\id 1SA - Dawuro Full Bible Ethiopic Version
\ide UTF-8
\h 1 ሳሜላ
\toc1 ኮይሮ ሳሜላ ማጻፋ
\toc2 1 ሳሜላ
\toc3 1 ሳሜላ
\mt1 ኮይሮ ሳሜላ ማጻፋ
\imt ገሉዋ
\ip ኮይሮነ ላኤን ሳመላ ግያ ሱንይ ዬዳዌ ጾሳይ እስራኤልያ ቢታን ካተቱዋ አይሱዋ ኤሳናዉ ጎኤቴዳ አሳ ጋሱዋና። ሳመል ጾሳይ እስራኤልያ ቦላን ኦራ ካትያ አይሱዋ ማራ ኤሴዳዋነ እ ኤሴዳ ማራይ ብለና ደአና ማላ ኦዳ አሳ። ሳመላ ማጻፋን ኮይሮ ሻኩ እስራኤልያ አሳይ ዳናቱ ሞዱዋፐ ካተቱ ሞድያ ካዉተዉ ፕኔዳ ሀኖታ ኦዴ። ሀ ላሚ እስራኤልያ አሳ ኡባ ደኡዋ ግዶን ኦሰታናዉ ዳንዳዬዳዌ ሄዙ አሳ ጋሱዋና። ሄዋንቱፐ ኮይሩ ዉርሰን ደኤዳ ዎልቃማ ዎልቃማ ዳናቱዋፐ እቱዋ ግድያ ሳመላ ግዶደ፥ ላኤን እስራኤልያዉ ኮይሮ ካትያ ግዴዳ ሳኦላ። ሄዘን ቃይ ማታ ኦይቃናፐ ካሰ አ ታርኪ ሳመላነ ሳኦላ ታርክያና ኦይቀት ኡቴዳ ዳዊታ።
\ip ሀ ማጻፋዉ ሁጰ ኪታይ ኤጫ ቃላ ጫቁዋ ግዶን ደእያ ሀራ ታርክያ ማጻፋቱዋዳንካ፥ ጾሳዉ አማነትያዌ አንጆነ እንጀ ደኦ ካለያዋነ አዛዘተናን እጽያዌ ኩንደነ ባሻ አህያዋ በሴ። ሄዌነ ጾሳይ ቄስያ ኤልያዉ ኦዲደ፥ “ታና ቦንችያዋንታ ታን ቦንቻና፤ ታና ካያዋንታ ታን ካዉሻና” ጊደ ሃሳዬዳ ቃላን ቆንጭያን ኦዴ። (2:30)
\ip ሀ ማጻፋይ ካቲ ሞድያ ካዉተ ኤስያ ማራን አሳዉ ስሰትያ ሀኖታ ቆንጭሴዳ። ካሰ አይሱዋ ዎጋን እስራኤልያ አሳዉ ቱሙ ካትያ ግዲደ ኤረቴዳዌ ባረ ሁጲያዉ ጾሳ። ሽን ጉየፐ ጋምኢደ አሳይ ኦሻ ደንና፥ ጾሳይ ኡንቱንቶ ካትያ ዶሬዳ። ሽን ሀ ኡባን ሁጰባይ ካትያ ግድና፥ እስራኤልያ አሳ ግድናካ፥ ጾሳይ ኡንቱንቱፐ ቦላና ፕርድያዋ ግድና፥ አ ጋርሳን ኡንቱንቱ ደአናሳ (2:7-10)። ሄዌካ ጾሳ ህግያፐ ጋርሳና ዱረ ግድና፥ ማንቆ ግድናካ፥ አሳ ኡባ ማታይ ቦንቼትና ደአናዉ ኮሽያዋ በሴ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሳሜል እስራኤልያ ካለያዋ ግዱሳ \ior 1:1—7:17\ior*
\io1 ሳኦል ካትያ ግዱሳ \ior 8:1—10:27\ior*
\io1 ኮይሮ ሳኦላ አይሱዋ ላይቱዋ \ior 11:1—15:35\ior*
\io1 ዳዊታነ ሳኦላ \ior 16:1—30:31\ior*
\io1 ሳኦላነ አ ናናቱዋ ሀይቁዋ \ior 31:1-13\ior*
\c 1
\ms ሳመል እስራኤልያ ካለያዋ ግዱሳ
\mr (1:1—7:17)
\s1 ኤልቃናነ አ ሶይ አሳ
\p
\v 1 ኤፍሬማ ገዝያን፥ ራማ ጌተትያ ካታማን ደእያ፥ ኤፍሬማ ዛረነ ጹፋ ያራ ግዴዳ፥ ኤልቃና ጌተትያ እት ብታኒ ደኤ፤ እ ይሮሃማ ናኣ፤ ይሮሃም ኤልሁ ናኣ፤ ኤልሁ ቶሁ ናኣ፤ ቶሁ ጹፋ ናኣ። 
\v 2 ኤልቃናዉ ላኡ ማቻቱ ደኢኖ፤ እትን ሱንይ ሃኖ፤ የንኮር ሱንይ ፕኒኖ። ፕኒናዉ ናናይ ደኢኖ፤ ሽን ሃንዉ እት ናእካ ባዋ።
\p
\v 3 ኡባፐ ዎልቃማ መና ጎዳዉ ጎይናናዉነ ያርሻናዉ ኤልቃን ላይን ላይን ባረ ካታማፐ ሴሎ ቤ። ኤልያ ናናይ ላኡ፥ ሆፍኒንነ ፒንሃስ ያን መና ጎዳ ቄሳቱ ዋ። 
\v 4 ኤልቃን ያርሹዋ ያርሽያ ዎደ አዉደነ አሹዋፐ እት ኩሽያ ባረ ማቻት ፕኒንዉ፥ ቃይ እት እት ኩሽያ እ አቱማ ናናዉነ ማጫ ናናቶ ሁጲያን ሁጲያን እሜ። 
\v 5 መና ጎዳይ ሃኖ የሉዋ ድግንቶካ፥ ኤልቃን እዞ ዶስያ ድራዉ፥ እዝዉ ላኡ ኩሽያ እሜ። 
\v 6 መና ጎዳይ ሃንዉ ኡባና የሉዋ ድጌዳ ድራዉ፥ እዝ ላጋታ እዞ ሀንቀዉነ ይሎያዉ። 
\v 7 ሀዌ ላይፐ ላይን ሀንያዋ፤ ሃና መና ጎዳ ጎለ ቤዳ ዎደ አዉደነ እዝ ላጋታ እዞ ዬካና ጋካናዉ ቁማ ሙሳ እጻና ጋካናዉ ይሎያዉ። 
\v 8 እዝ አስናይ ኤልቃን እዞ፥ “ሃኔ፥ ኔን አያዉ ዬካይ? አያዉ ቁማ ሚኪ? ነ ዎዛናይ አያዉ ካዮቲ? ታን ነዉ ታሙ ናናቱዋፐ አክታየ?” ያጌ።
\s1 ሃን ዎሳ
\p
\v 9 እት ጋላስ ኡንቱንቱ ሴሎን ሜዳዋፐነ ኡሼዳዋፐ ጉይያን፥ ሃና ደንዳ ኤቃዱ። ኤቂያ ዎደ፥ መና ጎዳ ጎልያ ፐንግያ ማታን ደእያ ኦይድያን ቄስያ ኤል ኡቴዳ። 
\v 10 ሃና ሎይ ሴለታደ፥ ጫሞ ዬኩዋ ዬካደ መና ጎዳ ዎሳዱ። 
\v 11 እዛ ሀዋዳን ያጋደ ቃንገ ቃንገታዱ፤ “ኡባፐ ዎልቃማ መና ጎዳዉ፥ ታና ነ ቆማቶ ጼላ! ታ ምሹዋ በኣደ፥ ታና ሀሳያ፤ ታና ነ ቆማቶ ዶጎፓ። ኔን ታዉ ነ ቆማትዉ አቱማ ናኣ እሞፐ፥ አ ደኡዋ ላይ ኡባን ታን አ ነዉ እማና፤ አ ሁጲ ኡባካ ሜደተና” ያጋዱ።\x - \xo 1:11 \xo*\xt ፓይ. 6:5\xt*\x*
\p
\v 12 ሃና መና ጎዳ ዎሳ አዱሴዳ ዎደ፥ ኤል እ ዶና ጼሌ። 
\v 13 ሃና ባረ ዎዛና ግዶን ጾሳ ዎስያ ዎደ፥ እ መተርሻይ ቃጽያዋፐ አትና፥ እዝ ቃላይ ስሰተና፤ ሄዋ ድራዉ፥ ኤል እዞ ማቴዳዋዳን ቆፔዳ። 
\v 14 ሄዋፐ እዞ፥ “ኔን አዉደ ጋካናዉ ማታይ? ዎይንያ ኤሳ ነ ዶናፐ ድጋ” ያጌዳ።
\p
\v 15 ሄዋፐ ጉየ ሃና ሀዋዳን ያጋደ አዉ ዛራዱ፤ “ቱይት፥ ታ ጎዳዉ፥ ታን ሎይ መቶታንቻ ማጫ አሳ፤ ታን ታ ሸምፑዋፐ መና ጎዳ ዎሳይፐ አትና፥ ዎይንያ ኤሳ ዎይ ማይያ ኡሻ ኡሻበይከ። 
\v 16 ታን ታ ቱጋነ ታ ምሹዋ ዳሩዋ ሀዋን ሃሳዬዳ ድራዉ፥ ታና ነ ቆማቶ ‘ፓና ማጫ አሳ’ ጋደ ቆፖፓ” ያጋዱ።
\p
\v 17 ሄዋፐ ጉየ ኤል እዝዉ ዛሪደ፥ “ሳሮተን ባ፤ ኔን አ ዎሴዳዋ እስራኤልያ ጾሳይ ነዉ እሞ” ያጌዳ።
\p
\v 18 ሄዋፐ ጉየ ሃና፥ “ነ ቆማታ ነ ስንን ናሹዋ ደሙ” ያጋዱ። ሄዋፐ ጉይያን፥ አ ባረ ኦግያ ባደ፥ ቁማ ማዱ፤ ሄዋፐ ስምና ሙለካ ካዮታበይኩ።
\s1 ሃና ሳመላ የላዱ
\p
\v 19 ዎንተ ጋላስ ጉራና ደንዲደ፥ ኤልቃንነ አ ሶ አሳይ መና ጎዳዉ ጎይኔዳዋፐ ጉይያን፥ ባረንቱ ሶ፥ ራማ ካታማ ስሜድኖ። ኤልቃን ባረ ማቻት ሃንና አቄዳ፤ መና ጎዳይ እዞ ቆፔዳ፤ 
\v 20 አ ሻሃሮ ዎደ ዎዲ ዉርና አቱማ ናኣ የላዱ። ሃና፥ “ታን መና ጎዳ ዎስና ስሴዳ” ጋደ አ ሱን ሳሙኤኤላ ሱንዱ።\f + \fr 1:20 \fr*\fk ሳሙኤኤላ፦ \fk*\ft ሀ ሱን ብለይ “ጾሳይ ስሴዳ” ግያዋ።\ft*\f*
\p
\v 21 ኤልቃን ባረ ሶ አሳ ኡባና ላይ ያርሹዋ መና ጎዳዉ ያርሻናዉነ ቃንጌዳዋ ጋናዉ ሴሎ ቤዳ፤ 
\v 22 ሽን ሃና ባበይኩ። አ ባረ አስና፥ “ታ ናአይ ን ዱዳዋፐ ጉይያን፥ ታን አ አፋደ፥ መና ጎዳዉ እማና፤ መናዉ እ ያን ደአናዋ” ያጋዱ።
\p
\v 23 እ አስናይ ኤልቃን፥ “ኔና ሎኦዋ ኦ፤ አ ኔን ን ዱና ጋካናዉ ሶን ጋምአሻ፤ ያንናካ መና ጎዳይ ባረ ቃላ ፖሎ” ያጌዳ። ሄዋፐ ጉየ ሃና ን ዱና ጋካናዉ ባረ ናኣ ንደ ሶን ጋምኣዱ።
\p
\v 24 ሃና እዝ ናአይ ን ዱዳዋፐ ጉይያን፥ ሳመላነ ሄዙ ላይ ኮሩማ፥ ታሙ ኪሎ ግራመ ልያነ ኦጎሩዋ ኩመን ዎይንያ ኤሳ አካደ መና ጎዳ ጎልያ ሴሎ ባዱ፤ ናአይ ሄ ዎደ ጉ። 
\v 25 ኡንቱንቱ ኮሩማ ሹኬዳዋፐ ጉይያን፥ ናኣ ኤልያኮ አፌድኖ። 
\v 26 ሃና ኤልያ፥ “ታ ጎዳዉ፥ ነ ደኡ ኤሮ! ነ ስንን ኤቃደ መና ጎዳ ዎሴዳ ምሽራታ ቱሙ ታናቴ። 
\v 27 ታን ሀ ናኣ የላናዉ ዎስና፥ መና ጎዳይ ታን አ ዎሴዳዋ እሜዳ። 
\v 28 ሄዋ ድራዉ፥ ታን መና ጎዳዉ አ እማድ፤ እ ባረ ደኦ ላይ ኡባን መና ጎዳዉ እመቴዳ” ያጋዱ። ሄዋፐ ጉይያን፥ ኡንቱንቱ መና ጎዳዉ ያት ጎይኔድኖ።
\c 2
\s1 ሃን ዎሳ
\p
\v 1 ሃና ሀዋዳን ያጋደ ዎሳዱ፤\x - \xo 2:1-10 \xo*\xt ሉቃሳ 1:46-55\xt*\x*
\q1 “ታ ዎዛናይ መና ጎዳን ናሸቴ፤
\q2 መና ጎዳን ታ ዎልቃይ ዳሬዳ።
\q1 ታ ሞርከቱዋ ቦላን ታን ጬቀታደ ሃሳያይ፤
\q2 መና ጎዳይ ታና አሼዳ ድራዉ፥ ታን ናሸታይ።
\b
\q1
\v 2 “መና ጎዳ ማላ ጌሽ እቱነ ባዋ፤
\q2 አ ማል እቱነ ባዋ።
\q1 ኑ ጾሳፐ አትና፥
\q2 ሀራ አትያ ዎጋ ዛላይ ባዋ።
\b
\q1
\v 3 “ኦቶሮ ሃሳያ አግተ፤
\q2 ኦቶሮ ቃላይ ህንተንቱ ዶናፐ ከሶፖ።
\q1 አያዉ ጎፐ፥ መና ጎዳይ ኤርያ ጾሳ፤
\q2 አሳ ኦሱዋ እ ይግ ጼሌ።
\b
\q1
\v 4 “ኦላንቻቱዋ ዎንዳፊ መኤዳ፤
\q2 ሽን በቴዳዋንቱ ዎልቃ ዳንጬድኖ።
\q1
\v 5 ካል ኡቴዳዋንቱ ኮሻቲደ፥
\q2 ቁማዉ ሀራዉ ኦኖ፤
\q2 ሽን ኮሻት ኡቴዳዋንቱ ሀእ ካሌድኖ።
\q2 ማንታ ላፑን ናና የላዱ፤
\q2 ሽን ጮራ ናና የሌዳና ዳቡራዱ።
\b
\q1
\v 6 “መና ጎዳይ ዎነ ፓ፤
\q2 ቃይ እ ዱገ ስኦልያን የጌነ ፑደ ከሴ።
\q1
\v 7 መና ጎዳይ ማንቀነ ዱረዬ፤
\q2 ቃይ እ ዝቂሴነ ቂሴ።
\q1
\v 8 እ ህዬሳቱዋ ባናፐ ደን።
\q2 መቶታንቻቱዋካ ብድን ፕቱዋፐ ደን፤
\q2 ኡንቱንታ ካፓቱዋና ኡትሴ፤
\q2 ኡንቱንታ ቦንቾ አራታ ላትሴ።
\b
\q1 “አያዉ ጎፐ፥ ቢታ ባሳቱ መና ጎዳሳ፤
\q2 እ ኡንቱንቱ ቦላን ሳኣ ኤሴዳ።
\q1
\v 9 እ ጾሳ አሳቱዋ ገድያ ናጌ፤
\q2 ሽን ኢታቱዋ እ ማን ጮኡ ኡዳና።
\b
\q1 “አሳይ ባረ ዎልቃን ጾነና፤
\q1
\v 10 መና ጎዳና ኤቀትያዋንቱ ሊቃና።
\q2 እ ሳሉዋፐ ኡንቱንቱ ቦላ ጉጉንዳን ጉማና፤
\q1 መና ጎዳይ ሳኣን ደእያዋንታ ኡባ ፕርዳና።
\b
\q1 “እ ባረ ካትያዉ ዎልቃ እማና፤
\q1 እ ባረ ኦኬዳዎ ጾኑዋ እማና”
\m ያጋደ ዎሳዱ።
\p
\v 11 ሄዋፐ ጉይያን፥ ኤልቃን ራማን ደእያ ባረ ሶይ ቤዳ፤ ሽን ናአይ ሳመል ቄስያ ኤልያፐ ጋርሳና መና ጎዳዉ ኦ።
\s1 ኤልያ አቱማ ናና ኢታተ
\p
\v 12 ኤልያ አቱማ ናናይ ኢታ ናናቱዋ፤ ኡንቱንቱ መና ጎዳ ኤርክኖ፥ 
\v 13 ዎይ ያርሹዋ እምያ አሳዉ ቄሳቱ ኦያ ዎጋ ናግክኖ። ሄዌነ፥ አሳይ ያርሹዋ ያርሽያ ዎደ፥ ቄስያ ቆማይ ሄዙ አቻ ብራታ ኮጫን አኬዳ፤ አሹ ብሮ ካእ ደእሽን፥ 
\v 14 ዶይስያ ዎጋ ኦቱዋን ዎይ ከርያን ሄ ኮጫ የዲደ፥ ኮጫይ ኦይቂ ከስያ አይ ቆሞ አሹዋ ግዶፐነ አፊደ፥ ቄስያዉ እሜ። ያርሹዋ ያርሻናዉ ሴሎ ይያ እስራኤልያ አሳ ኡባ ኡንቱንቱ ሀዋዳን ኦኖ። 
\v 15 ቃይ ሞዋ ያርሽያ ሳኣን ጺጻናፐ ካሰቲደ፥ ቄስያ ቆማይ ያርሹዋ ያርሽያ ብታንያኮ ቢደ፥ “ቄሲ ቃየ አሹዋፐ አትና፥ ዶይሳ አሹዋ ኔፐ አከና ድራዉ፥ አዉ ጺጻናዉ አማሬዳ አሹዋ ሀማ” ያጌ።
\p
\v 16 ሄዋፐ ጉየ ብታኒ ዛሪደ፥ “ዎጋዳን ቄሳቱ ሞዋ ኮይሮ ጹግኖ፤ ሄዋፐ ጉይያን፥ ኔን ኮይያዋ አካ” ያግያ ዎደ ቄስያ ቆማይ፥ “ቱይት፤ ታዉ ሀእ እማ፤ ኡባ ኔን ድጎፐ፥ ታን ኔፐ ዎልቃን አካና” ያጌ።
\p
\v 17 መና ጎዳዉ እምያ ያርሹዋ ኤልያ ናናይ ካዳ ድራዉ፥ ኡንቱንቱ ናጋራይ መና ጎዳ ስንን ሎይ ዳሬዳ።
\s1 ናኣ ሳመላ
\p
\v 18 ሽን ሳመል ናአተን ደኢደ፥ ሱፍያ ጌተትያ ክርያፐ ዳደቴዳ ኤፉደ ጌተትያ ማዩዋ ማዪደ፥ መና ጎዳዉ ኦ። 
\v 19 ሳመላ ዳያ ላይን ላይን ጉ ቆልያ ጊግሳደ፥ ላይ ያርሹዋ ያርሻናዉ ባረ አስናና ባደ ሳመላዉ አካደ ባዉ። 
\v 20 ኤል ኤልቃናነ አ ማቻቶ፥ “ነ ማቻታ መና ጎዳዉ እሜዳ ናኣ ድራዉ መና ጎዳይ ነዉ ሀ ምሽራትን ሀራ ናና እሞ” ያጊደ አንጄ፤ ያትና፥ ኡንቱንቱ ባረንቱ ሶይ ስሚኖ። 
\v 21 መና ጎዳይ ሃኖ አንጅና፥ ሻሃራደ ሄዙ አቱማ ናናነ ላኡ ማጫ ናና የላዱ። ናአይ ሳመል መና ጎዳ ስንን ድጬዳ።
\s1 ኤልያነ አ ናና
\p
\v 22 ኤል ሎይ ኤጬዳ። አ ናናይ እስራኤልያ አሳ ኡባ ቦላ ኦዳ ኡባባነ ቃይ ጾሳ ዱንካንያ ፐንግያን ጾሳዉ ኦያ ማጫ አሳቱዋና ግሴዳዋ ስሴዳ። 
\v 23 ኡንቱንታ፥ “ህንተንቱ ሀዋ ማላ አያዉ ኦቴ? ህንተንቱ ኢታ ኪታ ታን አሳ ኡባፐ ስሳይ። 
\v 24 ታ ናቶ፥ ሀዋ አግተ፤ መና ጎዳ አሳይ ህንተንታ ግያዋ ታን ስሴዳዌ ሎኦባ ግደና። 
\v 25 እት አሳይ አሳ ናቆፐ፥ ጾሳይ አዉ ጋናታና፤ ሽን አሳይ መና ጎዳ ናቆፐ፥ ኦኔ አዉ ጋናታናዌ?” ያጌዳ።
\p መና ጎዳይ፥ “ታን ኡንቱንታ ዎና” ጌዳ ድራዉ፥ ኡንቱንቱ ባረንቱ አዉዋ ሴራ ስሰናን እጼድኖ።
\p
\v 26 ናአይ ሳመል ጾሳ ስንንነ አሳ ስንን ድጬዳነ ሳበቴዳ።\x - \xo 2:26 \xo*\xt ሉቃሳ 2:52\xt*\x*
\s1 ኤልያ ሶይ አሳ ቦላ ኦደቴዳ ትምቢትያ
\p
\v 27 እት ጋላስ ጾሳ አሳይ ኤልያኮ ዪደ አ፥ “መና ጎዳይ ሀዋዳን ያጌ፤ ‘ነ ማይዛ አዉ አሮነነ አ ሶ አሳይ ግብጼ ካትያ አይለተን ደእያ ዎደ፥ ታን ኡንቱንቶ ቆንጫድ። 
\v 28 አሮነ ታ ያርሽያ ሳኣ ፑደ ከሳና ማላ፥ እጻና ጩዋያና ማላነ ታ ስንን ኤፉድያ ማያና ማላ፥ ታዉ ቄስያ ኡዳደ እስራኤልያ ዛራቱዋ ኡባፐ አ ዶራድ። ቃይ እስራኤልያ አሳይ ታማን ያርሽያ ያርሹዋ ኡባ ታን ነ አዉዋ ዛርያዉ እማድ።\x - \xo 2:28 \xo*\xt ከሳ 28:1-4፤ ዎጋ 7:35-36\xt*\x* 
\v 29 ታን ታ ደእያ ሳኣ ሺሻና ማላ አዛዜዳ ታ ያርሹዋነ እምያዋ ህንተንቱ አያዉ የ ካኢቴ? ታ አሳይ እስራኤሊ፥ ታዉ ሺሼዳ ያርሹዋ ኡባፐ ሙሩትያዋ ህንተንቶ ሚደ ኦርድያዋን፥ ኔን ነ ናና ታፐ አደ አያዉ ቦንቻድ?’ ያጌ።
\p
\v 30 “ሄዋ ድራዉ፥ መና ጎዳይ እስራኤልያ ጾሳይ ሀዋዳን ያጌ፤ ‘ነ ዛሪነ ነ አዉዋ ዛሪ መናዉ ታዉ ኦና’ ጋድ፤ ሽን ሀእ፥ ሄዌ ታፐ ሃኮ! ታና ቦንችያዋንታ ታን ቦንቻና፤ ታና ካያዋንታ ታን ካዉሻና። 
\v 31 ነ ዛርያን አሳይ ጭመና ማላ፥ ታን ነ ዎልቃነ ነ አዉዋ ዛርያ ዎልቃ ይስያ ጋላሳቱ ያናዋ። 
\v 32 ኔን መቶታና፤ ታን እስራኤልያ አሳዉ እምያ አንጁዋ በኣደ ኔን ቃናታና፤ ሽን ነ ዛርያን ጭማና አሳይ ኦንነ ባዋ። 
\v 33 ታን ታ ያርሽያ ሳፐ ይሰና አሳይ ደኦፐ፥ አ ጋሱዋን ነ አይፊ አፎጺደ ቆቃናነ ነ ዎዛናይካ ምሹዋ ጹገታና፤ ነ ዳሮ ዘረ ኡባይ ያላጋተን ደኢደ ሀይቃና።
\p
\v 34 “ነ ናናይ ላኡ ሆፍኒንነ ፒንሃስ እት ጋላስ ሀይቃና፤ ሄዌ ነዉ ማላታ ግዳናዋ።\x - \xo 2:34 \xo*\xt 1 ሳሜላ 4:11\xt*\x* 
\v 35 ታን ታዉ አማነትያ ቄስያ፥ ታ ዎዛናዳንነ ታ ቆፋዳን ኦያዋ ደንና፤ ታን አ ዛራቱ ደእ በአናዳን ኦና፤ ታን ዶሬዳዌ ካትያ ስንን ኡንቱንቱ ኡባ ዎደ ኦና። 
\v 36 ነ ዛርያን አቴዳ ኡባይ ጉ ሚሻ ዎይ ባሶ ኡክ ዎሳናዉ ዪደ፥ አ ስንን ጉፋኒደ፥ ‘ታን ኡክ ማና ማላ፥ ቄሳቱ ዋፐ እቱዋ ሳኣ ማላን ታና ዎርኪ’ ያጋና ያጌ” ያጌዳ።
\c 3
\s1 ጾሳይ ሳመላ ጼሴዳ
\p
\v 1 ናአይ ሳመል ኤልያፐ ጋርሳና መና ጎዳዉ ኦ፤ መና ጎዳ ቃላይ ሄ ዎደ ሎይ አልአ፤ ሳጻይነ ዳረና። 
\v 2 አይፊ ጼላናዉ ለፕና፥ ዋየት ጼልያ ኤል እት ጋላስ ቃማ ባረ ሳኣን ግሴዳ። 
\v 3 ሄ ዎደ ጾሳ ጾምፒ ብሮ ቶእቤና፤ ቃይ ጾሳ ታቦታይ ደእያ መና ጎዳ ጎለን ሳመል ገምእሼ። 
\v 4 መና ጎዳይ ሳመላ ጼሴዳ፤ ሳሜል፥ “አቤ!” ጊደ ኮዬዳ። 
\v 5 ኤልያኮ ዎጽ ቢደ፥ “ኔን ጼስና ሄኮ ያድ” ያጌዳ።
\p ሽን ኤል፥ “ታን ኔና ጼሳበይከ፤ ባደ ግሳ” ያጌዳ፤ ሳመል ቢደ ግሴዳ።
\p
\v 6 ቃይካ መና ጎዳይ፥ “ሳመላ” ያጊደ ላኤንዋ ጼሴዳ፤ ሳሜል ደንዲደ፥ ኤልያኮ ቢደ፥ “ኔን ጼስና ሄኮ ያድ” ያጌዳ።
\p ሽን ኤል፥ “ታ ናአዉ፥ ታን ኔና ጼሳበይከ፤ ባደ ግሳ” ያጌዳ።
\p
\v 7 ሳመል ሄዌ መና ጎዳ ግድያዋ ኤርቤና፤ አያዉ ጎፐ፥ መና ጎዳ ቃላይ ብሮ አዉ ቆንጭቤና። 
\v 8 መና ጎዳይ ሳመላ ሄዘንዋ ጼስና ደንዲደ፥ ኤልያኮ ቢደ፥ “ኔን ጼስና ሄኮ ያድ” ያጌዳ።
\p ሄዋን መና ጎዳይ ናኣ ጼስያዋ ኤል አኬኬዳ፤ 
\v 9 “ባደ ግሳ፤ እ ኔና ጼስያዋ ግዶፐ፥ መና ጎዳዉ፥ ኦዳ፤ ታን ነ ቆማይ ስሳይ ያጋ” ያጊደ ኦዴዳ፤ ሳመል ባረ ሳኣ ቢደ ግሴዳ።
\p
\v 10 ሄዋፐ ጉይያን፥ መና ጎዳይ ዪደ ሄዋን ኤቂደ ካሰዋዳን፥ “ሳመላ፥ ሳመላ” ያጊደ ጼሴዳ።
\p ሳመል፥ “ኦዳ፤ ታን ነ ቆማይ ስሳይ” ያጌዳ።
\p
\v 11 መና ጎዳይ ሳመላ፥ “በአ! ስስያ አሳ ኡባዉ ሀይዉ ኢትያ እትባ እስራኤልያ ቦላ ታን ኦና ሀናይ። 
\v 12 ታን ኤልያ ሶይ አሳ ቦላ ሃሳዬዳ ኡባባ ሄ ጋላሳን ኮይሩዋፐ ዉርሰ ጋካናዉ ኤልያ ቦላ አሀና። 
\v 13 ኤል ኤሬዳ ናጋራ ድራዉ፥ ታን አ ሶይ አሳ ቦላ መናዉ ፕርዳናዋ አዉ ኦዳ ዎድ፤ አያዉ ጎፐ፥ አ ናናይ ሸቅስያባ ኦያ ዎደ፥ እ ኡንቱንታ ሴርቤና። 
\v 14 ሄዋ ድራዉ፥ ‘ኤልያ ሶይ አሳ ናጋራይ ያርሹዋንነ እሙዋን ኡባካ አቶ ጌተቶፖ’ ያጋደ ታን አ ሶይ አሳዉ ጫቃድ” ያጌዳ።
\p
\v 15 ሳመል ሳአይ ዎንታና ጋካናዉ ግሴዳ፤ ዎንትና ደንዲደ፥ መና ጎዳ ጎልያ ፐንግያ ዶዬዳ። ሳመል ሳጻባ ኤልያዉ ኦዳናዉ ያዬዳ። 
\v 16 ኤል ሳመላ፥ “ታ ናአዉ ሳሜላ” ያጊደ ጼሴዳ።
\p ሳመል፥ “አቤ” ጊደ ኮዬዳ።
\p
\v 17 ኤል ሀዋዳን ያጊደ ሳመላ ኦቼዳ፤ “ጾሳይ ነዉ ኦዴዳዌ አዬ? ታፐ አይነ ቆሶፓ፤ ኔን ጾሳይ ነዉ ኦዴዳዋፐ እትባነ ታፐ ቆሶፐ፥ ጾሳይ ሄዋዳን ነ ቦላ ኦ” ያጌዳ። 
\v 18 ሄዋፐ ጉየ ሳመል አይነ ቆሰናን ኡባባ ኤልያዉ ኦዴዳ። ኤል፥ “እ መና ጎዳይ፤ እ ባረና ሎኦዋ ኦ” ያጌዳ።
\p
\v 19 ሳመል ድጭያ ዎደ መና ጎዳይ አናና ደኤ፤ ሳመል ሃሳዬዳባፐ እት ቃላይነ ሳኣን ዎቤና። 
\v 20 እስራኤልያ ዛዋን ዳናፐ ቢደ በርሳበሀ ጋካናዉ፥ ሳመል መና ጎዳዉ ቱሙ ትምቢትያ ኦድያዋ ግድያዋ እስራኤልያ አሳይ ኡባይ ኤሬዳ። 
\v 21 መና ጎዳይ ሴሎን ቆንጬ፤ ያን ባረ ቃላን ባረናተ ሳመላዉ ቆንጭሴዳ። ሳመል ሃሳዬዳ ቃላይ እስራኤልያ ኡባ ጋኬዳ።
\c 4
