\id 1JN - Dawuro Full Bible Ethiopic Version
\ide UTF-8
\h 1 ዮሃንሳ ኪታ
\toc1 ዮሃንስ ጻፌዳ ኮይሮ ኪታ
\toc2 1 ዮሃንሳ ኪታ
\toc3 1 ዮሃ.
\mt1 ዮሃንስ
\mt2 ጻፌዳ ኮይሮ ኪታ
\imt ገሉዋ
\ip የሱስ ኪቴዳ ዮሃንስ ጻፌዳ ኮይሮ ኪታይ፥ ላኡ ሁጰ ቆፋቱዋ ኦይቄዳ፤ ሄዋንቱካ: ናባብያዋንቶ ጾሳናነ አ ናኣ የሱስ ክርስቶሳና እትፐተይ ደአናዳን መንናሳነ ሀ እትፐተ ይሳናዉ ዳንዳይያ ዎርዶ ትምርትያፐ ኡንቱንቱ ሃካና ማላ፥ ምንሲደ አኬክሳናሳ። ሄ ዎደ ደንዴዳ ዎርዶ ትምርቲ “ኢታተይ ፑልትያዌ ሀ ኑን ደእያ ዎልቃማ አላምያና ጋከትያ ጋከና ግድያ ድራዉ፥ ጾሳ ናአይ የሱስ ሙለካ አሳ ግዳናዉ ዎይ፥ አሳተ ኤሻይ አዉ ደአናዉ ዳንዳየና” ያግያዋ። ሄ አስታማራቱ፥ “አቶተ ጉሳይ አላምያ ደኦ ኡንኤትያዋፐ ላአ ከስያዋ” ያጊኖ። ሄዋ ቦላካ ቃይ “ኢታነ ኬካ ሻኪደ ኦይቂያዋ ዎይ፥ ሀራ አሳዉ ሲቁዋ በስያዋ ግዶፐካ፥ አቶተና ኡንቱንታ ጋያባይ ባዋ” ያጊኖ።
\ip ጻፊ ሀ ትምርትያ ኤቀቲደ፥ “የሱስ ክርስቶስ ፖሎ አሳ፤ የሱሳን አማንያዋንቱነ ጾሳ ሲቅያዋንቱ ኡባይ ባረንቱ ግዶንካ እቱ እቱዋና ሲቀታናዉ በሴ” ያጊደ ኦዴዳ።
\iot ሸምፓቱዋ ኡባቶ እመቴዳ ቃን ቆፋቱዋ
\io1 ገሉዋ \ior 1:1-4\ior*
\io1 ፖኡዋነ ማ \ior 1:5—2:29\ior*
\io1 ጾሳ ናናነ ጻላህያ ናና \ior 3:1-24\ior*
\io1 ቱሙዋነ ባለዋ \ior 4:1-6\ior*
\io1 ሲቁዋ ኦሱዋ \ior 4:7-21\ior*
\io1 ጾንያ አማኑዋ \ior 5:1-21\ior*
\c 1
\s1 ደኡዋ ቃላ
\p
\v 1 ኑን ኮይሩዋፐ ዶሚደ ደእያ፥ ኑ አይፍያን በኢደ፥ ኑ ኩሽያን አ ቦች በኤዳ ደኡዋ ቃላባ ህንተንቶ ጻፌቶ። ኑን አ በኤዶ፤ ኑ ኩሺካ አ ቦች በኤዳ።\x - \xo 1:1 \xo*\xt ዮሃ. 1:1\xt*\x* 
\v 2 ሄ ደኡ ቆንጭና፥ ኑን አ በኢደ፥ አባ ህንተንቶ ማርካቴቶ፤ ቃይ ጾሳ አዉዋ ማታን ደእያ ኑዉ ቆንጬዳ መና ደኡዋባ ህንተንቶ ኦዴቶ።\x - \xo 1:2 \xo*\xt ዮሃ. 1:14\xt*\x* 
