦሞድያዋንቱ እስራኤልያ ጋድያ ቤዳዋን፥ እት ጉ ናቶ እስራኤልያፐ ኦሞዴድኖ። ሄ ናታ ንእማና ማቻትዉ ቆማ ግዳዱ። 
\v 3 ሄ ናታ ባረ ጎዳቶ፥ “ታ ጎዳይ ሳማርያን ደእያ ትምቢትያ ኦድያዋና ጋከቴዳባ ግዴረኔ! ያትንቶ እ አ ፓና ሽን” ያጋዱ።
\p
\v 4 ንእማነ ባረ ጎዳኮ ቢደ፥ እስራኤልያፐ ዬዳ ናታ ጌዳዋ አዉ ኦዴዳ። 
\v 5 ሶርያ ካቲ ንእማና፥ “ባ፥ ታን እስራኤልያ ካትያዉ ዳብዳቢያካ ኪታና” ያጊደ ዛሬዳ። ያትና ንእማነ ሀታሙ ሻአ ጻጋራ ብራ፥ ኡሱፑን ሻአ ዎርቃ ሳንትምያነ ታሙ ኩመን ማዩዋ አኪደ ቤዳ። 
\v 6 እስራኤልያ ካትያዉ እ አኪደ አፌዳ ዳብዳቢ፥ “ሀ ዎልቃማ ኦሉዋ ሀርግያፐ ኔን ታ ቆማ ንእማና ፓና ማላ፥ ሀ ዳብዳቢያና ታን አ ኔኮ ኪታድ” ያግያዋ።
\p
\v 7 እስራኤልያ ካቲ ዳብዳቢያ ናባቤዳ፤ ኤለካ ዳጋሚደ፥ ባረ ማዩዋ ፔደ፥ ሀዋዳን ያጌዳ፥ “ታን አ ዎናዉነ ፓናዉነ ጾሴየ? ታን እት አሳ አ ዎልቃማ ኦሉዋ ሀርግያፐ ፓና ማላ፥ ሀ ብታኒ ታኮ አያዉ ኪቲ? እ ታናና ዋላቀታናዉ ጋሱዋ ኮይያዋ በእተ” ያጌዳ።
\p
\v 8 ጾሳ አሳ ግድያ ኤልሳእ እስራኤልያ ካቲ ባረ ማዩዋ ፔዳዋ ስሴዳ ዎደ፥ አኮ አሳ ኪቲደ፥ “ነ ማዩዋ አያዉ ፔዲ? አ ሃ ታኮ የዳ፤ እስራኤልያን ትምቢትያ ኦድያዌ ደእያዋ ታን አ ኤርሳና” ያጌዳ።
\p
\v 9 ንእማነ ባረ ፓራቱዋነ ፓራ ጋረቱዋ አኪደ ቤዳ፤ ኤልሳአ ካረን ኤቄዳ። 
\v 10 ኤልሳእ አኮ አሳ ኪቲደ፥ “ባ፥ ዮርዳኖሳ ሻፋን ላፑ ገደ ሙከታ፤ ነ ሀርግያፐ ኔን ፓጻናነ ጌያናነ” ያጊደ አዛዜዳ።
\p
\v 11 ሽን ንእማነ ሀንቀት ደንዲደ፥ “በእተ፥ ታን፥ ቱሙካ እ ታኮ ይ ኤቂደ፥ መና ጎዳ ባረ ጾሳ ሱን ጼሲደ፥ ቃይ ባረ ኩሽያ ሄ ጸለቁዋ ቦላን ቃደ፥ ታና ሀ ዎልቃማ ኦሉዋ ሀርግያፐ ፓ ያጋደ ቆፓድ። 
\v 12 ዳማስቆ ሻፋቱ፥ አባንነ ፓርፋር እስራኤልያን ደእያ ሻፋ ኡባፐ ኬክክኖየ? ያትና ታን ኡንቱንቱን ሙከታደ ጌያ ክችክታ?” ያጌዳ። ሀንቀቲደ፥ ጉየ ስሜዳ።
\p
\v 13 አ ካልያዋንቱ አኮ ሺቂደ፥ “ኑ አዎ፥ ትምቢትያ ኦድያዌ ኔን ግታባ ኦናዳን ነዉ ኦድንቶ፥ ዎን ኔን ኦኪየ? ያትና እ ኔና፥ ‘ባደ ሙከታደ ጌያ’ ያጌዳባይ አያ ዴጺ?” ያጌድኖ። 
\v 14 ያትና እ ዱገ ዎደ፥ ጾሳ ብታኒ አዉ ኦዴዳዋዳን ዮርዳኖሳ ሻፋን ላፑ ገደ ሙከቲደ ጌዬዳ። አ ቦላይ ቄር ናኣ ቦላዳን ሀኒደ ፓጼዳ፤ ጌዬዳ።
\p
\v 15 ሄዋፐ ጉይያን፥ ንእማንነ አናና ዬዳ አሳይ ኡባይ ኤልሳአኮ ጉየ ቤዳ። ንእማነ አ ስንን ኤቂደ፥ “እስራኤልያ ቢታናፐ አትና፥ ሳኣ ኡባን ጾስ ባይናዋ ታን ሀእ ኤራድ። ሀያና ሀእ ታን ነ ቆማይ እምያ እሙዋ አካ!” ያጌዳ።
\p
\v 16 ኤልሳእ፥ “ታን አዉ ኦያ መና ጎዳይ ኤሮ! ታን ኔፐ አያነ አክከ” ያጌዳ። ኤልሳእ እሙዋ አካናዳን ናእማነ ዎስናካ፥ እጼዳ።
\p
\v 17 ሄዋፐ ጉይያን ንእማነ፥ “አካና ይያዋ ግዶፐ፥ ኔን ታዉ ላኡ ባቁሉዋ ጫና ቢታ እማናዳን ታን ኔና ዎሳይ። አያዉ ጎፐ፥ ታን ነ ቆማይ ሀቼፐ ህን ባጋን ጹግያ ያርሹዋ መና ጎዳዉ ያርሻናፐ አትና፥ ሀራ ጾሳቶ ያርሽከ። 
\v 18 ሽን መና ጎዳይ ታዉ ነ ቆማዉ እትባ አቶ ጎ። ታ ካቲ ርሞና ግያ ኤቃዉ ጎይናናዉ ገልያ ዎደ፥ ታንካ አ አጃባደ ገላደ ጎይናናዉ ኮሼ። መና ጎዳይ ታዉ ነ ቆማዉ ሄዋ አቶ ጎ” ያጌዳ።
\p
\v 19 ኤልሳእ፥ “ሳሩዋን ጋካ!” ያጌዳ። ንእማነ ደንዲደ ቤዳ።
\p እ ላፋ ዛርዳኢደ ቢሽን፥ 
\v 20 ጾሳ አሳ ግዴዳ ኤልሳአ ቆማይ ግያዝ፥ “ታ ጎዳይ ኤልሳእ ሶሪ ንእማነ አሄዳዋፐ አያካ አከናን ጮ የዴዳ። መና ጎዳይ ኤሮ! ታን አ ጌዱዋ ዎጻደ፥ አፐ እትባ አካና” ያጊደ ቆፔዳ። 
\v 21 ሄዋ ድራዉ፥ ግያዝ ናእማና ካሌዳ። ባረ ጌዱዋ ዎጽያዋ ንእማነ በኢደ፥ አናና ጋከታናዉ ፓራ ጋርያፐ ዎደ፥ “አዬሻ፥ ሳራ ግደኔ?” ያጊደ ኦቼዳ።
\p
\v 22 ግያዝ፥ “አየነ ባዋ፤ ሳራ! ሽን ታና ታ ጎዳይ፥ ‘ “ኤፍሬማ ገዝያፐ ትምቢትያ ኦድያዋንቱ ዛታ ግድያ ላኡ ዎዳላቱ ሀእ ታኮ ዬድኖ። ሀያና ኡንቱንቶ ሄዙ ሻአ ጻጋራ ብራነ ላኡ ኩመን ማዩዋነ እማ” ጋደ አ ኦቻ’ ያጊደ ኪቴዳ” ያጌዳ።
\p
\v 23 ንእማነ ግያዛ፥ “ያቶፐ ሀያና ኡሱፑን ሻአ ጻጋራ ብራ አካ” ያጌዳ። ንእማነ ግያዛ ሾቢደ፥ ሄ ብራ ላኡ ቃርጪታን የጊደ፥ ላኡ ኩመን ማዩዋና ላኡ ቆማቱዋ ቶሲደ፥ ግያዛፐ ስንዉ የዴዳ። 
\v 24 ግያዝ ደእያ ደርያ ኡንቱንቱ ጋክና፥ ብራነ ማዩዋነ ኡንቱንቱፐ አኪደ፥ ሶ ገልሴዳ። ያቲደ ኡንቱንታ ሞይዝና፥ ኡንቱንቱ ቤድኖ።
\p
\v 25 ሄዋፐ ጉይያን፥ ሶ ገሊደ፥ ባረ ጎዳ ኤልሳአ ስንን ኤቄዳ። ኤልሳእ ግያዛ፥ “ሀቃ ባድ?” ያጊደ ኦቼዳ።
\p ግያዝ፥ “ታን ነ ቆማይ ሀቃነ ባበይከ” ያጊደ ዛሬዳ።
\p
\v 26 ሽን ኤልሳእ ዛሪደ፥ “ብታኒ ኔናና ጋከታናዉ ፓራ ጋርያፐ ዎያ ዎደ፥ ታ አያናይ ኔናና ደኤ ግደኔ? ሀዌ ሚሻነ ማዩዋ፥ ዎይ ዎጋራነ ዎይንያ ቱራ ሳኣ፥ ዎይ ዶርሳ ዉድያነ ሚዛ ዉድያ፥ ዎይ አቱማ ቆማነ ማጫ ቆማ አክያ ዎዴየ? 
\v 27 ሄዋ ድራዉ፥ ንእማና ኦይቀዳ ዎልቃማ ኦሉዋ ሀርጊ ኔናነ ነ ዘረ ኡባ መ መናዉ ኦይቃናዋ” ያጌዳ። ግያዝ ኤልሳአ ስንፐ ከሲደ ቢሽን፥ ሄ ሀርጊ አ ኦይቂና፥ አ ጋልባይ ሻቻዳን ቦጽ ባሼዳ።
\c 6
\s1 ሃ ቦላን ዎዳ ቤጽያ አይፍያ
\p
\v 1 ትምቢትያ ኦድያዋንቱ ጭታይ ኤልሳአ፥ “ሀዋ በአ! ኑን ደእያ ሳአይ ኑና ዳሮፐ ኡንኤ። 
\v 2 ኑን ኡባቱካ ም ቃንጻናዉ ዮርዳኖሳ ሻፋ አነ ቦይተ። ያን ኑዉ ደእያ ሳኣ አነ ኬጾይተ” ያጌድኖ።
\p ኤልሳእ፥ “ቢተ” ያጌዳ።
\p
\v 3 ትምቢትያ ኦድያዋንቱፐ እቱ፥ “ሀያና ኔንካ ነ ቆማቱዋና ኑናና ደንዳርኪ?” ያጌዳ።
\p ኤልሳእ፥ “ኤኖ ባና” ያጊደ ዛሬዳ፤ 
\v 4 ያቲደ ኡንቱንቱና እትፐ ቤዳ።
\p ኡንቱንቱ ዮርዳኖሳ ጋኬዳ ዎደ፥ ም ቃንጹዋ ዶሜድኖ። 
\v 5 ሽን ኡንቱንቱፐ እቱ ም ቃንጽሺና፥ ቤጽያ አይፊ ከስ አኪደ፥ ሃ ግዶን ገሌዳ። ሄ ብታኒ፥ “ሀይ ታ ጎዳዉ፥ ታን ጋርጻ አኬዳዋ፤ ሽን ዋኖሻ!” ያጊደ ዋሴዳ።
\p
\v 6 ጾሳ ብታኒ፥ “ሀቃን ገሌዴ?” ያጊደ ኦቼዳ፤ ብታኒ ገሌዳ ሳኣ በሴዳ። ኤልሳእ ጋትማ ቃንጺደ፥ ሃን ኦሌዳ፤ ቤጽያ አይፊ ሃ ቦላ ከሴዳ። 
\v 7 ሄዋፐ ጉይያን፥ ኤልሳእ ብታንያ፥ “ከሳደ አካ” ያጌዳ። ብታኒ ባረ ኩሽያ የዲደ አኬዳ።
\s1 ኤልሳእ ሶርያ ኦላንቻቱዋ ቆቅሲደ ዎራ ካለዳ
\p
\v 8 ሶርያ ቢታ ካቲ እስራኤላቱዋና ኦለቲደ ደኤ። ያቴዳዌ ባረ ኦላ ጋዳዋቱዋና ዞረቲደ፥ “ታን ህቃሳን፥ ህቃሳን ጌሱዋ መና” ያጌዳ።
\p
\v 9 ጾሳ አሳይ ኤልሳእ እስራኤልያ ካትያኮ አሳ ኪቲደ፥ “ሶርያ አሳቱ ሄ ሳኣ ዱገ ዎያ ድራዉ፥ ሄ ሳኣና አፓ” ያጌዳ። 
\v 10 ሄዋ ድራዉ፥ እስራኤልያ ካቲ ጾሳ ብታኒ ማላቴዳ ሳኣ ኪቲደ፥ ያን ደእያ አሳይ ናገታናዳን ሀሳይሴዳ። ካትያ ናገታና ማላ፥ ኤልሳእ ዎድያን ዎድያን ሀሳይሴዳ።
\p
\v 11 ሀ የዉ ሶርያ ካትያ ሎይ ሀንቀዳ፤ ያትና እ ባረ ኦላ ጋዳዋቱዋ ጼሲደ፥ “ኑ ግዶን እስራኤልያ ካትያ ባጋ ግዴዳዌ ኦነንቶ አነ ታዉ ኦድተ” ያጊደ ኦቼዳ።
\p
\v 12 አ ኦላ ጋዳዋቱዋፐ እቱ፥ “ታ ጎዳዉ፥ ካትያዉ፥ ኑ ግዶን ሄዋ ኦያዌ ኦንነ ባዋ። ሽን ነ ሲርጻን ደኣደ ኔን ሃሳይያዋ ኡባ እስራኤላን ደእያ ትምቢትያ ኦድያ ኤልሳእ እስራኤልያ ካትያዉ ኦዴዳ” ያጌዳ።
\p
\v 13 ካቲ፥ “ታን አሳ ኪታደ አ ኦሞዳናዳን፥ ቢደ ሀቃን ደእንቶነ ኮይተ” ያጌዳ።
\p ጉየፐ ኡንቱንቱ፥ “እ ዶታና ጌተትያ ካታማን ደኤ” ያጊደ ኦዴድኖ።
\p
\v 14 ካቲ ዳሮ ኦላንቻቱዋ ፓራቱዋናነ ፓራ ጋረቱዋና ያ የዴዳ። ሄ የዴዳዋንቱ ቃማ ዪደ፥ ካታማ ዶዴድኖ። 
\v 15 ጾሳ አሳ ኤልሳአ ቆማይ ዎንተ ጋላስ ጉራና ደንዲደ፥ ካረ ከስያ ዎደ፥ ኦላንቻቱ ፓራቱዋናነ ፓራ ጋረቱዋና ካታማ ዶድ ዎድኖ። ሄ ቆማይ፥ “አየ አና ኑኖ! ታ ጎዳዉ፥ ኑን ዋናኔ?” ያጊደ ኦቼዳ።
\p
\v 16 እ፥ “ያዮፓ! ኑናና ደእያዋንቱ ኡንቱንቱና ደእያዋንቱፐ ዳሪኖ” ያጊደ ዛሬዳ።
\p
\v 17 ሄዋፐ ጉይያን ኤልሳእ፥ “አቤት መና ጎዳዉ፥ እ በአናዳን አ አይፍያ ዶያ” ያጊደ ዎሴዳ። መና ጎዳይ ኤልሳአ ቆማ አይፍያ ዶይና፥ ኤልሳአ ዩሹዋ ኡባን ደእያ ታማ ፓራቱነ ፓራ ጋረቱነ ደርያ ማዬዳዋንታ በኤዳ።
\p
\v 18 ሶረቱ አ ቦላ ዬዳ ዎደ ኤልሳእ፥ “ሀ አሳ አይፍያ ቆቅሳርኪ” ያጊደ መና ጎዳ ዎሴዳ። ኤልሳእ ዎሴዳዋዳን መና ጎዳይ ኡንቱንቱ አይፍያ ቆቅሴዳ። 
\v 19 ሄዋፐ ጉይያን፥ ኤልሳእ ኡንቱንታ፥ “ኦጊ ሀዋ ግደና፤ ካታማይካ ሀዋ ግደና። ህንተንቱ ኮይያ አሳ ታን ህንተንታ በሳና፤ ታና ካልተ” ያጌዳ። ኡንቱንታ ካለደ፥ ሳማርያ ካታማ አፌዳ።
\p
\v 20 ኡንቱንቱ ሳማርያ ካታማ ገሎሳናካ ኤልሳእ፥ “አቤት መና ጎዳዉ፥ ሀ አሳቱ ጼላናዳን ኡንቱንቱ አይፍያ ዶያ” ያጌዳ። መና ጎዳይ ኡንቱንቱ አይፍያ ዶይና፥ ኡንቱንቱ ሳማርያ ግዶን ደእያዋ በኤድኖ። 
\v 21 እስራኤልያ ካቲ ኡንቱንታ በኤዳ ዎደ ኤልሳአ፥ “ታ አዎ፥ ታን ኡንቱንታ ዎ? ታን ኡንቱንታ ዎ?” ያጊደ ኦቼዳ።
\p
\v 22 ኤልሳእ፥ “ቱይት ዎፓ! ሀዋንቱ አትና፥ ኔን ነ ማሻንነ ነ ዎንዳፍያን ኦሞዴዳዋንታካ ዎናዉ በሰና። ኡንቱንቱ ሚደ ኡሺደ ባረንቱ ጎዳኮ ባናዳን፥ ኡክነ ሃነ ኡንቱንቱ ስን አ” ያጌዳ። 
\v 23 ሄዋ ድራዉ፥ እስራኤልያ ካቲ ኡንቱንቶ ባላ ጊግሴዳ። ኡንቱንቱ ሜዳዋፐነ ኡሼዳዋፐነ ጉይያን፥ እ ኡንቱንታ የድና፥ ባረንቱ ጎዳኮ ስሜድኖ። ሄ ዎድያፐ ዶምና፥ ሶረቱ እስራኤላቱ ቦላን ይያዋ አግ ባሼድኖ።
\s1 ሳማርያ ካታማይ ዶደቱሳ
\p
\v 24 ሄዋፐ ጉይያን፥ ሶርያ ካቲ በንሀዳድ ባረ ኦላንቻቱዋ ኡባ ሺሽ፥ ቢደ ሳማርያ ካታማ ዶዴዳ። 
\v 25 ኡንቱንቱ ዶዴዳ ጋሱዋን ሳማርያ ካታማን ዎልቃማ ኮሻይ ገሌዳ፤ እት ሀርያ ሁጲ ሆስፑን ታሙ ጻጋራ ብራን፥ ላኡ ጼቱ ግራመ ግድያ ሀራጰቱዋ ሽአይ እቼሹ ጻጋራ ብራን ዛልኤቴዳ።
\p
\v 26 እስራኤልያ ካቲ ካታማ ድርሳ ግምቢያ ቦላና አሽን፥ እት ምሽራታ፥ “ታ ጎዳዉ፥ ካትያዉ፥ ታና ማዳርኪ” ያጋደ ዋሳዱ።
\p
\v 27 ካቲ እዞ፥ “ኔና መና ጎዳይ ማደናን እጾፐ፥ ታን ነዉ ማዱዋ ሀቃፐ ደማናዉ ዳንዳያይታ? ካ ቡክያ ኡዱማፔየ፥ ዎይንያ አይፍያ ጉምእያ ሳኣፔ?” ያጌዳ። 
\v 28 ቃይ እ እዞ፥ “ኔን ዋናዲ?” ያጊደ ኦቼዳ።
\p ምሽራታ ዛራደ፥ “ሀ ምሽራታ ታና፥ ‘ሀች ነ ናኣ ማናዉ አካደ ያ፤ ቃይ ዎንት ኑን ታ ናኣ ማና’ ያጋዱ። 
\v 29 ሄዋ ድራዉ፥ ታ ናኣ ዶይሲደ ሜዶ፤ ዎንተ ጋላስ ታን እዞ፥ ‘ኑን ማናዉ ነ ናኣ አካደ ያ’ ያጋድ። ሽን አ ባረ ናኣ ቆሳዱ” ያጋዱ።\x - \xo 6:29 \xo*\xt ዛረ. 28:57፤ ሴላ 4:10\xt*\x*
\p
\v 30 ካቲ ምሽራታ ኦዴዳዋ ስሲደ፥ ባረ ማዩዋ ፖሽ ኦሌዳ። ያቲደ እ ግምቢያ ቦላና አሽን፥ ጋርሳ ባጋና እ ማዬዳ ዋሩዋ አሳይ በኤዳ። 
\v 31 ሄዋፐ ጉየ ካቲ፥ “ሻፋጻ ናኣ ኤልሳአ ጉግ አ ቦላ ሀቼ ፔሾፐ፥ ጾስ ታና ዎ!” ያጌዳ።
\p
\v 32 ሄ ዎደ ኤልሳእ ባረ ሶን ኡቴዳ፤ ጭማቱካ አናና እትፐ ደኢኖ። ካቲ ባረፐ ስንዉ አሳ ኪቴዳ፤ ሽን ሄ ብታኒ ጋካናዉ፥ ኤልሳእ ጭማቱዋ፥ “ሀ ሸምፑዋ ዎያዌ ታ ቆያ ሙጭሳናዉ አሳ ኪቴዳዋ ህንተንቱ በኢቴ? ሄ ኪተቴዳዌ ዬዳ ዎደ፥ እፍ ጎርዲደ ገልሶፕተ። አ ጎዳይካ አ ካሊደ ዪደ ደኤ” ያጌዳ።
\p
\v 33 እ ጭማቱዋና ሃሳይሽን፥ ኪተቴዳዌ አኮ ዬዳ። ካቲካ ዪደ፥ “ሀ መቱ መና ጎዳፐ ዬዳ። ያትና ታን ሀዋፐ ዳሩዋ መና ጎዳ አያዉ ናጋይታ?” ያጌዳ።
\c 7
\p
\v 1 ሄዋፐ ጉየ ኤልሳእ፥ “መና ጎዳ ቃላ ስሳ! መና ጎዳይ ሀዋዳን ያጌ፥ ዎንት ሀኖደ ሄዙ ኪሎ ግራመ ዛርጋ ሊ ዎይ ኡሱፑን ኪሎ ግራመ ባንጋይ ሳማርያ ካታማ ፐንግያን እት ጻጋራ ብራን ዛልኤታና ያጌ” ያጌዳ።
\p
\v 2 ካትያዉ ማታትያ ካፑ ጾሳ አሳዉ፥ “በአ፥ መና ጎዳይ ሳሎቱዋ ማስኮትያ ዶይንቶነ ሄዌ ሀነና” ያጌዳ።
\p ኤልሳእ ዛሪደ፥ “ኔን ሄዋ ነ አይፍያን በአና፤ ሽን አፐ አይነ ማካ” ያጌዳ።
\s1 ሶርያ ኦላንቻቱ በቴድኖ
\p
\v 3 ካታማ ገልያ ፐንግያን ዎልቃማ ኦሉዋ ሀርጊ ኦይቄዳ ኦይዱ አሳቱ ደኢኖ። ኡንቱንቱ እቱ እቱዋ፥ “ኑን ሀይቃና ጋካናዉ፥ ሀዋን አያዉ ጋምኤቶ? 
\v 4 ኑን ካታማ ገላና ጎፐ፥ ኮሻይ ደእያ ድራዉ፥ ኑን ያን ሀይቃና። ቃይ ሀዋን ጋምኦፐካ ሀይቃና። ሄዋ ድራዉ፥ ሶረቱዋ ጌሱዋ አነ ቦይተ። ኡንቱንቱ ኑና አሾፐ አታና፤ ኡንቱንቱ ዎፐ ሀይቃና” ያጌድኖ።
\p
\v 5 ሳአይ ቃሜዳ ዎደ ደንዲደ፥ ሶረቱዋ ጌሱዋ ቤድኖ። ኡንቱንቱ ቢደ ጌሱዋ ጋክያ ዎደ፥ እት አሳይነ ያን ባዋ! 
