\id 1KI - Dawuro Full Bible Ethiopic Version
\ide UTF-8
\h 1 ካታቱዋ
\toc1 ኮይሮ ካታቱዋ ማጻፋ
\toc2 1 ካታቱዋ
\toc3 1 ካታ.
\mt1 ኮይሮ ካታቱዋ ማጻፋ
\imt ገሉዋ
\ip ካታቱዋ ማጻፋ ኮይሮ ሻኩ፥ ሳመላ ማጻፋቱዋ ላአቱዋን ዶመቴዳ፥ እስራኤልያ ቢታ ካተቱዋ ታርክያፐ አቴዳዋ ካሊደ ኦዴ። ማጻፋ ሄዙ ዋና ዋና ክፍለቱዋን ሻክ ጼላናዉ ዳንዳዬቶ።
\ili 1. ሶሎሞነ ባረ አዉዋ ዳዊታ ሳኣን እስራኤላነ ይሁዳ ካትያ ግድያዋነ አ አዉዋ ዳዊታ ሀይቁዋባ ኦዴ።
\ili 2. ቃይ ሀ ማጻፋይ ሶሎሞነ ካዉተ ኤቁዋነ እ ኦዳ ኪታ ኦድያ ታርኪያ። እ ኦዳ ኦሶቱዋፐ ኦዳናዉ ዶና ኩምያዌ የሩሳላመን ግምበቴዳ ጌሻ ጎልያ።
\ili 3. እስራኤሊ ሁጲሳነ ገድሳ ካዉተ ጌተቲደ ላኡ ከሲደ ሻከቴዳዋነ ሄ ሻከቴዳ ካዉተቱዋ ክርስቶስ የለታናፐ ካሰ፥ ኡዱፑን ጼቱ ላይይ ጋካናዉ ዱማ ዱማ ሞዴዳ ካተቱዋ ታርክያ ኦዴ።
\ip ሀ ላኡ ማጻፋቱዋን አሳ ካለያ ካቲ ሎአነ ኢታነ ጌተቲደ ፕርደትያዌ፥ ጾሳዉ እ አማነትያዋ ኬናና። ሄዋዳንካ ቃይ ሄ ቢታይ ድጭያ ድቻይነ ደምያ እንጂ ሄ ካለያ ካቲ ጾሳዉ አማነቴዳዋ ኬናና። ሀራ ባጋና ቃይ አላጋ ጾሳቶ ጎይኔዳዌነ አዛዘተናን እጼዳዌ ካለያዋንታካ ካልያ አሳካ ባሻዉ አፌዳ። ሁጲሳ ባጋ ካዉተ ካተቱ ኡባይካ ፓጭያን ኩንዴድኖ። ሽን ይሁዳ ካተቱዋ ታርኪ ኢታቱዋካ ሎኦቱዋካ ኦዴ።
\ip ካተቱ ማጻፋን ኮይሮ ክፍልያን ዳሮ ኤረቴዳዋንቱ፥ ጾሳ ዶና ግዲደ ትምቢትያ ቃላ ኦዴዳነ አሳይ ኤቃዉ ጎይነና ማላነ ጾሳዉ አዛዘተናን እጸና ማላ፥ ምንሲደ ኤርሴዳ ትምቢትያ ኦድያ ምኖ አሳቱዋ። ኡንቱንቱፐካ ኤረታ ዳርያዌ ኤላሳ። ኤላስ ባኣላ ቄሳቱ ዋና ናሰቴዳ ታርኪካ ሄ ሳኣን ኦደቴዳ (ሸምፑዋ 18 ጼላ)።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ሀ. ዳዊታ ዎድያ ዉርሰ \ior 1:1—2:12\ior*
\io1 ለ. ሶሎሞነ ካትያ ግዱሳ \ior 2:13-46\ior*
\io1 ሐ. ሶሎሞና ካዉተ \ior 3:1—11:43\ior*
\io2 1. ኮይሮ ላይቱዋ \ior 3:1—4:34\ior*
\io2 2. ጌሻ ጎልያ ኦሱዋ \ior 5:1—8:66\ior*
\io2 3. ዉርሰ ላይቱዋ \ior 9:1—11:43\ior*
\io1 መ. ሻከቴዳ ካዉተ \ior 12:1—22:53\ior*
\io2 1. ፑደሃ ያራቱዋ ማካላ \ior 12:1—14:20\ior*
\io2 2. ይሁዳነ እስራኤልያ ካተቱዋ \ior 14:21—16:34\ior*
\io2 3. ናብያ ኤላሳ \ior 17:1—19:21\ior*
\io2 4. እስራኤልያ ካትያ አካባ \ior 20:1—22:40\ior*
\io2 5. ይሁዳ ካትያ እዮሳፋጻነ እስራኤልያ ካትያ አካዝያሳ \ior 22:41-53\ior*
\c 1
\ms ዳዊተ ዎድያ ዉርሰ
\mr (1:1—2:12)
\s1 ካቲ ዳዊተ ጭሜዳ
\p
\v 1 ካቲ ዳዊተ ጭሚደ ዎድያ ሎይ ሱጌዳ። ያቴዳዎ ቆማቱ ማዩዋ አ ቦላ ኩርናካ አ ሆኤናን እጼዳ። 
\v 2 ሄዋ ድራዉ፥ አ ኦሳንቻቱ አ፥ “ካትያ ማታን ደአና ማላነ አ ናጋና ማላ፥ እት ዎዶሮ ናቶ ኑን ነዉ ኮያና፤ ኑ ጎዳ ካትያ ሆኤናዉ እዛ አ ምይያን ግሳናዉ ዳንዳያዉ” ያጌድኖ። 
\v 3 ኡንቱንቱ እስራኤልያ ቢታን ኡባን ኮዪደ አብሻጎ ጌተትያ እት ማላ ሎኦ ዎዶራቶ ሹኔማ ጌተትያ ካታማፐ ደሚደ እዞ ካትያዉ አሄድኖ። 
\v 4 ሄ ወዶራታ ሎይ ማላ ሎኦ ናኣ። እዛ ካትያ ናጋዱነ አዉ ኦዱ፤ ሽን ካቲ እዝና ግሱዋን ጋከት ኤረና።
\s1 አዶንያስ ካተታናዉ ኮዬዳ
\p
\v 5 ሀጊት ናአይ አዶንያስ፥ “ታን ካተታናዉ ኮያድ” ያግ ደንዲደ ፓራ ጋረቱዋነ ፓራቱዋ ባረ ስንን ዎጽያ እሻታሙ አሳና ጊግሴዳ።\x - \xo 1:5 \xo*\xt 2 ሳሜላ 3:4\xt*\x* 
\v 6 አ አዉ አባን ገሊደ፥ “አያዉ ሀዋ ኦይ?” ጊደ ኡባካ አ ኦች ኤረና። አዶንያስካ ቃይ ማላ ሎይ ሎኦ አሳ፤ እ አበሰሎማ ካሊደ የለቴዳ። 
\v 7 አዶንያስ ጻሩይ ናኣ ዮኣባነ ቄስያ አብያታራ ሀ የዉዋ ዞረታ በሴዳ፤ ኡንቱንቱ አ ማዳናዉ ማዬድኖ። 
\v 8 ሽን ቄስያ ጻዶቀ፥ ዮዳሄ ናአይ ባናይ፥ ትምቢትያ ኦድያ ናታን፥ ሽምእ፥ ሬእነ ዳዊታ ናግያዋንቱ አዶንያሳና ባዋ።
\p
\v 9 እት ጋላስ አዶንያስ ኤንሮጌላ ካታማ ማታን ዞሄሌታ ዛላ ጌተትያ ሳኣን ዶርሳቱዋ፥ መሄቱዋነ ቦልትቦልታ ማራቱዋ ያርሼዳ። ካትያ ናና ባረ እሻቱዋ ኡባነ ካትያዉ ኦያ ይሁዳ አሳቱዋ ኡባ ባረ ያርሽያ ሳኣ ጼሴዳ፤ 
\v 10 ሽን ትምቢትያ ኦድያ ናታና፥ ባናያ፥ ካትያ ናግያዋንታነ ባረ እሻ ሶሎሞና ጼስቤና።
\s1 ሶሎሞነ ካተቴዳ
\p
\v 11 ሄዋፐ ጉይያን፥ ናታን ሶሎሞነ ዳዮ በርሳቤሆ ሀዋዳን ያጊደ ኦቼዳ፤ “ኑ ጎዳይ ዳዊተ ኤረናን ደእሽን፥ ሀጊት ናአይ አዶንያስ ካተቴዳዋ ኔን ስሳበይኪየ?\x - \xo 1:11 \xo*\xt 2 ሳሜላ 12:24\xt*\x* 
\v 12 ያቶፐ፥ ሀእ ኔን ነ ሸምፑዋነ ነ ናኣ ሶሎሞነ ሸምፑዋ ዋታደ አሻንንቶ ኔና ታን አነ ዞራይ። 
\v 13 ካትያ ዳዊታኮ ገላደ ሀዋዳን ያጋ፤ ‘ታ ጎዳዉ ካትያዉ፥ ታዉ ነ ቆማትዉ፥ “ቱማ፥ ታፐ ጉይያን ነ ናአይ ሶሎሞነ ካተታና፤ ታ ካዉተ አራታን እ ኡታናዋ” ያጋደ ጫቃበይኪ? ያትና፥ አዶንያስ አያዉ ካተቴዴ?’ ያጋ። 
\v 14 ኔን ካትያና ሃሳያደ ያን ደእሽን ታን ገላደ፥ ነ ሃሳያ ማይዛደ ሃሳያና” ያጌዳ።
\p
\v 15 በርሳባ ጭሜዳ ካትያ ሃሳይሳናዉ እ ደእያ እልፕንያ ገላዱ፤ ሹኔማ ካታማፐ ዬዳ አብሻጋ ካትያ ናጋናዉ። 
\v 16 በርሳባ ካትያ ስንን ኩንዳ ጉፋናዱ።
\p ካቲ፥ “አያ ኮያዲ?” ያጊደ ኦቼዳ።
\p
\v 17 እዛ፥ “ታ ጎዳዉ፥ ታዉ ነ ቆማትዉ፥ ‘ታፐ ጉይያን ነ ናአይ ሶሎሞነ ካተታና፤ ታ ካዉተ አራታንካ እ ኡታናዋ’ ጋደ መና ጎዳን፥ ነ ጾሳን፥ ኔን ጫቃዳ። 
\v 18 ሽን ሀእ አዶንያስ ካተቴዳ፤ ኔን ታ ጎዳይ ካቲ ሄዋ ኤራካ። 
\v 19 እ ሎይ ዳሮ መሄቱዋ፥ ቦልትቦልታ ማራቱዋነ ዶርሳቱዋ ያርሺደ ካትያ ናና ኡባ፥ ቄስያ አብያታራነ ኦላ ጋዳዋ ዮኣባ ጼሴዳ፤ ሽን ነ ቆማ ሶሎሞና ጼስቤና። 
\v 20 ታ ጎዳዉ ካትያዉ፥ ታ ጎዳፐ ካትያፐ ጉይያን ኦን ነ ካዉተ አራታን ኡታነንቶ ኤራናዉ እስራኤልያ አሳ ኡባ አይፊ ኔና ጼል ኡቴዳ። 
\v 21 ሄዌ ዮፐ፥ ታ ጎዳይ ካቲ ሀይቂደ ባረ ማይዛን ጋከትያ ዎደ፥ ታንነ ታ ናአይ ሶሎሞነ ዳባ ኦዳ አሳዳን ፓይደታና” ያጋዱ።
\p
\v 22 በርሳባ ብሮ ካትያና ሃሳይሽን፥ ትምቢትያ ኦድያ ናታን ካትያ ጎልያ ጋኬዳ። 
\v 23 ካትያዉ፥ “ትምቢትያ ኦድያ ናታን ዬዳ” ያጊደ ኦዴድኖ። ያትና፥ ናታን ካትያ ስን አደ፥ ባረ ዴሙዋ ሳኣ ጋደ ጎይኔዳ።
\p
\v 24 ሄዋፐ ጉይያን ናታን፥ “ታ ጎዳዉ ካትያዉ፥ ኔፐ ጉይያን አዶንያስ ካተታናዳንነ ነ ካዉተ አራታን ኡታናዳን ኦዳዲየ? 
\v 25 ሀቼ እ ዱገ ቢደ ሎይ ዳሮ መሄቱዋ፥ ቦልትቦልታ ማራቱዋነ ዶርሳቱዋ ያርሺደ ካትያ ናና ኡባ፥ ኦላ ጋዳዋቱዋነ ቄስያ አብያታራ ጼሴዳ። ኡንቱንቱ ሀእ አናና ሚድነ ኡሺደ፥ ‘ካቲ አዶንያስ መናዉ ደኦ!’ ያግ ደኢኖ። 
\v 26 ሽን ታና ነ ቆማ፥ ቄስያ ሳዶቃ፥ ዮዳሄ ናኣ ባናያነ ነ ቆማ ሶሎሞና ጼስቤና። 
\v 27 ሀዌ ታ ጎዳ ካትያፐ ጉይያን አ ካዉተ አራታን ኦን ኡታነንቶ ባረ ቆማቱዋ ኤርሰናን ደኢደ ታ ጎዳይ ካቲ ኦዳቤየ?” ያጌዳ።
\p
\v 28 ካቲ ዳዊተ፥ “በርሳቤሆ ታዉ ጼስተ” ያጌዳ፤ ካቲ ደእያ ሳኣ ገላደ አ ስንን ኤቃዱ። 
\v 29 ሄ ዎደ ካቲ እዝዉ ሀዋዳን ያጊደ ጫቄዳ፤ “ታና መቶ ኡባፐ አሼዳ መና ጎዳይ ኤሮ! 
\v 30 መና ጎዳን፥ እስራኤልያ ጾሳን ታን ነዉ ጫቄዳ ጫቁዋ ቱሙ ሀቼ ፖላና፤ ታፐ ጉይያን ነ ናአይ ሶሎሞነ ካተታና፤ ታ ካዉተ አራታን፥ ታ ሳኣን እ ኡታናዋ” ያጌዳ።
\p
\v 31 በርሳባ ባረ ዴሙዋ ሳኣ ጋደ ካትያ ስንን ዉቱሻደ ካትያ፥ “ታ ጎዳይ፥ ካቲ ዳዊተ መናዉ ደኦ!” ያጋዱ።
\p
\v 32 ሄዋፐ ጉይያን ካቲ ዳዊተ፥ “ታዉ ቄስያ ሳዶቃ፥ ትምቢትያ ኦድያ ናታናነ ዮዳሄ ናኣ ባናያ ጼሲደ ገልስተ” ያጌዳ። ኡንቱንቱ ገሊደ፥ ካትያ ስን አድኖ። 
\v 33 እ ኡንቱንታ፥ “ታ ቆማቱዋ ህንተናና አክ ቢደ፥ ታ ናኣ ሶሎሞና ታን ቶግያ ባቁሉዋ ቶግሲደ፥ ዱገ ግዮነ ፑልትያ አፍተ። 
\v 34 ቄስያ ሳዶቅነ ትምቢትያ ኦድያ ናታን አ ኦኪደ እስራኤልያ አሳ ቦላን ካዉኖ። ሄዋፐ ጉይያን ማላካታ ፑኒደ፥ ህንተንቱ ቃላ ቁ ኦደ፥ ‘ካቲ ሶሎሞነ መናዉ ደኦ!’ ያግተ። 
\v 35 ሄዋፐ ጉይያን ህንተንቱ አ ገደኒደ አናና ፑደ ቢተ፤ እ ዪደ ታ ካዉተ አራታን ኡቲደ፥ ታ ሳኣን ካተቶ። ታን እስራኤላነ ይሁዳ ሞድያዋ ኡዳደ አ ሱንድ” ያጌዳ።
\p
\v 36 ዮዳሄ ናኣ ባናይ ካትያዉ ዛሪደ፥ “አመንእ! መና ጎዳይ፥ ታ ጎዳ ካትያ ጾሳይካ ሄዋ ጎ! 
\v 37 መና ጎዳይ ታ ጎዳና ካትያና ግዴዳዋዳን ሶሎሞነናካ ግዶ፤ ያትና፥ አ ካዉተ አራታ ታ ጎዳ ካትያ ዳዊታ ካዉተ አራታፐካ አደ ግታዮ” ያጌዳ።
\p
\v 38 ሄዋ ድራዉ፥ ቄስያ ሳዶቀ፥ ትምቢትያ ኦድያ ናታን፥ ዮዳሄ ናአይ ባናይነ ካትያ ናግያዋንቱ ሶሎሞና ካቲ ዳዊተ ቶግያ ባቁሉዋ ቶግሲደ፥ ግዮነ አፌድኖ። 
\v 39 ቄስያ ሳዶቀ ጾሳ ዱንካንያፐ ዛይትያ ካጭያን ትግ አኪደ፥ ሶሎሞና ኦኪደ ካተዬዳ። ሄዋፐ ጉይያን ኡንቱንቱ ኡሉዱድያ ፑንና፥ አሳይ ኡባይ ባረ ቃላ ቁ ኦደ፥ “ካትያ ሶሎሞነ መናዉ ደኦ!” ያጌዳ። 
\v 40 አሳይ ኡባይካ አ ካሊደ ፑደ ቤዳ፤ ኡንቱንቱ ሱሱሊያ ፑን ፑኒደ ካኢደ ሎይ ናሸቴድኖ። ሄ ሆምቦጨን ቢታይ ቃጼዳ።
\p
\v 41 አዶንያስነ አናና ደእያ እማቱ ባላ ም ዉርሲደ ሀዋ ስሴድኖ። ኡሉዱድያ ፑኑዋ ስሲደ ዮኣበ፥ “ሀ ካታማን ኮሹምያ ዋላሳይ ኡባይ አይባቤ?” ያጊደ ኦቼዳ።
\p
\v 42 እ ብሮ ሃሳይሽን ቄስያ አብያታራ ናአይ ዮናታን ጋክ ዎዳ። አዶንያስ፥ “አነ ሃ ገላ። ነ ማላ ሎኦ አሳይ ሎኦ ኦዱዋ አሄናን አገና” ያጌዳ።
\p
\v 43 ዮናታን፥ “ቱይት፥ ታን ሎኦ ኦዱዋ አሀበይከ! ኑ ጎዳይ ካቲ ዳዊተ ሶሎሞና ካተዬዳ። 
\v 44 አ ገደናና ማላ ካቲ ቄስያ ሳዶቃ፥ ትምቢትያ ኦድያ ናታና፥ ዮዳሄ ናኣ ባናያነ ካትያ ናግያዋንታ አናና የዴዳ፤ ኡንቱንቱ ካቲ ቶግያ ባቁሉዋ አ ቶግሴድኖ። 
\v 45 ቄስያ ሳዶቅነ ትምቢትያ ኦድያ ናታን፥ ግዮነ ሻፋን አ ኦኪደ ካተዬድኖ፤ ሄዋፐካ ኡንቱንቱ ሆምቦጪደ ፑደ ቤድኖ፤ ሄዎ ካታማይካ ኮሹሜ። ሀእ ህንተንቱ ስስያ ዋላሳይ ሄዋ። 
\v 46 ሄዋ ቦላካ ሶሎሞነ ካዉተ አራታን ኡቴዳ። 
\v 47 ቃይ ካትያ ኦሳንቻቱካ ኑ ጎዳ ካትያ ዳዊታ፥ ‘ነ ጾሳይ ሶሎሞና ዋርያ ነዋፐካ አ ዋረዮ! አ ካዉተ አራታ ነዋፐካ አ ግታዮ!’ ያጊደ አንጄድኖ። ካቲ ባረ አርሳን ደኢደ ሆኪደ ጾሳዉ ጎይኒደ፥ 
\v 48 ‘ታ ካዉተ አራታን ኡቲደ ታ ሳኣን ካተትያዋ ታና ሀቼ ታ አይፍያን በሴዳ መና ጎዳይ እስራኤልያ ጾሳይ ጋላተቶ!’ ያጌዳ” ያጌዳ።
\p
\v 49 ሄዋ ስሲደ፥ አዶንያስ እማቱ ኡባይ ዳጋም ደንዲደ፥ ላለቴድኖ። 
\v 50 አዶንያስ ሶሎሞናዉ ያይ ቢደ፥ ያርሽያ ሳኣ ካጨቱዋ ኦይቄዳ። 
\v 51 አሳይ ሶሎሞና፥ “አዶንያስ ካትያ ሶሎሞናዉ ያዪደ፥ ያርሽያ ሳኣ ካጨቱዋ ኦይቂደ፥ ካቲ ሶሎሞነ ታና ባረ ቆማ ማሻን ዎናዳን ታዉ ሀቼ ጫቆ ያጌ” ያጊደ ኦዴድኖ።
\p
\v 52 ሶሎሞነ ዛሪደ፥ “እ ባረ ሀኑዋ ሎይናዋ ግዶፐ፥ ሀራይ አትና አ ሁጲያፐ እት ብናናይነ ቦሸተና፤ ሽን አን ኢታተይ ቤትንቶ፥ እ ሀይቃና” ያጌዳ። 
\v 53 ሄዋፐ ጉይያን ካቲ ሶሎሞነ አሳ ኪትና፥ ኡንቱንቱ ያርሹዋ ያርሽያ ሳኣፐ ዱገ አ ዎድኖ። አዶንያስ ዪደ፥ ሶሎሞናዉ ጎይኔዳ፤ ያትና፥ ሶሎሞነ አ፥ “ነ ሶ ባ” ያጌዳ።
\c 2
\s1 ዳዊተ ሶሎሞናዉ ዉርሰ አዛዙዋ እሜዳ
\p
\v 1 ዳዊተ ሀይቂያ ዎዲ ማትና፥ ባረ ናኣ ሶሎሞና ሀዋዳን ያጊደ አዛዜዳ፤ 
\v 2 “ታን ሀይቂያ ዎዲ ማቴዳ። ሄዋ ድራዉ፥ ምና፤ ገንቻ አሳ ግዳ። 
\v 3 መና ጎዳይ ነ ጾሳይ አዛዜዳዋ ናጋ፤ አ ኦግያን ሀመታ፤ ሙሴ ህግያን ጻፈቴዳዋዳን አ አዋዩዋ፥ አ አዛዙዋ፥ አ ህግያነ አ ዎጋ ናጋ። ያቶፐ፥ ኔን ኦያባይ ኡባይነ ኔን ብያሳኣ ኡባይ ነዉ እንጀታናዋ። 
\v 4 ቃይ መና ጎዳይ ታና፥ ‘ነ ዘረቱ ባረንቱ ደኡዋን ናገቲደ ደኦፐ፥ ኡንቱንቱ ታ ስንን ባረንቱ ኩመን ዎዛናፐነ ባረንቱ ኩመን ሸምፑዋፐ አማነቲደ ሀመቶፐ፥ እስራኤልያ ካዉተ አራታን ኡትያ አሳይ ነዉ ኡባካ የና’ ያጌዳ ህዶታ ቃላ ታዉ ፖላና።
\p
\v 5 “ቃይ ጻሩይ ናአይ ዮኣበ እስራኤልያ ኦላ ጋዳዋቱዋ ላኡዋ፥ ኔራ ናኣ አባኔራነ የተራ ናኣ አማሳ ዎደ፥ እ ታና ኦዳዋ ኔን አኬካሳ። ሄዌነ፥ ኡንቱንቱ ኦላ ዎደ ዎዳዋ ሀሉዋ ኡንቱንታ ስጋ ዎደ ዎደ፥ ሄ ሱን ባረ ጼሳ ሳቂያነ ባረ ገድያ ጫማ አሌቄዳ።\x - \xo 2:5 \xo*\xt 2 ሳሜላ 3:27፤ 20:10\xt*\x* 
\v 6 ኔን አ ነ አዳ ኤራተዳን ኪተታ፤ ባረዉ ማታ እ ጭሚደ ሳሮ ሀይቃናዳን ኦፓ።
\p
\v 7 “ሽን ጋላኣደ ጌተትያ ቢታን ደእያ ባርዝላያ ናናዉ ሎአ፤ ኡንቱንቱ ነ ማዳን ምያ አሳና ሚኖ። አያዉ ጎፐ፥ ታን ነ እሻ አበሰሎማፐ ባቃትያ ዎደ፥ ኡንቱንቱ ታ ባጋ ግዴድኖ።\x - \xo 2:7 \xo*\xt 2 ሳሜላ 17:27-29\xt*\x*
\p
\v 8 “ታን ማህናይማ ካታማ ቤዳ ዎደ፥ ታና ኢታ ሸቃ ሸቄዳ ቢንያማ ጋድያን ባሁሪማ ካታማፐ ዬዳ ጌራ ናኣ ሽምእ ኔናና ደእያዋ ሀሳያ። እ ታናና ጋከታናዉ ዮርዳኖሳ ሻፋ ዱገ ዬዳ ዎደ፥ ‘ታን ኔና ዎከ’ ጋደ መና ጎዳን አዉ ጫቃድ።\x - \xo 2:8 \xo*\xt 2 ሳሜላ 16:5-13፤ 19:16-23\xt*\x* 
\v 9 ሽን ሀእ ኔን አ ጽሎ አሳዳን ፓይዶፓ። ኔን አዳ ኤራይ ደእያ አሳ፤ ኔን አ ዋታነንቶ ኤራሳ። ኔን ሄ ጭማ ብታንያ ሀይቁዋን ሙራ” ያጌዳ።
\s1 ዳዊታ ሀይቁዋ
\p
\v 10 ሄዋፐ ጉይያን ዳዊተ ሀይቂደ፥ ባረ ማይዛን ጋከቴዳ፤ ያቲደ ዳዊታ ካታማን ሞገቴዳ። 
\v 11 ዳዊተ እስራኤልያ ቦላ ኦይታሙ ላይ ካተቴዳ፤ ከብሮናን ላፑን ላይ፥ የሩሳላመን ሀታማነ ሄዙ ላይ ካተቴዳ።\x - \xo 2:11 \xo*\xt 2 ሳሜላ 5:4-5፤ 1 ኦዱዋ 3:4\xt*\x* 
\v 12 ሶሎሞንነ ባረ አዉዋ ዳዊታ ካዉተ አራታን ኡቴዳ፤ አ ካዉተይካ ሎይ ምኔዳ።
\ms ሶሎሞነ ካትያ ግዱሳ
\mr (2:13-46)
\s1 አዶንያሳ ሀይቁዋ
\p
\v 13 ሀጊት ናአይ አዶንያስ፥ ሶሎሞና ዳይ በርሳብኮ ቤዳ፤ በርሳባ፥ “ኔን ታኮ ሳሩዋን ያድ?” ያጋደ አ ኦቻዱ።
\p እ፥ “ኤ፤ ሳሩዋን ያድ” ያጊደ ዛሬዳ። 
\v 14 ሄዋፐ ጉይያን ጉጂደካ፥ “ታን ኔና ኦችያዌ ደኤ” ያጌዳ።
\p እዛ፥ “ኦቻ” ያጋዱ።
\p
\v 15 እ ሀዋዳን ያጌዳ፤ “ካተታናዉ በስያዌ ታና ግዴዳዋነ እስራኤልያ አሳይ ኡባይ ታና ባረንቱ ካትያዳን ጼሌዳዋ ኔን ነ ሁጲያዉ ኤራሳ። ሽን የዎቱ ላመትና ካዉተይ ታ እሻዉ ዩዬዳ፤ ሄዌነ፥ አዉ መና ጎዳፐ ዬዳ። 
\v 16 ሀእ ታን ኔና እትባ ኦቻና። ሀያና ታዉ እጾፓ” ያጌዳ።
\p እዛ፥ “ኦቻ” ያጋዱ።
\p
\v 17 እ፥ “ካቲ ሶሎሞነ ነዉ እጻድ ጌና፤ ሄዋ ድራዉ፥ ሹኔማ ካታማፐ ዬዳ አብሻጎ ግያ ዎዶራቶ ታን አካናዳን እ እዞ ታዉ እማና ማላ፥ ሀያና አ ታዉ ኦቻርክ” ያጌዳ።\x - \xo 2:17 \xo*\xt 1 ካታ. 1:3-4\xt*\x*
\p
\v 18 በርሳባ፥ “ዳሮ ሎአ፤ ታን ሄዋ ነ ድራ ካትያዉ ኦዳና” ያጋዱ።
\p
\v 19 ሄዋ ድራዉ፥ በርሳባ አዶንያ ኪታ ኦዳናዉ ሶሎሞነኮ ገልና፥ ካቲ እዞ ሞካናዉ ደንድ ኤቂደ፥ እዝዉ ጎይን ስሚደ ባረ ካዉተ አራታን ኡቴዳ። ቃይ ባረ አትዉ ሀራ ካዉተ አራታ አህሲደ፥ አን ባረፐ ኡሸቻ ባጋና ኡትሴዳ።
\p
\v 20 ኡቴዳዋፐ ጉይያን፥ “ኔና ታን እት ጉባ ኦችያዌ ደኤ። ሀያና ታዉ እጾፓ” ያጋዱ።
\p ካቲ ዛሪደ እዞ፥ “ታ ዳዬ፥ ኦቻ። ታን እጽከ” ያጌዳ።
\p
\v 21 አ፥ “ሹኔማ ካታማፐ ዬዳ አብሻጎ ነ እሻይ አዶንያስ አካና ማላ አዉ እማርኪ” ያጋዱ።
\p
\v 22 ካቲ ሶሎሞነ ዛሪደ ባረ ዳዮ፥ “ሹኔማ ካታማፐ ዬዳ አብሻጎ ኔን አዶንያሳዉ አያዉ ኦቻይ? እ ታ ባይራ ግደኔ? ኔን አዉ ካዉተካ ኦቻናዋ ሽን አጋዳ! ኤ፥ ኔን አዉ፥ ቄስያ አብያታራዉነ ጻሩይ ናኣ ዮኣባዉ ካዉተካ ኦቻናዋ አጋዳ!” ያጌዳ።
\p
\v 23 ካቲ ሶሎሞነ ጾሳን ጫቂደ፥ “አዶንያስ ሀዋ ኦቼዳ ድራዉ ታን አ ዎና ዮፐ፥ መና ጎዳይ ታና ዎ! 