\v 3 ቃይ ኑናና ህንተንቶ እትፐተይ ደአና ማላ፥ ኑን በኤዳዋነ ስሴዳዋ ህንተንቶ ኦዴቶ፤ ኑዉ አዉዋናነ አ ናኣ የሱስ ክርስቶሳና እትፐተይ ደኤ። 
\v 4 ኑን ኑ ናሸቻይ ፖለታና ማላ፥ ሀዋ ህንተንቶ ጻፌቶ።
\s1 ጾሳይ ፖኡዋ
\p
\v 5 ኑን ጾሳ ናኣፐ ስሲደ፥ ህንተንቶ ኦድያ ኪታይ፥ “ጾሳይ ፖኡዋ፤ አን ማይ ሙለካ ባዋ” ያግያዋ። 
\v 6 ኑን ኑዉ አናና እትፐተይ ደኤ ጊደ ማን ደኦፐ፥ ኑ ሃሳያንነ ኑ ኦሱዋን ዎርዶቴቶ። 
\v 7 ሽን ፖኡዋን እ ደእያዋዳን፥ ኑንካ ፖኡዋን ደኦፐ፥ ኑዉ እቶ እቱዋና እትፐተይ ደኤ፤ ቃይ አ ናኣ፥ የሱስ ክርስቶሳ ሱይ ናጋራ ኡባፐ ኑና ጌሼ።
\p
\v 8 ኑን ናጋራ ኦበይኮ ጎፐ፥ ኑረካ ኑና ጭሜቶ፤ ኑናን ቱማተይካ ባዋ። 
\v 9 ሽን ኑን ጾሳዉ ኑ ናጋራ ፓጾፐ፥ እ ኑ ናጋራ አቶ ጋናዉነ ኑ ባይዞ ኦሱዋ ኡባፐ ኑና ጌሻናዉ፥ አማነትያዋነ ቱሙዋ ኦያዋ። 
\v 10 ኑን ናጋራ ኦበይኮ ጎፐ፥ ጾሳ ዎርዱዋ ጌቶ፤ አ ቃላይካ ኑ ዎዛናን ደኤና።
\c 2
\s1 ክርስቶስ ኑዉ ጋናትያዋ
\p
\v 1 ታ ናቶ፥ ናጋራ ህንተ ኦናዳን፥ ታን ሀዋ ህንተንቶ ጻፋይ፤ ሽን ኦንነ ናጋራ ኦፐ፥ አዉዋ ማታን ኑዉ ጋናትያ የሱስ ክርስቶስ፥ ጽሉ፥ ደኤ። 
\v 2 ቃይ ኑን ኑ ናጋራ አቶ ጌተቱሳ ክርስቶሳ ባጋና ደሜቶ፤ ክርስቶስ ያርሸቴዳዌ አሳ ኡባ ናጋራ ድጋናሳፐ አትን፥ ኑ ናጋራ ጻላላ ድጋናሳ ግደና።
\p
\v 3 ኑን ጾሳ አዛዙዋ ናጎፐ፥ ቱሙ አ ኤርያዋ ሄዋን ሻካናዉ ዳንዳዬቶ። 
\v 4 እት ኡራይ፥ “ታን አ ኤራይ” ጊደ፥ ቃይ አ አዛዙዋ ናገናን አጎፐ፥ ሄ ኡራይ ዎርዱዋ፤ ቱማተይካ አን ባዋ። 
\v 5 ሽን አ ቃላዉ አዛዘትያ ኦና ግዶፐነ፥ ሄ ኡራይ ጾሳ ሲቅያዌ ቱሙ ፖለቴዳ። ኑን ጾሳን ደእያዋ ሀዌ ኑና ኤርሴ። ሄዌካ፥ 
\v 6 “ታን፥ ጾሳን ደአይ” ግያ ኦንነ ክርስቶስ ደኤዳዋዳን ደአናዉ በሴ።
\s1 ኦራ አዛዙዋ
\p
\v 7 ታ ሲቃቶ፥ ታን ህንተንቶ ኮይሩዋፐ ደእያ ኤጫ አዛዙዋ ጻፋይፐ አትን፥ ኦራ አዛዙዋ ጻፍከ፤ ሄ ኤጫ አዛዙ ህንተ ስሴዳ ቃላ።\x - \xo 2:7 \xo*\xt ዮሃ. 13:34\xt*\x* 
