\id 2JN - Dawuro Full Bible Ethiopic Version
\ide UTF-8
\h 2 ዮሃንሳ ኪታ
\toc1 ዮሃንስ ጻፌዳ ላኤን ኪታ
\toc2 2 ዮሃንሳ ኪታ
\toc3 2 ዮሃ.
\mt1 ዮሃንስ
\mt2 ጻፌዳ ላኤን ኪታ
\imt ገሉዋ
\ip ዮሃንሳ ላኤን ኪታ፥ የሱስ ኪቴዳ አማንያዋንታ ካለያ ጭማ ዮሃንስ ጻፌዳ። ጻፈቴዳዌካ፥ ዶረቴዳ ጌንዉነ እዝ ናናቱዋሳ። እዛካ ሄ ዎደ ደእያ አማንያ አሳ ሺቁዋ በሳዉ። ሀ ቃን ኪታይ ጻፈቴዳዌ ኡንቱንቱ እቱ እቱዋና ሲቀታናዳን ሀሳይሳናሳነ ዎርዶ አስታማራቱዋፐነ ኡንቱንቱ ትምርትያፐ ናገታናዳን ቆፍሳናሳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ 1-3
\io1 ሲቁ ኡባፐ ቦላ 4-6
\io1 ዎርዶ ትምርትያፐ ናገታናዳን ኦደቶዋ 7-11
\io1 ዉርሰ ቁትያ 12-13
\c 1
\p
\v 1-2 ታን አማንያዋንታ ካለያ ጭማይ፥ ህንተንቶ፥ ዶረቴዳ ገንዉነ እዝ ናናዉ\f + \fr 1-2 \fr*\fq ዶረቴዳ ገንዉነ እዝ ናናዉ፦ \fq*\ft ኦን ኤር ሀዌ ጻፈቴዳዌ፥ ዎሳ ጎለዉነ እዝን ደእያ ጎዳ ካልያ አማንያዋንቶ ግደናን አገና። 13 ጼልተ።\ft*\f* ሀ ዳብዳቢያ ጻፋይ፤ ኑ ግዶን ደእያ ቃይ ኑናና መናዉ ደአና ቱማተ ድራዉ፥ ታን ህንተና ቱሙ ሲቃይ። ቃይ ታ ጻላላ ግደናን፥ ቱማተ ኤርያ ኡባቱ ህንተና ሲቂኖ።
\p
\v 3 ጾሳ ኑ አዉዋነ አ ናኣ የሱስ ክርስቶሳ አ ኬካተይ፥ ማሮተይነ ሳሮተይ ቱማተንነ ሲቁዋን ኑናና እትፐ ግዶ።
\s1 ቱሙዋባነ ሲቁዋባ
\p
\v 4 ጾሳ አዉ ኑና አዛዜዳዋዳን፥ ነ ናናቱዋፐ አማሬዳዋንቱ፥ ቱማተን ደእያዋ በኣደ ታን ዳሮ ናሸታድ። 
\v 5 ሲቆ ገኔ፥ ሀእካ ኑን ኡባይ እቱ እቱዋና ሲቀታና ማላ፥ ታን ኔና ዎሳይ፤ ሀ አዛዙ ካሴደፐ ኑናና ደእያ አዛዙዋፐ አትን፥ ታን ነዉ ኦራ አዛዙዋ ጻፍከ።\x - \xo 5 \xo*\xt ዮሃ. 13:34፤ 15:12፣ 17\xt*\x* 
\v 6 ሲቁዋ ግያዌ ኑን ጾሳ አዛዙዋ ናጊደ ደእያዋ ግያዋ። ቃይ ኮይሩዋፐ ህንተ ስሴዳዋዳንካ፥ አ አዛዙ አዬ ጎፐ፥ ህንተ ኡባይ ሲቁዋን ደአናዋ።
\p
\v 7 አያዉ ጎፐ፥ የሱስ ክርስቶስ አሳ ግዲደ ዬዳዋ አማኖኮ ግያዋንቱ፥ ባለያ ዳሮ አሳቱ፥ ጋደ ግዶ ገሌድኖ። ሄዋ ማላ ኡራይ ኦንነ አሳ ባለያዋነ ክርስቶሳ ኤቀትያዋ። 
\v 8 ህንተ ኦዳዎ ኩመን ዎይታ አካናፐ አትን፥ ኑን\f + \fr 8 \fr*\fq ኑን፦ \fq*\ft እት እት ጌሻ ማጻፋ ብለይ፥ “ህንተንቱ” ያጌ።\ft*\f* ኦዳዋ ባይዘና ማላ፥ ህንተና ናግተ።
\p
\v 9 ክርስቶሳ ትምርትያፐ ሃክያ ኡራዉነ ቃይ አ ትምርትያን ደኤና ኡራዉ ጾሳና እትፐተይ ባዋ። ክርስቶሳ ትምርትያን ደእያ ኡራዉ ጾሳ አዉዋናነ አ ናኣና እትፐተይ ደኤ። 
\v 10 ኦንነ ህንተኮ ዪደ፥ ሀ ትምርትያ አሄናን አጎፐ፥ ህንተ ጎለ አ ገልሶፕተ፤ ሳሮካ ጎፕተ። 
\v 11 አያዉ ጎፐ፥ አ ሳሮ ግያ ኡራይ አ ኢታ ኦሱዋ አናና ግሸቴ።
\s1 ዉርሰ ሳሮታ
\p
\v 12 ታን ህንተንቶ ጻፋናዉ ኮዬዳ ዳሮባይ ደኤ፤ ሽን ዋራቃታንነ ቃላምያን ጻፋናዉ ኮያበይከ፤ ሽን ኑ ናሸቻይ ፖለታና ማላ፥ ህንተናና ዶናን ሃሳያናዉ ህንተኮ ባና ጋደ ቆፓይ።
\p
\v 13 ሲቆ ገኔ፥ ጾሳይ ዶሬዳ ነ ምቻት ናናይ ኔና ሳሮ ሳሮ ያጊኖ።