\v 24 ሀእ ስም ታና ታ አዉዋ ዳዊታ ካዉተ አራታን ኡትሲደ፥ ታ ካዉተ ሎይ ኤሲደ፥ ታ ዛራቱ ደኤናዳን ኦዳ መና ጎዳይ ኤሮ! አዶንያሳ ሀቼ ዎና!” ያጌዳ። 
\v 25 ካቲ ሶሎሞነ ዮዳሄ ናኣ ባናያ አዛዝና፥ እ ቢደ አዶንያሳ ሾጪደ ዎዳ።
\s1 አብያታራ ጉየ የዴድኖ
\p
\v 26 ሄዋፐ ጉይያን፥ ካቲ ሶሎሞነ ቄስያ አብያታራ ሀዋዳን ያጌዳ፤ “ኔን አናቶታን ደእያ ነ ጋደ ጉየ ባ። ኔን ሀይቃናዉ በሳሳ፤ ሽን ኔና ታን ሀእ ዎከ። አያዉ ጎፐ፥ ኔን ታ አዉዋ ዳዊታ ስንን ኡባ ሞድያ መና ጎዳ ታቦታ ቶካደ፤ ቃይ ታ አዉዋ መቱዋ ኡባ አናና መቶታዳ” ያጌዳ።\x - \xo 2:26 \xo*\xt 1 ሳሜላ 22:20-23፤ 2 ሳሜላ 15:24\xt*\x* 
\v 27 ያቲደ ሶሎሞነ አብያታራ መና ጎዳ ቄሳቱዋ ግድያ ሳኣፐ ድጊደ፥ መና ጎዳይ ሴሎን ኤልያ ጎልያ አሳዋ ኦዴዳዋ ፖሌዳ።\x - \xo 2:27 \xo*\xt 1 ሳሜላ 2:27-36\xt*\x*
\s1 ዮኣባ ሀይቁዋ
\p
\v 28 አበሰሎማ ማዳና ይንቶነ አዶንያስ ማዴዳ ዮኣባኮ ሀ ኦዱ ጋኬዳ። መና ጎዳ ዱንካንያዉ እ ባቃት ቢደ፥ ያርሽያ ሳኣ ካጨቱዋ ኦይቄዳ። 
\v 29 ዮኣበ መና ጎዳ ዱንካንያዉ ባቃቲደ ቢደ፥ ያርሽያ ሳኣ ምይያን ደእያዋ ካትያ ሶሎሞናዉ ኦዴድኖ። ሶሎሞነ ዮዳሄ ናኣ ባናያ፥ “ባደ አ ዎ!” ጊደ አዛዜዳ።
\p
\v 30 ባናይ መና ጎዳ ዱንካንያ ግዶ ገሊደ ዮኣባ፥ “ካቲ ኔና፥ ‘ሀዋፐ ከሳ’ ያጌ” ያጌዳ።
\p ሽን እ ዛሪደ፥ “ከስከ! ታን ሀዋን ሀይቃና” ያጌዳ።
\p ባናይ ካትያዉ፥ “ዮኣበ ታዉ ሀዋ ሀዋ ጊደ ዛሬዳ” ጊደ ኦዴዳ።
\p
\v 31 ካቲ ባናያ፥ “እ ጌዳዋዳን አ ኪተታ፤ አ ዎደ ሞጋ! ያቶፐ፥ ዮኣበ ጽሎ አሳቱዋ ሱ ጉሴዳ ዳባፐ ታናነ ታ አዉዋ ጎልያ አሳ ጌሻሳ። 
\v 32 እ ጉሴዳ ሱ አጩዋ መና ጎዳይ አዉ ጭጋና። አያዉ ጎፐ፥ እ ታ አዉ ዳዊተ ኤረናን ደእሽን ላኡ አሳቱዋ ማሻን ዎዳ፤ እስራኤልያ ኦላ ጋዳዋይ ኔራ ናአይ አባኔርነ ይሁዳ ኦላ ጋዳዋይ የተራ ናአይ አማስ፥ ኡንቱንቱ ላአቱካ አፐ ኬካነ ሱርያ ዳሮ አሳ። 
\v 33 ዮኣበ ሀ አሳቱዋ ዎዳ ድራዉ፥ ኡንቱንቱ ሱ ዳባይ መናዉ ዮኣባ ሁጲያንነ አ ዘረቱዋ ሁጲያን ዎ። ዳዊታ ቦላነ አ ጎልያ አሳ ቦላ፥ አ ዘረቱዋ ቦላነ አ ካዉተ አራታ ቦላ መናዉ መና ጎዳ ሳሮተይ ግዶ” ያጌዳ።
\p
\v 34 ሄዋ ድራዉ፥ ዮዳሄ ናአይ ባናይ ፑደ ከሲደ፥ ዮኣባ ሾጪደ ዎዳ፤ እ ዎራን ደእያ ባረ ጋደን ሞገቴዳ። 
\v 35 ካቲ ዮዳሄ ናኣ ባናያ ዮኣባ ሳኣን ኦላ ጋዳዋ ኦደ ሱንዳ፤ ቃይ አብያታራ ኮታን ቄስያ ሳዶቃ ሱንዳ።
\s1 ሽምአ ሀይቁዋ
\p
\v 36 ሄዋፐ ጉይያን ካቲ ሶሎሞነ ሽምአዮ ኪቲደ ሀዋዳን ያጌዳ፤ “ነዉ የሩሳላመን ጎልያ ኬጻደ፥ ያን ደአ፤ ሀራሳ ሀቃነ ቦፓ። 
\v 37 ኔን ካታማፐ ከሳደ፥ ቀድሮና ዛንጋራ ፕኔዳ ጋላስ ሀይቃናዋ ኤራ። ነ ሱ ጎሚ ኔና ኦይቃና” ያጌዳ።
\p
\v 38 ሽምእ ዛሪደ ካትያ፥ “ኔን ግያዌ ሎአ፤ ታን ነ ቆማይ ኔን ታ ጎዳይ ካቲ ጌዳዋዳን ኦና” ያጌዳ። ሽምእ የሩሳላመን ዳሮ ዎድያ ደኤዳ።
\p
\v 39 ሽን ሄዙ ላይፐ ጉይያን፥ ሽምአ ቆማቱዋፐ ላአቱ በቲደ፥ ማእካ ናኣ፥ ጋተ ካትያ አኪሻኮ ቢና፥ “ነ ቆማቱ ጋተን ደኢኖ” ጊደ ሽምአዉ ኦዴድኖ። 
\v 40 እ ባረ ሀርያ ኮሪደ፥ ባረ ቆማቱዋ ኮያናዉ አኪሻኮ ጋተ ቤዳ፤ ጋተፐ ባረ ቆማቱዋ ዛሪደ አሄዳ።
\p
\v 41 ሽምእ የሩሳላመፐ ጋተ ካታማ ቢደ ስሜዳዋ ሶሎሞነ ስሴዳ ዎደ፥ 
\v 42 ሽምአ ጼስሲደ ሀዋዳን ያጌዳ፤ “ ‘ኔን ያፐ ደንዳደ ሀራሳ ሀቃነ ቤዳ ጋላስ፥ ሀይቂያዋ ኤራ’ ጋደ ታን ኔና መና ጎዳን ጫቀደ ሴራበይክታ? ሄ ዎደ ኔን ‘ነ ግያዌ ሎአ፤ ኤኖ፥ ታን አዛዘታና’ ጋዳ። 
\v 43 ያትና፥ መና ጎዳዉ ጫቄዳ ጫቁዋነ ታ አዛዙዋ አያዉ ናጋበይኪ?” ያጌዳ።
\p
\v 44 ቃይካ ካቲ ሽምአ፥ “ታ አዉዋ ዳዊታ ቦላ ኔን ኦዳ ኢታ ኪታ ኡባ ነ ዎዛናይ ኤሬዳ። ሀእ ስም ነ ኢታ ኪታ መና ጎዳይ ነዉ ዛራና። 
\v 45 ሽን ካቲ ሶሎሞነ አንጀታና፤ ዳዊታ ካዉተ አራታይካ መና ጎዳ ስንን መናዉ ሳሮ ደአና” ያጌዳ። 
\v 46 ካቲ ዮዳሄ ናኣ ባናያ አዛዜዳ፤ ባናይ ቢደ፥ ሽምአ ሾጪደ ዎዳ።
\p ያትና፥ ካዉተይ ሶሎሞነ ኩሽያን ምኒደ ኤቄዳ።
\c 3
\ms ሶሎሞና ካዉተ
\mr (3:1—11:43)
\s1 ኮይሮ ላይቱዋ
\r (3:1—4:34)
\p
\v 1 ሶሎሞነ ግብጼ ካትያና ዙፐቲደ፥ አ ናቶ ባረዉ ማቼ ኦ አኪደ ባረ ካትያ ጎልያ፥ መና ጎዳ ጌሻ ጎልያነ የሩሳላመ ዩሹዋ ድርሳ ግምቢደ ፖላናዉ፥ እዞ ዳዊታ ካታማ አሄዳ። 
\v 2 መና ጎዳ ሱንዉ ጌሻ ጎሊ ብሮ ኬጸትቤና ድራዉ፥ አሳይ ሄ ዎደ ጎይንያ ቃ ግሹዋን ያርሺደ ታኬዳ። 
\v 3 ሶሎሞነ መና ጎዳ ሲቅያዋ ባረ አዉዋ ዳዊታ ዎጋን ሀመትያዋዳን ኤርሴዳ፤ ሽን ጎይንያ ቃ ግሹዋን ያርሼዳነ እጻና ጩውሴዳ።
\p
\v 4 ካቲ ያርሹዋ ያርሻናዉ ጋባኦና ቤዳ፤ አያዉ ጎፐ፥ ሄ ሳአይ ሀራ ኡባፐ አ ኮሽያ ጎይንያ ቃ ሳኣ። ሶሎሞነ ሻአ መህያ አሂደ፥ ሄ ያርሽያ ሳኣን ጹግያ ያርሹዋ ያርሼዳ። 
\v 5 መና ጎዳይ ሶሎሞናዉ ጋባኦናን ቃማ አኩሙዋን ቆንጬዳ። ጾሳይ አ፥ “ታን ነዉ አያ እማናዳን ኮያይ?” ያጌዳ።
\p
\v 6 ሶሎሞነ፥ “ነ ቆማይ ታ አዉ ዳዊተ ነዉ አማነትያ ጽሉዋነ ሱረ አሳ ግድያ ድራዉ፥ ኔን አገና ሲቁዋን አ ሲቃደ። ኔን ሀ ዎልቃማ ሲቁዋ አገናን ሲቃደ፥ ሀቼ ሀ ጋላስ አ ካዉተ አራታን ኡትያ አቱማ ናኣ አዉ እማዳ።
\p
\v 7 “ሀእካ አቤት መና ጎዳ፥ ታ ጾሳዉ፥ ኔን ታና ነ ቆማ፥ ታ አዉዋ ዳዊታ ሳኣን ካተያዳ። ሽን ታን ጉ ናኣ ግድያ ድራዉ፥ አሳ ዋታ ካለነንቶ ታን ኤርከ። 
\v 8 ታን ነ ቆማይ ኔን ዶሬዳ አሳ ግዶን፥ ፓይዱ ባይና አሳ ግዶን ደአይ። 
\v 9 ሄዋ ድራዉ፥ ታን ነ አሳ አይሳናዉነ ሎኡዋነ ኢታ ሻካደ ኤራናዉ ታዉ ነ ቆማዉ አኬካ ዎዛና እማ። ሄዌ ዮፐ፥ ሀ ነ ዎልቃማ አሳ ኦን ካለናዉ ዳንዳዪ?” ያጌዳ።
\p
\v 10 ሶሎሞነ ሄዋ ኦቼዳ ድራዉ፥ ጾሳይ ናሸቴዳ። 
\v 11 ሄዋ ድራዉ፥ ጾሳይ አ ሀዋዳን ያጌዳ፤ “ኔን ነዉ ላይይ አዱቃናዉ፥ ዎይ ዱረ ግዳናዉ፥ ዎይ ነ ሞርከቱ ሀይቃናዉ ኦቼናን አጋደ፥ ሀዋ አሳ ሱረ ፕርዳን አይስያ አዳ ኤራ ኦቼዳ ድራዉ፥ 
\v 12 ኔን ኦቼዳዋ ታን ኦና። በአ፥ ኔፐ ካሰ ነ ማል ባይናዋዳን ኔፐ ዶምና ነ ማል ደንደናዋዳን፥ አዳ ኤራተነ አኬካ ዎዛና ታን ነዉ እማና። 
\v 13 ቃይ ኔን ኦቻቤናባካ ታን ነዉ እማና፤ ኔን ደኤዳ ላይ ኡባን ካተቱዋ ግዶን ነ ኬሻ ካቲ ደኤናዳን፥ ዱረታነ ቦንቹዋ ታን ነዉ እማና። 
\v 14 ኔን ነ አዉ ዳዊተ ሀመቴዳዋዳን ታ ኦግያን ሀመቶፐ፥ ታ ዎጋዉነ ታ አዛዞ አዛዘቶፐ፥ ታን ነ ላይ አዱሳና” ያጌዳ።
\p
\v 15 ሄዋፐ ጉይያን ሶሎሞነ ቤጎቲደ ሄዌ አኩሙዋ ግድያዋ አኬኬዳ። እ የሩሳላመ ስም ቢደ፥ ጾሳ ቃላ ጫቁዋ ታቦታ ስንን ኤቂደ ጹግያ ያርሹዋነ እትፐተ ያርሹዋ ያርሼዳ። ያቲደ ባረ ኦሳንቻቱ ኡባዉ ባላ ከሴዳ።
\s1 ሶሎሞነ ኤራ ፕርዳ ፕርዴዳ
\p
\v 16 እት ጋላስ ላኡ ሻርሙጻቱ ካትያ ሶሎሞነኮ ዪደ፥ አ ስንን ኤቄድኖ። 
\v 17 ኡንቱቱፐ እትና ሀዋዳን ያጋዱ፤ “ታ ጎዳዉ፥ ታንነ ሀ ምሽራታ እት ጎለን ደኤቶ። ያን እዛ ታናና እትፐ ደእሽን፥ ታን እት ናኣ የላድ። 
\v 18 ታ ናአይ የለቴዳ ሄዘን ጋላስ ሀ ምሽራታካ እት ናኣ የላዱ። ሄ ጎለን ኑ ላኡዋፐ ሀራ አሳይ ኦንነ ባዋ።
\p
\v 19 “እት ጋላስ ቃማ እዛ አ ቦላ ግሴዳ ድራዉ፥ ሀ ምሽራት ናአይ ሀይቄዳ። 
\v 20 አ ቃማ ብላሄ ደንዳደ፥ ታን ነ ቆማታ ገምእሻ ደእሽን፥ ታ ናኣ ታ ምይያፐ አካደ አ ባረ ክዉዋን ዎደ፥ ባረ ሀይቄዳ ናኣ ታ ክዉዋን ዎዱ። 
\v 21 ጉራን ታን ታ ናኣ ንናዉ ደንዴዳ ዎደ፥ ሀይቂክቼዳ! ሽን ታን ዎንታ ፖኡዋን ትሽ ኡዳደ ጼልያ ዎደ፥ ታን የሌዳ ናኣ ግደና” ያጋዱ።
\p
\v 22 የንኮ ምሽራታ ሀዋዳን ያጋዱ፤ “ቱይት! ደኡዋን ደእያዌ ታ ናኣ፤ ሀይቄዳዌ ነዋ” ያጋዱ።
\p ሽን ኮይሮ ምሽራታ ዛራደ፥ “ቱይት፥ ሀይቄዳዌ ነ ናኣ፤ ፓጻ ደእያዌ ታ ናኣ” ያጋዱ። ሄዋዳን ጊደ ኡንቱንቱ ካትያ ስንን ፓሉመቴድኖ።
\p
\v 23 ካቲ ሶሎሞነ ሀዋዳን ያጌዳ፤ “ሀ ምሽራታ፥ ‘ፓጻ ደእያ ናአይ ታዋ፤ ሀይቄዳዌ ነዋ’ ያጋዉ፤ የንኮራካ፥ ‘ቱይት! ነ ናአይ ሀይቄዳዋ፤ ታ ናአይ ፓጻ ደእያዋ’ ያጋዉ” ያጌዳ።
\p
\v 24 ካቲ፥ “ታዉ ማሻ አኪደ ዪተ” ያጌዳ፤ ኡንቱንቱ አዉ ማሻ አሄድኖ። 
\v 25 ካቲ፥ “ደኡዋን ደእያ ናኣ ላኡ ከሲደ ጳልቂተ፤ እት ባጋ ሀንዉ እምተ፤ እት ባጋ ዬንዉ እምተ” ያጊደ አዛዜዳ።
\p
\v 26 ሀ ፓጻ ደእያ ናአይ ኢዋ ግዴዳ ምሽራታ ባረ ናአዉ ምሸታደ ካትያ፥ “ሀይ ታ ጎዳዉ፥ ፓጻ ደእያ ናኣ እዝዉ እማ! አ ዎፓ!” ያጋዱ።
\p ሽን የንኮራ፥ “ታዉካ ነዉካ ግዶፖ፤ ላኡ ከሲደ ጳልቀቶ” ያጋዱ።
\p
\v 27 ሄዋፐ ጉይያን ካቲ፥ “ሀ ፓጻ ደእያ ናኣ ሀ ኮይሮ ምሽራትዉ እምተ፤ ናኣ ዎፕተ። ሀና ናኣ ዳዮ!” ያጊደ ፕርዴዳ።
\p
\v 28 እስራኤልያ አሳይ ኡባይ ካቲ ፕርዴዳ ፕርዳ ስሴዳ ዎደ፥ ኡንቱንቱ ካትያ ሎይ ቦንቼድኖ። አያዉ ጎፐ፥ አሳዉ ጽሎተን ፕርዳናዉ አዉ አዳ ኤራተይ ጾሳፐ እመቴዳዋ በኤድኖ።
\c 4
\s1 ሶሎሞነ ሱንዳ ኦሳንቻቱዋ
\p
\v 1 ካቲ ሶሎሞነ እስራኤልያ ቢታ ኡባ ቦላ ካተቴዳ። 
\v 2 እ ሱንዳ ካፓቱ ሀዋፐ ካሊደ ጻፈቴዳዋንታ። ሳዶቃ ናአይ አዛርያስ ቄሳ፤ 
\v 3 ሺሻ\f + \fr 4:3 \fr*\fk ሺሻ፦ \fk*\ft ሀ ብታኒ እብራዌዋን ኦይዱ ዱማ ዱማ ሱንን ጼሰቴ 2 ሳም። 8:17፤ 20:25 ነ 2 ኦድ። 18:16 ጼላ።\ft*\f* ናናይ ኤልሆሬፍነ አኪይ ዋና ጻፈቱዋ፤ አህሉዳ ናአይ ዮሳፌጸ ሀኔዳባ ጻፍያዋ፤ 
\v 4 ዮዳሄ ናአይ ባናይ ኦላ ጋዳዋ፤ ሳዶቅነ አብያታረ ቄሳቱ ዋ፤ 
\v 5 ናታና ናአይ አዛርያስ ደርያ ሄምያዋንቱ ካፑዋ፤ ናታና ናአይ ዛቡድ ቄሰነ ካትያ ዱማ ዞርያዋ፤ 
\v 6 አህሻር ካትያ ጎልያ ካፑዋ፤ አብዳ ናአይ አዶንራም ጎሻንቻቱዋ ካፑዋ።
\p
\v 7 ቃይ ሶሎሞናዉ እስራኤልያ ቢታን ኡባን ታማነ ላኡ ደረቱዋ ሄምያዋንቱ ደኢኖ፤ ኡንቱንቱ ካትያዉነ ካትያ ሶን ደእያ አሳ ኡባዉ ምያ ካ አህያዋንታ። ኡንቱንቱፐ እቱ እቱ ላይ ግዶን እት እት አግና ካ አሄ። 
\v 8 ኡንቱንቱ ሱንይ ሀዋፐ ካሊደ ጻፈቴዳ።
\p በንሁር ኤፍሬማ ገዝያ ሄምያዋ። 
\v 9 በንደቃር ማቃጻ፥ ሻአልቢማ፥ ቤት-ሸመሻነ ኤሎን-ቤትሀናና ካታማቱዋ ሄምያዋ። 
\v 10 በንሄሴድ አሩቦታ ቢታ ሄምያዋ፤ ሶኮ ቢታይ ሄፌራ ቢታይ ኡባይካ አዋ። 
\v 11 በናብናዳብ ዶራ ግያ ቢታ ኡባ ሄምያዋ፤ እ ሶሎሞና ናቶ ጻፋቶ አኬዳዋ። 
\v 12 አህሉዳ ናአይ ባኣና ታእናካነ ማግዶ ግያ ካታማቱዋ፥ እዝራኤልያፐ ጋርሳን ጻርታና ማታን ደእያ ቤትሻና ቢታ ኡባ፥ ቤትሻናፐ ቢደ አቤል-ማሆላና አደ፥ ዮቅማኣማ ሄፍን ጋካናዉ ደእያ ካታማቱዋ ሄምያዋ። 
\v 13 በንገቤር ጋላኣደን ራሞታ ግያ ካታማ፥ ጋላኣደን ምናሰ ናኣ ያኢራ ካታማቱዋነ፥ ዩሹዋን ግምቤነ ግምቢያ ፐንገቱዋን ናሃስያ ብራታ ሽካላቱ ደእያ ኡሱፑን ታሙ ዎልቃማ ካታማቱዋና ደእያ፥ አርጎባ ግያ ቢታ ሄምያዋ አርጎብ ባሳነን ደኤ። 
\v 14 እዶ ናአይ አህናዳብ ማህናይማ ግያ ቢታ ሄምያዋ። 
\v 15 አህማኣጽ ንፍታሌማ ቢታ ሄምያዋ፤ እ ሶሎሞና ናቶ ባሰማቶ አኬዳ። 
\v 16 ሁሻያ ናአይ ባኣን አሴራ ጋድያነ ባኣሎታ ካታማ ሄምያዋ። 
\v 17 ፓሩሀ ናአይ ዮሳፌጸ ይሳኮራ ቢታ ሄምያዋ። 
\v 18 ኤልያ ናአይ ሽምእ ቢንያማ ቢታ ሄምያዋ። 
\v 19 ኡራ ናአይ ገቤር ጋላኣደ ቢታን አሞራዋናቱዋ ካቲ ስሆንነ ባሳነ ካቲ ኦግ ካተቴዳ ቢታቱዋ ሄምያዋ፤ ሄ ቢታቱዋ ሄምያዌ አ ጻላላ።
\s1 ዱረተይ ኩሜዳ ሶሎሞነ ካዉተ
\p
\v 20 ይሁዳ አሳይነ እስራኤልያ አሳይ አባ ዶና ሻፍያዳን ጮራቴድኖ፤ ኡንቱንቱ ሚድነ ኡሺደ ናሸቲደ ደኢኖ። 
\v 21 ሶሎሞነ ኤፍራጺሳ ሻፋፐ ዶሚደ ፕልስጼማ ጋድያ ጋካናዉ፥ ሄዋፐካ ግብጼ ዛዋ ጋካናዉ ደእያ ካዉተቱዋ ኡባ ሞዴዳ። ሄ ቢታ አሳቱ አዉ ጊራ ጊሬድኖ፤ ኡንቱንቱ አ ደኡዋ ላይ ኡባን አዉ ሞደቴድኖ።\x - \xo 4:21 \xo*\xt ዶመ 15:18፤ 2 ኦዱዋ 9:26\xt*\x*
\p
\v 22 ሶሎሞናዉ ሀቼ ሀቼ ቁማዉ እሻታሙ ኮንታለ ሙሩታ ልያ፥ ጼቱ ኮንታለ ልያ፥ 
\v 23 ክና ሞዳ ታሙ ቦራቱዋ፥ የዳን ሜዳ ላታሙ ቦራቱዋነ ጼቱ ዶርሳቱዋ፥ ኡንቱንቱ ቦላካ ጋራቱዋ፥ ገንኤቱዋነ ኦርዶ ኩቶቱዋ ኮሼ።
\p
\v 24 ሶሎሞነ ኤፍራጺሳ ሻፋፐ አዋይ ዉልያ ባጋና ደእያ ካዉተቱዋ ኡባ ትፍሳሀ ካታማፐ ዶሚደ ጋዛ ካታማ ጋካናዉ ሞዴዳ፤ ባረ ዩሹዋን ደእያ ቢታ ኡባናካ ሳሮ ደኤዳ። 
\v 25 አ ደኡዋ ላይ ኡባን ይሁዳ አሳይነ እስራኤልያ አሳይ ዳናፐ ቢደ በርሳበሀ ጋካናዉ፥ ኡባይ ባረ ዎይንያ ቱራ ኩዋንነ ባረ ባላስያ ኩዋን ሳሮ ደኤዳ።
\p
\v 26 ሶሎሞናዉ ኦላ ፓራ ጋረቱዋ ጎችያ ኦይታሙ ሻአ ጋጻታ ፓራቱነ ታማነ ላኡ ሻአ ፓራ አሳቱ ደኢኖ።\x - \xo 4:26 \xo*\xt 1 ካታ. 10:26፤ 2 ኦዱዋ 1:14፤ 9:25\xt*\x* 
\v 27 ሄ ደርያ ሄምያዋንቱ ባረንቱ አግናን አግናን ካቲ ሶሎሞንነ አ ማዳን ማናዉ ዬዳ አሳይ ኡባይ ምያባ ሺሼድኖ። ኡንቱንቱ ሄዋፐ አያነ ፓጭስበይክኖ። 
\v 28 ኡንቱንቱ ቃይ ጋርያ ፓራቱነ የንኮ ፓራቱ ማናዉ ባንጋነ ዳላ ባረንታ ጋኬዳዋ ጋኬዳዋ አሂደ አ ዎያ ሳኣን ዎድኖ።
\p
\v 29 ጾሳይ ሶሎሞናዉ አዳ ኤራ፥ አኬካነ ዛዋይ ባይና አኮ ቆፋ እሜዳ። 
\v 30 ሶሎሞና አዳ ኤራተይ አዋይ ዶልያ ባጋና ደእያ አሳ ኡባ አዳ ኤራተፐነ ግብጼቱዋ አዳ ኤራተ ኡባፐ አዳ። 
\v 31 እ አሳ ኡባፐ አዳ ኤራንቻ፤ ቃይ እ ኤዝራህያ ኤታናፐካ፥ ማሆላ ናናቱዋ ሄማናፐ፥ ካልኮላፐነ ዳርዳአፐካ አዳ ኤራንቻ። አ ዎሪ ዩሹዋን ደእያ ካዉተቱዋ ኡባ ጋኬዳ።\x - \xo 4:31 \xo*\xt ማዝ. 89 (ሁጲያ)\xt*\x* 
\v 32 እ ሄዙ ሻአ ሌምሳቱዋ ሃሳዬዳ፤ ቃይ አ የቱ እት ሻአነ እቼሻ።\x - \xo 4:32 \xo*\xt ሌም. 1:1፤ 10:1፤ 25:1፤ ስቁዋ 1:1\xt*\x* 
\v 33 ሶሎሞነ ሊባኖሳ ዝጋፐ ዶሚደ፥ ጎልያ ግምቢያ ቦላ ሞክያ ሂሶጵያ ግያ ም ጋካናዉ፥ ምባ ኦዴዳ፤ ሄዋዳንካ ቃይ መሄቱዋባ፥ ዶአቱዋባ፥ ካፎቱዋባ፥ ሳኣና ጎሸትያ መታቱዋባነ ሞለቱዋባ ታማርሴዳ። 
\v 34 አ አዳ ኤራ ስሴዳ ሳኣን ደእያ ካተቱ ኡባይ ኪትና፥ ካዉተ ኡባፐ አሳይ ሶሎሞና አዳ ኤራ ስሳናዉ ዬዳ።
\c 5
\s1 ጌሻ ጎልያ ኦሱዋ
\r (5:1—8:66)
\p
\v 1 ጺሮሳ ካቲ ኪራም ዳዊታና ኡባ ገደ ሲቀቲደ ጋምኤዳ ድራዉ፥ ሶሎሞነ ባረ አዉዋ ዳዊታ ኮታን ካተታናዉ ኦከቴዳዋ ስሲደ፥ ባረ ኦሳንቻቱዋ ሶሎሞነኮ ኪቴዳ። 
\v 2 ሶሎሞነካ ኪራማዉ ዛሪደ ሀዋዳን ያጊደ ኪቴዳ፤ 
\v 3 “መና ጎዳይ አ ሞርከቱዋ አ ገድያፐ ጋርሳና ሞድሳና ጋካናዉ፥ ታ አዉዋ ዳዊታ ቦላ ኡባ ሳና ደንዴዳ ኦላ ጋሱዋን፥ መና ጎዳ ባረ ጾሳ ሱንዉ ጌሻ ጎልያ እ ኬጽቤናዋ ኔን ኤራሳ። 
\v 4 ሽን ሀእ መና ጎዳይ ታ ጾሳይ ታዉ ኡባ ሳና ሸምፑዋ እሜዳ፤ ታዉ አያ ሞርኪካ ዎይ ኢታባይካ ባዋ። 
\v 5 መና ጎዳይ ታ አዉዋ ዳዊታዉ፥ ‘ታን ነ ኮታን፥ ነ ካዉተ አራታን ካተይያ ነ ናአይ ታ ሱንዉ ጌሻ ጎልያ ኬጻና’ ጌዳዋዳንካ፥ ታን መና ጎዳ ታ ጾሳ ሱንዉ ጌሻ ጎልያ ኬጻናዉ ቆፓዲ።\x - \xo 5:5 \xo*\xt 2 ሳሜላ 7:12-13፤ 1 ኦዱዋ 17:11-12\xt*\x* 
\v 6 ሄዋ ድራዉ፥ ሊባኖሳፐ ዝጋ ታዉ ቃንጽያ አሳቱዋ አዛዛ፤ ታ አሳቱ ነ አሳቱዋና ኦናዋንታ። ያቶፐ ነ አሳቶ ኔን ጭጋ ጌዳ ድርጉዋ አያ ግዶፐነ፥ ታን ጭጋና። ሲዶና አሳቱዋዳን ም ቃንጹዋ ሂላ ኑ አሳይ ኤረናዋ ኔን ኤራሳ” ያጌዳ።
\p
\v 7 ኪራም ሶሎሞና ኪታ ስሲደ ሎይ ናሸቲደ፥ “ሀ ዎልቃማ ካዉተ ሞዳና ማላ፥ ዳዊታዉ ሀ አዳ ኤራንቻ ናኣ እሜዳ መና ጎዳይ ጋላተቶ” ያጌዳ።
\p
\v 8 ሄዋፐ ጉይያን ኪራም ሶሎሞናዉ ሀዋዳን ያጊደ ኪቴዳ፤ “ኔን ታዉ ኪቴዳ ኪታይ ታና ጋኬዳ። ኔን ኮዬዳዋ ኡባ ታን ኦና፤ ዝጋ ሙደነ ጽድያ ሙደ ታን ነዉ ሺሻና። 
\v 9 ታ አሳቱ ነ ሙደ ሊባኖሳፐ ዱገ አባዉ ኬዛናዋንታ። ታን ቃሽሳደ፥ አባ ቦላና ቶከቲደ ኔን ማላቶ ሳኣ ጋካናዳን ኦና፤ ታን ያን ብልሳደ ያፐ አፍሳና። ሄዋፐ ጉይያን ኔን ነ ባጋና ታ ካትያ ጎለን ደእያ አሳዉ ምያባ ኪትያዋን ታ ኮይያዋ ፖላናሳ” ያጌዳ።
\p
\v 10 ሄዋዳን ኦደ ኪራም ሶሎሞነ ኮዮዋ ኬሻ ዝጋ ሙደነ ጽድያ ሙደ ኡባ እሜዳ። 
\v 11 ሶሎሞነካ ካትያ ጎለን ደእያ አሳይ ማናዉ ላታሙ ሻአ ኮንታለ ዛርጋነ ኦይዱ ጼቱ ሻአ ሊትሮ ጌሻ ዎጋራ ዛይትያ ላይን ላይን ፓጨናን ኪራማዉ እሜዳ። 
\v 12 መና ጎዳይ ሶሎሞናዉ እማና ጌዳዋዳን፥ አዉ አዳ ኤራ እሜዳ። ኪራመነ ሶሎሞነ ባረንቱ ግዶን ሳሮ ደኤድኖ፤ ኡንቱንቱ ላኡ ባረንቱ ግዶን ቃላ ጫቁዋ ጫቀቴድኖ።
\p
\v 13 ካቲ ሶሎሞነ እስራኤልያ ኡባፐ ሀታሙ ሻአ ጎሻንቻቱዋ ዶሪደ ከሴዳ። 
\v 14 አዶንራማ ግያ ብታንያ ኡንቱንቱ ቦላ ካፑዋ ኦደ ሱንዳ። ጋባራቱዋካ ታሙ ሻኣ ታሙ ሻኣ ሻክ፥ ሄዙ ጭታ ከሴዳ፤ እት እት ጭታይ ታራን ታራን ቢደ፥ እት አግና ሊባኖሳን ኦናዳንነ ላኡ አግና ባረንቱ ሶን ደአናዳን ቆፔዳ።\x - \xo 5:14 \xo*\xt 1 ካታ. 12:18\xt*\x* 
\v 15 ሶሎሞናዉ ቶኩዋ ቶክያ ላፑን ታሙ ሻአ አሳቱነ ሹቻ ቆእያ ሆስፑን ታሙ ሻአ አሳቱ ገዝያን ደኢኖ። 
\v 16 ሀዋንቱ ካፑዋ ግዲደ አሳ ኪታ ኦስስያ ሄዙ ሻአነ ሄዙ ጼቱ አሳቱዋ ጊግሴዳ። 
\v 17 ኦሳንቻቱ ካቲ ሶሎሞነ አዛዝና፥ ጌሻ ጎልያዉ ባሶ ግዳና ማላ ዎጋ ሙሩታ ሹቻቱዋ ቆኢደ ማሴድኖ። 
\v 18 ሶሎሞና አሳቱነ ኪራማ አሳቱ ኩሽያ ሂላ ኤርያዋንቱ፥ ጌባላ አሳቱዋናካ ግዲደ፥ ጌሻ ጎልያ ኬጻናዉ ም ቃንጺደነ ሹቻ ቆኢደ ጊግሴድኖ።
\c 6
\s1 ሶሎሞነ ጌሻ ጎልያ ኬጼዳ
\p
\v 1 እስራኤልያ አሳይ ግብጼ ጋድያፐ ከሴዳ ኦይዱ ጼታነ ሆስፑን ታማን ላይን፥ ሶሎሞነ እስራኤልያ ቦላ ካዉቴዳ ኦይደን ላይን፥ ዚፋ ግያ ላኤን አግናን፥ ሶሎሞነ መና ጎዳ ጌሻ ጎልያ ኬጻናዉ ዶሜዳ። 
\v 2 ሶሎሞነ መና ጎዳዉ ኬጼዳ ጌሻ ጎሊ ጌሳይ ኡሱፑን ታሙ ዋ አዱሳ፤ ጎምፓይ ላታሙ ዋ አካ፤ ጌሳይ ሀታሙ ዋ ቃ። 
\v 3 ጌሻ ጎልያ ገልያ ሳኣን ደእያ ባራንዳይ ቦከት ገሌዳ ኦላይ ጌሻ ጎልያ ጎምፓ ኬሻ ላታሙ ዋ፤ ጎልያ ጎምፓይ ጌሻ ጎልያ ገልያ ሳኣ ጋካናዉ ታሙ ዋ። 
\v 4 ጌሻ ጎልያዉ ሶ ባጋና አኪደ፥ ካረ ባጋና ጹሜዳ ማስኮተቱ ደኢኖ። 
\v 5-6 ሄ ጎልያ ዩሹዋን ሀራ ክፍለቱዋ ኬጼዳ፤ ሄ ሻካቱ ሄዙ ፖቀቱ ደእያዋንታ፤ ሜጋ የግያ ምይ ጌሻ ሳኣ ግዶ ገለና ማላ፥ ኮይሮ ጎዳና ኦይሰደ ሹቻ ዎደ፥ ግምቢያዉ ህርክ ዉርሰ ኦርድሴዳ። ሄዋ ጋሱዋን ጋርሳ ኮይሮ ፖቂ እቼሹ ዋ አካ፤ ላኤን ፖቂ ኡሱፑን ዋ አካ፤ ሄዘን ፖቂ ላፑን ዋ አካ።
\p
\v 7 ጌሻ ጎሊ ህን ቆኢያሳን ማሰቴዳ ሹቻ ጻላላን ግምበቴዳ፤ ያትና፥ ጌሻ ጎሊ ግምበቴዳ ዎደ፥ ድጅኑዋ፥ ካልታ፥ ዎይ ሀራ አይ ብራታ ኮሻይነ ጌሻ ጎልያን ስሰትቤና።
\p
\v 8 ኡባፐ ጋርሳና ደእያ ፖቅያ ገልያ ፐንጊ ጌሻ ጎልያፐ ገድሳ ባጋና ደኤ፤ ሄ ሳፐ ላኤን ፖቅያዉነ ሄዘን ፖቅያዉ ባናዉ የ ከስያ ደቱ ደኢኖ። 
\v 9 ሄዋዳን ኦደ፥ ሶሎሞነ ጎልያ ኬጺደ ፖሌዳ፤ ያቲደ ዝጋ ጻዉላነ ማሰ ቦላና ካሜዳ። 
\v 10 ቃይ ጌሻ ጎልያ ዩሹዋን ፖቀቱዋ ኬጺደ ፖሌዳ፤ ኡንቱንቱ ቃተይ እቱዋዌ እቱዋዌ እቼሹ ዋ ግዲደ፥ ጎዳና ዝጋ ጻዉላን ኦይቀቴድኖ።
\p
\v 11 መና ጎዳ ቃላይ ሶሎሞነኮ ዬዳ፤ ሶሎሞና፥ 
\v 12 “ሀ ኔን ኬጽያ ጌሻ ጎልያ ግዶፐ፥ ኔን ታ አዋዩዋ ካሎፐ፥ ታ ዎጋ ኦፐ፥ ታ አዛዙዋ ኡባ ናጎፐነ አዛዘቶፐ፥ ታን ነ አዉዋ ዳዊታዉ እሜዳ ህዶታ ነ ባጋና ፖላና። 
\v 13 ያታደ ታን እስራኤልያ አሳ ግዶን ደአና፤ ታን ታ አሳ እስራኤልያ አግከ” ያጌዳ።
\s1 ጌሻ ጎልያዉ ሶ ግዶ ኦሱዋ
\r (2 ኦዱዋ 3:8-14)
\p
\v 14 ሶሎሞነ ጌሻ ጎልያ ኬጺደ ፖሌዳ። 
