\id 3JN - Dawuro Full Bible Latin Version
\ide UTF-8
\h 3 Yohaannisa Kiitaa
\toc1 Yohaannisi S'aafeedda Heezentso Kiitaa
\toc2 3 Yohaannisa Kiitaa
\toc3 3 Yoh.
\mt1 Yohaannisi
\mt2 S'aafeedda Heezzentso Kiitaa
\imt Geluwaa
\ip Yohaannisa heezzentso kiitaa, Yesuusi kiitteedda ammaniyaa asaa kaaletsiyaa c'imaa Yohaannisi s'aafeedda. I s'aafeeddawekka Gaayoosa giyaa itti woosa golliyaa kaaletsiyaawaassa. S'aafii, Gaayoosi hara ammaniyaawantta maaddeedda diraw Aa galatee; hara baggana k'ay Diyootiraafisa geetettiyaa metuwaa med'd'iyaa bitaniyaappe naagettana mala akeekissee.
\iot Shemppatuwaa Ubbatoo Imetteedda K'antsa K'ofatuwaa
\io1 Geluwaa \ior 1-4\ior*
\io1 Gaayoosi galatettowaa \ior 5-8\ior*
\io1 Diyootiraafise naagettanaadan odettowaa \ior 9-10 \ior*
\io1 Dimes'iroosi galatettowaa \ior 11-12 \ior*
\io1 Wurssetsaa k'utiyaa \ior 13-15 \ior*
\c 1
\p
\v 1 Taani ammaniyaawantta kaaletsiyaa c'imay, tumu siik'iyaa ta siik'uwaa Gaayoosaw ha dabddaabbiyaa s'aafay.\x - \xo 1 \xo*\xt Kit. 19:29; Rom. 16:23; 1 K'or. 1:14\xt*\x* 
\v 2 Ta siik'oo, neeni S'oossaanna de'iyaa de'uu lo"a gidiyaawaa taani eriyaawaadan, neena ayaynne waayissenna malanne k'ay ne asatetsay pas'a gidana mala, S'oossaa woossay. 
\v 3 Ayaw gooppe, amareeda ishatuu yiide, ubbaa wode neeni tumatetsaan de'iyaawaanne ne tumatetsaabaa markkatteedda wode, taani daro nashettaaddi. 
\v 4 Ta naanay\f + \fr 4 \fr*\fq Ta naanay: \fq*\ft Godaa ammaniide kaalliyaawantta guussaa.\ft*\f* tumatetsaan de'iyaawaa sisiyaawaappe aad'd'iide, taana nashechchiyaabay baawa.
\s Gaayoosabaa Asay Markkattee
\p
\v 5 Ta siik'oo, nu ishatuu imatsaa gidooppekka, neeni unttunttoo ootsiyaa oosuwaa ubbaan ammanetteeda oosuwaa ootsaadda. 
\v 6 K'ay unttunttu ne siik'uwaabaa ammaniyaa asatoo markkatteeddino; unttunttu k'ans's'ennaan bare ogiyaa baana mala S'oossay dosiyaawaadan, neeni lo"obaa ootsaade unttuntta maaddaarikkii. 
\v 7 Ayaw gooppe, S'oossaa ammanennawanttuppe ayinne akkenaan, Kiristtoosa suntsaa diraw keseeddino. 
\v 8 Hewaa diraw, nuuni tumatetsaa unttunttunna ittippe ootsana mala, hawanttu mala asatuwaa maaddanaw bessee.
\s Diyootiraafise Seeretteedda; Dimes'iroosi Sabetteedda
\p
\v 9 Taani ammaniyaawanttoo, dabddaabbiyaa s'aafaad; shin unttunttu kaappuwaa gidanaw koyyiyaa Diyootiraafise nuuni giyaawaa akkena. 
\v 10 Hewaa diraw, taani yaa biyaa wode, I nu bollan haasayiyaa iita haasayaanne I ootseedda oosuwaa hinttenttoo odana; k'ay I hewe guus's'eedda giide, nu ishatuu yiyaa wode mokkenna; haray atto unttuntta mokkanaw koyyiyaawanttakka diggiide, ammaniyaawanttu giddoppe kessee.
\p
\v 11 Ta siik'oo, lo"obaappe attin, iitabaa malatoppa. Lo"obaa ootsiyaa ooninne S'oossaa asaa; shin iitabaa ootsiyaa ooninne S'oossaa erenna.
\p
\v 12 Dimes'iroosi lo"a gidiyaawaa Asay ubbay markkattee; tumatetsay bare huup'iyankka aabaa markkattee. Nuunikka k'ay aabaa markkatteetto; nu markkatetsay tuma gidiyaawaa hinttekka eriita.
\s Wurssetsaa Sarotaa
\p
\v 13 Taani new s'aafanaw koyyeedda darobay de'ee; shin warak'ataaninne k'alamiyaan s'aafanaw koyyikke. 
\v 14 Shin taani matan neenanna gakkettanaw k'oppay; he wode nuuni gakettiide haasayana.
\p
\v 15 Sarotetsay neenanna gido.
\p Ne dabbattuu neena saro saro yaagiino. Nu dabbatuwaa ubbaa unttunttu suntsaa suntsaa s'eesaade, taana saro saro geedda yaaga.