\s1 ጾሳ ታቦታይ ኦሞደቴዳ
\p
\v 1 እስራኤላቱ ፕልስጼማቱዋና ኦለታናዉ ከሴድኖ፤ እስራኤላቱ ኤበንኤዘረን ሺቅና፥ ፕልስጼማቱ አፌቃን ሺቄድኖ። 
\v 2 ፕልስጼማቱ ጭታን ጭታን ግዲደ፥ እስራኤላቱዋና ኦለታናዉ ደንዴድኖ፤ ኦላይ ሱልና፥ ኦይዱ ሻአ እስራኤላቱዋ ዎዳ ፕልስጼማቱዋን እስራኤላቱ ጾነቴድኖ። 
\v 3 ኦላንቻቱ ሺቄዳ ሳኣ ስሜዳ ዎደ፥ እስራኤልያ ጭማቱ፥ “ሀቼ መና ጎዳይ ኑና ፕልስጼማቱዋን አያዉ ጾንሴዴ? ኑናና ባናዳንነ ኑና ኑ ሞርከቱዋ ኩሽያፐ አሻናዳን ጾሳ ቃላ ጫቁዋ ታቦታ ሴሎፐ አነ አሆይተ” ያጌድኖ። 
\v 4 ሄዋ ድራዉ፥ አሳይ ሴሎ ኪትና፥ ክሩበቱዋ ግዱዋን አራታን ኡትያ ኡባፐ ዎልቃማ መና ጎዳ ቃላ ጫቁዋ ታቦታ አሄድኖ። ኤልያ ናናይ ላአቱ ሆፍኒንነ ፒንሃስ ጾሳ ቃላ ጫቁዋ ታቦታና ያን ደኢኖ።\x - \xo 4:4 \xo*\xt ከሳ 25:22\xt*\x*
\p
\v 5 መና ጎዳ ቃላ ጫቁዋ ታቦታይ ሺቄዳ ሳኣ ጋኬዳ ዎደ፥ እስራኤላቱ ኡባይ ቢታይ ቃጻና ጋካናዉ ባረንቱ ቃላ ቁ ኦደ፥ “ጾሳ ቃላ ጫቁዋ ታቦታይ ጋኬዳ” ያጌድኖ።
\p
\v 6 እስራኤላቱዋ ጫቡዋ ፕልስጼማቱ ስሲደ፥ “ሀዌ እብራዌቱ ሺቄድኖ ሳን ስሰትያ፥ ዎልቃማ ዋላሳይ አዬ?” ያጌድኖ።
\p መና ጎዳ ታቦታይ ኡንቱንቱ ሺቄዳ ሳኣ ዬዳዋ ፕልስጼማቱ ኤሪደ ያዬድኖ። 
\v 7 ሀዋዳን ያጌድኖ፤ “ጾሳይ ኡንቱንቱ ሺቄዳ ሳኣ ዬዳ። አየ አና ኑኖ! ሀዋ ማላባይ ሀዋፐ ካሰ ሀን ኤረና። 
\v 8 አየ አና ኑኖ! ሀ ዎልቃማ ጾሳቱዋ ኩሽያፐ ኑና አሻናዌ ኦኔ? ሀ ጾሳቱ ግብጼቱዋ ዎራን ቦሻ ኡባን ሾጬዳዋንታ። 
\v 9 ህንተንቶ ፕልስጼማቶ፥ ምንተ! አሳዳን ኦለትተ! ሄዌ ዮፐ፥ ህንተንቱ ኡንቱንታ ካሰ አይለተን ሞዴዳዋዳን፥ ኡንቱንቱካ ህንተንታ ሞዳናዋንታ። ሄዋ ድራዉ፥ አሳዳን ኦለትተ!” ያጌድኖ።
\p
\v 10 ፕልስጼማቱ ኦለቲደ፥ እስራኤላቱዋ ጾኔድኖ፤ እስራኤላቱ ባረንቱ ዱንካንያኮ ባቃቴድኖ። ሄ ኦላን ዳሮ አሳይ ጎራኤቴዳ፤ እስራኤልያ ኦላንቻቱዋፐ ሀታሙ ሻአይ ሀይቄዳ። 
\v 11 ጾሳ ታቦታይ ኦሞደቴዳ፤ ኤልያ ናናይ ላኡ፥ ሆፍኒንነ ፒንሃስ ሀይቄድኖ።
\s1 ኤልያ ሀይቁዋ
\p
\v 12 ቢንያማ ዛረ ግዴዳ እት ብታኒ ኦላ ደምባፐ ዎጺደ፥ ሄ ጋላስ ሴሎ ጋኬዳ፤ ካዩዋ ኤርሳናዉ እ ባረ ማዩዋ ፔደ፥ ባረ ሁጲያንካ ባና ላሌዳ። 
\v 13 ሄ ብታኒ ጋክያ ዎደ፥ ኤል ባረ ዎዛናን ጾሳ ታቦታባ ህርጌዳ ድራዉ፥ ናጊደ ኦግያ ዶናን ደእያ ባረ ኦይድያን ኡቴዳ። ብታኒ ካታማ ገሊደ፥ ሀኔዳባ ኦድና፥ ካታማይ ኡባይ ዋሱዋ ጹሌዳ።
\p
\v 14 ኤልካ ሄ ዋሱዋ ስሲደ፥ “ሀዌ አይባ ዋሴ?” ያጌዳ።
\p ብታኒ ኤለካ ዪደ፥ ኤልያው ኦዴዳ፤ 
\v 15 ኤል ኡዱፑን ታማነ ሆስፑን ላይ ጭማ ግዴዳ፥ አይፊካ ጼላ አጊደ ጎልጄዳ አሳ። 
\v 16 ብታኒ ኤልያው፥ “ኦላ ደምባፐ ዬዳዌ ታና፤ ታን ሀቼ ያፐ ባቃታድ” ያጌዳ።
\p ሄዋፐ ጉየ ኤል፥ “ታ ናአዉ፥ ያትና ዋኔዴ?” ያጊደ ኦቼዳ።
\p
\v 17 ኦዱዋ አሄዳ ብታኒ፥ “እስራኤላቱ ፕልስጼማቱዋ ስንፐ ባቃቴድኖ፤ ዳሮ አሳይ ዉሬዳ፤ ነ ናናይ ላኡ ሆፍኒንነ ፒንሃስ ሀይቄድኖ፤ ጾሳ ታቦታይካ ኦሞደቴዳ” ያጌዳ።
\p
\v 18 ብታኒ ጾሳ ታቦታባ ኦዴዳ ዎደ፥ ፐንግያ ማታን ደእያ ባረ ኦይድያፐ ኤል ጉየ ኩንድና፤ ባርጋል መእና ሀይቄዳ፤ አያዉ ጎፐ፥ እ ጭማነ ኦርዱዋ። ኤል እስራኤልያ ጋድያን ኦይታሙ ላይ ዳናቴዳ።
\p
\v 19 ኤልያ ናኣ ፒንሃሳ ማቻታ የላናዉ ዎዲ ጋኬዳ ሻሃራ። ጾሳ ታቦታይ ኦሞደቴዳዋነ ባረ ቦሉነ ባረ አስናይ ሀይቄዳዋ አ ስሴዳ ዎደ፥ ቆፐናን የሉ እዞ ኦይቂና የላዱ። 
\v 20 አ ሀይቃናዉ ማታቴዳ ዎደ፥ የልስያዋንቱ፥ “ኔን አቱማ ናኣ የሌዳ ድራዉ ያዮፓ” ያጌድኖ፤ ሽን ኡንቱንቶ አ አይነ ዛራበይኩ፤ ኡንቱንቱ ግያዋካ ሀይዛበይኩ። 
\v 21 አ ባረ ናኣ እካቦዳ\f + \fr 4:21 \fr*\fq እካቦዳ፦ \fq*\ft ሀ ሱን ብለይ እብራዌዋን፥ “ቦንቹ ባዋ” ግያዋ።\ft*\f* ሱንዱ፤ ጾሳ ታቦታይ ኦሞደቴዳ ድራዉነ ባረ ቦሉነ ባረ አስናይ ሀይቄዳ ድራዉ፥ “ቦንቹ እስራኤላቱዋፐ ሻከቴዳ” ያጋዱ። 
\v 22 አ፥ “ቦንቹ እስራኤላቱዋፐ ሻከቴዳ፤ አያዉ ጎፐ፥ ጾሳ ታቦታይ ኦሞደቴዳ” ያጋዱ።
\c 5
\s1 ጾሳ ታቦታይ ፕልስጼማ ካታማቱዋን ደኤዳ
\p
\v 1 ፕልስጼማቱ ጾሳ ታቦታ ኦሞዴዳዋፐ ጉይያን፥ ኤበንኤዜራፐ አሽዶዳ አፌድኖ። 
\v 2 ጾሳ ታቦታ አፊደ፥ ዳጎና ጌተትያ ኤቃ ጎልያ ገልሲደ፥ ዳጎና ማታን ኤሴድኖ። 
\v 3 አሽዶዳ አሳይ ዎንተ ጋላስ ጉሪደ ደንዴዳ ዎደ፥ መና ጎዳ ታቦታ ስንን ዳጎን ባረ ዴሙዋን ቢታን ጉፋኔዳዋ በኤድኖ! ዳጎና ደንደ፥ ካሰ ሳኣን ኤሴድኖ። 
\v 4 ቃይካ ዎንተ ጋላስ ጉራና ደንዲ ዪደ፥ ኡንቱንቱ መና ጎዳ ታቦታ ስንን ዳጎን ባረ ዴሙዋን ቢታን ጉፋኔዳዋ በኤድኖ! ሄ ዎደ ዳጎና ሁጲያነ አ ላኡ ኩሺ መኤረቲደ፥ ፐንገ ጎጳን ደኤ፤ ህንኮ አሳተይ አዌ ዱማ አቴዳ። 
\v 5 ሄዋ ድራዉ፥ ዳጎና ቄሳቱ ነ አሽዶዳን ደእያ ዳጎና ጎልያ ገልያ አሳቱ ኡባይ ዳጎና ፐንገ ጎጳ ሀቼ ጋካናስካ የ ኤርክኖ።
\p
\v 6 አሽዶዳ ካታማ ቦላነ ሄዋ ሄራን ደእያ አሳ ቦላ መና ጎዳ ኩሺ ዎልቃሜዳ፤ ጾሳይ ኡንቱንቱ ቦላን ቦሻ የዲደ፥ ጋፉዋ ሀርግያን ኡንቱንታ ሙሬዳ።
\p
\v 7 አሽዶዳ ካታማ አሳይ ሀኔዳባ በኤዳ ዎደ፥ “እስራኤልያ ጾሳ ኩሺ ኑ ቦላነ ኑ ጾሳ ዳጎና ቦላ ዎልቃሜዳ ድራዉ፥ እስራኤልያ ጾሳ ታቦታይ ኑ ማታን ጋምኦፖ” ያጌድኖ። 
\v 8 ፕልስጼማ ካፓቱዋ ኡባ ባረንቱኮ ጼስ ሺሺደ፥ “እስራኤልያ ጾሳ ታቦታ ዋታኔ?” ያጊደ ኦቼድኖ።
\p ሽን ካፓቱ፥ “እስራኤልያ ጾሳ ታቦታይ ጋተ ጌተትያ ካታማ ቦ” ያጊደ ዛሬድኖ። ያትና፥ እስራኤልያ ጾሳ ታቦታ ጋተ አፌድኖ።
\p
\v 9 ሽን ታቦታይ ጋተ ጋኬዳዋፐ ጉይያን፥ መና ጎዳ ኩሺ ሄ ካታማ ቦላ ዎልቃሚደ፥ ሎይ ዎልቃማ ዳጋንዋ ዳጋንዳ፤ ያቲደ ካታማን ደእያ አሳ ናናቱዋፐ ጭማ ጋካናዉ ጋፉዋ ሀርግያን ሾጬዳ። 
\v 10 ሄዋ ድራዉ፥ ጾሳ ታቦታ ኤቅሮና ካታማ የዴድኖ።
\p ጾሳ ታቦታይ ኤቅሮና ገልያ ዎደ፥ ኤቅሮና አሳቱ ሀዋዳን ያጊደ ዋሴድኖ፤ “ኑናነ ኑ አሳ ዎናዉ እስራኤልያ ጾሳ ታቦታ ኑኮ አሄድኖ” ያጌድኖ። 
\v 11 ሄዋ ድራዉ፥ ፕልስጼማ ካፓቱዋ ጼስ ሺሺደ፥ “እስራኤልያ ጾሳ ታቦታ ሀዋፐ ድግተ፤ እ ጉየ ባረ ሳኣ ስሞ፤ ሄዌ ዮፐ፥ ኑናነ ኑ አሳ ዎና” ያጌድኖ። አያዉ ጎፐ፥ ካታማ ኡባን ሀይቁዋ ዳጋማይ ደኤ፤ ጾሳ ኩሺካ ካታማ ቦላ ዎልቃሜዳ። 
\v 12 ሀይቁዋፐ አቴዳ አሳቱ ጋፉዋ ሀርጌድኖ፤ ሄ ካታማ ዋሱነ ሳሉዋ ጋኬዳ።
\c 6
\s1 ጾሳ ታቦታይ እስራኤልያ ስሜዳ
\p
\v 1 መና ጎዳ ታቦታይ ፕልስጼማ ቢታን ላፑን አግና ኡቴዳ። 
\v 2 ሄ ዎደ ፕልስጼማ አሳቱ ቄሳቱ ዋነ ሻሬቻቱዋ ጼሲደ፥ “መና ጎዳ ታቦታ ኑን ዋታኔ? ኑን ጉየ አ ሳኣ አ ዎት የዳነንቶ፥ ኑዉ ኦድተ” ያጌድኖ።
\p
\v 3 ኡንቱንቱ፥ “እስራኤልያ ጾሳ ታቦታ ጉየ የድያዋ ግዶፐ፥ መላ የዶፕተ፤ አይ ሀኒደነ ህንተንቱ ባይዙዋ ያርሹዋ አዉ የድተ፤ ያቶፐ፥ ህንተንቱ ፓጻና፤ አ ኩሺ ህንተንቱ ቦላፐ አያዉ ክችቤነንቶካ ህንተንቱ ኤራና” ያጊደ ዛሬድኖ።
\p
\v 4 ፕልስጼማ አሳቱ፥ “ኑን አዉ የዳናዉ በስያ ባይዙዋ ያርሹ አዬ?” ያጊደ ኦቼድኖ።
\p ሽን ኡንቱንቱ፥ “ህንተናነ ህንተንቱ ካፓቱዋ ጋኬዳ ቦሻይ እቱዋ ግድያ ድራዉ፥ ፕልስጼማ ካፓቱ ፓይዱዋዳን እቼሹ ዎርቃ ክጻቱዋነ እቼሹ ዎርቃ ኤጨረቱዋ የድተ። 
\v 5 ህንተንቱ ሄ ክጻነ ህንተንቱ ጋድያ ባይዝያ ሄ ኤጨረቱ ምስለቱዋ መደ፥ እስራኤልያ ጾሳዉ ቦንቹዋ እምተ፤ ኦን ኤሪ ህንተንቱ ቦላፐ፥ ህንተንቱ ጾሳቱዋ ቦላፐነ ህንተንቱ ጋድያ ቦላፐ ባረ ኩሽያ እ ደንናዋ። 
\v 6 ግብጼ አሳቱነ ኡንቱንቱ ካቲ ዞርያ አከናን እጼዳዋዳን፥ ህንተንቱ አያዉ ዞርያ አከናን እጺቴ? ጾሳይ ኡንቱንታ ኢሲደ ሙርና፥ ኡንቱንቱ እስራኤላቱዋ ባረንቱ ኦግያ ባና ማላ የድበይክኖየ?
\p
\v 7 “ሀእ እት ኦራ ጋርያ ጊግስተ፤ ቃምባራይ ኡንቱንቱ ሞርግያን ዎ ኤረና፥ ንያ ላኡ ሚዛቱዋ ሄ ጋርያን ዋጽተ፤ ሽን ማራቱዋ ኡንቱንቱፐ ዱደ ሶይ አፍተ። 
\v 8 መና ጎዳ ታቦታ አኪደ፥ ጋርያ ቦላን ዎተ፤ ባይዙዋ ያርሾ ሺሼዳ ዎርቃ ሚሻ ሳጽንያ ግዶን የጊደ፥ ሳጽንያ ጾሳ ታቦታ ማታን ዎደ፥ እ ባና ማላ የድተ። 
\v 9 ሽን እ ብያሳኣ ጼልተ፤ እ ባረ ዛዋ ኦይቂደ፥ ቤት-ሸመሽ ዛሪደ ብያዋ ግዶፐ፥ ሀ ዎልቃማ ቦሻ ኑ ቦላ አሄዳዌ መና ጎዳ፤ ቤናዋ ግዶፐ፥ ሀዌ ኑ ቦላ ጮ ጋኬዳፐ አትና፥ ኑና ደቼዳዌ ጾሳ ኩሸ ግደናዋ ኑን ኤራና” ያጊደ ዛሬድኖ።
\p
\v 10 ኡንቱንቱ ሄዋዳን ኦድኖ፤ ኡንቱንቱ ንያ ላኡ ሚዛቱዋ አኪደ፥ ጋርያን ዋጼድኖ፤ ሚዛቱ ማራቱዋካ ሶን ጎርዴድኖ። 
\v 11 ኡንቱንቱ መና ጎዳ ታቦታነ ቃይ ዎርቃ ኤጨረቱዋነ ጋፉዋ ማላትስ መዳ ምስለቱዋ የጌዳ ሳጽንያ ጋርያን ዎድኖ። 
\v 12 ሄዋፐ ጉይያን፥ ሚዛቱ ቤት-ሸመሽ አፍያ ኦግያ ኦይቂ ስት ጊደ፥ “ህምባ!” ግ ዋሲደ ቤድኖ፤ ኡንቱንቱ ኦግያና ቢደ፥ ኡሸቻ ዎይ ሀድርሳ ስምበይክኖ፤ ፕልስጼማ ካፓቱ ሚዛቱ ጌዱዋ ካሊደ፥ ቤት-ሸመሻ ዛዋ ጋካናዉ ቤድኖ።
\p
\v 13 ቤት-ሸመሻ አሳቱ ሄ ዎደ ዎምባን ዛርጋ ጫኪኖ፤ ኡንቱንቱ ፑደ ቁ ግ ጼሊደ፥ ታቦታ በኢደ ናሸቴድኖ። 
\v 14 ጋሪ ቤት-ሸመሽያ ኢያሱ ጋደ ጋኪደ፥ እት ዎልቃማ ዛላ ማታን ኤቄዳ፤ ኡንቱንቱ ጋርያ ም ቆኢደ፥ ጹግያ ያርሹዋዳን ሄ ሚዛቱዋ መና ጎዳዉ ያርሼድኖ። 
\v 15 ሌዋቱ መና ጎዳ ታቦታነ ዎርቃ ሚሻና ደእያ ሳጽንያ ጋርያፐ ደንደ፥ ዎልቃማ ዛላ ቦላ ዎድኖ። ሄ ጋላስ ቤት-ሸመሻ አሳቱ ጹግያ ያርሹዋ መና ጎዳዉ ያርሼድኖ፤ ቃይ ሀራ ያርሾቱዋካ ያርሼድኖ። 
\v 16 ፕልስጼማ ካፓቱ እቼሻቱ ሀኔዳባ ኡባ በኢደ፥ ሄ ጋላስካ ኤቅሮና ስሜድኖ።
\p
\v 17 ፕልስጼማ አሳቱ ባይዙዋ ያርሹዋ መና ጎዳዉ ኪቴዳ ዎርቃ ጋፋቱ አሽዶዳ፥ ጋዛ፥ አስቃሎና፥ ጋታነ ኤቅሮና ጌተትያ ኡንቱንታ እቼሹ ካታማቱዋ ሱንን እቱዋ እቱዋ ኪቴዳዋንታ። 
\v 18 ዎርቃ ኤጨረቱ ፓይዱ ፕልስጼማ ካፓቱ እቼሻቶ ደእያ ግምበቴዳ ካታማቱነ ግምበትቤና ሞቱ ኡባ ኬሻ። ኡንቱንቱ መና ጎዳ ታቦታ ዎዳ ዎልቃማ ዛላይ፥ ቤት-ሸመሽያ ኢያሱ ጋደን ደእያዌ ሀቼ ጋካናዉካ ሄዎ ማርካ ግዲደ ደኤ።
\p
\v 19 ሽን ጾሳይ ቤት-ሸመሻ አሳፐ አማሬዳዋንታ ሾጬዳ፤ ኡንቱንቱፐ ላፑን ታሙዋ ዎዳ፤ አያዉ ጎፐ፥ ኡንቱንቱ መና ጎዳ ታቦታ ግዶ ጼሌድኖ። መና ጎዳይ ኡንቱንቱ አሳ ሱፑ ኦዳ ድራዉ፥ አሳይ ዬኬዳ። 
\v 20 ሄዋ ድራዉ፥ ቤት-ሸመሻ አሳይ፥ “መና ጎዳ ስንን፥ ሀ ጌሻ ጾሳ ስንን ኦን ኤቃናዉ ዳንዳዪ? ታቦታይነ ኑፐ ፑደ ኦኮ ባኔ?” ያጌዳ። 
\v 21 ቅርያት-ይኣሪማን ደእያ አሳቱዋኮ ኪታ የዲደ፥ “ፕልስጼማ አሳቱ መና ጎዳ ታቦታ ዛሬድኖ፤ ዱገ ዪደ፥ አ ፑደ ኡንቱንቱኮ አኪደ ቢተ” ያጌድኖ።
\c 7
\p
\v 1 ቂርያት-ይኣሪማ አሳቱ ዪደ፥ መና ጎዳ ታቦታ አፊደ ደርያ ሁጲያን ደእያ አብናዳባ ሶይ አሄድኖ። መና ጎዳ ታቦታ ናጋናዳን፥ አብናዳባ ናኣ ኤልኣዛራ ዱማዪደ ሱንድኖ።\x - \xo 7:1 \xo*\xt 2 ሳሜላ 6:2-4፤ 1 ኦዱዋ 13:5-7\xt*\x*
\s1 ሳመል እስራኤልያ አሳ ቦላ ዳናቴዳ
\p
\v 2 ታቦታይ ቂርያት-ይኣሪማን ዳሮ ዎድያ ጋምኤዳ፤ ሄዌነ፥ ላታሙ ላይ ኬሻ ግድያዋ። እስራኤልያ አሳይ ኡባይ ካዮቲደ፥ መና ጎዳኮ ዋሴድኖ።
\p
\v 3 ሳመል እስራኤልያ አሳዉ ኡባዉ፥ “ኩመን ዎዛናፐ ህንተንቱ መና ጎዳኮ ስሞፐ፥ አላጋ ጾሳቱዋነ አስታሮታ ግያ ጾሳ ህንተንቱ ግዶፐ ድግተ፤ ህንተንቱ ሁጲያ መና ጎዳዉ ሼተ፤ አ ጻላላዉ ኪተትተ፤ ያቶፐ፥ እ ህንተንታ ፕልስጼማቱዋ ኩሽያፐ አሻናዋ” ያጊደ ሃሳዬዳ። 
\v 4 ሄዋ ድራዉ፥ እስራኤልያ አሳቱ ባኣላነ አስታሮታ ባረንቱ ግዶፐ ድጊደ፥ መና ጎዳ ጻላላዉ ጎይኔድኖ።
\p
\v 5 ሄዋፐ ጉይያን፥ ሳመል እስራኤላቱዋ፥ “ኡባይካ ምጽጳ ሺቅተ፤ ታን ህንተንቶ ያን መና ጎዳ ጋናታና” ያጌዳ። 
\v 6 ኡንቱንቱ ምጽጳ ሺቂደ ሃ ዱቂደ፥ መና ጎዳ ስንን ትጌድኖ፤ ሄ ጋላስ ኡንቱንቱ ጾሚደ ሄ ሳኣን፥ “ኑን መና ጎዳ ቦላ ናጋራ ኦዶ” ያጊደ ፓጼድኖ። ምጽጳን ሳመል እስራኤልያ አሳ ቦላ ዳናቴዳ።
\p
\v 7 እስራኤላቱ ምጽጳን ሺቄዳዋ ፕልስጼማ አሳቱ ስሴዳ ዎደ፥ ኡንቱንቱ ካፓቱ እስራኤላቱዋ ኦላናዉ ፑደ ከሴድኖ። እስራኤላቱ ሄዋ ስሲደ፥ ፕልስጼማቶ ያዬድኖ። 
\v 8 እስራኤላቱ ሳመላ፥ “እ ፕልስጼማ አሳ ኩሽያፐ ኑና አሻና ማላ፥ ኔን ኑዉ መና ጎዳኮ፥ ኑ ጾሳኮ፥ ዎስያዋ አጎፓ” ያጌድኖ። 
\v 9 ሳመል እት ምያ ዶርሳ ማራ አኪደ፥ አሹዋ ዉርስ ጹግያ ያርሹዋዳን መና ጎዳዉ ያርሺደ እስራኤላቱ ድራዉ መና ጎዳዉ ዎስና መና ጎዳይ አዉ ስሴዳ።
\p
\v 10 ሳመል ጹግያ ያርሹዋ ያርሽያ ዎደ፥ ፕልስጼማቱ እስራኤላቱዋና ኦለታናዉ ሺቄድኖ። ሽን ሄ ጋላስ ፕልስጼማቱዋ ቦላ መና ጎዳይ ዎልቃማ ጉጉን ጉንደ ዳጋንና፥ ኡንቱንቱ እስራኤላቱ ስንፐ ባቃቴድኖ። 
\v 11 እስራኤላቱ ምጽጳፐ ዎጽ ከሲደ፥ ፕልስጼማቱዋ የደርሲደ፥ ቤትካራፐ ጋርሳ ጋካናዉ ኦግያን ዎድኖ።
\p
\v 12 ሄዋፐ ጉይያን፥ ሳመል እት ሹቻ አኪደ፥ ምጽጳፐነ ሼናፐ ግዱዋን ኤሲደ፥ “መና ጎዳይ ሀእ ጋካናዉ ኑና ማዴዳ” ያጊደ ሄ ሳኣ ኤበንኤዜራ ሱንዳ።\f + \fr 7:12 \fr*\fk ኤበንኤዜራ፦ \fk*\ft ሀ ሱን ብለይ “ማድያ ሹቻ” ግያዋ።\ft*\f* 
\v 13 ፕልስጼማ አሳቱካ ጾነቴድኖ፤ ኡንቱንቱ እስራኤልያ ጋድያ ቦላ ላኤንዋ ዎራጅበይክኖ። ሳመል ደኤዳ ላይ ኡባን መና ጎዳ ኩሺ ፕልስጼማ አሳ ቦላ ዎልቃሜዳ። 
\v 14 ፕልስጼማ አሳቱ ኤቅሮናፐ ጋተ ጋካናዉ እስራኤላቱዋፐ ኦሞዴዳ ካታማቱ እስራኤላቶ ስሜድኖ፤ እስራኤላቱካ ባረንቱ ካሰ ዛዋ ፕልስጼማ አሳቱዋ ኩሽያፐ ዎ አኬድኖ። ቃይ እስራኤልያ አሳይነ አሞረ አሳይ ሳሮ ደኤዳ።
\p
\v 15 ሳመል ባረ ደኡዋ ላይ ኡባን እስራኤልያ ቦላን ዳናቴዳ። 
\v 16 ሳመል ላይን ላይን ቤቴለ፥ ገልገላነ ምጽጳ እ ዩይያ ሳአቱዋ ኡባን እስራኤልያ ቦላን ዳናቴ። 
\v 17 አ ጎሊ ራማን ደእያ ድራዉ፥ ያ ስሚደ ሄ ሳኣን እስራኤልያ ቦላን ዳናቴ። እ ሄ ሳኣን መና ጎዳዉ ያርሽያ ሳኣ ኪተቴዳ።
\c 8
\ms ሳኦል ካትያ ግዱሳ
\mr (8:1—10:27)
\s1 እስራኤልያ አሳይ ካትያ ኮዬዳ
\p
\v 1 ሳመል ጭሜዳ ዎደ፥ ባረ ናና እስራኤልያ ቦላ ዳና ኦደ ሱንዳ። 
\v 2 አ ባይራ ናኣ ሱንይ ዩኤላ፤ ቴፋ ናኣ ሱንይ አቢያ፤ ሄ ናናይ በርሳቤሀን ዳናቲኖ። 
\v 3 አ ናናይ አ ኦግያን ሀመትበይክኖ። ኡንቱንቱ በሰና ጎኣ ደማናዉ ዎራ ስሜድኖ፤ ማታይያ አኪደ፥ ጽሎ ፕርዳ ምርቄድኖ።
\p
\v 4 ሄዋ ድራዉ፥ እስራኤልያ ጭማቱ ኡባይ እትፐ ሺቂደ፥ ሳመላኮ ራማ ካታማ ዪደ፥ 
\v 5 “ሄኮ ኔን ጭማዳ፤ ነ ናናይ ነ ኦግያ ሀመትክኖ፤ ሀራ ካዉተ ኡባዳን ኑና አይሳናዉ ካትያ ሀእ ኑዉ ሱን” ያጌድኖ።\x - \xo 8:5 \xo*\xt ዛረ. 17:14\xt*\x*
\p
\v 6 ኡንቱንቱ፥ “ኑና አይሳናዉ ካትያ ኑዉ እማ” ጌዳ የዉ ሳመላ ናሸችቤና። ሄዋ ድራዉ፥ ሳመል መና ጎዳ ዎሴዳ። 
\v 7 መና ጎዳይ ሳመላ፥ “አሳይ ኔና ግያ ቃላ ኡባ ስሳ፤ አያዉ ጎፐ፥ ታን ኡንቱንቱ ቦላ ካተተናዳን፥ ኡንቱንቱ ታና እጼድኖፐ አትና፥ ኔና እጽበይክኖ። 
\v 8 ኡንቱንቱ ታን ግብጼፐ ከሴዳ ጋላሳፐ ዶሚደ፥ ሀቼ ጋካናዉ ታና አጊደ፥ ሀራ ጾሳቶ ጎይኒደ ደኤድኖ፤ ስም ሀእ ኡንቱንቱ ታ ቦላ ኦዳዋ ኡባ ነ ቦላካ ኦኖ። 
\v 9 ሀእካ ኡንቱንቱ ቃላ ስሳ፤ ሽን ኡንቱንታ ምንሳደ ሴራ፤ ኡንቱንቱ ቦላን ካተታና ካትያ ዎጋ ኡንቱንታ ኤርሳ” ያጌዳ።
\p
\v 10 ካትያ ኦቼዳ አሳዉ መና ጎዳይ ኦዴዳ ቃላ ኡባ ሳመል ኦዴዳ። 
\v 11 እ ኡንቱንቶ ሀዋዳን ያጌዳ፤ “ህንተንቱ ቦላ ካተታና ካቲ ህንተንታ ኦናባይ ሀዋ: ህንተንቱ አቱማ ናና አኪደ፥ ጋርያ አሳቱዋነ ፓራ አሳቱዋ ከሳና፤ ኡንቱንቱ አ ጋርያ ስንን ዎጻና። 
\v 12 ኡንቱንቱፐ ሄዋ ሻላቃቱዋነ እሻታሙዋ ካፓቱዋ፥ ሀራቱዋ አ ጋድያ ጎሽያዋንታነ አ ካ ጫክያዋንታ፥ ቃይ ሀራቱዋ አ ኦላ ሚሻነ አ ፓራ ጋረቱዋ ሚሻ ኦያዋንታ ከሳና። 
\v 13 ህንተንቱ ማጫ ናናካ አፊደ፥ ባረዉ ሽቱዋ ጊግስያዋንታ፥ ካያዋንታነ ኡክያዋንታ ከሳና። 
\v 14 ህንተንቱ ጎሻፐ፥ ዎይንያ ቱራ ሳፐነ ዎጋራ ሳፐ ኡባፐ ሎእያዋ አኪደ፥ ባረ ኦሳንቻቶ እማና። 
\v 15 ካፐነ ዎይንያፐ ታሙዋፐ እት ኩሽያ እ አኪደ፥ ባረ ሱንቶነ ባረ ኦሳንቻቶ እማና። 
\v 16 ህንተንቱ አቱማ ቆማቱዋፐነ ማጫ ቆማቱዋፐ፥ ቃይ ህንተንቱ ሚዛፐነ ሀርያፐ ሎእያዋንታ አኪደ፥ ባረ ኦሱዋ ኦስሳናዋንታ። 
\v 17 ህንተንቱ ዶርሳፐነ ዴሻፐ ታሙዋፐ እት ኩሽያ እ አካና፤ ህንተንቱካ አ ቆማቱዋ ግዳና። 
\v 18 ሄ ጋላስ ህንተንቱ ህንተንቶ ዶሬዳ ካትያፐ ዋሳና፤ ሽን ሄ ጋላስ መና ጎዳይ ህንተንቱ ዋሱዋ ስሰና” ያጌዳ።
\p
\v 19 አሳይ ሳሜላ ቃላ ስሰናን እጺደ፥ “ቱይት! ቱይት! ኑዉ ካቲ ደኦ። 
\v 20 ያቶፐ፥ ኑንካ ሀራ ካዉተቱ ኡባ ማላ ግዳና። ኑ ካቲ ኑና አይሳና፤ ኑ ስን አደ፥ እ ኑ ድራዉ ኦለታናዋ” ያጌድኖ።