\v 8 ግዶፐካ፥ ታን ህንተንቶ ላኤንዋ ኦራ አዛዙዋ ጻፋይ፤ ሄ አዛዙዋ ቱማተይካ ክርስቶሳንነ ህንተናን ቤቴ። አያዉ ጎፐ፥ ማይ ዬ፤ ቱሙ ፖኡ ሀእ ፖኤ።
\p
\v 9 ፖኡዋን ደአይ ጊደ፥ ባረ እሻ እጽያ ኦንነ ሀኖ ጋካናዉካ ማን ደኤ። 
\v 10 ባረ እሻ ሲቅያ ኦንነ ፖኡዋን ደኤ፤ ሄ ኡራን ሀራ ኡራ ቢያባይ አያይነ ባዋ። 
\v 11 ሽን ባረ እሻ እጽያ ኦንነ ማን ደኤ፤ ማን ሀመቴ። ማይ አ አይፍያ ቆቅስ ዎዳ ድራዉ፥ ሀቃ ብንቶነ ኤረና።
\q1
\v 12 ታ ናቶ፥ ጾሳይ ክርስቶሳ ሱን ድራዉ፥
\q2 ህንተ ናጋራ አቶ ያጌዳ ድራዉ፥
\q2 ታን ህንተንቶ ጻፋይ።
\q1
\v 13 አዋቶ፥ ኮይሩዋፐ ደእያዋ ህንተ ኤሬዳ ድራዉ፥
\q2 ህንተንቶ ጻፋይ።
\q1 ያላጋቶ፥
\q2 ጻላህያ ካፑዋ ህንተ ጾኔዳ ድራዉ፥
\q2 ህንተንቶ ጻፋይ።
\q2 ጉ ናቶ፥ ጾሳ አዉዋ ህንተ ኤሬዳ ድራዉ፥
\q2 ህንተንቶ ጻፋይ።
\q1
\v 14 አዋቶ፥ ኮይሩዋፐ ደእያዋ ህንተ ኤሬዳ ድራዉ፥
\q2 ህንተንቶ ጻፋይ።
\q1 ያላጋቶ፥
\q2 ህንተ ምኖ ግድያ ድራዉነ
\q1 ጾሳ ቃላይ ህንተናን ደእያ ድራዉ፥
\q2 ቃይ ጻላህያ ካፑዋ ህንተ ጾኔዳ ድራዉ፥
\q2 ህንተንቶ ጻፋይ።
\p
\v 15 ሀ አላምያ ዎይ አላምያን ደእያ አያነ ሲቆፕተ። ህንተ ሀ አላምያ ሲቆፐ፥ ጾሳ ሲቁ ህንተናን ባዋ። 
\v 16 አያዉ ጎፐ፥ ሀ አላምያን ደእያ ኡባባይ፥ ሄዌካ: አሳተ አሙ፥ አይፍያን ጼሊደ ካጄልያዌነ ባረ ደእያዋን ጬቀትያዌ ሀ አላምያፐ ዬዳዋፐ አትን፥ ጾሳፐ ይቤና። 
\v 17 ሀ አላሚነ ሀ አላምያን አሳይ አሞትያ ኡባባይ አና። ሽን ጾሳይ ጌዳዋ ኦያ ኡራይ መናዉ ደአና።
\s1 ክርስቶሳ ኤቀትያዋፐ ናገትያዋ
\p
\v 18 ታ ናቶ፥ ዎድያ ዉርሰይ ማታቴዳ፤ ክርስቶሳ ኤቀትያዌ ስንፐ ያናዋ ህንተ ስሴዳዋዳን፥ ሀራይ አቶ ሀእካ አ ኤቀትያዋንቱ ጮራቱ ደንዴድኖ። ሄዋ ድራዉ፥ ዎድያ ዉርሰይ ማታቴዳዋ ኑን ሄዋን ኤሬቶ። 
\v 19 ሀ ኤቀትያዋንቱ ኑ ባጋ ግደና ድራዉ፥ ኑ ግዶፐ ከሴድኖ፤ አያዉ ጎፐ፥ ኡንቱንቱ ኑ ባጋ ግድያባ ግድንቶነ፥ ኑ ግዶን ደአና፤ ሽን ኡንቱንቱፐ ኦንነ ኑ ባጋ ግደናዌ ኤረታና ማላ፥ ኑ ግዶፐ ከሴድኖ።
\p
\v 20 ሽን ክርስቶስ ህንተ ቦላ ጌሻ አያና ጉሴዳ፤ ቃይ ህንተ ኡባይ ቱሙዋ ኤሪታ። 
