\id PSA - Dawuro Full Bible Latin Version
\ide UTF-8
\h Mazimuriyaa
\toc1 Mazimuriyaa Mas'aafaa
\toc2 Mazimuriyaa
\toc3 Maz.
\mt1 Mazimuriyaa Mas'aafaa
\imt Geluwaa
\ip Daawita Mazimurii (Mazimuriyaa Mas'aafay) Geeshsha Mas'aafaa giddon Mazimuriyaanne woosa mas'aafaa gidiide erettee. Ha mas'aafaa giigisseeddawanttu adussa wodetuwaa giddon beetteedda dumma dumma asatuwaa. Itti itti mazimuretuwaa Kaatii Daawite s'aafeeddawe ammanettee. Ha mazimuretuwaanne ha woosatuwaa shiishshiide, barenttu goyinuwaa wodiyaan go'ettiiddi gam"eeddawanttu Israa'eeliyaa asatuwaa. Guyyeppe gam"iidde barenttu Geeshsha mas'aafatuwaa giddon gelisseeddino.
\ip Hawanttu ayyaanaappe s'aafetteedda gins's'atuu c'ora k'ommo; unttunttukka galatiyaanne S'oossaw goyinniyaa gins's'atuwaa, S'oossay maaddana mala, naagana malanne saro wotsana mala woossiyaa woosatuwaa, nagaraappe maarettanaw shiishshiyaa woosatuwaa, S'oossaa anjjuwaabaa odiyaa galataa sabatuwaanne morkkatuwaa murana mala S'oossaw odiyaa maganatuwaa. Ha woosatuu itti uray barekka woosseedda woosatuwaanne c'ora Asay ittippe woosseedda woosatuwaa. Unttunttuppe ittuu ittuu itti uraa wozanaan sisetteedda seelaa k'onc'c'issiyaawantta. Haratuu k'ay S'oossaa Asay ubbay koyiyaawaanne asaw ubbaw sisettiyaa hanotatuwaa bessiyaawantta.
\ip Yesuusi tamaarissiidde mazimuriyaa mas'aafaappe bochchi bochchi akkiide tamaarisseedda. Ooratsa C'aak'k'uwaa s'aafeeddawanttukka an s'aafetteeddawaappe barenttu s'aafiyaa mas'aafaa giddo gelisseeddino. Woosa gollatta ek'k'oodeppe doommaade, Mazimuriyaa Mas'aafaa goyinuwaa wogaw go'ettiyaa wolk'k'aama minjjuwaabaadan paydaw.
\iot Shemppatuwaa Ubbatoo Imetteedda K'antsa K'ofatuwaa
\io1 Koyro Mas'aafaa \ior Maz. 1—41\ior*
\io1 Laa"entso Mas'aafaa\ior Maz. 42—72 \ior*
\io1 Heezzentso Mas'aafaa\ior Maz. 73—89 \ior*
\io1 Oyddentso Mas'aafaa\ior Maz. 90—106\ior*
\io1 Ichcheshentso Mas'aafaa\ior Maz. 107—150 \ior*
\c 1
\ms Koyro Mas'aafaa
\mr (1—41)
\s Lo"o Asaanne Iita Asaa Hametaa
\q1
\v 1 Iitatuwaa zoriyaan beennawe,
\q2 woy nagaranchchatuwaa ogiyaan ek'k'ennawe,
\q2 k'iliic'iyaawanttu shiik'uwaan uttennawe,
\q2 hewe anjjetteedawaa.
\q1
\v 2 Shin Med'inaa Godaa higgiyan I nashettee;
\q2 Aa higgiyaa gallassinne k'amma k'oppee.
\q1
\v 3 Hewe goggiyaa haatsaa s'ap'uwaan tokettiide,\x - \xo 1:3 \xo*\xt Erm. 17:8\xt*\x*
\q2 ayifiyaa aginaan ayifiyaa,
\q2 bare haytsaakka k'ok'k'ofenna mitsaa mala.
\q2 I ootsiyaa ubbay aw hanee.
\b
\q1
\v 4 Shin iitatuu hewaa mala gidikkino;
\q2 c'arkkuu pitti afiyaa suullaa mala.
\q1
\v 5 Hewaa diraw, iitatuwaa bolla S'oossay pirddana;
\q2 nagaranchchatuukka s'illotuwaa shiik'uwaan ek'k'ikkino.
\q1
\v 6 Ayaw gooppe, Med'inaa Goday s'illotuwaa ogiyaa eree;
\q2 shin iitatuwaa ogii d'ayana.
\c 2
\s S'oossaan Dooreteedda Kaatiyaa
\q1
\v 1 Amanenawanttu ayaw denddiinoo?\x - \xo 2:1-2 \xo*\xt Kit. 4:25-26\xt*\x*
\q2 K'ay kawutetsatuu ayaw patsennabaa mak'ettiinoo?
\q1
\v 2 Sa'aa kaatetuu denddeeddino;
\q2 asaa mooddiyaawanttu ittippe shiik'eeddino.
\q2 Unttunttu Med'inaa Godaa bollanne
\q2 I okkeeddawaa bolla ittippe shiik'eeddino.
\q1
\v 3 Unttunttu, «Nuuni unttunttu sanssalataa duutsoytte;
\q2 unttunttu nuuna k'achchiyaawaakka wora oloytte» yaagiino.
\b
\q1
\v 4 Saluwaan bare araatan utteeddawe
\q2 unttunttu bolla miic'c'ee;
\q1 Goday unttunttu bolla k'iliic'ee.
\q1
\v 5 I bare hank'k'uwaan unttuntta seeree;
\q2 bare wolk'k'aama hank'k'uwaan unttuntta yashissee.
\q1
\v 6 Goday, «Taan ta geeshsha deriyaa S'iyoone bolla
\q2 ta kaatiyaa kawutsaad» yaagee.
\b
\q1
\v 7 He kaatii, «Taan Med'inaa Godaa higgiyaa awaayana;\x - \xo 2:7 \xo*\xt Kit. 13:37; Ibr. 1:5; 5:5\xt*\x*
\q2 I taana, ‹Neeni ta na'aa;
\q2 taani hachchi new aawuwaa gidaaddi.
\q1
\v 8 Neeni taana oochcha;
\q2 Taani kawutetsaa ubbaa new immana;
\q2 sa'aa ubbay nebaa gidanawaa.
\q1
\v 9 Neeni birataa s'am"an unttuntta mentsereetsana;\x - \xo 2:9 \xo*\xt Sas'. 2:26-27; 12:5; 19:15\xt*\x*
\q2 Unttuntta neeni urk'k'aa miishshaa mentsiyaawaadan liik'issana› yaagee» yaageedda.
\b
\q1
\v 10 Hewaa diraw, hinttenoo kaatetoo, eeyattoppite;
\q2 ha sa'aa mooddiyaawanttoo, hinttena naagite!
\q1
\v 11 Med'inaa Godaw yashshatetsan ootsite;
\q2 kokkorssaan azazettite.
\q1
\v 12 S'oossay hank'k'ettina, ogiyaan hintte d'ayennaadan suure wozanaan aw goynnite;
\q2 ayaw gooppe, Aa hank'k'uu ellekka ees's'i kesana.
\q1 Bak'ati an k'osetti attiyaa ubbatuu anjjetteedawantta.\x - \xo 2:12 \xo*\xt 2 Sam. 15:13—17:22\xt*\x*
\c 3
\d Bare na'aa Abeseloomappe bak'ateedda wode Daawita mazamuriyaa
\q1
\v 1 Abeet Med'inaa Godaw, ta morkketuu ayaa c'oratteeddinoo!
\q2 Ta bolla aappunatuu denddiinoo!
\q1
\v 2 Darotuu, «S'oossay Aa ashshenna» yaagiide
\q2 tawaa haasayiino.
\b
\q1
\v 3 Shin abeet Med'inaa Godaw, Neeni ta yuushshuwaan gonddalle.
\q2 Taana bonchchissiyaawenne ta suntsaa d'ok'k'u ootsiyaawe neenattee.
\q1
\v 4 Taani ta k'aalaa d'ok'k'issaade Med'inaa Godaakko waassay.
\q2 Bare geeshsha deriyaappe taw I zaaree.
\b
\q1
\v 5 Med'inaa Goday taana naagiyaa diraw,
\q2 taani gisaade gem"ishaynne beegottay.
\q1
\v 6 Taani taana dooddiide denddeedda,
\q2 tammu sha"aa asatookka yayyikke.
\b
\q1
\v 7 Abeet Med'inaa Godaw, dendda!
\q2 Abeet ta S'oossaw, taana ashsha!
\q1 Ayaw gooppe, neeni ta morkkatuwaa ubbaa goggoc'c'uwaa shoc'aadda;
\q2 iitatuwaa achchaakka mentsaadda.
\q1
\v 8 Ashshuu S'oossaawaa;
\q2 S'oossaw, ne asaa neeni anjja.
\c 4
\s Maadoo Omarssi Shiik'iyaa Woosaa
\d Zammaaretuwaa Kaappoo Diitsatuwaan Yes'etteedda, Daawita Mazimuriyaa
\q1
\v 1 Abeet taana s'illissiyaa S'oossaw,
\q2 taani neena s'eesiyaa wode, taw koya.
\q2 Taani un"etteedda wode, taana shemppissaadda.
\q2 Taw neeni k'arettaade ta woosaa sisa.
\b
\q1
\v 2 Hinttenoo asatoo, awude gakkanaw ta bonchchuwaa kawushshiitee?
\q2 Shori bayinnabaakka awude gakkanaw hintte siik'iitee?
\q1 Wordduwaa awude gakkanaw c'addi oyk'k'i kaalliitee?
\b
\q1
\v 3 Shin Med'inaa Goday S'oossaa asatuwaa
\q2 barew dummay wotseeddawaa hintte erite.
\q1 Taani Med'inaa Godaa s'eesiyaa wode,
\q2 I taw sisee.
\b
\q1
\v 4 Hank'k'ettite, shin hintte hank'k'uwaan nagaraa ootsoppite.\x - \xo 4:4 \xo*\xt Efe. 4:26\xt*\x*
\q2 Hiis'an gisiyaa wode,
\q2 hintte wozanaa biditenne sirp'p'i giite.
\q1
\v 5 Likke yarshshuwaa yarshshitenne
\q2 Med'inaa Godaan ammanettite.
\b
\q1
\v 6 Darotuu, «Nuuna lo"obaa bessanawe oonee?» yaagiino.
\q2 Abeet Med'inaa Godaw, neeni nuuna keeka ayifiyaan s'eella.
\q1
\v 7 Neeni ta wozanaan wolk'k'aama nashshechchaa kuntsaadda.
\q2 Hewenne, katsaa ayifiinne ooratsa woyniyaa eessay,
\q2 barenttoo darina nashetiyaa nashechchaappekka dariyaawaa.
\b
\q1
\v 8 Abeet Med'inaa Godaw,
\q2 ne s'alalay taana saruwaan naaga wotsiyaa diraw,
\q2 taani gisaade sarotetsaan gem"ishshay.
\c 5
\s Wontta Woosaa
\d Zammaaretuwaa Kaappoo Suusullatuwaan Yes'etteedda, Daawita Mazimuriyaa
\q1
\v 1 Abeet Med'inaa Godaw, taani odiyaawaa hayzza;
\q2 ta ooliyaanne sisa.
\q1
\v 2 Ta kaatiyawunne ta S'oossaw,
\q2 Taana maadda gaade ta neekko waassiyiyaa diraw,
\q2 ta woosaa sisa.
\b
\q1
\v 3 Abeet Med'inaa Godaw,
\q2 wontta wontta guuran neeni ta k'aalaa sisaasa.
\q1 Wontta wontta guuran taani ta woosaa ne sintsa shiishshaade,
\q2 neeni taw immiyaa zaaruwaa akkana gaade naagay.
\b
\q1
\v 4 Neeni iitatetsan nashettena S'oossaa;
\q2 iitabay neenana de'enna.
\q1
\v 5 C'eek'ettiyaawanttu ne sintsan ek'k'ikkino;
\q2 iitabaa ootsiyaa ubbatuwaa neeni is's'aa.
\q1
\v 6 Wordduwaa haasayiyaawanttakka neeni d'ayissaasa.
\q2 Suutsaa gussiyaawanttanne c'immiyaa asatuwaa,
\q1 S'oossay shenetee.
\b
\q1
\v 7 Shin taani ne maarotaa daruwaan
\q2 ne golliyaa gelana.
\q1 Ne Geeshsha Golliyaakko simmaade,
\q2 new yashshatetsan goyinnana.
\q1
\v 8 Abeet Med'inaa Godaw, Taana ne s'illotetsan kaaletsa;
\q2 ta morkkatuwaa diraw gaade,
\q2 ne ogiyaa ta sintsan suurisa.
\b
\q1
\v 9 Unttunttu doonaappe kesiyaawe ammantsenna.\x - \xo 5:9 \xo*\xt Rom. 3:13\xt*\x*
\q2 Unttunttu wozanaankka genii kumeedda;
\q2 unttunttu doonay dooyetteedda duufuwaa mala;
\q2 Unttunttu barenttu ins's'arssan c'immiino.
\q1
\v 10 Abeet S'oossaw, unttuntta neeni pirdda;
\q2 unttunttu kobay unttuntta akki bo.
\q1 Unttunttu nagaray daro gideedda diraw,
\q2 neeni unttuntta yederssa;
\q2 ayaw gooppe, unttunttu ne bolla makkaleeddino.
\b
\q1
\v 11 Shin neekko bak'ati k'osetti attiyaa ubbay nashetino;
\q2 unttunttu ubbaa gede nashshechchan yes's'ino.
\q1 Neenikka unttuntta naagana;
\q2 ne suntsaa siik'iyaa ubbatuu neenan loytsi nashetino.
\q1
\v 12 Ayaw gooppe, abeet Med'inaa Godaw,
\q2 tumukka neeni s'illuwaa anjjaasa.
\q1 Neeni gonddallii kammiyaawaadan ne keekkatetsan Aa kammaasa.
\c 6
\s Un"o Wodiyaan Shiik'eedda Woosaa
\d Zammaaretuwaa Kaappoo Diitsatuwaan Yes'etteedda, Daawita Mazimuriyaa
\q1
\v 1 Abeet Med'inaa Godaw, ne hank'k'uwaan taana seeroppaarikkii;\x - \xo 6:1 \xo*\xt Maz. 38:1\xt*\x*
\q2 woy ne yiluwaan taana muroppaarikkii.
\q1
\v 2 Abeet Med'inaa Godaw, taani labbanneedda diraw,
\q2 taana maaraarikkii.
\q1 Abeet Med'inaa Godaw, ta wozanay madus's'o diraw, taana patsa.
\q1
\v 3 Ta shemppatta daroppe un"ettaaddu;
\q2 shin S'oossaw, taana maaddanaw neeni awude gakkanaw gam"ay?
\b
\q1
\v 4 Abeet S'oossaw, neeni simmaade, taana ashsha;
\q2 ne maarotaa daruwaan taana kessa akka.
\q1
\v 5 Hayk'k'eedda uray ooninne neena hassayenna;
\q2 duufuwaan neena galatiyaawe baawa.
\b
\q1
\v 6 Taani ooliyaan daaburaad;
\q2 K'amma ubbaan taani yeekkaade, ta hiis'aa irs's'issaad;
\q2 ta borkkotsaakka ta afotsaan muusuud'issaad.
\q1
\v 7 Ta morkkatuwaa ubbaa gaasuwaan taani afos's'eedda diraw,
\q2 ta ayifii galjjeedda;
\q2 ta ayifii demmennaan is's'eedda.
\b
\q1
\v 8 Med'inaa Goday taani yeekkiyaa yeekuwaa siseedda diraw,
\q2 Hinttenoo, iitaa ootsiyaa ubbatoo,
\q2 gede taappe shaakettite.\x - \xo 6:8 \xo*\xt Mat. 7:23; Luk'. 13:27\xt*\x*
\q1
\v 9 Med'inaa Goday ta watiwatuwaa siseedda;
\q2 Med'inaa Goday ta woosaanne sisee.
\q1
\v 10 Ta morkke ubbatuu yeellatinonne tuggatino.
\q2 Unttunttu k'oppennaan yeellatiide, guyye simmino.
\c 7
\s Yedesaa Wodiyaan S'illo Asaa Woosaa
\d Biiniyaama Zariyaa Kuuzawaa Daawite, S'oossaakko Zilaaleedda Zilaassaa.
\p
\v 1 Abeet Med'inaa Godaw, ta S'oossaw, taani neekko bak'ataade k'osettay.
\q1 Taana yederssiyaa ubbatuwaappe neeni taana ashsha akka.
\q1
\v 2 Neeni taana ashshenabaa gidooppe,
\q2 Unttunttu taana gaammuwaadan bonk'k'iide,
\q2 ooninne ashshenan mentsereetsana.
\b
\q1
\v 3-4 Abeet Med'inaa Godaw ta S'oossaw,
\q2 Taani asaa naak'k'eeddawaa gidooppe,
\q1 Hewenne ta laggiyaw lo"uwaa diraw iitaa zaareeddawaa gidooppenne,
\q2 Woy gaasuu bayinnan ta morkkiyaa bonk'k'eeddawaa gidooppe,
\q1 Hawaa mala yewotuwaappe ittuwaanne taani ootseeddawaa gidooppe,
\q1
\v 5 ta morkkii taana yederssiide oyk'k'o.
\q2 Taana sa'aan yed'ereetso;
\q2 yaatiide, taana biittaan oli basho.
\b
\q1
\v 6 Abeet Med'inaa Godaw, ne hank'k'uwaan dendda ek'k'a;
\q2 ta morkkatuwaa ees's'iyaa hank'k'uwaa bolla dendda.
\q1 Ta S'oossaw Godaw, beegotta; tumuwaa pirdda.
\q1
\v 7 Kawutetsatuwaa shiik'uu ne yuushshuwaan shiik'o;
\q2 neeni unttunttuppe bollaanna gidaade haana.
\q1
\v 8 Med'inaa Goday kawutetsatuwaa bolla pirddee.
\q2 Abeet Med'inaa Godaw, taw ta s'illotetsaadan pirdda;
\q1 Abeet Ubbaappe D'ok'k'aw, ta suuretetsaadan pirddaa.
\q1
\v 9 K'ofaanne wozanaa biddaade eriyaa s'illo S'oossaw,\x - \xo 7:9 \xo*\xt Sas'. 2:23\xt*\x*
\q2 iitatuwaa geniyaa neeni d'ayissa.
\q1 Shin s'illuwaa sarotan minisa wotsa.
\b
\q1
\v 10 Wozanaa s'illuwaa ashshiyaa S'oossay
\q2 taw gonddalle.
\q1
\v 11 S'oossay s'illuwaa pirddiyaawaa;
\q2 I hachchi hachchi hank'k'ettiyaa S'oossaa.
\q1
\v 12 Asay bare nagaraa paas'iide simmennaan is's'ooppe,
\q2 S'oossay bare mashshaa leefee;
\q1 I bare wonddaafiyaa giigissee.
\q1
\v 13 I bare wod'iyaa olaa miishshatuwaa giigissee;
\q2 Tamaa lac'uwaadan p'ooliyaa bare wonddaafiyaa tooraa giigissee.
\b
\q1
\v 14 Iitatetsaa shahaareedda,
\q2 geniyaa shahaara shahaareeddawe, wordduwaa yelee.
\q1
\v 15 Hara asatoo ollaa bookkeedda asay
\q2 bare bookkeedda ollaan barew kunddee.
\q1
\v 16 I ahiyaa genii Aa huup'iyaw simmee.
\q2 Aa makkalaynne Aa huup'iyaw simmee.
\b
\q1
\v 17 Med'inaa Godaa s'illotetsaa diraw,
\q2 taani Aa galatana;
\q1 K'ay Ubbaappe D'ok'k'iyaa Med'inaa Godaa suntsaw,
\q2 taani galataa yes's'ana.
\c 8
\s S'oossaa Anggay Med'etaa Bollan
\d Zammaaretuwaa Kaappoo Suusullatuwaan Yes'etteedda, Daawita Mazimuriyaa.
\q1
\v 1 Abeet Med'inaa Godaw, nu S'oossaw,
\q2 ne suntsay sa'aa ubbaa bollan ayaa bonchchetteeddeeshsha!
\b
\q1 Neeni ne bonchchuwaa salotuwaappe bollan
\q2 d'ok'k'u d'ok'k'u ootsa wotsaadda.
\q1
\v 2 Neeni ne morkkatuwaa diraw,
\q2 Ne baaligaaraanne new manddiyaawaa sirp'p'i ootsanaw,
\q2 guutsa naanatuwaa doonaan
\q2 d'ammiyaa naanatuwaa doonaan galataa kuntsaadda.\x - \xo 8:2 \xo*\xt Mat. 21:16\xt*\x*
\b
\q1
\v 3 Neeni ne birad'd'etuwaan med'd'eedda ne salotuwaa,
\q2 Sa'aan sa'aan neeni wotseedda aginaanne
\q2 s'oolinttetuwaa taani be'iyaa wode,
\q1
\v 4 neeni asaabaa k'oppanaw Asay ayee?\x - \xo 8:4 \xo*\xt Yob. 7:17-18; Maz. 144:3; Ibr. 2:6-8\xt*\x*
\q2 Woy neeni aw hirgganaw I ayee?
\b
\q1
\v 5 Aa neeni S'oossaappe amareedawaa guutsaadda;
\q2 Bonchchuwaanne gitatetsaa kalachchaa Aa huup'iyaan wotsaadda.
\q1
\v 6 Aa neeni ne med'd'eedda med'etetsaa ubbaa bollan
\q2 mooddiyaawaa ootsaade suntsaadda;\x - \xo 8:6 \xo*\xt 1 K'or. 15:27; Efe. 1:22; Ibr. 2:8\xt*\x*
\q2 ubbabaa Aa gediyaappe garssanna wotsaadda.
\q1
\v 7 Dorssatuwaanne booratuwaa, sa'aa do'atuwaanne,
\q1
\v 8 saluwaa kafotuwaa, abbaa moletuwaanne,
\q2 abbay goggiyaasan wad'd'iyaawantta ubbaakka
\q1 Aa moodissaadda.
\b
\q1
\v 9 Abeet S'oossaw, nu S'oossaw, ne suntsay
\q2 sa'aa ubbaan ayaa bonchchetteeddeeshsha!
\c 9
\s Iitaa Bollan Pirddaa
\d Zammaaretuwaa Kaappoo, «Na'aa Hayk'uwaan» Yes'etteedda, Daawita Mazimuriyaa.
\p
\v 1 Abeet Med'inaa Godaw, taani neena ta kumentsaa wozanaappe galatana;
\q1 Neeni ootseedda maalalissiyaa
\q2 ne oosuwaa ubbaakka odana.
\q1
\v 2 Neenan nashettananne hashshu gaana.
\q1 Ubbaappe D'ok'k'iyaa S'oossaw,
\q2 taani ne suntsaw galataa yes's'ana.
\b
\q1
\v 3 Ta morkketuu guyye simmiyaa wode,
\q2 ne sintsappe d'ubetti d'ayana.
\q1
\v 4 Neeni taw s'illo pirddaa pirddaadda;
\q1 Neeni s'illotetsan pirddaadde,
\q2 ne kawutetsaa araatan uttaadda.
\b
\q1
\v 5 Neeni kawutetsaa seeraadda;
\q2 iitatuwaakka d'ayissaadda.
\q1 Neeni unttunttu suntsaa med'i med'inawukka k'uc'c'a diggaadda.
\q1
\v 6 Morkketuu med'inaa d'ayuwaa d'ayeeddino;
\q2 k'ay unttunttu katamatuwaa ubbaanna d'ok'olla diggaadda.
\q1 Unttunttu ubbaanna dogetti atteeddino.
\b
\q1
\v 7 Shin Med'inaa Goday med'inaw kaatetiide de'ee;
\q2 I bare kawutetsaa araataa pirddaw giigisseedda.
\q1
\v 8 Ha sa'aa s'illotetsan pirddana;
\q2 asatuwaakka suuretetsaan pirddana.
\b
\q1
\v 9 Med'inaa Goday un"etteeddawanttoo bak'ati attiyaawaa;
\q2 meto wodiyaankka geli attiyaa geessuwaa.
\q1
\v 10 Ne suntsaa eriyaawanttu neenan ammanettiino;
\q2 ayaw gooppe, Med'inaa Godaw, neeni neena koyiyaawantta yegga agga beykka.
\b
\q1
\v 11 S'iyoone Deriyan kaateti utteedda Med'inaa Godaw galataa yes's'ite.
\q2 I ootseedda ubbabaakka asaa ubbaw odite.
\q1
\v 12 Ayaw gooppe, suutsaa gussiyaawanttoo
\q2 haluwaa kessiyaa S'oossay
\q2 naak'etteeddawanttu waasuwaa sheneko geena.
\b
\q1
\v 13-14 Abeet Med'inaa Godaw, S'iyoone asaa kariyaan taani ek'k'aade,
\q2 Ne galataa odana malanne
\q2 hewan ne atotetsaan loytsi nashettana mala,
\q2 ta morkketuu taana yederssiyaawaa be'a.
\q1 Neeni ne maarotaan, hayk'k'uwaappe taana ashsha.
\b
\q1
\v 15 Kawutetsatuu barenttu bookkeedda ollaan barenttoo kunddeeddino.
\q2 Unttunttu k'osi wotseedda p'irii unttunttu gediyaa oyk'k'eedda.
\q1
\v 16 Med'inaa Goday bare s'illo pirddan barew eretteedda;
\q2 iita Asay bare kushiyan ootseedda oosuwaa p'iriyaan oyk'k'etteedda.
\b
\q1
\v 17 Iitatuu duufuwaa baana;
\q2 S'oossaa dogiyaa kawutetsatuu ubbaykka unttunttudan hanana.
\q1
\v 18 Hiyyeesay ubbaa gede dogetti attena;
\q2 woy metootanchchay wotseedda hidootay med'inaw d'ayenna.
\b
\q1
\v 19 Abeet Med'inaa Godaw, Asay ne bolla denddiide,
\q2 bare wolk'k'aan c'eek'ettenna mala, neeni dendda!
\q1 Ne sintsan kawutetsatuwaa bolla neeni pirddaa.
\q1
\v 20 Abeet Med'inaa Godaw, unttuntta neeni yashissa;
\q2 unttunttu asaa gidiyaawaa neeni unttuntta erissa.
\c 10
\s Pirddaa Demanaw Shiik'eedda Woosaa
\q1
\v 1 Abeet Med'inaa Godaw, ayaw haakkaade ek'k'ay?
\q2 Metuwaa wodiyaan ayaw neeni geemmay?
\q1
\v 2 Bare otoruwaan iita Asay hiyyeesaa shankkatee.
\q2 Unttunttu barenttu pala mak'k'uwaan barenttoo oyk'k'ettino.
\b
\q1
\v 3 He iitay bare wozanaa iita amuwaan c'eek'ettee;
\q2 yoranchchay Med'inaa Godaa bolla iita k'aalaa haasayeenne kaddee.
\q1
\v 4 Iitay bare otoruwaan S'oossaa koyenna;
\q2 bare k'ofa ubbankka S'oossaa ayinne koyenna.
\b
\q1
\v 5 Ubbabay aw ubbaa wodekka kumee;
\q2 I otoruwaa p'ees's'alee.
\q1 Ne higgii aw gelenna;
\q2 bare morkkatuwaa bollan I k'iliic'ee.
\q1
\v 6 Bare wozanaan I, «Taana ayaynne k'aatsenna.
\q2 Taana ubbakka metuu gakkenna» yaagiide k'oppee.
\q1
\v 7 Aa doonaan shek'ay,
\q2 wordduunne manddetsay kumeedda.\x - \xo 10:7 \xo*\xt Rom. 3:14\xt*\x*
\q1 Bare ins's'arssan genebaanne iitabaa haasayanaw elleellee.
\b
\q1
\v 8 Heeraan k'osettiyaasan I zuggiide uttee.
\q2 Bare wod'iyaawaa wod'anaw k'osetti naagiidde,
\q2 wolk'k'ay bayinna ashkketuwaa s'eellee.
\q1
\v 9 Bare k'osettiyaasan geemmiide,
\q2 hiyyeesaa oyk'k'anaw gaammuwaadan zuggee.
\q1 I hiyyeesaa oyk'k'iide, bare p'iriyaan goochchiide afee.
\b
\q1
\v 10 Yaatina, wolk'k'ay bayinna hiyyeesay shoc'etee;
\q2 nippi geenne he minuwaan s'oonettee.
\q1
\v 11 I bare wozanaan, «S'oossay taana dogi kichcheedda.
\q2 Bare som"uwaa taappe gentsi kichcheedda;
\q2 ubbakka I be'enna» yaagee.
\b
\q1
\v 12 Abeet Med'inaa Godaw, dendda.
\q2 S'oossaw, ne kushiyaa d'ok'k'u ootsaade dentsa;
\q2 hiyyeesaa dogoppa.
\q1
\v 13 Nagaranchcha uray bare wozanaan,
\q2 S'oossaa ayaw kad'ii?
\q1 Bare k'ofankka, «S'oossay taana murena»
\q2 ayaw yaagii?
\b
\q1
\v 14 Shin S'oossaw, neeni tumukka be'aasa;
\q2 metuwaakka waayiyaakka s'eellaasa.
\q1 Neeni ubbaa wode nuuna maaddanaw giiga uttaadda.
\q2 Yii'atoo neeni maaduwaa.
\q1 K'ohetteeddawe neeni maaddanaadan barena new sheed'd'e.
\b
\q1
\v 15 Geniyaawanttu wolk'k'aa neeni wurssa;
\q2 Iita asatuwaakka hewaadda ootsa.
\q1 Laa"entso unttunttu giddon iitatetsay beettena mala unttuntta mura.
\b
\q1
\v 16 Med'inaa Goday med'i med'inaw kaatetiide de'ee;
\q2 hara kawutetsatuu Aa biittaappe d'ayana.
\b
\q1
\v 17 Abeet Med'inaa Godaw,
\q2 neeni barentta kawushshiyaawanttu amuwaa sisaasa.
\q1 Neeni unttuntta mintsetsaasa.
\q1
\v 18 Yi'atoone un"etteeddawanttoo tumuwaa pirddaa;
\q2 sa'aan de'iyaa asay, unttuntta yashissenna mala,
\q1 Unttunttu waasuwaa sisaasa.
\c 11
\s S'illotuwaa C'eek'uwaa
\d Zammaaretuwaa Kaappoo Yes'etteedda, Daawita Mazimuriyaa.
\q1
\v 1 Taani Med'inaa Godaa giddon bak'ata k'osetta attay.
\q2 Yaatina, hintte taana ayaw,
\q2 «Kafuwaadan ne deriyaa bak'ata» yaagiitee?
\q1
\v 2 Hekko nagaranchchatuu,
\q2 wozanaa geeshshatuwaa d'uman c'addanaw,
\q2 barenttu wonddaafiyaa bak'etsaa bollan pootsaa toliino.
\q1
\v 3 Baasuu bayiyaa wode,
\q2 s'illuu ayaa ootsanaw danddayii?
\b
\q1
\v 4 Med'inaa Goday bare Geeshsha sa'aan de'ee;
\q2 bare saluwaa kawutetsaa araatan,
\q1 Med'inaa Goday asaa s'eellee;
\q2 S'oossaa ayifii asaa biddee.
\q1
\v 5 Med'inaa Goday s'illuwaa biddee.
\q2 Shin iitatuwaanne kobabaa siik'iyaawantta
\q1 I loytsi is's'ee.
\b
\q1
\v 6 S'oossay iitatuwaa bollan ees's'iyaa tamaa bonk'k'uwaanne
\q2 ees's'iyaa diiniyaa bukissana.
\q1 D'ayssiyaa gotiyaa c'arkkuwaan unttuntta murana.
\q1
\v 7 Med'inaa Goday s'illo gideedda diraw,
\q2 s'illotetsaa dosee.
\q1 Suure asatuu Aa sintsa be'ana.
\c 12
\s Iita Alamiyaappe Attanaw Shiik'eedda Woosaa
\d Zammaaretuwaa Kaappoo Diitsaan Yes'etteedda, Daawita Mazimuriyaa.
\q1
\v 1 Med'inaa Godaw, nuuna maaddaarikkii?
\q2 Ayaw gooppe, S'oossaa Asay ubbakka baawa;
\q2 asaa giddon ammanettiyaawe d'ayikichcheedda.
\q1
\v 2 Ubbaa wodekka ittuu ittoo wordduwaa haasayiino;
\q2 ittuu ittuwaa sheleeshshiyaa ins's'arssan baletsuwaan haasayiino.
\b
\q1
\v 3 Abeet Med'inaa Godaw, ha sheleeshshiyaa doonaa bara.
\q2 Otoruwaan c'eek'ettiyaa ins's'arssaa ubbaa neeni c'igga olaa.
\q1
\v 4 Unttunttu, «Nuuni nu ins's'arssan s'oonana;
\q2 nu mettershay nuwaa; nu goday oonee?» yaagiino.
\q1
\v 5 Med'inaa Goday, «Hiyyeesatuu un"etteedda dirawunne,
\q2 Metootanchchatuwaa ooliyaa diraw,
\q2 ha"i taani denddana.
\q2 Taani unttunttu amottiyaa sarotetsaan unttuntta wotsana» yaagee.
\b
\q1
\v 6 S'oossaa k'aalatuu walakki bayinna geeshshatuwaa;
\q2 c'ooc'iyaa taman laappun gede tigetteedda biraadan geeyyeeddawantta.
\b
\q1
\v 7 Abeet Med'inaa Godaw, neeni unttuntta sarotetsaan naaganne
\q2 hawaa mala asaappe med'inaw unttuntta ashsha.
\q1
\v 8 Asaa gidduwaan iitay bonchchetteedda wode,
\q2 iitatuu ubbaa saanna simeretteeddino.
\c 13
\s Bare S'oossan Amaneteedda Asaa Woosaa
\d Zammaaretuwaa Kaappoo Yes'etteedda, Daawita Mazimuriyaa.
\q1
\v 1 Abeet Med'inaa Godaw, awude gakkanaw neeni taana dogay?
\q2 Med'inaw taana dogay?
\q2 Awude gakkanaw neeni taappe geemmayi?
\q1
\v 2 Taani ta k'ofaanna baas'etiyaawe
\q2 awude gakkanaassee?
\q1 Ubbaa gallassi kayyuu ta wozanaan de'anawe
\q2 awude gakkanaassee?
\q1 Ta morkketuu ta bolla goobanawe
\q2 awude gakkanaassee?
\b
\q1
\v 3 Med'inaa Godaw ta S'oossaw, haa taakko s'eellaade,
\q2 taw zaara.
\q1 Ta ayifiyaa poo'issaade,
\q2 hayk'k'uwaappe taana ashsha.
\q1
\v 4 «Nuuni Aa s'ooneeddo» yaagiide,
\q2 ta morkketuu c'eek'ettennaadan te"a.
\q1 Ta kunddetsan unttunttu nashettenaadan digga.
\b
\q1
\v 5 Shin aggena ne maarotaan taani ammanettay;
\q2 neeni taana ashshiyaa diraw, taani nashettay.
\q1
\v 6 Med'inaa Godaw, taani new yes's'ana;
\q2 ayaw gooppe, neeni taw keekkaadda.
\c 14
\s S'oossay Bayna Asatuwaa
\d Zammaaretuwaa Kaappoo Yes'etteedda, Daawita Mazimuriyaa.
\p
\v 1 Eeyyatuu barenttu wozanaan,\x - \xo 14:1-3 \xo*\xt Rom. 3:10-12\xt*\x* «S'oossay baawa» yaagiino.
\q1 Unttunttu de'uu bayeedda.
\q2 Unttunttu sheneyiyaawaa ootsiino;
\q2 lo"iyaawaa ootsiyaa Asay baawa.
\b
\q1
\v 2 S'oossaa koyiyaa eranchchatuu de'inttonne
\q2 be'anaw, Med'inaa Goday saluwaappe duge asaa s'eellee.
\q1
\v 3 Shin ubbaykka wora simmeeddino;
\q2 ubbaykka ubbaanna go"ennabaa gideeddino.
\q1 Lo"iyaawaa ootsiyaa ooninne baawa;
\q2 haray atto ittuunne baawa.
\b
\q1
\v 4 Med'inaa Goday, «Hawanttu ta asaa,
\q2 asay k'umaa miyaawaadan bonk'k'i miino.
\q1 Iita asatuu tumu ayaanne akeekikkino?
\q2 Unttunttu taana woossikkino» yaageedda.
\b
\q1
\v 5 Shin S'oossay s'illo asatuwaana de'iyaa diraw,
\q2 iitatuu hewan dagamana.
\q1
\v 6 Unttunttu hiyyeesatuwaa k'ofaa halissiino;
\q2 shin Med'inaa Goday hiyyeesatuu bak'atiide, k'osetti attiyaa sa'aa.
\b
\q1
\v 7 Israa'eeliyaw atotetsay S'iyooneppe yeerennee!
\q2 Med'inaa Goday unttunttu de'uwaa zaariyaa wode,
\q1 Yaak'ooba zeretsay nashettana;
\q2 Israa'eeliyaa Asay nashshechchaa pooc'u gaana.
\c 15
\s S'oossay Asaappe Koyiyaawe Ayee?
\d Daawita mazamuriyaa
\q1
\v 1 Abeet S'oossaw, ne dunkkaaniyaan gam"anawe oonee?
\q2 Ne geeshsha deriyaan neenana de'anawe oonee?
\b
\q1
\v 2 Suure de'uwaa de'iyaawaa,
\q2 S'illobaa ootsiyaawaa,
\q2 bare wozanaappe tumuwaa haasayiyaawaa,
\q1
\v 3 hara asaa suntsaa bayzzenawaa,
\q2 Bare laggiyaa bolla iitabaa ootsennawaa,
\q2 bare shooruwaa zigirennawaa;
\q1
\v 4 Med'inaa Godaan is's'etteedda asatuwaa kad'iyaawe,
\q2 Shin S'oossaw yayyiyaa asatuwaa bonchchiyaawe,
\q2 bare c'aak'k'eeddawaa ayaa dees'inakka poliyaawe,
\q1
\v 5 bare miishshaa dichchaw immennawe,
\q2 S'illo asatuwaa k'ohanaw
\q2 mattaayiyaa akkenawe.
\b
\q2 Ha yewotuwaa ootsiyaawe,
\q2 med'inawukka k'aas's'enna.
\c 16
\s S'oossay Ta Laataa
\d Daawita woosaa
\q1
\v 1 Abeet S'oossaw,
\q2 taani neekko bak'ateedda diraw, taana naaga.
\q1
\v 2 Taani Med'inaa Godaw, «Neeni ta Godaa;
\q2 Neeppe attin, hara lo"uu taw baawa» yaagay.
\b
\q1
\v 3 Sa'aan de'iyaa geeshshatuu
\q2 ay mala galatetteeddino!
\q1 Ta nashechchay ubbay unttunttunna ittippe gidiyaawaa.
\b
\q1
\v 4 Worddo s'oossatuwaa kaalliyaawanttu
\q2 barenttu bolla metuwaa darissiino.
\q1 Shin taani unttunttu worddo s'oossatoo yarshshikke;
\q2 taani unttunttu suntsaa s'eesikke.
\b
\q1
\v 5 Ta Med'inaa Godaw, ta de'uwaa laataynne s'uu'ay neena;
\q2 taana koshshiyaa ubbaa neeni taw immaasa.
\q1 Ta de'uwaa saamay neena.
\q1
\v 6 Neeni taw wad'd'eedda saamay ay keeshshaa lo"ee!
\q2 Ee ta laatay tumuwaappe lo"a!
\b
\q1
\v 7 Taana zoriyaa Med'inaa Godaa galatay;
\q2 bilahekka ta wozanay taana seeree.
\q1
\v 8 Taani ubbaa gede Med'inaa Godaa taappe sintsayay\x - \xo 16:8-11 \xo*\xt Kit. 2:25-28\xt*\x*
\q2 I taappe ushechcha baggana de'iyaa diraw,
\q2 taani hirggikke.
\b
\q1
\v 9 Hewaa diraw, ta wozanay nashettee;
\q2 ta shemppuukka hashshu gee.
\q1 Ta bollaykka hirggi bayinnan de'ee.
\q1
\v 10 Taana Si'ooliyaw aatsaade immakka;\x - \xo 16:10 \xo*\xt Kit. 13:35\xt*\x*
\q2 neeni ne geeshsha musissakka.
\b
\q1
\v 11 Neeni taana de'uwaa ogiyaa bessaasa.
\q2 Taani ne matan de'ina, ta nashechchay polettee;
\q2 ne ushechcha baggana injjii med'inaw de'ee.
\c 17
\s Geeshsha Asaa Woosaa
\d Daawita woosaa
\q1
\v 1 Abeet Med'inaa Godaw, ta s'illo oochchiyaawaa sisa;
\q2 ta waasuwaa hayzza.
\q2 Taani c'immenna ins's'arssaappe woossiyaa woosaakko,
\q2 ne haytsaa zaara.
\q1
\v 2 Ta shatintsay ne sintsappe yo;
\q2 ne ayifii likke gidiyaawaa s'eello.
\b
\q1
\v 3 Neeni k'amman taana s'omoosaadda;
\q2 ta wozanaa paac'c'aadda.
\q1 Shin ta bollappe ayinekka demmakka.
\q2 Ta ins's'arssaykka balettibeena.
\q1
\v 4 Taani hara asatuwaadan iita k'aalaa haasayikke;
\q2 taani ne azazuwaa naagiyaa diraw, gene ogiyaa kaallabeykke.
\q1
\v 5 Ta gedii d'ubettenna mala,
\q2 ta tangguu ne ogiyaappe gas'aa kesibeenna.
\b
\q1
\v 6 Abeet S'oossaw, neeni sisiyaa diraw,
\q2 taani neena woossay.
\q1 Ne haytsaa taakko zaaraadde,
\q2 taani new odiyaawaa hayzza.
\q1
\v 7 Barenttu morkkatuwaappe bak'atiyaawantta
\q2 ne ushechcha kushiyan k'osaade ashshiyaawoo,
\q2 ne lo"otetsaa maalalissiyaa ogiyaan bessa.
\b
\q1
\v 8 Ne ayifiyaa c'iruwaadan taana naaga;
\q2 ne k'efiyaa giddon taana k'osa.
\q1
\v 9 Taana un"i wotseedda iitatuwaappenne
\q2 dooddi wotseedda s'ala morkkatuwaa kushiyaappe
\q2 taana k'osa.
\b
\q1
\v 10 Unttunttoo k'areti baawa;
\q2 otoruwaan haasayiino.
\q1
\v 11 Taani biyaasa'aa ubbaan unttunttu taana dooddiino.
\q2 Taana biittan aatsi yegganaw s'eelliino.
\q1
\v 12 Unttunttu barenttoo miyaawaa koyiyaa gaammotuwaa mala;
\q2 geeman zuggi naagiyaa wodalla gaammotuwaa mala.
\b
\q1
\v 13 Abeet Med'inaa Godaw, dendda.
\q2 Ta morkkatuwaanna ek'ettaade s'oona;
\q2 ne mashshaan iitatuwaappe taana ashsha akka.
\q1
\v 14 Abeet Med'inaa Godaw, hawaa mala asaappe,
\q2 Unttunttu kaac'ay ha sa'aa de'uwaa s'alala gidiyaa asaappe
\q2 ne kushiyan taana ashsha.
\q2 Neeni unttunttoo minjjeedda boshaan unttuntta mura;
\q2 he boshaynne unttunttu naanaatoo gidiide,
\q2 unttunttu naanatuwaa naanatookka palaho.
\b
\q1
\v 15 Shin taani s'illotetsan ne som"iyaa be'ana.
\q2 Taani denddiyaa wode, ne mala be'aade nashettana.
\c 18
\s S'oonuwaa Mazimuriyaa
\d Zammaaretuwaa Kaappoo Yes'etteedda Daawita Mazimuriyaa. Med'inaa Goday Aa Morkkiyaappenne Saa'oola Kushiyaappe Ashsheeda Wode Daawite Med'inaa Godaw Ha Yetsaa Yes's'eedda
\q1
\v 1 Abeet Med'inaa Godaw,
\q2 ta wolk'k'aw, taani neena siik'ay.
\q1
\v 2 Med'inaa Goday taw wogga zaallaa;
\q2 Taani olaappe naagettiyaa miis'aa;
\q1 I taana ashshiyaawaa.
\q2 Ta S'oossay taani aakko bak'atiyaa ta wogga zaallaa.
\q1 I ta gonddalliyaa; I taana ashshiyaa wolk'k'aa;
\q2 I taani k'osetta attiyaa sa'aa.
\q1
\v 3 Galatay bessiyaa Med'inaa Godaa taani s'eesay;
\q2 I ta morkkatuwaappe taana ashshee.
\b
\q1
\v 4 Hayk'uwaa wodoruu taana k'achcheeda;
\q2 bashshay di'uwaadan taana dagantseedda.
\q1
\v 5 Duufuwaa wodoruu taana k'achcheedda;
\q2 hayk'k'uu p'iriyaadan taana oyk'k'eedda.
\q1
\v 6 Taana metuu iissina, Med'inaa Godaa s'eesaad;
\q2 «Taana maadda» gaade ta S'oossaw waassaad.
\q1 I bare Geeshsha Sa'aan ta kooshshaa siseedda;
\q2 taani waasseedda waasuu Aa haytsaan wod'd'eedda.
\b
\q1
\v 7 Wod'd'ina S'oossay hank'k'etteedda diraw,
\q2 Biittay yiik'k'iyiik'k'iide k'aas's'eedda;
\q2 deretuwaa s'ap'uu gaji gajiide kokkoreedda.
\q1
\v 8 Aa siid'iyaappe hank'k'uwaa c'uway c'uwatteedda;
\q2 Aa doonaappe miyaa tamaa lac'uunne s'uuggiyaa bonk'k'uu keseedda.
\q1
\v 9 Saluwaa I p'alk'k'iide, duge wod'd'eedda;
\q2 he wode Aa gediyaappe garssaana sik'imeteedda shaarii de'ee.
\q1
\v 10 K'efiyaana de'iyaa kiitanchchaa kiruubiyan uttiide paalleedda;
\q2 c'arkkuwaa k'efiyaa akkiide elleelleedda.
\q1
\v 11 Barena d'uman kammeedda;
\q2 Aa dunkkaanii iraanna sik'imeteedda shaariyaa.
\q1
\v 12 Aa sintsan de'iyaa wolk'k'aama poo'uwaappe
\q2 shachchaynne tamaa lac'uu keseedda;
\q1 Kesiide sik'imeteedda shaariyaa aad'd'iidde beedda.
\q1
\v 13 K'ay Med'inaa Goday guuguntsaadan saluwaappe guummeedda;
\q2 Ubbaappe D'ok'k'iyaa S'oossay walk'k'antsaaninne tamaa lac'uwaan k'onc'c'eedda.
\q1
\v 14 Bare wonddaafiyaa c'ubiyaa yeddiide,
\q2 Bare morkkatuwaa laaleedda;
\q2 walk'k'antsaa poo'uwaa kiittiide, unttuntta yedersseedda.
\q1
\v 15 Abeet Med'inaa Godaw, neeni seereedda wodenne,
\q2 Hank'k'ettaade peenuk'eedda wode,
\q2 abbaa haatsay giseedda biittay beetteedda.
\q2 K'ay sa'aa baasuukka k'onc'c'eedda.
\b
\q1
\v 16 S'oossay bollappe kushiyaa duge yeddiide,
\q2 taana oyk'k'eedda;
\q2 c'iimmo haatsaappe taana kesseedda.
\q1
\v 17 I taana ta wolk'k'aama morkkiyaappenne,
\q2 taana is's'iyaawanttuppe ashsheeda.
\q1 Ayaw gooppe, unttunttu taw loytsi daro wolk'k'aama.
\q1
\v 18 Ta waayiyaa gallassi unttunttu ta bolla denddeeddino;
\q2 shin Med'inaa Goday taana zemppissiyaawaa.
\q1
\v 19 I taana aakko sa'aa kesseedda;
\q2 taanan nashetteedda diraw, taana ashsheeda.
\b
\q1
\v 20 Ta s'illotetsaadan Med'inaa Goday taw c'iggeedda;
\q2 ta kushiyaa geeshshatetsaadan I taw zaareedda.
\q1
\v 21 Taani Med'inaa Godaa ogiyaa kaalaad;
\q2 taani ta S'oossaa aggade wora babeykke.
\q1
\v 22 Taani Aa higgiyaa ubbaa naagaad;
\q2 Aa wogaa poliyaawaa aggabeyikke.
\q1
\v 23 Taani Aa sintsan suure de'aaddi;
\q2 taani taana nagaraappe naagaad.
\q1
\v 24 Hewaa diraw, Med'inaa Goday taw ta s'illotetsaadaaninne
\q2 ta kushii Aa sintsan geeshsha gidiyaawaadan zaareedda.
\b
\q1
\v 25 Abeet S'oossaw, ammanettiyaawanttoo neeni ammanettiyaawaa;
\q2 suuretoo neenikka suure.
\q1
\v 26 Geeshshatoo neenikka geeshsha;
\q2 shin geellatoo neeni c'inc'c'a.
\q1
\v 27 Barentta hokisiyaawantta ashshaasa;
\q2 shin barentta d'ok'k'issiyaawantta neeni zik'k'issaasa.
\b
\q1
\v 28 Abeet Med'inaa Godaw, neeni ta s'omppiyaa poo'issaasa;
\q2 ta S'oossay poo'issina, ta d'umay kichchee.
\q1
\v 29 Ne maaduwaan taani ta morkke wotaadaratuwaa olay;
\q2 ta S'oossan taani unttunttu miis'aa s'eeraana guppa aad'd'ay.
\b
\q1
\v 30 S'oossaa ogii suure.
\q2 Med'inaa Godaa k'aalay geeshsha.
\q1 Aakko bak'atiyaa ubbatoo I gonddalle.
\q1
\v 31 S'oossaappe attina, hara Med'inaa Goday baawa;
\q2 nu S'oossaappe attina, hara wogga zaalli baawa.
\q1
\v 32 Taw wolk'k'aa immiyaawenne
\q2 ta ogiyaa saro ootsiyaawe S'oossaattennee.
\q1
\v 33 I ta gediyaa gen"iyaa gediyaadan minisee;\x - \xo 18:33 \xo*\xt Imb. 3:19\xt*\x*
\q2 taana d'ok'k'a sa'atuwaan sarotetsaan wotsee.
\q1
\v 34 I ta kushiyaa olaa meezeyee;
\q2 Hewaa diraw, taani ta k'esiyaan
\q2 naasiyaa giyaa birataa wonddaafiyaa dafaade dukkay.
\b
\q1
\v 35 Taana ashshiyaa ne gonddalliyaa neeni taw immaadda.
\q2 Ne ushechcha kushii taana zemppissee;
\q2 ne lo"o oytsay taana d'ok'k'isee.
\q1
\v 36 Ta hamettiyaasaa aassaasa;
\q2 hewaa diraw, ta gedii halis's'ibeena.
\q1
\v 37 Ta morkkatuwaa taani yederssa oyk'k'aad;
\q2 taani unttuntta d'ayissennan de'aadde guyye simmabeykke.
\q1
\v 38 Taani unttuntta laa"entso denddennaadan shoc'aad;
\q2 unttunttu ta gediyaan kunddeeddino.
\q1
\v 39 Olaw taana wolk'k'aa danc'c'isaadda;
\q2 taananna gaaddatiyaawantta taw gulbbatissaadda.
\q1
\v 40 Ta morkkatuwaa ta sintsappe guyye bak'atissaada;
\q2 taana is's'iyaawantta taani d'ayissaad.
\q1
\v 41 Barentta maaddana mala waasseeddino,
\q2 shin ooninne unttuntta ashshibeenna.
\q1 Med'inaa Godaakka unttunttu s'eeseeddino,
\q2 shin I unttunttoo koyibeenna.
\q1
\v 42 C'arkkuu pittiide afiyaa baanaadan taani unttuntta liik'issaad;
\q2 ogiyaan de'iyaa urk'k'aadankka unttuntta yed'd'aad.
\b
\q1
\v 43 Makkala asaappe taana ashshaadda.
\q2 Taana kawutetsatuwaa bollan suntsaadda;
\q2 taani erenna Asay taw moodeteedda.
\q1
\v 44 Unttunttu ta woriyaa sisiide, taw azazettiino;
\q2 allaga dere asaykka ta sintsan hokkiino.
\q1
\v 45 Unttunttu wozanaa kahaa aggiino.
\q2 Barenttu naagettiyaa miis'aappe kokkoriidde yiino.
\b
\q1
\v 46 Med'inaa Goday de'ee!
\q2 S'oossay, ta wogga zaallay galatetto!
\q1 Taana ashshiyaa S'oossay d'ok'k'u d'ok'k'u go!
\q1
\v 47 I ta haluwaa kessiyaa S'oossaa;
\q2 kawutetsatuwaa taappe garssaana moodissiyaawaa;
\q1
\v 48 ta morkkatuwaappe taana ashshiyaawaa.
\q2 Abeet S'oossaw, neeni taananna gaaddatiyaawanttu bollan
\q2 taana d'ok'k'u d'ok'k'u ootsaasa;
\q2 Makkalanchcha asatuwaappe neeni taana ashshaasa.
\q1
\v 49 Hewaa diraw, taani neena kawutetsatuwaa giddon galatana;\x - \xo 18:49 \xo*\xt Rom. 15:9\xt*\x*
\q2 taani Med'inaa Godaa suntsaa sabbana.
\b
\q1
\v 50 S'oossay bare kaatiyaw s'oonuwaa bollan s'oonuwaa immee.
\q2 Bare okkeedda, Daawitewunne Aa zeretsaw,
\q2 lo"otetsaa med'inaw bessee.
\c 19
\s S'oossay S'illotetsaa Awaa
\d Zammaaretuwaa Kaappoo Yes'etteedda, Daawita Mazimuriyaa.
\q1
\v 1 Salotuu S'oossaa bonchchuwaa haasayiinonne
\q2 salotuwaa gufantsuu I bare kushiyan ootseeddawaa awaayee.
\q1
\v 2 Itti gallassay yenkko gallassaw hewaa odee;
\q2 itti k'ammaykka yenkko k'ammaw eratetsaa k'onc'c'issee.
\q1
\v 3 Haasayi woy k'aalay baawa;
\q2 unttunttu kooshshaykka sisettenna.
\q1
\v 4 Gidooppekka, unttunttu haasayaa kooshshay sa'aa ubbaan laaletteedda;\x - \xo 19:4 \xo*\xt Rom. 10:18\xt*\x*
\q2 unttunttu k'aalaykka sa'aa gas'aa gakkeedda.
\b
\q1 S'oossay away de'iyaa sa'aa saluwaan giigisseedda.
\q1
\v 5 Nashettiide kare sooppe kesiyaa mishiraadan,
\q2 Wotsaa naasiyaw giigeedda wotsanchchaadan,
\q2 away wontta wontta kesee.
\q1
\v 6 Away itti bagga saluwaa gas'aappe mokkiide,
\q2 hara bagga saluwaa gas'aa gakkanaassi bee;
\q1 Aa ho"uwaappe geemmiyaawe ayaynne baawa.
\b
\q1
\v 7 Med'inaa Godaa higgii suure;
\q2 shemppuwaa zaaree.
\q1 Med'inaa Goday odiyaawe ammanettiyaawaa;
\q2 akeekay pac'c'eeddawanttoo eratetsaa immee.
\q1
\v 8 Med'inaa Godaa wogay likke;
\q2 wozanaa nashechchee.
\q1 Med'inaa Godaa azazuu geeshsha;
\q2 wozanaa poo'issee.
\q1
\v 9 Med'inaa Godaw yayyiyaawe geeshshatetsaa;
\q2 hewe med'inawukka ek'k'iid de'iyaawaa.
\q1 Med'inaa Godaa pirdday tumanne s'illuwaa.
\q1
\v 10 Work'k'aappenne walakki bayinna work'k'aappe aad'd'iide dosettee;
\q2 eessaappenne eessaa ililuwaappe aad'd'i mal"ee.
\q1
\v 11 K'ay taana ne k'oomaa naagettanaadan zoree;
\q2 ne higgiyaa naaguu daro go"ee.
\b
\q1
\v 12 Bare huup'iyaa balaa demmiyaawe oonee?
\q2 Abeet S'oossaw, geemmeedda nagaraappe taana geeshsha.
\q1
\v 13 K'ay taani, ne k'oomay,
\q2 S'alan nagaraa ootsennaadan,
\q2 neeni taana naaga.
\q2 Taana nagaraw moodisoppa;
\q2 he wode taani suure gidaade,
\q2 wolk'k'aama bayzzuwaappe geeyana.
\b
\q1
\v 14 Abeet Med'inaa Godaw, ta wogga zaallaw,
\q2 taana wozeeddawoo,
\q1 Ta doonaappe kesiyaa k'aalaynne
\q2 ta wozanaa k'ofay neena nashechchiyaawaa gido.
\c 20
\s Kaatiyaw Woosaa
\d Zammaaretuwaa Kaappoo Yes'etteedda, Daawita Mazimuriyaa
\q1
\v 1 Neeni metooteedda wode Med'inaa Goday ne woosaa siso;
\q2 Yaak'ooba S'oossaa suntsay neena miniso.
\q1
\v 2 Bare Geeshsha Sa'aappe new maaduwaa kiitto;
\q2 S'iyooneppe neena zemppisso.
\q1
\v 3 Ne yarshshuwaa ubbaa I new hassayo;
\q2 ne s'uuggiyaa yarshshuwaan nashetto.
\q1
\v 4 Ne wozanaa amuwaa new immo;
\q2 ne halchchuwaa ubbaa polo.
\q1
\v 5 Ne s'oonuwaa diraw, nuuni nashshechchaw hombboc'ana;
\q2 nu S'oossaa suntsan nu banddiraa d'ok'k'u ootsana.
\q1 Neeni woosseeddawaa ubbaa Med'inaa Goday new immo.
\b
\q1
\v 6 Med'inaa Goday bare dooreedda kaatiyaw
\q2 s'oonuwaa immiyaawaa taani biro eray.
\q1 I bare geeshsha saluwaan sisana;
\q2 bare ushechcha kushiyan wolk'k'aama s'oonuwaa aw immana.
\q1
\v 7 Ittuu ittuu barenttu olaa paray goochchiyaa gaariyan,
\q2 Haratuu barenttu paran c'eek'ettiino;
\q2 shin nuuni Med'inaa Godaa nu S'oossaa wolk'k'an c'eek'etteetto.
\q1
\v 8 Unttunttu d'ubettiide kunddana;
\q2 shin nuuni denddiide, min ek'k'ana.
\b
\q1
\v 9 Abeet Med'inaa Godaw, kaatiyaw s'oonuwaa imma;
\q2 nuuni neena s'eesiyaa wode sisa.
\c 21
\s S'oonuwaa Diraw Galataa
\d Zammaaretuwaa Kaappoo Yes'etteedda, Daawita Mazimuriyaa
\q1
\v 1 Abeet Med'inaa Godaw, kaatii ne minotetsan hashshu gee;
\q2 neeni immeedda s'oonuwaan I ayaa nashettii!
\q1
\v 2 Neeni Aa wozanaa amuwaa aw immaadda;
\q2 k'ay I neena bare ins's'arssan oochcheeddawaa diggabaakka.
\b
\q1
\v 3 Neeni lo"o anjjuwaan Aa mokkaasa;
\q2 geeshsha work'k'aa kallachchaa Aa huup'iyaan wotsaasa.
\q1
\v 4 Neeni de'uwaa aw immanaadan neena woosseedda;
\q2 Aw c'ora laytsaanne adussa de'uwaa immaadda.
\q1
\v 5 Neeni s'oonuwaa immeedda diraw,
\q2 Aa bonchchuu daree; gitatetsaanne anggaa aw immaadda.
\q1
\v 6 Neeni aw med'inaa anjjuwaa immaasa;
\q2 neeni ittippe de'iyaawaan Aa nashechchaasa.
\q1
\v 7 Kaatii Med'inaa Godaan ammanettee.
\q2 Ubbaappe D'ok'k'iyaa S'oossaa lo"otetsaa diraw,
\q1 I k'aas'enna.
\b
\q1
\v 8 Ne kushii ne morkkatuwaa ubbaa kutuutana;
\q2 ne ushechchay neena is's'iyaawantta demmana.
\q1
\v 9 Neeni k'onc'c'iyaa wode,
\q2 unttuntta c'ooc'iyaa tamaadan s'uuggana.
\q1 Med'inaa Goday bare hank'k'uwaa suuluwaan unttuntta mittana;
\q2 Aa tamaykka unttuntta mi d'ayissana.
\q1
\v 10 Neeni unttunttu naanatuwaa biittaappe,
\q2 unttunttu zeretsaakka asaa giddoppe d'ayissana.
\q1
\v 11 Ne morkketuu ne bolla shiik'inonne
\q2 iitabaa mak'ettiino; shin polikkino.
\q1
\v 12 Ayaw gooppe, neeni unttuntta ne wonddaafiyaa pootsan dukkanaw baabisana;
\q2 guyye zaaraadde bak'atissana.
\b
\q1
\v 13 Abeet Med'inaa Godaw, ne minotetsan d'ok'k'u d'ok'k'u ga;
\q2 ne wolk'k'aa diraw new galataa mazimuriyaa yes's'eetto.
\c 22
\s S'illo Asaa Metuwaanne Hidootaa
\d Zammaaretuwaa Kaappoo Yes'etteedda, Daawita Mazimuriyaa. Wontta Guuraa «Gen"iyaa» Yetsaadaan Yes'etteedda Daawita Mazimuriyaa
\q1
\v 1 Ta S'oossaw, ta S'oossaw, taana ayaw aggaadii?\x - \xo 22:1 \xo*\xt Mat. 27:46; Mar. 15:34\xt*\x*
\q2 Taana maadda gaade taani new watiwatiyaa wode,
\q2 ayaw taappe haakkay?
\q1
\v 2 Abeet ta S'oossaw, gallassan ubbaan taani new waassay;
\q2 shin neeni taw allakka.
\q1 K'amman ubbankka new waassay,
\q2 shin woppaa demmikke.
\b
\q1
\v 3 Gidooppenne, neeni geeshsha.
\q2 Israa'eeliyaa galatay ne araataa yuushshuwaan de'ee.
\q1
\v 4 Kase nu aawotuu neenan ammanetteedino;
\q2 neenan ammanettina, neeni unttuntta ashshaada.
\q1
\v 5 New waassiide atteeddino;
\q2 neenan ammanettiide yeellatibeykkino.
\b
\q1
\v 6 Shin taani asaa gidikke; taani gus'uniyaa.
\q2 Taani asan kad'etteeddawaanne k'iliic'etteeddawaa.
\q1
\v 7 Taana be'iyaa ubbatuu k'id'iino;\x - \xo 22:7 \xo*\xt Mat. 27:39; Mar. 15:29; Luk'. 23:35\xt*\x*
\q2 unttunttu taana s'iti s'eelliinonne barenttu huup'iyaa k'aatsiino.
\q1
\v 8 Yaatooppe, «I Med'inaa Godaan ammanetteedda;\x - \xo 22:8 \xo*\xt Mat. 27:43\xt*\x*
\q2 ayaw Aa ashshennee?
\q1 Med'inaa Goday Aa dosooppe,
\q2 ane Aa ashsho» yaagiino.