\p
\v 21 ሳመል አሳ ቃላ ኡባ ስሲደ መና ጎዳዉ ኦዴዳ። 
\v 22 መና ጎዳይ ሳመላ፥ “ኡንቱንቱ ቃላ ስሳ፤ ኡንቱንቱ ቦላ ካትያ ካዉ” ያጌዳ።
\p ሳመል እስራኤልያ አሳ፥ “አሳይ ኡባይ ባረ ካታማ ካታማ ስሞ” ያጌዳ።
\c 9
\s1 ሳኦላነ ሳመላ
\p
\v 1 ቢንያማ ዛርያፐ ቂሳ ግያ እት ብታኒ ደኤ፤ እ አቢኤላ ናኣ፤ አቢኤል ጻሮራ ናኣ፤ ጻሮር ባኮራታ ናኣ፤ ባኮራት ቢንያማ ዛርያ አፊሀ ናኣ፤ ሄ ብታኒ ዎልቃማ አሳ። 
\v 2 አዉ ሳኦላ ጌተትያ እት ዎዳላ ሎኦ ናአይ ደኤ፤ እስራኤላቱዋ ግዶን አፐ አ ሎእያ አሳይ ባዋ፤ እ ሀሽያፐ ቆሞ ባጋን አሳ ኡባፐ አዱቄ።
\p
\v 3 እት ጋላስ ሳኦላ አዉዋ ቂሰ ሀረቱ ባይና ቂስ ባረ ናኣ ሳኦላ፥ “ቆማቱዋፐ እቱዋ አካደ፥ ሀረቱዋ ኮያናዉ ባ” ያጌዳ። 
\v 4 ኡንቱንቱ ኤፍሬማ ገዝያናነ ሻሊሻ ቢታና ኮዪደ አድኖ፤ ሽን ሀረቱዋ ደምበይክኖ። ቃይ ሻእሊማ ቢታና አድኖ፤ ሽን ሄዋንካ ሀረቱ ባዋ። ቢንያማ ቢታናካ አድኖ፤ ሽን ያንካ ደምበይክኖ።
\p
\v 5 ኡንቱንቱ ጹፋ ቢታ ጋኬዳ ዎደ፥ ሳኦል ባረናና ደእያ ቆማ፥ “ሃያ፤ አነ ጉየ ስሞይተ፤ ሄዌ ዮፐ፥ ታ አዉ ሀረቱዋባ ቆፕያዋ አጊደ፥ ኑዉ ህርጋናዋ” ያጌዳ።
\p
\v 6 ሽን ቆማይ፥ “በአ! ጾሳ አሳ እቱ ሀ ካታማን ደኤ። እ ቦንቼቴዳ አሳ፤ እ ኦድያ ኡባባይ ቱማቴ። አነ ሀእ ኑን ያ ቦይተ፤ ኦን ኤሪ ኑን ባና ኦግያ እ ኑዉ ኦዳነንቶነ” ያጌዳ።
\p
\v 7 ሳኦል ባረ ቆማ፥ “ኑን ብያዋ ግዶፐ፥ አዉ አይ እማኔ? ኮሮጁዋፐ ቁማይ ዉሬዳ፤ ኑን ጾሳ አሳዉ እምያባይ ባዋ። ኑዉ አያይ ደኢ?” ያጌዳ።
\p
\v 8 ሄዋፐ ጉየ ቆማይ ሳኦላዉ፥ “በአ፤ ታ ኩሽያን እት ጻጋራ ብራዉ ምሳይ ደኤ፤ ኑን ባና ኦግያ ጾሳ አሳይ ኑዉ ኦዳናዳን ሀ ብራ አዉ እማና” ያጊደ ዛሬዳ።
\p
\v 9 (በን ዎደ እስራኤልያ ቢታን እት አሳይ ጾሳ ኦቻናዉ ቢደ፥ “ሃይተ፤ አነ ጼልያዋኮ ቦይተ” ያጌ። አያዉ ጎፐ፥ ሀ ዎድያን ትምቢትያ ኦድያዌ በን ዎድያን ጼልያዋ ጌተቴ።) 
\v 10 ሳኦል ባረ ቆማ፥ “ሎአ፤ ደንዳ” ያግና፥ ጾሳ አሳይ ደእያ ካታማ ቤድኖ። 
\v 11 ካታማ ፑደ ኡንቱንቱ ከስሽን፥ ሃ ትካናዉ ይያ ዎዶራቱዋና ኦግያን ጋከቲደ ሄ ጌላዮቱዋ፥ “ጼልያዌ ሀዋን ደኢ?” ያጊደ ኦቼድኖ።
\p
\v 12 ኡንቱንቱ፥ “ኤ ደኤ፤ ሄዋ በእተ፤ እ ህንተፐ ስንና ደኤ፤ ኤለካ አኮ ቢተ። አሳይ ሀቼ ጎይንያ ቃ ሳኣን ያርሽያ ድራዉ፥ እ ኑ ካታማ ዬዳ። 
\v 13 ካታማ ኡንቱንቱ ገሌዳ ሳና፥ እ ማናዉ ጎይንያ ቃ ሳኣ ከሰናን ደእሽን ደማና። እ ጋከናን ደእሽን፥ አሳይ ሙሳ ዶመና፤ አያዉ ጎፐ፥ ያርሹዋ እ አንጃናዉ ኮሼ። እ አንጄዳዋፐ ጉይያን፥ ሾበቴዳዋንቱ ማና። ፑደ ቢተ፤ ህንተንቱ አ ሀእ ደማና” ያጌድኖ። 
\v 14 ሄዋፐ ጉየ ኡንቱንቱ ካታማ ቤድኖ፤ ኡንቱንቱ ካታማ ገልያ ዎደ፥ ሳመል ጎይንያ ቃ ሳኣ ፑደ ቢደ፥ ኡንቱንቱና ጋከታናዉ ይያዋ በኤድኖ።
\p
\v 15 ሳኦል ያናፐ ካሰ ጋላስ፥ ሳመላዉ መና ጎዳይ ሀዋዳን ያጊደ ቆንጭስ ዎዳ፤ 
\v 16 “ዎንታ ሀኖደ ቢንያማ ጋድያፐ እት ብታንያ ታን ኔኮ የዳና፤ እ ታ አሳ እስራኤልያ ካለና ማላ አ ኦካ፤ ታ አሳ ፕልስጼማ አሳቱዋ ኩሽያፐ እ አሻናዋ፤ አያዉ ጎፐ፥ ታ አሳ ዋሱ ታኮ ጋክና፥ ታን ኡንቱንታ ጼላድ” ያጌዳ።
\p
\v 17 ሳመል ሳኦላ በኤዳ ዎደ፥ መና ጎዳይ ሳመላ፥ “በአ! ታን ነዉ ኦዴዳ ብታኒ ሀዋ፤ እ ታ አሳ ሞዳናዋ” ያጌዳ።
\p
\v 18 ሳኦል ፐንግያ ማታን ደእያ ሳመላኮ ሺቂደ፥ “ጼልያዋ ጎሊ ሀቃነንቶ ሀይ ታዉ ኦዳርኪ?” ያጌዳ።
\p
\v 19 ሳመል ሳኦላዉ፥ “ጼልያዌ ታና። ሀቼ ህንተንቱ ታናና ምያ ድራዉ፥ ታፐ ስንቲደ፥ ፑደ ጎይንያ ቃ ሳኣ ቢተ። ታን ኔና ዎንት ጉራና የዳና፤ ነ ዎዛናን ደእያ ኡባባ ታን ኦዳና። 
\v 20 ሄዙ ጋላሳፐ ካሰ ባዬዳ ነ ሀረቱዋ ግዶፐ፥ ኡንቱንቱ ቤቴዳ ድራዉ፥ ህርጎፓ። እስራኤልያ አሳይ ኡባይ አሞትያዌ ኦኔ? ኔናነ ነ አዉዋ ሶይ አሳ ግደኔ?” ያጌዳ።
\p
\v 21 ሳኦል ዛሪደ፥ “ሽን ታን እስራኤልያ ዛርያ ኡባፐ ላፍያ ቢንያማ ዛርያ ግድክታ? ታ ሶይ አሳይካ ቢንያማ ዛርያ ግዶን ጉጽያዋ ግደኔ? ኔን አያዉ ታዉ ሀዋ ማላ ሃሳያይ?” ያጌዳ።
\p
\v 22 ሄዋፐ ጉይያን፥ ሳመል ሳኦላነ አ ቆማ አፊደ፥ አኮ ዉይግያ ገልሲደ ሄ ሳኣን ሾበቴዳ ሀታሙ ግድያ አሳፐ ቆሞ ባጋና አራታን ኡትሴዳ። 
\v 23 ሳመል ቁማ ካያዋ፥ “ነ ማታን ዎሻ ጋደ ታን ነዉ እሜዳ አሹዋ ሀማ” ያጌዳ።
\p
\v 24 ሄዋፐ ጉየ ካያዌ ሎኡዋነ አ ቦላን ደእያዋ አክ አሂደ፥ ሳኦላ ስንን ዎዳ። ሳመል ሳኦላ፥ “ነዉ አሼዳዌ ሀዋ፤ አካደ ማ። አያዉ ጎፐ፥ ታን እማቱዋ ሾቦደፐ ዶማደ፥ ሀዋ ነዉ አሻድ” ያጌዳ። ሄ ጋላስ ሳኦል ሳመላና ሜዳ። 
\v 25 ኡንቱንቱ ጎይንያ ቃ ሳፐ ዱገ ካታማ ዎና፥ ሳመል ሳኦላዉ ጎልያ ቦላን ደምባዪደ ኦዳ ሳኣን ግሱዋ ሂጽና ግሴዳ።
\s1 ሳመል ሳኦላ ኦኪደ ካተዬዳ
\p
\v 26 ኡንቱንቱ ጉራና ደንዴድኖ፤ ሳአይ ዎንትና፥ ሳመል ሳኦላ ሄ ጎልያ ቦላፐ ጼሲደ፥ “ጊጋ፤ ታን ኔና ሞይዛና” ያጌዳ። ሳኦል ጊግና፥ እነ ሳመልነ ላኡ እትፐ ኦግያ ከሴድኖ። 
\v 27 ኡንቱንቱ ካታማ ጋጻ ዎሽን፥ ሳመል ሳኦላ፥ “ቆማይ ኑፐ ስንዉ አና ማላ ኦዳ” ያጌዳ፤ ቆማይ ስንዉ አዳ። ሳመል ሳኦላ፥ “ታን ነዉ ጾሳይ ጌዳዋ ኦዳና ማላ፥ ሀዋን ላፋ ታካሻ” ያጌዳ።
\c 10
\p
\v 1 ሄ ዎደ ሳመል ትግያባና ዛይትያ አኪደ፥ ሳኦላ ሁጲያን ትጊደ ሳኦላ የሪደ፥ ሀዋዳን ያጌዳ፤ “ባረ አሳ እስራኤልያ ሞዳና ማላ መና ጎዳይ ኔና ኦኬዳ ግደኔ? ኔን አ አሳ ካለደ፥ ኡንቱንቱ ዩሹዋን ደእያ ሞርከቱዋ ኩሽያፐ ኡንቱንታ አሻና። አ አሳ ኔን ሞዳና ማላ፥ ጾሳይ ኔና ኦኬዳዎ ማላታይ ሀዋ። 
\v 2 ኔን ሀቼ ታፐ ሻከትያ ዎደ፥ ራሄል ዱፉዋ ማታን፥ ቢንያማ ዛዋን ደእያ ጸልጻሀ ግያ ሳኣን ላኡ አሳቱዋና ጋከታናሳ ኡንቱንቱ ኔና፥ ‘ኔን ኮሻ ቤዳ ሀረቱ ቤቴድኖ፤ ሀእ ነ አዉ ሀረቱዋ ቆፕያዋ አጊደ፥ “ታ ናአይ ዬዳ፤ ሽን ዋኖሻ?” ያጊደ ነባ ህርጌ’ ያጊደ ኦዳናዋ።
\p
\v 3 “ኔን ሄ ሳፐ ደንዳደ፥ ታቦራ ጌተትያ ዎልቃማ ም ጋካናዉ ባናሳ፤ ኔን ቢሽን፥ ጾሳኮ ቤቴለ ብያ ሄዙ አሳቱ ኔናና ጋከታናዋንታ። ኡንቱንቱፐ እቱ ሄዙ ዴሻ ማራቱዋ ቶኬዳ፤ ላኤን ሄዙ ኡክ ቶኬዳ፤ ሄዘን ኦጎሩዋ ኩሜዳ ዎይንያ ኤሳ ቶኬዳ። 
\v 4 ኡንቱንቱ ኔና ሳሮታና፤ ነዉ ላኡ ኡክ ኡንቱንቱ እማና፤ ኔን ኡንቱንቱ ኩሽያፐ ሄ ኡክ አካናሳ።
\p
\v 5 “ሄዋፐ ጉይያን፥ ኔን ፕልስጼማ ኦላንቻቱ ጭታይ ደእያ ጾሳ ግብኣ ግያ ካታማ ባና። ኔን ሄ ካታማ ጋክያ ዎደ፥ ዲና ካራቡዋና፥ ፑላልያናነ ማስንቁዋና ካኢድነ ትምቢትያ ኦዲደ፥ ጎይንያ ቃ ሳኣፐ ዱገ ዎያ ትምቢትያ ኦድያዋንቱ ጩጉዋና ጋከታናሳ፤ 
\v 6 መና ጎዳ አያናይ ነ ቦላ ዎልቃፐ ዎና ኔንካ ኡንቱንቱና ትምቢትያ ኦዳናሳ፤ ኔን ላመታደ ሀራ አሳ ግዳና። 
\v 7 ሀ ማላታቱ ፖለትያ ዎደ፥ ነ ኩሽያን ጋከቴዳባ አያነ ኦ፤ አያዉ ጎፐ፥ ጾሳይ ኔናና ደኤ።
\p
\v 8 “ኔን ታፐ ስንታደ ገልጋላ አ። ታንካ ቱሙፐ ጹግያ ያርሹዋነ ሳሮተ ያርሹዋ ያርሻናዉ ኔኮ ዱገ ባና። ታን ኔኮ ባደ ኔን ኦናባ ኦዳና ጋካናዉ፥ ላፑን ጋላሳ ጋምኣሳ” ያጌዳ።
\p
\v 9 ሳኦል ሳመላፐ ሻከትሽን፥ ጾሳይ ሳኦላ ዎዛና ላሜዳ፤ ቃይ ሄ ማላታቱ ኡባይ ሄ ጋላሳ ሀኔድኖ። 
\v 10 ሳኦልነ ቆማይ ግብኣ ጋክና፥ ትምቢትያ ኦድያዋንቱ ጩጉ አናና ጋከቴዳ፤ ጾሳ አያናይ አ ቦላ ዎልቃፐ ዎዳ፤ ኡንቱንቱ ግዶን ትምቢትያ ኦዴዳ። 
\v 11 ሳኦላ ካሰ ኤርያዋንቱ ኡባይ ትምቢትያ ኦድያዋንቱና ትምቢትያ ኦድያዋ በኢደ፥ እቱ እቱዋ፥ “ቂሳ ናአይ ዋን ክቼዴ? ቃይ ሳኦለካ ትምቢትያ ኦድያዋንቱ ዛቴየ?” ያጌድኖ። 
\v 12 ሄ ሳኣን ደእያ እት ብታኒ ኡንቱንቶ፥ “ኡንቱንቱ አዉ ኦኔ?” ያጊደ ዛሬዳ። ሄዋ ድራዉ፥ “ሳኦለካ ትምቢትያ ኦድያዋንቱ ዛቴየ?” ጉሳይ ቶሳ ግዴዳ።\x - \xo 10:12 \xo*\xt 1 ሳሜላ 19:23-24\xt*\x* 
\v 13 ሳኦል ትምቢትያ ኦድያዋ ዉርሴዳዋፐ ጉይያን፥ ጎይንያ ቃ ሳኣ ቤዳ።
\p
\v 14 ሳኦላ አዉዋ እሻይ ሳኦላነ ቆማ፥ “ሀቃ ቤድቴ?” ያጌዳ።
\p ሳኦል፥ “ሀረቱዋ ኮሻ ቤዶ፤ ሀረቱ ቤተናን ይና፥ ሳመላኮ ቤዶ” ያጌዳ።
\p
\v 15 ሳኦላ አዉዋ እሻይ፥ “ሀያና ሳመል ነዉ ጌዳዋ ታዉ ኦዳርኪ” ያጌዳ።
\p
\v 16 ሳኦል ባረ አዉዋ እሻዉ፥ “ሀረቱ ቤቴዳዋ ሳመል ኑዉ ጌሺደ ኦዴዳ” ያጌዳ፤ ሽን ሳመል፥ “ካትያ ግዳሳ” ጊደ አዉ ኦዴዳዋ ኦድቤና።
\s1 ሳኦል ካተቴዳዌ ቆንጭያን ኦደቴዳ
\p
\v 17 ሄዋፐ ጉይያን፥ ሳመል ምጽጳን እስራኤልያ አሳ መና ጎዳኮ ጼስ ሺሼዳ። 
\v 18 ኡንቱንታ፥ “መና ጎዳይ፥ እስራኤልያ ጾሳይ ሀዋዳን ያጌ፤ ‘ታን እስራኤልያ ግብጼፐ ከሳድ፤ ግብጼ አሳቱዋ ኩሽያፐነ ህንተንታ ናቂያ ካዉተቱ ኡባ ኩሽያፐ ታን አሻድ’ ያጌ። 
\v 19 ሽን ሀቼ ህንተንቱ መቱዋፐነ ዋይያፐ ኡባፐ ህንተንታ አሽያ ህንተንቱ ጾሳ እጼድታ፤ ቱይት! ‘ኑ ቦላ ካትያ ካተያ’ ያጌድታ። ሄዋ ድራዉ፥ ሀእ ህንተንቱ ህንተንቱ ዛርያንነ ህንተንቱ ያራን ግዲደ፥ መና ጎዳ ስን አተ” ያጌዳ።
\p
\v 20 ሄዎ ሳመል እስራኤልያ ዛርያ ኡባ አና፥ ሳማይ ቢንያማ ዛርያን ዎዳ። 
\v 21 ቢንያማ ዛርያ ያራን ያራን አና፥ ሳማይ ማጽራ ያራን ዎዳ፤ ዉርሰን ቂሳ ናአይ ሳኦል ዶረቴዳ። ኡንቱንቱ አ ኮዬድኖ፤ ሽን እ ቤትቤና። 
\v 22 ሄዋ ድራዉ ኡንቱንቱ መና ጎዳ፥ “ብሮ ሀ ሳኣ ያና አሳይ ደኢ?” ያጊደ ኦቼድኖ።
\p ሽን መና ጎዳይ፥ “ኤ! ሳኦል ሚሻ ግዱዋን ቆሰት ኡቴዳ” ያጌዳ።
\p
\v 23 ኡንቱንቱ ዎጽ ቢደ፥ ያፐ አ ከስ አሄድኖ። አሳ ግዶን እ ኤቂያ ዎደ፥ ሀሽያፐ ቆሞ ባጋን አሳ ኡባፐ አዱቄ። 
\v 24 ሳመል አሳ ኡባዉ፥ “መና ጎዳይ ዶሬዳ ብታንያ በኢቴ? ሀ አሳ ግዶን አ ማላትያባይ ኦንነ ቱሙ ባዋ” ያጌዳ።
\p ሄዋፐ ጉየ አሳይ ኡባይ ባረ ቃላ ቁ ኦደ፥ “ካትያ ሸምፑ ጋምኦ” ያጌዳ።
\p
\v 25 ሄዋፐ ጉይያን፥ ሳመል ካዉተ ዎጋ አሳዉ ኦዴዳ፤ ጻጸትያ ማጻፋን ሄ ዎጋ ጻፊደ፥ መና ጎዳይ ስንን ዎዳ። ሳመል አሳ ኡባ ሁጲያን ሁጲያን አ ሶ አ ሶ የዴዳ።
\p
\v 26 ሳኦለካ ባረ ሶ ግብኣ ቤዳ፤ ጾሳይ ኡንቱንቱ ዎዛና ቦቼዳ ምኖ አሳቱ ሳኦላና ቤድኖ። 
\v 27 ሽን እት እት ጬጮ አሳቱ፥ “ሀ ብታኒ ኑና ዋቲደ አሻኔ?” ያጌድኖ፤ ኡንቱንቱ አ ካደ፥ አዉ አይነ እሞታ እምበይክኖ። ሽን ሳኦል ጮኡ ጌዳ።
\c 11
\ms ኮይሮ ሳኦላ አይሱዋ ላይቱዋ
\mr (11:1—15:35)
\s1 ሳኦል አሞና አሳቱዋ ጾኔዳ
\p
\v 1 እት አግናፐ ጉይያን፥ አሞና ጋድያ ካቲ ናኦስ ደንዲደ፥ ጋላኣደን ደእያ ያቤሻ ካታማ ዶዲደ ኡቴዳ። ያቤሻ አሳይ ኡባይ አ፥ “ኔን ኑናና ቃላ ጫቁዋ ዎ፤ ኑን ነዉ ሞደታና” ያጌዳ።
\p
\v 2 ናኦስ፥ “ታን እትባ ኦናዉ ህንተንቱ ኤኖ ጎፐ፥ ህንተናና ቃላ ጫቁዋ ዎና፤ ሄዌነ፥ ታን ህንተንቶ ኡባዉ ኡሸቻ አይፍያ ዎጫደ ከሳና፤ ያታደ እስራኤልያ ኡባ ካዉሻና” ያጌዳ።
\p
\v 3 ያቤሻ ጭማቱ ኡባይ ናኦሳ፥ “እስራኤልያ ቢታ ኡባዉ ኑን ኪታ የዳና ማላ፥ ላፑን ጋላሳ ታካሻርኪ፤ ኑና አሽያዌ ኦንነ ዮፐ፥ ኑን ነዉ ኩሽያ እማና” ያጌድኖ።
\p
\v 4 ኪተቴዳዋንቱ ሳኦል ደኢያሳ ግብኣ ቢደ፥ ሀ የዉዋ አሳዉ ኦዴድኖ፤ አሳይ ኡባይ ባረ ቃላ ቂሲደ ዬኬዳ። 
\v 5 ሄ ዎደ ሳኦል ባረ ቦራቱዋ ላጊደ ጎሻፐ ይያዌ፥ “አሳይ ዋኔዴ? አያዉ ዬኪ?” ያጊደ ኦቼዳ፤ ያቤሻ አሳይ ጌዳዋ አዉ ኦዴድኖ።
\p
\v 6 ሀ ቃላ ሳኦል ስሴዳ ዎደ፥ ጾሳ አያናይ አ ቦላን ዎልቃን ዎዳ፤ ሳኦል ሀንቁዋ ፐንቴዳ። 
\v 7 ሳኦል ዋ ቦራቱዋ አኪደ ሙጸሬደ፥ ኪተቴዳዋንቱን እስራኤልያ ቢታ ኡባዉ የዲደ፥ “ሳኦላነ ሳመላ ካሊደ፥ ከሰና ኦ ቦራቱነ ሀዋዳን ሙጸታና” ያጌዳ።
\p ሄዋፐ ጉይያን፥ መና ጎዳ ዳጋማይ አሳ ቦላ ዎና፥ ኡንቱንቱ እት አሳዳን ከሴድኖ። 
\v 8 ሳኦል በዜቃን ኡንቱንታ ሺሺደ ፓይዴዳ ዎደ፥ እስራኤልያ አሳይ ሄዙ ጼቱ ሻአ፤ ይሁዳ አሳይ ሀታሙ ሻአ። 
\v 9 ኡንቱንቱ ኪተት ዬዳዋንታ ሀዋዳን ያጌድኖ፤ “ቢደ ያቤሻ ጋላኣደ አሳቶ፥ ‘ዎንት አዋ ካዉቶ ዎደ፥ ኑን ህንተንታ አሻና’ ያጊደ ኦድተ” ያጌድኖ። ኪተቴዳዋንቱ ቢደ፥ ያቤሻ አሳቶ ሄዋ ኦዴድኖ፤ ኡንቱንቱካ ሎይ ናሸቴድኖ።
\p
\v 10 ያቤሻ አሳቱ አሞና አሳቶ፥ “ኑን ዎንት ህንተንቶ ኩሽያ እማና፤ ህንተንቱ ኑና ዶስያዋዳን ኦና ዳንዳዪታ” ያጌድኖ።
\p
\v 11 ዎንተ ጋላስ ሳኦል ባረ አሳ ሄዙ ጩጉዋን ሻኬዳ፤ ኡንቱንቱ ሳአይ ዎንትያ ዎደ፥ አሞና አሳቱ ሺቄዳ ሳኣ ገሊደ፥ አዋይ ካዉታና ጋካናዉ አሞና አሳቱዋ ጎራኤድኖ፤ ጎራኤቱሳፐ አቴዳዋንቱ ላኡ አሳይ እትፐ ደኤናዳን ኡባይ ባረዉ ባረዉ ላለቴዳ።
\p
\v 12 ሄዋፐ ጉይያን፥ እስራኤልያ አሳይ ሳመላ፥ “ሳኦል ኑ ቦላ ካተታኔ? ያጌዳ አሳቱ ኦኔ? ኡንቱንቱ ኦነንቶ ከስተ፤ ኑን ኡንቱንታ ዎና” ያጌዳ።
\p
\v 13 ሽን ሳኦል ኡንቱንታ፥ “እት አሳይነ ሀቼ ሀይቀና፤ አያዉ ጎፐ፥ መና ጎዳይ እስራኤልያ አሼዳ ጋላሳይ ሀቻ” ያጊደ ዛሬዳ።
\p
\v 14 ሄዋፐ ጉይያን፥ ሳመል አሳ፥ “ሃይተ፤ ገልጋላ ቦይተ፤ ያን ሳኦል ካትያ ግድያዋ ዛረደ ኤርሴቶ” ያጌዳ። 
\v 15 ሄዋ ድራዉ፥ አሳቱ ኡባይ ገልጋላ ቢደ፥ ገልጋላን፥ መና ጎዳ ስንን ሳኦል ካትያ ግድያዋ ኤርሴድኖ። ያን ሳሮተ ያርሹዋ መና ጎዳ ስንን ያርሼድኖ፤ ሳኦልነ እስራኤልያ አሳይ ኡባይ ሄ ሳኣን ጾኑዋ ባላ ዎልቃማ ናሸቻን ቦንቼድኖ።
\c 12
\s1 ሳመላ ዉርሰ ሳሮታ
\p
\v 1 ሄዋፐ ጉይያን፥ ሳመል እስራኤልያ ኡባ ሀዋዳን ያጌዳ፤ “ህንተንቱ ታዉ ኦዴዳ ኡባባ ታን ስሳደ፥ ህንተንቱ ቦላ ካትያ ካተያድ። 
\v 2 ሀእ ዛር ህንተንታ ካለናዉ ካቲ ደኤ። ታና ግዶፐ፥ ታን ዳሮ ደኣድነ ጭማድ፤ ታ ናናይ ህንተናና ደኢኖ። ታን ታ ያላጋተፐ ሀቼ ጋካናዉ ህንተንታ ካለድ። 
\v 3 ሄኮ ታን ሀዋን ኤቃድ፤ መና ጎዳ ስንንነ እ ኦኬዳ ካትያ ስንን ታ ቦላ ማርካትተ። ታን ኦ ቦራ አካድታ? ኦ ሀርያ አካድታ? ኦና ጭማድታ? ኦና ኡቁናድታ? ታ አይፍያ ቆቅሳናዉ ኦ ኩሽያፐ ማጋንጻ ማድታ? ሀዋንቱፐ እቱዋነ ታን ኦዳዋ ግዶፐ፥ ታን ጭጋና” ያጌዳ።
\p
\v 4 ሄዋፐ ጉየ ኡንቱንቱ ዛሪደ፥ “ኔን ኑና ጭማባካ፤ ዎይ ኑና ኡቁናባካ፤ ኔን አሳ ኩሽያፐ አያነ ማጋንጻ ማባካ” ያጌድኖ።
\p
\v 5 ሳመል ኡንቱንታ፥ “ህንተንቱ ታ ኩሽያን አያነ ደምቤናዎ መና ጎዳይነ እ ኦኬዳ ካቲነ ሀቼ ህንተንቱ ቦላን ማርካ” ያጌዳ።
\p ኡንቱንቱካ፥ “ኤ፥ እ ማርካ” ያጌድኖ።
\p
\v 6 ሳመል አሳ፥ “ሙሳነ አሮና ዶሬዳዌነ ህንተንቱ አዎቱዋ ግብጼፐ ከሴዳዌ መና ጎዳ።\x - \xo 12:6 \xo*\xt ከሳ 6:26\xt*\x* 
\v 7 ሀእ ስም ህንተንቱነ ህንተንቱ አዋቶ መና ጎዳይ ኦዳ ጽሎ ኦሶ ኡባዉ ታን ህንተናና መና ጎዳ ስንን ሞተታናዳን፥ ሀዋን ኤቂተ። 
\v 8 ያቆብነ አ ሶ አሳይ ግብጼ ቢደ ደእሽን፥ ግብጼ አሳቱ ኡንቱንታ ናቄዳ ዎደ፥ ህንተንቱ አዎቱ መና ጎዳዉ ዋሴድኖ፤ መና ጎዳይ ሙሳነ አሮና ኪቴዳ፤ ኡንቱንቱ ህንተንቱ አዎቱዋ ግብጼፐ ከሲደ፥ ሀዋን ዎድኖ።\x - \xo 12:8 \xo*\xt ከሳ 2:23\xt*\x*
\p
\v 9 “ሽን እስራኤልያ አሳቱ መና ጎዳ ባረንቱ ጾሳ ዶጌድኖ፤ ጾሳይ ኡንቱንታ ሀጾራ ኦላንቻቱ ጋዳዋ ሲሳራ ኩሽያን፥ ፕልስጼማ አሳቱዋ ኩሽያንነ ሞኣበ ካትያ ኩሽያን አደ እምና ኡንቱንታ ኦሌድኖ።\x - \xo 12:9 \xo*\xt ዳና. 3:12፤ 4:2፤ 13:1\xt*\x* 
\v 10 ኡንቱንቱ መና ጎዳዉ፥ ‘ኑን ናጋራ ኦዶ፤ ኑን መና ጎዳ አጊደ፥ ባኣላዉነ አስታሮታዉ ጎይኔዶ። ሽን ሀእ ኔን ኑና ኑ ሞርከቱዋ ኩሽያፐ አሻ፤ ኑን ነዉ ጎይናና’ ያጊደ ዋሴድኖ።\x - \xo 12:10 \xo*\xt ዳና. 10:10-15\xt*\x* 
\v 11 መና ጎዳይ ጌዶና፥ ባራቃ፥ ዮፍታሀነ ሳመላ ኪቲደ፥ ህንተንቱ ዩሹዋ ኡባን ደእያ ሞርከቱዋ ኩሽያፐ ህንተንታ አሼዳ፤ ያትና፥ ህንተንቱ ሳሮ ደኤድታ።\x - \xo 12:11 \xo*\xt 1 ሳሜላ 3:20፤ ዳና. 4:6፤ 7:1፤ 11:29\xt*\x*
\p
\v 12 “አሞና አሳ ካትያ ናኦስ ህንተንቱኮ ዬዳዋ በኤዳ ዎደ፥ መና ጎዳይ ህንተንቱ ጾሳይ ህንተንቱ ካትያ ግዶፐነ፥ ህንተንቱ ታና፥ ቱይት፥ ኑን ኑና ሞዳናዉ ካትያ ኮዬቶ ያጌድታ።\x - \xo 12:12 \xo*\xt 1 ሳሜላ 8:19\xt*\x* 
\v 13 ሀእካ ህንተንቱ ዶሪደ ኦቼዳ ካቲ ሀዌሽ! በእተ፤ መና ጎዳይ ህንተንቱ ቦላ ካትያ ዎዳ። 
\v 14 መና ጎዳዉ ህንተንቱ ያዮፐ፥ አዉ ኪተቶፐ፥ አ ቃላዉ አዛዘቶፐ፥ አ አዛዞ ማካለናን አጎፐነ ህንተንቱካ ህንተንቱ ቦላ ካተትያ ካቲካ ጾሳ ህንተንቱ ጾሳ ካሎፐ፥ ያቶፐ ሎአ። 
\v 15 ሽን መና ጎዳ ቃላዉ ህንተንቱ አዛዘተናን ዮፐነ አ አዛዞ ማካሎፐ፥ ጾሳ ፕርዳይ ካሰ ህንተንቱ አዎቱዋ ቦላ ዬዳዋዳን፥ ህንተንቱ ቦላካ ያናዋ።
\p
\v 16 “ስም ሀእ ኤቂ ባሽተ፤ መና ጎዳይ ህንተንቱ አይፍያ ስንን ኦያ ሀ ግታባ በእተ! 
