\id 1TI - Dawuro Full Bible Ethiopic Version
\ide UTF-8
\h 1 ጽሞቶሳ
\toc1 ጳዉሎስ ጽሞቶሳዉ ጻፌዳ ኮይሮ ኪታ
\toc2 1 ጽሞቶሳ
\toc3 1 ጽሞ.
\mt2 ጳዉሎስ
\mt1 ጽሞቶሳዉ
\mt2 ጻፌዳ ኮይሮ ኪታ
\imt ገሉዋ
\ip ጽሞቶሳ ጌተትያ፥ አማንያ ያላጋይ፥ ቄር ኢስያ ጌተትያ ሳኣን የለቴዳ። እ ባረ ዳይ ባጋና አይሁደ አሳ፤ ባረ አቡ ባጋና ቃይ ግሪከ አሳ። እ ጳዉሎሳና ኪታን እትፐ ዙፐትያ አሳ፤ ምሽራቹዋ ቃላ ኪታካ አናና ማደቲደ ኦያዋ። ጳዉሎስ ጽሞቶሳዉ ጻፌዳ ኮይሮ ኪታይ ሄዙ አይፈ የዋቱዋን ሻከቴ።
\ip ኡባፐ ካሰቲደ ሀ ኪታይ አማንያ አሳ ግዶን ደንዴዳ ዎርዶ ትምርትያባ ምንሲደ ኦዴ። ሀ እማ ግዴዳ ትምርቲ አይሁዳ አሳቱዋ ቆፋፐ ባጋነ ሀራ አሳቱዋ ቆፋፐ ባጋ ኦይቄዳዋ፤ “ሀዌ ቤትያ አላሚ ናጋራን ሀምባላቸት ድጌዳዋ ግድያ ድራዉ፥ አሳይ አቶተ ደማናዉ ዱማ ግዴዳ ጹራ ኤራተ ኤራናዉ፥ እት እት ቁማቱዋ ሜናን አጋናዉነ ማችያ አከናንነ አስና ገለናን ደአናዉ ኮሼ” ያግያ ቆፋ ባሶ ኦደ ኦይቄዳዋ። ሄዋ ቦላካ ጉጂደ አ ኪታይ አማንያ አሳ አይሱዋባነ ጎይኑዋ ዎጋባ ታማርስያ ትምርትያ፤ ሄዋዳንካ ቃይ አማንያ አሳ ካለያዋንቱነ ኡንቱንታ ማድያዋንቱ አይ ማላ ኤሻና ደእያዋንታ ግዳናዉ በስንቶ ኦድያባ ኦይቄዳ። ዉርሰን ጽሞቶስ የሱስ ክርስቶሳዉ ኦያ ሎኦ ኦሳንቻ ዋኒደ ግዳናዉ ዳንዳይንቶነ ቃይ ዱማ ዱማ አማንያ አሳ ማባራ ስንን አዉ ደእያ አዎተዉ፥ ጳዉሎስ አ ዞሬዳ ዞርያ በኤቶ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-2\ior*
\io1 አማንያ አሳባነ ኡንቱንቱ ግዶን ኦያ ጾሳ ኦሳንቻቱዋባ \ior 1:3—3:16\ior*
\io1 ጽሞቶሳዉ አ ኦሶ እመቴዳ ትምርትያ \ior 4:1—6:21\ior*
\c 1
\p
\v 1 ኑና አሽያ ጾሳይነ ኑን በአና ጊደ ናሸቻን ናግያ የሱስ ክርስቶስ አዛዜዳ አዛዙዋዳን፥ የሱስ ክርስቶስ ኪቴዳዋ ግዴዳ ታን ጳዉሎስ፥ 
\v 2 አማኑዋ ባጋና ታ ቱሙ ናአዉ፥ ጽሞቶሳዉ ሀ ዳብዳቢያ ጻፋይ።
\s1 ዎርዶ ትምርትያፐ ናገቱሳ
\p ጾሳ ኑ አዉዋፐነ ኑ ጎዳ ክርስቶሳ የሱሳፐ አ ኬካተይ፥ ማሮተይነ ሳሮተይ ነዉ ግዶ።
\p
\v 3 ታን ማቅዶንያ ባደ ነዉ ጌዳዋዳን፥ ኔን ኤፈሶነን ጋምአና ማላ ኮያድ። እት እት አሳቱ ዎርዱዋ ትምርትያ ታማርሲኖ፤ ሄዋንቱ ታማርሰና ማላ፥ አግተ ጋደ ኦዳ። 