\v 21 ቱሙዋ ህንተ ኤርያ ድራዉነ ቃይ ቱሙዋን ዎርዱ አያይነ ባይናዋ ህንተ ኤርያ ድራዉ፥ ታን ህንተንቶ ጻፋይፐ አትን፥ ቱሙዋ ህንተ ኤረና ድራዉ ጻፍከ።
\p
\v 22 የሱስ ኦከቴዳ ክርስቶሳ ግድያዋ ኤርከ ግያ ኡራፐ አትን፥ ዎርዱ ኦኔ? ሄዌ ጾሳ አዉዋነ ናኣ ኤርከ ግያዌ ክርስቶሳ ኤቀትያዋ። 
\v 23 ጾሳ ናኣ ኤርከ ግያ ኦናነ ጾሳ አዉካ ኤረና፤ ጾሳ ናኣ ኤራይ ግያ ኦናነ ቃይ ጾሳ አዉካ ኤሬ።
\p
\v 24 ሄዋ ድራዉ፥ ኮይሩዋፐ ህንተ ስሴዳዋ ህንተ ዎዛናን ምንሲደ ናግተ። ኮይሩዋፐ ስሴዳዋ ህንተ ናጎፐ፥ ህንተንቶ ቃይ ጾሳ ናኣናነ ጾሳ አዉዋና እትፐተይ ደአና። 
\v 25 ቃይ ክርስቶስ ባረ ሁጰዉ ኑዉ እማና ጌዳዌ መና ደኡዋ።
\p
\v 26 ታን ሀዋ ህንተንቶ ሄ ህንተና ባለያ አሳቱዋ ድራዉ ጻፋድ። 
\v 27 ሽን ክርስቶስ ህንተ ቦላ ባረ ጌሻ አያና ጉሴዳ። ጌሻ አያናይ ህንተናን ደእያ ድራዉ፥ ኦንነ ህንተና ታማርሳና ኮሸና፤ አያዉ ጎፐ፥ አ ጌሻ አያናይ ህንተና ኡባባ ታማርሴ። እ ታማርስያዌ ቱሙዋፐ አትን ዎርዱዋ ግደና። ሄዋ ድራዉ አያና ጌሻ ትምርተዉ አዛዘቲደ፥ ክርስቶሳና እትፐተን ደእተ።
\p
\v 28 ታ ናቶ፥ ቃይ እ ቆንጭያ ዎደ፥ ኑን ያሽ ባይናዋንታ ግዳናዳንነ፥ አ ዩሳ ጋላስ አ ስንን ኑን ዬላተናዳን፥ አናና እትፐተን ደእተ። 
\v 29 ክርስቶስ ጽሎ ግድያዋ ህንተ ኤሮፐ፥ ጽሎባ ኦያ ኡባይ ጾሳ ናኣ ግድያዋ ኤራናዉ በሴ።
\c 3
\s1 ጾሳ ናናቱዋ
\p
\v 1 ኑን ጾሳ ናናቱዋ ጌተቲደ ጼሰታና ማላ፥ ጾሳይ ኑና አይ ኬና ሲቄደንቶነ በእተ። ኑን ቱሙካ አ ናናቱዋ። ሀ አላሚ ጾሳ ኤረና ድራዉ፥ ኑናካ ኤረና።\x - \xo 3:1 \xo*\xt ዮሃ. 1:12\xt*\x* 
\v 2 ታ ሲቃቶ፥ ሀእ ኑን ጾሳ ናናቱዋ፤ ኑን አያ ሀናነንቶ ብሮ ኤረትቤና፤ ሽን ክርስቶስ ቆንጭያ ዎደ፥ ኑን አ ማላታናዋ ኤሬቶ። አያዉ ጎፐ፥ እ ቱሙ አ ግድያዋ ኑን ኩመንን በአና። 
\v 3 ቃይ ክርስቶሳ በአና ጊደ ናሸቻን ናግያ ኦንነ ክርስቶስ ጌሻ ግዴዳዋዳን፥ ባረና ጌሼ።
\p
\v 4 ናጋራ ኦያ ኡባይ ጾሳ ህግያ መን፤ አያዉ ጎፐ፥ ናጋራይ ጾሳ ህግያ መንሳ። 