\v 17 ዛርጋ ጫካ ዎዲ ሀአ ግደኔየ? መና ጎዳይ ጉጉንነ እራ የዳና ማላ፥ ታን ጾሳዉ ዋሳና። ያትያዋ ግዶፐ፥ ካትያ ህንተንቱ ኦቼዳዌ መና ጎዳ ስንን ዎልቃማ ኢታተ ግድያዋ ህንተንቱ ኤራናነ በአና” ያጌዳ።
\p
\v 18 ሳመል መና ጎዳዉ ዋሴዳ፤ መና ጎዳይ ሄ ጋላስ ጉጉንነ እራ የዴዳ፤ ሄዋ ድራዉ፥ አሳይ ኡባይ መና ጎዳነ ሳመላ ሎይ ያዬዳ።
\p
\v 19 አሳይ ኡባይ ሳመላ፥ “ኑን ካትያ ኦቺደ፥ ኑ ናጋራ ኡባ ቦላ ሀ ኢታተ ጉጄዳ ድራዉ፥ ኑን ነ ቆማቱ ሀይቀናዳን ኑዉ መና ጎዳ ነ ጾሳ ዎሳርኪ” ያጌዳ።
\p
\v 20 ሄዋፐ ጉየ ሳመል አሳዉ ሀዋዳን ያጌዳ፤ “ያዮፕተ፤ ቱሙካ ህንተንቱ ሀ ኢታተ ኡባ ኦድታ፤ ሽን ህንተንቱ ኩመን ዎዛናፐ መና ጎዳዉ ኪተትተፐ አትና፥ መና ጎዳ ካልያዋ አጎፕተ። 
\v 21 ማደና፥ አሸናነ ፓና ኤቃቱዋ ካሎፕተ፤ አያዉ ጎፐ፥ ሄዌ ፓናዋ። 
\v 22 መና ጎዳይ ባረ ዎልቃማ ሱን ድራዉ ባረ አሳ አገና፤ አያዉ ጎፐ፥ መና ጎዳይ ህንተንታ ባረ አሳ ኦናዉ ናሸቴ። 
\v 23 ህንተንቱ ድራዉ ዎስያዋ አጋደ መና ጎዳ ቦላ ናጋራ ኦናዌ ታፐ ሃኮ፤ ታን ህንተንታ ሎኦነ ሱረ ኦግያ ታማርሳና። 
\v 24 መና ጎዳዉ ያይተ፤ ህንተንቱ ኩመን ዎዛናፐ አማነቲደ፥ አዉ ኪተትተ፤ ህንተንቶ እ ኦዳ ግታባ ሀሳይተ። 
\v 25 ሽን ህንተንቱ ኢታባ ዛር ዛሪደ ኦፐ፥ ህንተንቱካ ህንተንቱ ካቲካ ያና” ያጌዳ።
\c 13
\s1 ፕልስጼማቱዋና ደንዴዳ ኦላ
\p
\v 1 ሳኦል እስራኤልያ ቦላ ላኡ ላይ ካተ ግዶዋፐ ጉይያን፥ 
\v 2 እስራኤላቱ ግዶፐ ሄዙ አሳ ዶሬዳ፤ ላኡ ሻአይ ምክማሳን፥ ቤቴለ ገዝያን ሳኦላና ደኤ፤ እት ሻአይ ቃይ ቢንያማን ደእያ ግብአን ዮናታናና ደኤ፤ አቴዳ አሳ ሳኦል ኡንቱንቱ ሶ ሶ የዴዳ።
\p
\v 3 ዮናታን ገባአን ደእያ ፕልስጼማ ኦላንቻቱ ጭታ ቦላ ዎራጄዳ፤ ፕልስጼማ አሳቱ ሄዋ ስሴድኖ። ሄዋፐ ጉይያን ሳኦል፥ “እብራዌቱ ሀዋ ስሲኖ” ጊደ፥ ቢታ ኡባን ማላካታ ፑንሴዳ። 
\v 4 እስራኤልያ አሳይ ኡባይ፥ “ሳኦል ፕልስጼማ ኦላንቻቱ ጭታ ቦላ ዎራጄዳ፤ ሀእ እስራኤልያ አሳይ ፕልስጼማ አሳዉ ሸነይያባ ግዴዳ” ያግያ ኦዱዋ ስሴዳ። አሳይ ሳኦላኮ ገልጋላ ጼሰቲደ ሺቄዳ።
\p
\v 5 ፕልስጼማ አሳቱ እስራኤላቱዋ ኦላናዉ ሀታሙ ሻአ ፓራ ጋረቱዋና፥ ኡሱፑን ሻአ ፓራ አሳቱዋናነ አባ ዶናን ደእያ ሻፍያ ኬሻ ኦላንቻቱዋና ሺቄድኖ፤ ኡንቱንቱ ፑደ ቢደ፥ ቤት-አዌናፐ አዋይ ዶልያ ባጋና ደእያ ምክማሳን ሺቄድኖ። 
\v 6 እስራኤልያ ኦላንቻቱ ባረንቶ ሌሌዳዋነ ኡንቱንቱ ጭታይካ ሎይ ኡንኤቴዳዋ በኢደ፥ ጎንጎሉዋ ግዶን፥ ቡራ ግዱዋን፥ ዛላቱ ግዱዋን፥ ካካ ግዶንነ ሃዉ ቦኮ ኦላ ግዶን ቆሰቴድኖ። 
\v 7 እብራዋቱዋፐ አማሬዳዋንቱ ዮርዳኖሳ ሻፋ ፕኒደ፥ ጋዳነ ጋላኣደ ጋድያ ቤድኖ። ሽን ሳኦል ገልጋላን አቴዳ፤ አናና ደእያ ኦላንቻቱ ኡባይ ያሻዉ ኮኮሬድኖ።
\p
\v 8 ሳኦል ሳመል ኬሬዳ ላፑን ጋላሳ ጋምኤዳ፤ ሽን ሳመል ገልጋል ይቤና፤ ያትና፥ ሳኦላ አሳይ ላለትያዋ ዶሜዳ።\x - \xo 13:8 \xo*\xt 1 ሳሜላ 10:8\xt*\x* 
\v 9 ሄዋ ድራዉ፥ ሳኦል፥ “ጹግያ ያርሹዋነ እትፐተ ያርሹዋ ታዉ ሀምተ” ያጌዳ፤ አህና ሳኦል ጹግያ ያርሹዋ ያርሼዳ። 
\v 10 ሳኦል ጹግያ ያርሹዋ ፖሎ ሳናካ ሳመል ጋክ ዎዳ። ያትና፥ ሳኦል ሳመላ ሞካናዉ ካረ ከሴዳ።
\p
\v 11 ሳመል ሳኦላ፥ “ሀዌ ኔን ኦዳዌ አዬ?” ያጌዳ።
\p ሳኦል፥ “አሳይ ላለትያዋ፥ ኔንካ ጌዳ ዎደ ያቤናዋነ ፕልስጼማቱ ምክማሳን ሺቄዳዋ ታን በኣደ፥ 
\v 12 ‘ፕልስጼማቱ ታናና ኦለታናዉ ሀእ ገልጋላ ዎናዋንታ፤ ታን መና ጎዳ ማዱዋ ኦቻበይከ፤ ሄዋ ድራዉ፥ ጹግያ ያርሹዋ ታን ያርሻናዉ ኮሸ’ ጋደ ቆፓድ” ያጊደ ዛሬዳ።
\p
\v 13 ሳመል ሳኦላ፥ “ኔን ኤያባ ኦዳ፤ መና ጎዳይ ነ ጾሳይ ነዉ እሜዳ አዛዙዋ ናጋባካ። እ ሀቼ ነ ካዉተ እስራኤልያ ቦላ መናዉ ምንሳናዋሽን። 
\v 14 ስም ሀእ ነ ካዉተይ ጋምኤና፤ ኔን መና ጎዳ አዛዙዋ ናጋቤና ድራዉ፥ መና ጎዳይ ባረ ዎዛናዳን ኦያ አሳ ኮዬዳ፤ አ ባረ አሳ ሞዳናዳን ሱንዳ” ያጌዳ።\x - \xo 13:14 \xo*\xt ኪታ 13:22\xt*\x*
\p
\v 15 ሄዋፐ ጉይያን፥ ሳመል ገልጋላፐ ደንዲደ፥ ቢንያማን ደእያ ግብኣ ቤዳ። ሳኦል ባረናና ደእያ አሳ ፓይዴዳ፤ አሳይ ኡሱፑን ጼቱ ኬሻ ግዴዳ። 
\v 16 ሳኦል፥ አ ናኣ ዮናታንነ ኡንቱንቱና ደእያ አሳይ ቢንያማን ደእያ ገባአን ሺቄድኖ፤ ፕልስጼማ አሳቱካ ምክማሳን ሺቄድኖ። 
\v 17 ፕልስጼማቱ ሺቄዳ ሳኣፐ ዎራጅያዋንቱ ሄዙ ጩጎ ግዲደ ከሴድኖ፤ ኡንቱቱፐ እት ጩጉ ሹኣላ ቢታን ደእያ ኦፍራኮ ስሚደ ቤዳ፤ ላኤን ቤት-ሆሮን ቤዳ፤ 
\v 18 ሄዘን ጩጉ ባዙዋ ስንዬዳ፥ ጻቦኢማ ዎምባ ዱገ ጼልያ ዛዋ ኦግያ ኦይቂደ ቤዳ።
\p
\v 19 ፕልስጼማ አሳቱ፥ “እብራዌቱ አዳነ ቶራ ቆጾፕኖ” ጌዳ ድራዉ፥ እስራኤልያ ቢታ ኡባን ብራታ ቆጽያዌ ቤትቤና። 
\v 20 ሄዋ ድራዉ፥ እስራኤልያ ኡባይ ባረንቱ ማራሻ ጼራ፥ ጎማ፥ ካልታነ ባጫ ፖሽሳናዉ ፕልስጼማ አሳቱዋኮ ቢኖ። 
\v 21 ማራሻ ጼራነ ሻልክያ ፖሽሳናዉ ሆስፑን ግራመ ዴጽያ ብራ ቃንጺኖ፤ ካልታ፥ ጎማነ ጲልጹዋ ፖሽሳናዉ ሄዎ ባጋ ቃንጺኖ። 
\v 22 ሄዋ ድራዉ፥ ሳኦላናነ ዮናታናና ደእያ አሳ ኡባ ኩሽያን ኦላ ጋላስ ቶራይነ ማሻይ ባዋ፤ ሽን ሳኦላዉነ አ ናኣ ዮናታናዉ ደኤ። 
\v 23 ፕልስጼማቱዋ ጩጉ ምክማሳ ፕኑዋ ባናዉ ከሴዳ።
\c 14
\s1 ዮናታን ፕልስጼማቱዋ ቦላ ዎራጄዳ
\p
\v 1 እት ጋላስ ሳኦላ ናአይ ዮናታን ባረ ኦላ ሚሻ ቶክያ ዎዳላ ሀዋዳን ያጌዳ፤ “ሃያ፤ ሄፍን ባጋን ደእያ ፕልስጼማቱ ሺቄዳ ሳኣ አነ ቦይተ” ያጌዳ። ሽን ባረ አዎ ሀ የዉዋ ኦድቤና።
\p
\v 2 ሄ ዎደ ሳኦል ግብኣ ማታን ምግሮናን፥ ሮማነ ጌተትያ ም ጋርሳን ደኤ። አናና ኡሱፑን ጼቱ አሳቱነ 
\v 3 ኤፉድያ ማዬዳ ቄሲ፥ አኪይ ደኢኖ። አኪይ እካቦዳ እሻነ አህጹባ ናኣ፤ አህጹብ ሴሎን መና ጎዳ ቄሰ ግዴዳ ኤላ ናአይ ፒንሃስ የሌዳዋ። ዮናታን ብ ክቼዳዋ አሳይ ኤርቤና።
\p
\v 4 ዮናታን ፕልስጼማቱ ሺቄዳ ሳኣ ጋካናዉ ፕናናዉ ቆፕያ ፕኑዋስ ላኡ ባጋናካ ጼራይ ጽንእ ጌዳ ዎልቃማ ዛላቱ ደኢኖ፤ እቱዋ ሱንይ ቦዴጻ፤ ላኤንዋ ሱንይ ሴና። 
\v 5 ዛላቱዋፐ እቱ ፕንያ ሳ ሁጲሳ ባጋና ምክማሳዉ ስንና ደእያ ዎደ፥ እቱ ቃይ ገድሳ ባጋና ገባአዉ ስንና ደኤ።
\p
\v 6 ዮናታን ባረ ኦላ ሚሻ ቶክያ ዎዳላ ሀዋዳን ያጌዳ፤ “ሃያ፤ ሀ ቃጻረትቤናዋንቱ ሺቄዳ ሳኣ አነ ሄፍን ቦይተ። ኦን ኤሪ፥ መና ጎዳይ ኑ ድራዉ ኦነንቶነ፤ መና ጎዳይ ዳሮ አሳን ግድና፥ ጉ አሳን ግድና፥ አሻናዋ አ ድግያባይ አያይነ ባዋ” ያጌዳ።
\p
\v 7 አ ኦላ ሚሻ ቶክያዌ፥ “ኔን ቆፔዳዋ ኡባ ኦ፤ ባ፤ ታ ኩመን ዎዛናፐ ታን ኔናና ደአይ” ያጌዳ።
\p
\v 8 ሄዋፐ ጉየ ዮናታን፥ “ያኖፐ ሃያ፤ ሄፍን አሳኮ ፕኒደ፥ አሳን በኤታና። 
\v 9 ኡንቱንቱ ኑና፥ ‘ኑን ህንተንቱኮ ባናዉ ሄዋን ናግተ’ ያጎፐ፥ ኑን ደእያ ሳኣን ታካናፐ አትና፥ ኡንቱንቱኮ ቦኮ። 
\v 10 ሽን ኡንቱንቱ፥ ‘ሃ ኑኮ ፑደ ከስተ ጎፐ፥ ኑን ፑደ ከሳና፤ አያዉ ጎፐ፥ ሄዌ መና ጎዳይ ኡንቱንታ ኑ ኩሽያን አደ እሜዳዎ ኑዉ ማላታ ግዳና’ ” ያጌዳ።
\p
\v 11 ያትና፥ ላአቱካ ፕልስጼማቱዋ ጌሶቱዋ ባረንታ በሴድኖ። ፕልስጼማቱ፥ “በእተ! እብራዌቱ ባረንቱ ቆሰቴዳ ኦላፐ ዙሚደ ከሲኖ” ያጌድኖ። 
\v 12 ሄዋፐ አሳቱ ዮናታናነ ኦላ ሚሻ ቶክያዋ ጼጊደ፥ “ሃ ኑኮ ፑደ ከስተ፤ ኑን ህንተንታ በሳና” ያጌድኖ።
\p ሄዋ ድራዉ፥ ዮናታን ባረ ኦላ ሚሻ ቶክያዋ፥ “ታና ካላደ ሀ ፑደ ከሳ። መና ጎዳይ ኡንቱንታ እስራኤልያ ኩሽያን አደ እም ድጌዳ” ያጌዳ።
\p
\v 13 ዮናታን ባረ ኦላ ሚሻ ቶክያዋ ካለደ፥ ገድያንነ ኩሽያን ሀምቡሩጪደ ፑደ ከሴዳ። ፕልስጼማቱ ዮናታና ኩሽያን ኩንዴድኖ፤ አ ኦላ ሚሻ ቶክያዌ ካል ካሊደ ኡንቱንታ ዎዳ። 
\v 14 ሄ ኮይሮ ዎራጁዋን ዮናታንነ አ ኦላ ሚሻ ቶክያዌ እት ጎሻ ጋደን ላታሙ ግድያ አሳ ዎድኖ። 
\v 15 ሄዋፐ ጉይያን፥ ጋጻ ቢታን ደእያ ፕልስጼማ አሳቱ ዳጋሜድኖ፤ ቆፐናዋ ኦልያዋንቱነ ሄራን ደእያ ኦላንቻቱ ያሻዉ ኮኮሬድኖ። ቢታይካ ቃጼዳ፤ ሄዌነ፥ ጾሳፐ ኪተቴዳ ዳጋማ።
\s1 ፕልስጼማቱዋ ጾነቱሳ
\p
\v 16 ሳኦል ቢንያማ ቢታን፥ ግብአን ዎዳ ዎችያ አሳቱ ጼሊደ፥ ፕልስጼማ ኦላንቻቱ ያና ሃና ፕስክ ጊደ ላለትያዋንታ በኤድኖ። 
\v 17 ያትና፥ ሳኦል ባረናና ደእያ አሳቱዋ፥ “አነ ኦላንቻቱዋ ሺሽተ፤ ኑ ግዶፐ ኦን ቤድኖንቶ በእተ” ያጌዳ። ኡንቱንቱ ሺሺደ ፓይድያ ዎደ፥ ዮናታንነ አ ኦላ ሚሻ ቶክያዌ ባይናዋ ቤኤድኖ።
\p
\v 18 ሳኦል ቄስያ አክያ፥ “ጾሳ ኦቻናዉ አነ ኤፉድያ ሃ አካደ ያ” ያጌዳ። ሄ ዎደ አኪ እስራኤልያ አሳ ስንን ኤፉድያ ማዬ። 
\v 19 ሳኦል ቄስያና ሃሳይሽን፥ ፕልስጼማቱዋ ሄራን ዋላሳይ ዳር ዳር ቤዳ። ሄዋ ድራዉ፥ ሳኦል ቄስያ፥ “ኤፉድያፐ ነ ኩሽያ ከሳ ድጋ” ያጌዳ።
\p
\v 20 ሄዋፐ ጉይያን፥ ሳኦልነ አ አሳይ ኡባይ ሺቂደ፥ ኦላ ቤድኖ። ፕልስጼማ አሳቱ ኡባይ ሻቢረቲደ፥ ባረንቱ ማሻን እቱ እቱዋ ቡሳኪደ ደእያዋንታ ደሜድኖ። 
\v 21 ካሰ ፕልስጼማ አሳቱዋና ደኢደ፥ ኡንቱንቱና ፑደ ኡንቱንቱ ሺቄዳ ሳኣ ቤዳ። እብራዋቱካ ኡንቱንታ አጊደ፥ ሳኦላናነ ዮናታናና ደእያ እስራኤልያ አሳን ጋከቴድኖ። 
\v 22 ኤፍሬማ ገዝያን ቆሰት ኡቴዳ ሀራ እስራኤላቱካ ፕልስጼማቱ ባቃቲደ ደእያዋ ስሴድኖ። ኡንቱንቱካ የደርሱዋ ኡክያ አሳን ጋከቴድኖ። 
\v 23 መና ጎዳይ ሄ ጋላስ እስራኤልያ አሳ አሼዳ። ቤት-አዌና ካታማፐ ሄፍን ጋካናዉካ ኦላይ ኦለቴዳ።
\s1 ኦላፐ ስምና ሀኔዳባቱዋ
\p
\v 24 ሄ ጋላስ እስራኤልያ አሳቱ ኮሻን ላባኔድኖ፤ አያዉ ጎፐ፥ ሳኦል አሳ፥ “ሳአይ ቃመናን ደእሺናነ ታን ታ ሞርከቶ ሀሉዋ ከሰናን ደእሽን፥ ቁማ ምያ ኡራይ ሸቀቴዳዋ ግዶ” ያጊደ አሳ ጫቁዋን ቃቼዳ። ሄዋ ድራዉ፥ ኦላንቻቱዋፐ ቁማ ዶናኮ ሺሼዳ አሳይ ኦንነ ባዋ።
\p
\v 25 ኦላንቻቱ ኡባይ ኡባና ዎራ ግዶ ገልያ ዎደ፥ ሳኣን ኤሳይ ደኤ። 
\v 26 ኡንቱንቱ ዎራ ግዶን ኤሳይ ጎግያዋ በኤድኖ፤ ሽን ጫቁዋ ያዬዳ ድራዉ፥ እት አሳይነ ባረ ኩሽያ ዶናኮ ሺሽቤና። 
\v 27 ሽን ዮናታን ባረ አዉ አሳ ጫቁዋን ቃቼዳዋ ስስቤና። ሄዋ ድራዉ፥ ባረ ኩሽያን ደእያ ጻምኣ ጼራ እልሉዋን የድ ከሲደ፥ ላጬዳ፤ አ አይፊ ዶየቴዳ። 
\v 28 ሄዋፐ ጉይያን፥ ኦላንቻቱዋፐ እቱ አ፥ “ነ አዉ ኦላንቻቱዋ ኡባ፥ ‘ሀች ቁማ ምያ ኡራይ ሸቀቴዳዋ ግዶ’ ያጊደ፥ ጫቁዋን ቃች ዎዳ፤ አሳይ ኡባይ ላባኔዳዌ ሀዋሳ” ያጌዳ።
\p
\v 29 ሄዋፐ ጉየ ዮናታን ሀዋዳን ያጌዳ፤ “ታ አዉ ቢታዉ መቶ መዳ። ታን ሀ ኤሳፐ ላፋ ላጭና ታ አይፊ አይ ኬሻ ዶየቴደንቶ በአ። 
\v 30 አሳይ ባረ ሞርከቱዋፐ ኦሞዴዳዋፐ ሀቼ ሜዳባ ግድንቶ፥ አይባ ሎኤ ሽን፤ ኡንቱንቱ ዎና ፕልስጼማቱዋ ፓይዱካ አይ ኬሻ ዳራናዋ ሽን” ያጌዳ።
\p
\v 31 ሄ ጋላስ እስራኤልያ አሳቱ ምክማሳፐ አያሎና ጋካናዉ፥ ፕልስጼማቱዋ ሾጭ ስሚደ ዳቡሬድኖ። 
\v 32 ኡንቱንቱ ኦሞዱዋ ጋዉሀዪደ፥ ዶርሳቱዋ፥ ሚዛቱዋነ ማራቱዋ አኬድኖ፤ ቢታን ጮ ሹኪደ፥ ሱናካ ሜድኖ። 
\v 33 ሄዋፐ ጉይያን፥ እት አሳይ ሳኦላ፥ “በአ፤ አሳይ ሱና ደእያ አሹዋ ሚደ፥ መና ጎዳ ቦላ ናጋራ ኦ” ያጌዳ።
\p ሄዋፐ ጉየ እ ኡንቱንታ፥ “ህንተንቱ ናጋራ ኦድታ፤ ዎጋ ሹቻ ኤለካ ሃ ታኮ ጎንዶርስተ” ያጌዳ።\x - \xo 14:33 \xo*\xt ዶመ 9:4፤ ዎጋ 7:26-27፤ 17:10-14፤ 19:26፤ ዛረ. 12:16፣ 23፤ 15:23\xt*\x* 
\v 34 ዛረደካ፥ “ከሲደ አሳ ግዶ ቢተ፤ ኡንቱንታ ሀዋዳን ያግተ፤ ‘ሁጲያን ሁጲያን ህንተንቱ ቦራነ ዶርሳ ታዉ ሃ አኪደ ዪተ፤ ያቲደ ሀዋን ዎጋዳን ሹኪደ ሚተ። ሱና ደእያ አሹዋ ሚደ፥ መና ጎዳ ቦላ ናጋራ ኦፕተ’ ያጋ” ያጌዳ።
\p ሄዋ ድራዉ፥ ሄ ጋላስ ቃማ አሳቱ ኡባይ ባረ ቦራ ቦራ አሂደ፥ ያን ሹኬድኖ። 
\v 35 ሳኦል ሄ ሳኣን መና ጎዳዉ ያርሽያ ሳኣ ግምቤዳ፤ ጾሳዉ ያርሽያ ሳኣ እ ግምቢሽን፥ ሄዌ አዉ ኮይሩዋ።
\p
\v 36 ሳኦል፥ “ሀ ቃማና ዱገ ፕልስጼማቱዋ ካሊደ አነ ቦይተ፤ ሳአይ ዎንታና ጋካናዉ፥ ኡንቱንቱዋ ኡባ ቦንቆይተ፤ ኡንቱንታካ እቱዋነ አሸናን ዎይተ” ያጌዳ።
\p ኡንቱንቱ፥ “ኤኖ፥ ኔና ሎኤዳባ ኡባ ኦ” ያጊደ ዛሬድኖ።
\p ሽን ቄሲ፥ “አነ ሀዋን ጾሳ ኦቼቶ” ያጌዳ።
\p
\v 37 ሄዋ ድራዉ፥ ሳኦል ጾሳ፥ “ፕልስጼማ አሳቱዋ ካላደ ቦ? ኔን ኡንቱንታ እስራኤላቱ ኩሽያን አደ እማኒ?” ያጊደ ኦቼዳ። ሽን ሄ ጋላስ ጾሳይ አዉ ኦድቤና።
\p
\v 38 ያትና ሳኦል፥ “ኦላንቻቱዋ ካፓቶ፥ ኡባይ ሃይተ፤ ሀቼ አይባ ናጋራይ ኦሰቴደንቶነ አነ ቆሪደ ደሞይተ። 
\v 39 እስራኤልያ አሽያ መና ጎዳይ ኤሮ! ታ ናኣ ዮናታና ግዶፐነ፥ ሀይቃናዉ በሰ” ያጌዳ። ሽን አሳፐ እት ኡራይነ ቃላ ቃትቤና።
\p
\v 40 ሄዋፐ ጉይያን፥ ሳኦል እስራኤልያ አሳ ኡባ፥ “ህንተንቱ ኡባይካ ያ ባጋን ኤቂተ፤ ታንነ ታ ናኣ ዮናታን ሀ ባጋን ኤቃና” ያጌዳ።
\p ሄዋፐ ጉየ አሳቱ፥ “ኤኖ፥ ኔና ሎኦዋ ኦ” ያጌድኖ።
\p
\v 41 ሄዋፐ ጉይያን፥ ሳኦል መና ጎዳ እስራኤልያ ጾሳ፥ “ታዉ ልከ ዛሩዋ እማ” ያጊደ ዎሴዳ። ሳማይ ሳኦላ ቦላነ ዮናታና ቦላ ዎና አሳይ ጌዬዳ።\x - \xo 14:41 \xo*\xt ፓይ. 27:21፤ 1 ሳሜላ 28:6\xt*\x* 
\v 42 ቃይ ሳኦል፥ “ታ ቦላነ ታ ናኣ ዮናታና ቦላ የግተ” ያጌዳ። ሄዋፐ ጉየ ሳማይ ዮናታና ቦላ ዎዳ።
\p
\v 43 ሳኦል ዮናታና፥ “አነ ኔን ኦዳዋ ኦዳ” ያጌዳ።
\p ዮናታን፥ “ታን ጉ ኤሳ እልሉዋ ታ ጻምኣ ጼራፐ ላጫድ። ሄኮ ታን ሀዋን ደአይ፤ ታን ሀይቃና” ያጌዳ።
\p
\v 44 ሳኦል ሀዋዳን ያጌዳ፤ “ዮናታና፥ ኔን ሀይቃና ዮፐ፥ ጾሳይ ታና ዎ!” ያጌዳ።
\p
\v 45 ሽን አሳይ ሳኦላ፥ “ዮናታን፥ እስራኤልያዉ ሀ ዎልቃማ ጾኑዋ አሄዳዌ ሀይቃኔ? ሄዌ ኡባካ ሀነና! ደኡዋ መና ጎዳይ ኤሮ! አ ሁጲያፐ እት ብናናይነ ቢታን ዎና፤ አያዉ ጎፐ፥ እ ሀቼ ሀዋ ጾሳ ማዱዋን ኦዳ” ያጌድኖ። ያቲደ አሳይ ዮናታና አሽና፥ እ ሀይቀናን አቴዳ።
\p
\v 46 ሄዋፐ ጉይያን፥ ሳኦል ፕልስጼማ አሳቱዋ የደርስያዋ አጌዳ፤ ኡንቱንቱ ባረንቱ ጋድያ ስሜድኖ።
\s1 ሳኦላ ካዉተነ አ ሶ አሳ
\p
\v 47 ሳኦል እስራኤልያ ቦላ ካተ ግዶዋፐ ጉይያን፥ ኡባ ኤለካ ደእያ ባረ ሞርከቱዋ ኦሌዳ፤ ሄዋንቱካ: ሞኣባቱዋ፥ አሞናቱዋ፥ ኤዶማቱዋ፥ ጾባ ካተቱዋነ ፕልስጼማ አሳቱዋ። ባረ ቤዳ ሳኣን ኡባን ጾኔዳ። 
\v 48 እ ምኒደ ኦለቴዳ፤ አማሌቃ አሳቱዋ ጾኔዳ፤ እስራኤልያ አሳ ቦንቂያዋንቱ ኩሽያፐ አሼዳ።
\p
\v 49 ሳኦላ አቱማ ናናይ ዮናታና፥ ይሽዊነ ማልክሹአ፤ አዉ ባይራ ናት ሱንይ መራቦ፤ ቴፋ ናት ሱንይ ሚካሎ። 
\v 50 አ ማቻታ አህማኣጻ ናቶ አህኖኣሞ። አ ኦላንቻቱ ጋዳዋይ አ አዉዋ እሻ ኔራ ናኣ አባኔራ። 
\v 51 ሳኦላ አዉዋ ቂስነ አባኔራ አዉዋ ኔር አቢኤላ ናና።
\p
\v 52 ሳኦል ደኤዳ ላይ ኡባን ፕልስጼማ አሳቱዋና ሱሎ ኦላ ኦለቲደ ደኤዳ። ምኖ አሳ ዎይ ጻላ አሳ ደሜዳ ዎደ ኡባን፥ እ ሄ ኡራ ባረ ኦላንቻቱዋን ጉጄ።
\c 15
\s1 ሳኦል አማሌቃ አሳ ቦላ ደንዳ ኦላ
\p
\v 1 ሳመል ሳኦላ፥ “ባረ አሳ እስራኤልያ ቦላ ኔን ካተታናዳን ኦካናዉ መና ጎዳይ ኪቴዳዌ ታና፤ መና ጎዳ ቃላ ስሳ።\x - \xo 15:1 \xo*\xt 1 ሳሜላ 10:1\xt*\x* 
\v 2 ኡባፐ ዎልቃማ መና ጎዳይ ሀዋዳን ያጌ፤ ‘እስራኤላቱ ግብጼፐ ከሲደ ይያ ዎደ አማሌቃ አሳቱ ኦግያን ኡንቱንቱና ኤቀቴዳ ድራዉ፥ ታን አማሌቃ አሳቱዋ ሙራና።\x - \xo 15:2 \xo*\xt ከሳ 17:8-14፤ ዛረ. 25:17-19\xt*\x* 
\v 3 ሀእ ባ፤ አማሌቃ አሳቱዋ ሾጫ፤ ኡንቱንቶ ደእያዋ ኡባ ኡባና ይሳ፤ ኡንቱንታ አሾፓ፤ ኡንቱንታ ማጫዋ አቱማዋ፥ ምያዋ ቁጭያዋ፥ ሚዛ ዶርሳ፥ ጋሉዋነ ሀርያ ዎ’ ያጌ” ያጌዳ።
\p
\v 4 ሳኦል አሳ ጼጊደ፥ ጸሌማ ግያ ሳኣን ፓይድያ ዎደ እስራኤልያ ላኡ ጼቱ ሻአ፤ ይሁዳፐ ታሙ ሻአ አሳይ ደኤ። 
\v 5 ሳኦል አማሌቃቱዋ ካታማ ቢደ፥ እት ዛንጋራ ግዶን ጌመት ኡቴዳ። 
\v 6 ሳኦል ቄና አሳቱዋ፥ “ታን ህንተንታ አማሌቃ አሳቱዋና እትፐ ይሰና ማላ፥ ደንድተ! ኡንቱንቱ ግዶፐ ከስተ! ሀዋፐ ክችተ! አያዉ ጎፐ፥ እስራኤላቱ ግብጼፐ ከስያ ዎደ፥ ህንተንቱ ኡንቱንታ ኡባዉ ሎይ ዴጻ” ያጌዳ። ቄና አሳቱ አማሌቃ አሳቱዋ ግዶፐ ከሲደ ቤድኖ።
\p
\v 7 ሳኦል አማሌቃ አሳቱዋ ሀዊላፐ ዶሚደ፥ ግብጼ ስንን ደእያ ሹራ ጋካናዉ ሾጬዳ። 
\v 8 አማሌቃቱዋ ካትያ አጋጋ ፓጻ ደእሽን፥ ሳኦል ኦሞዴዳ፤ አ አሳ ኡባ ቃራ ማሻን ዎ ዉርሴዳ። 
\v 9 ሽን ሳኦልነ አ ኦላንቻቱ፥ አጋጋነ ኡባፐ ሎእያ ዶርሳቱዋ፥ ሚዛቱዋ፥ ቦልትቦልታ ማራቱዋ፥ ጋሎቱዋነ ሀራ ሎኦባቱዋ ኡባ አሸድኖ፤ ኡንቱንቱ ሀዋንታ ኡባና ዎ ዉርሳናዉ ዶስበይክኖ፤ ሽን ኡንቱንቱ ላፋባነ ካቴዳዋ ኡባና ይሴድኖ።
\s1 ሳኦል ካትያ ግድያዋ ጾሳይ እጼዳ
\p
\v 10 መና ጎዳ ቃላይ ሳሜላኮ ሀዋዳን ያጊደ ዬዳ፤ 
\v 11 “ታን ሳኦላ ካትያ ከሴዳዎ ካዮታይ፤ አያዉ ጎፐ፥ ሳኦል ታና ካልያዋ አጌዳ፤ ታ አዛዙዋ ኦቤና” ያጌዳ። ሄዋፐ ጉየ ሳመል መቶቴዳ፤ ሄ ቃማ ኩመን መና ጎዳኮ ዋሴዳ።
\p
\v 12 ዎንታ ጉራን ሳመል ደንዲደ፥ ሳኦላና ጋከታናዉ ቤዳ፤ ሽን አሳይ አዉ፥ “ሳኦል ቃርመሎሳ ካታማ ቤዳ፤ ያን ባረና ሀሳይስያ ሀዉልትያ ኤሴዳ፤ ሄዋፐ ስሚደ፥ ገልጋላ ዎዳ” ያጊደ ኦዴዳ።
\p
\v 13 ሳመል ሳኦላኮ ጋኬዳ፤ ሳኦል ሳመላ፥ “መና ጎዳይ ኔና አንጆ፤ ታን መና ጎዳ አዛዙዋ ኦድ” ያጌዳ።
\p
\v 14 ሽን ሳመል ሳኦላ፥ “ሀ ታን ስስያ ዶርሳ ዋሱነ ሚዛ ዋሱ አዬ?” ያጌዳ።
\p
\v 15 ሳኦል፥ “ኦላንቻቱ ሀዋንታ አማሌቃቱዋፐ አሄድኖ፤ ኡንቱንቱ መና ጎዳዉ፥ ነ ጾሳዉ ያርሻናዉ፥ ኡባፐ ሎእያ ዶርሳቱዋነ ሚዛቱዋ አሸድኖ፤ ሽን ሀራቱዋ ሙልያካ ይሴዶ” ያጌዳ።
\p
\v 16 ሳመል ሳኦላ፥ “አነ ኤቃ፤ መና ጎዳይ ዝኖ ቃማ ታዉ ኦዴዳዋ ታን ነዉ ኦዳይ” ያጌዳ።
\p ሄዋፐ ጉየ ሳኦል፥ “ኦዳ” ያጌዳ።
\p
\v 17 ሳመል ሳኦላ ያጌዳ፤ “ኔን ኔና ጼልና ጉ ግዶፐነ፥ እስራኤልያ ዛረቶ ካትያ ግዳበይኪ? እስራኤልያ ቦላ ካተታና ማላ፥ መና ጎዳይ ኔና ኦኬዳ። 
\v 18 ጾሳይ ኔና፥ ‘ባደ አማሌቃ አሳቱዋ ኢታቱዋ ኡባና ይሳ፤ ኡንቱንቱ ዉራና ጋካናዉ ኡንቱንታ ኦላ’ ያጊደ ኪቴዳ። 
\v 19 ያትና፥ አያዉ መና ጎዳዉ አዛዘታበይኪ? አያዉ ኦሞዶ ያረታደ መና ጎዳ ጾሳ ስንን ኢታባ ኦዲ?” ያጌዳ።
\p
\v 20 ሳኦል፥ “ታን መና ጎዳ ቃላዉ አዛዘታድ! መና ጎዳይ ታና ኪቴዳዋዳን ባድ፤ አማሌቃ አሳቱዋ ዎ ዉርሳድ፤ ኡንቱንቱ ካትያ አጋጋ አሃድ። 
\v 21 ሽን ኦላንቻቱ ኦሞዱዋፐ ዶርሳነ ሚዛ ኡባፐ ሎእያዋንታ፥ መና ጎዳዉ፥ ነ ጾሳዉ፥ ገልጋላን ያርሻናዉ አኪደ ዬድኖ” ያጌዳ።
\p
\v 22 ሳመል ሳኦላ፥ “መና ጎዳይ ባረ ቃላዉ አዛዘትያዋን ናሸትያዋ ኬሻ ጹግያ ያርሹዋንነ እሞታን ናሸቲ? በአ፤ አዛዘትያዌ ያርሽያዋፐ አ፤ ቃይ ስስያዌ ዶርሳ ሞዋፐ አ። 
