\id 1TH - Dawuro Full Bible Ethiopic Version
\ide UTF-8
\h 1 ተሰሎንቀ
\toc1 ጳዉሎስ ተሰሎንቀ አሳዉ ጻፌዳ ኮይሮ ኪታ
\toc2 1 ተሰሎንቀ
\toc3 1 ተስ.
\mt2 ጳዉሎስ
\mt1 ተሰሎንቀ አሳዉ
\mt2 ጻፌዳ ኮይሮ ኪታ
\imt ገሉዋ
\ip ተሰሎንቀ ማቅዶንያ ጌተትያ ሮማ ቢታዉ ዋና ካታማቶ። ጳዉሎስ ተሰሎንቀን አማንያዋንቶ ሺሼዳዌ፥ ፕልጵስዮሳ ቢታ የግ ቤዳዋፐ ጉይያና። ግዶፐ አትሽን፥ አይሁዳቱዋ አማኑዋ አካናዉ ማቴዳ አይሁዳ ግደና አሳቱ ጳዉሎስ ታማርስያ፥ አማኑዋ ትምርትያ ዶሴዳ ድራዉ (1:8-10)፥ አይሁዳቱ ጳዉሎሳ ቃናቲደ፥ ጳልቀ ደንድኖ። ሄዋ ድራዉ ጳዉሎስ ተሰሎንቀ የዲደ፥ ቤርያ ጌተትያ ጋድያ ቤዳ። ታኪደ እ ቆሮንቶሳ ጋኬዳ ዎደ፥ ማታን አ ማድያ ጽሞቶስ ተሰሎንቀ ቢደ ስሞዋፐ ጉይያን አማንያ አሳ ሀኖታ አዉ ቆንጭሲደ ኦዴዳ።
\ip ጳዉሎስ ኮይሮ ኪታ ተሰሎንቀ አሳዉ ጻፌዳዌ፥ አማንያዋንታ ምንሳናሳነ መንናሳ። እ ኡንቱንቱ አማኑዋባነ ሲቁዋባ ሎኦ ዎርያ ስሴዳ ድራዉ፥ ጾሳ ጋላቴ። ካሰ እ ኡንቱንቱ ግዶን ሄዙ ሳምንታ (ኪታ 17:1-9) ደኤዳ ዎደ፥ አይ ማላ ደኡዋ ደኤደንቶ ኡንቱንታ አኬክሴ። ሄዋፐ ጉየ ክርስቶሳ ላኤንዋ ዩሳ ጼሌዳዋን ደንዴዳ ኦሻቶ ዛሩዋ እሜ። ሄ ኦሻቱዋፐካ አማሬዳዋንቱ: “ክርስቶስ ሀ አላምያ ስማናፐ ካሰቲደ ሀይቄዳ አማንያ አሳይ፥ ክርስቶሳ ስማይ እምያ መና ደኡዋ ሻክ አካናዉ ዳንዳዪ? ክርስቶስ ስሚደ ያናዌ አዉዴ?” ያግያዋንታ። ጳዉሎስካ ሄ ጋከቴዳ ዎድያ ጎኤቲደ፥ “ክርስቶሳ ላኤንዋ ዩሳ ትምርትያ ህዶታን ናጊደ እ ያና ጋካናዉ ዎፑ ጊደ ህንተንቱ ኦሱዋ ኦተ” ያጊደ ኡንቱንታ ዞሬ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ 1:1
\io1 ጳዉሎሳ ናሸቻነ ጋላታ \ior 1:2—3:13\ior*
