\id 2JN - Dawuro Full Bible Latin Version
\ide UTF-8
\h 2 Yohaannisa Kiitaa
\toc1 Yohaannisi S'aafeedda Laa'entso Kiitaa
\toc2 2 Yohaannisa Kiitaa
\toc3 2 Yoh.
\mt1 Yohaannisi
\mt2 S'aafeedda Laa'entso Kiitaa
\imt Geluwaa
\ip Yohaannisa laa'entso kiitaa, Yesuusi kiitteedda ammaniyaawantta kaaletsiyaa c'imaa Yohaannisi s'aafeedda. S'aafetteeddawekka, dooretteedda genniwunne izi naanatuwaassa. Izakka he wode de'iyaa ammaniyaa asaa shiik'uwaa bessaw. Ha k'antsa kiitay s'aafetteeddawe unttunttu ittuu ittuwaanna siik'ettanaadan hassayissanaassanne worddo asttamaaratuwaappenne unttunttu timirttiyaappe naagettanaadan k'ofissanaassa.
\iot Shemppatuwaa Ubbatoo Imetteedda K'antsa K'ofatuwaa
\io1 Geluwaa 1-3
\io1 Siik'uu ubbaappe bollaa 4-6
\io1 Worddo timirttiyaappe naagettanaadan odettowaa 7-11
\io1 Wurssetsaa k'utiyaa 12-13
\c 1
\p
\v 1-2 Taani ammaniyaawantta kaaletsiyaa c'imay, hinttenttoo, dooretteedda genniwunne izi naanaw\f + \fr 1-2 \fr*\fq Dooretteedda genniwunne izi naanaw: \fq*\ft Ooni eri hawe s'aafetteeddawe, woosa gollewunne izin de'iyaa Godaa kaalliyaa ammaniyaawanttoo gidennaan aggena. 13 s'eellite.\ft*\f* ha dabddaabbiyaa s'aafay; nu giddon de'iyaa k'ay nuunanna med'inaw de'ana tumatetsaa diraw, taani hinttena tumu siik'ay. K'ay ta s'alalaa gidennaan, tumatetsaa eriyaa ubbatuu hinttena siik'iino.
\p
\v 3 S'oossaa nu Aawuwaanne Aa Na'aa Yesuusi Kiristtoosa aad'd'o keekatetsay, maarotetsaynne sarotetsay tumatetsaaninne siik'uwaan nuunanna ittippe gido.
\s Tumuwaabaanne Siik'uwaabaa
\p
\v 4 S'oossaa Aawuu nuuna azazeeddawaadan, ne naanatuwaappe amareedawanttu, tumatetsaan de'iyaawaa be'aade taani daro nashettaaddi. 
\v 5 Siik'o gennee, ha"ikka nuuni ubbay ittuu ittuwaanna siik'ettana mala, taani neena woossay; ha azazuu kaseedeppe nuunanna de'iyaa azazuwaappe attin, taani new ooratsa azazuwaa s'aafikke.\x - \xo 5 \xo*\xt Yoh. 13:34; 15:12, 17\xt*\x* 
\v 6 Siik'uwaa giyaawe nuuni S'oossaa azazuwaa naagiidde de'iyaawaa giyaawaa. K'ay koyiruwaappe hintte siseeddawaadankka, Aa azazuu ayee gooppe, hintte ubbay siik'uwaan de'anawaa.
\p
\v 7 Ayaw gooppe, Yesuusi Kiristtoosi asaa gidiide yeeddawaa ammanokko giyaawanttu, baletsiyaa daro asatuu, gade giddo geleeddino. Hewaa mala uray ooninne asaa baletsiyaawaanne Kiristtoosa ek'ettiyaawaa. 
\v 8 Hintte ootseeddawoo kumentsaa woytaa akkanaappe attin, nuuni\f + \fr 8 \fr*\fq Nuuni: \fq*\ft Itti itti Geeshsha Mas'aafaa biletsay, «Hinttenttu» yaagee.\ft*\f* ootseeddawaa bayizzenna mala, hinttena naagite.
\p
\v 9 Kiristtoosa timirttiyaappe haakkiyaa urawunne k'ay Aa timirttiyaan de'enna uraw S'oossaanna ittippetetsay baawa. Kiristtoosa timirttiyaan de'iyaa uraw S'oossaa Aawuwaananne Aa Na'aanna ittippetetsay de'ee. 
\v 10 Ooninne hinttekko yiide, ha timirttiyaa ahennaan aggooppe, hintte golle Aa gelissoppite; sarokka gooppite. 
\v 11 Ayaw gooppe, Aa saro giyaa uray Aa iita oosuwaa aanana gishettee.
\s Wurssetsa Sarotaa
\p
\v 12 Taani hinttenttoo s'aafanaw koyyeedda darobay de'ee; shin warak'ataaninne k'alamiyaan s'aafanaw koyyabeykke; shin nu nashechchay polettana mala, hinttenanna doonaan haasayanaw hinttekko baana gaade k'oppay.
\p
\v 13 Siik'o gennee, S'oossay dooreedda ne michchati naanay neena saro saro yaagiino.