\v 4 ኡንቱንቱ ቶሳ ኦድያዋነ ባረንቱ ዛርያ ጋይርያዋ አጋናዳን ኦዳ። አያዉ ጎፐ፥ ሄዋ ማላባይ ፓሉማ ካለ፤ ቃይ ጾሳ ቆፋ አማኑዋን ኤረትያዋ ኦክኖ። 
\v 5 ሀ አዛዞ ዋና ቆፋይ ጌሻ ዎዛናፐ፥ ሎኦ ሱረ ዎዛናፐ፥ አሳይ በኦ ግያባይ ባይና አማኑዋፐ ቤትያ ሲቁዋ ደንናሳ። 
\v 6 እት እት አሳቱ ሀዋ አጊደ፥ ማደና ሃሳያኮ ስሜድኖ። 
\v 7 ኡንቱንቱ አያ ሃሳይንቶነ ዎይ ባረንቱን አማነቲደ ኦድያባይ አየንቶ ኤርክኖ፤ ሽን ጾሳ ህግያ ታማርስያዋንታ ግዳናዉ ኮዪኖ።
\p
\v 8 አሳይ በስያዋዳን ህግያን ጎኤቶፐ፥ ህጊ ሎአ ግድያዋ ኑን ኤሬቶ። 
\v 9 እትባ አኬካናዉ ኮሼ። ህጊ ሎኦ አሳዉ መትቤና። ሽን ህግያ መንያዋንቶ፥ አዛዘተናዋንቶ፥ ማካላንቻቶ፥ ናጋራንቻቶ፥ ጌሻተይ ባይናዋንቶ፥ ቱናቶ፥ ባረንቱ ዳዮ ዎይ አባ ዎያዋንቶ፥ ሸምፑዋ ዎያዋንቶ፥ 
\v 10 ዎሹማናዉ ካጄልያዋንቶ፥ አቱማ አሳይ አቱማ አሳና ዎሹምያዋንቶ፥ አሳ ዛልእያዋንቶ፥ ዎርዳንቻቶነ ዎርዱዋን ጫቂያዋንቶ፥ ዎይ ቱሙ ትምርትያና ጋከተና አይ ኦሱዋ ግድናካ ኦያዋንቶ ከሴዳ። 
\v 11 ሄ ቱሞ ትምርቲ አንጀቴዳ ጾሳይ ታን አዋያና ማላ፥ ታዉ ሀዳራ እሜዳ ቦንቾ ዎንጋላ ግዱዋን ደኤ።
\s1 ጳዉሎስ ጾሳዉ ሺሼዳ ጋላታ
\p
\v 12 ታን ኦያ ኪታን ታዉ ዎልቃ እሜዳ ኑ ጎዳ ክርስቶሳ የሱሳ ጋላታይ። ታና ባረ ኦሳንቻ ሱንደ፥ ታና ሄ ኦሶ በስያ አማነቶዋ ጊደ ፓይዴዳ ድራዉካ አ ጋላታይ። 
\v 13 ታን ሀዋፐ ካሰ አ ቦርያዋ፥ አ የደርስያዋነ ቱጋይያዋ ግዶፐነ፥ ታዉ ሀዋ እ ኦዳ። ሽን ታን ኤረናን ኦዳ ድራዉነ አማናቤና ድራዉ፥ ጾሳይ ታና ማሬዳ። 
\v 14 ቃይ ኑ ጎዳይ ዛዋይ ባይና ባረ አ ኬካተ ታ ቦላን ጉሲደ፥ ክርስቶሳ የሱሳ ባጋና ኑባ ግዴዳ አማኑዋነ ሲቁዋ ታዉ እሜዳ።
\p
\v 15 ክርስቶሳ የሱስ ናጋራንቻቱዋ አሻናዉ ሀ ሳኣ ዬዳ ግያ ሃሳያይ አማነቴዳዋነ አሳይ ኡባይ ቱማ ጊደ አካናዉ በስያዋ። ኡባፐ አያ ናጋራንቻይ ታና። 
\v 16 ሽን መና ደኡዋ አካናዉ አን አማናናዉ በስያ አሳዉ ታን ሌምሱዋ ግዳናዳን፥ ኡባፐ አያ ናጋራንቻዉ ታዉ የሱስ ክርስቶሳ ዳሮ ዳንዳያዳን፥ ጾሳይ ታና ማሬዳ። 
\v 17 አይፍያን ቤተና መና ጾሳዉ እቶ፥ መና ካተዉ፥ መናፐ መና ጋካናዉ ጋላታይነ ቦንቹ ግዶ። አመንእ!