\io1 አማንያዋንቱ ደኡዋ ካለያ ኦግያ \ior 4:1-12\ior*
\io1 የሱሳ ላኤንዋ ዩሳ ትምርትያ \ior 4:13—5:11\ior*
\io1 ዉርሰ ማቁዋ \ior 5:12-22\ior*
\io1 ቁትያ \ior 5:23-28\ior*
\c 1
\p
\v 1 ኑን ጳዉሎስ፥ ስላሰነ ጽሞቶስ ተሰሎንቀን ደእያ አማንያ አሳቶ ሀ ዳብዳቢያ ጻፌቶ፤ ሄዋንቱ ጾሳ ኑ አቡዋንቶነ ጎዳ የሱስ ክርስቶሳዋንቶ፥ አ ኬካተይነ ሳሮተይ ግዶ።\x - \xo 1:1 \xo*\xt ኪታ 17:1\xt*\x*
\s1 ተሰሎንቀ አሳ ደኡዋነ አማኑዋ
\p
\v 2 ኑን ዎሳን ጾሳ ጋላቲደ፥ ኡባ ዎደ ህንተና ኡባቱዋ ሀሳዬቶ። 
\v 3 ኑን ኑ ጾሳ፥ ኑ አዉዋ ስንን አማኑዋን ህንተንቱ ኦዳ ኦሱዋነ፥ ሲቁዋን ህንተንቱ ዳቡሬዳ ዳቡራ፥ ቃይ ኑ ጎዳ የሱስ ክርስቶሳን ህንተዉ ደእያ ህዶታን ገንጭያ ገንጩዋ ኡባ ዎደ ሀሳዬቶ።
\p
\v 4 ኑናዳን ጾሳ ካልያዋንቶ፥ ጾሳይ ህንተና ሲቅያዋነ ህንተና ባረዉ ናና ኦናዉ ዶሬዳዋ ኑን ኤሬቶ። 
\v 5 አያዉ ጎፐ፥ ኑን ዎንጋላ፥ ዎልቃን፥ ጌሻ አያናንነ ሄ ዎንገሊ ቱማ ግዴዳዋ ዉርስ አማንያዋን ህንተንቶ አሄዳዋፐ አትን፥ አሳ ቃላ ጻላላን አህበይኮ። ኑን ህንተናና ደእያ ዎደ፥ ህንተንቱ ድራዉ ዋን ደኤደንቶ፥ ህንተንቱ ኤሪታ። 
\v 6 ቃይ ህንተንቱ ዳሮ ዋየቶፐካ፥ ጌሻ አያናይ እሜዳ ናሸቻን ኪታ አኬድታ፤ ሄዋን ኑ ሌምሱዋነ ጎዳዋ ካሌድታ።\x - \xo 1:6 \xo*\xt ኪታ 17:5-9\xt*\x* 
\v 7 ሄዋ ድራዉ፥ ማቅዶንያንነ አካይያ ግያ ጋድያን ደእያ አማንያ ኡባቶ ሌምሱዋ ግዴድታ። 
\v 8 አያዉ ጎፐ፥ ጎዳ ቃላይ ህንተፐ ከሲደ፥ ማቅዶንያንነ አካይያ ጻላላን ስሰትቤና፤ ሽን ጾሳ ህንተንቱ አማንያዌ ኡባ ሳን ስሰቴዳ። ስም ኑን ሃሳያናዉ ኮሽሽን አቶዌ አይነ ባዋ። 