\v 5 ክርስቶስ አሳ ናጋራ ይሳናዉ ቆንጬዳዋ ህንተ ኤሪታ፤ አን ናጋራይ ባዋ።\x - \xo 3:5 \xo*\xt ዮሃ. 1:29\xt*\x* 
\v 6 ክርስቶሳን ደእያ ኦንነ ናጋራ ኦደ ደኤና፤ ቃይ ናጋራ ኦደ ደእያ ኦንነ አ በእቤና ዎይ ኤርቤና።
\p
\v 7 ታ ናቶ፥ ኦንነ ህንተና ባለፖ። ክርስቶስ ጽሎ ግድያዋዳን፥ ጽሎባ ኦያ ኡራይ ጽሉዋ። 
\v 8 ጻላህያ ካፑ ኮይሩዋፐ ናጋራ ኦዳ ድራዉ፥ ናጋራ ኡባ ዎደ ኦያ ኡራይ ጻላህያ ካፑዋሳ፤ ሄዋ ድራዉ፥ ጾሳ ናአይ ጻላህያ ካፑዋ ኦሱዋ ይሳናዉ ቆንጬዳ። 
\v 9 ጾሳ ናናቱዋ ግድያ ኡባይ ጾሳ መታይ ኡንቱንቱን ደእያ ድራዉ፥ ናጋራ ኡባ ዎደ ኦክኖ፤ ቃይ ጾሳይ ኡንቱንቱ አዉዋ ግድያ ድራዉ፥ ናጋራ ኦናዉ ዳንዳይክኖ። 
\v 10 ጾሳ ናናቱ ግዱዋንነ ጻላህያ ካፑዋ ናናቱዋ ግዶን ደእያ ዱማተይ ሀዋን ኤረቴ፤ ጽሎባ ኦናዋንቱነ ዎይ ባረ እሻ ሲቀናዋንቱ ኦንነ ጾሳ ናናቱዋ ግድክኖ።
\s1 እቱ እቱዋና ሲቀትያዋ
\p
\v 11 አያዉ ጎፐ፥ ኮይሩዋፐ ህንተ ስሴዳ ኪታይ፥ “እቱ እቱዋና ሲቀታናዉ በሴ” ያግያዋ።\x - \xo 3:11 \xo*\xt ዮሃ. 13:34\xt*\x* 
\v 12 ኑን ቃዬላ ማላ ግዳናዉ በሰና። ቃዬል ጻላህያ ካፑዋሳ፤ ሄዋ ግዶ ድራዉ፥ ባረ እሻ ዎዳ። እ ባረ እሻ አያዉ ዎዴ? እ ኦዳ ኦሱ ኢታ ግድና፥ አ እሻይ ኦዳ ኦሱ ሎአ ግዴዳ ድራዉ ዎዳ።\x - \xo 3:12 \xo*\xt ዶመ 4:8\xt*\x*
\p
\v 13 ታናዳን ጾሳ ካልያዋንቶ፥ ሀ ሳኣ አሳይ ህንተና እጾፐ፥ ኦራባ ጎፕተ። 
\v 14 ኑን አማንያዋንታ ሲቅያ ድራዉ፥ ሀይቁዋፐ ደኦ ፕኔዳዋ ኤሬቶ፤ አማንያዋንታ ሲቀና ኡራይ ኦንነ ሀይቁዋ ግዶን ደኤ። 
\v 15 አማንያዋንታ እጽያ ኦንነ ሸምፑዋ ዎዳዋ፤ ቃይ ሸምፑዋ ዎዳዋን መና ደኡ ባይናዋ ህንተ ኤሪታ። 
\v 16 ክርስቶስ ባረ ሸምፑዋ ኑ ድራዉ አደ እሜዳዋን ሲቁ አየንቶ ኑን ኤሬዶ፤ ኑንካ አማንያዋንቱ ድራዉ፥ ኑ ሸምፑዋ አደ እማናዉ በሴ። 
\v 17 ሽን ዱረ አሳይ ኦንነ ባረ እሻይ መቶትያዋ በኢደ፥ አዉ ቃረተናን እጾፐ፥ ባረ ዎዛናን ጾሳ ሲቃይ ጋናዉ ዋን ዳንዳዪ? 