\b
\q1
\v 9 Gidooppenne, taana ta aatti uluwaappe suure yeliseeddawe neena;
\q2 ta aatti d'antsaa d'ammiyaa wodekka taani ammanettanaadan ootsaadda.
\q1
\v 10 Taani yelettoodeppe doommaade neenan dic'c'aad;
\q2 ta aatti uluwaappe doommaadekka, neeni ta S'oossaa.
\q1
\v 11 Metuu taakko matiyaa dirawunne
\q2 taana maaddiyaawe bayinna diraw,
\q1 Ha"i neeni taappe haakkoppa.
\b
\q1
\v 12 Daro morkketuu koruma booratuwaadan taana dooddiino;
\q2 k'ayc'c'iyaa Baasaane biittaa booratuwaadan taana dooddiino.
\q1
\v 13 Mentsereetsiyaanne gudiyaa gaammuwaadan
\q2 barenttu doonaa ta bolla hanggiino.
\b
\q1
\v 14 Taani haatsaadan goggaad;
\q2 ta mek'etsatuu barenttu kuushshaappe koletteeddino.
\q1 Ta wozanay eessaa muk'aaddaa mala,
\q2 ta giddon seeri wuree.
\q1
\v 15 Ta k'ood'ii kon"aadan melee;
\q2 ta ins's'arssay kookkiyaana oyk'k'ettee.
\q1 Neeni taana hayk'k'eedda asaadan baanan yeggaadda.
\b
\q1
\v 16 Kanatuu taana te"eeddino;
\q2 iita asatuu ta yuushshuwaan dooddeeddino.
\q1 Ta kushetuwaanne ta gedetuwaa c'addiino.
\q1
\v 17 Ta mek'etsatuwaa ubbaa taan payday.
\q2 Ta morkketuu taana s'eelliinonne derek'k'iino.
\q1
\v 18 Ta mayuwaa shaakki akkiino;\x - \xo 22:18 \xo*\xt Mat. 27:35; Mar. 15:24; Luk'. 23:34; Yoh. 19:24\xt*\x*
\q2 ta adussa mayuwaan saamaa yeggiino.
\b
\q1
\v 19 Abeet Med'inaa Godaw, neeni taappe haakkoppa.
\q2 Abeet ta wolk'k'aw, taana maaddanaw ellekka haaya.
\q1
\v 20 Taana mashshaappe ashsha;
\q2 ta uushshuwan de'iyaa kanatuwaa wolk'k'aappe ashsha.
\q1
\v 21 Gaammotuwaa doonaappe taana ashsha;
\q2 k'ayc'c'iyaa bazzuwaa booratuwaa kac'iyaappe taana naaga.
\b
\q1
\v 22 Taani ne suntsaa ta ishatoo odana;\x - \xo 22:22 \xo*\xt Ibr. 2:12\xt*\x*
\q2 maabaraa shiik'uwaankka neena galatana.
\q1
\v 23 Hinttenoo, Med'inaa Godaw yayyiyaawanttoo, Aa galatite.
\q2 Hinttenoo, Yaak'ooba zeretsatoo,
\q2 ubbaykka Aa bonchchite.
\q2 Hinttenoo, Israa'eeliyaa zeretsatoo,
\q2 ubbatuukka bonchchuwaan aw yayyite.
\q1
\v 24 I naak'etteeddawantta kad'enna;
\q2 unttuntta gakkeedda k'ohuwaa taw ay metee geena.
\q1 Bare som"uwaa unttunttuppe gentsenna;
\q2 shin unttunttu maadoo aakko waassiyaa wodiyaan,
\q2 unttunttu waasuwaa sisee.
\b
\q1
\v 25 Taani neeni ootseedda lo"o oosuwaa diraw,
\q2 kuntseedda shiik'uwaan galatana.
\q1 Taani shiik'etteeddawaa new yayyiyaa asaa sintsan gatsana.
\q1
\v 26 Hiyyeesatuu miide kallana.
\q2 Med'inaa Godaa koyiyaawanttu Aa galatana.
\q1 Unttunttu med'inaw de'ana.
\b
\q1
\v 27 Sa'aa gas'aa gakkanaw Asay ubbay
\q2 hassayiide, Med'inaa Godaakko simmana.
\q1 Asaa zare ubbay aw goyinnana.
\q1
\v 28 Ayaw gooppe, kaatetiyaa maatay Med'inaa Godaawaa;
\q2 kawutetsatuwaa I mooddee.
\b
\q1
\v 29 Sa'aan de'iyaa dure asatuu ubbay
\q2 aw goyinnana.
\q1 Barentta hayk'k'uwaappe ashshanaw danddayennawanttunne
\q2 baanaw laamettiyaawanttu ubbatuu aw gulbbatana.
\q1
\v 30 Yiyaa zeretsay aw kiitettana;
\q2 asay Godaa oosuwaa yiyaa yeletaw odana.
\q1
\v 31 Biro yelettibeenna asaykka Aa s'illotetsaa odana.
\q2 «S'oossay bare asaa ashsheedda» yaagiyaawe odettana.
\c 23
\s Lo"o Hentsanchchaa
\d Daawita mazamuriyaa
\q1
\v 1 Med'inaa Goday ta hentsanchchaa;
\q2 taw ayaynne pac'c'enna.
\q1
\v 2 Taana aac'a k'ooruwaan shemppissee;\x - \xo 23:2 \xo*\xt Sas'. 7:17\xt*\x*
\q2 woppu geedda haatsaakko laaggee.
\q1
\v 3 Ta de'uwaa ooras's'isee.
\q2 Bare suntsaa diraw, taana s'illotetsaa ogiyaan kaaletsee.
\b
\q1
\v 4 Neeni ta S'oossay taananna de'iyaa diraw,
\q2 Taani d'ip'p'i go d'umaa zanggaaraa gidduwaanna booppekka,
\q2 iitabaw yayyikke.
\q2 Ne gatimaynne ne guufii taana mintsetsiino.
\b
\q1
\v 5 Ta morkkatuwaa sintsan taw gibiraa makkaadda.
\q2 Taana mokkaad, ta huup'iyaa zayitiyaa okkaadda.
\q1 Ta wanc'c'ay palahiide goggana gakkanaw kuntsaadda.
\q1
\v 6 Ne keekkatetsaynne maarotetsay
\q2 ta de'uwaa laytsaa ubbaan tumuwaappe taana kaallana.
\q1 Taani Med'inaa Godaa golliyaan med'inaw de'ana.
\c 24
\s Geeshsha Golliyaa Geluwaa Mazimuriyaa
\d Daawita mazamuriyaa
\q1
\v 1 Sa'aynne sa'aan kumeeddawe ubbay Med'inaa Godaawaa;\x - \xo 24:1 \xo*\xt 1 K'or. 10:26\xt*\x*
\q2 biittaynne biittan de'iyaabay ubbay aawaa.
\q1
\v 2 Ayaw gooppe, sa'aa wolk'k'aama abbaa bollan I hiis's'eedda;
\q2 c'iimmo haatsaa bollan minisiide essee.
\b
\q1
\v 3 Med'inaa Godaa deriyaa gi"anawe oonee?
\q2 Aa geeshsha sa'aan ek'k'anawe oonee?
\q1
\v 4 Aa kushii nagaraappe geeyyeeddawaa,
\q2 Aa wozanay geeshsha gideeddawaa,\x - \xo 24:4 \xo*\xt Mat. 5:8\xt*\x*
\q2 eek'aw goyinnennawaa,
\q2 wordduwaan c'aak'k'ennawaa.
\q1
\v 5 I Med'inaa Godaappe anjjuwaa akkana;
\q2 ashshiyaa S'oossaappe I s'illotetsaa pirdddaa akkana.
\q1
\v 6 S'oossaakko s'eelliyaa asaynne
\q2 Yaak'ooba S'oossaa sintsa koyiyaa Asay hawanttu mala.
\b
\q1
\v 7 Penggetuu dooyettite! Bonchcho kaatii gelana mala;
\q2 beni penggatuu Aa nashechchaan mokkite!
\q1
\v 8 He bonchcho kaatii oonee?
\q2 Minuunne wolk'k'aamay Med'inaa Godaatee!
\q1 Olawukka I wolk'k'aama Med'inaa Godaatee!
\b
\q1
\v 9 Penggetuu dooyettite! Bonchcho kaatii gelana mala;
\q2 beni penggatuu Aa nashechchaan mokkite!
\q1
\v 10 Ha bonchcho kaatii oonee?
\q2 Ha bonchcho kaatii saluwaa med'etetsatuwaa Med'inaa Godaatee!
\c 25
\d Daawite Mazimuriyaa\f + \fr 25:0 \fr*\ft K'oppennabay Gakkiyaa Wode Shiik'iyaa Woosaa.\ft*\f*
\q1
\v 1 Abeet Med'inaa Godaw,
\q2 ta shemppuwaappe neena woossay.
\q1
\v 2 Abeet ta S'oossaw, taani neenan ammanettay;
\q2 taana yeellayoppa; ta morkkatuwaa haytsaa kessoppa.
\q1
\v 3 Neenan hidootaa ootsiyaawanttu yeellatikkino;
\q2 shin gaasuu bayinnan geniyaawanttu yeellatana.
\b
\q1
\v 4 Abeet Med'inaa Godaw, taana ne ogiyaa bessa;
\q2 ne ogiyaa taana tamaarissa.
\q1
\v 5 Neeni taana ashshiyaa S'oossaa gidiyaa diraw,
\q2 ne tumatetsan taana kaaletsaanne tamaarissa.
\q1 Gallassaa kumentsan taani neenan hidootaa ootsay.
\b
\q1
\v 6 Abeet Med'inaa Godaw, beniideppe de'iyaa ne k'aretaanne
\q2 ne keekatetsaa hassaya.
\q1
\v 7 Ta yalagatetsaa nagaraanne bayzzuwaa hassayoppa.
\q2 Abeet Med'inaa Godaw,
\q2 ne keekatetsaanne lo"otetsaa hassaya.
\q1
\v 8 Med'inaa Goday keekkanne suure;
\q2 hewaa diraw, nagaranchchatuwaa bare ogiyaa tamaarissee.
\q1
\v 9 Ashkketuwaa suuretetsan kaaletsee;
\q2 ashkketuwaa bare ogiyaa tamaarissee.
\q1
\v 10 Med'inaa Godaa c'aak'uwaanne Aa awaayuwaa naagiyaawanttoo
\q2 Aa ogii ubbay tumatetsaanne keekatetsaa.
\b
\q1
\v 11 Abeet Med'inaa Godaw, ta nagaray loytsi dara;
\q2 gidooppekka, ne suntsaa diraw, atto yaaga.
\q1
\v 12 Med'inaa Godaw yayyiyaa Asay oonee?
\q2 I dooriide kaalana ogiyaa S'oossay Aa tamaarissana.
\q1
\v 13 I ubbaa gedekka lo"o de'ussaa de'ana;
\q2 Aa zeretsatuu biittaa laattana.
\q1
\v 14 Med'inaa Goday barew yayyiyaawanttoo,
\q2 bare s'uuraa shaakkiyaawaa;
\q1 I unttunttoo bare c'aak'uwaakka k'onc'c'issee.
\b
\q1
\v 15 Med'inaa Goday ta gediyaa p'iriyaappe kessiyaa diraw,
\q2 ta ayifii maadoo ubbaa gede aakko s'eellee.
\q1
\v 16 S'oossaw, taani taarekka de'iyaa k'ohetteedda asaa gidiyaa diraw,
\q2 haa taakko simma; ne maarotetsaa taana bessa.
\q1
\v 17 Taw hirggay dareedda;
\q2 ta metuwaappe taana neeni woza.
\q1
\v 18 Ta metuwaanne ta tuggaa neeni be'a.
\q2 Ta nagaraa ubbaa atto ga.
\b
\q1
\v 19 Ta morkketuu ay keeshshaa dareeddenttonne be'a;
\q2 unttunttu taana wod'anaadan is's'iyaawaa s'eella.
\q1
\v 20 Neeni taana naaga; neeni taana ashsha;
\q2 taani neekko bak'ateedda diraw, taana yeellayoppa.
\q1
\v 21 Taani neenan hidootaa ootseedda diraw,
\q2 suuretetsaynne tumatetsay taana naago.
\b
\q1
\v 22 Abeet S'oossaw, Israa'eeliyaa asaa
\q2 unttunttu metuwaa ubbaappe neeni ashsha.
\c 26
\s Geeshsha Asaa Woosaa
\d Daawita mazamuriyaa
\q1
\v 1 Abeet Med'inaa Godaw, taani suuretetsan hametteedda dirawunne,
\q2 sid'ii bayinnan Med'inaa Godaa ammanetteeda diraw,
\q2 taw pirddaa.
\q1
\v 2 Abeet Med'inaa Godaw, taana paac'c'a, taana bidda;
\q2 ta wozanaa s'omoosa.
\q1
\v 3 Ayaw gooppe, aggena ne siik'uu ta sintsan de'ee;
\q2 taani ne tumatetsaa ogiyaan hamettay.
\b
\q1
\v 4 Taani c'immiyaa asatuwaana ittippe uttikke;
\q2 lo"a malatiyaa iitatuwaa maabaran gelikke.
\q1
\v 5 Iitaa ootsiyaa asatuwaa shiik'uwaa taani is's'ay;
\q2 makkalanchchatuwaanna ittippe uttikke.
\b
\q1
\v 6 Abeet Med'inaa Godaw, taani k'ohabeennawaa bessanaw
\q2 ta kushiyaa meec'c'ay.
\q1 New yarshshiyaa sa'aa yuuyyay;
\q1
\v 7 ne galataa yetsaa yes's'aynne
\q2 neeni ootseedda ooratsabaa ubbaa oday.
\b
\q1
\v 8 Abeet Med'inaa Godaw, neeni de'iyaa golliyaa,
\q2 ne bonchchuu ak'iyaa sa'aa taani dosay.
\q1
\v 9 Taana nagaranchchatuwaanna ittippe pittoppa;
\q2 woy asaa wod'iyaawanttunna ittippe d'ayissoppa.
\q1
\v 10 Unttunttu kushiyan iita halchchuu de'ee;
\q2 k'ay unttunttu ushechcha kushiyan mattaayii kumi utteedda.
\q1
\v 11 Shin taana gidooppe, taani suuretetsan hamettay.
\q2 Taana woza; taw k'aretta.
\q1
\v 12 Ta gedii dembba sa'aan ek'k'eedda;
\q2 taani wolk'k'aama shiik'uwaan Med'inaa Godaa galatana.
\c 27
\s S'oossaanna De'iyaa Asaa Ammanuwaa
\d Daawita mazamuriyaa
\q1
\v 1 Med'inaa Goday taw poo'onne taana ashshiyaawaa;
\q2 yaatina, taani ow yayyanitaa?
\q2 Med'inaa Goday ta de'uu naagettiyaa miis'aa;
\q2 yaatina, taani ow dagammanitaa?
\b
\q1
\v 2 Iita asatuu, ta is's'iyaawanttunne ta morkketuu
\q2 taana wod'anaw taakko wos's'iyaa wode,
\q1 Unttunttu barenttoo d'ubettiide kunddana.
\q1
\v 3 Morkkiyaa tooray taana dooddinttokka
\q2 ta wozanay yayyena.
\q1 Olay ta bolla dooddinttokka,
\q2 taani Med'inaa Godan ammanettay.
\b
\q1
\v 4 Taani Med'inaa Godaa ittibaa oochchaad;
\q2 Taani hewaa koyaad;
\q2 hewenne, taani ta de'uwaa laytsaa ubbaan,
\q2 Med'inaa Godaa golliyaan de'anawaa;
\q2 k'aykka taani Med'inaa Godaa lo"otetsaa be'anawaanne
\q2 Aa Golliyaan Aa koyanawaa.
\q1
\v 5 Hewaa diraw, metuwaa gallassan
\q2 I taana bare de'iyaa saan gentsana;
\q2 bare dunkkaaniyaan I taana k'osi ashshana.
\q2 I taana d'ok'k'a shuchchaa bollan essana.
\q1
\v 6 He wode taani taana dooddeedda ta morkkatuwaappe,
\q2 gitataade d'ok'k'u d'ok'k'u yaagana.
\q1 Taani Aa dunkkaaniyaan nashetaade yarshshuwaa yarshshana.
\q2 Taani Med'inaa Godaw diis's'ananne yes's'ana.
\b
\q1
\v 7 Abeet Med'inaa Godaw, taani neena s'eesiyaa wode,
\q2 Neeni taw koya;
\q2 taw k'aretta; taana sisa.
\q1
\v 8 Neeni, «Ta sintsa koyite» geedda wode,
\q2 Ta wozanay, «Abeet Med'inaa Godaw, eeno;
\q2 taani ne sintsa koyana» yaageedda.
\b
\q1
\v 9 Ne sintsa taappe gentsoppa.
\q2 Taana maaddeeddawoo, taana ne k'oomaa
\q2 hank'k'ettaade guyye zaaroppa.
\q2 Abeet taana ashshiyaa S'oossaw,
\q2 taana oloppanne aggoppa.
\q1
\v 10 Ta aawuunne ta aata taana agginttonne
\q2 Med'inaa Goday taana shiishshi akkana.
\b
\q1
\v 11 Abeet Med'inaa Godaw, ne ogiyaa taana tamaarissa;
\q2 ta morkkatuwaa diraw, taana suure ogiyaa kaaletsa.
\q1
\v 12 Taana naassiyaa worddo markkatuu ta bolla iitatetsaan denddeedda diraw,
\q2 taana ta morkkatuwaa amoo aatsaade immoppa.
\b
\q1
\v 13 Med'inaa Godaa keekkatetsaa taani pas'a de'aadde be'anawaa ammanay.
\q1
\v 14 Med'inaa Godaan hidootaa wotsa;
\q2 minnaadenne wozanaamaade, Med'inaa Godaan hidootaa wotsa.
\c 28
\s Maaduwaa Demanaw Woosaanne Galataa
\d Daawita mazamuriyaa
\q1
\v 1 Abeet Med'inaa Godaw, ta zaallaw, taani neena s'eesay;
\q2 taani neena s'eesina, taw sisa is's'oppa.
\q2 Ne c'o"u gooppe,
\q2 taani duufuwaa beedda asatuwaa mala giday.
\q1
\v 2 «Maaddo» gaade taani neena s'eesiyaa wodenne
\q2 ne Ubbaappe Geeshsha Dunkkaaniyaakko zaaraadde,
\q2 ta kushiyaa mic'c'iyaa wode,
\q2 neeni ta watiwatuwaa sisa.
\b
\q1
\v 3 Iitaa ootsiyaa iita asatuwaana taana gatsaade oyk'k'oppa;
\q2 Hewanttu barenttu wozanaan kobabaa k'oppi uttiide,
\q2 barenttu doonaan barenttu shooruwaanna sarobaa haasayiyaawantta.
\q1
\v 4 Unttunttu oosuwaadaaninne unttunttu oosuwaa iitatetsaadan,
\q2 unttunttoo c'igga;\x - \xo 28:4 \xo*\xt Sas'. 22:12\xt*\x*
\q2 unttunttu kushii ootseeddabaw unttunttoo zaara.
\q2 Unttunttoo bessiyaa iitaa unttunttoo zaara.
\q1
\v 5 Unttunttu S'oossaa oosuwaanne Aa kushii med'd'eeddawaa
\q2 dosennan is's'eedda diraw, S'oossay unttuntta kolana;
\q2 zaariide unttuntta ubbakka kees's'enna.
\b
\q1
\v 6 Ta watiwatuwaa siseedda diraw, Med'inaa Goday galatetto.
\q1
\v 7 Med'inaa Goday taw wolk'k'anne gonddalle;
\q2 Ta wozanay an ammanettee;
\q2 hewan taani maadettaad.
\q2 Hewaa diraw, ta wozanay an nashettee;
\q2 taani yetsan Aa sabbana.
\b
\q1
\v 8 Med'inaa Goday bare asaw wolk'k'aa;
\q2 I bare okkeedda kaatiyaa ashshiyaa miis'aa.
\q1
\v 9 S'oossaw, ne asaa ashsha;
\q2 new gidiyaawantta anjja.
\q1 Unttuntta heemmiyaawe neena gida;
\q2 neeni unttuntta med'inawukka tookka.
\c 29
\s S'oossaa Kooshshaa Wolk'k'aa
\d Daawita mazamuriyaa
\q1
\v 1 Hinttenoo saluwaan de'iyaa med'etatoo,
\q2 Med'inaa Godaabaa odite;
\q1 «Bonchchuunne wolk'k'ay Med'inaa Godaawaa» giide odite.
\q1
\v 2 Med'inaa Godaa bonchcho suntsaa galatite;
\q2 Aa geeshshatetsaa puulaw Med'inaa Godaw goyinnite.
\b
\q1
\v 3 Med'inaa Godaa guntsay haatsatuwaa bollan sisettee.
\q2 Bonchcho S'oossay guuguntsaadan guummee;
\q1 Med'inaa Goday wolk'k'aama haatsatuwaa bollan guummee.
\q1
\v 4 Med'inaa Godaa guntsay wolk'k'aama;
\q2 Med'inaa Godaa guntsay, «Hoola!» giissiyaawaa.
\b
\q1
\v 5 Med'inaa Godaa guntsay zigatuwaa mentsereetsee;
\q2 Liibaanoosa giyaa biittan de'iyaa zigatuwaakka,
\q1 Med'inaa Goday mentsereetsee.
\q1
\v 6 Liibaanoosa deretuwaa galo maraadan buraak'issee;
\q2 Siriyoona giyaa wolk'k'aama deriyaa Mentsaadan p'is's'illissee.
\b
\q1
\v 7 Med'inaa Godaa kooshshay,
\q2 walk'k'antsaa wolk'k'amissee.
\q1
\v 8 Med'inaa Godaa kooshshay bazzuwaa k'aatsee;
\q2 Med'inaa Goday K'aadeesa Bazzuwaa k'aatsee.
\q1
\v 9 Med'inaa Godaa kooshshay wolatuwaa k'aatsee;
\q2 mitsaa haytsaakka k'ok'k'ofee.
\q1 Yaatina, I de'iyaa sa'aan de'iyaawanttu,
\q2 «Bonchchuu S'oossaw gido» yaagiino.
\b
\q1
\v 10 Med'inaa Goday di'uwaa haatsaa bolla bare kawutetsaa araataa wotsiide utteedda;
\q2 Med'inaa Goday bare kawutetsaa araatan uttiide,
\q2 med'inaw kaateteedda.
\q1
\v 11 Med'inaa Goday bare asaw wolk'k'aa immee.
\q2 Med'inaa Goday bare asaa sarotetsaan anjjee.
\c 30
\s Galataa Woosaa
\d Daawita mazimuriyaa, Geeshsha Golliyaa anjjissiyaa gallassi yes's'eeddawaa
\q1
\v 1 Abeet Med'inaa Godaw,
\q2 neeni taana c'iimmuwaappe kesseedda dirawunne
\q2 ta morkkatuwaan, «Hashshu aw» giissabeenna diraw,
\q2 Taani neena d'ok'k'u d'ok'k'u ootsana.
\q1
\v 2 Abeet Med'inaa Godaw ta S'oossaw,
\q2 neeni taana maaddanaadan, taani neena s'eesaad;
\q2 neeni taana patsaadda.
\q1
\v 3 Abeet Med'inaa Godaw, taana duufuwaa beennaadan naagaadda;
\q2 Duge c'iimmo ollaan gelennaadan,
\q2 neeni taana pas'a ashshaada.
\b
\q1
\v 4 Hinttenoo S'oossaa asatoo, Med'inaa Godaw yes's'ite;
\q2 Aa geeshsha suntsaakka galatite.
\q1
\v 5 Aa hank'k'uu guutsa wodiyaassa,
\q2 shin Aa keekkatetsay de'uwaa laytsaa ubbaassa.
\q1 K'amma yeekiidde ak'ooppe,
\q2 wontta zaway baynna nashshechchaa gidee.
\b
\q1
\v 6 Taani woppan de'iyaa wode,
\q2 «Simmi taani ubbakka k'aas's'ikke» yaagaad.
\q1
\v 7 Abeet Med'inaa Godaw, neeni taw keekkeedda wode,
\q2 taana wolk'k'aama deriyaadan minisaade essaadda.
\q1 Shin neeni ne sintsa wora zaareedda wode,
\q2 taani dagamaad.
\b
\q1
\v 8 Abeet Med'inaa Godaw, taani neena s'eesaaddi;
\q2 taani Med'inaa Godaakko maarotetsaw hawaadan yaagaade woossaaddi;
\q1
\v 9 «Taani hayk'k'iyaawaappe woy
\q2 duufuwaan geliyaawaappe ayaa demmanii?
\q1 Baanaw laametteedda Asay neena galatii?
\q2 Neeni ammanettiyaawaa odii?
\q1
\v 10 Abeet Med'inaa Godaw, taana neeni sisa;
\q2 taw k'aretta.
\q1 Abeet Med'inaa Godaw, neeni taw maaduwaa gida» yaagaad.
\b
\q1
\v 11 Ta yeekuwaa yetsaw laammaadda.
\q2 Kayyuwaa mayuwaa taappe k'aaraade,
\q2 nashshechchaa taana mayzzaadda.
\q1
\v 12 Hewaa diraw, taani neena
\q2 sabbanaappe attina, c'o"u giikke.
\q1 Abeet Med'inaa Godaw ta S'oossaw,
\q2 taani neena med'inawukka galatana.
\c 31
\s Metuwaa Wode Woosaa
\d Zammaaretuwaa Kaappoo Yes'etteedda, Daawita Mazimuriyaa
\q1
\v 1 Abeet Med'inaa Godaw, taani neekko bak'atay;
\q2 awudenne taana yeellayoppa.
\q2 Ne s'illotetsan taana ashsha.
\q1
\v 2 Ne haytsaa taakko yegga;
\q2 ellekka taana ashsha.
\q1 Neeni taani geemmiyaa zaallaanne
\q2 taana ashshiyaa mino geessuwaa taw gida.
\b
\q1
\v 3 Ee, neeni taw zaallaanne geessuwaa;
\q2 ne suntsaa diraw, neeni taana kaaletsanne ne ogiyaa bessa.
\q1
\v 4 Neeni taw geemmiyaa sa'aa gidiyaa diraw,
\q2 unttunttu taw k'osi wotseedda p'iriyaappe taana neeni naaga.
\q1
\v 5 Abeet Med'inaa Godaw, tumuwaa S'oossaw,
\q2 Taani ta shemppuwaa ne kushiyan wotsay;\x - \xo 31:5 \xo*\xt Luk'. 23:46\xt*\x*
\q2 neeni taana woza.
\b
\q1
\v 6 Patsenna eek'atoo goyinniyaawantta taani is's'ay;
\q2 shin taani Med'inaa Godaan ammanettay.
\q1
\v 7 Ta metuwaa neeni be'eedda dirawunne
\q2 ta tuggaa neeni ereedda diraw,
\q1 Taani aggena ne siik'uwaan nashettananne
\q2 nashshechchan nooc'u gaana.
\q1
\v 8 Neeni taana morkkiyaa kushiyan aatsaade immabaakka;
\q2 ta gedetookka la"atetsaa immaadda.
\b
\q1
\v 9 Abeet Med'inaa Godaw,
\q2 taani metuwaan geleedda diraw, taw k'aretta.
\q1 Taani daro mishetteedda diraw, taani metuwaan,
\q2 ta ashuukka, ta shemppuukka daabureedda.
\q1
\v 10 Mishuwaa daruwaan ta de'uu c'ireedda;
\q2 ta laytsatuukka oolishin wureeddino.
\q1 Metuwaa daruwaan ta wolk'k'ay is's'ina;
\q2 ta mek'etsatuukka arggaac'eeddino.
\b
\q1
\v 11 Ta morkkatuwaa ubbaw k'id'd'iyaa gidaaddi
\q2 taani ta shoorotoo yeellaa,
\q1 Taana eriyaawanttookka yashissiyaawaa gidaaddi.
\q2 Ogiyaan taana be'eeddawanttukka taappe bak'atiino.
\q1
\v 12 Taani hayk'k'eeddawaadan dogettaad;
\q2 me"ina oleedda otuwaa mala gidaaddi.
\q1
\v 13 Taani darotuwaa saasuketsaa sisaad;
\q2 dagamay ubbaa saani de'ee.
\q1 Unttunttu ta bolla shiik'inonne taana wod'anaw mak'ettiino.
\b
\q1
\v 14 Shin Med'inaa Godaw, taani neenan ammanettay,
\q2 Neeni ta S'oossaa yaagay.
\q1
\v 15 Ta de'uwaa laytsay ne kushiyaanna.
\q2 Taana yederssiyaa ta morkkatuwaa kushiyaappe taana neeni ashsha.
\q1
\v 16 Ne k'oomaa bollan ne som"uwaa poo'issa;
\q2 aggena ne siik'uwaan taana ashsha.
\q1
\v 17 Abeet Med'inaa Godaw, taani neena s'eesiyaa diraw
\q2 taana yeellayoppa.
\q1 Shin iitatuu yeellatino;
\q2 unttunttu duufuwaan geliide, sirp'p'i giino.
\q1
\v 18 Otoruwaaninne kad'iyaan s'illotuwaa bolla
\q2 s'aliide haasayiyaa diraw,
\q1 Unttunttu worddotiyaa doonaa c'o"u ootsa.
\b
\q1
\v 19 New yayyiyaawanttoo neeni minjjeeddanne
\q2 neekko bak'atiyaawanttoo asaa sintsan,
\q2 neeni ootseedda ne keekkatetsay ayaa daree!
\q1
\v 20 Neeni unttuntta ne sintsan geema sa'aan gentsaade,
\q2 asaa mak'k'uwaappe ashshaasa.
\q1 Neeni unttuntta ne dunkkaaniyaan k'osaade,
\q2 iita ins's'arssaappe ashshaasa.
\b
\q1
\v 21 Taani morkkii dooddeedda katamaa giddon de'iyaa wode,
\q2 I taana malalissiyaa bare aggena siik'uwaa besseedda diraw,
\q1 Med'inaa Goday galatetto.
\q1
\v 22 Taani dagamaade,
\q2 «Taani ne sintsaappe kichchaad» yaagaad.
\q1 Shin taana maaddana mala, neena s'eeseedda wode,
\q2 ta waasuwaa neeni sisaadda.
\b
\q1
\v 23 Hinttenoo, S'oossaa asatoo, Med'inaa Godaa siik'ite.
\q2 Med'inaa Goday ammanettiyaawantta naagee;
\q2 shin otoranchchatoo unttunttu gatiyaa wurssi c'iggee.
\q1
\v 24 Hinttenoo, Med'inaa Godaan hidootaa ootsiyaawanttoo,
\q2 minnitenne wozanaamite.
\c 32
\s Nagaraa Paas'ussaanne Maarotaa Demussaa
\d Daawite Akeekaan S'aafeedda Timirttiyaa
\q1
\v 1 Aa bayzzuu atto geetetteeddanne
\q2 Aa nagaray kameteedda uray anjjetteedawaa.\x - \xo 32:1-2 \xo*\xt Rom. 4:7-8\xt*\x*
\q1
\v 2 Med'inaa Goday Aa iitatetsaa paydenna asaynne
\q2 Aa k'ofaan baletsu bayinna Asay anjjetteeddawaa.
\b
\q1
\v 3 Ta nagaraa paas'ennan de'aadde,
\q2 Taani gallassaa kumentsaa ooleeddawoo
\q2 ta asatetsay daabureedda.
\q1
\v 4 Gallassinne k'amma ne kushii ta bolla dees'eedda.
\q2 Haatsay boniyaa awaan meliide wuriyaawaadan,
\q2 ta wolk'k'ay wureedda.
\b
\q1
\v 5 Taani ta nagaraa new paas'aad;
\q2 Ta iitatetsaakka neeppe gentsabeykke;
\q1 «Ta bayzzuwaa Med'inaa Godaw paas'ana» gaad.
\q2 Yaatina, neeni taana dees'eedda nagaraa atto yaagaadda.
\b
\q1
\v 6 Hewaa diraw, S'oossaa asaa gidiyaa ooninne,
\q2 neeni beettiyaa wode, neena woosso.
\q1 Wolk'k'aama haatsay kuntsiyaa wode,
\q2 tumuwaappe he uraa gakkenna.
\q1
\v 7 Neeni taw k'osettiyaa sa'aa;
\q2 neeni taana metuwaappe naagaasa.
\q1 Atotetsaa yetsaa yes's'iyaawantta ta yuushshuwaan wotsaadda.
\b
\q1
\v 8 S'oossay, «Taani neena erissananne,
\q2 neeni baanaw bessiyaa ogiyaa neena tamaarissana;
\q1 Taani neena zorananne naagana.
\q1
\v 9 Bis'aalaaninne puuluwaan oyk'k'ettennan azazettena,
\q2 wozanay bayinna bak'uluwaadan
\q2 woy paraadan hintte hanoppite» yaagee.
\b
\q1
\v 10 Iitatoo tuggay darana;
\q2 shin Med'inaa Godaan ammanettiyaawantta,
\q2 aggena siik'uu dooddana.
\q1
\v 11 Hinttenoo, s'illotoo,
\q2 Med'inaa Godaan nashetitenne «Hashshu!» giite;
\q2 hinttenoo, wozanaa suuretoo, nashshechchaw yes's'ite.
\c 33
\s Maariyaa S'oossaa Sabussaa
\q1
\v 1 Hinttenoo, s'illotoo Med'inaa Godaw nashshechchan yes's'ite;
\q2 suure asatuu Aa galatanaw bessee.
\q1
\v 2 Maasink'k'uwaa diis's'iidde,
\q2 Med'inaa Godaa galatite;
\q2 tammu bak'etsaan waas'etteedda diitsaakka aw diis's'ite.
\q1
\v 3 Ooratsa yetsaa yes's'ite;
\q2 loytsi diis's'iidde, k'aalaa d'ok'k'issiide yes's'ite.
\b
\q1
\v 4 Med'inaa Godaa k'aalay suuriyaa;
\q2 I ootsiyaa oosuwaa ubbay ammanettiyaawaa.
\q1
\v 5 Med'inaa Goday s'illotetsaanne tumu pirddaa dosee;
\q2 aggena Aa siik'uu sa'aa kumeedda.
\b
\q1
\v 6 Med'inaa Godaa k'aalan salotuu med'etteeddino.
\q2 Aa doonaappe kesiyaa shemppuwaan
\q2 unttunttun de'iyaa med'etatuukka oosetteeddino.
\q1
\v 7 Wolk'k'aama abbaa haatsaa I ittisaan eelisseedda;
\q2 he c'iimmo haatsaa minjjaa sa'aan zeereedda.
\b
\q1
\v 8 Sa'aa ubbay Med'inaa Godaa yayyo;
\q2 sa'aan de'iyaa Asay ubbay Aa bonchcho.
\q1
\v 9 Ayaw gooppe, I haasayina haneedda;
\q2 I azazina, minniide ek'k'eedda.
\b
\q1
\v 10 Med'inaa Godaa erenna kawutetsatuwaa zoretaa S'oossay laalee;
\q2 unttunttu halchchuwaakka mela kesee.
\q1
\v 11 Med'inaa Godaa halchchuu med'inaw ek'k'iide de'ee;
\q2 Aa wozanaa k'ofaykka yeletaa ubbaa gakkanaw de'ee.
\q1
\v 12 S'oossay Med'inaa Godaa gideedda kawutetsay,
\q2 I baressa ootsiide dooreedda Asay anjjetteedawaa.
\b
\q1
\v 13 Med'inaa Goday saluwaana duge s'eelliide,
\q2 asaa ubbaa be'ee.
\q1
\v 14 S'oossay bare de'iyaasaappe sa'aan de'iyaa ubbaa s'eellee.
\q1
\v 15 I unttunttu ubbaa wozanaa med'd'eedda;
\q2 unttunttu ootsiyaawaa ubbaa eree.
\b
\q1
\v 16 Kaatii bare wotaadaraa c'oratetsan attena;
\q2 olanchchay bare wolk'k'aa minotetsan kessi akkena.
\q1
\v 17 Olaa paray s'oonissana giide naagiyaawe mela;
\q2 I bare wolk'k'aa minotetsan ashshanaw danddayenna.
\b
\q1
\v 18 Med'inaa Godaa ayifetuu aw yayyiyaanne
\q2 aggena Aa siik'uwaan hidootaa ootsiyaa asatuwaa bollaanna.
\q1
\v 19 Hewenne, unttuntta hayk'k'uwaappe ashshanaassanne
\q2 koshaa wodiyaan pas'a wotsanaassa.
\b
\q1
\v 20 Nuuni Med'inaa Godaan hidootaa ootseetto;
\q2 I nuuna maaddiyaawaanne nu gonddalliyaa.
\q1
\v 21 Nuuni Aa geeshsha suntsan ammanettiyaa diraw,
\q2 nu wozanay an nashettee.
\b
\q1
\v 22 Abeet Med'inaa Godaw,
\q2 nuuni neenan hidootaa ootsiyaawaadan,
\q2 aggena ne siik'uu nuunanna gido.
\c 34
\s S'oossay Pirddiyaawaa Gidowoo Sabussaa
\d Barena yedersseedda Abimeleeka sintsappe gooyiyaawaa malatiide beedda wode, Daawita mazamuriyaa
\q1
\v 1 Taani Med'inaa Godaa ubbaa wode galatana;
\q2 Aa galatay ay wodenne ta doonaappe pac'c'enna.
\q1
\v 2 Taani Med'inaa Godaan c'eek'ettay;
\q2 naak'etteeddawanttu hewaa sisiide nashetino.
\q1
\v 3 Taananna gidiide, Med'inaa Godaa gitayite.
\q2 Ane ittippe Aa suntsaa d'ok'k'u d'ok'k'u ootsoytte.
\b
\q1
\v 4 Taani Med'inaa Godaa koyaad;
\q2 I taw zaareedda;
\q2 taani yayyiyaawaa ubbaappe taana I ashsheedda.
\q1
\v 5 Neekko s'eelliyaawanttu nashettiino;
\q2 unttunttu som"ii ubbakka yeellatenna.
\q1
\v 6 Ha hiyyeesaa bitanii waasseedda;
\q2 Med'inaa Goday Aa waasuwaa siseedda;
\q1 Aa metuwaa ubbaappe Aa ashsheedda.
\q1
\v 7 Med'inaa Godaa kiitanchchay Aa yayyiyaa asatuwaa naagee;
\q2 I unttunttu yuushshuwaan gidiide, unttuntta ashshee.
\b
\q1
\v 8 Med'inaa Goday keeka gidiyaawaa s'eelli be'ite.\x - \xo 34:8 \xo*\xt 1 P'es'. 2:3\xt*\x*
\q2 Aakko bak'atiyaa Asay anjjetteeddawaa.
\q1
\v 9 Hinttenoo, Aa geeshsha asatoo, Med'inaa Godaw yayyite;
\q2 ayaw gooppe, aw yayyiyaa ubbatoo ayaynne pac'c'enna.
\q1
\v 10 Gaammotuukka miyaawe d'ayina koshshatiino;
\q2 shin Med'inaa Godaa koyiyaawanttoo lo"obay pac'c'enna.
\b
\q1
\v 11 Ta tamaaretoo, haa yiite; sisite;
\q2 Med'inaa Godaa yashshaa taani hinttena tamaarissana.
\q1
\v 12 Lo"o de'uwaa de'anawunne
\q2 keekkabaa be'ana mala,\x - \xo 34:12-16 \xo*\xt 1 P'es'. 3:10-12\xt*\x*
\q2 bare laytsay aduk'k'anaw koyiyaa Asay oonee?
\q1
\v 13 Ne ins's'arssay iitabaa haasayennaadan,
\q2 ne doonaykka c'immeenaadan te"a.
\q1
\v 14 Iitaappe shaaketta; lo"obaa ootsa;
\q2 sarotetsaa loytsa koyaadde kaala.
\q1
\v 15 Med'inaa Godaa ayifii s'illotuwaakko s'eellee;
\q2 k'ay Aa haytsaykka unttunttu waasuwaa hayzzee.
\q1
\v 16 Unttuntta hassayissiyaawaa biittaappe d'ayissana mala,
\q2 Med'inaa Goday iitaa ootsiyaawantta,
\q2 bare hank'k'uwaa som"uwaan s'eellee.
\q1
\v 17 S'illotuu waassiino;
\q2 Med'inaa Goday unttunttu waasuwaa sisee.
\q1 I unttunttu metuwaa ubbaappe ashshee.
\q1
\v 18 Med'inaa Goday wozanay me"eeddawanttoo mataana;
\q2 k'ay barenttu hidootaa k'ans's'eeddawantta ashshee.
\b
\q1
\v 19 S'illo asaa metuu dara;
\q2 shin Med'inaa Goday Aa he ubbaappe ashshee.
\q1
\v 20 S'oossay Aa mintsi naagiyaa diraw,\x - \xo 34:20 \xo*\xt Yoh. 19:36\xt*\x*
\q2 Aa mek'etsaappe ittuunne me"enna.
\q1
\v 21 Iitatuwaa iitatetsay wod'ana;
\q2 s'illotuwaa is's'iyaawanttu pirddettana.
\b
\q1
\v 22 Med'inaa Goday bare k'oomatuwaa ashshee.
\q2 Aakko bak'atiide ooninne pirddettenna.
\c 35
\s Naak'eteedda Asaa Woosaa
\d Daawita Mazimuriyaa
\q1
\v 1 Abeet Med'inaa Godaw, taananna ek'ettiyaawanttuna neeni ek'etta;
\q2 taananna olettiyaawanttuna neeni oletta.
\q1
\v 2 Gonddalliyaanne hara olaa miishshaa oyk'k'aade,
\q2 taana maaddanaw dendda.
\q1
\v 3 Taana yederssiyaawanttu bollan
\q2 ne tooraanne mashshaa dentsa.
\q1 Taana, «Taani neena ashshiyaawaa» yaaga.
\b
\q1
\v 4 Ta shemppuwaa wod'anaw koyiyaawanttu,
\q2 yeellatinonne kawushino;
\q2 ta bolla iitabaa mak'ettiyaawanttu kawushiide guyye simmino.
\q1
\v 5 Med'inaa Godaa kiitanchchay unttuntta yederssiyaa wode,
\q2 unttunttu c'arkkuwaa sintsan de'iyaa suullaadan hanino.
\q1
\v 6 Med'inaa Goda kiitanchchay,
\q2 unttuntta dechchana haniyaa wode,
\q2 unttunttu ogii d'umaanne halitsaa gido.
\b
\q1
\v 7 C'oo taana oyk'k'anaw barenttu p'iriyaa wotseeddino;
\q2 k'aykka c'oo taana kunddisanaw ollaa bookkeeddino.
\q1
\v 8 Erennan de'ishiina, unttunttu bollan bashshay puttu go.
\q2 Unttunttu wotseedda p'irii unttuntta oyk'k'o;
\q2 unttunttu bashshaa ollaan kunddino.
\b
\q1
\v 9 He wode taani Med'inaa Godaan nashettana;
\q2 I ashsheeda diraw, taani nashshechchaa nooc'u gaana.
\q1
\v 10 Ta kumentsaa asatetsay neena,
\q2 «Abeet Med'inaa Godaw, ne mali oonee?
\q1 Hiyyeesaa wolk'k'aama kushiyaappe wotsa akkaasa.
\q2 Hiyyeesaanne metootanchchaa bonk'k'i miyaawanttu kushiyaappe ashshaasa» yaagana.
\q1
\v 11 Wordduwaa markkattiyaawanttu ta bolla denddiino.
\q2 Taani erennaban taana mootiino.
\q1
\v 12 Taani lo"uwaa ootseeddawaa kushiyaa iitaa zaariino;
\q2 yaatina, taani taarekka ataad.
\q1
\v 13 Shin taani unttunttu harggeedda wode,
\q2 maak'aa mayyaad; ta asatetsaa s'oomaan daaburssaad.
\q1 Ta woossay zaaruwaa demenan atteedda.
\q1
\v 14 Ta huup'iyaa zik'k'i ootsaade, ta dabboo,
\q2 woy ta ishaw yeekkiyaawaadan yeekkaad.
\q1 Itti Asay bare aattiw kayyottiyaawaadan ta huup'iyaa oyk'k'aade,
\q2 yeekkaade hamettaad.
\q1
\v 15 Shin unttunttu taani d'ubetteeddawaan nashettiide,
\q2 ta bolla shiik'eeddino.
\q1 Taani erenna gaasuwaan taana wad'd'iide,
\q2 aguwaa is's'eeddino.
\q1
\v 16 Iita Asay k'iliic'iyaawaadan unttunttu taana k'iliic'iino;
\q2 unttunttu yilotiide, barenttu achchaa garc'c'eeddino.
\q1
\v 17 Abeet S'oossaw, neeni awude gakkanaw
\q2 c'o"u gaade s'eellay?
\q1 Unttunttu iita oosuwaappe taana ashsha;
\q2 ha gaammotuwaa mala asatuwaappe ta al"o shemppuwaa ashshaa.
\q1
\v 18 He wode gita shiik'uwaan taani new galataa immana;
\q2 c'ora asaa shiik'uwaan taani neena sabbana.
\q1
\v 19 Gaasuu baynnaan taana morkkiyaawanttu nashettoppino;\x - \xo 35:19 \xo*\xt Maz. 69:4; Yoh. 15:25\xt*\x*
\q2 taana c'oo is's'iyaawanttu ta bolla sim"etoppino.
\q1
\v 20 Unttunttu sarobaa haasayiyaawaa aggiide,
\q2 Biittan c'o"u giide de'iyaa asatuwaa bollan
\q2 wordduwaa med'd'iide haasayiino.
\q1
\v 21 Unttunttu barenttu ins's'arssaa ta bolla k'arayiide,
\q2 «Ee, ee, neeni ootseeddawaa
\q2 nuuni nu ayifiyaan be'eeddo» yaagiino.
\q1
\v 22 Abeet Med'inaa Godaw, neeni hawaa be'aade;
\q2 c'o"u gooppa.
\q1 Abeet S'oossaw, neeni taappe haakkoppa.
\q1
\v 23 Abeet ta Godaw, ta S'oossaw,
\q2 Ta diraw dendda; beegota
\q2 ta doonaa gidaade mootetta.
\q1
\v 24 Abeet Med'inaa Godaw, ta S'oossaw,
\q2 ne s'illotetsan taana shatintsaa;
\q2 ta morkkatuwaa nashechchoppa.
\q1
\v 25 Unttunttu barenttoo, «Hashshu, hashshu,
\q2 nuuni nu wozanaan amotteeddawaa gatseeddo.
\q1 Nuuni Aa mitteeddo» gaanaadan ootsoppa.
\q1
\v 26 Ta waayiyaan nashettiyaawanttu ubbay
\q2 yeellatinonne kawushino.
\q1 Ta bollan otorettiyaawanttu
\q2 yeellaanne kawushshaa mayno.
\q1
\v 27 Taani shatimmiyaawaa dosiyaawanttu
\q2 nashettiide, «Hashshu!» giino.
\q1 Unttunttu ubbaa gede, «Bare k'oomaa sarotetsaan
\q2 nashetiyaa Med'inaa Goday gitato» yaagino.
\q1
\v 28 Gallassaa kumentsan ta ins's'arssay,
\q2 ne s'illotetsaabaanne ne galataabaa odana.
\c 36
\s Nagaranchcha Iitatetsaanne S'oossaa Lo"otetsa
\d Zammaaretuwaa Kaappoo Yes'etteedda, Med'inaa Godaa K'oomaa Daawita Mazimuriyaa
\q1
\v 1 Iita Asay bare wozanaan de'iyaa iitatetsaa kooshshaa hayzzee.\x - \xo 36:1 \xo*\xt Rom. 3:18\xt*\x*
\q2 S'oossaw yayyiyaawe Aa k'ofaan baawa.
\q1
\v 2 Ayaw gooppe, I barena loytsi nashshee;
\q2 hewoo I bare nagaraa demmanawunne is's'anaw danddayenna.
\q1
\v 3 Aa doonaappe kesiyaa haasayay geniyaanne wordduwaa.
\q2 Aad'd'eeda eraabaanne lo"obaa ootsiyaawaa I aggeeda.
\q1
\v 4 I bare hiis'an de'iiddekka geniyaabaa ootsanaw halchchee.
\q2 I lo"o gidenna ogiyaan ek'k'eedda;
\q1 I iitabaa is's'enna.
\b
\q1
\v 5 Abeet Med'inaa Godaw, aggena ne siik'uu salotuwaa gakkee;
\q2 ne tumatetsaykka bolla shaariyaadan d'ok'k'ee.
\q1
\v 6 Ne s'illotetsay ubbaappe d'ok'k'a deretuwaa mala;
\q2 ne pirddaykka ubbaappe zik'k'a c'iimmaa mala.
\q1 Abeet Med'inaa Godaw, neeni asaakka do'aakka naagaasa.
\b
\q1
\v 7 Abeet S'oossaw, aggena ne siik'uu ayiba al"obee!
\q2 Asay ne k'efiyaa giddo bak'ati attee.
\q1
\v 8 Unttunttu ne soo gidon palaho maaddappe miide kalliino;
\q2 ne keekkatetsaa shaafaappe neeni unttuntta ushshaasa.
\q1
\v 9 Ayaw gooppe, de'uwaa pulttuu ne matan de'ee;
\q2 Ne poo'uwaan nuuni poo'uwaa be'eetto.
\q1
\v 10 Neena eriyaawantta neeni siik'iyaa siik'uwaanne
\q2 suuretoo keekkiyaa keekaa aggoppa.
\q1
\v 11 Otoranchcha gedii taana yed'd'oppo;
\q2 nagaranchchatuwaa kushii taana yederssoppo.
\q1
\v 12 Iita asatuu kunddeeddawantta be'ite;
\q2 unttunttu kunddeeddino; denddanawukka danddaykkino.
\c 37
\s Iitatuwaanne Lo"atuwaa Wurssetsaa
\d Daawita Mazimuriyaa
\q1
\v 1 Iitaa ootsiyaawanttu diraw yilotoppa.
\q2 Nagaraa ootsiyaawantta k'anaattoppa.
\q1
\v 2 Ayaw gooppe, unttunttu maataadan ellekka melana;
\q2 shulleedda bonc'c'iyaadan unttunttu k'ok'k'ofetana.
\b
\q1
\v 3 Neeni Med'inaa Godaan ammanetta; lo"obaa ootsa.
\q2 Yaataade biittan palahina de'a.
\q1
\v 4 Med'inaa Godaan nashetta;
\q2 I new ne wozanaa amuwaa immana.
\b
\q1
\v 5 Ne ogiyaa hadaraa Med'inaa Godaw imma.
\q2 An ammanetta; I new ootsana.
\q1
\v 6 I ne s'illotetsaa wontta s'alk'k'iyaadan,
\q2 k'ay ne yewuwaa pirddaa gallassaa seeta awaadan poo'issana.
\b
\q1
\v 7 Med'inaa Godaa sintsan c'o"u gaade,
\q2 I ootsanaw, danddayan naaga.
\q1 Unttunttu iita halchchuu polettina,
\q2 duretteedda asatuwaa bolla yilotoppa.
\b
\q1
\v 8 Hank'k'uwaa agga; yiluwaappe te'etta.
\q2 Yilotoppa; ayaw gooppe, hewe metuwaan yeggee.
\q1
\v 9 Iitaa ootsiyaawanttu d'ok'ollettiide d'ayana;
\q2 shin Med'inaa Godaan hidootaa ootsiyaawanttu biittaa laattana.
\q1
\v 10 Iitaa ootsiyaawanttu guutsa wodiyaappe guyyiyaan de'ikkino;
\q2 neeni unttuntta koyinttokka unttunttu beettikkino.
\q1
\v 11 Shin ashkketuu biittaa laattana;\x - \xo 37:11 \xo*\xt Mat. 5:5\xt*\x*
\q2 unttunttu gitaa sarotetsaan nashettiide de'ana.
\q1
\v 12 Iita Asay s'illo asaa bolla mak'etteenne
\q2 bare achchaa garc'c'ee.
\q1
\v 13 Shin Goday iitatuwaa bollan miic'c'ee;
\q2 ayaw gooppe, unttunttu pirddaa gallassay yiyaawaa I eree.
\q1
\v 14 Iita asatuu hiyyeesatuwaanne metootanchchatuwaa ungganawunne
\q2 suuretetsan hamettiyaawantta wod'anaw,
\q1 Barenttu mashshaa shoddeeddinonne
\q2 barenttu wonddaafiyaa dafeeddino.
\q1
\v 15 Shin unttunttu mashshay unttunttu wozana ayifiyaan gelana;
\q2 unttunttu wonddaafiikka me"ana.
\q1
\v 16 S'illoo de'iyaa guutsabay
\q2 c'ora iita asatoo de'iyaa darobaappe lo"a.
\q1
\v 17 Ayaw gooppe, iitatuwaa wolk'k'ay me"ana;
\q2 shin s'illotuwaa Med'inaa Goday zemppissee.
\q1
\v 18 Suure asatuwaa ogiyaa Med'inaa Goday eree;
\q2 unttunttu laataykka med'inaw unttunttuwaa gidana.
\q1
\v 19 Iita wodiyaan suure asatuu yeellatikkino;
\q2 koshaa wodiyaan unttunttu kallana.
\q1
\v 20 Shin iita asatuu hayk'k'ana.
\q2 Med'inaa Godaa morkketuu gam"enna dembbaa c'iishshaa mala;
\q2 unttunttu c'uwaadan d'ayana.
\q1
\v 21 Iita Asay tal"i akkiide c'iggena;
\q2 shin s'illo Asay k'arettiide immee.
\q1
\v 22 Med'inaa Godaan anjjetteedawanttu biittaa laattana;
\q2 shin shek'k'etteeddawanttu d'ok'olletti d'ayana.
\q1
\v 23 Asaa ogii Med'inaa Godaa nashechchooppe,
\q2 Goday Aa tangguwaa kaaletseenne minisee.
\q1
\v 24 I d'ubettooppekka kunddenna;
\q2 ayaw gooppe, Med'inaa Goday Aa kushiyaa oyk'k'iide zemppisee.
\b
\q1
\v 25 Taani kase yalaga; ha"i simmi c'imaad;
\q2 shin s'illo Asay c'oo attina,
\q2 woy Aa naanatuu miyaawaa d'ayi woosishin,
\q2 taani ubbakka be'a erikke.
\q1
\v 26 I ubbaa wodekka keeka;
\q2 c'oo tal"ee.
\q1 Aa naanatuukka haratoo anjjo gidanawantta.
\q1
\v 27 Iitaappe haakka; lo"obaa ootsa.
\q2 Yaatooppe, neeni adussa laytsaa de'ana.
\q1
\v 28 Ayaw gooppe, Med'inaa Goday s'illobaa dosee.
\q2 S'oossaa asatuwaa I aggena;
\q2 s'illotuu med'inaw naagettiino.
\q2 Shin iitatuwaa zeretsay d'ok'ollettana.
\q1
\v 29 S'illotuu biittaa laattananne
\q2 yaan med'inaw de'ana.
\q1
\v 30 S'illuwaa doonay aad'd'eeda eraa odee;
\q2 Aa ins's'arssaykka s'illobaa haasayee.
\q1
\v 31 Aa S'oossaa higgii Aa wozanaan de'ee;
\q2 Aa gediikka aappe halis's'ena.
\q1
\v 32 Iita Asay s'illo asaa wochcheenne
\q2 wod'anaw koyee.
\q1
\v 33 Shin Med'inaa Goday s'illo asaa Aa kushiyan aggena;
\q2 pirddaw ek'k'iyaa wodekka Aa bolla pirddissenna.
\q1
\v 34 Med'inaa Godaan hidootaa wotsaade, Aa ogiyaa naaga.
\q2 Neeni biittaa laattana mala,
\q1 I neena darssana.
\q2 Iita asatuu d'ok'ollettiide d'ayishina,
\q2 neeni be'ana.
\q1
\v 35 Taani itti dagantsiyaa iita bitaniyaa,
\q2 wolaadan daasheeddawaa be'aad.
\q1
\v 36 Shin taani he saanna
\q2 simmaade aad'd'iyaa wode I d'ayeedda;
\q1 Koyinakka I beettibeenna.
\q1
\v 37 Ane lo"o asaa akeeka; suure asaa be'a;
\q2 ayaw gooppe, saro asaw poluu lo"ana.
\q1
\v 38 Shin bayzzanchchatuu ubbaa d'ayana;
\q2 iitatuwaa poluukka d'ok'olletti d'ayana.
\q1
\v 39 S'illotuwaa atotetsay Med'inaa Godaappe yee;
\q2 metuwaa wode I unttunttoo naagetti attiyaa sa'aa.
\q1
\v 40 Med'inaa Goday s'illotuwaa maaddeenne ashshee.
\q2 Unttunttu aakko bak'ateedda diraw,
\q1 I unttuntta iitatuwaappe wotsi akkeenne ashshee.
\c 38
\s Un"eteedda Asaa Woosaa
\d Daawita hassayissiyaawaa mazamuriyaa
\q1
\v 1 Abeet Med'inaa Godaw, ne hank'k'uwaan taana seeroppa;
\q2 ne yiluwaan taana muroppa.
\q1
\v 2 Ne wonddaafiyaa pootsay taana c'addi diggeeddino;
\q2 ne kushiikka taana naak'k'i oyk'k'eedda.
\q1
\v 3 Neeni lanc'c'eedda diraw, ta bollay pas'a gidena;
\q2 ta nagaraa diraw, ta asatetsay sara gidenna.
\q1
\v 4 Ta iitatetsay di'uwaadan taana muukkeedda;
\q2 denddenna wolk'k'aama tookuwaadan taw dees'eedda.
\b
\q1
\v 5 Taani nagaraa ootseedda eeyyatetsaa diraw,
\q2 ta madutsay giishshaa oyk'k'iide s'ink'k'eedda.
\q1
\v 6 Taan hokkaadinne k'uunnaad.
\q2 Gallassaa kumentsaa yeekkaade peeshaad.
\q1
\v 7 Ta ashuwaa mishuu s'uuggee;
\q2 ta bollay pas'a gidena.
\q1
\v 8 Taani daaburaaddinne nippi gaad;
\q2 ta wozanay diddik'iyaa diraw oolay.
\b
\q1
\v 9 Abeet S'oossaw, ta amuu ubbay new erettee;
\q2 taani ooliyaawe neeppe geemmibeenna.
\q1
\v 10 Ta wozana ayifiyaan diddik'ee;
\q2 ta wolk'k'ay is's'ina;
\q1 Ta ayifiikka s'eelaa is's'eedda.
\q1
\v 11 Ta maytsaa diraw,
\q2 ta shoorotuukka ta laggetuukka haakuwaan ek'k'eeddino.
\q1 Ta dabbotuukka taappe haakkeeddino.
\q1
\v 12 Taana wod'anaw koyiyaawanttu,
\q2 barenttu p'iriyaa taw yeggiino.
\q1 Taana k'ohanaw koyiyaawanttu,
\q2 «ek'k'ashsha; nuuni neena demmana» yaagiide,
\q2 manddiinonne gallassaa kumentsaa ta bolla yaa'iino.
\q1
\v 13 He wode taani tulle asaa mala, sisikke;
\q2 taani duude asaa mala, doonaanne pokikke.
\q1
\v 14 Ee, taani sisennanne
\q2 doonay zaarenna asaa mala.
\q1
\v 15 Shin abeet Med'inaa Godaw, taani neenan hidootaa ootsay.
\q2 Abeet Med'inaa Godaw, ta S'oossaw, neeni taw zaaruwaa immana.
\q1
\v 16 Taani S'oossaa, «Ta gedii d'ubettina,
\q2 unttunttu, ‹Aw hashshu› gaanaadaaninne
\q2 ta bolla c'eek'ettanaadan ootsoppa» yaagay.
\q1
\v 17 Taani kunddana hanay;
\q2 ta sakuukka taana yeddennan is's'eedda.
\q1
\v 18 Taani ta iita oosuwaa paas'ay;
\q2 taani ta nagaraa gaasuwaan kayyotay.
\q1
\v 19 Ta morkketuu goobanne wolk'k'aama;
\q2 taana c'oo is's'iyaawanttu c'ora.
\q1
\v 20 Taani lo"obaa ootsina,
\q2 taw iitaa zaariyaa asatuu,
\q1 Taani lo"obaa kaalliyaa diraw, taana ek'k'etiino.
\q1
\v 21 Abeet Med'inaa Godaw, taana yeggoppa.
\q2 Abeet ta S'oossaw, taappe neeni haakkoppa.
\q1
\v 22 Abeet Med'inaa Godaw, taana ashshiyaawoo,
\q2 taana maaddanaw elleella.
\c 39
\s Metuu Gakka Asaa Paas'etsaa
\d Daawite Zammaaretuwaa Kaappuwaa Juddutoo Yes's'eedda Amanuwaa K'aalaa (1 Od. 25:3)
\q1
\v 1 Taani, «Ta ins's'arssan nagaraa ootsennaadan,
\q2 ta ogiyaa naagana.
\q2 Iita asatuu ta sintsan de'iyaa wode,
\q2 ta doonaa barana» yaagaad.
\q1
\v 2 Shin taani duudiyaadan c'o"u gaad;
\q2 taani haray atto lo"obaa haasayiyaawaakka aggina,
\q1 Ta waayii yaa dareedda.
\q1
\v 3 Ta wozanay ta garssan seeleedda;
\q2 ta k'ofay poddu giide, ees's'i keseedda.
\q2 Yaatina, ta ins's'arssan hawaadan yaagaad:
\q1
\v 4 «Abeet Med'inaa Godaw, ta de'uwaa wurssetsaanne
\q2 ta de'anaw atteedda gallassaa taana bessa.
\q1 K'ay ta de'uu wuranaw ay keeshshaa elleellintto, taana erissa.
\q1
\v 5 Neeni ta laytsaa s'ii takkaad'e keeshshaa kessaadda.
\q2 Ta laytsay ne sintsan bayinnawaa mala;
\q2 tumuwaappe Asay ubbay itti gede shemppiyaa c'arkkuwaa mala.
\q1
\v 6 Tumuwaappe Asay eeshuwaadan hamettee;
\q2 tumuwaappe c'oo mela simerettee.
\q1 I mas'uwaa shiishshee; shin akkana asaa erenna.
\b
\q1
\v 7 «Abeet Godaw, ha"i simmi,
\q2 taani naagiyaawe ayee?
\q1 Taani hidootaa ootsiyaawe neenana.
\q1
\v 8 Ta bayzzuwaa ubbaappe taana ashsha;
\q2 eeyyatuwaan taana tooshissoppa.
\q1
\v 9 Hawaa ubbaa ootseeddawe
\q2 neena gidiyaa diraw, taani duudaad;
\q1 Doonaanne pogabeykke.
\q1
\v 10 Ne boshaa ta bollaappe dentsa.
\q2 Ne kushiyaa minotetsaa gaasuwaan taani daaburaad.
\q1
\v 11 Neeni asaa Aa nagaraa diraw, seeraasanne muraasa;
\q2 Aa al"o shemppuwaa bil"aadan wurssaasa.
\q1 Tumuwaappe Asay ubbay itti gede c'arkkiyaa c'arkkuwaa mala.
\b
\q1
\v 12 «Abeet Med'inaa Godaw, ta woosaa sisa;
\q2 taana maaddanaw ta waasuwaa hayzza.
\q1 Ta afotsaa c'o"u gooppa;
\q2 ayaw gooppe, taani ta aawotuwaa ubbaadan betenne imatsaa gidaade,
\q2 neenana de'ay.