\v 9 አያዉ ጎፐ፥ ኑን ህንተኮ ቤዳ ዎደ፥ ህንተንቱ ኑና ዎት ሞኬደንቶነ ቃይ ህንተንቱ ህንተንቱ ኤቃዉ ኦያዋ አጊደ፥ ዎርዶተና ደኡዋ ጾሳዉ ኦናዉ ዋን ጾሳኮ ስሜድተንቶ፥ ኡንቱንቱ ባረንቱ ሁጲያን ሃሳዪኖ። 
\v 10 ቃይ ጾሳ ናአይ የሱስ፥ ጾሳይ ሀይቁዋፐ ደንዳዌ፥ ኑና ስንፐ ያና ጾሳ ሀንቁዋፐ አሽያዌ ሳሉዋፐ ያናዋ ህንተንቱ ናግያዋ ኡንቱንቱ ሃሳዪኖ።
\c 2
\s1 ጳዉሎስ ተሰሎንቀን ኦዳ ኦሱዋ
\p
\v 1 ኑናዳን ጾሳ ካልያዋንቶ፥ ኑን ህንተኮ ቤዳዌ መላ ግደናዋ ህንተንቱ ህንተንቱ ሁጰዉ ኤሪታ። 
\v 2 ሽን ኑን ህንተኮ ያናፐ ካሰ ፕልጵስዮሳ ግያ ካታማን ዋየቴዳዋነ ቦረቴዳዋ ህንተንቱ ኤሪታ፤ ዳሮ ጳልቀይ ደኦፐካ፥ ህንተንቶ አ ምሽራቹዋ ቃላ ኦዳና ማላ፥ ጾሳይ ኑዉ ምኖተ እሜዳ። 
\v 3 ኑን ህንተና ዎስያዌ ባሊደ ዎይ ቱናተን ዎይ ገንያን ግደና።
\p
\v 4 ሽን ጾሳይ ዎንጋላ ሀዳራ አካናዉ ኑን አማነትያዋንታ ግድና፥ ኑዉ ሄ ሀዳራ እሜዳ፤ ሄ እሜዳዋዳንካ ኑን ሃሳዬቶ። ቃይ ኑን ኑ ዎዛና ጾሞስያ ጾሳ ናሸችያዋዳን ሃሳዬቶፐ አትን፥ አሳ ናሸችያዋዳን ሃሳዮኮ። 
\v 5 ኑን ህንተኮ ጭምያ ሃሳያና፥ ዎይ ኑን ዮራ ገንያ ሀኖታን ይቤናዋ ህንተንቱ ሎይ ኤሪታ፤ ጾሳይካ ኑዉ ማርካ። 
\v 6 ኑን አሳፐ፥ ዎይ ህንተፐ፥ ዎይ ሀራንቱ ኦፐነካ ቦንቹዋ አካናዉ ኮይበይኮ። 
\v 7 ኑን ክርስቶስ ኪቴዳዋንታ ግዲደ፥ ቦንቹዋ ህንተንቱፐ ኦቻናዉ ዳንዳዬቶ። ሽን አታ ባረ ናናቱዋ ሲቁዋን ድችያዋዳን፥ ህንተንቱ ግዶን አሽከ ግዴዶ። 
\v 8 ህንተንቱ ኑዉ ዳሮ አልኦ ግዴዳ ድራዉ፥ ጾሳ ዎንጋላ ህንተንቶ እማናዋ ጻላላ ግደናን፥ ኑ ደኡዋካ ህንተንቶ እማናዉ ጊግ ኡቴዶ፤ አያዉ ጎፐ፥ ህንተና ኑን ሎይ ሲቄዶ። 
\v 9 ኑናዳን ጾሳ ካልያዋንቶ፥ ኑ ኦሱዋነ ኑ ዳቡራ ህንተንቱ አኬኪታ፤ ህንተንቶ ጾሳ ምሽራቹዋ ቃላ ኦዲደ፥ ህንተና አይነ ዋይሰና ማላ፥ ቃማነ ጋላስ ኑን ኦዶ።