\v 6 አያዉ ጎፐ፥ ጾሳይ ፓራ ጋረቱዋነ ፓራቱዋ ጉራባነ ዳሮ ኦላንቻቱ ኮሻ ሶርያ አሳቱ ስሴዳ። ያትና ኡንቱንቱ እቱ እቱዋ፥ “ስስተ፥ እስራኤልያ ካቲ ኑና ኦልሳናዉ፥ ሂተቱዋነ ግብጼቱዋ ካተቱዋ ደርያ ቃንጺደ አሄዳ” ያጌድኖ። 
\v 7 ሄዋ ድራዉ፥ ኡንቱንቱ ደንዲደ፥ ባረንቱ ጌሱዋ፥ ባረንቱ ዱንካንያ፥ ባረንቱ ፓራቱዋነ ባረንቱ ሀረቱዋነ ኡባ የግ ባሺደ፥ ሳአይ ቃሜዳዋን ባረንቱ ሸምፑዋ አሻናዉ ባቃቴድኖ።
\p
\v 8 ሄ ዎልቃማ ኦሉዋ ሀርጊ ኦይቄዳ አሳቱ ሶረቱዋ ጌሱዋ ጋኪደ፥ ኡንቱንቱ ዱንካነቱዋፐ እቱዋ ገሌድኖ። ሜድኖነ ኡሼድኖነ፤ ቃይ ብራ፥ ዎርቃነ ማዩዋ አክ አፊደ ቆሴድኖ። ላኤንዋ ስሚደ፥ ሀራ ዱንካንያ ገሌድኖ፤ አፐ አኬዳዋካ ቆሴድኖ።
\p
\v 9 ሄዋፐ ጉይያን፥ ኡንቱንቱ እቱ እቱዋ፥ “ኑን ሎኦባ ኦበይኮ። ሀቼ ምሽራቹዋ ጋላሳ፤ ሽን ኑን ጮኡ ጌዶ። ሳአይ ዎንታና ጋካናዉ፥ ጮኡ ጊደ ኡቶፐ፥ ኑን ሙረታና። አነ ሀእ ኤለካ ቢደ፥ ካትያ ሶይ አሳዉ ኦዴቶ” ያጌድኖ። 
\v 10 ሄዋ ድራዉ፥ ኡንቱንቱ ቢደ፥ ካታማ ፐንግያ ናግያዋንታ ጼሲደ፥ ሀዋዳን ያጌድኖ፤ “ኑን ሶረቱዋ ጌሱዋ ቤዶ፤ ሽን እት አሳይ ዎይ አሳ ኮሻይነ ሄ ሳኣን ባዋ። ቃሸት ኡቴዳ ፓራቱዋ ጻላላይነ ሀረቱነ ደኢኖ፤ ቃይ ኡንቱንቱ አጊደ ቤዳ ዱንካነቱካ ደኢኖ” ያጌድኖ። 
\v 11 ፐንግያ ናግያዋንቱ ጼሲደ፥ ካትያ ሶይ አሳዉ ኦዴድኖ።
\p
\v 12 ካቲ ቃማ ደንዲደ ባረ ካፓቶ፥ “ሶረቱ ኑና ኦዳዋ ታን ህንተንቶ ኦዳና። ኑን ኮሻትያዋ ኡንቱንቱ ኤሪኖ። ሄዋ ድራዉ፥ ባረንቱ ጌሱዋፐ ከሲደ፥ ጋጻርያን ቆሰቲደ፥ ኡንቱንቱ ካታማፐ ካረ ከስና፥ ኑን ኡንቱንታ ሸምፑዋና ኦይቂደ፥ ካታማ ገላና ያጊደ ቆፔድኖ” ያጌዳ።
\p
\v 13 ካትያ ካፓቱዋፐ እቱ፥ ሀዋዳን ያጌዳ፤ “ሀ ካታማን አቴዳ አሳይ ካሰ ሀይቄዳ አሳካ ማላ፤ ሀይቁዋፐ አተና። ሄዋ ድራዉ፥ ሀኔዳባ ኤራናዉ አነ አሳ ዶሮይተ። አቴዳ እቼሹ ፓራቱዋና አነ ኡንቱንቱ ሶረቱ ዱንካኔዳሳ የዶይተ” ያጌዳ።
\p
\v 14 ሄዋ ድራዉ፥ ኡንቱንቱ ፓራይ ጎችያ ላኡ ጋረቱዋነ ኡንቱንቱ ፓራቱዋነ ዶሬድኖ። ካቲ ኡንቱንታ ሶርያ ኦላንቻቱ ጌዱዋ የዴዳ። ካቲ ቶግያዋንታ፥ “ቢደ ሀኔዳባ በእተ” ያጊደ አዛዜዳ። 
\v 15 ኡንቱንቱ ሶረቱዋ ጌዱዋ ካሊደ፥ ዮርዳኖሳ ሻፋ ጋካናዉ ቤድኖ። ሶርያ አሳቱ ባቃቲደ ኦሌዳ ማዩነ ኦላ ሚሻይነ ኦግያን ኩሜዳ። ኪተት ቤዳ አሳቱ ጉየ ስሚደ፥ ካትያዉ ኦዴድኖ።
\p
\v 16 ሄዋፐ ጉይያን፥ አሳይ ቢደ፥ ሶረቱዋ ጌሱዋ ቦንቄዳ። መና ጎዳይ ጌዳዋዳን ሄዙ ኪሎ ግራመ ዛርጋ ሊ ዎይ ኡሱፑን ኪሎ ግራመ ባንጋይ እት ጻጋራ ብራን ዛልኤቴዳ። 
\v 17 ካቲ ባረዉ ማታትያ ካፑዋ ፐንግያ ናግያዋንቱ ካፑዋ ከሲደ ሱንዳ፤ ሽን አሳይ አ ፐንግያን ድርጼዳ። ካቲ ኤልሳአኮ ቤዳ ዎደ፥ ኤልሳእ ሀ ካፑዋ ቦላ ኦዴዳዋዳን፥ ብታኒ ሀይቄዳ። 
\v 18 አያዉ ጎፐ፥ ጾሳ አሳይ ኤልሳእ ካሰ ካትያዉ፥ “ዎንታ ሀኖደ ሄዙ ኪሎ ግራመ ዛርጋ ሊ ዎይ ኡሱፑን ኪሎ ግራመ ባንጋይ ሳማርያ ካታማን እት ጻጋራ ብራን ዛልኤታናዋ” ያጌዳ።
\p
\v 19 ሄ ዎደ ሄ ካፑ ኤልሳኤዉ፥ “በአ፥ መና ጎዳይ ሳሎቱዋ ማስኮትያ ዶይንቶነ ሄዌ ሀነና” ያጊደ ዛሬዳ። ኤልሳእ፥ “ኔን ሄዋ ነ አይፍያን በአና፤ ሽን አፐ አይነ ማካ” ያጊደ ዛሬዳ። 
\v 20 ያትና ኤልሳእ ኦዴዳዋዳን፥ ሄ ብታኒ አሳይ ፐንግያን ድርጽና ሀይቄዳ።
\c 8
\s1 ሱኔማ ካታማፐ በቴዳ ማጫ ምሽራታ ስማዱ
\p
\v 1 ኤልሳእ እ ናኣ ሀይቄዳዋ ፓዳ ምሽራቶ እት ዎደ፥ “ነ ሶይ አሳ አካደ ሀዋፐ ባ፤ ኔን ዳንዳይያ ሳኣን ሀቃንነ ጋምአሻ። አያዉ ጎፐ፥ መና ጎዳይ ላፑን ላይ ጋምእያ ኮሻ ሀ ጋድያ ቦላ አዋይ ድጌዳ” ያጌዳ።\x - \xo 8:1 \xo*\xt 2 ካታ. 4:8-37\xt*\x* 
\v 2 ምሽራታ ኤልሳእ ኦዴዳዋዳን ባረ ሶይ አሳና ባደ፥ ፕልስጼማ ቢታን ላፑን ላይ ደኣዱ። 
\v 3 ላፑን ላይ ዉርሰን ምሽራታ ፕልስጼማ ጋድያፐ ስማዱ። ባረ ኬነ ባረ ጋድያነ ኦቻናዉ ካትያኮ ባዱ።
\p
\v 4 ሄ ዎደ ካቲ ጾሳ አሳ ኤልሳአ ቆማ ግያዛና ሃሳዪደ፥ “ኤልሳእ ኦዳ ዎልቃማ ኦሱዋ ኡባ ታዉ አነ ኦዳ” ያጌዳ። 
\v 5 ኤልሳእ ሀይቄዳ ናኣ ዋቲደ ፓደንቶ፥ ግያዝ ካትያዉ ኦድሽን፥ ኤልሳእ ናኣ ፓዳ ምሽራታ ባረ ኬነ ባረ ጋድያነ ኦቻናዉ ያዱ።
\p ግያዝ፥ “ታ ጎዳዉ፥ ካትያዉ፥ ምሽራታካ ሀኖ፤ ኤልሳእ ሀይቁዋፐ ፓዳ እ ናአይካ ሀዋ” ያጌዳ። 
\v 6 ካቲ ምሽራቶ አባ ኦችና፥ አዉ ኦዳዱ።
\p ሄዋ ድራዉ፥ ካቲ ካፑዋ ጼሲደ፥ “ሀ ምሽራትዋ ግዴዳ ኡባባነ ቃይ ኢዛ አጋ ቤዳ ዎድያፐ ሀቼ ጋካናዉ፥ እ ጋደን ዶልያ ኡባባ እዝዉ ዛራ” ያጊደ አዛዜዳ።
\s1 ሀዛኤል በንሀዳዳ ዎዳ
\p
\v 7 ኤልሳእ ዳማስቆ ካታማ ቤዳ፤ ጋክያ ዎደ፥ ሶርያ ካቲ በንሀዳድ ሀርግያዎ፥ “ጾሳ አሳይ ሀዋ ዬዳ” ያጊደ ኦዴድኖ።
\p
\v 8 ካቲ ሀዛኤላ፥ “እምያዋ ኦይቃደ፥ ጾሳ አሳና ጋከታናዉ ባ። አ ባጋና፥ ‘ታን ሀ ሀርግያፐ ፓጻኔ?’ ያጋደ መና ጎዳ ኦቻ” ያጌዳ።
\p
\v 9 ሄዋ ድራዉ፥ ሀዛኤል ዳማስቆን ደእያ ዱማ ዱማ ቆሞ ሙሩታባፐ ኦይታሙ ጋሉዋን ጫን አኪደ፥ ኤልሳኤና ጋከታናዉ ቤዳ። ኤልሳአ ስንን ኤቂደ፥ “ነ ናአይ ሶርያ ካቲ በንሀዳድ፥ ‘ታን ሀ ሀርግያፐ ፓጻኔ?’ ያጊደ፥ ኔና ኦቻናዳን ታና ኔኮ ኪቴዳ” ያጌዳ።
\p
\v 10 ኤልሳእ ሀዛኤላዉ፥ “ኔን ባደ አዉ፥ ‘ቱማ ኔን ፓጻና’ ያጋ። ሽን እ ቱማ ሀይቃናዋ ታና መና ጎዳይ በሴዳ” ያጌዳ። 
\v 11 ሄዋፐ ጉይያን፥ ሀዛኤል ዬላታና ጋካናዉ፥ ኤልሳእ አ ትሽ ኦደ ጼሊደ ዬኬዳ።
\p
\v 12 ሀዛኤል፥ “ታ ጎዳይ አያዉ ዬኪ?” ያጊደ ኦቼዳ።
\p ኤልሳእ፥ “ኔን እስራኤልያ አሳ ቦላ ኦና ኢታባ ታን ኤርያ ድራዉ ዬካይ። ኡንቱንቱ ካታማቱዋ ኔን ታማን ጹጋና፤ ኡንቱንቱ ዎዳላቱዋ ኔን ማሻን ዎና። ቃይ ኡንቱንቱ ቄር ናናቱዋካ ኔን ሹቻን መንሬና፤ ኡንቱንቱ ሻሃራ ማጫዋንቱ ኡሉዋካ ኔን ዳካና” ያጊደ ዛሬዳ።
\p
\v 13 ሀዛኤል ዛሪደ፥ “ታን ነ ቆማይ፥ ፓና ላፋ፥ ሀዋ ማላ ዎልቃማባ ኦናዉ ዋታደ ዳንዳያይታ?” ያጌዳ።\x - \xo 8:13 \xo*\xt 1 ካታ. 19:15\xt*\x*
\p ኤልሳእ ዛሪደ፥ “ኔን ሶርያ ቢታን ካተታናዋ ታና መና ጎዳይ በሴዳ” ያጌዳ።
\p
\v 14 ሄዋፐ ጉይያን፥ ሀዛኤል ኤልሳኤፐ ሻከቲደ፥ ባረ ጎዳኮ ስሚደ ቤዳ። በንሀዳድ አ፥ “ኤልሳእ ኔና ዋጌዴ?” ያጊደ ኦቼዳ።
\p ሀዛኤል፥ “ኔን ቱሙፐ ፓጻና ያጊደ ታዉ ኦዴዳ” ያጌዳ።
\p
\v 15 ሽን ዎንተ ጋላስ ሀዛኤል ቡሉኩዋ አኪደ፥ ሃን ያካክሲደ፥ ካትያ አን ቱጬዳ፤ ካቲ ሀይቄዳ። ሀዛኤል አ ሳኣን ባረዉ ካተቴዳ።
\s1 ይሁዳነ እስራኤልያ ካተቱዋ
\r (8:16—17:4)
\p
\v 16 አካባ ናአይ፥ እስራኤልያ ካቲ ዮራመ ካተቴዳ እቼሻን ላይን፥ ይሁዳ ካትያ ዮሳፌጻ ናአይ የሆራመ ይሁዳን ካተቴዳ። 
\v 17 የሆራመ ካተትያ ዎደ ላይይ አዉ ሀታማነ ላአ፤ እ የሩሳላመን ሆስፑን ላይ ካተቴዳ። 
\v 18 የሆራመ አካባ ናቶ ማቻቶ አኬዳ ድራዉ፥ አካባ ሶይ አሳይ ሀመቴዳዋዳንካ ካሰ እስራኤልያ ካተቱዋ ኦግያን እ ሀመቴዳ፤ መና ጎዳ ስንንካ ኢታባ ኦዳ። 
\v 19 ግዶፐነ ባረ ቆማ ዳዊታ ድራዉ፥ መና ጎዳይ ይሁዳ ይሳናዉ ኮይቤና፤ ዳዊታ ዘረይ መናዉ ካተታናዉ ጾሳይ ሂዶታ እም ዎዳ።\x - \xo 8:19 \xo*\xt 1 ካታ. 11:36\xt*\x*
\p
\v 20 የሆራመ ካተቴዳ ዎደ፥ ኤዶማ አሳይ ይሁዳ ካትያ ቦላ ማካሊደ፥ ባረንቶ ካትያ ካተዬድኖ።\x - \xo 8:20 \xo*\xt ዶመ 27:40\xt*\x* 
\v 21 ሄዋ ድራዉ፥ የሆራመ ባረ ፓራ ጋረቱዋ ኡባና ጻኢራ ግያ ሳኣ ቤዳ። ኤዶማ አሳቱ አነ አ ፓራ ጋረቱዋ ካፓቱዋነ ዶዴድኖ፤ ሽን የሆራመ ቃማ ደንዲደ፥ ዶዳ ዱሰረደ አዳ። አ ኦላንቻቱካ ባቃቲደ፥ ጉየ ሶ ስሜድኖ። 
\v 22 ሄ ዎድያፐ ዶሚደ ሀቼ ጋካናዉ፥ ኤዶማ አሳይ ይሁዳ አሳዉ ሞደትቤና። ሊብና አሳይ ቃይ ሄ ዎደ ማካሌዳ።
\p
\v 23 የሆራመ ሀኔዳ ሀራባይነ እ ኦዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። 
\v 24 የሆራመ ሀይቂደ፥ ባረ ማይዛን ጋከቴዳ። ማይዛ አዎቱዋና ዳዊታ ካታማን ሞገቴዳ። አ ሳኣን አ ናአይ አካዝያስ ካተቴዳ።
\s1 ይሁዳ ካትያ አካዝያሳ
\r (2 ኦዱዋ 22:1-6)
\p
\v 25 አካባ ናአይ፥ እስራኤልያ ካቲ ዮራመ ካተቴዳ ታማነ ላኤን ላይን፥ ይሁዳ ካትያ የሆራማ ናአይ አካዝያስ ይሁዳን ካተቴዳ። 
\v 26 አካዝያስ ካተቴዳ ዎደ፥ ላይይ አዉ ላታማነ ላአ፤ እ የሩሳላመን እት ላይ ካተቴዳ። አ አት ሱንይ አታሎ፤ አ እስራኤልያ ካትያ ኦምራዉ ናኣ ናቶ። 
\v 27 አካባ ሶይ አሳ ኦግያ እ ሀመቴዳ፤ አካባ ሶይ አሳይ ኦዳዋዳን፥ መና ጎዳ ስንን ኢታባ ኦዳ። እ ሄዋ ሀኔዳዌ ኡንቱንቶ ቦሉዋ ግዴዳ ግሻሳ።
\p
\v 28 አካዝያስ ሶርያ ካትያ ሀዛኤላን ደእያ ራሞታ-ጋላኣደ ግያ ካታማን ኦለታናዉ ቢደ፥ አካባ ናኣ ዮራማና እትፐ ቤዳ። ሶርያ አሳቱ ዮራማ ጫዴድኖ። 
\v 29 ዮራመ ሶርያ ካትያ ሀዛኤላና ኦለትያ ዎደ፥ ሶርያ አሳቱ ጫዴዳ ጫቻ ፓ አካናዉ እዝራኤላ ካታማ ስሜዳ። ሄዋፐ ጉይያን፥ ዮራማ ናአይ፥ ይሁዳ ካቲ አካዝያስ አካባ ናኣ ዮራመ ጫደቴዳዋ ኦቻናዉ ዱገ እዝራኤላ ካታማ ቤዳ።
\c 9
\s1 ኢዩ. እስራኤልያ ቦላ ካተታናዉ ኦከቴዳ
\p
\v 1 ትምቢትያ ኦድያ ኤልሳእ ትምቢትያ ኦድያዋንቱ ጭታፐ እት ብታንያ ጼሲደ፥ ሀዋዳን ያጌዳ፤ “ነ ካባ ነ ሳቂያን ስርቃደ ሀ ጻሩዋ ዛይትያ አካደ፥ ራሞታ-ጋላኣደ ግያ ካታማ ባ። 
\v 2 ጋካደ፥ ዮሳፌጻ ናኣ፥ ንምሻዉ ናኣ ናኣ እያ ኮያ። ደማደ፥ አ ላገቱዋፐ አ ጋጻ ከሳደ፥ ቆልኦ ገልሳ። 
\v 3 ሄዋፐ ጉይያን፥ ጻሩዋ ዛይትያ አካደ፥ አ ሁጲያን ትጋደ፥ ‘ኔና መና ጎዳይ፥ “ኔን እስራኤልያ ቦላ ካተታናዳን ታን ኔና ኦካይ” ያጌ’ ያጋ። ያታደ ካርያ ዶያደ፥ ባቃታፐ አትና፥ ጋምኦፓ” ያጌዳ።
\p
\v 4 ሄዋ ድራዉ፥ ትምቢትያ ኦድያ ዎዳላይ ራሞታ-ጋላኣደ ካታማ ቤዳ። 
\v 5 እ ያ ጋኬዳ ዎደ፥ ኦላ ጋዳዋቱ እትፐ ዞረትያዋንታ ደሚደ፥ “ኦላ ጋዳዋዉ፥ ታን ነዉ ኦድያባይ ደኤ” ያጌዳ።
\p ኢዩ፥ “ኑ ግዶፐ ኦስ ኦዳንቴ?” ያጊደ ኦቼዳ።
\p ትምቢትያ ኦድያዌ፥ “ኦላ ጋዳዋዉ፥ ነዉ ኦዳና” ያጊደ ዛሬዳ።
\p
\v 6 ኢዩ ደንዲደ ሶ ገልና፥ ትምቢትያ ኦድያዌ አ ሁጲያን ዛይትያ ትጊደ፥ “መና ጎዳይ እስራኤልያ ጾሳይ ኔና ሀዋዳን ያጌ፥ ‘ኔን መና ጎዳ አሳ ቦላ፥ እስራኤልያ ቦላ ካተታናዳን ታን ኔና ኦካይ።\x - \xo 9:6 \xo*\xt 1 ካታ. 19:16\xt*\x* 
\v 7 ኔን ነ ጎዳ አካባ ዛርያ ይሳና። አያዉ ጎፐ፥ ታን ኤልዛቤላ ጉሴዳ ትምቢትያ ኦድያ መና ጎዳ ቆማቱዋ ሱነ ታ ሀራ ቆማቱዋ ሱ ሀሉዋ ከሳና። 
\v 8 አካባ ዛርያ ኡባይ ያና፤ ታን እስራኤላን አካባ ዛርያፐ አይልያ ግድና፥ ዎማኑዋ ግድና፥ አቱማዋ ኡባ ቆላና። 
\v 9 አካባ ዛርያ ናባጻ ናኣ እዮርባማ ዛርያዳንነ አኪያ ናኣ ባእሻ ዛርያዳን ታን ኦና። 
\v 10 ኤልዛቤሎ ግዶፐ፥ እዝራኤላ ጎሻን እዞ ካናቱ ማና፤ ኦንነ እዞ ሞገና’ ያጌ” ያጌዳ። ሄዋ ኦዴዳዋፐ ጉይያን፥ ካርያ ዶይ የግነ ዎ ላሲሼዳ።\x - \xo 9:10 \xo*\xt 1 ካታ. 21:23\xt*\x*
\p
\v 11 ኢዩ ባረ ላገ ግዴዳ ኦላ ጋዳዋቱዋኮ ቤዳ ዎደ፥ ኡንቱቱፐ እቱ አ፥ “ሳአይ ሳሬ? ሀ ጎይያ ብታኒ ኔኮ አያዉ ዬዴ?” ያጊደ ኦቼዳ።
\p ኢዩ ኡንቱንቶ፥ “ሀ ብታንያነ አ ሃሳያነ ህንተንቱ ኤሪታ” ያጌዳ።
\p
\v 12 ኡንቱንቱ፥ “ሀዌ ዎርዱዋ። አነ ኔን ኑዉ ኦዳ” ያጌድኖ።
\p ኢዩ፥ “እ ታዉ፥ መና ጎዳይ ኔና፥ ‘ኔን እስራኤልያ ቦላ ካተታናዳን ታን ኔና ኦካድ’ ያጌ ያጌዳ” ያጌዳ።
\p
\v 13 ሄ ዎደ ኡንቱንቱ ኤለካ ባረንቱ ማዩዋ አኪደ፥ ኢዩ የደ ከስያ ደን ዎድኖ፤ ሂጺደ ማላካታ ፑኔድኖ። ባረንቱ ቃላካ ቁ ኦደ፥ “ኢዩ ካተቴዳ!” ያጌድኖ።
\s1 እስራኤልያ ካትያ ዮራማ ዎድኖ
\p
\v 14 ያትና ዮሳፌጻ ናአይ፥ ንምሻዉ ናኣ ናአይ ኢዩ ዮራማ ቦላ ማቀቴዳ። ሄዌ ሀንያ ዎደ፥ ዮራምነ እስራኤልያ አሳይ ኡባይ ሶርያ ካትያ ሀዛኤላፐ ጋላኣደን ደእያ ራሞታ ግያ ካታማ ናጋናዉ ብድጌድኖ። 
\v 15 ሽን ኡንቱንቱፐካ ካቲ ዮራመ ሶርያ ካትያ ሀዛኤላና ኦለቴዳ ዎደ፥ ሶርያ ጋደ አሳቱ አ ጫዴዳ ጫቻ ለታናዉ እዝራኤላ ካታማ ይክቼዳ።
\p ያትና ኢዩ ጋዳዋቱዋ፥ “ህንተንቱ ቆፋይ ሄዋ ግዶፐ፥ ሀ ካታማፐ እት አሳይነ ከስ ቢደ፥ እዝራኤላ ካታማን ሀ ኦዱዋ ኦደናዳን ተእተ” ያጌዳ። 
\v 16 ሄዋፐ ጉይያን፥ ኢዩ ፓራ ጋርያን ከስ ኡቲደ፥ እዝራኤላ ካታማ ቤዳ። አያዉ ጎፐ፥ ዮራመ ፓጽቤናዌ ያን ሸምፔ። ቃይ ይሁዳ ካቲ አካዝያስ አ ኦቻናዉ ያ ዱገ ብ ኡቴዳ።
\p
\v 17 እዝራኤላ ካታማ ግምቢያ ቦላ ኤቂደ ዎችያዌ ጼሲደ፥ “እት ጭታይ ይያዌ ታዉ ቤቴ” ያጌዳ።
\p ዮራመ፥ “ኡንቱንቱና ጋከታናዳን እት ፓራ አሳ የዳ። ፓራዉ ቢደ፥ ‘ሳአይ ሳሬ?’ ያጎ” ያጌዳ።
\p
\v 18 ፓራዉ ኢዩና ጋከታናዉ ቢደ፥ “ካቲ ኔና፥ ‘ሳአይ ሳሬ?’ ያጌ” ያጌዳ።
\p ኢዩ፥ “ሳሮባን ኔና ጋያዌ ባዋ። ታ ጉየ አ ታና ካላ” ያጊደ ዛሬዳ።
\p ያትና ዎችያዌ ካትያ፥ “ኪተቴዳዌ ኡንቱንቱኮ ጋኬዳ፤ ሽን ጉየ ስምቤና” ያጊደ ኦዴዳ።
\p
\v 19 ሄዋ ድራዉ፥ ካቲ ላኤን ፓራዉዋ ኡንቱንቱኮ ኪቴዳ። እ ኡንቱንቱኮ ዪደ፥ “ካቲ ህንተንታ፥ ‘ሳእ ሳሬ?’ ያጌ” ያጌዳ።
\p ኢዩ ብታንያ፥ “ሳሮባን ኔና ጋያዌ ባዋ። ታ ጉየ አ ታና ካላ” ያጌዳ።
\p
\v 20 ዎችያዌ፥ “ላኤን ፓራዉ ኡንቱንቱኮ ጋኬዳ፤ ሽን ጉየ ዛሪደ ዬና። ቃይ ጋርያ ላጋይ ንምሻ ናኣ ናኣ ኢዩ ላጉዋ ማላ፤ እ ጎይያ አሳዳን ላጌ” ያጊደ ኦዴዳ።
\p
\v 21 ሄዋፐ ጉይያን፥ ካቲ ዮራመ፥ “ታዉ ፓራ ጋርያ ዋጽተ” ያጊደ አዛዜዳ።
\p ፓራ ጋርያ ዋጼድኖ። እስራኤልያ ካቲ ዮራምነ ይሁዳ ካቲ አካዝያስ ባረንቱ ጋርያን ጋርያን ኡቲደ፥ ኢዩና ጋከታናዉ ቤድኖ። እዝራኤልያ ናቡተ ጋደን አ ደሜድኖ። 
\v 22 ዮራመ እያ በኤዳ ዎደ፥ “ኢዩ፥ ሳእ ሳሬ?” ያጊደ ኦቼዳ።
\p ኢዩ፥ “ነ ዳይ ኤልዛቤል ኤቃ ጎይናይነ ብታይነ ሄዋ ኬና ዳር ደእሽን፥ ሳሮተይ ዋን ደአናዉ ዳንዳዪ?” ያጊደ ዛሬዳ።
\p
\v 23 ያቶዋን ዮራመ ባረ ፓራ ጋርያ ጉየ ዛሪደ ባቃቴዳ። አካዝያሳ ጼሲደ፥ “አካዝያሳ፥ ሀዌ ማካላ!” ያጌዳ። 
\v 24 ሄዋፐ ጉይያን፥ ኢዩ ባረ ዎንዳፍያን ባረ ኩመን ዎልቃፐ ዳፊደ፥ ዮራማ ላኡ ካትሳፐ ግዱዋን ዱኬዳ። ዎንዳፊ አ ዎዛናና አደ ከስና፥ ባረ ጋርያ ግዶ ኩንዴዳ። 
\v 25 ኢዩ ብድቃራ፥ “ዮራማ ደንደ፥ ካሰ እዝራኤልያ ናቡተ ጋደን ኦላ። ነነ ታነ እትፐ ዮራማ አዉዋ አካባ ካል ቶጊደ ቢሽን፥ መና ጎዳይ አ ቦላ ትምቢትያ ጊደ ኦዴዳዋ ሀሳያ። 
\v 26 ሄ ዎደ መና ጎዳይ፥ ‘ናቡተ ሱነ አ አቱማዋ ናናቱዋ ሱ ታን ዝኖ በኣድ፤ ሄዋ አጩዋ ታን ኔና ቱሙ ሀ ጋደን ጭግሳና’ ያጌዳ። ሀእ ስም መና ጎዳይ ጌዳዋዳን፥ ዮራማ ደንደ፥ ሀ ጋደን ኦላ” ያጌዳ።\x - \xo 9:26 \xo*\xt 1 ካታ. 21:19\xt*\x*
\s1 ይሁዳ ካትያ አካዝያሳ ዎድኖ
\p
\v 27 ይሁዳ ካቲ አካዝያስ ሄዋ በኤዳ ዎደ፥ ቤት-ሀጋና ግያ ካታማ ባቃቲደ ቤዳ። ኢዩ አ ካሊደ የደርሲደ፥ “አካ ዱክተ!” ያጌዳ። ኡንቱንቱ አ ካሊደ፥ ይብላኣማ ካታማ ኤለካ ደእያ ጉራ ግያ ፑደን አ ጋርያ ቦላ ዱኬድኖ። ያትና እ ማግዶ ጌተትያ ካታማ ባቃቲደ፥ ያን ሀይቄዳ። 
\v 28 አ ካልያዋንቱ ጋርያን አ አኪደ፥ የሩሳላመ አፌድኖ፤ አ ማይዛ አዎቱዋና ዳዊታ ካታማን ሞጌድኖ።
\p
\v 29 አካባ ናአይ ዮራመ ካተቴዳ ታማነ እተንያ ላይን አካዝያስ ይሁዳን ካተቴዳ።
\s1 ካታት ኤልዛቤል ሀይቁዋ
\p
\v 30 ሄዋፐ ጉይያን፥ ኢዩ እዝራኤላ ካታማ ቤዳ። ኤልዛቤላ ሄዋ ስሴዳ ዎደ፥ ባረ አይፍያ ኦካደ፥ ባረ ሁጲያካ ፕጻደ፥ ማስኮትያና ዱገ ኦግያ ጼላዱ። 
\v 31 ኢዩ ፐንግያና ገልሽን፥ “ላ ነ ጎዳ ዎዳ ዝምራ፥ ሀዋ ሳሮ ያድ?” ያጋዱ።\f + \fr 9:31 \fr*\fk ዝምራ፦ \fk*\ft ዝምር ባረ ካትያ ዎዳ። 1 ካት 16:8-12 ጼላ።\ft*\f*
\p
\v 32 ኢዩ ፑደ ማስኮትያኮ ጼሊደ፥ “ላ ታ ባጋ ግዳናዌ ኦኔ? አነ ኦኔ?” ያጌዳ። ላኡ ዎይ ሄዙ ሱንቱ አኮ ጼሌድኖ። 
\v 33 ኢዩ፥ “ኦ ዱገ ኦል አግተ!” ያጌዳ። ኡንቱንቱ እዞ ዱገ ኦሌድኖ። ያትና እ ሱይ ጎዳ ቦላነ ፓራቱዋ ቦላነ ጫጫፈቴዳ፤ ፓራቱ ባረንቱ ገድያን እዞ የድኖ።
\p
\v 34 ሄዋፐ ጉይያን፥ ኢዩ ካትያ ጎልያ ገሊደ፥ ሜዳነ ኡሼዳነ። ያቲደ እ፥ “ሀ ሸቀቴዳ ምሽራቶ አፊደ ሞግተ፤ አያ ግዶፐነ አ ካትያ ናኣ” ያጌዳ። 
\v 35 ሽን ኡንቱንቱ እዞ ሞጋናዉ ቢደ፥ እዝዉ ጉግያፐ፥ ገደቱዋፐነ ኩሸቱዋፐ አትና፥ ሀራባ ደምቤይክኖ።
\p
\v 36 ሄዋ ድራዉ፥ ኡንቱንቱ ስሚደ፥ ኢዩዉ ኦዴድኖ፤ እ፥ “መና ጎዳይ ባረ ቆማ ተስቢያ ኤላሳ ባጋና፥ ‘እዝራኤላን ደእያ ጋደን ኤልዛቤል አሹዋ ካናቱ ማና።\x - \xo 9:36 \xo*\xt 1 ካታ. 21:23\xt*\x* 
\v 37 አቴዳዌካ እዝራኤላን ደእያ ጋድያን ፕቶ ማላ ግዳናዋ። ሄዋ ድራዉ ኦንነ፥ “ሀና ኤልዛቤሎ” ጋናዉ ዳንዳየና’ ያጊደ ኦዴዳ ቃላይ ሀዋ” ያጌዳ።
\c 10
\s1 አካባ ዘረ ኡባ ዎድኖ
\p
\v 1 አካባዉ ሳማርያ ካታማን ላፑን ታሙ አቱማ ናናይ ደኢኖ። ሄዋ ድራዉ ኢዩ ዳብዳቢያ ጻፊደ፥ ሄ ካታማ ካፓቶ፥ ጭማቶነ አካባ ዘረ ድችያዋንቶ ሳማርያ ካታማ ኪቴዳ። ሄ ዳብዳቢያን እ፥ 
\v 2 “ስም ህንተንቱ ጎዳ ዛራቱ ህንተናና ደእያ ድራዉ፥ ቃይ ፓራቱነ ፓራ ጋረቱ፥ ዩሹ ግምበቴዳ ካታማቱነ ኦላ ሚሻቱ ህንተንቶ ደእያ ድራዉ፥ ሀ ዳብዳቢ ህንተንታ ጋኮ ኤለካ፥ 
\v 3 ህንተንቱ ጎዳ ናናቱዋፐ እት ፓጻተ ዳርያዋ ዶሪደ፥ አ አዉዋ ካዉተ አራታን ኡትስተ። ያቲደ ህንተንቱ ጎዳ ጎለዉ ኦለትተ” ያጌዳ።
\p
\v 4 ሽን ኡንቱንቱ ዳሮፐ ያዪደ፥ “በእተ፥ ላኡ ካተቱ አ ስንን ኤቃናዉ ዳንዳይበይክኖ! ያትና ኑን ዋን ኤቃኔ?” ያጌድኖ። 
\v 5 ሄዋ ድራዉ፥ ካትያ ጎለዉ አዎትያዌ፥ ካታማ ካፑ፥ ጭማቱነ አካባ ዘረ ድችያዋንቱ ኢዩዉ ሀዋዳን ያጊደ ኪቴድኖ፤ “ኑን ነ ቆማቱዋ፤ ኔን ግያዋ ኡባ ኑን ኦና። ኑ ቦላ ኦናነ ካተዮኮ። ኔና ሎኤዳባ አያነ ኦ” ያጊደ ኪቴድኖ።
\p
\v 6 ኢዩ ኡንቱንቶ ላኤን ዳብዳቢያ ጻፊደ፥ “ህንተንቱ ታ ባጋ ግዲደ፥ ታዉ አዛዘታናዉ ጊጌዳዋ ግዶፐ፥ ህንተንቱ ጎዳ ናና ቆያ ሙጭተ፤ ኡንቱንቱ ጉግያ አኪደ፥ ዎንት ሀኖደ እዝራኤላ ካታማ ዪተ” ያጌዳ።
\p ካትያ ዛራቱ ላፑን ታማቱካ ባረና ድችያ፥ ሄ ካታማን ኤረቴዳ አሳቱዋና ደኢኖ። 
\v 7 ሄ ካትያ ዘረ ድችያ አሳቱዋኮ ዳብዳቢ ጋኬዳ ዎደ፥ ካትያ ዘረ ላፑን ታማቱዋካ ዎድኖ። ኡንቱንቱ ቆያ ሙጪደ፥ ኡንቱንቱ ጉግያ ቁንኣን ቆስ አደ፥ እዝራኤላ ካታማን ደእያ ኢዩዉ የዴድኖ።
\p
\v 8 ኪተቴዳ አሳቱ፥ “ኡንቱንቱ ካትያ ዛራቱዋ ጉገቱዋ አኪደ ዬድኖ” ያጊደ ኢዩዉ ኦዴዳ።
\p ኢዩ፥ “ዎንታ ጉራ ጋካናዉ፥ ካታማ ገልያ ፐንግያን ኡንቱንታ ላኡሳን ዶሪደ ዎተ” ያጊደ አዛዜዳ።
\p
\v 9 ዎንተ ጋላስ ጉራ ኢዩ ካረ ከሲደ፥ አሳ ኡባ ስንን ኤቂደ፥ “ህንተንቱ ጽላ። ታ ጎዳ ቦላ ማቀታደ ዎዳዌ ታና። ሽን ሀዋንታ ኡባ ዎዳዌ ኦኔ? 