\q1
\v 13 Taani shaakkettanaappenne d'ayanaappe,
\q2 kasetaade nashettana mala,
\q2 ha"i taana agga» yaagaad.
\c 40
\s Galataa Mazimuriyaa
\d Zammaaretuwaa Kaappoo Yes'etteedda, Daawita Mazimuriyaa
\q1
\v 1 Taani Med'inaa Godaa danddayan naagaad;
\q2 I taakko simmiide, ta waasuwaa siseedda.
\q1
\v 2 Bashshaa ollaappe, halitsiyaa urk'k'aappe taana kesseedda.
\q2 Ta gediyaa zaallaa bollan esseedda;
\q2 k'ay ta hametsaakka saruwaa ootseedda.
\q1
\v 3 I ta doonaan ooratsa yetsaa wotseedda;
\q2 he yetsaynne, «Nu S'oossay galatetto» yaagiyaawaa.
\q1 Darotuu be'iide, yayananne Med'inaa Godan ammanettana.
\b
\q1
\v 4 Med'inaa Godaa barew ammanettiyaawaa ootseedda asay,
\q2 otoranchchatuwaakko s'eelennawenne,
\q2 worddanchchatuwaakko simmenna Asay anjjetteeddawaa.
\q1
\v 5 Abeet Med'inaa Godaw, ta S'oossaw,
\q2 neeni daro malalissiyaabaa ootsaadda;
\q1 Neenana likkettiyaawe ooninne baawa!
\q2 Neeni nuw k'oppeedda lo"o k'ofaa
\q2 ooninne paydanaw danddayenna.
\q2 Hewe taani odina, wuriyaawaa gidenna.
\b
\q1
\v 6 Neeni yarshshuwaanne imuwaa koyabaakka;\x - \xo 40:6-8 \xo*\xt Ibr. 10:5-7\xt*\x*
\q2 shin sisana mala, taw haytsaa dooyaadda.
\q1 S'uuggiyaa yarshshuwaanne nagaraa yarshshuwaa neeni koyabaakka.
\q1
\v 7 Hewaappe guyyiyaan taani, «S'aatsaa mas'aafan
\q2 tabay s'aafetteeddawaadan, taani yaad.
\q1
\v 8 Abeet ta S'oossaw, taani neeni koyiyaawaa ootsanaw dosay;
\q2 ne higgii ta wozanaa giddon de'ee» yaagaad.
\b
\q1
\v 9 Wolk'k'aama shiik'uwaan taani, «Ne s'illotetsaa»
\q2 mishiraachchuwaa odana.
\q1 Abeet Med'inaa Godaw, neeni eriyaawaadankka,
\q2 taani ta doonaan odiyaawaa aggabeyikke.
\q1
\v 10 Taani ne s'illotetsaa ta wozanaa giddon k'osabeykke;
\q2 neeni ammanettiyaawaanne ashshiyaawaa odaad.
\q1 K'ay aggena ne siik'uwaanne ne tumatetsaa,
\q2 ne wolk'k'aama shiik'uwaappe gentsabeykke.
\q1
\v 11 Abeet Med'inaa Godaw, ne maarotetsaa taappe haassoppa.
\q2 Aggena ne siik'uunne ne tumatetsay
\q2 taana ubbaa wode naago.
\q1
\v 12 Ayaw gooppe, paydu bayinna iitabay taana dooddeedda.
\q2 Ta iitatetsay taana gakkiide goozeedda;
\q2 taani s'eellanaw danddaykke.
\q2 Ta iita oosuu ta huup'iyaa binnaanaappe dareedda;
\q2 ta wozanay ta giddon seereedda.
\q1
\v 13 Abeet Med'inaa Godaw, taana ashshanaw eeno ga;
\q2 abeet Med'inaa Godaw, taana maaddanaw elleella.
\q1
\v 14 Taana wod'anaw koyiyaawanttu
\q2 ubbakka yeellatinonne kawushino.
\q1 Taani k'ohettannawaa amottiyaawanttu
\q2 kawushiide guyye simmino.
\q1
\v 15 Ta bolla, «Aw hashshu! Hashshu!»
\q2 geeddawanttu s'oonetteedda diraw, yeellatino.
\q1
\v 16 Shin neena koyiyaa ubbatuu,
\q2 neenan nashetinonne hashshu giino.
\q1 K'ay ne atotetsaa dosiyaawanttu ubbatuu,
\q2 «Med'inaa Goday gitato!» yaagino.
\q1
\v 17 Taani hiyyeessanne metootanchchaa;
\q2 tawaa Goday k'oppo.
\q1 Taana maaddiyaawenne ashshiyaawe neena;
\q2 abeet ta S'oossaw, gam"oppa.
\c 41
\s Hargganchcha Asaa Woosaa
\d Zammaaretuwaa Kaappoo Yes'etteedda, Daawita Mazimuriyaa
\q1
\v 1 Hiyyeesaw k'oppiyaa Asay anjjetteedawaa;
\q2 metuwaa gallassi Med'inaa Goday Aa ashshee.
\q1
\v 2 Med'inaa Goday Aa naagiide, pas'a wotsee.
\q2 Inne biittaa bollan anjjetteedawaa gidee;
\q1 S'oossay Aa Aa morkkatuwaa amoo aatsiide immenna.
\q1
\v 3 Med'inaa Goday Aa harggiyaa hiitsan de'ishiinakka maaddee;
\q2 I sakkettinakka, Aa patsee.
\b
\q1
\v 4 Taana gidooppe, taani, «Abeet Med'inaa Godaw,
\q2 taani neena naak'k'eedda diraw, taana maara;
\q1 Harggiyaappekka taana patsa» yaagaad.
\q1
\v 5 Ta morkketuu iitaban taana haasayiidde,
\q2 «I awude hayk'k'anddeeshsha?
\q1 K'ay Aa suntsaykka awude d'ayanddeeshsha?» yaagiino.
\q1
\v 6 Taana be'anaw yiyaa ooninne taw worddobaa odee;
\q2 bare wozanaan taana zigiriyaawaa biddee.
\q1 Hewaappe guyyiyaan, kare kesiide,
\q2 yaanne haanne oduwaa laalee.
\b
\q1
\v 7 Taana is's'iyaa ubbatuu
\q2 ittippe ta bollan saasukkiino;
\q1 «Iitabay Aa bolla gakkee» giide k'oppiino.
\q1
\v 8 Unttunttu «Aa iita harggii oyk'k'eedda;
\q2 I he giseeddasaappe ubbakka denddenna» yaagiino.
\q1
\v 9 Haray attina, taani ammanettiyaa ta siik'o laggii,\x - \xo 41:9 \xo*\xt Mat. 26:23; Mar. 14:18; Luk'. 22:21; Yoh. 13:18\xt*\x*
\q2 taani barsseeddawe ta kushiyaa sa"eedda.
\q1
\v 10 Shin abeet Med'inaa Godaw, neeni taana maara;
\q2 taani unttunttu kushiyaa kesanaadan,
\q2 taana harggiyaa hiitsaappe dentsa.
\q1
\v 11 Neeni taanan nashettanawaa taani eray;
\q2 Ayaw gooppe, ta morkkii taana,
\q2 s'ooniide gayrena.
\q1
\v 12 Neeni taana ta suuretetsaa diraw zemppisaadda;
\q2 ne sintsan taana med'inaw wotsaadda.
\q1
\v 13 Med'inaa Goday, Israa'eeliyaa S'oossay,
\q2 med'inaappe med'inaa gakkanaw galatetto.\x - \xo 41:13 \xo*\xt Maz. 106:48\xt*\x*
\b
\q1 Amen"i. Amen"i.
\c 42
\ms Laa"entso Mas'aafaa
\mr (42—72)
\s Yedesaa Wode Woosaa
\d Zammaaretuwaa Kaappoo Yes'etteedda, K'oore Naanatuwaa Akeekaa Timirttiyaa
\q1
\v 1 Gaaray goggiyaa haatsaa laamotiyaawaadan,
\q2 Abeet S'oossaw, hewaadan taanikka neena laamotay.
\q1
\v 2 «Taani baade, S'oossaa sintsa
\q2 be'anawe awudeeshsha?» gaade,
\q1 S'oossaa, de'uwaa S'oossaa be"anaw saamettay.
\q1
\v 3 Asatuu ubbaa gede, «Ne S'oossay hak'an de'ii?»
\q2 yaagiyaa wode, taw gallassinne k'amma ta afotsay k'uma gideedda.
\b
\q1
\v 4 Taani unttunttu baalaa bonchchanaw,
\q2 shiik'eedda daro asaa gidduwaana
\q2 salppiyaan hombboc'ishiinanne
\q2 galataa yetsaa yes's'ishin,
\q1 S'oossaa golle kaaletseeddawaa k'oppiyaa wode,
\q2 ta wozanay kayyottiidde, giddon seereedda.
\q1
\v 5 Ta shemppattee, taani ayaw kayyottaytaa?
\q2 K'ay ayaw jabbakattayttaa?
\q1 Taani S'oossan hidootaa wotsana.
\q2 Ayaw gooppe, taani biro
\q2 taana ashshiyaawaanne ta S'oossaa galatana.
\b
\q1
\v 6 Ta wozanay kayyotteedda; hewaa diraw,
\q2 taani Yorddaanoosa biittan, Hermmoone d'ok'k'an,
\q1 Miizaare Deriyan ek'k'aade neena hassayay.
\q1
\v 7 Ne soossuwaa guntsan c'iimmuu c'iimmaw s'eesee;
\q2 K'ay ne beetaynne ne hobbii ubbay
\q2 ta bollaanna goggeedda.
\q1
\v 8 Gallassi Med'inaa Goday aggena bare siik'uwaa taw kiittee.
\q2 K'ammakka Aa yetsay taananna de'ee;
\q2 he yetsaykka taani ta de'uwaa S'oossaa woossiyaa woosaa.
\b
\q1
\v 9 S'oossaa, ta wogga zaallaa taani,
\q2 «Ayaw taana dogaadii?
\q1 Taani ayaw ta morkkiyaan naak'ettaade kayyotaade hamettoo?» yaagay.
\q1
\v 10 Ta morkketuu taana,
\q2 «Ne S'oossay hak'an de'ii?» yaagiide,
\q2 ta mek'etsaa mentsiide boriino.
\q1
\v 11 Ta shemppattee, taani ayaw kayyottaytaa?
\q2 K'ay ayaw jabbakattayttaa?
\q1 S'oossan hidootaa wotsana.
\q2 Ayaw gooppe, taani ha"ikka
\q2 taana ashshiyaawaanne ta S'oossaa galatana.
\c 43
\q1
\v 1 Abeet S'oossaw, taana shatintsaa.
\q2 S'oossaa erenna asatuwaana ta mootuwaa neeni mootetta.
\q1 C'immiyaa iita asatuwaappe taana neeni ashsha.
\q1
\v 2 S'oossaw, taani naagetta attiyaa miis'ay neena.
\q2 Neeni taana ayaw aggay? Taani ayaw ta morkkiyaan,
\q2 naak'ettaade kayyotaadde hamettoo?
\b
\q1
\v 3 Ne poo'uwaanne ne tumuwaa taw kiitta;
\q2 unttunttu taana kaaletsino.
\q1 Ne geeshsha deriyaa neeni de'iyaasaa afino.
\q1
\v 4 He wode taani ta S'oossaa yarshshuwaa sa'aa,
\q2 taana nashechchiyaa S'oossaakko baana.
\q1 Abeet S'oossaw, ta S'oossaw,
\q2 taani diitsaa diis's'aade, neena sabbana.
\b
\q1
\v 5 Ta shemppattee, taani ayaw kayyottaytaa?
\q2 K'ay ayaw jabbakattayttaa?
\q1 Taani S'oossan hidootaa wotsana.
\q2 Ayaw gooppe, taani biro
\q2 taana ashshiyaawaanne ta S'oossaa galatana.
\c 44
\s S'oossay Naaganaadan Woosaa
\d Zammaaretuwaa Kaappoo Yes'etteedda, K'oore Naanatuwaa Akeeka Timirttiyaa
\q1
\v 1 Abeet S'oossaw, aad'd'eeda wodiyaan,
\q2 neeni ootseeddawaa nuuni nu haytsaan siseeddo,
\q2 nu aawotuwaa wodiyaankka ne ootseeddawaa nuw odeeddino.
\q1
\v 2 Kawutetsatuwaa neeni ne kushiyan laaggaade kessaadda;
\q2 nu aawotuwaa unttunttu biittan tokkanaw;
\q2 hara kawutetsatuwaa muraadda;
\q2 shin ne asatuwaa aasaadda.
\q1
\v 3 Unttunttu barenttu mashshaan oliide,
\q2 he biittaa kessibeykkino;
\q1 Unttunttu barenttu kushiyaa minotetsan s'oonibeykkino.
\q2 Shin neeni unttuntta siik'eedda diraw,
\q2 unttunttu ne ushechcha kushiyaa,
\q2 ne k'esiyaanne ne sintsa poo'uwaa wolk'k'an s'ooneeddino.
\b
\q1
\v 4 Yaak'ooba asaw s'oonuwaa azaziyaa,
\q2 ta kaatiinne ta S'oossay neena.
\q1
\v 5 Neenan gidiide, nu morkkatuwaa nuuni sugi olana;
\q2 ne suntsan nu ek'etiyaawantta nuuni yed'd'ana.
\q1
\v 6 Taani ta tooraan ammanettikke;
\q2 ta mashshaykka taana ashshenna.
\q1
\v 7 Shin neeni nuuna nu morkkatuwaappe ashshaada;
\q2 k'ay nuuna is's'iyaawantta neeni kawushshaadda.
\q1
\v 8 Nuuni ubbaa wode S'oossan c'eek'etteetto;
\q2 ne suntsaw med'inaw galataa immana.
\b
\q1
\v 9 Shin ha"i neeni nuuna aggaada; kawushshaadda;
\q2 nu tooraa asaana ittippe olaa baakka.
\q1
\v 10 Nu morkkatuwaa sintsaappe nuuna bak'k'atissaadda;
\q2 nu ek'k'etiyaawanttu nubaa bonk'k'eeddino.
\q1
\v 11 Neeni nuuna dorssatuwaadan shukaw aatsaade immaadda;
\q2 k'ay kawutetsatuwaa giddon nuuna laalaadda.
\q1
\v 12 Neeni ne asaa hirayisuwaan zal"aadda;
\q2 ayaa wod'iyaanne demmabeykka.
\q1
\v 13 Neeni nuuna nu shoorotuu boriyaawaa,
\q2 k'ay nu heeraan de'iyaawanttu k'iliic'iyaawaanne miic'c'iyaawaa ootsaadda.
\q1
\v 14 Neeni nuuna kawutetsatuwaa giddon tossaa kessaadda;
\q2 nuuna unttunttu barenttu huup'iyaa k'aatsi k'aatsi k'id'iyaawaa ootsaadda.
\q1
\v 15 Taani gallassaa kumentsan tooshettaad.
\q2 Ta som"iyaa yeellay kammeedda.
\q1
\v 16 Taana shek'k'iyaawanttunne boriyaawanttu gaasuwaan,
\q2 Taanna morkkiyaawanttunne manddiyaawanttu gaasuwaana.
\q1
\v 17 Nuuni neena dogibeennawaa gidooppekka,
\q2 woy ne c'aak'uwaa mentsibeenawaa gidooppekka,
\q1 Hawe ubbay nu bolla haneedda.
\q1
\v 18 Nu wozanay neeppe guyye simmibeenna;
\q2 nu gedii ne ogiyaappe gas'aa kesibeenna.
\q1
\v 19 Shin neeni nuuna mentsereetsaade do'aa giddon yeggaadda;
\q2 d'ip'p'i go d'uman kammaadda.
\q1
\v 20 Nu S'oossaa suntsaa nuuni dogeeddentto,
\q2 hara s'oossaa woossanaw nuuni nu kushiyaa mic'c'eeddentto,
\q1
\v 21 Wozanaan geemmeedda s'uuraa S'oossay eriyaa diraw,
\q2 I hawaa biddiide demmennee?
\q1
\v 22 Shin ne diraw, gallassaa ubbaan nuuna wod'iino;\x - \xo 44:22 \xo*\xt Rom. 8:36\xt*\x*
\q2 shukkanaw afiyaa dorssaadan paydeteeddo.
\q1
\v 23 Abeet Med'inaa Godaw, dendda! Ayaw gem"ishay?
\q2 Beegotta! Med'inaw nuuna aggoppa.
\q1
\v 24 Ne som"uwaa nuuppe ayaw gentsay?
\q2 Nu k'ohuwaanne nu un"aa ayaw dogay?
\q1
\v 25 Nuuni baanan duge oletteeddo;
\q2 nu asatetsaykka biittaana oyk'k'etteedda.
\q1
\v 26 Abeet S'oossaw, dendda! Nuuna maadda!
\q2 Aggena ne siik'uwaa diraw, nuuna woza.
\c 45
\s Siik'uwaa Timirttiyaa
\d K'oore Naanatuu Zammaaretuwaa Kaappoo C'iishshaa Waatsa Giyaa Waatsan Yes's'eedda Yetsaa. Akeekan S'aafetteedda Siik'uwaa Yetsaa.
\q1
\v 1 Taani ta yetsaa kaatiyaa sisana,
\q2 ta wozanay lo"o k'ofaa pulttee;
\q2 ta ins's'arssay lo"o s'aafiyaa asaa bi'iriyaa mala.
\b
\q1
\v 2 Asaa ubbaappe neeni malanchchanne;
\q2 ne haasayay nashetsiyaawaa gidana mala,
\q1 S'oossay neena med'inaw anjjeedda.
\q1
\v 3 Wolk'k'aama kaatiyaw,
\q2 ne mashshaa ne s'eessan danc'c'a;
\q2 bonchchuunne gitatetsay newaa.
\b
\q1
\v 4 Ne tumatetsaa, ashkketetsaanne s'illotetsaa diraw,
\q2 ne anggaa mayyaade, s'oonanaw piriis'a.
\q1 Ne ushechcha kushii malalissiyaabaa besso.
\q1
\v 5 Ne pootsay k'ara;
\q2 unttunttu kaatiyaa morkkatuwaa wozana ayifiyaa c'addino.
\q1 Kawutetsatuu ne gediyaan kunddino.
\b
\q1
\v 6 Abeet S'oossaw,
\q2 ne kawutetsaa araatay med'i med'inaw de'ee;\x - \xo 45:6-7 \xo*\xt Ibr. 1:8-9\xt*\x*
\q2 ne kawutetsaa s'am"aykka suuretetsaa s'am"aa.
\q1
\v 7 Neeni s'illotetsaa siik'aasa;
\q2 geelatetsaa is's'aa.
\q1 S'oossay, ne S'oossay, neena
\q2 ne laggetuwaappe aatsiide,
\q2 nashshechchaa zayitiyaa okkeeddawe hewaassa.
\q1
\v 8 Kawaraan, godare uutsaaninne birggudiyaan,
\q2 ne mayuu ubbay pushakketteedda.
\q1 Danggarssaa zaaliyaan alleek'k'etteedda,
\q2 ne kawutetsaa golliyaan diis's'iyaawanttu neena nashechchiino.
\q1
\v 9 Kaatiyaa golliyaan de'iyaa mac'c'a asatuwaa giddon,
\q2 kaatetuwaa mac'c'a naanatuu de'iino;
\q2 kaatata geeshsha work'k'aan alleek'k'ettaade,
\q2 neeppe ushechcha baggan ek'k'aaddu.
\q1
\v 10 Ta naattee, sisa; hayzza;
\q2 ne haytsaa haa yegga.
\q1 Ne zariyaanne ne aawuwaa golliyaa doga.
\q1
\v 11 Ne pulaa kaatii amottee;
\q2 I new goda gidiyaa diraw, aw azazetta.
\q1
\v 12 S'iroosa Asay iziw imotaa akkiide yaana;
\q2 duretuu neena awuddashana.
\q1
\v 13 Kaatiyaa naatta kaatiyaa golliyaa giddon waata lo"ay!
\q2 Izi bullachchaa mayuukka work'k'aa k'ac'inan dadetteedda.
\q1
\v 14 Bare alleek'k'o mayuwaa mayyaade, kaatiyaakko moyzzetaw;
\q2 Izi lagge naanatuu wodorotuu,
\q2 izo kaalliide, Aa sintsa aheeddino.
\q1
\v 15 Unttunttu nashettiiddenne hombboc'iidde yiide,
\q2 kaatiyaa golliyaa geliino.
\q1
\v 16 Kaatiyaw, ne aawotuwaa kotaa ne naanatuu akkana.
\q2 Neeni unttuntta biittaa ubbaa bollan suntsana.
\q1
\v 17 Taani ne suntsay yeletaa ubbaan hassayettanaadan ootsana.
\q2 Hewaa diraw, Asay med'i med'inaw neena galatana.
\c 46
\s S'oossay Nuunana De'ee
\d Zammaaretuwaa Kaappoo K'oore Naanatuu Immina Yes'etteedda, Wodoro Naanaa Yetsaa Hiilan S'aafetteedda Yetsaa.
\q1
\v 1 S'oossay nuuni naagetti attiyaa saanne nuw wolk'k'aa.
\q2 Nuuna metuu gakkiyaa wode,
\q2 maaddanaw I ubbaa gede matan de'ee.
\q1
\v 2 Hewaa diraw, biittay k'aas's'inttokka,
\q2 woy deretuu abban kunddinttokka,
\q1 Nuuni yayyokko.
\q1
\v 3 Abbaa beetay guummiide, hoommuwaa mayninttokka,
\q2 Aa wolk'k'aama hobbiyan deretuu yiik'k'iyiik'k'inttokka,
\q2 nuuni yayyokko.
\b
\q1
\v 4 Itti shaafay de'ee.
\q2 He shaafay goggiide, S'oossaa katamaa,
\q1 Ubbaappe D'ok'k'iyaa S'oossay de'iyaa geeshsha sa'aa nashechchee.
\q1
\v 5 S'oossay Aa giddon de'iyaa diraw,
\q2 he katamay k'aas's'enna.
\q1 Wontta guuran S'oossay Aa maaddana.
\q1
\v 6 Gadiyaa Asay shabbarettee;
\q2 kawutetsatuu k'aas's'iino.
\q1 S'oossay bare k'aalaa sisseedda wode, sa'ay seeree.
\b
\q1
\v 7 Med'etetsaa Ubbaa Goday nuunanna de'ee;
\q2 Yaak'ooba s'oossay nuuni k'osetti attiyaa sa'aa.
\b
\q1
\v 8 Haa yiite; Med'inaa Goday oosuwaa s'eellite;
\q2 I sa'aan aheedda bashshaa be'ite.
\q1
\v 9 I sa'aa gas'aa gakkanaw de'iyaa olaa te"ee;
\q2 wonddaafiyaa mentsee;
\q2 tooraa mentsee;
\q2 gonddalliyaakka taman s'uuggee.
\q1
\v 10 Woppu giite; taani S'oossaa gidiyaawaa erite.
\q2 Taani kawutetsatuwaa giddon d'ok'k'ay.
\q1 K'ay biittaa bollankka d'ok'k'ay.
\q1
\v 11 Ubbaappe Wolk'k'aama Med'inaa Goday nuunanna de'ee;
\q2 Yaak'ooba S'oossay nuuni k'osetti attiyaa sa'aa.
\c 47
\s S'oossay Alamiyaa Ubbaa Kaatiyaa
\d Zammaaretuwaa Kaappoo Yes'etteedda, K'oore Naanatuwaa Mazimuriyaa
\q1
\v 1 Kawutetsatuu ubbay hintte kushiyaa bak'k'ite;
\q2 k'aalaa d'ok'k'u ootsiide, S'oossaw galataa yes's'ite.
\q1
\v 2 Ubbaappe D'ok'k'iyaa Med'inaa Goday yayettanaw bessee;
\q2 sa'aa ubbaa bollan I wolk'k'aama kaatiyaa.
\q1
\v 3 Gadiyaa asaa nuuppe garssaana,
\q2 kawutetsatuwaakka nu gediyaappe garssaana wotsiide,
\q1 Nuw moodissee.
\q1
\v 4 I nuw laattiyaa biittaa dooreedda;
\q2 he biittay, I siik'iyaa Yaak'ooba zaratuu c'eek'ettiyaawaa.
\b
\q1
\v 5 S'oossay pude kawutetsaa araataa keseedda.
\q2 Med'inaa Goday pude kesiyaa wode,
\q2 nashshechchaa hombboc'etsaynne malakataa punnay sisetteedda.
\q1
\v 6 S'oossaa sabbite; ee, Aa sabbite.
\q2 Nu kaatiyaa sabbite; ee, Aa sabbite.
\q1
\v 7 S'oossay sa'aa ubbaa kaatiyaa gidiyaa diraw,
\q2 galataa sabaa sabbite.
\b
\q1
\v 8 S'oossay bare geeshsha kawutetsaa araatan utteedda;
\q2 S'oossay kawutetsatuwaa ubbaa mooddee.
\q1
\v 9 Kawutetsatuwaa kaappatuu,
\q2 Abrahaama S'oossaa asatuwaana ittippe shiik'iino.
\q1 Ayaw gooppe, sa'aan de'iyaa wolk'k'aamatuu ubbay S'oossaassa;
\q2 I loytsi d'ok'k'u geedda.
\c 48
\s S'oossaa Katamati S'iyoono
\d K'oraaha naanatuwaa mazamuriyaa; yetsaa
\q1
\v 1 Med'inaa Goday wolk'k'aama.
\q2 Nu S'oossaa kataman Aa geeshsha deriyaan aad'd'o galatay aw bessee.
\q1
\v 2 S'oossaa deriyaa S'iyoone d'ok'k'anne lo"a.\x - \xo 48:2 \xo*\xt Mat. 5:35\xt*\x*
\q2 Pudehaa baggana de'iyaa
\q1 He wolk'k'aama kaatiyaa katamay sa'aa ubbaw nashshechchaa.
\q1
\v 3 He katamaa gimbbiyaa giddon,
\q2 barenan saro Asay de'iyaawaa S'oossay besseedda.
\b
\q1
\v 4 Kaatetuu barenttu tooranchchatuwaanna ittippe shiik'eeddino;
\q2 S'iyoone olanaw yeeddino.
\q1
\v 5 Aa be'iide, maalalettiidinne dagammiide,
\q2 bak'ateeddino.
\q1
\v 6 Unttunttu hewan de'ishiina,
\q2 unttuntta yashshaa kokkorssay oyk'k'eedda;
\q2 oytsay oyk'k'eedda mishirattiidan un"eteeddino.
\q1
\v 7 Away doliyaa bagga wolk'k'aama c'arkkuwaan,
\q2 me"iyaa Tarsseese markkabiyaadan unttunttu kokkoreeddino.
\b
\q1
\v 8 Nuuni siseeddawaadankka,
\q2 Ubbaappe Wolk'k'aama Med'inaa Godaa kataman,
\q2 nu S'oossaa kataman, I ootseeddawaa be'eeddo.
\q2 S'oossay he katamaa med'inaw minisi essee.
\b
\q1
\v 9 Abeet S'oossaw, ne Geeshsha Golliyaa giddon
\q2 aggena ne siik'uwaa k'oppeeddo.
\q1
\v 10 Abeet S'oossaw, ne suntsaadankka,
\q2 ne galatay sa'aa gas'aa gakkeedda.
\q1 Ne ushechcha kushii s'illotetsaan kumeeddawaa.
\q1
\v 11 Ne pirddaa diraw,
\q2 S'iyoone Asay nashettee;
\q1 Yihudaa mootsatuukka nashettiino.
\q1
\v 12 S'iyoone yuushshuwaan hamettite;
\q2 I yuushshuwaan yaanne haanne simerettite.
\q1 I wochchiyaa sa'aa paydite.
\q1
\v 13 Yiyaa yeletaw odanaadan,
\q2 izi gimbbiyaa akeekitenne izi aakko gimbbiyaa s'omoosite.
\q1
\v 14 Hintte, «Med'i med'inaw
\q2 ha S'oossay nu S'oossaa;
\q1 I nuuna hayk'k'ana gakkanaw kaaletsana» yaagiide odite.
\c 49
\s Duretaan Amanetussay Hada Gidussaa
\d Zammaaretuwaa Kaappoo Yes'etteedda, K'oore Naanatuwaa Mazimuriyaa
\q1
\v 1 Hinttenoo, asatoo, ubbatuukka hawaa sisite.
\q2 Hinttenoo, sa'aan de'iyaawanttoo,
\q2 ubbatuukka hawaa hayzzite.
\q1
\v 2 D'ok'k'ay zik'k'aykka,
\q2 durii mank'k'uukka sisite.
\q1
\v 3 Ta wozanaa k'ofay c'iimma;
\q2 ta doonay aad'd'eeda eratetsaa haasayee.
\q1
\v 4 Ta haytsaa leemisuwaakko yeggana;
\q2 diitsaa diis's'aade,
\q1 Taani Aa biletsaa k'onc'c'issana.
\b
\q1
\v 5 Meto gallassay yiyaa wodiyaaninne baletsiyaa morkketuu,
\q2 taana dooddiyaa wode,
\q1 Taani ayaw yayyaytaa?
\q1
\v 6 Ta morkketoo,
\q2 Barenttu de'iyaawan ammanettiyaawanttoonne
\q2 barenttu duretetsaa daruwaan c'eek'k'iyaawanttoo
\q2 ayaw yayyaytaa?
\q1
\v 7 Ay asaynne barena wozanaw,
\q2 woy bare shemppuwaa gatiyaa S'oossaw c'igganaw danddayenna.
\q1
\v 8 Ayaw gooppe, asaa shemppuwaa gatii al"a.
\q2 Ay gatiyaa c'igginakka gidena.
\q1
\v 9 I med'inaw de'anaadan,
\q2 woy I hayk'k'ennaadan ootsanaw gakkenna.
\q1
\v 10 Eeyyatuunne boozatuu hayk'k'iyaawaadan,
\q2 aad'd'eeda eranchchatuukka d'ayiyaawaanne
\q2 barenttu mas'uwaa haratoo yeggiide biyaawaa
\q2 asay ubbay be'ee.
\q1
\v 11 Unttunttu barenttu biittaa barenttuwaa giinakka,
\q2 duufuu med'inaw unttunttu gollenne yeletaappe yeletaa gakkanaw
\q2 unttunttu de'iyaa sa'aa gidanawaa.
\q1
\v 12 Asay ay gitatooppekka pas'a attena;
\q2 I do'aadan hayk'k'ana.
\q1
\v 13 Barekka barenttu huup'iyaan ammanettiyaawanttu kaac'aynne
\q2 unttunttu k'aalaa tuma giyaawanttu wurssetsay hawaa.
\q1
\v 14 Shukaw dooretteedda dorssatuwaadan,
\q2 unttunttu duufoo dooretteeddino;
\q1 Hayk'k'uu unttunttu hentsanchchaa gidanawaa.
\q2 Suuretuu wontta unttunttu duufuwaa bolla hamettana;
\q2 unttunttu barenttu de'iyaa golliyaappe haakkiide, duufuwaan wook'k'ana.
\q1
\v 15 Shin S'oossay taana wozana;
\q2 I ta shemppuwaa hayk'k'uwaa wolk'k'aappe ashshana.
\q1
\v 16 Asay durettiyaa wodenne,
\q2 Aa bonchchuu dariyaa wode yayyoppa.
\q1
\v 17 Ayaw gooppe, I hayk'k'iidde,
\q2 Ayinne akkiide beenna;
\q1 Aa duretay aanana ittippe duufuwaa beenna.
\q1
\v 18 Asay pas'a de'iyaa wodiyaan,
\q2 «Taw kumeedda» gooppenne,
\q2 ubbabay aw giigeedda diraw galatettooppenne,
\q1
\v 19 Simmiide poo'uwaa be'enna bare mayzza aawotuwaana gakkettee.
\q1
\v 20 Eri bayinnan gitateedda Asay do'aadan hayk'k'ana.
\c 50
\s Tumo Goynaa
\d Asaafa mazamuriyaa
\q1
\v 1 Wolk'k'aama S'oossay, Med'inaa Goday haasayee.
\q2 Away doliyaasaappe wulliyaasaa gakkanaw
\q2 sa'aan de'iyaa asaa s'eesee.
\q1
\v 2 Puulay kumentsaa lo"a gidiyaa S'iyooneppe S'oossay poo'ee.
\b
\q1
\v 3 Nu S'oossay yaana; c'o"u geena.
\q2 Ees's'iyaa tamay Aa sintsaana;
\q2 wolk'k'aama gotii Aa yuushshuwaana.
\q1
\v 4 S'oossay bare asaa pirddiidde,
\q2 salotuwaanne sa'aa s'eesee.
\q1
\v 5 «Yarshshuwaa yarshshiyaawaan,
\q2 taananna c'aak'k'eteedda S'oossaa asatuwaa,
\q2 taakko shiishshite» yaageedda.
\q1
\v 6 S'oossay pirddiyaawaa gidiyaa diraw,
\q2 salotuu Aa s'illotetsaa odiino.
\b
\q1
\v 7 «Ta asaw, sisa! Taani new oday.
\q2 Israa'eeliyaa asaw, taani ne bolla markkattay.
\q1 Taani S'oossaa, ne S'oossaa.
\q1
\v 8 Ne yarshshuwaa dirawunne
\q2 neeni ubbaa gede shiishshiyaa s'uuggiyaa yarshshuwaa diraw,
\q1 Taani neena seerikke.
\q1
\v 9 Hewaadankka, ne dirssaappe korumatuwaa,
\q2 woy ne sikkuwaappe deeshshatuwaa akkanaw koyikke.
\q1
\v 10 Ayaw gooppe, woraan de'iyaa do'atuu ubbatuu tawantta;
\q2 sha"u deriyaa bollan de'iyaa mehetuukka tawantta.
\q1
\v 11 Taani d'ok'k'a deriyaan de'iyaa kafotuwaa ubbaa eray;
\q2 dembban de'iyaa med'etetsatuu tawantta.
\q1
\v 12 Taana koshinttonne, taani new odikke:
\q2 ayaw gooppe, sa'aynne sa'aan kumeeddawe ubbay tawaa.
\q1
\v 13 Taani korumatuwaa ashuwaa mayttaa?
\q2 Woy deeshshatuwaa suutsaa ushaytaa?
\q1
\v 14 Hewaa diraw, S'oossaw,
\q2 neeni immiyaa yarshshuu galataa gido;
\q1 Ubbaappe D'ok'k'iyaa S'oossaw ne k'anggetsaa gatsa.
\q1
\v 15 Yaataade, metuwaa gallassi taana s'eesa.
\q2 Taani neena ashshana; neenikka taana bonchchana» yaagee.
\q1
\v 16 Shin S'oossay iita asaa hawaadan yaagee;
\q2 Ta higgiyaa neeni zaara zaaraadde ayaw oday?
\q1 Woy ta c'aak'uwaa ne doonaan ayaw haasayay?
\q1
\v 17 Neeni ta timirttiyaa is's'aadda;
\q2 ta k'aalaakka haytsaa bollaanna aatsaada.
\q1
\v 18 Neeni kayisuwaa be'eedda wode,
\q2 aanana dabbotaadda;
\q1 Shaarmus'iyaawanttu maabaran gelaadda.
\q1
\v 19 Neeni ne doonaa iitabaa haasayanaw billa yeddaasa.
\q2 Ne ins's'arssaykka wordduwaa haasayaa meezeteedda.
\q1
\v 20 Ne utteeddasaan ne ishaa iissaade haasayaadda;
\q2 ne aatti na'aa zigiraasa.
\q1
\v 21 Neeni hawaa ubbaa ootsiyaa wode,
\q2 taani c'o"u geedda diraw,
\q1 Taanakka ne mala gaade k'oppaadda.
\q2 Shin ha"i taani neena seeraynne
\q2 ne balaa ne sintsan payday.
\b
\q1
\v 22 «Hinttenoo, S'oossaa dogiyaawanttoo, hawaa akeekite.
\q2 Hewe d'ayooppe, taani hinttena mentsereetsana;
\q2 he wode hinttena ashshiyaawe baawa.
\q1
\v 23 Taw galataa immiyaa Asay taana bonchchee.
\q2 Bare ogiyaa suurissiyaa asaa
\q2 taani S'oossaa atotetsaa bessana» yaagee.\x - \xo 50:23\xo*\xt 2 Sam. 12:1-15\xt*\x*
\c 51
\s Maarotetsaa Demanaw Shiik'eedda Woosaa
\d Zammaaretuwaa Kaappoo Yes'etteedda, Berssaabina sharmus'eedda Hanotaa Timbbitiyaa Odiyaa Naataani Aw odiide Simmina, Daawita Mazamuriyaa
\q1
\v 1 Abeet S'oossaw, aggena ne siik'uwaadan taana maara;
\q2 ne k'aretaa daruwaadan ta bayzzuwaa k'uc'c'a.
\q1
\v 2 Ta iitatetsaappe taana mule meec'c'a;
\q2 ta nagaraappe taana geeshsha.
\b
\q1
\v 3 Ayaw gooppe, ta bayzzuwaa taani eray;
\q2 ta nagaray ubbaa gede ta sintsaana.
\q1
\v 4 Taani neena, ne s'alala naak'k'aad;\x - \xo 51:4 \xo*\xt Rom. 3:4\xt*\x*
\q2 ne ayifiyaa sintsan iitabaa ootsaad.
\q1 Hewaa diraw, haasayaaddekka neeni likke;
\q2 pirddaaddekka neeni s'illuwaa.
\q1
\v 5 Taani yelettoodeppekka tumu nagaranchcha;
\q2 ta aatti uluwaan biro attiyaa wodeppe doommaadekka,
\q2 taani nagaranchcha.
\b
\q1
\v 6 Hekko neeni wozana giddo tumatetsaa koyaasa;
\q2 hewaa diraw, ne aad'd'eeda eratetsaa ta garssan tamaarissa.
\q1
\v 7 Hiisoop'p'iyaa giyaa bonc'c'iyaan neeni taana geeshsha;
\q2 taani geeyana.
\q1 Taana meec'c'a;
\q2 taani shachchaappe aad'd'aade boos's'ana.
\q1
\v 8 Neeni taana nashshechchaanne
\q2 hashshu giyaawaa sisa;
\q2 neeni taana mentsereetseeddabaa gidooppekka,
\q2 zaaraadde nashshechchaa.
\q1
\v 9 Ta nagaraappe ne sintsa wora zaara;
\q2 ta iitatetsaa ubbaa k'uc'c'a.
\q1
\v 10 Abeet S'oossaw, geeshsha wozanaa ta giddon med'd'a;
\q2 minisiyaa ayaanaa ta giddon ooratsa.
\q1
\v 11 Taana ne sintsaappe oloppa;
\q2 ne Geeshsha Ayaanaa taappe akkoppa.
\q1
\v 12 Ne atotetsaa nashshechchaa taw zaaraadde imma;
\q2 taani new eeno gaade azazettanaadan,
\q2 Taana zemppissa.
\q1
\v 13 He wode taani bayzzanchchatuwaa ne ogiyaa tamaarissana;
\q2 he nagaranchchatuunne neekko simmana.
\q1
\v 14 Abeet S'oossaw, taana ashshiyaa S'oossaw,
\q2 suutsaa gusseedda nagaraappe taana ashsha;
\q1 He wode ta ins's'arssay ne s'illotetsaabaa yes's'ana.
\q1
\v 15 Abeet Godaw, ta doonaa dooyaa;
\q2 yaatooppe, ta ins's'arssay ne galataa awaayana.
\q1
\v 16 Neeni yarshshuwaan nashetantto ta new shiishshanashin,
\q2 neeni yarshshuwaan nashetakka.
\q1
\v 17 S'oossaw yarshshiyaa yarshshuu
\q2 ashkke ayaanaa; abeet S'oossaw,
\q1 «Nagaraa ootsennan aggaarikkitaashaa» giyaa,
\q2 me"eedda wozanaa neeni kad'akka.
\q1
\v 18 Abeet S'oossaw, ne dosuwaan S'iyooniw keeka;
\q2 Yerusaalame gimbbetuwaa gimbba.
\q1
\v 19 He wode s'illo yarshshuwaan,
\q2 S'uuggiyaa yarshshuwaaninne,
\q2 mehiyaa ashuwaa wurssi s'uuggiyaa yarshshuwaan neeni nashettana.
\q2 K'ay korumatuu ne yarshshiyaasan yarshshettana.\x - \xo 51:19 \xo*\xt 1 Sam. 22:9-10\xt*\x*
\c 52
\s Iitatuwaa Wurssetsaa Kaac'aa
\d Zammaaretuwaa Kaappoo Yes'etteedda, Eedooma biittaa asaa gidiyaa Doyik'i Saa'oolakko biide, «Daawite Abimeleeka golle beedda» yaagiide odiide simmina Daawita Akeeka Timirttiyaa.
\q1
\v 1 Neenoo, wolk'k'aama bitaniyaw,
\q2 S'oossaa asatuwaa bolla iitabaa ootsiyaawaadan,
\q2 gallassaa ubbaan ayaw c'eek'ettay?
\q1
\v 2 Neenoo, worddobaa haniyaawoo,
\q2 neeni haratuwaa d'ayissanaw mak'ettaasa.
\q1 Ne ins's'arssay kuussa mak'k'iliyaa mala.
\q1
\v 3 Neeni lo"uwaappe iitaa siik'aasa;
\q2 k'ay tumuwaa haasayiyaawaappe,
\q2 wordduwaa haasayiyaawaa dosaasa.
\q1
\v 4 Neenoo, worddanchchaw,
\q2 neeni k'ohiyaa k'aalaa ubbaa siik'aasa.
\b
\q1
\v 5 Shin S'oossay neena med'inaw d'ayissana.
\q2 I neena dafananne ne golliyaappe bonk'k'iide kessana;
\q1 I neena pas'a de'iyaawanttu giddoppe d'ok'ollana.
\q1
\v 6 S'illotuu hawaa be'iide yayana.
\q2 Unttunttu hawaadan yaagiide, ne bolla miic'c'ana;
\q1
\v 7 «S'oossaa barew geessuwaa ootsibeenna,
\q2 bare duretetsaa daruwaan ammanetteeda,
\q1 Iita oosuwaan minneedda bitaniyaa
\q2 hawaa be'ite!» yaagana.
\q1
\v 8 Shin taani S'oossaa golliyaan aac'iya wogaraa mala.
\q2 Aggena Aa siik'uwaan taani med'i med'inaw ammanettay.
\q1
\v 9 Neeni ootseedda diraw,
\q2 Ta neena galatana,
\q2 taani neeni keeka gidiyaa diraw ne suntsaan hidootaa wotsay.
\q2 Taani S'oossaa asatuwaa sintsan neena sabbana.
\c 53
\s Asaa Iitatetsaa
\d Zammaaretuwaa Kaappoo Yes'etteedda, Daawita Akeekaa Timirttiyaa.
\q1
\v 1 Boozatuu barenttu wozanaan,\x - \xo 53:1-3 \xo*\xt Rom. 3:10-12\xt*\x*
\q2 «S'oossay baawa» yaagiino.
\q2 Unttunttu de'uu bayeedda.
\q2 Unttunttu sheneyiyaabaa ootsiino;
\q2 lo"iyaabaa ootsiyaa Asay baawa.
\b
\q1
\v 2 S'oossaa koyiyaa eranchchatuu de'inttonne be'anaw,
\q2 S'oossay saluwaappe duge asaa s'eellee.
\q1
\v 3 Unttunttu ubbaykka S'oossaappe haakkeeddino;
\q2 ubbaykka ittippe tuneeddino.
\q1 Lo"uwaa ootsiyaa Asay baawa;
\q2 haray atto ittuunne baawa.
\b
\q1
\v 4 S'oossay, «Hawanttu ta asaa bonk'k'i miyaa iita asatuu
\q2 tumu ayinne erikkinoo?
\q1 Unttunttu taana woossikkino» yaagee.
\b
\q1
\v 5 Unttunttu kase dagammi erennawaa keeshshaa dagamana.
\q2 Ayaw gooppe, S'oossay bare asaa morkkiyaawanttu mek'etsaa laalana.
\q1 S'oossay unttuntta kad'eedda diraw, unttunttu yeellatana.
\b
\q1
\v 6 Israa'eeliyaw atotetsay S'iyooneppe yeerennee!
\q2 S'oossay bare asaa omooduwaa zaariyaa wode,
\q1 Yaak'ooba zaratuu nashettana;
\q2 Israa'eeliyaa Asay nashshechchaw pooc'u gaana.
\c 54
\s Morkkiyaa Kushiyaappe Attanaw Shiik'eedda Woosaa
\d Zammaaretuwaa Kaappoo Yes'etteedda, Ziifan de'iyaa asatuu Saa'oolakko biide, «Daawite nu biittan k'osetteedda» yaagiide odiide simmina Daawite Akeekan Diis's'eedda Timirttiyaa.
\q1
\v 1 Abeet S'oossaw, ne suntsan taana ashsha;
\q2 ne wolk'k'an taana shatintsaa.
\q1
\v 2 Abeet S'oossaw, ta woosaa sisa;
\q2 ta doonaa haasayaa hayzza.
\q1
\v 3 Otoranchchatuu ta bolla denddiino;
\q2 dagantsiyaa asatuu taana wod'anaw koyiino.
\q1 Unttunttu S'oossaa alaalle giikkino.
\b
\q1
\v 4 Hekko S'oossay taana maaddiyaawaa;
\q2 Goday taana zemppissiyaawaa.
\q1
\v 5 Abeet S'oossaw, ta morkketoo unttunttu iitatetsaa zaara.
\q2 Neeni ammanettiyaawaa gidiyaawaadan,
\q2 unttuntta d'ayissa.
\b
\q1
\v 6 Abeet Med'inaa Godaw, taani ta sheniyaan new yarshshana;
\q2 neeni keeka gidiyaa diraw,
\q1 Taani ne suntsaa galatana.
\q1
\v 7 Ayaw gooppe, neeni taana
\q2 ta metuwaa ubbaappe ashshaadda;
\q1 Ta morkketuu s'oonettiyaawaa ta ayifiyaan be'aad.
\c 55
\s Laggetsay Kaddeedda Asaa Woosaa
\d Zammaaretuwaa Kaappoo Yes'etteedda, Daawite Akeekan Diis's'eedda Diitsaa.
\q1
\v 1 Abeet S'oossaw, ta woosaa sisa;
\q2 ta maganaa ay metee gooppa.
\q1
\v 2 Hayzza; ta woosaa sisa;
\q2 Ta k'ofay taana waayissina,
\q2 taani shabbarettaad.
\q1
\v 3 Hewenne, ta morkkatuwaa kooshshaappenne,
\q2 iitatuwaa naak'uwaappe denddeeddawaana.
\q1 Unttunttu ta bolla metuwaa ahiinonne
\q2 barenttu hank'k'uwaan taana morkkiino.
\b
\q1
\v 4 Ta wozana ayifiyaan diddik'ee;
\q2 hayk'k'uwaa hirggay taana maashiseedda.
\q1
\v 5 Taana yashshaynne kokkorssay oyk'k'eedda;
\q2 dagamay taana wod'i diggeedda.
\q1
\v 6 Taani, «Taw harap'p'iyaadan k'efii de'eerenneeshsha.
\q2 Yaanintto taani paalla baade shemppana shin;
\q1
\v 7 taani haakkaade baana shin;
\q2 Bazzuwaan de'ana shin.
\q1
\v 8 Taani gotiyaappenne uushuwaappe,
\q2 attiyaasaa elleellaade gakkana shin» yaagaad.
\q1
\v 9 Abeet S'oossaw, taani katamaa giddon
\q2 walassaanne wad'etaa be'eedda diraw,
\q1 Iitatuwaa haasayaa bulluuk'k'a.
\q1
\v 10 Iitatuu gallassinne k'amma,
\q2 gimbbiyaa yuuyyiino;
\q1 Iitatetsaynne kobay katamaa giddon de'ee.
\q1
\v 11 Bashshay Aa giddon de'ee;
\q2 naak'uukka c'imuukka Aa gutaraappe shaakkettenna.
\q1
\v 12 Taana boriyaawe ta morkkiyaa gidenna;
\q2 gidintto taani danddayana.
\q1 Ta bolla c'eek'ettiyaawe taana is's'iyaawaa gidenna;
\q2 gidintto taani aappe k'osettana.
\q1
\v 13 Shin hawaa ubbaa ootsiyaawe asaa,
\q2 ta laggiyaa,
\q1 Ta dabbuwaanne ta siik'uwaa.
\q1
\v 14 Nuuni ittuu ittuwaanna ulobaa haasayeeddo;
\q2 nuuni S'oossaa golliyaan asaana ittippe simeretteeddo.
\q1
\v 15 Ta morkketuu wodii gakkennan hayk'k'ino;
\q2 unttunttu pas'a moogettino.
\q1 Ayaw gooppe, iitatetsay
\q2 unttunttu giddoninne unttunttu de'iyaa saan de'ee.
\q1
\v 16 Shin taani S'oossaa s'eesay;
\q2 Med'inaa Goday taana ashshee.
\q1
\v 17 Wontta, gallassinne omarssi
\q2 taani waassananne ta metuwaa aw odana;
\q1 I taana sisana.
\q1
\v 18 Darotuu taana morkkooppekka,
\q2 I taana olaa tooraappe ashshee.
\q1
\v 19 Benippe kawutetsaa araatan utteedda S'oossay,
\q2 ta woosaa sisiide barenttu ogiyaa laammennawanttanne
\q2 barew yayyenawantta,
\q2 I kawushshana.
\q1
\v 20 Ta laggii bare dabbotuwaa k'ohanaw,
\q2 bare kushiyaa dentseedda;
\q2 unttunttunna c'aak'k'eteedda c'aak'uwaa koleedda.
\q1
\v 21 Aa haasayay oyssaappekka aad'd'eeda shuga;
\q2 shin bare wozanaan morkkeedda.
\q1 Aa k'aalatuu zayitiyaappekka aad'd'iide wololatiino;
\q2 shin kuussa mashshaadan k'ans's'eeddino.
\q1
\v 22 Ne tookuwaa Med'inaa Godaan wotsa;
\q2 I neena zemppissana.
\q1 S'oossay awudenne s'illotuu
\q2 shabbarettanaadan ootsenna.
\q1
\v 23 Shin Abeet S'oossaw, neeni
\q2 iita asatuwaa c'iimmo ollaan duge olana.
\q1 Suutsaa gussiyaawanttunne c'immiyaawanttu,
\q2 barenttu de'ana laytsaw baggaanne de'ikkino;
\q1 Shin taani neenan ammanettana.\x - \xo 55:23 \xo*\xt 1 Sam. 21:13-15\xt*\x*
\c 56
\s S'oossaan Zemppuwaa Woosaa
\d Zammaaretuwaa Kaappoo Yes'etteedda, Piliss's'eema asatuu Aa Gaate Giyaa Katamaan Omoodeedda Wode, Daawita Mazimuriyaa. Haako Saan Wolaa Bollan Utteedda Dogomattissi Geetettiide Suusulliyaan Yes'etteedda Mazimuriyaa.
\q1
\v 1 Abeet S'oossaw, asatuu taana yederssiyaa dirawunne
\q2 gallassaa ubbankka ta morkketuu taana un"etseedda diraw,
\q2 taw k'aretta.
\q1
\v 2 Ta morkketuu gallassaa ubbaan
\q2 taana yederssiino;
\q1 C'oratuu otoruwaan taana un"etsiino.
\q1
\v 3 Taani yayyeedda wode,
\q2 neenan ammanettay.
\q1
\v 4 Taani S'oossan ammanettay;
\q2 Taani Aa k'aalaa galatiyaa S'oossan
\q2 ammanettaynne yayyikke.
\q2 Asay taana ayaa ootsanee?
\q1
\v 5 Gallassaa ubbaan ta morkketuu,
\q2 taw metuwaa med'd'iino;
\q1 Unttunttu ubbaa gede taw iitabaa k'oppiino.
\q1
\v 6 Unttunttu ta bolla mak'ettiino;
\q2 kuukuliide wochchiinonne
\q2 ta ogiyaa naagiino;
\q2 taana wod'anaw koyiino.
\q1
\v 7 Unttunttu iitatetsaa diraw, unttuntta yeddoppa;
\q2 ne hank'k'uwaan he asatuwaa zik'k'i ootsa.
\b
\q1
\v 8 Neeni taani toyilakattowaa paydaadda.
\q2 Taani woyssa afotsaa gussaadditantto, neeni eraasa.
\q1 Unttunttu ne mazggobiyaan de'ikkinoo?
\q1
\v 9 Taani neena s'eesiyaa wode,
\q2 ta morkketuu guyye simmana.
\q1 S'oossay ta bagga gidiyaawaa taani eray.
\q1
\v 10 Taani Aa k'aalaa galatiyaa S'oossay,
\q2 taani Aa k'aalaa galatiyaa Med'inaa Godaa,
\q1
\v 11 taani he S'oossan ammanettay; yayyikke.
\q2 Asay taana ay ootsanee?
\q1
\v 12 Abeet S'oossaw, taani,
\q2 new shiik'etteeddawaa ootsana;
\q1 Hewaa galataa yarshshuwaa taani new immana.
\q1
\v 13 Ayaw gooppe, neeni taana hayk'k'uwaappe,
\q2 ta gediyaa kunddetsaappe ashshaada.
\q1 Hewaa diraw, I pas'a de'iyaawanttu bollan poo'issiyaa poo'uwaan
\q2 S'oossaa sintsan taani hamettay.\x - \xo 56:13 \xo*\xt 1 Sam. 22:1; 24:3\xt*\x*
\c 57
\s Maaduwaa Demanaw Shiik'eedda Woosaa
\d Zammaaretuwaa Kaappoo, Gonggolo giddoppe Saa'oolappe bak'atiide bi simmina Daawita Woosaa. «D'ayssoppa» Geetettiyaa Woosaan Yes'etteedda Woosaa.
\q1
\v 1 Taana maara; abeet S'oossaw, taana maara;
\q2 taani neekko bak'atay.
\q1 Bashshay aad'd'ana gakkanaw,
\q2 ne k'efiyaa giddon bak'ataade attay.
\b
\q1
\v 2 Taani Ubbaappe D'ok'k'iyaa S'oossaw,
\q2 taw ubbabaa ootsiyaa S'oossaw waassay.
\q1
\v 3 S'oossay saluwaappe maaduwaa kiittiide, taana ashshana;
\q2 taana naak'k'iyaawantta kawushshana;
\q1 S'oossay aggena bare siik'uwaanne
\q2 bare tumatetsaa taw kiittana.
\b
\q1
\v 4 Taani ta morkkatuwaa giddon,
\q2 asaa bonk'k'iide miyaa gaammuwaa malatuwaa giddon de'ay.
\q1 Unttunttu achchay tooraanne wonddaafiyaa mala;
\q2 unttunttu ins's'arssay kuussa mashshaa mala.
\b
\q1
\v 5 Abeet S'oossaw, neeni salotuwaappe bollaanna d'ok'k'u d'ok'k'u ga;
\q2 ne bonchchuu sa'aa ubbaa bolla de'o.
\b
\q1
\v 6 Unttunttu ta gediyaw p'iriyaa wotseeddino;
\q2 taani metootaade hokkaad.
\q1 Unttunttu ta ogiyaan ollaa bookkeeddino;
\q2 shin he ollaan barenttoo kunddeeddino.
\b
\q1
\v 7 Ta wozanay minniide de'ee;
\q2 Abeet S'oossaw, ta wozanay minniide de'ee.
\q1 Taani new yes's'ananne neena sabbana.
\q1
\v 8 Ta shemppattee, beegotta!
\q2 Diitsawunne maasink'k'oo, beegottite!
\q1 Taanikka wontta guuraanna beegottana.
\q1
\v 9 Abeet S'oossaw, taani neena asaa giddon galatana;
\q2 k'ay kawutetsaa giddon neena sabbana.
\q1
\v 10 Ayaw gooppe, aggena ne siik'uu wolk'k'aama;
\q2 salotuwaa gakkeedda.
\q1 Ne tumatetsaykka bolla shaariyaadan d'ok'k'ee.
\q1
\v 11 Abeet S'oossaw,
\q2 salotuwaappe bollaanna d'ok'k'u d'ok'k'u ga!
\q1 Ne bonchchuu sa'aa ubbaa bolla gido.
\c 58
\s S'oossay Nagaranchchatuwaa Muranaadan  // Shiik'o Woosaa
\d Zammaaretuwaa Kaappoo Yes'etteedda, Daawita Woossa. «D'ayssoppa» Geetettiyaa Mazimuriyaa waas'uwaan Yes'etteedda Woosaa.
\q1
\v 1 Hinttenoo deriyaa mooddiyaawanttoo,
\q2 tumuwaappe likkiyaa haasayiitee?
\q1 Asaa ubbaa giddon s'illuwaa pirddiitee?
\q1
\v 2 Gidena, hintte wozanaan iitabaa halchchiita;
\q2 biittan hintte kushii makkalabaa ootseedda.
\b
\q1
\v 3 Iita Asay aatti uluwaappe doommiide balee;
\q2 yelettoodeppe doommiide,
\q1 Bayzzeenne wordduwaa haasayee.
\q1
\v 4 Unttunttu shooshshaadan yishshaana de'iino;
\q2 Tulle hassuwaadan haytsaa tuc'c'eeddino.
\q1
\v 5 Bitiyaawe ay keeshsha hiilanchcha gidooppekka,
\q2 hasuu Aa saasuketsaa sisenna.
\b
\q1
\v 6 Abeet S'oossaw, unttunttu achchaa
\q2 unttunttu gappataa giddon mentsa;
\q2 abeet Med'inaa Godaw, gaammotuwaa kasiliyaa d'ukka.
\q1
\v 7 Unttunttu goggi d'ayiyaa haatsaadan d'ayino.
\q2 Unttunttu barenttu wonddaafiyaa dukkiyaa wode,
\q2 pootsaa s'eeran c'addiyaa ayifii d'ayo.
\q1
\v 8 Unttunttu muushiide saasso kesiyaa d'aad'd'iyaadan hanino;
\q2 aatti uluwaappe boshettiide yeletteedda,
\q2 poo'uwaa be'enna na'aadan hanino.
\q1
\v 9 Unttunttu aguntsa gidiide daashanaappe kase,
\q2 unttunttu biro puutiyaan de'ishshin,
\q1 S'oossay unttuntta bare hank'k'uwaan d'ayissana.
\q1
\v 10 Haluwaa kessiyaawaa be'iyaa wode,
\q2 s'illotuu nashettana.
\q1 Iitatuwaa suutsan barenttu gediyaa meec'ettana.
\q1
\v 11 He wode asay,
\q2 «Tumukka s'illotoo woytuu de'ee;
\q2 tumukka sa'aa bolla pirddiyaa S'oossay de'ee» yaagana.\x - \xo 58:11 \xo*\xt 1 Sam. 19:11\xt*\x*
\c 59
\s Iitatuwaa Ek'etiide Shiik'o Woosaa
\d Zammaaretuwaa Kaappoo Yes'etteedda, Daawita wod'anaw Aa golliyaa naagana mala Saa'ooli asatuwaa kiitti simmina Daawita Mazimuriyaa. «D'ayssoppa» Giidde Diitsaa Giigissuwaan Yes'etteedda Woosaa
\q1
\v 1 Abeet ta S'oossaw, ta morkkatuwaappe taana ashsha;
\q2 ta bolla denddiyaawanttuppe taana naaga.
\q1
\v 2 Iita ootsiyaawanttuppe taana ashsha akka;
\q2 suutsaa gussiyaa asatuwaappe taana ashsha.
\b
\q1
\v 3 Abeet S'oossaw, unttunttu taana wod'anaw
\q2 kuukuliide naagiyaawaa be'a!
\q1 He wolk'k'aama iita asatuu ta bolla yaa'iino.
\q2 Abeet Med'inaa Godaw, ta bayzzuwaa diraw
\q2 woy ta nagaraa diraw gidenna.
\q1
\v 4 Unttunttu taana olanaw wotsaa jaamiyaawe,
\q2 ta balaa diraassa gidenna.
\q1 Beegotta, taakko haa yaade be'a.
\q1
\v 5 Abeet Ubbaappe Wolk'k'aama Med'etaa Ubbaa Godaa S'oossaw,
\q2 Israa'eeliyaa S'oossaw,
\q2 kawutetsatuwaa ubbaa pirddanaw beegotta;
\q2 makkalaa ootsiyaawantta maaroppa.
\b
\q1
\v 6 Unttunttu omarssan simmiino;
\q2 kanatuwaadan boc'c'iidde, katamaa giddon yuuyyiino.
\q1
\v 7 Hekko, unttunttu barenttu doonaan haasayiide salikkino;
\q2 unttunttu ins's'arssay mashshaa mala.
\q1 Unttunttu biro, «Ooninne sisenna» giide k'oppiino.
\b
\q1
\v 8 Shin abeet Med'inaa Godaw,
\q2 neeni unttunttu bolla miic'c'aasa;
\q2 kawutetsatuwaa ubbaa bolla k'iliic'aasa.
\q1
\v 9 S'oossaw, neeni taw k'osetta attiyaa sa'aa gidiyaa diraw,
\q2 taani ne wolk'k'an ammanettay.
\q1
\v 10 Ta S'oossay aggena bare siik'uwaan taakko yaana;
\q2 ta S'oossay ta morkkatuwaa s'ooniyaawaa I taana bessana.
\q1
\v 11 Ta asatuu doggenna mala, neeni unttuntta wod'oppa.
\q2 Abeet S'oossaw, nu gonddalliyaw,
\q2 ne wolk'k'an unttuntta laalaade s'oona.
\q1
\v 12 Unttunttu barenttu doonaa nagaraa dirawunne
\q2 barenttu ins's'arssaa k'aalaa diraw,
\q2 barenttu otoruwaan oyk'k'ettino.
\q2 Unttunttu shek'aa dirawunne unttunttu haasayiyaa wordduwaa diraw,
\q1
\v 13 ne hank'k'uwaan unttuntta d'ayissa.
\q2 S'oossay Yaak'ooba zaratuwaa mooddiyaawaanne
\q2 sa'aa gas'aa gakkanaw de'iyaa biittaa mooddiyaawaa Asay erana mala,
\q2 unttuntta mule attenaadan d'ayissa.
\q1
\v 14 Ta morkketuu omarssan simmiino;
\q2 kanatuwaadan boc'c'iidde,
\q2 katamaa giddon yuuyyiino.
\q1
\v 15 Unttunttu miyaawaa demanaw toyilakattiino;
\q2 kallana d'ayooppe laawiino.
\q1
\v 16 Shin taani ne wolk'k'aa sabbana;
\q2 wontta aggena ne siik'uwaabaa yes's'ana.
\q1 Ayaw gooppe, neeni taw ta waayiyaa gallassi,
\q2 taani bak'ata attiyaa saanne k'osetta attiyaasaa gidaadda.
\q1
\v 17 Abeet taw wolk'k'aa gideedda S'oossaw,
\q2 taani neena sabbana.
\q1 Ayaw gooppe, taani k'osetta attiyaa sa'aynne
\q2 aggena siik'uwaa taana bessiyaa S'oossay neena.\x - \xo 59:17 \xo*\xt 2 Sam. 8:13; 1 Od. 18:12\xt*\x*
\c 60
\s S'oossay Ashiyaawaa K'onc'c'issiyaa Woosaa
\d Zammaaretuwaa Kaappuu, Daawite, Masp'p'es'oomiyaaninne Sobaalan de'eedda Sooriyaa asatuwaana oletteedda wodenne, Yoo'aabi guyye simmiide Mas'iniyaa Zanggaaraan tammanne laa"u sha"u Eedoome asaa wod'eedda wode, Daawite timirttiyaw s'aafeedda woossa. Adilliyaa C'iishshaa Waatsaa. Markkatetsaa Woosaa.