\v 23 አያዉ ጎፐ፥ ብያዌ ሻሬችያ ናጋራ ማላ፤ ቃይ ኦቶረትያዌ ኤቃዉ ጎይንያ እታተ ማላ። ኔን መና ጎዳ ቃላ እጼዳ ድራዉ፥ እ ኔን ካትያ ግድያዋ እጼዳ” ያጌዳ።
\p
\v 24 ሳኦል ሳመላ፥ “ታን ናጋራ ኦድ፤ መና ጎዳ አዛዙዋነ ነ ቃላ ቶቻድ። ታን አሳዉ ያዬዳ ድራዉ፥ ኡንቱንቱ ጌዳዋ ኦድ። 
\v 25 ሀይ ታ ናጋራ አቶ ጋርኪ፤ ታን መና ጎዳዉ ጎይናና ማላ፥ ታናና ገልጋላ ደንዳርኪ” ያጌዳ።
\p
\v 26 ሳመል ሳኦላ፥ “ታን ኔናና ስማደ ቢከ! ኔን መና ጎዳ ቃላ እጼዳ ድራዉ፥ ኔን እስራኤልያ ቦላ ካትያ ግድያዋ መና ጎዳይ እጼዳ” ያጌዳ።
\p
\v 27 ሳመል ሳኦላ ማታፐ ባናዉ ደንድና፥ ሳኦል አ ማዩዋ ማጫራ ኦይቂና ማዩ ፔቴዳ። 
\v 28 ሳመል ሳኦላ፥ “መና ጎዳይ ሀቼ እስራኤልያ ካዉተ ኔፐ ፔደ ኔፐ ሎእያ ነ ሾሮ እሜዳ።\x - \xo 15:28 \xo*\xt 1 ሳሜላ 28:17፤ 1 ካታ. 11:30-31\xt*\x* 
\v 29 እስራኤልያ ቦንቹ ዎርዶተና፥ ዎይ ባረ ቆፋ ላመና፤ አያዉ ጎፐ፥ ባረ ቃላ ላማናዉ እ አሳ ግደና” ያጌዳ።
\p
\v 30 ሳኦል ሳመላ፥ “ታን ናጋራ ኦድ፤ ሽን ታ ጋድያ ጭማቱዋ ስንንነ እስራኤልያ አሳ ስንን ሀይ ታና ካዉሾፓርኪ፤ ታን መና ጎዳዉ፥ ነ ጾሳዉ ጎይናናዳን፥ ኔን ታናና ደንዳርኪ” ያጊደ ዛሬዳ።
\p
\v 31 ሄዋ ድራዉ፥ ሳመል ሳኦላና እትፐ ገልጋላ ቤዳ፤ ሳኦል መና ጎዳዉ ጎይኔዳ።
\p
\v 32 ሄዋፐ ጉይያን ሳመል፥ “አማሌቃቱዋ ካትያ አጋጋ ታኮ አህተ” ያጊደ አዛዜዳ።
\p አጋግ ኮኮሪደ ሳሜላኮ ዬዳ፤ “ቱሙ ሀይቁ ሀዋዳን ጫሚ!” ያጌዳ።
\p
\v 33 ሳመል አጋጋ፥ “ነ ማሻይ ማጫዋንታ መላ አሾዋዳን፥ ነ ዳያካ ማጫዋንቱ ግዶን መላ አታና” ያጌዳ። ሳመል አጋጋ መና ጎዳ ስንን ገልጋላን ሲፌዳ።
\p
\v 34 ሄዋፐ ጉይያን፥ ሳመል ደንዲደ፥ ራማ ካታማ ቤዳ፤ ሳኦለካ ባረ ሶ ግብኣ ቤዳ። 
\v 35 ሳመል ሀይቃና ጋካናዉ፥ ሳኦላ በአናዉ ስሚደ ላኤን ብቤና፤ ግዶፐነ፥ ሳመል ሳኦላ ድራዉ ዬኬዳ። ሳኦላ እስራኤልያ ቦላ ካተዬዳዎ መና ጎዳይ ካዮቴዳ።
\c 16
\ms ዳዊታነ ሳኦላ
\mr (16:1—30:31)
\s1 ዳዊተ ዶረቲደ ካትያ ግዳናዉ ኦከቴዳ
\p
\v 1 መና ጎዳይ ሳመላ፥ “እስራኤልያ ቦላ እ ካትያ ግደና ማላ፥ ታን እጻክቼዳ ሳኦላ ድራዉ፥ ኔን አዉደ ጋካናዉ ዬካይ? አነ ካጭያን ዛይትያ ኩንደ ከሳ፤ ታን ኔና ቤታልሄምያ እሰያኮ ኪታይ፤ ካትያ ግዳና ማላ፥ ታን አ ናናቱዋ ግዶፐ እቱዋ ዶራ ዎድ” ያጌዳ።
\p
\v 2 ሳመል፥ “ታን ዋናደ ቦ? ሳኦል ስሲደ ታና ዎና” ያጌዳ።
\p መና ጎዳይ ሳመላ፥ “ኡሳቶ እትኖ አካ ባደ፥ ‘ታን መና ጎዳዉ ያርሻናዉ ያድ’ ያጋ። 
\v 3 እሰያካ ያርሹዋ ሳኣ ጼሳ። ኔን ኦናባ ታን ኔና በሳና፤ ታን ነዉ ኦድያዋ ታዉ ኦካ” ያጌዳ።
\p
\v 4 ሳመል መና ጎዳይ ኦዴዳዋ ኦዳ፤ ቤተሌመ ቤዳ። ቤተሌመ ካታማ ጭማቱ ኮኮሪደ አናና ጋከቴድኖ። ኡንቱንቱ አ፥ “ኔን ሳሮተዉ ያድ?” ያጊደ ኦቼድኖ።
\p
\v 5 ሳመል፥ “ኤ፤ ሳሮተዉ ያድ፤ ታን መና ጎዳዉ ያርሻናዉ ያድ፤ ህንተንቱካ ጌይተ፤ ያቲደ ታናና ያርሹዋ ሳኣ ደንድተ” ያጌዳ፤ ቃይ እሰያነ አ ናና ጌሺደ፥ ያርሹዋ ሳኣ ኡንቱንታ ጼሴዳ።
\p
\v 6 ኡንቱንቱ ያርሹዋ ሳኣ ጋክያ ዎደ፥ ሳመል እሰያ ናኣ ኤልኣባ በኢደ፥ “ቱሙፐ መና ጎዳይ ኦክያዌ ሀዋን መና ጎዳ ስንን ኤቄዳ” ያጊደ ቆፔዳ።
\p
\v 7 ሽን መና ጎዳይ ሳመላ፥ “አ ማላ ዎይ አ ጌሳ አዱሳተ ጼሎፓ፤ ታን አ እጻድ። አያዉ ጎፐ፥ ታን መና ጎዳይ አሳይ ጼልያዋዳን ጼልከ፤ አሳይ ዴሙዋ ጼሌ፤ ሽን መና ጎዳይ ዎዛና ጼሌ” ያጌዳ።
\p
\v 8 እሰይ አብናዳባ ጼሲደ፥ ሳመላ ስን አዳ፤ ሳመል፥ “ቱይት፤ መና ጎዳይ ሀዋካ ዶርቤና” ያጌዳ። 
\v 9 ያትና፥ እሰይ ሻማ አዳ፤ ሳመል፥ “ቱይት፤ መና ጎዳይ ሀዋካ ዶርቤና” ያጌዳ። 
\v 10 ሄዋዳን ኦደ፥ እሰይ ባረ ናና ላፑኑዋ ሳመላ ስን አዳ፤ ሽን ሳመል እሰያ፥ “መና ጎዳይ ሀዋንታ ዶርቤና” ያጌዳ። 
\v 11 ሄዋ ድራዉ፥ እ እሰያ፥ “ነዉ ደእያ ናናይ ሀዋንቱ ጻላሌየ?” ያጊደ ኦቼዳ።
\p እሰይ፥ “ኡባፐ ቴፋ ናአይ አቴዳ፤ ሽን እ ዶርሳቱዋ ሄሜ” ያጌዳ።
\p ሳመል፥ “ኪታደ አ አህሳ፤ እ ያና ጋካናዉ ኑን ያርሾኮ” ያጌዳ። 
\v 12 እሰይ ኪቲደ፥ ናኣ አህሴዳ፤ ሄ ናአይ አርሳ፤ አይፍያና ሎእያ ማላ ሎአ።
\p መና ጎዳይ ሳመላ፥ “ደንዳ ኤቃደ ኦካ፤ ሀዌ አ” ያጌዳ። 
\v 13 ሳመል ካጭያ ዛይትያ አኪደ፥ አ እሻቱ ስንን ዳዊታ ኦኬዳ። ሄ ጋላሳፐ ዶሚደ፥ መና ጎዳ አያናይ ዳዊታ ቦላን ዎልቃፐ ዎዳ። ሄዋፐ ጉይያን፥ ሳመል ደንዲደ፥ ራማ ካታማ ቤዳ።
\s1 ዳዊተ ሳኦላዉ ኦ
\p
\v 14 መና ጎዳ አያናይ ሳኦላፐ ሻከቴዳ፤ መና ጎዳፐ ኪተቴዳ ኢታ አያናይ ሳኦላ ኡንኤዳ። 
\v 15 ሳኦላ ቆማቱ አ፥ “ጾሳፐ ኪተቴዳ ኢታ አያናይ ኔና ኡንኤ። 
\v 16 ኑ ጎዳይ ዲ ሎይ ዲጽያ አሳ ኮያና ማላ፥ ባረ ቆማቱዋ፥ ሀዋን ደእያዋንታ አዛዞ። ጾሳፐ ኪተቴዳ ኢታ አያናይ ኔና ኦይቂያ ዎደ፥ ሄ ብታን ዲ ዲጻና፤ እ ዲጽና ነዉ ኬካና” ያጌድኖ።
\p
\v 17 ሳኦል ባረ ቆማቱዋ፥ “ዲ ሎይደ ዲጽያ አሳ ኮዪደ፥ ታዉ አኪደ ዪተ” ያጌዳ።
\p
\v 18 ቆማቱዋፐ እቱ ሳኦላ፥ “በአ፤ ቤታልሄምያ እሰያዉ ዲ ሎይደ ዲጽያ እት ናአይ ደኤ። ሄ ናአይ ጻላነ ቶራንቻ አሳ፤ ሃሳያዉ ጭንጫነ ማላ ሎአ አሳ፤ ቃይ መና ጎዳይ አናና እትፐ ደኤ” ያጌዳ።
\p
\v 19 ያትና፥ ሳኦል እሰያኮ ኪቲደ፥ “ነ ዶርሳ ሄምያ ነ ናኣ ዳዊታ ታዉ የዳ” ያጌዳ። 
\v 20 ሄዋፐ ጉየ እሰይ ኡክ፥ ኦጎሩዋ ዎይንያ ኤሳነ ጋሎ ዶርሳ ማራ እቱዋ ሀርያን ጫኒደ፥ ባረ ናኣ ዳዊታና ሳኦላዉ የዴዳ።
\p
\v 21 ዳዊተ ሳኦላኮ ዬዳ፤ አ ኪታን ገሌዳ። ሳኦል ዳዊታ ሎይ ዶሴዳ፤ ዳዊተ ሳኦላዉ ኦላ ሚሻ ኦይቂያዋ ግዴዳ። 
\v 22 ያትና፥ ሳኦል እሰያዉ፥ “ዳዊተ ታዉ ኦደ ጋምእሾ፤ ታን አ ዶሳድ” ያጊደ ኪቴዳ።
\p
\v 23 ሄዋፐ ስምና፥ ጾሳፐ ኪተቴዳ ኢታ አያናይ ሳኦላ ኦይቂያ ዎደ ኡባን፥ ዳዊተ ዲ አኪደ ባረ ኩሽያን ዲጸ፤ ኢታ አያናይ አ የድያ ድራዉ፥ ሳኦላዉ ኬኬነ እ ፓጼ።
\c 17
\s1 ዳዊታነ ጎልያዳ
\p
\v 1 ፕልስጼማ አሳቱ ባረንቱ ኦላንቻቱዋ ይሁዳን ደእያ ሶኮ ጌተትያ ሳኣ ኦላዉ ሺሼድኖ፤ ሶኮፐነ አዜቃፐ ግዱዋን ደእያ ኤፈስጻሚማ ጌተትያ እት ሳኣን ሺቅ ኡቴድኖ። 
\v 2 ሳኦልነ እስራኤላቱ ኤላ ጌተትያ ዛንጋራን ሺቅ ኡቴድኖ፤ ፕልስጼማ አሳቱዋና ኦለታናዉ ሳልፕያን ከሴድኖ። 
\v 3 ፕልስጼማ ኦላንቻቱ እት ደርያን ሳልፕና፥ እስራኤላቱካ ሀራ ደርያን ሳልፔድኖ፤ ኡንቱንቱ ላኡዋ ዛንጋራይ ሻኬ።
\p
\v 4 ጋተ ካታማን ደእያ፥ ጎልያዳ ጌተትያ እት ቶራ ቃራ ብታኒ ፕልስጼማቱ ሺቄዳ ሳኣፐ ዬዳ፤ አ ጌሳይ ኡሱፑን ዋነ ታካ። 
\v 5 እ እሻታማነ ላፑን ኪሎ ግራመ ዴጽያ ናሃስያ ብራታ ኮትያ ማዬዳ፤ ቃይ ናሃስያ ብራታ ቆጲያ ባረ ሁጲያን ዎዳ። 
\v 6 ናሃስያ ብራታ ጋምባልያ ባረ ገድያን አዳ፤ ባረ ሀሽያን ናሃስያ ብራታፐ ቆጸቴዳ ጽንቃ ቶኬዳ። 
\v 7 አ ቦድያ ቶማይ ሸማይንያ ዎንዳራሽያ ኬሻ፤ ቦድያ አይፊ ላፑን ኪሎ ግራመ ዴጼ፤ ጎንዳልያ ቶኬዳ እት ብታኒ አ ስንን ሀመቴ።
\p
\v 8 ጎልያደ ኤቂደ፥ ቃላ ቁ ኦደ፥ እስራኤልያ ኦላንቻቶ ሀዋዳን ያጊደ ጬቄዳ፤ “ህንተንቱ ዋናና ጊደ ኦላዉ ሳልፔድቴ? ታን ፕልስጼማ አሳ ግድክታ? ቃይ ህንተንቱ ሳኦላ ቆማቱዋ ግድክቴ? አነ ህንተንቱ ግዶፐ እት አሳ ዶርተ፤ ሄ ብታኒ ታኮ ዎ። 
\v 9 ሄ ብታኒ ታናና ኦለቲደ ታና ዎፐ፥ ኑን ህንተንቱ ቆማቱዋ ግዳና፤ ሽን ታን አ ጾናደ ዎፐ ህንተንቱ ኑ ቆማቱዋ ግዳናነ ኑዉ ሞደታና” ያጌዳ። 
\v 10 ቃይካ ሄ ፕልስጼመ ብታኒ፥ “ታን ሀቼ እስራኤልያ ኦላንቻቱዋ ናሳይ፤ ታዉ እት አሳ እምተ፤ አነ ላኡ ኦለቴቶ!” ያጌዳ። 
\v 11 ሳኦልነ እስራኤላቱ ፕልስጼምያ ቃላ ስሲደ፥ ዬላቴድኖነ ዳሮፐ ያዬድኖ።
\p
\v 12 ዳዊተ ይሁዳ ጋድያን ቤታልሄመን ደእያ ኤፍራታ እሰያ ናኣ። እሰያዉ ሆስፑን አቱማ ናናይ ደኢኖ፤ ሳኦል ካትያ ግዲደ ደእያ ዎደ፥ እሰይ ሎይ ጭሜዳነ ዳሮ ደኤዳ አሳ። 
\v 13 እሰያ አቱማ ናናይ ባይራትያዋንቱ ሄዛቱ ሳኦላ ካሊደ ኦላ ቤድኖ፤ ኦላ ቤዳ አ ሄዙ ናናቱዋ ሱንይ ሀዋ፤ ባይራይ ኤልኣባ፤ ቴፋይ አምናዳባ፤ ሄዘን ሻማ። 
\v 14 ዳዊተ ናናቱዋ ኡባፐ ቴፋ። ባይራ ሄዙ ናናይ ሳኦላ ካሌድኖ፤ 
\v 15 ሽን ዳዊተ ባረ አዉዋ ዶርሳቱዋ ሄማናዉ ሳኦላ ማታፐ ቤተሌመ ስመረቴ።
\p
\v 16 ሄ ፕልስጼም ኦይታሙ ጋላሳ ጉራነ ኦማርስ ዪደ፥ እስራኤላቱዋ ናሴ።
\p
\v 17 እት ጋላስ እሰይ ባረ ናኣ ዳዊታዉ ሀዋዳን ያጌዳ፤ “ሀ ጺጸቴዳ ትሻፐ ታሙ ኪሎ ግራምያነ ሀ ታሙ ኡክቱዋ አካደ፥ ነ እሻቶ አፋደ ነ እሻቱ ሺቄዳ ሳኣ ኤለካ ጋ። 
\v 18 ሀ ታሙ ኑካ ፕላቱዋካ ኡንቱንቱ ሻላቃዉ አፋ፤ ነ እሻቱ ዋን ደእንቶ በኣደ፥ ኡንቱንቱ ሳሮ ደእያዎ ማላታ ኡንቱቱፐ አካደ ያ። 
\v 19 ካትያ ሳኦል፥ ነ እሻቱዋነ እስራኤልያ አሳይ ኡባይ፥ ፕልስጼማ አሳቱዋና ኦለቲደ፥ ኤላ ዛንጋራን ደኢኖ” ያጌዳ።
\p
\v 20 ዳዊተ ወንታ ጉራና ደንዲደ ዶርሳ ዉድያ ሀራ አሳ ሄንደ፥ እሰይ አዛዜዳዋ ጫን አኪደ ቤዳ። እስራኤልያ ኦላንቻቱ ባረንቱ ቃላ ቁ ኦደ ጋርማሚደ ኦላዉ ሳልፕሽን፥ ዳዊተ ጋኬዳ። 
\v 21 እስራኤልያ አሳቱነ ፕልስጼማ አሳቱ እቱ እቱዋኮ ጼሊደ ሳልፔድኖ። 
\v 22 ዳዊተ ባረ አሄዳ ሚሻ ሽንቃ ናግያዋ ኩሽያን ዎደ፥ ኦላ ሳልፕያ ዎጽ ቢደ፥ ባረ እሻቱዋ ሳሮቴዳ። 
\v 23 ዳዊተ ባረ እሻቱዋና ሃሳይሽን፥ ጋተፐ ዬዳ ቶራ ቃራይ፥ ፕልስጼምያ ጎልያደ ባረ ሳልፕያፐ ጋጻ ከሲደ፥ ሀሮደዋዳንካ እስራኤላቱዋ ናሴዳ፤ እ ናስያዋ ዳዊተ ስሴዳ። 
\v 24 እስራኤልያ አሳይ ኡባይ ሄ ብታንያ በኤዳ ዎደ፥ ሎይ ያዪደ አፐ ባቃቴድኖ።
\p
\v 25 እስራኤልያ አሳይ እቱ እቱዋ፥ “ሀ ከስያ ብታንያ በኤድቴ? እ ቱሙዋፐ እስራኤልያ ናሳናዉ ከሴዳ! ሀ ብታንያ ዎያ ኡራዉ ካትያ ሳኦል ዳሮ አቁዋ እማና፤ ቃይ ባረ ናቶካ አዉ እማና፤ አ አዉዋ ጎልያ አሳይ እስራኤላን ካትያ ጊራካ ጊረና” ያጌድኖ።
\p
\v 26 ዳዊተ ባረ ማታን ኤቄዳ አሳ፥ “ሀ ፕልስጼምያ ዎደ፥ ሀ ዬላ እስራኤልያፐ ቁጭያ ኡራዉ አያይ ኦሰታኔ? ሀ ቃጻረትቤና ፕልስጼም፥ ደኡዋ ጾሳ ኦላንቻቱዋ ናስያዌ እ ኦኔ?” ያጊደ ኦቼዳ።
\p
\v 27 ሽን ኡንቱንቱ አ፥ “ሀ ብታንያ ዎያ ኡራዉ ሀዌ ሀዌ ኦሰታና” ያጊደ ካሰዋዳንካ አዉ ዛሬድኖ።
\p
\v 28 ዳዊተ አሳና ሃሳይያዋ አ እሻይ ኡባፐ ባይራይ ኤልኣብ ስሲደ፥ ዳዊታ ቦላ ሀንቁዋ ኤጽ ከሴዳ፤ “ኔን ሀ ሳኣ አያዉ ያድ? ሄ አማሬዳ ዶርሳቱዋ ዎራን ኦናና የጋድ? ነ ኦቶሩዋነ ነ ዎዛና እታተ ታን ኤራይ፤ ኔን ኦላ በአናዉ ያዳ” ያጌዳ።
\p
\v 29 ዳዊተ፥ “ታን ሀእ አይ ኦድታ? ሀራይ አቶፐ ሃሳያናዉካ ዳንዳይክታ?” ያጌዳ። 
\v 30 ዳዊተ ባረ እሻ አጊደ፥ ሀራ አሳኮ ስሚደ፥ ካሰዋዳንካ ኦቼዳ፤ አሳይ አዉ ካሰዋዳንካ ዛሬዳ።
\p
\v 31 ዳዊተ ሃሳዬዳዋ ስሴዳ አሳቱ ሳኦላዉ ኦዴድኖ፤ ሳኦል ዳዊታ ጼስሴዳ። 
\v 32 ዳዊተ ሳኦላ፥ “ሀ ብታንያ ጋሱዋን ኦ ዎዛናይካ ያዮፖ፤ ታን ነ ቆማይ ባደ፥ ሀ ፕልስጼምያና ኦለታና” ያጌዳ።
\p
\v 33 ሳኦል ዳዊታ፥ “ሀ ፕልስጼምያና ኔን ኦለታናዉ ዳንዳያካ፤ አያዉ ጎፐ፥ ኔን ናኣ፤ ሽን ናአተፐ ዶሚደ፥ እ ኦለቲደ ድጬዳ አሳ” ያጌዳ።
\p
\v 34 ሽን ዳዊተ ሳኦላ፥ “ታን ነ ቆማይ ታ አዉዋ ዶርሳቱዋ ሄማይ፤ ጋሙ ዎይ ባባን ማላትያ ዶአይ ዪደ ዉድያፐ ዶርሳ ኦይቂያ ዎደ፥ 
\v 35 አ ካላደ ታን ባደ አ ዶናፐ ዎ አካይ፤ ታኮ ስምያ ዎደ፥ ቡቻ ኦይቃደ፥ ሾጫ ዎይ። 
\v 36 ታን ነ ቆማይ ጋሙዋነ ባባን ዎድ፤ ሀ ቃጻረትቤና ፕልስጼም ደኡዋ ጾሳ ኦላንቻቱዋ ናሴዳ ድራዉ፥ እካ ኡንቱንቱፐ እቱዋዳን ሀናና። 
\v 37 ጋሙዋነ ባባን ጹጉንፐ ታና አሼዳ መና ጎዳይ ሀ ፕልስጼምያ ኩሽያፐካ አሻናዋ” ያጌዳ።
\p ሳኦል ዳዊታ፥ “ባ፤ መና ጎዳይ ኔናና ግዶ” ያጌዳ።
\p
\v 38 ሄዋፐ ጉይያን፥ ሳኦል ባረ ማዩዋ ዳዊታ ማይዜዳ፤ ዳዊታ ሁጲያን ናሃስያ ብራታ ቆጲያ ዎዳ፤ ናሃስያ ብራታ ኮትያካ ዳዊታ ማይዜዳ። 
\v 39 ዳዊተ ባረ ኦላ ማዩዋ ቦላ ማሻ ዳንጬዳ፤ ሀመት በኤዳ፤ ሽን ዳንዳይቤና፤ አያዉ ጎፐ፥ ሄዋ ማላ ማዩዋ ማይ ኤረና።
\p ሄዋፐ ጉይያን፥ ዳዊተ ሳኦላ፥ “ታን ሀዋ ማላ ማዩዋ ማያደ ሜዘታቤና ድራዉ፥ ሀዋና ባናዉ ዳንዳይከ” ያጊደ ኦላ ማዩዋ ኡባና ቃሬዳ። 
\v 40 ዳዊተ ባረ ሄን ጋትማ ኦይቂደ፥ ሻፋፐ ሙይላ ሹቻ እቼሻቱዋ ማጽ አኪደ፥ ባረ ቃርጪቱዋን የጌዳ፤ ባረ ያምባርሻ ኦይቂደ፥ ጎልያደኮ ማቴዳ።
\p
\v 41 ጎልያደካ ዳዊታኮ ሺቅ ሺቂደ ማታተዳ፤ ጎንዳልያ ቶክያ ብታኒ አ ስንን ደኤ። 
\v 42 እ ዳዊታ ትሽ ኦ ጼሊደ፥ ዳዊተ ናኣ ግዴዳዋነ ማላ ሎአነ አርሳ ግዴዳዋ በኢደ ካዳ። 
\v 43 ዳዊታ፥ “ኔን ጋትማ ኦይቃደ ታ ቦላ ያናዉ፥ ታና ካና ጋድየ?” ያጌዳ፤ ባረ ጾሳቱዋ ሱንን ዳዊታ ሸቄዳ። 
\v 44 እ ቃይካ ዳዊታ፥ “ሃያ፤ ታን ነ አሹዋ ሳሉዋ ካፎቶነ ሳኣ ዶአቶ እማና” ያጌዳ።
\p
\v 45 ዳዊተ ፕልስጼምያ፥ “ኔን ማሻ፥ ቦድያነ ጽንቃ ኦይቃደ ታ ቦላ ያሳ፤ ሽን ታን ኡባፐ ዎልቃማ መና ጎዳ ሱንን፥ ኔን ናሴዳ እስራኤልያ ኦላንቻቱ ጾሳ ሱንን ነ ቦላ ያይ። 
\v 46 ሀቼ መና ጎዳይ ኔና ታ ኩሽያን አ እማና፤ ታን ኔና ሾጫና፤ ነ ቆያካ ሙጫ ኦላና። ፕልስጼማ ኦላንቻቱዋ አሃ ሳሉዋ ካፎቱዋዉነ ሳኣ ዶአቶ ታን ሀቼ እማና፤ ያትና፥ እስራኤላን ጾሳይ ደእያዋ ሳኣን ደእያ አሳይ ኡባይ ኤራና። 
\v 47 መና ጎዳይ ባረ አሳ አሻናዉ ቶራ ዎይ ማሻ ኮየናዋ ሀዋን ሺቄዳ አሳይ ኡባይ ኤራና፤ አያዉ ጎፐ፥ ኦላይ መና ጎዳዋ። እ ህንተንታ ኡባ ኑ ኩሽያን አ እማና” ያጌዳ። 
\v 48 ፕልስጼም ደንዲደ ቢደ፥ ዳዊታና ኦላ ጋከታናዉ ሺቄዳ ዎደ፥ ዳዊተ ኦለትያ ኦላዉ ኤለካ ዎጼዳ። 
\v 49 ዳዊተ ባረ ቃርጪትያ ግዶ ኩሽያ የዲደ፥ እት ሹቻ አኪደ ያምባርሻን ዎደ ያምባሪደ፥ ፕልስጼምያ ዴሙዋ ጫዴዳ። ሹቻይ ብታንያዉ ዴሙዋ ግዶ ገሌዳ፤ ያትና፥ ብታኒ ቢታን ጉፋኒደ ኩንዴዳ።
\p
\v 50 ያቲደ ዳዊተ ፕልስጼምያ ያምባርሻንነ ሹቻን ጾኔዳ። ዳዊተ ባረ ኩሽያን ማሻይ ባይናን ፕልስጼምያ ጫዲደ ዎዳ።\x - \xo 17:50 \xo*\xt 2 ሳሜላ 21:19\xt*\x* 
\v 51 ዳዊተ ዎጺደ ቢደ፥ አ ቦላ ከስ ኤቂደ፥ ፕልስጼምያ ማሻ ኦይቂደ ሾኩዋ ግዶፐ ሾድ አኪደ፥ አ ቆያ ሙጨዳ።\x - \xo 17:51 \xo*\xt 1 ሳሜላ 21:9\xt*\x*
\p ፕልስጼማ አሳቱ ባረንቱ ቶራ ቃራይ ሀይቄዳዋ በኤዳ ዎደ ባቃቴድኖ። 
\v 52 እስራኤልያ አሳይነ ይሁዳ አሳይ ደንዲደ ዋሲደ፥ ፕልስጼማ አሳቱዋ ጋተነ ኤቅሮና ካታማቱዋ ፐንገቱዋ ጋናሽን የደርሴድኖ፤ ፕልስጼማ አሳ አሃይ ጋተነ ኤቅሮና ጋካናዉ፥ ሻእራይማ አፍያ ኦግያን ኡባን ኩንዴዳ። 
\v 53 እስራኤልያ አሳይ ፕልስጼማ አሳቱዋ የደርስ ስሚደ፥ ኡንቱንቱ ሺቄዳ ሳኣ ቦንቄድኖ። 
\v 54 ዳዊተ ፕልስጼምያ ቆያ የሩሳላመ አሄዳ፤ ሽን ፕልስጼምያ ኦላ ሚሻ ባረ ዱንካንያ ግዶን ዎዳ።
\p
\v 55 ዳዊተ ፕልስጼምያኮ ቢሽን፥ ሳኦል በኤዳ ዎደ፥ ኦላንቻቱ ካፑዋ አባኔራ፥ “አባኔራ፥ ሀ ዎዳላይ ኦ ናኤ?” ያጊደ ኦቼዳ።
\p አባኔር ሳኦላ፥ “ካዎ፥ ነ ሸምፑ ኤሮ ታን አ ኤርከ” ያጊደ ዛሬዳ።
\p
\v 56 ካት ዛሪደ፥ “ያቶፐ ሀ ዎዳላይ ኦ ናኤንቶነ አነ ኦቻደ ጋካ” ያጌዳ።
\p
\v 57 ዳዊተ ፕልስጼምያ ዎደ ስሜዳዋፐ ጉይያን፥ ሙጬዳ ፕልስጼምያ ሁጲያ ኦይቄዳ ሳና፥ አባኔር አ ሳኦላ ስን አኪደ አፌዳ። 
\v 58 ሳኦል አ፥ “ዎዳላዉ፥ ኔን ኦ ናኤ?” ያጊደ ኦቼዳ።
\p ሽን ዳዊተ፥ “ታን ቤታልሄምያ ነ ቆማ እሰያ ናኣ” ያጊደ ዛሬዳ።
\c 18
\s1 ዳዊታነ ዮናታና
\p
\v 1 ዳዊተ ሳኦላና ሃሳይያዋ ዉርሴዳዋፐ ጉይያን፥ ሳኦላ ናኣ ዮናታን ዳዊታና ዳሮ ማታ ዳቦተ መዳ፤ ዮናታን ዳዊታ ባረ ሁጲያዳን ሲቄዳ። 
\v 2 ሄ ጋላሳፐ ዶሚደ፥ ሳኦል ዳዊታ ባረናና ዎዳ፤ ባረ አዉዋ ሶ ጉየ ስመናዳን ድጌዳ። 
\v 3 ዮናታን ዳዊታ ባረ ሁጲያዳን ሲቅያ ድራዉ፥ አናና ቃላ ጫቁዋ ጫቀቴዳ። 
\v 4 ዮናታን ባረ ማዬዳ ካባ ቃሪደ፥ ባረ ኦላ ማዩዋና፥ ባረ ማሻና፥ ባረ ዎንዳፍያናነ ባረ ሳቂያና እትፐ ዳዊታዉ እሜዳ።
\p
\v 5 ሳኦል ኪቴዳ ኡባባ ዳዊተ ፖሊደ ኦያ ድራዉ፥ ሳኦል ዳዊታ ባረ ኦላንቻቱ ግዶን ጋዳዋ ሱንዳ፤ ሄዌ አሳ ኡባካ አ ኦላንቻቱዋካ ናሸቼዳ።
\s1 ሳኦል ዳዊታ ቃናቴዳ
\p
\v 6 ዳዊተ ፕልስጼምያ ጎልያዳ ዎና አሳይ ሶ ስምያ ዎደ፥ ማጫ አሳይ ናሸቻ የ የጺድነ ዱሪደ፥ ካባሩዋ ባቂደነ ዲ ዲጺደ፥ ካትያ ሳኦላ ሞካናዉ እስራኤልያ ካታማቱዋ ኡባቱዋፐ ከሴዳ። 
\v 7 ማጫዋንቱ ዱሪደ፥
\q1 “ሳኦል ሻኣ ዎዳ፤
\q2 ዳዊተ ታሙ ሻኣ ዎዳ”
\m ያጊደ የጼድኖ።\x - \xo 18:7 \xo*\xt 1 ሳሜላ 21:11፤ 29:5\xt*\x*
\p
\v 8 ሳኦል ሀ የይ ኢትና፥ ሎይ ሀንቀቴዳ፤ ሳኦል ባረ ቆፋን፥ “ዳዊታ፥ ‘ታሙ ሻኣ ዎዳ’ ጊደ፥ ታና፥ ‘እት ሻኣ ዎዳ’ ጌድኖ፤ ያትና፥ ካዉተፐ አትና አዉ አዬ አቴዳዌ?” ያጌዳ። 
\v 9 ሄ ጋላሳፐ ዶሚደ፥ ሳኦል ዳዊታ ቃናተ አይፍያን ጼሌዳ።
\p
\v 10 ዎንተ ጋላሳ ኢታ አያናይ ጾሳፐ ኪተቲደ፥ ሳኦላ ኦይቄዳ፤ ሳኦል ባረ ሶን ኤሉመቴዳ። ዳዊተ ሀሮደዋዳን ዲ ዲጼዳ፤ ሳኦል ቶራ ባረ ኩሽያን ኦይቂ ኡቴዳዌ፥ 
\v 11 “ዳዊታ ጎዳና ጋደ ስካድ” ጊደ ቶራ ጾንጌዳ። ሽን ዳዊተ ላኡ ጌደ አፐ ሀሌዳ።
\p
\v 12 መና ጎዳይ ሳኦላ አጊደ ዳዊታና ደእያ ድራዉ፥ ሳኦል ዳዊታዉ ያዬዳ። 
\v 13 ሄዋ ድራዉ፥ ሳኦል ዳዊታ ባረ ስንፐ ሃሲደ፥ ሻአ ኦላንቻቶ ካፑዋ ከሴዳ። ያትና፥ ዳዊተ ባረ ጭታ ኦላን ካለዳ። 
\v 14 መና ጎዳይ ዳዊታና እትፐ ደእያ ድራዉ፥ እ ኦያባይ ኡባይ አዉ እንጀቴዳ። 
\v 15 ዳዊተ ኦያባይ ኡባይ ሎይ እንጀትያዋ ሳኦል በኢደ፥ አዉ ሎይ ያዬዳ። 
\v 16 ሽን ዳዊተ ኡንቱንታ ኦላን ካለያ ድራዉ፥ እስራኤላነ ይሁዳ አሳይ ኡባይ አ ሲቄድኖ።
\p
\v 17 ሄዋፐ ጉይያን፥ ሳኦል ዳዊታ፥ “ታ ናታ ባይራታ መራባ ሀናሽ፤ ታን ኦ ነዉ ማቸ ኦደ እማና፤ ኔን ምኖ አሳ ግዳ፤ ያታደ መና ጎዳ ኦላ ኦለታ” ያጌዳ። ሳኦል ባረ ዎዛናን፥ “ታን አ ቦችከ፤ ፕልስጼማ አሳቱ አ ዎና” ያጊደ ቆፔዳ። 
\v 18 ሽን ዳዊተ ሳኦላ፥ “ካትያና ቦሎታናዉ ታን ኦኔ? ታ ሶ አሳይካ አዬ? ዎይ ታ አዉዋ ያራይካ እስራኤልያ አሳ ግዶን አዬ?” ያጌዳ። 
\v 19 ሽን ሳኦላ ናታ መራባ ዳዊታው እመትያ ዎዲ ጋክና፥ ማሆላ ካታማፐ ዬዳ፥ አድሪኤላ ጌተትያ እት ብታንያዉ እመታዱ።
\s1 ዳዊተ ሳኦላ ናቶ አኬዳ
\p
\v 20 ግዶፐነ፥ ሳኦላ ናታ ሚካላ ዳዊታ ሲቃዱ፤ ሳኦል ሄዋ ስሲደ ናሸቴዳ። 
\v 21 እ ባረ ዎዛናን፥ “አዉ ጲረ ግዳና ማላነ ፕልስጼማ አሳቱ አ ዎና ማላ፥ ታን ሚካሎ ዳዊታዉ እማና” ያጊደ ቆፔዳ። ሄዋ ድራዉ፥ ሳኦል ዳዊታ፥ “ኔን ታናና ቦሎታናዉ ሀዌ ነዉ ላኤን ካጫ” ያጌዳ።
\p