\v 10 ያቶፐ ስም መና ጎዳይ አካባ ዛራቱዋ ቦላ ኦዴዳዋፐ እት ቃላይነ ሳኣን ዎናዋ ህንተዉ ኤርተ። አያዉ ጎፐ፥ መና ጎዳይ ባረ ቆማ ኤላሳ ባጋና ኦዴዳዋ ፖሌዳ” ያጌዳ። 
\v 11 ሄዋ ድራዉ፥ ኢዩ እዝራኤላን አቴዳ አካባ ዘረ፥ አ ዎልቃማ አሳቱዋ፥ አ ላገቱዋነ አ ቄሳቱ ዋ ኡባ፥ አዉ አያነ አሸናን ዎ ዉርሴዳ።\x - \xo 10:11 \xo*\xt ሆሰ 1:4\xt*\x*
\s1 ካትያ አካዝያሳ ዘረቱዋ ኡባ ዎድኖ
\p
\v 12 ሄዋፐ ጉይያን፥ ኢዩ ደንዲደ፥ ሳማርያ ቤዳ። ሄንንቻቱ ሞ ግያ ሳኣ ጋኪደ፥ 
\v 13 ይሁዳ ካትያ አካዝያሳ ዳቦቱዋና ጋከቴዳ። ኢ፥ “ህንተንቱ ኦኔ?” ያጊደ ኦቼዳ።
\p ኡንቱንቱ፥ “ኑን አካዝያሳ ዳቦቱዋ፤ ኑን ካትያ ዛራቱዋነ ካታት ኤልዛቤል ናናነ ሳሮታናዉ ቤቶ” ያጌድኖ።
\p
\v 14 ኢዩ ባረ አሳቱዋ፥ “ኡንቱንቱ ፓጻ ኦይቂተ” ያጊደ አዛዜዳ። ኡንቱንታ ፓጻ ኦይቂደ፥ ሄንንቻቱ ሞን ደእያ ሃ ኦላ ማታን ኡንቱንታ ኦይታማነ ላአቱዋካ ዎድኖ፤ እ ኡንቱንቱፐ እቱዋነ አሽቤና።
\p
\v 15 ኢዩ ሄ ሳኣፐ ደንድ ዪደ፥ ረካባ ናኣ ዮናዳባና ጋከቴዳ። አ ሳሮደ፥ “ታ ቆፋይነ ነ ቆፋይ እቱዋ። ያትና ታ ባጋ ግዳኒ?” ያጌዳ።
\p ዮናዳብ፥ “ኤ ግዳና” ያጊደ ዛሬዳ።
\p እ “አነ ታ ኩሽያ ኦይቃ” ያጌዳ። አ ኩሽያ ኦይቄዳዋ ፑደ ጋርያ ቦላ ከሲደ፥ 
\v 16 “ታናና ደንዳ። ታን መና ጎዳዉ ምሸትያዋ በአ” ያጌዳ። አ ባረ ጋርያን ኡትሴዳ። 
\v 17 ኢዩ ሳማርያ ዬዳ ዎደ፥ አካባ ዛርያፐ አቴዳ ኡባ ዎዳ፤ መና ጎዳይ ኤላሳዉ ኦዴዳ ቃላዳን ኡንቱንታ ይሴዳ።
\s1 ባኣላዉ ጎይንያዋንታ ዎድኖ
\p
\v 18 ሄዋፐ ጉይያን፥ ኢዩ አሳ ኡባ እትፐ ሺሺደ፥ “አካብ ባኣላዉ ጉ ኬሻ ጎይኔዳ፤ ሽን ታን አፐ ዳሮ ጎይናና። 
\v 19 ሀእ ስም ባኣላ ሱንን ትምቢትያ ኦድያ ኡባቱዋ፥ አዉ ጎይንያዋንታ ኡባቱዋነ አ ቄሳቱ ዋ ኡባቱዋ ታዉ ጼሲደ ሺሽተ። ኡንቱንቱፐ እት አሳይነ ፓጨናዳን ጼልተ። አያዉ ጎፐ፥ ታን ባኣላዉ ዳሮ ያርሹዋ ያርሻናዉ ሀናይ። ሄ ሳኣ ዬናን አግያ አሳይ ፓጻ ደኤና” ያጌዳ። ሽን ኢዩ ባኣላዉ ጎይንያዋንታ ጭሚደ ይሳናዉ ሄዋ ኦዳ።
\p
\v 20 ኢዩ፥ “ባኣላዉ ጎይናና ጋላሳ አዋይተ” ያጌዳ። ኡንቱንቱ አዋዬድኖ። 
\v 21 ሄዋፐ ጉይያን፥ ኢዩ እስራኤልያ ቢታ ኡባ ኪትና፥ ባኣላዉ ጎይንያዋንቱፐ እት አሳይነ አተናን ኡባቱ ዬድኖ፤ ኡባይካ ባኣላ ኤቃ ጎልያ ሀ ጋጻፐ ያ ጋጻ ጋካናዉ፥ ቅልጽ ጊደ ኩሜድኖ።
\p
\v 22 ኢዩ ጎይንያዋንቱ ማዮ አዎትያ እት ብታንያ፥ “ባኣላዉ ጎይንያዋንቱ ኡባዉ ማዩዋ አሃ” ያጌዳ። ብታኒ ኡንቱንቶ ማዩዋ አሄዳ።
\p
\v 23 ሄዋፐ ጉይያን፥ ኢዩነ ረካባ ናአይ ዮናዳብነ ባኣላ ኤቃ ጎልያ ገሌድኖ። ኢዩ ባኣላዉ ጎይንያዋንታ፥ “ባኣላዉ ጎይንያዋንቱፐ አትና፥ መና ጎዳ ቆማቱዋፐ እት አሳይነ ህንተንቱ ግዶን ደኦፐ ጼልተ” ያጌዳ። 
\v 24 ሄዋፐ ጉይያን፥ ኡንቱንቱ ጹግያ ያርሾቱዋነ ሀራ ያርሾቱዋነ ያርሻናዉ ግዶ ገሌድኖ።
\p ኢዩ ባኣላ ኤቃ ጎልያፐ ካረና ሆስፑን ታሙ አሳቱዋ ጊግስ ዎዳ። ያቲደ፥ “ህንተፐ እት ኡራይ ታን ህንተንቱ ኩሽያን ዎያ አሳቱዋፐ እቱዋ የዶፐ፥ አ ሸምፑ ሄ ኡራ ሸምፖ ግዴ” ያጌዳ።
\p
\v 25 ኢዩ ጹግያ ያርሹዋ ያርሽያዋ ፖሎሳና፥ ናግያዋንታነ ካፓቱዋነ፥ “ግዶ ገሊደ፥ ኡንቱንታ ዎተ። ኡንቱንቱፐ እት አሳይነ ከስ አኮፖ” ያጊደ አዛዜዳ። ኡንቱንታ ማሻን ሱፑ ኦ ዉርሴድኖ። ያቲደ ናግያዋንቱነ ካፓቱነ ኡንቱንቱ አሃ ካረ ኦሌድኖ። ሄዋፐ ጉይያን፥ ባኣላ ኤቃ ጎልያ ቆልኦ ገሌድኖ። 
\v 26 ባኣላ ኤቃ ጎልያፐ ኤቃ ቱሳቱዋ ከሲደ ጹጌድኖ። 
\v 27 ቃይካ ባኣላዉ ጎይንያ ኤቃ ሹቻ ክንቼሬድኖ፤ ባኣላ ኤቃ ጎልያካ ኮሌድኖ። ያቲደ ሄ ሳኣ ሼሻ ጎልያ ከሴድኖ፤ ሀቼ ጋካናስካ ሄ ሳአይ ሼሻ ጎልያ ግዲደ አቴዳ።
\p
\v 28 ሄዋዳን ኦደ፥ ኢዩ ባኣላ እስራኤልያፐ ይሴዳ። 
\v 29 ግዶፐነ ናባጻ ናአይ እዮርባም እስራኤልያ አሳ ኦስሴዳ ናጋራ ኦያዋ እ አግቤና። ቤቴለንነ ዳናን እዮርባም ኤሴዳ ዎርቃ ማራቱዋ ምስለቶ እ ባረ ሁጲያዉ ጎይኔዳ።\x - \xo 10:29 \xo*\xt 1 ካታ. 12:28-30\xt*\x*
\p
\v 30 ሄዋፐ ስምና፥ መና ጎዳይ እያ፥ “ኔን ታ ስንን ልከ ግዴዳዋ ኦደ ፖሌዳ ግሻዉነ ታ ቆፋን ደእያዋ ኡባ ኔን አካባ ዛራቱዋ ቦላ ኦዳ ድራዉ፥ ነ ዛራቱ ኦይደን የለታ ጋካናዉ፥ እስራኤልያ ካዉተ አራታን ኡታናዋንታ” ያጌዳ። 
\v 31 ሄዋ ጊድ ኡትናካ፥ ኢዩ መና ጎዳ እስራኤልያ ጾሳ ህግያ ባረ ኩመን ዎዛናፐ ምንሲደ ናግቤና፤ ቃይ እዮርባም እስራኤልያ ናና ኦስሴዳ ናጋራ ኦያዋ አግቤና።
\s1 ኢዩ ሀይቁዋ
\p
\v 32 ሄ ዎድያን መና ጎዳይ እስራኤልያ ቢታ ጹንናዉ ዶሜዳ። ሶርያ ካቲ አዛኤል እስራኤልያ ጋድያፐ ዳሮ ሳኣ ጾኔዳ። 
\v 33 ዮርዳኖሳ ሻፋፐ አዋይ ዶልያ ባጋና ደእያ ጋላኣደነ ባሳነ ቢታ ኡባ ኦይቄዳ። ሄ ቢታቱ አርኖና ሻፋ ማታን ደእያ አሮኤራ ካታማፐ ዶሚደ፥ ሮቤላ ጋድያ፥ ጋደ ጋድያነ ምናሰ ጋድያ ጋኪኖ።
\p
\v 34 ኢዩ ሀኔዳ ሀራባይ፥ እ ኦዳባይ ኡባይነ አ ምኖተ ኡባይ እስራኤልያ ካተቱ ታርክያ ማጻፋን ጻፈት ኡቴዳ። 
\v 35 ሄዋፐ ጉይያን፥ ኢዩ ሀይቂደ፥ ባረ ማይዛን ጋከቴዳ፤ እ ሳማርያን ሞገቴዳ። አ ሳኣን አ ናአይ ዮአካዝ ካተቴዳ። 
\v 36 ኢዩ ሳማርያ ካታማን እስራኤልያ ጋድያ ቦላ ላታማነ ሆስፑን ላይ ካተቴዳ።
\c 11
\s1 ይሁዳ ካታቶ አታሎ
\r (2 ኦዱዋ 22:10—23:15)
\p
\v 1 አካዝያሳ አታ አታላ ባረ ናአይ ሀይቄዳዋ በኤዳ ዎደ፥ ደንዳደ ካትያ ዛርያ ኡባ ይሳዱ። 
\v 2 ሽን ካትያ ዮራማ ናታ፥ አካዝያሳ ምቻታ ይሆሸባአ፥ ሀይቃናዉ ደእያ ካትያ ናናቱዋ ግዶፐ አካዝያሳ ናኣ ዮኣሻ ዉኣደ አካዱ። አነ አ ንያኖነ ሂጻ ጎለን ቆሳደ፥ አታላ ዎናዳን አሻዱ። 
\v 3 አታላ ጋድያ ሞድያ ዎደ ኡባን፥ ናአይ ይሆሸባእ ማታን መና ጎዳ ጌሻ ጎልያን ኡሱፑን ላይ ቆሰቲደ ደኤዳ።
\p
\v 4 ላፑን ላይን ዮዳሄ ካትያ ናግያዋንቱነ ካትያ ጎልያ ናግያዋንቱ ካፓቶ ኪቲደ፥ ባረኮ መና ጎዳ ጌሻ ጎልያ አህሴዳ። ኡንቱንቱና ቃላ ጫቁዋ ጫቀቲደ፥ ኡንቱንቱ መና ጎዳ ጌሻ ጎልያን ጫቂሴዳ። ሄዋፐ ጉይያን፥ ኡንቱንቱ ካትያ ናኣ ዮኣሻ በሴዳ። 
\v 5 እ ኡንቱንታ፥ “ህንተንቱ ኦናባይ ሀዋ። ሳምባታን ናጎ ገልያ ካላይ ጋኬዳ ህንተንቱ ሄዙ ጭታፐ እት ጭታይ ካትያ ጎልያ ናጎ፤ 
\v 6 እት ጭታይ ሱር ግያ ፐንግያ ናጎ፤ ቃይ እት ጭታይ ናግያዋንቱፐ ጉየ ባጋና ደእያ ፐንግያ ናጎ። 
\v 7 ቃይካ ሳምባታን ናጉዋፐ ሃ ከስያ የንኮ ላኡ ጩጎቱዋ ኩመንቱ ካትያዉ ጌሻ ጎልያ ናግኖ። 
\v 8 ኦላ ሚሻ ኦይቂደ፥ ካትያ ግዶዪደ፥ ካቲ ከስያ ዎደነ ገልያ ዎደ ኡባን አናና እትፐ ደእኖ። ህንተኮ ሺቅያ ኦናካ ዎተ” ያጌዳ።
\p
\v 9 ሄ ካፓቱ ቄሲ ዮዳሄ አዛዜዳዋ ኡባ ኦድኖ። ኡንቱንቱ ኡባይካ ሳምባታ ጋላሳን ናጉዋ ካላይ ጋኬዳዋንታካ ናጉዋ ካላን ፖሌዳዋንታካ አኪደ፥ ቄስያ ዮዳሄኮ ዬድኖ። 
\v 10 ቄሲ መና ጎዳ ጌሻ ጎልያን ደእያ፥ በን ካትያ ዳዊታ ጎንዳለቱዋነ ቶራቱዋነ ኡባ ካፓቶ እሜዳ። 
\v 11 ናግያዋንቱ እቱ እቱ ኦላ ሚሻቱዋ ባረንቱ ኩሽያን ኦይቂደ፥ ጌሻ ጎልያፐ ሀድርሳ ባጋፐ ዶሚደ፥ ኡሸቻ ባጋ ጋካናዉ፥ ያርሽያ ሳኣ ማታንነ ጌሻ ጎልያ ማታን ካትያ ዩሹዋን ኤቄድኖ። 
\v 12 ሄዋፐ ጉይያን፥ ዮዳሄ ካትያ ናኣ ካረ ከሲደ፥ አ ሁጲያን ካላቻ ዎዳ። ካዉተ ካለያ ህግያ ማጻፋፐ ዱቂደ እቱዋ አዉ እሚደ፥ ኦኪደ ካተዬዳ። ካዉነ አሳይ ኩሽያ ባቂደ፥ ባረ ቃላ ቁ ኦደ፥ “ካቲ ሸምፑ ጋምኦ!” ያጌዳ።
\p
\v 13 ካታታ አታላ ናግያዋንቱ ጫቡዋነ አሳ ጫቡዋነ ስሴዳ ዎደ፥ አሳኮ መና ጎዳ ጌሻ ጎልያ ባዱ። 
\v 14 ካቲ ካሰ ካተቱ ሀንያዋዳን ቱሳ ማታን ኤቄዳዋ በኣዱ። ካፓቱነ ጹሩምባ ፑንያዋንቱ ካትያ ማታን ደኢኖ፤ ሄ ቢታ አሳይ ኡባይ ናሸቲደ፥ ጹሩምባ ፑኔ። አታላ ባረ ማዩዋ ፔደ፥ “ሀዌ ማካላ! ሀዌ ማካላ!” ያጋደ ዋሳዱ።\x - \xo 11:14 \xo*\xt 2 ካታ. 23:3\xt*\x*
\p
\v 15 ቄሲ ዮዳሄ ኦላንቻቱ ካፓቱዋ፥ “አታሎ መና ጎዳ ጌሻ ጎልያን ዎፕተ! እዞ ያናነ ሃናነ ሳልፒደ ሳልፐቱዋ ግዱዋን ዎደ፥ ካረ ከስተ። እዞ አሻናዉ ካጄልያ አሳይ ደኦፐ ዎተ!” ያጌዳ። 
\v 16 ሄዋ ድራዉ፥ ኡንቱንቱ እዞ ኦይቂደ፥ ካትያ ጎልያ አፌድኖ፤ ፓራ ፐንግያን እዞ ዎድኖ።
\s1 ዮዳሄ ቃላ ጫቁዋ ኦራዳ
\r (2 ኦዱዋ 23:16-21)
\p
\v 17 ሄዋፐ ጉይያን፥ አሳይ መና ጎዳ አሳ ግዳና ማላ፥ ዮዳሄ ካቲነ አሳይ መና ጎዳና ቃላ ጫቁዋ ገላና ማላ ኦዳ። ቃይ ካትያፐነ አሳፐነ ግዱዋንካ ቃላ ጫቁዋ ገልሴዳ። 
\v 18 ሄ ዎደ ይሁዳ አሳይ ኡባይ ባኣላ ኤቃ ጎልያ ቢደ፥ ሄ ጎልያ ክንቼዳ፤ ያርሽያ ሳአቱዋነ አ ምስለቱዋ ክንቼሬዳ። ቃይ ማታና ግያ ባኣላ ቄስያ ያርሽያ ሳአቱ ስንን ዎድኖ።
\p ሄዋፐ ስምና፥ ቄስያ ዮዳሄ መና ጎዳ ጌሻ ጎልያን ናግያዋንታ ዎዳ። 
\v 19 ባረናና ጋዳዋቱዋ፥ ካትያ ናግያዋንታ፥ ካትያ ጎልያ ናግያዋንታነ ይሁዳ አሳ ኡባ አክና፥ ኡንቱንቱ ካትያ መና ጎዳ ጌሻ ጎልያፐ ዱገ አሂደ፥ ናግያዋንቱ ፐንግያ ግያ ፐንግያ ባጋና ካትያ ጎለ እትፐ ገሌድኖ። ካቲ ባረ ካዉተ አራታን ኡቴዳ። 
\v 20 ያትና ይሁዳ አሳይ ኡባይ ናሸቴዳ። አታላ ካትያ ጎለን ማሻን ሀይቄዳዋፐ ጉይያን፥ ካታማይካ ዎፑ ጌዳ።
\p
\v 21 ዮኣሽ ካተትያ ዎደ ላፑን ላይ ናኣ።
\c 12
\s1 ይሁዳ ካትያ እዮኣሳ
\r (2 ኦዱዋ 24:1-16)
\p
\v 1 ኢዩ እስራኤልያ ቢታን ካተቴዳ ላፑን ላይን፥ እዮኣስ ይሁዳን ካተቴዳ፤ እ የሩሳላመን ኦይታሙ ላይ ካተቴዳ። አ አት ሱንይ ጺብያ፤ አ በርሳበሀ ካታማፐ ዬዳ አሳ። 
\v 2 ቄሲ ዮዳሄ አ ታማርሴዳነ ዞሬዳ ድራዉ፥ እ ደኤዳ ላይ ኡባን እዮኣስ መና ጎዳ ስንን ሱረባ ኦዳ። 
\v 3 ግዶፐነ አሳይ ጎይንያ ቃ ሳኣ ይስቤና፤ አሳይካ ሄ ግሹዋን ያርሹዋ ያርሽያዋነ እጻና ጩዋይያዋ አግቤና።
\p
\v 4 እዮኣስ ቄሳቱ ዋ ጼሲደ፥ “መና ጎዳ ጌሻ ጎልያ ይያ ጌሻ ሚሻ ኡባ ሺሽተ። ሄዌካ ሁጲያ ፓይዱዋ ዎደ እመትያ ሚሻነ አሳይ ባረ ሸንያን ጌሻ ጎልያዉ አህያ ሚሻ።\x - \xo 12:4 \xo*\xt ከሳ 30:11-16\xt*\x* 
\v 5 ያቶፐ ቄሳቱ ኡባይ ሄ ሚሻ አህያ እት እት አሳቱዋፐ ባረንቶ አኪደ፥ ጌሻ ጎልያ ግዶን ኮለቴዳ ሳኣ ኡባ ኦራኖ” ያጌዳ።
\p
\v 6 ሽን ካቲ እዮኣስ ካተቴዳ ላታማነ ሄዘን ላይ ጋካናዉ፥ ቄሳቱ መና ጎዳ ጌሻ ጎልያ ኦራበይክኖ። 
\v 7 ሄዋ ድራዉ፥ ካትያ እዮኣስ ቄስያ ዮዳሀነ ሀራ ቄሳቱ ዋነ ጼሲደ፥ “ጌሻ ጎልያ ግዶን ኮለቴዳ ሳኣ አያዉ ኦራክቴ? ሚሻ ጌሻ ጎልያ ኦራናዉ እምተፐ አትና፥ ህንተንቶ እመትያ ሻሉዋ ኦይቆፕተ” ያጌዳ።
\p
\v 8 ቄሳቱ፥ “አሳፐ ሀራ ሚሻ አኮኮ፤ ጌሻ ጎልያ ግዶን ኮለቴዳ ሳአቱዋካ ኦራኮ” ያጊደ ጊጌድኖ።
\p
\v 9 ሄዋፐ ጉይያን፥ ቄስያ ዮዳሄ ሳጽነ እቱዋ አኪደ፥ አ ቁምእያን ጾእያ ሉኬዳ፤ ያርሽያ ሳኣ ማታን መና ጎዳ ጌሻ ጎልያ ገልያሳን ኡሸቻ ባጋና ዎዳ። ገልያ ሳኣ ናግያ ቄሳቱ መና ጎዳ ጌሻ ጎልያ ዬዳ ሚሻ ኡባ ሳጽንያ ግዶን የጊኖ። 
\v 10 ሳጽንያ ግዶን ዳሮ ሚሻይ ዳጋቴዳዋ ኡንቱንቱ በኤዳ ዎደ ኡባን፥ ካትያ ጻፊነ ቄሳቱዋ ኡባቱዋ ካፑ ዪኖ፤ መና ጎዳ ጌሻ ጎልያ ዬዳ ሚሻ ፓይዲደ፥ ቃርጪታቱዋን ቆሊኖ።
\p
\v 11 ፓይደቴዳ ሚሻ ልክያ ኤሬዳዋፐ ጉይያን፥ ጌሻ ጎልያ ኦሱዋ ዎቻናዉ ሱንቴዳ አሳቶ እሚኖ። ኡንቱንቱ ሚሻ አኪደ፥ መና ጎዳ ጌሻ ጎልያን አናጸቶነ ግምቢያዋንቶ እሚኖ። 
\v 12 ቃይ ሹቻ ማስያዋንቶነ ሹቻ ቆእያዋንቶ ቃንጺኖ። ቃይካ መና ጎዳ ጌሻ ጎልያ ኦራናዉ ሳንቃነ ሹቻነ ኮሽያ ሀራባቱዋ ሻሚኖ። 
\v 13 ሽን ጌሻ ጎልያ ዬዳ ሚሻፐ መና ጎዳ ጌሻ ጎልያዉ ብራ ቡርጩቆቱዋ፥ ኦይቂያዋ፥ ከረቱዋነ ጹሩምባቱዋ ዎይ ዎርቃፐነ ብራፐነ መትያ ሀራ ጌሻ ሚሻቱዋ ኦናዉ ከስበይክኖ። 
\v 14 ሄ ሚሻ ኡባይ ጌሻ ጎልያ ኦራያ አሳዉ ጭገቲኖ። 
\v 15 ጌሻ ጎልያ ኦሱዋ ዎቻናዉ ሱንቴዳ አሳቱዋ ኦንነ፥ “ሚሻን አያ አያ ኦድቴ?” ጊደ ኦችቤና፤ አያዉ ጎፐ፥ አሳቱ አማንያዋንታ።\x - \xo 12:15 \xo*\xt 2 ካታ. 22:7\xt*\x* 
\v 16 ባይዙዋ ድራዉነ ናጋራ ድራዉ ያርሽያ ያርሾ ጭገትያ ሚሻይ ቄሳቶ ገሌፐ አትና፥ መና ጎዳ ጌሻ ጎልያ ኦራያ ሚሻ ሳጽንያን ገለና።\x - \xo 12:16 \xo*\xt ዎጋ 7:7\xt*\x*
\s1 አዛኤል የሩሳላሞ አዳ
\p
\v 17 ሄ ዎደ ሶርያ ካቲ አዛኤል ቢደ፥ ጋተ ካታማ ኦለቲደ ኦይቄዳ። ያቲደ የሩሳላመ ኦላናዉ ስሜዳ። 
\v 18 ሽን ይሁዳ ካቲ እዮኣስ አፐ ካሰ ካተቴዳ ይሁዳ ካተቱ ዮሳፌጸ፥ ዮራምነ አካዝያስ መና ጎዳዉ ዱማይ ዎዳ ሚሻቱዋ፥ ቃይ እ ባረ ሁጲያዉ እሜዳ እሞታነ መና ጎዳ ጌሻ ጎልያነ ካትያ ጎልያ ሚሻ ምንጅያሳን ደእያ ዎርቃ ኡባ አኬዳ። ሶርያ ካትያዉ አዛኤላዉ የዴዳ፤ አዛኤል የሩሳላመ ኦላናዋ አግ ባሼዳ።
\p
\v 19 ካቲ እዮኣስ ሀኔዳ ሀራባይነ እ ኦዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። 
\v 20 ሄዋፐ ጉይያን፥ አ ኦሳንቻቱ አ ቦላ ማቀቲደ፥ ሲላ ግያ ሳኣ አፍያ ኦግያን ሚሎ ግያ ሳን ደእያ ጎለን ዎድኖ። 
\v 21 አ ኦሳንቻቱ ሽምኣታ ናኣ ዮዛካራነ ሾሜራ ናኣ ይሆዛባዳ። እዮኣስ ዳዊታ ካታማን ባረ ማይዛ አዎቱዋ ዱፉዋን ሞገቴዳ፤ አ ሳኣን አ ናአይ አመስያስ ካተቴዳ።
\c 13
\s1 እስራኤልያ ካትያ ዮአካዛ
\p
\v 1 አካዝያሳ ናአይ፥ ይሁዳ ካቲ እዮኣስ ካተቴዳ ላታማነ ሄዘን ላይን፥ ኢዩ ናአይ እዮአካዝ ሳማርያ ካታማን እስራኤልያ ቦላ ካተቴዳ፤ እ ታማነ ላፑን ላይ ካተቴዳ። 
\v 2 ናባጻ ናአይ እዮርባም እስራኤልያ አሳ ኦስሴዳ ናጋራ ካሊደ፥ እዮአካዝ መና ጎዳ ስንን ኢታባ ኦዳ፤ እ ሄ ናጋራ ኦያዋ አግቤና። 
\v 3 ሄዋ ድራዉ፥ መና ጎዳ ሀንቁ እስራኤልያ ቦላ ፐንቴዳ፤ መና ጎዳይ ኡንቱንቱ ዳሮ ዎድያዉ ሶርያ ካትያ ሀዛኤላዉነ አ ናኣ በንሀዳዳዉ ዛር ዛሪደ አ እሜዳ።
\p
\v 4 ሄዋፐ ጉይያን፥ እዮአካዝ መና ጎዳ ዎሴዳ። መና ጎዳይ አዉ ስሴዳ፤ አያዉ ጎፐ፥ ሶርያ ካቲ እስራኤልያ አያ ማላ ኢታ ኡቁና ኡቁኔደንቶ መና ጎዳይ በኤዳ። 
\v 5 መና ጎዳይ እስራኤልያ አሳ አሽያዋ እሜዳ፤ ኡንቱንቱ ሶርያ አሳቱዋ ኩሽያፐ ከስ አኬድኖ። ያቲደ እስራኤልያ አሳይ ካሰዋዳንካ ባረ ሶን ሳሩዋን ደኤዳ። 
\v 6 ግዶፐካ እስራኤልያ አሳይ እዮርባማ ሶይ አሳይ ኦስሴዳ ናጋራፐ ስምቤና፤ ኡንቱንቱ ሄ ናጋራ ኦያዋ አግበይክኖ። ቃይ አሼሮ ግያ ጾሳቱ ምስሊ ሳማርያን ኤቆ ሳኣን አቴዳ። 
\v 7 እዮአካዛዉ እሻታሙ ፓራ አሳቱዋፐ ታሙ ጋረቱዋፐነ፥ ታሙ ሻአ ገድያ ኦላንቻቱዋፐ አትና፥ ሀራ ኦላንቻይ አትቤና። አያዉ ጎፐ፥ ሶርያ ካቲ ኡንቱንታ ይሴዳ፤ እ ኡንቱንታ ኡዱማን ደእያ ሱላዳን ኦዳ።
\p
\v 8 እዮአካዝ ሀኔዳ ሀራባይ፥ እ ኦዳባይ ኡባይነ አ ምኖተ እስራኤልያ ካተቱዋ ታርክያ ማጻፋን ጻፈት ኡቴዳ። 
\v 9 እዮአካዝ ሀይቂደ፥ ባረ ማይዛን ጋከቴዳ፤ አ ሳኣን አ ናአይ እዮኣስ ካተቴዳ።
\s1 እስራኤልያ ካትያ እዮኣሳ
\p
\v 10 ይሁዳ ካቲ እዮኣስ ካተቴዳ ሀታማነ ላፑን ላይን፥ እዮሳካዛ ናአይ እዮኣስ ሳማርያን እስራኤልያ ቦላ ካተቴዳ፤ እ ታማነ ኡሱፑን ላይ ካተቴዳ። 
\v 11 እዮኣስ መና ጎዳ ስንን ኢታባ ኦዳ። ናባጻ ናአይ እዮርባም እስራኤልያ አሳ ኦስሴዳ ናጋራፐ እቱዋነ አሸናን ኦዳ፤ እ ሄ ናጋራ ኦያዋ አግቤና።
\p
\v 12 እዮኣስ ሀኔዳ ሀራባይ፥ እ ኦዳባይ ኡባይነ ይሁዳ ካትያ አመስያሳና ኦለቴዳ ምኖተ እስራኤልያ ካተቱዋ ታርክያ ማጻፋን ጻፈት ኡቴዳ። 