\q1
\v 1 Abeet S'oossaw, neeni nuuna aggaada;
\q2 nuuna mentsaadda.
\q1 Neeni nuuna hank'k'ettaadda;
\q2 shin ha"i nuukko simma.
\q1
\v 2 Neeni biittaa k'aatsaadanne za'issaadda;
\q2 biittay kokkoriyaa diraw, neeni Aa za'uwaa bara.
\q1
\v 3 Neeni ne asaa metuwaa bessaadda;
\q2 neeni nuuna ganddigaarissiyaa woyniyaa ushshaadda.
\q1
\v 4 New yayyiyaawanttu,
\q2 barenttu morkkiyaa wonddaafiyaappe attana mala,
\q2 malaa immaadda.
\q1
\v 5 Neeni siik'iyaawanttu attana mala,
\q2 ne ushechcha kushiyan nuuna ashsha;
\q2 neeni nuw alla.
\b
\q1
\v 6 S'oossay bare geeshsha sa'aan hawaadan yaageedda;
\q2 «Taani s'oonaade Sekeema biittaa shaakkana;
\q2 k'ay Sukkoota zanggaaraa likkana.
\q1
\v 7 Gala'aade tawaa; Minaasekka taassa;
\q2 Efireemi ta huup'iyaa naagiyaa k'oobiyaa;
\q1 Yihuday ta kawutetsaa s'am"aa.
\q1
\v 8 Moo'aabe taani meec'ettiyaa kuyis'aaruwaa;
\q2 Eedoomi tawaa gidiyaawaa erissanaw ta c'aammaa Aa bolla wotsay;
\q1 Taani Piliss's'eema s'oonaade gereeray» yaageedda.
\b
\q1
\v 9 Gimbbetteedda katamaakko, taana oonee afanawe?
\q2 Eedooma gakkanaw taana oonee kaaletsanawe?
\q1
\v 10 Abeet S'oossaw, nuuna aggeedawe neena gidikkii?
\q2 Abeet S'oossaw, neeni nu tooranchchatuwaanna olaw kesakka.
\q1
\v 11 Asaa maaduu patsenna diraw,
\q2 morkkiyaanna olettanaw neeni nuuna maadda.
\q1
\v 12 S'oossaa wolk'k'an nu morkkatuwaa nuuni s'oonana;
\q2 nu morkkatuwaa yed'd'anawe Aa.
\c 61
\s Naaganaadan Shiik'o Woosaa
\d Daawite Zammaaretuwaa Kaappoo Diitsaan Yes's'eedda Mazimuriyaa
\q1
\v 1 Abeet S'oossaw, neeni ta waasuwaa sisa;
\q2 ta woosaa hayzza.
\q1
\v 2 Ta wozanay hidootaa k'ans's'o wode,
\q2 Taani biittaa gas'aappe neena s'eesay.
\q1 Taappe d'ok'k'iyaa zaallaakko, taana kaaletsa.
\q1
\v 3 Ayaw gooppe, neeni taw geessuwaanne
\q2 taani ta morkkatuwaappe naagettiyaa gimbbiyaa dirssaa.
\b
\q1
\v 4 Taani ne dunkkaaniyaan med'inaw de'arikkitaa!
\q2 taani ne k'efiyaa hap'aa giddon saro attarikkitaa!
\q1
\v 5 Abeet S'oossaw, neeni ta k'anggetsaa sisaadda.
\q2 Ne suntsaa yayyiyaawanttu
\q2 laattiyaa laataa tawukka immaadda.
\b
\q1
\v 6 Kaatiyaa laytsaa adussa;
\q2 I yeletaappe yeletaa gakkanaw de'o.
\q1
\v 7 I S'oossaa sintsan med'inaw kaateto;
\q2 aggena ne siik'uwaaninne ne tumatetsan Aa naaga.
\b
\q1
\v 8 Yaatiyaawaa gidooppe, taani
\q2 ta k'anggetsaa gallassan gallassan gatsaadde,
\q2 ne suntsaa ubbaa gede sabbana.
\c 62
\s Hidootay S'oossaa Bolla S'alalan
\d Daawite Zammaaretuwaa Kaappuwaa Juddutoo Yes's'eedda Mazimuriyaa.
\r (1 Od. 25:3)
\q1
\v 1 S'oossaa s'alalan taani shemppuwaa demmaad;
\q2 ta atotetsay aappe yee.
\q1
\v 2 Aa s'alalay ta zaallaanne ta atotetsaa;
\q2 I taani k'osetta attiyaa sa'aa gidiyaa diraw,
\q2 ayinne hirggikke.
\b
\q1
\v 3 Woddiyaa godaanne k'aas's'iyaa dirssaa malatiyaa asaa wod'anaw,
\q2 hintte awude gakkanaw denddiitee?
\q1
\v 4 Unttunttu Aa bonchcho sa'aappe
\q2 Aa wotsanawaa s'alala koyiino;
\q2 unttunttu wordduwaan nashettiino.
\q2 Barenttu doonaan anjjiino;
\q2 shin barenttu wozanaan shek'iino.
\b
\q1
\v 5 Ta shemppatta S'oossaa s'alalan shemppuwaa demmaaddu;
\q2 taani hidootan naagiyaawe aappe yee.
\q1
\v 6 Aa s'alalay ta zaallaanne ta atotetsaa;
\q2 I taani k'osetta attiyaa sa'aa gidiyaa diraw,
\q2 ayinne hirggikke.
\q1
\v 7 Ta atotetsaynne ta bonchchuu S'oossaanna;
\q2 I ta mino zaallaanne ta geessuwaa.
\b
\q1
\v 8 Asaw, ubbaa wode S'oossan ammanettite;
\q2 I nuw geessuwaa gidiyaa diraw,
\q2 hintte wozanaa k'ofaa aw odite.
\b
\q1
\v 9 Asay ubbay itti gede shemppiyaa c'arkkuwaa mala;
\q2 d'ok'k'ina zik'k'ina, Asay mela.
\q1 Miizaaniyaan wotsinakka unttunttu ayinne dees'ikkino;
\q2 unttunttu itti gede shemppiyaa c'arkkuwaappekka kawushiino.
\q1
\v 10 Makkalan shiishshowaan ammanettoppite;
\q2 wuu'i shiishshiide durettanaw halchchoppite.
\q1 Hintte duretetsay darooppekka,
\q2 hintte wozanaa Aa bolla wotsoppite.
\q1
\v 11 S'oossay itti gede odeedda, taani
\q2 laa"u yewuwaa sisaad; «Wolk'k'ay S'oossaassa.
\q1
\v 12 Aggena siik'uu Godaawaa» yaageedda.\x - \xo 62:12 \xo*\xt Yob. 34:11; Erm. 17:10; Mat. 16:27; Rom. 2:6; Sas'. 2:23\xt*\x*
\q2 Abeet S'oossaw, neeni asaa ubbaw
\q1 Aa oosuwaadan oosuwaadan zaarana.\x - \xo 62:12 \xo*\xt 1 Sam. 23:14\xt*\x*
\c 63
\s S'oossaa Koyussaa
\d Yihudaa Bazzuwaan de'iyaa wode Daawita mazamuriyaa
\q1
\v 1 Abeet S'oossaw, neeni ta S'oossaa;
\q2 ta wozanay neena laamotee;
\q2 ta ashuukka neena amottee.
\q1 Meli za"eedda, haatsi bayinna biittaadan
\q2 ta kumentsaa asatetsay neena saamettee.
\q1
\v 2 Taani neena geeshsha sa'aan be'aad;
\q2 ne wolk'k'aakka ne bonchchuwaakka taani be"aad.
\q1
\v 3 Aggena ne siik'uu de'uwaappe lo"iyaa diraw,
\q2 ta ins's'arssay neena bonchchana.
\q1
\v 4 Ta de'uwaa laytsan taani neena galatana;
\q2 ne suntsan ta kushiyaa pude mic'c'ana.
\q1
\v 5 Asay lo"o k'umaa kalliyaawaadan,
\q2 ta shemppatta neenan kallana.
\q1 Taani ta ins's'arssan nashshechchaa yetsan neena galatana.
\b
\q1
\v 6 Taani ta gisuwaan neena hassayay;
\q2 k'ammaa ubbaan nebaa k'oppay;
\q1
\v 7 ayaw gooppe, neeni taana maadeeddawaa.
\q2 Taani ne k'efiyaa kuwaan uttaade, nashshechchaw yes's'ay.
\q1
\v 8 Taani ne mata shiik'a uttay;
\q2 ne ushechcha kushii taana oyk'k'iide naagee.
\b
\q1
\v 9 Shin taana wod'ana koyiyaawanttu,
\q2 biittaa garssa c'iimmo sa'aan moogettana.
\q1
\v 10 Unttunttu mashshaw aad'd'iide imettana;
\q2 unttunttu babark'k'iyaa kaate gidana.
\q1
\v 11 Shin kaatii S'oossan nashettana.
\q2 S'oossaa suntsan c'aak'k'iyaa ubbay Aa galatana;
\q2 shin wordduwaa haasayiyaawanttu doonay gorddettana.
\c 64
\s Naaganaadan Shiik'o Woosaa
\d Zammaaretuwaa Kaappoo Yes'etteedda, Daawita mazamuriyaa
\q1
\v 1 Abeet S'oossaw, taani maganniyaa maganaa neeni sisa.
\q2 Taani ta morkketoo yayaad; taana ashsha.
\q1
\v 2 Iitatuwaa mak'k'uwaappenne,
\q2 iitaa ootsiyaawanttu shiik'uwaappe taana gentsaa.
\q1
\v 3 Unttunttu barenttu ins's'arssaa mashshaadan leefeeddino;
\q2 k'ay marzze k'aalatuwaa,
\q2 wonddaafiyaa pootsaadan dukkanaw giigisseeddino.
\q1
\v 4 Unttunttu k'osettiide,
\q2 barenttu wonddaafiyaa s'illo asaa bolla dafiino;
\q2 akeekay bayinnan dukkiino; unttunttu yayyikkino.
\q1
\v 5 Unttunttu barenttu iita mak'k'oo ittuu ittuwaa mintsetsiino;
\q2 barenttu p'iriyaa k'osiyaasaa zorettiino.
\q1 Unttunttu, «nuuna ooni be'anee?» yaagiino.
\q1
\v 6 Unttunttu iitabaa mak'ettiidde,
\q2 «Nuuni lo"o mak'k'uwaa mak'etteeddo» yaagiino.
\q1 Hewenne, asaw wozanaynne kahay c'iimma gidiyaawaa bessee.
\b
\q1
\v 7 Shin S'oossay unttuntta bare wonddaafiyaan dukkana;
\q2 unttunttu akeekenan madus's'ana.
\q1
\v 8 Unttunttu mak'k'uwaa diraw,
\q2 I unttuntta d'ayissana;
\q2 unttuntta be'iyaa ubbay huup'iyaa k'aatsana.
\q1
\v 9 He wode Asay ubbay S'oossaw yayana;
\q2 Aa oosuwaabaa odananne zaari zaariide k'oppana.
\q1
\v 10 S'illotuu Med'inaa Godaan nashetinonne,
\q2 aakko bak'atiide attiino;
\q2 wozanaa suuretuu ubbay galatino.
\c 65
\s Galataa Mazimuriyaa
\d Zammaaretuwaa Kaappoo Yes'etteedda, Daawita mazamuriyaa, Sabaa
\q1
\v 1 Abeet S'oossaw, S'iyoonen new galatay bessee;
\q2 nuuni new shiik'etteeddawaakka gatsana.
\q1
\v 2 Abeet woosaa sisiyaawoo,
\q2 asay ubbay neekko yaana.
\q1
\v 3 Nu nagaray nuuna muukkeedda wode,
\q2 ne nuw atotetsaa immaadda.
\q1
\v 4 Neeni dooreeddanne ne chilootan uttanaw
\q2 mataa shiishshiyaa Asay anjjetteeddawaa.
\q1 Nuuni ne son, Geeshsha Dunkkaaniyaan
\q2 de'iyaa lo"oban kumeeddo.
\b
\q1
\v 5 Abeet nuuna ashshiyaa S'oossaw,
\q2 maalalissiyaa ne s'illo oosuwaan neeni nuw allaasa.
\q1 Sa'aa gas'aappe gas'aa gakkanaw,
\q2 haakko abbatuwaappekka hefintsan de'iyaa asaa ubbaw,
\q2 ammanettiyaawe neena.
\q1
\v 6 Neeni neena wolk'k'aa danc'c'isaade;
\q2 wolk'k'aama deretuwaa ne minotetsan essaadda.
\q1
\v 7 Neeni abbaa kooshshaanne,
\q2 beetaa guntsaa sirp'p'i ootsaasa;
\q2 k'ay Asay denddiyaa dendduwaa irs's'issaasa.
\q1
\v 8 Hewaadan neeni ootseedda malaataa diraw,
\q2 sa'aa gas'aa gakkanaw de'iyaa Asay ubbay new, «Hoola!» gee.
\q1 Away mokkiyaasaappe wulliyaasaa gakkanaw de'iyaa asaa ubbaa nashechchaadda.
\b
\q1
\v 9 Neeni biittaa naagaade iraa bukissaasa;
\q2 yaataade daro tu'eyaasa.
\q1 Asaw katsay mokkana mala,
\q2 S'oossaa pulttotuu haatsaan kumeeddino;
\q2 hewaadan ootsaade neeni giigissaadda.
\q1
\v 10 Kaachaa wod'ana malanne guulluwaa shugissana mala,
\q2 neeni yafaran haatsaa kuntsaassa;
\q2 katsay mokkana mala anjjaasa.
\q1
\v 11 Laytsaa kalo laytsaa ootsaasa;
\q2 neeni aad'd'iyaa sa'ay ubbay kumi palahee.
\q1
\v 12 Neeni hentsaa sa'aa maatan kuntsaassa;
\q2 zoozetuwaakka nashshechchaa danc'c'isaasa.
\q1
\v 13 Neeni hentsaa gadiyaa dorssaa wudiyaa mayzzaasa;
\q2 zanggaaraa biittaakka katsaa kuntsaa.
\q1 Unttunttu nashshechchaw hombboc'iinonne yes's'iino.
\c 66
\s Ittipetetsaa Galataa
\d Zammaaretuwaa Kaappoo Yes'etteedda Sabaa, mazamuriyaa
\q1
\v 1 Sa'aan asaa ubbaw, hintte k'aalaa d'ok'k'issiide,
\q2 nashshechchan S'oossaa galatite.
\q1
\v 2 «S'oossaa suntsay bonchchetto!» giide yes's'ite;
\q2 bonchcho galataa aw immite.
\q1
\v 3 S'oossaw hawaadan yaagite;
\q2 «Ne oosotuu waan malalissiyaawanttee!
\q1 Ne wolk'k'ay dareedda diraw,
\q2 ne morkketuu yashshaw ne sintsan kokkoriino.
\q1
\v 4 Sa'aan de'iyaa ubbatuu new goyinniino;
\q2 neena sabbiino;
\q2 ne suntsaw galataa yes's'iino» yaagite.
\b
\q1
\v 5 Haayite; S'oossay ootseeddawaa be'ite;
\q2 I asaa giddon maalalissiyaa oosuwaa ootseedda.
\q1
\v 6 I abbaa haatsaa shaakeedda;\x - \xo 66:6 \xo*\xt Kes. 14:21; Iya. 3:14-17\xt*\x*
\q2 k'ay beni nu aawotuu yorddaanoosa shaafaa,
\q2 barenttu gediyaan hamettiide, mela biittaan pinneeddino.
\q2 Hewan I ootseeddabaan nuuni nashetteeddo.
\q1
\v 7 I bare wolk'k'an med'inaw mooddee.
\q2 Kawutetsatuwaa bare ayifiyaan s'eellee;
\q2 hewaa diraw, makkaliyaawanttu Aa bolla denddoppino.
\q1
\v 8 Asatoo, nu S'oossaa galatite;
\q2 hintte Aa galatiyaa galatay sisetto.
\q1
\v 9 I nuuna pas'a wotseedda;
\q2 nuuni kunddennaadan naageedda.
\q1
\v 10 Abeet S'oossaw, neeni nuuna paac'c'aadda;
\q2 biraa geeshshanaw taman paac'iyaawaadan,
\q2 nuuna geeshshaadda.
\q1
\v 11 Neeni nuuna p'iriyaan gelissaadda.
\q2 Nu zokkuwaankka dees'obaa toossaadda.
\q1
\v 12 Morkketuu nu huup'iyaan togganaadan ootsaadda.
\q2 Nuuni haatsaa gidduwaananne tamaa gidduwaana aad'd'eedo;
\q2 shin ha"i nuuna ishaliyaa sa'aa ahaadda.
\q1
\v 13 Taani s'uuggiyaa yarshshuwaanna ne golliyaa gelaade,
\q2 ta k'anggiyaa new gatsana.
\q1
\v 14 Taani metooteedda wode,
\q2 ta doonaan shiik'etteedda k'anggiyaa,
\q2 ta ins's'arssaappe keseeddawaa, taani gatsana.
\q1
\v 15 Taani new s'uuggiide yarshshiyaa,
\q2 dorssaa orggetuwaa shiishshana.
\q1 Koruma booratuwaanne deeshsha orggetuwaa new yarshshana;
\q2 he yarshshotuwaa c'uway saluwaa gakkana.
\q1
\v 16 Hinttenoo, S'oossaw yayyiyaawanttoo,
\q2 ubbatuu haa yiide, sisite.
\q1 S'oossay taw ootseeddawaa taani hinttew odana.
\q1
\v 17 Ta k'aalaa d'ok'k'u ootsaade taani S'oossaa woossaad;
\q2 ta ins's'arssan aw galataa shiishshaad.
\q1
\v 18 Taani ta wozanaan nagaraa gentseeddentto,
\q2 Goday taana sisenna.
\q1
\v 19 Shin S'oossay tumuwaappe taana siseedda;
\q2 ta woosaakka hayzzeedda.
\q1
\v 20 S'oossay ta woosaa is's'ibeenna diraw,
\q2 k'ay aggena bare siik'uwaa taw diggibeenna diraw, galateetto.
\c 67
\s Galataa Mazimuriyaa
\d Zammaaretuwaa Kaappoo Yes'etteedda, Diitsaan Waas'eteedda Mazimuriyaa, sabaa
\q1
\v 1 S'oossay nuw k'arettonne nuuna anjjo;
\q2 bare som"iyaa nu bollan poo'isso.
\q1
\v 2 Ne ogetuu ha sa'aa bollan,
\q2 ne ashshiyaa wolk'k'aykka,
\q2 kawutetsatuwaa ubbaa gidduwaan erettino.
\q1
\v 3 Abeet S'oossaw, Asay neena galato;
\q2 asay ubbay neena galato.
\b
\q1
\v 4 Kawutetsatuu ubbay, «Hashshu!» giide,
\q2 nashshechchaw yiino.
\q1 Ayaw gooppe, neeni asaa s'illotetsan pirddaasa;
\q2 k'ay sa'aan de'iyaa kawutetsatuwaa kaaletsaasa.
\b
\q1
\v 5 Abeet S'oossaw, Asay neena galato;
\q2 asay ubbay neena galato.
\b
\q1
\v 6 Biittay katsaa mokkeedda;
\q2 S'oossay, nu S'oossay nuuna anjjeedda.
\q1
\v 7 S'oossay nuuna anjjeedda.
\q2 Sa'aa gas'aa gakkanaw de'iyaa Asay ubbay aw yayyo.
\c 68
\s S'oonuwaa Mazimuriyaa
\d Zammaaretuwaa Kaappoo Yes'etteedda, Daawite s'aafeedda mazamuriyaa, yetsaa
\q1
\v 1 S'oossay denddo; Aa morkketuu laalettino.
\q2 Aa is's'iyaawanttu Aa sintsaappe bak'attino.
\q1
\v 2 C'uway c'arkkuwaan punettiyaawaadan,
\q2 neeni unttuntta punna d'ayssa.
\q1 Muk'aadday taman muushiyaawaadan,
\q2 iitatuu S'oossaa sintsappe d'ayino.
\q1
\v 3 Shin s'illotuu hashshu giino;
\q2 S'oossaa sintsan nashetino;
\q2 nashshechchan ililino.
\b
\q1
\v 4 S'oossaw yes's'ite; Aa suntsaa sabbite.
\q2 Shaariyaa bollan gaalifiyaawaa d'ok'k'u d'ok'k'u ootsite kessite;
\q1 Aa suntsay Med'inaa Godaa;
\q2 Aa sintsan nashettite.
\b
\q1
\v 5 S'oossay bare de'iyaa geeshsha sa'aan,
\q2 aawuu bayinna naanaatoo aawuwaa;
\q2 k'ay asinay hayk'k'eedda mac'c'a asatoo daana.
\q1
\v 6 S'oossay barekka de'iyaawanttoo golle asaa immee.
\q2 K'asho golliyaan de'iyaawantta biliide,
\q2 unttuntta ishaluwaan wotsee.
\q2 Shin makkalanchchatuu meleedda biittan de'iino.
\b
\q1
\v 7 Abeet S'oossaw, neeni ne asaa kaaletseedda wode,
\q2 neeni unttunttunna mela bazzuwaa beedda wode,
\q1
\v 8 Siina Deriyan k'onc'c'eedda S'oossaa sintsan,
\q2 Israa'eeliyaa S'oossaa sintsan biittay k'aas's'eedda;
\q2 salotuu iraa duge tigeeddino.\x - \xo 68:8 \xo*\xt Kes. 19:18\xt*\x*
\q1
\v 9 Abeet S'oossaw, neeni iraa darissaade bukissaadda;
\q2 mela biittaa zaaraadde ooratsaadda.
\q1
\v 10 Ne asaykka yaan utteedda.
\q2 Abeet S'oossaw, ne keekkatetsan,
\q2 hiyyeesatoo koshshiyaabaa giigissaade immaadda.
\q1
\v 11 Goday kiitaa kiitteedda;
\q2 he kiitaa afeeda mac'c'a asatuu dara.
\q1
\v 12 Unttunttu, «Morkke kaatetuunne
\q2 unttunttu tooranchchatuu guyye bak'ateeddino;
\q2 son atteeda mac'c'a asatuu omooduwaa shaakketteeddino.
\q1
\v 13 Unttunttu, P'ooliyaa work'k'aa k'efiyaana de'iyaa,
\q2 biraappe med'etteedda harap'p'iyaa misiliyaa,
\q2 omooduwaa demmoode, hinttenttu,
\q2 dorssaa sikuwaa giddon ayaw giseedditee?» yaageeddino.
\q1
\v 14 Ubbaa Danddayiyaa S'oossay,
\q2 kaatetuwaa laaleedda wode,
\q1 S'almmoona asaa bolla shachchaa bukisseedda.
\q1
\v 15 Baasaane deretuu wogga wolk'k'aama deretuwaa;
\q2 baasaane deretuu daro s'eeratuu de'iyaawantta.
\q1
\v 16 Daro s'eeratuu de'iyaa deretoo,
\q2 S'oossay baressa ootsanaw dooreedda asaa,
\q2 hintte ayaw k'anaatiide s'eelliitee?
\q2 Med'inaa Goday aan med'inaw de'anawaa.
\q1
\v 17 S'oossaa olaa paraa gaaretuu
\q2 tammu sha"aaninne sha"u gede sha"an paydetiyaawantta;
\q2 Goday Siinaa deriyaappe bare geeshsha sa'aa yeedda.
\q1
\v 18 Omoodetteedda darotuwaa akkiide,
\q2 I pude d'ok'k'aa keseedda.\x - \xo 68:18 \xo*\xt Efe. 4:8\xt*\x*
\q1 Asaappe, haray atto makkalanchcha asaappekka imuwaa akkeedda.
\q2 Med'etaa Ubbaa Goday yaan de'ana.
\q1
\v 19 Gallassaan gallassaan nu tookuwaa tookkiyaa Goday,
\q2 nuuna ashiyaa S'oossay galatetto.
\q1
\v 20 Ee, nu S'oossay nuuna ashshiyaa S'oossaattee!
\q2 Hayk'k'uwaappe attiyaawe,
\q1 Ubbaa Mooddiyaa Med'inaa Goday ashshinada.
\q1
\v 21 S'oossay tumuwaappe bare morkkatuwaa,
\q2 guuggiyaa kinchchana;
\q2 nagaraa ogiyaan hamettiyaa,
\q2 goofaranchchatuwaa huup'iyaa p'alk'k'ana.
\q1
\v 22 Goday yaageedda; «Taani hintte morkkatuwaa,
\q2 Baasaaneppe zaaraadde ahana;
\q2 taani unttuntta c'iimmo abbaa giddoppe kessaade guyye ahana.
\q1
\v 23 Hewenne, neeni ne morkkatuwaa,
\q2 suutsaa gidduwaana c'olbbaya yed'd'aade hamettanaassanne;
\q2 ne kanatuukka morkkiyaa suutsaappe,
\q2 barenttu gishuwaa ins's'arssan laac'c'anaassa» yaageedda.
\q1
\v 24 Abeet S'oossaw, ne salppii,
\q2 ta S'oossaa ta kaatiyaa salppii,
\q2 Geeshsha Golliyaa geliyaa wode ubbaw beettee.
\q1
\v 25 Yes's'iyaawanttu sintsaana; diis's'iyaawanttu guyyenna;
\q2 k'ay karabuwaa bak'k'iyaa wodorotuu gidduwaana.
\q1
\v 26 Unttunttu, «S'oossaa kuntseedda shiik'uwaan galatite;
\q2 hinttenoo, Israa'eeliyaa zeretsatoo,
\q1 Med'inaa Godaa galatite» yaagiino.
\q1
\v 27 He salppiyaan ubbaappe teefatiyaa,
\q2 Biiniyaama zaratuu koyiro beettiino.
\q1 Kaalliide Yihudaa kaappatuu barenttu c'itaana de'iino;
\q2 wurssetsan Zaabiloona Kaappatuunne Nifttaaleema kaappatuu beettiino.
\q1
\v 28 Abeet S'oossaw, ne wolk'k'aa k'onc'c'issa.
\q2 Abeet nuw ootseedda S'oossaw,
\q2 ne minotetsaa bessa.
\q1
\v 29 Hewaa diraw, Yerusaalamen de'iyaa
\q2 ne Geeshsha Golliyaa kaatetuu yiide,
\q2 new imotaa immana.
\q1
\v 30 Do'aadan mak'k'aa giddon de'iyaa Gibs'e asatuwaa neeni seera.
\q2 Booratuwaanne maratuwaa wudiyaa,
\q2 malatiyaa kawutetsatuwaa neeni yederssa.
\q2 Unttunttu gulbbatiide, barenttu biraa new immana gakkanaw,
\q2 neeni unttuntta seera.
\q2 Olettanaw yeemottiyaa asatuwaa laala.
\q1
\v 31 Kiitetteedda kaappatuu Gibs'eppe yaana;
\q2 Top'p'ata bare kushiyaa elle S'oossaakko mic'c'ana.
\q1
\v 32 Hinttenoo, sa'aa kawutetsatoo,
\q2 S'oossaw yes's'ite;
\q1
\v 33 salotuwaan, benippe de'iyaa salotuwaan biyaa Godaa sabbite.
\q2 Sisite! I bare kooshshaa,
\q2 bare wolk'k'aama guntsaa kiittee.
\q1
\v 34 S'oossaa wolk'k'aabaa awaayite;
\q2 Aa anggay Israa'eeliyaa bollaanna;
\q1 Aa wolk'k'aykka saluwaana.
\q1
\v 35 S'oossay bare Geeshsha Golliyaappe k'onc'c'oode, Maalalisee.
\q2 Israa'eeliyaa S'oossay bare asaw minotetsaanne wolk'k'aa immee.
\q1 Med'inaa Goday galatetto.
\c 69
\s Maaduwaa Demanaw Shiik'o Woosaa
\d Zammaaretuwaa Kaappoo, C'iishshaa Waatsaa Giyaa Waas's'uwaan Yes'eteedda Daawita Mazimuriyaa
\q1
\v 1 Abeet S'oossaw, taana ashsha;
\q2 ayaw gooppe, haatsay taw k'ood'iyaa gakkeedda.
\q1
\v 2 Gedii ek'k'iyaa sa'ay bayinna c'ariyaan muukettaad;
\q2 c'iimmo haatsaa giddo gelaad;
\q2 haatsaa zuluu ta bolla baana hanee.
\q1
\v 3 Maadoo waassaade daaburay;
\q2 ta kottoniikka meleedda.
\q1 Ta S'oossay allee gaade s'eellishin,
\q2 ta ayifii galjjeedda.
\b
\q1
\v 4 Taana c'oo is's'iyaawanttu,
\q2 ta huup'iyaa binnaanaappe dara.\x - \xo 69:4 \xo*\xt Maz. 35:19; Yoh. 15:25\xt*\x*
\q1 Wordduwaan taana morkkiyaawanttunne,
\q2 d'ayissanaw koyiyaawanttu dareeddino.
\q1 Taani wolk'k'antsa akkabeena miishshaa taana c'iggisiino.
\q1
\v 5 Abeet S'oossaw, ta bayzzuwaa eeyyatetsaa neeni eraasa;
\q2 taani ootseedda nagaray neeppe k'osettenna.
\q1
\v 6 Abeet Godaw, Ubbaappe Wolk'k'aama Med'inaa Godaw,
\q2 neena hidootan naagiyaawanttu,
\q2 ta gaasuwaan yeellatoppino.
\q2 Abeet Israa'eeliyaa S'oossaw, neekko shiik'iyaawanttu
\q2 ta gaasuwaan kawushoppino.
\q1
\v 7 Taani boriyaa danddayeeddawenne
\q2 ta som"ii yeellaa mayyeeddawe ne diraassa.
\q1
\v 8 Taani ta ishatoo imatsaa,
\q2 k'ay ta aatti naanaatoo allaga gidaaddi.
\b
\q1
\v 9 Taani ne golliyaw seelettiyaa seelay,
\q2 taana tamaadan guuddee;\x - \xo 69:9 \xo*\xt Yoh. 2:17; Rom. 15:3\xt*\x*
\q2 neena boriyaawanttu borii ta bolla wod'd'eedda.
\q1
\v 10 Taani s'oomaade, ta huup'iyaa kawushsheeddawe,
\q2 taw k'iliic'uwaa gideedda.
\q1
\v 11 Taani kayyuwaa mayuwaa mayyeedda wode,
\q2 unttunttoo tossaw gidaaddi.
\q1
\v 12 Katamaa Penggiyaan uttiyaawanttu taana k'iliic'iino;
\q2 matsottiyaawanttu tabaa yetsaa kessiino.
\q1
\v 13 Shin abeet Med'inaa Godaw, taana gidooppe,
\q2 taani neena woossay.
\q1 Abeet S'oossaw, ne dosiyaa wodiyaan,
\q2 aggena ne siik'uwaa daruwaan,
\q2 neeni ashana geeddawaadan taw zaaruwaa imma.
\q1
\v 14 C'ariyaan muukettenaadan taana ashsha.
\q2 Taana is's'iyaawanttuppe,
\q2 c'iimmo haatsatuwaappe neeni kessa akka.
\q1
\v 15 Haatsaa di"uwaan taana afissoppa;
\q2 woy c'iimmo olaan taana mitissoppa;
\q2 woy duufuwaa doonaa ta bolla gorddisoppa.
\q1
\v 16 Abeet Med'inaa Godaw, aggena ne siik'uwaa keekkatetsaadan,
\q2 taw zaaruwaa imma.
\q1 Ne k'aretaa daruwaadan taakko simma.
\q1
\v 17 Taappe ne k'oomaappe ne som"uwaa gentsoppa;
\q2 taani waayettiyaa diraw, taw elle zaaruwaa imma.
\q1
\v 18 Neeni taakko shiik'a; taana woza;
\q2 ta morkkatuwaappe taana la"a kesa.
\q1
\v 19 Taani boriyaa, yeellaanne,
\q2 kawushshaa akkeeddawaa neeni eraasa.
\q1 Ayaw gooppe, ta morkkatuwaa ubbaa neeni be'aasa.
\q1
\v 20 Borii ta wozanaa pas'ennaadan mentso diraw;
\q2 hidoota k'ans's'aad.
\q1 Taw k'arettiyaawaa koyaad.
\q2 Shin ittuunne baawa;
\q2 taana mintsetsiyaa asaa s'eellaad; shin demmabeykke.
\q1
\v 21 Taani koshateedda wode,
\q2 taw c'ammiyaa k'umaa aatseeddino.\x - \xo 69:21 \xo*\xt Mat. 27:48; Mar. 15:36; Luk'. 23:36; Yoh. 19:28-29\xt*\x*
\q1 Taani saametteedda wode,
\q2 taw c'aala woyniyaa eessaa immeeddino.
\q1
\v 22 Unttunttu miyaa samppay unttunttoo p'ire gido.\x - \xo 69:22-23 \xo*\xt Rom. 11:9-10\xt*\x*
\q2 Unttunttu yarshshuwaa yarshshiidde,
\q2 miyaa gibiray unttunttoo gitiyaa gido.
\q1
\v 23 S'eellennaadan unttunttu ayifii goozetto;
\q2 unttunttu gaaduwaa ubbaa gede kokkorssa.
\q1
\v 24 Ne hank'k'uwaa unttunttu bolla tiga;
\q2 ne suulo hank'k'uu unttuntta yederssiide oyk'k'o.
\q1
\v 25 Unttunttu kambbuu mela de'o;\x - \xo 69:25 \xo*\xt Kit. 1:20\xt*\x*
\q2 unttunttu dunkkaaniyaan ooninne de'oppo.
\q1
\v 26 Ayaw gooppe, unttunttu,
\q2 neeni mureeddawantta yederssiino;
\q2 k'ay neeni dechcheeddawanttu tuggaabaa
\q2 dentsiide haasayiino.
\q1
\v 27 Neeni unttunttu nagaraa bolla
\q2 nagaraa gujjanaadan agga;
\q2 ne maarotetsaappe unttuntta ayaynne gakkoppo.
\q1
\v 28 Unttunttu de'uwaa mas'aafaappe k'uc'ettino;\x - \xo 69:28 \xo*\xt Kes. 32:32; Sas'. 3:5; 13:8; 17:8\xt*\x*
\q2 s'illo asaana mazggabettoppino.
\q1
\v 29 Taani sakettaadenne tuggataade de'ay.
\q2 Abeet S'oossaw, taana ashshaade,
\q2 saro sa'aan wotsa.
\q1
\v 30 Taani S'oossaa suntsaa yetsan galatana;
\q2 galataa imuwaan Aa darssana.
\q1
\v 31 Hewekka, booraa yarshshiyaawaappe
\q2 woy kac'aama korumaa yarshshiyaawaappe
\q2 aad'd'iide, Med'inaa Godaa nashshechchana.
\q1
\v 32 Naak'etteeddawanttu taana S'oossay,
\q2 ashsheedawaa be'iide nashetino.
\q1 Hinttenoo S'oossaakko shiik'iyaawanttoo,
\q2 hintte wozanay minetto.
\q1
\v 33 Ayaw gooppe, Med'inaa Goday hiyyeesatuwaa sisee;
\q2 k'asho golliyaan de'iyaa bare asaakka kad'enna.
\q1
\v 34 Saluunne sa'ay, k'ay abbayinne
\q2 Aa giddon wos's'i k'aas's'iyaa ubbatuu S'oossaa galatino.
\q1
\v 35 Ayaw gooppe, S'oossay S'iyoone ashshana;
\q2 Yihudaa katamatuwaa zaariide kees's'ana.
\q1 Aa Asay yaan de'ananne he biittay unttunttussa gidanawaa.
\q1
\v 36 Aa k'oomatuwaa naanatuu he biittaa laattana;
\q2 Aa suntsaa siik'iyaawanttu yaan de'ana.
\c 70
\s Un"aa Waasuwaa
\d Zammaaretuwaa Kaappoo Daawita hassayissiyaawaa mazamuriyaa.
\r (40:13-17)
\q1
\v 1 Abeet S'oossaw, taana ashshanaw eeno ga;
\q2 abeet Med'inaa Godaw, taana maaddanaw elleella.
\q1
\v 2 Taana wod'anaw koyiyaawanttu
\q2 yeellatinonne kawushino.
\q1 Taani k'ohettannawaa amottiyaawanttu,
\q2 kawushiide guyye simmino.
\q1
\v 3 Ta bolla, «Aw hashshu! Hashshu!»
\q2 geeddawanttu s'oonetteedda diraw yeellatino.
\b
\q1
\v 4 Shin neena koyiyaa ubbatuu,
\q2 neenan nashetinonne hashshu giino.
\q1 K'ay ne atotetsaa dosiyaawanttu ubbatuu,
\q2 «S'oossay gitato!» yaagino.
\b
\q1
\v 5 Taani hiyyeessanne metootanchchaa;
\q2 abeet S'oossaw, elle taakko haaya.
\q1 Taana maaddiyaawenne ashshiyaawe neena;
\q2 abeet Med'inaa Godaw, gam"oppa.
\c 71
\s S'oossaa Maaduwaa Demanaw Shiik'o Woosaa
\q1
\v 1 Abeet Med'inaa Godaw, taani neekko bak'atay;
\q2 awudenne taana yeellayoppa.
\q1
\v 2 Ne s'illotetsaan taana wotsa akka;
\q2 ne haytsaa taakko yeggaade, taana ashsha.
\q1
\v 3 Neeni taw ubbaa wode geemmiyaa mino zaallaanne,
\q2 taana ashshiyaa mino geessuwaa gida.
\q1 Ta attana mala ne azaza.
\q2 Ee, neeni ta zaallaanne ta geessuwaa.
\b
\q1
\v 4 Abeet ta S'oossaw, iitatuwaa kushiyaappe,
\q2 Iitaa ootsiyaawanttuppenne
\q2 k'areti bayinna asatuwaa wolk'k'aappe taana ashsha.
\q1
\v 5 Ayaw gooppe, abeet Ubbaa Mooddiyaa Med'inaa Godaw,
\q2 neeni taani hidootan naagiyaawaanne
\q2 ta yalagatetsaa wodiyaappe doommaade,
\q2 taani ammanettiyaawaa gidaadda.
\q1
\v 6 Taani yelettiyaa wodiyaappe doommaade neenan zemppaad;
\q2 ta aatti uluwaappe wod'd'oodeppe doommaade,
\q2 neeni taana naagaadda.
\q2 Ubbaa gedekka ta galatay neessa.
\b
\q1
\v 7 Neeni taw bak'ata attiyaa wolk'k'aama sa'aa gideedda diraw,
\q2 ta de'uu daro asaw leemiso gideedda.
\q1
\v 8 Gallassaa ubbaan ta doonay,
\q2 ne galataaninne ne bonchchuwaan kumeedda.
\q1
\v 9 Taani c'imeedda wodiyaan taana oloppa;
\q2 ta wolk'k'ay is's'eedda wodiyaan taana aggoppa.
\q1
\v 10 Ayaw gooppe, ta morkketuu ta bolla haasayiino,
\q2 Taana wod'anaw koyiyaawanttu
\q2 ittippe shiik'iide mak'ettiino.
\q1
\v 11 Unttunttu, «S'oossay Aa aggeedda;
\q2 yederssiide Aa oyk'k'eetto.
\q1 Ayaw gooppe, Aa ashshanawe ooninne baawa» yaagiino.
\q1
\v 12 Abeet S'oossaw, taappe neeni haakkoppa.
\q1 Abeet ta S'oossaw, taana maaddanaw elleella.
\q1
\v 13 Taana mootiyaawanttu yeellatiide d'ayino.
\q2 Taana k'ohanaw koyiyaawanttu,
\q2 yeellaanne kawushshaa mayino.
\q1
\v 14 Shin taana gidooppe,
\q2 ubbaa gede neena hidootan naagana.
\q1 Taani gujja gujjaade neena galatana.
\q1
\v 15 Woyissentto likkiyaa erana d'ayooppekka,
\q2 ta doonay gallassaa ubbaan ne s'illotetsaabaanne
\q2 ashshiyaa ne oosuwaabaa odana.
\q1
\v 16 Taani Ubbaa Mooddiyaa Med'inaa Godaa wolk'k'an yaana;
\q2 ne s'alalay s'illo gidiyaawaa awaayana.
\q1
\v 17 Abeet S'oossaw, neeni,
\q2 ta yalagatetsaappe doommaade taana tamaarissaadda.
\q1 Ha"i gakkanaw taani ne malalissiyaa oosuwaabaa oday.
\q1
\v 18 Abeet S'oossaw, ne wolk'k'aanne ne minotetsaa,
\q2 yiyaa yeletaa ubbaw odana gakkanaw,
\q2 taani c'imaade puulummooppekka taana aggoppa.
\q1
\v 19 Abeet S'oossaw, ne s'illotetsay,
\q2 bolla saluwaa gakkeedda.
\q1 Abeet wolk'k'aamabaa ootseedda S'oossaw,
\q2 ne mali ooninne baawa.
\q1
\v 20 Neeni ta bolla daro metuwaa ahaada;
\q2 gidooppenne, neeni ta de'uwaa zaaraadde ooras's'isana;
\q2 neeni taana biittaa gido c'iimmo olaa gelenaadan naagana.
\q1
\v 21 Neeni ta bonchchuwaa kasewaappe darissana;
\q2 neeni taana zaaretsaadekka mintsetsana.
\q1
\v 22 Abeet ta S'oossaw, ne tumatetsaa diraw,
\q2 taani neena diitsaan galatana.
\q1 Abeet Israa'eeliyaa geeshshaw,
\q2 taani maasink'k'uwaan neena sabbana.
\q1
\v 23 Taani diis's'aade, nashshechchaw ta k'aalaa d'ok'k'u ootsaade yes's'ana;
\q2 neeni taana ashsheeda diraw, taani neena sabbana.
\q1
\v 24 Ta ins's'arssay ne s'illo oosuwaabaa ubbaa gallassi odana;
\q2 ayaw gooppe, taana k'ohanaw koyiyaawanttu,
\q2 yeellateeddinonne kawusheeddino.
\c 72
\s Kaatiyaw Shiik'o Woosaa
\d Solomona Yetsaa
\q1
\v 1 Abeet S'oossaw, kaatii ne suuretetsan pirddanaadan,
\q2 neeni Aa tamaarissa;
\q2 nu kaatiyaw ne s'illotetsaa imma.
\q1
\v 2 Yaatooppe, I ne asaw s'illotetsan pirddo;
\q2 naak'etteeddawanttookka suuretetsaan daannato.
\q1
\v 3 Deretuu sarotetsaa ayifiyaa,
\q2 zoozetuukka s'illotetsaa ayifiyaa ne asaw ayifino.
\q1
\v 4 He kaatii asaa giddon naak'etteeddawanttu diraw mootetto;
\q2 hiyyeesatuwaa I ashsho;
\q2 uk'k'unniyaawantta I mentsereetso.
\q1
\v 5 Awaynne aginay de'iyaa wode ubbaan,
\q2 yeletaappe yeletaa gakkanaw, Asay aw yayiino.
\b
\q1
\v 6 Kaatii shoyk'an bukkiyaa iraanne
\q2 gadiyaa kalissiyaa iraa mala gido.
\q1
\v 7 I de'iyaa laytsaa ubbaan s'illuu daashana;
\q2 aginay d'ayana gakkanaw sarotetsay darana.
\b
\q1
\v 8 Abbaappe abbaa gakkanaw,
\q2 k'ay Efiraas'iisa Shaafaappe sa'aa gas'aa gakkanaw I mooddo.\x - \xo 72:8 \xo*\xt Zak. 9:10\xt*\x*
\q1
\v 9 Bazzuwaa asatuu aw hokkino;
\q2 Aa morkketuu baana laac'c'ino.
\q1
\v 10 Tarsseesanne haatsaan dooddetteedda biittaa kaatetuu,
\q2 aw giiraa giirino.
\q1 Sheebanne Saaba kaatetuu,
\q2 aw imotaa ayino.
\q1
\v 11 Kaatetu ubbay aw gulbbatino;
\q2 kawutetsatuu ubbay aw kiitettino.
\q1
\v 12 Aa s'eesiyaa hiyyeesatuwaa, naak'etteeddawanttanne
\q2 maaddiyaawe bayinnawantta I ashshee.
\q1
\v 13 Hiyyeesatoonne mank'k'otoo I k'arettee;
\q2 hiyyeesatuwaa shemppuwaa ashshee.
\q1
\v 14 Unttuntta naak'uwaappenne makkalaappe I wozee.
\q2 Unttunttu suutsay Aa sintsan al"a.
\q1
\v 15 Kaatii shemppuwaa gam"o;
\q2 Sheeba biittaa work'k'ay aw imetto.
\q1 Pac'c'ennan aw woosay woosetto;
\q2 gallassaa ubbaan I anjjetto.
\q1
\v 16 Biittan daro katsay mokko;
\q2 deretuu katsaan kamettino.
\q1 Biittay Liibaanoose derii mokkiyaawaadan katsaa mokko;
\q2 maatay dembbaa kumiyaawaadan Asay katamaa kumo.
\q1
\v 17 Kaatiyaa suntsay med'inaw de'o;
\q2 away de'eedda keeshshaa ubbaan s'eegettiidde, gam"o.
\q1 Asay ubbay Aa baggana anjjettana;
\q2 kawutetsatuu ubbay Aa, «Anjjetta» yaagiide anjjana.
\q1
\v 18 Malalissiyaabaa barekka ootsiyaa Med'inaa Godaa S'oossaw,
\q2 Israa'eeliyaa S'oossaw galatay gido.
\q1
\v 19 Aa bonchcho suntsay med'inaw galatetto;
\q2 Aa bonchchuu sa'aa ubbaa kumo.
\q1 Amen"i. Amen"i.
\q1
\v 20 Issey na'aa Daawita woosay hawaan poletteedda.
\c 73
\ms Heezzentso Mas'aafaa
\mr (73—89)
\s S'illo Pirddaa S'oonuwaa
\d Asaafa Yetsaa
\q1
\v 1 S'oossay Israa'eeliyaw tumuwaappe lo"a;
\q2 wozanaa geeshshatoo I keeka.
\q1
\v 2 Shin taana gidooppe, ta gedii,
\q2 d'ubettanaw guutsaa atteedda;
\q2 ta gedii halis's'anaw mateedda.
\q1
\v 3 Ayaw gooppe, iita asatoo sarotetsay de'iyaawaa be'aade,
\q2 he otoranchchatuwaa duretetsaan taani k'anaataad.
\b
\q1
\v 4 Unttunttoo tuggi baawa.
\q2 Unttunttu bollay pas's'anne mina.
\q1
\v 5 Unttunttu hara Asay tuggatiyaawaadan tuggatikkino;
\q2 unttunttu hara asaawaadan metuwaan shoc'ettibeykkino.
\q1
\v 6 Hewaa diraw, unttunttu otoruwaa,
\q2 alleek'k'uwaadan k'ood'iyaan aatsiino;
\q2 makkalaa afilaadan mayiino.
\q1
\v 7 Unttunttu wozanay iitabaa pulttee.
\q2 Unttunttu k'ofay iita halchchuwaa kumeedda.
\q1
\v 8 Unttunttu k'iliic'iinonne iitabaa haasayiino;
\q2 unttunttu barenttu otoruwaan,
\q2 haratuwaa un"etsanaw naassiino.
\q1
\v 9 Unttunttu saluwaan de'iyaa S'oossaa,
\q2 barenttu doonaan c'ashiino.
\q1 Sa'aan de'iyaa asaa bollakka,
\q2 barenttu ins's'arssan otoruwaa haasayiino.
\q1
\v 10 Haray atto, S'oossaa asaykka unttunttukko simmana;
\q2 unttunttu odiyaawaakka elle ammanana.
\q1
\v 11 Unttunttu, «S'oossay nubaa ayinne erenna;
\q1 Ubbaappe D'ok'k'iyaa S'oossay ayinne be'enna» yaagiino.
\q1
\v 12 Simmi iitatuu hawaa mala;
\q2 Unttunttu ubbaa gedekka injjetina de'iino;
\q2 unttunttu gujji gujji duretiino.
\q1
\v 13 Yaatooppe, taani ta wozanaa geeshsha ootseeddawenne
\q2 taani ta s'illotetsaa bessanaw,
\q2 ta kushiyaa meec'etteeddawe tumuwaappe mela.
\q1
\v 14 Gallassaa kumentsan taani metuwaan shoc'ettaad;
\q2 wonttan wonttan murettaad.
\q1
\v 15 Taani iitatuwaadan, unttunttu giyaawaa geeddentto,
\q2 taani ne asaw ammanettennawaa gidana.
\q1
\v 16 Taani ha ubbaa yewuwaa eranaw k'oppiyaa wode,
\q2 taw erettenna dees'obaa gideedda.
\q1
\v 17 Shin taani S'oossaa geeshsha sa'aa geleedda wode,
\q2 iitatuwaa wurssetsa kaac'aa akeekaad.
\q1
\v 18 Unttuntta neeni tumuwaappe halis's'iyaa sa'aan utissaasa;
\q2 neeni unttuntta kunddissaasanne bayzzaasa.
\q1
\v 19 Unttunttu akeekenan d'ayeeddino;
\q2 dagamaan ittuu attenan mule wureeddino.
\q1
\v 20 Itti Asay beegottiyaa wode,
\q2 I akumuwaan be'eeddabay dogettiyaawaadan,
\q2 abeet Godaw, neeni denddiyaa wode,
\q2 unttunttu dogetana.
\q1
\v 21 Taani yiloteedda wodenne
\q2 ta wozanaan seeletteedda wode,
\q2
\v 22 ayinne akeekenan donc'c'illaad;
\q2 taani ne sintsan miizza mala gidaaddi.
\q1
\v 23 Shin taani ubbaa gedekka neenana de'ay;
\q2 ta ushechcha kushiyaa neeni oyk'k'aadda.
\q1
\v 24 Ne zoriyaan taana kaaletsaasa;
\q2 hewaappe guyyiyaan neeni taana bonchchoo afana.
\q1
\v 25 Taw saluwaan neeppe attina,
\q2 haray ooni de'ii?
\q1 Taani neeppe attina,
\q2 sa'aan harabaa ayaanne amottikke.
\q1
\v 26 Ta wolk'k'aynne ta wozanay daaburanaw danddayee;
\q2 shin S'oossay ta wozanaa minisiyaawaanne,
\q2 med'inaw taana gakkeedda saamaa.
\q1
\v 27 Neeppe haakkiyaawanttu d'ayana;
\q2 neena amanetenawantta ubbaa neeni wurssana.
\q1
\v 28 Shin taana gidooppe,
\q2 taani S'oossaa matan de'iyaawe taw lo"a.
\q1 Taani Ubbaa Mooddiyaa Med'inaa Godaa,
\q2 taw bak'ata attiyaa sa'aa ootsaad.
\q1 Hewaa diraw, Aa oosuwaa ubbaa taani odana.
\c 74
\s Gadii La"a Kesanaadan Shiik'o Woosaa
\d Aasaafi Akeekaan S'aafeedda Timirttiyaa
\q1
\v 1 Abeet S'oossaw, neeni nuuna med'inaw ayaw aggaadii?
\q2 Ne hank'k'uu ne k'ooruwaan de'iyaa dorssatuwaa bolla,
\q2 ayaw suulleedee?
\q1
\v 2 Neeni beni dooreedda asaa, neeni
\q2 new buzo ootsaade wozeedda zaratuwaa hassaya.
\q1 Neeni de'eedda S'iyoone deriyaa k'oppa.
\q1
\v 3 Ane ne Geeshsha Gollii koleteedda sa'aa yaade s'eella.
\q2 Morkketuu aani de'iyaabaa ubbaa d'aysseeddino.
\q1
\v 4 Ne morkketuu ne Geeshsha Golliyaa giddon,
\q2 «Nuuni s'ooneeddo» yaagiide gereereeddino.
\q1 S'oonuwaa malaataa yaagiide, barenttu banddiraa esseeddino.
\q1
\v 5 Unttunttu mitsaa k'ans's'anaw barenttu kalttaa,
\q2 d'ok'k'u ootsiide, ek'k'eedda asatuwaadan haneeddino.
\q1
\v 6 Unttunttu masetteedda sank'k'aa ubbaa,
\q2 barenttu kalttaaninne madooshaaninne mentsi yeggeeddino.
\q1
\v 7 Geeshsha Golliyaa taman s'uuggiide d'ayisseeddino;
\q2 new goyinniyaa sa'aa tunisseeddino.
\q1
\v 8 Barenttu wozanaan, «Unttuntta nuuni,
\q2 ubbaanna d'ayssana» yaagiide k'oppeeddino.
\q1 Biittan Asay S'oossaw goyinniyaa sa'aa ubbaa taman s'uuggeeddino.
\b
\q1
\v 9 He wode mallay nuw imettennan is's'eedda;
\q2 timbbitiyaa odiyaawe ittuunne baawa.
\q1 Hawaadan haniide, woyissa wodiyaa de'anentto,
\q2 eriyaa Asay nu giddon ittuunne baawa.
\q1
\v 10 Abeet S'oossaw, ne morkketuu,
\q2 woyissa wodiyaa ne bolla k'iliic'anee?
\q1 Unttunttu ne suntsaa med'inaw borannee?
\q1
\v 11 Ne kushiyaa shiishsha akkaade ayaw gam"ay?
\q2 Ne ushechcha kushiyaa ne k'umayuwaappe kessaade unttuntta d'ayssa.
\q1
\v 12 Gidooppenne, abeet S'oossaw,
\q2 neeni benippekka ta kaatiyaa;
\q2 neeni biittaa bolla atotetsaa ahaada.
\q1
\v 13 Ne wolk'k'aama wolk'k'aan neeni abbaa shaakkaadda;
\q2 Aa giddon de'iyaa dawiyaa huup'iyaa neeni k'os's'aadda.
\q1
\v 14 Leewaataana giyaa dawiyaa huup'iyaa k'os's'aade,
\q2 Aa ashuwaa bazzuwaan de'iyaa med'etatoo,
\q2 k'uma ootsaade immeeddawe neena.\x - \xo 74:14 \xo*\xt Yob. 41:1; Maz. 104:26; Isa. 27:1\xt*\x*
\q1
\v 15 Neeni pulttotuwaa dooyaa yeddaadda;
\q2 ubbaa gede goggiyaa shaafatuwaa k'ay melissaadda.
\q1
\v 16 Gallassay newaa; k'ammaykka newaa;
\q2 k'ay awaanne aginaa unttunttu sa'aan wotseeddawe neena.
\q1
\v 17 Biittaw zawaa wotseeddawe,
\q2 balgguwaanne boniyaa med'eeddawe neena.
\q1
\v 18 Shin abeet Med'inaa Godaw, ne morkketuu,
\q2 neena wooti k'iliic'eeddinontto,
\q2 booza asatuu ne suntsaa wooti boreeddinontto hassaya.
\q1
\v 19 New moodettiyaawanttu shemppuwaa
\q2 iita morkketoo aatsaade immoppa.
\q1 Metootanchchatuwaa med'inaw dogoppa.
\q1
\v 20 Nu biittan de'iyaa d'uma sa'ay ubbay,
\q2 makkalanchchatuwaan kumeedda diraw,
\q2 neeni nuw c'aak'k'eedda c'aak'uwaa k'oppa.
\q1
\v 21 Naak'etteeddawantta yeellayoppa;
\q2 hiyyeesatuunne metootanchchatuu ne suntsaa galatino.
\q1
\v 22 Abeet S'oossaw, dendda; ne yewuwaa mootetta.
\q2 Gezo asatuu gallassaa ubbaan,
\q2 ne bolla k'iliic'eeddawaa hassaya.
\q1
\v 23 Ne morkketuu ne bolla waassiyaa waasuwaanne
\q2 neena is's'iyaawanttu,
\q2 pac'i bayinnan k'iliic'iyaa k'iliic'uwaa dogoppa.
\c 75
\s S'oossay Pirddiyaawaa Gidussaa
\d Zammaaretuwaa Kaappoo Aasaafi. «D'ayssoppa» Geetettiyaa Diitsaa waatsan Yes's'eedda Yetsaa.
\q1
\v 1 New galataa immeeto; abeet S'oossaw, neena galateetto;
\q2 «Ne suntsay woggaa» giide awaayeetonne,
\q2 malalissiyaa ne oosuwaa ubbaa odeetto.
\b
\q1
\v 2 S'oossay, «Dooraade keereedda gallassi,
\q2 suure pirddaa pirddanawe taana.
\q1
\v 3 Sa'aynne an de'iyaawanttu ubbay k'aas's'inakka,
\q2 Aa tuusaa minisa essiyaawe taana.
\q1
\v 4 Taani otoranchchatuwaa, Otorettoppite yaagay;
\q2 iitatuwaakka, Hintte kac'iyaa dentsoppite.
\q1
\v 5 Hintte kac'iyaa d'ok'k'issi bessoppite;
\q2 zaatturiide haasayoppite yaagay» yaagee.
\b
\q1
\v 6 Bonchchuu away doliyaasaappe
\q2 woy wulliyaasaappe
\q2 woy bazzuwaappe yeenna.
\q1
\v 7 Shin pirddiyaawe S'oossaa;
\q2 I ittuwaa bolla pirddee;
\q2 ittuwaa shatintsee.
\q1
\v 8 Med'inaa Godaa kushiyan itti wanc'c'ay de'ee;
\q2 he wanc'c'ay S'oossaa hank'k'uwaa woyniyaa eessan kumi utteedda.
\q1 I hewaappe ushshaa tigina,
\q2 sa'aan de'iyaa iita asatuu hewaa ushana;
\q2 unttunttu orc'c'uwaakka ashshenan c'inggisiide ushana.
\b
\q1
\v 9 Shin taani Yaak'ooba S'oossaabaa odananne
\q2 med'inaw Aa sabbana.
\q1
\v 10 I iita asatuwaa kac'iyaa ubbaa mentsana,
\q2 shin s'illotuwaa kac'ii d'ok'k'u d'ok'k'u gaana.
\c 76
\s S'oossaa S'oonuwaa
\d Zammaaretuwaa Kaappoo Diitsaa Waatsan Yes'etteedda, Asaafa mazamuriyaa
\q1
\v 1 S'oossay Yihudaan eretteeddawaa;
\q2 Aa suntsay Israa'eeliyaan wolk'k'aama.
\q1
\v 2 Aa dunkkaanii Saleemana;
\q2 I de'iyaasay S'iyoonena.
\q1
\v 3 I, hewan s'onggettiyaa,
\q2 morkkatuwaa wonddaafiyaa c'ubiyaa, gonddalliyaa, mashshaanne
\q2 hara olaa miishshatuwaa mentsereetseedda.
\b
\q1
\v 4 Abeet S'oossaw, ne bonchchuu ay keeshshaa gitee!
\q2 Neeni ne morkkatuwaa s'oonaade,
\q2 deriyaappe simmiyaa wode,
\q2 ne anggay ayiba yashshiyaawe!
\q1
\v 5 Gooba tooranchchatuu,
\q2 barenttoo de'iyaawaa ubbaa bonk'k'etti kichcheeddino.
\q1 Ha"i simmi unttunttu,
\q2 wolk'k'aama gem"ishshuwaa gem"isheeddino;
\q2 unttunttuppe ittuunne bare kushiyaa dentsibeenna.
\q1
\v 6 Abeet Yaak'ooba S'oossaw, neeni seereedda wode,
\q2 paraa asatuunne paratuu kunddo saan atteeddino.
\b
\q1
\v 7 Shin abeet S'oossaw, neeni yashshaasa!
\q2 Ne hank'k'uu suulleedda wode,
\q2 ne sintsan oonee ek'k'anawe?
\q1
\v 8 Neeni pirddaa saluwaappe sisseedda wode,
\q2 sa'aan de'iyaa Asay yayyiide, c'o"u geedda.
\q1
\v 9 Neeni sa'aan k'ohetteeddawantta ashshanaw,
\q2 pirddaw denddeedda wode, hewe haneedda.
\q1
\v 10 Asaa hank'k'uu dareedda keeshshaa neeni galatettaasa.
\q2 Olaappe atteedda asatuu ubbay,
\q2 ne baalaa gallassatuwaa bonchchana.
\q1
\v 11 Med'inaa Godaw, hintte S'oossaw,
\q2 shiik'ettite, hewaakka gatsite.
\q1 Hinttenoo shooro kawutetsatoo,
\q2 yayettanaw bessiyaawoo immotaa ahite.
\q1
\v 12 I kaappotuwaa otoruwaa kawushshee;
\q2 wolk'k'aama kaatetuwaakka I yashissee.
\c 77
\s Mintsetsuwaa Woosaa
\d Aasaafi Zammaaretuwaa Kaappoo Juddutoo Yes's'eedda, mazamuriyaa
\q1
\v 1 Taani S'oossaw magannay;
\q2 taana siso gaade taani S'oossaa woossay.
\q1
\v 2 Taani ta metuwaa gallassi Godaa koyay.
\q2 K'amman taani shemppennan ta kushetuwaa aakko mic'c'ay;
\q2 gidooppenne, taani minettanaw danddaykke.
\q1
\v 3 Taani S'oossaabaa k'oppiyaa wode, oolay;
\q2 taani aabaa yuushsha k'oppiyaa wode,
\q2 ta shemppuu daaburee.
\q1
\v 4 Neeni k'amma ubbaa taana gem"ishshuwaa diggaade ahissaasa.
\q2 Taani loytsa hirggiyaa diraw,
\q2 haasayanaw danddaykke.
\q1
\v 5 Taani aad'd'eedda gallassatuwaa k'oppay;
\q2 kase laytsatuwaakka hassayay.
\q1
\v 6 Taani k'ofaa sheekkaade ak'ay;
\q2 ta wozanay yuushshi k'oppiyaa wode,
\q1 Taani ta huup'iyaa hawaadan yaagaade oochchay;
\q1
\v 7 «Goday nuuna med'inaw aggi bashanee?
\q2 Zaaretsiide I nuuna keekaa bessennee?
\q1
\v 8 Aa siik'uu atteedee?
\q2 I geeddawe hawaappe sintsanaw sa'aan ootsenee?
\q1
\v 9 S'oossay maariyaawaa dogeeddee?
\q2 Bare k'aretaakka hank'k'uwaan laammeedee?» yaagaade oochchay.
\q1
\v 10 K'aykka taani, «Taana k'oheeddawe,
\q2 Ubbaappe D'ok'k'iyaa S'oossaa ushechcha kushii,
\q2 kaseppe maaddiyaa maaduwaa aggeedawaa» yaagay.
\q1
\v 11 Med'inaa Godaw, ne oosotuwaa taani k'oppana.
\q2 Ee; neeni beni wode,
\q2 ootseedda malalissiyaabatuwaa ubbaa taani hassayana.
\q1
\v 12 Ne ootseeddawaa ubbaa,
\q2 taani zaara zaaraadde k'oppana;
\q2 ne wolk'k'aama oosotuwaa ubbaa taani yuushsha k'oppana.
\q1
\v 13 Abeet S'oossaw, ne ogii geeshsha;
\q2 ay s'oossinne nu S'oossaa mala wolk'k'aama gidenna.
\q1
\v 14 Neeni malalissiyaabaa ootsiyaa S'oossaa.