\v 18 ታ ናቶ፥ ኑን ኦሱዋንነ ቱማተን ሲቀቶይተፐ አትን፥ ጮ ሃሳያን ዎይ ቦላ ዶናን ሲቀታናዉ በሰና።
\s1 ጾሳ ስንን አማነቲደ ኤቂያዋ
\p
\v 19-20 ኑን ቱሙዋ ባጋን ደእያዋ ሄዋን ኤራና፤ ቃይ ኑ ዎዛናይ ኑ ቦላ ፕርድያ ዎደ ኡባን፥ ጾሳ ስንን ቱማተ ኑና ሄዋን ኤርሴ። አያዉ ጎፐ፥ ጾሳይ ኑ ዎዛናፐ ዎልቃማ፤ ቃይ እ ኡባባ ኤሬ።
\p
\v 21 ታ ሲቃቶ፥ ኑ ዎዛናይ ኑ ቦላ ፕርደናዋ ግዶፐ፥ ኑን ጾሳ ስንን ያዮኮ። 
\v 22 ኑን አ አዛዙዋ ናግያ ድራዉነ አ ናሸችያባ ኦያ ድራዉ፥ ዎስያ ኡባባ አፐ አኬቶ። 
\v 23 ጾሳ አዛዙ ሀዋ: ክርስቶስ ኑና አዛዜዳዋዳንካ፥ ጾሳ ናኣ የሱስ ክርስቶሳ ሱንን ኑን አማናናዳንነ እቱ እቱዋና ሲቀታናዳን ጾሳይ ኑና አዛዜዳ። 
\v 24 ጾሳ አዛዙዋ ናግያ ኦንነ ጾሳ ግዶን ደኤ፤ ጾሳይካ አ ግዶን ደኤ፤ ጾሳይ ኑዉ እሜዳ አ አያና ባጋና እ ኑ ግዶን ደእያዋ ኑን ኤሬቶ።
\c 4
\s1 ቱማንቻ አያናነ ዎርዶ አያና
\p
\v 1 ታ ሲቆቶ፥ ጾሳ አያናይ ታናን ደኤ ግያ ኡባ አማኖፕተ፤ ሽን ኡንቱንቱን ደእያ አያናይ ጾሳፔየ ዎይ ግደነንቶ ፓጭተ። አያዉ ጎፐ፥ ጮራ ዎርዶ ናባቱ ኡባሳ ቤድኖ። 
\v 2 ጾሳ አያና ግድያዋ ህንተ ሀዋን ኤራና፤ “የሱስ ክርስቶስ አሳ ግዲደ ዬዳዋ አማናይ” ግያ ኦናንነ ደእያ አያናይ ኡባይ ጾሳፐ ዬ። 
\v 3 ቃይ ክርስቶስ አሳ ግዲደ ዬዳዋ አማናይ ጌናዋ አያናይ ኡባይ ጾሳፐ ይቤና፤ አን ክርስቶሳ ኤቀትያ አያናይ ደኤ። ህንተ ሄዌ ያናዋ ካሰ ስሴድታ፤ እ ሀራይ አቶ ሀእካ ሀ አላምያን ደኤ።
\p
\v 4 ታ ናቶ፥ ህንተ ጾሳዋንታ፤ ህንተ ግዶን ደእያ ጌሻ አያናይ ሀ አላምያን ደእያ አያናፐ ዳሮ ዎልቃምያ ድራዉ፥ ዎርዶ ናባቱዋ ህንተ ጾኔድታ። 
\v 5 ኡንቱንቱ ሀ አላምያ አሳ ግድያ ድራዉ፥ ሀ አላምያባ ሃሳዪኖ፤ ሀ አላምያ አሳይካ ኡንቱንቱ ሃሳያ ስሴ። 
\v 6 ኑን ጾሳዋንታ፤ ጾሳ ኤርያ ኦንነ ኑን ግያዋ ስሴ። ጾሳ ኤረና ኦንነ ኑን ግያዋ ስሰና። ኑን ቱሙ አያናነ ዎርዶ አያና ሄዋን ሻኬቶ።
\s1 ጾሳይ ሲቁዋ
\p
\v 7 ታ ሲቃቶ፥ ሲቁ ጾሳፐ ይያ ድራዉ፥ አነ እቱ እቱዋና ሲቀቶይተ። ሲቀትያ ኦንነ ጾሳ ናና፤ ጾሳካ ኤሪኖ። 
\v 8 ጾሳ ኤሻይ ሲቆ ግድያ ድራዉ፥ ሲቀና ኡራይ ኦንነ ጾሳ ኤረና። 