\v 15 ጌሻ ጎልያዉ ሶ ባጋ ጎዳ፥ ዉይግያፐ ቢደ ካራ ጋካናዉ ዝጋ ጻዉላ ልቅ ካሜዳ፤ ቃይ ዉይግያንካ ጽድያ ጻዉላ ሂጼዳ። 
\v 16 ጌሻ ጎልያ ግዶን ኡባፐ አያ ጌሻ ሳኣ ግያ ቆልኡዋ መናዉ፥ ጉየ ባጋና ላታሙ ዋ ግድያ ሳኣ ሻኬዳ፤ ዉይግያፐ ካራ ጋካናዉ ዝጋ ጻዉላ ጎዳ ኤሴዳ።\x - \xo 6:16 \xo*\xt ከሳ 26:33-34\xt*\x* 
\v 17 ሄ ቆልኡዋፐ ስን ባጋና ደእያ ዉይግያ ጌሳይ ኦይታሙ ዋ አዱሳ። 
\v 18 ጌሻ ጎልያዉ ሶ ባጋይ ማሴዳ ጎስያነ ጪሼዳ ጪሻ ምስልያ መዳ ዝጋ ጻዉላን ልቅ ካመቴዳ፤ ኡባባይካ ዝጋ፤ አይ ሹችነ ቤተና።
\p
\v 19 ሶሎሞነ መና ጎዳ ቃላ ጫቁዋ ታቦታ ዎናዉ ጌሻ ጎልያ ግዶን ኡባፐ አያ ጌሻ ሳኣ ጊግሴዳ። 
\v 20 ኡባፐ አያ ጌሻ ሳአይ ላታሙ ዋ አዱሳ፥ ላታሙ ዋ አኮነ ላታሙ ዋ ቃ። ሶሎሞነ ሄ ቆልኦ ሶ ባጋ ዋላካይ ባይና ዎርቃን ሼሼዳ። ቃይ ያርሽያ ሳአይካ ዝጋ ጻዉላን ካመቴዳ። 
\v 21 ሶሎሞነ ጌሻ ጎልያ ግዱዋ ዋላካይ ባይና ዎርቃን ሼሼዳ፤ ዎርቃ ሼሼዳ ቆልኡዋ ገልያ ፐንግያዉ ቦላ ጉባንያ ያነ ሃነ ጋክያ ዎርቃ ሳንሳላታ አሌቂሴዳ። 
\v 22 ያቲደ ጎልያ ግዶ ኡባ ዎርቃን ሼሼዳ፤ ቃይ ኡባፐ አያ ጌሻ ሳኣ ስንን ደእያ ያርሽያ ሳኣ ዎርቃን ሼሼዳ።\x - \xo 6:22 \xo*\xt ከሳ 30:1-3\xt*\x*
\p
\v 23 ኡባፐ አያ ጌሻ ሳኣን ዎናዉ እቱ እቱ ታሙ ዋ አዱቂያ ዎጋራፐ ላኡ ክሩበቱዋ ምስለቱዋ ማሲደ ጊግሴዳ።\x - \xo 6:23-28 \xo*\xt ከሳ 25:18-20\xt*\x* 
\v 24 ኮይሮ ክሩብያ ቀፊ እቱ እቼሹ ዋ፤ ላኤን ቃይ እቼሹ ዋ፤ ኮይሮ ቀፍያ ጼራፐ ቢደ ላኤን ቀፍያ ጼራ ጋካናዉ ታሙ ዋ። 
\v 25 ላኤን ክሩቢካ ታሙ ዋ፤ ላኡ ክሩበቱዋ መይነ ማላይ እት ማላ። 
\v 26 እት ክሩብያ ጌሳይ ታሙ ዋ፤ ላኤንካ ሄዋ ኬሻ። 
\v 27 ሶሎሞነ ጌሻ ጎልያን ደእያ ኡባፐ አያ ጌሻ ሳኣን ክሩበላ ዎዳ። ኡንቱንቱ ቀፊ ምጨት ኡቴዳ፤ እት ክሩብያ ቀፊ እት ባጋ ጎዳ ቦችያ ዎደ፥ ህንኮ ክሩብያ ቀፊ ቃይ ህንኮ ባጋ ጎዳ ቦቼ፤ ኡንቱንቱ ላኡዋ ቀፈቱካ ሶ ግዶን እቱ እቱዋ ቦቺኖ። 
\v 28 ሶሎሞነ ክሩበቱዋካ ዎርቃን ሼሼዳ።
\p
\v 29 ቆልኡዋነ ዉይግያ ጎዳ ኡባ ክሩበላ፥ ዛምባነ ጪሼዳ ጪሻ ምስልያ ማሴዳዋን አሌቂሴ። 
\v 30 ጌሻ ጎልያዉ ሶ ግዶ ክፍልያ ዉይግያካ ካረ ባጋ ክፍልያ ዉይግያካ ዎርቃን ሼሼዳ።
\p
\v 31 ኡባፐ አያ ጌሻ ሳኣ ገልያ ፐንግያዉ ዎጋራ ምፐ ሳንቃቱዋ ከሴዳ። ቆስለቱ እቼሹ ባጋና ዞዚ ደእያዋንታ። 
\v 32 ዎጋራ ምፐ ኦሰቴዳ ላኡ ሳንቃቱ ቦላን ክሩቤላ፥ ዛምባነ ጪሼዳ ጪሻ ምስልያ ማሲደ፥ ሳንቃቱዋ፥ ክሩበቱዋነ ዛምባ ዎርቃን ሼሼዳ። 
\v 33 ሄዋዳንካ፥ ጌሻ ጎልያ ዉይግያ ገልያ ፐንግያዉ ዎጋራፐ ከሴዳ ኦይዱ ዞዝያና ደእያ ቆስለ ኤሴዳ። 
\v 34 እ ቃይ ሄ ፐንግያዉ እት እት ሳንቃይ ግዱዋን ዳኮቲደ ዶየትያ ላኡ ሳንቃቱዋ ከሴዳ። 
\v 35 ክሩበቱዋ፥ ዛምባነ ጪሼዳ ጪሻ ምስለቱዋ ኡንቱንቱ ቦላ ማሴዳ፤ ሄ ማሰቴዳዋንቱ ቦላ ዎርቃ እት ማላ ኦደ ሼሼዳ።
\p
\v 36 ሶ ባጋና ደእያ ጉታራ ግምቤዳ፤ ሄ ግምቢ ማሰቴዳ ሹቻ ሄዛቱዋ፥ እቱዋ እቱዋ ቦላ ዎደ፥ እት ዝጋ ማሰ ኡንቱንቱ ቦላ ዎደ ግምቤዳዋ።
\p
\v 37 መና ጎዳ ጌሻ ጎልያ ባሱ ሶሎሞነ ካዉቴዳ ኦይደን ላይን፥ ዚፋ ግያ ላኤን አግናን ባሰቴዳ። 
\v 38 ሶሎሞነ ካዉቴዳ ታማነ እተንያ ላይን፥ ቡላ ግያ ሆስፑን አግናን ጌሻ ጎሊ ሀልቼዳዋዳን ኡባና ኬጸቲደ ፖለቴዳ። ሶሎሞነ ጌሻ ጎልያ ላፑን ላይን ኬጺደ ዉርሴዳ።
\c 7
\s1 ሶሎሞነ ባረዉ ካዉተ ጎልያ ኬጼዳ
\p
\v 1 ሶሎሞነ ባረ ጎልያ ታማነ ሄዙ ላይን ኬጺደ ዉርሴዳ። 
\v 2 ሊባኖሳ ዎራ ጎልያ ጌተትያ ጎልያ ሶሎሞነ ኬጼዳ፤ ሄ ጎልያ አዱሳተይ ጼቱ ዋ፤ ጎምፓይ እሻታሙ ዋ፤ ጌሳይ ሀታሙ ዋ። ዝጋ ቱቀቱ ኦይዱ ማራን ኤቄድኖ፤ ቃይ ማሰቴዳ ዝጋ ሙደቱ ኡንቱንቱ ቦላ ዎድኖ፤ 
\v 3 ሙደቱ ሄዙ ማራን፥ እት እት ማራን ታማነ እቼሹ ሙደቱ ደኢኖ፤ ኡንቱንቱ ኡባና ኦይታማነ እቼሻ። 
\v 4 ሄ ጎልያዉ ማስኮተቱ ሄዙ ማራን ደኢኖ፤ ኡንቱንቱ እቱ እቶ ስን ባጋን ደኢኖ። 
\v 5 ፐንገቱነ ማስኮተቱ ኦይዱ ዞዝያና ደኢኖ፤ ማስኮተቱ ሄዙ ማራን ግዲደ፥ እቱ እቶ ስን ባጋን ደኢኖ።
\p
\v 6 ሶሎሞነ ቱቀቱ ጎልያ ጌተትያ ጎልያካ ኬጼዳ፤ ሄ ጎልያ ኣዱሳተይ እሻታሙ ዋ፤ ጎምፓይ ሀታሙ ዋ። ሄ ጎልያ ስንን ዳሮ ቱቅያን ዘምፔዳነ ቦላና ካራን ካመቴዳ ባራንዳይ ደኤ። 
\v 7 ቃይ እ ፕርዳዉ ካዉተ አራታይ ደእያ ፕርዳ ጎልያካ ኬጼዳ፤ ሄ ኬይ ዉይግያፐ ቢደ ካራ ጋካናዉ ዝጋን ካመት ኡቴዳ። 
\v 8 ፕርዳ ጎልያፐ ጉየን ደእያ ሀራ ዳባባን ባረዉ ደአናዉ ካትያ ጎልያ የንኮ ጎለቱዋዳን ኦደ ኬጼዳ፤ ባረ ማቻትዉ፥ ግብጼ ካትያ ናትዉካ ሄ ጎልያ ማላ ጎልያ ኬጼዳ።\x - \xo 7:8 \xo*\xt 1 ካታ. 3:1\xt*\x*
\p
\v 9 ሀ ጎለቱ ኡባይ፥ ካረፐ ዶሚደ ቢደ ድርሳፐ ሶና ደእያ ዎልቃማ ጉታራ ጋካናዉ፥ ባሱዋፐ ዶሚደ ካራ ጋካናዉ፥ ልኪደ ማሴዳነ ሶናነ ካረና ሶፊደ ጊግሴዳ አልኦ ሹቻፐ ኦሰቴድኖ። 
\v 10 ግምቢ ሂጸቴዳዌ ታሙ ዋ ዎይ ሆስፑን ዋ ግድያ ሎአ ማሰቴዳ ዎልቃማ ሹቻና። 
\v 11 ሄዋፐ ቦላ ባጋና ልከቲደ ማሰቴዳ አልኦ ሹቻይነ ዝጋ ሙደይ ደኤ። 
\v 12 ዎልቃማ ዳባባ ዩሹዋን ደእያ ግምቢ መና ጎዳ ጌሻ ጎልያዳንነ ባራንዳዳን ማሰቴዳ ሹቻ ሄዛቱዋ፥ እቱዋ እቱዋ ቦላ ዎደ፥ እት ዝጋ ማሰ ኡንቱንቱ ቦላ ዎደ ግምቤዳዋ።
\s1 ሁራማ ኦሱዋ
\p
\v 13 ካቲ ሶሎሞነ ኪቲደ፥ ሁራማ ግያ ብታንያ ቂሮሳ ካታማፐ አሂሴዳ። 
\v 14 ሁራማ አታ አምኤ፤ አ ንፍታሌማ ዛረ አሳ። አ አዉ ቂሮሳ አሳ። ሁራም ናሃስያ ግያ ብራታ መያ ሂላይ ደእያ አሳ፤ እ ናሃስያፐ ቆጺደ ከስያዋን ኡባን ሎይ ሎሄዳ አሳ፤ ሶሎሞነኮ እ ዪደ፥ አ ኦሱዋ ኡባ ኦዳ።
\s1 ላኡ ናሃስያ ቱሳቱዋ
\r (2 ኦዱዋ 3:15-17)
\p
\v 15 ሁራም እቱዋ እቱዋ ጌሳይ ታማነ ሆስፑን ዋ አዱቂደ፥ ዩሹ ታማነ ላኡ ዋ አኬዳ ላኡ ቱሳቱዋ ናሃስያ ሲልሲደ ትጊደ ከሴዳ። ቱሳቶ ግዱ ኮፋ። 
\v 16 ሄዋዳንካ፥ ቱሳቱዋ ሁጲያን ዎናዉ ላኡ ጉምቦቱዋ ናሃስያፐ ሲልሲደ፥ መዳ፤ እት እት ጉምቡ እቼሹ ዋ አዱቄ። 
\v 17-18 ቱሳ ሁጲያን ደእያ እት እት ጉምቦቱዋ ግትያዳን ኦዳ ላፑን ሳንሳላታ ቃጽቃሎቱዋንነ ላኡ ማራና ሮማነ ግያ ቴራ ምስለቱዋን አሌቂስ ዎዳ። 
\v 19 ባራንዳን ኤቄዳ ቱሳቱዋ ቦላ ደእያ ጉምቦቱ ጪሻ ማላን መቴድኖ፤ ኡንቱንቱ ጌሳይ ኦይዱ ዋ። 
\v 20 ላኡ ቱቀቱ ሁጲያን ደእያ ጉምቦቱዋን ሙሉሙቀቱ ኡቴዳ ሳፐ ቦላ ባጋና፥ ሳንሳላታ ቃጽቃሉዋፐ ካሊደ፥ ላኡ ጼቱ ሮማነ ቴራ ምስለቱ ላኡ ማራን ዩይ አደ ደኢኖ። 
\v 21 ሁራም ሄ ላኡ ቱሳቱዋ ጌሻ ጎልያ ባራንዳ ማታን ኤሴዳ። ኡሸቻ ባጋና ኤቄዳ ቱሳ ያኪና ሱንዳ፤ ሀድርሳ ባጋና ኤቄዳ ቱሳ ቃይ ቦኤዛ ሱንዳ። 
\v 22 ቱሳቱ ሁጲያን ደእያ ጉምቦቱ ጪሻ ማላቲደ መቴድኖ። ሄዋዳን ሀኒደ ቱሳቱዋ ኪታይ ፖለቴዳ።
\s1 ናሃስያፐ መዳ ዎንግርያ
\r (2 ኦዱዋ 4:2-5)
\p
\v 23 ሁራም አባ ሳኒያ ግያ እት ሎይ ዎልቃማ ዎንግርያ ናሃስያ ብራታፐ ሲልሲደ ትግ መዳ። ሄ አባ ዎንግርያ ዶናይ ሀ ጋጻፐ ያ ጋጻ ጋካናዉ ታሙ ዋ፤ ጌሳይ እቼሹ ዋ፤ ዩሹ ቃይ ሀታሙ ዋ። 
\v 24 አባ ዎንግርያ ዶናን ካረ ባጋና ዝቂ ጊደ፥ አናና ኦይቀቲደ መቴዳ ጎሰቱዋ ምስለቱ ደኢኖ፤ ሄ ጎሰቱዋ ምስለቱ ላኡ ማራን፥ እት እት ዋን ታሙ ታሙ ዩይ አደ ሹሸቴድኖ።
\p
\v 25 ሄ አባ ሳኒ ናሃስያ ብራታፐ መቴዳ ታማነ ላኡ ቦራቱዋ ምስለቱ ዞክያን ኡቴዳ። ቦራቱዋ ምስለቱዋፐ ሄዛቱ ሁጲሳ ባጋ፥ ሄዛቱ አዋይ ዉልያ ባጋ፥ ሄዛቱ ገድሳ ባጋ፥ ሄዛቱ ቃይ አዋይ ዶልያ ባጋ ስሚደ ጼልያዋ ማላቲኖ። አባ ሳኒ ኡንቱንቱ ቦላ ኡቴዳ፤ ኡንቱንቶ ጉየ ባጋይ ግዱዋኮ ስም ኡቴዳ። 
\v 26 አባ ሳኒ እት ታካ ኬሻ ኦርዱዋ፤ አ ዶናይ ዋንጫ ዶና ማላ፤ ቃይ ጪሻይ ጪሼዳዋካ ማላቴ። ሄ አባ ሳኒ ኦይታሙ ሻአ ሊትሮ ግድያ ሃ ኦይቂያዋ።
\s1 ናሃስያ ጋረቱዋ
\p
\v 27 ሁራም ቃይ ታሙ ጋረቱዋ ናሃስያ ብራታፐ መዳ። ሄ ጋረቱ እቱ እቱ ኦይዱ ዋ አዱሳ፤ ኦይዱ ዋ አኮነ ሄዙ ዋ ቃ። 
\v 28 ሄ ጋረቱ ሀዋዳን ኦሰቴድኖ፤ ፑደ ኤቄዳ ኦይዱ ብራታቱዋ ቦላ ፕድ ጊደ ሎቻ ናሃስያ ብራታቱ ኦይቀት ኡቴድኖ። 
\v 29 ሄ ብራታቱዋ ቦላ ጋሞቱዋ፥ ቦራቱዋነ ክሩበላ ማላትሲደ መዳ ምስለቱ ደኢኖ፤ ጋሞቱዋነ ቦራቱዋ ምስለቱዋፐ ሁጲሳናነ ህርክ ባጋና ደእያ ብራታቱዋ ቦላ ቃይ ቆጺደ መዳ ጪሻ ኤንጩርሳ ምስለቱ ደኢኖ። 
\v 30 እት እት ጋርያዉ ናሃስያፐ ኦዳ ኦይዱ ይንግርያዋንቱነ ይንግርያዋንታ ጋ ዋጽያ ናሃስያ ካሶቱ ደኢኖ። ሄዋዳንካ፥ ኦይዱ ዞዘቱን ከርያ ዘምፕስያባቱ ደኢኖ። ሄ ዘምፕስያባቱ ጪሻ ኤንጩርሳ ማላትያ ምስለቱዋን አሌቀት ኡቴድኖ። 
\v 31 ጋርያ ዘምፕስያባቱ ሁጲያን ይንግርያዋንቱ ኡቴዳ ሻሺ ደኤ፤ ሄ ሻሺ ጋርያ ጼራፐ ፑደ እት ዋ ግድያዋ ቁ ጊደ፥ ዱገ ባጋ ዋ ግድያዋ ዝቂ ጊደ መቴ። ሄ ሻሽያዉ ዶናይ ዩይ አደ ምስልያን አሌቀት ኡቴዳ። 
\v 32 ይንግርያዋንቱ ጌሳይ እት ዋነ ባጋ፤ ይንግርያዋንቱ ሎቻ ናሃስያ ብራታቶ ጋርሳ ባጋና ደኢኖ። እርዝዞቱ ኦይቀት ኡቴዳ ካሶቱ ጋርያና ኦይቀት ኡቴድኖ። 
\v 33 ይንግርያዋንቱ ኦላ ፓራ ጋርያ ይንግርያዋንቱዳን መቴድኖ፤ ይንግርያዋንታ ጋደ ኦይቂያ ካሶቱ፥ ቻርከቱነ ቅንቂረተቱ ኡባይካ ናሃስያፐ ትገቲደ ኦሰቴድኖ። 
\v 34 ሄ ጋረቱዋ ኡባ ዞዘቶካ ኡንቱንቱ ህርክ ባጋና ህርክባጋና ኡንቱንቱና እቱዋ ግድ ኦይቀቲደ፥ ናሃስያፐ መቴዳ ዘምፖቱ ደኢኖ። 
\v 35 እት እት ጋርያ ሁጲያ ዩሹዋን እት ዋዉ ባጋ አዱቂያ ሻሺ ደኤ፤ ዘምፖቱነ ሎቻ ናሃሰቱ ጋርያና ኦይቀቲደ፥ እቱዋ ግዲደ ኦሰቴድኖ። 
\v 36 ሀ ዘምፖቱዋፐነ ሎቻ ናሃሰቱዋፐ ግዱዋን ደእያ ካሎ ሳአቱ ኡባይ ክሩበቱዋ፥ ጋሞቱዋነ ዛምባቱዋ ምስለቱዋን አሌቀት ኡቴድኖ፤ ቃይ ኡንቱንቱ ዩሹ ጪሻ ኤንጩርሳ ምስልያን አሌቀት ኡቴዳ። 
\v 37 ስም ታሙ ጋረቱካ ሀዋዳን ኦሰቴድኖ፤ ሲልሲደ ኡንቱንቱ ትጌዳ ሚሻይ እቱዋ ግድያ ድራዉ፥ ኡንቱንቱ ጌሳይካ ኡንቱንቱ ያራይካ እት ማላ።
\p
\v 38 ሁራም ሜጨትያ ታሙ ከረቱዋ ናሃስያፐ መዳ፤ እት እት ከርያ ጎምፓይ ኦይዱ ዋ አኮ ግዲደ፥ ሆስፑን ጼቱ ሊትሮ ሃ ኦይቄ፤ ታሙ ጋረቶ ሁጲያን ሁጲያን እት እት ሜጨትያ ከሪ ደኤ።\x - \xo 7:38 \xo*\xt ከሳ 30:17-21\xt*\x* 
\v 39 ሁራም ጋረቱዋ እቼሻቱዋ ጌሻ ጎልያዉ ሁጲሳ ባጋና፥ እቼሻቱዋ ቃይ ጌሻ ጎልያዉ ገድሳ ባጋና ዎዳ፤ ቃይ ናሃስያፐ ኦሰቴዳ አባ ሳኒያ ጌሻ ጎልያፐ ገድሳ አዋይ ዶልያ ባጋ ዛሪደ ኤሴዳ።
\s1 ጌሻ ጎልያ ሚሻቱዋ
\r (2 ኦዱዋ 4:11—5:1)
\p
\v 40 ቃይ ሁራም ከረቱዋ፥ አካፋቱዋነ ኩይጻሮቱዋ መዳ፤ ያቲደ ካትያ ሶሎሞናዉ መና ጎዳ ጌሻ ጎልያ ኪታ ኦደ ፖሌዳ።
\b
\p
\v 41 እ ኦዳ ኦሶቱካ:
\q1 ላኡ ቱሳቱ፥
\q2 ቱሳቱዋ ሁጲያን ዎያ ሳይነ ማላ ላኡ ጉምቦቱዋ፥
\q1 ቱሳቱዋ ቦላ ደእያ ላኡ ጉምቦቱዋ አሌቂስያ ላኡ ግተ ማላ ሳንሳላታቱዋ፥
\q1
\v 42 እት እት ጉምቡዋ ቦላ ላኡ ማራን ናሃስያፐ፥
\q2 መቴዳ እት እት ጼቱ ሮማነ ቴራ ምስለቱዋ፥
\q2 ኡባና ኦይዱ ጼቱ ሮማነ ቴራ ምስለቱዋ፥
\q1
\v 43 ታሙ ጋረቱዋ፥ ጋረቱዋ ቦላን ዎያ፥
\q2 ሜጨትያ ታሙ ከረቱዋ፥
\q1
\v 44 አባ ሳኒያነ አፐ ጋርሳን ደእያ፥
\q2 ታማነ ላኡ ቦራቱዋ ምስለቱዋ፥
\q1
\v 45 ከረቱዋ፥ አካፋቱዋነ ኩይጻሮቱዋ።
\m ሁራም ካትያ ሶሎሞናዉ መና ጎዳ ጌሻ ጎልያ ኦሶ መዳ ሀ ሚሻቱዋ ኡባ ቁጨቴዳ ናሃስያፐ መዳ። 
\v 46 ካቲ ሶሎሞነ ሱኮታፐነ ጻርታናፐ ግዱዋን፥ ዮርዳኖሳ ደምባን ደእያ፥ ናሃስያ ብራታ ሲልስያ ሳኣን ሀዋንታ ኡባ ኦስሴዳ። 
\v 47 ናሃስያ ብራታፐ መቴዳ ሀ ሚሻ ኡባይ ሎይ ዳራ ግዴዳ ድራዉ፥ ሶሎሞነ አ ማዛንስቤና፤ ሄዋ ድራዉ፥ ዎይሳ ዴጽንቶ ልኪ ኤረትቤና።
\p
\v 48 ቃይካ ሶሎሞነ መና ጎዳ ጌሻ ጎልያ ግዶን ደእያ ሚሻቱዋ ኡባ ዎርቃፐ መሴዳ። ሄዋንቱካ:
\q1 ዎርቃፐ ኦዳ ያርሽያ ሳኣ፥
\q2 ስንን ዎያ ኡክይ ኡትያ ጻርጴዛ፥\x - \xo 7:48 \xo*\xt ከሳ 25:23-30፤ 30:1-3\xt*\x*
\q1
\v 49 ኡባፐ አያ ጌሻ ሳኣፐ፥
\q2 ስንን ኡሸቻ ባጋናነ ሀድርሳ ባጋና ኤቄዳ፥
\q2 እቼሹ እቼሹ ጾምፕያ ዎያ ባላቱዋ፥
\q2 ጪሻቱዋ፥ ጾምፕያ ቶይስያ ቃጲያ፥\x - \xo 7:49 \xo*\xt ከሳ 25:31-40\xt*\x*
\q1
\v 50 ጹአቱዋ፥ ጾምፕያ ቶይስያዋንታ፥
\q2 ኩይጻሮቱዋ፥ እጻና ጩዋይያባቱዋ፥
\q2 ታማ አክያ ሚሻቱዋነ፥
\q2 ኡባፐ አያ ጌሻ ሳኣ ጌተትያ ቆልኡዋ ፐንገቱዋነ፥
\q1 ጌሻ ጎልያዉ ካረ ባጋ ፐንገቱዋ ኦይቄዳ ማጻፋቱዋ።
\q2 ሀ ሚሻቱ ኡባይ ዎርቃፐ ኦሰቴድኖ።
\p
\v 51 ካቲ ሶሎሞነ መና ጎዳ ጌሻ ጎልያ ኪታ ኡባ ፖሌዳዋፐ ጉይያን፥ አ አዉ ዳዊተ መና ጎዳዉ ዱማዪደ ዎዳ ብራ፥ ዎርቃነ ሀራ ሚሻቱዋካ ኡባ አሂደ፥ ጌሻ ጎልያ ሚሻ ምንጅያሳን ዎዳ።\x - \xo 7:51 \xo*\xt 2 ሳሜላ 8:11፤ 1 ኦዱዋ 18:11\xt*\x*
\c 8
\s1 ጾሳ ታቦታይ ጌሻ ጎልያ ገሌዳ
\r (2 ኦዱዋ 5:2—6:2)
\p
\v 1 ሄዋፐ ጉይያን ካቲ ሶሎሞነ መና ጎዳ ታቦታ ዳዊታ ካታማፐ፥ ጽዮነፐ ከሲደ፥ ጌሻ ጎልያ አሀናዳን፥ እስራኤልያ ጭማቱዋ፥ ዛራቱዋ ኡባ ካፓቱዋነ እስራኤልያ ጎልያ አሳቱዋ ካለያዋንታ የሩሳላመ ካታማ ሺሼዳ።\x - \xo 8:1 \xo*\xt 2 ሳሜላ 6:12-16፤ 1 ኦዱዋ 15:25-29\xt*\x* 
\v 2 ኤታኒማ ጌተትያ ላፑን አግናን፥ ዳስያ ባላይ ቦንቼትያ ዎደ፥ እስራኤልያ አሳይ ኡባይ ካትያ ሶሎሞነኮ ሺቄዳ።\x - \xo 8:2 \xo*\xt ዎጋ 23:24\xt*\x*
\p
\v 3 እስራኤልያ ጭማቱ ኡባይ ጋክና፥ ቄሳቱ ታቦታ ደንድኖ። 
\v 4 ሌዋቱነ ቄሳቱ፥ መና ጎዳ ታቦታ፥ ዱንካንያነ ዱንካንያ ግዶን ደእያ ጌሻ ሚሻቱዋ ኡባ ቶኪደ አሄድኖ። 
\v 5 ካቲ ሶሎሞንነ አናና ደእያ እስራኤልያ ያአይ ኩመንይ ታቦታ ስንን ሺቂደ፥ ፓይዳናዉ ዳንዳየተና ጮራ ዶርሳነ መህያ ያርሼድኖ።
\p
\v 6 ሄዋፐ ጉይያን ቄሳቱ መና ጎዳ ቃላ ጫቁዋ ታቦታ ጌሻ ጎልያዉ ግዶ ጌሻ ቆልኡዋ፥ ኡባፐ አዳ ጌሻ ሳኣ ግያ ሳኣ አሂደ፥ ክሩበቱዋ ምስለቱ ቀፈቱዋፐ ጋርሳ ባጋና ዎድኖ። 
\v 7 ምጨት ኡቴዳ ክሩበቱዋ ቀፈቱ ታቦታነ ታቦታ ቶክያ ካሱዋ ካሜድኖ። 
\v 8 ካሶቱ ሎይ አዱሳ ግድያ ድራዉ፥ ኡንቱንቱ ጼራይ ኡባፐ አያ ጌሻ ሳኣ ስንን ደእያ ጌሻ ሳኣን ቤታናዉ ዳንዳዬ፤ ሽን ጌሻ ሳኣፐ ካረና ቤታናዉ ዳንዳየና። ኡንቱንቱ ሀቼ ጋካናዉ ሄ ሳኣን ደኢኖ። 
\v 9 እስራኤልያ አሳይ ግብጼ ጋድያፐ ከሴዳ ዎደ፥ መና ጎዳይ ኡንቱንቱና ቃላ ጫቁዋ ጫቀቴዳ ሲና ደርያን ሙሴ ዎዳ ላኡ ማሰቴዳ ሹቻቱዋፐ አትና፥ ታቦታ ግዶን ሀራባይ አያይነ ባዋ።\x - \xo 8:9 \xo*\xt ዛረ. 10:5\xt*\x*
\p
\v 10 ቄሳቱ ጌሻ ሳኣፐ ከስና፥ ሻሪ መና ጎዳ ጌሻ ጎልያ ኩሜዳ።\x - \xo 8:10-11 \xo*\xt ከሳ 40:34-35\xt*\x* 
\v 11 ሄ ሻርያ ጋሱዋን ቄሳቱ ባረንቱ ኪታ ኦናዉ ዳንዳይበይክኖ፤ አያዉ ጎፐ፥ መና ጎዳ ቦንቹ አ ጌሻ ጎልያ ኩም ኡቴዳ።
\p
\v 12 ሄዋፐ ጉይያን ሶሎሞነ ሀዋዳን ያጌዳ፤ “አቤት መና ጎዳዉ፥ ኔን፥ ‘ታን ማ ሻርያን ደአና’ ያጋ ዎዳ።\x - \xo 8:12 \xo*\xt ማዝ. 18:11፤ 97:2\xt*\x* 
\v 13 ታን ቱሙፐ ነዉ ሎኦ ጌሻ ጎልያ፥ ኔን አን መናዉ ደአናሳ ኬጻድ” ያጌዳ።
\s1 ሶሎሞነ አሳዉ ሃሳዬዳ ሃሳያ
\r (2 ኦዱዋ 6:3-11)
\p
\v 14 እስራኤልያ ያአይ ኩመንይ ኤቂደእሽን፥ ካቲ ኡንቱንቱኮ ስሚደ፥ ሀዋዳን ያጊደ ኡንቱንታ አንጄዳ፤ 
\v 15 “መና ጎዳይ እስራኤልያ ጾሳይ ጋላተቶ! ታ አዉዋ ዳዊታዉ ባረ ዶናን ኦዴዳ ህዶታ ባረ ኩሽያን ፖሌዳ። ሄ እ ኦዴዳ ህዶታይ፥ 
\v 16 ‘ታን ታ አሳ እስራኤልያ ግብጼፐ ከሳደ አሄዳ ጋላሳፐ ዶምና፥ ታ ሱንይ አን ደአና ማላ፥ ጌሻ ጎልያ ኬጻናዉ እስራኤልያ ዛራቱዋ ግዶን አይ ካታማነ ዶራበይከ፤ ሽን ታ አሳ እስራኤልያ ካለና ማላ፥ ታን ዳዊታ ዶራድ’ ያጌዳ።\x - \xo 8:16 \xo*\xt 2 ሳሜላ 7:4-11፤ 1 ኦዱዋ 17:3-10\xt*\x*
\p
\v 17 “ታ አዉ ዳዊተ መና ጎዳ እስራኤልያ ጾሳ ሱንዉ ጌሻ ጎልያ ኬጻናዉ ባረ ዎዛናን ቆፔዳ።\x - \xo 8:17-18 \xo*\xt 2 ሳሜላ 7:1-3፤ 1 ኦዱዋ 17:1-2\xt*\x* 
\v 18 ሽን መና ጎዳይ ታ አዉዋ ዳዊታ፥ ‘ኔን ታ ሱንዉ ጌሻ ጎልያ ኬጻናዉ ነ ዎዛናን ቆፔዳ ድራዉ፥ ሎኦባ ኦዳ። 
\v 19 ግዶፐነ፥ ጌሻ ጎልያ ኬጻናዌ ኔና ግዳካ፤ ታ ሱንዉ ጌሻ ጎልያ ኬጻናዌ ነ ጉልባታፐ የለታና ነ ናኣ’ ያጌዳ።\x - \xo 8:19 \xo*\xt 2 ሳሜላ 7:12-13፤ 1 ኦዱዋ 17:11-12\xt*\x*
\p
\v 20 “ሀእካ መና ጎዳይ ባረ እማና ጌዳ ህዶታ ቃላ ፖሌዳ። መና ጎዳይ ካሰ እሜዳ ህዶታዳንካ ታን ታ አዉዋ ዳዊታ ሳኣን ካተታድነ ሀእ እስራኤልያ ካዉተ አራታን ኡታድ። ቃይ መና ጎዳ እስራኤልያ ጾሳ ሱንዉ ጌሻ ጎልያ ኬጻድ። 
\v 21 መና ጎዳይ ኑ አዎቱዋ ግብጼፐ ከሴዳ ዎደ ኡንቱንቱና ጫቀቴዳ ጫቁ ደእያ ታቦታዉካ አ ግዶን ሳኣ እንጀያድ” ያጌዳ።
\s1 ሶሎሞነ ዎሳ
\r (2 ኦዱዋ 6:12-42)
\p
\v 22 ሄዋፐ ጉይያን ሶሎሞነ መና ጎዳዉ ያርሽያ ሳኣ ስንን፥ እስራኤልያ ያአይ ኩመንይ ደእያ ሳኣን ኤቂደ፥ ባረ ኩሽያ ሳሉዋ ዛር ምጪደ፥ 
\v 23 ሀዋዳን ያጊደ ዎሴዳ፤ “አቤት መና ጎዳዉ፥ እስራኤልያ ጾሳዉ፥ ቦላ ሳሉዋን ዎይ ጋርሳ ሳኣን ነ ማላ ጾስ ባዋ። ኔን ነ ቃላ ጫቁዋ ናጋሳ፤ ባረ ኩመን ዎዛናፐ ነ ስንን ሀመቴዳ ነ ቆማቱዋ አገና ሲቁዋን ሲቃሳ። 
\v 24 ነ ቆማዉ፥ ታ አዉዋ ዳዊታዉ ኔን ኦና ጋደ ሃሳዬዳ ቃላ ናጋዳ፤ ኔን ካሰ ነ ዶናን ሃሳዬዳዋ ነ ኩሽያን ሀቼ ፖላዳ።
\p
\v 25 “ሀእካ አቤት መና ጎዳ፥ እስራኤልያ ጾሳዉ፥ ኔን ነ ቆማዉ፥ ታ አዉዋ ዳዊታዉ፥ ‘ኔን ታ ስንን ሀመቴዳዋዳን ነ ናናይካ ታ ስንን ሀመታና ማላ ባረንቱ ኦግያ ናጎፐ፥ ታ ስንን እስራኤልያ ካዉተ አራታን ኡትያ አሳ ኔን ኡባካ ያካ’ ያጌዳ ቃላ ፖላ።\x - \xo 8:25 \xo*\xt 1 ካታ. 2:4\xt*\x* 
\v 26 አቤት እስራኤልያ ጾሳዉ፥ ኔን ነ ቆማዉ፥ ታ አዉዋ ዳዊታዉ ሃሳዬዳ ነ ቃላ ሀእካ አጎፓ።
\p
\v 27 “ሽን ጾሳይ ቱሙ ሳኣን ደአኔየ? በአ፥ ሳሎቱ፥ ኡባፐ ቃን ደእያ ሳሉካ ነዉ ግዳናዉ ዳንዳየና። ያትና፥ ሀ ታን ኬጼዳ ጌሻ ጎሊ ነዉ አይ ኬሻ ጉጻንዴሻ!\x - \xo 8:27 \xo*\xt 2 ኦዱዋ 2:6\xt*\x* 
\v 28 ግዶፐነ፥ አቤት መና ጎዳዉ፥ ታ ጾሳዉ፥ ታን ነ ቆማይ ሀቼ ዎስያዋነ ዋትዋትያዋ ኔን ሀይዛ። 
\v 29 ኔን፥ ‘ታ ሱንይ ሄ ሳኣን ደአና’ ጌዳ ሀ ጌሻ ጎልያ ነ አይፊ ቃማነ ጋላስ ጼሎ። ታን ነ ቆማይ ሀ ሳኣኮ ስማደ፥ ዎስያ ዎሳ ኔን ስሳ።\x - \xo 8:29 \xo*\xt ዛረ. 12:11\xt*\x* 
\v 30 ታን ነ ቆማይነ ነ አሳይ እስራኤሊ ሀ ጌሻ ጎልያኮ ስሚደ፥ ዋትዋትያ ዋትዋቱዋ ኔን ስሳ። ኔን ደእያ ሳን ሳሉዋን ስሳደ፥ ኑዉ አቶ ያጋ።
\p
\v 31 “እት አሳይ ባረ ሾሩዋ ናቂና፥ አ ጫቀናዉ ሀ ጌሻ ጎልያ አይና፥ አ ግዶን ደእያ ያርሽያ ሳኣ ስንን እ ጫቆፐ፥ 
\v 32 ኔን ሳሉዋን ስሳደ፤ ኪተታ። ነ ቆማቱዋ ግዱዋን ፕርዳ። ባይዛንቻቱዋ ቦላ ፕርዳደ፥ እ ኦዳዋ አ ቦላ ዛራ፤ ጽሉዋ ሻትንደ፥ አዉ አ ጽሎተዳን ዛራ።
\p
\v 33 “ነ አሳይ እስራኤሊ ነ ቦላ ናጋራ ኦዳ ጋሱዋን ሞርክያን ጾነቲደ፥ ኡንቱንቱ ኔኮ ስሚደ፥ ነ ሱን ጼሲደ፥ ሀ ጌሻ ጎልያን ኔና ዎሶፐነ ነዉ ዋትዋቶፐ፥ 
\v 34 ኔን ሳሉዋን ስሳ። ነ አሳ እስራኤልያ ናጋራ አቶ ያጋ፤ ያታደ ኔን ካሰ ኡንቱንቱ ማይዛ አዋቶ እሜዳ ቢታዉ ኡንቱንታ ጉየ ዛራ።
\p