\q2 Asaa giddon ne wolk'k'aa k'onc'c'issiyaawaa.
\q1
\v 15 Ne asaa, Yaak'oobanne Yooseefo zeretsatuwaa,
\q2 ne k'esiyaan wozaadda.
\q1
\v 16 Abeet S'oossaw, haatsatuu neena be'eeddino;
\q2 haatsatuu neena be'iide yayyeeddino.
\q1 Abbaa c'iimmatuukka kokkoreeddino.
\q1
\v 17 Shaaretuu iraa duge zaariide tigeeddino;
\q2 guuguntsay saluwaan guummeedda.
\q1 Ne walk'k'antsay yaan haan walk'k'ammeedda.
\q1
\v 18 Ne guuguntsay guntsay gotiyaa giddon kooshummeedda;
\q2 ne walk'k'antsaa p'ooletsay sa'aa poo'isseedda.
\q1 Biittaykka gaji gajiide kokkoreedda.
\q1
\v 19 Neeni abbaa gidduwaana hamettaasa;
\q2 c'iimmo abbaa gidduwaana aad'aassa;
\q2 gidooppenne, ne gedii yed'd'eedda sa'ay beettena.
\q1
\v 20 Musenne Aaroona kushiyan
\q2 neeni ne asaa dorssaa wudiyaadan kaaletsaadda.
\c 78
\s S'oossaanne Aa Asaa
\d Aasaafi Akeekaan S'aafeedda Timirttiyaa
\q1
\v 1 Ta asaw, taani hinttena tamaarissiyaawaa sisite;
\q2 ta doonaappe kesiyaa k'aalaa hayzzite.
\q1
\v 2 Taani unttunttoo haasayiyaa wode,
\q2 leemisuwaan haasayay;\x - \xo 78:2 \xo*\xt Mat. 13:35\xt*\x*
\q2 beniideppe geemmeedda yewotuwaa k'onc'c'issana.
\q1
\v 3 Nuuni siseeddanne ereedda yewotuwaa,
\q2 k'ay nu aawotuu nuw odeedda yewotuwaa haasayana.
\q1
\v 4 He yewotuwaa nuuni unttunttu naanatuwaappe k'osokko;
\q2 Med'inaa Godaw bessiyaa galataa,
\q1 Aa wolk'k'aanne malalissiyaa Aa oosuwaa,
\q2 yiyaa yeletawukka nuuni odana.
\b
\q1
\v 5 I Yaak'ooba zaretoo azazuwaa,
\q2 Israa'eeliyaa asaw higgiyaa immeedda.
\q1 Kase nu aawotuu barenttu naanatuwaa,
\q2 he higgetuwaa tamaarissana mala azazeedda.
\q1
\v 6 Hewenne, kaalliyaa yeletay,
\q2 he biro yelettana naanatuu eranaadaananne
\q2 unttunttukka barenttu naanaatoo odanaadaana.
\q1
\v 7 Yaatina, he naanatuu S'oossan amanetanaadan;
\q2 I ootseeddabaakka dogennaaddaaninne
\q1 Aa azazuwaa naaganaadaana.
\q1
\v 8 Unttunttu kase barenttu aawotuwaadan wozana muumenne
\q2 makkalanchcha asaa gidennaaddaaninne
\q1 S'oossan ek'k'ennanne ammanettena yeletaa gidenaaddaana.
\b
\q1
\v 9 Efireema asatuu, olaw,
\q2 wonddaafiyaanna pootsaa giigissiide,
\q2 olaa gallassi guyye simmeeddino.
\q1
\v 10 Unttunttu S'oossaa c'aak'uwaa naagibeykkino;
\q2 Aa higgiyaadan hamettennan is's'eeddino.
\q1
\v 11 Unttunttu I ootseedda wolk'k'aama oosuwaanne
\q2 unttuntta I besseedda malaataa dogeeddino.
\q1
\v 12 I unttunttu aawotuwaa sintsan Gibs'e biittan,
\q2 S'o'aane Dembban malaataa ootseedda.\x - \xo 78:12 \xo*\xt Kes. 7:8—12:32\xt*\x*
\q1
\v 13 Abbaa shaakkiide, gidduwaana unttuntta pintseedda;\x - \xo 78:13 \xo*\xt Kes. 14:21-22\xt*\x*
\q2 I haatsaa shaakkiide,
\q2 yaanne haanne shaakkiide godaadan esseedda.
\q1
\v 14 I unttuntta gallassi shaariyaan,\x - \xo 78:14 \xo*\xt Kes. 13:21-22\xt*\x*
\q2 k'amma tamaa poo'uwaan kaaletseedda.
\q1
\v 15 I bazzuwaan zaallaa p'alk'k'iide,\x - \xo 78:15-16 \xo*\xt Kes. 17:1-7; Pay. 20:2-13\xt*\x*
\q2 c'iimmuwaappe daro haatsaa unttuntta ushsheedda.
\q1
\v 16 Zaallaappe haatsaa pulttissiide,
\q2 shaafaadan duge gogisseedda.
\q1
\v 17 Shin unttunttu Aa bolla nagaraa oosuwaa gede gujjeeddino;
\q2 Ubbaappe D'ok'k'iyaa S'oossaa bolla,
\q2 bazzuwaan makkaleeddino.
\q1
\v 18 Barenttu amotteedda k'umaa oochchiyaawan
\q2 S'oossaa eriidde paac'c'eeddino.\x - \xo 78:18-31 \xo*\xt Kes. 16:2-15; Pay. 11:4-23, 31-35\xt*\x*
\q1
\v 19 Unttunttu S'oossaa bolla hawaadan yaagiide haasayeeddino;
\q2 «Bazzuwaan S'oossay nuw k'umaa aatsanaw danddayii?
\q1
\v 20 Zaallaa shoc'ina, pulttuu kesiide,
\q2 shaafay goggeedda;
\q2 shin ukitsaa I nuw immanaw danddayii?
\q2 Woy bare asaw ashuwaa immanaw danddayii?» yaageeddino.
\q1
\v 21 Med'inaa Goday hewaa siseedda wode,
\q2 unttunttu bolla daro hank'k'etteedda.
\q1 Yaak'ooba zaratuwaa bolla tamay ees's'eedda;
\q2 Israa'eeliyaa bolla Aa hank'k'uu dari dari beedda.
\q1
\v 22 Ayaw gooppe, unttunttu S'oossan ammanibeykkino;
\q2 woy I ashshiyaawaan ammanettibeykkino.
\q1
\v 23 Gidooppenne, I bolla saluwaa azaziide,
\q2 saluwaa penggiyaa dooyeedda.
\q1
\v 24 Unttunttu maanaw, unttunttoo mannaa bukisseedda;\x - \xo 78:24 \xo*\xt Yoh. 6:31\xt*\x*
\q2 saluwaa k'umaa unttunttoo immeedda.
\q1
\v 25 Kiitanchchatuwaa ukitsaa Asay meedda;
\q2 S'oossay unttunttoo k'umaa darissiide immeedda.
\q1
\v 26 Away doliyaa bagga c'arkkuu c'arkkanaadan ootseedda;
\q2 bare wolk'k'an gedissa bagga c'arkkuwaa dentsetseedda.
\q1
\v 27 I asaw ashuwaa baanaa keeshshaa kiitteedda;
\q2 paalliyaa kafotuwaa abbaa doonaa shafiyaa keeshshaa bukisseedda.
\q1
\v 28 Unttunttu de'iyaa saan,
\q2 dunkkaaniyaa yuushshuwaan wod'd'eeddino.
\q1
\v 29 Unttunttu amotteeddawaa unttunttoo immeedda;
\q2 unttunttu miide, barenttu ganjjiyaa kuntseeddino.
\q1
\v 30 Shin unttunttu barenttu amotteedda ashuwaa kallennan de'ishiin,
\q2 ashuu unttunttoo biro doonaan de'ishiin,
\q1
\v 31 S'oossaa hank'k'uu unttunttu bolla wod'd'eedda;
\q2 unttunttu giddoppe mino asatuwaanne
\q2 Israa'eeliyaappe yalaga asatuwaa wod'eedda.
\q1
\v 32 Hawe ubbay haninakka,
\q2 unttunttu nagaraa ootsiyaawaa aggibeykkino.
\q1 Bare malaataa ubbaa ootsinakka, ammanibeykkino.
\q1
\v 33 Hewaa diraw, I unttunttu gallassatuwaa c'arkkuwaadan,
\q2 unttunttu laytsatuwaakka akeekenan d'ayisseedda.
\q1
\v 34 S'oossay unttunttuppe wod'iyaa wode,
\q2 atteedawanttu nagaraa paas'iide,
\q2 S'oossaa mintsi koyeeddino.
\q1
\v 35 Unttunttu S'oossay unttunttoo zaallaa gideeddawaanne
\q2 Ubbaappe D'ok'k'iyaa S'oossay,
\q2 unttuntta woziyaawaa gideeddawaa hassayeeddino.
\q1
\v 36 Shin unttunttu barenttu ins's'arssan aw worddotiide,
\q2 barenttu doonaan c'immeeddino.
\q1
\v 37 Unttunttu wozanay S'oossan ek'k'enna;
\q2 I unttunttunna c'aak'k'eteedda c'aak'uwaa ammanettikkino.
\q1
\v 38 Shin I unttuntta maariyaawe;
\q2 unttunttu iitatetsaa atto geedda.
\q1 Unttuntta d'ayissibeenna; daro gede bare hank'k'uwaa te"eedda;
\q2 bare hank'k'uwaa uullaa ubbaanna unttunttu bolla yeddibeenna.
\q1
\v 39 Ayaw gooppe, unttunttu ashuwaa s'alala gidiyaawaanne
\q2 yaa c'arkkeeddasaappe haa simmenna,
\q2 c'arkkuwaa mala gidiyaawaa hassayeedda.
\q1
\v 40 Unttunttu bazzuwaan Aa bolla aappu gede makkaleeddinoo!
\q2 Mela bazzuwaan aappu gede lanc'c'isseeddino!
\q1
\v 41 Unttunttu zaari zaariide, S'oossaa paac'c'eeddino;
\q2 Israa'eeliyaa Geeshshaa hank'k'etseeddino.
\q1
\v 42 Unttunttu Aa wolk'k'aabaa dogeeddino;
\q2 I unttunttu morkkatuwaappe wozeedda gallassaa,
\q1
\v 43 I Gibs'e biittan malaataa,
\q2 S'o'aane Dembban malalissiyaabaa,
\q2 ootseedda wodiyaa hassayibeykkino.
\q1
\v 44 Unttunttu shaafaa haatsatuwaa suutsaw laammeedda;\x - \xo 78:44 \xo*\xt Kes. 7:17-21\xt*\x*
\q2 hewaa diraw, Gibs'e asatuu,
\q2 he shaafatuwaappe ushanaw danddayibeykkino.
\q1
\v 45 Unttuntta waayissiyaa uduns's'etuwaanne
\q2 unttunttu biittaa bayzziyaa shed'd'atuwaa kiitteedda.\x - \xo 78:45 \xo*\xt Kes. 8:1-6, 20-24\xt*\x*
\q1
\v 46 Unttunttoo doleedda katsaa gonddoo,\x - \xo 78:46 \xo*\xt Kes. 10:12-15\xt*\x*
\q2 unttunttu ootsiide daabureeddawaa booliyaw immeedda.
\q1
\v 47 Unttunttu woyniyaa turaa shachchan,
\q2 unttunttu balasiyaa giyaa mitsaakka c'arkkuwaan d'ayisseedda.\x - \xo 78:47-48 \xo*\xt Kes. 9:22-25\xt*\x*
\q1
\v 48 Unttunttu miizzatuwaa shachchan wod'eedda;
\q2 unttunttu dorssaa wudiyaa,
\q2 d'uuk'k'iyaa walk'k'antsan mereessi wursseedda.
\q1
\v 49 Unttunttu bolla bare suulliyaa hank'k'uwaa,
\q2 lanc'c'iyaanne is'uwaa,
\q2 bayzziyaa kiitanchchatuwaa c'uguwan yeddeedda.
\q1
\v 50 Bare hank'k'uwaa aatsi yeddeedda.
\q2 Unttuntta iita harggiyaw aatsiide immeeddappe attina,
\q2 hayk'k'uwaappe ashshibeenna.
\q1
\v 51 Gibs'en yeletteedda bayira naanatuwaa ubbaa wod'eedda.\x - \xo 78:51 \xo*\xt Kes. 12:29\xt*\x*
\q2 Kaama dunkkaaniyaan de'iyaa koyro naanatuwaa ubbaa wursseedda.
\q1
\v 52 Shin I bare asaa dorssaadan kesseedda;\x - \xo 78:52 \xo*\xt Kes. 13:17-22\xt*\x*
\q2 wudiyaadan bazzuwaan heemmeedda.
\q1
\v 53 I unttuntta saruwaan kaaletseedda;
\q2 hewaa diraw, unttunttu yayyibeykkino;
\q2 shin unttunttu morkkatuwaa abbay muukkeedda.\x - \xo 78:53 \xo*\xt Kes. 14:26-28\xt*\x*
\q1
\v 54 Yaatiide I unttuntta bare geeshsha biittaa,
\q2 bare ushechcha kushiyan s'ooneedda deriyaa aheedda.\x - \xo 78:54 \xo*\xt Kes. 15:17; Iya. 3:14-17\xt*\x*
\q1
\v 55 I unttunttu sintsaappe kawutetsatuwaa laaggiide,
\q2 unttunttu biittaa shaakkiide,\x - \xo 78:55 \xo*\xt Iya. 11:16-23\xt*\x*
\q1 Israa'eeliyaa zaretoo gisheedda.
\q2 Bare asaa unttunttu golliyaan wotseedda.
\q1
\v 56 Gidooppenne, Ubbaappe D'ok'k'iyaa S'oossaa bolla makkaliide,
\q2 Aa paac'c'eeddino.\x - \xo 78:56 \xo*\xt Dat. 2:11-15\xt*\x*
\q1 Aa azazuwaakka naagibeykkino.
\q1
\v 57 Unttunttu barenttu aawotuwaadan,
\q2 makkalanchchatuwaanne kaddanchchatuwaa gideeddino.
\q1 Geella tooraadan wora wod'd'eeddino.
\q1
\v 58 Unttunttu barenttu goyinniyaa d'ok'k'a sa'atuwaan Aa yiloyeeddino;
\q2 barenttu eek'atuwaan Aa k'anaatisseeddino.
\q1
\v 59 Yaatina, S'oossay hawaa sisiide hank'k'etteedda;
\q2 Israa'eeliyaa mulekka kad'eedda.
\q1
\v 60 Seelon I de'eedda sa'aa,
\q2 asaa giddon I de'eedda bare dunkkaaniyaa aggeeda.\x - \xo 78:60 \xo*\xt Iya. 18:1; Erm. 7:12-14; 26:6\xt*\x*
\q1
\v 61 S'oossaa wolk'k'awunne bonchchoo, malaataa gideedda,
\q2 Taabootaa morkkatuwaa kushiyan aatsiide omoodisseedda.\x - \xo 78:61 \xo*\xt 1 Sam. 4:4-22\xt*\x*
\q1
\v 62 I bare asaw hank'k'etteedda;
\q2 I unttuntta mashshaw aatsiide immeedda.
\q1
\v 63 Unttunttu wodallatuu ubbay olan hayk'k'eeddino;
\q2 yaatina, unttunttu wodorotuu asinaa gelennaan atteeddino.
\q1
\v 64 Unttunttu k'eesatuu mashshaan wureeddino.
\q2 Gidooppenne, unttunttu machchetuu,
\q2 barenttu asinatoo yeekkenaadan digetteeddino.
\q1
\v 65 Hewaappe guyyiyaan, Goday gem"ishuwaappe
\q2 woy woyniyaa eessaa matsuwaappe beegottiyaa asaadan beegotteedda.
\q1
\v 66 I bare morkkatuwaa guyye zaariide shoc'eedda;
\q2 unttuntta med'inaw yeellayeedda.
\q1
\v 67 Yooseefo dunkkaaniyaa kad'eedda;
\q2 Efireema zariyaa dooribeenna.
\q1
\v 68 Shin I Yihudaa zariyaanne
\q2 siik'iyaa S'iyoone deriyaa dooreedda.
\q1
\v 69 Hewan I bare Geeshsha Golliyaa saluwaadan d'ok'k'an kees's'eedda;
\q2 sa'aadan med'inaw esseedda.
\q1
\v 70 Bare k'oomaa Daawita dooriide,
\q2 dorssaa wudiyaa heemmiyaa saappe akkeedda.\x - \xo 78:70-71 \xo*\xt 1 Sam. 16:11-12; 2 Sam. 7:8; 1 Od. 17:7\xt*\x*
\q1
\v 71 Dorssaa heemmishin, bare asaa Yaak'ooba,
\q2 bare buzuwaa Israa'eeliyaa hentsanaw akkiide aheedda.
\q1
\v 72 Yaatina, Daawite unttuntta suure wozanaappe heemmeedda;
\q2 k'ay bare hiillaa kushiyan kaaletseedda.
\c 79
\s Gadiyaa La"atetsaw Shiik'eedda Woosaa
\d Asaafa mazamuriyaa
\q1
\v 1 Abeet S'oossaw, Ayhuda gidena asatuu ne biittaa bolla laateeddino.
\q2 Ne Geeshsha Golliyaa tunisseeddino;\x - \xo 79:1 \xo*\xt 2 Kat. 25:8-10; 2 Od. 36:17-19; Erm. 52:12-14\xt*\x*
\q2 Yerusaalame kolereetseeddino.
\q1
\v 2 Unttunttu ne k'oomatuwaa anhaa,
\q2 saluwaa kafoo k'uma ootsiide, immeeddino.
\q1 K'ay ne geeshshatuwaa ashuwaa sa'aa do'atoo immeeddino.
\q1
\v 3 Unttunttu suutsaa Yerusaalame yuushshuwaan,
\q2 haatsaadan gusseeddino;
\q2 unttunttu anhaa moogiyaawe d'ayeedda.
\q1
\v 4 Nu shoorotoo nuuni shek'k'iyaawaa gideeddo;
\q2 nu heeraan de'iyaawanttu,
\q2 miic'c'iyaawaanne k'id'iyaawaa gideeddo.
\q1
\v 5 Abeet Med'inaa Godaw, hawe awude gakkanaw hananee?
\q2 Neeni med'inaw hank'k'ettay?
\q1 Ne k'anaatiyaa hank'k'uu tamaadan ees's'anee?
\q1
\v 6 Neena erenna asatuwaa bollanne
\q2 ne suntsaa s'eesenna kawutetsatuwaa bolla ne hank'k'uwaa gussa.
\q1
\v 7 Ayaw gooppe, unttunttu Yaak'ooba zeretsatuwaa wod'eeddinonne
\q2 unttunttu de'iyaasaa bayzzeeddino.
\b
\q1
\v 8 Kase nu aawotuwaa iitatetsaa nu bolla paydoppa.
\q2 Ellekka ne maarotaa nuw kiitta;
\q2 ayaw gooppe, nuuni loytsi metooteeddo.
\q1
\v 9 Abeet nuuna ashshiyaa S'oossaw,
\q2 ne suntsaa bonchchuwaa diraw, nuuna maadda.
\q1 Ne suntsaa diraw, nuuna ashsha;
\q2 nu nagaraa atto yaaga.
\q1
\v 10 Asatuu ayaw, «Unttunttu S'oossay hak'an de'ii?» yaaganee?
\q2 Ne k'oomatuwaa suutsaa unttunttu gusseeddawaa haluwaa,
\q2 neeni kessiyaawaa nuuni s'eellishin,
\q2 unttunttu gidduwaan k'onc'c'issa.
\q1
\v 11 K'ashetteedda asatuwaa oolii ne sintsa gakko.
\q2 Hayk'oo pirddetteeddawantta ne wolk'k'aa gitatetsaadan ashsha.
\q1
\v 12 Abeet S'oossaw, nu shooro kawutetsatuu neena boreeddawaa,
\q2 haluwaa laappun kushiyaa unttunttu kiwuwaan idintsa.
\q1
\v 13 He wode nuuni ne asatuu, ne wudiyaa dorssatuu,
\q2 med'inaw galataa new immana;
\q2 yeletaappe yeletaa gakkanaw neena zaari zaariide galatana.
\c 80
\s Israa'eeliyaa Kawutetsay Zaari  // Ek'k'anaadan Shiik'o Woosaa
\d Zammaaretuwaa Kaappoo Aasaafi Yes's'eedda, C'iishshaa Giyaa waatsan Yes'eteedda mazamuriyaa, markkatetsaa
\q1
\v 1 Abeet Israa'eeliyaa hentsanchchaw,
\q2 Yooseefo asaa wudiyaadan kaaletsiyaawoo,\x - \xo 80:1 \xo*\xt Kes. 25:22\xt*\x*
\q2 Kiruubetuwaa giyaa kiitanchchatuwaappe,
\q2 bollaanna de'iyaa araatan utteeddawoo, poo'a, neeni nuuna sisa.
\q1
\v 2 Efireema, Biiniyaamanne Minaase sintsan k'onc'c'a.
\q2 Ne wolk'k'aa dentsaade nuuna ashshanaw haaya.
\b
\q1
\v 3 Abeet S'oossaw, nuuna zaara;
\q2 nuuni attanaadan, ne som"uwaa nuw poo'issa.
\b
\q1
\v 4 Abeet Ubbaappe Wolk'k'aama Med'etaa Ubbaa Godaw, S'oossaw,
\q2 ne asaa woosaa bolla awude gakkanaw hank'k'ettay?
\q1
\v 5 Neeni unttuntta yeekuwaa k'umaadan mizaadda;
\q2 k'ay afotsaa haatsaadan ushshaadda.
\q1
\v 6 Nu shoorotuu nu biittaa akkanaw,
\q2 barenttu gidon walak'ettanaadan ootsaadda;
\q2 nu morkketuu nu bolla miic'c'eeddino.
\b
\q1
\v 7 Abeet Ubbaappe Wolk'k'aama S'oossaw, nuuna zaara;
\q2 nuuni attanaadan, ne som"uwaa nuw poo'issa.
\b
\q1
\v 8 Neeni Gibs'eppe woyniyaa anuwaa ahaada;
\q2 ayihuda gidena asatuwaa yederssaadda, unttunttu biittaan Aa tokkaadda.
\q1
\v 9 Neeni woraa butsaadda;
\q2 yaatina, s'ap'uwaa yeddi daashiide,
\q2 biittaa ubbaa gakkeedda.
\q1
\v 10 Deretuu Aa kuwan,
\q2 Libaanoosa zigatuu Aa tashetuwaan kameteeddino.
\q1
\v 11 Bare tashetuwaa Meediteraane Abbaa gakkanaw,
\q2 k'ay bare s'eeratuwaa Efiraas'iisa Shaafaa gakkanaw yeddeedda.
\q1
\v 12 Yaatina, ogiyaanna aad'd'iyaa ubbay,
\q1 Aa ayifiyaa duutsanaadan,
\q2 Aa yuushshuwaan de'iyaa gimbbiyaa ayaw kolaadii?
\q1
\v 13 Bazzuwaa guduntsay Aa bolla duriide bayzzee;
\q2 k'ay gaden wos's'i k'aas's'iyaa med'etatuu ubbay Aa miino.
\q1
\v 14 Abeet Med'etaa Ubbaa S'oossaw,
\q2 neeni nuukko simma.
\q1 Saluwaana duge s'eellaade be'a;
\q2 ha woyniyaa naaga.
\q1
\v 15 I ne ushechcha kushii tokkeedda s'ap'uwaa;
\q2 neeni new gaade dichcheedda puutiyaa.
\q1
\v 16 Ne morkketuu ne woyniyaa butseeddino;
\q2 taman s'uuggeeddino.
\q1 Hewaa diraw, neeni unttuntta ne hank'k'uwaa suuluwaan d'ayissa.
\q1
\v 17 Ne kushii, ne ushechchan de'iyaa asaa,
\q2 neeni new gaade dichcheedda asaa naago.
\q1
\v 18 Yaatooppe, nuuni neeppe guyye simmokko.
\q1 Nuuna pas'a wotsa; ne suntsaa nuuni galatana.
\q1
\v 19 Abeet Ubbaappe Wolk'k'aama Med'inaa Godaa S'oossaw,
\q2 nuuna zaara; nuuni attanaadan,
\q2 ne som"uwaa nuw poo'issa.
\c 81
\s Baalaa Mazimuriyaa
\d Zammaaretuwaa Kaappoo Suusulatuwaan Yes'etteedda, Asaafi s'aafeeddawaa
\q1
\v 1 Nuw wolk'k'aa gidiyaa S'oossaw,
\q2 hintte k'aalaa d'ok'k'u ootsiide yes's'ite;
\q2 Yaak'ooba S'oossaa sabbite.
\q1
\v 2 Yetsaa doommite; karabuwaa bak'k'ite;
\q2 diitsaaninne maasink'k'uwaan lo"a yetsaa sissite.
\q1
\v 3 Aginay s'eeriya wodenne,
\q2 aginay doyssiyaa wode
\q2 baalaa gallassan malakataa punnite.\x - \xo 81:3 \xo*\xt Pay. 10:10\xt*\x*
\q1
\v 4 Hawe Israa'eeliyaw higgiyaa;
\q2 Yaak'ooba S'oossaappe imetteedda woga.
\q1
\v 5 Gibs'e biittaa I shoc'eedda wode,
\q2 Yooseefo asaw ha wogaa awaayeedda.
\q1 Taani erenna kooshshaa hawaadan yaagiyaawaa sisaad.
\b
\q1
\v 6 «Hintte hashiyaappe tookuwaa wotsaad;
\q2 hintte kushiyaa s'uubiyaappe shemppissaad.
\q1
\v 7 Hintte metuwaa wode taana s'eeseeddita;
\q2 hinttena ashshaad;\x - \xo 81:7 \xo*\xt Kes. 17:7; Pay. 20:13\xt*\x*
\q2 taani guumiyaa shaariyaa giddon geemmeeddasaappe hinttena allaad.
\q2 Mariiba giyaa pulttuwaa matan taani hinttena paac'c'aad.
\q1
\v 8 Ta asaw, taani hinttena seeriyaawaa sisite;
\q2 ha"i Israa'eelatoo, hayzzeerikkite!
\q1
\v 9 Hintte giddon allaga s'oossi de'oppo;\x - \xo 81:9-10 \xo*\xt Kes. 20:2-3; Zar. 5:6-7\xt*\x*
\q2 hara s'oossaw goyinnoppite.
\q1
\v 10 Taani, Med'inaa Godaa hintte S'oossaa,
\q2 hinttena Gibs'e biittaappe kessaade aheeddawaa.
\q1 Ne doonaa loytsa hangga;
\q2 taani neena darssaade barssana.
\b
\q1
\v 11 «Shin ta asatuu ta k'aalaa sisibeykkino;
\q2 Israa'eelatuu taw azazettibeykkino.
\q1
\v 12 Hewaa diraw, taani unttunttu barenttu k'ofaa kaallana mala,
\q2 eeno geena wozanaw aatsaade immaad.
\q1
\v 13 Ta Asay taana siseedentto,
\q2 Israa'eelatuu ta ogiyaa kaalleedentto ayee de'ii!
\q1
\v 14 Taani unttunttu morkkiyaa elle s'oonana shin;
\q2 unttunttu baaligaaraatuwaa bolla ta kushiyaa wotsana shin.
\q1
\v 15 Med'inaa Godaa is's'iyaawanttu Aa sintsan hokkana,
\q2 unttunttu muruukka med'inaassa gidanawaa.
\q1
\v 16 Taani hinttena lo"o zarggaa mizana;
\q2 k'ay eessaa, shuchchaa gonggoluwaappe kalissana» yaagee.
\c 82
\s S'oossay Ubbaappe Bolla
\d Asaafa mazamuriyaa
\q1
\v 1 S'oossay saluwaa shiik'uwaa shiishshee.
\q2 S'oossatuwaa giddon hawaadan yaagiide pirddee;
\q1
\v 2 «Hintte awude gakanaw geella pirddaa pirddiitee;
\q2 laa"entso iitatuwaa bagga gidoppite.
\q1
\v 3 Hiyyeesatoonne aawuu bayinnawanttoo mootettite;
\q2 mank'k'onne naak'etteedda asatuwaa maataa naagissite.
\q1
\v 4 Daaburanchchatuwaanne metootanchchatuwaa ashshite;
\q2 iitatuwaa kushiyaappe unttuntta wotsi akkite.
\b
\q1
\v 5 «Hintte ayinne erikkitanne ayinne akeekikkita;
\q2 hintte d'uman hamettiita.
\q1 S'illotetsay d'ayina, biittay yiik'k'iyiik'k'ee.
\q1
\v 6 Taani hinttena, ‹Hintte s'oossatuwaa;\x - \xo 82:6 \xo*\xt Yoh. 10:34\xt*\x*
\q2 hintte ubbaykka Ubbaappe D'ok'k'iyaa S'oossaa naanatuwaa.
\q1
\v 7 Gidooppenne, hintte Asay hayk'k'iyaawaadan hayk'k'ana.
\q2 K'ay hara kaappatuu kunddeeddawaadan,
\q2 hinttekka kunddana› yaagay» yaagee.
\b
\q1
\v 8 Abeet S'oossaw, dendda; sa'aa pirddaa;
\q2 kawutetsay ubbay newaa.
\c 83
\s Israa'eeliyaa Morkketuwaa Bolla Shiik'eedda Woosaa
\d Asaafa mazamuriyaa, yetsaa
\q1
\v 1 Abeet S'oossaw, c'o"u gooppa;
\q2 sirp'p'i gooppa;
\q2 abeet S'oossaw, muumoppa.
\q1
\v 2 Be'a! Ne morkketuu ne bolla denddiino;
\q2 neena is's'iyaawanttu ne bolla makkaliino.
\q1
\v 3 Unttunttu ne asaa bollan geeman yaa'iino;
\q2 neeni siik'iyaa asatuwaa bolla mak'ettiino.
\q1
\v 4 Unttunttu, «Haayite, unttunttu kawutetsaa d'ayissoytee;
\q2 Israa'eeliyaa giyaa suntsaa,
\q2 med'inaw hassayettennaadan ootsoytte» yaagiino.
\b
\q1
\v 5 Unttunttu itti wozana gidiide,
\q2 ittippe mak'ettiinonne,
\q2 ne bolla c'aak'uwaa c'aak'k'etiino.
\q1
\v 6 C'aak'k'etiyaawanttunne
\q2 Eedoomanne Isimaa'eela asatuwaa,
\q1 Moo'aaba zaratuwaanne Aggaari zaratuwaa;
\q1
\v 7 Gebaala asatuwaa, Amoona asatuwaa,
\q2 Amaaleek'a asatuwaa,
\q1 Piliss's'eema asatuwaanne S'iiroosa asatuwaa.
\q1
\v 8 Asoore asatuukka unttunttunna ittippe gakketeeddino;
\q2 Asooratuukka Loos'e zaretoo wolk'k'aama maaduwaa gideeddino.
\b
\q1
\v 9 Neeni Midiyaama asatuwaa bollanne
\q2 Sisaaranne Yaabina bolla,
\q1 K'iishoona Shaafaan ootseeddawaadan unttunttu bolla ootsa.\x - \xo 83:9 \xo*\xt Dat. 4:6-22; 7:1-23\xt*\x*
\q1
\v 10 Unttunttu Enddooren d'ayeeddino;
\q2 unttunttu anhay moogettennan biittan wook'k'eedda.
\q1
\v 11 Unttunttu kaappotuwaa,
\q2 neeni Oreebanne Za'eeba ootseeddawaadan ootsa;\x - \xo 83:11 \xo*\xt Dat. 7:25; 8:12\xt*\x*
\q2 unttuntta mooddiyaawantta
\q2 neeni Zebaahanne S'almmunaa'a d'ayisseeddawaadan d'ayissa.
\q1
\v 12 Hewanttunne, «Nuuni S'oossaa asaa biittaa
\q2 nuw buzotana» yaageeddawantta.
\q1
\v 13 Abeet ta S'oossaw, unttuntta baanaadan laala;
\q2 c'arkkuu afiyaa suullaadan ootsa.
\q1
\v 14 S'aragay wora miide wurssiyaawaadan,
\q2 tamaa lac'uu deriyaa mayiyaawaadan,
\q1
\v 15 hewaadankka ne uushuwaan unttuntta yederssa;
\q2 ne gotiyaan unttuntta dagantsa.
\q1
\v 16 Abeet Med'inaa Godaw, Asay ne suntsaa koyana mala,
\q2 neeni unttunttu som"uwaa yeellaa mayzza.
\q1
\v 17 Unttunttu med'inaw yeellatinonne hirggino;
\q2 kawushiide d'ayino.
\q1
\v 18 Ne suntsaykka Med'inaa Godaa gidiyaawaa,
\q2 ne s'alalay Ubbaappe D'ok'k'a S'oossaa,
\q2 sa'aa ubbaa mooddiyaawaa unttunttu erino.
\c 84
\s S'oossaa Golliyaa Laamotussaa
\d Zammaaretuwaa Kaappoo Suusulatuwaan Yes'etteedda, K'oore Naanatuu S'aafeedda Mazimuriyaa
\q1
\v 1 Abeet Ubbaappe Wolk'k'aama Med'inaa Godaw,
\q2 neeni de'iyaasay ayaa lo"ii!
\q1
\v 2 Taani Med'inaa Godaa Geeshsha Golliyaa Dabaabaa laamotay;
\q2 ta kumentsaa asatetsay de'uwaa S'oossaw nashshechchan yes's'ee.
\q1
\v 3 Abeet Ubbaappe Wolk'k'aama Med'inaa Godaw,
\q2 ta kaatiyaw, ta S'oossaw,
\q2 new yarshshiyaa sa'aa matan,
\q2 suunniyaa kafatta barew de'iyaasaa demmaaddu.
\q1 Harap'p'attakka barew k'uuk'k'ulliyaa golliyaa yaan kees's'aaddu.
\q1
\v 4 Ne Geeshsha Golliyaan de'iyaawanttunne
\q2 med'inaw neena sabbiyaawanttu anjjetteedawantta.
\b
\q1
\v 5 Wolk'k'aa neeppe demmiyaawanttu,
\q2 barenttu wozanaan S'iyoone afiyaa ogiyaa baanaw
\q2 amottiyaawanttu anjjetteedawantta.
\q1
\v 6 Yeekuwaa zanggaaraanna unttunttu aad'd'iyaa wode,
\q2 he sa'ay pulttuwaa kesee.
\q1 Bad'd'eesaa iraykka bukkiide,
\q2 yaan del"iyaa gisissee.
\q1
\v 7 Unttunttu biyaa wode, wolk'k'aa gujji gujjiide baana.
\q2 Unttunttu S'oossaa sintsan S'iyoonen beettana.
\b
\q1
\v 8 Abeet Ubbaappe Wolk'k'aama Med'inaa Godaw S'oossaw,
\q2 ta woosaa neeni sisa.
\q1 Abeet Yaak'ooba S'oossaw, hayzza.
\q1
\v 9 Abeet S'oossaw, nu gonddalliyaa be'a;
\q2 neeni dooreedda kaatiyaa ne keeka ayifiyaan s'eella.
\q1
\v 10 Taani hara sa'aan sha"u gallassaa de'anaappe
\q2 S'oossaa golliyaan itti gallassaa de'iyaawe lo"a.
\q1 Iitatuwaa dunkkaaniyaan de'anawaappe
\q2 ta S'oossaa golliyaa penggiyaa naagiyaawe taw lo"a.
\q1
\v 11 Med'inaa Goday S'oossay nuw gonddallenne poo"uwaa;
\q2 Med'inaa Goday nuw bonchchuwaanne keekkatetsaa immee.
\q1 Suuretetsan hamettiyaawantta I lo"obaa ubbaa diggenna.
\q1
\v 12 Abeet Ubbaappe Wolk'k'aama Med'inaa Godaw,
\q2 neenan ammanettiyaawanttu anjjetteedawantta.
\c 85
\s Asaa Sarotetsaw Shiik'eedda Woosaa
\d Zammaaretuwaa Kaappoo Yes'etteedda, K'oraaha naanatuwaa mazamuriyaa
\q1
\v 1 Abeet Med'inaa Godaw, neeni ne biittaw keekkaadda;
\q2 Yaak'ooba asaa omooduwaappe zaaraadda.
\q1
\v 2 Neeni ne asaa naak'uwaa atto gaadda;
\q2 unttunttu nagaraa ubbaa kamaadda.
\q1
\v 3 Neeni ne hank'k'uwaa ubbaa aggaada;
\q2 ne hank'k'uwaa suuluwaappekka simmaadda.
\b
\q1
\v 4 Abeet nuuna ashshiyaa S'oossaw,
\q2 nuuna guyye zaara.
\q1 Neeni nuw hank'k'eteeddawaa agga.
\q1
\v 5 Neeni nuuna med'inaw hank'k'ettay?
\q2 Ne hank'k'uwaa yeletaa ubbaa gakkanaw gam"isay?
\q1
\v 6 Ne Asay neenan nashettana mala,
\q2 nuuna ooratsa.
\q1
\v 7 Abeet Med'inaa Godaw, aggena ne siik'uwaa nuuna bessa;
\q2 neeni nuuna ashsha.
\b
\q1
\v 8 Taani Med'inaa Goday S'oossay odiyaawaa sisana.
\q2 Nuuni nu booza ogiyaa guyye baana d'ayooppe,
\q1 I nuw, bare asaw, «Sarotetsaa immana» giide odee.
\q1
\v 9 Tumukka S'oossaw yayyiyaawantta ashshanaw
\q2 I matan de'ee;
\q2 hewenne, Aa bonchchuu nu biittan de'anaassa.
\q1
\v 10 Aggena siik'uunne tumatetsay
\q2 ittippe gakkettana.
\q1 S'illotetsaynne sarotetsay,
\q2 ittippe yerettana.
\q1
\v 11 Tumatetsay sa'aappe pude kesana;
\q2 S'oossaa s'illotetsay saluwaappe duge s'eelana.
\q1
\v 12 Ee, Med'inaa Goday keekkabaa immana;
\q2 nu biittaykka lo"o katsaa mokkana.
\q1
\v 13 S'illotetsay S'oossaappe sintsanna heemettana;
\q2 aw ogiyaa giigissana.
\c 86
\s Metuwaa Wode Woosaa
\d Daawite woosseedda woosaa.
\q1
\v 1 Abeet Godaw, taani hiyyeessanne,
\q2 metootanchchaa asaa gidiyaa diraw,
\q2 ta waasuwaa sisaade, taw alla.
\q1
\v 2 Taani S'oossaa asaa gidiyaa diraw,
\q2 taana pas'a wotsa.
\q1 Neenan ammanettiyaa taana, ne k'oomaa ashsha.
\q2 Neeni ta S'oossaa.
\b
\q1
\v 3 Abeet S'oossaw, taani gallassaa ubbaa
\q2 neekko waassiyaa diraw,
\q2 taw k'aretta.
\q1
\v 4 Abeet S'oossaw, taani ta shemppuwaappe
\q2 neena woossiyaa diraw,
\q2 taana, ne k'oomaa nashshechchaa.
\q1
\v 5 Abeet S'oossaw, neeni keekkanne atto giyaawaa;
\q2 neena s'eesiyaa ubbaw ne siik'uu dara.
\b
\q1
\v 6 Abeet Med'inaa Godaw, ta woosaa sisa;
\q2 taani watiwatiyaa watiwatuwaa hayzza.
\q1
\v 7 Neeni taw alliyaa diraw,
\q2 ta metuwaa gallassan taani neekko waassay.
\b
\q1
\v 8 Abeet Godaw, s'oossatuwaa giddon ne mali baawa;
\q2 ne oosuwaa mala oosuukka baawa.
\q1
\v 9 Abeet Godaw, neeni med'd'eedda kawutetsaa Asay ubbay yiide,\x - \xo 86:9 \xo*\xt Sas'. 15:4\xt*\x*
\q2 ne sintsan gulbbatana; unttunttu ne suntsaa bonchchana.
\q1
\v 10 Ayaw gooppe, neeni wolk'k'aama;
\q2 neeni malalissiyaabaa ootsaasa.
\q1 Ne s'alalay S'oossaa.
\q1
\v 11 Abeet Med'inaa Godaw, taani ne tumuwaan hamettana mala,
\q2 taana ne ogiyaa tamaarissa.
\q1 Taani ne suntsaw yayana mala,
\q2 taw itti wozanaa imma.
\q1
\v 12 Abeet Godaw ta S'oossaw, taani neena,
\q2 ta kumentsaa wozanaappe galatana.
\q1 Ne suntsaa med'inaw bonchchana.
\q1
\v 13 Ayaw gooppe, ne siik'uu taw dara;
\q2 neeni taana duufuwaan geliyaawaappe ashshaada.
\q1
\v 14 Abeet Godaw, otoranchcha asatuu ta bolla denddeeddino;
\q2 dagantsiyaa asatuwaa c'uguu taana wod'anaw koyee.
\q1 Unttunttu neena alaalle giikkino.
\q1
\v 15 Shin abeet Godaw, neeni
\q2 k'arettiyaanne maariyaa S'oossaa;
\q2 hank'k'ettanaw gam"aasa;
\q2 siik'uunne ammanettussay dariyaawaa.
\q1
\v 16 Taakko simmaade taw k'aretta.
\q2 Ne k'oomaw wolk'k'aa imma;
\q2 ne k'oomati na'aa taana ashsha.
\q1
\v 17 Abeet Med'inaa Godaw,
\q2 ne keekkatetsaa malaataa taana bessa.
\q1 Neeni taana maaddeeddawaanne mintsetseeddawaa be'iyaa wode,
\q2 taana is's'iyaawanttu hewan yeellatana.
\c 87
\s Yerusaalame Sabaa
\d K'oraaha naanatuwaa mazamuriyaa
\q1
\v 1 Med'inaa Godaa katamay geeshsha deriyaan kees'etteedda.
\q1
\v 2 Med'inaa Goday S'iyoone penggetuwaa,
\q2 Yaak'oobi de'iyaa sa'aa ubbaappe aatsiide dosee.
\q1
\v 3 Hanee S'oossaa katamatee,
\q2 ne diraw bonchchetteeddabay,
\q2 hawaadan yaagi odettee:
\b
\q1
\v 4 «Taana eriyaa kawutetsatuwaa gidoppe,
\q2 Gibs'enne Baabloone gatsa mazggobana;
\q1 Piliss's'eeme, S'iiroosenne Toop'p'iyaa asay,
\q2 yaan yeletteeddino.»
\b
\q1
\v 5 S'oossay, «Kawutetsaa ubbay S'iyoonen yeletteeddawaa» yaagana.
\q2 Ubbaappe D'ok'k'iyaa S'oossay izo minisana.
\q1
\v 6 Med'inaa Goday asaa s'aafiyaa mazggobiyaan,
\q2 «Hawe S'iyoonen Yeletteeddawaa» yaagiide s'aafana.
\q1
\v 7 Unttunttu yes's'iide duriidde,
\q2 «Nu anjjuu ubbay S'iyooneppe pulttee» yaagana.
\c 88
\s Maaduwaa Demanaw Shiik'o Waasuwaa
\d Zammaaretuwaa Kaappoo, K'oraaha naanatuwaa mazamuriyaa, Maaduwaa Woossa, Ezirahiyaa Hemaane Akeekan S'aafeedda Timirttiyaa.
\q1
\v 1 Abeet Med'inaa Godaw, taana ashshiyaa S'oossaw,
\q2 taani gallassi new waassay;
\q2 k'ammakka ne sintsan yeekkay.
\q1
\v 2 Ta woosay ne sintsa gakko;
\q2 ne haytsaa ta waasuwaakko zaara.
\b
\q1
\v 3 Ayaw gooppe, ta de'uu metuwaan kumeedda;
\q2 taani hayk'k'ana mataad.
\q1
\v 4 Taani duufuwaan geliyaa asatuwaana paydetaad;
\q2 wolk'k'ay bayinna asaa gidaaddi.
\q1
\v 5 Taani anhatuwaa giddon aggeeda asaa mala;
\q2 wod'iide duufuwaan yeggeedda asatuwaa mala.
\q1 Taani ne ubbaa dogeedda,
\q2 ne maaduwaappe haakkeedda asatuwaa mala.
\q1
\v 6 Neeni taana c'iimmo ollaan,
\q2 hirkki d'uma sa'aan yeggaadda.
\q1
\v 7 Ne hank'k'uu taana dees'ee;
\q2 ne hank'k'uwaa beetay taana ubbaanna muukkeedda.
\b
\q1
\v 8 Neeni ta dabbotuwaa taappe haassaadda;
\q2 unttunttoo taana sheneyiyaawaa ootsaadda.
\q1 Taani dooddettaad;
\q2 kessa akkanawukka danddaykke.
\q1
\v 9 Abeet Med'inaa Godaw,
\q2 kayyuwaa gaasuwaan ta ayifetuu galjjeeddino.
\q1 Ubbaa gallassi taani neekko waassay;
\q2 ta kushiyaa neekko mic'c'aad.
\q1
\v 10 Neeni hayk'k'eeddawanttoo
\q2 malalissiyaabaa ootsay?
\q2 unttunttu denddiide neena galatiino?
\q1
\v 11 Aggena ne siik'uu
\q2 duufuwaa giddon haasayettii?
\q2 neeni ammanettiyaawekka bayetsaa sa'aan odettii?
\q1
\v 12 Ne malalissiyaa oosuukka d'uman erettii?
\q2 woy ne s'iltotetsay dogetteedda asatuwaa biittan de'ii?
\q1
\v 13 Abeet Med'inaa Godaw, taani neekko waassay;
\q2 wonttaan wonttaan ta woosay ne sintsa gakkee.
\q1
\v 14 Abeet Med'inaa Godaw, taana neeni ayaw aggay?
\q1 Ne som"uwaa taappe ayaw gentsay?
\q1
\v 15 Yalagatetsaappe doommaade,
\q2 taani tuggataaddinne hayk'k'ana mataad.
\q1 Taani new dagamaade hiidootaa k'ans's'aad.
\q1
\v 16 Ne suulliyaa hank'k'uu ta bolla uushoteedda;
\q2 ne dagamay taana bayzzeedda.
\q1
\v 17 Unttunttu gallassaa ubbaa di'uwaadan taana dooddeeddino;
\q2 taana muukkeeddino.
\q1
\v 18 Neeni ta laggetuwaanne ta siik'otuwaa taappe haassaadda;
\q2 d'umaa s'alalay taw dabbo.\x - \xo 88:18 \xo*\xt 1 Kat. 4:31\xt*\x*
\c 89
\s Metuwaa Mazimuriyaa
\d Ezirahiyaa Etaana Akeekan S'aafetteedda Timirttiyaa
\q1
\v 1 Abeet Med'inaa Godaw, aggena ne siik'uwaabaa,
\q2 taani med'inaw yes's'ana.
\q1 S'oossay ammanettiyaawaa gaade,
\q2 yeletaa ubbaw ta doonaan awaayana.
\q1
\v 2 Taani aggena ne siik'uu med'inaw ek'k'eeddawaanne
\q2 neeni ne tumatetsaa saluwaadan minisaade esseeddawaa odana.
\q1
\v 3 Neeni, «Taani dooreeddawaana c'aak'uwaa c'aak'k'etaad.
\q2 Ta k'oomaa Daawitaw hawaadan yaagaade c'aak'k'aad;
\q1
\v 4 ‹Taani ne zeretsaa med'inaw kawutsana;\x - \xo 89:4 \xo*\xt 2 Sam. 7:12-16; 1 Od. 17:11-14; Maz. 132:11; Kit. 2:30\xt*\x*
\q2 ne kawutetsaa araataa yeletaa ubbaw minisana› » yaagaadda.
\b
\q1
\v 5 Abeet Med'inaa Godaw, salotuu,
\q2 ne malalissiyaa oosuwaa odino;
\q2 ne ammanettiyaawaa kiitanchchatuwaa shiik'uu odino.
\q1
\v 6 Saluwaan Med'inaa Godaana likkettanaw danddayiyaawe oonee?
\q2 Saluwaa med'etetsatuwaa giddon k'ay Med'inaa Godaa mali oonee?
\q1
\v 7 Geeshshatuwaa shiik'uwaa giddon S'oossay yayetteeddawaa.
\q2 Barena dooddeeddawanttu ubbaappe aad'd'iide, loytsi dagantsiyaawaa.
\b
\q1
\v 8 Abeet Ubbaappe Wolk'k'aama Med'inaa Godaw, S'oossaw,
\q2 neenaadan wolk'k'aamay oonee?
\q1 Abeet Med'inaa Godaw, neeni ubbabankka ammanettiyaawaa.
\q1
\v 9 Neeni bul"akettiyaa abbaa wolk'k'aa azazaasa.
\q2 Denddiyaa beetaakka c'o"u ootsaasa.
\q1
\v 10 Neeni Ra'aaba giyaa abbaa dawiyaa,
\q2 wod'i yegeeddawaadan mentsereetsaadda;
\q2 ne morkkatuwaa ne wolk'k'aama k'esiyaan laalaadda.
\q1
\v 11 Salotuu newantta; sa'aykka newaa;
\q2 biittaanne an kumeedda ubbabaa neeni med'aadda.
\q1
\v 12 Huup'issaanne gedissaa neeni med'd'aadda;
\q2 Taabooranne Hermmoone giyaa wolk'k'aama deretuu
\q2 nashshechchan ne suntsaa sabbiino.
\q1
\v 13 New wolk'k'aama k'eesii de'ee;
\q2 ne kushii mina;
\q2 ne ushechchay wolk'k'aama.
\q1
\v 14 S'illotetsaynne suure pirdday
\q2 ne kawutetsaa araataw baaso.
\q1 Aggena siik'uunne tumatetsay ne sintsaan biino.
\q1
\v 15 Abeet Med'inaa Godaw, nashechchaan ililiyaawanttunne
\q2 ne som"uwaa poo'uwaan hamettiyaawanttu anjjetteedawantta.
\q1
\v 16 Ne suntsan gallassaa ubbaa nashettiino;
\q2 ne s'illotetsaa diraw,
\q2 unttunttu neena d'ok'k'u d'ok'k'u ootsiino.
\q1
\v 17 Unttunttu c'eek'ettiyaa wolk'k'ay neena;
\q2 ne nashshuwaan nu kac'ii d'ok'k'u d'ok'k'u yaageedda.
\q1
\v 18 Nu gonddallii, nu Med'inaa Godaassa;
\q2 nu kaatiikka, Israa'eeliyaa geeshsha saa.
\b
\q1
\v 19 Beni neeni ne ammanetteeda asatoo,
\q2 itti gede akumuwaan odaadda;
\q1 «Asaa gidoppe dooreeddawoo kawutetsaa araataa immaadda.
\q1
\v 20 Ta k'ooma Daawita kaate kesaad;\x - \xo 89:20 \xo*\xt 1 Sam. 13:14; Kit. 13:22; 1 Sam. 16:12\xt*\x*
\q2 ta geeshsha zayitiyaan okaade.
\q1
\v 21 Ta kushii aanana de'ana;
\q2 ta k'esiikka Aa mintsana.
\q1
\v 22 Aa ay morkkiinne s'oonenna;
\q2 ay iita asaynne Aa toochchenna.
\q1
\v 23 Taani Aa morkkatuwaa Aa sintsan kinchchereetsana;
\q2 Aa is's'iyaawantta shoc'a yeggana.
\q1
\v 24 Ta tumatetsaynne ta aggena siik'uu
\q2 aanana ittippe gidana.
\q1 Ta suntsan Aa kac'ii d'ok'k'u d'ok'k'u gaana.
\q1
\v 25 Taani Aa kawutetsaa Medetiraaniyaa Abbaa gakkanaw aassana;
\q2 Aa zawaakka,
\q1 Efiraas'eesenne S'egiroose Shaafaa gakkanaw aassana.
\q1
\v 26 Daawite taana, ‹Neeni ta aawuwaa,
\q2 ta S'oossaanne taana ashshiyaa zaallaa› yaagiide s'eesana.
\q1
\v 27 Taani Aa bayira na'aa ootsana;\x - \xo 89:27 \xo*\xt 1:5\xt*\x*
\q2 sa'aan de'iyaa kaatetuwaa ubbaappe Aa darssana.
\q1
\v 28 Taani aggena ta siik'uwaa
\q2 aw med'inaw naagana.
\q1 Taani aanana k'aalaa c'aak'uwaa mintsana.
\q1
\v 29 Taani Aa zeretsaa med'inaw minisaade essana;
\q2 Aa kawutetsaa araataakka saluwaadan gam"etsana.
\b
\q1
\v 30 «Shin Aa zeretsatuu ta higgiyaa aggooppe,
\q2 k'ay unttunttu ta wogaadan hamettennan is's'ooppe,
\q1
\v 31 unttunttu ta awaayuwaa shaarooppe,
\q2 ta azazuwaa naagana d'ayooppe,
\q1
\v 32 taani unttunttu nagaraa diraw gatiman,
\q2 unttunttu iitatetsaa diraw, lissuwaan,
\q2 shoc'aade murana.
\q1
\v 33 Shin taani aggena ta siik'uwaa aappe akkikke;
\q2 woy taani aw ammanettiyaawaa aggikke.
\q1
\v 34 Taani unttunttunna c'aak'k'eteedda c'aak'uwaa kolikke;
\q2 ta doonaappe keseedda k'aalaa laammikke.
\b
\q1
\v 35 «Itti gedekka med'inaw
\q2 ta geeshshatetsaan c'aak'k'a diggaad;
\q1 Daawitew worddotikke.
\q1
\v 36 Hewenne, Aa zeretsay med'inaw de'ana;
\q2 Aa kawutetsaa araataykka ta sintsan awaadan gam"ana.
\q1
\v 37 Saluwaan ammanettiyaa markka gidiyaa aginaadan,
\q2 he kawutetsay med'inaw min ek'k'i de'ana» yaagaadda.
\q1
\v 38 Shin ha"i neeni
\q2 okkaade kaateyeeddawaa bolla daro hank'k'ettaadda;
\q1 Aa is's'aaddanne aggaada.
\q1
\v 39 Neeni ne k'oomaanna c'aak'k'eteedda c'aak'uwaa kaddaadda;
\q2 Aa kallachchaa baanan olaade tunissaadda.
\q1
\v 40 Neeni Aa katamaa gimbbiyaa ubbaa laalaadda;
\q2 I naagettiyaa miis'aa ubbaa bayzzaadda.
\q1
\v 41 Ogiyaanna aad'd'iyaa ubbatuu Aa bonk'k'eeddino;
\q2 I bare shoorotoo k'iliic'oo gideedda.
\q1
\v 42 Neeni Aa morkketoo s'oonuwaa immaadda;
\q2 unttuntta ubbatuwaa nashechchaadda.
\q1
\v 43 Neeni Aa mashshaa s'eeraa k'alam"aadda;
\q2 neeni olan Aa maaddabaakka.
\q1
\v 44 Neeni Aa kawutaa s'am"aa
\q2 Aa kushiyaappe wotsa akkaada;
\q2 k'ay Aa kawutetsaa araataa biittan olaadda.
\q1
\v 45 Neeni Aa yalagatetsaa wodiyaa k'aamisaadda;
\q2 k'ay Aa yeellaa mayzzaadda.
\q1
\v 46 Abeet Med'inaa Godaw, awude gakkanaw k'onc'c'ikkii?
\q2 Neeni med'inaw geemmay?
\q1 Ne hank'k'uu tamaadan awude gakkanaw ees's'anee?
\q1
\v 47 Ta laytsay ay keeshshaa k'antsentto k'oppa;
\q2 asaa ubbaa c'oo mela med'd'aadii?
\q1
\v 48 Asay hayk'k'ennan c'oo de'anaw waan danddayii?
\q1 K'ay duufuwaan gelennaadan,
\q2 barena ashshanaw waan danddayii?
\q1
\v 49 Abeet Godaw, neeni ne tumatetsan Daawitew c'aak'k'eedda,
\q2 aggena beni ne siik'uu hak'an de'ii?
\q1
\v 50 Abeet Godaw, ne k'oomay
\q2 woyssa boretteeddentto neeni hassaya.
\q1 Taani asaa ubbaa boriyaa woota danddayaadditantto k'oppa.
\q1
\v 51 Abeet Med'inaa Godaw, morkketuu k'iliic'eeddino;
\q2 neeni dooraade okkeedda kaatiyaa,
\q2 tangguwaan tangguwaan k'iliic'eeddawaa k'oppa.
\q1
\v 52 Med'inaa Goday med'i med'inaw galatetto!
\q2 Amen"i. Amen"i.
\c 90
\ms Oyddentso Mas'aafaa
\mr (90—106)
\s Asaa Na'aa De'uwaa
\d S'oossaa Asay Muse woosseedda woosaa
\q1
\v 1 Godaw, neeni yeletaa ubbaan,
\q2 nuuni de'iyaa sa'aa gidaadda.
\q1
\v 2 Deretuu med'ettanaappe kase,
\q2 woy neeni sa'aa ootsanaappe kase,
\q2 med'inaappe med'inaa gakkanawukka neeni S'oossaa.
\b
\q1
\v 3 Neeni asaa naanatuwaa, «Asaa naatoo,
\q2 guyye biittaw simmite» yaagaade,
\q2 unttuntta guyye unttunttu med'etteedda biittaw zaaraasa.
\q1
\v 4 Sha"u laytsay new zini aad'd'o gallassaa mala;\x - \xo 90:4 \xo*\xt 2 P'es'. 3:8\xt*\x*
\q2 woy k'ammaa giddoppe itti saatiyaa mala.
\q1
\v 5 Neeni asaa k'oppennaan di'uwaadan afaasa.
\q2 Unttunttu akumuwaa mala;
\q2 wontta wontta doliyaa maataa mala.
\q1
\v 6 He maataykka wontta wode dic'c'iide c'iishshee;
\q2 omarssiyaa wode shulli melee.
\b
\q1
\v 7 Nuuni ne yiluwaan wureeddo;
\q2 ne hank'k'uwaa suuluwaan dagammeeddo.
\q1
\v 8 Neeni nu iita oosuwaa
\q2 ne sintsan wotsaadda;
\q2 k'ay nu geemmeedda nagaraa
\q2 ne sintsa poo'uwaakko aatsaada.
\q1
\v 9 Nu gallassaa ubbay ne hank'k'uwaan aad'd'eeda;
\q2 nu laytsaa itti ooliyaadan wurisseeddo.
\q1
\v 10 Nu de'uwaa laytsay laappun tamma;
\q2 woy minnooppe, hosppun tamma;
\q2 hewekka metuwaanne tugga.
\q2 Nu laytsay ellekka aad'd'ee;
\q2 nuunikka ellekka kichcheetto.
\q1
\v 11 Ne hank'k'uwaa wolk'k'aa eriyaawe oonee?
\q2 ne hank'k'uwaa suuluu yashshiyaawaa.
\q1
\v 12 Hewaa diraw, nu laytsaa bessiyaawaadan,
\q2 go"etana mala aad'd'eeda eraa nuuna tamaarissa.
\q1
\v 13 Abeet Med'inaa Godaw, ne hank'k'uu awude gakkanaassee?
\q2 Hayanaa; ne k'oomatoo k'aretta!
\q1
\v 14 Nu laytsaa ubbaan
\q2 nuuni nashettanaadaaninne yes's'anaadan,
\q2 wontta wontta aggena ne siik'uwaan nuuna kalissa.
\q1
\v 15 Neeni nuuna metoyeedda gallassatuwaa keeshshaanne
\q2 nuuni tuggaa be'eedda laytsatuwaa keeshshaa,
\q2 nuuna nashshechchaa.
\q1
\v 16 Nuw ne k'oomatoo ne oosuu k'onc'c'o;
\q2 ne bonchcho wolk'k'ay unttunttu naanaatoo beetto.
\q1
\v 17 Godaa nu S'oossaa keekkatetsay nu bollan gido;
\q2 nu kushiyaa oosuwaa nuw suurissa.
\q1 Ee, nu kushiyaa oosuwaa suurissa.
\c 91
\s S'oossay Nuuna Naagiyaawaa
\q1
\v 1 Ubbaappe D'ok'k'iyaa S'oossan naagettiide de'iyaawe,
\q2 Ubbaappe Wolk'k'aama S'oossaa kuwaa giddon ak'ee;
\q1
\v 2 Med'inaa Godaw,
\q2 «Neeni taw geessuwaanne bak'ata attiyaa sa'aa;
\q2 neeni taani ammanitsiyaa ta S'oossaa» yaagana.
\q1
\v 3 I neena shankkanchchatuwaa gitiyaappekka,
\q2 wod'i wurssiyaa iita harggiyaappekka ashshana.
\q1
\v 4 I bare baalletuwaan neena kammana;
\q2 Aa k'efetuwaa garssa neeni bak'ataade k'osetta attana.
\q1 Aa ammanettussay new gonddalle.
\q1
\v 5 Neeni k'amma dagantsiyaabaw,
\q2 woy gallassi s'onggettiyaabaw yayakka;
\q1
\v 6 woy d'uman oyk'k'iyaa harggiyaw,
\q2 woy gallassaa seetan wurssiyaa iita harggiyaa hirggakka.
\b
\q1
\v 7 Sha"ay ne miyyiyaan,
\q2 k'ay tammu sha"ay neeppe ushechcha baggana kunddana;
\q2 shin neena ayaynne bochchenna.
\q1
\v 8 Neeni ne ayifiyaa s'alalaan s'eelana;
\q2 iitatuu murettiyaawaakka be'ana.
\b
\q1
\v 9 Med'inaa Godaa neeni new bak'ata attiyaa sa'aa ootseedda dirawunne,
\q2 Ubbaappe D'ok'k'iyaa S'oossaa new,
\q2 de'iyaa sa'aa ootseedda diraw,
\q1
\v 10 iitabay neena bochchenna;
\q2 boshaykka ne golliyaa shiik'enna.
\q1
\v 11 Ayaw gooppe, ne ogiyaan ubbaan
\q2 neena naagana mala,\x - \xo 91:11 \xo*\xt Mat. 4:6; Luk'. 4:10\xt*\x*
\q1 S'oossay bare kiitanchchatuwaa azazana.
\q1
\v 12 Ne gedii shuchchaan d'ubettenna mala,\x - \xo 91:12 \xo*\xt Mat. 4:6; Luk'. 4:11\xt*\x*
\q2 kiitanchchatuu barenttu kushiyan neena dentsana.
\q1
\v 13 Neeni gaammuwaanne shooshshaa bollan heemettana;\x - \xo 91:13 \xo*\xt Luk'. 10:19\xt*\x*
\q2 k'ay wodalla gaammuwaanne wod'iyaa shooshshaa neeni yed'd'ana.
\q1
\v 14 Med'inaa Goday hawaadan yaagee;
\q2 «I taana siik'eedda diraw,
\q2 taani Aa ashshana.
\q2 I ta suntsaa ereedda diraw,
\q2 taani Aa naagana.
\q1
\v 15 I taana s'eegiyaa wode,
\q2 taani aw koyana.
\q1 Metuwaan taani aanana ittippe gidana;
\q2 taani Aa ashshananne bonchchana.
\q1
\v 16 Taani Aa laytsaa adussaade kalissana;
\q2 ta atotetsaa Aa bessana» yaagee.
\c 92
\s Galataa Mazimuriyaa
\d Mazimuriyaa, Sambbata Gallassaw yes's'iyaawaa.
\q1
\v 1 Med'inaa Godaa galatiyaawe lo"a.