\p
\v 10 ኑ ደኡ ህንተንቱ ማታን፥ አማንያዋንቱ ማታን፥ ጌሻ፥ ጽሎነ ቦረተናዋ ግድያዎ ህንተነ ጾሳይ ማርካ። 
\v 11 ኑን ህንተንቶ ሁጲያን ሁጲያን አዉ ባረ ናናዉ ሀንያዋዳን ሀኔዳዋ ኤሪታ። 
\v 12 ኑን ህንተና ዞሬዶ፤ መንዶነ ህንተንቶ ማርካቴዶ። ሄዌኔካ ህንተና ጼሴዳ ጾሳ ናሸችያ ደኡዋ ህንተንቱ ደአናዳናነ አ ካዉተነ አ ቦንቹዋ ገላናዳና።
\p
\v 13 ህንተ ኑፐ ጾሳ ቃላ ቱማ ግዴዳዋዳን አኬዳ ዎደ፥ ጾሳ ኪታዳን አኬዳዋፐ አትን፥ አሳ ኪታዳን አክቤና ድራዉ፥ ጾሳ ቃላይ አማንያ ህንተናን ኦ፤ ሄ ጋሱዋን ኑን ጾሳ ኡባ ዎደ ጋላቴቶ።
\p
\v 14 አያዉ ጎፐ፥ ኑናዳን ጾሳ ካልያዋንቶ፥ ክርስቶስ የሱሳን እቱዋ ግዴዳ ይሁዳ ግያ ጋድያን ደእያ አማንያዋንታ፥ ህንተንቱ ሌምሰቲታ፤ ሄዋንቱ ጾሳ አማንያዋንታ። አይሁዳቱ ኡንቱንታ ዋይሴዳዋዳን፥ ህንተንቱ ቢታ አሳይካ ህንተና ዋይሴዳ። 
\v 15 ሄ አይሁዳቱ ጎዳ የሱሳነ ናባቱዋ ዎድኖ፤ ቃይ ኑና የደርሴድኖ። ኡንቱንቱ ጾሳ ናሸችክኖ፤ አሳ ኡባካ እጺኖ። 
\v 16 አይሁዳ ግደና አሳይ አታና ማላ፥ ኑን ኡንቱንቶ ቃላ ኦድያዋ ድጊኖ። ቃይ ኡንቱንቱ ናጋራይካ ኡባ ዎደ ዳር ዳር ቤ። ሽን ዉርሰን ጾሳ ሀንቁ ኡንቱንቱ ቦላ ዎዳ።
\s1 ጳዉሎስ ተሰሎንቀ አሳ ላኤንዋ ጾሞሳናዉ አሞቴዳ አሙዋ
\p
\v 17 ሽን ኑናዳን ጾሳ ካልያዋንቶ፥ ኑን ኑ ቆፋን ግደናዳን፥ አሳተ ጻላላን ህንተፐ ጉ ዎደዉ ሻከቴዳ ዎደ፥ ህንተና ዳሮ ላሞቲደ፥ አይፍያን በአናዉ ሎይ ኮዬዶ። 
\v 18 አያዉ ጎፐ፥ ኑን ህንተኮ ስሚደ ባናዉ ኮዬዶ። ኡባ ታን ጳዉሎስ ዛራ ዛራደ ህንተኮ ባናዉ ማላ በኣድ፤ ሽን ሴጻናይ ኑና ድጌዳ። 
\v 19 አያዉ ጎፐ፥ ኑ ጎዳ የሱስ ክርስቶስ ይያ ዎደ፥ ኑን በአና ጊደ ናሸቻን ናግያዌ፥ ዎይ ኑ ናሸቻይ፥ ዎይ ኑን ጬቀትያ ካላቻይ ኦኔ? ህንተና ግድክቴዬ? 