\v 35 “ነ አሳይ ነ ቦላ ናጋራ ኦዳ ጋሱዋን ሳሎቱ ጎርደትናነ እራይ ቡከናን እጽና፥ ኡንቱንቱ ሀ ሳኣ ስሚደ፥ ዎሶፐነ ኔን ኡንቱንታ ኡንኤዳ ድራዉ ነ ሱን ጼሲደ፥ ባረንቱ ናጋራፐ ስሞፐ፥ ኔን ሳሉዋን ስሳ። 
\v 36 ነ ቆማቱዋ ናጋራ፥ ነ አሳ እስራኤልያ ናጋራ አቶ ያጋ። ኡንቱንቱ ሀመታናዉ በስያ ሎኦ ኦግያ ኡንቱንታ ታማርሳ፤ ያታደ ኔን ነ አሳ ላትሴዳ ቢታን እራ ቡክሳ።
\p
\v 37 “ቢታ ቦላን ኮሻይ ዎይ ኢታ ሀርጊ ዪና፥ ዎይ ካ ጹግ ይስያ ጫርኩ ዎይ ቦሊ ዎይ ቡምቡረይ ቢታ ቦላን ዪና፥ ዎይ ሞርኪ ኡንቱንቱ ካታማቱዋ ዶድና፥ ዎይ አይ ማላ ባሻይ ዎይ ሀርጊ ዪና፥ 
\v 38 ነ አሳ እስራኤልያፐ ኦንነ ኔና ዎሶፐነ ነዉ ዋትዋቶፐ፥ ቃይ አይ አሳይነ ባረ ዎዛናን ኡንኤያዋ ኤሪደ፥ ሀ ጌሻ ጎልያኮ ስሚደ፥ ባረ ኩሽያ ምጮፐ፥ 
\v 39 ኔን ደእያ ሳኣን ሳሉዋን ስሳ። ኡንቱንቱ ናጋራ አቶ ያጋ፤ ያታደ ኡንቱንቶ ኪተታ። ኔን አሳ ዎዛና ኤርያዋዳንካ፥ አሳ ኡባዉ አ ኦሱዋዳን ኦሱዋዳን እማ። አያዉ ጎፐ፥ አሳ ኡባ ዎዛና ኤርያዌ ነ ጻላላ። 
\v 40 ያቶፐ፥ ኔን ኑ ማይዛ አዋቶ እሜዳ ቢታን ደእያ ዎደ ኡባን፥ ኡንቱንቱ ነዉ ያያና።
\p
\v 41-42 “ሄዋዳንካ፥ ነ አሳ እስራኤልያ ግደና ካረ ቢታ አሳይ ነ ዎልቃማ ሱንዋነ ኔን ነ አሳዉ ኦዳ ማላልስያ ኦሶቱዋባ ስሲደ፥ ሃኮ ጋድያፐ ዪደ፥ ሀ ጌሻ ጎልያኮ ስሚደ፥ ኔና ዎሶፐ፥ 
\v 43 ኔን ደእያ ሳኣን ሳሉዋን ስሳ። ነ አሳቱ እስራኤላቱ ኤርያዋዳን፥ ሳኣን ደእያ አሳይ ኡባይ ነ ሱን ኤራና ማላነ ነዉ ያያና ማላ፥ ቃይ ታን ኬጼዳ ሀ ጌሻ ጎሊ፥ ነዉ ጎይንያ ሳኣ ግዴዳዋ ኡንቱንቱ ኤራና ማላ፥ ሄ ካረ ቢታ አሳይ ኔና ዎስያዋ አዉ ፖላ።
\p
\v 44 “ነ አሳቱ ባረንቱ ሞርከቱዋ ኦላና ማላ ኔን ኪቴዳ ሳኣ ሀቃነ ቢደ፥ ኡንቱንቱ ኔን ዶሬዳ ሀ ካታማኮነ ታን ነ ሱንዉ ኬጼዳ ጌሻ ጎልያኮ ስሚደ፥ ኔና መና ጎዳ ዎሶፐ፥ 
\v 45 ኡንቱንቱ ዎሳነ ዋትዋቱዋ ሳሉዋን ኔን ስሳ፤ ኡንቱንቶ ጾኑዋ እማ።
\p
\v 46 “ናጋራ ኦና አሳይ ባይናዋዳንካ፥ ኡንቱንቱ ነ ቦላ ናጋራ ኦና፥ ኔን ኡንቱንቶ ሀንቀታደ ሞርከቶ ኡንቱንታ አደ እምና ሞርከቱካ ኡንቱንታ ኦሞዲደ፥ ሃክና ማትናካ ባረንቱ ጋድያ አኪደ አፍና፥ 
\v 47 ኡንቱንቱ ሄ ኦሞደቴዳ ቢታን ደኢደ፥ ባረንቱ ዎዛናን ናጋራፐ ስሞፐ፥ ሄ ኦሞደቴዳ ቢታን ኡንቱንቱ ደኢደ፥ ‘ኑን ናጋራ ኦዶ፤ ኑን ባይዜዶ፤ ኑን ኢታባ ሀኔዶ’ ያጊደ ነዉ ዋትዋቶፐ፥ 
\v 48 ባረና ኦሞዲደ አፌዳ ሞርከቱዋ ቢታን ደኢደ፥ ኡንቱንቱ ባረንቱ ኩመን ዎዛናፐነ ባረንቱ ኩመን ቆፋፐ ኔኮ ስሞፐ፥ ኔን ኡንቱንቱ ማይዛ አዋቶ እሜዳ ኡንቱንቱ ቢታኮ፥ ኔን ዶሬዳ ካታማኮነ ታን ነ ሱንዉ ኬጼዳ ጌሻ ጎልያኮ ስሚደ፥ ኔና ዎሶፐ፥ ያቶፐ፥ 
\v 49 ኡንቱንቱ ዎሳነ ኡንቱንቱ ዋትዋቱዋ ኔን ደእያ ሳኣን ሳሉዋን ስሳ። ኡንቱንቶ ፕርዳ። 
\v 50 ነ አሳይ ነ ቦላ ኦዳ ናጋራነ ባይዜዳ ባይዙዋ አቶ ያጋ፤ ኡንቱንቱ ኦሞዲደ አፌዳ አሳቱ ኡንቱንቶ ቃረታናዳን ኦ። 
\v 51 አያዉ ጎፐ፥ ኡንቱንቱ ሄ ብራታ ሲልስያ ጮጭያ ማላ ጋድያፐ፥ ግብጼፐ ኔን ከሴዳ ነ አሳቱዋነ ነ ቡዞቱዋ።
\p
\v 52 “ታን ነ ቆማይነ ነ አሳይ እስራኤሊ ዋትዋትያዋ ነ አይፊ ጼሎ፤ ቃይ ኡንቱንቱ ዋስያ ዎደ አዉደነ ኔን ኡንቱንቶ አላ። 
\v 53 አያዉ ጎፐ፥ አቤት ኡባ ሞድያ መና ጎዳዉ፥ ኔን ካሰ ኑ አዎቱዋ ግብጼፐ ከስያ ዎደ ነ ቆማ ሙሴ ባጋና ኦዴዳዋዳን፥ ኡንቱንታ ኔን ሳኣን ደእያ ካዉተቱ ኡባ ግዶፐ ነ ቡዞ ኦናዉ ዱማያዳ” ያጊደ ዎሴዳ።
\s1 ሶሎሞና ዉርሰ አንጁዋ
\p
\v 54 ሶሎሞነ መና ጎዳ ዎሳነ ዋትዋቱዋ ፖሌዳዋፐ ጉይያን፥ ባረ ኩሽያ ሳሉዋ ምጪደ መና ጎዳ ያርሹዋ ሳኣ ስንን ጉልባቴዳ ሳኣፐ ደንድ ኤቄዳ። 
\v 55 እስራኤልያ ሽቁዋ ኡባ ባረ ቃላ ቂሲደ፥ ሀዋዳን ያጊደ አንጄዳ፤ 
\v 56 “እ ካሰ ሃሳዬዳ ባረ ቃላዳን ባረ አሳ እስራኤልያ ሸምፕሴዳ መና ጎዳይ ጋላተቶ፤ እ ባረ ቆማ ሙሴ ባጋና እሜዳ ሎኦ ህዶታይ ኡባይ ፖለቴዳ።\x - \xo 8:56 \xo*\xt ዛረ. 12:10፤ ኢያሳ 21:44-45\xt*\x* 
\v 57 መና ጎዳይ ኑ ጾሳይ ካሰ ኑ አዎቱዋና ደኤዳዋዳን፥ ኑናናካ ደኦ፤ እ ኑና ኡባካ አጎፖ ዎይ የጎፖ። 
\v 58 ኑን አ ኦግያን ኡባን ሀመታና ማላነ እ ኑ አዋቶ እሜዳ አዛዙዋ፥ ዎጋቱዋነ ህግያ ናጋና ማላ፥ ኑ ዎዛና ባረኮ ዛሮ። 
\v 59 ሀቼ ሀቼ ደኦ ኮሽያዋዳን፥ ጾሳይ ታና ባረ ቆማነ ባረ አሳ እስራኤልያ ማዳና ማላ፥ ታን መና ጎዳ ስንን ዎሳደ ጌዳ ሀ ቃላቱ ቃማነ ጋላስ መና ጎዳኮ፥ ኑ ጾሳኮ፥ ሺቅኖ። 
\v 60 ሄዌነ፥ ሳኣን ደእያ አሳይ ኡባይ መና ጎዳይ ጾሳ ግድያዋነ አፐ አትና ሀራ ጾስ ባይናዋ ኤራናዳና። 
\v 61 ሀቼዋዳንካ ህንተንቱ አ ዎጋዳን ሀመታናዉነ አዉ አዛዘታናዉ መና ጎዳዉ፥ ኑ ጾሳዉ፥ ህንተንቱ ዎዛናይ አማነትያዋ ግዶ” ያጊደ አንጄዳ።
\s1 ጌሻ ጎልያ አንጅሱዋ
\r (2 ኦዱዋ 7:4-10)
\p
\v 62 ሄዋፐ ጉይያን ካቲነ እስራኤልያ አሳይ ኡባይ እትፐ መና ጎዳ ስንን ያርሹዋ ያርሼድኖ። 
\v 63 ሶሎሞነ መና ጎዳዉ እትፐተ ያርሹዋ ያርሻናዉ ላታማነ ላኡ ሻአ ቦራቱዋነ ጼታነ ላታሙ ሻአ ዶርሳቱዋ ሺሼዳ። ሄዋዳን ኦደ ካቲነ እስራኤልያ አሳይ ኡባይ መና ጎዳ ጌሻ ጎልያ አንጅሴድኖ። 
\v 64 ካቲ ሶሎሞነ ጌሻ ጎልያዉ ስን ባዙዋን ደእያ ግዶ ዳባባ ሄ ጋላስ ዱማዬዳ። ሄ ሳኣን ጹግያ ያርሹዋ፥ ካ ያርሹዋነ እትፐተ ያርሹዋፐ ሞዋ ያርሼዳ። እ ሄዋ ኦዳዌ መና ጎዳ ስንን ደእያ፥ ናሃስያ ግያ ብራታፐ ኦሰቴዳ ያርሽያ ሳአይ ጹግያ ያርሹዋ፥ ካ ያርሹዋነ እትፐተ ያርሹዋፐ ሞዋ ያርሻናዉ ጉጼዳ ድራሳ።
\p
\v 65 ሄ ዎደ ሶሎሞንነ እስራኤልያ አሳይ ኡባይ ላፑን ጋላሳዉ ዳስያ ባላ ቦንቼዳ፤ እስራኤልያ ዛዋን ሀማታ ፕኑዋፐ ቢደ ግብጼ ሻፋ ጋካናዉ ደእያ ጮራ አሳይ መና ጎዳ ስንን ባላ ቦንቻናዉ ሺቄዳ። 
\v 66 ዎንተ ጋላስ ካቲ አሳ ሞይዜዳ፤ አሳይ ካትያ አንጂደ፥ መና ጎዳይ ባረ ቆማ ዳዊተዉነ ባረ አሳ እስራኤልያዉ ኦዳ ኬካተን ናሸቲደነ ዎዛናፐ ፓሽኪደ፥ ባረ ሶ ባረ ሶ ቤዳ።
\c 9
\s1 ዉርሰ ላይቱዋ
\r (9:1—11:43)
\p
\v 1 ሶሎሞነ መና ጎዳ ጌሻ ጎልያነ ካትያ ጎልያ ኬጺደ ማኬዳዋፐነ ኦናዉ አሞቴዳ አሙዋ ኡባ ፖሌዳዋፐ ጉይያን፥ 
\v 2 ጋባኦና ካታማን ካሰ ቆንጬዳዋዳን፥ መና ጎዳይ ላኤንዋ አዉ ቆንጬዳ።\x - \xo 9:2 \xo*\xt 1 ካታ. 3:5፤ 2 ኦዱዋ 1:7\xt*\x* 
\v 3 መና ጎዳይ አ ሀዋዳን ያጌዳ፤ “ኔን ታ ስንን ዎሴዳ ዎሳነ ዋትዋቴዳ ዋትዋቱዋ ታን ስሳድ። ኔን ኬጼዳ ጌሻ ጎሊ መናዉ ታ ሱንይ አን ጼሰታና ማላ ኡዳደ ታን ጌሻድ፤ ታ አይፊነ ታ ዎዛናይ ኡባ ዎደ ሀ ጌሻ ጎልያን ደአናዋ።
\p
\v 4 “ኔና ግዶፐ፥ ኔን ነ አዉ ዳዊተ ሀመቴዳዋዳን ቦርስያባይ ባይናን ሱረተን ታ ስንን ሀመቶፐ፥ ታን አዛዜዳዋ ኡባ ኦፐነ ታ ዎጋነ ታ ህግያ ናጎፐ፥ 
\v 5 ታን ነ አዉዋ ዳዊታዉ፥ ‘እስራኤልያ ካዉተ አራታን ኡትያ አሳ ኔን ኡባካ ያካ’ ጌዳዋዳን፥ ነ ካዉተ አራታ እስራኤልያ ቦላ መናዉ ምንሳደ ኤሳና።\x - \xo 9:5 \xo*\xt 1 ካታ. 2:4\xt*\x*
\p
\v 6 “ሽን ኔን ዎይ ነ ናናይ ታና ካልያዋ አጊደ ዎራ ስሞፐ፥ ታን ህንተንታ አዛዜዳ ታ አዛዙዋነ ታ ዎጋ ናገናን ዮፐነ ሀራ ጾሳቶ ኦናዉነ ጎይናናዉ ቦፐ፥ 
\v 7 ያቶፐ፥ እስራኤልያ አሳ ታን ካሰ ኡንቱንቶ እሜዳ ቢታፐ ቆላና፤ ታን ታ ሱንዉ ጌሼዳ ሀ ጌሻ ጎልያካ አጋ አጋና። እስራኤላቱ አሳ ኡባ ግዶን ቶሳዉነ ቅሊጮ ግዳናዋንታ። 
\v 8 ሀ ጌሻ ጎሊ ኮለቴዳባይ ኬለቴዳ ሳኣ ግዳናዋ፤ ማታና አያ አሳይ ኡባይ ዳጋሚድነ ‘ፖራ!’ ጊደ፥ ‘መና ጎዳይ ሀ ጋድያነ ሀ ጌሻ ጎልያ አያዉ ሀዋዳን ኦዴ?’ ያጋና።\x - \xo 9:8 \xo*\xt 2 ካታ. 25:9፤ 2 ኦዱዋ 36:19\xt*\x* 
\v 9 አሳይ፥ ኡንቱንቱ ማይዛ አዎቱዋ ግብጼፐ ከሴዳ መና ጎዳ ባረንቱ ጾሳ ኡንቱንቱ አጊደ፥ ሀራ ጾሳቱዋ ካሌዳ ድራስነ ኡንቱንቱዋ ኦደ ጎይኔዳ ድራስ፥ መና ጎዳይ ኡንቱንቱ ቦላ ሀ ኢታባ ኡባ አሄዳ ያጊደ ዛራና” ያጌዳ።
\s1 ሶሎሞነ ኦዳ ሀራ ኦሶቱዋ
\r (2 ኦዱዋ 8:1-18)
\p
\v 10 ሶሎሞነ ሀ ላኡ ጎልያ፥ መና ጎዳ ጌሻ ጎልያነ ካትያ ጎልያ ኬጼዳ ላታማን ላይ ዉርሰን፥ 
\v 11 ጺሮሳ ካቲ ኪራም እ ኮይያ ጺዳ፥ ዝጋነ ዎርቃ ኡባ እሜዳ ድራዉ፥ ጋሊላን ደእያ ላታሙ ካታማቱዋ ሶሎሞነ አዉ እሜዳ። 
\v 12 ሽን ኪራም ጺሮሳ ካታማፐ ከሲደ፥ ሶሎሞነ አዉ እሜዳ ካታማቱዋ በአናዉ ቤዳ ዎደ፥ ካታማቱ አ ናሸችበይክኖ። 
\v 13 ያትና፥ ኪራም ሶሎሞና፥ “ታ እሻዉ፥ ሀዋንቱ ኔን ታዉ እሜዳዋንቱ አያ ካታማቴ?” ያጌዳ። ሄዋ ድራዉ፥ እ ሄ ካታማቱዋ፥ “ፓና ቢታ” ያጊደ ሱንዳ። ሄ ሄራይ ሀቼ ጋካናዉካ ሄ ሱንን ጼሰቴ። 
\v 14 ኪራም ኦይዱ ሻአ ኪሎ ግራመ ዴጽያ ዎርቃ ካትያ ሶሎሞናዉ የድ ዎዳ።
\p
\v 15 መና ጎዳ ጌሻ ጎልያ፥ ባረ ጎልያ፥ ሚሎ፥ የሩሳላመ ካታማ ግምቢያነ ሀጾራ፥ ማግዶነ ገዜራ ካታማቱዋ ግምባናዉ ካትያ ሶሎሞናዉ ጋባራቱ ደኢኖ። 
\v 16 ግብጼ ቢታ ካቲ ካሰ ገዜራ ካታማ ኦይቂደ ካታማ ታማን ጹጌዳ። ካታማን ደእያ ካናነ አሳቱዋካ ዎዳ፤ ያቲደ ሶሎሞነ አኬዳ ባረ ናትዉ ዎይታ ኦደ እሜዳ፤ 
\v 17 ሶሎሞነ ገዜራ ካታማ ዎ ኬጼዳ።
\p ሄዋዳንካ ቃይ፥ ሶሎሞነ ህርክ ቤት-ሆሮና፥ 
\v 18 ባእላታ፥ ይሁዳ ዎራን ደእያ ታማራ ካታማ፥ 
\v 19 ሚሻ ምንጅያ ካታማቱዋ ኡባ፥ ባረ ፓራቱዋነ ፓራ ጋረቱዋ ዎያ ካታማቱዋነ የሩሳላመን፥ ልባኖሳንነ ባረ ሞድያ ቢታን ኡባን ኬጻናዉ አሞቴዳ ኡባ ኬጼዳ።
\p
\v 20 አሞራቱፐ፥ ሂተቱፐ፥ ፓርዘቱዋፐ፥ ሂዌቱዋፐነ ያቡሳቱዋፐ አቴዳ አሳቱ ኡባይ እስራኤልያ አሳ ግድክኖ፤ 
\v 21 ኡንቱንቱ እስራኤልያ አሳቱ ቢታፐ ዉርስ ይሳናዉ ዳንዳየናን አግና፥ ሄ ቢታን አቴዳ አሳቱዋፐ ዘረቱዋ። ሶሎሞነ ኡንቱንታ ጋባረተ ኦስሴዳ፤ ኡንቱንቱ ሀቼ ጋካናዉካ ጋባረተን ኦኖ። 
\v 22 ሽን ሶሎሞነ እስራኤልያ አሳቱዋፐ ኦናነ አይለይቤና፤ ኡንቱንቱ አዉ ኦሳንቻቱዋ፥ ኦላንቻቱዋ፥ ኦላንቻቱ ካፓቱዋነ ጋዳዋቱዋ፥ ፓራ ጋረቱዋ ላግያዋንቱ ካፓቱዋነ ፓራ አሳቱዋ ግዲደ ኦድኖ። 
\v 23 ሄዋዳንካ ቃይ፥ ኡንቱንቱ ሶሎሞና ኪታ ኪተትያዋንቱ ካፓቱዋ፤ ኡንቱንቱፐ እቼሹ ጼታነ እሻታማቱ ኦሱዋ ኦያ ጎሻንቻቱዋ ጼሊደ ኦስሲኖ።
\p
\v 24 ግብጼ ካትያ ናታ ዳዊታ ካታማፐ ሶሎሞነ እዝዉ ኬጽሴዳ ጎልያ ፑደ ቤዳዋፐ ጉይያን፥ እ ሚሎ ግምቤዳ።
\p
\v 25 ሶሎሞነ መና ጎዳዉ ግምቤዳ ያርሹዋ ሳኣን ጹግያ ያርሹዋነ እትፐተ ያርሹዋ ላይን ሄዙ ገደ ያርሼ፤ መና ጎዳ ስንን እጻናካ ጩዋዬ። ያቲደ ጌሻ ጎልያ ፖሌዳ።\x - \xo 9:25 \xo*\xt ከሳ 23:17፤ 34:23፤ ዛረ. 16:16\xt*\x*
\p
\v 26 ሄዋፐ ጉይያን ካቲ ሶሎሞነ ኤዶማ ቢታን ዞኦ አባ ዶናን፥ ኤላታ ጌተትያ ካታማ ማታን ደእያ ኤጽዮን-ጋብራን ማርካባቱዋ መዳ። 
\v 27 ካቲ ኪራም ሶሎሞነ አሳቱዋና ኦና ማላ ማርካብያ ላጉዋ ሎሄዳ ባረ አሳቱዋ ኪቴዳ። 
\v 28 ኡንቱንቱ ኦፍራ ጋድያ ቤድኖ፤ ያፐ ታማነ ኦይዱ ሻአ ኪሎ ግራምያፐ ዳርያ ዎርቃ ካትያ ሶሎሞናዉ አኪደ ዬድኖ።
\c 10
\s1 ሳባ ካታቶ
\r (2 ኦዱዋ 9:1-12)
\p
\v 1 ሳባ ካታታ መና ጎዳ ሱንን ዋረቴዳ ሶሎሞና ዋርያ ስሳደ፥ ዴጽያ ኦሻቱዋ አካደ፥ አ ፓጫናዉ ደንዳዱ።\x - \xo 10:1-10 \xo*\xt ማቶሳ 12:42፤ ሉቃሳ 11:31\xt*\x* 
\v 2 ሳዉዋ፥ ሎይ ዳሮ ዎርቃነ አልኦ ሹቻ ጫነቴዳ ዳሮ ጋሎቱዋ ጩጉዋና ሎይ ዳሮ አጃባና የሩሳላመ ጋካደ፥ ሶሎሞና ስን አአዱ። ባረ ዎዛናን ደእያዋ ኡባ ሶሎሞናዉ ኦዳዱ። 
\v 3 ሶሎሞነ አ ኦቼዳዋ ኡባ ኦዴዳ፤ እዝዉ ብርሸናን አፐ ጌም አቴዳባይ አያይነ ባዋ። 
\v 4 ሳባ ካታታ ሶሎሞና አዳ ኤራ፥ እ ኬጼዳ ካትያ ጎልያ፥ 
\v 5 አ ማዳን ሺቅያ ቁማ፥ አ ኦሳንቻቱ ኡትያ ኡተ፥ አ ቆማቱ ኦያ ኦሱዋነ ማይያ ማዩዋ፥ አ ኤሳ ትግያዋንታነ መና ጎዳ ጌሻ ጎልያን እ ጹግያ ያርሹዋ በኤዳ ዎደ፥ እዝ ዎዛናይ ጋገቴዳ።
\p
\v 6 ሄዋፐ ጉይያን እዛ ካትያ፥ “ነዋነ ነ አዳ ኤራተባ ታን ታ ጋደን ደኣደ ስሴዳዌ ቱማ። 
\v 7 ሽን ታን ያደ፥ ታ አይፍያ ብራናን በአና ጋካናዉ ኡንቱንቱ ታዉ ኦዴዳዋ አማናበይከ። ታዉ አሳይ ኦዴዳዌ ባጋነ ጋከና፤ አዳ ኤራተንካ ዱረተንካ ታን ስሴዳዋፐ ሎይ ዳሬ። 
\v 8 ኡባ ዎደ ነ ስንን ኤቂደ፥ ነ አዳ ኤራ ስስያ ነ አሳቱነ ነ ኦሳንቻቱ አያ ናሸቲኖሻ! 
\v 9 ኔናን ናሸቲደ፥ ኔና እስራኤልያ ካዉተ አራታን ኡትሴዳ መና ጎዳይ ነ ጾሳይ ጋላተቶ! መና ጎዳይ እስራኤልያ አሳ መናዉ ሲቄዳ ድራዉ፥ ኔን ሱረ ፕርዳነ ጽሎተ ኦና ማላ እ ኔና ካተዬዳ” ያጋዱ።
\p
\v 10 ካታታ ኦይዱ ሻአ ኪሎ ግራመ ዴጽያ ዎርቃ፥ ሎይ ዳሮ ሳዉዋነ አልኦ ሹቻ ካትያዉ እማዱ። ሳባ ካታታ ካትያ ሶሎሞናዉ እሜዳዋ ኬሻ ዳሮ ሳዉዋ ሄዋፐ ስምና ኦንነ አህቤና።
\p
\v 11 (ካትያ ኪራማ ማርካባቱ፥ ኦፍራፐ ዎርቃ አሄዳዋንቱ ያፐካ ሳንዳለ ጌተትያ ሎይ ዳሮ ምነ አልኦ ሹቻ አሄድኖ። 
\v 12 ካቲ ሶሎሞነ ሄ ሳንዳልያፐ መና ጎዳ ጌሻ ጎልያነ ካትያ ጎልያ ቱቀቱዋ፥ ማዝሙርያ የጽያዋንቶ ዲነ ማስንቁዋ መሴዳ። ሄዋ ማላ ሳንዳሊ ሄ ጋላሳፐ ሃ ስምና ይነ ኤረና፥ ቤትነ ኤረና።)
\p
\v 13 ካቲ ሶሎሞነ እማናዉ በስያ እሞታፐ ሀራ፥ ሳባ ካታታ አሞታደ አ ኦቼዳዋ ኡባ እዝዉ እሜዳ። ሄዋፐ ጉይያን ሳባ ካታታ ባረ አጃባና ደንዳደ፥ ባረ ጋደ ስማዱ።
\s1 ካትያ ሶሎሞነ ዱረታ
\r (2 ኦዱዋ 9:13-28)
\p
\v 14 ሶሎሞነ ላይን ላይን አክያ ዎርቃይ ላታማነ ሄዙ ሻአ ኪሎ ግራመ ዴጽያዋ። 
\v 15 ሄዌ ዛልአንቻቱዋፐ አኬዳ ቃራጻነ አራባ ቢታ ካተቱዋ ኡባፐነ እስራኤልያ ቢታ ሞድያዋንቱፐ አኬዳ ጊራ ቦላ ጉጃ። 
\v 16 ሶሎሞነ ላኡ ጼቱ ዎጋ ጎንዳለቱዋ ቆጼዳ ዎርቃፐ መሴዳ፤ እት እት ጎንዳልያን ላፑን ኪሎ ግራመ ግድያ ዎርቃይ ገሌዳ። 
\v 17 ቃይካ እ ሄዙ ጼቱ ቄር ጎንዳለቱዋ ቆጼዳ ዎርቃፐ መሴዳ፤ እት እት ቄር ጎንዳልያን ላኡ ኪሎ ግራመ ግድያ ዎርቃይ ገሌዳ። ካቲ ሄ ጎንዳለቱዋ ሊባኖሳ ዎራ ጎልያ ጌተትያ ጎለን ዎዳ።
\p
\v 18 ቃይካ ካቲ እት ዎልቃማ ካዉተ አራታ ዳንጋርሳ ዛልያፐ መሴዳ፥ ሙሩታ ዎርቃን ሼሼዳ። 
\v 19 ካዉታ አራታይ ደእያ ሳኣ ፑደ ከሳናዉ የያ ኡሱፑን ደቱ ደኢኖ። ሄ አራታዉ ጉየ ባጋይ ጻ። አራታዉ ላኡ ባጋናካ ቀስያ ዘምፕስያ ሳአቱ ደኢኖ፤ ሄ ላኡ ሳአቱ ላንቂያንካ ኤቄዳ እት እት ጋሙዋ ምስሊ ደኤ። 
\v 20 ሄ አራታ ፑደ ከስያ ኡሱፑን ደቱዋን ያ ባጋናነ ሀ ባጋና እት እት ጋሙዋ ምስሊ፥ ኡባና ታማነ ላኡ ምስለቱ ደኢኖ። ሀዋ ማላ ካዉተ አራታይ ሀራ ካዉተን ሀቃንነ ኦሰትቤና።
\p
\v 21 ካቲ ሶሎሞነ ኡሻ ኡሽያ ሚሻ ኡባይ ዎርቃፐ መቴዳ፤ ሊባኖሳ ዎራ ጎለን ደእያ ሚሻ ኡባይካ ሙሩታ ዎርቃፐ መቴዳ። እትባይነ ብራፐ መትቤና፤ አያዉ ጎፐ፥ ሶሎሞነ ዎደ ብራይ ኡባካ ጎእያባዳን ፓይደት ኤረና። 
\v 22 ካትያዉ ኪራማ ማርካባቱዋና ዛልእያ ዎልቃማ ማርካባቱ አባን ደኢኖ። ሄ ማርካባቱ ዎርቃነ ብራ፥ ዳንጋርሳ አቻ፥ ገለሾቱዋነ ቃረቱዋ ጫን አኪደ፥ ሄዙ ላይፐ እት ገደ ዪኖ።
\p
\v 23 ካቲ ሶሎሞነ ዱረተንነ አዳ ኤራተን ሳኣን ደእያ ካተቱዋ ኡባፐ ዳሬዳ። 
\v 24 ሳኣን ደእያ አሳይ ኡባይ አ ስን አናዉነ ጾሳይ አ ዎዛናን ዎዳ አዳ ኤራ ስሳናዉ ኮዬ። 
\v 25 ላይፐ ላይን ይያ ኡባይ አዉ እማናዉ ዎርቃነ ብራ ሚሻቱዋ፥ ማዮቱዋ፥ ኦላ ሚሻቱዋነ ሳዉዋ፥ ፓራቱዋነ ባቁሎቱዋ አኪደ ዬ።
\p
\v 26 ሶሎሞነ ፓራ ጋረቱዋነ ፓራቱዋ ሺሼዳ፤ አዉ እት ሻአነ ኦይዱ ጼቱ ፓራ ጋረቱነ ታማነ ላኡ ሻአ ፓራቱ ደኢኖ። እ ኡንቱንቱ ፓራ ጋረቱዋ ካታማቱዋንነ ባረናና የሩሳላመን ዎዳ።\x - \xo 10:26 \xo*\xt 1 ካታ. 4:26\xt*\x* 
\v 27 ካቲ የሩሳላመን ብራይ ሹቻዳን ኬለታናዳን፥ ዝጋይካ ጋን ድጭያ ኤዳን ጮራታናዳን ኦዳ። 
\v 28 ሶሎሞነ ፓራቱ ግብጼፐነ ቃዌ ጌተትያ ቢታፐ ዬድኖ። ካትያ ዛልአንቻቱ ኡንቱንቱ ቃዌፐ ሻሉዋን ሻሚደ አሂኖ።\x - \xo 10:28 \xo*\xt ዛረ. 17:16\xt*\x* 
\v 29 ኡንቱንቱ እት እት ፓራ ጋርያ ኡሱፑን ጼቱ ጻጋራ ብራን፥ እት እት ፓራ ጼታነ እሻታሙ ጻጋራ ብራን ግብጼፐ ሻሚደ አሂኖ፤ ኡንቱንቱካ ሂተቱዋ ካተቶ ኡባቶነ ሶርያ ካተቶ ዛልኢኖ።
\c 11
\s1 ሶሎሞነ ጾሳፐ ሃክ ሃክ ቤዳ
\p
\v 1 ካቲ ሶሎሞነ ዳሮ አላጋ ቢታ ማጫዋንታ ሲቄዳ፤ ሄዋንቱነ ግብጼ ካትያ ናት ቦላ ጉጅና ሞኣባቱዋ፥ አሞናቱዋ፥ ኤዶማቱዋ፥ ሲዶናቱዋነ ሂተቱዋ ማጫዋንታ።\x - \xo 11:1 \xo*\xt ዛረ. 17:17\xt*\x* 
\v 2 ኡንቱንቱ፥ “ህንተንቱ ሀ አሳቱዋና አኩዋን ገሉዋን ዋላከቶፕተ፤ አያዉ ጎፐ፥ ኡንቱንቱ ህንተንቱ ዎዛና ቱሙፐ ባረንቱ ኤቃ ጾሳቱዋኮ ዛራና” ያጊደ መና ጎዳይ እስራኤልያ አሳዉ ኦዴዳ ካዉተቱ ማጫዋንታ፤ ሽን ሶሎሞነ ኡንቱንቱና ሲቁዋን ቃሸቴዳ።\x - \xo 11:2 \xo*\xt ከሳ 34:16፤ ዛረ. 7:3-4\xt*\x* 
\v 3 ሶሎሞናዉ ካተቱዋ ናና ግድያ ላፑን ጼቱ ማቼቱነ ሄዙ ጼቱ ማችያዳን አዉ ደእያ ማጫዋንቱ ደኢኖ። አ ማቻቱ አ ዎዛና ጾሳፐ ሃሴድኖ። 
\v 4 ሶሎሞነ ጭም ጭሚደ ቢሽን፥ አ ማቻቱ አ ዎዛና ሀራ ጾሳቱዋኮ ዛሬድኖ፤ ያትና፥ አ አዉዋ ዳዊተ ኩመን ዎዛናፐ ሲቄዳዋዳን፥ መና ጎዳ ባረ ጾሳ እ ሲቅቤና። 
\v 5 ሶሎሞነ አስታሮታ ጌተትያ ሲዶናቱዋ ጾሳትዉነ ሞሎካ ጌተትያ አሞናቱዋ ጾሳዉ፥ ሸነይያዎ ጎይኔዳ። 
\v 6 ያቲደ ሶሎሞነ መና ጎዳ ስንን ኢታባ ኦዳ፤ አ አዉዋ ዳዊተ ካሌዳዋዳን፥ መና ጎዳ ፖሎ ካልቤና።
\p
\v 7 ሄዋፐ ጉይያን ሶሎሞነ ካሞሻ ጌተትያ ቱና ኤቃዉነ አሞናቱ ኤቅያ፥ ሞሎካ\f + \fr 11:7 \fr*\fk ሞሎካ፦ \fk*\ft አሞናቱዋ ኤቃይ፥ ሞሎከ እብራዌዋን ምልካማ ጌተቴ።\ft*\f* ጌተትያ ቱና ኤቃዉ የሩሳላመ ካታማፐ አዋይ ዶልያ ባጋን ደእያ ደርያ ሁጲያን ጎይንያ ቃ ሳኣ ኬጼዳ። 
\v 8 አላጋ ቢታፐ አኬዳ ባረ ማቻቱዋ ኡባዉካ እ ሄዋዳን ጊግሴዳ፤ ኡንቱንቱ ባረንቱ ጾሳቶ ያን እጻና ጩዋዬድኖነ ያርሹዋ ያርሼድኖ።
\p
\v 9 አዉ ላኡ ገደ ቆንጬዳ መና ጎዳፐ እስራኤልያ ጾሳፐ ሶሎሞነ ዎዛናይ ዎራ ስሜዳ ድራዉ፥ መና ጎዳይ አ ሀንቀቴዳ። 
\v 10 ሀራ ጾሳቱዋ ካለናዳን ጾሳይ ሶሎሞና አዛዜዳ፤ ግዶፐነ፥ ሶሎሞነ መና ጎዳ አዛዙዋ ናግቤና። 
\v 11 ሄዋ ድራዉ፥ መና ጎዳይ ሶሎሞና ሀዋዳን ያጌዳ፤ “ኔን ሀዋዳን ሀኔዳ ድራዉ፥ ታን ኔና አዛዜዳ ታ ጫቁዋነ ታ ዎጋነ ኔን ናገናን እጼዳ ድራዉ፥ ታን ነ ካዉተ ኔፐ ቦንቃ አካደ፥ ነ ቆማቱዋፐ እቶ እማና። 
\v 12 ግዶፐነ፥ ነ አዉዋ ዳዊታ ድራዉ ታን ሀዋ ኔን ፓጻ ደእያ ላይን ቦንቃ አክከ፤ ነ ናኣ ኩሽያፐ ቦንቃ አካና። 
\v 13 ሄዋካ ቃይ ካዉተ ኡባ አፐ ዳፋ አክከ፤ ታ ቆማ ዳዊታ ድራዉነ ታን ዶሬዳ ካታማ የሩሳላመ ድራዉ እት ዛርያ አዉ እማና” ያጌዳ።
\s1 ጾሳይ ሶሎሞነ ቦላ ሞርከቱዋ ደንዳ
\p
\v 14 ሄዋፐ ጉይያን መና ጎዳይ ኤዶምያ ሀዳዳ፥ ኤዶማ ቢታ ካተቱዋ ዛርያ ግዴዳዋ ሞርከ ኦደ ሶሎሞና ቦላ ደንዳ። 
\v 15 ሀዋፐ ካሰ ባጋን ዳዊተ ኤዶማ አሳቱዋና ኦለቴዳ ዎደ፥ ሀይቄዳዋንታ ሞግሳናዉ ፑደ ቤዳ ኦላ ጋዳዋይ ዮኣበ፥ ኤዶማን ደእያ አቱማ አሳ ኡባ ዎ ዉርሴዳ። 
\v 16 ኤዶማን ደእያ አቱማ አሳ ኡባ ይሳና ጋካናዉ ዮኣብነ እስራኤልያ አሳይ ኡባይ ያን ኡሱፑን አግና ኡቴዳ።
\p
\v 17 ሽን ሄ ዎደ ጉ ናኣ ግዴዳ ሀዳድ፥ አ አዎ ኦዳ ኤዶማ ኦሳንቻቱዋፐ አማሬዳዋንቱና ግብጼ ጋድያ ባቃቴዳ። 
\v 18 ኡንቱንቱ ምድያማፐ ደንዲደ፥ ፓራና ቤድኖ፤ ፓራናፐ ባረናና አሳ አኪደ ግብጼ ጋድያ፥ ግብጼ ካትያኮ ቤድኖ። ካቲ ሀዳዳዉ እት ጎልያነ ጋድያ እሚደ፥ ቁማ አዉ አዛዜዳ። 
\v 19 ሀዳድ ካትያ ሎይ ናሸቼዳ፤ ካቲ ባረ ማቻት፥ ካታት ጻፍኔስ ምቻቶ አዉ ማቻቶ ኦደ እሜዳ። 