\v 13 እዮኣስ ሀይቂደ፥ ባረ ማይዛን ጋከቴዳ፤ ሳማርያን እስራኤልያ ካተቱዋና ሞገቴዳ። አ ሳኣን አ ናአይ እዮርባም ካተቴዳ።
\s1 ኤልሳአ ሀይቁዋ
\p
\v 14 ኤልሳእ ባረና ዎያ ሀርግያ ሀርግያ ዎደ፥ እስራኤልያ ካቲ እዮኣስ አ በአናዉ ቢደ፥ “ታ አዎ፤ ታ አዎ! ኔን እስራኤልያ አሳዉ ዎልቃነ ጎንዳለ!” ያጊደ ዬኬዳ።\x - \xo 13:14 \xo*\xt 2 ካታ. 2:12\xt*\x*
\p
\v 15 ኤልሳእ፥ “ዎንዳፍያነ ፖቱዋ አካ ያ” ያጌዳ፤ አስ አሄዳ።
\p
\v 16 ሄዋፐ ጉይያን፥ ኤልሳእ እስራኤልያ ካትያ፥ “ዎንዳፍያ ጊግሳ ኦይቃ” ያጌዳ፤ ዎንዳፍያን እ ጊግስ ኦይቂ ደእሽን፥ ኤልሳእ ባረ ኩሽያ ካትያ ኩሽያ ቦላ ዎዳ።
\p
\v 17 “አዋይ ዶልያ ባጋ ማስኮትያ ዶያ” ያግና ዶዬዳ። ኤልሳእ፥ “ፖ ዎንዳፍያን ዱካ” ያጌዳ፤ እካ ዱኬዳ። ኤልሳእ፥ “ሀዌ መና ጎዳ ፖ! ሀዌ ሶርያ አሳቱዋ ጾንያ ፖ! ኔን ሶርያ አሳቱዋ አፌቃ ካታማን ጾናና ጋካናዉ ኦላና” ያጌዳ።
\p
\v 18 ሄዋፐ ጉይያን ኤልሳእ ካትያ፥ “ፖቱዋ አካ” ያግና አኬዳ። ኤልሳእ፥ “ኡንቱንቱን ቢታ ጫዳ” ያጌዳ። ሄዙ ገደ ቢታ ጫዲደ አግ ባሼዳ። 
\v 19 ያትና ጾሳ አሳይ ካትያ ሀንቀቲደ፥ “እቼሹ ገደ ዎይ ኡሱፑን ገደ ቢታ ጫዴዳዋ ግድንቶ፥ ኔን ሶርያ አሳቱዋ ጾናደ ኡባ ባይዛናዋ ሽን! ኔን ሀእ ኡንቱንታ ሄዙ ገደ ጻላላ ጾናና” ያጌዳ።
\p
\v 20 ኤልሳእ ሀይቂና አሃዉ ጊጌዳ ጎንጎሉዋን ዎዳ።
\p ሞኣበ ጋድያፐ ኦላንቻቱ እስራኤልያ ቢታ ቦላ ላይን ላይን ዶዲኖ። 
\v 21 እት ጋላስ አማሬዳ እስራኤልያ አሳቱ እት ብታንያ አሃ ሞጊደ፥ ሞኣበ ቢታ ጭታ በኤድኖ። ብታንያ አሃ ኤልሳአ ሞጉዋ ጎንጎሉዋ ግዶ ኦሊደ ባቃቴድኖ። ያትና አሃይ ኤልሳአ መቀ ቦላ ዎዳ፤ ሄ ማንእያን ፓጽነ ደንድ ኤቄዳ።
\s1 እስራኤላነ ሶርያ ግዶን ደንዴዳ ኦላ
\p
\v 22 እዮአካዝ ካተቴዳ ላይን ኡባን ሶርያ ካቲ አዛኤል እስራኤልያ ኡቁኔዳ። 
\v 23 ሽን መና ጎዳይ አብራሃመና፥ ይሳቃናነ ያቆባና ጫቀቴዳ ቃላ ጫቁዋ ድራዉ፥ ኡንቱንቶ ኬኬዳ፥ ቃረቴዳነ ቆፔዳ። ሀቼ ጋካናዉካ እ ኡንቱንታ ይስቤና ዎይ ባረ ስንፐ ድግቤና።
\p
\v 24 ሶርያ ካቲ አዛኤል ሀይቂና፥ አ ሳኣን አ ናአይ በንሀዳድ ካተቴዳ። 
\v 25 ሄዋፐ ጉይያን፥ አዛኤል አ አዉዋ እዮአካዘፐ ኦላን ኦይቄዳ ካታማቱዋ ዮአካዛ ናአይ ዮኣስ አዛኤላ ናኣ በንሀዳዳፐ ዎ አኬዳ። እዮኣስ አ ሄዙ ገደ ጾኒደ፥ እስራኤልያ ካታማቱዋ ዛሬዳ።
\c 14
\s1 ይሁዳ ካትያ አመስያሳ
\r (2 ኦዱዋ 25:1-24)
\p
\v 1 እዮአካዛ ናአይ፥ እስራኤልያ ካቲ እዮኣስ ካተቴዳ ላኤን ላይን፥ ይሁዳ ካትያ ዮኣሻ ናአይ አመስያስ ካተቴዳ። 
\v 2 እ ካተትያ ዎደ ላይይ አዉ ላታማነ እቼሻ፤ እ የሩሳላመን ላታማነ ኡዱፑን ላይ ካተቴዳ። አ አት ሱንይ ይሆኣድኖ፤ እዛ የሩሳላመ አሳ። 
\v 3 አመስያስ መና ጎዳይ ስንን ሱረባ ኦዳ፤ ሽን አ ማይዛ አዉ ዳዊተ ኦዳዋዳን ኦቤና። ኡባባካ እ ባረ አዉዋ እዮኣሳ ቁሌዳ። 
\v 4 አሳይ ጎይንያ ቃ ሳኣ ይስቤና፤ አሳይካ ሄ ግሹዋን ያርሹዋ ያርሽያዋነ እጻና ጩዋይያዋ አግቤና።
\p
\v 5 አመስያስ ካዉተ ባረ ኩሽያን ሎይ ኦይቄዳ ሳናካ፥ ካሰ ካትያ ባረ አዉዋ ዮኣሻ ዎዳ ኦሳንቻቱዋ ዎዳ። 
\v 6 ሙሴ ህግያ ማጻፋን ጻፈቴዳዋዳን፥ መና ጎዳይ፥ “ናናቱ ኦዳ ናጋራ ድራዉ፥ አዎቱዋ ዎናዉ በሰና፤ ቃይ አዎቱ ኦዳ ናጋራ ድራዉካ፥ ናና ዎናዉ በሰና። አሳይ ኡባይ ባረ ኦዳ ናጋራን ናጋራን ሀይቃናዉ በሰ ያጊደ አዛዜዳዋዳንካ፥ ዎዳዋንቱ ናና ዎቤና።”\x - \xo 14:6 \xo*\xt ዛረ. 24:16\xt*\x*
\p
\v 7 አመስያስ ማጽነ ዛንጋራ ግያ ሳኣን ታሙ ሻአ ኤዶማ ቢታ አሳ ዎደ ሰላአ ግያ ካታማካ ኦላን ኦይቄዳ። ዮቅትኤላ ያጊደ ሱንዳ፤ ሀቼ ጋካናዉ ሀ ሱንን ጼሰቴ።
\p
\v 8 ሄዋፐ ጉይያን፥ አመስያስ ኢዩ ናኣ ናኣ፥ እዮአካዛ ናኣ፥ እስራኤልያ ካትያ እዮኣሳዉ አሳ ኪቲደ፥ “ሃያ፤ አነ ላኡ ኦላ ጋከቴቶ” ያጊደ ናሴዳ።
\p
\v 9 ሽን እስራኤልያ ካቲ ዮኣሽ ይሁዳ ካትያ አመስያሳ ሀዋዳን ያጌዳ፤ “ሊባኖሳን ደእያ ክንድቹ ሊባኖሳን ደእያ ዝጋዉ ኪቲደ፥ ‘ነ ናቶ ታ ናአዉ እማ’ ያጌዳ። ሽን ሊባኖሳን ደእያ እት ዶአይ ሄዋና አደ፥ ሄ ካሽያ የዳ። 
\v 10 ኤ፥ ኔን ቱሙካ ኤዶማ ቢታ አሳ ጾናዳ፤ ሄዋን ሀእ ኦቶረታሳ። ኔን ነ ጾኑዋን ናሸታደ፥ ነ ሶን ዎፑ ጋደ ኡታ አጋ። ነ ቦላነ ነ ቢታ ይሁዳ ቦላ መቱዋነ ባሻነ አህያዋ አያዉ ደንይ?” ያጊደ ዛሬዳ።
\p
\v 11 ሽን አመስያስ ስሳ እጼዳ። ሄዋ ድራዉ፥ እስራኤልያ ካቲ ዮኣሽ ኦላናዉ ከስና፥ እነ ይሁዳ ካቲ አመስያስነ ይሁዳን ደእያ ቤት-ሸመሻ ግያ ካታማን ኦላ ጋከቴድኖ። 
\v 12 እስራኤልያ አሳይ ይሁዳ አሳ ጾኔዳ፤ ይሁዳ አሳይ ኡባይ ባቃቲደ፥ ባረ ሶ ባረ ሶ ቤዳ። 
\v 13 እስራኤልያ ካቲ እዮኣስ አካዝያሳ ናኣ ናኣ፥ እዮኣሳ ናኣ፥ ይሁዳ ካትያ አመስያሳ ቤት-ሸመሻ ካታማን ኦሞዴዳ። ሄዋፐ ጉይያን፥ ዮኣሽ የሩሳላመ ቢደ፥ የሩሳላመ ድርሳ ግምቢያ፥ ኤፍሬማ ፐንግያፐ ቢደ፥ ዞዝያ ፐንግያ ጋካናዉ ደእያ ኦይዱ ጼቱ ዋ ግዴዳ፥ ሳኣ ላሌዳ። 
\v 14 መና ጎዳ ጌሻ ጎልያንነ ካትያ ጎልያ ሚሻ ምንጅያሳን ደእያ ዎርቃ፥ ብራነ ሻሉዋ ኡባ አኬዳ፤ ቃይ ዋብያዉ ኦይቀቴዳ አሳቱዋካ አኪደ፥ ሳማርያ ስሜዳ።
\p
\v 15 እዮኣስ ሀኔዳ ሀራባይ፥ እ ኦዳባይ፥ አ ምኖተይነ ይሁዳ ካትያ አመስያሳና እ ኦለቴዳባይ እስራኤልያ ካተቱዋ ታርክያ ማጻፋን ጻፈት ኡቴዳ። 
\v 16 እዮኣስ ሀይቂደ፥ ባረ ማይዛን ጋከቴዳ፤ እ ሳማርያ ካታማን እስራኤልያ ካተቱዋና ሞገቴዳ። አ ሳኣን አ ናአይ እዮርባም ካተቴዳ።
\s1 ይሁዳ ካትያ አመስያሳ ሀይቁዋ
\r (2 ኦዱዋ 25:25-28)
\p
\v 17 እዮአካዛ ናአይ፥ እስራኤልያ ካቲ እዮኣስ ሀይቄዳዋፐ ጉይያን፥ እዮኣሳ ናአይ፥ ይሁዳ ካቲ አመስያስ ታማነ እቼሹ ላይ ደኤዳ። 
\v 18 አመስያስ ሀኔዳ ሀራባይ ይሁዳ ካተቱዋ ታርክያ ማጻፋን ጻፈት ኡቴዳ።
\p
\v 19 አመስያሳ ዎናዉ አሳይ የሩሳላመን ማቀቴዳ፤ ያትና እ ላክሻ ግያ ካታማ ባቃቴዳ። ሽን ኡንቱንቱ አ ጌዱዋ ላክሻ ካታማ አሳ ኪትና፥ አ ያን ዎድኖ። 
\v 20 አ አሃ ፓራን ጫን አሂደ፥ ዳዊታ ካታማን የሩሳላመን አ ማይዛ አዎቱዋና ሞጌድኖ። 
\v 21 ሄዋፐ ጉይያን፥ ይሁዳ አሳይ ኡባይ ታማነ ኡሱፑን ላይ ናኣ ኦዝያና አ አዉዋ አመስያሳ ሳኣን ካተዬዳ። 
\v 22 አ አዉ አመስያስ ሀይቄዳዋፐ ጉይያን፥ እ ኦዝያነ ኤላታ ግያ ካታማ ዛረ ኬጺደ፥ ይሁዳን ኦራዳ።
\s1 እስራኤልያ ካትያ ላኤን እዮርባማ
\p
\v 23 ዮኣሻ ናአይ፥ ይሁዳ ካቲ አመስያስ ካተቴዳ ታማነ እቼሻን ላይን፥ እስራኤልያ ካትያ ዮኣሻ ናአይ እዮርባም ሳማርያን ካተቴዳ፤ እ ኦይታማነ እት ላይ ካተቴዳ። 
\v 24 እዮርባም መና ጎዳ ስንን ኢታባ ኦዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኡባ ኦያዋ አግቤና። 
\v 25 ጋተ-ሄፌርያ አሚታያ ናኣ ትምቢትያ ኦድያ ባረ ቆማ ዮናሳ ባጋና መና ጎዳይ እስራኤልያ ጾሳይ ባረ ቃላን ሃሳዬዳዋዳን፥ ሀማታ ፕኑዋ ግያ ሳፐ ዶሚደ፥ ማጽንያ አባ ጋካናዉ ደእያ እስራኤልያ ዛዋ ዮኣሻ ናአይ እዮርባም ጾኒደ ዛሬዳ።\x - \xo 14:25 \xo*\xt ዮናሳ 1:1\xt*\x* 
\v 26 አያዉ ጎፐ፥ እስራኤላን ደእያ አሳይ ኡባይ አይልያ ግድና፥ ዎማኑዋ ግድና፥ አያ ኬሻ ቱጋ ቱጋቴደንቶ፥ መና ጎዳይ በኤዳ፤ ኡንቱንታ ማድያባይ ኦንነ ባዋ። 
\v 27 መና ጎዳይ እስራኤልያ አሳ ሱን ሳሉዋፐ ጋርሳን ይሳና ያግቤና። ሄዋ ድራዉ፥ መና ጎዳይ ኡንቱንታ እዮኣሳ ናኣ እዮርባማ ባጋና አሼዳ።
\p
\v 28 እዮርባም ሀኔዳ ሀራባይ፥ እ ኦዳባይ ኡባይ፥ እ ኦለቴዳዌነ ይሁዳ ባጋ ግዴዳ ዳማስቆ ካታማነ ሀማታ ካታማ እስራኤልያዉ ዛሬዳባይ እስራኤልያ ካተቱ ታርክያ ማጻፋን ጻፈት ኡቴዳ። 
\v 29 እዮርባም ሀይቂደ፥ ባረ ማይዛ አዎቱዋን እስራኤልያ ካተቱዋን ጋከቴዳ፤ አ ሳኣን አ ናአይ ዛካራስ ካተቴዳ።
\c 15
\s1 ይሁዳ ካትያ ኦዝያና
\r (2 ኦዱዋ 26:1-23)
\p
\v 1 እስራኤልያ ካቲ እዮርባም ካተቴዳ ላታማነ ላፑን ላይን፥ ይሁዳ ካትያ አመስያሳ ናአይ ኦዝያን ካተቴዳ።\f + \fr 15:1 \fr*\fqa ኦዝያነ፦ \fqa*\ft እብራዌዋን ካቲ ኦዝያነ ሀ ሸምፑዋን አዛርያ ጌተቴ።\ft*\f* 
\v 2 እ ካተቴዳ ዎደ፥ ላይይ አዉ ታማነ ኡሱፑና፤ እ የሩሳላመን እሻታማነ ላኡ ላይ ካተቴዳ። አ አት ሱንይ ይኮሎ፤ እዛ የሩሳላመ አሳ። 
\v 3 አ አዉ አመስያስ ኦዳዋዳን፥ እካ መና ጎዳ ስንን ሱረባ ኦዳ። 
\v 4 ግዶፐነ አሳይ ጎይንያ ቃ ሳኣ ይስቤና፤ ሄ ድራዉ ያርሹዋ ያርሽያዋነ እጻና ጩዋይያዋ አግቤና። 
\v 5 መና ጎዳይ ኦዝያና ዎልቃማ ኦሉዋ ሀርግያን ኦይዳ፤ ሀይቃና ጋካናስካ ሄ ሀርጊ አ የድቤና ድራዉ፥ ዱማ ጎለን ባረካ ደኤዳ። ሄ ዎደ ካትያ ናአይ እዮኣታመ ካትያ ጎለን ደኢደ፥ ሄ ቢታ አሳ ሞዴዳ።
\p
\v 6 ኦዝያነ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 7 ኦዝያነ ሀይቂደ፥ ባረ ማይዛን ጋከቴዳ፤ ዳዊታ ካታማን ባረ ማይዛ አዎቱዋና ሞገቴዳ። አ ኮታን አ ናአይ ዮኣታመ ካተቴዳ።\x - \xo 15:7 \xo*\xt ኢሳ. 6:1\xt*\x*
\s1 እስራኤልያ ካትያ ዛካራሳ
\p
\v 8 ይሁዳ ካቲ ኦዝያነ ካተቴዳ ሀታማነ ሆስፑን ላይን፥ እዮርባማ ናአይ ዛካራስ እስራኤልያ አሳ ቦላ ሳማርያ ካታማን ካተቴዳ፤ እ ኡሱፑን አግና ካተቴዳ። 
\v 9 አ ማይዛ አዎቱ ኦዳዋዳን፥ እካ መና ጎዳ ስንን ኢታባ ኦዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦያዋ አግቤና። 
\v 10 ሄዋፐ ጉይያን፥ ያቤሻ ናአይ ሻሉም ዛካራሳ ቦላ ማቀት ደንዲደ፥ ይብላኣማ ግያ ሳን ዎደ አ ኮታን ባረዉ ካተቴዳ።
\p
\v 11 ዛካራስ ሀኔዳ ሀራባይነ እ ኦዳባይ ኡባይ እስራኤልያ ካተቱዋ ታርክያ ማጻፋን ጻፈት ኡቴዳ።
\p
\v 12 ሀዋዳን ሀኒደ፥ መና ጎዳይ ኢዩዉ፥ “ነ ዛሪ ኦይደን የለታ ጋካናዉ፥ እስራኤልያ ካዉተ አራታን ኡታናዋ” ያጊደ ኦዴዳ ቃላይ ፖለቴዳ።\x - \xo 15:12 \xo*\xt 2 ካታ. 10:30\xt*\x*
\s1 እስራኤልያ ካትያ ሻሉማ
\p
\v 13 ይሁዳ ካቲ ኦዝያነ ካተቴዳ ሀታማነ ኡዱፑን ላይን፥ ያቤሻ ናአይ ሻሉም ካተቴዳ፤ እ ሳማርያን እት አግና ካተቴዳ። 
\v 14 ሄዋፐ ጉይያን፥ ጋደ ናአይ ምናሄም ትርጻ ግያ ካታማፐ ሳማርያ ቤዳ። ሳማርያን ደእያ ያቤሻ ናኣ ሻሉማ ዎደ አ ኮታን ባረዉ ካተቴዳ።
\p
\v 15 ሻሉም ሀኔዳ ሀራባይነ እ ማቀቴዳ ማቁ እስራኤልያ ካተቱዋ ታርክያ ማጻፋን ጻፈት ኡቴዳ። 
\v 16 ሄ ዎደ ምናሄም ትርጻ ካታማፐ ደንዲደ፥ ትፍሳሀ ግያ ካታማ፥ ካታማን ደእያ አሳነ ካታማ ሄራን ደእያ ቢታቱዋ ኡባ ኦሌዳ። ኡንቱንቱ ባረንቱ ካታማ ድርሳ ፐንግያ አዉ ዶየናን እጼዳ ድራዉ፥ ትፍሳሀ ካታማ ኦለቲደ ባይዜዳ፤ ቃይ ሄ ካታማን ደእያ ሻሃራ ማጫ አሳ ኡሉዋ ኡባ ጳልቂ የጌዳ።
\s1 እስራኤልያ ካትያ ምናሄማ
\p
\v 17 ይሁዳ ካቲ ኦዝያነ ካተቴዳ ሀታማነ ኡዱፑን ላይን፥ ጋደ ናአይ ምናሄም እስራኤልያ ቦላ ካተቴዳ፤ እ ሳማርያን ታሙ ላይ ካተቴዳ። 
\v 18 እ መና ጎዳ ስንን ኢታባ ኦዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦያዋ አግቤና።
\p
\v 19 ሄዋፐ ጉይያን፥ አሶረ ጋድያ ካቲ ትግላት-ፓለሴር እስራኤልያ ቢታን ዶዴዳ። ምናሄመ ካዉተን ባረና ምንሳና ማላነ ማዳና ማላ፥ ትግላት-ፓለሴራዉ ሀታማነ ኦይዱ ሻአ ኪሎ ግራመ ጻጋራ ብራ እሜዳ። 
\v 20 ምናሄም ሄ ሚሻ እስራኤልያ አሳ ዎልቃን ጭግሴዳ፤ አሶረ ቢታ ካትያዉ እማናዉ ዱረ አሳ ኡባይ እቱ እቱ እሻታሙ ጻጋራ ብራ ፔድኖ። ሄዋዳን ኦና፥ አሶረ ካቲ እስራኤልያ ቢታ አጊደ፥ ባረ ጋድያ ስሜዳ።
\p
\v 21 ምናሄም ሀኔዳ ሀራባይነ እ ኦዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ። 
\v 22 ምናሄም ሀይቂደ፥ ባረ ማይዛን ጋከቴዳ፤ አ ኮታን አ ናአይ ፓቃህ ካተቴዳ።
\s1 እስራኤልያ ካትያ ፓቃሀ
\p
\v 23 ይሁዳ ካቲ ኦዝያነ ካተቴዳ እሻታማን ላይን፥ ምናሄማ ናአይ ፓቃህ እስራኤልያ ቦላ ሳማርያን ካተቴዳ፤ እ ላኡ ላይ ካተቴዳ። 
\v 24 ፓቃህ መና ጎዳ ስንን ኢታባ ኦዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦያዋ አግቤና። 
\v 25 አ ኦላ ጋዳዋቱዋፐ እቱ፥ ራማልያ ናአይ ፓቁሀ ግያዌ አ ቦላ ማቀቲደ ደንዴዳ። ጋላኣደ አሳፐ እሻታሙ አቱማ አሳ ባረናና አክ ቢደ፥ ሳማርያ ካታማን ካትያ ጎለን ደእያ ጌሱዋ ገሌዳ። ፓቁህ ፓቃሀ አርጎባራካ ሃርያናካ እትፐ ዎደ አ ኮታን ባረዉ ካተቴዳ።
\p
\v 26 ፓቃህ ሀኔዳ ሀራባይነ እ ኦዳባይ ኡባይ እስራኤልያ ካተቱዋ ታርክያ ማጻፋን ጻፈት ኡቴዳ።
\s1 እስራኤልያ ካትያ ፓቁሀ
\p
\v 27 ይሁዳ ካቲ ኦዝያነ ካተቴዳ እሻታማነ ላኤን ላይን፥ ራማልያ ናአይ ፓቁህ እስራኤልያ ቦላ ሳማርያን ካተቴዳ፤ እ ላታሙ ላይ ካተቴዳ። 
\v 28 ፓቁህ መና ጎዳ ስንን ኢታባ ኦዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦያዋ አግቤና።
\p
\v 29 እስራኤልያ ካትያ ፓቁሀ ዎድያን አሶረ ካቲ ትግላት-ፓለሴር ዪደ አይኖ፥ አቤል-ቤትማእካ፥ ያኖሀ፥ ቀዴሻነ ሀጾራ ጌተትያ ካታማቱዋ ኦለቲደ ኦይቄዳ፤ ቃይካ ጋላኣደ፥ ጋሊላነ ንፍታሌማ ቢታቱዋ ኡባ ኦለቲደ፥ አሳ አሶረ ጋድያ ኦሞዲደ አፌዳ።
\p
\v 30 ኦዝያና ናአይ ዮኣታመ ካተቴዳ ላታማን ላይን፥ ኤልያ ናአይ ሆሼእ ራማልያ ናኣ ፓቁሀ ቦላ ማቀት ዎደ አ ሳኣን ባረዉ ካተቴዳ።
\p
\v 31 ፓቁህ ሀኔዳ ሀራባይነ እ ኦዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
\s1 ይሁዳ ካትያ እዮኣታማ
\r (2 ኦዱዋ 27:1-9)
\p
\v 32 ራማልያ ናአይ፥ እስራኤልያ ካቲ ፓቁህ ካተቴዳ ላኤን ላይን፥ ይሁዳ ካትያ ኦዝያና ናአይ እዮኣታመ ካተቴዳ። 
\v 33 እዮኣታመ ካተትያ ዎደ አዉ ላይይ ላታማነ እቼሻ፤ እ የሩሳላመን ታማነ ኡሱፑን ላይ ካተቴዳ። አ አት ሱንይ ያሩሾ፤ ያሩሻ ጻዶቃ ናቶ። 
\v 34 ባረ አዉ ኦዝያነ ኦዳዋዳን፥ እዮኣታምካ መና ጎዳ ስንን ሱረባ ኦዳ። 
\v 35 ግዶፐነ አሳይ ጎይንያ ቃ ሳኣ ይስቤና፤ ሄ ድራዉ ያርሹዋ ያርሽያዋነ እጻና ጩዋይያዋ አግቤና። እዮኣታመ መና ጎዳ ጌሻ ጎልያ ገልያ ቆሞ ባጋ ፐንግያ ዛረደ ኦዳ።
\p
\v 36 እዮኣታመ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 37 ሄ ዎድያን መና ጎዳይ ሶርያ ካትያ ራጺናነ ራማልያ ናኣ፥ እስራኤልያ ካትያ ፓቁሀ ይሁዳ ቢታ ኦልሳናዉ ዶሜዳ። 
\v 38 እዮኣታመ ሀይቂደ፥ ባረ ማይዛን ጋከቴዳ፤ ባረ ማይዛ አዉዋ ዳዊታ ካታማን ባረ ማይዛ አዎቱዋና ሞገቴዳ። አ ሳኣን አ ናአይ አካዝ ካተቴዳ።
\c 16
\s1 ይሁዳ ካትያ አካዛ
\r (2 ኦዱዋ 28:1-27)
\p
\v 1 ራማልያ ናአይ ፓቁህ ካተቴዳ ታማነ ላፑን ላይን፥ እዮኣታማ ናአይ አካዝ ይሁዳን ካተቴዳ። 
\v 2 እ ካተትያ ዎደ ላይይ አዉ ላታማ፤ የሩሳላመን እ ታማነ ኡሱፑን ላይ ካተቴዳ። አ ማይዛ አዉ ዳዊተ ሱረባ ኦዳዋዳን፥ መና ጎዳ ባረ ጾሳ ስንን እ ሱረባ ኦቤና። 
\v 3 እ ካሰ ደኤዳ እስራኤልያ ካተቱዋ ኦግያን ሀመቴዳ። ቃይ መና ጎዳይ እስራኤልያ አሳ ስንፐ ላጊደ ከሴዳ አሳቱ ደኡዋ ዎጋ፥ ሄ ሸነይያዋ ቁሊደ፥ ባረ የሌዳ ናኣ አዳ ታማን ጹጊደ፥ ኤቃዉ ያርሼዳ።\x - \xo 16:3 \xo*\xt ዛረ. 12:31\xt*\x* 