\v 20 አያዉ ጎፐ፥ ህንተንቱ ኑ ቦንቹዋነ ኑ ናሸቻ።
\c 3
\p
\v 1 ሄዋ ድራዉ፥ ኑዉ ገንጫናዉ ዳንዳየተናን እጼዳ ዎደ፥ አቴና ግያ ካታማን ኑረካ አታናዉ ቆፋ ቃቼዶ። 
\v 2 ህንተና ዞራናዳንነ ህንተንቱ አማኑዋን ህንተና ምንሳናዳን፥ ጾሳዉ ኦያ ኑ እሻ፥ ኑናና እትፐ ክርስቶሳ ምሽራቹዋ ቃላ ኦድያ ጽሞቶሳ ህንተኮ ኪቴዶ። 
\v 3 ሀ ዋይያ ጋሱዋን ህንተፐ ኦንነ ጉየ ስመና ማላ፥ አ ኪቴዶ። ኑን ሄዎ ዶረቴዳዋ ህንተንቱ ህንተንቱ ሁጰዉ ኤሪታ። 
\v 4 አያዉ ጎፐ፥ ኑን ህንተናና ደኢደ፥ ኑን ዋየታናዋ ካሰቲደ ህንተንቶ ኦዴዶ፤ ቃይ ህንተንቱ ኤርያዋዳንካ ካሰ ሄዋዳን ሀኔዳ። 
\v 5 ሄዋ ድራዉ፥ ቃይ ገንጫናዉ ታዉ ዳንዳየተናን እጼዳ ዎደ፥ “ኦን ኤር ጻላህያ ካፑ ህንተና ፓጨናን አገና። ኑ ዳቡራይካ መላ ግደናን አገና” ያጋደ ህንተንቱ አማኑዋ ኤራናዉ ጽሞቶሳ ህንተኮ ኪታድ።
\p
\v 6 ሽን ሀእ ጽሞቶስ ህንተንቱ ማታፐ ኑኮ ዪደ፥ ህንተንቱ አማኑዋባነ ህንተንቱ ሲቁዋባ ህንተንቶ ምሽራቹ ጊደ ኑዉ ኦዴዳ። ቃይ ኑን ህንተና በአናዉ ላሞትያዋዳን ህንተካ ኑና በአናዉ ላሞቲደ፥ ኡባ ዎደ ኑዉ ሎኦባ ቆፕያዋ እ ኦዴዳ። 
\v 7 ሄዋ ድራዉ፥ ኑናዳን ጾሳ ካልያዋንቶ፥ ኑ ዋይያንነ ኑ ቱጋን ኡባን ህንተንቱ አማኑዋ ባጋና ህንተዋን ኑ ምነቴዶ። 
\v 8 ጎዳን ምኒደ ህንተንቱ ደኦፐ፥ ኑንካ ሀእ ደኤቶ። 
\v 9 አያዉ ጎፐ፥ ኑን ህንተባዉ ጾሳ ጋላቴቶ። ኑን ኑ ጾሳ ስንን ህንተንቱ ድራዉ ደእያ ናሸቻ ኡባዉ አ ዳሮ ጋላቴቶ። 
\v 10 ኑን ህንተና በአናዉነ ህንተንቱ አማኖ ፓጬዳዋ ኩንናዉ፥ ቃማነ ጋላስ ኑ ኩመን ዎዛናፐ ጾሳ ዎሴቶ።
\p
\v 11 ኑ አዉ፥ ኑ ጾሳይ ባረ ሁጰዉ፥ ቃይ ኑ ጎዳይ የሱስ ክርስቶስ ኑን ህንተኮ ብያ ኦግያ ኑዉ ጊግሶ። 
\v 12 ኑን ህንተና ሎይ ሲቅያዋዳን፥ ጎዳይ ህንተንቱ እቱ እቱዋ ሲቅያ ሲቁዋነ ቃይ አሳ ኡባ ሲቅያ ሲቁዋ ህንተንቶ ዳርሶነ ጉጆ። 
\v 13 ኑ ጎዳይ የሱስ ባረ ጌሻቱዋ ኡባና ይያ ዎደ፥ ኑ ጾሳ፥ ኑ አዉዋ ስንን ህንተ ዎዛናይ ጌሻነ ፖኩ ባይናዋ ኦደ፥ ህንተና እ መን።