\q2 Abeet Ubbaappe D'ok'k'iyaa S'oossaw,
\q2 ne suntsaa sabbiyaawe lo"a.
\q1
\v 2 Wonttan aggena ne siik'uwaa,
\q2 k'amman ne ammanettiyaawaa gidiyaawaa awaayiyaawe lo"a.
\q1
\v 3 Tammu bak'etsaan waas'etteedda diitsaanne,
\q2 maasink'k'uwaan diis's'iyaawe lo"a.
\q1
\v 4 Ayaw gooppe, Abeet Med'inaa Godaw,
\q2 ne wolk'k'aama oosuwaan
\q2 taana nashechcheedda diraw,
\q2 ne kushiyaa oosuwaa diraw,
\q2 taani nashshechchaw yes's'ay.
\b
\q1
\v 5 Abeet Med'inaa Godaw, ne oosuu ay keeshshaa gitee!
\q2 Ne k'ofay ay keeshshaa c'iimmee!
\q1
\v 6 Eeyya Asay eranaw danddayenna;
\q2 donc'c'illeedda asaykka akeekanaw danddayenna.
\q1
\v 7 Hewenne, iitatuu maataadan dic'c'ooppekka,
\q2 iitaa ootsiyaa ubbatuu daashooppekka,
\q2 unttunttu med'inaw d'ayana.
\q1
\v 8 Shin abeet Med'inaa Godaw,
\q2 neeni med'inaw ubbaappe d'ok'k'a.
\b
\q1
\v 9 Abeet Med'inaa Godaw, ne morkketuu d'ayanawaanne
\q2 iitaa ootsiyaa ubbatuu tiskki gaanawaa nuuni eretto.
\q1
\v 10 Ta kac'iyaa bazzuwaa mentsaa kac'iyaadan d'ok'k'issaadda;
\q2 lo"o zayitiyaa taana okkaadda.
\q1
\v 11 Ta morkketuu s'oonetteeddawaa ta ayifiyaan be'aad;
\q2 ta iita morketuwaa waasuwaa ta haytsaan sisaad.
\q1
\v 12 S'illotuu zambbaadan daashana;
\q2 k'ay Liibaanoosa zigaadan dic'c'ana.
\q1
\v 13 Unttunttukka Med'inaa Godaa dabaaban toketteedda mitsaa mala;
\q2 unttunttu nu S'oossaa Geeshsha Golliyaan daashana.
\q1
\v 14 Unttunttu ec'iidekka ayifana;
\q2 unttunttu med'inaw irs's'anne pas'a.
\q1
\v 15 Unttunttu, «Med'inaa Goday suure;
\q2 I taw wogga zaallaa; iitatetsi aan baawa» yaagana.
\c 93
\s S'oossay Kaatiyaa
\q1
\v 1 Med'inaa Goday kaateteedda!
\q2 Med'inaa Goday Bonchchuwaa mayyeedda;
\q2 wolk'k'aa danc'c'eedda.
\q2 Sa'ay minniide ek'k'eedda; ubbakka k'aas's'enna.
\q1
\v 2 Ne kawutetsaa araatay beniideppe ek'k'eedda;
\q2 neeni med'inaadeppe de'aassa.
\b
\q1
\v 3 Abeet Med'inaa Godaw, c'iimmo shaafatuu guummeedda;
\q2 c'iimmo shaafatuu bare guntsaa d'ok'k'u ootseedda.
\q1
\v 4 Saluwaan de'iyaa Med'inaa Goday daro haatsaa guntsaappekka,
\q2 abbaa betatuwaappekka aad'd'eeda wolk'k'aama.
\b
\q1
\v 5 Abeet Med'inaa Godaw, neeni odeeddabay ammanettiyaawaa;
\q2 ne gollii med'inaw geeshshatetsaan aleek'k'ana.
\c 94
\s S'oossay Ubbaa Bolla Pirddiyaawaa
\q1
\v 1 Abeet Med'inaa Godaw, neeni kushiyaa c'igetiyaa S'oossaa.
\q2 Abeet kushiyaa c'igetiyaa S'oossaw, ne bonchchuwaa bessa.
\q1
\v 2 Abeet sa'aa pirddiyaawoo, dendda;
\q2 otoranchchatoo bessiyaa muruwaa imma.
\q1
\v 3 Abeet Med'inaa Godaw, awude gakkanaw gam"anee?
\q2 Iitatuu awude gakkanaw nashettanee?
\q1
\v 4 Iitaa ootsiyaa ubbatuu,
\q2 barenttu otoro k'aalaa haasayiino;
\q2 unttunttu c'eek'ettiino.
\b
\q1
\v 5 Abeet Med'inaa Godaw, unttunttu ne asaa liik'k'issiino;
\q2 ne laattaa naak'k'iino.
\q1
\v 6 Unttunttu am"etuwaanne betetuwaa wod'iino;
\q2 aawuu bayinnawanttakka wod'iino.
\q1
\v 7 Yaatiide unttunttu, «Med'inaa Goday nuuna be'enna;
\q2 Yaak'ooba S'oossay akeekena» yaagiino.
\b
\q1
\v 8 Hinttenoo, asaa giddoppe aad'd'eeda dammatoo, akeekite!
\q2 Hinttenoo eeyyatoo, awude eranchcha gidanitee?
\q1
\v 9 Haytsaa med'eedda S'oossay sisennee?
\q2 Ayifiyaa med'd'eeddawe be'ennee?
\q1
\v 10 Kawutetsaa seeriyaawe murennee?
\q2 Asaa eraa tamaarissiyaawe barew erennee?\x - \xo 94:10 \xo*\xt 1 K'or. 3:20\xt*\x*
\q1
\v 11 Med'inaa Goday asaa k'ofay mela gidiyaawaa eree.
\q1
\v 12 Abeet Med'inaa Godaw, neeni seeriyaawenne
\q2 ne higgiyaappe tamaarissiyaa Asay anjjetteedawaa.
\q1
\v 13 Iitatuu kunddiyaa ollay bookettana gakkanaw,
\q2 metuu gakkiyaa gallassan neeni Aa shemppissaasa.
\q1
\v 14 Med'inaa Goday bare asaa aggena;
\q2 I bare laattaa aggena.
\q1
\v 15 Pirdday simmiide s'illo pirddaa gidanawaa;
\q2 wozanaa suuretuu ubbay he s'illo pirddaa maaddana.
\b
\q1
\v 16 Makkalanchchatuwaa bolla
\q2 ta diraw denddiyaawe oonee?
\q1 Iitaa ootsiyaawanttuna
\q2 ta diraw ek'etteeddawe oonee?
\q1
\v 17 Med'inaa Goday taana maaddennentto,
\q2 taani ellekka duufuwaan gelaade sirp'p'i gaana shin.
\q1
\v 18 Abeet Med'inaa Godaw, taani,
\q2 «Ta gedii halis's'ee» yaageedda wode,
\q2 aggena ne siik'uu taw zemppo gideedda.
\q1
\v 19 Taana hirggay wod'iyaa wode,
\q2 neeni taana woppu ootsaade nashechchaasa.
\q1
\v 20 Higgiyaa baletsiyaa geella daannatuwaana
\q2 neeni zuppetay?
\q1
\v 21 S'illotuwaa wod'anaw unttunttu ittippe tobbetiino;
\q2 suuretuwaa bolla hayk'k'uwaa pirddiino.
\q1
\v 22 Gidooppenne, Med'inaa Goday taani bak'ata atteeda sa'aa;
\q2 ta S'oossay taani k'osettiyaa zaallaa.
\q1
\v 23 Unttunttu iitatetsaa diraw, I unttuntta murana;
\q2 unttunttu nagaraa diraw, I unttuntta d'ayissana;
\q2 ee, Med'inaa Goday nu S'oossay unttuntta d'ayissana.
\c 95
\s Gallassaa Gallassaa Mazimuriyaa
\q1
\v 1 Haayite; ane Med'inaa Godaa sabboytte.
\q2 Nuuna ashshiyaa zaallaw nashshechchaw yes's'oytte.
\q1
\v 2 Aa sintsa galataanna shiik'oytte.
\q2 Galataa yetsaa nashshechchan yes's'oytte.
\q1
\v 3 Ayaw gooppe, Med'inaa Goday wolk'k'aama S'oossaa,
\q2 s'oossatuwaa ubbaa bolla wolk'k'aama kaatiyaa.
\q1
\v 4 Biittaa c'iimmatuu Aa kushiyan de'iino;
\q2 deriyaa huup'etuukka aawaa.
\q1
\v 5 Abbaa haatsaykka aawaa;
\q2 hewaa I med'd'eedda;
\q2 mela biittaakka Aa kushii ootseedda.
\b
\q1
\v 6 Haayite; hokkiide ane aw goyinnoytte;
\q2 nuuna med'd'eedda Med'inaa Godaa sintsan gulbbatoytte.
\q1
\v 7 Ayaw gooppe, I nu S'oossaa.\x - \xo 95:7-8 \xo*\xt Ibr. 3:15; 4:7\xt*\x*\x - \xo 95:7-11 \xo*\xt Ibr. 3:7-11\xt*\x*
\q2 Nuuni Aa k'ooruwaan de'iyaa asatuwaa;
\q2 nuuni I heemmiyaa Aa dorssaa wudetuwaa.
\b
\q2 S'oossay hinttena giyaawaa hachchi sisite!
\q1
\v 8 «Kase hintte mayzza aawotuu,
\q2 Mariiba giyaa sa'aan haneeddawaadan,\x - \xo 95:8 \xo*\xt Kes. 17:1-7; Pay. 20:2-13\xt*\x*
\q2 he gallassi Maasa Bazzuwaan is's'eeddawaadan,
\q2 hinttekka zoriyaa akkenan is's'oppite.
\q1
\v 9 Unttunttu ta oosuwaa be'iidekka,
\q2 taana ek'k'eteeddinonne paac'c'eeddino.
\q1
\v 10 Taani he yeletaa oytamu laytsaa shaatettaad;
\q2 ‹Unttunttu ubbaa wode barenttu wozanaan baliino;
\q2 unttunttu ta ogiyaa eribeykkino yaagaad.
\q1
\v 11 Hewaadankka k'ay, taani hank'k'etta c'aak'k'aade,\x - \xo 95:11 \xo*\xt Pay. 14:20-23; Zar. 1:34-36; 12:9-11; Ibr. 4:3-5\xt*\x*
\q2 Unttunttu ta shemppuwaasaa ubbakka gelikkino› yaagaad» yaagee.
\c 96
\s S'oossay Ubbaappe Bolla Kaatiyaa
\q1
\v 1 Med'inaa Godaw ooratsa yetsaa yes's'ite;
\q2 sa'aan de'iyaa asay, ubbay Med'inaa Godaw yes's'ite.
\q1
\v 2 Med'inaa Godaw yes's'ite; Aa suntsaa sabbite;
\q2 I ashshiyaa mishiraachchuwaa gallassaan gallassaan odite.
\q1
\v 3 Kawutetsaa giddon Aa bonchchuwaa,
\q2 asaa ubbaa giddon Aa malalissiyaa oosuwaabaa awaayite.
\b
\q1
\v 4 Ayaw gooppe, Med'inaa Goday wolk'k'aama;
\q2 gita galatay aw bessee.
\q1 S'oossatuwaa ubbaappe aad'd'iide I yayettanaw bessee.
\q1
\v 5 Hara asaa s'oossatuu ubbay eek'atuwaa;
\q2 shin Med'inaa Goday salotuwaa med'd'eedda S'oossaa.
\q1
\v 6 Bonchchuunne anggay Aa yuushshuwaan de'ee;
\q2 minotetsaynne puulay Aa Geeshsha Golliyaan de'ee.
\b
\q1
\v 7 Hinttenoo, asaa zaretoo ubbatoo,
\q2 Med'inaa Godaabaa odite;\x - \xo 96:7-9 \xo*\xt Maz. 29:1-2\xt*\x*
\q1 «Bonchchuunne wolk'k'ay Med'inaa Godaassa» giide odite.
\q1
\v 8 «Bonchchuu Aa suntsaassa»
\q2 giide Med'inaa Godaabaa odite.
\q1 Yarshshuwaa akkiide, Aa dabaabaa gelite.
\q1
\v 9 Aa geeshshatetsaa puulan Med'inaa Godaw goyinnite;
\q2 biittan de'iyaa asaa ubbaw, Aa sintsan kokkorite.
\q1
\v 10 Kawutetsatuwaa giddon, «Med'inaa Goday kaateteedda!
\q2 Sa'ay min ek'k'eedda; ubbakka k'aas's'enna.
\q1 I asaa bolla suuretetsan pirddana» yaagite.
\q1
\v 11 Salotuu nashetino; sa'aykka hashshu go;
\q2 abbayinne Aa giddon kumeeddawe guummo.
\q1
\v 12 Shoyk'aynne shoyk'an de'iyaa ubbay nashetto!
\q2 Woran de'iyaa mitsaa ubbaykka nashshechchan Aa sintsan yes's'ana.
\q1
\v 13 Ayaw gooppe, Med'inaa Goday yee;
\q2 I sa'aa bollan pirddanaw yee;
\q1 I ha sa'aa bolla s'illotetsan,
\q2 asaa bollakka tumatetsan pirddana.
\c 97
\s S'oossay Ubbaappe Bolla
\q1
\v 1 Med'inaa Goday kawuteedda.
\q2 Sa'aan de'iyaa Asay nashetto;
\q2 haakko haatsaan dooddetto saan de'iyaa asatuukka nashetino.
\q1
\v 2 Shaariinne d'ip'p'i go d'umay Aa dooddeedda.
\q2 S'illotetsaynne tumatetsay Aa kawutetsaa araataw baaso.
\q1
\v 3 Tamay aappe sintsanna bee;
\q2 Aa dooddeedda morkkatuwaa s'uuggee.
\q1
\v 4 Aa walk'k'antsay sa'aa poo'issee;
\q2 biittay hewaa be'iide kokkoree.
\q1
\v 5 Med'inaa Godaa sintsan, sa'aa ubbaa Godaa sintsan
\q2 wogga deretuu eessaa muk'aaddaadan muushiino.
\q1
\v 6 Salotuu Aa s'illotetsaa awaayiino;
\q2 asay ubbay Aa bonchchuwaa be'ee.
\q1
\v 7 Worddo s'oossatoo goyinniyaawanttunne
\q2 he go"enna eek'atuwaan c'eek'ettiyaawanttu ubbay yeellatino.
\q1 S'oossatuu ubbay S'oossaw gulbbatino.
\q1
\v 8 Abeet Med'inaa Godaw, S'iyoone asay,
\q2 ne s'illo pirddaa sisiide nashettee;
\q1 Yihudaa katamatuwaa asaykka hashshu gee.
\q1
\v 9 Abeet Med'inaa Godaw, neeni sa'aa ubbaappe d'ok'k'aasa;
\q2 s'oossatuwaa ubbaappe neeni d'ok'k'u gaasa.
\q1
\v 10 Med'inaa Godaa siik'iyaawanttu iitaa is's'ite.
\q2 I barew amanetiyaa asatuwaa shemppuwaa naagee;
\q2 k'ay unttuntta iitatuwaa kushiyaappe ashshee.
\q1
\v 11 S'illotoo poo'uu poo'ee;
\q2 wozanaa suuretoo nashechchay de'ee.
\q1
\v 12 Hinttenoo s'illotoo, Med'inaa Godaan nashettite;
\q2 Aa geeshsha suntsaa galatite.
\c 98
\s S'oossay Alamiyaa Mooddiyaawaa
\d Mazimuriyaa
\q1
\v 1 Med'inaa Godaw ooratsa yetsaa yes's'ite;
\q2 ayaw gooppe, I malalissiyaabaa ootseedda.
\q1 Aa ushechcha kushiinne Aa geeshsha k'eesii
\q2 aw s'oonuwaa immeedda.
\q1
\v 2 Med'inaa Goday bare s'oonuwaa erisseedda;
\q2 I ashshiyaawaa kawutetsatoo k'onc'c'isseedda.
\q1
\v 3 I Israa'eeliyaa soo asaa siik'iyaawaanne
\q2 unttunttoo ammanettiyaawaa hassayeedda.
\q1 Sa'aa gas'aa gakkanaw de'iyaa Asay ubbay
\q2 nu S'oossay ashiyaawaa be'eedda.
\b
\q1
\v 4 Sa'aa bollan de'iyaa asaa ubbay,
\q1 Med'inaa Godaw nashshechchan yes's'ite;
\q2 k'aalaa d'ok'k'u ootsiide, nashshechchaa sabaa sabbite.
\q1
\v 5 Diitsaa Med'inaa Godaw diis's'ite;
\q2 diitsaaninne yetsan S'oossaa sabbite.
\q1
\v 6 S'urumbbaanne lookkuwaa punniidde,
\q2 nashshechchan Med'inaa Godaa nu kaatiyaa sintsan hombboc'ite.
\b
\q1
\v 7 Abbayinne abbaa giddon kumeeddawe ubbay guummo.
\q2 Sa'aynne sa'aa bollan de'iyaa ubbay yes's'o.
\q1
\v 8 Shaafatuu ittippe barenttu kushiyaa bak'k'ino.
\q2 K'eeri deretuu Med'inaa Godaa sintsan ittippe nashshechchan yes's'ino.
\q1
\v 9 Ayaw gooppe, I sa'aa bollan daannatanaw yee.
\q2 I ha sa'aa bolla s'illotetsan,
\q2 asaa bollakka suuretetsan daannatana.
\c 99
\s S'oossay S'illuwaanne Geeshsha
\q1
\v 1 Med'inaa Goday kawuteedda!\x - \xo 99:1 \xo*\xt Kes. 25:22\xt*\x* Hewoo asatuu kokkorino.
\q2 Kiruubetuwaappe gidduwaan kawutetsaa araataa bolla utteedda;
\q2 hewoo biittay k'aas's'o;
\q1
\v 2 Med'inaa Goday S'iyoonen wolk'k'aama;
\q2 kawutetsaa ubbaappe I d'ok'k'u d'ok'k'u geedda.
\q1
\v 3 Daroppe yashshiyaa Aa wolk'k'aama suntsaa,
\q2 unttunttu ubbay galatino.
\q1 I geeshsha!
\b
\q1
\v 4 Neeni, wolk'k'aama kaatii, likke pirddaa dosaasa.
\q2 Neeni Yaak'ooba asaw suuretetsaa minisaadda.
\q1 S'illotetsaanne likke pirddaa essaadda.
\q1
\v 5 Med'inaa Godaa nu S'oossaa d'ok'k'u d'ok'k'u ootsite;
\q2 Aa gedii yed'd'iyaasaan guufanniide aw goyinnite.
\q1 I geeshsha!
\b
\q1
\v 6 Musenne Aaroone Aa k'esetuwaa gidduwaappe laa"atuwaa;
\q2 Sameelikka Aa suntsan woosseeddawanttuppe ittuwaa.
\q1 Unttunttu Med'inaa Godaw waasseeddino;
\q2 ikka unttunttoo alleeda.
\q1
\v 7 I shaariyaa tuussaa gidduwaana unttunttoo haasayeedda;\x - \xo 99:7 \xo*\xt Kes. 33:9\xt*\x*
\q2 unttunttu I immeedda higgiyaanne wogaa naageeddino.
\b
\q1
\v 8 Abeet Med'inaa Godaw, nu S'oossaw,
\q2 neeni unttunttu woosaa sisaadda.
\q1 Neeni unttunttu iitatetsaa diraw mureeddawaa gidooppekka,
\q2 unttunttoo atto geedda S'oossaa.
\q1
\v 9 Med'inaa Godaa nu S'oossaa, d'ok'k'u d'ok'k'u ootsite;
\q2 Aa geeshsha deriyaa bollan aw goyinnite;
\q2 ayaw gooppe, Med'inaa Goday nu S'oossay geeshsha!
\c 100
\s S'oossaa Galatanaadan Shiik'eedda S'eessaa
\d Galataa immiyaa mazamuriyaa
\q1
\v 1 Sa'aan de'iyaa asaa ubbaw,
\q2 Med'inaa Godaw hintte k'aalaa d'ok'k'u ootsiide yes's'ite.
\q1
\v 2 Med'inaa Godaw nashshechchan ootsite;
\q2 nashshechchaa yetsaanna Aa sintsa shiik'ite.
\b
\q1
\v 3 Med'inaa Goday S'oossaa gidiyaawaa erite;
\q2 nuuna med'd'eeddawe Aa; nuuni aawantta.
\q1 Nuuni Aa asatuwaanne Aa k'ooruwaan de'iyaa dorssatuwaa.
\b
\q1
\v 4 Aa penggiyaa galataana,
\q2 Aa dabaabaa sabaanna gelite;
\q1 Aa galatitenne Aa suntsaa sabbite.
\q1
\v 5 Ayaw gooppe, Med'inaa Goday keeka.\x - \xo 100:5 \xo*\xt 1 Od. 16:34; 2 Od. 5:13; 7:3; Izr. 3:11; Maz. 106:1; 107:1; 118:1; 136:1; Erm. 33:11\xt*\x*
\q2 Aggena Aa siik'uu med'inaassa;
\q1 I yeletaappe yeletaa gakkanaw ammanettiyaawaa.
\c 101
\s Kaatii S'oossaw Geliyaa K'aalaa C'aak'uwaa
\d Daawita mazamuriyaa
\q1
\v 1 Taani aggena siik'uwaabaanne s'illo pirddaabaa yes's'ana;
\q2 abeet Med'inaa Godaw, taani new yes's'ana.
\q1
\v 2 Taani suure ogiyaabaa k'oppana.
\q2 Neeni taakko awude yaan?
\q1 Taani ta golliyaan suuretetsan hamettana.
\b
\q1
\v 3 Taani ta ayifiyaan pokkobaa s'eellikke.
\q2 S'oossaappe wora simmeedda asatuwaa oosuwaa is's'ay;
\q2 unttunttu mulekka taananna gidikkino.
\q1
\v 4 Wozanaa geellatetsay taappe haakko;
\q2 iitatetsaa taani erikke.
\q1
\v 5 Geeman bare shooruwaa zigiriyaawaa,
\q2 taani sirp'p'i ootsana.
\q1 Otorettiyaanne ayyiyaa asaa taani danddaykke.
\b
\q1
\v 6 Unttunttu taananna de'ana mala,
\q2 biittaa bolla de'iyaa ammanettiyaawantta,
\q2 taani keeka ayifiyaan s'eellay.
\q1 Suuretetsan hamettiyaa Asay taw kiitettana.
\b
\q1
\v 7 C'immiyaawe ta golliyaan de'enna;
\q2 wordduwaa haasayiyaawe ta sintsan gam"enna.
\q1
\v 8 Biittan de'iyaa iita asaa ubbaa,
\q2 taani gallassi gallassi d'ayissana;
\q2 iitaa ootsiyaawantta ubbaa,
\q2 taani Med'inaa Godaa katamaappe d'ok'ollana.
\c 102
\s Metuwaa bolla De'iyaa Asaa Woosaa
\d Med'inaa Godaa Sintsaan barena Dogiide Bare Kayyuwaa gussiyaa Wode, Tuggateedda Asay woosseedda woosaa.
\q1
\v 1 Abeet Med'inaa Godaw, ta woosaa sisa;
\q2 ta waasuu neekko gakko.
\q1
\v 2 Ta waayiyaa gallassi,
\q2 ne som"uwaa taappe gentsoppa.
\q1 Ne haytsaa taakko yegga;
\q2 taani new waassiyaa wode, taana ellekka alla.
\b
\q1
\v 3 Ayaw gooppe, ta laytsay c'uwaadan d'ayee;
\q2 ta mek'etsaykka tamaa bonk'k'uwaadan ees's'ee.
\q1
\v 4 Ta wozanay shoc'i yeggeedda mela maataadan hanaad;
\q2 k'umaykka taw meetettenna.
\q1
\v 5 Taani ta k'aalaa d'ok'k'u ootsaade oolay;
\q2 ta galbbay mek'etsaanna oyk'k'etteedda.
\q1
\v 6 Taani bazzuwaan de'iyaa ankkuwaa mala,
\q2 woy koleteedda golliyaan de'iyaa guttuwaa mala.
\q1
\v 7 Taani gisina, gem"ishuu yeenna;
\q2 taani golliyaa huup'iyaan barekka utteedda kafuwaa mala.
\q1
\v 8 Ta morkketuu gallassaa ubbaan taana c'ashiino;
\q2 taana k'iliic'iyaawanttu ta suntsan shek'iino.
\b
\q1
\v 9 Taani bidintsaa k'umaadan may;
\q2 k'ay ta afotsaa ta ushshaanna walakkay.
\q1
\v 10 Neeni taana pude dentsaade,
\q2 ne hank'k'uwaa diraw wora olaadda.
\q1
\v 11 Ta de'uwaa laytsay omarssa kuwaa mala;
\q2 taani maataadan shulay.
\b
\q1
\v 12 Shin abeet Med'inaa Godaw,
\q2 neeni kawutetsaa araatan med'inaw uttaadda;
\q2 ne suntsaykka yeletaappe yeletaa gakkanaw hassayettana.
\q1
\v 13 Neeni denddaade, S'iyoonew k'aretta;
\q2 ayaw gooppe, neeni izo maariyaa wodii gakkeedda;
\q2 hawe neeni dooreedda wodiyaa.
\q1
\v 14 Iza koletteeddawaa gidooppekka,
\q2 ne k'oomatuu izo siik'iino.
\q1 Iza bayeeddawaa gidooppekka,
\q2 unttunttu iziw k'arettiino.
\q1
\v 15 Kawutetsatuu Med'inaa Godaa suntsaw yayana;
\q2 sa'aa kaatetuu ubbay Aa anggaw dagamana.
\q1
\v 16 Ayaw gooppe, Med'inaa Goday S'iyoone zaaretsi kees's'iide,
\q2 I bare gitatetsaa bessana.
\q1
\v 17 I puteesatuwaa woosaa sisana;
\q2 unttunttu waasuwaa kad'enna.
\q1
\v 18 Biro yelettana asatuu Med'inaa Godaa galatana mala,
\q2 hawe yiyaa yeletaw s'aafetto.
\q1
\v 19 Med'inaa Goday d'ok'k'an de'iyaa bare geeshsha sa'aappe duge s'eelleedda;
\q2 I saluwaappe duge sa'aa s'omooseedda.
\q1
\v 20 Hewenne, k'ashetteedda asatuwaa ooliyaa sisanaassanne
\q2 hayk'k'oo pirddetteedda asatuwaa billanaassa.
\q1
\v 21 Hewaa diraw, Med'inaa Godaa suntsay S'iyoonen odettananne
\q2 Aa galatay Yerusaalamen awaayetana.
\q1
\v 22 Asaynne kawutetsay ittippe shiik'iide,
\q2 Med'inaa Godaw he wode goyinnana.
\q1
\v 23 I taani yalagatetsan de'iina,
\q2 ta wolk'k'aa wursseedda;
\q2 ta laytsaa k'antsayeedda.
\q1
\v 24 Yaatina, taani, «Abeet ta S'oossaw,
\q2 ta laytsay biro giddottiyaa wode,
\q2 taana afoppa» yaagay.
\b
\q2 Abeet S'oossaw, neeni yeletaappe yeletaa gakkanaw de'aassa.
\q1
\v 25 Neeni beni sa'aa med'd'aadda;\x - \xo 102:25-27 \xo*\xt Ibr. 1:10-12\xt*\x*
\q2 saluukka ne kushiyaa oosuwaa.
\q1
\v 26 Hewanttu ubbay d'ayana; shin neeni de'ana;
\q2 unttunttu ubbaykka afilaadan wurana.
\q1 Neeni unttuntta c'urk'k'a afilaadan laammana;
\q2 unttunttukka aad'd'ana.
\q1
\v 27 Shin neeni neenakka; ne laytsay ubbaa wurenna.
\q1
\v 28 Nuuni ne k'oomatuwaa;
\q2 nu naanatuu sarotetsaan de'ana.
\q1 Unttunttu zeretsaykka ne sintsan minniide ek'k'ana.
\c 103
\s S'oossaa Siik'uwaa
\d Daawite s'aafeeddawaa
\q1
\v 1 Ta shemppattee, Med'inaa Godaa galataa!
\q2 Ta kumentsaa asatetsaw, Aa geeshsha suntsaa galataa.
\q1
\v 2 Ta shemppattee, Med'inaa Godaa galataa!
\q2 I new ootseedda keekkatetsaa ubbaa dogoppa.
\q1
\v 3 I ne nagaraa ubbaa atto gee;
\q2 I ne harggiyaa ubbaappe neena patsee.
\q1
\v 4 I neena duufuwaan gelennaadan ashshee;
\q2 aggena siik'uwaaninne maarotaan neena anjjee.
\q1
\v 5 Arggantsaadan neeni yalagana mala,
\q2 I ne de'uwaa ubbaan neena lo"obaa kalissee.
\b
\q1
\v 6 Med'inaa Goday naak'etteeddawanttoo
\q2 s'illobaa ootseenne suuriyaan pirddee.
\q1
\v 7 I bare ogiyaa Musa,
\q2 bare oosuwaa Israa'eeliyaa asaw erisseedda.
\q1
\v 8 Med'inaa Goday k'arettiyaawaanne maariyaawaa;\x - \xo 103:8 \xo*\xt Yak'. 5:11\xt*\x*
\q2 I hank'k'ettanaw elleellennawaanne
\q2 aggena siik'uu daruwaa.
\q1
\v 9 I ubbaa gede seerenna; med'inaw hank'k'ettenna.
\q1
\v 10 I nuuna nu nagaraadan ootsibeenna;
\q2 nu iitatetsaadan nuw zaaribeenna.
\q1
\v 11 Saluu sa'aappe d'ok'k'iyaawaadan,
\q2 Med'inaa Godaw yayyiyaawanttoo aggena Aa siik'uu dara.
\q1
\v 12 Away doliyaasaappe away wulliyaasay haakkiyaawaadan,
\q2 Med'inaa Goday nu bayzzuwaa nuuppe haassee.
\q1
\v 13 Aawuu bare naanaatoo k'arettiyaawaadan,
\q2 Med'inaa Goday barew yayyiyaawanttoo k'arettee.
\q1
\v 14 Ayaw gooppe, nuuni ayaappe med'etteeddentto I eree;
\q2 nuuni biittaa gidiyaawaa I akeekee.
\q1
\v 15 Asaa gidooppe, Aa de'uu maataa mala;
\q2 I bazzuwaa c'iishshaadan c'iishshee;
\q1
\v 16 c'arkkuu Aa bolla c'arkkina d'ayeedda;
\q2 I doleedda sa'ay erettenna.
\q1
\v 17 Shin Med'inaa Godaw yayyiyaawanttoo,
\q2 aggena Aa siik'uu med'inaappe med'inaa gakkanaassa.
\q1 Aa s'illotetsaykka na'aa na'aw gakkanaassa.
\q1
\v 18 Aa c'aak'uwaa naagiyaawanttussanne
\q2 Aa azazuwaa polanaw hassayiyaawanttussa.
\q1
\v 19 Med'inaa Goday salotuwaan bare kawutetsaa araataa esseedda;
\q2 Aa kawutetsay ubbaa mooddee.
\q1
\v 20 Hinttenoo, Aa kiitanchchatoo,
\q2 Aa azazuwaa poliyaa wolk'k'aamatoo,
\q1 I giyaawaa sisisiyaawantto,
\q2 Med'inaa Godaa galatite!
\q1
\v 21 Hinttenoo saluwaan de'iyaa minotoo,
\q2 Aa sheniyaa ootsiyaa k'oomatoo,
\q1 Med'inaa Godaa galatite!
\q1
\v 22 Hinttenoo,
\q2 I mooddiyaa sa'aa ubbaa med'etatoo,
\q2 ubbaykka Med'inaa Godaa galatite!
\b
\q2 Ta shemppattee, Med'inaa Godaa galataa!
\c 104
\s S'oossaw Shiik'iyaa Galataa
\q1
\v 1 Ta shemppattee, Med'inaa Godaa galataa!
\q2 Abeet Med'inaa Godaw ta S'oossaw, neeni ay keeshshaa gitee!
\q1 Neeni bonchchuwaanne anggaa mayyaadda.
\q1
\v 2 Poo'uwaa afilaadan gullotaadda.
\q2 Neeni saluwaa dunkkaaniyaadan tolaadda.
\q1
\v 3 Ne golliyaa saluwaa guufantsuwaa bollan kees's'aasa.
\q2 Shaariyaa paraa gaariyaa kessaasa;
\q2 c'arkkuwaa k'efiyaan toggaasa.
\q1
\v 4 Neeni c'arkkotuwaa ne kiitanchchaa,\x - \xo 104:4 \xo*\xt Ibr. 1:7\xt*\x*
\q2 tamaa lac'uwaakka ne k'ooma kessaasa.
\b
\q1
\v 5 Neeni sa'aa Aa baasuwaa bolla essaadda;
\q2 I med'i med'inawukka k'aas's'enna.
\q1
\v 6 Wolk'k'aama abbay biittaa bollan afilaadan mic'etteedda;
\q2 haatsay wolk'k'aama deretuwaa kammeedda.
\q1
\v 7 Shin ne godetina haatsatuu bak'ateeddino;
\q2 ne azazuwaa sisiide, elleelleeddino.
\q1
\v 8 Unttunttu wogga deretuwaappe duge zanggaaraa,
\q2 neeni unttunttoo giigiseedda sa'aa goggeeddino.
\q1
\v 9 Haatsatuu simmiide biittaa kammennaadan,
\q2 unttunttu aad'd'anaw danddayenna zawaa essaadda.
\q1
\v 10 Neeni pulttotuwaa zanggaaraan pulttissaasa;
\q2 unttunttu haatsay deretuwaa gidduwaana goggee.
\q1
\v 11 Goggiyaawaappe bazzuwaa do'atuu ubbay ushiino;
\q2 denbbaa haretuu barenttu saamuwaa aappe aliino.
\q1
\v 12 Saluwaa kafotuu he haatsaa matan barenttu golliyaa kees's'iide,
\q2 tashiyaa giddon yes's'iino.
\q1
\v 13 Neeni wolk'k'aama deretuwaa bollan
\q2 saluwaappe iraa bukissaasa;
\q2 biittakka ne kushiyaa oosuwaa ayifiyaan kalissaasa.
\q1
\v 14 Neeni mehiyaw maataa,
\q2 asaw katsaa mokissaasa.
\q1 Hewenne, Asay biittaa ootsiide,
\q2 biittaappe katsaa demanaassa.
\q1
\v 15 Asaa wozanaa nashechchiyaa woyniyaa,
\q2 som"uwaa shic'issiyaa zayitiyaanne
\q2 wolk'k'aa kuntsiyaa k'umaa mokissaassa.
\q1
\v 16 Med'inaa Godaa mitsatuu,
\q2 I tokkeedda Liibaanoosa zigatuu,
\q2 daro iraa ushiino.
\q1
\v 17 Unttunttun kafotuu barenttu golliyaa kees's'iino;
\q2 k'oolletuukka s'iidaa bolla kees's'iide de'iino.
\q1
\v 18 D'ok'k'a deretuwaa bollan gaaratuu de'iino;
\q2 k'ay guppalletuu Shuchchaa gonggoluwaan k'osettiino.
\q1
\v 19 Wodiyaa payduwaa erissana mala,
\q2 neeni aginaa med'd'aadda.
\q1 Away bare wulliyaa wodiyaa eree.
\q1
\v 20 Neeni k'ammaa med'd'aadda;
\q2 d'uman do'ay ubbay kesee.
\q1
\v 21 Wodalla gaammotuu shankkatiidde gudiino;
\q2 unttunttu barenttoo miyaawaa S'oossaappe koyiino.
\q1
\v 22 Away kesiyaa wode,
\q2 guyye simmiide barenttu geessuwaan gisiino.
\q1
\v 23 He wode Asay bare oosoo kesee;
\q2 sa'ay k'ammana gakkanaw ootsee.
\q1
\v 24 Abeet Med'inaa Godaw, ne oosuu ay keeshshaa daree!
\q2 Ne aad'd'eeda eratetsan neeni unttunttu ubbaa med'd'aadda;
\q2 sa'ay neeni med'd'eeddawan kumeedda.
\q1
\v 25 Abbay hinin hewesh; I wolk'k'aamanne aakko;
\q2 payduu bayinna k'aas's'iyaa med'etatuwaan,
\q2 gitatuwaaninne guutsatuwaan kumiide de'ee.
\q1
\v 26 Hewaa bollan markkabatuu biino;\x - \xo 104:26 \xo*\xt Yob. 41:1; Maz. 74:14; Isa. 27:1\xt*\x*
\q2 k'ay neeni med'd'eedda Leewaataana giyaa dawii an kaa'ee.
\q1
\v 27 Neeni unttuntta koshshiyaa wodiyaan
\q2 unttunttoo k'umaa immana mala,
\q2 unttunttu ubbay neena s'eelliino.
\q1
\v 28 Neeni unttunttoo immina, unttunttu mas'iino;
\q2 neeni ne kushiyaappe yeggina,
\q2 unttunttu lo"obaa kalliino.
\q1
\v 29 Neeni ne som"uwaa gentsiyaa wode dagammiino.
\q2 Ne shemppuwaa neeni akkiyaa wode hayk'k'iide,
\q2 barenttu biittaw simmiino.
\q1
\v 30 Shin neeni ne shemppuwaa kiittiyaa wode,
\q2 haratuu med'ettiino; biittaakka ooratsaasa.
\q1
\v 31 Med'inaa Godaa bonchchuu med'inaw de'o;
\q2 Med'inaa Goday bare oosuwaan nashetto.
\q1
\v 32 I biittaa s'eellina, biittay k'aas's'ee;
\q2 k'ay I deretuwaa bochchina, deretuu c'uwattiino.
\q1
\v 33 Taani ta de'uwaa ubbaan Med'inaa Godaw yes's'ana;
\q2 taani de'eedda laytsaa ubbaan ta S'oossaa sabbana.
\q1
\v 34 Taani Med'inaa Godaan nashettiyaa diraw,
\q2 ta k'ofay Aa nashechcho.
\q1
\v 35 Nagaranchchatuu biittaappe d'ayino;
\q2 hawaappe sintsaw iitatuu de'oppino.
\b
\q1 Ta shemppattee, Med'inaa Godaa galataa! Med'inaa Godaa galatite!
\c 105
\s Maalalisiyaa Israa'eeliyaa Taarikiyaa
\r (1 Od. 16:8-22)
\q1
\v 1 Med'inaa Godaa galatite; Aa suntsaa s'eesite.
\q2 I ootseeddawaa kawutetsatuwaa gidduwaan erissite.
\q1
\v 2 Aa sabbite; galataa yetsaa aw yes's'ite.
\q2 Aa malalissiyaa oosuwaa ubbabaa odite.
\q1
\v 3 Aa geeshsha suntsan c'eek'ettite;
\q2 Med'inaa Godaa koyiyaa wozanatuu nashetino.
\q1
\v 4 Med'inaa Godaanne Aa wolk'k'aa s'omoosite;
\q2 ubbaa gede Aa sintsa koyite.
\q1
\v 5 I ootseedda malalissiyaabaa,
\q2 Aa malaataanne I pirddeedda pirddaa hassayite.
\q1
\v 6 Hinttenoo,
\q2 Aa k'oomaa Abrahaama zeretsatoo,
\q2 dooretteedda Yaak'ooba naatoo.
\b
\q1
\v 7 I Med'inaa Godaa nu S'oossaa;
\q2 Aa tumo pirddaykka sa'aa ubbaa bollaanna.
\q1
\v 8 I bare c'aak'uwaa med'inaw,
\q2 bare azazeedda k'aalaa sha"u yeletaa gakkanaw naagee.
\q1
\v 9 Hewenne, I, Abrahaamana c'aak'k'eteedda c'aak'uwaa,\x - \xo 105:9 \xo*\xt Dom. 12:7; 17:8; 26:3\xt*\x*
\q2 Yisaak'aw c'aak'k'eedda c'aak'uwaa,
\q1
\v 10 Yaak'oobaw woga,\x - \xo 105:10-11 \xo*\xt Dom. 28:13\xt*\x*
\q2 Israa'eeliyawukka med'inaa c'aak'uwaa
\q2 ootsiide miniseedda.
\q1
\v 11 Hawaadan yaageedda;
\q2 «New Kanaane biittaa immana;
\q1 I ne zeretsatoo laata gidana» yaageedda.
\q1
\v 12 S'oossaa asatuu payduwaan s'ii guutsanne
\q2 Kanaane biittan bete gidiide de'iyaa wode,
\q1
\v 13 itti gadiyaappe hara gadiyaa,
\q2 itti kawutetsaappe hara kawutetsaa yuuyyeeddino.
\q1
\v 14 S'oossay unttuntta ooninne naak'k'anaw immibeenna;\x - \xo 105:14-15 \xo*\xt Dom. 20:3-7\xt*\x*
\q2 unttunttu diraw kaatetuwaa seeriidde,
\q1
\v 15 «Taani okkeeddawantta bochchoppite;
\q2 ta timbbitiyaa odiyaawantta k'ohoppite» yaageedda.
\q1
\v 16 S'oossay biittan koshaa yeddiide,\x - \xo 105:16 \xo*\xt Dom. 41:53-57\xt*\x*
\q2 unttunttu katsaa ubbaa d'ayisseedda.
\q1
\v 17 Shin I bare asaa ashshanaw,\x - \xo 105:17 \xo*\xt Dom. 37:28; 45:5\xt*\x*
\q2 itti bitaniyaa Gibs'e kiitteedda;
\q2 he bitanii ayille gidiide zal"eteedda Yooseefa.
\q1
\v 18 Aa gedetuu birataan k'ashetteeddino;\x - \xo 105:18-19 \xo*\xt Dom. 39:20—40:23\xt*\x*
\q2 unttunttu Aa sanssalatan k'achcheeddino.
\q1
\v 19 I kase odeeddawe polettana gakkanaw,
\q2 Med'inaa Godaa k'aalay Aa paac'c'eedda.
\q1
\v 20 Gibs'e kaatii kiittiide k'asho golliyaappe keseedda,\x - \xo 105:20 \xo*\xt Dom. 41:14\xt*\x*
\q2 Gadiyaa mooddiyaawe billeedda.
\q1
\v 21 Ikka, Aa bare golliyaw godaa ootseeddanne.\x - \xo 105:21 \xo*\xt Dom. 41:39-41\xt*\x*
\q2 Barew de'iyaawaa ubbaa bolla suntseedda.
\q1
\v 22 Barew waanna kaappotuwaa azazana malanne
\q2 bare c'imatuwaa zorana mala maatayeedda.
\q1
\v 23 Hewaappe guyyiyaan, Israa'eelii Gibs'e geleedda,\x - \xo 105:23 \xo*\xt Dom. 46:6; 47:11\xt*\x*
\q2 Yayk'k'oobe Kaame biittan bete gidiide de'eedda.
\q1
\v 24 Med'inaa Goday bare asaa daro c'orayeedda;\x - \xo 105:24-25 \xo*\xt Kes. 1:7-14\xt*\x*
\q2 unttunttu morkkatuwaappe unttuntta aatsiide mintsetsee.
\q1
\v 25 I Gibs'e Asay bare asaa is's'anaadaaninne
\q2 bare k'oomatuwaa c'immanaadan ootseedda.
\q1
\v 26 Hewaappe guyyiyaan, bare k'oomaa Musanne\x - \xo 105:26 \xo*\xt Kes. 3:1—4:17\xt*\x*
\q2 bare dooreedda Aaroona unttunttukko kiitteedda.
\q1
\v 27 Unttunttu Gibs'e asatuwaa sintsan S'oossaa malaataa,
\q2 Kaame biittan ooratsabaa ootseeddino.
\q1
\v 28 S'oossay d'umaa kiittiide,\x - \xo 105:28 \xo*\xt Kes. 10:21-23\xt*\x*
\q2 he biittaa d'umisseedda;
\q2 shin Gibs'e asatuu Aa azazuwaa is's'eeddino.
\q1
\v 29 I Unttunttu haatsaa suutsaw laammiide,\x - \xo 105:29 \xo*\xt Kes. 7:17-21\xt*\x*
\q2 moletuwaa wod'eedda.
\q1
\v 30 Unttunttu biittaa ubbaa,\x - \xo 105:30 \xo*\xt Kes. 8:1-6\xt*\x*
\q2 kaatiyaa golliyaakka shed'd'ii kumeedda.
\q1
\v 31 I azazina, uduns's'iinne biinnii\x - \xo 105:31 \xo*\xt Kes. 8:16-17, 20-24\xt*\x*
\q2 unttunttu biittaa ubbaa bolla sham"isham"eedda.
\q1
\v 32 Unttunttu biittaa bollan iraa diraw
\q2 shachchaa walk'k'antsaanna bukisseedda.\x - \xo 105:32-33 \xo*\xt Kes. 9:22-25\xt*\x*
\q1
\v 33 I unttunttu woyniyaa turaanne
\q2 balasiyaa giyaa mitsaa shoc'eedda;
\q2 unttunttu biittan de'iyaa mitsaakka kinchchereetseedda.
\q1
\v 34 I azazina, booliinne
\q2 payduu bayinna bumbburetsay keseedda.\x - \xo 105:34-35 \xo*\xt Kes. 10:12-15\xt*\x*
\q1
\v 35 Unttunttu biittan doleedda katsaa ubbaa meedda;
\q2 sa'aappe irs's'abaa ubbaakka mi d'ayisseedda.
\q1
\v 36 S'oossay Gibs'e asatuwaa golle bayira naanatuwaa ubbaa wod'eedda;\x - \xo 105:36 \xo*\xt Kes. 12:29\xt*\x*
\q2 koyiro yeletteedda ubbaa d'ayisseedda.
\q1
\v 37 Hewaappe guyyiyaan, I Israa'eeliyaa asaa
\q2 work'k'aanne biraa alleek'k'uwaana kesseedda;\x - \xo 105:37-38 \xo*\xt Kes. 12:33-36\xt*\x*
\q2 unttunttu giddoppe kunddiide atteedawe ooninne baawa.
\q1
\v 38 Gibs'e asatuu unttunttoo daro yayyeedda diraw,
\q2 unttunttu keseeddawaan nashetteeddino.
\q1
\v 39 S'oossay unttuntta kammanaw shaariyaa mic'c'eedda;\x - \xo 105:39 \xo*\xt Kes. 13:21-22\xt*\x*
\q2 k'amma unttunttoo poo'issanaw tamaa giigisseedda.
\q1
\v 40 Unttunttu miyaawaa oochchina,
\q2 akkaa malatiyaa kafotuwaa unttunttoo yeddeedda;\x - \xo 105:40 \xo*\xt Kes. 17:1-7; Pay. 20:2-13\xt*\x*
\q2 unttuntta saluwaa k'umaa kalisseedda.
\q1
\v 41 I shuchchaa p'alk'k'ina,
\q2 haatsay pultteedda;
\q2 shaafaadan bazzuwaan goggeedda.
\q1
\v 42 I bare k'oomaa Abrahaamaw,
\q2 geleedda geeshsha k'aalaa hassayeedda.
\q1
\v 43 I bare asaa nashshechchan,
\q2 bare dooreeddawantta ililssan kesseedda.
\q1
\v 44 I unttunttoo hara asatuwaa biittaa immeedda;\x - \xo 105:44 \xo*\xt Iya. 11:16-23\xt*\x*
\q2 unttunttu haratuu daabureedda goshshaa laatteeddino.
\q1
\v 45 Hewaa I ootseeddawe unttunttu Aa wogaa
\q2 naaganaadaananne Aa higgiyaa ootsanaadaana.
\b
\q1 Med'inaa Godaa galatite!
\c 106
\s S'oossay Bare Asaw Bessiyaa Keekatetsaa
\q1
\v 1 Med'inaa Godaa galatite!\x - \xo 106:1 \xo*\xt 1 Od. 16:34; 2 Od. 5:13; 7:3; Izr. 3:11; Maz. 100:5; 107:1; 118:1; 136:1; Erm. 33:11\xt*\x*
\q2 I keeka gidiyaa dirawunne,
\q2 aggena Aa siik'uu med'inaawaa gidiyaa diraw,
\q2 Med'inaa Godaa galatite.
\q1
\v 2 Med'inaa Goday ootseedda wolk'k'aama oosuwaa odanaw,
\q2 woy Aa galataa ubbaa k'onc'c'issanaw, danddayiyaawe oonee?
\q1
\v 3 Pirddaa naagiyaawanttunne,
\q2 ubbaa gede s'illobaa ootsiyaawanttu anjjetteeddawantta.
\b
\q1
\v 4 Abeet Med'inaa Godaw, neeni ne asaw keekkiyaa wode,
\q2 taanakka k'oppa;
\q2 unttuntta neeni ashshiyaa wode,
\q2 tawukka alla.
\q1
\v 5 Hewenne, ne dooreedda asaw,
\q2 sa'ay lo"ina, taani be'anaadaana;
\q2 ne asaa nashshechchaa taanikka nashettanaadaaninne
\q2 newanttunna ittippe taanikka galatanaadaana.
\b
\q1
\v 6 Nuuni nu aawotuwaadan nagaraa ootseeddo;
\q2 bayzzobaanne iitabaa ootseeddo.
\q1
\v 7 Nu aawotuu Gibs'en de'iyaa wode,
\q2 ne malalissiyaa oosuwaa k'oppibeykkino.\x - \xo 106:7 \xo*\xt Kes. 14:10-12\xt*\x*
\q1 Aggena ne siik'uwaa darotetsaa unttunttu hassayibeykkino;
\q2 Zo'o Abbaa lank'k'iyaan ne bolla makkaleeddino.
\q1
\v 8 Gidooppekka I bare suntsaa diraw,
\q2 bare wolk'k'aama wolk'k'aa erissanaw unttuntta ashsheeda.
\q1
\v 9 I Zo'o Abbaa azazina, abbay meleedda;\x - \xo 106:9-12 \xo*\xt Kes. 14:21-31\xt*\x*
\q2 bazzuwaan kaaletsiyaawaadan,
\q2 c'iimmaa gidduwaana unttuntta kaaletsiide pintseedda.
\q1
\v 10 I unttuntta is's'iyaawanttu kushiyaappe ashsheeda;
\q2 morkkatuwaa kushiyaappe unttuntta wozeedda.
\q1
\v 11 Unttunttu morkkatuwaa haatsay mitteedda;
\q2 unttunttuppe ittuunne attibeena.
\q1
\v 12 He wode Israa'eelatuu Aa k'aalaa ammaneeddino;\x - \xo 106:12 \xo*\xt Kes. 15:1-21\xt*\x*
\q2 Aa sabbeeddino.
\q1
\v 13 Gidooppenne, unttunttu I ootseeddawaa
\q2 ellekka dogeeddino.
\q1 Aa zoriyaa naagennan barenttu koyeeddawaa ootseeddino.
\q1
\v 14 Bazzuwaan de'iiddi, unttunttu
\q2 daroppe amotteeddino;\x - \xo 106:14-15 \xo*\xt Pay. 11:4-34\xt*\x*
\q2 k'ay mela biittaan S'oossaa paac'c'eeddino.
\q1
\v 15 Hewaadan I unttunttu woosseeddawaa immeedda;
\q2 shin unttunttu shemppoo gilk'k'atetsaa kiitteedda.
\q1
\v 16 Asatuu bazzuwaan barenttu dunkkaaniyaan de'iiddi,
\q2 Musanne Med'inaa Godaw dummateedda,
\q2 k'oomaa Aaroona k'anaateedda wode,\x - \xo 106:16-18 \xo*\xt Pay. 16:1-35\xt*\x*
\q1
\v 17 biittay dooyettiide Daataana mitteedda;
\q2 Abiiraam Aa golliyaa asatuwaana moogeedda.
\q1
\v 18 K'ay unttunttu maabaraa giddon tamay ees's'ina,
\q2 lac'uu he iita asatuwaa s'uuggeedda.
\q1
\v 19 Koreeba Deriyan de'iiddi,
\q2 work'k'aa muushisiide maraa misiliyaa med'd'eeddino;\x - \xo 106:19-23 \xo*\xt Kes. 32:1-14\xt*\x*
\q2 he misiliyaw goyinneeddino.
\q1
\v 20 Unttunttu barenttu bonchcho S'oossaa
\q2 maataa miyaa miizzaa misiliyaan laammeeddino.
\q1
\v 21 Unttunttu barena ashsheeda S'oossaa dogeeddino;
\q2 I Gibs'en wolk'k'aama oosuwaa,
\q1
\v 22 Kaame biittan malalissiyaabaanne,
\q2 Zo'o Abban, «Hoola!» giissiyaabaa ootseedda.
\q1
\v 23 Hewaa diraw, S'oossay unttuntta d'ayissana geedda;
\q2 shin d'ayissenna mala, Aa hank'k'uwaa zaaranaw,
\q1 S'oossay dooreedda Muse gidduwaan ek'k'eedda.
\q1
\v 24 Hewaappe guyyiyaan, unttunttu
\q2 Aa k'aalaa ammanenna diraw,
\q2 he lo"o biittaa kad'eeddino.\x - \xo 106:24-26 \xo*\xt Pay. 14:1-35\xt*\x*
\q1
\v 25 Unttunttu barenttu dunkkaaniyaa giddon
\q2 zuuzummeeddinonne
\q1 Med'inaa Godaa k'aalaw azazettibeykkino.
\q1
\v 26 Hewaa diraw, I unttuntta bazzuwaan agganawaa,
\q2 Bare kushiyaa dentsiide c'aak'k'eedda.
\q1
\v 27 Unttunttu zeretsaa kawutetsatuwaa giddon agganawunne
\q2 biittan unttuntta laalanaw c'aak'k'eedda.\x - \xo 106:27 \xo*\xt Wog. 26:33\xt*\x*
\q1
\v 28 Hewaappe guyyiyaan, unttunttu Pa'ooran de'iyaa Ba'aala eek'aw,
\q2 goyinniyaawanttunna ittippe gakketeeddino;\x - \xo 106:28-31 \xo*\xt Pay. 25:1-13\xt*\x*
\q2 shemppuu bayinna eek'atoo yarshshetteedda yarshshuwaa meeddino.
\q1
\v 29 Unttunttu barenttu oosuwaan Med'inaa Godaa hank'k'etseeddino;
\q2 unttunttu giddon iita harggii wod'd'eedda.
\q1
\v 30 Shin Piinhaasi denddiide,
\q2 unttunttu bayzzuwaa pirddina,
\q2 iita harggii unttunttu bollaappe kichcheedda.
\q1
\v 31 Hewenne, yeletaappe yeletaa gakkanaw,
\q2 med'inaw aw s'illotetsaa gidiide paydeteedda.
\q1
\v 32 Mariiba pulttuwaa matan Med'inaa Godaa hank'k'etseeddino;\x - \xo 106:32-33 \xo*\xt Pay. 20:2-13\xt*\x*
\q2 unttunttu gaasuwaan Muse bolla metuu gakkeedda.
\q1
\v 33 Ayaw gooppe, unttunttu Aa hank'k'etseeddino;
\q2 Muse doonaappe bessena k'aalay keseedda.
\q1
\v 34 Med'inaa Goday d'ayissite giina,
\q2 unttunttu Kanaane asatuwaa d'ayissibeykkino.\x - \xo 106:34-36 \xo*\xt Dat. 2:1-3; 3:5-6\xt*\x*
\q1
\v 35 Hewaappekka, unttunttu he asatuwaana
\q2 geletti akkettiide, walaketteeddinonne;
\q2 unttunttu de'uwaa wogaa kaalleeddino.
\q1
\v 36 S'oossaa asatuu unttunttu eek'aw goyinneeddino;
\q2 hewenne, unttunttoo p'ire gideedda.
\q1
\v 37 Unttunttu barenttu attumanne mac'c'a naanatuwaa
\q2 s'alahetoo yarshsheeddino.\x - \xo 106:37 \xo*\xt 2 Kat. 17:17\xt*\x*
\q1
\v 38 Unttunttu, s'illo suutsaa
\q2 Kanaane eek'atoo yarshsheeddino;
\q2 barenttu attumanne mac'c'a naanatuwaa suutsaa gusseeddino;\x - \xo 106:38 \xo*\xt Pay. 35:33\xt*\x*
\q2 he suutsan biittay tuneedda.
\q1
\v 39 Hewaadan unttunttu barenttu oosuwaan tuneeddinonne,
\q2 sharmus'aadan unttunttu barenttu S'oossaw ammanettennan is's'eeddino.
\q1
\v 40 Hewaa diraw, Med'inaa Godaa hank'k'uu,
\q2 Aa asaa bolla ees's'i keseedda;\x - \xo 106:40-46 \xo*\xt Dat. 2:14-18\xt*\x*
\q1 I barewantta sheneteedda.
\q1
\v 41 I unttuntta hara gadiyaa asatuwaa kushiyan aatsiide immeedda;
\q2 unttunttu is's'eeddawanttu unttuntta mooddeeddino.
\q1
\v 42 Unttunttu morkketuu unttuntta naak'k'eeddinonne
\q2 barenttu sheniyaadan ayisseedino.
\q1
\v 43 I unttuntta daro gede ashsheedda;
\q2 shin unttunttu makkalaw danc'c'i denddeeddino;
\q2 barenttu nagaraa gaasuwaan d'ayeeddino.
\q1
\v 44 Gidooppenne, I unttunttu waasseedda waasuwaa sisiide,
\q2 unttunttu waayiyaa k'oppeedda.
\q1
\v 45 I unttunttu diraw, bare c'aak'uwaa hassayeedda;
\q2 aggena bare siik'uwaa daruwaadan unttuntta maareedda.
\q1
\v 46 Unttuntta omoodeedda ubbay unttunttoo k'arettanaadan ootseedda.
\q1
\v 47 Abeet Med'inaa Godaw, nu S'oossaw, nuuna ashsha.\x - \xo 106:47-48 \xo*\xt 1 Od. 16:35-36\xt*\x*
\q2 Nuuni ne geeshsha suntsaa galatanaadaaninne
\q2 ne bonchchuwaan c'eek'ettanaadan,
\q2 kawutetsatuwaa giddoppe nuuna shiishsha.
\q1
\v 48 Med'inaa Goday, Israa'eeliyaa S'oossay
\q2 med'inaappe med'inaa gakkanaw galatetto!
\q1 Asay ubbay, «Amen"i!» go.
\b
\q2 Med'inaa Godaa galatite!
\c 107
\ms Ichcheshentso Mas'aafaa
\mr (107—150)
\s Metuwaa Ubbaappe Ashiyaa S'oossaa Galatite
\q1
\v 1 Med'inaa Godaa galatite!\x - \xo 107:1 \xo*\xt 1 Od. 16:34; 2 Od. 5:13; 7:3; Izr. 3:11; Maz. 100:5; 106:1; 118:1; 136:1; Erm. 33:11\xt*\x* Ayaw gooppe,
\q2 I keeka; aggena Aa siik'uu med'inaassa.
\q1
\v 2 Med'inaa Goday ashsheedawanttunne,
\q2 morkkatuwaa kushiyaappe wozeeddawanttu,
\q2 hewaadan giide haasayino.
\q1
\v 3 Unttuntta I biittatuwaappe,
\q2 away doliyaasaappenne wulliyaasaappe,
\q2 huup'issanne gedissa baggappe
\q2 shiishsheeddawantta.
\b
\q1
\v 4 Unttunttuppe ittuu ittuu bazzuwaa biittan yuuyyeeddino.
\q2 Barenttu de'iyaa katamaa biyaa ogiyaa,
\q2 demmanaw danddayibeykkino.
\q1
\v 5 Unttunttu koshateeddinonne saametteeddino;
\q2 unttunttu yibbaateeddino.
\q1
\v 6 Unttunttu metooteedda wode,
\q2 Med'inaa Godaw waasseeddino;
\q1 I unttuntta unttunttu waayiyaappe ashsheeda.
\q1
\v 7 Unttunttu de'ana katamaa gakkanaw,
\q2 I unttuntta sitta ogiyaanna kaaletseedda.
\q1
\v 8 Aggena Aa siik'oonne,
\q2 I asaw ootseedda malalissiyaabaw,
\q2 unttunttu Med'inaa Godaa galatino.
\q1
\v 9 Ayaw gooppe, I saametteeddawantta alee;
\q2 Koshatteeddawanttakka lo"obaa kalissee.
\q1
\v 10 Unttunttuppe ittuu ittuu
\q2 d'ip'p'i go d'umaa giddon utteeddino;
\q1 Unttunttu birataa sanssalatan waayetteeddino.
\q1
\v 11 Ayaw gooppe, unttunttu S'oossaa k'aalaw makkaleeddinonne,
\q2 Ubbaappe D'ok'k'iyaa S'oossaa zoriyaa kad'eeddino.
\q1
\v 12 I unttuntta tugga oosuwaan daabursseedda;
\q2 unttunttu kunddeeddino;
\q2 shin unttuntta maaddiyaawe d'ayeedda.
\q1
\v 13 Unttunttu metooteedda wode, Med'inaa Godaw waasseeddino;
\q2 I unttuntta unttunttu waayiyaappe ashsheedda.
\q1
\v 14 Bareto d'umaappekka kesseedda;
\q2 unttunttu k'ashetteedda birataa sanssalataakka duutseedda.
\q1
\v 15 Aggena Aa siik'oonne
\q2 I asaw ootseedda malalissiyaawoo
\q2 unttunttu Med'inaa Godaa galatino.
\q1
\v 16 Ayaw gooppe, I nahaasiyaappe oosetteedda penggiyaa mentseedda;
\q2 Birataa kulbbuwaakka d'ukkeedda.
\q1
\v 17 Unttunttuppe ittuu ittuu booza gideeddino;
\q2 Barenttu ootseedda nagaraa gaasuwaaninne,
\q2 barenttu iitatetsaa gaasuwaan tuggateeddino.
\q1
\v 18 Unttunttu k'uma ubbaa shenetiide,
\q2 hayk'k'oo mateeddino.
\q1
\v 19 Unttunttu metooteedda wode, Med'inaa Godaw waasseeddino;
\q2 I unttuntta unttunttu waayiyaappe ashsheeda.
\q1
\v 20 I bare k'aalaa kiittiide, unttuntta patseedda;
\q2 duufuwaan geliyaawaappe ashsheeda.
\q1
\v 21 Aggena Aa siik'oonne
\q2 I asaw ootseedda malalissiyaawoo
\q2 unttunttu Med'inaa Godaa galatino.
\q1
\v 22 Unttunttu aw galataa yarshshuwaa yarshshino;
\q2 K'ay nashshechchaa yetsan I ootseeddawaa odino.
\q1
\v 23 Unttunttuppe ittuu ittuu,
\q2 markkabiyaan wolk'k'aama abbaa bollan beeddino.
\q1 Unttunttu he wolk'k'aama abbaa bolla barenttu oosuwaa ootsiyaawantta.
\q1
\v 24 Unttunttu Med'inaa Godaa oosuwaa,
\q2 I c'iimmaa garssan ootseedda malalissiyaabaa be'eeddino.
\q1
\v 25 I azaziide, gotiyaa dentseedda;
\q2 abbaa hobbii k'aas's'eedda.
\q1
\v 26 Unttunttu pude saluwaa c'ugudetteeddino;
\q2 hewaappe duge c'iimmaa wod'd'eeddino.
\q1 He iita metuu gakkina, unttunttu wozanay toyyu geedda.
\q1
\v 27 Unttunttu matsotteedda asaadan
\q2 d'ubettiide ganddigaareeddino;
\q2 unttunttu eraykka jolleedda.