\p
\v 18 ታ ናኣ ጽሞቶሳ፥ ካሰ ነባ ትምቢትያ ኦዴዳዋዳን፥ ሄ ኦዴዳዋዳን ሎኦ ኦላ ኔን ኦለታና ማላ፥ ሀ አዛዙዋ ነዉ ሀዳራ እማይ። 
\v 19 አማኑነ ሎኦ ሱረ ዎዛናይ ነዉ ደኦ። እቱ እቱ ባረንቱ ሱረ ዎዛና የግ አጊደ፥ ላግያዌ ባይና ማርካቢ ባይያዋዳን፥ ባረንቱ አማኑዋ ባይዜድኖ። 
\v 20 ጾሳ ቦርያዋ አጋና ማላ፥ ሄዋ ታማራናዉ ታን ሴጻናዉ አ እሜዳ ሄመነዮስነ እስክንድር ኡንቱንቱ ግዶን ደኢኖ።
\c 2
\s1 ዎሳ ጎልያ ዎሳ
\p
\v 1-2 ኑን ጾሳ ማላትያዋን፥ ጌሻተ ኡባን፥ ሳሮተንነ አሽከተን ደአና ማላ፥ አሳ ኡባዉ፥ ካተቶነ ሱንተይ ደእያ ኡባቶ፥ ጾሳ ኦቻናዉ፥ ዎሳናዉ፥ ጋናታናዉነ ጋላታናዉ በስያዋ ኡባባፐ ካሰታደ ታን ኔና ኤርሳይ። 
\v 3-4 አሳይ ኡባይ አታናዳንነ ቱማተ ኤራናዳን ኮይያ ኑና አሽያ ጾሳ ስንን ሀዌ ሎእያባነ ናሸችያዋ። 
\v 5 አያዉ ጎፐ፥ እት ጾሳይ ደኤ፤ ጾሳፐነ አሳፐ ግዱዋን ግዲደ ጋናትያ እቱ ደኤ። ሄዌካ ክርስቶስ የሱሳ ግያ አሳ። 
\v 6 እ አሳ ኡባ ዎዛናዉ ባረና ኡባዉ እሜዳ። ጾሳይ ባረ ዎድያን አሳ ኡባ ዎዛናዉ ኮይያዋ በስያ ማርካይ ሀዋ። 
\v 7 ታን ጾሳ ቃላ ኦድያዋ፥ የሱስ ኪቴዳዋነ ቃይ አማኑዋንነ ቱማተን አይሁዳ ግደና አሳ ታማርስያዋ ግዳደ ሱንቴዳዌ ሀዋሳ። ታን ዎርዶትከ፤ ቱሙዋ ሃሳያይ።
\p
\v 8 ሄዋ ድራዉ፥ ኡባ ሳን ደእያ አቱማ አሳይ ሀንቁነ ፓሉሚ ባይናን፥ ባረ ጌሻ ኩሽያ ፑደ ደንደ፥ ጾሳ ዎሳናዳን፥ ታን ኮያይ።
\p
\v 9-10 ሄዋዳን ቃይ ማጫዋንቱካ በስያ ማዩዋ ያሻተንነ ባረንታ ሞድያዋን ማይኖ። ጾሳዉ ያያይ ግያ ማጫ አሳ በስያዋዳን፥ ሎኦባ ኦያዋናፐ አትን፥ ሁጲያ ሹሩባ ዳድያዋን፥ ዎርቃን ዎይ እንቁዋን፥ ዎይ ዳሮ አልኦ አፍላን ባረና አሌቂሶፕኖ።
\p
\v 11 ማጫዉና ኡባባን ሞደታደ፥ ጮኡ ጋደ ታማሩ። 
\v 12 ታን ማጫዉና ጮኡ ጋደ ደኡ ጋይፐ አትን፥ አቱማ አሳ ታማርሱነ ዎይ ኡንቱንቱ ቦላ አዎቱ ጊከ። 
\v 13 አያዉ ጎፐ፥ አዳም ኮይሮ መቴዳ፤ ሄዋና ጉየፐ መታዱ።\x - \xo 2:13 \xo*\xt ዶመ 2:7፣ 21-22\xt*\x* 
\v 14 ሄዋና ጭመታደ ጾሳ ህግያ መንዱፐ አትን፥ አዳም ጭመትቤና።\x - \xo 2:14 \xo*\xt ዶመ 3:1-6\xt*\x* 