\c 4
\s1 ጾሳ ናሸችያ ደኡዋ
\p
\v 1 ስም ዉርሰን፥ ኑናዳን ጾሳ ካልያዋንቶ፥ ጾሳ ናሸቻናዉ ህንተንቱ ዋን ደአናዉ በስንቶ፥ ኑፐ ታማሬድታ። ሄዌ ህንተንቱ ካሴደፐ ደእያ ማራ፤ ሽን ሀእ ህንተንቱ ካሰዋፐ ሎይደ ኦናዳን፥ ጎዳ የሱሳ ሱንን ህንተና ዎሴቶነ ዞሬቶ። 
\v 2 አያዉ ጎፐ፥ ኑን ጎዳ የሱሳ ማታ ባጋና ህንተንቶ እሜዳ አዛዙ ሀቃዌንቶ፥ ህንተንቱ ኤሪታ።
\p
\v 3 አያዉ ጎፐ፥ ጾሳይ ህንተፐ ኮይያዌ አዬ ጎፐ፥ ህንተንቱ ጌሻ ግዳናዋነ ዎሹምያዋ ኡባና አጋናዋ ኮዬ። 
\v 4 ህንተንቱ ሁጲያን ሁጲያን ጌሻተንነ ቦንቹዋን ህንተንቱ ማችያና ዎት ደአነንቶ\f + \fr 4:4 \fr*\fq ጌሻተንነ ቦንቹዋን ህንተንቱ ማችያና ዎት ደአነንቶ፦ \fq*\ft ጉሳይ ባረ አሳተ ናጊደ ጌሻተን ደአናዉ ኮሽያዋ በሴ።\ft*\f* ኤራናዉ በሴፐ አትን፥ 
\v 5 ጾሳ ኤረና አማነና አሳቱዋዳን፥ ሎይ አሞትያዋን አካናዉ በሰና። 
\v 6 ኑን ቃይ ካሰ ህንተንቶ ኦዴዳዋዳንነ ህንተና ምንስ ዞሬዳዋዳን፥ ጎዳይ ሀዋ ማላባን ኡባን ሀሉዋ ከስያዋ ግድያ ድራዉ፥ ኦንነ ሀ የዉዋን ባረ እሻ ናቃናዉነ ጭማናዉ በሰና። 
\v 7 አያዉ ጎፐ፥ ጾሳይ ኑና ጌሻተን ደአናዉ ጼሴዳዋፐ አትን፥ ቱናተን ደአናዉ ጼስቤና። 
\v 8 ሄዋ ድራዉ፥ ሀ ትምርትያ እጽያ ኦንነ ህንተንቶ ባረ ጌሻ አያና እምያ ጾሳ እጼፐ አትን፥ አሳ እጸና።
\p
\v 9 ህንተ ህንተንቱ ሁጲያን እቱ እቱዋ ሲቃናዳን፥ ጾሳይ ህንተና ታማርሴዳ ድራዉ፥ ህንተንቱ ህንተንቱ እሻቱዋ ዎት ሲቃናዉ በስንቶ፥ ኑን ጻፋናዉ ኮሸና። 
\v 10 ቃይ ማቅዶንያ ቢታ ኡባን ደእያ እሻቱዋ ኡባቱዋ ቱሙ ህንተንቱ ሲቂታ። ሽን ኑናዳን ጾሳ ካልያዋንቶ፥ ህንተንቱ ሄዋፐ ጉጅ ጉጂደ ኡንቱንታ ሲቃና ማላ፥ ህንተና ዎሴቶ።
\p
\v 11 ኑን ካሰ ህንተንቶ ኦዴዳዋዳን፥ ዎፑ ጌዳ ደኡዋ ደእተ። ቃይ ህንተና ኮሽያዋ ደማናዉ፥ ህንተ ኩሽያን ኦተ። 
\v 12 ሄዋ ግዶፐ፥ አማነናዋንቱ ማታን ህንተንቱ ቦንቼታናነ ቃይ ህንተና ኮሽያባዉ ኦናነ አዉዳሽክታ።