\q1
\v 28 Unttunttu metooteedda wode, Med'inaa Godaw waasseeddino;
\q2 I unttuntta unttunttu waayiyaappe ashsheeda.
\q1
\v 29 I gotiyaa c'o"u ootseedda;
\q2 abbaa beetaakka sirp'p'i ootseedda.
\q1
\v 30 C'o"u geedda diraw,
\q2 unttunttu nashetteeddino;
\q1 S'oossay unttuntta unttunttu amotteedda katamaa aheedda.
\q1
\v 31 Aggena Aa siik'oonne
\q2 I asaw ootseedda malalissiyaabaw
\q2 unttunttu Med'inaa Godaa galatino.
\q1
\v 32 Unttunttu Aa asatuwaa shiik'uwaan d'ok'k'u d'ok'k'u ootsino;
\q2 k'ay c'imatuwaa shiik'uwaan Aa galatino.
\q1
\v 33 S'oossay shaafatuwaa melisseedda;
\q2 pulttotuukka goggennaadan te"eedda.
\q1
\v 34 Hewan de'iyaa asatuwaa iitatetsaa diraw,
\q1 Mokkiyaa aradda biittaakka,
\q2 mokkenna mela biittaw laammeedda.
\q1
\v 35 I zaariide mela bazzuwaan haatsay eellanaadan,
\q2 k'ay mela biittan pulttuu d'uuk'k'anaadan ootseedda.
\q1
\v 36 Kosheteeddawantta he sa'aan wotseedda;
\q2 unttunttu barenttoo de'iyaa katamaa kees's'eeddino.
\q1
\v 37 Unttunttu barenttu goshshan zeriide,
\q2 woyniyaa tokkiide,
\q2 daro murutaa shiishsheeddino.
\q1
\v 38 I unttuntta anjjina, unttunttu loytsi c'oratteeddino;
\q2 unttunttu mehiyaakka guutsibeenna.
\q1
\v 39 Asatuu s'oonettiyaa wodenne unttunttu uk'k'unnaa,
\q2 metuwaanne kayyuwaa gaasuwaan kawushiyaa wode,
\q1
\v 40 S'oossay kaappotuwaa kad'eeddawaa bessee;
\q2 ogii bayinna bazzuwaan toyilakattanaadan I unttuntta ootsee.
\q1
\v 41 Shin I hiyyeesatuwaa tuggaappe kessiide,
\q2 unttunttu golle asaa dorssaa wudiyaadan c'orayee.
\q1
\v 42 Suure asatuu I ootsiyaawaa be'iide nashettiino;
\q2 shin iita asatuu ubbay c'o"u giino.
\q1
\v 43 Aad'd'eeda Eranchcha gidiyaawe ha yewuwaa k'oppo;
\q2 Med'inaa Godaa aggena siik'uwaa akeeko.
\c 108
\s Wontta Sabaanne Galataa
\d Daawita mazamuriyaa, yetsaa
\q1
\v 1 Abeet S'oossaw, ta wozanay minniide de'ee.
\q2 Taani new ta kumentsaa wozanaappe yes's'ananne neena sabbana.
\q1
\v 2 Diitsawunne maasink'k'oo beegottite!
\q2 Taanikka wontta guuraanna beegottana.
\q1
\v 3 Abeet Med'inaa Godaw, taani neena asaa giddon galatana;
\q2 k'ay kawutetsaa giddon neena sabbana.
\q1
\v 4 Ayaw gooppe, aggena ne siik'uu wolk'k'aama;
\q2 saluwaappe bollaw aad'd'ee.
\q1 Ne tumatetsaykka bolla shaariyaadan d'ok'k'ee.
\q1
\v 5 Abeet S'oossaw, salotuwaappe bollaanna
\q2 d'ok'k'u d'ok'k'u ga!
\q1 Ne bonchchuu sa'aa ubbaa bolla gido.
\q1
\v 6 Neeni siik'iyaawanttu attana mala,
\q2 ne ushechcha kushiyan nuuna ashsha;
\q2 neeni taw alla.
\b
\q1
\v 7 S'oossay bare geeshsha sa'aan hawaadan yaageedda;
\q2 «Taani s'oonaade Sekeema biittaa shaakkana;
\q2 k'ay Sukkoota zanggaaraa gishana.
\q1
\v 8 Gala'aade tawaa; Minaasekka taassa;
\q2 Efireemi ta huup'iyaa ashshiyaa k'oobiyaa;
\q1 Yihuday ta kawutetsaa s'am"aa.
\q1
\v 9 Moo'aabe taani meec'ettiyaa kuyis'aaruwaa;
\q2 Eedoomi tawaa gidiyaawaa erissanaw
\q2 ta c'aammaa Aa bolla wotsay.
\q2 Taani Piliss's'eema s'oonaade gereeray» yaageedda.
\q1
\v 10 Gimbbetteedda katamaakko, taana oonee afanawe?
\q2 Eedooma gakkanaw taana oonee kaaletsanawe?
\q1
\v 11 Abeet S'oossaw, nuuna aggeedawe neena gidikkii?
\q2 Abeet S'oossaw, neeni nu tooranchchatuwaanna olaw kesakka.
\q1
\v 12 Asaa maaduu patsenna diraw,
\q2 morkkiyaanna olettanaw neeni nuuna maadda.
\q1
\v 13 S'oossaa wolk'k'an nuuni nu morkkatuwaa s'oonana;
\q2 nu morkkatuwaa yed'd'anawe Aa.
\c 109
\s Morkkiyaa Bolla Shiik'o Woosaa
\d Zammaaretuwaa Kaappoo Yes'etteedda, Daawite s'aafeedda mazamuriyaa
\q1
\v 1 Abeet taani galatiyaa S'oossaw,
\q2 neeni taw c'o"u gooppa.
\q1
\v 2 Ayaw gooppe, iita worddanchcha asatuu,
\q2 barenttu doonaa ta bolla dooyeeddino;
\q2 unttunttu worddo ins's'arssan ta bolla haasayiino.
\q1
\v 3 Unttunttu is'o k'aalaanna taana dooddiino;
\q2 gaasuu bayinnan taananna oletiino.
\q1
\v 4 Taani unttuntta siik'aynne unttunttoo woossay;
\q2 gidooppekka, unttunttu taana mootiino.
\q1
\v 5 Taani lo"uwaa ootsina,
\q2 unttunttu taw iitaa zaariino;
\q2 taani unttuntta siik'ina, unttunttu taana is's'iino.
\b
\q1
\v 6 Ta morkkiyaa bolla iita daannaa suntsaa;
\q2 mootanchchay Aa ushechchan ek'k'o.
\q1
\v 7 Aa biddiyaa wode, I bayzzanchcha gidiide beetto;
\q2 Aa woosaykka aw simmiide gometo!
\q1
\v 8 Aa laytsay k'aammo;\x - \xo 109:8 \xo*\xt Kit. 1:20\xt*\x*
\q2 Aa suntsatetsaakka haray akko!
\q1
\v 9 Aa naanatuu aawuwaa d'ayiide yii"ino;
\q2 Aa machata am"e gidu!
\q1
\v 10 Aa naanatuu yuuyyi yuuyyiide woossino;
\q2 barenttu de'iyaa onaappekka yederssettino!
\q1
\v 11 Aa mas'uwaa ubbaa ac'oo oyk'k'o;
\q2 I daaburiide kesseeddabaa ubbaa allagay bonk'k'o!
\q1
\v 12 Ooninne aw keekkabaa ootsoppo,
\q2 woy aawuwaa d'ayeedda Aa naanaatoo k'arettoppo!
\q1
\v 13 Aa naanatuu ubbay wuri d'ayino;
\q2 kaalliyaa yeletaan Aa suntsay dogetto.
\q1
\v 14 Aa aawotuwaa nagaray Med'inaa Godaa sintsan k'ofetto;
\q2 Aa aatti nagaray ubbakka k'uc'ettoppo!
\q1
\v 15 He nagaray ubbaa gede Med'inaa Godaa sintsan beetto;
\q2 unttuntta hassayissiyaawe sa'aappe d'ok'olletti kichcho!
\q1
\v 16 Ayaw gooppe, I
\q2 keekkabaa ootsanaw ubbakka k'oppibeenna;
\q2 hiyyeesatuwaa, metootanchchatuwaanne
\q2 wozanay madus's'eeddawantta yederssiide wod'eedda.
\q1
\v 17 I shek'k'anaw doseedda diraw,
\q2 ikka shek'k'etteeddawaa gido!
\q1 I anjjanaw dosenna diraw,
\q2 anjjuu aappe haakko!
\q1
\v 18 I shek'k'iide salenna;
\q2 Aa shek'ay haatsaadan Aa bollaa katso!
\q1 Zayitiyaadan Aa mek'etsan gelo!
\q1
\v 19 Afilaadan Aa kammo;
\q2 sak'k'iyaadan ubbaa gede Aa s'eessan de'o!
\q1
\v 20 Hawe taana mootiyaawanttoonne
\q2 taana iitan zigiriyaawanttoo,
\q1 Med'inaa Goday immiyaa woytuwaa gido!
\q1
\v 21 Shin abeet Ubbaa Mooddiyaa Med'inaa Godaw,
\q2 ne suntsaa diraw, taana maadda.
\q1 Aggena ne siik'uwaanne
\q2 ne keekkatetsaa diraw, taana ashsha.
\q1
\v 22 Ayaw gooppe, taani
\q2 hiyyeessanne metootanchchaa asaa;
\q2 ta wozanaykka maduns's'eedda.
\q1
\v 23 Taani omarssa kuwaadan d'ayana hanay;
\q2 taani booliyaadan k'ok'k'ofettay.
\q1
\v 24 S'oomishin ta gulbbatay is's'eedda;
\q2 ta bollaykka laafee.
\q1
\v 25 Taana mootiyaawanttoo k'iliic'iyaawaa gidaaddi;\x - \xo 109:25 \xo*\xt Mat. 27:39; Mar. 15:29\xt*\x*
\q2 unttunttu taana be'iide, barenttu huup'iyaa k'aatsiino.
\q1
\v 26 Abeet Med'inaa Godaw ta S'oossaw, taana maadda;
\q2 aggena ne siik'uwaadan taana ashsha.
\q1
\v 27 Abeet Med'inaa Godaw, hewe
\q2 ne kushiyaa gideeddawaanne
\q2 hewaa neeni ootseeddawaa ta morkketuu erino.
\q1
\v 28 Unttunttu taana shek'k'ooppenne,
\q2 neeni taana anjja!
\q1 Ta bolla denddiyaawanttu yeellatino;
\q2 shin taana ne k'oomaa nashshechchaa.
\q1
\v 29 Taana mootiyaawanttu kawushshaa mayno;
\q2 barenttu yeellaakka kutaadan k'umayino.
\q1
\v 30 Taani ta ins's'arssan Med'inaa Godaa daroppe galatana;
\q2 daro Asay shiik'eeddasaan Aa galatana.
\q1
\v 31 Ayaw gooppe, I hiyyeesaa diraw mootettee;
\q2 hayk'k'oo pirddiyaa asaappekka Aa ashshee.
\c 110
\d S'oossay Dooreedda Kaatiyaa Daawite s'aafeedda mazamuriyaa
\q1
\v 1 Med'inaa Goday ta Godaa,\x - \xo 110:1 \xo*\xt Mat. 22:44; Mar. 12:36; Luk'. 20:42-43; Kit. 2:34-35; 1 K'or. 15:25; Efe. 1:20-22; K'ol. 3:1; Ibr. 1:13; 8:1; 10:12-13\xt*\x*
\q2 «Taani ne morkkatuwaa neeni gediyaan
\q2 yed'd'a ek'k'iyaawaa ootsana gakkanaw,
\q2 hawaan taappe ushechcha baggana utta» yaageedda.
\q1
\v 2 Med'inaa Goday ne minotetsaa s'am"aa S'iyooneppe kiittana;
\q2 yaatina, «Ne morkkatuwaa moodda!» yaagana.
\q1
\v 3 Neeni ne morkkatuwaanna olettiyaa gallassi,
\q2 ne Asay eeno gaana.
\q1 Wontta guura ketterssaadan,
\q2 ne wodalla Asay neekko geeshsha deretuwaan shiik'ana.
\b
\q1
\v 4 Med'inaa Goday, «Malkka S'edek'i k'eesiyaa gideeddawaadan,
\q2 neenikka med'inaw k'eesiyaa gidana» yaagiide c'aak'k'eedda;
\q1 I bare k'ofaa laammenna.\x - \xo 110:4 \xo*\xt Ibr. 5:6; 6:20; 7:17, 21\xt*\x*
\q1
\v 5 Goday ne ushechchan de'ee;
\q2 bare hank'k'uwaa gallassi I kaatetuwaa kinchchereetsana.
\q1
\v 6 Kawutetsaa bolla I pirddana;
\q2 olaa dembbatuwaakka anhaa s'alala ootsana;
\q2 sa'aan ubbaan de'iyaa kaatetuwaa I mentsereetsana.
\q1
\v 7 Kaatii ogiyaa matan de'iyaa haatsaa pulttuwaappe ushiide,
\q2 I bare huup'iyaa d'ok'k'u ootsana.
\c 111
\s S'oossaw Shiik'iyaa Galataa
\q1
\v 1 Med'inaa Godaa galatite! Suuretuu shiik'iyaa shiik'uwaan,
\q2 taani ta polo wozanaappe Med'inaa Godaa galatana.
\b
\q1
\v 2 Med'inaa Godaa oosotuu ay keeshshaa gitee!
\q2 Unttunttun nashettiyaawanttu ubbay unttuntta k'oppanaw bessee.
\q1
\v 3 Aa oosotuu bonchchuwaaninne
\q2 anggan kumeeddawantta.
\q1 Aa s'illotetsaykka med'inaw de'ee.
\q1
\v 4 I bare malalissiyaa oosotuu,
\q2 hassayettanaadan ootseedda.
\q1 Med'inaa Goday k'arettiyaawaanne maariyaawaa.
\q1
\v 5 Barew yayyiyaawanttoo k'umaa I immee;
\q2 I bare c'aak'uwaa med'inawukka k'oppee.
\q1
\v 6 Allagatuwaa biittaa immiyaawan
\q2 I bare oosuwaa wolk'k'aa bare asaa besseedda.
\q1
\v 7 Aa kushiyaa oosotuu tumanne likke;
\q2 Aa wogatuukka ubbay ammanettiyaawantta.
\q1
\v 8 Unttunttunne med'i med'inaw ek'k'iide de'iyaawantta;
\q2 tumatetsaaninne suuretetsan imetteeddawantta.
\q1
\v 9 I bare asaa woziide kesseedda;
\q2 I bare c'aak'uwaa unttunttunna med'inaw wotseedda.
\q1 Aa suntsay geeshshanne, «Hoola!» giissiyaawaa.
\q1
\v 10 Eratetsaw koyiruu Med'inaa Godaw yayyiyaawaa;\x - \xo 111:10 \xo*\xt Yob. 28:28; Lem. 1:7; 9:10\xt*\x*
\q2 Aa wogaa ootsiyaawanttoo lo"o akeekay de'ee.
\q1 S'oossay med'inaw galatetto!
\c 112
\s Lo"o Asaa Nashechchaa
\q1
\v 1 Med'inaa Godaa galatite! Med'inaa Godaw yayyiyaanne,
\q2 Aa azazuwaa polanaw daroppe nashetiyaa asay,
\q2 anjjetteedawaa.
\b
\q1
\v 2 Aa naanatuu biittan wolk'k'aama gidana;
\q2 suure asatuwaa yeletay anjjettana.
\q1
\v 3 Shaluunne duretetsay Aa golliyaan de'ee;
\q2 Aa s'illotetsaykka med'inaw de'ana.
\q1
\v 4 Suure asaw,
\q2 keeka, s'illonne k'arettiyaa asatoo,
\q2 d'umaa giddon poo'uu poo'ee.
\q1
\v 5 Keekatetsan c'oo tal"iyaa uraw,
\q2 bare oosuwaa suuretetsan ootsiyaa uraw,
\q2 keekabay yaana.
\q1
\v 6 S'illo Asay awudenne kunddenna;
\q2 med'inaw I hassayettana.
\q1
\v 7 Iitabaa I sisooppekka dagammenna;
\q2 ayaw gooppe, Aa wozanay k'aas's'ena;
\q1 Med'inaa Godaan I ammanettee.
\q1
\v 8 Aa wozanay s'ala gidiyaa diraw,
\q2 ubbakka I yayyena;
\q2 wurssetsan bare morkketuu s'oonettina be'ana.
\q1
\v 9 I hiyyeesaa asaw darissiide immeedda;\x - \xo 112:9 \xo*\xt 2 K'or. 9:9\xt*\x*
\q2 k'ay Aa s'illotetsay med'inaw de'ee;
\q1 Aa kac'ii bonchchuwaan d'ok'k'u gee.
\q1
\v 10 Iita Asay hewaa be'iide yilotee;
\q2 achchaa garc'c'iide, c'oo d'ayee.
\q1 Iita asaa amuu c'oo attanawaa.
\c 113
\s S'oossaa Keekkatetsaa K'onc'c'issiyaa Galataa
\q1
\v 1 Med'inaa Godaa galatite! Hinttenoo Med'inaa Godaa k'oomatoo,
\q2 Med'inaa Godaa suntsaa galatite!
\q1
\v 2 Med'inaa Godaa suntsay hachcheppe med'inaa gakkanaw galatetto!
\q1
\v 3 Away doliyaasaappe biide
\q2 wulliyaasaa gakkanawukka Med'inaa Godaa suntsay galatetto!
\b
\q1
\v 4 Med'inaa Goday kawutetsaa ubbaappe bollaanna mooddiyaawaa;
\q2 Aa bonchchuukka salotuwaappe d'ok'k'iyaawaa.
\q1
\v 5 Med'inaa Godaa nu S'oossaa mali oonee?
\q1 I bolla d'ok'k'an kawutetsaa araatan utteedda.
\q1
\v 6 I salotuwaanne sa'aa s'eellanaw
\q2 duge hokkee.
\q1
\v 7 I hiyyeesaa baanaappe d'ok'k'u ootsee;
\q2 metootanchchaakka bidintsaa pituwaappe dentsee.
\q1
\v 8 Bare asaa mooddiyaawanttunna utissee.
\q1
\v 9 Maynne mishirato naanatuwaa aato ootsiide,
\q2 nashechchiide I golliyaan izo bonchchissee.
\p Med'inaa Godaa galatite!
\c 114
\s Paasigaa Mazimuriyaa
\q1
\v 1 Israa'eeliyaa Asay Gibs'e biittaappe keseedda wode,\x - \xo 114:1 \xo*\xt Kes. 12:51\xt*\x*
\q2 Yaak'ooba golliyaa asay,
\q2 allaga k'aalan haasayiyaa asaa yeggiide beedda wode,
\q1
\v 2 Yihudaa Asay Godaw geeshsha asaa gideedda;
\q2 Israa'eeliyaa asaykka aw moodeteeddino.
\q1
\v 3 Zo'o Abbay hewaa be'iide bak'ateedda;\x - \xo 114:3 \xo*\xt Kes. 14:21; Iya. 3:16\xt*\x*
\q2 Yorddaanoosa Shaafaykka guyye simmeedda.
\q1
\v 4 Deretuu deeshshatuwaadan buraak'eeddino;
\q2 zoozetuukka dorssaa maraadan guferetteeddino.
\b
\q1
\v 5 Abbaw, neena bak'atisseedawe ayee?
\q2 Yorddaanoosa Shaafaw, ayaw guyye simmaaddii?
\q1
\v 6 Hinttenoo deretoo, deeshshatuwaadan
\q2 ayaw buraak'eedditee?
\q1 Hinttenoo zoozatoo, dorssaa maraadan,
\q2 ayaw guferetteeditee?
\q1
\v 7 Neenoo biittaw, Godaa sintsan,
\q2 Yaak'ooba S'oossaa sintsan kokkora.
\q1
\v 8 I Shuchchaa zeereeto haatsaa kesseeddawaa;\x - \xo 114:8 \xo*\xt Kes. 17:1-7; Pay. 20:2-13\xt*\x*
\q2 zaallaa, haatsaa pulttuwaa ootseeddawaa.
\c 115
\s Itti Tumu S'oossaa
\q1
\v 1 Abeet Med'inaa Godaw, nu gishsha gidenna;
\q2 nu gishsha gidennaan, aggena ne siik'owunne
\q2 ne tumatetsaa diraw, ne suntsaa bonchcha.
\b
\q1
\v 2 Kawutetsatuu ayaw,
\q2 «Unttunttu S'oossay hak'an de'ii?» giinoo?
\q1
\v 3 Nu S'oossay saluwaana;
\q2 I bare doseeddawaa ay gidooppekka ootsee.
\q1
\v 4 Shin unttunttu eek'atuu biraanne work'k'aa;\x - \xo 115:4-8 \xo*\xt Maz. 135:15-18; Sas'. 9:20\xt*\x*
\q2 unttunttu asaa kushiyaan med'etteeddawantta.
\q1
\v 5 Unttunttoo doonay de'ee; shin haasayikkino;
\q2 ayifii de'ee; shin s'eellikkino.
\q1
\v 6 Unttunttoo haytsay de'ee; shin sissikkino;
\q2 siid'ii de'ee; shin singgikkino.
\q1
\v 7 Unttunttoo kushii de'ee; shin oyk'k'i erikkino;
\q2 gediikka de'ee; shin hamettikkino;
\q2 unttunttu barenttu pillanttiyaanna kooshshaa sissikkino.
\q1
\v 8 Unttuntta med'd'iyaawanttunne,
\q2 unttunttun ammanettiyaawanttu ubbay unttunttu mala gidino.
\b
\q1
\v 9 Hinttenoo, Israa'eeliyaa asatoo,
\q2 Med'inaa Godaan ammanettite!
\q1 I hinttena maaddiyaawaanne hintte gonddalliyaa.
\q1
\v 10 Hinttenoo, Aaroona golliyaa asatoo,
\q2 Med'inaa Godaan ammanettite!
\q1 I hinttena maaddiyaawaanne hintte gonddalliyaa.
\q1
\v 11 Hinttenoo, Med'inaa Godaw yayyiyaawanttoo,
\q2 Med'inaa Godaan ammanettite!
\q1 I hinttena maaddiyaawaanne hintte gonddalliyaa.
\q1
\v 12 Med'inaa Goday nuuna k'oppee; I nuuna anjjana.
\q2 I Israa'eeliyaa asatuwaa anjjana.
\q1 I Aaroona golliyaa asatuwaa anjjana.
\q1
\v 13 Med'inaa Godaw yayyiyaawantta,
\q2 guutsatuwaakka gitatuwaakka I gatso anjjana.\x - \xo 115:13 \xo*\xt Sas'. 11:18; 19:5\xt*\x*
\q1
\v 14 Med'inaa Goday hinttenakka hintte naanatuwaakka darisso!
\q1
\v 15 Saluwaanne sa'aa med'd'eedda Med'inaa Godaan anjjettite!
\q1
\v 16 Bolla d'ok'k'a saluu Med'inaa Godaawaa;
\q2 shin sa'aa I asaw immeedda.
\q1
\v 17 Hayk'k'eeddawanttu, duufuwaan c'o"u geeddawanttu,
\q2 Med'inaa Godaa galatikkino.
\q1
\v 18 Shin nuuni, pas'a de'iyaawanttu,
\q2 hachcheppe doommiide
\q2 med'inaa gakkanaw Med'inaa Godaa galateetto.
\b
\q1 Med'inaa Godaa galatite!
\c 116
\s Hayk'k'uwaappe Atteedda Asaa Galataa
\q1
\v 1 I ta kooshshaanne ta watiwatuwaa siseedda diraw,
\q2 taani Med'inaa Godaa siik'ay.
\q1
\v 2 I bare haytsaa taakko yeggeedda diraw,
\q2 taani pas'a de'eedda keenan ubbaan Aa s'eesana.
\q1
\v 3 Hayk'k'uu p'iriyaadan taana oyk'k'anaw haneedda;
\q2 moogettana hirggay taana iisseedda.
\q1 Taana un"ay toleedda.
\q1
\v 4 He wode taani, «Abeet Med'inaa Godaw, hadaraa!
\q2 Taana ashsha» yaagaade Med'inaa Godaa suntsaa s'eesaad.
\b
\q1
\v 5 Med'inaa Goday keekkanne s'iluwaa;
\q2 nu S'oossay k'arettiyaawaa.
\q1
\v 6 Med'inaa Goday ashikke wozanay de'iyaawantta naagee;
\q2 taani metooteedda wode, I taana ashsheeda.
\q1
\v 7 Ta shemppattee, simmi woppu ga;
\q2 ayaw gooppe, Med'inaa Goday new keekeedda.
\b
\q1
\v 8 Med'inaa Goday taana hayk'k'uwaappe,
\q2 ta ayifiyaa afotsaappe,
\q2 ta gediyaakka d'ubiyaappe ashsheedda.
\q1
\v 9 Hewaa diraw, taani,
\q2 pas'a de'iyaawanttu giddon,
\q2 Med'inaa Godaa sintsan hamettay.
\q1
\v 10 Taani, «Taana un"ay toleedda» giyaa wodekka,\x - \xo 116:10 \xo*\xt 2 K'or. 4:13\xt*\x*
\q2 ta ammanuwaa aggabeyikke.
\q1
\v 11 Taani dagamaade, «Asay ubbay wordduwaa» yaagaad.
\q1
\v 12 I taw keekkeedda keekkatetsaa diraw,
\q2 taani Med'inaa Godaw ay c'igganaw danddayayitaa?
\q1
\v 13 Taani s'uu'aa woyniyaa eessaa galataw shiishshaade,
\q2 I taana asho diraw,
\q1 Med'inaa Godaa suntsaa s'eesana.
\q1
\v 14 Aa asaa ubbaa sintsan
\q2 taani k'anggiyaa Med'inaa Godaw gatsana.
\q1
\v 15 Geeshshatuwaa hayk'k'uu Med'inaa Godaa sintsan,
\q2 loytsi daroppe bonchchetteeddawaa.
\q1
\v 16 Abeet Med'inaa Godaw, taani ne k'oomaa;
\q2 ee, taani ne k'oomaa, ne k'oomati na'aa.
\q1 Taana k'ashuwaappe neeni billaada.
\q1
\v 17 Abeet Med'inaa Godaw,
\q2 taani galataa yarshshuwaa new yarshshana;
\q2 ne suntsaa s'eesana.
\q1
\v 18 Asaa ubbaa sintsan,
\q2 taani k'anggeteedda k'anggetsaa Med'inaa Godaw gatsana.
\q1
\v 19 Hewaakka taani gatsanawe,
\q2 Yerusaalamen de'iyaa Med'inaa Godaa golliyaa dabaabaanna.
\b
\q1 Med'inaa Godaa galatite!
\c 117
\s Galataa S'eessaa
\q1
\v 1 Kawutetsatoo ubbatoo, Med'inaa Godaa galatite!\x - \xo 117:1 \xo*\xt Rom. 15:11\xt*\x*
\q2 Asay ubbay, Aa gitayite!
\q1
\v 2 Ayaw gooppe, aggena Aa siik'uu nuw wolk'k'aama;
\q2 Med'inaa Goday med'inawukka ammanettiyaawaa.
\b
\q1 Med'inaa Godaa galatite!
\c 118
\s S'oonoo Shiik'o Galataa
\q1
\v 1 Med'inaa Godaa galatite! Ayaw gooppe, I keeka.\x - \xo 118:1 \xo*\xt 1 Od. 16:34; 2 Od. 5:13; 7:3; Izr. 3:11; Maz. 100:5; 106:1; 107:1; 136:1; Erm. 33:11\xt*\x*
\q2 Aggena Aa siik'uu med'inaawaa.
\q1
\v 2 Israa'eeliyaa asay,
\q2 «Aggena Aa siik'uu med'inaawaa» yaago.
\q1
\v 3 Aaroona golliyaa asay,
\q2 «Aggena Aa siik'uu med'inaawaa» yaago.
\q1
\v 4 Med'inaa Godaw yayyiyaawanttu ubbay,
\q2 «Aggena Aa siik'uu med'inaawaa» yaagino.
\b
\q1
\v 5 Taani un"etteedda wode Med'inaa Godaw waassaad;
\q2 I ta waasuwaa alliide, taana la"a kesseedda.
\q1
\v 6 Med'inaa Goday taananna de'iyaa diraw,
\q2 taani yayyikke.\x - \xo 118:6 \xo*\xt Ibr. 13:6\xt*\x*
\q1 Asi taana ay ootsii?
\q1
\v 7 Med'inaa Goday taana maaddanaw taananna de'ee;
\q2 ta morkketuu s'oonetteeddawantta taani be'ana.
\q1
\v 8 Asan ammanettiyaawaappe,
\q2 Med'inaa Godaakko bak'atiyaawe lo"a.
\q1
\v 9 Daannatuwaan ammanettiyaawaappe,
\q2 Med'inaa Godaakko bak'atiyaawe lo"a.
\q1
\v 10 Kawutetsatuu ubbay taana dooddi oyk'k'eeddino;
\q2 shin Med'inaa Godaa suntsan taani unttuntta s'oonaad.
\q1
\v 11 Unttunttu taana dooddeeddino;
\q2 ubba saanna dooddi oyk'k'eeddino;
\q2 shin Med'inaa Godaa suntsan taani unttuntta s'oonaad.
\q1
\v 12 Unttunttu matsay doodiyaawaadan,
\q2 ta yuushshuwaan dooddeeddino.
\q1 Shin aguntsay taman ees's'iyaawaadan
\q2 ees's'i d'ayeeddino.
\q1 Med'inaa Godaa suntsan taani unttuntta s'oonaad.
\q1
\v 13 Taana sugi yeggina, kunddana hanay;
\q2 shin Med'inaa Goday taana maaddeedda.
\q1
\v 14 Med'inaa Goday taw wolk'k'anne minotetsaa;\x - \xo 118:14 \xo*\xt Kes. 15:2; Isa. 12:2\xt*\x*
\q2 I taana ashshiyaawaa gideedda.
\q1
\v 15 Olaa s'ooniide simmiyaa asay,
\q2 s'illotuwaa dunkkaaniyaan hombboc'iidde, giyaawaa sisite.
\q1 Unttunttu, «Med'inaa Godaa ushechcha kushii wolk'k'aamabaa ootseedda!
\q1
\v 16 Med'inaa Godaa ushechcha kushii s'oonuwaa immeedda!
\q2 Med'inaa Godaa ushechcha kushii wolk'k'aamabaa ootseedda!» yaagiino.
\b
\q1
\v 17 Taani hayk'k'ikke;
\q2 pas'a de'ananne Med'inaa Goday ootseeddawaa awaayana.
\q1
\v 18 Med'inaa Goday taana iita muruwaa muree;
\q2 shin hayk'k'oo aatsiide immibeenna.
\q1
\v 19 Taani giddo gelaade Med'inaa Godaa galatana mala,
\q2 Geeshsha Golliyaa penggetuwaa ane taw dooyite.
\q1
\v 20 Hawe Med'inaa Godaa penggiyaa;
\q2 ha penggiyaanna s'illotuwaa s'alalay geliino.
\q1
\v 21 Neeni taana siseedda dirawunne
\q2 s'oonuwaa immeedda diraw,
\q2 taani neena galatay.
\q1
\v 22 Gimbbiyaawanttu kad'iide is's'eedda shuchchay,\x - \xo 118:22 \xo*\xt Luk'. 20:17; Kit. 4:11; 1 P'es'. 2:7\xt*\x*\x - \xo 118:22-23\xo*\xt Mat. 21:42; Mar. 12:10-11\xt*\x*
\q2 godaa s'ap'uwaa minisiyaa, ubbaappe aad'd'iyaa shuchchaa gideedda.
\q1
\v 23 Hawe Med'inaa Goday ootseeddawaa;
\q2 k'ay nu ayifiyawukka malalissiyaawaa.
\q1
\v 24 Hawe gallassay Med'inaa Goday med'eedda gallassaa.
\q2 Ane nuuni an nashettoyttenne ililoytte.
\q1
\v 25 Abeet Med'inaa Godaw, ha"i nuuna ashshaarikkii!
\q2 Abeet Med'inaa Godaw, ha"i nuw injjeyaarikkii!\x - \xo 118:25 \xo*\xt Mat. 21:9; Mar. 11:9; Yoh. 12:13\xt*\x*
\q1
\v 26 Med'inaa Godaa suntsan yiyaa Asay anjjetteedawaa gido!\x - \xo 118:26 \xo*\xt Mat. 21:9; 23:39; Mar. 11:9; Luk'. 13:35; 19:38; Yoh. 12:13\xt*\x*
\q2 Nuuni Med'inaa Godaa Geeshsha Golliyaappe hinttena anjjeetto.
\q1
\v 27 Med'inaa Goday S'oossaa; I nu bollan poo'isseedda.
\q2 Irs's'a tashiyaa oyk'k'iide, ayaana gallassaa bonchchite;
\q2 yarshshuwaa bollan de'iyaa kac'iyaakko aad'd'ite.
\q1
\v 28 Neeni ta S'oossaa; taani neena galatana.
\q2 Neeni ta S'oossaa; taani neena gitayana.
\q1
\v 29 Med'inaa Godaa galatite! Ayaw gooppe, I keeka;
\q2 aggena Aa siik'uu med'inaawaa.
\c 119
\s S'oossaa Higgiyaw Imetteedda Sabaa
\qa Alef
\q1
\v 1 Barenttu ogiyaan tooshii bayinnawanttunne,
\q2 Med'inaa Godaa higgiyaadan hamettiyaawanttu,
\q2 anjjetteedawantta.
\q1
\v 2 I odeeddawaa ootsiyaawanttunne
\q2 barenttu kumentsaa wozanaappe Aa siik'iyaawanttu,
\q2 anjjetteeddawantta.
\q1
\v 3 Unttunttu balabaa ootsikkino;
\q2 S'oossaa ogiyaan hamettiino.
\q1
\v 4 Ne wogaw ammanettiide naagana mala,
\q2 neeni nuuna azazaadda.
\q1
\v 5 Ne awaayoo azazettiyaawan
\q2 ta ogii minnanaadan amottay.
\q1
\v 6 Yaatooppe, ne azazuwaa ubbaa hayzzaadde,
\q2 taani ubbakka yeellatikke.
\q1
\v 7 Ne s'illo pirddaa tamaaraade,
\q2 taani neena suure wozanaappe galatana.
\q1
\v 8 Taani ne awaayuwaadan ootsana;
\q2 taana ubbakka yeggoppa.
\qa Beet
\q1
\v 9 Yalagay bare ogiyaa geeshsha ootsiide
\q2 wooti naaganaw danddayii?
\q1 Ne k'aalay giyaawaadan de'ooppe danddayee.
\q1
\v 10 Taani ta polo wozanaappe neena koyay;
\q2 ne azazotuwaappe wora hamettennaadan taana naaga.
\q1
\v 11 Taani neena naak'k'ennaadan
\q2 ne k'aalaa ta wozanaan wotsaad.
\q1
\v 12 Abeet Med'inaa Godaw, neeni galatetta!
\q2 Ne awaayuwaa taana tamaarissa.
\q1
\v 13 Ne doonaappe keseedda pirddaa ubbaa,
\q2 taani ta ins's'arssan oday.
\q1
\v 14 Duretetsan nashettiyaawaadan,
\q2 taani neeni odeedda k'aalan nashetay.
\q1
\v 15 Ne wogatuwaa zaara zaaraadde k'oppaynne
\q2 ne ogiyaa loytsa akeekay.
\q1
\v 16 Taani ne awaayuwaan nashetay;
\q2 ne k'aalaakka taani dogikke.
\qa Gaameel
\q1
\v 17 Taani pas'a de'ana malanne
\q2 ne k'aalaw azazettana mala,
\q2 taw ne k'oomaw keekabaa ootsa.
\q1
\v 18 Ne higgiyaa giddon de'iyaa malalissiyaa tumatetsaa,
\q2 taani be'ana mala, ta ayifiyaa dooyaa.
\q1
\v 19 Taani ha sa'aan imatsaa;
\q2 ne azazotuwaa taappe gentsoppa.
\q1
\v 20 Taani ubbaa wode,
\q2 ne pirddaa loytsa laamotay.
\q1
\v 21 Otorettiyaawanttu, shek'k'etteeddawantta,
\q2 ne azazuwaappe wora hamettiyaawantta,
\q2 neeni seeraasa.
\q1
\v 22 Taani neeni odeeddawaa ootseedda diraw,
\q2 unttunttu boriyaanne unttunttu kad'iyaa ta bollaappe digga.
\q1
\v 23 Haray atto kaappatuu shiik'iide,
\q2 ta bolla mak'ettooppekka,
\q2 taani, ne k'oomay, ne awaayuwaa zaara zaaraadde k'oppana.
\q1
\v 24 Neeni odeedda k'aalatuu taana nashechchiino;
\q2 unttunttu taana zoriino.
\qa Daalees'i
\q1
\v 25 Taani hayk'k'ana hanay;
\q2 neeni geedda k'aalaadan ta shemppuwaa ashsha.
\q1
\v 26 Taani ta ogiyaawaa new odina,
\q2 neeni taana sisaadda;
\q2 simmi, ne awaayuwaa taana tamaarissa.
\q1
\v 27 Ne wogaa ogiyaa taana akeekissa;
\q2 malalissiyaa ne oosuwaa
\q2 taani zaara zaaraadekka k'oppana.
\q1
\v 28 Kayyuu dareeddawaan ta shemppuu daabureedda;
\q2 neeni geedda k'aalaadan taana minisa.
\q1
\v 29 Worddo ogiyaa taappe haassa;
\q2 ne aad'd'o keekkatetsan ne higgiyaa taana tamaarissa.
\q1
\v 30 Tumuwaa ogiyaa dooraad;
\q2 ne pirddaa hayzzaad.
\q1
\v 31 Abeet Med'inaa Godaw, taani
\q2 neeni odeeddawaa minisa oyk'k'aad;
\q2 simmi taana yeellayoppa!
\q1
\v 32 Neeni ta wozanaa la"a keseedda diraw,
\q2 taani ne azazuwaa ogiyaan wos's'ay.
\qa He
\q1
\v 33 Abeet Med'inaa Godaw, ne awaayuwaa biletsaa
\q2 taana tamaarissa;
\q2 taani wurssetsay gakkanaw Aa naagana.
\q1
\v 34 Taani ne higgiyaa naagana malanne
\q2 ta kumentsaa wozanaappe taani aw azazettana mala,
\q2 neeni taw akeekaa imma.
\q1
\v 35 Ne azazuwaa ogiyaan taana kaaletsa;
\q2 ayaw gooppe, taani an nashetay.
\q1
\v 36 Ta wozanaa amuwaakko gidennaan,
\q2 neeni odeedda k'aalaakko zaara.
\q1
\v 37 Patsennabaa s'eellenna mala,
\q2 ta ayifetuwaa te"a;
\q2 ne ogiyaan ta de'uwaa ooratsa.
\q1
\v 38 Neeni yayetana mala,
\q2 neeni gelo k'aalaa taw,
\q2 ne k'oomaw pola.
\q1
\v 39 Yashshiyaa boriyaa taappe digga.
\q1 Ne pirdday ay mala lo"ee!
\q1
\v 40 Taani ne wogaa naaganaw amottay;
\q2 neeni s'illuwaa gidiyaa diraw,
\q2 ta de'uwaa ooratsa.
\qa Waw
\q1
\v 41 Abeet Med'inaa Godaw, aggena ne siik'uwaa taana bessa;
\q2 neeni geedda k'aalaadan taana ashsha.
\q1
\v 42 Taani ne k'aalan ammanettiyaa diraw,
\q2 taana boriyaawanttoo zaaranaw danddayay.
\q1
\v 43 Taani ne pirddan nashshechchaa ootsiyaa diraw,
\q2 ta ins's'arssaappe tumatetsaa k'aalaa d'ayissoppa.
\q1
\v 44 Taani ubbaa gede, med'i med'inawukka
\q2 ne higgiyaw azazettana.
\q1
\v 45 Taani ne wogaa poliyaa diraw,
\q2 aakuwaan hamettana.
\q1
\v 46 Taani kaatetuwaa sintsan ek'k'aade,
\q2 neeni odeeddabaa odaadde yeellatikke.
\q1
\v 47 Taani dosiyaa ne azazotuwaan nashettay
\q2
\v 48 Taani siik'iyaa ne azazotuwaa bonchchay;
\q2 ne awaayuwaakka zaara zaaraadde k'oppana.
\qa Zaw
\q1
\v 49 Neeni taw, ne k'oomaw,
\q2 immeedda k'aalaa k'oppa;
\q2 he k'aalan taani hidootaa ootsay.
\q1
\v 50 Neeni, «Taani neena pas'a wotsana»
\q2 geedda k'aalay ta tuggaa wode taana mintsetseedda.
\q1
\v 51 Otoranchchatuu taana likkiyaappe aatsiide shek'iino;
\q2 shin taani ne higgiyaappe sher"i giikke.
\q1
\v 52 Abeet Med'inaa Godaw, beniideppe de'iyaa ne pirddaa taani hassayay;
\q2 hewan taani minetay.
\q1
\v 53 Iitatuu ne higgiyaw azazettenawaa be'ina,
\q2 yiluu taana wod'eedda.
\q1
\v 54 Taani de'iyaa allaga biittan,
\q2 ne awaayuu taw yetsaa gideedda.
\q1
\v 55 Abeet Med'inaa Godaw, taani k'amma ne suntsaa k'oppay;
\q2 ne higgiyaakka naagay.
\q1
\v 56 Ne wogaw azazettiyaawe taw anjjo gideedda.
\qa Heet
\q1
\v 57 Abeet Med'inaa Godaw, taana gakkeedda saamay neena;
\q2 taani ne k'aalaw azazettana yaagay.
\q1
\v 58 Taani ta kumentsaa wozanaappe neena woossay.
\q1 Neeni geedda k'aalaadan taw k'aretta.
\q1
\v 59 Taani ta ogiyaa akeeka s'eellaade,
\q2 neeni odeeddabaakko simmaad.
\q1
\v 60 Taani ne azazuwaa naaganaw,
\q2 elleellanaappe attina takkikke.
\q1
\v 61 Iitatuu taana wodoruwaan k'achchooppekka,
\q2 taani ne higgiyaa dogabeykke.
\q1
\v 62 Ne s'illo pirddaa diraw, neena galatanaw,
\q2 taani k'amma bilahe dendday.
\q1
\v 63 Taani new yayyiyaawanttu ubbawunne
\q2 ne wogaa naagiyaawanttoo dabbo.
\q1
\v 64 Abeet Med'inaa Godaw, sa'ay
\q2 aggena ne siik'uwaan kumeedda;
\q2 ne awaayuwaa taana tamaarissa.
\qa S'eet
\q1
\v 65 Abeet Med'inaa Godaw, ne geedda k'aalaadan,
\q2 taw ne k'oomaw keekkabaa ootsaadda.
\q1
\v 66 Taani ne azazotuwaan ammanettiyaa diraw,
\q2 lo"o pirddaanne eratetsaa taana tamaarissa.
\q1
\v 67 Taani murettanaappe kase wora hamettaad;
\q2 shin ha"i ne k'aalaw azazettay.
\q1
\v 68 Neeni keeka; neeni keekkabaa ootsaasa;
\q2 ne awaayuwaa taana tamaarissa.
\q1
\v 69 Otoranchchatuu taana wordduwaa okkiino;
\q2 shin taani ne wogaa ta kumentsaa wozanaappe naagana.
\q1
\v 70 Unttunttu wozanay ubbakka donc'c'illowantta;
\q2 shin taani ne higgiyan nashetay.
\q1
\v 71 Taani muretteeddawe taw lo"eedda;
\q2 ayaw gooppe, ne awaayuwaa tamaaranaw taana maaddeedda.
\q1
\v 72 Daro sha"u work'k'aappenne biraappe,
\q2 ne doonaappe keseedda higgii taw aad'd'ee.
\qa Yod
\q1
\v 73 Taana ne kushii med'd'eeddanne giigisseedda.
\q2 Ne azazuwaa taani tamaarana mala,
\q2 taw akeekaa imma.
\q1
\v 74 Taani ne k'aalan hidootaa wotsiyaa ootseedda diraw,
\q2 new yayyiyaawanttu taana be'iide nashetino.
\q1
\v 75 Abeet Med'inaa Godaw, ne pirdday s'illa gidiyaawaanne
\q2 neeni amaneteedawaa gido diraw taana mureeddawaa eray.
\q1
\v 76 Neeni taw ne k'oomaw geedda k'aalaadan,
\q2 aggena ne siik'uu taana miniso.
\q1
\v 77 Taani pas'a de'ana mala, taw k'aretta;
\q2 ayaw gooppe, ne higgii taana nashechchee.
\q1
\v 78 Otoranchchatuu wordduwaan
\q2 taana mootiyaa diraw, yeellatino.
\q1 Taana gidooppe, taani ne wogatuwaa
\q2 zaara zaaraadde k'oppay.
\q1
\v 79 New yayyiyaawanttunne,
\q2 neeni odeeddabaa eriyaawanttu ubbay,
\q2 taakko yiino.
\q1
\v 80 Taani yeellatenna mala,
\q2 ne awaayoo azazettiyaawan
\q2 tooshii bayinnawaa gidaarikkitaa!
\qa Kaaf
\q1
\v 81 Neeni taana ashshana mala,
\q2 taani naagaadde daaburay;
\q2 taani ne k'aalan hidootaa ootsay.
\q1
\v 82 Neeni geedda k'aalay polettina
\q2 be'anaw s'eelliidde, ta ayifii galjjeedda.
\q1 Taani, «Neeni taana awude mintsetsaniishsha?» yaagay.
\q1
\v 83 C'uwaan kak'k'eedda ogoruwaa gidaade gunddaad;
\q2 gidooppenne, ne awaayuwaa balikke.
\q1
\v 84 Taani ne k'oomay awude gakkanaw naagoo?
\q1 Taana yederssiyaawantta neeni awude pirddanii?
\q1
\v 85 Ne higgiyaa naagenna otoranchchatuu,
\q2 taana kuddissana giide, taw ollaa bookkiino.
\q1
\v 86 Ne azazotuu ubbay ammantsiyaawantta.
\q2 Taana asatuu wordduwaan yederssiyaa diraw,
\q2 ha"i taana maadda!
\q1
\v 87 Unttunttu taana wod'i diggeeddinoshin;
\q2 taani ne wogaa aggabeyikke.
\q1
\v 88 Aggena ne siik'uwaan ta de'uwaa naaga;
\q2 hewenne, neeni ne doonaappe odeeddawaa taani naaganaassa.
\qa Laameed
\q1
\v 89 Abeet Med'inaa Godaw, ne k'aalay med'inaassa;
\q2 ikka saluwaan minniide de'ee.
\q1
\v 90 Neeni yeletaappe yeletaa gakkanaw ammanettiyaawaa.
\q2 Neeni ha sa'aa baasaade essaadda;
\q2 ikka minniide de'ee.
\q1
\v 91 Neeni geeddawaadan ubbabaykka
\q2 hachchi gakkanaw minniide de'ee;
\q2 ayaw gooppe, ubbatuukka ne k'oomatuwaa.
\q1
\v 92 Ne higgii taana nashechchiyaabaa gidenentto,
\q2 ta tuggaa wode taani d'ayana shin.
\q1
\v 93 Ne wogaa ubbakka dogikke;
\q2 ayaw gooppe, neeni an taana pas'a wotsaadda.
\q1
\v 94 Taani newaattee; taana ashsha;
\q2 ayaw gooppe, taani ne wogaa naaganaw koyay.
\q1
\v 95 Iitatuu taana d'ayissanaw kuukuliide naagiino;
\q2 shin taani neeni odeeddawaa k'oppay.
\q1
\v 96 Polo geetettobaw ubbabaw zaway de'iyaawaa taani be'aad;
\q2 shin ne higgiyaw zaway baawa.
\qa Meem
\q1
\v 97 Taani ne higgiyaa waata dosayttaa!
\q1 Gallassaa kumentsaa taani k'oppiyaawe Aa.
\q1
\v 98 Ne azazotuu ubbaa wodekka taananna de'iyaa diraw,
\q2 unttunttu taana ta morkkatuwaappe aad'd'eeda eranchcha kessiino.
\q1
\v 99 Taani neeni odeeddawaa k'oppiyaa diraw,
\q2 taana tamaarisseedda ubbaappekka aad'd'eeda akeekay taw de'ee.
\q1
\v 100 Taani ne wogaw azazettiyaa diraw,
\q2 c'imatuwaappe aatsaade akeekay.
\q1
\v 101 Taani ne k'aalaw azazettanaw koyiyaa diraw,
\q2 ta gediyaa iita ogiyaa ubbaappe naagaad.
\q1
\v 102 Neeni taana tamaarisseedda diraw,
\q2 taani ne pirddaappe wora babeykke.
\q1
\v 103 Ne k'aalay ayaa mal"ii!
\q2 Eessaa ililuwaappekka aad'd'iide,
\q2 ta doonaan mal"ee.
\q1
\v 104 Ne wogaappe akeekaa demmaad;
\q2 hewaa diraw, taani geella ogiyaa ubbaa is's'ay.
\qa Noon
\q1
\v 105 Ne k'aalay ta gediyaw s'omppiyaa,
\q2 ta ogiyawukka poo'uwaa.
\q1
\v 106 Ne s'illo pirddaadan de'anaw,
\q2 taani c'aak'k'eedda c'aak'uwaa mintsana.
\q1
\v 107 Taani daro tuggataad;
\q2 abeet Med'inaa Godaw, neeni geedda k'aalaadan
\q2 taana pas'a wotsa.
\q1
\v 108 Abeet Med'inaa Godaw, ta doonaappe kesiyaa galataa, yarshshuwaa akka;
\q2 taana pirddaa tamaarissa.
\q1
\v 109 Ta shemppu metuwaa bollaa de'inttokka,
\q2 taani ne higgiyaa dogikke.
\q1
\v 110 Iitatuu taw gitiyaa yeggeeddino;
\q2 shin taani ne wogaappe sher"i gabeykke.
\q1
\v 111 Neeni odeeddabay med'inaw tawaa;
\q2 ee, I ta wozanaw nashshechchaa.
\q1
\v 112 Taani med'inaw, wurssetsaa gakkanaw
\q2 ne awaayuwaadan ootsanaw k'achchaad.
\qa Samkket
\q1
\v 113 Taani laa"u k'ofay de'iyaa asatuwaa is's'ay;
\q2 shin ne higgiyaa siik'ay.
\q1
\v 114 Neeni taw k'osetta attiyaa saanne
\q2 ta gonddalliyaa;
\q2 taani ne k'aalan hidootaa ootsay.
\q1
\v 115 Taani ta S'oossaa azazuwaa naagana mala,
\q2 hinttenoo, iitabaa ootsiyaawanttoo,
\q2 taappe haakkite!
\q1
\v 116 Neeni geedda k'aalaadan taana minisa;
\q2 yaatooppe, taani pas'a de'ana.
\q1 Taani hidootan naagiyaaban taana yeellayoppa.
\q1
\v 117 Taana zemppissa; yaatooppe,
\q2 taani saro de'ana;
\q2 taani ubbaa wode ne awaayuwaa hayzzana.
\q1
\v 118 Ne awaayuwaappe wora biyaawantta ubbaa neeni akkakka;
\q2 unttunttu c'imuu c'oo mela.
\q1
\v 119 Sa'aan de'iyaa iitatuwaa ubbaa
\q2 neeni pituwaadan paydaasa;
\q2 hewaa diraw, taani neeni odeeddabaa siik'ay.
\q1
\v 120 Ta bollay new yayyiide kokkoreedda;
\q2 taani ne pirddaw yayyay.
\qa Ee
\q1
\v 121 Likkebaanne s'illobaa ootsaad;
\q2 Taana uk'k'unniyaawanttoo oloppa.
\q1
\v 122 Taana ne k'oomaa maaddanaw waase gida;
\q2 Taana otoranchchatuwaan uk'k'unnissoppa.
\q1
\v 123 Neeni, «neena ashshana»
\q2 geedda s'illo k'aalaa polo gaade naagishin,
\q2 ta ayifii galjjeedda.
\q1
\v 124 Taw, ne k'oomaw, neeni
\q2 aggena ne siik'uwaadan ootsa;
\q2 ne awaayuwaakka taana tamaarissa.
\q1
\v 125 Taani ne k'oomaa;
\q2 neeni odiyaabaa taani erana mala,
\q2 akeekaa taw imma.
\q1
\v 126 Abeet Med'inaa Godaw, asatuu
\q2 ne higgiyaa mentseedda diraw,
\q2 neeni pirddana wodii ha"a.
\q1
\v 127 Taani ne azazuwaa
\q2 work'k'aappe aatsaade siik'ay;
\q1 Ee, geeshsha work'k'aappekka aatsaade siik'ay.
\q1
\v 128 Hewaa diraw, taani
\q2 ne wogatuu ubbay giyaawaadan hamettay;
\q2 geella ogiyaa ubbaa taani is's'ay.
\qa Pe
\q1
\v 129 Neeni odeeddabay malalissiyaabaa;
\q2 hewaa diraw, taani aw azazettay.
\q1
\v 130 Ne k'aalaa biletsay poo'uwaa immee;
\q2 akeekay pac'c'eeddawanttoo akeekaa immee.
\q1
\v 131 Taani ne azazoo,
\q2 daro saamettaade ta doonaa dooyay.
\q1
\v 132 Haa taakko simma;
\q2 ne suntsaa siik'iyaawanttu ubbaw
\q2 neeni ootsiyaawaadan tawukka k'aretta.
\q1
\v 133 Neeni geedda k'aalaadan
\q2 ta hemetaa suurissa;
\q2 ay nagaraynne taana mooddoppo.
\q1
\v 134 Taani ne wogaw azazettanaw,
\q2 taana uk'k'unneeddawanttu kushiyaappe woza.
\q1
\v 135 Ta bolla, ne k'oomaa bolla,
\q2 ne som"uwaa poo'issa;
\q2 ne awaayuwaakka tamaarissa.
\q1
\v 136 Ne higgiyaw Asay azazettibeena diraw,
\q2 ta ayifiyaappe afotsay shaafaadan goggee.
\qa S'aade
\q1
\v 137 Abeet Med'inaa Godaw, neeni s'illuwaa;
\q2 ne pirddaykka likke.
\q1
\v 138 Neeni odeeddabay
\q2 s'illuwaanne ubbaa ammanettiyaawaa.
\q1
\v 139 Ta morkketuu ne k'aalaa toochcheedda diraw,
\q2 ne k'aalaa mishuu ta gomppan ees's'i keseedda.
\q1
\v 140 Neeni geedda k'aalay daroppe ammanettiyaawaa;
\q2 taani, ne k'oomay Aa siik'ay.
\q1
\v 141 Taani guutsanne kad'etteedda asaa;
\q2 gidooppenne, taani ne wogaa dogikke.
\q1
\v 142 Ne s'illotetsay med'inaw de'ee;
\q2 ne higgiikka tuma.
\q1
\v 143 Metuunne tuggay taana gakkeedda;
\q2 shin ne azazotuu taana nashechchiino.
\q1
\v 144 Neeni odeeddabay med'inawukka s'illuwaa;
\q2 taani pas'a de'ana mala, akeekaa taw imma.
\qa K'of
\q1
\v 145 Abeet Med'inaa Godaw, kumentsaa wozanaappe,
\q2 new waassaad; taw alla.
\q1 Taanikka ne awaayuwaa azazettana.
\q1
\v 146 Taani new waassaad; taana ashsha;
\q2 taanikka neeni odeeddabaa ootsana.
\q1
\v 147 S'alk'k'ii dolenna guuran denddaade,
\q2 «Taana maadda» gaade new waassay.
\q1 Neeni taw geedda k'aalan hidootaa ootsay.
\q1
\v 148 Ne k'aalaabaa zaara zaaraadde k'oppanaw,
\q2 k'amma utta ak'ay.
\q1
\v 149 Abeet Med'inaa Godaw,
\q2 aggena ne siik'uwaa diraw, tawaa sisa;
\q2 ne s'illo pirddaadan taana pas'a wotsa.
\q1
\v 150 Iitabaw taana yederssiyaawanttu,
\q2 taakko mateeddino;
\q2 unttunttu ne higgiyaappe haakkiino.
\q1
\v 151 Shin abeet Med'inaa Godaw,
\q2 neeni ta matan de'aassa;
\q2 ne azazotuu ubbaykka tuma.
\q1
\v 152 Taani benippe doommaade,
\q2 neeni odeeddabaa tamaaraad;
\q1 Aa neeni med'inaw minisa essaadda.
\qa Reesh
\q1
\v 153 Ta tuggaa be'aade, taana ashsha;
\q2 ayaw gooppe, taani ne higgiyaa dogabeykke.
\q1
\v 154 Ta diraw mootettaade taana woza;
\q2 neeni geedda k'aalaadan taana pas'a wotsa.
\q1
\v 155 Ne awaayuwaa unttunttu akkena diraw,
\q2 atotetsay iitatuwaappe haakuwaan de'ee.
\q1
\v 156 Abeet Med'inaa Godaw, ne k'aretay dara;
\q2 ne s'illo pirddaadan taana pas'a wotsa.
\q1
\v 157 Ta morkketuunne taana yederssiyaawanttu dara;
\q2 shin taani neeni odeeddawaappe sher"i giikke.
\q1
\v 158 Unttunttu ne azazotuwaa naagenna diraw,
\q2 taani kaddiyaawantta be'aade shenetaad.
\q1
\v 159 Abeet Med'inaa Godaw,
\q2 taani ne wogaa siik'iyaa siik'uwaa k'oppa;
\q2 aggena ne siik'uwaadan taana pas'a wotsa.
\q1
\v 160 Ne k'aalay koyiroppekka tuma;
\q2 ne s'illo pirdday ubbaykka med'inaw de'ee.
\qa Shiin
\q1
\v 161 Kaappatuu taana c'oo yederssiino;
\q2 shin ta wozanay ne k'aalaw yayyee.
\q1
\v 162 Darobaa omoodeedda Asay nashettiyaawaadan,
\q2 neeni geedda k'aalan taani nashetay.
\q1
\v 163 Taani wordduwaa is's'aynne shenetay;
\q2 shin ne higgiyaa siik'ay.
\q1
\v 164 Ne s'illo pirddaa diraw,
\q2 taani neena gallassan laappu gede galatay.
\q1
\v 165 Ne higgiyaa siik'iyaawanttoo
\q2 kumentsaa sarotetsay de'ee;
\q2 unttuntta ubbakka ayaynne d'ubbanaw danddayenna.
\q1
\v 166 Abeet Med'inaa Godaw, taani
\q2 ne atotetsaa hidootaan naagay;
\q2 ne azazotuwaakka ootsay.
\q1
\v 167 Taani neeni odeeddabaa naagay;
\q2 taani daroppe Aa siik'ay.
\q1
\v 168 Taani ne wogawunne
\q2 neeni odeeddawoo azazettana;
\q2 ayaw gooppe, ta ogiyaa ubbaa neeni be'aasa.
\qa Taw
\q1
\v 169 Abeet Med'inaa Godaw, ta waasuu,
\q2 ne sintsa gakko;
\q2 neeni geedda k'aalaadan taw akeekaa imma.
\q1
\v 170 Ta watiwatuu ne sintsa gakko;
\q2 neeni geedda k'aalaadan taana ashsha.
\q1
\v 171 Neeni ne awaayuwaa
\q2 taana tamaarissiyaa diraw,
\q2 ta doonaappe galatay pulttana.
\q1
\v 172 Ne azazotuu ubbay s'illo gidiyaa diraw,
\q2 ta ins's'arssay ne k'aalaabaa yes's'ana.
\q1
\v 173 Taani ne wogaa dooreedda diraw,
\q2 ne kushii taana maaddanaw giigeeddawaa gido.
\q1
\v 174 Abeet Med'inaa Godaw, neeni
\q2 taana ashshana mala laamotay;
\q2 ne higgiikka taana nashechchee.
\q1
\v 175 Taani neena galatana mala,
\q2 taana pas'a wotsa;
\q2 ne pirddaykka taana maaddo.
\q1
\v 176 Taani bayeedda dorssaadan bichchaaray;
\q2 taana ne k'oomaa koya;
\q2 ayaw gooppe, taani ne azazuwaa dogabeykke.
\c 120
\s C'imiyaawanttuppenne Worddotuwaappe  // Attanaw Shiik'o Woosaa
\d Pudetsaa kesiidde yes's'eedda yetsaa
\q1
\v 1 Ta waayiyaa wode taani Med'inaa Godaa s'eesaad;
\q2 I taw koyeedda.
\q1
\v 2 Abeet Med'inaa Godaw, worddotiyaa doonatuwaappenne,
\q2 c'immiyaa ins's'arssatuwaappe taana ashsha.
\b
\q1
\v 3 Hinttenoo worddanchchatoo,
\q2 S'oossay hinttena waatanddeeshsha?
\q1 Simmi harabaa ayaa gujjanddeeshsha?
\q1
\v 4 Tooranchchatuwaa pootsaa k'aran I hinttena c'addanawaa;
\q2 tamaa bonk'k'uwaan I hinttena s'uuggana.
\b
\q1
\v 5 Aayye taanoo! Hinttenana de'iyaawe Mesheka
\q2 woy K'eedaare asaana de'iyaawaa mala iita.
\q1
\v 6 Sarotetsaa is's'iyaa asatuwaana
\q2 taani daro wodiyaa de'aaddi.
\q1
\v 7 Taani saro asaa;
\q2 shin taani sarotetsaabaa haasayiyaa wode,
\q2 unttunttu olaawaa haasayiino!
\c 121
\s S'oossay Nuuna Naagiyaawaa
\d Pudetsaa kesiidde yes's'eedda yetsaa
\q1
\v 1 Taani d'ok'k'u gaade wogga deretuwaa s'eellay;
\q2 taw maaduu hak'appe yanddeeshsha?
\q1
\v 2 Taw maaduu
\q2 saluwaanne sa'aa med'd'eedda Med'inaa Godaappe yee.
\b
\q1
\v 3 I ne gediyaa halis'issenna;
\q2 neena naagiyaawe gem"ishenna.
\q1
\v 4 Israa'eeliyaa naagiyaawe,
\q2 ubbakka gisennanne gem"ishenna.
\q1
\v 5 Med'inaa Goday neena naagiyaawaa.
\q2 Med'inaa Goday new ushechcha baggana gidiide,
\q2 neena kuwayiyaawaa.
\q1
\v 6 Gallassi neena away meenna;
\q2 k'ammakka aginay neena k'ohenna.
\b
\q1
\v 7 Med'inaa Goday k'ohiyaawaa ubbaappe neena naagana;
\q2 I ne shemppuwaa naagana.
\q1
\v 8 Med'inaa Goday ne buussaa, ne yuussaa,
\q2 hachcheppe med'inaa gakkanaw naagana.
\c 122
\s Yerusaalamiw Shiik'eedda Sabaa
\d Pudetsaa kesiidde yes's'eedda yetsaa, Daawite s'aafeeddawaa
\q1
\v 1 Unttunttu taana, «Ane Med'inaa Godaa golliyaa boytte» yaagina,
\q2 taani nashetaad.
\q1
\v 2 Neenoo Yerusaalame katamatee,
\q2 nuuni ne penggetuwaanna geliide ek'k'eeddo!
\b
\q1
\v 3 Yerusaalame katamay,
\q2 dantsetiide minni kees'etteedda katamaa.