\v 22 ቃይካ ሳኦል ባረ ቆማቱዋ ጼሲደ፥ “ካቲ ኔናን ናሸቴዳ፤ አ ቆማቱ ኡባይካ ኔና ዶሲኖ፤ ሀእ ኔን ካትያና ቦሎታ ያጊደ ጹራን ዳዊታዉ ኦድተ” ያጊደ አዛዜዳ።
\p
\v 23 ኡንቱንቱ እ ጌዳዋዳንካ ዳዊታዉ ኦዴድኖ፤ ሽን ዳዊተ ኡንቱንቶ፥ “ካትያና ቦሎታናዌ ህንተንቶ ላፋባ ማላቲየ? ታን ህዬሳነ ኤረተና አሳ” ያጊደ ዛሬዳ።
\p
\v 24 ሳኦላ ቆማቱ ዳዊተ ጌዳዋ ሳኦላዉ ኦዴድኖ። 
\v 25 ሳኦል ባረ ቆማቱዋ፥ “ዳዊታው ሀዋዳን ያጊደ ኦድተ፤ ‘ካቲ ባረ ሞርከቱዋ ሀሉዋ ከሳናዉ ጼቱ ፕልስጼማ አሳቱዋ ቃራቱዋፐ አትና፥ ኔፐ ሀራ ጭሎሻ ኮየና’ ያግተ” ያጌዳ። ሳኦል ሄዋ ጌዳዌ፥ “ዳዊተ ፕልስጼማቱዋ ኩሽያን ሀይቆ” ጊደ ቆፔዳ ድራሳ።
\p
\v 26 ሳኦላ ቆማቱ ሳኦል ጌዳዋ ዳዊታዉ ኦዴድኖ፤ ካትያና ቦሎትያዌ ዳዊታ ናሸቼዳ። ሄዋ ድራዉ፥ ቡላቻ ጋላሳይ ጋካናፐ ካሰቲደ፥ 
\v 27 ዳዊተነ አ አሳይ ደንዲደ ቤድኖ፤ ፕልስጼማቱዋፐ ላኡ ጼቱ አሳ ዎድኖ። ዳዊተ ካትያና ቦሎታናዉ ሄ አሳቱዋ ቃራቱዋ አሂደ፥ ካዎ ኩመን ፓይዲደ ሼዳ። ሄዋ ድራዉ፥ ሳኦል ባረ ናቶ ሚካሎ ዳዊታዉ እሜዳ።
\p
\v 28 ሳኦል መና ጎዳይ ዳዊታና እትፐ ደእያዋነ አ ናታ ሚካላ ዳዊታ ሲቅያዋ ኤሬዳ። 
\v 29 ሄዋ ድራዉ፥ ሳኦል ዳዊታዉ ካሰዋፐ አደ ያዬዳ። ሳኦል ባረ ደኡዋ ላይ ኡባን ዳዊታዉ ሞርከ ግዴዳ።
\p
\v 30 ፕልስጼመ ካፓቱ ኦለታናዉ ከስያዋ አግበይክኖ፤ ሽን ኦላዉ ከሴዳ ፓይዱዋ ኡባን ሳኦላ ጋዳዋቱ ኡባፐ ጾኑ ሀንያዌ ዳዊተሳ፤ ሄዋ ድራዉ፥ እ ኤረቴዳ አሳ ግዴዳ።
\c 19
\s1 ሳኦል ዳዊታ የደርሱዋ ዶሜዳ
\p
\v 1 ሳኦል ባረ ናኣ ዮናታናዉነ ባረ ቆማቱዋ ኡባዉ፥ “ዳዊታ ዎተ” ያጊደ ኦዴዳ፤ ሽን ሳኦላ ናአይ ዮናታን ዳዊታ ሎይ ሲቄዳ። 
\v 2 ሄዋ ድራዉ፥ ዮናታን ዳዊታዉ ሀዋዳን ያጊደ ኦዴዳ፤ “ታ አዉ ሳኦል ኔና ዎናዉ ኮዬ፤ ዎንት ጉራ ነዉ ናገታ፤ እት ሳኣን ቆሰታደ ደአሻ። 
\v 3 ታን ታ አቡና ባደ፥ ኔን ቆሰቴዳ ጋደን ኤቃና፤ ታን ነባ አዉ ኦዳደ፥ አፐ ስሴዳባ ነዉ ኦዳና” ያጌዳ።
\p
\v 4 ዮናታን ዳዊተዋ ናሺደ፥ ባረ አዉዋ ሳኦላ ሀዋዳን ያጌዳ፤ “ካቲ ባረ ቆማ ዳዊታ ናቆፖ፤ አያዉ ጎፐ፥ እ ኔና ናቂቤና፤ እ ኦዳባይ ኔና ሎይ ጎኤዳ። 
\v 5 እ ፕልስጼምያ ዎያ ዎደ ባረ ሸምፖ ቃረትቤና። መና ጎዳይ እስራኤልያ ኡባዉ ዎልቃማ ጾኑዋ እሜዳ፤ ሄዋ በኣደ ኔንካ ናሸታዳ። ያትና፥ ኔን ጌሻ አሳ ናቃናዉ አያዉ ቆፓይ? ጋሱ ባይናን ዳዊታ ዎናዉ አያዉ ኮያይ?” ያጌዳ።
\p
\v 6 ሳኦል ዮናታን ኦዴዳዋ ስሲደ፥ “መና ጎዳይ ኤሮ፥ ታን ዳዊታ ዎከ” ያጊደ ጫቄዳ።
\p
\v 7 ዮናታን ዳዊታ ጼሲደ፥ ሃሳዬዳዋ ኡባ ኦዴዳ። ያቲደ ዳዊታ ሳኦላኮ አሄዳ፤ ዳዊተ ሳኦላና ካሰዋዳንካ ደኤዳ።
\p
\v 8 ሀራ ኦላይካ ደንዴዳ፤ ዳዊተ ከሲደ ፕልስጼማ አሳቱዋና ኦለቴዳ፤ ኡንቱንታ ዎልቃማ ሾቻ ሾጭና፥ ኡንቱንቱ አ ስንፐ ባቃቴድኖ።
\p
\v 9 ሄዋፐ ስሚደ፥ ሳኦል ቶራ ኦይቂደ ባረ ሶን ኡት ደእሽን፥ ኢታ አያናይ መና ጎዳፐ ኪተቲደ አ ኦይቄዳ። ያትና፥ ዳዊተ ዲ ዲጽሽን፥ 
\v 10 ሳኦል ዳዊታ ጎዳና ጋደ ዳንናዉ (ኦይናዉ) ቶራ ጾንጌዳ፤ ሽን ዳዊተ አፐ ሀሌዳ፤ ቶራይ ጎዳን ኤቄዳ። ሄ ጋላሳ ቃማ ዳዊተ ባቃቲደ ከስ አኬዳ።
\p
\v 11 ሄዋፐ ጉይያን፥ “ዳዊታ ጎልያ ናጊደ፥ ጉራ አ ዎተ” ያጊደ ሳኦል አሳ ዳዊታ ሶ ኪቴዳ።
\p ያትና፥ ዳዊታ ማቻታ ሚካላ፥ “ሀቼ ቃማ ኔን ነ ሸምፑዋ አሻና ዮፐ፥ ዎንት ሀይቃሳ” ያጋደ ዳዊታዉ ኦዳዱ።\x - \xo 19:11 \xo*\xt ማዝ. 59 (ሁጲያ)\xt*\x* 
\v 12 ሚካላ ዳዊታ ማስኮትያና ዎዱ፤ ዳዊተ ባቃቲደ ከስ አኬዳ። 
\v 13 ሚካላ ሶ ምስልያ አካደ አርሳን ግስሳዱ፤ ሁጲሳና ዴሻ እስክያ ዎዱ፤ ያታደ አፍላ ማይዛዱ።
\p
\v 14 ዳዊታ ኦሞዲደ አሀና ማላ፥ ሳኦል አሳ ኪቴዳ፤ ሚካላ፥ “ዳዊተ ሳከቴዳ” ያጋዱ።
\p
\v 15 ሄዋፐ ጉይያን፥ ዳዊታ በአና ማላ፥ ሳኦል ሄ አሳቱዋ ጉየ ኪቲደ፥ ሀዋዳን ያጌዳ፤ “ታን ዳዊታ ዎናዳን አ አርሳና ቶኪደ አኪደ አህተ” ያጌዳ። 
\v 16 ሽን አሳቱ ሶ ገልያ ዎደ፥ ሄ ሶ ምስሊ አርሳን ግሴዳዋ ደሜድኖ፤ አ ሁጲሳና ዴሻ እስኪ ደኤ።
\p
\v 17 ሳኦል ሚካሎ፥ “ኔን አያዉ ሀዋዳን ኦደ ታና ጭማድ? ታ ሞርኪ ከስ አካናዳን አያዉ ባቃትሳዲ?” ያጌዳ።
\p ሄዋፐ ጉየ ሚካላ፥ “እ ታና፥ ‘ታና ከሳደ የዳ፤ ህና ዮፐ፥ ታን ኔና ዎና’ ያጌዳ” ያጋደ ዛራዱ።
\p
\v 18 ዳዊተ ባቃት አቲደ፥ ራማን ደእያ ሳሜላኮ ቤዳ፤ ሳኦል ባረና ኦዳ ኡባባ ሳሜላዉ ኦዴዳ። እነ ሳመል ራማን ደእያ ናዮታ ግያ ሳኣን ቢደ ኡቴድኖ። 
\v 19 ሳኦል፥ “ዳዊተ ራማን ደእያ ናዮታን ደኤ” ያግያዋ ስሴዳ። 
\v 20 ዳዊታ ኦሞዳና ማላ፥ አሳ ያ ኪቴዳ። ሽን ትምቢትያ ኦድያዋንቱ ጭታይ ትምቢትያ ኦድሺንነ ሳሜልካ ኤቂደ ኡንቱንታ ካለሽን ኡንቱንቱ በኤዳ ዎደ፥ ሳኦል የዴዳ አሳ ቦላ ጾሳ አያናይ ዎዳ፤ ኡንቱንቱካ ትምቢትያ ኦዴድኖ። 
\v 21 ሳኦል ሄዋ ስሴዳ ዎደ፥ ሀራ አሳ የዴዳ፤ ኡንቱንቱካ ቃይ ትምቢትያ ኦዴድኖ። ሳኦል ሄዘን አሳ የዴዳ፤ ሄዋንቱካ ትምቢትያ ኦዴድኖ። 
\v 22 ያትና፥ እ ባረ ሁጲያዉ ራማ ባናዉ ደንዴዳ፤ ቢደ ሴኩን ደእያ ዎልቃማ ኦላ ጋኬዳ፤ “ሳመልነ ዳዊተነ ሀቃን ደኢኖ?” ያጊደ ኦቼዳ።
\p ኡንቱንቱ፥ “ህን ራማን ደእያ ናዮታን ደኢኖ” ያጊደ ዛሬድኖ።
\p
\v 23 ሄዋ ድራዉ፥ ሳኦል ራማን ደእያ ናዮታ ቤዳ፤ ቃይ ጾሳ አያናይ አ ቦላካ ዎዳ፤ ራማን ደእያ ናዮታ ጋካናዉ፥ ትምቢትያ ኦዲደ ቤዳ። 
\v 24 ብ ጋኪደ፥ ባረ ማዩዋ ቃሪደ፥ ሳመላ ስንን ትምቢትያ ኦዴዳ፤ ሄ ጋላሳ ኡባነ ቃማ ኡባ ካሎ ግሴዳ። አሳይ፥ “ሳኦለካ ትምቢትያ ኦድያዋንቱ ዛቴየ?” ጉሳይ ሀዋሳ።\x - \xo 19:24 \xo*\xt 1 ሳሜላ 10:11-12\xt*\x*
\c 20
\s1 ዮናታን ዳዊታ ማዴዳ
\p
\v 1 ሄዋፐ ጉይያን፥ ዳዊተ ራማን ደእያ ናዮታፐ ባቃቲደ፥ ዮናታናኮ ቤዳ፤ ዮናታና፥ “ታን አይ ኦድታ? ታ ባይዙ አዬ? ነ አዉ ታና ዎናዉ ኮይያዌ፥ ታን አ ዋታ ቆሂኔ?” ያጊደ ኦቼዳ።
\p
\v 2 ዮናታን፥ “ሄዌ ኔፐ ሃኮ! ኔን ሀይቃካ። በአ፥ ጉባ ግዲና፥ ግታባ ግዲና፥ ታ አዉ ታዉ ኦደናን ደኢደ አያነ ኦና። ታ አዉ ሀ የዉዋ ታፐ አያዉ ቆስ? ሄዋዳን ግደና!” ያጊደ ዛሬዳ።
\p
\v 3 ሽን ዳዊተ ዮናታና፥ “ኔን ታና ሲቅያዋ ነ አዉ ሎይ ኤሬዳ፤ ነ አዉ ባረዉ፥ ‘ዮናታን ሀ የዉዋ ኤሮፐ እ ካዮታና!’ ያጌዳ። ሽን መና ጎዳይ ኤሮ፤ ነ ሸምፑ ኤሮ፤ ታፐነ ሀይቁዋፐ ግዱዋን መጽ እት ታንጉ አቴዳ” ያጊደ ጫቄዳ።
\p
\v 4 ዮናታን፥ “ኔን ኪተታ ጌዳዋ አያነ ታን ነዉ ኦና” ያጌዳ።
\p
\v 5 ሄዋፐ ጉየ ዳዊተ ሀዋዳን ያጌዳ፤ “ስሳ፥ ዎንት አግና ጼሩዋ ቦንችያ ጋላሳ፤ ታን ካትያና ቁማ ማና ኮሼ። ሽን ታን ባደ ዎንት ፔሽና ኦማርስ ጋካናዉ፥ ጋደን ቆሰታና።\x - \xo 20:5 \xo*\xt ፓይ. 28:11\xt*\x* 
\v 6 ነ አዉ ታና ኮዮፐ፥ ኔን አ፥ ‘ዳዊተንቱ ሶ አሳይ ኡባይ ላይ ያርሹዋ ያርሽያ ዎደ ግድያ ድራዉ፥ ቤተሌመ ባረ ካታማ ኤለካ ባና ጊደ፥ ታና ኦቺደ ቤዳ’ ያጋ። 
\v 7 ሄዋፐ ጉየ እ፥ ‘ያኖፐ ሎአ’ ያጎፐ፥ ታዉ ነ ቆማዉ ሳሮ፤ ሽን እ ሀንቀቶፐ፥ እ ታና ቆሀናዉ ባረ ቆፋ ቃቼዳዋ ሄዋን ኤራ። 
\v 8 ኔና ግዶፐ፥ ኔን ታዉ ነ ቆማዉ ሎኦባ ኪተታ፤ አያዉ ጎፐ፥ ኔን ታናና ነ ቆማና መና ጎዳ ስንን ጫቀታዳ። ሽን ታናን ባይዙ ደኦፐ፥ ታና ኔን ዎ! ነ አዎ ታና አ እሞፓ” ያጌዳ።
\p
\v 9 ዮናታን፥ “ሄዌ ኔፐ ሃኮ! ታ አዉ ኔና ቆሀናዉ ባረ ቆፋ ቃቼዳዋ ታን ኤሬደንቶ፥ ነዉ ኦድክታየ?” ያጊደ ዛሬዳ።
\p
\v 10 ሄዋፐ ጉየ ዳዊተ፥ “ነ አዉ ነዉ ኢታ ዛሩዋ ዛሮፐ፥ ታዉ ኦዳናዌ ኦኔ?” ያጊደ ኦቼዳ።
\p
\v 11 ዮናታን፥ “ሃያ፤ ጋደ ቦይተ” ያጌዳ፤ ያትና፥ ላአቱካ ጋደ ቤድኖ።
\p
\v 12 ዮናታን ዳዊታ ሀዋዳን ያጌዳ፤ “መና ጎዳይ እስራኤልያ ጾሳይ ኤሮ፥ ታን ዎንት ፔሽና ታ አዉዋ ቆራና። እ ነዉ ሎኡዋ ቆፖፐ፥ ታን ኪታደ ኔና ኤርሳና። 
\v 13 ሽን ታ አዉ ኔና ቆሀናዉ ኮዬዳዋ ግዶፐ፥ ቃይ ሄዋ ታን ኔና ኤርሰናን አጎፐነ ኔና ሳሩዋን ሞይዛ የደናን አጎፐ፥ መና ጎዳይ ታዉ ኢቶ! መና ጎዳይ ታ አቡና እትፐ ግዴዳዋዳን ኔናናካ እትፐ ግዶ። 
\v 14 ታና አሳይ ዎናዳን ታ ደኡዋ ላይ ኡባን አገና ሲቁዋ፥ መና ጎዳዋ ማላ ታዉ ኪተታ። 
\v 15 ቃይ ጎዳይ ዳዊታ ሞርከቱዋ ኡባ ጋድያፐ ቆሌዳ ዎደካ፥ ታ ጎልያ አሳፐ ነ ሲቁዋ ሃሶፓ” ያጌዳ።\x - \xo 20:15 \xo*\xt 2 ሳሜላ 9:1\xt*\x*
\p
\v 16 ሄዋ ድራዉ፥ ዮናታን፥ “መና ጎዳይ ዳዊታ ሞርከቱዋ ኦቾ” ያጊደ ዳዊታ ጎልያ አሳና ቃላ ጫቁዋ ጫቀቴዳ። 
\v 17 ዮናታን ዳዊታ ባረ ሁጲያዳን ሲቄዳ ድራዉ፥ “ኔን ታና ቱሙ ሲቅያዋ ቆንጭሳናዉ አነ ታዉ ላኤንዋ ጫቃ” ያጊደ ጫቂሴዳ።
\p
\v 18 ሄዋፐ ጉይያን፥ ዮናታን ዳዊታ፥ “ዎንታ አግና ጼሩዋ ቦንችያ ጋላሳ፤ ኔን ኡትያ ሳአይ መላ ደኦፐ፥ ኔን ባይናዌ ኤረታናዋ። 
\v 19 ዎንት ፔሽና ኦማርስ ባደ፥ ሀ መቱ ዶሜዳ ጋላስ ኔን ቆሰቴዳ ሳኣን ቆሰታ፤ ቆሰታደ ኤጸላ ግያ ዛላፐ ጉየና ታካሻ። 
\v 20 ታን አየንቶ ጾንግያዋ ማላታደ፥ አ ምይያና ሄዙ ፖቱዋ ዎንዳፍያን ዱካና። 
\v 21 ሄዋፐ ጉይያን፥ ታ ቆማ፥ ‘ባደ ዙበቱዋ ኮያ’ ያጋደ ኪታና፤ ታን አ ኪታደ፥ ‘በአ፤ ዙበቱ ኔፐ ሀ ባጋና ደኢኖ፤ ታኮ አካደ ያ’ ያግያዋ ግዶፐ፥ ሃያ፤ አያዉ ጎፐ፥ መና ጎዳይ ኤሮ፥ ነዉ ሳእ ሳሮ፤ ኔና አያይነ ቦቼና። 
\v 22 ሽን ታን ታ ቆማ፥ ‘በአ፤ ዙበቱ ኔፐ ህን ባጋና ደኢኖ’ ያግያዋ ግዶፐ፥ ኔን አጋደ ባ፤ አያዉ ጎፐ፥ መና ጎዳይ ኔና ዎራ የዴዳ። 
\v 23 ኔንነ ታን ሃሳዬዳ ቃላ ጫቁዋ ግዶፐ፥ ሄዎ ኔፐነ ታፐ ግዱዋን መና ጎዳይ መናዉ ማርካ” ያጌዳ።
\p
\v 24 ሄዋ ድራዉ፥ ዳዊተ ጋደን ቆሰቴዳ። አግና ጼሩዋ ቦንችያ ጋላሳይ ጋኬዳ ዎደ፥ ካትያ ሳኦል ቁማ ማናዉ ዬዳ። 
\v 25 ሀሮደ ባረ ኡትያ ሳኣን ጎዳ ላንቂያን ኡቴዳ፤ ዮናታን አፐ ስን ባዙዋን ኡቴዳ፤ አባኔር ሳኦላ ላንቂያን ኡቴዳ፤ ሽን ዳዊታ ሳአይ መላ ደኤ። 
\v 26 ሳኦል ሄ ጋላሳ አይነ ግቤና፤ አያዉ ጎፐ፥ ሳኦል፥ “ዳዊተ አየንቶ ሀኔዳ፤ ሄ ጋላሳ ቦንቼናዳን ቱኔዳ፤ ቱማ እ ቱኔዳ” ያጊደ ቆፔዳ። 
\v 27 ሽን ዎንተ ጋላስካ፥ አግናዉ ላኤን ጋላስ ዳዊታ ሳአይ መላ ደኤ። ሳኦል ባረ ናኣ ዮናታና፥ “እሰያ ናአይ ዝኖካ ሀችካ ቁማ ማናዉ አያዉ ይቤኔ?” ያጊደ ኦቼዳ።
\p
\v 28 ዮናታን፥ “ዳዊተ ቤተሌመ ባና ጊደ ታና ኦቼዳ፤ 
\v 29 እ ታንካ፥ ‘ኑ ጎልያ አሳይ ካታማን ያርሹዋ ያርሽያ ድራዉነ ታ እሻይካ ታና አዛዜዳ ድራዉ፥ ሀይ ታና የዳርኪ፤ ኔን ታና ሲቅያዋ ግዶፐ፥ አነ ታን ታ እሻቱዋ በአናዉ ባይ’ ያጌዳ። ካትያ ማዳፐ ማናዉ እ ይቤናዌ ሄዋ ግሻሳ” ያጊደ ዛሬዳ።
\p
\v 30 ሳኦል ዮናታና ቦላ ሀንቁዋ ኤጽ ከሲደ ሀዋዳን ያጌዳ፤ “ላ ጌላነ ማካላንቻ ምሽራት ናአዉ፥ ኔን ነ ሁጲያዉ ካዉሻናዉነ ኔና የሌዳ ነ ዳዮ ካዉሻናዉ ኔን እሰያ ናኣ ባጋ ግዴዳዋ ታን ኤርክታየ? 
\v 31 እሰያ ናአይ ሀ ሳኣ ቦላን ደኤዳ ፔሻን ኡባን ኔን ዎይ ነ ካዉተይ ኤቀና። ሀእ ኪታደ ታዉ አ አሂሳ፤ አያዉ ጎፐ፥ እ ሀይቃናዉ በሰ” ያጌዳ።
\p
\v 32 ሄዋፐ ጉየ ዮናታን ባረ አዉዋ ሳኦላ፥ “እ አያዉ ሀይቂ? እ ኦዳባይ አዬ?” ያጊደ ኦቼዳ።
\p
\v 33 ሽን ሳኦል ዮናታና ዎናዉ ቶራ አ ቦላ ጾንጌዳ። ሄዋ ድራዉ፥ ዮናታን ባረ አዉ ዳዊታ ዎናዉ ቆፋ ቃቼዳዋ ኤሬዳ። 
\v 34 ሀንቁዋ ኤጸቲደ ማዳፐ ደንዴ ኤቄዳ፤ ባረ አዉ ዳዊታ ካዉሼዳ ድራዉ ዮናታን ካዮቲደ፥ ሄ አግናዉ ላኤን ጋላሳ ምቤና።
\p
\v 35 ዎንታ ዮናታን ዳዊታና ጋከታናዉ ጋደ ቢደ ባረናና እት ያላጋ ናኣ አኪደ ቤዳ። 
\v 36 ዮናታን ናኣ፥ “ታን ዎንዳፍያን ዱክያ ዙበቱዋ ዎጻደ ኮያ” ያጌዳ፤ ሄዋፐ ጉይያን ናአይ ዎጽያ ዎደ፥ ዙቢያ ሄፍን ዱኬዳ። 
\v 37 ናአይ ዮናታና ዙቢ ዎዳ ሳኣ ጋኬዳ ዎደ፥ ዮናታን ናኣ ጼሲደ፥ “ዙቢ ኔፐ ህን ባጋና ደኤኔ?” ያጌዳ። 
\v 38 ቃይካ ዮናታን ናኣ፥ “ኤሌላ፤ ኤሌላደ ባ፤ ኤቆፓ!” ያጊደ ባረ ቃላ ቁ ኦደ ኦዴዳ። ሄ ናአይ ዙቢያ ማጺደ አኪደ፥ ባረ ጎዳኮ አሄዳ። 
\v 39 ናአይ ሀ የዉዋ አይነ ኤረና፤ ዮናታናነ ዳዊታ ጻላላይ ኤሪኖ። 
\v 40 ዮናታን ባረ ኦላ ሚሻ ናአዉ እሚደ፥ “ቶካ አካደ ካታማ አፋ” ያጌዳ።
\p
\v 41 ናአይ ቤዳዋፐ ጉይያን፥ ዳዊተ ሄ ዛላ ጉየፐ ከሴዳ፤ ዮናታና ስንን ጉልባቲደ፥ ባረ ዴሙዋ ቢታ ቦሽሲደ ሄዙ ገደ ጎይኔዳ። ሄዋፐ ጉይያን፥ እቱ እቱዋና የረቲደ ዬኬድኖ፤ ሽን ዳዊተ ዮናታናፐ አዋ ዬኬዳ።
\p
\v 42 ዮናታን ዳዊታ፥ “ሳሮ ባ፤ ‘ነ ግዶንነ ታ ግዶን፥ ነ ዘረ ግዶንነ ታ ዘረ ግዶን፥ መና ጎዳይ መናዉ ማርካ ግዶ’ ያጊደ ኑን ላኡ መና ጎዳ ሱንን ጫቀዶ” ያጌዳ። ሄዋፐ ጉይያን፥ ዳዊተ ደንዲደ ቤዳ፤ ዮናታንካ ካታማ ጉየ ስሜዳ።
\c 21
\s1 ዳዊተ ሳኦላፐ ባቃቴዳ
\p
\v 1 ዳዊተ ቄስያ አብመሌካኮ ኖባ ካታማ ቤዳ፤ አብመሌክ ዳዊታና ጋከታናዉ ኮኮሪደ ዪደ፥ “ኔን አያዉ ኔረካ ደአይ? አያዉ ሀራ አሳይ ኔናና ደኤኔ?” ያጊደ ኦቼዳ።\x - \xo 21:1-6 \xo*\xt ማቶሳ 12:3-4፤ ማር. 2:25-26፤ ሉቃሳ 6:3\xt*\x*
\p
\v 2 ሽን ዳዊተ ቄስያ አብመሌካ፥ “ካቲ ታና፥ ‘ታን ኔና ኪቴዳ የዉዋነ አዛዜዳ አዛዙዋ ኦንነ ኤሮፖ’ ያጊደ ታና እትባ አዛዜዳ። ታ አሳቱ እት ሳኣን ታናና ጋከታናዳን ኦዳድ። 
\v 3 ሀእ ነ ኩሽያን አያይ ደኢ? እቼሹ ባሸ ኡክ ዎይ ደኤዳዋ አያነ ታዉ እማርኪ” ያጌዳ።
\p
\v 4 ሄዋፐ ጉየ ቄሲ ዳዊታ፥ “አሳይ ኡባይ ምያ ኡክይ ታዉ ባዋ፤ ሽን ጌሻ ኡክይ ደኤ፤ ሄ አሳቱ ባረና ማጫ አሳፐ ናጌዳዋ ግዶፐ፥ ኡንቱንቱ ማናዉ ዳንዳዪኖ” ያጌዳ።
\p
\v 5 ሄዋፐ ጉየ ዳዊተ ቄስያ፥ “ቱማ ኑን ሀ ኪታው ከሶ ሳፐ ዶሚደ፥ ማጫ አሳፐ ናገቴዶ፤ ሀራይ አቶ ጌሻ ግደና ኪታ ዎደካ ኡንቱንቱ አሳተይ ጌሻ፤ ሀቼ ኡባ አደ ጌያናዉ ኮሸኔ!” ያጌዳ። 
\v 6 ሄዋ ድራዉ፥ ቄሲ ዳዊታዉ ጌሻ ኡክ እሜዳ፤ አያዉ ጎፐ፥ ቄስያዉ ደእያዌ ሆእያ ኡክ አ ሳኣን ዎናዉ መና ጎዳ ስንፐ ደንዳ ጌሻ ኡክ ጻላላ።\x - \xo 21:6 \xo*\xt ዎጋ 24:5-9\xt*\x*
\p
\v 7 ሳኦላ ቆማቱዋፐ እት ብታኒ ሄ ጋላሳ መና ጎዳ ስንን ናጊደ ደኤ፤ አ ሱንይ ዶይቃ፤ እ ኤዶማ ቢታ አሳ፤ ሳኦላ መህያ ሄምያዋንቶ እ ካፑዋ።
\p
\v 8 ዳዊተ አብመሌካ፥ “ቶራይ ዎይ ማሻይ ነዉ ደአንዴሻ? ካትያ ኪታይ ኤሌልሶ ድራዉ፥ ታን ታ ማሻ ዎይ ሀራ ኦላ ሚሻ አሀበይከ” ያጊደ ኦቼዳ።
\p
\v 9 ሽን አብመሌክ፥ “ኔን ኤላ ዛንጋራን ዎዳ ፕልስጼምያ ጎልያዳ ማሻይ ሀዋን ደኤ፤ ጩርቃን እ ጻጸቲደ፥ ኤፉድያ ጌተትያ ማዩዋፐ ጉየ ባጋና ደኤ። ኔን ኮይያዋ ግዶፐ አ አካ፤ አፐ አትና፥ ሀራ ማሻይ ሀዋን ባዋ” ያጊደ ዛሬዳ።
\p ሄዋፐ ጉየ ዳዊተ፥ “ሄዋ ማላ ሀራ ማሻይ ባዋ፤ አ ታዉ ሀማ” ያጌዳ።\x - \xo 21:9 \xo*\xt 1 ሳሜላ 17:51\xt*\x*
\p
\v 10 ሄ ጋላስ ዳዊተ ደንዲደ፥ ሳኦላፐ ባቃቲደ፥ ጋተ ካታማ ካትያ አኪሻኮ ቤዳ። 
\v 11 ሽን አኪሻ ኦሳንቻቱ፥ “ሀዌ ዳዊተ ባረ ቢታን ካትያ ግደኔየ? ቃይ ማጫ አሳቱ የጺድነ ዱሪደ፥ ‘ሳኦል ሻኣ ዎዳ፤ ዳዊተ ታሙ ሻኣ ዎዳ’ ያጊደ ሳቤዳ ብታንያ ግደኔየ?” ያጌድኖ።\x - \xo 21:11 \xo*\xt 1 ሳሜላ 18:7፤ 29:5\xt*\x*
\p
\v 12 ዳዊተ ኡንቱንቱ ሃሳያ ባረ ዎዛናን ኦይቂደ፥ ጋተ ካትያ አኪሻ ሎይ ያዬዳ።\x - \xo 21:12 \xo*\xt ማዝ. 56 (ሁጲያ)\xt*\x* 
\v 13 ሄዋ ድራዉ፥ ዳዊተ ኡንቱንቱ ስንን ዎዛናይ ቦሸቴዳ አሳ ማላቴዳ፤ ኡንቱንቱ አ ኦይቃና ሀንያ ዎደ፥ ጎይያዋዳን ካረ ፐንግያ እፍ ቃጨረነ ቡቻና ዱገ ዛሪደ ሳሱዋ ሎካዬ።\x - \xo 21:13 \xo*\xt ማዝ. 34 (ሁጲያ)\xt*\x* 
\v 14 አኪሽ ባረ ኦሳንቻቶ፥ “በእተ፤ ሀዌ ብታኒ ጎዬ። ህንተንቱ አያዉ አ ታኮ አሄድቴ? 
\v 15 ሀ ብታኒ ታ ስንን ጎያናዳን ህንተንቱ አሄዳዌ፥ ታ ማታን ሀራይ ጎይያዌ ይነየ? ሀ ብታኒ ታ ሶ ገላናዉ በሲየ?” ያጌዳ።
\c 22
\s1 ቄሳቱ ዋ ዎድኖ
\p
\v 1 ዳዊተ ጋተ ካታማፐ ባቃቲደ፥ አዱላማ ካታማ ማታን ደእያ ጎንጎሉዋ ቤዳ፤ አ እሻቱዋነ አ አዉዋ ሶ አሳይ ኡባይ ሄዋ ስሴዳ ዎደ፥ ኡንቱንቱ ያ ዱገ አኮ ዎድኖ።\x - \xo 22:1 \xo*\xt ማዝ. 57 (ሁጲያ)፤ ማዝ. 142 (ሁጲያ)\xt*\x* 
\v 2 መቶቴዳዋንቱ፥ ዎይ አጩዋን ገሌዳዋንቱ፥ ዎይ ሳአይ ኢቴዳዋንቱ ኡባቱ ዳዊታኮ ሺቄድኖ፤ እ ኡንቱንቶ ካፑዋ ግዴዳ። እት ኦይዱ ጼቱዋ ግድያ አሳይ አናና ደኤ።
\p
\v 3 ዳዊተ ሄ ሳፐ ደንዲደ፥ ሞኣበን ደእያ ምጽጳ ቤዳ፤ ሞኣበ ካትያ፥ “ጾሳይ ታዉ ኦናባ ታን ኤራና ጋካናዉ ታ አቶነ ታ አዉዋ ነ ማታን ዎሳርኪ” ያጊደ ዎሴዳ። 
\v 4 ሄዋ ድራዉ፥ ዳዊተ ኡንቱንታ ሞኣበ ካትያ ማታን ዎዳ፤ ጌሱዋ ግዶን ዳዊተ ቆሰት ኡቴዳ ዎደ ኡባን ኡንቱንቱ ካትያ ማታን ደኤድኖ።
\p
\v 5 ሄዋፐ ጉይያን፥ ትምቢትያ ኦድያ ጋድ ዳዊታኮ ዪደ፥ “ጌሱዋ ግዶን ጋምኦፓ፤ ሀ ሳፐ ደንዳደ ይሁዳ ጋድያ ባ” ያጌዳ፤ ዳዊተ ሄ ሳፐ ሄረታ ዎራ ቤዳ።
\p
\v 6 ዳዊተነ አ አሳይ ቤቴዳዋ ሳኦል ስሴዳ፤ ሳኦል ግብኣ ካታማ ማታን ደእያ ደርያን፥ ታማርስካ ጌተትያ ም ጋርሳን ቶራ ኦይቂደ ኡቴዳ፤ አ ኦሳንቻቱ አ ዶዲደ ኤቄድኖ። 
\v 7 ሳኦል ኡንቱንታ፥ “ህንተንቶ፥ ቢንያማ አሳቶ፥ ስስተ! እሰያ ናአይ ጎሻነ ዎይንያ ቶክያ ሳኣ ህንተንቱ ኡባዉ እማኔ? ሻላቃቱዋነ ጼቱዋ ካፓቱዋ ኦደ ህንተንታ ሱንኔ? 
\v 8 ህንተንቱ ኡባይ ታ ቦላ ማቀቴድታ፤ ታ ናአይ እሰያ ናኣና ቃላ ጫቁዋ ጫቀቴዳዋ ኦንነ ታዉ ኦድቤና። ህንተፐ እት አሳይነ ታዉ ቃረተና፤ ሀቼዋዳንካ ታ ናአይ ታ ቆማ ታና ዎሳናዉ ደንዳዋ ኦንነ ታዉ ኦድቤና” ያጌዳ።
\p
\v 9 ሳኦላ ኦሳንቻቱዋና ኤቄዳ ኤዶምያ ዶይቅ ሳኦላ፥ “እሰያ ናአይ አህጹባ ናኣ አብመሌካኮ ኖባ ካታማ ቤዳዋ ታን በኣድ።\x - \xo 22:9-10 \xo*\xt 1 ሳሜላ 21:7-9፤ ማዝ. 52 (ሁጲያ)\xt*\x* 
\v 10 አብመሌክ ዳዊተ ኦናባ መና ጎዳ ኦቼዳ፤ ያቲደ ዳዊታዉ ሽንቃ እሜዳ፤ ቃይ ፕልስጼምያ ጎልያዳ ማሻካ አዉ እሜዳ” ያጌዳ።
\p
\v 11 ሄዋፐ ጉይያን፥ አህጹባ ናኣ ቄስያ አብመሌካነ ኖባ ካታማን ቄሳቱዋ ግዲደ ደእያ አ አዉዋ ሶ አሳ ኡባ ካቲ ጼስስና፥ ኡንቱንቱ ካትያኮ ዬድኖ። 
\v 12 ሳኦል አብመሌካ፥ “አህጹባ ናአዉ፥ ስሳ” ያጌዳ።
\p አብመሌክ፥ “ኤሮ ታ ጎዳዉ” ያጌዳ።
\p
\v 13 ሳኦል አ፥ “ኔንነ እሰያ ናአይ ታ ቦላ አያዉ ማቀቴድተ? ኔን አዉ ኡክነ ማሻ እማደ፥ እ ታና ዎናዉ ደንዳና ማላ፥ አዉ ጾሳ አያዉ ኦቻዲ?” ያጌዳ።
\p
\v 14 አብመሌክ ካትያ፥ “ነ ቆማቱዋ ኡባ ግዱዋን ዳዊተዳን አማነትያዌ፥ ካትያና ቦሎቴዳዌ፥ ኔና ናግያዋንታ አዛዝያዌነ ነ ሶ አሳ ግዶን ሎይ ቦንቼትያዌ ሀራይ ኦኔ? 