\v 4 አካዝ አሳይ ጎይንያ ቃ ድራዉነ፥ ደረቱዋ ሁጲያንነ ዳሻ ም ኡባ ጋርሳን ያርሹዋ ያርሼዳነ እጻና ጩዋዬዳ።
\p
\v 5 ሄዋፐ ጉይያን፥ ሶርያ ካቲ ራጺንነ ራማልያ ናአይ፥ እስራኤልያ ካቲ ፓቁህ የሩሳላመ ኦላናዉ ዪደ ዶዴድኖ፤ ሽን አካዛ ጾናናዉ ዳንዳይበይክኖ። 
\v 6 ሄ ዎደ ሶርያ ካቲ ራጺን ኤላታ ግያ ካታማ ዛሪደ አኪደ፥ ይሁዳ አሳ ላጊደ ከሴዳ። ያትና ኤዶማ አሳቱ ኤላታ ካታማ ዪደ፥ ሀቼ ጋካናዉ ያን ደኢኖ።
\p
\v 7 ሄዋ ድራዉ፥ አካዝ አሶረ ካትያ ትግላት-ፓለሴራዉ ኪታ የዲደ፥ “ታን ነ ናኣነ ነ ቆማ። ሀያና ሃያ፤ ታና ኦልያ ሶርያ ካትያ ኩሽያፐነ እስራኤልያ ካትያ ኩሽያፐ ታና አሻ” ያጌዳ። 
\v 8 ቃይ አካዝ መና ጎዳ ጌሻ ጎልያንነ ካትያ ጎልያ ሚሻ ምንጅያሳን ደእያ ብራነ ዎርቃ አኪደ፥ አሶረ ካትያዉ እሞ ኦደ የዴዳ። 
\v 9 አካዝ ጌዳዋ አሶረ ካቲ ማዪደ፥ ዳማስቆ ካታማ ኦለቲደ ኦይቄዳ። አሳ ኦሞዲደ፥ ቂራ ግያ ሳኣ አፌዳ፤ ካትያ ራጺናካ ዎዳ።
\p
\v 10 ሄዋፐ ጉይያን፥ ካቲ አካዝ አሶረ ካትያ ትግላት-ፓለሴራና ጋከታናዉ ዳማስቆ ቤዳ። ዳማስቆን ደእያ ያርሽያ ሳኣ በኢደ አ ማላትያ ያርሽያ ሳኣ ኬጻና ማላ፥ ሄ ያርሽያ ሳኣ ምስልያነ ኬጽያ ሀኖታ ቄስያ ኦርዮናዉ ኪቴዳ። 
\v 11 ሄዋ ድራዉ፥ ካቲ አካዝ ዳማስቆፐ ስሚደ ያናዉ፥ ቄስያ ኦርዮን ሄ ሌምሱዋ ማላትያ ያርሽያ ሳኣ ጊግሴዳ።
\p
\v 12 ካቲ ዳማስቆፐ ስሜዳ ዎደ፥ ያርሽያ ሳአይ ኦሰቲደ ፖለቴዳዋ በእ ያርሽያ ሳኮ ሺቂደ፥ 
\v 13 ባረ ጹግያ ያርሹዋነ ባረ ካ ያርሹዋ ያርሼዳ። ቃይ ባረ ኡሻ ያርሹዋ ጉሴዳ፤ ባረ እትፐተ ያርሹዋ ሱካ ያርሽያ ሳኣ ቦላ ጫጫፌዳ። 
\v 14 ናሃስያ ግያ ብራታፐ ኦደ፥ መና ጎዳዉ ዱማይ ዎዳ ያርሽያ ሳአይ ኦራ ያርሽያ ሳፐነ ጌሻ ጎልያፐ ግዱዋን ደኤ። ያትና አካዝ ሄ ኤጫ ያርሽያ ሳኣ ደንደ፥ ባረ ኦስሴዳ ኦራ ያርሽያ ሳፐ ሁጲሳ ባጋና ዎዳ።\x - \xo 16:14 \xo*\xt ከሳ 27:1-2፤ 2 ኦዱዋ 4:1\xt*\x*
\p
\v 15 ሄዋፐ ጉይያን፥ ካቲ አካዝ ቄስያ ኦርዮና ሀዋዳን ያጊደ አዛዜዳ፤ “ሀ ዎጋ ኦራ ያርሽያ ሳኣ ዎንታ ጹግያ ያርሹዋ፥ ኦማርስ ሺሽያ ካ ያርሹዋ፥ ካቲ ሺሽያ ጹግያ ያርሹዋነ ካ ያርሹዋ፥ አሳይ ኡባይ ሺሽያ ጹግያ ያርሹዋ፥ ኡንቱንታ ካ ያርሹዋነ ኡንቱንታ ኡሻ ያርሹዋ ያርሽያ ሳኣ ኦ። የንኮ ናሃስያፐ መቴዳ ያርሽያ ሳኣ ታን ታዉ ኦችያ ሳኣ ከሳና” ያጌዳ። 
\v 16 ቄስያ ኦርዮን ካቲ አካዝ አዛዜዳዋዳን መዳ።
\p
\v 17 ካቲ አካዝ ጌሻ ጎልያ ግዶን ጎኤትያ፥ ናሃስያ ብራታፐ መቴዳ ጋረቱዋ ሎቻ ብራታ ቃንጺደ፥ ምይያፐ ድጊደ ሜጨትያ ከረቱዋ ጋረቱዋ ቦላፐ ደንዳ። ቃይ አባ ሳኒያ፥ አ ዘምፕሴዳ ናሃስያ ቦራቱዋ ምስለቱዋ ቦላፐ ደንደ፥ ሹቻ ባሱዋ ቦላ ዎዳ።\x - \xo 16:17 \xo*\xt 1 ካታ. 7:23-39፤ 2 ኦዱዋ 4:2-6\xt*\x* 
\v 18 አሶረ ካትያ ድራዉ፥ አካዝ ባረ ካዉተ አራታ ካሰ ዎያ ሳፐ ድጌዳ። ቃይ አፐ ካሰ ደኤዳ ካተቱዋ መና ጎዳ ጌሻ ጎልያ ገልያ ፐንግያ ጎርዴዳ።
\p
\v 19 ካቲ አካዝ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 20 አካዝ ሀይቂደ፥ ባረ ማይዛን ጋከቴዳ፤ ዳዊታ ካታማን ባረ ማይዛ አዎቱዋና ሞገቴዳ። አ ኮታን አ ናአይ ህዝቂያሰ ካተቴዳ።\x - \xo 16:20 \xo*\xt ኢሳ. 14:28\xt*\x*
\c 17
\s1 እስራኤልያ ካትያ ሆሴአ
\p
\v 1 ይሁዳ ካቲ አካዝ ካተቴዳ ታማነ ላኤን ላይን፥ ኤልያ ናአይ ሆሴእ እስራኤልያ ቦላ ሳማርያ ካታማን ካተቴዳ፤ እ ኡዱፑን ላይ ካተቴዳ። 
\v 2 መና ጎዳ ስንን እ ኢታባ ኦዳ፤ ግዶፐነ አፐ ካሰ ደኤዳ እስራኤልያ ካተቱ ኦዳዋ ኬሻ ኢታ ኦቤና።
\p
\v 3 አሶረ ካቲ ሻልማንኤሰር ዪደ፥ አናና ኦላ ጋከቴዳ፤ ሆሴእ ጾነቲደ፥ አዉ ጊራ ጊሬዳ። 
\v 4 ሽን አማሬዳ ላይፐ ስምና፥ ካቲ ሆሴእ ሶእ ግያ ግብጼ ካትያዉ ኪታ የዲደ፥ ባረና ማዳና ማላ ኦቼዳ። ያቲደ ካሰዋዳን አሶረ ካትያዉ ጊርያዋ አግ ባሼዳ። ካቲ ሻልማንኤሰር ሄዋ ስሲደ፥ አ ኦይደ፥ ቃሾ ጎልያ ገልሴዳ።
\s1 ሳማርያ ኩንደ
\r (17:5-41)
\p
\v 5 ሄዋፐ ጉይያን፥ አሶረ ካቲ እስራኤልያ ቢታ ኡባ ቦላ ማዪደ፥ ሳማርያ ካታማ ዶዴዳ፤ ሄዙ ላይ ጋዳ። 
\v 6 ሆሴእ ካተቴዳ ኡዱፑን ላይን አሶረ ካቲ\f + \fr 17:6 \fr*\fk አሶረ ካቲ፦ \fk*\ft እ ላኤን ሳርጎና ግደናን አገና።\ft*\f* ሳማርያ ካታማ ኦሞዴዳ። እስራኤልያ አሳ አኪደ፥ አሶረ ጋድያ አፌዳ። ሄዋፐ ካላ ኡንቱንቱ ሄዋ ሀላሀ ካታማን፥ ሄዋ ሜዶናቱዋ ካታማቱዋን፥ ሀራቱዋ ቃይ ጎዛና ቢታን ደእያ ሀቦራ ሻፋ ማታን ዎዳ።
\p
\v 7 ሀዌ ኡባይ ሀኔዳዌ፥ እስራኤልያ አሳይ መና ጎዳ ባረንቱ ጾሳ ቦላ፥ ኡንቱንቱ ግብጼፐ፥ ግብጼ ካትያ ኩሽያፐ ከሴዳዋ ቦላ ናጋራ ኦዳ ጋሱዋና። ቃይ ኡንቱንቱ ሀራ ጾሳቶ ጎይኒደ፥ 
\v 8 መና ጎዳይ ኡንቱንቱ ስንፐ ላጊደ ከሴዳ ጋደ አሳቱ ደኤዳ ደኡዋ ዎጋ ካሌዳ ጋሱዋና። ሄዋ ቦላካ ቃይ እስራኤልያ ካተቱ ዶሜዳ ኢታ ዎጋ ካሌዳ ጋሱዋና። 
\v 9 እስራኤልያ አሳይ መና ጎዳ ባረንቱ ጾሳ ቦላ ኢታባ ጌማን ኦድኖ፤ ቄር ጉ ሞፐ ቢደ፥ ዎጋ ዎልቃማ ካታማ ጋካናዉ ደእያ ግሹዋን ኡባን ባረንቱ ጎይንያ ቃ ሳኣ መድኖ። 
\v 10 ቃይ ኡንቱንቱ ኤቃ ሹቻቱዋነ አሼሮ ግያ ጾሳት ምስለቱዋ ደርያ ሁጲያ ኡባንነ ዳሻ ም ኡባ ጋርሳን ኤሴድኖ።\x - \xo 17:10 \xo*\xt 1 ካታ. 14:23\xt*\x* 
\v 11 ቃይካ ኡንቱንቱ መና ጎዳይ በን ኡንቱንቱ ስንፐ ላጊደ ከሴዳ ጋደ አሳቱ ኦዳዋዳን፥ ቃ ሳኣ ኡባን እጻና ጩዋዬድኖ። ኡንቱንቱ መና ጎዳ ሀንቀያ ኢታባ ኦድኖ። 
\v 12 መና ጎዳይ ኡንቱንታ፥ “ኤቃዉ ጎይኖፕተ” ግ ዎና፥ ኡንቱንቱ ኤቃዉ ጎይኔድኖ።
\p
\v 13 መና ጎዳይ እስራኤልያ አሳነ ይሁዳ አሳ ባረ ትምቢትያ ኦድያ ኡባቱዋ ባጋናነ ሳጻን በእያ ኡባቱዋ ባጋና፥ “ህንተና ኤርተ! ህንተንቱ ኢታ ኦግያፐ ስምተ፤ ታን ትምቢትያ ኦድያ ታ ቆማቱዋ ባጋና፥ ህንተንቱ አዎቱ አዛዘታናዳን እሜዳ ህግያን ደእያ ዎጋነ አዋዩዋ ኡባ ናግተ” ያግ ዎዳ። 
\v 14 ሽን ኡንቱንቱ ስሰናን እጼድኖ። መና ጎዳ ባረንቱ ጾሳ አማነትቤና ባረንቱ አዎቱዋዳን ሞርግያ ምንሴድኖ። 
\v 15 ኡንቱንቱ አ ዎጋ፥ እ ኡንቱንቱ አዎቱዋና ጫቀቴዳ ጫቁዋነ አ ሴራ ካድኖ። ኡንቱንቱ ሹፉሮ ኤቃቶ ጎይኒደ፥ ባረንቱ ሁጲያዉካ ሹፉሮ ግዴድኖ።
\p መና ጎዳይ ኡንቱንታ፥ “ህንተንቱ ዩሹዋን ደእያ ደረ አሳቱ ኦያዋዳን ኦፕተ” ግ ዎና እጺደ፥ ኡንቱንቱ ኡንቱንቱ ደኡዋ ዎጋ ካሌድኖ። 
\v 16 መና ጎዳ ባረንቱ ጾሳ አዛዙዋ ኡባ አግ አጌድኖ። ማራ ማላትያ፥ ላኡ ጎይንያ ምስለቱዋነ አሼሮ ግያ ጾሳቱ ምስልያ መድኖ። ሳሉዋን ደእያ ጾልንትያ ኡባዉ ጎይኔድኖነ ባኣላ ግያ ኤቃዉ ኦድኖ።\x - \xo 17:16 \xo*\xt 1 ካታ. 12:28\xt*\x* 
\v 17 ኡንቱንቱ ባረንቱ አቱማ ናናነ ማጫ ናና ታማን ጹጊደ ያርሼድኖ። ካይያዋነ ሞይትልያ ሃሳይስያዋ ዶዬድኖ። ሄዋዳን ኢታባ ኦናዉ ባረንቱ ሁጲያ ዛልኢደ፥ መና ጎዳ ሀንቀድኖ።\x - \xo 17:17 \xo*\xt ዛረ. 18:10\xt*\x* 
\v 18 ሄዋ ድራዉ፥ መና ጎዳይ እስራኤልያ አሳ ሎይ ሀንቀቴዳ፤ ኡንቱንታ ባረ ስንፐ ድጌዳ። ይሁዳ ዛርያ ጻላላይ አቴዳ።
\p
\v 19 ሽን ይሁዳ አሳቱካ መና ጎዳ ባረንቱ ጾሳ አዛዙዋ ናግበይክኖ፤ ኡንቱንቱ እስራኤልያ አሳይ ዶሜዳ ደኡዋ ዎጋ ካሌድኖ። 
\v 20 ሄዋ ጋሱዋን መና ጎዳይ እስራኤልያ ዘረ ኡባ አግ ባሼዳ። እ ኡንቱንቱ ቱጋዪደ፥ ባረ ስንፐ ድጋና ጋካናዉ፥ ኡንቱንታ ቦንቅክያዋንቱ ኩሽያን የግ ባሼዳ።
\p
\v 21 መና ጎዳይ እስራኤልያ አሳ ዳዊታ ዘረቱዋ ካዉተፐ በን ሻኬዳ ዎደ፥ እስራኤልያ አሳይ ናባጻ ናኣ እዮርባማ ባረንቶ ካተዬድኖ። ሄዋፐ ጉይያን፥ እስራኤልያ አሳይ መና ጎዳ ካለናዳን እዮርባም ድጌዳ፤ እ ኡንቱንታ ዎልቃማ ናጋራ ኦስሴዳ። 
\v 22-23 መና ጎዳይ ትምቢትያ ኦድያ ባረ ቆማቱዋ ኡባቱዋ ባጋና ካሰ ኦድ ዎዳዋዳን፥ ባረ ስንፐ ድጋና ጋካናዉ፥ እስራኤልያ አሳይ እዮርባም ኦዳ ናጋራ ኡባ ኦዳ። ሄዋ ድራዉ፥ እስራኤልያ አሳይ ባረንቱ የለቴዳ ጋድያፐ ኦሞደቲደ፥ አሶረ ጋድያ ቤድኖ፤ ኡንቱንቱ ሀኖ ጋካናስካ ያን ደኢኖ።
\s1 አሶረቱ እስራኤልያ ጋድያን ኡቴድኖ
\p
\v 24 ሄዋፐ ጉይያን፥ አሶረ ካቲ ባብሎነ ቢታን ደእያ ኩታ፥ ኢዋ፥ ሀማታነ ሳፋርዋይማ ጌተትያ ካታማቱዋን ደእያ አሳ አሂደ እስራኤልያ አሳ ሳኣን ሳማርያ ካታማቱዋን ዎዳ። ኡንቱንቱ ሄ ካታማቱዋ ላቲደ፥ ኡንቱንቱን ደኤድኖ።
\p
\v 25 ኡንቱንቱ ኮይሮ ያን ደኡሳ ዶሜዳ ዎደ፥ መና ጎዳዉ ጎይንቤይክኖ። ሄዋ ጋሱዋን መና ጎዳይ ኡንቱንቱ ግዶ ጋሞቱዋ የዴዳ፤ ጋሞቱ ኡንቱንቱ ግዶፐ አማሬዳዋንታ መንሬደ ዎድኖ። 
\v 26 ያትና አሶረ ካትያ፥ “ኔን ደን አፋደ ሳማርያ ካታማቱዋን ዎዳ አሳይ ሄ ቢታ ጾሳ ዎጋ ኤረና። ኤረናዋ ጋሱዋን እ ኡንቱንታ መንሬ ዎያ ጋሞቱዋ ኡንቱንቱ ቦላ የዴዳ” ያጊደ ኦዴድኖ።
\p
\v 27 አሶረ ካቲ፥ “ህንተንቱ ሳማርያፐ ኦሞዲደ አሄዳ ቄሳቱ ዋፐ እቱዋ ዛሪደ፥ ያ የድተ። እ ያን ደኢደ፥ ሄ ቢታ ጾሳ ዎጋ ኡንቱንታ ታማርሶ” ያጊደ አዛዜዳ። 
\v 28 ሄዋ ድራዉ፥ ሳማርያፐ ኦሞዲደ አፌዳ ቄሳቱ ዋፐ እቱ ቤቴለን ደአናዉ ዬዳ፤ መና ጎዳዉ ጎይንያ ዎጋ ኡንቱንታ ታማርሴዳ።
\p
\v 29 ግዶፐነ ሳማርያ ዪደ ኡቴዳ አሳይ ባረዉ ጎይንያ ኤቃ ምስለቱዋ ባረ ደእያ ሳኣን ደእያ ሳኣን መዳ። ሳማርያ አሳይ ኬጼዳ ጎይንያ ቃ ግሹዋን ዎዳ። 
\v 30 ሄዋ ማራን ባብሎነ አሳይ ሱኮት-ባኖባ ግያ ኤቃ ምስለቱዋ መዳ። ኩታ አሳይ ነርጋላ ግያ ኤቃ ምስለቱዋ መዳ። ሀማታ አሳይ ቃይ እሺማ ግያ ኤቃ ምስለቱዋ መዳ። 
\v 31 ኢዋ አሳይ ንብሃዛነ ታርታቃ ጌተትያ ማሻቱዋ ምስለቱዋ መዳ። ሳፋርዋይማ አሳይ ቃይ አድራመሌካነ አናመለካ ጌተትያ ባረንቱ ጾሳቶ ባረንቱ ናና ታማን ጹጊደ ያርሼዳ። 
\v 32 ኡንቱንቱ መና ጎዳዉ ያዬድኖ፤ ሽን ባረንቱ ግዶፐ ዱማ ዱማ አሳ ዶሪደ፥ ያርሽያ ቃ ግሹዋን ቄሳቱዋ ኦደ ሱንድኖ። 
\v 33 ኡንቱንቱ መና ጎዳዉ ያዬድኖ፤ ሽን ባረንቱ ዬዳ ቢታ ቢታ አሳ ሜዝያ ካሊደ፥ ባረንቱ ጾሳቶካ ጎይኔድኖ። 
\v 34 ኡንቱንቱ ሀቼ ጋካናስካ ካሰ ባረንቱ ሜዝያዳን ኦኖ።
\p ኡንቱንቱ ቱሙፐ መና ጎዳዉ ያይክኖ ዎይ መና ጎዳይ እስራኤልያ ጊደ ሱንዳ ያቆባ ዘረዉ እሜዳ አዋዩዋነ ዎጋ፥ ህግያነ አዛዙዋ ናግክኖ።\x - \xo 17:34 \xo*\xt ዶመ 32:28፤ 35:10\xt*\x* 
\v 35 መና ጎዳይ እስራኤልያ አሳና በን ጫቀቴዳ ዎደ፥ ኡንቱንታ ሀዋዳን ያጊደ አዛዜዳ፤ “ሀራ ጾሳቶ ጎይኖፕተ፤ ኡንቱንቶ ጉልባቶፕተ፤ ኡንቱንቶ ኦፕተ ዎይ ኡንቱንቶ ያርሾፕተ።\x - \xo 17:35 \xo*\xt ከሳ 20:5፤ ዛረ. 5:9\xt*\x* 
\v 36 ሽን ግብጼፐ ህንተንታ ባረ ዎልቃማ ዎልቃንነ ባረ ምጨቴዳ ኩሽያን ከሴዳ መና ጎዳዉ ኦተ፤ አዉ ጉልባትተ፤ አዉ ያርሹዋ ያርሽተ።\x - \xo 17:36 \xo*\xt ዛረ. 6:13\xt*\x* 
\v 37 ታን መና ጎዳይ ህንተንቶ ጻፌዳ አዋዩዋነ ዎጋ፥ ህግያነ አዛዙዋ ኡባ ዎደ ናግተ፤ ሀራ ጾሳቶ ጎይኖፕተ። 
\v 38 ታን ህንተናና ጫቀቴዳ ጫቁዋ ዶጎፕተ፤ ሀራ ጾሳቶካ ጎይኖፕተ። 
\v 39 ሄዋ አጊደ፥ መና ጎዳዉ ህንተንቱ ጾሳዉ ጎይንተ። ህንተንቱ ሞርከቱዋ ኡባፐ ህንተንታ አሻናዌ ታና” ያጊደ አዛዜዳ። 
\v 40 ኡንቱንቱ አዉ ኤኖ ገናን እጺደ፥ ካሰ ባረንቱ ዶያካ ባቂ ኦይቄድኖ።
\p
\v 41 ሄ አሳቱ መና ጎዳዉ ያዪደካ፥ እት ባጋና ባረንቱ ኤቃ ምስለቶ ጎይኒኖ። ሀቼ ጋካናስካ ኡንቱንቱ ዘረይ ኡንቱንቱ አዎቱ ጎይንያዋዳን ጎይኒደ ደኤ።
\c 18
\ms ይሁዳ ካዉተ
\mr (18:1—25:30)
\s1 ህዝቂያሳፐ እዮስያሳ ጋካናዉ
\r (18:1—21:26)
\p
\v 1 ኤልያ ናአይ ሆሴእ እስራኤላን ካተቴዳ ሄዘን ላይን ይሁዳ ካትያ አካዛ ናአይ ህዝቂያሰ ካተቴዳ። 
\v 2 እ ካተትያ ዎደ ላይይ አዉ ላታማነ እቼሻ፤ የሩሳላመን እ ላታማነ ኡዱፑን ላይ ካተቴዳ። አ አት ሱንይ አቢ ጌተቴ፤ እዛ ዛካራሳ ናቶ። 
\v 3 አ ማይዛ አዉዋ ዳዊተ ኦዳዋዳን፥ ህዝቂያስካ መና ጎዳ ስንን ሱረባ ኦዳ። 
\v 4 አሳይ ጎይንያ ቃ ሳኣ እ ድጌዳ። ኤቃ ቱሳቱዋ መንሬዳ። አሼሮ ግያ ጾሳት ምስልያ ቃንጽ ኦሌዳ። ቃይ ሙሴ ናሃስያፐ መዳ ሾሻካ መንሬዳ። አያዉ ጎፐ፥ ሄ ዎዲ ጋካናዉካ እስራኤልያ አሳይ አዉ እጻና ጩዋዪደ ታኬዳ። ሄ ሾሻ ሱንይ ነሁሽታና።\x - \xo 18:4 \xo*\xt ፓይ. 21:9\xt*\x*
\p
\v 5 ህዝቂያሰ መና ጎዳ እስራኤልያ ጾሳ አማኔዳ፤ ይሁዳ ካተቱዋ ኡባ ግዶን አ ማላ ካቲ አፐ ካሰ ግድና፥ አፐ ጉየ ግድና ቤትቤና። 
\v 6 አያዉ ጎፐ፥ መና ጎዳዉ እ አማነቴዳ፤ መና ጎዳ ካልያዋ አግቤና፤ መና ጎዳይ ሙሳ አዛዜዳ አዛዙዋ ናጌዳ። 
\v 7 መና ጎዳይ አናና እትፐ ግዴዳ፤ ያትና እ ኦያባይ ኡባይ አዉ እንጀቴዳ። እ አሶረ ካትያ ቦላ ማካሌዳ፤ አዉ ሞደተናን እጼዳ። 
\v 8 እ ፕልስጼማ አሳና ኦለቴዳ፤ ቀር ጉ ሞፐ ቢደ፥ ዎጋ ዎልቃማ ካታማ ጋካናዉ፥ ጋዛካ አ ዩሹዋን ደእያ ቢታቱካ አተናን ኡንቱንቱ ደእያ ሳኣ ኡባ ጾኔዳ።
\p
\v 9 ካቲ ህዝቂያሰ ካተቴዳ ኦይደን ላይን፥ ኤልያ ናአይ እስራኤልያ ካቲ ሆሼእ ካተቴዳ ላፑን ላይን፥ አሶረ ካቲ ሳልማንኤሰር እስራኤልያ ቦላ መቱዋ ጋናዉ ዶዴዳ፤ ሳማርያ ካታማካ ዶዴዳ። 
\v 10 ሄዘን ላይ ሶርያ አሳይ ሳማርያ ካታማ ጾኔዳ። ያትና ህዝቂያሰ ካተቴዳ ኡሱፑን ላይን፥ እስራኤልያ ካቲ ሆሴእ ካተቴዳ ኡዱፑን ላይን፥ ሳማርያ ካታማይ ጾነቴዳ። 
\v 11 አሶረ ካቲ እስራኤልያ አሳ አሶረ ጋድያ አፌዳ። ሄዋፐ ካላ ኡንቱንታ ሄዋ ሀላሀ ካታማን፥ ሄዋ ሜዶናቱዋ ካታማን፥ ሀራቱዋ ቃይ ጎዛና ቢታን ደእያ ሀቦራ ሻፋ ኤለካ ዎዳ። 
\v 12 ሀዌ ሀኔዳዌ ኡንቱንቱ መና ጎዳዉ ባረንቱ ጾሳዉ አዛዘተናን እጺደ፥ መና ጎዳ ቃላ ጫቁዋ፥ መና ጎዳ ቆማይ ሙሴ አዛዜዳ አዛዙዋ ኡባ መንዳ ጋሱዋና። ኡንቱንቱ አ አዛዙዋ ስሳናዉካ አዛዘታናዉካ ኮይቤይክኖ።
\s1 አሶረቱ የሩሳላመ ኦላናዉ ናሴድኖ
\r (2 ኦዱዋ 32:1-19፤ ኢሳ. 36:1-22)
\p
\v 13 ካቲ ህዝቂያሰ ካተቴዳ ታማነ ኦይደን ላይን፥ አሶረ ካቲ ሳናክሬበ ግምበቱ ኡቴዳ ይሁዳ ካታማቱዋ ኡባ ኦለቲደ ኦይቄዳ። 
\v 14 ያትና ይሁዳ ካቲ ህዝቂያሰ ላክሻ ካታማን ደእያ አሶረ ካትያ ሳናክሬማዉ ኪታ የዲደ፥ “ታን ባይዛድ። ሀያና ታ ቢታ የዳደ ከሳ። ኔን ታና ኦቼዳዋ አያነ ታ እማና” ያጌዳ።
\p አሶረ ካቲ ይሁዳ ካትያ ህዝቂያሳ፥ “ኔን ታሙ ሻአ ኪሎ ግራመ ብራነ እት ሻአ ኪሎ ግራመ ዎርቃ ታዉ የዳ” ያጌዳ።
\p
\v 15 ህዝቂያሰ መና ጎዳ ጌሻ ጎልያንነ ካትያ ጎልያ ሚሻ ምንጅያሳን ደኤዳ ብራ ኡባ አዉ የዴዳ። 
\v 16 ሄ ዎደ ይሁዳ ካቲ ህዝቂያሰ መና ጎዳ ጌሻ ጎልያ ፐንግያ ሳንቃቱዋ ማይ ኡቴዳ ዎርቃነ ቃይ እ ባረ ሁጲያዉ ሄ ፐንገ ቆስለቱዋ ማይዝ ዎዳ ዎርቃ ፖቂ ቃሪደ፥ አሶረ ካትያዉ የዴዳ።
\p
\v 17 ሄዋፐ ጉይያን፥ አሶረ ካቲ ሄዙ ኦላ ጋዳዋቱዋ ጮራ ኦላንቻቱዋና ላክሻ ግያ ካታማፐ ካትያ ህዝቂያሳኮ የሩሳላመ የዴዳ። ኡንቱንቱ ቢደ፥ የሩሳላመ ጋኬድኖ፤ ማዩዋ ሜጭያዋ ጋደ አፍያ ኦግያፐ ቆሞ ባጋና ደእያ፥ ዳጋቴዳ ሃይ ጎግያ ቦይያ ምይያን ኤቄድኖ። 
\v 18 ያቲደ ኡንቱንቱ ካትያ ጼሴድኖ። ህልቂያ ናአይ ካትያ ጎለን አዎትያ ኤልያቂመ፥ ዋና ጻፊ ሼብንነ አሳፋ ናአይ ታርክያ ጻፍያ ዮኣህ አኮ ካረ ከሴድኖ።
\p
\v 19 አሶረቱ ጋዳዋይ ኡንቱንታ፥ “ህዝቂያሳዉ ሀዋዳን ያጊደ ኦድተ፤ ‘አሶረ ካቲ፥ ዎልቃማይ ኔና ሀዋዳን ያጌ፤ ኔን ሀዋ ኬና አያን አማነታድ?’ 