\s1 ጎዳይ ይያ ዎደ ሀይቄዳ አሳይነ ፓጻ ደእያ አሳይ ሀናናባ
\p
\v 13 ሽን ኑናዳን ጾሳ ካልያዋንቶ፥ ህንተንቱ ህዶታይ ባይና አሳቱዋዳን ካዮተና ማላ፥ ሀይቄዳ አሳቱዋባ ህንተንቱ ኤራና ማላ ኮዬቶ። 
\v 14 ኑን የሱስ ሀይቄዳዋነ ቃይ ሀይቁዋፐ እ ደንዴዳዋ አማኔቶ፤ ሄዋዳንካ፥ ጾሳይ የሱሳ አማኒደ ሀይቄዳዋንታ የሱሳና አሀናዋ አማኔቶ።
\p
\v 15 አያዉ ጎፐ፥ ኑን ህንተንቶ ኦድያ ጎዳ ቃላይ ሀዋ፤ ኑን፥ ጎዳ ላኤንዋ ዩሳ ጋላሳይ ጋካናዉ ሀዋን ፓጻ ደእያዋንቱ፥ ሀይቄዳዋንቱፐ ካሰቶኮ። 
\v 16 አያዉ ጎፐ፥ ጎዳይ ባረ ሁጲያን አዛዙዋና፥ ኪታንቻቱዋ ካፑዋ ኮሻና፥ ጾሳ ማላካታ ጊረና ሳሉዋፐ ዎና። ክርስቶሳ አማኒደ ሀይቄዳዋንቱ ካሰቲደ ሀይቁዋፐ ደንዳና። 
\v 17 ሄዋፐ ጉይያን፥ ኑን ሄ ዎደ ፓጻ ደእያዋንቱ፥ ጎዳና ጫርኩዋ ግዶን ጋከታናዉ ኡንቱንቱና እትፐ ሻርያን ደንዳና። ሄዋ ድራዉ ኑን ጎዳና እትፐ ኡባ ዎደ ደአና። 
\v 18 ሄዎ፥ ሀ ቃላን እቱ እቱዋ መንተ።
\c 5
\s1 ጎዳ ዩሳ ጊጊደ ናግተ
\p
\v 1 ሽን ኑናዳን ጾሳ ካልያዋንቶ፥ ሀ የዋቱ አዉደ ሀናነንቶ፥ ዎድያነ አገና ህንተንቶ ጻፋናዉ ኮሸና። 
\v 2 አያዉ ጎፐ፥ ጎዳ ጋላሳይ ካይሱ ቃማ ይያዋዳን ያናዋ ህንተንቱ ሎይ ኤሪታ። 
\v 3 አሳይ፥ “ኡባባይ ሳራ፤ አያይካ ሀነና” ጊሽን፥ ማጫ አሳ የሉ ኦይቂያዋዳን፥ ባሻይ ኡንቱንቱ ቆፐናን ኡንቱንቱ ቦላ ያና። ኡንቱንቱ ሙለካ ከስ አክክኖ።
\p
\v 4 ሽን ኑናዳን ጾሳ ካልያዋንቶ፥ ሄ ጋላሳይ ህንተንቶ ካይሱ ይያዋዳን ያናዉ ህንተንቱ ማን ደእክታ። 
\v 5 ህንተ ኡባይ ፖኡዋ አሳነ ጋላሳ አሳ፤ ኑን ቃማ አሳ ዎይ ማ አሳ ግዶኮ። 
\v 6 ሄዋ ድራዉ፥ ኑን ሀራቱ ገምእሽያዋዳን ገምእሻናዉ በሰና። ኑን ቤጎታናዉነ ዎጋን ደአናዉ በሴ። 
\v 7 አያዉ ጎፐ፥ ገምእሽያዋንቱ ቃማ ገምእሺኖ፤ ማትያዋንቱካ ቃማ ማቲኖ። 
\v 8 ሽን ኑን ጋላሳ አሳ ግድያዋንቱ ዎጋን ደአናዉ በሴ። ኑን አማኑዋነ ሲቁዋ ትራን ዎያ ኦላ ሚሻዳን ኦይቂደ፥ ኑን ህዶታን ናግያ አቶተ፥ ብራታ ቆብያዳን፥ ሁጲያን ዎናዉ በሴ።\x - \xo 5:8 \xo*\xt ኢሳ. 59:17፤ ኤፈ. 6:13-17\xt*\x* 