\v 15 ታን አዉ ጾሳ ኦችሽን፥ ሀዌ ታዉ ኮይሮ? ግደና! ካትያዉ፥ ታና ነ ቆማ ዎይ ታ አዉዋ ሶ አሳ ኡባ አይነ ሞቶፓ፤ አያዉ ጎፐ፥ ታን ነ ቆማይ ሀ የዉዋ ጉ ግድና ዎልቃማ ግድናካ ሙለ ኤርከ” ያጌዳ።
\p
\v 16 ካቲ፥ “አብመሌካ፥ ኔንነ ነ አዉዋ ጎልያ አሳይ ኡባይ ሀይቃና” ያጌዳ። 
\v 17 ሄዋፐ ጉይያን፥ ሳኦል ባረ ማታን ኤቂደ ናግያዋንታ፥ “መና ጎዳ ቄሳቱ ዋ ዎተ፤ አያዉ ጎፐ፥ ኡንቱንቱካ ዳዊታ ማዴድኖ፤ ዳዊተ ባቃቴዳዋ ኤሪደ፥ ታዉ ኦድበይክኖ” ያጌዳ። ሽን ካትያ ኦሳንቻቱ መና ጎዳ ቄሳቱዋ ቦላ ባረንቱ ኩሽያ ዎናን እጼድኖ።
\p
\v 18 ያትና ካቲ ዶይቃ፥ “ቄሳቱ ዋ ኔን ዎ” ያጊደ አዛዜዳ። ኤዶምያ ዶይቅ ቄሳቱ ዋ ሾጬዳ፤ ሄ ጋላስ ኤፉድያ ማዬዳ ሆስፑን ታማነ እቼሹ ቄሳቱ ዋ እ ዎዳ። 
\v 19 ሄዋ ቦላካ ቄሳቱዋ ካታማ፥ ኖባ ቃራ ማሻን ቡሳኬዳ፤ ሄ ካታማን ደእያ አቱማዋ፥ ማጫዋ፥ ናና፥ ቄር ናና፥ መሄቱዋ፥ ሀረቱዋነ ዶርሳቱዋ ቃራ ማሻን ዶይቅ ሱፑ ኦዳ።
\p
\v 20 ሽን አህጹባ ናኣ አብመሌካ ናናቱዋፐ አብያታራ ጌተትያ እት ናአይ ከስ አኪደ፥ ዳዊታኮ ባቃቴዳ። 
\v 21 ሳኦል መና ጎዳ ቄሳቱ ዋ ዎዳዋ ዳዊታዉ ኦዴዳ። 
\v 22 ዳዊተ አብያታራ፥ “ኤዶምያ ዶይቅ ሄ ሳኣን ደእያዋ ታን በኤዳ ዎደ፥ እ ሳኦላዉ ኦዳናዋ ሄ ጋላስ ኤራድ። ነ አዉዋ ሶ አሳ ኡባ ሀይቆ ኦሸትያዌ ታና። 
\v 23 ስም ኔን ታናና ደአ፤ ያዮፓ። ኔና ዎናዉ ኮይያ ኡራይ ታና ዎናዉ ኮይያዋ፤ ሽን ኔን ታ ማታን ሳሮ ደአና” ያጌዳ።
\c 23
\s1 ዳዊተ ቃኢላ ካታማ ፕልስጼማቱዋፐ አሼዳ
\p
\v 1 “ፕልስጼማ አሳቱ ቃኢላ ካታማ ኦሊኖ፤ ካካ ቦንቂኖ” ያግያ ኦዱዋ ዳዊተ ስሴዳ።
\p
\v 2 ዳዊተ መና ጎዳ፥ “ታን ባደ ፕልስጼማ አሳቱዋ ኦሎ?” ያጊደ ኦቼዳ።
\p መና ጎዳይ ዳዊታ፥ “ባ፤ ፕልስጼማ አሳቱዋ ኦላ፤ ቃኢላ ካታማ አሻ” ያጌዳ።
\p
\v 3 ሽን ዳዊታ አሳቱ፥ “ኑን ሀዋን ይሁዳ ቢታን ደኢደነ ያዬቶ፤ ሽን ፕልስጼማ አሳቱዋና ኦለታናዉ ኑን ቃኢላ ካታማ ቢደ፥ ዋን አ ያያኔሻ!” ያጌድኖ።
\p
\v 4 ሄዋ ድራዉ፥ ዳዊተ ዛረደ መና ጎዳ ኦቼዳ፤ መና ጎዳይ አ፥ “ፕልስጼማ አሳቱዋ ታን ነዉ አ እማና፤ ደንዳ፤ ቃኢላ ካታማ ባ” ያጌዳ። 
\v 5 ዳዊተነ አ አሳይ ቃኢላ ካታማ ቢደ፥ ፕልስጼማ አሳቱዋና ኦለቴድኖ፤ ኡንቱንቱ መህያ ኦሞዴድኖ። ኡንቱንቱፐ ዳሮ አሳ ዎደ፥ ዳዊተ ቃኢላ ካታማ አሳ አሼዳ።
\p
\v 6 አብመሌካ ናአይ አብያታረ ዳዊታኮ ቃኢላ ካታማ ባቃትያ ዎደ፥ ኤፉድያ ጌተትያ ማዩዋ አኪደ ቤዳ።
\p
\v 7 ዳዊተ ቃኢላ ካታማ ቤዳዋ ሳኦል ስሲደ፥ “ጾሳይ ዳዊታ ታ ኩሽያን አ እሜዳ፤ አያዉ ጎፐ፥ እፍይነ ድርሳይ ደእያ ካታማ ገሊደ፥ ባረካ ቃሸቴዳ” ያጌዳ። 
\v 8 ቃኢላ ካታማ ቢደ፥ ዳዊታነ አ አሳ ዶዳና ማላ፥ ሳኦል ባረ ኦላንቻቱዋ ኡባ ጼሴዳ።
\p
\v 9 ሳኦል ባረ ቦላ ኢታባ ማቀቴዳዋ ዳዊተ ኤሬዳ፤ ቄስያ አብያታራ፥ “ኤፉድያ ሃ አካ ያ” ያጌዳ። 
\v 10 ሄዋፐ ጉይያን ዳዊተ፥ “አቤት መና ጎዳዉ፥ እስራኤልያ ጾሳዉ፥ ታ ጋሱዋን ሳኦል ቃኢላ ካታማ ባይዛናዉ ማቀቴዳዋ ታን ነ ቆማይ ዉርሳደ ስሳድ። 
\v 11 ቃኢላ ካታማ አሳይ ታና ሳኦላዉ አደ እማኔሻ? ታን ነ ቆማይ ስሴዳዋዳን ሳኦል ቱሙካ ሃ ያኔሻ? አቤት መና ጎዳዉ፥ እስራኤልያ ጾሳዉ፥ ታዉ ነ ቆማዉ ኦዳርኪ” ያጌዳ።
\p መና ጎዳይ ዳዊታ፥ “ኤ፤ ሳኦል ያናዋ” ያጊደ ዛሬዳ።
\p
\v 12 ዳዊተ፥ “ቃኢላ ካታማ አሳቱ ታናነ ታ አሳ ሳኦላዉ አደ እማኔሻ?” ያጊደ ዛረደካ ኦቼዳ።
\p መና ጎዳይ፥ “ኤ፤ ኡንቱንቱ ህንተንታ አደ እማና” ያጌዳ። 
\v 13 ዳዊተነ ኡሱፑን ጼቱ ግድያ አሳይ ቃኢላ ካታማፐ ከሲደ፥ እት ሳፐ እት ሳኣ ሄመታ ኦይቄድኖ። ዳዊተ ቃኢላ ካታማፐ ባቃቴዳዋ ሳኦል ስሴዳ ዎደ፥ ባናዉ ቆፔዳዋ አግ ባሼዳ።
\s1 ሳኦል ዳዊታ ኦይቃናዉ ኮዬዳ
\p
\v 14 ዳዊተ ባዙዋ ጌሶቱዋንነ ዚፋ ዎራን ደእያ ዞዘቱዋን ደኤዳ። ሳኦል አ ደማናዉ ኡባ ጋላስ ኮዬ፤ ሽን ጾሳይ አ ሳኦላ ኩሽያን አ እምቤና። 
\v 15 ዳዊተ ዚፋ ዎራን ደእያ ሆሬሻ ግያ ሳን ደእሽን፥ ሳኦል ባረና ዎናዉ ከሴዳዋ ዳዊተ ኤሬዳ። 
\v 16 ሳኦላ ናኣ ዮናታን ደንዲደ፥ ዳዊታኮ ሆሬሻ ቤዳ፤ ዳዊታ ጾሳን ዎልቃ ደማናዳን ምንደ፥ 
\v 17 “ያዮፓ፤ ታ አዉዋ ሳኦል ኔና ኩሽያንነ ቦቼና፤ ኔን እስራኤልያ ቦላ ካተታና፤ ታንካ ኔፐ ጋርሳና ሞዳና፤ ሀራይ አቶ ታ አዉ ሳኦለካ ሄዋ ኤሬዳ” ያጌዳ። 
\v 18 ኡንቱንቱ ላአቱካ መና ጎዳ ስንን እቱ እቱዋና ጫቀቴድኖ፤ ዳዊተ ሆሬሻን ጋምእና ዮናታን ባረ ሶ ቤዳ።\x - \xo 23:18 \xo*\xt 1 ሳሜላ 18:3\xt*\x*
\p
\v 19 ዚፋ አሳቱ ሳኦላኮ ግብኣ ካታማ ቢደ፥ “ዳዊተ ያሰሞናፐ ገድሳ ባጋና ሀኪላ ደርያ ቦላ ሆሬሻ ጌሱዋን ኑ ማታን ቆሰት ኡቴዳ።\x - \xo 23:19 \xo*\xt ማዝ. 54 (ሁጲያ)\xt*\x* 
\v 20 ኑ ካትያዉ፥ ሀእካ ኔን ዶሴዳ ዎደ ሃ ዱገ ዎ፤ ያቶፐ፥ ኑን አ ነ ኩሽያን አ እማና” ያጌድኖ።
\p
\v 21 ሳኦል ኡንቱንታ፥ “ህንተንቱ ታዉ ቃረቴዳ ድራዉ፥ ህንተንታ መና ጎዳይ አንጆ። 
\v 22 ቢደ አነ ጉጂደካ ጌሽተ፤ ዳዊተ ዳሮ ገደ ሀቃ ብንቶነ ቃይ ያን ኦን አ በኤደንቶ፥ ጌሺደ ኤርተ፤ አያዉ ጎፐ፥ እ ሎይ ጭንጫ ግያዋ ታን ስሳድ። 
\v 23 ዳዊተ ቆሰትያ ሳኣ ኡባ በኢደ፥ ሙሩታ የዉዋ አኪደ፥ ታኮ ስሚደ ዪተ። ሄዋፐ ጉይያን፥ ታን ህንተናና ባና፤ እ ሄ ሄራን ደኦፐ፥ ታን አ ኩመን ይሁዳ ያራ ግዶን ደማና ጋካናዉ ኮያና” ያጌዳ።
\p
\v 24 ሄዋ ድራዉ፥ ኡንቱንቱ ሳኦላፐ ስንቲደ ዚፋ ቤድኖ። ዳዊተነ አ አሳይ ያሰሞናፐ ገድሳ ባጋና ደእያ ማኦና ዎራን አራባ ጌተትያ ጋን ደኢኖ። 
\v 25 ሳኦልነ አ አሳይ ዳዊታ ኮያናዉ ቤድኖ። ዳዊተ ሄዋ ስሴዳ ዎደ፥ ዛላኮ ዎደ፥ ማኦና ዎራን ኡቴዳ። ሳኦል ሄዋ ስሴዳ ዎደ ማኦና ባዙዋ ዳዊታ ኮዪደ ቤዳ። 
\v 26 ሳኦል ደርያፐ እት ባጋ ምይያና ቤ፤ ዳዊተነ አ አሳይ ህንኮ ባጋ ምይያና ቢኖ። ኡንቱንቱ ሳኦላፐ ባቃታናዉ ኤሌሊኖ፤ አያዉ ጎፐ፥ ሳኦልነ አ አሳቱ፥ ዳዊታነ አ አሳቱዋ ኦይቃናዉ ማት ኡቴድኖ። 
\v 27 ሽን ኪተቴዳዌ ሳኦላኮ ዪደ፥ “ሃያ! ፕልስጼማ አሳቱ ቢታ ቦላ ዎራጄድኖ” ያጌዳ። 
\v 28 ሳኦል ዳዊታ ኮይያዋ አጊደ፥ ፕልስጼማ አሳቱዋና ኦለታናዉ ቤዳ። ሄዋ ድራዉ፥ ሄ ሳአይ “ሻክያ ዛላ” ጌተቴዳ። 
\v 29 ዳዊተ ሄ ሳፐ ከሲደ፥ ኤንጋዳ ካታማ ማታን ደእያ ጌሶቱዋን ኡቴዳ።
\c 24
\s1 ዳዊተ ሳኦላ ሸምፑዋ አሼዳ
\p
\v 1 ሳኦል ፕልስጼማ አሳቱዋ የደርስያ ሳፐ ስምና፥ “ዳዊተ ኤንጋዳ ካታማ ማታን ደእያ ዎራን ደኤ” ጊደ አዉ ኦዴድኖ። 
\v 2 እስራኤልያ ኡባ ግዶፐ ዶረቴዳ ሄዙ ሻአ አሳ ሳኦል አኪደ፥ ዳዊታነ አ አሳ ኮያናዉ፥ “ዎራ ዴሻቱ ጌስያ ዛላ” ግያ ሳኣ ማታ ቤዳ።
\p
\v 3 ሳኦል ኦግያ ዶናን ዶርሳ አቁዋ ማታን ደእያ ጎንጎሉዋኮ ዬዳ፤ ሼሻዉ ኡታናዉ ጎንጎሉዋ ግዶ ገሌዳ። ዳዊተነ አ አሳይ ጎንጎሎ ግዱዋኮ ሺቂደ ኡቴድኖ።\x - \xo 24:3 \xo*\xt ማዝ. 57 (ሁጲያ)፤ ማዝ. 142 (ሁጲያ)\xt*\x* 
\v 4 ዳዊታ አሳይ አ፥ “ሄኮ ታን ነ ሞርክያ ነ ኩሽያን አ እማና፤ ኔን አ ነ ኮዬዳዋዳን ኦና ያጊደ መና ጎዳይ ነዉ ኦዴዳ ጋላሳይ ሀቻ” ያጌድኖ። ዳዊተ ሳኦላ ኤርሰናን ሺቂደ፥ ሳኦላ ማዩዋ ጼራፐ ቃንጽ አኬዳ።
\p
\v 5 ቃንጼዳዋፐ ጉይያን፥ ዳዊተ ባረ ዎዛናን ካዮቴዳ። 
\v 6 ዳዊተ ባረ አሳቱዋ፥ “መና ጎዳይ ኦኪደ ካተዬዳ ታ ጎዳዉ ታን ሄዋ ኦናዋ ዎይ አ ቦላ ታ ኩሽያ ደንናዋ ጾሳይ ታፐ ሃሶ፤ አያዉ ጎፐ፥ ጾሳይ ኦኪደ ካተዬዳዌ አ” ያጌዳ።\x - \xo 24:6 \xo*\xt 1 ሳሜላ 26:11\xt*\x* 
\v 7 ዳዊተ ሀዋዳን ሴሪደ፥ ሳኦላ ባረ አሳን ቦሽሰናን ድጌዳ። ሳኦል ጎንጎሉዋ ግዶፐ ከሲደ፥ ባረ ኦግያን ገሌዳ።
\p
\v 8 ሳኦል ቤዳዋፐ ጉይያን፥ ዳዊተ ጎንጎሉዋ ግዶፐ ከሲደ፥ ሳኦላ፥ “ታ ጎዳዉ፥ ካትያዉ!” ያጊደ ጼሴዳ፤ ሳኦል ጉየ ዛሪደ ጼሌዳ፤ ዳዊተ ቢታን ዱገ ጉፋኒደ፥ ሳኦላዉ ጎይኔዳ። 
\v 9 ያቲደ ዳዊተ ሳኦላ፥ “ዳዊተ ኔና ቆሀናዉ ኮዬ ግያ አሳቱዋ ቃላ ኔን አያዉ ስሳይ? 
\v 10 ሀ ጎንጎሉዋ ግዶን መና ጎዳይ ኔና ሀቼ ታዉ አ እሜዳዋ ኔን ነ አይፍያን በኣዳ፤ ታን ኔና ዎናዳን አማሬዳዋንቱ ታና ደንድኖ፤ ሽን ታን፥ መና ጎዳይ ኦኪደ ካተዬዳዋ እ ግድያ ድራዉ፥ ታን ታ ጎዳ ቦላ ታ ኩሽያ ደንከ ያጋደ ኔና አሻድ። 
\v 11 ታ አዎ፥ በአ፤ ታ ኩሽያን ደእያ ነ ማዩዋ ጼራ ሀዋ ጼላ! ነ ማዩዋ ጼራፐ ቃንጻ አካድ፤ ሽን ኔና ዎበይከ፤ ታን ኔና ቆሀቤናዋነ ማካላቤናዋ አኬካደ ኤራ፤ ታን ኔና ቆሀበይከ፤ ሽን ኔን ታና ዎናዉ ሻንካታሳ። 
\v 12 ነዋነ ታዋ መና ጎዳይ ፕርዶ፤ መና ጎዳይ ኔን ታና ቆሄዳዋ ሀሉዋ ከሶ፤ ሽን ታን ነ ቦላ ታ ኩሽያ ደንከ። 
\v 13 በን ዎደ፥ ኢታ ኦያዋንቱፐ ኢታባይ ከሴ ያግያ ሌምሱ ደኤ፤ ሄዋ ድራዉ፥ ታን ኔና ኩሽያንነ ቦችከ። 
\v 14 እስራኤልያ ካቲ ኦ ቦላ ከሴዴ? ኔን ኦና ኦይቃናዉ ኮያይ? ሀይቄዳ ካና ዎይ ካቶልያ ኮያይ?\x - \xo 24:14 \xo*\xt 1 ሳሜላ 26:20\xt*\x* 
\v 15 መና ጎዳይ ኑ ግዶን ዳናቶ፤ ነዋነ ታዋ እ ፕርዶ፤ ታ የዉዋ ጼሊደ፥ ታ ድራዉ እ ሞተቶ፤ ነ ኩሽያፐ ታና እ አሾ” ያጌዳ።
\p
\v 16 ዳዊተ ሳኦላዉ ሃሳይያዋ ዉርሴዳ ዎደ፥ ሳኦል ዳዊታ፥ “ታ ናአዉ ዳዊታ፥ ሄዌ ነ ቃሌ?” ያጌዳ፤ ሳኦል ባረ ቃላ ቂሲደ ዬኬዳ። 
\v 17 ቃይካ ዳዊታ፥ “ኔን ታፐ አዳ ጽሉዋ፤ አያዉ ጎፐ፥ ታን ነዉ ኢታባ ኦና፥ ኔና ታዉ ሎኦባ ኦዳ። 
\v 18 መና ጎዳይ ታና ሀቼ ነዉ አ እምናካ ኔን ታና ዎቤና ድራዉ፥ ታዉ ኔን ኦዳ ሎኦባ ታና በሳዳ። 
\v 19 አሳይ ባረ ሞርክያ ደሚደ ቆሄናን የዲየ? ኔን ታዉ ሀቼ ኦዳ ኬካተ ድራዉ፥ መና ጎዳይ ኔና አንጆ። 
\v 20 ሀእካ ኔን እስራኤልያዉ ካትያ ግዳናዋነ እስራኤልያ ካዉተይ ነ ማታ ጋርሳን ኤቃናዋ ታን ኤራይ። 
\v 21 ሀእ ስም ታፐ ጉይያን፥ ታ ዘረ ኔን ዱናዳንነ ታ ሱንካ ታ አዉዋ ጎልያፐ ቁጨናዳን መና ጎዳ ሱንን ታዉ ጫቃ” ያጌዳ።
\p
\v 22 ዳዊተ ሳኦላዉ ጫቄዳ። ሄዋፐ ጉይያን፥ ሳኦል ባረ ሶ ስሚደ ቤዳ፤ ዳዊተነ አ አሳይ ፑደ ጌሱዋ ቤድኖ።
\c 25
\s1 ሳመላ ሀይቁዋ
\p
\v 1 ሳመል ሀይቂና እስራኤልያ አሳቱ ኡባይ ሺቂደ፥ አዉ ዬኬድኖ፤ ራማ ካታማን ደእያ አ ሶን ሞጌድኖ።
\s1 ዳዊታ፥ ናባላነ አብጋሎ
\p ሄዋፐ ጉይያን፥ ዳዊተ ፓራና ባዙዋ ቤዳ። 
\v 2 ማኦናን እት ብታኒ ደኤ፤ ሄ ብታንያዉ አቁ ቃርመሎሳን ደኤ፤ እ ዳሮ ዱረ፤ እት ሻአ ዴሻቱነ ሄዙ ሻአ ዶርሳቱ አዉ ደኢኖ። እ ኡንቱንቱ እስክያ ቃርመሎሳ ካታማን ሜዴ። 
\v 3 ሄ ብታንያ ሱንይ ናባላ፤ አ ማቻት ሱንይ አብጋሎ። እዛ ኤራንቻነ ማላ ሎአ ማቻቶ፤ ሽን እ አስናይ መቀ ባይና ኢታ አሳ። እ ካሌባ ያራ።
\p
\v 4 ዳዊተ ዎራን ደኢደ፥ ዶርሳ እስክያ ናባል ሜድያዋ ስሴዳ። 
\v 5 ዳዊተ ታሙ ዎዳላቱዋ ሀዋዳን ያጊደ ኪቴዳ፤ “ናባላኮ ቃርመሎሳ ካታማ ቢደ፥ ታ ሱንን አ ሳሮትተ፤ 
\v 6 ሳሮ ደአይ! ኔንካ ነ ጎልያ አሳይካ ሳሬ! ነዉ ጌዳዌ ኡባይ ሳሮ ደኢ!
\p
\v 7 “ኔን ዶርሳ እስክያ ሜድያዋ ታን ስሳድ፤ ነ ዶርሳ ሄምያዋንቱ ኑናና እትፐ ደኤዳ ዎደ፥ ኑን ኡንቱንታ ገንበይኮ፤ ኡንቱንቱ ቃርመሎሳ ካታማን ኡቴዳ ዎደ ኡባን ኡንቱንቱባፐ አያይነ ፓጭቤና። 
\v 8 ሄዋ ኔን ነ ቆማቱዋ ኦቾፐ፥ ኡንቱንቱ ነዉ ኦዳና። ኑን ሀቼ ሾብያ ጋላስ ኔኮ ዬዳ ድራዉ፥ ታ ዎዳላ አሳቶ ሀያና ሎአ፤ ነ ኩሽያን ደእያባፐ ነ ቆማቶነ ነ ናኣ ዳዊታዉ ሀያና እማ ያግተ” ያጊደ አዛዜዳ።
\p
\v 9 ዳዊታ አሳቱ ናባላኮ ጋኪደ፥ ዳዊታ ኪታ አዉ ኦዴድኖ፤ ሄዋን ናጌድኖ።
\p
\v 10 ናባል ዳዊታ ቆማቱዋ፥ “ዳዊተ ኦኔ? እሰያ ናአይ ኦኔ? ሀ ዎድያን ዳሮ ቆማቱ ባረንቱ ጎዳቱዋፐ ባቃቲኖ። 
\v 11 ታ ኡክ፥ ታ ሃነ ታ ዶርሳ ሜድያዋንቶ ሹከቴዳ አሹዋ ደንደ፥ ሀ ኦነንቶነ ዬዳ ሳአይ ኤረተና አሳቶ አያዉ እሞ?” ያጌዳ።
\p
\v 12 ዳዊታ አሳቱ ስሚደ ጉየ ቤድኖ። ብ ጋኪደ ናባል ጌዳዋ ኡባ ዳዊታዉ ኦዴድኖ። 
\v 13 ዳዊተ ባረ አሳቱዋ፥ “ህንተንቱ ማሻ ማሻ ዳንጭተ” ያጌዳ፤ ሄዋፐ ጉይያን ኡባቱካ ባረንቱ ማሻ ማሻ ዳንጬድኖ፤ ዳዊተካ ባረ ማሻ ዳንጬዳ። ዳዊተ ኦይዱ ጼቱዋ ግድያ አሳቱዋና ፑደ ቤዳ፤ ላኡ ጼቱ አሳይ ኡንቱንቱዋ ናጊደ አቴዳ።
\p
\v 14 ቆማቱዋፐ እቱ ናባላ ማቻቶ አብጋሎ ሀዋዳን ያጌዳ፤ “ዳዊተ ዎራን ደኢደ ኑ ጎዳ፥ ‘ሳሮ’ ጋናዉ አሳ ኪቴዳ፤ ሽን እ ኡንቱንታ ቦሬዳ። 
\v 15 ግዶፐካ፥ ሀ አሳቱ ኑዉ ሎይ ሎአ፤ ኡንቱንቱ ኑና ገንበይክኖ፤ ኑን ኡንቱንቱና እትፐ ደምባን ፔሼዳ ዎደ ኡባን ኑባፐ አያይነ ፓጭቤና። 
\v 16 ኑን ኑ ዶርሳ ዉድያ ኡንቱንቱ ማታን ሄምያ ዎደ፥ ቃማነ ጋላስ ኡንቱንቱ ኑዉ ድርሳ ግዴድኖ። 
\v 17 ሀያና ሀ የዉዋ ዋታነንቶነ ቆፓ፤ አያዉ ጎፐ፥ ኑ ጎዳ ቦላነ አ ሶ አሳ ቦላ ኮባባይ ከሳና ሀኔ። ኑ ጎዳይ ሄዋ ማላ መቀ ባይና ኢታ አሳ ግዴዳ ድራዉ፥ ኦንነ አዉ ሃሳያናዉ ዳንዳየና” ያጌዳ።
\p
\v 18 አብጋላ ኤለካ ላኡ ጼቱ ኮምፖ ኡክነ ላኡ ኦጎሩዋ ዎይንያ ኤሳ፥ ጺጸቴዳ ዶርሳቱዋ እቼሻቱዋ፥ ታማነ ላፑን ኪሎ ግራመ ትሻ ጺጻ፥ እት ጼቱ ዉርጮ ዎይንያ ቴራነ ባላስያ ባቀ መላፐ ላኡ ጼቱዋ አካደ፥ ሀርያን ጫናዱ። 
\v 19 ያታደ ቆማቱዋ፥ “ህንተንቱ ታፐ ስንዉ አደ ቢተ፤ ታን ህንተንቱ ጌዱዋ ካላና” ያጋዱ፤ ሽን ባረ አስና ናባላዉ አይነ ኦዳበይኩ። 
\v 20 ባረ ሀርያ ቶጋደ ደርያና ዱገ ዛንጋራ ዎያ ዎደ፥ ዳዊተነ አ አሳይ ኢኮ ስሚደ ዱገ ዎኖ፤ እዛ ኡንቱንቱና ጋከታዱ።
\p
\v 21 ዳዊተ ባረ ዎዛናን፥ “አባፐ አያይነ ፓጨናዳን ታን ሀ ብታንያ አቁዋ ኡባ ናጌዳዌ ጮ መላ፤ ታን ሎኤዳዋ ኩሽያ እ ታዉ ኢታ ዛሬዳ። 
\v 22 ዎንታ ጉራ ጋካናዉ፥ ታን አባ ግዴዳ ኡባፐ እት አቱማዋነ ፓጻ አጎፐ፥ ጾስ ታና ፓጻ አጎፖ” ያጌዳ።
\p
\v 23 አብጋላ ዳዊታ በኤዳ ዎደ፥ ሀርያፐ ኤለካ ዎአደ፥ ዳዊታ ስንን ቢታን ጉፋናደ አዉ ዉትሻዱ። 
\v 24 እዛ አ ገድያን ኩንዳደ፥ “ሀይ ታ ጎዳዉ፥ ሀ ባይዙ ታ ጻላላሳ ግዶ! ታና ነ ቆማቶ ሃሳይሳርኪ፤ ታን ነ ቆማታ ሃሳይያዋ ስሳርኪ። 
\v 25 ሀ መቀ ባይና ኢታ ብታንያባ፥ ናባላባ ስሶፓ፤ ‘ናባላ’ ጉሳይ ‘ኤያ’ ግያዋ፤ እ ባረ ሱንዳንካ ኤያ። ታ ጎዳዉ፥ ኔን ኪቴዳ አሳቱዋ ታን ነ ቆማታ በአበይከ።
\p
\v 26 “መና ጎዳይ ኤሮ! ነ ሸምፑ ኤሮ! ኔን ሱ ጉሰናዳንነ ነ ኩሽያን ነ ሀሉዋ ከሰናዳን፥ ኔና ታ ጎዳ ተኤዳዌ መና ጎዳ። ነ ሞርከቱነ ኔና ታ ጎዳ ቆሀናዉ ኮይያዋንቱ ናባላዳን ሀንኖ። 
\v 27 ሀ እሞታይ ታን ነ ቆማታ ነዉ ታ ጎዳዉ አሄዳዌ ኔና ካልያ አሳቶ እመቶ። 
\v 28 ሀይ ታ ጎዳዉ፥ ታን ነ ቆማታ ባሌዳ ባላ አቶ ያጋ! ኔን መና ጎዳ ኦላ ኦለትያ ድራዉ፥ መና ጎዳይ ኔናነ ነ ዘረ ካተያና። ኔን ደኤዳ ላይ ኡባን ኢታተይ ነ ቦላ ቤቶፖ።
\p
\v 29 “አያ አሳይነ ኔና ዎናዉ ኮዮፐ፥ እት ኡራይ ባረ አልኦ ሚሻ ናግያዋዳን፥ መና ጎዳይ ነ ጾሳይ ኔና ሳሮ ናጋና። ሽን ሹቻ ያምባርሻን ኦልያዋዳን፥ እ ነ ሞርከቱዋ ደኡዋ ኦላና። 
\v 30 መና ጎዳይ ታ ጎዳዉ ኦናዉ ሃሳዬዳ ኬካተ ኡባ ኦያ ዎደነ እስራኤልያ ቦላ ካተይያ ዎደ፥ 
\v 31 ጋሱ ባይናን ሱ ጉሴዳዋን ዎይ ባረ ሀሉዋ ከሴዳዋን ታ ጎዳ ዎዛናይ ዳጋመናነ ህርገና። መና ጎዳይ ነዉ ኬኬዳ ዎደ፥ ታና ነ ቆማቶ ዶጎፓ” ያጋዱ።
\p
\v 32 ዳዊተ አብጋሎ፥ “ኔና ታናና ጋከታናዉ ሀቼ ኪቴዳ መና ጎዳይ፥ እስራኤልያ ጾሳይ ጋላተቶ። 
\v 33 ኔን ሎኦ ቆፔዳ ድራዉነ ታን አሳ ሱ ጉሰናዳን ታ ኩሽያ ጭገተናዳን ድጌዳ ድራዉ፥ አንጀታ። 
\v 34 ሄዌ ባይናዋ ግዶፐ፥ ታን ኔና ቆሄናዳን ተኤዳ ደኡዋ መና ጎዳይ፥ እስራኤልያ ጾሳይ ኤሮ! ኔን ታናና ጋከታናዉ ኤሌላደ ዬነንቶ፥ ሳአይ ዎንታና ጋካናዉ፥ ናባላባ ግድያ እት አቱማ አስነ ፓጻ አተና” ያጌዳ። 
\v 35 አብጋላ አዉ አሄዳዋ እ ኩሽያፐ ዳዊተ አኪደ፥ “ነ ሶ ሳሮ ጋካ። ታን ነ ቃላ ስሳድ፤ ነ ኦሻካ አካድ” ያጌዳ።
\p
\v 36 አብጋላ ስማደ ናባላኮ ይያ ዎደ፥ ካትያ ሶን ጊግያ ባላ ማላ ባላ ምዚደ ሶን ኡቴዳ፤ ናባል ሎይ ማቲደ፥ ባረ ዎዛናን ናሸቴ። ሄዋ ድራዉ፥ ሳአይ ዎንታናዉ፥ አብጋላ አዉ አያነ ቃታበይኩ። 
\v 37 ዎንታ ናባል ማዋ ዛሬዳዋፐ ጉይያን፥ አ ማቻታነ ሀ የዉዋ ኡባ አዉ ኦዳዱ፤ ናባላ ዎዛናይ ዳቡርና እ ጆሉ ጌዳ። 
\v 38 ታሙ ጋላሳፐ ስምና፥ መና ጎዳይ ናባላ ሾጭና፥ እ ሀይቄዳ።
\p
\v 39 ናባል ሀይቄዳዋ ዳዊተ ስሴዳ ዎደ፥ “መና ጎዳይ ጋላተቶ! ናባል ታና ሸቄዳዋ ሀሉዋ እ ከሴዳ፤ ታን አ ቆማይ ኢታባ ኦናዳን ተኤዳ፤ ናባል ኦዳ እታተ መና ጎዳይ አ ሁጲያን ዛሬዳ” ያጌዳ።
\p ሄዋፐ ጉይያን፥ ዳዊተ አብጋሎ አካናዉ ኪታ የዲደ ኦሽሴዳ። 
\v 40 ዳዊታ ቆማቱ ቃርመሎሳ ካታማ አብጋልኮ ቢደ፥ “ኔን ዳዊታ ገላናዳን ኔና አኪደ ባናዉ እ ኑና ኔኮ ኪቴዳ” ያጌድኖ።
\p
\v 41 አብጋላ ቢታን ጉፋና ዉቱሻደ፥ “ታን ነ ቆማታ ነዉ ኪተታናዉነ ነ ቆማቱዋ ገድያ ሜጫናዉ ጊጋ ኡታድ” ያጋዱ። 
\v 42 አብጋላ ኤለካ ደንዳደ ባረ ሀርያ ቶጋዱ፤ እ ዳንጋጽረቱ እቼሻቱ እዞ ካሊደ ቤድኖ፤ ዳዊታ ቆማታ ባደ፥ ዳዊታ ገላዱ።
\p
\v 43 ዳዊተ ሀዋፐ ካሰ እዝራኤልያ አህኖኣሞካ አኬዳ፤ ኡንቱንቱ ላአቱካ አ ማቻቱዋ። 
\v 44 ሳኦል ዳዊታ ማቻቶ፥ ባረ ናቶ ሚካሎ ጋሊማ ካታማን የለቴዳ ላውሻ ናኣ ፓልጽኤላዉ እሜዳ።\x - \xo 25:44 \xo*\xt 2 ሳሜላ 3:14-16\xt*\x*
\c 26
\s1 ዳዊተ ሳኦላ ሸምፑዋ ላኤንካ አሼዳ
\p
\v 1 ዚፋ አሳቱ ሳኦላኮ ግብኣ ካታማ ቢደ፥ “ዳዊተ ያሰሞና ስንን ደእያ ሀኪላ ግያ ደርያን ቆሰት ኡቴዳ ግደኔ?” ያጌድኖ።\x - \xo 26:1 \xo*\xt ማዝ. 54 (ሁጲያ)\xt*\x* 
\v 2 ሄዋፐ ጉየ ሳኦል ደንዲደ፥ እስራኤላቱዋፐ ዶረቴዳ ሄዙ ሻአ አሳቱዋ አኪደ፥ ዳዊታ ኮያናዉ ዚፋ ባዙዋ ቤዳ። 
\v 3 ሳኦል ያሰሞና ስንን ደእያ ሀኪላ ደርያ ቦላ ኦግያ ጋጻን ዱንካኔዳ፤ ሽን ዳዊተ ሄ ዎራን ኡቴዳ። ሳኦል አ ካሊደ ያ ቤዳዋ ኤሪደ፥ 
\v 4 ጌድያዋንታ የዲደ፥ ሳኦል ቱሙካ ሄ ሳኣ ጋኬዳዋ ጌሼዳ። 
\v 5 ዳዊተ ደንዲደ፥ ሳኦል ዱንካኔዳ ሳኣ ቤዳ፤ ሳኦልነ ኦላ ጋዳዋይ ኔራ ናኣ አባኔር ግሴዳ ሳኣ በኤዳ። ሳኦል ጌሱዋ ግዶን ግሴዳ፤ ኦላንቻቱ አ ዩሹዋን ደኢኖ።
\p
\v 6 ዳዊተ ሂትያ አብመሌካነ ጻሩያ ናኣ ዮኣባ እሻ አብሻያ፥ “ሳኦል ሺቄዳ ሳኣ ታናና ባናዌ ኦኔ?” ያጊደ ኦቼዳ።
\p ሽን አብሻይ፥ “ታን ኔናና ባና” ያጌዳ።
\p
\v 7 ሄዋ ድራዉ፥ ዳዊተነ አብሻይ ሄ ጋላሳ ቃማ ኦላንቻቱዋኮ ይያ ዎደ፥ ሳኦል ባረ ቶራ ሁጲሳና ቢታን ኤሲደ፥ ጌሱዋ ግዶን ግሴዳዋ ደሜድኖ። አባኔርነ ኦላንቻቱ አ ዩይ አደ ግሴድኖ።
\p
\v 8 አብሻይ ዳዊታ፥ “ጾሳይ ነ ሞርክያ ሀቼ ነ ኩሽያን አ እሜዳ፤ ታን ታ ቶራን አ እት ገደ ቢታና ጋደ ስካይ፤ ታን አ ላኡ ጌደ ጫዳናዉ ኮሸና” ያጌዳ።
\p
\v 9 ሽን ዳዊተ አብሻያ፥ “ኔን አ ዎፓ፤ መና ጎዳይ ኦኬዳ ካትያ ቦላ ባረ ኩሽያ ደንያ ኦናነ ጾሳይ ሙራና” ያጌዳ። 
\v 10 ቃይካ እ አብሻያ፥ “መና ጎዳይ ኤሮ! መና ጎዳይ አ ሾጫናዋ ታን ኤራይ፤ ባረ ጋላሳይ ጋክና እ ሀይቃና፥ ዎይ ኦለታናዉ ቢደ እ ያና። 
\v 11 መና ጎዳይ ኦኬዳ ካትያ ቦላ ታን ኩሽያ ደንናዳን ታና መና ጎዳይ ተኦ። አነ አ ሁጲሳን ደእያ ቶራነ ሃ ኦቱዋ አካደ ደንዳ” ያጌዳ።\x - \xo 26:11 \xo*\xt 1 ሳሜላ 24:6\xt*\x*
\p
\v 12 ሄዋፐ ጉየ ዳዊተ ሳኦላ ሁጲሳን ደእያ ቶራነ ሃ ኦቱዋ አኬዳ፤ ኡንቱንቱ ቤድኖ። ሽን ኡንቱንታ ኦንነ በእቤና፥ ዎይ ኦንነ ኤርቤና፥ ዎይ ኦንነ ቤጎትቤና፤ መና ጎዳይ ዎልቃማ ገምእሹዋ ኡንቱንቱ ቦላ የጌዳ ድራዉ፥ ኡባቱካ ገምእሹዋ ታይሮቴድኖ።
\p
\v 13 ዳዊተ ሄፍን ፕኒደ፥ ሀራ ደርያ ሁጲያን ኡንደና ሳኣን ሃኪደ ኤቄዳ። 
\v 14 ዳዊተ ሳኦላ ኦላንቻቱዋነ ኔራ ናኣ አባኔራ፥ “አባኔራ! አባኔራ! ታን ጼስያዋ ስስኪ?” ያጊደ ዋሴዳ።
\p አባኔር፥ “ሀ ጼሲደ ካትያ ገምእሹዋ ድግያዌ ኦኔ?” ያጌዳ።
\p
\v 15 ሄዋፐ ጉየ ዳዊተ፥ “ኔን ዎዛናማ አሳ ግድኪየ? እስራኤልያ ግዶን ነ ማል ኦን ደኢ? ያትና፥ ካትያ ነ ጎዳ አያዉ ናግኪ? አያዉ ጎፐ፥ እት አሳይ ካትያ ነ ጎዳ ዎናዉ ያ ቤዳ። 
\v 16 ኔን ኦዳባይ ሎአ ግደና። መና ጎዳይ ኤሮ! ኔንነ ነ ኦላንቻቱ መና ጎዳይ ኦኬዳ ህንተንቱ ጎዳ ናግቤና ድራዉ፥ ኡንቱንቱ ሀይቃናዉ በሰ። ካትያ ቶራነ አ ሁጲሳን ደእያ ሃ ኦቱዋ በአይ?” ያጌዳ።
\p
\v 17 ሳኦል ዳዊታ ቃላ ግድያዋ ኤሪደ፥ “ታ ናአዉ ዳዊታ፥ ሄዌ ነ ቃሌ?” ያጌዳ።
\p ዳዊተ፥ “ኤ፤ ታ ጎዳዉ፥ ካትያዉ፥ ሄዌ ታ ቃላ” ያጌዳ። 
\v 18 ቃይካ እ ሳኦላ፥ “ታ ጎዳዉ፥ ታና ነ ቆማ ኔን አያዉ ካላይ? ታን አይ ኦድታ? ታን አይ ባይዛድታ? 