\v 20 ጻፍኔስ ምቻታ አዉ ጋኑባታ ጌተትያ ናኣ የላዱ። ጻፍኔሳ አ ካትያ ጎለን ድቻዱ፤ ጋኑባት ያን ካትያ ናናቱዋና እትፐ ደኤዳ።
\p
\v 21 ሀዳድ ግብጼን ደኢደ ዳዊተ ሀይቂደ ባረ ማይዛን ጋከቴዳዋነ ኦላ ጋዳዋይ ዮኣብካ ሀይቄዳዋ ስሴዳ፤ ሀዳድ ካትያዉ፥ “ታን ታ ጋድያ ስማና ማላ ታና የዳ” ያጌዳ።
\p
\v 22 ካቲ አ፥ “ነዉ ሀዋን አያይ ፓጭኔ ኔን ነ ጋድያ ባናዉ ኮይያዌ?” ያጊደ ኦቼዳ።
\p ሀዳድ፥ “ታዉ አያይነ ፓጭቤና፤ ሽን ታን ባና” ያጌዳ።
\p
\v 23 ሄዋዳንካ ቃይ፥ ጾሳይ ኤልያዳአ ናኣ ራዞና ግያዋ ሶሎሞነ ቦላ ሞርክያ ኦደ ደንዳ፤ ራዞን ጾባ ካትያ ሀዳድኤዘረፐ ባቃቴዳ። 
\v 24 ዳዊተ ጾባ ቢታ ኦላንቻቱዋ ይሴዳ ዎደ፥ ራዞን ባረዉ አሳ ሺሺደ፥ ፓንጋቱዋ ካፑዋ ግዴዳ፤ ፓንጋቱ ዳማስቆ ቢደ፥ ሄ ካታማ ኦይቂደ፥ ያን ኡቲደ፥ ራዞና ካተዬድኖ። 
\v 25 ሀዳድ መዳ መቱዋ ቦላካ ጉጂደ፥ ሶሎሞነ ደኤዳ ኬናን ኡባን ራዞን እስራኤለቶ ሞርክያ ግዴዳ፤ ያቲደ እ ሶርያን ካዉቲደ እስራኤልያ አሳ ሞርኬዳ።
\s1 ጾሳይ እዮርባማዉ እማና ጌዳዋ
\p
\v 26 ሄዋ ቦላካ ናባጻ ናአይ እዮርባም ሶሎሞና ቦላ ማካሊደ ደንዴዳ፤ እ ሶሎሞና ቆማቱዋፐ እቱዋ። እ ኤፍሬማ ቢታን ጻሬዳፐ የዳ አሳ፤ አ ዳያካ ጽሩኦ ጌተትያ አምአቶ። 
\v 27 ካትያ ቦላ እ ማካል ደንዴዳ ታርኪ ሀዋፐ ካሊደ ጻፈቴዳዋዳና። ሶሎሞነ ሚሎ ግምቤዳነ ባረ አዉዋ ዳዊታ ካታማ ዩሹዋ ግምቢያን ደእያ ካሎ ሳኣ ኩንዳ። 
\v 28 እዮርባም ምኖ አሳ፤ ሶሎሞነ ሀ ዎዳላይ ባረ ኪታ ዎት ሎይ ኦንቶ በኤዳ፤ ምናሰነ ኤፍሬማ ቢታን ኦያ ጎሻንቻቱ ኡባ ቦላ አ ካፑዋ ኦደ ሱንዳ።
\p
\v 29 እት ጋላስ እዮርባም የሩሳላመ ካታማፐ ከሲደ ቤ፤ ሴሎፐ ዬዳ፥ ትምቢትያ ኦድያ አኪይ አናና ኦግያን ጋከቴዳ። አኪይ ሄ ዎደ ኦራ ማዩዋ ማይ ኡቴዳ። ደምባን ኡንቱንቱ ላኡዋ ጻላላይ ደኢኖ። 
\v 30 አኪይ ባረ ማዬዳ ኦራ ማዩዋ ኦይቂደ፥ ታማነ ላኡ ከሲደ ፔዳ። 
\v 31 እዮርባማ ሀዋዳን ያጌዳ፤ “ታሙ ፔቱዋ ነዉ አካ። አያዉ ጎፐ፥ መና ጎዳይ እስራኤልያ ጾሳይ ሀዋዳን ያጌ፤ ‘በአ፥ ታን ካዉተ ሶሎሞና ኩሽያፐ ፔደ፥ ታሙ ዘረ ነዉ እማና ሀናይ። 
\v 32 ሽን ታ ቆማ ዳዊታ ድራዉነ እስራኤልያ ዛራቱዋ ኡባ ግዶፐ ታን ዶሬዳ የሩሳላመ ካታማ ድራዉ፥ እት ዛርያ አዉ አጋና። 
\v 33 ታን ሀዋ ኦና ጋሱ፥ ሶሎሞነ ታና አጊደ ሲዶናቱዋ ጾሳት አስታሮትዉ፥ ሞኣባቱዋ ጾሳ ካሞሻዉነ አሞናቱዋ ጾሳ ሞሎካዉ ጎይኔዳ ድራሳነ ታ ኦግያን ሀመተናን፥ ታ ስንን ሱረባ ሀነናንነ አ አዉ ዳዊተ ናጌዳዋዳን ታ ዎጋቱዋነ ታ ህግያ ናገናን እጼዳ ድራሳ።
\p
\v 34 “ ‘ግዶፐነ፥ ታን ካዉተ ሶሎሞና ኩሽያፐ ዉርሳ አክከ፤ ታን ዶሬዳነ ታ አዛዙዋነ ታ ዎጋ ናጌዳ ታ ቆማ ዳዊታ ድራዉ፥ ሶሎሞነ ፓጻ ደኤዳ ኬሻን ኡባን እ ሞዳናዳን ኦድ። 
\v 35 ሄዋፐ ጉይያን ታን ካዉተ አ ናኣ ኩሽያፐ አካደ ታሙ ዘረ ነዉ እማና። 
\v 36 ታ ሱንይ አን ጼሰታና ማላ፥ ታን ዶሬዳ የሩሳላመ ካታማን ኡባ ዎደካ ታ ቆማ ዳዊታ ዘረይ ካተታና ማላ፥ ታን እት ዛርያ አ ናአዉ እማና።
\p
\v 37 “ ‘ኔና ግዶፐ፥ ታን ኔና አካና፤ ነ ዎዛናይ አሞቴዳ ኡባ ኔን ሞዳና፤ ኔን እስራኤልያ ቦላ ካተታና። 
\v 38 ታን ኔና አዛዝያዋ ኔን ኦፐ፥ ታ ኦግያን ሀመቶፐነ ታ ቆማይ ዳዊተ ናጌዳዋዳን ታ ዎጋቱዋነ ታ አዛዙዋ ናጋደ ታ ስንን ሱረባ ሀኖፐ፥ ታን ኔናና ግዳና፤ ዳዊታዉ ኦዳዋዳንካ ነ ዛራቱ ደእ በአናዳን ኦና፤ እስራኤልያካ ታን ነዉ እማና። 
\v 39 ሶሎሞና ናጋራ ድራዉ ዳዊታ ዘረቱዋ ታን ሙራና፤ ሽን መናዉ ግደና’ ያጌ” ያጌዳ።
\p
\v 40 ሶሎሞነ እዮርባማ ዎናዉ ካጄሌዳ፤ ሽን እዮርባም ግብጼ ጋድያ ካትያ ሺሻቃኮ ባቃቲደ ቤዳ፤ ሶሎሞነ ሀይቃና ጋካናዉ ግብጼን ታኬዳ።
\s1 ሶሎሞና ሀይቁዋ
\r (1 ኦዱዋ 9:29-31)
\p
\v 41 ሶሎሞነ ሀኔዳ ሀራባይ፥ እ ኦዳባይ ኡባይ፥ አ አዳ ኤራተባይ ሶሎሞና ታርክያ ማጻፋን ጻፈት ኡቴዳ። 
\v 42 ሶሎሞነ እስራኤልያ ኡባ ቦላ የሩሳላመን ኦይታሙ ላይ ካተቴዳ። 
\v 43 ሄዋፐ ጉይያን ሶሎሞነ ሀይቂደ፥ ባረ ማይዛን ጋከቴዳ፤ ባረ አዉዋ ዳዊታ ካታማን ሞገቴዳ። አ ናአይ ሮብኣመ አ ኮታን ካተቴዳ።
\c 12
\ms ሻከቴዳ ካዉተቱዋ
\mr (12:1—22:53)
\s1 ፑደሃ ያራቱዋ ማካላ
\r (12:1—14:20፤ 2 ኦዱዋ 10:1-19)
\p
\v 1 እስራኤልያ አሳይ ኡባይ ሮብኣማ ካተያናዉ ሰኬማ ካታማ ቤዳ ድራዉ፥ እካ ያ ቤዳ። 
\v 2 ናባጻ ናአይ እዮርባም፥ ካትያ ሶሎሞነፐ ባቃቲደ ግብጼን ደእያዌ ሀዋ ስሴዳ ዎደ፥ ግብጼፐ ስሚደ ዬዳ። 
\v 3 እስራኤልያ አሳይ እዮርባማዉ ኪቲደ ጼስስና፥ እነ እስራኤልያ ማባራይ ኡባይ ሮብኣማኮ ቢደ፥ 
\v 4 “ነ አዉ ኑና ዴጾ ሞርገ ም ቶሴዳ፤ ሽን ሀእ ኔን እ ኑና ኦስስያ ዎልቃማ ኦሱዋነ ዴጾ ሞርገ ም ኑዉ ካዉሽሳርኪ። ያቶፐ፥ ኑን ነዉ ሞደታና” ያጌድኖ።
\p
\v 5 ሮብኣመ ኡንቱንቶ፥ “ቢተ፤ ሄዘን ጋላስ ስሚደ ታኮ ዪተ” ያጌዳ፤ አሳይ ቤዳ።
\p
\v 6 ሄዋፐ ጉይያን ካቲ ሮብኣመ አ አዉ ሶሎሞነ ፓጻ ደእያ ዎደ፥ ሶሎሞና ዞሬዳ ጭማቱዋ ዞረታ በሴዳ። እ ኡንቱንታ፥ “ሀ አሳዉ ዋጋደ ዛራ ጊቴ?” ያጊደ ኦቼዳ።
\p
\v 7 ጭማቱ ሮብኣማ፥ “ሀቼ ኔን አሳዉ ቆማ ግዳደ ኦፐነ ኡንቱንቱ ኦችያዎ ኔን ሎኦ ቃላ ዛሮፐ፥ ኡባ ገደ ኡንቱንቱ ነዉ ቆማ ግዳናዋንታ” ያጌድኖ።
\p
\v 8 ሽን ሮብኣመ ጭማቱ ዞሬዳ ዞርያ አጊደ፥ አናና ድጪደ አዉ ኦያ ያላጋ አሳቱዋ ዞረታ በሴዳ። 
\v 9 እ ኡንቱንታ፥ “ህንተንቱ ታና ዞርያዌ አዬ? ‘ነ አዉ ኑና ቶሴዳ ዴጾ ሞርገ ም ኑዉ ካዉሽሳርኪ’ ያግያ ሀ ደርያዉ ዋጋደ ዛሮ?” ያጊደ ኦቼዳ።
\p
\v 10 ሽን አናና ድጬዳ ያላጋቱ፥ “ ‘ነ አዉ ኑና ዴጾ ሞርገ ም ቶሴዳ፤ ሽን ኔን ኑዉ ካዉሽሳርኪ’ ያግያ አሳዉ፥ ‘ታ ቄር ብራ ታ አዉዋ ጼሳፐ ኦርዴ። 
\v 11 ታ አዉ ህንተንቱ ሞርገ ም ዴጽሴዳ፤ ሽን ታን ሄዋፐካ አደ ዴጽሳና። ታ አዉ ህንተንታ ልሱዋን ዋዳ፤ ሽን ታን ህንተንታ ማስማሱዋዳን ዱክያ ልሱዋን ዋና’ ያጋደ ዛራ” ያጌድኖ።
\p
\v 12 ሄዋፐ ጉይያን ካቲ ሮብኣመ፥ “ሄዘን ጋላስ ስሚደ ታኮ ዪተ” ጌዳዋዳንካ፥ እዮርባምነ አሳይ ኡባይ ሄዘን ጋላስ ስሚደ ዬድኖ። 
\v 13 ካቲ ኡንቱንቶ ሀንቆ ዛሩዋ ዛሬዳ። ጭማቱዋ ዞርያ አግ ባሺደ፥ 
\v 14 ያላጋቱ ዞሬዳ ዞርያ ካሌዳ። ያቲደ ሀዋዳን ያጌዳ፤ “ታ አዉ ህንተንቱ ሞርገ ም ዴጽሴዳ፤ ሽን ታን ሄዋፐካ አደ ዴጽሳና። ታ አዉ ህንተንታ ልሱዋን ዋዳ፤ ሽን ታን ህንተንታ ማስማሱዋዳን ዱክያ ልሱዋን ዋና” ያጊደ ዛሬዳ። 
\v 15 ካቲ አሳይ ግያዋ ስሰናን እጼዳ፤ አያዉ ጎፐ፥ መና ጎዳይ ሴሎፐ ዬዳ አኪያ ባጋና ካሰ ናባጻ ናኣ እዮርባማዉ ኦዴዳ ቃላይ ፖለታናዳን ሀዌ መና ጎዳፐ ሀኔዳ።
\p
\v 16 እስራኤልያ አሳይ ኡባይ ካቲ ኡንቱንቱ ግያዋ ስሰናን እጼዳዋ በኢደ፥ ካትያ ሀዋዳን ያጌድኖ፤ “ዳዊተዋፐ ኑና ጋክያባይ አዬ? እሰያ ናኣፐ ኑን ላታናዌ ባዋ! እስራኤልያ አሳዉ፥ ህንተንቱ ሶ ህንተንቱ ሶ ስምተ! ሀእ ስም ሮብኣመ ባረዉ ናገቶ!” ያጌድኖ። እስራኤልያ አሳይ ኡባይ ባረንቱ ሶ ባረንቱ ሶ ስሜድኖ።\x - \xo 12:16 \xo*\xt 2 ሳሜላ 20:1\xt*\x* 
\v 17 ሽን ሮብኣመ ይሁዳ ካታማቱዋን ደእያ እስራኤልያ አሳ ቦላ ካተቴዳ።
\p
\v 18 ሄዋፐ ጉይያን ካቲ ሮብኣመ ባረ ጋባራቱዋ ካፑዋ አዶንራማ እስራኤልያ አሳኮ ኪቴዳ፤ ኡንቱንቱ ሹቻን ጫዲደ ዎድኖ። ያትና፥ ካቲ ሮብኣመ ባረ ፓራ ጋርያን ኤለካ ከስ ኡቲደ፥ የሩሳላመ ባቃቴዳ። 
\v 19 ሄዋፐ ዶሚደ ሀቼ ጋካናዉ እስራኤልያ ዛራቱ ታማቱ ዳዊታ ዛርያፐ ካተቴዳ ካተቱዋ ቦላ ማካሌድኖ። 
\v 20 እዮርባም ግብጼፐ ስሜዳዋ እስራኤልያ አሳይ ኡባይ ስሴዳ ዎደ፥ አ ባረንቱ ያአዉ ጼስሲደ፥ እስራኤልያ ቦላ ካተዬድኖ፤ ዳዊታ ዛርያፐ ካተቴዳ ካተቶ አማነቲደ አቴዳዌ ይሁዳ ዛርያ ጻላላ።
\s1 ሻማእይ ትምቢትያ ኦዴዳ
\r (2 ኦዱዋ 11:1-4)
\p
\v 21 ሶሎሞና ናአይ ሮብኣመ የሩሳላመ ካታማ ጋኬዳ ዎደ፥ እስራኤልያ ቢታ አሳና ኦለቲደ፥ ካዉተ ባረዉ ዛራና ማላ፥ ይሁዳ ዛርያፐነ ቢንያማ ዛርያፐ ዶረቴዳ እት ጼታነ ሆስፑን ታሙ ሻአ ኦላንቻቱዋ ሺሼዳ። 
\v 22 ሽን ጾሳ ቃላይ፥ ጾሳ አሳ ግድያ ሻማእያኮ ዪደ፥ 
\v 23 “ሶሎሞና ናኣ፥ ይሁዳ ካትያ ሮብኣማዉ፥ ይሁዳነ ቢንያማ ዛረቶነ አቴዳ አሳ ኡባዉ ሀዋዳን ያጋ፤ 
\v 24 ‘መና ጎዳይ ህንተንታ፥ “ህንተንቱ ዳቦቱዋና፥ እስራኤላቱዋና ኦለታናዉ ቦፕተ። ሀዋ ታን ኦዳ ድራዉ፥ ህንተንቱ ኡባይካ ህንተንቱ ሶ ህንተንቱ ሶ ስምተ” ያጌ’ ያጋደ ኦዳ” ያጌዳ። ኡንቱንቱ መና ጎዳ ቃላ ስሲደ፥ ስሚደ ሶ ቤድኖ።
\s1 እዮርባም ጾሳፐ ዎራ ስሜዳ
\p
\v 25 ሄዋፐ ጉይያን እዮርባም ኤፍሬማ ገዝያን ደእያ ሰኬማ ጌሶ ኦ ግምቢደ፥ ያን ደኤዳ፤ ሄዋፐ ከስ ቢደ ጲንኤላ ግምቤዳ።
\p
\v 26 እዮርባም ባረ ዎዛናን፥ “ካዉተይ ዳዊታ ዛርያዉ ስማና። 
\v 27 ሀ አሳይ መና ጎዳ ጌሻ ጎልያን ያርሹዋ ያርሻናዉ የሩሳላመ ካታማ ብያዋ ግዶፐ፥ ኡንቱንቱ ቃይካ ባረንቱ ጎዳኮ፥ ካትያ ሮብኣማኮ ስማና። ኡንቱንቱ ታና ዎደ፥ ይሁዳ ካትያ ሮብኣማኮ ስማና” ያጊደ ቆፔዳ።
\p
\v 28 ሄዋ ድራዉ፥ ካቲ ዞረቴዳዋፐ ጉይያን ዎርቃፐ ላኡ ማራቱዋ ምስለቱዋ መደ አሳዉ፥ “ህንተንቱ ሀዋፐ የሩሳላመ ቤዳዋ ኬሻይ ግዳናዋ። ህንተንቶ እስራኤልያ አሳቶ፥ ህንተንታ ግብጼፐ ከሴዳ ህንተንቱ ጾሳቱ ሀዋንቱሽ!” ያጌዳ።\x - \xo 12:28 \xo*\xt ከሳ 32:4\xt*\x* 
\v 29 ኡንቱንቱፐ እቱዋ ቤቴለን፥ እቱዋ ቃይ ዳናን ዎዳ። 
\v 30 ሀ የዉ ኡንቱንቶ ናጋራቴዳ፤ አያዉ ጎፐ፥ እት ማራ ምስልያዉ ጎይናናዉ አሳይ ዳና ጋካናዉ ቤዳ። 
\v 31 እዮርባም ደርያ ሁጲያን ጎይንያ ቃ ሳኣ ጊግሲደ ሌዊያ ዛርያ ግዳና ዮፐካ፥ ኡባ ቆሞ አሳፐ ቄሳቱዋ ኦደ ሱንዳ።
\p
\v 32 ይሁዳን ቦንችያዋዳን ሆስፑን አግናን ታማነ እቼሻን ጋላሳን ባላይ ቦንቼታናዳን፥ እዮርባም ጋላሳ ኬሬዳ፤ ያርሹዋ ያርሼዳ። እ ሀዋዳን ሀኔዳ፤ ቤቴለ ቤዳ፤ ባረ መዳ ማራ ምስልያዉ ያርሹዋ ያርሼዳ። ቃይ ባረ መዳ ጎይንያ ቃ ግሹዋን ቄሳቱ ዋ ቤቴለን ሱንደ ዎዳ።\x - \xo 12:32-33 \xo*\xt ዎጋ 23:33-34\xt*\x* 
\v 33 እ ባረ ሁጲያዉ ዶሬዳ ሆስፑን አግናን፥ ሄ አግናዉ ታማነ እቼሻን ጋላስ ቤቴለ ቤዳ፤ ሄ ጋላሳይ እስራኤልያ አሳዉ ባላ ግዳናዳን አዋዬዳ። ያቲደ እጻና ጩዋያናዉ ፑደ ያርሽያ ሳኣ ከሴዳ።
\c 13
\s1 ቤቴለ ቦላ ትምቢትያ ኦዴዳ ብታንያ
\p
\v 1 እዮርባም እጻና ጩዋያናዉ ያርሹዋ ያርሽያ ሳኣ ማታን ኤቂደእሽን፥ መና ጎዳ ቃላን ኪተቴዳ፥ ጾሳ አሳ ጌተትያ እት ብታኒ ይሁዳፐ ዬዳ። 
\v 2 መና ጎዳይ አዛዝና ሄ ያርሽያ ሳኣ ቦላ ሀዋዳን ያጊደ ዋሴዳ፤ “ያርሽያ ሳአዉ፥ ያርሽያ ሳአዉ፥ መና ጎዳይ ኔና ሀዋዳን ያጌ፤ ‘ዳዊታ ዛርያዉ ዮስያሳ ጌተትያ እት ናአይ የለታናዋ። ሄ ናአይ ሀእ ሀዋን ያርሺደ ደእያ ቃ ሳአቱ ቄሳቱ ዋ ነ ቦላ ያርሻና፤ ነ ቦላ አሳ መቀይ ጹገታና’ ያጌ” ያጊደ ዋሴዳ።\x - \xo 13:2 \xo*\xt 2 ካታ. 23:15-16\xt*\x* 
\v 3 ሄ ጋላስ ጾሳ አሳይ ማላታ እሚደ፥ “መና ጎዳይ ኦዴዳ ማላታይ ሀዋ፤ ሀ ያርሽያ ሳአይ ጳልቀታና፤ አ ቦላን ደእያ ብድንይካ ዎራ ላለታናዋ” ያጌዳ።
\p
\v 4 ካቲ እዮርባም ጾሳ አሳይ ቤቴለን ደእያ ያርሽያ ሳኣ ቦላ ዋሴዳዋ ስሴዳ ዎደ፥ ያርሽያ ሳኣፐ ባረ ኩሽያ የዲደ፥ “ሄ ብታንያ ኦይቂተ!” ያጌዳ። ሽን እ ብታንያዉ የዴዳ ኩሺ ኤለካ ጺጊደ ስሌዳ፤ ሄዋ ድራዉ፥ ባረ ኩሽያ ጉየ ዛሪደ አካናዉ ዳንዳይቤና። 
\v 5 ቃይ ጾሳ አሳይ መና ጎዳ ቃላን እሜዳ ማላታዳን ያርሽያ ሳአይ ጳልቀት ዎና፥ አ ቦላን ደእያ ብድንይካ ዎራ ላለቴዳ። 
\v 6 ያትና፥ ካቲ እዮርባም ጾሳ አሳ፥ “ታ ኩሺ ካሰዋዳን ሀናና ማላ ታዉ ጋናታደ መና ጎዳ ነ ጾሳ ዎሳርኪ!” ያጌዳ። ሄዋ ድራዉ፥ ጾሳ አሳይ ካትያዉ ጋናቲደ መና ጎዳ ዎስና፥ ካትያ ኩሺ ስሚደ ካሰዋዳን ሀኔዳ።
\p
\v 7 ካቲ ጾሳ አሳ፥ “ታናና ታ ሶ ደንዳ፤ ቁማ ማ። ቃይ ታን ነዉ እሞታ እማና” ያጌዳ።
\p
\v 8 ሽን ጾሳ አሳይ ካትያዉ ሀዋዳን ያጊደ ዛሬዳ፤ “ሀራይ አትና ኔን ነ አቆ ባጋ ታዉ እምንቶካ፥ ታን ኔናና ቢከ፤ ሀዋን ኡክካ ሚከ፥ ሃካ ኡሽከ። 
\v 9 አያዉ ጎፐ፥ መና ጎዳ ቃላይ ታና፥ ‘ኔን ኡክካ ሞፓ፥ ሃካ ኡሾፓ፥ ነ ዬዳ ኦግያናካ ስማደ ቦፓ’ ያጊደ አዛዜዳ” ያጌዳ። 
\v 10 ሄዋ ድራዉ፥ ብታኒ ሀራ ኦግያና ቤዳ፤ እ ቤቴለ ዬዳ ኦግያና ስሚደ ብቤና።
\s1 ቤቴለን ትምቢትያ ኦድያ ጭማ ብታንያ
\p
\v 11 ትምቢትያ ኦድያ እት ጭማ ብታኒ ቤቴለ ካታማን ደኤ። ቤቴለን ሄ ጋላስ ጾሳ አሳይ ኦዳ ኡባባ ሄ ጭማ ብታንያ ናናይ ዪደ ኦዴድኖ፤ ቃይ ሄ ብታኒ ካትያዉ ኦዴዳ ቃላ ኡንቱንቱ ባረንቱ አዎ ኦዴድኖ። 
\v 12 አዉ ኡንቱንታ፥ “ሀቃ ኦግያና ቤዴ?” ያጌዳ፤ ይሁዳፐ ዬዳ ጾሳ አሳይ ቤዳ ኦግያ አዉ ማላቴድኖ። 
\v 13 ሄዋፐ ጉይያን እ ባረ ናና፥ “ታዉ አነ ሀርያ ኮርተ” ያጌዳ፤ ኡንቱንቱ አዉ ሀርያ ኮርና ቶጌዳ። 
\v 14 ጾሳ አሳ ጌዱዋ ካሊደ ቤዳ፤ እት ዎላ ኩዋን ኡቴዳዋ ደሚደ፥ “ይሁዳፐ ዬዳ ጾሳ አሳይ ኔኔየ?” ያጌዳ።
\p ብታኒ፥ “ኤ ታና” ያጌዳ።
\p
\v 15 ትምቢትያ ኦድያ ጭማ ብታኒ አ፥ “ቁማ ማናዉ ታ ሶ ታናና ደንዳ” ያጌዳ።
\p
\v 16 ጾሳ አሳይ ዛሪደ፥ “ታን ጉየ ስማደ ኔናና ባናዉ፥ ዎይ ሀ ኮሽያን ኔናና ኡክ ማናዉ፥ ዎይ ሃ ኡሻናዉ ዳንዳይከ። 
\v 17 አያዉ ጎፐ፥ መና ጎዳይ ቃላይ ታና፥ ‘ኔን ሄ ሳኣን ኡክካ ሞፓ፥ ሃካ ኡሾፓ፥ ነ ዬዳ ኦግያናካ ስማደ ቦፓ’ ያጊደ አዛዜዳ” ያጌዳ።
\p
\v 18 ትምቢትያ ኦድያ ጭማ ብታኒ፥ “ታንካ ኔናዳን ትምቢትያ ኦድያዋ። ኪታንቻይ መና ጎዳይ ቃላን ታና፥ ‘ኡክ እ ማና ማላነ ሃ ኡሻና ማላ፥ አ ዛራደ ነ ሶ ኔናና አካደ ያ’ ያጌዳ” ያጌዳ። ሽን ጭማ ብታኒ ሄዋ አዉ ዎርዱዋ ኦዴዳ። 
\v 19 ሄዋ ድራዉ፥ ጾሳ አሳይ አናና ስሚደ፥ አ ሶን ሜዳነ ኡሼዳነ።
\p
\v 20 ኡንቱንቱ ማዳን ኡት ደእሽን፥ መና ጎዳ ቃላይ ብታንያ ጉየ ዛሬዳ ትምቢትያ ኦድያ ጭማ ብታንያኮ ዬዳ። 
\v 21 ብታኒ ይሁዳፐ ዬዳ ጾሳ አሳዉ ባረ ቃላ ቁ ኦደ፥ “መና ጎዳይ ሀዋዳን ያጌ፤ ‘ኔን መና ጎዳ ቃላ እጻዳ፤ መና ጎዳይ ነ ጾሳይ ኔና አዛዜዳ አዛዙዋካ ናጋባካ። 
\v 22 ኔን ጾሳይ፥ “ሄ ሳኣን ሞፓ ዎይ ኡሾፓ” ጌዳ ሳኣ ጉየ ስማደ ባደ፥ ያን ኡክ ማዳ፤ ሃካ ኡሻዳ። ሄዋ ድራዉ፥ ነ አሃይ ነ አዎቱዋ ዱፉዋን ሞገተና’ ያጌ” ያጌዳ።
\p
\v 23 ጾሳ አሳይ ምያዋነ ኡሽያዋ ፖሌዳዋፐ ጉይያን፥ ትምቢትያ ኦድያዌ ባረ ጉየ ዛሪደ አሄዳ ብታንያዉ ሀርያ ኮሬዳ። 
\v 24 እ ኦግያን ቢሽን ጋሙ አናና ጋከቲደ፥ አ ዎዳ። አሃይ ኦግያን ፓንጋራሬዳ፤ ሀሪነ ጋሙነ ላአቱካ አሃ ምይያን ኤቄድኖ። 
\v 25 ሄ ኦግያና አያ አሳይ አሃይ ፓንጋራሬዳዋነ ጋሙ አሃ ምይያን ኤቄዳዋ በኤዳ፤ ቢደ ትምቢትያ ኦድያ ጭማ ብታኒ ደእያ ካታማን ኦዴዳ።
\p
\v 26 ብያ ሳፐ ብታንያ ጉየ ዛሬዳ ትምቢትያ ኦድያ ጭማ ብታኒ ሄዋ ስሴዳ ዎደ ሀዋዳን ያጌዳ፤ “ሄዌ ቃላዉ አዛዘተናን እጼዳ ጾሳ አሳ። ሄዋ ድራዉ፥ መና ጎዳ ቃላይ አዉ ካሰቲደ ኦዴዳዋዳን፥ መና ጎዳይ ጋሙዋን አ ጋዳ፤ ያትና፥ ጋሙ አ መንሬደ ዎዳ” ያጌዳ።
\p
\v 27 ሄዋፐ ጉይያን ጭማ ብታኒ ባረ ናና፥ “ታዉ ሀርያ ኮርተ” ያጌዳ። ኡንቱንቱ አዉ ሀርያ ኮሬድኖ፤ 
\v 28 ብታኒ ከሲደ ቤዳ። ኦግያን ፓንጋራሬዳ አሃነ አሃ ማታን ኤቄዳ ሀርያነ ጋሙዋ ደሜዳ፤ ጋሙ አሃ ምቤና ዎይ ሀርያካ መንቤና። 
\v 29 ትምቢትያ ኦድያ ጭማ ብታኒ ጾሳ አሳ አሃ ደንደ፥ ሀርያ ዞክያን ዎደ፥ ዬካናዉነ ሞጋናዉ ጉየ ባረ ካታማ አኪደ አሄዳ። 
\v 30 ባረዉ ማክ ዎዳ ዱፉዋን አሃ ዎዳ፤ አ ቦላ፥ “አየ ታ እሻዉ! አየ ታ እሻዉ!” ያጊደ ዬኬድኖ።
\p
\v 31 ሞግ ስሚደ ባረ ናና ሀዋዳን ያጌዳ፤ “ታን ሀይቂያ ዎደ፥ ጾሳ አሳይ ሞገቴዳ ዱፉዋን ታና ሞግተ፤ ታ መቀቱዋካ አ መቀቱዋ ጋጻን ዎተ። 
\v 32 አያዉ ጎፐ፥ ቤቴለ ካታማን ደእያ ያርሽያ ሳኣ ቦላነ ሳማርያ ካታማቱዋን ደእያ ጎይንያ ቃ ሳአቱ ቦላ መና ጎዳይ አዛዝና ሄ ብታኒ ዋሶዌ ቱሙ ፖለታና” ያጌዳ።
\s1 እዮርባማ ጎልያ አሳ ይሳናዉ ጋዳ ናጋራ
\p
\v 33 ሄዋፐ ጉየና እዮርባም ባረ ኢታ ኦግያፐ ስምቤና፤ ሽን ጎይንያ ቃ ሳቶ ኡባ ቆሞ አሳፐ ቄሳቱ ዋ ጉጂደ ሱንዳ፤ ቄሳቱዋ ግዳናዉ ኮይያ ኦናነ ጎይንያ ቃ ሳኣን ዎዳ። 
\v 34 እዮርባማ ጎልያ አሳ ኡንጋናዉነ ቢታ ቦላፐ ይሳናዉ ጋዳ ናጋራይ ሄዋ።
\c 14
\s1 አኪይ እዮርባማ ቦላ ትምቢትያ ኦዴዳ
\p
\v 1 ሄ ዎደ እዮርባማ ናአይ አቢ ሀርጌዳ። 
\v 2 ያትና፥ እዮርባም ባረ ማቻቶ፥ “ደንዳደ ኔን እዮርባማ ማቻቶ ግድያዋ ኦንነ ኤረና ማላ፥ ነ ማዩዋ ላማ፤ ሴሎ ባ። ታን ሀ አሳ ቦላ ካተታናዋ ታዉ ኦዴዳ ትምቢትያ ኦድያ አኪ ያን ደኤ። 
\v 3 ታሙ ኡክ፥ አማሬዳ ኮምፑዋነ እት ኦቱዋ ኤሳ አዉ አካደ አኮ ባ። ሀ ሀርጌዳ ናአይ ሀናናባ እ ነዉ ኦዳና” ያጌዳ።
\p
\v 4 እዮርባማ ማቻታ እ ጌዳዋዳን ኦዱ፤ ደንዳደ አክያ ሶ ሴሎ ባዱ። አኪ ጼላናዉ ዳንዳየና፤ እ ጭሜዳ ድራዉ፥ አ አይፊ ደመና። 
\v 5 ሽን መና ጎዳይ አክያ፥ “እዮርባማ ማቻታ ባረ ናኣ ሀርግያዋ ኔና ኦቻናዉ ያዉ። ኔን እዝዉ ሀዋ ሀዋ ያጋደ ኦዳ። አ ያ ጋካደ ሀራ ማጫ አሳ ማላታናኑ” ያጌዳ።
\p
\v 6 ሄዋ ድራዉ፥ አኪ ማቻታ ፐንግያን ድእ ድእያዋ ስሲደ ሀዋዳን ያጌዳ፤ “እዮርባማ ማቻቴ፥ አነ ሃ ገላ። አያዉ ሀዋዳን ሀራ አሳ ማላታድ? ታን ኢታ ዎርያ ነዉ ኦዳናዉ ኪተታድ። 
\v 7 ኔን እዮርባመኮ ባደ ሀዋዳን ያጋ፤ ‘መና ጎዳይ እስራኤልያ ጾሳይ ኔና፥ “ታን ኔና አሳ ግዶፐ ቂሳድ፤ ታ አሳ እስራኤልያ ቦላ ኔና ካተያድ። 
\v 8 ታን ዳዊታ ዛርያፐ ካዉተ ዎ አካደ፥ ነዉ እማድ። ሽን ኔን ታ ቆማ ዳዊታ ማላ ግዳካ፤ እ ታ አዛዙዋ ናጌዳነ ታ ስንን ሱረባ ጻላላ ኦደ፥ ባረ ኩመን ዎዛናን ታና ካሌዳ። 
\v 9 ኔፐ ካሰ ደኤዳ ኡባቱ ኦዳዋፐ ዳርያ ኢታ ኔን ኦዳ፤ ኔን ነዉ ሀራ ጾሳቱዋ፥ ሴርሴዳ ብራታፐ ኤቃቱዋ መዳ። ያታደ ታና ሀንቀዳ፤ ታና ኔፐ ጉየ አዳ።
\p
\v 10 “ ‘ “ሄዋ ጋሱዋን ታን እዮርባማ ጎልያ አሳዉ ኢታ አሀና። እስራኤልያ ቢታን እዮርባማ ጎልያ አሳፐ አይልያ ግድና ላአ ግዲና፥ እት አቱማ አሳይነ አተናን ቆላና። እት ኡራይ ኦሻይ ዉራና ጋካናዉ ከስያዋዳን፥ እዮርባማ ጎልያ አሳ ታን ዉርሳ ከሳና።\x - \xo 14:10 \xo*\xt 1 ካታ. 15:29\xt*\x* 
\v 11 እዮርባማ ዛርያ ግዲደ ካታማን ሀይቂያ ኦናነ ካናቱ ማና፤ ጋጻርያን ሀይቂያዋንታ ቃይ ሳሉዋ ካፎቱ ማና። ታን መና ጎዳይ ሀዋ ኦዳድ!” ያጌዳ’ ያጋ።
\p
\v 12 “ኔና ግዶፐ፥ ሀእ ኔን ደንዳደ ነ ሶ ባ። ነ ገዲ ካታማ ገልያ ዎደ፥ ናአይ ሀይቃና። 
\v 13 እስራኤልያ ኡባይ ናአዉ ዬኪደ ሞጋና፤ እዮርባማ ጎልያ አሳን መና ጎዳ እስራኤልያ ጾሳ ስንን ሀ ናኣን ሎኦባይ ቤቴዳ ድራዉ፥ እዮርባማ ጎልያ አሳፐ አ ጻላላይ ዱፉዋን ሞገታና።
\p
\v 14 “ሄዋፐ ጉይያን እዮርባማ ጎልያ አሳ ቆል ይስያ ካትያ መና ጎዳይ ባረዉ እስራኤልያ ቦላ ደንና። 
\v 15 ሃ ግዶን ዎሹ ቃጽያዋዳን፥ መና ጎዳይ ሄ ዎደ እስራኤላቱዋ ሾጪደ ቃና። አሼሮ ግያ ጾሳትዉ ኡንቱንቱ ምስልያ ኤሲደ፥ መና ጎዳ ሀንቀዳ ድራዉ፥ ኡንቱንታ አዋቶ እ እሜዳ ሎኦ ቢታፐ ኡንቱንታ ድጋና፤ ያቲደ ኡንቱንታ ኤፍራጺሳ ሻፋፐ ሄፍንን ላላና። 
\v 16 እዮርባም ኦዳ ናጋራ ድራዉነ እስራኤልያ አሳ እ ኦስሴዳ ናጋራ ድራዉ፥ ጾሳይ እስራኤልያ አግ ባሻና” ያጌዳ።
\p
\v 17 ሄዋፐ ጉይያን እዮርባማ ማቻታ ደንዳደ ባደ ትርጻ ጋካዱ። ጎልያ ፐንገ ጎጭላ የና ናአይ ሀይቂ አጌዳ። 