\v 15 ሽን ማጫዉና አማኑዋን፥ ሲቁዋን፥ ጌሻተንነ ባረና ሞዳደ ደኦፐ፥ ናና የልያዋን አታና።\f + \fr 2:15 \fr*\fq ናና የልያዋን አታና፦ \fq*\ft ናና የልያዋን ናገታ ደአና ጉሳ።\ft*\f*
\c 3
\s1 ዎሳ ጎልያ ካለያዋንታ
\p
\v 1 ኦንነ ዎሳ ጎልያ ካለያዋ ግዳናዉ ኮዮፐ፥ ሎኦባ አሞቴዳ ግያ ሃሳያይ ቱማ። 
\v 2 ዎሳ ጎልያ ካለያ ኡራይ ቦርሰናዋ፥ እት ማቻት ጻላላይ ደእያዋ፥ ባረና ሞድያዋ፥ ባረና ናግያዋ፥ ባረዉ በስያዋ ኦያዋ፥ እማ ሞክያዋ፥ ታማርሳናዉ ዳንዳይያዋ፥\x - \xo 3:2-7 \xo*\xt ቲቶ 1:6-9\xt*\x* 
\v 3 ማተናዋ፥ አሽከተፐ አትን ዋላቀተናዋ፥ ፓሉመተናዋ፥ ሻሉዋ ሲቀናዋ፥ 
\v 4 ናናይ አዉ አዛዘትያዋነ ቦንችያዋ፥ ቃይ ባረ ጎልያ አይሳናዉ ዳንዳይያዋ ግዳናዉ በሴ። 
\v 5 አያዉ ጎፐ፥ እት ኡራይ ባረ ጎልያ አይሳናዉ ዳንዳየናዋ ግዶፐ፥ ጾሳ አማንያዋንታ ዎት አይሳናዉ ዳንዳዪ?
\p
\v 6 ኦቶሩዋን ሱገቲድ፥ ጻላህያ ካፑ ጾሳ ፕርዳን ኩንዴዳዋዳን ኩንደና ማላ፥ ኦራ አማኔዳ አሳ ግዳናዉ በሰና። 
\v 7 ጻላህያ ካፑዋ ቦርያንነ ጲርያን ገለና ማላ፥ ሄ ኡራይ ዎሳ ጎልያፐ ካረና ደእያ አሳን ናሸትያዋ ግዳናዉ በሴ።
\s1 ዎሳ ጎለን ማድያዋንቱባ
\p
\v 8 ሄዋዳን ቃይ ዎሳ ጎልያ ማድያዋንቱ አሳይ ቦንችያዋንታ፥ ላኡ ዶና ሃሳየናዋንታ፥ ዳሮ ዎይንያ ኤሳ ኡሸናዋንታ፥ ሚሻዉ ያረተናዋንታ፥ 
\v 9 አማኑዋ ጹራ ጌሻ ዎዛና ቆፋን ናግያዋንታ ግዳናዉ በሴ። 
\v 10 ሄዋንቱ ካሰቲደ ፓጨታናዉ ኮሼ። ፓጭያ አዋፐ ጉይያን፥ ዎሳ ጎለን ኦያዋንታ ግዲደ ኦኖ።
\p
\v 11 ሄዋዳንካ ቃይ ኡንቱንቱ ማቻቱ አሳይ ቦንችያዋንታ፥ ዝግረናዋንታ፥ ባረና ሞድያዋንታ፥ ኡባባን አማነትያዋንታ ግዳናዉ በሴ።
\p
\v 12 ዎሳ ጎልያ ማድያዌ እት ማቻት ጻላላይ ደእያዋነ ቃይ ባረ ናናነ ባረ ጎልያ ሎይ አይስያዋ ግዳናዉ በሴ። 
\v 13 አያዉ ጎፐ፥ ዎሳ ጎልያ ማድያዋንታ ግዲደ፥ ሎኦ ኦሱዋ ኦያዋንቱ ባረንቱ ሁጰዉ ዎልቃማ ቦንቹዋ ደሚኖ፤ ቃይ ክርስቶሳ የሱሳን ባረንቶ ደእያ አማኑዋ ሎይ ጻሊደ ሃሳያናዉ ዳንዳዪኖ።
\s1 ዎልቃማ ጹራ
\p
\v 14 ታን ኔኮ ኤለካ ባና ጋደ ሀዋ ነዉ ጻፋይ። 
\v 15 ሽን ታን ቤናን ጋምኦፐ፥ ጾሳ ጎለን ኔን ዎታ ደአናዉ በስንቶ ኤራና ማላ ጻፋይ። ሄ ጎሊ ቱማተዉ ቱሳነ ባሶ ግድያ ደኡዋ ጾሳ ዎሳ ጎልያ። 
\v 16 ኑ አማኑዋ ጹራይ ዎልቃማ ግድያዋ ኦንነ ስናዉ ዳንዳየና።