\v 9 ጾሳይ ኑና ባረ ሲቁዋ ሀዋን በሴዳ፤ ኑን አ ባጋና ደኡዋ ደማና ማላ፥ ባረ እት ናኣ ሀ አላምያ ኪቴዳ። 
\v 10 ሲቁዋ ግያዌ ሀዋ፤ ጾሳይ ኑና ሲቂደ፥ ኑን ኑ ናጋራፐ ማሮተ ደሜዳ ባረ ናኣ ኑዉ ኪቴዳፐ አትን፥ ኑን አ ሲቄዳዋና ግደና።
\p
\v 11 ታ ሲቆቶ፥ ጾሳይ ኑና ሀዋዳን ሲቄዳዋ ግዶፐ፥ ኑንካ እቱ እቱዋና ሲቀታናዉ በሴ። 
\v 12 ጾሳ ኦንነ ሙለካ በእቤና፤ ኑን እቱ እቱዋና ሲቀቶፐ፥ ጾሳይ ኑ ግዶን ደኤ፤ አ ሲቁካ ኑ ግዶን ፖለቴዳ።
\p
\v 13 ጾሳይ ባረ አያና ኑዉ እሜዳ ድራዉ፥ ኑን ጾሳ ግዶን ደእያዋነ እካ ኑ ግዶን ደእያዋ ኤሬቶ። 
\v 14 ጾሳ አዉ ባረ ናኣ ሀ አላምያ አሽያዋ ግዳናዉ ኪቴዳዋ ኑን በኢደ ማርካቴቶ። 
\v 15 የሱስ ጾሳ ናኣ ግድያዋ ማርካትያ ኦ ግዱዋንነ ጾሳይ ደኤ፤ እካ ጾሳ ግዶን ደኤ። 
\v 16 ጾሳይ ኑና ሲቅያዋ ኑን ኑ ሁጰዉ ኤሬቶነ አማኔቶ።
\p ጾሳይ ሲቁዋ። ሲቁዋን ደእያ ኦንነ ጾሳ ግዶን ደኤ፤ ጾሳይካ አ ግዶን ደኤ። 
\v 17 ኑ ደኡ ሀ አላምያን ክርስቶስ ደኤዳዋ ማላ ግድያ ድራዉ፥ ፕርዳ ጋላስ ኑን ያየና ማላ፥ ሲቁ ኑ ግዶን ፖለቴዳ። 
\v 18 ሲቁዋን ያሽ ባዋ፤ ጋሱካ ቱሙ ሲቁ ያሻ ከስ ኦሌ። ያሻይነ ሙራይ እትፐ ብያ ድራዉ፥ ያይያ ኡራ ሲቁ ኩመን ግደና።
\p
\v 19 ጾሳይ ኮይሮ ኑና ሲቄዳ ድራዉ፥ ኑን አ ሲቄዶ። 
\v 20 ኦንነ፥ “ታን ጾሳ ሲቃይ” ጊደ ባረ እሻ እጾፐ፥ እ ዎርዱዋ። አያዉ ጎፐ፥ በኤዳ ባረ እሻ ሲቀናዌ በእቤና ጾሳ ሲቃናዉ ዋን ዳንዳዪ? 
\v 21 ቃይ ክርስቶስ ኑዉ እሜዳ አዛዙ ሀዋ፤ ጾሳ ሲቅያ ኡራይ ባረ እሻካ ሲቃናዉ በሴ።
\c 5
\s1 ሀ አላምያ ጾንያዋ
\p
\v 1 ኦከቴዳ ክርስቶሳ ያጊደ፥ የሱሳ አማንያ ኡባይ ጾሳ ናና፤ ቃይ ጾሳ አዉዋ ሲቅያ ኦንነ አ ናናቱዋካ ሲቄ። 
\v 2 ኑን ጾሳ ሲቅያዋንነ አ አዛዙዋ ናግያዋን፥ ጾሳ ናናቱዋ ሲቅያዋ ኤሬቶ። 
\v 3 አያዉ ጎፐ፥ ኑን ጾሳ ሲቅያዌ አ አዛዙዋ ናግያዋ፤ አ አዛዙካ ዴጾ ግደና። 
\v 4 አያዉ ጎፐ፥ ጾሳ ናኣ ግድያ ኦንነ ሀ አላምያ ጾናናዉ ዳንዳዬ፤ ኑንካ ሀ አላምያ ጾናናዌ ኑ አማኑዋና። 
\v 5 ሀ አላምያ ጾናናዉ ዳንዳይያዌ ኦኔ? የሱስ ጾሳ ናኣ ግድያዋ አማንያዋ ጻላላይ ጾናና።
\s1 ክርስቶሳዋ ማርካቴዳዋ
\p