\v 18 ባረ ቆማ ትምቢትያ ኦድያ አክያ ባጋና መና ጎዳይ ኦዴዳዋዳንካ አ ሞጌድኖ፤ እስራኤልያ አሳይ ኡባይ አዉ ዬኬዳ።
\s1 እዮርባማ ሀይቁዋ
\p
\v 19 እዮርባም ሀኔዳ ሀራባይ፥ አ ኦላቱነ አ አይሱዋ ማራቱ እስራኤልያ ካተቱ ታርክያ ማጻፋቱዋን ጻፈት ኡቴዳ። 
\v 20 እዮርባም ላታማነ ላኡ ላይ ካዉቴዳ። ሄዋፐ ጉይያን ሀይቂደ ባረ ማይዛን ጋከቴዳ። አ ኮታን አ ናአይ ናዳበ ካዉቴዳ።
\ms ይሁዳነ እስራኤልያ ካተቱዋ
\mr (14:21—16:34)
\s1 ይሁዳ ካትያ ሮብኣማ
\r (2 ኦዱዋ 11:5—12:15)
\p
\v 21 ሶሎሞና ናኣ ሮብኣመ ይሁዳን ካዉቴዳ፤ ሮብኣመ ካተትያ ዎደ ላይይ አዉ ኦይታማነ እታ። መና ጎዳይ ባረ ሱን ዎናዉ እስራኤልያ ዛራቱዋ ካታማቱዋ ኡባ ግዶፐ ዶሬዳ የሩሳላመ ካታማን ሮብኣመ ታማነ ላፑን ላይ ካተቴዳ። አ ዳይ ሱንይ ናእሞ፤ እዛ አሞና ጋደ አሳ። 
\v 22 ይሁዳ አሳቱ መና ጎዳ ስንን ኢታባ ኦድኖ፤ ባረንቱ ኦዳ ናጋራን ኡንቱንቱ ባረንቱ አዎቱዋፐ አደ አ ቃናትሴድኖ። 
\v 23 ሄዋ ቦላካ ቃይ ኡንቱንቱ ባረንቶ ጎይንያ ቃ ሳኣ፥ ኤቃ ሹቻቱዋነ አሼሮ ጌተትያ ጾሳቱዋ ምስለቱዋ ቃ ደረቱዋ ኡባ ቦላነ እርጻ ምቱዋ ኡባ ጋርሳን ኤሴድኖ።\x - \xo 14:23 \xo*\xt 2 ካታ. 17:9-10\xt*\x* 
\v 24 ሀራይ አትና ኡንቱንቱ ጎይንያ ግሹዋን ጎይኑዋ ዎጋ ኦደ አቱማ አሳቱ አቱማ አሳቱዋና ሻርሙጽያዋንቱ ደኢኖ። መና ጎዳይ እስራኤላቱ ስንፐ ከሲደ የደርሴዳ ጋደ አሳቱ ሜዘቴዳ፥ ሄ ሸነይያ ኦሶቱዋ ኡባ እስራኤልያ አሳቱ ኦድኖ።\x - \xo 14:24 \xo*\xt ዛረ. 23:17\xt*\x*
\p
\v 25 ሮብኣመ ካተቴዳ እቼሻን ላይን ግብጼ ካቲ ሺሻቅ የሩሳላመ ካታማ ቆሄዳ። 
\v 26 መና ጎዳ ጌሻ ጎልያንነ ካትያ ጎለን ደእያ ሚሻ፥ ሶሎሞነ ቆጽሴዳ ዎርቃ ጎንዳለቱዋና ኡባ ቦንቂ አኪደ ቤዳ።\x - \xo 14:26 \xo*\xt 1 ካታ. 10:16-17፤ 2 ካታ. 9:15-16\xt*\x* 
\v 27 ያትና፥ ካቲ ሮብኣመ ሄ ጎንዳለቱዋ ድራዉ ናሃስያ ብራታፐ ሀራ ጎንዳለቱዋ መሴዳ፤ ኡንቱንቱ ናጊደ ዎና ማላ ካትያ ጎልያ ፐንግያ ናግያዋንቱ ካፓቶ እሜዳ። 
\v 28 ካቲ መና ጎዳ ጌሻ ጎልያ ብያ ዎደ ኡባን፥ ናግያዋንቱ ጎንዳለቱዋ ኦይቄድኖ። ሄዋፐ ስሚደ ኡንቱንቱ ዛሪደ፥ ናግያዋንቱ ጎለን ዎኖ።
\p
\v 29 ሮብኣመ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 
\v 30 ሮብኣምነ እዮርባም ኡባ ዎደ ኦለቲደ ደኤድኖ። 
\v 31 ሮብኣመ ሀይቂደ ባረ ማይዛን ጋከቴዳ፤ እ ዳዊታ ካታማን ደእያ ባረ አዎቱዋ ዱፉዋን ሞገቴዳ። አ ዳይ ሱንይ ናእሞ፤ እዛ አሞና ጋድያ አሳ። ሮብኣማ ኮታን አ ናአይ አቢ ካተቴዳ።
\c 15
\s1 ይሁዳ ካትያ አብያ
\r (2 ኦዱዋ 13:1—14:1)
\p
\v 1 ናባጻ ናኣ እዮርባም ካተቴዳ ታማነ ሆስፑን ላይን አቢይ ይሁዳን ካተቴዳ። 
\v 2 አቢይ የሩሳላመን ሄዙ ላይ ካተቴዳ። አ ዳያ አበሰሎማ ናት ናቶ፤ እ ሱንይ ማእኮ። 
\v 3 አፐ ካሰ አ አዉ ኦዳ ናጋራቱዋ ኡባ ኦዳ፤ አ ዎዛናይ አ አዉዋ አዉዋ አዉዋ ዳዊታ ዎዛናይ ፖሎ ግዴዳዋዳን መና ጎዳዉ፥ ባረ ጾሳዉ ፖሎ ግድቤና። 
\v 4 ግዶፐነ፥ አፐ ጉይያን የሩሳላመን ካተታና ማላነ የሩሳላመ ሳሮተ ናጋና ማላ፥ መና ጎዳይ አ ጾሳይ ዳዊታ ድራዉ አቢያዉ እት አቱማ ናኣ እሜዳ።\x - \xo 15:4 \xo*\xt 1 ካታ. 11:36\xt*\x* 
\v 5 ጾሳይ ሀዋ ኦዳ ጋሶታይ፥ ዳዊተ መና ጎዳ ስንን ሱረባ ኦዳ፤ ሂትያ ኦርዮና ቦላ ናጋራ ኦንፐ አትና፥ ባረ ደኡዋ ላይ ኡባን መና ጎዳ አዛዞቱዋፐ እትባነ ናገናን አግቤና።\x - \xo 15:5 \xo*\xt 2 ሳሜላ 11:1-27\xt*\x* 
\v 6 አቢይ ደኤዳ ላይ ኡባን ሮብኣማ አሳናነ እዮርባማ አሳና ኦለቲደ ደኤድኖ።
\p
\v 7 አቢይ ሀኔዳ ሀራባይነ እ ኦዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። አቢይነ እዮርባም ኦለቲደ ደኤድኖ። 
\v 8 አቢይ ሀይቂደ ባረ ማይዛን ጋከቴዳ፤ እ ዳዊታ ካታማን ሞገቴዳ። አ ሳኣን አ ናአይ አሳይ ካተቴዳ።
\s1 ይሁዳ ካትያ አሳ
\r (2 ኦዱዋ 15:16—16:6)
\p
\v 9 እስራኤልያ ካቲ እዮርባም ካተቴዳ ላታማን ላይን አሲ ይሁዳን ካተቴዳ። 
\v 10 አሲ የሩሳላመን ኦይታማነ እት ላይ ካተቴዳ። አ አዉዋ ዳይ ሱንይ ማእኮ፤ አ አበሰሎማ ናቶ። 
\v 11 አሲ ባረ ማይዛ አዉ ዳዊተ ኦዳዋዳን፥ መና ጎዳ ስንን ሱረባ ኦዳ። 
\v 12 ጎይኖ ዎጋ ኦደ አቱማ አሲ ሻርሙጽያ አቱማ አሳቱዋ አሳይ ባረ ቢታፐ ይሴዳ፤ አፐ ካሰ ደኤዳ ካተቱ መዳ ኤቃ ምስለቱዋ ኡባ ቆለረደ ኦሌዳ። 
\v 13 አ አዉዋ ዳያ ማእካካ አሼሮ ግያ ጾሳትዉ ቱና ኤቃ ምስልያ መዳ ድራዉ፥ ካትያ አቶ አ ጌተትያ ቦንቹዋፐ እዞ ድጌዳ። አሲ ሄ ኤቃ ምስልያ ቃንጸሬደ፥ ቀድሮና ዛንጋራን ጹጌዳ። 
\v 14 አሲ ጎይንያ ቃ ሳኣ ይሰናን አጎፐነ፥ እ ባረ ደኤዳ ላይ ኡባን መና ጎዳዉ ዎዛናፐ አማነትያ አሳ ግዲደ ደኤዳ። 
\v 15 እነ አ አዉ ጾሳዉ ዱማይ ዎዳ ብራ፥ ዎርቃነ ሀራ ሚሻቱዋ አሂደ፥ ጾሳ ጌሻ ጎልያ ግዶን ዎዳ።
\p
\v 16 ይሁዳ ካቲ አስነ እስራኤልያ ካቲ ባእሽ፥ ባረንቱ ካተቴዳ ላይ ኡባን ኦለቴድኖ። 
\v 17 እስራኤልያ ካቲ ባእሽ ይሁዳ ቦላ ዎራጄዳ፤ ማዪደ ይሁዳ ካትያ አሳ ቢታፐ ኦንነ ገለናዳንነ ከሰናዳን ተአናዉ ራማ ካታማ ዩሹዋ ምንሲደ ግምቤዳ።
\p
\v 18 ሄዋ ጋሱዋን ካቲ አሳይ መና ጎዳ ጌሻ ጎልያንነ ባረ ካትያ ጎለን አቴዳ ዎርቃነ ብራ ኡባ ከሲደ፥ ባረ ኦሳንቻቱ ኩሽያን ዎዳ። ሄዝያና ናኣ ናኣ፥ ጻብርሞና ናአዉ፥ ዳማስቆ ካታማን ደእያ ሶርያ ካትያ በንሀዳዳዉ፥ እሞታ ኦደ የዲደ ሀዋዳን ያጌዳ፦ 
\v 19 “ካሰ ታ አዉዋናነ ነ አቡና ጫቀቴዳዋዳን፥ አነ ታናናነ ኔናና ጫቀቶይተ። በአ፥ ሀዋ ብራነ ዎርቃ ታን ነዉ እሞታ እማናዉ የዳድ። እስራኤልያ ካቲ ባእሽ ባረ ኦላንቻቱዋ ታ ጋድያፐ ከሳና ማላ፥ ኔን ካሰ አናና ጫቀቴዳ ጫቁዋ ኮላ” ያጌዳ።
\p
\v 20 በንሀዳድ ካቲ አሲ ጌዳዋ ማዪደ፥ ባረ ኦላ ጋዳዎቱዋ እስራኤልያ ካታማቱዋ ኦላናዉ የዴዳ። ኡንቱንቱ አይኖ፥ ዳናነ አቤል-ቤትማእካ ጌተትያ ካታማቱዋ፥ ጋሊላ አባ ማታን ደእያ ቢታ፥ ንፍታሌማ ቢታናካ ጉጂደ ኡባ ጾኔድኖ። 
\v 21 ካቲ ባእሽ ሄዋ ስሲደ፥ ራማ ካታማ ግምቢያዋ አጊደ፥ ትርጻ ካታማ ቤዳ።
\p
\v 22 ሄዋፐ ጉይያን ካቲ አሲ ይሁዳን ደእያ አሳ ኡባ አዛዚና እቱነ አተናን ደንዲደ፥ ባእሽ ካሰ ያን ጎኤትያ ሹቻነ ም ራማፐ ኬዜድኖ። ካቲ አሲ ምጽጳነ ቢንያማ ቢታን ደእያ ገባአ አን ምንሲደ ግምቤዳ።
\p
\v 23 አሲ ሀኔዳ ሀራባይ፥ አ ምኖተ ኡባይ፥ እ ኦዳባይ ኡባይነ እ ኬጼዳ ካታማቱ ይሁዳ ካተቱ ታርክያ ማጻፋን ጻፈት ኡቴድኖ። ሽን እ ጭሜዳ ዎደ ገድያ ሳከቴዳ። 
\v 24 አሲ ሀይቂደ፥ ባረ ማይዛን ጋከቴዳ፤ ባረ ማይዛ አዉዋ ዳዊታ ካታማን ሞገቴዳ። አ ናአይ ዮሳፌጸ አ ሳኣን ካተቴዳ።
\s1 እስራኤልያ ካትያ ናዳባ
\p
\v 25 ይሁዳ ካቲ አሲ ካተቴዳ ላኤን ላይ እዮርባማ ናአይ ናዳበ እስራኤላን ካተቴዳ፤ እ እስራኤልያ ቢታን ላኡ ላይ ካተቴዳ። 
\v 26 ናዳበ ካሰ ባረ አዉዋ ኦግያነ እስራኤልያ አሳ እ ኦስሴዳ አ ናጋራ ኦግያን ሀመቲደ፥ መና ጎዳ ስንን ኢታባ ኦዳ።
\p
\v 27 ይሳኮራ ዛርያ ግዴዳ አኪያ ናአይ ባእሽ ናዳባ ቦላ ማቀቴዳ። ሄ ዎደ ናዳብነ አ ኦላንቻቱ ፕልስጼማን ደእያ ግባቶና ካታማ ዶዲደ ደኢኖ። 
\v 28 ይሁዳ ካቲ አሲ ካተቴዳ ሄዘን ላይን ባእሽ ናዳባ ዎደ፤ አ ሳኣን እ ባረዉ ካተቴዳ። 
\v 29 ባእሽ ካዉተ ዶሞ ሳናካ እዮርባማ ሶ አሳ ኡባ ዎ ዉርሴዳ፤ መና ጎዳይ ሴሎፐ ዬዳ ባረ ቆማ ትምቢትያ ኦድያ አኪያ ባጋና ኦዴዳዋዳንካ እዮርባማ ጎልያ አሳይ ኡባይ ሀይቂ ዉሬዳ።\x - \xo 15:29 \xo*\xt 1 ካታ. 14:10\xt*\x* 
\v 30 ሄዌ ሀኔዳዌ እዮርባም ባረ ሁጲያዉ ኦዳ ናጋራ ድራሳ፥ እስራኤልያ አሳ እ ኦስሴዳ ናጋራ ድራሳነ መና ጎዳ እስራኤልያ ጾሳ ሀንቀዳ ድራሳ።
\p
\v 31 ናዳበ ሀኔዳ ሀራባይነ እ ኦዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ። 
\v 32 ይሁዳ ካትያ አስነ እስራኤልያ ካትያ ባእሽ ባረንቱ ካዉተ ላይ ኡባን ኦለቲደ ደኤድኖ።
\s1 እስራኤልያ ካትያ ባእሻ
\p
\v 33 ይሁዳ ካቲ አሲ ካተቴዳ ሄዘን ላይን አኪያ ናአይ ባእሽ እስራኤልያ አሳ ኡባ ቦላ ካተቴዳ፤ እ ትርጻ ካታማን ላታማነ ኦይዱ ላይ ካተቴዳ። 
\v 34 እዮርባም እስራኤልያ አሳ ኦስሴዳ ናጋራ ኦደነ አ ኦግያን ሀመቲደ፥ ባእሽ መና ጎዳ ስንን ኢታባ ኦዳ።
\c 16
\p
\v 1 ሀናና ናኣ ዬሁ ባጋና መና ጎዳ ቃላይ ባእሻባ ሀዋዳን ያጊደ ዬዳ፤ 
\v 2 “ታን ኔና ባናፐ ደንደ ታ አሳ እስራኤልያ ቦላ ካፑዋ ከሳድ፤ ሽን ኔን እዮርባማ ኦግያን ሀመታዳ። ቃይ ታ አሳ እስራኤልያ ናጋራ ኦስሳደ፥ ኡንቱንቱ ናጋራን ታና ሀንቀዳ። 
\v 3 ሄዋ ድራዉ፥ በአ! ታን ባእሻነ አ ጎልያ አሳ ፕታና ሀናይ። ባእሻ፥ ታን ነ ጎልያ አሳ ናባጻ ናኣ እዮርባማ ጎልያ አሳዳን ኦና። 
\v 4 ባእሻ ዛርያ ግዲደ፥ ካታማን ሀይቂያ ኦናነ ካናይ ማና፤ ቃይ ጋጻርያን ሀይቂያ ኦናነ ሳሉዋ ካፎቱ ማና” ያጌዳ።
\p
\v 5 ባእሽ ሀኔዳ ሀራባይ፥ እ ኦዳባይነ አ ምኖተ እስራኤልያ ካተቱ ታርክያ ማጻፋን ጻፈት ኡቴዳ። 
\v 6 ባእሽ ሀይቂደ ባረ ማይዛን ጋከቴዳ፤ ትርጻ ካታማን ሞገቴዳ። አ ናአይ ኤል አ ሳኣን ካተቴዳ። 
\v 7 መና ጎዳይ ትምቢትያ ኦድያ ዬሁ ባጋና ባእሻ ቦላነ አ ሶ አሳ ቦላ ሄ ትምቢትያ ኦዴዳ ጋሱ ባእሽ ኦዳ ናጋራ ድራሳነ እዮርባምነ አ ሶ አሳይ ኦዳዋዳን፥ ኢታባ ኦደ፥ መና ጎዳ ሀንቀዳ ድራሳ። ቃይ እ እዮርባማ ሶ አሳ ኡባ ዎ ዉርሴዳ ድራሳ።
\s1 እስራኤልያ ካትያ ኤልያ
\p
\v 8 ይሁዳ ካቲ አሲ ካተቴዳ ላታማነ ኡሱፑን ላይን ባእሻ ናአይ ኤል እስራኤላን ካተቴዳ። ትርጻ ካታማን እ ላኡ ላይ ካተቴዳ። 
\v 9 ካትያ ኦላ ጋዳዋቱዋፐ እቱዋ ግዲደ፥ አ ፓራ ጋረቱዋፐ ባጋ አዛዝያ ዝምር ካትያ ቦላ ማቀቴዳ። ካቲ ኤል ሄ ዎደ ትርጻን ደእያ ካትያ ጎለዉ አዎትያ አርጻ ሶን ትርጻን ማት ኡቴዳ። 
\v 10 ይሁዳ ካቲ አሲ ካተቴዳ ላታማነ ላፑን ላይን ዝምር አርጻ ሶ ገሊደ ካትያ ዎደ፤ አ ሳኣን ባረዉ ካተቴዳ።
\p
\v 11 ዝምር ካዉቲደ፥ ካዉተ አራታን ኡቶሳናካ ባእሻ ሶ አሳ ኡባ ዎዳ። ባእሻዉ ዳቦ ግዲና ላገ ግዲና እት አቱማ አሳነ ፓጻ አሽቤና። 
\v 12 ትምቢትያ ኦድያ ዬሁ ባጋና መና ጎዳይ ባእሻ ቦላ ሃሳዬዳ ቃላዳን ዝምር ባእሻ ሶ አሳ ኡባ ዎ ይሴዳ። 
\v 13 ሄዌ ሀኔዳዌ ባእሽነ አ ናአይ ኤል ባረንቱ ኤቃዉ ጎይኒደ፥ ኦዳ ናጋራ ኡባ ጋሱዋንነ እስራኤልያ አሳ ኦስሴዳ ናጋራ ጋሱዋን፥ መና ጎዳ፥ እስራኤልያ ጾሳ ሀንቀዳ ድራሳ።
\p
\v 14 ኤል ሀኔዳ ሀራባይነ እ ኦዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
\s1 እስራኤልያ ካትያ ዝምራ
\p
\v 15 ይሁዳ ካቲ አሲ ካተቴዳ ላታማነ ላፑን ላይን ዝምር ትርጻን ላፑን ጋላሳ ጻላላ ካተቴዳ። ሄ ዎደ እስራኤልያ ኦላንቻቱ ግባቶና ጌተትያ ፕልስጼማ ካታማ ዶዲደ ኡቴድኖ። 
\v 16 ዶድ ኡቴዳ እስራኤላቱ ዝምር ካትያ ቦላ ማቀቲደ አ ዎዳዋ ስሴዳ ዎደ፥ ኦላ ጋዳዋ ኦምራ ሄ ጋላስካ ሄ ሳኣን እስራኤልያ ካትያ ከሲደ ካተዬድኖ። 
\v 17 ኦምርነ አናና ደእያ እስራኤልያ አሳይ ኡባይ ግባቶና ካታማፐ ከሲደ ቢደ፥ ትርጻ ካታማ ዶዴድኖ። 
\v 18 ካታማይ ኦይቀትክቼዳዋ በኤዳ ዎደ፥ ዝምር ካትያ ጎልያ ግዶን ደእያ ጌሱዋ ገሊደ፥ ካትያ ጎለን ታማ ኦይዳ፤ ያቲደ እካ ሀይቄዳ። 
\v 19 ሄዌ ሀኔዳዌ እዮርባም ኦዳ ናጋራነ እስራኤልያ አሳ ኦስሴዳ ናጋራ ካሊደ፥ ዝምር መና ጎዳ ስንን ኢታባ ኦዳ ድራሳ።
\p
\v 20 ዝምር ሀኔዳ ሀራባይነ እ ማቄዳ ማቁ እስራኤልያ ካተቱ ታርክያ ማጻፋን ጻፈት ኡቴዳ።
\s1 እስራኤልያ ካትያ ኦምራ
\p
\v 21 ሄ ዎደ እስራኤልያ አሳይ ላኡ ከሲደ ሻከቴዳ። አሳፐ ባጋይ ግናታ ናኣ ቲብና ካተያናዉ ኮይና፥ ባጋይ ቃይ ኦምራ ካተያናዉ ኮዬዳ። 
\v 22 ሽን ኦምራ ማድያ አሳይ ግናታ ናኣ ቲብና ማድያ አሳፐ ምኔዳ። ሄዋ ድራዉ፥ ቲብን ሀይቂና ኦምር ካተቴዳ።
\p
\v 23 ይሁዳ ካቲ አሳይ ካተቴዳ ሀታማነ እተን ላይን ኦምር እስራኤልያ አሳ ቦላ ካተቴዳ። ታማነ ላኡ ላይ ሞዴዳ፤ ሄዋፐ ኡሱፑን ላይ ትርጻን ሞዴዳ። 
\v 24 ኦምር ሳማርያ ግያ ደርያ ሸሜራ ጌተትያ ብታንያፐ ኡሱፑን ሻአ ጻጋራ ብራን ሻሜዳ፤ እት ካታማ አን ኬጼዳ። ያቲደ ሄ ካታማ ካሰ ሄ ደርያ ጎዳ ሱንን ሳማርያ ጊደ ሱንዳ።
\p
\v 25 ሽን ኦምር መና ጎዳ ስንን ኢታባ ኦዳ፤ እ ባረፐ ካሰ ደኤዳ ካተቱዋ ኡባቱዋፐካ አያ ናጋራ ኦዳ። 
\v 26 ናባጻ ናአይ እዮርባም ኦዳ ናጋራነ እስራኤልያ አሳ ኦስሴዳ ናጋራ ኦምር ካሌዳ፤ ሄ ኤቃዉ ጎይንያ ሀኖታይ መና ጎዳ እስራኤልያ ጾሳ ሀንቀዳ።
\p
\v 27 ኦምር ሀኔዳ ሀራባይ፥ እ ኦዳባይነ አ ምኖተ እስራኤልያ ካተቱ ታርክያ ማጻፋን ጻፈት ኡቴዳ። 
\v 28 ኦምር ሀይቂደ ባረ ማይዛን ጋከቴዳ፤ ሳማርያ ካታማን ሞገቴዳ። አ ናአይ አካብ አ ኮታን ካተቴዳ።
\s1 እስራኤልያ ካትያ አካባ
\p
\v 29 ይሁዳ ካቲ አሳይ ካተቴዳ ሀታማነ ሆስፑን ላይን ኦምራ ናአይ አካብ እስራኤላን ካተቴዳ፤ ኦምራ ናአይ አካብ ሳማርያ ካታማን እስራኤልያ ቦላ ላታማነ ላኡ ላይ ካተቴዳ። 
\v 30 ኦምራ ናአይ አካብ ባረፐ ካሰ ዎደ ደኤዳ ካተቱዋ ኡባቱዋፐካ አያ ኢታባ መና ጎዳ ስንን ኦዳ። 
\v 31 ናባጻ ናአይ እዮርባም ኦዳ ናጋራ ኦያዋ ላፋባ ጊደ ቆፕያዋ ጻላላ ግደናን ሲዶናቱዋ ካትያ ኤትባኣላ ናቶ ኤልዛቤሎ ባረዉ ማቾ ኦ አኪደ፥ ባኣላ ጌተትያ ኤቃዉ ኦናዉነ ጎይናናዉ ዶሜዳ። 
\v 32 ሳማርያ ካታማን እ ኬጽሴዳ ባኣላ ኤቃ ጎለን ባኣላዉ ያርሽያ ሳኣ ኬጼዳ። 
\v 33 ቃይ አካብ አሼሮ ጌተትያ ጾሳት ምስልያ ኤሲደ፥ ባረፐ ካሰ ደኤዳ ካተቱዋ ኡባቱዋፐ አደ መና ጎዳ እስራኤልያ ጾሳ ሀንቀያ ናጋራ ኦዳ።
\p
\v 34 አካባ ካዉተ ዎደ ቤቴለፐ ዬዳ ሂኤላ ጌተትያ እት ብታኒ ያርኮ ካታማ ዛረደ ኬጼዳ። ነዊ ናኣ ኢያሱ ባጋና መና ጎዳይ ኦዴዳዋዳን፥ ሂኤል ያርኮ ኬጻናዉ ባስያ ዎደ፥ አቢራማ ጌተትያ አ ባይራ ናአይ ሀይቄዳ፤ ቃይ ፐንግያ አያ ዎደ ሳጉባ ጌተትያ አ ዉርሰ ቴፋ ናአይ ሀይቄዳ።\x - \xo 16:34 \xo*\xt ኢያሳ 6:26\xt*\x*
\c 17
\s1 ናብያ ኤላሳ
\r (1 ካታ. 17:1—19:21)
\p
\v 1 ጋላኣደን ትሽበ ግያ ሳፐ ዬዳ፥ ትምቢትያ ኦድያ ኤላሳ ጌተትያ እት ብታኒ ካትያ አካባ ሀዋዳን ያጌዳ፤ “ታን አዉ ኦያ መና ጎዳይ እስራኤልያ ጾሳይ ኤሮ! ሀ ስንና ይያ ላይቱዋን ታን ኦደናን ደእሽን፥ ሳኣን እራይ ቡከና ዎይ ከተርሳይ ቤተና” ያጌዳ።\x - \xo 17:1 \xo*\xt ያቆባ 5:17\xt*\x*
\p
\v 2 ሄዋፐ ስሚደ መና ጎዳ ቃላይ ትምቢትያ ኦድያ ኤላሳኮ ዪደ አ ሀዋዳን ያጌዳ፤ 
\v 3 “ሀዋፐ ደንዳደ አዋይ ዶልያ ባጋ ባ፤ ያን ዮርዳኖሳ ሻፋፐ አዋይ ዶልያ ባጋና ደእያ ካሪታ ሻፋ ማታን ቆሰታ። 
\v 4 ኔን ሄ ሻፋፐ ሃ ኡሻና፤ ቁራቱ ኔና ሄ ሳኣን ቁማ ምዛናዳን ታን ኡንቱንታ አዛዛድ” ያጌዳ። 
\v 5 ኤላስ መና ጎዳይ ጌዳዋ ኦዳ፤ ዮርዳኖሳ ሻፋፐ አዋይ ዶልያ ባጋና ደእያ ካሪታ ሻፋ ቢደ፥ ያን ኡቴዳ። 
\v 6 ዎንታነ ኦማርስ ቁራቱ ኡክነ አሹዋ ኤላሳዉ አሂኖ፤ ሃካ ሻፋፐ ኡሼ። 
\v 7 ጋድያን እራይ ቡከና ድራዉ፥ ጉ ዎድያፐ ጉይያን ሻፋይ መሌዳ።
\s1 ኤላሳነ ስራፍታን ደእያ አምአቶ
\p
\v 8 ሄዋፐ ጉይያን መና ጎዳ ቃላይ ኤላሳኮ ዪደ፥ አ ሀዋዳን ያጌዳ፤ 
\v 9 “ሀ ሳፐ ደንዳደ፥ ሲዶና ማታን ደእያ ስራፍታ ባ፤ ያን ደአሻ። እት አምኤ ምሽራታ ኔና ቁማ ምዛናዳን ታን አዛዛድ” ያጌዳ።\x - \xo 17:9 \xo*\xt ሉቃሳ 4:25-26\xt*\x*
\p
\v 10 ኤላስ ደንዲደ ስራፍታ ቤዳ፤ እ ካታማ ፐንግያኮ ጋክያ ዎደ፥ እት አምኤ ምሽራታ ም ምጻዉ። ኤላስ ምሽራቶ ጼሲደ፥ “ሀያና፥ ታዉ ኡሻናዉ ሃ ቡልያን አካ ያርኪ” ያጌዳ። 
\v 11 ምሽራታ ሃ አሀናዉ ቢሽን እ ጼሲደ፥ “ሀያና ጉ ባሶ ኡክካ አካደ ያርኪ” ያጌዳ።
\p
\v 12 ምሽራታ አዉ፥ “መና ጎዳይ ነ ጾሳይ ኤሮ! ታዉ ኡክይ ባዋ። ታዉ ኦቱዋን እት ኩቻ ሊነ ጻሩዋን ጉ ዛይተ ጻላላይ ደኤ። ታን ሀዋ ዬዳዌ ጉ ም ምጻደ፥ ሶ ስማደ፥ ህኖካ ታዉነ ታ ናአዉ እት ገደ ኡካናሳነ ሚደ ሀይቃናሳ” ያጋዱ።
\p
\v 13 ኤላስ ምሽራትዉ፥ “አየነ ባዋ፥ ያዮፓ፤ ባደ ኔና ጌዳዋዳን ኦ። ሽን ካሰታደ ነ ልያፐ ጉ ኮምፑዋ ኮምፓደ ታዉ አካ ያ፤ ሄዋፐ ስማደ ነዉነ ነ ናአዉ ኮምፓ። 
\v 14 አያዉ ጎፐ፥ መና ጎዳይ እስራኤልያ ጾሳይ፥ ‘ሳኣ ቦላን መና ጎዳይ እራ ቡክሳና ጋካናዉ፥ ሊ ኦቱዋፐ ዉረና፤ ዛይቲካ ጻሩዋፐ ዉረና’ ያጌ” ያጌዳ።
\p
\v 15 ሄዋ ድራዉ፥ ምሽራታ ባደ፥ ኤላስ ኦዴዳዋዳን ኦዱ፤ ሄዋን ኤላስ፥ ምሽራታነ እ ሶ አሳይ ኡባ ጋላስ ቁማ ሜድኖ። 
\v 16 አያዉ ጎፐ፥ መና ጎዳይ ኤላሳ ባጋና ኦዴዳ ቃላ ናጊደ፥ ኦቱዋፐ ሊ ዉርቤናነ ጻሩዋፐ ዛይቲካ ዉርቤና።
\p
\v 17 ጉ ዎድያፐ ጉይያን ሄ ጎልያ ጎዳት ናአይ ሀርጌዳ፤ ሀርጊ ጎብ ጎብ ቢና፥ ዉርሰን ናአይ ሸምፑዋ ተኤቲደ ሀይቄዳ። 
\v 18 ያትና፥ ምሽራታ ኤላሳ፥ “ጾሳ አሳው፥ ኔን ታና ሞርክያባይ አያነ? ኔን ታ ናጋራ ሀሳይሳደ ታ ናኣ ዎናዉ ያድ?” ያጋዱ።
\p
\v 19 ኤላስ እዞ፥ “ነ ናኣ ታዉ ሀማ” ያጌዳ። ናኣ እ ክዉዋፐ አኪደ፥ ፑደ ባረ ደእያ ፖቅያ አፊደ ባረ አርሳን ግስሴዳ። 
\v 20 ያቲደ መና ጎዳዉ ሀዋዳን ያጊደ ዋሴዳ፤ “አቤት መና ጎዳዉ፥ ታ ጾሳዉ፥ ቃይ ሀ ታን ደእያ ምሽራት አምአት ናኣ ዎደ፥ እ ቦላካ መቱዋ አያይ?” ያጌዳ። 
\v 21 ሄዋፐ ስሚደ ናኣ ቦላ ሄዙ ገደ ዛቁሊደ፥ መና ጎዳዉ ሀዋዳን ያጊደ ዋሴዳ፤ “አቤት መና ጎዳዉ፥ ታ ጾሳዉ፥ ሀ ናኣ ሸምፑዋ ዛራ” ያጌዳ።\x - \xo 17:21 \xo*\xt 2 ካታ. 4:34-35\xt*\x*
\p
\v 22 መና ጎዳይ ኤላሳ ዋሱዋ ስሴዳ። ናኣ ሸምፑካ ስምና፥ ናአይ ፓጼዳ። 
\v 23 ኤላስ ናኣ አኪደ ፖቅያፐ ዱገ ዎዳ፤ ናኣ አትዉ እሚደ ሀዋዳን ያጌዳ፤ “በአ፥ ነ ናአይ ፓጼዳ” ያጌዳ።
\p
\v 24 ሄዋፐ ጉይያን ምሽራታ ኤላሳ፥ “ኔን ጾሳ አሳ ግዴዳዋነ ነ ዶናፐ ኦደትያ መና ጎዳ ቃላይ ቱማ ግዴዳዋ ታን ሀእ ኤራድ” ያጋዱ።
\c 18
\s1 ኤላሳነ ባኣላ ናባቱዋ
\p
\v 1 እራይ ዮደፐ ሄዘን ላይን፥ ኡንደና አግናይ አና መና ጎዳይ ኤላሳ፥ “ባ፤ ካትያ አካባዉ ቤታ። ታን ሀ ቢታን እራ ቡክሳና” ያጌዳ። 
\v 2 ኤላስ አካባዉ ቤታናዉ ደንዲደ ቤዳ።
\p ሄ ዎደ ሳማርያን ዎልቃማ ኮሻይ ደኤ። 
\v 3 አካብ ባረ ጎለዉ አዎትያ ኦባድያ ጼሴዳ። ኦባድ መና ጎዳ ምንሲደ አማንያ አሳ። 
\v 4 ኤልዛቤላ መና ጎዳ ሱንን ትምቢትያ ኦድያዋንታ ዎስያ ዎደ፥ ኦባድ ኡንቱንቱፐ ጼታቱዋ አኪደ፥ እሻታሙዋ እሻታሙዋ ሻክ፥ ጎንጎሎቱዋ ግዶን ቆሲደ፥ ካ ምዚደ ሃካ ኡሺደ ዎዳ።
\p
\v 5 አካብ ኦባድያ ጼሲደ፥ “ጋድያን ሳኣን ፑልቱ ደእያ ሳኣ ኡባነ ሻፋ ፑልቱዋ ኡባ ባ። ኦን ኤሪ፥ ኑን ማታ ደሚደ ፓራቱዋነ ባቁሎቱዋ ዎናን አሻናዌንቶነ” ያጌዳ። 
\v 6 ኡንቱንቱ ቢታ ሻክ ሻክ አክና፥ አካብ እት ኦግያ ኦይቂደ ባረካ ቤዳ፤ ቃይ ኦባደካ ሀራ ኦግያ ኦይቂደ ባረካ ቤዳ።
\p
\v 7 ኦባድይ ባረ ኦግያ ኦይቂደ ቢሽን፥ ኤላስ አናና ጋከቴዳ። ኦባድ ኤላሳ ኤሪደ ባረ ዴሙዋን ጉፋኒደ፥ “ታ ጎዳዉ ኤላሳ፥ ሀዌ ኔኔየ?” ያጌዳ።
\p
\v 8 ኤላስ አዉ፥ “ኤ ታና። ኔን ባደ፥ ‘ኤላስ ሀዋን ደኤ’ ያጋደ ነ ጎዳዉ ኦዳ” ያጌዳ።
\p
\v 9 ኦባድ ኤላሳዉ፥ “ታን ኔና አይ ናቂኔ ኔን ታና ነ ቆማ ሀይቆ ጋደ አካባ ኩሽያን አ እምያዌ? 