\q1 ክርስቶስ አሹዋን ቆንጬዳ፤
\q2 እ ጽሉዋ ግድያዋ ጌሻ አያናይ ማርካቴዳ።
\q1 ኪታንቻቱካ አ በኤድኖ፤
\q2 አይሁዳ ግደና አሳይ አባ ኦድና ስሴዳ።
\q1 ሳኣን ደእያ አሳይ አ አማኔዳ፤
\q2 ቦንቹዋን እ ሳሉዋ ቤዳ።
\c 4
\s1 ዎርዶ አስታማራቱዋ
\p
\v 1 እት እት አሳይ ዉርሰ ዎድያን አማኑዋ አጋናዋ ጌሻ አያናይ ቆንጭያን ኦዴዳ። ኡንቱንቱ ዎርዶ አያናቶ አዛዘታና፤ ቃይ ጻላሀቱዋ ትምርትያ ካላና። 
\v 2 ሀዋ ማላ ትምርቲ፥ ትላ ዎዛና ታማን ቦንቄዳ ብራታን ጉዴዳዋዳን ዶንጭሌዳ ዎርዶ አሳቱዋ ባጋና ዬዳ።
\p
\v 3 ሀዋንቱ ማላ አሳቱ አክያዋነ ገልያዋ ቃይ እት እት ቆሞ ካ ምያዋ ድጊኖ። ሽን አማንያዋንቱነ ቱማተ ኤርያዋንቱ ጾሳ ጋላቴዳዋፐ ጉይያን ማና ማላ፥ ጾሳይ ካ መዳ። 
\v 4 አያዉ ጎፐ፥ ጾሳይ መዳባይ ኡባባይካ ሎአ። ጾሳ ጋላቲደ አኮፐ፥ ኦለትያዌ አያይነ ባዋ። 
\v 5 አያዉ ጎፐ፥ ሄ ኡባባይ ጾሳ ቃላንነ ዎሳን አንጀቴዳዋ።
\s1 ክርስቶሳዉ ሎኦ ኦሳንቻ ግድያዋ
\p
\v 6 ሄዋ ድራዉ፥ ኔን እሻቱዋ ሄዋ ሀሳይስያዋ ግዶፐ፥ አማኑዋነ ኔን ካሌዳ ሎኦ ትምርትያ ቃላን ኤቆፐ ኔን ክርስቶስ የሱሳዉ ሎኦ ኦሳንቻ ግዳናሳ። 
\v 7 ሽን አማንያ አሳዉ ሎኤና ሃሳያፐነ ቃይ ጭማ ማጫ አሳ ቶሳፐ ባቃታ። ቃይ ጾሳ ማላትያዋን ኔና ሎህሳ። 
\v 8 አያዉ ጎፐ፥ አሳይ ባረ ቦላ ምንስያዌ ላፋ ጎኤ። ሽን ጾሳ ማላትያዋን ሎህስያዌ ሀእካ ስንፐካ ደኡዋ እማና ግያ ድራዉ፥ ኡባባዉካ ጎኤ። 
\v 9 ሀ ሃሳያይ አሳይ ኡባይ አካናዉ በስያ ቱሙ ሃሳያ። 
\v 10 ኑን ሄዋ ደማናዉ ዳቡሬቶነ ሎይ ኦቶ፤ ሄዎ ኑን ህዶታ ዎዳዌ አሳ ኡባ፥ ኡባፐ አደ፥ አማንያዋንታ አሽያ ደኡዋ ጾሳ።
\p
\v 11 ሀዋ አዛዛነ ታማርሳ። 
\v 12 ኔን ያላጋ ግድያ ድራዉ፥ ኔና ኦንነ ካፖ። ሽን አማንያዋንቶ ነ ሃሳያን፥ ሀኖተን፥ ሲቁዋን፥ አማኑዋንነ ጌሻተን ሌምሱዋ ግዳ። 
\v 13 ታን ያና ጋካናዉ አሳዉ ጾሳ ማጻፋ ናባብያዋን፥ ጾሳ ቃላ ኦድያዋንነ ታማርስያዋን ምና። 
\v 14 ትምቢትያ ኦድያዋንቱ ሃሳይናነ ጭማቱ ባረንቱ ኩሽያ ነ ቦላ ዎና፥ ኔን አኬዳ፥ ኔናን ደእያ ጌሻ አያና እሙዋ ቶቾፓ።
\p
\v 15 ነ ድቻይ አሳ ኡባዉ ቆንጫና ማላ፥ ሄዋ ምንሳ ቆፓ። ሀዋ ኡባ ዎደ ኦ። 