\v 19 ሀእካ ታ ጎዳዉ፥ ካትያዉ፥ ኔን ታ ቃላ፥ ነ ቆማ ቃላ ስሳናዳን ታን ኔና ዎሳይ፤ መና ጎዳይ ኔና ታ ቦላ ደንዳዋ ግዶፐ፥ ያርሹዋ እ አኮ፤ ሽን አሳቱ ኔና ደንዳዋ ግዶፐ፥ ኡንቱንቱ መና ጎዳ ስንን ሸቀቴዳዋንታ ግድኖ! አያዉ ጎፐ፥ ‘ባረ፤ ሀራ ጾሳቶ ጎይና’ ያጊደ፥ መና ጎዳ ቢታን ታዉ ደእያ ኤጻፐ ኡንቱንቱ ታና ሀእ ከሴድኖ። 
\v 20 ሀእ ስም መና ጎዳ ስንፐ ሃኪደ ደእያ ቢታን ታ ሱ ጉሶፓ፤ እት አሳይ አካ ሻንካታናዉ ደርያ ሁጲያ ከስያዋዳን፥ እስራኤልያ ካቲ እት ካቶልያ ኮያናዉ ከሴዳ” ያጌዳ።
\p
\v 21 ሳኦል ዳዊታ፥ “ታን ናጋራ ኦድ። ታ ናአዉ ዳዊታ፥ ሃ ስማ! ሀቼ ቃማ ኔን ታና ሀይቁዋፐ አሼዳ ድራዉ፥ ታን ኔና ላኤን ገንከ። ቱሙፐ ታን ኤያባ ሀናድ፤ ዎልቃማ ባላ ባላድ” ያጌዳ።
\p
\v 22 ዳዊተ፥ “ካትያዉ፥ ነ ቶራይ ሀዌሽ፤ ነ አሳቱዋፐ እት አሳይ ዪደ አኮ። 
\v 23 አሳይ ሁጲያን ሁጲያን ጽሌዳባዉነ አማነቴዳባዉ መና ጎዳይ አ ጋትያ ጭጌ። ኔና መና ጎዳይ ሀቼ ታ ኩሽያን አደ እሜዳ፤ ሽን መና ጎዳይ ኦኬዳ ካትያ ቦላ ታን ታ ኩሽያ ደንናዉ ዶሳበይከ። 
\v 24 ታን ቱሙ ሀቼ ኔና አሾዋዳን መና ጎዳይ ታናካ አሾ፤ ቃይ መቱዋ ኡባፐ ታና ዎ አኮ” ያጌዳ።
\p
\v 25 ሳኦል፥ “ታ ናአዉ ዳዊታ፥ ኔን አንጀታ። ኔን ግታባ ኦና፤ ኔን ቱሙፐ ጾናና” ያጌዳ። ዳዊተ ባረ ኦግያ ቤዳ፤ ሳኦለካ ባረ ሶ ስሜዳ።
\c 27
\s1 ዳዊተ ፕልስጼማ ቢታ ባቃቴዳ
\p
\v 1 ዳዊተ ባረ ዎዛናን፥ “እት ጋላስ ታን ሳኦላ ኩሽያን ዳባታና፤ ታን ፕልስጼማ ጋድያ ባቃታናፐ አትና፥ ሀራባይ ታዉ ሎኤና። ያትና፥ ሳኦል እስራኤልያ ቢታ ኡባን ታና ኮይያዋ አጋና፤ ያቶፐ ታን አ ኩሽያፐ ከሳ አካና” ያጊደ ቆፔዳ።
\p
\v 2 ሄዋ ድራዉ፥ ዳዊተነ አናና ደእያ ኡሱፑን ጼቱ አሳቱ ደንዲደ፥ ጋተ ካትያ ማኦካ ናኣ አኪሻኮ ቤድኖ። 
\v 3 ዳዊተነ አ አሳይ አኪሻራ ጋተን ኡቴድኖ። አሳይ ኡባይ ባረ ሶ አሳ አሳ አኪደ ቤዳ፤ ዳዊተካ ባረ ማቻቱዋ፥ እዝራኤልያ አህኖኣሞነ ናባላ አምአታ፥ ቃርመሎስያ አብጋሎ አኪደ ቤዳ። 
\v 4 “ዳዊተ ጋተ ባቃቴዳ” ግያዋ ስሲደ፥ ሳኦል ላኤንዋ አ ኮይያዋ አግ ባሼዳ።
\p
\v 5 ዳዊተ ካትያ አኪሻ፥ “ኔን ታናን ናሸቶፐ፥ ታን ያን ደአና ማላ፥ ነ ካዉተን ደእያ ካታማቱዋፐ እትኖ ታዉ እማ። ታን ነ ቆማይ ካቲ ደእያ ካታማን ኔናና እትፐ አያዉ ኡታኔ?” ያጌዳ።
\p
\v 6 ሄ ጋላስ አኪሽ ጽቅላጋ ካታማ ዳዊታዉ እሜዳ፤ ሀቼ ጋካናዉካ ጽቅላጋ ካታማይ ይሁዳ ካተቱዋሳ ግዲደ አቴዳ። 
\v 7 ዳዊተ ፕልስጼማ ቢታን እት ላይነ ኦይዱ አግና ደኤዳ።
\p
\v 8 ዳዊተነ አ አሳቱ ፑደ ቢደ፥ ጋሹራቱዋ፥ ግርዘቱዋነ አማሌቃቱዋ ኦሊኖ። በኒደፐ ዶሚደ፥ ሄ አሳቱ ሹራፐ ቢደ ግብጼ ጋካናዉ ደእያ ቢታን ደኤድኖ። 
\v 9 ዳዊተ ሄ ቢታ ኦልያ ዎደ አዉደነ ሄ ቢታን ደእያ ማጫዋ ግዲና፥ አቱማዋ ግዲና፥ ፓጻ አግቤና፤ ዶርሳነ ሚዛ፥ ሀርያነ ጋሉዋ፥ ማዩዋካ አኬዳ፤ ያቲደ አኪሻኮ ስሜ። 
\v 10 አኪሽ፥ “ሀቼ ሀቃን ሺቄድቴ?” ያጊደ ዳዊታ ኦቼ።
\p ዳዊተ፥ “ኔጌባ ዎራን ደእያ ይሁዳ አሳቱ ቦላ፥ ዎይ ይራህማኤላ አሳቱ ቦላ፥ ዎይ ቄና አሳቱዋ ቦላ ሺቄዶ” ያጌ።
\p
\v 11 ኡንቱንቱፐ እት አሳይነ ጋተ ካታማ ዪደ፥ “ዳዊተ ሀዋ ኦዳ” ጊደ ኦደና ማላ፥ ዳዊተነ አ አሳቱ ማጫዋ አቱማዋ አሸናን ዉርስ ዎኖ። ዳዊተ ፕልስጼማ ቢታን ደኤዳ ዎደ ኡባን ሄዋዳን ኦዳ። 
\v 12 አኪሽ ዳዊታን አማነቲደ፥ “ዳዊተ ባረ አሳን፥ እስራኤላን ሎይ እጸቴዳ፤ ሄዋ ድራዉ፥ እ ታዉ መናዉ ቆማ ግዳና” ያጊደ ቆፔዳ።
\c 28
\s1 ሳኦላነ ኤንዶረ ሻሬቻቶ
\p
\v 1 ሄ ዎደ ፕልስጼማ አሳቱ እስራኤላቱዋ ኦላናዉ ባረንቱ ኦላንቻቱዋ ሺሼድኖ። አኪሽ ዳዊታ፥ “ኔንነ ነ አሳቱ ታናና ኦላ ባናዋ ቱሙ ኤራ ኡታ” ያጌዳ።
\p
\v 2 ዳዊተ፥ “ሄዋ ግዶፐ፥ ታን ነ ቆማይ ኦናባ ኔን በአና” ያጌዳ።
\p አኪሽ፥ “ዳሮ ሎአ፤ ታን ኔና ታ ደኤዳ ላይ ኡባን ታና ናግያዋ ከሳና” ያጌዳ።
\p
\v 3 ሀዋፐ ካሰ ባጋን ሳመል ሀይቂና፥ እስራኤልያ አሳቱ ኡባቱ አዉ ዬኪደ፥ አ ካታማን ራማን አ ሞጌድኖ። ሳኦል ሞይትልያ ጼስያዋንታነ ሻሬቻቱዋ እስራኤልያ ቢታፐ የደርሲደ ከስ ድጌዳ።\x - \xo 28:3 \xo*\xt ዎጋ 20:27፤ ዛረ. 18:10-11፤ 1 ሳሜላ 25:1\xt*\x*
\p
\v 4 ፕልስጼማ ኦላንቻቱ ሺቂደ ዪደ፥ ሹኔማ ካታማን ኡቴድኖ፤ ሳኦለካ እስራኤልያ አሳ ኡባ ሺሺደ፥ ግልቦአ ደርያን ኡቴዳ። 
\v 5 ሳኦል ፕልስጼማ ኦላንቻቱዋ በኢደ ያዬዳ፤ አ ዎዛናይካ ሎይ ዳጋሜዳ። 
\v 6 ሄዋ ድራዉ፥ እ አይ ኦነንቶነ መና ጎዳ ኦቼዳ፤ ሽን መና ጎዳይ አኩሙዋን ግዲና፥ ዎይ ኡሪምያን ግዲና፥ ዎይ ትምቢትያ ኦድያዋንቱ ባጋና ግዲና፥ አዉ ኦድቤና።\x - \xo 28:6 \xo*\xt ፓይ. 27:21\xt*\x* 
\v 7 ሄዋፐ ጉይያን፥ ሳኦል ባረ ቆማቱዋ፥ “ሞይትልያ ጼስያ ሻሬቻቱዋ ታዉ ኮይተ፤ ታን ኢኮ ባደ እዞ ኦቻና” ያጊደ አዛዜዳ።
\p ሳኦላ ቆማቱ፥ “ሞይትልያ ጼስያ እት ሻሬቻታ ኤንዶረን ደአዉ” ያጌድኖ።
\p
\v 8 ሳኦል ባረና ኤርሰና ማላ ሀራ ማዩዋ ማዪደ፥ ላኡ አሳቱዋ አኪደ፥ ቃማ ሄ ሻሬቻትኮ ቤዳ፤ ምሽራቶ፥ “ሀያና ታዉ እት ሞይትልያ ጼሳርኪ፤ ታን ሱን ኦድያ አሳ ታዉ ደንርኪ” ያጌዳ።
\p
\v 9 ሄዋፐ ጉየ ምሽራታ፥ “ሞይትልያ ጼስያዋንታነ ሻሬቻቱዋ እስራኤልያ ቢታፐ ሳኦል ዎት የደርስ ከሴደንቶ፥ ቱማ ኔን ኤራሳ። ታና ዎሳናዉ ኔን ታዉ አያዉ ጲርያ የጋይ?” ያጋዱ።
\p
\v 10 ሳኦል ምሽራቶ፥ “መና ጎዳይ ኤሮ! ኔን ሀዋ ድራዉ ሙሬታካ” ያጊደ መና ጎዳን ጫቄዳ።
\p
\v 11 ያትና፥ ምሽራታ፥ “ታን ነዉ ኦና ደን?” ያጋደ ኦቻዱ።
\p ሳኦል፥ “ሳመላ ታዉ ደን” ያጌዳ።
\p
\v 12 ሻሬቻታ ሳመላ በኣደ፥ ዋሱዋ ጹላዱ፤ ሳኦላ፥ “ኔን ታና አያዉ ጭማድ? ኔን ሳኦላ ግድኪ!” ያጋዱ።
\p
\v 13 ካቲ፥ “አይነ ባዋ፤ ያዮፓ! ነዉ አዬ ቤትያዌ?” ያጌዳ።
\p ምሽራታ፥ “እት ሞይትሊ ቢታ ግዶፐ ከስያዌ ቤቴ” ያጋዱ።
\p
\v 14 ሳኦል ምሽራቶ፥ “እ አይ ማላቲ?” ያጌዳ።
\p ምሽራታ፥ “አፍላ ማዬዳ እት ጭማ ብታኒ ከሴዳ” ያጋዱ።
\p ሳኦል ሄ ብታኒ ሳመላ ግዴዳዋ ኤሪደ፥ አ ስንን ሳኣን ግሲደ ጉፋኔዳ።
\p
\v 15 ሳመል ሳኦላ፥ “ታና ዱፉዋፐ ደንደ አያዉ ሻባራይ?” ያጌዳ።
\p ሄዋፐ ጉየ ሳኦል፥ “ታን ዳሮፐ ኡንኤታድ፤ አያዉ ጎፐ፥ ፕልስጼማ አሳቱ ታና ኦሊኖ፤ ጾሳይካ ታፐ ሻከቴዳ፤ ትምቢትያ ኦድያዋንቱ ባጋና ግዲና ዎይ አኩሙዋን ግድና፥ እ ታን ኦችያዋ ኦደና። ሄዋ ድራዉ፥ ታን ኦናባ ኔን ታዉ ኦዳናዳን ኔና ጼሳድ” ያጌዳ።
\p
\v 16 ሳመል፥ “መና ጎዳይ ሻከቲደ ነ ሞርክያ ግድክቾዋፐ አትና፥ ታና አያዉ ዞረታ በሳይ? 
\v 17 መና ጎዳይ ታ ባጋና ካሰት ኦዴዳዋ ኦ ክቼዳ፤ መና ጎዳይ ካዉተ ኔፐ ቦንቂ አኪደ፥ ነ ሾሮ ዳዊታዉ እም ድጌዳ።\x - \xo 28:17 \xo*\xt 1 ሳሜላ 15:28\xt*\x* 
\v 18 ኔን መና ጎዳዉ አዛዘታቤና ድራዉነ አ ሀንቁዋ ሱልያዋ አማሌቃ አሳቱዋ ቦላ ፖላቤና ድራዉ፥ መና ጎዳይ ሀቼ ሀ የዉዋ ነ ቦላ ኦ።\x - \xo 28:18 \xo*\xt 1 ሳሜላ 15:3-9\xt*\x* 
\v 19 ኔናነ እስራኤልያ፥ መና ጎዳይ ፕልስጼማ አሳቶ አ እማና፤ ኔንነ ነ ናናይ ዎንት ታናን ጋከታናዉ፤ መና ጎዳይ እስራኤልያ ኦላንቻቱዋ ፕልስጼማ አሳቶ አ እማና” ያጌዳ።
\p
\v 20 ሳኦል ሳመላ ኦዱዋ ስሲደ ያዬዳ ድራዉ፥ ኤለካ ቢታን ዶልጩ ጊደ ኩንድ አጌዳ። ሳኦል ሄ ጋላሳ ኩመንነ ቃማ ኩመን ቁማ ምቤና ድራዉ፥ አ ዎልቃይ እጼዳ። 
\v 21 ሄ ምሽራታ ሳኦላኮ ያደ፥ እ ሎይ ኮኮርያዋ በኣደ፥ “ታን ነ ቆማታ ነዉ አዛዘታድ፤ ኔን ታና ኦቼዳዋ ታ ሸምፑዋ አጋደ ኦድ። 
\v 22 ሀእ ታን ነ ቆማታ ግያዋ ሀያና ስሳ፤ ኔን ማደ፥ ምናደ ነ ኦግያ ባና ማላ፥ ታን ነዉ ጉ ቁማ አይ” ያጋዱ።
\p
\v 23 ሄዋፐ ጉየ ሳኦል፥ “ሚከ” ያጊደ እጼዳ። ሽን አ አሳቱ ሄ ምሽራትናካ ግዲደ ሾቤድኖ፤ ሳኦል ሾበቲደ ቢታፐ ደንዲደ፥ ግሱዋን ኡቴዳ። 
\v 24 ሄ ምሽራታ ኤለካ ባረ ሶን ደእያ ቦልትቦልታ ማራ ሹካ ባሻዱ፤ ልያ አካ ሙናቃደ፥ እርሹዋ የገናን ኡክ ኡካዱ። 
\v 25 ያታደ ሳኦላዉነ አ አሳቶ አና፥ ኡንቱንቱ ሜድኖ። ሄ ጋላስ ቃማ ደንዲደ ቤድኖ።
\c 29
\s1 አኪሽ ዳዊታ ጉየ ጽቅላግ የዴዳ
\p
\v 1 ፕልስጼማ አሳቱ ባረንቱ ኦላንቻቱዋ ኡባ አፌቃን ሺሼድኖ። እስራኤላቱ እዝራኤላን ደእያ ሃ ፑልትያ ማታን ኡቴድኖ። 
\v 2 ፕልስጼማቱዋ ካፓቱ ባረንቱ ጼታቱዋ ጭታንነ ሻአቱዋ ጭታን ሳልፔድኖ፤ ዳዊተነ አ አሳይ አኪሻራ እትፐ ጉየ ባጋና ሳልፔድኖ። 
\v 3 ፕልስጼማቱዋ ካፓቱ በኢደ፥ “ሀ እብራዌቱ ሀዋን አይ ኦኖ?” ያጌድኖ።
\p አኪሽ ፕልስጼማቱዋ ካፓቱዋ፥ “ሀዌ በን እስራኤልያ ካትያ ሳኦላ ቆማ ዳዊታ ግደኔ? እ ዳሮ ዎደፐ ታናና እትፐ ደኤ፤ እ ሳኦላ ካዲደ ከሶደፐ ሀኖ ጋካናዉ፥ ታን አን ባላ ደማበይከ” ያጌዳ።
\p
\v 4 ሽን ፕልስጼማቱዋ ካፓቶ አኪሻ ሀንቀቲደ፥ “ሀ ብታንያ ኔን አዉ እሜዳ ካታማ ጉየ ዛራ፤ እ ኑናና ኦላ ቦፐ እ ኑና ዛሪደ ኦላና። እ ባረ ጎዳና ስገናዉ ኑ አሳቱዋ ቆያ ሙጭያዋፐ ሀራ ሎእያባይ አዬ? 
\v 5 ቃይ ማጫ አሳቱ የጺድነ ዱሪደ፥ ‘ሳኦል ባረ ሻኣ ዎዳ፤ ዳዊተ ባረ ታሙ ሻኣ ዎዳ’ ያጊደ ሳቤዳዌ ሀ ዳዊታ ግደኔየ?” ያጌድኖ።\x - \xo 29:5 \xo*\xt 1 ሳሜላ 18:7፤ 21:11\xt*\x*
\p
\v 6 ሄዋ ድራዉ፥ አኪሽ ዳዊታ ጼሲደ፥ “መና ጎዳይ ኤሮ! ኔን አማነትያ አሳ፤ ኔን ታናና ኦላዉ ባናዋ ታን ናሸታይ፤ ኔን ታኮ ዮደፐ ሀኖ ጋካናዉ፥ ታን ነ ቦላ ባላ ደማበይከ። ሽን ካፓቱ ኔን ኦላዉ ባናዋ ናሸትክኖ። 
\v 7 ኔን ሀእ ስማደ ሳሩዋን ባ፤ ፕልስጼማቱዋ ካፓቱዋ ናሸቼናዋ አይነ ኦፓ” ያጌዳ።
\p
\v 8 ዳዊተ አኪሻ፥ “ታን አይ ኦድታ? ታን ኔናና ደኦደፐ ሀኖ ጋካናዉ፥ ታናን ባላ ደማበይከ ጋዳ፤ ያትና፥ ካትያ ታ ጎዳ ሞርከቱዋና ባደ አያዉ ኦለትክታ?” ያጌዳ።
\p
\v 9 አኪሽ ዳዊታ፥ “ጾሳ ኪታንቻዳን ኔን ታዉ አማነትያዋ ግድያዋ ታን ኤራይ፤ ግዶፐነ፥ ፕልስጼማቱዋ ካፓቱ፥ ‘እ ኑናና ኦላ ቦፖ’ ያጌድኖ። 
\v 10 ሀእ ስም ዎንታና ደንዳደ፥ ኔናና ዬዳ ነ ጎዳ ቆማቱዋናካ እትፐ ሳአይ ዎንትያ ወደ ቢተ” ያጌዳ።
\p
\v 11 ዳዊተነ አ አሳቱ ፕልስጼማ ጋድያ ስማናዉ ዎንታ ጉራን ደንዴድኖ፤ ፕልስጼማ አሳቱካ ፑደ እዝራኤላ ቤድኖ።
\c 30
\s1 ዳዊተ አማሌቃቱዋና ኦለቴዳ
\p
\v 1 ዳዊተነ አ አሳቱ ሄዘን ጋላስ ጽቅላጋ ካታማ ጋኬድኖ። አማሌቃ አሳቱ ኔጌባ ባዙዋነ ጽቅላጋ ካታማ ማዬድኖ፤ ጽቅላጋ ካታማ ታማን ጹጌድኖ። 
\v 2 ጽቅላጋ ካታማን ደእያ ማቻቱዋነ ናናቱዋፐ ጭማ ጋካናዉ ደእያ ኡባቱዋ ኦሞዴድኖ፤ ኡንቱንታ ኡባ አኪደ አፌድኖፐ አትና፥ እት አሳነ ዎበይክኖ።
\p
\v 3 ዳዊተነ አ አሳቱ ጽቅላጋ ካታማ ጋክያ ዎደ፥ ካታማይ ታማን ጹገትክቼዳዋነ ቃይ ኡንቱንቱ ማጫ አሳቱ፥ ኡንቱንቱ አቱማ ናናይነ ኡንቱንቱ ማጫ ናናይ ኦሞደትክቼዳዋ በኤድኖ። 
\v 4 ያትና፥ ዳዊተነ አናና እትፐ ደእያ አሳይ ባረንቱ ዎልቃይ እጻና ጋካናዉ ዋሲደ ዬኬድኖ። 
\v 5 ዳዊታ ማጫ አሳቱ ላአቱ፥ እዝራኤልያ አህኖኣሞነ ቃርመሎስያ ናባላ አምአት አብጋላ ኦሞደቴድኖ።\x - \xo 30:5 \xo*\xt 1 ሳሜላ 25:42-43\xt*\x*
\p
\v 6 አሳይ ዳዊታ ሹቻን ጫዳናዉ ሃሳዬዳ ድራዉ፥ ዳዊተ ሎይ ቱጋቴዳ፤ አያዉ ጎፐ፥ አ አሳይ ኡባይ ባረ አቱማዋ ናናይነ ማጫ ናናቱዋ ድራዉ፥ ሎይ ይሎቴዳ፤ ሽን ዳዊተ መና ጎዳን ባረ ጾሳን ምነቴዳ።
\p
\v 7 ዳዊተ አብመሌካ ናኣ ቄስያ አብያታራ፥ “ኤፉድያ ሃ አካደ ያ” ያጌዳ፤ አብያታረ ኤፉድያ ዳዊታዉ አሄዳ።\x - \xo 30:7 \xo*\xt 1 ሳሜላ 22:20-23\xt*\x* 
\v 8 ዳዊተ መና ጎዳ፥ “ታን ሀ ማዬዳዋንቱ ጌዱዋ ካላደ ቦ? ቦፐ ታን ኡንቱንታ ጋካኔ?” ያጊደ ኦቼዳ።
\p ጾሳይ፥ “ኤ፤ ኡንቱንታ ካላደ ባ፤ ኡንቱንታ ኔን ጋካናሳ፤ ኦሞደቴዳዋንታካ ዛራና” ያጌዳ።
\p
\v 9 ዳዊተነ አናና ደእያ ኡሱፑን ጼቱ አሳቱ ደንዲደ ብሶራ ሻፋ ጋክና፥ አሳፐ አማሬዳዋንቱ ያን አቴድኖ። 
\v 10 አያዉ ጎፐ፥ ላኡ ጼቱ አሳቱ ሻፋ ፕናናዉ ሎይ ዳቡሬድኖ። ሽን ዳዊተነ ኦይዱ ጼቱ አሳቱ ፓና ካሌድኖ።
\p
\v 11 ሄዋፐ ጉይያን፥ አሳቱ እት ግብጻዊያ ደምባን ደሚደ፥ ዳዊታኮ አሄድኖ፤ አዉ ኡሻናዉ ሃ፥ ማናዉካ ቁማ እምና ሜዳ። 
\v 12 ቃይ ባላስያ አይፍያ መላፐ ባካነ ላኡ ዉርጮ ዎይንያ ቴራ አዉ እሜድኖ፤ እ ሚደ ምኔዳ፤ አያዉ ጎፐ፥ እ ሄዙ ጋላስነ ሄዙ ቃማ ቁማ ምቤና ሃካ ኡሽቤና። 
\v 13 ዳዊተ ሄ ብታንያ፥ “ኔን ኦሴ? ሀቃፐ ያድ?” ያጊደ ኦቼዳ።
\p ሽን ብታኒ፥ “ታን አማሌቃ ብታንያዉ አይለቴዳ ግብጼ አሳ፤ ሄዙ ጋላሳፐ ካሰ ታን ሳከቴዳ ድራዉ፥ ታ ጎዳይ ታና የግ ባሼዳ። 
\v 14 ኑን ይሁዳ አሳቱዋ ቦላ፥ ካሪታ አሳቱዋ ቦላነ ካሌባ ያራቱዋ ቦላ ኔጌባ ዎራን ሺቄዶ፤ ጽቅላጋ ካታማካ ታማን ጹጌዳ” ያጌዳ።
\p
\v 15 ዳዊተ፥ “ኔን ታና ሄ ሺቄዳ ጭታኮ ካለና ዳንዳያይ?” ያጊደ ኦቼዳ።
\p እ፥ “ኔን ታና ዎናዳንነ ታ ጎዳዉ አደ እመናዳን ታዉ ጾሳን ጫቃ፤ ያቶፐ፥ ታን ኔና ኡንቱንቱኮ ዱገ ካለና” ያጌዳ።
\p
\v 16 ሄዋፐ ጉይያን፥ ብታኒ ዳዊታ ኡንቱንቱኮ ካለደ ጋዳ። ኡንቱንቱ ፕልስጼመ ቢታፐነ ይሁዳ ጋድያፐ ኦሞዴዳባይ ሎይ ዳሮ ግዴዳ ድራዉ፥ ናሸቲደ ሚድነ ኡሺደ ቢታ ኡባን ላለት ኡቴድኖ። 
\v 17 ሄ ጋላስ ኦማርሳፐ ቢደ ዎንተ ጋላሳ ኦማርሳይ ጋካናዉ፥ ዳዊተ ኡንቱንታ ሾጬዳ፤ ጋሉዋ ቶጊደ ባቃቴዳ ኦይዱ ጼቱ ያላጋቱዋፐ አትና፥ ሀራይ እት አሳይነ አቲደ ብቤና። 
\v 18 አማሌቃ አሳቱ አፌዳ ኡባባ፥ ባረ ላኡ ማጫ አሳቱዋናካ ጉጂደ፥ ዳዊተ ዎ አኬዳ። 
\v 19 አሳቱ ኦሞድ አፌዳዋፐ አያይነ ፓጭቤና፤ ናናይ ዎይ ጭማይ፥ አቱማ ናናይ ዎይ ማጫ ናናይ፥ ኡንቱንቱ ኦሞድ አፌዳ ሀራባይ ኡባባይካ ፓጨናን ደኤ፤ ዳዊተ ኡባካ ዛሬዳ። 
\v 20 ቃይ ዳዊተ ዶርሳነ ምያ ዉድያ ኡባ ኦሞዴዳ፤ ዳዊታ አሳይ እ ኦሞዴዳ ዉድያ ህንኮ መህያፐ ስንና ላጊደ፥ “ሀዌ ዳዊታ ኦሞዱዋ” ያጌዳ።
\p
\v 21 ሄዋፐ ጉይያን፥ ዳዊተ ባረና ካላናዉ ዳቡሪደ፥ ብሶራ ሻፋ ማታን አቴዳ ላኡ ጼቱ አሳቱዋኮ ዬዳ። ኡንቱንቱ ዳዊታነ አናና እትፐ ደእያ አሳቱዋ ሞካናዉ ከሴድኖ፤ ዳዊተነ አ አሳይ ኡንቱንቱኮ ሺቅና፥ ዳዊተ ኡንቱንታ ሳሮቴዳ። 
\v 22 ሽን ዳዊታና ቤዳዋንቱ ግዶፐ እት እት ፓና ኢታ አሳቱ፥ “ኡንቱንቱ ኑናና ብቤና ድራዉ፥ ኑን ዛሪደ አሄዳዋፐ አያነ ኡንቱንቱና ሻኮኮ፤ ኡንቱንቱ ባረንቱ ናናነ ባረንቱ ማቻቱዋ አኪደ ቢኖ” ያጌድኖ።
\p
\v 23 ዳዊተ ኡንቱንታ፥ “ቱይት፤ ታ እሻቶ! መና ጎዳይ ኑዉ እሜዳባን ህንተንቱ ሀዋዳን ኦናዉ በሰና። እ ኑና ናጊደ፥ ኑ ቦላ ሺቄዳ ጭታ ኑዉ አደ እሜዳ። 
\v 24 ህንተንቱ ግያዋ ኦንነ ማየና። ኦለታናዉ ቤዳዋንቱነ ኑባ ናጊደ ሀዋን ጋምኤዳዋንቱ እት ላገ ሻካና፤ ኡባዌካ እት ማላ ግዳና” ያጌዳ። 
\v 25 ሄ ጋላሳፐ ዶሚደ፥ ሀቼ ጋካናዉ፥ ዳዊተ እስራኤልያ ቢታዉ ሄዋ ዎጋነ አዋዩዋ ኦደ ዎዳ።
\p
\v 26 ዳዊተ ጽቅላጋ ካታማ ጋኬዳ ዎደ፥ ባረ ዳቦ ይሁዳ ጭማቱዋ፥ “መና ጎዳ ሞርከቱዋፐ ኦሞደቴዳዋፐ ታን ህንተንቶ እምያዋ ሄይተ” ያጊደ ኦሞዱዋፐ አማሬዳዋ የዴዳ። 
\v 27 እ ሄዋ ቤቴለ፥ ኔጌባን ደእያ ራሞታነ ያትራ ካታማቱዋን ደእያዋንቶ፥ 
\v 28 አሮኤራ፥ ስፍሞታ፥ ኤሽታሞአነ 
\v 29 ራካላ ካታማቱዋን ደእያዋንቶ፥ ይራህማኤላ ካታማቱዋን ደእያዋንቶ፥ ቄና ካታማቱዋን ደእያዋንቶነ፥ 
\v 30 ሆርማ፥ ቦርአሻና፥ አታካነ 
\v 31 ከብሮና ካታማቱዋን ደእያዋንቶ የዴዳ፤ እነ አ አሳቱ ዩዬዳ ሳአቱ ኡባዉ የዴዳ።
\c 31
\ms ሳኦላነ አ ናናቱዋ ሀይቁዋ
\mr (31:1-13)
\s1 ሳኦል ባረና ዎዳ
\r (1 ኦዱዋ 10:1-12)
\p
\v 1 ፕልስጼማ አሳቱ እስራኤልያ አሳቱዋና ኦለቴድኖ፤ እስራኤልያ አሳቱ ፕልስጼማ አሳቱዋ ስንፐ ባቃቴድኖ፤ ዳሮ እስራኤላቱ ግልቦአ ደርያን ሀይቄድኖ። 
\v 2 ፕልስጼማ አሳቱ ሳኦላነ አ አቱማዋ ናና የደርስ ጋኪደ፥ ሳኦላ ናና ዮናታና፥ አብናዳባነ ማልክሹአ ዎድኖ። 
\v 3 ኦላይ ሳኦላ ዩይ አደ ኡንኤዳ፤ ዎንዳፍያ አሳቱ አ ደሜዳ ዎደ፥ ዙቢያን አ ጫዲደ፥ ሎይ ማይትሴድኖ።
\p
\v 4 ሳኦል ባረ ኦላ ሚሻ ቶክያዋ፥ “ሀ ቃጻረትቤናዋንቱ ዪደ፥ ታና ጫዲደ ካኤናዳን፥ ነ ማሻን ጫዳደ፥ ታና ኔን ዎ” ያጌዳ።
\p ሽን አ ኦላ ሚሻ ቶክያዌ ሎይ ያዬዳ ድራዉ እጼዳ፤ ሳኦል ባረ ማሻ ሳኣን ኤሲደ፥ አ ቦላ ኩንዴዳ። 
\v 5 አ ኦላ ሚሻ ቶክያዌ ሳኦል ሀይቄዳዋ በኢደ፥ እካ ባረ ማሻ ሳኣን ኤሲደ፥ አ ቦላ ኩንዲደ፥ ሳኦላና ሀይቂ አጌዳ። 
\v 6 ሀዋዳን ሀኒደ፥ ሳኦልነ አ ናናይ ሄዛቱ፥ አ ኦላ ሚሻ ቶክያዌነ አ አሳቱ ኡባይ ሄ ጋላሳ እትፐ ሀዬድኖ።
\p
\v 7 ዎምባፐነ ዮርዳኖሳ ሻፋፐ ሄፍን ባጋና ደእያ እስራኤልያ አሳቱ እስራኤልያ ኦላንቻቱ ባቃቴዳዋነ ሳኦልነ አ ናናይ ሀይቄዳዋ በኢደ፥ ኡንቱንቱካ ባረንቱ ካታማ አጊደ ባቃቴድኖ። ፕልስጼማ አሳቱ ዪደ፥ ሄ ካታማቱዋ ኦይቄድኖ።
\p
\v 8 ዎንተ ጋላስ ፕልስጼማቱ አሃቱዋ ቦላፐ ኦላ ሚሻቱዋ ቃር አካናዉ ዪደ፥ ሳኦልነ አ ናናይ ሄዛቱ ግልቦአ ደርያን ሀይቂደ ግሴዳዋንታ ደሜድኖ። 
\v 9 ኡንቱንቱ ሳኦላ ቆያ ሙጬድኖነ አ ኦላ ሚሻ ቃር አኬድኖ። ያቲደ ባረንቱ ማሻቱዋ ጎለንነ ባረንቱ አሳ ግዶን ጾኑዋ አዋያና ማላ፥ ፕልስጼማ ቢታ ኡባዉ ኪታ የዴድኖ። 
\v 10 ሳኦላ ኦላ ሚሻ አስታሮታ ጌተትያ ኡንቱንቱ ጾሳት ጎልያ ግዶን ዎድኖ፤ ሳኦላ አሃ ቤትሻና ጌተትያ ካታማ ግምቢያን ምስማርያን ሺደ ሶቴድኖ።
\p
\v 11 ፕልስጼማ አሳቱ ሳኦላ ኦዳዋ ጋላኣደን ደእያ ያቤሻ አሳቱ ስሴዳ ዎደ፥ 
\v 12 ኡንቱንቱ ምኖ አሳቱ ኡባይ ቃማን ደንድ ቢደ፥ ሳኦላ አሃነ አ ናናቱዋ አሃ ቤትሻና ካታማ ግምቢያፐ ዎ አኪደ፥ ያቤሻ ካታማ አሂደ ያን ጹጌድኖ። 
\v 13 ሄዋፐ ጉይያን፥ ኡንቱንቱ መቀ ማጽ አኪደ፥ ያቤሻን ደእያ ታማርስካ ጌተትያ ም ጋርሳን ሞጌድኖ፤ ያቲደ ላፑን ጋላሳ ጾሜድኖ።