\v 10 መና ጎዳይ ነ ጾሳይ ኤሮ! ታ ጎዳይ ኔና ኮይሳናዉ ኪትቤና ደሪ ዎይ ካዉተ ኡባካ ባዋ። ኡንቱንቱ፥ ‘ኤላስ ሀዋን ባዋ’ ያግያ ዎደ፥ ኔን ሄዋን ባይናዌ ቱማ ግድያዋ ኤራናዉ አካብ ደርያ ሞድያዋንታ ጫቂሴዳ። 
\v 11 ሀእ ኔን ታና፥ ባደ ነ ጎዳዉ፥ ‘ኤላስ ሀዋን ደኤ’ ያጋደ ኦዳ ያጋሳ። 
\v 12 ታን ኔና የጋደ ቦዋን፥ መና ጎዳ አያናይ ኔና ደንደ፥ ታን ኤረና ሳኣ አፋና። ታን አካባዉ ኦድና፥ እ ኔና ደማና ዮፐ፥ ታና ዎና። ታን ነ ቆማይ ናአተደፐ ዶማደ መና ጎዳዉ ያይያ አሳ። 
\v 13 ኤልዛቤላ መና ጎዳ ሱንን ትምቢትያ ኦድያዋንታ ዎስያ ዎደ፥ ታን መና ጎዳ ናባቱዋፐ ጼቱዋ አካደ፥ እሻታሙዋ እሻታሙዋ እት ጎንጎሉዋን ቆሳደ፥ ቁማ ምዛድነ ሃካ ኡሻድ። ያትና፥ ሀ ታን ኦዳባይ ነዉ ታ ጎዳዉ ኦደትቤኔየ? 
\v 14 ሀእ ቃይ ኔን ታና፥ ባደ ነ ጎዳዉ፥ ‘ኤላስ ሀዋን ደኤ’ ያጋደ ኦዳ ያጋሳ። ኦዶፐ እ ታና ዎና” ያጌዳ።
\p
\v 15 ኤላስ አ፥ “ታን አዉ አዛዘትያ፥ ኡባፐ ዎልቃማ መና ጎዳይ ኤሮ! ቱማ ታን ሀቼ አካባዉ ቤታና” ያጌዳ።
\p
\v 16 ኦባድ አካባና ጋከታናዉ ቤዳ፤ አካባዉ ኦዴዳ። አካብ ኤላሳና ጋከታናዉ ቤዳ። 
\v 17 አካብ ኤላሳ በኤዳ ዎደ፥ “እስራኤልያ ጋድያ አ የግያዌ፥ ላ ሀዌ ኔኔ?” ያጌዳ።
\p
\v 18 ኤላስ አካባ፥ “እስራኤልያ ቢታ አ የግያዌ ታና ግድከ። መና ጎዳ አዛዙዋ አጊደ፥ ባኣላ ኤቃቶ ጎይኒደ፥ ቢታ አ የግያዌ ኔናነ ነ አዉዋ ሶ አሳ። 
\v 19 ሀእ እስራኤልያ አሳ ኡባ ቃርመሎሳ ደርያ ታኮ ሺሻ፤ ቃይ ኤልዛቤል ማዳፐ ምያ ትምቢትያ ኦድያዋንታ ኡባ ኡንቱንቱና እትፐ ሄ ሳኣ ሺሻ። ሄዋንቱካ ባኣላ ሱንን ትምቢትያ ኦድያ ኦይዱ ጼታነ እሻታማቱዋነ አሼር ሱንን ትምቢትያ ኦድያ ኦይዱ ጼታቱዋ” ያጌዳ።
\p
\v 20 ሄዋ ድራዉ፥ አካብ ኪቲደ፥ እስራኤልያ አሳ ኡባነ ትምቢትያ ኦድያዋንታ ቃርመሎሳ ደርያ ሺሼዳ። 
\v 21 ኤላስ ሺቄዳ አሳኮ ቢደ፥ “አዉደ ጋካናዉ ላኡ ቆፋን ባንቴ? መና ጎዳይ ጾሳ ግዶፐ፥ አ ካልተ፤ ግደናን ባኣላ ግዶፐ፥ እን አካ ካልተ” ያጌዳ። አሳይ አዉ ቃላነ ቃተናን ጮኡ ጌዳ።
\p
\v 22 ሄዋፐ ጉይያን ኤላስ አሳዉ ሀዋዳን ያጌዳ፤ “መና ጎዳ ሱንን ትምቢትያ ኦድያዋንቱፐ ታ ጻላላይ አታድ፤ ሽን ባኣላ ሱንን ትምቢትያ ኦድያዋንቱ ኦይዱ ጼታነ እሻታማ። 
\v 23 አነ ኑዉ ላኡ ኮሩማ ቦራቱ እመትኖ። ሄ ኮሩማቱዋፐ እቱዋ ኡንቱንቱ ዶርኖ፤ ኮሩማ ሹኪደ ቃንጸሬኖ፤ ያቲደ አሹዋ ም ቦላ ዎኖ፤ ሽን ታማ ኤፕኖ። ታንካ ላኤን ኮሩማ ጊግሳደ፥ ም ቦላ ዎና፤ ታንካ ታማ ኤከ። 
\v 24 ህንተንቱ ህንተንቱ ጾሳ ሱን ጼስተ፤ ታንካ መና ጎዳ ሱን ጼሳና። ኮዪደ፥ ያርሹዋ ምያ ታማ ኪትያ ጾሳይ ጾሳ ግዶ” ያጌዳ።
\p አሳይ፥ “ሀዌ ሎኦ ቆፋ” ያጊደ ማዬዳ።
\p
\v 25 ሄዋ ድራዉ፥ ኤላስ ባኣላ ሱንን ትምቢትያ ኦድያዋንታ፥ “ህንተንቱ ጮራ ግድያ ድራዉ፥ እት ኮሩማ ዶር አኪደ፥ ካሰቲደ ጊግስተ። ያቲደ ህንተንቱ ጾሳ ሱን ጼስተ፤ ሽን አን ታማ ኤፕተ” ያጌዳ።
\p
\v 26 ኡንቱንቱ ባረንቶ እመቴዳ ኮሩማ አኪደ ጊግሴድኖ።
\p ዎንታፐ ሴታ ጋላስ ጋካናዉ፥ ባኣላ ሱን ጼሲደ፥ “ሀይ ባኣላ፥ ኑ ዎሳ ስሳ” ያጊደ ዎሴድኖ። ሽን ስሰትያ ኮሻይ ባዋ፤ እት አሳይነ ኮይቤና። ያትና፥ ባረንቱ ጊግሴዳ ያርሽያ ሳኣ ዩይ አደ ዱሬድኖ።
\p
\v 27 ሳአይ ሴታ ጋላሳ ግድና፥ ኤላስ ኡንቱንቱ ቦላ፥ “ህንተንቱ ቃላ ቁ ኦደ ዎስተ! እ ጾሳ ግደኔ! ኦን ኤሪ፥ እ ቆፋን ሼኬደንቶ፥ ዎይ አዉ ኪታይ ዳሬደንቶ፥ ዎይ ሄራ ከሴደንቶ፥ ዎይ ገምእሼዳዋ ግዶፐ ደንናዉ ኮሼ!” ያጊደ ቅሊጬዳ።
\p
\v 28 ያግና ባረንቱ ቃላ ቁ ኦደ ዎሴድኖ። ቃይ ካሰ ባረንቱ ጎይንያ ዎጋዳን ባረንቱ ቦላና ሱይ ጎጋና ጋካናዉ ቶራንነ ማሻን ባረንታ ጫዴድኖ። 
\v 29 ያርሹዋ ሺሽያ ኦማርሳይ ጋካናዉ ኡንቱንቱ ሄዋዳን ሀኒደ፥ ትምቢትያ ኦዲኖ፤ ሽን ስሰትያ ኮሻይ ባዋ። ኡንቱንቱባ ሀይዚደ ዛሮ እምያባይ እቱነ ባዋ።
\p
\v 30 ያትና፥ ኤላስ አሳ ኡባዉ፥ “ሃ ታኮ ሺቅተ” ያጌዳ። አሳይ አኮ ሺቅና፥ መና ጎዳዉ ያርሽያ ሳአይ ኮለት ክቼዳዋ ዛረደ ግምቤዳ። 
\v 31 መና ጎዳ ቃላይ ያቆባኮ ዪደ፥ “ነ ሱንይ እስራኤልያ ግዳናዋ” ያጊደ ኦዴዳ ያቆባ ናና ዛራቱዋ ፓይዱዋዳን ኤላስ ታማነ ላኡ ሹቻቱዋ አኬዳ።\x - \xo 18:31 \xo*\xt ዶመ 32:28፤ 35:10\xt*\x* 
\v 32 መና ጎዳ ሱንዉ ሄ ሹቻቱዋን ያርሽያ ሳኣ ግምቤዳ። ታማነ ኦይዱ ባ ሃ ትግና አክያ ኦላ ያርሽያ ሳኣ ዩሹዋን ቦኬዳ።
\p
\v 33 ሄዋፐ ጉይያን ያርሽያ ሳኣ ቦላ ም ጊግስ ዎደ፥ ኮሩማ አሹዋ አ ቆሙዋን ቆሙዋን ቃንጸረደ፥ ም ቦላ ዎዳ። አሳቱዋ፥ “ኦይዱ ባቱዋን ሃ ኩንደ፥ ጹጋና ያርሹዋ ቦላነ ም ቦላ ጉስተ” ያጌዳ፤ ኡንቱንቱ ጉሴድኖ። 
\v 34 ያትና፥ ኤላስ አሳቱዋ፥ “ላኤንዋካ ጉጅተ” ያጌዳ፤ ኡንቱንቱ ላኤንዋ ጉጄድኖ።
\p ቃይካ ኤላስ አሳቱዋ፥ “ሄዘንዋካ ጉጅተ” ያጌዳ፤ ሄዘንዋካ ጉጄድኖ። 
\v 35 ሃይ ያርሽያ ሳኣ ዩሹዋን ጎጊደ ኦላን ሃይ ኩሜዳ።
\p
\v 36 ኦማርሳ ያርሹዋ ሺሽያ ዎዲ ጋክና፥ ትምቢትያ ኦድያ ኤላስ ያርሽያ ሳኣ ሺቂደ ሀዋዳን ያጊደ ዎሴዳ፤ “አቤት መና ጎዳዉ፥ አብራሃማ ጾሳዉ፥ ይሳቃ ጾሳዉ፥ እስራኤልያ ጾሳዉ፥ ኔን እስራኤልያ ቢታን ጾሳ ግድያዌነ፥ ታንካ ነ ቆማ ግድያዌነ፥ ቃይ ታን ሀዋ ኡባ ነ ቃላን ኦያዌ ሀቼ ኤረቶ። 
\v 37 አቤት መና ጎዳዉ፥ ኮያ! ኔን መና ጎዳይ ጾሳ ግድያዋነ ኔን ኡንቱንቱ ዎዛና ኔኮ ዛራደ ደእያዋ ሀ አሳቱ ኤራናዳን ኔን ታዉ ኮያ!” ያጌዳ።
\p
\v 38 መና ጎዳ ታማይ ዎደ፥ ጹግያ ያርሹዋ፥ ም፥ ሹቻነ ቢታ ሜዳ፤ ኦላ ግዶን ደእያ ሃካ ላጬዳ። 
\v 39 አሳይ ኡባይ ሄዋ በኤዳ ዎደ፥ ባረንቱ ዴሙዋን ጉፋኒደ፥ “መና ጎዳይ ጾሳ! መና ጎዳ ጻላላይ ጾሳ!” ያጌድኖ።
\p
\v 40 ሄዋፐ ጉይያን ኤላስ ኡንቱንታ፥ “ባኣላ ሱንን ትምቢትያ ኦድያዋንታ ኦይቂተ። ኡንቱንቱፐ እት አሳይነ ከስ አኪደ ቦፖ” ያጌዳ። ኡንቱንታ ኦይቄድኖ፤ ኤላስ ኡንቱንታ ቂሾና ሻፋ አፊደ ዎዳ።
\s1 ጾሳይ እራ ቡክሴዳ
\p
\v 41 ኤላስ አካባ፥ “ከሳደ ባ፤ ማ ኡሻ። አያዉ ጎፐ፥ ዎልቃማ እራ ጉንይ ስሰቴ” ያጌዳ። 
\v 42 ሄዋ ድራዉ፥ አካብ ማናዉነ ኡሻናዉ ቤዳ። ሽን ኤላስ ቃርመሎሳ ደርያ ጼራ ከሴዳ፤ ባረ ዴሙዋ ባረ ጉልባታቱ ግዶ ዱገ ገልሲደ ጉፋኔዳ።\x - \xo 18:42-45 \xo*\xt ያቆባ 5:18\xt*\x*
\p
\v 43 ሄዋፐ ጉይያን ኤላስ ባረ ቆማ፥ “ባ፤ ፑደ ከሳደ አነ አባኮ ዛራደ ጼላ” ያጌዳ።
\p አ ቆማይ ብ ጼሊደ አዉ፥ “አያይነ ባዋ” ያጌዳ።
\p ኤላስ ባረ ቆማ ላፑን ካላ፥ “ቃይካ አነ ጼላ” ያጌዳ።
\p ቆማይ ላፑ ገደ ጼሌዳ። 
\v 44 ላፑን ገደ ጼላና፥ “በአ፥ አሳ ኩሽያ ኬሻ ሻሪ አባፐ ከሴዳ” ያጌዳ።
\p ኤላስ ባረ ቆማ፥ “ባ፤ አካባ፥ ‘እራይ ኔና ቡሳ ድገናዳን፥ ነ ፓራ ጋርያን ኡታደ፥ ዱገ ነ ሶ ዎ’ ያጋ” ያጌዳ።
\p
\v 45 ጉ ኬሻ ጋምእሽን፥ ሳሉ ሻርያን ሜዳ፤ ጫርኩካ ጫርኬዳ፤ ዎልቃማ እራይካ ቡኬዳ። አካብ ፓራ ጋርያን ኡቲደ እዝራኤላ ካታማ ቤዳ። 
\v 46 መና ጎዳ ዎልቃይ ኤላሳ ቦላ ዎዳ፤ ኤላስ ካባ ሳቂያን ፑደ ስርቂደ፥ እዝራኤላ ካታማ ጋካናዉ አካባፐ ስንቲደ ዎጼዳ።
\c 19
\s1 ኤላስ ሲና ደርያ ቤዳ
\p
\v 1 ኤላስ ኦዳዋ ኡባነ ባኣላ ሱንን ትምቢትያ ኦድያዋንታ ኡባ ማሻን እ ዎት ዎደንቶ አካብ ኤልዛቤልዉ ኦዴዳ። 
\v 2 ኤልዛቤላ፥ “ኔን ሄ ትምቢትያ ኦድያዋንታ ኦዳዋዳን፥ ዎንት ሀኖደ ታን ኔና ኦና ዮፐ፥ ጾሳቱ ታና ዎና” ያጋደ ኤላሳዉ ኪታዱ።
\p
\v 3 ኤላስ ባረ ሸምፖ ያዪደ፥ ይሁዳ ቢታን ደእያ በርሳበሀ ዬዳ። ባረ ቆማ ሄዋን የጊደ፥ 
\v 4 ባረካ እት ጋላሳ ኦግያ ዎራን ሀመቴዳ። ቢደ እት ሳንካራ ኩዋን ኡቲደ፥ “አቤት መና ጎዳዉ፥ ታዉ ግዳናዋ፤ ታን ታ ማይዛ አዎቱዋፐ ኬክከ። ታ ሸምፑዋ አካ” ያጊደ ሀይቃናዉ ዎሴዳ።\x - \xo 19:4 \xo*\xt ዮሃ. 4:3\xt*\x*
\p
\v 5 ሄዋፐ ጉይያን ሳንካራ ኩዋን ዛቁሊደ ገምእሼዳ፤ እት ኪታንቻይ አ ቦቺደ፥ “ደንዳደ ማ” ያጌዳ። 
\v 6 እ ጼልያ ዎደ፥ ሆኦ ሹቻ ምሹዋን ኡከቴዳ ኮምፖ ኡክይነ ኦቱዋ ሃይ አ ሁጲሳን ደእያዋ በኤዳ። ሚደ ኡሼዳነ፤ ያቲደ ጉየ ግሴዳ። 
\v 7 መና ጎዳ ኪታንቻይ ላኤንዋ ዪደ ኤላሳ ቦቺደ፥ “ኔን ባና ኦጊ ዳሮ አዱሳ ግድያ ድራዉ፥ ደንዳደ ማ” ያጌዳ።
\p
\v 8 ኤላስ ደንዲደ ሜዳነ ኡሼዳነ። ሄ እ ሜዳ ቁማ ዎልቃን ጾሳ ደርያ ሲና ጋካናዉ፥ ኦይታሙ ጋላሳነ ኦይታሙ ቃማ ሀመቴዳ። 
\v 9 ሄ ሳኣን ደእያ ጎንጎሉዋ ግዶ ገሊደ አቄዳ።
\p መና ጎዳይ አ፥ “ኤላሳ፤ ሀዋን አይ ኦይ?” ያጌዳ።
\p
\v 10 ኤላስ፥ “ኡባፐ ዎልቃማ መና ጎዳዉ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ መንዳ፤ ነዉ ያርሽያ ሳኣካ ክንቼዳ፤ ነ ሱንን ትምቢትያ ኦድያዋንታካ ማሻን ዎዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ።\x - \xo 19:10 \xo*\xt ሮመ 11:3\xt*\x*
\p
\v 11 መና ጎዳይ አ፥ “ሄዋፐ ከሳ ባደ፥ ደርያ ሁጲያን ታ ስንን ኤአ” ያጌዳ። ኤላስ ኤቂደእሽን መና ጎዳይ አ ማታና አዳ። ሄ ዎደ ምኖ ዎልቃማ ጫርኩ ደርያ ጳልቀሬዳ፤ ዛላቱዋካ ክንቼሬዳ፤ ሽን መና ጎዳይ ሄ ጫርኩዋ ግዶን ባዋ። ጫርኩዋፐ ስምና ቢታይ ቃጼዳ፤ ሽን መና ጎዳይ ሄ ቢታ ጋጻንካ ባዋ። 
\v 12 ቢታ ጋጻፐ ስምና ታማይ ከሴዳ፤ ሽን መና ጎዳይ ታማ ግዱዋን ባዋ። ታማፐ ስምና ሳሱከይ ስሰቴዳ። 
\v 13 ኤላስ ሄ ሳሱከ ስሴዳ ዎደ፥ ባረ ዴሙዋ ካባን ካሜዳ። ያቲደ ካረ ከሲደ ጎንጎሉዋ ፐንግያን ኤቄዳ።
\p ኤላሳኮ ኮሻይ ዪደ፥ “ኤላሳ፥ ሀዋን አይ ኦይ?” ያጌዳ።
\p
\v 14 ኤላስ፥ “ኡባፐ ዎልቃማ መና ጎዳ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ አዳ፤ ነዉ ያርሽያ ሳካ ክንቼዳ፤ ነ ሱንን ትምቢትያ ኦድያዋንታካ ማሻን ዎዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ።
\p
\v 15 መና ጎዳይ ኤላሳ፥ “ኔን ዬዳ ሳኣና ስማደ፥ ዳማስቆ ባዙዋ ባ። ያ ጋካደ፥ ሀዛኤል ሶርያ ቦላ ካተታናዳን ኦካ።\x - \xo 19:15 \xo*\xt 2 ካታ. 8:7-13\xt*\x* 
\v 16 ቃይ ንምሻ ናአይ ዬሁ እስራኤልያ ቦላ ካተታናዳን ኦካ። ነ ሳኣን ትምቢትያ ኦዳናዳን አቤል ማሆላፐ ዬዳ ሻፋጻ ናኣ ኤልሳአ ኦካ።\x - \xo 19:16 \xo*\xt 2 ካታ. 9:1-6\xt*\x* 
\v 17 ሀዛኤላ ማሻፐ ከስ አክያ ኡባ ዬሁ ዎና፤ ቃይ ዬሁ ማሻፐ ከስ አክያ ኡባ ኤልሳእ ዎና። 
\v 18 ባኣላዉ ጉልባትቤና ዎይ ባረንቱ ዶናን ባኣላ ኤቃ የርቤና ላፑን ሻአ አሳ ታን እስራኤልያን ታዉ አሻና” ያጌዳ።\x - \xo 19:18 \xo*\xt ሮመ 11:4\xt*\x*
\s1 ኤላስ ኤልሳአ ጼሴዳ
\p
\v 19 ኤላስ ሄ ሳፐ ደንድ ቢደ፥ ሻፋጻ ናአይ ኤልሳእ ታማነ ላኡ ዋ ቦራን ጋድያ ጎሽያዋ ደሜዳ፤ ታማነ ላኤን ዋ ኤልሳእ ባረ ሁጲያዉ ኦይቂደ ጎሼ። ኤላስ አ ማታና አደ፥ ባረ ካባ አ ማይዜዳ። 
\v 20 ኤልሳእ ቦራቱዋ የግ አግ፥ ኤላሳ ጌዱዋ ዎጺደ፥ “ታን ታ አዉዋነ ታ ዳዮ ሳሩዋን ጋደ፥ የራ አካደ፥ ሄዋፐ ስማደ፥ ኔና ካላና” ያጌዳ።
\p ኤላስ ኤልሳአ፥ “ባ። ታን ነዉ አይ ኦድታ?” ያጌዳ።
\p
\v 21 ሄዋ ድራዉ፥ ኤልሳእ አጊደ ጉየ ስሚደ ዋ ቦራቱዋ ሹኬዳ፤ ቦራ ሚሻ ጳልቂ ኤደ አሹዋ ዶይሴዳ፤ አሹዋ አና አሳይ ሜዳ። ሄዋፐ ጉይያን ደንድ ቢደ፥ ኤላሳዉ ኦዳ።
\c 20
\ms እስራኤልያ ካትያ አካባ
\mr (20:1—22:40)
\s1 ሶሪ ሳማርያ ኦሌዳ
\p
\v 1 ሶርያ ካቲ በንሀዳድ ባረ ኦላንቻቱዋ ኡባ እትፐ ሺሼዳ። ሀታማነ ላኡ ካተቱዋን፥ ኡንቱንታ ፓራቱዋንነ ፓራ ጋረቱዋን ማደቲደ፥ ፑደ ቢደ ሳማርያ ካታማ ዶዴዳ፤ አ ቦላ ዎራጄዳ። 
\v 2 እስራኤልያ ካትያ አካባዉ ካታማ ግዶ አሳ ኪቲደ ሀዋዳን ያጌዳ፤ 
\v 3 “በንሀዳድ፥ ‘ነ ብራይነ ነ ዎርቃይ ታዋ ነ ማቼቱዋፐነ ነ ናናቱዋፐ ሎኡዋ ዳርያዋንቱ ታዋ’ ያጌ” ያጌዳ።
\p
\v 4 እስራኤልያ ካቲ ዛሪደ፥ “ኤ፥ ታ ጎዳዉ ካትያዉ፥ ኔን ጌዳዋካ ማላ፤ ታንካ ታዉ ደእያባይካ ኡባይ ነባ” ያጌዳ።
\p
\v 5 ቃይካ ኪተቴዳ አሳቱ ላኤንዋ ዪደ፥ “ኔና በንሀዳድ፥ ‘ታን ካሰ ኔና፥ “ነ ብራነ ነ ዎርቃ፥ ነ ማቼቱዋነ ነ ናና ታዉ እማ” ጋደ ኪታድ። 
\v 6 ሽን ዎንት ሀኖደ ነ ጎልያነ ነ ኦሳንቻቱ ጎልያ ፕልግ ጼላና ማላ ታ ኦሳንቻቱዋ የዳና። ኡንቱንቱ ኔን ሎኦባ ጋደ ዎዳዋ ኡባ አኪደ አፋናዋ’ ያጌ” ያጌድኖ።
\p
\v 7 እስራኤልያ ካቲ ሄ ቢታ ጭማቱዋ ኡባ ጼስ ሺሺደ፥ “ሀ ብታኒ ኑና ባይዛናዉ ኮይያዋ በእተ። እ ታ ማቻቱዋነ ታ ናና፥ ታ ብራነ ታ ዎርቃ አካናዉ ኪቴዳ፤ ታን አዉ እጻበይከ” ያጌዳ።
\p
\v 8 ጭማቱካ አሳይካ ኡባይ አካባ፥ “እ ኦድያዋ ስሶፓ! ዎይ አዉ፥ ‘ኤኖ’ ጎፓ!” ያጌድኖ።
\p
\v 9 ሄዋ ድራዉ፥ በንሀዳድ ኪቴዳዋንቶ አካብ፥ “ህንተንቱ ታ ጎዳዉ ካትያዉ፥ ‘ኔን ኮይሮ ኪቴዳ ኪታ ታን ፖላና፤ ሽን ሀ ኪታ ታን ፖላናዉ ዳንዳይከ’ ያጌ ጊደ ኦድተ” ያጌዳ።
\p ኪተቲደ ዬዳዋንቱ ቢደ ሄዋ በንሀዳዳዉ ኦዴድኖ። 
\v 10 ሄዋፐ ጉይያን በንሀዳድ ሀራ ኪታ የዲደ፥ “ታና ካልያ አሳ ሳማርያ ካታማ ባናይ እት እት ኩቻ ጋኮፐ፥ ጾሳቱ ታና ዎና” ያጌዳ።
\p
\v 11 እስራኤልያ ካቲ ኪተቲደ ዬዳዋንታ፥ “ቱሙ ኦላንቻይ ኦላፐ ስሚደ ገሬረፐ አትና፥ ብሮ ቢደ ገሬረና ያጊደ ኦድተ” ያጌዳ።
\p
\v 12 በንሀዳድነ ካተቱ፥ ባረንቱ ዱንካንያ ግዶን ኡሻ ኡሺደ ሄዋ ስሴዳ ዎደ፥ ካቲ ባረ ኦላንቻቱዋ፥ “ኦላናዉ ሳልፕተ” ያጊደ አዛዜዳ። ኡንቱንቱ ካታማ ኦላናዉ ሳልፔድኖ።
\p
\v 13 ሄ ዎደ ትምቢትያ ኦድያ እት ብታኒ እስራኤልያ ካትያ አካባኮ ዪደ፥ “መና ጎዳይ ኔና ሀዋዳን ያጌ፤ ‘ሀ ከንቼቻ ኦላንቻቱዋ ኡባ በአይ? ታን ሀቼ ኡንቱንታ ነ ኩሽያን አደ እማና፤ ታን መና ጎዳ ግድያዋ ኔን ሄዋን ኤራና’ ያጌ” ያጌዳ።
\p
\v 14 አካብ፥ “ኦላ ዶማናዌ ኦኔ?” ያጌዳ።
\p ትምቢትያ ኦድያዌ፥ “አዉራጃ ሞድያዋንቱ አዛዝያ ያላጋ ኦላንቻቱ ዶማና” ያጌዳ።
\p ካቲ፥ “አትያ ኦላንቻቱዋ ኦኔ አዛዛናዌ?” ያጌዳ።
\p ትምቢትያ ኦድያዌ፥ መና ጎዳይ ያጌ፤ “ኔን አዛዛና” ያጌዳ።
\p
\v 15 ሄዋ ድራዉ፥ አካብ አዉራጃ ሞድያዋንቱ አዛዝያ ያላጋ ኦላንቻቱዋ፥ ላኡ ጼታነ ሀታማነ ላአቱዋ ሺሼዳ። ቃይ አቴዳ እስራኤልያ አሳ፥ ላፑን ሻኣ ሺሼዳ።
\p
\v 16 በንሀዳድ ባረና ማዴዳ ሀታማነ ላኡ ካተቱዋና እትፐ ዱንካንያን ኡቲደ ኡሻን ማት ደእሽን፥ ሴታ ጋላስ እስራኤልያ ኦላንቻቱ ኦላዉ ከሴድኖ። 
\v 17 አዉራጃ ሞድያዋንቱ አዛዝያ ያላጋ ኦላንቻቱ ኮይሮ ከሲደ ቤድኖ።
\p በንሀዳድ ጾሞስያዋንታ ኪትና፥ ኡንቱንቱ ስሚደ አዉ፥ “ሳማርያፐ አሳይ ከስ ዪደ ደኤ” ያጊደ ኦዴዳ።
\p
\v 18 እ፥ “ኡንቱንቱ ስጋዉ ዮፐካ ኦላዉ ዮፐካ፥ ኡንቱንታ ፓጻ ኦይቂተ” ያጌዳ።
\p
\v 19 አዉራጃ ሞድያዋንቱ አዛዝያ ያላጋ ኦላንቻቱ ሳልፒደ፥ ካታማፐ ጋጻ ከሴድኖ፤ እስራኤልያ ኦላንቻቱካ ኡንቱንታ ካሊደ ከሴድኖ። 
\v 20 ኡባይካ ሁጲያን ሁጲያን ባረናና ኦላ ጋከቴዳ ሞርክያ ዎድኖ። ያትና፥ ሶርያ አሳቱ ባቃቴድኖ፤ እስራኤልያ አሳቱ ካሊደ የደርሴድኖ። ቃይ ሶርያ ካቲ በንሀዳድ ባረ ፓራ አሳቱዋና ባረ ፓራን ከስ አኪደ ቤዳ። 
\v 21 እስራኤልያ ካቲ ኦላዉ ከሲደ፥ ፓራቱዋነ ፓራ ጋረቱዋ ኦሞዴዳ፤ ሶርያ አሳቱዋካ ዎዋ ቡዳ።
\p
\v 22 ሄዋፐ ጉይያን ትምቢትያ ኦድያዌ እስራኤልያ ካትያኮ ዪደ፥ “ባ፤ ነ ባጋ ምንሳ። ኦሰታናዉ በስያብ አየንቶ አኬካ። አያዉ ጎፐ፥ ይያ ላይ ቦንያን ሶርያ ካቲ ኔና ላኤንዋ ኦላና” ያጌዳ።
\s1 ሶረቱ ላኤንዋካ ኦሌድኖ
\p
\v 23 ሄዋዳን ደእሽን ሶርያ ካትያ ኦሳንቻቱ አ ሀዋዳን ያጊደ ዞሬድኖ፤ “ኡንቱንቱ ጾሳቱ ደረቱዋ ጾሳቱዋ፤ ኡንቱንቱ ኑዉ ዎልቃሜዳዌካ ሀዋሳ። ሽን ኑን ኡንቱንቱና ደምባን ኦላ ጋከትንቶ፥ ኑን ቱሙ ኡንቱቱፐ ምናና። 
\v 24 እትባ ሀና፤ ካተቱዋ ኡባ ኡንቱንቱ አዛዝያ ሳፐ ድጋደ፥ ሀራ ካፓቱዋ ኡንቱንቱ ሳኣን ዎ። 
\v 25 ኑን እስራኤላቱዋና ደምባን ኦለታናዉነ ጾናናዉ ዳንዳያና ማላ፥ ነዉ ካሰ ዉሬዳ ኦላንቻቱ ሳኣን ኦላንቻቱዋ፥ ፓራቱዋ ሳኣን ፓራቱዋ፥ ፓራ ጋረቱዋ ሳኣን ፓራ ጋረቱዋ ዎደ፥ ደንናዉ ኮሼ” ያጌድኖ። እካ ኡንቱንቱ ዞርያ ማዪደ፥ ሄዋዳን ኦዳ።
\p
\v 26 ይያ ላይ ቦንያን በንሀዳድ ሶርያ ኦላንቻቱዋ ሺሺደ፥ እስራኤላቱዋና ኦለታናዉ አፌቃ ግያ ካታማ ቤዳ። 
\v 27 እስራኤልያ ኦላንቻቱካ ሺቂደ፥ ሽንቃነ ኦላ ሚሻ አኪደ፥ ኡንቱንቱና ኦላ ጋከታናዉ ላኡ ጭታ ግዲደ ከሴድኖ። እስራኤላቱ ላኡ ጉ ዴሻ ዉድያ ማላቲደ፥ ኡንቱንቱኮ ስሚደ ኡቴድኖ፤ ሽን ሶረቱ ጋጻርያ ኡባ ማዬድኖ።
\p
\v 28 ጾሳ አሳ ግያ እት ብታኒ ፑደ ዪደ፥ እስራኤልያ ካትያ፥ “መና ጎዳይ ሀዋዳን ያጌ፤ ‘ሶርያ አሳቱ፥ “ጾሳይ ደረቱዋ ጾሳ ግድያዋፐ አትና ደምባቱዋ ጾሳ ግደና” ያጌዳ ድራዉ፥ ሀ ከንቼቻ ኦላንቻቱዋ ኡባ ታን ነ ኩሽያን አ እማና። ሄ ዎደ ታን መና ጎዳ ግድያዋ ኔንነ ነ አሳይ ኤራና’ ያጌ” ያጌዳ።
\p
\v 29 ሶረቱነ እስራኤላቱ እቱ እቱዋኮ ስሚደ ሳልፒደ፥ ላፑን ጋላሳ ጋምኤድኖ። ላፑን ጋላሳን ኦላ ጋከቴድኖ፤ እስራኤላቱ እት ጋላሳን ሶርያ አሳፐ ጼቱ ሻአ ገድሳ አሳቱዋ ዎድኖ። 
\v 30 ኡንቱንቱፐ አቴዳዋንቱ ከስ አክ ቢደ፥ አፌቃ ካታማ ገሌድኖ። ላታማነ ላፑን ሻአ አሳ ቦላ ካታማ ዩሹዋ ግምቢ ኩንዲደ ያን ዎዳ።
\p በንሀዳድካ ሄ ካታማዉ ባቃቲደ፥ እት ቆልኡዋን ቆሰቴዳ። 