\v 16 ነ ሁጲያነ ነ ትምርትያ ናጋ። ኔን ሄዋ ኦፐ፥ ኔናነ ኔን ግያዋ ስስያዋንታ አሽያ ድራዉ፥ አገናን ኦ።
\c 5
\s1 አምኤቱዋ ዞሬዳ ዞርያ
\p
\v 1 ጭማ አሳ ነ አባ ቦንችያዋዳን ቦንቻፐ አትን፥ ቶቾፓ። ያላጋቱዋ ነ እሻዳን፥ 
\v 2 ቃይ ጭማ ማጫ አሳ ነ አቲዳን፥ ያላጋ ማጫ አሳ ነ ምቻቲዳን፥ ኩመን ጌሻተን ቦንቻ።
\p
\v 3 ባረ ጻላላ ግዴዳ ቱሙ አምኤቱዋ ቦንቻ። 
\v 4 ሽን አምአትዉ ናናይ ዎይ ናና ናናይ ደኦፐ፥ ሄ ናናይ ጾሳ ማላትያዋ ባረንቱ ሶይ አሳ በስያዋንነ ቃይ ሄዋ ኦያዋን ባረንታ የሌዳዋንቱ ኩሽያ ዛርያዋ ታማርኖ። አያዉ ጎፐ፥ ሄዌ ጾሳ ናሸችያዋ።
\p
\v 5 አያ ማዱካ ባይና ባረ ደእያ ቱሙ አምአታ ጾሳይ እማና ጋደ ናሸቻን ናጋ ኡታዱ። ቃይ ጋላስነ ቃማ ጾሳይ እዞ ማዳና ማላ፥ ዎሳዉነ ኦቻዉ። 
\v 6 ሽን ባረና እሻልስያ አምአታ ፓጻ ደኦፐካ፥ እዛ ሀይቃድጋዱ። 
\v 7 ቃይ ኦንነ ኡንቱንታ ቦረና ማላ፥ ሀ አዛዙዋ እማ። 
\v 8 ሽን ባረንቱዎ ቃይ ኡባፐ አደ፥ ባረ ሶይ አሳዉ ቆፐና ኡራይ ኦናነ ግዶፐ፥ ሄዌ ባረ አማኑዋ ካዴዳዋ። አማነና አሳፐካ አደ አዉ ኢታ።
\p
\v 9 ኡሱፑን ታሙ ላይይ ኩምቤና አምአት ሱን ማዝጎብያን ጻፎፓ። ሄዋ ቦላን ቃይ እዛ እት አስናፐ ሀራ ገላቤናዉኖ ግዳናዉ ኮሼ። 
\v 10 ናና ድችያዋን፥ እማ ሞክያዋን፥ ጌሻቱዋ ገድያ ሜጭያዋን፥ ዋየቴዳ አሳ ማድያዋን፥ ሎኦ ኦሱዋ ኡባ ካልያዋን፥ ሀ ሎኦ ኪታ ኪተትያዋን ኤረቴዳዉኖ ግዳናዉ በሴ።
\p
\v 11 ሽን ያላጋ አምኤቱዋ የኮንቱ ሱንና ጋ ጻፎፓ። አያዉ ጎፐ፥ ኡንቱንቱ ባረንታ፥ አስና ገላ ገላ ግያ ዎደ፥ ክርስቶሳ አጋናዋንታ። 
\v 12 ኮይሮ አማኑዋ ካዳ ድራዉ፥ ኡንቱንቱ ፕርደታና። 
\v 13 ሄዌ ባይናን ኦሱዋ ዪደ እት ጎልያፐ ሀራ ጎልያ ዩዪደ፥ ሀመትያዋ ሳላላ ግደናን፥ ባረንቶ በሰናባ ሃሳዪደ፥ ዝግርሳነ የዉዋን ጮ ገልያዋ ታማሪኖ። 
\v 14 ሄዋ ድራዉ፥ ኑ ሞርከቱ ኑ ቦላ ሃሳይያ ኢታባ ደመና ማላ፥ ያላጋ አምአቱ አስና ገሊደ፥ ናኣ የሊደ፥ ባረንቱ ጎልያ አይሳና ማላ ዞራይ። 
\v 15 አያዉ ጎፐ፥ ሀዋፐ ካሰ አማሬዳ አምአቱ ሴጻና ካላናዉ አጊደ ጉየ ስሜድኖ።
\p
\v 16 አማንያ ምሽራትዉ ሀቃንካ ዳቦ አምአቱ ደኦፐ፥ እዛ ኡንቱንታ ማዳናዉ በሴ። አማንያ አሳቱ ማዱ በስያ ቱሙ አምኤቱዋ ማዳና ማላ፥ ኡንቱንቱ አማንያዋንቶ ቶኮ ግዶፕኖ።