\v 9 አያዉ ጎፐ፥ ጾሳይ ኑና ኑ ጎዳ የሱስ ክርስቶሳ ባጋና አቶተ ደማናዉ ዶሬዳዋፐ አትን፥ አ ሀንቁዋ አካናዉ ዶርቤና። 
\v 10 ኑን ፓጻ ግድና ዎይ ሀይቄዳዋንታ ግድና፥ ክርስቶሳና እትፐ ደአና ማላ፥ ክርስቶስ ኑ ድራዉ ሀይቄዳ። 
\v 11 ሄዋ ድራዉ፥ ህንተንቱ ቃይ ሀእ ኦያዋዳን፥ ሀራቱዋ መንተነ እቱ እቱዋ ድችተ።
\s1 ዉርሰ ዞርያነ ሳሮታ
\p
\v 12 ኑናዳን ጾሳ ካልያዋንቶ፥ ህንተንቱ ግዶን ኦያዋንታ፥ ህንተና አማኑዋ ኦግያን ካለያዋንታነ ዞርያዋንታ፥ ህንተንቱ ቦንቻና ማላ፥ ህንተና ዎሴቶ። 
\v 13 ኡንቱንቱ ኦያ ኦሱዋ ድራዉ፥ ኡንቱንታ ሎይ ቦንችተነ ሲቅተ። እቱ እቱዋና ሳሮተን ደእተ።
\p
\v 14 ኑናዳን ጾሳ ካልያዋንቶ፥ ኑን ህንተና ዞሬቶ፤ ማራይ ባይና ደኡዋ ደእያዋንታ ሴርተ። ያይያዋንታ መንተ። ዎልቂ ባይናዋንታ ማድተ። አሳ ኡባ ዳንዳይተ። 
\v 15 ኦንነ ኢታ ድራዉ ኢታ ዛረና ማላ ናገትተ፤ ሽን ኡባ ዎደ፥ እቱ እቶነ ቃይ አሳ ኡባዉ ሎኦባ ኦናዉ ምንተ።
\p
\v 16 ኡባ ዎደ ናሸትተ። 
\v 17 ኡባ ዎደ ቃንጸናን ጾሳ ዎስተ። 
\v 18 ኡባባን ጋላትተ። አያዉ ጎፐ፥ ክርስቶሳ የሱሳ ባጋና ጾሳይ ህንተፐ ኮይያዌ ሄዋ።
\p
\v 19 ጌሻ አያና ታማ ቶይሶፕተ። 
\v 20 ትምቢትያ ቃላ ካፕተ። 
\v 21 ኡባባካ ፓጭተ። ሎኦባ ኦይቂተ። 
\v 22 ኢታ ኦሱዋ ኡባፐ ሃክተ።
\p
\v 23 ሳሮተ ጾሳይ ባረ ሁጰዉ ህንተና ኡባባን ፖሎ ጌሾ፤ ቃይ ኑ ጎዳይ የሱስ ክርስቶስ ይያ ዎደ፥ ጾሳይ ህንተንቱ አያና፥ ሸምፑዋነ አሳተ እትፐ ቦረተናዋነ ፖሎ ኦደ ናጎ። 
\v 24 ህንተና ጼስያዌ አማነቴዳዋ፤ ቃይ ሄዋ እ ፖላና።
\p
\v 25 ኑናዳን ጾሳ ካልያዋንቶ፥ ኑዉ ጾሳ ዎስተ።
\p
\v 26 እሻቱዋ ኡባ ጌሻ የሩዋ የሪደ ሳሮትተ።
\p
\v 27 ህንተ ሀ ዳብዳቢያ ጌሻ እሻቱዋ ኡባዉ ናባባናዳን፥ ጎዳ ሱንን ህንተና ዎሳይ።
\p
\v 28 ኑ ጎዳ የሱስ ክርስቶሳ አ ኬካተይ ህንተናና እትፐ ግዶ።