\v 31 አ ኦሳንቻቱ አ፥ “እስራኤልያ ካተቱ ማርያዋንታ ግድያዋ ኑን ስሴዶ። ዋሩዋ ኑ ዞክያን ማዪደ፥ ዎዶሩዋ ኑ ቆያን ጻጺደ፥ አነ እስራኤልያ ካትያኮ ቦይተ። ኦን ኤሪ፥ እ ኔና ፓጻ አሻናዌንቶነ” ያጌድኖ። 
\v 32 ዋሩዋ ባረንቱ ዞክያን ማዪደ፥ ዎዶሩዋ ባረንቱ ቆያን ጻጺደ፥ እስራኤልያ ካትያኮ ቤድኖ። አ፥ “ነ ቆማይ በንሀዳድ ኔና፥ ‘ሀይ ታና ዎፓርኪ’ ያጌ” ያጌድኖ።
\p ካቲ፥ “እ ሀኖ ጋካናስካ ፓጻ ደኢ? እ ታ እሻ” ያጌዳ።
\p
\v 33 አሳቱ ሎኦ ማላታዳን አ ሃሳያ ኤሌል አኪደ፥ “ኤ፥ ነ እሻይ በንሀዳድ ፓጻ ደኤ” ያጌድኖ።
\p እ ኡንቱንታ፥ “ቢደ አ ታኮ አኪደ ዪተ” ያጌዳ። በንሀዳድ ከሲደ ዪና፥ አካብ አ ፑደ ባረ ፓራ ጋርያ ቦላ ከሲደ ኡትሴዳ።
\p
\v 34 ያትና፥ በንሀዳድ አካባ ሀዋዳን ያጌዳ፤ “ታ አዉ ነ አዉዋፐ አኬዳ ካታማቱዋ ታን ነዉ ዛራና። ታ አዉ ሳማርያን ገያ ኤሴዳዋዳን ኔንካ ዳማስቆ ካታማን ገያ ኤሳና” ያጌዳ።
\p አካብ አ፥ “ታን ሀ ጫቁዋን ኔና የዳና” ያጌዳ። አናና ጫቁዋ ጫቀቲደ አ የዴዳ።
\s1 አካባ ቦላ ትምቢቲ ኦደቴዳ
\p
\v 35 ትምቢትያ ኦድያዋንቱ ጩጉዋፐ እት ብታኒ መና ጎዳ ቃላን አዛዘቲደ እት ባረ ላግያ፥ “ታና ሾጫ” ያጌዳ፤ ሽን ሄ ብታኒ ሾጨናን እጼዳ። 
\v 36 ትምቢትያ ኦድያዌ አ፥ “ኔን መና ጎዳዉ አዛዘተናን እጼዳ ድራዉ፥ ኔን ታፐ ሻከታደ ቢና ኤለካ ኔና ጋሙ ዎና” ያጌዳ። ብታኒ ትምቢትያ ኦድያዋፐ ሻከት ብና ኤለካ ጋሙ ጋከቲደ ዎ ባሼዳ።\x - \xo 20:36 \xo*\xt 1 ካታ. 13:24\xt*\x*
\p
\v 37 ትምቢትያ ኦድያዌ ቃይካ ሀራ እት ብታንያ ደሚደ፥ “ታና ሾጫ” ያጌዳ። ብታኒ አ ሾጬዳ፤ ትምቢትያ ኦድያዌ ማዱንጼዳ።
\p
\v 38 ቢደ፥ ካትያ ናጊደ ኦግያ ዶናን ኤቄዳ። ኤረተናን አታናዉ ባረ ዴሙዋ ጎዜዳ። 
\v 39 ካቲ ኦግያና አያ ዎደ፥ ትምቢትያ ኦድያዌ ካትያ ጼሲደ ሀዋዳን ያጌዳ፤ “ታን ነ ቆማይ ኦላን ኦለትሽን እት ብታኒ ታኮ ዪደ፥ ‘ሀ ኦሞደቴዳ ብታንያ ናጋ። ሀ ብታኒ ባቃትያዋ ግዶፐ፥ ነ ሸምፑ አ ሸምፑዋና ጋደ፥ ዎይ ሄዙ ሻአ ጻጋራ ብራ ጭጋሳ’ ያጌዳ። 
\v 40 ታን ነ ቆማይ ኪታይ ዳርና፥ ያነ ሃነ ጊሽን፥ ብታኒ ከስ አኪደ ብ ክቼዳ” ያጌዳ።
\p እስራኤልያ ካቲ፥ “ኔን ኔረካ ፕርዳዳ፤ ነ ፕርዳይካ ሄዋ ግዳናዋ” ያጌዳ።
\p
\v 41 ትምቢትያ ኦድያዌ ባረ ዴሙዋ ጎዜዳ ጫርቂያ ፖሽ የጌዳ። ፔና እ ትምቢትያ ኦድያዋንቱፐ እቱዋ ግድያዋ ካቲ ኤለካ ኤሬዳ። 
\v 42 ትምቢትያ ኦድያዌ ካትያዉ፥ “መና ጎዳይ፥ ‘ታን፥ “እ ሀይቃና በሰ” ጌዳ ብታንያ ኔን የዳ አጋዳ። ሄዋ ድራዉ፥ ነ ሸምፑ አ ሸምፖ ኮታ ጊዳና፤ ነ አሳይ አ አሳ ኮታ ግዳና’ ያጌ” ያጌዳ። 
\v 43 እስራኤልያ ካቲ ሀንቀቲድነ ላንጪደ፥ ባረ ሶ ሳማርያ ካታማ ቤዳ።
\c 21
\s1 ናቡተ ዎይንያ ቱራ ሳኣ
\p
\v 1 እዝራኤልያ ናቡተዉ ሳማርያ ካትያ አካባ ጎልያ ማታን እዝራኤላን ዎይንያ ቱራ ሳአይ ደኤ። 
\v 2 አካብ ናቡታ፥ “ታ ጎልያ ማታን ደእያ ድራዉ፥ ታን ታዉ አታክልትያ ሳኣ ኦናዉ ታዉ ነ ዎይንያ ቱራ ሳኣ እማ። አ ድራዉ ነዉ ታን ሀራ ሎኦ ዎይንያ ቱራ ሳኣ እማና፤ ዎይ ኔን ዶሶፐ፥ አ ጋትያ ታን ነዉ ጭጋና” ያጌዳ።
\p
\v 3 ናቡተ አካባዉ፥ “ታን ታ አዎቱዋፐ ላቴዳ ጋድያ ታና ነዉ እምስያባፐ መና ጎዳይ አሾ” ያጌዳ።
\p
\v 4 እዝራኤልያ ናቡተ፥ “ታን ታ አዎቱዋፐ ላቴዳ ጋድያ ነዉ እምከ” ጌዳ ድራዉ፥ አካብ ይሎቲደነ ላንጪደ ባረ ሶ ቤዳ። ባረ ግሱዋን ጎዳኮ ስም ግሲደ፥ ቁማ ሜናን እጼዳ።
\p
\v 5 አ ማቻታ ኤልዛቤላ አኮ ገላደ፥ “ኔን ሀዋ ኬና አያዉ ሀንቀታዲ? አያዉ ቁማ ሜናን እጻይ?” ያጋደ ኦቻዱ።
\p
\v 6 አካብ እዝዉ፥ “እዝራኤልያ ናቡታ ታን፥ ‘ነ ዎይንያ ቱራ ሳኣ ታዉ ዛልአ፤ ዎይ ነ ዶሶፐ፥ አ ድራዉ ታን ነዉ ሀራ ዎይንያ ቱራ ሳኣ እማና’ ያግና፥ እ፥ ‘ታ ዎይንያ ሳኣ ነዉ እምከ’ ያጌዳ። ታን ሄዋ ድራዉ ሀንቀታድ” ያጌዳ።
\p
\v 7 ማቻታ ኤልዛቤላ አ፥ “ኔን እስራኤልያ ቦላ ካትያ ግዳደ ሀዋዳን ሀናይ? ደንዳደ ማ! ዎዛናፐ ናሸታ! እዝራኤልያ ናቡተ ዎይንያ ቱራ ሳኣ ታን ነዉ እማና” ያጋዱ።
\p
\v 8 ሄዋ ድራዉ፥ ማቻታ አካባ ሱንን ዳብዳበቱዋ አ ማታፋን አታማደ ናቡተና እትፐ ካታማን ደእያ ጭማቶነ ዎልቃማ አሳቶ ኪታዱ። 
\v 9 ሄ ዳብዳበቱዋ ሀዋዳን ያጋደ ጻፋዱ፤ “እት ጋላሳዉ ጾማ አዋይተ፤ ያቲደ አሳ ግዱዋን ናቡታ ቦንቾ ሳኣን ኡትስተ። 
\v 10 ላኡ ፓና አሳቱዋ አ ስንን ኡትስተ። ሄ አሳቱ፥ ‘ናቡተ ጾሳነ ካትያ ቦሬዳ ያጊደ ማርካታናዳን ኦተ። ሄዋፐ ጉይያን ጋጻ ከሲደ፥ ሹቻን ጫድ ዎተ’ ” ያጋደ ጻፋዱ።
\p
\v 11 ሄዋ ድራዉ፥ ናቡተና እትፐ ካታማን ደእያ ጭማቱነ ዎልቃማ አሳቱ ኤልዛቤላ ኡንቱንቶ ጻፌዳ ዳብዳበቱዋን ጌዳዋዳን ኦድኖ። 
\v 12 ኡንቱንቱ ጾማ አዋዪደ፥ ናቡታ አሳ ግዶን ቦንቾ ሳኣን ኡትሴድኖ። 
\v 13 ሄዋፐ ጉይያን ላኡ ፓና አሳቱ ዪደ፥ አኮ ስም ኡቲደ፥ አሳ ስንን፥ “ናቡተ ጾሳነ ካትያ ቦሬዳ” ያጊደ ዎርዱዋ ማርካቴድኖ። ናቡታ ካታማፐ ጋጻ ከሲደ፥ ሹቻን ጫዲደ ዎድኖ።
\p
\v 14 ሄዋፐ ጉይያን ጭማቱ ኤልዛቤልኮ ኪቲደ፥ “ናቡተ ሹቻን ጫደቲደ ሀይቄዳ” ያጌድኖ።
\p
\v 15 ናቡተ ሹቻን ጫደቲደ ሀይቄዳዋ ኤልዛቤላ ስሶ ሳናካ፥ አካባ፥ “እዝራኤልያ ናቡተ ነዉ ሻሉዋን ዛልአናዉ እጼዳ ዎይንያ ቱራ ሳኣ ደንዳ ባደ፥ ነዉ አካ። እ ሀእ ፓጻ ባዋ፤ ሀይቂክቼዳ” ያጋዱ። 
\v 16 እዝራኤልያ ናቡተ ሀይቄዳዋ አካብ ስሲደ፥ ናቡተ ዎይንያ ቱራ ሳኣ ባረዉ አካናዉ ደንዲደ፥ ዱገ ቤዳ።
\p
\v 17 ሄዋፐ ጉይያን ትሽቢያ ኤላሳኮ መና ጎዳ ቃላይ ዪደ፥ 
\v 18 “ሳማርያን ካተቴዳ እስራኤልያ ካትያ አካባና ጋከታናዉ ዱገ ዎ። እ ሀእ ናቡተ ዎይንያ ቱራ ሳኣ አካናዉ ቢደ፥ ያን ደኤ። 
\v 19 ኔን አ ሀዋዳን ያጋ፤ ‘መና ጎዳይ ኔና፥ “ብታንያ ዎደ፥ አ ጋድያ ነዉ አካዳ ግድኪ?” ያጌ’ ያጋ። ቃይካ አ፥ ‘መና ጎዳይ ኔና፥ “ናቡተ ሱ ካናቱ ላጬዳ ሳኣን ነ ሱካ ካናቱ ላጫና” ያጌ’ ያጋ” ያጌዳ።\x - \xo 21:19 \xo*\xt 1 ካታ. 22:38\xt*\x*
\p
\v 20 ሄዋፐ ጉይያን አካብ ኤላሳ፥ “ሀይ ታ ሞርክያዉ፥ ታና ደማድጋዲ?” ያጌዳ።
\p “ኤ፥ ታን ኔና ደማ ድጋድ፤ አያዉ ጎፐ፥ ኔን መና ጎዳ ስንን ኢታባ ኦናዉ፥ ነ ሁጲያ ናጋራዉ ዛልኣዳ። 
\v 21 ጾሳይ ኔና ሀዋዳን ያጌ፤ ‘ስሳ፥ ታን ነ ቦላ ኢታባ አሀና። ታን ነ ዘረ ይሳና፤ ታን እስራኤልያ ቢታን አካባ ጎልያ አሳፐ አይልያ ግድና ሎኡዋ ግድና፥ እት አቱማ አስነ አተናን ቆላና። 
\v 22 ታን ነ ሶ አሳ ናባጻ ናኣ እዮርባማ ሶ አሳዳንነ አኪያ ናኣ ባእሻ ሶ አሳዳን ኦና። አያዉ ጎፐ፥ ኔን እስራኤልያ አሳ ናጋራ ኦስሳደ፥ ታና ሀንቀዳ’ ያጌ። 
\v 23 ቃይ መና ጎዳይ ኤልዛቤልባ ኦዲደ፥ ‘እዝራኤላ ካታማ ግምቢያ ምይያን ካናቱ ኤልዛቤሎ ማና’ ያጌ።\x - \xo 21:23 \xo*\xt 2 ካታ. 9:36\xt*\x* 
\v 24 አካባ ዛርያ ግዴዳ ካታማን ሀይቂያ ኦናነ ካናይ ማና፤ ቃይ ጋጻርያን ሀይቂያ ኦናነ ሳሉዋ ካፎቱ ማና” ያጌዳ።
\p
\v 25 ባረ ማቻታ ኤልዛቤላ ደንና፥ መና ጎዳ ስንን ኢታባ ኦናዉ ባረ ሁጲያ ናጋራዉ ዛልኤዳ፥ አካባ ማላ አሳይ ኡባካ ባዋ። 
\v 26 መና ጎዳይ እስራኤልያ አሳ ስንፐ ላጊደ ከሴዳ አሞረቱዋዳን ኤቃዉ ጎይንያዋን አካብ አያ ሸነይያባ ሀኔዳ።
\p
\v 27 አካብ ሀ ሃሳያ ስሴዳ ዎደ፥ ባረ ማዩዋ ፔደ፥ ዋሩዋ ማዬዳ፤ ያቲደ ጾሜ። ዋሩዋ ማዮሳና ግሴዳ፤ ካዮቲደ ሀመቴዳ።
\p
\v 28 ሄዋፐ ጉይያን መና ጎዳ ቃላይ ትሽቢያ ኤላሳኮ ዪደ፥ 
\v 29 “አካብ ባረ ሁጲያ ታ ስንን ካዉሼዳዋ በኣዲ? እ ታ ስንን ባረ ሁጲያ ካዉሼዳ ድራዉ፥ ታን ሀ ባሻ አ ዎድያን አህከ። ሽን ታን አ ናኣ ዎድያን አ ሶ አሳ ቦላ ሀ ባሻ አሀና” ያጌዳ።
\c 22
\s1 ትምቢትያ ኦድያ ምካስ አካባዉ ጾነትያዋ ኦዴዳ
\r (2 ኦዱዋ 18:2-27)
\p
\v 1 ሶሪነ እስራኤሊ ኦለተናን ሄዙ ላይ ሳሮ ደኤድኖ። 
\v 2 ሄዛን ላይን ይሁዳ ካቲ ዮሳፌጸ እስራኤልያ ካትያ በአናዉ ቤዳ። 
\v 3 እስራኤልያ ካቲ ባረ ቆማቶ፥ “ጋላኣደን ደእያ ራሞታ ካታማይ ኑዋ ግድያዋነ ኑን ሀኖ ጋናዉ ሄ ካታማ ሶርያ ካትያፐ ዎ አካናዉ አይነ ኦቤናዋ ኤርክቴ?” ያጌዳ። 
\v 4 ቃይካ እ ዮሳፌጻ፥ “ጋላኣደን ደእያ ራሞታ ካታማ ኦላናዉ ታናና ባኒ?” ያጌዳ።
\p ዮሳፌጸ እስራኤልያ ካትያ፥ “ኤ፥ ኔን ኦላ ባናዉ ጊግያ ዎደ አዉደነ፥ ታን ጊጋና። ታ ኦላንቻቱ ነ ኦላንቻቱዋ ማላ፤ ታ ፓራቱካ ነ ፓራቱዋ ማላ” ያጌዳ። 
\v 5 ቃይካ ዮሳፌጸ እስራኤልያ ካትያ፥ “ግዶፐነ፥ ኔን ካሰታደ መና ጎዳ ኦቻ” ያጌዳ።
\p
\v 6 እስራኤልያ ካቲ ትምቢትያ ኦድያ ኦይዱ ጼቱዋ አሳቱዋ እትፐ ሺሺደ፥ “ጋላኣደን ደእያ ራሞታ ካታማ ኦላናዉ ቦ ቦፖ?” ያጊደ ኡንቱንታ ኦቼዳ።
\p ኡንቱንቱ፥ “ባ፤ አያዉ ጎፐ፥ ጾሳይ ሄ ካታማ ካትያ ነ ኩሽያን አደ እማና” ያጌድኖ።
\p
\v 7 ሽን ዮሳፌጸ፥ “ኑን መና ጎዳ ኦቻናዉ ዳንዳይያ ትምቢትያ ኦድያ ሀራ አሳይ ሀዋን ባዌ?” ያጌዳ።
\p
\v 8 እስራኤልያ ካቲ ዮሳፌጻዉ ዛሪደ፥ “ኑን አ ባጋና መና ጎዳ ኦቻናዉ ዳንዳይያ እት ሀራ ብታኒ ደኤ፤ እ ይምላ ናኣ ምካሳ። ሽን ታን አ እጻይ፤ አያዉ ጎፐ፥ እ ኡባ ዎደካ ታዋ ኢታባ ኦዴፐ አትና ሎኦባ ኦድ ኤረና” ያጌዳ።
\p ዮሳፌጸ እስራኤልያ ካትያ፥ “ካቲ ሄዋዳን ጎፖ!” ያጌዳ።
\p
\v 9 ሄዋፐ ጉይያን እስራኤልያ ካቲ ባረ ኦሳንቻቱዋፐ እቱዋ ጼሲደ፥ “ይምላ ናኣ ምካሳ ኤለካ አካደ ያ” ያጌዳ።
\p
\v 10 እስራኤልያ ካቲነ ይሁዳ ካቲ ዮሳፌጸ ባረንቱ ካዉተ ማዩዋ ማዪደ፥ ሳማርያ ካታማ ገልያ ፐንግያ ማታን ደእያ ኡዱማን ባረንቱ ካዉተ አራታን ኡቴድኖ፤ ትምቢትያ ኦድያ ኡባቱ ኡንቱንቱ ስንን ትምቢትያ ኦዲኖ። 
\v 11 ኡንቱንቱፐ እቱ፥ ካናእና ናአይ ጽድቂ ብራታፐ ካጨቱዋ ጊግሲደ፥ አካባ፥ “መና ጎዳይ ሀዋዳን ያጌ፤ ‘ሶረቱ ያና ጋካናዉ ኔን ኡንቱንታ ሀ ካጨቱዋን ቃይጫና’ ያጌ” ያጌዳ። 
\v 12 ትምቢትያ ኦድያ ሀራ ኡባቱካ፥ “ጋላኣደን ደእያ ራሞታ ካታማ ባደ ኦላ፤ ኦላደካ ጾና። አያዉ ጎፐ፥ መና ጎዳይ ሄ ካታማ ካትያ ኩሽያን አደ እማና” ያጊደ ኦዴድኖ።
\p
\v 13 ሄዋፐ ጉይያን ምካሳ ጼሳናዉ ኪተት ቤዳ ብታኒ አ፥ “በአ፥ ትምቢትያ ኦድያ ኡባቱ እት ዶና ግዲደ፥ ‘ካቲ ሀ ኦላ ጾናና’ ያጊደ ኦዴድኖ። ሄዋ ድራዉ፥ ሀያና ነ ኦዱካ ኡንቱንቱፐ እቱዋ ማላ ግዶ፤ ኔንካ ሎኦባ ኦዳ” ያጌዳ።
\p
\v 14 ሽን ምካስ ሄ ብታንያ፥ “መና ጎዳይ ኤሮ! መና ጎዳይ ታዉ ኦድያዋ ታን ኦዳና” ያጌዳ።
\p
\v 15 ምካስ ካትያኮ ዬዳ ዎደ፥ ካቲ አ፥ “ምካሳ፥ ኑን ጋላኣደን ደእያ ራሞታ ካታማ ኦላናዉ ባኔየ ቦፓነ?” ያጊደ ኦቼዳ።
\p ምካስ ካትያ፥ “ባደ ኦላ፤ ኦላደካ ጾና። መና ጎዳይ ሄ ካታማ ካትያ ኩሽያን አደ እማና” ያጌዳ።
\p
\v 16 ካቲ አ፥ “ኔን መና ጎዳ ሱንን ቱሙዋፐ አትና ሀራባ ታዉ ኦደናዳን ታን ኔና አፑ ገደ ጫቀናዉ ኮሺ?” ያጌዳ።
\p
\v 17 እ፥ “እስራኤልያ ኦላንቻቱ ኡባይ ሄንንቻይ ባይና ዶርሳቱዋዳን ደርያን ላለቴዳዋንታ ታን በኣድ። መና ጎዳይ ኡንቱንታ፥ ‘ሀዋንቶ ጎዳይ ባዋ። ኡንቱንቱ ኡባይካ ባረንቱ ሶ ባረንቱ ሶ ሳሮ ቢኖ’ ያጌ” ያጌዳ።\x - \xo 22:17 \xo*\xt ፓይ. 27:17፤ ማቶሳ 9:36፤ ማር. 6:34\xt*\x*
\p
\v 18 እስራኤልያ ካቲ ዮሳፌጻ፥ “ ‘እ ታዋ ኢታባ ኦዴፐ አትና፥ ሎኦባ ኦድ ኤረና’ ጋደ፥ ታን ነዉ ኦዳበይክታ?” ያጌዳ።
\p
\v 19 ምካስ ጉጂደካ ሀዋዳን ያጌዳ፤ “ስም መና ጎዳይ ግያዋ ስሳ! መና ጎዳይ ባረ ካዉተ አራታን ኡትና፥ ሳሉዋ ኦላንቻቱ ኡባይ አ ኡሸቻናነ ሀድርሳና ኤቄዳዋንታ ታን በኣድ።\x - \xo 22:19 \xo*\xt ኢሳ. 6:1፤ ኢዮባ 1:6\xt*\x* 
\v 20 መና ጎዳይ፥ አካበ ጋላኣደን ደእያ ራሞታ ካታማ ቢደ፥ ያን ሀይቃናዳን ባለናዌ ኦኔ? ያጌዳ። እቱ ሀዋዳን ግያ ዎደ፥ ሀራይ ቃይ ሄዋዳን ጌዳ። 
\v 21 ሄዋፐ ጉይያን ኢታ አያናይ ከሲደ መና ጎዳ ስንን ኤቂደ፥ ‘ታን አ ባለና’ ያጌዳ።
\p
\v 22 “መና ጎዳይ አያና፥ ዋታ ባለን? ያጌዳ።
\p “አያናይ፥ ‘ታን ከሳ ባደ፥ አዉ ትምቢትያ ኦድያዋንቱ ኡባቱዋ ዶናን ዎርዶትያ አያና ግዳና’ ያጌዳ።
\p “መና ጎዳይ፥ ‘ኤ፥ ኔን አ ባለና፤ ነዉ ሄዌ ሀናና። ባደ ባለ’ ያጌዳ” ያጌዳ።
\p
\v 23 ምካስ ጉጂደካ፥ “ሄዋ ድራዉ፥ መና ጎዳይ ነዉ ትምቢትያ ኦድያዋንቱ ሀዋንቱ ኡባቱዋ ዶናን ዎርዶትያ አያና ዎዳ፤ አያዉ ጎፐ፥ መና ጎዳይ ነ ቦላ ባሻ አሀናዉ ቃቼዳ” ያጌዳ።
\p
\v 24 ሄዋፐ ጉይያን ካናእና ናአይ ጽድቂ ሺቂደ፥ ምካሳ ሻይያ ባቂደ፥ “መና ጎዳ አያናይ ታ ማታፐ ዋኒደ ነዉ ኦዳናዉ ቤዴ?” ያጌዳ።
\p
\v 25 ምካስ አ፥ “ኔን ቆሰታናዉ ቆልኦ ገልያ ጋላስ ሄዋ ደማና” ያጌዳ።
\p
\v 26 ሄዋፐ ጉይያን እስራኤልያ ካቲ ባረ ኦላንቻቱዋፐ እቱዋ አዛዚደ፥ “ምካሳ ኦይቃደ ካታማ ሞድያ አሞናዉነ ታ ናኣ ዮኣሻዉ አፋደ እማ። 
\v 27 ኡንቱንታ፥ ካቲ ህንተንታ፥ ‘ሀ ብታንያ ቃሾ ጎለን ቃቺደ ታን ሳሮ ስማና ጋካናዉ፥ ጉ ኡክፐነ ሃፐ ሀራባ አያነ አዉ እሞፕተ’ ያጌ ያጋ” ያጌዳ።
\p
\v 28 ምካስ አ፥ “ቱሙ ኔን ሳሮ ስምያዋ ግዶፐ፥ መና ጎዳይ ታናን ሃሳይቤና” ያጌዳ። ቃይካ ምካስ፥ “አሳዉ ኡባዉ፥ ታን ኦዴዳዋ አኬክተ” ያጌዳ።
\s1 አካባ ሀይቁዋ
\r (2 ኦዱዋ 18:28-34)
\p
\v 29 ሄዋፐ ጉይያን እስራኤልያ ካቲነ ይሁዳ ካቲ ዮሳፌጸ ጋላኣደን ደእያ ራሞታ ካታማ ቤድኖ። 
\v 30 እስራኤልያ ካቲ ዮሳፌጻ፥ “ታን ማዩዋ ላማደ፥ ሀራ አሳ ማላታደ፥ ኦላዉ ገላና፤ ሽን ኔን ነ ካትያ ማዩዋ ማያ” ያጌዳ። እስራኤልያ ካቲ ማዩዋ ላሚደ፥ ሀራ አሳ ማላቲደ፥ ኦላዉ ገሌዳ።
\p
\v 31 ሶርያ ካቲ ባረ ፓራ ጋረቱዋ አዛዝያ ሀታማነ ላኡ አሳቱዋ፥ “ግታትና ጉጽና ሀራ አሳ ኦናናካ ኦለቶፕተ፤ እስራኤልያ ካትያ ጻላላና ኦለትተ” ያጊደ አዛዜዳ።
\p
\v 32 ፓራ ጋርያ አዛዝያዋንቱ ዮሳፌጻ በኤዳ ዎደ፥ “ቱማ ሀዌ እስራኤልያ ካትያ” ያጌድኖ። አናና ኦለታናዉ ስሜድኖ፤ ዮሳፌጸ ዋሴዳ። 
\v 33 ፓራ ጋረቱዋ አዛዝያዋንቱ እ እስራኤልያ ካትያ ግደናዋ በኢደ፥ አ የደርስያዋ አግ አጌድኖ።
\p
\v 34 እት ብታኒ ጮ ባረ ዎንዳፍያን ኦላንቻቱ ቦላ ዱኪደ፥ እስራኤልያ ካትያ ኦላ ማዩ ጋከትያ ሄራና ጫዴዳ። እስራኤልያ ካቲ ባረ ጋርያ ላግያ ብታንያ፥ “ጋርያ ጉየ ዛራደ፥ ታና ኦላ ግዱዋፐ ከሳ። አያዉ ጎፐ፥ ታን ኢታ ጫቻ ጫደታክቻድ” ያጌዳ። 
\v 35 ሄ ጋላስ ኦላይ ሱልያ ዎደ፥ እስራኤልያ ካቲ አካብ ባረ ፓራ ጋርያ ግዶን ዘምፒደ፥ ሶረቱዋ ስንን ታኬዳ። አ ጫቻ ሱይ ፓራ ጋርያ ግዶ ጉክና፥ ሄ ኦማርስካ እ ሀይቂ ባሼዳ።
\p
\v 36 አዋይ ዉላናዉ ማትሽና ኦላንቻቱ ግዶን፥ “አሳይ ኡባይ ባረ ካታማ ባረ ካታማ ቦ! አሳይ ኡባይ ባረ ጋድያ ባረ ጋድያ ቦ!” ያግያ አዛዙ ከሴዳ።
\p
\v 37 ሄዋፐ ጉይያን ኡንቱንቱ ካትያ ሳማርያ ካታማ አሂደ ያን ሞጌድኖ። 
\v 38 ሻርሙጻቱ ሜጨትያ፥ ዳጋት ኡቴዳ ሳማርያ ሃን ኡንቱንቱ ጋርያ ሜጬድኖ። መና ጎዳይ ካሰ ሃሳዬዳ ቃላዳንካ፥ አ ሱ ካናቱ ላጬድኖ።
\p
\v 39 አካብ ሀኔዳ ሀራባይ፥ እ ኦዳባይ ኡባይ፥ ዳንጋርሳ ዛልያን ካትያ ጎልያ እ ኬጼዳባይነ እ ግምቤዳ ካታማቱዋባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ። 
\v 40 አካብ ሀይቂደ ባረ ማይዛን ጋከቴዳ፤ አ ሳኣን አ ናአይ አካዝያስ ካተቴዳ።
\s1 ይሁዳ ካትያ ዮሳፌጻነ እስራኤልያ ካትያ አካዝያሳ
\r (22:41-53፤ 2 ኦዱዋ 20:31—21:1)
\p
\v 41 እስራኤልያ ካቲ አካብ ካተቴዳ ኦይደን ላይን አሳ ናአይ ዮሳፌጸ ይሁዳን ካተቴዳ። 
\v 42 እ ካተትያ ዎደ ላይይ አዉ ሀታማነ እቼሻ፤ እ የሩሳላመን ላታማነ እቼሹ ላይ ካተቴዳ። አ ዳያ ሺልሀ ናቶ አዙቦ ጌተታዉ። 
\v 43 ዮሳፌጸ ባረ አዉዋ አሳ ኦግያን ኡባን ሀመቴዳ፤ እ ሄ ኦግያፐ ሸርእ ግቤና፤ መና ጎዳ ስንን ሱረባ ኦዳ። ግዶፐነ፥ ጎይንያ ቃ ሳኣ ይስቤና፤ አሳይ ሄ ግሹዋን ያርሹዋ ያርሽያዋነ እጻና ጩዋይያዋ አግቤና። 
\v 44 ዮሳፌጽካ እስራኤልያ ካትያና ስገቴዳ።
\p
\v 45 ዮሳፌጸ ሀኔዳ ሀራባይ፥ አ ምኖተይነ እ ኦለቴዳ ኦላይ ይሁዳ ካተቱ ታርክያ ማጻፋን ጻፈት ኡቴዳ። 
\v 46 ጎይኖ ዎጋ ኦደ አቱማዋንቱ አቱማዋንቱና ሻርሙጽያዋንታ፥ አ አዉ አሳይ ካተቴዳ ዎድያፐ አቴዳዉንታ ጋድያፐ ይሴዳ።
\p
\v 47 ሄ ዎደ ኤዶማ ቢታን ካቲ ባዋ፤ ሄ ቢታ ሱንቴዳ ካፑ ሞዴዳ።
\p
\v 48 ኦፊራ ጋድያ ቢደ ዎራ አሀናዳን ዮሳፌጸ ዎልቃማ ማርካባቱዋ መዳ፤ ሽን ሄ ማርካባቱ ኤጽዮን-ጋብራን መኤረቴድኖፐ አትና ኡባካ ብበይክኖ። 
\v 49 ሄ ዎደ አካባ ናአይ አካዝያስ ዮሳፌጻ፥ “ታ ቆማቱዋና ነ ቆማቱዋ እትፐ ማርካብያን ቢኖ” ያጌዳ፤ ሽን ዮሳፌጸ እጼዳ።
\p
\v 50 ዮሳፌጸ ሀይቂደ ባረ ማይዛን ጋከቴዳ። ባረ ማይዛ አዉዋ ዳዊታ ካታማን ሞገቴዳ። አ ሳኣን አ ናአይ ዮራመ ካተቴዳ።
\s1 እስራኤልያ ካትያ አካዝያሳ
\p
\v 51 ይሁዳ ካቲ ዮሳፌጸ ካተቴዳ ታማነ ላፑን ላይን አካባ ናአይ አካዝያስ እስራኤልያ ቦላ ሳማርያን ካተቴዳ፤ እስራኤልያ ቦላ ላኡ ላይ ካተቴዳ። 
\v 52 አካዝያስ መና ጎዳ ስንን ኢታባ ኦዳ፤ ባረ አዉዋነ ባረ ዳይ ኦግያንነ እስራኤልያ አሳ ናጋራ ኦስሴዳ ናባጻ ናኣ እዮርባማ ኦግያን ሀመቴዳ። 
\v 53 አካዝያስ ባኣላዉ ኦዳነ ጎይኔዳ። አ አዉ ካሰ ኦዳዋዳን፥ መና ጎዳ፥ እስራኤልያ ጾሳ እ ሀንቀዳ።