\p
\v 17 ሎይ ሄምያ ጭማቱ፥ ቃይ ኡባፐ አደ፥ ቃላ ኦድያዋንነ ታማርስያዋን ዳቡርያዋንቱ፥ ዳኮ ቦንቹዋ አካናዉ በሲኖ። 
\v 18 አያዉ ጎፐ፥ ጾሳ ማጻፋይ፥ “ኡዱማን ካ የያ ቦራ ዶና ቃቾፓ” ቃይ፥ “ኦሳንቻይ ባረ ድርጉዋ አካናዉ በሴ” ያጌ።\x - \xo 5:18 \xo*\xt ዛረ. 25:4፤ ማቶሳ 10:10፤ ሉቃሳ 10:7\xt*\x*
\p
\v 19 ላኡ ዎይ ሄዙ ማርካይ ባይናን፥ ዎሳ ጎልያ ጭማ ሞትያዋ ስሶፓ።\x - \xo 5:19 \xo*\xt ዛረ. 17:6፤ 19:15\xt*\x* 
\v 20 ሀራቱ ያያና ማላ፥ ናጋራ ኦያ ኡባቱዋ አሳ ኡባ ስንን ሴራ።
\p
\v 21 ኔን አይነ አሳ ዴሙዋ ጼለናን፥ እቱዋ እቱዋፐ ዱማየናን ሀ አዛዙዋ ናጋና ማላ፥ ጾሳንነ የሱስ ክርስቶሳን ዶረቴዳ ኪታንቻቱዋ ስንን ኔና ታን ዞራይ። 
\v 22 ኦ ቦላንነ ኤሌላደ ነ ኩሽያ ዎፓ። ሀራቱዋ ናጋራን ገሎፓ። ኔና ጌሻተን ናጋ።
\p
\v 23 ኔን ኡባ ዎደ ሳከትያ ድራዉነ ነ ኡሉዋ ድራዉ፥ ጉ ዎይንያ ኤሳ ኡሻፐ አትን፥ ሃ ጻላላ ኡሾፓ።
\p
\v 24 እት እት አሳቱዋ ናጋራይ በአናዉ ቆንጨ፤ ኡንቱንቱ ናጋራይ ኡንቱንታ ፕርዳናዉ ኡንቱንቱፐ ስንዉ አ። ሽን ሀራቱ ናጋራይ ጉየፐ ቆንጬ። 
\v 25 ሄዋዳንካ፥ ሎኦ ኦሱካ ቆንጬ። ቆንጭቤናባ ግዶፐነ፥ ጌማናዉ ዳንዳየና።
\c 6
\s1 አይለቶ እመቴዳ ዞርያ
\p
\v 1 ጾሳ ሱንይነ ኑ ትምርቲ ቦረተና ማላ፥ አይለተ ሞርገ ም ግዶን ደእያዋንቱ ባረና ሞድያ ጎዳቶ ቦንቹ በስያዋ ኤርኖ። 
\v 2 አማንያ አሳ አይልያ ግዴዳዋንቶ ኡንቱንቱ ጎዳቱ ኡንቱንቶ እሻ ግድያ ድራዉ፥ ኡንቱንታ ካፕኖ። ሽን ባረንቱ ኪታን ጎኤትያዋንቱ ኡንቱንቱ ሲቅያ አማንያዋንታ ግድያ ድራዉ፥ ኡንቱንቱ ካሰዋፐ አደ ኦናዉ በሴ።
\s1 ዎርዶ ትምርትያነ ቱሙ ዱረተ
\p ኔን ሀ የዋቱዋ ታማርሳናዉነ ኦዳናዉ በሴ። 
\v 3-4 ኦንነ ዱማ ትምርትያ ታማርስያዋ ግዶፐ፥ ቃይ ኑ ጎዳ የሱስ ክርስቶሳ ቱሙ ቃላናነ ኑ አማኑዋ ትምርትያና ጋከተና ኡራይ ዳሮ ኦቶረቴ፤ አይነ ኤረና። ቃይ ቃላ ቦላን ፓሉመታናዉነ ዋላቀታናዉ ኡንቱንቶ ጊገና ቆፋይ ደኤ። ሄዌ ቃናትያ፥ ፓሉማ፥ ቦርያ፥ ኢታ ስያ ካለ። 
\v 5 ቃይ ኡንቱንቱ ሁጲ ኦና። ቱማተይ ባይና አሳቱዋናካ ፓሉማ ካለ። ኡንቱንቱ ጾሳ ማላትያዋን ዱረታና ጊደ ቆፒኖ። ኔን ሄ አሳቱዋፐ ሻከታ።
\p