\v 20 ኔን ጮ መላ፥ ‘ኦላ ኦለታናዉ ታዉ አዳ ኤራይነ ዎልቃይነ ደኤ’ ያጋሳ። ሽን ኔን ኦናን አማነታደ ታ ቦላ ሀዋ ማካላዲ? 
\v 21 ኔን ግብጼ ካትያ ማዳና ጋደ ቆፔዳዋ ግዶፐ፥ መኤዳ ማቃ ጋትማን ጉፈትያ አሳ ማላ። አያዉ ጎፐ፥ ጋትማይ መእና፥ ፕንጩ ኩሽያ ጫዴነ ማዱንጽሴ። ግብጼ ካቲ ባረናን አማነትያ አሳ ኡባዉ ሄዋ ማላ።
\p
\v 22 “ሽን ኔን ታዉ፥ ‘ኑን መና ጎዳን ኑ ጾሳን አማነቴቶ’ ያጎፐ፥ ህዝቂያሰ ይሁዳ አሳነ የሩሳላመ አሳ፥ ‘ህንተ የሩሳላመን ደእያ ያርሽያ ሳኣን ጎይናናዉ ኮሸ’ ጊደ፥ አዉ ጎይንያ ቃ ሳአቱዋነ ያርሹዋ ሳኣ ድጌዳ ጾሳ እ ግደኔ?
\p
\v 23 “አነ ሀእ ሃያ! ታ ጎዳ አሶረ ካትያና ናሰታ። ኔን ቶጋናዉ ዳንዳይያ፥ ግድያ አሳ ደሞፐ፥ ላኡ ሻአ ፓራቱዋ ታን ነዉ እማና። 
\v 24 ኔን ግብጼቱ ፓራ አሳቱዋና ፓራ ጋረቱዋ ታዉ የዳና ጋደ አማኖፐነ፥ ታ ጎዳ ኦላንቻቱ ካፓቱዋፐ እት ላፍያዋካ ዛራናዉ ዳንዳያካ። 
\v 25 ሄዋ ቦላካ ቃይ፥ ታን ሀእ ቱሙ መና ጎዳ አዛዙ ባይናን ሀ ቢታ ይሳናዉ ከሳድታ? መና ጎዳይ ባረ ሁጲያዉ ታና፥ ኔረካ፥ ሄ ቢታ ባደ፥ ኦላደ ባይዛ ያጊደ ኦዴዳ ያጌ ያግተ” ያጌዳ።
\p
\v 26 ሄዋፐ ጉይያን፥ ህልቂያ ናአይ ኤልያቂመ፥ ሼብንነ ዮኣህ አሶረቱ ጋዳዋ ሀዋዳን ያጌድኖ፤ “ኑን ብርሸ ኤርያ ድራዉ፥ ሀያና ኔን ኑዉ ነ ቆማቶ ሶርያ ቃላን ኦዳ። ድርሳ ግምቢያ ሁጲያን ደእያ አሳይ ስሰና ማላ፥ እብራዌ ቃላን ኑዉ ኦዶፓ” ያጌድኖ።
\p
\v 27 ሽን ጋዳዋይ ዛረደ፥ “ሀ ቃላቱዋ ታን ህንተዉነ ህንተንቱ ጎዳ ጻላላዉ ኦዳናዉ ታና ታ ጎዳይ ኪቴዴየ? ህንተንቱና እትፐ ባረንቱ ሽኣ ማናዉነ ባረንቱ ሼሻ ኡሻናዉ ደእያ፥ ሀ ድርሳ ግምቢያ ቦላ ኡቴዳ አሳና ኡባዉ ኦዳናሳ ግደኔየ?” ያጌዳ።
\p
\v 28 ሄዋፐ ጉይያን፥ አሶረቱ ጋዳዋይ ደንድ ኤቂደ፥ ባረ ቃላ ቁ ኦደ፥ እብራዌ ቃላን ሀዋዳን ያጌዳ፤ “አሶረ ካቲ ዎልቃማይ ህንተንታ ግያዋ ስስተ! 
\v 29 ካቲ ህንተንታ ሀዋዳን ያጌ፤ ‘ህዝቂያስ ህንተንታ ጭሞፖ፤ አያዉ ጎፐ፥ እ ህንተንታ ታ ኩሽያፐ ዎ አካናዉ ዳንዳየና። 
\v 30 እ ህንተንታ፥ መና ጎዳይ ቱማ ኑና አሻናዋ፤ ሀ ካታማይካ አሶረ ካትያ ኩሽያን ገለና’ ያጊደ ህንተንታ መና ጎዳን አማንፖ” ያጌ።
\p
\v 31 “ኤ፥ ህንተንቱ ህዝቂያሰ ኦድያዋ ስሶፕተ። አሶረ ካቲ ህንተንታ፥ ‘ታናና ስገትተ፤ ሃ ታኮ ከስተ። ያቶፐ ህንተንቱ ኡባይካ ህንተንቱ ዎይንያ ቴራፐነ ህንተንቱ ባላስያ ቴራፐ ሚሻና፤ ህንተንቱ ቦኬዳ ኦላፐካ ሃ ኡሽሻና። 
\v 32 ሄዋፐ ጉይያን፥ ታን ያደ፥ ህንተንታ ህንተንቱ ቢታ ማላትያ ጋድያ አካደ አፋና። ሄ ቢታይ ካይነ ዎይንያ ኤሳ ኡክይነ ዎይንያ አታክልቲ ኩሜዳ ቢታ፤ ዎጋራይነ ማ ኤሳይነ ኩሜዳ ቢታ። ህንተንቱ ታዉ አዛዘቶፐ፥ ፓጻ ደአና፤ ሀይቂክታ’ ያጌ።
\p “ህዝቂያሰ ህንተንታ፥ ‘መና ጎዳይ ኑና አሻና’ ያጊደ ጭምያዋ ስሶፕተ። 
\v 33 አይሁዳ ግደና አሳ ጾሳቱዋፐ ባረ ቢታ አሶረ ካትያ ኩሽያፐ አሼዳ ጾስ ደኢየ? 
\v 34 ሀማታ ጾሳቱነ አርፋደ ጾሳቱ ሀቃን ደኢኖ? ሳፋርዋይማ፥ ሄናአነ ኢዋ ጾሳቱ ሀቃን ደኢኖ? ኡንቱንቱ ሳማርያ ታ ኩሽያፐ ዎ አኬድኖ? 
\v 35 ሀ ቢታቱዋ ጾሳቱዋ ኡባ ግዶን ባረ ቢታ ታ ኩሽያፐ አያ ጾስ አሼዳዋ ሽን፥ መና ጎዳይ የሩሳላመ ታ ኩሽያፐ አሻኔ?” ያጌዳ።
\p
\v 36 ሽን አሳይ እት ቃላነ አዉ ዉርሰናን ጮኡ ጌዳ። አያዉ ጎፐ፥ ካቲ ኡንቱንታ፥ “አዉ አይነ ዛሪደ ኦዶፕተ” ያግ ዎዳ። 
\v 37 ሄዋፐ ጉይያን፥ ህልቂያ ናአይ ካትያ ጎለን አዎትያ ኤልያቂመ፥ ዋና ጻፊ ሼብንነ ታርክያ ጻፊ አሳፋ ናአይ ዮኣህ ባረንቱ ማዩዋ ፔደ፥ ህዝቂያሳኮ ቤድኖ፤ አሶረቱ ጋዳዋይ ጌዳዋ ኡባ አዉ ኦዴድኖ።
\c 19
\s1 ካቲ ህዝቂያሰ ኢስያሳ ዞርያ ኦቼዳ
\r (ኢሳ. 37:1-7)
\p
\v 1 ካቲ ህዝቂያሰ ሄዋ ስሴዳ ዎደ፥ ባረ ማዩዋ ፔደ ዋሩዋ ማዪደ፥ መና ጎዳ ጌሻ ጎልያ ገሌዳ። 
\v 2 ካትያ ጎለን አዎትያ ኤልያቂመ፥ ዋና ጻፊ ሼብንነ ካለያ ቄሳቱ ዋሩዋ ማዪደ፥ አሞጻ ናኣ ትምቢትያ ኦድያ ኢስያሳ ኮ ባና ማላ ኪቴዳ። 
\v 3 ኡንቱንቱ ኢስያሳ ኮ ቢደ፥ “ህዝቂያሰ ሀዋዳን ያጌ፤ ‘ሀች ጋላሳይ መቶ ጋላሳ፥ ሴራ ጋላሳነ ዬላ ጋላሳ። ሄዌካ ናአይ የለታናዉ ዎዲ ጋክና፥ ባንካደ የላናዉ ምሽራትዉ ዎልቃይ ይያዋ ማላ። 
\v 4 ደኡዋ መና ጎዳ ሸቃናዳን፥ አ ጎዳይ፥ አሶረ ካቲ፥ ኪቴዳ ጋዳዋ ቃላ ኡባ መና ጎዳይ፥ ነ ጾሳይ ስሰናን አገና። ቃይ መና ጎዳይ፥ ነ ጾሳይ ሄ ስሴዳ ቦሪያ ቃላ ጋሱዋን አ ሙረናን አገና። ሄዋ ድራዉ፥ ኑ አሳ ግዶን ፓላህ አታናዋንቶ ዎሳ!’ ያጌ” ያጌድኖ።
\p
\v 5 ካትያ ህዝቂያሳ ቆማቱ ኢስያሳ ኮ ዬዳ ዎደ፥ 
\v 6 እሳያሰ ኡንቱንታ ሀዋዳን ያጌዳ፤ “ህንተንቱ ጎዳዉ ሀዋዳን ያጊደ ኦድተ፤ ‘መና ጎዳይ ኔና፥ “አሶረ ካትያ ቆማቱ ታና ሸቅሽን፥ ኔን ስሴዳ ሸቃ ቃላዉ ያዮፓ። 
\v 7 በአ፥ ኦዱዋ ስሲደ፥ እ ባረ ጋድያ ስማና ማላ፥ ታን አ ግዶን ኢታ አያና ዎና። ያታደ እ ባረ ጋድያ ቢደ፥ ያን ማሻን ሀይቃናዳን ታን አ ኦና” ያጌ’ ያግተ” ያጌዳ።
\s1 አሶራቱ ሀራ ናስያ ናሴድኖ
\r (ኢሳ. 37:8-20)
\p
\v 8 አሶረ ካቲ ላክሻ ካታማፐ ደንዲደ ብ ክቼዳዋ አሶረቱ ጋዳዋይ ስሲደ፥ ጉየ ስሜዳ። ካቲ ሊብና ካታማን ኦለትያዋ ደሜዳ።
\p
\v 9 ካቲ ሳናክሬመ፥ “ቶጵያ ካቲ ትርሃቅ ኔና ኦላናዉ ዬዳ” ያግያ ኦዱዋ ስሴዳ። ህዝቂያሳዉ ሀዋዳን ያጊደ ኪቴዳ፤ 
\v 10 “ይሁዳ ካትያ ህዝቂያሳ፥ ኔን አማነትያ ጾሳይ ኔና፥ ‘የሩሳላመ አሶረ ካትያ ኩሽያን ገለና’ ያጊደ ጭሞፖ። 
\v 11 በአ፥ አሶረ ካተቱ ቢታቱዋ ኡባ ሙለ ይሲደ፥ ኡንቱንቱ ኦዳዋ ኔን ስሳዳ። ያትና ኔን አታይ? 
\v 12 በን ታ ማይዛ አዎቱ ባይዜዳ ቢታቱዋ ጾሳቱ፥ ሄዋንቱነ ጎዛና፥ ካራነነ ረጼፋ ቢታቱዋ ጾሳቱነ ታላሳራን ደእያ ኤደነ አሳ ጾሳቱ ሄ ቢታቱዋ ባሻፐ አሼድኖ? 
\v 13 ሀማታ ካቲ፥ አርፋደ ካቲ፥ ሳፋርዋይማ ካቲ፥ ሄናአ ካቲነ ኢዋ ካቲ ሀቃን ደኢኖ?” ያጊደ ኪቴዳ።
\p
\v 14 ህዝቂያሰ ዳብዳቢያ አኪየዳ አሳቱዋፐ አኪደ ናባቤዳ። ዳብዳቢያ መና ጎዳ ጌሻ ጎልያ አክ አፊደ፥ መና ጎዳ ስንን ምጬዳ። 
\v 15 ያቲደ መና ጎዳ ሀዋዳን ያጊደ ዎሴዳ፤ “አቤት መና ጎዳዉ፥ ክሩበቱዋፐ ግዱዋን ኡትያ እስራኤልያ ጾሳዉ፥ ሳኣ ካዉተቱ ኡባ ቦላ ነ ጻላላይ ጾሳ። ሳሉዋነ ሳኣ ኔን መዳ።\x - \xo 19:15 \xo*\xt ከሳ 25:22\xt*\x* 
\v 16 አቤት መና ጎዳዉ፥ ነ ሀይ ሃ የጋደ ስሳ። አቤት መና ጎዳዉ፥ ነ አይፍያ ፖካደ ጼላ። ኔና፥ ደኡዋ ጾሳ ሸቃናዉ ሳናክሬመ ኪቴዳ ቃላ ስሳ። 
\v 17 አቤት መና ጎዳዉ፥ አሶረ ቢታ ካተቱ ካዉተቱዋነ ኡንቱንቱ ቢታ ባይዜዳዌ ኤ ቱማ። 
\v 18 ኡንቱንቱ ጾሳቱዋ ታማን ጹግ ይሴድኖ፤ አያዉ ጎፐ፥ ኡንቱንቱ ጾሳቱ ዎንካ አሳ ኩሺ ማሲደ ከሴዳ ምነ ሹቻነ ግድያ ድራዉ፥ ቱሙ ጾሳቱዋ ግድክኖ፤ ሄዋ ድራዉ፥ ኡንቱንቱ ኡንቱንታ ይሴድኖ። 
\v 19 አቤት መና ጎዳዉ፥ ነ ጻላላይ ጾሳ ግድያዋ ሳኣ ካዉተቱ ኡባይ ኤራና ማላ፥ ሀእ ስም፥ መና ጎዳዉ፥ ኑ ጾሳዉ፥ ኔን ኑና አ ኩሽያፐ ዎ አካ!” ያጊደ ዎሴዳ።
\s1 እሳያሰ ካትያዉ የዴዳ ኪታ
\r (ኢሳ. 37:21-38)
\p
\v 20 ሄዋፐ ጉይያን፥ አሞጻ ናአይ እሳያሰ ህዝቂያሳዉ ሀዋዳን ያጊደ ኪቴዳ፤ “መና ጎዳይ እስራኤልያ ጾሳይ ሀዋዳን ያጌ፤ ‘ኔን አሶረ ካትያ ሳናክሬማ ጋሱዋን ታና ዎሴዳ ዎሳ ስሳድ’ ያጌ። 
\v 21 መና ጎዳይ ሳናክሬባዋ ሀዋዳን ያጊደ ሃሳዬ፤
\q1 “ ‘ጽዮነን ደእያ ዎዶራታ ኔና ካዉ፤
\q2 የሩሳላመ ዎዶራታ ባረ ሁጲያ ቃደ፥
\q2 ኔና ቆሳዉ።
\b
\q1
\v 22 “ ‘ኔን ሸቄዳዌነ
\q2 ቶቼዳዌ ኦኔ?
\q1 ኔን እዝ ቦላን ነ ቃላ
\q2 ቁ ኦደ ሃሳያዲ?
\q1 ቃይ ኦቶሩዋን ኦና
\q2 ቁ ጋደ ጼላዲ?
\q1 ሄዋ ኔን ኦዳዌ ታ ቦላና፥
\q2 እስራኤልያ ጌሻ ቦላና ግደኔ!
\q1
\v 23 ኔን ኪቴዳ አሳቱዋ ባጋና፥
\q2 መና ጎዳ ሸቃዳ።
\q1 ቃይ ሀዋዳን ያጋዳ፤
\q2 “ታን ታዉ ደእያ ጮራ ፓራ ጋረቱዋን
\q2 ቃ ደረቱዋ ሁጲያ፥
\q2 ሊባኖሳ ደርያ ኪክያ ከሳድ።
\q1 ኡባፐ አዱቂያ ዝጋቱዋነ፥
\q2 ኡባፐ ሎእያ ጽደቱዋ ቃንጻድ።
\q1 ታን አዉ ዉርሰ ጋጻነ
\q2 ሎኦ ዎራ ጋካድ።
\q1
\v 24 ታን አላጋ ቢታቱነ ሃ ኦላቱዋ ቦካደ፥
\q2 ሃ ኡንቱንቱፐ ኡሻድ።
\q1 ግብጼ ቢታን ጎግያ ሃ ኡባ
\q2 ታን ታ ገድያ ጎምፓን የደ መልሳድ” ያጋዳ።
\b
\q1
\v 25 “ ‘ዳሮ ዎድያፐ ካሰ ኔን
\q2 ግምበቴዳ ካታማቱዋ ቆቆፋደ፥
\q1 ሹቻ ኬላ ከሳና ማላ፥
\q2 ታን ቆፋ ቃቻ ዎዳዋ ኔን ኤራበይኪ?