\v 6 ጽንቃታ ሃናነ ሀይቁዋ ሱና ዬዳዌ ሀዋ፤ እካ የሱስ ክርስቶሳ፤ ሃናነ ሱና\f + \fr 5:6 \fr*\fk ሃናነ ሱና፦ \fk*\ft የሱስ ሀ አላምያ ዪደ ጽንቃታ ሃ ጻላላና ግደናን ባረ ሀይቁዋ ሱን ዬዳ። ሄዋ ጉሳይ እ አሳ ኩሽያን ጻማቀቱሳ ጻላላ ግደናን፥ ሀ አላምያን ሀይቄዳ ጉሳ።\ft*\f* እ ዬዳዋፐ አትን፥ ሃ ጻላላና ይቤና። ጌሻ አያናይ ቱማ ግድያ ድራዉ፥ ሄዌ ቱማ ግድያዋ እ ባረ ሁጰዉ ማርካቴ። 
\v 7 አያዉ ጎፐ፥ ሄዙ ማርካቱ ደኢኖ። 
\v 8 ሄዋንቱ፥ ጾሳ አያና፥ ሃነ ሱ፤ ሀ ሄዛቱ እቱ እቱዋዋ ጳልቂክኖ። 
\v 9 ኑን አሳይ ማርካትያዋ አማኖፐ፥ ጾሳይ ማርካትያዌ አሳዋፐ ሎይ አ፤ አያዉ ጎፐ፥ ጾሳይ ባረ ናኣባ ማርካቴዳ ማርካተይ ሀዋ። 
\v 10 ጾሳ ናኣ አማንያ ኡራ ዎዛናን ሀ ማርካተይ ደኤ። ጾሳ አማነና ኡራይ ኦንነ ጾሳይ ባረ ናአዉ ማርካቴዳ ማርካተ አማንቤና ድራዉ፥ ጾሳ ዎርዱዋ ጌ።
\p
\v 11 ስም ማርካተይ ሀዋ፤ ጾሳይ ኑዉ መና ደኡዋ እሜዳ፤ ሄዌካ አ ናኣን ደኤ። 
\v 12 ጾሳ ናአይ ደእያ ኦስነ ደኡ ደኤ፤ ጾሳ ናአይ ባይና ኦስነ ደኡ ባዋ።
\s1 መና ደኡዋ
\p
\v 13 ጾሳ ናኣ ሱንን አማንያ ህንተንቶ መና ደኡ ደእያዋ ህንተ ኤራና ማላ፥ ሀዋ ህንተንቶ ጻፋድ። 
\v 14 ጾሳይ ኮይያዋዳን፥ አይነ ኑን አ ዎሶፐ፥ እ ስስያዋ ኑን ኤርያ ድራዉ፥ አ ስንን ያዮኮ። 
\v 15 ኑን ዎስያ ኡባን እ ስስያዋ ኤሮፐ፥ ኑን አ ዎሴዳዋ እ ዛሬዳዋ ኤሬቶ።
\p
\v 16 ኦንነ ሀይቁ በሰና ናጋራ ባረ እሻይ ኦሽን በኦፐ፥ ጾሳ ዎሳናዉ በሴ፤ ሀይቁ በሰና ናጋራ ኦዳዋንቶ ጾሳይ ደኡዋ እማና። ሀይቁ በስያ ናጋራይ ደኤ፤ ታን ህንተና ሄዎ ጾሳ ዎስተ ጊከ። 
\v 17 ባይዞ ኦሱ ኡባይ ናጋራ፤ ሽን ሀይቁ በሰና ናጋራይ ደኤ።
\p
\v 18 ጾሳ ናናይ ኦንነ ናጋራ ኡባ ዎደ ኦናዋ ኑን ኤሬቶ። አያዉ ጎፐ፥ ጾሳ ናአይ ኡንቱንታ ናጌ፤ ቃይ ጻላህያ ካፑካ ኡንቱንታ ቆሀናዉ ዳንዳየና። 
\v 19 ኑን ጾሳዋንታ ግድያዋነ ሀ አላሚ ኡባይ ጻላህያ ካፑዋን ሞደቴዳዌ ኤሬቶ።
\p
\v 20 ኑን ቱሙ ጾሳ ኤራናዳን፥ ጾሳ ናአይ ዬዳዋነ ኑዉ አኬካ እሜዳዋ ኤሬቶ። ኑን ቱሙ ጾሳ ግዶን፥ አ ናኣ የሱስ ክርስቶሳ ግዶን ደኤቶ፤ እ ቱሙ ጾሳነ መና ደኡዋ።
\p
\v 21 ታ ናቶ፥ ኤቃቱዋፐ ህንተ ሁጲያ ናግተ።