\q1
\v 4 Med'inaa Godaa awaayuwaadan,
\q2 Israa'eeliyaa zaratuu,
\q1 Med'inaa Godaa galatanaw yiyaa katamay hawaa.
\q1
\v 5 Daawita zeretsaappe kaateteeddawanttu
\q2 barenttu asaw pirddanaw yaan utteeddino.
\b
\q1
\v 6 Yerusaalame sarotetsaw
\q2 hawaadan yaagiide woossite;
\q1 «Neena siik'iyaawanttoo
\q2 unttunttu ootsiyaawe ubbay suuro!
\q1
\v 7 Ne gimbbetuwaa giddon saruu de'o!
\q2 Ne geesatuwaakka bochchiyaabay d'ayo!» yaagiide woossite.
\q1
\v 8 Ta ishatuwaanne ta dabbotuwaa diraw gaade,
\q2 «Ne giddon saruu de'o!» yaagay.
\q1
\v 9 Med'inaa Godaa nu S'oossaa golliyaa diraw gaade,
\q2 taani Yerusaalame durettanaw woosana.
\c 123
\s Maarotaa Demanaw Shiishsho Woosaa
\d Pudetsaa kesiidde yes's'eedda yetsaa
\q1
\v 1 Neenoo, kawutetsaa araatan saluwaan utteeddawoo,
\q2 taani pude neekko s'eellay.
\q1
\v 2 K'oomay bare godaa kushiyaa s'eelliyaawaadaaninne
\q2 k'oomata bare godatti kushiyaa s'eelliyaawaadan,
\q2 hewaadankka I nuuna maarana gakkanaw,
\q2 nu ayifii Med'inaa Godaakko, nu S'oossaakko, s'eellee.
\b
\q1
\v 3 Nuuna maara; abeet Med'inaa Godaw, nuuna maara.
\q2 Ayaw gooppe, nuw kad'ii dareedda.
\q1
\v 4 Nuuni ishaluwaan de'iyaawanttu shek'aanne
\q2 otoranchchatuwaa kad'iyaa kalleeddo.
\c 124
\s S'oossay Israa'eeliyaa Ashiyaawaa
\d Pudetsaa kesiidde yes's'eedda yetsaa, Daawite s'aafeeddawaa
\q1
\v 1 Med'inaa Goday nu bagga gidennentto, nuuni waananeeshsha?
\q2 Israa'eeliyaa asatuu zaaruwaa hawaadan yaagiide zaariino;
\q1
\v 2 «Med'inaa Goday nu bagga gidennentto,
\q2 nu bollan Asay denddeedda wode,
\q1
\v 3 unttunttu nu bollan hank'k'uwaa suulliide,
\q2 nuuna pas'a mittana shin.
\q1
\v 4 Di'uu nuuna meec'c'iide;
\q2 shaafaa haatsay nuuna muukkana shin;
\q1
\v 5 kuntso haatsay nuuna maana shin» yaagino.
\b
\q2
\v 6 Nuuna nu morkkatuwaa matan,
\q2 s'oonissibeenna Med'inaa Goday galatetto.
\q1
\v 7 Nuuni shankkanchchatuwaa p'iriyaappe,
\q2 kafuu kessi akkiyaawaadan kessi akkeeddo.
\q1 P'irii me"eedda, nuunikka kessi akki atteedo!
\q1
\v 8 Nu maaduu
\q2 saluwaanne sa'aa med'd'eedda Med'inaa Godaa suntsaappe yee.
\c 125
\s S'oossay Bare Asaw Waase
\d Pudetsaa kesiidde yes's'eedda yetsaa
\q1
\v 1 Med'inaa Godaan ammanettiyaawanttu k'aas's'anaw danddayenna,
\q2 med'inaw de'iyaa S'iyoone deriyaa mala.
\q1
\v 2 Deretuu
\q2 Yerusaalame katamaa yuushshuwaan de'iyaawaadan,
\q2 hachcheppe med'inaa gakkanaw,
\q2 Med'inaa Goday bare asaa yuushshuwaan de'ee.
\b
\q1
\v 3 S'illotuu barenttu kushshiyaa iitatetsaw dentsenna mala,
\q2 iitatuwaa ayissuwaa s'am"ay,
\q2 s'illotoo imetteedda biittaa bollan gam"enna.
\q1
\v 4 Abeet Med'inaa Godaw, keeka asatoonne,
\q2 wozanaa suure asatoo keekkabaa ootsa.
\q1
\v 5 Barenttu geella ogiyaa simmiyaawantta,
\q2 Med'inaa Goday iitaa ootsiyaawanttuna ittippe mura.
\q1 Israa'eeliyaw saruu gido!
\c 126
\s Omooduwaappe Simmeeddawanttu Mazimuriyaa
\d Pudetsaa kesiidde yes's'eedda yetsaa
\q1
\v 1 Med'inaa Goday nuuna omoodetteeddawantta zaariide,
\q2 S'iyoone aheedda wode, nuw akumuwaa malateedda.
\q1
\v 2 He wode nuuni daro nashetti, miic'c'iide,
\q2 nashshechchaa yetsaa yes's'eeddo.
\q1 Yaatina, hara kawutetsatuu barenttu giddon,
\q2 «Hawanttoo Med'inaa Goday wolk'k'aamabaa ootseedda» yaageeddino.
\q1
\v 3 Tumukka Med'inaa Goday nuw wolk'k'aamabaa ootseedda;
\q2 nuunikka loytsi nashetteeddo.
\b
\q1
\v 4 Abeet Med'inaa Godaw, Neegeeba Bazzuwaan iraa bukissaade,
\q2 shaafaa haatsaa zaara kuntsiyaawaadan,
\q2 nuwukka nu kaac'aa ooratsa.
\q1
\v 5 Yeekkiide zereeddawanttu,
\q2 nashshechchan yes's'iidde c'akkana.
\q1
\v 6 Zeretsaa tookkiide, yeekkiidde beeddawanttu,
\q2 nashshechchaa yetsaa yes's'iidde,
\q2 mirk'k'iyaa tookkiide simmana.
\c 127
\s S'oossaan Ammanetanaaddan Imetteedda Zoriyaa
\d Pudetsaa kesiidde yes's'eedda yetsaa, Solomon s'aafeeddawaa
\q1
\v 1 Med'inaa Goday golliyaa kees's'ana d'ayooppe,
\q2 kees's'iyaawanttu c'oo mela daaburiino.
\q1 Med'inaa Goday katamaa naagana d'ayooppe,
\q2 naagiyaawanttu c'oo mela naagiino.
\q1
\v 2 Neeni wontta guuran denddiyaawe,
\q2 omarssi k'amissaade gisiyaawe,
\q2 k'umaw hirggaade tuggatiyaawe c'oo mela;
\q2 ayaw gooppe, S'oossay bare siik'iyaawanttoo shemppuwaa immee.
\q1
\v 3 Naanay Med'inaa Godaappe imettiyaa imotaa;
\q2 yelotuu tumuwaappe woytuwaa.
\q1
\v 4 Itti uray bare yalagatetsan yeleedda attuma naanatuu,
\q2 olanchchaa kushiyan de'iyaa tooratuwaa mala.
\q1
\v 5 He k'arc'c'iitan de'iyaa wonddaafiyaa tooratuwaadan,
\q2 daro naanatuu de'iyaa Asay anjjetteeddawaa.
\q1 Ayaw gooppe, I bare morkkatuwaanna,
\q2 katamaa penggiyaan mootettiyaa wode, ubbakka s'oonettenna.
\c 128
\s S'oossaw Azazetussaan Beetiyaa Anjjuwaa
\d Pudetsaa kesiidde yes's'eedda yetsaa
\q1
\v 1 Med'inaa Godaw yayyiyaawanttunne,
\q2 Aa ogiyaan hamettiyaawanttu ubbay anjjetteedawantta.
\b
\q1
\v 2 Neeni ne daaburaa ayifiyaa maana;
\q2 neeni nashettananne new lo"o gidana.
\q1
\v 3 Ne machata ne son ayifiyaa dorkkokkeedda,
\q2 woyniyaa turaa mala gidana.
\q1 Ne naanatuukka ne gaytaa yuushshuwaan,
\q2 wogaraa puutiyaa mala gidana.
\q1
\v 4 Med'inaa Godaw yayyiyaa asay
\q2 tumuwaappe hewaadan anjjettana.
\b
\q1
\v 5 Med'inaa Goday neena S'iyooneppe anjjo!
\q2 Neeni de'eedda laytsaa ubbaan
\q1 Yerusaalame lo"otetsaa neena besso.
\q1
\v 6 Ne naanatuwaa naanatuwaa be'a!
\b
\q2 Israa'eeliyaw saruu gido!
\c 129
\s Israa'eelii Morkkiyaappe Attanaw Shiishsho Woosaa
\d Pudetsaa kesiidde yes's'eedda yetsaa
\q1
\v 1 Israa'eeliyaa Asay hawaadan yaago;
\q2 «Unttunttu ta yalagatetsaadeppe doommiide,
\q2 taana uk'k'inneeddino.
\q1
\v 2 Ee, unttunttu ta yalagatetsaadeppe doommiide,
\q2 taana uk'k'inneeddino;
\q2 shin unttunttu taana d'ayissibeykkino.
\q1
\v 3 Ta zokkiyaa k'ays's'eeriyaan shoc'i shoc'iide,
\q2 gosheedda shoyk'aa malatisseeddino» yaago.
\q1
\v 4 Shin Med'inaa Goday s'illo gideeddawe
\q2 iitatuwaa k'ashuwaappe taana billi yeddeedda.
\b
\q1
\v 5 S'iyoone is's'iyaa ubbay,
\q2 yeellatiide guyye simmo.
\q1
\v 6 Golliyaa huup'iyaan mokkiide,
\q2 dic'c'anaappe kasetiide meliyaa maataa mala gido.
\q1
\v 7 He maataa buuc'c'anaw kushiyaan dankkiyaawe,
\q2 woy mirk'k'iyaa k'achchiyaawe ooninne baawa.
\q1
\v 8 He ogiyaanna aad'd'iyaawanttu,
\q2 «Med'inaa Goday wolk'k'aa immo» giina, c'akkiyaawanttu,
\q1 «Med'inaa Goday anjjo» giyaawe de'enna.
\c 130
\s Maaduwaa demanaw Shiik'eedda Woosaa
\d Pudetsaa kesiidde yes's'eedda yetsaa
\q1
\v 1 Abeet Med'inaa Godaw, taani metuwaa c'iimman de'aadde,
\q2 neekko waassay.
\q1
\v 2 Abeet Godaw, ta kooshshaa sisa;
\q2 taani watiwatiyaa watiwatuwaa ne haytsay hayzzo.
\q1
\v 3 Abeet Med'inaa Godaw, neeni,
\q2 nu nagaraa mazggobiyaan s'aafeeddentto,
\q2 abeet Godaw, won ooni pirddaappe attanaw danddayii?
\q1
\v 4 Shin nuuni neena bonchchiidde azazettana mala,
\q2 nuw atto yaagaasa.
\b
\q1
\v 5 Taani Med'inaa Godaa naagay;
\q2 ee, taani Aa laamotaan naagay;
\q1 Aa k'aalankka hidootaa ootsay.
\q1
\v 6 Sa'ay awude wonttanddeeshsha
\q2 giide naagiyaa k'amma zabaynyatuwaappe aad'd'aade,
\q2 taani unttunttuppekka aatsaade,
\q2 Godaa laamotaan naagay.
\b
\q1
\v 7 Israa'eeliyaa asaw, Med'inaa Godaan hidootaa ootsite;
\q2 ayaw gooppe, aggena siik'uu Med'inaa Godaana;
\q2 k'ay I ubbaa gede asaa ashshanaw koyee.
\q1
\v 8 Israa'eeliyaa asaa
\q2 unttunttu nagaraa ubbaappe ashshanawe Aa.\x - \xo 130:8 \xo*\xt Mat. 1:21; Tit. 2:14\xt*\x*
\c 131
\s S'oossaan Ammanettussaa
\d Pudetsaa kesiidde yes's'eedda yetsaa, Daawite s'aafeeddawaa
\q1
\v 1 Abeet Med'inaa Godaw, taani wozanaan ayyiyaawaa aggaad;
\q2 ta ayfiyaan otoruwaan s'eelabeykke.
\q1 Wolk'k'aamabaw woy eranaw danddayenna
\q2 malalissiyaabaw taani hirggikke.
\q1
\v 2 Hewaa aggade d'antsaa duus's'eedda na'ay
\q2 bare aatti matan c'o"u giyaawaadan,
\q2 taani c'o"u gaad.
\q2 Ee, woppu geedda na'aadan taani woppu gaad.
\q1
\v 3 Israa'eeliyaa asaw, hachcheppe
\q2 med'inaa gakkanaw Med'inaa Godaan hidootaa ootsite.
\c 132
\s Geeshsha Golliyaa Sabbanaw Shiik'o Mazimuriyaa
\d Pudetsaa kesiidde yes's'eedda yetsaa
\q1
\v 1 Abeet Med'inaa Godaw,
\q2 Daawitanne I danddayeedda metuwaa k'oppa.
\q1
\v 2 Med'inaa Godaw I c'aak'k'eeddawaa,
\q2 Yaak'ooba s'oossaw, Wolk'k'aamaw
\q1 I hawaadan yaagiide geppeeddawaa hassaya;
\q1
\v 3 «Hawaappe guyiyaan taani ta golle gelikke,
\q2 woy ta hiis'an gisikke.
\q1
\v 4 Taani ta ayifiyaa c'iilimmikke,
\q2 woy gem"ishikke.
\q1
\v 5 Hewenne, taani Med'inaa Godaw sa'aa,
\q2 Yaak'ooba S'oossaw, Wolk'k'aamaw
\q2 de'iyaasaa giigissana gakkanaassa» yaageedda.
\b
\q1
\v 6 Hekko, nuuni Taabootaabaa,
\q2 Efiraatan siseeddo;\x - \xo 132:6-10 \xo*\xt 2 Od. 6:41-42\xt*\x*
\q1 Yi'aariima giyaa biittaan Aa nuuni demmeeddo.
\q1
\v 7 Nuuni, «Ane I de'iyaasaa boytte;
\q2 Aa gedii yed'd'iyaasaan guufanniide,
\q2 aw goyinneetto» yaageeddo.
\b
\q1
\v 8 Abeet Med'inaa Godaw, dendda!
\q2 Ne minotetsaw mallaa gidiyaa ne Taabootaanna,
\q2 ne Geeshsha Golliyaa gelaade de'a.
\q1
\v 9 Ne k'eesatuu s'illotetsaa mayno;
\q2 ne asatuu nashshechchaw yes's'ino.
\q1
\v 10 Ne k'oomaa Daawita diraw,
\q2 neeni okkeedda kaatiyaa aggoppa.
\b
\q1
\v 11 Med'inaa Goday Daawitaw laamettena c'aak'uwaa
\q2 hawaadan yaagiide c'aak'k'eedda;\x - \xo 132:11 \xo*\xt 2 Sam. 7:12-16; 1 Od. 17:11-14; Maz. 89:3-4; Kit. 2:30\xt*\x*
\q1 «Ne gulbbataappe yeletteedda ne naanatuwaappe ittuwaa
\q2 taani kawutsana.
\q1
\v 12 Ne naanatuu ta c'aak'uwaanne
\q2 taani tamaarissiyaa timirttiyaa naagooppe,
\q2 unttunttu naanatuukka ne kawutetsaa araatan med'inaw uttana» yaageedda.
\q1
\v 13 Med'inaa Goday S'iyoone dooreedda;
\q2 barew de'iyaasaa ootsanawukka amottiide,
\q2 hawaadan yaageedda;
\q1
\v 14 «Hawe taw med'inaw de'iyaa sa'aa;
\q2 taani amotteedda diraw, hawaan uttana.
\q1
\v 15 Taani daro katsaa immaade S'iyoono anjjana;
\q2 izin de'iyaa hiyyeesatuwaakka k'umaa kalissana.
\q1
\v 16 Izin de'iyaa k'eesetuwaakka
\q2 taani atotetsaa mayzzana;
\q2 izin S'oossaa asatuukka nashshechchaw yes's'ana.
\b
\q1
\v 17 «Ha sa'aan,
\q2 Daawita zeretsaappe ittuwaa kawutsana;\x - \xo 132:17 \xo*\xt 1 Kat. 11:36\xt*\x*
\q2 taani okkeedda kaatiyaa kawutetsaa gam"etsana.
\q1
\v 18 Taani Aa morkkatuwaa yeellaa mayzzana;
\q2 shin Aa huup'iyaan de'iyaa kawutetsaa kallachchay p'oolana» yaageedda.
\c 133
\s Ishatuwaa Siik'oo Shiik'eedda Sabaa
\d Pudetsaa kesiidde yes's'eedda yetsaa, Daawite s'aafeeddawaa
\q1
\v 1 Ishatuu ittippetetsan de'iyaawe ayiba lo"obeenne nashechchiyaabee!
\q1
\v 2 Hewe huup'iyaa okkina, buuchchaanna goggiyaa,
\q2 Aaroona buuchchaanna goggiide
\q1 Aa mayuwaa morggiyaa gakkiyaa al"o zayitiyaa mala.
\q1
\v 3 Hewe Hermmoone deriyaa ketterssay,
\q2 S'iyoone Deretuwaa gakkiyaawaa mala.
\q1 Med'inaa Goday hewan anjjuwaa, med'inaa de'uwaa immeedda.
\c 134
\s S'oossaa Galatussaa
\d Pudetsaa kesiidde yes's'eedda yetsaa
\q1
\v 1 Hinttenoo Med'inaa Godaa k'oomatoo,
\q2 Med'inaa Godaa golliyaan k'amma ootsiyaawanttoo,
\q2 ubbaykka haa yiide, Med'inaa Godaa galatite.
\q1
\v 2 Geeshsha Golliyaan hintte kushiyaa mic'c'iide,
\q2 Med'inaa Godaa galatite.
\b
\q1
\v 3 Saluwaanne sa'aa med'd'eedda Med'inaa Goday,
\q2 hinttena S'iyooneppe anjjo.
\c 135
\s Galataa Mazimuriyaa
\q1
\v 1 Med'inaa Godaa galatite!
\b
\q1 Hinttenoo Med'inaa Godaa k'oomatoo,
\q2 Med'inaa Godaa suntsaa galatite!
\q1
\v 2 Hinttenoo Med'inaa Godaa golliyaa giddon,
\q2 nu S'oossaa golliyaa dabaaban ek'k'eeddawanttoo,
\q1 S'oossaa galatite!
\q1
\v 3 Med'inaa Goday keeka gidiyaa diraw,
\q2 Med'inaa Godaa galatite!
\q1 I lo"a gidiyaa diraw,
\q2 Aa suntsaa sabbite!
\q1
\v 4 Med'inaa Goday Yaak'ooba bare huup'ew,
\q2 Israa'eeliyaa asaakka barew buzo ootsiide dooreedda.
\b
\q1
\v 5 Med'inaa Goday wolk'k'aama gidiyaawaanne
\q2 nu Goday s'oossatuwaa ubbaappe d'ok'k'iyaawaa,
\q2 taani eray.
\q1
\v 6 Saluwankka saankka,
\q2 abbatuwaaninne unttunttu c'iimmotuwaa ubbaa giddonkka,
\q1 Med'inaa Goday bare doseeddawaa ubbaa ootsee.
\q1
\v 7 Iraa tooko shaariyaa sa'aa gas'aappe I dentsee;
\q2 I iraanna walk'k'antsaa kiittee;
\q2 bare minjjiyaa sa'aappe c'arkkuwaa kessee.
\b
\q1
\v 8 Gibs'e biittan asaa naanatuwaappenne,
\q2 mehiyaa maraappe,
\q2 bayira yeletteeddawantta wod'eedda.
\q1
\v 9 Neenoo Gibs'ee, Par"oonanne Aa k'oomatuwaa muranaw,
\q2 hinttenttu gidon ooratsabaanne malalissiyaabaa yeddeedda.
\q1
\v 10 I daro kawutetsatuwaa bayzzeedda;
\q2 wolk'k'aama kaatetuwaakka wod'eedda.
\q1
\v 11 Amooretuwaa kaatiyaa Sihoona,
\q2 Baasaane kaatiyaa Ooganne,
\q2 Kanaane kaatetuwaa ubbaa wod'eedda.
\q1
\v 12 Unttunttu biittaa bare asatuwaa,
\q2 Israa'eelatuwaa laatisseedda.
\q1
\v 13 Abeet Med'inaa Godaw, ne suntsay med'inaw de'ana;
\q2 yeletaappe yeletaa gakkanaw Med'inaa Goday hassayettana.
\q1
\v 14 Med'inaa Goday bare asaw pirddana;
\q2 I bare k'oomatoo k'arettana.
\q1
\v 15 Gadiyaa asatuwaa eek'atuu asaa kushii
\q2 biraappenne work'k'aappe med'd'eeddawantta.\x - \xo 135:15-18 \xo*\xt Maz. 115:4-8; Sas'. 9:20\xt*\x*
\q1
\v 16 Unttunttoo doonay de'ee, shin haasayikkino;
\q2 ayifii de'ee, shin s'eellikkino.
\q1
\v 17 Haytsay de'ee, shin sissikkino;
\q2 unttunttu doonaan shemppuu baawa.
\q1
\v 18 Unttuntta med'd'eeddawanttunne,
\q2 unttunttun ammanettiyaawanttu,
\q2 ubbay unttunttudan hanino.
\q1
\v 19 Israa'eeliyaa golliyaa asatoo,
\q2 Med'inaa Godaa galatite;
\q1 Aaroona golliyaa asatoo,
\q2 Med'inaa Godaa galatite;
\q1
\v 20 Leewiyaa golliyaa asatoo,
\q2 Med'inaa Godaa galatite;
\q1 Med'inaa Godaw yayyiyaawanttoo,
\q2 ubbay Med'inaa Godaa galatite.
\q1
\v 21 Yerusaalamen de'iyaa Med'inaa Goday
\q2 S'iyoonen galatetto!
\b
\q1 Med'inaa Godaa galatite!
\c 136
\s Galataa Mazimuriyaa
\q1
\v 1 Med'inaa Godaa galatite! Ayaw gooppe, I keeka;\x - \xo 136:1 \xo*\xt 1 Od. 16:34; 2 Od. 5:13; 7:3; Izr. 3:11; Maz. 100:5; 106:1; 107:1; 118:1; Erm. 33:11\xt*\x*
\q2 aggena Aa siik'uu med'inaawaa.
\q1
\v 2 S'oossatuwaa S'oossaa galatite!
\q2 Aggena Aa siik'uu med'inaawaa.
\q1
\v 3 Godatuwaa Godaa galatite!
\q2 Aggena Aa siik'uu med'inaawaa.
\b
\q1
\v 4 Aa s'alalay wolk'k'aama malalissiyaabaa ootsee;
\q2 aggena Aa siik'uu med'inaawaa.
\q1
\v 5 Bare aad'd'eeda eran I salotuwaa med'd'eedda;\x - \xo 136:5 \xo*\xt Dom. 1:1\xt*\x*
\q2 aggena Aa siik'uu med'inaawaa.
\q1
\v 6 Biittaa haatsaa bollan mic'c'eedda;\x - \xo 136:6 \xo*\xt Dom. 1:2\xt*\x*
\q2 aggena Aa siik'uu med'inaawaa.
\q1
\v 7 Wolk'k'aama poo'otuwaa med'd'eedda;\x - \xo 136:7-9 \xo*\xt Dom. 1:16\xt*\x*
\q2 aggena Aa siik'uu med'inaawaa.
\q1
\v 8 Away gallassi mooddanaadan ootseedda;
\q2 aggena Aa siik'uu med'inaawaa.
\q1
\v 9 Aginayinne s'oolinttetuu
\q2 k'amma mooddanaadan ootseedda;
\q2 aggena Aa siik'uu med'inaawaa.
\q1
\v 10 I Gibs'e biittan bayiratuwaa wod'eedda;\x - \xo 136:10 \xo*\xt Kes. 12:29\xt*\x*
\q2 aggena Aa siik'uu med'inaawaa.
\q1
\v 11 Israa'eeliyaa asaa,
\q2 Gibs'eppe kaaletsiide kesseedda;\x - \xo 136:11 \xo*\xt Kes. 12:51\xt*\x*
\q2 aggena Aa siik'uu med'inaawaa.
\q1
\v 12 Bare mino kushiyan,
\q2 bare wolk'k'aama k'esiyaan hawaa ootseedda;
\q2 aggena Aa siik'uu med'inaawaa.
\q1
\v 13 Zo'o Abbaa shaakki yegeedda;\x - \xo 136:13-15 \xo*\xt Kes. 14:21-29\xt*\x*
\q2 aggena Aa siik'uu med'inaawaa.
\q1
\v 14 Israa'eeliyaa asaa,
\q2 he abbaa gidduwaana pintseedda;
\q2 aggena Aa siik'uu med'inaawaa.
\q1
\v 15 Gibs'e kaatiyaanne Aa olanchchatuwaa
\q2 Zo'o Abban muukisseedda;
\q2 aggena Aa siik'uu med'inaawaa.
\q1
\v 16 I bare asaa kaaletsiide,
\q2 bazzuwaana aatseedda;
\q2 aggena Aa siik'uu med'inaawaa.
\q1
\v 17 Wolk'k'aama kaatetuwaa shoc'eedda;
\q2 aggena Aa siik'uu med'inaawaa.
\q1
\v 18 Eretteedda kaatetuwaa wod'eedda;
\q2 aggena Aa siik'uu med'inaawaa.
\q1
\v 19 Amooretuwaa kaatiyaa Sihoona wod'eedda;\x - \xo 136:19 \xo*\xt Pay. 21:21-30\xt*\x*
\q2 aggena Aa siik'uu med'inaawaa.
\q1
\v 20 K'ay Baasaane kaatiyaa Ooga wod'eedda;\x - \xo 136:20 \xo*\xt Pay. 21:31-35\xt*\x*
\q2 aggena Aa siik'uu med'inaawaa.
\q1
\v 21 Yaatiide unttunttu biittaa bare asaa laatisseedda;
\q2 aggena Aa siik'uu med'inaawaa.
\q1
\v 22 Bare k'oomaa Israa'eeliyaa laatisseedda;
\q2 aggena Aa siik'uu med'inaawaa.
\q1
\v 23 I nuuni kawusheedda wodekka nuuna k'oppeedda;
\q2 aggena Aa siik'uu med'inaawaa.
\q1
\v 24 Nuuna nu morkkatuwaappe ashsheeda;
\q2 aggena Aa siik'uu med'inaawaa.
\q1
\v 25 Med'etaa ubbaw k'umaa immee;
\q2 aggena Aa siik'uu med'inaawaa.
\q1
\v 26 Saluwaa S'oossaa galatite!
\q2 Aggena Aa siik'uu med'inaawaa.
\c 137
\s Omooduwaan De'iyaa Israa'eeliyaa Yeekuwaa
\q1
\v 1 Baabloone shaafatuwaa matan uttiide,
\q2 nuuni S'iyoone k'oppeedda wode yeekkeeddo.
\q1
\v 2 He sa'aan nuuni,
\q2 nu diitsaa haatsaa matan dic'c'iyaa mitsaa bolla kak'k'eeddo.
\q1
\v 3 Nuuna omoodeedda asatuu,
\q2 nuuni yes's'iide, unttuntta nashshechchana mala,
\q1 «S'iyoone yetsaappe ittuwaa ane nuw yes's'ite» yaageeddino.
\b
\q1
\v 4 Med'inaa Godaa yetsaa, nuuni,
\q2 allaga biittan wooti yes's'anee?
\q1
\v 5 Yerusaalame katamatee, taani neena dogooppe,
\q2 ta ushechcha kushii bare oosuwaa dogo.
\q1
\v 6 Taani neena hassayennan aggooppenne
\q2 ta nashshechchaa ubbaappe aatsaade Yerusaalame dosennan aggooppe,
\q2 ta ins's'arssay kookkiyaana oyk'k'etto.
\b
\q1
\v 7 Abeet Med'inaa Godaw, Yerusaalame omoodettiyaa gallassi,
\q2 Eedooma asatuu ootseeddawaa hassaya;
\q2 unttunttu, «kolite! kolite!
\q2 Hirkki s'ap'uwaa gakkanaw laalite!» yaageeddawaa dogoppa.
\b
\q1
\v 8 Baabloone biittaw, neenikka bayana!\x - \xo 137:8 \xo*\xt Sas'. 18:6\xt*\x*
\q2 Neeni nu bollan ootseedda iita oosuwaa,
\q2 ne bolla ootsiyaawe anjjetteedawaa.
\q1
\v 9 Ne guutsa naanatuwaa oyk'k'iide,
\q2 zaallaa bolla shoc'iyaawe anjjetteedawaa.
\c 138
\s Galataa Woosaa
\d Daawite S'aafeeddawaa
\q1
\v 1 Abeet Med'inaa Godaw, taani ta kumentsaa wozanaappe neena galatana;
\q2 s'oossatuwaa sintsan neena sabbana.
\q1
\v 2 Ne Geeshsha Golliyaakko simmaade,
\q2 new goynaade, aggena ne siik'uwaanne ne tumatetsaa diraw,
\q2 taani ne suntsaa galatay;
\q2 ayaw gooppe, neeni ne suntsaanne ne k'aalaa,
\q2 ubbaappe aatsaade d'ok'k'u ootsaadda.
\q1
\v 3 Taani s'eeseedda gallassi taw koyaadda;
\q2 ne minotetsan taana minisaadda.
\b
\q1
\v 4 Abeet Med'inaa Godaw, sa'aan de'iyaa kaatetuu ubbay,
\q2 neena galatino;
\q2 ayaw gooppe, unttunttu ne doonaappe keseedda k'aalaa siseeddino.
\q1
\v 5 Med'inaa Godaa bonchchuu wolk'k'aama gidiyaa diraw,
\q2 unttunttu Med'inaa Godaa ogiyaawaa yes's'ana.
\q1
\v 6 Med'inaa Goday bolla d'ok'k'an de'ooppekka,
\q2 hiyyeesatuwaa keeka ayifiyaan s'eellee.
\q1 Shin otoranchchatuwaa I haakuwaan eree.
\b
\q1
\v 7 Taani metuwaa gidduwaana hamettooppekka,
\q2 neeni taana de'uwaan naagaasa.
\q1 Ta morkkatuwaa hank'k'uwaa bolla ne kushiyaa mic'c'aasa;
\q2 ne ushechchan taana ashshaasa.
\q1
\v 8 Med'inaa Goday taw giide k'oppeeddawaa polana;
\q2 abeet Med'inaa Godaw, aggena ne siik'uu med'inaawaa.
\q1 Ne kushiyaa oosuwaa agga aggoppa.
\c 139
\s Ubbaa Eriyaa S'oossaa
\d Zammaaretuwaa Kaappoo Yes'etteedda, Daawite s'aafeedda mazamuriyaa
\q1
\v 1 Abeet Med'inaa Godaw, neeni taana biddaade eraadda.
\q1
\v 2 Taani awude uttinttonne
\q2 awude ek'k'intto, neeni eraasa;
\q2 neeni ta k'ofaa ubbaa haakuwaan eraasa.
\q1
\v 3 Taani biyaasaanne,
\q2 shemppiyaa sa'aa s'omoosaasa;
\q2 ta ogetuwaa ubbaa neeni eraasa.
\q1
\v 4 Abeet Med'inaa Godaw, taani ta ins's'arssan
\q2 itti k'aalaa haasayanaappe kasetaade,
\q2 neeni ta k'ofaa ubbaa eraasa.
\q1
\v 5 Neeni ta yuushshuwaan de'aassa;
\q2 ne kushiyan taana naagaasa.
\q1
\v 6 Ne eray taana loytsi malalissee;
\q2 taani akeekanaw danddayiyaasaappe d'ok'k'a.
\b
\q1
\v 7 Taani ne Ayaanappe hak'a baanaw danddayayitaa?
\q2 Woy ne sintsaappe hak'a bak'atanaw danddayayitaa?
\q1
\v 8 Pude saluwaa kesooppe,
\q2 neeni yaan de'aassa!
\q1 Duge Si'ooliyaa wod'd'inttokka,
\q2 neeni yaan de'aassa.
\q1
\v 9 Away mokkiyaasaa bagga paallaade booppe,
\q2 woy away wulliyaasaa baggan haakkaade de'ooppe,
\q1
\v 10 he saankka ne kushii taana kaaletsee;
\q2 ne ushechcha kushii taana zemppissee.
\q1
\v 11 Taani, «D'umaw, taana gentsaa;
\q2 poo'uwaa, k'ammaw laametta» yaaginttokka,
\q1
\v 12 d'umaa daruu new d'umenna;
\q2 k'ammay gallassaadan poo'ee;
\q2 ayaw gooppe, new d'umay poo'uwaa mala.
\q1
\v 13 Neeni ta giddo asatetsaa ubbaa med'd'aadda;
\q2 ta aatti uluwaan taana neeni waas'a med'aadda.
\q1
\v 14 Neeni taana malalissiyaabaanne ooratsabaa ootsaade med'd'eedda diraw,
\q2 taani neena galatay.
\q1 Ne oosotuu malalissiyaawantta!
\q2 Taani k'ay hewaa wurssaade eray.
\q1
\v 15 Taani geema sa'aan med'ettiyaa wode,
\q2 ta mek'etsatuu neeppe geemmibeyikkino.
\q1 Ta bollay ta aatti uluwaa c'iimmaa giddon
\q2 hiillan alleek'k'ettiide oosettiyaa wode,
\q1
\v 16 yelettibeenna ta asatetsaa ne ayifii be'eedda.
\q2 Biro ittuunne doomettennan de'ishshin,
\q2 taw neeni giigiseedda gallassatuu ubbatuu
\q2 ne mazggobiyaan s'aafetteeddino.
\q1
\v 17 Abeet S'oossaw,
\q2 ne k'ofatuu ayaa c'oratteeddinoo!
\q1 Unttuntta eranawe ayaa waayissii!
\q1
\v 18 Taani unttuntta paydintto,
\q2 unttunttu shafiyaappe darana shin.
\q1 Taani beegottiyaa wode,
\q2 ha"ikka neenana de'ay.
\q1
\v 19 Abeet S'oossaw, neeni iitatuwaa wod'aaddintto ayee de'ii!
\q2 Suutsaa gussiyaa asatuu taappe haakkino!
\q1
\v 20 Unttunttu ne bolla iitabaa haasayiino;
\q2 ne morkketuu ne suntsaa bayzziino.
\q1
\v 21 Abeet Med'inaa Godaw, neena is's'iyaawantta
\q2 taani is's'ikkitaa?
\q1 Ne bolla denddiyaawantta
\q2 taani shenetikkitaa?
\q1
\v 22 Taani unttuntta ubbaa is's'ay;
\q2 unttuntta taani ta morkkatuwaadan payday.
\q1
\v 23 Abeet S'oossaw,
\q2 taana biddaade, ta wozanaa era;
\q2 taana paac'c'aade, ta un"etiyaa k'ofaa era.
\q1
\v 24 Ane taanan iitabay de'ooppe s'eella;
\q2 med'inaa ogiyaan taana kaaletsa.
\c 140
\s Iitatuwaa Bolla Shiik'eedda Woosaa
\d Zammaaretuwaa Kaappoo Yes'etteedda, Daawite s'aafeedda mazamuriyaa
\q1
\v 1 Abeet Med'inaa Godaw, iita asatuwaappe taana ashsha;
\q2 makkalanchcha asatuwaappe taana naaga.
\q1
\v 2 Unttunttu ubbaa wode,
\q2 iitabaa ootsanaw mak'ettiino;
\q2 ubbaa gallassikka,
\q2 walassaa dentsetsanaw k'oppiino.
\q1
\v 3 Unttunttu barenttu ins's'arssaa shooshshaawaadan k'arayiino;\x - \xo 140:3 \xo*\xt Rom. 3:13\xt*\x*
\q2 unttunttu doonaappe asaa wod'iyaa hasuwaa shooshshaa yishshaa mala haasayay kesee.
\b
\q1
\v 4 Abeet Med'inaa Godaw, iita asatuwaa kushiyaappe,
\q2 taana ashsha;
\q2 ta gediyaa k'as's'anaw k'oppiyaa makkalanchcha asatuwaappe taana naaga.
\q1
\v 5 Otoranchcha asatuu taw diizzaa giigisseeddino;
\q2 gitiyaa hiis's'eeddino;
\q2 taana oyk'k'anaw p'iriyaa ogiyaan wotseeddino.
\b
\q1
\v 6 Taani Med'inaa Godaa, «Neeni ta S'oossaa» yaagay.
\q2 Abeet Med'inaa Godaw, taani watiwatiyaa watiwatuwaa sisa.
\q1
\v 7 Abeet Ubbaa Mooddiyaa Med'inaa Godaw,
\q2 taana ashshiyaa minoo,
\q2 olaa gallassi taw gonddale gidaadda.
\q1
\v 8 Abeet Med'inaa Godaw,
\q2 iitatoo unttunttu amuwaa immoppa;
\q2 unttunttu iita mak'k'uwaa polissoppa.
\b
\q1
\v 9 Ta morkkatuwaan taana s'oonissoppa;
\q2 unttunttu doonaappe kesiyaa iitabay unttunttoo simmo.
\q1
\v 10 Unttunttu bolla s'uuggiyaa bonk'k'uu k'oletto;
\q2 unttunttu taman olettino;
\q2 hewaappe laa"entso denddenna olan oletino.
\q1
\v 11 Zigiriyaawantta biittay tookkoppo;
\q2 makkalanchcha asatuwaa iitabay shankkatiide oyk'k'o.
\q1
\v 12 Med'inaa Goday hiyyeesatoo pirddiyaawaanne,
\q2 metootanchchatuwaa maataa naagisiyaawaa eray.
\q1
\v 13 Tumuppe s'illotuu ne suntsaa galatana;
\q2 suure asatuu ne sintsan de'ana.
\c 141
\s Omarssa Woosaa
\d Daawite s'aafeedda mazamuriyaa
\q1
\v 1 Abeet Med'inaa Godaw, taani neena s'eesay;
\q2 taana maaddanaw elleella.
\q1 Taani neekko waassiyaa wode, ta kooshshaa sisa!
\q1
\v 2 Ta woosay is'aanaa c'uwaadan,
\q2 ne sintsa shiik'o;\x - \xo 141:2 \xo*\xt Sas'. 5:8\xt*\x*
\q2 taani ta kushiyaa mic'c'iyaawe,
\q2 new omarssa yarshshuwaa mala gido.
\b
\q1
\v 3 Abeet Med'inaa Godaw, ta doonaa naagiyaawaa wotsa;
\q2 ta mettershshatuwaa penggiyaan zabayinyaa essa.
\q1
\v 4 Bayzzuwaa ootsiyaa asatuwaanna,
\q2 iita oosuwaa ootsenna mala,
\q2 ta wozanaa iitabaakko zaaroppa.
\q2 Unttunttu gibiraakka taana muzoppa.
\b
\q1
\v 5 S'illo Asay taana aggena siik'uwaan
\q2 seeranawunne muranaw danddayee;
\q2 unttunttu taana bak'k'ooppe hewe ta huup'iyaan zayitiyaa okkiyaawaa mala;
\q2 ayaw gooppe, taani ubbaa gedekka
\q2 iitatuwaa oosuwaa bolla woossay.
\q1
\v 6 Unttunttu daannatuu zaallaa aafuwaana,
\q2 duge olettiyaa wode,
\q2 ta k'aalay tuma gidiyaawaa unttunttu Asay erana.
\q1
\v 7 Biittay goshetiyaawaadaaninne
\q2 guullu me"eretiyaawaadan
\q2 unttunttu mek'etsaykka duufuwaa doonaan laalettana.
\b
\q1
\v 8 Abeet Ubbaa Mooddiyaa Med'inaa Godaw,
\q2 ta ayifii neena s'eellee;
\q2 taani neekko bak'ataade attay;
\q2 taana hayk'oo aatsaade immoppa.
\q1
\v 9 Unttunttu taw wotseedda gitiyaappenne,
\q2 iitaa ootsiyaawanttu p'iriyaappe taana naaga.
\q1
\v 10 Taan saro aad'd'iyaa wode,
\q2 iitatuu barenttu wotseedda gitiyaan oyk'k'ettino.
\c 142
\s S'oossaa Maaduwaa Demanaw Shiik'eedda Woosaa
\d Akeekan S'aafetteedda Daawita Timirttiyaa, Gonggolo giddon de'iyaa wode Aa woosaa
\q1
\v 1 Ta k'aalaa d'ok'k'u ootsaade, Med'inaa Godaw waassay.
\q2 Ta k'aalaa d'ok'k'u ootsaade,
\q2 Med'inaa Godaw watiwatay.
\q1
\v 2 Ta k'ohuwaa ubbaa aw magannay;
\q2 ta metuwaa ubbaa aw oday.
\q1
\v 3 Taani hidoota k'ans's'ana matiyaa wode, neeni ta ogiyaa eraasa.
\q2 Taani hamettiyaa ogiyaan taw gitiyaa k'osi wotseeddino.
\q1
\v 4 Taani ta yuushshuwaa s'eelliyaa wode,
\q2 taana maaddiyaawe ittuunne baawa;
\q2 taani k'osetta attiyaa sa'ay baawa;
\q2 taana naagiyaawekka baawa.
\b
\q1
\v 5 Abeet Med'inaa Godaw, taani,
\q2 new hawaadan gaade waassay;
\q1 «Neeni taani bak'ataade attiyaa sa'aa;
\q2 taani pas'a de'ishshin, taana gakkeedda saamay neena» yaagay.
\q1
\v 6 Taani loytsa metootiyaa diraw,
\q2 ta waasuwaa hayzza.
\q1 Taana yederssiyaawanttu,
\q2 taw loytsi wolk'k'aameedda diraw,
\q2 taana unttunttuppe ashsha.
\q1
\v 7 Taani ne suntsaa galatana mala,
\q2 taana k'ashuwaappe billa.
\q1 Neeni taw keekiyaa diraw,
\q2 s'illotuu ta yuushshuwaan shiik'ana.
\c 143
\s S'oossaa Maaduwaa Demanaw Shiik'eedda Woosaa
\d Daawite s'aafeedda mazamuriyaa
\q1
\v 1 Abeet Med'inaa Godaw, ta woosaa sisa; ta watiwatuwaa hayzza.
\q2 Neeni s'illuwaanne ammanettiyaawaa gidiyaa diraw,
\q2 taw zaaruwaa imma.
\q1
\v 2 Ne sintsan s'illo gidana Asay baawa;\x - \xo 143:2 \xo*\xt Rom. 3:20; Gal. 2:16\xt*\x*
\q2 hewaa diraw, taana ne k'oomaa pirddaw shiishshoppa.
\b
\q1
\v 3 Taana ta morkkii yederssiide,
\q2 biittaana gatsi kinchchereetseedda;
\q2 beni hayk'k'eedda asatuwaadan taana d'uman wotseedda.
\q1
\v 4 Hewaa diraw, taani hidootaa k'ans's'aad;
\q2 ta wozanaykka yibbaateedda.
\b
\q1
\v 5 Taani beni wodetuwaa hassayay;
\q2 neeni ootseedda oosuwaa ubbaa zaara zaaraadde k'oppaynne
\q2 ne kushii ootseeddawaa akeekay.
\q1
\v 6 Taani ta kushiyaa neekko mic'c'aad;
\q2 mela biittay haatsaa koyiyaawaadan,
\q2 ta shemppuu neena saamettee.
\b
\q1
\v 7 Abeet Med'inaa Godaw, taw zaaruwaa immanaw elleella!
\q2 Taani hidootaa k'ans's'aad.
\q1 Taani duge duufuwaan geliyaa asatuwaa mala gidennaadan,
\q2 ne som"uwaa taappe gentsoppa.
\q1
\v 8 Taani neena ammanettiyaa diraw,
\q2 wontta wontta aggena ne siik'uwaa taana bessa.
\q1 Taani ta shemppuwaappe neena woossiyaa diraw,
\q2 taani baanaw bessiyaa ogiyaa taana tamaarissa.
\b
\q1
\v 9 Abeet Med'inaa Godaw, taani neekko bak'ateedda diraw,
\q2 taana ta morkkatuwaappe ashsha.
\q1
\v 10 Neeni ta S'oossaa gidiyaa diraw,
\q2 taani ne sheniyaa ootsana mala, taana tamaarissa;
\q2 lo"o Ayyaanan taana suure ogiyaa kaaletsa.
\q1
\v 11 Abeet Med'inaa Godaw, ne suntsaa diraw, taana ashsha;
\q2 ne s'illotetsan taana metuwaappe kessa.
\q1
\v 12 Aggena ne siik'uwaan ta morkkatuwaa wod'a;
\q2 ta baaligaaratuwaa ubbaa d'ayissa;
\q2 ayaw gooppe, taani ne k'oomaa.
\c 144
\s S'oonuwaa Mazimuriyaa
\d Daawite s'aafeeddawaa
\q1
\v 1 Med'inaa Goday, ta zaallay galatetto! I ta kushiyaa olaw,
\q2 ta birad'd'etuwaakka tooraw loohissee.
\q1
\v 2 I taana siik'iyaa S'oossaanne ta geessuwaa;
\q2 I ta miis'aanne taana ashshiyaawaa.
\q1 I ta gonddalliyaanne taani bak'ataade attiyaa sa'aa.
\q2 Kawutetsatuwaa I taw moodissiyaawaa.
\b
\q1
\v 3 Abeet Med'inaa Godaw,
\q2 neeni aw k'oppiyaa Asay I ayee?\x - \xo 144:3 \xo*\xt Yob. 7:17-18; Maz. 8:4\xt*\x*
\q1 Neeni naagetiyaa asaa na'ay ayee?
\q1
\v 4 Asay itti gede c'arkkiyaa c'arkkuwaa mala;
\q2 Aa gallassatukka aad'd'iyaa kuwaa mala.
\b
\q1
\v 5 Abeet Med'inaa Godaw, ne saluwaa daakaade duge wod'd'a!
\q2 Wogga deretuwaa bochcha; unttunttukka c'uwattino!
\q1
\v 6 Walk'k'antsaa yeddaade ne morkkatuwaa laala!
\q2 Ne wonddaafiyaa pootsaa yeddaade unttuntta yederssa!
\q1
\v 7 Bollaanna ne kushiyaa duge yeddaade,
\q2 taana c'iimmo haatsatuwaappe goochchaade kessa;
\q2 allaga asatuwaa kushiyaappe taana wotsa akka.
\q1
\v 8 Unttunttu tumuwaa haasayikkino,
\q2 C'aak'k'iiddekka wordduwaa haasayiino.
\b
\q1
\v 9 Abeet S'oossaw, taani
\q2 new ooratsa yetsaa yes's'ana;
\q2 tammu bak'etsaan waas'etteedda diitsaan new diis's'ana.
\q1
\v 10 Kaatetoo s'oonuwaa immaasa;
\q2 ne k'oomaa Daawita ashshaasa.
\q1
\v 11 Taana iitaa mashshaappe ashshaasa;
\q2 allaga asatuwaa kushiyaappe taana wotsa akka.
\q1 Unttunttu tumuwaa haasayana giide c'aak'k'iiddekka,
\q2 wordduwaa haasayiino.
\q1
\v 12 Nu attuma naanatuu,
\q2 barenttu yalagatetsan dolk'k'idolk'k'iide,
\q2 dic'c'iyaa mitsaa mala gidino.
\q2 Nu mac'c'a naanatuukka kaatiyaa golliyaa zooziyaan,
\q2 alleek'k'oo esseedda tuuk'iyaa mala gidino.
\q1
\v 13 Nu diyyetuu,
\q2 daro dumma dumma k'ommo katsaan kumino;
\q2 nu dembbatuwaan de'iyaa dorssatuu sha"aa,
\q2 tammu sha"aa yelino.
\q1
\v 14 Nu miizzatuu birassino;
\q2 unttunttu sal"eesenan yelettiide c'orattino.
\q1 Nu ogetuwaan dagama waasuu sisettoppo.
\q1
\v 15 Ha yewuu tumu haniyaa asatuu,
\q2 anjjetteeddawantta.
\q1 Unttunttu S'oossay Med'inaa Godaa gidiyaa asatuu
\q2 anjjetteeddawantta.
\c 145
\s Galataa S'oossaw
\d Daawite s'aafeedda galataa sabaa
\q1
\v 1 Abeet ta S'oossaw, ta kaatiyaw, taani neena gitayananne,
\q2 ne suntsaa med'i med'inaw galatana.
\q1
\v 2 Taani neena ubbaa gallassi sabbana;
\q2 ne suntsaakka med'i med'inaw galatana.
\q1
\v 3 Med'inaa Goday wolk'k'aama; d'ok'k'a galatay aw bessee.
\q2 Aa gitatetsay asaa k'ofaappe aad'd'ee.
\q1
\v 4 Itti yeletay hara yeletaw
\q2 neeni ootseeddawaa odana;
\q2 ne malalissiyaa oosotuwaakka awaayana.
\q1
\v 5 Unttunttu ne bonchchuwaanne
\q2 ne anggaa gitatetsaabaa haasayana;
\q2 taanikka ne malalissiyaa oosuwaa
\q2 zaara zaaraadde k'oppana.
\q1
\v 6 Asay, «Hoola!» giissiyaa ne oosuwaa wolk'k'aabaa haasayana;
\q2 taanikka ne gitatetsaa awaayana.
\q1
\v 7 Unttunttu ne keekkatetsaa daruwaa odana;
\q2 ne s'illotetsaabaakka yes's'ana.
\b
\q1
\v 8 Med'inaa Goday k'arettiyaawaanne maariyaawaa;
\q2 I hank'k'ettanaw elleellennawaanne;
\q2 danddayanchchanne aggena siik'uu dariyaawaa.
\q1
\v 9 Med'inaa Goday ubbaw keeka;
\q2 I bare med'd'eedda ubbaw k'arettiyaawaa.
\q1
\v 10 Abeet Med'inaa Godaw,
\q2 ne med'etaa ubbay neena galatana;
\q2 ne asatuu ubbaykka neena sabbana.
\q1
\v 11 Unttunttu ne kawutetsaa bonchchuwaabaa haasayana;
\q2 ne wolk'k'aabaa odana.
\q1
\v 12 Hewenne, ne wolk'k'aama oosuwaabaanne
\q2 ne kawutetsaa bonchchuwaa anggaabaa
\q2 asaa erissana.
\q1
\v 13 Ne kawutetsay med'inaa kawutetsaa;
\q2 ne maatay yeletaa ubbaa gakkanaassa.
\b
\q1 Med'inaa Goday bare geedda k'aalaw ubbaw ammanettiyaawaa;
\q2 I bare oosuwaa ubbaan k'arettiyaawaa.
\q1
\v 14 Med'inaa Goday hokkeeddawantta ubbaa zemppissee;
\q2 kunddeeddawantta ubbaa dentsee.
\q1
\v 15 Ubbaa ayifii neekko s'eellee;
\q2 unttuntta koshshiyaa wodiyaan neeni unttunttoo k'umaa immaasa.
\q1
\v 16 Neeni ne kushiyaappe imma;
\q2 pas'a de'iyaawantta ubbaa amuwaa alaa.
\q1
\v 17 Med'inaa Goday bare ogiyaan ubbaan s'illuwaa;
\q2 I bare oosuwaa ubbaan k'arettiyaawaa.
\q1
\v 18 Med'inaa Goday barena s'eesiyaa ubbaw,
\q2 tumuwaan barena s'eesiyaa ubbaw matan de'ee.
\q1
\v 19 I barew yayyiyaawanttu ubbaw,
\q2 amuwaa kuntsee.
\q1 K'ay I unttunttu waasuwaa sisiide,
\q2 unttuntta ashshee.
\q1
\v 20 Med'inaa Goday barena siik'iyaawantta ubbaa naagee;
\q2 shin iitatuwaa ubbaa d'ayissana.
\q1
\v 21 Taani ta doonaan Med'inaa Godaa galatana.
\q2 Med'etaa ubbay Aa geeshsha suntsaa
\q2 med'i med'inaw galato!
\c 146
\s Maadda S'oossaw Galataa
\q1
\v 1 Med'inaa Godaa galatite!
\b
\q2 Ta shemppattee Med'inaa Godaa galataa!
\q1
\v 2 Ta de'uwaa laytsaa ubbaan,
\q2 taani Med'inaa Godaa galatana;
\q2 taani de'eedda keenan ubbaan
\q2 ta S'oossaa sabbana.
\b
\q1
\v 3 Asay ashshanaw danddayenna diraw,
\q2 asaa kaappatuwaan ammanettoppite.
\q1
\v 4 Unttunttu shemppuu kesiyaa wode,
\q2 unttunttu biittaw simmiino;
\q2 unttunttu halchchuu ubbay
\q2 he gallassikka atti aggee.
\b
\q1
\v 5 Yaak'ooba S'oossay maaddiyaa uraynne
\q2 Med'inaa Godaa bare S'oossaa barew hidootaa ootsiyaa uray,
\q2 anjjetteeddawaa.
\q1
\v 6 Med'inaa Goday saluwaanne sa'aa,
\q2 wolk'k'aama abbaanne Aa giddon de'iyaawaa ubbaa,
\q2 med'd'eeddawaa;\x - \xo 146:6 \xo*\xt Kit. 4:24; 14:15\xt*\x*
\q2 I med'inawukka ammanettiyaawaa.
\q1
\v 7 I naak'etteeddawanttoo pirddiyaawaa;
\q2 koshateeddawanttoo k'umaa immiyaawaa.
\b
\q1 Med'inaa Goday k'ashetteeddawantta billee;
\q1
\v 8 Med'inaa Goday k'ook'etuwaa s'eelissee.
\q2 Med'inaa Goday kunddeeddawantta dentsee;
\q1 Med'inaa Goday s'illotuwaa siik'ee.
\q1
\v 9 Med'inaa Goday betetuwaa naagee.
\q2 Am"etuwaanne aawuu bayinna naanatuwaa maaddee;
\q2 shin iitatuwaa ogiyaa baletsee.
\q1
\v 10 Med'inaa Goday med'inaw kaatetee.
\q2 S'iyoonee, ne S'oossay,
\q2 yeletaappe yeletaa gakkanaw kaatetana.
\b
\q2 Med'inaa Godaa galatite!
\c 147
\s Ubbaa Danddayiyaa S'oossaw Shiik'iyaa Galataa
\q1
\v 1 Med'inaa Godaa galatite! Nu S'oossaa sabbiyaawe lo"a;
\q2 Aa sabbiyaawe nashechchiyaabaanne bessiyaawaa.
\b
\q1
\v 2 Med'inaa Goday Yerusaalame ooratsana;
\q2 Israa'eeliyaa asatuwaappe beteeddawanttakka shiishshana.
\q1
\v 3 Wozanay me"eeddawantta I patsee;
\q2 unttunttu madutsaakka I k'achchee.
\q1
\v 4 I s'oolinttetuwaa
\q2 unttunttu payduwaan eree;
\q2 unttuntta ubbaakka unttunttu suntsan suntsan s'eesee.
\q1
\v 5 Nu Goday wolk'k'aama; Aa wolk'k'ay dara;
\q2 Aa akeekay likkiyaappe aad'd'iyaawaa.
\q1
\v 6 Med'inaa Goday naak'etteeddawantta zemppissee;
\q2 shin iitatuwaa biittan duge olee.
\b
\q1
\v 7 Med'inaa Godaw galataa yetsaa yes's'ite;
\q2 nu S'oossaw diitsaa diis's'ite.
\q1
\v 8 I saluwaa shaariyaa kamee;
\q2 sa'aw iraa bukissee;
\q2 k'eeri deretuwaa bolla maataa mokissee.
\q1
\v 9 Mehetoonne waassiyaa k'uuruwaa maratoo,
\q2 miyaawaa I immee.
\q1
\v 10 I nashettiyaawe paratuwaa wolk'k'aaninne,
\q2 tooranchchatu minotetsan gidenna.
\q1
\v 11 Med'inaa Goday barew yayyiyaawanttuninne
\q2 aggena Aa siik'uwaan,
\q2 barenttu hidootaa wotseeddawanttun nashettee.
\q1
\v 12 Yerusaalame katamatee, Med'inaa Godaa galataa!
\q2 S'iyoonee, ne S'oossaa galataa!
\q1
\v 13 Ayaw gooppe, I,
\q2 ne penggiyaa kulbbatuwaa minisee;
\q2 ne giddon de'iyaa ne asaakka anjjee.
\q1
\v 14 I ne zawaa sarotetsaan naagee;
\q2 neena loytsi lo"iyaa zarggaa kalissee.
\q1
\v 15 I bare kiitaa sa'aw kiittee;
\q2 Aa k'aalaykka elle gakkee.
\q1
\v 16 I shachchaa bullukkuwaadan mic'c'ee;
\q2 ketterssaa bidintsaadan laalee.
\q1
\v 17 I bare wolk'k'aama shachchaa
\q2 shuchchaadan duge olee.
\q1 He meeguwaan ek'k'anaw ooninne danddayenna.
\q1
\v 18 I bare k'aalaa kiittiide,
\q2 shachchaa muushissee.
\q1 I c'arkkuwaa c'arkkissina, haatsay goggee.
\q1
\v 19 I bare k'aalaa Yaak'ooba zeretsaw,
\q2 bare awaayuwaanne pirddaa
\q1 Israa'eeliyaa asaw awaayee.
\q1
\v 20 I hara kawutetsaa asaw,
\q2 hawaa ootsibeenna;
\q2 unttunttu Aa pirddaa erikkino.
\b
\q2 Med'inaa Godaa galatite!
\c 148
\s Med'etay Ubbay S'oossaa Galato
\q1
\v 1 Med'inaa Godaa galatite!
\b
\q2 Salotuwaan de'iyaawanttoo, Med'inaa Godaa galatite;
\q2 bolla d'ok'k'an de'iyaawanttoo, Aa galatite.
\q1
\v 2 Hinttenoo, Aa kiitanchchatoo,
\q2 ubbatuu Aa galatite.
\q1 Saluwaan de'iyaa Aa olanchchatoo,
\q2 ubbatuu Aa galatite.
\q1
\v 3 Awaw, aginaw, Aa galatite;
\q2 poo'iyaa s'oolinttetoo, ubbatoo Aa galatite.
\q1
\v 4 Hinttenoo, ubbaappe bolla d'ok'k'an de'iyaa salotoo,
\q2 Aa galatite.
\q1 Saluwaappe bollaanna de'iyaa haatsatoo,
\q2 Aa galatite.
\q1
\v 5 Unttunttu ubbatuu Med'inaa Godaa suntsaa galatino;
\q2 ayaw gooppe, I azazina,
\q1 Unttunttu ubbaykka med'etteeddino.
\q1
\v 6 I unttuntta med'i med'inaw
\q2 unttunttu sa'aan sa'aan wotseedda.
\q1 Unttunttu ubbakka is's'anaw danddayenna azazuwaa I unttunttoo immeedda.
\b
\q1
\v 7 Sa'aan de'iyaawanttoo, Med'inaa Godaa galatite!
\q2 Abban de'iyaa med'etatoo, wolk'k'aama abbaa c'iimmatoo,
\q2 ubbatuukka Aa galatite.
\q1
\v 8 Hinttenoo, walk'k'antsaw,
\q2 shachchaw, shaariyaw, c'aaganaw,
\q1 Aa azazuwaa poliyaa gotiyaw,
\q2 Ubbatuukka Aa galatite.
\q1
\v 9 Hinttenoo, deretoo, zoozetoo,
\q2 Miyaa ayifiyaa ayifiyaa mitsatoo, zigatoo,
\q2 ubbatuukka Aa galatite.
\q1
\v 10 Mehetoo, do'atoo,
\q2 sa'aanna gooshettiyaa med'etatoo,
\q2 paalliyaa kafotoo,
\q2 Ubbatuukka Aa galatite.
\q1
\v 11 Sa'aa kaatetoo, kawutetsaa asatoo,
\q2 kaappatoo, asaa mooddiyaawanttoo,
\q1 Ubbatuukka Aa galatite.
\q1
\v 12 Wodallatoo, wodoratoo,
\q2 c'imatoo, naanaatoo,
\q1 Ubbatuukka Aa galatite!
\q1
\v 13 Unttunttu ubbatuu Med'inaa Godaa suntsaa galatino;
\q2 Ayaw gooppe, Aa suntsay ubbaappe bollaanna de'iyaawaa;
\q1 Aa bonchchuu salotuwaappekka sa'aappekka bollaanna d'ok'k'an de'ee.
\q1
\v 14 Aa bagga gidiyaa, aw matattiyaa Israa'eeliyaa asatuu,
\q2 Aa galatana mala, I unttuntta minisee.
\b
\q1 Med'inaa Godaa galatite!
\c 149
\s S'oonuwaa Mazimuriyaa
\q1
\v 1 Med'inaa Godaa galatite! Med'inaa Godaw ooratsa yetsaa yes's'ite!
\q2 Ammaniyaawanttu shiik'uwaan Aa sabbite!
\b
\q1
\v 2 Israa'eeliyaa asatuu
\q2 barentta med'd'eeddawaan nashetino.
\q1 S'iyoone asatuu barenttu kaatiyaan loytsi nashetino.
\q1
\v 3 Duriidde, karabuwaa bak'k'iiddenne,
\q2 diitsaa diis's'iidde, Aa suntsaa sabbino.
\q1
\v 4 Ayaw gooppe, S'oossay bare asan nashettee;
\q2 Naak'etteeddawanttoo s'oonuwaa immiide,
\q1 I unttuntta bonchchee.
\b
\q1
\v 5 Asatuu barenttu s'oonuwaan nashetino;
\q2 k'amman ubbaan nashshechchaw yes's'ino.
\q1
\v 6 Unttunttu doonaan S'oossaa galatay,
\q2 unttunttu kushiyankka laa"u bagga kuussa mashshay de'o.
\q1
\v 7 Hewekka, unttunttu kawutetsatoo,
\q2 haluwaa kessanaassanne asatuwaa muranaassa.
\q1
\v 8 Unttunttu kaatetuwaa sanssalatan,
\q2 unttunttu olaa gadaawatuwaakka birataan k'achchanaassanne,
\q1
\v 9 unttunttu bolla s'aafetteedda pirddaa polanaassa.
\q2 Hewe S'oossaa asatuwaa ubbaw s'oonuwaa.
\b
\q1 Med'inaa Godaa galatite!
\c 150
\s S'oossaa Galatite
\q1
\v 1 Med'inaa Godaa galatite!
\b
\q2 Aa geeshsha sa'aan S'oossaa galatite;
\q2 Aa wolk'k'aama saluwaan Aa galatite.
\q1
\v 2 Aa wolk'k'aama oosatuwaa diraw, Aa galatite;
\q2 ubbaappe aad'd'iyaa Aa gitatetsaadan Aa galatite.
\b
\q1
\v 3 Malakataa punniidde, Aa galatite;
\q2 Diitsaanne maasink'k'uwaa diis's'iidde,
\q1 Aa galatite.
\q1
\v 4 Darbbiyaa bak'k'iiddenne duriide,
\q2 Aa galatite;
\q1 Diitsaa diis's'iiddinne lookkuwaa punniidde, Aa galatite.
\q1
\v 5 Dawalaa k'aatsiidde, Aa galatite;
\q2 dawalaa shoc'iide, Aa galatite.
\b
\q1
\v 6 Pas'a shemppatuu ubbatuu,
\q2 Med'inaa Godaa galatino!
\b
\q1 Med'inaa Godaa galatite!