\v 6 ሽን ታዉ ደእያባይ ታዉ ግዳና ግያ ኡራ ጾሳ ማላትያዌ ዱረዬ። 
\v 7 አያዉ ጎፐ፥ ኑን ሀ አላምያ አይነ አህበይኮ፤ ቃይ አፐ አይነ አፎኮ። 
\v 8 ሽን ምያባይነ ማይያባይ ደኦፐ፥ ሄዌ ኑዉ ግዳናዋ። 
\v 9 ሽን ዱረታናዉ ኮይያዋንቱ ፓጭያንነ ጲርያን ገሊኖ፤ ቃይ ዳሮ አሳ ባሻዉነ ዮ ጎች አፍያ ዳሮ ኤያነ ቆህያ አሙዋን ኩንዲኖ። 
\v 10 አያዉ ጎፐ፥ ሻሉዋ ሲቅያዌ ኢታተ ኡባዉ ፑልቱዋ። እቱ እቱ ሄዋ አሞቲደ፥ አማኑዋፐ ባለቲደ፥ ዳሮ መቱዋን ባረንታ ቆሄድኖ።
\s1 ጳዉሎስ ጽሞቶሳ ዞሬዳ ዞርያነ አዛዜዳ አዛዙዋ
\p
\v 11 ሽን ኔኖ፥ ጾሳ አሳዉ፥ ሄዋፐ ባቃታ። ጽሎተ፥ ጾሳ ማላትያዋ፥ አማኑዋ፥ ሲቁዋ፥ ዳንዳያነ አሽከተ ካላ። 
\v 12 አማኑዋ ባጽያ ሎይ ባጸታ። ዳሮ አሳ ስንን ሎኦ ማርካ ማርካታደ፥ ኔና ጾሳይ ጼሴዳ መና ደኡዋ ኦይቃ። 
\v 13 ኡባባዉ ደኡዋ እምያ ጾሳ ስንንነ፥ ቃይ ጰንጼናውያ ጵላጾሳ ጌተትያ ጋድያ ሞድያዋ ስንን ሎኦ ማርካ ማርካቴዳ ክርስቶስ የሱሳ ስንን ታን ኔና ሀዋ አዛዛይ።\x - \xo 6:13 \xo*\xt ዮሃ. 18:37\xt*\x* 
\v 14 ኑ ጎዳ የሱስ ክርስቶስ ቆንጫና ጋካናዉ፥ ቅታይ ባይናንነ ቦሪ ባይናን ሄ አዛዙዋ ናጋ። 
\v 15 አ ቆንጨ፥ እት ሱንይ ደእያ አንጀቴዳ ጾሳይ፥ ካታቱዋ ካቲ፥ ጎዳቱዋ ጎዳይ፥ ባረ በስያ ዎድያን በሳና። 
\v 16 ሀይቀናዌ እት አ ጻላላ። ኦንነ አኮ ሺቃናዉ ዳንዳየና ፖኡዋን ደኤ። ኦንነ አ በእቤና፤ ቃይ በአናዉካ ዳንዳየና። ቦንቹነ መና ዎልቃይ አዉ ግዶ። አመንእ።
\p
\v 17 ሀእ ሀ ዎድያን ዱረ ግድያዋንቱ ኦቶረተናዳንነ ቃይ ኑን ናሸታናዳን፥ ኡባባ ፓላህሲደ ኑዉ እምያ ደኡዋ ጾሳን አማነታናዋፐ አትን፥ አያ ዱረተን ኡንቱንቱ አማነተናዳን፥ ኡንቱንታ አዛዛ። 
\v 18 ኡንቱንቱ ሎኦባ ኦናዳን፥ ሎኦ ኪታን ዱረታናዳን፥ ኬክያዋንታነ ሀራቱዋና ሻክ አክያዋንታ ግዳናዳን አዛዛ። 
\v 19 ሄዋ ያትያዋን ኡንቱንቱ ስንዉ ባረንቶ ምኖ ባሶ ግድያ ሻሉዋ ባረንቶ ሺሽኖ። ሄዋፐ ጉይያን፥ ኡንቱንቱ ቱሙ ደኡዋ አካና።
\p
\v 20 ጽሞቶሳ፥ እት እት አሳይ ባላን ኤራተ ግያ ኤያ ፓሉምያፐነ መላ ሃሳያፐ ባቃታደ፥ ነዉ እመቴዳ ሀዳራ ናጋ። 
\v 21 አያዉ ጎፐ፥ እቱ እቱ ኑዉ ኤራተይ ደኤ ያጊደ፥ አማኑዋ ባሌድኖ።
\p ጾሳ አ ኬካተይ ህንተናና ኡባና ግዶ።