\q1 ታን ሀእ ፖልያ ሀልቾቱዋ
\q2 በን ሀልቻ ዎድ።
\q1
\v 26 ሄዋ ድራዉ፥ ኡንቱንቱ አሳዉ ዎልቃይ እጽና፥
\q2 ኡንቱንቱ ካዉሼድኖነ ዬላቴድኖ።
\q1 ኡንቱንቱ ጋደ ማታ ማላ፤
\q2 ጎሻን ዶልያ ጫርሻ ማላ።
\q1 ኡንቱንቱ ጎልያ ሁጲያን ሞክያ ሻራፋዳንነ
\q2 ካኤናን ደእሽን፥ ሌጊ ሜዳ ካዳን ሀኔድኖ።
\b
\q1
\v 27 “ ‘ሽን ኔን ኡትያሳ፥
\q2 ከስያሳ፥ ገልያሳነ
\q2 ታ ቦላ ኔን ሀንቀቴዳ ሀንቁዋ ታን ኤራይ።
\q1
\v 28 ኔን ታ ቦላ ሀንቀቴዳ ድራዉነ፥
\q2 ነ ኦቶሩዋካ ታን ስሴዳ ድራዉ፥
\q1 ታን ነ ሲያን ታ ዳፉዋ አና፤
\q2 ነ ዶናንካ ታ ብጻላ ባርሳና።
\q1 ያታደ ነ ዬዳ ኦግያና ታን ኔና ጉየ ዛራና’
\m ያጌ” ያጌዳ።
\p
\v 29 ሄዋፐ ጉይያን፥ እሳያሰ ካትያ ህዝቂያሳ ሀዋዳን ያጌዳ፤ “ሀዌ ፖለታናዉ ነዉ ማላታይ ሀዋ: ሀ ላይ ህንተንቱ ዘረናን ዶልያ ካ ማና፤ ላይ ቃይ ሀ ላይ ሞኬዳዋ አዛባ ማና። ሽን ካላ ላይ ህንተንቱ ህንተንቱ ሁጲያዉ ዘርተነ ቆይጭተ፤ ዎይንያ ቱራካ ቶክተነ አ ቴራ ሚተ። 
\v 30 ይሁዳ አሳ አተቱ ጻጱዋ ዱገ የዲደ፥ ቦላን አይፍያ አይፍያ ም ማላ ግዳና። 
\v 31 አያዉ ጎፐ፥ ዉሪደ አቴዳዋንቱ የሩሳላመፐ፥ ፓላሄዳዋንቱካ ጽዮነፐ ከሳና። ኡባፐ ዎልቃማ መና ጎዳ ምሹ ሄዋ ኦደ ፖላና።
\p
\v 32 “ሄዋ ድራዉ፥ አሶረ ካዉዋ መና ጎዳይ ሀዋዳን ያጌ፤ ‘አሶረ ካቲ ሀ ካታማ ገለና፤ ዎይ ሀዋን ባረ ዎንዳፍያን ዱከና። እ ባረ ጎንዳልያ ኦይቂደ፥ ሀ ካታማ ስን አና፤ ዎይ ቃይ ካታማ ዩሹዋ ቢታ ዶርያን ድረና። 
\v 33 አሶረ ካቲ ባረ ዬዳ ኦግያና ጉየ ስማና፤ እ ሀ ካታማ ገለና። ታን መና ጎዳይ ሀዋ ኦዳድ። 
\v 34 ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማ ቦሽሰናን አሻ አካና’ ያጌ” ያጌዳ።
\p
\v 35 ሄ ጋላስ ቃማ መና ጎዳ ኪታንቻይ ከሲደ፥ አሶረ አሳይ ዱንካኔዳ ሳኣን እት ጼታነ ሆስፑን ታማነ እቼሹ ሻአ አቱማ አሳ ዎዳ። ያትና አሳይ ዎንታ ደንዲደ በእያ ዎደ፥ ሀይቄዳ አሳ አሃይ ሄዋን ኩሜዳ። 
\v 36 ሄዋ ድራዉ፥ አሶረ ካቲ ሳናክሬመ ደንዲደ፥ ጉየ ስም ቢደ፥ ናናዌ ካታማን ኡቴዳ። 
\v 37 እት ጋላስ ሳናክሬመ ባረ ጾሳ ንስሮካ ኤቃ ጎለን ጎይኒደ ደእሽን፥ አ ናናይ አድራመሌክነ ሳርኤጸር ማሻን አ ዎድኖ። አራራተ ግያ ጋድያ ባቃቴድኖ። አ ናአይ አሳርህ-ሀዶን አ ሳኣን ካዉቴዳ።
\c 20
\s1 ካቲ ህዝቂያሰ ሀርጊደ ፓጼዳ
\r (2 ኦዱዋ 32:24-26፤ ኢሳ. 38:1-8፣ 21-22)
\p
\v 1 ሄ ዎደ ካቲ ህዝቂያሰ ሀርጊደ፥ ሀያና ማቴዳ። ያን ደእሽን አሞጻ ናአይ ትምቢትያ ኦድያ እሳያሰ አኮ ቢደ፥ “መና ጎዳይ ኔና፥ ‘ኔን ሀይቃሳፐ አትና ፓጻካ፤ ሄዋ ድራዉ፥ ነ ጎልያ ጊግሳ’ ያጌ” ያጌዳ።
\p
\v 2 ህዝቂያሰ ጎዳኮ ስም ግሲደ፥ መና ጎዳ ዎሲደ፥ 
\v 3 “አቤት መና ጎዳዉ፥ ታን ነ ስንን ቱማተንነ ኩመን ዎዛናን ሀመቴዳዋነ ቃይ ኔና ናሸችያዋ ኦዳዋ ታዉ ኔን ሀሳያና ማላ፥ ታን ኔና ዎሳይ” ያጊደ ዎሴዳ። ህዝቂያሰ ሎይ ሴለቲደ ዬኬዳ።
\p
\v 4 እሳያሰ ካትያ ስንፐ ከሴዳ፤ ካትያ ጎልያ ዳባባፐ አደ ብ ክቼናን ደእሽን፥ መና ጎዳ ቃላይ ሀዋዳን ያጊደ፥ አኮ ዬዳ፥ 
\v 5 “ጉየ ስማደ ባደ ታ አሳ ካለያ ህዝቂያሳዉ ሀዋዳን ያጋደ ኦዳ፤ ‘መና ጎዳይ፥ ነ ማይዛ አዉዋ ዳዊታ ጾሳይ ሀዋዳን ያጌ፡ “ታን ነ ዎሳ ስሳድ፤ ነ አፎካ በኣድ። ታን ኔና ፓና፤ ሄዙ ጋላሳፐ ጉይያን፥ ኔን ፑደ መና ጎዳ ጌሻ ጎልያ ባና። 
\v 6 ነ ላይ ቦላ ታን ነዉ ታማነ እቼሹ ላይ ጉጃና። ታን ኔናነ ሀ ካታማነ አሶረ ቢታ ካትያ ኩሽያፐ አሻና። ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማዉ ኦለታደ አሻና” ያጌ’ ያጋ” ያጌዳ።
\p
\v 7 ሄዋፐ ጉይያን እሳያሰ፥ “ባላስያ ቴራ ዳጺደ፥ አ ጋፉዋ ቦላ ዎተ። ያቶፐ እ ፓጻናዋ” ያጌዳ።
\p
\v 8 ህዝቂያሰ ኢስያሳ፥ “መና ጎዳይ ታና ፓናዎነ ታን ሄዘን ጋላስ መና ጎዳ ጌሻ ጎልያ ፑደ ባናዎ ማላታይ አዬ?” ያጊደ ኦቼዳ።
\p
\v 9 እሳያሰ፥ “መና ጎዳይ ባረ ጌዳ ቃላ ፖላናዉ ነዉ መና ጎዳይ ማላታ እማና። ስም ኔን ሀዋፐ ሀቃዋ ዶራይ? ሀዌ ኩዋይ ታሙ ታንጉዋ ስንዉ ባናዋ ዶራይየ፥ ታሙ ታንጉዋ ሀዋፐ ጉየ ስማናዋ ዶራይ?” ያጊደ ኦቼዳ።
\p
\v 10 ያትና ህዝቂያሰ አ፥ “ኩዋይ ስንዉ ባናዌ መተና፤ ሄዋፐ ኩዋይ ጉየ ስማናዳን ኪተታ” ያጌዳ። 
\v 11 ሄዋፐ ጉይያን፥ ትምቢትያ ኦድያ እሳያሰ መና ጎዳ ዎሴዳ፤ መና ጎዳይ ካቲ አካዝ ግምቢሲደ ደቱዋ ኩዋዬዳ ኩዋ ታሙ ደቱዋ ሄ ሳፐ ጉየ ዛሬዳ።
\s1 ባብሎነፐ ኪተቲደ ዬዳ አሳቱዋ
\r (ኢሳ. 39:1-8)
\p
\v 12 ሄ ዎደ ባላዳና ናአይ፥ ባብሎነ ካቲ፥ ማሮዳክ ባላዳን ህዝቂያሰ ሀርጌዳዋ ስሴዳ ድራዉ፥ ዳብዳቢያነ እሞታ ህዝቂያሳዉ የዴዳ። 
\v 13 ህዝቂያሰ ኪተቲደ ዬዳ አሳቱዋ ሞኬዳ። ያቲደ ባረ ሚሻ ምንጅያ ጎለን ደእያ ብራ፥ ዎርቃ፥ ሳዉዋ፥ አልኦ ዛይትያ፥ ባረ ኦላ ሚሻነ ባረ ሚሻ ምንጅያ ጎለን ደእያዋ ኡባ ኡንቱንታ በሴዳ። ባረ ሶን ዎይ ባረ ካዉተ ግዶን ደእያዋ ኡባፐ ህዝቂያሰ ኡንቱንታ በሰናን አጌዳባይ አያይነ ባዋ።
\p
\v 14 ሄዋፐ ጉይያን፥ ትምቢትያ ኦድያ እሳያሰ ካትያ ህዝቂያሳኮ ዪደ፥ “ሀ አሳቱ ዋጌድኖ? ኡንቱንቱ ሀቃፐ ዬድኖ?” ያጊደ ኦቼዳ።
\p ህዝቂያሰ፥ “ኡንቱንቱ ታኮ ሃኮ ጋድያፐ፥ ባብሎነፐ ዬድኖ” ያጌዳ።
\p
\v 15 እሳያሰ ቃይካ፥ “ኡንቱንቱ ነ ሶን አያ አያ በኤድኖ?” ያጌዳ።
\p ህዝቂያሰ፥ “ኡንቱንቱ ታ ሶን ደእያ ኡባባ በኤድኖ፤ ታ ሚሻ ምንጅያ ጎለን ደእያባፐ ታን ኡንቱንታ በሳቤናባይ አያይነ ባዋ” ያጌዳ።
\p
\v 16 ሄዋፐ ጉይያን፥ እሳያሰ ህዝቂያሳ፥ “መና ጎዳይ ግያዋ ስሳ። 
\v 17 መና ጎዳይ ሀዋዳን ያጌ፡ ‘ነ ካትያ ጎለን ደእያባይ ኡባባይነ ነ ማይዛ አዎቱ ሀቼ ጋካናዉ ሺሼዳባይ ኡባባይ ሙለ ኦሞደቲደ፥ ባብሎነ ጋድያ ባና ጋላሳቱ ያና፤ አፐ አያይነ አተና።\x - \xo 20:17 \xo*\xt 2 ካታ. 24:13፤ 2 ኦዱዋ 36:10\xt*\x* 
\v 18 ቃይ ነዉ የለታናዋ፥ ነ አሾነ ሱነ ግድያ ነ አቱማ ዛራቱዋፐካ ኦሞደቲደ ባና፤ ባብሎነ ካትያ ጎለን ጎይረቲደ ኦና’ ያጌ” ያጌዳ።\x - \xo 20:18 \xo*\xt 2 ካታ. 24:14-15፤ ዳኔላ 1:1-7\xt*\x*
\p
\v 19 ህዝቂያሰ ዛሪደ፥ “ኔን ኦዴዳ መና ጎዳ ቃላይ ሎአ” ያጌዳ። አያዉ ጎፐ፥ ህዝቂያሰ፥ “ታን ደኤዳ ላይን ሳሩነ ዎፓይ ደአናዋ ግደኔ” ያጊደ ቆፔዳ።
\s1 ህዝቂያሳ ሀይቁዋ
\r (2 ኦዱዋ 32:32-33)
\p
\v 20 ህዝቂያሰ ሀኔዳ ሀራባይ፥ አ ምኖተይነ ሃ ዜሪደ፥ ቢታ ግዱዋና ዋሩዋን ካታማ እ ገልሴዳባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 21 ህዝቂያሰ ሀይቂደ፥ ባረ ማይዛን ጋከቴዳ፤ አ ኮሽያን አ ናአይ ምናሰ ካተቴዳ።
\c 21
\s1 ይሁዳ ካትያ ምናሳ
\r (2 ኦዱዋ 33:1-20)
\p
\v 1 ምናሰ ካተትያ ዎደ ላይይ አዉ ታማነ ላኣ፤ እ የሩሳላመን እሻታማነ እቼሹ ላይ ካተቴዳ። አ አት ሱንይ ሄፍጺቦ።
\p
\v 2 መና ጎዳይ እስራኤልያ አሳ ስንፐ ላጊደ ከሴዳ አሳቱዋ ደኡዋ ዎጋ፥ ሄ ሸነይያዋ ቁሊደ፥ ምናሰ መና ጎዳ ስንን ኢታባ ኦዳ።\x - \xo 21:2 \xo*\xt ኤር. 15:4\xt*\x* 
\v 3 አ አዉ ህዝቂያሰ ላሌዳ፥ ጎይንያ ቃ ሳኣ እ ዛረደ ኬጼዳ፤ እስራኤልያ ካቲ አካብ ኦዳዋዳን፥ ባኣላ ግያ ጾሳዉ ያርሽያ ሳአቱዋነ አሼሮ ግያ ጾሳት ምስለቱዋ መዳ። ቃይ ሳሉዋ ጾልንተቶ ኡባዉካ ጎይኔዳነ ኡንቱንቶ ኦዳ። 
\v 4 መና ጎዳይ ካሰ፥ “ታን ታ ሱን የሩሳላመን ጼስሳና” ያግ ዎዳ መና ጎዳ ጌሻ ጎልያን ሀራ ጾሳቶ ያርሽያ ሳኣ ጊግሴዳ።\x - \xo 21:4 \xo*\xt 2 ሳሜላ 7:13\xt*\x* 
\v 5 መና ጎዳ ጌሻ ጎልያን ደእያ ላኡ ዳባባቱዋን ሳሉዋ ጾልንተቶ ኡባዉ ያርሽያ ሳኣ ጊግሴዳ። 
\v 6 ባረ የሌዳ ናኣ ታማን ጹጊደ ያርሼዳ። እ ባረ ሁጲያዉካ ብትያዋነ ሙሩንያዋ ግዲደ፥ ሻሬቾቱዋነ ሞይትልያ ሃሳይስያዋንታ ዞርያ ኦቼዳ። መና ጎዳ ስንን ዳሮ ኢታባ ኦደ፥ አ ሀንቀዳ።
\p
\v 7 አሼሮ ግያ ጾሳት ምስልያ፥ ማሰት ከሴዳዋ አሂደ፥ መና ጎዳ ጌሻ ጎልያ ግዶን ኤሴዳ። ሄ ጌሻ ጎሊ፥ መና ጎዳይ ዳዊታነ አ ናኣ ሶሎሞና፥ “እስራኤልያ ዛርያ ኡባ ግዶፐ ታን ዶሬዳ ሀ ጌሻ ጎልያንነ የሩሳላመን ታን ታ ሱን መናዉ ጼስሳና።\x - \xo 21:7-8 \xo*\xt 1 ካታ. 9:3-5፤ 2 ኦዱዋ 7:12-18\xt*\x* 
\v 8 እስራኤልያ አሳ ታን አዛዜዳ አዛዙዋ ኡባነ ታ ቆማይ ሙሴ ኡንቱንቶ እሜዳ ህግያ ኡባ ናጊደ ኦፐ፥ ታን ኡንቱንቱ ማይዛ አዋቶ እሜዳ ጋድያፐ ኡንቱንታ ደንደ ቶይላይከ” ያጌዳ። 
\v 9 ሽን አሳይ ስሰናን እጼዳ። መና ጎዳ እስራኤልያ አሳ ስንፐ ይሴዳ ጋደ አሳዋፐካ አያ ኢታ ኦና ማላ፥ ምናሰ ኡንቱንታ ባለዳ።
\p
\v 10 መና ጎዳይ ትምቢትያ ኦድያ ባረ ቆማቱዋ ባጋና ሀዋዳን ያጌዳ፤ 
\v 11 “ይሁዳ ካቲ ምናሰ ሀ ቱና ኪታ ኦዳ፤ ባረፐ ካሰ ደኤዳ አሞረ አሳ ኡባ ናጋራፐካ አያ ኢታ ኦዳ፤ ይሁዳ አሳ ባረ መዳ ኤቃ ምስልያዉ ጎይንሲደ፥ ናጋራ ኦስሴዳ። እ ሄዋ ኦዳ ድራዉ፥ 
\v 12 ታን መና ጎዳይ እስራኤልያ ጾሳይ ሀዋዳን ያጋይ፤ ‘ስስያ አሳ ኡባ ሀይዉ ኢትያ ባሻ ታን የሩሳላመ ቦላነ ይሁዳ ቦላ አሀና ሀናይ። 
\v 13 ታን ሳማርያ ቦላ ጎቼዳ ዎዶሩዋ፥ የሩሳላመ ቦላ ጎቻና፤ አካባ ሶይ አሳ ቦላ የዴዳ ቱምቢያካ፥ የሩሳላመ ቦላ የዳና። እት አሳይ ከርያ ቁጭ ጉፋንደ መልስያዋዳን፥ ታን የሩሳላመ ቁጫደ ጉፋንና። 
\v 14 ታ ላታቱዋፐ አቴዳዉንታ ታን ኦላና፤ ታን ኡንቱንታ ኡንቱንቱ ሞርከቱዋ ኩሽያን አደ እማና። ኡንቱንቱ ሞርከቱ ኡባይ ኡንቱንታ ኦይቃናነ ቦንቃና። 
\v 15 ኡንቱንቱ ማይዛ አዎቱ ግብጼፐ ከሶደፐ ዶም፥ ሀቼ ጋካናዉ፥ ኡንቱንቱ ታ ስንን ኢታባ ኦዳ ድራዉነ ታና ሀንቀዳ ድራዉ፥ ታን ሀዋዳን ኦና’ ያጋይ” ያጌዳ።
\p
\v 16 ምናሰ ይሁዳ አሳ መና ጎዳ ስንን ናጋራ ኦስሴዳዋ ቦላካ ጉጂደ፥ ጽሎ አሳ ዎዳ፤ የሩሳላመን ሀ ጋጻፐ ያ ጋጻ ጋካናዉ፥ ሱ ኩንዳ።
\p
\v 17 ምናሰ ሀኔዳ ሀራባይ፥ እ ኦዳባይ ኡባይነ እ ኦዳ ናጋራባይ ይሁዳ ካተቱ ታርክያ ማጻፋን ጻፈት ኡቴዳ። 
\v 18 ምናሰ ሀይቂደ፥ ባረ ማይዛን ጋከቴዳ፤ ያቲደ ባረ ጎልያ ማታን ደእያ ኡዛ አታክልትያ ሳኣ ግያ ሳኣን ሞገቴዳ። አ ኮታን አ ናአይ አሞነ ካተቴዳ።
\s1 ይሁዳ ካትያ አሞና
\r (2 ኦዱዋ 33:21-25)
\p
\v 19 አሞነ ካተትያ ዎደ፥ ላይይ አዉ ላታማነ ላኣ፤ እ የሩሳላመን ላኡ ላይ ካተቴዳ። አ ዳይ ሱንይ ማሹለሜቶ፤ እዛ ያጽባ ካታማን ደእያ ሀሩጻ ናቶ። 
\v 20 አ አዉ ምናሰ ኦዳዋዳን፥ አሞንካ መና ጎዳ ስንን ኢታባ ኦዳ። 
\v 21 እ ባረ አዉ ሀመቴዳ ኦግያን ኡባን ሀመቴዳ፤ ባረ አዉ ኦዳ ኤቃቶ እካ ኦዳነ ኡንቱንቶ ጎይኔዳ። 
\v 22 መና ጎዳ፥ ባረ ማይዛ አዎቱዋ መና ጎዳ አግ ባሼዳ፤ መና ጎዳ ኦግያንካ እ ሀመትቤና።
\p
\v 23 አሞና ኦሳንቻቱ አ ቦላ ማቀቲደ፥ አ ካትያ ጎለን አ ዎድኖ። 
\v 24 ሄዋፐ ጉይያን፥ ይሁዳ አሳቱ ካትያ አሞና ቦላ ማቀቴዳ ኡባቱዋ ዎድኖ። አሞና ኮታን አ ናኣ ዮስያሳ ካተዬድኖ።
\p
\v 25 አሞነ ሀኔዳ ሀራባይነ እ ኦዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። 
\v 26 አሞነ ኡዛ አታክልትያ ሳኣ ግያ ሳኣን ደእያ ባረ ዱፉዋን ሞገቴዳ፤ አ ኮታን አ ናአይ ኢዮስያሰ ካተቴዳ።
\c 22
\s1 ኢዮስያሳ አይሱዋ
\r (2 ካታ. 22:1—23:30)
\p
\v 1 እዮስያሰ ካተትያ ዎደ፥ ላይይ አዉ ሆስፑና፤ እ የሩሳላመን ሀታማነ እት ላይ ካተቴዳ። አ ዳይ ሱንይ ይዲዶ፤ እዛ ቦጽቃታ ግያ ካታማን ደእያ አዳያ ናቶ።\x - \xo 22:1 \xo*\xt ኤር. 3:6\xt*\x* 
\v 2 እዮስያሰ መና ጎዳ ስንን ሱረባ ኦዳ፤ ኡሸቻ ሀድርሳ ጌናን ባረ ማይዛ አዉዋ ዳዊታ ኦግያን ኡባን ሀመቴዳ።
\s1 ጾሳ ህግያ ማጻፋይ ቤቴዳ
\r (2 ኦዱዋ 34:8-28)
\p
\v 3 ካቲ እዮስያሰ ባረ ካተቴዳ ታማነ ሆስፑን ላይን፥ ማሹላማ ናኣ ናኣ፥ አጻልያ ናኣ፥ ዋና ጻፍያ ሳፋና መና ጎዳ ጌሻ ጎልያ ሀዋዳን ያጊደ ኪቴዳ፤ 
\v 4 “አሳይ መና ጎዳ ጌሻ ጎልያ አህና፥ ጌሻ ጎልያ ፐንግያ ናግያዋንቱ አሳፐ ሺሼዳ ሻሉዋ ፓይዳናዳን፥ ቄሳቱዋ ኡባቱዋ ካፑዋ ህልቂያኮ ባ። 
\v 5 ቄስያ ኡባቱዋ ካፑ ሚሻ መና ጎዳ ጌሻ ጎልያ ኦራስያ ካፓቶ እማና ማላ ኦዳ። ኡንቱንቱካ ጌሻ ጎልያ ኦራያ ኦሳንቻቶ፥ 
\v 6 አናጸቶ ግምቢያዋንቶነ ሹቻ ማስያዋንቶ ጭግኖ። ቃይ ጌሻ ጎልያ ኦራናዉ፥ ምነ ቆኤቴዳ ሹቻ ሻምያዋንቶ ጭግኖ። 
\v 7 ሄ ኪታ ዎችያዋንቱ አማነትያ አሳ ግድያ ድራዉ፥ ኡንቱንቱ ኩሽያን ገሌዳ ሚሻን አያ አያ ኦደንቶ፥ ኡንቱንታ ኦቻናዉ ኮሸና” ያጌዳ።\x - \xo 22:7 \xo*\xt 2 ካታ. 12:15\xt*\x*
\p
\v 8 ሄዋፐ ጉይያን፥ ቄሳቱዋ ኡባቱዋ ካፑ ህልቂ ዋና ጻፍያ ሳፋና፥ “ህግያ ማጻፋ መና ጎዳ ጌሻ ጎልያን ደማድ” ያጌዳ። ማጻፋ ሳፋናዉ እሜዳ፤ ሳፋን አኪደ ናባቤዳ።
\p
\v 9 ዋና ጻፊ ሳፋን ካትያኮ ስም ቢደ፥ “መና ጎዳ ጌሻ ጎልያን ደእያ ሻሉዋ ነ ኦሳንቻቱ ዉርስ አኪደ፥ ጌሻ ጎልያ ኦራስያ ካፓቶ እሜድኖ” ያጊደ ኦዴዳ። 
\v 10 ቃይካ ዋና ጻፊ ሳፋን ካትያ፥ “ቄሲ ህልቂ ታዉ ማጻፋ እሜዳ” ያጊደ ካትያ ስንን ሄ ማጻፋ ናባቤዳ።
\p
\v 11 ካቲ ህግያ ማጻፋን ደእያ ቃላ ስሴዳ ዎደ፥ ካዮቲደ ባረ ማዩዋ ፔዳ። 
\v 12 ሄዋፐ ጉይያን፥ ካቲ ቄስያ ህልቂያ፥ ሳፋና ናኣ አህቃማ፥ ምካያ ናኣ አክቦራ፥ ዋና ጻፍያ ሳፋናነ ካትያ ኦሳንቻ አሳያ ሀዋዳን ያጊደ አዛዜዳ፤ 
\v 13 “ቢተ፤ ታ ድራዉ፥ ሀ አሳ ድራውነ ይሁዳ ኡባ ድራዉ፥ ሀ በቴዳ ማጻፋ ቃላዋ አነ መና ጎዳ ኦችተ። አያዉ ጎፐ፥ ኑዉ ጻፈቴዳ ኡባባ ኦናዉ፥ ኑ ማይዛ አዎቱ ሀ ማጻፋ ቃላዉ አዛዘትቤና ድራዉ፥ ኑ ቦላ ሱሌዳ መና ጎዳ ሀንቁ ሎይ ዳራ” ያጌዳ።
\p
\v 14 ቄሲ ህልቂ፥ አህቃም፥ አክቦር፥ ሳፋንነ አሳይ ትምቢትያ ኦድያ ሁልዶ ግያ ምሽራቶ ኦቻናዉ ቤድኖ። ሁልዳ ሀርሃሳ ናኣ ቲቅዋ ናኣ፥ ጌሻ ጎልያ ማዩዋ ናግያ ሻሉማ ምሽራቶ። አ የሩሳላመን ላኤን ሹቻን ደአዉ። ሄ ቤዳ አሳቱ እዝና ሃሳዬድኖ።
\p
\v 15 ሁልዳ ኡንቱንታ፥ “መና ጎዳይ እስራኤልያ ጾሳይ፥ ‘ህንተና ታኮ ኪቴዳ ብታንያዉ ኦድተ ያጌ።’ 
\v 16 መና ጎዳይ ሀዋዳን ያጌ፤ ‘በእተ፥ ይሁዳ ካቲ ናባቤዳ ማጻፋን ጻፈቴዳ ኢታ ቃላ ኡባ ታን ሀ ሳኣ ቦላነ ሀ ሳኣን ደእያ አሳ ቦላ አሀና ሀናይ። 
\v 17 ኡንቱንቱ ታና አጊደ፥ ሀራ ጾሳቶ እጻና ጩዋዬድኖ፤ ያቲደ ኡንቱንቱ ባረንቱ ኩሽያን ኦዳዋን ኡባን ታና ሀንቀድኖ። ሄዋ ድራዉ፥ ታ ሀንቁ ሀ ሳኣ ቦላ ኤጽ ከሴዳ፤ ቶአናዉ ዳንዳየና’ ያጌ።
\p
\v 18 “መና ጎዳ ኦቻናዉ ህንተንታ ኪቴዳ ካትያ ሀዋዳን ያግተ፤ ‘መና ጎዳይ እስራኤልያ ጾሳይ ኔን ስሴዳ ቃላ ሀዋዳን ያጌ፤’ 
\v 19 ታን ሀ ሳኣ ቦላነ ሀ ሳኣን ደእያ አሳ ቦላ፥ ‘ታን ህንተንታ ይሳናነ ባይዛ ከሳና’ ጋደ ሃሳዬዳዋ ኔን ስሴዳ ዎደ፥ ነ ዎዛናይ ሹግና፥ መና ጎዳ ስንን ነ ሁጲያ ካዉሼዳ ድራዉነ ነ ማዩዋ ፔደ፥ ታ ስንን ዬኬዳ ድራዉ፥ ታን ነ ዎሳ ስሳድ ያጌ መና ጎዳይ። 
\v 20 ሄዋ ድራዉ፥ ታን ኔና ሳሩዋን ነ ማይዛን ጋና፤ ኔን ሳሮ ሞገታና። ታን ሀ ሳኣ ቦላነ ሀ ሳኣን ደእያ አሳ ቦላ አሀና ኢታባ ነ አይፊ በኤና ያጌ ያግተ” ያጋዱ። ሄዋፐ ጉየ ኡንቱንቱ ቢደ፥ ሀ ሃሳየቴዳባ ካትያዉ ኦዴድኖ።
\c 23
\s1 ኢዮስያሰ ኤቃ ጎይኑዋ ቢታፐ ይሴዳ
\r (2 ኦዱዋ 34:3-7፣ 29-33)
\p
\v 1 ሄዋፐ ጉይያን፥ ካቲ ኢዮስያሰ ኪቲደ፥ ይሁዳ ጭማቱዋነ የሩሳላመ ጭማቱዋ ኡባ እ ሺሼዳ። 
\v 2 ካቲ መና ጎዳ ጌሻ ጎልያ ፑደ ከሴዳ፤ ይሁዳ አሳይ ኡባይ፥ የሩሳላመን ደእያ አሳይ ኡባይ፥ ቄሳቱነ ትምቢትያ ኦድያዋንቱ፥ ጉፐ ዎጋ ጋካናዉ፥ አሳይ ኡባይ አናና እትፐ መና ጎዳ ጌሻ ጎልያ ፑደ ከሴድኖ። መና ጎዳ ጌሻ ጎልያፐ ቤቴዳ ቃላ ጫቁዋ ማጻፋ ቃላ ኡባ ካቲ ኡንቱንቱ ስስሽን ናባቤዳ። 
\v 3 ሄዋፐ ጉይያን፥ ካቲ ቱሳ ማታን ኤቂደ፥ ኡንቱንቱ መና ጎዳ ኦግያን ሀመታናዉነ፥ አ ህግያ፥ አ ዎጋነ አ አዛዙዋ ባረ ኩመን ዎዛናንነ ባረ ኩመን ሸምፑዋን ናጋናዉ፥ ቃይ ሀ ማጻፋን ጻፈቴዳ ጫቁዋዳን ኦናዉ መና ጎዳ ስንን ገፔዳ። ያትና አሳይ ኡባይካ ጫቁዋ ናጋናዉ ገፔዳ።
\p
\v 4 ሄዋፐ ጉይያን፥ ካቲ ቄሳቱዋ ኡባቱዋ ካፑዋ ህልቂያ፥ አፐ ጋርሳና ደእያ ቄሳቱ ዋነ ፐንግያ ናግያዋንታ ባኣላዉ፥ አሼሮነ ሳሉዋ ጾልንተቶ ጎይናናዉ ጊግሴዳ ሚሻቱዋ ኡባ መና ጎዳ ጌሻ ጎልያፐ ከሳናዳን አዛዜዳ። ካቲ ሄዋንታ የሩሳላመፐ ጋጻ ከሲደ፥ ቀድሮና ዛንጋራን ጹጌዳ፤ ብድን ቤቴለ አፌዳ።\x - \xo 23:4-6 \xo*\xt 2 ካታ. 21:3፤ 2 ኦዱዋ 33:3\xt*\x*
\p
\v 5 ይሁዳ ካታማቱዋንነ የሩሳላመ ዩሹዋን ደእያ ቃ ግሹዋን ኡባን እጻና ጩዋያናዳን ይሁዳ ካተቱ ሱንዳ ማሻቱዋ ቄሳቱ ዋ ኡባ ኦሱዋፐ ከሴዳ። ባኣላዉ፥ አዋዉ፥ አግናዉ፥ ጾልንተቶነ ሳሉዋን ደእያ ሀራ መታቶ እጻና ጩዋይያዋንታ ኡባ ድጌዳ።
\p
\v 6 አሼሮ ግያ ጾሳት ምስልያ መና ጎዳ ጌሻ ጎልያፐ አኪደ፥ የሩሳላመ ካታማፐ ጋጻ ከሲደ፥ ቀድሮና ዛንጋራ አፌዳ። ሄዋፐ ካላ ያን ጹጌዳዋ ሊቅስ ጋጪደ፥ ለ ከሴዳ። ያቲደ ሄ ባና ጋደ አሳ ማካና ቦላ ላሌዳ።
\p
\v 7 መና ጎዳ ጌሻ ጎልያ ግዶን ጎይኖ ዎጋ ኦደ፥ አቱማ አሳቱ አቱማ አሳቱዋና ሻርሙጸትያ ጎልያ ክንቼዳ፤ ሄ ጎለቱዋን ማጫ አሳይ አሼሮ ግያ ጾሳትዉ ጋርዱዋ ሱቄ።
\p
\v 8 እዮስያሰ ቄሳቱ ዋ ኡባ ይሁዳ ካታማቱዋፐ አሄዳ፤ ካሰ ቄሳቱ እጻና ጩዋዬዳ ቃ ሳኣ፥ ገባአፐ ቢደ በርሳበሀ ጋካናዉ ደእያዋንታ ቱንሴዳ። ካታማ ሞድያ ኢያሱ ፐንግያ ግያ ፐንግያ ገልያ ሳፐ ሀድርሳ ባጋና ደእያ ጎይንያ ሳአቱዋካ ቆቆፌዳ። 
\v 9 ቃ ሳኣ ቄሳቱ የሩሳላመን መና ጎዳዉ ያርሽያ ሳኣ ፑደ ዪክኖ፤ ሽን ኡንቱንቱ ሀራ ቄሳቱ ዋና እትፐ እርሹ ገልቤና ኡክ ሚኖ።
\p
\v 10 ካቲ እዮስያሰ ህኖማ ዛንጋራን ደእያ ቶፌታ ጌተትያ ያርሹዋ ሳኣ ቱንሴዳ። ያቲደ ሞሎካ ግያ ጾሳዉ እት አሳይነ ባረ አቱማ ናኣ ዎይ ባረ ማጫ ናቶ ታማን ያርሸናዳን ድጌዳ።\x - \xo 23:10 \xo*\xt ዎጋ 18:21፤ ኤር. 7:31፤ 19:1-6፤ 32:35\xt*\x*
\p
\v 11 ይሁዳ ካተቱ መና ጎዳ ጌሻ ጎልያ ገልያ ፐንግያን አዋዉ ዱማይ ዎዳ ፓራቱዋ ድጌዳ። አዋ ፓራቱ ናታን-መለካ ግያ ካፑዋ ክፍልያ ማታን ደእያ ዳባባን ደኢኖ። ሄዋፐ ጉይያን፥ አዋዉ ዱማይ ዎዳ ፓራ ጋረቱዋ እዮስያሰ ታማን ጹጌዳ።
\p
\v 12 አካዛ ጎልያ ፖቅያ ቦላን ይሁዳ ካተቱ ጊግስሴዳ ያርሹዋ ሳአቱዋነ ምናሰ መና ጎዳ ጌሻ ጎልያዉ ደእያ ላኡ ዳባባቱዋ ግዶን ጊግሴዳ ያርሽያ ሳአቱዋ ካቲ እዮስያሰ ክንቼዳ። ኡንቱንታ ሄ ሳፐ ድጊደ ክንቼሬዳ፤ ሱፓ ቀድሮና ዛንጋራን ኦሌዳ።\x - \xo 23:12 \xo*\xt 2 ካታ. 21:5፤ 2 ኦዱዋ 33:5\xt*\x*
\p
\v 13 ቃይካ ካቲ የሩሳላመ ካታማፐ አዋይ ዶልያ ባጋና ዳብረ ዛይተ ጌተትያ ደርያፐ ገድሳ ባጋን ደእያ ቱናተ ቃ ደርያ። ሄ ቃ ሳአቱ እስራኤልያ ካቲ ሶሎሞነ ሲዶናቱዋ ጾሳት አስታሮትዉ፥ ሞኣባቱዋ ጾሳ ካሞሻዉነ፥ አሞናቱዋ ጾሳ ሞሎካዉ፥ ሄ ቱና ጾሳቶ ጎይናናዉ ጊግሴዳ ቃ ሳኣ።\x - \xo 23:13 \xo*\xt 1 ካታ. 11:7\xt*\x* 
\v 14 ካቲ ኢዮስያሰ ጎይንያ ሹቻ ቱሳቱዋካ መንሬደ፥ አሴሮ ጌተትያ ጾሳት ምስለቱዋካ ቃንጸሬዳ። ያቲደ ኡንቱንቱ ኤቄዳ ኮሽያን ሀይቄዳ አሳ መቀ ኩንዳ።
\p
\v 15 ቃይ እስራኤልያ አሳ ናጋራ ኦስሴዳ ናባጻ ናአይ እዮርባም ቤቴለን ቃ ሳኣን ጊግሴዳ ያርሽያ ሳኣ ካቲ እዮስያሰ ክንቼዳ። ሄ ያርሽያ ሳኣ ሹቻቱዋካ መንሬደ፥ ለ ከሴዳ፤ አሼር ምስልያካ ጹጌዳ።\x - \xo 23:15 \xo*\xt 1 ካታ. 12:33\xt*\x* 
\v 16 ሄዋፐ ጉይያን፥ እዮስያሰ ዩሹዋ ጼሊደ፥ ደርያ ጋጻን ደእያ ሞጉዋ ጎንጎሉዋ በኤዳ፤ መቀቱዋ ጎንጎሉዋፐ ከሲደ፥ ያርሽያ ሳኣ ቦላ ዎደ፥ ታማን ጹጌዳ። ያቲደ ያርሽያ ሳኣ ቱንሴዳ። ሄዌ ሀኔዳዌ መና ጎዳ አሳይ ካሰ አዋዬዳ መና ጎዳ ቃላ ማራና።\x - \xo 23:16 \xo*\xt 1 ካታ. 13:2\xt*\x* 
\v 17 ሄዋፐ ጉይያን ካቲ፥ “ሀ ቤትያዌ ኦ ዱፌ?” ያጊደ ኦቼዳ።\x - \xo 23:17 \xo*\xt 1 ካታ. 13:30-32\xt*\x*
\p ቤቴለ ካታማ አሳቱ፥ “ይሁዳፐ ዪደ፥ ቤቴለ ያርሽያ ሳኣ ቦላ ሀእ ኔን ኦ ስምያዌ ፖለታናዋ ካሰቲደ ኦዴዳ መና ጎዳ አሳ ዱፉዋ” ያጊደ ኦዴድኖ።
\p
\v 18 ካቲ፥ “አግ ባሽተ፤ እት አሳይነ አ መቀ ሳፐ ቃፖ” ያጌዳ። ሄዋ ድራዉ፥ ሳማርያፐ ዬዳ ትምቢትያ ኦድያ ብታንያ መቀና እትፐ አ መቀ ቦቼናን አግ ባሼድኖ።
\p
\v 19 እስራኤልያ ካተቱ ሳማርያ ካታማቱዋን ኦስሲደ፥ መና ጎዳ ሀንቀዳ፥ ጎይንያ ቃ ሳኣ እዮስያሰ ድጌዳ፤ ቤቴለን ኦዳዋዳን፥ ኡንቱንታካ ኦዳ። 
\v 20 እ ሄ ቃ ግሹዋን ኦያ ቄሳቱ ዋ ኡባ ያርሽያ ሳኣ ቦላ ዎዳ፤ ቃይ ሄ ያርሽያ ሳኣ ቦላ አሳ መቀ ጹጌዳ። ሄዋ ኡባ ኦደ፥ የሩሳላመ ስሜዳ።
\s1 እዮስያሰ ፓስጋ ባላ ቦንቼዳ
\r (2 ኦዱዋ 35:1-19)
\p
\v 21 ሄዋፐ ጉይያን፥ ካቲ አሳ ኡባ፥ “ሀ ቃላ ጫቁዋ ማጻፋን ጻፈቴዳዋዳን መና ጎዳዉ ህንተንቱ ጾሳዉ ፓስጋ ባላ ቦንችተ” ያጊደ አዛዜዳ። 
\v 22 እስራኤልያ ሞድያ ዳናቱ ዎድያፐ ዶሚደ፥ እስራኤልያ ካተቱዋ ዎድያንነ ይሁዳ ካተቱዋ ዎድያን ኡባን ሀዋ ማላ ፓስጋ ባላይ ኡባካ ቦንቼት ኤረና። 
\v 23 ሽን ካቲ እዮስያሰ ካተቴዳ ታማነ ሆስፑን ላይን የሩሳላመ ካታማን መና ጎዳ ቦንቻናዉ ሀ ፓስጋ ባላይ መና ጎዳዉ ቦንቼቴዳ።
\s1 እዮስያሰ ኦዳ ሀራ ኦሶቱዋ
\p
\v 24 ቃይ ቄሳቱዋ ኡባ ካፑ ህልቂ መና ጎዳ ጌሻ ጎልያን ቤቴዳ ማጻፋን ጻፈቴዳ ህግያ ቃላ ምንሳናዳን፥ ኢታ አያና ጼስያዋንታነ ሻሬቻቱዋ፥ ሶይ ግዶ ኤቃ ምስለቱዋ፥ ኤቃ ሚሻቱዋነ ይሁዳ ቢታንነ የሩሳላመ ካታማን ቤቴዳ ሀራ ሸነይያባቱዋ ኡባ እዮስያሰ ይሴዳ። 
\v 25 ሙሴ ህግያዳን ባረ ኩመን ዎዛናን፥ ባረ ኩመን ሸምፑዋንነ፥ ባረ ኩመን ዎልቃን መና ጎዳኮ ስሜዳባን እዮስያሳ ማላ ካቲ፥ አፐ ካሰ ግዲና፥ አፐ ጉየ ግድና፥ ኡባካ ደንድቤና።
\p
\v 26 ግዶፐነ ምናሰ መና ጎዳ ሀንቀናዉ ኦዳ ኢታ ኦሱዋ ኡባ ድራዉ፥ መና ጎዳይ ይሁዳ ቦላ ሀንቀቴዳ ባረ ሀንቁዋ ታማይ ስምቤና። 
\v 27 ሄዋ ድራዉ መና ጎዳይ፥ “ታን እስራኤልያ ታ ስንፐ ድጌዳዋዳን፥ ይሁዳካ ታ ስንፐ ድጋና፤ ታን ዶሬዳ ካታማ፥ የሩሳላመነ ታን፥ ‘ታ ሱንይ ሀዋን ደአና’ ጌዳ ሀ ጌሻ ጎልያ ድጋና” ያጌዳ።
\s1 እዮስያሳ ካዉታ ዉርሰ
\r (2 ኦዱዋ 35:20—36:1)
\p
\v 28 እዮስያሰ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 29 እዮስያሳ ዎደ ግብጼ ካቲ ናኮይ፥ አሶረ ቢታ ካትያ ኦላን ኤቃናዉ ኤፍራጺሳ ሻፋ ቤዳ። ካቲ እዮስያሰ አናና ኦለታናዉ ባረ ኦላንቻቱዋ አኪደ ከሴዳ፤ ሽን ካቲ ናኮይ አናና ማግዶን ጋከቲደ፥ አ ዎዳ። 
\v 30 አ ቆማቱ አ አሃ ፓራ ጋርያን ዎደ፥ ማግዶፐ የሩሳላመ አሄድኖ፤ አ ዱፉዋን አ ሞጌድኖ። ሄዋፐ ጉይያን፥ ሄ ቢታ አሳቱ እዮስያሳ ናኣ እዮአካዛ ዶሬድኖ፤ አ አዉዋ ኮታን አ ኦኪደ ካተዬድኖ።
\s1 ዉርሰ ይሁዳ ካተቱዋ
\r (23:31—24:20)
\p
\v 31 እዮአካዝ ካተትያ ዎደ፥ ላይይ አዉ ላታማነ ሄዛ፤ እ የሩሳላመን ሄዙ አግና ካተቴዳ። አ ዳይ ሱንይ ሀሙጻሎ፤ እዛ ሊብና ካታማን ደእያ ኤርማሳ ናቶ። 
\v 32 ባረ ማይዛ አዎቱ ኦዳዋዳን፥ እዮአካዝ መና ጎዳ ስንን ኢታባ ኦዳ። 
\v 33 እዮአካዝ የሩሳላመን ካተተናዳን ግብጼ ካቲ ናኮይ ሀማታ ጌተትያ ጋድያን ርብላ ግያ ሳን አ ቃቼዳ። ሄዙ ሻአነ ኦይዱ ጼቱ ኪሎ ግራመ ዴጽያ ጻጋራ ብራነ ሀታማነ ኦይዱ ኪሎ ግራመ ዴጽያ ዎርቃ ይሁዳ አሳ ጊርሴዳ። 
\v 34 ካትያ ናኮይ እዮስያሳ ናኣ ኤልያቄማ አ አዉዋ ኮታን ካተዬዳ፤ ያቲደ አ ሱን እዮኣቄማ ያጊደ ላሜዳ። ሽን እዮአካዛ ግብጼ አፌዳ፤ እዮአካዝ ያን ሀይቄዳ።\x - \xo 23:34 \xo*\xt ኤር. 22:11-12\xt*\x*
\s1 ይሁዳ ካትያ እዮኣቄማ
\r (2 ኦዱዋ 36:5-8)
\p
\v 35 ያትና እዮኣቄም ካቲ ናኮይ ኦቼዳ ጊራ ብራነ ዎርቃነ አዉ እሜዳ። ሄ ጊራ ጭጋናዉ ዮኣቄም ሄ ቢታ አሳይ ደምያ ኬሻ ብራፐነ ዎርቃፐ ጊራ ሺሼዳ።
\p
\v 36 እዮኣቄም ካተትያ ዎደ ላይይ አዉ ላታማነ እቼሻ፤ እ የሩሳላመን ታማነ እት ላይ ካተቴዳ። አ ዳይ ሱንይ ዛብዶ፤ እዛ ሩማ ካታማን ደእያ ፓዳያ ናቶ።\x - \xo 23:36 \xo*\xt ኤር. 22:18-19፤ 26:1-6፤ 35:1-19\xt*\x* 
\v 37 እዮኣቄም ባረ ማይዛ አዎቱ ኦዳዋዳን፥ መና ጎዳ ስንን ኢታባ ኦዳ።
\c 24
\p
\v 1 እዮኣቄማ ዎደ ባብሎነ ቢታ ካትያ ናቡካዳናጾረ ይሁዳ ቦላ ዎራጄዳ። ያትና እዮኣቄም አዉ ሄዙ ላይ ሞደቴዳ። ሄዋፐ ጉይያን ዛሪደ፥ ናቡካዳናጾራ ቦላ ማካሌዳ።\x - \xo 24:1 \xo*\xt ኤር. 25:1-38፤ ዳኔላ 1:1-2\xt*\x* 
\v 2 መና ጎዳይ ባብሎነ ቢታ ጩጉዋ፥ ሶርያ ቢታ ጩጉዋ፥ ሞኣበ ቢታ ጩጉዋነ አሞና ቢታ ጩጉዋ እዮኣቄማ ቦላ የዴዳ፤ ትምቢትያ ኦድያ ባረ ቆማቱዋ ባጋና መና ጎዳይ ካሰ ሃሳዬዳዋዳን፥ ይሁዳ ቢታ ባይዛናዳን ሀዋንታ የዴዳ። 
\v 3-4 ካቲ ምናሰ ኦዳ ናጋራ ኡባ ድራዉ፥ ቃይ ጽሎ አሳ ሱ እ ጉሲደ፥ የሩሳላመን ኩንዳ ድራዉ፥ መና ጎዳይ ይሁዳ አሳ ባረ ስንፐ ድጋናዉ ሀ ባሻ የዴዳ፤ መና ጎዳይ ምናሰዉ ሄ ናጋራ አቶ ጋናዉ ኮይቤና።
\p
\v 5 እዮኣቄም ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 6 እዮኣቄም ሀይቂደ፥ ባረ ማይዛን ጋከቴዳ። አ ኮታን አ ናአይ እኮንያነ ካተቴዳ።
\p
\v 7 ግብጼ ቢታ ካቲ ላኤን ባረ ጋድያፐ ደንዲደ፥ ኦላዉ ይቤና፤ አያዉ ጎፐ፥ ግብጼ ሻፋፐ ዶሚደ፥ ቢደ ኤፍራጺሳ ሻፋ ጋካናዉ፥ ግብጼ ካቲ ሞዴዳ ቢታ ኡባ ባብሎነ ካቲ አክ ድጌዳ።
\s1 ይሁዳ ካትያ ዮኣኪና
\r (2 ኦዱዋ 36:9-10)
\p
\v 8 ዮኣኪነ ካተትያ ዎደ ላይይ አዉ ታማነ ሆስፑና፤\f + \fr 24:8 \fr*\fk ታማነ ሆስፑና፦ \fk*\ft ላይይ አዉ ታማነ ሆስፑና ዎይ ሆስፑና። 2 ኦድ። 36:9 ጼላ።\ft*\f* ዮኣኪነ የሩሳላመን ሄዙ አግና ካተቴዳ። አ ዳይ ሱንይ ነሁሽታ፤ እዛ የሩሳላምያ ኤልናታና ናቶ። 
\v 9 ዮኣኪነ ባረ አዉ ኦዳዋዳን፥ መና ጎዳ ስንን ኢታባ ኦዳ።
\p
\v 10 ሄ ዎደ ባብሎነ ካትያ ናቡካዳናጾራ ኦላንቻቱ የሩሳላመ ዪደ፥ ካታማ ዶድ ዎድኖ። 
\v 11 ባብሎነ ካቲ ናቡካዳናጾረ ሄ ካታማ ዬዳ። 
\v 12 ይሁዳ ካቲ ዮኣኪነ፥ አ ዳያ፥ አ ቆማቱ፥ አ ካፓቱነ ካትያ ጎልያ ኦሳንቻቱ ኡባቱ ባብሎነ ካትያዉ ኩሽያ እሜድኖ።
\p ዮኣኪነ ካተቴዳ ሆስፑን ላይን፥ ባብሎነ ካቲ ዮኣኪና ቃቼዳ።\x - \xo 24:12 \xo*\xt ኤር. 22:24-30፤ 24:1-10፤ 29:1-2\xt*\x* 
\v 13 መና ጎዳ ጌሻ ጎልያንነ ካትያ ጎለን ደእያ ማጹዋ ኡባ ሄ ሳፐ ደንደ አፌዳ። መና ጎዳይ ካሰ ሃሳዬዳዋዳን ካቲ ሶሎሞነ መና ጎዳ ጌሻ ጎልያን ጊግሴዳ ዎርቃ ሚሻቱዋ ኡባ ባብሎነ ካቲ ቃንጸሬዳ። 
\v 14 ናቡካዳናጾረ የሩሳላመ አሳ፥ ካፓቱዋ ኡባ፥ ኦላንቻቱዋ ኡባ፥ ኩሽያ ሂላንቻቱዋ ኡባነ ብራታ ቆጽያዋንታ ኡባ፥ ሙለ ታሙ ሻአ አሳ፥ የሩሳላመፐ ኦሞዲደ አፌዳ፤ ቢታን ህዬሳ አሳ ጻላላይ አቴዳ።
\p
\v 15 ናቡካዳናጾረ ዮኣኪና ኦሞዲደ፥ ባብሎነ አፌዳ፤ አናና ካታቶ አ ዳዮ፥ አ ማቻቱዋ፥ አ ኦሳንቻቱዋነ ቢታን ደእያ ዎልቃማ አሳ ኡባ አኪደ ቤዳ።\x - \xo 24:15 \xo*\xt ህዝ. 17:12\xt*\x* 
\v 16 ሄ አሳፐ ላፑን ሻአቱ ኦላንቻቱዋ፤ እት ሻአ አሳቱ ዱማ ዱማ ኩሽያ ሂላንቻቱዋ፤ ኡንቱንቱ ኡባይካ ምናነ ኦላ ኦለታናዉ ዳንዳይያዋንታ። እ ሄ ኡባቱዋ ባብሎና አፌዳ። 
\v 17 ሄዋፐ ጉይያን፥ ባብሎነ ካቲ ዮኣኪና ኮታን አ አዉዋ እሻ ማታንያ ካተዬዳ። አ ሱን ሰደቅያሳ ያጊደ ላሜዳ።\x - \xo 24:17 \xo*\xt ኤር. 37:1፤ ህዝ. 17:13\xt*\x*
\s1 ይሁዳ ካትያ ሰደቅያሳ
\r (2 ኦዱዋ 36:11-12፤ ኤር. 52:1-3)
\p
\v 18 ሰደቂያስ ካተትያ ዎደ፥ ላይይ አዉ ላታማነ እታ፤ የሩሳላመን እ ታማነ እት ላይ ካተቴዳ። አ ዳይ ሱንይ ሀሙጻሎ፤ እዛ ሊብና ካታማን ደእያ ኤርማሳ ናቶ።\x - \xo 24:18 \xo*\xt ኤር. 27:1-22፤ 28:1-17\xt*\x* 
\v 19 እዮኣቄም ኦዳዋዳን፥ ሰደቅያስካ መና ጎዳ ስንን ኢታባ ኦዳ። 
\v 20 መና ጎዳይ ሀንቀቴዳ ድራዉ፥ የሩሳላመ አሳ ቦላነ ይሁዳ አሳ ቦላ ሀዌ ሀኔዳ፤ ዉርሰን ኡንቱንታ እ ባረ ስንፐ ድጌዳ።
\p ሰደቅያስ ባብሎነ ካትያ ቦላ ማካሌዳ።\x - \xo 24:20 \xo*\xt ህዝ. 17:15\xt*\x*
\c 25
\s1 የሩሳላም ኩንደ
\r (25:1-30፤ 2 ኦዱዋ 36:13-21፤ ኤር. 52:3-11)
\p
\v 1 ሰደቅያስ ካተቴዳ ኡዱፑን ላይ፥ ታማን አግናን፥ ታማን ጋላስ፥ ባብሎነ ካቲ ናቡካዳናጾረ ባረ ኦላንቻቱዋ ኡባ አኪደ ዪደ፥ የሩሳላመ ዶዴዳ። አ ዩሹዋንካ ቢታ ኬላ ድረዳ።\x - \xo 25:1 \xo*\xt ኤር. 21:1-10፤ 34:1-5፤ ህዝ. 24:2\xt*\x* 
\v 2 ሰደቅያስ ካተቴዳ ታማነ እተንያ ላይ ጋካናዉ፥ ካታማይ ዶደቲደ ጋምኤዳ።
\p
\v 3 ሄዋ ጋሱዋን ቢታን ኮሻይ ሱልና፥ ሄ ላይ ኦይደን አግናን፥ ኡዱፑን ጋላሳን ሄ ጋድያ አሳዉ ምያባይ ዬዳ። 
\v 4 ያን ደእሽን ካታማ ዩሹዋ ግምቢ እት ባጋና ኮለቴዳ። ባብሎነ አሳይ ካታማ ዩይ አደ ናጎፐካ፥ ይሁዳ ካትያ ኦላንቻቱ ሙለ ኡባይ ቃማ ካትያ አታክልትያ ሳኣ አፍያ ኦግያ ኦይቂደ፥ ላኡ ድርሳ ግምበቱዋ እትፐ ጋያ ፐንግያና ከሲደ ባቃቴድኖ። ኡንቱንቱ አራባ ድልባኮ ስሚደ ቤድኖ፤\x - \xo 25:4 \xo*\xt ህዝ. 33:21\xt*\x* 
\v 5 ሽን ባብሎነ ኦላንቻቱ ካትያ የደርሲደ፥ ያርኮ ደምባ ጋደ ኦይቄድኖ። አ ኦላንቻቱ ኡባይ አፐ ሻከቲደ ላለቴድኖ። 
\v 6 ሄዋፐ ጉይያን፥ ኡንቱንቱ አ ርብላ ካታማን ደእያ ናቡካዳናጾራኮ አፌድኖ። ባብሎነ ካቲ ያን ሰደቅያሳ ቦላ ፕርዴዳ። 
\v 7 ሰደቅያሳ ናና ሰደቅያስ ጼልሽን ዎድኖ። ሄዋፐ ጉይያን፥ አ አይፈቱዋ ዎጭ ከሲደ፥ ሳንሳላታን አ ቃቼድኖ፤ ያቲደ ባብሎነ ጋድያ አኪደ አፌድኖ።\x - \xo 25:7 \xo*\xt ህዝ. 12:13\xt*\x*
\s1 ጌሻ ጎሊ ኮለቴዳ
\r (ኤር. 52:12-33)
\p
\v 8 ናቡካዳናጾረ ባብሎነን ካተቴዳ ታማነ ኡዱፑን ላይ፥ እቼሻን አግናን፥ ላፑን ጋላስ ካትያ ኦሳንቻቱዋፐ እቱ፥ ካትያ ናግያዋንቱ ካፑ ናቡዛራዳን የሩሳላመ ገሌዳ። 
\v 9 መና ጎዳ ጌሻ ጎልያ፥ ካትያ ጎልያነ የሩሳላመን ደእያ ጎልያ ኡባ ጹጌዳ፤ ዎልቃማ ጎልያ ግያ ጎልያ ኡባ ኤ ዉርሴዳ። 
\v 10 ባብሎነ ኦላንቻቱ ኡባይ ካትያ ናግያዋንቱ ካፑዋ አዛዙዋን የሩሳላመ ካታማ ዩሹዋን ደእያ ድርሳ ግምቢያ ኡባ ኮሌድኖ። 
\v 11 ናቡዛራዳን ካታማን አቴዳ አሳቱዋነ ይሁዳን አቴዳ አሳቱዋ፥ ካዲደ ባብሎነ ኦላንቻቱዋን ጋከቴዳ አሳቱዋናካ ኡባ ኦይቂደ፥ ኦሞዶ አፌዳ። 
\v 12 ሽን ናቡዛራዳን ዉርሰ ህዬሳቱዋፐ አማሬዳዋንታ ዎይንያ ቱራ ቶካናዳንነ ጋድያ ጎሻናዳን ይሁዳን አሼዳ።
\p
\v 13 ባብሎነ አሳቱ መና ጎዳ ጌሻ ጎልያን ደእያ ናሃስያፐ መዳ ቱሳቱዋ፥ ሚሻቱዋ ዎያ ጋረቱዋነ አባ ሳኒያ መንሬድኖ፤ ናሃስያ ኡባ ባብሎነ አፌድኖ።\x - \xo 25:13 \xo*\xt 1 ካታ. 7:15-26፤ 2 ኦዱዋ 3:15-17\xt*\x* 
\v 14 ሄዋዳንካ ቃይ ከረቱዋ፥ አካፋቱዋ፥ ጾምፕያ ሻሉዋ ጼራ ፕትያባቱዋ፥ ጭልፓቱዋነ ያርሽያ ዎደ ጎኤትያ ናሃስያ ሚሻቱዋ ኡባ አኪደ አፌድኖ።\x - \xo 25:14 \xo*\xt 1 ካታ. 7:45፤ 2 ኦዱዋ 4:16\xt*\x* 
\v 15 ካትያ ናግያዋንቱ ካፑ ናቡዛራዳን ሙሩታ ብራፐነ ሙሩታ ዎርቃፐ መቴዳ ታማ ካሽያ ሻታቱዋካ ኩይጻሮቱዋካ ኡባ አኪደ አፌዳ። 
\v 16 ካቲ ሶሎሞነ መና ጎዳ ጌሻ ጎልያን ኦሰትያባቶ መዳ ላኡ ቱሳቱ፥ አባ ሳኒነ ጋረቱ መቴዳ ናሃስያ ብራታይ ሚዛናን ልካናዉ ዳንዳየተናዋ ኬሻ ዳራ። 
\v 17 ላኡ ቱሳቱ እት ማላ ግዲደ፥ እቱዋ እቱዋ ጌሳይ ታማነ ሆስፑን ዋ፤ ቃይ እት እት ቱሳ ሁጲያን ደእያ ጉምቦቱ ሄዙ ዋ አዱሳ። ሄ ጉምቦቱዋ ዩሹ ናሃስያ ቃጽቃሎቱዋንነ ናሃስያፐ መዳ ሮማነ ጌተትያ ቴራ ምስለቱዋን አሌቀት ኡቴዳ።
\s1 ይሁዳ አሳይ ኦሞደቲደ ባብሎነ ቤዳ
\r (ኤር. 52:24-27)
\p
\v 18 ካትያ ናግያዋንቱ ካፑ ናቡዛራዳን ቄሳቱዋ ኡባቱዋ ካፑ ሳራያ፥ አፐ ካልያ ቄስያ ጻፋንያነ ፐንግያ ናግያ ሀራ ሄዙ አሳቱዋ ኦይቄዳ። 
\v 19 ቃይ ሄ ዎደ ጋካናዉ፥ ካታማን ደእያ አሳፐ ይሁዳ ኦላ ጋዳዋ፥ ካትያ ዞርያዋንቱፐ እቼሹ አሳቱዋ፥ ኦላ ጋዳዋ ጻፍያ፥ ሄዌነ ኦላንቻቱዋ አሳ ግዶፐ ቆሪደ ከስያዋነ ሀራ ኡሱፑን ታሙ ዎልቃማ አሳቱዋ አፌዳ። 
\v 20 ካፑ ናቡዛራዳን ኡንቱንቱ ኡባ አኪደ፥ ባብሎነ ካትያኮ ርብላ ካታማ አፌዳ። 
\v 21 ያን ርብላ ካታማን፥ ሀማታ ጋድያን ባብሎነ ካቲ ኡንቱንታ ኡባ ዎሴዳ። ሄዋዳን ሀኒደ፥ ይሁዳ አሳይ ባረ ጋድያፐ ኦሞደት ደንዲደ ቤዳ።
\s1 ገዳሊ ይሁዳ ሞዴዳ
\r (ኤር. 40:7-9፤ 41:1-3)
\p
\v 22 ሄዋፐ ጉይያን፥ ካቲ ናቡካዳናጾረ ሳፋና ናኣ ናኣ፥ አህቃማ ናኣ ገዳልያ፥ ባብሎነ ቤናን ይሁዳን አቴዳ አሳ ሞድያ ካፑዋ ኦደ ሱንዳ። 
\v 23 ኩሽያ እምቤና ይሁዳ ኦላ ጋዳዋቱነ ኦላንቻቱ ሄዋ ስሲደ፥ ምስጳን ደእያ ገዳልያን ቢደ ጋከቴድኖ። ሄ ጋዳዋቱ ናታንያ ናኣ እስማኤላ፥ ቃሬሀ ናኣ ዮሀናና፥ ናጾፋ ካታማፐ ዬዳ ታንሁሜታ ናኣ ሳራያነ ማእካፐ ዬዳ እት ብታንያ ናኣ ያዛንያ። 
\v 24 ገዳሊ ኡንቱንቶነ ኡንቱንቱ ኦላንቻቶ ጫቂደ፥ ሀዋዳን ያጌዳ፤ “ሀዋንቶ ባብሎነ ካፓቶ ያዮፕተ። ሀ ጋድያን ደእተ፤ ያቲደ ባብሎነ ካትያዉ ሞደትተ። ያቶፐ ሙለ ኡባባይ ህንተዉ ሎአ ግዳናዋ” ያጌዳ።
\p
\v 25 ሽን ላፑን አግናን ካትያ ዛርያ ግዴዳ ኤልሻማአ ናኣ ናታንያ ናአይ እስማኤለ ታሙ አሳና ምጽጳ ቢደ፥ ገዳልያነ አናና ደእያ ይሁዳ አሳነ ባብሎነ አሳ ኡባ ዎዳ። 
\v 26 ሄዋፐ ጉይያን፥ ባብሎነ አሳዉ ያዪደ፥ ይሁዳ አሳይ፥ ቄራይ ዎጋይ አተናን፥ ኦላ ጋዳዋቱዋናካ ኡባይ ግብጼ ጋድያ ባቃቴድኖ።\x - \xo 25:26 \xo*\xt ኤር. 43:5-7\xt*\x*
\s1 እኮንያነ ቃሹዋፐ ብለቴዳ
\r (ኤር. 52:31-34)
\p
\v 27 ኤዊል-ማሮዳክ ካተቴዳ ላይ ይሁዳ ካትያ እኮንያና ቃሹዋፐ ብሊደ ማሬዳ። ሄዌ ሀኔዳዌ እኮንያነ ኦሞደት ቃሸቲደ ቤዳ ሀታማነ ላፑን ላይ፥ ታማነ ላኤን አግናን፥ ላታማነ ላፑን ጋላሳና። 
\v 28 ኤዊል-ማሮዳክ እኮንያናና ማልኦ ቃላ ሃሳዪደ፥ ባብሎነን ኦሞዱዋን ደእያ ሀራ ካተቱዋ ኡባፐ አደ፥ አ ቦንቼዳ። 
\v 29 ሄዋ ድራዉ፥ እኮንያነ ቃሾ ጎለን ማዬዳ ማዩዋ ላሜዳ። እ አቴዳ ባረ ደኡዋ ላይ ኡባን ካትያ ማዳፐ ሜዳ። 
\v 30 ሀቼ ሀቼ አዉ ኮሽያዋ ኡባ ባብሎነ ካቲ እሜዳ።